<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4644: lo tsA ba ye shes sdes mdzad pa'i bzang spyod kyi 'grel pa<br><table><tr><td>
<input type="button" onclick="location.href='tcompletep.php?id=N4644&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4644&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4644&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">shog/ /'phags pa dgongs pa nges par 'grel pa'i mdo'i rnam par bshad pa rdzogs so// // */ (/lo ts+tsha ba ye shes sdes mdzad pa'i bzang spyod kyi 'grel pa bzhi'i don bsdus nas brjed byad du byas pa/) byang chub sems dpa' kun tu bzang
 po dang/ 'phags pa 'jam dpal la phyag 'tshal lo/ /'phags pa bzang po spyod pa'i smon lam/ A tsarya ti ga nA gas mdzad pa dang/ shAkya mi ta dang/ bud+d+ha kI rti dang/ b+ha dra ba hasti kas mdzad pa rnam pa bzhi'i don dang/ 'phral du 'khan po dag las tho
 ba dang/ mdo sde las byung ba dang sbyar te bshad pa brda phrad sla ba brjed byang du byas pa/ kun tu bzang po'i smon lam 'am/ bzang po spyod pa'i smon lam zhes bya ba ni ming don dang 'thun pa yin te/ kun tu bzang po ni de bzhin gshegs pa la bya ste/
 bdag dang gzhan gyi don phun sum tshogs pas kun nas mdzes pas so/ /de'i spyod pa'i smon lam mo/ /yang spyod pa nyid ni kun tu bzang po ste/ kha na ma tho ba med cing skyon thams cad dang bral pas sangs rgyas dang byang chub sems dpa' i thams cad kyi smon lam yin pa'i
 phyir ro/ /thog mar thos pa'i dus na dge /bar du sems zhing bsgom pa'i dus na dge/ tha mar 'bras bu sangs rgyas pa'i dus na dge ste/ bzang ba'i phyir bzang po spyod pa'i smon lam zhes bya'o/ /yang na byang chub sems dpa' kun tu bzang po zhes bya ba rabs kyi mang
 po cig /spyod pa ste/ de'i spyod pa'i smon lam 'di lta bus sa dang pha rol tu phyin pa rnams bdag dang gzhan gyi don na phun sum tshogs par spyod pas bzang po spyod pa'i smon lam zhes bya'o/ /yang na bzang po spyod pa'i smon lam zhes mi sbyar gyi/ spyod pa bzang
 po'i smon lam zhes bya bar sbyar te/ spyod pa bzang po rab mchog gong du smos pa de thob par ma der smon par bya ba yin pas bzang po spyod pa'i smon lam zhes bya'o/ /de la phyag bya ba la sogs pa kha cig smon lam ma yin pa yang yod mod kyi phal
 cher smon lam yin pas smon lam mo/ /yang na phyag bya ba dang/ mchod pa dang/ sdig pa bshags pa dang/ bsod nams la rjes su yi rang ba dang/ chos kyi 'khor lo bskor bar bskul ba dang/ sems can gyi don mdzod cig ces bzhugs par gsol ba dang/ dge ba'i
 rtsa ba bla na med pa'i byang chub chen por yongs su bsngo ba'i byang chub kyi spyod pa de lta bu nyid bzang po ste/ smon par bya ba yin pa dang/ 'jug nas phan yon 'byung ba dang/ 'bras bu bzang po de lta bu 'dod cing smon par bya ba yin pas smon lam mo/ /de ltar snon las 'di ming
 don dang ldan pa yin no/ /'phags pa bzang po spyod pa'i smon lam la don bcus ston ste/ de bzhin gshegs pa la phyag bya ba dang/ de la mchod pa bya ba dang/ nyes ba bshags pa dang/ bsod nams la rjes su yi rang ba dang/ chos kyi 'khor lo bskor ba dang/ mya ngan las mi
 'da' bar bzhugs su gsol ba dang/ dge ba'i rtsa ba yongs su bsngo ba dang/ smon lam gyi rab tu dbye ba dang/ smon lam gyi mdza' dang/ smon lam gyi phan yon no/ /spyir ni sangs rgyas su grub pa man chad ngan song gsum skyes pa yan chad gnas mthon dman gang su skye ba'i dbang ni bdag
 la yod do/ /de yang rang gi sems bcos legs ma legs las 'gyur te/ sems chos legs nas dge ba la zhugs na ni sangs rgyas man chad du yang 'grug sems bcos ma legs te mi dge ba la zhugs na ni ngan song gsum du skye zhing ltung bas/ bdag bde legs su
 'dod cing gzhan la yang phan pa dang bde bar bya bar 'dod pas ni rang gi sems legs par bcos shing sbyang dgos so/ /de lta bas na ngan song gsum du mi ltung zhing rtag tu bde skyid las sangs rgyas su grub pa dang/ gzhan la phan gdags par 'dod pas thog mar ji ltar bya zhe na/
 dang por phyag bya ba'i 'os mchod pa'i gnas rnams la/ phyag bya ba dang mchod pa'i bsam pas sems sbyangs te/ sdig pa bshags la dge ba gzhan gyi snod du? rung bar bya'o/ /de ltar sems sbyang bar bya ba'i phyir phyag bya ba'i gnas sangs rgyas mngon sum du bzhugs pa dang/ sems
 kyis lhag par mang du dmigs te/ phyag bya bar thog mar gsungs so/ /de la de bzhin gshegs pa la phyag bya ba ni rnam pa bzhi ste/ lus dang ngag dang yid gsum car gyis phyag bya ba dang/ lus kyis phyag bya ba dang/ ngag gis phyag bya ba dang/ yid kyis phyag bya'o/ /de la dang po ni ji snyed su  
 dag phyogs bcu'i 'jig rten na/ /dus gsum gshegs pa mi yi seng ge kun/ /bdag gis ma lus de dag thams cad la/ /lus dang ngag yid dang bas phyag bgyi'o/ /zhes bya ba yin te/ ji snyed dam gang dag su dag phyogs 'ga' na bzhugs pa dang/ 'jig rten gyi khams 'ga' na
 bzhugs pa'i de bzhin gshegs pa 'ga' la phyag bya ba ma yin gyi/ phyogs bcu kun gyi 'jig rten gyi khams thams cad na bzhugs pa la phyag bya'o/ /'das pa dang da ltar dang ma 'ongs pa'i dus 'ba' zhig na bzhugs pa la phyag bya ba ma yin gyi/ dus gsum du gshegs
 pa la te/ 'das pa'i dus na sangs rgyas par gshegs par gyur pa dang/ da ltar gyi dus su sangs rgyas te gshegs pa dang/ ma 'ongs pa'i dus na sangs rgyas te gshegs par 'gyur ba'i sangs rgyas mi'i seng+ge gang dag ji snyed pa de dag ma lus pa thams cad la bdag lus
 btung cing tshig gis bstod la yid kyis dmigs gus pas phyag bya ba'o/ /mi'i seng ge zhes bya ba ni de bzhin gshegs pas dga' ldan gyi gnas nas sems can gyi don du mi'i lus su bstan pa dper na seng ges gcan zan dang ri dags thams cad zil gyis mnan te
 bag tsha ba med pa ltar/ de bzhin gshegs pas kyang bdud dang mu stegs can phyir rgol ba lha dang mi thams cad zil gyis mnan te su la yang bag tsha ba 'am/ bsnyengs pa mi mnga' ste/ mkhyen pa'i mthu'i yon tan thams cad kyis 'phags pa la bya'o/ /lus dang
 ngag yid dang bas zhes pa ni gzhan gyi yams la bya ba ma yin gyi/ bdag nyid dang bas sangs rgyas kyi sku la yid kyis sems shing dag gis bstod lus btud nas gus pas phyag 'tshal lo/ /gal te ci'i phyir mi'i seng ge mang? po
 de snyed la phyag bya zhe na/ yon tan phun sum tshogs pa mnga' ba dang phyag bya ba'i gnas su gyur pas gcig la phyag byas na yang bsod nams chen po thob na mang po la phyag byas na bsod nams chas mang du thob pas de'i phyir de dag thams cad la phyag
 bya'o/ /gnyis pa lus kyi phyag bya ba ni/ bzang po spyod pa'i smon lam stobs dag gis bya ba la sogs pa yin te/ lus kyis phyag bya ba'i tshul yang ji lta bu zhe na/ bzang po spyod pa'i smon lam ni byang chub sems dpa' kun tu bzang pos gsungs pa'i smon lam mo//
 stobs ni man ngag ste/ smon lam 'di las 'byung ba'i man ngag go /yang na bzang po spyod pa la smon pa'i stobs kyis phyag bya bar bshad de/ bzang po spyod pa ni gong du bshad zin to/ /der smon pa'i ni der sems 'dun pa'o/ /smon pa'i stobs kyis ni mi
 mthun pa'i phyogs rnam bar g.yeng ba spangs nas sems rtse gcig tu bya ba la zhugs par ro/ /rgyal ba thams cad yid kyi mngon sum du zhes pa ni nyon mongs pa'i sgra las rgyal ba'i sangs rgyas te/ yi dam sems kyis phyogs bcu dang dus gsum du gshegs pa'i sangs
 rgyas thams cad mngon sum du mthong ba dang 'dra bar dmigs so/ /zhing gi rdul snyed lus rab tu btung ba yis zhes bya ba ni rgyal ba de dag gis zhing thams cad kyi ji snyed yod pa de snyed du bdag gi lus mang por gyur par bsam pa'o/ /rgyal ba kun nas la rab tu phyag 'tshal lo zhes
 bya ba ni yid kyis mngon sum dang 'dra bar dmigs pa'i de dag thams cad la bdag gi lus de snyed du rab tu btung de phyag btsal bar bsam mo/ /rgyal ba zhes pa ni nyon mongs pa sgra las rgyal ba'i phyir dang/ /bdud las rgyal ba'i phyir dang/ sdig pa mi dge ba thams cad las rgyal
 ba ste/ bram ze nyer 'gro zhes pas khyod su zhig ces zhus pa dang lan du 'di skad ces bcom ldan 'das kyis bka' stsal pa/ sdig pa mi dge'i chos las nga rgyal te/ de'i phyir nyer 'gro nga ni rgyal ba yin zhig gsungs pa lta bu'o/ /'o na lus mang pos phyag byas pa
 la yon tan ci yod ce na/ lus mang pos phyag bya bar bsams shing mos pa na lus gcig gis phyag bya bar mos na yang bsod nams chen/ yang lus mang pos phyag bya bar mos pas lta bsod nams che bas de ltar mos par bya'o/ /gsum pa yid kyis phyag bya ba ni rdul
 gcig steng na rdul snyed sangs rgyas rnams/ sangs rgyas sras kyi dbus na bzhugs pa dag /ces bya ba ni rdul phra rab gcig gi ngos 'ba' zhig na sangs rgyas kyi zhing ma lus pa'i rdul snyed kyi sku tha mal pa'i tshad ma sha stag bzhugs par bsam par bya ste/ de yang sangs rgyas nyag
 gcig bzhugs par bsam par bya ba ma yin gyi/ sangs rgyas re re yang 'khor byang chub sems dpa' mang pos bskor te chos ston cing bzhugs par bsams te mos par bya'o/ /sangs rgyas zhes bya ba ni gti mug gi gnyid sangs pas na mi gnyid sangs pa bzhin zhes pa ste/ thams
 cad gsal ba la thugs su chud pa la bya'o/ /yang na blo'i pad+ma kha bye zhing rgyas pa bzhin zhes bya ste/ pad+ma rgyas pa ni kha de las rgyas pa med pa bzhin du mkhyen pa sangs rgyas te mi mkhyen pa rdul tsam yang mi mnga' bas na/ sangs pa dang rgyas pa dus gcig bsdus te sangs rgyas
 zhes bya'o/ /sras ni mos pa spyod pa'i sar chud pa yan chad de bzhin gshegs pa'i gdung rgyun mi 'chad par byed pa de dag la bya/ yang nas dang po bsnyed pa yan chad la bya ste/ 'phags pa sa bcu pa'i mdo las/ sa dang po thob pa'i byang chub sems dpa' rnams ni de bzhin gshegs pa'i
 rigs su skyes pa yin no zhes gsungs pa lta bu ste/ mdor na sangs rgyas kyi gsung man ngag las skyes pa'i sras zhes bya'o/ /gal te rdul gcig gi steng na sangs rgyas dang byang chub sems dpa' de rnyed shod bar ji ltar rung zhe na/ de ni sems kyis de ltar bsams shing de ltar mos par
 bya ba chos yin te rnal 'byor pa'i sems de ltar snang ba yin gyi/ phyi rol gyi rdul snyed ni ma yin te/ dper na rnal 'byor bas zad par sa dang/ zad par chu dang/ me dang/ rlung dang/ zad par sngon po dang/ ser po dang/ dmar po dang/ dkar po dang/ nam
 mkha' dang/ zad par rnam par shes par mos na yang de bzhin mthong ba dang 'dra ste/ chos thams cad yongs su grub pa'i rang bzhin ma yin pas ji ltar brtags pa de ltar snang ngo/ /rnal 'byor pa'i sems de ltar snang bas yang mnyam par ma bzhag pa'i sems de ma goms
 ba'i sems las ni de ltar snang du yang mi rung gi /mnyam par bzhag pa la goms pa la ni de lta bur mi rung ba med de/ bcom ldan 'das kyis bsam gyis mi khyab pa bzhi bka' stsal pa las/ rnal 'byor ba'i mthu bsam kyis mi khyab zhes gsungs pa lta bu'o/ /de
 la dpe ci yod zhe na/ dper na snod chung ngu'i nang du chu blug na de'i nang du nyi zla gza' skar la sogs pa'i gzugs chen po mang po snang du rung ba dang/ yang sgyu ma mkhan gyi rgyu rkyen chung ngu las mi rta la sogs pa'i gzugs chen po mang po sprul te ston pa dang/ rmi lam
 na gnas chung ngu dog pa'i nang gzugs chen po snang ba 'byung ba dang 'dra ste mi rung ba med do/ /de ltar mos pas ci zhig bya zhe na/ de bzhin gshegs pa'i mthu phun sum tshogs pa mang po la dmigs pa'i sgo nas bsod nams mang du 'phel bas de ltar dgos so/ /rdul
 cig gi steng na ji lta ba bzhin du rdul thams cad kyi steng du yang de dang 'dra bar bsam pa'i phyir/ de ltar chos kyi dbyings rnams ma lus par/ thams cad rgyal ba dag gis gang bar mos zhes ba ste/ de ltar zhes bya ba ni rdul cig la ji lta ba de ltar ro/ /chos nyid ces bya ba ni de
 bzhin nyid/ dbyings zhes ba ni 'byung gnas te/ de bzhin nyid la dmigs nas sangs rgyas kyi yon tan gyi chos rnams 'byung bas chos nyid kyi chos kyi dbyings te/ chos kyi dbyings kyis klad pa nam mkha' i khams kyi mdza' gtugs pa ma lus pa'i rdul phra rab re re'i steng na rgyal
 ba 'khor dang bcas pa de snyed gzhugs par bsam zhing mos pa sems sbyang bar bya'o/ /bzhi pa dag gis phyag bya ba ni/ de dag sngags pa mi zad rgya mtsho rnams zhes pa ni/ rgyal ba de dag gis bsngags pa ni/ dus gsum kun tu gshegs pa nyid dmos pa bsam nas rdul cig gi
 steng du rdul snyed bzhugs pa la/ rdul re re'i steng na yang de nyid bzhugs par mos pa'i rgyal ba de dag thams cad kyi bsngags pa ni snyan par bstod pa'o/ /mi zad rgya mtsho zhes pa ni bsngags pa zad mi shes pa ste/ rgya mtsho mang ba ltar bsngags pa mang po zad mi shes pa'o/ /dbyangs kyi
 yan lag zhes pa ni/ dbyangs sam tshig 'byung byung ba'i rgyu ni lce yin te/ de yang khungs ni phung po gsum pa'i mdo las/ de bzhin gshegs pa re re la lus thob pa'i 'gro ba thams cad kyi sems ji snyed kyis zhabs kyi 'og tu gtugs te phyag bya/ lus thob pa re la yang
 lce'i rtse mo phra rab mgo gang gis lam nges pa'i tshig de snyed lhag par mos so/ /mgo re re la yang kha'i sgo zhing thams cad kyi rdul phra rab kyi dbye ba nam du lhag par mos so/ /kha'i sgo re re la yang zhing thams cad kyi rdul phra rab snyed du lhag par mos so zhes 'byung ba yin te lce
 de snyed du mos pa yin no/ /rgya mtsho zhes pa ni mang pa'i grangs mtsho yas pa la bya ste/ gling gzhi pa bye ba phrag brgya la stong gsum gyi steng chen po'i 'jig rten gyi khams so/ /de gcig tu brtsis la bye ba phrag brgya la 'jig rten khams rab 'byam gcig go /de bye ba brag
 brgya la mtsho yes cig go /zhes bya ba dang 'jig rten gyi khams kyi go rim las kyang/ gcig bcu brgya stong khri 'bums la bya ba dung phyur ther 'bum shug dog mchog nyal kyang 'phyes bye ma nub nub mtsho yas zhes bya ba la sogs pa 'byung bas grangs kyi ming la bya
 ste sgra skad 'byung ba'i lce mang po mtsho yas snyed do/ /yang na rgya mtsho ni grangs dang mi sbyar gyi/ mtsho nyid la yang byar rung ste/ dper na rgya mtsho rgya che gting zab pa ltar/ sgra skad 'byung ba'i lce yang mang ba la bya'o/ /'og nas rgya mtsho 'byung ba rnams kyang 'di dang 'dra par
 bshad par bya'o/ /sgra skad kyis zhes pa gong ma lta bu'i lce mang po de dag las 'byung ba'i sgra skad thams cad kyis so/ /rgyal ba kun gyi zhes pa ni dus gsum gshegs pa'i rgyal ba nyid dang/ mos par bsams nas rdul snyed bzhugs pa de lta bu'i
 rdul re re la yang de snyed bzhugs par mos pa'i rgyal ba de dag thams cad kyi bsngags pa ni snyad par bstod pa'o/ /yon tan ni yang dang yang du bzlas par bya/ nyams su blangs par bya ba ste/ byang chub tu sems bskyed pa nas byang chub kyi spyod pa rlabs po che mi zad pa'i yon
 tan dang sangs rgyas su grub pa la mnga' ba'i yon tan dang tshul khrims kyi phung po dang ting nge 'dzin gyi phung po dang/ shes rab kyi phung po dang/ rnam par grol ba'i phung po dang/ rnam par grol ba'i ye shes? mthong ba'i phung po dang stobs bcu dang/ mi 'jigs pa bzhi dang/
 so so yang dag par rig pa bzhi dang/ sangs rgyas kyi chos ma 'dres pa bco brgyad la sogs pa'o/ /bde bar gshegs pa thams cad bdag gis bstod zhes bya ba ni mdzes par gshegs pas na 'ang legs par gshegs pa ste dper na gzugs bzang pa la gzugs
 legs zhes bya ba lta bu'o/ /yang na las dang nyon mongs pa'i dbang gis 'khor bar slar mi ldog par gshegs pa ste/ dper na rims nad legs par byang ba bzhin no/ /yang na bgrod par bya ba mthar phyin par gshegs pa ste/ dper na snod legs par gang
 ba bzhin no/ /yang na bcom ldan 'das bde bar gyur cing mtho ris kyi bde ba dang ldan pa gnod pa mi mnga' zhing gnod pa med pa'i chos dang ldan pas na bde bar gshegs pa'am/ bde bar brnyed pa zhes bya ste/ bde bar gshegs pa de la bstod par bgyi'o/ /de
 ni spyi'i don gnyis pa mchod pa ston te/ de la gnyis te/ bla na yod pa dang/ bla na med pa'o/ /de la bla na yod pa ni me tog dam pa phreng ba dam pa dang zhes bya ba la sogs pa tshigs su bcad pa gnyis kyis ston te/ me tog dam pa ni lha yul man chad kyis
 'jig rten na me tog dngos su yod pa ji snyed pa dang/ kun gyi mchog go /mchod pa 'og ma rnams kyi dam pa yang 'di las shes par bya'o/ /'phreng ba dam pa ni me tog sna tshogs brgyus pa dang/ sna tshogs spel te brgyus pa'i mchog go /yang na rin po che sna tshogs kyis phreng ba brgyus
 pa'i dam pa'o/ /me tog dang phreng ba yang mi tog tha mal pa 'ba' zhig la bya bar ma zad kyis brdungs pa dang blugs pa dang/ ri mor bris pa dang/ dras pa la sogs pa'i bcos ma rnams la yang bya'o zhes 'chad do gsil snyan ni rol mo la bya ste/ rgyud can dang bud pa dang/ brdung zhing
 dgrol ba thams cad de/ de dag kyang snyan pa'i phul du phyin pa sha stag go /byug pa ni spos dri zhim pa'i 'di? gus lus la byugs pa ste/ de yang mchog tu phyin pa'o/ /gdugs mchog ni gdugs kyi rnam pa ji snyed yod pa'i mchog go /mar me mchog ni spos mar la sogs pa dri zhim
 'od gsal bya'i nor bu'i 'od che zhing rin po che lta bu'o bdug spos dam pa ni bdug spos sbyar ma 'am/ sna cig tu yang rung ste/ mchog tu phyin pa'o/ /na bza' dam pa ni gos thams cad kyi mchog ka tsal ni di ka la sogs pa rin thang dpag tu med pa la sogs pa'o/ /dri mchog
 ni spos chu len chab du gsol ba 'am/ spos chus chag chag tu btab pa'i dam pa a ka ru dang/ du ru ka dang/ na la na dang/ so'u gande la sogs pa'o/ /phye ma'i phur ma ri rab mnyam pa dang/ zhes pa ni rnam pa gnyis su bshad do gcig tu na spos dri zhim pa sna tshogs kyi phye
 ma gtor zhing gang ba ru rung ba thum por bya ste/ bzhag pa'i rim pa rgya cher khengs pa dang/ brtsigs pa'i 'phangs mtho ba ri rab kyi gtos dang mnyam pa tsam yod pa'o/ /yang na dkyil 'khor bris pa'i mtshon phye spel ba'i rim pa'i rgya dang/ rdam ri rab kyi bltos
 dang 'phangs tsam yod pa la bya'o/ /de la phye ma'i mchog ni tshon bzang ba dang dri zhim pa dang ri rab dang mnyan pa'o/ /bkod pa'i khyad par 'phags pa'i mchog kun gyi zhes pa ni rnam pa mang du 'dren te/ phal che ba la yang bya/ brgyan pa la yang bya/ sna tshogs pa la yang
 bya'o/ /'di ni gsum char la yang sbyar zhing gong du smos pa rnams la bsnyag tu yang rung ste/ me tog dang phreng ba dang/ rol mo'i sgra yang byug pa dang/ bdug spos la sogs pa phal che ba dang/ de dag gi legs par brgyan pa dang/ rnam
 grangs mang po'o/ /yang sna tshogs zhes bya ba 'ba' zhig dang sbyar du rung ste 'dir mchod pa'i yo byad ming gis smos pa dang/ ming gis ma smos pa'i zhal zas sna tshogs dang/ gzims cha dang/ stan dang pho brang khang pa sna tshogs dang/ bkram pa dang sbyar ba dang/
 bzang po sna tshogs lha dang mi dang klu dang dri za dang/ mi 'am ci la sogs pa'i yul na yod pa'i mchog dam pa rnams la bya'o/ /rgyal ba de dag la ni mchod par bgyi/ /zhes pa ni gong du smos pa'i mchod pa thams cad kyis phyogs bcu dag na dus gsum gshegs
 pa'am bzhugs pa'i khyad par rnams dang/ chos kyi dbyings kyis klas pa nam mkha' i mdza' gtugs pa'i khyon ni rdul phra rab re re steng na yang sangs rgyas kyi zhing thams cad kyi rdul snyed kyi rgyal ba byang chub sems dpa' bzhugs par bsams pa de dag thams cad la mchod
 par mos par bya ba yin te/ mchod pa bla na yod pa 'di ni 'jig rten pa yin no/ /gnyis pa mchod pa bla na med pa ni/ mchod pa gang rnams bla med rgya che ba zhes bya ba ni yin te/ bla na med pa lha yul man chad kyi de dag las khyad par du 'phags pa dpe zla med
 pa ste/ byang chub sems dpa' mthu can rnams kyis mchod pa bzang rgur sprul pa'o/ /rgya che ba ni 'jig rten gyi khams mang por khyab cing rgyas pa'o/ /mdo sde las mchod pa sna tshogs bla na med pa mchod pa rgya che ba dag pa thos shing mthong ba lta bu dag dang/ bdag
 nyid kyi sems kyis ci nus kyi mchod pa'i yo byad rnams kyi sangs rgyas kyi zhing mang por rgyas par bkang ste mchod pa bya bar bsam mo/ /de dag rgyal ba thams cad la yang mos zhes pa ni mchod pa bla na med pa'i dpe dang lhag pa med pa de dag gi gong du smos pa'i
 rgyal ba thams cad la yang dang pa dang/ shes rab ldan pa'i sems kyis mchod pa bsam pa la bya'o/ /yang na mchod pa bla na med pa'i yo byad 'phags pa de bzhin gshegs pa'i gsang bstan pa'i mdo las 'byung ba 'di lta bu la yang bya ste/ de nas bcom ldan 'das
 kyis tshangs pa gtsug 'phan la bka' stsal pa/ tshangs pa gsum po 'di dag ni de bzhin gshegs pa la mchod pa dang/ rim go bya ba bla na med pa'o/ /mchod pa'i las bla na med pa'i bsod nams tshad med pa 'byung ba'o/ /gsum gang zhe na/ bla na med pa yang dag par
 rdzogs pa'i byang chub sems bskyed pa dang/ de bzhin gshegs pa rnams kyi chos 'dzin pa dang/ ji ltar thos pa'i chos rnams de bzhin du sgrub pa ste/ tshangs pa de bzhin gshegs pa la mchod pa dang rim gro bya ba dang/ bla na med pa'i mchod pa byed 'dod pas mchod pa'i
 dngos po 'di dag gis mchod par bya ba yin no zhes gsungs pa lta bu'o/ /bzang po spyod pa'i smon lam stobs dag gis zhes pa ni/ steng 'og gnyis par sbyar te/ bzang po spyod la dad pa'i stobs kyi/ mchod pa bla na med pa rgya chen pos rgyal ba rnams la mchod par bya'o
 zhes bya bar yang sbyar ro/ /'og ma rgyal ba kun la phyag 'tshal mchod par bgyi zhes dang yang sbyar te/ bzang po spyod pa la dad cing mos pa'i stobs kyis bzang po spyod pa'i man ngag bzhin du/ gong du smos pa'i phyag bya ba rnam pa bzhi dang/ mchod pa rnam pa gnyis kyis
 rgyal ba thams cad la phyag 'tshal lo/ /mchod do zhes tshig gong ma rnams kyi mjug sdud pa yin no/ /spyi don gsum pa nyes dmigs bshags pa ni/ 'dod chags zhe sdang gti mug dbang gis na zhes pa la sogs pa la shlo ka gcig gis ston te de yang bzhi nyes pa'i rgyu dang/ bzhi dang/
 rang bzhin dang/ spyi dang/ rnam pa bzhi'i sgo nas bshags pa bya'o/ /de la nyes pa'i 'dod chags zhe sdang gti mug go /nyes pa'i gzhi ni lus dang ngag dang de bzhin yid kyis so/ /nyes pa'i rang bzhin ni sdig pa dag gis bgyis pa ci mchis pa zhes pa ste/ tshe 'di dang tshe rabs
 gzhan rnams su bdag gis sdig pa mi dge ba'i las byas pa rnams so/ /nyes pa'i spyi ni mchis zhes pa ste/ bdag nyid kyis byas pa dang gzhan byed du bcug pa dang/ gzhan dag sdig pa byed pa mthong na dga' ba dang rjes su yi rang ba la bya ste/ 'dod chags
 zhe sdang gti mug dbang gis lus dang ngag dang yid kyi sgo nas/ sdig pa bdag gis byas pa dang/ byed du bcug pa la rjes su yi rang ba ci yod pa de dag thams cad 'gyod pa dang mi dga' zhing gnod bkur pa'i sems kyis bshags par bya ste/ gong du bde bar gshegs
 pa la bstod pa'i skabs nas 'byung ba bzhin du/ sangs rgyas dang byang chub sems dpa' mang po'i spyan sngar bdag gis lus mang por 'dug la/ mgo dang lce mang pos skad cig re re la yang sdig pa bshags par bsam zheng mthol ba dang bshegs par bya'o/ /de bzhin du
 zhes pa ni sngon du yid dang mi sbyar gyi nyes pa ci dang ji ltar byas pa de dag de bzhin du bshags so zhes sbyar ro/ /de la rgol te/ nyes pa ma bshags na nyes pa ci yod bshags pa la rogs pa ci yod zhe na/ dgos te sdig pa la mi 'dzem par spyod cing mi mthol mi
 bshags pa la rung bar 'dzin na rgyun du 'phel te/ sems kyi rgyud la zhen pas 'khor ba nas 'khor ba'i mchog /lha dang mir skye ba yang shin tu dka' na/ 'khor ba las thar bar lta ga la 'gyur/ sdig pa bshags pa yang nyes pa la nyes par mthong na mi dga' 
 ste/ 'gyod cing bshags na/ snga ma'i rgyun mi 'phel zhing byang bar 'gyur la/ mi dga' zhing ldog na 'dzem zhing ldog par 'gyur te/ phyis mi byed par 'gyur zhing/ mi sog pas mi dge ba rgyun 'chad par 'gyur te/ 'phags pa byams pa seng+ge sgra chen po'i mdo
 las bcom ldan 'das kyis bka' stsal pa/ ngas ni sngon byas pa'i sdig pa'i las zad par bya ba'i phyir phung po gsum pa'i chos kyi rnam grangs bstan pa yin te/ de la mi blun po dag ni lhag par ltung ba mngon par 'du bya ba mngon par 'du byas nas nyes pa bshags shing
 spyad pa tsam gyis dag par 'gyur ba sems shing/ phyin chad sdom par ni mi byed do zhes gsungs so/ /de lta bas na sdig pa'i las sngon byas pa bshags pas spyad/ phyi ma ni sdom shing mi byed pas rgyun 'chad do/ /sdig pa bshags pa ni bar skabs gang du yang rung ste
 phung po gsum po'i mdo sde dang/ las kyi sgrib pa rgyun gcod pa la sogs pa'i mdo klag go /yang na sku gsung thugs kyi spyan sngar nyes pa ci byas pa dmigs kyis bshags par bya'o/ /da ni spyi don bzhi pa bsod nams kyi rjes su yi rang ba ni/ phyogs bcu'i rgyal
 ba kun dang sangs rgyas sras zhes pa ni/ phyogs bcu'i 'jig rten gyi khams na rgyal ba sangs rgyas sras rnam pa gsum dang bcas pa gong du phyag bya ba'i skabs su bshad pa dang 'dra'o/ /rang rgyal rnams dang zhes ni rang sangs rgyas te/ bdag nyid zhi bar bya ba dang/ bdag nyid dul bar bya ba'i
 phyir nyon mongs pa las 'byung ba'i sdig pa mi dge ba'i chos rnams las rgyal ba'o/ /slob pa 'phags pa rgyan du zhugs pa la sogs pa'i gang zag bdun te/ da dung bslab pa'i mthar phyin par bya ba yod pa'o/ /mi slob pa ni 'phags pa dgra bcom pa'i 'bras bu ste/
 rang gi bya ba mthar byin cing dgra bcom pa zag pa zad pa bya ba byas pa 'di la srid pa gzhan med do zhes zer ba lta bu/ 'gro ba rnams kyi bsod nams gang la yang zhes pa ni/ 'gro ba zhes bya ba'i sgra ni ma lus pa la snyegs te/ rigs lnga la bya'o/ /rnams dang kun
 'dra ste thams cad la bya ste/ dus gsum gyi sems can kun dang/ dus gsum gyi slob pa dang/ mi slob pa dang rang sangs rgyas dang byang chub sems dpa' dang/ sangs rgyas kyi bsod nams la rjes su yi rang bar bya ste/ gzhan gyi dge ba byas pa la bdag gis dga' bar bsams pas bdag
 gis thob ces bya bar bstan to/ /de ltar byas na dge ba byed pa yang snying thag pa nas byas na bsod nams che'o/ /bsam pa 'bring na bsod nams 'bring ngo/ /bsam 'chung na bsod nams chung ngo/ /rjes su yid rang bar byed pa yang de dang 'dra ste/ bdag gis byar snying
 nas mi nus mi 'byor na/ gzhan byed pa la bsam pa thag pas rjes su yi rang ba nas byas na bsod nams che bar 'gyur ba yang yod do/ /de bzhin du bsam pa 'bring dang chung ngus yi rang bas bsod nams mnyam pa dang/ chung ngur 'gyur pa
 yang yod do/ /de ltar gzhan gyis dge ba byas pa la bri ba yang med la/ bdag gis cher thog tu rung bas/ rtag tu bsod nams la rjes su yi rang bar bya ste/ skad cig re re la yang 'byang zhing dge ba'i tshogs su bsdu'o// //de ni spyi don lnga pa de bzhin gshegs
 pa la chos kyi 'khor lo bskor bar bskul ba'i bsam pa sems sbyang ba ni gang rnams phyogs bcu'i 'jig rten sgron ma dag ces pa la spyi don du phyogs bcu'i 'jig rten gyi khams kyi sgron ma bla na med pa'i byang chub khyad par can mngon par thugs su
 chud nas chags shing thogs pa mi mnga' ba'i ye shes brnyes te/ sems can mgon med pa rnams kyi mgon mdzad pa gang yin pa de dag thams cad la bdag gis chos kyi 'khor lo bla na med par bskor bar bskul te/ chos bshad par gsol ba gdab bo/ /der gal?
 te/ dus gsum gyi sangs rgyas gang la gsol ba gdab ce na/ 'das pa dang da ltar gyi kha cig la ni gzhan gyis gsol ba btab zin pas de dag la gdab par mi bya'o/ /'o na gang la gdab ce na/ gang dag sdod do sangs rgyas shing mi gsung ba'i sa la bzhugs
 pa rnams la gsol ba gdab dgos pa dang sbyar ro/ /tshig 'bru bshad nas gang rnams zhes pa ni da ltar gyi dus na sangs rgyas ma thag pa dang/ ma 'ongs pa'i dus kyi sangs rgyas rnams kyi spyir snyigs so/ /'jig rten sgron ma zhes pa ni sku las 'od zer 'gyed cing mun pa sel
 ba dang/ 'phags pa'i lam yan lag brgyad pa la sogs pa'i chos bstan pa'i gsung gi 'od zer gyis/ sems can gyi mi shes pa mun nag sel ba ste/ snod kyi 'jig rten gyi dang/ sems can gyi 'jig rten gnyis ka la snang ba mdzad pas de'i phyir sangs rgyas bcom ldan 'das
 kyi mdzad pa bcu gnyis la sogs pa rnams ni/ 'jig rten gyi sgron ma zhes bya'o/ /yang na 'jig rten na gang zag dang chos la gdag tu lta ba sel bar mdzad pas na yang de skad do/ /byang chub ces pa ni spangs pa phun sum tshogs pa dang/ ye shes phun sum tshogs
 pa'o/ /de spangs pa ni rnam pa gnyis te/ nyon mongs pa'i sgrib pa spangs pa dang/ shes bya'i sgrib pa spangs pa'o/ /ye shes kyang rnam pa gnyis te/ thams cad mkhyen pa dang/ thogs pa med pa'o/ /mdor na ye shes bla na med pa la bya'o/ /byang chub rim par sangs rgyas ma chags
 brnyes zhes pa la ni/ bla na med pa'i byang chub rim par ram/ sa bcu dag las rnam par sangs rgyas pa ni dang po byang chub mchog tu thugs bskyed pa nas/ mngon par rdzogs par sangs rgyas te/ mya ngan las ma 'das kyi bar du mdzad pa bcu gnyis la sogs pa rim gyi mdzad
 nas/ bla na med par byang chub kyi gter chen po brnyes pa la bya'o/ /ma chags zhes pa ni da ltar gter bsnyes kyang de la so so'i skye bo ltar chags shing zhen pa mi mnga' bas ma chags brnyes zhes bya'o/ /mgon po de dag bdag gis thams cad la zhes pa la/
 mgon ni sems can thams cad kyi skyabs dang dpung gnyen to/ sangs rgyas bcom ldan 'das rnams ni sems can skye ba dang/ rgas pa dang na ba dang/ 'chi ba la sogs pa'i sdug bsngal rnams kyis nyen pa mgon dang skyabs med pa rnams la 'phral dang yul du phan pa dang/ bde bar 'gyur
 ba'i mgon mdzad pa'o/ /'khor lo bla na med pa bskor bar bskul zhes pa la/ 'khor lo ni dper na shing rta'i 'phang lo 'dril zhing 'gro ba la yang 'khor lo 'gro ba dang 'dra bar chos ston pa dang/ pha rol nyan pa ngag gi rgyud la yang dag pa'i don go bar byed
 pa'o/ /bla na med pa zhes pa ni/ 'dra ba 'am gong na med pa'o/ /bskor ba zhes pa ni chos bshad pa ste/ gzhan gyi sems la go bar byed pa'o/ /skul ba ni chos bshad du skul dgos pas/ sangs rgyas mngon sum dang 'dra bar dmigs te/ bdag nyid kyang thos pa dang/ gzhan
 la yang phan gdags pa'i phyir/ ngag dang yid kyi gus pas chos bshad du gsol gdab bo/ /rgyal ba sangs rgyas la ni mi mkhyen pa'am/ mi gzigs pa 'am zang zing la chags pa dang thugs rje mi mnga' ba ma yin pas sku la ci dgos
 she na/ chos btsun pa dang chos la gus shing rag lus par bya ba'i phyir bskul ba la bzhes so de'i phyir bskul dgos so// //da ni spyi don drug pa mya ngan las mi 'da' bar bzhugs su gsol ba ni/ mya ngan 'das stong gang bzhed de dag la/
 'gro ba kun la phan zhing bde ba'i phyir/ /bskal pa zhing gi rdul snyed bzhugs pa yang/ /bdag gi thal mo rab sbyar gsol bar bgyi zhes pa ste/ yang dag par na sangs rgyas yongs su mya ngan las mi 'da' mod kyi/ mya ngan las 'da' bar bstan pas 'dul
 ba rnams la da lta bur ston par bzhed pas/ de dag la bzhugs par gsol ba gdab bo/ /su'i don du gsol ba gdab ce na/ 'gro ba kun la sman pa dang bde ba'i slad du zhes bya ste/ sems can ma lus pa'i don mdzad cing bzhugs par gsol lo//
 don ci 'dra bar zhe na/ 'phral du phan pa dang/ yun du bde ba ste/ dngos su na mya ngan las 'das pa'o/ /bde ba ni mngon par mtho ba ste/ mtho ris dang dbang phyug la sogs pa ni 'phral du bde ba'o/ /don de gnyis gang gi yon tan la zhe na/ de bzhin gshegs
 pa la bzhugs par mthong ba'o/ /des gsungs pa'i chos thos pa las grub pas/ de'i phyir mya ngan las mi 'da' bar bzhugs par gsol ba gdab bo/ /de ltar bzhugs pa de dus ji srid du gsol ba gdab ce na/ dus gsum du bzhugs pa'i sangs rgyas?
 kyi zhing thams cad rdul phra rab kyi rdul snyed kyi bskal par bzhugs su gsol bar bsam mo/ /de lta bu thams cad de ji lta bur gsol ba gdab ce na/ sangs rgyas de dag gi spyan sngar bdag pus mo btsugs thal mo sbyar te/ gus par gsol ba 'debs par
 bsam mo// //spyi don bdun pa dge ba'i rtsa ba yongs su bsngo ba ni/ phyag 'tshal ba dang mchod cing bshags pa dang/ /rjes su yi rang bskul zhing gsol ba yi/ /dge ba cung zad bdag gis ci bsags pa/ /thams cad bdag gis byang chub phyir bsngo'o zhes bya ste/ gong
 du smos pa'i sangs rgyas dang byang chub sems dpa' 'khor dang bcas pa mang po la lus dang ngag dang yid kyis phyag byas pa dang/ de dag la mchod pa'i yo byad sna tshogs kyi mchod pa dang/ de dag gi spyan sdang sdig pa bshags pa dang/ 'phags pa dang 'phags pa
 ma yin pa thams cad kyis bsod nams la rjes su yi rang ba dang/ chos kyi 'khor lo bskor bar bskul bar bsam pa dang/ mya ngan las mi 'da' bar bzhugs par gsol ba gdab pa'i bsam pa'i sgo nas bdag gis dge ba ci bsags pa de dag thams cad bdag
 dang sems can thams cad thun mong du byas nas bla na med pa yang dag par rdzogs pa'i byang chub tu yongs su bsngo ste/ dge ba 'dis bdag dang sems can thams cad bla na med pa'i byang chub grub par shog cig ces smon lam gdag go /gal te ma sngos na de gang nas zad par 'gyur ro//
 nyan thos dang sangs rgyas su bsngos na ni phung po lhag ma med pa'i mya ngan las 'das pa'i dbyings su zad par 'gyur ro/ /'o na ji ltar bsngo zhe na/ bla na med pa'i byang chub chen por bsngo ste/ nam sangs rgyas su ma gyur gyi bar du yang mi'i bde snga gyi zhor la thob cing/ sangs rgyas
 nas mi gnas pa'i mya ngan las 'das pa la bzhugs te/ mthar thug pa med par sems can gyi don lhun gyis grub par mdzad pas/ bsod nams kyi 'bras bu nam yang zad par mi 'gyur ro// //spyi don brgyad pa smon lam gyi bar du dbye ba la don
 bcu drug ste/ bsam pa byang chub kyi sems mi brjed par bya ba dang/ mi chags par sbyor ba dang sems can la phan gdags pa dang/ go cha bgo ba dang/ byang chub sems dpa' i skal ba 'thun pa dang 'grogs par bya ba dang/ dge ba'i bshes gnyen mgu bar bya ba dang//
 de bzhin gshegs pa mngon sum du bya ba dang/ dam pa'i chos yongs su gzung ba dang/ mi zad pa'i mdzod brnyes pa dang/ 'jug pa dang/ stobs dang/ gnyen po dang/ las dang/ rjes su slob par yongs su bsngo ba dang/ 'jug bsdu ba'o/ /de las
 dang po bsam pa la bzhi ste/ de bzhin gshegs pa la mchod par bsam pa dang/ dgongs pa yongs su bskang bar bsam pa dang/ sangs rgyas kyi zhing yongs su dag par bsam pa dang/ sems can thams cad la phan gdags pa dang/ bde bar bsam pa'o/ /de bzhin
 gshegs pa la mchod par bsam pa dang/ dgongs pa yongs su bskang bar bsam pa ni/ 'das pa'i sangs rgyas rnams dang phyogs bcu yi/ /'jig rten dag na gang bzhugs mchod par 'gyur/ /gang yang ma byon de dag rab myur bar/ /bsam rdzogs byang
 chub rim par sangs rgyas sbyon zhes pas ston te/ tshigs rkang gong ma gnyis kyis ni 'das pa'i dus na sngar sangs rgyas te yongs su mya ngan las 'das pa dang/ da ltar phyogs bcu'i 'jig rten gyi khams sna tshogs dag na sangs rgyas nas sems can gyi don mdzad
 cing bzhugs pa rnams la mchod pa bla na med pa rnam pa gnyis gong du smos pa lta bus mchod par bya ba'i bsam pa bstan to/ /tshigs rkang 'og ma gnyis kyis ni gang dag ma byon pa rnams kyi so so'i dgongs pa rnams yongs su rdzogs nas rkyen du
 grub te/ myur du mngon par rdzogs par 'tshang rgya bar gyur cig ces smos pa ste/ de ltar de bzhin gshegs pa'i dgongs pa yongs su bskang bar bsam pas/ bsam pa sbyang ba bstan to// //sangs rgyas kyi zhing yongs su dag par bya ba ni/ phyogs bcu gam ga'i
 zhing rnams ji snyed pa/ /de dag rgya cher yongs su dag par gyur/ byang chub shing dbang drung gshegs rgyal ba dang/ /sangs rgyas sras kyis rab tu gang bar shog ces pa ste/ phyogs bcu dag na sangs rgyas kyi zhing tha dad pa ji snyed yod pa de dag thams cad yongs su dag par
 gyur cig snyam du bsam pa la/ de yang yongs su dag pa gnyis te/ rten gyi sgo nas yongs su dag par bstan pa'i sgo nas yongs su dag par bsam pa'o/ /de la rten gyi sgo nas yongs su dag par bsam pa ni 'jig rten gyi khams na ngam grog dang/ g.yang sa dang/ che?
 ba dang/ khrag khrog dang/ mi gtsang ba la sogs pa ming yang mi grag cing/ sa gzhi rin po che sna tshogs las grub pa/ lag mthil ltar mnyam zhing nyams dga' ba la sogs pa dang ldan pa/ sangs rgyas kyi zhing de nyid kyang yongs la rgya che zhing de na yod pa'i yo byad kun
 kyang mang la bzang ba yod pa ste/ 'phags pa blo gros mi zad pas bstan pa'i mdo las/ de bzhin gshegs pa kun tu bzang po'i sangs rgyas kyi zhing mi 'dzums pa zhes bya ba de na/ ngan song gsum dang mi khom pa dang sdug bsngal gyi sgra yang med/ ltung ba'i 'khrul ba dang nyon mongs
 pa'i sgra yang med ces bya ba nas/ log par bslab pa dang bslab pa 'das pa'i sgra yang med/ bud med du gyur pa'i sgra yang med/ ser sna dang 'chal pa'i tshul khrims dang/ gnod sems dang/ le lo dang rnam par g.yeng ba dang/ 'chal ba'i shes rab kyi sgra yang med ces bya
 ba nas bkres pa dang/ skom pa'i sgra yang med ces bya ba dang/ 'jig rten gyi khams de yang lag mthil ltar mnyam zhing baiDUrya sngon po'i sa gzhi la/ rin po che thams cad kyi pad+mas rab tu spras te/ kan tsa landi ltar 'jam zhing reg na bde ba/ rin po che'i mig mangs ris su
 bris shing/ rin po che'i shing ljon ba'i ra bas legs par brgyan pa rtag tu me tog rgyas pas mdzes par byas pa/ rdo ba dang gseg ma dang bong ba med pa ri nag po med de ri rab kyis legs par brgyan pa/ lha dang mi'i longs spyod bye brag med cing/ sems can de dag
 gi nas? kyang chos nyid kyi dga' ba dang/ bsam gtan gyi zas yin zhes bya ba dang/ 'jig rten gyi khams de ni yangs shing rgya che ba ste/ gling bye ba khrag khrig phrag 'bum phrag drug cu yod de/ byang chub sems dpa' i smon lam gyi nyi ma dang zla ba gcig gi 'od kyis kun tu snang zhes
 bya ba dang/ mi 'khrugs pa bkod pa'i mdo dang/ 'od dpag tu med pa'i zhing bkod pa'i mdo las 'di skad gsungs pa lta bu'o/ /brten pa'i sgo nas yongs su dag pa ni/ zhing gi rgyal po byang chub kyi shing drung du gshegs nas sangs rgyas par gyur
 pa'i sangs rgyas rnams dang/ sras byang chub sems dpa' rnams kyi zhing de rab tu gang ba ste/ de ltar gyur cig par bsam mo/ /byang chub kyi shing dbang drung zhes pa ni byang chub ni bla na med pa'i ye shes te/ de shing gi drung du bzhugs nas brnyes pa'i shing de ni byang chub kyi shing
 yin la/ de ni shing thams cad kyi mchog yin pas byang chub kyi shing dbang zhes bya'o/ /sems can la phan pa dang bde bar bsam pa ni/ phyogs bcu'i sems can ma lus pa bsdus pa ji snyed pa de dag thams cad rtag tu nad med par gyur cig ces bya ba ni ge rtag tu lus dang sems
 la gnod pa'i nad dang/ sdug bsngal med par gyur cig pa'o/ /bde bar gyur zhes bya ba ni de dag rtag tu ngan song gi sdug bsngal la sogs pa kun dang bral ba ste/ bde skyid dam par dang bral bar ma gyur cig pa'o/ /'gro ba kun gyi chos spyod kyi don rnams ni zhes pa ni 'gro
 ba sems can gyi don gos dang zas dang nor la sogs pa gzhan la gnod cing chos dang mi mthun pas sgrub pa ma yin gyi dge ba bcu dang mi 'gel bar gyur cig pa'o/ /mthun par gyur cir zhes pa ni bdag dang gzhan la mi gnod par 'byor cing bsrung ba'i gnod pa med par
 gyur cig ba'o/ /re ba yang grub par shog ces pa ni yid la ci 'dod pa de bzhin du grub par gyur cig pa'o/ /gnyis pa byang chub kyi sems mi brjed par bya ba ni mi mthun pa'i phyogs kyi gnyen po bstan pa dang/ mi mthun pa'i phyogs spangs pa'i sgo nas tshigs su bcad pa
 bzhis bstan te/ byang chub spyod pa dag ni bdag spyod cing zhes pa nas de dag ma lus byang bar shog ces bya ba'i bar du'o/ /de la byang chub ces pa ni bla na med pa yang dag par rdzogs pa'i byang chub ste gong du bshad pa dang 'dra'o/ /spyod pa zhes pa ni byang chub de thob par
 bya ba'i phyir spyod/ byang chub sems dpa' i spyod pa rlabs po che pha rol tu phyin pa dang/ bsdu ba'i dngos po dag bdag spyod de/ de grub cing 'gro ba kun tu skye ba dran par 'gyur zhes pa ni lha dang mi la sogs pa'i 'gro ba gang du skyes kyang tshe rabs dran par gyur cig pa'o/ /tshe rab
 kun tu 'chi 'pho skye ba na/ rtag tu bdag ni rab tu 'byung bar shog ces pa ni skye ba gcig nas shi 'phos te skye ba gcig tu skye ba'i skye ba thams cad khyim gyi gnas la ma chags shing/ rtag tu rab tu 'byung bar gyur cig ces smos te/ tshigs su bcad pa gcig
 po de ni byang chub kyi sems mi brjed par bya ba'i rgyu dang po yin no/ /de bzhin du rgyal ba kun gyi rjes su slob 'gyur te/ zhes pa ni dus gsum du gshegs pa'i rgyal ba thams cad kyis ji ltar bslabs pa dang/ slob pa dang/ slob par 'gyur ba dang/ mthun par rjes su slob pa'o//
 bzang po spyod pa yongs su rdzogs byed cing zhes pa la sogs pa ni/ bzang po spyod pa ni gong du bshad pa dang 'dra ste/ spyod pa de yongs su rdzogs pa shing mthar phyin par bya ba'o/ /yongs su rdzogs par byed pas ci zhig bya zhe na/ tshul khrims spyod pa dri med yongs dag par//
 rtag tu mnyams skyon med spyod par shog ces bya ba'i spyod pa de lta bu la bya'o/ /tshul khrims ni bdag gzhan gyi lus dang sems kyi yongs su gdung ba'i nyon mongs pa sel ba ste/ bsil bar byed pas bsil byed ces bya'o/ /tshul khrims ni spyad
 par bya ba yin pas na tshul khrims spyod pa ste/ tshul khrims kyi mtshan nyid ni spyod pa'o/ /'dod chags zhe sdang gti mug las 'byung ba'i 'chal ba'i tshul khrims kyi dri ma dang bral bas na dri ma med pa'o/ /theg pa dman par sems bskyed pa dang bral zhing thams cad mkhyen pa nyid du sems bskyed
 pa dang ldan pas yongs su dag pa'o/ /byang chub sems dpa' thams cad bslab pa la gus par byed ste rang bzhin gyis kha na ma tho ba med pas/ mi 'dral bas ma nyams pa'o/ /bcas pa'i kha na ma tho ba med pas skyon med pa'o/ /yang na nyams su myong ba'i yul la dga' ba dang/ ma 'ongs pa'i yul
 smon cing re ba dang/ da ltar byung ba la lhag par chags pa'i mtshan nyid kyi srid pas rma ma byung bas na skyon med pa'o/ /tshul khrims de lta bu ni byang chub kyi bar du srung dgos pa na/ rtag tu spyod par gyur cig ces pa ste/ tshigs su bcad pa 'di dag ni
 byang chub kyi sems mi brjed par bya ba gnyis pa'o/ /lha yi skad dang klu dang gnod sbyin skad ces pa nas thams cad skad du bdag gis chos bstan to zhes pa'i tshigs su bcad pa ni tshig gong ma gnyis kyi rab tu 'byung ba dang/ tshul khrims bsrungs pas bdag gis sems kyi
 rgyud dag par byas nas de gzhan la phan bdags par bstan pa ste/ sems can tha dad pa ji snyed yod pa'i skad mdza' dag shes nas de dag so so'i skad kyis de dag thams cad la rtag tu chos ston par gyur cig pa'o/ /'di ni byang chub kyi sems mi brjed pa'i rgyu
 gsum pa'o/ /des shing pha rol phyin la rab brtson te zhes ba ni/ des pa ni sems can rnams la sems mnyan pa ste/ snying rje zhing 'grogs na bde ba'o/ /pha rol phyin pa ni sbyin pa la sogs pa bcu'o/ /de la brtson pa ni yongs su mi skyo bar de la sbyor bar gyur cig pa'o//
 byang chub sems ni nam yang brjed ma gyur zhes pa la byang chub kyi sems ni bla na med pa'i byang chub gong du smos pa lta bu 'dod cing/ sems can rnams la phan pa dang/ bde bar bya bar smon pa'o/ /de'i rtsa ba ni snying rje'o/ /sems de yang kun rdzob byang chub kyi
 sems dang/ don dam pa byang chub kyi sems gnyis te/ de la kun rdzob byang chub kyi sems ni sems can 'khor ba las ma bsgral ba rnams bsgral ba dang/ nyon mongs pa las ma grel ba rnams sgrol ba dang/ sdug bsngal gyis gzir ba rnams dbug
 dbyung ba dang/ mya ngan las ma 'das pa rnams yongs su mya ngan las bzla'o/ /thams cad mkhyen pa'i ye shes ma thob pa rnams thams cad mkhyen pa'i ye shes thob par bya'o/ /snyam du sems shing/ 'gro ba la phan pa'i phyir bdag sangs rgyas su grub par shog
 cig ces smon pa'o/ /don dam pa'i sems ni chos thams cad bdag med pa'i mnyam pa nyid kyis rang gi sems gzod ma nas ma skyes la/ stong pa nyid kyi rang bzhin du smos pa dang/ rtogs shing mngon par 'gyur te/ des shing pha rol tu phyin pa rnams la brtson par byed pas
 byang chub thob kyi bar du byang chub kyi sems de lta bu rtsa ba dang bcas pa rnam par brjod par ma gyur cig pa'o/ /tshig rkang pa gnyis po des ni byang chub kyi sems mi brjed pa'i rgyu gzhi pa yin te/ de ltar tshigs su bcad pa phyed dang bzhis ni byang chub kyi sems mi brjed par bya
 ba ni mi mthun pa'i phyogs sgrib pa rnams kyi gnyen po bstan to/ /sdig pa gang rnams sgrib par gyur pa dag /de dag ma lus yongs su byang bar shog ces pa'i tshig rkang gnyis po de ni byang chub kyi sems kyi mi mthun pa'i phyogs spangs pa bstan te/ byang chub kyi sems
 la sgrib cing bar chad byed pa'i sdig pa ni 'dod chags zhe sdang la sogs pa yin pas de dag thams cad ma lus par byang bar gyur cig pa'o// //gsum pa mi chags par sbyor ba ni/ gang la mi chags par ston te/ gang la mi chags par sbyor zhe na/ las dang nyon mongs
 bdud kyi las rnams las zhes pa ni/ las ni dge ba dang mi dge ba dang ni g.yo ba dang gsum po dan las mi dge ba la bya'o/ /nyon mongs pa ni 'dod chags la sogs pa lus dang sems nyon mongs par byed pa rnams so/ /bdud ni dge ba'i srog gi bar chad byed pa byang chub dang mi mthun
 bar byed cing dam pa'i chos log par byed pa ste/ chos kyi 'tshor ba'i bar chod byed cing bsod pas bdud do/ /de'i lam mam las ni phan pa dang bde ba med par zhugs pa dang/ phan pa'i dngos por rgyus rnam par tho 'tsham zhing 'dod pa'i yon tan lnga po dag la spyod du
 'jug pa ste/ de ltar na las dang nyon mongs pa dang bdud kyi lam ni 'khor bar 'ching ba yin pas/ 'jig rten gyi 'gro ba dag la gnas pa'i tshe de las grol zhing de dag gis mi chags par de dag dbang du mi 'gyur bar spyod par gyur cig pa'o/ /gang du zhe na/
 'jig rten 'gro ba rnams su yang zhes pa ni 'jig rten gyi 'gro ba lha la sogs pa 'gro ba lnga po dag na gnas pa'i tshe'o/ /ji ltar mi chags par sbyor zhe na/ ji ltar pad+ma chus mi chags pa bzhin zhes pa ni spyod par shog cig par sbyar te/
 dper na pad+ma chu las skyes kyang chu dang 'dam rdzab kyis mi gos pa bzhin du/ 'jig rten gyi 'gro ba dag na gnas kyang mi dge ba'i las dang nyon mongs pa dang bdud kyi lam gyis mi gos par spyod par gyur cig pa'o/ /las dge ba dang mi g.yo ba'i 'bras bu rnam
 par smin pa la re ba med cing chag pa med par 'gro ba rnams kyi don 'ba' zhig byed pa ni byang chub sems dpa' i spyod pa yin te/ dper na nyi zla nam mkhar thogs pa med ltar spyod ces sbyar ba yin te/ dper na nyi zla ni gzhan gyi don byed cing rtag tu nam mkha' la thog?
 ba med cing lan la mi re ba bzhin du bdag kyang sems can la phan pa dang bde ba'i don spyad kyang lan la mi re zhing chags pa med pa kho nar spyod par gyur cig pa'o// //da ni bzhi pa tshe 'di dang tshe phyi mar sems can ma lus pa la phan gdags pa ni zhing gi khyon?
 dang phyogs rnams ji tsam par ngan song sdug bsngal rab tu zhi bar byed ces pa la sogs te/ sangs rgyas kyi zhing gi khyon phyogs bcu ji tsam yod pa de dag thams cad du ngan song gi sdug bsngal dag zhi bar gyur cig pa'o/ /ngan song ni bde 'gro las ltung ste 'og
 tu song ba de'i sdug bsngal mi bzad cing drag pas de zhi bar bya ba'i phyir smos su zin kyang khams gsum sdug bsngal kun zhi bar bya ba snyam pa'o/ /bde ba dag la 'gro ba kun bgod cing zhes bya bas kyang sdug bsngal zhi bar byas nas/ yang tshe 'di la 'gro ba
 thams cad bde bar gyur cig pa'o/ /'gro ba thams cad la ni phan par spyad ces pa ni ma 'ongs pa'i dus na yang sems can kun la phan par spyad par bya ste/ bla na med pa byang chub la dgod pa bya zhing/ yongs su mi skyo bar byang chub thob par gyur cig pa'o// //ldang go che ba'o/
 ba la gsum ste/ sangs rgyas kyi chos yongs su rdzogs par bya ba dang/ sems can gyi spyod pa dang 'thun par 'jug par bya ba dang/ dam pa'i chos rab tu bstan par bya'o/ /de la sangs rgyas kyi chos yongs su rdzogs par bya ba ni byang chub spyod pa yongs su rdzogs byed cing zhes
 bya ba ste/ byang chub kyi spyod pa ni sngar bshad pa bzhin no/ /de yongs su rdzogs par bya ba ni bsgrub pa'o/ /sems can gyi spyod pa dang 'thun par 'jug pa ni sems can kun gyi spyod pa dang 'thun par 'jug ces pa ste/ sems can rnams la tshe rabs thams cad du g.yo sgyu med pa'i rang bzhin
 dang bka' blo ba de ba yid dang 'thun par spyod pa'o/ /dam pa'i chos rab tu bstan par bya ba ni/ bzad po spyod pa dag ni rab ston cing zhes pa ste/ spyod pa bzang po rlabs po che byang chub sems dpa' i spyod pa rab tu ston cing sgrogs par byed pa'o/ /ma 'ongs bskal pa kun tu spyod par
 'gyur zhes pa ni gsum car dang sbyar te/ dus de srid du mi skyo bar rtag tu spyod par bya'o/ /bskal pa zhes pa ni bar gyi bskal pa la sogs pa bskal pa mang ste/ de bskal pa dang po ni mi'i tshe la dpag tu med pa nas bzung ste/ rim gyis tshe lo bcu pa'i bar du ma
 'grib pa de ni bar gyi bskal pa gcig go /yang de nas tshe lo brgyad khri'i bar du gyur la/ 'grib pa'i rim gyis tshe lo bcu par gyur pa'i bar de ni yar skye ba dang mar 'grib par zhes bya ba bar gyi bskal pa gnyis pa ste/ bar gyi bskal pa brgyad cu la bskal pa chen po
 gcig go /de la sogs pa bskal pa chen po dpag tu med par gyur cig pa'o// //da ni drug pa lus dang ngag dang yid kyi spyod pa dang smon lam dag gis bskal pa 'thun pa'i byang chub sems dpa' dang 'grogs par bya ba ni/ bdag gi spyod pa zhes pa byang chub sems dpa' 
 gang dag bdag dang spyod pa mtshungs shing 'dra ba de dag bdag kyang byang chub kyi bar du rtag tu lhan cig phrad cing 'grogs par shog cig pa'o/ /lus dang ngag dang yid kyis kyang de dag kho na dang lhan cig khong khro ba la sogs pa kun nas nyon mongs pa med pa'i?
 gnas pas byang chub sems dpa' i spyod pa gcig pa dang/ smon lam gcig tu spyad par bya'o zhes bya ba yin/ /bdun pa phan par sems pa'i gdams ngag bzhin du sgrub pa dag gis dge ba'i bshes gnyen mgu bar bya ba ni bdag la
 than par 'dod pa'i grogs po gang zhes pa la sogs pa ste/ bdag la phan par 'dod pa'i grogs dge ba'i bshes gnyen dang po spyod pa ston cing 'chad par byed pa chos smra ba gang dag yin pa de dag dang rtag tu 'grogs pa dang/ de dag rnams kyang re 'ga' yang
 cung zad kyang yid mi 'byung zhing byang chub kyi bar du dus thams cad du 'thun par 'jug par gyur cig ces bya ba yin no/ /brgyad pa de bzhin gshegs pa mngon sum du bya ba ni 'khor dang dus dang mi skyo ba dang/ mchod par bya ba dag gis so/ /de dang po 'khor ni/ sangs rgyas
 sras kyi bskor ba'i mgon po rnams/ /mngon sum rtag tu bdag gis rgyal ba blta zhes pa ste/ phyogs bcu kun gyi rgyal ba sangs rgyas bcom ldan 'das byang chub sems dpa' i tshigs kyi bskor ba'i mgon po 'gro ba'i gnyen gcig phul rab rib la sogs
 pa med pa'i lha'i mig gis rtag tu mngon sum du lhag ger blta zhing/ lta ba 'ba' zhig gis mchog gi/ de dag re re la yang rgyun tu skad cig gcig la mchod pa rgya chen po rnam pa thams cad kyi mchog dang ldan pa/ nam mkha' i gtogs dang mnyam pa/ chos
 kyi dbyings kyis khyab pas mchod par bya'o zhes pas mchod pa bstan to/ /dus ji srid du mchod ce na/ ma 'ongs bskal pa kun tu ste/ ma 'ongs pa'i bskal pa phyi ma'i mthar thug par ro/ /ci zhe na/ mi skyo bar te/ de srid du skyo ba med pa'i yid kyis mchod pa
 bla na med pa dag gis mchod cing lta bar bya'o zhes bya ba yin no/ /da ni dgu pa dam pa'i chos yongs su gzung ba ni 'dzin pa dang/ ston pa dang sbyor ba dag gis te/ /de gzung ba ni rgyal ba dag gis dam pa'i chos 'dzin cing zhes pa la/ dus gsum gyi rgyal ba rnams kyis
 bshad pa'i chos gsung rab yan lag bcu gnyis po gang yin pa de dag thams cad bdag nyid mi brjed pa'i gzungs kyis stobs kyis tshig 'dzin cing yang dag par don 'dzin pa dang/ ston pa ni byang chub sems dpa' kun tu snang bar byed ces pa ste/ byang chub kyi spyod
 pa chos bshad pa'i ngo bo nyid kyang 'gro ba la kun tu snang bar byed de/ yongs su snang bar byed/ ston par byed/ yang dag par rab tu ston par byed pa'o/ /'di ltar byang chub spyod pa zhes pa ni de ltar du ston par byed pa'i tshig rnams la bya'o/ /sbyor ba ni bzang po spyod pa
 rnam par sbyang ba yang zhes pa ste/ bzang po spyod pa ni byang chub sems dpa' i spyod pa'o/ /de la rnam par sbyong ba ni skyon ma lus pa thag srid pas dri ma dang bral bar byed pa'o/ /de yang ji srid du bzhugs zhe na/ ma 'ongs bskal pa kun tu spyod par bgyi zhes pa
 ste/ ma 'ongs pa'i bskal pa thams cad kyi mdza' i bar du spyad par bya 'bad par bya'o zhes bya ba yin no/ /da ni bcu pa bsod nams dang ye shes kyi tshogs la sogs pa yang dag par bsgrubs pas mi zad pa'i mdzod thob par bya ba'i phyir smon lam bsam pa
 ni srid pa thams cad du yang 'khor ba na/ bsod nams ye shes dag ni mi zad bsnyes zhes pa la/ srid pa ni 'byung ba ste/ khams gsum thams cad du smon lam gyi dbang dang/ las kyi dbang gis skye ba gcig nas gcig tu brgyud pa nyams su myong ba ni 'khor ba'o/ de la bsod
 nams ni sdig pa sel ba dang/ dge ba byed pa dang/ gtsang mar byed pa ste/ pha rol tu phyin pa la sogs pa de dge ba'i phyogs ni/ bsod nams kyi tshogs su gtogs pa thams cad do/ /ye shes ni bdag med par rtogs pa ste spros pa'i rtog pa thams cad dang bral ba/ rnam par
 mi rtog pa ste/ sangs rgyas thob pa'i rgyu bsod nams kyi tshogs dang ye shes kyi tshogs de lta bu nam yang zad par mi 'gyur ba de lta bu thob nas/ shes rab la sogs pa'i yon tan thams cad kyi mdzod mi zad pa thob par shog cig ces bya ba dang sbyar ro tha ma
 dang shes rab ting 'dzin rnam thar zhes pa la/ thabs ni shings? rab kyi bye brag nyid de/ rgyu chung ngu las 'bras bu chen por byed pa dang/ tshogs chung ngu las grub pa'i don chen por byed pa'o/ /de rgyu chung ngu las 'bras bu chen por grub pa ste/ byang
 chub sems dpa' i spyad pa spyod pa na/ dge ba'i rtsa ba chung ngu yis bla na med pa'i byang chub chen por bsngos pas zad mi shes par byed pas/ gzhan gyi dge ba'i rtsa ba yang byang chub chen por bsngos par 'jug pas zad mi shes pa ste/ byang chub chen po thob par
 byed pa'o/ /de'i tshogs chung dus grub pa ni/ bdag dang gzhan gyi don phun sum tshogs pa sgrub pa dag sla bas sgrub par byed pa'o/ /de shes rab ni chos rab tu rnam par 'byed pa'i mtshan nyid de/ de la rang dang spyi'i mtshan nyid phyogs par byed pa'o/ /ting nge 'dzin ni seng+ge?
 mnyam par 'jog cing rtse gcig pa'i mtshan nyid/ nam mkha' mdzod dang dri ma med pa'i phyag rgya la sogs pa'o/ /rnam par thar pa ni nyon mongs pa las 'grol ba'i mtshan nyid/ byang chub sems dpa' i rnam par thar pa'i snying rje la brten pa dang/ sgyu ma lta bu la
 gyur pa la zhes pa la sogs pa'o// //bcu gcig pa 'jug pa la brgyad de/ sangs rgyas dang de'i zhing blta ba la 'jug pa gnyis dang/ sangs rgyas kyi gsung la 'jug pa dang/ chos kyi 'khor lo bskor ba la 'jug pa dang/ bskal pa la 'jug pa dang/
 de bzhin gshegs pa blta ba dang/ de'i spyod yul la 'jug pa dang/ sangs rgyas kyi zhing mngon par 'grub pa la 'jug pa dang/ de bzhin gshegs pa'i drung du 'gro ba la 'jug pa'o/ /sangs rgyas dang de'i zhing blta ba la 'jug pa gnyis ni/ rdul gcig ste zhi rdul zhing
 kyi zhing rnams te zhes bya ba la sogs pa tshigs su bcad pa gnyis spyir bshad par bsten to/ /de la rdul phra rab gcig gi steng na yang phyogs bcu dus gsum du bzhugs pa'i sangs rgyas kyi zhing mthong bar gyur ces smon pa'o/ /zhing der bsam gyis mi
 khyab sangs rgyas rnams sangs rgyas sras kyi dbus na bzhugs pa dag ces pa ni/ zhing re re'i steng sangs rgyas bsam gyis mi khyab pa byang chub sems dpa' i dbus na bzhugs pa dag mthong bar gyur pa ste/ de ltar mos pa'o/ /dus gang gi tshe na mthong bar
 smon ce na/ byang chub spyod pa dag ni spyad cing blta bar bgyi zhes bya ste/ gong du smos pa'i byang chub kyi spyod pa na/ zhing de snyed sangs rgyas 'khor dang bcas pa de snyed mthong bar shog cig pa'o/ /skabs 'dir kha cig 'di skad rgol te/ rdul gcig gi steng na sangs rgyas kyi
 zhing gcig rnam par dbye ba de dag dang mthong bar mi 'gyur na/ sangs rgyas kyi zhing phyogs bcu dag tu gshegs pa'i sangs rgyas kyi zhing rdul snyed rnams dang zhing re re la yang sangs rgyas bcom ldan 'das byang chub sems dpa' i dus na bzhugs par bsam gyis mi khyab pa dag
 ma 'bres par so so na bzhugs pa mthong bar ga la rung ste/ byang chub sems dpa' i ni don med par smon pa ma yin na/ mi srid pa 'di lta bur smon kyang mi phan zer na/ de ni de ltar ma yin te/ dper na las kyi sprul pa 'jig rten gyi khams sgrel bzhi dang spyi tshugs la
 sogs pa tha dad pa yod pa bzhin ye shes kyi sprul pa bsam gyis mi khyab pa 'di yod du mi rung ba ci yod de/ de khungs kyang bcom ldan 'das kyis bsam gyis mi khyab pa bstan pa'i mdo/ 'jig rten mgon po skyobs pa yis/ bsam gtan las dang klu rnams dang/
 sangs rgyas bdag nyid che rnams kyi/ /bsam gyi mi khyab bzhir bshad do zhes bsam gtan dang/ las dang klu dang sangs rgyas kyi mthu yang bsam gyis mi khyab ces bka' stsal la/ sangs rgyas kyi gsung rab las byung ba'i don mngon sum du ma gyur pa la the tshom
 bar rnams kyis ni tshul bzang po la rtog pa mnyam pa la byung ba bsam pa'i shes rab bskyed par bya'o zhes kyang bshad pa'i steng du pha la bo dag gi mig lam na yang smod chung ngu'i nang du nyi zla dang skar ma la sogs pas brgyan pa'i nam mkha' thams cad kyi gzugs
 brnyan du rung ste/ gtan tshigs de'i phyir te/ chos thams cad gzugs brnyan dang sprul pa dang/ rmi lam dang 'dra'o zhes bka' stsal te/ de rmi lam dang 'dra ba'i don ni gong du bshad pa bzhin no/ /de lta bas na de yang mi srid pa min te/ de ltar
 sems sbyangs nas mos ba bya'o/ /de ltar ma lus thams cad phyogs su yang zhes pa ni/ ji ltar rdul phra rab gcig gi steng du yang/ de snyed mthong bar smos pa de bzhin du/ phyogs bcu ma lus pa thams cad du yang rdul phra rab re re'i steng du skyed kyi zhing dang/ de snyed kyi sangs
 rgyas dang/ byang chub sems dpa' 'khor gyi dbus na bzhugs pa dag mthong bar gyur cig ba ste/ 'di ni 'jug pa ste phyogs la bya ba bston te/ skra tsam khyon la dus gsum tshad snyed kyi/ sangs rgyas mtsho zhing rnams rgya mtsho dang/ /bskal pa rgya mtsho spyod cing rab tu 'jug
 ces bya ba ni spu nyag ma cig gi khyon tsam na/ dus gsum du thugs pa med pa'i tshad gyi sangs rgyas rgya mtsho'am mtsho yas rnyed dag bzhugs pa dang/ sangs rgyas rgya mtsho 'am mtsha byas snyed mang po dag yod pa bskal pa rgya mtsho 'am mtsho yas snyed du byang chub sems
 dpa' i spyad pa spyad pa na mthong bar 'gyur ro/ /yang na skra tsam khyon zhes pa ni byis pa'i lam zhes kyang bya ste/ byis pa ni dge ba mi shes te bstan dgos pa'o/ /de'i lam ni 'jig rten gyi khams ma dag pa ste/ nyin mtshan dang lo zla yod pas dus gsum du rnam par bzhag pa
 de kha cig gis 'dzam bu'i gling 'ba' zhig byis pa'i lam zhes bshad do/ /des ni sangs rgyas dang de'i zhing blta ba la 'jug pa ste dus la khyab par 'jug pa bstan to/ /gnyis pa sangs rgyas kyi gsung la 'jug pa ni/ gsung gcig yan yan lag rgya mtsho'i sgra kun gyis
 zhes ba la/ gsung gi cha gcig ni/ gsung gi cha shas cig ste/ sems can gyi skad sna tshogs las skad gang yang rung ba gcig pa la tshig cig brjod bya'i tha tshig go/ rgya mtsho zhes pa ni rgya mtsho 'am mtsho yas snyed kyis gsung gcig brjod pa na gsung gcig pa las sems so
 so'i skad tha dad pa mang po rgya mtsho snyed yod pa'o/ /rgyal ba kun dbyangs yan lag rnam dag pa zhes pa ni/ de ltar gsung gcig la skad mdza' dag 'byung bas rnam par dag pa'o/ /'gro ba kun gyi bsam pa ji bzhin dbyang zhes pa ni/ sems can bsam pa tha dad dag
 gis zhus pa'i don tha dad pa mang po'i skad dang/ yi ge tha dad pa gcig gis dus gsum du gcig par bzhugs pa rnams kyi gsung lan gcig brjod pa las yid bzhin du so so'i skad du yang thos/ don la go the tshom yang gcod/ dga' mgu yi rang ste/ sangs rgyas la
 bstod pa las/ mos pa du mar ldan pa'i 'khor/ mang po 'dun par gyur pa la/ /gsung gcig brjod pa mdzad mod kyi/ /rnam pa du ma go gyur pa/ /bdag gi ched du snyam du yang/ /skye bo kun gyi khong du chud/ /rmad 'byung de las che ci yod/ /de las ngo mtshar che ci yod
 ces 'byung ba lta bu'o/ /sangs rgyas gsung la rtag tu 'jug par bgyi zhes pa ni/ rgyal ba thams cad kyi gsung rnam par dag pa ni 'gro ba kun gyi bsam pa dang 'thun par 'byung ba thams cad bdag gis dus gcig tu thos shing don yang go /gzugs su yang 'dzin par gyur cig
 pa ste/ 'phags pa blo gros mi zad pa'i mdo las 'byung ba/ lha'i rna ba'i mngon par shes pa'i ye shes des sangs rgyas thams cad kyis gsungs pa thos te/ de bzhin gshegs pa gcig gi chos gnyan na/ de bzhin gshegs gnyis pa'i chos bstan pa la sgrib par mi
 byed de/ sangs rgyas thams cad kyis gsungs pa la snga phyi med par 'dzin to/ /zhes gsungs pa de lta bur thob par gyur cig ces sman pa'o/ /gsum pa chos kyi 'khor lo bskor ba la 'jug pa ni/ dus gsum gshegs pa rgyal ba thams cad dag /'khor lo'i tshul ni
 rab tu bskor ba bgyi zhes bya ba ste/ 'das pa dang/ de ltar dang/ ma 'ongs pa 'am/ yang na skad cig ma la sogs pa'i dus la bya'o/ /gshegs pa ni sems can dang 'thun par gshegs pa ste/ bya dang ri dags la sogs pa yang mi skrag par gshegs pa'o/ /
 'khor lo ni shing rta'i 'khor lo 'dril zhing 'gro ba dang 'dra bar sems can gyi shes pa'i rgyud la chos bstan pa yang/ pha rol nyan pa dag ti rgyud la go bar byed pas 'khor zhes bya ba'o/ /tshul zhes pa ni sems can mos pa tha dad pa
 dag la rdzu 'phrul gyi cho 'phrul lam/ kun brjod pa'i cho 'phrul lam/ rjes su bstan pa'i cho 'phrul bstan pa'i 'dul ba 'am/ tshig drag pos 'dul ba 'am/ 'jam pos 'dul ba 'am/ drag ngal gnyis kas 'dul ba la sogs pa thabs gang
 dang gang du 'dod chags la sogs pa spyod pa la/ mi g.yeng par bstan pa la sogs pa dang/ ser sna can la sbyin pa'i gtam brjod pa la sogs pa'i chos bstan pa dag dang/ gang du yongs su sbyin par bya ba dang/ rnam par grol ba'i dus la bab pa'i
 dus gang dang gang du bshad nas 'dul bar gyur pa'i sa gang nas gang du bcas par mdzad nas/ rig pa'i thabs de dag dang/ chos bstan pa de dag dang/ yul de dag du 'khor lo bskor ba'o/ /bskor bar bgyi zhes pa ni phyi rol nyan thos pa dag la go
 bar mdzad pa'o/ /blo yi stobs kyis bdag kyang rab tu 'jug zhes pa ni ye shes kyis stobs kyis 'jug par gyur pa'o/ /'jug ba ni dus gcig tu go bar gyur cig pa'i tha tshig go /de ni mdor na dus gsum du gshegs pa'i chos kyi 'khor lo'i tshul bskor
 bar mdzad pa rnams kyi gsung dang dbyangs zad mi shes pa de dag bdag gis dus cig go nas kho zhing brda 'dzin nus par gyur cig pa'o/ /bzhi pa bskal pa la 'jug pa ni/ ma 'ongs bskal pa kun tu 'jug par yang/ skad cig cig gis bdag kyang 'jug bar
 bgyi/ gang yang bskal pa dus gsum tshad de dag /skad cig cha shas kyis ni 'jug par spyad ces bya ba ni ma 'ongs pa'i bskal pa thams cad du 'jug par bya ba ni ma 'ongs pa'i bskal pa thams cad ni ye shes kyis skad cig cig gis shes par gyur cig pa'o/ /ye shes skad
 cig cig la snang zhing mthong bar gyur cig pa'o/ /ma 'ongs pa'i dus lta ba de bzhin du/ dus gsum du bgrang ba'i bskal pa thams cad kyang/ ye shes kyi skad cig gis cha shas gcig ste/ ye shes kyi skad cig cig gi yul gcig tu chu de 'dus par byed par gyur
 cig pa'o/ /lnga pa de bzhin gshegs pa la lta ba dang/ drug pa de'i spyod yul la 'jug pa ni/ dus gsum gshegs pa ni mi seng ge gang/ /de dag skad cig cig la bdag gis blta/ /rtag tu de dag gi ni spyod yul la/ /sgyu mar gyur pa'i rnam thar stobs kyis 'jug
 ces bya ba ni/ phyogs bcu dag na dus gsum du gshegs pa'i mi yi seng+ge gang dag ji snyed pa de dag gi ye shes kyi skad cig ma gcig la mthong bar shog cig /de dag gi spyod yul ni thams cad mkhyen pa'i ye shes kyi yul bsam gyis mi khyab pa la yang/ byang chub
 sems dpa' rnam par thar pa'i sgyu mar gyur pa zhes bya ba des bdag dus thams cad du 'jug par gyur cig pa'o/ /de la rnam thar par pa zhes pa ni nyon mongs pa dang sgrib pa las rnam par thar par byed pa'o/ /sgyu ma zhes pa ni ting nge 'dzin la gnas na dngos po thams cad sgyu ma lta bur mthong
 na rjes su chags pa med/ khong kro ba yang med pa lta bu'o/ /yang na sgyu ma mkhan gyi dngos po gcig la rnam pa du mar ston par nus pa bzhin du ye shes kyi ngo bo nyid kyi rnam par bsgrub pa la gnas pa'i stobs kyi ji ltar mngon par mos pa bzhin du bdag gis lus bsgyur
 nus so/ /bdun pa sangs rgyas kyi zhing mngon par bsgrub pa la 'jug pa ni/ gang yang dus gsum dag gi zhing bkod pa/ /de dag rdul gcig steng du mngon bar bsgrub/ /de ltar ma lus phyogs rnams thams cad du/ /rgyal ba dag gi zhing rnams bkod la 'jug /ces bya ba
 ni/ dus rnam gsum ni brda phrad par zang ngo/ /zhing bkod pa zhes pa ni zhing rnam pa mang po sna tshogs la bya'o/ /yang na bkod pa ni rnam par sgras pa la bya ste/ dus gsum du gtogs pa thams cad kyi zhing mang po 'am spras pa rnams rang gi rdzu 'phrul gyi stobs kyis
 rdul gcig gi steng du mngon par sgrub nus pa ste/ grub par gyur cig pa ni gzhan la ston nus par gyur cig pa'o/ /rdul cig gi steng na ji lta ba bzhin du phyogs bcu'i 'jig rten gyi khams thams cad du khyab par rdul re re'i steng du yang dus
 gsum gyis zhing bkod pa rnams ye shes kyi skad cig gis gzhan la ston nus par gyur cig ces bya bar sbyor ro/ /der rgol te/ de ltar gyi sangs rgyas kyi zhing rnams kyi rang bzhin dang chad dang/ kha dog dang/ dbyibs dang so so tha dad pa rnams kyang
 ma 'dres par rdul gcig gi steng du gnas par mi rung na dus gsum gyi zhing ma lus pa rnams ma 'dres par rdul gcig gi steng du gnas pa ji ltar rung zhe na/ de ni mi rung ba med de/ gong du rdul gcig gi steng na rdul snyed kyi sangs rgyas rnams zhes pa'i skabs su
 bshad pa dang 'dra ba'o/ /'phags pa dri ma med par grags pa'i mdo las kyang/ sangs rgyas dang byang chub sems dpa' rnams la ni rnam par thar pa bsam gyis mi khyab ces bya ba yod do/ /de la gnas pa'i byang chub sems dpa' ni/ ri'i rgyal po ri rab de tsam du ma thob
 de tsam du che ba 'phags pa tsam du yangs pa yang yungs 'bru'i nang du 'jug ste/ yungs 'bru de skyes pa yang med ri rab bsgongs pa yang med ces bya ba yang ston to/ /rgyal chen bzhi'i rigs kyi lha rnams dang/ sum cu rtsa gsum pa'i lha rnams bdag
 cag gang du bcug kyang mi shes so/ /rdzu 'phrul gyis 'dul ba'i sems can gyis ri'i rgyal po ri rab yungs 'bru'i nang na bcug par shes shing mthong/ rgya mtsho chen po'i chu'i phung po rnams spu'i gung du gcig tu lhags te/ nya dang ru sbal dang chu srin
 byis pa gsod pa dang/ sbal pa dang/ chu las skyes pa'i srog chags gzhan dag la yang gnod par 'gyur ba med do/ klu dang gnod sbyin dang dri za dang lha ma yin rnams 'di snyam du bdag cag gar? bcug snyam yang mi sems la/ bya ba de yang snang zhing sems can
 de dag la gnod cing 'khrugs par bya ba med do zhes gsungs pa lta bu ste/ de lta bu ston nus par gyur cig pa'o/ /de ltar bstan pa de yang ci dgos na de lta bu'i de mtshar bstan pas/ dam pa'i chos la ma dad pa rnams dad pa bskyed pa dang/ byang chub sems dpa' 
 nyid dga' ba bskyed pa dang/ gzhan dag la sangs rgyas kyi zhing yongs su dag par bstan pas/ der skye bar smon lam 'debs shing dge ba sbyong bar 'gyur bas de ltar dogs te/ dper na 'phags pa dri ma med par grags pa'i mdo las/ de nas la tsi byi dri ma med
 par grags pa ting nge 'dzin la snyoms par zhugs nas 'di lta bu'i rdzu 'phrul 'du mdzad pa mngon par mdzad do/ /'jig rten gyi khams mngon par dga' ba de nyi tsher bshad nas/ lag pa g.yas pas blangs nas 'jig rten gyi khams mi mjed 'dir
 bcug go /'dir bcug kyang 'jig rten gyi khams 'di bri ba 'am gang bar ma gyur te/ dog cing 'dzer ba yang med do/ /'jig rten gyi khams mngon par dga' ba de na bri ba yang med do/ /snga ma ji lta ba bzhin du phyi ma yang snang ngo/ /de ltar 'jig rten gyi khams mngon par
 dga' ba bstan pa'i rdzu 'phrul gyi cho 'phrul dang/ de bzhin gshegs pa mi 'khrugs pa bstan pas 'jig rten gyi khams mi mjed 'di'i lha dang mi'i skye dgu las/ khri phrag bcu bzhi bla na med pa yang dag par rdzogs pa'i byang chub tu sems bskyed do/ /kun gyis
 kyang 'jig rten gyi khams mngon par dga' ba der skye bar smon lam btab ste/ bcom ldan 'das kyis kyang de dag thams cad 'jig rten gyi khams mngon par dga' ba der skye bar lung bstan to zhes gsungs pa lta bu'o// //brgyad pa de bzhin gshegs pa'i zung du 'gro
 ba la 'jug pa ni/ gang yang ma byon 'jig rten sgron ma rnams/ /de dag rim par sangs rgyas 'khor lo bskor/ /mya ngan 'das pa rab tu zhi bar ston/ /mgon po kun gyi drung du bdag mchi'o/ /zhes pa la/ gang yang ma byon zhes pa ni phyis 'byung ba rnams te/ phyi ma'i mthar thug pa rnams
 phyogs bcu'i 'jig rten gyi khams dag tu 'byung bar 'gyur ba dag go /sgron ma zhes bya ba ni gong du chos kyi 'khor lo bskor bar bskul ba'i skabs su bshad pa dang 'dra'o/ /de dag rim par sangs rgyas zhes pa ni rim pa dang rnam pa 'dra
 ste/ bla na med pa'i byang chub mngon par 'tshang rgya'o/ /'khor lo zhes pa ni 'phags pa'i bden pa bzhi la sogs pa'i chos ston pa'o/ /mya ngan 'das pa rab tu zhi mdza' ston zhes pa ni thog mar dga' ldan gyi gnas nas babs te/ yum gyi lhum? su gshegs pa
 dang/ bltam pa dang/ gzhon nu rol rtsed mdzad pa dang/ khab nas byung ba dang/ dka' thub mdzad pa dang/ byang chub kyi snying por gshegs pa dang/ bdud btul ba dang/ mngon par rdzogs par sangs rgyas pa dang/ chos kyi 'khor lo bskor ba dang/ tha ma mya ngan las
 'das pa ston pa thams cad mya ngan las 'das pa la bskul bar ston pa'o/ /dga' ldan gyi gnas nas ji ltar gshegs pa dang/ chos kyi 'khor lo bskor ba'i lo rgyus ni/ 'phags pa rgya cher rol pa'i mdo las zhib tu gsungs pa yin no/ /ji ltar mya ngan las 'das
 pa ni 'phags pa mya ngan las 'das pa'i mdo las gsungs pa yin no/ /mgon po zhes pa gong du bshad pa dang 'dra'o/ /kun gyi drung du bdag mchi'o zhes pa ni phyes 'byung ba'i sangs rgyas de dag thams cad mngon par rdzogs par sangs rgyas pa'i dus dang/ chos kyi 'khor?
 lo bskor ba'i dus la sogs pa rnams su/ bdag cag mchod pa sna tshogs thogs te/ de bzhin gshegs pa la lta ba dang/ phyag bya ba dang/ mchod cing bstod pa dang/ chos nyan pa dang/ rim gro dang/ bsnyen bkur bya ba'i phyir/ de dag kun gyi drung du bdag yid
 ltar mgyogs pa dang/ rdzu 'phrul gyi stobs kyis ji ltar 'gro bar gyur cig pa'o// //spyi don bcu gnyis pa stobs la rnam pa bcu ste/ rdzu 'phrul gyi stobs dang/ theg pa'i stobs dang/ yon tan gyi stobs dang/ byams pa'i stobs dang
 bsod nams kyi stobs dang/ ye shes kyi stobs dang/ shes rab kyi stobs dang thabs kyi stobs dang/ ting nge 'dzin gyi stobs dang/ byang chub kyi stobs te bcu'o/ /de la rdzu 'phrul gyi stobs la sogs pa ni kun tu myur ba zhes pa nas byang chub
 stobs rnams yang dag grub par byed ces pa'i bar du'o/ /dang po rdzu 'phrul gyi stobs ston te/ kun tu myur ba'i rdzu 'phrul stobs dang zhes pa la/ kun tu myur ba ni gong du 'dod pa dang/ ji ltar 'dod pa bzhin du thams cad la thogs pa med pa'o/ /rdzu 'phrul ni
 'byor pa ste/ nam mkha' la 'gro ba dang/ 'dug pa dang/ ri dang rtsig pa la mi thogs par 'gro ba dang/ gzugs bsgyur zhing 'phrul pa'o/ /de'i stobs ni rdzu 'phrul ston cing sems can dag dga' bar byed nus pa'o/ /gnyis pa theg pa'i stobs ni kun nas sgo'i ba?
 theg pa'i stobs dag dang zhes pa la/ theg pa ni theg pa des bla na med pa'i byang chub 'debs pas na theg pa ste/ sa dang pha rol tu phyin pa'i rang bzhin dang/ sangs rgyas thob par byed pa'i lam bstod nams dang ye shes kyi tshogs bdag nyid do/ /de'i stobs ni 'khor
 ba dang mya ngan las 'das pa gnyis la mi gnas shing/ sangs rgyas kyi mdzad pa rgyun mi 'chad par byed nus pa'o/ /yang na kun nas sgo zhes bya ba ni spyod pa rlabs po che dang ldan pas dus kun tu byang chub kyi sems kyis zin cing thabs la mkhas pa dang ldan
 pas/ spyod pa thams cad bdag dang gzhan la phan pa'i don du 'gyur ba'o/ /yang na kun nas dge ba sna tshogs 'grub pa'i rgyu gyur pa ste/ dper na lam nas 'gro ba zhig mthong na sems can thams cad 'phags pa'i lam du zhugs par shog cig /'dug pa'i tshe
 sems can thams cad byang chub kyi snying por 'dug par shog cig /sgo gcod pa'i dus su ngan song gsum dang mi dge ba thams cad kyi sgo gcad par shog cig /sgo 'byed pa'i tshe na mtho ris dang thar pa'i sgo phye bar shog cig ces pa la sogs pa dang/ mthong ba dang thos pa dang/
 dge ba'i phyogs su 'gyur bar smon cing yongs su bsngo ba ste 'phags pa spyod yul yongs su dag pa'i mdo las gsungs pa lta bu'o/ /gsum pa yon tan gyi stobs ni kun tu spyod pa'i stobs rnams dang/ zhes pa la/ de la kun tu yon tan ni thog
 mar spyod par gsol ba dang/ nyams su len cing spyod pa dang/ 'bras bur grub pa'i mthus dus thams cad du dge ba'o/ /spyod pa zhes pa ni byang chub sems dpa' i spyod pa pha rol tu phyin pa dang/ bsdu ba'i dngos po dang/ tshad med pa bzhi la sogs pa'o/ /de'i stobs ni pha
 rol tu phyin pa'i mi mthun pa'i phyogs ser sna la sogs pa zil gyis mnan cing gzhan zil gyis gnon pa la sogs pa'i nus pa'o/ /bzhi pa byams pa'i stobs kun nas khyab pa byams pa dag gi stobs zhes pa la/ kun nas khyab pa ni phyogs bcur sems can
 rnams la khyab par byed pa'o/ /byams pa ni sems can thams cad la byams pa dang/ bde ba sgrub pa'i bsam pa dang mtshan nyid can no/ /de'i stobs ni 'khor ba la sogs pa sems can rnams la 'tshe ba dang/ gnod pa'i las mi byed par 'dod ma nus pa'o/ /lnga pa bsod nams kyi
 stobs/ kun tu dge ba'i bsod nams stobs rnams dang zhes pa ni kun tu dge ba ni sems can thams cad la phan pa dang bde bar bya ba'i bsam pa dang ldan pa'i phyir/ thams cad kha na ma tho ba med pa'o/ /bsod nams ni bsod nams ye shes dag ni mi zad rnyed ces pa'i
 skabs su bshad pa dang 'dra'o/ /drug pa ye shes stobs ni chags pa med pa ni dus gsum po thams cad la chags pa 'am thog pa med pa'o/ /ye shes de'i stobs ni shes bya'i sgrib pa dang bral ba ste/ shes bya thams cad shes par nus pa'o/ /bdun pa shes rab kyi
 stobs dang/ brgyad pa thabs kyi stobs dgu pa ting nge 'dzin gyi stobs shes rab thabs dang ting nge 'dzin stobs dag gis zhes pa la/ shes rab dang thabs dang ting nge 'dzin ni gong du s0hes rab thabs dang ting nge 'dzin rnam thar dang zhes pa' skabs su bshad pa yin no/
 yang de la shes rab kyi stobs ni/ bsos po thams cad kyi don mngon par rtogs par nus pa'o/ /thabs kyi stobs ni don sgrub pa bde blag du 'thun par bsgrub po'o/ /ting nge 'dzin gyi stobs ni mngon par shes pa la sogs pa'i yon tan khyad par can rnams thob par byed nus
 pa'o/ /rdzu 'phrul gyi stobs nas ting nge 'dzin gyi bar stobs dgus byang chub kyi stobs rnams yang dag par bsgrub par bya ba de ni/ bcu pa byang chub kyi stobs byang chub stobs rnams yang dag grub par byed ces bya ba yin te/ de byang chub ni bla na med pa yang dag par rdzogs pa'i
 byang chub ste/ gong du bshad pa dang 'dra'o/ /de'i stobs ni spangs pa dang/ ye shes phun sum tshogs pa ma yin pa las rgyal te/ grub pa'i mthar phyin par nus pa'o/ /yang dag grub par byed ces pa ni/ nan tan gyi nyams su len par byed pa'o/ /da ni spyi don bcu gsum pa
 gnyen po ston te de yang gong du smos pa'i stobs bcu dang/ mi mthun pa'i phyogs las dang nyon mongs gi bdud kyi stobs dang/ gsum gzhom pa'i phyir gnyen po gsum gsungs te/ dang po ni las kyi stobs rnams yongs su dag byed cing/ zhes pa la/ las ni dge ba dang
 mi dge ba dang/ mi g.yo ba'i bye brag gi rnam pa gsum ste/ mi dge ba'i las ni myong bar nges pa'o/ /de'i stobs ni mngon sum du skye par byed pa'o/ /de'i stobs dag par byed pa ni/ smad pa dang/ bshags pa dang/ bsdam pa dang/ dkon mchog gsum la skyabs su
 'gro zhing byang chub tu sems bskyed pas/ phyag dar bzhin du bsal bar bya ste/ 'phags pa chos bzhi pa'i mdo las kyang 'byung ste/ byang chub sems dpa' sems dpa' chen po chos bzhi dang ldan na/ sdig pa byas shing bsags pa yang zil gyis gnon par mi 'gyur
 te/ de bzhi gang zhe na/ 'di lta ste/ rnam par sun 'byin pas kun tu spyod pa dang/ gnyen pos kun tu spyod pa dang/ sor chud par byed pa'i stobs dang/ rten gyi stobs so/ /de la rnam par sun 'byin pa kun tu spyod pa ni mi dge ba'i las spyod na de la 'gyod pa mang ba yin no//
 de la gnyen po kun tu spyod pa ni mi dge ba'i las byas kyang/ dge ba'i las la shin tu brtson pa'o/ /de la sor chud par byed pa'i stobs ni/ sdom pa yang dag par blangs pas mi byed pa'i sdom pa thob pa'o/ /de la rten gyi stobs ni sangs rgyas
 dang chos dang dge 'dun la skyabs su 'gro ba dang/ byang chub kyi sems mi gtong ba ste/ stobs dang ldan pa la brten pas zil gyis gnon par mi nus pa'o zhes gsungs pa lta bu'o/ /de la rnam par sun 'byin pa dang/ 'gyod cing chags pa dang/ sdom pa
 len par byed pa ni/ lung las shin tu mi bzad las rnams byas pa dag /bdag la cung zad smad pas bsrabs par 'gyur/ /bshags par byas dang sdom pa byas pas ni/ de dag shin tu brtsad nas 'byin par byed ces gsungs so/ /de la dkon mchog
 gsum la skyabs su 'gro bas 'byad ba ni/ phag mo'i rtogs pa brjod pa'i mdo las/ lha'i bu zhig 'chi 'pho ba'i chos su gyur te/ phag mo'i mngal du skye ba'i las myong bar 'gyur ba'i las mi sdug pa'i 'bras bu 'byin par mngon du gyur pa las/ dkon
 mchog gsum la skyabs su song ba tsam gyis las thams cad shin tu rtsad nas bcad de bton te/ sum cu rtsa gsum pa'i lha'i nang nas shi 'phos te dga' ldan gyi lhar skyes so zhes gsungs pa lta bu'o/ /byang chub kyi sems bskyed pas 'byad pa ni me dra kan
 sang ma la brnyas pas/ kun nas bslang ba'i mi dge ba'i las/ zhing gi bye brag gis tshe 'di la 'bras bu rnam par smin par gyur pa yang cung zhig smin nas lhag pa'i bsam pas smon lam btab cing sems bskyed nas/ ma lus par rtsad nas ston te/
 bsam par gyur pa lta bu'o/ /sems can gyi don du smon lam btab cing/ sems ji ltar bskyed ce na/ de'i mgo la 'khor los 'drung cing sdug bsngal chen po myong ba na/ de 'di snyam du gzhan su dag ma la brnyas pa 'di lta bu myong bar 'gyur ba'i sdug
 bsngal thams cad bdag gis myong la/ de dag bde ba mchog dang ldan par gyur cig ces smon lam btab cing sems bskyed do/ /chos la bdag med par rtogs pas ni shin tu gtan nas 'byin par 'gyur te/ 'phags pa las kyi sgrib pa rnam par dag pa'i mdo las/
 dge slong dri ma med pa'i 'od ces bya ba la mi tshangs par spyod pa'i pham par byung ba las/ de 'gyod cing mi dga' ba las/ bcom ldan 'das kyis chos bstan pa thos nas/ de rtogs te lhag pa'i bsam pas byang chub tu sems bskyed pa dang/ dge slong dpal
 sbyin zhes bya ba mi tshangs par spyod pa dang/ mi bsad pa'i pha ma gnyis byas nas/ mi dga' zhing 'gyod pa las/ de bzhin gshegs pa'i sku gzugs dag mthong zhing/ de dag gis chos zab mo bstan pa thos nas/ byang chub kyi tshul dang ldan pa'i sems
 kyis/ chos kyi rang bzhin rnam par phyed pas/ mi skye ba'i chos la bzod pa thob par gyur pas/ gnyi ga yang sangs rgyas su 'grub par lung bstan pa lta bu'o/ /chos zab mo la mos pa 'di ni ltung ba dang 'gyod pa thams cad sel ba dang/ sgrib pa thams cad spyod pa yin no zhes
 bya ba de ltar dad pa bya ste/ ji skad du 'phags pa de bzhin gshegs pa mdzod kyi mdo las/ 'od srung pha yang yin la rang sangs rgyas kyang yin pa de ni srog bcad pa'i nang nas ma rungs pa'o/ /'di lta ste/ dkon mchog gsum gyi nor phrogs pa ni ma
 byin par blangs pa'i nang nas ma rungs pa'o/ /'di lta ste ma yang yin la dgra bcom pa yang yin pa de la mi tshangs par spyod pa de ni/ 'dod pas log par g.yem pa'i nang na ma rungs pa'o/ /'di lta ste/ de bzhin gshegs pa la skur pa 'debs pa ni brdzun du
 smra ba'i nang na ma rungs pa'o/ /'di lta ste/ dge 'dun gyi dbyen byas pa ni phra ma'i nang na ma rungs pa'o/ /'di lta ste/ 'phags pa rnams la mi snyan pa brjod pa 'di ni dag rtsub pa'i nang na ma rungs pa'o/ /'di lta ste/ chos 'dod pa rnams la rnam par g.yang bar
 byed pa ni/ tshig 'khyal ba'i nang na ma rungs pa'o/ /'di lta ste/ yang dag par zhugs pa rnams kyi rnyed pa phrog pa sems pa de ni/ brnab sems kyi nang na ma rungs pa'o/ /'di lta ste/ mtshams med par byed par sems pa ni/ gcod
 sems kyi nang na ma rungs pa'o/ /'di lta ba shin tu 'dzin pa de ni/ log par lta ba'i nang na ma rungs pa ste/ mi dge ba'i las kyi lam bcu po de dag thams cad ni kha na ma tho ba chen po dang bcas pa ste/ 'od srungs gal te sems can la la zhig la/ mi dge ba'i las kyi sems can
 bcu po de ltar kha na ma tho ba dang bcas pa chen po dang ldan par gyur la/ de yang de bzhin gshegs pa'i chos bstan pa la yang 'jug ste/ 'di la nam bdag gam sems can ma/ srog gam gang zag gam/ gang byed pa 'am/ gang myong ba yang med do//
 'di ltar chos thams cad ni ma byas pa/ mngon du bya ba med pa/ sgyu ma'i chos nyid kun nas nyon mongs pa can ma yin pa/ rang bzhin gyi 'od gsal bar rtogs la/ chos thams cad gzod ma nas rnam par dag cing/ yid ches par mos na sems can de ngan
 song du 'gro bar mi smra'o/ /de ci'i phyir zhe na/ yang dag par nyon mongs pa rnams la phung po'i dngos po med de/ nyon mongs pa thams cad byung nas zhig cing zhu ba'o/ /rgyu dang rkyen gyi tshogs pa las byung la/ byung ma thag tu 'gag pa'o zhes gsungs pa'o/ /byang  
 chub kyi sems mngon du byas pas kyang/ sgrib pa las 'byung ba mi shes pa rnams gtan nas 'byin par 'gyur te/ nye ba 'khor gyis zhu ba las/ gal te byang chub sems dpa' snga dro nyes pa byung nas/ nyi ma'i gung la byang chub kyi sems mngon du byed
 na de'i tshul khrims kyi phung po dpag tu med do/ /de bzhin du nyi ma gung la ltung ba la de'i phyi dro byang chub kyi sems mngon du byas nas/ byang chub sems dpa' de tshul khrims kyi phung po dag dpag tu med pa kho nar 'gyur ro/ /zhes bya ba la sogs pa gsungs
 pa lta bu'o/ /yang na mdo sde las byang chub kyi sems kyi phan yon bshad pa/ rigs kyi bu byang chub kyi sems ni nyes pa thams cad sreg pa'i phyir/ sreg pa me'i bskal pa lta bu'o zhes bya ba la sogs pa gsungs pa lta bu'o/ /kha cig 'di skad du sdig pa'i las
 chung ngu dang 'bring dag ni bshags pa la sogs pa'i mthus gtan du rtsad nas 'byin par byed? rung bgrad na/ mtshams med pa'i las la sogs pa lci ba rnams ji ltar gtan nas 'byin par 'gyur zhe na zhes zer ba dag yod de/ lan du 'gal ba
 med do/ /ji ltar zhe na/ ma skyes dgra la sogs pa mtshams med pa dag gis/ bsam pa chung ngu dang 'bring dang/ chen po'i rim pas mnar med pa'i sems can dmyal bar bskal pa rangs par ram/ bskal pa phyed du gnas par 'gyur ba las de dag gi shin tu
 'gyid pa'i sems rang ba'i sems kyi shin tu mi dga' bar gyur nas mthol zhing bshegs pa dang chos zab mo thos te mos nas su rtogs pa'i dbang gis las de bsrabs par 'gyur nas/ la la ni tshe 'di nyid la sdug bsngal cung zad cig myong nas/ dgra
 bcom pa thob pa yang yod la/ la la ni tshe phyi ma la nyi tshe ba'i dmyal bar pho long brdabs pa'i srid pa tsam zhig sdug bsngal gyi 'bras bu myong bar byed pa yang yod de/ 'phags pa ma skyes dgra'i 'gyod pa gsal ba'i mdo las 'byung ba yin no/ /'o na
 lung las bskal pa brgya dag snyed du yang/ las rnams chud zar mi 'gyur te/ /tshogs shing dus dang ldan pa na/ /lus can rnams la 'bras bur smin zhes gsungs pa ji ltar spyad zhe na/ de ni mi 'gyod cing las de la mi smod la/ gnyen po mi bsten pas las
 ma sbyangs shing/ bslab pa ma byas pa las dgongs te gsungs pa yin no/ /gnyen po bsten na las 'byad du rung ste/ mi mkhas pas ni sdig pa chung ngu byas kyang ngan 'gror 'gro mkhas pa gnod pa chen po byas kyang spong bar 'gyur/ de yang gzhung las lcags
 kyi gong bu chung yang chu'i bting du 'gro /de nyid rnod du byas na che yang kha na 'phro zhes bshad pa lta bu'o/ t/de ma khas pas nyes pa byas pa'i 'og tu mi dga' ste 'gyod cing bshags pa la sogs pa'i gnyen pos spyangs na/ byang bar 'gyur
 ba la bya'o/ /mi mkhas pas mi dge ba bab col du byas/ sdig par mi 'gyur bar ba sh+ya pa ni ma yin no/ /mi g.yo ba'i las ni bsam gtan dang snyoms par 'jug pa ste/ de'i stobs ni gzugs kyi khams mi za bar 'jug pa dang/ gzugs med pa'i khams su skye bar
 byed do/ /de dag par byed pa ni las de yang byang chub chen por bsngos la/ las la dbang pas sems can gyi don du gar dga' skye bar byed pa'o/ /dge ba ni 'dod pa'i khams su bde ba myong bar 'gyur ba'i las te/ de'i stobs ni gdon mi za bar der skye bar 'gyur ba ste
 de yongs su dag par byed pa ni dge ba bla na med pa yang dag par rdzogs pa'i byang chub tu bsngos te/ smon lam chen po la brten pa'i mthus rnam par smin pa'i 'bras bu bral te 'khor ba'i sgyur mi 'gyur gyi/ gdon mi za bar bla na med pa'i byang chub thob par byed pa'o/
 de ltar mi dge ba'i las dang mi g.yo ba'i las dang/ dge ba'i las dang yongs su dag par byed pa'o/ /gnyis pa nyon mongs pa'i gnyen po bstan pa ni/ nyon mongs stobs rnams kun tu pham par byed ces pa ste/ nyon mongs pa ni lus dang sems la gnod
 cing nyon mongs par byed pa ste/ 'dod chags la sogs pa'o/ /de dag stobs na de dag gi mthus sems can thams cad rig pa dang ma rig pa dang/ phan pa dang/ gnod pa dang/ lci ba dang yang pa la sogs pa mi shes pa ni gti mug yin la shes bzhin du byed/
 'dod chags la sogs par byed pa'o/ /kun tu 'jom par bgyid pa ni gnyen po bsten pa'i stobs te/ 'dod chags kyi gnyen po mi gtsang ba dang/ mi sdug pa bsgom pa dang/ zhe sdang gi gnyen por byams pa bsgom pa dang/ gti mug gi gnyen por rten
 cing 'brel par 'byung ba brtags pa la sogs pa la gzhol ba'o/ /mdor na nyon mongs dbang du gyur par bya ste/ byang chub kyi yan lag tu sgom par byed do/ /'phags pa dkon mchog brtsegs pa chen po 'od srungs kyi le'u las 'byung ba/ 'od srungs 'di lta
 ste/ dper na sngags dang sman gyis yongs su zin pa'i dug gis ni 'chi bar byed mi nus so/ de bzhin du ye shes dang thabs mkhas pas yongs su zin pa'i byang chub sems dpa' ni/ nyon mongs pa'i dug gis kyang yongs su ltung bar byed mi nus so/ 'od srungs 'di lta ste/ dper na grong
 khyer chen po'i lung gang yin pa de ni/ bu ram shing gi zhing dag dang/ rgun gyi zhing dag la phan par 'gyur ba yin no/ /'od srungs de bzhin du byang chub sems dpa' i nyon mongs pa'i lung gang yin pa de yang thams cad mkhyen pa nyid la phan par 'gyur ba yin no zhes gsungs pa
 lta bu ste/ byang chub sems dpa' ni nyan thos ltar nyon mongs pa 'phral bu mi spong gi shes rab dang thabs kyis nyon mongs pa zil gyis mnan nas/ nyon mongs pa yod pa bzhin du spyod pa thams cad bla na med pa'i ye shes kyi rgyur 'gyur ba mdzad de/ dper na dug 'thungs
 pas sman bzang po 'thungs na/ dug mi sdang ba dang/ sngags kyi btab ste/ dug gi mthu bsad pa'i dug zos na gnod par mi 'gyur gyi phan par 'gyur ba dang 'dra'o/ /theg pa chen po bsdus pa las kyang/ nyon mongs thul la spangs pa med/ /sngags
 kyi bsad pa'i dug dang 'dra/ /sangs rgyas rnams kyi nyon mongs las/ /nyon mongs zad pa kun mkhyen brnyes zhes bshad pa yin no/ /byang chub sems dpa' i gnas skabs na nyon mongs pa rnams kun tu spyod pa ni ma yin gyi/ nyan thos kyi theg pas yongs su mya ngan
 las 'das na mi rung ngo snyam nas bag la nyal lhag ma 'jog ste/ de'i phyir nyon mongs pa nyid nyon mongs pa zad pa thams cad mkhyen pa'i rgyur 'gyur ro/ /gsum pa bdud kyi stobs kyi gnyen po bstod pa ni/ bdud kyi stobs rnams stobs med rab byed cing zhes pa ni/ bdud bzhi
 nyon mongs pa'i bdud gzhom pa gong du bshad pa'i lhag ma/ phung po'i bdud dang/ 'chi bdag gi bdud dang/ lha'i bu'i bdud do/ /de dag gi stobs ni sdug bsngal myong bar byed pa/ 'khor ba las mi 'da' ba dang/ byang chub sems
 dpa' i spyod pa la bar chad byed pa'o/ /phung po'i bdud kyi stobs med par byed pa ni shes rab kyi phung po la mkhas par bya ba'i stobs kyi stobs med par byed pa ste/ 'phags pa blo gros mi zad pa'i mdo las/ de la byang chub sems dpa' i phung po la mkhas
 pa gang zhe na/ gang 'di ltar dper bya bas bstan pa dang/ chu'i chu bur bstan pa dang/ smig rgyu bstan pa dang/ chu shing gi sdong bu bstan pa dang/ sgyu ma bstan pa dang/ rmi lam bstan pa dang/ brag cha bstan pa dang/ mig yor bstan pa dang/ gzugs brnyan
 bstan pa dang/ sprul pa bstan pa'o/ /de ci'i phyir zhe na/ gzugs ni dbu ba rdos pa lta bu ste/ dbu ba rdos pa ni bdag ma yin/ sems can ma yin/ srog ma yin/ gso ba yin/ skyes bu ma yin/ gang zag ma yin no/ /sgyu ma'i rang bzhin gang yin pa de ni rnam
 par shes pa'i rang bzhin yang de yin te/ gang 'di la mkhas pa gang yin pa de byang chub sems dpa' i phung po la mkhas pa zhes bya'o/ /phung po rnams ni rmi lam lta bu/ mig yor lta bu/ gzugs brnyan lta bu/ sprul pa lta bu ste/ sprul pa la yang bdag ma yin
 zhes bya ba la sogs pa rgyas par gsungs pa dang/ 'phags pa shes rab kyi pha rol tu phyin pa las/ gzugs ni gzugs kyis stong ngo/ /tshor ba ni tshor bas stong ngo/ /'du shes ni 'du shes kyis stong ngo/ /'du byed ni 'du byed kyis stong ngo/ /rnam par shes pa ni rnam
 par shes pas stong ngo zhes gsungs pa lta bu'o/ /de ltar phung po rnams la bdag med cing stong par rtogs pas/ gnod pa dang sdug bsngal thams cad kyis mi tshugs pas bdud kyi stobs med par byed do/ /'chi bdag gi bdud ni 'chi 'pho ba'i chos so/ /de'i stobs
 ni rang dbang med par 'chi ba'o/ /'chi bdag gi bdud kyi stobs med par byed pa ni tshe dang skye ba la dbang thob pa ste/ 'phags pas bcu pa'i mdo las/ bskal pa brjod du med par tshe byin gyis rlobs pa'i phyir tshe la dbang rab tu thob bo/ /'jig rten gyi khams thams cad
 skye ba kun tu ston pas skye ba la dbang thob bo zhes gsungs pa lta bu'o/ /lha'i bu'i bdud ni byang chub sems dpa' dge ba spyod pa dang/ mngon par rdzogs par sangs rgyas pa'i tshe yang bar chad med do/ /de'i stobs med par byed pa ni bdud bslu zhing 'ong zhing yang de ltar rig nas
 bslur mi tshugs sran thub ste/ dge ba spyod pa las mi nyams pa dang/ mngon par rdzogs par byang chub pa'i tshe bdud dpung dang bcas te lhags pa na yang/ de bzhin gshegs pa byams pa'i ting nge 'dzin la zhugs nas btul ba ste/ 'phags pa rgya che rol pa dang/
 rin po che rtog gi mdo las gsungs pa bzhin no/ /bzang po spyod pa'i stobs ni rdzogs par byed ces bya ba la/ bzang po spyod pa ni gong du bshad pa bzhin no/ /de'i stobs ni de'i mi mthun pa'i phyogs la 'bad cing rtsol ba dang bcas pa zil gyis mnan nas/ rang gi
 dang du gyur te/ lhun gyi grub par byed pa yin no/ /rdzogs par byed pa ni gong du rdzu 'phrul gyi stobs zhes pa nas/ byang chub stobs ni yang dag par grub par byed ces pa'i bar gyi stobs bcu dang/ las kyi stobs dang/ nyon mongs pa'i stobs dang/ bdud kyi stobs gzhon
 pa'i gnyen po gsum gyis rdzogs par byed par gyur cig pa'o// //da ni spyi don bcu bzhi pa phrin las ston te/ zhing rnams rgya mtsho zhes pa nas bskal pa rgya mtsho mi skye spyad par bgyi zhes pa'i bar tshigs bcad gnyis kyis ston te/ de yang don
 brgyad las/ dang po sangs rgyas kyi zhing yongs su dag par bya ba ni zhing rnams rgya mtsho yongs su dag byed cing zhes pa la/ zhing ni sangs rgyas kyi zhing ngo/ /rgya mtsho ni mang ba la bya'o/ /de rnams rnam par dag par bya ba ni bde ba can dang/ pad+ma can la sogs pa bzhin/ lu
 mthil ltar mnyam pa/ dam grog dang g.yang sa la sogs pa med pa/ rin po che sna tshogs kyi shing me tog dang 'bras bu yid du 'ong ba dag gis mdzes par byas pa/ mi gcod pa'i ming yang mi grag pa/ ngan song med pa zhes bya ba la sogs
 pa dang 'dra bar sangs rgyas kyi zhing mang po yongs su dag par byed pa'o/ /yang na zhing ni sems la bya ste/ nyon mongs pa'i thab ma yin pa/ byams pa dang snying rje'i sems kyis brlan pa'i sems las sangs rgyas kyi myu gu 'khrungs pas na zhing ngo/ /rgya mtsho ni mang po
 la bya ste/ de dag rnam par dag par byed pa ni nyon mongs pa dang/ shes bya'i sgrib pa shin tu phra ba yang ma lus par gtan nas 'byin pa'i lam ston cing sgrub du gzhugs pa'o/ /sems can rgya mtsho dag ni rnam par grol zhes bya ba la/ sems can ni 'khor ba la
 chags pa dang/ 'khor bar 'byung ba'i phyir sems can no/ /rgya mtsho ni mang ba'o/ /rnam par dag par bya ba ni rdzu 'phrul gyi cho 'phrul dang/ kun nas brjod pa'i cho 'phrul bstan pas 'dun par byas la/ rjes su bstan pa'i cho 'phrul gyis mos pa ji lta ba bzhin du man
 ngag byin te/ sgrub tu bcug pas nyon mongs pa'i 'ching ba dam po gcod par byed do/ /chos rnams rgya mtsho rab tu mthong byed cing zhes bya ba la/ chos ni thob pa'i chos la bya ste/ bshad pa'i chos rgya mtsho dang/ rtogs pa'i chos rgya mtsho dag skad cig re re la shes rab kyi
 mig gis? rab tu mthong bar byed/ rnam par mthong bar byed cing sangs rgyas dang byang chub sems dpa' i thugs kyi rgyud mnga' ba shin tu rnam par dag cing mthar phyin pa/ thugs rje chen po dang stobs dang mi 'jigs pa la sogs pa la sogs pa grangs dpag tu med pa
 rnams/ rab tuAm rnam par mthong bar byed pa ni/ shes rab kyi mig gis yon tan gyis chos mang po dag la mthong bar byed pa'o/ /ye shes rgya mtsho rab tu rtogs par byed ces bya ba la/ ye shes ni thams cad mkhyen pa'i ye shes so/ rgya mtsho ni shes par bya ba'i
 yul mang pos nas mkhyen pa yang mang ba'o/ /rtogs par byed pa ni thams cad mkhyen pa'i ye shes kyis shes bya'i yul mang po mkhyen pa'i tshul rtog par byed pa'o/ /spyod pa rgya mtsho rnam par dag byed cing zhes pa la/ spyod pa ni bdag dang gzhan la phan pa'i bsod
 nams dang/ ye shes kyi tshogs su gyur pa pha rol tu phyin pa rnams dang/ bsdu ba'i dngos po rnams dang/ byang chub sems dpa' i spyod pa dpag tu med pa'i mdo sde dag las 'byung ba dang/ bzang po spyod pa 'di nyid la bya'o/ /rnam par dag par byed pa ni byang chub sems
 dpa' i spyod pa dang mi mthun pa thams cad bsal te dri ma med par byed pa'o/ /smon lam rgya mtsho rab tu rdzogs par byed ces bya ba'o/ /smon lam ni bdag dang gzhan la mdza' yun du phan pa dang bde bar smon pa'o/ /rgya mtsho ni bde zhing legs par smon pa'i rnams
 grangs mang po la bya'o/ /rdzogs par byed pa ni tshul khrims rnam par dag par bya ba ste/ mdo dag las tshul khrims dang ldan pa'i smon lam grub bo zhes gsungs pa lta bu'o/ /yang na smon lam la dbang thob par byed pa ste/ 'phags pa sa bcu pa'i mdo las
 sangs rgyas kyi zhing gang gang dus gang du ci dga' ba mngon par rdzogs pa byang chub pa kun tu smon lam la dbang ba rab tu thob bo zhes gsungs pa dang/ byang chub sems dpa' smon lam gyi stobs can rnams smon lam khyad par can gyis rnam 'phrul te/ bdag gi lus ma
 'od dam rdzu 'phrul lam/ mig ma/ spyod lam yul ma/ dbyangs sam spyod pa 'am/ bkod pa las byin gyis brlabs sam/ mos pa 'am mngon par 'du byed pa dag kyang/ bskal pa bya ba khrag khrig 'bum ji snyed pa de snyed du yang brjod par sla ba ma yin no zhes gsungs pa de?
 rdzogs par byed pa'o/ /sangs rgyas rgya mtsho rab tu mchod byed cing zhes pa ni/ gong du mchod pa bshad pa'i skabs su mchod pa mos pa rnams kyis/ sangs rgyas thams cad la rtag tu mchod par bya'o/ /de yang mdo sde dag las/ sangs rgyas gcig gi drung nas kyang ma g.yos la?
 sangs rgyas thams cad kyi drung du yang phyin te/ mchod cing rim gror byed do zhes gsungs pa lta bu'o/ /bskal pa rgya mtshor mi skyo spyad par bgyi zhes bya ba ni bskal ba mang po dpag tu med pa yang/ sems can gyi don du sems pa na dmyal
 bar 'jug cing sems can dmyal bar sdug bsngal myong ba yang chod kyis mi skyo bar spyod par gyur cig pa'o// //da ni spyod don bco lnga pa rjes su slob par yongs su bsngo ba bstan te/ de la yang gnyis te sangs rgyas kyis rjes su slob par bsngo ba dang/ byang
 chub sems dpa' i rjes su slob par bsngo ba'o/ /de la dad pa ni/ gang yang dus gsum gshegs pa rgyal ba yi zhes pa nas/ de dag ma lus ba dag gis rdzogs par bgyi/ zhes pa'i bar gyis te/ dus gsum gshegs pa'i rgyal ba rnams kyis bla na med pa'i
 spyod pa dang/ smon lam gyi byang ba gang yin pa de dag thams cad ma lus par/ bdag gis bzod po spyod pa rdzogs par byas la/ bla na med pa'i byang chub mngon par rdzogs par sangs rgyas par gyur cig pa'o/ /gnyis pa byang chub sems dpa' i rjes su slob
 par yongs su bsngo ba ni gnyis las/ dang po 'phags pa kun tu bzang po'i rjes su slob par bsngo ba ni/ rgyal ba kun gyi sras kyi thu bo ba zhes pa la sogs te/ rgyal ba dang sras kyi don ni dus gsum gong du bshad pa bzhin no/ /thu ba ni sems bskyed pas snga ba dang/
 byang chub sems dpa' i yon tan ji snyed pa yongs su rdzogs shing rnam par dag pa'o/ /de gang zhe na/ gang gis ming ni kun tu bzang zhes bya ste/ byang chub sems dpa' kun tu bzang po nyid la bya'o/ /mkhas pa de dang mtshungs par spyad pa'i phyir/ dge ba 'di dag
 thams cad rab tu bsngo zhes pa ni/ 'phags pa kun tu bzang bo bdag dang/ gzhan gyi don phun sum tshogs par mdzad pa la mkhas pa de dang mtshungs par spyad pa'i phyir/ bdag la dge ba ci yod pa thams cad de'i rjes su bsngo bar bya'o/ /lus dang ngag dang
 yid kyang rnam dag cing zhes pa la/ lus rnam par dag pa ni lus ji lta bus 'dul pa'i skye ba rnams dang 'tsham par lus sna tshogs de lta bur/ cig car ston pa dang/ lus gcig gi sangs rgyas kyi zhing thams cad 'gengs pa la sogs pa'o/ /dag rnam par
 dag pa ni sgra skad cig las sgra skad thams cad 'byung ba dang skad cig gis phyogs bcu'i 'jig rten gyi khams mdza' yas par go bar byed pa la sogs pa'i yon tan dang ldan pa'o/ /yid rnam par dag pa skad cig gcig la spyod pa/ rlabs po che thams cad mngon sum
 du byed pa dang/ phyogs dang dus thams cad du gshegs pa'i sangs rgyas thams cad mngon sum du byed pa dang/ ting nge 'dzin mang po mngon sum du byed nus pa la sogs pa dang ldan pa'o/ /spyod pa rnam dag zhing rnams yongs su dag par zhes pa la/ spyod pa rnam par dag
 pa ni pha rol tu phyin pa dang/ sa la sogs pa yongs su rdzogs shing yongs su dag pa'i zhing rnam par dag pa ni snod dang bcud tha gru che la zhing mnyam zhing nyams dga' ba'i yon tan mang po dag dang ldan pa'o/ /bsngo ba dang pos ni/ bsngo ba bzang po mkhas pa ci 'dra ba
 de 'dra ba bdag kyang de dang mtshungs pa shog ces pa'i don ni lus dang ngag dang yid dang spyod pa dang zhing rnam par dag pa de lta bu thob par bya ba dang/ sku gsung thugs lhun gyis grub pa'i sangs rgyas yon tan gyi tshogs dpag tu med pa dang ldan pa thob par bya
 ba'i phyir dge ba thams cad yongs su bsngo ba ste/ 'phags pa kun tu bzang po'i sku dang gsung dang thugs dang spyod pa dang/ zhing yongs su dag pa ya mtshan che zhing spyod pa rmad du byung ba dang ldan pa dang/ bsngo ba rgya chen po ci 'dra ba dang/ bdag gis lus dang reg dang yid
 dang spyod pa dang zhing rnam par dag pa dang/ bsngo ba yang de dang 'dra bar gyur cig pa'o/ /gnyis pa 'phags pa 'jam dpal gyis rjes su slob par bsngo ba ni/ kun nas dge ba bzang po spyod pa'i phyir/ /'jam dpal gyis ni smon lam spyad par bgyi/ zhes pa la/ kun na
 dge ba'i dus thams cad du kha na ma tho ba med pa'o/ /bzang po spyod pa ni gong du bshad pa dang 'dra'o/ /'jam dpal ni gzhon nu'i skur ston pas gzhon sha chags te sku 'jam pa dang/ yun ring po nas zhe sdang spangs pas thugs kyi rgyud mnyen
 zhing yid du 'ong ba'o/ /dpal ni kun gyis bsten zhing bsnyen pa'i 'os su gyur pa dang/ de bsten pa rnams kyis kyang mtho ris dang thar ba'i dge ba 'phel bar 'gyur pa'o/ /de'i smon lam ni 'phags pa 'jam dpal sngon gyi rgyal po nam mkha' zhes bya bar gyur bas
 'di skad du 'khor ba'i mdza' ji tsam pa de srid du sems can la phan par spyad par bya'o/ /zhes smon lam rgya cher btab pa ste/ phyi ma'i mu'i bar du sems can ma lus pa la phan pa dang/ bde bar bya ba sna tshogs kyi mtho ris dang thar pa thob par 'gyur ba'i don
 spyod par gyur cig pa'o/ /ma 'ongs bskal pa kun tu mi skyo bar/ /de yi bya ba ma lus rdzogs par bgyi zhes bya ba ni ma 'ongs ba'i bskal pa ma lus pa thams cad du skyo ba med cing/ gzhan du mi sems par sangs rgyas dang byang chub sems dpa' i
 phrin las de dag rdzogs shing bsgrub par bgyi'o zhes ba'o// //da ni spyi don bcu drug pa 'jug bsdu ba bstan ba ni spyod pa dag ni tshad yod ma gyur cig /ces bya ba la sogs shlo ka gcig ste/ de'i spyod pa dang yon tan dang/ spyod pa tshad med
 pa la gnas pa'i khyad par gyis bsdus te/ spyod ba rlabs po che dpag tu med pa dang/ yon tan gyi khyad par dpag tu med par gyur cig /spyod pa dang yon tan tshad med pa de dag la gnas nas kyang/ sangs rgyas dang byang chub sems dpa' i rnam par sprul
 pa ngo mtshar rmad du byung ba thams cad shes par gyur cig pa'o// //da ni bzod pa spyod pa spyi don bcu yod pa las/ dgu pa smon lam gyi mdza' bstan pa ni/ nam mkha' i mthas btugs gyur ba ji tsam bar/ /sems can ma lus mdza' yang de bzhin
 te/ /ji tsam las dang nyon mongs mthar gyur pa/ /bdag gi smon lam mdza' yas de tsam mo zhes pa ste nam mkha' i mdza' la ni thug pa med cing bsam gyis mi khyab pa'o/ /sems can gyi khams dang/ dpag tu med de/ 'phags pa de bzhin gshegs pa'i thugs rje bstan pa'i mdo las
 shing rta'i 'phang lo tsam gyi phyogs na snang bar ma gyur pa'i sems can gang dag de bzhin gshegs pa snang bar gyur ba de dag ni ches mang gi/ stong gsum gyi stong chen po'i 'jig rten gyi khams kyi lha dang mi rnams ni de ltar ma yin te/ de ltar snang bar ma gyur pa'i sems
 can ni tshad med do zhes gsungs pa lta bu'o/ /sems can rnams kyi las dang nyon mongs pa dang ldan pa yin pas/ sems can gyi mdza' ji tsam par sems can rnams kyi las dge ba dang/ mi dge ba'i 'khor ba'i rkyen du gyur pa dang/ 'dod chags la sogs pa'i nyon mongs
 pa'i rgyur gyur pa kun nas nyon mongs pa'i phyogs su gyur pa yang de tsam ste/ mi mthun pa'i phyogs de dag gnyen por 'phags pa'i lam gyis bsrangs pa'i phyir las dang nyon mongs pa'i mdza' ji tsam bar/ bdag gi sems can gyi don bya ba smon lam gyi mdza' yang
 de tsam par gyur cig pa'o// //da ni spyi don bcu pa smon lam gyi phan yon bstan to/ /de la yang gnyis te tshe 'di dang/ tshe phyi ma'i phan yon no/ /tshe 'di'i phan yon la bzhi ste/ bsod nams khyad par du 'phags pa yongs su sdud pa dang/ de bzhin gshegs pa mthong ba
 dang/ byang chub sems dpa' bskal ba mnyam par thob pa dang/ las kyi sgrib pa yongs su byang bar smon pa'o/ /de la dang po la mang ba dang/ rgya che ba dang/ sna tshogs pa dang/ phan par byed pa'i dngos po dang/ zhing khyad par du 'phags pa'i bsod nams brjod pa de bas byang
 chub don du gnyer bas smon lam la mos pa dang ldan pa'i bsod nams mchog tu 'phags pa yongs su sdud pa ni/ gang yang phyogs bcu'i zhing rnams mdza' yas pa/ /rin chen rgyan de rgyal ba rnams la phul/ /lha dang mi yi bde ba mchog rnams kyang/ /zhing ba'i rdul
 snyed bskal bar phul ba bas/ /gang gis bsngo ba'i rgyal po 'di thos nas/ /byang chub mchog gi rjes su rab mos shing/ /lan cig tsam yang dad pa skyes pa ni/ bsod nams dam pa'i phyogs 'di 'gyur ro/ zhes bya ba yin te/ de la phyogs
 bcu'i zhing rnams zhes pa ni mang ba la bya'o/ /mdza' yas zhes pa ni rgya che ba la bya'o/ /rin chen rgyan te zhes ba ni sna tshogs pa ste/ rin po che sna tshogs kyi zhing de mdzes par byas pa'o/ /lha dang mi'i bde ba'i mchog rnams zhes pa ni phan bar byed pa'i dngos
 po ste/ lha dang mi'i yul na yod pa'i mchod ba'i yo byad dang spyad pa'i yo byad mchog rnams so/ /rgyal ba rnams la phul zhes pa ni zhing khyad par du 'phags pa ste/ bsod nams kyi zhing gi mchog sangs rgyas bcom ldan 'das dang bcas pa la phyogs bcu'i
 zhing mdza' yas pa rin po che sna tshogs pas brgyan ba dang/ lha dang mi'i bde ba yo byad mchod pa rnams/ sangs rgyas kyi zhing thams cad kyi rdul phra rab snyed kyi bskal par phul ba'i bsod nams ni de tsam du mi che ste/ bsod nams de yang zag pa dang bcas pa yin la/ bla na med
 pa'i byang chub du ma bsngos na/ rnam par smin pa myong nas zad par 'gyur ba'i phyir ro/ /bsngo ba'i rgyal po ni bsngo ba thams cad kyi mchog bla na med pa yang dag par rdzogs pa'i byang chub tu bsngo bar byed pa ste/ gang gis 'di thos nas nyan thos dang rang sangs rgyas kyi byang chub las khyad par
 du 'phags pa'i byang chub mchog rnam pa thams cad mkhyen ba'i ye shes thob par smon lam 'debs shing sngo ba'i rgyal po 'di kho na bzhin du gyur pa yin no zhes yid ches te/ lan cig tsam mos pa bskyed de theg pa chen po la yang dag par zhugs pa' gang zag de'i bsod nams
 pas ches mchog tu gyur te byang chub thob kyi bar du zad par mi 'gyur ro// //gnyis pa ngan song dang mi dge ba'i grogs po spangs pa de bzhin gshegs pa mthong ba ni/ gang gis bzang spyod smon lam 'di btab pa/ des ni ngan song thams cad spangs par 'gyur/ /des ni
 grogs po ngan pa spangs pa yin/ /snang ba mdza' yas de yang der myur mthong zhes pa la/ /gang zhig bzang po spyod pa'i smon lam 'am/ kun tu bzang po'i smon lam 'dis don dang tshigs gis rtag tu smon lam du 'debs na des ni ngan song gsum du skye bar mi 'gyur zhing grogs po ngan
 pa nyan thos kyi theg pa dang/ rang sangs rgyas kyi theg pa dang/ 'jig rten rgyang ban pa dang/ chos kyis sdud pa dang mi mthun pa zang zing gis sdud par byed pa dang/ log par spyod pa thams cad du spangs te mi 'grogs pa'o/ /des 'chi kar yang de bzhin gshegs pa de snang ba mdza' 
 yas sam 'od dpag tu med pa mthong bar 'gyur ro/ /de la 'od dpag med ces bya ba ni/ bde ba can gyi bkod pa'i mdo las/ shA ri'i bu de bzhin gshegs pa 'od dpag med de'i 'od ni sangs rgyas kyi zhing thams cad du thogs pa med de/ de'i phyir de bzhin gshegs pa'i 'od dpag
 med ces bya'o zhes bya ba la sogs pa 'od dpag med kyi bkod pa'i mdo las rgya cher gsungs so/ /gsum pa bsngags pa rnyed pa'i byang chub sems dpa' i skal ba dang mnyan pa thob pa ni/ de dag rnyed pa de bar 'tsho/ /mi tshe 'di yang de dag legs par 'ongs zhes bya
 ba ste de dag zhes pa ni su dag bzang por spyod pa'i smon lam 'debs pa'i gang zag gang yang rung ba'o/ /rnyed pa zhes pa ni smon lam bla na med pa rnyed pa'o/ /bde bar 'tsho 'am rab brnyed dam legs par rnyed zhes bya ba ni/ de dag gis shin tu rnyed pa'o/ /bde bar 'tsho zhes pa ni
 legs par 'tsho zhes pa'i smon lam rnyed pa'i phyir/ bde bar 'tsho ba de nyid kyi phyir de'i yon tan gyis mir skye ba'i don yod pa'i phyir ro/ /smon lam 'di rnyed cig bsgrubs pa'i mthu 'phags pa kun tu bzang po de yang ci 'dra ba de dang 'dra bar/ de dag gi ring por mi thogs par
 de bzhin du 'gyur ro/ /bzhi pa las kyi sgribs pa yongs su 'byang bar 'gyur ba ni/ mtshams med lnga po dag gi sgrib pa rnams/ /gang gis mi shes dbang gis byas pa dag/ de yis bzang po spyod pa 'di brjod na/ /myur du ma lus yongs su byang bar 'gyur zhes bya ba la/ mtshams med
 pa lnga ni pha bsad pa dang/ ma bsad pa dang/ dgra bcom pa bsad pa dang/ dge 'dun gyi dbyen byas pa dang/ de bzhin gshegs pa la ngan sems kyis khrag phyung ba'o/ /de la mtshams med pa lnga zhes bya ba ni/ lus 'di las sna 'ga' zhig byas
 pas/ gzhan gyis bar mi chod pa las de nyid kyi 'bras bu thog ma smin par 'gyur bas mtshams med pa zhes bya'o/ /gang gis ma shes dbang gis byas pa dag/ zhes pa ni dge sdig gis las rgyu 'bras mi shes pa'i dbang gis byas pa'o/ /'dod chags zhe sdang
 yang mi shes pa'i rgyu las 'byung ba'i phyir ro/ /de dag gis byas pa yang mi shes pa'i dbang gis byas pa zhes bya'o/ /de lta bu las mi zad pa byas pa des/ bzang po spyod pa'i smon lam 'di la yid ches pas dad pa'i tshul sems brlan par byas nas/ yid
 ches par byas la 'di brjod pa dang klag pa dang/ lung 'bog pa dang/ 'chad pa dang/ sems dpa' dang/ bsgrub par byas na/ byang chub kyi sems dang ldan zhing byang chub kyi spyod pa la chugs te/ de'i gnyen por bsnyan pa'i phyir de dag ma lus yongs su byang bar
 'gyur/ sdig pa de dag myur du 'byung bar 'gyur ro/ /don gnyis pa tshe phyi ma'i phan yon la gnyis te/ rgyu ru bsdus pa dang/ 'bras bur bsdus pa'o/ /de la rgyud bsdus pa ni/ ye shes dang/ gzugs dang/ mtshan dang/ dpe byad bzang po dang/ rigs dang/ kha dog
 dang/ gnod pa med pa'i lus kyi mtshan nyid do/ de yang ye shes dang ni gzugs dag mtshan rnams dang/ /rigs dang kha dog rnams dang ldan par 'gyur/ /'dud dang mu stegs mang pos de mi thub/ /'jig rten gsum pos kun nas mchod par 'gyur/ zhes bya ba
 yin te/ de la ye shes ni thams cad mkhyen pa'i ye shes so/ /gzugs ni mdzes shing yid du 'ong ba'o/ /mtshan ni dbu gtsug tor dang ldan pa la sogs pa skyes bu chen po'i mtshan sum cu rtsa gnyis so/ /mtshan gyi 'khor ni dpe byad yin pa sen mo zangs kyi mdog lta
 bu la sogs dpe byed brgyad cu yang ldan par rig par bya'o/ /rigs ni rigs kyi mchog la bya ste/ rgyal rigs dang bram ze'i rigs la bya'o/ /kha dog ni rus la ste/ rus bye zhing btsun pa'o/ /ldan pa ni gong ma kun la yang sbyar te/ ye shes dang ldan/ gzugs dang ldan
 mtshan dang ldan/ rigs dang ldan/ rus dang ldan par grub pa'o/ /bdud ni dge ba'i phyogs kyi bar chad byed pa'o/ /mu stegs ni dper na chu'i rdzing bu 'am/ mtsha'ur 'jug pa'i mur/ them skas su byas pa'am/ rang rgyal ba'i rab ka bde ba la mu stegs zhes bya'o/ /
 de bzhin du mya ngan las 'das pa'i mtshor 'jug pa'i mu stegs te/ 'khor ba'i chu bo las rgal ba'i bar gyi lam gyi rab ka la yang mu stegs zhes bya ste/ gang su dag la lam de yod cing spyod pa de dag mu stegs zhes bya'o/ /sangs rgyas pa thams cad
 thar par 'dod cing so so'i lta ba la thar pa'i lam 'byung la/ thar pa'i lam yin snyam du 'dzin cing spyod cog la yang mu stegs can zhes bya mod kyi/ sangs rgyas pa'i thar pa'i lam ni bdag med pa rnams gnyis rtogs pa zag pa med pa yin pas thar par 'gyur ro//
 'di la phyi rol pa rnams kyi lam ni bdag tu lta ba dang ldan pa nyon mongs pa dang zag bcas yin pas thar par mi 'gyur ro/ /skabs 'dir mu stegs zhes bya ba sangs rgyas pa la ma gtogs pa mu stegs can gzhan la bya ste/ bdud kyi tshogs dang mu stegs kyi tshogs mang
 po de mi thub ste/ de'i yul la gnod par bya bar mi nus so/ /bzang po spyod pa'i lam grub pa ni yon tan 'di lta bu dag dang ldan par 'gyur la/ der yang ma zad de de ni khams gsum thams cad na mchog tu phyin par gyur pa yin pas 'jig rten gsum po kun nas lha
 dang mi rnams kyis mchod par 'gyur ro/ /gnyis pa 'bras bus bsdus pa ni byang chub kyi snying por gshegs pa dang/ seng+ge'i khri la bzhugs par bstan pa dang/ bdud 'pham par byed pa dang/ mngon par rdzogs par 'tshang rgya ba dang/ chos kyi 'khor lo rab tu bskor ba'i
 mtshan nyid de/ byang chub shing dbang drung du de myur 'gro /song nas sems can phan phyir der 'dug ste/ byang chub 'tshang rgya 'khor lo rab tu bskor/ /bdud rnams sde dang bcas pa thams cad btul zhes bya ba yin te/ su zhig bzang por spyod pa'i
 smon lam 'di 'chad pa dang/ klog pa dang sgrub pa'i bsod nams dang ye shes kyi 'bras bu ni 'di yin te/ shing gi rgyal po byang chub kyi shing drung du myur du 'gro ba dang/ der song nas kyang sems can la phan pa'i don du 'tshang rgya ba'i phyir seng ge'i khri la 'dug pa
 dang/ bla na med pa'i byang chub mngon par rdzogs par sangs rgyas nas chos kyi 'khor lo bskor ba dang/ bdud dang bgegs kyi mi tshugs par bya ba'i phyir bdud sde dang dpung du bcas pa thams cad btul ba ste/ de dag gi don ni gong du bshad pa dang 'dra'o/ /mdor na 'jig rten
 dang 'jig rten las 'das pa'i phun sum tshogs pa ma lus pa thob pa'i phan yon no/ /gang yang bzang por spyod pa'i smon lam 'di zhes bya ba la sogs pa'o/ /'chang ba dang ni zhes pa ni/ tshig dang don ma lus par mi brjed par 'dzin cing 'chad pa'o/ /ston te klog pa'i zhes
 pa ni brda phrad par zad do/ /de yi rnam par smin pa sangs rgyas mkhyen zhes bya ba la/ nyan thos dang rang sangs rgyas la sogs pa gzhan gyis mi shes so zhes bya ba'i tha tshig go /rnam par smin pa zhes pa ni 'dzin pa dang ston pa dang klog pa'i 'bras bu lha dang mi'i nang du rus
 rang rigs dang/ mdangs byed dang/ nyam rtsal dang longs spyod dang/ nad med pa dang yid gzhungs pa dang/ yid rno ba dang/ snying rje che ba dang/ gtong phod pa la sogs pa'i yon tan mang po'i rnam par smin pa'o/ /de'i rnam par smin pa dam pa ni/ byang chub mchog la som nyid ma
 byed cig ces bya ba ste/ nyan thos dang rang sangs rgyas kyi byang chub mchog tu gyur pas/ sangs rgyas kyi byang chub thams cad mkhyen pa nyid thob par 'gyur pa la the tshom ma za zhig ces bya ba'i tha tshig go// //nga ni bsngo ba bsdus pa don bdun te/ byang chub sems dpa' i bsngo ba dang/
 de bzhin gshegs pa'i ltar bsngo ba dang/ sgrib pa dang bral ba dang/ pha rol tu phyin pa'i lus 'dzin pa dang/ lung bstan pa thob cing sems can gyi don bsgrub pa dang bstan pa'i dge rtsa bsngo ba dang/ sems can thams cad 'od dpag med kyi gnas su skye bar bsngo ba pa'o/ /de
 la dang po byang chub sems dpa' i yongs su bsngo ba ste/ 'jam dpal dpa' bos ji ltar mkhyen pa dang zhes bya ba la sogs pa ste/ 'jam dpal ni gong du bshad pa bzhin no/ /dpa' ba ni dgra la tsham tshom med pa ste/ shes rab dri ma med pa'i ral gri rnon pos/ dngos po la
 mngon par zhen pa'i dgra'i dngos po'i tshogs kyi lta ba ngan pa gcod pa'o/ /ji ltar mkhyen pa zhes pa ni/ 'phags pa 'jam dpal dpa' bos yongs su bsngo ba'i tshul ji ltar thugs su chud pa de bzhin du yongs su bsngo bar bya'o/ /kun tu bzang po de yang de bzhin te/ zhes
 pa 'jam dpal zhag? gcig tu ma bas kyi/ kun tu bzang po ji ltar yongs su bsngos pa'i cho ga'i tshul bzhin du yang bsngo bar bya ste/ de dag gi ni rjes su bdag slob cing/ dge ba 'di dag thams cad rab tu bsngo zhes pa ni 'phags pa 'jam dpal dang kun tu bzang po gnyis
 kyi rjes su bdag slob cing yongs su bsngo ba la mkhas pa de gnyis kyis ji ltar yongs su bsngos pa de bzhin du/ bdag gis kyang dge ba'i rtsa ba ci byas pa de kun yongs su bsngo bar bya'o// //da ni gnyis pa de bzhin gshegs pa ltar yongs su bsngo bas yongs su bsngo
 ba ni/ dus gsum gshegs pa rgyal ba thams cad kyis/ /bsngo ba gang la mchog tu bsngags pa des/ /bdag gi dge ba'i rtsa ba 'di kun kyang/ /bzang po spyod phyir rab tu bsngo bar bgyi zhes bya ba ste/ dus gsum du gshegs pa'i rgyal ba thams cad kyis/
 bsngo ba gang la mchog tu bsngags shing bstod pa de ni/ 'phags pa shes rab kyi pha rol tu phyin pa 'bum pa las dang khri brgyad stong pas nges te/ sbyin pa de yang sems can thams cad dang thun mong du byas nas bla na med pa yang dag par rdzogs pa'i byang
 chub tu yongs su bsngo bar byed de/ des yongs su bsngos pas na ci nas mtshan mar yang dag par yongs su mi mthob ste/ de lta bu'i tshul gyis yongs su sngo bar byed de/ bdag gi ci zhig sbyin par byed/ su zhig sbyin par byed/ ci zhig yongs su bsngo bar
 bya/ gang gi yongs su sngo bar byed/ gang du bsngos nas bla na med pa yang dag par rdzogs pa'i byang chub tu bsngos pa'i dngos po de yang dag par rjes su ma mthong ngo/ /de ci'i phyir zhe na/ nang stong pa nyid kyis stong pa dang/ de bzhin du sbyar te/ rang gi mtshan nyid kyi stong
 pa'i phyir ro/ /des gang du yongs su bsngo bar 'gyur/ /ci zhig yongs su bsngo bar 'gyur/ /gang gi yongs su bsngo bar 'gyur zhes de ltar mthong ste/ de ltar yongs su bsngos na legs par yongs su bsngos par 'gyur zhes 'byung ba dang/ 'phags pa phung po gsum pa'i mdo
 las kyang rigs kyi bu gzhan byang chub sems dpa' des de bzhin du 'dug nas/ tshig 'di skad du/ 'di skad mgos ma mchis par phyag bgyi ba dang/ bshags pa dang/ rjes su yi rang ba dang/ bskul ba dang/ gsol ba 'debs pa de yang ma mchis par 'dus
 ma bgyis pa'o/ /de ltar phyag btsal ba dang/ bshags pa dang/ rjes su yi rang ba dang/ bskul ba dang/ gsol ba 'debs pa gang lags pa de yang ma mchis/ len pa ma mchis 'dus ma bgyis pa ste/ de bzhin du byang chub kyang len pa ma mchis 'dus ma bgyis
 pa ste/ chos nyid de yang ma chags pa dang/ ma lhag pa dang/ ma smad pa dang/ mnyam pa ma mchis pa dang/ mi mtho ba dang/ mi dma' ba' i yongs su bsngo bas/ bla na med pa yang dag par rdzogs pa'i byang chub chos phra rab kyang mi dmigs par yongs su bsngo bar
 bya'o zhes brjod par bya'o zhes bya ba la sogs pa gsungs pa dang/ 'phags pa 'jam dpal gyi sgrib pa rgyun gcod pa'i mdo las yongs su bsngo ba 'byung ba dang/ sangs rgyas phal po che'i mdo las kyang rdo rje rgyal mtshan gyi mdo rgya cher 'byung ste/
 dngos po lta bu de dag gis bdag la dge ba'i rtsa ba ci yod pa rnams kyang/ bzang po spyod pa phul du phyin pa sgrub cing nyams su len par byed pa'i phyir yongs su bsngo bar bya'o zhes yongs su bsngo bar bya'o// //da ni gsum pa sgrib pa dang bral zhing pha rol tu
 phyin pa dang 'thun pa'i lus yongs su 'dzin pa bstan te/ bdag ni 'chi ba'i dus byed gyur pa na/ /sgrib pa thams cad dag ni phyir bsal te/ zhes pas sgrib pa dang bral ba bstan to/ /sgrib pa ni pha rol tu phyin pa la sogs pa'i dge ba'i chos sgrub pa thams
 cad la bar chad byed la/ las kyi sgrib pa dang/ nyon mongs pa'i sgrib pa dang/ rnam par smin pa'i sgrib pa ste/ bdag 'chi ba'i dus byed pa na sgrib pa de rnams dang bral zhing med par gyur cig pa'o/ /sgrib pa de rnams dang bral zhes med par gyur nas ji
 ltar bya zhe na/ pha rol tu phyin pa dang 'thun pa'i lus yongs su gzung bar bya ste/ de ni mngon sum snang ba mdza' yas de mthong nas/ /bde ba can gyi zhing de rab tu 'gro zhes pas ston te/ de ltar 'chi bar sgrib pa thams cad bsal te/ de bzhin gshegs
 pa snang ba mdza' yas de'i sangs rgyas kyi zhing yon tan dpag tu med pa dang ldan pa/ mchog bde zhing yid bde ba 'ba' zhig gi gnas su 'gyur pa/ ngan song gsum la sogs pa sdug bsngal ming yang mi grag cing/ bde blag tu pha rol tu
 phyin pa rnams spyad du yod pa bde ba dang ldan pa de la bde ba can zhes bya ste/ de lta bu'i zhing der 'gro bar gyur cig pa'o/ /de yan chad sgrib pa dang bral ba bstan nas/ nga ni bzhi pa pha rol tu phyin pa dang 'thun pa'i lus yongs su 'dzin pa bstan te/ deng
 song nas ni smon lam 'di dag kyang/ zhes pa ni der ste bde ba can gyi zhing der song nas sam/ skyes nas so/ smon lam 'di dag ni gong du smos pa rnams so/ /thams cad ma lus mngon du gyur par shog ste/ smon lam gong du smos pa rnams mdza' yas
 dag par rdzogs pa'i sems la snang bar gyur cig pa'o/ /de dag bdag gis ma lus yongs su bskang/ /'jig rten ji srid sems can phan par bgyi/ zhes pa ni sems la snang ba tsam du ma zad kyi/ bdag gi smon lam de dag
 thams cad yongs su rdzogs par byed/ sems can gyi 'jig rten yod kyi bar du/ sems can ma lus pa la phan par gyur cig par smon pa ste/ gong du sems can rnams la phan pa mang po bgyid par gyur cig ces 'byung ba ste/ dus ji srid kyi
 bar du phan par bya ba'i dus kyi tshad bstan pa'o// //lhag ma rnams kyis ni lnga pa lung bstan pa thob cing sems can gyi don bsgrub pa bstan te/ gang zhe na/ rgyal ba'i dkyil 'khor der zhes pa ni de bzhin gshegs pa'i 'khor gyi
 dkyil 'khor der/ bzang zhing dag pa ni skyid cing bde ba'o/ /pad+ma dam pa ni rin po che sna tshogs kyi pad+ma mchog go/ shin tu mdzes pa las zhes pa ni gsal zhing 'od zer dra ba sna tshogs 'byung ba las so/ /skyes pa ni 'khrungs pa'o/ /lung
 bstan pa ni lung ston pa ste/ bdag gis der bcom ldan 'das 'od dpag med pas mngon sum du/ 'di srid cig na 'jig rten gyi khams che ge mo zhig tu de bzhin gshegs pa 'di zhes bya bar 'gyur ro zhes de lta bu'i lung bstan pa thob
 par shog cig pa'o/ /sems can gyi don bsgrub pa ni der ni bdag gi lung bstan pa thob pa'i 'og tu sprul pa mang po ste/ sprul pa'i sprin mang po grangs las 'das pas phyogs bcur khyab ste/ phyogs bcur 'gro ba'i don du 'khor ba ji
 srid par sems can la skad cig re re zhing phan pa mang po bgrang ba las 'das pa byed cing sgrub par gyur cig pa'o/ /blo'i stobs kyis zhes pa ni ye shes kyi mthu ste/ ye shes kyi che ba'i bdag nyid chags pa med cing thogs pa med pas
 so/ /da ni drug pa bzang po spyod pa gton par dge ba'i rtsa ba yongs su bsngo ba ston te/ nga ni bzang po spyod pa'i smon lam btab pa yi/ /dge ba cung zad bdag gis ci bsags pa/ /des ni 'gro ba'i smon lam dge ba rnams/ /skad cig gcig gis thams cad 'byor
 bar shog ces bya ba yin te/ bzang po spyod pa'i smon lam ni thog mar bshad pa bzhin no/ /gton pa ni glegs bam glag pa dang/ kha ton gton pa ste/ lhag ma go bar zad do/ /da ni bdun pa bzang po spyod pa bsngos pa'i bsod nams kyis sems can rnams kyang de
 bzhin gshegs pa 'od dpag med kyi gnas su skye bar gyur cig ces yongs su bsngo ba ston te/ de ni gang yang bzang po spyod pa bsngo ba yi/ /bsod nams mdza' yas dam pa gang thob des/ /'gro ba sdug bsngal chu bor bying ba rnams/ /'od dpag med pa'i
 gnas rab thob par shog /ces bya ba yin te/ kun tu bzang po'i spyod pa spyad pa'i dge ba'i rtsa ba rnams bla na med pa yang dag par rdzogs pa'i byang chub tu yongs su bsngos pa las byung ba'i bsod nams yun ring po nas bsags shing/ sems can mang
 po'i don du bsngos sam/ bsgrubs pas mdza' yas pa nyan thos dang rang sangs rgyas la sogs pa dge ba'i rtsa ba thams cad las mchog tu 'phags pa bdag gis gang ci thob pa des 'khor bar 'khor ba'i skye ba dang/ rga ba dang/ na ba dang 'chi ba
 la sogs pa'i sdug bsngal gyi chu bor bying ste/ pha rol tu brgal ma nus pa rnams sdug bsngal gyi chu bo las brgal nas/ de bzhin gshegs pa 'od dpag med kyi gnas 'jig rten gyi gnas 'jig rten gyi khams/ bde ba can zhes bya ba sdug
 bsngal thams cad kyi ming yang mi grag cing/ lus dang sems bde ba thams cad dang ldan pa'i gnas der 'gro ba thams cad kyis/ 'gro bar gnas par gyur cig /skye bar gyur cig pa'i tha tshig go /'phags pa bzang po spyod pa'i smon lam tha?
 slob dpon phyogs kyi glang pos 'grel pa mdzad pa dang/ slob dpon shAkya bshes gnyen gyis 'grel pa mdzad pa dang/ sangs rgyas grags pas 'grel pa mdzad pa dang/ rgyan bzang pos TIka mdzad pa rnam pa bzhi'i don dang/
 'phral du mkhan po dag las thos pa dang/ mdo sde nas 'byung ba dang yang sbyar te/ bshad pa brda phrad sla bar rjed byang du byas pa rdzogs so// //lta ba'i khyad par mkhan po ye shes sdes mdzad pa bzhugs so/ /phyi rol gyi don yod par smra ba la