བོད་ཡིག

e-texts based on the ACIP/ALL Input

ngan gnas las nyams pa dang/ /mdog nyams par ni rnam par bstan/ /skye bar reg par longs spyod che/ /don kun dang ni yon rnyed cing/ /grogs po rnams kyis mchod pa dang/ /bsngags? pa ru ni 'gyur ba yin/ /rga shir thams cad don med 'gyur/ /snying por med cing chags brel te/ /sogs ma'i snying po med rdul mtshungs/ /bya ba bsam lam rnam nges bstan/ /ma rig la sogs mtshan mas mtshan// yan lag bcu gnyis 'khor bris pa/ /gang dang gang la 'dri byed reg /de la mtshan ma rnam par bstan/ /ma rig rga shi skye ba dang/ /sred pa len pa srid pa dang/ /tshor ba reg pa skye mched drug /ming gzugs rnam shes 'du byed do/ /yi ge 'di rnams 'khor lo ni/ /mkhas pas yang dag bri bar bya/ /bsam pa bstan phyir bshad pa ma nor ba/ /bcom ldan 'das gsungs bzhin du 'di ni bris/ /lha mnyes pa dang rig pa goms bya dang/ /yang dag sman bzo mkhas pas rab 'bad bya/ /yan lag bcu gnyis kyi rten cing 'brel par 'byung ba'i 'khor lo/ /slob dpon klu sgrub kyi zhal snga nas kyi mdzad pa rdzogs so// // rgya gar skad du/ shA ri pu tASh+Ta ka /bod skad du/ shA ri'i bu'i brgyad pa/ thams cad mkhyen pa la phyag 'tshal lo/ /sems can rnams la brtse ba can/ /'gro ba'i dge dang mi dge gang/ /shes rab chen po'i shA ri'i bus/ /ston pa la ni yongs su zhus/ /bcom ldan 'das kyis bka' stsal ba/ /ri rab lhun po gru dang zla/ /bya rog seng ge ce sbyang dang/ /zho bum dang ni me yi thab/ /rtsibs brgyad bsam mo shA ri'i bu/ /sangs rgyas kun gyi bden pa gang// chos dang 'phags pa'i tshogs kyi yang/ /dgra bcom rnams kyi bden pa gang/ /bden pa de yis 'di la mdzod/ /ri rab lhun po la reg na/ /ji ltar 'di ni legs par gnas/ /g.yo ba med pa'i gnas thob 'gyur/ /g.yo ba de la yod ma yin/ /gru la mi g.yo g.yo med der/ /de yi 'bras bu thob par 'gyur/ /lha yi rnal 'byor gyis gnas te/ /res 'ga' nyid min blta bar bya/ /zla bas nges par don 'grub cing/ /der ni yang dag phrad pa yang/ /yid la bsams pa kun thob cing/ /grags pa dbang phyug nyid kyang ngo/ /bya rog la ni gnas dang 'gro/ /nad ni yun ring nges par brtan/ /de la don med mthong 'gyur te/ /de yi don ni spang bar bya/ /seng ges nges par don 'grub cing/ /dge dang zhi dang 'khrug pa med/ /sgrag pa med cing 'khrul med pa/ /grub cing dbang phyug nyid kyang ngo/ /ce spyad la ni chom rkun 'jigs/ /mi mdza' ba dang yang dag phrad/ /don med sems 'khrugs 'jigs 'gyur ba/ /de don yongs su spang bar bya/ /zho bum la ni nor thob cing/ /shin tu mdza' dang yang dag phrad/ /yid la bsams pa legs thob cing/ /dbang phyug 'phel ba nyid kyang ngo/ /me thab la ni 'jigs dang bsreg/ gang gi yid ni gdung ba skye/ /na ba dang ni 'tsho ba yang/ /the tshom za ba'i me 'bar 'gyur/ /shA ri'i bu'i brgyad pa rdzogs so/ //bal po rdzong du/ rgya gar shar phyogs kyi paN+Di ta bud+d+ha sh+rI dz+nya na'i zhal snga nas mnyan nas/ mang du thos pa'i lots+tsha ba nyi ma rgyal mtshan dpal bzang pos// stag lo sa ga'i nya yongs su gang ba'i snga dro/ /dbyu gu lnga'i yun la bsgyur cing zhus te gtan la phab pa'o// //rab tu dge bar gyur cig/