བོད་ཡིག

e-texts based on the ACIP/ALL Input

lar? gshegs skad /su 'debs grub pa thob pa paN+Di ta bi na ya sh+ris bsgyur ro// //*/? /slob? dpon pad+ma? dge bsnyan gyis lo rgyus bzhugs so// //na mo lo ki shwara ya/ sngon rgya gar lho phyogs na bstan pa dar ba'i tshe gtsug lag khang chen po gcig na paN+Di ta ting nge 'dzin la bstan pa thob pa gcig snga dro rang gi drang khang sgo bsdams te ting nge 'dzin la bzhugs nas/ po ta la ke'i rim la thugs rje chen po la nyi ma re re zhing chos gsan du gshegs skad/ de la g.yog dge bsnyen cig yod pa na re slob dpon nyin re bzhin bsgo bsdams nas thugs dam mdzad? pa ci lags zhes zhus pas de la khyod la don ci yod ces gsung ngo/ /des bdag la'ang chos de zhus nas slob dpon bzhin dge sbyor bgyis ces byas bas?/ paN+Di ta'i zhal nas de khyod kyis mi 'ong ste/ dge sbyor gzhan mi byed dpa' po ta lar thugs rje chen po la chos nyan du 'gro ba yin gsung ngo/ /dge bsnyen gyi bdag kyang de bzhin du zhu zhes byas pas/ jo bo bzhung gos gsungs te/ nang pa chos thon rjes la bcom ldan 'das la phyag dang bskor ba byas nas zhus pas/ bcom ldan 'das kyi zhal nas/ las ngan tshan po che byas pas dmyal bar myur du skye ba de nga 'ja' pa'i skal ba med pas de skad ma zer cig ces gsung ngo/ /de'i tshul zhus pas khyed rang gi gtsug lag khang de na dus gsum gyi sangs rgyas thams cad kyi yum brgyad stong pa dngul gyi glegs bam la gser gyis bris pa'i shug gu gnyis brkus te gzugs mtshong ma la byin gsung ngo/ /der paN+Di ta de lta bur rang gi las ngan yang mi shes pa'i sems can gyis bcom ldan 'das la gsol ba 'debs su 'jug pa snyam du sdug bsngal der log ste sgo phyir byon pa dang/ dge bsnyen gyis slob dpon la phyag 'phul nas zhus pas/ khyod dmyal bar skye ba de lta bu'i las byas pa mi shes par zhur bcug ngan pa yin ces gsung ngo/ /bdag gis ci bgyis ces smras pa sngar gyi gtam bsnyad pa dang/ de ngo tsha dang rnam smin dmyal bar skye ba la bskrag nas mang po dus so?/ /de nas yang slob dpon la phyag phul te bdag las ngan pa 'dir thar ba'i thabs kyi rjes su bzung du gsol zhes zhus pas/ de khyod kyis nus na ni nges mi shes pas bcom ldan 'das la zhung gos zhes gsung ste/ nang par chos thon pa'i rjes la phyag dang bskor ba byas nas bdag gi sdig de las thar pa'i thabs bdog na thugs rjes bzung bar zhu zhes ? pas/ thabs gzhan med nam shi bar la pa'i yi ge drug pa la ni bsgom bzlas rgyun ma chad par byas na thabs kyi mchog go zhes gsung ngo/ /paN+Di tas ting nge 'dzin de las bzhengs te phyir byon nas khyod bya ba gzhan thams cad btang ste bcom ldan 'das yi ge drug pa'i bsgom bzlas? ? 'da' bar byas na phan yon chen po 'byung zhes 'phags pa gsung ngo/ /zhes smras pas/ der dge bsnyen gyis slob dpon la gdams ngag rdzogs par zhus te/ de sdig pa'i 'bras bu la shin tu 'jigs skag pas lho phyogs dpal gyi ri'i nags gseb shin tu dben par phyin te/ shan mal ? po'i logs la bug pa khong stong yod pa'i nang du bsdad de shing re'i lpags pa za zhing lo bcu gnyis gzhan ci yang yid la mi byed pas de la sgrub pa byas so/ /nam zhig phyir bsgom bzlas byed pa'i tshe bya reg gcig gi yul gzhan nas 'bras zan dum bu khyer te sdong po de'i yal ga'i steng du bza' bar btsams pa dang kha nas shor de lhung ba de dang po'i zas su dran ste zos pas de la ? pa chen po skyes te gyo mo'i dum bu khyer nas mthar gyis 'gro ba'i khyim kun gyi sgor phyin nas slangs pas gong pas 'bras zan la sogs pa khyer nas phyin kyang ci yang ma mthong ste thams cad kyang de bzhin nang du logS pas/ de'i bsam pa la 'di ni nges par ? rang gi las ngan te/ da dung las zas mnyam pa'i khrod dang bcas pas gyo mos la bsdabs nas yang sdong po'i sar 'og go/ de'i tshe gro mo chags pa'i dum bu gcig pa'i? sding du song ste/ klu nor rgyas kyi mdun du byung ba dang sa g.yo ba la sogs pa'i ltas byung ba dang/ klu'i rgyal pos 'di gnyis kyi rgyu ci yin snyam du mngon shes kyi bltas pas de las byung bar shes te/ des bza' btung phun sum tshogs pa khyer nas de'i drung du phyin te drangs pas/ 'di mi 'dod de/ de las ngan pa bsags pa'i gang zag yin/ de rang dang 'di zan nang par ci za zhes gsung nas ma bzhed/ klu rgyal gyi nang par nas kyang bdag gi nyi ma re re bzhin 'dren pas ci kyang gsol bar zhus pas/ der mos de klu'i rgyal po yang dga' bzhin du log ste/ nang par nas nyi ma re re zhing bza' btung mang po bu mo la bkur te gnyis ka'ang slob dpon gyi drung du 'ong ngo/ /de nas klu'i bu mo de slob dpon la chags te? pha la smras ba/ yab gcig bdag slob dpon gyi jo mo byed pas phul te cig ces smras te klu'i rgyal pos slob dpon la 'bul lags kyis bzhes gsol ba btab pas ma gnang ngo/ /de'i klu'i rgyal bos gsol ba cher btab pa dang slob dpon gyi 'di mi 'grub snyan te/ 'on pa'i pha thugs rje chen po dang/ ma rje btsun sgrol ma ste/ bu mo 'di la bas khrus dang/ mas bkra shis gsol na bya/ de ma grub nang de lta bu'i bya ba mi byed do gsungs pas klu'i rgyal pas po ta lar phyin nas gnyis po la phyag byas te/ de lta bu khyed kyi skras po la rung na bdag gi bu mo la thugs rjes gzigs par zhus pas/ rung zhes gsung nas myur bar gsum kas byon te/ 'phags pas sku khrus dang/ 'phags mas aSh+Ta maM g+ha la zhes bya ba'i bkra shis gsol nas btsun mor bzhes so/ /de 'jig rten du ka ma la go mi zhes pa'i sgrub thob chen po grags so/ /des na dam pa rnams kyis la rgyus 'di yid ches par byas nas/ yi ge drug pa'i bsgom bzlas la brtson par byas na nges par 'grub gsung ngo/ /slob dpon pad+ma dge bsnyen gyis 'jig rten dbang phyug la grub pa thob pa'i lo rgyus so/ /pan? Di ta bi na ya sh+ri mi tra dang/ lots+tsha ba bdan ma tshul khrims seng ges bsgyur ba'o//