<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4591: yan lag brgyad pa'i snying po'i rnam par 'grel pa'i tshig gi don gyi zla zer zhes bya ba<br><table><tr><td>
<input type="button" onclick="location.href='tcompletep.php?id=N4591&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4591&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4591&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 3 volumes<br><br><span style="color:red;border: 2px solid red;border-radius: 5px;padding:3px;">volume 1</span> - <a href="tcomplete.php?id=N4591&coll=TN&volcur=1">volume 2 </a>- <a href="tcomplete.php?id=N4591&coll=TN&volcur=2">volume 3 </a>- <br><br>rgya gar skad du/ pa dArtha tsan+d+ri ka pra b+hA sa nA ma aSh+TAM ga h+ri da ya brit+ti/ bod skad du/ yan lag brgyad
 pa'i snying po'i rnam par 'grel pa'i tshig gi don gyi zla zer zhes bya ba/ dkon mchog gsum la phyag 'tshal lo/ /bcom
 ldan 'das de bzhin gshegs pa dgra bcom pa yang dag par rdzogs pa'i sangs rgyas sman gyi bla baiDUrya'i 'od la phyag
 'tshal lo/ /'phrog byed mi zad tshig gi gter/ /lha yi lha dbang rab btud de/ /rgyas bshad tshig don zla ba'i zer/ /
 kun la phan gsal bdag gis ni/ /dpal ldan sgrib byed lha yis ni/ /snying ni rnam par drangs pas na/ /bla
 ma'i lung ni yang dag nyid/ /gsal bar rtogs nas brtsams par bya/ /rig pas rab zab grags ldan pa'i/ /dge ba'i
 'o ma'i mtsho las skyes/ /zla ba dga' ba zla ba ltar/ /ma rtogs tsha bzhi byed yin/ /'dod chags la sogs ma lus pa yi
 nad/ /rgyun tu 'brel bas lus kun ma lus khyab/ /'dod dang gti mug khro ba sel ba yi/ /sman pa sngon med de la phyag 'tshal
 lo zhes bya ba la/ bstan bcos rtsom pa la ni mngon par 'dod pa'i lha la phyag bya dgos pa'i phyir tshigs su bcad pa dang po 'di smos pa yin te/ /
 'dod chags la sogs pa'i nad sel ba'i sman pa de la phyag 'tshal lo zhes bya bar sbyar ro/ /'dir 'dod chags la sogs pa ni 'dod chags dang zhe
 sdang la sogs pa yin la/ 'dod chags la sogs pa de nyid ni gnod cing gzir bar byed pas na nad de/ lus dang sems gdung bar byed pa zhes
 bya ba'i don to/ /de yang gang gi phyir lus can rnams shin tu gzir bar byed pa yin la/ de gang gis sel par mdzad pa'o/ /de ji lta bu zhe na/
 rgyun tu 'brel pa zhes smos te/ rtag tu rjes su 'brang zhing dus thams cad du kun tu 'brel ba la lhan cig skyes pa zhes bya ba'i don te de dang bral
 ba'i 'khor ba ni nam yang 'byung bar mi 'gyur ro/ /lus kun khyab ces bya ba ni lus kyang yin la kun yang yin pas na lus kun
 zhes bya ste/ skyes bu dang/ phyugs dang/ glang po dang/ rta dang/ ba lang dang/ ba lang rgod dang/ 'bu srin dang/ grog sbur la sogs pa dang 'brel
 pa'i lus ma lus pa de thams cad la mchog tu khyab par gnas pas na ma lus khyab ces bya ste/ rtsa ba dang bcas shing sa bon dang bcas pa ma lus
 pa la khyab pa zhes bya ba'i don to/ /'dod dang gti mug khro ba sel zhes bya ba/ /'dod pa ni yul rnams la 'dod cing chags pa la mngon par zhen pa'o//
 gti mug ni bya ba dang bya ba ma yin pa mngon par ma rtogs shing mi shes pa'o/ /khro ba ni sems kyis zhe sdang zhing gang du yang mngon par chags pa med pa ste/
 gang de lta bu sel zhing 'joms par mdzad pa'i sman pa sngon med pa de la phyag 'tshal lo zhes bya ba yin te/ ngo mtshar du gyur cing rmad du byung ba'i tshul can gyi sman pa sngon med de la phyag 'tshal zhing 'dud par
 ni gang gi phyir sman pa 'di ni lhan cig skyes pa'i tshul can rtag tu 'brel la/ khyab par gnas pa rtsal dang bcas pa gsor mi rung ba'i nad dang mtshungs pa'i rnam pa can 'jig par mdzad pa yin la/ sman pa
 gzhan dag ni rim la sogs pa'i nad rnams mtshan ma 'di dag dang ldan na sel bar mi nus so/ /yang na gang zhig gi sngon du gzhan med pa gang yin pa de ni sngon med ces bya'o/ /'di skad ston te/ de nyid ni thams
 cad las thog mar gyur pa yin no/ /gang gi phyir mngon par 'dod pa'i lha la phyag bya ba sngon du 'gro bar ni rtsom pa la 'jug pa thams cad ring po mi thog par gegs med pa nyid du rdzogs shing 'bras
 bu dang bcas par 'gyur ro/ /de'i phyir 'dod pa'i lha la phyag byas nas/ de'i 'og tu sman dpyad kyi rgyud byed pas/ rgyud 'di thams cad rtsom pa la 'jug pa yin no/ /de bzhin du 'dir yang 'brel pa  
 la sogs pa bzhi brjod par bya dgos la/ tshig ni rim gyis 'jug pa yin pas/ 'di dag cig car brjod par mi nus so/ /de bas na dang por re zhig 'brel pa bshad par bya'o/ /de yang de phyir 'brel
 pa brjod pa yis/ /nyan pa po yi 'jug pa 'grub/ /de bas bstan bcos thams cad la/ /'brel pa dang por brjod par bya zhes bshad pas na/ 'brel pa brjod dgos la/ dgos pa yang
 bstan bcos dag ni thams cad dang/ /las rnams ci yang rung ba yi/ /ji srid dgos pa ma smras pa/ /de srid de ni su zhig 'dzin zhes bshad pa yin no/ /de la 'dir 'brel ba ni thabs nad kyi mtshan nyid
 dang/ thabs las byung ba nad nye bar zhi ba'i tshe'i rig byed do/ de dag thams cad thabs las byung ba'i mtshan nyid du 'brel pa ni 'brel pa'o/ /dgos pa ni khams dang rang bzhin gyi bya ba yang ston pa ni
 gzhung 'di'i dgos pa yin la/ dgos pa'i dgos pa ni chos dang/ don dang 'dod pa rdzogs pa yin no/ /de nas tshe ring bar 'dod pa'i le'u bshad par bya'o/ zhes bya ba la/ 'dir de nas zhes bya ba'i sgra ni
 bkra shis pa dang/ dbang du bya ba dang/ de ma thag pa'i don gyi dbang du byas pa yin te/ de yang yi ge oM dang de nas sgra/ /gnyis po 'di dag sngon tshangs pa'i/ /mkhur chos brtol te mngon par
 byung/ /des na 'di gnyis bkra shis yin/ /zhes smos pa yin la/ /bkra shis ba la sogs pa ni de 'don par byed pa rnams la bar chad med par rab tu 'jug cing/ mngon par 'dod pa'i don bsgrub
 pa 'byung bar 'gyur ba yin no/ /dbang du bya ba ni tshe ring bar 'dod pa la phan pa'i bstan bcos kyi dbang du byas pa yin te/ gang 'di nas nye bar brtsams te/ gzhung yongs su rdzogs pa de dag thams cad ni tshe ring bar 'dod pa rnams la phan pa
 yin no/ /de ma thag pa yang lha la phyag byas pa'i rjes thogs nyid la tshe ring bar 'dod pa rnams la phan pa bshad pa yin no/ /de nas zhes bya ba ni rgyu'i don te/ gang gi phyir 'gal ba dang/ the tshom dang bcas pa dang/ don med pa dang/ zlos
 pa la sogs pa'i nyes pa dang bcas pa'i gzhung mang du yod pa 'am/ yang na 'gro ba'i khongs su gtogs pa'i 'jig rten pa rnams nad kyis zil gyis non par mthong ste/ de bas na tshe la phan pa dang/ nad med pa'i 'gro ba la phan pa bshad par
 bya'o zhes pa'o/ /tshe zhes bya ba ni 'gro bas na tshe ste/ rgyun mi 'chad par 'gro zhing skad cig kyang mi sdod pa'o/ /tshe 'dod pa rnams la phan pas na tshe ring bar 'dod pa'o/ /le'u zhes bya ba la/ shos par byed pas na le'u ste/ de yang yi ge bsdus
 pa ni dag yin la/ rag bsdus pa ni rab tu byed pa'o/ /rab tu byed pa bsdus pa ni le'u 'o/ /bshad par bya'o zhes bya ba la/ sna tshogs shing du mar phye ba ste/ tshig dang/ don dang/ nges pa dang/ lan te/ gzhung yongs su rdzogs
 kyi bar du/ gang cung zad bshad pa de thams cad ni tshe ring bar 'dod pa rnams la phan pa'i phyir bshad cing bstan la rnam par dbye bar bya'o zhes bya ba'i bar du'o/ /rgyun shes kyi bu la sogs pa drang srong chen po rnams kyis 'di ltar bshad de zhes bya ba la rgyun
 shes las skyes pas na rgyun shes kyi bu ste/ 'dis ni rigs pa yongs su dag par ston par 'gyur ro/ /de bzhin du tshe'i rigs byed kyi bstan bcos 'di lung gi tshad ma dang ldan par ston pa yang yin no/ /rgyun shes kyi bu la sogs pa yang yin la/ drang 
 srong chen po yang yin pas na rgyun shes kyi bu la sogs pa'i drang srong chen po rnams te/ 'dis ni rang gzor byas pa bkag pa yin te/ kho bos rang dgar ni cung zad kyang smra bar nus pa ma yin no/ /zhes pa'o/ /'di ltar zhes bya
 pa'i sgra ni 'di skad ces bya ba'i don to/ /bshad de zhes bya ba'i sgra ni sngon gyi dus su smra zhing ston pa zhes bya ba'i don to/ /tshe ni ring bar 'dod pa yis/ /chos dang nor dang bde ba bsgrub/ /tshe yi rig byed lung bshad pa/ /rab tu gus par bya bar gyis zhes
 bya ba la/ chos dang nor gyi bde ba tshe 'dod pa'i skyes bus tshe'i rig byed bstan pa la mchog tu gus par bya ba ni/ rang ngam gzhan las shes te bya'o/ /de la tshe zhes bya ba ni 'tsho ba ste/ lus dang dbang po sems can bdag /'dus pa bzhi yi 'tsho ba ste//
 rtag par 'gro zhing rjes 'brel ba/ /tshe yi rnam grangs yin par bshad/ /ces bya ba yin la/ tshe de rig par byed pas na tshe'i rig byed de/ ji ltar zhe na/ phan pa dang/ phan pa ma yin pa dang/ bde ba dang/ sdug bsngal ba dang/ tshad ma dang/ tshad
 ma ma yin pa nyid las shes so/ /de yang lung las/ phan dang mi phan bde sdug bsngal/ /de yi tshe yin pa na mi phan/ /gang du tshad du bshad pa ni/ /tshe yi rig byed yin par bshad/ /ces smos pa yin no/ /yang na gang gis gang la tshe yod par 'gyur
 pa de ni tshe'i rig byed de/ de yod par shes pa thob cing/ rnam par dpyod par 'gyur ro/ /de'i lung bshad pa ni tshe'i rig byed ston par byed pa'i bstan bcos te/ de ltar na tshe'i rig byed ston par byed pa'i bstan btsos la rab tu gus shing 'bad
 pas go bar gyis shig ces bya ba'i don to/ /de ci'i phyir zhe na/ tshe de ni chos la sogs pa sgrub par byed pa yin no/ /de la chos zhes bya ba ni 'jig rten pa rnams 'dzin cing 'tsho bar byed pas na chos so/ /blang zhing don du gnyer bar bya ba yin
 pas nor ro/ /bde ba ni sdug bsngal dang bral ba'o/ /de rnams bsgrub pa ni bsgrub pa'i thabs su gyur pa'o/ /da ni bstan bcos gcig las gcig tu brgyud pa yin par bstan pa'i phyir/ tshangs pas tshe yi rigs byed dran/ /skye dgu'i bdag la bshad pa yin/ /de
 yis tha skar? des brgya byin/ /des rgyun shes sogs drang srong la'o/ /de yis mi bzhin 'jug la sogs/ /de rnams kyis brgyud so sor byas zhes smos pa yin no/ /de la tshangs pa ni mes po chen po ste/ des ni tshe'i rig byed dran pa yin te/ tshe'i rig byed ni rtag pa
 nyid yin pa'i phyir ro/ /skye dgu'i bdag ces bya ba ni myur ba zhes bya ba ste/ de la bshad cing 'dzin du bcug go /de yis tha skar zhes bya ba ni skye dgu'i bdag po/ /des lha'i sman pa tha skar gyi du gnyis la bshad cing 'dzin du bcug go /des brgya byin zhes bya ba ni
 tha skar gyi du gnyis kyis/ /brgya byin mig stong ldan 'dzin du bcug go /des rgyun shes la sogs pa drang srong la zhes bya ba ni brgya byin des rgyun shes kyi bu la sogs pa'i drang rong rnams 'dzin du bcug ste/ rgyun shes kyi bu ni na bas so skyes so/ /sogs pa'i
 sgras ni thang la 'bar dang/ rkang gnyis dpyod dang/ mu khyung dang/ 'gro ba skyob kyi bu la sogs pas gzung ngo/ /de yis me bzhin du 'jug la sogs zhes bya ba ni/ rgyun shes kyi bu la sogs pa'i drang srong de rnams kyis/ drang srong me bzhin 'jug la
 sogs pa la bshad de/ sogs pa'i sgras ni drang srong lugs dang/ rgya skyegs rna dang/ mda'i mchog dang/ lan tshwa'i lag pa zhes bya ba'i bar la bshad cing 'dzin du bcug go /de rnams kyis rgyud so sor byas zhes bya ba ni/ me bzhin 'jug la sogs
 pa rnams kyis kyang/ so sor zhes par res rgyud ces pa sman dpyad kyi gzhung byas shing rgya cher sbyar ba yin no/ /de yang gzhung 'dis tshe'i rig byed kyi don 'dzin cing sdud pas na rgyud ces bya'o/ /gal te drangs rong chen po rnams kyis byas pa'i gzhung
 rnams yod bzhin du/ rgyud 'di ci'i phyir rtsom par byed/ de la 'bad pa don med pa bskyed pa 'ba' zhig du zad do zhe na/ de'i phyir shin tu mthong ba de rnams las rig byed kyi don 'dzin cing sdus pas na rgyud ces bya'o/ /gal te
 drang srong chen po rnams kyis byas pa'i gzhung yod bzhin du/ rgyud 'di'i ci'i phyir rtsom par byed/ de la 'bad pa don med bskyed pa 'ba' zhig du zad do zhe na/ de'i phyir shin tu mthong ba de rnams las/ rab ces phal cher bsdus pa ni/ /shin tu rgyas
 min bsdus min par/ /yan lag brgyad pa'i snying po byas zhes bya ba smos pa yin te/ shin tu 'thor zhing ma 'dus la/ /tshig mthon dman can gyis don phan tshun 'phyan par 'gyur ba'i gzhung de rnams las/ shin tu gces pa phal mo che mang du
 bsdus nas/ yan lag brgyad pa'i snying po ngas byas la/ de yang shin tu bsdus pa'am/ shin tu rgyas pa ni ma yin no zhes bya ba'i don to/ /tshig gi don ni rnam par 'thor ba'i tshig rnams las btus shing legs par bsdus pas btus pa'o//
 de yang gces pa nyi las phal cher btus pa yin te/ gzhung gzhan dag tu gces pa tsam zhig bsdus pa yin la/ 'di ni rab tu bcos pa bsdus pa yin no/ /shin tu bsdus min rgyas min par zhes bya ba la/ bsdus pa ni gzhung nyung ngu
 zhig sbyar pa'o/ /rgyas pa ni gzhung mang po sbyar ba yin no/ /gang gi phyir shin tu bsdus pa ni blo dman pa rnams kyis don du mi 'gyur la/ de rnams nyid la shin tu rgya cher bshad na yang mnyan pa dang/ gong? dang nyams su len par mi nus
 so/ /de bas na blo dman pa dang/ bar ma dang/ mchog dang ldan pa'i slob ma rnams kyi don du rgyud 'di byas pa yin no/ /yan lag brgyad pa'i snying po zhes bya ba ni yan lag brgyad po rnams kyi snying po ste/ de ni snying dang 'dra bas ni snying po
 ste/ snying po'i sgra ni gces pa'i tshig yin te/ gces par gyur pa gtso bor byas pas gces pa'i don to/ /yan lag brgyad po de rnams kyang gang zhig yin zhe na/ lus dang byis pa gdon lus stong/ /mtshon dang mche ba rgas ro tsa/ /gso dpyad gang la gnas
 pa yi/ /yan lag brgyad du de bshad do/ /zhes smos pa yin te/ tshe'i rig byed ces bya ba'i rgyud de'i yan lag rnams brgyad ni lus kyi yan lag gang la gso ba'i dpyad gnas shing brten pa'i yan lag brgyad du drang srong rnams kyis bshad cing bstan to//
 de la gsod byed ces bya ba ni/ nad gsal zhing zhi par byas nas/ khams mnyam par bya ba'i don gyi bya ba'o/ /de 'ang lung las/ sman pa la sogs rnam pa bzhi/ /bsngags pas khams ni 'gyur ba la/ /khams snyoms phyir ni rab 'jug la/ /gso
 dpyad ces ni bya bar bshad/ /ces 'byung ba yin no/ /de la lus kyi gso ba ni yan lag thams cad la brten pa'i nad rims dang/ 'khru ba dang/ skrangs pa dang/ khrag dang/ mkhris pa dang/ mdze dang/ gcin rtug 'gags pa la sogs pa nye
 bar zhi bar byed pa'i don to/ /byis pa gso ba ni gzhon nu gso ba nam ma'i nu zho'i nyes pa sbyangs pa'i phyir te/ gnod pa byed pa'i nu zho las byung ba'i nad nye bar zhi bar bya ba'i don to/ /gdon gso ba ni lha dang lha ma yin dang/ dri za dang/ gnod sbyin dang/
 srin po dang/ yi dags dang/ sha za dang/ klu la sogs pa'i gdon gyis sems zin pa la zhi ba'i las dang/ gtor ma sbyin pa la sogs pa gdon nye bar zhi ba'i don du bya'o/ /lus kyi stong kyi yan lag gso ba ni/ nam tshod yan chad du gtags pa'i
 nad kyi rnam par gyur ba ste/ mig dang/ rna ba dang/ sna dang/ kha la sogs pa'i nad nye bar zhi bar bya ba'i don du bya'o/ /mtshon gyis rmas pa gso ba ni/ rtswa dang/ shing dang/ rdo dang/ sa rdul dang/ lcags dang/ bong ba dang/ rus pa dang/ sgra? dang
 sen mo sna tshogs kyi rnag 'dzag pa dang/ rma mi bzad pa dang/ nang du nub pa'i zug rngu dbyung ba'i don du bya ba'o/ /mche ba'i gso ba ni/ sprul dang srin bu la sogs pas zin pa bsal ba dang/ dug sna tshogs kyis bcom pa nye bar zhi
 ba'i phyir bya ba'o/ /rgas pa la gso ba ni lang tshol gnas par bya ba dang/ tshe dang blo 'phel ba dang/ nad nye bar zhi ba'i don du bya ba'o/ /ro tsa bar bya ba'i phyir gso pa ni/ khu ba chung ba dang/ gdug pa dang/ zad pa dang/ skams par gyur pa rnams sa
 bon 'phel zhing rab tu dang ba bskyed pa'i phyir dang/ rab tu dga' ba bskyed pa'i phyir bya ba'o/ /de ltar na yan lag rnam pa brgyad du bshad pa yin no/ /gang gi don du gso bar bya ba'i nyes pa de bstan par bya ba'i phyir/ 'di ltar rlung dang mkhris
 pa bad kan kyang/ nyes pa rnam gsum mdor bsdus yin/ /zhes smras pa yin te/ de la dang por rlung smos pa'i rgyu bshad par bya ste/ khyab dang myur du byed phyir dang/ /stobs ldan gzhan dag 'khrug byed cing/ rang rgyud grub dang nad mang phyir/
 kun las rlung ni stobs ldan yin/ /zhes bshad pa yin te/ de'i 'og tu ni phal cher rgyu 'di dag nyid kyis mkhris pa smos pa yin la/ de bzhin du bad kan ni nus pa chung ba dang/ nang nyung ba yi pa'i phyir tha mar bstan pa yin no/ /yang zhes
 bya ba'i sgras ni/ nyes pa gzhan dag kyang yod pa nyid du ston pa yin te/ nyes pa gzhan dag ni 'dod chags dang gti mug go /la la ni khrag kyang yin no zhes zer ro/ /gnon cing sun 'byin par byed pas na nyes pa'o/ /rnam gsum zhes
 smos pa ni nges pa'i don te/ gsum nyid yod kyi bzhi pa ni yod pa ma yin no zhes pa ste/ ji ltar gzhan las bshad pa lta bu'o zhes nges par bya ba yin te/ 'dod chags dang/ gti mug dang/ khrag gcig bus nad bskyed par nus pa
 ni ma mthong ngo/ /de yang/ nyes pa gzhan ltar khrag dag ni/ /gzhan gyi dbang gis nyes yod min/ /'di ni til mar tshig pa ltar/ /nad kyi ming du byas pa yin zhes bshad pa dang/ de bzhin du bsdus pa las kyang/ khams sogs gnas pa nye ba las
 nad ni gang zhig 'byung 'gyur ba/ /nye ba gdags pa de bskyed par bshad pa tshig pa'i mar dang mtshungs pas bshad pa yin no/ /mdor bsdus yin zhes bya ba ni bsdus nas bstan pa'o zhes bya ba ste/ rgyas par ni rlung la sogs pa ldan pa dang/ 'dus pa
 dang/ zad byed dang/ mnyam pa dang/ rnam par 'phel ba dang/ de bzhin du shin tu shas che bar yongs su brtags pas kyang mdza' yas par 'gyur ro/ /de ni rnam 'gyur ma gyur pas/ lus ni 'joms dang gnas pa yin zhes bya ba la rlung la
 sogs pa de rnams rnam par gyur pa ste/ rang gi rang bzhin las gzhan du gyur cing/ g.yos pas ni/ lus 'joms shing gnod par byed la/ ma gyur cing rang gi rang bzhin du tha mal bar mnyam par gnas pas ni/ lus gnas shing 'tsho
 bar byed pa yin no zhes bya ba'i don to/ /des khyab gyur kyang snying ga dang/ lte ba'i 'og par steng na gnas zhes bya ba la/ rung la sogs pa de rnams khyab cing ma lus ma lus pa la rgyu bar gyur kyang/ gnas nges par yod par shes par bya ste/ de'i snying
 ga dang lte ba'i 'og bar steng na gnas zhes bya ba yin no/ /de'i don ni 'di yin te/ snying ga dang lte ba'i 'og man tshod ni rlung gi gnas yin no/ /de gnyis kyi bar ni mkhris pa'i gnas yin no/ /de gnyis kyi steng yan tshod? ni bad kan gyi gnas yin no/ /na
 tshod nyin zhag zas zos la/ /de yi mdza' dbus sogs gtogs rim zhes bya ba ni nyes pa de rnams na tshod la sogs pa'i mdza' ma dang/ dbus la sogs par gtogs pa na rnam par 'phel bar 'gyur ba yin no/ /rim zhes bya ba ni go rim ji lta bar
 yin gyi rim pa 'tshol bar ni ma yin no/ /de yang na tshod ni dus su rnam par bzhag pa'i lus kyi gnas skabs gzhon nu la sogs pa'o/ /nyin zhag ni nyin mo dang mtshan mo'o/ /zas zos pa ni zas la spyad pa'o/ /de'i mdza' 
 ma dang dbus dang thog mar gtogs pas na thang bus gtogs zhes bya'o/ /de ni 'di skad ston par 'gyur te/ na tshod kyi mdza' rgas pa'i dus ni/ rlung 'phel bar 'gyur la/ dbus te yang tsho'i dus su ni mkhris pa 'phel bar 'gyur ro/ /dang po
 ste byis pa'i dus su ni bad kan 'phel bar 'gyur ro/ /de bzhin du nyin mo'i tha mar ni rlung 'phel lo/ /nyi ma'i phyed na mkhris pa'o/ /snga dro ni bad kan no/ /mtshan mo'i mthar ni rlung 'phel bar 'gyur ro/ /nam gyi gur la ni mkhris pa'o//
 nam steng ni bad kan no/ /de la zas zos pa'i mdza' ma la/ kha tsha bar bro gyur pa'i dus su ni rlung 'phel bar 'gyur ro/ /zas zos pa'i bar sgyur bar gyur pa'i dus su ni mkhris pa'o/ /zas zos nas dang por mngar? ba'i dus su ni bad kan 'phel bar
 'gyur ro/ /des ni 'ju ba ma snyoms rno/ /chung dang mnyam pas mnyam par 'gyur zhes bya ba ni rlung la sogs pa de rnams kyis me'i drod kyis 'ju ba mi snyoms pa la sogs pa rnam pa bzhir 'gyur ro/ /de yang rlung gis ni 'ju ba mi snyoms par 'gyur ro//
 mkhris pas ni 'ju ba'i me drod shin tu rno bar 'gyur ro/ /bad kan gyis ni me drod chung bar 'gyur ro/ /mnyam pas ni me drod mnyam par 'gyur te/ nyes pa gsum 'phel 'grib med pas mnyam par 'gyur ro/ /de la gang legs par zas zos
 kyang yun ring po zhi gnas 'ju ba dang/ lan 'ga' legs par ma zos kyang shin tu myur bar 'ju ba ni mi snyoms pa'o/ /gang dus thams cad du zas ran par ma zos kyang myur du 'ju ba de ni rno ba yin no/ /gang dus thams cad du zas ran par
 zos kyang yun ring mo zhi gnas 'ju ba de ni chung ba yin te/ rgyu ma 'khrug cing ltam ltam por gyur pa'o/ /gang ran? cing legs par ma zos kyang bde bar 'ju ba ni mnyam pa zhes bya'o/ /de ni lto ba sra snyi ran?/ mnyam pas kyang na bar mar 'gyur zhes bya
 pa mi rlung la sogs pa'i nyes pa de rnams kyis ni lto ba rnam pa bzhir 'gyur te/ rlung shas che bas lto ba sra bar 'gyur te/ dur byid la sogs pas kyang 'khru ba dka' bar 'gyur ro/ /mkhris pa shas che bas lto rnyi par 'gyur te/ zho kha chu dang/ 'o mas
 kyang 'khru nus par 'gyur ro/ /bad kan gyis ni ran? par 'gyur te/ dong gal sogs pas kyang 'khru nus par 'gyur ro/ /mnyam pas zhes bya ba ni nyes pa gsum mnyam ste/ des ni bad mar 'gyur zhes bya ba/ sra ba yang ma yin/ rnying? yang ma
 yin par 'gyur ro/ /skye pa'i dang por khu khrag gnas/ /dug can srin bu'i dug dang mtshungs/ /de ni rang bzhin rnam gsum ste/ /chud 'bring chen po so sor blta/ /ma lus pa la khams mnyam pa/ /mchog yin nyes pa gnyis 'byung smad ces bya
 ba ni rlung la sogs pa de dag ni re re zhing rang bzhin gsum du 'gyur te/ chung ngu dang/ 'drid dang/ chen po'o/ /rang bzhin zhes bya ba ni lus kyi rang gi ngo bo'o/ /de ni skye pa'i dang po'i mngal du 'jug pa'i dus skye brtsom zhing mngal na gnas pa zhes
 bya ba'i don to/ /zhu ba ni sa bon no/ khrag ni zla ba'i dus su rgyu pas zla mtshan te/ de la gnas pas na khrag gnas zhes bya'o/ /dris pa gang gi tshe khu ba dang khrag la shas tshor gnas pa de'i tshe/ lus rdzogs par ga la 'gyur/ de las nyes pa gang
 lhag par 'gyur ba/ de nyid ni rnam par 'gyur zhing 'jig pa yin na/ nyes pa lhag par gnas pa de rang bzhin gyi rgyur ji ltar 'gyur te/ rang bzhin las nyams pa yin la/ rang bzhin las nyams par ni rang bzhin gyi rgyur nam yang mi
 'gyur ro/ /de yang 'bras bu ni rgyu dang 'dra bar gnas pa yin no zhes rtog pa dag la dpe bstan pa'i phyir/ dug can srin bu'i dug dang mtshungs zhes bya ba smos te/ dper na dug ni srog 'jig pa'i rgyu yin yang/ dug gi srin bu 'di
 skye ba'i rang bzhin 'byung bar snang ngo/ /de bzhin du 'di dag ni gnod pa'i rang bzhin can yin yang rang gi tshad las lhag pa'i nyes pa khu ba dang khrag la gnas pas/ skye ba'i dang po lus 'byung bar 'gyur ro/ /de yang rlung shas che bas ni rang bzhin chung
 bar 'gyur ro/ /mkhris pa shas che bas ni 'bring ngo/ /bad kan shas che bas ni chen po'o/ /ma lus pa ste khams thams cad kyi nang nas gang khams gang mnyam pa'i rang bzhin de nyid mchog ste/ thu bo dang dam pa yin la 'di ni bzhi pa'o/ /de
 yang gang gis khams mnyam par gyur pa de ni khams mnyam pa ste/ khams kyi sgra ni nang gzhi'i nyes pa la bya'o/ /nyes pa gnyis 'byung smad ces bya ba ni gang nyes pa gnyis 'das pa las 'byung ba'i rang bzhin gsum ni smad pa yin te/ nad med pa
 ma yin pa'i gzhir 'gyur ba'i phyir ro/ /de ni rlung dang mkhris pa las byung ba dang/ rlung dang bad kan las byung ba dang/ mkhris pa dang bad kan las byung ba'o/ /de la rlung ni rtsub cing yang/ /grang zhing sra la phra zhing g.yo/ /zhes bya ba la/ de la zhes
 bya ba ni nges par gzung ba ste/ nyes pa de rnams kyi nang nas/ rlung ni rtsub pa dang/ yang ba dang/ grang ba dang/ sra ba dang phra ba ste/ rtsa sbubs phra mo la 'jug pa dang g.yo ba ste/ 'gro ba'i ngang tshul can gcig tu mi gnas pa yin no/ /dris pa
 gzegs gzan la sogs pas ni/ rlung grang ba dang/ dro ba yin par bshad la/ 'dir yang zung du 'jug pa'i rjes su snang bas grang ba dang/ dro ba gnyis ka ma yin par 'dod de/ de yang zung du 'jug pa rlung gi mchog /yang dag sbyor bas don
 gnyis byed/ /nyi mar ldan pas sreg byed la/ zla bar gnas pas bsil bar byed/ /ces bshad pas de bzhin du/ rlung ni zung du 'jug pas na/ /bad kan ldan pas bsil bar 'gyur/ /mkhris pa ldan pas cha ba yin zhes bshad pa'i phyir ro zhe na/
 'dir lan brjod par bya ba ste/ rlung grang ba dang dro ba nyid ma yin pa ni/ bden mod kyi/ de zung du 'jug pa yin yang/ de tsam gyi drongs grang ba'i ngo bo nyid med par mi 'gyur ro/ /rlung gi mtshan nyid gang ba yin par bshad pa'i dgos pa ni 'di yin te/
 'di la dro bas nye bar zhi bar 'gyur ro/ /zhes bstan pa'i phyir de skad smos pa yin no/ /mkhris pa snum bcas rno zhing dro/ /yang zhing dri mnam 'khru zhing gsher zhes bya ba la/ snum bcas zhes pa ni cung zad snum pa ste/ bcas pa'i sgra ni cung zad tsam
 gyi don gi dper na khab dang bcas pa'i sha kha ra zhes zer ba ltar cung zad snum bag can gang yin pa de ni snum bcas zhes bya'o/ /rno ba ni khab kyis 'bigs pa ltar myur du 'byed ba ste/ dman pa las go bzlog pa'o/ /dro ba ni tsha ba 'ur 'ur po bskyed
 ba'o/ /dri mnam pa ni nye rul lta bu'i dri mnam pa lta bu'o/ /'khru ba ni bshad pa sla ba 'am/ steng dang 'og tu khyab cing rgyu ba bstan pa yin pa'o/ /gsher ba ni sla ba'o/ /bad kan snum bsil lci ba dang/ /brtul zhing 'jam brtan 'byar bag can
 zhes bya ba ni snum pa'i yon tan dang ldan pas na snum pa'o/ /bsil ba ni tsha ba med pa'o/ /lci ba ni yang bar ma gyur pa'o/ /brtul ba ni yun ring zhig na ldad pa'o/ /'jam ba ni mi rtsub pa'o/ /brtan pa ni khyab pa'i ngang tshul can no/ /'byar bag
 can ni mnyes pa na sor mo la chags shing/ 'jam bag nal nal po la 'tsher bag can no/ /de ltar na yon tan de dang ldan pas/ yon tan dang yon tan can tha mi dad pa'i nye bar gdags pas/ rlung la sogs pa'i yon tan nyid du bshad pa
 ? yin no /'di dag 'dres par gyur de'i tha snyad gzhung du bstan par bya ba'i phyir ming gnyis smos pa ni/ de gnyis gsum zad 'khrug pa las/ /ldan pa dang ni 'dus pa min?  zhes bya ba yin te/ kun tu 'dus pa'i rnam pa gcig ni ldan
 pa zhes bya ba la/ gnyis pa ni 'dus pa zhes bya ste/ gnyis pa dang gsum ni gnyis dang gsum zhes bya la/ zad pa dang 'khrugs pa ni zad 'khrugs zhes bya ste/ gnyis dang gsum gyi zad pa dang 'khrugs pa'o/ /de ltar na gnyis dang gsum zad pa dang
 'khrugs pa de las ming gnyis 'byung ngo/ /'di skad ston pa yin te/ gnyis 'khrugs shing rang gi tshad las lhag par gyur pa'am/ zad par gyur pa las 'dres par gyur pa ni ldan pa zhes bya ba la/ nyes pa gsum po zad pa 'am/ 'phel bar
 'gyur ba las 'dres par gyur pa ni 'dus pa zhes bya'o/ /de yan chad nyes pa rnams smras nas/ khams rnams bstan pa'i phyir/ lus zungs dangs ma khrag dang sha /tshil dang rus rkang khu chu ste/ /gnod bya bdun yin zhes smos te/ /bcud kyi
 dangs ma la sogs pa bdun ni lus zungs zhes bya ste/ lus 'dzin par byed pa yin pa'i phyir lus zungs so/ /de rnams kyang gnod bya zhes bya ste/ rlung la sogs pas gnod cing nyes par byas pa'i gzhi yin pas gnod bya zhes bya ste/ gang
 gi phyir rlung la sogs pa ni gnod pa'i ngo bo yin pas/ don dang ldan pa'i ming nyes pa zhes btags pa yin la/ des na de rnams ni gnod par bya ba la bltos dgos te/ las med par ni byed pa po las rtsom par mi 'gyur ro/ /de bzhin
 du gnod pa med par dangs ma dang lus zungs pa sogs pas gnod bya'i ming mi 'thob la/ de med par yang rlung la sogs pas gnod pa'i ming mi 'thob bo/ /de bas na gcig la gcig bltos pa yin pa'i phyir gnod pa dang gnod par
 bya ba dag gnod par bya ba nyid dang/ gnod pa nyid kyi ming 'thob pa yin no/ /dri ma gcin bshad rdul la sogs pa 'ang yin zhes bya ba'i sgras gnod bya yin par ston to/ bcud kyi dangs ma la sogs pa 'ba' zhig gnod bya yin par ma zad kyi/
 dri ma la sogs pa de rnams kyang rlung la sogs pas gnod par bya ba yin no/ /de ltar na dangs ma la sogs pa ni gnod bya dang/ lus zungs zhes bya ba yin la/ de bzhin du bshad pa dang gci ba la sogs pa yang srag zhes bya ba dang/ gnod bya zhes
 bya ba yin no/ /de ltar gnod pa dang/ lus zungs dang/ dri mar bstan pas lus bshad pa yin te/ de yang gzhung 'di nyid kyi 'og nas nad dang lus zungs dri ma ni/ /rtag tu lus gyi rtsa ba yin zhes bshad pa yin no/ /de ltar bshad pa'i lus
 de thabs 'ba' zhig gi dus thams cad yongs su srung ba rdzogs par 'gyur pa'i thabs de bstan pa'i phyir/ thams cad mnyam pas 'phel 'gyur zhing/ /de las bzlog pas gnod par 'gyur pa? zhes bya ba smos pa yin te/ thams cad ces
 bya ba ni gnod pa dang/ lus zungs dang/ dri ma lus la brten pa rnams te/ de dag mnyam zhing cha mtshungs par de bzhin du gyur pa/ brtas shing 'phel bar byed do/ rang gi tshad las lhag par gyur la/ de las bzlog pa ni mi mnyam pa nyid
 du gnas pa ste/ des gnod par 'gyur ba ni zad par 'gyur zhing 'bri bar 'gyur ba'o/ /spyi dang khyad par lan rdzas dang yon tan dang/ las kyi dbye bas gsum du 'dod de/ de yang kun gyi rnam kun 'phel ba ni/ rdzas dang yon tan bya bar
 mtshungs?/ bzlog pa yis ni dngos po rnams/ /de las gzhan du 'gyur ba yin zhes bshad pa yin no/ /de yang rdzas la khrag ni khrag gis brtas par bya'o/ /sha ni shes so/ /tshil ni tshil gyis so/ /rus pa ni rus pas so/ /rkang ni rkang
 gis so/ /khu ba ni khu bas so/ /de bzhin du mngal ni phyis 'byung bar 'gyur ba'i mngal gyis so/ /zhes bshad pa yin no/ /de la khrag gis khrag go zhes bya ba ni gnyi ga chu'o/ /shin shas so zhes bya ba ni sa'o/ /de bzhin du chu'i
 bdag nyid can gyis chus ni de'i bdag nyid can gyis bad kan 'phel par 'gyur la/ de bzhin du mar dang 'o mas ni khu ba 'phel bar byed do/ /de bzhin du sman 'tsho byed dang nye'u shing la sogs pa ni zla ba'i bdag nyid can te/ tshim par byed pa rdzas kyi khyad
 par rnams kyis/ lus zungs mnyam por byed pa nyid du bya ba gcig ba yin bas/ lus snum zhing stobs dang skyes bu nyid kyi gzi mdangs bskyed pa yin no/ /na le sham dang/ tsha ba lnga dang/ bse shing gi 'bras bu la sogs pas ni blo dang shes
 rab dang/ me drod la sogs pa 'phel bar byed pa yin/ /yon tan las ni btso tsa dang/ me tsa dang/ brdzur? la sogs pa sa'i khams can gyi rdzas su bstan du zin kyang chu'i bdag nyid can bad kan 'phel bar byed de/ snum pa dang/ lci ba dang/ bsil
 ba la sogs pa'i yon tan gyi cha dang mtshungs pa'i phyir ro/ /las kyang rnam pa gsum ste/ lus dang ngag dang yid kyi bya ba'i bdag nyid can no/ /de la lus kyi ni rgyug pa dang/ mtshong ba dang/ rkyal ba la sogs pas ni bskyed pa nyid du mthun pas
 rlung 'phel bar byed do/ /ngag gi ni klog pa dang/ smra ba dang/ 'don du 'jug pa dang/ glur len pa rnams so/ /yid kyi ni yid kyi bya ba ste/ sems shing dbyed pa dang/ 'dod pa dang/ mya ngan dang/ 'jigs pa'o/ /de dag kyang yig 'khrug
 bar byed pa'i rgyur gyur pas/ rlung 'phel bar byed pa yin no/ /de bzhin du gdung ba bskyed par mthun pas na/ khro ba dang phrag dog la sogs pa ni mkhris pa 'phel bar byed do/ /gnyid log pa dang/ snyom las dang/ mal
 stan bde ba la chags pas ni brtan par mthun pas bad kan 'phel bar byed pa yin no/ /khyad par du gyur cing mi mnyam pas ni zad par 'gyur ro/ /dper na rdzas las 'bras ba/ be d+ha ni skem par byed pa yin la/ de rlung gi bdag nyid can yin pas sa'i bdag nyid can
 gyi sha la sogs pa zad par byed pa yin no/ /de bzhin du me'i bdag nyid can gyi lan tshwas ni bad kan zad par byed do/ /yon tan las ni dper na skyur rtsa bas ni chu'i bdag nyid can pas bad kan la de dang mi mthun pa yang ba dang/ rtsub pa dang/ dro ba dang/ rno ba dang/
 skam pa'i yon tan gyis zad par byed do/ /las las ni gnyid dang/ snyoms las dang/ yid mi bde ba dag ni rlung kun tu g.yo ba dang bcas pa yin la/ 'di dag yongs su mi g.yo ba'i mtshan nyid can yin pas na 'bri bar byed pa de bzhin du yongs su g.yo ba'i tshul
 can sems las dang phan tshun bskyod pa dang/ rtsol ba la ni mi 'gul ba'i mi mthun pa'i phyogs yin pas na bad kan zad par byed do/ /de ltar na/ thams cad mnyam pas 'phel bar 'gyur zhing/ /de las bzlog pas gnod par byed ces bshad pa yin
 no/ /rlung la sogs pa de rnams gang las 'phel ba dang/ zad par 'gyur pa de bshad par bya ba'i phyir/ ro ni mngar skyur lan tshwa dang/ /tsha dang kha dang bska ba ste/ /rdzas drug la gnas de rnams kyang/ /go rim bzhin du stobs chen yin/ /zhes bya ba
 smos pa yin te/ mngar pa la sogs pa'i ro drug ni lce'i dbang po'i yul yin pas na ro'o/ /de dag kyang 'byung ba lnga'i bdag nyid can gyi rdzas la brten pa yin te/ go rim ji lta ba bzhin du mthu stobs che ba yin te/ sngon ma sngon ma rnams stobs thob cing
 nus pa che ba yin no/ /de bas na ro thams cad las ro mngar ba ni lus can rnams kyi stobs shin tuAng bskyed pa yin la/ bska ba ni thams cad las stobs bskyed pa la dman pa yin no/ /de la mngar ba na bur ma dang/ mar la sogs pa ro
 bda' ba rnams so/ /skyur ba ni skyur rtsi chen po la sogs pa shin tu skyur par byed pa yin no/ /lan tshwa ni lce myang tshwa la sogs pa'o/ /tsha ba ni na le sham la sogs pa'o/ /kha ba ni nim+ba la sogs pa'o/ /bska ba ni a ru ra la sogs pa'o/
 drug ces bya ba ni drug po nyid de lhag pa 'am/ chad pa ma yin pa'o/ /ro de rnams kyi yon tan dang ro la sogs pa'i bye brag dang/ de bzhin du sbyar zhing 'dres pa dang/ ro'i rjes nyid dang/ shin tu myur bar brtag pa la sogs pa'i dbang gis tha dad par 'gyur
 du zad kyis/ 'on kyang drug bo nyid las 'da' bar mi 'gyur ro/ /de la dang po gsum po ni/ /rlung 'joms tsha sogs bad kan sel/ /bska dang kha dang mngar ba ni/ /mkhris sel gzhan dag byed pa yin/ /zhes bya ba ni/ de la ro de rnams kyi nang nas/ dang
 po ni gsum ste/ mngar ba dang/ skyur ba dang/ lan tshwa rnams ni rlung 'joms shing zhi bar byed pa yin no/ /gzhan dag tsha ba dang/ kha ba dang/ bska ba gsum po dag ni rlung de nyid skyod par byed cing/ 'khrug par byed pa yin no/ /tsha sogs bad
 kan sel zhes bya ba ni/ tsha ba dang/ kha ba dang/ bska ba gsum ni bad kan sel ba yin la/ mngar ba dang/ skyur ba dang/ lan tshwa ste gsum po gzhan dag ni bad kan skyed pa yin no/ /bska ba dang/ kha ba dang/ mngar bas ni mkhris pa sel ba
 yin la/ skyur ba dang/ lan tshwa dang/ tsha ba ste gzhan ni mkhris pa de nyid skyed par byed pa yin no/ /des ni 'di skad ston par 'gyur te/ mngar ba ni rlung dang mkhris pa sel cing bad kan bskyed pa yin no/ /skyur ba ni rlung sel zhing bad kan dang
 mkhris pa bskyed pa yin no/ /lan tshwa ni rlung sel zhing bad kan dang mkhris pa bskyed pa yin no/ /tsha ba ni bad kan sel zhing rlung dang mkhris pa bskyed pa yin no/ /kha ba ni bad kan dang mkhris pa sel cing/ rlung bskyed pa yin no/ /bska ba ni bad
 kan dang mkhris pa sel cing/ rlung bskyed pa yin no/ /ra de rnams kyi rten gyi rdzas rnam pa gsum yod par bshad pa ni de ltar rdzas ni rnam pa gsum/ /zhi 'khrugs tha mal gnas la phan zhes smos pa yin te/ de ltar zhes pa tshul 'dis rdzas
 zhi ba la sogs pa'i dbye bas rnam pa gsum du 'gyur ba yin gyi/ rnam pa gzhan gyis ni gnyis sam/ yang na rnam pa du ma nyid yin no zhes so/ /de ltar gyi sgras rnam pa'i don du bshad pa yin no/ /de la gnod pa gang 'khrugs par gyur pa zhi
 bar gyur pa de ni zhi ba ste/ dper na til mar dang/ mar dang/ sbrang rtsi lta bu'o/ /de la til mar ni snum pa dang/ dro ba dang/ lci ba dang/ ldan pas rlung gi de dang mi mthun pa'i mtshan nyid zhi bar byed pa yin la/ mar sar ni mngar ba dang bsil
 ba dang brtan pa'i yon tan dang ldan pas/ de dang mi mthun pa'i mtshan nyid dang ldan pa'i mkhris pa sel ba yin no/ /sbrang rtsi ni rtsub pa dang/ rno ba dang bska ba dang ldan pas de dang mi mthun pa'i mtshan nyid can bad kan zhi bar byed do/ /de la
 'khrugs pa ni gang rlung la sogs pa'i gnod pa rnams dang/ bcud gyi dangs ma la sogs pa'i lus zungs rnams dang/ gcin la sogs pa'i dri ma rnams 'khrugs par byed pa ni 'khrugs pa'o/ /de ni dper na nas thug dang/ pa ta la dang/ ma
 sha dang/ nya dang/ rdo bu rlon pa dang/ yungs kar dang/ zho sar ba dang/ phru ma dang/ mi mthun pa'i kha zas nya dang 'o ma lhan cig bza' ba lta bu la sogs pa'o/ /tha mal par gnas pa la phan pa ni gnod pa nas dri ma'i mthar thug gi bar du rang gi
 tshad dang ldan par gnas pa ni/ mnyam par 'jug cing tha mal par gnas pa ste/ de la phan pa'i rdzas gang yin pa de ni tha mal gnas la phan zhes bya ste/ de ni dus su spyad pa la brten pa'i skabs su 'og nas bshad pa dang/ de bzhin du zas
 kyi tshod ran par bza' ba'i le'u las bshad pa dang/ sA lu rtsa snar dang/ drug cu pa dang/ nas dang/ gro dang/ srog chags skam sa la gnas pa'i sha dang/ 'tsho byed kyi tshod ma la sogs pa dang/ zho kha chu dang/ 'o ma la sogs pa dang/
 de bzhin du gang stobs skyed cing bcud kyis len pa dang/ ro tsha bar byed pa dang/ rnam pa thams cad du bza' bar bya ba nyid du bstan pa rnams so/ /de'i nus pa bshad pa ni/ de la tsha bsil phul byung bas/ /nus pa rnam pa gnyis su bshad ces bya ba yin te/
 de la zhes pa rdzas de la nus pa rnam pa nyi shu yod pa'i nang nas/ tsha ba dang bsil bdag ni phul du byung ba yin pas nus pa zhes bya ste/ tshe'i rig byed thams cad las tsha ba dang bsil ba'i nus pa gnyis po de nyid du bshad pa ni/ rgyu dang 'bras bu'i don yin no/ /
 de la nus pa ni yon tan la byas la/ tsha ba dang bsil ba phul du byung ba ni/ tsha ba dang bsil ba khyad par du 'phags pa nyid do/ la la ni tsha ba'i nus pas phul du byung bas/ tsha ba'i nus pa'i ming thob la/ de bzhin du bsil ba'i nus pas phul du byung
 zhing/ bsil ba'i nus pas khyad par du 'phags pa nyid kyis bsil ba'i nus pa'i ming thob bo/ /gal te rdzas rnam pa sna tshogs pa yod mod kyi/ 'on kyang 'gro ba ni me dang zla ba'i bdag nyid can yin pa'i phyir/ nus pa'i rnam pa gnyis kho nar bshad
 do/ /sman zhu ba'i rjes su bshad pa'i rdzas kyi zhu ba rnam gsum ste/ /mngar skyur tsha ba'i bdag nyid can/ /zhes smos pa yin te/ zhu ba ni rnam pa gsum ste/ rdzas thams cad yongs su zhu bar gyur pa'i dus su/ 'bras bu las rjes su dpag
 par bya ste/ pho ba'i me dang phrang pa las/ ro rnams rang gi rang bzhin las gzhan du 'gyur la/ de ni rnam pa gsum nyid yin gyi/ ro drug yod kyang drug ni ma yin no/ /de la rdzas ni la la ni mngar bar zhu/ la la ni sbyar bar zhu/ la la tsha bar zhu ba
 yin no/ /de la mngar ba dang/ lan tshwa ni mngar bar zhu ba'o/ /sgyur ba ni sgyur par zhu ba'o/ /tsha ba dang/ kha ba dang/ bska ba ni tsha bar ro/ /de ni 'bras bu las rjes su dpag pa yin no/ /de yang pho pa'i me dang phrad pa las/ /gang zhig ro ni gzhan gyur ba/ /ro rnams
 zhu ba'i tha ma dag /de ni zhu ba zhes bshad do/ /zhes 'byung ba yin no/ /de bas na khyad par du smin par gyur pa las zhu ba zhes pa'o/ /cung zad smin pa ni ma yin no/ /de bzhin du mtho btsun drang srong tsa ra kas kyang/ rdzas kyi ro ni 'bab pa na/ /las kyi mdza' ni zhu pa
 yin/ /ji srid gnas pa yon tan te/ /'dus pa las ni shes par 'gyur zhes bshad pa yin no/ /de ltar na las byas pa rjes su dpag pa'i tshul gcig pa'i gnas skabs po pa'am dang phrad pa las ro rnams ro gzhan gyur pa gang yin pa de nyid ni zhu ba zhes
 bya'o/ /gang pho ba me dang 'phrad pa tsam gyis de rnams gnas skabs du mar gyur te/ dang po mngar pa'o/ /de'i rjes thogs la de nyid smin pa na skyur ba'o/ /de las kyang smin pa'i mthar thug pa na tsha bar gyur pa la ni mi bya'o/ /rdzas kyi yon tan rnams
 bshad pa ni/ /yon tan lci brtul bsil dang snum/ /'jam dang bskang mnyen dang brtan/ /phra dang bcas shing skam ba gcan/ /de bzlog pa dang nyi shu yin/ /zhes bya ba yin te/ de la rdzas kyi yon tan ni/ lci ba la sogs pa bcu yin la/ de
 las bzlog pa dang/ nyi shu yin par shes par bya ste/ 'di dag rim gyis bzlog pa ni yang ba dang/ rno ba dang/ tsha ba dang/ ska ba dang/ rtsub pa dang/ sla ba dang/ sra ba dang/ g.yo ba dang/ spom pa dang/ sla bag nal nal po yin no/ /de
 ltar na go bzlog pa ni/ /de dag yin pas spyir nyi shur 'gyur ro/ /nad kyi rgyu bshad pa ni/ dus don las kyis sbyor ba rnams/ /sman dang lag pa ltag pa dang/ /yang dag sbyor bas nad dang ni/ /nad med rgyu gcig yin shes bya
 zhes bya ba yin te/ de la dus ni bsil ba dang/ tsha ba dang/ char 'bab pa'i dus nye gsum mo/ /don ni 'byung ba chen po'i yon tan sgra dang/ reg bya dang/ gzugs dang/ dri dang/ ro'o/ /de yang lung las don ni sgra sogs yin zhes bya
 spyod yul yul dang yon tan yin zhes bshad pa yin no/ /las ni bya ba ste/ lus dang ngag dang yid kyi kun tu spyod pa'o/ /de ltar dus dang don dang las ni du sa bon las te/ de rnams kyi sbyor ba ni 'brel pa'o/ /ji lta bu zhe na/ dman dang log pa ltag
 pa dang/ zhes bya ba yin te/ de bzhin du yang dag pa'i sbyor ba ste/ gang dus la sogs pa'i sbyor ba dman pa dang/ log pa dang ltag pa ste/ de ni nad kyi rgyu gcig pu yin la/ de rnams gnyid kyi yang dag pa'i sbyor ba gang yin pa de ni nad med pa'i rgyu
 gcig bu yin no/ /de la yang dag pa'i sbyor ba smon pa ni nad dang nad med pa'i rgyu go rim bzhin du shes par bya ba'i phyi rang de logs shig tu bstan pa yin no/ /rgyu gcig yin zhes bya zhes bya ba ni rgyu gcig pu yin pa ste/ gcig gi sgra ni gtso
 bor gyur pa'i tshig yin no/ /de yang dper na gzhu 'dzin pa ni srid sgrub gcig pu yin no zhes zer ba lta bu'o/ /dus kyi sbyor ba dman pa ni rang gi rang bzhin las nyams pa'o/ /lhag pa'i sbyor ba ni rang gi rang bzhin las lhag par gyur pa'o/ /log pa'i sbyor
 ba ni rang bzhin las phyin ci log tu byed pa'o/ /de yang dper na dman pa'i bsil ba dang/ dman pa'i tsha ba dang dman pa'i char ni dman pa'i sbyar ba'o/ /dper na grang ba'i dus kyi gnas skabs su shin tu tsha ba dang tsha ba'i dus kyi gnas skabs na shin
 tu grang ba ni log pa'i sbyor ba'o/ /dper na lhag par bsil ba dang lhag par tsha ba dang/ lhag par char 'bab pa ni lhag pa'i sbyor ba ste/ sbyor ba 'di gsum ni nad kyi rgyu yin no/ /mnyam pa'i sbyor ba ni yang dag pa'i sbyor ba ste/ rang bzhin
 ji lta ba bzhin du gnas pa ni nad med pa'i rgyu yin no/ /yang don dbang po rnams kyi rang rang gi don dman pa la sbyor ba ni dman pa la ni dman pa'i sbyor ba'o/ /shin tu sbyor ba ni lhag par sbyor ba'o/ /rtsub cing mngon par mi 'dod pa la sogs pa'i don la
 dbang po sbyor bar gyur pa ni log pa'i sbyor ba'o/ /lus la sogs pa'i las dman pa la 'jug ni dman pa'i sbyor ba'o/ /lhag par 'jug pa ni lhag pa'i sbyor ba'o/ /gshang gci la sogs pa'i shugs dgag pa dang/ phyed tsam za zhing mang du smra ba la
 sogs pa dang 'dod chags dang/ zhe sdang la sogs pa rang rang gi bdag nyid 'di kyis 'og nas bshad pa rnams ni log pa'i sbyor ba'o/ /thams cad kyang mnyam par 'jug pa ni yang dag pa'i sbyor ba'o/ /de bas na dman pa la sogs pa'i sbyor pa gsum
 ni nad kyi rgyu yin no/ /yang dag pa'i sbyor ba ni nad med pa'i rgyu yin no/ /nad dang nad med pa zhes gang la bya zhes na/ nad ni nyes pa ma snyoms yin/ /nyes pa snyoms pa med pa nyid/ ces bshad pa yin te/ rlung la sogs pa'i nyes pa rnams gcig gam
 gnyis sam gsum rang gi tshad las 'phel lam zad par gyur na/ nad kyi rgyu yin pas nad nyid ni ma snyoms pa yin par brtag par ba ste/ rang gi rang bzhin las g.yos par gyur pa yin la/ de bas na rgyu dang 'bras bu tha mi dad pa'i nye bar gdags
 pas nad ces bya'o/ /nyes pa rnams snyoms shing rang gi rang bzhin las mi 'gyur ba mnyam par gyur pa de ni nad med pa nyid ces bya ste/ tha mal par rang bzhin du gnas pa zhes bya'o/ /de'i dbye ba bstan pa ni de la nad ni rang bzhin gnas/ klo bur cha ??
 gnyis su bshad ces bshad pa yin te/ de la zhes pa nad dang nad med pa de dag las/ nad ni rang bzhin du gnas pa dang glo bur ba'i dbyebs gnyis su bshad do/ /de la rang bzhin gyis gnas pa ni/ rlung la sogs pa'i nyes pa las byung ba'o/ /
 glo bur ba ni phyi rol nas 'ongs pa'o/ /de yang slob dpon gyis nyes pa gsum las byung ba ni/ rang bzhin gyis gnas pa yin la/ phyi rol gyi rgyu las byung ba'i ni glo bur ba yin no zhes bshad pa yin no/ /'di gnyis kyi khyad par ni 'di yin te/
 rang bzhin gyis gnas pa'i nad rlung la sogs pa ni/ dang po ma snyoms par gyur nas/ phyis zug gzer bskyed pa yin la/ yang glo bur ba ni dang po nyid du zug gzer bskyed nas/ der rlung la sogs pa 'khrugs par 'gyur ro/ /rang bzhin gyis gnas pa
 dang/ glo bur ba'i khyad par gyis phye ba'i nad 'di gnyis kyis sems kun tu gdung ba yin par shes par bya'o/ /gang gi phyir 'di ltar lus dang sems ni nad kyi gnas nyid du gnas pa yin te/ lus gcig pu 'am sems gcig pu ni ma yin no/ /
 de bas na de'i rjes thogs la 'di skad ces bshad pa yin te/ de rnams lus sems dbye ba yis/ /gnas kyang rnam pa gnyis yin no zhes bya ba las kyang rang bzhin gyis gnas pa dang/ glo bur ba'i nad de rnams ni lus dang sems kyis dbye
 bas gnas rnam pa gnyis yin te/ rims dang khrag dang mkhris pa dang lud ba la sogs pa'i gnas ni lus yin la/ myos pa dang/ brgyal ba dang/ sgyid lug pa dang/ gdon dang 'byung po dang/ /smyo ba dang dran pa nyams pa dang/ 'dod chags dang zhe sdang la sogs
 pa'i gnas ni sems yin no/ /de yang 'di la gnas pas na gnas so/ /dris pa lus kyi nad bskyed pa'i rgyu ni rlung la sogs pa'i nyes pa rab tu 'khrugs pa yin par bshad kyi/ sems kyi nad kyi rgyu gang zhig yin zhe na/ de'i phyir bshad pa ni 'dod chags
 gti mug kyang yid kyi/ nyes pa gnyis su bstan pa yin zhes bya ba yin te/ yid ni sems la bya la/ /de ni 'dod chags dang/ gti mug bdo zhing ma rig pa las byung ba yin la/ 'dir yang gtso bor gyur pas dang por 'dod chags smos pa yin no//
 kyang zhes bya ba'i sgra ni rlung la sogs pa yang nye bar bsdu ba'i don yin te/ gang gi phyir de rnams kyang sems la brten nas/ rnam par 'gyur bar byed pa yin te/ dus dag tu rlung dang mkhris pa bad kan dang ldan pa dang 'dus pa dang/ dug gi rgyu las byung
 ba'i smyo nad drug yod pa yin no/ /bstan pa yin zhes bya ba ni tshe'i rig byed kyi bstan bcos dag tu tshig gis mdo tsam du bstan gyi/ rlung la sogs pa bzhin du 'dod chags dang gti mug gi mtshan nyid ma lus par ni ma yin te/ 'dir rang bzhin gyis
 gnas kyi mtshan nyid la sogs pas/ rlung la sogs pa 'am ma lus pa yin gyi/ 'dod chags dang gti mug ni ma yin no/ /nad kyis bcom pa'i lus shes par bya ba'i thabs bshad pa ni nad ba blta dang reg pa dang/ dris pa yis ni yongs su
 brtag ces bya ba smos pa yin te/ /nad yod pas na nad ba ste nad kyis gdungs pa'o/ /de ni blta ba la sogs pas yongs su brtag par bya'o/ /de la blta ba ni mig gis te/ mig ser la sogs pas nyam thag pa rnams la mdog ser po dang/
 dkar por snang ba dang/ dbyibs kyis tshad kyis 'phel 'grib dang/ mdangs dang bshad gci dang/ skyugs pa la sogs pas brtag par bya'o/ /reg pa ni lag pa dang/ lus kyi reg pas rims dang/ skran dang/ ma zhu bas nyen pa dang/ de bzhin du grang
 ba dang/ tsha ba dang/ rengs ba dang/ 'dar ba dang/ 'jam pa dang/ rtsub pa la sogs pa reg pas brtag pa dang/ dris pa ste gzer dang/ yi ga 'chus pa dang/ slon pa dang/ lto sra ba dang/ rnyib dang/ rmi lam du mthong ba dang/ bsam pa dang/ na tshod dang/
 nad kyi mgo gang nas zug pa dang/ skar ma dang/ mdza' bo dang/ dgra bo dang/ bde ba dang/ sdug bsngal la sogs pa dang/ nad pa'i tshigs las yongs su brtag par bya ba'o nad kyi bye brag shes par bya ba'i thabs bshad pa ni/ nad kyi gzhi yi
 dang po'i tshul/ /mtshan nyid nyer bsten thob pa yin zhes bya ba yin te/ nad ni nad gzhi la sogs pa las lngas yongs su brtag par bya ste/ nad gzhi dang rgyu dang byed pa zhes bya ba ni ming gi rnam grangs so/ /de yang nye ba dang ring ba'i bye brag gi
 rnam pa gnyis yin la/ nye ba yang nye ba dang shin tu nye ba'i dbyebs gnyis so/ /de la nye ba ni rtsub pa dang/ yang ba dang/ grang ba la sogs pa'i rdzas dang 'dres par gyur pas so/ /shin tu nye ba ni dper na rlung la sogs pa'i nyes pa rnams gang dag gis
 rjes thog nyid la nad 'byung bar 'gyur bas 'khrug par 'gyur ro/ /rim pa ni gang rims la sogs pa'i dang po'i dus nyid du 'byung ba ste/ dper na phyi rol tu sha bkral sogs pa 'byung ba dang/ mdze dang gci nad la sogs pa ste/ des na 'di lta bu'i
 don bskyed pa dang/ 'di lta bu'i nad kyi rgyu nyid du nye bar gnas pa yin la/ de ltar byung ba yin pas de'i phyir nad gzhi las nad shes par bya'o/ /dang po'i tshul ni phyis 'byung ba'i nad mi gsal ba'i khyad par gnas pa'i mtshan nyid des/ rims la
 sogs pa'i nad 'byung bar 'dod pa na rlung la sogs pa'i gnod pa khyad par gyis khyab par mi snang ba la/ gang gis snang bar 'gyur zhing ci nas chung ba nyid kyis gang mi gsal zhing rtags mngon du ma gyur pa de ni dang po'i tshul lo/ /mtshan nyid kyang dang po'i
 tshul las mtshan nyid tha dad pa ste/ gang gis nyes pa ma lus pa'i bye brag gi khyab pa'i rtag dang ldan par nad gsal ba nyid du mthong zhing shes pa'o/ /nyer brten ni bde ba dang/ rjes su 'brel pa'i kha zas la sogs pa la spyod pa ste/ 'di lta bu'i kha zas la
 sogs pas ni/ 'di'i nad 'di na ma byung ba yin la 'di lta bus ni dang 'byung bar gyur to zhes bsten pa las nad 'di yin no zhes shes pa'o/ /nad de ni gsor rung zhing bde ba'i rgyu yin pas na bde ba thob pa yin no/ /thob pa dang rdzogs pa dang yang
 dag par thob pa dang 'ongs pa dang/ skyes pa zhes bya ba ni don gyi rnam grangs yin no/ /de 'ang 'di lta bu'i mi mthun pa dang/ gnas 'di lta bu'i mi mthun pa dang/ gnas 'di lta bu gnas pa dang 'di ltar rjes su 'gro ba dang/ brtag pa 'di dang/ lam 'di
 dang nyes pa 'di thob pa yin no zhes yongs su brtag pa ste/ de bas na thob cing mthar phyin pa las/ nad 'di yin no zhes shes pa'o/ /nye bar bsten pa la sogs pa'i skabs kyi yul dang dus la sogs pa dang nye bar sbyar dgos te/ de bas na de gnyis
 kyang bshad pa ni/ sa dang lus kyi bye brag gis/ 'di la yul sa rnam gnyis bshad/ /ces bya ba yin te/ tshe'i rig byed kyi bstan bcos 'di la yul sa ni slob dpon dag gis rnam pa gnyis su bshad do/ /de gang zhe na sa'i bye brag dang lus
 kyi bye brag gis so/ /de la lus kyi yul ni mgo bo dang lag pa la sogs pa'i mtshan nyid dang ldan par grags pa'i lus nyid do/ /sa'i yul bshad par bya ste/ skams phal cher rlung bskyed cing/ /rlan can bad kan 'phel ba yin/ /cha mnyam
 nyes pa mnyam pa ste/ /sa yi phyogs ni gsum du bshad/ /ces bya ba la yang sa'i phyogs ni rnam pa gsum du bshad de/ de la skam sa'i chu ni shing dang ri bo? nyung zad cig yod pa ste/ 'og nas bshad do/ /phal cher rlung bskyed cing zhes bya ba ste/ de
 las skyes pa'i sman ni rtsub pa dang/ sra ba yin pa dang/ ri dags la sogs pa yang rlung gi shas che ba yin no/ /rlan man ni chu dang/ shing mod pa dang/ rlung med pa dang/ than pa nyung ba'o de ni bad kan 'phel pa yin te/ /de las skyes pa'i sman la sogs
 pa yang/ snum pa la sogs pa dang ldan pa yin no/ /cha mnyam pa ni mtshan nyid gnyi ga dang ldan pa ste/ 'dres pa'i tshul can no/ /nyes pa mnyam pa ste/ zhes bya ba ni rlung la sogs pa'i nyis pa mnyam pa'o/ /sman rnams kyis yang dag par sbyar ba'i rgyu'i
 dus bshad pa ni/ skad cig la sogs nad kyi skabs/ /dus su sman ni sbyor bar byed/ /ces bya ba yin te/ dus ni rnam pa gnyis te/ skad cig la sogs pa'i mtshan nyid dang/ nad kyi gnas skabs kyi mtshan nyid do/ /sman ni sbyar bar bya te
 zhes bya ba ni sman gyi sbyor ba byed de/ de'i don rdzogs par byed nus so zhes pa'i don to/ /de la skad cig ni grags par zad do/ /sogs pa'i sgras ni thad gcig dang/ yud tsam dang/ thun gcig dang/ nyin zhag dang/ zla ba phyed dang zla ba dang/ dus dang lho phyogs
 dang byang phyogs su 'gro ba dang/ lo rnams gzung bar bya'o/ /skad cig la sogs pa'i dus kyi dper brjod pa ni 'di ltar/ snga dro'i dus su skyugs sman btang/ nyi ma'i gung la 'khru sman te/ nyi ma gung las cung zad yol/ /smad nas sman ni ma khas blangs
 btang/ /zhes bshad pa yin no/ /nad kyi gnas skabs ni ma zhu ba dang/ zhu ba dang/ dal ba dang/ bar ma dang/ drag pa nyid kyi de dang 'tsham pa'i sman gyi sbyor ba btang bar bya'o/ /de ni 'di ltar smyang bdugs dang rtsa ba lnga/ /nas thug tik+ta sha khu dang//
 dri ma rnams ni smin bya ba/ /gnas skabs kyis sa ma rim pas so zhes bya ba dang/ /de bzhin du rims la thug pa bska ba dang/ /mar sar 'o ma bkru sman dag /nad stobs yod med bltam nas ni/ /nyi ma drug drug sbyar bar bya/ /zhes bya ba dang/ /
 bzhin du rims na bce? zhing lus yang la/ /dri ma la sogs g.yos pa na/ /rims btab yun ring ma lon kyang/ /de tshe sman gyi sbyor ba bya zhes bya ba yin te/ gnas skabs 'dir byin pa'i sman ni nad med pa'i don du 'gyur ro/ /sman de'i 'dra
 rnam pa gnyis su bshad do/ /mdor na sman ni rnam gnyis te/ /sbyang ba dang ni zhi ba'o/ /zhes bya ba yin te/ mdor bsdu na 'jig rten dag na sman rnams yod pa de rnam pa du mar yod du zin kyang tshul gnyis las 'da' bar mi byed do/ sbyar
 pa dang zhi pa'i mtshan nyid rnam pa gnyis su bshad pa yin no/ /de la sbyang pa na nyes pa 'khrug pa phyi rol tu bton nas nad nye bar zhi bar byed do/ zhi ba ni gang rang gi gnas na gnas pa nyid la cha mnyam par byed pas zhi pa yin no/ /sman bshad nas de'i yul
 bshad pa ni/ lus las byung ba'i nad rnams kyi/ /rim gyis sman gyi dam pa ni/ /mas btang bkru sman slon sman dang/ de bzhin til mar mar sbrang rtsi zhes bya ba yin te/ lus las byung ba'i nad rlung la sogs pa rnams kyi rims zhes bya grangs ji lta
 ba'i go rim gyis bstan pa dang/ /bshad par gyur pas sman gyi dam pa zhes bya la/ sman gyi gtso bor gyur pa ni mas btang ba nas slon pa'i bar gyis sbyar bar bya ba dang/ de bzhin du til mar nas sbrang rtsi'i bar ni zhi bar byed pa'i tshul can yin no/ /des
 na rlung la ni mjug ma nas sbrang rtsi dang sman bskol ba lgang ba nas btang bar bya ba sman gyi mchog yin no/ /mkhris pa la ni bkru sman kha nas btung zhing mjug ma'i lam gyi mdza' nas dbyung ba sman gyi mchog yin no/ /bad kan la ni slon sman kha nas 'thungs
 te/ de nyid nas nad dbyung ba sman gyi yin te/ de dag ni nad rnams spyad pa'i tshul gyis sman yin no/ /til mar la sogs pa zhi ba'i rang bzhin can gyi sman yin no/ /de bzhin du zhes bya ba ni rims kyis te rlung la til mar ro/ /mkhris pa la ni mar sar
 ro/ /bad kan la ni sbrang rtsi sman gyi dam pa ste/ sman gyi gtso bo yin zhes bya ba'i don to/ /dus la sogs pa'i yul la brten pa'i thams cad du lus las byung pa'i nad thams cad kyi sman gyi dam pa bshad zin nas/ de'i 'og tu sems kyi nad
 gso ba'i mchog gang zhig yin zhe na/ de'i phyir bshad pa ni/ blo dang brtan bdag sogs shes pa/ /sems kyi nye ba'i sman mchog yin zhes bya ba yin te sems kyi nyes pa 'dod chags dang gti mug dag la ni nad sel bar byed pa'i sman gyi mchog ni blo
 dang brtan pa la sogs pa yin te/ de la blo ni shes rab ste/ phyi dang nang gi bdag nyid can gyi dngos po de rnams la phan pa dang/ phan pa ma yin pa'i bye brag gi cha rnam par 'byed shes pa'o/ /brtan pa ni
 sems mi 'gyur zhing brtan pa nyid de blo mi rgod pa'o/ /de yang gang gi bkag pa rnams la 'jug par ma byed pa dang/ phan pa ma yin pa rnams dang sdug bsngal la yid zhum pa med pa'o/ /bdag nyid shes pa ni rnal 'byor gyi ngo bo nyid shes pas//
 ting nge 'dzin gyis don dam pa'i bdag nyid shes pa'o/ /sogs pa'i sgras ni ye shes dang/ rnam par shes ba dang/ dran pa dang/ yul dang/ dus la sogs pa shes pa yongs su bsdu'o/ /sems kyi nyes pa 'byung ba 'dod pa la sogs pa
 ni nad gsal ba'i don du mchog ces bya ba'i sgra ni khyad par gyi tshig tu bstan pa yin no/ /de ltar na re zhig 'dis ni gso ba ma lus par bstan pa yin la/ de yang yan lag bzhi dang ldan na dgos pa byed pa yin pas/ de'i phyir bshad pa ni
 gso ba dag tu bstan pa ni/ sman pa sman dang nad g.yog dang/ nad pa yan lag rnam bzhi ste/ re re 'ang rnam pa bzhi bzhi yin zhes bya ba yin te/ gso ba zhes bya ba nang nye bar zhi bar bya ba'i mtshan nyid kyi yan lag ni rnam pa bzhi yod par
 bshad la/ do ri ral? yang rnam pa bzhi bzhi yod do/ de ltar na yon tan rnam pa bcu drug yin par gso dpyad mkhas pa'i sman pa rnams 'dod do/ /de la sman pa ni de'i gtso bo yin pas dang por bstan te/ de yang lung las sbyor zhing rab sbyor ston
 pas na 'di ni sman pa gtso bo yin zhes bshad pa yin no/ /de bzhin du bsdus pa las kyang sman pa yon tan med yan lag /yon tan ldan yang don med yin/ /de yi yon tan ldan yan lag /ma tshang na yang nad pa 'tsho/ /de bas gso dpyad la de
 nyid/ /rgyu yi gtso bo yin zhes bya zhes bshad do/ /sman ni rdzas rnams so/ /nad g.yog ni bsnyen bkur byed pa'o/ /nad pa ni nad kyis nyam thag pa ste/ de dag ni slob dpon gyis mdor bstan pa yin no/ /de rnams kyi yon tan rgyas par bshad pa ni/ sman
 pa mkhas stegs gzhung don shes/ /las rnams mthong zhing gtsang ba yin zhes bya ba yin te/ de la sman pa'i yan lag bzhi ni mkhas pa ste/ las rnams la byang ba'o/ /stegs ni rang gi mkhan po'i lung gi don shes pa las/ bstan bcos kyi gzhung
 gi don shes shing khong du chud pa gang yin pa de ni sman pa mkhas stegs gzhung don shes zhes bya ba yin te/ lung brgyud pa las/ bstan bcos kyi don rtogs pa thob pa'o/ /las rnams mthong zhing zhes bya ba ni/ gang gis gso ba'i mtshan nyid ces
 bya ba'i las mang po mthong ba de ni/ las rnams mthong zhing zhes bya ba yin te/ lan mang zhing nad pa gsos shing las goms par 'gyur ba'o/ /gtsang ba zhes bya ba ni lus dang ngag dang yid kyi bya ba rnams la sdig pa'i dri mas ma gos pa'o/ /sman yang rnam
 pa bzhi ste/ de ni sman ni chog mang po dang/ yon tan mang ldan phun tshogs 'phrod ces bya ba ste/ de la sman gang la cho ga mang po yod pa de ni cho ga mang po ste/ bcud dbyung zhing bskol ba dang/ phye ma la sogs par byas pas na nad rnams sel nus pa
 ste/ lan tshwa ltar cho ga gcig yod pa ni yin te/ de ni kha cig pu'i nang du dgos pa byed pa yin no/ /yon tan mang ldan zhes bya ba ni sems can sred pa tha dad pa dag la lci ba dang/ rtul ba la sogs pa'i yon tan mang po yod pa de ni yon tan mang ldan
 no/ /yang na gang nang du ma dag gis tshogs rnams sel ba'i nus pa dang ldan pa'o/ /phun sum tshogs pa ni phun sum tshogs pa'i yon tan dang ldan pa yin gyis/ yon tan ma tshang bar gyur pa ma yin pa ste/ sa gzhi bzang po las skyes pa la
 sogs pa'o/ /de yang gzhung las/ sa phyogs cha mnyam bsngags pa ni/ /gzhi mnyam sa bzang gtsang ba dang/ /dur khrod mchog rten nye 'khor dang/ /g.yang sa grogs mkhar rnams spangs pa'o/ /zhes bshad pa'i sa gzhi bzang po
 las skyes pa la sogs pa'i yon tan dang ldan pa'o/ /yang na legs par smin cing sbyor ba la sogs pa'i yon tan dang ldan pa'o/ /'phrod pa ni sbyor bar 'os pa ste/ gang gang la 'phrod cing 'os pa de de la sbyar ba'o/ /de yang nad dang/ yul phyogs dang/
 dus dang/ gnod pa dang/ gnod par bya ba dang/ lus dang na tshod dang/ stobs la sogs pa shes par byas nas/ sbyor zhing ster ba dag nad pa dang/ nad kyi tshogs las dpags te/ 'phrod cing 'os pa dang/ phan par gyur pa'o/ /nad g.yog gi
 yon tan yang rnam pa bzhi ste/ nad g.yog rjes brtse gtsang sbra can/ sgrim zhing blo dang ldan pa yin zhes bya ba yin te/ rjes su brtse ba zhes bya ba ni nad pa la byams shing dang/ gtsang sbra can ni lus dang ngag dang yid kyi las ngan pas mgos pa'i
 sgrim pa ni bya ba thams cad la gshor zhing brtson pa'o/ /blo dang ldan pa ni blo gros khyad par can yod pa ste/ mkhas shing byang ba zhes bya ba'i don to/ /nad pa'i yon tan yang rnam pa bzhi ste/ nad pa phyug cing bsgo ba nyan/ /shes par nus shing snying
 stobs ldan/ /zhes bya ba yin te/ phyug pa nor dang ldan pa'o/ /bsgo ba nyan pa ni sman pa'i dbang du gyur cing bsgo pa nyan pa'o/ /shes par nus zhes bya ba ni ci las gyur pa'i nad kyi gzhi la sogs pa shes par nus pa ste/ na ba'i zas dang
 spyod pa la sogs pa sman pa la sogs brda sprad par nus shing zas dang spyod pas ci ltar gyur pa'i lo rgyus ston par nus pa'o/ /snying stobs ldan pa'i sman dang dpyad kyis bya ba la sems zhum pa med cing phog rnya che la blo brtan pa'o/ /da ni gso sla pa
 la sogs pa'i nad rnam pa bzhi'i mtshan nyid bshad pa ni/ sman kun bzod par nus pa'i lus/ skyes bu gzhon zhing bdag nyid thul/ /gnad du ma song rgyu sngar tshul/ /mtshan nyid chung dang gnod pa med/ /gnod bya yul dus rang bzhin rnams/ /mtshungs
 yin yan lag phun sum tshogs/ /gza' ni rjes su mthun pa la/ /nyes pa la ma cig gsar gos sla zhes bya ba yin te/ sman kun bzod par nus pa'i lus la nad skyed par gyur na gso sla ba zhes bya ba ste/ gso ba'i thabs bde zhing slo ba yin no/ /
 de yang gzhung las/ gso sla ba ni thabs bde ba/ cung zad dus kyis bsgrub du rung zhes bshad pa yin no/ /de la kun bzod par nus pa'i lus zhes bya ba ni/ gang gis sman thams cad bzod cing bsnyen par nus pa ste/ rno ba dang/ bar ma dang/
 'jam pa'i tshul yul sna tshogs nas skyes pa dang/ zhi bar bya ba dang/ de bzhin sbyang ba dang/ dug dang ldan tshwa la sogs pa bsten par bzod pa'o/ /skyes bu zhes smos pa ni bud med dag ma yin te/ gang gi phyir bud med dag ni rtag tu sngar zhing blo
 dang mi ldan pa yin pas/ ji skad bshad pa'i nad pa'i yon dang mi ldan pa yin pa la/ de ni shin tu gzhon sha can yin pas/ sman rnon po bstan par mi bzod pa yin no/ /gzhon zhing zhes bya ba ni/ lang tsho la gnas shing gzhon pa nyid ces bya
 ba'i don to/ /bdag nyid thul zhes bya ba ni/ brkam zhing chags pa ma yin pa ste/ gang gis yul mngon par 'dod pa spangs pas bdag nyid thul ba'o/ /gnad du ma song zhes bya ba ni/ gnad la mi gnas pa ste/ gnad ni mgo dang/ snying ga dang/
 'doms la sogs pa ste/ de rnams sum song zhing/ snying dang lkog ma la sogs par shas cher gnod mi nus pa'o/ /rgyu sngar tshul mtshan nyid chung dang zhes bya ba ni/ rgyu dang sngar gyi tshul dang mtshan nyid dag ni/ rgyu sngar tshul gyi mtshan nyid
 ces bya ste rgyu dang sngar gyi tshul dang/ mtshan nyid de dag chung ba gang yin pa de la de skad ces bya'o/ /de la rgyu ni nad kyi gzhi'o/ /sngar gyi tshul ni sngar dang po byung ba'i tshul lo/ /mtshan nyid ni rtags kyi tshul te/ de dag chung ba gang
 yin pa gso ba yin no/ /gnod pa med ces bya ba ni gang la 'tsho zhing gnod pa med pa de ni gnod pa med pa zhes bya ste/ 'di ltar sngar nad cig bskyed pa la/ de'i 'og tu gang nad gzhan bla gnyan du byung ba ni/ de'i mtshan nyid ma yin zhing/ gtso bo ma
 yin la/ rang gi mtshan nyid ji lta ba bzhin ma yin te/ nad snga ma de sel bar byed pa la gnod pa byed pa yin no/ /de yang lung las/ nad kyi steng du nad gang zhig /phyis dus dag tu 'byung ba dag /gso ba dag la gegs byed pa/ de ni gnod pa zhes
 bshad do/ /zhes 'byung ba ni yin te de med pa la gnod pa med pa zhes bya'o/ /gnod bya yul dus rang bzhin rnams/ /mtshungs min zhes bya ba la/ gnod bya dang/ yul dang dus dang/ rang bzhin rnams dang/ gnod bya yul dus rang bzhin
 rnams zhes bya ste/ /gang gi de rnams mtshungs pa ma yin pa ni mtshungs min no/ /de la de rnams mtshungs pa ma yin pa ni/ dper na gnod par bya/ rkang dang tshil la sogs pa dang/ shin tu rlan che pa'i yul dang/ grang pa'i dus dang/
 nad pa'i rlung gi rang bzhin de la/ mkhris pa 'khrugs par gyur na gso sla ba yin no/ /gnod par bya ba mtshungs pa ma yin pa ni dper na bad kan gyi mtshan nyid grang bas/ khrag dro ba gnod pa yin no/ /yul mtshungs pa ma yin pa ni/
 dper na rlan can shing rtsi mod pa'i yul du mkhris pa skyes pa'o/ /dus mtshungs pa ma yin pa ni dper na ston ka'i dus su bdag na skyes pa'o/ /rang bzhin mtshungs pa ma yin pa ni dper na mkhris pa'i rang bzhin can la/ bad kan gyi nad
 skyes? pa lta bu'o/ /'dir dris pa/ gnod bya dang/ yul dang/ dus dang/ rang bzhin rnams mtshungs pa ma yin pa ni/ gso bar dka' ba'am spang bar bya ba yin gyis gso sla ba ma yin te/ sgo dum nas gso ba tsam dgos pa yin pa'i phyir te/ 'di ltar gnod bya
 la sogs pa 'dra ba ma yin pa dag la/ phan tshun gso ba'i rtsom pa gzhan dang gzhan dag kyang dgos kyi/ sgo gcig nas gso ba sla ba yin no zhe na/ de'i lan brjod par bya ste/ gnod bya la sogs pa mtshungs pa ni rang bzhin stobs dang ldan pa yin zhing/
 rtsoms pa che bas dka' ba 'byung bas de gso sla ba ma yin no/ /la la ni gnod bya la sogs pa mtshungs su zin yang/ gso sla ba dag ni yod do/ /de yang gzhung las/ rims la yul dus mtshungs pa dang/ gcin 'gag gnod bya mnyam pa dang/ khrag
 gi skran ni rnying pa nyid/ gso sla ba yi rgyu nyid yin/ /zhes bshad pa yin no/ /yan lag phun sum tshogs zhes bya ba ni/ sman la sogs pa'i yan lag bzhi phun sum tshogs pa ni 'byor par gyur pa ste/ yan lag bzhi po de yongs su rdzogs par gyur
 na/ nad gso sla bar 'gyur ba'o/ /gza' ni rjes su mthun pa dang/ zhes bya ba la/ gza'i na nyi ma la sogs pa ste/ de dag rjes su mthun pa zhes bya ba/ skar ma'i khyim rjes su mthun pa na gnas shing/ gnas bzang po na gnas par 'gyur na yang nad gso sla ba
 yin no/ /nyes pa lam gcig ces bya ba ni nyes pa dang lam gnyis gcig dang ldan pa ni/ nyes pa lam gcig ste/ nyes pa ni rlung la sogs pa'o/ /lam ni gsum ste/ 'og nas bshad pa'i yan lag gam/ yal ga la sogs pa ni phye dang nang dang bar gyi dbye
 bas so/ /des na gang yang rlung la sogs pa'i nang nas gang yang rung ba zhig las skyes kyi/ gnyis sam gsum las ma skyes pa dang/ de bzhin du phyi rol la ma nad ngan par ma ste lam gcig las skyes pa ni gso sla ba yin no/ /gsar ba zhes bya ba ni nad
 ma rnyings pa ste/ skyes nas ring po ma lon pa zhes bya ba'i don te/ gang gi phyir lo gcig yan chad 'das pa'i nad ni gso dka' ba yin no/ /de ltar na de lta bu'i nang ni gso sla zhing/ gso ba'i thabs ni sla ba nyid yin no/ /gso dka' ba'i
 nad bshad pa ni/ nad kyi mtshon sogs kyis gdab cing/ gso bar dka' zhing de las 'dres zhes bya ba yin te/ nad gang mtshon la sogs pas sgrub cing gdab dgos pa de ni/ gso dka' zhing bzlog bar dka' ba yin pas/ thabs mang po dang yun
 ring pos gso dgos pa yin no/ /de yang gzhung las/ gso dka' ba la dka' pa dang/ thabs nad yun ni ring pos so/ /zhes bshad pa yin no/ /gso la sogs pa'i sgras ni/ nas tshigs 'khus pa'i thal bas bsku ba dang/ me gdab pa dang/ dug
 yis bsku ba la sogs pa bsdu'o/ /de la 'dres zhes bya ba la/ de las zhes bya ba ni sngar bshad pa'i gso rung ba'i mtshan ma las/ nad gang 'dres pa zhig byung nad yang gso bar dka' ba yin no/ /de la de las 'dres pa'i mtshan nyid ni sngar
 bshad pa'i gso sla ba'i mtshan nyid las 'dres shing gnyis sam gsum tshogs bar gnas pa ste/ dper na gzhon pa yang bdag nyid mthul pa dang/ dbang po thul ba yin yang/ nad gnad kyi gnas su song ba dang/ sman thams cad bzod
 par nus ba'i lus dang ldan pa yang rgas pa dang/ gal te gzhon nu zin kyang sman thams cad kyis bzod par mi nus pa'o/ /de ltar na phyogs 'dis thams cad las bsgre bar bya'o/ /gso ba tsam du bya ba bshad pa ni/ tshe yi lhag ma lus
 phyir 'tshe/ /go bzlog pa la goms pa nyid ces bya ba yin te/ phyin ci log rnam pa mang pos bsgrub par bya ba'i gso ba'i thabs dang mi mthun par gyur pa la tshe'i lhag ma ni ma zad par nad kyis gso bar mi nus pa dag la ni kha zas dang
 spyod lam phan pa dag gis re zhig gso zhing 'tsho ba tsam du bya'i de yongs su spang bar ni mi bya'o 'di dang yongs su spang bar bya ba'i nad kyi khyad par ni 'di tsam zhig yod de/ /'di la ni tshe'i lhag ma tsam zhig yod pas/ re zhig spang bar mi bya ba yin gyi/ mtshan
 nyid gzhan thams cad ni phal cher mthun pa yin no/ /go bzlog ces bya ba gang zhig bzlog pa yin zhe na/ 'das ma thag pa'i rang bzhin gso zla ba las bzlog pa'o/ /goms pa ni yang dang yang du bya zhing bslab pa ste/ de bas na phan pa'i zas dang/ spyod
 lam gyis gso bar bya'o/ /de yang gso bas bde ba cung zad cig skyed cing/ yang rgyu cung zad kyis ni 'phel bar 'gyur ro/ /de yang bsdus pa las/ bde ba cung zad skyes nas ni/ cung zad rgyu ni 'phel 'gyur zhing/ /nad kyi lhag ma med mi 'gyur/ /las
 skyes tshe ni nges pa yin/ /lhungs pa las ni 'jus pa yin/ /nad la phan pas gzung bar bya/ /zhes bshad pa yin no/ /spang bar bya ba bshad pa ni/ /'chos pa'i thabs med nyid du 'gyur/ /shin tu phyin ci log par gnas/ /shin tu rmongs dang khro
 bar byed/ /'chi ltas snang zhing dbang po nyams/ /zhes bya ba yin te/ gang la bcos shing gso ba'i thabs med par gyur pa de ni bcos pa'i thabs med pa ste/ spang bar bya ba'i don to/ /bcos pa'i thabs med pa de gang zhig yin zhe na/ gang shin tu phyin ci
 log la gnas pa zhes bya ba yin te/ nad gang gso ba tsam gyi tshul las kyang/ shin tu phyin ci log par gnas pa ste/ bya ba'i las kyi lam thams cad las 'das shing/ nad rkang dang khu chu la sogs pa lus zungs shin tu gnyid ring bar zhen pa gnad dang
 tshigs kyi nang du zhen pa de ni bcos pa'i thabs med cing gso bar mi nus pa yin no/ /de bzhin du 'dod pa la sogs pa byed pa yang gsor mi rung ba nyid de/ 'dod pa ni yul rnams la lhag par chabs shing zhen pa'o/ /rmongs ba ni sems dang bral zhing dran
 pa nyams la mi shes par gyur pa'o/ /khros ba ni gnas dang mal stan la sogs pa gang du yang mi dga' zhing sems ldog pa'o/ /byed pa zhes bya ba ni gang la de dag ltar byed pa de yang bcos pa'i thabs med pa yin no/ /de bzhin du 'chi
 ltas snang zhing dbang po nyams pa yang spang bar bya ba yin no/ /de la 'chi ltas snang ba ni/ 'chi ba'i mtshan ma snang ba'o/ /dbang po nyams pa ni mig la sogs pa'i dbang po nyams shing dbang po 'gags par byed pa'i nad kyang bcos pa'i thabs med pa yin
 te/ myur du dbang po 'joms pa yin no/ /de lhan dang po nad yongs su brtags la gso ba brtsam par bya'i/ /gzhan du sman pa'i rang gi rang don la sogs pa nges par nyams par 'gyur ro/ /de yang gzhung las dang por 'di ltar nad brtags la/
 de nas las ni brtsams bya yi/ /gzhan du rang don rig pa dang/ /grags pa nyams pa nyid thob 'gyur zhes bshad pa yin no/ /nad pa bcos pa'i thabs yod pa dag kyang/ spang bar bya ba dag bshad pa ni/ sman pa rgyal po la sdang dang/ de dang mi
 mdza' sdang ba dang/ yo byad mi 'byor brel ba dang/ nyan du mi 'dod tshe zad dang/ /gtum zhing mya ngan la gnas 'jigs/ /byas pa mi gzo sman brnyas spang/ /zhes bya ba yin te/ nad pa de lta bu ni gsor rung yang spang bar bya'o/ /sman pa rgyal po la sdang
 zhing/ /zhes bya ba ni sman pa dag dang rgyal po ste/ sa bdag la sdang ba dang/ de bzhin du de dang mi mdza' zhes bya ba/ sman pa dang rgyal po dag la sdang zhing mi mdza' ba de yang spang bar bya'o/ /spang pa dang zhes bya ba ni bdag nyid la sdang zhing dgar byed pa'o//
 yo byad mi 'byor zhes bya ba ni yo byad ma tshang ba ste/ gso ba'i yan lag dang mi ldan pa'o/ /brel pa ni bya ba mang ba ste/ bya ba gzhan bltos shing/ las gzhan la sems zhen pa'o/ /nyan du ma btub pa ni sman pa'i bsngo ba mi byed pa gang yin pa de
 yang spang bar bya'o/ /tshe zad pa ni 'tsho ba yongs su zad pa'o/ /gtum pa ni 'phral du gnod pa byed cing gdug pa'i chos can no/ /mya ngan las gnas pa ni chung ma la sogs shi ba las byung ba'i mya ngan gyis gzir ba'o/ /'jigs pa ni 'jigs pa dang bcas pa'o//
 byas pa mi gzo ba ni gang la yang phan bar byas su zin kyang/ /gnod pa byed pa'o/ /sman ba la brnyas pa ni bdag nyid sman pa ma yin du zin kyang/ sman ba lta bur 'chos shing rmongs pas rang dgar sman dpyad byed pa ste de yang spang bar bya ba'o/ /de ltar le'u dang por
 gzhung ma lus pa'i don mdor bsdus pa bshad nas/ de'i 'og tu bde blag du dran bar bya ba'i phyir le'u'i grangs kyi mdor bsdus pa bshad pa ni/ de nas gzhan yang rgyud 'di yi/ /le'u bsdus pa bshad bya ste zhes bya ba yin/ de nas de'i 'og tu bde bar bya ba'i
 phyir le'u bsdus pa bshad pa'o zhes bya bar sbyar ro/ /rgyud ces bya ba 'dis tshe'i rig byed kyi don 'dzin cing bsdus pas na rgyud do/ /le'u bsdus pa ni le'u rnams bsdus shing phung po gcig tu byed pa'o/ /de dag kyang gang zhig yin zhe na/ tshe ring nyin re dus spyod
 dang/ /nad med bya dang btung pa dang/ /zas shes bya dang zas bsdam bya/ /zas tshong sman dang rol gnas/ /nad shes bya dang de'i dbye ba/ /de gso ba dang gso thabs gnyis/ /sbyang sogs snum 'chos khrus brta bya/ sman dung khar dor mig bkru dang/ /gso dang
 dbyung thabs zug rngu mtshon/ /gtar dpyad zug rngu dbyung ba'i dpyad/ /mtshon dang thal sman me btsa'i las/ /mdo gnas le'u sum cu ni/ /'di yin zhes bya ba la/ de ltar sngar bshad pa'i le'u sum cus ni mdo'i gnas bshad pa yin te/ tshe ring
 bar 'dod pa dang/ nyon re dus su spyod pa dang/ zhes ba gnyis pa'i mtshams sbyar bar bya'o/ /des na tshe ring bar 'dod ba dang/ nyin re dang dus su spyod pa dang/ nyin re'i spyod pa dang/ dus kyi spyod pa dang/ nad med par bya ba dang/ btung ba'i rdzas shes par
 bya ba dang/ zas kyi rang bzhin shes bar bya ba dang/ zas legs bar bsdams par bya ba dang/ zas kyi tshong zin par bza' ba dang/ sman la sogs pa'i rdzas shes par bya ba dang/ ro rnams shes par bya ba dang/ nad la sogs pa shes bar
 bya ba dang/ nad de'i bye brag shes par bya ba dang/ nad gso bar bstan pa dang/ gso thabs rnam pa gnyis dang/ sbyang ba la sogs pa'i tshogs bsdu ba dang/ snum 'chos kyi dpyad dang/ dugs kyi dpyad dang/ slon dang khrus kyi dpyad dang/ 'doms kyi
 dpyad dang/ sna nas btang ba'i dpyad dang/ sman gyi dud pa'i dpyad dang/ sman khus mkhur ba bkang zhing dor ba la sogs pa'i dpyad dang/ mig sman blug ste mig nad bkru ba'i dpyad dang/ mig gso zhing tshim par bya ba'i dpyad dang/ sman gyi phur ma btso zhing sman
 khus mig brta ba'i cho ga dang/ mtshon gyi dum bu lus pa dbyung ba'i cho ga dang/ gtar dpyad kyis dbug ba'i cho ga dang/ mtshon gyi las kyi cho ga dang/ thal sman rnon po dang/ me btsa'i las kyi cho ga'o/ /'di dag gis ni rgyud kyi don ma lus pa mdor
 bstan pa yin pas na mdo'i gnas te rgyud ma lus pa'i mgo bo lta bu yin no/ /de ni lus kyi brjod bya ste zhes bya ba la/ lus kyi zhes bya ba ni lus kyi gnas so/ /ci zhig brjod ce na le'u'i bsdus pa'o/ /de dag kyang gang zhe na/ mngal du 'jug dang
 de'i nad dang/ /yan lag gnad kyi bye brag dang/ /rnam 'gyur bang chen las byung drug /ces bya ba yin te/ de la lus de'i mngal du 'jug pa dang/ de'i nad ni mngal de'i nad te/ lus kyi mngal 'jig pa dang/ lus kyi yan lag gi bye brag dang/ lus kyi gnad kyi bye
 brag dang/ lus kyi rnam par 'gyur ba shes par bya ba lus kyi bang chen la sogs shes par bya ste/ de ltar na le'u drug po de dag ni las kyi gnas yin no/ /de nas nad gzhi'i gnas bshad pa ni/ nad kun 'byung ba'i nad gzhi dang/ rims khrug dbugs mi
 bde gcod sogs/ /chang dang gzhang 'brum tshang ba'i nad/ /chu 'gags gcin ni snyi ba dang/ /khong 'bras dmu rdzings dag dang ni/ /skya rbab mdze nad rlung gis gzir/ /dreg nad dag dang bcu drug yin/ zhes bya ba yin te/ nad thams cad kyi nad gzhi dang/ rims dang
 mkhris pa dang/ lung pa'i nad gzhi dang/ dbugs mi bde ba'i nad gzhi dang/ zad byed la sogs pa'i nad gzhi dang/ chang drags pa la sogs pa'i nad gzhi dang/ gzhang 'brum gyi nad gzhi dang/ tshad bar 'khru ba'i nad gzhi dang/ gcin 'gags pa'i nad gzhi dang/
 gcin bsnye ba'i nad gzhi dang/ khong 'bras dang/ skran gyi nad gzhi dang/ dmu rdzings kyi nad gzhi dang/ skya rbab dang/ 'or nad dang/ me dpal la sogs pa'i nad gzhi dang/ mdze nad dang/ sha bkra dang/ srin bu'i nad gzhi dang/ rlung nad kyi nad gzhi dang/ drag
 nad kyi nad gzhi ste/ de ltar le'u bcu drug ni nad gzhi'i gnas yin no/ /gso ba brjod par bya ste/ rims nad gso dang khrag dang ni/ /lud pa dbugs mi bde dang gcod/ /slon dang chang dang gzhang 'brum dang/ /chang nad pho ba gcin nad gnyis/ /khong 'bras skran dang
 dmu rdzing dang/ skya rbab 'or nad me dpal dang/ /mdze nad sha bkra rlung nad dang/ dreg nad gso ba'i dpyad rnams te/ le'u nyi shu gnyis 'di yin zhes bya ba yin te/ gso ba'i nad le'u nyi shu rtsa gnyis yod do/ /de yang gang yin zhe na/ rims nad gso
 pa dang/ khrag dang mkhris pa gso pa dang/ lud pa gso ba dang/ dbugs ma bde ba gso pa dang/ gcong chen po'i nad gso ba dang/ rtag tu slon pa dang/ snying nad dang/ skom dad la sogs pa gso pa dang/ chang nad gso ba dang/ gzhang 'brum gso pa
 dang/ tshad pas 'khru pa gso ba dang/ pho ba'i nad gso ba dang/ gcin 'gags pa'i nad gso ba dang/ gcin bsnyi pa gso pa dang/ khong 'bras 'phel ba gso ba dang/ skran nad gso ba dang/ dmu rdzing gso ba dang/ skya rbab kyi nad gso ba dang/ 'or
 nad gso ba dang/ me dpal gso ba dang/ mdze nad gso ba dang/ sha bkra gso ba dang/ srin nad gso ba dang/ rlung nad gso ba dang/ dreg nad gso ba'i dpyad ste/ nyi shu rtsa gnyis po 'di dag ni gso ba'i gnas zhes bya'o/ /de las gzhan yang
 cho ga grub/ /skyug sman bkru sman cho ga dang/ /de grub mas btang cho ga dang/ /mas btang nyes grub drug pa ni/ /sman yin zhes bya ba ni 'di yan chad cho ga grub pa'i gnas yin te/ skyugs sman gyi cho ga dang/ bkru sman gyi cho ga dang/ skyugs sman dang bkru
 sman de grub par bya ba'i cho ga dang/ sman mas btang ba'i cho ga dang/ sman mas btang ba nyes ba grub pa'i cho ga dang/ sman gyi cho ga'o/ /de ltar na le'u drug ni cho ga grub pa'i gnas yin no/ /de nas phyi ma yin/ byis pa nyer spyod de nad dang/ /de'i
 gdon 'byung por gtogs pa gnyis/ /smyo dang brjed byed sogs gnyis gnyis/ /mig mchu rdzi ma gra mtshams dang/ /mig 'bras rab rib mthong nyams gsum/ /gnyis gnyis kun la 'gro ba yin/ /rna nad sna dang kha dang mgo /rma dang chag
 grugs mtshan par brdol/ /'bras sogs phra mo'i nad rnams dang/ /gsang ba'i nad ni tha dad gnyis/ /dug dang sbrul dang srin bu dug /byi ba dang ni bcud kyis len/ /bud med sa bon gso ba ste/ /le'u bzhi bcu nyid yin no/ /zhes bya ba la/
 grub pa'i gnas man chad ni phyi ma zhes bya ba ste/ rgyud phyi ma yin par shes par bya'o/ /byis pa'i nye bar spyod pa ni/ byis pa'i nye bar spyod par bya ba gang yin pa dang/ de'i nad dang/ de'i gdon dang/ 'byung por gtogs pa gnyis te/
 gdon gyi dmigs shes par bya ba dang/ gdon nad sel bar bya'o/ /smyo ba dang brjed byed la sogs pa la yang gnyis gnyis te/ smyo ba'i nad shes par bya ba dang/ smyo nad bsal ba dang/ brjed byed kyi nad shes par bya ba dang/ brjed
 byed kyi nad bsal bar bya ba dang/ rdzi ma dang mig chu'i nad shes par bya ba dang/ rdzi ma dang mig chu'i nad bsal bar bya ba dang/ grwa mtshams kyi dkar ba dang/ gnag pa'i nad shes par bya ba dang/ grwa mtshams kyi dkar
 ba dang gnag pa'i nad bsal ba'o/ /mig gi 'bras bu'i nad shes bar bya ba dang/ rab rib gsal ba dang/ mthong ba mnyam pa'i nad bsal ba dang/ mig nad sna tshogs shes par bya ba dang/ mig nad sna tshogs bsal ba dang/ rna nad shes par bya ba dang/ rna
 nad bsal ba dang/ sna nad shes par bya ba dang/ sna nad bsal ba dang/ kha nad shes par bya ba dang/ kha nad bsal ba dang/ mgo nad shes par bya ba dang/ mgo nad bsal ba dang/ rma rnying pa'i nad shes par bya ba dang/ rma rnying pa'i nad bsal ba dang/
 rma sar pa bso ba dang/ rkang lag chag grugs su gyur pa gso ba dang mtshan bar brdol ba'i nad gso ba dang/ 'bras dang/ thor bu dang/ rkang 'bam dang/ zad byed dang/ rtsa sbubs shes par bya ba dang/ 'bras dang thor bu la sogs pa'i nad gso ba dang/
 'brum bu phra mo'i nad shes bar bya ba dang/ 'brum bu phra mo'i nad gso ba dang/ gsang ba'i gnas kyi nad shes par bya ba dang/ gsang ba'i gnas kyi nad gso ba dang/ dug sna tshogs kyi dmigs brtag pa dang/ dug gso ba'i cho ga dang/ sbrul gdug pas zin
 pa'i nad gso ba dang/ srin bu gdug pas zin pa'i nad gso ba dang/ byi ba dang phus pa la sogs pas zin pa'i nad gso ba dang/ bcud kyis len pa dang/ sa bon 'phel zhing ro tsa bar byed pa ste/ de ltar le'u bzhi bcu ni rgyud phyi ma yin no/ /de'i nad dang
 de'i gdon zhes bya ba la/ de zhes bya ba ni byis pa la bsnyegs pa yin no/ /gnyis gnyis zhes bya ba ni/ mig gi mchu gnyis dang/ grwa mtshams gnyis so/ /gsum zhes bya ba ni mig 'bras dang/ rab rib dang/ mthong ba nyams pa gsum po
 ni re re zhing re re'o/ /de la rab rib ni cung zad mi gsal ba'o/ /mthong ba nyams pa ni sprin lta bus khengs pa'o/ /gnyis gnyis zhes bya ba ni/ mig nang sna tshogs nas/ rma'i bar du yin par shes par bya'o/ /rkang lag chag grugs dang/
 mtshan bar brdol ba ni re re'o/ /'bras la sogs pa dang/ gsang ba'i nad dang/ 'brum bu phra mo'i nad ni so so zhing gnyis gnyis so/ /bu med ba ni rabs chad pa'i skyes bu ste/ de'i sa bon gso zhing/ /bu ba 'phel bar bya ba ni/ le'u bzhi bcu pa yin no/ /
 de ltar le'u brgya nyi shu gnas ni drug tu bshad pa yin zhes bya ba la/ de ltar zhes bya ba rnam pa 'dis na/ le'u brgya nyi shu yod pa yin no/ /gnas drug ces bya ba ni/ mdo dang lus dang/ nad gzhi dang/ gso ba dang/ cho ga grub ba dang/ rgyud phyi ma'o//
 bshad pa yin zhes bya ba ni/ bstan pa yin zhes ba'i don to/ /yan lag brgyad pa'i snying po bsdus pa zhes bya ba'i mdo'i gnas las rnam par 'grel ba/ tshig gi don gyi zla zer zhes bya ba/ slob dpon zla ba la dga' bas rnam par sbyar ba las/
 le'u dang po 'grel ba'o// //de nas nyin re zhing sbyang ba'i le'u bshad bar bya'o zhes bya ba la/ de nas zhes ba ni le'u thams cad la bkra shis ba'i don yin pa 'am/ de bzhin du de ma thag pa dang/ brtsom pa dang rjes su 'brel ba yin
 no/ /de nas zhes bya ba la sogs ba'i sgra le'u snga mar don bshad zin mod kyi/ bkra shis pa'i don du slob dpon gyis le'u re re'i tsom pa la bkra shis bar bya ba'i phyir/ de nas zhes bya ba'i sgra ni smos pa yin no/ /nyi ma re re zhing bya ba'i spyod pa yin
 pas na/ nyin re zhing spyad par bya ba 'am/ nyin mo spyod pa yin pas na/ nyin re'i spyod pa ste/ 'jig rten gnyi ga la phan par bya ba'i zas dang/ spyod lam gyi spyod pa spyod par byed pa ste/ nyi ma re re zhing gang zhig bya ba'i le'u de bshad par bya'o zhes pa'o/ /tshe
 ring par 'dod ba'i le'u'o/ rjes thogs su 'di bshad pa'i 'brel pa gang yin zhe na/ de brjod par bya ste/ gang gi phyir tshe ring bar 'dod pa'i skyes bus/ gtso cher tshe la phan pa gang yin pa de dang por kun tu bsten par bya ba 'am/ de'i rjes la ni phan pa gzhan gang dag
 yod pa bsten par bya ba yin no/ /de bas na dang po re zhig kun tu spyod pa gtsor gzung bar bya'o/ /de yang gang gi phyir kun tu spyod pa las/ tshe ring 'thob par 'gyur bas na kun tu spyod pa yin no/ /gang 'dir mtshan mo'i spyod pa dag kyang bshad mod kyi/ 'on kyang gtso
 bor gyur pas/ le'u 'di las nyin mo'i spyod pa bstan pa yin no/ /de bas na 'di las ni nyin re'i spyod pa'i ?? dang/ /gzhung 'di las ni/ tshe bskyang ba'i rang bzhin can sten la/ de yang rnam pa gnyis te/ tha mal bar bde bar gnas pa'i 'jug pa dang/
 nad pa'i 'jug pa'o/ /de la bkra shis pa'i phyir dang/ smra bar bya ba cung zad cig yod pa'i phyir dang/ nad ba la yang dgos pa'i phyir/ tha mal bar bde ba'i gnas bar 'jug pa nyid thog mar bshad pa yin te/ bder gnas tshe ni bsrung ba'i phyir/ /yud tsam tshangs phyir gnas
 te langs zhes bya ba la/ bde bar gnas shing nad med la dge ba des ni/ tshad ji tsam du 'ongs pa'i srog bsrung ba'i phyir tshangs pa'i yud tsam na ldang zhing langs par bya'o/ /de la yud tsam ni chu tshod gnyis so/ /tshangs pa'i mya ngan las 'das par bya'o/ /de'i don du 'don
 ba sogs pa yang tshangs pa zhes bya'o/ /de bya ba dang tshangs pa'i yud tsam ni/ yud tsam tshangs phyir te/ thun tha ma'i chu tshod gnyis so/ /'di ni bde bar gnas pa'i dbang du byas ba yin par shes par bya'o/ /langs na ci zhig la brten par bya zhe na/ de'i phyir
 bshad pa ni/ lus kyi bya ba rdzogs byas nas/ de nas gtsang sbra'i cho ga bya/ /orka n+ya gro d+ha seng ldeng/ /ka ran+dza? ka ku lang sogs/ /bska dang tsha dang kha ba dag /rtse? 'jam nang bar zas spyad nas/ /so dang rnyil lam gnod par/ /so yi dge byed bca' ba bya//
 zhes bya ba yin te/ lus kyi bya ba rdzogs byas nas zhes bya ba ni/ bshang ba dang/ gci ba dor ba la sogs pa'i mtshan nyid can te/ rnam grangs gzhan du na nges par bya ba byas nas/ de nas de'i 'og tu gtsang sbra'i cho ga byas la/ so
 dag bar byed pa'i so shing bca' bar bya'o/ /de ni nang par te tho rangs dang/ zas spyod de zas zos zin nas bca' la/ de yang rtso mo 'jam pa ste/ pir lta bur gyur ba tsam du bcas la bya'o/ /de bzhin du bska ba dang/ tsha ba dang/ kha ba'i zhes bya ba yin
 te/ ro de dag lta bu dag go /de yang gang zhig ce na/ arka zhes bya ba la sogs pa yin no/ /sogs pa'i sgras ni/ shing sangdza? dang/ a ri me do dang/ a ba marga dang/ dzA ti'i shing la sogs pa yongs su bsdu'o/ /de yang so dang rnyil la ma gnod cing/
 ma gtses par bca' bar bya'o/ /ci thams cad kyis bca' bar bya ba 'am/ 'on te 'ga' zhig gis she na/ de'i phyir bshad pa ni/ ma zhu slon gro dbugs mi bde/ /lud ba lu rims kha yon can/ /skom zhing kha skam snying mig rna/ /mgo bo na bas de
 mi bca' / /so shing de ni 'di dag gis bca' bar mi bya'o/ /gang gis she na/ ma zhu ba ste/ kha zas ma zhu ba dang/ slon bro zhing skyugs dang/ dbugs mi bde ba la sogs pa/ 'og nas bshad pa'i mtshan nyid dang ldan pa'o/ /can zhes bya ba ni thams cad
 la sbyar te/ gang la ma zhu ba yod pa de ni ma zhu ba can no/ /de bzhin du gzhan dag la yang sbyar ro/ /kha yo ba ni kha'i phyed rlung gis yon por gyur pa'o/ /na ba zhes bya ba ni skom pa la sogs pa kun dang sbyar te/ des na skom dad can dang/ kha skams pa'i
 nad can dang/ snying nad can dang/ mig nad can dang/ rna nad dang/ mgo bo na ba dag gis so shing bca' ba de spang bar bya'o/ /so shing bca' ba'i 'og tu mig sman bya ste/ de'i phyir bshad pa ni/ rtag tu mig sman skyer khaN+Da bas/ mig la phan pas
 de phyir bsten/ zhes bya ba yin te/ rtag par dus thams cad du rgyun du nad par dgongs ka mig gnyis su skyer khaN+Da bcug pa ni zhing bde bar byed pa yin no/ /de bas na de'i phyir bsten cing goms par bya'o/ /ci dus thams cad du de nyid bsten par bya ba
 yin nam zhe na/ de'i phyir bshad pa ni/ de ni me yi rang bzhin te/ /lhag par bad kan la 'jigs pas/ /mchi ma 'dzag phyir skyer khaN+Da/ /zhag bdun zhing ni blug par bya/ /zhes bya ba yin te/ gang gi phyir mig de ni me'i rang bzhin can nam/ tshul can yin
 pa'i phyir bas/ de'i phyir 'dir dbang po rnams ni 'byung ba lnga'i bdag nyid can yin par phal cher bshad la/ mig de'i rlung la sogs pa bas khyad par du bad kan las lhag par 'jigs pa yin zhing brtan pa yin la/ de dag phan tshun mi mthun pa yin la/ de
 bas na bad kan dbyung zhing 'dzag par bya ba'i phyir/ zhag bdun bdun 'das pa dang/ skyer khaN+Da blug bar bya zhing bsten par bya'o/ /de nas snar blug pa la sogs pa bya dgos te/ de'i phyir 'di'i 'og tu sna sman bshad pa yin no/ /de yang bsdus pa las/ mig
 sman sna sman khar bzhag dor/ /dud pa brdub par bya ba dang/ /du ba so rtsi dor ba yis/ /rim gyis bad kan rlung las rgyas zhes bshad pa yin pas na 'dir de nas sna sman mkhur bkang dor/ dud pa so rtsi bsten par bya/ zhes smos pa yin te/ de nas zhes
 bya ba la mig sman gyi rjes thogs la/ mis sna sman la sogs pa bsten par bya'o/ /sna sman ni sna nas btang ba'i sman no/ /mkhur bkang 'dor ba ni/ sman gyi khu ba bskol ba la sogs pas mkhur ba bkang ste cung zad bzhag la 'dor ba'o/ /du ba ni
 'og nas bshad pa'i mtshan nyid can gyi sbyor ba'o/ /so rtsi tam+bu la ni grags par zad do/ /de dag kyang ci thams cad kyis bsten par bya ba 'am/ 'on te la la zhig gis bsten par bya zhe na/ de'i phyir smras pa ni/ so rtsi glo 'grams mkhris pa khrag/
 rtsub pas mig ni na ba dang/ /dug gis brgal zhing chang nad gzir/ /lus skem gyur la gnod pa yin zhes bya ba smos pa yin te/ mkhris pa dang khrag gis gnod par gyur pa 'am/ lus skem por gyur pa la/ so rtsi tam+bu la de gnod
 pa yin no/ /de la blo 'grams pa ni glo brdol ba'o/ /mkhris pa khrag ni mkhris pa las gyur pa'i khrag go /rtsub pa'i rgyus gang gi mig gi gnod cing na bar gyur pa de ni rtsub bas mig ni na ba dang zhes bya'o/ /yang na rtsub pa por gyur pa dang/ mig na bar gyur
 ba'o/ /dug ni kha lkugs pa la sogs pa'o/ /brgyal ba ni 'bog pa'o/ /chad nad kyis gzir ba ni chang gis gnod par gyur ba ste/ 'og nas bshad pa'o/ /lus skems gyur ba ni gcong chen pos thebs ba ste/ 'di dag la ni gnod pa yin no/ /snang blugs pa
 la sogs pa byas nas/ bsku phyug bya ba yin pas na/ de phyir smras pa ni/ rtag tu bsku byug spyod byed na/ /de ni rgas ngal rlung 'joms yin/ /mig gsal lus rgyas tshe 'phel zhing/ /gnyid 'ong pags 'jam rtas byed yin zhes bya ba yin te/
 rtag par dus thams cad du bsku byug la spyad par bya'o/ /ci'i phyir zhe na/ bsku byug de ni rgas pa dang/ ngal ba dang/ rlung 'joms pa yin pa dang/ de bzhin du mig gsal zhing dangs par byed pa dang/ lus rgyas shing 'phel ba dang/ tsha shin tu
 'phel bar byed pa dang/ gnyid legs par logs par gyur pa dang/ pags pa shin tu 'jam zhing mdog gsal ba nyid dang brtas pa ste/ brtan pa nyid kyis las rnams nus par byed pa yin no/ /de ni mgo dang rna ba dang/ rkang bar khyad par
 dag tu bsten ces bya ba ni/ /bsku byug bya ste/ mgo bo la sogs pas khyad par du bsten cing goms par bya'o/ /gang gis spang bar bya zhe na/ /bad kan skyes dang ma zhu dang/ /bkru sman sogs btang bsku byug spang zhes bya ba ste/ bad kan
 kyis gzir zhing skyes pa la sogs pas spang bar bya zhing bsten par mi bya'o/ /de yang bad kan skyes ba ni/ bad kan gyis gzir cing gnod par gyur pa ste/ skyes pa smos pa ni gzir bar gyur par bstan pa'i phyir ro/ /ma zhu ba ni zas kyi lhag ma ma zhu bar gyur
 pa'o/ /bkru sman sogs btang zhes bya ba ni/ bkru sman dang skrugs sman la sogs pa byas pa ste/ lus sbyangs nas dus yun ring ma lon par nges bsku byug bsten par mi bya'o/ /bsku byug byas nas lus kyi rtsol ba la brten par bya ba yin pas/ de'i
 phyir bshad pa ni yang zhing las ni nus pa dang/ me yi drod bskyed tshil 'bri la/ lus kyi skabs phyed mkhregs pa nyid/ /rtsol ba las ni 'byung bar 'gyur/ /zhes bya ba yin te/ lus dub par byed pa'i las la ni rtsol ba zhes bya'o/ /de bas na
 rtsol ba bsten pa las ni yang ba la sogs pa nye bar 'byung par 'gyur ro/ /de la yang ba ni lus kyi khong yang ba nyid do/ /las nus pa ni brtan pa nyid do/ /me'i drod bskyed pa ni 'ju ba'i me drod bskyed pa'o/ /lus khrungs kyi tshil 'bri ba ni tshil chung
 bar 'gyur ba'o/ /lus kyi skabs phyed ba ni lus kyi stod smad kyi cha phyed par gnas pa'o/ /mkhregs pa ni mi lhod cing grims la brten par ste/ de lta bu'i lus kyi yan lag gang yin pa de ni/ lus kyi skabs byed mkhregs pa zhes bya'o/ /de lta
 bu'i rang bzhin can nyid du 'gyur ba ni/ lus gyi gnas skabs phyed mkhregs pa nyid ces bya'o/ /de kun gyis kyang bya ba 'am ste ma yin zhe na/ de'i phyir rlung mkhris nad can byis pa dang/ /rgas shing 'khogs pa de spang bya/ /zhes bya ba smos te rlung dang
 mkhris pa'i nad kyis gzir ba dang/ byis pa dang/ rgan pos rtsol ba de spang zhing dor bar bya'o/ /de la rlung nad can ni rlung gi nad kyis nyen pa'o/ /mkhris nad can ni mkhris pas nyen pa'o/ /tha dad pa smos pa las na/ rlung dang mkhris pa gnyis
 ka smos pas kyang spang bar shes par bya'o/ /rgan po ni lo bdun cu yan chad yin par shes par bya'o/ gzhan yang ba ji ltar bstan par bya zhe na/ stobs ldan snum bag za ba dang/ /grang ba'i dus dang dpyid dus dang/ /nus ldan dag gi bde
 bsten bya/ /de las gzhan tshed la ba nyid ces bya ba rtsol ba de yang skyes bu stobs ldan pa dang/ zas snum bag can za ba dang/ grang ba'i dus te/ dgun stod dang/ dgun smad dang/ dpyid kyi dus dang/ nus ldan dag gis zhes pa/ ji srid shin tu nub par
 ma gyur pa de srid kyi bar bya'o/ /de las gzhan tshe zhes bya ba ni/ de la dus gzhan pa'i tshe ste/ so ga dang/ dbyar dang/ ston gyi tshe ni/ dal ba nyid de/ ren cing cung zad tsam bsten par bya'o/ /de byas ci bder lus dag ni/ /kun nas yongs su
 mnye ba bya/ /rtsol pa de byas zin nas ni/ /bde bar lus kun gnas par bya zhes bya ba la rkang pa nas mgo bo'i bar thams cad du/ rkang bas dal gyi yongs su mnye bar bya'o/ /shin tu rtsol dregs lud pa dang/ /skom dang glo gcong mi dran mun//
 khrag dang mkhris rgyas ngal dang dub/ /rims dang slon pa dbyung bar 'gyur/ /zhes bya ba ni/ ji skad du bshad pa'i tshad las 'dus shing rtsol ba'i shugs ha cang drags bar bsten pa ni/ skom dad che ba la sogs pa 'byung bar 'gyur ro/ /de la
 skom pa ni skom dad che ba'o/ /gcong chen po ni zad byed do/ /mi dran mun zhes bya ba ni/ /mi dran zhing mun par zhugs pa snyam sems pa'o/ /ngal ba ni skyo ba'o/ /dub pa ni na ba'o/ /rims dang slon pa ni rlung las byung ba'o/ /gzhan dag ni drags par
 zad de/ /'di'i zhar la dgag bar bya ba gzhan dag kyang bshad pa ni/ rtsol ba mi nyal lam bud med/ /rgad dang smra sogs shugs 'byin pa/ /seng ges glang po drangs pa bzhin/ /shin tu drags pas ma rungs 'gyur zhes bya ba yin te/
 rtsol ba la sogs ha cang drags par brten cing spyod par gyur pa'i skyes bu ni ma rungs par 'gyur ro /de ni dper na seng ge rnam par gnon pa dang ldan yang shin tu stobs chung bas/ stobs shin tu che ba'i glang po che drangs shing 'dren pa na/ rang nyid rked pa 'chad par
 'gyur te/ gang gi phyir seng ge shin tu brtan pa dang ldan pa yin mod kyi/ 'on kyang glang po che gnas nas gnas su drangs nas khyer bar ga la nus te/ glang po che khyer ba nyid na srog dang 'bral bar 'gyur ro/ /de bzhin du mi yang gzhung 'brel pa la sogs pa'i
 rtsol ba ha cang drags pa sma rungs zhing 'jigs par gyur ro/ /rtsol ba'i 'og tu ska pa'i rdzas dag gis byugs shing dril bar byas pa yin te/ de bas na de'i yon tan smras pa ni/ dril phyis bad kan sel pa dang/ tshil ni rab tu zhu byed cing/ /yan
 lag brtan par byed pa dang/ /pags pa gsal bar byed pa'i mchog ces bya ba yin te/ dril phyis ni bad kan sel zhing 'joms par 'gyur ro/ /zhes bya ba ni tshig gi lhag ma'o/ /tshil ni lus zungs te/ de zhu bar byed pa ni me ltar zhu bar byed pa'o/ /
 yan lag rnams brtan par byed pa ni/ mgo bo dang rkang pa la sog pa brtan par byed cing rtas par byed pa'o/ /de bzhin du pags pa shin tu gsal bar byed pa'i mchog kyang yin te/ pags pa gsal zhing dri ma med par byed pa'i don to/ /de ltar lus dril
 nas/ khrus byas pa yin pas/ de'i phyir smras pa ni/ khrus ni drod skyed ro tsa dang/ /tshe dang mdangs dang stobs rab bskyed/ /g.ya' dang dri ma ngal dang rdul/ /snyom skom lus tsha mi shes sel zhes bya ba yin te/ khrus ni drod bskyed pa la sogs pa'i
 yon tan dang ldan zhing/ g.ya' ba la sogs pa sel ba yin no/ /de las khrus byas pas drod bskyed pa ni dngos po'i chos nyid yin no/ /pho ba'i me drod gang yin pa/ /pa spu'i bu ga rnams las phyi rol tu 'byung bar byed pa yin la/ de khrus
 kyis reg pa khyad par grang ba'i rang bzhin gyis ba spu'i bu ga bkag pas drod nang du zhugs te/ pho ba'i me drod skyed pa yin te/ dper na dgun gyi dus su rlung grang mo'i reg pas/ ba spu'i bu ga bkag pas lus kyi me phyi rol tu mi 'byung bas/
 me drod rnam par 'phel ba lta bu yin no/ /ro tsa ba ni khu ba 'phel bar byed pa'o/ /tshe ni tshe la phan pa'o/ /mdangs ni gzi mdangs dang ldan par gyur pa'o/ /stobs ni nus pa ste rab tu skyed par byed pa'o/ /g.ya' ba la sogs pa 'ang sel ba dang/
 snyoms pa ni gnyid kyis 'thib par gyur pa ste/ de yang lung las/ gnyid kyis nyen pas phul 'dzin par mi nus pa ni snyom pa'o/ /mi shes pa ni sdig pa ste/ de sel bar bya'o zhes bshad pa yin no/ /chu dron gyis ni lus kyi smad/ /blugs shing
 bkrus la stobs skyed yin/ /de nyid mgor blugs khrus byas na/ /skra dang mig gi stobs 'phrog yin/ /zhes bya ba ni/ chu dron gang yin pas ro smad bkrus shing blugs pa de ni stobs skyed cing/ stobs thob par byed pa yin te lus kyi smad de
 nyid kyis rang bzhin de nyid yin pa'i phyir ro/ /chu dron mo de nyid kyi mgo bor blugs shing khrus byas pa ni/ skra dang mig gi stobs 'phrog cing gnod pa yin no/ /khrus ni 'gram chags mig nad dang/ rna ba'i nad dang tshod ba 'khru/ /lto sbos cham ba ma
 zhu dang/ /zos ma thag pa rnams la smad ces bya ba dang/ yang khrus ni 'bram pa la chags pa'i nad kyis nyen pa rnams la smad cing spang bar bya ba yin no/ /'gram chags zhes bya ba ni/ rlung gi nad de 'og nas bshad pa'i mtshan nyid dang ldan pa'o//
 sbos pa ni rlung gis lto ba gang zhig sbos par gyur pa'o/ /cham pa ni sna nas 'dzag pa'o/ /ma zhu ba ni zas mi 'ju ba dang/ thog ma dang/ tsha ba skye ba'i khyad par gyis rnam pa gsum yin no/ /khrus byas nas zas la spyad par bya ba yin
 pas/ de'i phyir smras pa na/ zhu nas phan zhing ran par bza' / /bshad sogs nan gyis mnag mi bya/ /zhes bya ba la sogs pa yin te/ kha zas zhu ba ni legs par zhu bar gyur pa ste/ de'i kha zas gyur pa'o/ /phan pa ni gnod pa med pa'o/ /ran pa ni zas
 kyi tshod zin par bza' zhing spyad par bya ba'o/ /bshad sogs ni bshad ba dang gci ba la sogs pa ste/ de nan gyis zhes pa stobs kyis mnag par mi bya'i yongs su dor bar bya'o/ /zhu nas phan zhing ran par bza' / /bshang sogs nan gyis mnag mi bya/ /
 de shugs ma phyung bar gzhan mi bya/ /gnod las mi bde bar ma yin zhes bya ba ni rlung dang bshang ba dang gci ba'i shugs 'byung bar gnas na/ de mi dbyung bar gzhan la brtsam par mi bya ste/ gang gi phyir shugs bgag pas ni/ nad rnams 'byung bar 'gyur
 ro/ /gnod pa bya ste/ bsgrub par bya ba'i mtshan nyid dang ldan pa'i nad las ma rgyal zhing/ de gso bas bde bar ma byas par yang bya ba gzhan mi bya'o/ /gang gi phyir gsor rung ba'i nad btang snyoms su byas na gsor mi rung ba nyid du 'gyur ro/ /de yang
 'dir gzhan dag las/ gso min gso bya nyid mi 'gyur/ /gso bya gso dka' ba nyid 'gyur/ /gso dpyad las zhan las kyis ni/ /nad gzhi gnas skabs gzhan du 'gyur zhes bya ba yin no/ /sems can thams cad bde 'dod phyir/ /rtsom pas
 kun la 'jug par 'dod/ /bde ba chos med par ma yin/ /bde bas chos la brtson par bya zhes bya ba ni/ sems can thams cad de/ srog chags kun gyi rtsam pa'i bya ba ma lus pa kun ni bde ba 'dod cing bsgrub par bya ba'i phyir byed par 'dod pa yin no/ /
 bde ba zhes bya ba ni sdug bsngal dang bral ba'o/ /de ni chos med par ma yin zhes bya ba ni/ chos med cing chos spangs la/ chos las gzhan pa spyad pa las 'byung bar mi 'gyur ro/ /rgyu de bas na chos gtso bor bya zhing chos la brtson par bya'o/ /des ni 'di
 skad ston par 'gyur te/ bya ba la sogs pas rtsom pa gang dang gang byed pa de dang de ni/ chos gtso bor byas nas bya'o zhes bya ba'i don to/ /mos pas dge pa'i bshes gnyen bsten/ /cig shos ring du spang par bya'o zhes bya ba la/ mos
 pas zhes bya ba ni lus ngag dang/ yid kun tu 'dud pas/ dge ba'i bshes gnyen zhes bya ba/ mtho ris dang thar pa'i grogs bshes su gyur cing/ ye shes la sogs bston par byed pa ste/ de 'bad pas bsnyen bkur du bya'o/ /cig shos ring du spang
 bar bya zhes bya ba ni/ dge ba'i bshes gnyen las bltos pa'i cig shos sdig pa'i bya ba byed pa ste/ de ni spang bar bya'o/ /'che dang rku dang 'dod log spyod/ /phra ma ngag rtsub brdzun tshig dang/ /mi 'brel smra dang gnod sems dang/ /brnab sems lta
 pa phyin ci log /de ltar sdig pa'i las rnams bcu/ /lus ngag yid kyis spang bar bya'o/ /de la 'tshe ba ni srog chags rnams 'joms pa ste gsod pa'o/ /rku ba ni gzhan gyi rdzas 'phrog cing brku ba'o/ /'dod pa la log par spyod pa ni/ bgrod par
 bya ba ma yin pa la song ba ste/ de ltar na lus kyi rnam pa gsum mo/ /phra ma ni gzhan gyi nyes pa sgrog par byed pa'o/ /ngag rtsub po ni tshig mi bzad par rno ba 'am/ gzhan gyi gnad la 'bebs pa'o/ /rdzun tshig ni mi bden pa smra ba'o/ /mi 'brel bar
 smra ba ni/ log par smra zhing dgos pa med par smra ba ste/ de ltar na dag gi rnam pa bzhi'o/ /gnod sems ni sems can rnams la rnam par sdang ba'o/ /brnab sems ni mi rigs par gzhan gyi rdzas la reg pa'o/ /lta ba phyin ci log ni log par lta ba ste/
 bstan bcos las bshad pa'i lta ba las/ phyin ci log tu gyur pa'i med par lta ba nyid do/ /sbyin pa med de/ sbyin sreg med do/ /'jig rten 'di med do/ /'jig rten pha rol med do/ /zhes bya ba de lta bu ni lta ba phyin ci log ste/ yid kyi rnam pa
 gsum mo/ /phongs pa nad pa mya ngan gzir/ /ci nus par ni phan gdags bya/ zhes bya ba la/ phongs pa ni 'tsho ba'i thabs dang bral ba'o/ /nad kyi gnod pa ni nad kyi gnod par gyur pa'o/ /mya ngan gyis gzir ba ni mya ngan gyis nyam thag pa'o/ /phan gdags pa ni
 sbyin pa dang/ gso ba dang/ mya ngan bsal ba dag gis de las bzlog cing phan gdags par bya'o/ /'bu srin grog spur dag la yang/ /rang dang 'dra bar rtag tu blta zhes bya ba la/ 'bu srin grog spur lta bu srog chags phra mo rnams la yang rang dang 'dra zhing bdag dang
 mtshungs par dus rtag tu blta zhing bsam par bya'o/ /de yang ji ltar bdag nyid bde ba dang sdug bsngal 'dod cing 'dor ba la sogs pa dang/ srog la sdug par 'dzin pa de bzhin du 'di rnams kyang/ bde ba dang sdug bsngal 'dod cing 'dor ba dang/ srog la
 sdug par 'dzin pa yod pa nyid de/ de bas na de rnams la 'tshe ba la sogs pa mi bya'o zhes pa'o/ /lha dang dge slong bram ze dang/ /sman pa rgan rgyal 'gron 'ong mchod ces bya ba ni/ lha la sogs pa mchod cing bsnyen bkur du bya'o/ /rgan po ni shes
 pa dang tshul khrims dang dka' thub dang/ tshangs par spyod pa dang/ brtul zhugs la sogs pa rnams la rgan pa'o/ /rgyal po ni sa bdag go /'gron 'ongs pa ni glo bur du lhags shing gsar du 'ongs pa'o/ /slong brgyab kyis phyogs ma byi/ /brnyas par mi bya tshar mi
 bcad ces bya ba ni/ slong ba'i mi rnams la rgyab kyis phyogs shing re thag chad pa yongs su spang ba dang/ mgo ba lta bu dang/ tshig rtsub par mi bya'o/ /brnyas pa ni bsnyen bkur med cing bzlog pa'o/ /tshar bcad pa ni khyed rnams kyis ci zhig thos sam/ bslabs sam
 shes pa yin zhes dris pa'i tshul gyis kun spyod pa'o/ /gnod par byed brtson dgra gzhan la/ /phan gdags pa ni gtso cher bya zhes bya ba ni/ gnod bar byed pa la brtson zhing mi rigs par byed pa'i dgra bo la yang phan gdags pa la gtso cher brtson pa
 nyid byas nas/ dgra bo rnams kyis gang sdang bar gyur pa nyid yid la rnam pa thams cad du gnas mod kyi/ 'on kyang gnod par bya ba nyid ni lan 'ga' zhig 'grub pa yin la/ gnod par byed pa de la ni/ /gnod par byed pa nyid mi bya'o/ /phan par byed
 du gnas nas/ gnod pa'i sems kyang ldog par 'gyur ba nyid yin no/ /'byor dang rgud la'ang yid cig bya/ /rgyu la phrag dog 'bras bu min zhes bya ba la/ 'byor pa ni phun sum tshogs pa'o/ /rgud pa ni de dag nyid dang bral ba ste/ de dag las yid gcig cing sems
 mnyam par bya'i/ 'byor bas dreg par yang mi bya la/ rgud pas zhum par yang mi bya'o/ /rgyu la phrag dog ces bya ba ni/ phun sum tshogs par byed pa'i rgyu'i dngos po la phrag dog bya'i/ 'bras bu gzhan gyi phun sum tshogs la ni ma yin no/ /de yang spyod pa dam pa
 la 'jug pa dang/ thos pa dang/ gtong pa la sogs pa gzhan gyi yon tan skyed bar byed pa de'i rgyu nyid la phrag dog bya'i/ de'i 'bras bu thob pa la ni ma yin te/ skyes bu nyid du gyur par mtshungs su zin kyang/ 'di ni 'di ltar yon tan dang ldan pa yin/ bdag 'di
 lta bu'i yon tan gyis brgyan par ci'i phyir mi bya zhes gang gis sngon ma thos pa la sogs pa 'phel bar 'gyur ba de lta bu'i rgyu la 'bad pa nyid du bya ba yin no dus su phan dang ran par smra/ bslu ba med cing nges par bya zhes bya ba la/ tshig smra bar bya ba dag ni
 dus su shes pa gnas skabs la bab cing dus tshod la bab par bya'o/ /phan pa ni chos dang don dang snyan pa dang ldan pa'o/ /ran pa ni nyung zhing tshod zin pa'o/ /bslu ba med pa ni bden zhing mi bslu ba'i chos can no/ /des pa 'di mnyan na bde ba ste/ 'jam par smra
 zhing yid du 'ong la dga' bar smra pa'o/ /bzhin mdzum gsong por smra ba dang/ spyod pa bzang zhing snying rje 'jam zhes bya ba la rang bzhin mdzum pa ni/ rang bzhin mdzes pa ste/ khro gnyer med pa'o/ /gsong por smra ba ni drang po nyid du smra bar byed pa'o//
 spyod pa bzang ba ni rang bzhin bzang ba ste/ kun tu spyod pa mi rtsub pa'o/ /snying rjes 'jam pa ni snying rje 'jam pa ste/ snying brtse ba dang ldan zhing sems mnyam pa'o/ /gcig bu bde min thams cad la/ /yid mi brtan cing dogs mi bya/ /zhes bya ba la/ skyes
 bus ni bdag gcig pu bde ba dang ldan par mi bya'i/ gzhan du na dge sbyong dang/ bram ze dang gnyen 'dun dang/ mdza' bshes dang bran g.yog la sogs pa rnams dang lhan cig thun mong du longs spyod pas gnas par bya'o/ /thams cad la zhes bya ba/ yul
 thams cad la yid brtan zhing blo gded par mi bya la/ yid brtan du rung ba'i mi dang/ nye du dang/ mdza' bshes dang/ bran g.yog la sogs pa thams cad la yang dogs pa bcos par mi bya'o/ /su yang bdag gi dgra yin dang/ bdag ni su yang 'gras gyur
 dang/ brnyas dang bdag la gtso bo ni/ /mi byams zhes ni smra mi bya zhes bya ba ni/ bdag la dgra bo yod ces bya ba ni su la yang smra zhing brjod par mi bya ste/ de brjod na g.yon can dag gis shin tu yang 'byed par 'gyur ro/ /bdag ni su'i sga?  yin zhes skye bo
 'ga' yang smra bar mi bya ste/ gal te de ltar byas na shin tu 'gras par 'gyur ro/ /gtso bo dang 'brel ba'i brnyas pa ste/ ma bkur bar yang smra bar mi bya'o/ /de bzhin du gtso bo dang 'brel pa'i mi byams shing brtse ba med pa la yang smra bar mi bya'o/ /dgra
 ba'i bsam pa shes nas ni/ /gang zhig ji ltar yongs mgu ba/ /de la de bzhin rjes 'jug cing/ /gzhan dag dga' byed mdzangs pa yin/ /zhes bya ba ni/ skye bo 'jig rten pa'i sems kyi bsam pa brtags shing shes par byas la/ shes rab kyis
 yongs su dpyad nas/ rnam pa gang gis skye bo gang dag yongs su mgu zhing kun tu dga' bar 'gyur ba'i 'gro ba de la/ de bzhin du rnam pa de nyid kyis rang bzhin dang bstun te gnas shing 'jug par byed la/ sbyin pa dang snyan par smra ba la sogs pas
 gzhan dag dga' bar byed pa de ni mdzangs shing mkhas par gyur pa'o/ /dbang po gzir bar mi bya zhing/ /'dir rab nyams bder bya 'am min zhes bya ba la/ dbang po ste lce la sogs pa kha zas shin tu ngan pa la sogs pas gnod cing
 gzir bar mi bya la/ dbang po 'di dag longs spyod kyi bde ba 'bad pas brtsal nas brten cing rab tu bde ba'i nyams su yang mi bya'o/ /tshoms gsum med pa'i brtsom pa la/ /mi brten de dang 'gal mi bya/ /zhes bya ba la/ tshoms gsum ni chos dang/ nod
 dang/ longs spyod ces bya ba yin te/ bzhi pa thar ba ni chos kyi khongs su gtogs pa yin no/ /de lta bu'i sde tshoms gsum med cing/ stong pa'i rtsom pa ste/ spyod pa'i 'bad pa la brten par mi bya zhing gnas par mi bya'i/ ci nas kyang chos dang mi 'gal
 ba'i bya ba gang yin pa de ni sde tshoms gsum dang mi 'gal ba nyid du skyes bus bsten par bya'o/ /de yang chos la kun tu brten pa'i na/ ci nas kyang nor dang longs spyod dang 'gal bar mi 'gyur ba de ltar bya la/ nor la brten pa na yang chos dang 'gal bar
 mi bya la/ longs spyod la brten pa na yang/ nor dang chos dang 'gal bar mi bya'o/ /chos rnams kun gyi lam la ni/ dbu ma'i lam gyi rjes 'jug bya zhes bya ba la/ chos rnams kun te/ dngos po thams cad la lam zhes bya ba bsgrub cing/ bya ba'i gnas
 rnams la dbu ma ste dman pa yang ma yin la/ shin tu mtho ba 'ang ma yin pa de ni rjes su 'jug cing spyad par bya'o zhes bstan pa yin no/ /skra sen kha spu ring mi bzhag /sgo dgu rkang pa dri med bya zhes bya ba ni/ skra dang sen mo dang/ kha spu ring por
 ma gyur par bregs pa ste/ kha spu zhes bya ba ni ko ko'i phyogs kyi spu'o/ /sgo dgu dang/ rkang pa ni sgo dgu dang rkang pa ste/ de dag ni dri ma med par bya'o/ /de la sgo dgu ni dri ma'i gnas kyi sgo rnams te/ mig dang rna ba dang/ sna dang kha dang/ bshang ba'i sgo dang/
 gci pa'i sgo la sogs pa'o/ /rkang pa ni rkang de rnams kyi dri ma bsal zhing sbyang bar bya'o/ /khrus la dga' zhing dri zhim bgos/ /cha lugs bzang zhing mi 'phyar spa/ /zhes bya ba la khrus la dga' ba ni rtag tu khrus byed pa'o/ /dri zhim bgos zhes bya ba 'di/ ga bur la
 sogs pa'i dri zhim pa'i rdzas rnams kyis lus rjes su bsgo zhing byugs pa'o/ /chos bzang pa ni dri dang byug pa dang/ phreng ba dang/ gos dang/ rgyan gyi rnam pas brgyan gyis chas par bya'o/ /mi 'phyar pa ni khengs shing 'phyar ches pa ma yin par byas nas/
 spa zhing mdangs dang ldan par bya'o/ /rin chen grub pa'i gsang sngags dang/ sman chen rtag tu bcad bar bya zhes bya ba ni/ rin po che ni marka ta/ pad+ma rA ga dang/ baiDUrya dang/ gser sa le sbram dang/ rdo rje la sogs pa'o/ /grub pa'i gsang sngags ni/ rab
 tu grub par grags shing/ mthu sngon du snang ba'i gsang sngags/ 'jig rten pa dang bstan bcos las grags pa'o/ /sman chen po ni lak+Sh+mI dang/ gu ha dang/ dzA ti la dang/ shu dag dang/ yungs kar la sogs pa'o/ /rin po che dang sngags dang sman de dag ni/
 mgo dang mgul dang dpung pa la btags te bcang bar bya'o/ /gdugs dkar lham dang ldan par ni/ /gnya' shing gang tsam blta zhing 'gro/ zhes bya ba la/ gdugs dkar po ni tshad pa 'gebs pa'i gdugs so/ /lham ni rkang pa skyob pa byid pa ste/ skyes
 bu de gnyis dang ldan pa dang/ gnya' shing gang tsam du blta zhing 'gro bar byed ba ste/ de tsam zhig tu mdun du blta'o/ /des ni sprul dang phyugs dang/ ba dang/ rta dang/ rdo rtsub mo la sogs pa dag gi gnod pas nyen par mi 'gyur ro/ /mtshan mo don
 chen dag la ni/ /dbyug thogs mgo dkri grogs ldan bya zhes bya ba ni/ mtshan mo'i dus su ni 'gro bar mi bya'o/ /gal te shin tu don che zhing brtan pa'i bya ba'i las la 'gro zhing/ mtshan mo rgyu bas nges par 'gro ba yin na/ dbyug pa dang/ mgo dkri ba
 dang/ grogs dang/ ldan par byas la/ 'gro bar bya'o zhes ston te/ don gyi shugs kyis na mtshan mo nges par 'gro ste/ mi byar mi rung ba'i bya ba ma yin pa'i don du chung ngu dag la ni 'gro bar mi bya'o zhes ston to/ /de la ber ka yod pas na
 dbyug pa can te/ sprul la sogs pa skrag par bya ba'i phyir/ dbyig pa sgra dang ldan par bya ba dang/ 'gyel ba las brten par bya ba'i phyir dang/ dgra bo bzlog pa'i phyir bya'o/ /mgo g.yogs pa ni mgo bo dkris pa ltar steng nas 'bab pa'i ba dang/ phye ma
 leb dang/ 'bu sren la sogs pa las bsrung bar bya ba'i phyir ro/ /grogs dang ldan pa ni rkun po dang/ gnod sbyin dang/ srin po dang/ sha za la sogs pa'i 'jig pa las bsrung bar bya ba'i phyir bya'o/ /mchod rten mchod bya rgyal mtshan dang/ /mi shis grib
 ma thal phub dang/ /mi gtsang gseg bong gtor ma dang/ khrus byas sa ni 'gom mi bya/ /zhes bya ba la/ mchod rten ni mchod rten nyid dag dang/ khyad par can gyi lhas gnas bcas pa'i zhing gi khyad par 'jig rten na grags par gang gyur pa'o/ /
 mchod bya ni bla ma la sogs pa'o/ /rgyal mtshan ni gtsug lag khang dang/ lha khang gi nang du btags pa dang dung ngam 'khor lo dang ldan pa'i ba dan no/ /mi shis pa ni bkra mi shis pa'i dngos po ste/ de rnams kyi grib ma 'gom par me bya zhing/ brdzi bar mi
 bya'o/ /thal ba ni lci ba la sogs pa tshig pa las byung ba'o/ /phung ma ni 'bras kyi shun pa'o/ /mi gtsang ba ni bshad pa dang/ gci ba la sogs pa'o/ /gseg ma ni rdo'i dum grugs so/ /bong ba ni sa'i rang bzhin sa rdo dang 'dra pa'o/ /gtor ma'i
 gnas ni 'byung po la sogs pa la zas sbyin pa'i gnas so/ /khrus byas pa'i sa ni gang du 'ga' zhig gis khrus byas pa ste/ de thams cad 'gom par mi bya zhing yongs su spang bar bya'o/ /chu bor rgyal te 'gro mi bya/ /me chen phung por 'gro mi bya//
 zhes bya ba la chu bo ste/ klung gi chu chen po la/ lag pa gnyis rgyal zhing 'gro bar mi bya ste/ chu srin dang rus sbal la sogs pas gnod par 'gyur ba'i 'jigs pa yod pa'i phyir ro/ /de bzhin du me'i phung po chen po'i tshogs kyi thang du 'gro bar mi bya'o/ /the tshom bcas
 pa'i gru shing la/ bzhon pa mi bsrun bzhin mi 'dzeg ces bya ba la/ the tshom dang bcas pa'i gru ni chings ma lhod cing rnyings pas pha rol tu skyel mi nus so/ /de bzhin du the tshom dang bcas pa'i shing ni/ dug la sogs pa'i gdug pa yod pa 'am/ lha la sogs pa
 gnas pa 'am chag tu nye ba dag tu 'dzeg par mi bya zhing/ de dag gi steng du gnas par mi bya'o/ /ji ltar zhe na/ bzhon pa mi bsrun bzhin zhes bya ba yin te/ dper na rta la sogs pa'i bzhon pa mi bsrun pa la bzhon du mi rung ba dang mtshungs so/ /'dis
 ni zur gyi bzhon pa mi bsrun pa la yang zhon par mi bya'o zhes ston par mi bya'o/ /sprid pa gad mo glal ba la/ kha ni gdang bar mi bya'o zhes bya ba la/ sprid pa ni sprid pa 'byung ba'o/ /gad mo ni rgod pa'o/ /glal ba ni bya rmyang ste/ de la kha gdang bar mi bya'o
 zhes pa ste/ kha mi dag pa par mi bya'o/ /sprid pa la sogs pa 'byung ba na/ lag pa 'am gos kyis dgab par bya'o zhes pa'i don to/ /sna ni brud par mi bya zhing/ /don med sa ris mi bya'o zhes bya ba la/ sna brud cing shas cher gnod par mi bya ste/ shu
 ba dang thor bu la sogs pa'i gnod pa spang bar bya ba'i phyir ro/ /don med cing dgos pa 'ga' zhig med par sa la sor mo la sogs pas de la 'dri zhing brud par mi bya'o/ /zhes bya ba'i don to/ /lus kyi yan lag mi gcu zhing/ /tsog tsog pur yang
 'dug mi bya/ zhes bya ba la/ lus kyi yan lag /lag pa dang rkang pa la sogs pa gcu ba ste/ mi mthun par byas nas/ bya ba'i las mi bya'o/ /'di dag gis ni lag pa dang rkang pa'i rnam par 'gyur ba spang bar bya'o zhes ston pa yin te/ gzer dang
 yan lag chags par 'gyur ba'i nyes pa yod pa'i phyir ro/ /de bzhin du tsog tsog por gnas te 'dug par mi bya ste/ cog cig pur gnas pas yun ring por 'dug na/ gzhang 'brum gyi nad 'byung bar 'gyur bar bshad do/ /lus ngag yid
 gyi spyod pa ni/ /snga nas dal las bzlog par bya zhes bya ba ni/ lus dang ngag dang yid kyi spyod pa zhes bya ba las su bya ba ni snga nas te/ ngal bar ma gyur ba'i dang po nyid nas bzlog par bya ste/ ci tsam gyis shin tu dub par ma gyur pa de tsam na bshol bar
 bya'o/ /des ni 'di skad ston pa yin te/ lus dang yid kyis 'gro ba dang/ klag pa dang/ sems pa la sogs pa'i las rnams ni ji srid shin tu dub par ma gyur pa de srid kyi bar du bya'o zhes pa'i don to/ /pus bsgreng yun ring gnas mi bya/ /mtshan
 mo shing drung bsten mi bya/ zhes bya ba ni pus mo gyen du bsgreng ba gang yin pa de ni pus bsgreng zhes bya ste/ gan rkyal du 'dug nas pus mo brkyang ste/ yun ring du gnas par mi bya'o/ /de bzhin du mtshan mo shing chen po dag tu gnas shing bsten par mi bya'o/ /
 sum mdo mchod rten drung bzhi mdo/ /lha yi khang pa'ang de bzhin no zhes bya ba la/ sum mdo la sogs par yang de bzhin du mtshan mo bsten par mi bya'o/ /de la sum mdo ni lam gsum 'dus pa la bya'o/ /de la la la dag ni sa phyogs gang du gang zhig
 grong ngam ljongs nas phyir byung ste/ gnad du grong du gnas par ram/ ljongs na gnas pa las rang dgar 'ongs te/ sna tshogs pa'i gtam de dang smra ba'i gnas la bya'o zhes 'dod de/ /mchod rten gyi drung ni mchod rten gyi nye 'khor ro/ /bzhi mdo ni gang du
 lam bzhi gcig tu 'dus pa'o/ /lha'i khang pa ni lha rnams kyi gnas kyi khang pa'o/ /gsod sa 'brog stong khang stong dang/ dur khrod du ni nyin mo'ang min/ zhes bya ba ni gsod sa la sogs pa nyin mo 'ang bsten par mi bya'o/ /de la gsod sa ni rkun po la
 sogs pa gsod pa'i gnas so/ /'brog stong ni dgon pa'o/ /khang stong ni skye po med pa'i khang pa'o/ /dur khrod ni ro bsreg pa'i gnas te/ 'di dag tu ni nyin par yang bsten par bya ba ma yin na/ mtshan mo lta smos kyang ci dgos/ rnam kun nyi ma la mi blta/ /mgo
 yis khur ni bkur mi bya/ zhes bya ba la/ rnam pa kun tu zhes pa rnam pa thams cad du nyi ma la blta zhing brtag par mi bya'o/ /de yang gzhan dag las/ 'char dang nub par 'gyur tshe dang/ /phyed dus gzugs brnyan rtog pa dang/ /gos kyis bsgribs par
 byas pa las/ /nyi ma blta bar mi bya'o/ /zhes bshad pa yin no/ /de bzhin du mgo bo ste/ spyi bos khur bkur bar mi bya zhing/ gnas nas gnas su bkur bar mi bya'o/ /shin tu phra dang 'tsher ba dang/ /mi gtsang mi sdug rgyun mi blta zhes bya ba ni/ shin tu
 phra zhing blta dka' ba dag la/ rtag par rgyun du blta zhing brtag par mi bya'o/ /de bzhin du 'tsher ba ste/ me la sogs pa dang/ gzhan yang shin tu 'tsher zhing gzi mdangs dang ldan pa la blta bar mi bya'o/ /mi gtsang ba ni bcog par gyur pa ste/ bshang gci la
 sogs pa ste/ de la yang mi blta'o/ /mi sdug pa ni mngon par mi dga' zhing sdang bar gyur pa la blta bar mi bya'o/ /chang 'tshong ba dang sbyor ba dang/ sbyin dang len dang spyad mi bya/ zhes bya ba la/ bcod ba zhes bya ba ni zong du bya ba'o/ /'dis sbyor bar byed pas
 na sbyor ba ste/ char byed pa'o/ /sbyin pa ni rang gi bya ba las bzlog cing/ gzhan dag bstabs pa'o/ /len pa ni bstan bcos ji lta ba bzhin du gzhan las len pa'o/ /de ltar na chang 'tshong pa la sogs pa bram ze dang dge sbyong dag gis mi bya'o/ /mdun gyi
 bser bu nyi tshan rdul/ /ba mo dang ni rlung rtsub dang/ /sprid pa sgreg pa lud pa zas/ /gnyid log nyal po gcus mi bya/ /gad ka'i grib ma rgyal po dang/ sprul gdug gcan gzan rwa can dang/ /dus mtshams rtag tu zas bza' dang/ /bud med nyal klog
 sems las dang/ /dgra bo nar mar zas tshogs 'dus/ /smad 'tshong tshong pa'i zas dag dang/ /lus dang mchu dang sen sgra 'byin/ /lag pa skra ni sbrug pa dang/ /chu me mchod bya'i bar du 'gro /ro bsregs la brten dud pa dang/ /chang sogs chags
 dang bud med la/ /yid brtan rang dbang gyur pa spang zhes bya ba ni/ mdun gyi bser bu la sogs pa skyes bus spang bar bya'o zhes bya bar sbyar ro/ /de la mdun gyi bser bu ni shar phyogs nas ldang ba'i rlung ngo/ /nyi tshan ni nyi ma'i than pa'o/ /rlung ni rdul gyi tshogs
 so/ /ba mo ni ba mo lhags pa'o/ /rlung rtsub pa ni rlung drag po'o/ /sgreg pa ni rlung gyen du rgyu ba'o/ /lud ba ni lud pa lu bar gyur pa'o/ /zas ni zas la spyod pa'o/ /nyal bo ni 'khrig pa spyod pa ste/ de dag gcus shing yon bar gyur pa mi bya bar spang bar bya'o//
 gang ka'i grib ma ni chu bo'i 'gram gyi gang ka'i grib ma'o/ /rgyal por sdang ba ni rgyal po'i dgra bo'o/ /sprul gdug ni mche ba gdug pa can no/ /gcan gzan ni seng ge la sogs pa'o/ /rwa can ni ma he la sogs pa'o/ /dus mtshams thams cad du zas
 la spyod pa la sogs pa'ang spang bar bya'o/ /bud med ni de dang nyal po bya ba'o/ /nyal ba ni gnyid log pa'o/ /klog pa ni gzhung 'don pa'o/ /sems las ni thos pa la sogs pa yang yang du dran par bya ba'o/ /dgra bo ni nar ma'i zas la sogs
 pa'ang spang bar bya ste/ nar ma'i zas zhes bya ba ni/ me lha bstod pa'i cho ga la sogs pa'i dus su ster ba'i zan te/ mdun na 'don la sogs pa ma gtogs par gzhan dag gis de zos na/ sdig pas gos par 'gyur par 'dod de/ gang gi
 phyir mchod sbyin rdzogs khar de las byung ba'i sdig pa zad par bya ba'i phyir/ nyes pa 'chag pa las go bar 'gyur ro zhes zer ro/ /tshogs 'dus ni skye bo mang pos bsten pa'o/ /yang na tshogs te gtan du zlos par byed pa mang po 'dus
 bar byed pas khyab pa'o/ /smad 'tshong ni 'phyon ma ste/ de dang 'brel ba'i zas gang yin pa de yang bza' bar mi bya ste/ sdig pas gos par 'gyur ba'i phyir ro/ /tshong pa ni nor bsgyur mkhan te/ de'i zas kyang sdig pas gos par byed pa yin par 'dod pas bza' bar mi
 bya'o/ /de bzhin du lus dang/ mchu dang sen mo ste/ yan lag dang kha dang/ lag skyes kyi sgra 'byin pa yang spang bar bya'o/ /de bzhin du lag pa dang skra sprugs shing spyod pa yang spang bar bya'o/ /chu me mchod bya ba'i bar du 'gro zhes pa ni/ chu dang me dang mchod par bya
 ba dag gi bar du 'gro zhing/ song ba yang spang bar bya'o/ /mchod bya ni bla ma la sogs pa'o/ /ro bsregs pa la brten pa'i dud pa ni/ mi ro bsregs pa las byung ba'i dud pa yang spang bar bya'o/ /de bzhin du chang la sogs pa la chags pa ste/ chang dang/ rgyan po
 dang/ bud med dang/ yul gzhan dag la chags shing yang nas yang du bsten pa yang spang bar bya'o/ /de bzhin du bud med la yid rton pa dang/ rab dbang du bya ba'i yul de spang bar bya'o/ /blo ldan spyod pa thams cad la/ /'jig rten nyid ni slob dpon yin/ /de bas
 'jig rten pa yi don/ /rtog par byed pas de nyid bya/ /zhes bya ba la blo dang ldan zhing shes rab dang ldan pas/ spyod pa thams cad de bya ba thams cad la/ 'jig rten nyid ces bya ba/ 'jig rten pa dam pa nyid slob dpon yin te/ rjes su ston pa yin no/ /de bas
 na zhes pa gtan tshigs de'i phyir gang 'jig rten pa'i don rtogs par byed cing/ so sor rtog pa sngon du gtong zhing blang par bya ba dang/ spang bar bya ba'i tshul gyis legs pa dang nyes pa dag gis bye brag shes pa dag gis 'jig rten pa dam pa dag gis
 spyod pa de nyid rjes su spyad par bya zhing bslab par bya'o/ /snying rjes brlan cing gtong dang ldan/ /lus dang ngag yid dul ba dang/ /gzhan gyi don la rang don sems/ /de dag dam pa'i spyod mthar thug ces bya ba la/ snying rjes brlan pa ni sems can thams cad
 la snying rtse ba dang ldan pa nyid de/ snying rjes sems non pa'o/ /de bzhin du gtong ba ldan pa ni/ ci nus pa dang bstan bcos ji lta ba bzhin du bdag gir bya ba las bzlog cing gzhan dag la ster ba'o/ /lus dang ngag dang sems ni lus ngag yid kyi rnam
 pa'o/ /dul ba ni nye bar zhi ba'o/ /gzhan gyi don la zhes pa ni gzhan gyi dgos pa'o/ /rang don sems pa ni gang gzhan gyi don blo la sems pa 'di nyid kho bo'i rang gi don yin no zhes de snyam du sems pa'o/ /de dag ces pa de lta bu ni dam pa ste/ ya rab rnams
 kyi spyod pa yin pas na dam pa'i spyod pa'o/ /mthar thug pa ni rdzogs pa'o/ /yang ni dam pa yang yin la spyod pa yang yin pas dam pa'i spyod pa ste/ spyod pa mdzes pa zhes bya ba'i don to/ /da ltar bdag gi nyid mtshan du/ ji lta bur ni gnas 'gro zhes/ /
 rtag tu dran pa nyer 'jog pa/ /sdug bsngal snod du mi 'gyur ro/ /zhes bya ba ni da ltar zhes pa gnas pa'i gnas skabs nyid na/ bdag ni nyin mo dang mtshan mo rtag tu ci chos la sogs pa'i bya ba dang ldan nam/ 'on te chos dang mi ldan par 'gro zhing dus
 'das pa yin zhes/ de ltar rtag tu dran pa nye bar 'jog cing/ dus thams cad du yid la byed pa dang ni sdug bsngal gyi snod du mi 'gyur gyi/ 'jig rten 'di dang gzhan du kun tu dga' ba nyid du 'gyur ro/ /de ltar spyod pa mdor bsdus pas/ gang zhig kun
 tu spyod byed pa/ /tshe dang dbang phyug nad med pa/ /grags pa 'jig rten rtag thob 'gyur/ zhes bya ba la/ /de ltar zhes bya ba ni rdzogs pa'i tshig go /spyod pa ni kun tu spyod pa'o/ /mdor bsdus pa ni mdo tsam du bsdus te bshad pa yin pas so/ /de lta bu'i spyod pa
 de skyes bu gang zhig kun tu spyod par byed pa de ni/ tshe la sogs pa thob par 'gyur ro/ /de la tshe ni srog go /nad med pa ni bde bar gnas pa'o/ /dbang phyug ni 'byor pa dang ldan pa'o/ /grags pa ni snyan pas kun tu khyab pa'o/ /'jig rten rtag pa ni
 mi bzad pa'i gnas thob cing mi 'jigs pa'i dngos po ma lus par thob par 'gyur ro/ /yan lag brgyad pa'i snying po'i rnam par 'grel ba/ tshig gi don gyi zla zer zhes bya ba/ slob dpon zla ba la dga' bas rnam par sbyar ba las le'u gnyis pa'i rnam par 'grel
 ba'o// //de nas 'dus su spyad pa'i le'u bshad par bya'o zhes bya ba la/ 'dir tha mal par bde bar gnas pa'i 'jug pa bshad pa'i skabs yin la/ de yang le'u snga mar ni/ dus tshigs ci tsam du bstan pa yin la/ da ni dus kyi khyad par bstan par bya ba'i phyir/
 le'u 'di btsom? pa byas pa de nyid rigs pa yin pa'i phyir/ de yang gang gi phyir zhag gcig gi cha shas ni/ thang gcig yin la/ de'i spyod pa yang gcig gis nye bar mtshon nas ston te/ de ni tshangs phyir thang gcig ces bya ba la sogs pa'i gzhung gis bshad pa
 yin no/ /nyin zhag shas bsdus pa ni zla ba phyed do/ /zla ba phyed bsdus pa bzla ba'o/ /zla ba bsdus pa ni dus so/ /dus bsdus pa ni lho dang byang du 'gro ba'o/ /de la dus dang dus su spyad par bya ba yin pas dus kyi spyod pa'o/ /de nas zhes bya ba la sogs pa gzhan dag gi
 tshig gi don sngar bshad par bas so/ /dgun zlar ba sogs gnyis gnyis/ rim bzhin dus ni drug tu bshad/ /de las dgun zla tha chung sogs/ /gsum ni byang du 'gro zhes bya/ /de tshe mi rnams nyin re zhing/ /mthu 'phrog ba zhes bya ba yin zhes bya ba la/ dgun zlar
 ba la sogs pa zhes pa ni/ dgun zlar ba dang 'bring po la sogs pa'o/ /gnyis gnyis ni grangs gnyis kyis bcad pa'i zla ba bcu gnyis so/ /rim ni go rim ji lta ba bzhin du bya ba yin gyi/ go rim 'tshol ba ni ma yin no/ /dgun zla ba chung sogs zhes bya ba ni/
 dgun smad dang/ dpyid dang/ sog dang/ dbyar dang/ ston dang/ dgun stod de/ dus drug tu dus kyi rnam par dbye ba bshad cing bstan pa yin no/ /de la dus gsum ste/ dgun smad dang/ dpyid dang/ sos ka zhes bya ba'i dus gsum la ni/ nyi ma byang phyogs su
 'gro ba yin te/ nyi ma byang phyogs su 'gro ba de ni/ mthu 'phrog ba zhes kyang bya bar shes par bya'o/ /de yang gang gi phyir dus de'i tshe mi rnams kyi mthu dang stobs nyi ma re re zhing 'phrog cing 'bri bar byed pa yin no/ /su zhig gis 'phrog ce na/ rang gi
 rang bzhin yin pa'i phyir/ nyi ma'i 'od zer dag gis 'phrog par byed pa'o/ /ci'i phyir zhe na/ de tshe shin tu rno zhing tsha/ /rtsub pa'i las kyi ngo bo nyid/ /nyi ma rlung gis zla ba yis/ /sa yi yon tan zad par byed/ /ces bya ba la/ dus de'i tshe gang gi phyir/ /shin tu rno ba dang/
 tsha ba dang/ rtsub pa'i las kyi ngo bo nyid de/ rang bzhin can yin pas nyi ma dang rlung gi zla ba'i cha las byung ba'i bsil ba'i rang bzhin gnas pa'i yon tan de zad par byed cing 'bri par byed do/ /tshul de lta na me ni rtsub pa'i rang bzhin can yin pas mthu stobs
 phrog ste/ des na de'i tshe dngos po rnams kyi khu ba cud rtsub par 'gyur ba yin no/ /'dir ni tsha bska kha ba yi/ /ro rnams stobs ni ta ba yin zhes bya ba ni/ dus 'di'i tshe tsha ba la sogs pa'i ro rnams grangs ji lta ba bzhin rim gyis stobs che ba yin no/ /
 de la dgun smad kyi dus su ro tsha ba stobs che ba yin no/ /dpyid ni bskar ba'o/ /so ga'i ni kha ba stobs che ba yin no/ /stobs che ba smos pa ni 'di skad ston pa yin te/ de'i tshe tsha ba la sogs pa'i ro 'di dag skyed par byed pa ni ma yin gyi 'on kyang rang gi nus pa
 gsal bar snang bar byed pa nyid yin pas/ de'i tshe stobs che bar 'gyur ba yin zhing/ rang gi mthu khyad par can rdzogs par byed do/ /de bas me ni mthu stobs 'phrog ces bya ba ni/ gang gi phyir de ltar sa'i zla ba'i bsil ba'i yon tan 'bri bar byed cing/ rtsub
 pa'i ro 'phel bar byed la/ nyi ma rno bar byed pas 'gro ba'i snum pa'i stobs 'phrog par byed cing/ rlung gis kyang chu'i khams skems pa yin no/ /lho phyogs su ni 'gro ba'i dus/ dbyar la sogs par slar stobs bskyed/ /'dir stobs slar ni skyes pas na/ /
 'dir ni bsil bas zla ba na/ /stobs dang ldan pas nyi ma 'bri/ /zhes bya ba ni lho phyogs su 'gro ba zhes bya ba ni nyi ma lho phyogs su 'gro ba'o/ /de'i dus ni dbyar la sogs pa yin te/ dbyar dang ston dang/ dgun stod ces bya ba ni gsum mo/ /dus de ni slar bskyed pa zhes
 bya ba dang/ bsil zhing zhi ba zhes bya ba yin te/ gang gi phyir nyi ma'i 'od zer gyis stobs 'phrog pa'i dus su mi rnams kyi bcung 'phrog cing zad par byed pa ste/ slar gtong zhing skyed bar byed pa yin te/ de bas na 'di ni slar gtong ba yin pas na/ don dang
 mthun pa'i mig du dus 'di la skyed pa zhes bya'o/ /slar skyed pa'i dus 'dir ni bsil zhing zhi ba yin pas zla ba stobs dang ldan zhing nus pa che ba yin la/ des na nyi ma 'bri ba yin te/ de'i tshe nyi ma'i stobs chung bar 'gyur ba yin te/ 'di'i nus pa 'bri pa ni/ zla
 ba'i stobs 'phel bas bsil bar byas pa dang/ lho phyogs su 'gro ba'i lam gyi mtshan nyid yin pa'i phyir ro/ 'char 'bab pa dang/ rlung bsil las/ sa steng tsha ba zhi ba na/ /'dir ni snum dang skyur lan tshwa/ /mngar ba'i ro rnams mthu bskyed do zhes bya ba la/
 'dir ni zhes pa slar stobs bskyed pa'i dus 'dir snum pa dang/ ro gsum po skyur pa dang/ lan tshwa dang/ mngar ba mthu che zhing stobs bskyed pas rang gi nus pa gsal bar byed la/ 'byung ba chen po rnams che chung gi shas snyoms pas/ ro de rnams mthu che
 bar 'gyur ba yin no/ /de ci'i phyir zhe na/ dus bsil ba'i phyir te/ char gyi tshogs 'bab pa dang/ rlung bsil zhing grang bas sa'i steng gi tsha bzhi zhing than pa dang bral bas mthu skye ba yin no/ /'dir yang rim pa bzhin du sbyar bar bya ste/ dbyar ni ro skyur ba mthu bskyed
 pa yin la/ ston ni lan tshwa'o/ /dgun stod ni mngar ba'o/ /dgun chen chang dang tsha dus su/ /stobs chung lhag ma dag la 'brid/ /zhes bya ba la/ dgun ni grang pa'i dus te/ dgun stod dang/ dgun smad ces bya ba'o/ /che ba ni de'i tshe mi rnams kyi mthu stobs mchog
 tu che bar 'gyur ro/ /'dir dgun zhes smos pas ni/ dgun stod dang/ dgun smad gnyi ga yin par shes par bya ste/ de'i tshe ni mi'i stobs shin tu che ba yin no/ /char dus dang/ tsha dus ni dbyar dang so ka'i dus te/ de'i dus su mi'i stobs chung ba
 yin no/ /lhag ma ste/ ston dang dpyid dag la ni/ /mi'i stobs 'bring zhing ran pa yin no/ /de la re zhig dgun gyi dus kyi spyod pa smras pa ni/ stobs ldan grang bas bkag pa ni/ /dgun gyi dus su me stobs ldan/ /de ni rlung gis sbar bas na/ /zas nyung gyur na
 lus zungs skems/ /de bas dgun ni mngar skyur dang/ /lan tshwa'i ro ni bstan par bya/ /zhes bya ba la/ stobs zhes bya ba skyes bu'i me dgun gyi dus su stobs dang ldan par 'gyur ro/ /de yang dgun ni slar stobs bskyed pa'i dus yun ring du bsags pa
 yin pas/ mi'i stobs brtan par gyur pa yin gyi/ dang po rtsom pa tsam gyis ni ma yin pas/ stobs 'phrog pa'i dus kyi stobs rdzogs pas/ de la gnod par mi nus so/ /de bas na dgun ni stobs mchog tu che bar grub pa yin no/ /de nyid kyis dang po
 nyid su stobs ldan grang bas bkag pa ni zhes smos pa yin te/ stobs ni 'di ltar byed de/ slar stobs bskyed pa'i dus su stobs bsags pa/ de'i tshe skyes bu dang ldan pa yin la/ stobs de gang bas bkag pas mi smin par nus pa'i stobs dang ldan par
 'gyur ro/ /'dir dngos po'i mtshan nyid ni 'di yin te/ pho ba'i me drod kyi tshogs gang yin pa ba spu'i bu ga rnams las phyir 'byung bzhi grang ba'i reg pas ba spu'i bu ga bkag pas nang du 'dus la/ nang du zhugs pa des rang gi me'i drod des pho ba'i me drod de nyid
 'gyur ro/ /'dir dngos po'i mtshan nyid ni 'di yin te/ pho ba'i me drod kyi tshogs gang yin pa ba spu'i bu ga rnams las phyir 'byung bzhi grang ba'i reg pas ba spu'i bu ga bkag pas nang du 'dus la/ nang du zhugs pa des rang gi me'i drod des pho ba'i me drod de nyid
 mngon par 'phel bar byed do/ /pho ba'i me drod 'phel ba de ci zhig byed ce na/ de ni rlung gis sbar bas na/ zas nyung gyur na lus zungs skems zhes smos pa yin te/ pho ba'i me drod de rlung gis sbar zhing byas pas/ zas nyung bar 'gyur zhing/ de'i tshe kha
 zas 'grangs par zos na dangs ma la sogs pa'i lus zungs rnams btsos shing skems par 'gyur ro/ /de bas na dgun gyi dus su ni me'i drod bsrung ba'i phyir/ kha zas legs par 'grangs par bza' ba nges pa kho nar bya dgos te/ pho ba'i me drod kyis zas kyi
 chod lci ba brdu bar nus pa yin gyi/ dus gzhan dag tu na de ltar ma yin no/ /de bas na zhes pa ni rlung gis pho ba'i me sbar ba na stobs can yin pa de las rgyal bar bya ba'i phyir ro/ /dgun kha 'bab pa'i dus dag tu mngar ba dang/ skyur ba dang/ lan tshwa'i ro bsten par
 bya zhing longs spyad par bya'o/ /de tshe mtshan mo ring ba na/ nad par nyid na bkres par 'gyur/ /nges par bya ba byas nas ni/ /ji skad bshad rdzogs de rjes la/ /rlung 'joms til mar gyis byug cing/ /spyi bo til mar gyis byug mnye/ /bag yod pa dang stobs byed
 cing/ /rkang pas ran par mnyes byas la/ /dgun gyi dus de'i tshe/ mtshan mo nam ring bas nang par ste/ tho rangs kyi dus nyid du bkres shing zas 'dod par 'gyur ro/ /de bas na de'i tshe nges par bya ba zhes bya ba/ bshang gci dor nas gtsang sbra'i cho ga bya ba
 dang/ so shing bca' ba dang/ mkhur ba bkang ste dor ba la sogs pa nyin re spyad pa'i tshig ga'i? le'u las ji skad bshad pa rdzogs shing zin par byas la/ /de'i rjes la rlung 'joms shing sel ba'i til mar gyis rlung gi nad gso ba las bstan pa bzhin
 du byug cing bsku ba bsten par bya'o/ /de bzhin du spyi bo ste/ mgor til mar byug pa dang/ mnye ba ste khyad par du yan lag rnams lag pa dag gis mnye ba dang bag yod pa ni mkhas shing goms pa ste/ de dang lhan cig lag pa'i stobs skyed pa'i tshul
 gyis mnye bar bya'o/ /de bzhin du rkang pas ran par mnye pa ste/ rkang pa gnyis kyis pags pa dang/ spu la sogs pa la mi gnod bar ran cing ci rigs par mnye par bya'o/ /de nas bskal bas snum bsal la/ /cho ga bzhin du khrus dag bya/ /gur gum gla rtsi
 dang bcas pas/ /lus bskus a ka ru les? 'dug /sha tshon khu ba snum bag dang/ /bu ram chang dang chang dangs chang/ /gro dang 'bras bur mE Sha dang/ /'o ma bu ram shing bcas bza' / kha zas gsar dang zhag til mar/ /pro 'jam mchu yi
 gtsang sbra bya/ /zhes bya ba ni/ de ltar lus bkrus ba'i 'og tu sran chung gi phye ma la sogs pa rdzas bskabs snum pas ? zhing med par byas la/ de'i 'og tu cho ga ji lta ba bzhin du zhes pa cho ga dang mi 'gal ba ste/ chu dron pos lus kyi smad dkru ba la sogs pa sngar
 ji skad bshad pa bzhin du lus bkru bar bya'o/ /de nas ni gur kum gla rtsi dang bcas pas lus bsku bar bya'o/ /de'i 'og tu skyes bu'i lus a ka ru'i bdug pas bdug par bya'o/ /sha tshon ni sha bzang po'o/ /khu ba ni sha khu'o/ /snum can ni mar la sogs pa
 dang ldan pa'o/ /de la bu ram chang ni bu ram la sbyas pa'i chang ngo/ /chang dangs ma ni shin tu dangs ba'i chang ngo/ /yang chang zhes smos pa ni yang de las gzhan pa chang bska ba dag btung ba'o de bzhin du gro las byas pa'i khur ba dang la d+ha la sogs pa
 bza' ba dang 'bras khur te/ 'bras btags pa las byas pa'i khur ba dang/ ma sha zhes byas pa'i bza' ba dang/ kri sar la sogs pa'i bza' ba dang/ 'o ma las byas pa ste/ phrum dang zho dang chur ba la sogs pa dang/ bu ram shing las byas pa ste/
 btung ba dang/ bu ram la sogs pa ste/ de thams cad bza' bar bya'o/ /de bzhin du kha zas sar pa ni gsar thog las byas pa'o/ /zhag ni tshil med pa'i sha btsos te tshos ba dang/ de'i steng na snum gang zhig 'byung ba de la ni zhag gi sgrar bshad do/ /
 de yang lung las/ tshil med sha yi snum gang yin/ /de ni zhag tu yongs su bsgrags zhes bshad pa yin no/ /til mar ra ni til mar las byung ba yin no/ /de bzhin dro 'jam chu ni ran par bsros pa'i chu ste/ des khrus la sogs pa btsang sgra'i bya
 ba bya'o/ /be'u ras slag pa dar sogs bgo /dre'u rngog re'u bal can gding/ /rang bzhin dro zhing yang ba yi/ /gos bgos mal cha bsten bar bya/ /nyi ma'i 'od la ran par 'di/ /dugs bya lham ni rtag tu bgo /zhes bya ba ni de'i tshe skyes bus mal brten par bya'o/ /ji lta bu
 zhe na/ be'u ras zhes bya ba la sogs pa ste/ be'u ras ni be'u phrag gam lwa ba dmar po'o/ /glag pa ni pags pa'i gos so/ /dar ni rgya las byung ba'o/ /sogs pa ni gos bzang ngo gzhan dag bsdu'o/ /dre'u rdog re'u bal can ni/ skyin la sogs pa'i spu las byas
 pa'o/ /rang bzhin dro ba ni phal cher sbu dang ldan pa'o/ /yang pa ni phra ba la sogs pa'i yon tan dang ldan pa'o/ /de bgos pa ni de dag steng nas bgo ba dang/ 'og tu bting ba'i lam la stan la skyes bus bsten par bya'o/ /de bzhin du nyi ma'i 'od la ran par zhes bya ba/ 'gro ba la sogs
 pa spangs la/ nyi ma 'di zhing sten par bya'o/ /de bzhin du dugs te bsro ba la sogs pa'i dbye ba rnam pa bzhi dag kyang ci rigs par bsten par bya'o/ /de bzhin du lham zhes bya ba dus 'di'i tshe rnam pa thams cad du rtag par lham bgo bar bya'o/ /chung ma bzhon zhing yid 'ong
 rgyags/ /nu ma brla dang ro smad rgyas/ /gur kum gyis blugs spos kyis bdugs/ /lus kyi drod kyis grang sel ba'o/ /zhes bya ba ni/ de'i tshe chung ma gzhon zhing dar la bab pa dang/ yid du 'ong zhing snying du sdug ba dang/ nu ma dang brla dang ro smad kyi cha shas shin tu rgyas
 pa dang/ spos kyi bdug pa la sogs pas lus kyi drod kyi grang ba sel nus pa bsten par bya'o/ /sa khang khang ba nyis rim bya/ /mdag me'i drod kyis bsros bas ni/ /grang dang rtsub pa la byung ba'i/ /nyes pa nam yang mi 'byung ngo/ /zhes bya ba las khang ni gang
 sa bskes nas khang par byas pa'o/ khang ba nyis rim ni khang ba'i nang du khang bar byas ba'o/ /mdag me dag ni drod kyis bsros pa'i sol ba mdag mar lhag par byas pa'i drod kyis khang ba gang bsros par gyur ba dar gnas shing spyod par byed pa'i skyes bu de
 la ni grang ba dang rtsub pa las byung ba'i zhes pa/ grang ba dang rtsub pa'i dngos po las gyur pa'i nyes pa'i gnod pa nam yang 'byung zhing skye bar mi 'gyur ro/ /de ni dgun smad kyi spyod pa bstan par bya ba'i phyir smras pa ni/ dgun smad dus su lhag par yang/
 cho ga 'di nyid bya ba yin/ /de tshe lhag par grang ba dang/ /stobs 'phrog las byung rtsub pa'ang yin zhes bya ba la/ dgun stod kyi bya ba 'di nyid ni/ dgun smad kyi dus su yang lhag par ste/ khyad par du bya'o/ /des na snum pa dang/ ro gsum po dgun stod kyi dus
 su bsten par bshad pa de/ dgun smad kyi dus su shin tu snum pa la bsten par bya la/ de bzhin du bsten par bya ba bshad pa gzhan gang dag yin pa de rnams/ de'i tshe lhag par shas che bar byas nas/ thams cad bsten par bya'o/ /de ci'i phyir zhe na/ dgun
 stod kyi dus las kyang de'i tshe lhag par grang bar 'gyur ba ni dus kyi rang bzhin yin la de bzhin du stobs 'phrog pa'i dus las byung ba'i rtsub pa yang de'i tshe 'byung ba yin no/ /dpyid kyi dus kyi spyod pa dag bstan pa ni/ dgun ni bad kan khong na sog /dbyed dus
 nyi ma'i 'od dros pas/ /me yi drod nyams nad bskyed de/ /de bas de ni myur du bsal/ /rno dang skyug sman sna sman sogs/ /yang dang rdzub pa'i kha zas dang/ /bcag dang lus phye ma nye ba yis/ /bad kan bdo ba'i nad bsal bya/ /khrus byas ga bur tsan dan dang/
 gur gum sogs pas bsku bar bya zhes bya ba la/ dgun zhes pa ni grang bar cha mthun pas/ dgun stod dang dgun smad gnyi ga yin par shes par bya'o/ /de'i tshe ni bad kan khong du sogs shing 'phel ba yin no/ /de yang gang gi phyir dgun stod dang/
 dgun smad kyi dus su snum bag la spyod pa dang/ de bzhin du dus las byung ba'i grang bas 'di lhag par bsgongs par gyur ba dang/ de dpyid kyi dus la bab pa dang/ nyi ma'i 'od zer gyis tsha bas gdungs pa dang/ gzugs zhu ba nyid du gyur pas/ chu ltar
 me'i mi mthun pa'i phyogs su 'gyur ro/ /des na pho ba'i me drod nyams par byas shing bcil nas/ nad skyed par byed cing bar byed do/ /de bas na dpyid kyi dus la bab ma thag bad kan chu'i tshogs ltar gnas pa de myur du zam pa lta bu'i skyugs sman la sogs pa'i gso ba
 rnams kyis bsal zhing bzlog par bya'o/ /de'i mi mthun pa'i phyogs ni sman rnon po rnams btang ba dang/ de bzhin yang ba dang rtsub ba'i kha zas te/ zas phal mo che kha ba dang/ bska ba la sogs pa dang ldan pa bza' ba dang/ de bzhin bca' ba la sogs pas bad kan
 bdo? ba bsal zhing bzlog nas/ de'i 'og tu khrus byas la/ ga bur la sogs pas lus bkru zhing byug par bya'o/ /nas dang gro ni rnying pa dang/ sbrang rtsi skam sa'i sreg sha bza' / /a mra'i khu dang sbyar ba yi/ /khu ba skom du sbyar ba btung/ /chung ma dri zhim utpal gyi/ /
 mig dang ldan dang lhan cig cing/ /yid ni dga' zhing bder byas pas/ /grogs dang lhan cig btung bar bya/ /skyon med chang rgan dro 'jam dang/ /bu ram rgun chang sbrang chang dang/ /lnga? chu bskol dang se'u'i chu/ /sbrang chu 'am gla sgang chu btung bya zhes bya ba ni/ gang nas rnying pa
 dang/ gro rnying pa dang/ sbrang rtsi dang/ srog chags skams na gnas pa'i sha thur ma la bskyon te/ bsregs pa de za ba dang/ chang la sogs pa btung bar bya'o/ /ji lta bu zhe na/ a mra'i khu ba dang sbyar ba zhes pa ste/ shing tsu ti'i khu ba dang sbyar ba de btung bar bya'o/ /de bzhin du
 chung mas dri zhim par byas pa dang de bzhin du chung ma utpal lta bu'i mig dang ldan pas mtshan ma dang lhan cig btung bar bya'o/ /de bzhin du yid dga' zhing dad par bya ba dang/ sems bde zhing tshim par byas pa dang/ de bzhin du grogs po mdza' bshes rnams dang lhan
 cig btung bar bya'o/ /de bzhin du skyon med pa ste/ mdog dang dri dang ro dang/ gzugs phun sum tshogs pa'i chang rgan la sogs pa'i chang gi bye brag btung bar bya'o/ /de la chang rgan ni gang yun ring du sbyar zhing bslangs pa la bya'o/ /dro 'jam ni gang bskol nas byas pa
 de ni dro 'jam mo/ /bu ram chad ni bu ram shing gi khu ba las? chad du byas pa'o/ /rgun chang ni rgun 'brum las byas pa'o/ /sbrang chang ni sbrang rtsi las byas pa'o/ /de bzhin du sga chu bskol ba ni/ bca' sga bskol ba'i btung ba'o/ /se'u'i chu ni se'u
 'brus bskol ba'i chu'o/ /sbrang rtsi'i chu ni sbrang rtsi dang chu sbyar te btung bar byas pa'o/ /gla sgang chu ni gla sgang bskol ba'i chu btung ba'o/ /lho phyogs bser bu bsil ba dang/ /mdza' ma kun tu chu 'bab la/ /nyi ma'i 'od ni mi snang dangs/ /nor bu bcag 'dra'i mdangs
 ldan la/ /khu byug snyan pa'i sgra sgrogs shing/ /'dod pa'i longs spyod ldan pa'i sa/ /sna tshogs me tog ldan pa'i shing/ /dri zhim skyed mos tshal du ni/ /dga' 'dun gtam ni sna tshogs pas/ /phyed dus bde bas bde bar bya zhes bya ba la/ skyed mos tshal gyi
 nags tshal du 'dug la/ nyi ma phyed kyi dus su bde ba nyid kyi dus 'da' bar bya'o/ /ji ltar zhe na dga' bdun gtam ni sna tshogs pa zhes bya ba yin te/ dga' 'dun ni glu dang rol mo sna tshogs len pa dang/ gtam ste snyan ngag gi gtam sna tshogs pa bya bas
 so gang du zhe na/ lho phyogs bser bus bsil ba dang/ /zhes bya ba la sogs te/ lho phyogs kyi rlung ni rjes su mthun par ldang ba'i rlung gang yin pa ste/ rdul dang phye ma dang gseg ma dang bcas par ldan pa ma yin te/ de lta bu'i rlung gis bsil bar gyur pa'i skyed mos
 tshal du'o/ /yang na lho phyogs nas ldang ba'i rlung ni bsil ba yin pa'i phyir/ de bzhin du tha ma kun tu 'bab pa'i ngang tshul dang ldan pa'o/ /de bzhin du nyi ma'i 'od ni mi snang dangs zhes pa ste/ ji srid nus? pa de srid kyi bar du nyi ma ni mi snang ba ste/ de ltar shin tu stug
 pa'i nags tshal der ro/ /yang na phyogs la la mi snang zhing cung zad snang la/ la lar ni rnam pa thams cad mi snang bar gyur pa'o/ /de bzhin du nor bu bcag 'dra'i mdangs ldan pa zhes bya ba ste/ baiDUrya la sogs pa'i nor bu bcag pa lta bu'i 'od dang ldan pa gang
 yin pa de la de skad ces bya'o/ /de bzhin du khu byug snyan pa'i sgra sgrog cing zhes bya ba ste/ skyed mos tshal de na khu byug rnams sgra sgrog cing ca co 'don pa dang/ de bzhin du 'dod pa'i longs spyod ldan pa'i sa zhes pa ste/ sna tshogs pa'i gzugs yid du 'ong ba dang/ 'dod pa'i
 ? ? ma dang ldan pa'i nags tshal lo/ /de bzhin du sna tshogs me tog ldan pa'i shing zhes bya ba ste/ sna tshogs shing tha dad pa'i ste/ me tog dang ldan pa'i shing du ma dang/ de bzhin du dri zhim pa ste/ yid du 'ong ba'i dri 'byung ba'i tshul can gyi skyed mos tshal du nyis byed pa'i dus bde bar
 bya'o/ /lci bsil nyin mo nyal ba dang/ /snum pa g.yang ra skyur spang bar bya zhes bya ba ni/ de'i tshe lci ba nas skyur pa'i bar ni bad kan 'phel bar byed pa yin pas de'i phyir spang bar bya'o/ /so ga'i spyod pa smras pa ni/ nyi ma'i 'od zer rab tsha bas/ so ga 'phrog pa 'dra ba yin/ /de bas de tshe lan
 tshwa tsha/ /skyur rtsol nyi ma'i 'od zer spang zhes bya ba la/ nyi ma ni 'od zer stong ldan no/ /de ni so ka'i dus su 'od zer rab tu tsha bar 'gyur te/ stobs 'phrog pa'i rang bzhin mthar thug pa'i dus yin pa'i phyir ro/ /de ni 'phrog pa dang 'dra bar ston pa yin te/ sngar rnam par
 spyad pa'i las gzhan dag bya bar rigs la ma yin no/ /de bzhin du bsil ba'i yon tan dang/ 'gro ba'i snum pa dag kyang 'phrog pa 'dra ba nyid yin no/ /de bas na de'i tshe lan tshwa sna tshogs la sogs pa yang spang bar bya ste/ de ni stobs 'phel bar byed pa yin no/ /de tshe zhes
 bya ba 'dis ni/ 'di skad ston pa yin te/ dman zhing shas chung ba 'am/ log par gyur pa'i tshe/ lan tshwa la sogs pa spang bar mi bya'i rang gi mtshan nyid ji lta bu dang ldan pa de'i tshe bya ba yin no/ /de la tsha ba ni na le sham la sogs pa'o/ /skyur ba ni dar pa skyur ba dang
 skyur po la sogs pa'o/ /rtsol ba ni lus dub par byed pa'i las rnams so/ /nyi ma'i 'od zer ni nyi ma cha ba'i 'od de dag spang bar bya'o/ /de nas dus de'i tshe ci zhig bsnyen par bya zhe na de'i phyir smras pa ni/ zas ni mngar dang yang ba dang/ snum bsil sla ba nyid bsten bya
 zhes bya ba ni/ de'i tshe zas mngar ba nyid yang dang yang du bsten cing goms par bya'o/ /ro gzhan la brten par mi bya'o/ /de bas nyid ces bya ba nges par bzung bar bstan pa yin no/ /de bzhin du zas yang ba ste rang bzhin gyis spang ba dang/ tshod
 zin bar bza' zhing/ yang par bya ba snum pa ste/ mar dang/ 'o ma la sogs pa dang sbyar ba dang/ bsil ba ste drang ba nyid dang/ sla ba ste sra bar ma gyur pa nyid bstan cing bza' bar bya'o/ /rab bsil chu yis lus bkru zhing/ /phye zan kha rar bcas pa bza' 
 zhes bya ba ni/ rab tu bsil ba'i chu yis lus bkru zhing/ gtor ba dang/ phye zan slan de kha ra dang sbyar ba? bldag cing bza' bar bya'o/ /chang mi mthung ste mthung na yang/ nyung ba 'am chu mang bsres la btung zhes bya ba ni sos ka tsha ba'i dus su chang btung bar mi
 bya'o/ /gal te gtong mi phod na nyung zad cig gam/ chu mang po bsres te bslang de btung bar bya'o/ /gzhan du de ni kha skam lhod/ /tshad dang rmongs par byed pa yin zhes bya ba ni/ gzhan du na chang de mang du 'thungs pa 'am/ chu mang pos ma slad par 'thungs na/
 kha bskams shing mchil ma bska ba dang/ lhod pa de lus lhod cing zhig pa snyam byed pa dang/ tsha ba de yan lag thams cad tsha bas 'debs pa dang/ rmongs pa ste/ sems med pa snyam du byed par 'gyur ro/ /chang btung bar mi bya'o zhes bya ba'i
 skabs 'dir rang bzhin gyis dbye ba la brten te smras pa yin gyi/ yul gcig la ni ma yin no/ /'o na ci zhig yin zhe na/ tha dad pa'i yul gsum te/ des bya ba dgag pa ni yul gcig la yin pas 'gal bar 'gyur ro/ /de la ro zhig dus
 su spyad pa la sogs pa'i cho ga 'di ni khams mnyam pa bde bar gnas pa las brtsams te/ thams cad nges par bshad pa yin no/ /de bas na khams snyoms pa chang la sred pas gang ci yang rung ba de btung bar mi bya'o/ /de bas kyang mkhris
 pa'i rang bzhin can dag gis ni shin tu btung bar mi bya'o zhes pa 'di ni dgag pa'i yul yin no/ /cho ga'i dbye ba ni rlung dang/ bad kan gyi rang bzhin can dang/ de bzhin du mkhris pa dang bad kan gyi rang bzhin can gyis btung bar mi bya zhing/ de bzhin du rlung dang mkhris pa'i rang
 bzhin can gyis kyang btung bar mi bya ste/ chang ni phal cher rlung dang mkhris pa bskyed par byed pa yin no/ /de yang phal cher chang gi nyes pa ni mkhris pa rlung gi mthar thug pa'i nad skyed par byed pa yin pas gsum po de dag gis/ so ka'i dus su chang de zad par bya ba'i phyir/
 dus gzhan gyi tshe na 'thung ba ltar mang po btung bar bya'o/ /de dang cha mthun pa nyung zad cig btung bar bya la/ de bzhin du bad kan dang/ mkhris pa'i rang bzhin can chang la sred pa dag gis ni bad kan zad par bya ba'i phyir dang/ mkhris pa dang yang mi mthun pa med par bya bar
 'dod na chang de chu mang pos bsres te btung bar bya'o/ /yang na gnas skabs kyi dbye ba las/ yul gyi dbye ba ste/ gang gis chang de 'thungs pas des sos ka'i dus su gnas skabs la lar ni/ nyung zad cig btung bar bya la/ gnas skabs la lar ni chu mang pos bslad
 de btung bar bya'o/ /'bras chan kunda zla ltar dkar/ /skam sa'i srog chags sha dag bza' / /zhes bya ba ni 'bras sA lu la sogs pa'i 'bras chan kunda dang/ zla ba ltar dkar ba de srog chags de skams na gnas pa'i sha dang bcas par bza' zhing longs spyod par
 bya'o/ /khu ba mi bska zho dang ni/ /bu ram sbyar sogs g.yos byas btung/ /phal cher skyur ba btung bar bya zhes bya ba la khu ba ni/ sha khu ste de btung bar bya'o/ /mi bska ba ni gar po ma yin pa sla ba'o/ /de bzhin du zho dang bu ram sbyar te/ spyod kyis btab pa btung ba dang/
 de bzhin rgun 'brum dang/ se'u la sogs pa las g.yos su sbyar phal cher skyur ba btung bar bya'o/ /snying po lnga'i btung ba ni/ kham phor gsar pa la gnas pa/ /chu shing rgya star dum bur bsres/ /skyur bcas kham phor snod kyis btung zhes bya ba ni/ chu dang/ sbrang
 rtsi dang/ nA ga ge sar la sogs pa dang sbyar ba'i btung ba btung bar bya'o/ /snying po lnga ni rlung dang mkhris pa gso ba'i gnas skabs nas ston pa'i skyo ma'i btung ba rdza bum gsar pa'i nang du bcug cing bzhag pa ste/ sbrang rtsi 'bra go rgun 'brum dang/ /
 po ru sha ka kha ra'i chu/ /snying po lnga yi skyo ma ni/ /'bras yos tsha dang mar bcas btung/ /zhes khrag mkhris gso ba'i gnas skabs las kyang bshad pa yin te btung bar bya'o/ /chu shing rgya star dum bur bsres zhes bya ba ni/ chu shing gi 'bras bu dang/ rgya
 star gyi 'bras bu'i dum bu dang bsre ba dang/ skyur bcas zhes bya ba ni/ se'u dang skyu ru ral sogs pas ro skyur bar byas pa'o/ /kham phor snod kyi zhes bya ba ni/ sa las byas pa'i kham phor srab mo chung dus btung ba'o/ /chu ni pa ta las bsgos shing/ ga
 bur bcas shing shin tu bsil zhes bya ba la/ de bzhin du chu btung bar bya ste/ de yang pa ta las bsgom pa zhes pa/ pa la'i me tog gi dri zhim par byas pa dang/ ga pur la sogs pa dang bsres shing shin tu bsil bar btung ngo/ /zla zer lta bu'i
 bza' ba ni/ mtshan mo'i dus su bza' ba dang/ /zla ba skar ma ltar dkar ba'i/ /ma he'i 'o ma bsil bu btung zhes bya ba la/ zla gzer lta bu'i bza' ba zhes bya ba ni/ 'bras kyi khur ba ga bur dang bcas shing khong stong du byas pa/ kha ra dkar po la
 sogs pa bcug pa mtshan mo'i dus su bza' bar bya zhing ma he'i 'o ma kha ra dkar po dang bcas pa/ zla ba dang skar ma'i 'od kyis bsil bar gyur pa btung bar bya'o/ /sA la hA la chen po ni/ sprin reg tsha ba'i 'od zer sgrib/ /rgun 'bru'i snye ma g.yur za zhing//
 'khri shing ldan dang nags tshal bzang/ /dri zhim kha ba'i chu yis ni/ /bsil khang lus dang mtshan byas par/ /chag chag btab dang a mra yi/ /ldum bu 'bras bu 'phya ba dang/ /chu shing 'dab dang kalha? re/ /pad tsa pad+ma yu ru la/ /me tog rgyas pa dang ldan
 pa'?/ /'jam pa'i gnas mal bcas nas ni/ /phyed dus nyi mas gdungs pa na/ /nyal ba 'am zhes bya ba la/ skyed mos tshal dag tu skyes bu rang gi lus kyi tshad dang mnyam pa'i mal du/ nyi ma phyed kyi dus su nyal bar bya'o zhes sbyar ro/ /skyed mos tshal ni ci lta bu zhe na/
 sA la tA la chen po ni zhes pa/ shing sA la dang/ tA la sprin reg ces pa bar snang dag la shin tu 'phags shing/ /rtse mos bsnyeg pa lta bur gnas pa gang yin pa des tsha ba'i 'od zer zhes pa so ga'i nyi ma tsha ba'i zer skyed mos tshal du 'bab pa gang yin pa de sgrib cing 'gebs par
 byed pa dang/ de bzhin du rgun 'bru'i snye ma ste/ 'bras bu'i tshogs gcig tu 'byar ba ni snye ma zhes bya ste/ de g.yur za zhing 'phyang ba dang/ ma du ka la sogs pa'i 'khri shing gi yal ga rnams la 'jus shing 'khris pa ste/ de lta bu'i skyed mos tshal du nyal bar bya'o/ /
 gzhan yang 'od ma la sogs pa las byas pa'i khang par dri bzang por te/ ga pur la sogs pa'i dris bsgos shing/ kha bas drang bar byas pa'i chus chag chag btab cing/ brlan par byas pa dang/ de bzhin du lus dang 'tsham par byas pa'i gnas de'i nye 'khor na/ gos
 kyi tshogs dbyangs pa dang/ de bzhin du a mra'i ldum bu byu ru ltar dmar ba'i yal ga sar pa dang/ de'i 'bras bu'i tshogs 'chang ba des kun nas bskor zhing khyab pa dang/ ci skyed mos tshal der lus kyi tshad dang 'cham par byas pa'i sbyil bur/ mal khri med par
 bab bab du nyal bar bya ba 'am/ 'on te ma yin zhe na/ de'i phyir mal stan bcas pa zhes bya ba smos pa yin no/ /gang gis bca' zhe na/ chu shing 'dab ma la sogs pas so/ /ji lta bu zhe na 'jam pa'o/ /de la chu shing gi 'dab ma ni chu shing gi lo ma'o/ /kalha ra ni
 gaM d+ha sa ma ga'o/ /pad+ma'i rtsa ba ni/ pad+ma'i rtsa ba gzhon nu'o/ /pad+ma ni me tog pad+ma'o/ /utpa la ni utpa la sngon po'o/ /gzhan yang ci lta bu zhe na/ me tog rgyas pa ste/ me tog gi yal ga rgod pa lta bu dang ldan pa gang yin pa der ro/ /yang me tog rgyas pa ni/ lo
 'dab kyi mdza' mar me tog cung zad rgyas pa dang ldan pa der/ nyi ma phyed kyi dus su nyi mas gdungs pa na nyal bar bya'o/ /chu'i khang pa ni bud med bcos gzugs nu ma lag /kha las nu u shir chu 'bab bya zhes bya ba ni/ yang na nyi ma phyed kyi
 tsha bas gdungs pa'i dus su chu'i khang par nyal par bya'o/ /de yang bud med bcos ma zhes bya ba ste/ shing las bud med kyi gzugs byas la/ khong du chu drangs te de'i nu ma dang/ lag sor dang/ /ba las pu shel ci dang sbyar ba'i chu 'bab pa'i drung du 'dug cing
 des reg par bya'o/ /mtshan mo yang thog rdo thal byugs/ zla ba'i 'od kyis bsil bar nyal zhes bya ba ni/ mtshan mo'i dus su kha bzang gi steng gi yang thog rdo thal gyis byugs shing/ zla ba'i 'od kyis bsil zhing khyab par nyal bar bya'o/ /mal bstan
 bar sems bde zhing/ tsan dan lde gu phreng ba thogs/ /rab tu phra ba'i gos bgos shing/ /'dod pa'i rgyun las ldog par bya zhes bya ba ni/ mal stan bde ba bting nas khang bzang gi steng du 'dug pa ni/ mtshan mo bsngags pa yin la/ de bzhin du sems
 bde ba ste/ sdug bsngal gyi gdung ba med pa dang/ de bzhin du tsandan lde gu ste/ tsandan gyi lde gus lus byugs pa dang/ phreng ba thogs pa ste/ me tog gi phreng ba rnams kyis brgyan pa dang/ de bzhin du rab tu phra ba'i gos bgos zhing zhes bya ba ste/
 shin tu phra zhing srab pa'i gos bgos pa dang/ de bzhin du 'dod pa'i rgyun las ldog par bya zhes bya ba ste/ bud med nyal po byed pa spang zhing 'khrig pa mi bya ste/ de lta bu dag ni de'i tshe phan pa yin no/ /tA la'i bsil yab spos chus gdag /pad+ma
 'dab brgyad rlung yab dang/ dal gyis legs par g.yo ba dang/ rdzi char bser bu dang ldan pa'i/ /ga bur mal+li ka'i phreng ba/ /mu tig do shal tsandan dkar/ /ne tso sha ri ka la sogs/ /sgra brnyan yid 'ong sgrog pa dang/ /chung ma gdub
 bu pad rtsa 'dra/ /pad+ma rgyas pa lta bur mdzes/ /pad+ma can ni 'gro 'dra pa/ /snyom ba sel bar byed pa yin zhes bya ba la/ dus 'di'i tshe na/ tA la'i rlung yab la sogs pa/ snyom zhing tsha bas zhum pa sel bar byed pa yin no/ /de la tA la'i bsil yab spos chus btab pa ni/
 shing tA le'i? lo ma spos chus spangs shing brlan par byas pa 'am/ yang na tA la'i bsil yab ces bya ba ni/ rma bya'i 'jug mal sogs pas byas pa'i rdul yab tsha bsel ba'i bya ba byed nus pa la bya'o/ /pad+ma'i 'dab ma rgyas pa ni/ /pad+ma'i 'dab ma dag nyid rgyas pa bsil yab tu byas pa dang/
 rlung yab ces bya ba rma bya'i sgro las byas pa rlung yab nus pa'i rnam par byas pa dag gis te/ de dag dang dal gyis legs par g.yob cing/ sgeg pa dang bcas pas gyen du bteg pa gang yin pa de ni dal gyis legs par g.yob pa'o/ /de bzhin du rdzi char bser bu dang ldan
 par byas te/ rdzi char dang bser bu bsil pa'i bya ba byed pa dang ldan par g.yob par bya'o/ /de bzhin du ga pur gyis bsgos pa'i mal+li ka ni/ ga bur gyi mal+li ka ste/ de'i phreng ba ni/ ga pur mA li ka'i phreng ba zhes bya ba 'am/ yang na mal+li ka khyad par can gyi phreng ba la de skad
 ces bya ste/ de gdags pa dang/ de bzhin du mu tig do shal ni mu tig gi rgyan chun 'phyang zhes bya ba ste/ tsan dan dkar po dang bcas par gnas pa la de skad ces bya'o/ /de bzhin du byis pa yid du 'ong bar smra ba dang/ ne tso dang sha ri ka la sogs pa sgra yid du 'ong ba sgrog
 pa dang/ /de bzhin du chung ma gdu pu pad+ma'i rtsa ba ltar dkar ba thogs shing/ pad+ma'i 'dab ma rgyas pa ltar bzhin ras shin tu mdzes pa de la 'di lta bar ni/ pad+ma can gyi 'gro ba 'dra zhes bya ste/ pad+ma can gyi mtsho 'gro zhes bya ba lta bur blta zhing dga' ba bskyed par bya'o//
 dbyar gyi spyod pa smras pa ni/ /mthu 'phrog pas ni na ba'i lus/ /dman pa las kyang dman 'gyur te/ dbyar gnod pas zhes bya ba ni/ dgun smad nas so ka'i bar dus gsum po ni/ mthu 'phrog pa'i dus yin te/ mthu 'phrog pa'i dus des/ na zhing nus pa 'bri ba'i
 lus gang yin pa de ni/ mthu 'phrog pa na ba'i lus su shes par bya'o/ /de mi dman pa las sngar dman zhing/ zhen par gyur pa las kyang/ yang dbyar gyi nyes pa rlung la sogs pas 'khrugs shing zhum pas dman pa nyid du 'gyur ro/ /gnod 'gyur
 te/ mkha' la sprin 'dus chu yis brlan/ /chu thigs bcas pa'i rlung dbang ni/ /grang ba drag pos ldang ba dang/ /sa yi rlangs pa skyur ma ni dang/ /chu ni rnyog ma can dag gis/ me drod chud pas gnod par byed ces bya ba ni/ nyes pa de dag gnod par 'gyur zhing/ sdug
 bsngal bskyed pa nyid du 'gyur ro/ /gang gi tshe zhe na/ mkha' la sprin 'dus chu yis brlan zhes bya ba ste/ chu yis rgyas pa'i char sprin mkha' las 'dus par gyur pas/ gang chu thigs phra mo dang bcas pa'i rlung drang mo drag cing shugs che bar ldang ba dang/
 de bzhin du sa'i ngang pa byung zhing khug rna byung ba dang/ de bzhin du skyur ba'i rnam par smin zhing mthu skyed pa dang/ de bzhin du chu rnyog pa dang bcas shing bram yod pa dag gis/ me drod chung bar byed pas nyes pa de 'phel bar 'gyur ro/ /phan tshun gnod pa de la ni/
 drod zhing me yi stobs bskyed pa/ thun mong gang yin bsten par bya zhes bya ba ni/ phan tshun gcig la gcig gnod par byed pa'i dang tshul can gang yin pa de ni phan tshun gnod pa ste/ gcig la gcig gnod par byed pa ni rang gi ngo bo las nyams par byed pa yin no/ /tshul 'dis phan tshun gnod pa dag la ni/ rlung la sogs pa'i thun mong gi nyes pa sum char sel bar byed pa'i bza' ba dang btung ba dang/ sman la sogs pa bsten cing goms par bya'o/ /de yang ngo zhing pho ba'i me drod skyed par byed pa/ tsha ba lnga la sogs pa bsten
 par bya'o/ /spyad bas lus ni dag byed pa/ /zas ni yang brag khu bar bza' / /skam sa'i srog chags sha khu dang/ /sbrang rtsi can ni rnying la btung/ /zhes bya ba ni slon sman la sogs pas las dag par byas shing/ nad la sogs pa bsal ba la bsten par bya'o/ /
 de bzhin du bas yang ba ste/ gsar thog dang khu ba ste/ sha khu la sogs pa dang sbyar ba bza' bar bya'o/ /skam sa'i srog chags kyi sha dang khu ba ste/ sran ma mud la sogs pa la sbyar ba'i khu ba'o/ /sbrang rtsi ni sbrang rtsi las byas pa'i chang gi khyad par te/ de yang rnying ba ste
 skyon med pa btung bar bya'o/ /dar ba kha ru tshar sbyar ba 'am/ tsha ba lnga yi phye ma can/ khron pa'i chu ni bskol ba phan zhes bya ba la/ dar ba'am kha ru tsha sbyar ba ni/ lan tshwa ba ru tsha zhes pa dang ldan pa'o/ /de bzhin du tsha ba lnga'i phye ma can nam/ yang na khron pa'i chu 'am/
 char chu bskol ba bsten par bya'o/ /tshar che'i dus su kha zas ni/ rab sgyur lan tshwa snum dang bcas/ /skam zhing sbrag rtsir ldan pa yang zhes bya ba ni/ shin tu char ches shing yul rmus pa'i dus su bza' ba'i kha zas ni/ rab skyur lan tshwa snum dang bcas zhes bya ba yin te/
 shin tu sgyur ba dang/ lan tshwa dang bcas pa'i kha zas gang yin pa de la de skad ces bya'o/ /skams ni phal cher skam po dang bcas pa'o/ /sbrang rtsi ldan pa ni snang dang bcas pa'o/ /yang ba ni rang bzhin gyis yang ba'am/ tshod zin par bza' ba ste/ de lta bu dag bsten par
 bya'o/ /de yang dus 'di'i tshe ni lus zung rnams shin tu sla bar gnas pa/ de bas na sla bas na bsrung ba nyid kyi sbrang rtsi'i nus ba der thim par 'gyur bas/ sbrang rtsis rlung skyed ma nus so zhes sman dpyad kyi lud 'chad pa rnams zer te/ de yang rlung can rlung ni 'khrug byed
 kyang/ /dbyar ni sbrang rtsi bsngags pa yin zhes smos pa yin no/ /rkang gis mi 'gro dri zhim byug /rtag tu gos ni spos kyis byug /khang bzang steng du bu mo bas la/ /char gyi zer spong gnas par bya zhes bya ba ni dbyar gyi dus de'i tshe rkang gis 'gro bar mi bya zhing kha na glang
 mo la sogs pa'i bzhon pa brten cing mtho bas 'gro bar bya'o/ /dri zhim byug ces bya ba ni ga pur dang gur kun la sogs pas lus la byug pa dang/ dus rtag tu gos la spos kyis bdug pa dang/ a ka ru la sogs pa'i bdug pas gos la bdug cing bsgo bar bya'o//
 khang steng zhes bya ba ni khang thog ste/ der ba mo la sogs pas mnyen par gnas par bya'o/ /rlung chu dang sbyar skyo ma dang/ nyin gnyid rtsol dang nyi tshan spang zhes bya ba la/ dbyar gyi dus der chu bo rnams kyi chu dang phyer sbyar ba la/ mar dang bcas pa mi
 btung ngo/ /de bzhin du nyin par gnyid log pa dang/ rtsol ba ste drag shul gyi dal bag dang/ nyi tshan de nyi ma'i 'od zer spang zhig dor bar bya'o/ /ston gyi dus kyi spyod pa smras pa ni/ dbyar lus bsil bar gyur pa la/ 'phral du nyi zer gyis gdugs pa/ char 'bab
 tshe na bsags pa yi/ /mkhris pa ston ni ldang bar 'gyur/ /de bsal phyir ni sman mar kha/ /bkru sman btang dang gtar ga zhes bya ba ni/ dbyar lus bsil bar gyur cing/ /char gyi grang ba'i bdag nyid can du gyur pa la/ 'phral du zhes pa ni mod la/ ston gyi
 dus la bab pa na/ nyi ma'i 'od zer tsha ba rnams kyis gdungs shing/ dros bar gyur pa'i skyes bu la ni char 'bab tshe na zhes pa dbyar gyi tshe na bsags shing rang gi gnas su 'phel bar 'gyur ba'i mkhris pa ston ldang bar 'gyur te/ rang gi nus pa lhag pas rang
 gi gnas nas gzhan du song ste/ skye bo mi bsrun pa ltar gnod par byed par 'gyur ro/ /de bas na mkhris pa de bsal bar bya ba'i phyir/ sman mar kha bo tik+ta dang ru rta dang sbyar ba bsten pa dang/ bkru sman btang zhing khrus bya ba dang/ gtar ka bya ste/ khrag gdon
 pa la sogs pa bya'o/ /kha dang mngar dang bska ba dang/ /bkres tshe zas ni yang ba bza' / /'bras can mung+ga skyur ru ra/ /sbrang rtsi skam sa'i po ta la/ /zhes bya ba la nam bkres par gyur pa na/ bza' i rnam pa kha ba dang/ mngar ba dang/ bska ba dang/ yang
 ba bsten cing bza' bar bya'o/ /de bzhin du 'bras sA lu'i chen dang/ mung+ga ste/ mon sran sde'u dang/ sha ka ra dang/ skyur ru ra dang/ sbrang rtsi dang/ skam sa nas skyes pa'i srog chags kyi sha dang/ pa to la'i chod ma bza' bar bya'o/ /nyi ma'i zer gyis gdungs
 ba dang/ /zla ba'i 'od kyis bsil byas la/ /ri Shi shar bas dug med pa/ /nyin mtshan gnyis kar sbyang chu btung/ /dang ba dri med chu zhes pa/ /dri med dri ma sel 'gyur ba/ /mi 'brug rtsub ba ma yin pa/ /btung ba la sogs bdud rtsir mtshungs/ /zhes bya ba la/ yang ston
 ka'i dus de'i tshe/ nyin mo nyi ma'i 'od zer gyis gdungs shing rnam pa thams cad du tsha bar gyur pa dang/ mtshan mo zla ba'i 'od zer gyis bsil zhing grang bar byas pa ste/ de ltar dus kyis bcos shing smin par byas pa dang/ ri Shi shar bas dug med pa zhes pa/ skar ma'i
 ri Shi zhes pa shar ba na/ dug med pa ste/ de shar bas bar snang las 'ba' cing byung nas chu bo dang/ rdzing pu la sogs par gnas pa'i gnod pa rnams ston gyi tshe dug med pa nyid du byed pas ni de skad ces bya'o/ /khron pa'i chu ni ma yin te/ de ni thams cad du dug med
 pa yin no/ /dad pa'i dri med chu zhes pa ni/ /nyi ma dang zla ba dag la bya ste/ de gnyis kyis bsten cing dri ma med la rdul dang bral ba ni/ dri ma zhes pa rlung la sogs pa sel zhing/ 'dzoms par 'gyur ba yin no/ /mi 'brug ces bya ba ni chu mig ltar de snum zhing lci
 ba ma yin pas/ bad kan skyed par mi byed la/ 'brug pa ma yin pa nyid kyis rtsub pa yin no/ /btung ba la sogs pa zhes bya ba ni/ bza' ba dang btung ba dang khrus la sogs pa yin no/ /bdud rtsir mtshungs pa ni bdud rtsi'i rgyu yin pa'i phyir ro/ /nyes par btu 'khrugs pa
 rnam par bzlog pa'i phyir dang/ ma 'khrugs pa dag kyang zhi ba dang rjes su mthun pa'i rgyu yin pa'i phyir yang bdud rtsi dang 'dra ba yin no/ /tsan dan u shir ga bur dang/ /mu tig 'phreng ba mdzes pa 'bar/ /steng khang rdo thal bskus pa la/ /zla 'od ma chen mo dang po bsten/
 zhes pa la mtshan mo'i dang po ni mtshan mo'i thun dang po'i dus ste de la tsan dan la sogs pa bsten par bya'o/ /mdzes par 'bar zhes ni mdzes pa nyid do steng khang ni khang pa'i rtse mo'o rdo thal gyis bskus pa ni rdo thal bzhin du dkar ba ste rdo thal gyis dkar ba 'am dkar
 bsten par bya'o/ /zla 'od ni snang ba nyid do/ /ba mo thal ba tshim pa dang/ /til mar zho zhag nyi ma dang/ /chang rnon nyin bar thal ba dang/ /mdun gyi rlung ni yongs su spangs/ /zhes pa la ston gyi dus de la ba mo ni zil pa'o/ /thal ba ni nas tshig khrus pa'i thal
 pa la sogs pa dag go tshim pa ni doms pa'o/ /zho ni 'o ma'i rnam par 'gyur pa'o/ /til mar ni til las byung ba'o/ /zhag ni sha ma 'dres pa'i snum mo/ /nyi ma ni nyi mas yongs su bdungs pa'o/ /chang rnon po dang nyin par nyal ba dang/ mdun gyi rlung ni sdun gyi phyogs
 nas 'ongs ba'i rlung ngo/ /yongs su spang ba ni yongs su dor ba'o/ /dbyar grang dang po'i ro gsum dang/ /dpyid ni tha ma'i gsum bsten bya/ /sos ka'i dus su mngar ba ste/ /ston ni mngar kha bskab yin/ /grang ba'i dus ni dgun stong dgu na smad dang dbyar gyi dus
 ni dang po'i ro gsum ste mngar ba dang skyur ba dang lan tshwa bsten par bya'o/ /dpyid ni dpyid kyi dus ni ste de la ni tha ma'i ro gsum po tsha ba dang kha ba dang bslab pa bsten par bya'o/ /sos ka ni dpyid kyi dus ste de la ni mngar ba ste mngar ba'i de nyid bsten bya'i stan ni mngar
 la bska ba'i ro gsum bsten par bya ba yin zhes rjes su 'brang ba yin no/ /ro de dag ni phal cher nye bar sbyar ba yin gyis/ de'i tshe ro gzhan ni nye bar sbyar ba ma yin te/ de ltar yang bsdus pa las/ rtag tu ro rnams kun bsten kyang/ /rang rang dus su ro lhag bsten
 zhes 'byung ngo/ /ston dpyid gnyis la rtsub pa dang/ /sog ston gnyis bsil ba dang/ /bza' dang btung ba mdor na ni/ /de las gzhan du bzlog pa yin/ zhes pa la ston dpyid kyi dus gnyis la ni bza' ba dang btung ba rtsub pa brten par bya'o/ /dpyid ston gnyis
 zhes pa ni tsha ba dang sprin dangs ba'i dus su de la ni bza' ba dang btung ba bsil ba bsten par bya'o/ /mdor na ni mdor bsdus pas bdag gis 'di skad ston te/ de las gzhan pa'i dus ni ston dag dpyid kyi dus su bza' ba dang btung ba rtsub pa bsten pa las gzhan pa'i dus
 te dgun stod dang dgun smad dang so ka dang dbyar gyi dus su bsten pa'o/ /des na 'di skad ston pa yin te/ dgun stod dang dgun smad dang dbyar gyi dus la ni snum pa dang dro ba'i bza' ba dang btung ba'o/ /dpyid ni rtsub pa dang dro ba'o/ /ston ni bsil ba dang rtsub pa'o/ /so ka ni snum pa dang
 bsil ba yin no/ /bza' ba dang btung ba sngar bstan pa bzlog pas snum pa bsten par bya'o/ /de bzhin du bsil dbyar ba'i bza' ba dang btung ba tsha ba dang/ sprin dangs pa'i dus su bstan pa las ldog pa dra ba'i bza' ba btung ba gzhan du dus gzhan du dgun stod dang dgun
 smad dang dbyar dang dpyid la bsten par bya'o/ /gzhan du dus gzhan la so ga'i snum pa'i bza' ba dang btung ba bsten par bya'o/ /dus kyi dang po'i tha ma yi/ /zhag bdun dus mtshams yin zhes bya/ /zhes bya ba la sogs pa slob dpon kha cig gis 'dir byung ba yin no//
 zhes byas nas rgya cher ni ma bshad do/ /de bzhin du gzhan yang tshig mang po bsdus pa las smra ba la 'dir bstan pa de dag kyang bdag gis lung nyams su dogs pas bshad do/ /gzhan yang thun mong gi yul la ni khams mnyam pa yin no/ /so sor 'di dag ni nges
 pa yin te/ 'di lta ste/ dus 'di la ni 'di ni bsten par bya'o/ /'di ni bsten par mi bya'o/ /zhes bya ba yin no/ /yul gsher sa'am dgon du mal ni khams mi mnyam pa yin te/ khams mnyam pa bskyed par bya ba'i phyir lus dang yul dang rjes su mthun
 par shes par byas nas dus kyi cho ga gzhan la'ang dus kyi rjes su bsgrub par bya'i/ ji ltar rnam pa thams cad kyis thams cad bsgrub par bya ba ni ma yin no/ /'di'ang dus su spyod pa la bltos par mi bya ste/ de ltar yang yan lag brgyad pa la 'jug pa'i gnas
 yin no zhes sbyar bar bya'o/ nad pa nyam thag pa la ni dus la mi bltos te de dag kun tu spyad par bya ste/ nad dang dus dang nyams stobs chung las sbyar ba byas na bzang pa yin no/ /yan lag brgyad pa'i snying po'i 'grol ba tshig gi don gyi zla gzer zhes bya ba/ slob
 dpon zla ba la dga' bas rnam par sbyar bas las/ le'u gsum pa'i rnam par 'grel pa'o// //de nas nad mi 'byung bar bya ba'i dpyad kyi le'u bshad par bya'o zhes bya ba ni/ dus su spyad par bya ba'i le'u bshad pa'i 'og tu/ nad mi
 'byung bar bya ba'i le'u brtsams pa yin te/ de yang gang gi phyir ji skad du bshad pa'i dus su dpyad par bya ba'i cho ga ji lta ba bzhin du/ rang rang gi dus su spyad cing nyams su blang ba la spyod par byed du zin kyang/ bshang ba dang gci ba la sogs pa'i shugs
 bkag pas/ de dang rjes su mthun pa'i nad 'byung bar 'gyur ba yin la/ de yang dus su spyad pa'i cho ga las gzhan du log par spyad pa 'dra ba yin te/ de bas na 'di'i rtsom pa byas pa yin no/ /de la nad ni lus dang sems la gnas pa'i bye brag gis
 gnyis su bshad pa yin la/ de rnams mi 'byung bar bya ba le'u ga na yod pa de bshad par bya'o zhes pa ste/ 'di ni tha mal bar nad med par gnas pa'i dbang du byas pa yin te/ tha mal par gnas par gyur pa des nyin re spyad pa'i le'u las bshad
 pa'i/ bya ba'i cho ga nyams su blang par bya ba dang/ de bzhin du dus su spyad pa'i le'u las bshad pa rnams spyad do/ /de bzhin du nad 'byung bar 'gyur ba spang ba la ni/ rlung la sogs pa shugs bkag pa dang/ nan gyis btsir ba la sogs pa
 yang mi bya ba la spyad par bya ba yin pas na/ de'i phyir smras pa ni/ phyi'i dbugs bshang gci sprid pa dang/ bkres skom gnyid dang lus ngal dbugs/ /glal dang mchil ma skyugs pa dang/ /khu ba'i shugs ni dgag mi bya/ /zhes bya ba yin te/
 rlung la sogs pa'i shugs dgag par mi bya'o/ /ngal dbugs zhes bya ba ni/ ngal zhing dub pa las byung ba'i dbugs ni ngal ba'i dgugs te de mi dgag pa'o/ /shugs zhes bya ba ni khu ba'i bar de dag 'byung ba la/ rjes su phyogs par
 gnas pa nyid ni shugs zhes bya ste/ shugs de dag dang 'brel pa de nan gyis dgag par mi bya'o/ /de la rlung ni gtso bor gyur pa yin la/ des na de bkag pa las byung ba'i nad ni shin tu bzlog par dka' ba'i nyes pa yod pa'i 'jigs pas dang por bstan
 pa yin te/ de'i phyir smras pa ni/ phyen ni bkag par gyur pa yin/ /skran dang rtug skam gzer snyoms lci/ /phyen dang bshang gci khong du 'gags/ /mig rtul drod chung snying nad 'gyur zhes bya ba ni/ bshad sgo nas byung ba'i 'og gi rlung bkag pas/
 skrad la sogs pa'i nad 'byung bar 'gyur ro/ /rtug bskams ni bshad pa la sogs pa rang gi gnas las gyen du 'phags shing gnod par byed pa'o/ /gzer ba ni lto kun tu gzer ba'o/ /snyoms zhing lci ba ni lus zhum zhing khong lci ba'o/ /phyen dang bshang
 gci khong du 'gag pa ni phyir mi 'byung ba'o/ /mig rtul zhing drod chung ba ni mig la gnod cing khong pa'i me drod 'bri ba'o/ /snying nang ni snying nad kyis 'debs pa'o/ bshang 'gags byin pa'i nywa 'gyur zhing/ /cham pas 'debs shing klad pa na/ /khar ni
 mi gtsang 'byung ba dang/ /sngar bshad nang duAng 'gyur ba yin zhes bya ba ni/ bshang ba zhes pa slad pa chen po'i gags pas byin pa'i nywa 'gyur bar 'byung ste/ nywa zhes bya ba ni byin pa'i rgyab kyi cha'i sha zlum por gnas pa la bya la/ de gnyis 'gyur ba ni
 ldog pa ste/ lag pa la sogs pas mnyes pa lta bur 'gyur ba'o/ /cham pa ni sna nas snabs 'dzag pa'i rlung nad do/ /klad pa na ba ni mgo na ba'o/ /de bzhin du khar mi gtsong ba 'byung ba ni kha nas bshang ba 'byung ba'o/ /sngar bshang nad ni phyen 'gags pa
 las skran la sogs pa'i nad du 'gyur bar bshad pa ste/ de yang 'byung bar 'gyur ba'o/ /gcin 'gag pa yis yan lag na/ /rde'u chu so pho mtshan dang/ /dku yi nang na sngar gyi nad/ phal cher 'byung ngo zhes bya ba ni gcin 'gags pa las yan lag
 na ba la sogs pa 'byung bar 'gyur ro/ /de la yan lag na zhes pa ni/ yan lag rnams bcug pa snyam pa 'am/ gcus shing bcir ba snyam du sems pa'o/ /rde'u ni gcin bsi ba'i nad gzhi'i skabs nas bshad pa'o/ /chu so la sogs
 pa'i nad la chu so ni gcin kyi gnas so/ /mtshan ni pho mtshan no/ /dku'i nang ni brla phugs kyi mtshams so/ /'dis ni nad 'di dag 'ba' zhig 'byung bar ma zad kyi/ sngar phyen la sogs pa bkag pa las byung ba'i nad skran la sogs pa 'ang gcin 'gags pa
 las 'byung bar 'gyur ro/ /phal cher zhes smos bas ni sngar gyi nad thams cad 'byung bar 'gyur ba ni ma yin gyi/ ci zhig ce na la la ni 'byung la la ni mi 'byung ngo zhes pa'i don te/ phal cher zhes smos pa'i don ni cung zad ma tshang ba nyid du ston pa yin no/ /de lang lung las/
 phal cher sgra ni khyad par don cung zad ma tshang bston zhes 'byung ba yin no/ /phyen la sogs pa'i shugs gsum po de rnams bkag pa'i sman spyi tsam du smras pa ni de'i sman/ red bu bsku byug lus bcing dang/ dugs dang sman mar mas btang ba'o zhes bya ba
 yin te de'i zhes pa phyen dang bshang ba dang gci ba 'gags pa las 'gyur ba'i sman zhes pa/ gso ba'i thabs su gyur pa'i sman ni reng bu la sogs pa yin te/ de la reng bu ni po son cha dang/ khang pa'i dud pa dang/ lan tshwa la sogs pa la byas pa'i reng  
 bu ste 'og nas bshad pa yin no/ /bsku byug ni til mar la sogs pas byug pa'o/ /lus bcing ba ni sman rnams bskol ba'i chu dang/ til mar la sogs pas bkang ba'i zangs sam/ gzhong ba chen po zabs ring ba'i nang du lus bcing ba'o/ /dug ni sro ba la
 sogs pa rnam pa bzhi po 'og nas bshad pa'o/ /sman mar mas btang ba ni/ sman dang bsgol ba'i til mar la sogs pa bshang sgo nas bcug pa'o/ /'di dag ni gsum char la yang thun mong yin no/ /zas skom bshang ba 'gags pa dang/ bshang bkag
 las byung glo gcong mtshungs zhes bya ba ni/ gang bshang bkag pa las byung glo gcong byin pa'i rwa 'gyur ba la sogs pa ni/ bshang gci 'gags pa la phan pa'i zas dang skom sbyar bar bya ste/ de ni nas thug dang/ zan dron po dang/ ma sha dang/ mung+ga dang/ rgya sne'u yi
 tshod ma mthug po'i sha dang bcas pa dang/ chang bska ba dang zhog chu dang/ 'bras kyi khu le rang skyur la sogs pa yin no/ /chu 'gags pa la mar sar ni/ che tshad tsam ni rab tu sbyar zhes bya ba yin te/ gcin bkag pa las byung ba'i nad/ yan lag na ba la sogs
 pa rnams la ni mar sar che tshad tsam sbyin par bya ste/ che tshad kyi sgra ni gang/ nyin mtshan cig gi 'ju bar 'gyur ba'i snum gyi tshad che ba la bya ste/ de yang zas ma zos ba'i gong du 'am/ zas zhu ba'i rjes la sbyin par bya'o/ /de yang bsdus pa las/ mar ni dang
 por bza' bar bsngags/ /'ju mthar tshad ni chen po'ang rung zhes bshad pa yin pas sbyor ba de gnyis ltar bya ba yin no/ /de ltar zas kyi sngar ram/ zhu ba'i rjes la bya ba gnyi ga la che tshad tsam gyi sgrar bshad do/ /sgregs pa bkag na yig 'chus/ /lus
 'dar snying dang srang 'gag na/ /spom zhing lus la skyigs bus 'debs/ /de'i sman skyigs bu dag dang 'dra zhes bya ba yin te/ /sgregs pa bkag pas yi ga 'chus pa la sogs pa 'byung bar 'gyur ro/ /de la yi ga 'chus pa ni zas la mngon par mi dga' 
 pa'o/ /lus 'dar ba ni mgo dang lag pa la sogs pa 'dar ba'o/ /snying dang brang 'gags shing na ba ni/ snying dang brang gi dong kha dog sbubs kyis 'gags shing rengs pa snyam sems pa'o/ /sbo ba ni lto ba rlung gis khengs pa'o/ /lud pa dang skyigs bu ni
 rang gi mtshan nyid kyi skabs su 'og nas ston to/ /de'i zhes pa yi ga 'chus pa la sogs pa de rnams te/ gso ba'i cho ga ni skyigs bu dag dang 'dra zhes bya ba yin te/ 'og nas skyigs bu gso ba'i le'u las bshad pa dang 'dra'o/ /sbrid 'gags mgon
 dbang mi rno/ /gnye'u rengs ba yo 'gram chag 'gyur/ /dud rnon gyis bdug mig sman dang/ /sna sman nyi ma blta ba yis/ /sprid ba 'gag pa bsal bya zhing/ /snum dang dug kyang bsten par bya/ /zhes bya ba ni/ sprid pa 'gags shing mnags bas/ mgo
 nad la sogs pa 'byung bar 'gyur ro/ /mgon ba ni klad pa na ba yin no/ /dbang po mi rno ba ni mig la sogs pa nyam chung zhing rang gi yul 'dzin par mi nus pa'o/ /gnye'u ni gnad pa gnyis 'dus pa la bya la/ de dag rengs pa ni 'gyur mi shes bar byas pa'o/ /kha
 yo ba ni rlung gi kha yon por byas pa'o/ /'dir sprid pa 'gags pa la dud pa la sogs pas sprid pa dbyung bar bya'o/ /de la dud rnon ni 'og nas bshad par bya'o/ /mig sman ni pi pi ling la sogs pa sman rnon po'i mig sman dang/ sman rnon po'i phye ma sna nas
 rdub ba'i sna sman dang/ nyi ma lta ba ni sprid pa dbyung ba'i phyir nyi ma la blta ba ste/ 'di dag bya ba dang/ de la snum dang/ dugs dag kyang bsten cing goms par bya'o/ /skom 'gags pas na kha skams shing/ /yan lag mi bde rna mi gsal/ /mgo 'khor
 myos shing snying nad 'byung/ /der bsil chog thams cad phan/ /zhes bya ba ni/ skom pa las 'gags shing brnags pas kha skams ba la sogs pa'i nad 'byung bar 'gyur ro/ /de la kha skams pa ni shas cher kha bskams bar gyur pa'o/ /yan lag
 mi bde ba ni rkang lag nus zhen cing snyom pa'o/ /rna ba mi gsang ba gnyis kyis sgra mi thos pa'o/ /mgo 'khor ba ni 'khor lo la bskyon pa snyam du sems pa'o/ /myos pa ni dran pa'o/ /snying nad ni snying ga na ba'o/ /der zhes bya ba ni nad de rnams la'o/ /bsil
 ba'i chog thams cad phan zhes bya ba ni bza' ba dang/ btung ba la sogs pa'i chog bya ba thams cad bsil bar byas pa phan zhing gnod pa sel ba yin no/ /bkres pas lus shig yi ga mchus/ lus snyoms nyam chung gzer mgo 'khor/ /de las zas yang snum
 dro dang/ chung bdag ni sbyar bar bya zhes bya ba ni/ shas cher bkres pa brnags pa las/ lus zhig pa la sogs pa'i nad 'byung bar 'gyur ro/ /lus zhig pa ni lus bcom pa snyam sems pa'o/ /yi ga chus pa ni yi gar mi 'ong ba'o/ /lus snyoms pa
 ni gzengs dma' ba' o/ /nyam chung ba ni sbeg pa'o/ /gzer ba ni dug? cing? na ba'o/ /de la zhes bya ba ni nad rnams la'o/ /zas yang ba ni 'bras sA lu rtsa nar la sogs pa yang ba las byas pa sbyin zhing spyad pa dang/ de bzhin du snum ba ste/ mar dang sha la sogs pa dang
 ldan pa dang/ dro ba ste cha zhing legs par tshos pa dang/ chung pa ste ran cing chung ba'i tshad tsam sbyin no/ /gnyid bkag khong myos spyi bo mig /lci zhing snyoms la glal gnyid 'ong/ /lus zhig snyam sems de la ni/ /gnyid log lus mnye phan pa yin zhes bya ba ni/
 gnyid bsgags shing brnags pas khong myos pa la sogs pa 'byung bar 'gyur ro/ /khong myos pa ni mi dran pa mnyam byed pa'o/ /spyi bo dang mig lci ba ni ljid che ba snyam sems pa'o/ /snyoms pa ni nyam chung zhing rmya ba'o/ /glal 'ong ba ni yan lag skyong ba dang
 bcas par kha gdangs pa'o/ /lus zhig snyam sems pa ni lus brdungs pa mnyam sems pa'o/ /de la zhes pa ni nad de rnams la'o/ /gnyid log ces pa ni bde bar gnyid kyis ngoms par byas pa dang/ de bzhin du lus mnye ba ste/ bde bar byas nas lus
 legs par mnyes ba ste/ de dag phan zhing 'dod bar bya ba yin no/ /lud pa bkag pas de 'phel zhing/ /dbugs mi bde zhing yi ga 'chus/ /snying nad skems byed skyigs bus 'debs/ /der ni lud bsal cho ga bya/ /zhes bya ba ni lud pa bgas shing brnags
 pas lud ba de nyid 'phel bar 'gyur ba dang/ dbugs mi bde ba dang/ yi ga 'chus pa dang/ snying nad 'byung bar 'gyur ba dang/ de bzhin du skem byed ces bya gcod chen po dang/ skyigs bus bdebs par 'gyur ro/ /der nad 'di dag lud pa bsal ba ste/ lud
 pa gso ba'i skabs nas bshad pa'i cho ga shin tu 'bad de bya'o/ ngal dub dbugs ni bkag pa las/ /skran dang snying nad myos par 'gyur/ /de la ngal gso bya ba dang/ rlung sel bya ba'i cho ga phan/ zhes bya ba la ngal zhing dub pa'i dbugs ni rtsol
 ba la sogs pa la brten pa las/ gang 'phral du byung ba'i dbugs de 'gags pa las/ skran dang glo snying gi nad dang/ myos shing mi dran pa 'byung bar 'gyur la/ nad de rnams la bde bar ngal gso zhing/ rtsol ba la sogs pa spangs la/ lus la bskyod
 pa dang/ de bzhin du rlung sel ba'i bya ba/ cho ga rlung gi nad 'joms par 'gyur ba'i gso ba'i rim pa phan pa yin no/ /glal bkag nad ni sprid bkag mtshungs/ /cho ga thams cad rlung 'joms bya zhes bya ba la/ glal 'ong ba bkag cing brnags pas/
 sprid pa bkag pa dang 'dra ba'i nad thams cad de/ klad pa na ba dang/ dbang po mi gsal ba la sogs pa 'byung bar 'gyur la nad de rnams la ni cho ga thams cad rlung 'joms shing sel ba'i cho ga rnams bya'o/ /mchi ma bkag pas mgo snying na/ /gnya'
 rengs yi ga 'chus mgo 'khor/ /skran bcas sna chu 'jag gyur der/ /gnyid ngoms chang btungs gtam snyan phan zhes bya ba ni/ mchi ma bkag pa las mgon pa la sogs pa dang/ skran dang bcas shing sna chu 'dzag par 'gyur ro/ /mgon ba la
 sogs pa ni bshad zin to/ /der zhes bya ba ni nad de rnams la/ gnyid log pa dang/ rgun chang la sogs pa btung ba dang/ gtam snyan ba ste/ chos la sogs pa dang 'brel cing/ yid dga' bar 'gyur ba'i gtam rnams gnyan pa phan pa yin
 no/ /skyug bro brnags pas me dpal mdze/ /'bras dang mig nad g.yan pa rims/ /skya rbab lud pa dbugs mi bde/ /dang ga ro stod mi bde skrangs/ /der kha bkang dbo dud smyung gnas/ /rtsub zes de nyid skyug pa dang/ /rtsol dang myur bar gtar
 ga gdab/ /bkru sman btang ba'am bsngags ba yin/ zhes bya ba ni/ skyugs shing slon bro pa 'gags shing brnags las mi dpal la sogs pa lud pa dang bcas pa 'byung bar 'gyur ro/ /de la me dpal na nad gzhi'i skabs nas bshad par bya'o/ /mdze na pags pa'i
 'gyur pa'o/ /'bras ni sha'i steng du 'khor lo dmar por 'byung/ /mig nad la sogs pa ni rang rang gi le'u las bshad par bya'o/ /ro stod mi bde ba ni kha ma gtogs pa gzhan dag du sngon po thal thil 'byung ba'o/ /dang kha mi bde ba ni snying khar 'chang ba snyam pa byed
 pa'o/ /nad de rnams la ni kha bkang ba ste/ sman bskol ba'i khu bas kha bkang zhing dbo ba dang/ dud pa rnon po dang/ smyur bar gnas shing zan bcad pa dang/ de bzhin du zas rtsub pa zos la de nyid skyugs pa byas pa phan pa yin no/ /de bzhin du rtsol ba ste/ lus
 dub par byed pa'i las rnams dang/ nyung ba nyid du gtar ka gdab cing khrag dbyung ba dang/ de bzhin du bkru sman bya ba ste/ a ru ra dang/ sbrang rtsi la sogs pa dang/ khrus bya ba bsngags shing phan pa yin no/ /khu ba bkag pas de 'dzag dang/ /pho mtshan nad
 dang 'or nad rims/ /snying nad chu 'gags lus zhig dang/ /rde'u 'phel dang ma ning 'gyur/ /de la khyim bya'i sha dang chang/ /'bras chan mas btad lus bcing dang/ /chu so nad bsal til mar bcos/ /'o na bud med gzhon bsten phan/ /zhes bya ba ni khu ba
 'byung ba bkag pa las khu ba de nyid 'jag cing 'byung bar 'gyur ba dang/ pho mtshan na bar 'gyur ba dang/ 'or nad dang rims nad dang/ snying nad 'byung ba dang/ chu 'gags pa ste/ gcin 'gags par 'gyur pa dang/ lus na zhing zhig pa snyam sems pa dang/
 rde'u 'phel ba ste gcin 'gags ba'i rde'u 'phel ba dang/ ma ning ste bud med rnams la nyal mi nus shing dga' ba med par 'gyur ro/ /de lta bu'i nad de la ni khyim bya'i sha la sogs pa bsten par bya'o/ /khyim bya ni grags par zad do/ /chang ni dangs ma 'am
 bska ba'o/ /'bras chan ni 'bras dmar po la sogs pa'i tshan no/ /mas btang ba ni bkru sman drag po mas btang ba'am/ /'jam rtsi dang/ mas btang ba gong ma'i dbye bas rnam pa gsum mo/ /lus bcing ba ni sman khus snod gang bar zhugs
 shing dugs bya ba'o/ /chu so'i nad bsal ba ni bkru sman rta dang/ gze ma dang/ dong gra la sogs pa til mar dang bskol ba dang/ 'o ma dang/ bud med gzhon zhing sdug pa bsten cing longs spyad pa phan pa yin no/ /shugs ni bkag dang brtsir ba yis/ /
 nad ni kun kyang 'byung bar 'gyur/ /shin tu mang po de yi phyir/ /gso dpyad mang po 'dir bshad do/ /zhes bya ba ni/ shugs bkag pa dang gtsir ba yis ni nad kun kyang zhes pa nad ma lus pa dag kyang 'byung zhing skye bar 'gyur te/ shugs bkag
 pa dag tu nad gang zhig smras pa de 'ba' zhig 'byung ba tsam du zad pa ma yin gyi/ rims la sogs pa gang yin pa ci yod pa thams cad skye bar 'gyur ro zhes bya ba ni kyang zhes bya ba'i sgra'i don yin no/ /gang yang nad shin tu mang po yod pa de'i phyir/ gso zhing
 bcos pa'i cho ga'i dpyad 'dir bstan cing bshad pa yin no/ /de las phal cher rlung du ma/ gang phyir 'khrug par gyur pas na/ /de phyir de zas skom dang sman/ /mnyam par 'gyur ba sbyar bar bya zhes bya ba la/ de las zhes pa ni shugs bkag pa dang/ btsir
 ba las phal cher zhes pa mang du rlung dag du mar zhes pa/ rnam pa du ma'i tshul gyis rab tu 'khrug par 'gyur zhing/ rnam par ldang bar 'gyur ba gang yin pa de'i phyir/ rlung des zas dang skyom dang sman mnyam par 'gyur ba zhes pa/ rlung snyom par 'gyur
 zhing lam log pa na gnas par rang gi lam la gnas bar byed cing/ gnod pa sel bar 'gyur ba de sbyar bar bya zhing spyad par bya'o/ /'di dang gzhan du phan 'dod bas/ /'dod chen phrag dog zhe sdang dang/ /ser sna 'dod chags la sogs shugs/ /
 rtag dkag dbang po thul bar bya zhes bya ba la yang/ skyes bu dbang po thul cing 'di dang gzhan la phan par 'dod pas/ yang chen la sogs pa la zhus pa'i shugs 'di dag rtag par dus thams cad du dgag bar bya'o/ /de la 'dod chen ni gzhan gyi rdzas rnams la re zhing 'dod
 pa'o/ /phrag dog ni gzhan gyi phun sum tshogs pa la mi bzod pa'o/ /zhe sdang ni srog chags rnams la rab tu sdang ba'o/ /ser sna ni ser sna can nyid do/ /'dod chags ni bud med la sogs pa la zhen pa'o/ /sogs pa'i sgras ni 'jigs pa dang khro ba dang/ g.yo rgyu dang/
 dregs pa la sogs pa bsdu ste/ de dag gi shugs rnam par bkag cing thul ba'i rang bzhin can nyid du bya'o/ /dri ma rnams ni sbyang ba'i phyir/ /ci bzhin dus su nan tan bya/ /de ni shin tu gsegs gyur na/ /shas cher 'khrugs pas srog rgyun gcod ces bya ba
 ni rlung dang mkhris pa dang bad kan dang/ bshang gci dang la sogs pa'i dri ma rnams sbyang bar bya zhing/ rnam par bsal bar bya ba'i 'bad pas nan tan du bya'o/ /gang gi tshe zhe na/ ji bzhin dus su zhes bya ba ste/ dus las ma yol bar ro/ /de ci'i phyir zhe na/ dri
 ma de rnams ni shin tu gsogs shing rang gi gnas su 'phel bar 'gyur na lan 'ga' zhig na zas dang spyod lam gyi tshul gyis 'khrug par 'gyur ba'i rgyu la brtan nas gang gi tshe shas cher 'khrugs shing dkyel du gyur pa de'i tshe/ dri ma 'khrug par gyur bas
 srog gi rgyun gcod par 'gyur zhing tshe 'phrog par byed par 'gyur te/ de bas na de rnams sbyang ba nyid du bya'o/ /'di ltar shin tu bsags pa'i zil gyis mnan pa'i thabs kyi gtso bo ni sbyang ba yin te/ gang gi phyir des shin tu myur bar zhi bar 'gyur la/ phal cher
 gsogs pa dag la ni rgyu ba dang/ gzhu bar byas pa yun ring por byas pa bsal te/ smyung ba dang bzhu bar byas pa dang/ de bsal ba'i cho ga'i gtso bo yin no/ /cung zad bsags pa la ni smyung ba nyid de bsal ba'i cho ga'i gtso bo yin no/ /de ltar na la lar ni sbyang ba gtso bo yin
 la/ la lar ni smyung ba dang bzhu bar bya ba dag go /la lar ni smyung ba nyid zil gyis gnon pa'i cho ga'i gtso bo yin la/ gang gi phyir de lta yin pa des na/ gzhung 'di brtsam pa rigs pa yin no/ /gnod pa smyung dang bzhu byas
 pas/ /bsal yang slar ni ldang srid kyi/ gang zhig legs par sbyangs pa dag /de ni slar yang 'byung mi 'gyur zhes bya ba ni/ rlung la sogs pa'i gnod pa rnams smyung bar bya ba dang/ bzhu ba byas pas bsal zhing rgyal bar byas su zin kyang/
 nam zhig na slar ldang bar 'gyur ba srid kyi/ yang gnod pa gang zhig slon sman la sogs pas dag par 'gyur zhing/ legs par sbyangs pa'i gnod pa dag pa'i gtso bos dag pa de rnams ni slar yang 'byung zhing skye bar mi 'gyur te/ rtsa ba nas
 bcad pa yin pa'i phyir/ de rnams slar skye bar mi 'gyur ro/ /de bas na smyung bar byas pa dang/ bzhu bar bya ba byas su zin kyang /sbyang ba bya dgos pa yin nam byas pa la de'i rtsom pa bya dgos pa lta smos kyang ci dgos/ de lta na smyung
 ba dang smin cing bzhu ba byas pa dag la yang sbyang ba'i rtsom pa bya dgos pa yin no/ /sbyang ba'i gnas dag la yang yul dang dus dang lus kyi stobs la sogs pa las dpags te smyung ba dang smin par bya ba rlung gis gnod par ma gyur pa'i tshul gyis brtsam
 par bya dgos so/ /dus shes pa yis de phan chad/ rim pa bzhin du ci rigs par/ /bcud kyis len rnams grub pa dang/ /rtsa ba'i sbyor ba sbyar bar bya/ /zhes bya ba ni dus shes pa'i mkhas pas sbyar bar bya ste dus la sogs pa gang gis shes
 pa de ni dus shes pa yin gyi dus tsam ni ma yin no/ /des na yul dang lus kyi stobs dang zas dang khu bcud dang rang bzhin dang snying stobs kyi tshul gang gis shes pa des de phan chad ces bya ba sbyang ba byas pa'i rjes thogs la rim pa bzhin du zhes
 bya ba go rim ma 'chol bar thug pa la sogs pa'i go rim zhag bdun gyi bar du byas nas de'i 'og tu lus kyi stobs kyi mthar phyin pa thob pa dang/ tha mal pa'i kha zas zos? nas de'i 'og tu ci rigs par zhes pa rigs pa dang mi 'gal bas bya ba ste bcud kyis
 lan 'di ni rlung gi rang bzhin can no/ /'di ni mkhris pa'i rang bzhin can no/ /'di ni bad kan gyi rang bzhin no zhes bya ba dang/ bcud kyi len de yang grub pa ste grub pa'i drang srong dag gis bshad pa yin gyi rad bzo ci dga' bas khu bcud dang yon tan dang nus pa'i
 mthu las dpags nas blo dang ldan pa'i sman pa rang nyid kyis yongs su brtags pa ni ma yin no/ /yang na grub pa zhes bya ba ni mang po'i mngon sum du gyur pas yid ches pa ste tshangs pa dang gnas 'jog dang ri Shi dang/ 'pho byed kyis sbyar
 cing longs spyad pa dag go /ro tsa ba'i sbyor ba zhes pa ni/ bud med la phod par bya ba grub pa rnams te de dag sbyar bar bya'o/ /sman rnams kyis ni lus sbyangs phan/ /sa lu drug cu ba dang gro/ /mutga sha dang mar la sogs//
 phan pa'i zas kyis lus brta zhing/ /yid 'ong drod bskyed smran sbyar ba/ /yi ga 'bye zhing 'ju byed dang/ /bsku zhing dril byis khrus bcas dang/ /drag po 'jam rtsi mas btang brta/ /zhes bya ba ni skyes bu sman
 gyis lus sbyangs shing skyug sman la sogs pas lus kyi nyam smad pa la lus brta bar bya ba'i phyir sA lu rtsa sna ra la sogs pa'i zas rnams dang bsku ba dang bcas pa la sogs pas rim gyis lus brta bar bya'i 'phral du ni ma yin no/ /
 phan pa zhes bya ba ni lus la phan par 'gyur ba'o/ /yid du 'ong ba yang yin la drod skyed pa'i sman yang yin pas na yid 'ong drod skyed sman te sge gsher dang pi pi ling dang/ na le sham dang/ se'u 'bru dang/ bi dza puA ra dang/
 dar ba rnying ba dang/ ce mang ci la sogs pa ste de dang sbyar zhing 'dres pa'i kha zas gang yin pa'i sbyor ba de bas yi ga 'bye zhing 'ju bar byed la zas 'dod cing smin par byed nus pa des brta ba dang/ lus
 bsku ba la sogs pa ni grags par zad do/ /drag po ni bkru sman drag po mas btang ba'o/ /'jam rtsi mas btang ba ste de dag gis brta bar bya'o/ /des ni me kun stobs ldan zhing/ /blo mdog dbang po dri ma med/ /de bzhin tshe ring ro?
 tsa dang/ /dpal dang gzi mdangs 'thob bar 'gyur/ /zhes bya ba ni de ltar rnam pa de dag byas shing bshad ma thag pa'i bya ba rdzogs pa des na skyes bu de dpal dang gzi mdangs thob par 'gyur ro/ /de bzhin du me kun zhes pa lus zungs rnams
 kyi me thams cad dang 'byung ba'i me rnams dang pho ba'i me drod stobs dang ldan zhing gsal la smin par bya zhing nus pa dang ldan par 'gyur te/ de ltar na me bcu gsum smin pa'i nus pa skye bar 'gyur ro/ /de bzhin du blo mdog dbang
 po dri ma med ces bya ba ste/ blo gros dang kha dog dang/ mig la sogs pa'i dbang po rnams dri ma med cing dang bar 'gyur ba dang/ /de bzhin du tshe ring ba ste/ /lhag par 'tsho bar 'gyur ba dang/ /de bzhin du ro tsa ba zhes pa zhu
 ba rnam par 'phel bas/ bud med la phod par 'gyur ba dang/ dpal dang gzi mdangs thob par 'gyur ro/ /'byung po dug dang rlung dang me/ /mtshon rmas chag grugs sogs byung dang/ /'dod chags zhe sdang 'jig sogs
 gang/ /de ni glo bur nad ces bya/ /zhes bya ba ni 'di dag ni glo bur ba zhes bya ste/ de yang gang 'byung pos mthong zhing zin pa dang/ dug gis reg cing zin pa dang/ gnod pa'i rlung dang/ me dang mtshon gyis rmas pa dang/ rdo la sogs
 pas yan lag chag grubs? su gyur cing/ nye bar bcom pa la sogs pa las byung par 'gyur ba gang yin pa dang/ de bzhin du 'dod chags dang/ zhe sdang dang/ 'jigs pa dang/ khong khro ba dang/ mi bzod pa dang/ brkam chags la sogs pa yid
 kyi nad du gyur pa gang yin pa ste/ de dag kyang glo bur ba'i nad ces bya ba yin par shes par bya'o/ /shes rab nyes pa spang ba dang/ /dbang po nyer zhi dran pa dang/ /yul dus bdag nyid shes pa dang/ /dam pa'i spyod pa'i rjes 'jug pa/ /lhan cig
 skyes dang glo bur nad/ /mdor na ma skyes pa'i phyir dang/ /skyes pa zhi bar bya ba'i phyir/ cho ga 'di ni bsten pa yin /zhes bya ba la/ shes rab kyi nyes pa yin pas na/ shes rab nyes pa ste/ dam pa ma yin spyod byed cing/ /bkag pa rnams la
 spyod pa ste/ lha'i mig dang ldan pa'i slob dpon rnams kyi rnam par bkag pa'i yul dag sten par byed cing/ bsgo zhing bstan pa'i don mi byed pa de lta bu ni shes rab kyi nyes pa yin te/ mdor na lus dang ngag dang yid kyi nyes par spyod par byed pa'o/ /
 de spang ba ni mi byed par gtong zhing spong ba'o/ /dbang po nye bar zhi ba ni mig la sogs pa'i dbang po rnams mi dge ba'i rang bzhin can gyi yul la 'jug pa las ldog cing nye bar zhi ba 'am/ yang na sgra la sogs pa'i yul la shin tu zhen pa las yang dag
 par sdom pa'o/ /dran pa ni sngar rjes su myong ba'i don yid la sems pa ste/ de yang dge ba dang mi dge ba'i tshul dran par byas nas/ len pa dang spong bar byed pa ste/ nyin dang mtshan du zhes bya ba la sogs pa rtag tu spyod pa'i cho ga las bshad
 pa'o/ /de bzhin du yul dus bdag nyid rnam par shes pa zhes bya ba ste ci skams dgon dung can yin nam/ rlan can yin nam/ 'on te cha mnyam pa yin/ ci rlung ni rang bzhin can nam/ 'on te mkhris pa'i rang bzhin can nam/ yang na bad kan gyi rang bzhin
 can yin zhes shes par bya ba dang/ de bzhin du dus shes pa ste/ ci 'di dgun stod yin nam/ 'on te dgun smad la sogs pa gzhan dag yin zhes pa dang/ 'di ni skad cig la sogs pa'i dus yin no zhes
 dang/ 'dir phongs par 'gyur ba dag kyang gzung bar bya'o/ /bdag ces pa ni rnam pa gnyis te/ de'i rang bzhin ni 'di yin te/ 'di langs brten par bya'o/ /'di la ni brten par mi bya'o zhes bya ba la sogs pa bdag nyid shes pa ni gcig yin no//
 gnyis pa ni mya ngan las 'das pa'i rang bzhin shes pa ste/ de med par 'dod chags la sogs pa'i nad gzhan dag gis bsal bar bya bar mi nus pa de shes par bya'o/ /dam pa'i spyod ba rjes 'jug pa zhes pa ni dam pa rnams kyi spyod par gyur
 pa gang yin pa de'i rjes su 'jug cing slob la nyams su len pa'o/ /lhan cig skyes pa ni lus las byung zhing/ lhan cig skyes pa'o/ /glo bur ba ni 'byung po la sogs pa dang/ /'brel pa las skyes pa'o/ /de lta bu'i nad kyi rnam par 'gyur ba des ma
 skyes pa rnams mi 'byung bar bya ba'i phyir dang/ de bzhin du lhan cig skyes pa dang/ blo bur ba'i nad skyes pa rnams zhi bar bya ba'i phyir/ cho ga 'di nyid mdor bsdus nas slob dpon gyis bstan cing bshad pa yin no/ /de bas na dri ma rnams ni sbyang pa'i phyir/ ji
 bzhin dus su nan tan bya zhes bstan pa yin no/ /'o na dus gang zhig yin zhe na/ de'i phyir 'dir smras pa yin te/ grang ba las byung nyes tshogs dbyid kyi tshe/ /rnam bsal so ga las byung dbyar dus na/ /dbyar bsags sprin bral dus su legs sbyangs na/ /dus
 gyur nad ni nam yang 'byung mi 'gyur zhes bya ba la/ grang ba zhes bya ba'i sgra ni dgun stod dang/ dgun smad gnyis kar gzung ngo/ /nyes ba rnams kyi tshogs yin pas na nyes tshogs te/ de'ang grang ba las byung ba'i nyes pa'i tshogs so/ /de ltar grang ba las byung zhing
 skyes pa'i nyes pa'i tshogs gang yin pa de ni dpyid kyi tshe rnam par bsal zhing bsal bar bya'o/ /de bzhin du so ka'i tshe bsags pa las byung ba'i nyes pa'i tshogs ni dbyar gyi dus na rnam par sbyang bar bya'o/ /de bzhin du dbyar bsags pa nyes pa rnams ni sprin bral dus te/ ston gyi dus la
 myur zhing rings par gso dpyad kyi bstan bcos las 'byung ba'i cho ga bzhin du legs par sbyangs shing rnam par bsal na/ dus las byung ba'i nad skyes bu de la nam yang 'byung zhing skye bar mi 'gyur ro/ /dpyid kyi tshe rnam bsal zhes smos pa 'dir ni dpyid zla 'bring po la gro
 zug pa kho na'i dus su sbyang bar bya ba yin par khong du chud par bya ste/ de ltar ma byas na bzlog dka' ba'i nyes pa yod de/ dus po 'di la bsags pa'i nyes pa'i tshogs sbyang bar bya ba'i dus la bab pa dag ni dus gzhan dag la bsdad pa na bsal bar dka' ba yin pa'i phyir
 ro/ /sos ka las byung dbyar dus na zhes bya ba'i skabs 'dir yang dbyar gyi dus rtsom pa nyid na yin par bya zhing/ ji srid drang ba dang/ rlung dang/ ba mo dang/ char gyi rgyun dang/ 'dres pa'i dus su ma phyin par bya ba yin no/ /dbyar bsags sprin bral
 dus zhes bya ba 'dir/ /dus gang gi tshe sprin dang shin tu bral zhing/ nam mkha' dang bar gyur pa ste/ ston zla ba nyis kyi phyi ma'i cha/ /ston zla tha chung yin pas shes par bya'i/ /'go rtsom pa la ni mi gzung ngo/ /de skad du gzhung rtsom par byed pas
 kyang/ dbyar dang ston zla chung dpyid 'bring/ /zla ba rim bzhin thun mong yin/ /sos ka dbyar dgun la bsags pa'i/ /rlung la sogs pa myur du bsal zhes bshad pa yin no/ /ji ltar na mi rnams rtag tu nad med par 'gyur ba de bstan pa'i phyir smras pa ni/
 rtag tu phan pa'i dzas dang spyod lam bsten/ /brtags te byed cing yul rnams la mi chags/ /gtong ldan sems snyoms bden brtson gzod dang ldan/ /nyams ldan skyes par byed na nad med 'gyur zhes bya ba ni yon tan 'di lta bu dang ldan pa'i skyes
 bu ni nad med cing tha mal par bde bar gnas par 'gyur ro/ /de yang gang zhig ce na/ gang rtag tu zhes pa dus thams cad du phan zhing 'phrod pa'i zas dang/ spyod lam bsten cing goms par byed pa ste/ phan pa'i zas ni 'og nas
 bshad ba dang/ dus su spyad pa'i le'u las bshad par bya'o/ /spyod lam ni lus dang dag dang yid kyi kun tu spyod pa ste/ de yang nyin re rtag par spyad pa'i le'u las bshad pa yin te/ de dag la brten pa dang/ de bzhin du brtags te byed cing
 zhes bya ba ste/ gang dang gang byed pa de dang de spang ba dang/ blang bar bya ba legs par brtags shing byed de/ 'dis byas na ni rdzogs par 'gyur la/ 'di byas na ni mi rdzogs shing mthar phyin par mi 'gyur ro zhes pa de ltar shes par byas nas/
 dge pa byed cing mi dge ba spong bar byed pa dang/ de bzhin du yul rnams la mi chags zhes pa ste/ gzugs dang/ sgra dang/ dri la sogs pa la sems chags pa med ba dang/ gtong ldan zhes pa gtong zhing sbyin par byed pa'i ngang tshul can
 dang/ sems snyoms zhes pa sems can thams cad nye dur gyur cing rjes su chags pa dang/ khong khro ba med pa dang/ bden brtson zhes bya ba bden pa gtso bor lhur byed cing/ bden bar dam bca' la/ bslu ba med pa'i tshig phyin ci
 ma log par smra ba dang/ bzod pa dang ldan zhes pa ni/ bzod cing des pa'i ngang tshul can dang de bzhin du nyams ldan sten par byed pa zhes pa ste/ mkhas pa'i ngang tshul can yin pas na mkhas pa ste/ 'jig rten gnyi ga la bslu ba med cing
 chags pa dang/ 'che ba med pa'i dngos po mthong ba la mkhas pa zhes bya'o/ /de yang drang srong tsa ra kas/ /gang zhig dus gsum dri med par/ shes shing rtag tu ma nyams pa/ /de mkhas phul byung blo rgyas yin/ /de'i tshig the tshom med
 cing bsten/ /skyen bral rmongs pa med pa de/ /mi bden pa ni ji ltar smra zhes bya ba yin te/ mkhas shing lung dang ldan pa de la brten la nad med par 'gyur ro/ /yan lag brgyad pa'i snying po'i rnam par 'grel pa tshig gi don gyi zla zer zhes bya ba/ slob
 dpon zla ba la dka' bas rnam par sbyar ba las/ le'u bzhi pa'i rnam par 'brel pa'o/ //de nas chu sna tshogs la sogs pa'i bye brag shes par bya ba'i le'u bshad par bya'o zhes bya ba la/ sngar gong du rtag tu phan pa'i zas dang spyod lam
 bstan na/ nad med par 'gyur ro zhes bstan la/ phan pa'i zas dang spyod lam de gnyis kyang ming tsam zhig stan pa yin no/ /de la spyod lam ni rtsol ba la sogs pa'i rang gi ngo bo dang/ las kyi bye brag bshad pas/ phal cher bshad pa zin pa
 dang/ 'og nas kyang ston to/ /zas kyi yang gang gi ngo bo dang/ las dang yon tan dag 'dir cung zad kyang ma smos so/ /de bas na da ni de'i rang gi ngo bo dang/ las dang yon tan bshad par bya ba'i phyir/ le'u 'di gnyis brtsams pa yin la/ de gnyis
 las kyang chu sna tshogs pa gsher ba'i rdzas kyi bye brag shes pa ni gtso bo yin pas dang por bstan pa yin no/ /chu sna tshogs la sogs pa ni chu rnams dang 'o ma dang bu ram shing gi khu ba dang/ til mar dang/ chang la sogs pa'o/ /de rnams kyi
 bye brag shes par bya ba ni phan pa dang gnod pa nyid kyis ro dang nus pa dang/ 'ju ba dang yon tan la sogs pa rtogs shing shes pa'o/ /de la phan zhing dgos pa ni le'u ste/ de bshad par bya'o zhes bya ba'i don to/ /de la dang por ni chu'i yon tan gyi
 nges par ston pa yin te/ de thams cad la dgos pa yin pa'i phyir ro/ /de yang slob dpon gyis/ chu ni srog chags rnams kyi srog /lus kyang de yi rang bzhin yin/ de bas shin tu dgag pa yis/ /chu ni gang du 'ang bzlog pa med ces bshad pa
 yin no/ /mkha' las 'bab pa'i gang gA'i chu/ /'tsho byed ngoms byed yi gar 'ong/ /tshim byed sems ni bsal byed la/ /sla zhing ro mi bsal la zhim/ /gsil zhing yang ba bdud rtsir mtshungs/ /nyi zla rlung gis reg byur pa/ /de
 yi yul dus la bltos nas/ /phal cher phan dang gnod pa yin zhes bya ba ni/ nam mkha' la 'bab pa'i gaM ga'i chu ni/ yon tan 'di dag dang ldan te/ 'tsho byed ces bya ba mdangs 'phel bar byed pa'o/ /doms byed ni ngal ba sel
 bar byed pa'o/ /dga' ba byed pa ni snying dga' bar byed pa'o/ /yang na snying la phan par byed pa'o/ /tshim byed ni bde ba bskyed pa'am nad sel ba'o/ /blo sad par byed pa ni shes rab kyi kha 'byed par byed pa ste/ gang la shes rab ci tsam
 zhig de la gsal bar snang ba nyid du de 'thungs pa las 'gyur pa'o/ /sla ba ni ska ba ma yin pa'o/ /ro mi gsal ba zhes bya ba ni/ mngar ba la sogs pa'i ro de la gsal ba med pas na ro mi gsal ba'o/ /zhim pa ni ro bda' ba ste/
 srog chags rnams kyis shin tu sred par byas nas/ btung ba'i don du 'thung pa zhes bya ba'i don do/ /de yang gang gi phyir drang srong dag gis/ bsil zhing gtsang la dge zhing zhim zhes bshad pa yin no/ /bsil ba zhes bya ba ni/ reg
 pa dang nus pa gnyi ga la sbyar ro/ /yang ba zhes bya ba ni yang ba'i yon tan dang ldan pa'o/ /de bzhin du bdud rtsir mtshungs zhes bya ba ni bdud brtsi'i yon tan dang ldan pa ste/ yon tan dam pa'i tshogs dang ldan pa'o/ /de lta bu'i yon tan
 dang lan pa dag kyang nam mkha' ste/ bar snang las 'bab cing lhung ba na/ nyi ma dang zla ba dang/ rlung gis reg cing phrad par gyur ba'i chu da yang yul dang dus las bltos shing yul dus kyis rjes su zhugs pas/ yul dang dus kyi yon tan
 dang 'dres shing bdag gir byed la/ des na phal cher slar zhing phan pa gnod pa ste/ lus la phan par 'gyur ba dang/ gnod par 'gyur bar byed pa yin te/ de yang rlan che ba la sogs pa'i yul phyogs gzhan 'ga' zhig tu 'bab pa na/ de yang nag
 po 'am/ dkar po la sogs pa gzhan du 'gyur ba dang/ dus ta dus drug la bltos na phan pa dang gnod pa byed pa yin no/ /gang zhig char 'bab dri ma med/ /'bras chan dngul phor nang gnas pa/ /ma rul mdog kyang ma gyur pa/ /gang gA'i chu de btung
 par bya/ /zhes bya ba ni chu gang legs par char du 'bab pas brlan zhing spangs pa'i sA? lu'i chan de dngul por gyi nad na gnas pa'i de yang rul bar ma gyur cing/ mdog kyang gzhan du ma gyur na/ de ni gang gA'i chu zhes bya ste/ de ni mthungs
 na gnod pa med pa yin pas na rung bar bya ba yin no/ /gzhan du mtsho chu ston zla ste/ 'bring po min par btung mi bya/ /zhes bya ba ni/ chu de spangs pa'i 'bras sA lu'i chan rul ba 'am/ mdog gzhan du gyur na/ de ni rgya mtsho'i chu dang 'dra ba
 yin pas btung bar mi bya ste/ ba tsha la sogs pa'i skyon dang 'dres pa yin pa'i phyir ro/ /ci dus thams cad du btung bar mi bya 'am/ 'on te lan 'ga' zhig btung bar mi bya zhe na/ ston zla 'bring po min bar btung mi bya zhes bya ba smras pa
 yin te/ ston zla 'bring po ma gtogs pa dus gzham dag tu de btung ba rim bya'o/ zhes ston pa yin te ci'i phyir zhe na/ de'i che drang srong ri Shi 'char ba'i dus yin pas/ des mtsho dang rdzing bu la sogs par gtogs pa'i chu thams cad
 gnod pa dag kyang phan par sgrub par byed pa yin pa'i phyir ro/ /char pa'i chu ni snod bzang bzhag /'gyur ba med pa rtag tu btung zhes bya ba ni/ char pa'i chu ni dbang pos bar snang la char du bab pa'i chu'o/ /snod bzang ba zhes ces pa ni
 snod bzang po bzod de bsags pa'o/ /'gyur ba med ces bya ba ni kha dog dang ro ma nyams shing 'gyur ba med pa ste/ de ni rtag tu zhes pa dus thams cad du btung zhing spyad par bya'o/ /de med na ni thang la
 gnas/ /bar snang ba dang rjes mthun yin/ /sa phyogs dkar nags gtsang zhing yangs/ /nyi 'od rlung gis phog pa sngags zhes bya ba ni/ de med na zhes pa bar snang gi chu bsags pa de ma rnyed na/ thang la gnas shes pa/
 sa la steng kar gnas pa'i chu ni bar snang ba dang rjes mthun yin zhes bya ba/ bar snang gi char chu dang 'dra bar 'tsho bar byed pa la sogs pa'i yon tan cha mthun par byed pa yin no/ /de bzhin du sa phyogs kha dog dkar ba
 dang/ gnag pa dag gi char 'dres pa ste/ phal cher dkar gnag du gnag pa na yod pa dang gtsang ba ste/ dag pa dang yangs pa ste sa phyogs rgya che ba na yod pa de nyi ma'i 'od dang rlung gis bser bus kun nas phog cing bsten pa'i
 chu gang yin pa de bsngags pa yin pas btung bar bya'o/ /lteng ka 'dam rdza ba nya lci bas dang/ /rtswa dang lo ma rnyog ma can/ /nyi zla rlung gis ma phog pa/ /mngon du bab dang chu gar lci/ /sdu ba srog chags can dang dro/ /grang
 ches so yis ma bzod pa/ /char gang dus su ma bab dang/ /dus kyi 'ang dang por 'bab pa gang/ /srog chags bdun dang ba sogs 'dres/ /gshang gci dug 'dres gnod mi btung/ /zhes bya ba ni/ lteng ga dang 'dam rdzab la
 sogs pas rnyogs pa can du gyur pa'i chu de btung zhing longs spyad par mi bya'o/ /de la 'dam rdzab ni 'dam gyi rnam pa ste/ des rnyogs pa'i nag nog can du byas pa'o/ /nya lcibs ni chu'i nang nyid nas skyes pa'o/ /rtswa dang lo
 ma ni grags par zad do/ /des rnyog pa can du gyur pa ni g.yogs pa'o/ /de bzhin du nyi zla rlung gis ma phog pa ces bya ba ste/ nyi ma dang zla ba'i 'od dang rlung gi zer gyis ma phog pa'o/ /de bzhin du mngon du 'bab pa zhes pa ste/ mngon du 'bab pa dang 'dres
 shing chu gzhan gyis gang bar 'gyur ba'o/ /chu gar ni yun ring por gnas pa'i phyir/ slab pa yin pa las ska pa nyid du gyur pa'o/ /de bzhin du lci ba ste/ yang ba las kyang lci bar gyur pa'o/ /spu ba can ni spu bar yod pa'o/ /srog chags can ni 'bu srin
 dang ldan pa'o/ /dro ba ni nyi ma la sogs pa'i cha bas bdungs pa'o/ /de bzhin du shin tu grangs ches pas/ so dang reg par mi bzod pa de yang btung ba mi bya'o/ /de bzhin du char pa gang dus su ma bab yang dus su ma bab pa yang btung bar
 mi bya ste/ char chu yin pa'i phyir btung bar bya ba nyid yin yang/ char 'bab pa'i dus su ma bab pa nyid kyis na gnod pa yin pa'i phyir bkag pa yin no/ /dus na yin par 'bab pa bkag pa las na dus su 'bab pa ni btung bar bya'o
 zhes gnang bar don gyi sa go bar bya'o// //de bas na bar snang la 'bab pa'i chu khyad par can ni btung bar bya ba nyid yin pa las/ /de dus su btung bar byas pa yin la/ de yang dbyar gyi dus yin te/ gang gi tshe dbyar nam mkha' 
 las 'bab pa btung bar bya ba nyid yin gyi/ dus gzhan dag tu 'bab pa ni dus ma yin pa btung bar mi bya'o/ /ci'i dus su bab pa thams cad du btung bar bya ba la'am/ dus su bab pa yin du zin kyang btung bar mi bya ba cung zhig yod
 dam zhe na/ de'i phyir dus kyi dang por 'bab pa gang zhig bya ba smos pa yin te/ dus dang por 'bab pa'i chu gang yin pa de ni btung bar mi bya'o/ /de ni 'di skad ston pa yin te/ dbyar gyi dus su 'bab pa ni btung bar bya ba la/ de las kyang
 dang po 'bab pa ni dus su 'bab ba yin pas btung bar mi bya'o/ /de bzhin du srog chags gdug pa dang/ lung la sogs pa rnams kyi/ brgya dang/ bshang ba dang/ gci ba dang/ dang 'dres pas mnyes par byas pa'i chu gang yin
 par gtung bar mi bya'o/ /nub phyogs nas ni rgya mtshor 'bab/ /gang yang myur 'bab rdul med chu/ de dag mdor na dge ba yin/ de las zlog pa bzang ma yin zhes bya ba ni/ chu bo gang nub phyogs nas rgya mtshor bab cing seng ba dang/ gang yang myur
 bar 'bab cing mgyogs par 'gro ba dang/ de bzhin du rdul med chu zhes bya ba ste dri ma med pa'i chu de dag ni mdor na dge zhing phan pa yin no/ /de las ldog pa bzang ma yin zhes bya ba ni/ chu bo nub phyogs nas ma 'bab pa dang/ de
 bzhin du myur bar mi 'bab pa dang/ rdul med pa ma yin pa dang/ gong ma las bzlog pa de dag ni bzang po ma yin pa ste/ gnod bar byed pa yin no zhes bya ba'i don do/ /rdol shugs drag bsdebs pa yis/ /rgyu can g.yengs pa'i
 chu dag dang/ /gangs can ma la ya las byung/ dge'i zhes bya ba la/ rdo'i chogs la shugs drag pos rdeb par phyed la/ des rgyun chad cing rnam par 'thor bas g.yengs shing dkrug ba'i chu gang dag yin pa de dag gangs can de ri kha ba can
 dang/ ma la ya'i ri las byung ba ste/ de gnyis las mthon cing 'bab pa'i chu bo ni dge'o zhes pa ste/ phan zhing bsod pa yin pa'o/ /de nyid brtan zhing g.yung na/ srin bu rkang ba ma snying dang ni/ /lkog ma glad pa'i na skyed 'gyur zhes bya ba ni/ kha ba
 can dang ma la ya'i ri las byung ba de nyid brtan zhing g.yung ba ste/ ngal gyis 'bab pa yin no/ /srin bu la sogs pa skyed par 'gyur ro/ /rkang 'bam ni tshil dang shal brten te/ rkang pa dag tu rkang dag 'byung ba ste/ mtshan nyid 'og nas bshad do/
 shar dang nub kyi mdza' las byung/ /gzhang 'brum bskyed do zhes bya ba ni/ shar phyogs kyi lho bal gyi yul nas 'bab pa dang/ nub phyogs te/ ta zig gi yul nas 'bab pa dang/ mdza' las byung ba lho nub kyi mtshams kyi yul ma yin pa las byung zhing 'bab pa'i
 tshul ni/ gzhang 'brum zhes bya ba'i nad skyed par byed do/ /dbang chen 'bab/ dmu rdzing rkang 'bam nad skyed 'gyur zhes bya ba ni/ dbang tshan zhes bya ba'i ri las 'bab cing rgyu ba'i rdu? ba ni dmu rdzing gi nad dang/ rkang 'bam gyi nad skyed par 'gyur ro/ /sad hya bandi'i ri
 las 'bag mdze dang skya rbab klad nad 'gyur zhes bya ba ni/ ri bo sar bya dang/ ri bo binda zhes bya ba'i ri gnyis las 'bab cing/ de las mthon pa'i chu ni mdze dang/ skya rbab kyi nad dang/ klad pa'i nad skyed par 'gyur ro/ /pa ri yat+tra nad kun sel zhes bya ba/ ri
 bo ba ri yan+tha bya ba zhig yod de/ de las byung ba'i chu bo na nyes pa gsum tshar sel ba yin no/ /khron pa rdzing la sogs pa'i chu/ /skam sa rlan tsan brag las shes zhes bya ba ni/ khron ba dang rdzing bu la sogs pa'i chu med ba dang/ lci ba dang/ yon tan dang
 skyon gnyi ga yang skam sa dang/ gsher sa rlan can dang brag las shes par bya ste/ skam sa la sogs pa'i yon tan gyis/ de'i khron pa la sogs pa'i chu'i bye brag shes par bya'o/ /de yang khron pa rdzing bu mtshe'u dang/ mtsher bcas chu mig la sogs
 chu/ skam pa rlan can brag las ni/ /yon tan skyon dag shes par bya zhes drang srong tsa ra kas bshad pa dang/ bsdus pa las kyang/ skam sa gsher sa ri bo dang/ /nye las yang dang lci bar 'gyur/ /zhes bshad pa yin no/ /des na 'di skad ston pa yin te
 skam pa'i sa phyogs na gnas pa'i khron pa la sogs pa'i chu ni yang ba nyid yin la/ rlan can gyi phyogs na gnas pa'i khron pa la sogs pa'i chu ni lci ba nyid yin no/ /ri bo'i phyogs na gnas pa'i khron pa la sogs pa'i chu ni nyes pa skyed pa
 yin la/ pa ri yatra'i phyogs na gnas pa'i ni/ nyes pa 'joms pa yin te/ thams cad la yang 'di bzhin du sbyar bar bya'o/ /drod chung skran yod skya rbab dang/ /dmu rdzing tshad 'khru gzhang 'brum mam/ /pho ba'i drod chung 'or nad can/
 mi btung ba rnags dka' nyung zad btung zhes bya ba ni/ drod chung la sogs pas chu btung bar mi bya'o/ /gal te brnags par bka' zhing skom pa mi bzod par gyur na/ rang gi rang bzhin dang/ yul dang dus dang/ spyod lam dang/ lus kyi tshod las
 dpags te/ nyung zad cig btung bar bya'o/ /ston ka sos ka ma gtogs par/ /nad med mis kyang cung zad btung zhes bya ba ni/ ston ka dang sos ka'i dus ma gtogs par dus gzhan dgun stod dang/ dgun smad dang/ dpyid dang/ dbyar dag gi tshan
 nad med pa'i mis kyang cung zad btung zhes bya ba/ nyung shas nyung shas dag btung bar bya'o/ /zas zos bar mdza' thog mar ni/ /chu mthungs ran dang spo skems 'gyur zhes bya ba ni/ zas zos pa'i bar dang mdza' ma dang/ thog mar chu mthungs
 na/ lus sbom phra ran pa dang/ sbom pa dang/ skems par 'gyur ro/ /des ni 'di skad ston par 'gyur te/ mis zas zos pa'i bar du skom mthungs na lus zungs ran par te/ 'phra spom 'tsham par 'gyur la/ zas zos pa'i mdza' mar skom
 'thungs pas ni spom zhing rags par 'gyur la/ zas zos pa'i thog mar mthungs pas ni skems par 'gyur ro/ /de yang skom par du mthungs pas lus zung mnyam por skyed cing ran pa nyid du byed do/ mdza' mar mthungs pas ni ma
 zhu ba'i gnas su bad kan 'phel bas sbom por byed do/ /zas kyi thog mar 'thungs pas ni zas kyi shing med pas/ pho ba'i me nyams pa byed de/ me'i drod kyis mi mthun pa'i phyogs su gyur bas/ me'i drod 'bri bar byed la/ des na zas legs par 'ju
 par mi nus la/ zas mi 'ju bas de'i tshe/ dangs ma la sogs pa'i lus zungs ji lta ba bzhin du rgyas par mi 'gyur la/ de rgyas shing 'phel bar ma gyur pas skyes bu skem por 'gyur ro/ /de skad du slob dpon gyis bsdus pa las/ zas kyi thog mar chu 'thungs
 na/ /me nyams byed pas skem par 'gyur/ /tha mas spom po nyid byed do/ /de ni ma zhu bad kan rgyas/ /bar ma yan lag ma nyam zhing snyoms/ /lus zungs smin bas bde ba yin zhes bshad pa yin no/ /chu bsil chang nad rgyal ba dang/ /skyugs dang ngal
 dang mgo 'khor dang/ /skom dang lus tsha 'khris pa dang/ khrag rgyas dug ni bsil byed yin zhes bya ba la/ chu bsil ba dag ni chang drags pa'i nang la sogs pa sel zhing 'joms la zlog par byed pa yin no/ /de la chang nad ni chang drags
 pa las gyur pa'i nad do de la nad ces bya ba ni/ gnod pa sogs shing nyon mongs par byed pa'o/ /rgyal ba ni dran pa stor ba'o/ /skyug pa la sogs pa ni go bar zad do/ /lus tsha ba ni zas dang spyod lam tsha bas che bar gyur pa'o/ /mkhris
 pa dang khrag rgyas pa de ni de dag 'phel ba'o/ /dug ni rgyu ba dang/ rgyu ba las byung ba'i dbye ba gnyis so/ /sel byed yin zhes bya ba ni mthungs pa dang gtor ba la sogs pas 'di dag sil cing 'joms par byed pa'o/ /chu mtshan
 drod skyed zas 'ju zhing/ /mgul bde lus yangs gcin nad sel/ /skyigs bu lto spos rlung bad kan/ /rims sar 'phral du zlog byed cing/ lus pa cham gsar dbugs mi bde/ /rtsib logs zugs la bsngags pa yin//
 zhes bya ba ni/ chu skol zhing tsha bar byas pa dag ni me'i drod skyed par byed pa dang/ de bzhin du ma zhu ba'i nyes pa sel bar byed pa dang/ gul ba bde zhing lkog ma sbyong la/ gdangs bsnyan pa dang/ yang ba'i yon tan dang ldan pas lus yang par
 byed pa dang/ gcin nad sel ba zhes ba gcin gyi nad ni chu so ste/ de las gnod pas khebs par gyur pa sel bar byed pa'am/ yang na de na gnas pa'i gcin gyi skyon sel bar byed pas na/ gcin nad sel zhes bya'o/ /yang
 chu bskol ba 'di ni skyigs bu la sogs ba'i nad rnams la yang bsngags pa yin te/ skyigs bu la sogs pa ni 'og nas bshad bar bya'o/ /cham pa yang yin la/ sar ba yang yin pas cham sar zhes bya ste/ de la yang bsngags pa yin
 te/ gang gi phyir drod skyed pa dang/ zas 'ju bar byed pa yin par gong du bshad pa des na/ 'ju shing smin par byed pas ni ma zhu bar smin zhing zhu bar byed pa yin bas de la bsngags pa yin no/ /chu ni bskol nas grangs ba dag /bad kan ma
 byed lus yang zhing/ mkhris pa can la phan pa yin/ /de ni zhag lon nyes gsum ces bya ba ni/ chu bskol nas bsgrangs ba ni bad kan skyed par mi byed de/ ma skol ba'i chu las rang bzhin gyi yon tan dang ldan pa yin pa las kyang bskol
 nas grangs ba na/ shin tu spangs pa yin la/ skol nas grangs pa de yang rlung dang bad kan gyis nyes pa gang yang rung ba mkhris pa dang ldan pa la phan pa yin la/ gsum char 'dus pa las byung ba'i nad la ni gnod pa yin no//
 de yang yul dus lci dang yang ba las/ /bzhi cha sum cha byed 'dus par/ /sbu ba med par bskol ba ni/ /shugs med dri ma med cing phan zhes bshad pa yin no/ /de ltar yon tan dang ldan zhing/ de ltar skol ba nas grangs ba de ni zhag lon
 ba ste/ nyin zhag gcig 'das pa 'am/ yun ring bor bzhag pa de ni/ nyes gsum skyed ces bya ba yin te/ rlung la sogs pa'i nyes pa gsum skyed par byed de/ dus kyi rang bzhin nyid dang/ ma'i yon tan las nyams pa dang/ skyur ba'i rnam par
 'gyur bas nyes ba rnams skyed ba yin no/ /rgya star chu ni snum ba dang/ /ro mngar ro tsa bsil zhing yang/ /skom dang mkhris bar lung nad sel/ /drod skyed lgang? pa'i nad sbyong byed ces bya ba ni/ rgya star gyi 'bras bu'i nang na gnas pa'i chu gtsor gzung bar bya'i/ de'i cha shas las byung
 ba gzhan dag ni ma yin no zhes shes par bya ba'i phyir chu'i sde mtshan 'dir bstan par byas pa yin la/ rgya star gyi 'bras bu de'i nang ni chu na snum pa'i yon tan dang ldan pas na/ snum pa dang ro mngar zhim pa dang/ ro mngar zhing khu ba 'phel bar byed pa dang/
 bsil zhing grang ba'i stobs dang ldan pa dang/ yang ba la sogs pa dang ldan pa dang/ me'i drod skyed par byed pa dang lgang ba ste/ gcin gyi gnas kyi nad sbyong zhing dag par byed pa yin no/ /dbyar gyi char ba chu bo'i chu/ /mchog tu bzang dang ngan par bshad//
 ces bya ba ni/ char 'babs ba ste/ bar snang las 'bab pa'i chu dang chu bo'i chu ste/ de ltar char gyi chu dang chu bo'i chu ste/ de las dbyar gyi chu shin tu bzang zhing mchog tu gyur pa yin la/ chu bo'i chu ni dbyar mchog tu ngan zhing smad par bya ba yin par bshad do//
 chu'i sde tshan no/ /da ni 'o ma thams cad kyi spyi'i yon tan dang/ las rnams smras ni 'di yin te/ de yang ci ltar chu ni 'tsho bar byed pa la sogs pa'i yon tan dang ldan pa de bzhin du/ 'o ma yang yon tan mang po dang ldan pa yin pas/ sde tshan gzhan
 dag las ?? pa'i sde tshan nyid mchog tu gyur pa yin pa dang/ gzhan yang gang gi phyir/ zhan mar ni snum thams cad kyi mchog yin la/ de'i skye ba'i gnas ni 'o ma nyid yin te/ de bas na mchog tu gyur pa yin no/ /'o ma phal cher ro zhu mngar
 snum zhing rkangs? bskyed lus zungs 'phel/ /rlung dang mkhris sel ro tsa byed/ /bad kan skyed cing bsil ba yin/ /zhes bya ba 'am/ 'o ma phal cher zhes pa ni 'o ma phal mo che'i yon tan 'di dag yin gyi/ thams cad kyi ni ma yin no/ /de la 'o mar gtogs
 ba thams cad kyi ni ro mngar ba dang zhu ba'i rjes la mngar zhing 'jam pa yin pas/ /de dag ni khyad par med par ro mngar ba dang zhu ba'i rjes mngar ba yin no/ /snga ma ba'i yon tan dang ldan pas snum pa'o/ /gzi mdangs skyed? pa la phan pas
 na mdangs skyed de/ mdangs zhes bya ba lus zungs rnams kyi snying bor gyur ba/ 'og nas bshad pa'i mtshan nyid dang ldan pa de skyed par byed pa dang/ lus zungs zhes pa dangs ma'i bcud la sogs pa 'phel bar byed ba dang/ rlung dang mkhris pa
 yi?? zhes bya ba/ rlung dang mkhris pa'i nad 'joms par byed pa dang/ ro tsa byed ces pa khu ba 'phel bar byed pa dang/ bad kan byed ces pa bad kan 'phel bar byed pa dang/ lci ba'i yon tan dang ldan pas lci ba dang/ bsil zhing grang ba ste/ yon
 tan de dag dang ldan pas lci ba'o/ /de dag ni phal mo che'i spyi'i yon tan yin gyi/ thams cad kyi yon tan 'di lta bu ni ma yin te/ la la ni gzhan dag tu yang mthong ste/ dper na rnga mo'i 'o ma ni cung zad rtsub cing che ba dang/ lan tsha bro? pa yang
 ba dang/ de bzhin du ring ngam yang yang ba dang/ lug gi 'o ma'i nus pa tsha ba skyed pa dang/ rmig ba gcig pa'i 'o ma tsha ba'i nus pa can nyid yin no/ /'dir spyi'i yon tan bshad pa las/ gang de dang mi mthun pa'i khyad par gyi yon tan bshad
 ba de ni spyi'i yon tan dang mi mthun pa nyid yin par shes par bya'o/ /'on te cha 'dra bdag yin ni/ de nyid stobs skyed cing grogs su gyur pa yin no/ /'dir khyad par du bya ba ni ba'i 'o ma 'tsho byed cing/ /bcud kyis len yin glo pa rdol dang/
 glo gcong la phan yid bzhungs byed/ /stobs skyed nu zho skyed dang 'khru/ /dal dang mgo 'khor myos dpal nyams/ /lud pa dbugs mi bde bkres skom/ /rims snying gcin ni bsri ba dang/ /khrag dang mkhris pa 'ang sel ba yin/ /zhes bya
 ba'i 'dir? 'o ma'i nang nas gal te/ de ba'i 'o ma yin na 'tsho bar byed pa yin pas na 'tsho byed cing zhes bya ste/ 'o ma thams cad kyang 'tsho? byed yin mod kyi ba'i 'o ma 'di yang shin tu 'tsho pa byed pa yin te/ mdangs skyed cing lus zungs mnyam por 'phel bar byed pa yin no/ /bcud
 kyis? len yin zhes bya ba ni/ srog yang dag par 'dzin par byed yin pas/ /bcud kyis len dang 'dre ba'i phyir bcud kyis len zhes bya ste/ de yang bsdus pa las/ mar dang 'o ma bsten pas ni/ bcud kyi lan ni thob pa yin/ /gang phyir 'o ma bsngags pa
 yin/ bcud rnams kyi ni bcud len yin zhes bshad pa yin no/ /glo brdol dang gcong la phan pa ni glo dang brang brdol ga lus zungs zad par byed pa'i gcod la phan zhing rjes su mthun pa yin no/ /de bzhin du blo gros te/ yid gzhungs pa la phan pa
 yin bas na/ yid gzhungs byed ces bya'o/ /stobs la phan pas stobs bskyed do/ /nu zho skyed pa ni bud med rnams kyi nu zho 'phel bar byed pa ste/ nu zho snum pa bud med kyi 'o ma skyed pa'o/ /'khru ba ni khong nas 'khru pa'i ngang tshul can no/ /de bzhin du ngal ba la sogs pa yang
 sel ba yin no/ /mi bde ba ni yid kyi gnod pa'o/ /gzhan dag ni go sla'o/ /ma he'i 'o ma 'ju drags dang/ /gnyid med la phan rab lci bsil zhes bya ba ni/ ma he'i 'o ma ni 'ju drags pa ste me drod cha bas 'ang ngas? mi shes ba dang/ gnyid med pa la phan pa dang/ de 'o ma gzhan dag
 las rab tu zhi zhing 'ju dag? pa dang/ bsil zhing grang ba'i yon tan dang ldan pa yin no/ /ra ni chu nyung 'thung zas rgod/ /kha zhing tshabs za bru? yang/ /skem? dang rims ba dbugs mi bde/ /khrag dang mkhris pa chad nad sel/ /zhes bya ba la/ ra'i 'o ma ni/ chu nyung ngu 'thung ba la sogs pa'i nad
 bzhin yon te/ 'dir rgyu smos pa ni gzhan dag kyang 'di bzhin du rgyu dang ldan pa'i dbang gis 'o ma yang ba nyid du shes par bya ba'i phyir smos pa yin te/ 'di las go bzlog pa'i rang bzhin can ni lci ba yin par shugs kyis go bar bya'o/ /chu nyung ngu 'thung
 ba la sogs pa'i rang bzhin ni dus dang yul la sogs pa la bltos nas bya ba yin no/ /ra'i 'o ma 'di skem pa la sogs pa'i nad skyed pa yin te/ skem pa ni gcod chen po'o/ /rnga mo'i 'o ma cung rtsub dro/ /lan tshwa bro zhing drod che ba
 yang/ rlung dang bad kan lto sbos srin/ /'or nad dmu rdzing gzhang nad sel/ /zhes bya ba la/ rnga mo'i 'o ma ni cung zad rtsub ba dang/ cung zad dro ba dang/ cung zad lan tshwa bro ba yin zhing/ me'i drod che bar bskyed pa dang/ yang ba yin la/ rlung dang bad kan dang lto
 sbos pa dang/ srin nad dang/ 'or nad dang/ dmu rdzing dang/ gzhang 'brum gyi nad la phan zhing bsngags pa yin no/ /bud med nu zho rlung mkhris khrag/ nad ba'i mig nad sel byed do/ /tshim byed mig dang snar blug phan zhes bya ba la/ bud med kyi
 'o ma de ni rlung dang mkhris pa dang khrag dang/ snang ba las byung ba'i nad gang yin pa dag sel zhing 'joms par byed do/ /ji ltar na de sel bar byed ce na/ tshim byed mig ni snar blug phan/ zhes bya ba yin te/ tshim bar byed pa la sogs pa'i
 mtshan nyid ni/ gnas 'di nyid kyi 'og nas bshad pa yin te/ tshim par bya ba ni mig bkang ba ste/ nas sam sran ma sha'i zan gyi rang bu sbom par byas la ba bskor te bkang ba'o/ /mig du blugs pa la ni mig 'bras kyi steng du blugs pa'o/ /snar
 blugs pa ni sna nas btong ba'o/ /lug gi 'o ma snying snod tsha/ /rlung 'joms skyigs bu dbugs mi bde/ /mkhris pa bad kan skyed ba yin zhes bya ba la lug gi 'o ma ni snying la gnod pa ste/ shin tu mi dge ba 'am/ snying nad skyed pa'o/ /cha ba ni
 nus pa tsha ba dang ldan pa'o/ /rlung 'joms pa ni rlung gi nad 'jig pa'o/ /de la skyigs bu dang dbugs mi bde ba dang mkhris pa dang/ bad kan ni skyed par byed pa yin no/ /ban glang ma yis rab brten byed ces bya ba ni/ ba na glang mo le? 'o ma
 na rab tu brtan par byed pa yin te/ lus shin tu brtan par byed pa yin no/ rmig pa gcig pa'i 'o ma chi?/ yan lag rlung sel skyud bcad shing/ lan tshwa bro zhing rmongs par byed/ /ces bya ba la/ rmig pa gcig ba ni/ rmig spubs gcig yod pa ste/ rmig
 pa la kha dbrag tu ma gyur pa/ rta dang bong bu la sogs pa rnams la rmig pa gcig pa zhes bya ste/ de dag gi 'o ma ni cho? zhing dro ba'i nus pa dang ldan pa yin no/ /yan lag gi khrag la sogs pa'i lus zung rnams te/ de la gnas pa'i rlung sel zhing 'joms
 par byed pa dang/ skyur dang bcas pa dang/ lan tshwa bro pa ni cung zad skyur ba dang/ cung zad lan tshwa bro ba'o/ /rmongs par byed ces bya ba ni rmong rmong por byed cing/ lus mi gsal ba bems po nyid du byed pa 'am/ shes rab la gnod par byed pa'o/ /yang na rmongs pa ni blun
 bo nyid du gyur pa'o/ /zhes pa las bshad do/ /'o blon bad kan skyed cing lci/ /rigs par bsgol bas de las gzhan/ /shin tu bskol na 'ju dka' lci/ /bzhos ma thag dro bdud rtsir mtshungs zhes bya ba la/ 'o ma thams cad ma bskol ba ni bad kan
 bskyed cing 'phel bar byed pa yin te/ dri ma dang ldan bas lus kyi rtsa sbugs nas mi rgyu ba yin pa'i phyir ro/ /lci ba ni yun ring zhig na 'ju ba ste/ sa ni zla ba'i yon tan gyi cha shas che ba yin pas de las 'byung ba'i phyir ro/ /rigs par bskol na zhes
 bya ba ni/ 'o ma dang de nyid blon pa las go bzlog bar bsten na/ de las gzhon pa ste/ bad kan bskyed pa ma yin la lci ba yang ma yin te/ bad kan sel zhing yang bar gyur pa'o/ /de la legs ba ni sbyor ba'i thabs te/ ji ltar 'o ma'i byed kyi chus
 bsnan ba bskol ba ni/ 'o ma blon pa bas shin tu yang ba yin no zhes rgyud gzhan nas bshad pa yin no/ /yang na shin tu bskol ba ma yin la/ cung zad bskol ba yang ma yin pa ni/ rigs pa yin te/ mi rigs par bskol ba ni me dang
 byad? pa yin du zin kyang/ lci ba nyid du 'gyur ro/ /de yang gang gi phyir mi rigs par bskol cing/ chu med par bskol ba las/ cha gcig dang/ cha gnyis dang/ gsum dang bzhi nas cha brgyad lus pa'i bar gyis ni/ gong nas gong du
 snying po 'dus par 'gyur ro/ /de yang rgyud gzhan las/ 'o ma chu med par bskol pa/ gnyis gsum bzhi nas brgyad cha lus/ /ji ltar shin tu bskol ba bzhin/ /snying po lci zhing rab stobs ldan zhes bshad pa yin no/ /de bas na shin tu bskol na/
 'ju dka' zhing rab tu lci bar 'gyur ro/ /bzhos ma thag pa'i 'o ma bro ba ni 'phral du bzhos pa'o/ /de ni phan pa nyid kyis na bdud brtsir mtshungs zhes bya ba ste/ bdud rtsi dang 'dra ba yin no/ /da ni 'o ma las zhor gyur pa las/ gnas skabs
 du ma nyid du gyur pa/ ma rdzogs pa las ji skad du bshad pa'i skyur ba dang shin tu skyur ba la sogs pa'i tshul gyis zhom langs pa dang/ legs par langs pa dang/ langs nas thal ches pa nyid du yongs su gyur pa las/ ji ltar zho'i gnas
 skabs du mar gyur ba'i rang bzhin gyi gnas skabs gzhung rtsom pas snying la gzhag ste/ smras pa ni zhi ni ro dang zhu rjes skyur/ /rtug skem lci la rlung nad sel/ /tshil dang khu chu stobs bad kan/ /khrag mkhris drod skyed 'or nad skyed/ /yi ga?
 'byed cing kha zas len/ /grang ba'i rims dang mi snyoms rims/ /cham pa gcin 'gags gyur pa dang/ 'khru ba'i nad la rtsub mo phan zhes bya ba la/ zho gang ro dang zhu ba'i rjes skyur ba ni ro dang zhu rjes la bya'o/ /rtug skems zhes bya ba
 ni gshang lci la sogs pa rang gi gnas nas bskul nas gong bor byed pa la bya'o/ /lci bas? ?? tan dang ldan pa lci ba'o/ /rlung gi nang sel bas na rlung sel lo/ /dro ba ni dro pa'i nus pa skyed pa'o/ /de bzhin du tshil dang khu chu dang stobs la sogs pa
 skyed par byed pa yin no/ /de bzhin du yig 'byed par byed pa yin te shin tu yi ga 'byed cing 'grangs su zin kyang 'dod par byed pa yin no/ /de bzhin du kha zas len zhes bya ba ste/ yi ga 'chus pa la phan zhing zas gzhan dag kyang yi gar 'ong bar byed
 po'o/ /de bzhin grang pa'i rims dang zhes pa/ grang ba las gyur pa'i rims dang/ rims ldang du ba mi snyoms pa la sogs pa dang/ cham pa dang gcin 'gag par gyur pa dang/ 'khru pa'i nad rnams la phan pa yin no/ /de la rtsub ba ni legs par
 langs pa'i zho las dus 'das nas/ rim gyis shin tu smin par gyur pa ni rtsub po yin pa 'am/ yang na spris ma bshus pa'i zho ni rtsub po yin no/ /zho dron dpyid dang sos ka dang/ /ston dus mtshan mo btung mi bya/ /de ni mud ga'i sran chod dang/
 sbrang rtsi mar dang sha kha ra/ /skyu ru ra ni med mi btung/ /rtag tu ma yin ma langs min/ /gzhan du rims drag me dpal dang/ /mdze dang skya rbab mgo 'khor skyed ces bya ba la/ zho de ni dron por mi btung ba dang/ /de bzhin du dpyid dang/ sos ka dang/ sngon
 gyis dus su btung bar mi bya'o/ /de ltar na sngar dron po zhes smos pa ni sos ka'i dus yin par shes par bya ste/ de'i tshe btung bar mi bya ste/ de bzhin du mtshan mo yang btung bar mi bya'o/ /gal te de 'thung bar byed na sran mud ga te/ mon san rde'u'i tshod nad dam
 spyad par btung bar mi bya ba dang/ de bzhin du sbrang rtsi dang/ mar dang sbyar ba 'am/ mar dang sha kha ra dkar po dang/ sha dang mi ldan par mi btung ba dang/ skyu ru ra ma zos par mi btung ngo/ /de bzhin du rtag par rgyun du mi btung ba dang/ ma langs min zhes bya ba ste/
 legs par ma chags la/ gang gi tshe 'o ma'i rang bzhin ma spangs shing zhong legs par ma chags pa de'i 'chi ma langs pa zhes bya ste/ de mi btung ngo/ /gzhan du zhes bya ba ni sngar bshad pa'i cho ga dang mi ldan zhing de ma spangs bar/ /la la zhig spyod
 ba'i byed na/ de'i tshe zho nges rims la sogs pa skyad bar 'gyur ro/ /dar sar yang la bska zhing sbyar/ /drod skyes bad kan rlung dag sel/ /skran nad dmu rdzing gzhang 'brum dang/ pho nad chu sri yi ga chus mcher pa skran dang mar ma zhu
 sbyar dug skye rbab nad rnams sel/ /zhes bya ba la/ dar sar zhes bya ba ni zho srub shing la sogs pas bsrubs las 'byung ba ste /srub shing gi snum med pa dang/ mar gyi phyed phyung ba dang/ mar la byung ba ste/ gsum char yang yang ba yin
 la/ de las ro las ni bska ba dang sbyar ba yin no/ /drod skyed pa ni pho ba'i me drod la phel bar byed pa'o/ /bad kan rlung dag sel zhes bya ba ni/ de las gnyis gsum pa las byung ba/ de bzhin du skran nad dang/ dmu rdzing la sogs pa sel
 bar 'gyur ba dang/ chu sri ba ste/ gcin sri ba dang mcher ba zhes ba lto ba'i g.yon logs na brten pa'i rnam bzhi ba dang/ mar ma zhu ba zhes pa mar ltag par zos pa dang/ ma legs par bzos pa las byung ba'i nad la ni mar ma zhu ba zhes
 bya'o/ /sbyar dugs ni btsos ma'i dug go/ skya rbab kyi nad ni skya rbab nad du gyur pa'o/ /nad de rnams sel zhing 'joms pa yin no/ /de 'dra zho ga chu 'khru yang/ /rtsa sbubs sbyong la rtug skams sel zhes bya ba la/ de 'dra zhes pa ni
 dar ba sar ba de dang zho ga chu yon tan 'dra zhing mtshungs par shes par bya'o?/ de yang 'khru ba de cung zad khong du ba dang/ yang ba zhes ba dar ba sar pa yang yang ba yin mod kyi/ 'di na shin tu yang bas na khyad par smos pa yin no/ /rtsa sbubs
 sbyong zhing dag par byed pa dang/ rtug skams 'gags pa sel zhing 'jigs par byed pa yin no zhes bya ba'i don to/ /'phral gyi mar bsar ro tsa zhing/ /bsil zhing mdog stobs drod skyed byed/ /'khru gcod rlung mkhris khrag gzhang 'brum/ /?
 gcong kha yon lud pa sel zhes bya ba la 'phral gyi mar sar zhes pa ni bsrubs zin ma thag phyung ba'i mar sar ro/ /ro tsa ba ni khu ba 'brel? ba'o/ /bsil ba ni nus pa bsil ba'o/ /de bzhin du mdog dang stobs la sogs pa yang skyed par byed pa yin no//
 'khru ba gcod pa ni gshang gci sla ba las bska bar byed de/ /de bzhin du rlung dang mkhris pa'i khrag sel ba yin te/ rlung gi khrag ni rlung las gyur pa'i khrag go /mkhris pa'i khrag ni mkhris pa las gyur pa'i khrag ste/ de dag dang gzhang 'brum la sogs sel cing bsngags
 pa yin no/ /zhun mar blo rno dran bsal zhing/ /yid gzhungs drod skyed stobs che 'phal/ /mig dang byis rgan bu 'dod dang/ /mdangs bzang rab gzhon skad snyan phan/ /glo brdol skem dang gcod dang 'bras/ /mtshon rmas mes tshig rmya la'ang bsngags
 rlung dang mkhris pa dug dang smyo/ /lus skems mdangs nyams rims rnams sel/ /snum gyi nang na snum mchog ste/ bsel zhing na tshod 'jog pa'i mchog /zhun mar stobs ni stobs dang ldan/ /sbyor bas la ni stong byed 'gyur/ /zhes bya ba la/
 zhun mar ni blo rno ba la sogs pa la phan pa yin no/ /de la blo rno ba blo gros dang ldan pa ste/ dngos po rnams 'dzin par nus pa'o/ /dran pa ni 'das ba'i dngos po yid la dran pa'i nus pa'o/ /yid gzhungs pa ni dngos po rnams bye brag phyed pa'i shes
 rab 'dzin par byed pa'o/ /drod skyed pa ni pho ba'i me drod skyed pa'o/ /stobs ni nus mthu'o/ /tshe ni srogs dang 'tsho bar ldan pa ste/ de dag 'phel bar byed pa'o/ /mig ni mig nyid la phan par byed pa ste/ zhun mar de dag la bsngags pa yin no//
 byis pa ni bcu drug lon gyi bar ro/ /rgan po ni drug cu yan chad lon pa'o/ /bu 'dod pa ni bu skyed par 'dod pa'o/ /mdangs ni lus la gnas pa'i mdzes sdug go /rab gzhon sha chags shing mi rtsub pa'o/ /skad snyan pa ni tshig bsal ba'i
 phan zhes pa ni de dag 'dod pa la phan zhing rjes su mthun pa yin no/ /de bzhin du blo rdol ba la sogs pa rmya zhing nyon mongs pa'i bdag nyid can rnams la yang bsngags te phan pa yin no/ /lus skems pa ni lus zungs zad
 pa'o/ /gzhan dag ni go bar zad do/ /snum gyi nang na zhes pa ni til mar dang zhag dang/ rkang rnams kyi nad na'o/ /snum mchog ste zhes bya ba ni gtso yin pa'o/ /bsil ba ni bsil ba'i nus pa dang ldan pa'o/ /na tshod 'jog pa ni rgas pa 'joms
 ste/ gzhon nu nyid du dus yun ring por 'jog pa'o/ /mchog ces bya ba ni shin tu dam pa yin pa'o/ /stobs stong dang ldan pa ni nus pa mdza' mas shing mthu du ma yod pa'o/ /de bzhin du sbyor bas zhes bya ba cho ga tha dad pa ste btung ba dang/ sna nas btang ba dang/
 bsku ba dang/ 'jam rtsi mas btang ba la sogs pa'i sbyor bas so/ /las ni stong byed 'gyur zhes bya ba ni/ bya ba mang po byed pa'i phyir/ /las mdza' yas pa byed pa'o/ /mar snying smyo dang brjed byed brgyal/ /glad nad rna mig mngal nad dang/ /rma rnams
 sbyong zhing 'cho byed pas/ /nad las rgyal byed dam pa yin zhes bya ba la/ mar snying pa sar pa ma yin pa lo mang po lon pa ni smyo ba la sogs pa'i nad sel ba yin pa dang/ de bzhin du klad pa dang/ rna ba dang/ mig dang/ mngal gyi nad rnams sel ba
 yin no/ /smyo ba dang brgyal ba dag ni 'og nas cha? nad kyi nang bzhi'i skabs nas bshad par bya'o/ /brjed phyed kyang 'og nas bshad par bya'o/ /rma rnams sbyong zhing zhes bya ba ni rma'i rnag la sogs pa sel ba'o/ /de bzhin du 'tshob cing 'byor par
 byed pa yang yin te/ 'tshob pa ni rma de pags pa gzhan dang mdog /mnyam par byed pa'o/ /phrum sar spri dang rgya brum dang/ chur ba la sogs stobs skyed cing/ /khu ba gnyid dang bad kan 'phel/ /rtug skams byed lci nyes dang ldan zhes bya ba la/
 phrum? sar zhes bya ba ni 'o ma dang dar ba las byas pa ste/ grags par zad do/ /spri ni ba la sogs pa 'brangs ma thag pa'i 'o ma las byas pa'o/ /rgya 'phrum ni 'o ma la gtso phrum /a mi tsha zhes grags pa'o/ /phyur ba ni zho kha chu las bsdus ba'i gong po'o//
 'o ma las gyur pa 'di dag ni stobs bskyed cing 'phel bar byed pa dang/ de bzhin du khu ba dang/ gnyid dang/ bad kan 'phel bar byed pa yin no/ /gzhan yang rtug skams byed pa dang/ lci ba dang nyes pa dang ldan pa ste gnod pa'i 'gyur ba dag
 ston pa'o/ /sogs pa zhes smos pa ni 'o ma las byas pa'i rnam pa gzhan gang dag yod pa bsdu ba'o/ /ba mar 'o mar mchog yin te/ lug las byung ba smad pa yin zhes bya ba la/ ba'i mar dang 'o ma dag ni mchog yin te/ zhes bya ba /
 kun gyi gtso bo yin zhing dam pa yin la/ lug las byung ba'i mar dang/ 'o ma ni smad cing mi bsngags pa yin no/ /'o ma'i sde tshan no/ /'o ma'i sde tshan gyi 'og tu bu ram shing gi sde tshan smos pa'i dgos pa ni ji ltar 'o ma'i ro dang zhu ba'i
 rjes mngar ba yin pa de bzhin du/ bu ram shing gi khu ba yang ro dang zhu ba'i rjes mngar ba yin no/ /bu ram shing lu 'khru lci snum/ /sha skye ro tsa bar gcin 'phel/ /bsil zhing khrag mkhris sel ba dang/ /ro dang zhu rjes mngar ba yin//
 zhes bya ba la/ bu ram shing las byung ba'i khu ba ni 'khru ba ni/ gshang ba la sogs pa sla bar byed pa dang/ lci ba dang/ snum par byed pa dang/ sha skye ba dang/ lus sbom zhing 'phel bar byed pa dang/ ro tsa zhing khu ba 'phel ba dang/ bad kan dang
 gcin 'phel bar byed pa dang/ bsil ba ste nus pa bsil ba dang/ de bzhin du khrag dang mkhris pa sel zhing 'joms pa dang/ ro dang zhu ba'i rjes mngar zhing bda' ba' i yon tan dang ldan pa yin no/ /de rtse lan tshwa bro zhing sos/ /bcas na kha ra
 dag dang 'dra zhes bya ba la/ bu ram shing de'i rtse mo cung zad lan tshwa bo zhing/ sos bcas shing zos? pa dang/ de'i yon tan sha kha ra dang 'dra ba yin no/ /rtsa ba rtse mo 'bus zos sogs/ /btsir dang dri mas sbags pa dang/ dus ni cung zad lon
 pa las/ /'khrul 'khor can ni rnam 'gyur te/ tsha zhing lci la mkhrag par 'gyur zhes bya ba la/ rtse mo dang rtsa ba 'bus zos pa ni/ rtsa ba rtse mo 'bus zos sogs zhes bya ba la/ de rnams bcir ba dang/ de bzhin du dri mas spags shing
 gos par gyur pa dang/ de bzhin du dus cung zad lon par gyur cing/ dus cung zad 'das par gyur pa'i 'khrul 'khor gyis btsir ba'i bu ram gyi khu ba de ni rnam par 'gyur bar byed cing/ gzhan du gyur pa nyid du 'gyur te/ 'gyur
 ba zhes bya ba ni rang gi ngo bo las gzhan du 'gyur ba'o/ /des na de'i tshe bsil ba yin pa las/ tsha bar 'gyur ba dang/ yang ba las lci bar 'gyur ba dang/ 'khru ba yin pa las mkhregs par 'gyur ba ste/ 'di dag ni de'i 'gyur
 ba yin na/ /de la gong du tsha ba zhes smos pa ni gang la tsha ba yod pa de ni tsha ba la ste/ pho ba'i me drod dang phrad nas gang 'ju bar gyur pa de ni/ 'ju ba'i gnas skabs phyed zhu tsam du gyur pa na/ rnam par tsha zhing mkhris pa skyed
 par byed pas yun ring du gnas kyi myur du 'ju bar ma'i byed do/ /da ni lci ba yin pa 'am/ dngos po'i rang gi rang bzhin pas na/ de tsha ba dang ldan pa yin no/ /zhes sman dpyad kyi lung la brten pa rnams 'chad do/ /de
 la kha ra dkar po'i shing/ /bsil dang mngar bas mchog yin la/ /zhes bya ba la/ de la zhes bya ba ni bu ram shing de rnams kyi nang nas kha ra dkar po'i bu ram shing ni bsil shing dri ma med pa dang/ mngar bas mchog de dam
 pa yin no/ /des na de ni phul du phyung ba nyid yin no/ /de'i 'og ma spubs can yin pa zhes bya ba ni/ kha ra dkar po'i shing de las bi shi ka zhes bya ba'i bu ram shing sbubs che ba bsil ba la sogs pa yon tan chung ba yin te/
 bsil ba la sogs pa'i yon tan nyung zad cig dang ldan zhes bya ba'i don to/ /tshigs brgya ba dang kan+ta ra /bal yul skyes sogs de las rim/ /cung zad tsha bro bska ba dang/ /ro bcas cung zad tsha ba skyes ces bya ba la tshig brgya pa
 la sogs pa'i bu ram shing rnams ni/ rim gyis 'og nas 'og tu ba mi la ba la sogs pa'i yon tan dman pa yin te/ sbubs can de las yon tan gyi tshigs brgya pa dman pa yin la/ de bas kyang kan ta ra zhes bya ba'i bu ram
 shing phra mo zhig yod pa dman pa yin la/ de bas kyang bal yul gyi dman pa yin te/ de bzhin du gzhan dag la yang sbyar bar bya'o/ /de rnams kyang cung zad lan tshwa bro ba dang/ cung zad bska ba dang/ cung zad dro ba dang/ cung zad tsha bskyed pa'i ngang
 tshul can yin no/ /spu ba can lci bad kan bskyed/ /sogs byed gcin ni spong byed yin zhes bya ba la/ sbu ba can zhes bya ba ni bu ram phra mo dag gi ming gi rnam grangs yin te/ de ni lci ba dang/ bad kan skyed cing 'khrugs par byed pa dang/ sogs
 byed ces bya ba nyes pa gsum sogs cing sdud par byed pa dang bya ba'i don to/ /de bzhin gcin yin sbyong byed yin zhes bya ba ni/ gcin sbyong zhing dri ma med par byed pa 'am/ yang na gcin mang po 'byin par byed pa yin no/ /dkar po bad kan
 cher mi bskyed/ /gshang dang gci ba bde bar 'byin zhes bya ba la/ bu ram dkar po dang po bskol ba na/ rnyog pa dang bral bar bya ba ni/ bad kan cher mi skyed ces pa ste/ bad kan cung zad tsam zhig skyes bya ba'i don to/ /de bzhin du gshang ba dang gci ba
 bde bar 'byin zhes bya ba ste/ gshang ba dang gci ba bde blag tu phyi rol tu 'byin cing 'byung bar byed pa yin no/ /dmar nag phal che srin bu khrag/ rkang tshil sha dang bad kan skyed/ /ces pa ni/ bu ram dmar nag rnyog
 pa can ni khong pa'i 'bras srin mang du skyed ba la sogs pa byed pa yin no/ /snying pa yid 'ong phan pa yin zhes bya ba ni/ bu ram rnying pa lo mang po lon pa ni yid du 'ong zhes bya ba ste/ yi gar 'ong zhing sems dga' bar byed pa dang/ de bzhin du
 phan pa ste/ lus zungs rnams dang/ gnod pa rnams la phan pa yin no/ /sar pa drod 'bri bad kan skyed ces bya ba ni/ bu ram sar ba dag ni bad kan skyed cing me'i drod 'bri ba yin no/ /hwags dang/ khanDa kha ra dkar/ /rim gyis yon tan che ba ste/ /ro tsa
 glo gcong glo rdol dang/ khrag dang mkhris pa rlung sel yin zhes bya ba la/ hwags zhes bya ba ni bu ram gyi dangs ma'i sha kha ra ste/ gsal? zhes ming du grags pa'o/ khanDa ni de las kyang dang zhing dri ma med pa'o/ /kha ra dkar po ni de bas kyang tshas dang
 zhing rtog pa med pa'i kha ra dkar po'o/ /de ltar na rims kyis yon tan che ba'o/ /de dag ni ro tsa ba ste/ khu ba 'phel bar byed pa dang/ gcong dang blo rdol ba la sogs pa la phan pa yin no/ /ya ba ka ra tsha zhing mngar/ /bska de yon tan de dang
 'dra zhes bya ba la/ ya ba kha ra zhes 'jig rten na grags pa yin gyi/ gzhan du na ywa sha kha ra zhes bya'o/ /la la dag ni byi tsher ba'i khu ba las la de byed do zhes zer ro/ /de'i yon tan yang ro tsha ba dang mngar ba dang/ bska ba'i rgyus hwags
 sogs ba de dang 'dra zhing mtshungs pa yin no/ /kha ra dkar dang kum tsha skom/ /skyug khro brgyal dang khrag mkhris sel zhes bya ba la/ kha ra 'di dag dang kha ra gzhan gang dag yod pa de thams cad ni tsha ba la sogs pa sel zhing
 'joms ba yin no/ /bu ram shing bsdus kha ra dang/ sbu ba can mchog tha ma yin zhes bya ba la bu ram shing bsdus pa ni bu ram shing gi khu ba bsdus pa rnams kyi nang na kha ra ni mchog yin la/ dbu ba can zhes bya ba bu ram phra mo rnyog ma
 can ni tha ma yin no/ /sbrang rtsi mig phan gcod skom dang/ /bad kan skyigs bu khrag mkhris 'joms/ /tshil can mdze nad gcin nad skyug /lud pa dbugs mi bde tshang sel/ /rma spyod rma 'tsho chags drugs 'byor/ /rlung ni skyed bar byid pa
 yin/ /rtsu bcing bska la mngar ba ste/ /sbrang rtsi'i khaN+Da 'ang de dang 'dra'o zhes bya ba la/ sbrang rtsi dag ni mig la phan zhing bsod pa yin pa dang/ gcod pa zhes bya ba'i ngang tshul can yin pa te/ bad kan dang mdud pa ltar 'dril te/ gnas pa
 de/ rang gi mtshan nyid rno ba lus las gcod cing 'jigs par byed pa yin pa dang/ de bzhin du skom pa la sogs pa sel zhing 'jig par byed pa dang/ de bzhin du mdze nad dang gcin nad la sogs pa la phan par byed pa yin no/ /de
 bzhin du ma'i brnags pa dang/ 'drul ba la sogs pa sbyong bar byed pas na/ rma sbyong zhe ba bya la/ 'dir 'tsho bar byed pas na rma 'tsho ste/ pags pa 'tsho ba cing mdog ma nyams par byed pa'o/ /tshags grugs sbyor ba ni 'dis rma gnyis gcig tu
 'byor pa dang/ chags pa 'byor par byed pas na de skad ces bya'o/ /rlung skyed par byed pa ni rlung gi nang 'khrugs par byed pa'o/ /de bzhin du rtsub pa dang/ ro bska ba dang mngar ba yin no/ /sbrang rtsi'i khaN+Da 'ang de dang 'dra zhes
 bya ba ni sbrang rtsi'i yon tan ji snyed pa de thams cad sbrang rtsi khaN+Da'i yon tan yang yin pas na/ de gnyis yon tan mtshungs shing 'dra ba yin par shes par bya'o/ /tsha zhing tshas gdungs tsha bar ldan/ /tsha ba des ni bsod par 'gyur zhes bya ba ni/
 sbrang rtsi de tsha zhing zhes pa me la sogs pas bsros na/ des mi bsod cing 'joms par 'gyur ro/ /de bzhin du tsha gdungs zhes pa/ nyi tshan la sogs pa tsha bas gdungs pa'i sbrang rtsi bsod par byed do/ /de
 bzhin du tsha bar ldan zhes bya ba'i dus sam/ tsha ba'i yul du sbrang rtsi zos na mi sod par byed do/ /de bzhin du tsha ba zhes bya ba/ me la sogs pas bsgol cing tsha bar byas pa'i sman dang lhan cig sbrang rtsi zos na yang mi bsod
 par byed do/ /skyug sman sman mar mas btang la/ /sbrang rtsi dro ba bgag pa med ces bya ba la sbrang rtsi dro ba dag kyang skyug sman btang ba dang/ sman mar mas btang ba la dgag ba med de/ gang phyir de ni mi 'ju bar/ /myur du ldog par
 'gyur phyir ro zhes bsdus pa las gtan tshigs bshad pa yin no/ /bu ram shing gi sde tshan no/ /de la til mar til dang mtshungs/ /gtso bo rno zhing khyab pa yin/ /pags pa'i nyes bskyed mig la gnod/ /tsha zhing rno la bad kan
 sel/ skems pa dag ni sha skyed cing/ /sbom po'i sha 'bri mkhregs par 'ong/ /rtug 'gags srin bu 'joms pa dang/ sbyar bas nad rnams thams cad sel/ /e raN+Da'i mar tsha zhing kha/ zhu rjes mngar lci 'khru ba yin/ /rlig rlugs
 skrad? rlung bad kan dang/ /lto nad ldang dub rims rnams sel/ /'or nad rked pa gas pa dang/ /lto ba ro rgyab nad la phan/ /e raN+Da ni dmar po'i mar/ /rno tsha dri nga rab 'byil 'bres/ /yungs mar tsha phro rno ba dang/ /bad kan rlung sel
 zhu ba 'bri/ /yang zhing khrag mkhris skyed byed la/ /sha bkra mdze 'brum rmen bu sel/ /ba ru ra'i mar bsil zhing lci/ /skran byed rlung dang mkhris pa sel/ /nim par rab tu tshe min kha/ /lto srin mkhris pa bad kan sel/ /zar ma le
 brgan ci? yi mar/ /dro zhing bar nad bad mkhris sel/ /zhag dang rkang ni rlung 'joms shing/ /stobs dang khu chu bad kan skyed/ /sha ni rang dngos rjes mthun la/ /tshil yang de dag 'drar shes bya/ /til mar la sogs pa'i sde tshan no/ /chang gi sde
 tshan brtsams pa'i dgos pa ni/ chang ni nad med par byed pa dang/ me'i drod skyed cing yi ga 'bye ba la sogs pa'i yon tan gyi tshogs rnams dang ldan pa'i phyir bstan pa yin no/ /de yang til mar dang thun mong gi yon tan cung zad yod pas til
 mar la sogs pa'i 'og tu 'chang thams cad kyi spyi yon tan smos pa ni chang ni drod 'bar yi ga 'byed/ /rno zhing drod skyes khong rta dga' / /mar bcas kha zhing tsha ba dang/ /zhu rjes skyur zhing cung zad 'khru/ /bska bcas gdangs snyan nad med dang/ /stobs
 skyed ma dang 'gyur khong yangs la/ /gnyid med pa dang gnyid cha la/ /phan zhing khrag dang mkhris pa skyed/ /rigs 'thungs skems dang sbom phan zhing/ /rtsub rno lus sgo khyab cing sbyong/ /rlung dang bad kan sel ba yin/ /gzhan du bsten na dug
 dang mtshungs/ /zhes bya ba 'di ni chang thams cad kyi thun mong gi yon tan brjod pa yin te/ de la chang ngo cog thams cad ni drod 'bar bar byed cing me'i shas skyes pas na drod 'bar ro/ /yi ga 'byed zhing zas la sred pa skye bas na/ yi ga
 'byed ces bya ste/ /'bras chan la sogs pa 'dod pa bskyed pa'o/ /rno ba ni lum zungs rnams sbyong bar byed cing/ tshigs kyi mtshams sbyor dam po lhod par byed pa'o/ /drod skyed pa ni nus pa dang ldan pa'o/ /khong brta ba ni lus rgyas bar
 byed pa'o/ /dga' ba ni sems mgu bar byed pa'o/ /mngar bcas kha zhing tsha dang bcas zhes bya ba ni ro cung zad mngar ba dang/ cung zad kha ba dang/ de bzhin du zhu ba'i rjes dang/ ro cung zad skyur ba nyid yin pa dang/ 'khru ba ste khong 'khru bar byed
 pa dang/ bska bcas zhes bya ba cung zad bska ba'i ro dang ldan pa'o/ /de bzhin gdangs snyan par byed pa'ang yin te/ gdangs snyan pa ni tshig bsal zhing gdangs mtho ba'o/ /nad med pa ni tha mal bar gnas pa nyid de/ de
 bye ba dang/ spobs pa ni smra ba las zhum pa med par 'gyur ba dang/ mdog ste mdangs dang ldan pa yang ba nyid dang/ gnyid med pa dang/ gnyid che ba la phan zhing bsod pa la ni/ chang thams cad ma yin gyi/ gang bad kan la sogs
 pa 'phel bar byed pa ni gnyid med pa la phan ste/ dper na 'bru'i chang la sogs pa lta bu'o/ /chang la la ni gnyid che ba la phan te/ gang bad kan la sogs pa sel bar byed pa sbrang chang la sogs pa lta bu'o/ /yang na mthu nyid kyis
 chang thams cad gnyid med pa dang/ gnyid che ba la phan no/ /khrag dang mkhris pa skyed pa ni khrag dang mkhris pa'i nang sel bar byed pa'o/ /rigs 'thungs skems dang spom phan zhing zhes pa ni/ mi skem po dang 'tsho zhing spom
 pa la phan zhing bsod pa yin no/ /zhes spyir smos su zin kyi chang la la ni skems ba la phan pa yin la/ chang la la ni sbom pa la phan pa yin gyi /spom pa la phan pa de nyid skems pa la phan pa ni ma yin no/ /yang na
 zas la sogs pa dang ran bar 'thungs pa'i dbang gis sam/ sbyor ba la sogs pa'i dbang gis sam/ rdzas kyi nus pa'i dbang gis thams cad kyang skem pa dang sbom pa la phan pa yin no/ /de bzhin du rtsub pa'i
 yon tan dang ldan pa dang/ rno ba ni rtsa phra mo rnams la 'jug par byed pa'o/ /lus kyi sgo khyab cing spyod ba ni bad kan dang rlung dang tshil dang dri mas yongs su gang ba rnams dang zhing dri ma med par byed ba'o/ /de bzhin du de ran par
 'thungs na rlung dang bad kan dag kyang sel cing 'joms pa yin no/ /de la ran par zhes bya ba ni cha mnyam pa'i sbyor ba ste/ thun chod dang/ yul dang/ dus la sogs pa'i rnam par shes par byas nas/ de dang rjes su gang mthun par gang
 'thung ba de ni/ de'i rigs pa 'am ran pa yin no/ /de nyid kyis na gzhungs las/ de bas 'di yi sbyor bshad pa/ /gang zhig bder 'gyur 'ba' zhig phyir/ /zhes bshad pa dang/ de bzhin du nus stobs dang dus dang yul dang/ bdag
 nyid kyi rang bzhin gang yin pa dang/ mthun pa'i grogs dang/ nad kyi tshul dang/ na tshod kyi rim pa shes par byas nas/ de dang rjes su mthun par 'thungs na bdud rtsi 'thungs ba dang mtshungs pa yin gyi/ de las gzhan bar rigs pa
 dang/ /mi ldan zhing/ rnam par mi dpyad par mthungs na dug dang mtshungs shing 'dra ba yin no/ /mi rigs par 'thungs pa ni dman pa 'am/ log pa 'am ha cang mang du 'thungs pa yin no/ /de yang bsdus pa chen po las chang la
 sogs pa bsten pa ni blo dang brtan pa dang/ dran pa 'phrog par byed pa yin no zhes bshad do/ /chang sar lci zhing nyes skyed yin/ /chang rnying de las gzhan du byed ces bya ba la/ chang de thams cad las chang sar pa ni lci zhing nyes pa
 rnams 'khrugs par skyed par byed pa yin no/ /chang rnyings shing grungs mar gyur pa/ kha dog dang dri dang ro phun tshogs dang ldan pa'i chang thams cad ni sngar bshad pa'i chang sar pa de las gzhan du byed de/ de yang zhing nyes pa sel
 bar byed pa mod kyi/ 'on kyang mkhris pa ni skyed la/ rlung dang bad kan ni 'joms pa yin par sngar bshad pa yin no/ /tsha ba'i spyod par ldan mi btung/ /sun cing bkres nyen nang bas min/ /shin tu rno min sar pa dang/ legs par ma bslang rnyog
 can min zhes bya ba ni/ chang de thams cad tsha zhing dro ba'i kun tu spyod pa dang ldan pa'i skyes bu btung bar mi bya'o/ /de la spyod pa zhes bya ba ni/ bya ba ste/ de yang zas dang spyod lam gyi tshul te/ zas tsha ba zos pa'i rjes dang/ so
 ga la sogs pa tsha ba'i dus dang/ nyi tshan la sogs pas gdungs shing tsha ba'i skyes bus btung bar mi bya'o/ /de bzhin du chang gi sun pas de'i tshe btung bar mi bya ba dang/ /de bzhin du bkres pas nyen cing zil gyis mnan pa'i mi
 btung ba dang/ de bzhin du nang pas btung bar mi bya ste/ de bas na lus kyi gnas skabs las pags te/ chang mi btung ba yang yod pas shes par bya'o/ /de bzhin du shin tu rno zhing tsha bas mi btung ba dang/ shin tu gzhon zhing 'jam pa
 ni mi btung ba dang/ de bzhin du legs par ma bslang ba ste/ rgun 'brum dang/ bu ram shing dang/ 'bras bu dang/ sbrang rtsi la sogs pa dang da ta ki la sogs pa'i rtsi nyung zad sbyar zhing/ /chang du legs par ma reg pa yang btung ba mi bya'o/ /rnyog can yin
 zhes pa ni rdul dang 'dam rdzab dang/ bong ba dang/ rdo'i gseg ma la sogs pa dang ldan pa yang btung bar mi bya'o/ /'bru chang skran dang dmu rdzing dang/ /rtug skem glo gcod sel ba dang/ /rlung 'joms tshil dang khrag skyed cing/ /gcin bder
 'byin dang bad kan skyed ces bya ba ni/ chang gang 'bras sA lu btags pa las byas pa/ bska zhing dgar ba de'i yon tan 'di dag yin te/ chang des skran la sogs pa sel zhing 'joms pa dang/ tshil skyed par byed pa dang/ de bzhin du
 lci zhing rlung 'joms par byed pa dang/ tshil la sogs pa spyod cing 'phel bar byed do/ /chang dangs yon tan de 'dra bas/ /yid 'ong yang zhing rno ba dang/ gzer dang lud pa dbugs mi bde/ /skyur bro bshad 'gags spos cham 'joms
 zhes bya ba ni/ chang gi dangs ma steng du byung ba rnyog pa med pa chu lta bu de la ni dangs ma zhes bya ste/ de yang lung las/ dangs ma chu zhes bya bar bshad/ /'dzog ba de de bzhin chang yin la/ /de 'og bska ba zhes bya ste/ de'i 'og ma snyigs mar bshad
 ces 'byung ba yin no/ /chang gi dangs ma de ni snga ma'i chang bska ba'i yon tan gang yin ba de/ thams cad dangs ma 'di yang yin pas/ yon tan snga ma de dang 'dra bar shes par bya ba dang/ de ni yang yid du 'ong zhing snying dga' bar byed pa
 dang de bzhin du yang ba dang/ rno bas bad kan dang tshil la sogs pa sel bar byed pa dang/ gzer ba la sogs pa yang 'joms shing sel ba yin no/ /ba ru'i chang ni yang zhing phan/ /shin tu ra ror mi 'gyur zhing/ /rma dang skya rbab mdze nad
 la/ ha cang gnod par mi 'gyur yin/ /zhes bya ba la ba ru ra las sbyar ba'i chang ni ba ru ra'i chang ste/ de ni yang ba phan pa dang/ shin tu ra ror mi 'gyur zhing zhes pa shas cher myos par mi byed pa dang/ de bzhin du rma dang skya rbab kyi nad
 dang/ mdze nad dag la de chang gzhan ltar ha cang mi gnod pa yin no/ /rdzas bzhin yon tan rjes mthun chang/ /chang gi yon tan kun las lhag/ pho nad skya rbab mdze gzhang 'brum/ lus skem skran 'or dmu rdzing rims/ /skran dang
 srin nad mtsher nad sel/ /ro ni bska zhing tsha rlung bskyed/ /ces bya ba la rdzas bzhin yon tan rjes mthun tshod zhes bya ba ni/ rdzas gang bskol nas byas pa 'am/ mnan nas byas pa na/ de rnams kyi yon tan ni de'i rjes su 'gro
 zhing rjes su 'brang ba ste/ de'i yon tan dang ldan par 'gyur ro zhes bya ba'i don to/ /de yang chang gi yon tan kun las lhag ces bya ba yin te/ drod bskyed pa la sogs pa'i chang gi yon tan thams cad las yon tan ldan
 cing mang ba yin pa dang/ de bzhin du pho ba'i nad la sogs pa'i gnod pa rnams sel zhing 'joms pa yin no/ /de'i ro ni bska ba dang tsha ba yin zhing rlung skyed par byed pa yin no/ /rgun chang nad spyod snying la phan/ /shin
 tu dro min mngar shing 'khru/ /mkhris rlung cung zad skyed skya rbab/ /gcin nad gzhang 'brum srin nad sel bya ba la/ rgun 'brum las byas pa'i chang ni rgun chang ste/ de ni nad sbyong zhing sel ba yin te/ shin tu rno ba yin pas bad kan la sogs
 pa sel ba yin no/ /snying la phan pa ni snying dga' bar byed pa'o/ /shin tu dro ba ma yin pa ni cung zad dro ba'o/ /mngar ba ni ro mngar ba'o/ /de bzhin 'khru bar byed pa dang/ /mkhris pa dang rlung cung zad bskyed pa ni/ chang gzhan las bltos
 na skyed pa yin no/ /de bzhin du skya 'bab la sogs pa sel ba yin no/ /bu ram chang ni gcin rtug 'gag/ 'byin zhing ngoms la drod skyed yin/ /zhes bya ba la/ bu ram las byas pa'i chang gi bye brag gis ni bu ram chang ste/ de ni gcin rtug
 'gags pa 'byin pa yin te/ gcin 'gag pa dang rtug pa phyen 'gag pa 'byin cing phyi rol tu 'da' bar byed pa yin no/ /de bzhin du tshim zhing ngoms par byed pa dang/ me'i drod gsal bar byed cing skyed par byed pa yin no/ /bu ram shing chang
 rlung mkhris skyed/ /bsnum dang bad kan las byung 'joms/ /tshil 'or dmu rdzings gzhang 'brum sel/ /de las khu ba bskol mchog yin zhes bya ba la/ bu ram chang ni bu ram shing gi khu ba bskol ba dang/ ma bskol ba las byung
 ba ste/ de yang lus las/ bu ram shing khu'i bu ram chang/ /rlon pa yis ni nus pa bsil/ /bskol ba bskol ma'i chang zhes bya zhes bshad pa yin no/ /bu ram chang de ni rlung mkhris pa skyed par byed pa yin la/ snum las byung ba
 bad kan las byung ba'i ni 'jom shing sel bar byed pa yin no/ /de bzhin du tshil dang/ 'or nad dang gzhang 'grum dang/ spos ba sil ba yin no/ /de las zhes pa bu ram shing las byung ba'i chang gnyis kyi nang nas khu ba bskol ba'i chang
 ni mchog ste dam pa yin no/ /sbrang chang 'gribs byed rno ba ste/ gcin nad cham pa lud pa sel zhes bya ba ni/ sbrang rtsi dbang? ta ki la sogs pa sbyar ba las byas pa'i chang ni sbrang chang ste/ de ni 'grib byed ces bya ba tshil la sogs pa
 'grib par byed cing/ rno ba las lus zungs kyi gnas sel bar byed pa yin no/ /de bzhin du gcin nad dang cham pa dang lud pa'i nad sel cing rgyal bar byed pa yin no/ /tsha ni khrag mkhris bad kan dag/ 'ju zhing rlung ni snyoms byed la//
 rab tu che zhing rno rtsub 'byung/ /yid 'ong yi ga 'byed cing 'khru/ /drod bskyed reg na bsil ba dang/ /skya rbab srin sil mig la gnod ces bya ba ni/ chang thams cad phal char rol dang ldan pa yin zin du kyang/ dus las yol zhing gzhan
 du gyur pa na gang gi tshe de'i mngar ba la sogs pa'i ro bzhi yal nas/ ro skyur ba 'ba' zhig shas cher 'phel zhing bdo ba de'i tshe/ de ni tsha zhes bya ste/ de nyid kyis na chang thams cad ni zhu ba'i rjes skyur ba yin no zhes bstan pa yin no/ /
 de yang lung las/ shin tu skyur ba tsha zhes bshad pa yin no/ /de'i phyir chang thams cad ni yun ring po lon pa dang/ shin tu skyur bar 'gyur ba ni tsha zhes sman dpyad kyi lung las bsten pa rnams zer ro/ /tshad na khrag dang mkhris pa dang
 bad kan dag 'ju bar byed cing/ rang gi gnas nas spyod par byed de/ /tha dad pa las 'dres pa yin par shes par bya'o/ /de bzhin du rlung snyoms par byed pa yin pas na/ rlung ni snyoms byed la zhes bya ste/ 'dis snyoms pa 'am zhi bar byed
 pa'o/ de yang lam gzhan na gnas pa las byung ba drangs nas/ rang gi gnas su gnas par rdzas gang gis byed pa de ni rlung 'joms par byed pa ste/ lam log pa na gnas pa na rang gi gnas su 'jog par
 byed do/ /zhes bya ba'i don to/ /yang de ni rab tu rno? ba dang/ rtsub pa dang skyur ba dang/ yid du 'ong ba dang yi ga 'byed par byed pa dang/ khong 'khru ba dang/ pho ba'i me drod skyed pa dang/ reg pa bsil ba dang/ bskus shing byugs na bsil bar
 byed pa dang/ de bzhin du skya rbab srin sel ba dang/ mig la gnod pa yin no/ /bu ram shing rgun chad/ /tsha ni phyi ma phyi mas yang zhes bya ba ni/ bu ram la sogs pa'i tsha ni phyi ma ji lta ba bzhin du yang pa yin te/ de yang bu ram chang?
 gi tsha las bu ram shing gi khu ba'i tsha yang ba yin la/ bu ram shing gi khu ba'i tsha bas ni chang gzhan gyi tsha ba yang ba yin la/ chang thams cad kyi tsha bas ni rgun chang gi tsha ba yang ba yin par shes par bya'o/ /sdong bu rtsa ba 'bras sogs
 las/ mnan byas de dang 'drar shes zhes bya ba ni/ de la tsha ba de rnams nyid dang/ sdong bu dang/ rtsa ba dang/ 'bras bu la sogs pa mnan pa las byung ba yang de dang 'dra bar shes par bya ste/ tsha shin tu dro ba'i nus pa dang stobs su ldan
 pa dang/ 'dra bar sdong bu la sogs pa las mnan te byas pa yang de dang 'dra ba'o/ /sogs pa'i sgras ni shun pa dang lo ma la sogs pa bsdu'o/ /rdo gu sogs las bzhur ba gzhan/ /dus kyi skyur po yang bas lan zhes bya ba ni/ rdo gu
 la sogs pa'i tshod ma'i rnam pa mnan nas skyur por byas pa de ni yang ba dang/ zas len cing yi ga 'byed pa yin la/ de bzhin du rdo gu dang/ rtsa ba dang/ 'bras bu la sogs pa'i dus ring por skyur por gyur pa yang/ yang zhing zas?
 len par byed pa yin no/ /des na de gnyis ga yang yi ga 'byed par bya ba yin no/ /'bras khu'i? rang skyur 'khu rno tshe/ /mkhris pa skyed byed bskus na bsil/ ngal dang rmya sel yi ga 'byed/ /dro skyed chu so'i nad sel yin zhes bya ba la/ 'bras khu'i rang skyur
 ni 'bras kyi khu le mnan nas/ rang skyur du gyur pa'i btung ba kiny+dza? zhes bya ba ste/ de ni chang dang tshwa dang skyur po dang/ cung zad 'drang bas sde tshoms 'di'i nang du bstan pa yin te/ ji ltar chang yo byad bsags nas byed pa de bzhin du rang skyur 'di yang byed
 pa dang/ gzhan yang chu mang ba nyid kyis chang dang 'dra zhing rag pa bsil ba yin no/ /de 'khru ba ste/ khong 'khru ba yin no/ /de skad du lung las/ bshang ba la sogs gong po mi 'jigs pas 'khru ba zhes bshad de/ de las bzlog pa 'gags pa ni
 rtug skam zhes ni bya bar bshad zhes 'byung ba yin no/ /rno ba ni bad kan la sogs pa 'jigs pa'o/ /mkhris pa bskyed pa ni/ mkhris pa 'phel bar byed pa'o/ /bskus na bsil zhes bya ba ni/ lus kyi phyi rol nas bskus na cha ba sel ba'o/ /ngal rma
 sel zhes bya ba ni/ rtsol zhing las su byed pa la sogs pas zhum zhing zhan par gyur pa ni/ ngal ba zhes bya ba la sogs pa mi byad par lus zhum zhing nyams chung ba ni rmya ba zhes bya ste/ de dag sel bar byed pas na/ ngal ba dang rmya sel zhes bya'o//
 yi ga 'bye ba ni zas 'dod pa'i ngang tshul can no/ /yi ga 'chus par byed pa nges par 'joms pa yin pa'i phyir drod skyed pa'o/ /chu so'i nad sel yin zhes bya ba ni/ lgang pa'i nad sel cing 'byin par byed pa yin pas na de skad ces bya'o/ /mas btang
 la phan yid du 'ong/ yang zhing rlung dang bad kan 'joms zhes bya ba la/ de bzhin du mas btang ba la phan ba zhes bya ste/ mas btang ba ni rlung las gyur pa'i nad la/ spu gu nas mar khu la sogs pa gshang ba'i lam nas 'dzur pa ste/ de ni 'og
 nas bshad par bya'o/ /gzhan dag ni go sla'o/ /ba gcin ra lug ma he dang/ /glang po rta bong rnga mo'i gcin/ /mkhris bskyed rtsub cing rno la tsha/ /'thungs rjes tshwa bro ro tsha ste/ /srin nad 'or nad dmu rdzing sbos/ /gzer dang
 skya? rbab bad kan rlung/ dug skran sha bkra yi ga 'chus/ /mdze dang gzhang 'brum myur du 'joms/ /zhes bya ba ni ba gcin la sogs pa'i gcin rnam pa brgyad 'dir bstan pa ni dro ba dang rno ba'i yon tan mang bas/ chang dang cha 'thun
 pa yod pa bshad pa yin la/ rnam pa de brgyad char yang mkhris pa bskyed ces bya ba ste/ mkhris pa 'phel bar byed pa dang/ rtsub pa dang/ rno ba dang/ tsha ba yin zhing 'thungs pa'i rjes lan tshwa bro ba gang yin pa de ni 'thungs rjes tshwa bro
 zhes bya ste/ 'thungs pa dang ro gzhan gyi rjes la lan tshwa bro pa yin la/ de yang gsal ba dang mi gsal bar bshad do/ /de la ro ni gsal zhes bya/ /mi gsal ba ni 'thungs rjes ro/ /mthar gsal bar yang 'dod pa yin zhes
 bshad pa yin no/ /de bzhin du ro las tsha ba yin pa dang/ srin bu la sogs pa 'joms shing yang bar gyur pa yin no/ /de ltar chu bo bu ram shing/ /til mar chang gi sde tshoms rims/ /gsher ba'i rdzas phyogs gcig pa 'di/
 rags rim ji bzhin bstan pa yin/ /zhes bshad pa ni de ltar zhes bya ba bshad ma thag pa'i rnam pas chu dang 'o ma la sogs pa gsher ba'i rdzas kyi sde tshoms kyis/ tshigs kyi rim pa'i go rim bstan pa dang/ bshad
 pa'i tshul ji lta ba phyogs gcig ces pa/ yan lag gi phyogs gcig gam/ cung zad tsam bstan pa yin gyi/ gsher ba'i rdzas mdza' dag ma lus pa bstan cing bshad pa ni ma yin te/ de dag ni rags rim ji bzhin bstan
 pa yin zhes bya ba ste/ rags shing sbom pa ma bor ba tsam du rags rims mthong ba bstan pa yin gyi/ zhib du phra ba las rnam par dpyad pa ni mdza' yas pa yin no/ /de bas cung zad tsam zhig kho bos smras pa yin no/ /yan lag brgyad pa'i snying po'i rnam par
 'grel? pa tshig gi don gyi bla zer zhes bya ba/ slob dpon zla ba la dga' bas rnam par sbyar ba las le'u lnga pa'i rnam par 'grel pa'o// //de nas kha zas kyi tshul brtag cing shes par bya ba'i le'u bshad bar bya'o zhes bya ba la/ 'di'i 'grel pa
 ni 'di yin te/ gnas dang po 'jig rten chags pa'i dus su dang po ni chu 'di byung ba yin la/ de'i 'og tu ni zas byung ngo/ /de'i 'og tu ni sems can byung ba yin te/ de ltar ni 'di'i rjes thogs la kha zas kyi tshul brtag cing shes par bya
 ba'i le'u brtsams pa yin no/ /de la zas kyi rang bzhin gyi tshul ni/ g.yos su byas pa dang/ g.yos su ma byas pa ste/ de'i ro dang nus pa dang zhu ba'i rjes dang/ mthu stobs dang/ yon tan la sogs pa dang/ de brtag cing shes par bya ba ni khong du
 chud pa ste/ de la phan par byed pa'i le'u gang yin pa de bshad par bya'o/ /de la zas ni gang bza' bar bya ba ste/ 'bru la sogs pa'o/ /'bru yang gra ma can dang/ gang bu can gyi dbye bas rnam pa gnyis so/ /de las kyang gra ma can gtso bo yin pas
 dang por bstan te/ /gtso bor gyur pa ni mang du dgos shing gzhes pa yin gyi/ gang bu can gyi 'bru ni sran chod la sogs pa nyid kyis cung zad dgongs pa'i phyir gtso bo yin la de bas na 'dir smras pa ni rtsa nar 'bras chen ka ma la/ drug cu pa dang 
 bya yi blangs/ /sgron bu'i mchu dang rtse rnon dang/ ro dri'i 'bras 'dra dri bzang dang/ /pa tad ga dang gser mdog can/ /gang gzhan 'bras ni bzang po rnams/ /ro mngar zhu rjes mngar zhing snum/ /ro tsa bshang gci bsga zhing chug /de rjes pas?
 zhing phan pa dang/ /yang zhing gcin mang bsil ba yin zhes bya ba ni/ 'bras gzhan dag las sA lu rtsa snang rak+ta sha li zhes bya ba la sogs pa ni gtso bo yin pas dang por smos pa yin no/ /de la rak+ta sha li nas gser
 mdog can zhes pa Ta pa li zhes bya ba'i 'bras dang/ gzhan yang gang dag de dang 'dra ba'i 'bras dkar po de bzang po thams cad ni ro mngar ba dang/ zhu ba'i rjes mngar ba yin pa dang snum pa dang/ ro tsa zhing khu ba 'phel ba dang/
 bshang gci bska zhing bsgongs pa chung ngur byed pa dang/ ro'i rjes bska zhes pa bska ba'i ro ha cang mi gsal zhing/ shas chung ba dang ldan pa dang/ phan zhing gnod pa sel ba dang/ de bzhin du yang ba'i yon tan dang ldan pa dang/ gcin
 mang zhing 'phel bar byed pa dang/ gsil zhing grang ba'i nus pa yod pa ste/ yon tan de dag dang ldan pa yin no/ /de la rtse mo'i nang rtsa? snar mchog yin skom dang nyes gsum sel byed pa ni/ de la rtse mo rno zhing gra ma can de rnams
 kyi nang na rtsa snar te/ rak+ta sha li ni mchog dang dam pa yin la/ de ni skom dang sel ba dang/ nyes gsum sel bar byed pa yin no/ /de yi 'og tu 'bras chen sman/ de'i 'og ka lam yi 'og ces bya ba mi rak+ta sha li de'i 'og tu ni 'bras
 chen te/ ma hU sha li zhes bya ba yon tan gyis snga ma las dman pa yin la/ ma hA sha li de'i 'og ka ma la ma Ni de bas kyang yon tan chung pa yin no/ /de bas kyang de'i 'og ma drug cu pa la sogs pa de rnams rims gyis/ snga ma snga ma las
 phyi ma phyi ma yon tan chung ba yin no/ /nas 'dra ha ya na char ma/ /ne sha da ka la sogs ni/ /ro dang dri zhim lci la snum/ /zhu ba'i rjes gyur ba da mkhris bskyed/ /bshang dang gci ba mthur du 'byin/ /snga ma snga ma smad pa yin zhes bya ba ni/
 nas 'dra zhes bya ba ya ba ka la sogs pa'i 'bras rnams ni ro mngar zhing bsil ba dang/ de bzhin du nus dro zhing lci ba dang/ snum pa'i yon tan dang ldan pas snum pa dag zhu ba'i rjes skyur ba nyid du smin par 'gyur ba dang/ bad kan dang mkhris bskyed
 cing 'phel bar byed pa dang/ bshang ba dang gci ba mthur du 'byin cing phyi rol tu 'byung bar byed pa dang/ de bzhin du snga ma snga ma ste/ gang zhig gang las snga mar gyur zhing/ gong ma yin pa de smad cing mchog ma yin pa nyid yin no/ /des na ni shad
 las char? pa rdul can du skyes pa smad pa yin la/ char ma las ni ha ya na smad pa yin la/ de las nas 'dra zhes pa smad pa yin te/ de ltar na thams cad las ya ba ka zhes pa nas 'dra smad pa yin no/ /'bras na drug cu pa mchog ste/ rtsa ser shun pa
 gnag pa dang/ snum zhing 'ju sla brtan cing mngar/ /nyes pa gsum sel bsil rtug 'dril zhes bya ba ni/ 'bras sha sri ka ces bya ba drug cu pa ni snum pa'i yon tan dang ldan pas na snum pa'o/ /brtan pa ni lus brtan par byed cing/ de bzhin du ngal
 ba dang/ du ba ba dang/ rmya pa sel ba yin te/ de nyid kyis na bcud kyis len dang/ rims la sogs pa de dang der lus nyams chung zhing sbeg pa la sbyin pa nyid du bstan pa yin no/ /de ni 'bru rnams kyi yon tan gyi nang nas mchog yin la/ de la 'ang rtsa ser ba
 dang/ shun pa gnag pa'i dbye bas rnam pa gnyis yod la/ de gnyis las kyang shun pa gnag pa bas rtsa ser ba mchog yin no/ /de las rim bzhin thug chen dang/ shun nag rgya skyegs tshigs ma 'dra/ khyim bya'i sgong 'dra 'ur pa'i mig/ phug ron
 'bras dang su ka ra/ ba ra ka dang utpa la dmar ci na ston skyes da du ra/ gand+ha na dang ku ru bi na/ /yon tan rim bzhin chung zhes bya zhes bya ba ni drug cu ba dang/ 'bras chen la sogs pa nas/ ku ru bandi'i mthar thug pa dag ni go rim bzhin du yon tan dag
 chung zhing dman pa nyid du shes par bya'o/ /de ltar thug po che'i yon tan las ni shun pa gnag pa kriSh+Na bri ha zhes bya ba yon tan chung ba yin la/ de las ni rgya skyegs tshigs ma 'dra byung ba yin pa nas/ 'bras thams cad las
 ku ru bandi yon tan chung ba nyid yin pas shes par bya'o/ /'bras gzhan mngar zhing zhu rjes skyur/ /mkhris pa skyed cing lci ba dang/ gcin rtug mang zhing tsha ba yin/ /pa ta la nyid nyes gsum skyed/ ces bya ba ni/ 'bras gzhan zhes bya ba gong
 du ma bshad pa'i 'bras rnams ni ro mngar ba dang/ de bzhin du rjes skyur zhes pa/ zhu ba'i rjes skyur bar 'gyur pa dang/ mkhris pa skyed cing 'phel ba dang/ gci ba dang/ rtug pa mang bar 'gyur ba dang/ tsha ba yin zhes bya ba drod skyed pa ste/ 'dir tsha ba'i
 sgra ni drod skyed pa la bya'i/ /mkhris pa ni ma yin te/ gong du mkhris pa skyed ces smos pa'i phyir ro/ /pa ta la nyid nyes gsum bskyed ces bya ba ni pa ta la zhes bya ba'i 'bras bu na nyes gsum char bskyed pa yin te/ gnod pa gsum shin tu
 'khrug pa yin par shes par bya ste/ nyes pa gsum bskyed pa nyid kyis ni 'di bza' ba ni bkag pa yin no/ /ci tse khre dang ni par/ /khre rgong rne'u 'bras sogs bsil yang/ /rtsa 'bru de dag rlung skyed cing/ /khong rtsub bad kan mkhris pa
 sel/ /zhes bya ba ni ci tse la sogs pa'i rtsa can gyi 'bras bu ni bsil ba ste grang ba'i nus pa yod pa dang/ yang ba dang rlung skyed cing 'bel bar byed pa dang/ de bzhin du khong rtsub cing 'khrugs pa dang/ bad kan dang mkhris bsel cing 'joms pa
 yin no/ /de la khre ni rtas byed lci/ /lus kyi chag 'brugs 'byor bar byed ces bya ba ni/ de la rtsa can gyi 'bru de rnams kyi nang nas khre ni lus rtas par byed pa dang/ gci ba dang/ lus kyi yan? lag gi chags drug 'byor cing 'tsho bar byed pa yin
 no/ /khre rgod mchog tu 'khru gcod cing/ reg na bsil la dug sel yin zhes bya ba ni/ rtsa ba can gyi 'bru'i nad na khre rgod de/ /ko tra ba ni shin tu yang 'khru pa gcod cing/ sdud pa'i ngang tshul dang/ reg na bsil ba ste/ phyi rol tu bsku ba la sogs pa la
 sbyar na/ reg na bsil pa nyid kyis tsha ba sel bar byed do/ /dug sel zhing 'joms pa yin pas na/ dug sel yin zhes bya'o/ /nas ni rtsub bsil lci la mngar/ /cung zad khong 'khru bshang rlung 'phel/ /ro tsa brtan byed gci na dang ni/ /tshil dang
 bad kan mkhris pa sel/ cham pa lud pa dbugs mi bde/ /dar rgan lkog nad pags nad sel zhes bya ba ni/ nad ni rtsub pa'i yon tan dang ldan pas na rtsub pa'o/ /bsil ba ni bsil ba'i nus pa dang ldan pa'o/ /de bzhin du lci ba dang/ ro mngar pa dang
 cung zad khong? 'khru ba dang/ bshad pa dang rlung 'phel zhing skyed pa yin te/ des na bshad pa zad pa dag la drang srong dag gis 'di'i sbyor ba bshad pa yin no/ /de bzhin du ro tsa ba dang lus brtan par byed pa dang/ gcin dang tshil? la sogs pa sel
 cing 'joms par byed pa yin no/ /nas rgang cung zad dman pa yin zhes bya ba ni/ nas dang dbyibs sra ba las/ shin tu phra ba las ni rgod ces bya ste/ de ni nas kyi yon tan las dman zhing zhan pa yin no/ /de ni 'jig rten na nas 'dra zhes ming du
 grags pa'o/ /smyig skyes 'jam? na rtsub cing tsha zhes bya ba ni/ smyig ma las skyes pas na smyig skyes te/ 'on ma'i 'bras bu'i nas zhes lung las bshad pa'o/ /smyug ma las byung ba'i nas de ni/ smyig ma'i 'bras bu nas 'dra ba de/ rtsub pa dang/
 de bzhin du tsha ba'i nus pa dang ldan pa yin no/ /gro ni ro tsa snum bsil lci/ /'tsho byed rlung dang mkhris pa sel/ /chag grugs 'byor byed mngar ba dang/ sha mkhregs byed cing cung zad 'khru zhes ba la/ gro ni ro tsa ba ste/ bud med la phod par byed pa
 dang/ snum ba dang bsil ba la sogs pa'i yon tan dang ldan pa yin no/ /nan di mu kha ro bska zhing/ bsil zhing mngar yang phan pa yin zhes bya ba la/ nandi mu kha ni phrin pa ste/ gro'i rigs su gtogs pa phra zhing ri rab yin te/ de ni
 bsil zhing ro mngar ba dang/ bska ba dang/ yang ba'i yon tan dang ldan zhes gnod pa dang/ dri ma rnams la phan zhing bsod pa yin no/ /gram can gyi 'bru sna tshogs kyi sde mtshan no// //tshod ma bya ba'i don du/ gra ma can gyi sde
 tshan gyi 'og tu/ gang bu chags ba'i 'bru'i sde mtshan ston pa yin te/ de'i phyir smras pa ni mon sran rde'u dkar sran chung sogs/ gang bu can 'bru rtsa sgo 'gag/ ro bska mngar zhing 'khru ba gcod/ /zhu rjes tshal bsil zhing yang/ /chil
 dang khrag dang mkhris ba la/ /bskus shing blug na phan pa yin/ /'di las mdug mchog rlung chung/ /sran ma shin tu rlung bskyed yin/ /zhes bya ba la/ mon sran rde'u ni sran ma mjng+ga'o/ /mon sran dkar ru ni a d+ha ka zhes sam/ to ba ri zhes
 grags pa'o/ /sogs ba'i sgas ni sran ma la sogs pa yongs su bsdu'o/ /mon sran rde'u la sogs pa'i gang bu can gyi 'bru de rnams ni rtsa sbubs rnams kyi sgo 'gags par byed pas na/ rtsa sgo 'gag pa'o/ de bzhin du ro ni mngar pa
 dang bska ba yin no/ /'khru ba gcod pa ni gang bshad pa la sogs sla pa 'am/ 'bye ba bsdus shing gong bor byed bas na khru ba gcod par byed pa yin no/ /de bzhin du zhu ba'i rjes tsha ba ste/ pho ba'i me drod dang phrad pa las ro gzhan
 du 'gyur ba'o/ /de bzhin du bsil zhing yang ba dang/ tshil dang khrag dang mkhris pa'i nad la brtags te/ bskus ba'i lus la khu ba blugs na phan zhing bde bar 'gyur ro/ /'di las mur ga mchog rlung chung zhes bya ba ni/ gang bu
 can gyi 'bru 'di dag gi nang na mutga ni zhes pa/ mon sran rde'u mchog ste/ dam pa yin pa dang/ de bzhin du rlung chung zhes bya ba ste/ rlung cung zhig skyed pa yin no/ /sran ma shin tu rlung bskyed yin zhes bya ba ni/ /sran ma ni shin tu rlung shas cher rlung
 bskyed ba yin no/ /mon sran dkar po rlung bskyed cing/ /rtsub cing lci la bshang ba 'phel bya ba la/ mon sran dkar po ra dza mA Sha zhes bya ba ni/ rlung shas cher skyed par byed pa dang rtsub pa dang/ lci ba dang bshang ba che zhing 'phel bar byed pa yin no//
 rgya sran nag cha zhu rjes skyur/ /chu khu'i rde'u cham lung pa/ /dbugs mi rlung bar gzhang 'brum/ /'joms shing khrag mkhris mchog bskyed ces bya ba la/ rgya sran nag po ku lat+tha zhes bya ba ni tsha ba ste/ nus pa tsha ba dang ldan pa dang/ zhu rjes skyur
 ba ste/ smin pa dang skyur ba zhes bya ba'i don to/ /khu ba las bskyed pa'i rde'u ni/ /bu chu'i rde'u ste/ de la sogs pa 'joms pa dang/ de bzhin du khrag mkhris mchog tu shes cher skyed par byed pa yin no/ /niShpa pa ni rlung mkhris khrag/ nu
 zhe gcin 'phel lci zhing 'khru/ /tsha byed ming /gnod khu ba'i 'bri/ /bad kan 'or nad dug rnams sel bya ba la/ niShpa ba zhes bya ba'i sran rgod ni/ rlung dang khrag dang mkhris pa dang bud med kyi nu zho dang/ gcin bsel bar byed pa dang/ lci ba dang
 khong 'khru ba dang/ lus tsha bar byed ba dang/ de bzhin du mig la gnod pa dang/ khu ba 'bri zhing zad pa dang/ bad kan zad pa dang/ 'or nad dang/ dug rnams sel bar byed pa yin no/ /mA Sha snum stobs bad kan skyed/ /bshang gcig mkhris
 pa 'phel byed 'khru/ lci zhing che la rlung 'joms dang/ /khu ba 'phel zhing 'byin par byed ces bya ba la/ mA Sha zhes bya ba mon sran gre'u ni snum zhing stobs bskyed pa la sogs pa'i yon tan dang/ de bzhin du khu ba mang du 'phel
 bar byed cing/ khu ba de nyid mtshan gyi lam nas phyir 'byin par byed do/ /ka kandu la kha sral phre'u/ yon tan mon sran gre'u dang 'dra zhes bya ba la/ ka kandu la zhes bya ba ni/ ming 'di nyid 'jig rten pa la grags pa yin no//
 kha sral phre'u ni sran at+ma kupta ste/ sa la 'bying bar skye ba'o/ /'bru de dag ni 'bras bu ni mon sran gre'u dang yon tan 'dra bar shes par bya ste/ sran ma mA Sha la yon tan gang yod pa de/ thams cad dang ldan pa'i don to/ /til 'bru
 dro zhing pags pa 'jam/ /bsil zhing skra dang stobs bskyed la/ /lci zhing lcin nyung zhu rjes tsha/ /yid bzhungs drod bskyed bad mkhris ces bya ba la/ til gyi 'bru ni dro ba ste/ nus ba dro ba dang/ pags pa 'jam zhing mnyen par byed
 pa dang/ bskus na rigs pa/ bsil ba dang/ skra skye ba dang/ stobs bskye ba dang/ de bzhin du lci ba dang/ gcin nyung dur byed pa dang/ de bzhin du zhu ba'i rjes tsha ba dang/ yid gzhungs pa dang/ me'i drod skyed cing bad kan dang mkhris pa 'phel
 zhing skyed pa yin no/ /zar ma snum mngar kha zhing dro/ /lci zhing bad kan mkhris ba skye/ /mig gnod khu skem zhu rjes tsha/ /zhes bya ba la/ zar ma'i 'bras bu ni snum pa dang/ ro mngar zhing kha dang/ nus pa dro ba dang/ lci zhing bad kan dang mkhris pa skyed par byed
 pa dang/ de bzhin du mig la gnod pa dang/ /khu ba skems shing zad pa dang/ /zha ba'i rjes tsha ba yin no/ /le brgan rtsi 'bras de dang 'dra zhes bya ba ni/ me tog le brgan rtsi'i sa bon yang bshad ma thag pa'i zad ma'i yon tan dang nyes pa dang cha mtshungs
 pa yin par shes par bya'o/ /gra ma can las nas rgod dang/ mA Sha gang bu ces tha chad ces bya ba la/ sngar gyi gra ma can rnams kyi tha chad pa ni nad rgod yin/ gang bu can 'di dag gi nang na ni mon sran gre'u ste/ mA Sha tha chad yin par shes par bya'o/ /'bru yi
 gsar thogs bad kan skyed/ /lor lon 'bru ni yang ba yin zhes bya ba ni/ gra ma can gyi 'bru dang/ gang bu can gyi 'bru gsar thog lor ma lon pa ni bad kan skyed cing 'phel bar byed de/ rtsa sbubs rnams nas sla zhing 'dzag pa las mngon par phyogs par zhu
 ba'i tshul gyis/ bad kan skyed pa yin la/ don gyis na rnying pa ni bad kan sel ba yin no/ /lor lon zhes pa lo gcig 'das pa'i 'bru thams cad ni yang ba yin pa/ 'bru gsar pa gci bar ma bshad du zin kyang/ lci ba nyid yin par don gyis ston pa
 yin te/ lo gcig lon pa 'dis lci ba 'ba' zhig dang bral ba yin gyi/ nus pa dang bral ba ni ma yin mod kyi/ 'on kyang snum pa'i yon tan rim gyis nyung zad cung zad 'phro ba yin gyi/ de las rtsub pa zhes bya ba'i gnas skabs gzhan du gyur pa
 ni ma yin no/ /de yang rgyud gzhan dag las/ lo gcig lon pa'i 'bru rnams kun/ /lci ba dag dang bral gyur te/ /de yi nus pa yod ma yin/ /de 'og rim gyis nus dang bral zhes pa yin no/ /myur skyes de bzhin sran ma ni/ /sbun med
 legs brdos? tshod ma yang zhes bya ba la/ myur skye zhes bya ba ni myur du skye zhing smin pa'i 'bras bu ni yang ba yin pa dang/ de bzhin du sran ma zhes pa/ mon sran rde'u la sogs pa'i gang bu can gyi 'bru rnams sbun med ces bya ba bsnun pa
 lus par bsal zhing shun pa med par byas pa dang/ legs par brdos pa'i tshod ma'ang yang ba yin no/ /gang bur chags pa'i 'bru sna tshogs kyi sde tshan no/ /gra ma can gang bu can gyi 'bru sna tshogs kyi sde mtshan bstan pa dag kyang/ me
 la btsos pa la sogs pa'i g.yos su byas pa rang nyid kyi legs par dgos pa byed pa yin gyis gzhan du ni ma yin no/ /de bas na gra ma can dang gang bu can gyi sde mtshan gyi 'og tu kha zas kyi de tshan brtsams pa yin pas/
 de'i phyir smras pa ni/ 'bras thug bskra la gar pa dang/ 'bras can rnams ni snga ma bzhin/ /yang ngo zhes pa'i 'bras thugs slan te la sogs pa'i/ /snga ma snga ma bzhin du yang ba yin par shes par bya ste/ des na 'bras chan ni yang
 ba yin la/ de bas 'bras thug gar po yang ba yin/ gar po bas kyang 'bras thug slan te ches yang ba yin la/ de bas kyang 'bras thugs slan te shin tu yang ba yin no/ /'dir yang thug pa la sogs pa las thug pa slan te mchog yin
 pas na dang por bstan te/ 'di zas kyi rnam pa thams cad las mchog tu gyur pa ni rlung lugs dang mthun par 'jug pa la sogs pa'i yon tan rnams 'di nyid la yod pa'i phyir mchog tu gyur pa yin no/ /de yang pi pi ling dang/ dong
 sga? dang/ se'u 'bru dang/ 'bras yos la sogs pa las byas pa'i zas kyi rnam pa shin tu sla ba ni/ 'bras thug slan te zhes bya ste/ de yang tsa ra ka las/ pi pi ling dang dong gra dang/ se'u 'bras yos chur bcas bskol/ /thug
 pa slar sbyar me drod skyed/ /rlung yang lugs mthun gyu bar byed ces bshad pa yin no/ /'bras thugs slan te rkyang rkyang po de la cung zad bska ba ni thug pa bska ba'i chan la bya la/ de bas kyang shin tu bska ba ni gar po zhes bya'o/ /de yang
 sman dpyad kyi lung las/ spyi dang bral ba thug sla yin/ /spyi ba dang ldan thug pa ste/ /spyi ba bska ba gar po yin/ /nas thug 'bru ni pha dang gnas zhes bshad pa yin no/ /'bras chan ni 'bras bskol ba'i tshan la bya la/ de las sla ba
 ni/ dge zhing rlung ni lugs mthun byed/ /skom rmra nyes pa lhag ma 'joms/ /'ju zhing lus bzungs mnyam bar byed/ /rtsa sbubs mnyen byed rdul ba dang/ me yis drod ni skyed par byed ces bya ba ni/ de la thug pa sogs pa de rnams kyi
 nang nas 'bras thug slan te ni dge zhing nyes pa med cing bde bar gnas par byed la/ bsod cing phan pa yin no/ zhes bya ba'i don to/ /rlung ni lugs mthun byed ces bya ba ni/ lam logs par zhugs pa rang gi rgyu ba'i gnas su 'jog par byed pa dang/
 mi bde ba bde bar byed pa'i don to/ /de bzhin du skom rmya nyes pa lhag ma 'joms zhes bya ba ste/ skom gyi gdungs pa dang/ smya zhing nyams chung ba dang/ zhes pa'i lhag ma rnams 'joms shing sel ba yin te/ skyug sman btang ba 'am/ 'khru
 sman btang pa 'am/ 'jam rtsi btang ba las nyes pa ste/ nad cung zad lung pa gang yin pa de ni nyes pa'i lhag ma ste/ skyug sman dang/ 'khru sman dang/ 'jam rtsims btang bar mi bya ste/ sbyor ba thal ces pa'i 'jigs pa yod pa'i phyir ro//
 'ju zhing lus zungs mnyam par byed ces bya ba ni/ lus zungs si nyes pa rnams 'ju zhing smin par byed pas na/ 'ju zhing zhes bya'o/ /de bzhin du lus zungs rnams dang/ rlung la sogs pa mnyam zhing snyoms par byed pa dang/ lus zungs mnyam
 par byed ces bya ba'o/ de bzhin du rtsa sbubs mnyen par byed pa ste/ rtsa'i sbubs kyi tshogs mnyen zhing 'jam par byed pa dang/ de bzhin du lus la rlung 'byung ba dang/ pho ba'i me drod skyed cing zas rnams bde bar 'ju bar byed pa yin no/ /thul ska bkres skoM
 nyam chung rmya/ /lto nad rims nad sel ba yin/ dri ma 'gags la phan pa ste/ rtsa yi sbubs kyi tshogs gnyen zhing/ /drod skyed nad ni 'ju bar byed ces bya ba'i thug pa cung zad bsko ba ni bkres nas rims nad kyi bar sel zhing 'joms pa yin no/ /nyams
 chung ba ni 'tsho pa'i stobs chung ba'o/ /rmya ba ni ring cing snyom pa'o/ /lto nad ni tshad pa'i nang du 'khru ba dang/ dri ma 'gags pa dang/ gzer dang skran la sogs pa'o/ /dri ma 'gags pa la phan pa ni dri ma rnams bde bar 'byin pa la phan zhing snyom pa'o//
 drod skyed pa ni 'dis me'i drod 'phel bar byed pa'o/ /'ju bar byed pa ni nyes pa rnams 'ju zhing/ smin par byed pa'o/ /thug gar 'khru gcod yi gar 'ong/ /skom sel drod skyed rma dang mig/ bkru sman rjes dang nyam chung dang/ snum 'thungs rjes
 la? phan pa yin zhes bya ba la/ thug pa gar po ni 'khru ba gcod pa ste/ bshang gci sla ba gong bur bgyed pa dang/ yi gar 'ong ba ste/ yid du 'ong zhing dga' bar byed pa dang/ skom sel zhes bya ba skom gyis gdungs bzhi bar byed pa dang/ drod
 skyed ces pa me drod bskyed pa dang/ de bzhin du rma byung ba dang/ mig nad can dang/ bkru sman dang skyugs sman gyis sbyangs pa'i rjes la/ nyams chung zhing sbeg ba dang/ mar la sogs pa'i snum spag 'thungs pa rnams la yang phan zhing bsod pa yin no//
 'bras chan legs bkrus khu tshags tshos/ /blangs pa dang ni bral ba dang/ /gang la tsha ba'i sman rnams kyis/ /bskal ba'i 'bras tshos yang ba yin zhes bya ba ni/ 'bras chan gang legs par bkrus pa ste/ dag par bkrus pa dang/ de bzhin du khu
 btsags zhes pa ste/ phyed tsam tshos nas khu ba btsags pa dang/ tshos pa de legs par tshos pa dang/ rlang pa dang bral bar gyur pa yin no/ /gang yang tsha ba'i sman rnams kyis bskol ba'i 'bras tshos yang ba yin zhes bya ba ni/ gang tsha
 ba'i sman rnams tsha ba lnga la sogs pa'i chu dang bskol ba'i 'bras chan dang/ brdos pas tshos par byas pa'i 'bras yos la sogs pa ni yang ba yin no/ /de las zlog pa dang/ gang zhig ni/ sha khu 'o mas skol sogs lci/ zhes bya ba la/
 'bras chan gang sngar bshad pa'i mtshan nyid las bzlog pa de ni lci ba yin no/ /gang ma bkrus pa dang/ legs par btsags pa dang/ mtshos pa dang grang mo dang ma brdos pa dang/ tsha ba'i sman gyis khu ba dang ma bskol pa de ni lci ba
 yin no/ /de bzhin du 'o ma dang/ sha khu la sogs pa de yang lci ba yin no/ /sogs pa'i sgras ni tshod ma dang/ zhag dang/ til mar dang/ mar dang/ 'bras bu dang/ mA Sha dang/ til dang/ mon sran rde'u la sogs pa dang/ lhan cig bskol ba yang lci ba yin par shes
 par bya'o/ /de ltar rdzas dang bya sbyor dang/ tshad la sogs pas kun shes bya/ zhes bya ba ni da ltar phyogs 'dis 'dir ma smos pa'i g.yos su byas pa'i zas kyi rigs rdzas dang bya ba dang/ sbyor ba dang tshad la sogs pas thams cad bstan cing shes par
 bya ste/ de la rdzas las ni dper na 'bras sA lu dang/ drug cu pa dang/ mon sran rde'u dag ni/ rang bzhin gyis yang ba lta bu dang/ 'o ma dang bu ram shing dang/ mon sran gre'u dang/ rlan can gyi sha rnams rang bzhin gyis lci ba lta bu'o/ /des na 'gras sA lu rtsa nar
 las byas pa'i 'bras can ni yang ba yin la/ 'o ma dang bu ram shing la sogs pa las byas pa ni lci ba yin no/ /bya ba ni las su bya ba ste/ las mngon par 'du byed pa'o/ /de yang chu dang me phrad pa'i mthu dang/ snod la sogs pa las byung ba'o/ /de skad du drang
 srong tsa ra kas byas pa yi ni gang rdzas kyi rang bzhin rnam par 'dus byas shing tshogs ba'i yon tan las skyes pa yin la/ yon tan de dag kyang chu dang me 'dus pa dang/ bcing ba dang/ dkrugs pa dang/ dus dang yul dang mthu la sogs pa las byung ba
 yin no zhes bshad pa yin no/ /sbyor ba ni rdzas dang lhan cig sbyor zhing sbyor ba'o/ /de yang drang srong tsa ra kas/ /sbyor ba ni rdzas gcig gam/ mang po lhan cig sbyar ba ste/ de ni khyad par skyed bar byed pa gang gcig ma yin no zhes bshad pa'o/ /tshad
 ni srang tshad do/ /zho gnyis dang srang gcig dang/ phul dang/ bre la sogs pa dang/ de bzhin du tshad las lhag pa'i 'bras bu nges par shes par bya'o/ /sogs pas zhes smos pa ni/ yul dang/ dus dang rgyu ba'i yul/ lus kyi yan lag la sogs
 pa yongs su bsdu'o/ /de yang slob dpon gyis spyod dang lus kyi yan lag dang/ rang bzhin lus zungs bya ba dang/ mtshan ma tshad dang las su byas/ /tshad dag 'dir ni brtag bar bya/ /zhes bshad pa yin no/ /'di'i dpe phyogs
 gcig bstan pa yang/ de nyid kyi zhi mdzad pa yin te/ spyod pa rlan can chu dang mkha' / /skam sar gnas pa spyod pa dang/ /chu skyes rlan can skyes nyid dang/ /chu dang rlan can la spyod gang/ /gang yang lci ba za ba rnams/ /de dag thams cad lci bar bshad/ /
 skam sar spyod cing skam sar skyes/ /yang ba za ba yang ba yin/ /zhes bya ba ni gnas kyi yul lo/ /lus yan lag las brla dpyi dang/ de bzhin mgo dang ro stod de/ /dpyi las stod sha lci ba yin/ /de bas klad pa de bas mgo rlig pa pa gas? pa pho
 mtshan dang/ 'jug lto rked pa 'jug tsos gzhang/ mcher pa rkang dang gzhung pa di?/ sha las shin tu lcir shes bya zhes bya ba ni/ lus kyi yan lag go /rang bzhin gyis yang mung ga dang/ /de bzhin zla ba piny+dza la/ /rang bzhin gyis lci mon sran
 gre'u/ /de bzhin phag dang ma he sha zhes bya ba ste/ 'di ni rang bzhin no/ /khrag la sogs pa'i lus zungs ni/ 'og ma bzhin du lci ba ni/ /lus zungs so/ /gang zhig myur zhing bya ba mang/ /le lo can las khyad 'phags yin/ /zhes bshad pa
 ste/ 'di bya ba'o/ /pho dang mo yi mtshan 'gra? las/ /lci dang yang bar 'gyur pa yin/ /zhes bya ba ni mtshan ma'o/ /rang gi rigs las tshad che ba/ /lci ba'o gzhan du yang ba yin zhes bya ba ni tshad do/ /las su byas las go bzlog par/ /lci ba yang
 bar 'gyur shes bya/ /dper na 'bru las 'bras yos byas/ /phye las zan ni byas dang mtshungs/ /zhes bya ba ni/ las su byas pa'o/ /lci las nyung du bza' ba dang/ yang ba lhag par bsten pa ni/ /rdzas kyi lci dang yang ba dag tshad kyi rgyur ni bshad pa
 yin/ /tshad ni rdzas la mtshon pa dang/ /me yi drod las ltos byas las/ /lci las nyung zhig sbyin par bya/ /yang ba 'grangs pa nyid du 'dod/ /ces bya ba ni tshad de/ de lta na 'dir de dag thams cad brtag par bya ba yin no/ /khu ba nyam rtas tshim byed cing/ /ro tsa mig
 phan ma la gnod ces bya ba la/ khu ba ni sha khu la bya ste/ de yang sman dpyad kyi lung las/ khu ba khyad par med shad bar/ /sha khu yin par shes par bya/ /zhes 'byung ba yin no/ /bsdus pa las kyang de la khu ba sha yi yin/ /sran khu 'bru yi 'bras bu dang//
 kha pa ro rtsa ba til lde gu/ cung zad skyur ba skyur po yin/ /de ni g.yos byas ma byas te/ /snum la sogs dang bral shes bya zhes bshad pa yin no/ /khu ba de yang nyam rtas byed/ /ces bya ba ste/ lus nyam rtas shing rags par byed pa dang/ tshim byed cing
 zhes pa/ lus zungs rnams rgyas shing 'phel bar byed pa dang/ ro tsa zhing khu ba skyed pa dang/ mig la phan zhing bde bar byed pa dang/ rma la gnod pa ste rma 'joms par byed pa yin no/ /mon sran rde'u sbyangs dang rma/ /lkog ma mig nad dag la phan
 zhes bya ba la/ mon sran rde'u mung+ga zhes bya ba btsos ma'i khu ba ni/ skyug smad la sogs pas lus sbyangs pa dang/ rma byung ba dang/ lkog ma na ba dang/ mig na ba dag la phan zhing bsod pa yin no/ /ku lat+tha'i khu rlung dang skran/ /ro smad slad gzer gnod pa
 sel zhes bya ba la/ rgya sran ku lat+tha'i khu ba ni rlung lugs su 'byung bar byed pa dang/ de bzhin du skran dang/ ro smad chu so'i nad dag sel bar byed pa yin te/ de dag gi mtshan nyid ni skran gyi nang bzhi las 'og nas bshad par bya'o/ /de bzhin du gzhung
 gzhan dag las kyang/ gang zhig bshang dang lci ba'i gnas/ /ro smad dag kun nang byung zhing/ /bshang gci'i lam ni 'ga' snyam byed/ /de ni ro smad dpyi nad yin/ /bshad lam 'doms las byung ba'i nad/ /mi mthun rgyu bas gnod byed cing/ /shugs kyis
 pho ba'i gnas su phyi na/ /slar gzer ba zhes bya ba yin zhes bshad pa yin no/ /til tshigs g.yos su sbyar byas dang/ tshod ma skam dang myu gu dang/ /skyur por chang bu gcug pa ni/ /mi gnod nyes skyed rmya byed lci zhes bya ba la/ /til
 gyi tshigs ma ni til btags pa'i lde gu'o/ /des g.yos su sbyar ba ni tshod ma nyid du byas pa'i rnam par 'gyur ba'o/ /tshod ma yang yin la/ skam pa yang yin pas na tshod ma skam mo/ /myu gu ni 'bras khyi gu so thon pa'o/ /skyur por bcug pa'i chang bu
 ni skyur bu re chang bu bcug pa las tshod ma'i g.yos su byas pa'o/ /'di dag thams cad ni mig la gnod pa ste/ mig nad skyed pa dang/ nyes pa skyed pa dang/ rmya bar byed pa dang/ lci ba yin no/ /de la skyur bor chang bu bcug pa zhes spyos ba ni/ chang bur
 bya ba skam po cang cang po ste/ sha la sogs pa la byas pa yin par gzung ste/ sngar skyur ngo smos pa'i skabs su rdzas gsher ba'i rnam pa 'das zin bas/ 'dir la phug dang/ yungs kar la sogs pa'i tshod ma bskol ba'i 'og tu phyis ske che'i
 phye ma bcug pa skyur zhing tsha ba la sogs rno ba la skyur po'i sgrar bshad pa yin no/ /dri 'dzin lus rta ro ca zhing/ snum zhing stobs bskyed yi ga 'byed ces bya ba la dri 'dzin zhes bya ba ni/ zho dang spos sbyar nas dkrugs pa ste zho lag pas
 mnyes la shing rtsa dang/ sug smel dang/ gand+ha pa tra dang/ na le sham dang/ sha ka ra'i phye mo btab la/ ras las btsags pa ni dri 'dzin zhes bya ste/ de ni lus rtag shing 'bel bar byed pa dang/ ro tsa ba dang/ snum ba'i yon tan dang ldan pa dang
 stobs skyed bar byed pa dang/ yi ga 'chus ba yi ga 'byed par byed pa yin no/ /rgun chu'i btung pa dal dub da la/ bkres sel ching bar byed cing lci/ /rtug bskra gcin mad gar bar 'ong/ /de yi yon tan sman bzhin blta zhes bya ba la/ rgun chu'i
 btung ba ni btung ba tha dad pa yod de/ /chu dang sbrang rtsi dang/ dri sna gsum dang/ na le sham dang/ rgun 'brum dang/ 'bra go la sogs pa las byas pa dag ste/ des na dub pa dang bkres pa dang/ skom pa sel cing 'tshim par byed pa dang/ lci ba yin no/ /rtug bska ni
 bshad pa bska zhing 'dril ba'o/ /de bzhin du gcin mang zhing yi ga ri 'ong ba yin no/ /de'i yon tan zhes bya ba ni btung ba de dri sna gsum dang/ bu ram dang rgun 'bru la sogs pa sman dang/ rdzas gang dang gang las byas pa/ rdzas de'i yon tan ci yod pa thams
 cad btung pa de la yod par shes par bya'o/ /'bras yos skom dang skyug tshad 'khru/ /gcin mang tshil dang bad kan sel/ lud pa mkhris pa nyer zhi byed/ /drod bskyed yang zhing bsil ba yin/ /zhes bya ba la/ 'bras yos ni so brtse rnon la sogs pa
 las byas pa ste/ des ni skoM dad la sogs pa sel cing/ zhi bar byed pa yin la/ de bzhin du lud pa dang mkhris pa nye bar zhi bar byed pa dang/ pho ba'i me drod bskyed pa dang/ yang ba'i yon tan dang ldan pa dang/ bsil zhing grang ba'i nus pa bskyed pa yin no/
 srus leb lci zhing stobs bskyed la/ bad kan bshad pa sra byed yin zhes bya ba la/ srus leb ces bya ba ni nas dang 'bras kyi bsrus brdos te/ sbun pa med par byas pa/ gtun gyis brdungs pa la sogs ba ni srus leb ces bya'o/ /yang na bsrus
 brdos pa nyid la yang bya'o/ /yang na btags pa'o/ /de ni lci ba dang stobs bskyed pa dang/ /bad kan dang bshang gci sra zhing sgong bar byed pa yin no/ /nas yos rtug mkhregs brtsub pa dang/ skom zhing khong 'khrug lci ba yin zhes bya ba la/ nas brdos pa la
 yos de rtag pa mkhreg cing rtsa sbubs 'gag par byed pa dang/ rtsub pa dang skom dang skyed pa dang/ khong 'khrug pa dang/ bad kan la sogs pa dkrug cing srel ba dang lci ba yin no/ /nas phye khong yang bkres skom dang/ ngal dub mig nad rma
 la phan/ /skyo mar byas pa 'thungs ba yis/ /phral du stobs ni skyed byed yin/ /zhes bya ba la/ nas phye ni nas las byung ba ste/ de ni khong yang ba dang/ bkres pa la sogs pa la phan pa dang/ chu la sogs pa la sbyor cing skyo mar
 byas te 'thungs pas/ 'phral du zhes pa de ma thag tu stobs bskyed cing/ lus brtas par byed ba yin no/ /chu dang phye spel mi bza' zhing/ /dus gnyis mtshan mo'ang phrad med min/ 'grangs rjes mi bza' sos bcad min/ /ha cang
 'grangs ches bza' mi bya/ /zhes bya ba la/ chu dang phye spel zhing bza' bar mi bya ste/ dang por phye 'gams nas bar du chu de nas yang phye bza' ba dang/ yang chu btung ba'i tshul gyis spel zhing bza' bar mi bya ste/ chu 'thungs nas bar bar du phye mi bza' 
 zhes bya ba'i don to/ /dus gnyis zhes bya ba'i dus gnyi gar phye mi bza' ba dang/ mtshan mo'i dus su phye mi bza' ste/ de ni bkra mi shis par bshad do/ /de bzhin du phrad med pa ste/ chu la sogs pa'i gsher dang mi ldan par yang bza' 
 bar mi bya'o/ /'grangs rjes zhes pa 'bras chan la sogs pas 'grangs pa'i 'og tu yang phye zan mi bza' ba dang mtshan mo'i dus su lag bar bzhag pa'i zan gong pos bcad cing mi bza' ba dang/ phye zan ha cang 'grangs ches pa
 yang bza' bar mi bya'o/ /'ba' cha nyams 'bri rtsub ba dang/ bshang mkhregs mig la gnod pa yin zhes bya ba ni/ til dang stang ga'i 'bras bu la sogs pa btsir nas mar dang phral ba ste/ de ni nyams 'bri nang rmya bar byed ba dang/ rtsub pa dang
 bshang gci mkhreg cing 'byung dka' ba dang/ mig la gnod pa yin no/ /sha g.yos spos sbyar snum zhing lci/ /stobs bskyed sha 'phel rtas byed yin zhes bye ba la/ sha g.yos spong dang sbyar ba ni bca' sga dang/ 'u su dang/ go snyod? la
 sogs pa dang shar tags ba ni g.yos su sbyar ba ste/ de yang lung las/ sha ri rlon pa btags nas ni/ /g.yos su sbyar ba g.yos te/ zhes bshad ba yin la/ sha btags pa de yang shing kun che dang/ mar dag til mar la sogs pa dang ci rigs par sbyar zhing
 btsos pa'o/ /de lta bu'i sha g.yos spong dang sbyar ba de ni/ snum pa dang/ lci ba dang/ stobs skyed cing sha 'phel ba dang/ rtas par byed pa yin te/ stobs ni nus pa'o/ /rtas pa ni lus zungs rgyas par byed pa'o/ /mutga g.yos sbyar lci ba dang/ sman gyi cha dang yon tan
 'dra zhes bya ba la/ sran mutga ste/ mon sran rde'u la sogs pa dang sbyar ba'i sha'i g.yos su byas ba ste/ phra mor btus nas brdos ba ni thams cad lci ba dang/ de bzhin du sman gyi yon tan mtshungs shing 'dra ba ste/ mung+ga la sogs pa'i yon tan gang
 yin pa de la g.yos su byas pa'i yang yon tan yod pa yin par shes par bya'o/ /bu ba mdag gtsos dog le dang/ sa slad da nur rgya sol bsregs/ /khur ba 'di rnams rigs gcig kyang/ /phyi ma phyi ma yang ba yin zhes bya ba la/ 'bras kyi khur
 ba mdag ma la sogs par btsos pa ni rigs gcig pa ste/ 'bras la sogs pa'i rgyu gcig na yang phyi ma phyi ma yang ba yin par shes shing rtogs par bya'o/ /de la rig pa ni rgyu ste/ 'bras dang/ gro dang/ mon sran gre'u la sogs pa ste/ de dag ni
 rigs mthun pa las bltos nas rigs gcig pa zhes btags so/ /de nas 'bras la sogs pa'i skya khur mdag mar tshos par byas pa ni yang ba yin la/ /de bas kyang dog le dang sla dang btsos pa tshes yang ba dang/ de bas kyang sa slad du btsos pa
 rab tu yang ba/ de bas kyang da nur btsos pa rab tu yang la rgya sol la bsregs pa ni yang ba'i mchog yin ta/ 'bras sam gro 'am nas la sogs pa gcig la byas na yang khyad par yod do/ /sa slad ni grag par bzad do/ /da nur ni me 'dag gis bsregs
 pa'i rtsig par btsos pa'o/ /rgya sol ni rgya sol las 'dag mar lhags pa 'am/ yang na lci ba la sogs pa las 'dag mar legs par lhags pa'o/ /khur ba ni 'bras la sogs pa'i phye chus bskrus te bsgongs bsregs pa'o/ /de la mdag
 btsos ni mdag ma'i shas chung ba la btsos pa'o/ /gzhan dag ni rlangs pa las btsos pa'o zhes zer ro/ /kha gcig ni thal ba me mar mur du 'dug pa las bsregs pa yin no zhes zer ro/ /dog le me 'bar ba la btsugs pa'i lcags sam/ sa'i
 snod la bsregs pa'o/ /g.yos su byas pa'i kha zas kyi sde tshan no/ /de la re zhig g.yos su byas pa'i kha zas btsos pa ste/ de yang sha dang tshod ma la sogs pa dang lhan cig sbyar cing de dang ldan na legs par dgos pa byed pa yin la/ zas ni mang du dgos pa
 yin la/ zas ni mang du dgos pa yin pa ltar sha la sogs pa ni de lta ma yin te/ de'i bags tsam du zad pa yin no/ /de bas na g.yos byas pa'i kha zas kyi sde tshan gyi rjes la/ sha dang tshod ma'i sde tshan bstan pa yin no/ /de gnyis las kyang sha ni zas
 dang lhan cig zos na nyes pa med cing bsten bar bya ba yin pas/ sha'i sde tshan dang por smos pa yin no/ /sha ba dgo ba ku rang+ga/ rkyang dang ri sha ri dags ma/ ri bong dang skom tsa ru ka/ ldang sgo la sogs ri dag yin/ zhes bya ba ni sha ba nas ldang sgo'i mthar
 thug pa rnams ni/ ri dags kyi rigs su gtogs pa yin la/ sogs pa'i sgras ni 'jug nag gam/ sbri sha ta la sogs bsdu'o/ /de dag ni 'jig rten du grags par zad do/ /la cha ba ti barti ka /go tsa dmar dang gong mo dang/ sreg pa u pa tsa kra dang
 ka bandi ka ru ba/ barta ba dang ba ti ka/ gong ma sreg dang rma bya dang/ khyim bya dang ni pa ka ra/ go nan+ta dang ri la gnas/ sha ra ba dang in+t+ra ga ri bya 'di dag gzas khron sko zhes bya ba la/ la tsha ba nas ri bya'i bar 'di dag ni gza' khron gyis skom pa zhes bya ba
 ni/ gang rko zhing rko zhing 'bru la sogs pa za bas na/ zas khron rko zhes bya'o/ /'di dag zhes bya ba ni rnam pa'i tshig ste/ rnam pa de lta bu'i bya gzhan dag kyang yod do ces ston to/ /shang shang te'u da ru ha/ byung 'dra ne tso sha ri ka/ ma twa khu byug ha ri ta/ byi'u la sogs mchus rko
 yin zhes bya ba la/ shang shang te'u nas byi'u'i bar ni mchus rko zhes bya ste/ mchus rko zhing za ba'i don gyis na mchus rko zhes bya'o/ /sogs pa'i sgras ni sha ta pa tra dang/ khany+dza ri la sogs pa'i bya rnams bsdu'o/ /sbal pa sbrul dang skyin gor dang/ bi dur la sogs
 khung na gnas zhes bya ba la/ sbal pa nas bi thur gyi bar ni khung na gnas pa yin te/ sa'i khung bu dag na gnas shing nyal bas na khung na gnas zhes bya'o sogs pa'i sgras ni shal ma ka la sogs pa bsdu'o/ /ba lang rta bong dri'u dang/ /stag gzigs seng+ge
 dom spre'u/ byi ba byi la spyang ki dang/ /sre mo dang ni dred dag dang/ wa dang phar ba khra dang ni/ /chun lag khra ljang bya rog khyi/ /bya rigs phra sngon bya ku ra/ /bya rgod 'ug pa ka lingka/ /dung can ma du ha la sogs/ /gcan zan bya dang rtsal mthus za zhes bya ba
 ba long nas ma du ha'i bar gyis phyugs dang/ gcan gzan dang bya de dag ni/ rtsal dang mthus za ba zhes bya ba ste/ mdon mthon du stobs kyis 'phrog cing/ sha la sogs pa za bas na/ rtsal mthus za ba zhes bya ste/ sngon du rko ba dang/ mchus rko ba a dang mthus za ba ni khron du rko ba la sogs pa'i tshul gyis bya ba dang/ ldan pas za bas na ming de skad ces bya ste/ de yang drang srong tsa ra kas/ 'thor zhing rnam par rko pa dang/ mchu yis rko bar byed par dang/ /rtsal mthus 'phrog cing za bas na//
 mthus za zhes ni de phyir bya zhes bshad pa yin no/ /sogs pa zhes bya ba ni gzhan dag kyang bsdu ba'o/ /phag rgod ru ru ma he skyin/ /ri ha ta dang glang po che/ /mdzo rgod g.yag rgod bse dang ni/ /smyug glang zhes grags ri dags che zhes bya ba la/ pha rgod nas smyug
 glang gi bar ni ri dags chen po zhes bya'o/ /chur gnas dang ba sa ra sa/ /chu skyar ka ran+ta bya gA/ rgya dang khrung khrung dur pa dang/ /so bya ka dam pa sogs yin zhes bya ba la/ rang pa nas ka dam pa'i bar mi chu la gnas pa yin te/ de dag ni
 chu la spyod pa yin pas mchu la gnas pa'o/ /sogs pa'i sgras ni mgo dmar dang pad+ma'i mig dang/ sha'i ral sogs pa bsdu'o/ /nya ro hi ta pa ti na/ /nya phyis rus sbal kum b+hi ra/ /karta dung sam sha bu ka/ nye ldang ba rmi tsan+ta ki/ bu lu chu srin na bkra dang/ nya bo
 che ni byis pa gsod/ /dza ri tsi li tsi mi sogs zhes bya ba la/ nya ro hi ta nas tsi li tsi ma'i bar mi chu las byung zhing chu la gnas so/ /sogs pa'i sgras ni rnam pa'i don te/ de lta bu dang gzhan dag kyang rnam pa du ma yod de/ karka Ta ni ku li ra zhes bya'o/ /she
 bu ka ni phyung ba'i dung zhes bya'o/ /'di dag ni rnam grangs shes pa dag gis ni yul phyogs kun tu phyin pa dag las shes par bya ste/ gang gi phyir 'dir smos pa'i srog chags kha cig yul la la na med pas mi shes la/ kha cig ni yul gzhan
 dag tu grags pa yod do/ /de bas na 'di rnams kyi ming gi rnam grangs yul tha dad pa na grags pa ni ri brags pa dang/ nya pa la sogs pa las ming du ji skad grags pa gang yin pa las shes par bya'o/ /de ltar sha ni brgyad du bshad pa ces  
 bya ba ni/ de ltar zhes pa bshad ma thag pa'i rnam pas sha brgyad du zhes pa/ sha'i rnam grangs mdor bsdu na rnam pa brgyad yod par slob dpon gyis bshad cing bstan pa yin no/ /ra lug gzas kyi spyod yul ni/ 'dres pas rigs gcig
 des ma min/ zhes bya ba la/ rigs brgyad po de dag gi nang nas/ ra dang lug gi des pa med pa yin pas nges pa ma bshad de ci'i phyir zhe na/ spyod yul 'dres pa yin pa'i phyir te/ spyod yul 'dres pa ni rlan can dang/ skam sa'i zas
 kyi spyod yul 'dren mar gnas pa ste/ lan 'ga' ni gcig tu rlan can na gnas pa/ lan 'ga' ni skam sar gcig tu gnas pa yin no/ /de ltar na rgya bya yang de dang 'dra ba yin te/ de yang gnyi ga na spyod pa yin pa'i phyir ro/ /de yang drang srong tsa ra kas skam sa
 gsher sa gnas pa'i phyir/ shin tu lci mdang che min pa'i/ /rgya bya'i sha ni rlung la sogs/ /nyes pa gsum po sel ba yin zhes bshad pa yin no/ /de ltar na rgya bya ti tir zhes bya ba ni gnyi gar spyod pa yin du zin kyang/ 'di yul gcing/ la nam yang gnas
 par dga' ba ma yin pas/ gzeb tu bcug pa ma gtogs par gsher ba dang skam sa gnyi gar yang brten pa ma yin no/ /ra lug kyang ched 'ga' ni skam sa chu nyung ba na 'tshol/ ched 'ga' na rlan can chu mang ban 'tsho ste/ rang bzhin des na ra dang lug ni
 nges pa ma yin pa yin no/ /thog ma tha ma skam gsher gnas/ /bar ma gnyis po thun mong bshad ces bya ba la/ bar ma ni gnyis po zhes gnyis par bshad pa las/ thog ma dang tha mar ni sde tshan gsum gsum yin te/ dang po'i sde tshan gsum
 ni ri dags dang khron du rko ba dang/ mchus rko ba gsum ni skam sa la gnas pa yin pas/ skam sa'i sgrar brjod la/ tha ma'i gsum po ri dags chen po dang/ chu la spyod pa dang/ nya rnams ni gsher sa nyid la spyod pa yin pas na gsher sa'i
 sgrar bshad do/ /bar gyi sde tshan gnyis po khung na gnas pa dang/ rtsa la mthus za ba zhes bya ba gnyis ni thun mong ste/ gnyi ga la spyod pa yin par bshad do/ /de las skam sa'i sha rtug 'gags/ /bsil ba dang ni yang ba yin/ /'dus pa mkhris
 pa shas che zhing/ /rlung 'bring bad kan chung la phan/ /zhes bya ba la/ de las zhes bya ba ni nges par bzung ba ste/ skam sa dang gsher sa dang/ thun mong gi gnas na spyod pa yin par bshad do/ /skam sa'i sha ni rtug pa 'gags par byed pa dang/ nus
 pa bsil ba dang yang ba yin no/ /de bzhin du 'dus pa'i nad mkhris pa'i shas che zhing rlung che chung 'bring du gnas pa dang/ bad kan shas chung ba la phan zhing/ gnod pa 'joms pa yin te 'dus pa'i nad gang mkhris pa'i cha shas
 cha ba dang/ rlung 'bring tsam du gnas pa dang/ bad kan ches chung ba de la phan pa yin no/ /ri bo sha ni drod skyed rtsub/ /zhu rjes tsha zhing 'khru gcod bsil/ /zhes bya ba la/ skam sar gnas pa de rnams kyi nang nas/ ri bong gi sha ni drod bskyed pa
 ste/ pho ba'i me drod 'phel bar byed pa dang/ de bzhin du rtsub pa dang/ zhu ba'i rjes kyi ro tsha ba dang/ 'khru ba gcod cing sdud pa dang/ bsil ba'i mtshan nyid can yin no/ /barti ki la sogs sha lci/ /cung zad snum dro lci rtas byed ces bya ba la/ skam sar
 gnas pa rnams kyi nang nas/ bya brta ki la sogs pa ste/ gang gang sar gnas pa'i bar de thams cad ni cung zad snum zhing dro ba dang lci ba dang ldan pa yin zhing lus rtas par byed pa yin no/ /de rnams kyang rgya bya'i sha/ yid gzhungs drod stobs khu ba
 'phel/ bshang skems mdog bzang rlung shas che/ /'dus pa sel ba'i dam pa yin/ /de rnams zhes bya ba barta ki la sogs pa'i nang nas kyang/ brgya bya ti ti ra'i sha ni yid gzhungs pa dang/ drod skye ba dang stobs dang khu ba 'phel ba dang/ bshad
 pa skems shing sdud pa dang/ lus kyi mdog bzang por byed pa dang/ rlung shas che ba'i 'dus pa'i nad sel cing 'joms pa'i mchog dam pa yin no/ /rma bya'i sha ni bzang min yang/ /rna mig skad 'gags rgas slar phan zhes bya ba la/ rma 
 bya'i sha ni bzang po ma yin te/ /phan zhing bsngags pa ma yin gyi/ /'on kyang rna ba gnyis la phan te/ sgra legs par thos par gyur pa dang/ mig gis legs par mthong bar byed pas mig la phan ba dang/ gdangs snyan pa bas skad
 'gags pa la/ phan ba dang/ myur du rgas pa las bsrung bas na/ rgas pa sra ba las phan pa yin no/ /khyim bya de 'dra ro tsa la/ grong gnas lci zhing bad kan skyed ces bya ba la/ khyim bya ni rma bya'i sha 'dra bar shin tu bzang po ma yin mod kyi rna ba
 la sogs pa la phan par 'dra zhing ro tsa ba yin no/ /yang na grong na gnas pa'i khyim bya ste/ skye ba'i khyim na rgyu ba gang yin pa de ni lci ba dang bad kan skyed par byed pa dang/ ro tsa ba yin no/ /gong mo u pa tsa krar bcas/ /yid gzhungs drod skyed yi gar
 'ong zhes bya ba la/ bya gong mo dang u pa tsa krar bcos pa'i sha ni yid gzhungs shing shes rab skyed pa dang/ pho ba'i me drod skyed pa dang/ yi gar 'ong zhing dga' bar byed pa yin no/ /thi ba zhar ba'i sha lci zhing/ tsha bro nyes pa thams cad bskyed ces bya ba
 la/ bya thi bzhar ba'i sha ni lci ba dang tsha bro ba ste/ cung zad lan tsha bro ba dang/ nyes pa gsum po thams cad skyed par byed pa yin no/ /byi'u sha bad kan skyed cing snum/ /rlung 'joms khu bar ba 'phel byed/ /ces bya ba la bya? gra na byi'u rnams kyi sha ni bad kan
 skyed par byed pa dang/ de bzhin du snum pa dang/ rlung 'joms shing sel ba dang/ mchog tu khu ba 'phel bar byed pa yin no/ /sde tshan de las phyi ma rnams rims bzhin lci dro snum zhing mngar/ /gcin mang ro tsa stobs bskyed cing/ /rlung 'joms bad kan
 mkhris pa skyed ces bya ba la/ skam sar gnas pa'i sde tshan de las/ phyi ma khung na gnas pa la sogs pa lnga rnams ni rim bzhin du zhes pa/ go rim ma 'tshol bar lci ba nyid dang dro ba nyid dang/ snum pa nyid dang/ mngar ba nyid do sde tshan de dag
 las phyi ma gang dang gang yin pa de ni snga ma de dang de las lci ba la sogs pa nyid dang ldan pa yin no/ /des na khung na gnas pa bas ni mthus za ba lci ba la sogs pa'i yon tan dang ldan pa yin la/ mthu rtsal gyi za ba bas ni/ ri dags chen po'o/ /ri
 dags chen po bas ni khron du rko ba'o/ /khron du rko ba bas nya rnams so/ /de bzhin du rims gyis gcin mang ba dang/ ro tsa ba dang/ stobs bskyed pa dang/ rlung dang bad kan 'phel zhing skyed par byed pa yin no/ /de las ri dags chen po'i bsil
 zhes bya ba ni/ sde tshan lnga po rnams kyi nang nas ri dags chen po ni bsil ba ste/ bsil ba'i nus pa dang ldan pa yin no/ /rtsal mthus sha rlon za ba'i yang/ ro rjes lan tsha gro zhu rjes/ /cha zhing sha ni 'phel par byed/ /gzhang 'brum rnying ba pho ba grang/ skem
 nad nyen la mchog tu phan zhes bya ba la/ sha rlon za zhes bya ba ni/ sha rlon pa gcod cing gcod cing za bar byed pas na sha za bar byed pa'o/ /de la yang rnam pa gnyis te/ gcan gzan dang bya'o/ /de las kyang sha rlon pa za ba la la'i mtshan nyid 'di
 yin gyi thams cad kyi ni ma yin no/ /de yang ro rjes lan tsha bro ba ste/ ro gang dag gi rjes la cung zad mi gsal bar lan tsha bro ba ste/ gtso bo'i ros zil gyis gnan pas na/ cung zad mi bsal bar bro ba'i phyir ro/ /rjes zhes bya ba ste/ ro'i gtso
 bo tha dad pa yod par mtshon pa yin no/ /de bzhin du zhu cha ba ste zhu ba'i rjes cha ba nyid du smin pa'o/ /de bzhin du sha 'phel bar byed pa ste/ sha skyed par byed ba'o/ /de bzhin du gzhang 'brum rnying pa dang/ pho ba grang zhing drod chung ba dang/ skem nad
 kyis nyen pa'i mi la mchog tu phan pa yin no/ /de la gzhang 'brum rnying pa zhes bya ba ni yun ring po lon pa'o/ /ra sha ni shin tu bsil ba min zhing/ lci snum ma yin nyes med min/ /lus dang khams ni mnyam pas na/ /bad kan mi skyed lus
 rtas byed ces bya ba la/ shin tu bsil min zhes bya ba ni sgra ni cung zad kyi don la snyegs te/ des na ra'i sha ni cung zad tsam bsil ba dang/ cung zad tsam snum pa yin no zhes pa'o/ /nyes med min zhes pa med pa'i don ni chung ba'i don te/ dper na lug spu
 mod ces bya ba 'am/ bu mo rkang med ces zer ba dang 'dra'o/ /des na cung zad tsam nyes pa yod cing/ cung zad bad kan skyed pa yin no zhes pa'i don to/ /de bzhin du lus dang khams mnyam pas kyang rnam pa thams cad du nyes pa med pa yin te/ mi rnams kyi lus dang/
 lus zungs kyi tshul ji lta bu yin pa/ ra'i lus dang khams kyang de dang 'dra ba yin te/ de bas na lus dang zungs mtshungs shing mnyam pas na/ sha de ni nyes pa cung zad kyang mi skyed pa yin no/ /de bas na skyes bu'i lus dang lus zung mdza' dag dang de mnyam ste/ mi'i
 lus zungs ci 'dra bar yang de dang 'dra bar don gyis ston pa yin te/ 'di skad bshad pas ni mi'i sha'i rang bzhin ci 'dra ba yin pa yang bshad pa yin no/ /bad kan mi bskyed ces bya ba ni ra'i sha de bad kan yin yang shas cher skyed par mi byed pa'o/ /lus rtas par
 byed pa ni sha 'phel bar byed pa'o/ /lug sha de las bzlog pa'o/ /lus rtas pa yin na shes par bya zhes bya ba la/ lug gi sha ni ri de las bzlog par shes par bya ste/ des na ra'i sha ni shin tu bsil ba ma yin la 'di ni shin tu bsil ba dang/ de ni shin tu lci
 ma yin la/ 'di ni shin tu lci ba dang/ de ni shin tu snum pa ma yin la/ 'di ni shin tu snum pa dang/ de ni lus rtas par byed pa yin la/ 'di yang rtas par byed pa yin pas/ /'di la ni go bzlog pa med do/ /ba glang sha ni lud skam dang/ ngal dang tsha ches ma snyoms rims
 cham ba dang ni skems pa dang/ rlung nad gcig pu na ba sel/ /zhes bya ba la/ ba lang dag gi sha yin pa na ba lang sha ste/ des ni lud ba skam pa la sogs pa sel zhing bzlog pa yin no/ /tshig gi don ni go sla'o/ /ma he'i sha ni lci zhing tsha/ gnyid che brtan
 byed sha cher skyed ces bya ba la/ de la ma he'i sha ni shin tu lci ba dang tsha ba dang/ gnyid che zhing 'thug la brtan par byed pa dang/ sha skyed pa byed pa yin no/ /phag rgod sha ni de 'dra zhing/ /de la sel zas len khu stobs bskyed ces bya ba la/ phag rgod kyi sha ni de 'dra zhes pa ma
 he li sha dang yon tan 'dra ba las de ni nga las sel ba dang/ de bzhin du kha zas len cing yi ga 'byed pa dang/ /khu ba dang stobs rab tu skyed par byed pa yin no/ /nya ni mchog tu bad kan bskyed ces bya ba ni/ ro ha ti dang/ pa thi na la sogs pa'i
 nya sha ni shin tu yang bad kan skyed par byed pa yin no/ /tsi li tsi ma nyes gsum bskyed ces bya ba ni nya rnams kyi nad nas tsi li tsi ma zhes bya ba nya'i khyad par cig yod pa ni rlung la sogs pa'i nyes pa gsum bskyed pa yin no/ /lA wA ro hi ta skyin gor/ sha pa rang rang
 spe tshan mchog ces bya ba ni lA wA la sogs pa'i sha ni rang rang gi sde tshan las mchog yin te/ dper na mkhron du rko ba'i nang na ni/ /lA wA mchog yin la/ nya rnams kyi mchog ni ro hi ta yin khung na gnas pa rnams kyi mchog ni skyin gor
 yin/ ri dags kyi nang na sha ba mchog yin no/ /sha ni 'phral bsad dag pa dang/ dar la bab pa'i bsten par bya/ /zhes bya ba la sha thams cad ni 'phral bsad pa te/ dus de'i tshe nyid bsad pa dang/ de bzhin du dag pa ste/ dug la sogs pa dang ma
 'phags pa dang/ dar la bab pa ste/ rgan pa dang gzhon pa ma yin gyi/ rang rang gi na tshod dar la bab pa'o/ /de lta bu'i sha de ni phan par 'gyur pa yin pas sten par bya ba nyid yin no/ /rang shi ring dang shin tu 'tsho/ /nad chu dug gi shi ba spang zhes bya
 pa la sha thams cad las rang nyid shi ba spang ba dang/ de bzhin du ring cing sbeg pa dang/ shin tu tshil che zhing 'tsho drags pa'ang spang ba dang/ de bzhin du nad pa ma chu 'am dug gi shi ba'i sha spang zhing dor bar bya'o/ /pho dang mo yi stod smad phyed/ /lci ste sbrum
 ma'i thams cad lci zhes bya ba la/ srog chags thams cad kyi pho dang mo las go rim ji lta ba bzhin du pho'i mgo bo nas brtsams te/ lte ba'i bar gyi lus kyi phyed sha lci ba yin la ma'o lte ba man chad kyi ro sman gyis phyed kyi sha lci ba yin no/ /sbrum mar
 gyur pa'i sha ni ma lus pa thams cad lci ba yin no/ /rkang bzhi mo yi yang ba yin/ /bya rnams kyi pho yi yang zhes bya ba la rkang bzhi pa ste/ ri dags dang ra lug dang ma he la sogs pa'i nang nas ni mo'i sha yang ba yin la/ bya rnams te lA ba dang/ ngang pa dang/ rma bya dang/ khyi
 bya la sogs pas gshogs pa can rnams kyi pho'i sha yang ba yin no/ /mgo bo ro stod brang dang rgyab/ /rked pa phyi yi lci ba yin/ /de bzhin pho ba rgyu ma sogs/ /go rim bzhin du lci ba yin/ /zhes bya ba la/ mgo la sogs pa'i yan lag gi cha shas las ni go rim
 bzhin du shes pa go rim ma 'chol bar lci ba nyid yin par bstan to/ /des na dpyi'i sha bas ni rked pa'i sha lci la/ rked pa'i sha bas ni rgyab kyi sha lci la/ rgyab kyi sha bas ni brang gi sha lci la/ brang bas ni ro stod lci la/ ro stod kyi sha bas ni mgo'i sha lci ba
 yin no/ /de bzhin du zhu ba'i gnas rgyu ma la sogs pa'i sha bas ni ma zhu ba'i gnas pho ba'i sha lci ba yin te/ des zas zhu ba rnams kyi gnas ni zhu ba'i gnas te/ lte ba man chod zas ma zhu ba'i gnas ni/ ma zhu ba'i gnas te/ lte ba yan chad do/ /de yang drang srong
 gis bshad pa 'gro ba'i lte ba ma chu par/ /ma zhu ba yi gnas su bshad/ /lte ba nas ni chu so'i bar/ /zhu ba'i gnas su shes par bya/ /zhes bshad pa yin no/ /khrag la sogs pa'i lus zungs rnams/ phyi ma phyi ma lci ba yin zhes bya ba ni/ /khrag la sogs
 pa'i lus zungs drug po rnams phyi ma phyi ma lci ba yin par bshad do/ /des na khrag pas ni sha lci ba'o/ /sha bas ni tshil lo/ /tshil bas ni rus pa'o/ /rus pas ni rkang ngo/ /rkang pas ni khu chu che ba lci ba yin no/ /sha la rlig pa pho mtshan dang/ mkhal ma mches pa gzhang
 dag lci/ /zhes bya ba la/ lus thams cad las byung ba'i sha rnams las ni rlig pa la sogs pa'i sha shin tu lci ba yin no/ /'di la rig pa zhes bya ba ni 'bras bu shu bas can zhes ming gis rnam par grags pa'o/ /pho mtshan mdze'o/ /mkhal ma ni lto ba'i cha la gnas
 pa'o/ /mcher ba ni gsus pa'i g.yon log na gnas pa nag po can zhes ming gi rnam par grags pa'o/ /gzhang ni bshad pa'i lam ste/ de dag ni lci ba yin no/ /'dir sha rnams pho dang mo'i khyad par du byas pa dang/ rigs gcig pa dang/ rigs
 pa dad pa de rnams kyi spyi dang khyad par du gnas pa las/ stobs che chung yod pa rtags par bya ba ni/ ci rigs par rang gi blo nyid kyis rnam par dpyad par bya'o sha'i sde tshan no/ /sngar tshod mar bstan pa rnams kyi lhag ma de brtsams pa ni 'di dag yin te/
 tshod ma pA tha sha thi dang/ su sha su ni sha na dang/ sa ti na dza rgya sne'u sogs/ /nyes pa gsum 'joms sdug sri dang zhes bya ba la pa tha la sogs pa'i tshod ma rnams ni nyes pa gsum sel bar byed pa yin pas nyes pa gsum 'joms zhes bya ba la/
 de bzhin du rtug ba sri zhing mkhregs pa dang yang ba yin no/ /de la pA tha ni mti gi rnam grangs pA pA tse li ka zhes bya ba'o/ /su mi Sha na ni su la zhes bya ba 'dab ma bzhi pa tsam gi ri 'dra ba zhig chu'i nang na skye'o/ /sa ti na dza zhes bya ba nir dzak+Sha pa ste/ ming
 ni rnams grangs bkres byed ces bya bar grags pa'o/ /de las su ni sha na dro/ /ro tsa zhes bya ba tshod ma de rnams kyi nang nas su ni shan ni drod skyed pa dang ro tsa bar byed pa'o/ /ra dzak+Sha pa ni/ pho ba gzhang 'brum nad sel mchog ces bya ba la/ gang la sogs
 pa de rnams nang na ra dzak+Sha ba zhes bya ba ni pho ba dang gzhang 'brum gyi nad sel ba'i mchog yin no/ /rgya sne'u rtug skams pa yin zhes bya ba la/ tshod ma 'di rnams kyi nang nas rgya sne'u'i tshod ma ni rtug skams 'joms shing 'khru ba yin no/ /rmas
 sne'u dme ru nyes pa gsum 'joms/ mdze sel ro tsa bcud lan dro/ /'khru zhing mgul pa snyan par byad ces bya ba la/ mon sren sne'u dme ru kag? ma tsa zhes bya ba ni nyes pa gsum po ni rlung dang mkhris pa bad kan zhes bya ba 'joms pa dang/ de bzhin
 du mdze nad sel ba dang/ ro tsa zhing khu ba 'phel ba dang/ bcud kyis len du 'gyur zhing tshe 'phel ba dang/ cung zad drod bskyed pa dang/ 'khru zhing bshad pa sla bar byed pa dang/ mgul pa bsal zhing snyan par byed pa yin no/ /tsad+gi ri skyang me drod bskyed/ pho ba gzhang
 'brum bad kan rlung khrod che/ 'khru gcod yang ba yin zhes bya ba la/ tsad+gi ri ni ri skyur bya ba dang/ de bzhin du pho ba'i me drod skyes pa dang/ /pho la sogs pa la phan pa yin no/ /pa to la dang sa lta la/ nimpa/ sham pa/ shtha sle tres/ a balgu dza sra'i myu gu//
 bri ha ti da kA shwa dang/ /ti la ba rnam ku tha la/ /mandu ka'i 'dab karko ta/ /ka ra pa la barda ta/ /Na Di dang ni ka ta ya/ /go si hA dang pa ta ka/ ba na tik+ta ka ri daM/ /ku la ki dang nan+ti dang/ /ku tsa lagsha kgu nad li/ /ka til+laM dang ka bu kaM/ /shi taM ko sha ta ka dang/ karsha 'jam
 bsil kha zhing tsha/ /bshad sri rlung bskyed par mkhris sel zhes bya ba la/ pa to la na garSha sha dang bcas pa'i pang gyi tshod ma rnams ni bsil ba'i nus pa dang ldan pa dang/ ro nga ba dang 'ju ba'i rjes tsha ba dang/ bshang ba la sogs pa mkhregs cing sri ba
 dang/ rlung bskyed pa dang/ bad kan dang mkhris pa dag sel bar byed pa yin de la pa to la ni la ba zhig go /sabta la ni sa ta la zhes bya'o/ /nimpa ni a riSh+Ta 'o/ /shaM kashtha ni ang+gar ba liga'o/ /a bal+li dza ni so ra dza'o/ /sba'i myu gu ni sba gzhon nu'i
 rtse mo'o/ /'bri ha ti ni sing hi'o/ /ba sha ni 'bri sha'o/ /til+la barni ni rgya shug gi lo ma 'am yang na til gyi lo ma'o/ /mandu ka'i 'dab ma ni mardu ka'i zhes bya'o/ /karka ta ni lug gi rA 'dra'o/ /kal ba la ni ka du kaM la pi la'i 'bras bu'o/ /parba ta
 ni ldum bu skra bzangs so/ /na ti ka ni sran ma'i spur ro/ /go dza hwi ni glang gi lce na 'dra ba ste/ koSh+Ta ka mu la zhes bya'o/ /ba na tik+ta ni bad tsha ka'o/ /ku li ka ni kA kA tinpu ka'o/ /nandi ni me tog dzA ti'i shing ngo/ /sha ku na da ni ka tu ka'o/ /ka de la
 ni me tog dmar ba'i bun rna ba'o/ /ko sha ta ka ni spubs can no/ /ka ka sha ni grags par zad do/ /pa to la zhim srin nang sel/ zhu rjes mngar la yi ga 'byed ces bya ba ni/ /pa to la sogs pa'i sde tshan gyis nges par bzung ba don to//
 pa to la ni zhom zhing tshim par byed pa dang/ srin nad sel cing 'joms pa dang/ zhu rjes mngar ba ste/ zhu ba'i rjes mngar ba dang/ shin tu yi ga 'byed par byed pa yin no/ /'bri ha ti gnyis mkhris bskyed 'khru/ /drod bskyed rlung ni 'joms pa yin
 zhes bya ba la/ pra he ti gnyis la gcig ni sbom mo/ /bra hi ti zhes bya ba yin la/ gnyis pa ni kaN+Da kA re zhes bya ba ste/ ming gzhan kshu ta ces bya'o/ /bre ha ti gnyi ga yang mkhris pa 'khrug cing skyed par byed pa dang/ de bzhin du me drod bskyed pa
 dang/ khong 'khru ba dang/ rlung 'joms shing sel ba yin no/ /bri shan blon dang lud pa 'joms/ /khrag mkhris sel ba'i dam pa yin zhes bya ba la bri sham ni sha pa ka te/ de ni slon cing skyug brel dang/ lud ba 'joms pa dang/ de bzhin du
 khrag dang mkhris pa shin tu sel pa'i mchog dam pa yin no/ /ka ra be lam kha ba dang/ drod bskyed bad kan sel mchog yin zhes bya ba la/ ka ra be laM ba ste/ cung zad kha ba dang/ pho ba'i me drod bskyed pa dang/ de bzhin du bad kan sel cing 'joms
 ba'i mchog yin no/ /brta ki'i ro tsha zhing/ ga mngar bro bad kan rlung dag sel/ /lan tshwa bcas pa me drod bskyed/ /ces bya ba la/ brta ka zhes bya ba ming gzhan ben dang zhes bya ba'i tshod ma ni ro tsha zhing kha ba dang/ mngar ba dang dro ba'i nus pa dang
 ldan pa dang/ bad kan dang rlung 'jos shing sel ba dang/ lan tshar bcas pa ste/ cung zad lan tshwa bro? ba dang/ me'i drod skye bar byed pa dang/ yid du 'ong zhing dga' bar byed pa dang/ zas len cing yi ga 'byed par byed pa yin pa dang/ mkhris pa mi skyed ces pa
 mkhris pa la mi gnod pa yin no/ /ka ri ra ni spos byed cing/ /ro bska mngar zhing kha ba yin zhes bya ba la/ ka ri ra'i tshod ma ni lto spos par byed pa dang/ de bzhin du ro bska ba dang/ mngar ba dang kha ba yin no/ /ko sha ta ka balgu dza/ /'khru zhing drod ni
 skyed byed yin zhes bya ga ko sha ka ni a ba ma dka' o/ /a balgu dza ni so mar dza'o/ /de dag ni gshang gci sla zhing 'khru bar byed pa dang/ drod skyed par byes? pa yin no/ /tan+tu la bsil rtsub pa dang/ ro mngar zhu rdzas mngar zhing yan chad nad mkhris nad dug khrag sel
 zhes bya ba la/ tan+tu la ni pe'u li ti/ de ni bsil ba la sogs pa'i yon tan dang ldan pa yin no/ /muny+dza las byung rlung mkhris sel/ /snum bsil lci zhing mngar ba dang/ lus rtas khu ba 'phel ba'i mchog ces bya ba ni/ rtsa muny+dza las byas pa'i tshod ma ni rlung la sogs
 bsel ba'i mchog yin no/ /plak+Sha lci 'khru bar byed ces bya ba la/ plak+Sha'i tshod ma ni lci ba'i yon tan dang ldan pas na khong 'khru bar byed pa'o/ /u po ta ka chang nad 'joms shes bya ba la/ u po ta ka ra ni pa ta ki te/ des ni chang gis myos pa 'joms
 shing lci ba dang 'khru ba yin no/ /tsu tsu plak+Sha 'dra las/ /de ni 'khru gcod bdag nyid can zhes bya ba la/ tsu tsu'i mtshod ma'i yon tan ni plak+Sha dang 'dra las/ de ni yang yon tan 'khru ba gcod pa'i bdag nyid can yin gri/ khong 'khru bar byed pa ni
 ma yin te/ lce ba'i yon tan tsam mthun pa yin no/ /bi da ri ni? rlung mkhris sel/ /gcin mang mngar zhing bsil ba yin/ 'tsho bar byed cing lkog nad sel ba lus rta'i ro tsa lci gcung len/ /zhes bya ba la bi da ri ni ming gi rnam grangs/ /sri ga li kha zhes bya
 ba yin la/ de ni rlung mkhris sel ba la sogs pa'i yon tan byed pa dang/ 'tsho bar byed pa zhes bya ba dang mdangs 'phel zhing lus zungs snyoms par byed pa dang/ ldog nad sel ba la sogs pa'i mtshan nyid can yin no/ /dzI ban+ti mngar bsil ba dang/ mig la phan
 zhing nyes gsum sel zhes bya ba la/ dzI ban+ti 'i tshod ma ni mngar zhing bsil ba'i nus pa la sogs pa dang ldan pa yin no/ /kusma N+Da buM sha ka lim/ karkaM dang ni e rba mu? ? ? zhes bya ba dang/ di nadis dang ga gno dang tsi na ka dang tsirba ta/ /bad rlung bskyed cing 'khru gcin mang/ /gshad sri lci
 zhing zhu rjes mngar/ /zhes bya ba la/ kusmaN+Da la sogs pa'i tshod ma ni/ rlung dang bad kan gnyis skyed par byed pa la sogs pa'i mtshan nyid can yin no/ /de la kusmaN+Da ni pu sha pha la zhes bya ba ku ba 'dra ba la/ nang sa bon mang pos gang ba'o/ /buM sha ni ku ba'i sha'o//
 ka lingka dang karka dang/ /erba ru dang/ lo ma shing ga gon gyi rnam grangs yin no/ /'khri shing 'bras bu'i nang na mchog /kusmaN+Da ste rlung mkhris sel/ /gcin nad sel cing ro tsar byed ces bya ba la/ ku ba la sogs pa 'khri shing la brten te/ skyes pa'i 'bras bu rnams
 kyi mchog ni kusmaN+Da yin te/ de ni rlung dang mkhris pa sel ba'i dam pa yin pa dang/ gcin nad kyi rgyun lam sbyor zhing sel bar byed pa dang/ ro tsa ba yin no/ /ga gon shin tu gcin mang yin zhes bya ba ni/ 'khri shing la brten pa'i 'bras bu'i nang na/ ga gon ni?
 mchog tu gcin mang ba yin no/ /ku ba shin tu rtsub pa yin zhes bya ba ni 'khri shing la brten pa'i 'bras bu'i nad na/ ku ba ni pa shin tu rtsub pa yin no/ /ka ling+ga dang erba ru/ /tsirpi mkhrig gzhon mkhris sel bsil/ /smin ba de las gzhan du byed/ /'bras bu lung snying lan tshwar
 bcas/ mkhris bskyed bad kan rlung nad sel/ /yi ga 'bye zhing dra yid 'ong/ hen langs lto sbos sel zhing yang/ /zhes bya ba la/ ka ling ka rang erba rung sha tsirbi ra ni mkhrag pa ste/ /bshang ba la sogs pa sri zhing 'byung ba dka' bar byas pa yin no/ /de bzhin du
 gzhon zhes pa ma yin zhing ro dang nus pa dang/ smin pa ma rdzogs shing dang po skyes pa'i gzhon nu ni mkhris pa sel ba yin la/ nus pa ni bsil ba yin no/ /smin pa ni de las gzhan du byed par shes par bya ste/ /mkhris pa bskyed pa dang nus pa tsha ba yin no//
 des na gzhon nu las go bzlog par shes par bya'o/ /'bras bu rnyings pa ni 'khri shing la brten pa'i 'bras bu'i lung ste/ gang na ga 'a dka? 'am/ erba ru 'am/ tsirbi ra de gsum gyi lung dengs shing rnyings par gyur pa smin pa las kyang thal bar gyur pa de ni lan tshar
 bcas zhes bya ba cung zad lan? 'bro? ba dang/ de bzhin du mkhris pa bskyed pa la sogs pa'i yon tan dang ldan pa yin no/ /hen langs shing lto spos pa ni nad na mdud par 'chas par snyam byed cing gyen du ldang la khrug? gzer dang bcas pas shing mkhan gyi
 tho ba lta bu skyes pa snyam byed pa ste/ de ni hen langs shing lto spos pa'i rang gzhi'i skabs nad bshad pa yin no/ /de yang gzhung gzhan dag las/ tho ba lta bur srar gyur cing/ /gyen du rgya cher ldang ba dag /rlung gi lto spos zhes bya ste/ /phyir 'byung lam ni
 'gegs byed yin zhes bshad pa yin no/ /pad rtsa rtsa ba utpal rtsa/ ku mu ud pa la chu ba dang/ /chus pa sha ka lu Da dang/ sring+ga da ka sha ru ka/ kron+dza da na ka lo rtya tsub cing bshang sri bsil zhing lci zhes bya ba la/ pad+ma'i rtsa lag gi sdong po nas ka
 lo rtya'i bar gyi tshod ma ni rtsub pa'i yon tan dang ldan pas na rtsub pa'o/ /bshad pa sri ba ni 'khru ba las go bzlog pa'o/ /de yang sman dpyad kyi lung las/ gshang la sogs pa 'jig byed cing/ /gong po med ces gang de 'khru/ /de las bzlog pa bshad
 'gags te/ /de ni sri ba zhes byad bshad ces bshad pa yin no/ /bsil pa ni nus pa'o/ /lci ba ni yin no/ /pad+ma'i rtsa lag ni pad+ma'i rtsa ba phra mo'o/ /gzhan dag ni pad+ma'i rtsa ba'i myu gu yin no zhes zer ro/ /pad+ma'i rtsa ba de nyid kyi sbom po ni pad+ma'i rtsa ba'o/ /
 sha lu ka ni pad+ma'i rtsa ba nyid do/ /utpal dar ku mu da'i rtsa ba dang/ chu ba gang yin pa de ni kun nas khyab par gnas pa'o/ /ka lo da ni utpa la thung ngo/ /krony+dza da na ni kan+ta la'o/ /de dag ni rtsub pa dang bshang gci 'gag cing sri ba dang/ bsil zhing
 lci ba yin no/ /ka laM ba dang ni li ka /mar shes zhes ni bya ba dang/ /kun tiny+dza ra ku ra ga/ seng phrom yung ma lo mig/ /ruk ga be ru/ /'tsho byed dang ni dzuny+dzu ta dang/ /edza ga dza dag dang ni/ /ya ba sha ka lcam pa dang/ /a lu ka sogs
 thams cad dang/ /sran lo shing mngar lo ma dag /mngar zhing rtsub la lan tshwa bro/ bad kan rlung bskyed lci ba dang kha sil zhing bshang gci 'byung sla byed/ /phal cher zhu nas gshang gci mkhregs/ /tshos shing khu ba legs bcing nas/ /mar cher btab
 pa nyes mi skyed/ /ces bya ba la/ ka lam ba nas nags ma'i bar gyi tshod ma ni ro mngar ba dang/ rtsub pa'i yon tan dang ldan pa dang/ cung zad lan tshwa bro ba dang/ /bad kan skyed par byed pa dang/ de bzhin du lci ba la sogs pa'i yon tan dang ldan pa dang/
 phal tshon? zhes pa mang du ste/ 'di dag ni nang nas tshod ma'i khyad par la yin rang bzhin 'di lta bu ma yin no/ /zhes shes par bya ba'i phyir sgra smos pa yin no/ /yang ka lam ba la sogs pa'i tshod ma de rnams kyang/ tshos zhing zhes pa lags
 par tshos par byas pa dang/ de bzhin du khu ba legs par btsir ba zhes bya ba/ tshos par byas pa'i 'og tu lag pas khu ba legs par btsir ba de la de skad ces bya'o/ /mar tshor btab pa zhes bya ba ni snum shas cher btab pa dang
 ldan pa'o/ /nyes mi skye ces bya ba ni na dA byi nyes pa rnams shin tu bskyed pa ma yin no zhes pa'i don no/ /'di rnams kyang ming gi rnam grangs dang/ yul yul gyi skad dag las shes par bya'o/ /'on kyang 'dir
 cung zad cig bshad par bya ste/ ka laM bag? ni/ lag skyes ba/ ka li ka ces bya'o/ /mar sha ni gan da ri zhes bya'o/ /kun+ti ny+dza ra ni 'bras bu las tshod mar byas pa'o/ /seng phrom ni sha ba ra pa ta ste/ ro ngo 'o la ma ni ka ni kha tse nA lo
 ?? pa zhes grags pa'o/ /ku ru da ka ni 'bras bu phra mo ste/ shi ti ba ra zhes bya ba'o/ /ga be du ni 'bru'i bye brag cig go /'tsho byed ni dzi bAn+ti 'o/ /dzu dzu ni dzi na'o/ /e Ta ga za ni pu na la'o/ /yab sha ka ni nas kyi nang nas skye ba kun la/ rgya sne'u'i khyad par gyi sne'u tshod do/ /lcaM
 pa ni grags par zad do/ /a lu ka ni rnam pa mang ste/ a lu ka dmar po dang/ a lu ka zluM bu dang/ a lu ka ljang gu dang/ a li ka dmar po'o/ /san lo ni son sran rde'u la sogs pa'i 'brur gtogs pa'i 'dab ma'o/ /shing mngar gyi lo ma ni la
 shlan? zhes bya'o/ /seng phrom 'dab ma zhes bya ba dang/ /de ni rgya sne'u dang 'drar 'dod ces bya ba la/ song phrom zhes bya ba tsi pa li lo 'dab phra mo yod pa'i tshod ma de ni yon tan rgya sne'u dang yon tan gyi cha 'dra bar 'dod de/ /rgya sne'u dang yon tan gyi cha 'dra ba'o/
 tarka ri ba ran mngar/ kha bcas rlung dang bad kan sel zhes bya ba la/ tarka ri zhes bya ba ni agni man+tha'o/ /ba ra na ni ta ma la ste/ de gnyis kyi tshod ma ni mngar zhing zhim pa dang/ kha bcas zhes bya ba cung zad kha bro ba dang/ rlung dang bad kan dag sel bar byed
 pa yin no/ /pu Nar rnam gnyis ka la sha/ cung zad tshwa bro kha zhing tsha/ /drod bskyed khong 'khru sbyar dug dang/ /'or nad bad kan rlung nad 'joms zhes bya ba la/ pu Nar rnam gnyis zhes bya ba ni/ sngon po dang/ dmar po'o/ /ka la sha ka ni utpa la'i
 tshod ma 'dra ba ste/ de gsum char yang cung zad lan tshwa bro ba dang/ ro kha dang tsha ba yin zhing pho ba'i me drod bskyed pa dang/ bshang gci sla zhing 'khru bar byed pa dang/ de bzhin du sbyar ba'i dug la sogs pa 'joms pa yin no/ /ci bi ra yi myu gu ni/ /drod bskyed
 rlung dang bad sel 'khru zhes bya ba la/ ci bi ra ni ka pa'a? ny+dza ste/ ming gi rnam grangs pra kirtya zhes bya ba'o/ /de'i myu gu ni myu gur 'thon pa'o/ /de ni me'i drod bskyed cing rlung dang bad kan gnyis sel 'khru bar byed pa yin no/ /nyer shing myu gu la ba ste/ ro tsa nyes gsum
 sel ba yin zhes bya ba la/ nyer shing zhes ba sha ta pa ri'i myu gu ni kha ba dang/ ro tsa zhing khu ba 'phel ba dang/ nyes pa gsum po rlung dang mkhris pa dang/ bad kan sel zhing 'jom pa yin no/ /smyig ma'i smyu gu rtsub pa dang/ /khong tsha rlung
 dang mkhris pa bskyed ces bya ba la/ smyig ma'i myu gu ni smig ma'i khyi gu ser 'thon po'i myu gu de/ de ni rtsub ba dang/ khod pa za bar byed pa dang/ rlung dang mkhris pa skye bar byed pa min no/ /ba dur ni drod bskyed kha mcher ba gzhang 'brum bad
 rlung sel zhes bya ba la/ ba tu ra ni nya mig lta bu'i sman mi TsyA k+Sha zhes bya ba'o/ /de ni me'i drod bskyed pa dang ro kha ba dang/ mcher ba la sogs pa'i nad sel ba yin no/ /ka sa mard+ha srin lud pa/ /bad kan sel cing zhu byed 'khru zhes bya ba la/ ka sar
 mard+ha kni shud+d+hi zhes bya ba ste/ de ni srin nad dang lud pa dang bad kan sel bar byed cing nad rnams zhu bar byed pa dang/ 'khru bar byed pa yin no/ /le brgan rtsi tshod rtsub skyur tsha/ /lci zhing mkhris pa bskyed la 'khru zhes bya ba la le brgan rtsi zhes bya
 ba ku suM b+ha'i tshod ma ni rtsub pa dang ro skyur ba dang nus pa tsha ba dang lci ba yin zhing mkhris pa bskyed la khong 'khru bar byed pa yin no/ /yangs dkar tshod ma lci zhing tsha bshad dang gci 'gag nyes kun bskyed ces bya ba la/ yungs kar
 gyi lo ma'i tshod ma ni lci zhing cha ba dang/ bshang ba dang/ gci ba gnyis 'gag shing sri bar byed pa dang/ nyes pa gsum po thams cad skyed par byed pa yin no/ /la phug gzhon nu ro mi bsal?/ cung zad tshwa bro kha dang bcas/ /gang
 yin de ni nyes kun sel/ /yang zhing cung zad tshwa ba dang/ /skran dang lus gcod dbugs mi bde/ /rma dang mig nad lkog nad sel/ /skad 'gag drod chung rtug skams dang/ tsham pa'i nad ni 'joms pa yin zhes bya ba la/ la phug gang gzhon
 zhing nar la son la/ skyes nas ring po ma lon pa dang/ ro mi bsal ba ste/ mngar ba la sogs pa'i ro gsal bar ma gyur cing/ cung zad lan tshwa bro ba dang/ kha ba dang bcas zhes pa cung zad ro kha bag yod pa de'i la phug de ni nyes pa kun sel zhes pa/ nyes pa gsum
 char sel ba dang/ yang ba dang cung zad tsha zhing drod skyed pa dang/ de bzhin du skran? la sogs pa 'joms shing sel ba yin no/ /nar son ro dang zhu rjes tsha/ /drod skyed byed cing nyes gsum bskyed bad kan bskyed lci zhes bya ba la/ gang la phug sdom zhing nar
 son la gos pa de ni do dang zhu ba'i rjes tsha ba yin pa dang/ de bzhin du drod skyed pa'i nus pa yod pa dang/ nyes pa gsum char bskyed pa dang/ mchog tu yang bad kan bskyed cing lci ba yin no/ /btsos pa ni snum zhing de yang rlung sel zhes bya ba la
 la phug chen po nar son pa de mar dang sha la sogs par bcos shing brngos pa de ni snum zhing rlung sel bar byed pa yin no/ /skam po rlung dang bad kan sel zhes bya ba ni/ /la phug de nar son pa dang/ ma son pa de gnyis ga yang bskams par gyur pa'i
 tshod ma ni rlung dang bad kan 'joms shing sel ba yin no/ /rjen pa thams cad nyes bskyed yin no zhes bya ba la/ la phug de gzhon ba dang nar son ba dang/ skam po dang rlon pa yang rung ste/ rjen pa zhes bya ba mes bcos pa ma byas pa thams cad ni nyes
 bskyed yin zhes bya ba nyes pa gsum char bskyed par yin no/ /nyung ma tshe zhing dro ba dang/ /bad kan rlung sel mkhris pa bskyed ces bya ba ni/ nyung ma dag ni ro cung zad tsha ba dang/ nus pa dro ba dang/ bad kan dang rlung sel ba dang/ mkhris pa bskyed pa
 yin no/ /ku ther byi'u ru ga'i/ kru su mu kha dang ske tshe dang/ /bu srin dang pha ni tsha/ /dzi n+thig le dang dzaM bi ra/ /de la sogs pa'i ldum rnams ni/ /bshang gci sra zhing me drod bskyed/ /khong ba tsha kha rtsub cing dro/ /yid 'ong lus dro yid ga 'byed/ /mig gnod
 khu ba srin 'joms no/ /skrang bar byed dang/ yang ba yin/ /shan+ta muA la mkhris sel zhing/ gsil zhing zhu rjes mngar ba dang/ /ro mngar ska zhing kha ba ste/ bad kan dag kyang sel bar bshad/ /ces bya ba la/ ku ther la sogs pa'i
 ldum dang rlen pa rnams ni/ bshang gci sri zhing bsgong pa'i mtshan nyid can/ /drod bskyed par byed pa'i nus pa yod pa dang/ khong pa tsha lam lam por byed pa la sogs pa'i yon tan dang ldan pa dang/ sgrung bar byed cing rang gi tshad las lhag
 bar bskyed pa dang/ yang ba yin no/ /ku the ra ni ka shi ru ka zhes bya ba 'dab ma chung ba zhig yod pa yin no/ /shi bkru ni so bany+dza na'o/ /su mu kha ni ba na tik+ta'o/ /ske tshe ni a su ra'o/ /pha ni dzi ni ma ri tse ka'o/ /dzaM bi ra ni lo ma rtsub ces bya ba ni
 skyur rtsi chen po'o/ /dzi n+tha gi le ni ku the ra'i dbye ba a rdza ka zhes bya ba 'dab ma 'phra ba zhig go /sogs pa ni gzhan dag bsdu ba'o/ /ldum ni rjen dang ming gi rnam grangs so/ /byi'ur rug skyegs lud dbugs mi bde/ /rtsib logs zugs
 dug /ba mnam sel zhes bya ba la/ ku tha re la sogs pa'i sde tshan las/ sur sa byi'u rug pa zhes bya ba ni skyigs bu la sogs pa'i nad 'joms pa dang/ rtsibs logs zug pa ste/ rtsibs logs nas gzer ba la phan pa yin no/ /dug
 ni sbyar ba la sogs pa'o/ /kha mnam pa ni dri zhim pa ste/ de yang kha zas la sogs pa dang 'brel pa las kha dri mi zhim par gyur pa te/ de dag sel to/ /su mu kha ni rab tsha min sbyar dug 'or nad sel ba yin zhes bya ba la/ ku the ra'i sde
 tshan gyi nang nas/ su mu ka ni rab tu tsha ba ma yin te/ de yang sbyar dug dang 'or nad skrad bag du gyur pa sel ba yin no/ /'u su'i lo ma kha zhing ma dang/ /gcin mang mkhris pa bskyed ma yin zhes bya ba la/ 'u su'i lo ma ni arti ka zhes bya
 ste/ de ni kha zhing mngar ba yin pa dang/ gcin mang par byed pa yin zhing/ mkhris pa ni bskyed par byed pa ma yin no/ /sgog skya rab tu rno zhing tsha/ /zhu rjes tsha zhing 'khru ba dang/ zhim zhing skra skyed lci ro tsa/ /snum zhing drod skyed yi ga 'byed/ /sha bkra mdze skran
 gzhang 'brum dang/ gcin nad srin dang bad kan rlung/ /skyogs bu cham pa dbugs mi bde/ /lung pa sel te khrag mkhris bskyed ces bya ba la/ sgog skyo ni ra sa na zhes bya ba ste/ de ni rab tu shas cher tsha ba dang/ rno ba dang/ de bzhin du zhu ba'i rjes kyang rab
 tu tsha ba dang/ 'khru par byed pa dang/ zhim zhing yid du 'ong ba dang/ skra 'bye ba bskyed pa dang/ lci zhing yang ba ma yin pa dang/ ro tsa zhing khu ba 'phel ba dang/ snum pa'i yon tan dang ldan pa dang/ drod bskyed pa nas lung pa sel ba'i bar gyi
 yon tan dang ldan pa dang/ khrag dang mkhris pa bskyed cig 'phel par byed pa yin no/ /kun dong de las yon tan dman/ /bad kan bskyed mkhris rab mi bskyed ces bya ba la/ kun dong zhes bya ba ni pa laN+Du zhes bya ba'i/ sgog pa ste/ de ni de la yon tan
 dman zhes bya ba/ sgog skya'i yon tan las chung zhing dman pa yin no/ /bad kan skyed par byed cing mkhris pa ni ha cang rab tu bskyed par mi byed do/ /de'u btsos dug sbyar zos pa yis/ /bad kan rlung dang gzhang 'brum sel/ /rno zhing rtug
 pa sri ba dang/ de ni mkhris can la phan min zhes bya ba la/ ke'u gtums shing btsos te dug tu sbyar ba dang/ de bzhin du kha zas su zos pas ni bad kan la sogs pa sel bar byed pa dang/ rno ba dang rtug pa sri zhing mkhrags pa byed ba dang/ ka'u
 de ni mkhris pa can gyi skyes bu la phan zhing bde ba'i? byed de/ nad de sogs pa'i rgyur mi 'gyur ba yin no/ /su ra na drod bskyed zas len khang sel dri ma spyod zhing yang/ /mchog tu gzhang 'brum dag la phan zhes bya ba la/ su ra ni sdong bu'i
 rnam pa sgom pa zhig ste/ de ni me drod skyed par byed pa dang/ kha zas len cing yi ga 'phye ba la sogs pa'i yon tan dang ldan pa yin no/ /spang phrum shin tu nyes bskyed yin zhes bya ba la/ tshod ma'i nang nas spang phrum ni shin tu ngan cing
 nyes pa thams cad bskyed pa yin no/ /me tog 'dab ma 'bras yal ga/ sdong bu rim bzhin lci ba yin zhes bya ba la/ me tog la sogs pa'i tshod ma dang/ lhum bu rnams ni me tog la sogs pa'i rim gyis 'og ma lci ba yin te/ me
 tog gi tshod ma las ltos na lo 'dab kyi tshod ma lci ba yin la/ de bas ni 'bras bu'i chod ma dang/ de bas kyang yal ga'i tshod ma lci ba yin no/ /de bas sdum bu'i tshod ma shin tu lci ba yin no/ /ldum gyi dang rjen par bza' ba rnams
 la yang/ rim pa 'di bzhin shes par bya'o/ /tshod ma'i rab mchog mtsho byed yin/ /yungs kar tshod ma'i tha chad yin zhes bya ba la/ pa ta la sogs tshod ma'i sde tshan rnams kyi nang nas/ rab mchog ni 'tsho byed ces bya ba'i
 tshod ma yin la/ yungs kar gyi lo ma'i tshod ma tha ma ste kun gyi tha chad yin no/ /tshod dang rnams kyi sde tshan no// //zas kyi nang na shing tog ni tha mar bza' bar bya ba yin pa dang/ de bzhin du bza' ba bya ba la dgos par gyur
 pa yin pas/ 'di dag smos pa yin te/ rgun 'brum 'bras bu'i mchog yin te/ ro tsa mig phan bshang gcig sla/ /mngar zhing zhu rjes snum pa dang/ cung zad bska zhing bsil la lci/ /rlung dang khrag mkhris sel byed cing/ /kha nang kha gro
 chang nad dang/ /skom lung tsha rims dbugs mi bde/ /skang 'dzen glo rdol glo gcod sel zhes bya ba la/ rgun 'brum ni shing tog rnams kyi nang na mchog dang dam par gyur pa yin la/ de ni ro tsa ba dang/ mig la phan pa la sogs pa'i
 yon tan dang ldan pa yin te/ tshig gi don ni go sla'o/ /bal po se'u mngar mkhris rgyas dang/ nyes pa gsum po sel ba yin zhes bya ba la/ bal po se'u ro mngar ba de ni mkhris pa rgyas shing/ shas cher 'phel ba dang/ rlung la sogs pa'i nyes
 pa gsum char la yang phan pa yin no/ /skyur ba mkhris pa skyed min cung dro/ /rlung dang bad kan 'joms par byed ces bya ba la/ bal po se'u skyur ba gang yin pa de ni skyur ba nyid kyis na/ mkhris pa skyed par byed pa yin mod gyi/ mkhris pa skyed min zhes
 bya ba 'dis de bkag pa yin no/ /cung dro zhes pa 'di shin tu tshe bas ma yin gyi cung zad dro ba'i don to/ /de yang rlung dang bad kan gnyis ni 'joms par byed pa yin no/ /se'u kun kyang yid 'ong snum/ yang zhing bshang sra drod zas len zhes bya ba
 la/ se'u kun kyang zhes pa mngar po dang/ skyur po dang/ mngar skyur dren ma thams cad kyang/ yid du 'ong zhing dga' bar byed pa dang/ snum pa dang/ yang ba'i yon tan dang ldan pa dang/ bshang ba sra zhing mkhregs pa dang/ pho ba'i me drod skyed pa dang/ 'bras
 chan la sogs pa'i zan len cing yi ga 'byed pa yin no/ /mo tsa bra go pa nas/ rgya sngar pa ru sha ka dang/ a mra ta la ka mar 'bras/ /ra dza da na ma nu'i 'bras/ /rgya shug so bi ra aM ko la/ /phalgu sles ma ta'i 'bras bu/ ta milba shu star ga'i 'bras
 myu gu can dang rgya kham dang/ a ru ma na pi yAl 'bras/ /rtas byed lci zhing bsil ba yin/ /lus tsha glo rdol glo gcod sel/ /khrag dang mkhris pa snyoms par byed/ /nu rjes mngar zhing snum pa dang/ /bshang sri bad kan khu ba 'phel zhes
 bya ba la/ shing tog mo tsa nas/ pi yA la'i bar gyi 'bras bu rnams ni rtas par byed pa ste/ sha rgyas par byed pa dang/ de bzhin du lci ba dang/ bsil ba'i yon tan dang ldan pa yin zhing/ lus tsha ba dang/ glo rdol ba dang/ gcod sel ba
 yin no/ /de la glo rdol ba ni/ brang gi phyogs nas khrag 'byung zhing rdol ba'o/ /glo gcong ni lus zungs zad pa ste/ skem nad dang/ gcong chen po zhes ming gi rnam par grags pa'o/ /de yang sman dpyad kyi lung las glo gcong zad byed
 skems byed dang/ nad kyi rgyal po zhes kyang bya zhes bya bshad pa yin no/ /gzhan dag ni go bar zad do/ /shing tog la sogs mo tsa ni chu shing gi 'bras bu'o/ /ra dza da na ni ba ra na bri ya zhes bya'o/ /ta la'i 'bras bu mkhris byed 'khru/ /zhes
 bya ba ni/ mo tsa la sogs pa'i shing tog rnams kyi nang nas/ ta la'i 'bras bu ni mkhris pa bskyed cing 'phel bar byed pa dang/ khong 'khru ba yin no/ /kaSh+ma ri'i 'bras bsil dang/ /bshang gci 'gag pa sel byed cing/ skra bskyed yid
 gzhungs bcud len 'gyur/ /zhes bya ba la/ shing kaSh+ma ri 'i 'bras bu ni bsil ba'i nus pa dang ldan pa nas/ bcud len gyi bya ba byed par 'gyur ba'i bar gyi yon tan dang ldan par gyur ba yin no/ /pa ta ma sogs dro
 ba dang/ bad kan mkhris pa skyed byed cing/ /'khru ba snum zhing mchog tu rlung skyed byed ces bya ba la/ pa ta ma la sogs pa nas/ pi la ya'i bar gyi shing thog ni dro ba'i nus pa dang ldan pa dang/ de bzhin du bad kan dang mkhris pa
 bskyed cing/ khong bral snum pa dang/ mchog tu shas tsha rlung 'phel bar byed pa yin no/ /pi la ya'i 'bras tsha ba min zhes bya ba la pi la yi 'bras bu'i shing thog ni tsha ba min zhes bya ba ste/ bsil ba'i nus pa can yin no zhes bya ba'i
 don to/ /pi la ya yi tshig gu mngar/ /ro tsa mkhris pa rlung nad sel zhes bya ba la/ pi la ya'i 'bras bu'i nang gi tshig gu ni ro mngar ba la sogs pa'i yon tan dang ldan pa'o/ /rgya shug tshi gu'i yon tan ni/ /de 'dra skom slon lung sel yin/
 rgya shug nang gi tshig gu'i yon tan ni bi la ya'i 'bras bu'i yon tan dang ldan pa bas/ de las lhag pa'i yon tan skom nad dang/ slon bro ba dang/ lud pa sel bar byed pa yin no/ /bi la 'bras smin pa 'ju dka' zhing/ nyes bskyed phyen ni dri ngan byed ces bya ba la
 bilba'i 'bras bu'i smin par gyur pa ni 'ju bka' ba ste/ yongs su 'du zhing smin par dka' ba dang/ nyes pa gsum bskyed pa dang/ phyen gyi dri nga zhing mnam par byed pa yin no/ /ma smin drod bskyed bar rlung sel zhes bya ba la/ bilba'i 'bras bu de ma smin pa/ ming
 gi rnam par bilba'i ga gon zhes grags pa smin pa ma gyur pa gang yin pa de ni me'i drod bskyed pa dang/ de bzhin du bad kan dang rlung sel ba yin no/ /de dag gnyi ga 'khru ba gcod byed ces bya ba la/ bilba'i 'bras bu smin pa dang/ ma smin pa de gnyis gnyi ga
 yang 'khru ba gcod pa ste/ bshang ba sdud pa'i mtshan nyid can yin no/ /ma smin ka bid mgul nad dang/ nyes pa kun bskyed ces bya ba la/ ka pid ta ma smin pa ni/ mgul nad skyed cing skad gsangs nyams par byed pa dang/ nyes pa kun bskyed ces bya ba
 nad gzhi gsum cher bskyed par byed pa yin/ /smin pa ni nyes 'joms skyigs bu slon bro srel zhes bya ba la ka pid tha smin pa ni nyes 'joms zhes pa nyes pa gsum char sel ba dang/ de bzhin du skyigs bu dang/ slon bro ba'i nad sel ba yin no/
 kun kyang 'khru gcod dug 'joms yin zhes bya ba la/ ka pid da smin pa dang/ ma smin pa thams cad 'khru ba gcod pa'i mchog tu gyur pa dang/ dug 'joms shing sel bar byed pa yin no/ /'dzam bu'i shing tog bshang sri lci/ /bsil zhing shin
 tu rlung bskyed yin/ /bshang dang gci ba gcod byed cing/ /lkog ma la gnod pad mkhris sel zhes bya ba la/ shing 'dzam+bu'i shing thog ni bshang gcig sri zhing/ rgyun 'gog par byed pa dang/ lci ba la sogs pa'i yon tan dang ldan pa dang/ bad
 kan dang mkhris pa sel ba'i bar gyi mtshan nyid dang ldan pa yin no/ /a mra'i 'bras bu ma smin rlung/ /khrag mkhris bskyed byed rus chags pa/ /bad kan mkhris bskyed min rlung bskyod/ /lci mngar bad kan khu ba 'phel zhes bya
 ba la/ a mra'i shing tog ma smin pa/ gzhon nu ni rlung dang mkhris pa dang bad kan dag skyed par byed pa ste/ rlung las gyur pa'i khrag dang mkhris pa las gyur pa'i khrag bskyed par byed do ces bya ba'i don to/ /rus pa chags pa ni tshig gu'i
 rus pa skyes pa ste/ rus pa chags pa'i a mra de ni bad kan dang mkhris pa skyed ba yin no/ /a mra'i 'bras bu de smin zhing nar son pa'i ni rlung sel ba dang lci ba dang/ ro mngar ba dang/ bad kan dang khu ba 'phel bar byed pa yin no/ /brik+Sha aM la rtsub
 bshad sri/ lci tsha bad kan rlung dag 'joms zhes bya ba la/ brik+Sha aM la ni/ tin+ti li kaM ste/ de ni rtsub pa dang/ bshang ba sri zhing bsgong ba dang/ lci ba dang/ nus pa tsha ba dang/ bad kan dang rlung dag 'joms shing sel bar byed pa yin no/ /sha mya
 tsha lci skra gnod rtsub ba ces bya ba la/ shing sha mya'i 'bras bu ni nus ba tsha ba dang/ rang bzhin lci ba dang/ skra la gnod cing 'byi bar byed pa dang/ rtsub par gyur pa yin no/ /pi lu'i 'bras bu mkhris pa bskyed/ bad kan rlung nad sel cing 'khru/ /mcher pa
 gzhang 'brum skran srin sel zhes bya ba la/ shing pi lu'i 'bras bu ni mkhris pa skyed pa dang/ bad kan la sogs pa sel ba'i mtshan nyid dang ldan pa yin no/ /pi lu mngar zhing kha dang/ shin tu tsha min nyes gsum 'joms zhes bya ba la/
 pi lu'i 'bras bu gang mngar ba dang/ cung zad kha ba de ni shin tu tsha min zhes pa ste/ cung zad tsam dro zhing tsha ba'i lus pa dang ldan pa zhes bya ba'i don te/ de ni rlung la sogs pa'i nyes pa gsum 'joms shing sel ba yin no/ /ba lung shun kha
 tsha zhing snum/ rlung nad sel bar byed pa yin zhes bya ba la/ ba lung ni ma du lung+ga zhes bya ba ste/ ming gi rnam grangs bi dza pu ra zhes bya ba'o/ /de'i shun pa ces bya ba ni steng gi shun lpags kyi ro kha zhing tsha ba yin pa dang/ de bzhin du snum zhing rlung nad sel
 par byed pa yin no/ /ba lung 'bras sha rtas byed dang/ rlung nad mkhris pa sel zhing lci zhes bya ba la/ ba lu de'i 'bras bu'i sha zhes pa/ 'bras bu'i lpags pa'i nad rims pags pa dang 'brel te nye bar gnas pa de ni rtas par byed pa ste/ lus
 nyams rtas shing rgyas par byed pa dang/ ro mngar ba yin te/ de ni rlung dang mkhris pa sel ba dang/ lci ba yin no/ /de'i rkang yang skyigs lung pa dbugs mi bde dang chang nad sel/ /kha skam rlung dang bad kan dang/ rtug sa skyug zo yi ga 'chus/ /skran
 dang gzhang 'brum gzer nad dang/ /me drod chung ba nyid sel to/ /zhes bya ba dang/ ba lu de'i rkang ste/ nad na gnas pa'i skyur ba gang yin pa de yang ba yin la/ des kyang skyigs bu la sogs pa'i nang nas drod chung ba'i bir sel cing 'joms pa yin
 no/ /na ram ga'i 'bras mngar cung skyur/ /yi gar 'ong zhing kha zas len/ /lci zhing rlung ni rab bskyed pa'i/ /yon tan ldan par shes par bya zhes bya ni/ skyur rtsi chung ngu'i 'bras ni ro mngar zhing cung zad skyur ba yin te/ /de ni yi gar 'ong ba la
 sogs pa'i yon tan dang ldan par shes par bya'o/ bse zhing 'bras bu'i shun pa sha/ khong rtas byed cing mngar la bsil/ /zhes bya ba la/ bse shing gi 'bras bu blta ka zhes bya ba ste/ ming gi rnam grangs a ru ska ra zhes bya ba ni shun pa
 dang/ nang gi sha ni khong rtas shing lus rgyas par byed pa dang/ ro mngar zhing zhim pa dang/ bsil ba'i yon tan dang ldan pa yin no/ /de'i rus mi mnyam yid gzhungs byed/ /bad kan rlung ni sel ba'i mchog ces bya ba la /bse shing gi 'bras
 bu de'i rus pa ste/ tshig gu ni rno bas me dang mnyam pa dang/ phyi rol tu bskus na chu bur 'byung bar byed pas na/ me dang mnyam pa zhes bya ba yin la/ de bzhin du nang du btang ba'i sman dang sbyar ba las kyang/ /myur du zas
 'ju bar byed cing drod mchog tu skyed par byed pas tsi ta ka dang mtshungs pa yin no/ /me dang mnyam zhes bya'o/ /la la ni rno ba dang tsha ba dang me ltar chu bur 'byin par byed pas/ me dang mnyam pa min par 'dod do/ /gzhan dag ni me dang
 mnyam pa zhes bya ba/ tsi tra ka dang mnyam par yon tan dang nyes pa skyed pas tsi tra ka dang mtshungs pa yin no/ /zhes zer mod kyi/ /de ni rigs pa ma yin te/ tsi tra ka'i stobs med dang mnyam zhes bya ba'i
 skabs su tshul ji ltar bshad par bya ste/ 'dir ni me nyid dang mnyam par dper sbyar bar rigs kyi/ bse shing gi rus pa dang mi sbyar ro/ /yid gzhungs byed ces bya ba ni/ blo rno ba la phan pa ste/ shes rab thob par byed pa'o/ /de bzhin
 du bad kan rlung ni sel ba'o zhes bya ba ste/ bad kan dang rlung sel cing 'joms par byed la/ de yang mchog tu sel bar byed pa'o/ /ku shu ma gnyis lci ba ste/ mngar skyur bsil dang tsha ba yin/ /yi ga 'bye zhing me rab 'bri zhes
 bya ba la/ ku shu ni tso'u ste/ de yang rnam gnyis zhes bya ba mngar ba dang skyur ba rnam pa gnyis yod de/ /de gnyi ka yang lci ba yin la/ de gnyis las go rim bzhin du mngar ba ni bsil ba yin la/ skyur ba ni tsha ba'i nus pa dang
 ldan pa yin no/ /de bzhin du yig 'bye bar byed cing/ me'i drod rab tu 'bri bar byed pa yin no/ /kham sha yig 'byed cing mngar/ /smin pa myur du 'jug par 'gyur/ /shin tu tsha min lci nyes bskyed ces bya ba la/ kham sha'i
 dbye ba ni rnam pa bzhi ste/ de yang sman dpyad kyi lung las/ /kham sha dang ni kham rgod dang/ /tsi li sogs dang rgya kham ste/ /de ni rigs kyi khyad par gyis/ /kham bu rnam par bzhir shes bya/ /zhes bshad pa yin no/ /de bzhi char yang yig 'byed
 cing zas len par byed pa dang/ ro mngar ba dang/ shin tu smin cing tshos nas ni/ /myur du 'ju bar 'gyur ba yin no/ /shin tu tsha min zhes bya ba ni/ /cung zad tsam nus pa tsha ba dang/ de bzhin du shin tu lci ba dang/ shin tu nyes pa skyed pa yin te/ cung
 zad lci ba dang/ cung zad nyes pa bskyed pa yin no/ /rgun 'brum pa ru sha ka dang/ /ka ra mar dang bcas rlon skyur/ /mkhris pa bad kan bskyed cing 'khru/ /lci zhing snum tsha rlung 'joms so/ /zhes bya ba la/ rgun 'brum dang/ ba ru sha ka dang/ ka ra mar
 dang btsos pa rlon pa ste/ skam po ma yin pa dang/ ma smin cing skyur bar 'gyur ba ni mkhris pa dang bad kan 'phel zhing skyed par bye ba dang/ khong 'khru ba dang lci ba dang/ rlung 'joms shing sel ba dang/ nus pa'i stobs tsha ba yin no/ /rgya shugs
 skyur thung li ku tse/ a mra ta/ baM de bzhin no/ /zhes bya ba la sngar bshad pa'i bzhin du rgya shug ni kham bu'i 'bras bu dag dang/ cha 'bra yin te/ rgya shugs skyur po ni aM sla go la'o/ /rgya shugs thung ngu ni karkaM du'o/ /de bzhin no zhes bya ba ni 'bras
 bu de dag rlon zhing skyur bar 'gyur ba ni snga ma dang 'dra bar mkhris pa bad kan skyed cing 'khru ba dang/ lci zhing nus pa tsha la rlung 'joms pa yin no/ /e ra ba ti tu ta dang/ mri ga linda dza bir bcas/ /smin dang ka ra marta saM/ /mkhris pa shin tu skyed byed
 yin/ zhes bya ba la/ e ri ma ti dang/ tu ta dang/ mri ga linda dang/ dzi bi ra smin pa dag ni mkhris pa shin tu skyed pa ma yin la/ de bzhin du ka ra yarta/ /skam po yang mkhris pa shin tu skyed par byed pa ma yin te/ mkhris pa cung zad skyed
 zhes don gyis ston pa yin no/ /e ra ba ti ni ba raM ga'o/ /dzeM bi ra ni dan+ta sha tha'o/ /aM li ka dang rgya shug skyur/ /skam po drod skyed 'khru ba dang/ skom dang ngal dang rmya ba sel/ /yang zhing rlung dang bad kan 'joms/ /zhes bya  
 ba la/ aM li ka ni tsu tri ka'o/ /rgya shug skyur po ni ko li ka'o/ /'bras bu de gnyis skams par gyur pa me'i drod bskyed pa dang/ bshang gci sla zhing 'khru ba dang/ /skoM ngang dang ngal ba dang rmya ba sel ba dang/ de bzhin du yang ba dang/
 rlung dang bad kan dag kyang 'joms shing sel ba yin no/ /de las bu kun tha chad/ /li gu tsi ste nang kun slong zhes bya ba la/ de las zhes bya ba 'bras bu'i sde tshan rnams la/ 'bras bu de rnams kyi tha chad ces pa/ tha ma ni
 li gu tsi zhes bya ba yin te/ des ni nang kun slong zhes bya ba nyes pa gsum po mdza' dag skyed par byed pa yin no/ /kha ba me dang rlung gnod nyen/ /sprul gyi kha chu sogs pas phog /srin bus zos dang chu nang lhung/ /sa ngan dus
 min skyes pa dang ka 'bru gzhan 'dres shing mthu nyams pa/ /shin tu rnyings gyur 'bru spang bya zhes bya ba la 'bru kha ba la sogs pas nyen cing nyams pa rnams spang bar bya ste/ gnod pas nyen pa'i sgra ni kun la sbyar bar bya ste/ des na kha
 pa'i gnod pas nyen pa dang/ de bzhin du mes tshig pa'i gnod pas nyen pa 'am/ than pas khyer ba dang/ rlung gis gnod pa ste/ 'bru gnod pa rlung rtsub mos nyen ba dang/ de bzhin du sprul la sogs pa'i kha chus phogs pa te sogs pa'i sgra
 ni ro bsegs pa'i dris phog pa dang/ bshang ba dang gci bas phog pa sdu'o/ /srin bus zos pa ni 'bru srin rnams kyis zos pa'o/ /chu nang lhung ba ste/ chu'i nang du rtse mo'i bar du nub pa dang sa ngan pa ste/ mi mthun pa'i sar skyes pa ste/ de
 yang 'bras bu gang dang gang du skyes bar 'os nga'i sa de ma yin pa gzhan dag tu skyes pa ni mi mthun par skyes pa'o/ /dus ma yin par skyes pa ni smin pa'i dus su ma phyin pa ste/ 'bru gang dus gang du skyes par grags pa de las gzhan pa'i dus
 dag tu skyes pa zhes bya ba'i don te/ de'i mtshan nyid ni ro la sogs yongs su ma rdzogs pas gnod pa yin no/ /'bru gzhan ldan zhing zhes bya ba ni rigs mi mthun pa'i gzhan dag dang 'dres par gyur pa ste/ dper na 'bras rak+ta sha li tsa snar ni 'bras
 ya ba ka zhes bya ba nas 'dra dang 'dres na gnod pa yin no/ /de bzhin du mon sran rde'u mutga ni mun sran gre'u mA Sha dang mi mthun pa yin no/ /de bzhin du gra ma can yang gra ma can gyi ris mi mthun pa dang 'dres pa dang/ gang bu can yang gang bu can gyi
 ris mi mthun pa dang 'dres pa spang bar bya'o/ /la la dag ni 'bru gra ma can ni 'bru gang bu can dang mi mthun pa yin no/ /zhes zer ro/ /de bzhin du gzhan dag ni sar pa dang rnying pa 'dres dag ni 'bru gzhan 'dres pa yin no/ /zhes zer ro/ /de bzhin du mthu
 nyams shing shin tu rnyings pa ste/ lo mang por lon nyid kyis shin tu rnyings par gyur pas mthu nyams shing/ nus pa zad pa'i 'bru spang bar bya'o/ /de yang rgyud gzhan dag las/ lo gcig lon ni 'bru thams cad/ /lci ba nyid ni spong gyur gyi//
 de yi nus pa 'dor ma yin/ /de nas rims kyis 'dor bar 'gyur zhes bshad pa yin no/ /des na mthu nyams shing shin tu rnyings par gyur pa'i 'bru yang spang bar bya'o/ /tshod ma'ang de bzhin rtsub pa ni/ g.yos pa dag dang mi rnying dang//
 ro ni smin par ma gyur dang/ /la phug ma gtogs skam po dang/ /zhes bya ba la/ tshod ma'ang de bzhin zhes pa kha ba la sogs pas nyen par spang bar bya'o/ /de bzhin du rtsub po btsos pa ste/ rtsub pa nyid du btsos pa ni rtsub por g.yos pa'am/
 yang na rtsub po ste dar ba dang zho ga chu dang/ skyur po la sogs pa dang/ g.yos pa ni rtsub por g.yos pa'o/ /mi rnying ba ni sra ba ste/ rang bzhin gyis sra ba'i g.yos su byas pas sra ba'o/ /de bzhin du ro smin pa 'gyur ba ste/ ro'i rang bzhin yongs su
 rdzogs par ma gyur pa'o/ /de bzhin du la phug ma gtogs pa skam po spang bar bya ste/ gang gi phyir la phug skam po ni bza' bar bya bar sngar bshad pa'i phyir ro/ /'bras buAng phal cher de bzhin te/ bilba ma gtogs slon pa
 spang zhes bya ba la/ 'bras bu shing tog kyang phal cher mang du de bzhin te/ ji ltar 'bru kha ba la sogs pas nyen cing snang ba dang/ 'brus zos pa dang/ chur rlung ba dang/ sa ngan pa la skyes pa dang/ dus ma yin par skyes pa dang/ ro ma smin
 pa dang/ skam po spang bar bya ba yin no/ /phal cher zhes smos pas ni 'bru gzhan dang 'dres pa dang rtsub por g.yos pa la sogs pa dang/ 'dir mi sbyar ba dang/ rgun 'brum la sogs pas ni/ skam po yang sbyor ba dag la dgos shing skyon med
 par snang bas/ de dag ma gtogs par shes par bya ba'i phyir/ /phal cher smos pa yin no/ /de bzhin du shing tog thams cad kyang slon pa ste/ smin par ma gyur pa spang bar bya'o/ /de la bilba ni ma gtogs te/ /de'i ma smin pa'i sbyor ba'i yon tan
 chen po dag pa srong gis bshad pa yin no/ /'dir gzhan dag thams cad ni ci rigs par snga ma bzhin du sbyar par ba'o/ /zas kyi tshul shes par bya ba 'dir 'bru dang sha dang tshod ma dang shing tog 'bras bu grags pa dang/ ma grags pa
 rnams kyi mngar ma smras pa de dag ni yul mang po mthong zhing tha snyad la mkhas pa rnams las shes par bya'o/ /'bras bu'i sde tshan no// //da ni lan tshwa la sogs pa dag/ zas kyi g.yos la dgos pa dang/ sman dang sbyor ba la
 sogs pa gang yin pa de brjod par bya ste/ lan tshwa kun kyang bad kan bskyed/ /phra zhing bshang gci 'byin la 'joms/ /rlung 'joms 'ju byed tsha zhing rno/ /yi ga 'bye zhing bad mkhris bskyed ces bya ba la/ /lan tshwa thams cad ni spyir/ bad kan skyed cing rtsa
 spubs kyi rgyun la chu rnams 'dzag par byed pa yin pas/ kun kyang bad kan bskyed pa yin no/ /de sman dpyad kyi rgyud las rang gi nus pa snying gar ni/ /song ste rnam par 'du byed cing/ /rno bas rnam par gcod byed la/ /tsha bas myur du 'dzag
 par byed/ /rtsa spubs nas ni dri ma rnam/ /myur du 'byin par byed pa yin zhes bshad pa yin no/ /phra ba ni rtsa spubs phra mo las zhugs par byed pa yin pa'i phyir ro/ /bshang gci 'byin pa ni dri ma sel cing 'khru bar byed pa'o/ /'dzam pa ni rang bzhin
 mnyen pa'o/ /rlung 'joms pa ni rlung nad sel ba'o/ /'ju bar byed pa ni zas la sogs pa smin par byed pa'o/ /tsha ba ni tsha ba'i nus pa dang ldan pa'o/ /rno ba ni lus zungs 'bigs pa'o/ /yi ge 'bye ba ni zas len pa'o/ /bad kan dang mkhris pa
 bskyed pa ni de gnyis 'phel bar byed pa'o/ /de la lce myang tshwa mngar bcas/ /ro tsa yid 'ong nyes gsum sel/ /yang zhing tsha la mig la phan/ /tsha ba mi skyed mi drod ba sdeb zhes bya ba la/ de la zhes bya ba ni nges par gzung ba ste/ lan tshwa de thams cad
 kyi nang nas/ lan tshwa lce myang tshwa ni yang ba ste/ cung zad mngar ba dang/ ro tsa zhing sa bon 'phel bar byed pa dang/ yid du 'ong zhing snying dga' bar byed pa dang/ /rlung la sogs pa nyes pa gsum sel bar byed pa la sogs pa'i yon tan dang
 ldan pa yin no/ /rtsabs ru tsha yang yid 'ong zhing/ /sgregs pa sbyong zhing dri zhim la/ /zhu rjes tsha zhing bshang gci sel/ /drod bskyed yig 'byed byed yin/ /zhes bya ba la/ rtsabs ru tsha ni so so brtsal te/ mig gi rnam gangs gzhan yang ru tsa ka zhes
 bya'o/ de ni yang zhing yid 'ong ba dang/ sgregs pa'i dri mi zhim pa spyod pa la sogs pa'i yon tan dang ldan pa yin no/ /kha ru tsha ni stod bad kan/ /rmad ni rlung 'byin drod bskyed la/ bshang 'gag lto sbos rtug skams dang/ gder zug
 lus lci sel ba yin zhes bya ba la/ kha ru tshwa 'di ni bi Da lo nu ste/ kha ru tshwa bcos ma yin par shes par bya'o/ /de ni stod kyi bad kan 'dren par byed pa dang/ smad kyi rlung 'byin par byed pa yin no/ /lugs su 'byung bar byed pa yin zhing/ drod
 bskyed pa la sogs pa'i yon tan dang ldan pa yin no/ /rgya mtsho'i lan tshwa zhu rjes mngar/ /lci zhing bad kan rnams 'phel byed ces bya ba la/ rgya mtsho'i lan tsha ni zhu ba'i rjes mngar ba dang/ lci zhing khyad par du bad kan 'phel bar byed pa yin no/
 bkod ma'i lan tshwa cung zad kha/ /tsha dang ba tshwa rno byed gsher/ /zhes bya ba la/ bkod ma'i lan tshwa ni sa las skyes pa'i lan tshwa ste/ de ni cung zad tsha ba dang/ cung zad tsha ba dang/ cung zad ba tsha'i zhad bro ba dang/ rno ba'i yon tan dang ldan pa dang/ sla
 zhing gsher bar byed la/ bad kan dang mkhris pa la sogs pa gnas nas bsgul bar byed pas na gsher bar byed pa yin no/ /kha ru tsha nag yon tan dri/ /ma gtogs yon tan bi dar mtshungs zhes bya ba la/ kha ru tsha nag po ni dri ma gtogs
 pa yon tan gzhan bi da kha ru tsha dang mtshungs zhing mnyam pa ste 'di gnyis kyi khyad par ni dri ma tsam du zad do/ /mtsho tshwa yang ste zhes bya ni lan tshwa mtsho ba tshwa zhes bya ba ni ro ma ka ste/ de ni yang ba'i yon tan dang ldan pas na yang ba yin no/ /
 sa skam tshwa/ bad kan skyed cing 'ju dka' lci zhes bya ba la/ sa skam gyi tsha ni sa rdul can gyi phyogs nas byung ba'i tsha ste/ de ni ba tshwa bro zhing bad kan skyed par byed cing dka' ba dang/ lci ba yin no/ /lan tshwa rnams kyi sbyor ba la/ rgyam tshwa
 la sogs rab tu sbyar zhes bya ba la/ lce myang tshwa la sogs pa'i lan tshwa rnams kyi nang nas gcig gam gnyis sam mang po brngos pa'i de'i phye ma dang lang+gu? dang sman mar dang/ til mar la sogs pa'i sbyor ba de dang de la rgyam tshwa la sogs pa rab tu sbyar bar bya'o
 des na 'di skad ston pa yin te/ gang du khyad par med par lan tshwa gcig smos pa de ni/ /rgyam tshwa 'am lce myang tshwa sbyar bar bya'o/ /gang du gnyis smos pa de ni rgyam tshwa dang rtsabs ru tshwa'o/ /gang du gsum smos pa dor ni rgyam tshwa dang rtsa bas ru tsha dang/ kha ru tshwa
 nag po sbyar bar bya'o/ /gang du bzhi smos pa der ni/ lce mya ra tshwa dang rtsal ru tshwa dang/ kha ru tsha dang/ kha ru tsha nag po'o/ /gang du lnga smos pa der ni/ lce myang tshwa dang rtsa bas ru tshwa dang/ kha ru tshwa dang kha ru tshwa nag po dang/ rgya mtsho'i tshwa sbyar bar bya'o/ /de bzhin du bkod
 ma'i lan tshwa la sogs pa yang spyir/ /nas tshigs 'khus pa'i lan tshwa ni/ /skran dang snying nang skya rbab dang/ /pho ba mcher pa lkog nang dang/ lung pa gzhang 'brum dbugs mi bde/ /lto spos bad kan sel ba yin zhes bya ba la/ lan
 tshwa'i nang nas tshig 'khus ba'i thal ba'i lan tshwa ni/ skran nas bad kan gyi bar sel zhing 'joms pa yin no/ /sardzi ka sogs thal tshwa kun/ /rab rno tsha zhing srin sel yang/ /khrag mkhris skyed byed smin byed la/ gcod cing mi zhim
 mnam par 'byed/ /nas tshig 'khus tshwa kha bas na/ /mdog mdangs khu ba skra mig gnod/ /ces bya ba las rdzi ka la sogs pa'i thal ba'i tshwa khu ni rab tu rno ba dang/ tsha ba'i nus pa dang ldan pa dang/ srin bu'i med sel ba dang/
 yang ba dang/ khrag dang mkhris pa bskyed pa byed pa dang/ smin par byed pa dang/ bad kan la sogs pa gcod par byed pa dang/ de bzhin du mi zhim pa ste/ snying dga' bar mi byed pa dang/ rnam par 'byed pa ste/ 'brum bu dang/ phol mig la sogs pa
 'byed cing 'gags par byed pa dang/ lan tshwa bro zhing kha bas mdog mdangs dang khu ba la sogs pa la gnod pa yin no/ /shing kun rlung dang bad kan sel/ /gzer 'joms mkhris pa bskyed byed de/ /zhu rjes ro tsa yi ga 'byed/
 drod bskyed zas 'ju yang ba yin zhes bya ba la/ shing kun ni rtsi bo che ste/ de ni rlung dang bad kan sel zhing bzer nang 'joms pa dang/ de bzhin du mkhris pa skyed par byed pa dang/ zhu ba'i rjes mngar ro tsa dang/ yi ga 'byed pa dang drod skad?
 pa dang/ zas ma zhu ba 'ju ba dang/ yang ba'i yon tan dang ldan pa yin no/ /a ru ra bska zhu rjes mngar/ /rtsub cing lan tshwa'i ro med yang/ drod che zas 'ju yid gzhungs byed/ na tshod la 'jog dam pa yin/ /bro zhing 'khru la tshe la phan?/ /blo
 dang dngar? gsal stobs rab bskyed/ /mdze dang bzhin lus mdog mi sdug/ skad 'gags rims rnyings mi bzang rims/ /klad pa mig nad skya rbab dang/ /mig ser po ba'i nang rnams dang/ skems bcas 'or nad gcin nad dang/ /tshad 'khru rmong
 ba/ myos slon srin/ /mchil mang lung pa dbugs mi bde/ /gzhang 'brum ched pa lto spos dug/ gsum 'phel rgyun 'gags skran dang ni/ /dar rga tan dang yi ga mchus/ /rlung dang bad kan las gyur nad/ /de dang de ni sel byed yin/ zhes bya ba la/ a
 ru ra ni ro rab tu bska ba yin la/ zhu ba'i rjes mngar ba yin zhing/ rtsub ba'i yon tan dang ldan pas rtsub pa yin la/ lan tsha'i ro med pa ni lan tshwa'i ro dang bral ba ste/ ro lnga dang ldan pa zhes bya ba'i don to/ /sngar bska ba zhes smos pa ni/
 de shas che bar bstan pa'i phyir yin no/ /de ltar na a ru ra ni mngar ba dang/ skyur ba dang kha ba dang tsha ba dang/ bska ba ste/ ro lnga dang ldan pa yin par shes par bya'o/ /de yang ba la sogs pa'i yon tan dang ldan pa yin no/ /na tshad la 'jog
 ba ni gzhon nu ma yin pa dag kyang/ rgas pa las zlog nas mchog tu gzhon pa las 'jog pa yin pa dang/ blo zhes bya ba la 'phral gyi don 'dzin par nus pa dang/ mig la sogs pa'i dbang po gsal bar byed cing/ /de rnams kyi stobs rang gi
 yul la 'jug pa nus pa rab tu skyed pa yin no/ /de bzhin du de ni mdze nas yi ga 'chus pa'i bar gyi nad dang/ rlung dang bad kan las gyur pa'i nang gzhan gang dag yod pa de dang de thams cad sel bar byed pa yin no/ /rims rnyings pa ni yun
 ring du lon pa'o/ /mi bzad pa'i rims ni rtag pa'i rims la sogs pa rnam pa bzhi'o/ /gzhan dag ni go bar zad do/ /skyu ru ra dang de 'dra bsil/ /ro skyur bad mkhris sel de las shes par bya ba la/ skyu ru ra yang a ru ra dang 'dra bar shes par
 bya'o/ /a ru ra'i yon tan bshad ma thag pa gang yin pa de thams cad skyu ru ra la yang yod pas de dang 'dra ba zhes bya ba la/ 'dir nus pa ni de dang mi mthun te/ de ni dro ba yin la/ skyu ru ra ni bsil ba'i nus pa dang ldan pa yin no/ /yon tan
 gzhan lan tshwa mi bro zhing zhu rjes mngar ba dang/ ro lnga dang ldan pa la sogs pa dang/ bad kan dang mkhris pa las byung ba'i nad de rang de 'joms par byed pa ni 'dra ba yin par shes la/ skyur ba'i ro ni shas che ba yin no/ /yon tan chung sman pa ru ra// /
 zhu rjes tsha mngar skra mig phan zhes bya ba la/ ba ru ra ni a ru ra'i yon tan de la cung zad cig dman zhing chung ba yin la/ de ni a ru ra dang yon tan thun mong yin kyang ba ru ra nus pa bsil ba yin te/ de la rtsom pa'i 'byung ba chen po de lta bu'i
 rnam par zhugs pa yin pa'i phyir ro/ /de ni zhu ba'i rjes tsha ba dang/ ro mngar ba ba'i shas che ba dang/ skra la phan pa dang/ mig la phan pa yin no/ /'bras bu gsum po 'di dag ni btung? gyis len mchog mig nad sel/ /rma 'tsho pags nad rma rod dang/ tsha'i?
 gcin snyi bad khrags sel/ /zhes bya ba la/ a ru dang skyu ru ra/ /ba ru zhes bya dang gsum/ 'bras bu gsum zhes legs bshad pa/ /'bras bu gsum bor de shes bya zhes 'byung ba dang/ /gzhan dag las kyang/ 'bras bu'i mchog ni rnam
 gsum mo/ /'bras bu'i dam pa gsum zhes bya bshad pa yin no/ /'bras bu gsum po de dag nyid ni bcud kyis len pa'i mchog ces bya ba ste/ bcud kyi len rnams kyi nang na dam pa yin pa'o/ /mig nad sel ba ni mig gi nad rnams 'joms
 pa'o/ /rma 'tsho ba ni rma 'byor cing slar 'tsho bar byed pa'o/ /pags nad ni mdze me dpal ba dang/ skrangs nad la sogs pa'o/ /rma reng pa ni rma las khrag la sogs pa 'jig pa'o/ /tshil ches pa ni lus zungs kyi lhag pa'o/ /gcin snyi pa ni chu se?
 nad do/ /bad kan dang/ khrag ni dngos su zad do/ /de dag sel cing 'joms par byed pa yin no/ /shing tshwa sug smel pa tra gsum/ /ge sar bcas pa dri bzangs bzhi zhes bya ba 'di ni/ bsdus pa'i tshig yin pa las ming tsam bstan pa'i phyir/ 'ga' 
 zhig gis 'dir bcug pa yin te/ shing tsha dang/ sug smel dang/ gan d+ha pa tra gsum ni dri bzang gsum zhes bya ba la/ gsum po 'di rnams kyi steng du nA ga ge sar gyis bsnan pa ni dri bzang bzhi zhes bya ba'o/ /'di dag ni ming tsam bstan pa
 yin gyi/ /yon tan ni 'dir ma bstan te/ gzhan las ni ming tsam btus par zad do/ /na ye shaM ni mkhris bskyed rno/ /rtsub cing drod bskyed yi ga 'byed/ /ro dang zhu rjes dag kyang che/ /bad kan 'joms shing yang pa yin/ /zhes bya ba la/ na le shaM
 ni mkhris pa 'phel bar byed pa yin pas na mkhris bskyed ces bya'o/ /de bzhin du rno zhing rtsub pa la sogs pa'i yon tan dang ldan po yin no/ /pi pi ling slon bad bskyed mngar/ /bsil zhing lci la snum pa yin/ /zhes bya ba la/ pi pi ling
 rlon pa ni bad kan bskyed par byed cing mngar ba dang/ nus pa bsil ba dang/ lci zhing snum ba'i yon tan dang ldan pa yin no/ /skam po de las bzlog pa yin/ /snum zhing ro tsa ro tsha la/ zhu rjes mngar zhing bad rlung dang/ lud pa dbugs mi bde sel 'khru//
 de nyid bcud len ma gtogs pa/ /gzhan la shas cher sbyar mi bya/ /zhes bya ba la/ pi pi ling de skam po yin na ni/ /pi pi ling rlo na pa de las yon go bzlog pa yin te las go bzlog pa ni rlon pa ni bad kan bskyed pa dang/ mngar ba dang lci ba yin
 la/ 'di na bad kan sel ba dang/ kha ba dang/ nus pa bsil ba dang yang ba yin no/ /de'i khyad par gzhan yang/ /skam po ni ro tsa zhing khu ba 'phel ba dang/ zhu ba'i rjes mngar ba dang/ de bzhin du bad kan dang/ rlung dang lud pa dang/ dbugs mi bde ba sel
 par byed cing/ /bong 'khru ba yin te/ de lta bu'i pi pi ling de ni bcud kyis len gyi cho ga ma gtogs par gzhan la zhes pa/ nad med par gnas pa dang/ nad pa dag gso ba'i skabs la shas cher sbyang bar mi bya'o/ /dong gra dro bskyed ro tsa dang/ /'khru
 gcod yid 'ong mkhregs pa sel/ /yi ga 'byed dang zhu rjes mngar/ /khong snum drod cha bang rlung sel zhes bya ba la/ dong gra ni ling dong gra ste/ ming gi rnam grangs pa'i shwa pe sha zhes grags pa'o/ /de ni drod bskyed pa la sogs pa'i yon tan dang
 ldan pa yin te/ tshig gi don ni go bar zad do/ /sge'u bsher de 'dra zhes bya ba ni/ /sge'u gsher zhes bya ba dong gra rlon pa ni dong gra de nyid dang yon tan 'dra ba yin par shes par bya'o/ /de dag ni cha ba gsum pa sha sbom dang/ /me drod nyams dang
 dbugs mi bde/ /lud pa rkang 'bab cham pa 'joms zhes bya ba la/ sngar ma thag pa'i pi pi ling dang/ na le sham dang/ dong gra ste gsum po 'di dag ni tsha ba gsum zhes bya bar shes par bya ste/ de ni sha sgom? pa nas cham pa'i bang? 'joms
 par byed do/ /byi sod pi pi ling rtsa ga/ na sham yon tan cung zad chung zhes bya ba la/ dbyi mo dang/ pi pi ling gi rtsa ba ni na le shaM gyi yon tan las cung zad cig gis chung ba yin par shes par bya'o/ /tsi tra ka stobs med dang
 mnyam/ 'or nar gzhang 'brum srin mdze sel zhes bya ba la/ rtsi tra ka ni kru trug tres zhes bya ba ste/ de ni stobs me dang mnyam pa yin te/ me dang bya ba'i las mtshungs te/ de ni shin tu tsha zhing dro pas zas myur du 'ju bar byed do/ /zhes bya
 bya ba'i don to/ /dper na phyi rol gyi mes zangs na gnas pa'i chu dang 'bras mo lce 'bar ba dang ldan pa'i mdag mas smin par byed pa yin la/ de bzhin du ci tra ka dang ldan pa'i me'i drod bskyed pa'i sgo nas 'ju bar byed pa'i las kyis
 de nyid me dang 'bra bar 'gyur ba yin no/ /de yang 'or nad dang gzhang 'brum dang/ srin nad dang/ mdze nad sel par byed do/ /'di rnams las ni na le sham/ ma gtogs tsha ba lnga zhes bshad/ /skran tshe na dmu rdzi da lto sbos dang/ gzer 'joms
 drod ni bskyed pa'i mchog/ ces bya ba la/ bshad ma thag pa'i pi pi ling dang pi pi ling mu la dang/ dbyi mo dang/ tsi tra ka dang/ li dong gra ste/ 'di rnams la ni tsha ba lnga zhes bya ba'i ming gis ming du gtags pa yin no/ /na le sham ma
 gtogs zhes bya ba ni 'dir na le sham mi bgrang ba ste/ gang gi phyir pi pi ling la sogs pa'i nang na/ na le sham yang bgrang mod kyi/ 'dir tsha ba lnga ba ma gtogs pas de dgar ba yin no/ /tsha ba lnga po de ni skran la sogs pa 'joms
 pa dang/ de bzhin du shin tu drod bskyed pa'i mchog yin no/ /bilba ka smad rka ri/ /bA Ta la dang dundu ka/ rtsa chen lnga po ka kha dro/ /rlung dang bad kan sel byed yin zhes bya ba la/ bil pa ni ming gi rnam grangs su shI pha la zhes bya'o/ /kaSh+ma
 ri ni shi mi brti'o/ /ta rka ri ni yagni man+ta'o/ /ba ta la ni ba san+tu? du ti'o/ /tun+tu ka ni son ka te/ de rnams kyi rtsa ba chen po lnga zhes bya bar shes par bya ste/ de ni ro bska zhing kha ba yin la/ nus pa ni dro ba yin/ yon tan ni rlung dang bad kan sel bar byed pa yin
 no/ /aM shu ma ti bri ha ti/ /gnyis gnyis gze rtsa chung ba lnga bshad/ /zhu rjes ro mngar ha cang ni/ bsil dang tsha min nyes kun sel/ zhes bya ba la/ aM shu ma tu gnyis ni sa la ro r+Ni dang/ kriSh+Na bar+Ni'o/ /bri ha ti gnyis las bri ha ti gcig ni kaN+Da gA ri te/
 ming gi rnam grangs gzhan yang klu tra zhes bya'o/ /bri ha ti gnyis ni na sbom po ste/ ming gi rnam grangs gzhan yang si hi zhes bya ba'o/ /gze ma ni ming gi rnam grangs khi'i mche ba zhes bya ba ste/ de rnams kyi rtsa ba ni rtsa ba chung ngu lnga zhes bshad la/ de yang
 zhu ba'i rjes dang ro mngar ba yin la/ de bzhin du ha cang bsil ba dang tsha ba ma yin pa ste/ cung zad tsha ba la cung zad bsil bas thun mong gi cha mnyam pa ste/ dper na mi'i seng ge zhes bya ba la lta bu'o/ /de bzhin du rlung la sogs pa'i nad rnams
 'joms pas na nad kun sel zhes bya'o/ /rtsa ba chen po dang chung ngu gnyis bsdus pa la ni rtsa ba bcu ba zhes bya ste/ de yang lung las/ rtsa ba chung dang chen po la/ rtsa ba bcu pa zhes byar bshad ces 'byung ba yin no/ /pa la bu r+Na e raN+Da/ /su bya
 brtsi? rnam gnyis rtsa/ /'brid yin bad kan rlung 'joms yin/ shin tu mkhris pa mi bskyed 'khru zhes bya ba la/ ba la ni ming gi rnam grangs pa d+ho da ri zhes bya ba'o/ /bur+Na rna pa ni barSha b+hu zhes bya ba'o/ /e raN+Da ni sor lta pa zhes bya ba'o/ /su bya par+Ni
 gnyis ni mung+ga par+Ni dang/ mA Sha par+Ni ste/ de rnams kyi rtsa ba lnga ni rtsa ba 'bring po yin te/ de na bad kan dang rlung 'joms par byed pa dang/ shin tu mkhris pa mi skyed ces bya ba/ mkhris pa cung zad bskyed pa dang/ khong? 'khru bar byed pa yin par
 shes par bya'o/ /nye'u shing ga ko la 'tsho byed/ /dzi ba ka dang ri shar bshad/ /'tsho byed ces bya mig la phan/ /ro tsa rlung dang mkhris pa sel zhes bya ba la/ snye'u shing a b+hi ru'o/ /ka lo la ni bi ra'o/ /'tsho byed ni dzI bAn+ti su ma
 ga la zhes bya ba'o/ /dzi ba ka ni kutsa shirSha 'o/ /ri sha ba ni bi sha ni ta/ rtsa ba lnga po de dag ni 'tsho byed kyi rtsa ba lnga zhes bya bar shes par bya'o/ /de ni mig gnyis la phan pa yin bas na/ mig la phan pa zhes bya la/ de bzhin du ro tsa ba dang/ rlung dang mkhris pa
 sel ba yin no/ /'jag ma ka sha 'bres bur shing/ 'dab rtswa rtsar bshad lnga mkhris sel bya ba la/ /mjag? ma dang ku sha gnyis ka rigs gcig pa la sogs pa dang/ phra ba'i khyad par gyis gnyis su gshad pa yin no/ /ka sha ni yang
 'jag ma can gyi rtsa khyad par ro/ /'bras ni gra ma can gyi sde tshan las bshad pa'i rak+ta sha li la sogs pa'o/ /bu ram shing dang 'dam bu ni grags par zad do/ /de rnams kyi rtsa ba ni rtsa ba lnga zhes bya ba'i rtsa ba lnga pa yin la/ de ni mkhris pa
 'ba' zhig sel bar byed pa yin no/ /gra ma gang bu g.yos sbyar zad/ /sha dang tshod ma shing tog sman/ /zas cha cung zad tshan bsdus 'di/ /rtag tu dgos pa yod pas smras zhes bya ba la/ bza' bar bya ba yin pas na zas te/ de ni gra ma can
 dang/ gang bu can dang/ g.yos su sbyar ba dang/ sha dang/ tshad ma dang/ shing tog dang/ sman sna tshogs rnams dang/ tshod? ma la dgos pa'i rdzas gang cung zad yod ba de dag kyang zas dang 'dra bar nad med par kan pa dang/ nad ba rnams khams? snyoms par
 bya ba'i phyir sbyar bar bya ba yin zhing/ skyon med pa nyid la rtag tu dgos pa 'dir? bshad cing smras pa yin no/ /yan lag brgyad pa'i snying po rnam par 'grel pa/ tshig gi don gyi zla zer zhes bya ba/ slob dpon zla ba la dga' bas rnam par sbyar
 ba las le'u drug pa'i 'grel pa'o/ /de nas kha zas bsungs? pa'i le'u bshad par bya'o/ /zhes bya ba la/ de nas zhes bya ba ni 'das ma thag pa ste/ zas dang skom phan pa dang/ gnod pa'i dbye bas phye ste bshang la de la yang dug la sogs pa dang 'bags
 ba'am/ mi ma rkun bzos ba dag dgag par bya ba yin pas/ /de'i rjes thogs la 'di brtsams pa yin no/ /de la bza' par bya ba yin pas na zas so/ /de bsrung ba ni dug la sogs pa dang ma 'dris par yongs su bsrung zhing bsdam pa'o/ /de'i le'u gang
 du bstan pa'i le'u de yang nye bar gdags pas de skad ces bya'o/ /de ltar na zas dang skom la sogs pa dug la sogs pas spags pa dang mi mthun pa'i kha zas le'u gang du dgag par byed pa'i le'u de brtsam par bya ste/ gang gi phyir yon tan dang
 ldan pa'i zas dang/ skom ni srogs 'dzin par byed pa yin bas/ /srog dang 'dra la de nyid dug la sogs pa dang nye bar bcom pa dang/ de bzhin du mi mthun par gyur pa ni bsod par gyur pa nyid yin te/ de bas na zas tshul shes pa'i le'u'i rjes
 thogs la/ 'di brtsams pa yin la/ rgyal pos pho brang nye 'khor du/ /srog 'tsho'i slob dpon bzhag par bya/ /de ltar byas pas thams cad du/ /thams cad la ni bsrung bar 'gyur/ /zhes bya ba la/ rgyal po ni sa bdag go/ pho brang nye 'khor ni rgyal po bzhugs
 gnas dang/ 'dab nye bar ro/ /srog 'tsho'i slob dpon ni sman pa ste/ sman pa rnams kyi mchog tu gyur pa'o/ /de ni bzhag par bya zhes pa pho grang dang nye ba kho nar bzhag pa bya zhing gnas par bya ba ste/ der di'i khang par bya'o zhes bya ba'i don to//
 de ltar byas bas zhes pa de ltar nye bar bstan par gyur pas/ sman pa des thams cad du zhes pa dus thams cad du/ thams cad la zhes pa zas dang skom la sogs pa rnams la bsrung zhing sdom par 'gyur ro zhes bya ba'i don no/ /khyad par du ni sa
 la bdag gis/ /zas skom dug las bsrung bar bya/ /chos la sogs pa dang gang 'grel ba'i/ /'byor bde de la rags las so/ /zhes bya ba la khyad par du zhes bya ba rab tu 'bad pas bdag ste/ rgyal po'i zas la sogs
 pa bsrung zhing bsdam par bya'o/ /zas dang skom zhes bya ba ni nye bar mtshon pa tsam du zad de/ /de na rgyal po'i longs spyod du dgos pa'i na bza' dang/ gzims mal dang/ dri dang phreng ba dang/ rin po che la sogs pa dag kyang/ dug las
 bsrung bar bya ste/ de ci'i phyir zhe na/ chos spang pa dang/ sogs pa zhes bya ba nor dang/ 'dod pa dang thar pa rnams dang gang 'brel cing rgyur gyur pa'i skye dgu dang/ bdag nyid kyi 'byor pa dang/ bde ba ni rgyal po de la rag las shing de'i kha na lus pa yin no/ /de la 'byor ba
 ni longs spyod ma thob pa rnams so thob par byed pa'o/ /thob pa rnams yongs su bsrung ba ni bde ba ste/ de gnyis ga yang rgyal ba'i de la rag lus pa yin no/ /de bas na de'i gnod pa bsrung bar bya dgos so/ /de dag kyang ji ltar shes shing bsrung bar
 bya zhe na/ 'bras can dug bcas gsher bag kyang/ /skam bag can ni 'dra bar 'gyur/ /yun ring chos par gyur pa dang/ chos pa'ang zhag lon lta bur 'gyur/ /slangs pa rma bya'i mgrin 'dra zhing/ /khong myos brgyal dang lus rdul bskyed/ dri dang
 mdog sogs nyams par 'gyur/ /dul cing rma bya'i sgro ltar 'tsher/ zhes bya ba la 'bru cha ni 'bras btsos pa'i chan te/ de dug dang bcas shing dug gi spags par gyur na/ gsher bag dag kyang skam bag chan 'dra bar 'gyur te/ rlon bag med cing cad du
 mi 'dod par 'gyur ro/ /de bzhin du chos dka' bar 'gyur te/ dus ring mos tshes par 'gyur ba dang/ de tshos par gyur nas kyang 'phral du zhag lon pa lta bur 'gyur te/ nyin zhag gcig 'das pa ltar rlangs pa med cing bsdur mi 'dod par 'gyur
 ro/ /de bzhin du de'i rlangs pa rma bya'i mgrin pa 'dra bar kha dog sna tshogs par 'gyur bas na/ rlangs ba rma bya'i mgrin pa 'dra zhing zhes bya'o/ /de zos par gyur nas kyang/ khyod myos pa dang brgyal ba dang/ lus rdul la skyed par 'gyur te/ khor myos pa ni
 sems med pa'o/ /brgyal ba ni 'du shes nyams pa'o/ /lus rdul ba ni bad kan 'thon pa'o/ /yang 'bras chan de dri dang mdog sogs zhes pa'i dri dang kha dog dang/ ro dang rag pa rang gi ji lta ba nyid nyam shing 'jig par 'gyur ro/ de bzhin du rdul
 zhing zhes pa/ rab tu 'drul bar 'gyur ro zhes bya ba'i don de bzhin du rma bya'i sgro ltar 'tsher ba zhes bya ste/ rma bya'i 'jug sgro'i rtse mo lta bu 'am/ chu nang du til mar gyi thig pa bor ba ltar sngo dmar 'tsher bar 'gyur ro/ /tshod ma myur du bskams pa dang/
 bskol ba mdog ni gnag 'gyur zhing/ /der gzugs chung ba 'am che ba 'am/ mi sdug pa 'am mi snang 'gyur/ /? ba steng byung ri mo mtshams/ /kha chu 'dra dang chu bur 'byung zhes bya ba la tshod ma zhes bya ba ni sran tshod la sogs pa ste/ de la dug yod
 na myur du bskams par 'gyur ba dang/ de bzhin du bskol ba ni mdog gnag ci 'dri ma can du 'gro ba dang/ der zhes pa tshod ma bskol ba der rang gi gzugs kyi rang bzhin las chung zhing zhan pa'am/ che zhing lag pa 'am/ mi sdug ba ste/ rang
 bzhin gzhan du snang bar 'gyur ro/ /yang na der rang gi rnam pa nyid snang bar mi 'gyur ro/ /yang tshod ma bskol ba der lbu ba la sogs pa 'byung ba las kyang shes par bya ste/ de la lbu ba ni lbu ba'i rnam par 'bur du chas shing 'byung ste/ de'i nang
 ri mo sna tshogs ba dag snang ba 'am/ mtshams 'byed cing chad pa lta bur snang ba dang/ kha chu 'dra bar nal nal por 'byung ba dang/ chu bur dag ji ltar chu'i nang na snang ba dang 'dra ste/ de dag dar 'byung bar 'gyur ro/ /btung ba mngar skyur tshod ma dang/ /
 dag mtshams 'byed ro dang bral zhes bya ba la/ /btung ba ni rgun 'brum la sogs pa la sngar sbyang ba phal cher mdog dmar por snang zhing mngar ba dang skyur ba ste/ yang btung ba'i bye brag bal bo se'u la sogs pa la byas pa'i ro
 skyur ba dang/ tshod ma ste/ shu sha dang/ pa thal sogs pa dang/ sha btsos pa dag ste/ btung ba mang po mdog can la sogs pa de dag thams cad dug dang bcas par gyur na/ mtshams byed pa dang/ ro dang bral bar 'gyur te/ ro drug po dag mi snang zhing
 bsal bar mi rnyed par 'gyur te/ de ltar na ro dang bral ba ni ro mi zhim pa 'am/ phyin ci log ro dang ldan par 'gyur ba'i don no/ /sha khu ri mo sngor snang zhing/ /'o ma zangs mdog zho dri ma/ /dar ba la ni ser dang gnag /mar khu chu dang
 'dra bar snang/ char dang chu gnag sbrang rtsi la/ /ljang snang til mar dag la dmar zhes bya ba la/ sha khu ni sha las byas pa'i khu ba ste/ de dug gis spags par gyur na/ dbus na ri mo sngon por snang bar 'gyur ro/ /'o ma la dug gis spags
 na/ nang na zangs kyi mdog lta bur snang bar 'gyur ro/ /zho la dug yod na ni ri mo dri ma can snang bar 'gyur ro/ /dar ba la dug yod na ri mo ser po dang nag po snang bar 'gyur ro/ /mar dug dang 'dres na ni ri mo chu dang
 'dra bar snang par 'gyur ro/ /chang dang chu la dag yod na gnag cing/ snag tsha ltar snang bar 'gyur ro/ /sbrang rtsi la dug yod na ni ljang khu snang zhing mdog bsngo bsang su snang bar 'gyur ro/ /til mar la dug yod na ni ri mo dmar zhing zangs ltar snang
 bar 'gyur ro/ /shing tog ma smin smin par snang/ /smin pa dag ni yongs su 'drul zhes bya ba ni/ shing tog ma smin pa la dug gis spags pa ni/ smin pa lta bur snang bar 'gyur la/ shing tog smin pa rnams la dug gis spags pa ni yongs
 su 'brul zhing rul bar 'gyur ro/ /kha zas rlon dang skom pa dag /rnyings shing mdog ni nyams par 'gyur zhes bya ba la/ kha zas rlon pa la dug gis spags na ni rnyings par 'gyur la kha zas skam po dag la dug gis spags na ni mdog nyams shing kha
 dog dang dral bar 'gyur te/ 'dir tshig gnyis go rim bzhin sbyar bar bya'o/ /snyi pa dang ni sra ba dag /rig pa go ni bzlog par 'gyur zhes bya ba la/ rdzas snyi ba rnams dang/ de bzhin du sra ba dag la dug gis spags na/ reg pa go bzlog par 'gyur te/
 snyi ba ni sra bar 'gyur/ sra ba ni snyi bar 'gyur te/ 'dir ni reg pa'i go bzlog pa'o/ /me tog phreng rtse lo ma 'gas/ /rnying cing dri ni mi zhim 'gyur/ /zhes bya ba la/ me tog gi phreng ba la dug yod na ni de'i rtse mo 'gas shing zad pa dang/ rnying
 cing kun tu dengs par 'gyur ba dang/ dri mi zhim pa ste dri zhim po dang bral nas/ dri ma nam pa gzhan dag 'byung bar 'gyur ro/ /gos la nag po til til dang/ spu rnams mthil zhing kha tshar 'chad ces bya ba la/ steng nas bgo ba dang 'og tu bting
 pa la sogs pa'i gos rnams la dug gis bsgos pa na ni ri mo dri ma can til til dag snang ba dang/ gos kyi spu rnams rnam par 'thul zhing chang pa dang/ kha char bcad cing lhung bar 'gyur ro/ /gser dngul shing dang mu tig rdo/ /rin chen sogs
 la dri ma chags/ /gzi mdangs reg pa 'od nyams 'gyur/ zhes bya ba la/ gser dngul ni khams kyi rang bzhin can gyi rin po che rnams kyi/ 'di dag gzhan yang bsdu'o/ /mu tig ni mu tig gi rdog gu'o/ /shing dang rdo ni dngos su zad do/ /rin chen ni
 baiDUr dang/ rdo rje la sogs pa ste/ gser dngul la sogs pa 'di rnams la dug gis spags na/ dri ma chags pa ste/ 'dam gyis bskus pa 'dra bar 'gyur ba dang/ de bzhin du gser dngul la sogs pa 'di rnams nyid kyi gzi mdangs dang/ reg
 pa dang 'od nyams shing med par 'gyur ro/ /sa yi snod ni mdog bcas byed ces bya ba la/ sa'i snod ces bya ba kham phor la sogs pas las byas pa'i snod rnams ni mdog med pa dag kyang/ /mdog dang bcas shing gzi mdangs can du
 'gyur ro/ /dug ster kha ni sngo skams la/ /gnod bag gis ni phyogs su lta/ /rdul zhing 'dar la skrag pa dang/ /'jigs shing 'gros 'khyor gral bar 'gyur/ /zhes bya ba la/ dug ster zhing sbyin par byed pas na dug ster te/ dug sbyor ba'i mi'o/ /de'i kha ni sngo skams
 ma zhes bya ba/ de'i kha sngo zhing skams par 'gyur ba dang/ de bzhin du gnod bag gis zhes bya ba ngo tsha ba dang bcas pa lta bur g.yer bag med pa dang/ phyogs kun tu lta zhing rtog par byed pa dang/ de bzhin du lus tsha bas rdul zhing 'dar bag dang
 ldan la/ rang gi nyes pa'i dgos pas skrag pa ste/ khong skyo ba dang/ 'jigs pa ste bred pa dang/ bcas pa dang/ 'gros 'khyor ba ste/ rdeg chos shing 'tsho ba dang/ de bzhin du glal zhing kha gdangs par byed par 'gyur ro/ /dug ldan zas ni mes
 bsregs na/ /me lce gcig mkhyil me stag brgal/ /du ba rma bya'i mgrin 'drir 'gyur/ /me lce mi 'bar 'bar yang mnam/ /sbrang mas zos na 'chi bar 'gyur/ /bya rog gis zos skad zhan 'gyur/ /'di ni na tsho da ru ha/ /ri skegs kyis zos ca
 co 'byin/ /ngang pas zos na rdeg chos la/ /shang shang ti'u na bar 'gyur/ /sreg ba mig gis mi chags byed/ /khrung khrung dag ni 'dzub par 'gyur/ /phug ron khu byug bya gag dang/ /dur bas zas na 'chi bar 'gyur/ /byi la skyo zhing 'dor bar 'gyur
 spre'u mi gtsang 'dor bar byed/ /rma bya de mthong dga' 'gyur zhing/ /dug gi dpal ni nyams par 'gyur/ /de ltar zas ni dug ldan par/ /shes shing lci nas de yi ni/ /srog chags phra mo yan chad la'ang/ /gnod mi 'gyur bar 'ba' 
 de dor/ /reg na g.ya' zhing tsha la na/ /rims 'debs 'brum 'byung tshor ba chung/ /sen mo spu 'byung lus skrang ste/ /de la dug ni rnam 'jig pa'i/ /tsan dan shugs pa spu shel rtse/ /so ma'i shun bcas balbu'i 'dab/ /ru rta sle tres a ka ru'i/ /chus bskrus blugs
 shing bslu bar bya/ /khar bcug nas ni mchil snabs mang/ /lce mchu sbrid ci 'bems por byed/ /lus tsha na zhing so rtse la/ /ro mi tshor zhing 'gram so 'thams/ /de la dug kun 'joms sman dang/ /u shir sogs khu mkhur bkang dbo/ /ma zhu'i gnas
 babs rdul ba dang/ /brgyal zhing lto spos myos mgo 'khor/ /ba spu ldang zhing skyug lus tsha/ mig mi gsal zhing snying mi dran/ /yan lag thig les khyab par 'gyur/ /zhu ba'i gnas su phyin na yang/ /kha dog sna tshogs skyur ba dang/ /gcin mang rab tu 'khru bar
 'gyur/ /rmya snyoms skom zhing mdog skya la/ /gsus pa skye zhing nyams stobs zad/ /de gnyis slon dang 'khrus byas nas/ gser gnyis bu ram gi ra kar ni/ /sem du ba ri ni sba ba/ /ba shis ka dang tshigs brgya pa/ /tan+tu li ya'i rtsa ba dang/ /bya gag sgo
 nga a balgu/ /snar btang mig sman blud bya ba/ /dug zhi'i phyir na sbyar bar bya zhes bya ba la/ de gnyis zhes pa zhu ba dang/ zhu ba'i gnas dag slon du zhus bya ba ste/ slon sman gyi zhu ba'i gnas nas slon byas te drangs pa dang/ 'khru smad kyis 'ju
 pa'i gnas nas khrus byas zhing bton nas/ de ltar legs par spangs pa'i lus la ser po gnyis la sogs pa nas/ sna nas btang zhing mig sman bsku ba dang/ lud pa'i bar gyis sbyor ba dug zhi bar bya ba'i phyir sbyar bar bya'o/ /nga la ser
 po gnyis zhes bya ba ni yung ba dang skyer pa ste/ ser po rnam pa gnyis so/ /bu ram ni bu ram shing las byung ba'i bu ram dkar po'o/ /ga ri ka ra ni ka ta bi'o/ /srin du ba ri ni shwe ta puShpa'o/ /nispa pa ni gang bu can gyi ba 'bru'i khyad par zhig go /
 pa Shas sh+yi ka ni he gu ba tra'o/ /tan+tu li ya ni me gand+ha ste/ de'i rtsa ba'o/ /bya gag gi sgong ni khyim bya'i sgo nga'o/ /a balgu dza ni so ma ra dza ste/ rdzas de rnams cha mnyams la/ lde gur byas te sna nas btang ba dang/ mig sman
 du bsku ba dang/ blud cing sbyin par bya ba dag dug zhi bar bya ba'i phyir bya'o/ /dug 'thungs pa dag steng dar ni/ /de bzhin 'og ni sbyangs gyur nas/ /dus su zangs bzang ba dar phye ma/ /sbrang rtsir bcas pa snying sbyor sbyin zhes bya ba la/ dug
 'thungs pa'i skyes bu de/ slon sman dang 'khrus sman gyis/ steng ste ro stod dang bag ste ro smad sbyangs shing dag par gyur nas/ rigs shing mtshams pa'i gnas skabs kyi dus su zangs ma bzang po legs par bdar ba'i phye ma zhib mo
 sbrang rtsi dang sbrang rtsir bcas pa'i lde gu de snying na yod pa'i nad sbyong bar byed pa sbyin par bya'o/ /snying nad sbyangs nas gser phye ni/ /zhib mo zhog cig sbyin byas nas zhes bya ba la/ de ltar zangs ma'i phye ma'i lde gu sbyin zhing/ snying nad
 sbyangs par gyur nas/ de'i 'og tu gser gyi phye ma zhib mor byas pa srang gcig gi bzhi cha'i/ /bzhi cha sbyin par bya'o/ /padmo'i 'dab mar chu bzhin du/ /gser gyi yan lag la mi chags/ /tshe yang ring du 'phel bar 'gyur zhes bya ba la/
 gang gi phyir gser 'thungs par gyur pas dug zos pa'i yan lag rnams la/ dug de chags shing zhen par mi 'gyur te/ dper na pad+ma'i 'dab mar chu chags par mi 'gyur pa de bzhin du/ de la chags par mi 'gyur ba
 dang/ de bzhin du gser 'thungs par gyur pa dag ni tshe ring zhing 'phel bar 'gyur ba nyid kyang 'thob par 'gyur ro/ /sbyar dug la yang cho ga 'di'i zhes bya ba la/ bshad ma thag pa'i dug zhi bar bya ba'i cho ga 'di ni 'og nas
 bshad pa'i sbyar dug la bya bar drang srong gis bshad do/ /sbyar ba'i dug ni dug sbyar ma'o/ /sbyang dug dang ldan pa'i zas skom dag ni dus phyis zhig nas bsod par byed pa yin pas/ gtso bo ma yin la/ de ltar gtso bo ma yin pa nyid kyis na 'di'i cho ga'i
 dpyad du bya ba phyis bstan pa yin no/ /de bzhin du zas kyi phung po yon mchog dang ldan pa dag kyang g.yos su bya zhing sbyar ba dang/ tshad dang dus la sogs pa'i dbang gis kha zas mi 'phrod par gyur pa ni/ sdug bsngal bskyed pa byed pas sbyar ba'i
 dug dang 'dra ste/ 'phral dang dus phyi nas gsod par 'gyur ro/ /de bas na 'dir smras pa ni/ kha zas dag kyang mi mthun zos/ /sbyar dug 'dra bar shes par bya zhes bya ba yin te/ /kha zas kyang g.yos su byas shing sbyar ba dang/ tshang ba dang
 yul dang dus la sogs pas mi mthun par gyur ba zos pa ni/ sbyar ba'i dug dang 'dra bar shes par bya zhing khong du chud par bya'o/ /rlan can sha dang mon sran gre'u/ /sbrang rtsi 'o ma myu gu can/ /pad+ma'i rtsa ba la bug skams/ bu ram dang bca' ?
 mi 'phrod yin/ zhes bya ba la/ rlan can gyi sha ni ri dags chen po dang/ chu la spyod pa dang/ chu la gnas pa zhes bya ba'i sde tshan gsum du bstan pa ste/ de dang mon sran gre'u zhes bya ba/ sran mA Sha/ sbrang rtsi dang 'o ma dang/ myu gu can de
 pad+ma'i rtsa ba dang/ la phug dag gam/ bu ram dang bcas/ pa ni mi 'phrod cing mi mthun pa yin no/ /de la sogs pa mi 'phrod pa'i zas gang yin pa des ni/ de'i gnod pa'i khyad par 'dir ma stan kyang/ drang srong tsa ra kas ji skad bstan pa'i/
 ma ning la sogs pa'i 'gyur ba skyed cing/ des 'phral tam/ dus phyis srog 'joms par skyed pa yin no/ /mi 'phrod pa'i 'bras bu tsa ra kas bshad pa ni/ 'o na pa dang/ long ba dang/ 'dar bag dang rmongs bag dang/ lkugs pa dang dran
 pa med dang/ rmugs pa rnams kyi rtsa ba yin pa 'am/ yang na 'chi bar 'gyur ba nyid yin no zhes bshad pa yin no/ /de dag ni 'dres pa'i sbyor ba'i mi 'phrod pa yin no/ /khyad par du ni 'o ma nya/ /nya rnams las
 kyang tsi li rtsi ma/ /khyad par du zhes bya ba ni lhag par ro/ /nya ni ro hi ta la sogs pa ste/ slan can gzhan dag na yod pa'ang rung ste/ de ni 'o ma dang lhan cig zos na mi 'phrod pa yin no/ de bzhin du nya rnams kyi nang nas kyang/ tsi li tsi ma
 zhes bya ba'i nya 'o ma dang lhan cig mi 'phrod pa yin te/ 'di gnyi ga yang ro mngar ba dang/ zhu ba'i rjes mngar ba dang/ bad kan bskyed pa dro ba dang/ bsil bar byed pa'i tshul gyis nus pa mi mthun pa yin la/ nus pa mi mthun pas na khrag
 'khrug par byed pa yin la/ bad kan skyed par byed cing/ rgyu ba'i lam 'gag par byed pa yin no/ /de las kyang nya tsi li tsi ma ni cung zad zlum zhing mdog dmar por snang la/ phal cher sa la rgyu bas/ gal te de 'o ma dang lhan cig zos
 na gdon mi za bar khrag las byung ba 'am/ rtug 'gags las byung ba'i nad gang yang rung ba 'byung bar 'gyur ro zhes drang srong tsa ra kas bshad do/ /'o ma lhan cig skyur kun ni/ /mi 'phrod shing tog de bzhin no zhes bya ba la/ 'o ma dang lhan
 cig skyur thams cad ma 'phrod do/ /'dir kun gyis sga smos pas skyur po la sogs pa rdzas gshar pa thams cad bsdu ba dang/ de bzhin du sman skyur ba dang/ chu ba'i brtsa ba la sogs pa de thams cad 'o ma lhan cig ma'i 'phrod pa
 yin no/ /zhes des par shes par bya'o/ /'dir lhan cig ces smos pa ni don lhag par bstan pa dang bya ba'i phyir te/ 'o ma 'thungs nas zas gzhan gyis par bcad du zin kyang/ /pho bar ji srid gnas par 'gyur ba de srid kyi bar
 du/ skyur po la sogs pa rdzas skyur pa gang yang bza' bar mi bya ste/ lhag pa'i don 'di lhan cig ces bya ba'i sgra las shes par bya'o/ /de yang bsdus pa las/ gsher ba dang bska ba'i rdzas thams cad ni lo ma dang lhan cig gam/
 de'i rjes la mi 'phrod pa yin no/ zhes bshad pa yin no/ /shing tog ni de bzhin no zhes bya bar 'dir 'o ma dang lhan cig mi 'phrod do zhes bya bar sbyar te/ skyur ba rnams 'o ma dang mi 'phrod pa 'ba' zhig tu ma zad kyi/ shing tog kyang mi 'phrod do? gnas? shang
 tog ska? ? 'bras bu la sogs pa skyur pa ma yin pa dag kyang star ka'i 'bras bu la sogs pa phal cher lhan cig mi 'phrod do zhes bya ba ni de bzhin no zhes bya ba'i don yin no/ /de yang drang srong tsa ra kas a mra'i 'bras bu dang/ a mra ta ka dang/
 ba yung dang/ yi gu ci dang/ ka ra marda dang/ chu shing gi 'bras bu dang/ skyur rtsi chen po dang/ rgya shug gi 'bras bu dang/ ko sha a mra dang/ 'dzam+bu'i 'bras bu dang/ bilba'i rkang dang/ tik+ti'i ka dang/ ku shu dang/ star ka'i 'bras bu dang/ pa na sa dang/ rgya star
 gyi 'bras bu dang/ bal po se'u dang skyu ru ra la sogs pa de lta bu dang/ gzhan dag dang/ skyur ba'i 'bras skam po dang/ gsher ba thams cad kyang 'o ma dang lhan cig mi 'phrod pa yin no zhes bshad pa yin no/ /de bzhin rgya sran khre dag dang/ ba la
 ku lat+tha mi 'phrod ces bya ba la/ de bzhin du rgya sran dang ku lat+tha la sogs pa yang 'o ma dang lhan cig mi 'phrod pa yin no/ /la phug la sogs sngo dang ni/ zos nas 'o ma spang bar bya zhes bya ba la/ la phug la sogs pa sngo dang rjen pa zos nas/ 'o ma
 spang bar bya'o/ /la sogs pa'i sgras ni/ ku ti ra dang/ shi bkru dang/ byi'u rug pa la sogs pa bsdu'o/ /de yang drang srong tsa ra kas mdze'i nad du 'gyur ba'i 'jigs pas/ la phug dang/ yungs kyang gyi lo ma dang/ sgog skya dang/ kriSh+Na gand+ha dang/ dze n+thi ga le su mu kha dang
 yur sa la sogs pa zos nas/ 'o ma btung bar mi bya'o zhes bshad pa yin no/ /sngo dang ces smos pa ni la phug gi khyad par la bya bar bstan te/ 'di ltar smos pa las na 'di ni rjen par yang zar? dur bar ston pa yin la/  
 sngar? tshod ma'i sde tshan gyi nang du 'di ltar smos pas ni tshod ma nyid du byar rung bar ston pa yin no/ /de ltar na rjen pa zos nas 'o ma mi btung ba yin gyi/ tshod mar byas pa ma yin ste/ legs par btsos nas khu ba btsir ba dang/ snum la
 sogs pas brngos te/ /tshod mar g.yos su byas pa'i rjes la 'o ma mi btung ba ni ma yin/ /phag rgod bi tur sha mi bza' khyim bya brin? ta zhor min zhes bya ba la/ pha rgod kyi sha dang/ bi dur gyi sha lhan cig mi bza' ba dang/ de bzhin
 khyim bya dang/ pri sha ta'i zho dang lhan cig mi bza' o/ /sha rlon mkhris pa dag dang ni/ la phug ma Sha'i tshod mar min zhes bya ba la/ sha rlon mkhris pa dag dang lhan cig mi bza' ba dang/ de bzhin du la phug ma Sha'i tshod pa dang lhan
 cig mi bza' o/ /le ba rgan? ci tshod lug shar? min/ /myu gu'i tshod ma par rtsar min zhes bya ba la/ le brgan rtsi'i tshod ma dang/ lug sha lhan cig mi bza' ba dang/ de bzhin du 'bru'i myu gu skyes pa'i chos ma dang/ pad+ma'i rtsa ba'i lhan cig
 bza' bar mi bya'o/ /ma Sha'i sran mtshod bu ram zho/ /mar 'o li gu rtsi'i 'bras min zhes bya ba la ma ya'i sran tshod dang/ bu ram mam zho 'am mar ram 'o ma 'am li gu tsi'i 'bras bu lhan cig bza' bar mi bya'o/ /chu shing 'bras
 bu dar bar min/ /ta la'i 'bras bu zhor mi 'phrod ces bya ba la/ chu shing gi 'bras bu dang bar mi bza' ba 'am/ ta la'i 'bras bu zho dang lhan cig mi 'phrod pas mi bza' o/ /tsa pa gnyis po bu ram dang/ sbrang rtsi ka ka ma tsir min zhes
 bya ba la/ ka ka ma tshi tsha ba gnyis po/ pi pi ling dang/ na le sham dang/ lhan cig sbrang rtsi 'am bu ram dang ldan par mi bza' bo/ /de ni nya dang btsos pa'i snod dang/ dong gra bcos par g.yos par min zhes bya ba la/ sha ka ma ci de na nya btsos pa'i sod
 du g.yos su byas pa 'ang mi bza' o/ /ka ma ta ni snod gzhan du/ btsos nas nyin mtshan lon mi bza' zhes bya ba la/ ka ma ta ni/ ka ka ma ci ste/ de snang gzhan dag tu btsos nas nyin tshan lon zhing zhag 'das pa dag bza' bar mi bya'o/ /de la mi bza' i zhes
 bya ba 'di mi 'di man chad kun la sbyar bar mi bya'o/ /nya brngos pa yi snum la ni/ pi pi ling brngos spangs par bya/ /zhes bya ba la/ nya brngos pa'i snum la/ brngos pa'i pi pi ling la spang bar bya ste/ nya gang du brngos pa der brngos yang spang bar bya'o/ /mar
 sar 'khar snod pa bzhag bcu lon/ go bye'i 'bras bu drod pa bza' zhes bya ba la/ mar sar 'khar ba'i snod du zhag bcu lon pa spang bar bya'o/ /de bzhin du ga bye'i? 'bras bu ba la ta ka bza' ba dang/ btung bar dro ba dag sman pas spang bar bya'o/
 ba sa sreg shar mi 'phrod cis/ dar bar kaM pi pa btsos tshan zhes bya ba la/ ba sa zhes bya ba'i bya'i sha sreg shar bya bar mi 'phrod pas bza' bar mi bya'o/ /de bzhin du ka pi la zhes bya ba ste/ ming gi rnam grang yan lag dmar zhes bya ba ste
 dar par btsos te bza' ba mi 'phrod pa yin no/ /'o thug dang ni kri sa ra/ chang dang lhan cig mi 'phrod spang zhes bya ba la/ 'o thug dang/ kri sa ra dang/ chang lhan gcig mi 'phrod pas spang bar bya'o/ /de la'o thug ni 'bras chen 'o ma'i nang du
 btsos te spong gyi btab pa ni 'o thug go /kri sa ra ni skyes dang sran mung+ga dang/ ma Sha la sogs pa g.yos pa'i thug pa'o/ /chang ni 'bras btags pa la sogs pa las mnan nas byas pa'o/ /de rnams lhan cig tu bza' zhing longs spyad
 bar mi bya'o/ /sbrang rtsi mar sar zhag til mar/ /chu rnams gnyis gnyis gsum gsum mam/ cha mnyam lhan cig zos pa dag /phan tshun dag ni mi mthun no/ /zhes bya ba la sbrang rtsi la sogs pa'i rdzas lnga ni gnyis
 gnyis sam/ gsum du zhes bya ba gsum gsum mam/ cha mnyam zhes bya ba gcig tu cha mnyam par bya ste/ bza' ba ni phan tshun mi 'phrod pa yin no/ /de yang gnyis ni dper na/ mar sar dang/ sbrang rtsi 'am/ mar sar dang zhag gam mar
 sar dang til mar ram/ sbrang rtsi dang chu'o/ /gsum gsum ni dper na/ sbrang rtsi dang mar sar dang til mar dang bza' ba'o/ /cha mnyam pa ni sbrang rtsi dang/ mar sar dang/ zhag dang til mar dang/ chu rnams la bsres te/ lhan cig zos pa
 ste/ de dag ni mi 'phrod pa yin no/ /mar sbrang chang ni mi mnyam yang/ char pa'i chu ni 'thungs na gnad/ /ces bya ba la/ mar dang sbrang rtsi cha mi mnyam par gyur kyang/ char pa'i chu dang lhan cig 'thungs na gnod cing mi 'phrod par 'gyur
 ro/ /sbrang rtsi pad+ma'i sa bon dang/ sbrang rtsi 'bru chang kha rar min zhes bya ba la/ sbrang rtsi dang pad+ma'i sa bon lhan cig sbyar te bza' ba yang mi 'phrod pa yin no/ /de bzhin du sbrang rtsi dang/ 'bru chang zhes bya ba 'bru las mnan pa'i chang dang/ sha
 kha ra las byas pa'i chang mi 'phrod cing gnod pa skyed pa yin pas/ rlung shin tu skye bar byed pa yin no/ /'o thug rjes la skyon ma min sha mo yungs mar brngos mi 'phrod/ /ces bya ba la/ 'o thug ni 'o ma la 'bras btsos pa'i thug pa'o/ /de ni skyo
 ma dang mi 'phrod pa yin te/ skyo ma de ni bad kan skyed par byed pa yin te/ skyo ma zhes bya ba la phye dang mar sbyar la/ chu dang bsres la ha cang sla ba 'am/ ha cang ska bar ma gyur pa la bya'o/ /sha mo ni gdugs lta bur skyes pa'i tshod ma'i khyad
 par ro/ /de ni yungs mar la rngos te bza' ba mi 'phrod pa yin te/ shin tu mkhris la bskyed pa yin no/ /u po ta ka til tshigs la/ btsos pa 'khru bar byed pa yin zhes bya ba la/ u po ta ka ni li sa zhes bya ba'i tshod ma ste/ de til gyis tshigs ma dang?
 bcas shing g.yos pa ni 'khru bar byed pa ste/ chad pas 'khru bar byed pa yin no/ /bya gar sha ni chang dangs dang/ kulma shi yi thug mi 'phrod ces bya ba la/ bya gar ni bya ba la ga zhes bya ste/ de'i sha chang dang ma ba ru rna? zhes bya ba dang/ kulma sha tha'i thug
 pa dang lhan cig mi 'phrod de/ kulma ni mon rde'u? dang sran chung ma btsos nas/ shing kun la sogs pa'i spong btab pa'i thug pa'o/ /de nyid phag rgod tshil la bsdos/ /srog ni 'phral du 'joms par byed ces bya ba la/ bya gar gyi sha de nyid phag rgod kyi tshil dang/
 brngos pa ni/ srog 'phral du 'joms par byed pa yin te/ de'i mod la gsod par 'gyur ro zhes pa'i don to/ /de bzhin sreg pa rma bya dang/ /la ba ka piny+dza la sram/ /e raN+Da yi me la ni/ /e raN+Da'i mar brngos mi 'phrod ces bya ba la/ de bzhin du sreg pa
 la sogs pa'i sha /e raN+Da'i me la bcos shing de bzhin du e raN+Da'i mar dang bsres shing bsngos pa ni mi 'phrod de/ snga ma dang 'dra bar srog 'phral du 'joms par byed pa yin no/ /ha ri twa'i sha skyer pa yi/ /thur ma dag la skyon nas ni/ /skyer pa'i
 me la bsreg gyur pa/ /'phral du srog ni 'joms par byed ces bya ba la/ de bzhin bya ha ri ta'i sha skyer pa'i thur ma la bskyon zhing btsugs nas de bzhin du shing skyer pa bus pa'i me la bsregs shing chos par byas pa ni 'phral du srog 'joms
 par byed de dug dang 'dra bar myur du srog 'phrog cing srog dang bral bar byed do zhes bya ba'i don to/ de nyid thal ba rdul gyis gos/ /spang rtsir bcas pa 'phrod ma yin/ /zhes bya ba la bya ha ri ta'i sha de nyid thal ba dang rdul gyis gos shing nyams par
 gyur pa dang sbrang rtsi dang bcas pa ni 'phrod pa ma yin te/ 'phral du gsod par byed pa yin no/ /de bzhin du mi mthun pa gzhan dag ste/ grang ba dang/ dro ba dang/ sar pa dang/ rnying pa dang/ btsos pa dang/ ma btsos pa dag ni rlung dang/ bad
 kan dang mi thun pa'i sman rnams ni/ bad kan gyi khams dang mi 'phrod par gyur pa yin no/ /la la ni phan tshun gcig la gcig mi 'phrod pa yin la/ kha cig ni sbyor ba'i dbang gis phrad pa las mi phrod pa yin la/ gzhan dag ni
 g.yos su bya ba la sogs pa'i dbang gis mi 'phrod pa yin la/ yang gzhan dag ni dus dang yul dang tshad la sogs pas mi 'phrod pas yin pa dang/ de bzhin du rang bzhin gyis mi 'phrod pa yang yang de/ gzhung rtsom par byed las/
 bsdus pa las bshad pa/ rdzas mthu dang ldan pa dag ni/ yon tan phan tshun mi mnyam pa nyid kyis/ g.yos su bya ba la sogs pa'i dbang gis mi 'phrod par 'gyur te/ 'o ma ni rgya sran ku lat+tha dang mi 'phrod la/ pa na sa ni nya
 dang mi 'phrod la/ mar dron po dang/ sbrang rtsi dang/ zho dron por mi 'phrod pa dang/ tsha sgo can gyi chu dang phyer bsres te/ mtshan mo bza' ba mi 'phrod pa dang/ de bzhin du chu gzhan dag dang nas 'drar mi 'phrod pa lta bu'o/ /zhes bya ba dang
 drang srong tsa ra kas kyang rang gi gzhung las rgyas par bshad pa yin no/ /gang yang nyes pa ma sbyangs pa/ 'dor na de ni mi 'phrod yin zhes bya ba la/ gang yang rung ba'i kha zas las byung ba'i nyes pa khrus dang/ slon la sogs pas ma
 sbyangs par de ni mdor na zhes pa/ mdor bsdu na me 'phrod pa yin pas bsten par mi bya'o/ /nyes 'dir sbyar bar 'dod pa 'am/ yang na de dang mi mthun pa'i/ /rdzas de nyid kyi dang po ni/ /lus kyi mngon par sbyar bar bya zhes bya ba la/ zas mi
 'phrod pa zos pa las byung ba'i nyes pa 'di ni sbyar zhes bya ga slon? dang khrus la sogs pa'i tshul bya ba ni/ 'dod cing bsngags par bya ba yin no/ /yang na de dang mi mthun pa'i rdzas kyi sman gyis zhi bar bya ba 'dod pa yin te/ mi 'phrod pa'i kha zas de'i
 gnyen por gyur pa'i sman yon tan go bzlog pa yod pa des zhi bar bya ba ni/ yul dang dus la bltos nas bya ba nyid yin no/ /yang na gang phan par gyur pa'i sman dang/ zas kyi rdzas de nyid kyis dang po kho nar lus mngon par sbyangs zhing phan pa'i dpyad du
 bya ba ste/ mdor na dang po nyid nas zas phan pa nyid bza' bar bya zhing bstan par bya'o zhes bya ba'i don to/ /de yang drang srong tsa ra kas/ mi 'phrod zas zos? las gyur na/ /slon dang khrus kyis spyangs bya zhing/ rnam par bsal nas zhi bya ba 'am/ dang por 'phrod
 pa bstan pas zhes bshad pa yin no/ /rtsol can rnams bsten drod che dang/ dar la bab cing nyams stobs ldan/ /goms par zlos dang cung zad zos/ /mi 'phrod gyur kyang gnod mi 'gyur/ /zhes bya ba la/ gang la rtsol zhing las su bya ba yod pa de
 ni brtsal bcas te/ rtsol ba can des ni zas dang btung ba dang/ sman mi 'phrod pa bsten kyang nang du mi 'gyur ro/ /de bzhin du snum shas cher bsten pa dang/ pho ba'i me drod che ba dag dang/ dar la bab cing na tshod bdo ba dang/ de bzhin du nyaM?
 stobs dang ldan zhing shin tu bsngags par bya ba'i stobs yod pa des/ mi 'phrod pa dag zos kyang nad du mi 'gyur ba dang/ de bzhin goms par byas shing rtag tu zos pa dang/ cung zad cung zad zos pa dag gis kyang nang du mi 'gyur
 te/ zas dang sko la sogs pa mi 'phrod pa cing mi mthun pa 'gyur pa yin kyang skyes bu de la gnod pa'i nang du mi 'gyur gyi/ nad med pa nyid du gnas par 'gyur ro/ /dris pa gang gis mi 'phrod sa'i pa'i zas skom zos pa na goms pa 'am nyung
 zad? cig bsten pa'i rgyus dus dang yul la bltos nas/ goms pas lus la gnod pa med cing bde bar 'gyur ba de/ mod la spang bar bya ba'am/ 'on te rim gyis spang/ /de bzhin du gang lus la phan zhing 'phrod pa dag kyang mod la cig
 car bsten par bya ba 'am de lta ma yin/ de gnyis kyi rim pa spang ba dang/ blang pa'i tshul bstan pa smras pa ni mi 'phrod cha yis goms bya ba/ cha yis cha yis yongs su spang/ /phan pa'ang de bzhin bsten bya ste/ gcig gnyis gsum gyis mchod pa bya zhes bya ba la
 gang mi 'phrod cing? phan pa ma yin pa bsten cing goms par bya ba de yang cha yis goms par bya zhes bya ba rang gi tshad las de'i bzhi chas spang bar bya'o/ /yang shin tu shas sher zos pa ni/ cha'i yang cha shas su bgos pa ste/ bcu drug chas spang bar bya'o/ /??
 zhes bya ba ni mi 'phrod ba yin kyang/ gnod pa med pa dag mod la spangs pas lus la gnod par 'gyur ba mthong bas bstan bcos rtsom pas 'am gyi sgra smos pa yin no/ /de ltar spangs nas phan zhing 'phrod pa dag kyang de bzhin du rim pa de nyid kyis
 bsten par bya ste/ 'phrod pa dag kyang bzhi cha 'am/ bzhi chas bsten par bya'o/ /de ltar mi 'phrod pa cha yis spang bar bya ba de'i rim pa bltos pa med par dor bar bya ba rma? 'on te bltos pa dang bcas pas dor bar bya zhe na 'di dag gnyis gsum gyis chod
 cha zhes smras pa yin te/ sngar bshad pa 'di dag ni zhag gnyis sam gsum gyis mi 'phrod pa'i nye bar mtshon pa thams cad med par 'gyur bas/ bar du chod par byas la mi 'phrod pa de ?? 'am/ bcu drug chas spang bar bya'o/ /de bzhin du phan
 pa dag kyang zhag gnyis dang gsum gyis phan pa ma lus nye bar 'phel par 'gyur ba bar gyis chad par byas la bzhi cha 'am/ bcu drug chas nges par bsten cing? goms par bya'o/ /'dir don ni 'di yin te/ mi 'phrod pa goms par 'gyur ba'i
 cha gcig spangs la/ mi 'phrod sum cha'i nang du 'phrod pa cha gcig bcug la bza' o?/ /de nas nying? na gnyis pa la/ mi 'phrod pa'i goms pa'i cha bza' bar bya'o/ /nyi ma lnga pa la ni yang thams cad mi 'phrod pa bza' o/ /de ltar mi 'phrod pa gnyis kyi
 chod pa yin/ /nyi ma gnyis pa dang gsum pa dang bzhi pa la yang mi 'phrod ba'i cha gsum dang 'phrod pa'i cha gcig bsres te bza' bar bya'o/ /nyi ma lnga pa la ni thams cad mi 'phrod pa bza' o/ /de ltar na mi 'phrod pa gnyis kyis chod pa yin no/ /zhag drug pa dang/ bdun pa
 la mi 'phrod pa'i cha gsum dang/ 'phrod pa'i cha gcig bza' bar bya'o/ /zhag dgu pa la ni thams cad mi 'phrod pa'o/ /de ltar na mi 'phrod pa cha gsum gyis chod pa yin no/ /de bzhin du mi 'phrod pa'i cha gcig dbri? zhing de nyid phan pa'i cha gcug pa ltar yang
 nyi ma bcus mi 'phrod pa'i cha gnyis dor la 'phrod pa'i cha gnyis bcug par bya'o/ /yang de bzhin du zhag bcus snga na bzhin du mi 'phrod pa'i cha gsum spangs shing 'phrod pa'i cha gsum bcug la za par bya'o/ /de bzhin du mi 'phrod pa'i cha bzhi pa yang zhag
 bcus spangs la/ 'phrod pa'i cha gsum gzhug par bya'o/ /de lta na zhag bzhi bcus spang pa dang/ blang ba goms par byas pa yin no/ /gzhan dag ni 'di las gzhan da tshad? de nyi ma dang po la mi 'phrod pa las cha gcig spangs la/ 'phrod pa las
 cha gcig bcug la de nas de zhag gcig sdang par bya'o/ /de nas nyi ma gnyis pa la mi 'phrod pa thams cad bza' bar bya ste/ de ltar na gcig gis chod par gyur pa yin no/ /de nas nyi ma gsum pa la/ mi 'phrod pa'i cha gnyis dang 'phrod pa'i cha gnyis
 bsten par bya'o/ /de nas nyi ma bzhi pa la thams cad mi 'phrod pa bza' ba dang/ de bzhin du zhag lnga pa la yang thams cad mi 'phrod pa bza' bar bya'o/ /de ltar na nyi ma gnyis kyis chod pa yin no/ /yang zhag drug pa la mi 'phrod pa las cha gcig
 'phrod pa las cha gsum bza' bar bya'o/ /de nas bdun pa dang brgyad pa dang/ dgu pa'i nyin zhag la thams cad mi 'phrod pa bza' bar bya ste/ de ltar na gsum gyi mchod pa yin no/ /de nas zhag bcu pa la mi 'phrod pa'o/ /de nas zhag cu gcig
 la 'phrod pa la cha gsum mi 'phrod pa las cha gcig bza' bar bya'o/ /de'i 'og tu nyi ma bcu gnyis pa la thams cad 'phrod pa bza' bar bya'o/ /de lta na zhag gcig gis chod par byas nas/ zhag bcu gsum pa la 'phrod pa'i cha gnyis
 dang mi 'phrod pa'i cha gnyis bza' bar bya'o/ /de nas nyin zhag bcu bzhi pa dang/ bco lnga pa la 'phrod pa 'ba' zhig bza' bar bya'o/ /de ltar na nyin zhag gnyis gnyis kyis chod par gyur pa yin no/ /de nas nyi ma bcu drug pa la 'phrod pa la cha gsum?
 dang mi 'phrod pa las cha gcig bza' bar bya'o/ /de nas zhag bcu bdun pa dang/ bco brgyad pa dang/ bcu dgu pa'i grangs kyis bcas pa'i nyin zhag la thams cad kyang 'phrod cing phan par 'gyur ba bza' bar bya'o/ /de lta na nyin zhag gsum gyi
 chod pa yin no/ /de'i 'og tu zhag nyi shu pa nas btsams te/ cha bzhi pa thams cad kyang phan zhing 'phrod pa las bza' bar bya'o/ /zhes zer ro/ /la la ni 'di skad 'chad de/ kha zas gnod pa goms pa'i cha gcig por la/ /gnod pa'i kha zas
 cha gsum gyi nang du/ phan pa'i cha gcig bcug la/ de ji srid goms par gyur pa de srid kyi bar du bsten par bya'o/ /de ltar na gnod pa mi gcig gis chod pa yin la/ phan pa'i zas ni gsum gyis chod pa yin te/ gang gi phyir gnod pa'i las ni cha
 gcig por ba yin la/ phan pa las kyang cha gsum por nas/ /cha gcig bcug pa yin pa'i phyir ro/ /de bzhin du cha gnyis kyis chod pa ni gnod pa dang/ phan pa gnyis las cha gnyis dor te/ /cha gnyis gnyis bsres la/ ji srid goms par
 gyur pa de srid kyi bar bsten par bya'o/ /de'i 'og tu cha gsum gyis chod pa ste/ gnod pa'i cha gsum dor la/ cha gcig pa ste/ phan pa'i cha gsum gyi nang bsres te/ de ji srid goms par gyur pa de srid kyi bar du goms par bya'o/ /de'i 'og tu phan pa'i zas dang sman cha bzhing?
 rdzogs pa bsten par bya'o zhes zer ro/ /de bas na drang srong tsa ra kas kyang/ de phyir gnod pa goms byas la/ /rim gyis yongs su spangs par bya/ /bsten pas phan par gyur pa yang/ rims gyis rnam par 'phel bar bya/ /gnod pa'i cha gcig dor ba dang/ phan
 pa 'ang cha gcig dor bya ba/ /nyin zhag bco lnga nyi shus byas/ /de phan chad ni cha nges? bya zhes bshad pa yin no/ /gzhung brtsom par byed pas yan lag brgyad pha la 'jug pa las kyang/ gnod pa'i zas ni gom pa gyur pa 'am/ spyod pa'i cha yis? dor bar bya/ /phan? pa
 rang cha yis bsten bya ste/ /zhag gcig gnyis gsum gyis chod bya zhes bshad pa yin no/ /skyon ni rim gyis 'grib pa dang/ /yon tan rim gyis 'phel 'gyur na/ /slar skyes par ni mi 'gyur zhing/ /g.yo ba med pa dag tu 'gyur/ /zhes bya ba la/ des ni
 mi 'phrod cing gnod pa skyed par byed pa yang gong du bshad ma thag pa'i rim gyis 'gribs shing zad par 'gyur la/ yon tan de bde pa bskyed par gyur pa yang rims kyis 'phel bar gyur pa nyid ni grangs ci lta ba bzhin du nyes pa rnams slar zhing
 phyis 'byung bar mi 'gyur zhing/ yon tan g.yo ba med par 'gyur ro/ /mi 'phrod pa yang spangs gyur dang/ 'phrod pa goms par gyur pa nyid/ /'phral du spangs dang ma bsten pas nyes pa rnams ni 'byung bar 'gyur zhes bya ba la/ de ltar gong du bshad
 pa'i rim gyis mi 'phrod pa goms par gyur pa yang spangs par gyur cing/ 'phrod pa zang? goms par stan par 'gyur ba nyid ni nyes par mi 'gyur kyis gzhan du na 'phral du ste/ de ma thag ma 'os par spangs pa dang phral du ma 'os par bsten par
 gyur pas ni 'di gnyis las nyes pa 'byung bar 'gyur ro/ /mi 'phrod pa yang spangs gyur dang zhes bya ba 'dir 'phral du zhes bya ba sbyar bar bya ste/ mi 'phrod pa goms par gyur pa yang/ 'phral du spangs par gyur pa dang/ de bzhin du
 'phrod pa 'phral du goms par gyur pa nyid las ni sngar bshad pa'i tshul las go bzlog pa yin pas/ de lta bu'i spangs pa dang/ bsten pa las ni nyes ba ste/ na rims? 'byung bar 'gyur ro/ /gnod pa gnod bya'i bdag nyid can/ /shin tu nye bar gyur pa la//
 phan med gnod par byed pa ni/ /mkhas pas phyir zhing bya mi rigs zhes bya ba ste/ gnod pas te rlung dang/ mkhris pa dang/ bad kan dang/ gnod bya ste/ lus zungs la gnod pa'i bdag nyid can rang bzhin can de shin tu nye bar gyur cing lus la gnas
 par gyur pa la/ phan med ces bya ba rjes su mi mthun par gyur pa'i byed par/ byed pa nyid gnod cing gdug par byed pa ni mkhas shing bdag nyid shes pas phyir zhing yang nas yang du bya ba mi rigs so/ /de ltar na mkhas pas nyes pa ste/ nad rnams
 spangs? shing bsal nas ni/ /nad slar skye bar mi 'gyur la yon tan rims kyis 'phel zhing bsags pa'i 'phrod pa bsten pas ni g.yo ba me'o? rtag tu nad med par byed par 'gyur ro/ /zas dang stan 'dod la spyod/ /ran cing rigs par sbyar ba yis/ /khang?
 khyim 'tshos pa lta bur ni/ /rtag tu lus ni bzung par bya zhes bya ba la/ zas dang mal stan dang 'dod pa la spyod pa ran cing rigs par 'gal ba med pa'i sbyor bar bya ba ste/ rigs pa ni bstan bcos las bshad pa'i cho ga ste/ cho ga des spyad pa'i des?
 bas dus rtag tu lus zung par bya zhing/ 'di rnams kyis gnas par bya'o/ /de yang khang khyim lta bu 'chos shing bstan par bya ba'i tshul lta bur bya ba ste/ dper na khang pa ka ba brtan pas bstan pa ltar lus kyi khang pa 'di yang/ sngon gyi las kyi
 bu kha can? gyi?? bas bsten par gyur pa las/ nye ba'i bkab lta bu'i zas dang/ mal stan dang/ 'dod pa la spyod par rigs pa dang ldan pas bsten par bya'o/ /de 'bras? ni bshad zin cing/ de dang der ni bshad bya ba la/ de la nye ba'i ka pa lta bu'i nang nas/ zas ni bshad zin te/ chu sna
 tshogs pa la sogs pa'i tshul shes par bya ba la/ zas kyi tshul shes par bya ba dang/ zas su bcad pa'i le'u sngar bshad zin la de bzhin du 'og nas kyang zas kyi 'og tu skem btung ba'i tshul rim la sogs pa la ji ltar bya ba dang/ zas kyi chod brin? par bya ba la sogs
 pa'i skabs nas de dang der bshad par bya'o/ /mal stan dang 'dod pa la spyod pa ni le'u 'di las bshad par bya'o/ /bde sdug spom skem stobs che chung/ /bud med la phong mi bor? dang/ shes dang ni shes 'tsho dang 'chi/ /gnyid la dag ni lus pa yin/ /zhes bya ba la sogs de?
 pa dang sdug bsngal ba la sogs pa ni gnyid la rag lus pa yin te/ gnyid legs par log pas ni bde ba dang/ spom zhing rgyas pa dang/ stobs dang bud med la phod pa dang/ shes pa dang/ 'tsho ba 'phel zhing 'byung ba yin/ la gnyid nyes par bsten pas
 ni sdug bsngal dang/ bskem pa dang/ stobs chung ba dang/ bud med la mi phod pa dang/ mi shes pa dang/ 'chi ba nyid du 'gyur bas de la rag las pa ces bya'o/ /de la bde ba ni nad med pa'o/ /sdug bsngal ba ni lus zungs mi snyoms pa'o/ /spom pa ni lus zungs rgyas
 pas sha che ba'o/ /skems pa ni lus zungs zad pa'o/ /bud med la phod pa ni ro tsa pa'i sgo nas dga' par nus so/ /de la mi phod pa ni khu ba zad pa'i sgo nas ma ning lta bur gyur pa'o/ /shes pa ni rtogs pa dang ldan pa'o/ /mi shes pa ni rnam par rmongs? pa nyid do/ /'tsho ba/
 srog dang ldan pa'o/ /'chi ba ni srog dang bral ba'o/ /dus min ha cang thal ches dang/ gnyid ni kun tu 'gegs pa dag/ bde dang tshe ni nyams byed de/ /dus mtshan gnyis ba lta bu yin zhes bya ba la/ gnyid ni dus min zhes bya ba la stan bcos las ka pa'i
 dus su bsten pa dang/ de bzhin du ha cang thal tshes par bsten pa dang/ kun nas kun tu bkag cing ma bsten pas ni/ bde ba dang tshe nyams shing 'jigs par byed par 'gyur ro/ /de la bde ba ni nad dang bral ba'i mtshan nyid can no/ /tshe ni 'tsho
 ba dang ldan pa ste/ de gnyis nyams shing 'jigs par byed pa'o/ /de ni dper na dus mtshan zhes pa 'chi pa'i dus kyi mtshan mo la bab pa ni bde pa dang/ tshe nyams par byed pa yin no/ /de bzhin du 'di ni dus mtshan sngon chad med pa gnyis pa lta bu yin
 te/ bde pa dang/ tshe nyams par byed pa 'di gnyis chos 'thun pa'i phyir ro/ /mtshan mo gnyid ni ma logs rtsub/ /nyin mo gnyid log snum lcir 'gyur/ /gtsog pur 'dug ste yung ba dag/ mig rtsub bad kan med par 'gyur zhes bya ba la/ gang mtshan mo
 gnyid ma log pa de ni rtsub pa yin la/ gang nyin mo gnyid log pa de ni snum zhing lci bar gyur pa yin te/ gnyid kyis ma log pa'i dbang po thams cad ni/ bya ba la phyogs shing rtsol ba'i mtshan nyid yin pas/ bya ba ma rdzogs pa'i tshul?
 gyis na ni bad kan dang/ tshil la sogs pa zhi zhing rang bzhin du gnas pa'i ngo bo 'grib pas rtsub pa'i yon tan 'byung bar mi rigs su zin kyang rtsub pa yin par sgro btags nas smras pa yin gyi/ yang dag par na rtsub pa ni ma yin no/ /de yang
 dper na/ yung ba la sogs pa ni gnyid ma log pa'i sngon du/ bad kan dang tshil la sogs pa rang gis rgyu las byung ba yin du zin kyang/ skyes bu nyid kyis ma log pa la/ de'i bad kan dang tshil la sogs pa zad par snang gi 'phel par mi 'gyur
 te/ de bas na gnyid kyis ma log pa la rtsub pa zhes bshad do/ /gnyid log pa la yang dbang po thams cad kyi bya ba 'gag pa ni mtshan nyid can/ bya ba zin pa lta bu 'di la snum pa'i yon tan dang 'brel pa med pa ma yin mod kyi/ 'on kyang snum pa
 lta bur sgro btags nas bshad pa yin te/ gang gi phyir de'i tshe rang bzhin zhi bar gyur pas/ bad kan dang tshil la sogs pa rang gi rgyud nyid kyis bshad gcing? sogs dbang gi rgyud nyid kyis bshad gci la sogs? pa mngon par 'phel bar byed de/ /dbang po thams cad kyi bya ba
 las ldog pa yin pa'i phyir gnyid ma log pa ltar zad par byed pa ni ma yin gyi/ gnyid log pa'i sngar ni bad kan dang tshil la sogs pa'i tha mal pa bzhi bar gnas pa'i ngo bo rang gi lus la gnas par gtogs pa dag ni gnyid kyis log pa lta bur mi
 snang ste/ de bas na gnyid kyis log pa la snum par bshad pa yin gyi/ yang dag par ni ma yin te/ 'di'i bya ba'i mtshan nyid ni tsam du zad pa'i phyir ro/ /rtsag pur 'dug ste gang yur zhing cung zad gnyid log pa de ni mi rtsub pa dang/ bad kan med par 'gyur
 ba yin te/ shin tu gnyid log pa dang shin tu gnyid med pa ma yin pa'i phyir/ /rlung bskyod cing 'khrugs pa yang ma yin la/ bad kan bskyed pa yang ma yin no/ /sogs? rlung 'phel stobs 'phrogs dus/ /rtsub cing mtshan mo thung bas na/ nyin par
 gnyis phan zhes bya ba la/ so ka'i dus su nyin par gnyid log pa phan no zhes bya ba sbyar ro/ /ci'i phyir zhe na/ rgyu gsum smras pa yin te/ rlung 'phel ba'i dus yin te/ sog bsags pa'i rlung dbyad gyi dus na ldang ba'i bar 'dod pa'i phyir dang/ stobs
 'phrog pa'i dus byung ba'i rtsub pa yin pas sog rtsub pa'i phyir dang/ de bzhin du de'i tshe mtshan ma thung bar gyur pas na/ nyin par gnyid log pa phan pa yin no/ /gzhan dag tu de ni bad kan mkhris pa bskyed ces bya ba la/ sog las gzhan pa
 dbyar la sogs pa'i dus su ni nyin mo'i gnyis des ni bad kan dang mkhris pa gnyid bskyed pa yin no/ /smra mangs gzhan dang lam gyis dub/ /ra ro bud med bsten khur las/ /khros dang mya ngan 'jigs pas dub/ /skyigs bu dbugs mi bde tshad 'khru
 rgan dang byis pa nyams stobs zad/ /gle dol skom dang gzer gyis non/ /zas ma zhu dang bcom dang smyo/ /nyin par gnyid log rims ma togs/ /zhes bya ba la/ smra mangs nas 'jigs pa'i bar du dub pa'i sgra so so zhing sbyar bya ste/ de dag gis
 dub pa dang skyigs bu la sogs pa dub par sbyar ro/ /de la smra mangs pa ni klag pa la sogs pa'o/ /bzhon pa ni rta la sogs pas skyod pa'o/ /lam gyis dub pa ni lam du zhugs pa'o/ /ra ro pa ni ra ro bas nyen pas dub pa'o/ /bud med kyis dub pa ni 'khrigs pas
 dub pa'o/ khur gyi dub pa ni khur bas lus nyon mongs pa'i dub pa'o/ /las ni lus dub par byed pa'i rtsol ba rnams so/ /de ltar na smra mangs pa la sogs pas dub pa dang/ gzhan yang skyigs bu la sogs pas btab pa ma gtogs par gzhan dag nyin par
 gnyid log pa ni/ bad kan dang mkhris pa bskyed par byed pa yin la/ tshul 'di dag dang ldan pa dag gis ni dus thams cad du nyin par gnyid log par bya'o/ /zas ma zhu ba ni rnam pa lnga ste/ ring du thogs pa dang/ khong tsha ba dang/ gshang ba 'gags
 pa dang/ shin tu thogs pa dang/ bcud kyi lhag ma lus pa'o/ /bcom pa ni ral gri la sogs pa'i mtshon gyis lus bcom zhing btags pa'o/ /smyo ba ni gdon dang brjed byed la sogs pas khams mi snyam par byas nas dran pa med pa'o/ /nyin
 par gnyid log par rigs pa ni/ sngar goms shing lobs pa'i rang bzhin yod pa ste/ de dag thams cad ma gtogs par gzhan gyi dus thams cad du spang bar bya'o/ /'di dag de bzhin du lus zungs snyoms/ /bad kan skyes shing lus brtas 'gyur
 zhes bya ba la/ smra mangs pa la sogs pa dub pa de dag gis sngar bshad pa'i tshul de bzhin du ston par gyur na/ de lus zungs zhes bya ba dangs ma la sogs pa dang/ bad kan la sogs pa lus 'dzin par byed pa snyoms pa ste/ lhag pa dang/ 'bri ba med par
 cha snyoms par 'gyur ba dang/ de bzhin du bad kan dang/ lag ngar dang/ brla la sogs pa'i lus kyi yan lag rnams skyes shing brtas par 'gyur ba'o/ /tshil che bad kan mang dang snum/ /rtag za nyin par gnyid ma log ches bya ba la ming gang tshil che zhing bad kan mang ba dang/
 de bzhin du snum bag rtag tu za ba dag ni/ nyin par gnyid ma log ces bya ba ste/ dus thams cad du yang nyin par gnyid log par mi bya'o/ /dug gis phog dang lkog nad can/ /mtshan mo nam yang gnyid ma log ces bya ba la/ dug gis phog cing nyen pa'i nad
 pa dang/ lkog ma'i nad yod pa'i lkog nad can de gnyi gas kyang mtshan mo'i dus su nam yang gnyid log par mi bya'o/ /dus min gnyid log rmongs bag dang/ rims bskyed rmugs shing chams 'debs/ /mgon skrang zhing slon sgyid skyur/ /rtsa yi rgyun 'gags
 mi drod nyams/ /zhes bya ba la dus ma yin par gnyid kyis log pa ni/ sngar bkag pa'i dus smos pa dag tu nyin mo gnyid log pa las ni rmong bag la sogs pa 'byung bar 'gyur ro/ /de la rmongs bag ni gang byas rnams mi dran pa'o/ /rmugs pa ni
 sems mi gsal ba'o/ /sgyib skyur ba ni mer mer por byed pa'o/ /rtsa'i rgyun 'gags pa ni rtsa spubs 'gags shing legs par mi rgyu ba'o/ /de la smyung dang slon sman dang/ rdul dbyung sna sman btang ba dag /ces bya ba la/ dus ma yin par gnyid log
 pa las byung ba'i rmong bag la sogs pa la smyung ba nas sman sna nas btang zhis sbyin par bya'o/ /gnyid ches gyur la skyug sman rno/ /mig sman rno dang sna sman dang/ /smyung ba sems las bud med bsten/ /mya ngan 'jigs dang khros pa sbyar/ /zhes bya ba la
 shin tu gnyid chos pa las gyur pa'i nad la skyug sman rnon po btang ba la sogs pa nas/ khros pa'i bar sbyar bar bya'o/ /de la sgyug sman ni slon sman btang ba'o/ /de yang sman rnon po sbyar te bya ba yin pas rnon po zhes bya'o/ /de bzhin du smig sman yang
 ro tsha ba dang/ lan tshwa dang/ skyur pa'i sman las sbyar ba'i rno ba nyid no/ /sna nas btang ba'i sman ni/ sna sman no/ /smyung pa ni zas bcas pa'o/ /sems las ni dngos po rnams yid la dran pa'o/ /bud med pa sten pa ni 'khrig pa'o/ /mya ngan ni sdug
 bsngal bar gnas pa'o/ /'jigs pa ni skrag pa'o/ /khros pa ni 'khrugs pa'o/ /'di dag nyid kyis gnyis drag pa/ /'jig cing bad kan rab zad byed/ /ces bya ba la/ 'di dag nyid kyis shes bya ba/ /bshad ma thag pa'i skyug sman rnon po/ /btang ba la sogs
 pas gnyid kyis drag pa yang zhing 'jig la/ de bzhin du bad kan rab tu thad bar byed pas kyang gnyid med par 'gyur ro/ gnyid yang ba yis yan lag snyom/ /glang ba lci zhing glal 'ong la/ /mi gsal na zhing 'go 'khor la/ /zas mi 'ju rmya rlung skyes
 nad/ ces bya ba la/ gnyid yar ba zhes bya ba gnyid med par gyur pa las/ yan lag snyoms pa la sogs pas 'byung bar 'gyur ro/ /de la yan lag snyoms pa ni yan lag brdungs pas snyam sems pa'o/ /glad pa lci ba ni mgo lci pa'o//
 rlung skyed nad ni 'di dag dang/ /rjes su mthun pa'i nad mang po 'byung ba'o/ /gzhan ni go bar zad do/ /de bas mtshan mo dus bzhin du/ /lci ba der gnyid ni log par bya/ /zhes bya ba la/ rgyu de bas na mtshan mo'i dus su dus bzhin du zhes pa/ gnyid
 log pa'i dus ci tsam yin pa de tsam du ci bder zhes bya ga bde bar gyur pa nyid du gnyid log par bya zhing goms pas bsten par bya'o/ /ma goms gnyid kyis ma log na/ nad par ma zos phyed gnyid log /ces bya ba la/ ma goms shing
 gnyid kyis ma log par 'ongs pa ma yin pa dag gnyid ma log na/ nad par nyin mo'i dus su zan ma zos par de'i phyed gnyis kyis log par bya'o/ /des ni 'di ltar stobs yin te/ ji srid gnyid logs par rigs pa'i dus
 de srid du/ gnyid ma log na/ mtshan mo ci tsam gnyid ma log pa de tsam gnyid log pa ni ma yin gyi/ de'i phyed tsam gnyid log par bya ste/ gang mtshan mo thun gnyis gnyid ma log na/ de'i nyin mo nad par gyis dus su thun/ gcig gnyid log par bya'o/ /gnyid
 yar gyur na 'o ma dang/ chang dang/ sha khu zho rnams btung/ lus bsku dril dang khrus bya zhing/ /mgo bsku rna ba mig dgang bya/ /zhes bya ba la gnyid yar ba 'am/ shin tu srab par gyur na/ 'o ma btung ba la sogs pa nas/ rna ba dang mig dgang ba'i bar du ci rig par
 bya'o/ /mgo bsku ba dang/ rna ba dang mig dag pa ni snum gyis bya'o/ /na chung lag ngar gyis 'khyud dang/ /sems bde bya ba zin pa dang/ /yid dang rjes mthun yul ldan pa/ /ji 'dod gnyid 'ong bde bar bskyed ces bya ba la/ bud med na chung gzhon nus 'khyud
 pa la sogs pa dang/ de bzhin du sems bde ba ste yid dga' ba dang ldan pa dang/ bya ba zin pa ste/ gang bya ba'i dngos po de byas zin par gyur pa dang/ de bzhin du gzugs dang/ sgra dang dri dang ro dang/ reg bya yid dang rjes su mthun zhing yid du 'ong ba dang ldan
 par gyur? pa ste/ 'di gang gis ni ji ltar dga' ba bzhin du gnyid 'ong zhing des bde ba rab tu bskyed par 'gyur ro/ /nyal po bde la sems ma chags/ /tshangs par spyod pa la dga' ba/ /mchog shes pa yis mgu ba'i gnyid/ /rang gi dus las 'da' mi
 byed/ /skyes bya ba la skyes bu gang grong yul gyi bde ba 'khrigs pa la sogs pa la ma chags pa/ tshangs par spyod pa la dga' ba/ /chog shes pas mgu par gyur pa'i gnyid ni rang gi dus ldog cing 'da' bar mi byed kyi/ rang gi dus nyid du 'ong ngo zhes bya ba'i don
 to/ /de la grong gi bde ba ni bud med la chags pa dang/ zas skom zhim po la zhen pa ste/ de rnams la gang sems zhen par ma gyur pa'o/ /tshangs par spyod pa ni bud med dang 'dus pa med pa ste/ de la dga' ba dang/ chog shes pa ni bya ba thams cad la re ba dang/ phan?
 pa med pa ste/ yon tan des mgu zhing tshim par gyur pa nyid ni dang gi dus mtshan mo ji tsam log bar bya ba de las 'da' bar mi byed de/ /nyal po'i chos ni spang bya ba/ /bkan min zla mtshan ldan pa dang/ /yid du mi 'ong mi sdug spyod/ /mngal ni skyon
 gyis khyab pa dang/ /rab sdom skem dang bcas pa dang/ /sgrub? ma gzhan gyi bud med dang/ /rigs gzhan skye gnas mi mthun dang/ /bla ma lha dang rgyal po gnas/ /mchod rten dur khrod gsod gnas dang/ /bsti sa lam gyi bzhi mdo chu/ /dus tshigs nyin mo yan
 lag min/ /snying ga mgo /bor brdeg spang bya zhes bya ba la/ grong gi chos ni 'khrig pa'i chos te/ mig gi rnam grangs gzhan yang skyes pa dang khud med kyi kun tu sbyor ba zhes bya ba yin no/ /de dag las spang bar bya ba 'di dag yod de/ bkan min zhes bya
 ni bkan pa ma yin pa spang ba ste/ don gyis na bkan te bsten par ston pa yin no/ /zla mtshan ldan pa zhes bya ba ni zla mtshan rgyu nas dang pa'i zhag gsum slang bar bya'o/ /de bzhin du yid du mi 'ong ba ste/ snying du mi sdug pa yang spang par bya'o/ /de bzhin
 du mi sdug spyod pa ste/ ngang tshul ngan cing mi rig pa dang ldan pa spang bar bya'o/ /de bzhin du gang gis mngal skyon gyis khyab/ cing gnod pa de spang bar bya'o/ /de bzhin du rab tu sgom zhing shas che ba yang spang bar bya'o/ /de bzhin du shin tu skem zhing/ sha dang
 tshil dang/ khrag zad ba yang spang bar bya'o/ /btsos pa dang zhes btsas ma thag pa dang/ bud med sbrum ma yang spang bar bya'o/ /de bzhin du gzhan gyis bdag gir bzung ba'i bud med kyang spang bar bya'o/ /de bzhin du rigs gzhan te/ rab tu byung ba 'am/
 rig shin tu mtho ba dag kyang spang bar bya'o/ /de bzhin du skyes gnas 'thun pa ste/ rta la sogs pa skye gnas tha dad pa la spyad pa yang spang bar bya'o/ /de bzhin du grong gi chos la 'jug pa na/ bla ma dang/ lha dang/ rgyal po'i gnas spang bar bya ste/ gnas de
 dag tu 'khrig pa'i bya ba mi bya'o/ /zhes pa'i don to/ /de bzhin du mchod rten la sogs pa'i gnas dag tu yang 'khrigs pa'i bya ba spang bar bya ste/ de las mchod rten ni de bzhin gshegs pa'i mchod rten no/ /'jig rten bdag ni grong gi phyi rol na yod pa'i shing chen po
 lha la sogs pas gnas bcas pa la bya bar 'dod do/ /dur khrod ni shi ba'i ro bsregs pa'i gnas so/ /gsod gnas ni rgyal po'i char pas gcod cing gsod pa'i gnas so/ /bsti sa ni grong ngam grong khyer gyi phyi rol gyi phyogs kyi khyad par ro/ /bzhi mdo ni lam gyi
 bzhi mdo'o?/ /chu ni chu'i nang ste/ de dag tu 'khrig pa sbyang bar mi bya'o/ /dus tshig ni tshes bzhi dang/ tshes drug dang/ tshes brgyad dang/ nya dang/ dgu stong pa la sogs pa 'jig rten pa'i chos lugs las bkag pa'i nyin zhag rnams te/ de dag gi tshe yang spang bar bya'o//
 de bzhin du nyin mo spang pa yang spang par bya'o/ /yan lag yin zhes bya ba kha/ yan lag dang 'tsham pa ni mngal gyi sgo yin pa las de ma yin pa yan lag gi gnas su mi rung ba/ kha dang bshad pa'i lam la sogs par spyad par mi bya'o/ /de bzhin du snying ga dang
 mgo bor brdeg par byos nas 'khrig pa bya ba yang spang par bya'o/ /spang zhes bya ba ni kun la sbyar bar bya'o/ /'grangs tshes ltogs dang brtan bral dang/ /yan lag mi bder gnas dang skom/ /byis pa rgan dang zhugs gzhan nyon/ /nad pa yis kyang 'khrig pa spang/ /zhes
 bya ba la/ 'grangs ches shing gsung par zos pa dang ltogs shing bkres pas nyen pa dang/ brtan zhing yid rton pa dang bral ba dang/ yan lag mi bde bar gnas shing lus nyam nga bar gnas pa dang/ skom pas nyen ba dang/ byis pa ste lo bcu drug pa man chad
 dang/ rgan po ste bdun cu yan chad lon pa dang/ shugs gzhan gyis nyen pa ste/ gshang ba dang gci pa la sogs pa'i shugs kyis nyen zhing gzir ba dang/ nad pa rnyims? la sogs pa'i nad kyis gcos pa ste/ de dag thams cad kyis kyang 'khrig pa spyad
 kha spang bar bya'o/ /de yang bsdus pa las/ cha 'dor skyes pa bud med kyis/ /bcu drug lon pa tshun chad dang/ bdun bcu lon pa ma chad ni/ /kun sbyar bya bar mi rigs so/ /rab bzhon ma rdzogs lus zungs kun/ /bud med la ni zad 'gyur te/ lted
 ka chung bu'i chu bzhin du/ /mong yang nye bar bskams par 'gyur/ /dper na shing ni skams gyur cing/ 'bus? zos rnam par bdengs po? ni/ /reg na myur bu 'jig par 'gyur/ /rgan po bud med bsten de bzhin/ /shugs bkag gyur pa dag gis kyang/ gcin
 nad rde'u 'phel ba dang/ /rab rib la sogs nad skyed cing/ /dbang po bcom pa thob par 'gyur/ /zhes bshad pa yin no/ /dgun dus ro tsa byas drags tshe/ /'dod pas 'dod pa sten par bya/ /dpyid don zhag ni gnyis gnyis nas/ /so ga dbyar tshe zla byed ci
 zhes bya ba la/ dgun dus zhes bya ba ni grang ba'i dus te/ dgun stod dang dgun smad do/ /de tshe skyes bu ro tsa ba'i cho ga byas shing drags pa bdo bar 'gyur pa'i tshe/ 'dod pas zhes pa ci dga' bar 'dod pa bsten par bya'o/ /de la ro tsa bar bya ba'i sbyor ba ni khu
 ba 'phel bar bya ba ste/ 'o ma dang mar dang/ sha khu la sogs pa 'og nas bshad pa bzhin du byas shing ngoms par gyur pa'o/ /de bzhin du dpyid dang ston ni zhag gnyis gnyis nas/ ro tsa bar byas pas ngoms pa dang/ 'dod pa bsten par bya'o/ /so
 ka dang dbyar gyi tshe ni/ ro tsa ba byas nas bla ba phyod cing 'dod pa bsten par bya'o/ /gzhan du bud med la zhugs na/ mgo 'khor ngal dang bsla mthu nyams/ /stobs dang lus zungs dbang po nyams/ /dus min 'chi bar byed pa yin zhes bya ba la/
 gzhan du zhes bya ba ji skad du bshad pa las bzlog pas bud med la zhugs shing 'dod pa spyod pa'i skyes bu de ni mgo 'khor ba la sogs pa'i nang 'byung bar 'gyur ro/ /de la mgo 'khor ba ni mi bde bar gnas shing 'khor ba'o/ /ral pa ni du ba? pa'o//
 brla'i mthu nyams pa ni mal du 'jug cing 'gro mi nus pa 'am/ sha dang khrag zad pa'o/ /de bzhin du stobs nyams pa dang/ lus zungs nyams pa dang/ dbang po nyams par 'gyur ba dang/ dus min 'chi bar byed ba ni shin tu bud med la brtan pas dus ma
 yin par 'chi bar yang 'gyur ba yin no/ /bud med dag la legs bsdams na/ /dran dang yid gzhungs nad med che/ /dbang po rtes shing drags stobs rnams/ /lhag par 'phel zhing rgas srar 'gyur zhes bya ba la/ bud med dag bsten pa legs par
 bsdams shing bsrung ba'i skyes bu ni/ /dran pa la sogs pa 'phel bar 'gyur ro/ /de la dran pa ni 'das pa'i don ma brjed pa'o/ /yid gzhungs pa ni rnam par dpyod nus pa'i shes rab po/ /nad pa med pa ni bde bar gnas pa'o/ /tshe ni sog go /dbang po ni mig
 la sogs pa'o/ /rtas pa ni lus rgyas pa'o/ /grags pa ni snyam pa'o/ /stobs ni lus kyi nus pa ste/ de dag lhag par 'phel zhing rgyas pa dang/ de bzhin du rgas sra bar 'gyur ba ste/ skra dkar med pa la sogs par 'gyur ro/ /khrus dang byug pa rlung sil khar la
 sogs bza' / /chu bsil 'o ma sha/ bu sran tshod chang dang 'thungs/ /nyal po dga' byas 'dod dang bral? 'gyur rjes la bsten/ /de 'dras de yid lus mdangs stobs slar skye bar 'gyur zhes bya ba/ sngar bstan pa'i bud med bsten pa'i rjes la chags pa dang
 bral ba'i skyes bus khrus la sogs pa bstan par bya'o/ /de la byugs pa ni tsan dan la sogs pa rdzas dri bzang pos lus byug shing kha dog bsgyur ba'o/ /rlung bsil ba ni rlung drang ba'o/ /bar la sogs pa ni bza' ba'i khyad par te/ de dag bza' ba'o//
 chu bsil ba ni chu grang mo'o/ /sran tshod ni 'bru las byas pa'o/ /chang? dangs ma ni chang gi snying po'o/ /de dag thams cad ni 'dod pa spyod pa'i dga' ba byas nas/ /'dod chags dang bral bar gyur pa'i rjes te/ 'og tu bsten cing longs spyod par bya'o/ /de ltar
 byas par gyur pas skyes bu de'i lus kyi mdangs? dang stobs slar skye bar 'gyur ro/ /de yang bud med dang 'phrad pas 'phral du lus kyi stobs 'drir 'gyur yang/ 'di ltar brta zhing tshim par byas pas de'i khu ba dang stobs 'phel ba nyid du 'gyur ba'i don
 to/ sman pa phos sbyong phun tshogs ldan zhing las mkhas snying rje can/ /bgegs dang gnod med lus srung byed pa nye bar bzhag byas nas/ /rgyal po'i rang gi 'bras bu'i longs spyod bder spyod cing/ /nad med mthu dang gzi brjid grags pa yun rings
 'phel bar 'gyur zhes bya ba la/ sman pa zhes bya ba ni sman dpyad kyi yan lag la mkhas pa ste/ de yang thos pa dang/ spyod pa phun sum tshogs pa dang ldan pa ste/ rtogs pa dang tshul phun sum tshogs pa'i yon tan dang ldan pa'o/ /las la mkhas pa ni
 gso ba la mkhas shing byad pa'o/ /snying rje can ni rjes su brtse ba dang ldan pa'o/ /bgegs dang gnod pa med pa ni mi mthun pa med cing bar chod kyi gnod par byed pa med pa'o/ /lus bsrung byed pa ni rgyal po'i sku 'tsho bar byed pa ste/ de lta bu nye bar bzhag
 cing/ lus bsrung du bcug na/ rgyal po ste sa bdag grags pa 'phel ba'i bar du 'gyur ro/ /de yang rang gi dge ba ni bsod nams su byas pa'i las te/ de'i 'bras bu ni longs spyod chen po la sogs pa dang ldan pas bde bar nye bar longs spyod pa  
 yin la de gang zhig spyod par byed pa de ni/ de skad ces bya ste/ de la yun ring du spyod par 'gyur ba dang/ nad med cing lus bde bar gnas pa dang/ mthu ste longs spyod kyi 'byor ba rnams dang/ gzi brjid ces pa lus kyi gzi mdangs dang grags pa ste
 snyan pas khyab pa yun ring du brgya cher 'phel zhing rgyas par 'gyur ro/ /yan lag brgyad pa'i snying po'i rnam par 'brel ba/ tshig gi don gyi zla zer zhes bya ba slob dpon zla ba la dga' bas rnam par sbyar bas/ le'u bdun pa'i 'grel pa'o// //
 de nas kha zas kyi tshor ba na bar bza' ba'i le'u bshad par bya'o zhes bya ba la/ de nas zhes bya ba ni 'das ma thag pa te/ sngar brtsams pa'i kha zas bsrung ba'i rjes thogs la/ kha zas kyi tshod ran par bza' bar rtsams pa yin te/ gang
 gis phyir yon tan dang ldan pa'i zas kyang yin la/ dug la sogs pa dang 'dres par ma gyur du zin kyang tshad las lhag pa 'am/ tshad las shin tu chung bar zos na srog nye bar 'jos pa gyur la/ de nyid ran par zos pa ni srog chags
 rnams kyi srog nyid yin no/ /kha zas ni bza' bar bya ba rnams so/ /tshod ran par ni tshad dang ldan pa'o/ /tshod ran par bza' ba'i tshad dang ldan par bza' zhing spyad pa'o/ /de la phan zhing  dgos pa byed pa'i gzhung la ni le'u zhes bya ste
 de bshad cing rnam par phye ba bstan par bya'o/ /dus kun tu ni tshod zin bza' / /de ni me drod skyed byed yin zhes bya ba la/ skyes bu nad med pa 'am/ nad dang ldan pa yang rung ste/ des dus kun tu ces pa dus thams cad du zas kyi tshod rin cing/ de dang ldan par
 bza' bar bya'o/ de ci'i phyir zhe na/ gang tshad dang ldan par bza' ba la 'jug par ne me'i drod skyed par byed pa yin te/ rang gi bya ba smin pa'i rang byed par nus pa yin no/ /de ni tshod ran par bza' zhing tshod zin par za ba dang tshod zin par btung
 ba dang/ tshod zin par bldag par bya'o zhes blta bar bya'o/ /tshod ran pa'i mtshan nyid ni slob dpon gyis 'di ltar bshad de/ tshad kyang me'i drod gyi stobs dang/ zas kyi dngos po las bltos bar bya dgos te/ zas kyi stobs bar gnod pa ni
 skyed pa dang/ snying gar thogs par mi byed pa dang/ rtsibs logs gnyis su zug cing gnod par mi byed pa dang/ pho ba shin tu mi lci bar dang/ dbang po tshim zhing rtas par byed pa dang/ bkres pa dang/ skom pa dang bral ba dang/ gnas dang stan dang mal
 dang/ 'gro ba dang/ dbugs 'byin pa dang/ dbugs rdub pa dang/ gtam zer pa nad do bar gnas pa dang/ dgongs ka dang/ nad par bde bar yongs su zhu ba dang/ stobs dang kha dog nye bar 'phel bar byed pa ste/ 'di dag ni tshad dang ldan pa'i
 mtshan nyid yin no/ /'di dag gis kyang tshad dang ldan zhing tshod zin pa gtso bo yin te/ se 'bru dang/ skyur po la sogs pa'i rdzas me'i drod skyed par byed pa'i rang bzhin can de tshad dang ldan par zos na/ me'i drod bskyed par 'gyur gyi/ tshad dang mi ldan pas ni ma
 yin no/ /lci zhing rang bzhin g.yung ba'i rdzas 'o ma dang bu ram gang la sogs pa lta smos ci dgos ste/ de bas na rdzas ni lci ba 'am yang ba 'ang rung/ tshad la bltos par bya ba yin zhes bya ba la/ rdzas lci ba ni bu ram shing dang/ 'o ma dang/ 'bru dang
 mon sran gre'u dang/ rlan can gyi sha rnams so/ /yang ba ni char gyi chu dang/ rak+ta sha li zhes bya ba la 'bras rtsa snar? dang/ drug cu dang/ mon sran rde'u dang/ bya la wa'i sha rnams te/ de gnyi ga la yang tshad las bltos par bya ba yin te/ de rnams ni de la rag
 lus par gyur pa yin no/ /zhes bya ba'i don to/ rdzas lci ba 'am/ yang ba de dag za zhing spyad pa na/ zas kyi tshul la sogs par bya ba cha 'bya bar rtag tu bza' bar bya ba 'am/ yang na lci ba ni tshad las gzhan du bya la/ yang ba la ni tshad gzhan du
 bya zhes som nyir gyur pa de'i phyir smras ba ni/ lci ba las ni phyed 'grangs bya /yang ba las ni rab 'grangs min zhes bya ba la/ kha zas lci zhing 'ju dka' ba las ni phyed 'grangs tsam du bza' ba dang kha zas yang ba char chu dang/ sa lu tsa
 snang la sogs pa las ni/ rab tu 'grangs par mi bza' yi/ gzhan du na ran cing bde bar gnas pa tsam gyis 'grangs par bya dgos te/ gang gi phyir me dang rlung dag gis yon tan mang po yang ba la ni/ cha mnyam par gnas pas ma'i drod skyed par
 byed pa yin la/ tshod ma zin par nyes par zos su zin kyang nyes pa cung zad skyed pa yin no/ /rdzas lci ba la ni sa dang zla ba dang chu'i yon tan mang du gnas pas ma'i mi mthun par gyur cing/ thun mong gi yon tan gzhan yod pas me'i drod 'bri bar byed pa yi
 no/ /bde blag 'ju ba de tsam la tshod zin zhes ni bshad pa yin zhes bya ba la/ tshod ni tshad yongs su chad pa ste/ tshad ji tsam zos na bde blag tu gnod pa med par zhu zhing dengs par 'gyur pa de tsam gyis tshad tsam la ni tshod zin pa yin no zhes bshad cing bstan pa
 yin no/ /zas tshod ma zin chungs gyur na/ stobs dang gzi mdangs 'phel mi 'gyur/ /rlung gi nad ni thams cad kyi/ /rgyu nyid du ni gyur pa yin zhes bya ba la/ kha zas kyi tshod ma zin cing/ tshad las chung zhing dman par gyur par zos na stobs su yang mi 'gyur/
 gzi mdangs su yang mi 'gyur/ lus 'phel zhing rgyas par mi 'gyur ba dang/ de bzhin du rlung las gyur pa'i nad ma lus pa thams cad kyi rgyu nyid de/ bskyed pa'i rgyur 'gyur zhing 'byin par byed do zhes bya ba'i don to/ /tshad las shin tu ches pa/ yang
 nyes pa thams cad myur du skyad ces bya ba la/ tshad las shin tu chos pa ni zas lhag par mang po zos pa ste/ des ni nyes pa gsum po thams cad myur zhing rings par bskyed par byed cing rab tu g.yo bar byed do/ /ma zhu'i zas ni mi bzad pa/ /de yis rlung sogs
 gzir gyur pas/ /gcig car rnam par 'khrug 'gyur gyi/ /de nyid du ni zhugs gyur nas/ /rtsa sgo 'gag cing be'u snabs bskyed/ /steng dang 'og gi lam dag tu/ /skyod pa gsung cing zug phyed pa/ /brkam chags can la 'phral skyed byed/ /ces
 bya ba la/ zas ma zhu zhing lhag par zos pa mi bzad cing gnod par gyur pas des rlung sogs zhes pa/ rlung dang mkhris pa dang bad kan 'khrug cing g.yo bar gyur pas cig car de rnams dus gcig tu 'khrug cing ldang bar byed ba na/ rtsa sgo nga gags
 shing zhes pa ste/ rtsa sbubs 'gags par byas pas/ be'u snabs zhu ba zhes bya ba'i nad bskyed par 'gyur ro/ /ci zhig byas nas de skyed ce na de nyid du ni zhugs gyur nas zhes pa ste/ zas ma zhu ba de nyid kyis? nang du rlung la sogs pa zhugs
 shing de dang gcig tu gyur cing 'dres par gyur nas be'u snabs kyi nad skyed par byed pa yin no/ /de bzhin du zas ma zhu zhing 'dug pa de nyid du zhugs nas/ steng dang 'og gi lam dag tu bskyod cing/ bla 'og tu dri ma dang/ zas la sogs pa phyi rol tu
 'gren cing 'pho bar byed pas na/ de nyid kyi rgyus gsung ba'i zug gzer drag pa skyed par byed pa yin no/ /su zhig la zhe na/ brkam chags can la zhes bya ba ste/ bza' btung la chags shing blto 'dun can te sems ma bsdams pa dag la gnod pa 'di lta
 bu 'phral du bskyed cing 'byung bar 'gyur ro zhes bya ba'i don to/ /de yang phal cher shes rab nyes pa yis/ /nad kyi tshogs ni skye bar 'gyur/ /zas la brkam pa'i mi rnams la/ /khyad par du ni gsung pa 'byung zhes bshad pa yin no/ /de las rlung las
 gzer mgo 'khor/ /khong spos 'dar zhing dengs sogs 'gyur/ /mkhris pa las ni 'khru rims 'debs/ /khong tsha sgom zhing la? sogs 'gyur/ /bad kan rlon zhing yan lag lci/ /tshigs thogs?  mchil ma mang bar 'gyur bya ba la/ de lan?
 zhu ba la rlung la sogs pa'i nad gzhi shas che ba las nad 'di dag tu 'gyur te/ de las kyang rlung las gyur pa'i ma zhu ba'i khong pa gzer ba dang/ mgo 'khor zhing lci ba dang/ khong sgo ba la sogs par 'gyur ro/ /mkhris pa dang 'dres pa'i
 ma zhu ba las ni 'khru ba la sogs pa'i nad skye bar 'gyur ro/ /bad kan gyi shes che ba las ni slon zhing skyugs pa dang/ yan lag lci ba dang/ tshigs thogs pa dang/ tshigs 'byin mi nus pa la sogs par 'gyur ro/ /ma zhu ba be'u
 snabs can dang gsung cing gzer zug can gyi mtshan nyid bsdus pa las/ ming don dang ldan pa bshad pa ni/ zas ni 'ju bar ma gyur la/ /steng dang 'og tu mi 'gro bar/ /ma zhu'i gnas su be snabs 'gyur/ /des ni be snabs can zhes pa dang?/ /rlung la sogs
 pa rab 'khrugs pas/ /gzer zugs sna tshogs kyis zug cing/ /khab kyis lus ni 'bigs ba ltar/ /rno bar zug pas gsung gzer yin/ zhes pa'o/ /khyad par du nyam chung zhing me drod zhan dang shugs bkag pa'i/ /zas ni rlung gos bkag pa dang/ /bad
 kan gyis ni bar bkag pa'i/ /nyes pas ba snabs dkrug pas na/ /zugs rdu zugs pa lta bur mnan/ /'khru dang slon par mi byed pa'i/ /gzer la sogs pa mi bzang pa be snabs de yin zhes bya ba/ /khyad par du zhes pa mchog tu yang skyes bu shin
 tu nyam chung zhing sbeg par gyur pa dang/ de bzhin du me drod zhan pa ste/ bad kan mang pos pho ba'i me drod nyams par gyur pa dang/ shugs bkag pas zhes bya ba/ phyen dang bshad pa dang/ lci ba'i shugs bkag par gyur ba'i skyes bu'i zas ni rlung gnad kyis
 lam nye bar bkag par byas pa dang/ de bzhin du bad kan gyis bar du zhes pa dbus su lam bkag pa'i rgyus ni/ zas de be'u snabs su gyur cing/ phyi rol tu 'byung bar 'gyur la/ 'ju ba'i sgo med par gyur pa'i nyes pas be snabs su byas nas dkrugs
 shing rnam par bskyod pas ma zhu ba'i be'u snabs te/ zug rdu zug ba lta bu nyid du kun tu gnas shing gzer ba dang khong tsha ba dang/ yan lag snyom zhing zug pa la sogs pa'i na/ rnam pa mang po'i spyi'i rgyur gyur bas zas de mar 'khru ba dang yang slon
 par mi byed pas de ma gtogs par/ ji skad du bshad pa'i rlung la sogs pa'i nad mi bzad cing mnag par dka' ba gang yin pa ni be'u snabs su gyur nas skyed par byed pas na/ nad de la ma zhu ba be'u snabs zhes bya'o/ /nye bar 'dug/ de snabs mi
 bzad kyis spubs bkag/ rtsibs logs kun tu drang por 'gro/ shing bzhin rengs par gyur na ni/ /ma zhu shing 'dra zhes bya ste/ /myur du gsod byed de spang bya zhes bya ba la/ rlung la sogs pa'i nyes pa shin tu 'dug pa ste/ shas cher
 gnod par gyur pa dang/ /be'u snabs mi bzad pa rnams kyi spubs bkag pa ste/ ma zhu ba'i be'u snabs mi bzad cing gdugs pas rtsa sbubs kyi khong stong rnam par dkag cing go skabs kyi bar chad pas rlung la sogs pa rnams rtsib logs
 kun tu thad kar phan tshun 'gro zhing/ brang por 'gro bas khyab par gyur bas/ lan 'ga' skyes bu de'i lus shing bzhin du rengs shing dpyag pa bsgreng ba ltar gyur na/ lus g.yo bar mi nus par byed par gyur na ni/ de'i tshe nad de'i ming ma zhu ba'i
 shing 'dra ba zhes bya ste/ des ni myur du gsod cing 'chi bar byed pas gsor mi rung ba ste/ de spang zhing dor bya ste/ de ni zug thabs shing 'dra ba'i ma zhu ba zhes bya'o/ /mi 'phrod lhag za mi zad par/ /zad byed ma zhu dug gis ni/ /mtshan
 nyid can de ma zhu ba/ /dug gi ming can gang yin te/ /dug gi tshul can myung gsod byed/ /gso dpyad bya bar dka' bas sdang zhes bya ba la/ mi 'phrod pa ni zas bsrung ba'i le'u yi skabs su bshad pa/ rlan can gyi sha la sogs pa dang/ 'o ma la sogs
 pa lhan cig bza' ba ma 'phrod pa la sogs pa yin no/ /lhag par za ba ni zas kyis 'drangs pa'i steng du yang za ba'o/ /ma zhu bar za ba ni sngar de bzhag gi zan ma zhu bar gang za bar byed pa'o/ /de ltar na mi 'phrod pa za ba dang/ lhag par za ba dang
 ma zhu bar za ba'i skyes bu de ni dug gi mtshan nyid can de/ ma zhu ba'i nyes pa dug gi mtshan ma can gyi ma zhu ba dang/ mi bzad pa shin tu gsor mi rung ba dag gi ming can te/ dug dang mtshan ma 'dra pa'i dug gi tshul can te/ dug dang mtshan ma
 'dra ba yin pa'i phyir rul? gi tshul can te/ dug dang tshul 'dra ba dang/ myur du gsod par byed pa dang/ gso zhing bcos? par bya ba'i dpyad bya bar dka' bas sdang zhing dor bar bya ba'o/ /de yang gang gi phyir ma zhu ba ni bya ba dro bas gso dgos na/ de dug gi dbang gis ma 'bro
 ba ste/ dug ni bsil bas gso bar bya ba yin pa'i phyir/ dug yin pas ba bsil ba phan la/ de ni ma zhu ba'i be snabs la mi 'phrod de/ /ma zhu ba ni dro ba'i bya ba'i rim pas gso dgos pa yin no/ /de bas na mtshan nyid gnyi ga dang ldan pa'i/ ma zhu ba'i
 dug gi ming can de ni gsod par byed pa yin pas spang zhing dor bar bya ba kho na yin no/ /de bas na ma zhu ba be'u snabs 'gyur ro/ gsor dung shu dag rgyam tsha dang po son char cu chu dron no/ /'thungs pas skyug bcug ces bya ba la/ de nas zhes bya ba ni bkra shis pa'i
 don te/ ma zhu ba be'u snabs la sogs pa ni shin tu mi bzad cing/ bsod par byed pa yin pa las/ ma zhu be'u snabs su gyur pa gang gsor dung zhing bcos pa'i thabs yod pa'i ma zhu ba de ni myur du skyug du gzhug cing slon par bya'o/ /ci zhig
 gis slon du gzhug tsam shu dag dang rgyam tsha dang/ po son cha bskol ba'i chu dron po 'thungs pas skyug tu gzhug go/ de nas ni dug dang/ mas btang reng bu dag/ dri ma rlung dag legs rgyu sbyor zhes bya ba la de nas zhes bya ba skyag sman
 btang ste/ slon pa'i rjes nyid la ma zhu bas nyen pa la dugs bya ste/ ma zhu ba be'u snabs can gyis nyen pa la drugs kyi le'u las bshad pa'i dugs rnams ci rigs su bya ba dang/ de bzhin du mas btang ba'i reng bu ste/ po son cha dang
 khang pa'i dung pa dang/ lan tshwa la sogs pa la byas pa/ dri ma dang rlung dag legs par rgyu bar byed pa ste/ bshad pa dang gci ba dag phyir 'byung ba'i rlung ngang gi gnas su 'jog par byed cing phyir 'byin par byed pa spyad par bya zhing btang bar
 bya ste/ de yang gang gi phyir phral du legs par dag pa ni gnod pa de ni zhi bar 'gyur zhes bshad pa yin no/ /yan lag 'khums par gyur pa la/ shin tu dugs bya dkri bar bya zhes bya ba la/ lag ngar la sogs pa'i yan lag 'jam pa 'dra bar
 gyur cing/ yon por 'khums par gyur pa dag la shin tu dugs byas nas 'jam pa nyid du 'gyur pa dang/ bal 'jam po'i gos la sogs pas dkri bar bya'o/ /gsung nas shin tu 'phel ba dang/ /rting bar me btsa' gdab par bsngags zhes bya ba la/ ma zhu ba
 gzer thabs can shin tu 'phel cing stobs can du 'gyur ba la/ rkang pa'i rgyab kyi cha long mo'i 'og/ rting pa zhes bya ba de gnyis su lcags kyi mthur ma la sogs pas me btsa' btab pa ni bsngags pa yin no/ /de ni nyin par smyung bar bzhag/ /khrus btang lta bur
 nye bar spyad ces bya ba la/ ma zhu ba be'u snabs dang gsung bas nyen pa'i skyes bu de ltar byas pas/ slon dang 'khrus kyis dag par gyur pa de'i rjes la de'i nyin par smyung bar bzhag cing zas spyad pa dang/ khrus btang lta bur 'bras thug slan te/ ska ba la sogs pa'i
 sbyor ba'i rims kyis gso bar bya'o/ /ci'i phyir ma zhu ba'i be'u snabs gsor rung ba la skyugs sman la sogs pa bya ba bstan gyi/ gzer 'joms par byed pa'i sman shing kun la sogs pa ma bstan pa dang/ gsung ba gsor dung ba la rting par me btsa'
 bstan gyi/ slon dang 'khrus kyi gzeng 'joms pa la sogs pa byed pa 'ju bar byed pa'i sman la sogs pa ma bstan ces bya ba rtogs par byed pa dag dgag pa'i phyir smras pa ni ma zhus mi bzad nyen gyur kyang/ /gzer 'joms sman ni btud mi bya//
 be'u snabs ma zhu me drod nyams/ /nad kyi sman ni 'ju mi nus/ /de yis nad pa 'phral du ni/ /mthu zhing 'chi ba dag tu 'gyur/ zhes bya ba la/ ma zhu bas ni sman btung bar mi bya'o/ /zhes tshig sbyor bar bya'o/ /zas zhu zhing smin par ma nus pas na ma zhu ba
 ste/ /zas 'brum? nus pa des mi bzang ba nyen par gyur cing/ shin tu gzer zug pa dang ldan par gyur kyang/ gzer 'joms pa'i sman shing kun can gsum pa la sogs par gtung bar mi bya'o/ /de ci'i phyir zhe na/ be'u snabs ma zhu bas me'i drod nyams shing ma zhu ba'i
 nyes pa bcom pa'i me'i drod des ni ma zhu ba'i nad kyis sman dang zas kyi rigs 'ju zhing sman par bya bar mi nus so/ /des na sman dang zas dang nyes pa 'di dag gis ma zhu bas nyen pa'i nad pa 'phral du de'i mod la thu zhing gnod pa'i khyad par 'phel zhing sman
 gyi sbyor ba nyid kyis 'chi ba dag nyid du 'gyur ro/ /kha zas zhu nas lto ba ni/ /rtsub srar gyur la sman bag kyang/ /nyes pa'i lhag ma spyang phyir dang/ /pho ba'i me ni bskyed phyir btang zhes bya ba la/ skyes bu'i kha zas zhu zhing smin par gyur du zin kyang/ lto ba rtsub
 cing sra bar gyur pa ste/ pha ba rem rem por gyur pa la/ nyes pa'i lhag ma zhu zhing sbyar ba'i phyir dang/ pho ba'i me drod bskyed par bya ba'i phyir/ /sman btang bar bya zhing sbyang bar bya'o/ /ma zhu'i bar 'gyur ba zhi ba dang/ /nyams dmad bar ni byas las 'gyur zhes
 bya ba la/ ma zhu ba'i 'gyur ba zhes pa zas ma zhu ba'i nyes pa byung ba'i be'u snabs dang/ snyoms pa dang/ gzer ba la sogs pa rnams la zhi ba dag ni nyams dmad pa/ /smyung ba dang zhi bar byas pa dag dubs dag pas pa las de nye bar zhi zhing nyams dmad
 par 'byung bar 'gyur ro/ /de gsum nyes pa rnam gsum ni/ /brtags nas rab tu sbyang bar bya zhes bya ba la/ nyams dmad par bya ba de ni smyung ba dang/ zhu bar byas pa dang/ dugs bya ba rnam pa gsum yod la de nyes pa rnam gsum la zhes pa/ chung ngu dang bar
 ma dang/ chen po'i tshul btags shing rim pa 'dis/ chung ngu la sogs pa'i nyes pa'i dbye bas so sor brtags shing dpyad nas rab tu sbyar bar bya'o/ /de mchung la smyung ba phan/ /'bring la smyung dang bzhu bya ba/ /chen po la ni sbyang ba ste/ /de yis drin ma
 nas 'byin zhes bya ba la/ de la zhes pa nyes pa rnam pa gsum po la/ chung ngu la ni smyung bar gnas par nyams dmad pa phan zhing rjes su mthun par yin te/ des kyang me dang rlung 'phel bar byas pas dper na rlung dang then pas chu'i tshogs nyung zhig
 gi gnas skems par byed la bzhin du/ 'di la phan par 'gyur ba yin no/ /'bring la zhes pa nyes pa'i stobs 'bring tsam du gyur pa la ni smyung ba zhes bya ba zas bcad pa dang/ de bzhin du bzhu ba zhes bya ba shu dag dang/ pu rtse shel la sogs pa phan pa yin
 te/ de gnyis ni nyes pa 'bring po 'joms te/ dper na chu'i tshogs ha cang mi che ba la thal ba dang/ sa rdul dag dang 'dres pa'i rlung dang than po sa chu'i tshogs ha cang mi che ba skem par byed pa dang 'dra'o/ /che la zhes pa nyes pa mang po stobs dang ldan pa dag
 la ni spyad pa ste/ 'khrus dang slon la sogs pa'i tshul gyis nyams dmad par bya ba phan pa yin te/ gang gi phyir skyugs sman la sogs pas sbyangs pas de yis ni dri ma zhes pa/ rlung dang mkhris pa dang/ bad kan dang bshang ba dang gci ba la sogs
 pa rtsa ba nas 'byin cing gcod par 'gyur te/ dper na 'dam bu'i zhing chu med pa dag tu ni 'bras la sogs pa skye bar mi 'gyur ba dang 'dra'o/ /de bas na nyams ma thos pa'i ma zhu ba las byung ba la ni/ nyams dmad pa ma byas par zhi bar 'gyur
 pa ma yin la/ nyams dmad par gyur pa las byung ba la nyams brta ba ma byas par zhi bar 'gyur ba ma yin no/ /de bzhin nad gzhan dag la yang/ /rang nad gzhi las go bzlog pas/ /gso'o zhes bya ba la/ de bzhin du chung ngu la sogs pa'i
 rim pa 'dis/ rim pa la sogs pa'i nad gzhan dag la yang rang gi nad bzhi las go bzlog pas zhes pa/ rang gi nad kyi rgyu dang mi mthun pa'i sman gyis gso bar bya zhing bzlog par bya'o/ /de yang rang gi nad bzhi yin pas na/ rang gi nad
 gzhi ste/ rang gi rgyu gang yin pa'o/ /de las go bzlog pa ni de dang mi mthun pa ste/ dper na tshig zhing brtas par byas pa las byung ba'i nad la nyams dmad pa las byung ba'i nad de las bzlog pa ni brta bar bya ba yin pa dang/ de bzhin du lci ba dang/ snum ba dang/
 grang ba la sogs pa las byung ba'i nad la de dang mi mthun pa yang pa dang/ rtsub pa dang/ dro ba bya ba dang/ yang ba dang/ rtsub pa dang/ dro ba las byung ba'i nad la de dang mi mthun pa lci ba dang/ snum pa dang/ bsil bar bya ba la sogs pa
 lta bu'o/ /de dang rjes 'phrel yong rgyu las/ /go zlog rnam par spangs byas la/ /sman pa ci lta ci lta bur/ /nad la go bzlog sbyar ba 'am/ zhes bya ba la/ nad kyi rgyu las go bzlog pa'i sman byas su zin kyang/ nyes pa stobs dang ldan pas nad de dang rjes su 'brel pa
 yod cing/ shin tu zhen par gyur pa la rgyu las bzlog pa ste/ nad bzhi dang/ rjes su mi mthun pa'i sman spangs shing dor/ /sman pas ci lta ci ltar rigs shing ci ltar 'os pa'i sman nad las go bzlog pa'i sman de sbyar bar bya zhing sbyin par bya ste/ dper na rims la gla
 sgang? dang/ parba ta dang/ nas thug sla ba sbyin pa dang/ gcin nad la ser po rnam gnyis dang/ nas zan la sogs pa sbyin pa dang/ mkhris pa gyen du 'byung ba la khrus sman gyis 'og nas gdon par bya de bzhin du nad las go bzlog pa'i gso dpyad kyis
 bcos pa'i thabs kyi gtso bo rnam pa gnyis dang/ las rnam lnga du ba sman la btang ba dang/ mig sman la sogs pa dang bcas pa la sogs pa bya ba ste/ dper na gla skad dang parba ta mkhris pa sel bar byed pa yin du zin kyang/ rims 'joms par
 byed pa ste/ de ltar mkhris pa las byung ba'i nad gzhan la ni ma yin no/ /dper na skyer pa ni tshil dang/ bad kan sel bar byed pa yin du zin kyang/ gtso cher gcin nad 'joms par byed pa de ltar chil dang bad kan las byung ba'i nad gzhan dag yin
 de ltar ma yin na/ /'di dag kyang 'og nas slob dpon gyis rgya cher bstan pa yin no/ /de'i don byed pa'i sbyor ba bya ba ni rgyu dang nad kyis go bzlog pa de'i don byed pa ste/ 'di ni rgyu dang nad kyi go bzlog pa'i don byed pa'i tshul can yod pas
 na don byed pa ste/ de'i don ni nad bzhi las go bzlog pa dang/ nad la go bzlog pa dag la/ go ma bzlog par gyur pa'i las de'i don byed pa sbyor bar byas ste/ dper na skyug bro ba la slon sman btang ba 'am/ tshang bar 'khru ba la khrus byas pa 'am/ chang
 nad la chang sbyin pa 'am/ mes tshig pa la mes bsro ba 'am/ zhi ba dang/ rgyas pa'i las bya ba ste/ 'di dag ni bsdus pa las rgyas par bshad do/ /don gnyis kas byed pa lha rnams la yang brten cing/ sman gyi sbyor ba yang byed pa dang/ skyug sro ba
 la slon sman dang/ tshod pas 'khru ba la dri ma sbyar ba dang/ chang gi nad la chang blud pa dang/ mes tshigs pa la mes bsra ba dang/ mkhris pa nang du zhen pa'am lam log par song ba dugs bya ba dang/ kha ba dang skyur ba dang bka' ba' i ro la bsten cing dro ba da?
 grang ba'i spyod lam gyis gnas pas phyi rol tu gdon cing/ rang gi lam nas rgyu par bya ba dang/ bad kan nang du zhen cing rengs par gyur pa la/ phyi rol nas bsil ba'i nye bar spyod pa la gnas pas/ de'i gnod pa nang du zhugs nas/ bad kan bzhu bar bya ba ste/
 de lta bu'i go bzlog pa'i don byed do/ /nyes min me drod skyes gyur na/ nyams brta snum gyis byugs pa dang/ /btung dang 'jam rtsi sogs rigs sbyar zhes bya ba la/ nyes pa rnams smin cing zhu bar gyur pa ni/ ma zhu ba'i be'u snabs dang/ gsung ba la sogs bya?
 nyen pa de ma zhu ba'i nyes pa dang bral bar gyur cing/ nyes pa smin nas smyur ba la sogs pa bya bas/ pho ba'i me drod kyang skyes shing 'phel bar gyur nas/ nyams brta ba bya ba'i phyir/ /til mar la sogs pa'i snum gyis byug pa dang/ sman mar btung ba dang/ 'jam
 rtsi mas btang ba dag rigs par zhes bya ba yul dang dus la sogs pa'i cha las btags te/ cho ga bzhin du sbyar bar bya ba ni phan pa yin no/ /sogs pa'i sgras ni bcud kyis len pa dang/ /ro rtsa ba'i cho ga dag bsdu'o/ /'jam rtsi mas btang ba'i dbye ba yang dang por sbyar ba la
 sogs pa bya ba'i sgo nas/ rnam pa gsum yod de/ de dag kyang nad dang/ sman la sogs pa'i gnas skabs kyi tshul las brtags nas/ sman pas 'di dag rigs par bya'o/ /bad kan ma zhu'i be'u snabs te/ /de ni mig dang 'khur ba skrangs/ /sgreg bzos
 ma thag 'dra 'byung/ /mchil ma mang zhing nyes g.yo lci/ /zhes bya ba la/ bad kan 'phel ba las/ ma zhu bar gyur pa de gang yin pa de ni be'u snabs zhes bya ste/ de la bad kan gyi ma zhu ba'i mtshan nyid ni 'di yin te/ mig dang mkhur ba skrangs pa ste/ 'khur
 ba dang mig khung bur gtogs pa skrangs par 'gyur ro/ /de bzhin du sgregs pa zos ma thag pa'i 'dra ba 'byung ste/ ma smin pa 'byung bar 'gyur ba dang/ mchil ma shin tu mang zhing bad kan 'byung ba dang/ nyes pa rnams rang gi gnas nas g.yo ba 'am
 bad kan gyen du 'byung bar 'gyur ba dang/ lci bar 'gyur ro/ /rlung las rengs bag gzer pa dang/ gshang gci 'gags shing spos drod nyams/ zhes bya ba la/ rlung las gyur pa'i ma zhu ba'i gang yin pa de ni/ ming rengs bag ces bya ste/ de ni gzer
 zhing 'jug pa dang/ bshang ba dang/ gci ba 'gags shing thogs pa dang/ sbos shing gsus ba rgyas pa dang/ me'i drod nyams pa 'am yan lag snyoms par byed par gyur ro/ /mkhris pas khong tsha skom 'go 'khor/ /rmongs bag sgregs
 skyur zhing tsha zhes bya ba la/ mkhris pa las gyur pa'i ma zhu ba'i gang yin pa de ni khong tsha ba zhes bya ste/ de ni skom dang che ba dang mgo 'khor ba dang/ rmongs bag can sgregs par skyur ba dang/ lus tsha ba dang ldan par 'gyur ro/ /ma zhu'i be'u snabs smyung
 ba bya/ /rengs bag la ni dugs rab bya/ /tsha ba'i ma zhu skyugs sman dag /btang ba 'am gnas skabs gang phan bya zhes bya ba la/ bad kan las byung ba'i ma zhu ba be'u snabs la ni smyung ba ste/ zan bcad par bya'o/ /rengs rna ba ste/ rlung
 las gyur pa'i ma zhu ba ni dugs rab tu bya ba ste/ shas tshar dugs bya'o/ /tsha ba ste mkhris pa las gyur ba'i ma zhu ba la ni skyug sman btang bar bya'o/ /yang na gnas skabs ji lta ba bzhin du gsum po dag ci rigs par bya'o/ /ma zhu'i be'u snabs lci
 ba ni/ rtsa sbubs thim las yun ring can/ /bad kan rlung ni 'dres mtshan ma/ /de dang mnyam par sgrub par bya zhes bya ba la/ ma zhu ba'i be'u snabs lci bar gyur pa rtsa sbubs su thim zhing zhen par gyur pa las yun ring can zhes bya ba'i ma zhu ba'i
 khyad par 'byung bar 'gyur ro/ /bad kan dang rlung 'dros?  zhing rjes su 'brel bar gyur pa las byung ba'i ma zhu ba'i be'u snabs can gyi mchod ma mig skrangs pa la sogs pa dang ldan pa gang yin pa de la ni/ ma zhu ba de dang mnyam zhing mchud
 par bsgrub cing gso bar bya ste/ de ltar na de mi smyung bas bsgrub par bya ba yin no/ /dangs ma lus las zas dang chung/ /snying na sgregs pa mnam par 'gyur zhes bya ba la zas kyi dangs ma'i lhag ma lus yongs su ma zhu bar gyur ba las ni zas dang chung ba ste
 zas la mi dga' ba dang/ snying na zhing sgrogs pa mnam par 'gyur ro/ /'di la cung zad gnyid log bya zhes bya ba la/ dangs ma'i lhag ma zhu ba 'di la ni cung zad ces ba/ dus cung zad gcig gnyid log par bya'o/ /ma zhu kun gyis nyin
 par ni/ zas ma zos par gnyid log la/ bkres gyur yang las ran par bza' zhes bya la ma zhu bar gyur pa'i skyes bu kun gyis ni/ be snabs la sogs pa'i dbye bas rnam pa bzhi dang ldan par 'gyur pa kun gyis kyang/ zas ma zos par
 rten par gnyid log par bya la/ de nas de bkres par gyur cing zas la 'dod pa skyes par gyur nas/ 'bras la sogs pa las byas pa'i zas yang ba las ran par zhes bya ba chod zin pa nyung zad bza' bar bya'o/ /ma zhu spyi yi mtshan ma ni/ /rnam par 'gags sam
 shas cher 'byung/ /na zhing rlung ni mig gsal rgyu/ /mkhregs shing lus lci/ mag po 'khor zhes bya ba la/ ma zhu ba'i spyi'i mtshan ma 'am/ rtags su gyur pa ni/ bshang ba dang gci ba dang/ phyin la sogs pa sra zhing rnam par 'gags par 'gyur ba 'am yang na bshang
 gci la sogs pa shas cher 'byung bar 'gyur pa dang/ na zhing rmya bar 'gyur ba dang/ rlung mi gsal bar rgyu zhing shes par bka' ba 'byung bar 'gyur pa dang/ bshang ba mkhregs pa dang/ lus lci ba dang/ mgo bo bskor ba lta bur 'khor bar 'gyur ba ste/ 'di
 dag ni ma zhu ba bzhi char gyi thun mong gi mtshan nyid yin no/ /zas chod lhag par gyur pa nyid/ /gcig tu ma zhur mi bzad kyi/ /mi 'dod 'gag byed tshig mtshos/ /lci dang rtsub dang mi gtsang grang/ /khong tsha skom dang chu mang dang/ /bsres pa'i zas ni 'ju mi 'gyur
 mya ngan mkhro dang bkres pa yis/ /nye bar gdungs shing zas mi 'ju zhes bya ba la/ zas kyi tshod lhag par gyur par zos pa gcig pus ma zhu par gyur par ma zad kyi/ mi 'dod bzhin du zos pa dang/ 'gags par byed pa ste/ rtsa sgo'i sbubs kyi bgegs byed pa dang/ tshig pa
 ste btsos pa thal drags pa dang/ mtshos pa ste legs par chos gi nga smin par ma gyur pa dang/ lci ba ste 'ju bga' ba dang/ rtsub pa ste snum med pa dang/ mi gtsang ba ste ma dag pa dang/ grang ba ste khongs pa dang/ khong tsha ba ste lus kyi khong tsha bar byed pa dag bskyis?
 pa ste gal cher sa ba dang/ chu bar ba ste/ chu mang po dang bsras pa'i zas 'di dag ni/ 'ju bar mi 'gyur zhing yongs su dangs par mi 'gyur gyi/ be'u snabs kyi nyes pa 'ba' zhig skyed par 'gyur ro/ /gzhan yang gang mya ngan la sogs pas gzir bar zos pa de
 yang mi mthun pa yin te/ mya ngan ni mya ngan gyis gdungs pa'o/ /khro ba ni sems 'khrugs pa'o/ /bkres ni 'bru ba che bas gdungs pa ste/ de lta bu zos pa de yang 'ju bar mi 'gyur gyi/ ma zhu ba'i be'u snabs kyi nyes par 'gyur ro/ /phan dang mi
 phan bsres pa dag /zos pa mnyam za yin par 'dod ce bya ba la/ phan pa dang mi phan pa dang/ 'phrod pa dang mi 'phrod pa gcig tu bsres nas zos pa ni/ mnyam pa'i zas za ba yin par slob dpon rnams 'dod do/ /'grangs rjes slar yang za? gyur pa/ /lhag par
 za ba yin zhes bya zhes bya ba la/ kha zas 'grangs par zos shing longs spyad nas/ de'i steng du slar yang za ba za bar gyur pa gang yin pa de ni lhag par zhes bya bar shes par bya'o/ /? min chi ba 'am chung zos pa/ /mi mnyam par ni za ba yin zhes bya ba la/
 dus ma yin pa ni zas kyi dus las bab pa'am/ dus las yol bar za ba'o/ /che ba ni gang lhag par zos pa'o/ /chung ba ni tshad las chung zhing dman par zos pa ste/ de dag na mnyam par za ba ?? shes par bya'o/ /gsum po 'dis kyang gsod pa 'am/ mi
 bzad nad kyis 'debs par 'gyur zhes bya ba la/ mnyam par za ba dang mi mnyam par za ba ste/ gsum po 'di dag gis kyang gsod cing 'ching bar byed pa 'am mi bzad cing skyed par byed do/ dus su goms shing gcang la phan/ /snum dra yang dang ma
 yengs dang/ /ro drug ldan zhing mngar bag che/ /shin tu myur min ngal bar min/ /khrus byas bkrem shing dben par gnas/ /kha dong lag pa rkang pa bkrus lha dang yi dags rjer cing sbyin/ /bla ma byis pa mgron chod byas/ /dud 'gro rnams kyang rab brtags
 te/ bdag nyid legs par brtags nas ni/ /ma dmar smra'am yid 'ong smra/ /skye bo gtsang zhing gus pas bstabs/ /yid 'ong gnyen dang lhan cig bza' zhes bya ba la/ zas ni dus su bza' zhing longs spyod par bya'o/ /zhes bya bar spyad la/ de yang dus ni
 bshad dang gci bsal zhes bya ba la sogs pa'i gzhung gis 'og nas bshad pa yin no/ /dus yol nas zos pa de ni rlung gis bkag pas shin tu bka' bas 'ju bar 'gyur ba dang/ zas len cing yi gar 'ong ba 'gags par 'gyur ro/ goms pa zhes bya ba 'di
 na/ bdag nyid kyis goms shing bstan par gyur na 'phrod par gyur pa yin gyi/ de las go bzlog pa mi 'dod cing gnod pa ni ma yin no/ /bcang? pa ni gang las 'ongs shing ci ltar g.yos pa shes par bya'o/ /phan pa ni zas kyi rigs gang gis khams snyoms
 pa mnyam pa nyid du 'jog par byed cing/ ma snyoms pa rnams snyoms par byed pa'o/ /de las bzlog pa ni mi phan pa'o/ /zas snum pa dang/ dro ba dang/ yang bas ni me'i drod bskyed par byed de/ cung zad dro bas ni lus sbyor zhing lus zungs 'khrug par mi byed
 pa dang/ myur du 'ju bar byed pa dang/ lam ma yin par zhugs pa rnams bzlog cing lugs su 'jog par byed do/ /snum pa ni dbang po rnams brtan par byed pa dang/ lus brtas shing 'phel ba dang/ rgas sra ba dang/ stobs bskyed pa dang/ kha dog dang bar byed
 pa yin no/ /yang ba nings? kyi yang bzhin gyis gnod pa med par 'ju bar 'gyur la/ ma zhun yang gnod pa chen po med pa yin no/ /yang dro bas na yi ga 'byed par byed pa dang/ bad kan 'jig par byed pa yin no/ /ma yengs pa ni yid la gtod pa ste/ yid gzhan
 du yengs pa 'am/ shin tu myur bar za ba 'am/ smra bzhin nam/ rgod bzhin du za na/ snum mdangs mi bskyed pa dang/ rmya ba dang/ gnas su ma chad pa dang/ yon tan dang/ skyon mi gtogs par 'gyur ro/ /ro drug ldan zhing che bya ba ni mngar ba dang skyur ba dang
 lan tshwa dang/ kha ba dang tsha ba dang/ bska ba'i ro dang ldan pa'o/ /mngar bag che zhes bya ba ni/ phal cher mngar ba'i shas mang bo'i shin tu dal ches par bza' ba ni ngoms shing mchog par bka' ba dang/ mang du za bar 'gyur ba dang/ zas kyi bag grangs par 'gyur pa dang/ 'ju
 dka' bar 'gyur ro/ /'khrus byas pa ni gtsang sbra'i cho ga byas pa'o/ /bkres pa ni bru ba tsha ba dang ldan pa'o/ /dben par gnas pa ni skye bo mang pos ma bskor ba'o/ /kha gdong lag pa rkang pa dkrus zhes bya ba ni/ kha gdong lag pa rkang pa
 gang gis dkrus shing dag par byas pa'o/ /de bzhin du lha rnams mchod cing rjod pa dang/ yi dags la sbyin bar bya ba dang/ bla ma dang byis pa dang/ mgron du bos pa 'am/ glo bur du 'ongs pa la mchod cing sbyin par bya ba dang/ khyi la sogs pa la
 yang sbyin zhing/ phyugs la sogs pa'i dud 'gro rnams kyang rab tu brtags shing/ rtswa la sogs pa sbyin la bdag nyid legs par brtags nas ni/ zhes bya ba la/ nga'i 'di ni goms shing bstan pa yin no zhes pa dang grtag tu bag yod pas gnas
 pa dang/ mi dmang pa ste zas la dpyas mi brjod pa dang/ mi smra ba'am/ yid du 'ong zhing rjes su mthun pa cung zad cig smra ba dang/ skye bo gtsang zhing gus pas bstabs shing byin pa 'am/ g.yos su byas pa de yid du 'ong zhing snying du sdug pa'i gnyen par lhan
 cig bza' bar bya'o/ /zas ni rtswa dang/ ba? spu sogs/ 'dres shing khong bu slar bsros dang/ tshod ma zas ran mang ba dang/ tshes ches lan tshwa mang ba dang/ /phrum dang zho dang phrum skam dang/ /ba tshwa tshwa dang la phug rjen/ /phag rgod lug dang ba lang nya/
 ma he sha dang rid dang rkam/ /mA Sha chu ldum ni shwa? pa/ /pad rtsa 'bras khur myu gyur 'gyur/ /tshod ma skam dang nas 'dra dang/ /bu ram phra mo bza' mi bya zhes bya ba la/ phrum nas bu ram phra mo'i bar du bza' bar mi bya'o/ /bza' mi bya zhes bya ba
 'dis ni 'di skad ston pa yin te/ phrum dang chang la sogs pa rtag tu goms par rgyun du bza' ba bkag pa yin gyi/ 'di dag lan 'ga' yang bzar mi rung bar bkag pa ni ma yin no/ /de la phrum ni pa'i 'o la sogs pa las byas pa'o/ /ba tshwa
 ni la? bgrang la sogs pa'o/ /tsha ni chang thams cad shin tu skyur bar song ba'o/ /la phug rjen pa ni la phug rgan po'o/ /sha zhes bya ba ni ring pa la sogs pa kun dang sbyar ro/ /ring ba ni pags pa dang rus pa tsam lus pa'o/ /skam ba ni rlan med pa'o/ /nispa pa ni gang bu can gyi
 'bru'i bye brag cig go /chu rdam? ni utpa la la sogs pa'i sdod bu'i tshod ma'o/ /'bras khur ni sA lu/ sogs pa btags pa las byas pa'i khur ba'o/ /myu gur gyur pa ni 'bras la sogs pa'i khyi gu so 'thon pa'o/ /ya pa ka ni gra ma can gyi 'bru'i bye brag
 go /bu ram bra mo ni bu ram gyi khyad par chung ngu zhig go /sA lu'i 'bras dang gro dang nas/ /drug bcu pa dang skam pa'i sha a ru skyu ru rgun 'bru dang/ /mutga kha ra pa to la/ /zhun mar char chu 'o ma dang/ /sbrang rtsi se 'bru rgyam tshwa bza' / /mig dang stobs phyir
 mtshan mo ma'o/ /'bras gsum sbrang rtsi mar sar bza' / /mi nar 'jog par byed dag dang/ /nad sel byed ba gang yin bsten zhes bya ba la/ rak+ta sha li la sogs pa'i sA lu'i 'bras chan la sogs pa dang/ skam pa'i sha rtag tu bza' bar bya'o/ /de bzhin ?mig
 la phan pa dang/ lus kyi stobs bskyad par bya ba'i phyir/ mtshan mo'i dus su 'bras bu gsum dang/ sbrang rtsi dang mar sar du sbyar ba bza' bar bya'o/ /gzhan yang sman gyi rigs gang ma smos su zin kyang/ smin par byed cing bar 'ju bar byed pa gang yin pa
 dang sman gang nad sel zhing 'joms par byed pa de yang bsten cing bza' bar bya'o/ /bad rtsa gur shing tso? tsa dang/ mo rtsa a mra'i 'bras bu dang/ /la ? khur ba bu ram can/ /zas ni lci zhing snum pa dang/ /mngar zhing 'ju dka' brtan pa rnams/ /dang po
 nyid du bza' bar bya zhes bya ba la/ pad+ma'i rtsa ba la sogs pa'i zas kyi dang por thog mar nyid du dga' bar bya'o/ /tso tsa ni brgya ltar gyis 'bras bu'o/ /mo tsa ni chung gi 'bras bu'o/ /khur ba bu ram can ni bza' ba'i khyad par ro//
 'ju dka' ba ni nor btul ba'o/ /brtan pa ni brtan por gnas pa ste/ dag? man bza' bar bya'o/ /de las bzlog pa tha mar bza' / /bar du sgyur tsha lan tshwa can zhes bya ba la/ sngar bshad pa de las go bzlog pa ni/ yang ba dang/ rtsub pa dang/ tsha ba dang/ rno
 ba dang/ g.yo ba'i rang bzhin can gyi yan lag rnams kha ba dang/ tsha ba dang/ bskar ba'i mtshan nyid can zas kyi tha ma rdzogs pa'i dus su bza' bar bya'o/ /zas kyi bar du ni skyur ba dang tshwa ba dang/ lan tsha can bza' bar bya'o/ /lto yi cha gnyis zad kyi ste/ cha
 gcig skom gyis dgar bar bya/ /rlung la sogs pa'i gnas su ni/ /cha gzhi bar ni lhag par bzhag ces bya ba la/ /lto'i cha gnyis ni zas kyis dgar bya'o/ /lto'i cha gcig ni skom ste/ btung ba sang gang par bya'o/ /rlung la sogs pa'i nyes pa rnams kyi gnas
 dang/ rten du ni lto'i bzhi ba lhag mar bzhag cing lus par bya'o/ /'di ni rnam pa thams cad du bya ba ma yin te/ de yang gzhung las/ rlung me'i shas chung nad med dang/ rgyal po'i bde ba'i bdag nyid la/ /rim 'di rtag tu sbyar bya yi/ /gzhan dag
 la ni des pa med ces bshad pa yin no/ /de ltar zas zos zin nas/ /de'i rjes la skom btung ba bya ba yin pas na/ de'i phyir smras pa ni/ zos rjes skom ni bsil ba'i chu/ nad dang bag phye'i g.yos byas zos/ /zho chang dug 'bags sbrang rtsi la/ chu ba sil
 rjes su 'thungs na phan zhes bya ba la/ zas zos pa'i rjes la skom du btung ba ni chu gnyis bzang ba yin te/ ro thams cad kyi skye gnas yin pa'i phyir dang/ sems can thams cad kyi thun mong gi longs spyod yin pa'i phyir dang/ 'tsho bar byed ba la sogs
 pa'i yon tan dang ldan pa'i phyir ro/ /de yang khyad par ni bsil zhing grang ba'i yon tan dang ldan pa'o/ /de yang gang dang rjes su 'thun zhe na/ nas dang bag phye las g.yos su byas pa zos pa dang/ zho dang/ chang dang/ dug dang/ sbrang rtsi zos pa'i rjes la 'thungs
 na phan zhing bde bar 'gyur ba yin no/ /mi 'ju 'gags la chu dron btang/ /tshod ma mutga'i gnod pa la/ /zho dang chu dang dar ba dang/ rang skyur rtsab mo btung bar bya zhes bya ba la/ gang zas mi 'ju ba dang/ gshang gci 'gags pa la ni chu bskol bar mon btung bar
 bya ba la/ tshod ma dag dang/ /mutga zos pa las gnod par gyur ba'i nad la ni zho ga chu dang/ dar ba dang/ 'bras bu mnan pa'i rang skyur gyi tsha ba mo btung bar bya'o/ /skem po rgyas bying chang btung ste/ zhes bya ba la/ mi skem zhing sha chung ba dag la lus rgyas
 shing lus zungs 'phel bar bya ba'i phyir/ /skom du chang btung ba phan pa yin no/ /sbom pos sbrang rtsi chu btung ngo zhes bya ba la/ mi sbom zhing sha che ba dag skem por bya ba'i phyir/ skom du sbrang rtsi'i chu btung ba ste/ sbrang rtsi dang chu sbyar ba'i skam btung bar bya'o/ /gtsod? chen nad la
 sha khu btung zhes bya ba la/ gtsod zhes bya ba zad byed kyi glo gtsod chen po na ba la sha khu btung bar bya'o/ /drod chung sha zos chang btung bya zhes bya ba la/ me drod chung zhing sha zos pas ni skom du chang btung bar bya'o/ /nad dang sman sogs sbrang bud med/ /zan bcad
 dka' thub las rnams kyi/ /skem dang byis pa rgan po la/ 'o ma bdud rtsi lta bur phan zhes bya ba la/ nad pa la sogs pas nyam chung zhing rmya bar gyur pa'i mi dang/ skem ba dang/ byis pa dang/ rgan po dag la skom du 'o ma btung ba ni bdud rtsi lta bu phan par byed pa yin no/ /mdong na
 zos rjes btung bdag/ /gang zhig zas dang yon tan ni/ /mi 'thun mi 'phrod med gyur la/ /de ni rnam pa kun tu bsngags/ /zhes bya ba la/ mdor bsdu na zas kyi rjes la skom du btung bar bya ba ni gang zhig zas dang mi 'dra zhing de dang par bzhin mi mthun par
 gyur ba de ni/ dus rnam pa kun tu bsngags shing phan par 'gyur ba yin la/ de yang mi 'phrod pa med par gyur pa'o/ /de yang dper na snum pa la rtsub pa dang/ rtsub pa la snum pa dang/ grang ba la dro ba dang/ dro ba la grang ba dang/ mngar ba la skyur ba dang/ skyur ba la
 mngar ba dang/ mngar ba la kha ba dang/ kha ba la mngar ba'o/ /de ltar na ni 'o ma las g.yos byas pa'i zas dang/ 'o ma las gyur pa rnams la skom du rang skyur gyi rtsab mo la sogs pa btung bar bya dgos te/ zas kyi yon tan las yon tan mi mthun
 pa med pa yin pa'i phyir ro zhe na/ de'i phyir mi 'phrod pa med ces bya ba'i tshig smos pa yin te/ rtsab mo rang skyur la sogs pa skyur ba gang yin pa de ni/ 'o ma la sogs pa dang yon tan mi mthun par gyur pa yin du zin kyang/ de ni mi 'phrod pa
 yin te/ 'o ma dang skyur lhan cig bza' ba ni mi 'phrod pa yin no/ /zhes sngar bstan pa'i phyir ro/ /de bas na gang zas dang/ skom dang yon tan mi mthun zhing/ mtshan nyid tha dad kyang mi 'phrod pa med par gyur pa btung ba de mchog tu bsngags pa
 yin no/ /da ni skom 'thungs pa'i yon tan smras pa ni/ zan rjes skom 'thungs ngoms dang khyab/ /stobs 'phel lus ni brtan byed la/ /zas slud snyi bar 'gyur ba dang/ /'brul zhing rnam par 'jug par 'gyur zhes bya ba la/ zas kyi rjes la skom 'thungs
 pa ni doms shing tshims par byed pa dang/ lus khyab cing rdzogs par byed pa dang/ gzi mdangs 'phel zhing brtas par byed pa dang/ de bzhin du lus brtan par byed pa dang/ yan lag brtan par byed pa dang/ de bzhin du zas kyi tshogs sdud cing gcig tu
 gnas par byed la/ sgong par byed do/ /snyi bar byed pa ni zas bsdus pa de lhod cing snyi bar byed pa dang/ zas de nyid 'drul par byed cing sla bar byed pa dang/ de bzhin du rnam par 'ju zhing bde bar 'ju bar byed par 'gyur ro/ /de ni nam tshod yan chad nad//
 dbugs lung glo rdol cham pa dang/ /glu len smra mang la chags dang/ /skad 'gags pa la gnod pa yin zhes bya ba la/ skom 'thungs pa de ni/ nam tshod yan chad kyi nad la gnod pa yin no/ /de la nam tshod ni mchan khung dang/ dpung pa g.yas
 ga? yin gnyis kyi bar mtshams la nam tshod zhes bya ste/ de yang lung las/ nam tshod mgo dang ske ba'i brten/ /mgo 'dzin zhes kyang bshad pa yin zhes 'byung pa yin no/ /de ltar na de yan chad kyi yan lag gi nad la gnod pa yin no/ /de bzhin du dbugs
 mi bde ba dang/ lud pa mang ba dang/ glo brdol ba dang/ cham pas btab pa la yang gnod pa yin no/ /de bzhin du glu len pa dang/ smra ba mang po la chags shing yang dang yang du slob pa dang/ skad 'gags pa la yang gnod pa yin te/ de rnams kyi ma zhu pa'i
 gnas la gnod bar gyur nas/ lkog mar gyur pa'i zas las byung pa'i snum dang 'dres te/ slon pa la sogs pa'i nad skyed bar 'gyur ba yin no/ /lus la rnag 'dzag gcin nad mig /lkog nad rma'i nad kyis nyen/ /skom spang zhes bya ba la/ gang gi
 lus la mdze la sogs pas nyen cing rnag 'dzag par gyur pa dang/ de bzhin du gcin nad de/ lkad? ba'i nad yod pa dang/ /mig na ba dang/ /lkog min ngan ba dang/ rma'i nad kyis nyen cing gnod par gyur pa ste/ de dag thams cad kyis skom spang zhing dor bar bya'o/ /kun gyis skoM
 'thungs nas/ mang smra lam zhugs nyel ba spang zhes bya ba la/ kun gyis zhes bya ba nad med pa 'am/ nad dang ldan pa'i mi thams cad kyis kyang skom 'thungs par gyur pa'i rjes thogs la mang du smra zhing 'don pa dang/ lam du zhugs shing 'gro ba dang/
 nyal zhing gnyid log pa ste/ dus de'i tshe nyid 'phral du bya ba dag spang zhing dor bar bya'o/ /zas zos nas ni nyi tshan me/ rta zhon rkyal dang 'degs pa spang zhes bya ba la zas zos pa'i rjes thogs nyid la nyi mtshan la sogs pa spang bar bya ste/ nyi tshan
 ni nyi ma'i than pas gdungs pa'o/ /me ni me tsha la 'debs par gyur pa'o/ /bzhon pa ni rta la sogs pas 'gro ba'o/ /rkyal ba ni mtsho la sogs par rkyal ba'o/ /'degs pa ni gur la sogs pa yul /gzhan du bskyod ba ste/ de spang bar bya'o/ /zas dang skom yon
 tan dang ldan pa dang/ tshod zin par byas su zin kyang dus ma yin par zos pa dang/ 'thungs pas lus la gnod par byed pa yin no/ /de bas na bshang dang gci ba gsal zhes bya ba la sogs pa'i tshigs su bcad pas de'i dus smras pa yin te/
 bshang dang gci gsal snying la dri med nyes pas lam min par mi 'gro/ sgregs pa dag cing bru ba tsha gyur thur gyi rlung ni tha mal rgyu/ /de bzhin ma yi drod bdo dbang po gsal zhing lus kyang rab tu yang/ /zas kyi tshod ran tsho gang sbyar zhing bza' ba de
 ni shin tu dus su 'dod ces bya ba la/ bshang ba dang gci ba legs par bsal zhing btang ba dang/ snying la dri ma med pa ste/ /sems dang zhing nyam nga ba med pa dang/ nyes pa de rlung la sogs pa lam ma yin pa dag tu log par mi 'gro zhing/ rang
 gi gnas na gnas pa dang/ sgregs pa dag cing dri ma mnam pa med pa dang 'bru ba cha ba med par gyur cing bkres pas za 'dod par gyur pa dang/ thur gyi rlung tha mal par rgyu ba ste/ thur du 'byung ba'i rlung lugs bzhin 'byung ba dang/ de bzhin du pho ba'i
 me drod bdo zhing shas che ba dang/ dbang po gsal zhing rang gi bya ba rnams la 'jug pa gsal ba dang/ de bzhin du rang gi lus kyang bar gyur cing phyag bya ba la thogs pa med par gyur pa ni/ zas kyi tshod ran pa'i cho gar sbyar bar ji skad
 bshad pa de bzhin du za ba de ni zab la spyod pa'i dus yin par slob don dag 'dod cing bzhed pa yin no/ /yan lag brgyad pa'i snying po'i rnam par 'grel pa'i tshig gi don gyi zla zer zhes bya ba/ slob dpon zla ba la dga' bas rnam par sbyar ba
 las/ le'u brgyad pa'i 'grel pa'o// //de nas sman la sogs pa rnams kyi bye brag shes par bya ba'i le'u bshad par bya ba zhes bya ba la de nas zhes bya ba ni sngar brtsams pa'i de'i rjes thogs la ste/ zas kyi tshod zin par bza' ba'i rjes la
 sman la sogs pa rnams kyi bye brag shes par bya ba'i le'u bshad par bya'o/ /de la sman la sogs pa zhes smos pa la sogs pa'i sgras ni nus pa dang/ 'ju dka' pa la sogs pa bsdu'o/ /de rnams kyi bye brag ces par bya ba ni/ mtshan nyid khong du chud par bya ba ste/
 de shes par 'gyur ba la phan pa'i le'u bshad par bya'o/ /zhes pa'o/ /de 'ang gang gi phyir zas dang skom 'di dag ni zas dang ro dang rus pa dang/ 'ju ba la sogs pa yongs su brtags nas sbyar bar bya ba'i gzhan du ni ma yin no/ /de la sman nam rdzas ni ro la sogs
 pa las mchog tu gyur pa yin pas dang por bstan pa yin te sman rnam nyid kyi ro la sogs/ /de ni de la brten pas mchog ces bya ba la/ sman rnam gnyis ro dang nus pa la sogs pa rnams kyi nang na mchog yin te/ ci'i phyir zhe na/ ro la sogs pa
 de rnams ni sman de la brten cing gnas pa yin gyi/ ro la sogs pa 'ba' zhig tshig skyar gnas pa ni ma yin te/ de bas na de ni mchog yin no/ /de yang 'byung ba lnga'i bdag nyid can zhes bya ba la/ sman de yang 'bras bu'i rang bzhin rgyu ba dang
 mi rgyu ba la sogs pa'i tshul du gnas pa gang yin pa de ni 'byung ba lnga'i bdag nyid can te/ 'byung ba chen po rnams las shes par bya ste/ nam mkha' la sogs pa rgyu'i rdzas rnams na ma yin te/ nam mkha' la sogs pa rgyu'i rdzas kyi 'byung ba chen po
 lnga'i bdag nyid can du gyur pa ni so sor rang nyid thob pa'i don du gnas pa 'di ni nam mkha' zhes bya ba'i 'byung ba chen po'o/ /de ni sa'i 'byung ba chen po zhes smra bar nus pa ma yin gyi/ sal sogs pa 'byung ba rnams ni 'byung ba chen po lnga'i bdag
 can yin pas na/ de'i sgras brtan pa yin no/ /de bas na 'byung ba lnga'i bdag nyid can dang gcig pa ma yin no/ /de nye bar dmigs pa rnam lngas shes par bya ste/ de la de'i 'ang/ dri'i shas che ba gang yin pa de ni sa'i yin la/ ro'i shas che ba gang
 yin pa de ni chu'i yin no/ /gzugs kyi yon tan shas che ba de ni me'i yon tan no/ /reg pa'i yon tan shas che ba gang yin pa de ni rlung gi yin no/ /sgra'i yon tan shas che ba gang yin pa de ni nam mkha' 
 yin te/ gang dang de ni rtag tu 'brel pa gang yin pa'i phyir/ gang zhes bya ba'i tshig 'di ma smos su zin kyang/ bstan pa nyid yin pa shes par bya'o/ /gal te sman de 'byung ba chen po lngas bskyed pa yin na/ de 'byung ba chen po gang gis ji ltar byas nas/
 bskyed pa yin zhe na/ de'i phyir smas pa ni/ sa la brten te skye la yin zhes bya ba yin te/ sa brten pa'i gnas su byas nas su bskye ba yin no/ /de ltar na sa zhes bya ba'i 'byung po brten du byas pa'i dgos pa byas pas na/ des bskyed cing bskrun pa
 yon no zhes bshad do/ /de bzhin du de ni me'i skye gnas zhes bya ba chu ni skye gnas su gyur cing/ skyed par byed par rgyu byed pas na/ sman gyi skye gnas ni chu'i yin te/ de ltar na chu zhes bya ba'i 'byung ba chen pos ro dang ldan par skye gnas gyi dgos pa
 byis pa des de skyed pa zhes bya'o/ /chu ni skye gnas me dang rlung/ /nam mkha' rnams ni tshogs pa las/ /de skyes gyur dang khyad par 'byung zhes bya ba la sman de skyes shing 'byung bas gyur pa dang/ rdzogs par 'thon pa de ni me dang rlung dang nam mkha' rnams kyi tshogs pa
 las skyes par gyur pa yin te/ tshogs pas rgyu dang 'bras bu'i tshul gyis bskyed de/ des na dper na me ni smin par byed pa nyid kyis dgos pa byed la/ rlung ni g.yo 'gul gyi tshul gyis so/ /nam mkha' ni go 'byed pa'i tshul gyis so/ /de skyes pa
 gyur pa me dang rlung dang/ nam mkha' rnams kyi/ tshogs pa las de skyes par 'ba' zhig tu ma zad kyi gang khyad par gzhan rnams tshul tha dad cing/ rang bzhin du mar gyur pa'i bar de rnams kyang/ me dang rlung dang nam mkha' de rnams kyi
 tshogs pa las byung ba yin no/ /de ltar sman thams cad dang 'byung ba chen po lngar gyis skyed pa yin no/ /'di ni ?  'o/ /zhes ming ci'i phyir 'dogs she na /de'i phyir smras pa ni/ ming ni shas che las gyur yin zhes bya ba yin te/ rdzas gang la 'di dag
 thams cad rgyur gyur pa yin yang/ gang gang gis shas che zhing med par gyur pa der de nyid kyi ming du btags pa yin te/ sa'i shas che ba las skyes pa ni sa'i ming can yin la/ chu'i shas che ba la skyes ba ni chu'i 'o/ /de ltar na sman thams cad ni 'byung ba chen po lnga'i
 bdag nyid tsam yin no/ /de bas na 'byung ba 'dus pa las/ 'byung ba sman ni ro gcig min zhes bya ba la/ gang phyir 'byung ba chen po tshogs ba rnams la sman rnams 'byung zhing skye ba yin pa de bas na sman rnams ni ro gcig kho nar mi 'gyur te/ ro mang
 zhing tha dad pa yin no/ /zhes bya ba'i don to/ /'dir 'di ltar gang ro'i rgyu ni 'byung ba chen po gcig po chu nyid yin gyi/ 'byung ba chen po gzhan dag ni ma yin te/ de dag ni ro med pa yin la/ 'bras bu ni rgyu dang cha 'dra bar 'byung bas yin pas/ gzhan las ro 'byung
 bar mi rigs so zhes brgal zhing brtag par mi bya ste/ gang gi phyir 'byung ba 'dus pa las 'byung zhes bya ba 'dis 'di skad ston pa yin te/ ci ltar sman 'byung ba chen po 'dus pa la sman 'byung ba de bzhin du sman la brten pa'i ro tha dad par grub pa dag
 kyang/ 'khyud pa 'dus pa nyid las skye ba yin te/ yon tan gzhan ltar sman la bltos pa ni ma yin no/ /de bas na 'byung ba chen po 'dus ba nyid ro 'byung bar byed pa yin gyi/ 'byung ba chen po kha dog la sogs pa lta bur rdzas gcig bu la rab/
 lus pa ni ma yin no/ /de lta na ro ni 'byung ba chen po 'dus pa las 'byung gi /gcig las ma yin te/ sman las brten pa'i ro rnams kyi rgyu ni 'byung ba chen po 'dus pa la yin no/ /la lar ni 'byung ba gnyis shes che ba las sman la mngar ba la sogs
 pa'i ro gsal bar 'byung ste/ de yang ro tha dad pa shes par bya ba'i le'u las mngar ba la sogs ro skye ba/ /sa chu mes chu dang me zhes bya ba la sogs pa 'byung ba yin no/ /de ltar na ro thams cad ni 'byung ba 'dus pa las
 'byung ba de las mang zhing shas che ba las ni 'di ni sman mngar pa'o/ /'di ni skyur ba la sogs pa'i sman rnams so zhes bya bar gnas kyi mngar pa'i sman de la skyur ba la sogs pa'i zhing du gyur pa med pa ma yin no/ /myangs par
 gyur pa la dang nus pa'i dbang gis rdzas rnams la phan tshun ro du ma snang la/ chu ni ro mi gsal ba yin te/ ro drug can dang ldan yang mi gsal zhing mi mngon pa yin no/ /de ltar na 'byung pa 'dus pa las sman 'byung ba'i rgyu yin pa de
 bzhin du mngar ba sogs pa ro rnams kyi yang rgyu yin pas/ ro thams cad ni 'byung ba 'dus pa las byung ba yin zhing ro gsal ba mang ba bshad pa yin no/ /de'i phyir nad kyang nyes gcig min zhes bya ba ni/ gang gi phyir sman ro sna tshogs
 pa yin pa'i rgyu nyid kyis mnad ni gcig bu ma yin te/ /zhes bstan te/ de la nad ni nad kyi tshogs rnams so/ /nyes pa rlung la sogs pa'o/ /de yang ro la brten la ro yang sman la brten te/ sman ni 'byung ba chen po'i bdag nyid can yin bas ro sna tshogs
 pa nyid la de dang phrad pa las rlung la sogs pa skye bar 'gyur la/ de rnams skyes pa las ni nang du 'gyur pa yin te/ de'i phyir nad kyang nyes pa gcig dang ldan pa ma yin te/ nyes pa gsum char dang ldan pa yin no zhes bya ba'i don to/
 'dir yang mang po nyid yin no zhes shugs kyis sbyar bar bya ste/ 'di ni rlung gi rims so/ /'di ni mkhris pa'i rims so zhes bya ba la sogs pa lta bu'o/ /de la 'dir ro ni gang ro rjes ni gang zhe na/ de'i phyir smas pa ni de la
 gsal bar ro zhes bshad/ /mi gsal ro rjes mdza' mar ni/ /cung zad gsal ba dag tu 'ang 'dod ces bya ba la/ 'byung ba chen po lnga las gyur pa'i sman/ /ro thams cad kyi gnas su gyur pa de la/ mngar ba la sogs ro gang gsal zhing nges
 pa nyid kyi tshul du shes par 'gyur pa de la ni ro zhes bya bar bshad de/ /'di ni mngar ba nyid do/ /'di ni skyar ba nyid do/ /zhes bya'o/ /ro'i rjes ni mi gsal ba la bya ste/ skyur ru ra la sogs pa gang za po na/ lces gsal ba nyid du ma rtogs pa de ni ro rjes zhes
 bya'o/ /de ni tha mar zhabs su cung zad ces pa nyung shas shig ro dang bcas pa gsal ba dag tu 'ang 'dod pa yin no/ /dris pa mngar ba la sogs pa'i ro la lci ba dang yang ba la sogs pa'i yon tan dang ldan par sma bar mi rigs te/ gang gi phyir mngar ba la sogs pa'i ro rnams ni yon tan
 nyid yin la/ lci ba la sogs pa yang de bzhin du yon tan yin te/ des lci ba la sogs pa'i yon tan rnams kyi gnas mngar ba la sogs pa'i yon tan bshad pa'i ni mi rigs te gang gi phyir bye brag pa dag gis yon tan la ni yon tan med pa zhes bshad pa'i phyir ro zhe na/ de'i
 phyir smas pa ni sman gyi sogs dang/ ro ni sa la sogs brten pas/ mtshungs par spyod par nyer gdags pas/ /ro las ming du btags pa yin zhes bya ba la/ ro'i gnas la sogs pa la yang dag par sman gyi yon tan lci ba la sogs
 pa yang/ gnas yin par ni 'bras bu las dpag par bya'o/ /des na sman gyi yon tan lci ba yin la/ lci ba de ni bsten pa'i ro yang yon tan lci ba yin par mtshungs shing thun mong du spyod pa yin te/ lhan cig spyod pas na mtshungs par spyod
 pa zhes bya'o/ /nye bar gdags pa ni cha 'dra bar spyod pa ste/ gzhan gyi chos dang mtshungs pas bsgre'o/ /de ltar na mtshungs par spyod pa'i nye bar gdags pas cha 'dra ba'i lci ba la sogs pa'i yon tan ni/ ro la sogs pa la yod par btags pa yin
 gyi yang dag par ro la lci ba la sogs pa'i yon tan yod pa ni ma yin no/ /de bas na ro gtso bor gyur pa las ming du sgro btags pa yin no/ /de bas sa'i sman lci dang sbom/ /sra zhing dri yis shes rab che/ /lci zhing brtan dang 'dus
 pa dang/ /nye bar 'phel bar byed pa yin zhes bya ba la/ de la de zhes pa de rnams kyi nang nas sa'i rang bzhin can gyi sman ni lci ba la sogs pa'i yon tan dang ldan pa dang/ dri zhes bya ba'i yon tan gyi shes rab tu che ba yin te/ sa'i rang bzhin
 can gyi sman de'i las ni/ lus la sogs pa lci ba la sogs pa byed pa yin no/ /de la lci ba ni 'ju dga' zhing lci bar gyur ba nyid do/ /brtan pa ni lus rtas par byed pa'o/ /'dus pa ni yan lag mkhregs shing sra ba'o/ /nye bar 'phel ba ni
 lus zungs rnams rgyas par byed pa'o/ /chu yi gsher dang lci gsal snum/ /rtul zhing bska la dri shas che/ /'jom zhing bad kan 'dra ba la/ /'brul zhing tshim byed sdud par byed ces bya ba la/ chu'i rang bzhin can gyi sman ni gsher ba la sogs
 pa'i yon tan dang ldan pa dang/ ro'i yon tan gyi shas che ba yin no/ /de lus la sbyar na lus 'jam zhing snum par byed pa dang/ rtsa sbubs gsher zhing bad kan 'dra 'dzag pa dang/ /zas 'dul zhing myags pa dang/ sems tshim zhing
 ngoms par byed pa dang/ tshigs dang rkang lag sdud cing 'byor bar byed pa yin no/ /me yi rtsub rno tsha zhing skam/ /phra zhing gzugs kyi yon tan che/ /tsha zhing 'bar la mdog skyed cing/ /bsal zhing smin pa'i bdag nyid can zhes bya ba
 la me'i rang bzhin can gyi sman ni rtsub pa la sogs pa'i yon tan dang ldan zhing/ de ni gzugs kyi yon tan gyis shas che ba yin no/ /de zos shing spyod na lus tsha bar byed pa dang/ ma dangs 'bar bar byed pa dang/ lus kyi mdog skyed
 pa dang/ gsal zhing snang ba dang ldan pa dang/ zas smin cing 'ju bar byed pa'i yon tan can yin no/ /rlung gi rtsub cing khyab la yang/ /reg pa'i yon tan che yin/ /rtsub cing yang la dri ma med/ /rnam dpyod na par byed pa yin zhes bya ba la/
 rlung gi rang bzhin can gyi sman ni/ rtsub pa la sogs pa'i yon tan dang ldan pa dang/ reg pa'i yon tan gyi shas che ba yin la/ de lus la brten na rtsub pa dang yang ba dang/ dri ma sel ba la sogs pa'i yon tan gyi las byed pa
 yin no/ /nam mkha' i phra zhing dang la yang/ /sgra yi yon tan shas che ste/ khong stod yang bar byed pa yin zhes bya ba la/ nam mkha' bdag nyid can gyi sman ni phra ba la sogs pa'i yon tan dang ldan pa dang/ sgra'i yon tan shas che ba yin no/ /de lus
 kyis bsten nas khong stong ste/ nang stong par byed pa dang/ yang bar byed pa yin no/ /dris pa rlung dang nam mkha' i ni gzugs med pa yin pas de'i bdag nyid can gyi rdzas yod par ga la 'gyur zhes pa la/ nyes pa 'di yod par yin te/
 sman gang la rtsub pa dang/ khong stong gi las byed pa mang du snang la/ der ni rlung dang nam mkha' i bdag nyid can du nye bar gnas pas ming du btags pa yin te/ dper na dang pa dang tshul khrims dang/ thos pa dang/ btong ba la sogs
 pa'i las byed pa mthong nas/ skyes bu dam pa dag la 'di ni lha yin no zhes nye bar 'dogs par byed pa dang 'dra'o/ /de ltar 'gro na don dang ni/ /sbyor ba sna tshogs dbang gis na/ /sman min ci yang yod ma yin/ /zhes bya ba la/
 de ltar 'byung ba chen po las byung ba 'dis na/ sman lci ba la sogs pa'i yon tan dang ldan pas/ gro ba ste 'khor ba'i gnas 'di na/ sman ma yin par gyur pa'i rdzas ci yang yod pa ma yin te/ gzhan du na thams cad kyang sman nyid yin
 no/ gang gi dbang gis she na sna tshogs don dang ni sbyor ba'i dbang gis zhes bya ba ste/ don ni dgos pa dang rgyu'o/ /sbyor ba ni rigs par sbyar ba ste de dag sna tshogs par byas pa'i don dang sbyor ba dag gi dbang gis rdzas gang ci yang rung ba de
 thams cad nad sel bar byed pa'i dgos pa byed pa sman nyid yin no/ /de yang ji ltar gyen du nyes pa sel bar byed nus pa'i dgos pa de'i don byed par nus pa dag gis stong du nyes pa sel te/ me dang rlung gi shas che ba'i smin gang yin pa dag phal che
 de byed par nus pa yin te/ rlung ni 'bar bar byed pa dang/ me ni ring du 'bar bar byed pa yin pa'i phyir ro/ /de bas na ro stod kyi nang bsal ba'i don gyis dbang gis me dang rlung shas che ba'i sman gang yin pa de rnams de'i sman yin no/ /'og gi nyis pa sel
 bar nus pa'i sman ni don de sgrub par byed nus pa dang/ sa dang chu shas che ba'i sman gang yin pa dag phal cher de'i nus pa dang ldan pa yin te/ sa ni lci ba nyid dang/ dri dang ro ni chu'i rang bzhin yin te/ de ltar na 'og gi nad sel ba'i rgyu'i
 dbang gis sa dang chu'i shas che ba'i rdzas gang yin pa de/ de'i sman yin gyi me dang/ rlung gi ma yin la/ stod kyi nyes ba sel ba ni sa dang chu'i shas che ba dag ma yin no/ /de ltar na rgyu'i don ni dbang gi rdzas la la 'ga' zhig sman du 'gyur ro/
 ba yin gyi/ thams cad nas thams cad du ni ma yin no/ /de bzhin du sbyor pa'i dbang gis kyang rdzas la la dag /la lar sman du 'gyur ba yin gyi/ sbyor ba gcig gis nad thams cad dang sman du 'gyur ba ma yin mod gyi/ 'on kyang sbyor ba'i
 dbang kha cig gis nad kha cig la sman du 'gyur ba yin te/ 'di ltar bo son chal sogs pa'i sman sbyor ba'i khyad par gzhan dag gis snga ma bas lhog par 'gyur ba yin la/ gzhan dag gis kyang gzhan du 'gyur gyis/ gcig
 gis thams cad byed pa ni ma yin no/ /de bas na sbyor ba'i dbang gis kyang rdzas thams cad sman yin no/ /de la sman ni gyen du 'gro /phal cher me dang shas che zhes bya ba de la/ sman gyi rigs de rnams kyi nang nas/ gyen du 'gro zhing steng du rgyu pa'i
 sman slon bar byed pa ni phal cher zhes pa mang du me dang rlung gis shas che ba ste me dang rlung gi bdag nyid can yin te/ de yang gang gi phyir gyen du 'gro bas ma yin pa dang/ yang bas rlung yin par shes par bya'o/ /thur du 'gro ba phal cher ni/
 sa chu'i yon tan shas che ba yin zhes bya ba la/ sman du 'gro zhing 'og tu rgyu bas 'khru bar byed pa'i tshul gang yin pa de ni/ sa dang chu'i shas che ba yin te/ de gnyis ni sa lci ba dang/ chu gzhol phyogs su 'gro ba yin pa'i phyir ro/ /de ltar sman
 no zhes bya ba la/ de ltar zhes bya ba'i sgra ni yongs su rdzogs pa la bya ste/ sman gyi phyir smra bar bya ba gang dag yod pa de thams cad rdzogs so zhes bya ba'i don no/ /cha 'dres pa'i bdag nyid can gyi sman dang/ steng dang 'og gi zhes pa cha mnyam
 par sel ba'i sman ni/ sngar so sor bstan pa'i don gyis thugs kyis shes par 'gyur ba'i phyir/ gzhungs mangs par 'gyur pa'i dogs pas/ rgyud gzhan dag ltar 'dir ma bstan pa yin no/ /de ltar sman bstan nas de la brtan pa'i ro
 mngar ba la sogs pa gang yin pa de dag re shig bstan par bya ste/ de ni ro'i bye brag 'di ni 'og nas ston pa yin zhes bya ba yin te/ ro'i bye brag drug cu rtsa gsum gyi grangs su nges par tsha ba par 'di'i 'og nas zhes pa/ ro
 tha dad pa zhes bya ba'i le'u las gzhung rtsom par byed pas ston cing 'chad par 'gyur te/ 'dir ni bshad par bye ba mang du yod pas ma smas pa yin no/ /nga ni sman gyis nus pa bshad pa rtsom par byed de/ de ni sman mthu las
 bshad pa ni/ lci snum bsil dang 'jam pa dang/ /yang rtsub tsha dang rno ba ste/ /de ltar rnam pa brgyad du 'dod ces bya ba la/ sman gyi mthu ni thams cad du thogs pa dang/ gtugs pa med par 'gro ba yin
 pas sman gang la yon tan gyi rigs gang cung zad yod pa de thams cad la mthu 'am nus pa zhes bya'o/ /de la slob dpon gzhan dag gis bshad pa ni/ sman gyi mthu lci ba la sogs pa'i yon tan gyi dbye ba rnam pa brgyad du 'chad de/
 de ltar rnam pa 'dis ni grangs kyi rnam pa brgyad yin par slon po dag 'dod cing 'chad kyis/ rnam pa gzhan gyis ni rnam grangs kyi nges pa gzhan du 'dod do/ /sman 'thu tsa ra kas bshad pa/ gang gi bya ba gang byed pa/ /mthu min
 ci yang mi byed kyi/ /de dag thams cad mthu yin byed/ /ces bya ba la/ drang srong tsa ra kas sman gyi mthu 'am/ nus pa bshad cing bstan pa ni/ dngos po gang gis byed pa gang la zhugs shing bya ba gang zhig byed cing rdzogs par gyur pa'i
 dngos po'i rang bzhin te/ de'i mthu yin no zhes mtho btsun drang srong tsa ra kas bshad do/ /mthu gang gis byas pa byed pa zhes bya ba'i tshig gis na/ nus pa ni mthu yin zhing ro yang mthu yin no/ /de bzhin du sman la brten pa'i
 yon tan lci ba la sogs pa gang ci yang rung ba de thams cad ni/ sman de'i mthu zhes bya ste/ nus pa nyid las ma 'das pa mthu byung ba yin no/ /spyir ni sman de'i mthu la slob dpon rnams tha dad par 'dod de/ /slob dpon la las ni lci
 ba la sogs pa'i yon tan brgyad la mthu yin par 'dod de/ de rnams ni khyad par can nyid la mthur 'dod kyi/ nus pa phra mo tsam la ni mi 'dod do/ /gal te nus pa phra mo tsam la mthur 'do? pa na ni? lci? pa la sogs pa'i yon tan brgyad
 po'i cha khra mo dngos po thams cad la yod par 'gyur bas mi rigs pa yin no/ /de'i phyir khyad par can gyi nus pa dang ldan pa'i lci ba la sogs pa'i yon tan brgyad la mthu zhes bya ba'i ming thob pa yin no/ /des na yon tan ni brgyad po de dag nyid
 yin no/ /de yang gang gi sbyor bas byed pas byed/ /rdzas de'i nus pa yin zhes bya ba yin no/ /de ltar na drang srong tsa ra ka'i 'dod kyis sman gang la/ yon tan gyi rigs gang dag yod pa de thams cad sman de'i mthu yin gyi mthu dang bral zhing
 mthu ma yin pas ni dngos po'i rigs des bya ba ci yang mi byed de/ /bya ba gang zhig kyang rdzogs par mi nus so/ /des na bya ba de dag thams cad mthu yis byed cing nus pas rdzogs par byed pa yin no/ /gal te de ltar bya ba thams cad mthu yin
 na ci'i phyir lci ba la sogs pa'i yon tan brgyad po nyid la mthu zhes bya'i/ ro la sogs pa'i yon tan dag la mthu zhes ci'i phyir mi bya/ de dag gis kyang bya ba de ni byed pa nyid do zhe na/ de'i phyir smras pa ni/ des na lci la sogs pa
 nyid/ /nus pa'i khyad par ldan pa dang/ /yon tan ma lus snying por ni/ /gyur pas mthu zhes bshad pa dag/ don dang mthun par btags pa yin/ /zhes bya ba la/ des na slob dpon drang srong tsa ra kas lci ba la sogs pa'i
 yon tan brgyad po nyid ni nus pa'i khyad par dang ldan pa yin zhing/ yon tan ma lus pa'i snying por gyur ba yin pas/ mthu zhes bshad cing nus pa zhes ming du btags pa de ni gzhung dang don mthun cing don dang ldan par ming du btags
 pa yin no/ /de las nus pa'i khyad par dang ldan pa ni yon tan lhag ma nyid de phul du byung pa'i nus pa'o/ /yon tan ma lus pa'i snying po ni yon tan mdza' dag gis dam par gyur pa'o/ /tha snyad ni 'jig rten pa dang/
 bstan bcos kyi brtags pa rnams so/ de las kyang 'di rnams ni tha snyad gtso bo nyid yin no/ /de yang 'jig rten pa rnams 'di skad sma ba dag thos shing mthong ste/ 'di ni lci ba'o 'di ni yang ba'o/ /'di'i yon tan
 ni 'di lta bu'o zhes zer ba dang de bzhin du bstan bcos las/ ces pa mang du yod na yang/ /tha snyad gtso bo nyid kyis yin zhes bya ba la sogs pa smos pa yin no/ /gzhan yang gtsos pa mang du smos zhes bya ba yin te/ lci ba la sogs
 pa de ni gces pa mang du smos pa yin gyi/ ro la sogs pa rnams ni de lta ma yin pa dang/ de bzhin du gtso bo nyid du smos pa yang yin te/ ro la sogs pa'i yon tan las de rnams mchog tu bzung bar 'og nas bshad de/ bad kan
 la sogs pa'i nad kyi rang bzhin brtag pa na/ rang rang gi yon tan lci ba la sogs pa yod par brtan pa dang/ bad kan lci'i ring? sil ba bsnum zhes bshad kyi mngar ba ma bshad pa dang/ mkhris pa snum bcas bsil zhing cha zhes
 bshad kyis yang bar ma bshad pa yin no/ /de bas go ni bzlog pa'i phyir/ /de ni ro la sogs pa la/ /srid du zin kyang ma bshad de/ /de bas lci la sogs pa yin zhes bya ba la/ de bas de ltar bstan pa'i rgyu 'dis na
 yon tan ma lus pa'i snying por gyur pa sogs pa la/ gang go bzlog par gyur pa'i ro la sogs pa zhes pa ste/ ro dang 'ju ba la sogs pa'i yon tan gzhan dag la de srid kyang zhes bya ba/ mthu zhes bya ba de
 yod du zin kyang/ gtso bor ma gyur pas mthu zhes de la ma bshad pa yin no/ de bas na lci ba la /sogs pa nyid mthu yin gyi /ro la sogs pa ni ma yin no/ /gzhan dag tshe dang bsil nyid gnyis/ /stong pa?
 yin zhes kyang ston par byed ces bya ba la /da slob dpon gzhan dag ni sman gyi tsha ba dang bsil ba gnyis la mthu zhes bya'o/ /zhes ston to/ /nyid ces bya ba ni nges par gzung ba'o/ /de yang rdzas gang gis bya ba gang byed pa ste/ de'i mthun
 zhes bya'o/ lci ba la sogs pa'i yon tan brgyad ni/ mthu ma yin no/ /de yang tsha ba dang bsil ba'i mtshan nyid can gyi mthu gnyis po 'dir bsdang bshad pa'i stobs sngar 'dus pa thams cad 'dus pa yin pa'i phyir ro/ /'dir
 de'i gtan tshigs smras pa ni/ sman ni sna tshogs bdag nyid can/ /nyi ma zla ba'i stobs can yin/ /'gro 'di gsal dang mi gsal las/ /nam yang 'da' bar mi 'gyur ro/ /zhes bya ba la/ gang 'di 'gro ba ni sman
 rnams ni ngo bo nyid gcig kyang sna tshogs pa'i bdag nyid du snang la/ de yang nyid ma dang zla ba nyid ni stobs che ba yin pas na/ de'i rang bzhin las 'da' bar mi byed de/ de'i bdag nyid can yin
 pa'i phyir ro/ /de la re zhig rdzas 'di dag sna tshogs dag kyang nyi ma dang zla ba'i rang bzhin zla bar ma byed ce na/ de'i dpe bstan pa'i phyir 'og ma 'di smos pa yin te/ ji ltar 'gro ba
 'di dag ni gsal ba dang mi gsal bar snang ba'i chos las nam yang 'da' bar mi 'gyur ro/ /de gzhin du rgyu ba dang mi rgyu ba'i tshul gyis sna tshogs pa'i bdag nyid can du
 gnas pa dag kyang/ zla ba dang nyi ma'i rang bzhin las 'da' par mi byed de/ de ltar na sman la la ni/ nyi ma'i rang bzhin yin la/ sman pa la ni
 zla ba'i rang bzhin can yin no/ /de bas na la la ni tsha ba'i mthu can yin la/ la la ni grang ba'i mthu can yin no/ /de la tsha ba mgo 'khor skom/ /mya rdul tsha zhing myur 'ju byed/ /rlung dang bad kan zhi bar byed
 ces bya ba la/ de la zhes bya ba ni tsha ba dang bsil ba'i mthu gnyis kyi nang na/ sman tsha ba'i mthu can ni 'go 'khor ba la sogs pa byed do/ /myur 'ju byed ces bya ba ni zas myur ba nyid du 'ju ba de 'gyur ro/ /rlung dang bad kan gnyis zhi
 bar byed pa ni/ rlung nad dang bad kan gyi nad sel bar byed pa'o/ /bsil ba dag ni tshim byed cing/ /'tsho dang rangs par byed pa dang/ /khrag dang mkhris pa rab dang byed ces bya ba la/ sman bsil zhing stobs grang ba ldan pa ni tshim par byed pa la sogs pa dang
 khrag dang mkhris pa rab tu dang bar byed do/ /de la tshim pa ni bde ba skyed par byed pa'o/ /'tsho ba ni gzi mdangs 'phel bar byed pa'o/ /rengs par byed pa ni lus shing rangs par byed pa'o/ /khrag dang mkhris pa rab tu dang ba
 ni de dag gsal zhing rnyog pa med par byed pa'o/ /da ni pho ba'i zhes bya ba la sogs pa tshigs su bcad pa'i rdzas 'ju ba smras ba yin te/ pho ba'i me dang phrad pa las/ /gang zhig ro gzhan byung gyur pa'i/ /ro rnams kyi ni mthar zhu ba/ /de ni
 zhu ba zhes bshad do/ /zhes bya ba la/ pho ba'i me dang sman phrad cig 'dus pa las gang ro gzhan du 'gyur ba ste/ mngar ba la sogs pa'i ro gzhan dag tu byung bar gyur ba zas kyi mthar thug pa na/ mngar ba dang/ skyur ba dang/ /tsha
 ba'i ro rnams kyi zhu ba'i tha mar gang zhig zhu zhing smin par gyur pa de ni zhu ba zhes bya'o/ /zhes drang srong dag gis bshad do/ /ji ltar mngar ba'i ro bos pa na/ dad? pa'i ro'i khyad par 'byung bar gyur pa de ni bstan bcos shes pa dang
 gis zhu ba yin no zhes bshad do/ /de nyid phyir smras pa ni/ mngar dang lan tshwa zhu rjes mngar/ /skyur ba'i zhu rjes skyur ba yin/ /kha dang tsha dang bska ba rnams/ /zhu rjes phal cher kha pa yin/ zhes bya ba la/ mngar ba ni ro zhim pa'o/ /lan tshwa ni tshwa rnams te/ /de
 gnyis ni zhu ba'i rjes mngar pa'o/ /ro skyur ba zos pa'i rjes kyang skyur ba nyid yin no/ /ro kha ba dang/ tsha ba dang/ bska ba rnams ni phal cher kha bar 'ju ba yin no/ /de la phal cher zhes smos pa ni/ /kha cig tu 'dir smos pa dang/ mi mthun par yod do//
 'bru la gnas pa'i ro mngar ba ni zhu ba'i rjes skyur bar 'gyur la/ des na 'bru ni ro mngar yang zhu rjes skyur ba yin pas/ mkhris pa bskyed cing lci ba yin no/ /de bzhin du a ru ra dang/ bca' sga dang/ sge'u gsher dang/ pi pi ling la sogs pa la
 yang sbyar bar bya'o/ /de yang bsdus pa las/ 'bru ni mngar dang skyur ba nyid/ /de bzhin se'u skyur yang mngar/ /til mar kha bar gyur pa dang/ /pi pi ling yang bska bar 'gyur/ /zhes bshad pa yin no/ /de ltar na 'bru ni mngar du zin kyang zhu pa'i rjes skyur
 bar 'gyur ba dang/ se'u skyur yang mngar bar 'gyur ba dang/ til mar skyur du zin kyi kha par gyur pa dang/ pi pi ling tsha ba yang zhu rjes bska bar 'gyur ba yin no/ /des na de ltar mi mthun pa dag kyang yod pas phal cher zhes smos pa yin no/ /ro dang zhu rjes 'bras bu mnyam
 zhes bya ba la/ ro zhes ba lce'i yul du gyur ba mngar ba dang/ skyur ba la sogs pa dang/ zhu ba'i rjes 'di ni 'bras bu mnyam zhing mtshungs pa yin te/ 'di ltar mngar ba'i ro myangs pa na lus tshim par byed pa la sogs pa gang byed pa de ni
 me tog lta bu yin te/ ro mngar ba de zhu ba dang/ de mtshungs pa yin la/ gang gzhan ro zhim pa la sogs pa'i bya ba byed pa de ni/ ro mngar ba de'i 'bras bu yin pas thams cad du mthun pa yin no/ /ro mngar ba'i las ni 'ju brtul ba dang rgyu lus
 zungs rgyas pa la sogs pa'i las byed pa yin no/ /de la sman ni bzang ngan dang/ la la ro yis las byed la/ /gzhan dag 'ju par byed pa yin/ /yon tan gzhan dang nus pa dang/ /mthu yis la la byed pa yin zhes
 bya ba la/ de la zhes bya ba ni nges par bzung ba ste/ sman dang/ ro dang/ nus pa dang/ mthu stobs kyi nad nas/ sman ni bzang dang ngan zhes bya ba ste yod pa dang med pa'i las sman la la ni ro yis byed pa dang gzhan dag ni 'ju bas
 las byed pa ste/ las bzang ngan gzhan dag nus pas byed pa dang las gzhan dang gzhan dag mthu yis byed pa yin no/ /'di dag ni bsdus pa las rgya cher bshad do/ /dper na sbrang rtsi ro mngar du zin kyang 'ju ba'i rjes kha ba dang/
 bska ba dang bcas pas bad kan zhi bar byed cing/ nus pa bsil bar byed pas rlung skyed par byed do/ /rlan can gyi sa'i chu ni nus pa dro ba yin pas mkhris pa bskyed par byed do/ /de bzhin du til mar ni zhu rjes kha ba nyid kyis
 bshang gci bskyed la/ rang skyur rtsab mo ni skyur yang rtsub cing dro ba yin pa dang bilba'i rkang ni rtsub pas mkhris pa skyed pa dang/ skyu ru ra ni nus pa bsil pa dang/ zhu rjes mngar bas bad kan bskyed pa dang/ yang zhing rtsub kyang rlung mi
 bskyed pa dang/ lan tshwa lce myang tsha ni zhu rjes mngar bas mkhris pa sel zhing yang bas bad kan la phan pa dang/ spu shel rtse dang/ bca' sga ni snum pa dang/ dro ba dang/ zhu rjes mngar bas rlung sel ba dang/ pi pi ling yang de dang 'dra
 bas rlung sel ba dang/ sgog skya dang kun dong dag ni snum pa dang/ tsha ba dang/ lci bas rlung sel bar byed la/ de dag ni snum pa dang/ lci bas bad kan skyed par byed pa yin no/ /la phug rgad po yang zhu rjes mngar bas bad kan skyed do//
 pri ta tuM? dang/ kaN+Ta kshA ri dang/ pi sha la ni nus pa tsha bas mkhris pa skyed par byed ba dang/ sha ni nus dro bas rlung sel cing mkhris pa bskyed pa dang/ ku lat+tha ni ro bska yang zhu rjes bsil bas rlung sel zhing mkhris pa bskyed pa yin no/ /de ltar na
 de dag ni phyogs gcig tsam gyi dper bstan pa yin no/ /sman gyi ro sogs gang dang gang/ /stobs ldan nyid kyis gnas byed de/ /shin tu zil mnan de dang de/ /sgrub byed rgyu ni nyid du gnas/ /zhes bya ba la/ sman gyi ris su gtogs pa'i ro dang
 nus pa dang/ 'ju ba dang mthu rnams gang dang gang yin pa de dag gi nad nas/ stobs dang ldan pa nyid kyis sman la gnas par byed pa de ni/ sman gyi rigs de shin tu zil gyis mnan cing stobs chung ba gzhan dag pham par byas nas/ gnas
 pa de dang de ni bya ba gang sgrub par byed pa/ de dag ni rgyu nyid du gnas par 'gyur zhing/ /bsgrub par bya ba nyid sgrub par byed pa yin no/ /de yang ro yis ni 'di byas so/ /nus pas ni 'di byas so/ /stob kyis ni 'di byas so/ zhes bya ba lta bu'o/ don 'di nyid kyis dper brjod
 pa bsdus pa la spros te/ bshad pa'i der bstan pa yin la/ gang 'di ltar ro la sogs pa'i rigs su gtogs pas ro gzhan dag la stobs dang ldan par gnas shing/ de dang de nyid du zil gyis mnan nas sgrub pa'i rgyu nyid du byed kyi/ rang
 dang gzhan gyi stobs la gnas pa dang/ stobs dang ldan pa dang/ stobs chung ba dang/ gnyis ga'i tshul gyis rang rang gi las byed pa yin pas na/ de'i phyir bstan par bya ba smras pa ni/ yon tan mi 'phrod sbyar ba yin te/ mang po nyung ngu zil gyis gnon
 ces bya ba yin te/ gang gi phyir yon tan mi 'phrod pa dag sbyar zhing bsres pa na/ mang po stobs dang ldan pas/ stobs chung ngu zil gyis gnon cing rgyal bar byed do/ /yon tan mi 'phrod ces bya ba 'dir ni/ rdzas mi 'phrod pa'i sbyor ba la bya'i/
 yon tan mi 'phrod pa nyid du smra bar rigs pa ma yin no/ /de yang drang srong tsa ra kas bshad pa/ sbyor ba ni rdzas gnyis sam rdzas mang po sbyor ba yin la/ de yang mi 'phrod pa ni gnyis te/ rang bzhin mi 'phrod pa dang 'bras bu
 mi 'phrod pa'o/ /rang bzhin mi 'phrod pa ni dper na sman yang pa dang/ lci ba sbyar ba dang/ tsha ba dang bsil ba sbyar ba la sogs pa'o/ /'bras bu mi 'phrod pa ni dper na rlung gi nad gsal ba'i phyir/ sman rtsub pa dang/ dro ba lhan cig sbyar ba
 dang/ de bzhin du bsil ba dang/ dro ba dang lhan cig sbyar ba la sogs pa'o/ /de ltar na rang bzhin gyi yon tan mi 'phrod pa'i sman gyi sbyor ba dang/ de bzhin du 'bras bu mi 'phrod smin gyi sbyor ba phan tshun rigs mi mthun pa'i sbyor ba
 de la ni/ gang rdzas kyi rigs nyung ngu rdzas kyi rigs mang pos zil gyis mnan nas/ de nyid du rgyu nyid du sgrub par byed par gnas par mthong ngo/ /de yang dper na sbrang rtsi ni mngar du zin kyang bad kan zhi bar byed do/ /ro mngar ba ni
 bad kan skyed par byed pa yin yang/ sbrang rtsi bad kan zhi bar byed pa ni mi mthun pa mi 'phrod pa'i yon tan dang ldan pa'i phyir ro/ /de ltar na rigs mthun pa'i mtshan nyid sbyor ba las kyang gang zhig gang gis gril gyis mnan
 nas/ rang rgyud du grub pa yin par som nyid gyur pa de dgag bar bya ba'i phyir 'dir smra ba ni/ ro dang 'ju ba'i mthu dang ni/ /'dis yi stobs kyis zil gyis gnon zhes bya ba yin te/ ro dang nus pa dang 'ju ba dang stobs rnams ni ci
 ltar lhan cig sbyar cing nus pa mnyam pa yin du zin kyang rang bzhin gyis 'ju bas ni re zil gyis mnan te de la nus pa med par byas nas/ rang gi bya ba bstan pa'i sgo nas/ de'i nus pa zil gyis mnan nas/ rang gi nus pa gsal
 bar ston te/ /de bzhin du ro dang 'ju ba de gnyis kyang mthus zil gyis gnon la/ ro dang 'ju kha ba dang/ mthu de rnams kyi stobs kyis zil gyis gnon pa yin no/ /ro sogs de ltar stobs ni mnyam/ /ma bcos pa ni stobs dang ldan/ /zhes bya ba
 ni/ ro dang 'ju ba dang mthu dang stobs ni/ de ltar zhes pa rnam pa 'dis stobs mnyam zhing mtshungs pa yin la/ de'i stobs ni ro la sogs pa la dmigs nas ma bcos pa gang yin pa de ni stobs dang ldan par bshad de/ rdzas gang gi ro mngar ba de ji
 skad bshad pa bzhin du 'ju ba mngar ba dang ldan pa dang/ de bzhin du nus pa bsil ba dang ldan pa ni stobs che ba yin la/ de bzhin du ro skyur ba ji skad bshad pa'i zhu rjes skyur ba dang ldan zhing/ de bzhin du tsha ba'i nus pa dang ldan pa dang/ de bzhin du
 ro tsha ba dang ji skad bshad pa'i 'ju ba'i tsha ba dang ldan zhing dro ba'i nus pa dang ldan pa dang/ de bzhin du 'o ma dang/ chang dang/ na le sham la sogs pa las 'o ma ni ro mngar la 'ju ba dang nus pa bsil pa dang/ tshad ni skyur la 'ju ba dang nus pa dro ba
 dang/ na le sham ni ro tsha la 'ju ba dang nus pa dro ba bskyed pa dang/ sman de dag ni ro dang 'ju ba dang nus pa dang stobs mnyam pas ma bcos pa'i stobs dang ldan pa zhes bya ba yin par shes par bya'o/ /kho bo cag gi ro dang 'ju ba dang nus pa'i rang
 bzhin ci lta bu yin pa de ni las las rjes su dpag pas shes na mthu zhes bya ba ni rang bzhin shes par dka' bas de mi shes pas the tshom du gyur na mthu ni gang zhig yin/ gang las ni rjes su dpag par bya zhe na/ 'dir smras pa la ni/ ro sogs
 mnyam pa'i las gang ni/ /khyad 'phags de ni mthu las skyes zhes bya ba yin te/ ro la sogs pa mnyam zhing mtshungs pa nyid kyis las gang khyad par du 'phags pa sman gtol? snang ba de ni mthu las skyes pa yin par shes par bya'o/ /
 rjes su dpag pa des na mthu zhes bya bar shes par bya ste/ 'di ni rdzas kyi mthu yin no/ /de yang sman gnyis ro dang 'ju ba dang nus pa mnyam du zin kyang de la sman gcig las gzhan byed la cig shos kyang las
 gzhan byed pa nyid yin te/ des ni stobs kyis stobs nyid yod pa nyid du shes par bya'o/ /de ltar na sman re re'i 'jug pa dang/ ldog pa'i mtshan nyid can gyi chos rang gi rang bzhin dngos po rkyen tshogs pa las byung bar nges par byed pa'i
 mtshan nyid can de ni mthu zhes bya ste/ dngos po gzhan gyi mthu ni ma yin no/ /dan+ti dang ni tsi tra ka /ro sogs mtshungs kyang dan+ti 'khrugs/ /shing mngar rgun 'brum 'dra yang 'khru/ 'o ma mar 'dra mar drod bskyed ces bya ba la/ de ltar na sman dan+ti dang/
 tsi tra ka ni ro dang nus pa'i zhu ba'i rjes mtshungs te/ tsi tra ka la ro dang nus pa dang 'ju ba'i rjes gang dag yod pa de dag ran ti la yod du zin kyang/ dan+ti ni dan+ti rang nyid kyi mtshan nyid kyis 'khru bar byed pa yin gyi/ tsi tra ka ni ma yin te/ de lta bu'i khyad
 par gyi chos la mthu zhes bya'o/ /de bzhin du shing mngar dang/ rgun 'brum mngar ba la sogs par mthun du zin kyang/ rgun 'bru 'khru bar byed kyi shing mngar ni ma yin no/ /de bzhin du 'o ma dang/ mar la sogs pa mtshungs su zin kyang 'o ma ni
 'o ma gyur bas drod mi skyed kyi/ mar gyis drod bskyed do/ /de bzhin du thams cad kyang mthu las gyur pa yin no zhes bya bar sbyar ro/ /'di ltar re zhig dngos po thams cad la yang spyi dang khyad par gyis khyab pa yin pas/ de'i phyir bstan bcos
 byed pas smras pa ni/ de ltar sman la sogs pa yi/ /spyi yi las de de yang ni zhes bya ba yin te/ de ltar zhes bya ba'i sgra ni yongs su rdzogs pa'i tshig gam rnam pa'i don to/ /de yang sman la sogs pa'i ro dang 'ju ba dang nus pa
 dang mthu'i spyi'i las rdzogs pa yin gyi khyad par ni ma yin te/ de rtsom par byed pa'i 'byung ba chen po spyi skyen spyi'i rgyu las byung ba zhes bya ba'i bar du'o/ /yang na rnam pa'i don te/ rnam pa 'dis sman la sogs pa'i spyi'i las nyid bshad kyi khyad par gyis ni ma
 yin te/ 'byung ba chen po dag gis sman la brten pa'i ro dang mthu la sogs pa ji ltar bskyed pa'i spyi'i rgyu yin pa bstan pa de bzhin du de'i las kyang spyi tsam du bstan to zhes bya ba'i don to/ /de ltar sman la sogs pa'i spyi'i las bshad nas khyad par gyi
 dbye bas sman de rnams re re zhing las gzhan dang gzhan byed pa'i tshul smras ba ni/ sna tshogs rkyen gyi dbye ba yis/ /sman dbye tha dad 'gyur ba yin zhes bya ba la/ spyir bshad pa'i sman gyi ro dang 'ju ba dang nus pa la sogs pa'i las de yang tha dad par
 gyur pa yin zhing/ bye brag tu 'gyur ba yin no/ gang gis tha dad par 'gyur zhe na/ sna tshogs pa'i rkyen gyi dbye ba tha dad par 'gyur ba yin te/ sna tshogs pa'i rkyen ni rnam pa tha dad pa'i tshul du gnas pa'i 'byung ba chen po rnams la bya la/
 de yang sems can tha dad pa rnams kyis sngon dge ba dang mi dge byas pa'i las las byung ba'i 'byung ba chen po de rnams sna tshogs shing tha dad pa de lta bur yongs su gyur pa'i rkyen sna tshogs pa rnams kyis bskyed pa'i sman de rnams kyis dbye
 ba ni khyad par te/ khyad par gyi dbye ba de yis spyir bshad pa'i sman rnams las kyi dbye ba tha dad par 'gyur zhing du ma nyid du gnas pa yin la/ ro la sogs pa yang sman la brten pa yin pas de rnams kyi las kyang sman gyi dbye bas tha dad par
 'gyur ba yin no/ /de ltar sman rnam pa gnyis pa las/ la la ni ro rtsom par byed pa'i rkyen gyis mtshungs par bskyed pa yin la/ la la ni nus pa bskyed pa'i rkyen gyis mtshungs par skyed pa yin pas rkyen sna tshogs nyid du gnas pa yin te/ de
 dag gis phyogs gcig gi dpe bstan par bya ba'i phyir smras ba ni/ gro dang nas ni mngar ba dang/ /lci las rlung 'joms skyed byed yin/ /nya dro 'o ma bsil ba dang/ /seng ge kha yis phag ma yin zhes bya ba la/ gro
 dang nas dag ni ro mngar ba dang yon tan lci ba dang ldan pa yin du zin kyang/ gro ni rlung 'joms par byed la nas ni rlung skyed par byed pa ni rkyen sna tshogs pa las byung ba nyid yin pa'i phyir ro/ /de bzhin du rkyen sna tshogs ba las byung bas nya ni ro mngar du zer kyang/ nus
 pa dro ba yin gyi drang ba ma yin la/ 'o ma ni mngar du zin kyang zhu rjes nus pa bsil ba yin gyi dro ba ma yin no/ /de bzhin du rkyen sna tshogs pa las byung ba'i phyir/ seng ge'i sha ni mngar du zin kyang zhu rjes la sogs pa kha ba yin la/ phag gi sha ni
 mngar ba yin pa las/ zhu rjes la sogs pa yang mngar ba nyid yin no/ /de ltar na thams cad kyang rkyen sna tshogs las byung ba'i phyir/ ro dang zhu rjes dang nus pa tha dad par gyur pa yin par dpes rim pa bzhin du bstan pa yin no/ /yan lag
 brgyad pa'i snying po'i rnam par 'grel pa tshig gi don gyi zla zer zhes bya ba slob dpon zla ba la dga' bas rnam par sbyar ba las le'u dgu pa'i 'grel ba'o// /de nas ro tha dad par shes par bya ba'i le'u bshad par bya ba
 la/ sman la sogs pa rnams kyi bye brag shes par bya ba'i le'u bshad pa'i 'og tu/ ro tha dad pa shes par bya ba le'u bshad par bya ste/ ro rnams ni sman la brten pa yin pa'i phyir ro/ /de yang sman rnams gnyis ro la sogs/ /de ni de la
 brten pas mchog ces sngar bshad pa'i phyir te/ sman med par ro la sogs pa nye bar dmigs par mi 'gyur ro/ /de bas na dang por sman bshad nas de'i 'og tu bsten pa po'i ro'i bye brag shes pa bstan pa brtsams pa yin no/ /de
 la rdo rnams kyi tha dad pa ni ro'i khyad par ste/ de shes par bya ba la phan pa'i le'u gang yin pa de ni bshad par bya zhing brtan par bya'o zhes pa'o/ /de la ro ni re zhig chu'i rang bzhin dang/ dang po mi gsal ba yin pa la/ de ni dus rnam pa drug dang
 ldan pa yin pa'i phyir dang/ 'byung ba chen po'i yon tan shas che chung gi dbang gis byung ba dang mi mnyam zhing/ tshig pa las mngar ba la sogs pa'i dbye ba rnam pa drug tu 'gyur ro/ /de ltar na chu smos pas ni/ ro dag chu'i rnam par 'gyur
 ba yin pa'i shes pa sa la sogs pa ni/ lhan cig byed pa'i tshul gyis dgongs pa byed pa yin te/ de bas na tshogs pa ni yang dag par na ro'i byed pa po yin no/ /de bas na 'byung ba chen po shas che ba'i khyad par las ro 'byung ba'i
 tshul smras pa ni/ mngar ba la sogs ro skye la/ /sa chu me sa chu dang me/ /mkha' rlung me rlung sa dang rlung/ /gdis? gnyis shas che las rim 'byung zhes bya ba la/ ro mngar ba dang skyur ba la sogs pa drug pa rnams ni skye zhing 'byung ba ni
 'byung ba gnyis gnyis shas che zhing lhag pa las go rim ji lta ba bzhin du bstan ba dang/ bshad pa'i tshul gyis 'byung ste/ 'byung ba gnyis gnyis gang la shas che bar gyur pa de las 'byung ba'o/ /de las 'byung ba chen po gang
 dag ro gang zhig rtsom pa la lhag par gyur pa yin zhe na/ de dag grangs ji lta ba bzhin du smras pa ni/ sa chu zhes bya ba la sogs pa ste/ sa chu zhes pa sa dang chu'i 'byung ba shas che ba las ni/ ro mngar ba byung ba la me sa zhes bya ba
 me dang sa'i shas tsha ba las ni skyur ba 'byung ngo/ /chu dang me zhes bya ba 'byung ba/ chu dang me'i shas che ba las ni lan tshwa'i ro 'byung ngo/ /mkha' rlung zhes bya ba nam mkha' dang rlung shas che ba las ni ro la ba 'byung ngo/ me rlung zhes bya ba me dang
 dang shas che ba las ni tsha ba yin/ sa dang rlung zhes bya ba 'byung bas dang rlung gi shas che ba las ni ro bska ba 'byung ngo/ /de ltar na gnyis gnyis las 'byung ba yin no/ /shas che zhes smos pas na ro thams cad kyang 'byung ba las gyur ba yin par ston to/ /des na tshogs
 pa las byung ba yin yang shas che ba'i chas rdzogs par byas pa yin te/ gang du gang zhig shas che ba ste/ der ro'i khyad par gzhan bskyed pa yin no/ /de ltar na shas che ba'i dbang gis ro mngar ba ni 'byung ba thams cad kyis bskyed
 du zin kyang/ sa dang chu las byung ba yin zhes bshad pa yin no/ /de bzhin du lhag ma rnams la yang sbyar bar bya'o/ /da ni mngar ba la sogs pa 'byung ba rnams kyi mtshan nyid dang las bstan pa'i phyir smras pa ni/ de la ro ni
 mngar ba dag /gang zhig myangs pa'i che na ni/ /kha la chags shing lus kyang ni/ /tshim byed dbang po rab dang byed/ /grogs ma la sogs dga' ba yin zhes bya ba la/ ro drug po de dag gi nang nas/ ro mngar ba dag tu shes par bya ba ni gang zhig
 myangs shing lce dang phrad par gyur pa na/ kha la chags shing 'byar bag can du gyur pa dang/ de bzhin du lus kyang tshim zhing bde bar byed pa dang/ dbang po rnams rab tu dang zhing dga' bar byed pa dang/ de bzhin du grogs ma la sogs
 pa srog chags phra mo rnams kyang dga' zhing sred par byed pa yin no/ /skyur ba kha nas chu 'dzag cing/ /so brtse du ni ldang ba dang/ /mig dang smin ma 'dzum par byed/ /ces bya ba la/ ro skyur ba ni myangs pa'i tshe kha nas chu 'dzag cing/ gsher
 ba 'du ba dang/ de bzhin so brtse ba dang/ spu ldang bar byed pa dang/ mig gnyis dang smin ma gnyis 'dzum shing sdud par byed pa yin no/ /lan tshwa khar ni 'tshil ma 'du/ /ma khur ba gre ba tsha bar byed ces bya ba la/ ro lan tshwa ni lce
 myangs pa na khar mchil ma 'du zhing 'dzag pa dang mkhur ba dang gre bar tsha bar byed pa yin no/ /ba ba kha yi dri ma sbyong/ /lce ni 'joms par byed pa yin zhes bya ba la ro kha ba ni myangs par gyur pa na/ kha'i dri ma sbyong zhing dag par byed de/ ljan ljin
 sel ba yin zhing lce 'joms pa ste/ ro gzhan 'dzin par byed pa'i nus pa 'jig par byad pa ste/ rang gi las kyi nus pa nye bar 'joms par byed do zhes bya ba'i don no/ /tshab lte rtse skyo byed cing/ /cag tsag byed par 'gyur ba dang/ /kha mig sna nas 'dzag
 byed cing/ /mkhur ba bsreg par byed pa yin zhes bya ba la ro tsha ba ni lce la myangs pa'i lce'i rtse mo skyo bar byed cing na bar byed pa ste/ lce bem por byed do/ /zhes bya ba'i don to/ /tsag tsag byed par 'gyur zhes bya ba ni/ ma lce la reg pa ltar tsha ba lam lam
 por byed pa 'am/ ske sa'i lde gus bskus pa ltar tsha ba cag cag por byed par 'gyur ro/ /de bzhin du kha dang mig dang sna las chu 'dzag par byed pa dang/ mkhur ba me lces phog pa ltar sreg par byed pa yin no/ /bska bas lces ni bem por byed gre
 pa rtsa spubs 'gags par byed ces bya ba la/ ro bska ba ni lces myangs pa na lce bem bem por byed do/ /ro ji lta ba bzhin du tshar bar gyur pa las nyams par byed pa dang/ de bzhin du gre ba dang rtsa'i spubs 'gag par byed par 'gyur ro/ /de'i tshul
 ni de dag ste zhes bya ba la/ ro rnams kyi mtshan nyid bshad nas de dag gi rang bzhin nyid kyi don gyi mjug bsdu ba'i tshig tu slob dpon gyis smras pa yin te/ mngar ba la sogs pa'i ro'i tshul ni sngar bshad pa'i rnam pa de lta bu'i mtshan nyid
 can yin par shes par bya'o zhes bya ba'i don no/ /las ni ro mngar ba dag gis/ /skye gnas 'phrod par byed pa dang/ lus zungs mthu stobs rab bskyed cing/ byis pa rgan po glo brdol skem mdog mdangs skad? dang dbang po bzang/ /lus
 rtas skad 'gags phan zhing lci/ /nu zho bskyed cing rma 'byor byed/ /tshe ring 'tsho byed snum pa dang/ /rlung dang mkhris pa dug rnams sel/ /ha cang drag na tshil bcas dang/ /bad kan las byung nad bskyed cing/ /lus
 sbom drod 'bri chang nad dang/ /gcin nad lba ba smon sogs bskyed/ ces bya ba la/ ro mngar ba la bsten cing dpyad na las 'di dag byed do/ /de yang skyes nas 'phrod par byed pa ste/ skyes pa nas brtsams te 'phrod cing rjes su mthun pa yin pa'i
 phyir/ bcud kyi dangs ma la sogs pa'i lus zungs rnams kyi mthu stobs rab tu skyed par byed pa ste/ nus pa khyad par can dang ldan pa'i stobs bskyed par 'gyur ro zhes bya ba'i don to/ /de bzhin du rtag tu byis pa dang rgan po
 dang glo brdol ba dang skem pa dang mdog mdangs dang/ skrag dang dbang po rnams la bzang zhing bsngags par byed pa yin no/ /de bzhin du lus rtag par byed pa dang/ skad 'gags pa'i lkog ma la phan pa dang/ bud med kyi nu zho bskyed
 pa dang/ rma dang rus pa chags pa 'byor zhing 'tsho bar byed pa dang/ tshe ring bar byed pa dang/ 'tsho bar byed cing mdangs bskyed pa dang/ snum pa'i yon tan dang ldan pa dang/ de bzhin rlung dang mkhris pa'i nad dang dug las gyur pa'i nad
 rnams sel bar byed pa yin no/ /yang ro mngar ba de ha cang drags shing shas cher bsten par gyur na/ tshil dang bad kan las byung ba'i nad rnams bskyed cing 'phel bar byed pa dang/ lus sbom pa la sogs par byed pa dang/ chang nad
 ni 'og nas bshad do/ /de la sogs pa bskyed par 'gyur ro/ /skyur ba me drod skyed byed snum/ /zhi zhing 'ju byed yi ga 'byed/ /dro ba'i nus bskyed rag pa bsil/ /tshim byed 'drul byed yang ba ste/ bad kan khrag mkhris rgyas par byed//
 rlung 'gags rgyu bar byed pa yin/ /de ni shin tu bsten grags na/ /lus lhod rab rib mgo 'khor dang/ /g.yan pa skya rbabs me dbal dang/ /'or nad thor bu skems rims bskyed ces bya ba la ro skyur ba bsten cing spyad na/ khong pa'i me drod bskyed cing
 'phel bar byed pa dang/ de bzhin du snum pa dang/ zhim zhing sems dga' bar byed pa dang/ kha zas 'ju zhing smin par byed pa dang/ yi ga 'byed cing zas len pa dang/ de bzhin du dro ba'i nus pa bskyed pa dang/ bskus na reg pa kha bltas pa
 bsil ba dang/ tshim par byed pa dang/ kha zas 'drul zhing sla bar byed pa dang/ de bzhin du yang ba dang/ bad kan dang/ mkhris pa dang/ phyag rgyas par byed pa dang/ de bzhin du rlung lam 'gags shing 'khyil ba dag bde bar rgyu bar ?? byed
 cing 'byung bar byed pa yin no/ /ro skyur ba de ni shin tu bsten drags shing shas cher zos na lus lhod cing mi mkhregs par byed pa dang/ de bzhin du rab rib la sogs pa'i nad bskyed par 'gyur ro/ lan tshwa sra dang 'khyil ba dang/ /'gags par 'byin
 cing drod skyed byed/ /snam dang dug gis rdul zhing rno/ /yi ga 'byed zhing gcod 'byang byed/ /de ni drags par rlung brag dang/ /skra 'byir skra dkar gnyer ma dang/ /skom mdze dug dang me dbal rnams/ /skyed cing stobs ni 'bri bar byed ces bya ba la/ ro lan tshwa can
 bstan cing longs spyod na sra ba 'byin par byed pa dang/ /'khyil ba 'byin par byed pa dang/ /'gags pa 'byin par byed pa yin no/ /de la sra ba ni rengs shing 'gyur mi shes pa'o/ /'khyil ba ni bshad ba la sogs pa'i tshogs 'khyil zhing 'byung du
 mi tub pa'o/ /'gags pa ni rtsa spubs rnams 'gags pa ste de dag 'byin cing sel bar byed pa yin no/ /de bzhin du dreng bskyed cing ma'i shes pa 'phel bar byed pa dang/ snum pa dang/ dugs kyis rdul 'byin pa byed pa dang/ rno zhing 'jug pa
 myur ba dang/ yi ga 'byed cing zas 'dod pa dang/ gcod cing kha gnyis su byed pa dang/ 'byed cing 'jig par byed pa yin no/ /lan tshwa'i ro de drags shing shas cher bsten pas rlung dang khrag gi nad dang/ de bzhin du
 skra 'byi zhing spyi theng du 'gyur ba dang/ rgas sra ba'i mtshan ma skra dkar po dang/ gnyer ma zhes pa bags pa 'dus pa dags byed pa dang/ de bzhin du skom dang la sogs pa skyed par byed cing/ stobs 'bri zhing 'jig par byed pa yin no//
 kha ba dang rang nyid zhim min zhing/ /yi ga 'chus dang srin skom dug /mdze dang brgyal dang rims slon bro/ /tsha dang mkhris pa bad kan 'joms/ /'drul dang tshil dang zhag dang rkang dang/ /bshad dang gci ba skems pa dang/ /yang zhing yid
 gzhungs bsil zhing rtsub/ /nu ma'i nang dang skad 'gag sel/ /de ni shin tu drags gyur nas/ /lus zungs zad cing rlung nang skyed/ ces bya ba la/ ro kha ba ni rang nyid zhim pa ma yin zhing yi ga 'byed par byed pa yin yang/ rang nyid
 yi gar mi 'ong ba yin no/ /de bzhin du yi ga 'chus pa nas/ bad kan gyi bar du 'joms par byed pa yin no/ /de bzhin du 'drul pa la sogs pa zhu zhing gsher ba'i tshul can dag skyem par byed pa dang/ de bzhin du bzhin yang ba dang/
 yid gzhungs shing shes rab 'phel ba dang/ bsil zhing grang ba'i nus pa bskyed pa dang/ de bzhin du rtsub pa dang/ bud med kyi nu ma'i nad dang/ skad 'gags pa'i lkog ma'i nad sel zhing 'joms pa yin no/ /ro kha ba de shin
 tu drags par bstan cing goms par gyur na/ lus zungs dangs ma la sogs pa zad cing 'bye ba dang/ rlung las gyur ba'i nad rnams bskyed cing 'byin pa yin no/ /tsha bas lkog nad 'gags pa dang/ mdze dang ma zhu 'or nad sel//
 rma 'jig byed cing snum pa dang/ /tshil dang 'drul bag skems par byed/ /drod bskyed 'ju byed yi ga 'byed/ /sbyong zhing zas ni 'jig par byed/ /'ching ba gcod cing rtsa spubs dag /rnam par byed cing bad kan sel/ /de ni shin tu drags gyur pas/ /skom
 bskyed khu ba stobs zad cing/ /brgyal zhing lus 'khums 'dar ba dang/ /rked pa rgyab sogs na bar byed/ /ces bya ba la/ ro tsha bas ni lkog ma'i nad la sogs pa sel bar byed de/ lkog nad ni lkog ma'i phyogs su 'byung ba'i nad do/ /'gag pa ni dang
 'ga' shing bad kan gyis rgyas pa las byung ba'i nad la bya'o/ /la la ni grang ba'i 'dar nang la u brtu zhes bya'o zhes zer ro/ /gzhan dag ni grang ba'i dus su khyad par du grang ba'i chu'i reg pa las/ /lkog mar skrangs par gyur pa'i nad/ /gag? pa ces bya bad
 kan 'byung zhes bshad do/ /ma zhu ba ni ma zhu ba be'u snabs can no/ /rma 'jig par byed pa ni/ rma shin tu mtho ba'i skrangs bag can/ /mjum zhing 'bri bar byed pa'o/ /yang na rma 'byor pa dag gis gags byed pa'o/ /de bzhin du snum ba dang/ tshil pa
 sogs pa skems shing 'bri bar byed pa dang/ me'i drod bskyed cing 'phel ba dang/ ma zhu ba zhu bar byed pa dang/ /kha zas yi ga 'byed par byed pa dang/ rtsa spubs sbyong ba dang/ zas 'jig par byed pa dang/ 'chi ba gcod pa ste/ rno bas lha tshigs
 kyi 'chi ba dam po lhod par byed pa dang/ rtsa spubs kyi kha rnam par 'chid ba dang/ bad kan sel cing 'joms pa yin no/ /tsha ba de shin tu drags par bsten cing zos pas ni skom dad bskyed ba la sogs pa byed pa yin no/ /brgyal ba
 ni rmongs par gyur pa'o/ /lus 'khums pa ni yan lag 'jas pa ltar gyur pa'o/ /de bzhin du 'dar ba dang/ rked pa dang/ rgyab na ba ste/ de dag tu gzer ba la sogs pa mi bzad pas 'debs pa dang/ sogs pa'i sgras ni rkang pa dang/ rtsib
 logs mal sogs par byed pa yin no/ /bska ba mkhris pa bad kan sel/ /lci zhing khrag nang rnam par sbyong/ /skem zhing rma 'tsho bsil ba dang/ /'drul dang tshil ni skem par skems/ /be'u snabs 'khyil cing sri bar byed/
 rtsub cing pags mdog rab dang byed/ /de ni shin tu bsten grags na/ /bshad 'gags lto spos snying nad dang/ /skem dang skem zhing skyes mchu nyams/ /rtsa sgo 'gags shing dri ma sri zhes bya ba/ ro bska ba bsten cing sbyad pas ni/ /mkhris pa dang
 bad kan sal cing 'joms par byed pa dang/ lci ba'i yon tan dang ldan pa dang/ khrag gi nad rnam par sbyong ba la sogs pa byed pa dang/ be'u snabs 'khyil zhing thogs par byed pa dang/ bshang ba sri bar byed pa dang/ de bzhin du shin tu
 rtsub pa dang/ pags pa'i mdog rab tu dang zhing mdog gsal bar byed pa yin no/ /ro bska ba de bsten pa drags shing shas cher zos na bshad ba 'gags pa la sogs pa bskyed par byed pa dang/ skyes bu'i mthu nyams shing khu ba zad par
 'gyur ba dang/ dri ma sri ba dang/ gcin dang byis 'gag par 'gyur ba yin no/ /mngar ba la sogs pa'i rdzas kyi sde tshan smras pa ni zhun mar bu ram star ga gser/ /mo tsa tso tsa ba ru sha/ nye'u shing ra mnye ba nas/ /rA dza da na ba la gsum/ /me dag
 gnyis dang par+Na bzhi/ /'tsho byed ji ka ri sha ba/ /shing mngar ma du ka bimpi/ /sharba? ni gnyis ba di ri/ /cu waM kI ra shu ku la/ /sa ha 'o can kaSh+ma ri/ /'o ma bu ram shing gze ma/ /rgun 'brum spang sogs mngar ba'i sde/ /zhes bya ba la/ zhun mar nas rgun 'bru'i
 bar gyi sde tshan 'di ni rdzas mngar ba ste/ sman mngar po yin no zhes bya ba'i don to/ /de la mo tsa ni chu shing gi 'bras bu'o/ /tso tsa ni rgya skyegs kyi 'bras bu'o/ /nye'u shing ni a bi ru'o/ /raM mnye bar ma ni bi ra'o/ /rA dza da na ni ba na ya bri ya'o/ /ba la gsum
 ni pA la dang/ a ti pA la dang/ nA ga pA la'o/ /me da gnyis ni me dang/ mahA me da'o/ /par+Ni bzhi ni sa la par+Ni dang/ priSh+Na par+Ni dang/ mutga? par+Ni dang/ mA Sha par+Ni'o/ /'tsho byed ni dzI ban+ti'o/ /dzI ba ka ni kurtsa shirSha'o/ /di sha ba ni ba li bard+ha'o/ /ma du ka ri ma du
 ka'i me tog go /bi ma ni dun+ta ke ri'o/ sh+ra ba gnyis ni/ sh+ra ba ni dang/ mahA sh+ra ba Ni'o/ /ba da ri ni k+Shi da bi d+ha ri'o/ /cu waM ni tu ka k+Shi ri'o/ /k+Shi ra shu ku la ni/ k+Shi da ka lo li'o/ /sa ha gnyis ni ma hA sa ha dang/ k+Shu raM sa ha'o/ /'o ma can ni 'o ma yod pa'i
 shing 'ol sel sogs pa'o/ /kaSh+ma ra ni katpa la'o/ /gzhan ni go bar zad do/ /skyur ba skyur ru ra aM la ka /ba lung dang ni star bu dang/ /se'u 'bru rdul dang dar ba dang/ /tsha dang ku shu a mra dang/ /aM la tarka b+ha bya dang/ ka ra martha pi tha ro zhes bya ba la/ skyur
 ru ra nas ka pit+tha'i bar gyi sde tshan ni sman skyur ba'i tshan yin no/ /aM la ka ni tsu kraM ka'o/ /ba lung ni pi dza pu rA'o/ /gzhan dag ni go bar zad do/ /tsha mchog rtsabs ru kha ru tsha/ /bi da rgya mtsho bkong ma'i tsha/ /mtsho tsha skam tsha ro nyid dang/ /kA ra lan tshwa'i
 sde tshan yin zhes bya ba la/ tshwa mchog nas lan tshwa'i bar ni/ tsha'i sde tshan gyi sman gyi tshogs so/ /tsha mchog ni rgyam tsha dang/ lce myang tsha'o/ /rtsa bas ru tsha ni so bartsa la ste/ ming gi rnam grangs ru tsi ka zhes bya'o/ /kha ru tsha ni tsha na ge po'o/ /bi da ni
 kha ru tshwa nag po'i dri mi zhim pa'o/ /rgyam mtsho'i tsha ni sa mu dral wa na'o/ /ro nye zhes bya ba ni zha nye nag po'o/ /k+Shar ni rdzi ka dang/ ya bak+Sha ra la sogs pa la sogs pa'o/ /kha ba khi lce pa to li/ tsan dan u shir ba le ka /tsi skrigs nim+ba bu tso shel
 rgya spos a kar ba tsa ka /nak+tam la ser po gnyis/ /gla sgang murba ba sha ka /a pa marga po son cha/ /khar lcags sle tres byi tsher ba/ /rtsa ba chen la byA b+h+ri gnyis/ /bong nga shu dag bi sa la/ zhes bya ba la/ /byi lce ba nas bi sha la'i par gyi sde tshan 'di
 ni sman kha ba'i sde tshoms so/ /ci skrigs ni ki ri ta tik+ta'o/ /nak+ta ma la ni ka rany+dza'o/ /ser po gnyis ni yung ba dang skyer pa'o/ /ba sha ka ni a Ta ru Sha ka'o/ /byi tsher ba ni du rla ba'o/ /rtsa ba chen po lnga ni/ bilba dang ka ksha ri la sogs pa'o//
 byA g+h+ri ni bri ha tI dang/ /kaN+Da kA ri'o/ /tsha ba shing kun na le shaM/ bi TaM ga dang tsha ba lnga/ /ku thi ra sogs ldum dang sngo/ /mkhris pa gcin dang go phye yin zhes bya ba la/ shing kun nas go phye'i bar gyi sde tshan 'di ni/ sman tsha ba'i sde tshan yin no zhes bya
 pa'i don to/ /tsha ba lnga ni pi pi ling dang/ pi pi ling mU la dang/ dbyi mod dang/ tsi tra ka dang/ bca' lga'o/ /ku the ra sogs ldum rdang sngo zhes bya ba ni tshod ma'i nad nas ldum gyi sdo dang ku the re dang/ shi kru dang/ byi'u rug pa la sogs pa'o//
 mkhris pa ni ri dags dang bya la sogs pa'i mkhris pa'o/ /gcin ni ba lang dang ra lug la sogs pa'i gcin rnam pa brgyad do/ /go phye ba ni ba la da ka zhes bya ba bse shing gi 'bras bu'o/ /ska sman a ru ba ru ra/ sbrang rtsi seng ldeng sh+ri sha/ ka raM
 u dum pa ra dang/ mu tig byu ru anyaM btsag /ka pit+tha gzhon/ brdzu ra/ /pad rtsa pad+ma utpa la'o zhes bya ba la/ sa ru ra nas utpa la'i bar gyi sde tshan 'di ni ro bska ba'i sman gyi tshogs so any+dza na ni lig bu mig dang dngul rdo'o/ /btsag ni su
 bar+Na gi ri ste/ btsag yug rnam mo/ /ka pit+tha gzhon zhes bya ba ni ba la ka bita gzhon nu'o/ /brdzu ra zhes bya ba ni ka pit+tha rlon pa dang/ /brdzu ra ma smin pa'o 'bras rnying nas dang gro rnying dang/ mutga sbrang rtsi sha ba ra/ skam sa'i sha rnams me gtogs
 ba'i/ /mngar ba phal cher bad kan bskyed ces bya ba la/ mar la sogs pa'i sman ro mngar ba phal mo che de dag ni/ bad kan bskyed cing 'phel bar byed pa yin mod kyi/ 'bras rnying pa dang/ nas rnying pa dang/ gro rnying pa dang/ sran mutga ste/
 mon sran sde'u dang/ sbrang rtsi dang/ sha kha ra dang/ skam sa'i sha rnams ni ma gtogs te/ 'di dag mngar yang bad kan mi bskyed kyi/ de las gzhan pa'i mngar ba phal cher bad kan bskyed pa yin no/ /skyu ru se 'bru ma gtogs pa/ skyur ba phal cher mkhris
 pa bskyed ces bya ba la/ gang skyur ba'i sman phal cher zhes pa mang du ste/ ma du lung+ga la sogs pa gang yin pa de thams cad mkhris pa bskyed cing/ 'phel bar byed pa yin mod kyi/ skyu ru ra dang se'u 'bru ni ma gtogs de nyid ni mkhris pa mi bskyed pa
 gzhan skyur ba thams cad mkhris pa bskyed pa yin no/ /rgyam tsha lce myang tsha ma gtogs/ /lan tshwa phal cher mig la gnod/ /ces bya ba la lan tsha'i sma thams cad las phal che ba zhes bya ba mang du mig la gnod cing 'joms pa yin mod kyi rgyam tsha dang lce myang
 tsha ni ma gtogs so/ /de bas rgyam tsha dang/ lce myang tsha ni mig la phan no zhes don gyi shugs kyis snyon pa yin no/ /sle tres pa to la bca' sga/ /sgog skya pi pi ling ma gtogs/ /ba dang tsha ba phal cher ni/ /ro tsa 'bri zhing rlung bskyed yin zhes bya ba la/ sman kha pa
 dang tsha ba thams cad las phal cher te mang du ro tsa zhing khu ba 'phel ba la gnod cing 'bri bar byed pa dang/ de bzhin du rlung bskyed par byed pa min mod kyi/ gzhan du na sman kha ba'i nang na sle tres dang/ pa to la ma gtogs pa/ sman tsha ba rnams kyi nang na
 bca' ska dang/ pi pi ling ste/ gsum ma gtogs pa sman kha ba dang/ tsha ba gzhan dag ni ro tsa pa 'bri zhing rlung bskyed pa yin la/ lnga po de dag ni ro tsa ba byed pa dang/ rlung 'joms pa yin no/ /bska ba las a ru ra ma gtogs/ phal cher bsil zhing
 sri bar byed ces bya ba la/ sman bska ba shi ri sha la sogs pa thams cad las phal cher te/ mang du bsil ba'i nus pa dang ldan zhing/ bshang ba la sogs pa sri bar byed pa yin mod kyi/ a ru ra ni ma gtogs te/ de ni nus pa dro zhing 'khru bar byed
 pa yin no/ /ro tsha skyur dang lan tshwa rnams/ /go rim bzhin du dro nus ldan zhes bya ba la/ ro tsha ba dang/ skyur ba dang/ lan tshwa rnams ni go rim bzhin te/ rim pa ma chol bar tshwa ba'i nus pa dang ldan pa yin te/ de yang tsha ba ni tsha
 zhing dro ba yin la/ skyur ba ni rab tu dro ba yin la/ lan tshwa ni mchog tu dro ba'i nus pa dang ldan pa yin no/ /kha dang bska dang mngar ba rnams/ /de bzhin du ni bsil pa nyid ces bya ba la ro kha ba dang bska ba dang mngar ba rnams ni de bzhin
 du zhes pa/ go rim snga ma bzhin du bsil ba'i nus pa dang ldan pa yin gyi kha ba ni bsil ba yin la/ /bska ba ni rab tu bsil ba yin la/ mngar ba ni mchog tu bsil ba yin no/ /kha dang tsha dang bska ba rnams/ /de bzhin rtsub cing dri
 ma sri zhes bya ba la/ ro kha ba dang tsha ba dang/ bska ba ni de bzhin du zhes pa go rim ji lta ba bzhin du rtsub cing dri ma sri bar byed pa yin te/ kha ba ni rtsub pa dang dri ma sri bar byed pa yin la/ tsha ba ni rtsub cing rab tu dri ma bsri pa yin la/ bska ba
 ni shin tu rtsub cing dri ma sri ba yin no/ /lan tshwa skyur mngar snum pa dang/ bshang gci thur gyi blugs 'byin byed ces bya ba la/ ro lan tshwa dang/ skyur ba dang/ mngar ba rnams ni snum pa dang/ bshang gci dang/ thur gyi blugs 'byin cing
 'don par byed pa yin la/ go rim bzhin zhes bya ba 'dir yang sbyar bar bya ste/ lan tshwa ni snum pa dang/ bshang gci dang phyi rol gyi dbugs 'byin par byed pa yin la/ skyur ba ni rab tu snum pa dang/ bshang pa dang gci ba dang phyi rol gyi
 dpugs rab tu 'byin par byed pa yin no/ /mngar ba ni shin tu snum pa dang/ bshang ba dang gci ba dang phyi rol gyi dbugs shin tu 'byin par byed pa yin no/ /lan tshwa las bska bas de bas kyang/ mngar ba mchog tu lci ba yin zhes bya ba
 la/ ro lan tshwas ni ro bska ba lci ba yin la/ de bas kyang zhes bya ba/ ro bska ba bas kyang ro mngar ba mchog tu lci ba yin no zhes bya ba'i don no/ /skyur bas tsha dang de bas kyang/ /kha ba dag ni yang ba yin zhes bya ba la/ ro skyur ba ni yang ba yin la/ de bas
 kyang tsha ba yang yin la/ ro tsha ba de bas kyang kha ba dag yin no/ /ro rnams kyi dbye ba bshad pa ni/ ro rnams kyi ni dbye ba las/ /sbyor ba lnga bcu rtsa lnga dang/ /brtag pa drug cu rtsa gsum du/ /rags rim ji bzhin phye ba yin zhes bya ba la/ ro rnams kyi bzhi po
 sman gyi sbyor ba byas pa las 'og nas bshad pa'i tshul du phan tshun 'dres pa'i sbyor ba byas shing rnam par phye ba las sbyor ba lnga bcu rtsa bdun tha dad par bya ba yin pa dang/ yang 'di rnams la rtag pa drug cu rtsa gsum du phye ba yin no/ /ji ltar byas nas
 ro rnams kyi sbyor ba lnga bcu rtsa bdun dang/ brtag pa drug cu byas pa yin zhe na/ rags rim ji lta ba bzhin zhes bya ba yin te/ rags pa'i go rim la bltos shing mtshon nas/ ro gsal bar myong ba'i tshul dang/ rjes su mthun par byas
 pa yin gyi/ ro rje phra mo yan chad rab dang mchog gi dbye ba las ni/ ro mdza' yas pa yin pas/ phra mo rnams kyi dbang du byas pa ni ma yin no/ /de yang ji tsam zhig lus la dgos pa yod pa de tsam gyi rags rim/ ji lta ba bzhin du che zhing
 grangs su chad par byas pa yin no/ /sbyor ba nyid ro gnyis la sogs pa'i dbye bas bshad pa ni de lnga re re phri ba las/ lngar 'gyur ro ni gnyis pa yin/ ro zhes bya ba la ro gnyis sbyar ba ni gnyis pa ste/ ro'i gzhi'i sman dang 'brel ba'i sbyor ba
 gnyis pa de la ro lnga po de dag gi sbyor ba byas pa las 'gyur te/ ji ltar 'gyur zhe na/ re re phri ba las gyur te/ mngar ba phri ba'i skyur ba la sogs pa dang/ skyur ba phri ba'i lan tshwa la sogs pa dang/ lan tshwa phri ba'i kha ba la sogs pa
 dang/ kha ba phri ba'i tsha ba bska ba gnyis dang/ tsha ba phri ba'i bska ba'o/ /de ltar na mngar ba la sogs pa'i ro re re phul ba'i ro lnga ni sbyor ba'i don du 'gro bar byed pa yin la/ skyur ba la sogs pa ni sbyor bar
 byed pa yin te/ de yang 'di lta ste mngar ba dang skyur bar sbyar ba dang/ mngar ba dang kha ba sbyar ba dang/ mngar ba dang tsha ba sbyar ba dang/ mngar ba dang bska bar sbyar bar bya ste/ de ltar na mngar ba phye ba rnam pa lngar 'gyur ro/ /skyur ba'i
 gnyis pa ni mngar ba la bltos nas re re phri ba las gnyis pa'i dbye ba bzhir 'gyur ba ni 'di lta ste skyur ba dang lan tshwar sbyar ba dang/ skyur ba dang kha bar sbyar ba dang/ skyur ba dang tsha bar sbyar ba dang/ skyur ba dang bska bar sbyar ba ste de ltar
 na skyur ba dbye ba rnam pa bzhir 'gyur ro/ /lan tshwa'i gnyis pa ni skyur ba la bltos pa re re phri bar gyur na dbye ba rnam pa gsum du 'gyur ba ni 'di lta ste/ lan tshwa dang kha bar sbyar ba dang/ lan tshwa dang/ tsha bar sbyar ba dang/ lan tshwa dang bska bar sbyar ba ste/
 de ltar na lan tshwa'i gnyis par 'gyur ro/ /kha ba'i gnyis pa ni lan tshwa las bltos nas/ re re phri bar gyur na dbye ba rnam pa gnyis su 'gyur ba ni 'di lta ste/ kha ba dang tsha bar sbyar ba dang/ khru ba dang bska bar bya'o/ /tsha ba kha ba las bltos
 nas gcig phri bar gyur na/ dbye ba rnam pa gcig tu 'gyur te/ tsha ba dang bska bar sbyar bar bya'o/ /de ltar na gnyis po de dag dbye ba rnam pa bco lngar 'gyur ro/ /gsum pa mngar bcu skyur drug ste/ lan tshwa gsum ste/ kha ba gcig /bsil
 la ni mngar po bcu/ /skyur ba bzhi po lan tshwa gcig lnga pa la ni skyur gcig pu/ /mngar ba lnga la brten pa yin/ /zhes bya ba la/ gsum pa mngar bcu zhes bya ba la/ sman gyi ro gsum pa la/ /ro mngar ba dbye ba rnam pa bcur 'gyur te/ de yang
 'di ltar mngar ba dang/ skyur ba dang/ lan tshwa sbyar ba dang/ mngar ba dang skyur ba dang kha bar sbyar pa dang/ mngar ba dang/ skyur ba dang/ tsha bar sbyar ba dang/ mngar ba dang/ skyur ba dang bska bar sbyar ba dang/ mngar ba dang/ lan tshwa kha bar sbyar ba dang/ mngar
 ba lan tshwa dang tsha bar sbyar ba dang/ mngar ba dang lan tshwa dang bska bar sbyar ba dang/ mngar ba dang kha ba dang tsha bar sbyar ba dang/ mngar ba dang kha ba dang bska bar sbyar ba dang/ mngar ba dang tsha ba dang bska bar sbyar ba ste/ de ltar na bcu'o/ /skyur drug
 ste zhes bya ba ni/ ro skyur ba gsum pa'i dbye ba drug tu 'gyur ba ni 'di lta ste/ skyur ba dang lan tshwa dang kha bar sbyar ba dang/ skyur ba dang lan tshwa dang tsha bar sbyar ba dang/ skyur ba dang lan tshwa dang bska bar sbyar pa dang/ skyur ba dang kha ba dang tsha bar sbyar ba
 dang/ skyur ba dang/ kha ba dang lan tshwar sbyar ba dang/ skyur ba dang tsha ba dang bska bar sbyar ba ste/ de ltar na drug go /lan tshwa gsum zhes bya ba ni/ lan tshwa'i gsum pa ni dbye ba rnam pa gsum du 'gyur ba ni 'di lta ste/ lan tshwa dang kha ba dang tsha
 bar sbyar ba dang/ lan tshwa dang kha ba dang bska bar sbyar ba dang/ lan tshwa dang tsha ba dang bska bar sbyar ba ste/ de ltar na dbye ba rnam pa gsum du 'gyur ro/ /kha ba gcig pu nyid ces bya ba ni ro kha ba ni kha ba dang tsha ba dang/ bska bar sbyar ba ste/
 dbye ba gcig pu nyid du 'gyur ro/ /de ltar na gsum pa nyi shur 'gyur ro/ /bzhi pa la ni mngar ba bcu zhes bya ba ni/ bzhi pa la ni zhes bya ba dbye ba bzhi pa can la/ ro mngar ba dbye ba rnam pa bcur 'gyur ro/ /de yang 'di lta ste/ mngar
 ba dang skyur ba dang/ lan tshwa dang/ sbyar ba dang/ mngar ba dang skyur ba dang lan tshwa dang tsha bar sbyar ba dang/ mngar ba dang skyur ba dang lan tshwa dang bska bar sbyar ba dang/ mngar ba dang skyur ba dang kha ba dang tsha bar sbyar ba dang/ mngar ba
 dang skyur ba dang kha ba dang tsha bar sbyar ba dang/ mngar ba dang skyur ba dang tsha ba dang bska bar sbyar ba dang/ mngar ba dang/ skyur ba dang/ kha ba dang/ bska bar sbyar ba dang/ mngar ba dang lan tshwa dang tsha ba dang/ bska
 bar sbyar ba dang/ mngar ba dang/ lan tshwa dang kha ba dang bska bar sbyar ba ste/ de ltar na dbye ba rnam pa bcur 'gyur ro/ /skyur ba bzhi po zhes bya ba ni/ skyur ba bzhi po dbye ba bzhir 'gyur ba ni 'di lta ste/ skyur ba dang/ lan tshwa dang kha ba dang tsha
 bar sbyar ba dang/ skyur ba dang lan tshwa dang kha ba dang bska bar sbyar ba dang/ skyur ba dang lan tshwa dang tsha ba dang bska bar sbyar ba dang skyur ba dang kha ba dang tsha ba dang bska bar sbyar ba ste/ de ltar na dbye ba rnam pa bzhir 'gyur ro/ /lan tshwa sna gcig ces bya ba ni lan
 tshwa bzhi pa ni/ dbye ba gcig tu 'gyur te/ lan tshwa dang tsha ba dang kha ba dang bska bar sbyar ro/ /de ltar na dbye ba rnam pa bco lngar 'gyur ro/ /lnga pa la ni skyur gcig pu/ /mngar ba lnga la brten pa yin zhes bya ba ni dbye ba rnam pa lnga ni/ ro skyur ba'i dbye ba
 gcig du bsten pa ni/ 'di lta ste/ skyur ba dang/ lan tshwa dang kha ba dang/ tsha ba dang bska bar sbyar bar bya'o/ /lnga pa la ro mngar ba ni dbye ba lnga la brten cing gnas pa yin te/ 'di ltar mngar dang bskyur ba dang/ lan tshwa dang/ kha ba dang tsha bar sbyar ba
 dang/ mngar ba dang skyur ba dang lan tshwa dang kha ba dang bska bar sbyar ba dang/ mngar ba dang lan tshwa dang kha ba dang/ tsha ba dang bska bar sbyar ba dang/ mngar ba dang bska ba dang kha ba dang tsha ba dang skyur bar sbyar ba dang/ mngar ba dang skyur ba dang lan
 tshwa dang tsha ba dang bska bar sbyar ba ste/ de ltar rnam pa lnga dang/ snga ma dang bcas pa lnga ba dbye ba drug tu 'gyur ro/ /sman ni ro drug gcig tu yin/ ces bya ba na gcig pur 'gyur ba yin te/ /mngar ba dang skyur ba dang lan tshwa dang/ kha ba dang
 tsha ba bska ba'o/ /spyir gcig pu kho nar gcig tu 'gyur pa yin no/ /de ltar na sbyor ba ni lnga bcu rtsa bdun du 'gyur ba yin no/ /ma 'dres pa ni ro drug 'gyur zhes bya ba la/ ma 'dres pa ni gcig dang gnyis la sogs pa'i sbyor ba dang 'brel te/ /gcig pu nyid
 du ni ro drug tu 'gyur te/ mngar ba dang/ skyur ba dang lan tshwa dang kha ba dang tsha ba dang bska ba'o/ /de rnams bye brag gi cho gas nye bar sbyar ba yin la/ bye brag de ni snum gyi cho ga la drug cu rtsa gsum du 'gyur te/ de yang ro dbye de gnyis gcig pu gnyis
 drug cu rtsa gsum dag tu brtag/ snum gyis gzhan dag zil mnan cing/ /nyung ba nyid kyi rim las bshad/ /ces 'byung ba yin no/ /dbye ba de dag bye brag dran par bya ba'i phyir tshigs su bcad par bsdus te smras pa ni/ lnga pa drug dang ro ni tha dad drug
 bzhi pa gnyis pa rnam pa bco lnga yin/ /dbye ba gsum pa nyi shu gcig nyid de/ /sman ni ro drug de ltar dgu cu rtsa gsum zhes bya ba la ro lnga'i sbyor ba du yod ce na/ drug ces bya ba ste/ lnga pa la ni skyur gcig pu/ /mngar ba lnga ni bsten pa yin zhes bshad pas
 ni/ de ltar lnga pa la ni sbyor ba'i dbye ba drug yin no/ /ro tha dad drug ces bya ba ni ma 'dres pa'i ngo bo nyid las ni mngar ba dang/ skyur ba dang lan tshwa dang tsha ba dang bska ba ste/ ro drug gi dbye bar 'gyur ro/ /bzhi pa gnyis pa rnam lnga yin zhes bya ba ni/ bzhi
 pa dang gnyis pa'i dbye ba ni rnam pa bco lnga ste/ de ltar na bzhi pa dang/ gnyis pa'i rnam pas phye ba'i ro ni dbyings rnam pa sum cur 'gyur ro/ /de yang bzhi pa la ni mngar po bcu/ /skyur pa bzhi po lan tshwa gcig ces smos pa'i phyir bco lnga yin no/ /dbye ba
 gsum pa nyi shu zhes bya ba ni/ dbye ba rnam pa gsum gyis phye ba'i ro rnams ni/ dbye ba ni rnam pa nyi shur 'gyur te/ gsum pa mngar bcu skyur drug ste/ lan tshwa gsum ste kha ba gcig ces bya ba yin pas na nyi shu 'o/ /gcig nyid ni/ sman ni ro drug
 ces bya ba ni/ sman ni ro drug gcig pu yin zhes bya ba'o/ /de ltar drug cu gsum zhes bya ba ni ro rnams kyi dbye ba drug cu rtsa gsum yod pa'o/ /de dag kyang gong du grangs lnga bcu rtsa bdun du chad pa'i bcos mang yongs su dbye ba'i sbyor ba
 dang bcas par bshad pa dang/ ma bcos pa'i ro drug ste/ ro drug cur ro rnams dbye bar bshad pa gang yin pa de ni dogs pa'i dbang du byas pa las/ mtshon cing lus la dgos pa'i yul du rig pa nyid las/ rags rim ji lta ba bzhin du bya zhing
 bshad pa yin gyi/ phra ba rnams kyi sbyor ba brtsis pa'i tshul 'di tsam du zad pa yang ma yin la/ dbye ba yang drug cu rtsa gsum du zad pa ma yin te/ gang gi phyir phra zhing rab tu phra bar brtag pa dang/ de bzhin du rab dang mchog dag tu brtag pa'i dbang dang/
 de bzhin du ro dang ro rjes kyis bgos pa'i dbang las ni/ 'di rnams ni dbye ba grangs med pa yin pas na/ 'di dag bstan pa'i phyir smras pa ni/ de rnams ro rjes ro'i dbye ba/ rab dang rab mchog dag tu brtag pa las/ /rtsis pa las 'das byung bar
 gyur pa ni/ /nad dang sman gyis dbang las nye bar sbyar zhes bya ba la/ drug cu rtsa gsum gyi grangs kyi dbye bas phye ba de rnams ni rtsis las 'das pa yin te/ shin tu mang ba'i phyir rtsi bar mi nus par 'gyur zhing skyes par gyur pa yin no/ /de ci  
 ltar zhe na/ ro dang rjes kyi dbye ba las te/ de bas 'byung ba 'dus pa las/ /byung bas sman rnams ro gcig min/ /zhes bya ba smos pa yin te/ ro dang rjes de gnyis kyang 'di ltar mngar ba'i rjes ni skyur ba la sogs pa yin la/
 skyur ba'i ro rjes ni mngar ba la sogs pa yin pa dang/ de bzhin du skyur ba ni lan tshwa'i la sogs pa'o/ /lan tshwa ni kha ba la sogs pa ste/ de rnams zhes bya ba'i tshig gis thams cad la snyags su zin kyang/ lnga bcu rtsa bdun po nyid
 la ci rigs bar ro dang ro rjes kyi dbye ba byas na grangs med par 'gyur la/ ro drug po 'ba' zhig la rab mchog la sogs pa'i brtag pa las grangs med par 'gyur ba la lta su zhig 'gog pa de nyid kyis na rab dang/ rab mchog dag tu brtag
 pa las zhes smos pa yin te/ ro sbyar ba dang/ me sbyar ba'i dbye ba mchog dang/ rab mchog dag tu brtag pa ni 'di ltar mngar ba dang/ rab tu mngar ba dang/ rab mchog tu mngar ba dang/ cung zad mngar ba dang/ cung zad rab tu mngar ba dang/ cung
 zad rab mchog tu mngar ba ste/ de bzhin du gzhan dag la yang sbyar bar bya'o/ /yang ro'i dbye ba de rnams nad kyi sman gyi dbang gis nye bar sbyar ba'ang bya ste/ de la nad ni rlung la sogs pa'o/ /sman ni a ru ra la sogs pa'o/ /nad dang sman gyi dbang
 ni de'i byed dam/ dbang du byas pa 'am/ de las bltos pa ste/ de'i dbang du byas pa las yongs su brtags te sbyar bar bya'i/ bab bab du 'chol bar bya ba ni ma yin no zhes bya ba'i don to/ /nad dang sman zhes smos pa ni/ nye bar
 mtshon pa tsam yin par shes par bya'o/ /yan lag brgyad pa'i snying po'i rnam par 'grel pa/ tshig gi don gyi zla zer zhes bya ba slob dpon zla ba la dga' bas rnam par sbyar ba las/ le'u bcu pa'i 'grel pa'o// //
 de nas nad la sogs pa'i tshul shes par bya ba'i le'u bshad par bya'o zhes bya ba ni/ de'i rjes thegs la sogs pa shes par bya ba brtsam par bya ste/ gang gi phyir ro rnams kyi dbye ba drug cu rtsa gsum gyis phye ba de dag kyang nad kyi sman gyi
 dbang du sbyar bar bya ba yin par bshad la/ de lta bas na nad la rjes su dpags te sbyar bar bya'o/ /bab bab tu 'chol bar bya ba ni ma yin no/ /de bas na nad de rnams ni rang gi las kyi mtshan nyid ji lta bu nyid las rjes su dpags te shes par bya dgos
 la/ de shes par bya ba'i phyir ni le'u 'di brtsams pa yin no/ /'dir nang rnams bzhi med par ni ji ltar yang shes par bya ba mi nus la/ de bas na nad de rnams kyi gzhir gyur pa/ lus zungs dang dri ma rnams gang yin pa de shes  
 par bya dgos pas na/ nad shes par bya ba 'ba' zhig tu ma zad kyi zhes bya bar nges par gnas so/ /de ltar na nad la sogs pa shes par bya ba de la phan pa'i le'u bshad par bya zhing bstan par bya'o/ zhes bya ba'i don no/ /nad dang lus zungs
 dri ma rnams/ /rtag tu lus kyi rtsa ba yin zhes bya ba la/ nad dang lus zungs dang dri ma rnams ni/ nad dang lus zungs dang dri ma rnams ste/ de ni rtag par dus thams cad du lus kyi rtsa bar gyur pa yin te/ lus ni de las byung ba yin pa'i phyir/ rtsa
 ba dang 'dra bas na rtsa ba ste/ rgyu'i gtso bo zhes bya ba'i don to/ /de rlung dbugs byung dbugs rdub dang/ bskyod dang las spyod shugs 'byin dang/ lus zungs legs par rgyu ba dang/ dbang po rnams ni gsal ba dag/ mi gnod pa ni rjes
 'dzin yin zhes bya ba la/ lus de ni rlung mi gnod cing/ dbugs 'byung ba la sogs pas mnyam par gnas na lus rjes su 'dzin cing brten par byed pa yin no/ /de la dbugs 'byung ba ni gyen du dbugs 'byin cing gtod pa'o
 dbugs rdub pa ni dbugs sdud cing thur du 'jug pa'o/ /bskyod pa ni dbus su bya ba thams cad la brtson zhing rtsol ba'o/ /las la spyod pa ni lus dang ngag dang yid kyi las spyod cing 'jug pa'o/ /shugs 'byin pa ni bshang ba dang/ gci ba
 dang rlung phyi rol tu 'phyin pa'o/ /lus zungs legs par rgyu ba zhes pa ni/ lus zungs kyi sgras ni dangs ma la sogs pa dang/ mkhris pa dang bad kan gzung ngo/ /de rnams legs par rgyu ba ni mnyam par gnas shing 'jug pa'o/ /
 de la mnyam par rgyu ba'i gnas skabs nyid kyis de rnams rlung nyid mi gnas par 'gyur ba'i rgyu nyid yin te/ gang gi phyir rnam par 'thor zhing 'khrugs pa sdud cing zhi par byed pa yin pa'i phyir ro/ /de bzhin du dbang po rnams gsal ba ste/ mig
 la sogs pa'i dbang po yul 'dzin pa la gsal bar gnas pa ste/ yon tan de dag dang ldan na mi gnod cing rjes su 'dzin pa yin no/ /mkhris pa 'ju drod mthong byed dang/ /bkres skem zas len mdangs yid gzhungs/ /blo ldan dpa' /
 snying lus 'jam pas zhes bya ba la/ de mkhris par 'gyur pa med cing/ mju ba la sogs pas rjes su 'dzin ci brten par byed pa yin no/ /de la 'ju ba ni zas smin cing 'ju ba'o/ /drod ni me'i shes so/ /mthong ba ni gzugs 'dzin par nus pa'o/
 bkres pa ni zas 'dod pa'o/ /skom pa ni 'thung 'dod pa'o/ /zas len pa ni yig 'byed cing nye bar longs spyod par 'dod pa'o/ /mdangs ni bzhin mdog gsal zhing mdangs che ba'o/ /yid gzhungs pa ni shes rab dang ldan pa'o/ /blo dang ldan
 pa ni blo gros ldan pa'o/ /dpa' snying ni sems kyis brtul phong pa yin te/ brtan zhing mi g.yo ba'o/ /lung 'jam pa ni lus kyi sha mdangs 'jam zhing mnyen pa ste/ de dag gis lus kyi rten byed do/ /bad kan brtan zhing snum nyid dang/ tshigs
 'brel bzod pa la sogs pa'o/ /de la bad kan ni mi 'gyur zhing brtan pa la sogs pa dang ldan na/ lus rjes su 'dzin par byed do/ /brtan pa ni mi g.yo ba nyid do/ /snum pa nyid ni lus snam par gyur pa nyid do/ /tshigs 'brel pa ni lhu tshigs kyi bor ro
 rnam par 'brel zhing dam du gnas pa'o/ /bzod pa ni gnod pa la mi 'khrugs pa ste/ de dag la sogs pas phan pa'i las byed pa yin no/ /lus zungs las gtso rim bzhin du/ /tshim byed 'tsho byed g.yog pa dang/ /snum dang brten dang 'gengs
 pa dang/ /mngal ni skyed byed yin par bshad/ ces bya ba la/ bcud kyi dangs ma la sogs pa/ lus zungs bdun po rnams kyi mchog dang/ gtso bo bdun ni go rim ji lta ba bzhin du tshim par byed pa la sogs pa yin par
 slob dpon dag gis bshad cing bstan to/ /de la tshim par byed pa ni/ /lus zungs tshim zhing sems dga' bar byed pa ni dangs ma'i bcud kyis/ las kyi mchog yin no/ /'tsho bar byed cing srog 'dzin par byed pa ni khrag gi las so/ /lus
 kyi rus pa g.yogs shing khebs par byed pa ni sha'i las so/ /lus snum zhing bcung can du byed pa ni tshil gyi las so/ /lus brten cing mkhrang por bsgreng ba ni rus pa'i las yin te/ gzhan du na lus la rus pa med na sha'i gong bu nyid du
 'gyur ro/ /rus pa'i rkang sbubs 'gengs pa ni rkang gi las so/ /mngal bskyed cing 'byung bar byed pa ni khu ba'i las kyi mchog yin par bshad do/ /rten par byed pa bshang ba yin/ /'drul ba 'dzin pa gcin gyi yin/ /ba spu brten brdul
 gyi yin zhes bya ba la/ lus brten cing 'byin par byed pa ni/ bshang ba ste slang pa'i las kyi gtso bo yin no/ /zas 'drul zhing myags pa dang/ phyi rol tu 'byin zhing 'dod pa ni/ gcin gyi las kyi gtso bo yin no/ /skra dang ba spu brtan par
 'dzin par byed pa ni/ rdul gyi las kyi gtso bo yin no/ /rlung ni 'phel par 'gyur ba yis/ /skem dang mdog gnag drod bag dga' / /'dar dang lto spos bshang ba sri/ /stobs dang gnyid dang dbang po nyams/ /smra mang mig 'khor zham par byed
 ces bya ba la/ rlung gi nad 'phel zhing skyes par gyur pas skems pa la sogs pa skyed par byed do/ /de la skem pa khrag la sogs bzad pas skem zhing nyam chung ba'o/ /mdog nag pa ni kha dog nyams pa'o/ /drod bag la dga' ba ni dro ba mngon par
 'dod pa'o/ /'dar ba ni g.yo zhing 'gul ba'o/ /lto spos pa ni bsus pa rgyas pa'o/ /bshang ba sri ba ni bshang gci 'gags pa'o/ /stobs la sogs pa nyams pa ni de dag dang bral ba'o/ /smra mang ba ni ma 'brel bar mang du smra ba'o/ /mgo 'khor ba
 ni lus mal na mi gnas shing 'khor ba'o/ /zhum pa ni sems ma dga' zhing gdung bar byed pa'o/ /mkhris pa bshang gci pags mig ser/ /bkres skom lus tsha gnyid chung byed ces bya ba la/ mkhris pa 'phel zhing rgyas par gyur
 na/ bshang ba la sogs pa ser por byed pa ste/ bshang ba dang gci ba pags pa dang/ mig gi mdog kha dog ser por 'gyur bar byed pa dang/ de bzhin du bkres pa dang skom pa dang/ lus tsha ba dang gnyid chung ba nyid du byed par 'gyur ro/ /
 bad kan drod nyams mchil ma yang/ khong snyom lci dang kha dog dkar/ /lus grang yan lag lhod pa dang/ /lud pa dbugs mi bde gnyid che/ /dangs ma'ang bad kan dang 'dra la/ /zhes bya ba la/ bad kan 'phel bas me drod nyams pa la sogs
 pa byed do/ /de la drod nyams pa mchil ma mang ba ni mchil ma lhag par 'byung ba'o/ /khong snyom pa ni/ spro ba chung zhing sgyid lug pa'o/ /lci ba ni lus kyi yan lag lci ba nyid do/ /sha mdog dkar ba ni lus kyi mdog dkar zhing skya ba
 nyid do/ /de bzhin du lus grang ba nas gnyid che ba'i bar yang skye ba yin no/ /dangs ma'ang bad kan 'dra la/ zhes bya ba la/ bcud kyi dangs ma 'phel bar gyur na/ drod nyams pa nas gnyid che ba'i bar bad kan dang 'dra bar skyed par
 byed do/ /khrag 'phel me dpal khong 'bras mdzer/ /mdze dang rlung khrag mkhris pa khrag /skran dang rnyil nad mig ser dang/ /bskyod dka' drod nyams rmongs bag dang/ /mig dang gcin lpags dmar bar 'gyur zhes bya ba la/ khrag
 'phel ba las ni me dpal la sogs pa'i nad skyed par 'gyur ro/ /rlung khrag ni rlung dang khrag 'dres pa las gyur pa'i nad do/ /mkhris pa dang khrag ni mkhris pa dang khrag 'dres pa'o/ /rnyil nad ni so'i sha la khrag las gyur pa'i sha
 lhag skye ba 'am skrangs pa'o/ /bskyod dka' ba ni rkang lag lci ba la bya'o/ /yang na bya gya zhes pa gdong la dmar po til til byung ba'i pags nad la bya'o/ gzhan dag ni go bar zad do/ /sha 'phel lba ba smen bu mdung/ /mkhur tshos brang lto brla
 sbom zhing/ /mgul sogs lhag par sha yang che zhes bya ba la/ sha 'phel ba las ni lba ba la sogs pa skyed par byed do/ /de bzhin du mkhur tshos dang brang dang lto ba dang/ brla sbom nyid du 'gyur pa dang/ mgul ba la sogs par lhag
 par sha che bar 'gyur ste/ sha'i steng du sha skyes pa lta bur 'gyur ro/ /tshil 'phel de 'dra de bzhin ngal/ /cung zad bskyod kyang dbugs rgod cing/ /rkub tsos nu ma gsus 'phyang 'gyur zhes bya ba la/ tshil 'phel ba ni sha 'phel ba de
 dang 'dra bar lba ba la sogs pa bskyed par 'gyur ba dang/ de bzhin du ngal ba dang/ cung zad bskyod cing g.yo ba dag la yang dbugs rgod par 'gyur pa dang/ rkub rtsos dang nu ma dang gsus pa dag kyang sbom zhing rgyas pa nyid kyis
 'phyad par 'gyur ro/ /rus 'phel rus lhag so lhag 'gyur zhes bya ba la/ rus pa 'phel bas ni rus pa'i steng du rus pa skye ba dang/ de bzhin du so'i steng du so 'byung bar 'gyur ro/ /rkang 'phel lus lce mig rtsa dbyung/ /tshigs
 la thor bu gso dka' 'byung zhes bya ba la/ rkang 'phel bas ni lus lci ba dang/ mig rtsa g.yung zhing zhan par byed pa dang/ tshigs 'dus kyi mgo bo rnams sbom zhing che bar 'gyur ba dang/ tshigs la thor bu g.yo zhing mi bzad pa
 'byung bar 'gyur ro/ /khu 'phel bud med la dpag dung/ /khu ba'i rde'u dag tu 'gyur zhes bya ba la/ khu ba 'phel zhing rgyus pa ni bud med la rab tu gdung zhing che bar 'gyur ba dang/ khu ba las byung ba'i rde'u dag chags par 'gyur ro//
 bshad 'phel lto spos rgyu 'khrug cing/ /lus lci lto ba na bar byed ces bya ba la/ bshang ba 'phel bar 'gyur ba ni lto ba ste khong spos shing gang ba dang/ rgyu ma 'khrug cing krug krug zer ba dang/ lus lci zhing bskyod dka' ba dang/ lto ba
 na zhing zug zer skyed pa yin no/ /gcin 'phel chu sor zug cing na/ gcis kyang ma gcis snyam sems 'gyur zhes bya ba la/ gcin 'phel bar gyur pa ni/ chu sor zub cing lhag par na ba dang/ de bzhin du gcis shing btang du
 zin kyang ma gcis pa snyam sems par 'gyur ba ste/ yongs su mdor ba snyam sems 'gyur te/ yang dang yang 'ong bas na gcis so snyam du sems par byed par 'gyur ro/ /rdul 'phel rdu che dri mi zhim/ g.yan pa nyid kyang skyed
 shes bya zhes bya ba la/ rdul che shin tu 'phel bas rdul rab tu che bar 'gyur ba dang/ lus dri mi zhim pa nyid du byed do/ /g.yan pa nyid kyang skyed cing 'byung bar byed pa yin par shes par bya'o/ /mig rdu la sogs dri ma rnams/ /mang bas lci la
 sogs par byed/ /zhes bya ba la/ mig rdu ni mig gi dri ma'o/ /sogs pa'i sgras ni rna ba la sogs pa'i dri ma rnams kyang bsdu bar bya'o/ /de ltar ni mig rdu la sogs pa'i dri ma rnams mang zhing 'phel bar lci zhing du 'byung ba dang/ de bzhin
 du sogs pa zhes smos pas g.ya' ba dang/ 'drul pa la sogs pa byed par bsdu/ /de dag kyang zad cing 'dri bar 'gyur ba'i mtshan nyid ni/ rlung zad mtshan ma lus mi bde/ /smra nyung rtsol ba chung bar 'gyur/ /dran pa mi gsal bad kan
 'phel/ /sngar bshad pa yi nang rnams 'byung/ /zhes bya ba la/ rlung zad cing 'bri bar 'gyur ba'i mtshan ma ni lus bde zhing sgyid snyom pa dang/ smra ba nyung zhing gtsam chung ba dang/ rtsol zhing lus kyi las su byed pa dag
 kyang chung zhing zhan pa dang/ dran pa mi gsal ba ste/ rib cing tshor ba chung ba dang de bzhin du bad kan 'phel bar gyur pa'i skabs su sngar bshad pa'i nang drod nyams pa dang/ mchil ma mang ba la sogs pa rnams 'byung bar 'gyur ro/ /
 mkhris zad dor nyams grang ba dang/ mdog nyams byed de zhes bya ba la/ mkhris pa zad pa'i mtshan ma ni me'i drod nyams shing rtul ba dang/ lus grang zhing bsil bag tu 'gyur ba dang/ mdog mdangs nyams par byed par 'gyur ro/ /bad kan zad
 mgo 'khor bad kan gnas stong shing/ snying 'dar tshigs ni lhod par 'gyur zhes bya ba la/ bad kan zad pa'i mtshan ma ni mgo 'khor ba ste/ lus dang sems mal la mi gnas pa dang/ bad kan gyi gnas sna la sogs pa stongs shing bskams
 pa dang/ snying 'dor zhing g.yo la 'dzag pa dang/ tshigs kyi tshogs rnams lhod cing shig shig por 'gyur ba yin no/ /bcung zad rtsub dal skam pa dang/ na zhing sgra cher mi bzod 'gyur zhes bya ba la/ bcud dam dangs ma zad pa'i mtshan
 ma ni/ lus rtsub pa nyid dang/ ngal zhing dub pa dang/ kha skams pa dang/ na zhing nyam chung pa dang/ sgra cher grags pa mi bzod cing/ tshigs smras pa brnags dka' bar 'gyur ro/ /khrag zad skyur dang bsil ba dga' / /rtsa lhod pags pa rtsub
 par 'gyur zhes bya ba la/ khrag zad pa'i mtshan mi ni skyur ba dang/ reg pa bsil ba la mngon par dga' zhing 'dod pa dang/ rtsa lhod cing rnyi ba dang/ lus kyi pags pa rtsub par 'gyur ro/ /sha zad dbang nyams mig mkhur ba'i/ /lus skams
 lhu tshigs na bar 'gyur zhes bya la/ sha zad pa'i mtshan ma ni dbang po nyams shing rang gi yul 'dzin par mi nus pa dang/ mig dang mkhur ba'i rus pa skams shing sha zad pa dang/ lhu tshigs rnams na zhing bcag pa snyam sems par 'gyur ro/
 tshil zad gnyid che dpyi rked mngon/ /mcher ba che dang lus skems 'gyur zhes bya ba la/ tshil zad pa'i mtshan ma ni dpyi dang rked pa mngon zhing tshor ba chung ba dang/ mcher pa che zhing 'phel ba dang/ lus bskams shing rid par 'gyur ro/ /rus zad
 rus zugs dang ni/ /sen mo skra la sogs pa 'byung zhes bya ba la/ rus zad pa'i mtshan ma ni/ rus pa nyid zug cing na ba dang/ de bzhin du so dang sen mo dang/ skra la sogs pa 'byung zhing 'byi bar 'gyur ro/ /rkang zad rkang sbubs stong pa dang/
 mgo 'khor rab rib can du 'gyur zhes bya ba la/ rkang zad pa'i mtshan ma ni/ rkang gi rus pa'i sbubs khong stong du 'dug pa dang de bzhin du mgo 'khor ba dang/ rab rib can du 'gyur zhing mun par mthong bar 'gyur ro/ /khu ba zad pas ring nas
 'byung/ /yang na khu ba khrag nyid 'byung/ /rlig pa shin tu na ba dang/ /pho mtshan tshig pa snyam du sems/ zhes bya ba la/ khu ba zad pa'i mtshan ma ni/ khu ba ring zhig 'gor nas 'byung ba dang/ /yang na bu ba khrag nyid du 'byung bar 'gyur dang
 rlig pa de 'bras bu sbubs can shin tu na zhing zug pa dang/ pho mtshan tshig cing du ba 'thul ba snyam du sems par 'gyur ro/ /bshad zad rlung ni rgyu ma'i nang sgra bcas 'khyil ba lta bur byed/ /lto bar rgyu zhing gyen du 'gro/ /snying ga rtsib logs
 mi bzad na/ zhes bya ba la/ bshad ba zad pa'i mtshan ni rlung rgyu ma'i nang na rgyu ba sgra dang bcas shing 'khyil ba lta bur yan man du rgyu ba dang de bzhin lto bar gyi na du rgyu zhing 'gro bas na bar byed pa dang/ snying ga dang rtsib logs gnyis su mi
 bzod pa'i na zhing gzer bar byed pa yin no/ /gcin zad gcin ni nyung sri dang/ /mdog 'gyur ba 'am khrag bcas nyid/ ces bya ba la/ gcin zad pa'i mtshan ma ni/ gcin nyung zhing cung zad 'byung ba dang/ sri zhing na par 'byung
 ba dang/ mdog 'gyur ba 'am/ khrag dang bcas pa nyid du 'gyur ro/ /rdul zad sbu 'byi sbu 'greng la/ /pags pa rnams ni 'gas par 'gyur zhes bya ba la/ rdul zad pa'i mtshan ma ni sbu 'byi zhing lhung ba dang/ ba spu'i bu ga 'dzum zhing spu 'greng
 ba dang/ pags pa rnams 'gas shing 'gyes par 'gyur ba yin no/ /dri ma shin tu phra ba rnams/ /zad pas brtag dka' dri ma yi/ /rang gnas skabs dang na ba dang/ /stong dang yang ba las shes pa zhes bya ba la/ mig rdul sogs pa'i dri ma shin tu
 phra ba rnams zad pa'i mtshan ma ni/ brtag par dka' ste/ de bas na dri ma rnams kyi rang gi gnas bskams pa la sogs pa las shes shing rtog par bya'o/ /dri ma rnams kyi rang gi gnas yin pas ni dri ma'i rang gnas te/ mig la sogs pa de rnams
 bskams pa dang/ na ba dang/ stongs pa dang/ yang ba las zad pa brtag par dka' ba'i dri ma de rnams kyi zad pa shes par bya'o/ /de ltar nad dang lus zungs dang/ dri ma rnams kyi zad pa dang 'phel ba rgya cher bshad nas/ mdor bsdus te smras pa
 ni/ nad sogs rang nyid ji lta ba'i/ /yon tan 'di ni bzlog pa dag/ zad pa dang ni 'phel 'gyur las/ /'phel 'bri sman pas shes par bya zhes bya ba la/ nad sogs zhes bya ba nad dang lus zungs dang dri ma rnams kyi 'phel ba dang 'bri ba sman
 pas shes par bya'o/ /ji ltar shes par bya zhe na/ rang nyid kyi mtshan nyid ji lta ba'i go bzlog pa zad pa las ni 'phel bar shes par bya la/ rang nyid kyi yon tan go bzlog pa 'phel bar 'gyur ba las ni 'bri bar shes par bya ste/ nad la sogs
 pa'i yon tan nam mtshan nyid las gang go bzlog par 'gyur ba'i mtshan nyid do/ /de ji ltar rlung gi nad kyi yon tan las go bzlog pa ni snum ba la sogs pa'o/ /mkhris pa'i ni bsil ba la sogs pa'o/ /bad kan gyi ni rtsub pa la sogs pa'o/ /de rnams las
 go bzlog pa zad cing/ byi ba las ni nang 'phel bar shes par bya ba la de rnams kyi las kyang go bzlog pa'i mtshan nyid 'phel zhing lhag par 'gyur ba las ni/ 'bri zhing zad par 'gyur bar shes par bya'o/ /dri ma thogs pas 'phel ba ste/ shin
 tu 'gyur ba las zad shes bya zhes bya ba la/ bshang ba dang gci ba la sogs pa'i dri ma rnams thogs shing 'byung bar mi byed pa las ni 'phel bar shes par bya la/ shin tu 'byung zhing lhag par phyir 'byung ba las mi zad par shes par bya ste/
 sngar bshad pa 'ba' zhig tu ma bzad kyi/ tshul 'dis kyang shes par bya'o/ /dri ma rnams 'phel ba dang/ zad pa gnyi ga yang nang skyed par byed pa yin la/ de la yang gang zhig zad par 'gyur ba de ni 'phel ba ches lhag par 'phel te gnod pa'i rgyur
 'gyur ba yin te/ de bas na lus ni dri mas bsten pas na/ 'phel ba zad pa gnod pa yin zhes bya ba la/ lus te phung po 'di ni dri mas brten cing grogs su byas pa yin pas/ dri ma rnams 'phel zhing lhag par gyur pas/ zad cing 'gribs pas gyur
 pas ches lhag par gnod par byed pa yin no/ /nad la sogs pa'i dngos por rnams las nad gang zhig gzhi gang la brten zhe na/ de'i phyir smras pa ni/ de la rlung ni rus par gnas/ mkhris pa rdul dang khrag la gnas/ /bad kan lhag ma gnas
 zhes bya ba la/ de la rlung la sogs pa de rnams kyi nang nas rlung ni rus pa la brten zhing gnas la/ mkhris pa ni rdul dang khrag la gnas so/ /bad kan ni lhag ma la gnas pa ste/ rus pa dang/ rdul dang/ khrag ni gnas pa po dang ldan pas/ de ma btags
 pa lhag ma dangs ma dang/ sha dang tshil dang rkang dang khu chu dang/ bshang ba dang gci ba la sogs pa gzhan dag la gnas te/ de dag la gnas pa po med pas lhag ma zhes bya ba la/ dangs ma la sogs pa lhag ma de rnams
 bad kan rten zhing gnas pa yin no/ /des 'di phan tshun rten dang brten po yin/ 'phel dang zad par byed pa'i sman/ /gcig gi gang yin gzhan gyi'ang de zhes bya ba la/ gang tshul de lta bu des na nad dri ma rnams nas dang gnas pa po'i tshul gyis
 gnas pa'i rgyu des na 'di rnams ni phan tshun gcig la gcig rten dang brten pa'i tshul du gnas pa yin bas na gang gcig gi 'phel ba de ni gzhan dag gis kyang zad par byed pa'i sman yin te gang rten nam gnas kyis 'phel bar byed pa ni brten
 pa po 'phel bar byed pa ni yin la/ gang rten cing zad par byed pa na brten pa po'i yang zin par byed pa yin pas na gcig gi sman gang yin pa gzhan gyi yang de nyid yin no/ /de ltar na ni gang rlung gi gnas rus pa 'phel ba'i sman
 des ni/ dang po rlung yang 'phel bar byed la/ rus pa zad par byed pa'i sman des ni rlung yang zad par byed par 'gyur ro zhe na/ rus pa rlung gnyis la 'di min zhes bya ba yin te/ rus pa dang rlung gnyis la 'phel ba dang/ zad par
 byed pa'i sman 'di ltar mi sbyor ro/ /zhes shugs kyis sbyar bar bya'o// /phal cher brtas par ? bar 'gyur/ /bad kan rjes mthun de yi phyir/ /de las bzlog pas zad pa yin/ /rlung dang rjes mthun zhes
 bya ba la/ gang gi phyir nad dang lus zungs 'di rnams ni/ /phal cher brtas par byas shing tshim par byas bas 'phel zhing skye bar 'gyur la/ 'phel ba de yang bad kan dang rjes su mthun pa yin no/ /phal cher zhes smos pa ni gzhan
 dag tu ni kha cig 'di ltar ma yin pa yang yod do zhes ston pa yin no/ /de ltar brtas pa las 'phel bar 'gyur ba'i rgyu de'i phyir brten pa po'i tshul can dang nad dang lus zungs 'di dag zad par bya ba ni de las bzlog pa ste/ nyams dmad pa
 ming gi rnams su smyung bar bya zhes bya bas zad par 'gyur ba yin no/ /de ltar na gang rus pa 'phel bar byed pa de sman snum pa dang mngar ba la sogs pa de ni rlung zad par byed pa yin no/ /gang rlung 'phel bar 'gyur ba'i sman rtsub pa dang/ kha
 ba la sogs pa de ni nyams dmad par byed pa/ smyung ba'i rjes su mthun pas ni rus ba zad par byed pa yin no/ /de bas na rus pa rlung gnyis la 'di yin zhes smos pa yin te/ bstan bcos byed pas phal mo che'i dbang du mdzad na sa smras pa ni/ 'phel
 dang zad pa 'byung 'gyur ba'i/ /smyung dang brta bar bya ba yis/ /nad ni rim gyi gso ba bya/ rlung ma gtogs te zhes bya ba yin te/ gang gi phyir de ltar brta ba'i tshul las ni 'phel bar 'gyur la/ nyam dmad pa'i tshul las ni zad par 'gyur ba des na/
 nad kyi 'phel ba dang zad pa 'byung bar 'gyur ba'i smyung ba brta bar bya ba dag gis/ nad kyi rnam pa rim gyis gso bar bya zhing bsgrub par bya'o/ /de yang 'phel ba las gyur pa'i nad la ni/ smyung ba dang nyams dmad pas gso bar bya la/
 zad pa las gyur pa'i nad la ni brta zhing tshim par bya bas bsgrub par bya'o/ /de lta na ni rlung gso bar bya ba dag la rlung 'phel ba las gyur pa'i nad la ni smyung bar bya bas gso dgos la/ rlung zad pa las byung ba'i nad la brta bar bya dogs
 par 'gyur ro zhes rtog par gyur pas/ de'i phyir smras pa ni/ rlung ma gtogs pa zhes bya ba yin te/ gso ba'i rim pa de la rlung ni ma gtogs te/ 'di las gzhan du bya ba yin no/ /de skyes la/ de nyid bzlog thabs sbyar bar bya zhes bya ba la/ rlung de
 las skyes pa'i nang rnams la ni de nyid ces bya ba smyung ba dang/ brta bar bya ba dag gis bzlog pa'i thabs kyis gso bar bya ba ste/ 'phel ba ni brta bar bya ba dang/ zad pa la ni smyung bar bya bas gso bar bya'o/ /khyad par du ni
 khrag skyes dang/ /gtar ga 'khru sman dbang gis so/ /zhes bya ba la/ nad kyi gso ba las yang khyad par du bya ba ni khrag skye zhing 'phel ba las nang du gyur pa las/ gtar ga bya zhing khrag dbyung ba dang/ bkru sman gtang ba dag gis gso zhing bsgrub par
 bya'o/ sha cher skyes las byung ba'i nad/ /gtar ga me btsa' thal sman sbyar zhes bya ba la/ shas cher skyes shing spom pa las byung ba'i nad la ni gtar ga bya ba dang/ me btsa' gdab pa dang/ thal sman rnon po sbyar ba la sogs pas gso bar bya'o/
 tshil cher sbom skems gso bas bya zhes bya ba la/ tshil che zhing 'phel ba las byung ba'i nad la ni/ sbom pa gso ba'i cho ga rnam pa gnyis bshad pa'i tshul gyis gso bar bya la/ tshil zad pa las byung ba'i nad la ni skam po gso ba'i chos
 rnam pa gnyis kyis gso bar bya'o/ /rus pa zad pa las byung la/ mar dang 'o ma kha rar sbyar/ /de bzhin 'jam rtsi gtang bas gso zhes bya ba la/ rus pa zad pa las byung ba'i nad la ni/ sman ro kha ba dang sbyar ba'i 'o ma la sogs pas gso ba
 dang/ de bzhin du 'jam rtsi mas gtang bas gso bar bya'o/ /bshad ba 'phel la 'khru bas so/ /zhes bya ba la/ bshad ba 'phel ba las byung ba'i nad la ni drag tu 'khru ba'i tshogs so/ /bshad ba zad las byung ba'i nad/ /ra lug nang grol zan dron dang
 sbyar thug mA Sha gnyis sogs sbyin zhes bya ba la/ bshad ba zad pa las byung ba'i nad la ni/ ra lug lug gi nang grol rgyu ma la sogs pa g.yos su byas ba dang/ zan dron dang/ sbyor thug dang/ mA Sha gnyis po ste mon sran gre'u dang/ mon sran dkar
 po gnyis sbyin pa dang/ sogs pa'i sgras rgya sne'u'i tshod ma dang/ zho kha chu dang/ rtsab mo rang skyur la sogs pa sbyin pa bsdu'o/ /gcin 'phel gyur la gcin 'bri ba/ /gcin zad las byung gcin gnyis gso zhes bya ba la/ gcin mang ba las byung ba'i
 nad la ni/ gcin sri ba'i gso ba'i nad kyis gso bar bya'o/ /gcin zad pa las byung ba'i nad la ni/ gcin snyi ba gso ba'i cho gas gso bar bya'o/ /rdul mi 'byung la rtsol dang bsku/ /rdul dbyung cho gas gso bar bya zhes bya ba la/ rdul zad pa las
 gyur? ba'i nad la ni/ rtsol ba la sogs pas rdul dbyung ba'i cho gas gso bar bya'o/ /lus kyi me drod dang gnas 'dug /cha shes lus zungs rnams la brten/ /de rnams 'bri dang rab 'bar bas/ lus zungs 'phel dang zad par 'gyur zhes bya ba
 la/ lus kyi drod ces bya ba/ pho pa'i me drod yin la/ rang gnas su 'dug ces bya ba/ rang gi gnas zhu ba dang ma zhu ba'i gnas kyi bar na 'dug pa de'i cha shas gang yin pa rnams lus zungs la brten cing gnas pa'i cha de rnams 'bri
 zhing nyams dams pas dangs ma la sogs pa'i lus zungs rnams 'phel bar 'gyur la/ cha shas de rnams nyid rab tu 'bar zhing stobs che bar gyur pas ni/ lus zungs rnams zad par 'gyur ro/ /lus zungs dang po phyi ma ni/ rgyas byed
 zad pa'ang de bzhin no zhes bya ba la/ lus zungs kyi dang po dangs ma zhes bya ba rgyas par gyur na de'i phyi ma khrag ces bya ba'i lus zungs rgyas par byed la/ lus zungs kyi dangs ma zad na phyi ma khrag kyang de bzhin du zad par 'gyur
 ro/ nad dang lus zungs dang dri ma dang/ dri ma rnams kyi gnas la gnod pa'i rim pa dang/ nad 'byung ba'i rim pa smras ba ni/ nyes 'khrugs pas ni lus zungs nyen/ /gnyi gas dri ma la gnod byed/ /'og na gnyis te mgo bor bdun
 bu ga dang ni rdul 'byung ba'i/ /dri ma'i gnas ni dri mas te/ /rang rang gnas su nad skyed 'gyur zhes bya ba la/ nyes pa ni rlung la sogs pa ste/ de rnams 'khrugs pas ni rang gi rgyu rnams kyis ldang zhing
 g.yos so/ /des na lus zungs bya ba dangs ma la sogs pa la nyen cing gnod par 'gyur ro/ /nyes pa dang lus zungs de gnyis ka 'khrugs cing g.yos pas ni dri ma la gnod par byed la/ gnod pa dang ldan pa ni dri ma des
 ni dri ma'i gnas la gnod pa skyed par gyur na/ dri ma'i gnas de dag gang gang yin zhe na/ de'i phyir smras pa ni/ 'og na gnyis te bshang ba'i lam dang gci ba'i lam mo/ /mgo bor ni dri ma'i gnas bdun te/ mig gnyis dang rna
 ba'i bu ga gnyis dang/ sna'i bu ga gnyis dang/ lkog ma'i bu ga gcig go /bu ga ni bu ga'i khung bu rnams dang/ de bzhin du rdul 'byung bar byed pa ste/ lus thams cad du gtogs pa'i ba spu'i bu ga rnams te/ de thams cad
 kyang dri ma'i gnas yin pa la/ de rnams ni gnod pa can gyi dri mas gnod pa skyed do/ /de bas na lus zungs dang/ dri ma dang dri ma'i gnas de rnams su rang rang gi bdag nyid kyi rten gyi tshul du gnas pa de rnams su rang gi nad skyed
 cing 'byung bar 'gyur ro/ /de yang lus zungs rnams la ni nyes pas gnod pa skyed la/ dri ma'i gnas rnams su ni dri mas gnod pa skyed nas/ rang rang ji lta ba'i nad rnams 'byung bar 'gyur ro/ /de ltar nyes pa dang/ lus zungs
 dang/ dri ma rnams rang gi las nyid la sogs pa'i khyad par gyis bshad nas/ da ni nyes pa dang lus zungs dang dri ma rnams kyi rtsa ba lus 'di'i nyes pa dang/ lus zungs dang/ dri ma rnams zad dam ma zad par gyur kyang sreg
 dang bcas par zad par 'gyur la/ de 'phel bas srog dang bcas par 'phel bar 'gyur pa'i lus gnas pa'i rgyu'i gtso bo de smras pa ni lus zungs khu ba'i mthar thug pa'i nad na gzi can mdangs mchog yin/ /snying la gnas kyang
 khyab pa dang/ /lus ni brtan par gnas pa yin/ /gang zhig 'jig na des 'jig la/ /gang zhig gnas na gnas gyur pa/ /gang las dngos rnams sna tshogs pa/ /lus la brten pa 'byung ba yin zhes bya ba la/ lus zungs dangs ma nas khu
 ba'i bar mthar thug pa rnams kyi nang na gzi sbyin can gyi mdangs ni mchog yin te/ shin tu snying por gyur pa yin la/ de ni mdangs zhes bya bar slob dpon gyis bshad do/ /de bzhin du snying ga la gnas su zin kyang lus ma lus par khyab pa
 yin no/ /de yang rnam pa gnyis su bshad de/ thig le drug pa'i tshad dang/ khyab par byed do/ /de ni lus thams cad la khyab par byed cing thig le drug pa kha dog dkar po dang/ dmar po lta bu dang/ cung zad ser por snang ba khyad par du snying la gnas
 pa yin no/ /de yang lus ni brtan par gnas pa yin zhes bya ba ste/ de ni lus brtan par gnas pa dang/ de bsrung zhing gnas par byed pa yin te/ de'i lus gnas shing 'jog par byed pa yin no/ /gzhan yang gang zhig 'jig cing med par
 gyur na/ nges par gdon mi za bar 'jig par 'gyur la/ de bzhin du mdangs gang zhig gnas shing yod par gyur na/ skyes bu de gnas shing 'tsho bar 'gyur ba dang/ de bzhin du mdangs gang las dngos po'i ngo bo rnams rnam pa du mar 'byung
 zhing snang bar 'gyur la/ lus la sogs pa sna tshogs par 'byung bar 'gyur zhing brten pa de ni mdangs zhes bya'o/ /de yang bsdus pa las/ 'byung ba kun gyi mdangs gang yin/ /gzi can de ni mchog tu bshad/ /de ni zla ba'i rang bzhin dag /dmar
 zhing cung zhig ser dang bcas/ /dang po mngal gyi snying po gang/ /gang de mngal gyi dangs mar gnas/ /snying ni chags par gyur pa na/ /gang zhig sngon chad brten gyur cing/ /lus kyi dangs ma snum dag dang/ /srog ni gang la brten
 gyur la/ /gang zhig 'jigs pas 'jigs 'gyur zhing/ /gang gis lus can 'tsho byed la/ /snying la gnas kyang khyab gyur gang/ /de ni srog gi gnas mchog yin zhes bshad pa yin no/ /mdangs ni sems 'khrugs bkres pa las/ /mya ngan
 ngal la sogs pas zad ces bya ba la/ mdangs de ni sems byung 'khrug pa la sogs pas zad par 'gyur te/ sems 'khrug pa ni khros pa'o/ /bkres pa ni shin tu mi zad par gru ba tsha'o/ /sems las ni yul rnam pa du ma la spyod pa'o//
 mya ngan ni sems kyi sdug bsngal lo/ /ngal ba ni lus nyon mongs pa'o/ /sogs pa'i sgras ni 'jig pa la sogs bsdu'o/ /de zad sdangs shing lus ring la/ /yang yang sems shing dbang po nyams/ /gzi nyams rtsub dang yid mi dga' //
 nyams chung bar ni gyur pa yin zhes bya ba la/ mdangs de zad cing nyams par gyur na mi sdangs pa ste/ glo bur du skrag pa dang bcas par 'gyur ba dang/ de bzhin du lus rid cing mi stobs chung ba dang yang dang sems shing spyod
 pa la brtson bar gyur pa dang/ dbang po thams cad nyams shing sdug bsngal la/ myor myor por nus pa chung bar 'gyur ba dang/ gzi byin nyams shing skya bo 'od 'od por 'gyur ba dang/ rtsub pa ste pags la sogs par snum med pa
 dang/ yid mi dga' zhing sems kyi mdud pa shas che bar 'gyur ba dang/ nyam chung ba ste lus zungs cing 'bri bar 'gyur ba yin no/ /'tsho byed sman dang 'o ma dang/ /sha khu la sogs de'i sman yin zhes bya ba la/ mdangs zad pa de'i
 sman ni dzI ban+ti dang/ nye'u shing la sogs pa 'tsho byed kyi sman rnams dang/ de bzhin du 'o ma dang/ sha'i khu ba dang/ sogs pa'i sgras rtas par byed pa'i sman rgun 'brum la sogs pa'i sman mngar ba'i sde tshan las bstan pa rnams bsdus te/
 de dag kyang de'i sman yin no/ /'o ma yang 'tsho byed yin pas/ 'tsho byed kyi sman gyi sde tshan gyi nang du gtogs na/ ci'i phyir logs shig tu smos zhe na/ 'o ma ni der sman gyi mchog yin pas khyad par du smos pa yin no/ /zad pa dang 'phel
 ba dag ni sman mdor bsdus te smras pa ni/ zas gang mi 'dod gang zhig slob/ /de la mi 'phrod 'phrod pa ni/ /spang dang sbyin par bya ba dang/ /de dang des 'phel zad par 'gyur/ /zhes bya ba la/ bza' bar bya ba'i zas gang skyes bu mi 'dod cing 'drangs pa
 dang/ yang zad gang zhig slong zhing 'dod par byed pa de dang de las zas mi 'dod pa dang zhe 'gras pa ni spang zhing mi bza' ba dang/ 'phrod pa dang yid la 'dod pa ni sbyin zhing bza' bar bya ba gang yin pa de dang de ni nad 'phel ba dang nad zad par
 'gyur ro/ /de yang 'dod cing slong ba'i zas de mi 'phrod pa med par gyur na/ bza' bar bya'i gzhan du ni ma yin no/ /nyes pa phyin ci log pa dang/ mthun pas sred pa skyed byed de/ phal cher 'phel dang zad pa dang/ /mi mkhas pa yis mi shes
 so/ zhes bya ba la/ gang gi phyir rlung la sogs pa'i nyes pa dag ni/ phyin ci log tu gyur pa'i zas kyis yul de la sred cing dga' ba skyed par byed de ci lta bur byed ce na 'phel ba dang zad pa dag gis byed de de'ang 'phel bar gyur pa ni rang gi
 yon tan dang mi mthun cing phyin ci log tu gyur pa'i zas kyis yul de la sred cing dga' ba skyed par byed la de yang phal cher te thams cad du ni ma yin no/ /zad pa ni zas kyi ris su gtogs pa dang cha 'dra zhing mthun pa'i yon tan gyis/ yul de la sred 
 pa skyed par byed de/ ji srid rlung 'phel bas ni/ zas snum pa dang/ skyur pa dang/ mngar pa la dga' ba skyed par byed pa'o/ /mkhris pa 'phel bas ni grang ba dang bsil ba'o/ /bad kan 'phel ba ni kha ba dang rtsub pa la
 sred pa skyed par byed do/ /de la zad pa ni rlung zad pas ni snum pa dang lan tshwa la'o/ /mkhris pa zad pas ni skyur ba la sogs pa la'o/ /bad kan zad pas ni zas snum pa dang/ mngar ba la sogs pa la dga' ba bskyed par byed pa ni/ dngos
 po'i rang bzhin nam chos nyid yin no/ /de lta bu'i nyes pa'i rang bzhin ni sman pa mi mkhas shing/ shes rab chung bas mi shes shing yul de'i rang bzhin shes pa de la mi skye'o/ /zhes bya ba'i don to/ /yang mtshan nyid gzhan dag
 mdor bsdus te smras pa ni/ ci bzhin stobs dang rang ji bzhin/ /'phel na nyes pa rgyas par 'gyur/ /zad pas rang bzhin 'dor bar 'gyur/ /mnyam na rang gi las rnams byed/ /ces bya ba la/ nad dang nyes pa rnams kyi
 stobs ci lta ba dang/ rang gi rang bzhin ci lta ba las tshad las 'phel bar 'gyur ba las ni/ nyes pa rgyas shing skye bar 'gyur ba la/ de bzhin du zad pa de ste rang gi stobs ji lta ba dang/ rang gi mtshan nyid chen po dang 'bring
 dang chung ngu ni lta ba dang/ rang gi rang bzhin rtsub pa dang/ dro ba dang snum pa la sogs pa'i rang bzhin ji lta ba zad pa las ni nad de rnams rang gi mtshan nyid 'dor zhing spong bar 'gyur ro/ /gang gi tshe nyes pa de rnams mnyam pa ste 'phel ba
 yang kha zad par gyur pa 'ang med pa de'i tshe ni rang tshad dang ldan par gnas pa yin te/ de'i tshe na ni mnyam zhing mi 'gyur bar gnas pa nyid kyis na/ rang gi las nad la sogs pa'i tshul shes par bya ba las bshad pa/ dbugs rdub pa dang
 dbugs dbyung ba la sogs pa'i las de rnams byed cing skyed pa yin no/ /mtshan nyid des na de rnams zhing 'gyur ba med par shes par bya'o/ /nyes pa zad pa rnams ni lus la nyes pa ci yang skyed par mi byed de/ mi ldang ba'i phyir dang/ nus pa zad pa'i
 phyir dang/ ci yang mi byed pa yin pa'i phyir nyes pa ci yang skyed par mi byed do snyam du sems nas/ sman pa dag nyes pa zad pa 'phel bar bya ba'i phyir/ bza' ba dag ster bar byed pa la sbyor bar byed pa ni nam yar ma gyur cig snyam nas smras pa ni/
 gang zhig mnyam pas lus 'di 'phel bar byed/ /nyes pa de nyid mi mnyam gsod par byed/ /de bas zad pa'ang 'phel ba lta bur ni/ /phan pa'i spyod pa nyid kyis bsrung bar bya/ /zhes bya ba na/ nyes pa gang zhig mnyam zhing snyoms par gyur
 pas/ lus 'phel bar byed pa'i don du 'gyur te/ rang gi tshad dang ldan par gnas pa ni lus mnyam pa'i rgyur 'gyur ro/ /nyes pa de nyid mi mnyam zhing/ /rang gi tshad las lhag pa 'am/ /chad par gyur na lus gsod cing 'jig par 'gyur ro/ /
 gang gi phyir nyes pa mnyam par ni lus 'phel ba'i rgyu yin la/ mi mnyam pa ni lus gsod pa'i rgyu yin pa de bas na/ nyes pa rnams zad pa'ang 'phel ba bzhin du phan pa'i spyod pas bsrung bar bya ste/ ji ltar 'di rnams 'phel nas nad
 ldang zhing gnod par 'gyur bas na/ khyad par du mi 'phel ba'i phyir srung bar byed pa bzhin du zad pa las kyang rjes su mthun zhing phan pa'i spyod pa nyid kyis bskyang bar bya'o/ /yan lag brgyad pa'i snying po'i rnam par 'grel pa'i tshig gi
 don gyi zla zer zhes bya ba/ slob dpon zla ba la dga' bas rnam par sbyar ba las/ le'u bcu gcig pa'i 'grel pa'o// //de nas nad kyi dbye ba shes par bya ba'i le'u bshad par bya'o zhes bya ba la/ sngar nad la sogs
 pa'i tshul shes par bya ba bshad mod kyi/ nad rnams ni tha dad par 'byung ba yin pas/ de'i phyir nad kyi dbye ba shes par bya ba med par nad ma lus pa'i tshul shes par 'gyur ba bshad pa ma yin pas de'i phyir nad la
 sogs pa'i tshul shes par bya ba'i 'og tu/ nad kyi dbye ba shes par bya ba'i le'u brtsams pa yin no/ /de la nad rnams kyi dbye ba ni nad kyi dbye ba ste/ gnas dang ming dang/ dbye ba la sogs pa'i bar du dbye bas shes par bya zhing rtogs
 par bya ba ste/ de la phan pa'i gzhung ni nad kyi dbye ba shes par bya ste/ /de'i le'u bshad cing bstan bar bya'o zhes pa'o/ /de la re zhig rlung la sogs pa lus la gnas pa'i dbye bas nges par brtag pa smras pa ni/ zhu ba'i gnas dang rked pa
 dpyi/ rna ba rus pa reg dbang po/ /rlung gnas yin te de las kyang/ /zhu ba'i gnas su khyad par gnas zhes bya ba la/ rlung gi gnas ni zhu ba'i gnas la sogs pa yin te/ de la zhu ba'i gnas te/ lte ba'i 'og dang rked ba dang/ dpyi
 dang/ rna ba dang/ rus pa dang/ reg pa'i dbang po ste/ pags pa rnams yin la/ da rnams kyi nang nas kyang zhu ba'i gnas ni rlung gi khyad par gyi gnas yin te/ zas zhu ba rnams gang na gnas shing brtan pa de ni lhag par rlung gi gnas
 yin no/ /mkhris gnas lte ba pho ba rdul/ /chu ser dangs ma khrag dang ni/ /mig dang pags pa dag yin te/ de las lte ba khyad par gnas zhes bya ba la/ mkhris pa'i gnas ni lte ba la sogs pa yin te/ pho ba ni lte ba yan chad kyi ma zhu
 ba'i gnas spyi la bya'o/ /chu ser ni pags pa'i mdangs na chur gnas te 'dug pa la bya ste/ pags pa phrugs pa las chu'i rnam par byung snang ba'o/ /dangs ma dang khrag ni lus zungs dang po dang gnyis pa'o/ /mig ni mig gi dbang po'o/ /pags
 pa ni reg bya'i dbang po ste/ de ni rlung gi gnas yin par bstan mod kyi/ mkhris pa'i yang de nyid yin te/ rlung gi grogs yin pa'i phyir ro/ /'dir gnas de dag las kyang lte ba ni khyad par gyi gnas yin no/ /bad kan brang dang
 mag pa mgo /glo ba rus tshigs ma zhu'i gnas/ /dangs ma tshil dang sna lcer gnas/ /brang gi khyad par dag gi gnas zhes bya ba la/ bad kan gyi gnas ni brang la sogs pa yin no/ /de la brang ni thod kha'i gnas so/ /mgul ba ni lkog ma'o/ /mgo
 bo ni spyi po'o/ /glo ba ni khong pa'i nang cha ste/ lus kyi yan lag gi dbye ba las 'o gnas bshad do/ /rus tshigs ni tshigs kyi mdud pa'o/ /pho ba'i gnas ni lte ba yan chad do/ /dngos ma la sogs pa ni go bar zad do/ /'dir gnas 'di rnams
 kyi nang na brang ni bad kan gyi khyad par gyi gnas yin no/ /rlung ni srog sogs dbye ba yis/ /lnga yi dbang nyid ces bya ba la/ rlung gcig pu g.yo ba'i bdag nyid can/ /gcig pu ni srog dang stong du rgyu ba dang/ khyab byed dang/ me dang mnyam du
 gnas pa dang/ thur du sel ba zhes bya ba'i rnam pa lnga'i bdag nyid can du gnas pa la sogs pa'i dbyi bas 'gyur ro/ /'dir srog ni spyir gnas brang dang gre bar rgyu/ /blo dang dbang po sems 'dzin byed/ /mchil 'dor sprid 'byung sgregs pa gtong
 dbugs rdub zas ni mid bar byed ces bya ba la/ 'dir lnga po de dag gi nang nas srog ces bya ba'i rlung ni/ spyi bor gnas shing mgo la brten pa dang/ brang dang gre bar rgyu zhing 'gro ba dang/ blo dang dbang po dang sems 'dzin par byed pa dang/ mchil
 ma la sogs pa 'dor zhing 'byin par byed do/ /mchil ma ni kha nas bad kan 'byung ba'o/ /dbugs rdub pa ni dbugs nang du sdud pa'o/ /gyen rgyu'i gnas ni brang yin te/ /sna dang lce dang lkog mar rgyu/ /tshig 'byin 'bad rtsol mdangs
 dang ni/ /stobs dang kha dog dran las byed/ ces bya ba la/ rlung gyen du rgyu ba'i gnas ni brang yin te/ der brten nas sna la sogs pa gsum du rgyu bar byed do/ /de'i dbye ba ni tshig 'byin pa la sogs yin te/ 'bad rtsol ni bya
 ba la brtson pa'o/ /mdang ni gzi mdangs dang ldan pa'o/ /stobs ni nus pa'o/ /kha dog ni dkar po la sogs pa'i dbye bas phye ba'o/ /dran pa ni 'das pa'i don ma brjod pa'o/ /khyab byed snying gnas lus kun la/ /ma lus khyab cing rab tu mgyogs
 'gro dang 'degs dang 'jog pa dang/ /mig 'byed 'dzum pa la sogs pa/ /lus can bya ba phal cher ni/ /de la rag ni lus pa yin zhes bya ba la/ rlung khyab byed ces bya ba ni snying la gnas te/ lus kun ma lus par khyab cing rgyu ba yin la/
 rab tu mgyogs pa ste myur du 'gro zhing shas cher mgyogs pa yin no/ /de'i las ni 'gro ba la sogs pa'i lus can te/ sems can gyi bya ba thams cad las phal cher te/ mang du rlung de las rag las shing bltos pa yin no/ /de yang
 'gro ba ni yul nas yul gzhan du 'gro ba la sogs pa'o/ /'degs pa ni gyen du 'dren pa'o/ /'jog pa ni yan lag dmar de byed pa'o/ /mig 'byed pa ni mig gi rdzi ma gnyis 'byed pa'i/ /'dzum pa ni de nyid 'dzum pa'o/ /mnyam gnas me drod
 nye bar gnas/ /nang grol kun rgyu ba yin/ /bya ba zas len 'ju ba dang/ /dangs snyigs 'byed cing 'dor bar byed/ /ces bya ba la/ rlung me dang mnyam du gnas pa zhes bya ba ni/ pho ba'i me drod dang nye bar gnas te/ nang grol gyi nang na ma zhu ba'i
 gnas zhes bya ba der/ brten nas nang grol du rgyu zhing spyod pa yin la/ de'i las kyi bye brag ni zas len cing 'dzin pa dang/ de bzhin du 'ju zhing smin par byed pa dang dangs snyigs 'byed cing bye brag 'byed pa dang phyi rol tu 'dor zhing 'byin
 par byed pa yin no/ /thur sel gzhang nas 'dor mo dang/ /lgang ba pho mtshan brla nang rgyu/ /bya ba zhu ba zla mtshan dang/ /bshang gci mngal nas 'byin par byed/ /ces bya ba la/ rlung thur du sel ba zhes bya ba ni gzhang na gnas pa ste rked pa'i 'og
 na 'dug pa dang/ /de bzhin du 'dong mo zhes bya ba mjug to'i nad la sogs pa'i gnad na rgyu ba dang/ lgang pa dang pho mtshan dang brla'i nang na rgyu ba yin no/ /bya ba'i las ni khu ba dang/ zla mtshan 'byin pa la sogs pa yin no/ /mkhris pa'i rang bzhin
 lnga zhes bya ba la/ mkhris pa'i rang bzhin ni rnam pa lnga ste/ 'ju byed dang/ dmar sgyur dang/ sgrub byed dang/ mthong byed dang/ mdog gsal lo/ /de la zhu dang ma zhu'i bar na gnas/ /'byung lnga'i bdag nyid can gyis ni/ /gang me'i
 yon tan shas che ba/ /gsher nyid skems byed 'ju la sogs/ /las kyis me yis sgras bshad do/ /zas ni 'ju dang de bzhin du/ /dangs ma snyigs ma 'byed par byed/ /der gnas bzhin du mkhris pa ni/ /lhag ma rnams kyi grogs
 byed pa/ /stobs skyed? pa yis 'byed 'gyur la/ /de ni 'ju byed ces bshad do zhes bya ba la/ de la zhes bya ba lnga po de rnams kyi nad nas/ mkhris pa 'ju byed ces bya ba ni zhu ba'i gnas dang ma zhu ba'i gnas kyi bar na gnas shing brten la/ /de
 yang 'byung ba chen po lnga'i bdag nyid can du gyur pa yin gyis kyang gang gi phyir ma'i yon tan gyi shas che zhing brdo bas gsher ba nyid skems par byed pa yin zhing/ zla ba'i yon tan zad par byas pas gsher pa nyid skems par byed
 pa yin te/ des na 'ju ba la sogs pa'i las kyis te/ 'ju ba dang sreg pa la sogs pa'i bya ba'i las kyis me'i sgar bshad cing/ ming 'thob pa yin no/ /de bzhin du zas rnam pa bzhi 'ju bar byed pa dang/ zas zhu bar gyur
 pa rnams kyi dangs ma dang tshigs ma 'byed par byed cing/ bye brag tu tha dad par byed pa dang/ zhu ba dang ma zhu ba'i bar der gnas bzhin du mkhris pa dmar sgyur la sogs pa bzhi po grogs byed cing stobs
 byed la/ stobs skyed pa ste/ nus pa skyed par byed par 'gyur te/ mkhris pa de ni 'ju byed ces bshad do/ /mkhris pa ma zhu ba'i gnas la brten/ dangs mdog bsgyur bas dmar bsgyur yin zhes bya ba la/ dmar bsgyur zhes bya ba'i mkhris
 pa ni ma zhu ba'i gnas la brten cing gnas nas/ lus zungs dangs ma zhes bya ba khrag gi rang bzhin du mdog bsgyur bar byed pas/ dmar por byed pa'i phyir dmar sgyur zhes bya ba'i sbrar bshad pa yin no/ /mkhris pa sgrub byed snying la gnas//
 blo dang yid gzhungs nga rgyal sogs/ /mngon 'dod don ni sgrub byed pas/ zhes bya ba la/ mkhris pa sgrub byed ces bya ba snying la gnas shing brten pa gang yin pa de ni blo la sogs pa'i skyur gyur pas mngon par 'dod pa'i don rdzogs par
 byed cing/ phyi'i don rnams 'dzin cing dran par byed pa la sogs pa'i tshul gyis sgrub par byed pas na/ de ni sgrub byed ces bya'o/ /blo dang yid gzhungs pa ni phan tshun khyad par yod par shes par bya ste/ da ltar byung ba'i dus su
 don gang la yid the tshom du gyur pa'i don de la tshig 'di'i don ni 'di yin no/ /zhes gang des pa skyed pa de ni blo zhes bya ba la/ yid gzhungs pa ni blo'i khyad par yin no/ /mig la gnas te gzugs mthong byed/ /mthong byed ces bshad ces
 bya ba la/ mig gi dbang po la gnas pa'i mkhris pa ni/ mig 'bras kyi nang na gnas nas gzugs mthong bar byed pas na mthong byed ces bshad de/ gzugs 'dzin pa de ni de la rag las pa yin pa'i phyir ro/ /mdog gsal ni
 pags mdog gsal byed pags par gnas zhes bya ba la/ mkhris pa mdog gsal ba ni pags pa mdog gsal zhing dang par byed pas na mdog gsal zhes bya la/ de'i gnas ni pags par gnas so/ /de bsku ba la sogs pa 'ju zhing sman par
 byed do/ /'ju bar ma gyur pa'i sman gyis ni rang gi bya ba mi byed do/ /bad kan rnam lnga zhes bya ba ni/ rten byed dang/ myags byed dang/ myong byed dang/ rtas byed dang/ 'byor byed dang/ dbye ba rnam pa lnga'o/ /bad kan rnam lnga brang gnas pa/ /rang gi stobs kyis
 sum mdo dang/ /snying dang zas kyi mthu dang ni/ /de nyid la gnas chu'i las byed/ /bad kan lhag ma'i gnas gyur pa'i/ /rten ni gang phyir byed gyur pas/ /de phyir rten byed ces bshad do/ /zhes bya ba la/ yang bad kan de las/ brad la gnas pa de rang
 gi stobs sam/ nus pas sum mdo zhes bya ba dpung pa gnyis dang/ mnya' ba 'dus pa'i mdo rang gi nus pas rten par byed cing/ rang gi bya ba'i nus pa skyed bar byed pas na rten byed ces bya'o/ /de bzhin du snying gar zas zos pa'i mthun des mi tshul gyis
 rten par byed pa rang gi stobs kyis gnas pa dang/ de bzhin du brad de nyid la gnas nas/ chu'i las byed cing chu'i bya ba doms pa dang 'gengs pa zhes byed pas/ bad kan lham rnam pa bzhi'i gnas su gyur cing rten byed de/ gang gi phyir
 rgyu de ltar byed par gyur pas/ de'i phyir bad kan rten byed ces ming du bshad do/ /gang zhig ma zhu'i gnas la gnas/ /de ni zas tshogs 'drul byed pas/ /myags byed ces ni bya ba yin zhes bya ba la/ bad kan de nyid gang
 ma zhu ba'i gnas la gnas shing/ brten nas des zas kyi tshogs te/ zas kyi phung po 'dul bar byed cing/ mdag mdag por byed pas ni/ ming myags byed ces bya ba yin no/ /myong byed lce gnas ro tshor byed ces bya ba la/ bad kan myong byed
 ni lcer gnas nas ro legs par tshor bar byed cig /shes par byed pas myong byed ces bya'o/ /rtas byed mgor gnas dbang po ni/ /tshim par byed do zhes bya ba la/ bad kan rtas byed ni mgo bor gnas nas/ mig
 la sogs pa'i dbang po rnams tshim par byed cing rtas par byed pas na/ ming rtas byed ces bya'o/ /'byor byed ni/ tshigs la gnas nas 'byor bar byed ces bya ba la/ bad kan 'byor byed ces bya ba yan lag gi tshigs la gnas nas
 tshigs rnams 'byor par byed pas na/ 'byor ces bya ba'o/ /de ltar na nad rnams kyi gnas dang las rnams rnam par phye ste bshad nas nye bar bsdu ba'i phyir smas pa ni/ de ltar nad ni phal mo che/ /mi 'gyur bdag nyid can khyab kyang
 gnas yin par ni shes bar bya ste/ las rnams kyang ni tha dad yin zhes bya ba yin te/ bshad ma thag pa'i tshul de ltar rlung la sogs pa'i nad phal mo che mang por mi 'gyur ba'i bdag nyid can te/ bstan bcos las ji skad bshad
 pa'i rang gi tshad dang ldan par gnas shing/ mi mnyam pa med par gyur ba dag ni lus kun tu ma lus bar khyab cing rgyu ba yin yang/ rang rang gi gnas de dag yin par shes par bya zhing khong du chud par bya'o/ /gnas 'ba' zhig tu ma
 zad kyi/ de rnams kyi las rnams kyang so so tha dad pa yin par shes par bya'o/ /rlung la sogs pa de dag re zhing/ rnam pa lngar phye ba yin mod kyi/ 'on kyang rtsub pa dang/ snum pa nyid kyi rang gi mtshan nyid 'dor bar byed pa yin pas na/ de'i
 phyir rdzas la brten pa'i yon tan mnyam pas ni/ nad de rnams kyi gsog pa dang 'phel bar 'gyur ba yin/ de rnams kyi rang gi mtshan nyid dang mi mthun pa'i yon tan rdzas la brten pas ni zhi bar gyur ba yin pas na/ 'dir gzhan
 dag la bltos shing rag las pa ni cung zad kyang med de/ thams cad kyang yon tan mnyam pas ni 'phel bar 'gyur la/ mi mthun pas ni zhi bar byed ba yin no snyam du sems pa la/ de'i phyir gzhung rtsom par byed pas 'di skad ces smras pa ni/ rtsub sogs dre
 bar ldan pa ni/ /rlung ni sogs par 'gyur ba yin/ /grang pa lnga 'byed snum la sogs/ /yon tan dra ldan zhi byed 'gyur zhes bya ba yin te/ rtsub pa la sogs pa'i yon tan ni rtsub pa dang/ bsil bar byed pa dang/ phra ba dang g.yo ba dag ni yon
 tan dro ba dang ldan zhing/ rlung gi gnyen por gyur cing de dang mi mthun pa'i yon tan dang ldan na rlung nad gsog cing 'phel bar 'gyur ba yin te/ rlung gi yon tan gyi spyi'i mtshan nyid tsam dang ldan pa'i rtsub pa la sogs pa dag ni/ rlung gsog cing 'phel pa'i
 rgyur gyur pa yin mod kyi/ 'on kyang de gcig pur ma zad de/ yon tan dro ba rlung gi snyen por 'gyur ba ldan pa'i rtsub pa la sogs pa de dag kyang rlung gsog bar byed do/ /yang rtsub pa la sogs pa'i rlung gi yon tan de dang rlung dag dang ldan par grang ba'i yon
 tan dang ldan pa ni rang gi rjes su mthun pa yin pas na/ rlung ldang bar byed pa yin no/ /snum pa la sogs pa'i yon tan de/ snum pa dang lci ba dang dra ba dang sbom po dang/ brtan pa dag dro ba'i yon tan dang ldan na rlung rab tu zhi bar byed do/ /rno sogs bsil ba dang ldan
 bas/ mkhris pa gsog par byed 'gyur la/ /dro bas ldang ste ro brtul sogs/ /bsil bar ldan pas zhi bar 'gyur/ /zhes bya ba la/ rno ba la sogs pa'i yon tan ni rno ba dang/ yang ba dang/ dri ba ba dang/ 'khru ba dang/ sla ba ste/ mkhris pa'i yon tan
 cha mnyam pa dag ni bsil pa'i yon tan mkhris pa'i mi mthun pa'i phyogs dang ldan pas/ mkhris pa'i nad gsog cing 'phel bar 'gyur la/ rno ba la sogs pa'i yon tan mkhris pa'i yon tan gyi cha dang mnyam pa de nyid mkhris pa'i yon tan/
 dang mthun pa dro ba'i yon tan dang ldan pas ldang zhing 'khrug par byed do/ /de ro rtul ba la sogs pa'i yon tan te/ ro rtul ba dang/ lci ba dang/ rtsub pa dang/ brtan pa dang/ bska ba dang/ dang ba'i mtshan nyid mkhris pa'i yon tan gyi mi mthun
 pa'i phyogs su gyur pa bsil ba zhes ba yang mkhris pa'i gnyen por gyur pa dang ldan pas zhi bar byed par 'gyur ro/ /snum sogs grang ba dang ldan pa'i/ /bad kan sogs par byed 'gyur la/ /dro bas ldang 'gyur de nyid ni/ /rtsub sogs yon tan gyis zhi
 'gyur zhes bya ba la/ snum pa la sogs pa'i yon tan ni lci ba dang/ rtul ba dang/ 'jam pa dang/ brtan pa de/ bad kan gyi yon tan dang cha mnyam pa dag /grang dang ldan pa yin zhes bya ba bad kan gyi yon tan grang ba dang ldan par gyur na/ bad kan
 sogs par byed par 'gyur te/ bad kan ni snum pa la sogs pa'i yon tan dag ni de'i yon tan dang cha mthun pa yin pas de tsam gyis gang la yang mi bltos par sogs par byed pa ma yin gyi/ gzhan du na grang ba'i yon tan lhag par gyur ba la bltos
 nas/ grang ba lhag par shas che ba'i yon tan de dang ldan na/ snum pa la sogs pa bad kan 'phel zhing gsog par byed do/ /de yang 'dir snum pa la sogs pa'i bad kan gyi yon tan rnam grang zhing bsil bas bsdus par bshad pa ni grang bas bsgongs shing
 'khyags par byas pas sogs pa nyid du 'gyur ba yin la dro ba la sogs pa bad kan gyi yon tan dang cha mthun pa 'di dag nyid dro ba'i yon tan gyi gnyen por gyur pa dang ldan pas/ bad kan zhu bar byas pa'i sgo nas ldang bar 'gyur ba yin no/ /de
 nyid ni zhes pa dro ba'i yon tan bad kan gyi gnyen por gyur pa de nyid/ rtsub sogs yon tan gyis shes pa/ rtsub pa dang yang ba dang/ rno ba dang/ mkhrang ba dang/ g.yo ba ste bad kan gyi yon tan gyi gnyen por gyur pa dang ldan pas zhi bar byed par 'gyur ro/ /de la
 dngos po rnams kyi chos nyid dang/ rang bzhin ni 'di yin te/ gal te rtsub pa la sogs pa 'ba' zhig nyid rlung gi yon tan dang cha mthun pa tsam gyis/ rlung lhag par 'phel bar gyur na ni/ de'i tshe de rnams la rlung gi yon tan gyi gnyen por 'gyur ba/ dro ba zhes bya ba med
 pas rtsub pa la sogs pa rnams rlung ldang zhing 'khrug pa'i gnas skabs skyed kyi/ sogs par ni mi byed la/ yang gang gi tshe yon tan dro ba'i nus pa dang 'brel pas rtsub pa la sogs pa de rnams nus pa zhan par gyur pa'i phyir sogs pa'i gnas skabs skyed
 kyi/ ldang ba'i gnas skangs ni mi byed de/ nus pa zhan pa yin pa'i phyir ro/ /mkhris pa la rno ba la sogs pa 'ba' zhig gi gnyen po bsil ba'i yon tan med par ni ldang ba'i gnas skabs skyed kyi/ gsog pa'i gnas skabs su mi byed de/ rig pa snga ma'i
 tshul gyis so/ /bad kan la yang snum pa la sogs pa'i yon tan rnams de'i yon tan dang cha mthun par gyur pa yin du zin kyang/ grang ba'i yon tan gyi shas lhag par che ba dang ldan pa'i snum pa la sogs pas bad kan 'khyags shing bsgong ba'i tshul skyed
 par byed pas so/ /gsog pa'i gnas skabs nyid byed kyi/ /'di'i ldang ba'i gnas skabs ni mi byed do/ /de la yang de'i gnyen por gyur ba grang ba'i yon tan dang ldan pa'i snum pa la sogs pas bad kan 'di'i gzugs zhu bar byas nas/ ldang ba'i gnas skabs
 skyed par byed nus kyi/ zhu bar byed pa'i rang bzhin can min pa'i phyir gsog par byed pa'i gnas skabs ni byed mi nus so/ /de ltar rlung la sogs pa dang ldan pa ci lta ba nyid yon tan ci lta ba las byung ba de ltar bstan nas/ da ni gsog pa dang 'phel ba tshul ji lta ba nyid
 du 'khrul pa dag bsal ba'i phyir gzhung rtsom par byed pas/ rang gi mtshan nyid bshad pa'i 'og tu smras pa ni/ rang gnas nyid du 'phel sogs yin/ /dkyel gyur rgyu las 'khrug pa dang/ /mi mthun pa yi yon tan 'dod ces bya ba yin te/ gang nyes pa
 rnams rang rang gi gnas su 'phel bar 'gyur ba yin zhes bya ba 'dis ni sogs pa bshad cing bstan pa yin no/ /dkyel gyur rgyu las 'khrugs pa dang zhes bya ba la/ de bzhin du phyin ci log pa'i yon tan 'dod ces bya bas
 ni rgyu bstan pa yin no/ /de ltar na gang gi tshe rlung la sogs par 'gyur ba de'i tshe/ rtsub pa la sogs pa de'i yon tan dang cha mthun pa rnams/ dkyil du gyur pa'i rgyu las 'khrugs par 'gyur la/ de dang mi mthun pa'i yon tan snum pa la
 sogs pa 'dod cing/ mngon par dga' ba las 'di'i rjes su dpag par bya'o/ /des na 'di skad ston par 'gyur te/ rang gi gnas te nad rang nyid kyi gnas su gang 'phel bar gyur pa de ni gsog pa yin la/ nad rnams gsogs par gyur nas
 dkyel du gyur pa'i rgyu las ni 'khrug cing g.yos par gyur pa dang/ de dang mi mthun pa'i yon tan snum pa la sogs pa la 'dod pa skyes par 'gyur ro/ /ldang ba log pa'i lam zhugs nyid/ /rang gi rtags ni ston pa dang/ /bde med nad ni 'byung 'gyur pa'o//
 zhes bya ba la/ yang ldang ba ni 'phel zhing lhag par gyur pa las/ nad rnams rang gi gnas las gzhan du 'gro ba ste/ rang gi gnas spangs nas/ log pa'i lam gzhan du zhugs par 'gyur te/ ldang ba log pa'i lam zhugs nyid/ /ces bya ba 'dis ni
 nad ldang ba ston pa yin no/ /gzhan du na 'phel ba tsam gyi rang bzhin du mthun pas na tshul gcig pa nyid du 'gyur ro/ /des na sogs pa ni rang gi gnas nyid du/ nad gang 'phel bar ma gyur pa la bya la/ ldang ba'i khyad par ni sogs pa'i rgyu'i tshogs
 pa gzhan du gyur pa ste/ rang gi gnas yongs su spangs nas/ nad rnams lam gzhan du zhugs pa gang yin pa de la ldang ba zhes bya'o/ /de bas na rtsub sogs dro bar ldan pas ni zhes bya ba la sogs pas sngar bstan pa nyid kyis gsog pa'i
 rgyu ni gzhan yin la/ ldang ba'i rgyu yang gzhan yin par bshad pa 'di ni nges pa yin no/ /de bzhin du rang gi rtags ni ston pa dang zhes bya ba ste/ nad kyi mtshan nyid ji lta ji lta bar byung ba de lta de ltar nad rnams 'byung zhing ldang bar 'dod la/ spyir lus dang
 sems zil gyis gnon par byed pa nyid la/ bde ba med pa zhes bya'o/ /de bzhin du nad ni 'byung 'gyur ba'o zhes bya ba 'dis ni de rjes su dpog par byed pa'i rgyu ston pa yin no/ /de ltar na rgyu la sogs pa re re 'ba' zhig las nad rnams ldang bar rjes su dpag par
 nus pa ma yin te/ mi mthun zhing cha mi 'dra ba nyid yin pa'i phyir ro/ /yang nyes pa thams cad ni rang gi tshad las lhag kyang lam de nyid na gnas nas nad skyed par byed par mi zad pas/ nad gang 'byung bas las rjes su dpag par bya'o/ /de yang gang
 gi phyir nad rang gi tshad las chung bar gyur kyang/ nad stobs can gzhan gyis gnon pa dang/ rang gi gnas spangs te log pa'i lam du zhugs par gyur nas rang gi nad ji lta ba nyid shas cher skyed par byed do/ /de bas na mtshan nyid gsum po 'di dag
 ni/ nad rnams yongs su shes par bya ba'i phyir smras pa yin gyi lhag par smras pas ci zhig bya/ rang gnas gnas pa mnyam nyid dang/ nad rnams ma byung zhi ba yin zhes bya ba la/ 'dir tshig 'di ni bsdus pa las byung ba yin par shes par bya'o/ /de
 la nad rnams rang gi gnas na gnas pa mnyam pa nyid gang yin pa de ni zhi ba yin no/ /de bzhin du nad rnams kyi rnam par gyur pa ma byung zhing ma skyes pa'i mtshan nyid des kyang zhi ba yin par rjes su dpag par bya'o/ /nad rnams pa sog pa dang ldang ba dang
 zhi ba'i mtshan nyid bshad nas/ da ni rlung la sogs pa dus gang dang gang gi tshe na sogs pa dang sdang ba dang/ /zhi ba 'gyur ba bstan pa'i phyir smras pa ni/ gsog dang ldang dang rab zhi ba/ /rlung ni so ga sogs gsum tshe/ /mkhris pa dbyar la sogs
 par te/ /bad kan dgun smad sogs par ro/ /zhes bya ba yin te/ gong du bstan pa'i nad gsog pa dang ldang ba dang/ rab tu zhi bar 'gyur ba dag rlung la sogs pa re re dang sbyar ba las rlung ni so gsogs gsum zhes bya ba ni/ so ga'i
 dus su sogs par 'gyur la/ dbyar gyi tshe ldang bar 'gyur zhing/ ston ni rab tu zhi bar 'gyur ro/ /mkhris pa ni dbyar la sogs pa'i dus gsum du/ gsog pa dang ldang ba dang zhi bar 'gyur te/ dbyar ni gsog par 'gyur ro/ /ston ni ldang ngo/ /dgun
 ni zhi bar 'gyur ro/ /bad kan ni dgun smad la sogs pa'i dus gsum du so sog pa dang ldang ba dang/ rab tu zhi bar 'gyur te/ de la dgun smad ni gsog par 'gyur ro/ /dpyid ni ldang bar 'gyur ro/ /so ka ni rab tu zhi bar 'gyur ro/ /dris pa rlung
 'di ni so ga gsogs par mi 'thad kyi/ ldang ba'i dus yin no/ /de yang ci'i phyir zhe na/ de'i tshe yang zhing rtsub pa'i dus yin pas sman phal cher yang de dang rjes su mthun pa yin pa yin pa'i phyir ro/ /de bzhin du dbyar yang mkhris pa
 gsog par mi 'thad de/ chu rnams skyur ba nyid du zhu bar byed pa dang/ de bzhin du sman rnams kyang skyur ba smin pas mkhris pa ldang ba'i dus yin no/ /de bzhin du bad kan yang dgun gsog par mi 'thad de/ chu rnams snum pa dang sman rnams
 kyi snum pa nyid la/ dus kyang drang ba nyid kyis na/ de'i tshe ldang bar 'gyur gyi/ gsog par mi 'gyur ro zhe na/ de'i phyir smras pa ni/ yang dang rtsub la sogs pa'i/ /sman dang dus kyang de mtshungs pas/ /so gar rlung ni gsog 'gyur zhing/ /dro
 ba'i dus kyis ldang mi 'gyur zhes bya ba yin te/ gsag pa de so ga'i dus su yang ba dang/ rtsub pa la sogs pa'i sman rnams dang/ lus kyang de bzhin du yang ba dang/ rtsub pa la sogs pa yin pa dang/ dus kyang yang ba dang rtsub yin
 pas/ rlung yang dus kyi rang bzhin gyis yang ba dang rtsub pa nyid yin te/ de bas na yon tan cha mtshungs pa nyid kyis rlung ldang bar rig mod kyi/ so ga'i tshe rlung gsog par 'gyur gyi/ ldang bar mi 'gyur te gang gis she na/ dro ba'i dus kyis ldang mi 'gyur zhes bya ba
 'dis bkag par gyur pa yin te/ dro ba nyid kyis na rgyu snga ma nyam chung bar byas pa yid pa'i phyir ldang bar mi 'gyur gyi gsog pa nyid du 'gyur ro/ /chu rnams 'ju ba skyur ba dang/ sman yang de dang 'dra ba yin/ /mkhris pa sogs kyi dus kyi ni/ /grang ba nyid kyis ldang
 mi 'gyur zhes bya ba la/ dbyar chu rnams kyis 'ju ba skyur bar 'gyur ba dang/ de bzhin du sman yang de dang 'dra bar 'gyur ba'i rnam pa yin pas/ mkhris pa yang de dang 'dra bar gsog par 'gyur gyi/ ldang par mi 'gyur te/ ci'i phyir zhe na/ dbyar smad kyi tshe grang ba yin
 pas na ldang bar mi 'gyur te/ grang ba ni dro ba'i mi mthun pa'i phyogs yin pas grang ba'i ngas ldang ba de'i gnas byed pa yin no/ /chu dang sman ni bsil ba dang/ /snum par dus ni mtshungs gyur kyang/ /dgun smad bad kan gseg 'gyur gyi/ /bsgongs pas
 ldang bar mi 'gyur ro/ /zhes bya ba la/ dgun smad ni chu dang sman bsil ba dang/ snum pa dang/ dus kyang bsil ba dang/ snum pa yin pa'i phyir/ bad kan dang dus la sogs pa mtshungs shing 'dra ba yin du zin kyang/ dus kyi rang bzhin gyis ldang bar mi
 'gyur gyi sogs pa kho nar 'gyur ro/ /ci'i phyir zhe na/ grang bas bsgongs shing mar 'khyags pa ltar gyur pas ldang bar mi 'gyur te/ bsgoms pa zhes bya ba 'di nyid kyis bkag pa yin no/ /de ltar dus kyi rang bzhin 'di zhes bya ba la/ gang bsags
 pa la sogs pa so ga la sogs pa'i tshe 'byung bar bshad pa de ni dus kyi rang bzhin la brten nas bshad pa yin te/ de yang so ga la sogs spyir mtshungs kyang/ rlung la sogs pa gsog pa'i rgyu bshad pa yin no/ /ci nad rnams gsog pa la/ gsog
 pa'i rgyu dus 'ba' zhig du zad dam/ gzhan dag kyang yod ce na/ de'i phyir smras pa ni/ zas la sogs pa'i dbang gis na/ /dus la bab par ma gyur kyang/ /'phral du gsog pa la sogs 'gyur zhes bya ba la/ zas la sogs pa'i dbang
 gis te/ /zas skom la sogs pa'i nus pa dang/ sogs pa zhes bya ba slon sman dang/ 'khru sman dang/ 'jam rtsi mas btang ba dang/ dub pa la sogs pa'i dbang gis kyang rlung la sogs pa'i nad gsog pa dang/ ldang ba dang/ rab tu zhi bar 'gyur ro//
 de yang rgyu de dag gi dus de dag la phyin cing skabs la bab par ma gyur kyang/ de dag la bltos pa med par 'phral du ste/ de'i mod la gsog pa la sogs pa'i dus la sdod pa med par zas la sogs pa de'i dbang gis gsog pa la sogs par 'gyur
 pa 'am/ yang na gsog pa'i dus su nang la sogs par mi 'gyur gyi zas la sogs pa nyid las 'gyur ro/ /nad ni ldang gyur 'phral du lus/ /mgo nas rkang gi bar du khyab/ /ldog 'gyur chu yi rgyun bzhin du/ /cung zhig cung zhig dag gis zhi/ /zhes bya ba
 la/ nad ni lus nyon mongs par byed pa ste/ rlung dang mkhris pa dang/ bad kan la gsog pa'o/ /de ldang bar gyur pa ni/ 'khrug par gyur pa ste/ de'i tshe ni 'phral du zhes pa mod la lus kyi mgo nas rkang gi bar du ma lus par khyab cing gnod par 'gyur
 ro/ nad de nyid lus las ldog par gyur cing/ gso bas zhi bar byas pas na/ cung zhig cung zhig gis zhi ba 'gyur te/ de yang dper na chu'i rgyun bzhin du zhes bya ba ste/ dper na chu'i rgyun skye ba dang/ de'i tshogs kyis zam pa yang khyer nas//
 mod la kun tu khyab cing 'gro bar byed la/ chu'i rgyun de 'bri ba na/ gnas de las rim gyis cung zad cung zad kyis ldog cing 'bri bar 'gyur ro/ /de bzhin du nad rnams kyang ldang bar 'gyur na/ nyes pa thams cad skyed par 'gyur gyi/ 'bri ba'i
 chen ni de lta ma yin no/ /nad thams cad la rnam par 'gyur ro zhing nad gzhi yang gso ba'i mtshan nyid mdza' yas par brtan par ma nus pas de'i phyir de bsal ba las su yang 'bad par mi byed do snam du dogs pa'i phyir 'dir smras pa ni/ nad 'khrugs sna
 tshogs tshul zan ni/ /grangs med par ni 'gyur bas lus/ thams cad nye bar gzir gyur pa/ /de rgyu tshul dang bsgrub pa dag /re re nas ni bstan mi nus/ /de bas spyi'i brjod pa yin zhes bya ba yin te/ rlung la sogs pa'i nad 'khrugs par gyur cing/ rnam
 par ldang bar gyur na sna tshogs pa'i tshul can du 'byung ba'i nad rnam pa tha dad pa'i mtshan nyid can grangs med cing/ brtsi ba las 'das pas lus thams cad nye bar gzir cing gdung bar gyur ba ste/ lus sdug bsngal bar byed do zhes bya ba'i don to/ /de
 bas na de rnams kyi rgyu'i tshul gyis 'byin par byed par dag gi mtshan nyid dang/ bsgrub cing gso bar bya ba dag gi re re nas zhes pa/ nad kyi tshul so so nas ming gis bstan par mi nus te/ nad 'di'i rgyu na 'di yin no/ /'di'i mtshan nyid ni 'di yin no//
 gso ba ni 'di ltar bya'o/ /zhes bstan par shin tu dka' ste/ de bas na spyi'i brjod pa yin te/ spyir khyab pa'i tshig gang yin pa de nyid bshad cing brjod pa yin no/ /de nyid kyang gang zhe na/ nad rnams dag ni thams cad kyi/ /nyes pa'i rgyu ni gcig pu
 nyid/ ces bya ba yin te/ 'di ltar nad thams cad kyi rgyu ni nyes pa nyid gcig pu gyur pa yin te/ rgyu yang yin la gcig pu nyid kyang yin te/ gtso bo'i rgyur gyur pa 'am/ yang na nad thams cad kyi spyi'i mtshungs pa'i rgyu yin pas na
 rgyu gcig pu ste/ thun mong gi rgyu zhes bya ba'i don to/ /nyid ces bya ba ni nges par gzung ba'i phyir smos pa yin te/ nad kyi rgyu ni gcig pu nyid yin gyi/ dngos po'i rigs gzhan dag ni ma yin te/ thun mong ma yin pa'i phyir ro/ /don 'di'i dpe
 bstan par bya ba'i phyir tshig tu smras pa ni/ dper na bya ni lding gyur pa/ /nyin rangs kun tu 'ongs gyur kyang/ /rang gi grib ma dang mi 'bral/ /'gro kun de dang 'dra ba yin/ /zhes bya ba yin te/ dper na khra la sogs
 pa'i bya rnams lding bar gyur pa na nyin rangs te/ nyin thag thog kun song zhing lding par gyur kyang/ rang gi grib ma dang 'bral bar mi 'gyur zhing/ grib ma de dang bral bar skad cig kyang mi snang ste/ 'gro ba yi nad kyi tshul yang de dang 'dra'o/ /
 yang don 'di'i dpe gzhan dag bstan pa'i phyir/ smras pa ni/ yang na ji ltar ma lus pa'i/ /'gro ba mi 'dra sna tshogs 'di/ /yon tan gsum dang mi 'bral lo/ /zhes bya ba yin te/ dpe'i rnam pa gzhan yang ma lus pa'i 'gro ba rang
 bzhin mi 'dra ba/ mngal nas skyes pa la sogs pa'i dbye bas tha dad pa 'am/ rgyu ba dang mi rgyu ba la sogs pa'i dbye bas phye ba sna tshogs shing rigs pa tha dad pa 'di dag kyang/ yon tan gsum po snying stobs dang/ rdul dang mun pa'i
 tshul dang mi 'bral zhing de las mi 'da' ste/ yon tan gsum po 'di dag dang nam yang 'bral bar mi 'gyur ro/ /de bzhin du rang khams snyoms pa'i rgyu yang gnas skabs thams cad du/ nad rigs nyes pa gsum mi 'bral zhes bya ba la/ dpe de
 bzhin du rang khams ma snyoms pa'i rgyu yang dus dang gnas skabs thams cad du nad kyi rigs su bshad pa/ nyes pa gsum po dang nam yang 'bral lo/ /de yang rlung la sogs pa'i khams 'di rnams ni lus 'dzin par byed pa yin du zin kyang
 gal te khams ma snyoms par gyur na de yang nad kyi rgyu yin pa'i phyir/ nad dang dri ma'i tshul gyis ma snyoms pa med par yang nad kyi rgyur 'gyur bar bshad pa'i phyir/ 'dir yang zhes bya ba'i sgra khyad par du smras pa yin no/ /de rnams kyi ni ldang
 ba'i rgyu/ /dbang don mi 'tsham phrad pa dang/ /dus dang nyes pa'i las rnams so/ /zhes bya ba la/ rlung la sogs pa de rnams kyi ldang zhing 'khrugs par byed pa'i rgyu ni/ mig la sogs pa'i dbang po'i don mi mthun zhing 'tsham pa ma yin pa dang/ phreng cing
 'brel ba dang/ dus mi 'dra ba ste/ grang ba dang dro ba dang char la sogs pa dang/ de bzhin du las nyes par spyad pa tshe snga ma 'am/ 'dir lus dang ngag dang yid rnam pa gsum gyi las/ mi dge byas pa de thams cad ni rlung la sogs pa 'khrug cing ldang
 ba'i rgyu yin no/ /de yang dman lhag log sbyar bas/ /dbye ba rnam pa gsum du 'gyur zhes bya ba la 'am/ gang rlung la sogs pa 'di dag gi rgyu'i tshul sngar rnam par dbye ba byas su zin kyang/ yang de dman pa dang/ lhag pa dang/ log pa'i sbyor bas
 dbye ba rnam pa gsum du 'gyur te/ snga ma de dag re re zhing yang gsum du 'gyur ba yin no/ /dbang don rang yul chung ngu 'am/ /mi sbyor ba ni dman pa ste/ /shas cher gtad pa lhag sbyor ba zhes bya ba la/ gang mig la sogs pa'i dbang po rnams gzugs la
 sogs pa'i yul rnams la rang gi yul chung ngu la sbyor ba 'am rang gi yul la mi sbyor zhing ma tshang ba de ni dman pa'i sbyor ba zhes bya'o/ /yang rang gi yul shas cher gtad cing bsten drags pa ni lhag pa'i sbyor ba zhes bya'o/ /rab phra'i 'od dang
 'jigs pa dang/ /shin tu nye dang shin tu ring/ /yid du mi 'ong mi sdug pa'i/ /gzugs la mig ni lta byed pa/ /log sbyor de ni mi zad yin/ /zhes bya ba la/ log pa'i sbyor ba ni gang rang gi dbang po'i yul rab tu phra ba'i 'ong mig gi dbang pos blta
 zhing brtag pa de ni rang gi yul la log par sbyor ba yin no/ /de bzhin du shin tu 'jigs pa'i gzugs la blta ba la sogs pa rdzas su mi mthun zhing gnod pa skyed par byed pa dag kyang log pa'i sbyor ba yin te/ de dag ni shin tu mi bzad cing
 'jigs pa yin no/ /de bzhin rab drags rul la sogs/ /dbang don ji bzhin shes par bya ba la/ phyogs 'dir bsdu ba ni dbang po'i don rab tu mthong ba dang/ rul pa la sogs pa yang log pa'i sbyor bar rang bzhin can yin
 par ji lta ba bzhin du shes par bya'o/ /de yang ji ltar mya ngan skyed pa la sogs sgra mi sdug pa drag po rna ba'i dbang pos thos pa ni log pa'i sbyor bar 'gyur ro/ /gang gi tshe rul cing zhig par gyur cing/ mi gtsang ba myags pa la sogs pa'i dri
 mi sdug pa sna'i dbang pos tshor ba na/ rang gi yul dri zhes bya ba 'di sna'i dbang po'i log pa'i sbyor yin no/ /sogs pa'i sgras ni/ lce'i yul lan tshwa shas cher bro ba la sogs pa dang/ de bzhin du reg bya'i yul shin tu tsha ba dang/ shin tu grang ba
 la sogs pa ni rang gi yul log pa'i sbyor ba yin par bstan te/ de dag ni nad rnams ldang ba'i rgyu yin par bshad do/ /de dag thams cad ni drang srong tsa ra kas gsal ba kho nar bshad de/ de yang rang gi nus pas shas cher blta ba ni
 lhag par sbyor ba'o/ /phyis mi mthong bar gyur ba ni dman pa'i sbyor ba'o/ /phra ba dang/ shin tu thag nye ba dang/ shin tu thag ring ba dang/ dag cing mi zad pa dang/ 'jigs pa dang zhe 'dras pa dang/ 'jigs su rung ba dang/ mi sdug pa dang/ skag
 par byed pa la sogs pa'i gzugs mthong pa ni log pa'i sbyor ba'o/ /de bzhin du rnga bo che drag tu brdung ma pa la sogs pa'i sgra gsang ba la lhag par gtad de mnyam pa ni lhag pa'i sbyor ba'o/ /thams cad du mi thos pa ni dman pa'i sbyor ba'o//
 sgra rtsub pa dang/ sdug pa dang bral ba dang/ 'dar ba'i sgra dang 'jigs pa'i sgra thos pa ni log pa'i sbyor ba'o/ /de bzhin du 'dzag cing rul ba'i dri shin tu rno zhing drag pa shas cher ba snam pa ni lhag pa'i sbyor ba'o/ /rnam pa thams cad du ma bsnams pa
 ni dman pa'i sbyor ba'o/ /rul pa la snom pa la sogs pa 'di log pa'i sbyor ba'o/ /yang khrus la sogs pa'i tsha ba dang/ grangs ches pa bsten pa dang/ go rim 'chol bar bsten ba dang/ gnod pa dang mi gtsang ba la sogs pa ni log pa'i sbyor
 pa'o/ dus kyang grang dang tsha ba dang/ char dus dbye bas gsum du 'dod/ ces bya ba la/ de bzhin du dus kyang grang ba dang/ tsha ba la sogs pa'i dbye bas rnam pa gsum yin te/ de la grang ba ni dgun stong dang/ dgun smad ces bya ba'o/ /tsha ba ni
 so ga'o/ /dbyar ni char gyi dus so/ /de'i sman pa'i sbyor ba dang/ lhag pa'i sbyor ba dang/ log pa'i sbyor ba bstan pa'i phyir ro/ /de dman grang sogs chung ba dang/ lhag sbyor shin tu che mtshan nyid/ /rang gi mtshan nyid phyin ci log /log pa'i sbyor ba yin par
 bshad/ /ces bya ba la/ de bzhin du grang ba dang/ tsha ba dang/ char gyis dus dang/ dgun dang/ so ga dang/ dbyar zhes bya ba'i mtshan nyid can/ /sngar ji tsam gyi tshad du bstan pa de las gang cung zhig shin tu dman par snang ba de nyid ni dus mi sbyor
 ba yin pas na/ chung ba 'am/ dman pa'i sbyor ba zhes bya'o/ /lhag pa'i sbyor ba ni gang gsum po de dag rang gi tshad las kyang ches lhag par ston pa/ de ni lhag pa'i sbyor ba zhes bya'o/ /log pa'i sbyor ba ni yang rang gi mtshan nyid las phyin ci
 log pa ste/ ji ltar dgun gyi dus su dro ba dang/ so ga'i dus su grang ba dang/ dbyar gyi dus su char mi 'bab pa'o/ /las kyang dbye ba rnam pa gsum du bshad de/ smras pa ni/ lus ngag yid kyi dbye ba yis/ /las kyang rnam pa gsum du
 bshad/ ces bya ba la/ las zhes bya ba ni sbyor ba'i rgyu yang lus dang ngag dang yid kyi dbye bas rnam pa gsum du bshad de/ /lus la sogs pa'i las dman la/ /'jug pa dman pa'i ming can yin/ zhes bya ba la/ lus kyi las dang/ ngag gi
 las dang/ de bzhin du yid kyi las rnams kyang/ rang gi yul dag la/ gang dman par 'jug pa ni de'i dman pa'i sbyor ba yin no/ /brtun bas 'jug pa lhag sbyor ba zhes bya ba ni/ lus dang ngag dang yid kyi las rnams la
 gang rung brtun bas shing drag tu sbyor ba de ni lhag pa'i sbyor ba yin no/ /shugs bkag pa dang btsor ba dang/ /mi bzad lus kyi las rnams dang/ /bcus dang brdeg 'chos gom 'byor sogs/ /sdang bzhin sma bar byed pa dang/ /'dod chags
 zhe sdang 'jigs sogs dang/ /srog gcod la sogs las rnams dang/ /rnam bcu de yang dmad pa yin/ /'di dang gzhan du byas pa rnams/ /de dag ma lus log sbyor yin/ /zhes bya ba la/ log pa'i sbyor ba ni shugs bkag pa nas brtsams
 te/ brdeg 'chos shing goms par 'byor ba la sogs pa'i bar gyi las gang yin pa de lta bu la 'jug pa gang yin pa de ni lus kyi log pa'i sbyor ba'o/ /de la shugs bkag pa ni rgyu ba snags pa'o/ /shugs bcir ba ni kha nang du ltas par
 gyur ba phyir phyogs par byas pa'o/ /mi bzad lus kyi las rnams dang zhes bya ba ni/ 'dir mi bzad pa'i sgra ni tshig kun tu sbyar bar bya'o/ /sogs pa'i sgra ni 'gro ba la sogs pa bsdu'o/ /sdang bzhin smra bar byed pa ni gang phyed ming tsam na
 smra ba ste/ 'di dag ni dag gi las te/ rab tu drag pa la bya'i dal ba ni ma yin no/ /'dod chags dang zhe sdang la sogs pa gang yin pa de dag ni yid kyi las yin te/ gang tshul de lta bu la 'jug pa de ni yid kyi log par sbyor ba'o/ de dag
 thams cad ni tshe 'dir byas shing spyad ba 'am/ skye ba gzhan dag tu byas kyang rung ste/ de rnams thams cad ni log pa'i sbyor ba yin par shes par bya'o/ /'di dag nad kyi rgyu yin no zhes bya ba la gsum po 'di dag gsum gsum du
 brtags pa ni nad kyi rgyu 'am ldang bar byed pa'i gzhi yin no/ /ldang 'gyur de ni mdza' yas te/ /sna tshogs nang ni byed par 'gyur/ /yan lag nang grol lhu tshigs rten/ /yan lag khrag sogs pags pa yin/ /zhes bya ba la/ nang kyi gzhi de
 dag las nad de rnams ldang zhing 'khrug par gyur pa de ni gang zhig mdza' yas pa yin te/ rnam pa tha dad pa'i tshul gyis nad kyis 'debs shing skyes ba yin no/ /gang du skye zhe na/ yan lag rnams dang de bzhin du nang grol dang/ lhu tshigs
 dang/ gnad rnams su skye'o/ /yan lag khrag sogs pags pa yin zhes bya ba ni/ de la yan lag ni khrag la sogs pa'i lus zungs pags pa'i mthar thug pa la bya'o/ /de'i phyi rol na nad gnas te/ zhes bya ba la/ de dag ni phyi rol gyi
 nad rnams kyi gnas dang rten yin par bshad do/ /de nyid ma zhu yan lag na/ /lba ba ge'u snabs 'brum pa sogs/ /gzhang 'brum skran dang 'or nad sogs/ /de dag phyi rol nad ces bya/ /zhes bya ba la/ gang gi phyi rol gyi nad lag khrag la sogs
 pa'i lus zungs kyi gnas su gyur pa yin la/ de bas na de la brten te ma zhu ba dang/ yan lag na ba la sogs pa 'byung bar 'gyur ba dang/ de bzhin du phyi rol gyi nad gzhang 'brum la sogs pa'i nad rnams kyang 'byung bar 'gyur ro/ /nad
 nang rtsa sbubs chen po dang/ /ma zhu zhu ba'i gnas la brten/ /zhes bya ba la/ yang na ngag gi nad ces bya ba ni lto ba dang de bzhin du rtsa sbubs chen po rnams dang/ ma zhu ba dang zhu ba'i gnas la brtan pa rnams so/ /gnas de las ni skyug tshad 'tha'u?//
 dmu rdzings lud pa dbugs mi bde/ /nang gi cha'i gzhar 'brum skrang/ /skran dang me dbal khong 'brum pa/ zhes bya ba la/ nang grol gyi gnas ni skyug pa dang/ tshad par 'khru ba la sogs pa'i nad rnams 'byung bar 'gyur ro/ /de bzhin du nang gi
 cha'i gzhang 'brum dang/ skran la sogs pa 'byung bar 'gyur te/ /de ltar na gzhang 'brum la sogs pa ni phyi dang nang gi cha'i dbye bas rnam pa gnyis yin no/ /mgo bo snying dang chu so sogs/ /rus pa'i tshigs nad gnang
 yin no/ /zhes bya ba la/ 'di dag ni gnad ces bya ba ste/ mgo bo dang/ snying dang/ chu so la sogs pa'i nad dang/ rus tshigs te/ 'dir tshigs ni rus pa'i tshigs la bya'o/ /sha dang rgyus pa dang/ rtsa la sogs pa gnyis 'dus pa'i tshigs
 gzhan dag la ni mi bya'o/ /de bas na 'dir rus pa'i tshigs nges par gzung ba yin no/ /de 'brel rtsa dang chu ba dang/ /chu ba che sogs par ma yin/ /de la nad la der gnas la/ /gcod can gzhogs phyed 'chid kha yo/ /klad nad
 sogs dang tshigs rus dang/ dpyi yi gzer dang gdon nad sogs/ /zhes bya ba la/ de rnams dang 'brel ba yin pas na de 'brel te/ gnad de rnams dang/ de bzhin du rus pa'i tshigs de rnams dang/ 'brel ba'i lam bar ma zhes bya ba de la/ nad
 gcod chen po la sogs pa gnas pa yin no/ /de bzhin du klad nad la sogs pa'i nad dang/ tshigs pa dang/ rus pa dang dbyi'i gzer dang/ gdon nad la sogs pa yar der gnas so/ /'byin khyab zug dang snyom pa dang/ lus tsha nad
 gzer bye ba dang/ dbyar zhing chag snyam rkang lag 'khums/ /bsgengs dang brtse dang skom byed dang/ 'dar dang rtsub dang khong stong dang/ /skem dang 'gul dang dkris snyam dang/ rengs dang ro bska bro ba'o/ /mdog ni gnag gam dmar ba dag /
 rlung gi las yin/ zhes bya ba ni/ rlung 'khrug pa la gyur pa las 'byin pa snyam byed pa la sogs pa'i las byed par 'gyur ro/ /de la 'byin pa ni mig la sogs pa'i yan lag thur du lhung ba snyam du sems par byed pa'o/ /khyab
 pa ni lus kun tu khyab cing 'dren par byed pa'o/ /zug pa ni yan lag brdegs pa snyam sems pa'o/ /snyom pa ni lus kun bkum pa snyam sems pa'o/ /lus tsha ba ni lus bsregs pa snyam pa'o/ /nad ni tshor ba drag po'o/ /gzer ba ni khab kyis phug
 kha? bzhin du byed pa'o/ /bye ba ni 'gyes pa snyam sems pa'o/ /'byar ba ni bshang ba la sogs pa gnas las mi 'gul bar byed pa'o/ /chag pa snyam sems pa ni yan lag chag pa ltar zug cing na ba'o/ /yan lag 'khums pa ni yan
 lag 'ja' zhing 'khums par byed pa'o/ /bsgongs pa ni tha dad par 'dug pa gcig tu bsdus pa'o/ /brtse ba ni lus dang ba spu'i tshogs rnams brtse ba'o/ /skom par byed pa ni skom gyis gdungs pa'o/ /'dar ba ni yan lag g.yo zhing
 'gul ba'o/ /rtsub pa ni reg na mi bde bar rtsub pa'o/ /khong stong pa ni nad stod pa'o/ /skems pa ni lus skem bag tu gyur pa'o/ /'gul ba ni cung zad g.yo ba'o/ /dkris pa snyam byed pa ni yan lag bcings pa snyam sems pa'o/ /rengs
 pa ni lus dang yan lag rnams shing ltar rengs pa'o/ /ro bska ba ni ro gzhan dag kyang bska ba'i ror tshor ba'o/ /mdog gnag pa ni phal cher lus dri ma can du 'dug pa'am/ de bzhin du phal cher dmar bag snang ba ste/ 'di
 dag ni rlung gi las yin no/ mkhris pa'i las/ lus tsha mdog dmar dro smin byed/ /rdul dang rnag dang 'dzag ma rer/ /'drul dang brgyal zhing myos pa dang/ /kha'i ro kha dang skyur ba dang/ /mdog skya dmar tsam yin pa'o/ /zhes bya ba ni/
 mkhris pa ldang bar gyur na de'i las ni lus tsha ba la sogs pa byed par 'gyur ro/ /de la lus tsha ba ni gang lus thams cad la shin tu mi bzad pa'i tsha ba 'byung bar 'gyur ba de la tsha ba ni sgrar bshad do/ /mdog dmar ba ni lus dang yan shas
 cher dmar ba'o/ /dro ba ni lus dang yan lag tsha ba'o/ /smin par byed pa ni lus kyi yan lag tsha ba'o/ /smin par byed pa ni lus kyi yan lag phyogs gcig 'drul zhing smin pa'o/ /rdul pa mi rlan dang ldan pa nyid do/ /brnags pa ni
 lus 'drul zhing mnom pa'o/ /'dzag pa ni rnag la sogs pa 'dzag pa'o/ /rma reng pa ni rma zhig cing mnam pa'o/ /'drul ba ni lus dang yan lag 'drul zhing myags pa'o/ /brgyal ba ni sems med cing ma dran pa'o/ /myos pa ni chang gis myos
 pa'i nad lta bu'o/ /kha'i ro ni kha ba dang skyur ba dag tu tshor bar 'gyur ro/ /lus kyi mdog ni skya zhing rtsa dmar ba ma yin pa ste/ /gzhan du na sngo ba dang/ ser ba la sogs pa'i dbye bas phye bar snang ngo/ /bad kan las ni mkhrad zhing snum/ /
 g.ya' zhing khong grang lci ba dang/ tshig dam sha rgyas rmongs bag dang/ /skrang zhing gnyid che zas mi 'ju/ /mdog dkar kha ro lan tshwa dang/ /las kyi mdza' la 'dam ring ba'o/ /zhes bya ba la/ bad kan ldang bar 'gyur ba'i las ni mkhrad
 ba dang snum pa la sogs pa byed par 'gyur ro/ /de la mkhrad ba ni lus kyi yan lag dang nying lag rnams sra ba nyid do/ /snum pa ni pags pa la sogs pa snum bag tu gnas pa'o/ /g.ya' ba ni lus kyi pags pa la sogs pa g.ya' ba' o//
 khong grang ba ni lus kyi yan lag rnams bsil bag tu gnas pa'o/ /lci ba ni lus bzungs rnams lci ba nyid do/ /tshigs dam pa ni rtsa spubs rnams 'gags pa'o/ /sha rgyas pa ni lus kyi sha che ba ste/ bad kan can dag gi kha
 dang lkog ma la sogs pa'i lus kyi sha rgyas pa 'am 'gags pa'o/ /rmongs bag ni yul rnams la dbang po mi gsal ba nyid do/ gzhan dag ni yur ba yin no zhes zer ro/ /skrang pa ni 'or bag tu 'dug pa'o/ /gnyid che ba ni gnyid
 sdug? pa'o/ /zas ma 'ju ba ni pho ba'i me drod mi snyoms shing 'ju bar mi nus pa'o/ /lus kyi mdog ni dkar zhing skya bo skabs? pa bor snang ba'o/ kha'i ro ni lan tshwa dang/ mngar bag tu bro bar 'gyur ro/ /las kyi mdza' la 'dam zhing ring ba ni nad yun ring po nas
 'byad ba 'am/ yun ring zhig nas 'chi bar byed pa'o/ /de ltar ji skad bshad pa yi/ /mtshan nyid kyi ni lus kun khyab/ /ces bya ba la/ /de ltar zhes bya ba ni yongs su rdzogs pa'i tshig gam/ de lta bu'i rnam pa'i don yin te/ /rdzogs pa ni nad rnams kyi
 mtshan nyid gang gis/ nad gang yin par shes par 'gyur ba'o/ /ji lta bu zhe na/ nad kun khyab byed ces bya ba ste nad ma lus khyab pa'i dang tshul gang yin pa nad kun khyab pa'o/ /de ltar ji skad bshad pa yi/ /mtshan nyid kyi ni nad kun khyab/ /de ni 
 ma g.yangs blta sogs pas/ yang dag par ni shes par bya/ /nad kyi gnas skabs dbye shes pas/ /nad pa skad cig re re blta/ /zhes bya ba la/ de ltar nad kyi mtshan nyid kun la khyab pa ji skad bshad pa'i nad kyi mtshan nyid de ni ma yengs
 pa ste/ 'bad ba dang ldan zhing sems gzhan du ma yengs pa'i sman pa la brtson pa dang ldan pas/ blta ba la sogs pas zhes pas lta ba dang/ myang ba dang dris pas yang dag par shes par bya zhing rtogs par bya'o/ /de la blta ba'i mdog
 dang gnas dang tshad dang mchil snabs dang/ bshang gci dang/ skyugs pa la sogs pa la blta ba ste/ sogs pa'i skras ni rna ba'i sgra dang/ sgyu ma krug krug zer ba dang/ sor tshigs la sogs pa gcog pa thos pa las shes par
 bya'o/ bsnams pas ni lus dang bshad pa dang rma la sogs pa'i dri brtag par bya'o/ /reg pa ni grang ba dang/ dro ba dang 'jam pa dang rtsub pa dang/ 'gul ba'i reg bya shes par bya'o/ /kha'i ro ni dri ba las shes par bya'o/ /de bzhin du skyug sla ba dang/ skyug
 dka' ba dang/ lto sra ba dang/ snyi ba dang/ rmi lam du ci mthong ba dang/ gang la mngon par dga' ba dang/ nad gang gi tshe nas zhugs pa dang/ skyes pa'i skar ma dang/ mdza' ba dang mi 'dza' ba dang/ bde ba dang sdug bsngal
 la sogs pa dri bar bya'o/ /'di dag ni phyogs gcig tsam bstan pa yin par shes par bya'o/ /de bzhin du rjes su dpag pa las kyang shes par bya ste/ /re zhig phyir 'byung zhing rgyu ba las lus kyi bcud dang/ ro nyams pa shes par
 bya'o/ sbrang bu 'du ba las ni mngar bar ro/ /de bzhin du pho ba'i drod ni 'ju ba las so/ /stobs ni rtsol ba'i nus pa las shes par bya'o/ /nad kyi mtshan ma mi mngon pa dag ni bsam pa'i sred pa dang mi srid pa las so/ /nad kyi tshad ni spyod pa'i
 khyad par las so/ /tshe zad pa ni 'chi ltas las so/ /rang bzhin dang snying stobs dang spro ba dang goms pa ni rtag tu 'grogs pa las shes par bya'o/ /de yang tsa ra ka las/ shes pa'i sgron ma'i snang ba yis/ /nad pa'i nad kyi bdag nyid ni/
 ma shes bar du sbyor shes gang/ /de ni nad rnams gso mi byed/ /ces bshad pa yin no/ /ci sman pa gang la la zhig ci ltar rung ba tsam zhig de'i mtshan nyid dang ldan pa yin nam zhe na/ de thams cad ma yin te/ gzhan du na nad kyi gnas
 skabs kyi dbye ba shes pa dang/ de bzhin du nad pa skad cig re re zhing blta ba dag sman pa yin te/ skad cig skad cig cing gnas skabs thams cad du yang dang yang du rgyun mi 'chad par lta zhing/ rtog par byed pa'i sman pa de lta bu de ni nad
 kyi gnas skabs kyi dbye ba shes pa yin to/ /de ltar na nad pa skad cig re re yang bltas pas de las rnam la sogs pa skye bar 'gyur ba yin no/ /de bas de ni/ goms pas nyes pa thob 'gyur te/ /las rnams 'grub par gsal
 byed yin/ /zhes bshad pa yin te/ goms pa ni gso ba'i las la yang dang yang du 'jug pas nges par shes pa gso ba shes pa'i nges pa rnyed par 'gyur gyi/ gso ba'i bstan bcos khong du chud pa 'ba' zhig tsam gyis ni ma yin no/ /ji lta bu'i de
 pa zhe na/ las rnams 'grub par gsal byed yin zhes bya ba ste/ las thams cad 'grub par byed pa yin pas na las 'dru pa pa ste/ de gsal bar byed pa ni snang bar byed pa'o/ /'di nyid kyi dpe bstan pa'i phyir/ /rin chen la sogs bzang ngan
 shes/ bstan bcos 'ba' zhig las mi 'byung/ zhes bshad pa yin te/ ma rkang la sogs pa 'di dag gi bzang ngan shes pa gang yin pa ni goms pa kho na rgyu'i gtso bo yin te/ des 'di ni bzang po'o/ /'di ni ngan pa'o zhes rtogs par 'gyur te/
 'dir ni rin po che brtag pa'i bstan bcos yod du zin kyang/ de shes par 'gyur ba'i bstan bcos 'ba' zhig las mi 'byung ste/ de ni rin po che mang po lan mang du mthong ba'i goms pa las 'di ni rin po che bzang po yin no/ /'di ni ma
 yin no zhes shes pa skye bar 'gyur ro/ /de bzhin du gang zhig dman dpyad kyi bstan bcos shes shing khong du chud pa dang/ de bzhin du las la goms shing bya ba'i sman pa des rab tu zhi ba'i las byed na/ srog chags rnams kyi srog ster
 bar byed pa yin gyi/ las la goms shing byang bar ma byas par/ gso ba'i bstan bcos shes pa 'ba' zhig gis ni ma yin la/ thos pa med par goms pa 'ba' zhig gis kyang ma yin no/ /de bas na 'ba' zhig ces bya ba'i sgra smos pa
 yin te/ 'di la ni gnyi ga dogs pa yin no/ /nad ni 'di ltar rnam gsum ste/ /la la tshe 'di'i nyes las byung/ /la la sngon gyi nyes pa las byung/ /gzhan dag de gnyis 'dres las 'byung/ /zhes bya ba la/ nad la la ni tshe 'di'i nyes pa zhes pa mthong
 ba'i chos kyi nyes pa ste/ nad kyi nyes pa zhes bya'o/ /de bzhin du la la ni sngon gyi nyes pa las byung ste/ bdag nyid kyis sngon las mi dge ba byas pa'i/ nyes pa byas pa'i rnam par smin pa las byung ba yin no/ /
 gzhan la la dag ni gnyis 'dres shing 'dus pa las 'byung ste/ de ltar mthong ba'i chos kyi tshe 'di'i nyes pa dang/ sngon gyi nyes pa dang/ de bzhin du 'dus pa ste/ gsum yod pas na/ de ltar na nad rnam pa gsum yin par shes par
 bya'o/ /yang 'di rnams kyi mtshan nyid go rim ji lta ba'i dbang du byas nas smras pa ni/ nyes 'byung nad gzhi ji bzhin pa/ /zhes bya ba la sogs pa yin te/ bshad pa'i nad gzhi de dang de nyid yin gyi tshe 'di'i nyes pa las 'byung ba de
 nyid no rlung dang mkhris pa dang bad kan las 'byung ba yin na/ /de la de ni nad gzhi ji lta ba bzhin du shes par bya zhing/ /nad gzhi mtshol bas nad gang yin pa ldang ba'i nad gzhi gang dang gang yin pa bshad pa'i nad gzhi de dang de
 nyid yin gyi nad 'di nad gzhi gzhan las mi 'byung gi/ rang gi nyes pa kho na las byung ba de ni tshe 'di'i nyes pa las byung ba yin par shes par bya'o/ /las skyes rgyu ni med pa yin/ /zhes bya ba ni/ nad gang rgyu zhes pa nad gzhi med par nyes
 pa gang yang rung ba zhig las byung ba 'di ni las las byung ba'i nad yin no/ /zhes nges par shes par bya ste/ nad gzhi ji lta ba'i nyes pa las byung ba ma yin pa'i phyir ro/ /rgyu chung ba la dkyil che'i nad/ nyes dang las las byung ba yin/
 zhes bya ba la/ nad gang rgyu chung ngu zhig las dkyil shin tu che bar snang ba de ni nad gzhi ji lta ba'i nyes pa las byung ba yin du zin kyang/ nad de nges par nad gzhi'i nges pa dang/ las kyi nyes pa gnyis ka las byung ba yin bar nges
 par shes par bya'o/ /de ni nad rnam pa gsum po 'di dag gi gso ba smras pa ni/ dang po mi mthun bza' ba yis/ /las skyes las ni zad pa ste/ /zhes bya ba yin te/ dang po bshad pas na dang po ste/ gang nad gzhi'i nyes pa 'ba' zhig las byung ba la/
 ji skad du bshad pa'i rlung la sogs pa'i mi mthun pa'i gnyen por gyur pa/ zos pa las zad cing dengs par 'gyur ro/ /zhes tshig sbyar bar bya'o/ /las las skyes pa ni mi dge ba'i las de nyid byang zhing zad pa las nad zad par 'gyur ro/ /gnyi ga
 la byung nyes dang las/ /zad pas zad par 'gyur ba yin/ /zhes bya ba dang/ /tshe gnyi ga'i nyes pa dang las las byung ba'i nad ni rgyu'i nyes pa dang/ nad kyi rgyu'i las zad cing 'jig pas nad de med par 'gyur ba yin no/ /de ltar re zhig nad rnam pa gsum
 du bsten nas/ yang dbye ba gnyis kyi dbang du byas nas smras pa ni/ nad ni rang rgyud gzhan rgyud las/ /gnyis 'gyur zhes bya ba yin te/ nad ni rang gi rgyud dang gzhan gyi rgyud kyis rnam par dag las gnyis su 'gyur te/ de la rang gi rgyud ni
 gtso bo ste/ gzhan gyi dbang du ma gyur pa zhes bya ba dang don gcig go /gzhan gyi rgyud ni 'khor gzhan yod pa dang/ gtso bo ma yin pa dang/ rjes su 'brang ba yin zhes bya ba ming gi rnam grangs yin te/ mdza' ma'ang gnyis yin te/ sngar skyes
 snga ma'i tshul du bshad/ /phyis skyes pa ni bla gnyen yin/ /mdza' ma ni gzhan rgyud can te/ mdza' mar bstan pas na mdza' mar te/ gzhan gyi rjes su 'brang ba'o/ /de yang rnam pa gnyis yin te/ /sngar skyes pa ni gcig go /gnyis pa ni phyis nas
 skyes pa'o/ /de las gang sngon du skyes shing sngar byung ba de ni nad rnams kyi sngar skyes pa'i nad kyi tshul du bshad do/ /gang phyis 'byung zhing nad kyi rjes su 'brang ba ni nad kyi bla gnyen zhes bya ba yin no/ /rang gnas ci bzhin gnad pa ni/ /rang rgyu can de
 mtshan nyid gsal/ /zhes bya ba la/ gang yang rgyud du sgrub cing/ rang nyid gtso bor gyur pa de ni mtshan nyid gsal ba yin te/ de ni rang gi gnas na gnas shing mtshan nyid gsal la/ ji lta ba bzhin du mngon pa yin te/ de ni shes
 par sla ba yin no/ /gzhan de dag las go bzlog/ zhes bya ba la gang de las gzhan pa snga ma'i tshul dang de bzhin du bla gnyen zhes bya ba'i nad de ni rang rgyud can gyi nad de las go bzlog pa ste/ rang bzhin go bzlog pa yin las/ rang gi gnas
 na ji bzhin du gang pa ltar mtshan nyid gsal ba ma yin la gzhan gyi dbang du gyur pas na/ gzhan rgyud can zhes bya ba'o/ /ci nad 'ba' zhig rang rgyud dang gzhan rgyud kyis phye ba'i rang gi mtshan nyid ji skad du bstan pa bzhin du shes par bya 'am/ 'on te
 gzhan dag kyang de ltar shes par bya zhe na/ de'i phyir smras pa/ dri ma'ang de bzhin gshegs par gyis/ zhes bya ba ste/ nad 'ba' zhig rang rgyud dang gzhan rgyud can du shes par bya ba 'ba' zhig tu ma zad kyi/ dri ma'i bar yang rlung dang mkhris pa dang bad kan gyi rang rgyud dang gzhan rgyud can du shes par bya'o/ /de ni nad re ldang ba na/ /ma yengs pas ni shes bya ste/ zhes bya ba la/ nad de rang gi gnas ji lta ba bzhin du gnas pas nye bar gnas pa'i rang bzhin shes par bya ste/ nad re
 re ldan gzhing rnam par g.yos pa na/ sman pas ma yengs shing de la gnang ba'i sems bsdus pas lung dang/ mngon sum dang rjes su dpag pas shes par bya'i/ /gzhan du yengs pas ni ma yin no/ /de la nad rang rgyud can gyi rang gi skye ba'i
 mtshan nyid dang/ rjes su mthun pa'i sman la sogs pas bde bar gso ba ni/ de'i mtshan nyid kyi don bshad pa yin de/ de bas na de nyid 'di nye bar zhi ba'i thabs yin no/ /gzhan rgyud can gyi nad rnam zhi bar byed pa'i thabs gang zhig yin zhe na/ de'i
 phyir smras pa/ de rnams gtso bo zhi byas pas/ zhi 'gyur zhes bya ba ste/ gzhan rgyud can gyi nad de rnams ni gtso bo ma yin pas/ gtso bo rang rgyud can zhi zhing gso bar byas pas/ de nye bar 'gyur gyi/ logs shin tu gso bas gso dgos pa ni ma yin no/ /zhi bar
 ma gyur na/ de bzhin phyi nas gso bar bya/ zhes bya ba la/ gal te gtso bo'i nad gsos kyang/ gtso bo ma yin pa'i bla gnyan rang rgyud can ma yin pa zhi bar ma gyur na/ de'i tshe nad bla gnyan de yang snga ma gsos pa'i rjes la gso bar bya'o/ /de btang snyoms su
 mi bzhag ste/ de ni gsor mi rung ba ma yin pa'i phyir ro/ /'on te bla gnyan tshab che na/ myur gso zhes bya ba la/ gal te nad gzhan dbang can bla gnyan zhes bya ba tshabs che zhing stobs dang ldan na/ de'i tshe bla gnyan las byung ba'i nad tshabs po che de myur ba kho
 nad dang por gso bar bya'i/ phyis ni ma yin no/ /zhes bya ba'i don to/ /de nad kyis gzir ba'i/ lus la shas cher gnod byed yin zhes bya ba la/ gang gi phyir nad bla gnyan de ni sngar nad kyis gzir pa'i skyes bu'i lus la bla gnyan de shas
 cher gnod par byed pa yin te/ zla gnyan phyis 'byung ba yin du zin kyang/ nad kyis nyon mongs pa'i lus la 'byung bas/ shin tu gnod par byed pa yin te/ dper na gcin 'gags pas 'thor bu 'byung ba la sogs pa lta bu'o/ /
 de ltar na gzhan dbang can gyi nad gtso bo ma yin pa stobs zhan pa ni rang dbang can gyi nad gsos bas zhi bar 'gyur la/ gzhan dbang can stobs che zhing nad tshabs che ba ni phyis 'byung ba yin yang bla gnyan de snga ma bsos pas zhi bar
 'gyur te/ de ma bsos na tshabs che ba nyid pa'i phyir ro/ /de ltar na nad kyi mtshan nyid shes par byas nas/ gang nad ma lus pa'i rnam par 'gyur ba thams cad kyi ming nas bzung ba'i tshul du bsdus te bstan mod kyi/ ming med pa'i nad
 dag kyang snang bas de dag kyang gso bar bya ste/ gang gi phyir nad gzhi med par nad kyi rnam par 'gyur ba yod mi srid do/ /de bas na 'dir smras pa nad la rnam par mi mkhas zhes/ ngo tsha nam yang ma byed cig /nad kyi 'gyur
 ba thams cad kyi/ /ming gi nges bstan yod pa ma yin/ zhes bya ba la/ nad la rnam par mi mkhas pa ni sman pas nad kyis ming mi shes pa ste/ des ngo tsha bar mi bya ste/ bdag ni nad rnams kyi ming ni shes pa'o/ /zhes ngo tsha ba nyid du ma byed
 cig pa'o/ /ci'i phyir zhe na/ nad kyi 'gyur ba thams cad ste/ nad ma lus pa rnams kyi ming gi nges pa 'di dang 'di yin zhes bstan par gnas pa yod pa ma yin no/ /nyes pa de nyid 'khrugs nas ni/ /khyad par du ni ldang gyur nas/ /gnas gzhan dag tu
 song nas ni/ /nad ni mang por byed par 'gyur/ /zhes bya ba la/ yang gi phyir rlung la sogs pa'i nyes pa gang yang rung ba cig po de nyid 'khrungs shing rnam par ldang ba'i khyad par gyis gnas gzhan dang gzhan dag tu song zhing phyin chad rang gi gnas
 spangs te/ gzhan gyi gnas de dang der song ba dang/ nad kyi rnam par 'gyur ba mang po grangs med pa bskyed cing 'byin par byed do de bas nad kyi rang bzhin ni/ rang gnas gzhan du 'ongs pa dang/ /rgyu yi khyad par shes bya la/ /sman dpyad
 kyis gso myur du bya/ /zhes bya ba la gang gi phyir de ltar nad grangs med pa nyid kyis na nad kyi rnam par 'gyur ba'i rgyu rlung la sogs pa yin par shes par bya ba ni nad de rnams gso bar mi bya'o/ /de bzhin du gzhan dag kyang shes nas rlung
 la sogs pa de rnams 'khrugs pa'i rgyu'i nad gzhi'i khyad par shes par byas la/ nad rnams sman dpyad kyis gso zhing zhi ba myur zhing rings pa nyid du bya'i nad rnams mi shes par ni nad de gso bar mi bya'o/ /gal te rgyud dang rang bzhin
 dag tha dad pa ma yin mod kyi/ 'on kyang 'di dag gi rang gi mtshan nyid kyi 'jug pa ni/ nges par khyad par yod par shes pa bya ste/ gang gi rlung la sogs pa khyad par du byed pa de ni/ de'i rang bzhin yin la/ rtsub pa la sogs pas ldang bar byed par ni
 rgyu zhes bya'i/ rtsub pa la sogs pa la rang bzhin zhes mi bya ste/ ring ba'i rgyu yin pa'i phyir ro/ /ci de tsam zhig las su bya ba nyams su blangs nas/ sman pa dag gso bar byed pa na/ nyes pa med par 'gyur ba yin na/ 'on te gzhan 'ga' zhig la yang
 bltos par byed dgos zhe na/ de'i phyir smras pa ni/ gnod bya yul dang nyams stobs dus/ /me drod rang bzhin tshod dang/ /snying stobs goms dang zad rnams kyi/ /gnas skabs rnam pa tha dad pa/ /'di dag phra mo yan chad brtag/ /nad dang sman gyi tshul
 brtags pas/ /gang zhig gso ba la 'jug la /de ni nam dang 'khrul mi 'gyur/ /zhes bya ba yin te/ /'di dag gi mtshams sbyor ma byas pas gnod bya la sogs pa re re zhing rgyud du so sor ma lus par brtags la/ ji lta ba bzhin du shes
 par bya ba dang/ de bzhin du nad kyang shes par bya ba dang/ gnod bya la sogs pa dang de rnams phra ba dang/ phra ba'i yang phra ba dang shin tu phra zhing shes par dka' ba yan chad kyi gnas skabs legs par brtag pa'i tshul sna tshogs pa dang/ nad dang sman gyi tshul brtags shing yongs su shes
 par bya bas nges par byas nas/ sman pa gang zhig gso zhing nad gsal ba la 'jug pa de ni/ dus nam yang gso ba dang sman gyi sbyor ba de la 'khrul zhing nyes pa dang ldan par mi 'gyur te/ 'dod pa'i don rdzogs par byed par 'gyur ro zhes bya ba'i
 don to/ yul de la log par sgrub mi 'gyur ba'o/ /de la gnod bya ni lus zung dang dri ma rnams so/ /yul ni sa phyogs kyi yul dang lus kyi yul lo/ /de yang skams dang/ rlan can dang/ gnyis ka 'dres pa'i dbye bas phye ba'o/ /nyams
 stobs ni rnam pa gsum ste/ lhan cig skyes pa dang/ dus kyis skyed pa dang sbyor bas skyed pa'o/ /dus ni rnam pa gsum ste/ grang ba dang tsha ba dang char gyi dus so/ /me drod ni rnam pa bzhi ste/ snyoms pa dang ma snyoms pa
 pa dang grag pa dang zhan pa'o/ /rang bzhin ni bdun te/ nad bzhi re re dang/ gnyis gnyis dang cha mnyam pa'o/ /mtshod ni gsum ste/ byis pa dang/ dar la bab pa dang/ rgan po'o/ /snying stobs ni rnam pa gsum ste/ snying stobs dang
 dul dang/ mun pa'i dbye bas so/ /goms pa ni gsum ste/ mchog dang/ bar ma dang/ tha ma'i dbye bas so/ /bras ni rnam pa gnyis te/ phan pa dang gnod pa nyid kyis so/ /de lta bu'i gnas skabs bcu so sor brtags pas/ brtag pa dang/
 de bzhin du bcu po 'di bdag nyid kyi phra mo ste/ shin tu shes par dka' ba'i gnas skabs yan chad brtags pas shes par byas na/ de gso ba la nam yang 'khrul par mi 'gyur gyi gal te gnas skabs de dag sman pas ma brtags
 par byer na ni nad pa gsod par 'gyur ba yin no/ /nad dkyel che 'am chung ba dag /phog snya lus nyam che chung las/ /gnod par byed par snang gyur pas/ /de la 'ang ma yengs nyid du bya/ zhes bya ba las phog snya che ba dang lus kyi nyam che ba la dang por
 nad dkyil che zhing stobs dang ldan pa byung du zin kyang/ stobs chung pa lta bur shes par bya ste/ ci'i phyir zhe na/ snying stobs dang/ lus kyi nyam gnyis shin tu che ba yin pa'i phyir ro/ /de bzhin du phog snya chung ba dang/ lus kyi nyam shin tu chung ba la
 nad yang ba zhig byung du zin kyang/ che ba lta bur shes par bya ste/ snying stobs dang lus kyi nyam chung nyid yin pa'i phyir ro de ltar phog snya dang/ lus kyi nyam che ba dang/ chung ba las nad kyi dkyel che ba 'am chung ba gnod par byed pa gzhan dang gzhan
 du snang bar 'gyur gyi/ nad kyi mtshan nyid ji lta ba bzhin du ma yin no/ /'ang zhes bya ba'i sgras ni nad kyi dkyel che chung cig kho nar snang ba ni ma yin no/ /de bas na nad kyi gnas skabs 'dir dang por nad gzhi nas bzung ste/ gnas skabs kun
 la sman pas ma yengs pa nyid du bya dgos so zhes bya ba'i don to/ /sman pa ngan pas nad rnams ni/ /lci ba yang bar yongs rtog cing/ /nad nyung dag tu brtags pa yis/ /gso ba'i log pa dag tu 'gyur/ /zhes bya ba la gang sman pa ngan cing mi
 shes pa de ni nad kyi dbyibs tsam mthong ba las/ nad lci ba yang ba lta bur rtog cing nges par byed de/ nad nyung bar brtags pas nad kyi tshad chung bar nges par byas pa'i phyir/ gso ba log par byed pa 'gyur la/ nad chung du dag nad che ba/ nad tsha ba
 lci ba nyes pa ltar byed de/ de ltar na nad yang ba ni lci ba lta bur nyes pa mang bar rtog la/ lci ba ni yang pa lta bur rtog pas/ nad chung ngu la nad lci ba la 'os pa'i sman ster bar byed la/ nad lci ba la ni nad yang pa la 'os pa'i sman ster bas gso ba
 log pa dag tu 'gyur ro/ /de bas chung ba 'am stobs chung ba/ dkyel chen nad la rab tu sbyor/ /sbyang ba chung ngur sbyar ba yis/ /nad ni shin tu slong ba yin/ /zhes bya ba la gang gi phyir de ltar byed pa de bas na/ tshad chung bas chung ba 'am/ stobs chung ba
 'am/ nad kyi dkyel chung bar brtags pas nad dkyel chen po stobs dang ldan pa la/ sman de rab tu sbyor zhing ster bar byed pas sbyar ba chung ngur sbyar zhing btang bas/ nad de shin tu slongs shing dkrugs pas slar thu bar byed par 'gyur ro/ /sbyor ba 'ang
 lhag par sbyor ba dang/ log par sbyar bas phyin ci log/ dri ma 'byung bar ma zad kyi/ lus kyang shin tu ma rungs 'gyur/ /zhes bya ba la/ sbyang bar byed pa na nad shas che bar brtags pas shas che ba'i sbyor ba byed pa dang/ log par sbyor ba ste/
 nad chung ngu la phyin ci log tu spyod pa la sbyor bar byed pa'o/ /ci'i phyir phyin ci log yin zhe na/ rang bzhin chung zhing stobs chung ba la tshad che ba stobs che ba'i sbyang ba la sbyor ba ni/ lhag par spyod pa yin pas/ des dri ma 'ba' zhig
 'byung zhing zad par 'gyur bar ma zad kyi/ lus kyang shin tu 'jig cing ma rungs pa nyid du 'gyur ro/ /de bas brtag tu brtson pa dang/ /thams cad kun tu legs brtags nas/ /ci nas nad med brtan gyur pa/ /de ltar sman dpyad sbyar
 bar gyis/ /zhes bya ba la/ gang gi phyir tshul de ltar nad rnams kyi mtshan nyid rtogs pa shes par dka' ba yin pa'i rgyud de bas na sman ba shes rab dang ldan pas brtson zhing 'bad pa dang ldan pas dngos po thams cad dus kun tu
 gnod bya la sogs pa'i dngos rnams la/ legs par dpyad cing brtags nas rnam pa thams cad du ci nad kyang tshe'i rig byed kyi rjes su 'brang ba 'am de'i bstan bcos las bshad pa bzhin du byas la/ nad med pa bstan par
 bya ba'i phyir sman dpyad dag mkhas shing gsal pas sbyar bar bya ste/ rnam pa de lta bus nad dang lus zungs la sogs pa dang/ rjes su mthun pa'i rnam pa gang gis sman de byin pa na nad med pa nyid du 'gyur pa de ltar bya'o//
 sngar nyes pa dang de nyid nad thams cad kyi rgyu yin par bshad nas/ de'i 'og tu nad de rnams gnod par bya ba la sogs pa'i rnam par brtags nas bshad pa yin no/ /de bas na 'dir smras pa ni/ de nas gzhan yang nad rnams
 ni/ 'phel zad dbye bas bshad bya ste/ /zhes bya ba la sogs pa yin te/ /de nas de'i rjes thogs la/ /nad de rnams kyi dbye ba bshad cing bstan bar bya'o/ /ci ltar dbye bas ci bya zhe na/ 'phel zad dbye bas zhes bya ba ste/ 'phel ba
 dang zad pa ni 'phel zad de/ de gnyis kyi dbye ba'i khyad par de las bshad cing bstan par bya'o/ /tha dad pa la gsum zhes bya/ /ldan gsum der yang de dgu yin/ /mnyam par 'phel pas gsum nyid de/ /gcig rab lhag las drug tu 'gyur/ /ma lus pa las
 bcu gsum yin/ /gnyis gcig lhag pa las drug ste/ /mtshungs las gcig yin rab dang ni/ /rab mchog brtag pa las drug yin/ /de ltar nyi shu rtsa lnga ni/ /'phel ba'o zad pa 'ang de snyed yin/ /de dag re re 'phel mnyam zad/ /drug ste slar yang
 de dag ni/ /gcig zad gnyis gnyis 'phel ba ni/ /go bzlog bcas las drug tu 'gyur/ /dbye ba drug cu gnyis su bstan/ /drug cu gsum pa bder gnas rgyu/ /zhes bya ba la/ rlung la sogs pa gsum po de dag so so tha dad pa las gsum yin la/ rang gi tshad
 las lhag pas na gsum gsum du 'gyur bas dgur shes par bya'o/ /de yang rlung 'phel ba dang/ mkhris pa 'phel ba dang/ bad kan 'phel ba ste/ de ltar nad kyi dbye ba rnam pa gsum du shes par bya ba dang ldan pa dang 'dus pa'o/ /de gnyis dang
 gsum zad pa las 'khrug pa las 'gyur te/ /'dus pa ni nyes pa 'dus pa las 'gyur ro/ /de la re zhig ldan ba ni gsum ste/ rlung dang khris pa dang/ rlung dang bad kan dang khris pa dang bad kan no/ /ldan pa der rnam pa gsum du bzhag pa'i nad kyi dbye ba rang gi tshad las
 lhag par gyur pa de la shes par bya'o/ /zhes 'di thams cad la sbyar bar bya'o/ /ji ltar zhe na/ de la re zhig ldan pa'i nad kyi dbye ba gsum po nyid 'phel pa las/ /gcig ni rlung dang mkhris par ldan pa/ lhag par gyur pas phye ba'o/ /gnyis pa
 ni bad kan gyi ldan pa lhag par gyur pas phye ba'o/ /gsum pa ni mkhris pa dang bad kan gyi ldan pa lhag par gyur pas phye ba ste/ de ltar na ldan pa'i dbye ba gsum du shes par bya'o/ /shin tu lhag pas gcig drug 'gyur zhes bya ba la ni ldan pa
 gnas pa'i nad 'di dag las nad shin tu lhag cing khyad par du 'phel bas ldan pa'i dbye ba drug tu 'gyur bar shes par bya ste/ rlung 'phel ba dang/ mkhris pa mchog tu 'phel ba dang/ mkhris pa 'phel ba dang/ rlung mchog tu
 'phel ba dang/ rlung 'phel ba dang/ bad kan mchog tu 'phel ba dang/ bad kan 'phel ba dang/ rlung mchog tu 'phel ba dang/ bad kan 'phel pa dang/ mkhris pa mchog tu 'phel ba dang/ mkhris pa 'phel ba dang/ bad kan mchog tu 'phel ba
 dang/ de lta na 'phel ba shas che chung 'dres pa las ldan pa drug tu 'gyur ro/ /ma lus pa la bcu gsum yin zhes bya ba ni/ nad gsum po de dag ma lus pa 'dus pa las 'dus pa'i nad bcu gsum du 'gyur bar shes par bya ste/ ci ltar zhe na/
 lhag pa yis kyang drug gnyis gcig ces bya ba ste/ gnyis dang gcig ni gnyis gcig ste/ de rnams kyi lhag pa yin pas na/ lhag pa yis gnyis gcig ste/ gnyis dang gcig gis lhag pa de 'phel bar gyur pas/ nad gnyis lhag pa
 dang gcig pa las 'di dag tu 'gyur te/ de yang rlung 'phel ba dang/ mkhris pa dang bad kan gnyis mchog tu 'phel ba dang/ mkhris pa 'phel ba dang/ rlung dang bad kan mchog tu 'phel ba dang/ bad kan 'phel ba dang/ mkhris
 pa dang rlung mchog tu 'phel ba dang/ /rlung dang mkhris pa 'phel ba dang/ bad kan mchog tu 'phel ba dang/ mkhris pa dang bad kan 'phel ba dang/ rlung mchog tu 'phel ba dang/ rlung dang bad kan 'phel ba dang/ mkhris pa mchog tu
 'phel ba ste/ de ltar 'dus pa drug gi rnam par dbye bas gnyis dang gcig lhag pa yin par shes par bya'o/ /lhag pa mtshungs pas gcig yin la/ 'dus pa'i nad gcig pu'i dbye bas mtshungs pa'i lhag pa'i nyes pas shes
 bar bya'o/ /de yang gang lhag pa'i nyes pa mtshungs shing mnyam par byas nas/ de 'dus pa'i nad kyi dbye ba gcig yin par shes par bya'o/ /rab dang rab mchog brtag pas drug /de yang rab mchog gi dbye bas 'dus pa'i nad de rnam par brtag pa'i dbye bas
 'phel ba'i tshul las 'dus pa'i dbye ba drug tu shes par bya ste/ rlung 'phel ba dang/ mkhris pa rab tu 'phel ba dang/ bad kan rab mchog tu 'phel ba 'dus pa dang/ mkhris pa 'phel ba dang/ bad kan rab tu 'phel ba dang/ rlung rab mchog tu 'phel ba
 'dus pa dang/ bad kan 'phel ba dang/ mkhris pa rab tu 'phel ba dang/ rlung rab mchog tu 'phel ba 'dus pa dang/ rlung 'phel ba dang/ bad kan rab tu 'phel ba dang/ mkhris pa rab mchog tu 'phel ba 'dus pa dang/ mkhris pa 'phel ba dang/ bad kan
 rab tu 'phel ba dang/ rlung rab mchog tu 'phel ba 'dus pa dang bad kan 'phel ba dang/ mkhris rlung rab tu 'phel ba dang/ mkhris pa rab mchog tu 'phel ba 'dus pa ste/ de ltar drug go/ de ltar nyi shu rtsa lnga ni 'phel ba'o zhes bya ba ni/ nad 'di
 dag ni nad kyi dbye ba shes par bya ste/ de ltar ji skad du bshad pa'i rnam pa de dag gis nad kyi grangs nyi shu rtsa lngar nges pa nyid du shes par bya'o/ /zad pa'ang de snyed yin zhes bya ba la/ /nad de rnams zad cing 'bri bar byed pa'i gnas skabs su yang
 grangs de snying kho na yin te/ nad kyi dbye ba 'di nyi shu lngar 'gyur ba shes par bya'o/ de yang nad gzhi gsum po so so zad pa las gsum du 'gyur te/ rlung zad pa dang/ mkhris pa zad pa dang/ bad kan zad pa ste/ de ltar nad kyi dbye ba gsum du shes par bya'o/ /nad
 zad pa gang yin pa de dag gi ldan pa ni dgur shes par bya ste/ ji ltar zhe na/ gsum po de nyid zad par mnyam pa las ldan pa'i dbye bar 'gyur ba'i rlung dang/ mkhris pa zad pa'i ldan pa dang/ rlung dang bad kan zad pa'i ldan pa dang/ mkhris pa dang bad kan
 zad pa'i ldan ba ste de ltar na ldan pa'i dbye ba gsum dang re re lhag par shas che ba drug ste shin tu shas che ba ni nad gzhan dag las bltos pa'i zad pa lhag par shas che ba ste/ rlung zad pa dang/ mkhris pa rab tu zad pa'i ldan pa
 dang/ mkhris pa zad pa dang/ rlung rab tu zad pa'i ldan pa dang/ rlung zad pa dang/ bad kan rab tu zad pa'i ldan pa dang/ bad kan zad pa dang/ rlung rab tu zad pa'i ldan pa dang/ bad kan zad pa dang/ mkhris pa rab tu zad pa'i ldan pa dang/ mkhris
 zad pa dang/ bad kan rab tu zad pa'i ldan pa ste/ de ltar nad zad pa'i ldan pa las byung ba'i dbye ba drug tu shes par bya'o/ /nad gzhi zad pa'i 'dus pa las nad kyi dbye ba bcu gsum du 'gyur bar shes par bya ste/ ji ltar zhe na/ gnyis dang
 gcig lhag par shas che ba drug ste/ nad gzhi gnyis lhag par shas che bar shin tu zad pa dang/ de bzhin du nad gzhi gcig lhag par shas che bar shin tu zad pa'i rnam grangs las 'dus pa'i nad drug tu 'gyur bar shes par bya'o/ /de yang 'di ltar
 rlung zad pa dang/ mkhris pa dang bad kan rab tu zad pa'i 'dus pa dang/ mkhris pa zad pa dang/ rlung dang bad kan rab tu zad pa'i 'dus pa dang/ bad kan zad pa dang/ mkhris pa dang rlung dang rab tu zad pa'i 'dus pa dang/ rlung dang mkhris pa zad pa dang/ bad
 kan rab tu zad pa'i 'dus pa dang/ mkhris pa dang bad kan zad pa dang/ rlung rab tu zad pa'i 'dus pa dang/ rlung dang bad kan zad pa dang/ mkhris pa rab tu zad pa'i 'dus pa ste/ drug dang/ rlung dang mkhris pa dang/ bad kan zad pa'i 'dus pa
 gcig go/ de dag rab mchog tu brtags pa'i dbye bas nad kyi dbye ba drug tu 'gyur te/ rlung zad pa dang/ mkhris pa rab tu zad pa dang/ bad kan rab mchog tu zad pa'i 'dus pa dang/ mkhris pa zad pa dang/ rlung rab tu zad pa dang/ bad kan
 rab mchog tu zad pa'i 'dus pa dang/ mkhris pa rab tu zad pa dang/ rlung rab mchog tu zad pa'i 'dus pa dang/ rlung zad pa dang/ bad kan rab tu zad pa dang/ mkhris pa rab mchog tu zad pa'i 'dus pa dang/ mkhris pa zad pa dang/ bad kan rab tu zad pa dang/
 rlung rab mchog tu zad pa'i 'dus pa dang/ bad kan zad pa dang/ rlung rab tu zad pa dang/ mkhris pa rab tu zad pa'i 'dus pa ste drug go/ de ltar na spyir nad gzhi zad pa las gyur pa'i nad kyang nyi shu rtsa lngar yod par shes par bya'o/ /de dag re re 'phel
 mnyam zad/ /drug ste zhes bya ba la nad kyi dbye ba de rnams 'og nas bshad pa'i nad kyi dbye ba'i ming 'dis nad drug tu 'gyur te/ de yang 'phel ba dang/ mnyam pa dang zad pa dag ni 'phel mnyam zad ces bya ste/ rlung la sogs pa gang yang rung ba
 de zhing 'phel ba dang mnyam pa dang zad pa las drug tu 'gyur te/ 'di ltar rlung 'phel ba dang/ mkhris pa mnyam pa dang/ bad kan zad pa'i nad dang/ mkhris pa 'phel ba dang/ rlung mnyam pa dang/ bad kan zad pa'i nad dang/ bad kan 'phel
 ba dang/ mkhris pa mnyam pa dang/ rlung zad pa'i nad dang/ rlung 'phel ba dang/ bad kan mnyam pa dang/ mkhris pa zad pa'i nad dang/ mkhris pa 'phel ba dang/ bad kan mnyam ba dang/ rlung zad pa'i nad dang/ bad kan 'phel ba dang/ rlung mnyam pa dang
 mkhris pa zad pa'i nad ste/ de ltar na re re zhing 'phel ba dang/ mnyam pa dang zad pa las drug go/ slar yang de dag ni gcig zad gnyis gnyis 'phel ba ni/ go bzlog bcas las drug tu 'gyur zhes bya ba la/ yang nad kyi dbye ba drug po de rnams
 las/ gcig gis zad pa ni gcig zad ces bya ba la/ gnyis gnyis kyi 'phel ba yod pa las ni gnyis gnyis 'phel zhes bya ba la/ de go bzlog dang bcas pa ni gang la go bzlog pa yod pa de la skad ces bya ste/ gcig zad pa dang gnyis 'phel ba dang/
 bsan na dag go /de yang 'di ltar rlung zad pa dang mkhris pa dang/ bad kan 'phel ba'i nad dang/ mkhris pa zad pa rlung dang bad kan 'phel ba'i nad dang/ bad kan zad pa dang/ rlung dang mkhris pa 'phel ba'i nad dang/ de
 bzhin du gnyi ga 'phel ba'i nad tshul gyis nang kyi dbye ba drug ste/ de yang gnyis gnyis zad cing re re la 'phel ba dang bcas par 'gyur ba ni/ 'di ltar rlung dang mkhris pa zad pa dang/ bad kan 'phel ba'i nad dang/ rlung dang bad kan zad pa
 dang mkhris pa 'phel ba'i nad dang/ mkhris pa dang bad kan zad pa dang/ rlung 'phel ba'i nad de/ de ltar tshul gnyis 'phel ba'i rnam pas nad kyi dbye ba rnam pa drug yin la/ de rnams kyi rab dang mchog rab kyi dbye bas brtsi ba phra mo ni mdza' 
 yas pa yin par shes par ba'o/ dbye ba drug cu gnyis su bstan no/ /drug cu gsum pa bder gnas rgyu/ /zhes bya ba la/ de ltar rlung la sogs pa nad gzhi'i dbye ba yis/ /sbyir drug cu rtsa gnyis su bstan cing bshad pa 'am/ drug cu rtsa gsum du bstan
 to/ de ci'i phyir zhe na/ bder gnas rgyu zhes bya ba ste/ bde ba'i rgyur gyur pa nyid kyi phyir ro/ /de bzhin 'di dag dangs ma khrag sogs 'dres pa las/ /nad ni zad dang mnyam dang 'phel ba'i dbye ba yis/ rab nad? rab mchog dag las mdza' yas nyid
 'gyur bar/ /rang bzhin ci 'dra ma yengs nyid kyis shes par gyis/ /shes bya ba la/ nad kyi dbye ba 'di dag dang/ dangs ma la sogs pa 'dres shing 'dus pa dang/ de bzhin du zad pa dang/ mnyam pa dang/ rnam par 'phel ba'i dbye bas dang
 rab mchog du sbyar ba las/ mdza' yas de nyid du 'gyur ba nyid la/ rang bzhin ci? 'dra ba yin pa sman pas ma yengs shing gzhan du g.yeng ba med par/ sems der gtod pas shes pas shing rtog par gyis shig pa'o/ /de la
 dangs ma la rlung dang mkhris pa bad kan re re zhing 'khrug pa las dbye ba gsum du 'gyur te/ tha dad pa las gsum shes bya/ zhes bya ba'i tshul gyis so/ /dangs ma la ldan pa byung na/ rlung la sogs pa 'phel ba las/ /der cha mnyam pa'am/ lhag
 ba las snga ma bzhin du dgur shes pa bya ste/ de ltar thams cad snga ma las rjes su dpag par bya'o/ /'dir 'di ltar rlung dang mkhris pa dang bad kan gyi nus pa mi mthon pa yod du zin kyang sems can gyi nad gi mi dge ba la sogs pa'i dbang gis
 gnod pa skyad cing 'dus pa'i nad byed cing/ gcig la gcig nye bar zhi ba ci'i phyir mi byed ces brtag par mi bya ste/ 'di dag gi rang bzhin 'di nyid yin pa'i phyir dang/ 'byung ba chen po ltar gcig gis gcig zil gyis gnon pa yin yang/ rdzas
 bar? re la sogs pa'i bya ba lhag cing rtsom pa dang 'dra'o/ /de bas na 'di dag gi rang bzhin mi 'gyur ba nyid yin no/ /yan lag brgyad pa'i snying po'i rnam par 'grel pa las tshig gi don gyi zla zer zhes bya ba slob dpon zla ba la dga' bas rnam par
 sbyar ba las/ le'u bcu gnyis pa'i rnam par 'grel pa'o// //de nas nad gso ba'i thabs kyi le'u bshad par bya'o/ /zhes bya ba la/ de la re zhig dbye ba de dag shes pa'i 'bras bu mi gang sman rnams dang nad rnam pa gso ba de shes
 bas nad bsal bar yang dag par nus pa 'di nyid min pas/ de'i 'og tu nad gso ba'i thabs kyi le'u'i dbang du byas nas/ de dran par bya ba'i phyir/ 'dir nad gso ba'i thabs la dgos pa'i snum la sogs pa'i mi? gang yin pa de ston pa de bshad
 par bya'o/ /de la rlung ni thams cad kyi gtso bo yin pas/ rlung nad gso ba'i snum dang ni zhes bya ba la sogs pa'i tshigs su bcad pa gsum gyis/ rlung nad gso ba'i thabs smras pa yin te/ rlung 'khrugs shing ldang bar gyur na/ snum nas 'jam
 rtsi btang ba'i bar gso ba'i thabs yin te/ rlung de la ni gso ba thams cad kyi nang na gso ba'i mchog ni snum yin la/ de yang rnam pa du ma yod do/ /de'i 'og tu dugs bya'o/ /de yang gang gi phyir rlung ni zad dang
 skom dang sman rtsub pa dang/ /grang bas ci ltar myur du 'khrugs par 'gyur ba de ltar yang ba la sogs pa'i yon tan dang ldan pa 'am/ yon tan mnyam pas 'khrugs par mi 'gyur ro/ /de bas na rlung 'khrugs par gyur pa la ni gso ba'i
 thabs gzhan dag las dang por snum pa dang/ dugs kyi rnam pa du mas de zhi bar bya ba'i don du bya'i/ gso ba gzhan dag ni de lha ma yin no/ rlung nad gso ba snum dang ni/ /dugs dang skyad? pa 'jam pa dang/ /mngar skyur lan tshwa bwo ba yi/ zas dang bsku zhing
 mnye ba dang/ dkri snum snam chu blugs pa dang/ /gro chang 'bras chang bu ram chang/ zhes bya ba la/ de la rlung nad gso ba ni snum chos dang/ dugs byas nas spyad bar bya la de yang 'jam pas bya'i/ rno zhing drag pas ni mi bya ste/ rno ba ni rlung skyed
 par byed pa yin par bkag pa yin no/ /de bzhin du bza' bar bya ba'i zas kyang mngar ba dang/ skyur ba dang/ lan tshwa dang/ dro bas bya'i/ ro gzhan bza' bar mi bya'o/ /bsku zhing mnye ba zhes bya ba ni bsku ba sngon du byas pa'i mnye bar bya
 dgos pas na bsku zhing mnye ba'o/ /bkri ba ni yan lag ras la sogs pas dkri ba'o/ /snun 'joms pa'i rtsa la sogs pa brdeg pa ste/ gso ba'i thabs 'di ni rlung nad can kha yo pa la sogs pa la bya'o/ /gzhogs phyed na ba la sogs
 pa'i rlung nad la ni mi bya'o/ /sman chu blugs pa ni rlung sel ba'i sman bskol ba dang/ snum dang 'o ma la sogs pa'i chus blugs pa'o/ /gro dang 'bras las byas pa'i chang ni gro dang 'bras chang ngo/ /bu ram chang ni bu ram chang las byas
 ba ste sbyar ba'i chang ngo/ /snum dro 'jam rtsi btang ba ni/ 'jam rtsi des pa de dag dang/ zhes smos pa las ni/ rtsub pa dang grang ba bkag pa yin no/ /'jam rtsi smos pa ni nges par 'am rtsi bya dgos pa'o/ /'jam rtsi des pa zhes bya ba ni/ las dang dus
 dang sbyor ba las 'jam rtsa lnga bcu rtsa gsum bya ba ni 'jam rtsi nges pa'o/ /de? dga' ni mya ba na la sogs pa blo 'khrug par byed pa'i dngos po spangs la yid du 'ong ba'i yul bsten pa'i bde bas gnas pa'o/ /skye gnas du ma'i snum dag ni/ zhes
 bya ba ni/ sems med pa dang sems yod pa'i dbye bas phye ba'o/ /de yang drod che 'ju bar byed g.yos sbyar/ /khyad par du ni sha tshen dang/ /til mar dang sbyar 'jam rtsi bya/ zhes bya ba la/ sman drod che zhing 'ju bar byed pa dang/ /lhan cig btsos shing
 g.yos su sbyar ba'o/ /yang rlung de 'khrugs par gyur pa la gso ba thams cad kyi nad na/ khyad par du mchog tu gyur pa ni/ sha tshon po'i khu ba stobs skyed par byed par nus pa de sha khu dang/ de bzhin du til mar dang sbyar ba'i 'jam rtsi de nyid kyis
 'jam rtsi btang ba'i gso ba'i thabs ni mchog yin no/ /mkhris pa mar sar blud pa dang/ /mngar zhing bsil ba'i 'khru sman dang/ /mngar dang kha dang bska ba yi/ /zas dang sman ni sbyin pa dang/ /dri bzang bsil zhing yid 'ong ba'i/ /dri ni nye bar 
 bsten pa dang/ /mgul du do shal se mo do/ /nor bu brad du gdags par bya/ /ga bur tsan dan u shi ri'i/ /byug pas skad cig re re bsku/ /srad la rdo thal cad? zla zer/ /yid 'ong glu dang bser bsil bsten/ /bag phebs mdza' bo bde ba dang/ /zhes
 bya ba la/ /sogs pa'i sgras tshigs su bcad pa drug gis ni mkhris pa 'khrugs par gyur pa na mar sar blud pa la sogs bas gso bar bya ba dang/ de bzhin du mngar ba dang/ bsil ba dang skyur ba'i nus pa dang ldan pa'i sman gyi bkru sman btang bas nad thur du dbyung ba
 ni gso ba'i thabs yin no/ /de bzhin du kha zas kyang mngar ba dang kha ba dang bska ba'i bag bza' ba dang/ sman yang mngar ba dang kha ba dang bska ba nyid kyis sbyin pas gso bar bya'o/ /de bzhin du dri yang bzang zhing bsil ba dang/
 yid du 'ong ba'i tsan dan la sogs pa'i dri nye bar bsten pas gso ba dang/ de bzhin du mgul du rgyan gyi rnam pa gser la sogs pa las byas pa'i do shal dang se mo do gdags pa dang/ de bzhin du mu tig gi shel brad du 'phyang bar gdags par bya ba
 dang/ de bzhin du nor bu ste baiDUrya dang/ pad+ma rA ga dang/ chu shel dang/ tshon shel la sogs pa'i chun 'phyang brad du gdags pa ni mkhris pa gso ba'i thabs yin no/ /de bzhin du ga bur dang tsan dan dang/ u shi'i ri'i byug pas/ skad cig skad cig ma re
 re zhing bsku ba ni mkhris pa gso ba'i thabs yin no/ /de bzhin du srong la te/ mtshan mo'i dang po'i cha la rdo thal can te/ rdo thal dkar pos byugs pa'i khyim du 'dug ste/ zla ba'i 'od zer bsten cing yid du 'ong zhing rna bar snyan pa'i glu dang/ bser bu
 bsil ba bsten pa yang mkhris pa gso ba'i thabs yin no/ /de bzhin du bag phebs shing nyam rang? su gnas pa'i mdza' bo'i bde ba cha lugs dang spyod pa mthun pa yid tshim par byed pa dang de bzhin du bu la gzhon skad nyams rengs smra/ /chung ma
 yid mthun las byed cing/ /sdug cing yon tan rnams kyis brgyan/ /khang pa nyis rim chu bsil smra/ /skyed mos tshal rdzing bzang po ni/ /rgya che dang zhing stegs bcas pa/ /chu brlan bye ma bsil ba dang/ /spyil bu lus tshad shing khebs dang/ /chu 'gram
 pad+mar bcas pa ni/ /bder gnas khyad par 'o ma dang/ /mar sar bza' dang bkru sman bya/ /zhes pa gang du chung ba dang/ /mi gsal zhing gsangs dma' bar smra zhing dga' bas gnas pa dang/ de bzhin du chud ma yid mthun pa'i las byed pa dang/
 sdug cing yid du 'ong ba dang/ yon tan gyi ngang tshul bzang po'i spyod pas brgyan pa dang/ 'grogs pa ni mkhris pa gso ba'i thabs yin no/ khang ba yang nyi rim du byas shing bsil ba dang/ chu rgyun bsil ba'i rgyun 'bab pa blugs pa dang/ skyed mos tshal rdzing bu
 bzang po dang ldan par gnas pa yang/ mkhris pa la phan no/ /de bzhin du rgya che zhing yangs pa'i stegs dang bcas ba chu dang bas brlan zhing gsher ba'i bye ma bsil bar gnas par byed pa yang mkhris pa la phan no/ /yang chu 'gram der spyil bu
 lus kyi tshang tsam 'o ma la sogs pa la byas pa dang/ shing bzang po skye ba dang/ chu'i 'gram na pad+ma dang bcas pa'i gang yin pa de lta bur gnas pa dang/ de bzhin du bde bar gnas pa ste/ lus dang sems dga' bar byed pa de dag ni mkhris pa gso
 ba'i thabs yin no/ /khyad par du ni 'o ma dang mar gsar bza' ba dang/ /bkru sman btang ba ni mchog thams cad kyi nang nas gso ba'i mchog yin no/ /bad kan cho gar ldan pa ni/ /bkru sman skyugs sman rnon po dang/ /zas ni rtsub chung rno zhing dro/ /
 tsha zhing kha dang bska ba bza' / /chang ni yun ring lon pa btung/ /rtse dga' dang ni gnyid mi log /rtsol ba'i tshul ni sna tshogs dang/ sems las rtsub pas mnye ba dang/ /khyad par sman khu skyugs sman btang/ /sbrang rtsi tshil 'joms sman bsten bya/
 sgyur ba dang dung bdug mkhur bkang dgo? /bde ba med gnyed ba de phyir bya/ /zhes bya ba la sogs pa tshigs su bcad pa gsum gyi bad kan gyi rgyu sogs pa dang/ de bzhin du 'phel bas nang skyed par nus pa dag la skyugs sman la sogs pas gso bar bya'o/ /de la
 skyugs sman ni nad gyen du drang ba'o/ /de yang chog dang ldan par bya ba ste/ gso dpyad kyi bstan bcos las ji skad bshad pa'i chogs btang bar bya zhing sbyar bar bya la/ de yang rno bas bya dgos te/ sman rno ba las sbyar ba btang ngo/ /de bzhin du bkru
 sman yang rnon pos bkru ba ni bad kan gso ba'i thabs yin no/ /de bzhin du zas te 'dras chan la sogs pa rtsub pa dang/ chung ba dang/ rno ba dang/ dro ba dang/ ro tsha ba dang kha ba dang/ bskal ba bza' bar bya'o/ /de bzhin du
 tshad? dus yun ring po lon pa btung ba yang bad kan la phan no/ /de bzhin du rtse ba dang dga' ba ste yid la 'dod pa'i dga' ba la brten pa'i bud med la brten pa dang/ gnyid mi log pa ste/ mel tshe'i tshul du gnas pa yang bad kan gso ba'i
 thabs yin no/ /de bzhin du rtsol ba'i tshul sna tshogs shing rnam pa tha dad du lus du ba par byed pa lag stobs 'gyed pa dang/ rta 'dul pa la sogs pa yang bad kan gso ba'i thabs yin no/ /de bzhin du sems las te dngos
 po rjes su dran zhing dpyod pa dang/ de bzhin du rtsub pa dang/ phal cher rjes rtsub pas mnye ba yang bad kan gso ba'i thabs yin no/ /de la bad kan gyi gso ba thams cad las khyad par du phan pa'i thabs ni sman khu dang skyugs
 sman btang ba yin no/ /sman khu ni 'bru'i khu ba las byas pa'o/ /tshil 'joms pa'i sman ni gu gul la sogs pa'o/ /smyung ba ni zas bcad pa'o/ /dud pa ni 'og nas bshad pa'i mtshan nyid can no/ /mkhur ba dgang zhing dbo ba ni sman
 khus kha bkang zhing dbo ba'o/ /bde ba med pa ni bde ba nyid 'gegs pa ste/ bde ba dang mi ldan pa 'am/ sdug bsngal ba'i tshul can gyi lus dang sems kyi las shin tu bsten pas gang sdug bsngal skye bar 'gyur ba de ni bde ba med pa ste/
 de ni bad kan gyi bde pa skyed par byed pa'i phyir bde ba'i don rdzogs par 'gyur ro/ /nad rnams so sor gso ba dag /nad las dpags te bshad pa yin/ ldan pa dang ni 'dus pa dag /de ni so so'i tshul gyis brtag /ces bya ba la/ gang gis gso
 ba gang yin pa nad rnams so so'i mtshan nyid las dpags te bshad pa de nyid ni rim pa ji lta ba bzhin du bya la/ ldan pa dang 'dus pa'i nad dag la ni so so'i tshul ji lta ba las brtag par bya ste/ dper na rlung dang mkhris pa'i nad ldan pa la/ rlung dang mkhris
 pa gas pa'i thabs 'dren ma brtag par bya la/ de bzhin du rlung dang bad kan gyi ldan pa yang rlung dang bad kan 'dren pa'i gso pa'i thabs brtag par bya'o/ /mkhris pa dang bad kan gyi ldan pa yang mkhris pa dang bad kan gyis gso ba'i 'dren ma
 brtog par bya'o/ /de bzhin du 'dus pa la yang gso ba gsum ci rigs par dus gcig tu brtag par bya'o/ /yang ldan pa gsum po 'di dag la sgo gzhan dag nas gso ba'i thabs bsgre ba bsal bar bya ba'i phyir smras pa ni/ rlung ni zung du 'jug
 pas na/ rlung mkhris phal cher so ga'i bya/ bad kan rlung yang dpyid kyi bya/ /bad kan mkhris la ston gyi bya/ zhes bya ba la/ rlung dang mkhris pa'i tshul la ni phal cher so ga'i cho ga bya ste/ so ga'i dus kyi spyod pa dus su spyad pa'i le'u las bshad pa'i snam
 pa dang/ bsil ba'i cho ga sbyar bar bya'o/ /de bzhin du bad kan dang/ rlung gi ldan pa la ni dpyid kyi zhes bya ba/ dpyid kyi spyod pa'i cho ga dro ba dang/ rtsub pa zhes bya ba'i cho ga sbyar bar bya'o/ /dris pa so ga'i tshe ni phal cher bsil pa'i cho ga bshad la/ dpyid
 kyi dus ni phal cher rtsub pa'i cho ga bshad na rlung skye ba chos mthun pa ste/ gso bar ji ltar rigs te/ rlung gi rang gi mtshan nyid ni brad ba dang rtsub pa yin pa'i phyir ro zhe na/ rlung ni zung du 'jug pas na zhes smra ba yin te/ gang gi rlung phyir ro
 rlung ni zung du 'jug pa yin pas/ gang gis 'dres shing ldan par gyur pa nyid kyis sbyor pa'i 'jug pa gcig pa nyid kyis na/ bad kan dang mkhris pa cha 'dres pas de'i gso ba de la phan pa yin no/ /zhes bya ba'i don to/ /de yang gzhung las
 zung du 'jug pa rlung gi mchog/ yang dag 'dres pas gnyis bdag can/ /me dang ldan pas sreg par byed/ /zla ba bsten pas bsil bar byed/ /ces bshad pa yin no/ /de ltar na rang gi mtshan nyid kyi gnas skabs na zung
 du 'jug par snang pas gso ba'ang zung du 'jug pa nyid du bya bar rigs so/ /de bas na rlung mkhris pa dang lhan cig gnas su zin kyang/ mkhris pa'i gso ba byar rung ste/ de gnyis zung du 'jug pa yin pa'i phyir ro/ /de bzhin du bad kan dang lhan
 cig gnas pa yang bad kan gyis gso bas gso bar byar rung ngo/ /bad kan dang mkhris pa'i ldan pa la ni ston gyi zhes bya ba ston gyi dus su bya ba'i spyod pa bshad pa dag gis gso bar bya'o/ /da ni gso ba'i thabs kyi dus smras pa ni/ /nad ni
 dkyil sogs dus su bsal/ /ldang na gzhan gnod med par gso/ /thams cad ldang na tshabs che ba/ /nad gzhan gnod pa med par gso/ zhes bya ba la/ rlung dang mkhris pa dang bad kan zhes bya ba'i nad ni dkyil sogs pa'i dus nyid kyi gnas
 skabs na bsal zhing gso bar bya'i/ ldang bar gyur pa'i dus kyi bar du bsdad par mi bya'o/ /gang gi tshe sogs pa'i dus su btang snyoms su byas pas ldang bar gyur pa de'i tshe nad de ldang bas na nad gzhan la gnod cing ldang bar 'gyur ba med pa'i tshul
 gyi gso bar bya'o/ /de ni 'di skad ston pa ste/ nad de ldang ba na de dang mi mthun pa'i kha zas la sogs pa cha 'dra bas nad gzhan dag ci nas slong bar mi 'gyur pa de lta bur gso bar bya'o/ /yang gang gi tshe nad thams cad dus gcig tu langs
 na de'i tshe tshabs che ba'i nad stobs dang ldan pa ldang bar 'gyur ba de/ dang por gso bar bya la/ de yang nad gzhan la gnod pa med par gso ba ste/ cung zad ldang ba'i nad dag la gnod cing mi mthun pa mang pa'i tshul gyis gso bar bya la/
 gal te cha mnyam par 'khrugs na/ rlung stobs dang ldan pa ma yin la yang cha mnyam par gyur pa las gang gang zhig las rang bzhin gyis 'phel bar 'gyur ba de/ tshabs che ba yin pas/ nad gzhan dag la gnod pa med pa'i tshul nyid
 kyis gso bar bya'o/ /nad ni sbyor bas zhi bya ba/ gang gzhan ldang bar byed pa dag/ de ni dag min gzhan dag ni/ /ldang par mi 'gyur rnam dag yin zhes bya ba la/ nad zhi par bya ba'i sbyor ba sman dang kha zas la sogs pa'i sbyor ba'i tshul
 gang gis nang gcig zhi par byas nas gzhan gnyis pa ldang bar byed pa'i sbyor ba de ni rnam par dag pa ma yin te/ bzang po ma yin la/ gang gcig zhi bar byas nas gzhan dag ldang par mi byed pa de ni dag pa dam pa yin
 te/ ci'i phyir zhe na/ gnod pa med pa'i bya ba bzang po byed pa'i phyir ro/ /rtsol drags tsha ba rno ba dang/ gnod par gyur pa spyad pas kyang/ khod pa yan lag rus pa dang/ /gnad pu rlung ni 'jug par 'gyur/ /de bzhin de las
 rtsa sgo ni/ /rnam par sbyangs las 'byung bar 'gyur/ /smin byas rlung ni tshar bcad pas/ /khong pa'i nang du 'byung bar 'gyur/ zhes bya ba la/ rtsol ba drags pa ni lus la sogs pa la gnod par 'gyur ba'i las drag pa dang/ tsha ba rno ba'i me chen po la
 brten pa dang/ gnod par 'gyur zhing log pa'i las spyad ba las kyang/ khong pa ste zas zhu ba dang ma zhu ba'i gnas zhes bya ba la/ yan lag dang rus pa dang gnad du rlung la sogs pa'i nad myur du 'jug par 'gyur ro/ /de la yan lag ni khrag
 la sogs pa'i lus zungs rnams dang pags pa'o/ /rus pa ni rus pa'i tshigs rnams so/ /gnad ni snying dang mgo bo la sogs pa ste/ de dag tu rlung myur ba'i bdag nyid tsam yin pas na nad 'jug cing ldang bar byed do/ /de bzhin du
 yan lag dang rus pa dang/ gnad rnams la yang khong pa'i nang du 'ang nad zhugs par 'gyur te/ ci'i phyir zhe na/ rtsa rnams kyi sgo gang yin pa de rnam par sbyangs bas rnam par dag pa'i phyir/ de khong par
 'byung bar 'gyur ba dang/ dkyel gsogs shing 'phel bar 'byung bar 'gyur ba dang/ de bzhin du 'zags shing zhu ba ste/ lan tsha dang 'o ma la sogs pa 'dzag par 'gyur ba'i zas zos pas 'byung bar 'gyur ba dang/ de bzhin
 du smin pa ste/ smin par bya ba la sogs pa ste/ ma zhu ba med par byas pas khong pa'i nang du zhugs par 'gyur ro/ /zhes bya bar sbyar ba dang/ de bzhin du rlung 'thor ba dang sdud par byed pa tshar bcad cing zhu bar byed pa khong pa'i
 nang du nad de 'du zhib 'byung bar 'gyur ba yin no/ /der gnas nas kyang rgyu dag las/ /sdod cing ring du thogs pa yin/ /de ni dus sogs stobs thob nas/ gdan la brten kyang ldang bar byed/ /ces bya ba la/ khong pa'i nang der gnas
 nas de lhan cig byed pa'i rgyu dag dang ma phrang na sdod cing ring du thogs te/ rang gi shugs 'byin par mi byed de/ /de ldang pa'i rgyu gang yin tshe ma tshang bas nad skyed ba'i nus pa dang mi ldan 'tsho 'gyur ba'i rgyu gzhan dag la sdod tsong rgyu mang po
 lag zhes pas na de ldang bas na 'gor ba yin no/ /de nas de dus dang gnod bya dang/ yul dang rang bzhin gyi stobs kyi nus pa thob cing rnyed nas ldang bar byed do/ /de'i tshe gzhan dag la brten kyang zhes bya ba la/ pha rol po dag la brten cing gnas kyang rgyu'i
 tshogs pa rnyed na ldang bar 'gyur ro/ /de la gnas gzhan gnas ba ni/ /de nyid stobs ni med nyid la/ /gso bar bya ba rang gi ni/ /stobs kyis gzhan zil gnon byed na'o/ /zhes bya ba la/ de la nad de rnams ldang nas gnas gzhan na gnas pa'i tshe de nyid gso bar bya'o/ /zhes
 bya bar sbyar ro/ /de la zhes bya ba ni/ nges par gzung pa ste/ nad de rnams kyi nad na gnas gzhan na gnas pa de nyid ces pa de dang 'brel pa'i bla thabs su zhugs pa dang/ 'brol ba de ni gzhan gyi gnas na gnas pa'o/ /de yang ji lta bu zhe na/ stobs ni med
 ces bya ba ste/ snga na yod pa'i nad stobs chung ba gzhan dag la gnas pa'i bla gnyan la gso ba bya'i/ nad snga ma stobs dang ldan pa la/ bla thabs su byung ba la bla gnyan dang po gso ba ni ma yin no nyid la zhes bya ba ni nges par gzung ba ste/ gnas
 gzhan dang 'brel ba nyid bla gnyan du gyur pa yin no/ /yang na snga ma stobs dang ldan pa la gnas na ci zhig bya zhe na/ rang gi ni stobs kyis gzhan zil byed na'o zhes bya ba yin te/ rang nyid gzhan gyi gnas na gnas pa na gso ba bya'o/ /gzhan gyi gnas
 dang 'brel ba'i ni ma yin te/ ji lta bu zhe na/ stobs kyi rang gi nus pas nad gzhan zil gyis gnan cing rgyal bar nus pa de gso bar bya ste/ gang stobs dang ldan pa gso ba'i don no/ /ci gso ba'i nges pa 'dir zad dam rnam pa gzhan dag kyang 'di la
 yod ce na/ de'i phyir smras pa ni/ bla gnyan nad ni zhi byas na/ /rang gnas gnas pa gso mi dgos/ /zhes bya ba ste/ nad bsal ba'i cho ga ji skad bshad pas bla gnyan nad stobs chung ba yin kyang/ zhi bar bya zhing rnam par gsal na rang gi gnas na gnas
 pa yang gso mi dgos te/ bla gnyan stobs can la ni rang gso ba'i dang 'dra bar gso dgos so/ /de nas gzhan gyi gnas su song ba'i nad ni stobs chung ba yin yang de nyid gso bar bya'o/ /yang na rang gi gnas na gnas pa'i nad gsos nas/ de'i 'og
 tu bla gnyen gsor yang rung ngo/ /stobs dang ldan pa'i nad gzhan gyi gnas na gnas pa la ni rang gi dang 'dra bar gso bar bya'o/ /da ni rtsib logs su 'gro ba'i nad rnams la mchog tu gso ba bya ba bstan pa'i phyir smras pa ni/ phal cher rtsib log 'gro
 ba'i nad/ /nad pa yun ring nyon mongs byed/ /lus ma'i stobs ni shes pa yis/ de la rings thabs dag mi bya/ /de ni sbyor bas zhi ba 'am/ /khong du bde bar bsdu bar bya/ /khong du 'dus par shes na ni/ /ji ltar nye bar
 bzhin du bsal/ zhes bya ba yin no/ /phal cher zhes pa mang du rtsib logs su 'gro zhing rtsib logs g.yas g.yon na rgyu ba'i nad rlung la sogs pa ni nad pa sdug bsngal ba dang ldan pa yun ring zhing dus ring du nyon mongs shing sdug par byed do/ nad
 rtsib logs su 'gro ba de rnams la de ni lus kyi me stobs shes shing rtogs pa'i sman pas nad de las myur bar rings thabs su de'i gso ba dag mi bya'o/ /'o na ci zhig bya zhe na/ nad sbyor bar shes pa rig pa dang ldan pas zhi bar bya ba 'am/
 khong pa'i nang du bde bar bsdu zhing nad du chud par byas la/ /de'i 'og tu gzod gso'o/ /de yang nad de khong du 'dus shing chud par shes nas rtsib logs su 'gro ba'i nad de nang du bsdus nas/ sna 'am kha 'am bshang sgo la sogs pa nad
 gang dang nye ba'i lam de nas skyugs sman la sogs pas bsal bar bya zhing phyir gdon par bya'o/ /rlung la sogs pa'i dri ma rtse ma zhil zhing ma zhu ba ni bu ga 'gags pa la sogs pa'i spyi'i mtshan nyid bstan pa'i phyir smras pa ni/ bu
 ga 'byung 'gags stobs nyams shing/ /lci zhing rlung ni khong du 'khrul/ /khong snyoms mi 'ju mtshil ma mang/ /gshang gci sri dub zas mi len/ /nad rtse ma zhil spyi yi rtags/ /rtse zhil de las bzlog pa yin/ /zhes bya ba la/ bu ga 'byung ba
 'gags pa ni/ nad chen du mi 'byung ba'o/ /stobs nyams pa ni stob pa bcom pa'o/ /lci ba ni lus dang yan lag lci ba'o/ /rlung khong du 'khrul pa ni rlung gsal bar mi rgyu ba'o/ /khong snyoms pa ni spro ba chung ba'o/ /mi 'ju ba ni zas 'du?  ba'i?
 byed pa'o/ /mchil ma mang ba ni mchil snabs 'dzag pa'o/ /bshang gci sri ba ni bshang ba la sogs pa 'gags pa'o/ /dub pa ni nyams bri ba'o/ /zas 'bri ba ni zad la srid pa med pa'o/ /de lta bu'i rtags rnams ni/ /nad rtse ma zhil zhing dang gting
 mas phyin ba'i spyi'i rtags yin no/ /rtse zhil de las bzlog pa yin zhes bya ba ni/ rtse ba cil zhing nad zhi ba'i rtags ni bshad ma thag pa'i sa log? bzlog pa ste/ de yang rtsa spubs dag pa dang stobs skye ba dang yang ba nyid dang/ rlung lugs su 'byung ba dang/ khong snyom pa
 med pa dang/ zas 'ju ba dang mchil mnyung ba dang/ dri ma rnams bde bar 'byung ba dang/ zas yi gar 'ong ba dang/ spro ba dang ldan pa ste/ 'di dag ni nad med pa'i mtshan nyid yin no/ /yang ma zhu ba'i mtshan nyid ci zhig dang ldan na/ rlung la sogs pa ma zhu ba'am/ nad kyi lhag ma dang
 bcas pa zhes bya zhe na/ de'i phyir smras pa ni/ khong pa'i drod stobs chung nyid kyis/ /lus zungs dang po mi 'ju ba/ /nad ni pho bar zhugs pa dag/ dangs ma ma zhu yin par bshad/ /ces bya ba la sogs pa yin te/ lus zungs kyi dang
 po dang/ dangs ma chen po zhes bya ba ste khong pa'i drod chung ba nyid kyis 'ju zhing smin par gyur pa rlung la sogs pa'i nad dang 'dres pa rang gi gnas pho bar zhugs pa gnod par rnam par 'gyur ba de ni dangs ma ma smin cing ma zhu ba yin no/ /zhes pa
 ?? dag 'dod do/ /gzhan dag nad nyid bar 'khrugs pa/ /rab gdug phan tshun 'dom las byung/ /ko tra ba yi dug bzhin du/ /nad tshabs chen po 'byung bar bshad/ /ces bya ba la/ slob dpon gzhan dag ni ma zhu ba'i 'byung ba'i tshul du
 'dod de/ rlung la sogs pa'i nad nyid rab tu 'khrugs shing shin tu gsog pa las dus phyis zhig na kha zas ma zhu ba rab tu 'dug pa phan tshun gcig la 'dom zhing 'dres par gyur gnyid las ma zhu ba 'byung bar 'dod do/ /de yang dper na ko tra
 ba zhes bya ba'i 'bru las dus dang yul gyi rgyu la bltos nas dug tu 'gyur bar bshad do/ /des na 'di 'di skad du ston par 'gyur te/ dper na ko tra ba nyid dug tu 'gyur ba bzhin du nad rnams kyang tshabs chen por
 'khrug pa las rang nyid kyi cha las ma zhu ba 'byung bar 'gyur ro/ /de bas na rlung la sogs pa las ma zhu ba'i don gzhan dag yin par shes par bya ba'i phyir smras pa ni nad tshabs de dang 'dres pa dang/ gnod pa gnod bya gnod 'gyur par nad gzhan gang dag
 de las 'byung/ /ma zhu ba dang bcas par bshad/ /ces bya ba la/ /ji skad du bshad pa'i ma zhu ba de dang/ rlung la sogs pa'i nad 'dres shing/ gcig tu gyur pa la ma zhu ba dang bcas pa zhes bshad do/ /de bzhin gnod bya ste dangs ma la sogs pa'i lus
 zungs rnams dang bshang ba la sogs pa'i dri ma de rnams kyang ma zhu ba de nyid kyis gnod par gyur pa la ma zhu ba dang bcas pa zhes bya'o/ /de bzhin du nad gzhan gang dag rlung khang du 'khyil ba la sogs pa de las byung ba de rnams ni nad ma zhu ba
 dang bcas pa dang de bzhin du gnod bya lus zungs rnams dang dri ma rnams las byung ba la yang ma zhu ba dang bcas pa zhes bshad do/ /ci? de dag bkru sman dang skyugs sman la sogs pas mod la dpyad bar bya 'am/ 'on te bsal bar mi bya zhe
 na/ de'i phyir smras pa ni/ de'i lus kun zhugs gyur pa/ /nad nang zhugs te rtse ma bcil/ /ma smin 'byung bar mi bya ste/ /ma smin shing tog khu bar mtshungs zhes bya ba la/ ma zhu ba dang 'dres shing lhan cig gnas pa'i nad de/ lus kun tu khyab
 cing mgo nas rkang pa'i bar du zhugs pas khyab par byas pa/ /nad nang du zhugs pas rtsa dang rgyus pa phra mo yan chad kyi tshigs la khyab cing zhugs pa dangs ma la sogs pa'i lus zungs la zhen
 cing 'byung ba/ gnas las ma 'gul ba de/ smin cing snyi bar ma byas par slon sman la sogs pas dbyung bar mi bya ste/ de ni smin pa'i cho ga ma byas par byung na gnod pa chen po nyid du 'gyur ro/ /'di nyid dpes bstan par bya ba'i phyir/ ma smin shing tog khu
 bar mtshungs zhes bya ba smos pa yin te/ mtshungs shes bya ba'i sgra ni 'dra ba'i don rted par na ma du lung ka dang/ skyu ru ra dang/ rgun 'bru la sogs pa'i shing togs smin cing mchis pa las/ khu ba btsir ba na khu ba thams cad 'byung bar mi nus kyi/
 'bras bu nyid brlag bar 'gyur te/ dus la ma bab pa'i phyir ro/ /de nyid kyis nad bar bstan pa'i don gsal ba bshad pa'i phyir smras ba ni/ de ni 'byung bar dka' bas na/ /rten ni 'jigs par byed par 'gyur/ /zhes bya ba yin te/ gang gi
 phyir nad ma smin pa de gnod par byed cing/ lus kun la khyab pa lus zungs la zhan zhing 'dres pas smin pa'i cho ga ma byas par dbyung dka' ba yin te/ des na rten zhes bya ba lus nyid 'jig cing nyams par byed par 'gyur te/ shin tu dka' bas kyang
 cung zad tsam yang dbyung bar mi nus pa yin no/ /de dag gi sman ci zhig yin pa bstan pa'i phyir smras pa ni/ de ni sman dang drod skyes snum/ /dugs byas rtse bcil da bsal ba/ /ji ltar nye dang stobs ji bzhin/ /sbyang ba'i dus su bsal bar bya/ zhes bya ba
 la nyes pa de smin pa la sogs pa bya ste/ nad rnams smin cing sung bar byed pas na smin pas te/ de'i phyir smras pa ma smin pa lud zungs la zhen pa 'byung bar dka' ba ste/ smin pa la sogs pa'i rim gyi gnas par bya la/ de'i 'og ji ltar nye ba dang
 stobs ji lta ba bzhin du sbyang ba'i dus la bab pa dang/ spyad ba'i sman phyi bsal bar bya'o/ /de la ji ltar nye ba ni nad gang lam gang dang nye dang nad dan zhib nyid nas bsal par bya'o/ /de 'ang ma zhu ba'i gnas la gnas pa ni skyug sman gyis gsal bar
 bya'o/ zhu ba'i gnas la gnas pa ni ma btang bas bsal bar bya'o/ /mgo bo la gnas pa ni sna nas btang bas so/ /stobs ji bzhin zhes bya ba stobs dang nad tshabs shin tu che ba ni/ sman rno ba dang tshad che bas bsal bar bya'o//
 stobs 'bring tsam gis so/ /stobs chung ba ni 'jam pos so/ /de dag nyid bsal bar bya ba'i smras pa ni/ kha nas rigs pas sman btang bas/ /ma zhu'i gnas las nang myur bsal/ /nam tshong yan chad sna sman gyis/ /zhu ba'i gnas yod ma btang
 bsal/ zhes bya ba yin te/ kha nas ci rigs par sman btang bas ma zhu ba'i gnas las nad myur du bsal zhing gdon par bya'o/ /nam tshod? yan chad kyi nad ni sna sman btang bas bsal bar bya'o/ /zhu ba'i gnas lte ba man chad na gnas pa
 dag ni mas btang ba ste/ bshad? sgo nas sman btang bas na nad myur du bsal bar bya'o/ /nad 'byung bar rtsom pa'i ma smin par ni rang nyid 'byung yang dgag par mi bya ste/ khrag mkhris dang tshad par 'khru ba dang por 'byung ba na/ /dgag par mi bya ste/ de
 ni nang du ma'i rgyur 'gyur ro/ /zhes bstan pa'i phyir/ steng ma 'og tu 'byad bar rtsom/ /nad ni rang nyid 'byung ba na/ /sman gyi nad ni mi dgag ste/ /bkag na de nyid nad skyed 'gyur/ zhes bya ba la/ steng gi lam kha dang sna zhes bya ba dang/ 'og gi lam
 bshad sgo dang gci sgo las nad rnams 'byung bar rtsam zhing phyir phyogs bar smras nas 'thags pa mi sman par gyur ba de/ rang nyid 'bad? mi dgos par 'byung zhing 'bab pa na/ sman gyi bcad pa'i tshul gyi nad de mi gzhab cing dgag
 par mi bya'o/ /de yang gang gi phyir ma smin pa'i nad rang nyid 'byung bar rtsam pa ste/ nan gyis bkag na de nyid nad skye ba'i rgyur 'gyur ro/ /de bas dang por nad 'byung la/ /bsdad de phan pa bza' bar bya/ zhes bya ba la/ de bas rgyu de'i phyir dang por nad 'byung
 ba la nan gyis bkag pa ni shugs dgag pa'i rgyur 'gyur bas sman gyis mi bzlog par btang snyoms su bya zhing bsdad par bya'o/ /gang gis she na/ phan pa bza' zhes bya ba ste/ nad pas zas su mthun pa'i kha zas phan zhing bsod pa bza' zhing longs
 spyod bar bya'i/ der ni dgag par yang mi bya la/ sbyor bar yang mi bya ste/ rang nyid 'byung pa yin pa'i phyir/ btang snyoms su bsdad pa nyid 'dir sman yin no/ /'khyil la smin pa de dang des/ /smin byas de bzhin bsal bar bya/ zhes bya ba la/ ma smin
 pa'i nad de 'khyil zhing 'gags na/ smin par byed pa'i sman de dang des smin par byas shing dbyung du rung bar byas nas/ de bzhin du sngar ji skad bstan pa'i lam nas 'byung zhing bsal bar bya'o/ /sngar nad kyi dkyel sogs dus su bsal zhes
 smos na/ de ci ltar bsal bar bya zhe na/ de'i phyir smras pa ni/ dbyar ston tha? chung dpyid zla 'bring/ /thun mong dus su rim bzhin du/ /so ga dbyar dang dgun bsags pa'i/ /rlung sogs nad ni myur du bsal/ zhes bya ba la sogs pa yin te/ so ga la sogs pa dus gang du? man? gso?
 bar bya ba bgags par 'gyur pa'i nad ni dbyar zla tha chung dang/ ston zla tha chung dang/ dpyid zla 'bring po dag thun mong gi dus yin pas/ rim bzhin du bsal bar bya ste/ so ga'i dus su bsags pa'i rlung dbyar zla tha chung la bsal bar bya'o/
 dbyar bsags pa'i mkhris pa ston zla tha chung la bsal bar bya'o/ /dgun bsags pa'i bad kan dpyid zla 'bring po la bsal bar bya'o/ /so ga dbyar dang dgun gyi tshe/ /rab tsha char dang grang ba'i dus/ /zhes bya ba la/ gang gi phyir so ga dang dbyar
 dang dgun gyi tshe ni rim pa bzhin du rab tu tsha ba dang/ char 'bab pa dang grang ba'i dus yin no/ /de la rab tu tsha ba ni so ga'i dus so/ /rab tu char pa 'bab pa ni dbyar gyi dus so/ /rab tu grang ba ni dgun stod dang dgu smad kyi dus so/ /de rnams
 dus mtshungs thun mong ste/ /de tshe nad ni mi bzad bsal/ zhes bya ba la rab tu tsha ba dang/ char 'bab pa dang/ grang ba'i dus so ga dang dbyar dang dgun zhes bya ba/ de rnams kyi dus mtshams thun mong grang ba dang dro ba dang
 char 'bab pa cha mnyam pa'i dus de'i tshe/ rlung la sogs pa'i nad mi zad cing gnod pa bsal zhing spyad bar bya'o/ /tha mal bder gnas dbang byas kyi/ /nad pa nad kyi dbang du ni/ /grang tsha char gyi dus dag gi/ gnyen po ji bzhin byas nas ni//
 sbyor ba'i dus su 'bab pa na/ /bya ba dus la mi bsdad do/ /zhes bya ba la/ ngas de ltar bshad pa ni/ tha mal pa bde bar gnas pa'i dbang du byas shing/ de la dmigs nas thun mong gi nyin zhag rnams la/ slob sman la sogs pa
 btang ba bshad pa yin gyi/ nad pa'i dbang du byas nas smras pa ni ma yin te/ de'i nad ni gnod par byed drags pa yin pas btang snyoms su bzhag ste/ gsor rung ba yang gsor mi rung bar 'gyur ro/ /de la nad pa la ni nad skyed bar
 gyur pa'i nad kyi dbang du byas nas/ nad dang rjes su mthun par grang ba dang tsha ba dang/ char gyi dus dag gi gnyen po ji lta ba bzhin du bcos ma ma yin pa legs par bya zhing dus kyi yon tan ji lta ba las go bzlog pa dang/ sbyor ba dang
 las bya ba dang/ tshad brtag pas sman gyi las nye bar sbyar zhing/ ma yengs pa kho nar nye bar spyad par bya'o/ /de yang gnyen po ji bzhin du bya ba ste/ grang ba dang dro ba dang/ dro ba grang bar bya ba dang/ sbyor ba'i dus te/ nad kyi dbang gis gso bar bya ba'i
 dus su bab pa na/ bya ba'i dus de la mi bsdad kyi/ dus las 'da' bar bya'o/ /sman ni zas ma zos sngon dang/ /dbus dang mdza' dang kham gyi bar/ /zad par tsag bu zas bcas dang/ /zas mnan mtshan mo btung pa'o/ /zhes bya ba la/ sman
 dus skabs bcur sbyar zhing btang bar bya'o/ /de la zas ma zos pa ni gang du sman gcig tu dgos pa de la ni zas ma zos pa zhes bya'o/ /sngon dang zhes pa ni zas za ba'i sngon du sman zos na de'i rjes thogs nyid la'o/ /dbus ni gang zas kyi bar du'o/ /tha ma ni zas
 zos pa'i rjes thogs la'o/ /kham gyi bar zhes bya ba ni sman kham gyi bar du zas dang 'dres mar bza' ba'o/ /zas bar du zhes bya ba ni gang zas kyi bar bar du bza' ba'o/ /cig pu ni yang yang skad cig ma re re zhing zas zos pa 'am/ ma zos pa'i skabs su za ba'o/
 zas bcas ni zas dang lhan cig btsas pa 'am/ /phyis bsres te bza' pa'o/ /zas mnan ni kha sbyar? gyi tshul du sngar sman zos nas bar du zan za ba ste/ phyis kyang sman gyis mnan pa'o/ /bad kan bdo 'das nad? pa ni/ /nyams stobs ldan la ma zos
 btang/ zhes bya ba la/ bad kan gyi shas che zhing bdo ba'i dus 'das shing bad kan ldang ba'i dus tshod yol ba nang dang/ nad pa nyams stobs dang ldan pa la/ zas ma zos pa'i sngar zas med par btang bar bya'o/ /thur sel rlung la zas sngar btang/ /mnyam
 gnas sdang la bar du yin/ zhes bya ba la thur du sel ba zhes bya ba'i rlung gi nad ldang bar 'gyur na/ zas kyi dang po nyid du sman btang la de'i rjes thogs kho na la zas bza' bar bya'o/ /rlung me dang mnyam du gnas pa zhes bya ba ldang bar gyur pa la/
 zas kyi bar du sman bza' bar bya ste/ zas kyi phyed zos pa dang/ bar du sman zos pa dang/ de'i 'og tu zas lha ma rnams bza' bar bya'o/ /khyab byed nang par zas za'i mdza' / /gyen rgyu'i rlung la dgongs ka'o/ zhes bya ba la/ rlung khyab byed ces bya ba
 ldang bar gyur ba na/ nad par te snga dro zas za ba'i mdza' ma rdzogs gar? sman btang bar bya'o/ /gyen rgyu zhes bya ba la/ dgongs ka'i zas bza' ba'i mdza' mar sman bza' bar bya'o/ /srog ces bya ba'i ldang la/ kham gyi bar dang zas par bza' //
 zhes bya ba la srog ces bya ba'i rlung sdang zhing/ dang 'khrug pa la kham gyi bar dang/ de bzhin du zas kyi bar te/ dbus su sman bza' bar bya ste/ de yang kham la spag cing bza' ba dang/ zas
 bza' ba'i bar bar du bza' ba'o/ /dug dang skyug lug dbugs mi bde/ /skom dang skye la tseg bu'o/ /zhes bya ba la/ dug 'thung ba dang skyugs pa dang/ /lud pa dbugs mi bde ba dang/ /skom dang skye ba la tseg bur yang dang
 yang bza' ba zas zos sam/ ma zos pa'i skabs su bya'o/ /yi ga 'chus la sna tshogs zas/ /sman dang zas bcas sbyar bar bya/ zhes bya ba la/ yi ga 'chus shing zas mi 'dod pa la/ sman sbyin par bya ba ni/ sna tshogs
 pa'i zas du ma dag dang/ lhan cig sman sbyin par bya ba yin bas na zas dang bcas par sbyar bya'o/ /skyigs? bu lus 'dar lag 'dar dang/ zas nyung za la mnan pa btang/ /zhes bya ba la/ skyigs bu la sogs pa'i nad rnams dang/
 zas nyung du za ba la sman gyis mnan pa btang bar bya ste/ sman gyis mnan pa zhes bya ba ni gang zas kyi sngon dang phyi nas sman btang la/ gang gis zas te za ma tog gi nang du bcug pa ltar sman gyis steng 'og nas bkag ste/
 mnan pa de ba? mnan ba zhes bya'o/ /nam tshod yan chad nad la ni/ /mtshan mo'i dus su btang ba bsngags/ zhes bya ba la/ nam tshod yan chad kyi nad mig dang gdong 'gyur ba la sogs pa'i nad la mtshan mo nyal khar sman btang pa rab
 tu bsngags shing mchog tu 'dod par bya ba yin no// //yan lag brgyad pa'i snying po'i rnam par 'gral pa tshig gi don gyi zla zer zhes bya ba slob dpon zla ba dga' bas rnam par sbyar ba las le'u bcu gsum pa'i rnam par 'grel pa'o// //de nas gso
 ba'i thabs rnam pa gnyis bstan pa'i le'u bshad par bya'o/ zhes bya ba la/ rlung la sogs pa'i nad rnams kyi gso ba'i thabs snum 'chos bya ba la sogs pa rnam pa du ma zhig bshad pa yin te/ rnam pa du ma zhig yong du je na?
 kyang nyam brta ba dang/ nyam smad pa'i tshul rnam pa gnyis las mi 'da' ba yin no/ /de bas de'i 'og tu gso ba rnam pa gnyis kyi le'u brtsams pa yin la/ gso ba rnam pa gnyis po de ston cing gang du gso ba gnyis pa de'i nges pa bstan pa'i 'bul? ni
 mi? gso ba'i thabs gnyis bstan pa'i le'u zhes bya ste/ de bshad par bya'o zhes ba'o/ /gso ba gnyis pa'i rigs pa bstan par bya ba'i phyir/ gso ba rnam pa gnyis yin phyir/ /gso thabs rnam pa gnyis su 'dod/ /ces bya ba yin te/ gso ba rnam
 pa gnyis kho na te/ gcig ni nyam brta ba'i tshul gyis gso ba'o/ /gnyis pa ni nyam 'tshag? smad pa'i tshul gso bar bya ba yin te/ gang gi phyir gso bar bya ba'i nad dam/ yang na de ldan pa'i skyes bu ni nyam brta pas gso bar bya ba 'am/ nyam
 'tshag dmad pas gso bar bya ba yin gyis/ de las gzhan pa'i phyogs gsum pa yod pa ma yin no/ /de bas na gso ba'i thabs ni rnam pa gnyis kho na yin la/ gso ba dang nad gso ba'i thabs dang bya ba'i rim pa zhes bya ba ni de na gcig min
 no/ drang srong tsha dka' i gzhung la brten pa gzhan dag ni gso ba'i thabs smyung ba la sogs pa bzhing 'dod mod kyi/ smyung ba la sogs pa 'di nyid kyi nang du 'dus pa yin no/ /kho na zhes bya ba ni nges par gzung ba ste/ /de nyid kyi phyir smras pa ni/ /de cig brta bar
 byas pa yin/ /gnyis pa nyam pa ni med pa'o/ /zhes bya ba yin te/ gso ba de gnyis las gso ba gcig ni nyam brta ba'i tshul yin la/ gnyis pa ni nyam pa 'tshags nad pa yin no/ /de dag rgyas bya smyung ba zhes/ /rnam grangs dag tu bshad pa yin/ zhes
 bya ba la nyams brta pa dang/ nyams dmad pa de dag mi rim bzhin du rgyas par bya ba dang/ smyung ba zhes bya ba'i sgras ming gi rnam grangs dag tu bshad cing bstan pa dag lung shes pa dag gis byas pa yin te/ de dag nyid kyi ming
 gi rnam grangs bstan pa tsam du zad de/ zhes bya ba'i don no/ /lus shas rgyas phyir rgyas byas te/ yang ba nyid yin par bya/ zhes bya ba ni/ de la rgyas par bya ba zhes bya ba ni/ lus kyi sha 'phel zhing rgyas par bya ba'i don byed pa ste/
 dper na shang dang 'o ma la sogs pa blta ba'o/ /gang lus kyi yang zhing srab pa nyid du gang gis byed pa de ni smyung bar bya ba zhes bya ba'o/ /de dag kyang ci lta bu'i bdag nyid can yin zhe na/ de ni phal cher sa chu dang/ /cig shos las ni 'gyur ba yin/
 zhes bya ba yin te/ rgyas par bya ba dang/ smyung ba de gnyis ni/ sa dang chu dang cig shos las 'gyur ba yin te/ de yang sa dang bcas pa'i chu yin na sa chu'o/ /des ni 'di skad ston te/ sa dang chu'i rang bzhin can gyi rdzas ni rgyas par byed pa yin
 te/ de gnyis kyi ngo bo nyid de yin pa'i phyir ro/ /smyang ba ni de las gzhan pa cig shos te/ gang gis cig shos she na/ 'dir de'i skabs yin pas/ sa dang chu las gzhan pa'i cig shos me dang rlung dang nam mkha' i bdag nyid can
 yin no/ /phal cher zhes smos pas ni shin tu rgyas par byed pa ni sa dang chu yin la/ shin tu smyung bar byed pa ni cig shos me dang rlung dang nam mkha' yin pas na de skad ces bya'i/ me dang rlung dang nam mkha' la rgyas shing 'phel
 bar 'gyur ba yang med pa ma yin las dang tshul yang smyung pa ya? med pa ma yin te/ sman rnams ni 'byung ba lda'i bdag nyid can yin pa'i phyir ro/ /snel gzhir gnas pa yang srid do/ /las gang snum dang dgag pa dang/ /dug dang khong rtsub bya ba ste//
 'byung ba'i de yang gnyis yin phyir/ /gnyis las 'da' bar mi byed do/ /zhes bya ba la sogs pa'i thabs mang du smras pa dag yod pa'i phyir/ 'dir smras pa yin te/ 'di nyid kyis las snum bag la sogs pa bzhi po bshad pa gang yin
 pa de ni 'di'i las yin gyi/ brta bar bya ba dang nyam dmad par bya ba ltar snum la sogs pa bzhi po 'di dag po 'di dag don tha dad pa ma yin no/ /'byung ba'i las bzhi po de dag kyang brta ba dang nyam dmad pa gnyis kyi tshul can yin pa'i phyir
 gnyis po de las 'da' bar mi byed de/ 'byung pa rnams brta ba dang nyam dmad pa'i rang bzhin gnyis kyis rnam pa gnyis yin pa'i phyir dang/ de bzhin du me dang zla ba'i rang bzhin rnam pa gnyis dang ldan pa yin pas/ de dag rgyas pa 'am/ 'phel ba dang
 smyung ba gnyis las 'da' bar mi byed do/ /de yang snum dang bsdam par bya ba ni zla ba'i rang bzhin bas blta ba'i sde tshoms su gtogs la/ rtsubs pa dang dugs bya ba ni me'i rang bzhin can yin pas smyung bar gtogs te/ de nas la sogs pa'i 'byung ba rnams
 brta ba dang nyam smad pa'i tshul can yin no/ /da ni de gnyis kyi so so'i dbye ba smras pa ni/ de la'ang spyad dang zhi bya ba/ /rnam pa gnyis po smyung ba yin/ zhes bya ba la/ de la zhes bya ba ni nges par gzung ba ste/ nyam brta ba dang dmad pa zhes bya ba yin no/ /yang
 na rnams gzhan du na/ rgyas par bya ba dang/ smyung ba zhes bya ba la gang 'di smyung ba 'am/ nyam dmad pa zhes bya ba de ni rnam pa gnyis te/ spyad ba dang zhi ba zhes bya ba yin te/ de las lhag pa'i smyung ba yod pa ma yin no/ /yang na rnam pa 'di lta bu'i tshul
 gyis rnam pa gnyis pa ni smyung ba yin te/ gzhan du na 'og nas bshad pa'i tshul gyis rnam pa bcu gnyis su 'gyur ro/ /de las rang gi mtshan nyid dang de bzhin du de'i dbye ba bstan par bya ba'i phyir smras pa ni/ gang zhig nad ni phyir 'byin pa/ /spyad yin de ni
 rnam lnga ste/ /mas btang skyug sman lus nad bkru/ /mgo yi nad bkru gtar gas 'byung/ /zhes bya ba yin te/ sman gang nad na yod pa'i nad phyir 'byin par byed pa de ni sbyang ba zhes bya ba la/ sbyang ba de yang mas btang ba
 la sogs pa'i dbye ba rnam pa lnga yin no de la mas btang ba ni bshad pa'i sgo nas/ sman dang mar la sogs pa bskol te btang ba'o/ /skyug sman ni nad rnams gyen du drang ba'o/ /lus kyi nang bkru ba ni nang thur du dbyung ba'o/ /mgo bo'o nang bkru ba ni
 lus kyi phyogs gcig mgo bo zhes bya ba gcig pu'i nang la sman sna nas btang bas gyen du drang ba ni mgo bo'i nad bkru ba'o/ /gtar gas dbyung ba ni brag rtsa'i sgo la sogs pa las phyir gdon? ba'o/ /da ni zhi ba'i mtshan nyid de bzhin du dbye ba bshad pa'i phyir
 'di smras ba yin te/ gang zhig nang ni mi spyod dang/ /snyoms gnas glongs pa ma yin dang/ /ma snyoms snyoms par byed pa dag /zhi ba yin te de rnams bdun/ /smin dang drod skye ba kres skom dang brtsol bcag nyi mtshan bser bu bsil/ zhes
 bya ba la/ sman gang zhig gis rlung la sogs pa'i nad mi skyong zhing/ nang na gnas pa phyi rol tu ma bton pa dang/ de bzhin du snyoms par gnas shing cha mnyam par/ rang gi tshad du gnas la glongs pa ma yin zhing rang gi gnas nas mi 'gul
 ba dang/ de bzhin du ma snyoms pa ste/ rang gi tshad las lhag pa 'am/ ma tshang ba'i tshul du gnas pa dag snyoms par byed cing/ rang gi tshad dang ldan par byed pa'i sman de ni zhi ba zhes bya ba yin la/ zhi ba de ni smin pa nyid la sogs pa'i dbye bas
 rnam pa bdun yin no/ /de la smin pa ni smin par byed pas na smin pa ste/ pho ba'i me drod kyi 'ju ba'i bya ba rdzogs par byed cing/ de smin cing 'ju ba'i nus pa lhag par sgyed par byed pa'i sman gang yin pa 'am/ bya ba gang yin pa la smin pa zhes bya ba
 ste/ dper na tik+ta la sogs pa lta bu 'am/ smyung ba bya'o/ /drod skyong ba zhes bya ba ni 'dis drod skyed par byed pa ste/ dper na tsha ba gsum dang/ tsha ba lnga la sogs pa'i sman gang dag gis me'i drod shin tu 'phel bar byed pas/ zas 'ju bar byed pa de'i nus pa
 lhag par nye bar 'phel bar byed pa de la drod skyed pa zhes bya'o/ /de yang legs thos kyis/ ma smin pa ni smin byed cing/ /mnyam gnas de ni zhi ba yin/ /drod skyed me drod shin du skyed/ /tshad 'ga' smin byed yang na min/ /zhes bshad pa yin no/ /gzhan dag ni
 go bar zad do/ /da ni rgyas pa 'am blta ba bya ba bshad de/ /blta ba dag ni rlung dag ni/ /rlung bcas mkhris pa zhi byed yin/ zhes bya ba la/ ni zhes bya ba ni khyad par du dbye ba'i don te/ blta ba ni smyung ba las tshul 'dis khyad par du bya ba yin te/ blta bar byed pa 'o ma
 sogs pa yang sbyong zhing 'khru bar byed mod kyi/ /sbyor ba ni nyam dmad ba'i bdag nyid can yin pas de las kyang rlung 'ba' zhig gam/ mkhris pa dang bcas par ldang bar byed de/ dper na smyung ba las a ru ra la sogs pa'i sbyor bar byed pa ni sman gyis
 ldang byed pa yin pas/ de'i phyir blta ba'i khyad par ston te/ blta ba'i rdzas 'o ma la sogs pa'i sbyor ba 'am zhi ba ni/ rlung 'ba' zhig gam mkhris pa dang bcas pa zhi bar byed kyi/ smyung ba'i sbyor ba ltar nad skyed par ni mi byed do/ /de ltar na smyung ba las
 blta ba 'am/ rgyas par bya ba khyad par du 'phags pa yin no/ /des na blta ba dag ni rlung ngam/ mkhris pa dang bcas pa zhi bar byed pa yin gyi/ ldang bar byed pa nyid ma yin no/ /nyid ces bya ba ni nges pa'i don te/ rlung 'ba' zhig dang/ de bzhin du de
 nyid mkhris pa dang bcas pa dag gi yin gyi/ mkhris pa 'ba' zhig gam/ bad kan 'ba' zhig gam/ bad kan mkhris pa dang bcas pa 'am/ 'dus pa'i nad dag la brta ba de zhi bar byed pa ma yin no/ /de ltar na blta ba'i nyes pa'i yul de sgo 'dis
 zhi ba yin par nges pa yin no/ /nga ni blta bar bya ba'i dngos po gang dang gang yin pa bstan par bya ba'i phyir 'di smras pa ste/ brta bya nang dang sman dang chang/ /bud med mya ngan gyis nyam chung/ /khur dang lam dang gla brdol dang/ /lus rtsub nyam
 dma' rlung shas che/ /sbrum bu btsas byis pa rgan/ /so ga'i dus dang gzhan yang blta/ /zhes bya ba la/ 'di dag la nyam chung ba zhes bya ba'i sgra kun la sbyang bar bya ste/ des na nad kyi nyam chung ba dang/ sman 'thungs pas nyam chung ba dang/ chang 'thungs pas
 nyam chung ba dang/ bud med bsten pas nyam chung ba dang/ mya ngan gyis nyam chung ba ste/ de dag blta bar bya'o/ /de bzhin du rtag tu khur gyis dub pa dang/ /rtag tu lam gyis dub pa dang/ /glo brdol ba dang/ gcod chen po dang/ lus rtsub pa dang/
 nyam dma' ba dang/ rlung gi shas che ba dang/ sbrum ma dang/ bu btsas pa dang/ byis pa dang/ rgan po dag kyang/ rtag tu brta ba'i chog dag kyang bya'o/ /de bzhin du so ga'i dus dang/ gzhan yang shes pa 'dir ma bstan pa'i gso bar 'os pa nad pa
 'am/ tha mal ba'i gnas skabs thams cad brta bar bya ba dang/ yang de bzhin du so ga'i dus de'i tshe/ nad kyis nyam chung ba la sogs pa lhag par yang gso bar bya'o/ /de la gang gis brta zhe na/ de'i phyir smras pa ni/ sha dang 'o ma khar dkar/ /mar
 sar mngar bag mas btang dang/ /gnyid log nyal ba de bsku byug dang/ /khrus dang bder gnas nyams dags brta/ zhes bya ba smras pa yin te/ /de la sha ni sngar bshad pa rnam pa brgyad do/ /'o ma yang de bzhin no/ /kha ra dkar po ni sha kha ra
 dag go /mar sar ni mar ro/ /mngar bag kyang yin la mas btang ba yang yin pas na/ mngar bag mas btang ste des brta ba'o/ /gnyis log pa'i bde ba ni nyal ba'i bde ba ste/ gnyi ga la yang bde ba'i sgra sbyar ba sku byug ni lus til mar la sogs
 pas bsku ba'o/ /khrus ni chu dron pos bsku ba'o/ /bde bar gnas pa ni sems dga' ba'o/ /nyam dga' ba ni mgu ba nas dga' ba ste yid dga' ba'o/ /da ni smyung bstod te/ gcin snyi ma zhu snum rab zos/ /rims btab brla rengs mdze nad can/ /shu
 'khor 'bras mcher ba na/ /glar nang lkog nang dag dang ni/ /sbom po dgun dang gzhan dag kyang/ /rtag tu smyung ba bya ba yin/ zhes bya ba la/ gcin snyi ba dang/ ma zhu ba la sogs pa'i nad yod pa la rtag tu smyung ba bya'o/ /de bzhin du dgun dang/ gzhan
 ma bstan pa nad kyi 'gyur ba gzhan dag yang bya ste/ stobs rdzogs pa yin pa dang/ bad kan sogs pa'i 'jigs pas smyung ba bya ste/ gzhan dag kyang zhes bya ba 'dis nad pa la bya ba yin gyi/ gzhan du na bde bar gnas pa'i tshe ni dgun stong dang/ dgun snang brta ba'i
 cho ga khyad par dang bcas pa smras pa yin no/ /da ni spyad pa'i yul las brtsams te smras pa ni/ de la spyad bya shas che sbom/ /stobs ldan mkhris pa bad kan rgyas/ zhes bya ba yin te/ de la spyad bar bya ba ni shas che zhing spom pa dang/ stobs dang
 ldan pa dang/ mkhris pa dang/ bad kan rgyas pa ste/ nyam dmad par bya ba de rnams kyi nang nas/ mtshan nyid gsum po 'di dag dang ldan pa'i mi/ sbyang ba rnam pa lnga po skyug sman la sogs pas ci rigs par sbyang zhing nyam dmad par bya'o/ /ma zhu'i
 nad dang rims dang skyug /tshad par 'khru dang snying nad can/ /lus lci sgrags mang bshang gci 'gag /yi ga 'chus sogs kyis na ba/ /'bring tsam sbom sogs phal cher ni/ /dang por smin dang drod skyed bya/ zhes bya ba la/ ma zhu ba dang/ rims la sogs
 pa'i nad kyis nyen pa'i nad pa sha 'bring tsam du spom par gyur pa dag la phal cher zhes pa mang du smin pa dang/ drod skyed pa'i smyung ba'i rnam pas smyung bar bya'o/ /sogs pa'i sgras ni 'dir stobs dang mkhris pa dang bad kan nag bsdu'o/ /dang por ni
 thog mar te/ sngar smin pa dang/ drod skyed pas smyung ba byas la/ de'i 'og tu ci rigs pa'i smyung ba bya'o/ /phal cher zhes smos pa ni/ nad dang lus kyi nyam stobs la sogs pa rnams las blta'i thams cad du 'di 'di ltar bya ba ma
 yin no zhes ston/ nad ni 'di dag gis nyam thag /sbom dang stobs sogs chung ba la/ /bkres dang skom pas tshar bcad do/ /zhes bya ba ni/ sngar bshad ma thag pa'i nad rims la sogs pa 'di dag nyid kyis nyam thag cing gnod par 'gyur ba'i mi sha'i
 spom tshad dang/ stobs la sogs pa chung ba ste/ sha che ba'i shas chung zhing stobs zhan pa bad kan mkhris pa dang ldan pa dag la ni/ bkres pa dang skom pas tshar bcad pa ste/ ltogs pa dang skom pas nyin par bya ba'i shugs kyi smyung ba'i rnam pas
 nyam dmad par bya'o/ zhes bya ba'i don no/ /nad kyis nyam thag stobs 'bring bstan/ /bser bu tsha rtsol gyis dmad na/ /nyam chung mi lta smos ci dgos/ zhes bya ba la/ nad kyis gzir cing nyam thag pa'i mi stobs che chung gnyi ga ma yin pa/ ran pa
 'bring tsam yod pa nus pa brtan cing che ba'i mi la ni bser bu bsil ba dang/ nyi tshan dang/ rtsol ba de dag shas cher bsten pas de nyam dmad par bya zhing smyung ba bya'o/ zhes bya bar nges par gnas pa/ /nyam stobs chung zhing nad cung zad kyis khyab pa'i
 mi lta smos kyang ci dgos shes pa'i don to/ /blta bar byas pa gang yin pa 'di dag dang nyam dmad cing smyung bar bya ba gang yin pa 'di dag las gang yang brta bar bya ba la/ /de la ni smyung bas mi gso la/ nyam dmad par bya ba la ni brta bas mi gso
 zhes bstan la/ de ltar na rims la sogs pa smyung ba gso ba'i nad ni/ blta bar bya bar gyur pas the tshom du 'gyur te/ ci blta bar bya bar 'os pa'i mi smyung bas gso ba'i nad kyis nyam thag na/ smyung bas gso ba la 'jug par bya ba 'am/ 'on te blta
 bar bya ba yin pa smyung ba'i nad yod kyang/ skyes bu de blta bar bya zhes the tshom du gyur pa 'di la/ de bsal ba'i phyir 'dir smras pa yin te/ nyam dmad bar blta mi bya/ zhes bya ba yin te/ skyes bu nyam dmad cing smyung ba bya ba nam yang bsten par mi bya ste/ ci'i phyir zhe na/
 brta bar bya bas gso ba'i nad kyis nyam thag pa'i mi la slar nad skyed pa'i 'jigs pa yod pa'i phyir ro/ /brta bya 'am nyam dmad 'jam pos bya/ zhes bya ba ni/ gang yang brta bar bya ba'i skyes bu de/ smyung bar bya ba'i nad kyis nyam thag na/ nyam dmad pa 'jam/
 pos bya zhing/ smyung ba'i rnam pa 'jam pos byas na/ nyam dmad pa de la nad ldang bar mi 'gyur ro/ /de dag ni brta bar bya ba dag tshad che ba dad par ma dang/ chung ba'i zas skom gyi tshad de dag gi don shes par bya ba'i phyir/ de skad bshad pa yin no/ /yang na yul
 dang stobs sogs las/ rigs pas de ni nye bar spyad/ ces bya ba ni/ smyung bar bya ba brta bar mi bya ba dang brta bar bya ba nyam dmad bar 'jam pos bya ba ni thams cad du nges pa yin mod kyi/ 'on kyang gzhan du ni yang na yul dang stobs la sogs pa las
 rigs pa'i sbyor bas brta bar bya ba smyung ba'i nad kyis nyam thag pa de'i gso ba nye bar spyad par bya'o/ /sogs pa'i sgras ni lus zungs la sogs pa'i stobs las kyang nye bar byed la/ de bzhin du rtar bya ba yang nyam dmad pa 'jam pos bya ba yin pas/ tshed 'ga' nyam brta ba dang nyam smad
 pa 'dren ma'i mtshan nyid kyi gso bas nad gso ba la nye bar spyad par bya ste/ 'dir brta bar bya ba la nyam dmad pa 'jam pos gso dgos par nges pa kho na ni ma yin te/ gzhan du na yul dang dus kyi dbang dang rigs pa'i sbyor ba'i dbang gis gso bas kyang de
 la nye bar spyad par byar rung ba yin no/ /brta bar bya ba las ci zhig 'byung bar 'gyur zhe na/ de'i phyir smras pa ni/ brta bas stobs ni 'phel ba dang/ /de yis bsgrub bya'i nad zad 'gyur/ zhes bya ba yin te/ skyes bu brta bar byas par gyur na/ stobs dang nus pa
 skye bar 'gyur ba dang/ de bzhin du lus zungs la sogs pa 'phel zhing rgyas par 'gyur ba dang/ de bzhin du de yis bsgrub cing gso bar bya ba'i nad zad par 'gyur ro/ /de yis zhes bya ba ni blta bar bya ba la snyegs te/ brta
 bar bya bas gso zhing bsgrub par bya ba'i nas kyis nyam thag pa la sogs pa gang yin pa de rnams 'jig cing med par 'gyur ro/ /skyes bu smyung bar byas pa dag la mtshan nyid ci zhig 'byung bar 'gyur zhe na/ de'i phyir smras pa ni/ smyung bas dbang
 gsal dri ma rnams/ /mi bsri khong yang yi ga 'byed/ bkres dang skom pa lhan cig 'byung/ /dang ga snying dang sgreg pa dang/ /nad kyi rtse zhil spro ba che/ /snyom bag med pa dag tu 'gyur/ /zhes bya ba yin te/ skyes bu smyung ba byas shing nyam
 dmad par gyur na dbang po gsal ba ste/ dbang po'i tshogs dag cing gsal bar 'gyur ba dang de bzhin du bshang ba dang gci ba la sogs pa'i dri ma rnams ni mi sri zhing bde bar 'byung bar 'gyur ba dang/ de bzhin du khong yang
 lus bskyong pa yang ba nyid dang/ yi ga 'bye ba ste zas len cing 'dod pa dang/ de bzhin du bkres pa dang skom pa lhan cig tu dus gcig gi tshe 'byung zhing skye bar 'gyur ba dang/ de bzhin du dang ka 'am/ lkog ma dag par 'gyur pa dang/ snying
 dag par 'gyur ba dang/ sgreg pa dag cing mnam pa med par 'gyur ba dang/ de bzhin du smyung bar bya bas gso dgos pa'i nad rtse zhil zhing snyi bar 'gyur ba dang/ de bzhin du spro ba che ste bya ba rnams la brtson zhing 'bad nus par 'gyur ba dang/ de
 bzhin du snyom bag dang/ sgyid gzhan ba med pa dag skye bar 'gyur ro/ /de dag nyid ha cang thal ches par tshad las lhag par byas pa'i nyes pa smras pa ni/ de dag tshad la sogs pa dang/ /mi ldan sten par byed pa dag /rab skom rab tu skems sogs
 'gyur/ /de yang sman bcas bshang ba yin/ /tshul ni shin tu bsta ba dang/ /nyam dmad de nyid las shes bya/ zhes bya ba yin te/ brta ba dang nyam dmad ba de dag chad la sogs pa dang mi ldan par bsten pa ste/ tshad las lhag par sten cing
 spyod pa dag ni go rim bzhin du rab tu sbom pa la sogs pa dang/ rab tu skem pa la sogs pa byed par 'gyur te/ de yang yul dang dus la sogs pa lam bltos par brta ba ha cang shas che bar bstan pas ni shin tu sbom zhing che drags pa la sogs
 pa skyed par byed par 'gyur ro/ /smyung ba yang de bzhin du byas na shin tu sgom pa la sogs pa skyed par byed par 'gyur ro/ /de yang zhes pa shin tu tsho ba dang/ shin tu skem pa la sogs pa de rnams dang de gnyis kyis sman gang dang gang yin pa de dag kyang
 le'u 'dir bshad pa yin no/ /de bzhin du tshul de'i mtshan nyid shin tu brta ba dang nyam dmad ba de gnyis go rim bzhin du shes shing rtogs par bya'o/ /de las shin tu brta drags pa sman dang bcas pa smras pa ni/ shin tu tsho ches 'brum gcin snyi//
 rims dang rmu rdzings mtshan bar rdol/ /lud rmod gcin sri be'u snabs chags/ /mdze la sogs pa mi bzad 'byung/ zhes bya ba la sogs pa yin te/ brta ba ha cang drags par bsten nas shin tu tsho ches pa nas/ mdze la sogs pa'i bar du skyed bar
 byed do/ /shin tu tsho ches pa'i mtshan nyid/ /drang srong tsa rags bshad pa/ /sha dang tshil rab 'phel ba yi/ /nu ma gsum pa mjug ma 'byang/ /dgos med 'phel bar rtsom pa yi/ /mi ni shin tu tsho zhes bya zhes bya ba yin no/ /'brum bu ni 'bras kyi 'phreng ba'o/ /
 gcin snyi ba la sogs pa ni 'og nas bshad pa'o/ /de rnams kyi sman smras pa ni/ de la tshil dang rlung bad kan/ /sel bar byed pa thams cad phan brdzu rna khre rgod ku lat+tha/ /nas dang sran chung mon sran sde'u/ dang ba dang rnying zho kha chu/ /sems las bya ngang pa
 mi mnyam bya/ zhes bya ba la sogs pa yin te/ de la zhes pa tsho ches pa la sogs pa de rnams la/ tshil dang rlung bad kan sel bar byed pa'i zas dang sman dang spyod lam thams cad phan pa yin te/ dzu rna dang/ khre rgod dang/ rgya sran kul
 lat+tha dang/ nas ni bza' ba'i phyir bsten te/ mon sran sde'u ni tshod ma'i don du bya'o/ /sran chung dang dar ba dang dar snying dang/ zhog chu ni btung ba'i don tu bya'o/ /sems las dang mi nyal ba ni spyod lam gyi don du'o/ /spang ba ni tshil dang bad kan la sogs
 pa dag par bya ba'i phyir ro/ /sbrang rtsi 'bras bu gsum bcas pa 'am/ sle tres sla sgang a ru ra zhes bya ba ni/ shin tu 'tsho ba la sogs pa de rnams la skyes bus 'bras bu gsum gyi phye ma sbrang rtsi dang sbyar ba bza' ba'am/ yang na sla tres dang sbrang
 rtsir sbyar ba bza' 'am/ yang na sla sgang dang sbrang rtsir sbyar pa bza' bar bya'o/ /skyer khaN+Da dang rtsa ba ni/ /chen po lnga dang gu gul dang/ khrag shun gyi ni sbyor ba dang/ /agni man+tha'i? khu bcas can/ zhes bya ba ni/ shin tu tsho ches pa de la skyer khaN+Da'i sbyor ba
 phan no/ /de bzhin du bilpa'i rtsa ba la sogs pa/ rtsa ba chen po lnga'i sbyor ba phan no/ /de bzhin du gu gul gyi sbyor ba dang/ brag shun gyi sbyor ba akni man+tha zhes bya ba/ tarka ri'i khu ba dang bcas pa yang phan pa yin no/ /nas chags la bus thal bi Ta ka /bca' 
 lga lcags phye sbrang rtsi dang/ /nas dang skyu ru ra'i phye ma'i/ /sbyor bas shin tu tsho nad sel/ /zhes bya ba ni nas tshig 'khus pa'i thal ba la sogs pa'i sbyor ba 'di sbrang rtsi dang sbyar te ba lags na shin tu sbom zhing tsho ches pa'i nad sel bar byed do/ /
 nas tshigs 'khus pa'i thal ba ni ya bak+Sha ra'o/ /lcags phye ni lcags nag pa'i phye ma'o/ /gzhan dag ni drags par zad do/ /tsha gsum 'bras gsum bu rtsa shel/ /shi kru pi dang po s+tha ra/ /shing kun go snyong ba ru tshwa/ /la la phung dang 'u su dang//
 kru trug tres dang ser po gnyis/ /bri ha gnyis dang chu rtsi mo/ /ta bu sha dang pa tha dang/ /ki bu ka yi rtsa ba ste/ /'di rnams phye ma mar sbrang rtsi/ /til mar dag ni cha snyams pa/ /nas phye'i cha ni bcu drug bskyed/ /sbyar ba 'thungs na de 'joms so/ /shin tu shas cha'i
 bdag nyid kun/ /gzhan yang de 'dra'i nad rnam pa dang/ /snying nad mig ser sha bkra dang/ /lus dbugs mi bde lkog nad sel/ /blo dang yid gzhungs sems dran byed/ /zas 'ju 'pho ba'i dod kyang bskyed/ /ces bya ba ni/ 'dir tsha ba gsum dang 'bras
 bu gsum la sogs pa'i sman nyi shu rtsa bzhi bshad pa 'di rnams ma lus pa'i phyi ma dang/ sbrang rtsi dang mar til mar cha mnyam par bya'o/ /de nas phye ma cha gcig /cha gnyis pa sbrang rtsi/ /cha gsum pa mar cha bzhi pa til mar/ nas phye/ phye ma la bltos
 pa'i bcu drug 'gyur ro/ /de la 'di skad ston pa yin de/ tsha ba gsum la sogs pa'i phye ma srang phyed/ sbrang rtsi dang mar dang til mar srang re gnas kyi phye ma srad bcu drug 'gyur du bya ba'i don no/ /de la tsha ba gsum ni pi pi ling dang na le sham dang bca' 
 lga zhes bya'o/ /'bras bu gsum ni a ru ra dang/ skyu ru ra dang/ ba ru ra'o/ /pu tse shel ni ka tu ka'o/ /shi kru na so bi dza na'o/ /s+thi ra ni bal ma r+Ni'o/ /kha ru tshwa ni so bar tsha la'o/ /go snyod ni dzi ra ka'o/ /'u su ni 'u su'i 'bras bu'o/ /ser po gnyis ni yung ba dang skyur ba'o//
 bri ha tri gnyis ni kaN+Da sA re dang/ bri ha trI'o/ ha pu shin brahmo sha zhes bya ba 'dab ma sngo ba zhig go /ke bu ka'i rtsa ba ni chu'i pi pi ling gi rtsa ba ste/ de dag thams cad kyi phye ma rdzas gsher ba dang bsres te 'thungs na shin tu tsho ches pa la sogs pa'i nad thams cad?
 sel par byed cing/ /de bzhin du brtas pa las byung ba'i nad de dang tshul mthun pa sel bar byed pa dang/ de bzhin du snying nad la sogs pa sel bar byed pa dang/ de bzhin du de blo dang yid gzhungs pa dran pa gsal bar byed pa dang/ de bzhin du pho?
 ba'i dro bskyed cing/ mo drod nyams ba 'thel bar byed pa yin no/ /shin tu nyam smad cing smyung ba ha cang drags pa las nang du 'gyur ba bshad pa ni/ smyung drags rab skem mgo 'khor lung/ /skom dang che zhing yi ga 'chus//
 snum drod gnyid mig rna ba nyams/ /khu ba gang mod ngas skad gsang zad/ /chu so gnyis glang 'byin pa brla/ /sku ngo rtsibs logs na rims 'debs/ /tshigs mang stong du rlung nad 'jug /rmya zhing skyug bro rus tshogs na/ /bshad gci sri ba la sogs pa/ /smyung ba
 drags las 'byung bar 'gyur/ zhes bya ba yin te/ shin tu smyung ba drags shing/ nyam dmang pa drags ches pa las/ /skem pa la sogs pa 'byung bar 'gyur ro/ /de la rab tu skem pa ni shin tu sgo zheng lus zungs zad pa nyid do/ /mgo 'khor ba ni/
 'khor lo la bskyon pa ltar 'khor bas na mgo 'khor ba'o/ /lung pa ni lung ba mang po'o/ /skom dang che ba ni skom dang kyis gdungs pa'o/ /yi ga 'chus pa ni zas la mngon par mi dga' ba'o/ /snum la sogs pa brgyad ni zad pa zhes bya ba sbyar te/ des na
 snum zad ba dang/ me drod zad pa nas skad gdangs kyi gsang zad pa'i bar du'o/ /chu so la sogs pa bdun ni na ba zhes bya ba'i sgra dang sbyar te de bas na chu so na ba dang snying na ba nas rtsib logs na ba'i bar du'o/ /rims kyis 'debs pa ni rims nad 'byung ba'o//
 tshig mang ba ni 'brel ba med pa'i tshig med du smra ba'o/ /stong du rlung 'jug pa ni stong du rlung zhugs pa'o/ /rmya ba ni lus kyi nyam stobs chung ba'o/ /skyug bro ba ni zas la sogs pa mi 'dod pa'o/ /rus tshigs na ba ni rus pa rnams dang de bzhin du
 tshigs rnams bcag cig dkrum pa snyam du sems shing na ba'o/ /bshang gci sri ba la sogs pa ni zhes bya ba'i sogs pa'i sgras ni rlung las byung ba'i nad sna tshogs pa bsdu'o/ /rab tu tsho bas sgom nyid mchog /shin tu tsho drag pa ni sman//
 shin tu tshil ches me rlung la/ /brta dang nyam dmang yod ma yin/ zhes bya ba ni/ skem pa zhes bya ba 'di nad chen po yin mod kyi 'on skyang rab tu che zhing sbom pas skem pa mchog yin te/ /'dir shin tu tshe ba nas skem pa mchog yin no/ zhes bya ba 'di
 la shin? tu/ tsho ba bas shin tu skem pa mchog yin pa la bya'i/ /cung zad sbom pa las cung zad skem pa mchog ma yin no/ /de yang gang gi phyir shin tu chod zhing lbom ches pa dang/ shin tu skem pa nyid du myur ba dang brta bas gos bar bya ba bstan gyi/ sbom pa dang skem po
 tha mal pa tsam ni ma yin no/ /ci'i phyir sbom po bas skem po mchog nyid yin pa'i rigs pa 'dir smas pa ni/ shin tu tsho drags pa'i sman zhes bya ba la sogs pa yin te/ tshil ches pa dang/ shin tu me drod ches pa dang/ rlung 'phel ba gang
 yin pa de lta bu legs pa yin na shin tu tshil ches pa dang me drod dang rlung sel ba'i sman de lta bu shin tu tshe ches pa'i brta de 'am nyam dmad par nus pa ma yin no/ /de 'ang sbom pa'i brta pa'i sman gyis sbom po bzlog pa 'am/ nyam dmang par nus pa ma yin te/
 gang gi phyir brta zhing 'phel bar byed pa ni sha la sogs pas byed la/ des ni tshil 'phel bar byed de/ brta pa'i rang bzhin yin pa'i phyir tshil kho na gsog par byed do/ /nyam dmang pa'i sman gro rgod la sogs pa gang yin pa 'di ni nyam dmang pa'o
 rang bzhin can yin pa'i phyir rlung 'phel bar byed do/ /de ni 'di skad ston te/ gal te shin tu sbom chos pa la brta ba'i sman byin na ni/ des tshil dang me drod 'phel bar byed cing rlung 'gribs par byed do/ /'on te nyam dmang pa smad ba byas na
 des tshil zad par byed kyi/ rlung dang me drod la gnod par mi byed do/ /de bas na shin tu cha chos pa la brta bar yang bya dka' la/ nyam dmang par yang nus pa ma yin no zhes bya ba ni rigs pa yin te/ shin tu tshe ches pa la gang tshil zad bar
 bya ba dang/ me drod sel pa dang/ rlung sel ba de de la phan pa yin no/ de lta bu yod pa ma yin no/ /gang zhig mngar dang snum bag bza' / bsod bde dag gis skem pa sel/ de las shin tu bzlog pa dag /nges par bsten pas sbom
 nyid sel/ zhes pa 'di ni skem pa mchog yin pa'i gtan tshigs gzhan dag bstan pa yin te/ skem pa nyid ni gang gi phyir zas mngar bag la sogs pas bde zhing dga' ba med pas zhi bar 'gyur bas/ de'i phyir sbom po pas skem pa nyid
 mchog yin gyi sbom po ni de lta ma yin te/ gang gi phyir sbom po nyid skem par byas pa'i gso ba'i thabs las shin tu go bzlog pa'i tshul brten pas zlog par byed de/ shin tu go bzlog pa ni phal cher kha ba dang tsha ba dang/ bska pa dang zas dang
 skom dang sman rtsub mo bsten na/ gdong shin tu tsho ches pa'i sbom po sel te/ tshil zad pa'i rgyu rnams kyis de 'byang gi zas dang la sogs pa mngar zhing snum bag zos te/ bsod cing tshim par byed pas ni ma yin no/ /de ltar na sbom pa dang
 skem pa 'di gnyis nad du mnyam pa yin du zin kyang/ sbom por gyur pa ni gso dka' ba yin pas na yun ring 'gor ba'i phyir 'dir skem po nyid mchog yin no/ /skem po de'i sman ci lta bu yin zhe na/ de'i phyir smra ba ni/ de la bza' ? btung sman
 rnams ni/ /brta bar byed pa thams cad sbyar/ /bya ba la sogs pa yin te/ skyes bu skem po de la bza' ba dang btung ba dang sman du 'bras drug cu'i chan dang sha dang 'o ma dang/ bu ram shing gi khu ba la sogs pa dang/ tsho bar byed ba dang/ brta
 par byed pa'i sman gyi rigs thams cad brta pa'i don du sbyar bar bya'o/ /sems las med dang dga' ba dang/ /nges par brta bar bya ba dang/ gnyid cher log las skem pa yang/ /phag dang 'dra bar lus rgyas 'gyur/ zhes bya ba la/
 sems las med pa ni mya ngan gyis gdungs pa med pa 'am/ /bya ba'i rigs gang la yang yid la dpyod pa med pa'o/ /dga' ba ni nyams bag tu gnas pa'o/ /nges par brta bar bya ba ni shin tu tshim par bya ba dang/ /de bzhin du legs par gnyid log cing
 nyal bas/ skem po dag rnam pa thams cad du sha rgyas par 'gyur ro/ /de yang dper na phag dang 'dra ba ste/ skem po'i gnas skabs su sha rgyas pa'i rgyu gzhan pas gnyid cher log pa rgyu'i gtso bo yin par bstan par bya ba'i phyir dpe phag pa dang
 sbyar ba yin no/ /de ltar na sems las med pa dang/ dga' ba dang shin tu brta ba dang/ legs par gnyid log pas lus zungs thams cad 'phel zhing rgyas par 'gyur ro/ /lus ni brtas shing tsho byed pa/ /sha dang 'dra ba gang yang med/ /sha mi za la sha za'i
 shas/ lus ni mchog tu rtas byed yin zhes bya ba la/ gang gi lus brtas shing tsho bar byed pa yin la zas gang zhing zas shing longs spyad pa na/ sha dang 'dra bar lus brtas shing tsho bar byed pa'i kha zas kyi rim pa gang yang yod pa ma yin no/ /de las
 kyang khyad par du ni sha za rnams kyi sha ni shas bskyed cing 'phel bar byed pa yin pas/ shin tu yang lus brtas shing 'phel bar byed pa yin no/ /sbom po dang skem po de gnyis kyi gso ba'i thabs mdor bstan pa'i phyir smras pa ni/ sbom las ma dmang
 lci bas bya/ /de las bzlog pa skem la phan/ zhes bya ba yin te/ mi sbom po la ni nyam dmang pa'i lci bas bya ste/ dper na sbrang rtsi dang sre ga ta zhes bya ba'i 'bras bu dang/ pad+ma'i rtsa ba dang sdong bu la sogs pa ste/ de dag ni rtsub pa yin pa'i phyir tshil zad?
 par byed pa dang/ lci bas myur du mi 'ju ba'i phyir ro/ /sbom po la ni yang ba'i nyam dmang pa yang sbom por phan te/ dper na rgya sran ku lat+tha dang/ khre rgod la sogs pa phan pa lta bu'o/ /de las bzlog pa skem la phan/ zhes bya ba ni/ gang snga ma de las bzlogs/
 pa'i yang ba dang/ de bzhin du brta ba de ni skem po la phan te/ dper na 'bras drug cu pa'i cha dang/ ri dags sha bkra dang/ ri bor la sogs pa'i sha lta bu ste/ de yang gang gi phyir shin tu skem pa la ni zas dang skom dang sman
 gci ba dag gis me drod 'bri bar byed pas de brtas par byed pa'i rdzas yin du zin kyang de mi 'ju bas slar nyam dmang cing skem po nyid du byed par 'gyur ro/ /nas dang gro ni gnyi ga la/ /de la 'os par byed pas brtag /ces bya ba la/ sbom po dang
 skem po de gnyis ka la 'os shing 'tsham par bya zhing sbyar ba dang/ yongs su byas pa'i nye bar brtag pas byed pa gang yin pa de ni/ de la 'os pas brtag ces bya'o/ /de ni 'di skad ston pa yin te/ gang gi phyir sbom po la nas dang gro ster
 ba na/ de'i tshe sbom po la 'os shing 'tsham pa'i nyam smad pa'i bya bas bya la/ gang gi tshe nas dang gro de nyid skem po la 'os shing 'tsham pa'i brta ba bya ba'i tshul gyis brtag par bya ba'o/ /'dir ni 'di lta dogs pa skyed par mi bya'o/ /ji ltar nyes pa
 rnams kyi nad kyi rgyu mdza' yas pa las nang kyang mdza' yas pa ji lta ba bzhin du gso ba yang mdza' yas/ nyam brta ba dang nyam dmad pa'i gso ba'i thabs kyang sbyor ba rab dang rab mchog gi dbye bas mdza' yas par rigs na/ ci'i phyir gso
 ba'i thabs gnyis kho nar zad ces phyir rgol dag yod pas/ de'i phyir gzhung rtsom par byed pas 'dir smras pa ni/ nad kyi dbye ba tha dad kyi/ /bcod 'khru la sogs byed pa yin/ /nad ltar tha dad gyur kyang ni/ /gso ba gnyis las
 yod ma yin/ zhes bya ba yin te nad rnams zad pa dang/ gnas pa dang/ steng dang 'og dang rtsib logs la sogs par thad kar 'gro pa la sogs pa'i mtshan nyid kyis rnam par dbye na/ mdza' yas pa yod du zin kyang/ /gso ba
 ni rnam pa gnyis lhag par dbye ba med do/ /de bzhin du bcad par bya ba la sogs pa'i dbye bas phye ba las kyang tha dad par 'gyur te/ 'di ni bcad pa'i gso ba'o/ /'di ni 'khru ba'i gso ba'o/ /'di ni rab tu bcad pa'o/ /'di ni rab
 mchog tu bcad pa'o/ /'di ni rab tu 'khru ba'o/ /'di ni rab tu chog tu 'khru ba'o/ /sogs pas ni snum par brtsub pa la sogs pa yin na/ ji ltar na de mdza' yas pa yin du zin kyang/ de rnams dbye ba med pa yin zhe na/ nad ltar tha dad gyur kyang ni zhes bya ba ste/ dper na nad gzhi la sogs pa'i dbang gis kyang/
 rims la sogs pa'i nad rnams tha dad par gyur ba yin kyang gso ba ni/ /brta ba dang nyam dmang pa'i tshul gnyis kyis sgrub par bya ba yin pas na/ mtshan nyid de gnyis las dbye ba yod pa ma yin te/ lan 'ga' de rnams brta bar bya bas gso
 dgos par 'gyur ro/ /la la ni nyam 'bri bas gso bar bya dgos kyi dam gtogs pa gso ba'i phung po gsum pa ni yod pa ma yin no// /yan lag brgyad pa'i snying po bsdus pa'i rnam par 'gyel ba tshig gi don gyi zla zer
 zhes bya ba/ slob dpon zla ba la dga' bas rnam par sbyar ba las le'u bcu bzhi pa'i rnam par 'grel pa'o// //de nas sbyang ba la sogs pa'i sman gyi sde mtshan sna tshogs 'dus pa'i le'u bshad par bya'o/ zhes bya ba la ji ltar 'dir gso
 ba sna tshogs yod du zin kyang/ tshul gnyis las lhag par med pa de bzhin du/ sman rnams tshul tha dad pa yod du zin kyang/ sbyang ba dang zhi ba'i tshul gnyis las 'da' bar mi byed do/ /de bas na gso ba'i tshul rnam pa gnyis kyi 'og tu sbyangs pa sogs ba ni sman
 gyi sde tshan gyi le'u brtsams pa yin no/ /sbyang ba la sogs pa'i tshul can gyi sman gyi sde tshan la sogs pa'i sde tshan gang yin pa de ni sbyang ba la sogs pa'i sman gyi sde tshan no/ /sde tshan sna tshogs pa 'dus pa ni dngos po phan tshun 'thor ba phyogs gcig
 tu bsdus pa de'i le'u bshad par bya'o zhes pa'o/ /spyod pa'i skyug sman la sogs pa'i dbye bas phyir/ /phyi ma mchog tu gyur pa'i las rnam pa lnga yod pa las/ dang por re zhig skyug sman gyi rdzas kyi sde tshan gyi gtso bo bshad par bya ba'i
 phyir 'di smras pa yin te/ po son cha dang shing mngar dang/ /ku ba kha 'o nimpa dang/ /bimpa gi gonbi sha la/ /dug mo nyung dang murba dang/ /de ba de li bi Ti ka/ lcam pa tsi tra kru trug tres/ /ko sha pa ti ka rany+dza/ /pi pi ling dang rgyam tshwa dang/ /shu da gsung smed yungs kar te//
 'di dag skyug pa'i sman gyi sde/ /zhes bya ba ni po son cha la sogs pa'i sman ni slon zhing skyug pa la dgos pa yin no/ /de la po son cha ni mang dang pha la'o/ /shing mngar ni ma du yang shi'o/ /ku ba kha bo ni ka tu ka a ba bu'o/ /nim+ba ni a ri stag ka'o//
 bimpa ni dzi mutka'o/ /pi TA ka ni ming rnams grangs gzhan yang 'bras bu dmar po zhes bya'o/ /ga gon+ni tra bu sa kha'o/ /bi la sha ni ga ba ak+Sha ste/ /ba lang gi mig lta bu'o/ /dug mo nyung ni bad tsa ka'o/ /murba ni mdungs te/ /khu ba dmar ba zhig go /de ba
 da li ni dzi mutka'o/ /bi TI ka ni srin bu gsod pa'o/ /lcam pa ni bi tad so'o/ /tsi tra ni tra ban+ti'o/ /kru trug tres ri tsi tra ka'o/ /ka sha ba ni gnyis te/ gcig ni ra tsa ko sha ba ti'o/ /gnyis pa ni ka du ka ta ka ko sha ta ki'o/ /ka rany+dza ni bu te ga rany+dza'o/ /pi pi
 ling ni kar+Na'o/ /yungs kar ni yungs dkar bo'o/ /de tri dang ni tri bat+ti/ /'bras bu gsum dang bi sha la/ shi ki ni dang snu ha dang/ /seng phrom dong ga ni li ni/ /khrom bu dang ni kam+bi lya/ /'o ma ba gcin 'khru bar byed/ ces bya ba dan+ti la sogs pa'i
 sman rnams ni 'khru ba'i sde tshan yin no/ /de la dan+ti ku ma'o/ /tre bi ti ni kum pa'o/ /bi sha la ni ga bakI'o/ /shingli ni shingli du Shpa'o/ /snu ha ni bu ta'o/ /nI li ni nI la puShpa ste/ me tog sngon po can no/ /gseng phrom ni dro tra'o/ /dong ga ni shaM mya ka'o/ /khron bu ni
 su par+Na k+Shi ra'o/ /bamphi l+lya ni ra dza na ga ste/ tshon shing ngo/ /'o ma ni 'o ma rnams so/ /ba gcin ni dngos su zad do/ /bo son cha dang dug mo nyung/ /ru rta de ba da li dang/ /shing snang? ro shu dag rtsa ba bcu/ /thad shing ra sna pa la la phung/ /sha ta puShpa ba ta la/ /rgya sran
 nag po sbrang rtsi dang/ /rgyam tsha tse tsha shing nye ro/ /'di dag mas btang pa kru sman te/ zhes bya ba la/ po son cha la sogs pa ni mas btang ba'i bkru sman gyi sde tshan yin te/ de bad li ni dzi mutka'o/ /gzhan ni lo bar zad do/ /rtsa ba bcu ni rtsa ba lnga pa che chung
 gnyis so/ /sha ta puShpa ni mi bi'o/ /a pa ma ga bi TI ka/ cha ba gsum dang skyer ba'i rtsa/ /su ra la dang shi ri sha/ braM ha shi kru'i sa bon dang/ /seng ldang ma ka snying po'o/ /rgyam tsha dngul rdo pha bong breg /sug smel gnyis dang go snyod sbom/ /mgo bo'i nang sbyong byed pa yin
 zhes bya ba la/ a pa marga la sogs pa'i rdzas kyi sde tshan ni mgo bo'i nad sbyong bar byed pa yin no/ /a pa marga ni pra dag puShpa pa'o/ tsha ba gsum ni pi pi ling dang/ /na leg? ma dang/ bca' lba dang gsum bses pa'o/ /sgyer pa'i rtsa ba ni da du ha ring ta'o/ /sur
 la ni su lak+Sha na'o/ /shi ri shi'i sa bon bri ha'i sa bon dang/ shi kru'i sa bon no/ /sa bon gyi sgra gsum char la sbyar ro/ /ma du ka'i snying po ni a du ka'i me tog mchog tu gyur pa la bya'o/ /dngul rdo ni ku sha ra sa any+dza na'o/ /sug smel phra mo dang
 spom po'o/ /ga snyong spom po ni phra thi ka'o/ /thang shing rgya spos ru ta dang/ /rtsa ba bcu dang pA la gnyis/ /bir ta ri'i sman sder gtogs/ /bi dal sogs rlung nad sel/ zhes bya ba la/ thang shing la sogs pa'i sman rnams ni rlung 'joms par byed pa
 yin no/ /rgya spos ni na tha'o/ /ru rta ni kuShA'o/ /pA la gnyis ni bA la dang a ti bA la'o/ /bi ra ta la sogs pa'i sde tshan dang pi dar la sogs pa'i sde tshan ni bshad do/ /sde tshan de gnyis rlung sel bar byed pa yin no/ /durba dang ni byi tsher ba/ /nampi ba
 sha ka'i lo ma/ /kha sral phre'u 'ol ma se/ /nye'u shing la zhes bya dang/ /shing ta pa ki pri yaM ku/ /n+ya gro d+ha sogs shug pa sogs/ /s+thir rnam gnyis pa ma'i zer/ paTkya? thal tres sogs mkhris sel/ zhes bya ba la/ dur pa la sogs
 pa'i sde tshan ni mkhris pa 'joms shing sel bar byed do/ /de la darba ni shad+ha la'o/ /byi tsher pa ci ya ba sha ka'o/ /nimpa ni nimpa'o/ /lo ma ni bA sha ka'i'o/ /kha sral ni at+ma kupta'o/ /'ol ma sol ni gun+thi'o/ /nye'u shing ni shata par+Ni'o/ /shing ta pa ki
 mi shing khandi'o/ /pri yang ku ni gand+ha pri yi ku'o/ /mya gro dA la sogs pa dang/ shug pa la sogs pa dang/ thal tres la sogs pa'i sde tshan ni 'og nas ston te/ zir rnam gnyis sa la par+NaM dang/ /pri sna par ni'o/ /pad pa ni ka ma la'o/ /baM mya ni ku
 na ta'o/ /dong ka sogs dang arka sogs/ /maska ka sogs o sna sogs/ /bye'u rug pa gla sgrang sogs/ /dug mo tung sogs bad kan sel/ zhes bya ba la/ dong ga la sogs pa'i sde tshan bdun po ni bad kan sel cing 'joms par byed pa yin
 no 'dzi ban+ti dang mar nye ba/ /me da ma ha me da dang/ /mutga mA Sha bar+Ni dang/ /lhum bu zad rtsi ba dang ni/ /dzi ba ka dang shing mngar te/ /sde 'di 'tsho byed ces bya yin/ zhes bya ba la dzI ba na dzI ba'o/ /ram nye ba ni gnyis te/ ka ko li dang/ kI ra ka ko la'i/ /med dang
 ma ha med ni ma da gnyis so/ /mutga dang mA Sha? bar+Ni ni mutga barni dang/ ?? bar+Ni'o/ ?? ci zhing sha pa'o/ /dzAM pa ka ni snan 'tsho byed de ku rtsa shi sha'o zhes bya'o/ /bde ri dang e raN+Da/ /prashtsi ka la pur+Na ma/ /de ba ha sa de ba dang/ /pasni gnyis dang kha sal dang/ 'tsho byed lnga
 dang rtsa chung lnga/ /thal tres dang ni lcang ma dang/ /ha na sa pa ti zhes bya rnams/ /bing ra sogs 'dir snying phan/ /nyam chung rlung dang mkhris pa sel/ lus skem skran tshigs yan lag na/ dbugs mi bde dang lud pa lu /sel par byed pa'i sden pa yin
 zhes bya ba la/ bi da ni la sogs pa'i sde tshan 'di ni/ snying gi nad la phan zhing yid du 'ong pa dang/ /nyam brta zhing sha skyed pa dang/ /de bzhin du rlung dang mkhris pa la sogs pa sel bar byed pa dang/ lus skem zhing zad byed la sogs pa sel bar byed pa
 yin no/ /de la byi dang ri ni k+Shi ra bi da'o/ /e raN+Da ni ser lnga pa zhes bya'o/ /birSha ga ni oSh+Ta mad? ka'o/ /pur+Na rna ba ni pri shtsi ba'o/ /par+Ni gnyis ni mA sha par+Ni dang/ mutga? dbyi'o?/ byad sna lnga dang/ rtsa ba chung ngu lnga la/ 'tsho byed ces bya ba'i rtsa ba lnga la ni nye'u shing dang/ ram nye pa
 dang/ dzI ban+ti dang/ dzi ba ka dang/ zangs rtsi ba'o/ /rtsa ba chung ngu lnga ni sapta bar+NaM dang/ braM sna par+Ni dang/ bri ha tI dang/ kaN+Da kA ri dang/ gze ma'o/ /thal tres ni sha ri ba'o/ /han sa pa ti ni tri pa ti ste rkang gsum pa'o/ thal tres dang ni pu shel tse/ /ti bal dang ni nang? du
 ka/ tsan dan dkar dang dmar ba dang/ /shing mngar pa ru sha ka rnams/ /tshad pa mkhris pa khrag rgyas dang/ skom dang rims kyis btab pa sel/ zhes bya ba la/ thal tres la sogs pa'i sde tshan 'dis ni tshad pa la sogs pa sel cing 'joms par byed pa
 yin no/ /taM pa la ni kasmya? re'o/ /ma du ka ni ma du ka puShpa'o/ /pa ru sha ka ni mri du ba ba ste/ 'bras bu chung ngu 'joms pa zhig go/ shug pa puN+Da rI ka dang/ /bri sha?  red? cu gang dang/ sring+gi sla tros 'tsho byed bcu/ /nu zhe skyed byed rlung mkhris sel/ /nyam chung tshigs byed rtas
 byed la/ /'tsho byed ro tsa nyid du byed/ ces bya ba la/ shug pa la sogs pa'i sman gyi sde tshan no/ /nu zho skyed pa la sogs pa byed de/ /nu zhan bud med nu zho 'phel bar byed pa'o/ /de bzhin du rlung dang mkhris pa'i nad dang sel ba dang/ nyam chung pa rnams tshim par
 byed pas na tshim byed de/ /mdangs skyed pa'o/ /'phel zhing rgyas par byed sman btos par byed pa ste/ nyam stobs bskyed pa'o/ /'tsho bar byed pas na 'tsho byed do/ /ro tsa bar byed pas ni khu ba 'phel bar byed pa'o/ /shug pa na pad+ma ka ste/ ming gi rnam
 grangs gzhan du ma he ma pad+ma zhes bya ba'o/ /puN+Da rI ka ni pra puN+Da rI kla'o/ /bri ni sh+ra ba na shi ra'o/ rid+di? ni tu shi'o/ /cu gang ni baM sha ro tsa na'o/ /shi gi ni karka sriM gi'o/ /sle tres ni gu ru tsi'o/ /'tsho byed bcu ni dzA ban+ti ram nye nga la yogs pa lngar bshad pa
 rnams so/ /pa ru sha dang 'bras bu gsum/ /rgun 'bru dang ni katpa la/ /ka ta ka 'bras ra dza daM/ /se'u 'bru ba ra da ru rnams/ /skom dang tsha ba dang gcin sri dang/ rlung gi nang rnams sel byed yin/ zhes bya ba la/ ba ru sha la sogs pa'i sde tshan ni skom dang che ba dang/
 gcin sri ba'i nad dang/ rlung nad rnams sel cing 'joms pa yin no/ /rgun 'bru ni go rta na'i rgun 'bru'o/ /katpa la ni so ma ba la ka'o/ /ka ta ka'i 'bras bu ni shing ka ta ki'i 'bras bu'o/ /ra dza da na ni ra dza da na'o/ /se 'bru ni ne cod ga'o/ /bar da ru ni kha ra pa ta
 ste/ lo ma rtsub pa'i shing lo zhig go /any+dza na dang pha li ni/ /spang spos pad+ma utpa la/ /skyer baN+Da dang sug smel dang/ /shing dang ra nAg ge sar bcas/ /dug dang nang gi tsha ba dang/ /mkhris ba rgyas pa sel bar byed/ ces bya ba la/ any+dza na la sogs pa'i sde
 tshan ni/ dug dang nang gi tshig dang mkhris pa rgyas pa sel byed ba'o/ /de la any+dza na ni rnam pa gnyis te/ lig bu mig dang/ dngul rdo'o/ /pa li ni ni gand+ha pri yi ku'o/ /spang spos ni na lang 'o/ /utpa la ni rnam pa gnyis te/ sngon po dang dmar pa'o/ /pa to la dang pu ce
 shel/ tsan dan dkar po murba dang/ /sle tres skra ler bcas pa dag /bad kan mkhris ba mdze dang rims/ /dug dang skyug bre yi ga mchus/ /mig ser gyi ni nad rnams 'joms/ zhes bya ba la/ pa tol la sogs pa'i sde tshan 'dis ni/ bad kan dang mkhris pa la
 sogs pa 'joms par byed do/ /pu tse shel ni ka tu ka ro hi na'o/ /mu rga ni ma du swa ba'o/ /sle tres dang ni shug pa dang/ /ni ba 'u su'i 'bras bu dang/ /tsan dan dmar po zhes bya rnams/ /mkhris pa dang ni bad kan dang/ /rims nad skyug gro lus tsha dang//
 sgom dang che sel me drod bskyed/ ces bya ba la/ sle tres la sogs pa'i sde tshan 'di ni mkhris pa dang bad kan la sogs pa rnams sel bar byed la/ me'i drod skyed par byed do/ /dong ga la sogs pa'i sde tshan 'di ni/ slon dro ba la sogs pa nas gcin nad sma
 reng pa'i bar du sbyong zhing sel bar byed do/ /dong kha dang ni dug mo nyung/ /ka ka tigta pa ta li/ /niM pa sle tres durba dang/ /murpa pe taM ka ta dang/ ba tha gcig bsgribs sherya ka/ ka rany+dza gnyis pa to la/ /lo ma bdun pa kru trug tras/ /su sha bi dang po son cha/ /sa ha tsa ra
 zhes bya dang/ /rgya shug gi ni 'bras bu rnams/ /de ni slon bro mdze nad dang/ /dug dang rims dang bad kan dang/ g.yan pa dang ni gcin snyi dang/ /rma reng pa rnams spyod par byed/ /ces bya ba la/ dong ga la sogs pa'i sde tshan 'di ni slon bro ba la sogs pa nas
 gcin dang rma red pa'i bar du spyod shing sel bar byed do/ /dong ga ni sha mya ka'o/ /ka ka tig ni sha ri gaSh+Tha'o/ /pa Ta li ni kriSh+Na bri ta'o/ /murba ni ma dus ra'o/ /be tangka ta ni srung ba bi shi ste/ shing lo ma can zhig go /ci krigs ni kir tik+ta ste/ bu niM pa'o/ /sherya
 ka ni sa ha tsa ra'o/ /ka rany+dza gnyis las gcig ni pu ti na ka rany+dza ste/ ming gi rnam grangs gzhan yang tsi ri bilba zhes bya ba'o/ /ka rany+dza gnyis pa ni ming gi rnam grangs su nak+ta ma la zhes bya'o/ /lo ma bdun pa ni sapta bar+Na'o/ /kru trug tres ni tsi ta
 ka'o/ su sha li ni to yab li zhes bya'o/ /po son cha ni ma dang na la la'o/ /sa ha tsa ri na nI la puShpa ste/ me tog sngon po can zhig go /rgya shug pa'i 'bras bu ni gun+ta zhes bya'o/ /a sa na dang ti ni sha/ stag pa she ta ha dang/ /ka ra da dang seng ldeng dang/ /baN+Da
 dang ni shiM sha ba/ /a dza sring ga tshan dan gsum/ /dA la a dkar pa lA sha/ sA la kha ra pa tra dang/ /da ba ga lang+gi spra tog /tsha ba kar+Na bats+tsha ka/ tha rams zhes ni bya ba te/ /a sa na sogs de rnams kyis/ /sha bkra mdze nad bad kan dang/ /srin nad skya rbab gcin snying
 dang/ 'tsho ches nad ni sel bar byed/ ces bya ba la a sa na la sogs pa'i sde tshan 'di ni sha pa kra la sogs pa nas tshil ches pa'i bar gyi nad sel cing 'joms par byed pa yin no/ /de la a sa na ni pi ta pa
 la'o/ ti ni sha ni shing spang na'o/ /she ta ba ta ni ardzu na'o/ /ka dang ni seng ldeng dang 'dra ba la khu ba sngon po can no/ /binda ni shi ri sha'o/ /shiM sha pa ni kriSh+Ta sa ra'o/ /a dza sriM gi ni me sha sriM gi ste/ ra thug gi rwa 'dra ba'o/ /tsan dan gsum ni
 dkar po dang dmar po dang ser po'o/ /tal ni shing gi khyad par te d+h+ra dza zhes bya ba'o/ /a ka ru ni dzhong+ga ka'o/ /pa?  lA sha ni ki shu ka'o/ /sA la ni shing mthon po zhig go /kha ra ba dra ni shA ka zhes bya ba'i shing gi khyad par zhig go /b+ha ba na bri ha rta ru
 zhes bya ba'i shing chen po zhig go /ka lingka ni in+d+ra ya ba'o/ /spra tog ni bu ka'o/ /tsha ga kar+Na nir skyes kyi rna ba 'dra ba zhig do/ /tha rams ni la sha kar+Na'o ka rany+dza ni pra gi rgya'o/ /bar na sherya ka gnyis/ nya shing ni du mor ta balbi a dza sriM gi dang
 bri ha tAM ni rnam gnyis dang/ ga rany+dza gnyis dza ya gnyis/ shig kru ku sha ru rta'o/ /ba ra na sogs bad kan tshil/ /mo drod chung dang rlung nad 'khyims/ /klad pa na ba'i nad sel cing skran dang khong 'bras 'joms pa yin/ zhes bya ba la bar
 na la sogs pa'i sde tshan 'di ni/ /bad kan la sogs pa nas khong 'bras kyi bar du 'joms shing sel bar byed pa yin no/ /rlung nad 'khyims pa ni tshil gyis g.yogs pa'i rlung ngo/ /ba ra na ni shing ta ma la'o/ /sher? ka? gnyis ni/
 ser po dang dmar po'i mdag gis phyi ba'i sa ha tsar? gnyis so/ /mo ra Da ni glir mo ro dwa'o/ /ba lbi ni sh+ri pha la'o khra nya? tI rnam gnyis ni gri ha tI dang kaN+Da ka rI'o/ ka rany+dza gnyis ni su ti ka rany+dza dang/ nak+ta ma la'o/ /dza ya gnyis ri agni/ lan+tha? gnyis po/
 shi kru ni so so b+hany+dza na'o/ /ku sha ni de rba'o/ /ru rta ni ru dza ka ra'o/ /ru sha ka shing kun spangs na/ /rgyam tsha brag zhun nag tshur gnyis/ /gcin sri rde'us 'gags pa dang/ /skran dang tshil chos bad kan sel/ zhes bya ba la ru sha ka la sogs pa'i sde tshan 'di ni/
 gcin sri ba dang rde'us 'gags pa la sogs sel bar byed pa yin no/ /ru sha ka ni bri sha ka'o/ /spangs rla ni rnams gnyis te/ karpa dAM dang/ rma bya'i mgrin pa 'dra ba/ ma yU ra grI ba zhes bya ba'o/ /rgyam tsha ni tsha mchog go/ /brag zhun ni shi la dza
 tu'o/ nag tshur gnyis las gcig ni/ pi su ki pa sa zhes bya ba sa rul 'dra ba'o/ /gnyis pa ni puShpa ka si pa zhes bya ba'o/ /be lan+ta ra A ra ni/ /spra tog bri sha sru sru'i rtsa/ /yi ka ta dang ze ma dang/ /saha tsa ra bA na dang/ kA sha brik+Sha da ni dang/
 'dam bu ku sha rnams gnyis dang/ kun+ta dang ni kha sral dang/ bal+lu ka dang mo ra ta/ ku ru dra dang ka tam+ba/ /lcam pa zhes bya'i sman sde 'di/ be lan+ta ra la sogs pa/ /rlung las gyur ba'i nad 'joms shing/ rde'u rde'u phre'u yod/ /gcin sri ba yi nad
 rnams sel/ zhes bya ba la pe lan+ta ra la sogs pa'i sde tshan 'di ni rlung las gyur cing rlung las skyes pa'i nad rnams 'joms pa dang/ chu so'i rde'u la sogs pa sel cing 'joms so/ /de la rde'u'i phre'u ni rlung gis khrag skams las dum bur byar pa la
 rde'u'i phre'u zhes bya'o/ /gcin sri ba ni gcin nad kyi nad gzhi las bshad pa'o/ /be lan ta ra ni bir ta ra'o/ /a ra ni ni agni man+tha'o/ /spra? tog ni i shwa re mal ka 'am/ bu ga zhes bya ba me tog sbom po can no/ /bri sha ni bA shi ka'o/ /sru sru'i rtsa ba ni a smra
 ba de'o/ /i ka Ta ni su gu pa dra'o/ /sa ha tsa ri ni sa ha tsa ??? ni sa ha tsa ra gnyis pa steng mar po'o/ /kA sha ni she ta tsi mar te/ me tog rnga yab lta bu yod pa'i 'jig pa'i rigs so/ /prik+Sha di na banda ka zhes bya ba shing las shing gi nang kyi shing lo phre'u gzhan
 skyes pa'o/ /'dam bu ni na la ste dang khong stong ngo/ /ku sha rnam gnyis ni/ 'jag ma sbom po dang 'phra mo'i dbye bas phye ba'o/ /gun+tha ni rtsa ba bca' sgra 'dra ba yod pa'o/ /kha sal ni gun+d+ra? sde ka ba ka chu'o/ /b+ha lu ka ni po na ka'o/ /
 mor ta ni mu rung+ga'o/ /ku ru dra ni shi ti ba ra ka'o/ /ka tam+ba ni agni man+tha'i mchog go /lcam pa ni partha'o/ /seng phrom sha pa ra ra dro/ /pa la sha dang dziny+dzi ni/ /thang shing kang pa la rasna/ /ka dam+ba dang chu shing dang/ /e la ba lu ashi ka pa ri sa la
 mo tsa ka/ 'di ni seng phrom sogs zhes bya/ /tshil ches bad kan sel ba'i sde/ /mngal nad 'joms shing 'khru ba bcod/ /mdog bzang dus nad sel byed yin/ zhes bya ba la seng khrom la sogs pa'i sde tshan 'di ni tshal ches pa dang/ bad kan gyi nad sel ba
 dang/ mngal gyi nag 'joms shing 'khru ba bcod pa'i dang tshul can dang/ mdog bzang zhing bzang bar byed pa dang/ de bzhin dug sel bar byed pa yin no/ /de la seng phrom zhes bya ba ro rda la rnam pa gnyis yod de/ gcig ni pa Ti ka ro dra'o/ /gnyis pa
 ba ni sha pa ra ro dra'o/ /bA la sha ni kaM shu ka'o/ /dzrAn+dza na ni gu Da many+dza ri ste yal ga dang ra ba zhig go /thang shing ni nis pa ral sta shing dang cang zhes bya ba'o/ /? sna ni yuk+ta'o/ /kA dam+ba ni pa sartha da na pa'o/ /chu shing ni ram pa ste nang stong pa'o/ /e ba ba lu ka ni ha
 ri ba lu ka ste/ ming gzhan mang e le ya'o/ /a sha kra ni shing mya ngan med do/ /pa ri sa la ni ku Dan+na Ta'o/ /mo tsa ni sa la ka'o/ /a rga dang ni la rka/ nA ga dan+ti ba sha lya/ /ga bra sasna bri shi kA la/ /a ba marga ka rany+dza/ ka kA da na ka rany+dza/ /gir+Ni gar gnyis
 ing+ga dang/ /arka la sogs sde tshan 'di/ /bde ba/ /cil ches dug rnams sel/ /srin nang dang ni mdze nad sel/ /khyad par du ni rma la phan/ zhes bya ba la karka la sogs pa'i sde tshan 'di ni bad kan dang tshil ches pa dang/ dug rnams sel bar
 byed pa dang/ de bzhin du srin bu dang mdze nad 'joms pa'i byed pa dang/ khyad par rab mchog tu rma la phan zhing spyod bar byed pa yin no/ /arka ni rtag tu me tog 'byung ba mig gi rnam grangs su ru se ka zhes bya ba'o/ /a la rka ni she ta ku su ma ste/ me
 tog dkar po yod pa'o/ /nA ga dan+ti ni she ra gand+ha ste/ me tog gaM dkar po dril bu lta bu yod pa'o/ /bi sha lya ni li ga la ste gshol lta bu'o/ /ga bra ni bargi'o/ /bri shi ka li ni oSh+Ta du ma'o/ /ming gzhan na sarwa daSh+Ti ka zhes bya'o/ /a pa marga ni pra tyakpuShpa'o/ /ka
 rany+dza ni pra kirya'o/ /ka kA nga ni ni pi ta te la'o/ /ka rany+dza pa ni ka rany+dza dkar po ste/ ming gi rnam grangs gzhan yang nagta ma la zhes bya'o/ /gi ri kar+Ni gnyis las gcig ni ki ni hi gi ri kar+Ni zhes bya ba'o/ /gnyis pa ni ka te bi zhes bya ba'i gi ri kar+Ni ka dkar po che ba'o//
 slob dpon gzhan dag ni gi ri kar+Ni gnyis pa ku ma ri zhes bya ba yin no/ /zhes zer ro/ /iM gu ta ni dka' thub pa'i shing ngo/ /bye'u rug rnam gnyis ku thar/ /ka la mA la bi TAM ga /kha ra pa dra katpa la/ /bri Sha kar+Na ka shutDi/ /ske tshe ka bidtha'i lo ma/ /ga bra mon sne'u ka
 mu ka/ rkeng dmar bi sha luSh+Ti dang/ /b+hu srin dang 'dab ma po'o/ /bye'u rug pa la sogs pa'i sde/ /bad kan chil ches srin nad sel/ /cham pa yig mchus lud pa/ /dbugs mi bde 'joms rma dang spyod/ zhes bya ba la bye'u rug la sogs pa'i sde tshan 'di ni bad
 kan dang chil ches pa dang srin nad sel cing 'dzoms par byed pa dang/ de bzhin du cham pa la sogs pa 'joms pa dang/ rma red pa sbyong zhing dag par byed pa yin no/ /bye'u rug pa rnam pa gnyis po ni ser po dang nag po'i dbye bas phye ba'o/ /ku ther ni phan dza'o/ /
 ka le ma la ni ku the ra nag po'o/ /bi DAM ga ni 'bu 'joms par byed pa'o/ /kha ra ba dra ni kha ra su ra'o/ /b+hiSha kar+Ni ni mu pa kar+Ni ste byi ba'i rna ba'ang ba'o/ /ka shundi ka pha marda ste/ ming gi rnam grangs rA dza k+Sha pa zhes bya ba me tog ser po yod pa zhig go /ka
 'di tha lo ma ni jid pa'o/ /mon sran sne'u de me ru ni ka ka ma tse'o/ /ka mu ka ni na thi kan+tha ste/ ming gi rnam par gzhan yang muk+ta ka zhes bya'o/ /rkang dmar ni a laM bu pa'o/ /bi sha muShpi ni ke sha muShtha'o/ /b+hu brin ni gu hya bi tsa ka ste
 sa bon mi mngon pa'o/ /'bam po ni 'bu ta ka shi'o/ /luska ka dang snu ha dang/ /'bras bu gsum dang tsi traka /pa la sha dang d+ha pa dang/ /shiM sha pa zhes bya ba rnams/ /skran dang gcin na rde'u chags/ skya rbab dang ni chil ches nad/ /bad kan rgyab dang
 khu ba yid/ /nad rnams sel bar byed pa yin/ zhes bya ba la muska ka la sogs pa'i sde tshan 'di ni skran la sogs pa nas huM pa'i nad kyi bar du sel cing 'joms par byed pa yin no/ /de la muska ka ni shing moska ka zhes bya ba'o/ /snu ha ni su da
 ste sh+ri khaN+Da'i shing ngo/ /pa la shin pra marta ru'o/ /d+ha ba ni shi pra ba zhig go/ shiM sha pa ni ming gi rnam pa mand+ha la patra zhes bya ba lo ma zlum pa zhig go /dug mo nyung dang murda dang/ /bargi dang ni pu tse shel/ /na la sham dang bong nga ba kar/ /cho sgo sug smel ba tha
 dang/ yungs kar zir a ra lud/ /ab mtho bo son cha/ /shu dag zir nag po dang/ /shing kun dang ni bri TA ga/ ba shu gand+ha tsha ba lA/ /rlung dang bad kan chil chos dang/ /cham pa skan dang rims dang gzer/ /gzhang 'brum gyi ni nad rnams sel/ zhes
 bya ba la dug mo nyung la sogs pa'i sde tshan du gtogs pa 'di ni rlung nad dang bad kan la sogs pa gzhang 'brum gyi nad 'dzoms shing sel bar byed pa yin no/ /dug mo nyung ni ming gi rnam grangs pat+tsa ka zhes bya ba'o/ /chu sgog ni gang di ra'o
 a ru ka la ka ni kra dAng ka ste ma ha rnam pa'o/ /shu dag ni tshigs drug go /pha shu gand+ha ni tra ti ? yu ra'o/ /tsha ba lnga ni pi pi ling sha pi po ling gi rtsa ba dang/ dbyi mod dang/ ci tra ka'ang/ bca' sga'o/ /shu dag gla sgang thang shing dang/ /dong gra bo dang a
 ru ra/ ser po gnyis dang shing mngar dang/ /bri sNa par+Ni dug mu nyung/ /shu dag yung pa la sogs te/ khe'u sna bas tshad pas 'khru smin gcod/ /chil ches bad kan rgyas rlung 'khyil/ /nu ma'i nang rnams sel bar byed/ ces bya ba la/ shu dag la sogs pa sde tshan
 'di ni/ be'u snabs dang/ tshad pas 'khru ba smin par byed pa dang/ tshil ches pa dang/ bad kan rgyas pa la sogs pa sel bar byed do/ /sman rnams ni go bar zad do/ /pri yaM ku dang ra gan dung/ /lig bu mig dang stang zil dang/ /lcum rtsa pad+ma ge sar
 dang/ btsong dang ya ba she ka dang/ /shalma li da de'i khu ba/ /sa lang+ga dang lu na ma/ /tsan dan de ta ki'i me tog /am+ba shtha dang shing mngar dang/ /na maska ra tu ni shing rgya skyegs shing dang kha tsur/ gos khrol bil rkang ra ta ki/ pad+ma'i ge sar ka twa dag /pri yaM a
 maSh+Tha ste gnyis/ /zhu ba'i tshad par 'khru ba sel/ /'byor byed mkhris pa dag la phan/ /rma yang 'tsho bar byed pa yin/ zhes bya ba la/ bri yaM ku dang yo paSh+Tha'i sdze chan 'di gnyis ni/ zhu ba'i tshad par 'khru ba sel ba ste/ ma zhu ba'i be snabs med pa'i 'khru
 ba 'joms par byed pa dang/ de bzhin du 'byor par byed pa ste/ rma 'byor ba tshad pas 'khru ba gcod pa dang/ mkhris pa la phan zhing bde bar byed pa dang/ de bzhin du rma yang 'tsho ba cing 'byor pa la phan par byed pa yin no/ /de la pri yaM ku ni ganda pri
 yi bste/ de'i me tog lcam rtsa ni pad+ma tsa ri'o/ /pad+ma ge sar ni sang ma kany+dzi sra ka'o/ /btsod ni mi dziSh+Tha'o/ /ma pa sha ka ni a nan+ta'o/ /shalma li ni laM dru ma'o/ /de'i khu ba ni shalma li'i khu ba ste/ de la mo tsa ra sa zhes kyang bya'o/ /sa maM ga naM na maska ra ra dang
 rak+ta mu la zhes bya ba rtse pa dngar ba'o/ /su nA ma ning ragta ge sar ro/ /ta ta ki ni mang he tu ste chang rtsi'o/ /aM paShtha ni ba hu lu li ka ste rtsa ba mang ba'o/ /de maska ri nis maM ga'o/ /tu ni shing ni na ndi brik+Sha'o/ /kats+tshur ni pha ni ha ri zhes bya ba 'ang ba ma phra ba nis
 go ka ti ga ni ga ru la ka'o/ /gla sgaM shu dag kru trug bres/ /ser po gnyis dang kha ba gnyis/ /go bye ba na 'bras bu gsum/ /bong dkar nag ru rta dang/ /sug smel dang ni shu dag rnams/ /nu zho mngal nang dri ma sel/ /zhes bya ba
 la/ gla sgang la sogs pa'o sde tshan nu byas pa ni nu zho 'o nang de bud med kyi nu zho'i skyon dang/ de bzhin du mngal gyi nad rnams dang dri ma ste phyin dang/ bshang gci la sogs pa'i nad smin cing sel bar byed pa yin no/ /kha ba gnyis las gcig
 ne'u tse shel lo/ /gnyis pa na ka ka ti k+ta'o/ /gzhan ni gro bar zad do/ /n+ya gro d+ha dang a shwat+tha/ /u dum+ba ra seng phrom gnyis/ /dzam bu gnyis dang ardzu na/ /ka pi ta na katdza la/ /plak+Sha a mra lcang ma dang/ /sil sha dang pa lA sha/ nandi rgya shug ka dam
 pa/ pi dang shing mngar ma brtu ka/ n+ya gro d+ha sogs sde tshan ni/ /rma 'tsho 'khru gcod chags grugs 'byor/ /tshil ches khrag mkhris skrom dang che/ /mjal gyi nad rnams sel ba yin/ zhes bya ba la/ n+ya gro d+ha la sogs pa'i sde tshan 'di ni rma 'tsho
 zhing myang ba byed pa dang/ 'khru ba gcod pa dang/ rkang lag gi chag grugs 'byor par byed pa dang/ tshil ches pa dang/ khrag mkhris la sogs pa'i nad rnams sel ba yin no/ /n+ya gro d+ha ni shi ba rte'o/ /a shwat+tha ni yi pa la'o/ /u dum+bA ra ni sa dang
 pha la'o/ /'dzam+bu gnyis la/ gcig ni ra ca dzam bu ste/ 'brus chu che ba zhig go /gnyis pa ni ka kA dzam bu ste/ 'bras bu chung ba'o/ /ardzu na ni ka ku pa'o/ /ka pi na ni pa ra ra'o/ /katpa la ni so ma balka'o/ /blagSha ni garda khaN+Da'o/ /a mri ni tsa ta'o//
 lcang ma ni pany+dzru pa'o/ /si yal ni kha re skan da'o/ /sal sha ni ki shu ka'o/ /shing nargi ni tu ni shing ngo/ /rgya shug ni ba dar 'o/ /khi ri la ni ti? du khaM 'o/ /gzhan dag na re 'dir dga' na kha yin no zhes rdzar ro/ /ma du ka ni ma ru du Shpa'o/ /o 'o
 gnyis dang du ruska/ /ru rta gand+ha pri yaM ku/ /spang spos pa la bya ma ka spri ka tsor tso tsa dang/ /shing tsha gand+ha pa tra dang/ /rgya spos po las+tho ne yang/ /rgya mtsho'i lpu ba chu srin sen/ /thang shing dang ni a ga ru/ /gur gum sri pas ga dang/ /tsan dan gu gul tse sogs dkar
 su na ma dang kun+tu ru/ /nag ge sar zhes bya'o/ /me la sogs te rlung bad kan/ /dug rnams sel cing mdog gsal byed/ /g.yon pa thor bu'i nad rnams dang/ /sha bkra pas ldags sel bar byed/ ces bya ba la/ e la la sogs pa'i ste tshan 'di
 ni rlung dang bad kan dang dug rnams sel bar byed pa dang/ de bzhin du mdog gsal zhing dang bar byed pa dang/ g.yon pa la sogs pa sel bar byed pa yin no/ /e la gnyis ni sug smel zhes bya ba e la phra mo dang/ e la sbom po'o/ /tu ru Sh+ka ni bi lha ras
 pa'o/ gand+ha pri yi ku ni pha la ni'o/ /ba la ka ni dza la'o/ /byam ka ni da ba dakb+ha ba'o/ /spring ka ni de bi la ta ste 'bu sug hwang ngo/ /tso ra ka ni kan+tha wa na ste tso rong ro/ /tso tsa ni tA tsa'o/ /rgya spos ni ta ga tu ste/ ming gi rnam grangs na ta zhes bya'o/ /bo la ni dza ti ra sa'o/ /s+tho ne ya
 na tE la ma ti ka'o/ /rgya mtsho'i lbu ba ni byi na bye ga na kha ste/ sa mut+ta dza zhes kyang bya'o/ shi ri bA sa ni shi ri be ta ka ste thang shing ring po'i thang chu'o/ /tsan dan ni bi shu ma'o/ /gu gul ni ma hi sha ksha'o/ pog dkar po ni sardza ra sa ste lta ri spos zhes kyang bya'o//
 su na ma ni rak+ta/ ke pa nga'o/ /kun tu ru ni kha su ra'o/ /shA ma danpe dra bin+ta ku ta ra na kra mu ka/ shi li ni dang sa tha la/ khron bu dang ni a bA k+Sha/ shi li ni dang sa thal/ khron bu dang ni a bAksha/ /su nga khyi ra kam+bi lya/ sle tres dong ka ka nany+dza/ /bashTa anpa shi kru dang/ /a mra shi bor tsha'i 'bras bu/ /dur bid la sogs sde
 tshan 'di/ /skran dang dug dang yi ga mchus/ /gad kan dang ni snying nad dang/ /gcin sri ba yi nad de rnams 'joms zhes bya ba la b+ha ma la sogs pa'i sde tshan 'di ni/ skran la sogs pa'i nad rnams 'joms shing sel bar byed pa yin no/ /de la sha lya ni dur
 byid kyi bye brag ste/ ba lin+ti zhes bya'o/ /dan+ti ni ku mu la'o/ /dra ban+ti ni mu sha kar+Na'o/ /ku ta ra na ni ti pi ta ste/ durbid cig shos so kra mu ka ni gla gor zho sha'o/ /shang+ga ni ya ba tik+ta'o/ /sA ta la ni tsarma sa dang zhes bya'o/ /khron bu ni tik+ta du gd+hi ka ste/
 'o ma kha bro ba yod pa'o/ /ga bik+Sha ni bi sha la'o/ /su dak+Shi ra ni su da'o/ /kaM pi lya ni ra dza nA ga'o/ /ka rany+dza ni pu ti ka rany+dza 'o/ /ba sha yan+ta ni bi sha gand+hi'o/ /shi ku ni ba ha la'o/ /shi ro tsha ba ni pi lu ste de'i 'bras bu'o/ /de ltar sum cu rtsa gsum bshad/ /
 sde tshan de dag ma rnyed na/ /de dang cha mtshungs gzhan yang sbyar/ /mi 'dra'i sbyor ba spang bar bya/ /de ltar zhes bya ba'i sgra ni rdzogs pa'i don nam rnam pa'i don no/ /de la rdzogs pa ni sde tshan sum cu rtsa gsum rdzogs pa'o/ /rnam pa'i don ni rnam pa 'dis sde tshan
 sum cu rtsa gsum yin gyi/ yang rnam pa gzhan du na sman gyi dbye ba las bltos na/ sde tshan mdza' yas pa yin no/ /de dag las sbyor ba dang rjes su mthun pa gang dang gang yin pa gzhan de dang de dag ma smos su zin kyang gzhug par bya la/ gang gzhan
 sbyor ba dang mi mthun pa de dag ni smos su zin kyang gdon par bya'o/ /de bzhin du sde tshan yang gzhan dag dang gcig tu tshul mthun par phan tshun bsres la sbyar bar bya ste/ de ltar na sde tshan mdza' yas pa yin no/ /de ltar sde tshan sum cu rtsa gsum du
 bshad pa'i sde tshan de dag las kyang de nyid de dang 'dra ba gzhan dag rnyed na sbyar bar bya la/ de ma rnyed na rdzas gzhan dag de dang mtshungs pa ste/ ro dang nus pa dang/ 'ju ba'i tshul de dag mnyam pa'i sman gzhan dag spyod zhing bsre bar bya'o/ /ci
 'dir bya ba bstan pa ni 'di tsam kho nar zad dam/ 'on te der bya ba gzhan 'ga' zhig kyang yod ce na/ de'i phyir smras pa ni/ mi 'dra'i sbyor ba spang bar bya ba yin te/ rdzas gang sbyor ba dang mi mthun zhing cha ma 'dra ba ste/ spangs shing dor bar bya'o//
 sde tshan de dag gnod dang gnod bya sogs bltos te/ /cho ga bskol dang snum dang bsdams pa la sogs ldan/ /btung dang sna gtong mas gtong yang na phyi rol tu/ /bsku zhing byugs pas shin tu gso dka' i nad kun 'joms/ zhes bya ba la/
 don gyi shugs kyis nad la sogs pa la bltos pa ste/ sbyor ba dang rjes su mthun zhing cha 'dra ba ni gzhug par bya'o/ /zhes ston pa yin no/ /de bas na nad la sogs pa la bltos pas sde tshan ma lus pa gso bar rtog pa'i nad rab tu zhi bar bya ba'i
 phyir sman sbyin par bya la/ gal te sde tshan gyi sman ma lus pa rnyed na kun sbyin par bya'o/ /gal te ma rnyed na de las sman gcig gam gnyis sam gsum mam bzhi 'am lnga 'am mang po 'am/ ji tsam 'byor ba sbyin par bya'i 'dir sde tshan las smos pa'i
 sman ma lus pa med du mi rung ba ni ma yin no/ /de yang sman dpyad kyi gzhung gzhan las nad kyi dbye ba la bltas te/ phan pa'i sde tshan sbyar bya ba/ /re re 'am bsres pa ma lus pa/ /sde tshan so sor bsdu bar bya zhes smos pa yin no// //yan lag brgyad pa'i
 snying po bsdus pa'i rnam par 'grel ba tshig gi don gyi zla zer zhes bya ba/ slob dpon zla ba la dga' bas rnam par sbyar ba las le'u bco lnga pa'i rnam par 'grel pa'o// //de nas snam gyi cho ga dpyad par bya ba'i le'u bshad par bya'o/ zhes bya ba la/ spyad pa
 la sogs pa'i sman gyi sde tshan gyi rjes la/ snum gyi cho ga bya ba'i le'u brtsams pa ni gang gi phyir skyug sman la sogs par sbyor ba na/ snum dang dugs ma byas na slar gnod par 'gyur pas/ de'i 'og tu 'di bshad pa yin no/ /de la snum ni zhu mar dang
 til mar dang/ tshil dang rkang la sogs pa'o/ /de'i cho ga ni bya ba'i las kyi cho ga ste/ de le'u gang du bshad pa de'i sman gyi cho ga dbye ba'i le'u ste/ de la bshad par bya'o zhes pa'o/ /snum byed sman rnam phal cher ni/ /lci zhing bsil la khong 'khru snum//
 rtul dang 'phra la mnyen zhing rlan/ /de las bzlog pa rtsub byed yin/ /zhes bya ba'i phyir bstan pa 'di ni gzhung rtsom par byed pas/ rtsub par byed pa'i sman rnams kyi mtshan nyid mdor bsdus nas bshad pa yin no/ /sman
 gang ci yang rung ba lci ba la sogs pa'i yon tan dang ldan pa de dag ni snum par byed pa dang ldan pa de ni yin la/ yon tan de las go bzlog pa yang ba dang dro ba dang/ bshang ba sri ba dang rtsub pa dang/ rno ba dang sbom po dang sra ba dang/ skam pa'i yon tan dang
 ldan pa de ni rtsub par byed pa yin no/ /phal cher zhem smos pa ni snum par byed pa dang/ rtsub par byed pa gnyis ka la yang sbyar bar bya ste/ de la go rim 'chol pa dag kyang yod par bstan pa'i phyir ro/ /de yang dper na ra'i 'o ma ni yang nas yang du snum
 par byed pa yin no/ /de bzhin du til mar ni snum par byed pa yin no/ /de bzhin du mon sram dkar po ni/ lci ba'i yon tan dang ldan yang rtsub par byed pa yin no/ /zhun mar rkang dang tshil til mar/ /snum rnams kyi ni mchog rab 'dod/ /ces bya ba la/
 zhun mar la sogs pa bzhi pa ni/ snum thams cad kyi nang nas mchog rab bam/ btso bo yin par sman pa mkhas pa rnams 'dod de/ rang gi las myur du sgrub par byed pa yin pa'i phyir ro/ /de dag las kyang zhun mar ni/ /sbyor rjes 'jug pas
 mchog yin no/ /zhes bya ba la/ bzhi po de dag gi nang nas kyang zhun mar ni mchog yin te/ ci'i phyir zhe na/ sbyor rjes 'jug pa zhes bya ba ste/ sman dag dang sbyar ba de'i rjes su 'jug cing mthun pas de'i phyir zhun mar ni snum thams cad kyi
 mchog yin gyi til mar ni ma yin no/ /de yang rgyu mnyam du zin kyang zhun mar ni bu ram la sogs pa rdzas kyi yon tan dro ba yod pa dang sbyar du zin kyang/ /rang gi mtshan nyid kyi bsil ba mdor bstan pas sbyor ba'i sman gyi rjes su mthun par
 'jug gi /til mar ni de lta ma yin te/ de ni tsan dan la sogs pa sman gyi nus mthu bsil ba dang ldan par sbyar na yang/ rang gi yon tan dro ba de rnams thams cad du mdor bar mi 'gyur la/ de mi 'dor pas na khrag
 dang mkhris pa dang/ me dbal la sogs pa la yang gnod par byed pa yin no/ /de dag sngon bzhin mkhris pa sel/ /phyi ma bzhin du cig shos sel/ zhes bya ba la/ snum snga ma gang yin pa ni/ sngon bzhin zhes bya ba la/ gang zhig la gang las
 'og mar gyur pa ni phyi ma bzhin zhes bya ste/ phyi ma la bltos pa ni snga ma yin la/ snga ma la ltos pa ni phyi ma yin no/ /de bas na 'di skad du/ bstan pa'i zhu mar la sogs pa'i snum bzhi po de dag las/ tshil dang rkang mar zhun mar zhes bya ba ni sngon zhin zhes bya
 ba'i til mar zhes bya ba'i snum ni ma yin te/ de las gong mar gyur pa med pa'i phyir dang/ 'di la gang zhig la bltos nas snga mas bdag nyid sgrub pa'i phyir phyi ma yang yod pa ma yin pa'i phyir ro/ /de bzhin du snum bzhi po de dag las rkang
 dang tshil dang til mar zhes bya ba la snum gsum po kho na phyi ma bzhi dang sbyar te/ zhun mar zhes bya ba'i snum la phyi ma yod pa ma yin te/ 'di la bdag nyid phyi mar bsgrub pa'i snga ma'ang yod pa ma yin pa'i phyir ro/ /de bas na snga ma bzhin du
 mkhris pa sel ba yin pas tshil dang rkang dang zhun mar mkhris pa sel bar byed pa yin no/ /de las kyang tshil ni mkhris pa sel bar byed pa'o/ /rkang ni rab tu mkhris pa sel bar byed pa'o/ /zhun mar ni rab mchog mkhris pa sel bar byed
 pa'o/ phyi ma bzhin du cig shos sel ces bya ba nas/ cig shos ni rlung dang bad kan gnyis te/ de dag snum gsum po rkang dang tshil dang til mar gyis rim bzhin sel bar byed pa yin te/ rkang ni rlung bad kan sel bar byed pa yin no/ /tshil
 ? ni rlung dang bad kan rab tu sel ba'o/ /til mar ni rlung dang bad kan rab mchog tu sel bar byed pa yin no/ /mar bas til mar lci de bas/ /tshil de tshil bas rkang lci'o/ /zhes bya ba ni/ 'di dag gi 'ju
 dka' ba'i rim pa yin te/ de yang mtho btsun dpal 'phel gyis byas pa'i gces pa btus pa las/ zhun mar bas ni til mar lci ba yin la/ til bas ni tshil lci zhing 'ju dka' ba yin no/ /tshil pas ni rkang 'ju dka' ba yin no zhes
 bshad do/ /snum rnams kyi ming dang ming can gyi 'brel pa bstan par bya ba'i smras pa ni/ de las gnyis dang gsum dang bzhi/ /zung dang gsum pa zhes bya'o zhes bya ba yin te/ snum gnyis po mar dang til mar ni zung zhes bya ba'i snum yin no/ /zhun mar
 dang til mar dang/ tshil gsum ni gsum pa zhes bya'o/ /de gsum rkang dang bcas pa bzhi ni chen po zhes bya'o/ /dugs bya sbyad dang chang bud med/ /rtsol chags sems las che ba dang/ /rgan po byis pa stobs chung sbeg /rtsub dang khrag dang khu ba zad//
 rlung nad kyis nyen rab rib dang/ /shin tu dbye dka' la snum bya zhes bya ba la/ dugs bya bar 'os pa ni dugs bya ba'o/ /legs par sbyang bar 'os pa ni sbyang bar bya'o/ /chang dang bud med dang rtsol ba rnams la chags pa dang/ de bzhin du sems las
 che ba dang/ rgan po dang byis pa dang/ stobs chung ba dang/ sgeg pa dang/ rtsub pa dang/ gang khrag dang khu ba zad pa dang/ de bzhin du rlung nad kyis rab tu nyen zhing gdungs pa dang/ de bzhin du yang rlung las rab rib dang/ mig nad shin tu
 dbye dka' zhing/ mig dka' bas dbye dgos pa gang yin pa ste/ de dag la snum gyi las bya'o/ /shin tu drod chung rab drod che/ /shin tu sbom dang rid pa dang/ /brla rengs tshad 'khru ma zhu dang/ /lkog nad dbyig dug dmu rdzings dang/ /brgyal lkugs
 bad kan yi ga 'chus/ /skom dang chang nad kyis nyen dang/ /dus min bu skyes sna sman dang/ /mas btang bkrus sman byas la min/ zhes bya ba ni/ shin tu drod chung ba la sogs pa la snum gyi cho ga mi bya'o/ /zhes bya bar sbyar ro/ /de la drod shin tu che ba la snum gyi cho ga byas
 na me drod shin tu 'phel drags par 'gyur ro/ /shin tu sbom pa la yang me drod dang tshil chen 'phel bar 'gyur ro/ /ring pas ni 'ju mi nus par 'gyur ro/ /brla rengs la sogs pas ni nyen pa zhes bya bar sbyar te/ des na brla rengs pas nyen pa dang tshad par 'khru bas nyen pa dang tshad
 nad kyis nyen pa'i bar du'o des na 'dir sbyor ba'i skabs yin du zin kyang/ snum gyi cho ga ma byas par sbyang ba'i cho ga bya'o/ zhes ston pa yin no/ /dus ma yin par bu skyes pa yang snum gyi cho ga mi bya ste/ zla ba ma tshang par du skyes pa la yang snum gyi
 cho ga mi bya'o/ /de bzhin du sna sman la sogs pa las gsum po byas pa'i skabs su yang snum bcos kyi cho ga mi bya'o/ /de la blo dran yid gzhungs sogs/ /'dod pa rnams la zhun mar bsngags/ shes bya ba ni/ de la snum rnams kyi nang nas blo gros la sogs
 pa 'dod cing don du gnyer ba'i skyes bus snum bsten pa'i skabs la bab pas na/ zhun mar btung ba bsngags shing 'dod par bya ba yin te/ de'i nus pa de lta bu yin pa'i phyir ro/ /de la blo ni blo gros so/ /dran pa ni sngon nyams su myong ba dran pa'o/ /yid gzhungs
 pa ni shes pa ste/ gzhung 'dzin par nus pa dang ldan pa'o/ /sogs pa'i sgras ni skad gdangs dang tshe dang mdog la sogs pa bsdu'o/ /rmen bu bad kan srin bu dang/ /tshil ches rlung nad yod pa dang/ /lus yang mkhrang 'dod ltos su ba'i lus can rnams
 la til mar phan/ zhes bya ba la/ rtsa nad la sogs pa'i nad rnams dang/ de bzhin du bad kan dang/ tshil ches pa dang/ rlung nad can gyi skyes bu dang/ de bzhin du lus yang bar 'dod pa dang/ mkhrang bar 'dod pa dang/ de bzhin du lto ba srab pa'i lus can
 rnams la til mar phan no/ zhes bya bar sbyar ro/ /rlung dang nyin mtshan lam bud med/ /khur dang rtsol bas lungs zad/ /rtsub nyon mongs bzod me drod rno/ /rtsa sgo rlung 'gags lhag ma phan/ zhes bya ba la/ rlung dang nyi tshan la sogs
 pas lus zad par 'gyur ba'i skyes bu gang yin pa dang/ de bzhin du lus rtsub pa la sogs pa la/ snum lhag ma rkang dang tshil bu gnyis phan zhing bsngags pa yin no/ /nyon mongs sod ces bya ba'i sgras/ /nyon mongs shing dka' ba bsten mi
 zos pas ni zhun mar dang til mar bsten par bya'o/ /zhes dgar pa yin no/ /me drod ni rno ba'i snum snga ma dag gis/ rkang dang tshil sbyin pa dang/ dgar ba'i tshig yin no/ /rlung gi rtsa sgo 'gags pa ni lus tshags kyi rtsa spubs kyi rgyun rnams
 rlung gis bkag par gyur pa'o/ /tshigs dang rus pa gnad rnams dang/ /lto na mes tshig rma byung lhu/ /mngal dang rna ba klad nad la/ /tshil yang mchog tu phan pa yin/ zhes bya ba la'ang tshil ni tshigs la sogs pa'i nad rnams la yang phra tshil phan
 no/ zhes bya bar sbyar la yang tshil mchog tu yang phan pa yin no/ /da ni dus gang gi tshe snum gang zhig btang ba bsngags pa bstan pa'i phyir smras pa ni/ til mar dbyar phan zhun mar ni/ /dbyar mdza' o de gzhan dpyid dag bsngags/ zhes bya ba la/ 'dir
 dbyar zhes smos kyang dbyar smos pa'i dus tshigs thog ma la bya ste/ des na dbyar zla 'bring po'o zhes bya ba'i skabs su sbyong ba byed na/ til mar bsngags pa yin no/ /dbyar kyi mdza' zhes smos kyang/ char 'bab pa'i mdza' rdzogs pa ston
 zla tha chung la bya la/ de'i tshe na snum bya ba'i don du zhun mar bsngags pa yin no/ /gzhan zhes bya ba rkang? dang tshil zhes bya ba'i snum ni dpyid zla 'bring po'i skabs su sbyong bar byed pa ni snum gyi sbyor ba la bsngags pa yin no/ /'di dag ni nad med pa 'am/ nad
 ba gang yang rung ba sbyong ba byed pa'i gnas skabs bya ba'i phyir gzhung 'di brtsams pa yin te/ nad med cing tha mal par gnas pa dag gis ji skad bshad pa'i dus tshigs kyis cho ga rjes dpyad zin kyang dus las byung ba'i nad bsags pa dag yod srid pas de'i 'og tu
 de las nad gzhi 'khrugs par 'gyur la/ nad 'khrugs pas nad 'byung bar 'gyur ba yin te/ de bas na tshe'i rig byed kyi de kho na shes pa'i drang srong rnams kyis rang rang gis byas pa'i rgyud so sor bde bar gnas pa dag gis sbyang ba dag bya ba nyid du
 bstan pa yin no/ /de bzhin du grang ba las byung ba'i nad bsags pa ni dpyid kyi tshe sbyang bar bya ba bshad pa 'dis cho ga lhag ma yod pa'i gzhung gis sbyar ba yin no/ /bkru sman la sogs pa'i sbyong ba rnams kyang snum dang dugs kyi cho ga bya ba sngon du 'gro bas
 bya ba yin gyi gzhan du ni ma yin no/ /de'i phyir grang ba las byung ba'i nad bsags pa ni dpyid kyi dus su gdon cing/ grang ba na snum dang dugs bya ba dang/ de'i tshe til mar bkag pa yin no/ /de bzhin du dbyar 'das pa na/ dbyar bsags pa'i nad 'byin pa
 ni dang por snum dang dugs nges par bya dgos la/ der yang snum thams cad kyis snum gyi cho ga byed de/ snum spyi yin pa'i phyir kun gyis byed pa dag srid mod kyi/ der gzhan gyis ma bya'i/ /zhun mar gyi snum gyi
 cho ga bya ste/ 'di ni nad med pa'i yul la byas pa'i nges pa yin no/ /nad pa'i gnas skabs sbyang bar byas pa gso ba'i nad kyis nyen pa la de til mar gyis gso dgos pa'i nad yin na/ /de dang mi 'tsham du zin kyang/ dbyar sbyang ba'i las byed pa na/ til mar nyid
 kyis snum gyi cho ga bya'o/ /snum gzhan gyis ni ma yin no/ /de bzhin du gzhan dag kyang nad kyi tshul dang sbyar te/ rang nyid kyi rjes su dpag par bya'o/ /'dir 'di ltar dbyar ni til mar btang ngo/ /dbyar gyi mdza' ni zhun mar btang ngo/ /dpyid ni zhag dang tshil bu
 btang ngo/ /zhes bya ba'i tshul gyi nges pa bzhag pa ni gzhan la yang cung zad bltos pa yin pas na de'i phyir smras pa ni/ thun mong dus la snum rnams ni/ /nyin mo nyi ma gsal tshe bsngags/ zhes bya ba yin te/ thun mong gi dus ?
 shin tu tsha ba dang grang ba ma yin pa'i gnas skabs bar mar snum gyi cho ga byed pa na/ de'i tshe sbyang ba'i sngon du til mar la sogs pa snum gyi cho ga 'di'i don du sbyong ba de yang nyin par bya'i/ mtshan mo ni ma yin no/ /de bzhin du nyi ma gsal ba ste/
 nam mkha' dri ma med cing sprin gyis nyi ma'i zer ma bsgribs pa'i tshe na bya ba yin no/ /de ltar na dus de rnams su nad bsags pa nges par 'joms pa'i cho ga bshad pa yin no/ /dbyar la sogs pa ma gtogs pa dus gzhan dag tu nad kyi dbang gis
 bsnyur? te bya dgos pa'i sbyar bas bya ba yin du zin kyang bya ba ma yin pa nyid du 'gyur te de nam mkha' ltar gang gi phyir de sbyong ba'i gong snum gyi cho ga bya dgos la/ de la yang snum gyi nges ba bshad pas na/ snum gzhan gyis dgos pa byed par mi
 nus pa de la ji ltar bya ba de bsten par bya ba smras pa ni/ rings la dgun yang til mar gtong/ /tsha ba'i dus su 'ang mar chen btang/ zhes bya ba la/ nad kyis gso ba rings thabs su bya dgos shing sbyang bas gso dgos pa'i nad la dgun bstod dgun smad
 kyi tshe yang sbyang pa'i don du til mar btang bar bya'o/ /yang zhes bya ba'i sgras ni til mar dbyar 'ba' zhig gi tshe btang bar ma zad do/ zhes nges par bzhag pa yin no/ /de bzhin du rings par gso dgos pa yin na/ gang gi tshe so ga'i tshe sbyang ba byed pa
 de'i tshe sbyang pa'i sngon du snum gyi cho ga btang ngo/ /yang zhes bya ba'i/ sgras ni dbyar gyi mdza' 'ba' zhig tu zhun mar btang bar ma zad kyi dus 'di'i tshe na yang btang ba yin no/ /snum thams cad nyin mo btang ba yin mod kyi/ mtshan mo yang rings
 thangs la btang tu rung ngo/ /mkhris ba rlung dang mkhris par bcas/ /ldan pa la yang mtshan mo nyid/ ces bya ba la/ tsha ba'i dus su mar snum gyi cho ga la sbyong ba'i sngar mtshan mo btang du rung bar nges pa 'ba' zhig tu ma zad kyi 'di yang nges pa yin te/ mkhris pa
 'khrugs pa'i nad dang/ de las byung ba'i nad dang/ de bzhin du rlung 'khrugs pa'i nad dang/ de las byung ba'i nad snum gyis gso bar bya ba la/ de zhi bar bya ba'i phyir tsha ba'i dus su sman dang sbyar ba 'am ma sbyar ba'i zhun mar sbyin par bya'o/ /nyin
 mo ma yin pa la til mar dang/ rkang dang tshil sbyin par mi bya'o/ /de bzhin du mkhris pa dang bcas pa'i ldan pa la'ang mtshan mo sbyin par bya ste/ de yang ldan pa gnyis po mkhris pa shas che ba'i rlung mkhris kyi ldan pa dang/ mkhris pa dang bad
 kan du ldan pa'i nang ldan pa 'am/ de las byung ba'i nad snum gyis gso bar bya la/ de zhi bar bya ba'i phyir zhun mar kho na mtshan mo btang bar bya'i til mar la sogs pa'i snum gzhan mi btang la/ nyin mo yang btang bar mi bya'o/ /mkhris pa dang rlung zhes
 smos pa 'dis ni nad kyi mtshan nyid nye bar mtshon pa'i don yin par shes par bya'o/ /mtshan mo las gzhan rlung bad kan/ /nyin par sbyar bas mkhris nad 'gyur/ zhes bya ba la/ 'di'i don ni 'di yin te/ zhun mar dang til mar gnyis kyis btang ba'i dus ji
 skad nges par bshad pa las dus cig shos su sbyin pa de gnyis rings pa'i las la gzhan du ster na skyon du 'gyur ro/ zhes bya ba'i don to/ /de'ang gang til mar nyin bar btang ba de gzhan du g+gang ba'i dus su zhun mar btang na rlung dang bad kan gyi nad du 'gyur ro
 de bzhin tsha ba'i dus su til mar nyin mo btang na mkhris pa'i nang du 'gyur ro/ /rkang dang tshil ni grang ba'i dus dang dro ba'i dus gnyi gar rings pa las byung ba dag la sbyad pa'i sngon du snum gyi cho ga bya bar gzhung rtsom pas ma bshad de/ de gnyis ni tsha ba dang
 bsil ba'i nus pa gnyi ga yod pas/ de la bsil ba'i yon tan 'ba' zhig med de/ gzhan la rag las pa yin pa'i phyir dang de bzhin du sha dang rjes su mthun pa yin no zhes bshad do/ /de yang sman dpyad kyi lung las/ sems
 can tsha grang ci 'dra ba/ /rkang tshil de dang 'dra bar bshad/ ces 'byung ba yin no/ /de ltar snum gyis btang ba'i dus gang dang gang yin pa nges par bshad nas/ da ni snum de ji ltar btang ba de bsten par bya ba'i phyir smras pa ni bza' sogs zas dang ma btang dang//
 sna nas btang bsku mkhur bkang dgo/ /mgo bsku rna mig dgang ba yi/ /snum ni rigs pas dpyad par bya/ zhes bya ba la/ snum rigs par bya ste gang dang de ltar dpyad par bya zhe na/ bza' sogs zas dang zhes bya ba la sogs pa ste/ 'bras khur la sogs pa tshong
 ma la sogs pa brlan bag med pa dang lhan cig bza' ba dang/ de bzhin du mas btang gsum po bkru sman drag po mas btang ba ni ru ha dang/ bkru sman 'jam po mas btang ba dang/ 'jam rtsi mas btang ba ste/ gsum dang sna nas btang ba dang/
 lus la bsku ba dang/ mkhur ba dgang zhing dbo ba dang/ rna ba dgang ba dang/ mig dgang ba ste/ 'di dag 'og nas bshad pa'i mtshan nyid can la rig pa zhes bya ba sbyor ba'i thabs tshad la sogs pa'i mtshan nyid dang ldan par dus kyis bya bas sa phyogs dang/ lus
 kyi tshad dang/ nad kyi tshul la dpags nas/ ran cing 'tsham par nye bar dpyad par bya'o/ /de bzhin du/ ri yi dbye bas re re yi/ /drug cu rtsa bzhir rnam par brtag /ces bya ba ste/ ri'i dbye ba re re dbri ba la sogs pa'i bzhung bstan pas/ drug cu rtsa gsum gyi grangs
 su tshar ba dang/ lhan cig snum sbyar ba dang/ de bzhin re re btang zhing phrad med par snum 'ba' zhig btang ba las/ drug cu rtsa bzhi rnam par brtag cing dpyad par bya'o/ /de ltar ro'i dbye ba re re las snum rnam par dpyad na drug cu rtsa bzhir 'gyur bar bshad
 na/ dags pa ci zhig gi phyir dpyad pa 'di bshad ce na/ de'i phyir rigs pa gnyis smras pa ni/ snum ni gzhan gyis zil gnon te/ chung ngu dgos pas rim pa bshad/ ces bya ba la/ snum ni nyung zhing chung du dgos pa'i phyir dang/ de bzhin du gzhan gyis zil
 gyis gnon cing zad la sogs pa mang pos zil gyis mnan pa dang/ de bzhin du ro'i dbye bas kyang zil gyis gnon te/ de ltar dgos pa'i snum de dang de/ zil gyis gnon pas na/ de'i phyir de rnams ni de'i rnam par brtag pa zhes bya'o/ /de bas na zhun mar 'ba' 
 zhig btung ba la ni rnam par dpyad mi dgos par bshad de/ de'i phyir smras pa ni/ ji skad bshad pa'i rgyu med pas/ /dangs ma rung la dpyad mi dgos/ /snum gyi las ni myur 'grub pas/ /snum de'i cho ga mchog yin no/ zhes bya ba la/ ji skad du bshad pa'i
 rgyus med pa ni sngar ji skad bstan pa'i rgyu med pa'i phyir dang/ mang du dgos pa'i phyir 'di la dpyad mi dgos la/ de bas na snum gyi cho ga dangs ma btung ba de lta bu de ni mchog yin te/ rnam par dpyad dgos pa las khyad par yod pa'i phyir ro/ /ci'i
 phyir zhe na/ snum gyi las ni myur 'grub pa/ zhes bya ba yin te/ snum gyi bya ba myur zhing rings ba rdzogs par byed cing snum gyi gso ba'i nad bzhi par byed pa yin pas na mchog yin no/ /dangs ma btung ba de snum gyi cho gar gtod pa'i tshad du chung ngu dang/ /bar ma dang
 chen por bshad pa ni pho ba'i me drod kyis 'ju ba las rjes su dpag pa las shes par bya dgos pa'i phyir 'dir smras pa yin te/ gang zhig thun ni gnyis dang bzhi/ /brgyad kyis rim bzhin 'ju 'gyur ba/ chung tshad 'bring dang che ba ste/ /de las chung ngu
 bza' ba mchog /ces bya ba la/ snum de bza' ba'i tshad ni chung ngu dang 'bring dang chen po gsum du 'gyur te/ tshad gang zhig gis thun gnyis kyis 'ju par 'gyur ba de ni chung ngu yin la gang thun bzhis rjes su 'ju bar gyur pa de ni bar ma zhes bya'o//
 gang zhig thun brgyad kyis 'ju ba de ni chen po zhes bya'o/ /de ltar tshad chung ngu dang 'bring dang chen po de rnams las gang zhig tshad chung ngu de ni mchog yin te/ sbyor ba thams cad dang 'tsham pa yin pa'i phyir ro/ /de yang tshad chung ngu de ni
 tshad chung ba btang dgos pa la nye bar sbyar ba na skyon med pa yin la/ de bzhin du tshang 'bring dang chen po btang dgos pa la btang du zin kyang skyon med pa nyid yin no/ /de nyid kyis na gzhung rtsom par byed pas/ /nad la sogs pa brtags nas ni/ /thog mar
 shin tu chung ngu bza' / zhes smras pa yin te/ nad pa'i tshul dang yul dang/ dus la sogs pa brtags shing dpyad nas thog mar te/ dang po kho nar thams cad du tshad ni shin tu chung du bza' bar bya zhing longs spyad par bya'o/ /des na 'di 'di
 skad ston te/ nad dang yul la sogs pa las brtags na tshad shin tu chung ba ni tshad bzhi par brtag par bya ste/ gang gi phyir skyes bu'i pho ba'i me'i tshod ma shes par snum mang du byin na de mi 'ju zhing srog kyang 'dor bar 'gyur ba srid pa
 yin no/ /da ni snum gyi tshad gsum pa de dag btang ba'i dus dang/ btang ba'i gnas bstan par bya ba'i phyir smras pa ni/ snga de'i zas ni zhu nyid dang/ /sbyang phyir dangs ma mang du btung zhes bya ba yin te snga de zhig gi zas zhu ba nyid de zhu ba rtsan nyid kyis dus? nyid sa ni zhu bkres
 pas ni mnyen pa'i skabs su sbyar bar bya ba'i phyir/ snum mang du btung ba nyid la zhun mar dangs ma 'ba' zhig btung bar bsngags pas na/ de'i phyir 'di nyid ces bya ba'i sgra nges par bzung ba'i don du smras pa yin no/ /snga de zhag gi zan zhu ba nyid na zhes pas
 tshad kyi mchog ma ltogs pa dang btung bar bya ba yin te/ de ni gang gi phyir myur ba nyid du 'ju bar byed de/ sbyang ba ma byas par me'i drod shin tu shas che ba yin pa'i phyir ro/ /de yang drang srong tsa ra kas/ lto sra? rlung? gi shas che zhing/ /rtsol ba che ba'i ngang tshul can//
 me'i drod che ba'i sman rnams ni/ /mi 'khru nyid na myur du 'ju/ zhes bshad pa yin no/ /da ni zhi bar bya ba'i snum gyi cho ga smras pa ni/ zhi bya ltogs bcas zas med par/ /'bring tshad tsam ni bsngags pa yin/ zhes bya ba yin te/ zhi bar bya ba la ni snum zas ma zos
 par ltogs pa dang bcas pa'i skabs su btang ba bsngags pa yin la/ de yang 'bring tshad tsam ste/ thun bzhis 'ju ba bsngags shing phan pa yin la/ de yang zas med pa ste/ zas gang dang yang ma bsres bar yang gcig tu btang ba bsngags pa yin no//
 brta pa'i snum gyi cho ga smras pa ni/ brta ba sha dang zhu ba sogs/ /de yang 'bras chan nyung bcas pa/ /byis pa rgan po skom gyis gdungs/ /snum 'bras chang dad che ba dang/ /bud med snum ni rtag bsten dang/ /drod chung de dang dga' mi bzod/ /lto snying nad dkyil chung
 ngus/ nyam chung ba la bsngags pa yin/ ces bya ba la/ brta ba'i snum gyi cho ga ni zhu la sogs pa dang/ lhan cig btang ba bsngags so/ /sha khu'i la sogs pa'i sgras ni bza' ba dang snum khur la sogs pa bsdu'o/ /de yang 'bras chan dang bcas pa ste/
 bza' ba dang bcas par bya'i/ gang sbyang ba zhi ba zhes bya ba'i snum gyi cho ga gnyis so/ /lngar bshad bzhin gyi dag ni zas dang bcas par mi bya ste/ gnyis ka yang zas kyis dus su bza' pa bkag pa yin no/ /de yang nyung ngu ste chung ngu yin pa dang
 yang de'i byis pa rang rgan po la sogs pa la yang phan pa yin no/ /de bzhin du skom gyis gdungs shing skom dang che ba dang/ gang snum dang 'gras shing snum pa la mi dga' ba dang/ chang dang tshe zhing rtag tu chang 'thungs pa dang/ de bzhin du rtag par bud
 med bston pa dang/ rtag par snum bsten pa dang/ pho ba'i me drod chung ba dang/ bde zhing skyid de bar gnas pa dang/ dka' ba mi bzod cing sdug bsngal bsten par mi nus pa dang/ lto ba snyi ba dang/ nad dkyel chung ba dang/ tsha ba'i dus te so ga'i dus dang/
 nyam chung ba ste/ lus zungs zad pa rnams te/ de thams cad la brta ba'i snum bsngags shing phan pa yin no/ /dang po bar dang zas rjes zos/ /lus kyi smad par stong las byung/ /nad rnams sel zhing lus kyi stobs/ /skyed
 pa rim gyis byed pa yin/ ces bya ba la/ brta ba zhes bya ba'i snum chung ngu'i 'di ni zas kyi dang por btang na lus kyi ro smad las byung ba'i nad rnams sel bar 'gyur ro/ /zas kyi bar du btang na lus kyi bar gyi nang sel to/ /zas kyi rjes la btang na ro stong las byung
 ba'i nad rnams sel bar byed do/ /des na rim pa bzhin te/ go rim ma 'chol lus zhes bya bar ro stod dang ro smad kyi stobs bskyed par byed pa yin no/ /des na zas kyi dang por btang nas ro smad du gtogs la/ rked ba la sogs pa'i lus kyi stobs skyed par byed pa
 yin no/ /zas kyi bar du btang na lus kyi bar ma lto ba dang snying ga la sogs pa'i stobs skyed par byed pa yin no/ /zas kyi rjes la btang na nam tshong yan chad kyi lus mgo bo la sogs pa'i stobs bskyed par byed pa yin no/ /da ni snum 'thungs pa'i rjes la btung
 ba'i cho ga bstan par bya ba'i phyir smras ba ni/ de ni legs par smin phyir dang/ /bar chags pa ni phyi ba'i phyir/ /snum dang 'thungs rjes chu tshan btung/ /e ran bal+la ta kar min/ zhes bya ba la/ snum dang dangs ma 'thungs pa'i rjes la/ bde bar 'ju
 bar bya ba'i phyir smra ba ni/ de bzhin du/ de'i tshe khar chags pa dag ma gos shing dag par bya ba'i phyir chu tshan btang bar bya'o/ /ci snum dangs ma btung ba thams cad la chu tshan btung bar bya ba 'am/ 'on te 'ga' zhig la btung bar mi bya zhe na/
 e ran b+hal+la ta kar min zhes smras pa yin te/ /e randa? b+hal+la ta ka'i snum 'thungs pa'i skabs su ni/ chu tshan btung bar mi bya ste/ 'di gnyis ni nus pa shin tu tsha ba dang ldan pa'i phyir/ de dag gis gnod pa skyed pa yin no/ /zhu
 dang ma zhu dogs skye na/ slar yang chu tshan btung bar bya/ /des ni sgregs pa dag 'gyur zhing/ /de las khong yang yi gar 'ong/ zhes bya ba la/ snum dangs ma 'thungs pa'i tshe/ zhu 'am ma zhu ba'i ngogs pa skyes shing yid gnyis su gyur na/ slar zhing yang chu tshan btung
 bar bya ste/ chu tshan des de'i sgregs pa dag cing mnam ba med par 'gyur ba dang/ de yang de las lus khong yang bar gyur pa dang/ de bzhin du yi gar 'ong ba ste/ zas la 'dod pa skye bar 'gyur ro/ /nang par 'thungs sam 'thung ba 'am/ /'thungs par gyur tshe kha zas
 ran/ gsher drod bad kan mi skyed dang/ /shin tu snum min 'dres min bza' / /zhes bya ba la/ snum 'thungs pa'i skyes bu des kha zas bza' bar bya la/ de yang ji lta bu zhe na/ phal cher gsher zhing rlan bag yod pa dang/ dro ba'i bad kan mi skye ba dang/ shin
 tu snum pa ma yin pa ste/ cung zad snum pa dang 'dres pa ma yin ste/ zas gnod pa dang 'dren mar ma yin pa bza' bar bya'o/ /de yang ci zhig byed pa'i tshe zhen nang bar ste/ phyi de nyin 'thung bar sdog pa 'am/ yang de bzhin du nyin zhag de nyid kyi 'thung ba dang/ de bzhin du
 dang por gang gis snum 'thung ba de'i tshe/ kha zas 'di ltar bza' ba'o/ /kha lag chu tshan gyis bkru zhing/ /bud med mi bsten mtshan mo nyal/ /shugs dgag drag shul las rnams dang/ /khro dang mya ngan nyi tshan grang/ /bse ru'i khar 'gyur rta zhon 'gro/ /mang smra rab
 mtho stan la 'dug /sngas? ni rab mthor ba dma' dang/ /nyin nyal dung brdul gnas pa spang/ /gang gi nyin mo 'thungs gyur pa/ /de ltar gzhan la spang bar bya/ zhes bya ba la/ snum 'thungs pa'i skyes bus kha lag bkru ba la sogs pa chu'i bya ba chu
 dron pos bya ba dang/ bud med la mi bsten cing nyal bo spang bar bya ba dang/ de bzhin du mtshan mo nyal zhing bde bar gnyid log par bya ba dang/ de bzhin du bshang gci la sogs pa shugs mi dga' ba dang/ de bzhin drag shul gyi las rnams dang khro ba nas
 dud ba dang rdul gyi nang du 'dug pa'i bar du spang bar bya'o/ /de la drags shul gyi las ni lus dub pas byed pa'i las du ma'o/ /rab mtho'i stan cig mthon bo la gcig bu yun ring du mi 'dug pa'o/ /mal dang mgo bo'i rten du gyur pa ni sngas
 shes bya ste/ de yang rab tu mtho ba dang rab tu dma' ba spang bar bya'o/ /nyin par nyal ba ni nyin mo gnyid log pa ste de yang spang par bya'o/ /dud pa mi drags par zad do/ /rdul ni rdul khrod de/ der gnas par mi bya'o/ /re bas na snum gyi cho ga byed pa na
 de thams cad spang par bya'o/ /de yang gang gi nyin mo ste/ /nyin zhag gang la skyes bus snum 'thungs par gyur ba des/ de srid kyi nyin zhag gzhan la'ang gong du smos pa'i thams cad spang bar bya'o/ /rim 'di las rnam pa thams cad dang/ nang zad pa la
 spyad par bya/ zhes bya ba la/ bshang ma thag pa'i chu tshan btung ba la sogs pa'i las kyi rim pa bzhin 'di ni snum gyi cho ga dang/ dugs dang slon sman la sogs pa nas me btsa' dang/ thal sman rnon po btang ba'i bar dang de bzhin du nang kyi nyam chung bar
 gyur pa la yang bya ste/ snum gyi cho ga 'ba' zhig la 'di bya bar ma zad do/ /zhi ba'i snum gyi nyer spyad ni/ bkru sman btang ba lta bur bya/ /zhes bya ba la/ zhi bar bya ba'i snum gtong ba'i nye bar spyad ba zas la sogs pa'i rim ni bkru sman btang ba lta bu
 ste bkru sman btang ba na thug pa la sogs pa bya ba gang dag yod pa de dag thams cad zhi bar bya ba'i snum de zhu ba'i skyes bu la yang bya'o/ /lto snyi zhun mar zhag gsum btung/ /lto sra ba yis zhag bdun btung/ /yang na ji srid snum par btang/ /de
 phan chad ni goms par 'gyur/ zhes bya ba la/ skyes bu lto snyi bas zhun mar dangs ma zhag gsum btung bar bya la/ mi lto ba sra bas ni zhag bdun gyi bar du btung ngo/ /yang na gnyis po 'di dag kho nar nges pa med de/ skyes bu khong snum par
 gyur pa ni srid gyur pa de srid kyi bar du btung bar bya ste/ legs par khong snum par gyur pa nyid 'di'i tshad nges pa yin no/ /des na dus ji srid kyi legs par khong snum pa'i mtshan nyid skyes par gyur pa de srid par du btung bar bya'o/ zhes bya ba'i don no/ /de ltar
 legs pa'i snum pa'i mtshan nyid du gyur phan chad snum dangs ma btang ba'i ni goms par 'gyur gyi/ sbyor ba'i bya ba mi byed do/ zhes bya ba'i don no/ /rlung ni bde rgyu me drod 'bar/ /bshang ba snum zhing mi sra la/ /snum 'di 'dod cing snyoms 'gyur la/ /snum legs yin
 te rtsub go zlog /zhes bya ba la/ skyes bu legs par snum gyis zhen par gyur pa ni rlung rgyu zhing lugs bzhin 'byung ba dang/ pho ba'i me drod 'bar zhing bde ba dang/ bshang ba snum par 'gyur gyi rtsub ba ma yin pa dang/ de bzhin du mi sri ba ste/ phal cher rnyed zhing brlan
 par gyur pa dang/ de bzhin du snum sten par byed pa'i skyes bu snum mi 'dod cing snum la zhe mi dga' bar 'gyur ba dang/ de bzhin du lus snyom zhing rmya bag tu gyur pa ste/ de dag thams cad ni snum gyis legs par zhen pa'i mtshan nyid yin no/ skyes bu snum med cing rtsub
 par gyur pa ni de las go bzlog pa ste/ ji skad bshad pa'i mtshan nyid las bzlog par 'gyur ro/ /de yang rlung bde bar ma rgyu ba dang/ me drod chung ba dang/ bshang ba rtsub pa dang/ bsgongs pa dang/ snum la 'dod pa skye bar 'gyur zhing bsnyams par mi 'gyur ro/ /snum
 drags pa yi skya ba dang/ /sna dang kha rkub las 'dzag 'gyur/ zhes bya ba la/ skyes bu snum ha cang drags par gyur pa ni/ skya bo bseng bseng por 'gyur ba dang/ sna nas 'dzag pa dang/ kha nas 'dzag pa dang/ rkub nas 'dzag par 'gyur ro/ /tshad dang mi
 ldan dus mi gnod/ /zas dang spyod lam logs pa yis/ /sdum 'chos byed skrang gzhang 'brum dang/ /khong rmad rengs shing sems myos dang/ /g.yas ba mdze dang rims skyug gzer/ /lto sbos mgo 'khor la sogs 'gyur/ zhes bya ba la snum thams cad
 tshad dang mi ldan par zos pa dang/ de bzhin du dus ma yin par zos pa dang/ gnod pa ste gang zhig la gnod par 'gyur ba de zos pa dang/ de bzhin du zas dang spyod lam log pa dang ldan pas spyad na skrangs pa la sogs
 pa'i nang skye bar 'gyur ro/ /de yang tshad ni chung ngu dang 'bring po dang chen po ste/ gsum po dag nad lus zungs la sogs pa la bltos te gtong bar mi byed pa de ni tshang dang mi ldan pa'o/ /dus ma yin par gtong ba de ni dper na dgun gya che mar gtong pa
 dang/ tshan mo gtong ba dang/ so ga til mar gtong ba dang/ nyin par gtong ba lta bu'o/ /gnod pa ni dper na bad kan gyi nad la mar gtong ba dang/ mkhris pa'i nad la til mar gtong ba lta bu'o/ /zas ni kha zas tshad dang mi ldan par gang bshad pa de log par
 'gyur zhing/ phyin ci log gis gang gi tshe spyod par byed pa de'i cho skyon du 'gyur ro/ /spyod lam ni chu'i bya ba chu tshan gyis bya ba la sogs pa bshad pa la sogs te/ de log par spyod pa de ni de dang mi mthun par spyod pa ste/ de dag gis skrangs pa la sogs
 pa'i nang skyed par 'gyur ro/ /de la bkres skom skyugs sman dugs/ /zas skom sman ni rtsub pa dang/ /dar ba chad brnyings tshod ma dang/ /'bru rgod ci tshe khra rgod dang/ /sbrang rtsi 'bras gsum pi pi ling/ /ba gcin gu gul a ru ra/ /nad dmigs so so ji bzhin du//
 snum las nad gyur bcos thabs yin/ zhes bya ba la/ snum gyi cho ga las nad du gyur cing/ snum gyi cho ga las nyams pas nang du gyur ba de la dpyad du bya ba ni bkres skom la sogs pas gso zhing bcos par bya'o/ /de la bkres pa ni ltogs par bya ba ste/
 zas za ba las bzlog pa'o/ /skom pa ni skom gyis gdungs pas tshar bcad pa'o/ /skyugs sman ni slon btang ba'o/ /dugs ni 'og nas bshad pa'o/ /de bzhin du kha zas rtsub mo za ba dang/ skom rtsub pa btung ba dang/ sman rtsub pa bsten pa dang/ dar ba sar
 ba skag dang de dar ba rnying pa dang/ chang rnying pa dang/ tshod ma ste/ rtsa ba dang 'bras bu las bras pa'i chod ma'i rnam pa dang/ 'khru rgod dang/ 'bras kyi bye brag ut+ta la zhes bya ba dang/ ci tse ste/ rtswa 'bru'i bye brag dang/ /bre rgod ste ko tra pa zhes bya ba dang/ de bzhin du
 sbrang la sogs pa'i sman rnams nad dmigs so so ji ltar bzhin nang gang gis sman gang yin pa de de la sbyin par bya'o/ /rtsub pa dag ni smyung byas dang/ /shin tu byas dang 'dra ba yin/ zhes bya ba la/ legs par rtsub par gyur pa dang/ lhag par rtsub par dag
 na smyung pa drags po'i mtshan nyid dang/ 'dra bar shes par bya ba ste/ ji ltar lags par smyung bar byas pa'i mtshan nyid gang yin pa de na legs par rtsub tshos byas pa'i mtshan nyid dang 'dra bar shes par bya la/ de bzhin du shin tu smyung bar byas pa'i mtshan
 nyid dang shin tu rtsub chos byas pa'i mtshan nyid 'dra bar shes par bya'o/ /rlon dro skams las byung snam/ /sha khu btung zhing dugs dpyad bya/ /khrus byed pa 'am skyug sman btong ngo/ /snum byas zhag gsum gnas par bya/ /nyin zhag bzhan pa gcig cig
 na/ de skyed pa yis bad kan skyed/ ces bya ba la/ rlon zhing dro ba dang/ skams las byung ba yang yin/ snum pa yid yin pas/ rlon ngo skam sa las skyed snum zhes bya ba ste/ rlon zhing dro ba dang/ skams sa'i srog chags kyi sha las g.yos pa'i sha khu btung ba dang/
 dugs kyi bya ba kun tu spyad cing gnas par byed ba dang/ snum gyi cho ga byas pas zhag gsum gnas par byas nas/ de'i 'og tu nyi ma bzhi pa la khrus bya'o/ /skyug sman yang 'di bzhin du bya ste/ dang por snum gyi cho ga byas la/ de'i 'og tu skam sa'i sha rlon zhing
 dro ba las byung pa'i snum gyi sha khu 'thungs na/ dugs byed cing zhag gcig gnas par byas la/ nyin zhag de las gzhan pa nyin zhag gnyis par las bad kan skyed cing 'phel bar bya ba'o/ /gang gis she na/ de skyes pa yis zhes bya ba ste/ bad kan de skyed par
 bar bya'o/ /'o ma dang nya la sogs pas bad kan skyed la/ de'i 'og tu skyug sman btang ngo/ /sha che tshil ches bad kan mang/ /me yis 'ju drod mi snyoms dang/ /snum la sogs pa'i snum bya rnams/ /de ni sngon du rtsub chos bya/ /de nas snum byas
 spyad gyur na/ /de la snum ni mi 'byung ngo/ /snum la goms par gyur pa na/ /dri ma 'thon par 'gyur ba yin/ zhes bya ba la/ sha che ba ni mi sha rgyas shing sbom pa'o/ /tshil che ba ni tshil gyis rgyas shing tsho ba'o/ /bad kan tsha ba ni bad kan mang ba'o/ /me'i
 'ju drod mi snyoms pa na pho ba'i me drod kyis 'ju ba mi mnyam pa'o/ /snum la sogs pa ni rtag tu snum za ba ste/ de lta bu'i snum chos btang bar bya ba gang yin pa ni sngon tu ste/ thog mar rtsub pa ni zas dang sman gyis rtsub 'chos bya la/ de nas de ltar
 rtsub 'chos byas pa'i 'og tu snum 'chos byas la sbyangs par gyur na/ sha che ba la sogs pa de la snum nad mi 'byung ngo/ /de bzhin du sha che ba la sogs pa rtsub 'chos byas la/ de'i 'og tu snum btang na/ snum la sogs par gyur pas na/ dri ma
 'thon zhing spyod par dus pa yin no/ /byis pa rgan po la sogs pa/ snum 'chos spong bar mi nus la/ skye bar mi byed sbyor ba 'dis/ /'phral du snum ni sbyang bar bya/ zhes bya ba la/ snum 'chos byas pa'i byis pa dang/ rgan po la sogs
 ba sngar snum gyi chogs brta bar bya bar bshad pa rnams snum 'chos spong bar mi nus pa de lta bu la snum gyi cho ga bya ba'i phyir/ de skye zhi ba bsnan par mi 'gyur ba'i sbyor ba 'di/ 'bral du de la snum gyi cho ga sbyar bar bya'o/ /de yang gang yin
 zhe na/ de la mar brdos sha zhu dang/ /mang brngos pa yi thug pa 'am/ til phye snum bcas bu ram chung/ /bcas dang kri sar dang ni/ /'o thug mar mang dro ba 'am/ /bu ram zho dang bcas pa 'am/ /thug pa snum ni bzhi pa la/ /lnga pa 'bras dang ldan
 pas bya/ /bdun pa de dag 'phral snum bya/ zhes bya ba 'khyis pa dang rgan po la sogs pa'i rnams la mar brdos pa'i sha khu la sogs pa'i sbyor ba bdun po 'di dag ni 'phral gyi snum gyi cho gar 'gyur ro/ /de la sha mang po mar dang brngos pa de'i khu ba ni sbyor ba gcig yin no/ /yang mar mang po dang
 brngos shing bcos pa'i thug pa byas pa ni sbyor ba gnyis pa yin no/ /de bzhin du til gyi phye ma snum dang btsas pa dang bu ram chung ngu dang bcas par sbyar ba ni gsum pa yin no/ /'dir snum ni mar la sogs pa'o/ /bu ram chung ngu ni bu ram phra mo'o/ /de bzhin du kri sar zhes
 bya ba ni til dang 'bras la sogs pa las byas pa'i thug pa gang thub 'dra ba la snum dang bu ram chung ngu btab pa ni bzhi pa'o/ /yang na 'o ma ni thug pa ste/ 'o ma dang btsos pa'i thug pa zhun mar mang po bcug pa dro ba ste lnga pa'o/ /yang bu ram dang zho dang bcas pa'i steng rim ni
 drug pa'o/ /yang na thug pa sna lnga pa zhes bya ba snum bzhi po zhun mar dang til mar dang rkang dang/ tshal srang gnyis gnyis dang lnga pa 'bras kyang srang gnyis dang ldan pa yin pas na de'i thug pa ni bdun pa'o/ /sbyor ba 'di dag ni 'phral du snum
 gyi bya ba byed cing skyo ba dang sun par mi byed pa yin no/ /snum rnams lan tshwa cher btab pa/ de ni bad kan skyed rtsub yin/ /phra zhing dro la lus khyab byed/ ces bya ba la/ de bzhin du snum bzhi po zhun mar dang til mar dang rkang dang tshil zhes bya ba
 lan tshwa cher btab pa ni/ 'phral du snum par byed pa yin te/ ci'i phyir zhe na/ lan tshwa btab pa de ni bad gan skye zhing 'dzag pa'i rang bzhin can yin pa dang/ de rtsub ba ma yin zhing snum pa dang phra ba ste/ phra mo rnams la 'jug cing khyab par byed pa dang/ dro
 zhing tsha ba'i nus pa dang ldan pa dang/ lus khyab par byed pa ste/ lus ma lus par khyab nas smin cing 'ju ba'i don bde ba yin pa ste/ lan tshwa cher btab pa'i snum ni 'phral du snum pa chos su 'gyur ro/ /mdze dang skrangs nad gcin nad la/ /bu ram 'cha'
 bza' 'o ma sha til dang mA 'chang dang zho/ /snum bya'i don du mi bya'o/ zhes bya ba la/ mdze nad la sogs pa yod bal snum gyi cho gar bza' ba bu ram dang bcas pa la sogs pa 'di dag btang zhing sbyin par mi bya'o/ /de ltar snum gyi cho
 gas ci zhig bya zhe na/ 'bras gsum pi pi ling gu gul/ /a ru ra la sogs pa bskol la/ /de dag snum la ji bzhin du/ /gnod pa med par sbyar bar bya/ zhes bya ba la/ gong du smos pa'i mdze nad la sogs pa de dag la snum 'bras bu gsum dang/ /pi pi
 ling dang/ gu gul dang/ a ru ra la sogs pa nad dang ji ltar 'tsham pa bzhin du gnod pa med cing mi 'phrod pa med par legs par sbyar zhing btang bar bya'o/ /nad kyi nyam chung gyur pa la/ /lus drod stobs skyed nus pa btang/ zhes bya ba la/ nad kyis
 nyam chung zhing sbeg pa'i mi la/ snum gyi cho ga lus kyi me drod skyed par nus pa'i snum po btang bar bya'o/ /de yang lus dang drod ni lus dro de/ de gnyis skyed par nus pa'i snum de btang ba ste/ /lus kyi stobs skyed par nus pa ni rgyas shing 'phel bar 'gyur ba'o drod
 kyi stobs skyed par nus pa ni pho ba'i me drod skyed par byed pa'o/ /skyes bu snum la bstan par byed pa rnams/ /nang gi drod 'bar 'khod ba dag pa dang/ /lus zungs phral brta stobs dang mdog bzang ldan/ /dbang ldan rgas sra lo brgya thub par bshad/ /ces bya
 ba la skyes bu gang zhig dus su snum la brten cing gnas par byed pa ni nang gi drod ces bya ba 'pho ba'i me drod bdo bar 'gyur ba dang/ khong pa dag cing nad med par 'gyur ba dag dang lus zungs bdun po 'phral brta zhing skye bar 'gyur ba dang stobs dang mdog bzang zhing yin
 du 'ong bar 'gyur ba dang/ dbang po brtan pa ste/ mig la sogs pa'i dbang po rang gi bya ba byed par nus shing/ gsal bar 'gyur ba dang/ rgas sra zhing skra dkar med par 'gyur ba dang/ lo brgya 'tsho zhing gnas pas na/ lo brgya thub pa ste/ snum mi la brten
 pa'i skyes bu la yon tan 'di dag 'byung bar/ drang srong rnams kyis bshad cing bstan pa yin no// //yan lag brgyas pa'i snying po bsdus pa'i nam par 'grel pa/ tshig gi don gyi zla zer zhes bya ba/ slob dpon zla ba la dga' bas rnam par sbyar
 pa las/ /le'u bcu drug pa'i rnam par 'grel pa'o// //de nas dugs kyi cho ga'i le'u bshad par bya'o/ zhes bya ba'o/ /dugs ni phal cher dang por snum 'chos byas nas 'dir bya dgos pas ni/ de'i phyir snum gyi cho ga'i 'og tu dus
 kyi cho ga'i le'u bshad cing bstan pa yin no/ /de yang drang srong tsar kas/ dugs kyis gso bar bya ba'i nang/ /rlung dang bad kan bdag nyid can/ /snum gyi dngos su 'gro ba yi/ dugs kyis rab tu zhi bar 'gyur/ zhes bshad pa yin no/ /dugs kyi
 cho ga ni las su bya ba nyid de/ de'i tshul gyis le'u yin pas na dugs kyi cho ga'i le'u'o/ /de la dugs kyi cho ga ni dbye ba'i dbang du byas nas smras pa ni/ dugs bsro bcing dang tha mal pa/ /chu dugs dbye bas rnam pa bzhi/ zhes bya ba yin te/ bsrogs bcing pa dang/ tha mal
 pa ste/ /tshu dugs zhes mtshams sbyar bar bya'o/ /des na dugs ni bsro ba la sogs pa'i dbye bas me'i lums rnam pa bzhir 'gyur ro/ /bsro ba gos dang lcags dang ni/ /lag mthal la sogs mes bsro'o/ zhes bya ba la/ bsro ba'i dugs ni gos la sogs
 ba me la bsros pas bsro bar bya ste/ gos ni bgo ba ste ba la la sogs pa la bya'o/ /lcags ni lcags kyi dpyad thod lcags lta bu la sogs pa'o/ /lag mthil ni lag pa'i mthil lo/ /sogs pa'i sgras ni bum pa dang/ 'khar ba'i snod la sogs pa
 bsdu'o/ /bcing ba shu dag spang ma dang/ /thang shing sha ta puShpa dang/ /'bru kun dri rnam par sna dang/ /e raN+Da'i rtse shu dag dang/ /snum bag tshwa dang dar ba dang/ /'o mas sbus shing tshwa cher ba dang/ rlung las gyur pa 'ba' zhig sel/ /bad kan 'dres la bye rug
 sogs/ /mkhris pa 'dres la shug sogs kyis/ /glan pa zhes bya yang yang bya/ /dkri ba snum zhing nus pa dro/ /spu 'jam pags rul min pas dkri/ /ma rnyed rlung 'joms lo ma dang/ /dar dang snam bu ras kyis dkri/ mtshan mo dkris
 pa'i nyin mo dgrol/ /nyin par byas pa mtshan mo dgrel/ zhes bya ba la bcing ba'i dugs ni shu dag dang/ spang ma la sogs pa snum la sogs pa dang sbrus shing bsres pa dang/ de bzhin du lan tshwa cher btab cing lan tshwa lhag par mang du btab pa
 dag rlung las byung ba ni nad 'ba' zhig ste/ nad gzhan dang ma 'dres pa'i rlung nad sel lo/ /bad kan dang 'dres pa'i rlung la ni bye rug pa la sogs pa phu ras rnam gnyis dang/ ku the ra la sogs pa'i sde tshan du bshad pa dag gis bya'o/ /de bzhin du//
 mkhris pa dang 'dres pa'i rlung la ni shug sogs kyis zhes bya ba la/ pad+ma dang pra pu ranDa'i ka la sogs pa'i sde tshan du bshad pas so/ /snum bag tshwa dang/ dar ba dang/ 'o mas sbrus shing tsha ches btag ces bya ba ni gsum char dang sbyar bar bya ste/
 dkri ba gsum po de dag rim pa bzhin du sbyar bar bya'o/ /de ni glan pa zhes kyang bya ste/ des yang dang yang du dugs bya'o/ /gzhan dag las kyang/ ra nye ba sogs rlung 'joms bcas/ /skyur ba'i gsher rdzas kun dang ldan/ /rlan can sha dang lags par
 btsos/ /snum kun dang ni yang dag ldan/ /dro 'jam lan tshwa shas cher dro/ /glan pa zhes ni bshad pa yin/ zhes bya ba 'byung ba yin no/ /dkri ba ni dkris shing bcings pa na dkris pa zhes bya ste/ bcings pa la zhes bya ba'i don to/ /de bas na mang du
 byugs la snum pa dang nus pa dro ba dang/ spu 'dzam pa'i pags pa dul ba ma yin pas dkri bar bya'o/ /de ma rnyed cing med par gyur na/ rlung 'joms shing nus pa dang ldan pa'i rtswa shing gso ma la sogs pa'i lo mas bcings shing yan lag dkris
 ba ste/ mtshan mo dkris nas nyin ba dang phrol bar bya ste/ de ni tsha ba med pa'i phyir bya'o/ /nyin mo dkri zhing bcing ba byas pa ni mtshan mo dkrol bar bya'o/ /la lar ni yul nad kyi dbang gis/ /yan lag chag pa la sogs pa/ nyin zhag gnyis sam gsum bzhag
 par bya ba yang yod do/ /sbang ma ni chang gi snyigs ma'o/ /'bru kun ni kra ma dang/ gang bu can gyi sde tshan las bshad pa'o/ /dri rnams ni spang spos dang/ ru rta dang/ /a ga ru la sogs pa'o/ /e raN+Da rtsa ni shing e raN+Da'i rtsa ba'o/ /sha ni rlan can gyi sha las tsho gu
 zhi ba mor gtubs pa'o/ /snum bag ni til mar la sogs pa'o/ /gzhan dag ni go bar zad do/ /tha mal ba ni khur ba dang/ /khong ba gyo mo rdo sa phye/ /gso ma'i lo ma 'bru rnams dang/ /lci ril bye ma phub ma rnams/ /thabs rnams dus mas legs bsros ba/ /yul dang
 dus las dbags te sbyar/ zhes bya ba la/ tha mal ba zhes bya ba'i dugs ni/ bal dang khur ba la sogs pas bya ste/ de yang nas dang mon sran gre'u dang/ /til la sogs pa btags nas/ sbrus te btsos pa khur ba lta bur byas nas/ dugs su bya ba'i
 thabs la sbyar ba gang yin pa de ni khur ba'i dugs zhes bya'o/ /bong ba dang gyo mo dang/ rdo ba ni mer bsregs la me'i mdog can du byas la/ chu 'am rlon ba'i nang du nub par byas la rlon ba de gos rim gcig gis dkris pas dugs bya'o/ /sa phye dang
 gso ma'i lo ma dang 'bru rnams dang/ ba la sogs pa'i lci ba dang/ ril ma dang phye ma dang phub ma rnams chu skyur mo dang bskol la/ gos kyi nang du bcug pas dugs bya'o/ /thabs mar du mas legs bsros ba zhes bya ba ni/ rdza ma dang sbu gu dang rdza skyogs dang bsla
 nga la sog spa'i thabs kyi legs par bsros pa'i khu ba la sogs pa'i dugs rnams yul dang dus la dpags nas sbyar bar bya ste/ yul ni sa'i yul phyogs dang/ lus kyi yan lag gi phyogs so/ /dus ni skad cig la sogs pa'i mtshan nyid dang/ nad ba'i
 gnas skabs kyi mtshan nyid do/ /de la dpags pa ni de'i dbang du byas te/ dugs gyi sbyor ba 'di bya'o/ /de yang lus kyi yul ni dper na/ rlung ni ma zhu ba'i gnas zhugs dag zhes bya ba la sogs pa'o/ /sa'i yul las dpag pa ni/ yul rlan can dugs bya dgos pa
 de ltar skam sar ma yin no/ /dus las ni dper na dgun ni dugs gzhan dag bya dgos la/ so gar gzhan dag bya'o/ /nad pa las ni dper na dugs la la ni mkhris pa dang 'dres pa'i rlung la dgos la/ la la ni bad kan dang 'dres pa'i rlung la dgos la/ la
 la ni rlung 'ba' zhig la dgos pa'o/ /'bru rnams ni 'bru'i rigs lo ma dkrugs shing bcom pa'o/ /chu dugs shi kru ba ra na/ /e raN+Da dang ka rany+dza/ /bye'u dugs pa ardzag/ shi ri sha dang ba'o sha ka/ 'o ma arga ma la ti/ /ya ba sha ga'i lo mas bkru/ /shu
 dag la sogs sman rnams dang/ /gshegs sa chus gnas sha rnams dang/ /rtsa bcu nang 'jigs ji bzhin du/ /so so 'am lhan cig sbyar nas ni/ /snum ldan chad dang tshwa dang ni/ /'o ma chu la sogs kyis btsos la/ /bum pa'am sbu gu ring po ni//
 bkang la nad kyis nyam thag pa'i/ /lus ni gos kyis dkris nas su/ /tsi bde bar ni snum chu blug /lus la rlung nad zhugs gyur pa/ /de nyid kyis 'dir bkang snod du/ /nad pa zhugs te gnas nas ni/ /gcin sri gzhad? 'brum sogs nang sel
 zhes bya ba la/ shi gru nas brtsams te/ ya ba sha ka'i bar gyi sde tshan de rnams las lo ma rnams bkru zhing mnyes la/ de rnams dang de bzhin du shu dag la sogs pa'i sman sngar bshad pa rnams dang/ de bzhin du gsher sa dang chun gnas pa'i ro hi
 ta pa tha na la sogs pa'i nya dang/ de bzhin du rtsa ba bcu ba zhes nad kyi dmigs ji lta ba bzhin du so so'am lhan cig btang ba ste/ so so re re nas btang ba'am/ ma lus pa lhan cig sbyar zhing bsres nas/ nang? dmigs ji lta ba bzhin du/ de
 dang rjes su mthun par sbyar bar bya'o/ /zhes bya ba'i bar du'o/ /de bzhin du snum dang ldan pa ste snum yod pa'o/ /'dir yang/ nad las dpags pa dang sbyar bar bya ste/ mar la sogs pa nad gang dang gang la phan pa'i snum de dang de dag dang ldan par bya ba dang/
 de bzhin du de dang mnyam pa'i chang la sogs pa dang btsos pa nad dmigs ji lta bu las dpags te/ blugs pa'i chung bum pa chu snod kyi rnam par byas pa mchu phra mo gtod pa'i chu blugs pa'am/ sbu gu ni ring po kha gyen du bltas pa'i nang du bcug
 ste/ bkang la nang kyis nyam thag pa ste/ gzer la sogs pas nyon mongs par gyur pa'i las gos kyis dkris la/ snam zhing rlung 'joms pa'i sman dang bskol pa blug par bya ste/ de yang ci bde ba ste ci nas bde ba la reg par gyur pa'i tshul du bya
 ste/ 'dir lan 'ga' ni cung zad dro bas bya'o/ /lan 'ga' ni dro bas bya'o/ /lan 'ga' ni shin tu dro bas bya'o/ /de blug pa can chu'i rgyan gyi khyad par gang zhig gis rgyun mi 'chad par blugs shing chu la sogs pa'i gsher rdzas 'jig? par
 'gyur bas na blugs pa zhes bya'o/ /chu'i dugs ni rnam pa gnyis te/ rgyun blugs pa dang/ chu la bcing bcings pa'i de ltar blugs pa bshad zin nas/ da ni chu la bcing ba bshad pa'i phyir lus la zhes bya ba la sogs pa bshad pa yin te/
 nad pa lus kyi yan lag thams cad la rlung nad zhugs shing rlung gis nyen pa dag de nyid kyis zhes bya ba sngar bshad pa'i sman chus snod chen po bkang la/ bkang pa'i snod der nad pa bcug ste/ snying ga la sogs pa bsrung zhing gnas par bya'o/ /snod
 che smos pa ni spyi ming tsam? du nye bar mtshon pa tsam ste/ zangs chen po 'am/ gzhong pa ring po chen po sman chus bkang pa'i nang du 'jug cing bcings de/ gnas par bya'o/ /de bzhin du gzhad? 'brum dang/ gcin srin la sogs pa lus kyi phyogs gcig na bar gyur
 pa la ni nang la sogs pa'i tshul las dpags te/ sbyar bar bya'o/ rlung med phyi nang snum bcas shing/ zas 'ju'i dus su dugs dpyad bya/ /nang dang nad pa yul dus kyis/ /dbang las chung 'bring chen por bya/ zhes bya
 ba la/ rlung med pa'i sa phyogs su skyes bu'i lus phyi dang nang snum dang bcas par byas la/ kha zas smin dang zhu zin par gyur pa'i dus su dugs dpyad par bya la/ drugs de yang nad la sogs pa'i dbang gis chung ngu la sogs pa'i tshad gsum
 du 'gyur ro/ /de yang chung ngu dang 'bring dang chen po gsum du 'gyur la/ de bzhin du nad pa yang stobs la sogs pa la chung ngu dang 'bring dang chen por 'gyur ba yod do/ /yul yang rlan can dang/ skams dang 'dren ma ste gsum yod do lus kyi gnas
 kyang mgo bo dang brag pa dang/ lto ba dang/ byin pa la sogs pa'i dbye bas bye ba yin no/ /dus kyang dro ba dang/ grang ba dang/ 'dres pa'i dbye bas phye ba yin no/ /dbang las zhes bya ba ni de dag gtso bor byas pa las so/ bad kan gyis nyen las rtsub
 bya/ bad kan rlung la rtsub snum bya zhes bya ba la/ /bad kan gyis nyan cing bad kan gyi shas che ba'i skyes bus dugs rtsub mo bya'i/ snum po mi bya'o/ /de bzhin du skyes bu rtsub par gyur cing bad kan yang yod pa dag gis dugs gzhan ltar dang
 por snum 'tshes? mi bya'o/ /bad kan dang rung yod pas rtsub ba dang/ snum pa 'dren ma'i dugs sbyar bar bya'o/ /rlung ni ma zhu'i gnas zhugs dang/ /bad kan zhu pa'i gnas rten la/ /gnas kyi dbang gis rtsub dugs dang/ /de bzhin snum sngar 'gro
 dugs bya/ zhes bya ba la/ /rlung? ma zhu pa'i gnas su zhugs shing gnas pa'i nad la ni/ rtsub pa sngon du bya pa'i dugs la spyad par bya'o/ de bzhin du bad kan zhu pa'i gnas la gnas? shing brten pa la ni snum sngon du bya ba'i dugs bya ste de dag ni gnas
 kyi dbang gis tshul de ltar bya dgos pa yin no/ /sta zur dag dang mig dang snying/ /rlig bar nyung du 'ang bya ba min/ zhes bya ba la/ sta? zung? zhes bya ba lus kyi phyogs gcig brla dang/ dbyi la brten pa'i nad la ni dugs nyung du bya'o/ /de bzhin du mig dang snying ga dang rlig bar ni shin tu chung ba'i dugs
 bya'o/ yang na bya ba min bya ba ste/ gnas de dag tu dugs kyi las ye mi bya'o/ /dugs kyis grang dang zug zer bral/ //yan lag mnyen bar 'gyur ba dang/ /ngal gyis mnyes la khrus byas las/ /de nas snum gyi cho ga brten/ /zhes bya ba la/ dugs kyis skyes bu'i
 grang ba dang/ zug zer 'bral bas skyes bu'i lus legs par blran mnyen par 'gyur ba dang/ de bzhin du yan lag mnyen por mnyes la de'i 'og tu khrus bya ba de dang po lag pas dol zhing mnyen bas yan lag mnyes la chu dron pos khrus byas nas/
 da? nas de'i 'og tu snum 'chos kyi skabs na bshad pa'i cho ga bsten cing bar bya ba dang/ /spang bar bya ba rnams dor bar bya'o/ /de dag sngar snum gyi cho ga'i skabs su zas dang spyod lam bstan pa bzhin du bya ba dang/ thal sman rnon po la/ de rtsi? bcil
 ba dang/ ma btsa' la cha? ba zhi bar bya ba dang/ tshad par 'khru ba dang/ slon pa la de bcad pa dang/ mi dran cing myos pa la slar dran par bya ba'i cho ga bya'o/ /de bzhin du chu tshan gyi nye bar spyod pa la sogs pa spang bya'o/ dugs drags pa yis khrag
 mkhris 'khrugs brgyal skom skad 'gags yan lag 'dzums mgo 'khor tshigs na rims 'debs shing/ tshig gu dmar po tal til snad/ /lums kyis skyug bro bar 'gyur te/ zhes bya ba la/ dugs drags shing shas cher bsten bas
 khrag mkhris 'khrugs pa la sogs pa 'byung bar 'gyur ro/ /brgyal ba ni mi dran pa'o/ /skad dang yan lag 'dzums pa ni/ skad gdangs dma' zhing smya ba'o/ /mgo 'khor ba ni lam ni mi gnas pa'o/ /lhu tshigs na pa ni lhu tshigs na ba'o/ /tshil
 gung mar po tal til snang bar gyur pa ni/ de lta bu dag 'byung bar 'gyur ba ste/ der ni zhi ba'i sman gyis gso/ /dugs dang thal sman me btsa' dang/ tshad 'khru skyug blo brgyal nad gso/ zhes bya ba la/ dugs drags pa las byung pa'i nad
 khrag dang mkhris pa 'khrugs pa la sogs pa zhi bar bya zhing rtse gzhi la ba'i sman gyis gso zhing btso sbyar bar bya'o/ /dugs zhes bya ba la sogs pa 'di'i skabs su zhar la bshad pa yin te/ de dag kyang tshul 'di nyid la brten nas dugs gzhil ba la
 sogs pa'i sman bya ba ste/ dugs la dugs gzhil ba'i sman bya ba dang/ thal sman rnon po gtang ba la de'i tsha bzhi bar bya ba'i phyir sman btang ba dang/ me btsa' la de'i tsha ba zhi bar bya ba'i sman btang ba dang/ tshad par 'khru ba la tshang? par 'khru ba
 gcod cing smin pa'i sman btang ba dang/ skyug bro ba la de zhi ba'i sman dang/ brgyal ba la 'du shes rnyed par bya ba'i thabs kyis gso ba'o/ /dugs ni phal cher lci bro rno/ /de las gzhan bzhi byed yin/ /gsher zhing brta 'khrug snum pa dang/ rtsub cing
 phra ba dugs sman yin/ /'jam dang rtsub dang zhib 'byar bag /gsher bag de ni sel byed yin/ /mdor na phal cher kha ba dang/ /bska dang mngar ba de sman yin/ zhes bya ba la/ 'dis ni dugs dang de zhi bar bya ba'i cho ga spyir bshad pa yin te/ sman
 gang lci ba dang dro ba dang/ rno ba de thams cad ni dugs kyi sman yin la/ phal cher zhes smos pa ni/ la la rnam par 'gyur ba dag kyang yod par bstan pa yin no/ /de las gzhan pa go bzlog pa dang/ yang ba dang/ bsil ba dang/ rtul ba ni zhi zhing rtse 'jil
 bar byed pa yin no/ /de bzhin du gsher ba la sogs pa dang ldan pa'i sman rnams ni dugs kyi sman yin la/ 'jam pa la sogs pa dang ldan pa'i sman ni de zhi bar byed pa yin no/ /de bzhin du mdor bsdu na sman gang cung zad kha ba dang/ bska
 ba dang/ mngar ba rnams ? de'i ?? rtse 'jil bar byed cing zhi bar byed pa'i sman yin no/ /'di gnyis kyi mtshan nyid/ drang srong tsa ra kas bshad pa de ni zhi byed ci dang dro ba 'joms/ lums byed rdul ni 'byin byed yin/ /g.yo ba'i rdzas dag gang yin pa/ /rtse 'jil
 zhi bar byed pa yin/ zhes 'byung ba yin no/ /zhi zhing rtse gcil stobs thob gyur/ /ji skad bshad pa'i nang rnams zas/ /ces bya ba ste/ skyes bu nang zhi zhing rtse gcil bas/ stobs thob par gyur na/ nang de rtse zhil zhing dugs drag pa'i skyon med par 'gyur ba
 yin la/ de bzhin du dugs grags pa las byung ba'i nang khrag dang mkhris pa 'khrugs pa la sogs pa ji skad bshad pa'i nad rnam pa zad na/ nad zhi ba btses pa legs pa yin par shes par bya'o/ /bcil drags pags pa rtse 'khums shing/ /'dar? zhing
 kha 'gram? nad du 'gyur/ /rkang mchu lag pa pags nad 'gyur/ /bcil drags pa yi nang du bshad/ /ces bya ba yin te/ dugs drags pa'i nang ha cang bcos drags te/ thabs ches pa las nang du 'gyur ba ni pags pa dang/ rtsa 'khums pa la sogs
 pa yin par bshad do/ /de yang bcil zhing bcos drags pas pags pa dang rtsa 'khums shing/ lu? pa? de? zhing 'dar zhing gtso?  pa dang/ snying ga dang/ kha dang 'gram pa rnams 'gags shing rengs pa'i nang du 'gyur te/ tshig mi thon pa dang/ rkang pa
 dang mchu dang lag pa dang pags pa'i mdog nag por 'gyur ba ste/ mtshan ma 'di dag gis ni shin tu rtse bcil zhing bcos drags pa'i nang yin par shes par bya'o/ /shin tu sbom dang rtsub pa dang/ /nyam chung brgyal bar gyur pa dang/ dugs drag?  pa
 bcos dgos klo rdol dang/ /skem dang chang nad kyis btab dang/ /rab rib dmu rdzing shub mchod/ /mdze nad 'or nad rlung mkhris dang/ /'o ma zho dang mar sbrang rtsi/ /'thungs dang bkru sman btang ba dang/ /lus gnad tshig dang gzhad? nad yod/ khro dang mya ngan
 'jigs pas nyen/ /bkres skom mig ser skya rbab dang/ /gcin mkhris nang can zla ba chen 'dzag/ snum dang bu skyes dugs mi bya/ nang tshabs chen 'jam por bya/ zhes bya ba la/ shin tu sgom pa dang/ rtsub pa dang/ bu btsas
 pa'i bar du dugs bya bar mi rung ngo/ /de la nyam chung ba ni stobs chung ba'o/ /dugs drags te bcos dgos pa ni rtse bcil bar 'os pa'o/ /chang nad kyis btab pa ni chang drags pa'i nad na ba'o/ /rlung mkhris ni rlung dang mkhris pa'i ldan pa ste/ de dag la
 dugs mi bya'o/ /de bzhin du 'o ma la sogs pa 'thungs pa la yan dugs ni bya'o/ /de bzhin du bkru sman 'thungs pa la yan gdugs mi bya'o/ /gzhang nad yod pa'i ni gzhang snag pa la sogs pa la yang mi bya'o/ /de bzhin du khro bas nyen pa dang/ mya ngan
 gyis nyen pa dang/ 'jigs pas nyen pa de dag la yang dugs byar mi rung ngo/ /de bzhin du gcin nang dang mkhris pa'i nad dang/ zla mtshan 'dzag pa dang/ sgrum? ma dang/ bu skyes pa la sogs pa la yang dugs byar mi rung ngo/ /gal te de ga la gsung pa la sogs pa'i
 nang tshabs che ba 'byung ste/ mi byar mi rung na/ 'jam par sbyar ba'i dugs dang lums mi drags pa 'jam po bya'o/ /lud pa cham pa dbugs mi bde/ /skyegs bu lto spos bshad 'gags dang/ /skad 'gags rlung gi nad rnams dang/ /bad kan be snabs 'khyil
 zhing lci/ /lus rengs rked? ba rtsib logs dang/ /sgur dang lto nad 'grams nad dang/ /rlig pa skrangs dang dwa rgal dang/ /rtsol dang rlung nad kyis zug dang/ /gcin 'gags thor bu rmen bu dang/ /khu ba bkag dang rlung 'khyims la/ /de yis sman gyi dbye ba yis/ /
 dugs ni so so ji bzhin bya/ /zhes bya ba la/ lud pa dang cham ba nas rlung 'khyims pa'i bar la/ de'i sman ji lta bas legs par dugs bya ste/ la lar ni bsro bas so/ /la lar ni bcings pas so/ /la lar ni tha mal zhes bya bas so/ /la lar ni chu'i
 dugs bya ba dang/ de bzhin du de la phan pa'i rang gi sman gyi dbye ba'i cha so so gang la phan pa'i dbye ba 'og nas rang rang gi nad kyi gnas skabs su bshad pa'i sman gyi dugs so sor bya'o/ /de'i ni 'di skad ston pa yin te/ gang gi tshe lud pa la dugs bya dgos pa
 de'i tshe/ lud pa'i sman du bshad pas dugs bya'o/ /de bzhin du cham pa dang/ dbugs mi bde ba la sogs pa la yang rang rang gis sman gyis dugs bya'o/ /zhes bya bar sbyar? ro/ /drgan dang/ rtsol ba dang/ rlung nad kyis zug pa ni 'og nas bshad pa'i rlung nad kyi nad
 gzhi las mtshan nyid ston to/ /khu ba 'gags pa ni khu chu bkag pa'o/ /rlung 'khyims pa ni tshigs kyis bkag pa'o/ /dugs phan me yis bsro min pa/ /rlung nad tshil dang bad kan can/ /rlung med khang par rtsol ba dang/ gos lci ba dag 'jigs pa dang/ /dkri
 dang stobs 'gyed khro ba dang/ /chang mang dkres dang nyi tshan bzhag ces bya ba la/ tshil dang bad kan gyis yogs pa'i rlung la ni mes mi bsro bar bya ba phan pa yin te/ de'i thabs ni rlung med pa'i khang par 'jug la/ rtsol ba de lus dub par bya ba
 dang/ gos lci ba khur du longs pa bgo ba dang/ de bzhin du 'jigs pa dang/ de bzhin du sngar bshad pa'i dkri ba dang/ stobs 'gyed pa ste lag stobs 'gyed pa la sogs pa dang/ khros 'khrugs pa dang/ ching mang po btung ba dang/ bkres shing
 lhogs pas nyen pa dang/ de bzhin du nyi ma tsha ba la bzhag pa ste/ 'di dag bya'o/ /nad gang nad grol gnas dang lus zungs gnas/ /rtsar song rkang lag rus pa'i nad? song ba'i/ /nad da?  dugs kyis bsrul bar byas nas ni/ /kheng du bsdus la sbyar bas
 dpyis dbyung bya/ zhes bya ba la/ rlung la sogs pa'i nad gang khong bar gnas shing nang grol na 'dug pa 'am/ khrag la sogs pa lus zungs la gnas pa rnams dang/ de bzhin du gang rtsa rnams su khyab cing zhen pa dang de bzhin du rkang lag
 gi nang du song ba ste/ lag pa la sogs pa'i rus pa la zhen pa'i nad de dag thams cad gnas de dag las bshad ma thag pa'i snum dang dugs kyis bsrul bar byas shing/ /'dzag tu rung ba lta bu byas la/
 de nas ji skad bshad pa'i dugs bzhi po ji lta ji lta ba bzhin du bsrul zhing bzhus nas/ rkang lag la sogs pa nas khong pa'i nang du bsdus la/ de'i 'og tu 'og nas bshad pa'i bkru sman dang skyug sman gyis dbyis dbyung zhing gtan nas/ gdon pas
 phyir dbyung bar bya'o/ /rkang lag gi nang du song ba zhes bya ba ni de na gnas pa'i nad ni shin tu dugs bya bar 'os pa yin no/ /zhes bstan pa yin no/ /yang na lus zungs su gtogs pa'i nad gang 'phel nas/ khong pa nas lus zungs su song ba dang rkang lag
 la gnas shing lus zungs nyid la gnas na ldang bar gyur pa yin pas na/ 'dir rkang lag dang rus par gnas pa ni gtso bor gzung ba'i don smos pa yin no/ /de bas na dugs kyis nad rnams bsrul ba byas la/ khong pa'i nang du bsdu dgos
 pa yin no// //yan lag brgyad pa'i snying po'i/ rnam par 'grel ba tshig gi zla zer zhes bya ba/ slob dpon zla ba la dga' bas rnam par sbyar ba las le'u bcu bdun pa'i rnam par 'grel pa'o// //de nas
 skyugs sman dang bkru sman btang ba'i cho ga'i le'u bshad par bya'o/ zhes bya ba la/ dugs kyi cho ga'i 'og tu/ skyugs sman dang bkru sman gyi cho ga'i le'u brtsams pa ni gang gi phyir/ nad de dugs kyis bsrul bar byas nas ni/ khong du bsdus
 la sbyang bas dbyis dbyung bya zhes 'das ma thag par bshad pa gang yin pa de/ sbyang ba'i rang bzhin ji lta bu yin pas bstan par bya ba'i phyir bshad pa yin te/ skyugs sman ni stod kyi nad bsal ba'i thabs yin la/ bkru sman ni smad kyi nad bsal la
 yin te/ de gnyis kyi cho ga ni de dag gi nang las su rung bar bya ba yin te/ de tshangs pa la sogs pas gang du dran pa'i cho ga ni/ skyugs sman dang bkru sman btang ba'i cho ga zhes bya ste/ de dag bshad cing bstan par bya ba'o zhes pa'o/ /bad kan nad dam
 'dres pa yi/ /bad kan rgyas la skyugs sman btang/ /de bzhin mkhris pa bkru sman bya/ zhes bya ba la/ bad kan 'ba' zhig gi nad la/ skyugs sman btang par bya'o/ /yang na ldan pa ste/ 'dres par gyur pa'i bad kan la rgyas par zhes bya ba bad kan gyi
 shas che ba'i nad dang mkhris pa 'dres pa'i nad ?? lan pa 'am/ bad kan dang rlung 'dres pa'i ldan pa bad kan shas che ba la skyugs sman btang bar bya'o/ /de bzhin mkhris la skyugs sman btang/ zhes bya ba la/ de dang 'dra bas na de bzhin te/ bad kan de
 dang tshul mthun par bya'o/ /de yang ji ltar bad kan 'ba' zhig la skyugs sman bya ba yin pa 'am/ bad kan shas che ba'i ldan pa'i nang la/ skyugs sman bya ba de bzhin du mkhris pa 'ba' zhig la/ bkru sman btang ba'i 'dras ba'i nad mkhris pa'i de shas che bas mkhris
 ba dang bad kan 'dres pa'i nad dam/ mkhris pa dang rlung 'dres pa'i nad bkru sman bya'o/ /rgyas la zhes smos pas ni de 'ba' zhig bdo ba'am/ rang gi gnas sam gnas gzhan du zhugs pa'i bad kan ni skyug sman bya la/ mkhris pa la ni bkru sman
 bya'o/ rims sar tshang 'khru thur du ni/ /mkhris pa khrag 'khru glo gcong? dang/ /mdze dang gcin nad 'bram thong bu/ rkang bam mi ngan? lung ba can/ /dbugs mi bde snying 'bar 'bras mched/ /nu ma'i nang dang? ro stong nang/ /khyad par bu ni skyug sman
 bya/ zhes bya ba la/ rims sar pa dang tshang par 'khru ba la sogs pa nas ro stong kyi nad kyi bar dag la khyed par ram mchog tu skyug sman btang bar bya ste/ /des nad 'di rnams chu dang bral ba'i 'bras ltar mchog tu zad cing dengs par 'gyur
 ro/ de la rims sar pa ni dang po byung ba'i rims so/ /thur du khrag dang mkhris pa 'khru ba ni/ /brag mkhris kyi 'khru ba 'byung ba'o/ /thor bu ni 'bras kyi phreng pa'o/ /rkang ba ma ni rkang pa'i nad/ skyugs sman mi btang sprum khong rtsub/ /bkres
 dang rtag tu sdug bsngal ba/ /byis pa rgan skem spom snying na/ /glo skam smas dang nyam chung dang/ rtag tu slon dang mtsher? pa na/ /rab rib lto na srin bu yod/ /rlung khrag 'dres mar gyen du 'byung/ /so na sman btang skad 'dzer dang/ /gcin si rmu rdzings skran nad can
 slon dka' drod che gzhad? 'brum can/ /rtug skams mgo 'khor rtsib logs sra/ /rtsib logs zug dang rlung can no/ zhes bya ba la/ sbram? ma la sogs pa nas rlung nad can gyi bar dag la skyug sman mi btang ngo/ /de la khong rtsub pa la skyug sman btang
 na/ rlung gis yan lag la gnod par 'gyur te/ phal cher kha zas la sogs pa rtsub 'chos bstan pas rlung gi nad skyed pa'i phyir stobs zad par 'gyur ro/ /de bzhin du bkres pa dag la skyug sman btang na me'i stobs kyis stobs zad bar
 'gyur ro/ /rtag tu sdug bsngal ba ni khur dang lam dang rtag tu las byed pa'i dub pas stobs zad par 'gyur ro/ /de bzhin du bzhon pas dub cing nyam chung bdag la yang stobs phrin shin tu khrag? skye bar 'gyur ro/ byis pa la sogs pas ni sman
 gyi stobs mi bzod pa'i phyir/ lus kyi stobs zad pas nang gi khong pa skem zhing gcod du 'gyur ba'i skyon yod pa yin no/ /snying nad na ba ni snying nad kyis nyen pa la byas na snying nad la gnod par 'gyur ro/ /rtag tu slon pa ni stong du rgyu ba'i rlung
 gis gyen du bteg pas de drags na srog zad par 'gyur ro/ /lto na srin bu yod pa ni sngar bkru ba ma byas na/ srin bu shin tu mang ba'i phyir ma las ba 'byung bas/ snying shin tu gtses pas slon pa drags par 'byung bar 'gyur po rlung
 la sogs pa gyen du 'byung ba ni 'og tu bsal bar 'os pas gyen du drangs pas skyon du 'gyur ro/ /slon dka' ba ni khong ba 'gags shing slon dka' ba la shas cher drangs na khong ba'i nad thams cad slongs shing dkrugs pas/ /me dpal dang rmong bag dang/ mi
 dran pa la sogs pa'i nad 'byung bar 'gyur ro/ /rtug skam la sogs pas nyen ba rnams dang/ rtsibs logs zug pa la sogs pa ni rang rang gi nad 'phel ba dang/ 'chi ba dag tu 'ang 'gyur ro/ /ci rnam pa thams cad du sbrum ma la sogs/
 ?? pa la skyug sman btang bar mi bya 'am/ 'on te gnas skabs la lar skyug sman bya zhe na/ de'i phyir smras pa ni/ de dag dug 'thungs ma zhu dang mi 'phrod zas zos ma gtogs so/ /zhes bya ba yin te/ sbrum ma la sogs pa de dag gis gal te
 dug dang sbyar ba'i dug 'thungs sam/ zas ma zhu ste gsung ngam/ mi 'phrod ba'i zas zos par gyur na ni ma gtogs te/ 'di dag ni myur du gsod par byed pa yin pas na/ dug 'thungs pa la sogs pa'i gnas skabs 'di lta bu ma gtogs pa gnas skabs
 gzhan du skyug sman mi btang gi/ rkyen 'di dag byung na der skyug sman 'jam po btang bar bya'o/ /rtag tu slon ba yan chad dang/ /phal cher ma zhu'i rims dag dang/ /ma zhu ba ni thams cad la/ /dud pas bdug par las kun spang/ zhes bya ba la/ 'dir rtag
 tu slon zhing rgyun tu skyug ba'i skyes bu dang/ gang sngar skyug sman btang du mi rung bar bstan pa sbrum ma nas/ nyam chung ba'i bar de thams cad dung bas bdug pa'i car gyi las 'di spang zhing dor bar bya'o/ /'di dag la dud pas bdug pa'i bar gyis las kun
 spang bar bya ba ma zad kyi/ /ma zhu ba'i rims kyi bar dag la'ang spang bar bya ste/ rims sar ba la ni nad 'khyims par gyur pa'i nyes pa yod pa'i phyir ro/ /de bzhin du ma zhu ba thams cad la yang skyug sman gyi rjes la las kun te/ bkru sman dang/ mas? btang
 pa dang sna nas btang ba dang/ dud bas bdug pa dang/ mkhur ba bkang zhing dpo ba dang/ mchi ma dbyung ba dang/ mig sman dang/ smin par bya ba'i bar gyi las spang bar bya ste/ ma zhu ba'i be'u snabs kyi 'jigs pa nyid kyis so/ /bkru
 sman gyis gso skran gzhang 'brum/ /'brum bu mig ser gzhog phyed lci/ /rims rnying rmu rdzing? dbyig dug dang/ /skyug dang mcher nad skya rbab dang/ /long nad rab rib sngon por gyur/ /mchi 'jig zhu ba'i gnas na zug/ mdal dang zhu ba'i gnas kyi nad/ /khong
 nad gtogs dang srin nad rma/ /dreg khrag nam tshong yan chad na/ /gcin sri bshad ba 'gags pa dang/ /slon bya mdze gcin nad sogs yin/ zhes bya ba la/ skran la sogs pa nas rtug pa 'gags pa'i bar gyi nad rnams dang/ de bzhin du slon par bya ba'i nad las
 mdze nad dang gcin nad nas ro stod? kyi nang rnams kyi bar bkru sman gyis gso zhing sbyang bar bya ba yin te/ 'di dag la bkru sman byas pas mchog tu 'byang zhing 'jig par 'gyur ro/ /khrus mi bya ba'i rims sar dang/ /drod chung khrag mkhris thur du 'gyur
 nas? dang gzhad? nad tshad bar 'khru/ /khong du mtshon lus lto sra dang/ /snum ches pa dang skem ches pa'o/ zhes bya ba la/ rims sar nas skem ches pa'i bar la ni khrus byar mi rung ngo/ /de la rims sar pa yin du zin kyang/ nad ma smin pa la
 khrus mi bya ste/ des nad slar skyed pa'i phyir ro/ /gzhad nad ba ni bshad? sgo srog la gnod pa'i nad bskyed par 'gyur ba'i phyir ro/ /tshad par 'khru ba dang khrag mkhris thur du byung ba gnyis la/ /brus byas na shin tu 'khru drags pas ma rungs
 bar 'gyur ro/ /brod chung ba la sogs pa ni sman gyi shugs mi bzod cing bsten mi nus pa yin no/ /chang nad kyis nyen pa la khrus mi bya ste/ des rlung gis srog la gnod par byed pa'i phyir ro/ /long kha'i gnas su rlung bsags pas phan tshun
 rgyu ba na nad 'phral du lto sbos pa skyed par byed do/ /khong du mtshon lus pa yang der rlung bsten las srog la gnod par 'gyur ro/ /lto sra ba ni sman bdo bas nas phyir phyin par ma nus pa dang/ snying gar gzer ba dang/ rtsib logs
 su zug pa dang/ sgro? ba dang/ slon ba dang/ brgyal ba dang/ rmya ba skyed de/ srog ma rungs par byed do/ /snum ces pa la khrus byas na yang ha cang drags par 'gyur ro/ /skem ches pa ni 'dir nad gcod chen po la bya ste/ gced? chen pos nyen pa ni lus zungs
 zad pas dri ma'i stobs kyis gnas pa yin pa las/ de phyung na lus kyang 'jig par 'gyur ro/ /sbrum ma la sogs pa la khrus byas na yang nyes pa lngar bshad pa ltar 'gyur ro/ /de nas thun mong dus su ni/ /cho ga bzhin du snum gyis zhe na/ /nya dang ma sha
 ti la sogs kyis/ /nang? par slon bya'i bad kan skyed/ /mtshan mo gnying log zas legs zhu/ /snga dro'i dang por bkra shis byas/ /zas ma zos pa'am cung zad snum/ /thug pa zhun mar ldan pa btung/ /byis pa rgan pa nyam stobs chung/ /sman stobs
 chung ba nad dbang las/ /chang 'o bu ram shing sha khu/ /nad dmigs ni skang bshad pa bzhin/ /sbrang rtsi rgyam tsha dang ldan pa/ /sman tshang lto ba la dpags te/ /sman la sngags ni mngon bzlas la/ /lkog mar phyin pa'i bar du blung/ /tshang pa skye dgu'i
 bdag dang tha skar bu/ /drag po dbang po nyi zlas me rlung/ /drang srong rnams kyi tshogs dang bcas pa dang/ /'byung bo'i tshogs kyis khyod ni bsrung bar shog/ drang srong rnams kyi bcud kyis len pa dang/ /lha rnams kyi ni bdud rtsi lta bu dang/ /klu mchog
 rnams kyi bdud rtsi lta bur ni/ /khyo la sman 'di nye bar gnas gyur cig/ oM na mo b+ha ga ba te/ b+he Sha dzye gu ru baiDUrya bra b+ha rA dzA ya/ ta thA ga tA ya/ arha te/ saM myag saM bud+d+hA ya/ ta dya thA/ b+he Sha dzye b+haiSha dzye mahA b+he 'dzye/ sa mung+ga te swAhA/ shar du kha bstan 'thung
 du gzhug/ ces bya ba la/ de nas zhes bya ba ni bkra shis ba'i don du smos pa yin no/ /thun mong gi dus su ni dbyar zla tha chung dang/ /dbyid zla 'bring po'o/ /cho ga bzhin zhes bya ba ni bya ba'i rim pa dang/ mthun par snum gyis zhen
 cing brlan par byas la/ nad? par te de las gzhan pa'i nyi ma la/ skyug sman btang bar bya ba'i skyes bu nub cing?/ /snum gyi cho ga dpyad la/ tshad dang ldan pa'i sman de btung ba ni sman pa nub tu kha bltas la nad pa shad du kha bstan te/ sngags 'di mngon par bzlas la
 'thung du gzhug go zhes bya bar sbyar ro/ /skyugs par bya ba ji lta bu la blung ce na/ bad kan glongs pa ste/ bad kan skyed par de rang gi gnas nas gso bar byas pa'o/ /gang gis she na/ nya sha dang sran ma mA Sha ste/ mon sran gre'u dang til la sogs
 pas so/ /srogs pa smos pa na 'o ma dang/ zho dang til gi 'ba' cha la sogs pa'i kha zas kyi bye brag rnams kyis so/ /mtshan mo gnyid log pa ni mtshan mo bde bar gnyid log pas gnas pa'o/ /gang gis zas legs par zhu ba ni
 kha zas bde mor zhu bar gyur pa'o/ /snga dro ni nyi ma'i cha dang po'o/ /bkra shis byas pa ni byin rlob cing dge bston par byed pa'o/ /de bzhin du zas ma zos pa ni kha zas longs spyad pa ma byas pa'o/ /yang cung zad snum pa ni snum gyi bya ba cung zad byas
 pa'o/ thug pa ni nas thug go/ de zhun mar cung zad btab la btung bar bya'o/ /de bzhin du byis bar? rgan po la sogs pa rnams ni nad kyi dbang las tshang la sogs pa lkog mar phyin gyi bar du 'thung du bcug la/ nad dmigs ji skad
 bshad cing gang la ji ltar 'os pa bzhin du sbrang rtsi dang rgyam tshwa dag dang ldan zhing bsres la/ sman gyi tshan lto sra snyi rab 'bring tha ma'i tshad las dpags te/ lto snyi ba la sman 'jam po 'am tshad chung ba'i sman sbyin no/ /'bring la ni 'bring ngo/ /sra ba la
 ni rno ba dang che bar/ /sman la sngags kyi mngon par zla ba ni/ /dge glong bram ze rnams kyis shis bar brjod par bya ba'i tshig rnams dang/ de bzhin du tshangs ba ste skye dgu'i bdag dang zhes bya ba la sogs pa'i tshigs su bcad pa dang/ sngags bzlas par bya'o/ /de la
 tshangs pa dang skye dgu'i bdag po myur ba zhes bya ba dang/ tha skar gyi bu gnyis dang/ drag po ste lha chen po dang/ dbang po ste brgya byin dang/ sa'i lha dang/ nyi ma dang/ zla ba dang/ me lha dang rlung lha ste/ tshangs pa la sogs pa de dag gis khyed la bsrung zhing
 skyob par shog cig ba'o/ /'di dag 'ba' zhig tu ma zad kyi dang srong zhes bya ba rgyun shes kyi bu la sogs pa sman gyi tshogs dang bcas pa ste/ sman gyi gnas kyi yul lam sman gyi tshogs du ma dang bcas pa rnams dang/ de bzhin du 'byung bo'i tshogs te lhag pa??
 yin dang/ nam mkha' lding dang mi 'am ci la sogs pa 'byung ba mthu bo che rnams kyis bsrung bar shog cig ba'o/ /yang khyed la sman 'di 'di dag lta bur nye bar gnas par gyur cig pa ste/ drang srong rnams kyi bdud kyi len pa dang/ zhes bya ba drang srong 'pho ba zhes
 bya ba la sogs pas bcud kyi len du byas pa'i sman gyi mchog lta bu dang/ brgya byin la sogs pa lha rnams kyi bdud rtsi lta bu dang/ klu yang yin la mchog kyang yin pas na/ klu mchog ste mdza' yas dang nor rgyas dang rig ldan la sogs pa
 rnams kyi ste/ klu rnams kyi bdud rtsi rnyed par sla ba ma yin pas na klu mchog ces smos pa yin te/ klu rnams kyi bdud rtsi ni lha yi bas cung zad dman pa yin ne/ /de dag dang khyed kyi man 'di 'dra bar nyid du gnas par gyur cig ba'o/ /'thungs nas de la
 sems dmigs te/ /yud tsam bsdad la dang kha 'khyil/ /mchil mang de nas slon du gzhug/ ma gnod par ni sor mos sam/ /yang na chu ba 'jam po yis/ /lkog ma lce'u chung ma snang bya/ /skyug mi bro bar mi drang ngo/ /'byung bar sdog pa smon par
 bya/ pus mo dang mnyam stan la gnas/ zhes bya ba la/ sman 'thungs zin nas/ /de la sems shing zhes pa slon bro ba'i sems bskyed la/ yud tsam zhes pa chu tshod gnyis kyi bar du bsdad cing 'dug la dang khar 'khyil ba dang
 rdul 'byung bas nang zhi bar 'gyur ba dang/ ba spu ldang bas gnas las bskyod par 'gyur ba dang/ khong pa cung zad spo zhing 'khrugs pas ltor rgyu ba dang/ rim gyis snying gar zug cing kha 'khyil ba dang/ snying 'phar pa dang/ mchil ma mang por
 khar 'byung pa dag gis nad de gyen du mngon par shes pa'i bar du yud tsam bsdad nas slon du gzhug go /gang la dad ga 'khyil ba dang/ mchil ma mang ba 'byung bar 'gyur ba de ni dang gar 'khyil ba dang/ mchil ma mang ba zhes bya la/ /de ltar
 gyur nas de slon du gzhug go /ji ltar slon par bya zhe na/ ma gnod par sor mo gnyis kyis slon zhing drang ba ste/ shin tu rtsol ba drag pos mi bya'o/ /yang na chu 'jam pos bya ste/ utpa la sngon po la sogs pa'i chu sdong zlum pa 'jam zhing mnyen pas bya'o//
 lkog ma lce'u chung ma snang bar zhes bya ba ni/ de dag la gnod pa med par ro/ /de bzhin du skyug mi bro zhing 'byung bar mi ldog pa'i tshe drang zhing slon bar mi bya'o/ /skyug bro zhing 'byung bar sdog pa na slon zhing skyug bar mi bya'o/ /skyes bu skyug bro zhing
 rlon pa'i tshe/ pus dang mnyam pa'i bstan mthon po la gnas par gyur pas skyug du gzhug go/ de ni slon tshe glo gnyis dang/ /dpral ba dag nas bsten par bya/ /de bzhin lte ba btsir ba dang/ /rgyab nas gyen dus mnye bar bya/ zhes bya ba la/ mi de slon zhing skyug
 par gyur pa na/ /glo gnyis te rtsib logs gnyis dang/ de bzhin du dbral ba nas gzung zhing bsten par bya'o/ /de bzhin du lte ba btsir bar bya ba dang/ rgyab nas gyen du btsir thabs kyis phul zhing lag pa gyen du bltas pas na nye bar bya'o/ /de ltar
 bad kan rno drong kha/ /mkhris pa mar dang bsil bas slon/ /rlung 'dres bad kan snum pa dang/ /skyur dang lan tshwa dag gis slon/ /ji srid bad kan rgyun chad pa'am/ /mkhris pa snang gi bar du skyug/ ces bya ba la/ tshul de ltar bad kan ni sman rno ba dang dro ba dang kha bas slon zhing
 skyug du gzhug go/ de bzhin du mkhris pa zhes ba mkhris pa dang bad kan rgyas pa 'dres pa'i nad la/ /sman mngar ba dang bsil ba'i nus pa dang ldan pas slon du gzhug go /de bzhin du rlung nad 'dres shing 'dus pa'i bad kan rgyas pa la ni sman snum pa dang/ sgyur
 ba dang/ lan tshwa'i shas che ba dag gis slon du gzhug go /de slon pa ni ji srid bad kan zad cing rgyun chad pa 'am/ mkhris pa snang gi bar du skyug cing drang bar bya'o/ /shugs dal pi pi ling skyu ru/ /yungs kar rgyam tshwa'i chu dag gis/ /yang dang yang ni slon
 du gzhug ces bya ba la/ skyes bu slon pa'i shugs dal zhing pa bas chung bar gyur na/ pi pi ling dang kyu ru ra dang yungs kar gtags pa'i lde gu dang/ rgyam tsha'i chu dag blud la/ de yang dang yang du slon zhing skyug du gzhug go/ der ni slon par ma gyur
 ba 'am/ sdod pa dang bcas slon pa'am/ /sman ni 'ba' zhig 'byung 'gyur na/ /sbyor nyes de ni mchil ma mang/ /g.yan pa thor bu rims sogs 'byung/ zhes bya ba la/ skyug pa'i gnas skabs der slon ba'i shugs ci 'ang 'byung bar ma gyur pa
 'am/ yang na sdod ba'i gags dang bcas par slon pa 'am/ /sman 'ba' zhig 'byung bar 'gyur zhing nad ma phyin par sman nyi tse skyug par gyur na/ 'di ni skyugs sman gyi sbyor ba nyes shing ma rungs pa yin te/ sbyor ba nyes pa des mchil ma mang ba la
 sogs pa 'byung bar 'gyur ro/ /mchil ma mang ba ni bad kan gyis mchil snabs mang du 'dzag pa'o/ /sogs pa zhes smos pa ni yi gar mi 'ong ba dang/ lus lci pa dang tshigs na ba dang/ rmya zhing snyom pa dang zug cing gzer ba dang/ cham ba dang
 sbu ldang ba la sogs pa 'byung ba bsdu'o/ /bder skyug bad kan mkhris pa dang/ /rlung ni rim gyis 'byung bar 'gyur/ /sbyor ba legs pa yin zhes bya ba la/ skyug sman gyi sbyor ba legs pa'i mtshan ma yang bde bar skyug cing sded pa med pa dang/
 bad kan la sogs pa rim gyis 'byung bar 'gyur ste?/ bad kan slon pa med par 'byung ba dang/ de'i 'og tu mkhris pa/ de'i 'og tu rlung rim bzhin du 'byung ba dang/ de bzhin du zug gzer chen po med pa dang/ yid dga' zhing dang gi gsang bag la
 sogs pa 'byung bar 'gyur ro/ /skyug sman gyi sbyor ba legs pa yin no/ /sbyor ba drags pas/ lbu ba tshon can khrag 'drar snang/ /slon nas khong mya lus tsha dang/ /lkog skams mgo 'khor mig mi mthong/ /rlung nad mi zad ldang 'gyur zhing/ /srog gi khrag
 'byung 'chi bar 'gyur/ zhes bya ba la/ skyug sman gyi sbyor ba drag par gyur pa yang/ slon pa'i skyugs pa lbu ba dang/ mdog tshon can rma bya'i mjug sgro ltar kha dog sna tshogs pa snang ba dang/ khrag lta bur skyug par 'gyur bas na/ lbu ba tshon can khrab 'drar
 snang zhes bya'o/ /de bzhin slon nas khong rmya zhing shin tu nyam chung ba dang/ de bzhin du yan lag thams cad tsha ba 'ur 'ur par gyur pa dang/ lkog ma skam zhing gre ba zhum pa dang/ mgo 'khor ba dang/ mig gis mi mthong zhing mun pa lta bur snang ba
 dang/ rlung nad mi bzad pa ste/ kha yo ba dang/ rna ba gzer ba dang/ tshig thogs pa dang/ lce 'khums pa dang/ mig 'gyur ba dang/ 'gram pa ba thams pa? dang/ dran pa med pa dang/ gnyid yar ba la sogs pa'i nad mi bzad pa dang ldan par 'gyur ro/ /
 yang na srog ces bya ba'i khrag 'og nas bshad pa'i mtshan nyid can/ /slon nyes pa'i nad de 'byung bas 'chi bar 'gyur ro/ /sbyor ba legs pas slon na ni/ yud tsam ngal bso dud pa gsum/ /gang yang rung bas bdugs pa dang/ de'i 'og snum gyi spyod
 ba bsten/ zhes bya ba la/ skyes bu sbyor ba legs pas slon bar gyur na/ rkang pa dang lag pa dang gdong dang mig legs par dag par byas shing phyis la/ yud tsam zhig la ngal bso zhing dub ba bsal la/ rnga yab la sogs pas dbugs phyung zhing sems bso ba byas nas/
 de'i 'og tu du bas bdug pa gsum po bdug pa'i chog las 'og bshad ba rnon po dang bar ma dang/ 'jam pa'i dbye bas phye ba'i gang yang rung ba de'i nus pa dang sbyar te/ ci rigs par rno ba dang bar ma dang 'jam pa dang gsum las gcig gis bdug par bya'o/ /de nas
 de'i 'og tu snum gyi cho ga'i spyod pa'i kha lag chu dron gyis bkru zhing zhes bya ba la sogs pa bstan cing bslab par bya'o/ /de nas dgongs ka 'am nang par ni/ /bkres tshe chu tsan gyis bkrus la/ /sa lu rtsa snar 'bras kyi ni/ /thug pa la sogs rim bzhin bsten/ zhes bya ba
 la/ de nas slan zin pa dang/ dgongs ka de nyi ma nub nas sam/ /yang na phyi de zhag gi nang par tho rangs kyi slon gyis slongs pa'i lus zung rnams rang gi gnas su legs par gnas par bya ba'i phyir/ /sngar slon pas dkris shing brub tsha bar gyur na/ chu dron pos khrus
 byas shing gtsang sbra byas la/ /sa lu rtsa snar gyi 'bras kyi thug pa la sogs pa 'og nas bshad pa'i rims pa 'di bstan cing spyad par bya'o/ /de la thug pa la sogs pa'i rim pa la bsten pa gnyis te/ zas kyi dus gnyis gnyis te bsten pa dang/ de bzhin du sbyang ba
 thams cad sbyangs pa gcig ste/ zas kyi dus su thug pa nas sha khu'i bar du re re spyad pas bsten par bya'o/ /de la nyi ma dang po'i dgongs ka thug pa btung bar bya'o/ /nyi ma gnyis pa la zas kyi dus gnyis su thug pa nyid btung par bya ste/ de ltar zas kyi
 dus gsum du thug pa spyad pa yin no/ /nyi ma gsum pa la zas kyi dus gnyis su thug pa gar po spyad par bya ste/ nyi ma bzhi pa'i nang par gyi zas kyi dus gcig tu thug ba gar po spyad bar bya ste/ /de yang sla ba ma yin pa thur ma la bde blag tu chags pa bza' 
 bar bya ste/ de ltar na zas kyi dus gsum du thug pa gar po longs spyod pa yin no/ /nyi ma bzhi pa'i dgongs ka'i zas kyi dus gcig tu g.yos su ma byas khu ba longs spyad par bya'o/ /de yang nyi ma lnga pa'i zas kyi dus
 gnyis su g.yos su ma byas pa'i khu ba nyid btung bar bya ste/ de ltar na g.yos su ma byas pa'i khu ba zas kyi dus gsum du spyad pa yin no/ /zhag drug pa la zas kyi dus gnyis su g.yos su byas pa'i khu ba bsten par bya'o/ /nyi ma bdun pa'i nad
 par gyi zas kyi dus gcig la g.yos su byas pa'i khu ba dang bza' bar bya ste/ de ltar na g.yos su byas pa'i khu ba zas kyi dus gsum du spyad par bya'o/ /zhag bdun pa'i dgongs ka zas kyi dus gcig du sha khu dang nye bar longs spyad par
 bya'o/ zhag brgyad pa'i zas kyi bar dus gnyis su sha khu dang bsten par bya ste/ de ltar na sha khu zas kyi dus gsum du spyad pa yin na/ /'di ni spyad ba rab kyi thug pa rkyang rkyang po nas sha khu'i bar spyad pa'i rim pa yin no/ /de bzhin du spyad pa tshad che bas
 sbyangs par gyur pas zas kyi dus gnyis su thug pa la sogs pa spyad par bya ste/ /nyi ma dang po'i dgongs ka dang nyi ma gnyis pa'i nad par thug pa rkyang rkyang po nyid spyad par bya'o/ /nyi ma gnyis pa'i dgongs ka thub pa gar po 'thungs nyi ma gsum pa'i nad
 par thug pa gar po nyid btung bar bya'o/ /de'i dgongs ka ni g.yos su ma byas pa'i khu ba dang longs spyad par bya'o/ /nyi ma bzhi pa'i nang par yang g.yos su ma byas pa nyid do/ /de'i dgongs ka ni g.yos su byas pa'i khu ba ste/ lnga pa'i nang par yang g.yos
 su byas pa dang spyad par bya'o/ /de'i dgongs ka ni sha khu ste/ nyi ma drug pa'i nad par yang sha khu dang spyad par bya'o/ /de'i dgongs ka phan chad ni zas nad ma bza' bar bya'o/ /de bzhin du spyad pa tha mas sbyangs pas zas kyi dus gcig tu thug? pa rkyang rkyang
 po la sogs pa spyad par bya ste/ nyin zhag dad dang po'i dgongs ka thug pa rkyang rkyang spyad par bya'o/ /nyi ma gnyis pa'i nang par thug pa gar po dgongs ga g.yos su ma byas pa'i khu ba nyi ma gsum pa'i nang par g.yos su bya ba'i khu ba/ dgongs ka sha
 khu de phan chad ni zas nar ma thams cad spyad la rag go /thug pa rkyang rkyang po la sogs pa'i rim pas ci zhig byed ce na/ de'i phyir smras pa ni/ dper na me chung rtswa dang lci sogs kyis/ /rnam par sbar nas rim gyis mched pa na/ /che zhing bstan la thams
 cad mched par nus/ /sbyangs pa'i nad med thug sogs kyis de bzhin/ zhes bya ba yin te/ dper na me shing med cing phra ba cung zad cig gnas par gyur pa ni/ rtswa dang lci ba la sogs pa phra zhing zhib mor rnam par sbar zhing 'bud pa na/ rim gyis mched par gyur pa na
 chen por 'gyur ba dang/ de bzhin du bstan zhing mi sod par 'gyur ba dang/ thams cad mched par nus pa ste/ dngos po sra zhing lci ba'i zad kyi rigs rnams kyang smin dang chos par nus par 'gyur ro/ /de bzhin du sbyangs par gyur pa'i pho ba'i nang gi me sbyangs pas
 nyam chung zhing stobs zhan pa thug pa rkyang rkyang po la sogs pas gsos par gyur pa ni ris kyis che ba dang brtan pa dang/ 'ju zhing smin par byed nus par 'gyur ro/ /de la sbyangs pa gsum po de dag gang zhig yin pa mi shes so she na/ /de'i phyir smras pa ni/
 slon tshad gus dang 'bring dang chen po ste/ /bzhi dang drug dang lan brgyad slan par 'dod/ /de gnyis bcu dang nyis ldab sum ldab 'khru/ bre gang de bzhin nyis ldab bzhi ldan 'gyur/ /skyug sman mthar mkhris bkru sman las phyed dang/ /bad kan mthar byung 'khrul ba mchog
 tu bshad/ /ces bya ba la slon pa'i tshad chung ngu dang 'bring dang chen po go rim ji lta ba bzhin du slon shugs bzhi dang/ /drug dang brgyad slon pa dag yin par tshe'i rig byed dran par byed pa dag mngon par 'dod cing ston pa yin no/ /de la slon ba chung tshad ni lan
 gzhi slon pa yin par 'dod do/ /slon tshad 'bring ni lan drug slon pa'o/ /slon pa che tshad na lan brgyad slon pa'o/ /'byung ba'i shugs de nyid bcu dang gnyis ldab dang/ sum ldab ni 'khru ba'i chang chung ngu dang/ 'bring dang chen po yin par
 drang srong de dag nyid 'dod do/ /de la 'khru ba chung ba'i tshad ni lan bcu 'khru ba'o/ /'khru ba'i 'bring tshad ni/ bcu gnyis ldabs te lan nyi shu 'khru bar 'dod do/ /'khru ba che tshad ni bcu'i sum ldab sum bcu yin par 'dod do/ /de ltar na skyug sman dang bkru
 sman gnyis kyi 'byung ba'i grangs kyi tshad chung ngu dang 'bring dang chen po bshad pa yin no/ /bre la sogs pa'i tshad kyis gzhal ba'i tshad chung ngu dang/ 'bring dang chen po smras pa ni bre gang la sogs pa yin te/ 'khru ba'i tshad chung ngu dang 'bring dang chen po
 ni rim bzhin du bre gang dang de nyid kyis nyis ldab dang/ de nyid kyi bzhi ldab yin no/ zhes bya bar sbyar ro/ /des na 'khru ba chung chad ni bre gang ngo/ /'bri ba ni bre ngo'o/ /chen po ni bre bzhi yin no/ /slob dpon gzhan dag ni/ skyug sman gyi mchog ni mkhris pa
 'byung ba'i mthar thug pa yin par 'dod do/ /skyug sman gang gi mthar mkhris pa 'byung ba de ni/ skyug sman mthar ni mkhris pa'o/ zhes bya'o/ /bkru sman gyi tshad bre gang du yongs su chad pa las phyed de bre phyed do/ /des na slon pa'i chung tshad ni bre
 phyed do/ /'bring ni bre gang ngo/ /che tshad bre ngo'o/ bzhin du bad kan mdza' mar byung ba'i 'khru ba'i tshad ni mchog yin no/ /zhes srog bsrung ba'i slob dpon dag gis bshad do/ /'khru ba gnyis gsum bshad dang bcas pa ma gtogs so/ /'khru ba gzhal te slon pa
 'thungs ma gtogs/ zhes bya ba la/ 'bring ni bre gang ngo/ /'khru ba'i shugs gnyis sam gsum la ni 'khru ba'i gsum zhes bya la/ de bshad ba dang bcas par 'byung bas na/ bshad bcas te 'khru ba de gtogs shing tshad du bgrang bar mi rtsi zhing
 por la 'khru ba'i yul la gzhal zhing brtsis la 'khru ba'i grangs su bstan pa gang yin pa las de mi rtsi ste/ de'i 'og tu dngos po'i rigs gzhan de med par 'khru ba'i shugs kyi dbang gis bshad ba'i sgo nas 'byung ba de nyid de'i 'og tu bre
 la sogs pa'i tshad kyis gzhal bar bya'o/ /de bzhin du slon zhing skyugs pa'i lus la slon pa'i phyir/ skyugs sman chu la sogs pa rdzas gsher ba dang bsres te 'thungs pa gang yin pa kha nas slon te byung ba de skad du bshad par grangs su mi brtsi'i/ de'i 'og tu dngos
 po gzhan dag slon pa'i shugs kyis kha'i sgo nas byung ba de nyid de phan chad gzhal zhing brtsi bar bya'o/ /de nas slon pa de la ni/ /slar yang snum dang dugs byas te/ /bad kan ba dus 'das lto shes nas/ /legs par bkru sman btang bar bya/ zhes bya ba la/ de nas
 zhes bya ba ni/ bkra shis pa'i don nam/ de ma thag pa'i don te/ de nas de'i 'og tu slan pa'i skyes bu de slar yang zhes bya ba phyis yang snum dang dugs byas shing bde bar gnas pas sngar bshad pa'i cho gas byas la/ bad kan gyi dus 'das pa dang lto na kha zas
 med par shes shing rtogs nas sman gyi tshad ji ltar 'os pa las legs par bkru sman btang zhing 'thung ngu bcug la/ 'khru bar bya'o/ /mkhris pa mang zhing lto snyi la/ /'o mas kyang ni 'khru bar byed/ /rlung shas che zhing lto sran/ /dur byid sogs kyis kyang
 'khru dka' / zhes bya ba la/ de la 'khris ba mang zhing lto snyi ba gang yin pa de ni 'o mas kyang 'khru bar byed do/ /'dir 'o ma smos pa ni nye bar mtshon pa tsam du zad do/ /de nas bu ram shing gi khu ba dang dar ba skyur po dang/ zho ga chu dang/ bu ram dang/ kri sa ra dang/ zhun mar
 dang chang dang/ chu tshan dang/ pi lu dang rgun 'brum dang/ slar gor zhe sha la sogs pas kyang 'khru bar byed do/ /de la rlung shas che zhing lto sral 'khru bar dka' ba ni du phyir dang 'bras bu gsum dang/ nam pa dang/ ni li ni dang/ dan+ti'i 'bras bu la bas kyang
 'khru bar dka' zhing rtsol ba chen pos gdong 'khru ba yin no/ /bkru sman mkhris la mngar dang bska/ /bad kan la ni bskabs bya/ /rlung la snum dro lan tshwa can/ zhes bya ba la/ mkhris pa'i nad kyi yul la
 ni bkru sman mang ra ba dang/ bska ba btang na bkru ba la bsngags so zhes bya ba ni tshig gi lhag ma'o/ /de bzhin du bad kan zhes bya ba la mkhris pa rgyas pa dang 'dres pa'i bad kan la ni sman kha bas bkru ba bsngags pa yin
 no/ /rlung dang mkhris pa 'dres pa la ni sman snum pa dang/ dro ba dang/ lan tshwa can gyi bkru sman gyis bkru ba bsngags pa yin no/ /mi 'khru na ni chu tshan blud/ /lag pa bsros pas de yi ni/ /lto ba legs
 par dugs bya'o/ zhes bya ba la/ spyad pa'i sman gyis 'khru bar ma gyur na/ sman gyi nus pa skyed par bya ba'i phyir ro/ /chu tshan blud pa dang/ de bzhin du skyes bu de lag pa bsros pas de'i lto ba legs par
 par dugs bya zhib bsro bar bya'o/ /ma 'khrus de zhag ldang zas zos/ /nyi ma gnyis par slar yang btung/ zhes bya ba la/ sman des cung zhig /'khru zhing nad pa bde mor ma phyin
 mal nas langs la phyi rol gyi sar dri ma gdon pa'i phyir 'gro bar bya la/ de nas de zhag gcig zan zos la/ nyi ma gnyis pa zhes bya ba phyi de nyin yang 'khru bar bya ba'i phyir yang sman btang bar bya'o/ /lto ba dang sra snum dang/
 ni/ /zhag bcu'i bar du yang btung bas/ /slar yang snum dang dugs kyis ni/ /lus sbyangs nas ni bkru sman gyi/ /sbyor ba legs par brtag pa dang/ /sngar gyi nyes pa dran par bya zhes bya ba la/ gang gi snum gyis zhan par ma
 gyur cing ma rlan pas rab tu sra ba zhig na/ zhag bcu'i bar du slar yang snum gyi cho ga byas la/ lus nye bar sbyang zhing snum dang dugs kyis lus btsos nas bkru sman gyi sbyor ba nad la sogs pa'i tshul la legs par brtags
 te bya bas/ de bzhin du sngar gyi nyes pa ci yang dran zhing ngos zin par byas la/ ma yengs par bkru sman btung bar bya ba'o/ /bkru sman gyi sbyor ba nyes pa'i mtshan nyid ni/ snying dang lto na yi ga 'chus/ /bad kan mkhris pa glongs pa dang
 g.yan pa lus tsha thor bu dang/ cham pas 'debs shing bshang rlung 'gag /sbyor ba nyes pa'i mtshan nyid yin/ zhes bya ba yin te/ bkru sman btang ba ma legs na/ snying dang lto ba na zhing mi dga' bar 'gyur ba dang/ yig 'chus pa
 ste zas la 'dod pa med pa dang/ de bzhin du bad kan dang mkhris pa glongs shing bskyod par 'gyur ba dang lus g.ya' zhing lus tsha ba sna tshogs kyis 'debs pa dang/ yan lag dang nying lag tu thor bu 'byung ba dang/ cham pas 'debs
 pa dang/ de bzhin du bshang ba thur du 'byung ba'i rlung 'gags par 'gyur de ni sbyor ba nyes pa'i mtshan nyid yin par bshad do/ /sbyor lags ji skad bshad go bzlog /ces bya ba la/ bkru sman gyi sbyor ba legs na ji sad bshad
 pa'i mtshan nyid snying dang lto ba na ba la sogs pa las go bzlog pa ste/ snying dang lto ba dag cing sang bag tu 'gyur ba dang/ zas yi gar 'ong ba la sogs par 'gyur ro/ /bshang ba mkhris pa bad kan rlung/ /rim gyis 'khru zhing
 'byung ba na/ /bad kan mkhris pa med chu 'khru/ skya zhing gnag dang khrag dang bcas/ /yang na sha bkrus lta buAm/ /tshil gyi du ma bu 'dra nyid dam/ /gzhang 'brum skom dang che ba dang/ /mgo 'khor mig ni phugs su bros/
 bkru sman drags las 'byung ba yin/ /de bzhin skyug sman drags nad 'gyur/ zhes bya ba la/ skyes bu shin tu 'khru drags la/ gnod pa 'di dag 'byung bar 'gyur te/ bshang ba la sogs pa 'byung ba na/ bad
 kan mkhris pa ni med pa'i dri ma'i chu 'ba' zhig 'khru zhing 'byung ba dang/ de bzhin du skya zhing dkar ba dang/ gnag cing snum tsha drag pa dang/ khrag dang bcas pa ste/ yang na sha bkrus pa lta bu ste/ bkrus pa'i sha 'dra ba dang/
 de bzhin du tshil gyi dum bu dang 'dra zhing mtshungs pa dang/ de bzhin du gzhang 'byung zhing mthon pa dang/ de bzhin du skom dang che zhing skom pas gdungs pa dang/ mgo 'khor ba dang/ de bzhin du mig phugs su bros shing rkongs su
 zhugs pa ste/ 'di dag ni shin tu 'khru drags pa las 'byung bar 'gyur ro/ /de bzhin du skyugs sman drags pa'i nad kyi tshul sngar bshad pa ltar kyang 'byung bar 'gyur ste lus skem zhing rmya ba dang/ lus kyi khong tsha ba dang/
 lkog ma bskams pa dang/ mig gis mi mthong ba nas 'chi ba'i bar du 'byung bar 'gyur ro/ /legs par 'khrus pa de la ni/ /dung bas bdug pa ma gtogs pa'i/ /chog skyugs sman dang mtshungs pas/ /des na
 slon dang 'dra bar bya/ /zas la rim gyis spyad pa ni/ /de 'og nar ma'i kha zas bsten/ zhes bya ba la/ legs par 'khru zhing khrus kyi sbyor ba ji skad du bshad pa ltar 'khru ba'i skyes bu de la dud pas bdug
 pa'i cho ga ma gtogs pa/ cho ga gzhan skyug sman gyi skabs su bshad pa dang mtshungs shing 'dra bar nye bar sbyar bar bya ste/ 'dir khyad par ni dud pas bdug pa 'ba' zhig ma gtogs pa sngar bshad pa thams cad bya'o/ /de nas
 de'i 'og tu slon dang 'dra bar bya ste/ ji ltar slon pa'i skabs su bshad pa bzhin du rim pa nyid kyis khrus btang ba'i 'og tu thug pa rkyang rkyang po la sogs pa sbyin pa'i kha zas kyi cho ga rim gyis spyad cing bsten nas/ de'i 'og tu
 nar ma'i kha zas min pa'i dbang du byas nas bshang ba'i zas kyi cho ga la/ bsten cing spyad par bya'o/ /sman 'thungs me drod chungs pa dang/ /ma dag nad kyi rmya ba dang/ /zhu ba'i mtshan ma mthong na/ /de yi nyin par smyung byas la/ /snum dang
 dugs dang sman rnams kyis glongs pa'i nad kyis nyen mi 'gyur/ zhes bya ba la/ skyes bu sman 'thungs shing dpyad nas/ me'i drod chung zhing po ba'i me'i stobs chung ba dang/ ma dag pa ste/ nad ma phyin la legs par sbyangs pa'i mtshon nyid
 ma skyes pa dang/ nad kyis rma ba ste/ nad kyi dugs kyi nyi chung ba dang/ zhu ba'i mtshan ma ma mthong ste/ sman legs par zhu ba'i rtags mi snang/ de'i nyin par smyung ba byas na snum dang dugs la sogs pas glongs pa'i nad kyis gnod par mi 'gyur
 te/ de yang nad gang snum gyis glongs shing bskyed pa dang dugs kyis glongs shing bskyod pa dang/ sman gyis glongs pa'i dbang gis nad bskyod pa de smyung ba byas nas des nyen zhing gnod par mi 'gyur ro/ /sbyangs dang khrag ni
 dbyung ba dang/ /snum chog la sbyar smyung ba yin/ /me drod zhan pa nyid gyur te/ /de bas thug sogs rim gyis spyad/ ces bya ba la/ slon dang khrus la sogs pas sbyangs pa la sogs pas pho ba'i me drod zhen zhing stobs chung
 chung ngar 'gyur pa yin te/ de bas na thug pa la sogs pa rims kyis spyad cing bsten par bya'o/ /de la sbyangs pa'i ni skyug sman btang ba dang/ bkru sman btang bas nang phyin par byas pa'o/ /khrag dbyung ba'i ni gtar
 ga la sogs pas khrag dbri'o/ /snum gyi cho ga la sbyar ba ni snum gyi cho ga bston pa'o/ /smyung ba ni zas bcas pa'o/ /de yang smin dpyad kyi lung las smyung ba khyad par med bshad par zas bcad par ni yin par
 bshad ces 'byung ba yin no/ /bad kan mkhris pa 'bri zhing chung/ /chang 'thungs rlung dang mkhris pa che/ /de la thug pa mi blud kyi/ /brta ba la sogs ri bas drin zhes bya ba la gang gi bad kan dang mkhris pa chung zhing dri bas chung bar gyur pa de ni bad kan mkhris pa dri zhing chung
 zhes bya'o/ /de bzhin du gang chang 'thungs pa la goms pa de ni chang 'thungs pa'o/ /de bzhin du rang bzhin gyi rlung dang mkhris pa'i shas che ba de la thug pa mi blud kyi/ gsum po de dag la brta ba la sogs pa'i rim pa phan te/
 zas kyi dus dang por brta ba'i cho ga 'bras yos kyi phye las byas pa'i skyo ma byin par bya ste/ thug pa'i skabs su brta bar byed pa'i 'bras kyi skyo ma sbyar bar bya'o/ zhes bya ba'i don to/ /skyug sman ma zhu bar nad 'byin/ /bkru
 sman zhu nas 'byin pa yin/ /de yi phyir na skyug sman dag /zhu ba las ni bsdad mi dgos/ zhes bya ba la/ skyug sman btang na ni ma zhu ba'i nad 'byin par byed do/ /bkru sman btang ba na ni sman zhu zhing smin nas dad pa'i byin cing sel bar byed do/ /de'i phyir
 skyug sman dag btang nas zhu ba la bsdad mi dgos te gang yud tsam bsdad la ma byung na yang myur ba nyid du slon zhing deng bar bya'o/ steng dang 'og tu 'byung rig pa/ /gang tshe phyin ci log gyur na/ de'i tshe skyug la rkang par ni chu dron dag gis
 blug par bya/ /lus kyi stod ni chu grang blugs/ /'khru ba la ni de las bzlog/ ces bya ba'i tshigs su bcad pa 'di ni yan lag brgyad pa bsdus pa las/ /la la zhig gis 'dir bcug pa yin no/ /de'i don ni 'di yin te/ skyug sman gyi steng du 'byung ba dang/
 bkru sman gyis 'og tu dbyung ba'i rig pa las/ gang gi tshe rgyu 'ga' zhig gis phyin ci log tu gyur te/ rkyen des skyug sman btang ba na/ 'khru bar gyur pa dang/ bkru sman btang ba na slon par gyur pa de'i tshe/ 'khru ba las phyin ci log tu gyur te /
 slon par gyur pa na/ chu dron po rkang par blugs las/ /chu grang mo ro stod du blugs par bya'o/ /gang gi tshe 'khru sman phyin ci log tu gyur pa las go bzlog pa'i dpyad bya ste/ rkang par chu grang mo blug par bya la/ ro stod du chu dron mo blug par
 bya'o/ /gang zhig nyam chung nad mang dang/ /nad smin pa yis rang nyid ni/ /'khru bar byed la 'khru ba yis/ /kha zas byin pas de 'khrur gzhug /ces bya ba la/ gang zhig nyam chung ba la sogs pa dang/ nad smin de rang nyid 'khru ba de
 la ni 'khru ba'i kha zas kyis 'khrur gzhug gi /'khru ba'i sman sbyin par mi bya'o/ /sngar sbyangs pas ni nyam chung dang/ /nad kyi dkyel chung lus zad ni/ /lto yi sra snyi mi shes la/ /sman ni 'jam shing chung du blud/ /de mang 'thubs pa mchog
 yin gyi/ /gzhan du dogs par bcas mi rung/ /zhes bya ba la/ sngar sbyang ba byas pa lus nyam chung par 'gyur ba dang/ de bzhin du nad kyi dkyel chung ba dang/ lus kyi sha zad cing rbeg pa dang/ de bzhin du lto sra snyi'i bye brag mi shes pa dag
 la/ sman 'jam zhing chung ba blud par bya ste/ gang gi phyir sman de dgos pa la bltos nas lan mang du 'thungs pa ni mchog yin gyi gzhan du na lan cig mang du blud pa dogs pa dang bcas pas ni mi rung ste/ sbyor ba nyes pa'i skyon yod pa'i
 phyir ro/ /nyam chung ba ni nad mang po/ /g.yos gyur cung zad cung zad cig /sman ni 'jam pos lan mang zhig /de ni nyung 'gyur zhi bar bya/ /ma bsal de ni yun ring du/ /nyon mongs pa 'am gsod par 'gyur/ zhes bya ba la/ skyes
 skyes bu nyam chung ba'i nad mang po g.yos par gyur pa'i ni/ cung zad cung zad cig sman 'jam pos yang dang yang du bsal bar byas nas/ nyam chung ba'i nad g.yos par gyur pa de nyud dur gyur pas
 ma bton par zhi bar byas pas zhi bar bya ste/ gang gi phyir zhe na/ mang po de dag g.yos pa nyung du nyung du nas bsal zhing zhi bar byas na/ nad de yun ring du nyon mongs shing/ sdug bsngal bar 'gyur ba 'am/ gsod cing
 'joms pa nyid du byed par 'gyur ro/ /me drod chung dang lto sra la/ /thal sman rgyam tshwa mar bcas pas/ /me yi drod ni skyed nas su/ /rlung dang bad kan bsal bar bya/ zhes bya ba la/ de bzhin du skyes bu me drod chung bar gyur pa
 sbyang ba'i skabs la bab na thal sman rnon po dang bcas pa'i mar ji skad bshad pas pho ba'i me drod skyed nas sbyang ba bya'o/ /de bzhin du lto sra ba la rgyam tshwa dang mar dang bcas pas rlung dang bad kan bsal la spyad par bya'o/ /tsub cing rlung
 mang lto sra dang/ /rtag tu rtsol ba'i tshul can dang/ /me drod rab tu che la sman/ /mi 'khru bar bar ni zhu bar 'gyur/ /de la sngar ni 'jam rtsa btang/ /de nas snum pa'i bkru sman bya/ /sman ni rnon po'i rang bu yis/ /bshang ba cung zad dbyung
 bar bya/ /dri ma legs par 'khrus nas ni/ /snum 'khru bde bar 'byung bar 'gyur/ zhes bya ba las pa skyes ba rtsub pa la sogs pa dang ldan pa dang/ de bzhin du me dang rab tu che zhing sman de 'khru ba'i sman ni 'khru zhing
 'khru ba'i bya ba mi byed pa nyid du zhu zhing de nges par 'gyur ro/ /de bas na mi de lta bu dag sngar dang por 'jam rtsi btang la de nas de'i 'og tu snum pa'i bkru sman ni/ ni li na'i mar la sogs pa las btang ba sbyin par
 bya'o/ /yang na mi de lta bu de la sman rnon po'i ring bu byas pas bshad pa cung zad ces pa nyung shas zhig phyung la/ de'i 'og tu bkru sman btang ngo/ /de yang gang gi phyir reng bu mas btang bas/ smad kyi bshad
 pa la sogs pa phyur ba'i 'og tu bkru sman sdum po btang na 'khru ba bde bar 'gyur ro/ /dug gis phog dang thor bu byung/ /mdze dang 'or nad med pa la dang/ /mig ser skya srAb za gus nyen/ /ha cang snum
 tshes sbyang mi bya/ /kun la bkru sman snum bag btang/ /snum gyis zhen la rtsug bag btang/ zhes bya ba la/ dug gis phog pa nas gcin nad za gus nyen pa'i bar gyis nad pa la snum ha cang chen po sbyin
 par mi bya'o/ nyams las dpags la/ snum cung zad byin te/ gang la ji ltar 'tsham pa'i bkru sman phal tsher rtsub pa/ /khrus bya'o/ /dug gis phog pa la sogs pa 'dir smos pa la gtogs pa gzhan kun
 te/ thams cad la bkru sman snum bag can e raN+Da'i mar la sogs pa 'am/ yang na bkru sman snum dang bskol bas sbyang bar bya'o/ /ji lta bu la snum gyis khrus sman des spyad zhe na/ 'das ma thag pa'i snum
 gyis bsgo bar bstan pas rtsub pas bsgos shing yun ring por rdzas rtsub pos lus bskyed pa zhes bya ba'i bar de la/ snum pa'i bkru sman btang ngo/ /de la yab rtsub pa'i khrus sman du dur bying la sogs pa'i snum
 gyis bsgos pa'i mi yun ring du snum gyis bskyed pa la btang ngo/ /skyug sman la sogs pa las rnam pa la/ /slar yang par skabs bar skabs su/ /snum dang dugs kyi cho ga bya/ /snum rjes la ni stobs
 bskyed bya/ /lus las nad rnams bsal ba ni/ /gos kyi dri ma 'khru dang mtshungs/ /shes bya ba la/ skyug sman la sogs pa'i las rnams byed pa na/ bar skabs bar skabs te/ mdo
 ma dor snum dang dugs kyi cho ga bya ste/ skyug sman btang nas de'i zhag kha cig 'das pa'i skabs su snum dang dugs byas la/ de'i 'og tu khrus bya'o/ /de ltar khrus byas nas yang 'dus te 'das pa dang/ snum dang
 dugs byas la/ de'i 'og tu mas btang bar bya'o/ /de nas bar skabs su snum dang dugs byas la/ de'i 'og tu mgo nad kyi spyad par bya'o/ /de ltar mgo'i nad spyad ba sna sman la sogs pa byas nas/ snum
 'ba' zhig stobs bskyed pa'i phyir btang bar bya ste/ skyug sman la sogs pas stobs bri ba gang yin pa de bskyed par bya ba'i phyir de sbyin par bya ste/ gang gi phyir dri ma dang bcas pa'i lus nad dang 'dres par gyur pa
 nad de bsal zhing gdon par bya ste/ de ltar na lus bsrung bar 'gyur ro/ /ji ltar nad kyi dri ma dbyung zhe na/ gos dang mtshungs par te/ dper na dri ma dang bcas pa'i gos las dri ma de spangs pa la sogs pa'i rnam pas 'khrud par byed
 pa de bzhin du snum dang dugs la sogs pas nad kyi dri ma slong pa'i thabs kyis nad slongs la/ /de'i rjes la nad dbyung bar bya'o/ /snum dang dugs dag ma byas par/ /gang zhig spyad pa'i las byed pa/ /shing skams
 'gags par bde? ba ltar/ /de yi lus ni ma rungs 'gyur/ zhes bya ba la/ gang snum dang dugs ngag mang po byas shing ma bstan par gang zhig spyod ba'i las skyug sman dang/ bkru sman la sogs pa byed par gyur pa dag ni/
 nad de'i 'jig cing ma rungs par 'gyur ba ste/ dper na shing skam po 'gugs shing sgur bar byed pa na chags pa dang 'dra'o/ /spyad ba legs par nye bar bsten pas ni/ blo gros gsal zhing dbang po stobs dang ldan/ lus bzungs brtan
 zhing khong pa'i me drod 'bar/ /na tshod dag kyang ring du 'jog par byed/ ces bya ba la/ sbyad ba zhes bya ba skyug sman la sogs pa nas sna sman la sogs pa mgo bo sbyad ba'i bar legs par cho ga ji lta ba bzhin du yang dag par byas pas nye
 bar bstan cing kun spyad pas blo gros te/ shes rab gsal zhing rno bar 'gyur ba dang/ de bzhin du mig la sogs pa dbang po rnams kyi stobs rang rang gi yul la legs par 'jug nus pa dang/ de bzhin du lus zungs te dangs ma la sogs
 pa brtan zhing sra ba dang/ de bzhin du khod pa'i me drod 'bar ba'i shing nyid du byed pa dang/ de bzhin du na tshod de lus kyi na tshod gzhon pa dag tuAng yun ring du 'jog par byed cing gnas par byed de/ byed ces bya ba thams cad dang sbyar? bar bya'o// //
 yan lag brgyad pa'i snying po bsdus pa'i rnam par 'grel ba tshig gi don gyi bla zer zhes bya ba/ slob dpon zla ba la dga' bas rnam par sbyar ba las/ le'u bco brgyad pa'i rnam par 'grel pa'o// //de nas mas btang
 ba'i cho ga'i le'u bshad par bya'o/ zhes bya ba la/ 'dir brtsams pa'i dgos pa ni bad kan bsal ba'i phyir skyug sman bshad pa yin la/ mkhris pa bsal ba'i phyid ni bkru sman bshad pa yin pas/ gnas skabs 'dir rlung bsal bar bya ba'i
 phyir/ mas btang ba bshad pa'i skabs yin te/ de bas na de yongs su shes par bya ba'i phyir/ le'u 'di brtsams pa yin no/ /bshad sgo nas gtong ba'i las su bya ba yin pas na/ mas btang ba'i cho ga ste/ cho ga ni cho gar bya ba 'di
 ltar bya'o/ zhes bya ba'i tshul gyi le'u ste/ de bshad par bya'o zhes bya ba ni bstan par bya'o zhes pa'o/ /rlung shas che ba'i nad rnams sam/ /rlung la mas btang bsngags pa ste/ /de ni gso ba thams cad kyi/ /mchog ste de yang rnam
 pa gsum/ /bkus drag 'jam rtsi mas btang ngo/ zhes bya ba la/ nad thams cad kyi nang na rlung gi shas che zhing rlung nad bdo ba'am/ rlung la zhes bya rlung 'ba' zhig ldang ba la yang mas btang ba de nyid kyis gso ba dang/ de bzhin du 'jam rtsi zhes bya ba
 snum gyi 'jam rtsi mas btang ba 'dod cing bsngags pa yin no/ /de ni gso ba ste/ rlung gi nad gso ba thams cad kyi na phan mchog ste/ dam pa nyid do/ /ci'i phyir zhe na/ myur du bde ba 'phel ba la sogs pa'i rgyur gyur pa'i phyir ro/ /mas btang
 ba de yang rnam pa gsum ste/ mas btang ba drag po ni ru ha zhes bya ba dang/ mas btang ba a nu ba sa te/ 'jam rtsi dang mas btang ba gong ma ste/ ut+ta ra bsti zhes bya ba'o/ /de la ni ru ha ni nges par 'dod pa ste/ nad ma lus pa 'byin par byad pa'o//
 a nu ba sa ni rjes su gnas par byed pa ste/ bkru sman drag pos nad rnams rang gi gnas las bskyod cing glongs pa gang yin pa de gang gis rjes su ste/ de'i 'og tu rang gi gnas su gnas shing bde bar 'jog par byed pa de ni a nu ba sa te
 'jam rtsi'o/ /mas btang ba gong ma ni bshad pa'i sgo las ring mar gyur pa pho ba'i dbang po ces bya ba de nas sam/ der gtong bar byed pa de ni ut+ta ra bsti ste/ mas btang pa gong ma zhes bya'o/ /de yis gso bya skran dang ni/ /lto
 sbos dreg nad mtshar pa dang/ /'khru ba 'ba' zhig gzer nad dang/ /rims rnying bying dang cham pa dang/ /khu ba rlung dang dri ma 'gags/ /rlig rlugs rde'u nad zla mtshon 'jig /rlung gi nad ni mi bzad gso/ zhes bya ba la/ bkru sman drag
 po de yis gso bar bya ba ni/ skran la sogs pa nas rlung gi nad mi bzad pa'i bar du gso zhing bco bar bya'o/ /dreg nad ni rlung dang khrag 'dres pa las gyur ba'i rlung nad do/ /'khru ba 'ba' zhig ni be'u snabs la sogs pa dang/ ma 'dres pa? ? ba'o//
 rims rnying pa ni yun ring du lon pa'i rims bying bag tu 'dug pa'o/ /khu ba dang rlung dang dri ma 'gags pa ni de dag thogs pa'o/ /rlig rlugs ni de 'phel ches pa'o/ /zla mtshan 'jig pa ni zla mtshan med pa'o/ /rlung gi nad mi bzad pa ni gso
 par dka' ba'i rlung nad do/ /bkrus drag mi bya snum drags dang/ /glo rdol shin tu skem pa dang/ /be'u snabs 'khru dang slon bre dang/ /sbyang byas sna sman btang ba dang/ /dbugs mi bde lung chang gzhang 'brum/ /skyigs bu lto sbos me drod chung/
 gzhang skrangs kha zas zin dang/ /lto 'gags bu ga chu yod dang/ /mdze can gcin nad spyang? mdog dang/ /sbrum ma zla bdun yan chad do/ /zhes bya ba'i/ bkru sman drag po btang bu mi rung ba ni snum shin tu drags pa la sogs pa nas sbrum ma dang/ /zla ba
 brgyad pa'i mgo zug pa'i bar du'o/ /shin tu skam pa ni ha cang theg cas pa'o/ /be'u snabs 'khru ba ni ma zhu ba be'u snabs dang bcas par 'khru ba'o/ /slon bro? bar ni skyug pa dag dang ldan pa'o/ /sbyang ba byas pa ni 'khru sman dang skyug sman btang pa'o//
 sna sman btang ba ni sna nas sman gyi sbyor ba byas pa'o/ /gzhang skrangs pa ni bshad pa'i lam skrangs pa dang ldan pa'o/ /kha zas zos zin pa ni zas la longs spyod pa'o/ /de bzhin du lto 'gags pa dang/ lto na bu ga yod pa dang/ lto ni chu mang po
 yod pa dang gcin nad sbrang mdog ni sbrang rtsi'i mdog lta bu'i gcin nad kyis nyen pa'o/ /de la snum drags pa la bkru sman drag po mas btang na/ bsdus shing bsrul pa'i nad slongs pas dmu rdzings chags pa dang/ skrangs pa 'am/
 brgyal bar byed par 'gyur ro/ /glo rdol ba dang shin tu skem pa la ni/ des lus shing tu dkrugs shing glongs pas zug zer drag po myur du bskyed par 'gyur ro/ /slon dang khrus byas pa la ni lus stong pa ste/ de skems par me
 ltar bsregs par 'gyur ro/ /sna sman btang ba la ni steng gi rtsa sgo shin tu phye bas gnod pa byed par 'gyur ro/ /rtag tu slon pa la sogs pa ni rlung gi bkru sman drag po gyen du 'dren par 'gyur ro/ /gzhang 'brum yod pa la ni rgyu ma'i
 lam 'gags pas mthur du rgyur mi ster ba'i phyir srog la gnod par 'gyur ro/ /zas zos zin pa'i bar la ni rang nad 'phel zhing ma zhu ba la sogs pas 'chi bar 'gyur ro/ /lto sbos pa dang lto 'gags pa la sogs pa la ni shas cher
 'gags te 'chi bar 'gyur ro/ /sbrum ma'i nyes pa ni sngar bshad pa yin no/ /bkrus drag bya nyid 'jam rtsi bya/ /khyad par du ni me drod che/ /rtsub dang rlung nad gcig pus nyen zhes bya ba la/ gang la bkru sman drag po btang bar bya ba de nyid
 la/ 'jam rtsi bya ste/ de dag nyid la snum gyi cho ga mas btang bar bya'o/ /de las kyang khyad par du me drod che zhing khong pa'i drod che ba dang/ de bzhin du khong rtsub pa dang/ rlung nad gcig pus nyen cing nad gzhan dang ma 'dres pa'i rlung nad kyis
 gzer cing gnod pa la 'jam rtsi bya'o/ /'jam rtsi mi bya ba de nyid do/ /de bzhin du skya rbab mig ser dang/ /tshil che cham btab zas ma zos/ /bshad ba 'khru bar byed pa dang/ /lto lci lto nad bad kan can/ /mchil ma mang dang shin tu sgom/ /
 lto na srin yod rlung 'khyims dang/ /dug dag 'thungs dang 'brum bus btab/ /rkang ba ma lkog ma'i lba ba can/ zhes bya ba la/ 'jam rtsi mi bya ba'i yul yang/ gang sngar bkru sman drag po byar mi rung bar bshad pa de nyid yin no/ /gzhan
 de bzhin du 'jam rtsi byar mi rung ba ni/ skya rbab dang mig ser la sogs pas btab pa dag la yang phyir mi rung ngo/ /rlung 'khyims pa ni tshil gyi nang du zhen pa'i rlung ngo/ /'brum bu ni 'bras kyi bred pa'o/ /de gnyis spu gu gseng sogs
 dang/ /shing rus 'od ma las byas ba/ /ba lang mjug 'dra bug rdol med/ 'jam zhing drang la kha zlum pa/ zhes bya ba la bkru sman drag pos mas btang ba dang/ 'jam rtsig nyid ba de gnyis kyis spu gu ni 'di ltar bya ste/ gser la sogs
 pa zhes bya ba gser dang dngul dang zangs dang zha nye dang/ ro nye las byas pa'o/ de bzhin dbyibs ni ba lang gi 'jug ma ltar rim gyis phra ba'o/ /bug rdol med pa ni sel med pa'o/ /'jam pa ni rtsub pa med pa'o/ /drang pa ni ma yo ba'o/ /
 kha zlum pa ni rtse ma mi rno ba'o/ /lo gcig ma lon pa sor lnga/ lo tshad lo bdun pa'i bar gyi/ tshad ni sor drug yin par bshad/ /lo bdun pa yi bdun nyid de/ bcu gnyis pa la sor brgyad bya/ bcu drug yan chad sor dgu ste/ /nyi shu phan
 chod sor bcu gnyis/ /lo gzhan dag la na tshod dang/ /stobs dang lus tshad brtags nas ni/ /tshad ni mngon par bskyed par bya/ zhes bya ba la/ byis pa lo gcig ma lon pa la gtong pa'i spu gu ni srid sor lnga bya'o/ /la tshad ste lo gcig
 lon pa'i byis pa nas lo bdun pa'i bar gyi byis pa'i gce'u tshad ni sor drug pa bya ba yin par bshad do/ /de nas byis pa lo drug lon pa la gce'u sor drug pa bya'o/ /lo bdun rdzogs pa'i tshe ni sor bdun pa nyid bya'o/ /lo bcu gnyis
 lon pa la ni gce'u sor brgyad pa bya'o/ /lo bcu drug lon pa nas lo bcu dgu lon pa'i bar la ni gce'u sor dgu pa bya'o/ /lo nyi shu lon pa phan chad ni gce'u sor bcu gnyis pa bya la/ nyi shu phan chad kyi lo dag la'ang gce'u sor
 bcu gnyis pa nyid bya la yang lo gzhan de dag gi tshe na tshod dang stobs dang lus kyi tshad brtags nas gce'u'i tshad mngon par skyed cing 'phel bar bya'o/ /de yang lo gcig ma lon pa la gce'u'i tshad sor lnga bya bar
 bshad la/ lo de rdzogs nas lo drug lon pa'i bar la sor drug bya bar bshad pas/ de'i lo gzhan dag la ni tshod gang yin pa dang/ de bzhin du stobs dang lus kyi tshad de brtags te bar skabs der na tshod la sogs pa skye ba bzhin du gce'u
 yang bskyed par bya'o/ /de bzhin du lo gzhan dag ni na tshod kyi bar gyi lo la yang bsgre bar bya'o/ /rtsa ba rang gi mthe bong mnyam/ /rtse mo mthe'u chung chad du bya/ zhes bya ba la/ gce'u rtsa ba'i gnas su rang gi mthe bo'i tshad ces pa/ nad pa'i mthe
 bo dang sgoms kyi tshad mnyam par bya'o/ /rtse mo ste gce'u kha'i phyogs nad pa'i mthe'u chung dang sboms mnyam par bya'o/ /lo gcig lon sor nas bzung ste/ /de yi phyed phyed kyis bskyed bya/ /gang zhig rtsa ba'i bu ga'i tshad/ /sor mo
 gsum rtse shod pa mchog /mung+ga mA Sha sran ma btsos/ /rgya shug 'bras shod rim bzhin bya/ zhes bya ba la/ na tshod ji skad bstan pa'i rim pas gce'u tshad bstan pa'i rim pa las ma 'chol bar byas/ /byis pa lo gcig lon zhing tshad
 ba'i sor tshad nas bzung ste/ de'i phyed phyed bskyed par bya zhing/ /ji srid du bu ga sor gsum par gyur pa de srid kyi bar du bskyed par bya ste/ de ni bu ga'i che tshad ste mchog yin pas na/ de las kyang lhag par mi bya ste/ lo gcig
 ma lon pa la ni rtsa ba'i bu ga sor gcig pas chung bar bya'o/ /rtse mo yang sran mung+ga shong ba bas cung zad chud bar bya/ /de'i phyed phyed ces bya ba la/ de yi zhes bya ba ni sor tshad la snyegs la/ des na sor gyi phyed phyed kyis bskyed cing
 'phel bar bya ba'i ni/ ji srid rtsa ba'i bu gang sor gsum shod bar gyur pa de srid kyi bar du bskyed par bya'o/ /rtse mo'i bu ga ni lo gcig lon pa'i gce'u bu ga skan mung ga ste/ mon sran sde'u shod pa nas rgya shug gi bar du rim bzhin du bskyed par
 bya'o/ /mchog ces bya ba ni 'dir yang sbyar bya ste/ gang rgya shug gi 'bras bu shod pa'i tshad? du byas pa'i gce'u rtse mo'i bu ga de ni che tshad yin pas de las lhag par ni mi bya'o/ /de bas na lo gcig lon pa nas lo drug pa'i bar gyi gce'u'i rtse
 mo'i bu ga'i tshad ni mung+ga shod pa tsam bya'o/ /lo bdun pa'i nas lo bcu gcig pa'i bar gyi gce'u bu ga ni ma sha shong ba'o/ /lo bcu gnyis pa nas bco lnga'i bar gyi ni sran ma skam po shong ba'o/ /lo bcu drug pa nas bcu dgu pa'i bar du ni sran
 ma btsos pa shong ba'o/ /nyi shu lon pa yan chad kyi gce'u rtse mo'i bu ga ni rgya shug gi 'bras bu chung du shong ba tsam bya'o/ /rtsa ba'i bu ga'i tshad kyi ni/ mthar ni gag pa gdags par bya/ zhes bya ba la/ mthar zhes pa rtse mo rtsa pa'i bu ga'i chad
 ji lta ba las de'i gag pa 'khor lo lta bu gdags shing bsgrub par bya'o/ /rtse mo'i kha bkag ces bya ba ni gce'u de'i rtse mo'i kha ras bal la sogs pa'i sdong bu lta bus kha bkab ste/ rlung la sogs pa nad du zhugs pa dgag pa'i
 phyir de ltar bya'o/ /gce'u'i rtsa bar rang gi sor mo gnyis kyis/ /chod par gag pa gnyis pa bya/ zhes bya ba la/ de bzhin du gce'u de'i phyogs su rang gi zhes pa nad pa bdag nyid kyis sor gnyis kyis tshod par gag pa gnyis
 pa bya ste/ de la rkyal bu gdags shing bcing dgos pa'i phyir ro/ /der ni rkyal du gdags bya ba/ /ra lug ma he la sogs pa'i/ /lgang pa legs nyes sra ba dang/ dmar btsos bu ga thag thug med/ /dri da rtsa ris med
 srab pa/ /sman ni legs par blugs byas la/ /srad bus bam par bcing bar bya/ zhes bya ba la/ gag pa gnyis kyi bar du lug la sogs pa'i lgang ba'i rkyel bu legs par gnyis pa dang/ de bzhin du sra ba ste ma gas pa dang
 dmar por btsos te tshon gzhan gyi kha dog med pa thag thug med cing mdud pa chags pa med cing rul pa la sogs pa'i dring ba med pa rtsa'i ri mo med pa srab pa ste mthug pa ma yin pa/ de lta bur sman bde bar blugs shing bzhag la/ srad bu
 la sra bas legs par dam du bcing bar bya'o/ /lgang med rkyal ba'i dpung pa 'am/ /byin pa'i pags pa 'am ras sdug bzang/ zhes bya ba la/ gong du smos pa lta bu'i lgang pa med na rkyal ba'i dpung pa bcad pa 'am/ /byin pa'i pags pa
 legs par gnyes pa de la bcin zhing gdags par bya'o/ /yang na ras sdug cing bzang la bu ga med pa spra tshil la sogs pas bskus la/ chu thub pa las sman blugs pa'i snod bya'o/ /ni ru ha'i tshad dang po ni/ /lo gcig pa la
 srang gcig mchog /ji srid srang ni bcu gnyis par/ /lo re srad res bskyed par bya/ bcu gnyis pa nas btso brgyad par/ de 'ang bdun bcu'i bar tshad 'di/ /de phan srang chad nyi shu nyid/ /ces bya ba la/ ni ru ha ste bkru sman drag po
 mas btang ba'i tshad ni lo gcig lon pa la srang gcig mchog ste/ che tshad yin no/ /lo gcig ma lon pa ni srang gcig tu cung zad ma longs pa che tshad yin no/ /de phan chad la re re zhing srang re res bskyed do/ lo bcu gnyis
 pa'i bar la srang bcu gnyis btang ba'i bar du bskyed par bya'o/ /ni ru ha srad bcu gnyis byas de phan chad kyi lo re bzhin srad gnyis gnyis bskyed par bya'o/ /lo bcu gnyis lon pa nas/ bdun cu lan pa'i bar la bya'o/ la
 bco brgyad pa'i ni srad nyi shu rtsa bzhi che tshad yin te/ de yang ni ru ha tshad 'di ni lo bdun cu lon pa'i bar gyi tshad yin no/ /lo bdun cu lon pa phan chad kyi ni srad nyi shu nyid che tshad yin no/ /ces bya ba ni 'dir nges par bzung ba'i don no/ /che tshad srad
 nyi shu kho na yin gyi de las lhag pa mi bya'o/ zhes bya ba'i don no/ /bkru sman drag tshad ji lta ba/ /de yi bzhi cha 'jam rtsi'i tshad/ ces bya ba la/ bkru sman drag po ni ru ha'i tshad na tshod gang dang gang las ji ltar yin pa de dang de'i bzhi cha 'jam rtsi zhes
 bya ba/ snum gyi cho ga mas btang ba'i tshad yin no/ /de yang lo dang po la ni ru ha'i tshad srang gcig yin la/ tshad de'i bzhi cha zho gnyis la ni 'jam rtsi lo gcig pa la btang ba'i tshad yin no/ /de bzhin du lo bcu gnyis pa la srad bcu gnyis
 ni ru ha'i tshad yin pa la/ de'i bzhi cha srad gsum 'jam rtsi'i tshad do/ /de bzhin du lo bco brgyad lon pa'i tshad nyi shu rtsa bzhi yin la/ de'i bzhi cha ni srang drug ste/ de bzhin du thams cad la yang sbyar bar bya'o/ /bkru sman drag bya snum dugs
 bya/ /sbyang byas nas kyang stobs thob pa/ /'jam rtsi btang bar 'os pa nas/ /thog ma nyid du 'jam rtsi btang/ zhes bya ba la/ ni ru ha zhes bya ba bkru sman drag po btang bar bya zhing 'os pa ste/ snum dang dugs bya ba ste/ dang po snum gyi cho ga byas la/
 de'i 'og tu dugs bya'o/ /de bzhin du spyad pa bya ba ste/ /bkru sman dang skyug sman byas nas kyang slar stobs thob cing/ /nyams stobs brtas pa dag 'jam rtsi btang bar 'os shing rigs par shes nas/ dang po thog ma kho nar bkru sman drag po
 mas btang 'jam rtsi btang bar bya'o/ /dgun dpyid nyin par btang de las/ gzhan du mtshan btang bar 'dod/ ces bya ba la/ dgun zhes bya grang ba'i dus spyir grang ba ste/ dgun stod dang dgun smad kyi dus su 'jam rtsi nyin par btang
 bar bya'o/ /de las gzhan du zhes pa gong ma las gzhan pa'i dus so ga dang/ dbyar dang ston ka mtshan mo'i dus su 'jam rtsi btang bar bya'o/ /zhes srog 'tsho ba'i slob dpon la la 'dod do/ /bsku byug khrus byas sngon thang
 las/ /gzhi gsum phan zhing yang ba dang/ snum dang rtsub chas ma yin bza' / /khu ba la sogs zos rjes btung/ /bcags la bshang gci bsal nas ni/ /mal du bde bar gnas byas la/ /mtho dman med par mgo smad de/ /glo g.yon
 gyis ni phab nas su/ /rkang pa g.yas pa bkug nas ni/ /rkang ba g.yon pa brkyang bar bya/ zhes bya ba la/ dang po bsku byug byas la/ de'i 'og tu khrus bya ba yin pas na nad pa de bsku byug dang khrus bya'o/ /de nas sngon bsten cing goms
 pa'i tha ma la bzhi cha gsum ste/ /nar mar bza' ba'i thang las bzhi cha phri la/ bza' ba ni yang ba dang/ ha cang rtsub ches pa dang/ snum ches pa ma yin pa/ snum rtsub ran pa phan zhing gnod pa med pa'i zas bza' bar bya'o/ /de'i 'og tu mtshal
 nan du btung ba ni mung+ga'i khu ba la sogs pa gnod pa med cing rjes su mthun pa btung bar bya'o/ /de bzhin du bcags pa ste/ cung zad cig phan tshun bcag pa dang/ bshang ba dang gci ba legs par bsing zhing dor ba dang/ de bzhin
 du rlung med pa'i khang pa'i nad du mal bde ba shin tu mthab dang/ shin tu dma' ba ma yin par mgo smad pa ste/ rkang pa'i phyogs cung mtho bar glo g.yon pa legs par phab la/ rkang ba g.yas pa bkug nas rkang pa g.yon
 pa legs par brkyang ba'i tshul de ltar gnas par byas la/ de nas de la gce'u bzhug par bya'o/ /de yang ji ltar zhe na/ de nas de la btse'u kha dang/ gzhad sgo snum gyis bskus nas ni/ /gce'u'i lgang ba'i spubs bton la/ /kha
 cig lag pa mi 'dar bar/ /rgyab kyi phyogs su 'dug nas ni/ /shin tu myur dang bul min dang/ /ha cang shugs drag dal min par/ /ran par lan cig kho nar btsir/ /rlung ni lhag par gnas pa na/ /lhag ma cung zad lus par bya zhes bya ba la/ de nas nga'i
 'og tu skyes bu de la gce'u gzhug pa'i thabs ni/ gce'u'i kha ste rtse mo snum gyis bsku ba dang/ gzhang sgo zhes pa bshad pa'i lam yang snum bskus te/ /dpugs bton zhes pa lgang ba'i nang gi dpugs bton la/ gce'u kha bcings shing
 bsdams nas/ lag pa mi 'dar zhing brdabs pag tu ma gyur pas rgyab logs nas de la mngon par phyogs par 'dug ste btang bar bya'o/ /de'i 'og tu shin tu myur ba dang/ shin tu bul pa 'am/ dal ba ma yin pa dang/ ha cang shugs drags pa dang/
 ha cang dal ba ma yin par lan gcig kho nar btsir bar bya'i/ /yang nas yang du ni ma yin no/ /de yang lgang pa de'i zhabs na sman gyi lhag ma cung zad lus par bya'i/ rnam pa thams cad nas thams cad du btsir bar mi bya'o/ /de ci'i phyir zhe na/ sman
 gyi lhag ma rlung yod pa'i phyir ro/ /de yang de'i 'og nas bcings te/ /rlung ni ma lus phyung ba 'am/ ma lus pa ni blugs pa yis/ /rlung zhugs nas ni rnam 'khrugs pas/ /gzer dang nad rnams skyed par 'gyur/ zhes bshad pa yin no/ /
 btang nas lus ni gan rkyal bzhag /rkub cos lag pas brdab par bya/ /rting pas 'jug btsog brdung bya zhing/ /rting pa bteg la lan gsum gsib/ /ces bya ba la/ 'jam rtsi btang nas de'i lus gan rkyal du bzhag la/ /'jam rtsi
 btang ba de'i rkub tsos lag pas brdab par bya zhing bsnum par bya'o/ /de bzhin du nad pa'i rting pa gnyis kyis 'jug tsos brdung zhing brdeg par bya'o/ /de bzhin du mal nas rting pa nas yar bteg ste/ lan gsum
 gyi bar du gsig cing gyen du drang bar bya'o/ /de nas lus ni brkyang nas su/ /sdas bcas pa'i rting bar ni/ /khu tshur gyis brdungs lus kyang ni/ /snum gyis bskus la mnye bar bya/ /tshong bas nyen pas snum dag ni/ /myur du
 'byung bar mi byed do/ /gal te myur du phyir byung na/ /ban mi byed pas gzhan dag btang/ zhes bya ba la/ de nas de'i 'og tu nad pa'i lus brkyang bar gyur pa dang/ de bzhin du sngas bcug pa la rting par khu tshul gyis brdungs la yan lag snum gyis
 byugs nas mnye bar bya ste/ gang gi phyir tshor ba'i mi bde bas nyen pas snum ste/ mas btang ba'i snum ste/ myur ba kho nar phyir 'byung zhing 'jag par mi byed do/ /gal te myur du phyir 'byung zhing log par gyur na/ 'jam rtsi gnyis pa sbyar zhing
 btang bar bya ste/ gang gi phyir snum nang du chags na/ nang pa'i rlung la sogs pa'i nad sel ba'i bya ba byed par 'gyur na/ /de myur du byung bas bya ba de mi byed pa'i phyir/ gzhan dag gis bsnan dgos so/ /me drod tshe zhing snum byung nas/ /rgongs ka kha
 zas yang ba sbyin zhes bya ba la/ me drod shin tu che zhing snum phyir byung bar gyur na/ rgongs ka ste nyin par gyi mthar kha zas yang mo dag sbyin par bya'o/ /byung ba'i dus kyi dam pa ni/ /thun gsum yin te de phan chad/ /nyin mtshan gcig ni bsdad  
 nas su/ /de yi 'og tu reng bu yis/ snum dbyung phyir ni 'bad bya ba/ /mas btang ba ni rnon po bya zhes bya ba la/ 'jam rtsi dbyung ba'i dus kyi dam pa'am/ mchog ni thun gsum yin te/ de phan chad ces bya ba'i 'og tu nyin mtshan
 gcig 'das kyi bar du byung bar ma gyur na/ nyin mtshan gcig gi bar du bsdad nas/ de'i 'og tu reng bu sbyar bas 'jam rtsi snum dbyu bar bya ba'i phyir/ /sman pas 'das pas bya ba'am/ /mas btang ba'i sman rnon po
 bya ba la 'bad par bya'o/ /shin tu rtsub pas ma byung zhing/ /snyom bag la sogs nad med na/ /btang snyoms su ni bzhag par bya/ zhes bya ba la/ shin tu lus kyi khong rtsub pa'i phyir/ /snum ma byung zhing slar 'dzag par ma gyur la/ gal te snyom bag gam/ rmong
 bag la sogs pa'i nad kyi nyes pa yang med na btang snyoms su bzhag par bya'i/ /de byung ba la 'bad par mi bya'o/ /de nas mtshan 'das nad par ni/ /bca' sga 'u su bskol chuAm/ /yang na chu tshan 'ba' zhig btung/ zhes bya ba la/ de nas de'i
 'og tu mtshan mo bde bar gnas pas 'da' bar byas la/ nad par gyi dus su bca' sga dang 'u su bskol ba'i chu tshan dro 'jam tsam btung ba'am/ yang na chu bskol ba tshan te 'ba' zhig btung par bya ste/ de'i snum gyi lhag ma zhu ba dang rlung dang bad
 kan zhi ba'i phyir bya ba yin no/ /'jam rtsi btang nas nyin gsum 'am/ /nyin lnga lon nas slar btang ba'am/ /ji srid snum ni 'ju 'gyur ba'am/ /yang na rlung ni shas che dang/ rtag tu rtsol byed me drod che/ /khong rtsub pa la nyin re btang/ zhes bya ba la/ de
 ltar 'jam rtsi btang nas mi de nyi ma gsum gsum mam/ nyi ma lnga nas slar yang 'jam rtsi btang bar bya'o/ /yang na dus ji srid cig gis snum de bde bar 'ju bar 'gyur ba de'i tshad kyis btang ngo/ /yang nyin re yang btang du rung ste/ de nyid kyis na
 rlung shas che ba la sogs pa yin te/ rlung gi shas che zhing rlung cang bdo ba dang/ de bzhin du rtag tu rtsol ba byed pa ste/ rgyun mi 'chad par las su bya ba'i rtsol ba drag po byed pa dang/ de bzhin du me drod che ba dang/ skyes bu khong shin tu rtsub pa la nyin
 re te zhag re rgyun mi 'chad par btang bar bya'o/ /de ltar snum ni gsum mam bzhis/ /snum gyur rtsa sgo spyad pa'i phyir/ /mas btang khrus kyis spyad pa dang/ /snum med lus ni snum gyur btang/ zhes bya ba la/ de ltar rim pa 'dis
 nad la sogs pa'i tshul la dpags te/ 'jam rtsi'i snum gsum mam/ bzhis skyes bu'i lus kyi snum gyur nas/ /rtsa sgo sbyang ba'i phyir zhes pa rtsa sbubs kyi rgyu ba rnam par dag par bya ba'i phyir ni ru ha ste bkru sman drag po dang/ sbyang
 zhing zhi bar bya ba dang/ rlung shas che bas lus snum med par gyur pa'i lus la snum par bya zhing khong brta bar bya ba'i phyir/ snum gyi cho ga btang bar bya'o/ /nyi ma gsum 'am nyin lnga na/ /tshes grangs bzang zhing dge ba la/ /nyin phyed cung zad
 yol ba'i tshe/ /gtor ma bkra shis cho ga bya/ /snum bsku dugs byas bshang gci ni/ bsal zhing shin tu bkres min la/ /skyes bu'i nad dmigs sman la sogs/ /'bad de shes par byas nas ni/ /sman pas de la mkhas pa ni/ /mang dang lhan cig
 mas btang sbyar/ zhes bya ba la/ de nas 'jam rtsims btang ba'i 'og tu nyi ma gsum mam nyi ma lnga na bya ba bsgrub cing bsngags pa'i tshes grangs dang/ byed pa dang/ thang cig dang/ rgyu skar bzang po dang nyin zhag dge ba la nyi ma'i phyed cung yol zhing
 'das pa'i tshe gtor ma dang bkra shis kyi cho ga dag ji lta ba bzhin du byas shing shis pa brjod pa dang/ bde legs la sogs pa dge sbyong dang bram zes byas nas/ sman bkru sman drag po mas btang ba brtsams par bya ste/ de yang de la mkhas shing
 mas gtong ba'i cho ga'i sbyor ba la mkhas pa'i sman pa mang po dang lhan cig gros bya ba dang/ skyes bu nad pa'i nad kyi dmigs la sogs pa yang shes par byas nas/ lus snum gyis bsku bar bya ba dang/ de bzhin du dugs byas pa dang/
 bshang ba dang gci ba bsal zhing dor ba dang/ shin tu bkres pa ma yin zhing ltogs pas nyen pa ma yin pa dang/ de bzhin du nad dmigs dang sman la sogs pa 'bad cing btsal bas shas shing rtogs par byas nas/ sman pas
 mas btang ba'i cho ga la sbyar zhing brtag par bya'o/ /sman ni srad ni nyi shu dang/ /po son cha brgyad lhan cig bskol/ zhes bya ba la/ rtsa ba bcu pa la sogs pa'i sman srang nyi shu 'og nas mas btang ba'i cho ga'i skabs nas smos pa bskol ba dang/ de bzhin du po
 son cha'i 'bras bu brgyad lhan cig bskol bar bya ste/ po son cha brgyad la ni srang gcig tsam yod do/ de ltar na sman srang nyi shu rtsa gcig dang/ sman gyi bcu drug 'gyur gyi chu dang sbyangs la/ de legs par bskol bar bya'o/ /de nas cha lugs dang bskol
 ba'i sman chu de/ brgyad cu rtsa bzhi 'byung bar 'gyur ro/ /bskol ba de yi bzhi cha yi/ /sman mar rlung la rjes su sbyar/ /mkhris pa bde bar gnas drug cha/ /bad kan shas cher brgyad cha gcig /zhes bya ba la/ de ltar bskol ba de las snum gyi sman mar bzhi cha
 gcig rlung gi nad la rjes su sbyar zhing btang bar bya'o/ /mkhris pa'i nad la ni bskol ba de las snga ma'i tshad las drug cha ste/ srang bcu bzhi btang bar bya'o/ /de bzhin du bde bar gnas shing tha mal par 'dug pa la yang drug cha nyid btang bar bya'o/ /bad
 kan shas che zhing rgyas pa'i nad la ni de'i brgyad cha ste/ srang bcu btang bar bya'o/ /yang na kun la sman gyi ni/ /brgyad cha gcig gam zhes bya ba la/ sbyar bar bya'o zhes bya ba la 'dir yang sbyar bar bya ste/ kun la zhes bya ba rlung dang mkhris pa dang/
 de bzhin du bad kan te bde bar gnas pa la sman gyi brgyad cha gcig ste/ bskol ba'i gang brgyad cha gcig tu gyur pa srang bcu thams cad la sbyin par bya'o/ /ci nas kyang mas btang bska slar mi 'gyur bya/ zhes bya ba la/ yang na thams cad
 du sman bskol ba'i brgyad cha gcig sbyin pa ma yin no/ /gzhan du na sman gyi phyi ma 'am lde gu'i cha las mas btang ba'i sman shin tu bska zhing 'byar ba yang ma yin la/ /shin tu sla zhing 'dzag ches par yar ma 'gyur ba de ltar sbyar bar
 bya'o/ bu ram dag ni srad gcig tsam/ zhes bya ba la/ rlung dang mkhris pa dang bad kan dang/ bde bar gnas pa'i mas btang ba thams cad la/ bu mar srang gcig gzhug par bya ste/ tsam zhes smos pa ni/ de las yid ches pa
 'am/ chung ba yang rung ba'i don no/ /rigs pas sbrang rtsi rgyam tshwa sogs/ /lhag ma/ zhes bya ba la/ rjes su sbyar ba dang kun la zhes bya ba la 'dir yang sbyar bar bya ste/ /de la rigs pa ni sbyor ba ste/ bya ba'i thabs yin no/ /de lta bu'i rigs pa dang
 ldan pas sbrang rtsi dang rgyam tshwa 'am/ lce myang tshwa la sogs pa lhag ma gang yin pa bkru sman drag po'i yan lag tu gyur pa/ tshad ma bstan pa de thams cad la sbyar zhing btang bar bya'o/ /sogs pa'i sgras ni sbrang rtsi dang rgyam tshwa las gzhan pa
 zho ga chu dang/ ra skyur gyi rtsa bas mo dang/ 'o ma dang ba gcin la sogs pa bkru sman drag po mas btang ba'i sde tshan du gtogs pa gzhan dag kyang bsdu'o/ /snod ni gcig blug /bum par chu bskol rlangs pa yis/ /bsro zhing bzar bus dkrugs
 nas ni/ /rkyal bu'i nang blugs mjug mar ni/ /gtong tshe shin tu tsha grang min/ /shin tu snum min rtsub pa min/ /shin tu rno min 'jam pa min/ /shin tu sla min bska ba min/ shin tu mang nyung tshad med pa'am/ tshwa che skyur ba'ang de dang
 'dra/ zhes bya ba la/ gong du smos pa de thams cad la ma lus pa snod gcig tu blugs la/ bum par bskol ba'i rlangs pas bsro zhing tsha bar bya ba dang/ de bzhin du bzar buAm skyabs kun dkrugs shing bskyos? par lug dang
 ma he la sogs pa'i lgang pa las byas pa'i rkyal bu'i nang du blugs la sman de? mas btang ba'i don du mjug ma nas gtong zhing 'drung par byed pa'i tshe/ shin tu tsha ba ma yin ba dang/ shin tu grang ba ma yin pa dang/ de bzhin du shin
 tu rtsub pa ma yin pa dang/ /de bzhin du ba gcin dang yungs kar la sogs pa shas che ba shin tu rno ba ma yin pa dang/ 'o ma mang po gtong bas shin tu 'jam pa ma yin pa dang/ de bzhin du shin tu skab ma yin pa dang/ shin tu sla ba ma yin pa dang/ de
 bzhin du shin tu mang ba ma yin pa dang tshad las shin tu nyung ba ma yin pa dang/ de bzhin du shin tu tshwa med pa'am/ che bar yang mi bya ba dang/ de bzhin du ka rdzi rang skyur la sogs pa skyur pa med pa'am/ de shas che ba'am/ de dang 'dra ste/ mi bya'o/
 zhes bya ba'i don no/ /de las mkhas pa gzhan smras pa snum dang sbrang rtsi gnyis so sor/ /srang ni gsum gsum byas nas su/ /rgyam tshwa dag ni zho gnyis dang/ /nad med la btang sman srang gnyis/ /khu ba'i sman ni ltag ma kun/ /srang bcu
 yongs su sbyor bar bya/ /zhes bya ba la/ mas gtong ba'i cho ga la mkhas pa'i sman pa gzhan dag gis ni/ mas btang ba'i cho ga gzhan dag 'chad cing ston te/ til mar la sogs pa'i snum dang/ de bzhin du sbrang rtsi dag ni tshad srang gsum
 gsum du so sor bya ba ste/ snum srang gsum dang de bzhin du sbrang rtsi srang gsum dang/ de bzhin du rgyam tshwa bod zho gnyis sbyar ba 'di ni nad med pa ste/ bde bar gnas pa la btang ba yin no/ zhes smros so/ de bzhin du sman srang
 gnyis dang/ ku ba bskol ba'i sman lhag ma kun srang bcur yongs du sbyar bya bar bya'o/ /de ltar na spyir srang bco brgyad mas btang ba'i tshad yin par 'dod do/ /sbrang rtsi rgyam tshwa snum rnams dang/ sman bya khu ba'i rim pa ni/
 mas btang rkyal bar gcug byas te/ 'di na sbyar ba'i cho gar bshad pa ces bya ba la/ sbrang rtsi la sogs pa'i sman gyi khu ba rim gyis bcos shing sbyang ste dang po sbrang rtsi sbyar zhing gzhug par bya'o/ /de nas ni rgyam tsha'o/ /
 nyid yin no zhes dogs pa la/ dbang pos bzung bar bya ba'i gtan tshigs kyi 'brel pa bstan par bya ba'i phyir/ rang snang ba'i zhes bya ba la sogs pa smos te/ rang snang ba'i dbang po'i shes pa'i rgyu'i don ni dbang po'i bzung bar bya bar brjod do/ /
 rtag pa ni rim dang cig car bdag gis don byed pa mi rigs pa'i phyir 'brel pa grub po/ /dbang pos bzung bya nyid sogs na/ /zhes bya ba la sogs pa la/ 'di 'dra'i don zhes bya ba la sogs pa smos te/ 'di ni 'di 'dra ba yang yin la don yang yin pas
 de skad ces bya ste/ 'di 'dra zhes bya ba ni ma brtags na nyams dga' ba'o/ /de lta ma yin na du ba la sogs pa la yang rnam par rtogs par bya bar nus te/ ci rdzas brgyad kyi du ba rtags nyid du khas len tam/ 'on te rnam par shes pa dang/ rang bzhin dang/
 dus la sogs pa'i rnam par 'gyur ba yin/ gzhan yang yan lag can nam/ rdul phra rab rnams kyi bsags pa nyid la sogs pa rtog pa na gang yang rung ba la ma grub pa'i skyon du 'gyur ro/ /btsal ma thag tu byung zhes bya ba dang/ byas dang mi rtag sgrub byed
 gang/ zhes bya ba la sogs pa la/ kho bo cag la zhes bya ba la sogs pa smos te/ btsal ma thag tu byung ba'i shes pa kho na 'bras bu yin te/ so sor brtags pas 'gogs pa la sogs pa de rtsom par byed pa zhes bya ba dgag pa dang sbyar ro/ /gal te mdo
 sde ba'i lugs kyis so sor brtags pas 'gog pa la sogs pa 'khrul pa gzhan brjod pa? de'i tshe 'khrul par ma grub ste/ de dag gi lugs kyis so sor brtags pas 'gog pa la sogs pa kun rdzob tu yod pa yin pa'i phyir ro/ /kun rdzob tu 'bras
 bu 'ga' zhig rtsom par rigs pa ma yin te/ de'i mtshan nyid nyams par thal bar 'gyur ba'i phyir ro/ /gang zhig don gyi bya ba byed pa gang yin pa de nyid don dam pa yin la gzhan ni kun rdzob tu yod pa yin no zhes bya ba ni don dam pa dang kun rdzob tu yod pa'i mtshan
 nyid yin no/ /ci ste bye brag tu smra ba rnams kyi lus kyi 'khrul pa de yang so sor brtags pa ma 'gog pa la sogs pa khyed cag gis 'dzin pa la sogs pa'i bdag nyid ci 'dra ba brjod pa gang yin pa de 'dra ba ni bye brag tu smra ba rnams kyis mi 'dod do zhes ston pa ni 'gog pa dag ni zhes bya
 ba la sogs pa smos te/ 'gog pa dag ces bya ba ni so sor brtags pas 'gog pa dang/ so sor brtags pa ma yin pas 'gog pa gnyis so/ /de dag ci 'dra ba zhe na/ gang phyir zag bcas kyis zhes bya ba la sogs pa smos te/ kun nas nyon mongs pa'i dngos po rnams dang
 bral ba gang yin pa de ni so sor brtag pa ste/ shes rab kyis thob pa'i phyir so so brtags pa'i 'gog pa zhes bya la/ de yang ldan pa'i rdzas re re la tha dad pa yin no/ /'di nyid 'chad pa ni so so so so yin zhes bya ste/ ldan pa'i rdzas ji snyed pa bral ba'i rdzas rnams kyang de
 snyed do zhes bya ba ni grub pa'i mdza' yin pa'i phyir ro/ /chos ma 'ongs pa rnams skye bo la gtan du gegs su gyur pa bral ba las gzhan gang yin pa de ni so sor brtags pa ma yin pas 'gog pa zhes bya ba ste/ de yang so sor brtags pas thob pa ni ma yin no/ /'o na
 ci zhe na/ skyen ma tshang ba ste/ de'i phyir so sor brtags pa ma yin pas 'gog pa zhes bya ste/ ji skad du/ so sor brtag pas 'gog pa gang/ /bral pa'o so so so so yin/ /skye la gtan du gegs byed pa/ /'gog gzhan so so brtags min pas/ zhes bshad pa
 bzhin no/ /'jig pa'i bdag nyid yin du zad mod/ /de lta na yang 'khrul pa ma yin no/ /zhes bstan pa'i phyir/ rang bzhin med pa'i phyir zhes bya ba la sogs pa smos te/ bcol ma thag tu byung ba min zhes bya ba dang sbyar ro/ /gang las she na/ rang bzhin med
 pa'i phyir te/ ji ltar dngos po yod pa bkag pa tsam gyi 'jig pa yin la/ nam mkha' yang reg par bya ba med pa tsam yin te/ de lta yin dang 'jig pa 'di gnyis kyang rang bzhin med pa yin no/ de ji ltar 'di dag btsal ma thag tu 'byung bar 'gyur te/
 sbyor ba legs par gyur na/ skyes bu de chu cung zad do bas bkrus la skam sa'i shi 'khu ba dang 'bras chan nyung zad cig sbyin par bya'o/ /mas btang drag po'i nas rnams kyis/ /dri ma bskyod par byung gyur pa/ /de ni chu dron gyis bkru dang//
 kha zas tshul bzhin rgos bas 'byad/ zhes bya ba la/ skyes bu bkru sma drag po mas btang ba'i nad rnams kyi dri mas bskyod cing 'byung bar bya'o/ /nad de chu dron po 'jam pos bkru ba dang/ de bzhin du kha zas tshul bzhin du zos pas byang zhing dag par 'gyur ro/
 gal te rlang gas nyam thag na/ /slar yang 'phral du 'jam rtsi btang/ zhes bya ba la/ gal te rlung gi nad kyis nyam thag cing gnod par 'gyur na/ slar yang 'phral du dus de'i tshe nyid 'jam rtsi btang bar bya ste/ snum ji lta ba bzhin du gso zhing bcos
 ba nyid du bya'o/ /de yi legs dang ma legs dang/ drag pa snum 'thungs 'drar shes bya/ zhes bya ba la/ 'jam rtsi'i sbyor ba legs pa dang/ ma legs pa dang/ drag pa rnam pa gsum/ snum 'thungs pa dang/ tshul 'dra bar 'gyur te/ de
 yang 'di ltar rlung ni bde rgyu me drod 'bar/ /bshang ba snum zhing mi sri la/ /snum mi 'dod cing snyom gyur pa/ /snum legs yin te rtsub go bzlog /snum drags pa yis skya ba dang/ /sna dang khu rkub las 'dzag 'gyur/ zhes bya ba
 'di/ 'di dag gi sbyor pa legs pa dang/ ma legs pa dang/ drag par gyur pa yin no/ /gang zhig dus cung zad gnas/ bshad dang bcas par 'byung 'gyur zhing/ /mthur du dbugs dang snum lhan cig /'byung 'gyur 'jam rtsi legs
 pa yin ba zhes bya ba la/ snum gang zhig dus cung zad cig gnas nas bshad pa dang bcas par lhan cig 'byung bar 'gyur zhing de bzhin du dbugs kyi rgyu ba legs par 'byung bar 'gyur na/ 'jam rtsi de'i sbyor pa legs
 ba yin no/ /bad kan la ni mas btang ba'i/ /snum gyi 'jam rtsi gcig gam gsum btang bya/ mkhris pa la ni lnga'am bdun/ /rlung la dgu 'am bcu gcig btang/ zhes bya ba la/ bad kan gyi nad la ni mas btang ba'i snum gyi 'jam rtsi gcig gam gsum
 zhig btang bar bya'o/ /mkhris pa'i nad la ni 'jam rtsi lnga 'am/ bdun btang bar bya'o/ /rlung las gyur pa'i nad la ni dgu 'am bcu gcig btang bar bya'o/ /slar yang de las zung min pa/ /mas btang rjes la bya ba yin/ zhes ba la/ bad kan
 shas che ba'i nad la/ /gcig gam gsum btang bas sbyor ba legs pa'i mtshan nyid ma byung na yang mas btang ba de'i rjes la bya la/ de yang zung ma them par bya ste/ gcig dang gsum dang lnga dang bdun dang dgu dang bcu gcig la sogs pa ni
 zung ma yin no/ /gnyis dang bzhi dang drug dang brgyad la sogs pa ni zung ste/ zung ma yin pa zhes bya ba thams cad la sbyar bar bya'o/ de ltar 'jam rtsi btang ba'i rjes la sbyor ba legs par gyur na yang mas btang ba'i cho ga bya'o/ /yang? mkhris rlung la
 rim bzhin zas/ /yu sha 'o ma sha khu btang/ zhes bya ba la/ bad kan gyi nad dang ldan la ni/ de'i zas yu sha ste sran mung+ga'i khu ba las g.yos su byas pa dang/ lhan cig btang bar bya'o/ /mkhris pa'i nad yod pa len zas 'o ma dang lhan cig gtang bar bya'o//
 rlung gi nad yod pa la ni zas sha khu dang lhan cig btang bar bya'o/ /rlung 'joms sman ni rab gas? skol ba/ /ngur byid rgyam tshwar bcas par bya snum mngar skyur sha khu dro sbyar ba?/ mas btang gcig ni rlung la phan/ zhes bya ba la/ rlung la ni mas btang ba
 gcig tu bshad/ /de yang rlung 'joms pa'i sman ni bi da ri la sogs pa legs par bsgol ba las byas pa ngur byid dang/ rgyam tshwa gnyis kyi lde gu dang bcas shi spyad ba dang/ de bzhin du til mar la sogs pa'i snum dang ldan pa dang/
 de bzhin du sman ro mngar ba dang skyur ba dang ldan pa dang/ de bzhin du sha khu dron po dang sbyar ba'i mas btang ba ni rlung sel bar byed pa yin no/ /n+ya gro d+ha sogs sde tshan bskol/ /shug sogs khar dkar dang sbyor/ /mngar
 ba'i bu ram shing khu mar/ /'o ma sbrang rtsi bcas mkhris sel/ zhes bya ba la/ mkhris pa'i nad la ni mas btang ba nyis te/ n+ya gro d+ha la sogs pa'i sde tshan bskol ba dang/ shug pa la sogs pa'i sde tshan khar dkar po'i lde gu dang bcas
 pa la de bzhin du mngar ba dang bsil ba dang/ bu ram shing gi khu ba dang mar dang/ 'o ma dang sbrang rtsi dang bcas pa rnams kyis 'khris pa sel ba byed pa yin no/ /dong kha la sogs bskol ba dang/ /dug mo nyung sogs bcas pa
 gsum/ /rtsub dang sbrang rtsi ba gcin bcas/ /rno zhing dro kha bad kan sel/ zhes bya ba la/ bad kan gyi skabs su mas btang ba gsum yod de/ dong ga bskol ba'i dug mo nyung la sogs pa'i lde gu dang bcas pa gsum
 la de bzhin du rtsub dang sbrang rtsi dang ba gcin dang bcas pa rno ba dang/ dro ba dang kha pa'i sman rnams so/ /gsum pa 'dus pa'i nad la spang/ gang phyir rim bzhin sel ba yin zhes bya ba la/ 'dus pa'i nad la ni mas btang ba gsung nyid du bshad
 de/ sngar bshad pa'i rlung dang mkhris pa dang bad kan sel ba'i gsum po nyid yin par bsten to/ /de yang gang gi phyir mas btang ba rnams kyi rlung dang mkhris pa dang bad kan rim bzhin du sel zhing 'joms te/ de la mas btang ba gcig
 btang bas ni rlung sel la/ gnyis pas ni mkhris pa'o/ /gsum pas ni bad kan no/ /gsum po de las gzhan pa yi/ /mas btang gso shes gzhan mi 'dod/ /gang phyir slar yang sbyin bya yi/ /nyes pa bzhi po yod ma yin/ zhes bya la
 mas btang ba gsum po de dag las gzhan pa'i mas btang ba bzhi bar ni gso ba shes shing sman dpyad kyi lung la mkhas pa'i srog mtsho ba'i slob dpon gsan ngag mi 'dod cing khas len par mi byed de/ gang gi phyir sngar bshad pa'i nad
 dmigs gsum la mas btang ba grangs ji lta ba bzhin du yin pa las/ slar yang gang zhig gso bar bya ba'i phyir sbyin pa'i nyes pa 'am nad bzhi pa yod pa ma yin pa'i phyir ro/ /nad bskyod dag par byed pa dang/ zhi bar bya ba'i rim pa yis/ /mas
 btang gsum po nyid brtag ces/ de skad gzhan dag smra ba yin/ zhes bya ba la/ sman pa gzhan dag ni mas btang ba gsum po nyid du brtag par bya'o/ /zhes de skad smra ba yin te/ mas btab pa gcig ni nad rnams bskyod pa la brtag cing sbyar bar bya'o
 gnyis pa ni nad rnams dag par byed pa yin no/ /gsum pa ni nad rnams zhi bar byed pa yin no/ /de ltar nad skyod cing bsdu ba dang/ nad sbyong zhing dag par byed pa dang/ nad rnams zhi bar byed pas na zhi ba ste/ de ltar gsum yin no zhes zer ro/ /nad
 dang sman sogs stabs las ni/ /'di dag thams cad tshad mas gzhal/ zhes bya ba la/ slob dpon 'di dag gis bshad pa mas btang ba gzhan dang gzhan du bshad pa'i tshul gang yin pa de thams cad tshad mas gzhal ba yin gyi/ slob
 dpon pa la ni gzhung tshad ma ma yin la/ la la'i gzhung ni tshad ma med pa ni ma yin te/ gzhan du na thams cad tshad mas gzhal ba yin no/ /ji ltar zhe na/ nad dang nad sman sogs las ni/ zhes bya ba ste/ nad kyi stabs la sman gyi stobs
 las dpag ma yin te/ sogs pa'i sgras ni yul dang dus dang lus kyi stobs dang lus tshad dang kha zas dang goms pa dang snying stobs dang/ rang bzhin gyi stobs kyi nus pa las dpag pas yin te/ gzhung 'di ni kun la kha bskang
 dgos pa'i lhag yin par shes par bya'o/ /yang gso ba shes pa'i slob dpon mas btang ba gzhan du 'dod pa de thams cad kyi gzhung yang 'di nyid yin gyis la la tsam gyis ma yin no/ /bkru sman drag btang lags mtshan
 ma/ /ma mthong bar du 'phro mi bcad/ ces bya ba la/ ji srid bkru drag po btang ba'i mtshan ma legs par ma mthong zhing/ ma byung ba de dpyid kyi bar du/ ni ru ha btang ba'i 'phro bcad par mi bya ste/ de na ji srid mtshan legs pa mthong bar gyur pa
 de srid kyi bar du bkru sman drag po btang par bya'o/ zhes ston pa yin no/ /'di dag ni nye bar mtshon pa tsam ste/ 'jam rtsi btang ba'i tshe na yang/ /ji srid 'jam rtsi legs par gyur pa'i mtshan ma byung ba de srid kyi bar du ma btang ba 'phro mi bcad kyi/
 de byung gi bar du 'jam rtsi btang bar bya'o/ /gang nye bar mtshon pa tsam du bzhag pa 'di 'jam rtsi la yang pa'i phyir/ gzhung tsom par byed pas 'dir yan lag brgyad pa bsdus pa las 'di skad smras pa yin te/ dang por snum gcig tha
 mar lnga/ /bkru sman drag po bcu gnyis te/ /'jam rtsi bcas pa mas btang ba'i/ /las ni sum cur bshad pa yin/ zhes bya ba la/ bkru sman drag po mas btang ba gnyis pa dang bzhi pa dang drug pa dang brgyad pa dang/ bcu pa dang/ /bcu gnyis pa dang/
 /bcu bzhi pa dang/ bcu drug pa dang/ bco brgyad pa dang/ nyi shu pa dag nyi shu rtsa gnyis pa dang/ nyi shu rtsa bzhi pa zhes bya ba dang de bzhin du bkru sman drag po mas btang ba bcu gnyis te/ gsum pa dang/ lnga pa dang/ bdun pa dang/
 dgu pa dang/ bcu gcig pa dang/ bcu gsum pa dang/ bco lnga pa dang/ bcu bdun pa dang/ bcu dgu pa dang/ nyi shu rtsa gcig pa dang/ nyi shu rtsa gsum pa dang/ nyi shu rtsa lnga pa zhes bya ba dang/ 'jam rtsir bcas pa zhes bya ste/ cho ga
 'dis ni mas btang ba'i las sum/ cur bshad pa yin no/ /dus ni bco lnga 'dir gcig ni/ /thog ma'i snum ni tha mar gsum/ /drug dang ma btang lnga par bshad/ /ces bya ba la/ mas btang ba'i dus ni bco lnga ste/ ji lta zhe na/ thog mar de dang po snum gyi
 lan cig dang/ mdza' ma snum gyi lan gsum ste/ bcu gsum pa dang/ bcu bzhi pa dang/ bco lnga pa dang/ de bzhin du snum drug ste/ gnyis pa dang/ bzhi pa dang/ drug pa dang/ brgyad pa dang/ bcu pa dang/ bcu gnyis pa zhes bya ba dang/ ji lta bu zhe na/ mas
 btang ba'i 'jam rtsi lnga ste/ gsum pa dang/ lnga pa dang/ bdun pa dang/ dgu pa dang/ bcu gcig pa zhes bya bas bar du bcad cing chod pa'i bkru sman drag po mas btang ba ste/ de ltar na mas btang ba'i dus bco lnga yin no/ /mas btang sbyor 'dir
 brgyad yin te/ /ni ru ha dang snum gsum dang/ thog ma tha ma gnyis ga'o/ zhes bya ba la/ mas btang ba'i sbyor ba 'dir brgyad yin te/ sbyor ba 'di la thog ma dang tha ma gnyis ka ste/ dang po dang brgyad pa zhes bya ba'i snum gyi las dang/ ni ru
 ha gsum ste/ gnyis pa dang/ bzhi pa dang/ drug pa dang/ snum gsum ste/ gsum pa dang/ lnga pa dang/ bdun pa zhes bya ba ste/ de ltar na spyir brgyad ni sbyor ba yin no/ /'jam rtsi 'am bkru sman mas btang drag /gcig tu lhag par bsten mi bya/ /
 'jam rtsi nad glongs me drod 'joms/ /ni ru has rlung bskyed 'jigs yod/ /de pas snum rjes bkrus drag btang/ /khrus drag btang nas 'jam rtsi bya/ /de ltar rig pas snum sbyang byas/ /mas btang las ni nyes gsum sel/ zhes bya
 ba la/ de ltar na ni ru ha ste dkru sman drag po mas btang ba'i thog mar 'jam rtsi bya la/ de'i 'og tu bkru sman drag po mas btang bar bya la/ de'i 'og tu 'jam rtsi'i rgyun ni 'chad par/ ni ru ha cig tu bsten par mi bya zhing/ /'jam lci
 'ba' zhig rgyun mi mchad par ha cang drags par btang bar mi bya zhing/ bsten par mi bya ste/ gang gi phyir 'jam rtsi rgyun tu bsnyen drags pas ni/ nad rnams glongs pas ni khams 'khrugs par gyur pa dang/ de bzhin du me'i
 drod 'joms pa'i pho ba'i me drod kyis zas 'ju mi nus par 'gyur ro/ /de bzhin du ni ru ha bsten drags pas rlung nad skyed par byed do/ /glung gi nad ldang pa'i 'jigs pa yod de zhes bya ba'i don to/ /de bas na bkru sman drag po mas btang bar
 pa'i skyes bu'i ni/ 'jam rtsi gsum gyi sbyor mas btang bar bya la/ gang 'jam rtsi bya ba de la ni bkru sman drag po mas btang bar bya dgos te/ nad glongs pa dang me drod 'joms pa des bsal bar bya ba'i phyir ro/ /de ltar na rigs pa 'di'i
 rim pas snum gyi mas btang ba byas pa dang/ de'i 'og tu ni ru ha bya la/ de lta bu'i sbyang ba byas nas/ mas btang ba'i las des nas gzhi gsum gyi nyes pa sel bar 'gyur ro/ /snum gyi tshad ni chung du yi/ /tshad dang de ni mnyam pa yi/ /snum
 zad 'jam rtsi'i chad du bshad/ de ni byis rgan lam dang khur/ /bud med rtsol zhen pas dub dang/ /rlung nad kyis zhum me drod chung/ /rgyal po phyug po la bde ba/ yin pas rtag tu bsten par bya/ /nad 'joms spang ba med pa dang//
 stobs bskyed bshad pa bde bar 'gyur/ zhes bya ba la snum las zhun mar 'ba' zhig btung ba'i tshad chung du thun gnyis kyis 'ju bar 'gyur pa'i mtshan nyid can gyi tshad de dang mnyam par byas pa'i snum gyi tshad/ 'jam rtsi'i
 tshad du bar nyid de/ de ni 'jam rtsi'i chung tshad ces bya ba la tshad de ni byis pa dang rgan po la sogs pas dus rtag tu rgyun mi 'chad par bsten cing goms par bya'o/ /de bsten cing goms par byed pa ni nad med par byed pa
 dang/ bde bar yin pas byis la sogs pa la yang btang du rung bas goms par spyad par bya'o/ /de bzhin du nad 'joms pa ste/ rlung dang mkhris pa dang pad kan yang 'joms shing sel bar byed do/ /de bzhin du yang 'di ni spang pa med pa yin te/
 kha lag chu dron gyis bkru zhing zhes bya ba la sogs pa'i gzhung gis sngar bshad pa'i gdam bag mi dgos pa yin la/ de nyid kyis na byis pa la sogs pa bde ba'i bdag nyid can no/ /de bzhin du stobs skyed pa yin te/ nus pa bskyed pa yin no//
 de bzhin du bshad pa bde bar 'byung bar byed pa yin te/ gang zhig btang bas bshad pa bde blug du 'byung bar byed pa de skad ces bya'o/ /mas btang bud med ro smad kyi/ /mngal dang mo mtshan nad rnams la/ /bkrus drags gsum gyis
 dag par ni/ /mas btang gong nas btang bar bya/ zhes bya ba la/ 'dir mas btang ba ni lus kyi yan lag phyogs gcig 'bab pa'i phyogs nas btang ba ste/ de ni gcin sri ba la sogs pa'i nad gang dag yod pa'i skyes pa dang/ bud med dang
 ma na de gi mtshan nas btang ba gong ma btang bar bya'o/ de dag thams cad kyang lan gnyis sam lan gsum du bkru sman drag po mas btang bas dag cing skyon bsal ba la/ mas btang ba gong ma btang ba bya'o/ /de yi gce'u nad pa yi/ /sor tshad bcu
 gnyis chad du bya/ /snum zhing ba lang mjug ma 'dra/ /rtsa ba dbus su gag pa gdags/ /rtse mo yungs kar shong ba tsam/ /'jam pa gser la sogs pas byas/ /kun da sri zhing so ma ni/ me tog rtse mo ltar zum ste/ zhes bya ba la/ de'i
 zhes bya ba ni/ /'das ma thag pa'i mas btang ba gong ma la snyegs te/ de'i gce'u ni nad pa gang yin pa'i sor chad kyis gzhal la/ de yang sor bcu gnyis su bya'o/ /de bzhin du de zlum pa dang/ ba lang gi mjug ma ltar
 rtse mo rims kyis phra ba dang/ de bzhin du rtsa ba dang/ dbus te bar du gag pa gdags par bya ste/ 'dir gag pa gcig ni dbus su bya/ /de yang tshad nang du nub pa'i tshad las thal par gag byed nus pa tsam la/
 gnyis pa rtsa bar gnas par bya ba ni rkyal bu la gdags pa la dgos pa yin no/ /yang de bzhin du de'i rtse mo'i bu ga'i tshad yungs kar shong ba tsam la bya'o/ /'jam pa ni rtsub bag med pa'o/ /gser la sogs pa las byas pa ni
 mas btang ba dag gi tshe rgyu dang mtshungs par bya'o/ /de bzhin du me tog kunda la sogs pa'i rtse mo kha ma phye ba ltar byin gyis phra zhing zlum pa'o/ /gang la me tog dang 'bras bu chags pa'i de'i rtsa ba'i phra mo ste de la bya'o/ /de'i rkyal bu
 'jam zhing yang/ zhes bya ba la/ mas btang ba gong ma de'i rkyal bu ni/ ra skyes la sogs pa'i lgang? pa 'jam zhing mnyen la yang zhing chung ngu gdags par bya'o/ /tshad srang phyed dmar ga rigs bya/ zhes bya ba la/ 'jam rtsi gong ma
 de'i tshad ni snum gtong ba na srang phyed bya ba 'am/ gar rigs par bya ba ste/ nang la sogs pa'i tshad las dpags nas ji ltar 'os par bya ba ste/ des na nad kyi tshod las dpags te/ srang phyed pas chung par yang bya'o zhes bya ba'i
 don to/ /de nas khrus byas zan zos la/ /'jam rtsi btang ba'i cho ga bya/ /khri stegs pus mnyam mdzad pa las/ /drang zhing bde bar 'dug nas ni/ /pho mtshan drang zhing bteg par bya/ /spubs sbyang phyir ni thur du ni/ 'jam pa
 rim gyis gzhug par bya/ /de nas pho mtshan dang 'cham pa/ /'bras bu'i mthar thug par btang ba/ /mi 'dar 'jam rtsi gtong ltar bya/ /brtsir te btang la snum rjes bya/ /'jam rtsi rim pa bzhin du bya/ zhes bya ba la
 de nas de'i 'og tu legs par khrus byas shing zan par zos pa'i skyes bu de'i mtshan du dang por thur ma phra mo bcug la/ /de'i 'og tu gce'u gzhug par bya'o/ /ci ltar zhe na/ 'jam rtsi gtong ba'i cho ga bya zhes bya bas te/ sngar bshad pa'i mas
 btang ba'i cho gas bya'o/ /de bzhin du khra'i stegs bu pus mo dang dpangs mnyam zhing 'jam pa'i steng du/ drang zhing lus ma yo par bde bar 'dug pa de bzhin du pho mtshan dga' bas bteg cing ldang bar byas la/ dang zhing ma yo bar byas
 nas gci pa'i lam gyi sdubs dag par bya ba'i phyir thur ma 'jam po rim gyis dal bar gzhug par bya'i/ /cig car myur du gzhug par mi bya'o/ /de nas thur ma des phon chan gyi sgrubs dag cing sbyangs pa'i rjes la pho mtshan dang mchim pa'i gce'u
 'bras bu'i mthar thug pa'i bar du btang bar bya la/ de yang lag pa mi 'dar par mjal mar 'jam rtsi gtong ba dang tshul 'dra bar byas la btsir ba dang/ btang ba dang snum gyi rjes la bya ba dag ni/ 'jam rtsi'i tshe'i rim pa ji lta ba bzhin du
 bya ba 'di la phan pa yin no/ /de yi rim pa 'di yin te/ btang nas lus ni gan rkyal bzhag /rkub cos lag pas btab par bya/ zhes bya ba la sogs pa yin no/ /mas btang chog 'di yis ni/ /gsum mam bzhi yi bar du btang
 zhes bya ba la/ ji skad du bshad pa'i chog 'dis mas btang ba'i cho ga gong ma lan gsum bzhi'i bar du btang bar bya'o/ /lhag ma 'jam rtsi ji lta bar/ /'di la thams bcad sbyar bya/ zhes bya ba la/ cho ga thams cad 'jam rtsi dang
 'dra bar bya ba ste/ sbyor ba legs pa dang sbyor ba ma legs pa dang/ sbyor pa drags pa dang/ de bzhin du de'i gnad pa bsal ba'i sman la sogs pa gang dag yin pa 'di dag la yang sbyar bar bya zhing shes par byas la brtag par
 bya'o/ bud med zla mtshan dus su ni/ /mngal bye bas ni chags par 'gyur/ /de phyir de tshe btang bar bya/ /rab na dus min par yang btang/ /mo mtshan nyam dang gzer ba dang/ mngal khrag rtag tu 'byung btang ba/ zhes
 bya ba la/ bud med zla mtshan 'dzag pa'i dus su 'jam rtsi 'o ma 'dzag par bya'o/ /zla mtshan dang po 'dzag pa na zhag bcu gnyis kyi bar du bud med kyi zla mtshan gyi dus yin te/ dus de'i bar du de'i mas btang ba'i las bya'o/ /ci'i phyir zhe na/
 dus de'i tshe mas btang ba gong ma nas snum btang ba gang yin pa de mngal bye bas der chags par 'gyur zhing len par 'gyur te/ /de'i tshe bud med kyi mngal gyi kha bye nas gnas pa yin no/ /de ji skad de'i tshe mngal chags par
 'gyur ba de bzhin du mas btang ba yang de'i tshe chags kyi gzhan gyi tshe ni ma yin no/ /de yang gzhung las dper na nyi ma nub gyur na/ /pad+ma'i kha ni zum par 'gyur/ /de bzhin zla mtshan dus 'das na/ /khu ba chags par mi 'gyur ro//
 zhes bshad pa yin no/ /gzhan yang rab na dus yin par yang btang zhes pa ste/ /des gso bar bya ba'i nad tshabs cher byung bar gyur na dus ma yin te/ zla mtshan rgyu ba'i dus ma yin na yang mas btang ba gong ma btang
 bar bya'o/ /mo mtshan nyam par gyur ba la sogs pa la yang btang bar bya ste/ mo mtshan nyams pa las ni gnas de las 'chugs shing zhig pa'o/ /de bzhin du mngal na pa ste/ mngal gyi nang rnam pa mang po 'byung
 ba dang/ de bzhin du mo mtshan gzer zhing zug pa dang/ de bzhin du mngal nas rtag tu khrag 'dzag cing/ kha dog sna tshogs pa'i khrag dus ring por 'dzag pa'i nad ni/ mngal khrag rtag tu 'byung ba ste/ de la yang btang
 bar bya'o/ /gce'u sor bcu rtse mo yi/ bu ga mung+ga shong sor bzhi/ /mngal gyi gnas su btang bar bya/ /sor gnyis gcin 'bab lam du btang/ gcin 'gags pa yi nang rnams la/ bu mo rnams la sor gcig btang/ zhes bya
 ba la mngal chags su rung ba'i bud med thams cad dang/ chags su mi rung ba'i bu mo gzhon nu'i mas btang ba'i gong ma'i gce'u'i chad ni spyir sor bcu bya'o/ /zhes bya bar shugs kyis sbyor de bzhin du rtse mo'i bu ga sran mung+ga shod
 zhing 'gyur du rung bar bya la/ de las sor bzhi ni bud med che ba'i mngal gyi gnas su btang bar bya'i de las lhag par ni mi bya'o/ /de bzhin du sor gnyis gcin 'bab cing 'byung ba'i lam du btang bar bya'o/ gcin 'gags pa'i
 yod pa'i bu mo shin tu chung ngu rnams la gcin 'bab pa'i lam du sor gcig btang bar bya zhing gzhug par bya'o/ /'bring tshad srad ni gcig pa ste/ bu mo rnams la srad phyed nyid/ /ces bya ba la/ bud med rnams kyi mas btang pa
 gong ma'i 'bring tshad ni srang gcig bya'o/ /bu mo rnams te bu mo chung ngu rnams kyi 'bring tshad ni srang phyed nyid yin no/ /mal du gan rgyal 'dug nas ni/ /brla ni legs par bskum nas su/ /gcig la lan gsum lan bzhi
 btang/ de ltar mas btang zhag gsum la/ /snum gyi tshad ni bskyed par bya/ /de nas zhag gsum ngal gsos nas/ /slar yang zhig gsum btang bar bya/ zhes bya ba la/ bud med de mal du gan rgyal du byas te/ 'dug
 cing gnas pa dang/ de bzhin du brla legs par bskum pa dang/ bus mo legs par stong de/ de la nyin zhag gcig la lan gsum mam lan bzhi'i bar du mas btang ba gong ma bya'o/ /de bzhin du zhag gnyis 
 sam gsum gyi rim gyis ci rigs par nyin re zhing snum tshad bskyed par bya'o/ /de nas zhag gsum ngal gso zhing 'phro bcad la/ /slar yang cho ga 'di nyid kyis zhag gsum btang bar bya'o/ skyug sman byas zla phyed nad bkru sman/ de nas
 zla phyed nas bkrus drag/ bkrus drag 'phral la 'jam rtsi btang/ /khrus btang zhag bdun nas 'jam rtsi/ zhes bya ba la/ skyes bu skyug sman byas nas zla ba phyed 'das pa dang/ bkru sman bya'o/ /de nas bkru sman btang ba'i zla ba phyed 'das nas bkru sman drag
 po mas btang bar bya'o/ /bkru sman drag po mas pa?? bya ste/ 'phral de ring po mi thog par 'jam rtsi btang ngo/ bkru sman btang nas zhag bdun lon nas 'jam rtsi btang bar bya ste/ de ltar na bkru sman btang ba dang/ ni ru ha btang ba'i bar du
 'jam rtsi btang ngo/ /zhes bya ba'i don to/ /dper na le brgan sogs btsos nas/ /gos ni chu las tshos len ltar/ /de bzhin bangs par byas lus pa/ /mas btang bas ni nad rnams 'byin/ zhes bya ba la/ dper na le? brgan rtsi la sogs
 pa dang bsres pa'i chu la sogs der ras tshos len par byed cing chu 'dor bar byed pa de bzhin du lus snum la sogs pas/ bangs par byas pa las mas btang bas na nad kyi gnod pa rnams sal cing 'byin par byed de lus gnod ba'i nal?
 sbyor bar byed do/ /lus kyi yan lag nang grol dag tu song nad dang/ /gnad dang lus stod? yan lan kun khyab nang/ gang zhig yod pa de las skye ba'i rgyu/ /rlung ma gtogs pa gzhan dag yod ma yin/ zhes bya ba la/ lus
 kyi yan lag ni khrag la sogs pa'i lus zungs rnams nas/ pags pa'i bar dang/ de bzhin du lag ngar la sogs pa'i lus kyi yan lan? nang grol ma gtogs pa kun la khyab par bya'o/ /de bzhin du nang grol gyi phyogs thams cad
 du khyab cing song ba'i nad dag dang/ de bzhin du gnad dang lus kyi stod na gnas pa'i nad de'i yan lag dngos su na lus kyi stod yan lag gi gnang thams cad la khyab cing gnas pa'i nad gang dag yod pa'i nad de rnams skye ba'i rgyuAm/ 'byung
 ba'i gzhi? rlung ma gtogs pa gzhan gang yang yod pa ma yin te/ nad kyi rgyu gnyis ba med do zhes bya ba'i don no/ /ci'i phyir zhe na/ de'i phyir smras pa ni/ bshad dang bad kan mkhris gsogs nad gsags pa/ /gang phyir 'thor zhing sdud par
 byed pa yin/ /de ni rab 'phel gyur ma zhi bya'i phyir/ /'jam rtsi ma gtogs sman gzhan gang yang med/ /de bas gso ba ma lus pa las mas btang ba/ gsol pa'i byed yin zhes ni la la 'dod/ /de bzhin nang rling glo bur skyed byed la/ /gtar?
 gas khrag dbyung sman nyid 'gyur ba yin/ zhes bya ba la/ bshad pa dang bad kan mkhris pa la sogs pa gang yin pa de ni/ /bshad pa dang bad kan mkhris pa la sogs te/ sogs pa smos pa ni/ lus kyi char gtogs pa dangs ma la sogs
 pa'o/ /de dag nyid kyis ni lus dri ma can du byed pas na nad do/ /de rnams la gsogs pa ni bshad pa la sogs pa 'phel bar byed pa ste/ gang gi phyir de rnams 'thor zhing rgyas par byed la/ nad rnying pa'i tshigs su gnas pa phan tshun 'thor?
 zhing 'byed? par byed pa dang/ sdud par yang byed de/ phan tshun du 'thor ba ste gnas pa rnams phung po gcig tu byed pa'o/ /rnam pa de gnyis byed pas na/ 'thor zhing sdud par byed pa yin/ zhes bya ba la/ de lta bu'i rlung de rab tu 'phel zhing
 rnam par 'khrug pa/ ldang bar gyur pa gzhi zhing bsal bar bya pa'i phyir gso dpyad bya na/ 'jam rtsi la sogs pa mas btang ba ma gtogs pa'i sman gzhan dag ci 'ang yod pa ma yin te/ snum dang dugs la sogs pa gzhan dag yod na yang
 nus ba chung ba yin no/ /gang gi phyir 'jam rdzi yon tan de lta bu yod pa de bas nas/ rgyu de'i phyir gso ba ma lus shing mdza' dag las mas btang ba ni gso ba 'am nad bcos pa'i thabs kyi phyed yin no zhes bshad de/ ci'i phyir zhe na/
 bshad pa dang gci ba dang bad kan dang 'khris pa dang gtar ga bya ba'i nad rnams kyang rtsa ba nas 'byin no/ /de bas na de las brtsams te/ nad ma lus pa dang rlung gi nad rnams thams cad mas btang bas gso zhing bcos par bya'o zhes bya ba'i don
 to/ /de'i phyir tshe'i rig byed shes pa'i srog 'tsho ba'i slob dpon gzhan dag ni gso ba'i thabs ma lus ba ni mas btang bar 'dus par khas 'che'o/ /la la dag ni mas btang ba gso ba'i phyed yin no/ zhes zer ro/ /de bzhin du gtar gas
 khrag dbyung ba yang/ nad rnying pa dang? blo bur bas btab ba'i nad rnams la gtar gas dbyung ba ni gso ba'i phyed dam/ gso ba ma lus par gyur ba yin no/ zhes zer ro/ /de yang nad rnying gzhin gnas pa dang/ glo bur ba gsar du byung
 ba dag la ni nad rnying glo bur ba zhes bya ste/ de dag skyed par byed pa yin pas na skyed byed de/ khrag la bya la/ de rab tu zhi zhing bsal ba la ni gtags khrag dbyung ba ni brag 'don? nyid sman du 'gyur ba yin pas na khrag las gyur ba'i nad kyi gso
 ba'i phyed dam/ gso ba rangs ba ni gtar gas khrag dbyung ba yin no/ zhes bya ba ni sdud par byed pa ste/ mas btang ba 'ba' zhig gso ba yin par ma zad de/ gtar gas khrag dbyung ba yang gso ba phyed dam/ ma lus pa
 yin no/ zhes bya ba'i don no// /yan lag brgyad pa'i snying po bsdus pa'i rnam par 'grel pa tshig gi don gyi zla zer zhes bya ba/ /smo? ba dpon zla ba la dga' bas rnam par sbyar ba las/ le'u bcu
 dgu ba'i rnam par 'grel pa'o// //de nas sman sna nas btang ba'i cho ga'i le'u bshad par bya'o/ zhes bya ba la/ 'di brtsams pa'i 'brel pa ni 'di yin te/ gang gi phyir skrag sman la sogs pas/ lus kyi nad na yod pa'i nad ji ltar
 sel bar byed pa ji lta ba bzhin du sna nas btang ba'i sman yang sna'i sgo nas btang bas lus kyi nang na yod pa'i nad phyir 'byin? par byed de/ /des skyug sman la sogs pa bzhi po ni nad phyir 'byin par byed pa yin no de bzhin du/ /sna nas gtong
 ba zhes bya ba'i lnga pa yang dag pa'i bya ba byed pa yin no/ /yang na lus ni yan lag thams cad la khyab pa yin pas de gso ba sngar bshad pa yin la/ /da ni thur mas bcos pa'i rgyud kyi le'u ston la/ de las 'dir ni sna nas gtong bar byed pa'i sman
 yin pas? na sna sman te/ /sna nas sman btang ba dang sna'i las dang sman sna nas btang ba ces bya ba'i ming 'thob pa yin no/ /de'i cho ga ni 'di ltar bya'o zhes bya ba'i tshul te/ de'i le'u bshad par bya'o zhes bya ba'i don no/ /nam tshod yan chad nad rnams
 la/ lhag par sna nas btang ba phan/ /sna ni klad pa'i sgo yin te/ des na de nas nad de 'joms/ zhes bya ba la/ nam tshod yan cad kyi nad rlung dang mkhris pa dang bad kan las gyur pa gang dag yod pa'i yul de thams cad la lhag pa 'am
 khyad par du sna nas btang ba phan pa yin no/ /yang der skyug sman la sogs pa'i gso pa'i thabs med pa ma yin mod kyi khyad par ram lhag par sna nas btang ba mchog tu gyur pa yin no/ /ci'i phyir zhe na/ sna ni blang ba 'am mgo pa'i
 sgo nas 'jug pa'i gnas yin pa'i rgyu des na sna nas btang ba zhes pa'i lam de nas sman bsten cing btang na rna ba'i gsang gi bar du phyin nas klad pa dang/ rna ba dang/ lkog ma la sogs pa'i rtsa'i sgo rnams khyab pas nam tshod yan
 chad kyi nad ma lus pa de 'joms de/ mgor khyab pa'i nad sel ba yin no/ /de ni rnam pa gsum ste/ bkru ba dang brta ba dang zhi bar byed pa'o/ /de las kyang bkru ba ni/ bkru sman klad pa'i nad rnams kyang/ /glong? bag
 lkog nang mchi ma 'jig/ skrad bar thor du sren rman pu/ mdze smro? cham pas btab la bang? pa?/ zhes bya ba la/ bkru sman sna nas btang ba ni klad pa'i nang la sogs pa la btang par bya'o/ /bkru sman ni mgo ba'i nad bkru zhing spyod
 ba'i sman no/ /slong bag ni sems mi gsal ba'o/ /mchi ma 'jig pa ni mig nas rdzi bor 'byung ba la sogs pa'o/ /srin bu ni spyi bo dang mtshul bar khyab pa'o/ /cham pa ni sa'i nad do/ /brtab? rlung las byung gzer dang/ klad pa phyed?
 na skad 'gags dang/ /sna dang kha skam tshig mi thon/ /mig dbye dbung bskyod dka' ba btang/ zhes bya ba la/ sna nas btang ba'i sman brta bar bya ba gang yin pa ni/ rlung las byung ba'i mgo bo'i gzer nad rnams dang/ de bzhin du nyi ma phyed
 kyi bar du klad pa na ba dang skad 'gags shing nyams pa dang/ de bzhin du ma dang sna bskams pa dang/ tshig? mi thon zhing skad brda sprod mi nus pa dang/ mig dbye bar dka' ba'i mig nad dang/ de bzhin du rlung gi nad dpung pa bskyod par dka' ba dag la
 btang zhing sbyar bya'o/ /zhib mig sngon gdod pags? nad/ /skra yi skyon mig dmar la btang/ zhes bya ba la/ sna nas btang bzhi bar byed pa gang yin pa de ni/ 'og nas rgyud phyi ma las bshad pa'i mig gi nad sngon por gyur pa la
 sogs pa'i nad la yang btang bar bya'o/ /dang por rang sbyor ji lta'i snun/ /sman gyi lde gu sogs bskol dang/ /shing mngar rgyam tshwa tshad rnying sogs/ /ci rigs par ni bskol la btang/ zhes bya ba la/ sna nas btang ba
 bshad ba'i sman dang po ni rang gi sbyor ba ji lta? ba gang dang 'phrod cing 'cham pa'i snum rnon po yungs mar la sogs pa dang ci rigs par bskol zhing mgo ba'i bkru sman rnams dang ci rigs par bskol ba dang/ de bzhin du sman bye dang sman khu la sogs
 las go bo'i bkru sman dang 'brel pa las ci rigs par sla ba dang zhib pa dang lde gur bsres shing sbyar ba dang/ de bzhin du shing mngar bar rgyam tshwa dang/ chad rnying la sogs pa dang sbyar te/ bskol ba btang bar bya'o/ /rta ba su su'i khu ba dang
 sha khu? khrag dang thang chu sbyar/ de zhes bya ba la/ sna nas btang ba'i sman brta? dang byed pa ni 'u su'i khu ba de bzhin du sha khu dang/ khrag dang de bzhin du sha khur zhes bya ba'i thang chu dang sbyar la? btang bar bya'o/ /'ang zhes bya ba sbyor ba'i sgras ni rang
 gi sbyor ba ji lta ba'i snum mngar ba dang/ snum pa'i sman la btsos pa brta ba'i sman sna nas btang ba la sbyar bar bya'o/ zhes pa'i don to/ /zhi ba snga ma 'o ma dang/ /chu dang bcas pa sbyar bar bya/ zhes bya ba la/ sna nas btang pa'i sman zhi ba ni snga ma
 zhes pa'i sngar bshad pa'i rang gi sbyor ba'i ji lta ba'i snum dang/ rang gi sman gang dag yin pa khu ba la sogs pa dang/ de bzhin du 'o ma dang chu dang bcas pa sbyar bar bya'o/ /ched? can dang ni chad phran te/ /'di yi snam tshad rnam pa gnyis/
 zhes bya ba la sna nas btang ba'i sman gsum po 'di la snum gyi man mar btang ba'i khyad par gyi tshad ni/ tshad kyi dbye ba las rnam pa gnyis te/ tshad can dang/ tshad med do/ /lde gu la sogs btsir ba yi/ rno de spyi po'i bkrus sman yin/
 zhes bya ba la/ lde gu dang sman bskol ba'i khu ba la sogs pa sbyar ba'i sman ras bal gyi ye'u la sogs pas gtong ba de ni btsir ba zhes bya'o/ /gzhan dag na re lde gur byas pa'i sman btsas pa las khu ba btsir te/ 'dzag par
 byas pa las bya'o/ zhes zer ro/ /btsir ba de sman rnon po'i sde gu bskyol ba la sogs pas btang ba ni spyi po'i bkru sman zhes bya'o/ /phye ma bud pa'i bkru sman te/ sbu gu sor drug kha gnyis pa/ nad na sman dang bcas pa dang/ kha
 yi dbugs kyis bus te btang/ /des ni mgo nad mang po yang/ /phye ma yin pas 'byin par byed/ /ces bya ba la/ 'khru bar 'gyur pa'i sman las sbyar pa'i phyi ma ni bud par bya ba yin pas na bud pa'i bkru sman zhes pa ste/ phye ma de kha'i rlung gis
 lus? la sna nas btang bar bya'o/ /gang gis btang zhe na/ sbu gu sor drug yod pa kha gnyis yod pa dang/ de bzhin du nang na sman dang bcas shing sman phye ma blugs pa de kha'i dbugs kyis bus te btang ngo/ /bud pa'i bkru
 sman des ni mgo po'i bad kan las byung ba mang po yang phye nas 'byin cing/ nang nas phyir 'don par byed do/ /'dzub mo'i tshigs ni gnyis pa'i bar/ skugs? pa phyir phyung gyur ba las/ /thigs pa bcu 'am brgyad dam drug/ ji srid 'dzag
 par gyur pa dag/ sna nas gtong tshad che 'bring chung/ /rim pa de nyid kyis shes bya/ /lde gu la sogs thigs pa ni/ /gnyis kyis phri ste btang bar bya/ zhes bya ba la/ 'dzub mo ni mthe bong la dang nye ba'i sor mo ste/ de'i tshigs gnyis
 kyi bar du/ dang po snyugs shing sbyings la phyir phyung ste/ bteg par gyur pa las thigs pa'i tshad ji tsam zhig 'byung bar 'gyur ba de la thigs pa zhes bya la/ thigs pa de las snum gyi tshad che chung du bya ba ni thigs bcu ni cha
 tshad yin la/ thigs pa brgyad ni 'bring tshad la/ thigs pa drug ni chung tshad do/ /tshad 'di dag nyid las che ba dang 'bring dang chung ngu ni rim gyis thigs pa gnyis gnyis kyis chung zhing phri pa'i lde gu la sogs pa'i rang gi sman gyi
 khu ba? snar blugs pa yin par shes par bya'o/ /chu dang tshang dang sbyar dug mar 'thung ba 'am 'thung bar 'dod pa dang/ kha zas zos dang mgo dkrus dang/ /'khru bar 'dod dang gtar ba byas/ /cham sar shugs 'ong gis gzer dang/ /bu
 bcas lud pa dbugs mi bde/ /sbyang byas mas btang cho ga byas/ /de bzhin dus min yul rmus la/ /sna sman btang bar mi bya ste/ /tshabs che'i nad sogs ma gtogs so/ /zhes bya ba la/ sman sna nas btang bar byar mi rung ba ni chu dang
 dug dang? mar 'thungs pa nas/ mas btang ba'i cho ga byas pa'i bar dang/ /de bzhin du dus ma yin pa'i yul rmus pa la btang bar mi bya ste/ dus ma yin pa'i yul rmus pa ni dbyar ma gtogs pa'i gang dus gzhan gyi tshe/ yul rmus shing cha? dang?
 rlung dang grang lhags dang char 'bab par 'khrigs pa'i nyin mo ni/ dus min yul rmu zhes bya'o/ /ci de dag gi tshe rnams thams cad du btang bar mi bya 'am zhes rtog na/ de'i phyir smras pa ni/ tshabs chen nad sogs ma gtogs so/ zhes
 bya ba yin te/ de gso bar bya ba'i nad tshabs po cha ma gtogs te/ nad tshabs che ba'i chon? ni chu dang chang dang dug dang mar la sogs pa 'thungs su zin kyang btang bar bya'o/ /zhes bya bar sbyar ro/ /des na dus gang gi tshe sna nas btang ba'i smin par
 bya zhe na/ de nas sna nas btang ba/ /bad kan nad par mkhris nyin phyed/ /rlung can phyi 'phreng mtshan mo btang/ zhes bya ba la/ 'dir de nas zhes bya ba'i sgra ni/ bkra shis pa ston par byed pa yin par sbyar ro/ de la sna sman btang ba'i dus ni bad kan
 nam/ bad kan las gyur pa'i nad ni bad kan gyi dus nad par gyi tshe nyid sna nas btang ba'i sman btang bar bya'o/ /khris pa 'khrugs sam? de las byung ba'i nad rnams la mkhris pa'i dus nyi ma phyed kyi tshe btang bar bya'o/ /rlung gi nad dam/ de
 las byung ba'i nad rnams la rlung ldar ba'i dus phyi 'phred de/ /phyi dro dang mtshan mo'i dus su sman sna nas btang bar bya'o/ /nad med pa la ston ka dang/ /dpyid kyi tshe na snga dro btang/ /dgun ni phyed dus so ga'i tshe/ /byi 'phreng dpyad ni
 nyi dros bcas/ zhes bya ba la nad med cing tha mal par gnas pa la ni/ ston ka dang dpyid ka'i tshe snga dro ste/ nyi ma'i snga dro'i cha la btang bar bya'o/ /nad med par gnas pa la/ dgun gyi tshe ste/ dgun stod dang/ dgun smad grang ba'i dus su ni/ nyi ma byed la
 sman sna bas btang bar bya'o/ /de bzhin du so ga'i tshe ni phye 'phreng de phyi dro'i dus su ni sman sna nas btang bar bya'o/ /de bzhin du dbyar gyi nyi ma dron po dang bcas pa'i skabs su nad med pa las sman sna nas btang bar bya'o/ /klad pa rlung nad kyis thebs
 dang/ /skyigs bus btab dang mgo 'dar dang/ /gnye'u rangs skad ni 'gags pa la/ /nyin re nad par dgongs ka btang/ zhes bya ba la/ klad par rlung nad zhugs shing mgo bo rlung gi nad kyis thebs pa dang/ de bzhin du mgo dma' zhing
 'dar zhing 'dar ba zhes bya ba'i rlung gi mgo nad dang/ gnye'u rengs shing 'gyur mi shes pa dang/ skad 'gags shing skad gdangs nyams pa la/ nyin re zhing nad par dang dgongs ka ste/ snga dro dang phyi dro sna nas sman btang bar bya'o/ /gzhan la nyin res
 bar chad la/ /nyi ma bdun du de spyad bya zhes bya ba la/ klad ba rlung nad kyis thebs pa la sogs pa'i nad ma gtogs pa gzhan dag la ni/ nyin re zhing sna nas btang ba'i sman mi bya'o/ /gzhan du na nyin res par bcad pa ste/ nyi ma
 re res bar bcad cing thag chod par byas la/ sman btang bar bya ste/ tshul 'di lta bus sna nas btang ba'i sman zhag bdun gyi bar du btang bar bya zhing spyad par bya'o/ /rtag tu bya ba'i las byas nas/ /dang por mgo snum
 bsku dugs bya/ rlung med mal du gnas nas ni/ /nam chod yan chad dugs kyang bya/ de nas gan rkyal lus drang brkyang/ /rkang pa lag pa legs rkyang la/ rkang pa cung zad bstad nas su/ /mgo bo yid tsam smad par bya/ sna bug gcig ni rnam bkab la//
 rim gyis yongs su blugs bya ba/ /sman ni chu dron gyis bcos la/ /spu gu 'am ras bal gyis blugs bya/ zhes bya ba la/ de nas sna nas btang bar 'os pa'i skyes bus/ rtag tu bya ba la sogs bshad pa dang gci ba dang por byas la/ yang dang por
 mgo bo snum gyis bskus la/ de'i 'og tu mgo bo dugs ran pa tsam byas pa dang/ de bzhin du rlung med pa'i gnas su mal gting ba la gnas shing 'dug nas/ nam tshod yan chad/ dugs kyang byas la/ de nas de'i 'og tu gan rkyal du 'dug ste/
 lus drang zhing ma yo bar brkyang la/ rkang pa dang lag pa yang legs par brkyang bar gyur pa dang/ sna nas sman btang bar bya'o/ /yang de bzhin du de'i rkang pa cung zad bstod pa ste/ gang gis rkang pa mthob par 'gyur pa de lta bur khri la sogs pa bca' 
 par bya'o/ /de nyid kyis na mgo bo yang yid tsam dmad par gyur pa dang/ sna khung gcig bkag cing bcad la/ sna khung gnyis pa gdangs shing phye ste/ gnas pa la sna nas btang ba'i sman blugs par bya'o/ /de bzhin du srang gung gnyis par
 yang rim gyis sna sman spu gu mchu can nam/ srin bal gyi yi'um blug par bya'o/ /blug nas rkang mthil phrag pa dang/ lag pa rna ba la sogs mnye/ rim gyis blug la glo gnyis su/ /mchil ma dor bas de nas ni/ /sman ni zad par gyur gyi bar//
 lan gnyis lan gsum snar btang spyad/ /ces bya ba la/ der sman blug zin pa dang/ rkang mthil dang phrag pa dang/ /lag pa dang rna ba la gnye bar bya zhing/ rkang pa'i mthil la sogs pa legs par mnye bar bya'o/ /de nas de'i 'og tu rim
 gyis brdubs la/ blo g.yas g.yon gnyis su mchil ma dor bar bya'o/ /de nas sna g.yas par bcug pa'i sman brdubs pa'i mchil ma g.yon logs su dor bar bya la/ g.yon gyi ni g.yas su'o/ /de ltar 'dis sman
 sna nam btang ba la lan gnyis lan gsum du sbyad par bya'o/ /gal te brgyal gyur bsil ba'i chus/ /mgo ma gtogs par gtor bar bya/ zhes bya ba la/ sman sna nas tong ba na/ gal te brgyal zhing mi dran par gyur te/ sman gyi stobs
 ma goms pas brgyal bar gyur na/ mgo bo ma gtogs par gzhan du bsil bas kyang gtor bar bya'o/ /bkru sman 'og tu snum dag ni/ /nad sogs tshul las dpags te btang/ zhes bya ba la/ sna sman btang ba'i bkru sman byas pa'i
 'og tu/ sna nas btang ba snum bag btang bar bya'i/ /rtsub pa ni ma yin la/ de yang nad la sogs pa'i tshul lam dpags shing shes par byas la/ de dang rjes su mthun pa'i sman til mar la sogs pa gang yang rung ba btang bar
 bya'o/ /sna sman btang mthar gan rgyal du/ grangs brgyar de la bsdad par bya/ /dud pas brdubs la chu dron 'jam/ gre ba mtshul ba dag phyir bya/ /zhes bya ba la/ /skyes bu sna sman byas shing btang zin nas/ mthar gan rkyal
 du grangs brgya rdzogs kyi bar du bsdad par bya'o/ /de'i 'og tu phan par byed cing rjes su mthun pa'i yon tan dang ldan pa'i dud pas brdubs la/ chu cung zad dro ba 'jam po mkhur bar bcad ba gre ba dang mtshul ba
 dag pa'i phyir bya'o/ /snum btang legs gyur dbugs bder 'gyur/ /gnyid leg sad de dbang po gsal/ zhes bya ba la/ de las spyir sgum btang ba legs par gyur na dbugs bde bar 'byin ba sngon du 'gro
 bas dbugs rgyu ba dang/ /de bzhin du bde bar gnyid log cig bde bar? sang ba dang/ dbang po rnams bde zhing rnam par gsal bar 'gyur ro/ /nyes pas mig rtsub mi 'gyur skam/ /sna dang kha skams klad stongs snyam/ /zhes bya ba la/ snum gyi sna
 sman nyas shing mgo rtsub par gyur pas mig rtsub cing ma 'gyur bar har har por 'dug par 'gyur ba dang/ skam pa dang/ de bzhin du sna dang kha bskams par 'gyur ba dang/ klad pa stongs pa snyam sems par 'gyur ro/ /snum drags g.ya'
 dang lci ba nyid/ /mchis ma cham 'debs yi ga 'chus/ zhes bya ba la/ spyi bor sna nas snum btang drags par gyur na/ shin tu g.yal bar 'gyur ba dang/ mgo lci ba nyid dang/ mchil ma dang snabs mang ba dang/ cham pas 'debs shing
 yi ga 'chus par 'gyur ro/ /legs bkrus mig gsal yang ba dang/ /kha dang skad ni dag par 'gyur/ /'khrus nyes nad ni 'phel bar 'gyur/ /bkrus drags khong ni mya bar 'gyur/ zhes bya ba la/ mgo bo'i bkru sman legs shing sbyor
 ba phyin ci ma log par gyur na mig gsal zhing yang ba dang/ kha dang skad gdangs dag cing gsal bar 'gyur ro/ /mgo bo'i bkru sman nyes shing ma lags par gyur na/ nad kyi dkyel 'phel zhing slar sogs par 'gyur ro/ /mgo bo'i khrus
 shin tu drags par gyur na/ khong? rmya zhing nyam chung par 'gyur ro/ /tshad chung glo rdol ring ba dang/ /byis pa rgan po skyid gnas/ /dus min char 'bab par yang btang/ zhes bya ba la/ sna nas btang ba'i sman tshad chung ngu ni/ glo brdol ba la
 sogs pa la yang btang bar bya la/ de bzhin du dus ma yin par yul rmus pa la yang btang du rung ngo/ /de la glo brdol ba ni glo nas khrag byung ba 'am/ brang gi sha zad pa'o/ /ring pa ni mi ro skam po ltar skam pa'o/ /byis pa ni
 lo bcu drug ma mtshad do/ /rgan po ni bdun cu yan tshad lon pa'o/ /skyid par gnas pa ni rtag tu bde zhing gzhon sha can du gnas pa'o/ /de ni cham pa drag btab dang/ /chang 'thungs rna ba 'on pa dang/ /klang rgyas srin bu zhugs
 pa dang/ /nad bstus phyir ni ma phyung la/ /tshad chung ba ni btang mi bya/ /sna nas btang ba'i sman tshad chung ngu de ni cham pa drag pos btab pa dang/ /de bzhin du tshad 'thungs pa ste/ gang gis dus de nyid kyi tshe 'thungs pa dang/ de bzhin du rna ba 'o na zhing
 sgra 'dzin pa la zhen pa dang/ de bzhin klad rgyas la srin bu zhugs pa dang/ de bzhin du nad mang po khong du bsdus pa 'am/ phyir nad mang par gyur pa dang/ nad bstus nas phyir ma byung bar gyur pa la yang btang bar mi bya ste/ gang gi phyir tshad chen
 po nas tshad chung ba'i ni dman pa nyid yin pa'i phyir nus pa chung pa yin no/ /nyin mtshan zas zos slon nyin nyal/ /mdza' dang bud med lam dal dub/ mgo bskus mkhur bkad dpo ba'i rjes/ /bshang gci mig sman btang rjes dang/ /so shing
 gi rjes rgod pa yi/ /rjes la thigs pa gnyis pa btang/ /lnga yis dbang po'i bu ga dag /gsum gyis rim bzhin dal ba sal/ /lnga po mig ni gsal bar byed/ so brtan rlung nad zhi bar 'gyur/ zhes bya ba la/ tshad chung ngu btang ba'i dus
 na/ bco lnga pa 'di dag ste/ tshad chung ngu nyin ma 'am/ mtshan mo zas zos pa'i rjes la sogs pa la btang par bya'o/ /tshad chung ngu 'di ni thigs pa gnyis te/ lan gnyis gtigs pa'i tshad yin la/ de yang dang po'i lnga'i mdza' mar btang
 na bu ga rnams sbyangs shing dag par byed de/ /de yang mtshan mo'i mdza' dang/ nyin par gyi mdza' dang/ zas zos pa'i mdza' dang/ slon pa'i mdza' dang/ nyin par nyal pa'i mthar btang na dbang po'i bu ga rnams gsal zhing dag par
 'gyur ro/ /gsum gyis rim bzhin ngal ba sel/ zhes bya ba la ni/ bud med kyis dub pa'i mdza' dang/ lam gyis dub pa'i mdza' dang/ dal chad pa'i mdza' ste/ mdza' gsum por btang na ngal ba de gsum sel bar 'gyur ro/ /lnga btang mig ni gsal bar 'gyur/
 zhes bya ba la/ mgo bskus pa'i rjes dang/ mkhur ba bkang nas pho ba'i rjes dang/ bshang ba btang pa'i rjes dang/ gci ba btang pa'i rjes dang/ mig sman btang ba'i rjes la btang na mig gsal zhing stobs dang ldan par 'gyur ro/ so shing zos pa'i rjes la
 btang gso? brtan par 'gyur ro/ /rgod pa'i rjes la thigs pa gnyis btang na rlung zhi bar 'gyur ro/ /sna sman lo bdun ma lon dang/ brgyad cu 'das la btang mi bya/ /bco brgyad ma lon dud mi bdug/ mkhur bkang lnga ma lon pa min/ /lo bcu ma lon sbyang mi
 btang?/ /bdun cu 'das la 'ang mi bya'o/ /skyes nas rgas pa'i bar du ni/ tshad chung mas btang lta bur bsngags/ de ni lhag tu bsten gyur na/ /tshad che ba ltar yon tan bskyed/ /'dril bdam pa gang yang med/ /gnod las tshad cher ltar 'jigs med/ ces
 bya ba la/? sman? ? nas btang ba ni/ byis pa lo bdun ma lon pa dang/ lo brgyad cu yan chad 'das pa'i nad pa la btang par mi bya'o/ /bco brgyad ma lon dud mi 'dug ces bya ba ni/ mi lo bco brgyad ma lon pa/ man chad la ni dud pas bdug pa'i sman
 btang bar mi bya'o/ /de bzhin du mkhur ba bkang nas dpo ba'i sman yang lo lnga ma lon pa man chad la btang bar mi bya'o/ /de bzhin du lo bcu ma lon pa la bkru sman gyis spangs mi bya ba'o/ /de bzhin du lo bdun cu yan chad 'das pa'i na tshod dang ldan pa la
 yang spyad pa mi bya'o/ /dgag pa 'di bkru sman btang pa'i skabs yin par shes par bya'o/ skyugs sman ni ma yin te byis pa ni phal cher 'o ma dang za bas bad kan las byung pa'i nad yod pas na nad thams cad la bkru sman bstags pa ma yin
 no zhes bshad pa'i phyir ro/ /yang tshad rab tu chung ba thigs gnyis pa 'di ni skyes nas zhes bya ba byis pa lo gcig ma lon pa nas/ /'chi ba nas rgas pa'i mthar thug pa'i bar la tshad chung bsten pa bsngags pa yin te/ de yang ji ltar mas
 btang ba skyes nas rgas pa'i bar du btang du rung zhing bsngags pa yin pa dang 'dra bar tshad chung ngu 'di bsngags pa yin no/ /tshad chung ngu de rtag tu brtan cing rgyun du goms par byas na/ thun tshad che ba dang 'dra ba yon tan skyed par byed pa yin te/ de bas na skyes
 nas rgas kyi bar du bsngags pa yin no/ /sna nas btang pa'i sman chung ngu 'di la ni sngar gyi tshad du bstan pa'i tshe 'bring gsum ltar bdam pa yod pa ma yin te/ snum gyi cha ga'i skabs nas bshad pa'i cha ga lta bu bsten cing bsrung mi dgos so/ /yang tshad
 chen po btang ba las gnod pa 'byung ba'i 'jigs pa yod pa ltar 'di la de lta bu'i gnod pa'i 'jigs pa 'byung bar mi 'gyur ro/ /sna sman don du til mar nyid/ /rtag tu bsten pa bsngags pa yin/ /mgo ni bad kan gnas yin phyir/ /snum
 gzhan bder gnas la mi bsngags/ zhes bya ba la/ bde par nad med par gnas pa'i skabs su sna nas btang ba'i sman gyi don du til mar nyid bsngags pa yin gyi/ mar la sogs pa'i snum gzhan rtag tu bsten pa bsngags pa ma
 yin no/ /de ci'i phyir zhe na/ mgo bo ni bad kan gyi gnas yin pa'i phyir snum gzhan mi bsngags kyi til mar ni bad kan sel ba yin pas/ /de'i phyir snum gzhan mar la sogs pa nad med pa'i skabs su btang ba bsngags pa ma yin no//
 myur byed ring zhig byed pa dang/ /yon tan che dang chung byed pa'i/ /khyad par chad chen tshad chung la/ /gal te med par gyur na ni/ gang zhig spang bcas gnod bcas par/ /tshad chen dag ni su zhig ston/ /snum dang btung ba brtag tu bshad/ /
 spyi bo rlung dang tshad par gnas/ /'jam rtsi tshad can mas btang tshad/ de dang 'dra bar rnam par bstan/ zhes bya ba la/ 'di ni yan lag brgyad pa bsdus pa las gzhung rtsom par byed pas bshad pa/ 'dir la la zhig gis bcug pa yin mod kyi/ 'on kyang 'dir
 bshad par bya ste/ gal te tshad che ba sngar rnam pa gsum du bstan pa dang/ tshad chung ngu thigs pa gnyis pa de dag la khyad par med par 'gyur na/ spang bar bya zhing nyes dmigs dang bcas pa'i tshad chen pos nad pa gso bar glen pa su zhig byed de/ tshad chung ngu
 'dis chag mod/ /des na 'di gnyis la yon tan gyi khyad par ci yod ce na/ de'i phyir myur byed ces bya ba la sogs pa smras pa yin te/ tshad che ba dang chung ba gnyis ni/ gnyis nyid kyi khyad par grangs ji lta ba bzhin du mar du byed pa dang/ ring zhig na byed pa dang/
 yon tan che ba dang/ chung bar byed pa'i khyad par mchog ste tha ma dag yod pa ma yin te/ de yang che tshad gsum po ni snum gyi las la sogs pa myur du byed pa yin no/ /de bzhin du 'di nyid yon tan shas che bar byed la yang yin no/ /de bzhin du chung zhing dman
 bar yang byed pa ste/ de lta bu'i yon tan gyi khyad par yod pa la brten nas/ tshad chen por bshad pa gsum pa ni/ /spang ba dang bcas shing gnod pa dang bcas su zin kyang/ tshad chen po dag bya ba kho na ston pa yin te/ de bzhin du skabs kyis gzhan dag kyang bshad
 pa yin te/ snum dangs ma btung ba ni spang bar bya ba dang yang bcas shing/ /mi 'thun pa'i gnod pa'i rtags yod pa de snum yang dang yang bsten pa'i skabs spang ba med pa ma yin yang/ 'on kyang zhun mar la sogs pa'i snum dangs ma bsten par bshad
 pa ni/ myur dbyad pa dang/ yon tan che ba'i phyir ro/ /de bzhin du spyil bur gnas nas/ bcud kyis len nye bar bsten pa dang/ de bzhin du rlung dang/ tshad par gnas nas rlung dang nyi tshan gyi cho gas bcud kyis len bsten par byed pa de gnyis la khyad par med
 par gyur na spyil bur gnas pa'i cho ga spang ba dang/ gnod pa dang bcas pa su zhig ston par byed na/ gang gi phyir spyil bu la gnas pa ni myur bar byed pa dang/ yon tan che ba yin la/ rlung dang tshad par gnas pa ni ring zhig na byed pa
 dang/ yon tan chung ba yin te/ tshad 'di gnyis kyi khyad par yang de dang 'dra'o/ /de bzhin du 'jam rtsi mas btang ba'i tshad kyang de dang 'dra bar bshad pa yin te/ des na 'jam rtsi mas btang ba ni myur du byed pa dang yon tan che ba yin la/ 'jam rtsi tshad shin tu chung ba'i
 mas btang ba ni ring zhig na byed pa dang/ yon tan chung ba yin na/ /de bas na khyad par 'di gnyis la bsten nas 'jam rtsi tshad dang ldan pa dag ni spang bar bya ba dang/ gnad pa dang bcas su zin kyang bshad pa yin gyi/ mas btang ba chung ngu chung ngus byad
 pa gcig du ma bshad de/ 'di gnyis ni 'bras bu khyad par yod pa yin no/ /dza la sgron shing dzI ban+ti/ /gla sgang shing cha bu shel ci/ /go pi tsan dan skyer ba'i rtsa/ /shing mngar gla ba a ga ru/ /nye'u shing balpi puN+Ta rI/ utpa la murpa par+Ni gnyis/
 'bri ha ta gnyis bi Ti ka /gand+ha pa tra sug smel dang/ /ha re nu ka pad+ma yi/ /ge sar dang ni ba la te/ /sman ni 'di rnams cha bsnyams la/ /char ba'i chus ni bskol bar bya/ /til mar las ni sman gyi khu/ /bcu 'gyur lhag bya da las ni/ /til mar chu dang bskol
 bya ba/ lan bcu nyid ni bskol bya ba/ tshos pa yi ni bcu cha la/ /de mnyam ra yi 'o ma blug /snar btang til mar yon tan che/ /thigs phran zhes bya 'di bsten bya/ zhes bya ba la/ jal zhes bya ba ni rtso sman bA la ka'o/ /dzI ban+ti ni grags par zad do/ /go byi ni
 shi ri pa'o/? glu ba ni ba di ? la'o/ /te'u shing na? ta pa ri'o/ /paN+Da rI ni bra puN+Da rI ka'o/ /utpa la ni utpal sngon po'o/ /murba ni gand+ha mur ba'o?/ /par+Ni gnyis na sal par+Ni dang/ prisna par+Ni'o/ /bri ha ta gnyis ni byi ha ta dang/? kaN+Da kA? ri'o/ ? ha re? na ka ni no?
 ru ka'o/ /pad+ma'i ge sar ni pad+ma'i snying po'i ge sar ro/ /bA la ni grags par zad do/ /sman 'di rnams legs par cha bsnyams la/ /de'i brgya 'gyur gyi char pa'i chu dang bskol ba ji srid til mar gyi bcu 'gyur lus par 'gyur gyi par du bskol bar bya'o/ /de ltar sman
 gyi khu ba til mar gyi bcu 'gyur lus par byas la/ de'i 'og tu bskol pa'i chu til mar gyi bcu 'gyur yod pa la/ de la ni la mar cha gcig dang/ lan bcu'i bar du bskol bar bya'i/ /lhag ba'am mtshang ba ma yin no/ /'di nyid ces bya ba nges par
 dpung? pa smos pa yin no/ /de'ang til mar chos pa'i tshad ni ci nas sman bskol pa'i chu de bcu cha re re dang so sor bskol bas rdzogs kyi bar du bskol nas/ /til mar de tshos par gyur pa de ltar bya'o/ /tshos pa bcu cha do dang mnyam pa'i ra'i 'o ma blugs
 bar bya ste/ gang dang mnyam zhe na/ til mar dang skol ba'i chu dang mnyam par bya'o/ /de yang 'di skad ston pa yin te/ dza la dang sgron shing la sogs pa'i sman cha mnyam pa srang sum cu rtsa gnyis pa phyag? brgya ste/ sum sdong nyis brgya bskol la/
 bskol pa'i sman khu lhag ma srang sum brgya nyi nyu yus par byas te/ de'i bcu cha sman khu srang sum cu rtsa gnyis dang/ /til mar srang sum? cu rtsa gnyis bskol bar bya'o/ /de bzhin du bskol ba bcu po'i skabs su til mar dang
 mnyam pa'i ra'i 'o ma srang sum cu rtsa gnyis gzhug par bya'o/ /sna nas btang pa'i til mar 'di ni yon tan che zhing bsten par bya ba yin par drang srong rnams kyi bshad la/ 'di'i ming ni thigs phran zhes bya ste/ mgo po'i cha'i rtsa phran rnams su legs?
 pa phra mos nang du 'jug par nus pa'i phyid/ /til mar 'di la thigs phran gyi til mar zhes don dang ldan pa'i ming gtags pa yin no/ /sna nas btang ba'i sman bsten pas/ /phran la mgrin la dpung mgo ni/ /mkhregs shing ma mo la la
 mdog gsal/ /dbang brtan skra dkar med par 'gyur/ zhes bya ba la/ de ltar bstan pa'i sna nas btad ba'i sman bsten cing goms par byas pas ni/ /skyes bu de phrag pa dang/ mgrin pa dang dpung mgo mtho zhing sra la
 mkhregs par 'gyur ba dang/ bags pa'i mdog gas pa zhing rangs par 'gyur ba dang/ de bzhin du mig la sogs pa'i dbang po brtan zhing yul 'dzin par nus pa dang/ skra dkar med cing rgas sra ba nyid du 'gyur ba kho na yin no/ /yan
 lag brgyad pa'i snying po bsdus pa'i rnam par 'grel pa/ tshig gi don gyi zla zer zhes bya ba/ slob dpon zla ba la dga' bas rnam par sbyar ba las// //le'u nyi shu ba'i rnam par bgrel pa'o// //
 de nas sman gyi dud pa btang ba'i cho ga'i le'u shad par bya'o/ zhes bya ba la/ 'di brtsams pa'i 'brel ba ni 'di yin te/ sngar bshad pa'i sman sna nas btang ba'i rjes la dud pa brdubs te/ mkhur ba bkad nas dbo bar bya'o/ /zhes
 sngar bshad pas nas/ dud pa de'i chog 'di dang 'di ltar bya'o/ zhes bya ba'i tshul gyi le'u bshad 'di ba yin no/ /nam tshod yan chad bad rlung las/ /byung ba'i nad rnams mi skye dang/ /skyes pa rnams ni bsal ba'i phyir/ /mkhas pas rtag tu dud
 ba rdub/ ces bya ba la/ nam tshod yan chad kyi bad kan las byung ba'i nad dang/ rlung las byung ba'i nad dang/ de bzhin du bad kan dang rlung 'dres pa las byung ba'i nad rnams mi 'byung bar bya ba'i phyir dang/ de bzhin du skyes shing
 byung ba rnams bsal zhing gzhom par bya ba'i phyir/ skyes bu mkhas pa bdag la phan bar 'dod pas rtag par dus thams cad du dud pa'i sman rdub cing btang bar bya'o/ /de ni 'jam dang bar dang rno/ /rlung dang bad kan la btang ngo zhes bya ba la/ dud pa de ni
 'jam ba dang bar ma dang/ rno ba'i dbye bas rnam pa gsum yod do/ /de las 'jam zhing snum pa ni/ /bad kan cung zad dang ldan pa'i rlung nad la btad par bya'o/ /bar ma ni rlung dang bad kan 'dres pa'i cha mnyam pa la btang bar bya'o/ /rnon po ni bad kan la btad bar bya'o/
 de las 'jam pa ni rtas par byed pa dang/ snum dang/ 'jam pa zhes bya ba rnam grangs yin no/ /par ma ni zhi bar byed pa dang/ sbyor ba can zhes bya ba rnam grangs yin no/ /rno ba ni sbyor ba dang bkru ba zhes bya ba rnam grangs yin no/ /mkhris pa dang khrag
 gis nyen pa dang/ /khrus btang dmu rdzings za khu dang/ /rab rib spom dang stong rlug nad/ /lkog nad mas btang byas ba dang/ /nya dang chang dang 'o ma zhi/ /sbrang rtsi mar dang dug 'thungs sogs/ /mgo nad skya rbab nad can ni/ /mtshan gnyid ma log la mi btang/
 zhes bya ba la/ dud ba de ni mkhris pa dang khrag gi nad kyis nyen ba dang/ bkru sman btang ba la sogs pa la/ btang bar mi bya'o/ /stong kyi rlung nad ni ro stong kyi rlung nad do/ /lkog nad ni lkog ma 'gags ba la sogs pa'o/ /nya dang chang 'thungs pa la sogs pa
 mtshan mo'i gnyid kyis ma log pa la du ba'i sman btad bar mi bya'o/ /gal te dud pa cher brdubs na/ /khrag dang mkhris 'phel 'on long dang/ /skom dang brgyal dang rmongs par byed/ /der ni bsil ba'i cho ga phan/ zhes bya ba la/ dud pa gsum po dus ma
 yin par brdubs pa 'am/ 'gags pa'i gnas la brdubs pa 'am/ sbyor ba nongs pas brdubs pa dang/ cher brdubs shing lhag bar brdubs pa ni/ khrag dang mkhris pa 'phel bar 'gyur ba dang/ /de bzhin tu 'on pa ste rna ba'i dbang po la gnod par
 'gyur ba dang mig long zhing mthong ba nyams pa dang skom pa dang/ de bzhin du brgyal zhing 'bog pa dang/ rmongs shing myos par byed do/ /khrag dang mkhris pa yang 'phel ba la sogs pa der ni bsil ba'i cho ga ste/ sman sna nas btang ba dang/ kha bsku ba dang/ mig
 sman dang/ chus gtor ba dang/ zas dang skom pa'i cho ga thams cad bsil bar byas pa phan no/ /bkres sbrid glal dang bshad gci bsal/ /bud med bsten dang btar ga btab/ /rgod dang so shing bcas pa yi/ /mthar ni dud pa 'jam
 pos btang/ zhes bya ba la sogs pa brgyad kyi mthar/ dud pa 'jam po rdub cing btang bar bya'o/ /dud 'di dag dang mtshan zas zos/ /sna sman rjes la bar ma rdub/ /ces bya ba la/ dus brgyad po 'di dag nyid kyi tshe dang mtshan mo'i mdza' dang zas zos pa'i mdza' dang/
 sna sman btang ba'i rjes la dud ba bar ma brdub du rung ste/ dud ba 'jam po btang ba'i dus brgyad dang mtshan mo'i mdza' la sogs bar du ba brdub par bya'o/ /gnyid log sna sman mig sman khrus/ /slon pa'i rjes la rnon pos bkrus/ /zhes bya ba la gnyid log/
 ba la sogs pa'i rjes la sman rnon pos mgo bo bkrus pa'i dud pa brdub par bya'o/ /mas btang gce'u 'drar byas pa yi/ /dud gce'u sbugs gsum drang por bya/ /rtsa ba mtheb shong rtse mo ni/ /rgya shug shod ba'i tshad du bya/ zhes bya ba la/ du ba brdub
 ba'i gce'u ni/ mas btang ba'i gce'u'i rgyu dang 'dra bar bya la/ de bzhin du spubs gsum po ste/ nang gi khong sbubs dang kha gsum par bya ba dang/ drang zhing ya yo med par bya ba dang/ de bzhin du rtsa ba'i sboms mthe bo shong ba tsam bya ba dang/
 rtse mo bu ga rgya shug gi 'bras bu shod par bya'o/ /de yi tshad ni rdub byed pa'i/ /sor ni nyi shu sum cu gnyis/ bzhi bcu rno dang bar ma dang/ /'jam po la ni rim bzhin bya/ zhes bya ba la rnon po la sogs pa'i dud pa gsum la/ de'i gce'u'i tshad ni
 rim pa bzhin du rnon po gtod pa la rdub par byed pa'i nang ba'i sor nyi shu rtsa bzhi bya'o/ /bar ma la sor sum cu rtsa gnyis so/ /'jam po la ni sor bzhi bcu bya ste/ de ltar gce'u ring po nas thag ring po las 'jug pa'i gce'u yi sbubs kyi bar nas/
 phra mo rim gyis zhugs pas khyab cing bde bar byed par 'gyur ro/ /drang por 'dug cing de la sems/ /kha gdangs nas ni lan gsum brdub/ /sna khung re re bkag nas ni/ /snar ni dud pa brdub par bya/ zhes bya ba la/ dud pa gtod pa'i tshe drang por 'dug cing/
 ma yo bar gnas par bya ba dang/ de bzhin du de la sems ba ste/ dud pa brdub pa la sogs pa la ma yengs pa dang/ de bzhin du kha gdangs shing mchu dang so phye nas du ba lan gsum brdub cing btang la/ sna khung ya gcig bkag nas sna khung gcig nas dud ba
 brdub pa'o/ /de bzhin du sna khung gnyis re re nas bkag cing dud pa lan gsum brdub par bya'o/ /mgo dang snar gtogs nad bskyod ba/ /dang por sna nas brdub par bya/ /bskyod pa'i don du kha nas brdub/ gre bar gtogs pa de las bzlog
 ces bya ba la/ mgo dang snar gtogs pa'i nad bskyod cing bsdud pa la/ rang nyid bskyod pa'i nad la ni/ dang por te thog mar sna nas brdubs la/ /phyis kha nas brdub par bya'o/ /mgo dang snar gtogs pa'i nad ma longs pa la ni de bskyod cing
 bsdu bar bya ba'i phyir dang po kha nas brdubs la de'i 'og tu sna nas brdub par bya'o/ /gre ba'i nad la ni de las bzlog pa'i tshul gyis brdub par bya ste/ gre ba'i nad bskyod cing glongs pa la ni dang por kha nas dud pa brdubs la/ phyis sna nas brdub par
 bya'o/ /gro ba'i nad ma bskyod cing ma bsngas pa la ni/ da bskyod par bya ba'i phyir dang por sna nas dud pa brdubs la/ phyis kha nas brdub par bya'o/ /du ba kha nyid nas slon gyi/ /snar slon mig la gnod par byed/ /ces bya ba la/ sna nas brdubs pa'i dud ba
 dang/ kha nas brdubs pa'i dud pa ni gnyi ga yang kha nyid nas slon cing phyir gnod par bya ba'i/ /mig la gnod par byed pa'i 'jigs pa yod pa'i phyir sna nas slon bar mi bya'o/ /du ba brdub dang 'byin pa yi/ /lan ni gsum su brdub par bya/ /zhes bya
 ba la du brdub pa ni lan gsum gsum rdub pa dang 'byin pa'i tshul gyis rdub par bya'o/ /'jam po nyin gcig lan cig btang/ bar ma lan gnyis sbyor ba ni/ /lan gsum lan bzhi btang bar bya/ zhes bya ba la/ du ba 'jam pa ni nyi
 ma rangs pa la rang gi btang bar bya ba'i nad rnams la lan gcig btang bar bya'o/ /de bzhin du dud pa bar ma ni nyi ma rangs pa'i nang du rang gis btang bar bya ba'i nad rnams la lan gnyis btang bar bya'o/ /de bzhin du sbyor ba'i dud ba rnon po ni nyin
 gcig la rang gis btang bar bya ba'i nad rnams la lan gsum ma bzhi btang bar bya'o/ /der sman gu gul a ka ru/ /gla sgang rdo dreg s+tho ne ya/ /spang spos u shir ba la ka/ shing tsha kon+ti shing mngar dang/ /bal rkang e la pa lu ka /pog dkar shi re basta ka/ bya ma
 ka gla ba sbra tshil/ /pog nag gur gum mA Sha dang/ /kun tu ru dang nas dang til/ /snum bcas 'bras bu snying po dang/ /tshil dang rkang dang zhag dang mar/ zhes bya ba la/ de la sman gyi du ba gsum po de dag gi nang nas du ba 'jam po'i sman 'phrod ni gu
 gul nas mar gyi bar yin no/ /rdo dreg ni shel+la ste/ pha bong gi drag ba'o/ /yang na brag zhun la bya'o/ /s+tho ne ya ni te la ba ta ka'o/ /spang spos ni na la ka'o/ /kon+ti ni ha re nu ka'o/ /bilba'i rkang ni balba'i nang ngo/ /e la pa lu ka ni/ hi ri ba lu ka'o/ /shi ri bes sta
 ka ni/ shi ri bes sta ka ste/ thang shing gi thang chu'o/ /pog dkar po ni sardza ra sa'o/ /bya ma ka ni da ba d+hak+ta'o/ /gla ba ni ban+yaM ma'o/ /pog nag po ni sa la ka'o/ /mASha ni mon sran gre'u'o/ /snum dang bcas pa'i 'bras bu ni starga'i? 'bras bu la sogs pa'o/ /
 de bzhin du snying po ni shing sA la dang/ /a ka ru dang/ thang shing dang/ shing sha ba la sogs ba'i snying po'i khu ba'i snum mo/ /yang de bzhin du tshil dang rkang dang zhag dang mar dang sbyar ba las dud ba'i sman bya'o/ /zhi ba bog nag rgya skyegs dang/ rkun 'brum
 badna? utpa la/ /n+ya gro d+ha dang a shwadtha/ u duM ba ra blak+Sha dang/ /sred pho ma shun ba ka ra dang/ /shing mngar klu shing shug pa bcod/ /dri las rgya spos ru rta bskol/ zhes bya ba la zhi par byed pa'i du ba'i sman ni pog nag po dang/ /rgya skyegs la sogs pa la bya ste/
 n+ya gro d+ha la sogs pa shing lnga'i shun lpags las sbyar ro/ /klu shing gi shun lpags ni nA ga ge sar gyi shing gi shun pa'o/ /shug pa ni he ma pad+ma kha'o/ /bcod ni many+dzi ta 'o/ /dri'i rdzas rnams las rgya spos dang/ ru rta bskol zhing ma gtogs par byas pa'i rdzas
 thams cad do/ /rnon po rdzo ti snyan ni dang/ skyer ba dang ni rtsa ba bcu/ /ldon ros ba la rgya skyegs dang/ /gi ri kar dkar 'bras bu ga sum/ /dri yi sman las ro rno ba'i/ /mgo bo'i bkru sman sde tshan no/ zhes bya ba la/ dud pa'i sman rnon po la/ dzo ti la sogs
 pa'i sman rnams yin te/ dzo ti sma ti ni/ grang gu ni ka'o/ rtsa ba bcu ni rtsa ba lnga pa che chung gnyis po/ dri'i sman ro rno ba ni ru rta ba sogs pa'i dri rno ba'i rdzas so/ /mgo bo'i sde tshan gyi sde ni u shi ra dang/ a ba marga dang/ tsha ba gsum la sogs pa'i sman
 sngar sman gyi sde tshan du bshad pa'o/ /de dag zhag gcig chur spangs la/ du ba'i sman rnams btags nas ni/ /thur ma sor ni bcu gnyis la/ /lan lnga'i bar du byug par bya/ /'dar bu mthe bo rtsam sbom la/ /nas kyi dbyibs dang 'dra bar bya/
 zhes bya ba la/ sman de dag sbyar ba ni/ de dag nyid zhag gcig chur bcug ste spangs la/ du ba'i sman rnams chu thags su legs par btags la 'dam bu la sogs pa'i thur ma sar bcu gnyis yod pa la zho gnyis gnyis tsam gyi lde
 gus lan lnga'i bar du byung bar bya ste/ de yang grib ma la skam zhing lan lnga'i bar du byugs la/ 'dar ba de'i soms mthe bong tsam du gyur gyi bar du bsnan cing/ de bzhin du nas kyi dbyibs dang 'dra bar gyur par bya'o/ /grib mar
 skam zhing khong stong med/ /snum gyis ji bzhin bskus byas la/ rdub cing me yis bsregs nas ni/ /du ba'i gce'u dang sbyar bya/ zhes bya ba la/ bdar bu de ltar grib mal bskams pa de khong stong med par byas la/
 snum gang dang ji ltar 'phrod pa mar la sogs pas ji lta ba bzhin du bskus la/ dud pa brdub pa'i phyir mes bsregs la/ du ba'i gce'u yi spu gu dang kha sbyar bar bya'o/ /kham phor kha sbyar bu gar ni/ /gce'u sor bcu 'am sor brgyad
 pa na bcug nas kha nas dud pa ni/ /lud pa can gyis brdub bar bya/ zhes bya ba la/ kham phor sbyar ma ni/ kham phor gnyis la sbyar ba ste/ de la bu gtong la bu ga der 'ong ma la sogs pa'i gce'u sor brgyad pa 'am/ sor bcu ba bcug
 la lud pa can gyi skyes bus du ba brdub par bya'o/ /'di skad ston te/ lud pa 'joms par byed pa'i sman gyi bya ba 'am/ ril bu me mdag du ba med pa me rgyun ring ba 'bar bzhin pa lta bus kham phor legs par bzhag pa bkang la/ kham
 phor gnyis pa zhabs su bu ga zlum po btong bas bkab la/ der gce'u bcugs te/ kha nyid du du ba brdub par bya la/ de brang du phyin pa dang/ kha nas slar bton cing slon bar bya'o/ /du bzhin yang/ sman bcug cing brdubs la/ nad de
 byang ba 'am lus yang bar 'gyur gyi bar du btang ngo/ /dud ba brdubs la lud pa dbugs mi bde/ /skad 'gags rnag dang dri mi zhim gdong skya/ /skra skyon rna mig 'dzag g.ya' rnongs bag dang/ /snyom dang skyigs bu cham
 ba'i nad mi 'byung/ zhes bya ba la/ skyes bu dud ba brdub pa'i cho ga la rten par byed pa la/ lud pa dang dbugs mi bde ba la sogs pa'i nad rnams 'byung bar mi 'gyur ro/ /rnag ni sna nas 'dzag ba'o/ /dri mi zhim pa ni kha nas so/ /skya pa ni gdong
 skya zhing khye ma chags ba'o/ /skra'i skyon ni spyi ther dang/ gza' zhugs ba dang/ mdog 'gyur ba la sogs pa'o/ /'dzag pa ni gsum char dang sbyar bar bya ste/ rna ba nas 'dzag pa dang/ mig nas 'dzag pa dang/ kha nas 'dzag pa'o/ /snyom ba ni gnyid kyis myos ba ltar
 yul 'dzin mi nus pa'o/ /gzhan dag ni grags par zad do/ /nad de dag 'byung bar mi 'gyur ba'o/ /yan lag brgyad pa'i snying po bsdus pa'i rnam par 'grel ba tshig gi don gyi zla zer zhes bya ba/ slob dpon zla ba pa dga' bas rnam par sbyar ba la/ le'u nyi shu
 rtsa gcig pa'i rnam par 'grel ba'o// //de nas sman gyi khu bas mkhur ba dgang ba la sogs pa'i cho ga'i le'u bshad par bya'o zhes bya ba la/ 'di brtsams pa'i dgos ba ni sna nas btang ba'i rjes la/ thog mar dud ba brdub par bya la/ de'i 'og
 tu chu dron gyis mkhur ba bkang bar bya'o/ zhes bshad pa yin pas na/ de gnyis kyi 'og tu 'di brtsams ba yin no/ /sman gyi khu bas mkhur ba bkang ba ni kha bkang ba ste/ de la sogs pa gang yin pa ni/ mkhur ba bkang ba la sogs pa zhes sman murba dang/ gong ba
 bkru ba dang/ spyi bor snum gyis byug ba dang/ rna ba bkang ba bsdu'o/ /de rnams kyi chog ni 'di ltar bya'o/ zhes bya ba'i tshul te/ de la le'u bshad par bya'o/ zhes pa'o/ /mkhur bkang rnam pa bzhi yin te/ /snum dang zhi byed sbyor rma 'tsho zhes bya ba la/ sman
 gyi khu bas mkhur ba bkang ba ni/ rnam pa bzhi yin te/ snum zhing 'jam pa dang/ zhi bar byed pa dang/ sbyor zhing 'khru bar byed pa dang/ /rma 'tsho bar byed pa'o/ /de dag gi ming ni rnam grangs gzhan du na/ 'jam par byed pa
 dang rtse 'jil bar byed pa dang/ dag cing bsal bar byed pa dang/ 'byor bar byed ba zhes bya'o/ /de las gsum ni rlung la sogs/ /gsum btang tha ma rma la phan/ zhes bya ba la mkhur ba bkang ba bzhi'i nang nas dang po'i mkhur ba bkang ba gsum ni rlung dang mkhris
 pa dang bad kan gyi nang la rim bzhin du btang bar bya ste/ snum gyi sman gyi khu bas mkhur ba bkang ba ni/ rlung la btang bar bya'o/ /zhi bar byed pa'i sman gyi khu ba na mkhris pa la btang bar bya'o/ /spyod bar byed pa'i sman gyi khu ba ni bad kan
 la btang bar bya'o/ /tha ma'i sman khus kha bkang la/ rma 'tsho ba zhes bya ba'i rma la phan pa yin te/ kha'i nang na gnas pa'i rma'i nad sel byed do/ /'dir snum mngar skyur lan tshwa tsha/ /tsha dang snum ni bskol ba yin/ /zhi byed kha bska mngar sman bskol/
 spyad ba kha dang cha dang skyur/ /rma 'tsho byed pa kha ba dang/ /bska ba'i sman ni bskol bar bya/ zhes bya ba la/ 'dir mkhur ba bkang ba de rnams kyi nang nas snum gyis mkhur ba bkang ba ni/ sman mngar ba dang/ skyur ba dang/ lan tshwa dang/ tsha ba rnams
 snum dang skol zhing bcos pa'o/ /zhi bar byed pa'i mkhur ba bkang ba ni sman kha ba dang/ bska ba dag mngar ba dang bskol ba'i khu ba'am lde gu btang bar bya'o/ /spyod ba'i mkhur ba bkang ba ni/ sman khab dang/ chi ba dang skyur ba bskol ba'am/ lde gu
 btang bar bya'o/ /rma 'tsho ba'i khur ba bkang ba ni sman kha ba dang bska ba rnams bskol ba'am/ lde gus bya'o/ /de la snum dang 'o ma dang/ sbrang rtsi chu chang tsha dang chang/ /ba gcin 'bru yi khu ba rnams/ /sman ni ji lta ji lta dang/ lde gur byas pa 'am
 bskol ba na/ /ci tsam bzod pa rnam par sbyar/ zhes bya ba la/ 'di dag ni sman khus mkhur ba bkang ba spyi'i cho ga yin te/ de las kyang snum zhes bya ba sha khu dang til gyi lde gu'i chu dang 'o ma ni snum gyi mkhur ba bkang ba yin no/ /sbrang rtsi dang chu dang
 'o ma dang mar ni zhi bar byed pa'i mkhur ba bkang ba yin no/ /tshwa dang chang 'bru'i khu ba skyur po ni/ spyod pa'i mkhur ba bkang ba yin no/ /sbrang rtsi'i chu dang 'o ma ni rma 'tsho ba'i mkhur ba bkang ba yin no/ /ji ltar ji lta ba zhes bya ba ni/ sngar bshad pa'i sman
 gyi lde bu dang sbyar ba 'am/ yang na bskol ba'am/ ci rtsam bzod pa rnam par sbyar bar bya ste/ de la rlung la ni dron po'o/ /mkhris ba la ni gang mo'o/ /bad kan la ni rab tu tsha ba'o/ /so rtse so so ni 'gul ba dang/ rlung las gyur pa'i kha nad la/ /dro la 'jam tsam bsil ba
 yi/ til chus mkhur ba bkang ba phan/ zhes bya ba la/ til gyi lde gu dang bsres ba'i chu ni/ til gyi lde gu'i chu ste/ de dro 'jam tsam mam bsal bas mkhur ba bkang ba ni/ so brtse ba dang so 'gul ba'i nad 'og nas bshad pa dag dang/ kha'i nang rlung las gyur cing
 rlung shas che ba la phan pa yin no/ /rtag tu mkhur ba bkang ste bzhag/ til mar dag gi sha khu bsngags/ shes bya ba la/ 'di ni bsdus pa las byung ba yin te/ rtag tu zhes bya ba dus thams cad du nad med par gnas pa'i skabs su mkhur ba bkang ste 'jog pa'i sman du til
 mar ram sha khu bsngags shing phan pa yin no/ /kha drod che tshwa chos pa dang/ /'phral du rma na 'byung ba dang/ /dug dang thal sman mes tshig la/ zhun mar dag gam 'o mas dang/ zhes bya ba la/ kha'i nang smin cing tshos pa la drod che zhing tsha ba dang ldan pa dang/ de
 bzhin du kha'i rma 'phral du byung zhing glo bur gyis thebs pa dang/ de bzhin du khar dug gis phog pa dang/ de bzhin du thal sman rnon po dang/ me dag gis tshig par gyur pa la/ zhun mar ram 'o mas mkhur ba bkang la bzhag par bya'o/ /sbrang rtsi
 mkhur bkang bcas phas ni/ kha yi dri ma sbyong byed cing/ /kha yi rma ni 'tsho ba yin/ /kha tsha skam dang rab bzhi byed/ ces bya ba la/ sbrang rtsis mkhur ba bkang bas ni/ kha'i dri ma sbyong zhing dag par byed pa dang/ de bzhin du kha'i nang gi rma 'tsho bar
 byed 'di 'byor bar byed pa dang/ de bzhin du kha tsha ba dang skom dang rab tu zhi bar byed pa'o/ /ro mi tshor dang dri ma che/ /kha mnam 'bras rtsabs bkang bas sel/ zhes bya ba la/ 'bras kyi rtsa bas mo ni 'bras bu rang skyur kany+dzi zhes bya ba ste/ des
 la bkang ba 'jog pas dri mi zhim mnam pa dang/ dri ma dang ljan ljin gyis gos ba dang/ ro mi tshor zhing mi gsal bar byed pa yin no/ /de nyid cung zad tsha bcas bsil/ /kha skams sel ba'i dam pa yin/ zhes bya ba la/
 'bras khu'i rang rtsabs de nyid cung zad tshwa dang bcas shing bsil pa ni kha skam ba sel ba'i dam pa 'am mchog yin no/ /thal sman rnon zhus mkhur bkang ba/ bad kan sogs ba myur du sel/ zhes bya ba la/ thal sman rnon po'i chu ni thal sman rnon po
 spangs ba'i dangs ma ste/ des kha bkang nas 'jog bas ni/ bad kan sogs shing sdud pa myur zhing rings par sel bar byed do/ /chu tshan dro 'jam mkhur bkang bas/ /kha ni yang zhing bde bar byed ces bya ba la/ chu tshan dro 'jam ran pa tsam gyis
 mkhur ba bkang ba 'jog bas ni/ kha yang zhing bde bar byed de/ rlung dang bad kan sel cing spyod par byed do zhes bya ba'i don no/ /rlung med nyi tshan bcas par bya/ /phrag pa mjing bar dugs bya mnye/ /mkhur ba bkang nas gdong ba ni/ /cung zad bteg ste
 ji srid ni bad kan gyis ni kha gang ba'am/ /sna mig 'dzag ba'i bar du bzhag/ ces bya ba la/ mkhur ba bkang gtong ba na/ rlung med cing bser bus ma phog pa nyi tshan nam me dang bcas pa'i gnas su 'dug la/ phrag pa dang mdzing ba mnyes shing dugs byas
 la/ mkhur ba bkang nas gdong ba cung zad bteg ste/ ji srid cig na bad kan gyi mchil snabs kyis gang bar gyur pa 'am/ /mig nas mchi ma 'dzag pa 'am/ sna nas snabs 'dzag par gyur gyi bar du bzhag par bya ste/ don du ni ji srid mkhu
 ba bkang ba legs pa'i mtshan ma du ba brdubs pa dang 'dra ba 'byung bar 'gyur gyi bar du lan lnga 'am bdun gyi bar bya'o/ /de'i mtshan nyid ni bsdus pa las rang gi don gyi bya ba byed pa dang/ mi byed pa las shes par bya ba ston to/ /ro mi tsho
 ba dang/ yig 'chus ba dang/ mchil snabs mang ba dang/ khar chags pa las ni/ sbyor ba nyes bar shes par bya'o/ /kha skam pa dang kha'i nang tshor/ 'di sman bu dang/ rgyab dang/ yi ge mchus pa dang/ snying 'dzag pa dang/ skad gdangs nyams pa las ni
 mkhur ba bkang ba'i sbyar ba dags par shes par bya'o/ zhes bshad do/ /de rnams kyis gso ba yang rang rang gi ji lta ba bzhin du bya'o/ /khar bkang mi spo bzhag mkhur bkang/ /gzhan du khar rdubs bar 'gyur ro/ /zhes bya ba la/ kha'i nang snum
 dang po ma bskol ba la sogs pas yongs su bkang nas g.yas g.yon du mi spo bar bzhag pa de ni mkhur ba bkang ba zhes bya la/ gzhan du khar rdubs pa zhes bya ste/ sman bskol bas kha cung zad ma gang bar bkang la/ mkhur ba dang lkog ma
 spo zhing dkrug ba ni/ khar brdubs ba 'am 'gram ba spo ba'i khyad par yin no/ /khar brdubs pa yis khyad par gso ba ni/ gnye'u rengs mgo mig rna ba kha nad dang/ mchil mang gre nad snying kha sra ba dang/ snying 'phar snyom dang cham ba yi ga
 'chus/ zhes bya ba la mkhur ba bkang ba'i dbye ba khar brdubs ba zhe 'am/ mkhur ba spo ba zhes bya bas khyad par du song zhing dpyad du bya ba'i nad ni gnye'u rengs la sogs pa yin te/ des de gso bar nus pa yin no/ de la gnye'u rengs ni nad kyi
 tshigs dang chu ba gnye'u rengs pa la bya'o/ /gzhan dag ni go bar zad do/ /mur ba 'am gzhibs pa'i cho ga ni/ /mkhur bkang bshad pa'i sman rnams kyi/ /lha khu sman bu phye ma ste/ /khar mur bya ba rnam gsum yin/ /de ni bad kan nad la bsngags
 zhes bya ba la/ mur bar bya ba ni gsum ste/ lde gu dang sman khu dang phye ma'o/ /de la lde gu ni sman rlon pa btags pa zhib bar byas pa la bya'o/ /sman khu ni lde gu'i sman rlon pa de dag btsos pa dang lde gu skams te byas pa bldag bar
 bya ba lta bu'i khu ba'i sbyor ba la bya'o/ /phye ma ni skam po nyid btags pa'o/ /de gsum char yang bad kan gyi nad mchil ma mang ba dang/ /skyugs ldang byed pa dang lkog ma'i nad la sogs pa la ci rigs par btang bar bya'o//
 gang gis she na mkhur ba bkang ba bshad pa'i sman las de dag sbyar bar bya'o/ /gdong bskus gsum ste nad sel deng/ /dug sel kha dog bzad byed pa'o/ zhes bya ba la/ gdong bsku ba ni rnam pa gsum ste/ nad sel zhes bya ba rlung dang
 mkhris pa dang/ bad kan gyi 'jom par byed pa dang/ dug sel ba zhes bya ba dug 'joms pa dang kha dog bzang bar byed pa ste/ mdog mdzes par byed pa'o/ /de drod bad kan rlung la bsngags/ /lhag ma la ni rab bsil ba/ zhes bya ba la/ gdong bsku ba de la
 dro ba ni rlung dang bad kan gyi nad la bsngags pa yin no/ /rlung dang bad kan zhes smos pa ni/ spyi dang khyad par dag yin par shes par bya ste/ des na rlung dang bad kan so so la yang dro bar bya la/ rlung dang bad kan 'dres pa la yang dro ba nyid bya'o/ /de las lhag
 ma mkhris pa sel dang/ dug sel ba dang/ kha dog bzang bar byed pa gsum la ni/ gdong bsku ba shin tu bsil ba bsngags pa yin no/ /de yi tshad dbangs sor bzhi cha/ sum cha phyed de rnam pa gsum/ zhes bya ba la/ gdong bsku ba de'i tshad ni rnam pa gsum
 ste/ dpangs su sor gyi na zhi cha dang/ sum cha dang phyed do/ de ltar na dpangs sam mthug sor gyi bzhi cha'i chung tshad do/ /dpangs su sor gyi sum cha ni gdong bsku ba'i 'bring tshad do/ /dpangs su sor gyi phyed ni gdong bskus pa'i che tshad do/ /ma
 bskams bar du de bzhag gi/ bskams na pags pa la gnod 'gyur/ zhes bya ba la/ gdong bsku ba de ji srid du ma bskams kyi bar du bzhag par bya'i bskams nas ni btang snyoms su mi bzhag ste/ gang gi phyir de bskams
 na pags pa la gnod cing ma rungs bar byed do/ /de ni rtsangs nas bkru bar bya/ /de yi rjes la bsku byug bya/ zhes bya ba la/ gdong bskus pa de bskams ma thag spangs la bkru zhing phyi bar bya'o/ /de'i rjes la ni mar la sogs pa bskus la dril bar bya'o/ /nyin dang gnyis
 log mang ba smra khro/ /me tshan nyi tshan mya ngan spang/ zhes bya ba la/ gdong bskus pa byas nas nyin par gnyid log pa dang/ kha ton la sogs pa mang du smra ba dang/ me tshan dang nyi tshan gyis gdungs pa dang/ khros shing 'khrugs pa dang/ mya ngan dang yid
 mi bde bar gyur pa spang zhing dor bar bya'o/ /de ni cham pa sna sman btang/ /ma zhu 'gram 'thams yi ga 'chus/ /mtshan gnyid ma log la mi btang/ zhes bya ba la/ gdong bsku ba de cham pas btab pa dang/ sna sman btang ba dang/ zas ma zhu ba dang/
 'gram pa 'thams pa'i rlung nad dang/ mtshan mo gnyid kyi ma log pa dag la btang du mi rung ngo/ /de ni legs par sbyang pa yis/ /dus min skra dkar ngo khabs dang/ /gnyer ma rab rib mig sngo sel/ zhes bya ba la/ gdong bsku ba de legs par spyad
 cing/ phyin ci ma log bar btang bas dus ma yin par skra dkar byung ba la sogs pa 'joms shing sel par byed do/ /dus ma yin sgra dkar ni na tshod yod bzhin du skra dkar byung ba'o/ /rgya shug snying po ba sha'i rtsa/ /seng 'phrom yungs kar dkar po rnams//
 sim ha'i rtsa ba til nag dang/ /skyer pa'i shun pa rmye'u rnams/ /'dzag rtsa tsan dan u shir/ shir sha sha ta puShpa 'bras/ /ku mud utpal bstar/ /durba shing mngar tsan dan rnams/ /ka li ya ka u shir til/ /spang spos rgya spos shug pa rnams/ /nga lis?
 gun+d+ra stag tshe rab/ /shing mdar rgya spos a ga ru/ /de ltar tshigs bcad phyed kyis bshad/ /bsku ba dgun stong sogs drug sbyar/ zhes bya ba la/ de ltar rgya shug gi snying po la sogs pas/ /ma thag pa'i rnam pas tshigs su bcad pa phyed phyed kyis bshad pa'i
 sman gyis gdong bsku ba na dgun stong la sogs pa'i dus drug po ste/ /gun stong dang dgun smad dang/ dpyid dang/ sog dang/ dbyar dang/ ston zhes bya ba'i dus rnams dang/ rim bzhin du sbyar bar bya'o/ /rgya shug gi snying po ni rgya shug
 bar de'i tshig gu'o/ /ba sha'i rtsa ba ni ba sha ka'i rtsa ba'o/ /seng phra mo ni drang srong dkar po'i/ /yungs kar dkar po ni dngos su zad de/ /de rnams ni dgun stod kyi gdong bsku ba'i sman no/ /sim ha'i rtsa ba ni bri ha tA'i rtsa ba'o/ /til ni nag po la bya'i dkar po la mi bya'o//
 skyer pa'i shun pa dang rne'u 'am spun pa med pa'i nas gzhan dag ni/ /gun smad kyi gdong bsku ba'i sman no/ /gzhan dag la yang de bzhin du sbyar ro/ /'bras ni 'bras bu lu'o/ /utpal ni utpal sngon po'o/ /kalha ri ni gand+ha so ma'o/ /da lis nid lis kyi lo ma'o//
 gun+d+ra ni ka pi ka chu'o/ /puN+Da rI ni/ puN+Da rI ka'o/ /gdong bsku ba la goms pa rnams/ /mthong ba bstan par 'gyur ba dang/ /gdong ni yongs su ma rnyid la/ /'jam zhing pad+ma 'dra bar 'gyur/ /zhes bya ba la/ gdong bsku zhing byug pa la goms shing rtag tu bsten
 pa rnams ni mig gis mthong zhing blta ba brtan zhing mi nyams par 'gyur ba dang/ gdong yongs su mi rnyid la mdangs yal bar mi 'gyur ba dang/ de bzhin du 'jam zhing rtsub bag med pa dang/ pad+ma 'dra bar 'gyur ro/ /bsku dang blug dang ra ba bal dang/
 pags pas g.yogs dang rnam pa bzhi/ /de ni spyi bo'i til mar te/ /phyi bzhin du ni yon tan che/ zhes bya ba la/ spyi bor til mar blugs pa yang bsku ba la sogs pa'i dbye bas rnam pa bzhi yod do/ /bsku ba ni gdong bsku zhing byug pa'o/ /blug ba
 ni steng nas byug pa'o/ /ral bal can ni ras bal snum can sran khur ltar zlum po chung ngu byas te/ spyi bor glan pa'o/ /pags pas g.yogs pa ni 'di nyid kyi 'og nas bshad pa'o/ /de dag ni ngo bo'i til mar zhes bya ste/ phyi ma phyi ma bzhin du/
 yon tan che ba ste/ /de la bsku ba ni yon tan can yin no/ /de bas kyang blug pa yon tan che ba yin no/ /de bas kyang ras bal can yon tan che ba yin no/ /thams cad las mgo bo pags pas dkri ba yon tan rab mchog tu che ba yin no/ /spyi bo'i til mar zhes bya
 ba ni nyo bar mtshon ba tsam du zad do/ /de bas na zhun mar gyis bskus pa yang phyi ma phyi ma bzhin du yon tan che bar shes par bya'o/ /de la byug brtsub pa dang/ g.ya' dang dri ma can la sbyar/ zhes bya ba de la/ byug pa la sogs pa rnams kyi nang nas byug pa ni/
 lus rtsub pa la sogs pa la sbyar bar bya'o/ /blug pa blog ba klad gzir dang/ /tsha dang rma sman rnams la btang/ zhes bya ba la/ snum blugs pa la sogs pa ni glog pa la sogs pa'i nad rnams la sbyar bar bya'o/ /ras bal snum can skra 'byi dang/
 gza' zhugs mig ni rangs la btang/ zhes bya ba la/ ras bal snum can ni skra 'byi ba la sogs pa dang/ de bzhin du mig rengs pa ste/ mig har har bor 'dug cing 'dzums mi shes pa la sbyar bar bya'o/ /pags bcing mgo bo tshor ba med/ /kha
 yog nyid ni yar pa dang/ kha dang sna skams rab rib dang/ mi gzad mgo bo dag la sbyar/ zhes bya ba la/ pags pas g.yogs nas bcings pa ni mgo bo tshor ba med pa la sogs pa la sbyar bar bya'o/ /de yi cho ga 'dug pa la/ /khri'u bus mnyam
 'jam pa la/ /lus bkrus shing dugs byas la/ dgongs ka ba 'am ma he yi/ pags pa mgo bo dang mnyam la/ /rgyar ni sor ni bcu gnyis pa/ /rna ba'i mthar thug par bcings pa/ /dbral ba gos kyis bkri ba ni/ /gos sam lan bus bcings byas
 la/ mASha'i lpe gus bsku par bya/ zhes bya ba la/ mgo pags pas g.yogs te/ bcings ba'i cho ga ni 'di ltar bya ste/ skyes bu 'dug par bya ba la/ mgo pags pas dkri bar bya'o/ /de yang ji lta bu la 'dug ce na/ /khri'u'i dpangs pus mo dang mnye
 ba rgyab brten 'jam zhing 'bol ba la 'dug ste/ /dang po khrus byas nas de'i 'og tu bskus la dugs byas nas dgongs ka ste/ nyi ma nub pa'i tshe ba lang dam ma he'i pags pa mgo mdza' 'khor ba mnyam pa/ rgyar sor bcu gnyis pa rna
 ba'i mthar thug par bcings la/ de yang dpral ba gos kyis dkris shing lan bus kyang bcings la/ yang sran mASha'i lde gus bsku zhing byug par bya'o/ /de nas nad dmigs ci 'dra la/ /snum bskol ba ni dro 'jam tsam/ /de ni spyi bo man chad nas/
 skra drung sor gcig nub tsam blugs/ /kha dang sna mtshul phyin par bzhag /de bzhin rlung sogs nad rnams la/ /stong phrag bcu dang brgyad drug gzhug/ nad med pa la stong phrag gcig /mar bsal phrag pa la sogs mnye/ /de ltar zhag bdun
 blugs par bya/ zhes bya ba la/ de nas mgo bo pags pas g.yogs pa'i 'og tu nad dmigs kyi rnam pa ci 'dra ba dang sbyar la/ snum bzhi po las ci rigs par bskol ba dro 'jam ste/ cung zad dro ba de ni spyi bo man chad nas skra drung gi bar du
 sor gcig tsam nub pa'i tshad tsam gyi bar du blugs par bya'o/ /yang sbrum de bzhag pa'i chad ni/ kha'i nang dang sna'i mtshul bar phyin cing gsher 'jag gi bar du bzhag par bya'o/ /yang snum de rlung las gyur pa'i nad rnams la se gol bsko
 zhing gtogs pa'i ched stong phrag bcu ste/ khri'i bar du bzhag par bya'o/ /mkhris pa las gyur pa las ni brgyad stong gi bar bzhag bya'o/ /bad kan gyi nad la ni drug stong gi bar du bzhag par bya'o/ /nad med
 cing tha mal bar gnas pa lan stong phrag gcig gi bar du bzhag par bya'o/ /de nas de'i 'og tu mar bsal zhing zags su bcug la/ phrag pa la sogs pa mnye bar bya ste/ phrag mgo dang gnya' ba dang lhag pa dang/ /dpral ba la sog pa dal bus mnye bar
 bya'o de lta snum gyi dam pa ste zhag bdun gyi bar du blug bar bya'o/ /rna bar gang bar blug ste bzhag/ rna ba'i rtsa ba mnye bar bya/ /nad rtse zhil gyi bar bya zhing/ /rna ba se gol brgya bar bzhag /ces bya ba la/ rna ba na bar gyur pa la ni snum rna ba gang bar blug la bzhag nas
 rna ba'i rtsa ba mnye bar bya ste/ de yang se gol grangs brgya'i bar du bzhag par bya zhing/ /nad de rtse zhil gyi bar du rna ba bkang pa'i snum bya'o/ /pus mo g.yas ba'i lta ba ni/ /lag rtsis bskor ba'i bar dag dang/ mig 'byed 'dzums dang mnyam pa'i/ /yun ni gangs kyi
 chad du bshad/ /ces bya ba la/ grangs su bzung ba'i tshad ni/ bus mo g.yas pa'i lta nga lag pa'i sor mo'i rtse mos kun nas bskor ba'i bar dang/ de bzhin du mig gnyis 'byed pa dang 'dzums pa'i dus dang mnyam dus kyi yun ni/ grangs kyi tshad yin par
 mkhas pa rnams kyis bshad do/ /spyi bor til mar sbyar ba byugs pas ni/ skra dkar dmar ser skra 'byi gza' zhugs dang/ mgo bo'i rlung nad sel cing dbang po gsal/ skad gdangs 'gram pa mgo bo'i stobs bskyed byed/ zhes bya ba la/ til mar
 spyi bor blugs shing bskus pas na/ /skra dkar ba dang/ skra dmar ser du 'dug pa dang/ skra 'byi ba dang/ gza' zhugs shing skra kha gyes pa dang/ mgo bo'i rlung gi nang sel cing 'joms par 'gyur ro/ /de bzhin du mig la sogs pa'i dbang po rnams gsal
 zhing rang gi yul 'dzin par nus pa dang/ de bzhin du skad gdangs dang/ 'gram ba dang/ mgo bo'i stobs skyed cing 'phel bar byed pa yin no/ /yan lag brgyad pa'i snying po bsdus pa'i rnam par 'grel pa tshig gi don gyi zla zer zhes bya ba/ slob dpon
 zla ba la dga' bas rnam par sbyar ba las/ /le'u ci shu gnyis pa'i rnam par 'grel pa'o// //de nas sman gyi thigs pa mig du blug pa dang/ sman gyis mig bsku ba'i cho ga'i le'u bshad par bya'o/ zhes bya ba la/ 'di brtsams pa'i 'brel
 pa ni 'di yin te/ gang gi phyir bshad ma thag pa'i spyi bo'i til mar gyis ni dbang po rnams gsal bar byed par bshad la/ dbang po thams cad kyi nang nas dbang po'i gtso bo ni mig yin pas de'i phyir/ de bsrung ba'i don du
 de'i 'og tu le'u 'di brtsams pa yin no/ /mig sman gyi thigs pa gang zhig blugs pas mig gi skyon kun 'dzag par 'gyur bas/ mig gi sman gyi thigs pa la mig bsku ba zhes bya ste/ de'i 'og tu cho ga ni 'di ltar bya'o/ /zhes pa'i las kyi tshul
 te/ cho ga de bshad par bya'o/ /mig nad dag ni thams cad la/ dang por sman thigs blug pas ni/ /zug na g.ya' drung mchi ma 'dzag/ mig tsha mig dmar rnams la phan/ zhes bya ba la/ mig gi nad ma lus pa thams cad la/ dang po thog mkho nar
 mig sman thigs pa la sogs pa blug nas/ mchi ma 'dzag cing khrus bya ba phan no/ /de yang mig je bar la thug pa ltar na ba dang/ zug cing na ba la sogs pa sel bar byed pa yin no/ /de yang zug pa ni rgyun du gzer zhing na ba'o/ /na ba ni sna tshogs
 pa'i tshul gyis na ba'o/ /g.ya' ba ni mig shas cher g.ya' ba' o/ /drung pa ni mig mchu gnyis phan tshun reg pa na mig la drud pa snyam byed cing na ba'o/ /mchi ma 'dzag pa ni rgyun du mig chu 'dzag pa'o/ /tsha ba ni tsha 'ur 'ur por byed pa'o/ /mig dmar
 ba ni mig dmar po sle sle bor 'dug pa ste/ 'di rnams la mig bkru ba'i sman blug pa phan pa yin no/ /rlung la dron po bang dro 'jam/ /khrag mkhris la ni de bsil bsngags zhes bya ba la/ mig sman gyi thigs pa de rlung gi nad la dron po ste/ dro ba'i
 bag tu byas pa phan no/ /bad kan gyi nad la ni dro 'jam ste cung zad dro ba phan pa yin no/ /khrag dang mkhris pa las gyur pa'i mig nang la ni/ sman gyi thigs pa bsil ba phan pa yin no/ /rlung med gnas su 'dug nas ni/ /
 lag pa g.yon pas mig phye la/ /nya phyis nang sbyar ras bal ni/ /bsnyad pa'i thigs pa blug byas la/ sor gnyis tsam dpangs las mig gra/ thigs pa bcu 'am bcu gnyis blug /zhes bya ba la/ skyes bus rlung med pa'i gnas su 'dug nas sman pa'i lag pa g.yon pas
 de'i mig legs par phye la lag pa g.yas pa nya phyis kyi nad du sman sbyar ba ras bal ye'u bsnyad pas/ cung zad 'phyad par byas la thigs pa blugs par bya ba ni sor gnyis tsam gyi dpangs las mig gi gra sna dang/ nye ba'i mig gi zur nas thigs pa bcu 'am bcu gnyis
 blugs par bya ste/ de las rnam pa gzhan du byas na mig dmar ba la sogs pa'i nad skyed par 'gyur ro/ /de nas gos 'jam dag gis phyi/ /rlung dang bad kan can dag la/ /gos 'jam gzhan ni chu dron la/ /spangs pas dugs ni 'jam po bya/ zhes bya ba la/ de ltar mig
 tu blugs pa'i rjes la/ gos 'jam zhing reg na bde bas mig phyi zhing spyad par bya'o/ /de'i 'og tu gos 'jam pos phyi ba las gzhan pa dag chu dren 'jam tsam la spangs pas mig 'jam ci du dugs bya'o/ /de yang rlung dang bad kan can dag la zhes bya ba/ rlung nad dang
 bad kan gyi nad yod pa la dugs bya'i/ /mkhris pa 'am khrag can la ni/ de ltar dugs byar mi rung ste/ de gnyis la ni sbyang zhing phyi ba tsam bya'i/ /dugs mi bya'o/ /mig sman blugs pa rab tsha rnos/ /na zhing mig dmar rtul bar 'gyur/ /shin tu grang bas zug pa dang//
 'dzums mi shes dang na bar 'gyur/ /drags pas mig mchu dmar dang drung/ /rtsub cing mig ni 'byed dkar 'gyur/ shin tu tshungs pas nad dkyel skyed/ /ma pho bas ni thu bar byed/ /ces bya ba la/ mig tu sman gyi thigs
 pa blugs pa rab tu tsha ba dang/ rnon pos blugs pas ni na zhing zug par 'gyur ba dang/ mig dmar bar 'gyur ba dang/ mig rtul zhing mi gsal bar 'gyur ro/ /gal te mig tu blugs pa'i sman shin tu bsil zhing grang ba blugs na/ mig gi nad rab tu
 zug cing brdol la thug pa snyam pa 'byung par 'gyur pa dang/ 'dzums mi shes shing rengs bag har har por gnas pa dang/ na ba ste rgyun mi 'chad par zug cing na bar 'gyur ro/ /mig sman gyi thigs pa mang por blugs te drags pas ni
 mig mchu dmar zhing 'byar bag dang/ rnyog ma can gyi mdog can du byed do/ /de bzhin du mig mchu phan tshun drud pa dang/ de bzhin du mig shin tu dbye dka' bar 'gyur ro/ /mig sman blugs pa shin tu chung zhing tshad du ma phyin pas ni/ nad kyi dkyel ba skyed cing
 'phel bar 'gyur gyi nad de zhi bar byed mi nus so/ /mig gi sman ma btsags shing gos kyi tshags las ma bton pa'am/ /mig tu blugs pa slar ma phos pas ni/ slar thu bar byed cing mchi ma 'dzag pa dang/ mig
 gzugs pa dang/ mi rnyog ma can du 'gyur ro/ /bskus legs gnad rtsa sna sul dang/ /kha yi spubs su sman gyis khyab/ /spyi bor gtogs pa'i nad kyi ni/ /dri ma phyir ni 'byin par byed/ ces bya ba la/ mig tu blugs pa'i sman legs par blugs na gnad
 kyi rtsa rnams dang/ kha'i spubs na yod pa'i rtsa rnams su khyab cing phyin par 'gyur bas/ /spyi bor gtogs shing mgo khyab par byed pa'i dri ma ste/ /nad rnams sel cing 'byin par byed do/ /zlog par nus so/ zhes bya ba'i don no/ /de nas lus sbyang mig
 sman bsku?/ /mig tsam la ni gnas gyur pa/ cung zad skra dang shin tu g.ya'/ /rdu ma chags pas smin shes shing/ /cung zad rngud dmar mchil ma 'dzag mig rngu sdug la btad par bya/ /bad kan dang ni khrag mkhris dang/ /mchog tu rlung gis
 gzir la bsku/ zhes bya ba la/ de nas mig sman gyi thigs pa blugs pa'i 'og tu lus sbyangs shing skyugs sman la sogs pas nad bsal nas/ mig sman gyis bsku ba ni mig tsam la brten cing gnas par gyur pa'i nad gang yin pa
 de smin cing cung zad rnyings par gyur pa'i mtshan ma 'byung ba'i mig la mig sman bsku bar bya'o/ /smin pa de cung zad skrang ba dang/ de bzhin du shin tu g.ya' ba dang/ mig gi rngu ma chags par gyur pa las smin pa yin par shes shing rtogs pa dang/ de bzhin
 du cung zad drud ba snyam pa dang/ dmar ba dang mchi ma 'dzag pa ste/ mig gang shas chung bar drud pa snyam byed cing mchi ma 'dzag pa dang/ mig rngu stug cing che ba chags pa la/ mig sman bsku zhing byug par bya'o/ /yang de bzhin du bad kan dang khrag dang/
 mkhris pas nyen cing gnod pa'i mig nad la btang bar bya'o/ /de bzhin du mchog gam khyad par du ni rlung nad kyis nyen pa dag la mig sman bsku zhing byug pa btang bar bya'o/ /mig sman phyi dang rma gso dang/ /gsal bar mthong ste rnam pa gsum/
 zhes bya ba la bsku zhing byug pa'i mig sman de yang rnam pa gsum ste/ gcig ni phyi zhing bsal ba'o/ /gnyis pa ni rma 'tsho ba cing gso ba'o/ /gsum pa ni mig gsal bar byed pa'o/ /de yang phyi ba ni ling tog la sogs pa'i mig nad kyi rigs
 mig gi mtshon dpyad kyis phyi zhing bdar ba ltar byed pas na phyi ba'o/ /yang na mig sman shin tu rno bas nad kyi khams gang 'bru zhing 'byin pas bsal ba zhes bya ba'o/ /rma gso ba ni gang gis rma 'tsho ba cing 'byor bar byed pas na rma gso ba'o/ bsal bar mthong
 ba ni/ gsal zhing dri ma med par mthong bar byed do/ /de la phyi ba'i mig sman ni/ /bska dang skyur dang tsha dang kha/ /rma gso sman ni kha ba ste/ /gsal sman mdar dang bsil ba yin/ zhes bya ba la/ mig sman de rnams kyi nang nas/ phyi pa'i mig sman ni bska ba la
 sogs pa'i ro bzhi las sbyar ba'i mig sman ni/ /ling tog dang sprin gyis g.yogs pa la sbyar ro/ /rma gso ba'i mig sman ni ro kha bdag las sbyar te/ de ni mchi ma la sogs pa la btang ngo/ /mig gsal ba'i sman ni ro mngar ba dang bsil ba yin te/
 de ni mig snad pa dang nad med par gnas pa'i skabs su btang bar bya'o/ /thur ma sor bcu dbus phral/ /rtse mo sri shing kha 'bus 'dra/ /phyi ba'i thur ma zangs su bsngags/ /rma gso lcags nag bya sor tsam/ /bzang po
 bsal bar byed pa ni/ /gser dang dngul las byas pa bsngags/ zhes bya ba la/ mig sman bsku ba'i thur ma ni/ /sring sor mo bcu'i tshad la dbus kyi phyogs phra ba/ /rtse mo gnyis sri shing me tog kha 'bus pa 'dra bar cung zad sbom zhing/ 'jod?  de bar
 byas la/ thur ma de phyi ba'i dpyad du ni zangs ma las byas pa bsngags so/ /rma gso ba'i thur ma ni lcags nag po las byas pa/ mdzub sor tsam gyi srid yod pa bzang zhing bsngags so/ /gsal bar byed pa'i mig sman bsku ba'i thar ma ni
 gser dang/ dngul las byas pa bzang ba yin no/ /bdar bu lu ba phye ma ste/ mig sman rnams gsum nyid du brtag/ de ni mig sman lci 'bring dang/ /yang ba la ni rim bzhin sbyar zhes bya ba la/ /mig sman sbyor ba'i thabs ni/ rnam pa gsum kho na ste/ bdad? bu dang
 khu ba dang phye ma'o/ /de la gsher gyis sbrus shing btags nas/ reng bur byas pa ni bdar bu zhes bya ba'i skrar brjod do/ /khu ba ni sman khu bskol ba las skan ter byung? pa las byas pa'o/ /sman skam por btags pa'i mig sman ni phye mgo zhas
 bya ba'o/ /mig sman de dag kyang snga ma bzhin du stobs che ba yin te/ de bas na nad shin tu stobs dang ldan pa la ni reng bu btang bar bya'o/ /mig nad tshabs 'bring tsam la ni khu ba btang bar bya'o/ /mig nad? yang zhing stobs zhan pa la ni phye ma
 btang bar bya ste/ /de ltar rim pa bzhin du sbyar bar bya'o/ /mtshan mo nyal dang nyi ma'i gung/ /zos 'thungs nyi ma tsha ba yis/ /mig gi nang ni 'phel ba dang/ /dkyel? ni skye dang 'khrugs par 'gyur/ /de bas zhi phyir na dgongs nyi ma sprin bral dus su bsku/
 zhes bya ba la/ mtshan mo nyal bas nad 'phel zhing skye bar 'gyur ba dang/ de bzhin du nyi ma'i gung la zas zos shing skom 'thungs bas dkyel skye zhing gyen du 'phel bar byed pa dang/ de bzhin du nyi ma gung la yang/ nyi ma tsha ba'i zer gyis mig nad myur du 'khrugs
 shing g.yo bar 'gyur te/ de bas na de zhi bar bya ba'i phyir te/ de nub mo'i nad kyi skyon zhi bar bya ba'i phyir/ nad par btang bar bya la/ de bzhin du nyi ma gung gi skyon zos pa dang/ 'thungs pa dang/ nyi ma tsha bas dkyel skye zhing gnod pa dang 'khrugs par 'gyu ba'i nyes pa
 slang pa'i phyir dgongs ka bsku'o/ /yang na phyi 'phred kyi dus sprin dang bral zhing yul rmus pa med pa'i skabs su bsku bya'o/ /gzhan dag smra ba nyin par ni/ /mig sman rnon po btang mi bya/ /bskus pas nyam chung gyur pa'i mig/ nyi ma bltas na gnod par 'gyur /zhes bya
 ba la/ yang slob dpon gzhan dag 'di skad zer te/ nyin par gyi dus su mig sman rnon po btang zhing bsku bar mi bya ste/ ci'i phyir zhe na/ mig sman rnon pos bskus pas bkrus shing 'dzag par byas pas/ nyam chung zhing stobs zhan pa'i mig gis nyi ma bltas na
 gnod par 'gyur zhing nyam chung par 'gyur ro/ /mtshan mo gnyid ni log pa la/ zla dus yin pas brtas 'gyur te/ /mig ni me yi rang bzhin pas/ /bsil bas gnod med brtan par 'gyur/ zhes bya ba la/ yang slob dpon de ni mtshan mo'i dus su
 mig sman rnon po btang par bya'o/ /zhes zer te/ ci'i phyir zhe na/ mtshan mo gnyid kyis log cing nyal ba ni/ zla ba'i rang bzhin yin pa dang/ dus kyang zla ba'i dus yin pas brtas shing tshim par 'gyur ba nyid kyis mig gi me'i rang bzhin bsil bas brtan
 par 'gyur zhing stobs rnyed par 'gyur ro/ /mig nad bad kan shas che ba 'am/ /phyi zhing bsal bar byas pa la/ /rab tsha min pa'i nyin par yang/ mig sman rnon po blugs par 'dod/ ces bya ba la/ gal te bad kan gyi mi gnad shin tu shas che zhing bdo ba dang
 de bzhin du phyi zhing bsal bar bya ba'i mig mjer? ram ling tog la sogs pa nyin mo yang des gso bar bya ba'i nad la mig sman btang du rung la/ de yang nyi ma shin tu mi tshab la/ mig sman rnon po dag kyang blugs su rung bar 'dod cing 
 khas len pa yin no/ /dris pa mig ni me'i rang bzhin yin la/ mig sman rnon po yang me'i rang bzhin can yin pas nyi ma tsha ba dang/ chos mthun pa yin na/ 'di la 'gal ba ci yod ce na/ de'i phyir smras pa na/ lcags ni rdo las byung ba yin/ /rno ba de nyid
 las byung yang/ /de nyid kyis ni gnod byed nus/ /mig gi rang bzhin de dang 'dra/ zhes bya ba yin te/ ji ltar lcags rnams ni rdo'i khams rnams las byung zhing skyes pa yin la/ gang yang lcags de nyid kyi rno ba nyid kyang rdod nyid las byung
 ba yin mod kyi/ gang lcags de nyid rno ba nyid la gnod cing 'jig par byed pa 'am/ /yang na rnam pa thams cad nas thams cad du med par byed ba ni rdo de nyid las byung gi gzhan las ma yin no/ /de bzhin du mig gi mthong ba'i rang bzhin ni
 me'i khams las byung la/ de nyid kyis na rno ba'i phyir thag ring por mthong bar nus pa yin mod kyi de nyid kyis gnod par byed de/ cung zad tsam mthong ba 'am/ rnam pa thams cad du mi mthong bar 'gyur ro/ /dgun tshe mtshan mo
 mig sman ni/ /rnon po phan pa ma yin te/ /'dzag mi 'gyur bas mig rengs dang/ /g.ya' dang mi gsal la sogs skye/ ces bya ba la/ dgun gyi tshe/ mtshan mo yang mig sman shin tu rno ba phan zhing bde bar byed pa ma yin te/ ci'i phyir zhe na/
 dus de'i tshe mig sman rnon po btang yang grang ba'i nyes pas mig las mchi ma la sogs pa'i nad 'byin cing 'dzag par byed mi nus te/ slar zhing mig sman des mig rengs shing har bag tu 'dag pa dang/ g.ya' ba dang/ mi gsal ba
 bal? sogs pa bskyed par 'gyur ro/ /sogs pa'i sgras ni skrangs pa dang/ mig rdul chags pa dang/ mig dmar ba la sogs skyed par 'gyur ro/ /mig sman mi btang 'jigs dang slon/ /khrus btang zas zos shugs kyis nyen/ /khros dang rims btab
 mig phyir byung/ /klang nad mya ngan gnyid ma log /nyi ma mthong zhing bkrus pa dang/ /chang 'thungs du ba brdubs pa dang/ kha zas ma zhu nyi tshan gdungs/ /nyin nyal skom pa la mi btang/ zhes bya ba la/ skyes bu 'jigs shing sdangs par gyur pa la/ mig sman btang
 du mi rung ngo/ /de bzhin slon zhing skyug pa dang/ bkru sman btang zin pa dang/ zas zos shing 'drangs ma thag dang/ bshad pa dang gci ba la sogs pa'i shugs kyis nyin pa dang/ /khro zhing rdam? pa dang/ rims kyis btab pa dang/ mig phyir byung zhing blog pa dang/
 klad nad kyis gzer ba dang/ mya ngan dang bcad pa dang/ mtshan mo gnyid ma logs pa dang/ nyi ma mthong zhing ma shar ba'i bar dang/ mgo bkrus shing gshed ba dang/ de bzhin du chang 'thungs shing du brdubs pa dang/ de bzhin du kha zas ma zhu ba dang/ nyi tshan
 gyis gdungs pa dang/ nyin par nyal zhing gnyid logs pa dang/ skom gyis nyen pa la mi btang ngo/ /zhes mi btang ba kun la sbyar bar bya'o/ /mig sman rab rno 'jam dang nyung/ /mang sla bska dang rtsub pa dang/ /shin tu bsil dang tsha ba dang/ mig sman bsku bar
 mi bya'o/ /zhes bya ba la/ rab tu rno ba ni ro tsha ba dang/ skyur ba dang/ lan tshwa las sbyar bar mi bya'o/ /de bzhin du rab tu 'jam pa ni ro mngar ba nyi tshe las byas pa'o/ /nyung ba ni chung ches pa'o/ /mang ba ni ches drags pa'o/ /de bzhin shin du sla ba dang/ /
 shin tu bska ba dang/ shin tu rtsub cing reg na mi bde ba dang/ de bzhin du shin tu bsil ba dang/ shin tu tsha ba'i mig sman btang zhing sbyar bar mi bya'o/ /des na mig ni ma phye bar/ /dal gyis nang du khyab par bya/ zhes bya la/ des na de'i 'og
 tu mig sman nang du zhugs shing khyab par bya ba'i phyir/ mig gi 'bras bu ngal gyis bskyed cing bsgul la/ sman gyis khyab par bya'o/ /ci zhig byas nas she na/ ma phye bar zhes bya ste/ mig dbye bar mig 'bras cang? du bskul
 bar bya'o/ /mig sman byugs nas mig mchu ni/ cung zad bskyod la mig sman ni/ /rnon po myur du khyab 'gyur bas/ /dbye dang 'dzums bar mi bya'o/ /mig mchu gnyis ni bsdam pa dang/ /bkru ba dag ni mi bya'o/ zhes bya ba la/ mig sman
 mig du bcug gam/ /byugs nas mig gi mchu cung zad tsam ngal bus bskyod par gyur na/ mig sman rnon pos myur du khyab par gyur pas 'phral du de'i mong la mig sman bcug ma thag dbye ba dang bcum? par mi bya'o/ /de bzhin du de'i mod la
 mig mchu gnyis bsnga ma zhing btsir par yang me bya la/ 'phral du mig 'bru par yang mi bya'o/ /gang tshe mig sman gyis bskus pa'i/ /sman gyi rtsol bzhi gyur na/ /nad kyi dmigs dang mthun pa yi/ chu yis de tshe bkru bar bya/ zhes bya ba la/ gang
 gi tshe mig sman bskus pa 'am byugs pa'i rjes la/ sman gyi nus pa'i mthu rtsol bzhi bar gyur cing/ cha bal sogs pa med par gyur cing/ /de nyid kyis na bde bar gyur pa de'i tshe/ /nad kyi dmigs dang mthun pa'i chu bsil ba dang/ dro ba dang
 bar ma'i dang bzhin can la sogs pas ci bder bkru bar bya'o/ /da nas gos 'jam bcas pa yin/ mthe bo dang ni 'dzum mo yis/ /mig ni tsir na phye ste phyi/ /g.yon pas g.yas pa phyi bar bya/ /gzhan du mig sman blugs pa yis/ /mig mchu
 khyab par nad skyed 'gyur/ zhes bya ba la/ de nas de ltar bkrus pa'i rjes la g.yas pa'i mthob mos gos 'jam po dang bcas/ mig g.yon pa'i mig mchu gong ma bzung la tsir na tsam du phyi zhing bsal par bya'o/ /g.yon pa'i
 mthe po gong dang bcas pas ni/ g.yas pa'i mig mchu gong ma bzung nas phyi bar bya'o/ /de las gzhan du mig sman blugs pa'i rjes la spyad zhing phyi ba ma byas na mig sman blugs pas nad kyi mig mchur? khyab cing phyin pas/ /nad kyi gnod pa skyed par
 'gyur ro/ /de bas na mig sman btang pa'i rjes la/ /mig mchu bkru ba dang phyi bar bya'o/ /sman gyis g.ya''am rtul gyur na/ /rnon po 'am dung pa brdub par bya/ zhes bya ba la/ mig sman bcug nas mig g.ya' pa 'am rtul bar gyur na/ mig sman
 rnon po 'am/ du ba brdub par bya'o/ /mig sman rnon pos cha gyur na/ /slar 'chos mig sman bsil byed gzhug/ ces bya ba la/ mig sman rnon po byugs pas mig rab tu cha bar gyur na/ tsha bde nye bar zhi bar bya ba'i phyir bsil zhing grang ba'i phyi ma'i
 mig sman gzhug par bya'o/ /mig sman de ni sla 'chos shing gso bar byed pas na/ mig sman slar 'chos ba zhes bya ba'o/ /yan lag brgyad pa'i snying pa bsdus pa'i rnam par 'grel pa/ tshig don gyi zla zer zhes bya ba slob dpon zla ba la dga' bas
 rnam par sbyar ba las/ /le'u nyi shu gsum pa'i rnam par 'grel pa'o// //de nas mig brta pa'i cho ga dang/ mig sman gyi phur ma bsregs shing btsos pa'i/ khu ba mig du blugs pa'i cho ga'i le'u bshad par bya'o/ zhes bya ba la/ 'di brtsams
 pa'i 'brel pa ni 'di yin te/ mig sman rnon pas tsha bar gyur na snar 'chos pa'i mig sman gyi phye ma bsil par bzhug par bya'o/ /zhes bshad pas mig brta zhing tshim par bya ba yang phal cher de dang 'dra bas 'dir bshad pa yin no/ /de la mig
 blta ba dang bsreg cing btso po'i cho ga gzhung gang du ston pa byed pa'i le'u bshad cing bstan par bya'o zhes pa'o/ /mig mi 'dzums mi shas dangs bag bskam? par rtsub dang snang pa dang/ /rlung mkhris nad gyur zhum bag dang/ /rdzi ma byi zhing g.yogs par mthong/ /dbye dkar rtsa ni
 brtse ba dang/ mig gi rtsa 'gyur mi mthong dang/ /dmar zhing 'chi 'dzag blang bya na/ /rlung nad kun 'gro ling rtog can/ /mig nad rtse zhil mchi ma 'dzag/ na zhing dmar la mig dzu? chags/ /thun mong dus su nad par mar/ dgongs ka
 gan rkyal nyal nas ni/ lus dang mgo sbyar rlung med pa'i/ gnas su brta ba'i sman btang ngo/ zhes bya ba la/ mig na zhing 'dzums mi shes pa dag la mig brta ba'i sman blugs par bya'o/ /reng bag ni bskyod cing 'gul mi shes pa'o/ /skam pa ni
 yongs su bskam pa'o/ /rtsub pa ni snum pa'i mdangs kyi yon tan dang bral pa'o/ /snang pa ni phral du mngon par snang pa'o/ /rlung dang mkhris pa'i nad ni de gnyis las gyur pa'i nad kyis nyen pa'o/ /zhum bag ni rlung zhing? bdag? gis mig yon bor gyur
 pa'o/ /rdzim byi? ba ni mig gang gi rdzim rnams nad kyi byi bar gyur pa dang/ de bzhin du g.yogs par mthong ba ni/ sprin gyis g.yogs pa dang 'bra bar mi gsal bar mthong ba'am/ yang na sngon dmar du mar mthong pa ste/ de la brta pa'i
 sman bar bya'o/ /de bzhin dbye dka' ba la sogs pas nyen cing na bal sogs pa mig nad rnams dang yang mig nad la sogs pa rtsa zhil zhing cung zad bri ba dang/ yang dus gang thun mong du gyur cing/ grang dro ran pa dang/ dbyid
 dang ston gyi dus de'i tshe na yang nang par te nam langs pa dang dgongs ka ste nyi ma nub pa'i/ dus su skyes bu gan rkyal du nyal nas sngar lus dang mgo bo sbyangs shing bkru sman btang zhing sbyar ba la rlung med pa'i gnas su brta ba'i mig
 sman btang par bya'o/ /nas sam mA Sha'i rje na zan gyis/ /mig snubs mdza' bskor mnyam pa ni/ /dpangs su song gnyis brtan byas le nad? dmigs ji bzhin sman bskol ba/ zhun mar chu tshan la bsros te/ /mig ni btsums?
 bar blug par bya/ zhes bya ba la/ nas kyi rjen phye sbrus pa las/ sman mi 'pho? ba'i rten byas la/ zhun mar mig tu blugs par bya'o/ /bskor ba de yang mig spubs kyi phyi rol nas bskol bar bya la/ de yang mnyam zhing snyoms par bya'i/ /mi mnyam par ni mi
 bya ba dang/ dpangs kyi tshad? sor gnyis su bya ba dang/ de bzhin du brtan pa stegs pa med par byas la/ de'i 'og tu bskor ba der nad dmigs ji bzhin zhes bya ba rlung la sogs pa'i nad gang las gyur ba'i sel pa'i sman dang bskol cing btsos?
 ba'i zhun mar chu tsha ba la bsros shing bzhus te dro grang ran par byas pa'i zhun mar de mig btsums bar blugs par bya'o/ /mtshan mo mi mthong rlung rab rib/ /dbye dka' sogs la tshil zhun blug/ rdzi ma'i rtse nub bar bkang la/ de nas bskyod
 cing dbye ba ni/ /de ni ngal gyis byed du gzhug/ tshad dag bgrang? bya de la ni/ zhes bya ba la/ mtshan mo mi mthong ba la sogs pa'i mig nad kyis btab pa la rang rang gi sman gang yin pa dang/ bcos pa'i tshul gyi zhun mar snga ma ltar pa so so ba
 blugs par bya'o/ /de la rdzi ma'i rtse mo nub par gyur gyis bar dang/ smin ma'i spur phyin gyi bar du bkang bar bya'o/ /de nas blugs zin ba'i rjes la/ mig ni bskyod cing dbye ba skyed bu ngal gyis bags kyis byed du gzhug la/ de'i grangs kyi tshad bgrang
 zhing bzung bar bya'o/ /de la ni mig mchu 'gram dkar nag na/ grangs brgya sum brgya lnga brgya dang/ /brgya phrag bdun dang brgyad ni ma bzhin/ /dkrugs dang rlung la grangs stong ste/ /mkhris pa nad med la drug brgya/ /bad kan la ni lnga brgya bzhag ces bya ba la/ de la
 gdab 'grang ba'i tshul ni/ mig mchu'i nad la grangs brgya'i tshad kyi bar du bzhag par bya'o/ /mig 'gram gyi nad la ni/ grangs sum brgya'i bar du bzhag go/ mig gi 'bras bu dkar po'i cha la nad yod pa la grangs bdun brgya'i bar du bzhag par
 bya'o/ /nag po mthong ba tshal nad yod pa la ni grangs brgyad brgya'i bar du bzhag go/ de bzhin du mig bkrugs pa snyam sems pa dang rlung gi nad la ni grangs stong gi bar du bzhag go/ 'khris pa'i nad dang nad med cing tha mal bar
 gnas pa'i skabs su gtong pa la ni grangs drug brgya'i bar du bzhag par bya'o/ /bad kan gyi nad la ni grangs lnga brgya'i bar du bzhag par bya'o/ /de nas mig 'gram 'dzag sgo bya/ /sman mar snod du gzag par bya/ /dud pa brdubs nas/ /nam mkha' dang/ /gzugs
 'tsher ba ni lta mi bya/ zhes bya ba la/ grangs bgrang ba rdzogs pa de'i rjes la blta ba'i snum blugs pa gang yin pa de/ dbo zhing gzag par bya'o/ /de yang ji ltar zhe na mig 'gram rna ba dang nye ba'i phyogs su mig zur gyi 'dzag pa'i sgo'i bu ga byas la/ sman
 mar snod bzed par gzag par bya'o/ /de na de'i 'og tu snum gyis glongs pa'i bad kan zhi bar bya ba'i phyir/ /du ba brdub par bya'o/ /de nas de'i mod la nam mkha' la mi lta ba dang/ me dang nyi ma la sogs pa gzugs 'tsher ba la blta bar mi bya'o/ /
 de ltar rlung la nyin re bya/ /mkhris par nyin re bar du bcad/ /bad kan bder gnas gnyis par bcad/ tshim par gyur gyi bar du btang/ /de lta bshad pa rnams rlung gi nad dang ldan pa la ni nyin re btang la/ tshim par gyur gyi bar du mi bcad par bya'o//
 mkhris pa las gyur pa'i mig nad la ni/ tshul 'di nyid kyis nyi ma gcig gi bar du bcad cing nyin res chod par byas la btang ngo/ /bad kan dang bde bar gnas pa'i skabs su ni nyi ma gnyis gnyis kyi bar du bcad cing btang ste/ tshim par gyur
 gyi bar du btang zhes pa ni thams cad la btang ngo/ /tshim pa gsal bar mthong nus shing/ /bde zhing mig yang dri ma med/ /mtshim pa las go bzlog yin/ /tshim drags bad kan nad bskyed 'gyur/ /zhes bya ba la mig legs par tshim
 zhing nges? par gyur na dngos po gsal bar mthong bar nus pa dang/ de bzhin du bde zhing nad med ba dang/ yang pag dang legs par brtas par byas pas mig rang bzhin gyis dri ma med cing dag la/ rab rib la sogs pa'i nyes ba dang bral bar 'gyur ro/ /gal
 te yang tshim par ma gyur na/ bshad ma thag pa'i legs par tshim pa'i mtshan nyid la sogs pa gsal bar mthong mi nus pas na dri ma dang bcas pa'i bar du 'gyur ro/ /tshim drags shing brtas par byas drags na/ /bad kan las
 byung ba'i nad rnams bskyed cing 'byung bar 'gyur ro/ /de yi lus kyi snum 'thungs ltar/ /mi gsal mthong ba nyam chung 'gyur/ /de bas brta ba'i rjes la ni/ mthong ba'i thabs ni skyed byed pa/ sngar bshad pa yi mig nad la/ /phur ma btsos pa sbyar ba dbya/
 zhes bya ba la/ tshim pa byas pa'i mig ni mthong ba'i stobs zhan bar 'gyur te/ dper na lus kyi khong du snum 'thungs pa na/ nyam chung zhing cung zad rmya la/ stobs chung ba dang 'dra bar mig sman 'thungs pas kyang stobs chung zhing mi gsal bar 'gyur ro/ /de
 bas nas mig brta tshim par byas ba'i rjes la mthong ba'i stobs gsal bar byed pa dang/ skyed par nus pa'i mig sman phur ma btsos pa'i khu ba mig gnyis su blugs par bya zhing sbyar bar bya'o/ /de yang sngar bshad pa'i mig nad mig dbye bar dka' ba
 la sogs pa la phur ma btsos pa'i khu ba btang bar bya'o/ /de ni rlung la snum can te/ bad kan bcas te phyi ba phan/ /mthong nyams rlung dang mkhris bcas dang/ /khrag mkhris bder gnas la gsal byed/ ces bya ba la/ mig sman btsos pa'i
 khu ba de ni rlung las gyur pa'i mig nad la snum can btang bar bya'o/ /de bzhin du bad kan dang bcas pa'i rlung la ni phyi ba'i mig sman phan pa yin no/ /mthong ba nyams shing mi gsal ba dang/ rlung dang mkhris par bcas pa dang/ khrag dang mkhris pa'i nad?
 dang/ bde bar gnas shing nad med pa'i skabs la ni gsal bar byed pa'i mig sman gyi phur ma btsos pa'i thigs pa mig du blugs par bya'o/ /khung gnas mthus tshol rlan can gyi/ /tshil dang rkang dang zhag sha rlon/ /'o ma dag
 dang btags pa dang/ /'tsho byed dag dang snum sbyar ba'o/ /zhes bya ba la/ khung na gnas pa ni sa la brten cing phug na gnas pa ste/ sra ma dang phyi ba la sogs pa'o/ /mthus tshol ba ni bya rgod dang/ khra la sogs pa'o/ /rlan can la gnas pa ni dad pa dang/
 chu skyar la sogs pa ste/ de rnams kyi tshil dang/ de bzhin du sha rlon pa rnams 'o ma dang lhan cig tu btags pa dang/ de bzhin du sman 'tsho byed la sogs pa dag 'o ma dang btags shing sbyar ba'i snum gyi khu ba rnams ni mig tu blugs pa'i/ gu'i?
 thigs pa'i don du btag par bya'o/ /ri dags bya yi mcher pa sha/ mu tig lcags zangs rgyam tshwa dung/ /rgya mtsho'i sbu ba lig bu mig/ ba la zho ga chu sbyar phyi/ zhes bya ba la/ ri dags ni sha bkra la sogs pa'o/ /bya ni la ba la sogs pa ste/ /de rnams
 kyi mcher ba dang/ sha rlon pa dang/ de bzhin du mu tig dang/ lcags kyi phye ma dang/ zangs kyi phye ma dang/ rgyam tshwa dang/ lce myang tshwa dang/ dung dang/ lig bu mig ste/ so tany+dza na dang/ rgya mtsho'i spu ba dang/ ba bla ste/ 'di rnams zho kha chu dang btags la
 blugs pa'i mig sman phyi zhing bsal ba'i don du brtag par bya'o/ /ri dags bya yi mtshar ba rkang/ lto tshil rgyu ma snying dang sha/ mngar bag mar bcas nu zho sbyar/ btags pa bsal bar byad pa yin/ zhes bya ba la/ ri dags dang bya ni sngar bshad par
 zad de/ de rnams kyi mcher pa la sogs pa dang/ de bzhin du sman mngar bag 'tsho byed la sogs pa/ mar dang btsas pa rnams nu zho zhes bya ba bud med kyi nu zho dang sbyar zhing btags pa'i sman gyi phur ma btsos pa'i khu ba ni mig gsal
 bar byed pa zhes bya ba'i don no/ /sha dang sman gyi lde gu ni/ /gong bu srang gcig so sor byas/ /e ra Na n+ya gro d+ha pad+ma yi/ lo ma rnon pos rim bzhin du/ /dkris la 'jam pas byugs nas ni/ /dab dkon pa'i lci ba'i me/ /'bar bar yongs su bsreg par bya/ /tshos nas de
 yi zhu ba btsir/ /mig tu brta ba'i sman ltar blugs/ zhes bya ba la/ sngar bshad pa'i sha dang/ sman gyis so sor srang re re tsam zhig byas la/ sman dang sha'i lde gu'i gong bu gcig tu bsres shing bsdus pa'i gong bu e raN+Da dang/ /n+ya gro d+ha dang/ pad+ma'i lo
 mas dkris par bya ste/ de yang snum gyi snum btsos pa'i e raN+Da'i lo mas dkri bar bya'o/ /de bzhin du phyi zhing bsal ba'i sman gyi phur ma brtso ba ni/ n+ya gro d+ha'i 'dab mas dkri bar bya'o/ /de bzhin du gsal bar byed pa'i sman gyi phur ma ni pad+ma'i lo mas dkri
 bar bya'o/ /de ltar dkris pa'i 'og tu 'jim pas byugs te/ shing dab dang/ dkon po'i ba'i lci ba'i me gang rnyed pa spar bar ji srid du me'i mdog ltar snang gi bar du btsos la/ de ltar tshos par shes nas khu ba de btsir te/ mig tu blta ba'i sman gyi khu ba
 blugs par bya ste/ ji ltar mig brta ba'i sman/ mig tu lugs pa na/ nas dang mon sran gre'u'i rjen zan gyis bskor nas ldugs pa de bzhin du sman gyi phur ma btsos shing bsregs pa'i khu ba blugs nas mig dal bus bskyod par bya'o/ /spyi dang snum
 dag gsal ba la/ /brgya phrag gcig gnyis gsum car bzhag/ dang po dro 'jam phyi bsil blugs/ /de gnyis rjes la dud pa brdug des ni sbyar ba brta dang mtshungs/ zhes bya ba la/ phyi ba'i sman gyi thigs pa mig tu blugs pa mtshad kyi grangs
 brgya'i bar du bzhag par bya'o/ /snum gyi phur ma btsos pa la ni/ nyis brgya'i bar du gzhag par bya'o/ /gsal bar bya ba'i sman brtsos pa'i thigs pa blugs pa ni sum brgya'i bar du bzhag par bya'o/ /dang bo zhes bya ba slar bstan pa'i byi
 ba dang/ snum par bya ba gnyis la ni dro 'jam zhes bya ba/ cung zad tsam dro ba mig tu blugs par bya'o/ /phyi ma ste tha ma gsal bar bya ba'i sman gyi thigs pa bsil zhing grang ba blugs pa bya'o/ de gnyis zhes bya ba phyi ba dang snum
 bar bya ba'i phyir mig sman btang ba'i rjes de mthar dud pa brdub? bar bya ba'i gsum pa gsal bar byed pa'i sman blugs pa la ni ma yin no/ /yang sman gyi phur ma btsos ba'i thigs pa mig tu blugs pa gsum po'i skabs der sbyor ba ste/ legs pa dang
 ma lags pa drags ba'i sbyor ba gsum ni brta ba'i sbyor ba bshad pa dang 'dra zhing mtshungs so/ /zhes bya ba'i don de gsal bar mthong ba nas bdag na gyi nang du 'gyur ba'i bar du gong ma bzhin du shes par bya'o/ /brta dang phur btsos kyi thigs pa blugs//
 sna sman mi bya la mi btang/ zhes bya ba la/ brta ba dang sman gyi thigs pa blugs pa gnyis ka yang sna sman btang du mi rung ba'i skyes bu la btang bar mi bya'o/ /ji srid du ni sman gtong ba/ de yi nyis 'gyur 'phrod pa bza' / zhes bya ba la/ brta ba dang mig sman
 gyi thigs pa blugs pa 'di gnyis ka dus ji srid de/ nyin zhag gi grangs su sman btang ba'i nyin zhag de nyis 'gyur gyi dus kyi bar du 'phrod pa bza' zhing/ phan pa'i zas dang spyod lam bsten par bya'o/ /me tog dzA ti mal+li kas/ /mig bcings mtshan mo
 gnas par bya/ zhes bya ba la/ me tog dzA ti ni so ma na'o/ /mal+li ka ni me tog rtseg ma can te/ me tog des skyes bu'i mig bcings te/ mtshan mo gnas par bya'o/ /sna sman mig sman brta ba la sogs pas/ /mig mthu bskyed cing kun tu 'bad bar
 bya/ /mthong ba nyams na 'gro ba sna tshogs pa 'am/ /min pa'i rang bzhin tshul gcig nyid du 'gyur/ zhes bya ba la/ kun tu 'am/ rnam pa thams cad du mig gi mthu bskyed cing/ mig bsrung bar bya ba'i phyir/ 'bad cing brtson par bya'o/ /gang gis
 she na/ sna sman la sogs pa ste/ sman sna nas btang ba dang/ mig sman bsku ba dang/ brta ba dang/ sman gyi bu ram bsregs pa'i khu ba mig tu blugs pa la sogs pas mthu bskyed par bya'o/ /ci'i phyir zhe na/ 'di ltar mthong ba nyams shing gsal bar lta ba dang bral na/ 'gro
 ba sna tshogs pa tshul tha dad pa 'di dag kyang mun pa'i rang bzhin du gyur pas tshul gcig pa nyid du 'gyur ba ste/ mun nag gi rang bzhin du tha dad cing rab rib gyi mun pas khebs pas snang ba'i tshul dang dral zhing bye brag tu shes pa med par gyur ro/ /yan lag
 brgyad pa'i snying po bsdus pa'i rnam par 'grel pa/ tshig gi don gyi zla zer zhes bya ba/ slob dpon zla ba la dga' bas rnam par sbyar ba las le'u nyi shu rtsa bzhi pa'i rnam par 'grel pa'o// //de nas cha dpyad kyi cho ga'i le'u bshad par bya'o/ /zhes
 bya ba la 'di brtsams pa'i dgos pa ni 'di yin te/ sman mas btang ba nas/ mig sman gyi bar gyi rang rang gi cha dpyad gang dag yin pa bshad nas/ de'i 'og tu zug rngu dbyung ba la sogs pa'i cha dpyad sna tshogs pa gang dag dgos pa de bstan par
 bya ba'i phyir/ /de'i 'og tu 'di brtsams pa yin la/ de'i cho ga gang dag yin pa bstan pa smras pa ni/ zug rngu rnam pa sna tshogs dang/ lus ni sna tshogs gnod byed par 'byin pa'i thabs su gang gyur pa/ dpyad yin de bzhin gzhang 'brum dang/ /mtshan par
 brdol sogs lta ba dang/ /gcig bu thal sman me btab pa'i/ /yan lag lhag ma gsung phyir dang/ /mas btang la sogs dpyad ma gtogs/ /dum bu ku bar dang ni/ /'dzam bu'i mchu la sogs dpyad yin/ zhes bya ba la/ skyes bu'i lus la gnod par
 byed pa'i zug rngu ste/ mtshon gyi dum bu nang du lus pa rnam pa sna tshogs shing dbyibs dang las du mar gyur pa dang/ de bzhin du lus kyi phyogs sna tshogs pa rnams su gnod par byed cing khong du zug pas lus kyi phyogs du ma dang/ nad rnam pa sna tshogs skyed pas gnod
 bar byed cing/ nye bar 'joms par byed pa rnams 'dzin cing lus kyi phyogs kyi nad na gnas pa rnams phyir 'dren par byed pa'i thabs su gyur pa gang yin pa de la ni cha dpyad ces bya ba la/ /de 'ba' zhig tu ma zad kyi gzhang 'brum
 dang/ mtshan bar brdol bal sogs pa'i nad tshol zhing rtogs par byed pa dang/ /mtshon du de bzhin du btsag bu dang/ thal sman rnon po dang/ me btsa' gdab par bya ba'i nad de gzhang 'brum dang mtshan par brdol ba'i nad kyis nyen pa blta ba'i dpyad
 dang/ btsag bu dang thal sman rnon po dang me btsa' gdab par bya ba'i rigs pa ma gtog pa yan lag lhag ma nad kyis gnod pas nyes de bsrung zhing bskyang bar bya ba'i phyir dang/ de bzhin du mas btang ba la sogs pa'i las rnams kyi dpyad
 ma gtogs pa gnas skabs gzhan dag tu dgos pa'i cha dpyad dum bu dang bsku ba dang/ rda bas rwa dang/ 'dzam bu'i mchu 'dra ba la sogs pa'i cha dpyad kyi dngos po thams cad ni cha dpyad ces bya ba yin no/ /'dzam bu'i mchu ni thal sman
 'ju bar byed pa'o/ /dpyad de dag ni 'dzin cing sdud pas zug rngu la sogs pa gang gis 'byin par byed pa de la cha dpyad ces bya'o/ /gang phyir cha dpyad cho ga bzhin/ /sna tshogs pa'i tshul bu btang bya/ blo yis rnam dpyad bya ba ni/ /rags
 rim tsam zhig bstan pa yin/ zhes bya ba la/ gang gyi phyir zug rngu 'byin pa la sogs pa'i cha dpyad/ las kyi cho ga gang ji ltar dgos pa bzhin du sna tshogs pa'i tshul/ dbyibs du mar na ba dang/ mi'i lus la phan par byed nus pa'i tshul
 sna tshogs par brdud bar byas la/ de yang las kyi tshul las blos rnam par dpyad la rnam par rtogs nas ci rigs par brdung bar bya ba yin la/ de dag las kho bos ni rigs rim tsam zhig ste/ mdor tsam zhig brtan yin gyi/
 de dag gi grangs 'di tsam zhig bya'o zhes nges par bstan pa ma yin no/ /seng ge kangka dom bya rog /ri dags bya sogs khang? 'dra ba'i/ mchu can cha dpyad byas nas ni/ /de yi ming yang gdags par bya/ /phal cher lcags kyi rgyu las ni/ /srid du sor ni bco brgyad bya//
 sgam pa ? ba'i mtshams su ni/ /sran chung lta bu bu'i gzer btab pa/ rtsa ba lcags kyu ltar bkug pa'i cha dpyad bde legs yin zhes bya/ /rtse mo g.yung drung lta bu'o/ zhes bya ba la/ seng ge dang kangka la sogs pa ri dags dang bya rnams kyi mchu dang 'dra
 zhing mtshungs pa'i cha dpyad bya la cha dpyad de dag kyang de'i ming gdags par bya ste/ /gang gi mchu dang gang 'dra ba de la de'i ming gdags bar bya ste/ dper na kangka'i mchu la bya rog gi mchu lta bu zhes bya ba la sogs pa'o/ /de dag kyang phal cher ram mang
 du lcags kyi rgyu las bya la/ tshad ni phal cher sor bco brgyad par bya'o/ /skam pa de dag gi sprel ba'i mtshams kha'i 'og tu sran chung lta bu ste/ rtse mo sran chung ltar zlum pa'i gzer bu legs par btab la/ de bzhin du rtsa ba de lag pas gzung
 pa'i phyogs su lcags kyu lta bu bkug cing 'khyog par bya ba'i cha dpyad de ni ming bde legs zhes bya ba yin te/ rtse mo g.yung drung lta bu'o/ /de ni brtan por rus zug pa'i/ zug rngu 'byin la sbyar bar bya/ zhes bya ba la/ bde legs zhes bya ba'i cha
 dpyad brtan zhing mi 'jigs pas rus par zug ba'i zug rngu gang yin ba de 'byin cing dbyung ba la sbyar bar bya'o/ /gzer btab rtse mo gyes pa dag /skam pa yin te sor bcu drug/ des ni bags pa sha rgyus shar/ zhes pa'i zug rngu ba byin la sbyar/ zhes
 bya ba la/ skam pa ni gnyis bya ste/ de las gcig ni rtse mo'i phyogs su gzer bu btab cing bsdams pa dang bcas pa'o/ /gnyis pa ni rtse mo gyes shing rtse mo gser bus ma btab la/ kham bsdams pa'o/ /skam pa de gnyis g.yang srid
 sor bcu drug bya'o/ /de gnyis ni pags pa la sogs par nub cing zhen pa'i zug rngu de dbyung zhing 'dren pa la sbyar zhing btang par bstan to/ /skam pa sor drug zug rngu phra/ /rdzim ma rungs 'byin la sbyar/ zhes bya ba la/ skam pa de las gzhan
 pa srid ser drug yod pa/ /kha gyes pa nyid du bya la/ des ni zug rngu phra ba ste/ mig gi rma la sogs par rtog pa dang/ de bzhin du rdzim ma rungs pa ste/ mig gi rma'i nang du zhugs pa 'byin pa la sbyar ro/ /so phrag drang zhing rtsa ba ni gdu bus brgyan pa mu
 tsu ti/ /des rma gting du zug pa dang/ /mig mdzer gting du lus la sbyar/ zhes bya ba la/ cha dpyad gang so phra mo gtod pa byas pa de yang drang zhing rtse mo gnyis drang por bya'o/ /de'i tshad ma smos pas 'das ma thag pa'i sor drug nyid yin par shes par
 bya'o/ /de'i rtsa ba ni lag pas gzung ba'i phyogs te/ /der gdu bus brgyan pa zhes bya ba dam du bsdam pa'i phyir lcags kyi 'khyung mos bdu bu lnga bur dkris pa gang yin pa de la gdu bur brgyan pa zhes bya'o/ /de'i ming ni mu rtsu ti zhes bya ba la/ des rma gting du zug pa
 dang de bzhin du mig mdzer bting du lus te ma thon pa la sbyar bar bya'o/ /bzhi po de dag ni cha dpyad skam pa zhes bya ba yin no/ /nya mgo 'dra ba sor bcu gnyis/ /cha dpyad gnyis pa gcig pa bya/ /nya mgo lta bu zhes bshad de/ rna khung zug rngu 'byin la sbyar/ zhes bya ba la/
 drang srong gis cha dpyad nya mgo lta bu ni gnyis yod par bshad de/ de gnyi ga yang nya mgo dang 'dra zhing sor bcu gnyis pa yin la/ de yang nya'i mgo bo'i lkog ma 'dra bas na/ nya mgo'i mgul pa lta bur zhes bya ba'i don no/ /de la nya mgo gnyis 'dra ba yod pa dang
 gcig 'dra ba yod pa ste/ des na gcig ni nya'i mgul pa lta bu gnyis dang ldan pa'o/ /gnyis ni nya'i mgul pa lta bu gcig dang ldan pa'o/ /de gnyi gas kyang rna khung na gnas pa'i zug rngu 'byin pa'i las la sbyor bar bya ste/ de na gnas pa'i zug rngu
 de? gnyis kyis dbyad par bya'o/ /cha dpyad spu gu can smras pa ni cha dpyad sbu gu can khong stong/ /rtse mo gcig gam mang po bya/ /des ni bu ga'i zug rngu dang/ nad yod lta dang dbyung ba dang/ /bya ba sla ba bya phyir dang/ /dgang par bya ba'i don du bya/ /de yi zhang dang sboms srid
 tshad/ /bu ga'i chad lis dpag pa bya/ zhes bya ba la/ cha dpyad spu gu can ni nad khong stong du byas pa la rtse mo kha gcig pa 'am/ kha mang po pa dgos pa du ma'i dbang las byas la/ des ni gre ba la sogs pa bu ga na gnas pa'i zug rngu rnams dang/ de na gnas
 pa'i yod pa dag blta bar bya ba'i phyir dang/ de bzhin du bya ste/ zug rngu dbyung ba dang gcig pu gdab pa dang/ thal sman dang me btsa' gdab pa la sogs pa'i las kyi bya ba sla bar bya ba'i phyir dang/ de bzhin du dgang ba bya ba'i phyir bya ste/ de'i zheng
 ste sboms dang/ srid de dpangs kyi chad ni bu ga'i tshad las zhes bya ba la/ gang gi bu ga gang du gtong pa de'i tshad las dpags nas cing rigs par bya'o/ /de yang zheng zhes bya ba ni/ logs gcig nas gcig tu phyin pa'i tshad la bya la/ sboms ni 'byung pa'i
 tshad yongs su chad pa la bya'o/ /srid ni dbangs te/ sngar bshad pa'i cha dpyad las ring par bya'o/ /srid du sor bcu sboms sor lnga/ /gre ba'i zug rngu rtog byed yin/ /rtse mo lnga pa bu ga can/ /rtse mo bzhi pa spyi mdung bya/ /cha dpyad thur ma gnyis pa ni/ /bu ga gsum pa
 de'i tshe bya/ /cha dpyad pa rang+ga'i dbyi ba dang/ /sboms dang mchu yi tshad mnyam pa'i/ /sbu gu de 'dra gzhan dag kyang/ /cha dpyad shes pa byed tu gzhug /ces bya ba la/ cha dpyad spu gu can bya'o/ zhes bya bar sbyar ro/ /de'i tshad kyang srid du sor bcu bya la/ de nyid kyis
 na de'i sboms kyi tshad sor lnga par bya'o/ /'dis rtog cing lta bar byed pa yin pas na rtog par byed pa ste/ gre pa'i nang du zug pa'i zug rngu blta par bya ba'i don du bya'o/ /yang na spu gu gzhan rtse mo lnga pa'i bu ga yod pa spu gu de lta bu bya
 len rtse mo bzhi pa'i spyir bsdu bar bya ste/ /mda' la sogs pa nang du zhugs pa brtag pa'i phyir thur ma rtse mo can gtong ba ni thur ma zhes bya'o/ /de bzhin du cha spyad thur ma rtse mo gnyis pa yi ni spu gu can bu ga gsum po can
 bya ste/ de yang snga mi'i chad du bya'o/ /cha dbyad pa rang+ga de'i dbyibs dang sboms dang mchu'i tshad dang mnyam pa'i sbu gu bya la/ yang sbu gu de dang 'dra ba na/ stong pa la rtse mo gcig pa dang/ rtse mo mang po yod pa gzhan dag kyang zug
 rngu blta zhing brtag par bya ba'i phyir cha dpyad la mkhas pa gzhan dag byed du bzhug go /rtse mo pad+ma'i snying po 'dra/ /srid du sor ni bcu gnyis pa/ /bzhi pa khong stong byas spu gu /zug rngu 'byin pa yin par bshad/ ces bya ba la/ zug rngu 'byin pa'i cha byad mi
 'gul ba'i zug rngu dbyung bar bya ba'i phyir/ rtse mo ste mgo bo'i phyogs pad+ma'i snying po kar+Na ka'i dbyibs 'dra zhing mtshungs pa tshad srid du sor bcu gnyis yod pa bzhi cha khong stong yod pa ste/ sor gsum gyi bar khong stong du byas pa de ni zug rngu
 'byin pa yin par 'dod do/ /gzhang 'brum cha dpyad pa yi ni/ /nu sor 'dra ba sor bzhi pa/ /skyes pa'i sor ldas 'khyung pa ste/ /bud med sor drug gis 'khyung bya/ /nad blta ba la bu ga gnyis/ /las la bu ga gcig pa bya/ /dbus kyi bu ga sor
 gsum pa/ /mthe bong shod ba tsam du bya/ /de steng rtse mo zlum po ni/ /dbangs su sor ni phyed par bya/ zhes bya ba la/ gzhang 'brum 'chos pa'i cha dpyad ni/ ba'i nu song dang 'dra ba'i dbyibs 'dra ba byas la/ srid sor bzhi yod pa/ skyes pa la
 stong pa'i sboms sor lngas 'khyung pa byas la/ bud med kyi gzhang 'brum 'chos pa'i cha dpyad ni sor drug gi 'khyung pa'i sboms yod par bya'o/ /nad blta ba ni gzhang 'brum gyi nad rtog pa'o/ /bu ga gnyis ni das gnyis ka la bu ga yod
 par byas pa'o/ /de bzhin du gzhang 'brum bkas pa dang/ bcad pa dang thal sman rnon po gtong ba'i las rnams kyi cha dpyad ni/ snga ma lta bu la bu ga gcig par bya'o/ /de lta na mngon sum du blta ba'i phyir ni bu ga gnyis pas bya/ btsag pa dang thal sman dang/ me bca' gdab pa mi
 'gyur bar bya ba'i phyir ni/ bu ga gcig par bya'o/ /cha dpyad 'di'i dbus kyi bu ga ni/ srid du sor gsum par bya'o/ /mthe bo'i lhag shod pa ste/ rgyang mthe bo'i lto dang zheng mnyam par bya'o/ /yang bu ga de'i rtse 'am/ /steng ma ni dbyibs zlum pa la dpangs sor byed yod pa/
 sor chad du bstan pa de'i steng du lhag ma sor phyed yod par lte ba zlum po sor phyed bya ba'i don no/ /khar bkrol de 'dra'i bu ga med cha dpyad gzhang 'brum btsir la sbyar zhes bya ba la/ khar bkrol lta bu zhes bya ba'i cha byad ni bu ga'i rnam pa bshad ma thag pa'i gzhang 'brum
 gyi rnam pa 'dra ba la/ bu ga med pa ste/ ngos gnyis su bu ga gtod pa med pa'o/ /de lta bu'i cha dpyad ni gzhang 'brum gyi nad btsir ba'i don du bya'o/ /mtshan par brdol la rnam kun tu/ /bu ga yan chad bsal bar bya/ zhes bya ba la/ mtshan par rdol ba'i nad gso ba'i cha
 dpyad ni rnam pa thams cad nas thams cad du bu ga yan chad kyi lte ba de bsal zhing med par bya ste/ cha dpyad 'di las ni dbus ma'i lte ba med par bya ba'i don? to?/ /sna yi? shu ba'i 'brum pa la/ bu ga gcig pa sor gnyis bya/ /zheng du mdzub mo'i tshad tsam las/ /
 mtshan par rdol gyi dpyad 'dra bya/ /sor mo srung phyir ba so 'am/ /shing gi shugs ni sor bzhi bya/ ba yi nu 'dra bu ga gnyis/ /de yi la ni dbye bar bya/ zhes bya ba la/ sna'i nang gi 'brum pa bsal zhing bcad pa'i cha dpyad ni/ bu ga gcig pa bya la/ dbangs su
 gnyis pa/ zheng gi tshad mdzub mo tsam la mtshan par brdol gyi cha dpyad dang 'dra bar dbus ma'i lte ba med par bya'o/ /de stong par byed pa na sman pa'i sor mo bsrung zhing gnod pa med par bya ba'i phyir ba so las byas pa'am/ shing las byas pa'i shugs?
 dpangs su sor bzhi yod pa/ /bu ga gnyis pa yod pa bya la/ cha dpyad de'i rnam pa ni ba'i nu ma 'dra bar bya'o/ /yang cha dpyad de'i kha bye zhing gyes par byas la/ 'khrig mar srad bus dam du bcing bar bya'o/ /mo mtshan cha brtag dbus su ni//
 khong stong sor ni bcu drug pa/ /phyogs bzhir gdu bus bcing bar bya/ /rtse mo pad+ma kha zlum 'dra/ /thur ma bzhi ni mnan pa yis/ /rtsa ba bsdams na kha 'bye bya/ /zhes bya ba la/ mo mtshan nam mngal du rma byung ba brtag cing blta ba'i cha dpyad ni dbus khong stong du
 byas pa srid sor bcu drug yod par gdu bu 'dra ba'i mkhyud kyis bcings pa'i phyogs bzhir thur ma bzhi yod par bya zhing/ bskul pa'i rtse mo gdu bu 'dra bas bcings pa dang/ de bzhin du pad+ma kha zlum pa 'am ma phye ba 'dra ba'i rtse mo yod pa thur ma bzhi yod pa'i
 rtse lag pas bzung ba'i phyogs su bsdams shing btsir na kha 'bye zhing gyes par 'gyur bar bya'o/ /cha dpyad 'jam rtsi'i spubs 'dra la/ /rtsa ba mtheb shod rtse sran shong/ /rtse mo dgag pa med pa la/ /rtsa bar pags 'jam rkyal du bcing/ /rma yi phug ni 'chas pa dang/
 rma bkru ba la sbyar bar bya/ zhes bya ba la/ cha dpyad srid du sor drug yod pa gnyis byas te/ bu ga can gyi rma bsku ba'i phyir dang/ bkru ba'i phyir dgos so ji lta bu zhe na 'jam rtsi'i spu gu 'dra ba ste/ 'jam rtsi'i spu gu dang cha 'dra zhing mtshungs pa gang yin pa de ni/ 'jam
 rtsi'i spu gu 'dra ba'o/ /de'i bu ga ni rtsa ba mthe bo shong ba tsam la rtse mo sran ma shong ba tsam rtse mo'i cha la dgag pa med pa byas la/ rtsa ba'i gnas su lag pa 'jam po'i rkyal bu snum dang 'khrung pa'i sman gyi snod kyi rkyal bu bcings bde lta bu'i cha dpyad dag
 gis rma'i phug 'chas pa dang/ rma bkru ba la sbyar zhing dpyad du ba'o/ /'ong ma'i spu gu 'am sgro rtsa ni/ /'dra ba kha gnyis dmu rdzings dpyad/ ces bya ba la/ dmu rdzings gi nad gso ba'i spu gu kha gnyis pa 'od ma la sogs pa las byas pa 'am/ sgro rtsa ste? rma bya
 la sogs pa'i sgro'i rtsa ba las lcag gu chu gzag pa'i don du la gnyis pa bya'o/ /dud pa mas btang la sogs dpyad/ /rang rang gi ni skabs su smras/ zhes bya ba la/ dud pa btang ba'i cha dpyad ni/ sman gyi dud pa sna nas brdub kyi skabs su bshad pa yin la/ 'jam rtsi'i cha dpyad ni
 mas btang ba'i skabs su bshad pa yin no/ /sogs pa ni mtshan ma la sogs par bshad de/ cha dpyad de dag rang rang gyi le'u bshad pa'i skabs su smras zin pa de las shes par bya'o/ /rdabs rwa kha zheng sor gsum pa/ /dpangs su sor brgyad pa'am bcu/ rtse mo'i
 bu ga yungs kar shong/ /logs bkab nu sor dbyibs 'dra bya/ /zhes bya ba la/ rdabs rwa'i tshad ni kha zheng du sor gsum pa ste/ sor mo gsum gshibs shong ba pa'o/ /de yang nu zho'i nad la sogs pas gzhi bas pa'i phyir bya ste/ de'i dpangs kyi tshad ni sor
 brgyad pa 'am/ /sor bcu pa byas la/ rtse mo ste rwa'i rtse mo'i phyogs kyi bu ga ni yungs kar shong ba rtsam du byas la/ de bzhin du gnas pa ste legs par g.yogs pa ste pags pa srab mo la sogs pas kha bkag cing g.yogs pa'o/ /de bzhin du dbyibs ni nu sor
 gyi tshul du byin gyis phra bar bya'o/ /ku ba srid du sor bcu gnyis/ /khyud khor sor ni bco brgyad pa/ kha zlam sor ni gsum mam bzhi/ /nang 'bar bad kan khrag 'dren byed/ /ces bya ba la/ ku ba ni srid dam dpangs su sor bcu gnyis yod pa la/ khyud 'khor gyi kha zheng
 zlum por bskor ba ni/ bco brgyad kyis 'khor bar bya la/ de bzhin du de 'debs phyogs kyi kha ni zlum po la sor gsum pa'i bzhi pa bya ste/ de ltar na kha zlum po la sor gsum pa 'am sor bzhi pa zlum po kha phyogs su bya ba dang/ de bzhin du nang na 'bar ba ste/
 de'i nang du gro ga 'am 'jag ma 'am rtsa balba dza 'am/ ras bal 'bar ba bcug pa/ /glan pa bcug pa ni bad kan 'khrugs pa'am/ khrag nad can 'dren cing 'byin par byed pa yin pas na/ de'i phyir bad kan 'dren byed ces bya'o/ /de bzhin bum pa de 'dra ba
 glan pas skran kyang 'ju bar byed/ /ces bya ba la bum pas sdabs 'debs pa yang ku ba dang 'dra bar bya ba ste/ srid sor bcu gnyis la/ khyung 'khor sor brgyad pa kha zlum zhing/ sor gsum pa 'am sor bzhi yod pa nad na gro 'am/ rtswa 'jag
 gam sog ma'i me 'bar dang bcas pa de glan pa ni/ skran 'ju bar byed cing 'bri bar byed pa yin no/ /yang zhes bya ba'i sgras ni sngar bshad pa'i ku ba dang 'dra ba'i bad kan dang khrag 'dren par byed do/ zhes bya ba'i don no/ /thur ma zhes bya ba'i cha dpyad ni/ /las dang
 dbyibs ni sna tshogs pa/ /ci rigs pa yi tshad ldan bya/ zhes bya ba la/ cha dpyad kyi rnam pa thur ma zhes bya ba ni las sna tshogs byed pa dang/ de bzhin du dbyibs kyi khyad par ring thung la sogs pa sna tshogs par gnas pa ni ci rigs pa'i tshad dang ldan bya ste/
 sgoms dang ring thung gang du gtod pa de yang mtsham par bya'o/ /de las rma tshol las la gnyis/ /srin bu gandu pa ta'i dbyibs/ zhes bya ba la/ thur mi'i cha dpyad de rnams kyi nang nas thur ma gnyis po srin bu gandu pa'i dbyibs ltar 'dul pa gnyis ni/ rma tshol
 gyi las la sbyar bar bya ste/ rma dang bu ga'i gting btsal zhing brtag pa la sbyar ro/ /srin bu gandu pa ta zhes bya ba ni/ /char 'bab pa'i rjes thogs la srin bu dmar po/ ring po thur ma phra mo lta bu zhig 'byung ba la bya ste/ ming gi rnam grangs gzhan du pu mi ta la zhes pa'o
 bu ga'i nad ni zug rngu 'byin/ /kha ni srin bu phye 'dra gnyis/ /sor brgyad pa dang dgu pa'i tshad/ /ces bya ba la/ yang de bzhin du thur ma'i cha dpyad gnyis po kha sran chung phye ba 'dra ba ste/ rtse mo sran chung bkas pa 'dra bar gyur par bya la/ /de yang gre ba la sogs pa bu ga'i
 nang gi zug rngu dbyung zhing 'byin pa'i don du sbyar ro/ /tshad ni sor brgyad pa dang dgu pa bya ste/ de las gcig gi chad ni srid du sor brgyad yod par bya la/ gnyis pa'i tshad ni sor dgu par bya'o/ /thur ma drug ste de las gnyis/ /sor ni bcu drug bcu gnyis pa/ thal
 sman gtong ba sbrul kha 'dra/ /gnyis pa sor bcu gnyis bcu pa/ zhes bya ba la/ yang phur pa 'dra ba'i thur ma drug bya'o/ zhes bya ba ni/ tshig gi lhag ma'o/ /de las gnyis ni tshad sor bcu drug pa dang bcu gnyis par bya'o/ /de yang thal sman la sogs pa gtong zhing bsku ba la
 ni sprul gyi la 'dra bar bya ba ste/ gnyi ga yang sbrul gyi kha 'dra ba'i dbyibs byas pa de'i tshad ni/ gcig ni bcu gnyis pa bya ba gcig ni bcu pa bya ba'o/ /bskul dpyad kha ni mda' ltod 'dra/ /'byin pa'i cha dpyad lcags kyi dbyibs/ zhes bya ba la/ thur ma de la zug rngu skul ba'i
 cha dpyad kyi kha ni/ mda'i stong 'dra bar bya la/ yang phur pa 'dra ba'i thur ma ni zug rngu 'byin pa'i don tu cha dpyad lcags kyu'i dbyibs ltar rtse mo cung zad gug par bya'o/ /phur pa'i rtse mo gug pa ni/ /mngal gyi phur pa zhes bya ba/ srid du sor brgyad byas pa des/ bud med mngal du bu
 zhes 'byung/ zhes bya ba la/ thur ma phur pa lta bu rtse mo dgu por gug pa ni/ /ming mngal gyi phur pa zhes bya ste/ de yang sor brgyad pa byas la/ mngal gyi phur pa des bud med mngal du bu shi ba'i ro/ /rdo dang bod de sbrum ma'i lus las dbyung zhing gdon par bya'o/ /rde'u
 'byin dpyad sbrul mgo yi/ /gdangs ka 'dra la rtse gug pa'o/ /zhes bya ba/ /chu so'i nang rde'u 'byin pa'i cha dpyad ni sbrul mgo lta bu ste/ rtse mo sbrul mgo'i ya thod 'dra ba rtse mo gug pa bya'o/ /mda' stong 'dra ba ri sor bzhi pa/ /so dbyung ba la sbyar bar bya/ zhes bya
 ba la/ cha dpyad dbyibs mda' ltong 'dra bar byas la de yang sor bzhi pa mdza' ma sbom zhing zlum por bya ste/ de ni so dbyung ba la sbyar bar bya'o/ /rtse mo ras bal gyis dkris pa'i/ /phyi bsal thur ma drug bya ste/ zhes bya ba la/ thur ma drug byas la/ de thams cad kyi
 rtse mo'i cha ras bal gyis dkris shing g.yogs pa byas la/ des rma snags pa dang/ thal sman la sogs pa spang pa'i bya ba bya'o/ /gzhang gi nye ring nang la gnyis/ /sor bcu pa dang bcu gnyis pa zhes bya ba la/ thur ma sor bcu pa dang bcu gnyis pa gnyis
 byas la/ des ni gzhang gi nad phyi ba la sbyar bar bya'o/ /sna yi sor drug bdun pa gnyis/ /rna ba'i sor brgyad dgu pa gnyis/ zhes bya ba la/ yang thur ma sor drug pa dang/ bdun pa gnyis byas la/ /des ni sna dang kha'i nad kyi ljan ljin nye ba dang ring ba
 na yod pa phyi ba'i don du bya'o/ /yang de bzhin du thur ma sor brgyad pa dang/ dgu pa gnyis byas la/ rna ba'i rma dang 'tsham pa des thal sman la sogs pa phyi ba dang/ byug pa bya ba la/ de yang nye ba dang ring bar gnas pa'i bye brag gnyis bya ba yin te/ de ltar
 na thur ma drag pa'i dbye ba smras pa yin no/ /rna ba bsal ba a shwadtha'i/ /rtse 'am blugs bzar kha 'dra bya/ zhes bya ba la/ rna ba bsal zhing sbyang pa'i chad na rtse mo shing a shwadtha'i lo ma 'dra ba 'am/ /de bzhin du rtse mo blugs gzar gyi kha dang 'dra bar
 bya'o/ thur ma 'dzam bu'i thur ta 'dra/ /thal sman me btsas so sor gsum/ /rim gyis phra sbom sbyar bar bya/ zhes bya ba la/ thur ma shing 'dzam bu'i thor to 'dra bar/ sor gsum gsum bya ste/ de ltar na thal sman rnon po'i thur ma 'dzam bu'i chu 'dra pa'i rtse mo can gsum
 bya la/ de bzhin du me btsa'i las la yang gsum po ste/ de dag phra ba dang/ sbom pa'i dbye bas sbar bar bya'o/ rgyu ma'i las la thur ma ni/ /'khar ba 'dra zhing dbus zlum la/ rtsa bar phyed 'dra bya/ zhes bya ba la/ rgyu ma'i gnas su gtong ba'i thur ma ni/ rgyu ma'i nad
 kyi khyad par las sbyar bar bya ste/ rtsa ba'i phyogs zla ba phyed pa dang 'dra bar dgu bag tu 'dug pa la zlum po rtse mo thug mar byas shing zlum pa sbyar bar bya'o/ /rgya shug tshig gu bkas pa 'dra/ /sna yi thor bu 'bram sreg byed/ ces bya ba la/ thur ma'i rtse mo
 rgya thug gi rtse mo bkas pa 'dra ba ni/ sna'i nad du thor bu dang 'brum bu sreg pa yin no/ /sor brgyad pa la rtse mo ljod/ /gsum po thal sman sman rim la/ /mthe'u chung gung mo srin lag gi/ sen mo lta bu'i so byas pa'o/ /zhes bya ba la/ thur ma gsum srid du
 so? brgyad yod pa/ rtse mo ljon shing gzar bu 'dra ba/ byas pa ni thal sman gyi las te thal sman k+Sha ra sbyar ba dang/ sman gyi rim pa ste/ dug la sogs pa bsku ba la mthe'u chung dang/ gung mo dang srin lag gi sen mo lta bu'i dbyibs byas pa'i so 'am rtse mo bya'o/ /pho mtshan
 sbyang dang mig smyan sogs/ /cha dpyad rang rang le'ur bshad/ /ces bya ba la pho mtshan sbyar ba la sogs cha dpyad ni rang rang gi le'u skabs su sngar bshad zin pa yin no/ /nye ba'i cha dpyad/ ba ba long dang/ thag pa ras dang tho ba dang/ 'breng bu rgyu ma lce rta
 rnga/ yal ga san mo kha so dang/ /dus dang smin dang lag rkang pa/ /'jigs dang dga' ba de bya ba/ bye brag thabs ni shes pa yin/ /mkhas pa'i blo yis dpyad par bya/ zhes bya ba la/ cha dpyad dang 'dra zhing zhing de'i bya ba rdzogs par byed nus pa/ rdo khab len ma
 sogs pa nye ba'i cha dpyad ces bya'o/ /khab len ni nor bu'i bye brag go/ thag pa ni mu dza la sogs pa las byas pa'o/ /gos ni ras kyi gos kyi rnam pa'o/ /tho ba ni shing las byas pa'i sbom po 'am thung ba'o/ /'breng bu ni gas pa las byas pa'o/ /rgyu ma dang lce ni
 dngos su zad do/ /rta rnga ni rta'i rnga ma 'am rdog ma'o/ /yal ga ni shing gi'o/ /dus ni skad cig ma la sogs pa nye ba mtshon pa'o/ /smin pa ni chos pa'o/ /dga' ba ni se rings pa ste/ dbye ba ni de'i las la nye bar sbyor ba yin la/ bya ba'i thabs des cha dpyad kyi las rdzogs par byad
 pa'i thags shes shing sbyor ba'i bye brag la mkhas pa'i sman pas cha spyad gang la 'os pa de de la sbyar bar bya zhing/ des blos legs par brtags shing dpyad la sbyar ba dbye'o/ /de yang slob dpon gyis bsdus pa las/ /'di dag lus ni thams cad dam/ /lus kyi
 yan lag 'gyur ba 'am/ /tshigs dang nang grol rtsa bo char/ /ci rigs par ni sbyar bar bya/ zhes bya ba yin/ cha dpyad brdung bsrung dag nang rgyun srang dgag bya dang/ /thal sman gdab dang tshon dbyung btsir dang btsir ba dang/ gzhib dang smad dang bstod dang
 bskyod dang/ bcag pa dang/ bzlog dang drang por bya ba cha dpyad las rnams yin/ zhes bya ba la/ brdung ba la sogs pa ni cha dpyad gyi las yin te/ brdung ba ni bsnun cing brdeg pa'o/ /bsrub pa ni 'dis btsubs shing dkrugs pas bsrub la zhes bya'o/ /de gang
 ba ni 'dis dgad bar byas pa'o/ /rgyun srang dgag par bya ba ni bu ga rnams dang gre ba la sogs pa'i sbu bas rnams ma bdag cing bar byad bar byed pa/ thal sman gdab pa ni thal sman rnon po la sogs pa bsku ba'i khyad par ro/ /mtshon dbyung ba ni zug
 rdu la sogs pa 'byin cing 'dren par byed pa'o/ /bcing ba ni chag grugs la sogs pa 'dis sdam par byed pa'o/ /btsir ba 'dis rnag la sogs pa 'byin pa byed pa'o/ /gzhib pa ni cha dpyad gang gis khrag dang chu ser la sogs pa rdub pa'o/ /smad pa ni dpyad
 gang gis yan lag la sogs pa'i phyogs smod pa'o/ /bstod pa ni cha dpyad gang gis 'degs shing mthong bar byed pa'o/ /bskyod pa ni g.yo bar byed pa ste/ mi 'gul ba g.yo zhing 'gu bar byed pa'o/ /bcag pa ni dngos po gcig du mar byed pa'o/ /bzlog pa ni
 cha dpyad gang gis gzhan du bzlog cing bsgyur ba'o/ /drang por bya ba ni yon por gnas pa'i dngos po bsal zhing rnal du gnas par byed pa'o/ /de ltar na brdung ba la sogs par bstan pa gang yin pa de dag ni mdor na/ cha dpyad kyi las rnams yin
 par shes par bya ste/ legs par zug cing 'byin par byed pa dang/ gzung bya blangs nas 'byin par byed phyir dang/ yan lag kun la gnod pa med pa nas/ /cha spyad kun gyi mchog ni kangka'i mchu/ zhes bya ba la gong du smos pa ni cha dpyad thams cad kyi nad na gang
 ka'i mchu lta bu'i cha dpyad ni/ gtso bo yin te/ ci'i phyir zhe na/ de legs par zug cing kun tu bskyor du 'dod pa dang/ de bzhin du bzung bar bya ba'i zug rdu bde blag tu zin cing blangs nas kyang zug du de nges par 'byin cing 'don par byed pa'i phyir dang/ zug
 rdu dbyung bar bya ba'i lus kyi yan lag kun la/ gnod pa med cing las de bde blag du sgrub par byed pa yin bas na/ de'i phyir cha dpyad thams cad kyi mchog ni kangka'i mchu lta bu yin no// //yan lag brgyad pa'i snying po bsdus pa'i rnam pa 'grel pa/ tshig
 gi don gyi zla zer zhes bya ba/ /slob dpon zla ba la dga' bas nges par sbyar ba las/ /le'u nyi shu lnga pa'i rnam par 'grel pa'o/ /de nas gtar dpyad kyi cho ga'i le'u bshad par bya'o/ zhes bya ba la/ 'di brtsams pa'i dgos pa ni 'di yin te/ cha dpyad phal cher ni lcags
 las byed pa yin la/ 'di yang phal cher lcags las byed pa 'am/ /las kyi rnam pa ris mthun pa'i phyir te/ de'i 'og tu 'di brtsams pa yin no/ /mgar ba mkhas pas go cha bzhin/ /rdungs pa'i gtar dpyad nyi shu drug /spu ni chod par nus pa dag /phal cher sor ni
 drug pa bya/ /gzugs legs ngos ni legs pa dang/ gzung bar bde ba nyid du bya/ /ya yo med cing thar legs pa/ shin tu rno ba'i lcags las byas/ /rtse mo shin tu legs brdungs pa/ /utpal sngon po'i mdog 'dra ba/ rang min rjes su mthun gzugs ni/ /rtag tu nye bar
 bzhag par bya/ rtse mo re re dag la yang/ rang tshad sor phyed gnyis dang bzhi/ /phal cher gnyis dang gsum du bya/ /de gnas khyad par dag la sbyar/ zhes bya ba la/ btsag bu nyi shu rtsa drug bya ba yin la/ de yang gang gis bya zhe na/ mgar ba mkhas pas/ zhes
 bya ba ste/ bya ba la mkhas shing byad bar gyur pa'i lcags mgar gyi brdung zhing rdzogs par bya ba'o/ /ci ltar bya zhe na cho ga bzhin te/ tshad la sogs pa'i rnam pa ji skad bshad pa bzhin brdung bar bya'o/ /sno tshad ji tsam zhe na/ spu ni tshod par nus pa dang/
 ces bya ba ste/ gang gis spu tshod pa'i las byed nus pa tsam du bya'o/ /tshad ci tsam du bya zhe na/ phal cher zhes pa mang du srid sor drug par bya ba dang/ gzugs legs shing ji skad bshad pa'i rnam pa'i dbyibs dang ldan pa dang/ de bzhin du so legs
 pa ste rno zhing snyoms pa dang/ de bzhin du gzung bar bya ba bde ba nyid de bzung ba'i phyogs bde blag tu bzung bar bya ba dang/ de bzhin du ya yo med pa ste/ so snyoms shing rnga rngo med pa dang/ de bzhin du thar legs shing brdung bzhag pa dang/ shin tu
 rno ba'i lcags las byas pa gang yin ba de las brdungs ba dang/ de bzhin du rtse mo shin tu legs par brdungs pa ste/ lcags legs par bskol ba thobs ma gas bar brdung zhing khyad par du rtse mo'i gnas brdung zhag bar byas pa dang/ de bzhin du utpal
 sngon po'i mdog 'dra zhing 'jam pa dang/ de bzhin du rang gi ming dang rjes su mthun pa'i gzugs sam/ dbyibs yod pa btsags bu'i 'bras 'dra bar byas pa la ni/ btsags bu 'bras kyi kha zhe 'am/ /'bras kyi rtse mo zhes btags pa lta bu la sogs pa'o/ /de bzhin du
 rtag tu ste/ dus thams cad du cha dpyad dang btsags bu de dag nye bar bzhag par bya zhing sta gon du bya ba dang/ de bzhin du rang gi tshad de/ btsags bu de'i srid kyi chad las rtse mo 'am/ /ba cha phyed kyi tshad dang/ la la bzhi cha'i tshad du bya ba dang/ de dag kyang
 phal cher grangs gnyis dang gsum du bya ba dang/ yang btsag bu de dag gnas kyi khyad par dang/ /nad kyi khyad par las sbyar bar bya'o/ /de las dkyil 'khor 'dra ba'i rtse/ /mdzub sen nang gi dbyibs 'drar bya/ /de ni rnyil skyes lkog ma yi//
 sha lhag la sogs bzhar bcad sbyar/ zhes bya ba la/ btsags bu de rnams kyi nad nas bcags bu dkyil 'khor 'dra zhes bya ba'i rtse mo kha'i dbyibs mdzub mo'i nang gi dbyibs 'dra bar bya ba la/ de ni rnyil gyi lhag ma skyes pa la sogs pa'i phyi zhing bzhar pa dang//
 sha bcas pa la sbyar bar bya'o/ /'phel btsags spu gri'i dbyibs lta bu/ /bcod dang dral dang dbyin la sbyar/ /rtse drang skrangs nad mtho ba dang/ zab pa las sbyar de las gzhan/ /lhag pa ring zhing rtse gug pa/ /sor thud nad tshul ji bzhin sbyar/ zhes bya ba la/ btsags
 bu 'phel btsags zhes bya ba'i gzugs ni/ spu gri'i dbyibs lta bu bya ste/ de ni gcod pa ste kha gnyis su byed pa dang 'dra ba ste/ bshags pa dang 'byin pa ste rmen bu? dang/ thor bu la sog pa mthor pa la sbyar ro/ /de las kyang rtse mo drang po ste so'i gnas drang por 'dug pa ni/
 skrangs nad 'ther por 'dug pa dang/ rngabs gtugs shing za ba la sbyar ro/ /rtse mo drang po de las gzhan pa ste/ de dang mi mthun pa ltag pa 'am/ rgyab ring zhing rtse mo gug pa so 'am kha zheng thung ba dag ni/ nad kyi tshul ji lta ba bzhin bya zhing/ lus kyi gnas
 kyi dbang las mtshon las skrangs pa ha cang mtho pa yang ma yin la/ ha cang zab cing dma' ba yang ma yin pa mnyam por gnas pa la sbyar bar bya'o/ /utpal dang sor phyed kyis/ /dral dang de bzhin bcad par bya/ zhes bya ba la/ utpalI 'dab ma 'dra pa dang/
 sor phyed ltag tsam yod pa'i btsags bu gnyis ni/ dral ba ste bshags pa dang/ bcad pa de dum bur dbye ba la sbyar bar bya'o/ /sbrul ha rtsa sor phye rnams/ /sna yi thor bu bcad la sbyar/ zhes bya ba la/ brtsag bu sprul gyi kha zhes bya ba rtse mo ste btsags bu'i 'bras bu'i phyogs tshad sor
 byed yod pa de ni sna dang rna ba la thor bu 'am/ 'brum chen byung ba bcad pa la sbyar bar bya'o/ /rma tshol 'jam po rta bla ba'i/ /mtho ba 'bras gzhal brtag par bya/ zhes bya ba la/ rma'i lam kun tshol zhing rtog par byed pa gang yin pa de la ni rma tshol zhes bya ba la/ des ni
 thag ring por song ba'i rma'i phug dang/ spubs tshol ba'i skabs su sbyar bar bya'o/ /de yang 'jam zhing rtsub bag med pa dang/ srin bu rta bla ba zhes bya ba gandu pa ta'i mgo tho 'dra ba dag gis gzhal zhing brtag par bya'o/ /de las gzhan pa khab rtse 'dra/ /rtsa bug
 can ni dbug la sbyar/ zhes bya ba la/ snga ma de las gzhan pa'i rma tshol gnyis pa khab kyi rtse mo 'dra zhing/ rtse mo rno ba bu ga 'am mig yod pa dag ni dug cing brtol ba la sbyar bar bya'o/ /ljang pa'i lo 'dra 'bigs la sbyar/ zhes bya ba la/ ljang
 pa'i lo ma dang dbyibs 'dra ba'i btsags bu ni 'bigs pa la ste/ rtsa 'bugs pa'i las bya'o/ /sha ri'i mchu 'dra mda' bug gi/ kha 'dra rtse gsum khrag gzags la/ btsags bu bya sha ri ka'i mchu 'dra ba dang/ mda' bu gi kha 'dra ba dang/
 rtse gsum pa 'am/ pa ri kha bsdus pa 'dra ba ni khrag gzags cing 'byin pas gso bar bya ba'i nad la sbyar ro/ /jag rtsi a tha'i mchu 'dra ba/ /'bras bu sor gnyis khrag 'byin la/ zhes bya ba la/ btsags bu 'jag ma'i rtse mo 'dra ba dang/ e tha'i mchu 'dra ba gnyis bya la zhes
 khrag gzags pa'i nad la sbyar la/ gnyis pa de dag la 'bras bu 'am/ rtse mo ni sor gnyis kyi tshad du bya'o/ /de 'dra'i so ni nang du lta/ /btsags 'bras zla ba kham pa 'dra/ /ser ni phyed dang gnyis yod bya/ zhes bya ba la/ de gnyis dang dbyibs 'dra bas na de 'dra ste/
 khyad par ni so nang du blta ba dag tu khrag gzags pa snga ma la bzhin du sbyar bar bya la/ btsags bu kha nang du bltas pa de'i btsags 'bras te kha ni zla ba kham pa ste/ zla ba phyed pa 'dra zhing kha zheng sor phyed dang gnyis par bya'o/ /rtse mo 'bras dang 'dra ba las/ /sor ni phyed
 dang gnyis yod dag /de ni rtsa lta'i nang la sbyar/ zhes bya ba la/ rtse mo ste btsags 'bras kyi phyogs bras 'dra ba de bzhin du tshang sor phyed dang gnyis yod pa de ni rtsa dbugs pa dang/ nang la sbyar bar bya'o/ /ste re'i dbangs 'dra ba mang po/ /'dra ba'i btsags 'bras sor phyed pa/
 de ni yu ba gyen bstan la/ /rus pa'i steng gnas rtsa la gdab/ ces bya ba la/ dpangs dang srid sta re yu ba can 'dra zhing btsags bu'i rtsi ma 'am/ kha sor phyed yod pa'i btsag bu des rus pa'i steng na gnas pa'i rtsal gdab cing dbug par bya'o/ /ci lta zhe na/
 'debs pa'i tshe yu ba gyen du bstan la rtsa dbug par bya'o/ /zangs ma'i thur ma rtse gsum pa/ /rtse mo me tog kha 'bus 'dra/ /de yis mthong nyams mig spri dbug ces bya ba la/ mthong ba nyams pa'i mig nang spris yod pa de dbug cing bsal bar bya ba'i phyir/
 thabs las byas pa'i thur ma rtse mo gnyis pa ste/ ya tog ma tog gnyis ka la rtse mo yod pa/ rtse mo me tog kha 'bus pa 'dra bar bya ste/ des mthong ba nyams shing sgrib pa byed pa'i mig spri dbug par bya'o/ /rgyu 'dra'i btsags bu bya ba ni/ sor gdub 'dra la khar byung
 la /btsags 'bras rgyar ni sor phyed pa'i/ /rigs pas 'phel btsags lta bu 'am/ /dkyil 'khor lta bu'i rtse 'drar bya/ /de ni mdzub mo'i thor to la/ /gdags su rung ba'i rgya 'dra bya/ /srad pus bstod la gre ba'i nad/ /nad rnams btsad dang dral la sbyar/ zhes bya ba la/ rgya
 'dra ba'i btsags bu bya ba ni mtshan nyid 'di ltar bya ste/ sor gdub 'dra bar byas pa nyid las kha bstod pa 'am/ byung ba 'am/ de bzhin du btsags 'bras de'i kha phyogs su rgya sor phyed yod ba/ rigs pas zhes pa mtshon gyi las gang bya ba dang 'tsham par byas
 pa dang/ dbyibs 'phel btsags lta bu 'am dkyil 'khor lta bu'i btsags bu dang/ rtse mo 'dra ba byas la/ de yang mdzub mo'i thor to ste/ tshigs dang po la gdags su rung ba'i ran pa'i sor gdub lta bu'i rnam pa de lta bur bya'o/ de yang skud pa dmar pos
 btags te/ mkhrig ma'i gnas su gdags par bya la/ de nas de'i 'og tu gre ba'i nang du bzhug cing/ de'i nang gi nad rnams bcad pa dang dral bar bya'o/ /gre ba'i sha lhag thor sogs 'dzin/ /lcags kyu rtse mo legs dgug bya/ zhes bya ba la/ gre ba'i nang gi sha lhag
 dang thor bu dang 'bras la sogs pa slang zhing gzung ba'i phyir/ lcags kyi rtse mo lcags kyu lta bu la bya zhing rtse mo shin tu lug par byed par bya'o/ /rus pa gcog pa'i sog le ni/ srid du sor bcu zhang sor gnyis/ /so rnams phra zhing rab tu rno/ yu ba tshad zungs legs par bya/
 zhes bya ba la/ rus pa bcad pa'i mtshon ni/ sog le zhes bya bas bya la/ /de'i tshad ni srid kyi dpangs su sor gnyis yod pa byas la/ de yang so rnams rab tu phra zhing rno la rtsub par bya ba dang/ yu ba'i tshad zungs legs shing mdzes par bya'o/ /rna yi chu rgyus skra
 bcad pa'i/ chan pa chan pa 'dra bar bya/ zhes bya ba la/ btsags dpyad kyi rnam pa chan ba zhes bya ba ni/ rma'i chu rgyus dang skra bcad pa'i don du bya la/ de yang chan pa 'dra ba ste/ cha gsum 'og tu dgug par bya la/ lhags ma cha bzhi pa sor bya'o/ /so yo so drang kha gnyis
 pa'i/ /sen mo 'dreg dpyad sor dgu pa zug rngu phra 'byung bcad pa dang/ /dral dang dbug dang phyi bar bya/ zhes bya ba la/ btsags dpyad kha gsegs su yod pa dang kha 'dra ba ste/ kha gnyis yod par bya la/ de ni sen mo 'dreg pa'i btsags dpyad ces bya ste/ de'i srid ni sor dgu
 par bya'o/ /des kyang zug rngu phrag mo zug pa dbyung ba dang/ sen mo la sogs pa bcad pa dang dral ba dang/ dbug pa dang/ phyi bar sbyar bar bya'o/ /zur bzhi pa la so gcig pa/ /dbyibs ni kun tu gcig 'dra ba/ /so phyi ba yi btsags dpyad des/ /so yi dreg pa phyi bar
 bya/ zhes bya ba la/ phyi ba zhes bya ba'i brtsigs dpyad zur bzhi pa/ so gcig par byas pa la dbyibs kyi rnam pa kun tu 'brel zhing gcig 'dra bar bya la/ /de yang phyogs gcig nas lag pas bzung du rung bar byas la/ de lta bu'i so phyi ba'i btsags dpyad
 des so'i dreg pa dang/ so la skyon byung ba phyi zhing bsal bar bya'o/ /khab ni mgo zlum mig zabs che/ /mkhrang ba gsum bya zhes bya ba la khab gsum po mgo zlum zhing mjam pa dang/ skud pa 'jug pa'i phyogs kyi mig gi zabs che ba dang/ mkhrang zhing srab pa bya'o/ /de las ni/ zur gsum
 srid du sor gsum pas/ zhes bya ba la rma brtsem pa la gsum po de dag gi nang nas shas che ba'i phyogs kyi rma brtsem pa la ni zur gsum yod/ srid sor gsum pas bya'o/ /sha chung dang ni rus tshigs na/ /rma yod pa la srid sor gnyis/ zhes bya ba la/ rma sha chung ba'i phyogs dang rus pa
 dang/ tshigs la rma yod pa btsem pa la ni khab srid du ser gnyis pa bya'o/ /zhu dang ma zhu'i gnas nad rma'i/ /khab rtse 'bras dbyibs gzhu ltar gu srid du sor ni phyed dang gsum/ zhes bya ba la/ khab gsum pa ni khab rtse 'bras 'dra zhing gzhu ltar dgu po la srid du sor phyed dang gsum
 yod par bya ste/ des ni zhu ba'i gnas dang/ ma zhu ba'i gnas na rma yod ba dang/ gnad rnams na rma yod pa la brtsem par bya'o/ zhes sbyar bar bya'o/ /khab ni bdun nam brgyad kun kyang/ /zlum po sor ni legs sbams la/ /khri gcig la btsugs por 'dra ba/ /btsan sngan gdong nad thig
 le nag /ska 'byi ba la btsag par bya/ zhes bya ba la/ khab bdun nam brgyad kun kyang zlum par byas la/ tshad sor bzhi pa de legs par spams shing bsdus la khri'u 'am/ gzhi gcig la btsugs te/ pir 'dra bar bya zhing legs par bcing bar bya ste/ /btsegs dpyad
 'di ni khab kyi pir zhes bya ste/ de ni btsan sngon po byung ba dang/ gdong gi nad thig le nag po chags pa dang/ skra 'byi ba'i nad la brtsag par bya'o/ kha brgyad zlum po sor phyed pa/ /gcig tu sbams la gzar bu 'dras/ /lag pa gnyis kyis btsubs nas ni/ /de yis
 sna yi khrag dbyung ngo/ zhes bya ba la/ tshal ba phre'u phyogs brgyad du gnas pa dang ldan pa'i zlum zlum po tshad sor phyed pa gcig tu spams ba gzar bu 'dra bar byas la/ gzar bu des lag pa gnyis kyis btsubs par gyur pa las/ sna'i khrag dbyung zhing gdon par bya'o/ /
 rna sha la dbug pa'i bsnyung bu ni/ /yu thi ka ni kha 'dus 'dra/ zhes bya ba la/ rna shal dbug cing 'bugs pa'i cha dpyad bsnyung bu ni/ me tog yu ti ka kha 'bus ba 'dra bar byas pa'o/ /bsnyung bu ser ni phyed par bya/ /de yi tshad dbug de yan chad/ /zur bzhi par byas de yis ni/
 skrangs smin ma smin dogs pa dbug/ rna drung sha ni stug po dbug ces bya ba la/ bsnyung bu zhes bya ba ni/ btsegs dpyad kha zlum po sor phyed yod pa/ de'i tshad du dbug cing gzhug bar bya la/ zlum po sor phyed pa de yan chad ni dbyibs zur bzhi par bya'i/ /zlum por ni mi bya'o de
 lta bu'i btsags dpyad des ni/ skrangs pa 'di smin pa yin nam/ ma smin pa yin zhes dogs shing som nyir gyur pa la dbug bar bya'o/ /gzhan yang des ni/ rna drung gi rna shal stug po yod pa dag dbul bar bya'o/ /bsnyung bu kha ni spom po la/ bum cha spu gu yod byas la/ sor gsum pa yis rna ba dbug ces bya
 la/ yang rna sha lam thug po yod pa la/ bsnyung bu 'am khab spom pos dbug ba bsngags pa yin la/ /de yang sum cha'i tshad tsam du bu ga yod par byas pa/ srid sor gsum pa khong stong gis dbug par bya'o/ /pad+ma thal sman med bca' dang/ /mching bu rdo dum
 sen mo sogs/ /lcags min gtar dpyad phra mo ste/ /de yang de bzhin sbyar bar bya/ /cha dpyad 'khrul 'khor sogs pas kyang/ /mkho pa nad kyi dmigs dang sbyar/ zhes bya ba la/ pad+ma dang thal sman la sogs pa ni/ mkho ba'i cha dpyad yin la/ sogs pa smos ni kurbandi dang/ shing gi
 yal ga dang/ phyugs kyis rmig pa dang/ lo 'dab rtsub mo dang/ rgya mtsho'i lbu ba dang/ lci ba skam po la sogs pa bsdu'o/ /de dag ni lcags ma yin pa'i gtar dpyad phra mo ste/ de yang blos snga ma bzhin du 'og nas bshad pa'i tshul gyis sbyar bar bya'o/ yang 'di bzhin du cha dpyad
 gzhan dag 'khrul 'khor la sogs pas kyang nye bar sbyar bar bya'o/ /de bzhin du mkho ba'i cha dpyad gzhan dag kyang nad kyi dmigs dang dpags te sbyar bar bya'o/ /'dren dang 'byin dang dral dang 'drub/ /dmigs tshol phyi bsal zhal zhal gdab/ /btsags dpyad gsheg
 dbug gcug pa dang/ /gzung sreg de yi bya ba yin/ zhes bya ba la/ 'dren pa dang ba 'byin pa zhes bya ba nas/ sreg pa'i bar bya ba re re zhing smos ba ni/ btsags dpyad des bya ba'i las yin no/ /bcad dang dra la dang phyi ba'i phyir/ /dpyad kyi btsags 'bras rtsa ba'i bar/ mdzub mo gung
 mo mthe bo yis/ /ma yengs pa dang legs par gzung/ zhes bya ba la/ btsags dpyad bcad pa'i don dang/ dral ba'i don dang/ /phyi ba'i don gyi bya ba byed pa'i phyir ro/ /de yis las byed pa na btsags dpyad de rnams kyi btsags 'bras dang/ rtsa ba'i bar nas las de
 dag bya ba'i phyir gzung bar byas la/ der mdzub mo dang/ gung mo dang/ mthe bo ste/ sor mo gsum gyis bzung bar bya'i/ /lag pa thams cad kyis ni mi bzung ngo/ /'dzin pa na yang blo gzhan du ma yengs pa dang/ /nor ba med par legs par bzung bar bya'o/ /gtar
 ga gdab phyir rtse mo'i drung/ /mdzub mo dang ni mthe bos bzung/ zhes bya ba la/ gtar ga gdab cing khrag gzags pa'i don du ni/ btsags bu'i rtse mo drung mtsham nas mdzub mo dang mthe bos bzung bar bya'o/ /'bras 'dra ba yi yu ba ni/ /chang par bcug ste rtse mo gdab/ /ces bya bar
 bcags bu 'bras kyi dbyibs 'dra ba'i yu ba zlum po chang bar bcug ste/ rtse mo ste kha'i phyogs nas bzung ste gdab par bya'o/ /dbyung don yu ba nas bzung bya/ /zhes bya ba la/ zug rngu la sogs pa 'byin pa'i don gyi cha dpyad ni yu ba ste/ rtsa ba'i phyogs nas bzung zhing gdon
 par bya'o/ /cha dpyad sngar smos pa rnams kyang de bzhin du shes par bya'o/ /gzhan dag bya ba gang bder bya/ zhes bya ba la/ btsags dpyad gzhan dag ni/ bya ba la ji ltar bde ba bzhin du ci rigs par bya'o/ /gtar dpyad sna tshogs dag gi snod/ /gso ras bal sman men+ti 'am/
 pags 'jam du gu la las byas/ /rab tu stug pa zheng sor dgu/ sri du sor ni bcu gnyis pa/ /bal gyis par bcad dpyad bcug la/ /legs par bzhag ste drubs pa dang/ /thur mas kha ni bsgyur bar bya/ zhes bya ba la/ gong du smos pa'i gtar dpyad sna tshogs
 dag gi snod gso ras sa ma bal gos sam/ men+t+ri la sogs pa las byas pa 'am/ pags pa 'jam po 'am/ ru gu la las byas pa/ rab tu stug pa mkhregs pa dang/ zheng sor dgu ste/ ngos gcig nas gcig tu sor dgu pa yod pa/ sri du sor bcu gnyis pa/ de
 bzhin du bal gyis btsags dpyad kyi bar bar du bcad cing/ bcug la ma 'dres par legs par bzhag ste/ drubs pa dang/ de bzhin du snod kyi kha'i bu ga thur mas legs par bsgyur bar bya zhing kha bcad pa dang/ bcas pa de ni bsag cing bsdu bar bya'o/ /srin bu pad+ma
 bder gnas pa/ /khrag dbyung phyir ni sbyar bar bya/ zhes bya ba la/ srin bu pad+ma zhes bya ba chu na gnas pa'i 'bu'i rigs mdza' lu kha ni/ skyes bu bde bar gnas pa dag khrag dbyung ba'i phyir sbyar bar bya'o/ /chu na nya dang sbal sogs dang/ /mi ro'i dri ma rnams las byung/ /
 dmar dang dkar dang shin tu gnag /mi srun spom dang 'byil ba dang/ /'ja' tshon dang 'dra ro stod bkra/ spu yod de rnams dug can yin/ /spang bya des ni khrag gzhibs na/ g.ya' rnag 'dzag rims mgo 'khor bskyed/ /de la dug khrag mkhris gso bya/ zhes
 bya ba la/ srin bu pad+ma chu ngan pa las byung ba dang nya dang sbal ba la sogs pa dang/ mi ro dang dri ma rnams las byung ba dang/ kha dog dmar ba dang/ dkar ba dang shin tu gnag pa dang mi srun zhing ring bzhin g.yo ba dang/ sbom zhing lus che ba dang/ bsil ba dang/ 'ja'
 tshon dang 'dra bar kha dog sna tshogs yod pa dang/ ro stod bkra zhing ra rir 'dug pa dang/ spu yod pa de thams cad dug can yin pas spang bar bya ba'o/ /gtar ga gdab pa'i don du mi sbyar ro/ /ci'i phyir zhe na/ des khrag gzhibs nas g.ya' ba la sogs pa 'byung bar
 'gyur la/ g.ya' ba la sogs pa skyes pa de la ni/ dug dang khrag dang mkhris pa'i gso ba bya'o/ /chu mdog rnam par gsal ba dang/ /dug med nya lcibs med las byung/ /rtsa sna ro stod sngo bkra zlum/ /rgyab ni ngur smrig 'dra lus phra/ /lto ni cung zad ser ba bzang/ zhes
 bya ba la/ chu'i mdog rnam par gsal zhing dang ba las byung ba dang/ dug med cing nya lcibs med pa las byung ba dang/ mdog cung zad rtsa snar sngo bag tu 'dug pa dang/ ro stod sngo bkrar 'dug pa dang/ /dbyibs zlum pa dang/ rgyab ngur smrig ltar ser ba dang/ lus
 phra zhing srab pa dang/ lto cung zad ser por gnas pa gang yin pa de thams cad bzang ste/ dug med pa yin no/ /de yang legs par ma skyugs dang/ /rtag tu 'thung ngu bcug pa dag/ chu nang zhugs te nub pa ni/ /khrag gis myos pa yin pas spang/ zhes bya ba la/
 dug med pa'i srin bu de dag ni nad khrag 'thungs nas legs par skyugs pa dang/ rtag par rgyun du 'thung ngu bcug pa dag/ chu'i nang du phyin te nub pa ni khrags gis smyos pa zhes bya ba yin pas de yang spang bar bya'o/ /de nas cig shos skyer pa btags/ /chur
 sbyar ba yi nang du gzhug/ kany+dzi ra 'am dar ba'i nang du gzhug/ slar yang chur ni dbugs phyung nas/ /mar ram sa zhag nu zho 'am/ /khrag gi thigs pas bsku 'thung gzhug/ ces bya ba la/ de nas srin bu dug med pa skyer pa btags pa'i phye ma dang/ chur sbyar ba'i nang du bcug
 pa 'am/ rtsab mo rang skyur ram/ dar ba'i nang du bcug la/ de nas slar yang chur bcug pas dbugs phyung la 'thung ngu gzhug ste/ /de yang mar la sogs pa bskus par 'thung ngu gzhug ste/ de dag gang yang rung bas bskus nas 'thung ngu gzhug go/ 'thung tshe ro stod mthor
 gyur na/ /ras ma srab mos g.yogs par bya zhes bya ba la/ srin bu de ro stod bteg ste 'thung ne/ gos srab mos g.yogs par bya'o/ khrag ni bzang ngan 'dres ba las/ pad+ma dang por nang khrag ni/ /'thung ste dang pa 'o ma dang/ /'dres chu'i 'o ma len dang mtshungs/ zhes bya ba la
 srin bu pad+ma des ni khrag bzang po dang/ ngan pa 'dres pa las nad khrag 'jibs te/ de dper na chu dang 'o ma 'dres pa las dang pas ni 'o ma len ba dang 'dra'o/ /so yis 'debs pa 'am g.ya' gyur na/ de ni slar dbyung skyug tu gzhug/ rgyam tsha til mar gyis kha bsku//
 phye ma 'jam pos rgyab tu gtor/ zhes bya ba la/ srid du pad+mas 'jib pa na/ so 'debs pa 'am/ g.ya' bar gyur na/ nad med pa'i khrag bsrung ba'i 'bu de gdon par bya'o/ /bton nas byed khrag skyug tu gzhug go/ de bzhin du rgyam tsha dang/ til mar sbyar bas kha
 bsku bar bya'o/ /de bzhin du phye ma 'jam pos kyang gtor bar bya zhing/ mjug ma nas yar btsir te slon du gzhug par bya'o/ /slar yang zhag bdun bar du ni khrag myos bsrung la 'thung mi gzhug/ ces bya ba la/ de ltar sngar byas nas zhag bdun gyi bar du 'jib tu mi gzhug go/ srin
 bu pad+ma la gas skyugs na/ /sngon bzhin khong grims brtan par 'gyur/ /drags na dal zhing snyom 'chi 'gyur/ /skyugs ma legs na rengs myos 'gyur/ zhes bya ba la/ srin bu pad+ma skyugs legs na khrag ma 'thungs pa'i sngon bzhin du khong grims shing brtan pas
 'gyur ro/ /de skyugs drags na lus snyom pa 'am 'chi bar 'gyur ro/ /skyugs ma legs na ni rengs shing myos par 'gyur ro/ /bum pa chu dang sa blug pa/ /gzhan dang gzhan du bzhag par bya/ /kha chu rul bag sbyang phyir bya/ /gzhan du dug dang bcas par 'gyur/ zhes bya ba la/
 pad+ma de ni bum pa dang/ chu dang sa gtsang ma blug pa/ de lta bu'i mi mthun pa gzhan dang gzhan dag tu bzhag par bya ste/ de kha chu dang rul bag spang ba'i phyir yin no/ /de ltar ma byas na ni rgyu des dug can du 'gyur ro/ /ma dag g.ya''am khrag ma byung/ /skyer pa bu ram sbrang rtsis
 bsku/ zhes bya ba la/ khrag ma dag par gyur na srin bu de bskyod la/ skyer pa la sogs pas bsku bar bya'o/ /lan brgyar bkrugs mar ras bal gyi/ /le 'us byugs la sman bsil bsku/ zhes bya ba la/ khrag gzhibs zin nas mar lan brgyar dkrugs shing bzhun bas
 ras bal gyi le'u dang bsku ba dang sman bsil bag gis bsku bar bya'o/ /nad kyi khrag dang bral gyur na/ /'phral du rtsa dmar nad med 'gyur/ zhes bya ba la/ nad khral ma lus par phyin par gyur pa dang/ de'i mod la rtsa dmar ba dang/ nad du gyur ba dag zhi bar
 'gyur ro/ /ma dag gnas nas bskyod gyur pa/ /rma yi gnas su 'dug pa'i khrag/ zhag lon na ni rnags par 'gyur/ /de bas de ni slar dbyung ngo/ zhes bya ba la/ khrag ma dag cing nad dang bcas par rang gi gnas nas bskyod cing 'phos te rma'i gnas su 'dug pa
 ni tshan mo 'das shing zhag lon na brnags par 'gyur ro/ /de bas na khrag de slar dbyung bar bya zhing bsal bar bya'o/ /mkhris rgyas khrag gi nad la ni/ bsku ba bum pa spang? mi bya/ /de gnyis me dang bcas pa yin/ /rlung dang bad kan la sbyar bya/ zhes bya ba la/ mkhris
 pa rgyas shing shas che ba las byung ba'i khrag nad la ni/ khrag de dbyung ba'i phyir sngar bshad pa'i ku ba dang/ bum pa glan cing sbyar bas khrag dbyung bar mi bya ste/ gong gi phyir bzhi pa de dag ni nang na me dang bcas pa yin pa'i phyir ro/ /khrag gi skye gnas
 mkhris pa dang/ nus pa mthun pas gnod pa yin no/ /rlung dang bad kan shas che ba'i nad la ni/ ku ba dang bum pa sbyar bas khrag dbyung bar bya ste/ de gnyis kyi gnyen por gyur pa yin pa'i phyir ro/ /bad kan las gyur nad khrag ni/ /bska bas rnga bas rwas gzhib mi bya/ /rlung dang mkhris pa las
 gyur khrag/ rnga bas rwas bzhibs te dbyung bar bya/ /zhes bya ba la bad kan las gyur pa'i nad khrag ni/ bska zhing sbyin bag can yin pas/ rnga bas rwas gzhib cing dbyung bar mi bya la/ rlung dang mkhris pa las gyur pa'i khrag ni sla ba yin bas rnga bas rwas gzhibs shing dbyung
 par bya'o/ /lus kyi gong du srad bu 'am/ /ras kyis dam du bcings nas ni/ /chu ba tshigs rus gnad rnams ni/ /dor te zhal zhal gdab par bya/ /gyen du dbyung ba'i thabs kyis ni/ thur du 'bab par gdab par bya/ /zab dang nye dang 'phred mi gdab/ /gdab gnas su yang gdab mi
 bya/ zhes bya ba la/ zhal zhal gdab par bya ba'i lus kyi gong phyogs su srad bu 'am/ ras gang yang rung bas dam du bcings nas chu la sogs pa dor zhing spangs nas btsags bus zhal zhal gdab par bya la/ de yang gyen du dbyung zhing gdab pa'i thabs kyis khrag
 thur du 'bab par gdab par bya'o/ /de bzhin du nang du zab par yang mi bya ste/ nye zhing bar mtshams med par yang mi gdab/ 'phrad 'gros kyis kyang mi gdab po/ /de bzhin du btsags bu btab zin pa'i gnas su gnyis pa gdab par yang mi bya'o/ /zhal zhal bya ba
 phyogs gcig 'dus/ /rtsa gdab srin bus khrag dbyung zhing/ /bem bem por gyur rwa sogs gdab/ /nad khrag lus khyab gtar ga gdab/ ces bya ba la/ phyogs gcig tu 'dus pa'i khrag ni/ zhal zhal gdab pas dbyung bar bya'o/ /de bzhin du rtsa mdud dam/ rmen bur
 'dus pa'i khrag ni srin bu pad+mas dbyung bar bya'o/ /de bzhin du khrag gi khrag bem bem por gyur cing tshor ba med pa ni rtsa sogs te/ rnga bas rwa dang/ ku ba dang/ bum pa dag gis nad dmigs ji lta ba bzhin du dbyung bar bya'o/ /de bzhin du nad khrag gis lus
 kun tu khyad par gyur pa de ni gtar ga gdab pas 'byung bar bya'o/ /khrag nad 'dus pa zhal zhal bya/ /gting na yod pa pad+mas dbyung/ /pags gnas ku bum rdabs rus dbyung/ /lus khyab khrag la gtar ga nyid/ /ces bya ba la/ khrag nad bdus shing gong bor
 'dril pa la ni/ zhal zhal bdab par 'os pa yin no/ /de bzhin du khrag gting na yod cing nang du zhen pa dag na srin bu padmos dbyung bar bya'o/ khrag pags par gnas shing rgyas par gyur pa la ni/ /bsku ba dang/ bum pa dang/ rdabs rwas dbyung bar bya'o/ /lus thams cad khyab cing
 rgyas pa'i nang khrag ni gtor ga'i thabs nyid kyis dbyung bar bya'o/ /rlung sogs gnas las rdabs rwa dang/ /pad+ma bsku bas rim bzhin dbyung/ zhes bya ba la/ rlung la sogs pa'i nad kyi gnas la gnas pa'i khrag de ni gnas de la rdabs rwa la sogs pa thabs gsum gyis
 khrag dbyung bar bya ste/ des ni rlung gi nad kyi khrag ni rdabs rwas dbyung bar bya'o/ /mkhris pa'i gnas kyi khrag ni srin bu pad+mas dbyung bar bya'o/ /bad kan gyi gnas kyi khrag ni bsku bas dbyung bar bya'o/ /khrag phyung bsil bskus la sogs pas/ /rlung ni rnam par 'khrugs 'gyur te/
 rman? g.ya' zhing skrangs gyur na/ de la zhun mar dron pos bsku/ zhes bya ba la/ skyes bu'i lus las khrag dbyung zhing gton par gyur pa dag la ni/ /bsil ba'i smin gyi lde gus bsku ba dang/ /blugs pa la sogs las rlung rnam par 'khrugs par 'gyur te/ rman pa dang/
 g.ya' ba dang skrangs par gyur na de la zhun mar dron pos bsku zhing byug par bya'o// //yan lag brgyad pa'i snying po bsdus pa'i rnam par 'grel pa tshig gi don gyi zla zer zhes bya ba slob dpon zla ba la dga' bas rnam par sbyar ba las/ le'u nyi
 shu rtsa drug pa'i rnam par 'grel pa'o// //de nas gtar ga gdab pa'i cho ga'i le'u bshad par bya'o zhes bya ba la/ 'di brtsams pa'i dgos pa ni 'di yin te/ lus khyab pa'i khrag la gtar ga gdab par bya'o/ zhes sngar bshad pas na/ de'i 'og tu 'di brtsams
 pa yin te/ rtsa rnams dbug cing gdab pa'i las ni gtar ga gdab pa ste/ de'i cho ga 'di dang 'di ltar bya'o/ zhes bya ba'i las kyi tshul yin te/ de'i le'u ?? bya'o zhes bya'o/ /cung zad mngar zhin tshwa bro la/ /gang dang tsha min bsku ma yin/ /pad+ma ldam bu chu bshed? dang/
 btsod dang ri 'ong khrag ltar dmar/ /skyon med dang bar 'byung ba ni/ /de nyid kyis ni lus gnas byed/ /ces bya ba la/ khrag dag cing nad med pa ni/ cung zad do mngar ba dang/ cung zad lan tshwa bro ba dang/ de bzhin du grang ba dang/ tsha pa gnyi ga ma yin pa tsha grang snyoms
 par gnas te zla ba dang/ me'i rang bzhin gnyi ga'i yon tan dang ldan pa dang/ de bzhin du bska ba ma yin zhing/ bde blag tu 'jig pa dang/ de bzhin du pad+ma dang/ srin bu me khyer la sogs pa ltar dmar zhing dang bar 'byung ba ni skyon med pa yin la/ nad med
 pa'i khrag de nyid kyis ni lus gnas shing 'jug par 'gyur ba yin no/ /de ni phal cher bad? mkhris kyi/ /nad kyis 'khrugs pas/ zhes bya ba la/ khrag dmar zhing dang de ni phal cher te mang du bad kan dang mkhris bskyed par byed pa'i kha zas dang/ spyod lam dang sman gyis
 nad 'khrugs par 'gyur zhing long bar byed pa yin no/ /phal cher zhes smos pas ni lan 'ga' ni rlung gis kyang ldang par byed pa yin no/ /gnod skyed pa/ me dbal 'bras dang mcher nad dang/ skran dang me drod 'bri dang rims/ /kha dang mig dang mgo nad dang/ /myos
 dang skom dang cha bro dang/ /mdzo deng drag nad mkhris khrag dang/ /sgrogs pa skyur zhing mgo 'khor byed/ ces bya ba la/ de'i 'og tu nad khrag des gnod pa skyed par byed pa ni/ me dbal la sogs pa skyod par byed pa yin no/ /kha la sogs pa gsum ni/ nad
 ces bya ba rang sbyar ro/ /dreg nad ni rlung dang khrag 'dres pa'o/ /bsil dro snum dang rtsub sogs kyis nad gang gsos par gyur pa na/ /legs par 'chos par ma gyur pa/ de ni khrag 'khrugs las gyur yin/ zhes bya ba la/ bsil ba dang dro ba dang sum
 ba dang/ rtsub pa dang/ lci ba dang/ yang ba la sogs pa'i thabs sman dpyad las ji ltar 'byung ba bzhin du rlung dang mkhris pa dang bad kan gyi nad gang so so shing btsos par gyur pa na/ legs par 'chos par ma gyur cing nye bar ma
 zhin nad de ni khrag 'khrugs pa las gyur pa yin par shes par bya ste/ me dbal la sogs pa sngar bshad pa 'ba' zhig tu ma zad do/ /khrag bdo gyur pa de las ni/ /gtar ga gdab pas dbyung bar bya/ zhes bya ba la/ sngar bshad pa'i nad khrag bdo bar gyur
 pa de las khrag dbyung bar bya ba'i phyir/ gtar ga gdab par bya'o/ /de yang bcu drug ma lon dang/ bdun cu 'das la khrag mi dbyung/ nyam chung dugs drags dugs ma byas/ rlung gi nad kyis nyen pa dang/ sbrum ma bu btsas zan ma zhu/ /khrag mkhris lud pa
 dbugs mi bde/ tshad 'khru rims nad skyugs pa dang/ /skya rbab yan lag kun skrangs dang/ /snum 'thungs pa la sbyor ba dang/ /de bzhin las lnga byas pa min/ /zhes bya ba la/ /gtar ga gdab pa/ de la byis pa lo bcu drug ma lon pa dang/ /rgan po lo
 bdun cu 'das pa dag la gtar gas khrag dbyung zhing gdon par mi bya'o/ /de bzhin du nyam chung zhing khang rtsub pa dang/ dugs drags pa dang/ dugs ma byas pa nas snum 'thungs pa la sbyor ba'i skyes bu'i bar dang/ de bzhin du las lnga po
 skyugs sman dang/ bkru sman drag po dang mas btang ba dang/ 'jam rtsi dang/ mgo bo'i bkru sman btang ba ste/ las lnga po byas pa la gtar ga gdab par ma bya'o/ /ma bsdams gtar ga mi gdab cing/ /yon pa 'am mi snad la mi gdab  
 tshabs chen nad ni ma gtogs pa/ grang la tsha char rlung dus min zhes bya ba la/ chings mas ma bsdams par gtar ga gdab par mi bya'o/ /de bzhin du yon por bya ba 'am/ rtsa mi snang ba yang gtar ga gdab par mi bya'o/ /
 nad tshabs che ba des gso bar bya ba bshol du med pa ma gtogs pa gzhan dag grang ba dang/ che ba dang/ char dang rlung gi dus su gdab gang mi bya ste/ nad tshabs che ba la ni de dag gi tshe yang bya bar rung? ba'o/ /mgo dang mig gi nad rnams la/ /dpral ba'i rtsa las gtang? ba 'am? mig
 'gram sna drung rtsal gdab ces bya ba la/ mgo dang mig gi nad rnams la ni/ dpal ba'i steng na yod pa'i rtsa 'am/ mig 'gram mam/ sna drung na yod pa'i rtsal gdab par bya'o/ /rna ba'i nad la rna pa'i rtsa/ zhes bya ba lnga/ rna pa'i nad rnams la ni rna ba dang nye bar gnas pa'i rtsa
 pas gdab par bya'o/ /sna yi nad la sna rtser ro/ zhes bya ba la/ sna'i nad rnams la ni sna'i rtse mo'i cha la gnas pa'i rtsa la gdab par bya'o/ /cham pa sna dang dbral? rtsa gdab ces bya ba la/ cham pa'i nad la ni lan 'ga' ni rtsa gdab na phan no?/ /lan 'ga' ni dpral rtsa'o/ /lan
 'ga' ni gnyi ga gdab par bya'o/ /kha nad rnams la lci dang ni/ /mchu dang bad kan gyi rtsa gdab ces bya ba la/ kha'i nad rnams la ni lce? la brten pa'i rtsa dang/ de bzhin du mchu dang bad kan gyi rtsa la gdab na phan no/ /nam tshod yan chad rtsam dang  mgul/ /rna ba mu 'gram phyir gnas
 gdab ces bya ba la/ nam tshod yan chad kyi nad rtsa bdud dang/ rman bu la sogs pa ni nang la rna ba la brton pa'i rtsa dang/ mur 'gram dang spyi bor gnas pa'i rtsa la gdab par bya'o/ /smya byed mig 'gram brang dbral rtsa zhes bya ba la/ smo byed kyi nang la ni mig 'gram gyi rtsa dang/ grang gi
 rtsa dang/ dbral ba'i rtsa la gtad ga bya'o/ /rjed byed 'gram pa'i mtshams su gdab ces bya ba la/ rjed byed kyi nad la mgram pa gnyis kyi mtshams na yod pa'i rtsal gdab pa/ /yang na kun la smin? mtshams gdab ces bya ba la/ sngor bshad pa'i nang mgo dang mig la sogs
 ba'i nad ma lus pa kun la/ smin mtshams kyi bar na yod pa'i rtsam gang yin pa de la gdab par bya'o/ /'bras dang rtsib logs zug pa la/ /rtsib logs nu ma'i bar rtsa gdab ces bya ba la 'bras mched pa'i nang dang/ rtsib logs gnyis su byug cing gzer ba'i
 nad la/ rtsib logs dang/ nu ma'i bar na yod pa'i rtsal gdab par bya'o/ /nyin gsum pa la phrag mtshams gang gnyin bzhi pa la ltag pa 'og ces bya ba la/ rims nyin gsum pa la phrag pa gnyis kyi bar mtshams kyi nang gi rtsa gdab
 par bya'o/ /rims nyin bzhi pa la ni ltag pa'i 'og na gnas pa'i rtsa gang rung ba gdab par bya'o/ /'khrub gzer dang ldan pa la/ /mjug to'i gong ma sor gnyis par zhes bya ba la/ tshad par 'khrubs nye bar gtses shing gzer dang ldan pa dag la mjug to'i rtsa mjug
 ma las sor gnyis gong du gzhal bar gdab par bya'o/ /khu ba mtshan nad pho mtshan rtsa ces bya ba la/ khu ba 'gags pa la sogs pa'i nad dang pho mtshan nyid kyi nad la ni/ pho mtshan la brten pa'i rtsa ba gtar ga bya'o/ /lkog ma'i lba bar brla rtsa gdab ces bya ba la
 lkog mar lba ba skyes pa'i nad la ni brla'i rtsa bar gnas pa'i rtsa la gtar ga bya'o/ /gzugs 'khrums pus mthil 'og gam ni/ /gong gi sor bzhi pa la gdab ces bya ba rlung gi nad gzugs 'khums shing 'jas pa la ni/ pus mo'i mthil gyi 'og ma
 gong du sor bzhi gzhal bar gdab par bya'o/ /'bras kyi phreng ba byin pa'i nya'i/ 'og tu sor gnyis par gdab po/ zhes bya ba la/ 'bras kyi phreng ba'i nad la ni byin pa'i nya gnad ces bya ba'i 'og sor gnyis gzhal bar gtar ga gdab po/ /rkub rtsos pus mo'i lha
 nga'i steng/ /nad la long mo'i ltag sor bzhi zhes bya ba la/ rkub rtsos kyi rlung nad dam/ pus mo'i lha nga'i steng gi nang la/ long mo'i ltag tu sor bzhi bcal? bar gtar ga bya'o/ /rkang tsha 'thad dang sprid pa dang/ rting brdol rlung nad mdzer ba dang/ /rkang sor snabs
 bu chad pa la/ /rgya tshigs las gong sor gnyis gdab? ces bya ba la/ rlung gi nad rkang pa cha ba zhes bya ba dang/ dreg nad thengs pa dang zhes bya ba dang/ rkang pa sprid pa dang/ rting brdol ba rlung nad kyi mdzer ba dang/ rkang pa'i sor mo snags bu chad pa zhes bya ba'i
 khrag las gyur ba'i sor mo'i nad rnams la/ rgya tshigs las gong du sor gnyis gzhal bar gdab par bya'o/ 'khums la rkang 'khums lta bur gdab ces bya ba la/ rlung nad 'khums pa pi sha tse/ zhes bya ba la/ pus mo'i gong sor bzhi par gdab par bya'o/ ji skad bshad
 pa ma mngon na/ /gnad ma gtogs par gar nye ba'i/ /phyogs gzhan dag tu gtar ga gdab ces bya ba la/ gong du ci skad bshad pa'i rtsa rnams mi mngon par gyur na/ nad 'phel bar 'gyur ba'i dbang gis nad pa la gtar ga rings par bya dgos na/ gnad ma btogs
 shing gnad la ma phog par nad gang dang gdab pa nye zhing 'brel pa'i phyogs gzhan dag gi rtsa bshad pa dag kyang mngon na gdab par bya'o/ de nas lus snum gtar ga yi/ yo byad kun bsags stobs dang ldan/ bkra shis byas shing kha zas ni/ snum
 zos khu ba 'thungs pa dang/ /me dang nyi tshan gyis dugs byas/ bus mnyam mtho ba'i stan la 'dug /skra rtsa ras ni 'jam pos btsang bus mo'i lha ngar gru mo gzugs/ khu tshor nang du glong bcug pas/ mgul pa dam du brtsir bar bya/ /so bsdams lung pa lu ba dang/
 da? khur ba gnyis ni bud par bya/ /de nas zhes bya ba'i don ni/ bkra shis pa'i don yin par shes par bya'o/ /gtar ga bya ba'i skyes bu snum gyis zhen par bya ba dang/ sman pas gtar ba la dgos pa'i yo byad kun bas gcing nyer bsdogs su bya ba dang/ de bzhin du
 stobs dang ldan zhing nyam chung ba la ma yan ba dang/ dge slong dang bram ze bkra shis dang bde legs brjod pa dang/ de bzhin da kha zas snum zhing sha khul sogs pa dang ldan pa byin pa dang/ de bzhin du mtshan dang/ nyi tshan gyi dugs bya ba dang/ pus mo dang mnyan
 pa tsam gyi mtho ba'i stan la 'dug pa dang/ de bzhin du skra'i rtsa ba ras kyi tshal ba 'jam pos bcings shing bsdams pa dang/ de bzhin du pus mo gnyis kyi lha ngar gru mo brtan po btsugs nas/ rang gi khu tshur nang du gos kyi slong bcug pas/ mgul pa'i
 ngos gnyis nas dam du btsir bar bya ba dang/ de bzhin du so bsdams shing btsir la mkhur ba gnyis bud de gnas par bya'o/ /de la rgyab nas btsir ba dang/ gos kyis dkris shing mdzub mo ni/ g.yon pa lkog mar bcug nas su/ /nang du legs par gzhug par bya
 zhes bya ba la/ nad pa de la skyes bu gzhan gyi rgyab nas btsir zhing bsdam pa dang/ gos kyis dkris pa bcug pas ltag par gnas te/ lkog ma dang gos kyi bar du lag pas g.yogs pa'i mdzub mo bcug nas dbugs dgag pa la mi gnod pas de bsdam
 par bya'o/ /'di ni nang du kha bltas rtsa/ /ma gtogs bsdam pa'i cho ga yin zhes bya ba la/ bsdam pa'i cho gar bshad pa gang yin pa de ni rtsa kha phyi rol tu bltas pa bsdam pa'i cho ga yin gyi/ kha nang du bltas pa'i rtsa bsdam pa'i cho gar bshad pa ni ma yin no/
 kha nang du bltas pa'i rtsa bsdam pa ni/ lce bteg ldog ste sos mnan pa zhes 'og nas bshad pa yin no/ /de 'og sman pa'i mthe bo las/ /gung mo gtang bar gyur pa yis/ /rtsa byung ma don la gdab byas nas/ /regs pa 'am mthe bos mnan byas la/ lag pa g.yon pas
 bzung ba yi/ btsags bu sta res dbus su gdab/ btsags bu'i kha phyogs mi yo gtad/ /de bzhin gdab pa 'am btsir ba yi/ /bem rdol brdabs la khrag dbyung ngo/ zhes bya ba la/ de ltar byas pa'i 'og tu sman pas mthe bo'i sor mo las gung mo gtang
 bar gyur pas rtsa la gdab par bya'o/ /rtsa de byung zhing gso bar gyur pa reg pas nges par bya ba 'am/ mthe bos mnan pas shes par bya la/ de'i 'og tu btsags bu sta re lta bus rtsi'i dbus mtshan ma btab la/ lag pa g.yon pas bzung ba'i btsags
 bu sta re lta bu yu ba gyen du bstan te/ lag pa 'dar ba med par byas la/ snga ma bzhin du mthe bo las gung mo btang ba'i bem rdol brdabs ngas khrab dbyung bar bya ba 'am/ mtho ba'o ltos mnan te gtar ga gdab par bya'o/ /rnga rdung gi ni rtsa gdab
 gtse mo mthe bos bteg nas ni/ btsags rtse 'bras 'dra gdab par bya zhes bya ba la/ sna dang nye ba na gnas pa'i rtsa gdab pa na/ sna'i rtse mo mthe bos btog nas btsags bu rtse mo 'bras 'dra bas gdab par bya'o/ /lce bteg ldog ste sos mnan la/ lce 'og rtsa ni gdab par
 bya zhes bya ba la/ lce bteg cing ldog ste/ rkan gyi thad du bsdus gsos rnam par mnan nas/ lce'i 'og gi rtsa la gter ga gdab par bya'o/ /num lan chad bsdams nas mi/ mgul par gnas pa'i rtsa gdab pa zhes bya ba la/ nu ma yan chad ngas kyis legs
 par bsdams nas mgal par gnas pa'i rtsa gdab cing gtar ga bya'o/ /lag pa gnyis su rdo bcangs ste/ lag pa pus mor brten te bcang ngo/ mtshan bung man chad mnyes nas ming/? /gong du bcings la lto rtsa gdab ces bya ba la/ lag pa gnyis kyi nang du thog ma
 bcangs de lta bu'i lag pa pus mar brten te brkyang ba dang/ de bzhin du mtshan khung man chad legs par mnyam te/ lag pa de'i 'og tu btsongs la lto rtso gdab par bya'o/ lag dang rtsa ni bder 'dug ste/ /gdab pa'i sor bzhi gong gi ni/ /phyogs las
 kyis dam bcings la/ /mthe bo tshad par bcug nas ni/ /lag pa brkyang/ la gdab par bya zhes bya ba la/ lag dang gnyis kyi rtsa gdab pa ni/ dang por bde bar 'dug ste/ gang gdab pa'i so sor bzhi'i gong du ras kyis dam por bcings la/ mthe bo chad par bcug
 nas sor mo rnams kyis bsdams te/ bag dar legs par brkyang la gdab par bya'o/ /rtsib logs rtsa ni dbung pa gnyis/ /thur du bcings te gdab par bya zhes bya ba la/ rtsib logs gnyis su gtar ga gdab pa ni/ dang por nad pa'i dpung ba gnyis thur du
 bcangs pa gdab par bya'o/ /pho mtshan rtsa ni bteg ste gdab/ ces bya ba la pho mtshan gyi rtsa ni btog cing las su rung bar byas nas gdab par bya'o/ /byin rtsa bus mo ma bkug par/ zhes bya ba la byin pa'i rtsa ni bus mo ma bkug par brkyang ste gdab
 bar bya'o/ /rkang pa legs gzhag pus mo la/ /'og tu lag pa gnyis kyis ni/ long mo'i bar dur ma btsir pa/ /rkang pa de steng gnyis pa ni/ /cung zad bkug ste bzhag pa yis/ /mnan la de nas lag pa ltar/ /rtsa gdab ces bya ba la/ rkang
 pa'i rtsa gdab pa'i thabs ni/ de yang rkang pa legs par bzhag la/ pus mo'i tshogs kyi 'og tu lag pa gnyis kyis dam du long mo'i bar du bcing la/ rkang pa de'i steng du rkang pa gnyis cung zad bkug ste bzhag la/ cung zad tsam mnan nas sngar lag pa'i rtsa
 'debs pa bzhin du gtang ga gdab pa'i gong du sor bzhi tsam gyis ras la sogs pas dam du bsdams la rtsa gdab par bya'o/ de ltar ma smos pa yin ni/ /gzhan dag la yang gdab bya la/ thab shes btsags dpyad de dang des/ /phyogs ni de dang de ru
 gdab ces bya ba la/ de ltar rnam pa de dag gis rtsa gdab pa'i gnas ma smos pa'i phyogs gzhan dag la yang gdab par bya ba yin pas na/ thabs shes shing rtogs pa'i sman pas/ btsags dpyad de dang de rang gi blos legs par dpags la gnas kyi phyogs de dang der
 gdab par bya'o/ /sha tsha ba yi phyogs su 'debs/ 'bras 'dra 'bras kyi srid tsam gang ba/ /rus pa'i steng rtsa ste re 'dras/ /nas kyi phyed tsam gdab par bya'o/ zhes bya ba la/ sha che ba'i phyogs su 'bras 'dra ba'i btsags bus 'debs par byed na/ btsags bu
 dbyibs 'bras 'dra zhing 'bras kyi tshad tsam gdab par bya'o/ /rus pa'i steng gi rtsa la 'debs na sta re 'dra ba'i btsags bus nang du nas kyi phyed tsam nub bar gdab par bya'o/ /gtar ga gdab pa thams cad la yang kha spug pas shin tu bting
 ring bar mi bya ba dang/ /drang zheng ma 'tshol pa dang/ snyoms shing gnod pa med par rtsa dbus su btsags bu myur du gdab par bya'o/ legs par btab nas khrag gzags te/ chings ma bsrol nas gzags mi bya ba la/ de ltar gtar ga
 legs par btab nas khrag gi rgyun gzags par bya ba'i/ chings ma bkrol nas ni khrag gi rgyun yang gzigs par mi bya'o/ /de yang bsdus pa las/ lan gcig btab pas khrag gi rgyun/ gang zhig 'dzag par gyur pa na/ /yud tsam bsdams pa byas pa ni/ /de ni legs par btab ces
 bya/ zhes bshad pa yin no/ /btab ma legs pas dus cung zad/ /nyung zad 'byung ba til phye gdab ces bya ba la/ gtar ga btab pa ma legs te/ nyes par gyur pas dus cung zad cig khrag gi rgyun nyung zad 'byung bar 'gyur ro/ /de la til zhib tu btags pa'i phye ma rtsa'i sgor gdab
 par bya'o/ /gang ba drags sgra dang bcas pa ni/ /'byung zhing bcad kyang dka' bar 'gyur zhes bya ba la/ gtar ga btab pa chas pa dbang pa'i khrag gi rgyun sgra dang bcas par 'byung bar 'gyur la/ rgyun 'byung ba de bcad cing dgag pa yang shin tu dka' bar 'gyur ro/ /sdangs ngar 'bog
 par 'gyur ba dang/ /chings lhod mtshan rtul 'grangs drags dang/ nyam chung shugs nyen dugs ma byas/ khrag mi 'byung ba'i rgyu yin no/ zhes bya ba la/ legs par btab tu zin kyang/ sdangs pa dang 'bog cing brgyal bar 'gyur ba ni/ khrag gi rgyun ming byung ba'i rgya yin no/ /de
 la sdangs ba ni skrag pa'o/ /'beg pa ni brgyal zhing mun par zhugs pa lta bur gyur pa'o/ /chings ma lhod pa ni dam dum bsdams pa'o/ /mtshon tul ba ni rtse mo rtul lam? chag pa'o/ /'grangs drags pa ni zas brten drags pa'o/ /nyam chung ba ni ring pa'o/ /shugs kyis nyen
 pa ni bshang gci 'byung bdab khang pa'o/ /dugs ma byas pa ni legs par ma bsros pa'o/ /brag ni legs par ma byung na/ /be TaM cha gsum skyer pa dang/ /rgya spos rgyam tsha khyim dud bcas/ /til mar btags la rmal bsku zhes bya ba la/ khrag legs par ma byung zhing
 gtar gnyes par gyur na/ pi Taka dang tsha ba gsum la sogs pa btags pas rtsa'i sgo bsku bar bya ste/ des ni legs par 'byung bar 'gyur ro/ /khrag ni legs byung til mar dang/ rgyam tsha sbyar la dro 'jam bsku zhes bya ba la/ khrag legs par byung zhing rgyu bar gyur na/
 bad kan dang rlung nye bar zhi zhing khrag bcad par bya ba'i phyir til mar dang rgyam tshar sbyar la/ dro 'jam tsam gyis rma'i sgo bsku bar bya'o/ /le brgan rtsi las tshon ser ltar/ dang par nang khrag 'byung bar 'gyur zhes bya ba la/ gtar ka btab pa na khrag bzang ngan
 'dres pa la/ dang por nad dang bcas pa'i khrag dbyung zhing 'bab par 'gyur te/ /dper na le brgan rtsi'i tshon ser po dang dmar po 'dres par gyur pa la/ gos 'tshod pa na dang po ser po 'byung bar 'gyur ba dang 'dra'o/ /legs par byung na rang nyid 'chad/ /khrag bzang byung na
 'byung mi bya zhes bya ba la/ legs par btab ste 'byung ba ni rang nyid 'chad par 'gyur la te ltar rang 'chad nas dbyung bar mi bya'o/ /de bzhin du khrag bzang po nad med par gyur nas kyang dbyung bar mi bya ste/ khrag ni srog gi sten yin pa'i phyir ro/ /brgyal gyur na ni chings
 ma dgrol/ /rlung yab kyis g.yab slar khrag dbyung/ /slar 'bog gyur na nyi ma ni/ /gnyis pa 'am gsum pa dag la gdab ces bya ba la/ gang zhig khrag gzags na brgyal bar gyur ma gtar ka'i chings ma de bkrol la/ rlung yab kyis rlung g.yabs te/ brgyal ba de
 bsangs te/ de'i 'og tu slar khrag dbyung bar bya'o/ /de ltar byas kyang slar 'bog par gyur na/ de tshe bcad la nyi ma gnyis pa'am/ gsum pa'i tshe gtar ga gdab cing nang khrag dbyung bar bya'o/ rlung khrag gnag cing dmar la rtsub/ /shugs drag gsal zhing lbu ba can/ /mkhris
 khrag ser la rtsa gnag mnam/ /sbyin bag dro zhing tshon can yin/ /bad kan khrag ni 'jam zhing skya/ /rgyun bcad 'byar zhing ska ba yin/ /'dres pa'i mtshan ma 'dres ma yin/ /nyes gsum dri ma rnyog ma can zhes bya ba la/ de la rlung gi nad las ni khrag mdog gnag pa
 la sogs pa 'byung bar 'gyur te/ gnag pa ni nag nog can la cung zad tsam sngo ba'o/ /dmar ba ni rtsa dmar zhing 'tsher ba'o/ /rtsub pa ni snum bag med pa'o/ /shugs drag po ni shugs kyis 'byung ba'o/ /mdog gsal ba ni gsal ba'o/ /lbu ba can ni lbu ba dang bcas pa'o/ /de bzhin du
 du mkhris pa las gyur pa'i khrag ni mdog ser ba dang/ gnag par gyur pa dang/ mnam zhing dri nga ba dang/ sbyin bag ste tshabs 'thas shing mkhrang bag du chags pa dang/ dro zhing tsha ba 'ur 'ur bor 'dug pa dang/ tshon can te rma bya'i mjug sgro ltar snang ba yin no/ /bad kan las gyur pa'i
 nang khrag la ni 'jam zhing snum pa dang/ mdog skyu ba dang/ rgyun can nal nal po kha chu 'dra bar snang ba dang/ 'byar zhing bla bag med pa dang/ bska zhing 'dril ba yin no/ /'dres pa ni nang gzhi gnyis kyi ldan pa las gyur pa'i khrag ste/ de ni 'dren ma ste gang dang gang 'dres pa de gnyi ga'i
 mtshan ma dang 'dres pa zhes bya'o/ /nad gzhi'i nyes pa gsum char 'dus pa'i khrag gang yin pa de ni dri ma can te/ dang bag med pa dang/ rnyog pa dang ldan zhing nag nog gi shas che ba yin no/ khrag ngan pa ni nyam che ba'am/ /tshad las lhag par dbyung mi bya/ khrag phyung drags na 'chi
 ba'am/ /rlung nad mi bzad 'byung bar 'gyur zhes bya ba la/ skyes bu nyam che ba zhig yin na yang/ khrag ngan pa'am/ nang khrag tshad de srang bcu drug par dpyad par mi bya ste/ ci'i phyir zhe na/ khrag dbyung zhing gzags pa drags na myur du 'chi bar 'gyur pa'am yang na rlung nad shin
 tu gos dka' ba 'byung bar 'gyur ro/ /de la bsku byug 'o ma khu/ khrag bcud blud pa sman yin no/ zhes bya ba la/ khrag gton drags pa de la sman gyi bsku byug bya ba dang/ 'o ma dang sha khu blud pa dang/ ri dags dang lug la sogs pa'i khrag bton te blud par bya'o/ /khrag
 phyung nas ni chings ma dag /ral gyis bkrol la chu bsil gyis/ /bkrus la til mar gyis byug pa'i/ /gos 'jam gyis ni rma la dkri zhes bya ba la/ khrag dbyar zhing gzags nas chings ma dal gyis glod bkrol la/ chu bsil bas khrag rjes bkrus la/ rtsa'i sgo til mar gyis
 byugs pa'i gos 'jam gos rma kha g.yogs la/ de'i 'og tu bcing bar bya'o/ /khrag nad yod na phyi 'phred dam/ /phyi de nyin par slar yang dbyung/ /shin tu gnod pa'i khrag zla phyed/ /snum gyis rtas pa'i lus las dbyung zhes bya ba la/ khrag ma dag cing nad yod par gyur
 na/ phyi 'phred kyis slar yang dbyung bar bya'o/ /yang na phyi de nyin de/ nyi ma gnyis par ba sbyar bar bya'o/ /shin tu gnod pa'i khrag yang yod na zla ba phyed nas snum brta zhing zhen par bya'i lus las dbyung bar bya'o/ /khrag ngan cung zad lus kyang ni/ /nad
 ni lhag par mi skyed pas/ de phyir lhag ma yod gyur kyang/ /bzhag gi shas cher mi dbyung ngo/ /zhes bya ba la/ gang gi phyir khrag nad can ngan pa cung zad lus par gyur kyang/ de las byung ba'i nad lhag par mi skyed cing bya ba la brgal te/ gnas gzhan du mi 'gro bas
 de'i phyir lhag ma cung zad yod du zin kyang shas cher mi 'byung gi/ lhag ma dang bcas par bzhag ste/ khrag ni srog gi rten yin pa'i phyir ro/ /de yang drang srong legs mthong gis/ /mkhas pas nas bcas khrag kyang ni/ /lhag ma cung zad yod bya yi/ /lhag par
 dpyad par mi bya ste/ /lhag ma zhi bas bsal bar bya/ /nad khrag lhag ma cung zad lus/ /nad ni shas cher mi skyed de/ /de bas lhag mar bcas bzhag gi/ sbyor ba drag par mi bya'o/ zhes bshad pa yin no/ /lhag ma rngabs ru sog gdab pa 'am/ /yang na spyod
 bsil khrag mkhris bsal/ /sbyar dang bskam pa'i bye brag ni/ /gso bas de ni dang par bya zhes bya ba la/ nang khrag lhag ma lus pa ste/ rngabs rwa gdab pa la sogs pas bsal bar bya ba'am/ yang na spyod lam ni bsil ba ste/ chu bsil pa blugs pa
 la sogs pa khrag dang mkhris pa gsal zhing gso ba'i thabs dang zas dang sman snum pa dang/ mdar ba bstan pa dang sbyar ba ste/ slon dang khrus kyi tshul dang/ bskam pa ste/ smyung bar gnas pa la sogs pa'i bye brag gi gso bas dang bar bya zhing bsal
 bar bya'o/ /nad khrag rab rgyas ma gyur pa'am/ /de 'dra'i thabs kyis gso bar bya zhes bya ba la/ nad khrag shin tu rgyas shing rab tu bde bar ma gyur pa la'ang spyod lam bsil bar bya ba la sogs pa de dag gis gso bar ba zhing dang bar
 bya'o/ /nad khrag rgyas par gyur pa la ni gtar ga gdab pa la sogs pa khrag dbyung ba'i thabs kyis dbyung bar bya'o/ /khrag gi rgyun ni mchod na/ bcad pa'i sbyor ba myur bar bya zhes bya ba la/ khrag gi rgyun byung ba ma chod cing bde bar gnas par ma gyur na/ bcad
 pa'i sbyar ba myur zhing rings par bya'o/ /seng phrom rma shing pri yang ku/ mA Sha shing mngar yug rnam bcad/ gyo dum zar ma snag tsha dang/ 'o ma can shing shug lo ma/ /btags pa'i phye ma rma khar gdab/ /shugs sogs chu grang sbyar la blud ces bya ba la/ de ltar khrag
 bcad par bya ba'i phyir/ seng phrom la sogs pa'i phye ma rma'i sgor gdab pa dang/ shug pa la sogs pa'i sde tshan dang sbyar ba'i chu grang blud par bya'o/ /'o ma can gyi shing ni n+ya gro d+ha dang/ a shwad tha la sogs pa'i shun pa dang lo ma'o/ /gzhan ni go bar zad do/ /yang na rtsa btab
 de gong gi/ rtsa de nyid las gtar ga btab/ /yang na thur ma bsregs pa yis/ /rma kha myur du bsreg par bya zhes bya ba la/ bcad pa'i sbyor ba gzhan yang sngar bcad pa'i rtsa de nyid kyi gong rol du gtar ga gdab par bya'o/ /yang rnam pa thams cad du khrag chod ngar ma
 gyur na/ thur ma mer bsregs pas rma kha myur du bsreg par bya'o/ /bcing ba nyes pas lam log la gnas te/ /chud ni rgyas pas khrag ni 'khrugs gyur pa/ /rang gi gnas su slar phyin ma gyur pa/ /de srid zas dang spyod lam phan pa bsten zhes bya ba la/ gtar
 ga'i bcing ba nyes shing ma legs pas rlung dang mkhris pa dang bad kan gyi nad gang rang gi gnas nas rgal te/ lam log par gnas pas na khrag tu gyur pa de rang gi gnas su phyin par ma gyur cing/ rang gi lam du gnas par ma gyur pa de srid kyi
 bar du zad dang spyod lam la sogs pa phan zhing gnod pa med pa la brten par bya'o/ /lus dang ngag dang yid kyi spyod pa la 'dir spyod lam zhes bya'o/ /shin tu tsha grang ma yin yang drod bskyed/ /khrag sel byed pa'i bza' dang btung ba phan/ /de tshe lus
 dang khrag ni bder gnas pas/ /khyad par du ni me las bsrung bar bya/ zhes bya ba la/ khrag dbyung zhing gzegs nas zas dang skom shin tu tsha ba dang/ shin tu grang ba ni gnod pa ma yin te/ shin tu tshan ni slar khrag bskyed par
 'gyur la/ shin tu grang ba ni me drod nyams par byed pa yin te/ de bas na gnyi ga ma yin pa bstan pa dang/ de bzhin du rang bzhin gyis g.yos su byas pa'i bza' btung dang/ pho ba'i me'i drod bskyed pa'i zas skom yang sbyin par bya ste/ gang gi phyir de'i
 tshe lus la bde bar mi gnas pas yang de ni mkhris pa'i gnas yin la mkhris pa ni mes bskyed de/ de'i phyir khyad par du me las bsrung bar bya zhing rnam pa du mas bskyed par bya'o/ /mdog dang dbang po gsal zhing dbang po yul/ /'dod cing zas 'ju
 shugs kyang bde bar 'ju/ /bde dang ldan zhing stobs ni phun sum tshogs/ /mi yi nang khrag pa yin par bshad ces bya ba la/ skyes bu 'di lta bu ni nang khrag med pa yin par drang srong rnams kyis bshad cing bstan to/ /de yang skye de'i lus kyi mdog dang/ dbang po rnams gsal
 zhing dang ba'i bdag nyid can yin par dang/ de nyid ni dbang po'i yul 'dod cing yul la dga' ba dang/ zas 'ju ba yi ni pho ba'i me drod la bya la/ de'i shugs ni nus pa la bya ste/ zas 'ju ba de thogs pa med pa dang/ zil gyis mi non par bde bar 'byung ba dang/
 de bzhin du bde ba dang ldan pa ste/ nad med pa dang ldan pa dang/ de bzhin du stobs dang lus rgyas pa phun sum tshogs dang ldan pa'i mi ni nad khrag yongs su dag pa yin no zhes bshad pa yin no// //yan lag brgyad pa'i snying po bsdus pa'i rnam par
 'grel pa/ tshig gi don gyi zla zer zhes bya ba/ slob dpon zla ba la dga' bas nye bar sbyar ba las/ le'u nyi shu rtsa bdun pa'i rnam par 'grel pa'o// //de nas zug rngu dbyung ba'i cho ga'i le'u bshad par bya'o/ /zhes bya ba la/ 'di brtsams pa'i
 'brel ba 'di yin te/ nad khrag tu gyur pa gang yin pa de ni gtar ga gdab pa'i thabs kyis dbyung dgos pas gong du bshad pas na de'i 'og tu khong du mtshon lus pa zug rngu zhes bya ba yang dbyung dogs dang/ /de'i 'og tu 'di brtsams pa yin no/ /zug rngu'i bgrod pa rnam lnga ste/ yo
 drang thang ka steng dang 'og ces bya ba la/ zug rngu steng mtshon lus pa'i 'grod pa'i lam ni/ yo ba la sogs pa'i rnam pas rnam pa lnga yod par shes par bya'o/ /kha gnag skrad dang nad dang bcas/ yang dang yang du khrag 'dzag la/ rma yi nye 'khor mtho zhing glo/ chu bur lta bu'i thor
 bu 'byung/ /sha ni 'jam por lus mdor na/ /khong na zug rngu yod ces bya zhes bya ba la/ /khong pa'i nang na mtshon yod pa'i mtshan nyid ni/ mdor na 'di ltar shes par bya zhing khong du chud par bya'o/ /ji lta bu zhe ma rma'i sgo kha gnag cing dri ma can dang/ de bzhin du rma skrang zhing
 na ba dang bcas pa dang/ de bzhin du yang dang yang 'dzag cing 'byung ba dang/ de bzhin du rma'i nye 'khor dpangs su mtho zhing glob dang/ chu'i chu bur lta bur thor du 'byung ba dang/ de bzhin du sha mdangs 'dzam zhing sha snyi bar gyur pa yin no/ /khyad par du ni pags par ni/ mtshan
 lus mdog nyams sra ba dang/ skrangs par 'gyur ro zhes bya ba la/ khyad par ram bye brag tu pags pa'i nad du mtshon lus pa na pags pa'i mdog mi sdug par 'gyur ba dang/ sra zhing mkhrad bag tu gnas pa dang/ chur skrangs par 'gyur ro/ /shar gnas pa/ nad dang skrangs bltab?
 par 'phel/ /bcir bar mi bzod smin pa dang/ /rma yi sgo na 'drab mi shes zhes bya ba la/ sha'i dum bu lus pa/ shal gnas pa ni lhag par na zhing skrangs pa'i tshabs lhag par 'phel ba dang/ brtsir zhing mnan par mi bzod pa dang/ mtshon gang na gnas phar ra
 smin zhing snags pa dang/ zug rngu zug pa'i rma'i khra 'drub cing 'tsho bo mi shes pa yin no/ /nya yi nang zug shar zug dang/ 'dra las skrangs bag med pa yin zhes bya ba la/ byin pa la sogs pa'i nya'i nang du gnas pa'i zug rngu'i mtshan nyid ni shal zug po dang 'dra ba
 'as skrangs bag med de/ de ma gtogs ba yin no/ /de la lus la nya zhes bya ba'i sha lnga brgya yod par 'og nas bshad de/ sha'i char gtogs pa zla ba tshes pa la sogs pa'i dbyibs can la nya zhes bya'o/ /chu pa'i dra ba'i nang lus pa'i/ /chu ba las ni dbyung dka' 
 zhing/ bsgul dka' bskyod tshe rengs shing na zhes bya ba la/ chu ba'i dra ba'i nang du mtshon lus pa ni/ chu ba las dbyung bar dkal ba dang/ bsgul bar dka' zhing na ba dang/ bskyod pa'i tshe lhag par mi bzod pa dang/ shing ltar rengs shing 'das pa dang/ na ba lhang lhang por byed
 pa yin te/ zug rdu 'di ni lhag par 'byung dka' bar 'gyur/ rtsal brten pa rtsa skrangs 'gyur zhes bya ba la/ zug rdu rtsa zug rtsar gnas pa ni rtsa skrangs shing spos bag tu 'gyur ba'o bu ga'i ? na sbubs kyis ni/ rang gi las dang yon tan nyams zhes bya ba la/ bu gar gnas
 pa'i zug rdu ni rang gi gnas dang/ yon tan las nyams par 'gyur ro/ /de yang bu ga'i sbubs ni dbugs dang/ lus zungs dang/ dri ma dang chu rnams rgyu pa'i gnas bcu gsum mo/ /de dag rang gi las dang/ de bzhin du yon tan nyams shing 'jig par 'gyur ro/ /rtsa chen gnas pa dbug
 dang khrag/ lbu ba can du 'byung 'gyur zhing/ /skra dang bcas pa 'byung ba dang/ /snying na yan lag bcas 'gyur zhes bya ba la/ rtsa chen po sbubs can du gnas pa'i zug rdu ni/ spubs dang khrag 'dres pa lbu ba can du 'byung bar 'gyur ba dang/ dbugs dang rlung de sgra
 dang bcas par 'gyur ba/ snying ga na zhing mer mer por sems ba dang/ yan lag na zhing snyam pa dang bcas par 'gyur ro/ /rus tshigs pogs? re re mtshon lus pa/ rus brtse che bas cher na bar 'gyur zhes bya ba la/ rus pa'i tshigs kyi mgo rar mtshon
 gyi rdum bu lus pa ni rus pa shin tu rtse zhing zug pa dang/ bskyod cing bsgul ba na shas chen po ran par 'gyur ro/ /rus gnas nad mang skrangs par byed ces bya ba la/ mtshon gyi zug rdu rus pa'i nang na gnas pa ni/ nad mang po sna tshogs pa skyes par byed
 de/ phal cher chag pa dang/ grums ba dang/ 'dar ba dang/ gnod cing zug par 'gyur ba dang/ de bzhin du skrangs par byed par yang 'gyur ro/ /tshigs la gnas pa de 'dra dang/ bskyod par dka' pa dag tu 'gyur zhes bya ba la/ tshigs la gnas pa'i zug rdu ni rus par gnas pa
 dang/ 'dra par 'gyur ba dang/ de bzhin du bar dka' zhing bsgul mi bzod par 'gyur/ /nad grol nad yod 'khrug pa dang/ spo bzhin kha zas ngan skyugs gcin/ rma yi khar ni 'byung bar 'gyur zhes bya ba la/ nang grol gyi nang du lus pa'i mtshon ni/ 'khrug cing rgyu ma'i
 sgra ? bkrug? zer pa dang/ spos shing dbugs kyis rgyas pa dang/ de bzhin du kha zas dang/ dan skyugs dang/ gcin rma'i khar 'byung zhing snang bar 'gyur ro/ /gnad kyi nang du mtshan lus pa/ /gnad zug mtshan nyid las shes bya zhes bya ba la gnad rnams kyi nang du
 mtshan lus pa ni zug rdu ni gnad du zug cing bsnun pa'i mtshan nyid gang ral bshad pa de'i tshel las shes bar bya'o/ /pags pa la sogs rang rang ni/ ji ltar 'jag las shes par bzhes bya ba la/ pags pa la sogs pa nas gnad kyi nang du mtshon gyi dum bu lus pa dag sngar bstan
 pa'i mtshan nyid dag las shes par bya ba 'ba' zhig tu ma zad kyi rang rang gi gnas las ji ltar 'dzag pa las kyang zug rdu yod par shes par bya'o/ /skyon med lus kyi rma 'chos ste?/ de ni gnod pa med par gnas/ nang 'khrugs nad pa la sogs kyi/ /glongs nas slar
 yang gnod pa bskyod/ /ces bya ba la/ skyes bu lus nad kyis skyon med pa'i zug rdu ba ni rjes mthun par gnas pa dag gi rma yang 'tsho bar byed cing gnod pa med par 'gyur mod kyi rma 'tsho zin nas kyang nad gzhi 'khrugs pa dang/ snang ba dang/ rtsol bas skyod pa la sogs
 pa'i dbang gis glengs pa dang/ slar yang lus la gnod pa bskyed cing nang du gyur pa yin no/ /gang yang rung pas pags pa nyams/ /bsku dang mnye dang dugs byas dang/ mdog dmar na zhing tsha la 'khrug/ yang na gang du mar bzhag 'jug/ /lde gu byugs pas
 myur du bskams/ /gnas der zug rdu bcas shes bya zhes bya ba la/ zug rngu pags pa'i nang du zug cing/ /mi mngon par gyur pa ni lus kyi phyogs gang du zug par bags pa nyams pa dang/ bsku ba la sogs pas byas pas mdog dmar ba dang/ na zhing zug pa
 dang/ tsha ba dang/ /'khrug cing bskyod pa nan par 'gyur te/ de lta bu'i gnas de ni/ zug rngu dang bcas pa yin par shes par bya'o/ /yang na pags pa'i phyogs gang du na sar mar ba zhag bzhi? na myur du 'ju bar 'gyur ba'am lde gu gus pa myur du bskam bar gyur na/ gnas de yang zug rdu dang bcas par shes par
 bya'o/ /shar lus spyad pa byas pa yis/ /skem byas lhongs gyur bskul ba dang/ /btsan dmar sogs kyis shes par bya zhes bya ba la zug rdu sha'i nang du lus ba mi snang bar gyur pa ni/ spyad pa bya ba ste/ slon sman dang bkru sman la sogs pa byas pas
 lus skem zhing sbeg bar bya ba la/ skems par byas pa des lhod cing yang bag tu gyur pa dang bsgul ba dang/ btsan dmar po yod pa dang rna ba la sogs pa'i tshul gyis zug rdu yod par shes par bya'o/ /nya dang rus tshigs na bde grol gyi/ /zung rduAng
 de bzhin shes par bya zhes bya ba la/ nya dang rus pa'i tshigs la gnas pa dang/ nad grol ni gnas pa'i zug rdu ni slon sman la sogs pa'i sbyar bas skem bor byas te/ lhod par gyur pa dang/ bsgul ba dang kha rtsan pa la sogs pas na bar gyur ba gang na
 /yod pa de na zug rdu yod par shes par bya'o/ /sha la zug rdu dang 'dra bar shes par bya ste/ rus pas zug rdu ma rungs 'gyur ro/ /rus pa bsku dang dugs bya zhing/ /mnyed de btsir bar shes par bya zhes bya ba la/ rus pa nang du
 lus ba'i mtshon mi mngon par gyur ba ni/ rus pa ma rungs shing mdog nyams pa dang rus pa bsku ba la sogs pa bya ba na gnod pa yod pa las shes par bya'o/ /rus tshigs gnas pa rus 'dra dang/ brkyang dang bskum pas shes par bya zhes bya ba las rus
 pa'i tshigs la gnas pa'i zug rdu mi mngon pa ni/ rus pa dang 'dra bar bsku ba dang/ dugs bya ba la sogs shes par bya ba dang/ brkyang pa dang/ bskum pa'i bsgul bskyod las shes par bya'o/ /chu ba rtsa dang rtsa chen snubs/ /khrug rdu mi mnyam lam 'gro dang/ /shing rta chags pa'i
 rta dang ni/ /ldan bar nad ba bskyod nas su/ /myur du drangs nas nga nas ni/ /bskyod pas zug rdu shes par bya zhes bya ba la/ chu ba la sogs par nub cing mi mngon pa'i zug rdu ni/ mi mnyam pa'i lam ste/ 'am mtho dam bcan du shing rta 'khor lo chags pa/ rtas drangs pa
 la bskyor nas de'i 'og tu myur du drangs te/ gnas gzhan du bskyod pa dang/ /do nas bskyod pa des rtsa dmar ba dang/ rtsa ba la sogs pa nas/ zug rdu gang na yod pa shes par bya zhing brtag par bya'o/ /gnad zug logs shig ma bshad/ de rnams sha sogs la gnas yin zhes
 bya ba la/ gnad du zug cing mi snang bar gyur ba'i zug rdu'i mtshan nyid ni logs shig tu ma bshad/ /de rnams ni sha la sogs pa nyid la gnas par sngar bshad pas logs shig tu dgar du med do/ /spyir ni zug rdur bcas bskyod pa'i/ /bya bas na bcas las shes bya zhes
 bya ba la/ spyir na lus kyi phyogs gang na zug rdu yod cing nad na mtshon lus pa dang bcas pa ni bskyod pa'i bya bas/ shes pa slad po che'i rgyab dang/ rta bskyon pa dang/ shing la 'dzeg pa dang/ rta rgyug pa dang/ myur ba dang/ rkyal byas pa dang/ mda''phen pa dang/ glal dang ?
 pa dang/ sgrags pa dang/ lung pa/ lu pa dang/ mchil ma drag tu 'dor ba dang/ rgod pa dang/ dbugs rdub pa dang/ 'byung ba nan pa dang bcas pa las shes par bya'o/ /mdor na ldum dang gyes ba dang/ zur bzhi pa dang zur gsum pa'i/ /rma yi dbyibs la zug rdu ni//
 mi mngon rnam par shes par bya zhes bya ba la/ mdor bsdu na/ mi mngon ba'i zug rdu zhes bya ba'i thabs ni/ rma'i kha zlum pa dang gyes shing ngos gnyis tha dad par bye ba dang/ zur bzhir gnas pa dang/ zur gsum par gnas pa'i rma'i dbyibs las zug
 du'i dbyibs dang/ rnam par mi mngon pa dag shes par bya zhing rtogs pa par bya'o/ /de rnams dbyung ba'i thabs gyur gnyis/ /phyir drang ba dang mdun nas drang zhes bya ba la/ zug rdu tha dad thams cad dbyung ba'i thabs ni gnyis kho na ste/ phyir
 drang ba dang mdun nas drang/ /rtse nas drang dang rtsa nas drang/ /de las bzlog pas dbyung bar bya zhes bya ba la/ de gnyis la bzlog pa'i thabs yin pas na/ go bzlog pa'i tshul gyis dbyung bar bya ste/ de bas na rtsa nas drang ba dang rtse mo nas drang ba'i thabs
 gnyis kyis drang bar bya ba yin te/ de bas na 'di dag las phyir drang ba ni rtse mo nas drang bar bya la/ mdun nas drang ba ni rtsa ba nas drang bar bya'o/ /de yang de bzhin thur du zug pa'i zug rngu'i rtse nas drang bar bya la/ gyen du zug pa ni rtsa ba nas drang bya'o/ /
 de ltar na gcig la gcig bcos pa'i thabs kyis zug rdu dbyung bar bya ste/ dbyung sla gang na yod dral te/ /de nas thad kar drang bar bya zhes bya ba la/ mtshon 'phreng du zug pa dag ni/ lus kyi phyogs gang na yod par dral te/ dbyung sla bar bya la de
 nas gnas de las thad kar drang zhing/ de dbyung bar bya'o/ /mtshon ni brang dang mtshan khung dang/ /brla rung rtsi ba logs zug pa dang/ /mdun drang rtse mo mngon bcad bya/ /kha zheng che drang mi bya gang/ /zhes bya ba la/ zug rdu brang na gnas shing zug pa
 dang/ de bzhin du mchan khung dang/ brla rung na gnas pa dang/ rtsib logs su zug pa rnams stobs kyis dbyung bar bya'o/ /de bzhin du mdun nas drang bar mi bya'i phyir drang bar bya ba dang/ rtse mo 'bur 'bur por phyir mi mngon ba dang/ kha bcad pa dang bya ba dang/
 kha zheng tshe ba gang yin pa de ni stobs kyis drang bar mi bya'o/ /zug rdur ma gyur mde'u dang/ /mi don med pas mi dbyung zhes bya ba la/ zug rdur ma gyur cing gnad du ma zhen gyi/ gdeg pa dang/ bdar ba dang/ bzhag pa ste gnas gsum du
 zhugs pa'am/ mtshon mi mngon zhing mi snang yang gnod pa med de/ skrang ba dang na ba dang rnags pa med par gyur na/ zug rdu de dbyung bar mi bya'o/ /de nas lag pa zin gyur na/ /lag pa gnyis kyis drang bar bya zhes bya ba la/ de nas zhes bya ba ni bkra shis pa'i don te/ zug rdu'i rnam pa lag
 pa gzin cing gzur du rung ba ni/ lag pa gnyis kyis drang zhing dbyung bar bya'o/ /snang gzhan seng ge chu srin dang/ khar mi karka Ta'i mchus drang zhes bya ba la/ /zug rdu gang snang bar yang gyur cing sdam las gzhan pa ste/ lag pa zin par ma gyur pa dag ni/ seng ge'i mchu 'dra ba
 la sogs pa'i cha dpyad kyis drang bar bya'o/ /mi mngon rma yi dbyibs las na/ /gal te dbyung bar nus gyur pa/ /kangka bring+ga? khru khrung dang/ /bya rog shar dze'i mchus drang zhes bya ba la/ gang zag zug rngu nyid ni mi mngon la/ rma bya'i dbyibs las lus gang na gang gnas pa'i phyogs
 de las gal te dbyung du rung zhing nus pa yin na lus kyi phyogs de las kang ka la sogs pa'i mchu 'dra ba'i chad byad kyis drang bar bya'o/ /pags sogs la gnas skabs bas drang/ khong stong nang nas nya mgos dbyung zhes bya ba la/ pags pa la sogs par gnas pa'i zug rdu ni/
 skam pa 'dra ba'i cha dpyad gnyis pos drang bar bya'o/ /sogs pa'i sgras ni sha la sogs pa bsdu'o/ /gang khong stong gi sbubs can gyi nang gi pags pas la gnas pa ni/ nya mgo lta bu'i cha dpyad kyis dbyung bar bya'o/ /spu gur gnas pa 'dam bu 'dras zhes bya ba la/ bu ga'i phyogs su
 gnas pa'i zug rdu ni 'dom bu 'dra ba'i cha dpyad kyi 'byung bar bya'o/ /lhag ma gzhan gyis ci rigs dran zhes bya ba la/ zug rdu lhag ma snga ma de dag gis dbyung bar mi nus pa de dag ni cha dpyad gzhan 'dir smos pa dang/ ma smos pa'i thur ma la sogs pas ci rigs par drang par
 bya bar bya ste/ gang zhig gang dang 'tsham pa des de dbyung bar bya'o/ /yang na dang por mtshon gyis dral zhes bya ba la/ de ltar yang na drang bar ma nus na btsags dpyad kyi mtshon gyis drang por dral zhing sha la sogs pa bcad de/ de'i 'og tu dbyung bar bya'o/ /de nas
 rma yi kha gsal ba/ /byas la mar gyis dugs byas shing/ /bcings te spyod pa bsten par bya zhes bya ba la/ de nas de'i 'og tu lus kyi phyogs la zug rdu phyungs zin pa dang/ rma'i kha'i khrag bsal zhing phyis la mar gyis rma legs par dugs bya zhing
 bcings te/ de'i 'og tu spyod pa sngar snum gyi cho ga'i skabs su bshad pa'i kha zas dang/ spyod lam dag bsten par bya'o/ /rtsa dang chu bar mtshon lus pa/ thur ma bskyod de dbyung bar bya zhes bya ba la/ rtsa dang chu bar zhen cing chags pa'i mtshon lus pa'i zug rdu ni dang por
 thur mas bskyod cing bskul la/ de'i 'og tu dbyung bar bya'o/ /snying gar gnas pa'i zug rdu ni/ chu grang gtor bas sdang byas la/ gnas gzhan phyin cing 'phags gyur na/ /ci rigs par ni dbyung bar bya zhes bya ba la/ snying ga'i phyogs su gnas pa'i mtshon gyi zug rdu
 ni dang por chu gang mos gtor cing btab bas sdang shing skrag par byas la/ sdangs bas de gnas gzhan du 'chug shing 'phags par gyur na/ ci rigs par dbyung bar bya ste/ cha dpyad gang 'tsham bas dbyung ngo zhes bya ba'i don no/ /rma yi sgo nas dbyung dka' 
 pa/ /gzhan dag la yang de bzhin bya zhes bya ba la/ mtshon dang po gang du du zug ba'i rma'i sgo nas de nas dbyung zhing gdon bar dka' ba gzhan dag la yang zug rdu de gnas gzhan du bskyod la bral te/ dbyung bar bya'o/ /rus par zug la rkang par ni/ gnyis kyi mnan
 la bral bar bya/ zhes bya ba la/ zug rdu gang zhig rus pa mug 'gyur ba'i mi zug rdu tsam de rkang pa gnyis kyis mnan la/ zug rdu de cha dpyad kyis drang zhing gnod par bya'o/ /de ltar ma nus stobs che ba'i/ /g.yog gis dam du bcings te dbyung zhes bya ba la/ de ltar rnam pa
 des zug rdu dbyung bar ma nus na shin tu stobs che zhing nus pa dang ldan ba'i g.yog bsgo ba bzhin du byed pas cha dpyad kyi shin tu dam du gzungs ste dbyung bar bya'o/ /'on kyang ma nus de'u'i bya/ /bkug la gzhu rgyud dam btags la/ rtag srab kyis ni
 ka lcags mthar/ /ma yengs pa yis dam btags te/ yan lag lnga po legs bsdams nas/ /rta ni lcag gis bzhus nas su/ /bteg cing mgo po bteg nas ni/ /shugs kyis ji bzhin bstod nas ni/ de ltar zug rdu dbyung ba'am zhes bya ba la/ de ltar na yang zug rdu dbyung ba ma nus
 na/ mde'u'i rtsa ba dam du bkug la/ gzhu rgyud kyi phyogs gcig la dam du btags shing bcings te/ gzhu rgyud kyi phyogs gcig rta srab kyi kha lcags kyi yang mig la sman pas gzhan du ma yengs par dam du btags te/ rta yan lag lnga po legs par bsdams shing dul
 bar byas nas de'i 'og tu rta lcag gis bzhus nas ci nas kyang mgo drag tu bteg pa'i shugs kyis zug rdu 'byin par nus pa de ltar bya'o/ /yang na shing gi yal gar gdags zhes bya ba la/ yang na rnam pa gong ma ltar gzhu rgyud kyi rtse mo gcig de'u la bto de/ rtse mo
 gcig shing gi yal ga btud pa la bstad de btang bas zug rdu dbyung bar bya'o/ /mde'u rtsa phra ba srad bu dag/ btogs te zug rdu dbyung bar bya zhes bya ba la/ zug rdu gang gis mde'u rtsa ba phra zhing chad par gyur du dogs pa yin na/ srad ba phra mo btags te dbyung bar bya'o/ /rma
 sgrangs mde'u rtsa mi snang na/ sgrangs pa legs par brtsir nas dbyung zhes bya ba la/ rma'i kha sgrangs pas zug rdu'i mde'u rtsa ba mi snang bar gyur na/ sgrangs pa de lags thar brtsir zhing mnan nas dbyung bar bya'o/ /dong bu tho bas brdungs pa yi/ /mtho zhing snang bar gyur na dbyung
 zhes bya ba la/ zug rdu mtho zhing 'phags par snang bar gyur na cha dpyad dong bu zhes bya ba tho bas brdungs pas dbyung bar bya'o/ /lam ma yin par byung ba gang/ /de nyid kyis ni rma phyad bya zhes bya ba la/ tho ba de nyid kyis zug rdu bskyod la/ /lam dma yin pa las rang gi rgyu ba'i
 lam rma'i sgo dang nye bar drangs la/ de'i 'og tu lam ji lta ba las dbyung bar bya'o/ /mde'u zur bcu ma ste dbyung ba'am dong/ /dong bul ba yis dbyung bar bya zhes bya ba la/ med du'i zug rdu zur can ni rna ba can yod na rna ba de btsum zhing bsdus la lhod par byas te/ dbyung ba'am dang bu'i kha yis legs
 bar dbyung par bya'o/ rna ba med cing rma kha bye/ /drang dug kha long bstan pas dbyung zhes bya ba la/ zug rngu'i mde'u rna ba med pa dang/ kha bye zhing bye ba dang/ drang por 'dug cing thad kar gnas pa dag ni/ khab long zhes bya ba'i nor bu'i khyad par bstan pas dbyung
 bar bya'o/ /zhu ba'i gnas song zung rngu ni/ bkru sman nyid kyis dbyung bar bya zhes bya ba la/ zhu ba'i gnas long kha man chad kyi nang du zhugs pa'i zug rngu phra mo ni bkru sman btang ba nyid kyis dbyung bar bya'o/ /rlung snod dug dang nu zho dang/ /khrag dang chu snod gzhibs
 pas bsal zhes bya ba la/ rlung gnod pa bskyed pa la sogs pa dag ni zug rngu dang 'dra bar lus la gnod par byed pa yin la/ de ni gzhibs pas bsal zhing gdon par bya'o/ /gre ba nas zhugs zug rngu la/ /skud pa gre bar gzhug byas te/ pad+ma'i rtsa
 bar skud pa gdags/ /bang rtsa zug rngu lhan cig drang zhes bya ba la/ gre ba'i sbubs kyi nang du zug cing der zhugs pa'i zug rngu ni/ srin bal la sogs pa'i skud pa gzhug par bya la/ /de yang pad+ma'i rtsa pa la skud pa btags te btang la de'i 'og tu pad+ma'i rtsa ba dang
 zug rngu zug pa dang pad+ma'i rtsa ba dang zug rngu lhan cig tu drang par bya'o/ /lcags bsregs mig chur bcug pa yi/ /lcags thur brtan por byas nas ni/ /rgya skyegs can ma rgya skyegs med/ /rgya skyegs kyis bsgos zug rngu dbyung zhes bya ba la/ zug rngu rgya skyegs
 can dag gre ba'i sbubs las gdon pa'i thabs ni/ cha dpyad spugs can gre par bcug la/ gre ba'i tshigs pa bsrung bar bya ba'i phyir/ chu bsil mo lcags bsregs pa'i thur ma la blug pas de gdon par bya'o/ /rgya skyegs med pa'i zug rngu yang lcags
 bsregs pa'i thur ma'i rtse rgya skyegs kyis bsgos pa smig ma'am/ dong bu bcug ste/ chus gtab pas dbyung bar bya'o/ /skra shad 'dzings pa 'thung pa dang/ gsher bas tshor ma zug pa gdon/ 'phral du srad bu thogs pa yis/ /slon par bya'o des
 cig shes zhes bya ba la/ skra'i tshogs bsdus pa'i gong bu ni skra shad 'dzings pa zhes bya ba la de 'thungs pa dang/ gsher ba'i rtses chu la sogs pas tsher ma ste nya rus sam/ gzhan yang de lta bu'i rus pa'i zug rngu dbyung zhing gdon par bya'o/ /de yang 'phral du ste/ de'i mod la
 srad bu la zug rngu thogs par gyur pas de slon par bya zhing/ srad bu'i phyogs gcig tu zug rngu 'byar pa de drang bar bya'o/ /yang tsher ma des ni cig shos te skra shad de drang bar bya ste/ srad bu btags shing gsher bag 'thungs pas slon par bya'o/ /kha snar drad
 bar ma nus na/ /gzhan du thur du ming par bya zhes bya ba la/ gal te kha snar gyen du zug rngu drad par ma nus na/ gzhan du na thur du ming cing nang du drad bar bya'o/ /zhes bya ba'i don to/ /zas kyis rnangs pa'i zug rngu ni/ chu btung phrag par brdegs pas gzhug /ces bya
 ba la zas kyis brnangs shing lkog mar chags pa'i kham tshad nyid ni zug rngu'i bya ba byed par zug rngu zhes bya la de ni chu btung ba dang phrag par khu tshul brdeg pas nang du gzhug par bya'o/ /mig gi rma yi zug rngu phra/ /dar ram bal lam chu yis bsal zhes bya ba la/ mig
 gi rma'i zug rngu phra mo ni/ dar la sogs pa gsum gyis bsal zhing gdon par bya'o/ /mi ni chus gang kha spub ste/ sprug pa 'am brkyang la btsir slon pa 'am/ /thal khung brkos te mi yi ni/ /rke yi bar du nub tu gcug ces bya ba la/ mi chus khyer ba la sogs
 pa'i tshe nang du chus gang par gyur na/ kha spub ste lags par sprug pa 'am/ de bzhin du yang kha spub ste brkyang la btsir ba'am/ slon sman gyis skyug tu gzhug go /yang na thal khung brkos te mi de'i rke'i bar du nub tu gzhug par bya'o/ /rna ba chus gang lag
 pa yis/ /mnyes la til mar rgyun blug la/ /rna ba thur du bstan nas ni/ /brdab pa 'am yang na brdub par bya zhes bya ba la/ rna ba chus gang bar gyur na/ lag pas legs par mnyes la/ til mar gyi rgyun blug pa dang/ de bzhin du rna ba thur du bstan nas
 lag pas brdabs pa 'am rdub cing gzhib par bya'o/ /rna ba'i nang du 'bu zhugs na/ /rna ba tshwa chus bkang ba'am/ /tshwa chung 'jam nyid kyis dgang/ /shin 'bu ro dbyung thabs bya zhes bya ba la/ rna ba'i bu ga'i nang du rkang brgya ba la sogs pa'i 'du zhugs na
 rna ba chu tshan gyi chus bkang ba'am/ tshwa chu dra 'jam dag gis kyang dgang par bya ste/ don dran tshwa chu 'am/ tshwa chu dro 'jam du bsros pas rna ba dgang bar bya'o/ gal te bu der shin 'bu ro dbyung ba'i thabs rna spabs bsal ba la sogs pa'i cho ga 'og nas
 smos pa dag bya'o/ /rgya skyegs can dang gser dngul sogs 'byung khungs las byung yun ring gnas/ /mtshon ni phal cher lus kyi ni/ /drod kyis 'ju bar byed pa yin zhes bya ba la/ /zug rngu rgyu skyegs can dang/ gser dngul gyi rang bzhin can la sogs pa 'byung
 khungs las byung ba'i mtshan ni/ /lus kyi me drod kyis 'ju bar nus pas yun ring du gnas na/ mtshon de dag 'ju bar 'gyur ba yin no/ /sa dang 'o ma shing rwa? rus/ /so dang skra? dang rngo ba 'ang 'ju zhes bya ba la/ sa dang 'od ma la sogs pa'i zug rngu
 dag kyang lus kyi mes 'ju bar nus pa yin no/ /rwa dang 'ang chal lcags ta la/ /shing tshal zug rngu ring pos kyang/ /phal cher de dag tshos 'gyur la/ /khrag dang sha yis chos par byed ces bya ba la/ rwa'i zug rngu dang 'ong mi'i zug rngu dang/ lcags dang shing gi zug rngu phal che ba dag
 kyang las kyi mas chos shing 'drul par 'gyur ro/ /de dag kyang sha dang khrag gis chos shing 'ju bar byed do/ /zug rngu sha yi gting du zug phyogs de tsha ba med gyur na/ /de nas de ni snang bya'i phyir/ /mnye dugs byung dang sha dbri brta/ /sman rnon sbyin dang zas skom sbyin/ /mtshon
 gyis btab cing btsags pa yis/ /smin par byas nas sha dra la dang/ /btsal dang phye bas zug rngu dbyung zhes bya ba la/ zug rngu'i rnam pa sha'i bting du zug cing nang du zug pa ni lus kyi yan lag gi phyogs te/ /tsha zhing chos par mi 'gyur te/ der gnas pa'i zug
 rngu ni mnye ba la sogs pa'i thabs kyis smin par byas nas dbyung bar bya'o/ /mnye ba ni lag pas mnye ba'o/ /de bzhin du dugs bya zhing bcing ba dang/ bkru sman dang slon sman la sogs pas sbyang ba dang/ myung ba la sogs pa sha dbri ba dang/ sha za ba la sogs pas brta ba dang/ sman tsha zhing
 rno bas bag bcing ba dang/ zas skom rnon po sbyin pa dang/ mtshan gyis btab cing btsags pas snang bar byas nas dang po thabs de dag gis smin par byas la/ de'i 'og tu rma 'dral ba dang/ chu tshol gyis stsal ba dang/ dbye zhing bshags pas zug rngu de dbyung bar bya'o/ /zug
 rngu'i gnas dang cha dpyad kyi/ /tshul ni mang po legs brtags te/ /blo ldan thabs ni de dang nges/ /shes par byas la zug rngu dbyung zhes bya ba la/ zug rngu de rwa dang 'od ma la sogs pa dang gnas te/ zug pa'i gnas pags pa dang/ shal sogs pa dang cha dpyad ces cha dpyad
 bkra shis la sogs pa de rnams kyi mang po 'am/ rnam pa sna tshogs pa legs par brtags te/ shes par byas la blo dang ldan pa'i mkhas pas 'dir bshad pa dang/ ma bshad pa'i thabs dang de'i bye brag shes par byas la/ zug rngu'i rnam pa yang ji ltar gnas par
 shes par bya ba dang/ de bzhin du thabs de dang de nyid kyis dbyung zhing gdon par bya'o// //yan lag brgyad pa'i snying po bsdus pa'i rnam par 'grel pa/ tshig gi don gyi zla zer re zhes bya ba/ slob dpon zla ba la dga' bas rnam par sbyar ba las/ /le'u nyi shu rtsa brgyad
 pa'i rnam par 'grel pa'o// //de nas gtar ga gdab pa'i las kyi cho ga'i le'u bshad par byed zhes bya ba la/ 'dir bshad pa'i 'brel pa ni 'di yin te/ zug rngu la la ni rma dral nas dbyung bar bya'o/ zhes gong du bshad pas de'i phyir de'i 'og tu 'di brtsams
 pa yin no/ /btsags dpyad kyis gtar ga gdab cing rma'i las su bya ba byed pas na/ gtar ga gdag pa'i las te/ de'i cho ga ni 'di dang 'di ltar bya'o/ /zhes bya ba'i tshul te de bshad par bya'o/ /rma ni phal cher dang po ni/ /skrangs dang smin las 'byung par
 'gyur/ /de bas de nyid gso bya ste/ /de bsil byug blugs khrag dbyung dang/ legs par sbyar ba la sogs pas/ /smin par 'gyur bas 'bad de bsrung zhes bya ba la/ rma yi mtshan nyid phal cher mang du dang por skrangs shing smin pa las rma 'byung
 par 'gyur ro/ /de bas na skrangs pa de nyid gso zhing zhi bar bya ba dang/ smin par 'gyur ba las bsrung par bya ste/ ci nas kyang skrangs pa de smin cing brnags par mi 'gyur ba de ltar 'bad pa dang ldan pas srung bar bya'o/ /de ji ltar bsrung bar bya zhe na/ de ni bsil
 dang zhes bya ba la sogs pa ste/ skrangs pa de tsan dan gyi lde gul sogs pa bsil sman gyi byug pa dang/ bsil sman la sogs pa'i chu'i rgyun blugs pa dang/ de bzhin du gtar ga gdab cing khrag dbyung ba dang/ skyugs sman dang bkru sman la sogs pa btang bas
 legs par sbyar bar byas la/ rlung la sogs pa'i nad dmigs ji lta ba dang mthun pa'i gso dpyad kyis smin cing brnags par 'gyur ba las bsrung bar bya'o/ /thor bu ma smin skrangs drod chung/ /mdog 'dra sra zhing brtan par gnas zhes bya ba la/ thor bu
 'am skrangs bag mi smin pa ni skrangs pa'i tshabs chung ba dang/ drod dam tsha ba'i shas chung ba dang/ de bzhin du mdog ni 'dra ba ste/ /pags pa'i mdog ma nyams shing mnyam pa dang/ sra zhing mnyen bag med pa dang/ brtan zhing mi yo bar gnas pa yin no//
 smin tshe mdog ni 'gyur ba dang/ /dmar zhing rkyal bu'i dbyibs ltar 'dug gas pa lta bu'i nad bcas dang/ /yan lag mnyam zhing glal bcas dang/ /lus grugs 'khrugs tsha yi ga 'chus/ /rims 'deb skom dang gnyid med dang/ /mar 'khyags bzhag
 na 'ju ba dang/ /rma ltar reg na mi bzod do zhes bya ba la/ skrangs par gyur pa de smin par byed pa'i tshe ni mdog 'gyur zhing pags pa'i mdog dang mi 'dra ba dang/ /de bzhin du mdog rtsa dmar ba dang/ rkyal bu'i dbyibs ltar 'dug pa ste/ rlung gis khengs shing
 mi 'gyur bar gnas pas na rgyal ba bus pa lta bur 'dug pa dang de bzhin dugs pa lta bu ste/ bcag pa 'am bkas pa lta bu'i tshul dang ldan pa dang/ nad dang bcas pa de khab kyis btsags pa snyam du sems pa dang/ de bzhin du yan lag thams cad snyom zhing glal 'byung ba dang
 bcas par gnas pa dang/ /lus grugs shing dkrugs pa lta bur sems pa dang de bzhin du lus 'khrugs pa la sogs pa dang ldan pa ste/ 'khrugs pa ni tshig brjod par mi nus pa'i nang gyi tshor ba rang gi nyams kyis myong ba'i tshul du ma dang ldan pa'i khams 'khrugs
 ba'i nang 'byung ba'o/ /tsha ba ni lus dang yan lag thams cad mi bzad par tsha ba'o/ /yi ga 'chus pa ni zas la 'dod pa med cing/ mngon par mi dga' bar 'gyur ba dang/ rims kyis 'debs pa dang/ skom dang kyis gdungs pa dang/ gnyid med cing yar ba ste/ de dag
 dang ldan par 'gyur ba dang/ de bzhin du mar 'khyags shing 'thas par gyur pa de'i steng du bzhag na 'ju bar 'gyur ba dang/ de bzhin du rma byung ba ltar skrangs pa smin par byed pa de'i tshe/ reg na mi bzod la yin no/ /smin gyur na ba'i shugs chung zhing/ /rnying cing rkyal
 gnyer ma 'du/ /mdza' ma 'dzum zhing dbus su mtho/ /g.ya' dang skrangs pa la sogs phyung/ /rgyal ba yi ni chu lta bur/ /reg na rnag ni phan tshun rgyu zhes bya ba la/ /skrangs pa de smin cing brnags par gyur na/ na ba'i shugs chung ba ste/ nad kyi rtsom pa shas chung ba dang/
 de bzhin du rnying cing snyi ba dang/ mdog skya zhing dkar ba dang/ gnyer ma'i tshogs 'du ba dang/ de bzhin du tham thog thag 'dzum zhing dma' la dbus ma'i phyogs mtho zhing 'phags par 'gyur ba dang/ de bzhin du g.ya' ba dang/ skrangs pa la sogs pa chung zhing zhib dang
 rkyal pa'i nang du chu blug pa ltar gnas shing/ reg cing mnan na rnag gi tshogs phan tshun rgyu zhing 'khrug pa yin no/ /rlung min min mkhris min tshe/ /med de bad kan med mi skrang/ /khrag med dmar bar mi 'gyur te/ de bas nad khrag dang bcas smin zhes bya ba la/
 smin cing brnags pa de la rlung ma yin zhing/ rlung nad med pa ni/ na zhing zug par mi 'gyur la/ mkhris pa ma yin bar ni tsha zhing drod bag mi 'byung la/ bad kan med par ni skrangs par 'byung bar mi 'gyur la/ khrag med par ni dmar bar
 mi 'gyur te/ de bas na rgyu de'i phyir nad ces bya ba rlung dang mkhris pa dang/ bad kan dang khrag dang bcas na skrangs zhing smin par 'gyur ro/ /smin pa thal drags khong stong dang/ nad kyis zos pa pags pa srag /gnyer ma 'jum zhing mdog nag la/ ba spu rnams
 ni? 'byi bar 'gyur zhes bya ba la/ /skrangs pa smin nas/ thal drags shing dus ring du 'das pa ni/ skrangs pa'i gnas nad khong stong du 'gyur ba dang nad las byung pa'i rnag gis zos shing zad par byas pa dang/ pags pa srab cing brdol bar nye ba dang/ gnyer
 ma 'dzum zhing pags 'dus pa dang/ mdog gnag cing dri ma can du gnas pa dang/ ba spu rnams kyi tshogs 'byi zhing 'byung bar mi 'gyur ba yin no/ /bad kan shas che skrangs pa ni/ /smin pa gting ring khrag gis gang/ de bas smin btag gsal ma
 yin/ /skrangs pa gang du bsil gyur cing/ /pags mdog mi 'gyur nad tshabs chung/ /rdo ltar reg na sra ba ni/ /mkhas pas the tshom med par de/ /khrag gi sman pa zhes bshad bya zhes bya ba la yang bad kan las byung ba'i skrangs pa la ni/ smin pa'i gting
 ring zhing zab pas brtag par dka' ba dang/ khrag gis gang par gyur pa yin te/ de bas na de'i smin pa'i rtags sam/ mtshan ma ni gsal ba ma yin te/ shes par dka' ba yin no/ /yang skrangs pa'i rnam pa gang du skrangs bag bsil zhing reg
 na krang bar gyur la/ pags pa'i mdog kyang gzhan du mi 'gyur te/ cha 'dra ba dang/ nad tshabs chung ba dang/ rdo ltar reg na sra zhing mkhrad bag tu gnas pa gang yin pa de ni mkhas pa the tshom dang dogs pa med nyid du khrag las gyur pa'i rma smin pa
 yin no/ /bdag nyid kyang zhes bshad cing the tshom med pa nyid du bya'o/ /snying stobs nyam chung byis pa dang/ /thur ngu smin pa'i tshabs che ba 'am/ /gnad dang rus tshigs la sogs par/ /'byung ba ma gtog gzhan dag dral zhes bya ba la/ snying stobs chung zhing phrog rmya zhan pa dang
 de bzhin du nyam chung ba dang/ byis pa lta bu mtshon gang ba mi bzod pa dang/ smin pa'i tshabs che sta thal drags pa dang/ /de bzhin du gnad dang rus tshigs la gnas pa'i skrangs pa la ni/ /rno ba dang tsha ba'i sman gyis brtol zhing dral bar bya'o/ /de yang 'di nyid kyi rgyud phyi
 ma las/ gu gul zer ma ba lang so/ /khron bu dang ni phug ron rtug /thal sman 'phrod dang thal sman ni/ /skrangs pa mi 'gyur brtol bar bya/ /zhes bya ba bshad pa yin no/ /gzhan dag ces bya ba skrangs pa'i rnam pa gong du smos pa ma gtogs pa gzhan dag ni btsags bus dral
 ba nyid du bya'o/ /ma smin brtol na rtsa rgyus la/ gnod cing khrag ni mang du 'byung/ /nad tshabs rab 'phel rtsa gyes pa'am/ /rma 'byung thor bu 'byung bar 'gyur zhes bya ba la/ skrangs pa ma smin pa brtol zhing dral na/ rtsa dang rgyus pa la gnod cing ma rungs par 'gyur ba dang/
 de bzhin du khrag mi tshogs mang du 'byung zhing 'bab pa dang/ de bzhin du nad tshabs rab tu 'phel zhing tshor ba che bar 'gyur ba dang/ rma'i kha gyes shing bye bar 'gyur ba'am/ yang na rma brtol ba las byung ba'i thor bu 'am/ me dbal gyi nad du 'gyur ro/ /rnag ni
 nang du gnas gyur ba/ /'phel bas rtsa rgyus sha dang ni/ /khrag rnams myur du sreg byed de rtsa rnams la ni me dang mtshungs zhes bya ba la/ skrangs pa de smin pa thal drags kyang/ dral zhing brtol ba ma byas par nang du gnas par gyur pa rnam par 'phel bar gyur
 bas rtsal sogs pa sreg cing za bar byed de/ dper na me mched bas rtswa'i tshogs bsrags pa dang 'dra'o/ /gang zhig ma smin brtol ba dang/ gang zhig smin kyang btang snyoms 'jog /khyad par mi shis de dag ni/ /sme sha can 'drar shes par bya zhes bya ba la/
 sman pa gang gis skrangs pa ma smin pa dag kyang mi shes pa'i dbang gis brtol zhing dral bar byed la yang sman pa gang zhig skrangs pa de smin zin kyang mi shes pa nyid kyis btang snyoms su 'jog cing brtol bar mi byed pa nyid de/ de gnyi ga yang khyad par
 mi shes shing ma brtags par byed pa yin pas sme sha can te/ khyi sha za ba'i rigs ngan dang/ 'dra bar dmad par bya ba yin no/ /rma brtol ba'i dang por ni/ kha zas phan pa sbyin par bya/ /tshor ba mi bzad tshor 'gyur bas/ /chang 'thung ba la chang blud bya/ /zas zos pa yis
 ma brgyal zhing/ nang du mtshon btab tshor mi 'gyur zhes bya ba la/ rma brtol zhing btsags bu 'debs pa'i bar las byed pa'i dang por re zhig 'di dag ma byas par mtshon gyi las mi bya ste/ de yang thog ma kho nar nad pa de'i stobs
 bskyed pa'i phyir/ kha zas phan zhing mngon par dga' ba sbyin pa dang/ yang mtshon gyis btab ba'i tshor ba mi bzad pa drag po de bzod par 'gyur bas/ chang 'thung ba zhig yin na chang rnying pa blud par bya ste/ /de ltar na des zan zos shing longs spyad pas ni brgyal
 zhing 'bog par mi 'gyur la/ de bzhin du chang rnying pa rnon po 'thungs pas ni nang du mtshon gyis btab cing brtol ba tshor bar mi 'gyur zhing/ /de'i sdug bsngal brnags nus par 'gyur ro/ /rum du bu sha rde chags dang/ /kha nang dmu rdzings can ma gtogs zhes  
 bya ba la/ nad pa'i rum du bya shi ba la sogs pa ni ma gtogs te/ bud med rum du bu shi ba dang/ /gcin nad rde'us 'gags pa dang/ kha yi nang rnams yod pa dang/ /lto dmu rdzings can la mtshon gdab pa'i las rma brtol bar mi bya'o/ /de nas yo byad kun bsags te/ /nad
 ba shar du kha bstan la/ /sman pa mngon phyogs bsdams nas ni/ /gnang sogs ma gtog btsags bus gdab/ sha shugs rjes mthun shin tu rno/ /btsags bu rnag phyin bar du gdab/ /de ni cig car gdab par bya zhes bya ba blo/ /de nas zhes bya ba ni/ bkra shis
 ba'i don du smos pa yin no/ /yo byad kun bsags te zhes bya ba ni/ de'i tshe dgos pa'i yo byad thams cad bsags pa ste/ cha dpyad rnams dang/ btsags dpyad rnams dang/ thal sman dang/ 'dzam bu'i mchu dang/ ras bal dang/ chu 'am mar la spangs pa'i gos kyi dum bu dang/
 'o ma dang/ srad bu dang/ pags pa dang/ sbrang rtsi dang/ snum dang/ bska ba'i lde gu dang/ til gyi lde gu dang/ ltugs pa'i sman dang/ chu'i bum pa dang/ chu tshan dang/ chu don dang/ nad dang bsil ba la sogs pa rma la dgos pa'i yo byad thams cad bsag cing nyer bsdogs su bya'o//
 de nas nad pa kha shar du bstan te/ sman pa ro la mngon par phyogs shing bltas nas/ legs par bsdams te/ btsags bus myur du gdab par bya'o/ /de yang nad la sogs pa gdab pa ste/ gnad dang/ rtsa dang/ chu ba dang/ rus pa'i tshogs dang/ rtsa bo che rnams
 spang bar bya'o/ /de yang sha shugs dang rjes su mthun par byas la/ shin tu tu rno ba'i btsags bu gdab pa ni/ rnag phyin zhing snang bar gyur gyi bar du btang la/ de yang cig car te/ lan cag kho na gdab par bya'o/ /smin pa chen por yod kyang de/ /rma zhes sor gnyis dral
 ba'am/ sor gnyis pa'i zabs sor gsum gang bcas bya ba la/ smin pa shin tu che ba la ni/ rma zheng sor gnyis gdab par bya ba'am/ sor gnyis pa'i bar ram zabs brtags la/ sor gsum par gdab par bya'o/ /mdzub mo chu ba spru dag gis/ /gnas
 phyogs ji bzhin brtags pa 'am/ /rma tshol gyis ni legs btsal zhing/ /kun tu legs par brtag par bya zhes bya ba la/ rma tshol gyis kun tu legs par btsal zhing brtags la bya ba 'am/ mdzub mo la sogs pas gnas dang phyogs gang na ji ltar
 sod pa legs par brtag cing btsal bar bya ste/ rma'i kha bye zhing gyis pa'i phyogs su mdzub mo g.yon pas brtag par byas la/ /ba shin tu bye ba ni ma yin la/ sha'i gting zab ba dag tu ni/ rma tshol gyis thur mas legs par btsal bar bya la/ gzhan
 dag la ni smyug ma'i sbu guAm/ pad+ma'i chu ba la sogs pas brtag par bya la/ kha shin tu zlum pa la ni ra phag gi spus brtag cing btsal nas rma btod par bya'o/ gang nas gang du 'gro bar 'gyur ba gang du mtho bshes byas la/ /de dang der ni rma  
 btod de/ logs phye phug ni med par bya/ /mchu dang zhang du ci nas kyang/ /nad kyi gnas par mi 'gyur bya zhes bya ba la/ lus kyi phyogs gang du rma tshol 'gro bar 'gyur ba'i lus kyi phyogs der rma btod par bya'o/ /yang na gang dang gang du skrad pa'i phyogs
 mtho bar snang bshes par byas la/ phyogs de dang der rma btod par bya'o/ /de yang legs par phye ba ste lobs phan chun gyi bye breg legs par shes shing/ phyed par 'gyur bar bstod pa dang/ de bzhin du phugs 'chas pa med pa ste/ rnag la sogs pa brten
 pa'i gnas med par 'gyur ba dang/ de bzhin du chu de srid pa dang/ zheng de rgyar ci nas kyang rnag la sogs pa'i nad gnas par mi 'gyur zhing/ chags par mi 'gyur ba'i mtshan nyid dang ldan pa de ltar bya'o/ /sman pa dpa' brtan las la myur/ /mtshon rno mi rdul mi
 'dang la/ /kun tu rmongs par ma gyur ba/ /btsags bus 'debs pa'i las la bsngags zhes bya ba la/ sman pa dpa' ba la sogs pa dang ldan pa ni/ sman dpyad kyi mtshon gyi las byed pa la bsngags shing 'dod par bya ba yin no/ /de la dpa' ba ni brtul phod
 ba'o/ /brtan pa ni bag tsha ba med cing mi 'gyur ba'o/ /las la myur ba ni lag bzo bas btsags bu'i las myur du byed pa'o/ /mtshon rno ba ni lags par bdar ba dang/ kha snyoms shing legs pa'o/ /mi rtul ba ni las chu mi 'dzag pa'o/ /mi 'dar ba ni
 lag pa mi 'dar ba'o/ /kun tu ma rmongs pa ni bya ba la mkhas pa'o/ /gyen du bcang bya dpral smin rtsa/ /rnyil dang skye rtsa lto rtsa dang/ /mtshan khung dang ni mig sbubs mchu/ /mkhur tshos brla drung chu so rtsa'o zhes bya ba la/ /dpral ba la sogs pa'i rtsa ni
 btsags bu kha drang por bstan te/ gyen du gdab par bya'o/ /gzhan dag gyen du bcad na ni/ rtsa dang chu ba ma rungs 'gyur zhes bya ba la/ phyogs gzhan dag tu rtsa gyen du bcad na rtsa dang chu ba ma rungs par 'gyur ro/ /btsags bus btab nas nad pa ni/ /tshigs snyan chu ni bsil ba
 yis/ /dbugs byung nas ni de'i 'og rma/ /sor mos kun nas brtsir ba dang/ /bska ba'i chu yis legs bkru zhing/ /sman chur bcug pa'i gos kyis phyi/ /gu gul yungs kar a ka ru/ /shing kun kab? rgyam tsha dang/ /shu dag nim+ba'i lo ma ni/ /mar dang sbyar bas bdug par
 bya zhes bya ba la/ /btsags bu btab zin nas de'i 'og tu nad pa la de'i tshe smra bar 'os pa'i tshig snyan pa brjod pa dang/ de bzhin du chu bsil ba gtor ba la sogs pas dbugs phyung nas/ de'i 'og tu rnag la sogs pa'i skyon bsal bar bya ba'i phyir rma de sor mos
 kun nas bcing bar bya'o/ /de'i 'og tu nad dmigs ji ltar 'tsham pa'i sman chu bska ba la sogs pas legs par bkru zhing sbyangs nas/ de'i rjes la ras bal la sogs pa'i gos kyi chu legs par bsal zhing/ de nas rma de gu gul nas nim+ba'i lo ma'i bar
 gyi sman mar dang/ sprus shing sbyar ba'i bdug pas bdug par bya'o/ til gyi lde gu mar sbrang rtsi/ /rang gi sman ni ji lta bas/ byugs shing de nas rma chas gzhug /de nyid kyis ni de g.yogs la/ mar dang phyer sbras bsku ba dang/ /de'i 'og kog rtse stug po ni/ /bzhag
 ste shin tu ma yengs pas/ /gos kyis legs par bcings byas te/ /blo dang g.yas dang g.yon dag gam/ /steng ma 'og tu ma song bya zhes bya ba la/ /de nas de'i 'og tu rma'i nang du gro mde'u tshul du ras gtsang ma'i rma chas su byas pa dang/
 ras bal la sogs pa'i sdong bu rma'i nang du gzhug tu rung ba bcug la/ de'i 'og tu nad dmags ji lta ba'i sman gyi lde gu byug cing bsku bar bya ba dang/ de bzhin du til gyi lde gu dang/ mar dang/ sbrang rtsi bsku zhing til gyi lde gu dang mar dang sbrang rtsi de nyid
 kyis rma'i nang na gnas pa'i rma chas rmar bcug pa'i ras du ma la sogs pa de nyid kyis g.yog par bya'o/ /de 'ba' zhig gis de g.yog par ma zad kyi snod kyi nang du phye dang mar dang chung sbrus shing lag pa'i rtse mos gnyis pa'i zan gyis kyang
 g.yog par bya'o/ /de'i 'og rma'i than skor gyi steng du kog tse gos rim pa mang po las byas pa mthug po bzhag la/ shin tu ma yengs pas gos kyi dum bus legs par bcing zhing dkri bar bya la/ de yang glo g.yas sam g.yon du ma 'phyugs
 bar bya ba dang/ rma'i steng ngam 'og tu ma song bar drang zhir ya yo med par rma dkri zhing bcing bar bya'o/ /rma tshangs kog tshe dkris mar bcas/ /phra zhing sral gtsang ba la/ /spos kyis bdugs shing 'jam la mnyen/ /kham khum med cing rma la phan zhes  
 bya ba la/ /gong du smos pa'i rma tshangs nang du gzhug pa'i ras dang/ kog tshe dang/ dkri ba'i ras ni sra zhing mi 'chad pa dang/ gtsang zhing bkrus pa las byas la/ de yang gu gul la sogs pa'i spos kyis bdug pa dang/ 'jam zhing reg na bde ba dang/ mnyen zhing
 'jam pa dang/ kham khum med cing blta ba tshigs dang bral ba'i rma la phan pa'i de lta bu dag bya'o/ /bcings nas de yi 'og tu de/ /gnod pa zlog cing bsrung bar bya/ /de rnams la ni gtor ma sbyin/ /lag mi gu ha a ti gu ha dang/ /spang spos bra ma tsa ri ni/ tsha tra
 a ti tsha tra dang/ /durba chu dag yungs kar dang/ /rtag tu de yi spyi bor gdags zhes bya ba la/ /rma bcings pa'i bar gyi las de dag byas nas/ /de'i 'og tu nad pa de la gdon la sogs pa'i gnod pa bzlog pa'i phyir bsrung bar bya'o/ /yang gnod sbyin
 la sogs pa de rnams la gtor ma'i kha zas ci rig par sbyin pa dang/ rtag par dus thams cad du sman 'di dag spyi bar gdag par bya ste/ lag smi zhes bya ba sha mi dang/ gu ha zhes bya ba khri son par ni dang/ /a ti gu ha zhes bya ba sa la par+Ni dang/
 spang spos zhes bya ba many+dzi sde/ ming gi rnam grangs dza til zhes bya ba dang/ bra ma tsa ri zhes bya ba bra ma aSh+Ti ka zhes bya ba'i shing dang/ shu dag ste sman pa tsa dang/ tsha tre ta ces pa sha ta puShpa dang/ a ti tsho tra zhes bya ba bi sha ni ki dang/ dur ba dang/ yungs kar rnams gdags
 par bya'o/ /de nas snum gyi cho gar bshad/ nyin re kun spyod bshad pa bstan/ /zhes bya ba la de'i 'og tu skyes bu sman ma de la snum gyi cho gar bshad pa zhes pa snum btung ba'i cho ga'i skabs su bshad pa/ kha la chu dron gyis kun tu spyod pa bya ba la sogs pa
 dang/ nyin re zhing spyad par bya ba'i le'u yi skabs su bshad pa'i kun tu spyod pa ston cing bsgo bar bya'o/ /nyin par gnyid log rma g.yang zhing/ /kha dmar na skrang rnag 'khyims 'gyur zhes bya ba la/ sman ma smin par gnyid log pa ni rma g.ya' ba dang/ kha
 dmar ba dang/ na ba dang/ skrangs pa dang/ rnag 'khyims par byed par 'gyur ro/ /bud med dran nam reg pa'am/ mthong bas khu ba byung gyur na/ ma phrang na yang 'khrig pa las/ /byung ba'i skyon ni 'thob bar 'gyur zhes bya ba la/ bud med dang ma phrad du zin kyang/
 de dran pa la sogs pa nyid kyis khu ba byung bar gyur na 'khrig pa las byung ba'i skyon rma bye ba la sogs pa 'byung zhing 'thob par 'gyur ro/ /kha zas dag ni gang goms pas/ nas dang gro dang drug cu pa/ sran chung mung+ga tu ba ri/ /ni shan nA ga dzI ban+ti/ la phug
 gzhon nu brta ka/ rgya sne'u tan+tu la ya ka/ ka re be la kargo to/ /ka tu ka phul? pa to la/ /rgyam tsha se 'bru skyu ru ra/ /chu bskol ba ni bskrangs pa dang/ /'bras rnying chan dang/ snum nyung zad/ /zos rjes chu tshan btung ba dang/ skam sa'i shing ni zos gyur na/ /rma ni myur du 'tsho bar 'gyur
 zhes bya ba la/ nad pa sman pa de rjes su mthun zhing goms pa'i kha zas zos pas myug zhing rings par rma 'tsho zhing bde bar gnas par 'gyur ro/ /de la nas la sogs pa ni bza' ba'i don du'o/ /sran chung la sogs pa ni sran khu yu sha dang tshod ma'i don du sbyar ro/ /tu ba rin
 sran ma ardu ka'o/ ni shaM ni ka dang/ /dzA ban+ti la sogs pa ni tshod ma'i don du'o/ /rgyam tsha dang se 'bru la sogs pa spos kyi don du'o/ /chu bskol ba sgrangs pa ni btung ba'i don du'o/ /'bras rnying pa ni lo gcig ma lon pa'i 'bras de'i chen no/ /snum can
 ni snum cung zad yod pa'o/ /de'i rjes la 'tshal nan ni chu tshan btung bar bya'o/ /de bzhin du skams sa'i sha'ur bya la sogs par shi bza' ba ste/ de dag gis rma myur du 'tsho zhing 'byad par 'gyur ro/ /dus su ran par bza' ba dang/ /phan bzos na bde 'ju 'gyur zhes bya ba la/ de ltar
 rjes su mthun pa'i kha zas ji ltar 'os pa'i dus su ran zhing 'tshams par bza' ba dang/ phan pa zos na bde blag tu 'ju zhing smin par 'gyur ro/ /ma zhu ba yis rlung la sogs/ /ldang zhing nad ni stobs can 'gyur/ /de las skrangs na brnags pa dang/ /tsha dang spos
 par 'gyur pa yin zhes bya ba la/ kha zas ma zhu zhing smin par ma gyur pa las ni/ rlung la sogs pa'i nad ldang zhing stobs dang ldan pa nad tshabs chen por 'gyur ro/ /de ltar ldang ba de las rma/ /skrangs ba dang na ba la sogs pas nad pa nyen par 'gyur ro//
 'bru sar til dang mA Sha dang/ /chang dang rlan can las byung sha/ /'o ma bu ram shing las gyur/ /skyur dang lan tshwa tsha ba dang/ /gzhan gang 'khru ba gcod byed dang/ /tsha dang bsil ba lci ba spang zhes bya ba la/ 'bru sar ba la sogs pa'i sde tshan rma yod pa'i skyes
 pus spang bar bya'o/ /de bzhin du chang dang srog chags gsher sar gnas pa sha dang 'o ma las gyur pa dang/ zho dang dar ba dang phrum dang/ thung la sogs pa dang bu ram shing las gyur pa ste/ /bu ram phra mo la sogs pa dang/ skyur dang/ lan tshwa dang/ tsha ba'i
 bza' btung dang/ gzhan yang gang dang 'khrub bcod cing 'gag par byed pa dang/ tsha ba'i shes che ba dang/ bsil zhing grang ba dang/ lci ba de dag kyang spang zhing dor bar bya'o/ /'brus ral sogs sde tshan 'di/ /rma dang ldan pa'i nad kun bskyed ces
 bya ba la/ bshad ma thag pa'i 'khrus rab la sogs pa'i sde tshan 'di ni rma dang ldan pa'i skyes bu sman pa'i nang kun bskyed pa ste/ nad gzhi gsum tshar bskyed pa'am/ rma red cing 'drul ba la sogs pa nad skyed par byed pa yin no/ /chang ni rno bo che rtsub 'gyur/ /rma la myur
 du gnod par byed ces bya ba la/ 'bru sar ba las la sogs pa sde tshan bshad ma thag bar chad spang bar bya ba nyid yin par bstan zin pa las/ 'dir yang chang spang par bstan pa ni shin tu nyes pa che ba'i phyir yang smos pa yin te/ 'brus rab la sogs
 bzos pas rma la gnod par 'gyur mod kyi/ de bas kyang chang ni rno ba dang tsha ba dang rtsub pa dang/ skyur yin pas de la gnod pa'i rang bzhin can yin pa'i phyir rma la myur du gnod par byed kyi/ gzhan dag ni de lta ma yin no/ /yang chang khyad par can rno ba dang/ rtsub
 pa dang/ skyur ba gang yin pa de nyid ni rma la shin tu myur bar gnod par byed pa yin gyi/ snum pa las yon tan dang ldan pa gzhan dag ni de lta ma yin no/ /de yang rgyud gzhan las phal cher snum bcas mngar ba dang/ /shin tu rnod brtsub ma yin/ /rang zhing
 btung bar sla ba dag /tshun chad dag las de mchog yin/ zhes bshad pa yin no/ /de bas na chang snum pa la sogs pa'i yon tan dang ldan pa ni/ sman pa la lan 'ga' zhig nyung zhing byin pa ni rma la gnod par mi 'gyur gyi/ chang rno ba dang tsha ba la sogs pa'i
 yon tan dang ldan pa 'di ni shin tu gnod pa yin no/ /zhes shes par bya ba'i phyir/ 'dir yang smos pa yin no/ /bA la u shi ras g.yab cing/ /'di ni skyod par mi bya la/ /drag shul mi gzugs 'phrul mi bya/ /bskyod pa'i tshe ni bag bya'o zhes bya ba la/ rma
 de sman pa la ka dang/ u shi ras g.yab pa dang/ rma 'di bskyod cing bsgul bar mi bya ba dang/ drag shul du gzugs shing brdeg par mi bya ba dang/ sen mo la sogs pas phug par mi bya'o/ /yang de bzhin du bskyod cing bsgul ba'i tshe na yang 
 bya ba thams cad du rmi legs par bsrung zhing bag bya'o/ /mdza' dang bram ze rgan sogs kyi/ /gtam ni yid la dga' ba mnyan/ /nad las thar ba'i re bcas pas/ /rma ni myur du 'tsho bar 'gyur zhes bya ba la/ grogs mdza' dang
 bram ze dang rgan po la sogs pa'i gtam yid la dga' ba dag mnyan pa dang/ nad las myur du thad par 'gyur ro/ zhes re ba dang bcas shing dga' bas rma myur du 'tsho zhing 'byang bar 'gyur ro/ /nyin gsum lon tshe rma yi las/ /slar yang bkru sogs
 las rnams ni/ /snga ma bzhin bya'o zhes bya ba la/ de ltar byas na nyi ma gsum lon pa'i tshe slar yang rma'i las snga ma bzhin du bya'o/ /gong gi bshad ba dang mthun par bya'i cho ga ji lta bzhin du bya'o/ /de bzhin du nyin zhag gnyis par mi bya'o/ /tshabs cher na zhing
 mi 'byar la/ /rma ni yun ring zhig na 'tsho zhes bya ba la/ snga ma de bzhin du nyi ma gnyis pa la rma bkrol zhing bkru ba la sogs pa'i las mi bya ste/ de ltar byas na rma tshabs cher na zhing/ mi zad bar na ba dang/ rma mi 'byar zhing rmen bu skye ba dang/ rma yun ring zhig na
 'tsho zhing 'drub par 'gyur ro/ /rma tshangs sam ni lde gus glan/ /snum ches rtsub ches dam ba dang/ /lhod drags bzhag nyes mi bya ste zhes bya ba la/ rma'i nang du gzhug pa'i rma tshangs ras la sogs pa'i gos kyi dum bu rma'i nang gzhug tu rung ba de snum ches
 ba dang/ rtsub ches pa dang/ de bzhin du dam drags shing drag tu bcing ba dang/ lhod drags pa dang/ bzhag nyes pa dag mi bya'o/ /de bzhin du sman gyi lde gus rma glan pa yang/ snum ches pa dang dam ches pa dang/ lhod ches pa dang/ bzhag nyes par mi bya'o/ /
 snum ches rma ni reng par 'gyur/ /rtsub ches sha chad shin tu na/ /gas shing khrag ni 'byung ba 'gyur/ /dam dang lhod drag bzhag nyes pas/ /rma yi kha ni 'drung par 'gyur/ zhes bya ba la/ snum shin tu drags shing che na rma reng bar 'gyur zhing rnag dang chu
 ser 'phel par 'gyur ro/ /de bzhin du rtsub ches pa ni sha bcad par dang/ shin tu na bar 'gyur dang/ de bzhin du pags pa gas pas dang/ khrag 'bab? cing 'byung bar 'gyur ro/ /de bzhin du rma tshangs dang lde gu shin tu dam ba dang/ shin tu lhod drags pa dang/ bzhag nyes pas ni/
 rma'i kha phan tshun 'drud cing 'dar ba dang thug bar 'gyur ro/ /rma ni rnag bcas skrangs shing mtho/ /rgyu bcas rnag phugs 'chas pa dag /rma tsha 'jam po nang gnas pa/ /rma yi skyon ni dag par byed ces bya ba la/ rma gang rnag dang bcas par gnas pa dang/ de bzhin
 du skrangs shing mtho bar gnas pa dang/ rgyu ba dang bcas pa ste/ sha la sogs pa rnag gis zos pas bu ga'i rnam pa ring du 'gro ba dang/ rgyu ba dang bcas pa zhes bshad do/ /rnag gi phug nang na 'chas shing 'thums yod pa ni rnag phugs 'chas pa de/ de lta bu
 yi rma gang yin ba dag /rma tshangs 'jam po nang na gnas shing bcug pas rma'i skyon de dag /dag cing sbyong bar byed pas na de'i phyir/ de'i rma'i nang du gzhug par bya'o/ /de'i skrangs pa ha cang ma smin brtol/ /smin zhing rnags par 'gyur ba spyad/ /phan pa'i
 sman dang zas sbyin dkri/ shin tu rma mi gnod pas gso zhes bya ba la/ skrangs pa ha cang ma smin pa la legs par ma brtags par gal te skrangs pa de mtshon gyis brtol bar gyur na/ smin cing rnag pa'i thabs kyis yang dag par gso bar bya ste/ de yang
 phal cher lan tshwa dang/ skyur ba dang/ tsha ba dang/ dro ba'i lde gu'i sman rnams dang/ de bzhin du zas smin? bcing rnags par 'gyur ba'i bza' ba dang/ de bzhin du smin par 'gyur ba'i lo ma la sogs pa dag gis gso bar bya la/ de na dag kyang rma la shin tu mi gnod par bya
 ba ste/ lan 'ga' rma smin par bya ba'i phyir/ rma la cung zad gnod pa gtad du zin kyang skyon du mi 'gyur ba ni yod do/ /snang ba'i rma ni gsar du byung/ /ral zhing kha byed 'phral du btsem/ /rme na pu chen po bkas pa dang/ /rna shal bu ga chad pa btsem zhes bya ba la/
 rma de'i mod kho na la mtshon gyis dral zhing snang ba las byung ba ral zhing kha bye ba dang/ de bzhin du rme na bu chen po bkab pa las byung ba dang/ de bzhin du rna shal gyi bug rchad pa'ang btsem par bya'o/ /mgo dang mig phugs sna dang mchu/ /mkhur tshos
 sna ba dbang po dang/ /mgul pa dpral ba rlig pa dbyi/ /pho mtshan gzhang dang lto ba sogs/ /phugs ring ba na gnas rnams dang/ /sha che mi 'gul ma yin dang/ /chu so mchan khung la sogs dang/ /sha chung mgul pa'i rma dag dang/ dbugs dbyung zug rngu yod pa rang
 thal sman dug mes tshig ma btsem/ /zhes bya ba la/ mgo bo dang mig phugs la sogs par gnas pa'i rma btsem par mi bya'o/ /de bzhin du sa dang/ mtshan khrung la sogs pa'i lus kyi gnad kyi rma btsem bad? mi bya'o/ /de bzhin du sha chung ba dang/ mgul ba'i rma dag kyang ngo btsem por mi bya'o/ /de bzhin du dbugs rgyu zhing rgyu ba dang/ nang na zug rngu yod pa'i rma
 yang btsem par mi bya'o/ /de bzhin du thal sman dang/ dug dang mes tshig pa'i rma yang brtsem par mi bya'o/ /btsem pa rus dum khrag skam dang/ /rtsa dang spu rnams gsal nas ni/ /sha chad rus dum 'phyang ba yang/ /rang gi gnas su glan pa dang/ /rus tshigs bcug
 cing khrag gzags la/ /skud ba shing shun rgyus pas btsem zhes bya ba la/ btsem par bya ba ni rus tshig gsum du gnas las 'gogs pa gang yin ba dang/ khrag skam po la sogs pa lag pas bsal zhing bton la/ de bzhin du sha chad cing mtshon
 gyis dral te dum bur 'phyang ba de yang rang gis gnas su glan zhing sbyar ba dang/ de bzhin du rus pa dang tshig la sogs pa byung zhing 'phur ba slar gzhug pa dang/ khrag gi rgyun gzags shing sbyad la/ ci rigs bar ras kyi skud pa 'am/ shing shun
 asman+ta ka dang murba dang/ gso ma la sogs pa'i skud pa lag 'jam pa'am/ rgyas pa las byas pa'i skud pas logs par btsem par bya'o/ /srubs ni nye ba 'am ring mi bya/ blad ba che 'am chung bya zhes mi bya ba la/ de ltar btsem pa na/ rma las ha
 cang nye ba'am/ thag ring? ba nas btsem par mi bya'o/ /de bzhin du rma'i gnas las sbubs kyis blang ba kham che ba 'am/ /bam chung bar mi bya'o/ /de nas sko bsrib byas nas mthar/ /rma ni sbrang rtsi mar sbyar dang/ /skyer pa zer ma'i dud pa dang/ /'bras bu gsum dang sa la ki /seng phrom ngar dang skyur bcas
 pas/ /bskus pa bcing sogs sngon bzhin bya zhes bya ba la/ de ltar brtsem pa'i rjes thogs la/ nad pa sbro bsring zhing dbugs phyung ste/ de nas de'i 'og tu rma kha sbrang rtsi dang mar sbyar ba'i skyer pa dang/ zar ma la sogs pa'i lde gu blug cing bsku pa dang/ /de'i 'og tu bcing ba dang
 dung bas bdug pa la sogs pa snga ma bzhin du sbyar bar bya'o/ /rma kha khrag ni med gyur gang/ /de ni cung zad brung byas te/ /rma 'byor byed pa khrag yin bas/ /phyung ste legs par drub par bya zhes bya ba la/ rma gang zhig kha'i phyogs na khrag med par gyur pa de ni cung zad tsam 'brung
 cing/ mtshon gyis gtses la khrag dbyung ba dang/ btsem par bya ste/ ci'i phyir zhe na/ rma 'di 'byor zhing 'tsho bar byed pa ni khrag nyid yin bas na/ de phyung ste drub par bya ste/ de la bcing ba yul la sogs/ /brtags nas nges par sbyar bar bya zhes bya ba la/ 'dis
 rma bcing zhing dkri bar bya ba yin bas na bcing ba ste/ de ni yul la sogs pa zhes ba/ yul dang nad gzhi dang lus zungs la sogs pa la brtags nas/ rang gi blos legs par sbyar bar bya'o/ /bal gos pags pa dar gsum dro/ /zar ma'i ras ni
 bsil ba yin zhes bya ba de/ bal gyi gos yin bas na bal gos te/ snam bu dang ba pa'o/ /pags pa'i rnam pa 'jam zhing dro ba'o/ /ngar ni zab dar te/ bcing gsum po 'di dag ni nus pa dro ba yin no/ /zar ma'i ras dang gso ras ni gsil ba yin no//
 dro grang ran ba shing bal 'dab/ /ras bal rgyus pa shing shun yin zhes bya ba la/ dro ba dang grang ba gnyis ka'i rang bzhin ran pa ni shing bal bdal ma dang/ ras bal dang rgyus pa dang/ shing shun las byas pa'i chings te/ rgyu de dag las skud ba'i tshul
 de byas pa'i rnam pas dkris pa'o/ /zangs lcags zha nye ro nye yi/ /bad kan tshil chen rma la glan/ /chag thur shing byang ? ba dang/ shing shun smyigs tshal sogs cing zhes bya ba la/ bad kan dang tshil ches pa'i rma la ni/ zang ma dang lcags
 la sogs pa glan zhing bcing bar bya'o/ /rkang lag gi rus pa chag grugs su gyur pa la ni/ shing byang la sogs pas bcing bar bya'o/ /dbyibs ni rang snying rjes mthun ba'i/ /chings ma bco lnga rnam bya ste/ /shu pas dang bkra shis lhod par
 bcing/ /mthar chags bcing dang zlum por bcing/ /mda' lcags khri dang dam bcing dang/ /sgye'u bla res lkog shal dang/ /'ur mthil zung glan zlum pa dang/ /yan lag lnga ba zhes bya sbyar zhes bya ba ni/ dbyibs kyi rnam pa rang gi ming ji skad btags pa dang/
 rjes su mthun pa'i chings ma se'u dang/ bkra shis nas yan lag lnga'i bar bco lnga po de dag bcing ba'i don du sbyar bar bya'o/ /de dag kyang shubs ni mdzub shubs 'dra ba ste/ sor mo'i tshigs chags pa la sbyar bar bya'o/ /bkra shis ni g.yu drung lta bu zur
 bzhi ba ste/ rus pa'i tshigs dang/ smin ma dang/ nu ma'i bar dang/ mtshan khung dang/ rna bar glan par bya'o/ /ltod par bya ba ni rtsa la sogs pa las slas pa ste/ de dag gi mgul pa dang/ pho mtshan la sogs pa la rma byung ba la glan par bya'o/ /mthar chags
 su bcing ba ni ras bal lam ltas ma zhang drung la ring ba ste/ de ni mig gi grar sbyar bar bya'o/ /zlum por bcing ba ni srad bu ste/ de ni yan lag thams cad bcing ba la sbyar bar bya'o/ /mnga' lcags ni gang ring bor byas pa ste/ de yang lag dar la sogs pa la sbyar bar bya'o/ /khri ni khri rkang bzhi par byas pa ste/
 de ni 'gram ba dang mu 'gram dang mkhur tshos snang ba la sbyar ro/ /dam du bcing ba ni khyad par du 'gugs mi shes par bcing ba ste/ de ni lto ba dang brla'i rgyab du glan zhing bcing bar bya'o/ /sgye'u ni sa rtsil sogs pa'i 'jud pa'i sgye'u phran te/
 de ni son mo dang pho mtshan gyi rtsa la nad yod pa dang/ gcin nad za khu can la sbyar bar bya'o/ /bla re ni nye tshan la sogs pa'i gnod pa bzlog pa'i phyir/ /ras bal la sogs pas khebs pa lta bu ste/ pho mtshan skrangs pa la sogs pa la sbyar
 bar bya'o/ /ba lang gi lkog ma lta bu ni/ lkog mar lkog shal ltar 'phyang ba ste/ de ni lus kyi yan lag 'phyangs gar gyur pa las sbyar bar bya'o/ /'ur mthil lta bu ni zhing ba rnams bya skod pa'i phyir/ /'ur rdo 'phen pa'i phyir rdo'i gnas su byed pa 'ur mthil
 zhes bya'o/ /de ni sna dang chu dang gso? snang dam sbyar zhing bcing bar bya'o/ /zur du glan pa ni gang du byed gcig dbus su skabs btong de/ rma gnyi ga 'dab chags su bcing du rung ba'o/ /de ni rma gnyis 'dab chags su byung ba la glan par bya'o/ /zlum po zhes bya ba ni
 dkyil 'khor ltar zlum por byas pa ste/ de ni yan lag zlum po snang cing chag pa la glan par bya'o/ /yan lag lnga pa ni/ shing byang la sogs pa gang yan lag bzhi pa yod pa gcig gyen du dbyung ba bya ste/ de ni nam tshod yan chad snang ba la sbyar bar bya'o/
 de las gang zhig gang legs 'byor/ /de ni de ru legs par sbyar zhes bya ba la/ bcing ba de dag gi nang nas/ /chings ma gang zhig lus kyi phyogs gang dang legs par 'byor zhing 'byar la 'tsham pa'i chings ma shugs la sogs pa
 de dag ni/ lus kyi phyogs de ru legs par sbyar zhing bcing bar bya'o/ /brla dang mjug tsos mchan khung dang/ /chu so spyi bor dam du bcing zhes bya ba la/ brla dang mjug ces la sogs pa'i lus kyi phyogs su rma byung ba la ni dam zhing sra bar bcing
 bar bya'i/ /lhod par bcing bar mi bya'o/ /lag dar gdong dang rna ba dang/ rgyab dang rtsib logs ma gul ba lto/ /pho mtshan rlig pa ran par bcing zhes bya ba la/ lag dar la sogs pa'i lus kyi phyogs su ni bcing ba dam lhod ran par bya la/ /
 de bzhin du pho mtshan dang rlig pa yang ran tsam du bcing bar bya'o/ /mig dang tshigs su lhod par bcing zhes bya ba la/ mig gi phyogs dang rus pa'i tshigs rnams su chings ma lhod bar bcing ngo/ /lhod bcings
 rma ni bad kan dang/ /rlung shas che la ran bar bcing zhes bya ba la/ lhod par bcing ba mig dang tshigs la/ rma bad kan dang rlung gi shas che ba yod na lhod par mi bcing gi /dam pa dang lhod pa ran tsam du bcing ngo/ /ran cing gnas su dam du bcing/ dam
 cing shin tu dam par bcing zhes bya ba la/ ran par bcing ba'i gnas lag ngar la sogs par/ bad kan dang rlung gi shas che ba'i rma yod na/ ran par mi bcing gi dam du bcing bar bya'o/ /dam du bcing ba'i gnas
 brla dang mjug ces la sogs pa'i rma bad kan dang rlung las byung ba yin na/ shin tu shas cher dam du bcing bar bya'o/ /dgun dang de bzhin dpyid kyi tshe/ /zhag ni gsum gsum dag nas dgrol zhes bya ba la/ bad kan dang rlung
 gi shas ches che rma de gnyis las dgun zhes bya ba dgun stod dang dgun smad/ de bzhin du dbyid kyi tshe ste/ zla ba drug la ni zhag gsum gsum nas dgrol zhing bcing bar bya'o/ /khrag mkhris shas che'i rma dag ni/ /dam bcing gnas su ran
 par bcing/ ran bcing gnas su lhod par bcing/ /lhod bcing gnas su bcing mi bya zhes bya ba la/ /khrag dang mkhris pa shas che ba'i rma la ni dam du bcing ba'i gnas brla la sogs par dam du mi bcing gi ran par bcing bar bya'o/ /ran par
 bcing pa'i gnas lag dar la sogs par ni lhod par bcing bar bya'o/ /lhod par bcing ba'i gnas mig dang tshigs su khrag dang mkhris ba shas che ba'i rma byung na de bcing bar mi bya'o/ /de gnyis so ka ston gyi tshe/ /snga dro phyi dro dgrol bar bya
 zhes bya ba la khrag dang mkhris pa las byung ba'i rma de gnyis la sos ka dang ston gyi tshe ni nyin re zhing snga dro dang phyi dro'i dus su dgrol zhing bcos par bya'o/ /ma bcings sha sbrang sbrang bu dang/ lhags pa bser bu sogs pas gnod/ /rma red gyur cing der snum dang//
 sman ni yun rings gnas mi 'gyur/ /sbyang ba'am 'tsho bar dka' ba dang/ /sos kyang mdog ni mi sdug 'gyur zhes bya ba la/ rma ma bcings na sha sbrang la sogs pas gces par 'gyur zhing/ de dang reg pa'i dbang gis 'tsho ba sna tshogs kyis gnod par
 'gyur ba dang/ de bzhin du rma de bcing ba med par snum gyi bskus na yang sman de yang yun ring du gnas par mi 'gyur zhing/ sman gyi lde gu la sogs pa bskus pa yang yun ring por mi thogs par bskams 'am ltung bar gyur ba 'am/ de bzhin
 du legs par bcos su zin kyang rma 'tsho/ zhing 'drub pa dga' ba dang/ gal te 'tsho zhing 'drub kyang sha mdog mi sdug par 'gyur ro/ /bcings na chag cing phye mar 'gyur/ /'phres sam 'bur gyur dral gyur tam/ /rtsa dang rgyus pa chad gyur kyang/ /rma ni myur du bde bar
 'tsho/ ldang dang nyal bal sogs pa'i/ /spyod lam kun gnod pa med ces bya ba la/ rma lags par bcings shing bsdams pas na/ chag cing phye mar grugs pa'am/ 'phres shing gnas pa las 'phyugs pa'am 'bur zhing mtho ba'am/ dral zhing gso
 bar gyur pa'am/ rtsa dang rgyus pa chad ba gyur kyang/ rma bde blag tu myur du 'tsho bar 'gyur ro/ /de bzhin du ldang ba dang mal na nyal ba la sogs pa'i spyod lam kun la yang gnod pa med par 'gyur ro/ /rma yi kha skyes mtho mi mnyam/ /sra zhing rab na 'tsho bar
 dka' / /'jam zhing mnyam lan ba med/ /rma ni myur du dag cing 'tsho zhes bya ba la/ rma gang kha cher skyes shing mtho ba'i zlum po yod pa dang/ mtho dman mi mnyam pa dang/ sra zhing mnyen bag med pa dang/ rab tu na zhing tshor ba drag pa dang ldan pa'i rma de
 lta bu ni 'tsho zhing 'byad par dka' ang yin no/ /rma gang 'jam zhing mnyen pa dang/ na ba med pa ni myur du dag cing 'tsho bar 'gyur ro/ /rma ni yun ring sha chun dang/ /rtsub pas 'byar bar ma gyur na/ /nang tshigs dus tshigs ji bzhin du/ /sman dang lo
 mas dgab par bya/ /ma rnyings gzhon zhing bu ga med/ /kun nas legs par khebs pa dang/ / phyis shing mi rtsub lo ma ni/ /'o ma can shing stag pa dang/ /ardzu na dang ka dam pa'i/ /lo ma yis ni g.yog par bya zhes bya ba la/ rma yun ring zhing dus ring po lon te rnyings
 pa dang/ sha chungs shing zad pa dang/ rtsub par gyur pa'i rgyus 'byor zhing 'tsho bar ma gyur na/ nad gzhi ji lta ba'i tshul dang mthun pa dang/ dus tshigs dang ji ltar mthun pa bzhin du rma'i sman lde gu dang/ snum la sogs pa rna la phan par byed pa dag bsku bar
 bya ba dang/ shing 'o ma can la sogs pa'i lo mas dag bcing gso par bya ste/ de yang 'di ltar rlung las gyur pa'i rma dang grang pa'i dus su snum pa dang dro bas gso ba dang mkhris pa shas che ba'i rma dang/ de bzhin du dro ba'i dus su ni gsil bar gso
 ba dang/ bad kan shas che ba'i rma dang/ grang ba dang dro ba'i dus su ni phal cher rtsub pa dang/ dro bas gso bar bya ste/ 'gres 'di thams cad la sbyar bar bya'o/ /de bzhin du lo ma ma rnyings shing dengs pa ma yin pa dang/ gzhon zhing gsar pa dang/ bug rngol? nod pa dang/ de bzhin du
 kun nas thams cad du legs par khebs shing legs par bzhag pa/ phyis shing dri ma med par bkrus pa dang/ mi rtsub cing sra ba ma yin pa'i lo ma 'o ma can gyi shing la sogs pa las byung bas legs par g.yog par bya'o/ /mdze dang me yis tshig pa
 dang/ /'bus zos gcin nad sbrang rtsi 'dra/ /byi ba sprul gyi dug dang ni/ /thal sman rno dang dug gis phog/ rma ni bcing bar mi bya zhing/ /sha 'drul gzhang khar mi bzad rnags/ /'drul zhing tsha? dang na bcas par/ skrang skams med pa la mi bcing ngo zhes bya ba la/
 mi mdzes btab pa dang/ de bzhin du med tshig pa'i rma bcing bar mi bya'o/ /de bzhin du 'bus zos pa'i rma nas dug gis phog pa'i bar gyi rma yang bcing bar mi bya'o/ /de bzhin du sha rul zhing 'drul pa nas me dpal gyi rma yang bcing bar mi bya'o/ rma gang legs par ma bsrungs bar?
 sbrang ma srid du 'jug byed de/ /de yis zos pas na ba dang/ /skrang dang snag khrag 'dzag par byed ces bya ba la/ rma gang zhig legs par ma bsrungs shing/ /ma btsas pas 'bu 'jug pa la sogs pa'i gnod pa 'byung ngo/ /der ni bkru dang dag pa ni/ bya'u dug la sogs sde tshan
 sbyar zhes bya ba la/ 'bu zhugs pa'i rma der ni byi'u rug pa la sogs pa'i sde tshan sbyar ba'i sman gyis bsku zhing sbyar ba dang dag ste bskrad par bya'o/ sapta bar+Ni karny+dza/ /arka dang ni nim pa dang/ ra tsha dang ni shing tsha rnams/ /ba gcin dang ni btags pa yis/ /lde gu de la
 sku ba dang/ /thal sman chu ni blugs pa phan zhes bya ba la/ yang rma der sapta par+Ni la sogs pa dang/ ba gcin btags pa'i lde gu bsku bar bya'o/ /de bzhin du thal sman rnon po'i chu blugs pa yang phan pa yin no/ /yang na sha rlon gyis g.yogs la/ de ni myur du dbyung bar
 bya zhes bya ba la/ yang na rmad sha rlon rma'i tshad dang dbyibs? 'dra ba'i sha'i dum bus bkag cing g.yogs la/ 'bu de de la chags pa na myur zhing rings par gnod par bya'o/ /'di ni nad na skyon bcas pas/ /myur du 'tsho bar mi bya ste/ /de ni gnod pa chung ngus kyang/ /slar
 zhing 'grams par 'gyur ba yin zhes bya ba la/ rma 'di ni nang na skyon bcas shing rnag la sogs pas khyab pas sman pas ring shing myur bar 'drub shing 'gyur bya ba'i phyir/ /'tsho ba pa'i sman bsku bar mi bya ste/ /gang gi phyir sman de nad na gnod pa dang
 bcas pas rma de 'tsho zhing 'byar yang sla zhing 'grams pa dang 'jig par 'gyur ba yin no/ /'tsho bas par gyur kyang ma zhu dang/ /drag shul bud med bsten sogs spang zhes bya ba la/ rma 'tsho bas shing 'byor bar gyur kyang nad pa des ma zhu ba dang/ dag?
 shul la sogs pa spang/ /zla ba drug gam bdun gyi bar/ /cho ga 'bad pas bsrung bar bya zhes bya ba la/ ma zhu ba dang/ bud med dang phrad pa spang ba la sogs pa'i cho gas ni rma 'tsho bas
 nas zla ba drug gam bdun gyi ba du bsrung zhing bsdam par bya'o/ /gnas skabs de dang der ni byung gyur tshe/ /nad gzhi la sogs stobs kyis rjes 'brangs nas/ /phyi ma nas bshad rgya cher legs
 brtags la/ /thabs ni de dang de yis 'bad de gso zhes bya ba la/ rma'i gnas skabs gsal bar ma bstan pa'i tshul dang ming gang dag yin pa de dag byung zhing skyes par gyur ba na/ snan pas
 rlung sogs pa'i nad gzhi la sogs pa'i stobs kyis rjes su 'brangs nas/ 'di nyid kyi rgyud phyi ma nas/ rgya cher bshad pa de legs par brtags shing dpyad la/ rma de gso ba'i thabs de dang
 des 'bad pa dang ldan pas gso bar bya'i/ blos gzhung la ma brtags pa'i rang dga' dang/ 'bad pa med pa'i sgyid zhan pas ni mi bya'o// //yan lag brgyad pa'i snying
 po bsdus pa'i rnam par 'grel pa/ tshig gi don gyi zla zer zhes bya ba/ slob dpon zla ba dga' bas nye bar sbyar ba las/ le'u nyi shu rtsa dgu pa'i rnam par 'grel pa'o// mang+gA laM//