<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4618: mi'i mtshan nyid brtag pa rgya mtsho zhes bya ba<br><table><tr><td>
<input type="button" onclick="location.href='tcompletep.php?id=N4618&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4618&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4618&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">byas pa lugs kyi bstan bcos rdzogs so// //rgya gar gyi mkhan po a tsarya d+harma sh+ri badzrA dang/ lo tsa' ba dge slong shAkya blo gros la sogs pas bsgyur cing gtan la phab pa'o// //rgya gar skad du/
 sa mu tri kaM pa ri k+Sha ta na lak+Sha Ni nA ma/ bod skad du/ mi'i mtshan nyid rtag pa rgya mtsho zhes bya ba/ /thams cad mkhyen pa la phyag 'tshal/ /thams cad mkhyen pa thams cad gzigs/ /dang por lha la phyag 'tshal nas/ /skal
 bzang skyes pa bud med kyi/ /mtshan nyid rab tu bshad par bya/ /sngon du tshe na yongs su brtag/ phyi nas mtshan nyid la sogs rnams/ /tshe thung ba yi mi rnams la/ /mtshan nyid kyis ni ci zhig bya/ /bud med rnams kyi g.yon gyi tsha/ /
 skyes pa de bzhin g.yas su ste/ /rgya mtsho'i tshig ni ji bzhin du/ /de rnams mtshan nyid nges par brtag/ gnas lnga ring zhing bzhi ni thung/ /lnga ni phra zhing drug ni mtho/ /bdun ni dmar zhing gsum ni zab/ /gsum ni yangs pa rab tu bsngags/ /
 lag pa mig dang brang dang ni/ /de bzhin pus mo sna de bzhin/ /yan lag 'di rnams ring ba ni/ /lnga po ring bar bsngags pa ste/ /mgrin pa rkang pa rgyab dang ni/ /rje dar rnams ni thung ba bsngags/ /gang gi bzhi po thung ba rnams/ /rtag tu mchod pa thob
 bar 'gyur/ /sor mo phra zhing tshigs pa dang/ /so dang skra dang sen mo pags/ /gang gi lnga po phra ba nyid/ /de ni mtshan nyid mchog yin no/ /mtshan 'og rtsibs logs brang dang ni/ /sna dang dpung pa dpral ba rnams/ /rgya mtsho chen po'i bdag nyid kyis
 drug pa mthon dge bar bshad/ /lag pa rkang pa'i mthil dmar zhing/ /mig gi mdza' dang sen mo dang/ /rkan dang lce dang mchu rnams te/ /bdun po rnams ni dmar ba bsngags/ /dbyangs dang sems dang lte ba ste/ /gsum po rnams ni grab pa bsngagS
 bring dang mgo bo dpral ba ste/ /gsum po rnams ni yangs pa bsngags/ /lus kyi nang nas bzhin nam ni/ /yang na thams cad yang dag brjod/ /de yang mchog tu sna dang ni/ /de bzhin mchog tu so dang ni/ /kha dog rnams ni mchog tu
 snum/ /dbyangs ni mchog tu snyam pa dang/ /dbyangs la mchog tu bden pa dang/ /kun nas bden pas rab tu gnas/ /mig dmar bud med spong mi byed/ /gser mdog dmar skya nor med min/ /lag ring rnams ni dbang phyug ste/ /yan
 lag mdzes bsngags bde bar 'grub/ /dbang po chung na nor ldan zhing/ /bu bral che bas nor rnams dman/ /sgro ba'i mtshams dma' bu nor bral/ /gzhan nam yon pos bu ldan dbul/ /mgo bo che zhing rtsa phra dang/ /rtsub dang rtsa ni mtho ba dang ?
 sbom dang mdung bar gang gyur dbul/ /mnyen pas rtag tu phod pa dang/ /rab tu dga' ba ster bar 'gyur/ /rtags ni gyod pos yul gzhan 'khyam/ /chen po yis ni dbul pa dang/ /dma' mos bud med nges par rgyal/ /sgro ba mnyam
 zhing mdzes par mtho/ /phan pa dang ni tshe dang ldan/ /grang yangs 'bru dang nor rnams spyod/ /dbu yangs mi bdag mchod dang ldan/ /sked yangs bu ni mang du spyod/ /rkang pa yangs pa nor ldan 'gyur/ /mig snum pa ni skal ba bzang/ /so snum
 ba ni zas dang ldan/ /bags pa snum pa bde bar 'gyur/ /rkang ba snum pa bzhon par ldan/ /las med lag pa sra/ /rkang pa dag ni 'jam la mnyen/ /gang gi lag pa rkang par ldan/ /de ni rgyal por nges par bstan/ /gang la nya yi dbyibs yod na
 brgya yi bdag por shes par bya/ /chu srin gyis ni stong du ste/ /dung gis bye bar shes bar bya/ /pad+ma yis ni bye ba stong/ /mthe'u chung gi phyogs rnams nas/ /ming med la ni ri mo 'gro/ rtags 'di yis ni sum cu'i lor/ /'tsho ba nyid du shes par bya/
 mthe'u chung gi phyogs rnams nas/ /gung mo la ni ri mo 'gro/ /'di yi rtags kyis drug cu'i lor/ /'tsho ba nyid du shes par bya/ /mnyam pa'i phyir na brgyad cur 'tsho/ /mi mnyam de bzhin bdun cur 'tsho/ /tshogs pas dman pa'i skyes bu rnams/
 lo ni drug cur 'tsho par 'gyur/ /mtheb chen gyi ni tshigs gyi dbus/ /gang la nas yod rnam par dge/ rnyed pa zas su longs spyod cing/ /mi de bde ba'i longs spyod can/ /ri mo mang ba longs spyod can/ /nyung ba yi ni nor dman no/ /dbang po yis
 ni bde ba 'thob/ /nag po yis ni 'chol bar byed/ /slo ma'i dbyibs ltar rnam par rtsub/ /sen mo kya bo yon po dang/ /rtse mo la ni ri mo dang/ /shin tu dkar bar gyur pa dang/ /rkang pa'i sor mo sbrod pa ni/ /dbul ba'i sdug bsngal rab tu sted?/ /gang gi
 rkang ba tsha ba dang/ /dur mig lta bur gyur pa ni/ /rigs ni rnam par 'chad ba ste/ /tshangs 'joms gzhan gyi las byed pa/ /sa steng dbang med mnar bar byed/ /rdul mi 'byung zhing mthil ni mnyen/ /pad+ma'i lte ba lta bu ste/ /sor mo 'byar zhing mdzes pa dang
 sen mo zangs mdog ring ba mdzes/ /gro zhing rtsa ni mi mngon dang/ /long bu dag ni mi mngon zhing/ /rkang pa rus sbal ltar mtho na/ /mi rnams kyi ni dbang phyug go/ shin tu blo ldan grags dang ldan/ /de bzhin du ni rnam par gnon/ /bde dang shin tu snum pa'i
 mag/ de rnams tshe ni thung bar bshad/ /gos ngan so yi dri mi sel/ /mang du za zhing tshig rtsub smra/ /nyi ma nub shar nyal ba rnams/ /gal te mkho ba'i lag ldan yang/ /dpal ni rnam par spong par 'gyur/ /mgo po la ni me tog bcas/ /rkang pa la ni legs par
 mchod/ /yan lag mchog ldan bsten pa dang/ /kha zas nyung du sprod pa dang/ /gos med nyal bar mi byed cing/ /dus tshigs 'khrig pa mi bsten na/ /dpal ni rab tu nyams gyur kyang/ /slar yang rab tu 'thob par 'gyur// /mi sbyin gyis gsungs pa'i rgya mtsho
 las skyes pa'i mtshan nyid bstan pa'i le'u ste dang po'o// //mi sbyin gyi ni tshig ji bzhin/ /bud med mtshan nyid bshad par bya/ /nyi ma 'char ka'i 'od mtshungs pa'i/ /bu mo zla ba gang ba'i gdong/ /mig yangs mchu ni dmar pa yi/ /bu mo de
 ni rnyed na bde/ /utpal sngon po'i 'dab ltar sngo/ /ri dags mig can glang ltar dkar/ /nor bu rin chen mdza' dag dang/ /gser gyi rgyan gyis brgyan gyur ma/ /de bzhin gang zhig mig gnag ma'i/ /bu mo dgar mo shin tu mdzes/ /mig yangs mchu ni
 dmar ba yin/ /bu mo de ni rnyed na bde/ /gang zhig 'gro ba tsam gyis ni/ /sa gzhi g.yo ba ltar byed 'gro/ ji ltar mi sbyin tshig las ni/ /de yis zhe 'dres byed par gsungs/ /gang gi sor mo mi sdug cing/ /rkang pa'i mthil ni nyag por 'gyur/ /de yang
 zhe 'dras byed par ni/ /ji ltar me sbyin gyis ni gsungs/ /gang zhig rkang pa'i mtheb chung dag/ sa gzhi la ni ma reg na/ /bdag po brgya yang myur 'joms zhing/ /de srid de ni 'tsho bar 'gyur/ /gang gi skra yi tshogs pa rnams/ /
 rtag tu langs par gyur pa ni/ /rgyal rigs nyid du skyes gyur kyang/ /de ni bran mo nyid du 'gyur/ /rma bya 'khor lo pad+ma dang/ /bum pa gang dang rta babs ldan/ /da ni bran mo'i rigs skyes kyang/ /rgyal po yi ni btsun mor 'gyur/ /gang gi lag mthil
 ri mo la/ /so dang rta babs ri mo gsal/ /bran mo'i rigs su skyes gyur kyang/ /de ni rgyal po'i btsun mor 'gyur/ /rnam par brtson pa'i dang tshul can/ /bla ni rku ba la dga' zhing/ /bzhin gyi rigs dang ldan gyur ma/ /sdig pa ltar byed las
 mang cing/ /bzhin gyi khyim la nyes bsten na/ /gal te bu dang bcas gyur kyang/ /mi yis de 'dra'i bud med spang/ /mig kyang khron pa'i 'grams pa dang/ /pha rol skyes bu rnams la dga' / /byin pa sbom zhing skra ni 'phyar/ /mchu 'phyang rtsibS
 ni ring ba dang/ /so ni sprang po kha dog sngo/ /rkan dang mchu dang lce dang ni/ /yan lag skams shing kha skams shing/ /nu ma zung dag mi mnyam zhing/ /sna dang pus mo ring ba rnams/ /bu bral tshul nyams bud med de/ /bu mo de ni nor rnamS
 spong/ /brla rgyas 'gram pa rgyas pa dang/ /so ni dkar zhing mnyam pa dang/ /pad+ma'i 'dab 'dra sbyan yangs ma/ /bilba'i mchu dang sna mtho dang/ /gom pa glang po ltar 'gro dang/ /g.yas su bskor zhing bzlog pa dang// /
 lus ni snum zhing kha dog mdzes/ /gsang gnas mnyen zhing mthug pa dang/ /dbyangs snyan skra ni mdzes pa rnams/ /de ni bdag po'i zhing du 'gyur/ /skal bzang bu bcas bud med do/ /rdul chung spu ni nyung ba dang/ /gnyid dang
 zas ni chung ba dang/ /mig dang lus la sbu med na/ /bud med rnams kyi mtshan nyid mchog/ gnyis po'i mtshan nyid yang dag pa/ /gzhon nu ma dang skyes bu dang/ /dge ba dang ni mi dge ba'i las/ /de bzhin du ni byed par 'gyur/ /zhes pa ni bud med
 kyi mtshan nyid de/ /mi sbyin gyis gsungs pa las mi'i mtshan nyid brtag pa rgya mtsho zhes bya ba rdzogs so// //sde snod 'dzin pa chen po/ b+ho Ta paN+Di ta chen po'i gsung giS bskul nas/ paN+Di ta d+harmA d+ha ra'i zhal snga nas dang/ /bod kyi
 lots+tsha ba spangs pa grags pa rgyal mtshan gyis/ dpal sa spyi'i gtsug lag khang chen por bsgyur zhing zhus te gtan la phang pa'o// //*/ /rgya gar skad du/ sa mu dra b+ha dz+nya na pa na/ bod skad du/ rgya mtshos bstan