བོད་ཡིག

e-texts based on the ACIP/ALL Input

? ba dge slong rin chen bzang pos bsgyur ba'o// //lugs kyi bstan bcos bzhugs// // */ /rgya gar skad du/ nI tI shA shta/ bod skad du/ lugs kyi bstan bcos/ thams cad mkhyen pa la phyag 'tshal lo/ /don gyi bstan bcos bye brag las/ /bstan bcos dag la phan pa dang/ /mi rnams blo ni bskyed pa'i phyir/ /ma su rak+Shas bsdus te bshad/ /'jig rten legs bskyed shes pa bsgrag phyir/ /shes pa bslab phyir yang dag don bsgrub phyir/ /blo bskyed phyir ni tshig bshad tshul 'di brjod/ /dngos po kun la mkhas shing goms par bya/ /chos spyad gzhan gyi mngon sum bsrung bar bya/ /khro ba spang zhing mkhas pa bsten par bya/ /bden par smra zhing smra nyams brjod mi bya/ /bram ze bkur zhing ba lang brnyas mi bya/ /rgyal pos 'jigs shing spyod pa spa bar bya/ /dgra bo shes bya mi rnams brnyas mi bya/ /drags pa spang zhing smad dngos bsten mi bya/ /phan pa'i zas bsten grogs po brnyas mi bya/ /me la mi bgom g.yul la blta mi bya/ /snyan dags mnyan zhing srog chags gnod mi bya/ /bya min mi bya khron pa dgom mi bya/ /rig pa blang zhing sprul la rtse mi bya/ /ci nus sbyin zhing dman la bslang mi bya/ /bdag la mi bstong gzhan la smad mi bya/ /de nyid shes bya mtshan mo rgyu mi bya/ /zhags pa dang bral glang gla rjes mi 'gro/ lham med mi 'gro grogs med lam mi 'gro/ smyo byed? blo ngan ring du spang bar bya/ /chung ma ma rungs spang zhing yid 'ong bsten/ /ma 'dris pa dang nam yang mthun mi 'jug/ /rgyal po'i bran mo 'dod spang man ngag mnyan/ /gang dang lhan cig zhe 'dras yong mi bya be'u gzhon pa drus ring du spang bar bya/ /bud med rnams la nam yang yid mi brtan/ /chu bo brgal dka' rgya cher 'jug mi bya/ /chang 'thung ra ro shing mthor mjog? mi bya/ /don rnams bsgrub cing chos dang nor mi spang/ /gang du bsrung ba med pa'i yul? de spang/ /kun gyi gsang tshig nam yang mi smra ste/ /kha rjer mi bsdud skyes bus rtsol ba 'bad/ /gsong bor smra zhing 'brel min tshig mi smra/ /glo bur lhags mdun dus su legs 'ongs brjod/ /mi dang lha dang bram ze rnams la mchod/ /bsod nams yul ni rtag tu bsten par bya/ /rtag tu khrus dang gos dkar gos la gus/ /ha cang bud med chags men zhu nas bza' / /shes ldan gang zhig de ltar byed pa ni/ /'tsho ba nad med tshe ring shes bar bya/ /ma su rak+Shas byas pa'i lugs kyi bstan bcos las le'u dang po'o// //bdag gi gsang dang gzhan gyi gsang/ /bu bzhin gces bzhin bsrung bya ste/ /sa bzhin kun la snyoms par bya/ /mi rnams dga' bas rab tu dga' / /gnad kyi tshig rnams mi brjod cing/ /gnang du 'phog 'gyur mi bsgrag ste/ /gzhan gyi gnad rnams smra ba ni/ /skyes bus mtshon cha bzhin shes bya/ /snying la tsham tshom med byas nas/ /bu ram chu bzhin kha nas brjod zhe 'gras yid ches byas nas ni/ /de nas dag gam mtshon gyis gzhom/ /dgra rnams snyan par brjod kyang ni/ /blo ldan btang slobs mi bya'o/ /de nyid mthar ni gnod byed de/ /ji ltar dug snod mi bzad bzhin/ /rang stobs chu bo mi brtan te/ /chu bo'i rgyu khyon yongs brtags nas/ /de bzhin dus su brgal byas te/ /rang gi don rnams rjes su bsam/ /ji srid 'jigs pa ma byung bar/ /de srid par du 'jigs par bya/ /'jigs pa mngon sum byung na ni/ /'jigs pa btang ste brdeg par bya// don ni chu skyar bzhin du bsams/ /pha rol gnod pa seng ge bzhin/ /byi la'i dri tshor byi ba ltar/ /shes don bzhin du btul bar bya/ /seng ge cig dang chu skyar bzhi/ /bya gag gi ni bslab pa bzhi/ /bya rog lnga dang khyi yi drug /bud? bu'i bslab pa gsum rnams so/ /bya ba mang nyung gang yang rung/ /skyes bu gang zhig byed 'dod pa/ /rtog med bya ba kun brtsams te/ /seng ge'i cig ces grags pa yin no/ /dbang po rnams? ni rab bsdams shing/ /yul dang dus la ci rigs par/ /bya? ba rnams na rtig dpyang de/ /skyes bu mdzangs pa chu skyar bzhin/ /tho rangs ldang dang 'thab pa dang/ /gnyen la kha zas snyoms par 'gyed/ /mo la rab gnon nye bar spyod/ /khyim bya'i bslab ma bzhi yin no/ /mi mngon 'khrig dang rdam pa dang/ /dus su gnas ni 'cha' ba dang/ /bag yod pa dang yid mi ches/ /'di ni bya rog bslab pa lnga/ /mang du za dang cung zad chog /legs par gnyid log myur bar sad/ /dpa' la snying nye brtan pa ste/ /khyi'i spyod pa drug yin no/ /khal gyis bkal na 'degs pa dang/ /grang dang tsha bas mi bskyod dang/ /rtag tu chog ni shes pa ste/ /bong bu'i spyod pa gsum yin no/ /de ltar nyi shur shes bya ste/ /skyes bu gang zhig spyod 'gyur ba/ /'di ni dgra las rgyal 'gyur te/ /dgra rnams kun gyis mi thub 'gyur/ /le'u gnyis pa'o// //ji srid dus la ma bab par/ /dgra ni phrag gong bkur bya ste/ /de bzhin dus su phyin gyur na/ /rngo la rdzam bsnun bzhin gzhom/ /dman bzhin snying rje'i skad 'don kyang/ /dgra ni btang bar mi bya'o/ /de la snying rje mi bya zhing/ /sngon chad gnod pa byed pa gzhom/ /bu lon me yi lhag ma dang/ /de bzhin dgra yi lhag ma ni/ /yang dang yang du 'phel 'gyur bas/ /de bas lhag ma bzhag mi bya/ /byams la lan du phan bya ste 'tshe bar byed pa slar yang gtse/ /de la nges par mi blta zhing/ /ma rungs byed la ma rungs spyad/ /'phongs pa'i don du nor rnams bsrungs/ /nor bas chung ma bsrung bar bya/ /nor dang chung ma gnyis pas kyang/ /thams cad don du bdag bsrung// lkog na bya ba nyams byed cing/ /mngon sum snyan par smra byed ba/ /de 'dra'i grogs po spang bya ste/ /bum pa'i 'o ma dug bzhin no/ /brkam chags sbyin pa mi ster dang/ /khengs pa thal mo mi sbyor dang/ /de 'dra'i glen? pa rjes mthun par/ /ji ltar de ltar shes pa mkhas/ /dgra la thal sbyar yid ches dang/ /spyi bos btung de gus bya zhing/ /gdung 'gyur mchi ma 'dzag sogs bya/ /'byor pa 'dod pas de ltar bya// dgra bo stobs ldan rjes mthun byes? stobs chung dgra la klog bya ste/ /mthu stobs mnyam pa'i dgra la ni/ /mthun min gdul min bya ba'o/ /gang gis gdung 'gyur de mi bya/ /gang gis zhum 'gyur de mi spyad/ /mthar mi phyi ni pa'i las mi brtsam/ /mgo ltung mi 'gyur gdag mi bya/ /pha rol ma brgal de mi brtsam/ /gang du dgra gnas der 'dug min/ /shing rtsa ma phyung phyung ba min/ /gnyis su ma gyur bcad pa min/ /rgan po med pa'i 'tshogs pa min/ /chos mi ston dag rgan ba min gang la bden med chos kyang med/ /tshig don 'brel med don ma yin/ /tsher ma gting du zug pa dang/ /chos la nyams pa nyid dang ni/ /dgra dang sha 'khon zhugs pa ni/ /rtsad nas phyung na bde ba yin/ /gtan du drang po mi bya ste// nags su song la yongs ltos dang/ /der ni shing drang gcod 'gyur te/ /yon po'i shing ni gnas pa ltos/ /gang dang gang la ci bsam pa/ /de dang de la phan bsams te/ /rjes su 'jug pa'i mkhas pa ni/ /myur du bdag gi dbang du 'gyur/ /'di ltar bsang bya gang yin pa/ /mi brjod mtshor bsad bya ste/ /ri dags rgyal po rab 'khrugs pas/ /lus bskums nas ni gsod byed bzhin/ /snying la khon du dam bzung nas/ /gzhan la mi ston spyad par bya/ /blo ldan bzod pa ldan byas nas// gzhan gyi skyon ni yod mi bgrang/ /dper na khu byug grog ma dang/ /dngul rdo lta bu'i mdog ldan ba'i/ /lag 'gro'i rkang mthil gang yin te/ /dus ma yin par nyams kyang no/ /gang zhig blo gros la bsten te/ /gdengs ka go 'phangs mi smad cing/ /de ni dug nyams mi 'gyur ltar/ /skyes bus nyams kyang go 'phang mtho/ /ji srid dgra bo pha rol la/ /'dis ni pus btsugs gdung bya ste/ /skye bo dam pa rnam la ni/ /bsnyen bkur sna tshogs spyod pa dang/ /rngon pa'i spyod lam 'jam bu yis/ /ri dags drung du bsnyen nas ni/ /dug bsgos mnga' yis bsnun bzhin bya/ /le'u gsum pa'o// //bdag don 'bad pas bya ba ste/ /gzhan don de bzhin bsam mi bya/ /bdag gzhan don rnams spangs pa ni/ /mdzangs pa thob par mi 'gyur ro/ /gzhan gyi don la mi brtul te/ /rang gi las la brtson par bya/ /mig sman spyad na brang snang bzhin/ /grog ma yid ni bsags pa ltar/ /de bzhin du ni mkhas pa yis/ /bsags pa nyung du spyad par bya/ /ma rmongs thams cad rmongs bya zhing/ /rmongs rnams rtag tu mgo skor bya/ /yid mi che la yid ches bya/ /bdag nyid sba zhing rjes su bsam/ /nyi ma don med mi bya ste/ sbyin pa kha don las rnams spyar/ /ji ltar srin gyi kha chu yis/ /grog ma bslus pa bzhin du bya/ /dam pa'i skye bo dga' bar bya/ /mi bsrun skye bo bsten mi bya/ /skye bo ma rungs yid mi brtan/ /skye bo dgra la dpa' ba brtan/ /bla ma'i skye bo bzod par bya/ /smad 'tshong ma la brid par bya/ /gang gis de dag ma lus pang?/ /thams cad yongs su shes gyur pa/ /'jig rten 'jig rten shes pa yin/ /gang dang gang la don ldan pa'i/ /skyes bu las la chags gyur pa/ /bshang? dang gang la dga' ba'i tshig/ de dang de yi yon tan brjod/ /yid mi ches la yid mi brtan/ /yid ches lhag bar yid brtan min/ /yid ches pa las 'jigs pa 'byung/ /rtsa ba las kyang gcod par byed/ / 'byung po kun la yid mi brtan/ /kun la yid ches bya ba'ang min/ /rang gi rang bzhin sba bya zhing/ /gzhan gyis rang bzhin shes par gyis/ /gzhan gyi bud med dug yin te/ /de bzhin chung ma gzhan 'gro dang/ /gnyis po de la yid? rton pa'i/ /mi rnams 'chi sgor brten pa yin/ /bud med rgyal po sbrul rnams dang/ /kha ton dag dang dgra rnams dang/ /tshe dang longs spyod dag la ni/ /shes ldan rnams kyis yid brten min/ /rig pa 'dod pas mkhas bsten bya/ /shes par gyur na gzhan ston byed/ /de bas las rnams thams cad dang/ /lus ba med par bslab par bya/ /sdig pa can la yid mi brtan/ /blo ldan bdag ces zer yang min/ /gang phyir de las yid ches min/ /de yi 'tsho ba nyams par 'gyur/ /gshin rje'i gshed ma 'chi ba dang/ /sa 'og rgya mtsho'i gling rnams dang/ /sbu gri'i so dug sbrul rnams ni/ /mi ste phyogs gcig bud med yin/ /dgra yi phyogs byed spang par bya/ /bdag la dga' ba yongs su bsdu/ /kun la blo ni yod pa ste/ /yun ring blo ni dga' ba yin/ /mig 'byed mig btsums tsam yang rung/ /dgra la mngon sum bya ba min/ /dmod ba byas na 'on pa bzhin/ /dus bab ral gris bcad bzhin bya/ /gang du chu yod dang pa gnas/ /chu skams mtshon skams par 'gyur/ /chu yis gang na slar gnas bzhin/ /dang pa lta bu'i grogs mi bsten/ /rgyal po smad 'tshong mdang ni/ /de bzhin nye du sman pa dang/ /g.yog 'khor rnams la rtag tu yang/ /ha cang gdung bar mi bya'o/ /gang gis rgyu las mya ngan dang/ /dngos dang sdug bsngal nyid dang ni/ /lus kyi gnod bskyed rtsa ba ste/ /gcig gam cung zad tsam yang rung/ /mkhas pas spangs zhing dor bar bya/ /gser ni rnam bzhiS brtag ba ste// brdar bcad bsreg dang brdungs pas so/ /de bzhin rnam bzhis skyes bu brtag/ thos dang tshul khrims rigs snying brtse/ /thams cad shes shing rig par bya/ /kun la dogs bya dus shes kyis/ /'jig rten sems ni bsrung bya ste/ /tshig rnams kun gyis yid ches bya/ /bdag gis gsang tshig gzhan mi bsnyad/ /le'u bzhi pa'o// //blon po'i blo ni phun sum tshogs/ /bstan bcos kun la 'jigs med cing/ /bang mdzod stobs dang ldan pa ni/ /ma bsang de yi phyir bsad 'gyur/ /yid ches skyes bu 'chi 'gyur te/ /smig ma'i 'bras bu byung ba bzhin/ /yid ches zhags pas gsing 'gyur te/ /nags na gnas pa'i ri dags bzhin/ /mig rtsa dmar zhing tshig 'jam smra/ /dga' bas sems can kun dang mthun/ /don rnams kun la gya gyu smra/ /gzhan tshig gam? la 'jig rten smod/ /de ni g.yon can sbyod lam ste// /de snying nyes pa chen po yis/ /sdig pa nyi tshe tshogs ba sogs nas/ /grong gi tshogs ni bzlog byas nas/ /grong khyer 'khrug byed g.yon can 'di/ /'byung khungs skye bo ngan pa'i gter/ /de ni 'jig rten spyi dgra yin/ /ma rungs skye bo kha snyan cing/ /tsan dan lta bu bsal ba'i dag/ snying ni ma rung bdag nyid dang/ /sogs le bas kyang khyad par 'phags/ /ma rungs bdag nyid tshig 'jam zhing/ /skyon dang rjes mthun snyan smra ste/ /mi mngon khon bzung byams med la/ /yid brten byed dang gshin rje gshed/ /thag rings mthong na mgo smod cing/ /shin tu dman pa'i tshig brjod la/ /skad gsang chung ba smra ba ni/ / g.yon can rnams kyi mtshan nyid yin/ /gang gis sngon chad gnod byas dang/ /da lta gang gis gnod byed pa/ /de la yid ches mi rigs te/ /khung na gnas pa'i lag 'gro bzhin/ /'bab chu sder mo can rnams dang ? can lag na mtshon thogs dang/ /rgyal bo'i pho brang bud med la/ /yid brtan bgrod par mi bya'o/ /me chu bud med glen ma dang/ /sprul dang rgyal rigs dag la ni/ /rtag tu 'bang bas sten byed ba/ /'phral du srog 'phrog de drug yin/ /nor rnams mang po ster byed pa'i dgra la gang zhig bsten pa dang/ /chung ma khyo la ma chags gnyis/ /de yi 'tsho ba bar du gcod/ /sngan chad dgrar gyur bshes byed cing/ khon pa'i gzhi med 'khrug byed pa/ /grogs po'i 'dod pa bzlog byed pa/ /de 'dra'i grogs po ring du spang/ /dgra dang bshes gnyen g.yog 'khor dang/ /bar gnas rgan po nyams chung rnams/ /rmongs pas bye brag mi shes pas/ /de ni skyes bu tha shes yin/ /rkun ma'i chad pa bsrad ba dang/ /grogs 'khu nyung du brjod par bya/ /chung ma 'khub pa la sten dbye// bram ze nyes med spyan mi drang/ /bdag gis mngon sum ma gyur bar/ /gzhan gyi nyes pa smra byed pa/ /gang gis dmyal bar ltung ba'i rgyu/ /las de brtsams par mi bya'o/ /bdag nyid bdag gi gnyen yin zhing/ /bdag nyid bdag gi dgra yang yin/ /mtho ris dmyal ba de bzhin du/ /thams cad bdag gi dbang du gnas/ /le'u lnga pa'o// //blon pos legs par mnyam bzhag ste/ /spyod pa gzhan la smra mi byed/ /nyi ma bzhin du don rnams la/ /gzi brjed kyis ni gdung bar byed// mi bsrun lhan cig spyod pa dag/ dang po dga' zhing mnyen pa dang/ /bar du rtsod pas dga' med de/ /tha mar sha? 'khon zhugs pa yin/ /bdag nyid cha dang mtshungs pa yin/ /dang po chung du bshes byed cing/ /bar du de bas lhag par 'gyur/ /thams rab tu dga' bar mdzad/ /dam pa'i bshes ni 'bab chu 'dra/ /dang po nyung zhing bar du che/ /rim gyis rim gyis rgya cher 'phel/ /'gro ba'i phyir mi ldog tu med /dud 'gro dri yis mthong bar byed/ /rig byed kyis ni bram ze mthong/ /sman gyi rigs bas sman pa mthong// rgyal bo nyan rnams mthong bar byed/ /mi yis dgra ni gzhom 'dod pas/ /rtag tu snyan smra ngan bas bsam/ /klu yis brid pa'i ri dags bzhin/ /sems 'khrul gyur na bsad par bya/ /gang la nor yod gnyen bshes dang/ /gang la nor yang nye du ste/ /gang la nor yod 'jig rten mi/ /gang la nor yod de mdzangs yin/ /nor med gyur na gnyen bshes dang/ /bu dang chung ma nye du dang/ /skye bo sdug ba rnams kyis spong/ /nor ldan gyur na phyir yang gnyen/ /nor ni 'jig rten mi yi gnyen/ /go 'phang mchog thob gyur na ni/ /bshes gnyen grogs po la sogs pa'i/ /sngon ma mthong ba rnams kyang bdud/ /nor bzang go 'phang nyams dus na/ /rang mi rnams kyang dgrar 'gyur ro/ /gsang dang khong ni grims pa dang/ /brnag pa mthar phyin byed nus dang/ /dgra la 'jigs pa spyod pa ni/ /dgra bo 'jigs 'gyur the tshom med/ /dgra yi phyogs la mkhas pa yis/ /dang por rtsa ba bcad par bya/ /de nas rang gi phyogs bcas pas/ /sngon chad gnod pa byed pa bsang/ /lan cig 'jigs 'gyur bshes gnyen gang/ /slar ni 'dus bar 'dod gyur pa/ /de ni 'chi ba nyer len te/ /dre'u mo yin ni mngal bzhin no/ /dgra dang lan cig 'dum byed cing/ /yid brtan bde bar gnyid log pa/ /de ni shing rtser gnyid log pa'i/ /lhung nas sad pa ji bzhin no/ /gal te bu 'am spun zla 'am/ /smag gi gnyen mtshams groD bshes rnamS rgyal po'i bar du gcod byed na/ /bsang bya 'di la the tshom med/ /gnyen pas mi gnyen 'jig pa ste/ /'jam pos rtsub pa 'jig par byed/ /gnyen pas mi 'dul cung zad med/ /da bas gnyen pa shin tu no/ nor nyams nus pa nyamS ba dang/ /gnang la mkhas shing brtson 'grus che/ /rgyal srid? phyed ni 'phrog pa'i mi/ /gal te ma bsad nges gsod 'gyur/ /zab mo'i blo ldan dang 'jam zhing/ /dman par smra la dbang po thul/ /bden par smra zhing gzhan dbang can/ /shis pa'i tshig ldan de nyid rig/ de nyid g.yog 'khor bzang po yin/ shin tu chog shes le lo med/ /legs par gnyid log rab tu sang/ /bde dang sdug bsngal grogs byed ba'i/ /g.yog 'khor 'jig rten rab tu dkon/ /g.yo can dag la g.yo ston cing/ /drang la drang ba'i spyod pa ston/ /dga' la dga' ba'i nyid dang ni// mi dga' ba la mi dga' ston/ /dngos po gang la gang dga' ba'i/ /skyes pa bud med ston byed pa'o/ /dam pa rnams kyi 'jug sgo ni/ /nam du yang ni mi 'dor ro/ /skye bo ngan dang 'grogs na ni/ /skye po dam pa'ang nyams byed de/ /chu dang 'dam bu 'dres na ni/ /dang ba'ang dri ma can du 'gyur/ /kha la sprang rtsis bsgos bzhin dang/ /khong na rnyog pa'i bdag nyid de/ /nang na rag na phyir rdul dang/ /kha yi nang gi rdo phye bzhin/ /tshig 'jam brtse med shes rab ldan/ /mi mngon shin tu mi zad pa/ /bu ram dug 'dres lta bu yi de 'dra'i skyes bu bsten mi bya/ /shin tu ma rungs skye bo la/ /rjes su mthun pas zhi bya zhing/ /sngar ba'i dag gis bsgos byas te/ /mkhris pa'i nang byung ji bzhin no/ /n+ya gro d+ha zhes bya ba yi/ /shing gi rgyal por grags pa yod/ /de yi byu gu bu rnamS ni/ /rtsa ba zugs nas gting gnas te bcig? la cig ni 'brel byas nas/ /de nas shing de 'jig par 'gyur/ /de bzhin bu dang tsha'o dang/ /blon po'i tshogs dang bcas pa yis/ /rgyal po'i gnas nas skyed byed de/ /n+ya gro d+ha yi myu gu bzhin/ / le'u ste drug pa'o// //sa bdag gi ni g.yog 'khor gyi/ /mtshan nyid bshad kyis mnyan par gyis/ /rgyal po ji ltar bshes gnyen ldan/ /g.yog 'khor de ltar brtag par bya/ /ji ltar dbang po la sogs pa'i/ /me ni lha rnams kun gyi kha/ /de bzhin rgyal po'i blon po yang/ /yul 'khor rgyu dang mi rgyu'i kha/ /brtan zhing zab mo'i blo ldan dang/ /mdangs ldan chos dang bstan chos rig/ dul zhing bden par smra ba dang/ /rgyal po'i 'khor la phan par sems/ /rigs btsun rgyud ni mnyan pa dang/ /bla ma la ni gus nyan dang/ /skye dgu'i rjes brtser ldan pa yi/ /brgyud byung de ni rgyal sras yin/ /rgyal po snying brtse phan sems ldan/ /bla ma'i skyon ni spang ba dang/ /g.yul 'jug slar yang mi ldog cing/ /bde dang sdug bsngal mnyam par sems/ /rigs dang tshul khrimS phun sum tshogs/ /chos lugs 'chad pa mkhas pa ste/ /de bzhin 'dun dang dad pa dang/ /grims pa rgyal por rab grags so/ /tshig gsal blo ni phun sum tshogs/ /lugs kyi bstan bcos dag la mkhas/ /dag 'jam spyod par byed pa ste/ /rgyal po'i blon po de 'dras bya/ /yid gzhungs tshig gsal shes rab ldan/ /gzhan sems nye bar mtshon nus dang/ /brtan zhing ji skad bsgo bzhin smra/ /rgyal po'i pho nya de 'dras bya/ /rig byed yan lag de nyid shes/ /bzlas brjod sbyin sreg mchod sbyin brtson// rtag tu shing bar brjod byed pa/ /shes rab ldan de mdun na 'don/ /sgra rig rtsis kyang shes pa ste/ /yi ge byang zhing lag pa myur/ /yid gzhungs tshig ni gsal ba dang/ /grags dang sbyin ldan yi ge ba/ /yi ge byang zhing sgrol mkhas/ /sgra yi mtshan nyid rtog byed/ /dri za bzhin du dbyangs mkhas te/ /de 'dra'i klog mkhan bsgo bar bya/ /brtan zhing dbang po rjes su 'os/ /shes rab che zhing legs nyes rtogs/ /gtsang zhing rgyal po'i sku byed sten/ /de 'dra'i chad pa gcod mkhan yin/ /tshe yi rig byed goms pa dang/ /chos rig yid 'ong snyan smra zhing/ /cho ga dang tshul phun sum tshogs/ /thang la 'bar zhing gso mkhas shing/ /nad kyi mtshan nyid kun la mkhas/ /rgyal pos de 'dra'i sman pa bsten/ /gzhan gyi spyod lam zur gyis shes/ /stobs ldan snyan pa smra ba dang/ /gzhan gyi bsam pa rtag tu shes/ /rgod dpon de 'dra bsgo bar bya/ /mtshon la goms shing nus dang ldan/ /gzhon pa dag la byang zhing mkhas/ /dpa' zhing brtan pa phun sum tshogs/ /de bsrangs ? dpon yin par shes/ /pha mes rgyud 'byung grims shing bshor/ /bstan bcos rigs cing zhim par 'tsheng/ /gtsang sbra che zhing snying nye ba'i/ /de lta bu yi phyag tshang bya/ /shas cher dpyad med phun sum tshogs/ /bstan bcos kun la 'jigs med dang/ /rigs ni chen por skyes gyur pa/ /de ni nang blon shes par bya/ /de 'dra'i bsrung mkhan bstan par bya/ /brtan zhing rgyal ba thob pa dang/ /gdugs dkar ba dan dkar ba ste/ /g.yul las rtag tu rgyal ba ste/ /rgyal po'i zhes sa rab tu grags/ /ji ltar khyi zhig bkres nyen te/ /rus pa skam po khang brdzangs nas/ /khrag byung sdug bsngal bde snyam pa/ /de bzhin 'dod rmongs rnams kyis ni/ /bud med rnams la bder snyam sems/ /le'u bdun ba'o/ //ma su rak+Shas byas pa lugs kyi bstan bcos rdzogs so// //rgya gar gyi mkhan po a tsarya d+harma sh+ri badzrA dang/ lo tsa' ba dge slong shAkya blo gros la sogs pas bsgyur cing gtan la phab pa'o// //rgya gar skad du/