<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4590: yan lag brgyad pa'i snying po zhes bya ba'i sman dpyad kyi bshad pa<br><table><tr><td>
<input type="button" onclick="location.href='tcompletep.php?id=N4590&coll=TN&volcur=1';" value="show page break" />
<td width=150><td>
<input type="button" onclick="location.href='tcompletel.php?id=N4590&coll=TN&volcur=1';" value="show line break" />

<td width=150><td>
<a href="tcompleteu.php?coll=TN&id=N4590&volcur=1" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 2 volumes<br><br><a href="tcomplete.php?id=N4590&coll=TN&volcur=0">volume 1  (gso rig (se）)</a> - <span style="color:red;border: 2px solid red;border-radius: 5px;padding:3px;">volume 2 (gso rig (he）)</span> - <br><br>bkru sman dang skyugs sman la sogs pa nad sbyang ba'i sman sde sna tshogs 'dus par bshad pa'i le'u bco lnga
 pa bshad par bya'o/ /skyugs sman gyi sde la/ sman po son cha dang/ shing mngar dang/ ka laM pa dang/ nimpa dang/ pispi dang/
 bi sha la dang/ ga gon ro kha ba'i thor to dang/ 'bras bu dang/ in+d+ra ya ba dug mo nyung dang/ murba dang/ de ba ta li dang/ lto'i
 srin bu gsod pa'i bi taM ka dang/ bi dul dang/ tsi tra ka kru trug tres dang/ pa to la'i sa bon dang/ karany+dza dang/ pi pi ling dang/
 lce myang tshwa dang/ shu dag dang/ sug smel dang/ yungs kar dang/ 'di rnams ni skyugs sman du btang ba'i sman gyi
 sde'i rnam grangs su gtogs so/ /de la bkru sman du gtong ba'i sman ni/ tri ba ti dang/ shing nye rong/ dan+ti dang/ 'bras bu gsum po
 a ru ra dang/ ba ru ra dang/ skyu ru ra dang/ bi sha la'i rtsa ba dang/ shing gi khu ba sbu hag shi ra dang/ me tog shang gi ni dang/ ni
 li dang/ ro d+ha seng phro ma dang/ dong ka dang/ ki bi lya ka dang/ sur bar na shi ra dang/ bya ra nu dang/ ba gcin dang/ 'di rnams
 ni bkru sman du gtogs so/ /bkru sman mas btang ba'i sman gyi sna grangs ni/ po son cha dang/ dug mo nyung dang/ ru rta dang/ de ba ta li dang/ shing mngar dang/
 shu dag dang/ rtsa ba'i sman sna bcu la/ sa la par+Ni dang/ priSh+Na par+Ni dang/ kaN+Ta kA ri dang/ bri ha tI dang/ gze ma thog drung rtsa thon dang/ 'di rnams ni sman
 gyi rtsa ba phra mo lnga zhes bya'o/ /bil ba'i rtsa ba dang/ a grin man+tha dang/ syo na ka dang/ taM pa la dang/ pa ta li dang/ 'di lnga'i rtsa ba ni rtsa ba chen po lnga zhes bya ste/ rtsa
 ba che phra gnyis gcig tu bsdus pa ni rtsa ba bcu zhes bya ba dang/ de ba da ru thang shing dang/ ra sna dang/ ya ba ni la la bud dang/ sha ta puShpa sha ti dang/ kri
 ta be d+ha na dang/ rgya sran nag po dang/ sbrang rtsi dang/ tsa myang tshwa 'am/ rgyam tshwa shing nye rong 'di rnams ni bkru sman mas btang ba'i sde tshan du gtogs so//
 mgul pa yan chad mgo'i nad dang/ mig nad dang/ sna nad dang/ lkog nad la sogs pa ci na yang rung ste/ sman sna nas btang zhing nang sbyang ba'i sman
 sde la/ bel la dang/ a pa marga dang/ tsha ba rnam pa gsum po na le sha ma dang/ li dong ra dang/ pi pi ling dang/ skyer pa'i rtsa ba dang/ su ra la'i sa bon dang/ shi ri sha'i
 me tog dang/ 'bras bu dang/ rtsa ba dang/ bri ha ti'i lo ma dang me tog dang/ 'bras bu dang/ sdong bu dang/ rtsa ba dang sna lnga dang/ shi kru'i lo ma dang/ me tog dang/
 'bras bu dang/ sdong bu rtsa bar bcas pa lnga dang/ seng ldeng dang/ shing ma du ke'i me tog dang/ rgyam tshwa dang/ mig sman skyer khaN+Da dang/ pha bong gi dreg pa
 dang/ sug smel dang/ ldum bu sris tsi ka dang/ sman sde 'di rnams ni mgul pa yan chad klad pa'i nad thams cad sel cing sbyong ba'i sman du gtogs so/ /de
 la rlung nad sel cing zhi bar byed pa'i sman gyi rnam grangs ni/ de ba dA ru thang shing dang/ rgya sbos dang/ ru rta dang/ sman gyi rtsa ba bcu rnams dang/ ba bla dang/ a ti pa la dang/ sman bir ta ra'i
 sder gtogs pa la sogs pa dang/ sman bi da ra'i sder gtogs pa rnams ni rlung nad sel to/ /mkhris pa'i nad tsha ba rnams sel ba'i sman gyi sde ni/ rtsa durba? dang/ pUr+Na rna ba dang/ nim+ba dang/ sman
 ba sha ka'i lo ma dang/ rtsa ba'i bar du sna lnga dang/ at+ma gupta kha sral phre'u dang/ 'o ma se'i rtsa ba dang/ nye'u shi la dang/ shi ta pa ki dang/ gand+ha pri yaM ku dang/ shing n+ya go d+ha la sogs pa dang/
 shing shug pa dang/ sman thi ra rnam gnyis dang/ pad+ma'i za ba dang/ thal tres la sogs pa 'di rnams ni mkhris pa'i nad sel to/ /bad kan gyi nad rgyas pa la ni dong ka la sogs pa dang/ shi
 arka la sogs pa'i lo ma me tog sna lngar bcas pa dang/ shing mu ska ka la sogs pa rtsa ba dang 'bras bur bcas pa sna lngar bcas pa dang/ shing o sa na la sogs pa'i rtsa ba dang/ 'bras
 bu'i bar sna lnga dang/ bye'u dug pa la sogs pa dang/ gla sgang chen po la sogs pa dang/ in+d+ra ya dug mo nyung la sogs pa sman sde 'di rnams ni bad kan sel bar byed do/ /sman dzi ban+ta'i sder
 gtogs pa la/ dzi ban+ti dang/ ram nye ba rnam gnyis dang/ me da dang/ mahA me da rnam gnyis dang/ mon sran sde'u mung+ga dang/ mon sran ma sha gnyis kyi lo ma dang/ ldum bu ri sha b+ha ga zangs
 rtsi ba dang/ dzi ba ka dang/ shing mngar dang/ 'di bcu'i ming ni 'tsho byed ces bya'o/ /yang khar zhim la lus kyi sha mtshag tshon por byed cing rlung nad dang mkhris pa'i nad sel ba'i sman sde'i rnam grangs
 la/ bi da ra dang/ dong ka dang/ 'bri lci ka li dang/ pur+Na rna ba dang/ de ba dang/ sa ha de ba dang/ pu pa par+N+ya dang/ kha sral dang/ dzi ba ti tsa phra mo sna bcu dang/ shing sha ri ba thal tres kyi rtsa ba dang/
 lcug ma dang/ haM sa pa ti dang/ de ltar 'di rnams kyi spyir bi da ri'i grangs su gtogs te snying la phan/ sha mtshag? rta/ rlung dang mkhris pa'i nad sel/ lus skem pa sha skye/ /skyan dang lhu tshigs
 dang/ nya bzhin pa dang/ dbugs mi bde ba dang/ lud pa lu ba dang/ 'di rnams sel cing phan pa'i grangs su gtogs so/ /yang lus tsha ba dang/ khrag dang mkhris pa rgyas te skom dang che zhing
 rims kyis btab pa 'di rnams sel ba'i sman ni/ shing sha ri ra ba thal tres dang/ u shir dang/ ka ma ri tadwa la/ shing ma du ka zhes bya ba dang/ tsan dan dkar po dang/ dmar po sna gnyis
 dang/ shing mngar dang/ ba ru sha ka dang/ 'di rnams tsha ba'i nad dang mkhris pa'i nang dang/ khrag rgyas pa dang/ skom dang che ba dang/ rims kyis btab pa la phan no/ /shing shug pa dang/ li kha ra'i shing pun+t+ra gnyis dang/ rid+d+hi dang/ b+h+rid+d+hi dang/
 ri dags kaDka? ta'i rwa shing gi zhes bya ba dang/ sle tres dang/ rdzi ba na sna bcu dang 'di rnams ni nu zho skye/ rlung nad dang/ mkhris pa'i nad sel/ lus nyams chung zhing khong pa rmya ba lta bu la/ khong rta sha cher skye/ chong? bar byed/ bud med la nyal phod par
 'gyur ro/ /yang sman pa ru sha ka dang/ 'bras bu gsum po a ru ra dang/ ba ru ra dang/ skyu ru ra dang/ rgun 'brum dang/ shing ni hi ri kad pa la'i shun pa dang/ shing ka ta'i 'bras bu dang/ shing tog ra dza da na dang/ bal po se'u 'bras bu dang/
 rgya sne'u dang 'di rnams skom dang che ba dang chu sri ba dang rlung nad sel to/ /yang lig bu mig dang/ ganda pri yaM gu dang/ spang spos dang/ me tog pad+ma dang/ me tog utpa la dang/ skyer khanTa dang/ sug smel dang/ shing mngar dang/ nA ga gser dang/
 'di rnams ni dug nad sel/ lus tsha ba dang/ mkhris pa rgyas pa'i nad sel to/ /pa tol dang/ ka tu ka ro hi ni pu tsa shel dang/ tsan dan dkar po dang/ shing mngar dang/ sle tres dang/ shing pa tha dang/ 'di rnams ni/ bad kan dang/ mkhris pa dang
 mdze dang/ rims dang/ dug dang/ rtag tu skyug bro ba dang/ zas yi gar mi 'od ba dang/ mig ser gyi nad dang 'di rnams sel to/ /yang gu ru rtse sle tres dang/ shug pa dang/ shing ni mpa dang/ 'u su'i 'bras bu dang/ tsan dan dmar po dang/ 'di
 rnams ni mkhris pa dang/ bad kan rgyas pa dang/ rims kyis btab pa dang/ skyug bro ba dang /lus tsha ba dang/ skom dang che ba dang/ nad 'di rnams kyang sel/ zas 'ju pho ba'i drod skye/ dong ga dang/ in+d+ra ya ba dug mo yungs dang/ pa li'i me tog 
 dang/ ka ka tik+ta dang/ nim+ba dang/ sle tre sa dang/ rtswa durba dang/ shing mngar dang/ ba tha dang/ tsi ra tik+ta zhes bya ba ci skrigs dang/ she'i rgya ga ni la puShpa dang ba na zhes kyang bya ba dang/ ba to la dang/ ka na dza rnam gnyis dang/ sapta tswa
 zhes bya ba dang/ shing gi 'dab ma rnam bdun dang/ tsi tra ka/ kru trug tres dang/ su sha bi dang/ po som cha dang/ shing ba na dang/ gon ta dang/ 'di rnams 'dra ste dong ka la sogs pa skyugs pa gcod/ mdze dang/ dug dang/ rims dang/ bad kan rgyas pa
 dang/ g.yan pa dang/ gcin snyi ba dang/ rma de pa 'byad do/ /yang na sapta tsha dang shing lo ma bdun pa dang/ shing ti ni sha dang/ gro ba dang/ shwe ta ba ha dang/ sri ki ya ka dang/ shing seng ldeng dang/ shing ka ta ra dang/ b+hand+hi dang/ shing sha ba dang/ me sha
 sh+rI ga dang/ tri hi ma dang/ ta la dang/ rgya skyegs kyi shing dang/ a ka ru dang/ rgya sne'u dang/ shing sA la dang/ shing d+ha ba dang/ ka bu ka dang/ ka li ka zhes bya ba dang/ in+d+ra ya ba dug mo nyung dang/ tsha ga karna dang/ a shwa karna tha dams dang/
 de ltar a sa na la sogs pa sman 'di rnams ni/ sha bkra dang/ mdze dang/ bad kan gyi nang dang/ khong na srin bu yong pa sel/ nad skya rbab dang/ gcin snyi ba dang/ tsho ches pa'i tshil nang 'di rnams sel to/ /shing ba ra'i me tog dkar po dang/ shing
 shi rgya ka'i me tog sngon po la na pa dang/ nyi 'u shing pa dang/ tsi tra ka dang/ mo ra ta dang/ shing bilba dang/ a bra shwa gi dang/ bri ha tI rnam gnyis ka rany+dza rnam gnyis/ dza ya rnam gnyis la/ ag ni man tha sna gnyis dang/ shing shi kru'i 'dab ma/ po'u ba
 la ba dang/ rtswa ku sha dang/ ru rta 'di rnams ni shing ba ra na la sogs pa zhes bya ste/ bad kan gyi nad dang/ tsho ches te tshil skyes pa'i nad dang/ zas mi 'ju ste drod chung ba las/ rlung nad cher skyes pa sel klad pa na ba la phan/ skran dang/ an+ta bit+ta b+hi
 khong 'bras 'di rnams sel to/ yang sman bri sha ka dang/ spangs ma dang/ shing kun dang/ nag tshur rnam gnyis te/ nag tshur dang/ rnag tshur bya bal ma dang/ rgyam tshwa dang/ shi la dza tu dang/ 'di rnams ni chu sri ba dang/ rde'u yod pa dang/ khong na skran yod pa dang
 lus kyi tshil ches ba dang/ bad kan sel to/ /sman be lan+ta ra dang/ a ran+ni dang/ su ga dang/ bri she dang/ a sham be ta sru sru dang/ go kan+ta gze ma dang/ ka ta dang/ sa ha ra tsa dang/ ba na ni la phus pa dang/ rtswa durba dang/ brik+Sha da ni dang/ na la ku sha rnam gnyis
 dang/ kun dang/ gun+d+ra dang/ ba lu ka dang/ mo ra ta dang/ ka ru ka ta dang/ shing ra ma pa dang/ ba rta dang/ sman sde 'di rnams ni/ rlung nang du gyur pa sel/ chu so na rde'u yod pa dang/ gcin sri ste/ 'od du mi rung ba dang/ 'di rnams sel to/ /yang sman sha
 ba ra ka ro seng phrom dang/ pat+thi ka ro d+h+ra dang/ rgya skyegs skyi shing dang/ dzin+dzi ni dang/ thang shing brla dang/ shing katpa la'i shun pa dang/ kut+tsi ti ba dang/ ldum bu chu skyes kyi me tog dang/ me tog gi rtsa ba dang/ shing a shwa ka dang/ shing bi ta shwa ka dang/ e
 la ba lu ka dang/ sa ri bel ba dang/ mo tsha rnams te/ de ltar sman ro d+hA la sogs pa 'di dag ni tshil che ba dang/ bad kan gyi nad sel bar byed/ bud med kyi mngal na ba la phan/ 'khru ba gcod/ sha mdog bzang bar 'gyur ro/ /dug nad sel to/ /shing
 ar ka'i rtsa ba dang/ shing a larka dang/ na ga dan+ti dang/ bil shalya dang/ b+hargi dang/ ra sna dang/ bris tsi ka li dang/ sri kaM rgya dang/ shing a ba marg+ha'i me tog dang/ bi ta te la zhes bya ba ka ka da ni dang/ u da ki rya dang/ ma hA she da dang/ shing id+gu dang/
 de ltar arka'i sder gtogs pa sman 'di rnams ni bad kan rgyas pa dang/ tshil ches pa dang/ dug nad rnams sel to/ /lto na srin bu yod pa dang/ mdze nad zhi bar byed/ lhag par ni rma red par 'byed ste 'che'o/ /bye'u rug pa rnam gnyis te nag po dang
 ser po dang/ ku the ra ga zim thig le dang/ ka la ma la dang/ srin bu sel ba'i sman byi tang ga dang/ kha ra bat+ta dang/ bri sha karni dang/ katpa la zhes bya ba ro hi ni dang/ ka saM marda ka dang/ sha ba ka dang/ shing ka bi ta'i lo ma dang/ b+har
 gyi ka bra'i rtsa ba dang/ rak+ta many+dzi ri dang/ ka ka ma tsi mon sne'u dang/ ku la ha ra dang/ bi sha mus+thi dang/ bu tri na dang/ bu ta ke shi baM po dang/ sman 'di rnams ni bye'u rug pa la sogs pa'i grangs su gtogs te/ bad kan rgyas pa dang/ tshil che ba dang
 lto na srin bu yod pa dang/ 'di rnams sel/ cham ba na ba dang/ zas yi gar mi 'ong ba dang/ dbugs mi bde ba dang/ lud pa lu ba dang/ 'di rnams la phan te rma red pa 'byang/ muska ka dang/ su d+ha shi ri dang/ 'bras bu gsum ste/ a ru ra dang/
 ba ru ra dang/ skyu ru ra dang/ tsi tra ka dang/ rgya skyegs shing dang/ shing d+ha ba dang/ shiM sha ba dang/ 'di rnams ni skran dang/ gcin sri ba dang/ chu so na d+he'u yod pa dang/ skya rbab kyi nad dang/ tshil che ba dang/ gzhang 'brum gyi nad dang/ bad kan dang/
 khu chu rnams sel bar byed do/ /dug mo nyung dang/ shing mur ba dang/ pu tse shel dang/ na le shaM dang/ albi sha dang/ gand+hi ra chu sgo ga dang/ sug smel dang/ ba tha sna gnyis dang/ dzi ra dang/ shing a ra la'i 'bras bu dang/ a dza mo da dang/
 yungs kar dang/ shu dag dang/ zir nag po dang/ shing kun dang/ srin bu sman bi dang ka dang/ pa shu gan da dang/ pany+tsa ko la zhes bya ba/ pi pi ling dang/ pi pi ling gi rtsa ba la brtse lag dang/ dbyi mo'i lo ma dang/ tsi tra ka dang/ li dong ra
 'di lnga dang/ sman de rnams ni rlung dang/ bad kan dang/ tshil ches pa dang/ cham pa dang/ skran dang/ rims na ba dang/ gzhang 'brum gyi nad dang 'di rnams sel bar byed do/ /shu dag dang/ gla sgang chen po dang/ thang shing dang/ sgron shing dang/ li dong ra
 dang/ bong nga dang/ a ru ra dang/ skyer pa dang/ yung ba dang/ shing mngar dang/ kri sna par+Ni dang/ dug mo nyung dang/ sman 'di rnams ni shu dag dang skyer ba la sogs pa'i sman sde'i grangs su gtogs te/ zas ma zhu ba'i be'u snabs dang/ rab tu 'khru ba'i nad rnams
 zhu zhing gcod do/ /tshil ches pa dang/ bad kan rgyas pa dang/ rlung nad dang/ bud med kyi nu ma na ba 'di rnams sel to/ ganda bri yang ku dang/ mig sman ra gan gyi dud pa dang/ lig bu mig dang/ stang zil dang/ me tog pad+ma'i ze ba dang/ lcim rtsa dang/ bcod
 dang/ ya ba sha ka dang/ shing shalma shi li dang/ shing shalma li'i khu ba dang/ pu na na ga dang/ sa mad+ga dang/ tsan dan dkar po dang/ me tog d+ha ta ki dang/ am ba shtha dang/ shing mngar dang/ nam ska ri dang/ nam ti bri ga sha dang/ rgya skyegs shing dang/ ro d+ha
 gser phrom dang/ mdza' ta ki dang/ shing pilpa dang/ be shing ka dang/ ka ti ga dang/ pad+ma'i ge sar ze ba dang/ sman 'di rnams ni sman sde rnam gnyis te/ gand+ha bri yang bu'i sde grangs su gtogs pa dang/ sman am bashtha la sogs pa de rnams ni kha zas zhu ba'i
 tshang bar 'khru ba gcod do/ /sman 'di dag ni 'khru ba yang gcod/ nang gi sha tshad dang pags pa'i sha byung ba slar 'phros 'byor bar byed de phan/ mkhris pa rgyas pa la phan/ rma red pa yang 'tsho bar byed do/ /gla sgang dang/ shu dag dang/ tsi tra ka krug trug tres dang
 skyer ba dang/ yung ba gnyis/ kha ba rnam gnyis la/ ka tu ka ro hi ni pu tse shel dang/ ka ka tik+ta dang/ go bye dang/ ba thA dang/ 'bras bu gsum po a ru ra dang/ skyu ru ra dang/ ba ru ra dang/ bong nga dkar po dang/ bong nga nag po dang/ khra bo dang/ ru rta dang/ sug
 smal dang/ shu dag dang/ 'di rnams ni bud med kyi mngal na ba dang/ nu ma na ba dang/ dri ma bshang gci ba dang/ rdul dang/ rdu ma dang/ rna spabs la sogs pa sel cing 'byang ngo/ /shing nya gro dang/ shing a shwat+tha dang/ shing u dum ba ra dang/ pad ri ke?
 ro d+ha sna gnyis 'dzam bu gnyis la/ bri had pha la dang/ d+ha swe pha la gnyis/ shing a dzun dang/ shing so ma balka dang/ shing bAk+Sha dang/ shing a mra dang/ shing many+dzu la dang/ shing bi la ya dang/ rgya skyegs shing dang/ shing
 nan ti ki li dang/ shing bi ra la dang/ shing mngar dang/ shing ma du ka dang/ 'di rnams ni shing nya gro la sogs pa'i grangs su gtogs te/ rma 'tshe ste phan/ 'khru ba gcod/ chag thur byung na 'byor/ tshos te tshil ches ba dang/ mkhris pa rgyas
 ba dang/ khrag rgyas pa dang/ skom dang che ba dang/ lus kyi khong tsha ba dang/ bud med kyi mngal na ba dang/ 'di rnams sel to phan no/ /sug smel dang/ ma he la dang/ tu ru ska dang/ ru rta dang/ gand+ha pri yaM ku dang/ spang spos dang/ ba laM b+hya ma ka
 dang/ sprig ka 'bug sug dang/ zhog taM ku dang/ /tso tsa dang/ ganda pat+tra dang/ rgya spos dang/ sti ni ya dang/ spu ma zhes bya ba sri shing gi me tog gi khu ba dang/ nya phyis dang/ rgya mtsho nas byung ba'i chu srin gyi sen mo dang/ thang shing
 dang/ a ka ru dang/ sh+ri ba sa ga dang/ gur gum dang/ tsan dan dang/ gu gul dang/ sa tsi ras dang/ pog kar po nu ma ka dang/ sunrA? ma dang/ nA ga ge sar dang/ 'di rnams ni sug smel la sogs te 'di dag dri zhim po'i sder gtogs te/ rlung
 nad dang bad kan rgyas pa'i nad sel/ dug thub/ pags pa'i sha mdog bzang po sdug gur 'gyur ro/ /g.yan ba dang/ thor bu dang/ bas glags pa'i nad 'di rnams kun sel lo/ /sh+ya ma dang/ dan di dang/ dra ban+ti dang/ ka mu ka dang/ dri bid shing nye
 rong dang/ shing khri ni dang/ pa ta la dang/ su bar+Na shi ri dang/ ga ba ga shi dang/ shi kha ri dang/ ki bi lya ka dang/ sle tres dang/ shing ka rany+dza dang/ ba stang tri dang/ bya d+hi ga ta dang/ b+ha la dang/ ba hu ra sa dang/ shing ro tsha ba rnams kyi 'bras bu ni smen
 sha ma la sogs pa'i sder gtogs te/ skran dang/ dug 'thungs ba dang/ zas yi gar mi 'ong ba dang/ bad kan rgyas pa dang/ snying na ba dang/ chu 'gags pa dang/ nad 'di rnams sel to/ /de ltar sman gyi sde grangs sum bcu rtsa gsum bshad pa la/ de dag gi
 nang nas sman la la ma rnyed na yang/ sman gyi ro dang/ mthu dang yon tan 'dra ba las sman sna sbyor cig /bkru sman dang skyugs sman la sogs pa nad sbyang ba'i sman sna tshogs 'dus par bshad pa/ sman sde'i rnam grangs bshad pa'i le'u bco lnga pa rdzogs so// //
 snum dpyad kyi cho gar bya ba bshad pa'i le'u bcu drug pa bshad par bya'o/ /snum gyi nang na mchog ni rnam pa bzhi ste/ zhun mar dang/ rkang dang/ tshil dang/ til mar dang bzhi'o/ /de ltar snum de dag ni spyir ni 'ju dka' ste lci/ bsil khong 'khru/ lus kyi khong snum
 par byed/ 'jam par byed rtsa thams cad du 'gro bas na zhib mnyen/ lus kyi khong rlan par byed do/ /zas snum bag 'di dang 'dra ba'i sman snum bag can du gtogs pa phal cher yang de dang 'dra'o/ /snum dang sman de dang mi 'dra ba gzhan ni rtsub pa zhes bya'o
 de la yang snum de dag gi nang yang zhun mar sman dang sbyar te bcos pa ni ji ltar sbyar ba bzhin du phan no/ /rkang dang tshil dang til mar gsum ni mkhris pa dang bad kan dang rlung sel to/ /de la zhun mar bas ni til mar 'ju dka' o/ /til mar bas ni
 tshil 'ju dka' o/ /tshil bas kyang rkang 'ju dka' o/ /de la snum rnam gnyis zhes bya ba ni zhun mar dang til mar ro/ /snum rnam gsum zhes bya ba ni zhun mar dang til mar dang rkang mar gsum mo/ /snum rnam bzhi ni snum de bzhi la snum chen po bzhi zhes
 bya'o/ /de la snum gyi sman dpyad bya ba'i nad ni/ chang nang du gyur pa dang/ bud med kyis dub pa dang/ drag shul dang/ ngal ba'i las byas pa dang/ sems las chen po la zhugs pa dang/ mi rgan po dang/ byis pa dang nyams stobs chung ba dang/
 skem po dang/ lus kyi khong na snum med de/ rtsub par gyur po dang/ khrag zad pa dang/ khu chu zad pa dang rlung nad kyis nyams thag pa dang/ mig rab rib khyer te rtul ba dang/ rna ba mi gsang ste legs par mi thos pa dang 'di rnams lta
 bu la/ snum gyi bcud kyis lus brta bar bya'o/ /brta bar bya ba de la yang thog mar dugs byas la phyis bkru sman gyis bkrus te/ sbyangs nas de'i rjes la snum gyi dpyad bya'o/ /ha cang khong pa me'i drod ches pa dang/ lus sbom po dang/ nyams chung zhing ring ba
 dang/ brla rengs pa dang/ tshad par rab tu 'khru ba dang/ ma zhu ba'i be'u snabs yod de mchin pa na ba dang/ lkog ma na ba dang/ dbyig dug gis phog pa dang/ lto ba'i nang du dmu rdzing lta bu dang/ brgyal ba dang/ rtag tu skyug pa dang/ zas yi gar mi 'ong ba
 dang/ bad kan gyi nad yod pa dang/ skom dang che ba dang/ chang gis phog ste ra ro ba dang/ bud med bu btsas pa dang/ sman sna nas btang ba dang/ bkru sman gyis bkrus pa 'di lta bu la snum gyi dpyad bya zhing sbyin du mi rung ngo/ /de la zhun mar gyi yon tan ni sems
 rno mi brjed cing dran pa dang/ yid gzhungs/ lus skem zhing ring pa 'di lta bu la phan no/ /til mar ni lton srin bu yod pa dang/ tshil ches pa dang/ rlung nad can du gyur pa 'di lta bu la til mar phan no/ /lus khong yang ba dang/ lus khong grims shing sha
 mkhrang ba dang/ lto sra ba 'di lta bu la rkang zos na phan no/ /lus la rlung dang nyi tshin gyis gdungs pa dang/ lam ring por bgrong pas khong du dub pa dang/ smra mangs pa dang/ bud med la drags pa dang/ drag shul dang/ las ches pa dang/ srog
 zungs bdun lta bu zad pa dang/ lus kyi khong na snum med de/ rtsub por gyur pa dang nyon mongs pa byas pas lus ring ba dang/ pho ba'i drod ha cang ches te zas ha cang 'ju ba dang/ rtsa sgo kun rlung gis 'gags shing chod pa 'di lta bu la tshil zos na phan no//
 de la tshil ni lhag par rus pa'i tshigs kha bye ba dang/ rus pa chag pa dang snod bsnad pa dang/ lto ba'i nang grol na ba dang/ mes tshig pa dang/ lus rmas te rma byung ba dang/ rkang lag gi tshigs bur ba dang/ mo mtshan na ba dang/ rna ba na ba dang/ klad pa na ba dang/
 'di lta bu la tshil phan no/ /til mar ni lhag par dbyar zla tha chung dang/ ston zla ra ba'i ngo la phan no/ /zhun mar ni ston zla 'bring po dang/ tha chungs kyi ngo la phan no/ /rkang dang tshil ni dpyid ka phan no/ /snum 'di rnams gang yang rung dus tshigs dang mi sbyor bar
 'phral gang bab du gtong na/ tshes grangs kyi nyi ma bzang ba dang/ sprin dang yul ngan med cing yul bzang ba'i tshe thong zhig /til mar ni dgun zla grang lhags pa che ba'i tshe btang na phan no/ /zhun mar ni dbyar zla ra ba dang/ 'bring po tsha ba'i dus na mtshan mo
 'thungs na phan no/ /mkhris pa dang rlung nang du gyur na zhun mar ni mtshan mo yang btang du rung ngo/ /yang rlung dang mkhris pa lta bu nang sna gnyis 'dres par na na/ til mar dang zhun mar mtshan mo btang du rung ngo/ /rlung dang bad kan gyi nang du gyur na/ zhun mar dang sman dang sbyar ba nyin bar thong zhig /de bas na sman zhun mar dang sman
 dang sbyar pa'i til dang kha zas la sogs pa rnams dang/ sman mas btang ba dang/ sman sna nas btang ba dang/ lus mar gyis bsku ba dang/ sman bskol ba'i khu ba khar blugs shing dbo? ba dang/ mgo dang rna ba dang mig tu sman pa sku zhing blugs pa la sogs pa
 rnams kyang ran pa tsam du btang ngo/ /ro rnam drug la sogs pa sna re re ba dang/ ro sna gnyis pa dang/ ro sna gsum pa dang/ sna bzhi pa dang/ sna lnga pa la sogs pa sman sbyar ba'i ro bro ba'i sna grangs drug cu rtsa bzhi la sogs par phye ba de las/ snum gyi dngos po mar la sogs
 pa ro logs shig mtha dang pa ma yin te/ ji ltar zhe na/ sman mar sbyor ba yang/ sman sna mang po gsogs la/ mar nyung du byas pas na/ ma bgyi ro zil gyis gnon to/ /lhag par bro ba med pas na ro drug cu nyid kyi nang du 'dus so/ /dper na ji skad du bstan pa/
 sman bskol pa'i khu ba dang dangs ma btung ba'i ro de yang chu'i ro tsa bro ba la logs shig na rgyu lhag pa med do/ /ro drug cu nyid kyi nang du 'dus so/ /yang ni sman mar myur du gang phan pa de bzang ste/ de la thun chung ngu zos na thun gnyis kyis 'ju'o//
 tshong 'brid du zos na thun bzhis 'ju'o/ /tshod cher zos na nyin zhag gcig gis 'ju'o/ /de ltar sman dang sbyar ba'i til mar ram/ sman mar gang za yang rung ste/ mi nyam dang nad kyi dmigs la sbyor la/ sngar ni tshod chung ngu nas bza' bar bya'o//
 yang bkru sman gyis bkru bar 'dod na kha rtsad lta bu zas zos la/ da nang lta bu zhu ste khong na yang/ zhun mar dang dangs ma 'ba' zhig tshod cher mang du bza' o/ /mar 'thungs pas nad zhi bar byas pa zhig la zas kyang cher ma zos te/ khong bkres na
 mar 'bring tsam du zos na phan no/ /sman mar gyis nyams btsag brta zhing sha skye bar bya na/ dro khar sman mar nyung zad bzhu ste/ sha khu gdungs la dro tsha tsam gyi nang du blugs la 'thungs nas/ de'i rjes kha zas snum bag zos la chang gis mnan na phan no/ /yang byis
 ba gzhon nu lta bu dang/ mi rgan po dang/ rtag tu skom dang che ba dang/ mar za ba 'am/ 'thung mi phod pa dang/ chang nad che ba dang/ rtag tu bud med dang phrad de/ rtag tu kha zas snum bag za ba lta bu dang/ drod chung ste kha zas mi 'ju ba lta bu dang/ skyid de bde bar
 'dug 'dug pa'i mi dang/ sman stobs chung ba'i nyon mongs pas 'jigs pa lta bu dang/ lto snyi ba dang/ nad dkyil mi che ba lta bu dang/ so ga tsha ba'i dus dang/ nad kyis ring par gyur pa 'di rnams lta bu la sman mar btang ba ni/ dro ba sman
 mar nyung shes bzhu ste cig tu 'thung ngam/ khu ba dron pos phul te 'thungs pa'i rjes la/ kha zas snum bag dang chang 'thung zhig /de la nad dmigs kyi rim pa dang sbyar te sman mar btang ba'i thabs ni/ lus kyi stong na nad yod na ni kha zas
 zos pa'i rjes la mar phyis btung ngo/ /bod pa'i nang lus kyi bar na nad yod pa ni kha zas phyed zos nas sman mar btung ngo/ /lus kyi smad na nad yod na ni/ dro khar lto stong la sman mar btang na/ rjes la kha zas dang tshil nan 'thungs na nad sel to/ /sman
 mar btang ba'i thabs rim pa 'di ltar byas na/ phan pa'i stobs mthu yang/ lus kyi rim pa bzhin du skye'o/ /de ltar sman mar 'thungs pa las mar cung zad ma zhu na/ chu tshan gdug du ba'i dangs ma khas bzod tsam 'thungs na/ mar bde blag tu 'jug par
 'gyur ro/ /sman mar la sogs pa zos te/ snum kha'i nang du chags na/ chu tshan gdus pa khas bzod tsam gyis kha bkru'o/ /e raN+Da'i khu ba gdus pa dang/ ba la ta ka zhes bya ba go ba dang 'di gnyis su bsdus pa'i khu ba ni btung du mi rung ngo/ /gal te kha  
 rtsad dam/ khar nyin lta bu sman mar 'thungs pa las zhu 'am ma zhu gtol med de the tsom za na/ chu tshan gdu gdu ba yang 'thung zhig /de 'thungs pas khong du ma zhu la/ ma zhu ba'i gdung sgregs mnan po ma yin sgregs pa yang tha mal bar 'od/ /khong
 yang zhing zas yi gar 'ong bar gyur na/ kha zas ran tsam du bza' zhing 'tshal nan kyang ci ran du 'thung zhig /de ltar sman mar 'thungs nas zhu ba'i rjes la/ kha zas bza' ba ni khu ba ro bag dang/ zas bad kan du mi 'gyur ba dang/ ha cang zas snum bag
 nyid ma yin pa dang/ kha zas grang dro ma 'dres par bza' o/ /sman mar 'thungs pa lta bu la kha lag kyang chu dron pos bkru/ bud med dang 'phrad du mi rung/ mtshan mo yang gnyid bar nyal/ bshang ci 'ong na mi dgag go /brag shul gyi las mi bya/ khro zhing
 tshig pa za ba dang/ mya ngan dang/ grang ba 'am/ nyi tshan la 'dug pa 'am/ rlung drag po lang pa'i khar 'gro ba 'am/ rta zhon te phan tshun 'khyam pa 'am/ lam du zhugs pa dang/ mang du smra ba dang/ stan ha cang mi mtho ba la 'dug pa dang/ sngas ha cang mtho ba
 'am/ dma' ba 'di rnams lta bu mi bya'o/ /nyin par nyal ba dang/ dud pa dku ba'i nad na 'dug pa dang/ rdul khrod na 'dug pa 'di rnams kyang mi rung ste/ de lta bas na sman mar ci srid 'thungs pa de srid kyi bar du/ cho ga de ltar
 bya zhing mi rung ba rnams spang ngo/ /sman mar dang 'dra bar bkru sman btang ba dang/ sna nas btang ba dang/ sman mas btang ba rnams kyang tshul de dang 'dra bar nang byang gi bar du chog yun de srid du bsrung bar bya'o/ /de la nang zhi bar bya ba'i phyir/ sman
 mar btang ba'i chog bkru sman dang 'dra ste/ sman mar gyi cho ga yang de bzhin du bya'o/ /de la lto snyi na ni sman mar nyi ma gsum du btang ngo/ /lto sra na ni nyi ma bdun du btang ngo/ /sman mar btang bas nad rtse zhil te/ khod legs par snum par gyur
 na/ de phan chad kha zas kyi chog bya'o/ /de ltar sman mar btang bas nang rtse zhil bar gyur na/ stong smad du dbugs dbyung ba tha mal par 'od/ pho ba'i me drod ches te 'bar/ bshad pa snum la mi sri ba 'byung/ mar dang snum bag mi 'dod da skyo/ /lus
 snyom ste 'di ltar gyur na/ nad rtse zhil zhing lus kyi khong legs par sum por gyur pa yin no/ /lus kyi khong rtsub na ni tshul 'di dang 'dra ste/ 'di las bzlog ste blta'o/ /gal te sman mar dang snum gyi tshod ma zin tam/ phan pa ma yin par zos
 sam/ btang ba'i dus ma yin par 'thungs sam/ kha zas log pa ha cang snum ches pa 'am/ bsil zhing rtsub pa 'am/ zas ma zhu bzhin du zos pa 'am/ mtshan mo mi nyal zhing nyin par phan tshun 'khyam pa dang/ mi mthun pa log pa byas pa 'di
 lta bu las sman mar ma zhu ste/ snum dregs par gyur na/ gdong pa dang lus kyi sha mdog ser/ snabs dang mchil ma mang/ thur du tshad par 'khru ste/ de lta bu las nad ni lus skrangs pa dang/ gzhang 'brum khrag tshad du 'od do/ /khong rmya lus dgye rgu
 mi shes te/ rengs bag du 'dug /sems myos te blong bag du 'dug /g.yan pa dang/ mdze dang rims nad rtag tu skyug pa dang/ khong na lto sbo/ /mgo 'khor la sogs pa dang/ 'di lta bu'i nang du 'gyur ro/ /de lta bu la dpyad bya ba ni zas dang skom
 dbri zhing bsdams pa dang/ skyugs sman btad dugs bya/ zas dang skom rnams rtsub pa'i bag btang/ 'tshal nan dar ba dang/ a ru ra dang/ ba ru ra dang/ 'di lta bu mnan pa'i khu ba dang/ dar ba bskol ba dang/ nas dang/ ci ce dgod dang/ khre dgong dang
 pi pi ling dang/ 'bras bu gsum po a ru ra dang/ ba ru ra dang/ skyu ru ra gsum/ sbrang rtsi la sbyar te btang ba 'am/ yang na a ru ra btags pa dang/ pa gcin dang gu gul bsres nas 'thungs na phan no/ /mdor na nang dmigs ji ltar mi bde ba dang
 sbyar la dpyad byas na/ mar brags pa'i nad 'byang ngo/ /yang de lta bu la dpyad du bya ba ni kha zas mi bza' ba ni bza' bar smyung ba mi nus na yang/ /kha zas rtsub po bza' ba'i dpyad byas na smyung ba byas pa dang 'dra'o/ /gal te mar drags pa'i nad las
 bkru sman btang dgos par gyur na/ nyi ma gsum gyi bar du kha zas snum pa khu ba drod bag dang/ yul ska ma sa nas byung ba'i sha las khu ba drod bag du byas pa dang/ kha zas drod bag zos la/ nang nub du dugs bya zhing/ nyi ma gsum du snum
 bag gi drod dang/ dugs de ltar byas nas/ de'i rjes la bkru sman btang ngo/ /skyugs smon btang ba ni mi sha dang tshil ches/ bad kan mang/ drod ma snyoms te zas res 'ga' 'ju/ res 'ga' mi 'ju ba de lta bu ni nyin zhag gcig bad kan
 skye ba'i kha zas byin la/ phyi de nyin skyugs sman thong zhig /yang zas snun bag gis bskyed bskyed pa/ bad kan can de lta bu la sngar zas rtsub po byin te/ de'i rjes la kha zas snum bag gis khong snum par byas nas bkru sman thong zhig /dpyad
 de ltar byas na mar dang snum bag las nad du gyur pa 'byang bar 'gyur ro/ /mar dang snum lta bur ma 'phrod de nang du gyur pa kha zas kyi dpyad byas pas ma byad na/ sman btang ba'i dpyad byas pas nad kyi dri ma phyin par 'gyur ro//
 byis pa chung ngu dang/ rgan po la sogs pa mar dang snum bag spong mi nus la/ cho ga dka' na 'phral du snum gyi dpyad 'di skyo zhing gnod par yang mi 'gyur gyi gyis shig bya ba'i thabs ni mar brngos la sha khu las btang ngam/ thug pa'i
 nang du btab la blug yang na til btags pa'i nang du mar btab la/ bu ram bskol ba'i lu bas btang ste btung ngo/ /yang na 'bras dang til mar dang sran ma sha dang/ sna gsum gyi thug pa nang du yang mar 'di bzhin du btab la btung ngo//
 'o ma bskol ba dron mo'i nang du mar btab pa'i thug pa 'am zho mngal ma zhog chu bor la/ bu ram gyis btab ste blud pa'i thug pa de lta bu rnam pa drug dang/ mar rkang tshil dang til dang sna bzhi 'bras dang sna lnga'i thug pa dang/ spyir
 drug dang/ yang thug pa rnam pa lnga po 'di dag dang/ thug pa sna bdun po 'di rnams ni 'phral du lus kyi khong snum par 'gyur te/ lan tshwa cher gdab po/ /thug pa 'di dag ni bad kan du mi 'gyur ro/ /lus rtsub par mi 'gyur/ yang mdze nad dang
 lus skrang bag dang/ gcin rtag tu 'ong zhing snyi ba 'di lta bu la bu ram dang yul gsher sa nas byung ba'i sha dang/ 'o ma dang til dang/ sran ma sha dang/ chang dang zho rnams bzar mi rung ngo/ /snum gyi cho ga dang/ dpyad byas gnod
 par ma gyur na/ sman 'bras bu gsum po dang/ pi pi ling dang/ /a ru ra dang/ gu gul la sogs pa bskol la thong zhig /de ltar btang na nang rnying yang 'byar la/ lus kyi khong nas drod skye/ khong pa nang gi nad kun 'byang/ srog zungs
 bdun 'phral du brta/ nyams stobs dang bzhin mdog bzang por 'gyur/ dbang po rnams brtan/ rgan sra/ lo brgya thub par 'gyur te/ mar rtag tu bza' ba'i yon tan de ni de ltar 'gyur ro/ /snum la dpyad kyi cho gar bya ba'i le'u ste bcu drug pa rdzogs so// //de nas dugs
 bya ba'i le'u bshad par bya'o/ /de la dugs kyi bye brag ni rnam pa bzhi ste/ dugs bya ba dang/ bag zan dang sman du sbyar bas lus la bcing zhing dugs bya ba dang/ dugs tha mal pa dang/ chu lums dang rnam pa bzhi'o/ /de la dugs zhes bya ba ni me las bsros pa yin te/ de
 la yang ji ltar zhe na/ me mdag la gos sam thong lcags sam lag pa'i thal mo me la bsros pa la sogs pas dugs bya'o/ /bag zan dang sman du sbyar ba'i dugs lus la glan cing bcing ba ni bag phye 'am 'bru sna tshogs btags la sman shing tsha phabs dang nye'u
 shing dang thang shing dang gur kum dang/ a ru ra dang/ ldum bur sna dang/ e raN+Da'i rtsa ba dang/ yul gsher sa nas byung ba'i sha dang/ tshwa dang/ dar ba dang/ 'o ma dang/ zho dang/ mar dang/ 'di rnams kyis sla mor sprus la lan tshwa cher btab ste btsos la ras kyi steng du bdal te/ lus gar
 na sar glan zhing bcings na dugs 'dis ni rlung nad 'byin bar 'gyur ro/ gal te bad kan dang 'dres pa'i nang du gyur na ni dugs de'i nang du bye'u rug pa la sogs pa dang sbyar la dugs bya'o/ /mkhris pa'i nad la ni shing shug pa dang sbyar ro/ /dugs glan te de ltar sbyar ba las
 gal te sla bas lus la mi chags shing ras kyi mi thub na mar dang til mar la sogs pa snum gyis bsnan te/ yang dang yang bsro zhing pags pa ma rul ba dri mi zhim ba ma yin pas phyi rol nas dugs bya'o/ /pags pa de lta bu ma rnyed na sman rlung sel ba'i lo ma a
 shwa ganda 'am/ e raN+Ta 'am/ dar ram bal sna 'am/ ras kyis g.yogs shing dkris la mtshan mo dugs byas na ni nyin par mi dgos kyi khrol cig /nyin par dugs byas na ni mtshan mo mi dgos kyi khrol cig /de la dugs tha mal pa zhes bya ba ni bag phye ba
 dang mar chur sbyar te btsas pa'i bag zan sla mos/ gang na ba'i thog du glan cing 'dug pa dang/ gyo mo'i dum bu dang/ bag dum dang/ rdo ba dang/ sa phye ma dang/ gso ma'i lo ma dang/ 'bras la sogs pa 'bru rnams dang/ lug
 gi ril ma dang bye ma dang/ phub ma la sogs pa thabs du mas bcos sam/ brngos pa'i dugs kyis yul gyi rnams dang dus dang sbyar zhing dugs bya'o/ /de la sman ku'i lums bya ba'i dpyad ni/ shing shi kru dang/ shi kru'i rtsa ba dang/ lo ma dang/
 'bras bu la sogs pa ji snyed ba dang shing e raN+Da'i rtsa ba dang/ lo ma la sogs pa dang/ ka rany+dza dang/ byi'u rug pa dang/ kardza ka dang/ shing shi ri sha dang/ ldum bu ba sha dang/ 'od ma dang/ shing a ra ka dang/ ma li ti dang/ d+hirg+ha bi n+ta dang/
 gso ma'i lo ma dang/ shu dag la sogs pa dang yul gsher sa nas byung ba'i sha dang/ nya dang/ dang dur la sogs pa'i sha dang/ sman gyi rtsa ba sna bcu pa dang 'di rnams la sogs pa nad dmigs? dang sbyar la nad lci na sman 'di kun sna tshang bar gsogs te brdungs
 la chang dang tshwa dang 'o ma dang chu la sogs pa dang sbyar te bcos la bum pa'i nang du blugs la gang na bar sman gyi rlangs pa dron pos gar na ba'i dmigs su bdug cing lums bya'o/ /yang na rlangs pas mi bdug par smin btso btso ba'i khu ba dro tsha
 tsam bum pa'i khar phra mor bstod pa 'am/ sbub bu ring por bstod pa'i/ blugs pa'i kha nas sman gyi khu ba'i rgyun byung nas nad kyi steng du blugs shing sman khu'i lums bya'o/ /de ltar sman khu'i lums byed pa'i tshe lus la gos kyis kyang
 g.yogs la de'i steng du sman khu'i chu lums kyis lus la bde ba ran par blugs shing lums bya'o/ /yang na sman khu dron mo de gzhong khung lus tshad chen po'i nang du gang bar blugs la de'i nang du lus zhugs na rlung nang thams cad la
 phan par 'gyur ro/ /nad pa chu lums de lta bu'i nang du zhags te 'dug na gzhang 'brum khrag tshad du 'ong ba dang chus 'gags te gcin sri ba dang/ rlung nad la sogs pa la phan no/ /de lta bu'i lums bya zhing 'jug pa la kha zas snum bag bza' zhing ?zas zhu nas snga dro chu
 lums bya'o/ /de ltar lums bya ba'i tshad ni nad pa'i nad dmigs che chung dang/ yul rnams dang dbyar dgun gyi dus dang sbyar la lums che chung 'bring gar ran pa tshod de las dpags te bya'o/ /de las bad kan gyi nad dmigs shas chen ni sman khong rtsub par 'gyur ba dang
 sbyar la chu lums bya'o/ /mi rang bzhin rlung dang bad kan can zhig la rlung nad skyes te rtsub par gyur na sman rtsub pa dang snum bag yod pa gnyis ga dang sbyar ba'i chu lums bya'o/ /yang nad pa pho ba'i nang du rlung nad zhugs pa la/ long ga'i nang du bad kan gyi nang zhugs par
 gyur pa 'di lta bu la ni sngar pho pa'i gnas la phan pa'i lums rtsub ma'i lums bya'o/ /long ga'i nang na bad kan yod pa ni so so'i nas kyi bye brag dang sbyar te snum bag yod pa'i lums bya'o/ /de la dugs dang lums gang byed kyang rung ste/ sta zur dang chu so'i bar dang/
 mig dang rlig pa'i 'bras bu dang/ snying dang 'di rnams la dugs chung ngu bya'o/ /yang na ni ma byed cig lums legs par byas pa'i tshul ni khong drang zhing bsil ba kun med zug cing na ba byang lus dang rkang lag 'jam pa de lta bur gyur na lums legs pa yin te lums
 kyi rjes su lus dal gyis mnye zhing de'i rjes la chu dron pos lus khrus byas nas de'i 'og tu snum btang ba'i cho ga gyis shig /yang lums ha cang drags na nyen du gyur pa'i nad dmigs ni/ mkhris pa dang khrag rgyas te tsha ba'i nad skye skom dang che/ myos shing rgyal ba 'am/ rog par
 'gyur/ skad 'gags rkang lag na mgo 'khor/ rkang lag gi tshigs kun na rims tsha bas 'debs/ lus kyi sha tshig ste nag po dang dmar po thig thig por snang lums ha cang drags na skyug dro ba 'di lta bu'i nyen du 'gyur ro/ /lums de ltar ha cang drags te/ tsha ba dang/ mgo
 'khor ba dang/ skyug bro ba la sogs pa dang/ gzhan yang dug gis phog pa dang/ nas tshigs 'khus pa'i cha la sogs pa'i sman btang ngam/ me bca' btab bam/ mes tshig gam/ tshad pas btang bam/ skyug bro 'am/ snying mi dran te myos pa
 'di rnams lta bu la/ lums rtsi ze raN+Da dang/ nye'u shing lta bu dang/ nya dang chu bya sna tshogs lta bu ni/ bsil zhing lci ba'o/ /tsha zhing rno ba na le sham lta bu dang/ drod che ba'i sman tshid ka dang/ dbyi mo'i lo ma 'di lta bu rnams sbyor te so so'i nad dmigs las lums
 ci rigs par byas na nad dmigs kyi nyen de lta bur mi 'gyur ro/ /lums rtsir bzang ba ni rlon zhing zhu ba yod pa sra te tshos dka' ba spyi bag dang/ 'byar bag du 'dug pa dang/ snum bag dang/ rtsub pa'i bag dang/ rtsa'i nang du 'gror rung ba zhib pa de lta bu'i sman
 ni lums rtsir bzang po/ /lums kyis nang dang/ nyen du mi 'gyur ba'i sman rtsi ni 'jam pa dang/ rtsub pa dang/ zhib pa dang/ 'byar ba spyi bag 'dug pa dang/ zhub gsher bag can 'di lta bu la sbyar na lums legs te nang du gyur pa la rtse zhil te phan par
 'gyur ro/ /mdor na sman kha ba dang/ bska ba dang/ mngar bag 'di gsum yod pa phal cher sbyar na lums nyes pa'i nad thams cad rtse gzhi la cing phan par 'gyur ro/ /de ltar lums ha cang drags pa las nang du gyur pa de slad bcos pa'i thabs kyis nad rtse zhil
 bar 'gyur te/ phan pa'i rtags ni gong du lums drags pa'i nyen smos pa rnams bya nga la nyams stobs skye bar tshor na de ni lums drag pa'i nad phyin pa zhes bya'o/ /yang lums drag ches te nad du gyur pa de rtse zhil ba'i thabs ha cang
 drags che sa na yang/ sha ma dangs kyi pags pa dang chu ba dang/ rkang lag rnams 'khums par 'gyur/ snying 'phar zhing na smra mi nus 'grams pa'i nya byung ste lhung mchu dang lag pa dang/ rkang pa dang/ pags pa rnams nag por 'gyur ba de lta ni
 ha cang rtse gzhil drags pa'i nad yin no/ /de la dugs byar mi rung ba'i dmigs ni ha cang tshon po spom po dang/ rlung ches te khong rtsub pa dang/ ring par gyur te nyams chung ba dang/ brgyal ba dang sngar lums dags pa las slar gso zhing dpyad bya dgos pa dang/ glo na ba dang/ glo rdol ba dang/
 srog gzungs bdun po zad de lus skam por song ba dang/ lus khur ram las kyis dub ba lta bu dang/ chang las nang du gyur pa lta bu dang/ mig rab rib za ba dang/ dmu rdzing du gyur te lto cher skyes pa dang/ shu ba mched pa dang/ mdze nad dang 'or nad skrang bag dang/ tsha ba mkhris
 pa'i nad yod pa dang 'o ma dang zho dang mar 'thungs pa dang/ sbrang rtsi 'thungs pa dang kru sman btang ba dang/ lus snang ba dang gzhang 'brum khrag tshad 'ong ba dang/ sems 'khrugs pa dang/ mya ngan gyis btab pa dang/ 'jigs shing bag tsha ba lta bu yod pa dang/ bkres pa dang/ skom
 ba'am mig ser gyis btab pa'am/ skya sbas kyi nang yod pa 'am gcin snyi ste rtag tu 'ong ba 'di lta bu dang/ spyir mkhris pa'i nad yod pas tsha ba'i nad che ba 'di lta bu la lums byar mi rung bud med sbrum ma dang/ zla mtshan zags pa dang/ bu btses pa lta bu dang/ 'di lta bu la
 lums byar mi rung ngo/ /gal te sbrum ma'am zla mtshan zag pa dang bu btsas pa 'di lta bu la lums mi byar mi rung ba 'am/ dug gis phog ste lums bya dgos na yang lums mi drags pa 'jam por gyis shig /de la lums bya ba'i nad dmigs ni bad kan
 ches te dbugs mi bde ba dang/ lung ba lu ba dang/ chams pas btab pa dang/ skyigs bus btab pa dang/ lto spos pa dang/ bshang gci gnyis ka 'gags te dbyung du mi rung ba dang/ mgul subs shing skad 'gags pa dang/ rlung nad kyi bag tu mi bde ba dang/
 bad kan rgyas pa dang/ be'u snabs yod de mchin pa na ba dang/ lus dgye rgu mi shes te khong rengs pa dang/ lus lci ba dang/ rlig rlugs kyi nang yod pa dang/ /mtshan par rdol ba'i nad dang/ da rgan lus nang du rgyu ba 'am/ phyir dgye ba'i nad kyang rung rlung nad kyis zug
 thabs su na ba dang/ chu 'gags pa dang/ thor bu chen po byung ba 'am/ rmen bu skrangs pa'am pags pa'i nang du thor bu 'byung la phyir rdol du mi rung ba lta bu dang/ skyes bu khu ba 'gags te 'ong du mi rung ba dang rlung nad che ba dang/ 'di rnams
 lta bu la so so'i nad dmigs dang mthun par sman sbyar la lums dang dugs bya'o/ /yang mi la rlung nad yod pa 'am tshos te tshil ches pa'am/ bad kan rgyas pa de lta bu la lums btsos shing gdu gdu ba mi dgos par khang par rlung med pa dron po'i
 nang du gos bsros la dron po gyon te rdul dbyung ba dang gos lci bar gyon cing rdul bar bya ba dang/ sdangs par bya zhing rdul gdon par byas na lums bya mi dgos par phan no/ /yang me la btsos pa'i lus btsan po chem yin par tha mal bar zan dang/ sman du
 sbyar bas btsos pas lus la dkri zhing bdug pa dang/ tshad mang du blung la dugs byas nas phan no/ /rdul mang du dbyung ba'i thabs dang/ khro bar byas pas rdul dbyung ba dang/ bsres par byas pa dang/ skom par bya ba dang/ nyin tshan la bzhag pa 'di lta bus
 kyang bad kan la sogs pa'i nad lums bya mi dgos par phyin par rung ngo/ /de lta bas ma lus dang khod pa nang gi nad yod pa la mar dang til la sogs pa snum gyi dpyad kyis ni nad bsrul lo/ /nad bsrul ba de khod pa nang khrol gyi nang du song yang rung
 srog gzungs bdun gyi nang du song ngam rkang lag gi nang du song ngam nang rung ba'i nang du zhen kyang rung/ de lta bu la lums sam dugs byas na snum gyis bsrul ba'i nad de snyil zhing sla bar gyur nas khong du sdud do/ /khong du nang lus pa dang
 bkru sman gyis bkrus te nad kyi dbyis 'byung ngo/ /dugs dang lums kyi cho ga ste le'u bcu bdun pa rdzogs so// //skyugs sman dang bkru sman btang ba'i cho ga'i le'u bco brgyad pa bshad par bya'o/ /bad kan rgyas pa'i nad
 dam bad kan rgyas pa rlung ngam/ mkhris pa dang 'dres kyang rung ste/ de lta bu'i sman la skyugs sman thong zhig/ tshul 'di dang 'bra bar mkhris pa rgyas pa'i nad la ni bkru sman thong zhig /yang rims gsar ba dang/ tshad pa 'khru ba dang thur du mkhris pa dang
 khrag tu 'khyu ba dang/ glo gcong chen po skam byed dang/ mdze dang gcin snyi ba dang/ 'brum chen dang thor bu 'byung ba'i nang dang/ rkang pa cher skrangs pa'i nad dang snying mi dran te myos par gyur pa dang/ lud pa lu ba dang/ dbugs mi bde ba dang/ snying 'phar ba dang
 bud med nu ma na ba dang/ ro stod yan chad kyi nad mi ba 'di rnams dang nad thams cad la skyugs sman btang na phan no/ /de la skyugs sman btang du mi rung ba'i nad dmigs ni bud med sbrum ma dang/ rlung nad yod de khong rtsub pa dang/ bkres pa dang rtag tu sdug
 bsngal ba dang byis pa chung ngu dang/ mi rgan po dang skem po dang tshe ste sbom po dang glo sma na ba dang/ mtshon gyis rmas pa dang/ nyams chung ba dang/ rtag tu slon pa dang/ mcher pa na ba dang/ mig rab rib khyer ba dang/ lto na srin bu yod pa dang/ khar khrag dang
 rlung du 'dres par 'byung ba dang/ son pa dang/ skad 'dzer ba dang/ chu sri ba dang/ dmu rdzing dang/ skran dang/ sman btang ba yang yang slon du mi rung ba dang/ ha cang drod che ba dang/ gzhang 'brum gyi nad dang/ rtug skam gyis btab pa dang/ mgo 'khor ba dang
 rtse bas logs rdo bzhin sra bas rem rem por nad dkyel chags pa dang/ glo na ste rtsib logs su zug pa dang/ rlung nad kyi bag 'di lta bu la skyugs sman btang du mi rung ngo/ /yang khrag sman btang ru mi rung ba ni btsan dug 'thungs sam/
 dbyig dug 'thungs sam kha zas ma zhu ba 'am/ kha zas mi 'phrod pa zos pa 'am/ be'u snams las rim su gyur tam/ rtag tu skyugs sman btang yang skyug tu mi rung ba la skyugs sman mi btang bar/ gong du smos kyang
 dug 'thungs sam/ skyugs sman mi btang du mi rung ba'i nad dmigs zhig yin na 'di rnams lta bu la skyugs sman thong zhig/ nad dmigs gzhan dang sbyar te skyugs sman btang ba'i rjes la sman gyi dud pa spu gu gnas
 btang ste bdug tu rung ngo/ /btsan dug dang dbyig dug gis phog pa dang/ zas ma zhu ba 'am/ kha zas mi 'phrod pa zos pa 'di rnams lta bu la skyugs sman btang ba'i rjes la dud pa spu gu nas btang zhing bdug pa dang/ zas kyi cho gas
 bstan pa 'di rnams byar mi rung ngo/ /de la bkru sman gyis bkru zhing gsor rung ba'i nad ni skran dang gzhang 'brung khrag tshad 'brum bu dang gzhogs phyed na ste bskyod mi nus pa dang/ mig ser dang/ rims yun du lon te bying ba dang/ dmu rdzing
 dang/ /dbyig dug dang/ rtag tu skyugs pa dang/ mtshar ba na ba dang/ sha mdog ser por gyur pa'i nad dang/ mig rab rig za ba dang/ mig sngon por gyur pa dang/ mig rtsi bar za ba dang long ga na ste lte ba'i 'og tu na ba dang mo mtshan na ba dang/ pho mtshan na ba dang/ khong ba'i
 nad kun na ba dang/ lto na srin mu yod pa dang/ rme red pa dang dreg gam khar khrag dang rlung 'dres par skyug gam/ mgo bo yan chad kyi nad dang/ khrag rgyas pa dang/ gcin 'gag cing sri ba dang/ rtug skam gyis btab pa 'di rnams lta bu la bkru sman gyis
 bkrus na phan no/ /mdze nad dang/ gcin snyi ste za khur byung ba la ni/ skyugs sman btang na phan no/ /rims sar pa dang/ pho ba'i drod nyung ba dang/ mkhris pa dang/ khrag tshad du byung ba dang/ glo rdol taM/ lus rmas sam/ gzhang 'brum khrag tshad 'ong ba 'am/ khong
 du mtshon lus te ma phyin pa dag lto sra ste 'khrur ma rung ba dang/ lus tsho ste tshil che ba dang/ skem po dang 'di rnams lta bu la bkru sman btang zhing bkrur mi rung ngo/ /de la skyugs sman dang bkru sman gnyis gang yang rung ba'i dus ni grang dro ran pa'i
 dus la bya ste/ de yang dpyid zla 'bring po dang dbyar zla tha chung dang/ ston zla tha chung dang zla ba 'di rnams la bkru sman dang skyugs sman gang yang rung ba btang du rung ngo/ /dus 'di'i tshe snum btang ba'i cho ga bzhin du yang byas/ dugs dang lums
 kyang cho ga bzhin du bsal sang skyugs sman gtong na deng bad kan bsleng ba'i kha zas nya dang til dang/ ma shi mon srin dre'u dang/ bad kan skye bar 'gyur ba'i zas rnams zos la/ mtshan mo gnyid log par byas nas kha zas legs par zhu ba dang
 nad par lus bsrung ba'i bkra shis byas la kha zas gzhan mi za bar skyugs sman btang/ mi rgan po dang/ byis pa dang/ nyams chung du skye ba dang/ sman stobs chung zhing zhen pa 'di rnams so so'i rigs par btang ba'i thabs ni mkhris pa rgyas shing
 tsha ba chen 'o ma dang bu ram shing gi khu ba 'am/ bu ram gyi khu ba las thong zhig /rlung nad la ni sha khu 'am/ mar khu 'am thug pa dang snum bag las thong zhig /bad kam rgyas pa la ni sbrang rtsi'i khu ba dang/ chang dang chu dron po las btang ngo/ /rgan gzhon dang nyams
 che chung gi thabs kyang tshul 'di bzhin du sbyar ro/ /skyugs sman btang ba yang babs chen 'thungs te gre ba man chad gang bar gyis la slon no/ /so so'i nad dmigs dang sbyar te/ skyugs sman du gtong ba yang rung ba'i nang du sbrang rtsi dang/ rgyam tshwa dang/ lce myang tshwa yang
 btab la mi'i tshod dang/ skyugs ba sra snyi'i drod du sbyor la sman bod zhig /sman gtong ba'i tshe nad pa'i kha shar phyogs su bltas la sman blud do/ /sngags kyis kyang gdab par bya'o/ /bramha dak+Sha shi pe/ bud dren dra/ b+ha tsan+d+ra arka nA la na la/ ri dir su ma b+hu ta sad+g+ha sa
 tsa pany+tsu pa/ sa ra ya na me ba ri Shi na ma da bA me mer tam su d+he bod ta ma nA ga nA na b+he Sh+yad dzyam na mastu ste/ skyugs sman 'thungs la skad cig ci ran du bsdad la de nas slon bro ba'i sems bskyed la/ dang kar 'khyil cing khar mchil ma mang po 'ong bar gyur na bya sgro 'jam
 po 'am/ chu ba snyi ba 'jam pos bkug cing dang ngo/ /bkug cing slon pa ni gre ba dang lce khyi ba'i drud ma smad par slon to/ /de la skyug yi bro bzhin du yang nan gyis skyugs shing slon du mi rung ngo/ /skyug bro bzhin slon par gyur na yang ma 'gebs par
 slon cig /de ltar slon pa'i tshe na stan mthon po pus mo'i thad ka tsam du mtho ba'i steng du tsog pur 'dug la 'bral ba dang/ blo g.yas g.yon mi bsten nas slon to/ /de'i tshe slon pa de lte ba'i thad kar btsir/ rgyab nas btsir zhing gyen du phul la slon cig /de la bad
 kan rgyas pa'i skyugs sman ni sman rno ba'i bag la na le sham lta bu dang/ bsil bag tu u shi ra'am/ tsan dan nam/ ga bur lta bu la sogs pa la sbyar ro/ /drod che ba'i bag la tsitra ka/ bi bi ling gi tsa ba la sogs pa lta bu dang/ tsha bar gtogs pa tshab rnam gsum dang
 shi kru la sogs pa 'di lta bu las skyugs sman du sbyar te btang ngo/ /mkhris pa rgyas pa'i skyugs sman ni ro mngar bag shing mdar 'o ma 'am bu ram shing gi khu ba 'am/ kha ra 'am/ cun 'bru lta bu dang/ bsil bag tu u shi ra 'am/ tsan dan nam/ ga bur la sogs
 ba la sbyar ro/ /rlung dang bad kan du 'dres pa'i nad la ni mngar bag dang skyur ba dang lan tshwa las sbyar la btang ngo/ /de ltar skyur du sbyar te gyen du phol nas nang phyin pa'i tshad ni bad kan 'byung ba zang nas mkhris pa snang gi bar du slon cing skyugs shig
 gal te skyugs sman btang ba las sman gyi mthu shugs zhan te/ babs cher mi slon tam sman 'ga' zhig slar rgal na bsnan ba'i dpyad ni/ bi bi ling dang/ skyu ru ra dang/ yungs kar rnams shel tsha dkar po 'am lce myang tshwa'i chu sbyor la yang yod
 slon cig sman gyis de ltar bsnan kyang slon du mi rung na/ skyugs sman nyes pa yin te/ de'i nyen ni mchil ma mang g.yan par 'gyur thor bu mang rims kyis 'debs pa la sogs par 'gyur ro/ /skyugs sman btang legs na dang por
 bad kan 'byung/ de'i rjes la mkhris par slon 'jug tu rlung gi tshul dbu ba lha bu 'byung ba ni skyugs sman legs pa yin no/ /de la ha cang skyugs sman drags pa 'am nang dkyel chen mang du slon pa'i rjes la dbu ba dang khrag tshon bag du byung na gso dka' ba yin no/
 de ltar sman drags te ma legs sam nad dkyel chas te nyams chung la slon drags na khong rmya lus tshe/ gre ba skam/ mig gis mthong ste mun par snang rlung nad yang ba ldang/ khong nas srog ces bya ba'i khrag yod pa de slon cing 'byung na mi 'chi bar 'gyur ro//
 skyugs sman btang legs ni de'i rjes la ci ran cig ngal gso ste/ de nas nad dmigs dang sbyar la/ dung pa rnam gsum gang yang rung ba cig gis bdugs la de'i 'og tu snum bag btang ba yang gong ma dang 'dra bar bya'o/ /de nas kha zas bza' ba ni khyi 'phred nus
 ka 'am/ yang na sman legs par ma zhu 'am/ rjes ma chad na phyi de nad par tsam na gdong kha zas yi gar 'ong zhing bkres na chu dron po ran pas khrus byas la kha zas kyi rim pa 'bras bug rkyang rkyang po la rim pa bzhin du bza' bar bya'o/ /bza' ba'i rim pa de yang dang
 po 'bras brngos pa'i thug pa rkyang rkyang pe blud do/ /de nas 'bras brngos pa'i thug pa phyar langs tsam du byas la blud do/ /de'i rjes la thug pa kha gzar gyis bcu rung ba blud do/ /de'i rjes la sran tshod yu sha zhes bya ba bal bo se'u 'bru dang sran bu dkar sbyar ba'i tshod ma
 dang 'bras bu can du spags shing bza' de nas sran mu ga dang/ bal po se'u 'bru dang spos sna tshogs su sbyar ba'i tshad ma dang 'bras can du spags shing bza' / mjug tu ni khu sha dang 'bras can du spags shing bza' o/ /de ltar slon ba'i rjes la kha zas tshos
 che chung bza' ba'i tshad ni skyugs sman legs te/ legs par slon la dang ka sang sang bor byas na thug pa dang/ sran tshad yu sha dang khu sha gsum char zos kyang rung ngo/ /'bring tsam du slon na ni 'bras thug dang/ sran tshod yu sha dang/ rnam pa gnyis ka bzar
 rung ngo/ /slon pa'i babs chungs te/ chen por ma slon na ni khu sha dang/ kha zas sam 'bras dang sbyar zhing btsal lo/ /dper na me chung ste gso ba ni rtswa dang lci ba dang/ rta tsug dang/ rtswa la sogs pas bgas kyis gso zhing me khad kyis
 sbar na le che ba brtan pa dang/ thams cad tshos nus bar byed nus pa de dang 'dra ste/ skyugs sman nad bsal te/ dang ka sal sal por bya ba la /thog mar kha zas drags na mi rung ste/ 'bras thug sla mol sogs pa ran par sbyin zhing drod che ba bya'o/ /de la skyugs
 sman gyi lan bzhi bzhi slon na phabs chung ba'i tshong ngo/ /lan drug smon na slob pa'i 'bring tshang ngo/ /lan brgyad du slon na skyugs sman legs pa'i tshad do/ /de las bkru sman gyis bkrus pa'i chung thang ni/ lan bcu 'khrus pa'o/ /'bring tshad ni bcu gsum mo/ /me thar ni
 lan lung 'dun no/ /de las 'khrus pa'i babs chung thang ni drug phul gang gi tshang ngo/ /'bring ni drug phul ngo'i tshad do/ /'khrus pa'i che ba ni drug phul bzhi 'gyur ro/ /de la skyugs sman gyis slon te che ga'i tshang ni 'khrus pa'i phyed tsam ste/ mjug tu mkhris pa byung na cho ga
 ci phan pa'i tshad do/ /de la bkru sman gyis bkru ste/ bkrus pa'i 'jug tu bad kan byung na ran te chog go /bkru sman btang ba'i tshe dang po la thur du lan gnyis gsum tsam byung ba ni khong pa'i dri ma bshangs pa yin te/ 'khrus ba'i grangs su brtsi'o/ /skyugs
 sman btab pa ni skyugs sman 'thungs nas bkrus te slon pa dang/ mjug tu mkhris pa 'byung ba'i tshad kyis gzung ngo/ /skyugs sman gyis slon pa'i 'og tu snam bag btang ba dang gdugs bya ba yang zhag gsum 'am lnga 'am bdun cho ga byas nas de'i rjes
 la gdong bkru sman btang ste/ de yang nang par bad kan gyi dus yol te/ lto sra snying tsho dang zung la bkru sman btang ngo/ /de la mi'i rang bzhin mkhris pa che zhing mang la lto snyi ste 'o mas kyang 'khru bar 'gyur ro/ /mi'i rang bzhin rlung ni shas chen lto sra ste bkru sman dri bod dang
 ngan ti la sogs pas kyang bkru dka' o/ /de la mkhris pa che ba la sman bkru sman ro bska ba dang mngar ba las btang ngo/ /bad kan che ba la sman tsha ba las btang ngo/ /rlung chen snum pa dang drod che ba dang lan tshwa las btang ngo/ /sman btang yang 'khrur mi rung na chu bskol bskol ba
 dron mo blud do/ /lag pa'i thal mo me la bsros pa 'am/ gos me la bsros bsros pas dugs bya'o/ /bkru sman btang ba las de nyin bar chen po mi 'khru na thong de zan byin la phyi de nyin bkru sman thong zhig gal te nad ba zad yi gar mi 'ong ste/ kha zas mi tshud dam lto
 sra ba zhig na snum btang ba'i cho ga zhag gsum 'am lnga 'am bdun du btang bar bshad pa de bas zhag grangs bskyed de zhag bcu'i bar du snum bag thong zhig /de'i rjes la lus la dugs kyi cho ga byas nas de'i 'og tu gdod bkru sman btang ngo/ /bkru sman btang
 pa de yang sngar lan cig 'khrus pa'i tshe/ bkrur ma btub pa de dmigs kyis nyes pa dang/ ci las gyur pa legs par bltas te/ sngar cis nyes pa dran par byas la de las thabs ji ltar legs par bkru sman btang ngo/ /bkru sman btang ba las ma legs pa'i
 nad dmigs snyi na lto ba nas zas mi 'jug ste/ gsung sgregs mnam por 'byung/ kha zas yi gar mi 'ong bad kan ma bris pa gnyis rgyas pa slon par 'gyur/ g.yas pas 'debs tsha ba skye lus la thor du 'byung cham pas 'debs thur du dbugs
 mi 'byung bshang ba 'byung sra ba 'di lta bu 'byung bar gyur na bkru sman ma legs pa yin no/ /de las bkru sman legs pa'i tshul nam ma legs pa'i gnad bshad pa las bzlog par bya ste/ de la dang po'i khod pa'i dri ma bshad ba je 'byung ngo/ /de'i rjes la
 mkhris pa de nas bad kan tha ma rlung 'byung zhing de ltar 'khru ba ni legs par blta'o/ /de la bkru sman babs che ste ha cang drags pa ni bad kan zad de med pa dang/ mkhris pa yang zad de med chu skya bor 'khru khrag rtsa nag por 'ong yang na sha bkrus pa 'dra ba rtsa snar
 bag can nam chu ser lta bur 'byung tshil lta bu'i nar nar po 'am/ rus bu lta bu 'byung gzhang phyir 'byung zhing ltog kha skom klad pa 'khor mig chags te phugs su bros pa 'di lta bur gyur na bkru sman ha cang brags pa'i tshul yin no/ /bkru
 sman drags pa dang skyugs sman btang ba'i zam gyi cho ga dang 'dra bar bya'o/ /skyugs sman ltar btang ba'i cho ga las dus pas btang ba'i cho ga mi dgos so/ /bkru sman gyi rjes la kha zas bza' ba'i rim pa yang skyugs sman gyi cho ga bshad pa dang 'dra ste/ kha
 zas rims pas bza' zhing bgas kyis kha zas nar ma yang phyi nas bza' o/ /gal te bkru sman btang ba las drod chung bas bkru sman ma zhu zhing nad ma phyir la longs brnyas pa ni med nad dkyel ni che ba tsam ma yin na sman khong du ma zhi ba'i tshul de ltar gyur na
 'di lta bu la dpyad du bgyi ba ni/ bkru sman 'thung ba'i nyin thog thag zos mi za bar mtshan yal nangs su nam zhu zhu ba'i bar du bsdad cing kha zas mi za'o/ /yod ni sngar snum dang dugs kyi cho gar byas la phyis bkru sman btang ba nang cung la gnod par mi
 'gyur/ /bkru sman btang ste bkrus pa dang gtar ka btab pa dang/ snum gyi cho gar sbyar te btang ba dang/ zas mi za bar smung bar byas pa 'di rnams kyis ni drod chung zhing nyams par 'gyur ro/ /de bas na 'di lta bu la dpyad du bgyi ba ni 'bras thug rkyang rkyang po
 dang 'bras thug sla ba la sogs pa blud cing bgas kyis btang ngo/ /bkru sman btang bas mkhris pa dang bad kan bri ste chung du gyur pa dang/ rlung dang mkhri ba che ba'i mi skom dang che ba de lta bu'i mi la ni thug pa blud du mi rung ste de dag la kha zas sod pa la sogs pa
 khad kyis brta ba'i cho ga bya'o/ /nad ma smin pa la ni skyugs sman btang ngo/ /nad smin par gyur te bkru sman btang ba'i dus la bab na bkru sman btang ste nad bsal bar bya'o/ /skyugs sman btang ba ni bkru sman btang ba'i dus la bab ma bzab pa/ /nad ?
 pa la bsdad mi dgos par rung ngo/ /yang mi nyams chung zhing nad mang ba de lta bu la ni nad nyin smin cing bkru sman btang ba'i dus la bab na bkru sman btang mi dgos par 'khru bar 'gyur ba'i kha zas kyi cho ga byas na 'khru bar 'gyur ro/ /sngar bkru sman btang ste
 nyams chung ba dang nad kyang pri ste/ chung du gyur pa dang/ mi sha chung ste skem pa dang/ lto sra snyi tshod ma zin pa 'di lta bu la sman thun chung ba dang/ sman 'jam pa thang zhig de lta ba mches sman lan mang du 'thungs pa'i bla'o/ /dogs shing bag tsha bar gyur ba'i sman thun cher ni
 btang du ma rung ngo/ /nad pa nyams chung ba lta bu la ni sman 'jam zhing thun chung bas nad zhi bar bya'o/ /nad pa nyams chung ba la de ltar dpyad bya ste/ nad mang po cung zad khad kyis brin de yang sman bgas kyis btang zhing nad khad kyis khad kyis bsal lo/ /nad dkyel
 bas phyin phyin pas nad pa yun ring du nyon mongs pa de lta bu drod chung lto sra bar gyur pa yin te de la dpyad du bya ba ni thal sman rnon pas gsha' ra dang/ che tsha dang mar du sbyar ba btang na khong pa'i me drod skye ste/ zas 'ju rlung dang bad kan gyi nad kyang zhi nas
 de nas bkru sman thong zhig /nad pa'i nyams che la khong rtsub rlung gi shas che lto sra la rtag tu rtsol ba'i ngang tshul can/ khong ba'i drod che ba de lta bu ni bkru sman btang ba yang sman zhu bar 'gyur ba yin te/ de lta bu la ni sngar sman ma btang ba
 la nyams pa rtas nas phyis bkru sman 'jam po thong zhig gal te 'khrur mi rung ngam lan 'ga' zhig 'khrus nas sman rnon po cung zad dang sbyar ba'i sman re reng por mas bcug na/ nad thur du 'khrus te ma byin pas khong yang 'jam la bkru sman legs pa bde
 bar 'gyur ro/ /gong du bkru sman btang nas sngar snum gyi cho ga bya bar bshad pa de yang dug gis babs pa'i ming dang mtshon gyis rmas ba lta bu dang thor bu byung ba dang/ mdze nad dang/ 'or nad dang/ me dpal dang/ mi gser dang/ skya sbab kyi rad dang/ za khu'i
 nad yod pa dang/ 'di lta bu rnams la ni snum gyi cho ga ha cang cher mi bya ba dang/ bkru sman thong zhig de la snum bag gi cho ga bya ba dang/ bkru sman btang ba dang/ thams cad la nad med pa'i khong snum pa la snum gyi cho ga bya ste/ brtas
 la skyugs sman dang/ bkru sman la sogs pa las bya zhing gang btang yang rung ste/ de dag gi bar dang/ skabs skabs su snum gyi cho ga dang/ dugs kyi cho ga bya'o/ /de ltar snum bag gi cho ga byas pa'i rjes la kha zas kyi nyams btsag brtan nas
 bkru sman gyis nad bsal ba ni dper na gos zi ma can spangs la bkru ba dang 'dra'o/ /de la snum gyi cho ga dang dugs la sogs pa ma byas par rang ga bkru sman gtong ba de ni shing skam po 'gug tu mi rung ba bzhin du lus ma rung ba'i nyen du 'gyur ro//
 de la cho ga tshul bzhin du byas pa'i bkru sman btang ba legs par bya ba ni sems gsal ba dang dbang po rnams dang/ srog gzungs rnams brtan ba dang khong chu dod che me 'bar zas myur du 'ju rgas sra bar 'ong ste/ bkru sman btang legs pa ni
 de lta bu yin no/ /skyugs sman dang bkru sman btang ba'i cho ga'i le'u bco brgyad pa rdzogs so// //sman mas btang snyams brta bar bya ba'i cho ga'i le'u bcu dgu pa bshad par bya'o/ /rlung nad kyi shas che ba de lta bu la ni sman mas btang zhing
 brta ste/ lus kyi khong snum par bya ba'i cho ga bzang ngo/ /de lta bas na sman dpyad kyi bya ba thams cad kyi nang nas sman mas btang zhing khong snum zhing nyam brta bar bya ba 'di ni dpyad kyi mchog yin no/ /de yang rnam pa gsum ste nad 'khrur rung ba khong
 du bsdu ba'i sman mas btang ba dang/ bkru sman drag po mas btang ba dang/ khong brta ba'i sman mas btang ba dang/ rnam pa gsum mo/ /sman mas btang ba'i cho ga 'di gsum gyis sman dang lto lbos pa dang/ rkang pa na te 'thengs pa dang/ mchar gan
 ba dang/ rlung nad kyis lto 'khru ba dang/ lto na ba dang/ rims bying ba dang/ tsham pa na ba dang/ rlung nad kyis khu chu 'gags pa dang/ rlung nad las rtug skam du gyur te/ 'byung du mi rung ba dang/ rlig rlugs dang/ rde'u nad dang /khu chu la nad yod pa dang/
 rlung nad dkyel chen po gyur pa 'di rnams lta bu la sman mas btang ba rnam pa gsum gyis/ nad kun bsal bar bya'o/ /de la sman mas btang zhing bkrur mi rung ba'i nad dmigs ni snum bag btang ha cang drags pa dang glo rdol ba dang lus ha cang skem che ste
 nyams chung ba lta bu dang/ mchin pa na ste be'u snabs su 'khru ba dang/ rtag tu slon bro ba dang/ bkru sman gyis bkrus zin pa lta bu dang/ sna nas sman btang zin pa dang/ dbugs mi bde ste rngam pa drag tu 'byung ba dang/ lud pa lu ba dang mchil ma med ste rtag tu
 'dor ba dang/ gzhang 'brum khrag tshad kyis btab ba dang/ skyigs bus btab pa lto sbos pa dang/ drod chung ste zas 'jur mi rung ba lta bu dang/ gzhang kha skrangs te na bas sman mas btang du mi rung ba lta bu dang/ kha zas zos zin ba lta bu dang/ dmu rdzing
 gi nad kyis rtsa sgo kun 'gags pa dang/ mdze nad dang za khu can du gyur te gcin sbrang rtsi'i mdog tu 'ong ba dang/ bud med sbrum ma zla ba bdun las ma lon pa dang/ 'di rnams lta bu la ni sman mas btang zhing byar mi rung ngo/ /de la sman nas btang zhing
 nyams brtas te khong snum par bya ba dang/ sman mas btang ba'i bkrur rung ba'i nad dmigs ni drod ha cang che ba dang/ long rtsab pa dang/ rlung nad 'ba' zhig na ba las dmu rdzing du gyur pa lta bu dang/ cham bas btab pa dang/ ha cang sbom ches pa dang/ lto na srin
 bu yod pa dang/ rlung nad kyi shas ha cang ches pa dang/ dbyig dug 'thungs pa dang/ 'brum bus btab pa dang/ rkang 'dam gyi nad dang/ lba ba dang can dang/ 'di rnams lta bu'i nad la sman mas btang zhing bkrur rung ngo/ /sman mas btang ba de dag gi cha
 dpyad sbu bu ni gser la sogs pa dang/ shing dang rus ba dang/ 'di rnams kyi gce'um gas pa drang la 'jam pa kha zlum por byas te/ tshad ni byis pa na gzhon te lo gcig ma lon na srid sor lnga'o/ /lo bdun ma lon na srid sor dug go/
 lo bdun lon na sri sor bdun no/ /lo bcu gnyis lon na sor dgu'o/ /lo nyi shu lon pa phan chad la sor bcu gnyis so/ /de yan chad lo grangs kyi bye brag dang/ na tshod dang/ nyams stobs dang/ lus bod las sbu gu'i tshad bskyed do/ /sbu gu'i tshad kyi sboms ni mthe
 bong shong ba'i tshad du bya'o/ /rtse mo'i sboms ni mthe'u chung gi tshang du bya'o/ /byis pa chung ngu lo gcig lon pa yan chad sor mo tshad las phyed phyed kyis de bskyed de/ zhabs kyi bu ga'i sboms rab tu che ba dang/ sor mo gsum gyis rtse mo nang du
 shod ba tsam du bya'o/ /gce'u'i rtse mo'i bu ga'i tshad ni mon sran rde'u dang/ sran chung dang/ sran ma 'di rnams btsos ba shong ba dang/ rgya shug gi 'bras bu shong ba'i tshad che chung gi rim pa de ltar bya'o/ /gce'u'i rtse mo'i gong du log pa gdags pa'i
 tshad ni gce'u'i bu ga spoms ba'i tshad dang mnyam par bya'o/ gce'u nas sman gtong ba'i tshe gce'u'i rtse mo'i kha bkal ba las/ bgas pa bcad de ma bor bar byas nas btang ngo/ /gce'u zhabs sbom po'i kha nas yang mor gnyis su gzhal bar khog
 pa can de nas mar rim pa gnyis su brtags la/ bug pa gnyis kyi bar du sman blugs pa'i snod lugs dang ra dang ma he la sogs pa'i lgang pa legs par mnyes pa tshon gyis dmar bor btsos pa sra ba phur ma thag thug dang dri nga ba dang/
 rtsa'i ri mo 'di rnams med cing 'jam la sra ba de lta bu'i gce'u dang sbyar te srad bus legs par bcings la sman blugs na bde bar bya'o/ /gal te lgang ba'i rkyal bu med na rkyal ba'i dpung ba 'am/ byin pa'i pags pa 'am/
 ras stugs po thags bzang ba sgra tshil gyis byugs ba de lta bu la snod du bya'o/ /de la sman mas btang ste bkru ba'i tshad ni byis pa chung ngu la gcig lon ba la srad gcig btang ngo/ /byis ba chung ngu de lta bu las 'o/ re re lon zhing sman srad re re bskyed de/
 lo drug yon nas srang bcu gnyis btang ngo/ /de yan chad kyang lo grangs las srang gnyis gnyis su bskyed de lo bcu gnyis lon pa dang/ lo bco brgyad lon pa nas bcu bdun yon pa man chad la spyir sman btang ba'i tshul ni thun rab tu che na yang srang
 nyi shu btang ngo/ /sman mas btang ste bkru ba'i thun srang ji snyed cig btang ba de las dpags te nyams brta zhing khong snum par byas pa'i sman ma btang ba bzhi cha gcig gi tshad du bya'o/ /de lta bas na nyams brta ba'i sman mas btang du rung ba'i mi snum bag
 btang ba dang/ dugs bya ba'i cho ga yang byas/ bkru sman btang ste/ nang gi kyang bsal 'bras thug sla mo dang gar po la sogs pas nyams btsag kyang brtas nas nyams brta ba'i sman btang du rung bar shes na thog ma nyid du nyams brta ba'i sman mas
 btang bar bya'o/ /nyam brta ba'i yang dgun zla bzhi dang dpyid zla gnyis kyi tshe ni nyin bar thong zhig /kha cig na re zla ba 'di drug gi tshe mtshan mo yang btang du rung zhes zer ro/ /so ga dang dbyar dang ston gyi tshe ni mtshan mo thong zhig /de la khong snum zhing nyams brta
 ba'i sman mas btang bar byan/ cho ga sngar bya ba la lus mar gyis bsku zhing lde gus dril la chu dron bos lus dag bar bkru/ dro'i kha zas kyi tshang snga na ci za ba'i thad las bzhi cha gsum ni bza' bzhi cha cig ni mi bza' / kha zas ci za ba yang phan pa yang ba/
 snum ches ba yang ma yin/ rtsub ches pa yang ma yin pa de lta bu zos la khu ba la sogs pa skom gyi gor btud ba dang/ tshal nan yang btung ngo/ /kha zas zos pa'i rjes la bcag pa byas nas bshang gci brtsal la mal bde bar 'dug na sngas smad/
 nas ro smad bstod de/ glo g.yon gyis phab nas rkang pa g.yas pa bskum rkang pa g.yon ni rkyong zhig/ de nas gce'u yi nang nas sman mas btang ste gce'u'i kha dang gzhang kha yang snum gyis bsku'o/ /gce'u yi lgang pa nang du sman blugs
 la dbugs phyir phyung nas kha bcings la/ sman pa nang pa'i rgyab logs su 'dug nas/ rtabs bag tu sman myur du btang ba 'am/ ngal zhing thogs pa ma yin par bya zhing gce'u'i nang nas sman nang du btang zhing btsir ba'i shugs ha cang drags pa 'am/ ngal
 ba yang ma yin/ ngan par cig car lan cig tu bcir cing thong zhig /lgang ba'i zhabs na rlung lus pa yod kyi sman gyi lhag ma ma lus par gyis shig /sman btang zin nas brla dang rkub tsos la thal mos brdab cing gran rkyal du bzhag la nang pa
 nyid rang gi lam la rkang pa'i rting pas brdung bar bya'o/ /sman pa 'am/ nad g.yog gis nad pa'i rkang pa nas bteg ste lan gsum du bsigs shig /de nas nang pa sdas bcug nas brkyang ste/ nyal la rkang ba'i rting bar nad g.yog gis khu chur gyis
 brdung ba 'am/ brla dang byin pa la yang khu tshur brdung zhing lus snum gyis bskus la mnye bar bya'o/ /lus la brdung zhing mnyes la mi bde bar byas pa des/ sman slar myur du phyir mi dbyung ngo/ /gal te sman slar myur du phyir byung bas phan mi byed par
 gyur na/ sman mar phyi ma gzhan yang sbyar la btang ngo/ /khong pa'i drod che bas sman mas btang ba zhun nub kar kha zas kyang bza' o/ /zas zos nas de phan chad mtshan thog thag tu ci yang mi bza' mi btang bar nyol cig /gal te sman phyir 'byung du mi rung
 na sman sbyar ba'i star bu 'am/ sman rnon po lgang? ba nas mas btang zhing khong na sman mar lus pa phyir dbyung ngo/ /gal te khong pa'i nang na ha cang rtsub ches bas sman ma zhu ste phyir ma byung ba dang/ khong pa'i drod chungs pas sman ma zhu ste/ phyir ma byung la
 nang du gyur ba med na bsdad par bya zhing mtshan mos bzhin du 'dug par bya'o/ /nang bar li dod ra dang/ 'u su bskol ba'i chuAm yang na chu 'ba' zhig ga dus ba btung bar bya'o/ /nyam brta ba'i sman mas btang na nyi ma gsum 'am/ nyi ma lnga lon na yang thod
 zhig /gal te 'ju ba'i drod che bas sman zhu ba 'am/ yang na rlung gi shes ha cang ches pa dang/ rtag tu rtsol zhing bcag pa byed pa dang/ me'i drod ha cang che ba dang/ khong pa'i nang rtsub pa 'di rnams lta bu la sman mas btang ba'i nyi ma re re btang du rung ngo/ /de ltar
 khong snum zhing nyams brta ba'i sman mas btang ba lan gsum lan bzhi btang nas lus kyi khong dang rtsa 'jam zhing snum par nad dbyung zhing bsal bar bya ba'i phyir/ bkru ba'i sman mas btang zhing sbyar bar bya'o/ /snga na lus kyis khong rtsub pa las snum
 par bya ba'i 'og tu nyi ma lnga lon na tshes grangs bzang po'i nyi ma cung zad phyed yol tsam na sman pas gtor ma bkra shis kyi tshig byas la nang pa lus til mar gyis byugs dugs byas bshang gci'i dri ma bsal la/ ha cang bkres pa tsam ma yin par
 'dug la nad kyi dmigs dang sman la sogs pa la mkhas pa'i mi dang/ gang de la mkhas pa mar pe dang/ lhan cig tu 'gro zhing sman mas btang ba'i bkru sman drag po de la sman gyi khu ba spangs pa chu srang brgyad bcu'i bzhi cha gcig ste srad nyi shu dang/ po
 son cha'i 'bras bu 'brum bu brgyad dang sbyar te btso zhing de'i nang du mar ni sman gyi khu ba srang nyi shu'i bzhi cha cig nang du blugs te btso ma 'di ni rlung nang la btang na thabs de ltar sbyar ro/ /mkhris pa na ba la btang ba dang/ na ba med pa nyam tha mal pa la btang
 na sman gyi khu ba srang nyi shu rtsa drug cha cig gi thang du blugs te/ btso bar bya'o/ /bad kan gyi nad che ba la btang na sman gyi khu ba srad nyi shu'i brgyad cha cig gi thad du mar blugs te/ btso bar bya'o/ /yang na nad thams cad la sman gyi khu ba'i brgyad cha gcig gi thad
 du mar blugs te gtso bo/ /bkru ba'i sman mas btang ba btso ba de yang ha cang ma bska mi sla bar sbyar zhing btso'o/ /de'i nad du bu ram? srang gcig tsam dang sbrang rtsi dang/ lce tsha la sogs pa nang dmigs dang sbyar zhing ci rigs bar spags
 te/ sman lhag ma sbyar te/ sman de thams cad snod cig tu blugs la/ bum ba chu tshan bskol ba'i rlangs pa'i khar bsro zhing/ sman dkrug dkrug la sman gtong ba'i gce'u rgyal ba'i nang du blugs te/ ha cang mi tsha mi grang ha cang mi snum mi rtsub ha cang
 mi rno mi 'jam/ ha cang mi gar mi sla ha cang mi nyung mi mang che tsha med pa 'am tsha bar yang mi bya/ de dang 'dra bar 'bras tsam kyang/ mi mang mi nyung bar sbyar te/ sman mas btang zhes mkhas pa kha cig ni de skad zer ro/ yang sman pa kha cig na re mar dang
 sbrang rtsi gnyis kyi tshad so sor srad gsum gsum dang na ba med cing nyam tha mal pa zhig la btang na lce cha zho gnyis po son 'cha' dang shu ti la sogs pa srang gnyis spangs pa'i khu ba dang sman lhag ma'i khu ba srang bcur sbyar te sman khu spangs spangs pa
 mar dang btsos la sbrang rtsi dang lce tshar sbyar te/ rim pa 'di ltar byas sman btang ba'i rkyal bur blugs la/ bkru ba'i sman mas btang ba'i cho ga de ltar bya'o/ /de la rlung nad sel ba'i sman mas btang zhing bkru bar sbyar na shing nye rong dang lce cha se na nga ba
 dang nyi'u shing pa dang/ a shwa ganda dang/ e raN+Ta'i lo ma sman dang zhing 'jam pa dang skyur ba dang dro ba'i khu ba dang ldan pa 'di lta bu'i sman rnams ni rlung nad sel ba'i sman mas btang bar bzad do/ /mkhris pa'i nad sel ba'i sman mas btang zhing bkru ba'i
 rnam grangs la gtogs pa la shing n+ya gro d+ha dang/ shing u dum+ba ra dang/ shing klag sha dang/ shakpa dang/ shing mngar dang/ 'o ma dang/ nye'u shing dang/ 'bri mar dang/ ro mngar zhing bsil ba rnams dang/ bu ram shing gi khu ba sbrang rtsi dang 'di rnams ni mkhris
 pa'i nang sel ba'i sman mas btang zhing bkru bar bzang ngo/ /bad kan rgyas ba'i nang sel ba ni dong ka dang/ dug mo yungs dang ba ta li ga dang/ chis khrigs dang/ shing nim+ba dang/ sle tres dang/ pa Ta dang/ ka tu kha ro ha ni dang/ shing gi khu ba she le ya kha dang/
 pu ti ka rany+dza dang/ rak+ta ka rany+dza dang/ sapta par+Na zhes bya ba tshigs re la lo ma bdun yod pa dang/ sbrang rtsi dang ba gcin dang/ sman ro tsha zhing rno ba dang drong che ba rnams dang tsha ba rnams sbyor te btsos la sman mas btang zhing bkrus na/ bad kan gyi nang sel to/ /de la rlung
 nad dang mkhris pa dang bad kan gsum char gyi nad 'dus par gyur na yang/ de gsum gyi sman gong du bshad ba las nad so so'i sman ci ran du shas shas kyis bsdus ba btsos pa'i thun spyir mi che ba ran bar mas btang ba'i bkru sman drag po btang ngo/ brtas bkru
 ba'i sman mas btang nas sngas kyis brten te gan rkyal du sems gud du mi g.yengs bar sman btang ba de la yid bzhag par bya'o/ de nas thur du bkru zhing 'ong bar gyur na langs te tsog pur 'dug la bshad bar gyis shig gal te khyim na skad cig thogs
 te phol du ma rung na sman 'di nyen che ste 'chi bar 'gyur ro/ /'di lta bu nyen du gyur pa la slar btsos shing dpyad du bya ba la mar dang nas tshig 'khus pa'i thal sman rnon po dang kha gcin dang 'bras kyi rtsabs kyi khu ba skyur mo dang sbyar la btsos ba 'jam zhing
 rno la dro bar sbyar te/ sman mas btang ba'i rkyal bu gzhan du blugs te bshams la mas btang zhing tshir cig /yang na po son cha las sbyar ba'i sman gyis gdab mu las gzhug pa bya zhing sdang ba yang bya'o/ /yang na 'di ltar ma gyur te sman mas btang yang
 'ong bar gyur na sman phyi ma sbyar te/ rkyal bur blugs la lan gsum lan bzhi'i bar du yang sman drag po mas btang zhing legs par btang nas de'i rjes la kha zas kyi chog ni bkru sman btang ba'i cho ga dang 'dra bar shes bar byas la kha zas ma zos pa'i
 sngon rol du chu dron bos khrus byas nas bza' ba'i thabs ni 'bras thug rkyang rkyang bo dang/ 'bras thug sla mo btung sha khu? sla mo dang 'bras chan du sbyor te bza' sman drag po mas btang ste bkrus bas khong pa'i dri ma nad kun phyin na/ khong pa nad 'phyang bag
 tu 'dug ba dang/ nyams chung te khong rmya ba de lta bur gyur ba de la chu dron po bde bas khrus byas nas kha zas cho ga bzhin du zos na lus zhig cing rmya ba la phan te/ zhi bar 'gyur ro/ /gal te sman de ltar mas btang ste/ bkrus pa las rlung nad kyi bar du khong
 dpo bas grang bar 'gyur te/ mi bden yang de'i mod la 'phral du rlung zhi bar 'gyur ba'i sman btsos te mas btang zhing khong 'jam zhing snum par 'gyur bar bya'o/ /sman mas btang ste bkrus pa legs pa'i tshul dang/ ha cang drags pa dang thun chungs te ma
 'khrus bar gyur pa 'di rnams kyi tshul ni sngar snum gyi chog bya zhing btang ba legs ma legs bshad pa dang 'dra bar shes par bya'o/ /sman mas btang ste bkrus pa'i rjes rlung nang du gyur pa la khong 'jam zhing snum par gyur pa'i sman mas btang ba cung
 zad tsam zhig bsdad na khong ba'i dri ma bshad ba dang bcas te sman mar dang cig car 'gyur ro/ /thur du dbugs ba yang sman mar dang lhan cig 'ong bar gyur na/ khong snum zhing 'jam bar 'gyur ba'i sman mas btang ba legs pa yin no/ /yang bad kan gyi bag che na
 de la khong brta ba'i sman mas btang ba lan gcig gam lan gsum gyi bar du thong zhig mkhris ba rgyas pa'i shas che na/ brta ba'i sman mas btang ba lan lnga 'am lan bdun gyis shig /rlung nad la brta ba'i sman mas btang ba lan dgu 'am bcu gcig
 tu thong zhig /de ltar brta ba'i sman mas btang ba'i lan grangs zung du ma gyur par byas nas gal te de'i rjes la bkru ba'i sman mas gtong bar 'dod na yang thong zhig /de ltar sman mas btang ba'i rjes la bad kan dang mkhris pa dang/ rlung nad sel ba'i kha
 zas mon sran de'u'i? tshong ma khu ba can dang/ 'o ma dang khu sha 'di gsum zos na nad kyi rim pa bzhin du phan no/ /de la rlung nad sel ba'i sman drag po mas btang zhing khong snum la brtas bar byan shing nye rong dang lce tsha sne brda dang sbyar te snum dang/ mngar dang 'bras
 rtsabs skyur ba dang/ sha khu dang drod tshe ba'i bag sbyar te bskol la rkyal bur blugs te btang ba 'di ni rlung nad gcig pu la phan no/ /mkhris pa'i nad la ni/ /n+ya gro d+ha la sogs pa'i sman sde'i grangs su gtogs pa dang/ shug pa dang/ kha ra dang/ mngar bag
 dang bsil bag dang mar dang 'o ma dang bu ram shing gi khu ba 'di rnams sbyar te/ gdugs la sbrang rtsi dang sbyar te/ sman mas btang na mkhris pa'i med 'byang zhing me'i khong brta la snun bar 'gyur ro/ /bad kan gyi nad la dong ka la sogs pa dang/ dug mo yungs
 la sogs pa dang/ sman rtsub ba rnams dang/ bag cin dang sman rno ba dang/ drong che ba dang/ ro tsha ba dang/ 'di rnams bskol ba sbrang rtsi dang sbyar te/ mas btong na bad kan gyi nad 'byad do/ /de la rlung nad la ni lan gcig btang ngo/ /mkhris pa'i nad la lan gnyis
 btang ngo/ /bad kan gyi nang la lan gsum btang bar bya'o/ /rlung dang bad kan mkhris pa gsum 'dus pa'i nad la yang sman dpyad de gsum rim pas btang na 'dus pa'i nad 'byad bar 'gyur ro/ /sman dpyad kyi slob dpon spyad pa can na re/ yod mi'i nad gzhi ni rlung
 dang bad kan dang/ mkhris pa gsum du zad de nad 'di gsum bsal ba'i dpyad bkru ba'i mas btang ba las gung ra dbyed rnam pa bzhi zhes bya ba med de/ de'i phyir sman mas btang bar bya'o/ /rlung dang bad kan dang mkhris ba'i nad/ khong nas bskyod cing sdud ba
 dang/ nad bkru ste byang bar bya ba dang/ nad zhi bar byas te/ 'di lta bu yang rim gyis bya ba yin te/ de'i phyir nad rnam pa gsum bkru ba'i dpyad mas btang zhing bkru bar bya'o zhes zer ro/ /de ltar sman btang ba yang nad dmigs dang sman la sogs pa'i mthu dang
 nad pa'i nyams stobs dang/ de thams cad kyi tshod zin bar byas la sman btang ngo/ /bkru ba'i sman btang ba legs pa'i tshul mthong/ ma dpags kyi bar du bkru ba'i sman btang ba'i rjes bcad du mi rung ngo/ /yang khong snum zhing 'jam
 pa brta ba'i sman mas btang ba dang/ bkru ba'i sman mas btang ba gang yang rung ste/ lan gcig btang yang mi rung lan mang du btang ba yang mi rung ngo/ /de la khong brta zhing snum pa'i sman mas gtong ba ni nad khong nas bskyod cing bsdu ba dang/ khong
 pa'i drong ni chung bar 'gyur ro/ /bkru ba'i sman btang ba la 'jig pa'i rten ni rlung nad ldang bar 'gyur ro/ /sman mas btang ba'i rim pa ni sngar lus kyi khong 'jam zhing snum par bya ba'i sman de btang ngo/ /de'i rjes la bkru ba'i sman mas btang ngo//
 de'i rjes la khong brta ba'i sman mas btang bar bya'o/ /sman mas btang ba'i dpyad byas pa ni rlung nad dang/ bad kan mkhris pa'i nad gsum char sel te khong snum zhing brta bar bya ba'i sman mas btang ba dang/ bkru ba'i sman mas btang ba'i
 cho ga rig par bya ba ni de lta bu yin no/ /yang sman mar thun chu du'i thang du tshod bzung ste/ btung ba dang khong 'jam zhing brta ba'i sman mas btang ba thun chu'i? thang du tshod bzung ste/ rtag tu btang bar bya'o/ /de la sman mar thun chu ngu'i thang
 du btung na/ nad pa'i drod dang nyams las kyang dpag te srang gcig tsam btung ngo/ /brta ba'i sman mas btang ba ni srang gnyis tsam thong zhig /de la sman mar thun chu ngur btang ba'i mi ni byis pa dang rgan bo dang/ lam rings kyis
 dub pa'i mi dang/ khur gyis dub pa dang/ bud med bsten drags pa lta bu dang/ drag shul byas ba lta bu dang/ sems las che ba dang/ rlung nad kyis lus zhom pa dang/ ring ba dang/ drang chung ba dang/ rgyal po dang phyug po
 lta bu bde zhing longs spyod ba dang/ 'di rnams lta bu la sman thun chung ngu btang dgos te/ thun chung ngu 'thungs na nad kun sel/ kha zas kyi cho ga la sogs pa bsrung zhing spang ba med pa la sha skye/ bshang gci dri ma snyi ste bde blag tu 'ong ste bde bar 'gyur ro/ /bud med
 rnams kyi nad mo mtshan na ba dang/ mngal gyi gnas na ba dang/ sman mas btang ba'i rim pa ni dang por khong 'jam zhing snum par gyur ba'i sman mas je btang ba/ de'i 'og tu bkru ba'i sman mas btang ba lan gnyis sam gsum/ thong zhig /mjug tu ni nyam btsag
 brta ba'i sman mas btang bar bya'o/ /de la skyas pa chu so na rde'u yod pa lta bur chu 'gags pa lta bu la pho mtshan nas sman mas btang nas gce'u'i srid tshad ni nad pa nyid kyi sor bcu gnyis kyi tshad du gser dngul la sogs pa las brdungs pa'i zlum po ba
 mjug lta bu zhabs dang bar gnyis ka'i rna ba brtags la rtse mo'i bu ga ni yungs kar btsos pa shong btsag du gtod la/ 'jam bar byas te/ gce'u yi rtse mo me tog kunda 'am/ sri shing gi me tog lta bu rtse mor byin gyis phra zhing sra bar bya zhing/ sman
 btang ba'i snod rgyal bu ni 'jam zhing yang bar bya'o/ /tshang ni pho rum gang shong btsam las che chung gang rigs bar bya'o/ /de ltar sman mas gtong ba byed na sngar khrus la kha zas 'ju sla zhing yang ba ran bar zos nas khong snum zhing 'jam pa'i sman cho ga
 bzhin du pho mtshan nas thong zhig /de ltar sman btang ba'i thabs ni khri'u yi phang pus mo tsam la drang po bde bar 'dug nas pho mtshan brtags la drang bor byas nas pho mtshan gyi spu gu nang btsal ste/ sman btang bde bar bya ba'i phyir/ pho mtshan bu gnas
 srubs kyi thad ka'i nad thag thag rlig pa'i mgo tsam du thur ma 'jam po phra'u btang la de'i 'og tu rkyal bu'i gce'u lag pa mi 'dar bas sman mas gtong ba bzhin du thod zhig /de ltar sman btang nas de'i rjes 'da' ba' i sman mas btang ba yang/ rim pa
 bzhin du bya'o/ /de yang na lan gsum yang na lan bzhi'i bar du 'jam zhing snum pa'i sman thong zhig /'jam zhing snum pa'i sman btang ba'i cho ga rgyas par ni sngar thams cad bshad pa bzhin du bya'o/ /bud med rnams zla
 mtshan dbyung ba'i tshe mngal gyi kha che ba bu chags par 'gyur te/ de'i tshe snum zhing brta bar bya bar 'gyur ba'i sman thong zhig /na na ni zla mtshan 'byung ba'i dus la ma bab par sman btang dgos so/ /mo mtshan gyi nang gi mo mtshan nyams pa dang pho mtshan na
 ba dang/ mo mtshan ma rungs par 'gyur ba dang/ khrag 'byung ba 'di lta bu la sman mas btang na phan te/ gtse'u'i srid ni sor bcu'o/ /rtse mo'i bu ga ni sra ma btsos pa shong bar bya'o/ /sman gyi gtse'u ni bu ga 'chags pa'i mngal gyi mngal du sor bzhi btang ngo/ /chus
 'gags te na na gcig gis lam du sor gnyis btang ngo/ /bu mo chung ngu dang byis pa rnams la ni sor gcig go /thun 'brin ni srang gcig go /bu mo rnams la ni pho rum gang gi tshad zho gnyis so/ /sman btang ba'i thabs ni mal du gnas te 'dug
 la rkang ba dang brla bskum la/ bus mo gyen du bstod la nyin zhag cig la mal lan gsum 'am lan bzhir snum zhing sha btsag brtas bar gyur pa'i sman btang ste/ de ltar zhag gsum du thang zhig /sman mas btang ba de yang bags kyis thun chung
 ngu nas bskyed cing btang ngo/ /sman btang nas zhag gsum ngal bsos la de nas zhag gsum du sman thong zhig /sman de ltar gtong na sngar skyugs sman btang nas zla ba phyed lon pa dang/ bkru sman gyis bkrus la yang zla ba phyed lon pa dang/ bkru ba'i
 sman mas btang ngo/ /dper na ras kyi tshon leb rgan can chu'i nang du bkrus na dmar ba phyin cing med pa bzhin no/ /de dang 'dra bar snum pa'i sman mas btang bas ni lus kyi khong snum gyi ra? brlan cing bdas? par gyur pa dang/ nad thams cad phyin bar
 'gyur te/ lus kyi yan lag dang/ khong ba'i nad grol dang gnad dang/ mgo bo man chad lus kyi yan lag dang/ nying lag thams cad kyi nad dang/ rlung dang bad kan dang/ mkhris pa'i nad du gyur pa'i nad gzhi sel ba'i sman dpyad 'di las long zhig
 gzhan cung zad kyang med do/ /bad kan dang/ mkhris pa la sogs pa'i nad khong du song shing dkyel skyes pa dang bshang gci dri ma khong du bsags te skyes pa de lta bu sel cing 'byin pa'i nang rkyal bu nas mas btang ba med na man dpyad de las gzhan
 mngar ro?/ /de bas na sman rkyal bu nas mas gtong ba'i tshig gcig pu'i nad du dpyad thams cad 'dus so/ /sman dpyad gzhan ni sman mar? gtong ba'i ched tsam du zad do/ /gzhan yang nad snying dang/ nad gsar ba dang gtar ka gdab cing khrag dbyung ba
 la yang sman rkyal bu nas mas btang na phan par 'gyur ro/ /sman mas btang ste/ nyam brta bar bya ba'i le'u sta bcu dgu pa rdzogs so// //sman sna nas btang ba'i cho ga le'u nyi shu pa bshad par bya'o/ /thor ka yan chad klad pa'i nang du? la
 sman sna nas btang na lhag par phan no/ /sna ni klad pa'i sgo zhes bya ste/ de bas na klad pa'i nad thams cad la sna nas btang ste/ bkrus shing bsal na nad phyin par 'gyur ro/ /de la nad dmigs ni klad pa na ba dang/ lus blong bag tu gyur pa dang/
 ga? dang sna nas bad kan mang du 'byung ba dang/ lkog ma na ba dang kha gdong dang klad pa skrangs pa dang/ thor bu byung ba dang/ lus la srin bu yod pa dang/ rtsa mdung byer ba dang/ mdze dang smyo bag dang/ cham pa na ba dang/ 'di rnams la sman sna nas
 btang na phan par 'gyur/ /mgul ba yan chad klad pa rlung nad kyis bag la mi bde ba la sman sar dang sna nas btang na phan te brta bar 'gyur ro/ /nad bar nyi ma shar nas nyi ma phyed kyi bar du klad pa gzhogs phyed na ba dang/ skad 'gags pa dang kha
 sna bskams pa dang/ skad mi phyin pa dang/ mi gsal te go bka' ba dang/ dpung pa ltung ba snyam du byed cing bskyod ma nus pa dang/ 'di rnams ltar mi bde ba la sman sna nas btang na phan te zhi bar 'gyur ro/ /mig gi 'bras bu sngon
 por gyur pa dang/ dpung ba bem bem por gyur te tshor ba med cing bskyod mi nus pa dang/ skra'i nad dang/ mig dmar por gyur pa 'di rnams la dpyad du bya ba mgul pa yan chad rlung nad du gyur te na ba la btsod dang shing mngar dang/ pra pun ta ri ka stag
 tsher ba dang/ dzi pa ka ri sha pha ka dang/ ram nye ba dang/ bu tshad rngo dang/ sha ri ba dang/ pur+Na r+Na ba dang/ skyer khaN+Da dang/ phyi thang ka dang/ sle tres dang/ ka kan sa dang/ sgron shing dang/ 'di rnams cha mnyam par byas te/ zhib tu btags la til mar
 srang brgyad la btson ni sman 'di rnams srang gnyis gnyis kyi thang du bya/ til mar srang bcu drug las btso na sman srang bzhi bzhi'i thang du sbyar ro/ /sman btso ba'i chu ni til mar las bcu 'gyur du bskyed do/ /'o mas
 til mar dang thang mnyam par byas la chu dang 'o ma du ba'i bar du btsos te tshos pa'i tshad ni tshigs ma dril tu btub cing dbu ba cher byung na tshos pa'i tshad yin te/ de nas sman mar btsags te/ btsir la snod bzang por ldugs shig sman 'di'i
 ming ni btsod la sogs pa las sbyar ba'i til mar zhes bya'o/ /gal te mgul pa yan chad mkhris pa rgyas pa'i nang du gyur na btsod la sogs pa sman 'di rnams snga ma dang 'dra ba 'bri mar ram pa mar las snga ma bzhin du btsos pa'i tshad
 ni til mar dang mi 'dra bar dril tu btub mtshos pa yin no/ /de nas btsags te btsir la sman mar snong bzang por bzhag la mkhris pa'i nang la sna nas btang ngo/ /de la mgul pa yan chad bad kan du gyur te na ba'i sman sna nas btang ba sbyar ba 
 ni sman sbyor ba phal ni snga ma dang 'dra ste/ bcod la sogs pa de rnams kyi steng du sbrang rtsi dang ba gcin dang/ rgyam tshwa dang/ chang rnams kyis bsnan te/ snga ma dang 'dra bar til mar nang du btsos la bad kan gyi nad la sna nas thong zhig /de ltar sman 'di rnams kyi rlung
 nad dang/ mkhris pa dang bad kan gyi nad la so sor btang zhing kha sna nas bad kan la sogs pa drang zhing bkru bar bya'o/ /sna nas btang ba'i rjes la mgul ba yan chad brtas shing bde bar bya ba'i dpyad sna nas btang ba 'u su dang sha khu dang sha btsos pa'i khu ba
 dang 'o ma dang chu dang mar 'di rnams sbyar te snga ma bzhin btsos la/ tshos pa dang btsags pa'i sman mar sna g.yas g.yon gyi bu ga nas btang ste sna nas btang ngo/ /cho ga tshad ni mar gyi nang du mdzub mo'i rtse mo nas mdzug mo'i tshigs su dbum man chad nub par
 bcug pa la sman mar ji tsam chags pa'i thun de tsam re re sna g.yas g.yon nas btang zhing bkru'o/ /yang klad pa na ba la li dong ra dang/ na le sham dang/ rgyam tshwa dang/ pi pi ling dang/ 'di rnams la sogs pa brdungs te chu dang 'o ma dang til mar gyi nang mnyes
 te/ btsag cing btsir ba'i khu ba sna nas btang ngo/ /yang klad pa na ba la ling dong ra dang/ pi pi ling la sogs pa tsha ba ro rno ba rnams zhib tu btags te/ spu gsor drug pa gnyis gtong ba'i nang du sman phyi ma blugs la/ sna g.yas g.yon gyi bu ga
 gnyis ga'i nang du kha'i dbugs kyis bus na bad kan la sogs pa'i klad pa'i nad rnams 'byin cing byang bar 'gyur ro/ /de ltar sman phye ma zhib tu btags pa sna nas bus te btang bas ni klad pa'i nad phal cher sel cing 'byang bar 'gyur ro/ /spyis sman mar lta bu rna
 nas btang ba'i tshad ni mdzub mo'i tshigs gnyis man chad mar gyi nang du nub par bsnyugs te phyir phyung ba la mar thigs ba bcu 'am brgyad dam drug chags pa dang/ 'di rnams gsum ni thun che thang zhes bya ste/ de la sman mar zhig sna mas gtong na che na
 thigs pa bcu 'bring na thigs pa brgyad/ chung na thigs pa drug go /yang sman mar ma yin pa sman gyi khu ba btsir te sna nas btang ba che thang gi rim pa ni thigs pa bcu las gnyis phri ste brgyad btang ngo/ /thun 'bring thigs pa brgyad las
 gnyis phri te drug btang/ thun chung ngu'i thigs pa drug pa gtong ba la thigs pa gnyis phri ste thigs pa bzhi btang ste/ thun che thang gi bye brag rim pa ni 'di ltar sbyor cig /yang de la sman sna nas btang du mi rung ba'i dmigs ni chu 'thungs ba dang/ chang
 'thungs pa dang/ dug 'thungs pa dang/ mar 'thungs pa'i rnams dang/ 'phral du 'thung bar 'dod ba dang/ kha zas zos pa dang mgo bkru ba dang/ khrus byed 'dod pa dang/ gtar ka gdab pa dang/ cham pa sar ba dang/ bshang gci 'ong bar 'gyur te/ mi
 bde ba dang/ bud med bu btsas ma thag pa lta bu dang/ dbugs mi bde ba dang/ lud pas bskar ba dang/ skyugs sman dang/ bkru sman gyis bkrus ba dang/ rkyal bu nas sman mas btang ba rnams dang/ dus ma yin par char 'bab pa lta bu'i tsha? dang yul
 ngan 'byung ba dang/ dus 'di lta bu'i tshe sman sna nas btang du mi rung ngo/ /gal te na ba'i dmigs kyi tshul gyis sman sna nas mi btang du rung bar gyur na ni nyen 'di rnams bsrung mi dgos te/ sman sna nas btang ba'i cho ga gyis shig de la mgul pa yan chad
 kyi nad kyi bad kan gyi tshul du na na bad kan dus ni nad par yin te/ nad par thong zhig mkhris pa na na dus nyi phyed yin te phyed na thong shig /rlung nad kyi bag tu na na phyi 'phreng dang srod la btang bar bya'o/ /na ba med cing nyams tha mal ba zhig la sman
 sna nas btang na ston dang dpyid kyi tshe ni snga dro nas btang ngo/ /dgun ni nyi ma gung gi tshe na thong zhig /so ga na ni phye 'phreng kyi tshe na thong zhig /dbyar gyi tshe na nyi ma dron po'i tshe na thong zhig /klad pa rlung nad kyis thebs te cher nan skyigs bus btang ba
 dang/ /mgo 'dam pa dang/ gnyi 'u rengs kyis btab pa dang/ skad 'gags pa dang/ 'di rnams lta bu'i nad la nad par nyi ma shar sgab kyi 'og tsam dang/ nub ka dang dus gnyis su zhag bdun bar du nyin gcig bzhin thong shig /nad 'di rnams ltar
 na ba med pa la sna nas gtang na ni nyin gcig btang la nyin cig bar bcad mi btang ngo/ /de la sman sna nas btang ba'i cho ga'i thabs ni sngar bshang gci'i dri ma bsal la mgo bo mar gyis bsku dugs ran pa tsam du byas la mal rlung med par dron por
 'jug nas/ mgul ba yan chad dugs ran pa tsam byas la/ de nas lus gan rkyal drang por brkyang la rkang lag brkyang rkang pa cung zad tsam bstod la/ mgo bo'i sngas cung zad cig smad la sna'i bu ga ya gcig nas sman mar btang ste/ de yang
 sngar btang ba'i sman mar de/ snar gtong ba'i spu gu can gyi nang du blugs te chu dron po'i nang du bsros la btang ngo/ /snar blugs pa ni snod mchu can du bstod pa 'am/ yang na ras mas blangs te snar gtigs shig /snar blugs zin nas rkang mthil
 dang 'phrag pa dang lag pa dang rna ba la sogs pa ma nyes shig /sman snar btang ba de mtshul pa nas sna'i nang du brdubs la mchil ma gre g.yas g.yon du bor cig /de bzhin du sman snod mchu can gyi nad na yod pa de ?? gyi bar du sna g.yas g.yon du
 res kyis lan gsum du thong zhig /gal te sman rnos dags pas brgyal bar gyur na gdong pa dang brang du chus gtor cig /mgo bor 'o? chus ma 'debs shig /de ltar sman sna nas btang ste bkrus pa'i rjes la nad kyi tshul dang yang sbyar te/ rlung nang du
 mi 'gyur bar bya ba'i phyir/ sman mar snum bag du 'gyur ba sna nas thong zhig /snar snum btang nas grangs brgya'i bar du gan rkal du 'dug par bya'o/ /de nas de'i rjes la spu gu'i dud pa kha gsum kha snar btang zhing khong du brdubs nas gre ba mtshul
 pa bde zhing dag pa sang? sang por bya ba'i phyir/ chu dron pos mkhur ba bkang la bsdad cing dpo'o/ /de ltar sna nas obtang legs par gyur na dbugs bde gnyid legs par 'ong sems gsal la rno bar 'ong ngo/ /gal te sman sna nas
 btang ma legs na mig rtsub skya ba har har bor snang kha sna skam klad pa'i nad stong bar gyur ba snyam byed gal te snum btang ha cang drags na g.yan par 'gyur ro/ /mgo dang lus lci snabs dang mchil ma mang yig 'chu cham bas 'debs pa nyen 'di
 lta bu 'byung ngo/ /sman sna nas btang zhing bkru legs na mig gsal zhing rno la yang kha'i nad dag ste sang bag can du 'gyur skad gsal bar 'gyur ro/ /sman sna nas btang zhing bkru ma legs na mgul pa yan chad dang klad pa'i nad sngar bas dkyel skye
 bar 'gyur ro/ /bkru ba'i sman sna nas btang drags te/ ha cang cher 'khrugs par gyur na khong rmya bar 'gyur ro/ /de la gal te nad pa glo rdol ba dang nyams chungs te/ khong rmya ba dang byis ba chung ngu dang/ mi rgan po dang/ skyid cing lengs pa'i mi 'di rnams lta bu la ni gong
 du sna nas sman bas thang chung ngur bshad pa de ltar thong shig /nad dmigs dang sbyar nas sman sna nas btang dgos par gyur na dbyar sman sna nas btang ba'i dus ma yin par yang rung ste/ sman sna nas btang bar bya'o/ /yang cham pa drag pos btab pa
 dang/ de bzhin du chang 'thungs pa dang/ rna ba mi gsang ba dang/ klad brgyad kyi nang du srin bu zhugs pa dang/ nad khrol nas bsdus la spyir ma phyin par gyur pa dang/ 'di rnams lta bu la ni sman snar btang ba thun che ba'i thang du btang ru mi rung ngo/ /snar
 sman btang ba'i chung thang ni yang na ba med cing nyam thal bar 'dug bas sman mar nyung shas rtag tu snar btang ngo/ /de'i thabs ni nyin par zas zos pa'i rjes dang/ slon pa'i rjes dang/ nyin par gnyid log pa'i rjes la dang/ lam rings
 'dron du song bas dub pa dang/ bud med la drags pa dang/ mgo bo mar gyis byugs pa dang/ chu dron pos mkhur ba gang zhig por ba'i rjes dang/ bshang gci'i dri ma bsal ba'i rjes dang/ so shing gis bkrus pa dang/ gang mo rgod pa'i rjes dang 'di rnams
 lta bur mar thigs pa re re sna'i nang du bskus na 'di rnams lta bu kun la phan par 'gyur ro/ /de ltar sna nas btang ba 'di ni chung thang zhes bya'o/ /sman mar sna nas lan lnga btang na rna ba dang mig la sogs pa'i nang gi bu ga kun la phan par 'gyur ro/ /sman
 mar sna nas lan gsum btang na ngal zhing dub pa rnams med de brtas par 'gyur ro/ /de'i rjes la yang snar lan lnga btang na mig rno zhing gsal ba'i mthu skye'o/ /de'i 'og tu sman mar sna nas btang nas so brtan la stong kyi rlung nad zhi bar 'gyur ro/ /byis pa lo
 bdun ma lon pa la sman sna nas btang du mi rung ngo/ /lo brgyad bcu 'das pa'i rgan po la yang sman sna nas btang du mi rung ngo/ /lo bco brgyad du ma tshang ba la dud pa kha sna nas btang du mi rung ngo/ /byis pa lo bco lnga ma lon pa la chu dron pos mkhur ba bkang
 zhing 'dor ba yang mi rung ngo/ /gzhon nu lo bcu ma lon pa la bkru sman dang skyugs sman la sogs pa btang du mi rung ngo/ /lo bdun bcu 'das pa'i rgan po la yang bkru sman dang skyugs sman la sogs pa btang du mi rung ngo/ /sman snar btang ba thang
 chung ngu gong du dmigs kyis bstan pa bzhin snar bsku ste yang thun che chung rnam pa bzhir shes par bya'o/ /de la thun chung ngu'i tsha thang ni thigs ba gnyis snar btang ngo/ /thun chung ngu'i 'bring thang ni thigs pa re re bas kyang chung ba tsam zhig sna g.yas g.yon
 gyi nang du bskus na klad pa lta bu nad dmigs ci yod pa snga ma langs pa ldang bar mi byed pa yin no/ /thun chung ngu'i bar ni sna'i nang du nad dmigs bskus te snabs mtshul ba nas snar brdubs? la phyir bor ba'i nad na mar mngon du snang bar byed pa ni thun chung ngu'i
 thang zhes bya'o/ /de ltar thun chung ngu'i rnams las gang ran ba tsam nam 'tsho ba'i bar du tshe gcig la rtag par ba sku zhing btang na snum rdub par bya ba'i sman mas btang ba dang 'dra/ sna nas btang ba'i thun che chung bstan pa dang 'dra
 ste stong kyi nad ci la yang phan zhing bde ba'i yon tan du 'gyur ro/ /sna nas btang ba'i sman chung ngu rtag tu btang ba la/ cho ga bsrung zhing spang ba yang med/ nyan du gyur pa'i nad kyis 'jigs pa yang med do/ /de la sman mar zhes bya ba ni/ dmigs kyis
 til mar nyid la bya ste til mar rtag tu btang na phan te dge'o/ /yang mgo bo ni bad kan gyi gnas yin pas na nab med cing nyams tha mal ba lta bu la sman mar thong zhig /de la sna nas btang ba'i sman mar sbyar ba ni dzi ban+ti dang/ dza la dang/ sgron
 shing dang/ gla sgang chen po dang/ shing tsha dang/ bu shel tsa dang/ go yi dang/ tsan dan dkar po dang/ skyer ba'i rtsa ba dang/ shing mngar dang/ bla ba dang/ a ka ru dang/ nye'u shing dang/ puN+Te dang/ bilba dang/ utpa la dang/ b+ha ban+ti dang/ u ra b+hi dang/ thir dang/ byi ta dag
 zhes bya ba srin bu gsod ba dang/ gand+ha pa tra dang/ sug smel dang d+he re nu ga dang/ pad+ma'i ze ba ge sar dang/ ba la dang/ sman 'di rnams sna tshang bar ci rnyed du sbyar te cha snyams la til mar ci tsam btso ba de las chu ni char ba'i chu brgya 'gyur du bskyed
 ba'i nang du sman brdungs la btsos te chu'i khu ba srad dgu bcu ni du phyin srang bcu tsam zhig lus ba dang/ btsags pa sman gyi khu ba phyi na brgya'i bcu cha gcig lus pa de la til mar dang sman gyi khu ba bcu cha gcig dang sbyar te btsos la
 tshos ba dang/ btsags la til mar gyis nang du sman gyi khu ba phyi mas kyang bsnan la btso'o/ /'di bzhin du lan gnyis lan gsum nas lan dgu'i bar du bsnan cing btsags la mjug tu lhag ma sman gyi khu ba bcu cha dang til mar ci
 tsam yod pa'i ra'i 'o ma de tsam dang thang bsnyams te btsos la tshong pa'i rtags dbu ba byung ba dang btsag par bya'o/ /sman mar 'di'i ming ni til gyi 'bru mar thigs phran zhes bya'o/ /sman mar 'di rtag tu sna nas btang ba'i phan yon ni lus brtan
 zhing drang/ pags pa'i sha mdog bzang zhing gsal/ phrag pa dang 'jing ba dang/ dpung mgo dang 'di rnams brtan zhing mkhregs la ma zhum par mtho bar 'gyur/ bzhin dang kha'i nad gsal bar 'gyur/ dbang po rnams gsal zhing/
 brtan skra dkar med bar 'gyur ro/ /sman sna nas btang ba'i cho ga ste le'u nyi shu pa rdzogs so// //sman gyi dud pa btang ba'i cho ga ste le'u nyi shu rtsa gcig pa bshad par bya'o/ /mgul ba yan chad kyi nang ni klad pa na ba dang/ rna ba na ba dang/ kha sna nas
 bad kan dang mchil ma mang ba dang/ mgo bo lci ba dang/ klad pa gzhogs phyed na ba dang/ cham pas btab pa dang lud ba lu ba dang dbugs mi bde ba dang/ kha zas ci zos kyang ro bro bar mi tshor ba dang/ kha nas bad kan dang mchil ma ha cang mang du 'ong ba dang/ skad
 mdzer cing 'gags pa dang/ sna nas rnag zag pa dang/ kha nas rnag 'ong ba dang/ skyigs bus btab nas mgul ba na ba dang so na ba dang/ nyams chung zhing ring pa dang/ zas yi gar mi 'ong ba dang/ 'gram pa na ba dang/ gnye'u reng su gyur ba dang/ so dang skra dang
 klad pa'i nang du srin bu zhugs pa dang/ mgul ba yan chad dang/ mgo bo g.ya' ba dang/ skya bab du gyur pa dang/ skra la gza' zhugs pa dang 'phyi ba dang sprid pa 'byung du mi btub pa 'am/ sprid pa ha cang mangs sam mgo yod khyer ba dang/ gnyid che ba dang
 'di rnams la sogs pa'i nad kun ni gzhi rlung dang bad kan las gyur pa'i nad ma zhu bar gyur te/ mi bde ba yin no/ /de lta bu'i nad zhi bar bya ba'i phyir/ dud ba rnam gsum rdub cing btung ngo/ /rnam gsum ji ltar btang zhe na mgul ba yan chad rlung
 nad du gyur na sman 'jam zhing snum pa'i dud pa btang ngo/ /rlung nad dang bad kan du 'dres pa'i nad la sman gyi dud pa mi 'jam mi rno ba ran par btang ngo/ /bad kan gyi nad la ni sman rnon po'i dud pa btang ngo/ /de la mkhris pa rgyas pa
 dang/ khrag rgyas pa'i nad la bkru sman btang ste/ bkrus pa dang/ dmu rdzing dang/ za khu la sogs pa 'di rnams la ni sman gyi dud pa btang du mi rung ngo/ /mig rab rib khyer ba dang mgul ba yan chad klad pa'i bar du rlung zhugs pa'i nad dang sman mas btang bar
 gyur pa dang/ lto spos pa dang nya zos pa dang/ chu 'thungs pa dang/ zho dang bu ram dang 'o ma dang sbrang rtsi dang/ mar 'thungs pa dang/ dug 'thungs pa dang/ mgo bo yan chad snang ba dang skya bab kyi nad dang mtshan mo gnyid ma log pa 'di rnams lta bu la
 sman gyi dud pa btang du mi rung ngo/ /gal te 'di rnams ltar mi bde ba la sman gyi dud pa btang na nyen du gyur pa'i nad khrag dang mkhris pa'i nad dang/ mig long rna ba 'on skom dang che ba brgyal ba dang rmongs shing myos par byed do/ /gal te dus ma yin par
 dud pa btang ngam/ dud pa ha cang cher btang drags na de la nad dpyad du bya ba'i cho ga ni sman bsil bas 'phral pa dang mgo bsku/ bsil ba'i kha zas kyi cho ga byas na phan no/ /de la sman gyi dud pa btang ba'i dus dang dmigs ni bkres pa dang
 glal byung ba dang/ bshang gci dri ma bsil ba dang/ bud med la brten pa dang/ gtar ka gdab pa dang/ gad mo dgod pa dang/ so shing gi so drud pa 'di rnams lta bu byas pa'i 'og tu dud pa mi drag pa 'jam po chung ngu zhig thong zhig /yang
 bkres pa dang glal byung la sogs pa'i dus 'di lta bu'i tshe mtshan mo kha zas zos pa dang/ sman mar snar btang ba'i rjes la yang dud pa 'bring tsam sna nas btang ngo/ /yang gnyid log pa dang sman mas btang ba dang/ mig sman gyis bskus pa
 dang/ lus khrus byas pa dang/ skyugs sman btang ba 'di rnams lta bu'i rjes la dud pa snar btang ste bkru ba'i cho ga bya'o/ /dud pa kha snar btang ba'i dpyad ni mas btang ba rkyal bu gser dngul la sogs pa las brdungs pa dang 'dra bar byas te/ de yang gce'u? kha
 gsum pa dang drang ba zhabs kyi drung ni spoms mthe bong shong tsam rtse mo'i sboms ni rgya shug ga tshig gu shong tsam du bya'o/ /gce'u srid ni sor nyi shu rtsa bzhi pa dang/ sor sum cu rtsa bzhi pa dang/ sor bzhi bcu pa dang/ de ltar che chung rnam gsum du bya'o/ /de la
 bad kan gyi nad la dud pa'i sman rnon po btang na/ gtse'u sar nyi shu rtsa bzhi pa btang ngo/ /rlung nad la sman gyi dud pa 'jam zhing snum pa btang na tse'u sor sum cu rtsa gnyis pa las btang ngo/ /rlung dang bad kan 'dres pa'i nad la sman gyi dud pa rno 'jam ran pa gtse'u
 sor bzhi bcu pa las btang ngo/ /snar dud pa btang ba'i thabs ni drang po tsog por 'dug la sems gud du mi g.yeng bar dud pa btab pa la bsams te kha gdangs la khar dud pa lan gsum btang ngo/ /de nas sna'i bu ga ya gcig bkag la bu ga ya gcig nas
 dud pa btang zhing rdub po/ /sna'i mtshul ba'i nad dang klad pa'i nad dmigs la dud pa kha nas btang bas nad bskyod cing bsdus par gyur pa de la sna nad dud pa rdubs na nad de phyin cing sel bar 'gyur ro/ /kha nas dud pa rdubs na ni slong zhing bskyod par byed do/ /kha nas gre ba'i
 nang du slebs par dud pa rdubs na nad zhi bar byed do/ /dud pa kha nas rdub cing phyir slon pa'i thabs su dbyung ngo/ /snar rdub cing phyir dbyung ba ltar byas na mig la gnod de mi rung ngo/ /khar rdub cing slob pa'i thabs ni khar lan gcig
 gre ba'i bar du rdubs te de nas phyir slob pa'i thabs su phyung zhing de ltar lan gsum gsum bya'o/ /sman gyi dud pa 'jam po nyen par snar lan gcig btang ngo/ /rlung dang bad kan 'dres pa la sman gyi dud pa rno 'jam ran pa ni lan gnyis thong zhig /bad kan sel ba sman gyi
 dud pa rnon po ni lan gsum 'am len bzhir thong zhig /de la snar dud pa btang ba'i sman 'jam po ni a ka ru dang/ gu gul dang/ gla sgang chen po dang/ son? ya dang/ pha bong gi dregs pa dang spang spos dang pu shel rtsi dang/ ba le ka dang/
 shing tsha dang/ he re nu ga dang/ me tog mand+hu ka dang/ shing bilba rkang dang/ e la ba lu ka dang/ shi ri be sta ka dang/ bogs tsi ras dang/ rgya ma ka dang/ ba tsa na dang/ gla ba dang/ bog nag po sha ya ki dang/ gur kum dang/ mon sran gre'u dang/ nas dang bog dkar
 po nu ma ka dang/ til dang shing tog zang po mar yong par star ga urba ni ka dang/ snum bag tshil dang rkang dang lto tshil dang/ mar dang rkang dang 'di rnams yin no/ /nad zhi bar bya ba'i dud pa'i sman ni bog nag po sha la ya ki dang/ rgya skyegs dang phri thir ka
 dang/ me tog pad+ma dang/ me tog utpa la dang/ shing n+ya gro d+ha dang/ shing u dum+ba ra ba dang/ shing a shwat+tha dang/ shing pAk+Sha dang/ gseng phrom dang/ shing tsha dang/ li ka ra dkar po dang/ shing mngar dang/ rdub rna shi ri'i shun pa dang/ shug ba dang/ btsong dang/ spong ru rta dang/ rgya spos
 dang/ bad kan la sman rnon po'i dud ba btang ba ni dza ti sma ti dang/ skyer ba dang/ yung ba dang sman gyi rtsa ba bcu dang/ ldong ros dang/ ba bla dang/ rgya skyegs dang/ tsan dan dkar po dang/ 'bras bu gsum dang/ sman spo yo dri zhim po'i nang na ro rno ba'i
 grangs su gtogs pa rnams dang/ 'di rnams kyi dud pa sna nas btang zhing mgo bo'i nad bkru bar bya'o/ /sman gyi dud pa btang ba sbyar ba'i thabs ni sman rnams zhag gcig chu'i nang du spangs te chu dags su zhib rab tu btags la shing bu drang
 zhing 'jam po sra mo sor bcu gnyis pa la dud pa'i sman lde gu btag btag pa lan lnga'i bar du byugs shing grib ma la bskams la sman gyi gtar bu spom mtheb mo tsam thog drung phra la/ dbus sbom ste nas 'dra bar byas la/ bskams pa dang rlung
 nad dang bad kan so so'i nad la phan pa'i rlung gis kyang byugs nas nang gi shing bu ni drongs la phyung zhig /de nas sman gyi star bu'i drung mas bsregs la kham phor kha sbyar la dbus su bu ga phug pa'i nang du bcug te dud sman gyi gtar bu'i rtse mo gce'u yi bu
 ga yi nang du bcug la dud pa khar rdubs te/ lud pa lu zhing mi bde na brdungs te sor bcu 'am sor brgyad pa byas la dung rdubs na lud pa lu ba dang/ dbugs mi bde ba dang cham pas btab pa dang/ skad 'gags pa dang/ kha sna nas rnag mnam pa dang/ kha gdong la
 skya bab kyi nad pa yod pa dang/ skra la gza' zhugs pa dang/ byi 'am rna ba na ba dang/ mig rdzid por ldang ste/ mchi ma mang ba dang/ mgul pa yan chad mgo bo g.ya' zhing za ste/ 'phrug 'dod pa dang/ slong bag can du gyur pa dang/ mgo yung khyer ba dang/ skyigs bus
 btab pa 'di rnams lta bu la sman gyi dud pa 'thungs na nad kyis mi tshugs so/ /sna nas btang ba'i cho ga ste le'u nyi shu rtsa gcig pa'o// //sman gyi khu bas mkhur ba bkang la mi bskyod par mgo bskyod de bsdad pa dang sman gyi khu bas mkhur ba
 bkang ste/ 'gram pa g.yas g.yon du spo zhing bad kan la sogs pa'i nad drang ba'i cho ga'i le'u nyi shu rtsa gnyis pa bshad par bya'o/ /sman gyi khu bas mkhur ba bkang ba rnam pa bzhi ste/ til gyi 'bru mar dang/ zhi bar byed pa dang/ kha bkru zhing sel bar byed pa dang rma 'tsho
 par byed pa'o/ /de la til gyi 'bru mar dang zhi bar byed pa dang/ bkru sman gyis bkru zhing brtsal ba dang/ 'di gsum gyis ni rlung dang mkhris pa dang bad kan gyi nad bsal lo/ /mdza' ma'i rma'i nad gso bas ni rma'i nad sel to/ /de la til gyi 'bru mar ram/ /mar las
 sman mar sbyar ba ni mngar dang skyur dang lan tshwa dang/ sman drod che ba rnams brdungs la brtags te/ chu dang sbyar ba'i khu ba 'am 'o ma yang rung sha khu yang rung ste 'di rnams dang sman gyi khu ba dang til mar ram 'bri mar dang sbyar te/ bcos la tshos te/ btsin ba'i sman
 mar de dron po khas bzod tsam mkhur ba bkang zhing rlung nad zhi bar bya'o/ /de zhi bar bya ba'i sman mar sbyar ba ni sman ro kha ba dang/ bska ba dang mngar ba dang/ bsil ba rnams dang/ pa to la shing 'dzam bu'i shing tog dang me tog ma la
 ta'i yal ga'i lo ma dang/ utpa la dang/ shing mngar dang/ kha ra dkar po dang/ sbrang rtsi dang/ 'o ma dang bu ram shing gi khu ba dang mar la sogs pa 'di rnams sbyar te btsos pa'i mar gyis ni mkhris pa'i nad zhi bar byed do/ /bad kan gyi nad sel ba ni sman tsha ba dang
 skyur ba dang/ lan tsha dang sman drod che ba'i rnams klad nad bkru ba sna nas btang ba'i sman rnams/ tshwa dang chang dang 'bras rtsabs dang/ ba gcin dang/ gzhan yang tsha ba dang skyur ba la sogs pa'i sman rnams kyis khu ba dang sbyar te/ btsags pa'i dangs mas mkhur ba
 dgang zhing bor bad kan gyi nad sel zhing 'byang bar 'gyur ro/ /kha'i nang du rnyil dang mkhur ba'i nang gi rma gso ba'i dpyad ni sman ro bska ba a ru ra lta bu dang/ klu gor zho sha dang/ mngar bag shing mngar dang/ sbrang rtsi lta bu dang/ bsil bag la tsan dan dang/ bu shel
 tse dang/ gla sgang chen po dang/ ci las nad du gyur pa'i sman so sor bshad pa rnams kyis kyang bsnan la sman gyi khu ba khar blugs so/ /de la rlung nad du gyur pa'i nad la til 'bru'i mar las sbyar? te mkhur ba dgang ba ni/ til mar dang/ 'o ma dang sbrang rtsi dang chu ba sbyar ba
 dang/ tshwa dang chang dang sha khu dang ba gcin dang/ 'bras rtsabs kyi khu ba dang/ 'di rnams gang 'byor pa dang nad sel ba'i dmigs su gang bab pa de ltar sman btags pa'i khu ba yang rung btsos pa'i til mar yang rung dren po khas bzod pa tsam mkhur ba bkang
 na so rtse ba dang/ so 'gul ba dang rlung nad kyi kha'i nang na bar gyur pa dang/ 'di rnams lta bu la dron pa khas bzod tsam mkhur ba bkang na phan no/ /yang drod char gyur la/ rtsub pa dang tsha bar gyur pa dang/ kha'i nad tshos pa dang/ kha'i nang du rma byung pa dang/ kha'i nang blo
 bur du 'phral snang pa dang/ kha'i nang du dug reg pa dang/ nas tshig 'khus pa'i tshe thal sman rnon pos kha'i nang tshig pa dang/ kha'i nad mas bsregs te tshig pa 'di rnams lta bu la yang zhun mar 'khyags pa dang lo ma grang mos kha'i nang du dgang ngo/ /kha'i nad tshig
 pa 'am rma byung ba las tshor ba med cing zas kyi ro bro ba mi tshor ba lta bu dang/ kha'i nang gi rma byung ba yang 'di lta bu las yang mar 'o mas kha bkang na kha'i nad yang bag can du 'gyur ba dang/ rma 'tsho bar 'gyur ro/ /sbrang rtsi dang chu sbyar te/ mkhur ba bkang na kha'i nad tsha ba dang/
 skom dang che ba zhi bar 'gyur ro/ /kha zas ro bro ba mi tshor ba dang/ kha mnam pa dang/ kha'i dri ma che ba 'di lta bu la 'bras rtsabs mkhur ba bkang zhing yon tan gyis skyon sel to/ /'bras rtsabs de nyid dang/ tse rgyam tsha dang lce myang tsha gang yang rung ba dang sbyar ba grangs mes
 mkhur ba bkang zhing pho na kha skam pa'i nad la rab tu phan par 'gyur ro/ /bad kan gyi dkyel sogs shing skyes par gyur pa la nas tshig 'khus pa'i tshwe 'am thal sman rnon po dang/ chu ra sbyar te mkhur ba bkang zhing pho na bad kan myur du sel bar 'gyur ro/ /kha'i
 nad lci zhing ldag ldag por gyur pa la chu dron pos khas bzod tsam khu ba bkang zhing bor na kha'i nad yang zhing bde bar 'gyur ro/ /mkhur ba'i nang du sman zhu 'am dron pos bkang ba'i cho ga byas na sngar rlung med pa nyi ma dron po'i sar 'dug la/ 'phrags so dang
 /ske g.yas g.yon du dugs bya zhing mnyes la de nas sman gyi khu ba 'am chu dron pos mkhur ba bkang ste gdong ba phyir bskyed de bskyod la 'dug cig /bsdad pa'i tshe ni kha'i nad bad kan nam gang gi bar du 'am yang na sna'i nad snabs kyis gang la mig
 mchi mas gang ba'i bar du bsdad do/ /bad kan gyi nad ni lan gsum ldan lnga 'am lan bdun du mkhur ba dgang ngo/ /mkhris pa'i nad dang rlung nad la ni de ltar kha dgang bar bya ba'i dpyad mi dgos so/ /de la sman gyi khu bas khar dgang zhes bya ba ni sman gyi khu ba kha
 blugs la mkhur ba g.yas g.yon du spo ba med par bzhag go /sman khu 'am chu dron po khar rdub pa zhes bya ba ni khang rdubs la mkhur ba g.yas su spo'o/ /de la sman khu 'am chu dron po khar rdubs la 'khur ba g.yas g.yon spo ba byas na/
 gnya'u rengs pa dang klad pa na ba dang/ rna ba na ba dang/ kha na ba dang/ mig na ba dang/ bad kan rgyas te snabs dang mchil ma mang ba dang/ gre ba'i nang na ba dang kha skams pa dang/ snying na ba dang glo bag can du gyur pa dang/ kha zas yi gar mi 'ong ba dang/
 cham pas btab pa dang/ 'di rnams la phan te gso bla bar 'gyur ro/ /bad kan gyi nad la sman lde bu dang sman btsos pa'i khu ba dang/ sman rnams gsum khar gzhib cing mur la sman gyi khu ba khar blugs pa dang 'dra ste phan no/ /sman gyis gdong byugs pa
 yang rnam pa gsum ste/ rlung dang bad kan gyi nad la ni dron pos bkrus na dge'o/ /mkhris pa dang khrag rgyas pa'i nad la ni bsil sman bag gdong pa bsku'o/ /gdong bsku ba'i sman gyi yon tan ni rlung dang mkhris pa dang bad kan gyi nad sel dug nang
 sel ba bzhin mdog bzad por 'gyur ro/ /sman lde gu gdong pa bsku ba'i tshad ni rnam gsum ste sor bzhi cha 'am sum cha 'am sor gyi cha gnyis tsam gyis stug rngams de tsam du bsku'o/ /gdong lam bskams kyi bar du gdong la chags te phan no//
 bskams na pags pa'i sham thad la gnod kyis chu spos la khrus shig /bkrus pa'i rjes la mar ram til mar gyis gdong bskus la/ lde gus dril la phyis shing/ gdong sman lde gu de ltar byugs na nyin par nyal ba dang drag tu smra ba dang smra
 ba mang ba dang/ me tshe ba 'am nyi ma bde ba 'am bud med la nyal ba 'am 'gro ba'i bag tu mi rung ngo/ /de ltar gdong la sman gyis sku legs na dus lam bab par skra dkar por gyur pa 'am dpung ba lhung ste bskyod mi nus pa dang gnyer ma mang ba dang/
 mig rab rib kyis khyer ba dang/ gdong pa khabs yod pa dang mig nang sngon por gyur pa 'di rnams sel te phan no/ /sman lde gus byug du mi rung ba'i dmigs ni cham pas btab pa dang/ kha zas ma zhu ba dang sman snar btang ba lta bu dang/ rnyil dang 'gram
 pa na ba dang/ zas yi gar mi 'ong ba dang/ mtshan mo gnyid ma log par gyur pa 'di rnams lta bu la sman bskur mi rung ngo/ /de la gdong bsku ba'i sman lde gu ni rgya shug gi nang gi nang rkang dad pa sha ka'i rtsa ba dang sha ba ri'i gser phrom dang/ yungs kar 'di rnams ni
 dgun gyi lde gus byug pa'o/ /kaN+Ta kA ri'i rtsa ba dang til nag po dang skyer pa'i rtsa ba dang shing tsha dang/ nas rme'u dang/ 'di rnams ni dgun smad kyi lde gus bsku ba'o/ /rtsa dar ba'i rtsa dang/ tsan dan dang/ u shi ra dang/ shing shi ri sha dang/ shatpuShpa dang/ 'bras dang 'di
 rnams dpyid kyi'o/ /me tog ku mu da dang/ utpa la dang/ ka lha ra dang/ rtsa durba dang/ shing mngar dang/ tsan dan dang 'di rnams ni sos ka'i tshe bsku'o/ /ka la mi ka dang/ til dags su shi ra dang/ spang spos dang/ rgya spos dang/ shug pa dang 'di rnams dbyar gyis
 bsku'o/ /bal bu dang kutra puN+ta ha dang shing mngar dang/ sapta par+Ni dang rgya spos dang 'di rnams ni ston gyi lde gu bsku ba yin no/ /de ltar dus tshigs drug gi bye brag dang sbyar te gdong bsku ba'i dpyad shes par bya'o/ /de ltar rtag tu gdong bkrus na mig la yang
 phan te lta ba la brtan par mthong ba dang bzhin 'jam zhing gnyer ma med pa dang bzhin mdog bzang po pad+ma'i lo ma dang 'dra bar 'gyur ro/ /til dang mar gyis lus bsku ba yang rnam pa bzhi ste mar dang 'bru mar gyis lus bsku ba yang mar blugs pa
 dang/ nga sam shing bal mar la bsgras te/ klang bar bzhag pa 'am klad par mar ram til gyis 'bru mar gyis byugs la skyin dar gyis g.yogs pa dang bzhi'o/ /de ltar mgo bo las bsku ba rnam pa 'di bzhi yang lhag ma bas 'og ma'i yon
 tan che zhing mang ste/ gong ma bas 'og ma bzang bar shes par bya'o/ /de la mar gyis byug cing bsku zhes bya ba ni mgo dang lus rtsub pa dang/ mgo dang lus g.ya' ba dang pags pa sha mdog mi sdug cing dri can du gyur
 pa 'di lta bur mar byug cing bsku bar bya'o/ /mgo la glog pa zhugs pa dang/ klad ba zug thabs su na ba dang/ klad pa che ba dang rma mnags pa 'di lta bu la ni mar blugs pa'i dpyad bya'o/ /de la skra byi ba dang/ skra gza' zhugs pa dang/ bdug
 pa byas pa'i rjes dang mig ha ra ha ra bar gyur pa'i nad 'di lta bu'i nad pa ni ras sam ras bal mar gyi nad du bsres te spyi bor glan no/ /mgo la tshor ba'i bag med bem bag tu gyur pa dang/ kha yon por gyur pa dang/ gnyid med pa dang/ kha sna skams pa dang/
 mig rab rib kyis khyer ba dang/ klad pa mi bzod par na ba dang/ 'di lta bu la klad pa la mar char byugs te mar mi dbo bar lpags pas g.yogs pa 'gab chings shig /de ltar byas pa'i chog ni lus snum gyis byugs te/ lde gus phyis la khrus byas nas nub kar
 pus mo 'phang tsam gyi stan khri'u stan rlon can 'jam po la 'dug nas ma he'am ba lang gi ko ba srid klad pa 'khor ba zheng sor bcu gnyis yod pa de lta bur byas la dpral ba'i skra mtshams nas rna drud tsam du phyin par byas te 'gab bcing ngo/ /'gab bcing ba ni
 ras sam rang gi skras 'gab bcings kyang rung ngo/ /mar mi zag par sran ma shi'i lde gus kyang 'gab glan cing bsku'o/ /de nas nad kyi dmigs ci 'dra bar las mar ram sman dang sbyar ba'i til gyis 'bru mar drod 'jam tsam glad pa 'khor yug dang spyi bo man chad
 skra drung sor cig nub pa tsam du blugs la kha'i nang dang sna dang mtshul bar mar gyi ro nam bro'i bar du bzhag ste/ de'i tshad kyang rlung nad la ni se gol bskor zhing gtogs pa lan khri'i bar du bzhag go/ mkhris pa'i nad la ni se gol brgya stong gi yun tshun chad du bzhag go/ bad
 kan gyi nad la ni se gol drung stong tsam gyi bar du zhog cig/ yang sman pa kha cig na re nad nam phyin gyi bar du mar bzhag ces 'chad do/ /mar zags pa 'am lhag mas ni phrag pa dang ro stong bsku zhing mnye'o/ /cho ga 'di 'dra bar bya ba lan grangs rab tu mang na zhag bdun bya'o//
 rna ba na ba la til mar las sbyar ba'i sman rna ba'i nang du blugs te bkang la rna drung mnye zhing 'grum so bskyed do/ /bzhag pa'i yun ni nam nad ce zhil gyi bar du bzhag go /rna ba min pa la mar blugs na se gol brgya'i yul gyi bar du bzhag go/ rna ba la mar blugs na de ltar na grangs
 ba gi yun gyi tshad ni lag pa g.yas kyi pus mo g.yas ba'i lha ngal rdeb lta bu dang mig 'byed cing 'dzum ba lta tsam dang mnyam pa'i yun de tsam gyis bgrang ngo/ /klad pa sman dang sbyar ba'i til mar gyis byugs pa'i yon tan ni skra 'byi ba dang skra dkar dang skra khar pa dmar ser
 du gyur pa dang/ skra gza' zhugs pa dang klad pa'i nad du rlung zhugs pa dang 'di rnams lta bu la phan no/ /dbang po rnams gsal bar 'gyur la/ skad kyi gdangs dang mgrin pa snyan pa dang 'gram pa na ba dang klad pa na ba la phan la/ nyams stobs skye zhing nyams btsag brta'o/ /sman
 gyi khu bas mkhur ba dgang ba'i dpyad la sogs pa bshad pa'i le'u nyi shu rtsa gnyis pa rdzogs so// //sman gyi thigs pas mig tu blugs pa dang/ sman gyis mig bsku ba'i cho ga bshad pa'i le'u nyi shu rtsa gsum pa bshad par bya'o/ /mig nad thams cad la dpyad
 du bya ba ni mig nad gsar pa la dang por sman gyi thigs pa mig tu blugs na mig rdol la thug pa snyam byed cing na ba dang/ mig thu zug ste na ba dang mig g.ya' ba dang/ mig la drud pa snyam byed pa dang/ rdzi bor gyur te mchi ma zags pa dang/ mig tsha ba dang/ mig dmar por gyur
 pa dang/ 'di rnams lta bu'i nang sel te phan no/ /mig rlung nad kyi bag tu na ba la ni sman thig dron po lhugs shig /bad kan las mig nad du gyur pa la ni 'jam tsam lhugs shig /khrag dang mkhris pa'i nad lta bu tsha ba'i bag la ni sman thigs kyi chu de bsil bar gyis
 la lhugs shig /sman thigs blug pa'i cho ga ni rlung med pa'i gnas su 'dug la sngas smad de nya phyis kyi nang du sman gyi khu ba sbyar la ras bal lam srin bal lta bu brnyad pa sor gsum tsam dri ma med pa bkyus skams pa des nya phyis kyi nang nas mig phugs
 kyi grwa sna drung du thigs pa bcu gnyis sam bcu ras bal las gtig cing blugs pa'i phang ni so ri gnyis pa tsam las gcig cing blugs so/ /khang langs shing bsdang la sman khu de mig 'gram nas mur 'gram logs pho la de nas gos 'jam pas phyis shig/
 bad kan ni ma rlung na da lta bu la ni mig phyis pa'i rjes la ras sam 'jam pa chu dro 'jam tsam gyi nang du bcug la mig la dro 'jam tsam du dugs kyis shig /mig du sman gyi chu blugs pa de ha cang drod che ste tsha 'am ro tsha ba'i sman dron po 'am 'di lta bu'i bag btang
 ne mig rdol la thug pa tsam du na ba dang/ mig dmar por 'gyur ba dang/ mig rdul 'di lta bu'i bag tu 'gyur ro/ /mig sman ha cang drags ches pa mig tu blugs na mig tu zung cing na ba dang/ mig 'dzum mi shes te har har por 'gyur pa'i nad du 'gyur ro/ /mig tu
 sman gyi thig pa blugs pa'i thun mangs te drags na mig gi mchu sdud pa snyam byed cing rtsub pa dang/ mig 'byed ma nus shing dka' bar 'gyur ro/ /mig sman blugs pa ha cang thun chungs na mig nad kyi dkyel skyes te mi phan no/ /mig tu spran blugs pa las ma pho na
 mig nad kyi dkyal skyes te slar na bar 'gyur ro/ /mig sman bsku legs pa ni mang pa'i yul dang srubs dang rtsa dang kha na dang rtsa'i nang dang mgo kun tu sman gyis khyab nas mig gi nang kun sel bar 'gyur ro/ /yang mig sman gyis mig tu bsku ba'i dpyad ni
 sngar skyugs sman dang bkru sman gyis nang sbyangs la mig bkru ba'i sman ni mig yog pa tsam gyi chod kyis tshig la bsku'o/ /de ltar bsku ba'i mig nad kyi dmigs ni mig nang rnying ba lta bu'i bag tu gyur pa cung zad tsam skrangs pa dang/ mig rab rib tu g.ya'
 dag mig 'byar bag dang/ mig ge grwang dul ma chags pa dang/ mig rab rib du rtsab pa tsam ma yin pa dang/ mchi ma zag pa dang/ mig dmar por gyur pa dang 'di lta bu ni mig nang rnying par gyur pa'i rtags yin te 'di lta bu la sman mig tu bskus shig /mig nad
 mkhris pa dang bad kan dang rlung las mig nad du gyur pa 'di lta bu la dmigs kyi bsku ba'i dpyad rnam pa gsum ste/ mig gi nad phyi zhing bsal ba dang/ mig nad rma lta bu gso ba dang/ mig gsal bar mthong bar bya'o/ /de la mig nad bsal zhing phyi ba'i sman gyis byugs
 pa ni ro bska ba dang/ skyur ba dang rgyam tsha dang na le sham dang 'di rnams so/ /mig gi rma gso ba'i sman ni ro kha bas bsku'o/ /mig rno zhing gsal bar bya ba'i sman gyis bsku'o/ /sman bsku ba'i bur ma'i sring ni sor bcu pa dbus ni phra ba'i/ /thur ma'i thor to ni sri shing gi me tog kha
 'bus pa lta bu'o/ /mig nad bsal zhing phyi ba'i bur ma ni zangs las brdungs pa ni bzang ngo/ mig gi rma gso ba'i thur ma ni lcags nag po las brdungs pa'i thur ma dang mdzub mos phyi ba bzang ngo/ /mig rno zhing gsal bar bya ba'i thur ma ni gser dngul las bya'o/ /yang mig sman skyer
 paN+Ta lta bu'i gtar bu lta bu dang/ sman dang sbyar ba'i zan gyi chang bu dang/ sman dang sbrang rtsir phyir ba lta bu'i lde gu dang/ mig sman phye ma sbyar ba gsum yod do/ /de yang mig nad lci ba dang yang ba dang lci ba yang ma yin yang ba yang ma yin pa 'di rnam pa gsum gyi tshul las
 dpags te sman rim pa bzhin du btang ngo/ /sman de btang ba ni nub mo nyal ba'i tshe dang mtshan mo dang/ nyin gung dang nyin mtshan 'di rnams lta bu la sman btang du mi rung ngo/ /mig sman blugs sam bskus nas slar bskru ba drags sam/ bcing na mig nad kyi dkyel skye bar
 'gyur ro/ /de bas na sman btang ba'i dus ni nad par dang phyi 'phrad kyi srid dang la yul drang ba'i che 'di lta bu'i dus la mig sman gyis rtag par bsku'o/ /sman pa kha cig na re sman tsha bag rnon pos ni nyin par mig bskur mi rung zhes zer ro/ /mig sman btang bas mig gi dri ma dang/ mchi
 ma phal cher byung bas mig bskus te/ mig legs par lta ba'i mthu chungs pas 'di lta bu'i tshe nyi ma la bltas na mig la gnod de mi rung ngo/ /yang sman pa kha cig na re nyin par ni nyi ma'i 'od tsha ba'i dus la ? pas tsha ba'i tshe sman
 btang ba yang gnod de mi rung ngo/ /mtshan mo ni zla ba'i dus te bsil bas mig la phan te de bas na nub mo nyal ka dang/ mtshan mo'i dus su mig sman btang na mig la phan no/ /ji ltar zhe na mig ni me'i rang bzhin yin/ mig sman ni bsil ba dang 'phrod do dpyad 'di
 ltar byas na mig rno zhing bstan par 'gyur ro/ /gal te bad kan rab tu skyes sam mig nad bsal zhing phyi ba'i dpyad dgos par gyur na 'di'i lta bu'i dpyad ni nyin par yang rung ste/ yul rab tu tsha ba'i dus la bab na mig sman rnon pos mig byug par bya'o
 dper na lcags ni rdo ba las 'byung mod kyis lcags pas rdo ba de nyid rno ste rdo ba des lcags la gnod par bya nus so/ /de bzhin du mig kyang me'i rang bzhin yin pas na me lta bu chab rnams mig la gnod de mi rung ngo/ /yang dgun lta bu lhag pa rab tu che na mtshan
 mo yang mig sman che ba rnod pos mig bskus na gnod de mi rung ngo/ /ji ltar zhe na dgun ha cang lhags pa che ba'i tshe ni/ mig sman gyis bskus kyang mig gi nang mchi bar dbyung du mi rung la mig 'byed cing 'dzum mi shes pa har har por 'dug gam mig
 g.ya' la mig gsal mi rno ba la sogs pa nyen du 'gyur ro/ /yang smig sman gyis byug tu mi rung ba'i dmigs ni skrangs par 'gyur ba dang/ sgyug sman btang ba'am/ bkru sman btang ba la kha zas ma zes pa dang/ bshang gci 'ong bar gyur pa'i
 dus dang khro ste rngam pa dang/ rims nad kyis btab pa dang/ mig nad kyis btab pa dang/ mig phyir byung ste rlo rlo bor sod pa dang/ klang ba na ba dang/ mya ngan gyis btab pa dang/ mtshan me gnyid ma log par gyur pa lta bu dang/ nyi ma mthong ba dang/ mgo bo
 bkrus pa dang/ sman gyi dung pa spu gu nas brdubs pa dang/ chang 'thung 'thung ba lta bu dang/ kha zas ma zhu ba dang/ nyi tshan nam me tshan po che lta bu la 'dug pa dang/ nyin par gnyid log pa dang/ skom gyis gdungs pa dang/ 'di lta bu la mig sman bsku zhing byug
 tu mi rung ngo/ mig sman ha cang tsha zhing rno ba dang/ ha cang 'jam pa dang ha cang thun chung ste nyung ba dang/ thun ha cang che ste mang ba dang/ ha cang sla ba dang/ ha cang bska ba dang/ ha cang rtsub pa dang/ ha cang grang ste bsil ba dang/ ha cang rod ches par byas pa'i sman 'od lta bu'i
 bag mag la bsku zhing btang du mi rung ngo/ /mig sman bsku zhing byug pa'i thabs ni mig cung zad phye la sman phye ma thur mas bcus te sna drung gi mig sgo nas mig 'gram logs su dal gyis bsku zhing mig gi mchu'i nang du sman gyis byugs zin pa dang/ mig cung
 bskul zhing bskyod na mig sman rnon po des mig gi nang du sleb cing khyab par 'gyur ro/ /mig sman gyis bskus nas mig ha cang che zhing btsam pa 'am/ mig btsum ste mig mchu'i pags pa bsdam zhing gzir ba'i thabs su btsum pa 'am/ mig chus bsku ba'i bag 'di
 lta bu ma byed cig /mig sman gyis byugs pa las bkru ba'i dus tshod ni mig tu sman gyis byugs shing bskus pa'i rnams mig gi nang du sman bskus pa bag la zhu ste na zhing gnod pa yang med de bde ba de'i tshe nad gzhi nad dmigs dang dus tshigs kyi tshul dang
 sbyang la chu drod 'jam tsam tsha grang gang rig par bkru bar gyis shig /bkrus nas dar 'jam pos phyi'o/ /phyi ba'i thabs ni lag pa g.yas kyi 'dzub mo dang mthe 'os ci? ran du phye la lag pa g.yon pas gos 'jam pa thogs la phyis shig /mig g.yas g.yon
 gnyis ka yang tshul de ltar bya'o/ /mig g.ya''am rtul te gsal bar mi mthong ba mig sman tsha ba rnon pas bskus la de'i rjes la mig tsha ba'i gnod par ma gyur par bya ba'i thabs ni sman bsil bas mig la bsku zhing byugs par gyis shig /sman gyi thigs
 pa mig tu blugs pa dang sman gyis mig bsku ba'i cho ga'i le'u ste nyi shu gsum pa'o// //mig blta ba'i cho ga zhun mar mig tu blugs pa dang/ sman gyi phur ma bsreg cing btsos pa'i khu ba'i thigs pa mig tu blugs pa'i le'u
 nyi shu rtsa bzhi pa bshad par bya'o/ /mig 'dzum mi shes te har bag du gyur pa dang/ mig skam bag tu gyur pa dang/ mig gi nang rtsub por gyur pa dang/ mig snang ba dang/ mig rlung dang mkhris pa'i nad du gyur ba dang/ mig zhum bag tu gyur pa dang/ mig gi rdzi ma
 byi ba dang/ mig rab rib khyer te sngon mar du mthong ba dang/ mig legs par 'byed mi nus pa dang/ mig gi rtsa rnams brtse ba dang/ mig mi mthong ba dang/ mig gi sprin khrag gis rgyas te/ mar por gyur pa dang/ mig rdzi por can mchi ma rab tu mang ba dang/
 rdzi bor gyi dkye la skyes pa las kha zas mi 'phrod pa dang/ gnod pa'i bag bsten pa las glad pa na zhing mig gi phyed dang/ mgo ba'i phyed na te dkrugs pa snyam byed pa dang/ mig ling tog byung bas rlung nad du gyur pa dang/ rlung nad kun du 'gro ba'i nad dang/
 mig ling tog byung ba dang/ 'di lta bu'i mig nad kyis btab pa rnams la mig nad dmar por gyur pa dang/ mig rdzi bor na te mchi ma 'dzag pa dang mig na zhing mig sgor rdul ma chags pa cung zad rtse zhil na/ de la dpyad du bya ba ni sngar bkrus sman dang skyugs
 sna nas btang ste/ mgul pa yan chad stong kyi nad bkrus te bsal la/ rlung nad kyi dus dbyar zla tha chung lta bu'i 'o/ /ston zla 'bring po la mkhris pa'i nad ltar? pa'i dus dang bad kan ldang ba'i dus dpyi zla 'bring po'i ngol thob ste dus 'di dag gi tshe so so'i nad
 dmigs kyi tshul dang sbyar ba de'i tshe gan rkyal du nyal te nas sran ma sha btags te sbrus ba'i chang bus mig gis mdza' mar skor la 'bad sor gnyis tsam du mthob bstan por byas na mig nad rlung ngam ma bris pa 'am/ bad kan ci las gyur pa'i dmigs par
 sbyar te sman mar btsos la sman mar de lta bus mig gi nang du blugs la khong zhig/ mig tu mar blugs pa de ni me la mi sro? chu tshan pos sros shig /yang mtshan mo mig gis mi mthong ba dang/ rlung nad las gyur te mig rab rib khyer ba dang snang mi gsang ste
 ga? dga' ba 'di lta bu la ni nang gi lto tshil las sbyar ba'i sman gong ma'i sman mar btang ba dang 'dra bar mig gi rdze ma man chad nub par bkang la/ de nas mig bskyod cing dbye ba dang gzums pa yang byas la se gol gyi grangs bgrang zhing tshod bzung zhig /tshad gzung
 ba'i dmigs ni mig mchu'i pags pa na ba la ni grangs brgya'i bar du zhog cig/ mig 'gram gnyis nan grangs sum brgya'i bar du bzhag go /mig sprin la nad yod na grangs lnga brgya'i bar du zhog cig/ mig gi 'bras bu nag po la nad long na grangs bdun brgya'i bar du bzhag go
 mig gi 'bras bu nag po'i nang gi 'bras bu nag gu mthong bar byed pa la nad yod na grangs brgyad brgya'i bar du zhog cig /mig gi phyed dang klad pa'i gzhogs phyed bkrug pa snyam du byed cing na ba la grangs stong gi bar du bzhag go/ rlung nad las gyur pa'i mig nad la
 grangs stong gi bar du bzhag go/ mkhris pa las gyur pa'i mig nad la grangs drug brgyar bzhag go /na ba med cing nyams tha mal pa zhig la sman blugs na yang grangs drug brgyar bzhag go/ bad kan las gyur ba'i mig nad la grangs lnga brgyar bzhag go /de nas so so'i
 grangs tshang ba dang/ ldan pa byo ste mig 'gram logs su bzung ste sman mar de gzag cing snod kyis bzed do/ /de'i rjes la sman gyi dung pa spu gu nas khar rdubs shig /sman de ltar btang nas nam mkha' la mi blta/ gzugs 'od can lhad lhad po la ltar mi rung ngo//
 rlung nad las gyur pa'i nad lta bu ni cho ga'i tshul 'di 'dra bar nyin gcig bzhin gyis shig mkhris pa las gyur pa'i mig nang la ni sman nyin cig blugs la nyin gcig mi blug par bar du gcod do/ /bad kan las gyur pa'i mig nad dang mig na ba med de/ nyams
 tha mal pa la gtong ba dang 'dra ste/ sman nyin gcig btang ba de phan chad nyi ma gnyis kyi bar du bcad de/ mig btang bar byas la nyi ma bzhi lon pa dang yang btang bar sbyar ro/ /mig tu mig sman blugs shing btang ba lan grangs su btang na chog pa'i
 tshad ni mig gis gsal bar mthong zhing rtags nus la mig na ba med cing mig gi nad skyon gyi dri med cing gsal ba/ mig yang bar nam gyur gyi bar du sman btang ba de ltar gyur pa'i tshe sman btang mi dgos te chog pa'i tshad yin no/ /de ltar ma byung gyi bar du
 ni sman btang bas mi chog par blta'o/ /mig tu sman btang zhing blugs pa ha cang drags na ni bad kan gyi mig nang du 'gyur ro/ /de ltar mig tu blugs te btang ba de yang dper na mar 'thungs na lus snyoms shing lci ba de dang 'dra ste/ mig de yang cung zhig mi
 gsal bar 'gyur ro/ /de ltar mig na ba la sman mar blugs te mig tu gdab par bya ba'i cho ga byas pa'i rjes la mig gis mthong bar bya ba'i cho ga bya dgos te/ gong du smes pa'i mig nad mig gi grwa dang/ mig gi sprin la sogs pa rnam pa lnga lta bu la/ sman
 gyis chus ma btsos pa'i thigs pa btsor te mig tu blugs par bya'o/ /de yang rnam pa gsum ste/ de la rlung nad las gyur pa'i mig nad la ni mang lta bu snun bag la sman bcos pa'i khu ba ther zhig/ rlung dang bad kan du bcas pa'i mig nad la ni sman tsha zhing
 rna ba las sbyar bas mig nad srab cing sbyang ba byas na phan no/ /mig mthong ba'i mthu chungs pa dang/ mig la rlung nad dang mkhris pa'i nad yod pa dang/ khrag nad kyis mig dmar por gyur pa dang/ mig na ba med pa'i nyams tha mal ba dang 'di rnams 'dra ste
 mig rna zhing gsal bar bya ba'i cho ga bya'o/ /de la smig sman snum bag las sbyar ba ni khung dang phug na nyal ba sbrul dang gcan zan rnams dang/ khyi la sogs pa dang/ bya khra rnams dang/ yul ser che ba'i tshil dang/ rgang drang lto chil dang/ sha rnams ni snum
 bag tu sbyar ba'i sman yin te/ 'o ma dang sbyar ba la sman dzi ba ni'i sngar gtogs pa'i sna bcu yang brdungs btags la 'di rnams dang lhan cig sbyar te e raN+Ta'i lo ma 'am shing bti'i 'dab ma 'am pad+ma'i mjam pos bkris shing 'byin ba bskus te/ shing
 de ba dang/ lci ba'i mes bsregs la de'i khu ba bcir ba'i thigs pa dro 'jam mig tu blugs shing dgang ba ni gong du mig blta ba'i sman btang ba dang 'dra ste thur ma'i thigs pa blug pa la grangs nyis brgya 'am sum brgya'i bar du sdod cig /'di ni snum
 bag phur ma'i sman dpyad yin no/ /mig nad dang/ srab cing sbyang pa'i dpyad ni ri dags dang/ bya'i mcher pa dang sha dang nor bu mu tig dang/ lcags dang zangs kyi phye ma dang/ rgyam tsha dang/ lig bu mig dang/ dung dang rgya mtsho'i dbu ba dang/ bab la dang/ 'di rnams
 btags te zho ga chu dang sbyar la gong ma bzhin du phur mar byas te btsos pa'i khu ba bcir te mig tu blugs na mig nad kyi skyon sub cing 'byang bar 'gyur ro/ /mig rno zhing gsal bar bya ba'i dpyad ni/ ri dags dang bya'i mcher ba dang/ rkang dang/ lto chil dang/ rgyu
 ma dang snying dang/ sha dang 'di rnams dang/ sman mngar bag dang mar dang/ bud med kyi nu zhe dang sbyar te/ btags la gong ma bzhin du byug pa byas te dkris la bcings te 'jim pas g.yogs nas kham phor kha sbyar gyi nang du bcug ste/ kham phor gyi phyi rol
 tshos ba'i tshad du bsregs la tshos pa dang 'byin ba dang phyir shun por la sman gyi khu ba bcir te dro 'jam tsam mig tu blugs la ji tsam du bsdad pa'i yun kyang se gol gyi grangs snga ma bzhin du gzung ngo/ /phur ma bsregs pa'i dpyad de lta bu gang
 'byor kyang rung ste sha dang sman lta bu sna re yang srang re'i thang du sbyar bar bya'o/ /mig nad kyi skyon byang zhing bsrab par bya ba dang/ rlung nad las gyur pa'i mig nad la snum bag gi sman mig tu blugs ba ni sngar 'jam tsam du byas te blugs la phyi nas
 bsil bar blugs so/ /sman de nyid btang rjes la dud pa sbu gu nas brdub bar gyis shig /mig rno zhing bsal bar bya ba la ni dud pa brdub mi dgos so/ /mig blta ba'i sman dpyad gong du bshad pa dang 'dra bar 'dir yang mig mthong ba'i
 stobs bskyed ba'i cho ga mi lta ba dang/ phur ma bsreg cing bco ba'i dpyad bya ba yang de dang 'dra'o/ /sman sna nas btang du mi rung ba la mig blta ba dang phur ma bsregs pa'i dpyad kyang byar mi rung ngo/ /da lta mig sman 'di lta bu btang ba'i cha sman zhag grangs su btang ba
 de las kha zas bsdams pa'i cho ga'i grangs kyang nyis 'gyur du bskyed de bsdams shig /mig sman de lta bu btang ba'i tshe me tog dri zhim bo dang/ spos dri zhim po nyin mtshan du lus dang mgul du thogs shig de lta bas na mig mthong ba 'di snyams te ma rung bar gyur na dngos po sna
 tshogs dang/ sems can rnams mun pa dang/ 'dra bar tshul gcig tu gyur nas mthong ba med kyis de'i phyir mig gi mthu bskyed pa'i sbyad sna nas gtang ba dang/ sman gyis mig bsku ba dang/ sman mar gyis mig tu blugs te blta bar bya ba la sogs pa'i dpyad
 la nan tan dang/ brtson 'grus cher gyis shig /mig blta ba'i cho ga zhun mar mig tu blugs pa dang/ sman gyi thun po bsreg cing bcos pa'i khu ba'i thigs pa mig tu blugs pa la sogs pa'i cho ga'i le'u nyi shu rtsa bzhi pa'o// //gzhang
 'brum khrag tshad la thal sman rnon bo btang ba'i dpyad dang mtshan bar rdol la sman btang ba'i dpyad dang khong du mtshon lus ba la sogs pa drang pa'i dpyad kyi cho ga bshad pa'i le'u nyi shu lnga pa bshad par bya'o// //dpyad rnam pa sna tshogs bshad
 par bya ste/ nad dmigs pa sna tshogs kyi theg tu bab par nang du btang la nan 'dren par byed pa'i thabs de ni dpyad ces bya ste/ de la yang gzhang 'brum gyi nad dang mtshan ma rdol ba la sogs pa'i nad la thal rnon po me dang 'dra ba btang ba'i tshe nad dmigs
 brtag cing dpyad dang sman btang ba'i dpyad rnams dang/ sman btang ba de lus kyi sha gzhan la mi gnod pa'i dpyad dang/ rkyal bu nad sman mas btang ba'i cha byed dang/ bum bu dang/ bsku ba dang/ rwa dang 'jam pa po la sogs pa'i cha byad kyi tshul rnam pa dum sna tshogs
 blos rnam par brtags te mdo tsam du bstan te/ cha byad de rnams kyi rtse mo bya dang seng ge dang dom dang bya rog dang ri dags la sogs pa'i kha mtshul 'dra bar cha byad brdung zhing byas la ming yang de rnams la dgab so/ /dpyad ni phal cher lcags las brdungs te srid
 sor bco brgyad yod pa la sogs pa bya'o/ /cha byad de rnams kyang skam pa lta bu byas la gnyis kyi mgul pa'i sprel mtshams kyis gzer bu sran chung gi dbyibs dang tshad tsam gdab ste/ skam pa'i rtsa ba gnyis ni lcags kyu ltar yang dgug par bya ste/ de'i ming
 ni bde legs kyi cha byad zhes bya ste/ dpyad des ni rus pa la zug rngu brtan par zug pa de 'byin pa la sbyar ro/ /yang skam pa gong ma dang 'dra ba gnyis byas la gcig ni lhag ma ltar lcags kyi gzer bus gdab/ gcig gi gzer ni rtsig pa'i gzungs gdab ste/ de ni
 rtse mo bskul bar bde ba'i phyir yin no/ /de gnyis kyi srid du sor bcu drug bya ste des ni pags pa dang/ rtsa dang rgyus pa dang sha las zug rngu zug pa la dpyad do/ /yang skam pa srid du sor bcu drug pa byas la rtse mo rta sbrul gyi mgo 'dra ba byas pa 'gyed cing gzhun du rung
 bar byas te/ des ni zug rngu phra mo dang mig la zu rdu phra m zug pa dang/ rdzi ma ma rungs pa 'byin pa la dpyad do/ /yang skam pa rtsa ba gdu bu lta bu zlum po la rtse mo shin tu phra bar byas pa de ni dpyad mi rtsi tri zhes bya ste/ des ni sha'i nang du mtshon gting zug ba dang/ mig ? skyes pa 'byin
 pa la sbyar ro/ /yang nyis kha lta bu cha byad gnyis bya ste/ de yang bya'o/ /lhag ma ni gzhang 'brum gyi cha byad bzhin du bya ste/ des na sna nang gi 'brum bu dang/ thor bu bcad pa la sbyar ro/ /sman pa nad pa'i kha dang lkog ma'i nang du dpyad pa na sman pa'i mdzub mo sa 'am shing
 las nang sbugs su byas te/ de yang dbyibs pa'i nu sor 'dra ba sor bzhi bar byas te/ bu ga gnyis pa byas la sman pa'i mdzub mo bcug ste/ gnan du byas la de nas skud pa gnyis kyis btags te 'khrig ma la brjod cing bcing ngo/ /mo mtshan gyi
 nang gi nad brtag pa'i cha byad thur me bzhi srid du sor bcu drug pa byas ta/ gdu bu ran pa zhig kyang byas la de'i phyogs bzhi nas thur ma'i dkyil dam du bcings na/ rtse mo pad+ma kha 'dzum ba ltar 'gyur te 'dzum phyogs te mo mtshan gyi nang du bcug ste nang du phyin ba dang/ thur
 ma'i rtsa ba bzhi po phyi rol na yod pa lag pas bsdams te bcangs na nang gi rtse mo kha gyed par gyur te cha byad de ni mo mtshan gyi nad blta ba la sbyar ro/ /yang cha byad 'jam rtsi sbu grwa'i dbyibs 'dra ba srid du sor drug par byas la rtse mo'i bu ga ni sun ma shod ba tsam bya/
 rtsa ba lgang pa'i phyogs kyi bu ga ni mthe 'ong shod ba tsam du bya ste/ pags pa 'jam po'i nang du sman khu ba dang bkru ba'i chu dang snum dang bcas pa bcug ste/ gag par rtsa bar bcings la 'jam rtsi bab? su btang ba de ni rna bug 'chos shing 'khyams pa dang/ rma dag pa'i phyir
 bkru ba la sogs pa'i cha byad du sbyar ro/ /yang cha byad 'o ma la sogs pa'i sbu gu 'am/ rma bya la sogs pa'i sgro rtsa'i sbu gu gong ma gnyis ka nas kha yod pa 'di ni dmu chu dbyung zhing zag pa'i ched du dpyad do/ /yang du brdub pa dang/ mas btang ba la sogs pa'i cha byad rnams
 ni rang rang gi nang gso ba las bltos shig /de las rngabs ru ni dma' la gdab phyogs kyi kha'i nang ni sor gsum la srid du sor bcu 'am brgyad yod pa/ gzhib pa'i bu ga ni yungs kar gyi 'bru shod ba tsam byas te/ bu ga de'i phyi khyon ni nu sor gyi tshad tsam du byas te/ ra'i
 phyi rol nas pags pa srab mos legs par g.yog par bya ste/ de ni rngabs ru'i? tshud bstan pa'o/ /de la cha dpyad bsku ba ni srid du sor bcu gnyis la khyud 'khor du ni sor bco brgyad pa la de'i kha ni zlam po zheng du sor gsum 'am/ bzhi ba byas te de'i nang du rtswa ku
 sha 'am ras bal lam /gro ga gang yang rung ba bsregs pa'i dud bas bkad la du bas gang ma thag tu dbyung long med par yan lag gang na bar kha sbub ste/ du ba dang bcas par bzhag na bad kan dang khrag nad mang du 'dren par byed de/ /de bzhin du bum pa yang srid du sor bcu
 yod par byas ba de ni nya mgo lta bu'i cha byad zhes bya ste/ 'di rna ba'i nang du mtshon zug ba dbyung bar dpyad do/ /de la spu bu'i cha byad ni nang khong stong bu gu can rtse mo gcig gam yang na du mar byas te/ ji srid tsam par khyung 'khor bar yang de tsam du byas te/ de ni bu ga rnams kyi nad
 nang du zug rngu zug cing zhugs pa dang/ nang na nad yod pa rnams blta zhing nad na yod pa'i mtshon dang me dang thab sman gyi las rnams kyang cha byad 'di 'dod pa yin no/ /des ni bu ga'i 'dzag pa 'gags pa la yang sbyar ro/ /yang cha byad srid du sor bcu ba'i thur ma bzhi byas la yu
 ba gcig par byas te/ rtse mo bzhi la gdu bu lta bus spyi mdud du byas te/ zher du khyud par sor lngas 'khor bar byas ba ni kha lnga ba zhes bya ste/ cha byad de ni gre ba dang mgrin pa'i zug rngu tsher ma dang gra mal sogs pa'i zug rngu blta ba dang 'byin pa la sbyar ro/ /cha dpyad srid dang
 zheng gi tshad gong ma nad mnyam pa la 'dir thur ma gnyis pa rtse mo gdu bus bskor ba dbyibs gong ma dang 'dra bar byas te/ 'dis kyang mgrin pa'i zug rngu rus tshal la sogs pa blta bar bya'o/ /de bzhin du cha byad kha cig ba 'am kha mang du rung ste/ nang stong pa sbubs can byas
 bas mgul ba'i zug rngu blta bar bya'o/ /yang cha byad rtse mo pad+ma'i snying po 'dra ba'i srid sor bcu gnyis yod par byas la/ rtse mo phyogs bzhi cha khong stong du byas ba des ni rdu mi 'gul ba de la phul zhing 'byin pa yin no/ /gzhan yang cha byad rgun 'bya 'gro rtan zhes bya ba'i
 dbyibs 'dra ba srid du sor bzhi zheng du khyud pa sor lnga ba bya'o/ /bud med la ni khyud pa sor drug pa byas te/ de gnyis kyang nang khong stong sbubs can la sbu du gnyis pa bya'o/ /des ni gzhang 'brum gyi nad blta bar bya'o/ /yang cha byad sphu bas can srid du sor gsum pa nang gi
 sbubs stong bas mthe bong shong tsam byas te/ de yang nang du bcug pa'i rtse mo sor phyed dang phyir lu ba'i rgyus sor phyed pa'i pad+ma'i snying po lta bu'o/ /cha byad nad khong stong la g.yas g.yon nas bu ga med par khar dkrol lta bur byas bas ni gzhang 'brum mnan
 cing btsir ba la sbyar ro/ /mtshan mar rdol pa'i nad ni pad+ma'i snying po lta bu'i nang rma'i than 'khor dang steng du rma'i bu ga mang du byung ba la ni rnam pa thams cad du khar dkrol lta bu'i cha byad kyis dbyung zhing zhi bar bya ba ma gtogs pa gzhan gyis ni mi nus so/ /yang cha byad sbubs can
 bu ga gcig pa srid du sor gnyis zheng khyud par mdzub mo'i tshad tsam gnyis pa zheng du 'khor bar sor bco brgyad pa kha zlum po sor gsum 'am sor bzhir byas te/ gong ma'i ras bal la sogs pa'i dus bas bkad la gar na bar glan na phan yon gong ma'i steng du skran 'ju bar byed do//
 mtshon gyi las kyi cha byad sna tshogs pa'i tshul de yang tshang ji ltar rigs pa bzhin du brjod par bya'o/ /de la cha byad de rnams la rma tshol ni gnyis bya ste/ de yang srin bu gan rgya ba de'i dbyibs lta bur bya'o/ /yang cha byad sran ma chung ngu'i lo ma lta bu'i so yod pa gnyis
 bya ste de yang gcig gi srid ni sor brgyad par bya/ /cig shos ni sor dgu par bya ste/ 'dis ni bu ga'i nang du zug rngu zug pa gzung zhing bsal bar bya'o/ /de la yang dbye ba rnam pa drug ste phur ma lta bu'i cha byad srid du sor bcu drug pa dang/ sor bcu gnyis pa dang/
 gnyis bya'o/ /sprul gyi kha lta bu thal sman btang ba'i cha byad srid du sor bcu gnyis pa dang sor bcu pa gnyis bya'o/ /yang mnga' ltong? 'dra ba'i cha byad gnyis bya ste/ gcig gi srid sor bcu gnyis pa dang/ gcig gi srid sor bcu bar bya ste/ cha byad de gnyis kyis ni zug
 rngu bskul zhing bskyod bar bya'o/ /yang cha byad phur ba gnyis bya ste/ de yang rtse mo lcags kyu gug byas pa des ni zug rngu drang zhing 'byin pa la sbyar ro/ /yang phur bu srid du sor brgyad ba rtse mo gug pa de ni mngal gyi cha byad kyi phur bu zhes bya ste/ des ni bum dal nang du shi
 ba drang zhing 'byin par byed do/ /yang cha byad sprul gyi mgo bo gdengs pa bzhin du rtse mo gug par byas ba 'dis ni rde'u 'byin par byed do/ /yang cha byad mnga' ltor lta bu'i so spom zhi ba rtse mo zlum pa sring sor bzhi pa byas pa des ni so drang zhing dbyung bar bya'o/ /yang cha byad drug
 byas pa de'i rtse mo kun ras bal gyis dkris te las kyang srid du sor bzhi dang bcu gnyis par byas pa 'jam pa gnyis kyis ni gzhang gi nang du nad nye ring gang na yod kyang rung ste/ thal sman dang snags pa la sbyar zhing bsal ba'i las bya'o/ /yang srid du sor drug pa
 dang/ bdun par byas pa gnyis kyis sna'i nang du snags pa dang thal sman gyi las dang/ sbyar ba la sbyar ro/ /yang cha byad srid du sor brgyad pa dang/ sor dgu pa gnyis kyis ni rna ba'i nad snags pa dang/ thal sman gyi las dang/ sbyar ba la sbyar ro/ /yang cha byad a shwa t+tha'i lo
 ma'i rtse mo lta bu 'am blugs gzar gyi kha lta bu'i cha byad des ni rna spabs dang/ dri ma spyang zhing bsal ba la sbyar ro/ /yang cha byad sor re ba gsum bya ste/ des ni rma'i? than 'khor 'dzam bu ltar dmar ba la btsag pa dang/ thal? sman dang/ me'i las re re la sbyar ro/ /yang cha byad
 khar ba lta bu'i dbyibs la rtse mo dang dbus zlum po rtsa ba phyed pa ltar byas pa des ni mig gi mdzer dang/ rgyu ma spom po dang phra mo la rma byung ba la sbyar ro/ /rgya shug gi tshig bu phyed bkas lta bu la so dang bcas pa'i cha byad kyis ni sna'i thor bu dang 'brum bu bcad bar bya'o
 yang cha byad srid du sor brgyad pa/ rgyab sgur zhing sor cung zad gug pa gsum byas te/ de'i so yang mthe'u chung dang gud mo'i sen mo lta bu'i so byas pa des ni thal sman dang/ sman gyi byug ba dang/ bsku ba la sogs pa la sbyar ro/ /pho mtshan dang mig sman la sogs pa'i cha  
 byad ni rang rang gi le'u las bstan pa yin no/ /de la nye ba'i cha byad ces bya ba rdo khab len dang/ rtswa muny+dza la sogs pa'i thigs ba dang/ ras dang rdo dang tho ba dang pags ba dang srog chags kyi rgyu ma dang lce dang rta rnga dang shing gi yal ga dang/ sen mo dang/ so dang/ nye ba'i dpyad
 de dag gas kyang/ phyi nang dang/ smin ma smin dang dus dang/ yud tsam la sogs pa'i nye ring dang/ snying stobs dang ldan ba'i nang pa dag la thabs kyi bye brag dang/ sbyor ba la mkhas pa'i sman bas nad kyi bye brag la ji ltar 'os
 shing rigs par sbyar zhing dpyad bya'o/ /cha byad kyi las kyang brdung ba dang/ bsrub pa dang dgang ba dang/ rgyun srang ngag bar bya ba dang thal sman la sogs pa dang/ mtshon dbyung ba dang/ bcing ba dang/ btsir ba dang/ gzhib pa dang/ smad pa dang/ bstod ba dang/ rma btsal ba dang/
 drang por bya ba dang/ de dag gi gong du bstan pa'i cha byad kyi las mdor bsdus pa yin no/ /bya gang+ga'i mchu lta bu'i cha byad ni cha byad thams cad kyi nang na gtso bo yin te/ yan lag dang lus dang/ gnas gang du yang nad med cing 'jug bar byed pa dang/ legs
 bar zug rngu 'byin cing 'dzin par byed pa yin no/ /gzhang 'brum khrag tshad las thal sman rnon po btang ba'i dpyad dang/ mtshan par rdol pa la sman btang ba'i dpyad dang/ khong du mtshon lus pa la sogs pa'i drang ba'i dpyad kyi cho ga'i le'u nyi shu lnga pa rdzogs
 so// //gtar dpyad rnam pa sna tshogs bshad pa'i le'u nyi shu rtsa drug pa bshad par bya'o/ /gtar dpyad ni nyi shu rtsa drug yod de/ mgar ba mkhas pas dpyad bzhin du brdungs la/ rno khyad ni bu chod pa/ gtar dpyad kyi tshad ni phal cher sor drug
 ba sha stag byas la/ tshul legs shing dar gdags legs pa yu ba gzung bde ba de lta bur bya'o/ /so la mtho dman gyi ya yo med cing lcags khong du mkhregs shing thar legs pa rab tu rno bar byas pa mdog 'jam khyad me tog utpa la
 dang 'dra ba de dag gi ming yang ming nyid dang 'dra bar cha byad kyi tshul gzugs de dang 'dra bar bya'o/ /gtar dpyad sna tshogs kyi yu ba ma gtogs par 'bras kyi tshad ni sor phyed dang bzhi par bya'o/ /gtar dpyad kyi 'bras kyi tshad phal cher sor gnyis pa dang
 sor gsum par bya'o/ /de dag gi so so'i dbyibs kyi bye brag ni rtse mo'i dbyibs dkyil 'khor 'dra la so ni 'dzub mo'i sen mo'i kha'i dbyibs 'dra bar bya'o/ /'dis ni bzhar cing gcod par byed de/ mig gi mchu'i sha dang/ rnyil skyes pa dang/ rnyil skrangs pa
 dang/ kha dang gre bar sha lhag skyes pa dang/ lce'u chung bcad ba dang/ sha lhag dang sha sman bzhar ba'o/ /'phel btsags zhes bya ba'i dbyibs ni spu gri 'dra ste/ des ni gcod pa dang dral ba dang btol bar bya'o/ /btsags rtse drang po zhes bya ba ni 'or nad dang
 skrangs pa la gdab bo/ /skrangs pa'i rngams stug na ni btsags bu de las gzhan du bsgyur ro/ /btsags bu rtse gug ces bya ba lhag pa ni ring/ so ni thung ste nad ni tshul ci 'dra las bya'o/ /btsags bu dbyibs me tog utpa la 'dra ba/ so'i srid la sor gnyis
 yod pa 'dis dral ba dang bcad bar bya'o/ /btsags bu kha sbrag sprul gyi kha ltar 'dug pa/ so nyi tshe las sor gnyis 'dug pa 'di ni/ sna dang rna ba la thar bu byung ba dang/ gzhang 'brum bcad pa'o/ /nad dmigs btsal ba'i cha byad rta bla ba'i mgo ba 'dra bar
 byas pa des ni bcal cing dral ba'i snga rol du brtag par bya'o/ /gzhan yang khab rtse zhes bya ba zhig yod pa/ yu ba dug ste thags gzungs btags la 'dis ni dral bar bya'o/ /star bu'i lo ma 'dra ba'i btsags bus ni dbug par bya'o/ /khrag gzag bar bya
 ba mda'i bu ga'i kha 'dra ba gsum du byas ba dang/ 'jag ma ku sha dang/ rtswa a Ta'i rtse mo 'dra bar byas pa 'bras gnyis ka la sor gnyis yod pa ni pho mtshan gyi nad la gdab bo/ /btsags bu'i 'bras zla ba kham pa 'dra bar byas ba so nang du ltar/
 btsags bu'i nang gi 'bras kyi so la sor phyed yod pa 'dis ni rna ba na ba dbug pa dang/ 'or du skrangs pa smin pa dang/ ma smin pa gnyis ka la/ gdab par bya'o/ /rtsa dang lto ba la bdag pa'i btsags bu'i dbyibs rtse 'bras 'dra ba/ mo'i? 'bras la
 sor phyed dang gnyis yod pa des gdab bo/ /'phral rtsa rus pa'i steng na sbom po snang ba la gdab pa'i btsags bu sta re ba lang gi 'dun so 'dra bar byas pa des yu ba gyen du stan la/ 'phral rtsar ba ma tol gyis gdab bo/ /mo mtshan ma
 rungs par gyur ba la zangs ma'i thur ma ya thog ma thog gi thor to'i dbyibs me tog kha 'bus pa 'dra bar byas ba des/ pho mtshan gyi bu ga nas gsul te bsal lo/ /lce khyi ba skrangs te na ba la mtshon rgya 'dra ba'i tha ma lhag par phyir byung bar byas la/ sor
 phyed yod pa rtse mo'i khor yug dkyil 'kho 'dra ba 'am/ yang na zhal zhal 'dra ba'i lcags bu 'dra bar byas pas/ lce khyi ba'i thor to la rma byung ngam/ yang na bkas te/ khrag dbyung ngo/ /gre ba dang mgul ba skrangs pa dang/ 'brum bu byung ba la mgul rgya yu ba can du
 byas te srang bus btags te 'dzub mo'i thor to la btags pa dril lo/ /lce khyi ba skrangs pa dang/ kha'i nang du sha lhag gam thor bu chen po byung ba gzung zhing bcad ba'i lcags kyo rab tu gug par byas la drang zhing bcad do/ /rus pa lhag pa bcad ba'i sog le
 srid sor bcu zheng sor gnyis/ sog le'i sor rab tu phra ba las yu ba dam bor byas la des rus pa bcad do/ /rma dang chu ba dang rgyus pa bcad pa dang/ skra breg pa'i chan pa bya'o/ /chan pa 'dra ba yon po so drang ba so gnyis par 'dod pa'i sen mo breg pa mtshon
 srid sor dgu par byas la des ni shing gi tshal pa zug pa dbyung ba dang/ bcad pa dang/ gzal ba dang/ drung pa dag bya'o/ /phyi zhing bdar ba'i dpyang gru bzhi la so ya cig bstod la kha zlum por byas pa de ni so phyi zhing 'dar ba dang/ so'i dreg pa phyi bar bya'o/
 khab kyi srid sor gsum pa la mgo/ zlum po mig gi zabs cher btod pa kha srab par byas pa de lta bu gsum dgos te mi sha chen po'i sar ni mgo zur gsum pa srid sor gsum yod par bya'o/ /sha chung ba dang/ rus pa dang tshigs kyi bar na rma? bo? de
 rnams la srid sor gnyis par bya'o/ /pho ba dang long ka'i gnas kyi phyi'i pags pa rdol na 'drub pa'i khab rtse nas kyi dbyibs 'dra ba gzhu 'dra ba'i dbyibs dgu'o/ /srid sor phyed dang gsum par byas pa de grub bo/ /brtsan sngon po 'am/ smug po lta bu
 'am lag pa bur te bskyong mi nus pa dang/ ska 'byi ba 'di lta bu la khab bdun nam brgyad kun kyang zlum por byas pa srid la sor bzhi yong pa gcig pu spams te khri'u la rtsa ba btsugs la des btsag cing zhal zhal byas te khrag nad dbyung ngo/ /khab brgyad kyi so
 zlum po sor phyed par byas la/ spams te sna'i bu gar bcug la lag pas btsub ste sna'i khrag dbyung ngo/ /rna ba shal dbug pa'i sgyur bu'i rtse mo zlum po me tog yu ti ka dang/ mu khu la kha 'bus ba 'dra ba sor phyed par byas pa des rna ba'i drung dbug go /smyung ba de'i
 zhabs sor bzhi pa bya'o/ /rma gring ba gsar rnying gi bag btsal ba yang 'di las bya'o/ /rma drung gi sha stag po la dbug pa'i smyung bu'i rtse mo kha sbom la sum cha spu ba yong par byas te/ srid sor gsum pa des rna ba phug cig /gzhan yang gtar? dpyad kyi
 mtshon mtshon ma yin pa srin bu dza lu ka zhes bya ba chu nang na gnas pa dang/ thal sman rnon po gshar dang/ me 'tsab gdab pa dang/ me shel 'ching bu'i dum bu dang/ nor bu kun piN+ta dang/ rgya mtsho'i lbu ba dang/ rdo ba dang/ lci ba skam po dang/ sen mo gdab
 pa 'di rnams ni/ gtar kas gdab pa'i btsags bu 'dra ste/ nad kyi dmigs dang sbyor la gyis shig /gzhan yang 'khrul 'khor gyi cha byad mkho bas nad thabs kyi dmigs dang sbyor ba byed pas 'dren cing 'byin pa dang/ dral ba dang/ drub pa dang/ na dmigs
 tshol bar byed pa dang/ phyi zhing dmigs bya ba dang/ zhal zhal gdab pa dang/ 'tshag? pa dang/ bcad pa dang/ gsheg pa dang/ dbug pa dang/ gtsub pa dang/ skam bus bzung ba dang/ me btsas gdab pa'i thabs bya'o/ /gzhan yang gtar dpyad kyis mtshon
 bcad pa dang/ dral ba dang/ phyi ba dang bya ba thor to'i 'bras dang/ rtsa ba'i bar du mdzub mo dang/ gud mo dang/ mthe bong gsum gyis legs par gzung la bcad pa dang dral ba la sogs pa bya'o/ /khrag dbyung ba'i btsag bu'i rtse mo'i
 so 'bras 'dra ba de/ rtse mo'i drung du mdzub mo dang gud mo dang mthe bong gsum gyis gzung la/ yu ba chang ba'i nang du bcug ste/ gtar zhing khrag dbyung ngo/ /gtar zhing dbyung ba zhig yod na/ yu ba nas bzung la gdab po/ /gtar dpyad sna tshogs kyi snod ne
 gso ras sam bal gyi snam bu 'am men dri 'am/ du ku la 'am/ pags pa 'jam pa rab tu stug por byas pa zhes sor dgu bcu gnyis yod pa/ nad snam bus bar tshang can du byas pa'i bar du btsags dpyad kha ma snang par bzhag la/ /ba drub
 bsgo? gu can du byas te drub tu rung bar byas la de'i nang du gtar dpyad ba sogs gcig /khrag dbyung sla bar bya ba'i phyir chu'i nad na gnas pa'i srin bu pad+ma zhes bya ba des/ khrag gang du dbyung ba'i sar khrag 'jib du gzhug go /srin bu pad+ma de chung na
 pa'i nang du 'dug gam/ nya dang lhan cig gnas sam/ sbal pa la sogs pa dang/ mi ro dang chu rnyog ma can gyi nang nas byung ba pad+ma'i kha dog dmar po dang dkar po dang/ srin bu rab tu gnag la ro rgod cing sdom pa 'byil ba dang 'ja' tshon ltar
 'dug pa dang/ ro stong tshon sna tshogs su bkra ba dang pad+ma'i lus la spu yod pa de rnams ni dug yod pa yin te bor gcig /gal te de lta bus khrag gzhi bas na g.yan pa dang/ rma kha skrangs te rnag zag pa dang/ rims dang mgo 'khor bar 'gyur ro//  
 de lta bu'i nad kyis btab na dug bsal ba'i sman dpyad dang/ mkhris pa dang khrag nad bsal ba'i dpyad cho ga bya'o/ /srin bu pad gdug pa ma yin pa khrag 'jib du rung ba'i gnas chu mdog gsal ba/ nya lcibs yod pa'i nang nas byung? ba
 mi gdug pa mdog rtsa ba snang ba lus gzugs zlum pa/ pad+ma'i lus kyi stong sngo bkrar 'dug pa rgyab dung mig gi kha dog lta bu la/ lus phra ba/ lto na chung zad tsam ser ba ni rung ngo/ /de yang sngar khrag 'thungs te legs par khrag ma skyugs
 pa dang/ rtag tu khrag 'thung ngu gzhug gzhug ba dang khrag 'thungs drag te myos pa dang de lta bu ni mi rung gis bor cig /srin bu pad+ma gdug pa ma yin pa de lta bu rnyed nas/ yud ba btags pa dang chu sbyar ba 'bras rtsabs kyi nang 'am dar ba'i nang du srin bu pad+ma de dag dbugs
 phyung ste/ de nas gang du na ba'i dmigs der khrag 'jib du gzhug na/ mar ram/ lde gu 'am/ bud med kyi nu zho 'am/ gzhan gyi khrag byung ba'i thigs pas bskus pa de la srin bu pad+ma'i kha glan te khrag 'thung du bcug la khrag 'thungs pa'i tshe na ro stong mtho bar byung na
 khrag legs par 'thungs pa yin gyis steng du ras srab mo zhig gis g.yogs shig /srin bu pad+ma de nas khrag dang khag bzang po 'dres par 'dug pa la dang por nad khrag 'thung bar byed do/ /dper na chu dang 'o ma 'dres pa la dang pa sa 'o ma dang chu phye ste 'o ma 'ba' zhig 'thung
 ba dang 'dra'o/ /srin bu pad+mas khrag 'thungs pa las/ ci tsam na srin bu'i so 'debs pas na 'am g.ya' bar gyur na phyung la srin bu de slang skyug pa byas la rtse myang tsha dang til mar du sbyar la srin bu'i kha bskus te/ 'bras kyi phye ma 'jam pos srin bu'i rgyab tu gtor la
 zhag bdun gyi bar du srin bu de khrag gis myos par ma gyur par gzhag go /de nas srin bu de khrag legs par skyugs nas/ lus phra mo grims pa yang ba snga mkho bzhin grims par bya'o/ /srin bu pad+ma de khrag kyang mang du 'thungs te drags na/ srin bu'i lus lci ste snyoms pa
 'am yang na 'chi bar 'gyur ro/ /srin bu pad+ma skyugs ma legs par gyur na srin bu'i lus reng reng por 'dug la myos par 'gyur ro/ /nad khrag 'thung ngu gzhug pa med pa'i tshe na ni/ bum pa'i nang du chu dangs blugs la/ de'i nang du srin bu blugs ta dus dus bum pa dang chu rjes 
 shig /de ltar byas na srin bu'i kha chu dang srin bu'i rdul bag byang ste phan par 'gyur ro/ /yang nad dmigs kyi nad khrag ngan pa zhig yod pa srin bus khrag 'thungs rma slangs shing btsan can du gyur tam g.ya''am khrag legs par mi 'gyur
 na skyid pa dang bu ram dang/ sbrang rtsi sbyar la rma khar bskus na phan no/ /mar bzhu zhing chab rom gyi thog tu blugs pa de la brgyar byas pa de ni lan brgyar bkrus pa'i mar zhes bya ste/ des rma khar ras ma 'am ye'us byugs la de nas sman bsil ba'i lnga gus thog thag
 tu bskus na chu ser ngan pa phyin la rtsan bor 'dug pa dang na ba med par 'gyur ro/ /srin po pad+mas nang khrag gzhibs pas nad khrag ngan pa khong nas rdubs la phyir la phyin te rma kha na 'dug pa zhag lon pa dang rnag par gyur na de la yang srin bu pad+ma de nad khrag dang nad
 phyir yang 'ji ba du chu gcig /khrag dang mkhris pa rgyas pa'i nad la rkal zhal byas te sgron ma dang sku'i bum par sbyar te/ khrag 'dren pa'i nad la na bar 'gyur gyi mi rung ngo/ /bad kan dang rlung nad las gyur pa'i nad la ni phan te rung ngo/ /bad kan las nad du gyur pa'i
 nad khrag rdabs rus gzhibs na khrag rdubs par 'gyur bas gzhib tu mi rung ngo/ /rlung mkhris las nang du gyur pa nad khrag ni rdabs rus gzhebs phan no/ /zhal zhal bya ba'i thabs ni zhal zhal gang bya ba'i gong du srad buAm dar ram ras kyis dam par mnyam
 por bcings la/ chub dang/ tshigs rus pa dang gnad rnams ni dbab khar zhal zhal gdab bo/ /zhal zhal gdab ba'i thabs ni thur du drang por shar shar por thob cis zhal zhal bya ba'i sa ni nad dmigs gar 'drus pa'i thog tu gdab go /nad khrag rtsam dud can du
 smad na srin bu brnyas khrag dbyung ngo/ /dgon la mar las bem bem por gyur na rdabs rus thob cig /khrag nad lus kun du mched de khyab na rtsar btab te drod /khrag nad 'dus pas zhal zhal gdab bo/ /nad khrag sha'i phyi'i pags pa'i bar na 'dug pa ma yin pa
 na sha'i khong na yod pa'i nad khrag ni srin bu pad+mas dbyung ngo/ /nad khrag pags pa la gnas pa ni bsku ba dang/ rje'u dang/ rdabs rus dbyung ngo/ /khrag nad kyi lus kun du khyab pa la ni rtsar btab ste drang ngo/ /rlung nad las gyur pa'i nad khrag drang ba ni rdabs ru bzang ngo/
 bad kan las gyur pa'i nad khrag la ni bsku bar bya'o/ /de rnams gtar ga 'am zhal zhal gdab pa'i rma khar smin bsil bas bsku ba las rlung nad du gyur pa ste/ rma kha na zhing g.ya' la skungs na rma khar zhun mar dron pos bskus shig /gtar dpyad rnam pa sna tshogs
 dang gtar ga gdab pa dang zhal zhal la sogs pa gdab pa bshad pa'i le'u ste nyi shu rtsa drug pa'o// //gtar ka gdab pa'i cho ga'i le'u ste nyi shu bdun pa bshad par bya'o/ /de la mi'i khong na nad med pa'i khrag bzang por blta ba ni cung zad mngar
 ba tshwa bro khrag de grang ba yang ma yin la/ khrag de bska ba bsdus pa yang ma yin la khrag gi mdog me tog pad+ma leb rgan gyi kha dog lta bu dang/ srin bu lham bu chu gsher gyi mdog lta bur snang ba/ gser dang lug dang ri bong gi khrag lta bur mdog bzang ba de ni
 nad khrag med de khrag bzang po zhes bya'o/ /khrag 'di 'dra bar bzang por 'dug pa ni lus kyi zungs dang rten yin te lus ni de lta bu la gnas so/ /de ltar lus la khrag bzang por 'dug pa la/ mkhris pa dang bad kan gyi gnod pa'i nang du 'gyur na/ de'i nad dmigs
 ni me dbal dang 'bras dang mtshar pa na ba dang/ skan dang khong ba nad gi drod nyams pa dang/ rims kyis 'debs pa dang/ kha'i nad kha ba dang/ mig na ba dang/ klad pa na ba dang/ mi dran te myos pa dang/ skom dang che ba dang/ kha'i nad lan tsha bro ba dang/ mjo nang dang
 rlung dang/ khrag las byung ba'i dreg nad dang/ mkhris pa dang skegs pa tsha zhing skyur bar 'byung ba dang/ klad pa 'khor ba 'di lta bu'i nad du 'gyur te/ de lta bu la nad dpyad kyi cho ga bsil ba dang/ tsha ba dang/ snum pa dang/ rtsub pa la sogs pa legs par byas te/ rgos
 sla ba 'dra ba las kyang ma phan par gyur na de lta bu'i khrag las nad du gyur pa zhes bya ste/ de ni khrag lud pa yin pas rtsa gtar te khrag drangs na phan no/ /de la yang na gzhon te lo bcu drug ma tshang ba dang/ rgas pa lo bdun cu lon pa la ni gtar ka
 gdab tu mi rung ngo/ /mi nyams chung ste khong na snum med pa dang/ dugs sam lums byas te drags pa dang/ rlung nad can la dugs dang lums byas pa lta bu dang/ bud med sbrum ma dang bu byung ba dang/ /kha zas ma zhu ba lta bu dang/ mrkhis pa dang khrag nad du gyur te thung ngu
 'khru ba dang/ kha sna nas khrag 'ong ba lta bu dang/ dbrugs mi bde ba dang/ lud pas dkar ba dang/ tshang pa drag pos btab btab pa dang dmu rdzing lta bu dang/ rtag tu slon pa dang/ skya sbab kyi nad dang/ 'or nad lus thams cad skrangs pa dang/ mar 'thungs pa dang/ sngar skyugs
 sman nam bkru sman nam/ sman mas btang ngam/ sman sman sa btang ngam/ gtar ka btab pa 'di lta bu byas par gyur pa la gtar ka gdab du mi rung ngo/ /gtar ka gdab pa'i thabs ni dbang bu'i phrag bu rtsa ba btsir ba drag su mi rung ngo/ /dbang bu'i phrag tu rtsa ba brtsir ba yon par gyur pa 'am/ yon por
 gang ba du mi rung ngo/ /rtsa snang bar ma byung ba la gdab du mi rung ngo/ /nad dmigs dang sbyar na mang du gtang ka mi gdab tu mi rung ngam gtogs par ha cang grang lhags che ba'i tshe dang rlung che ba'i tshe dang/ tsha ba'i dus dang nam smugs pa dang/ 'di rnams lta bu'i dus su gtar
 ka gdab tu mi rung ngo/ /klad pa dang mig na ba la ni dpral ba'i rtsa gtar na phan no mig na ba la ni mig 'gram gyi rtsa dang/ mig sgo sna drung gi mtshan na yod pa'i rtsar thob shig rna ba na na ni rna ba'i rgyab bshal ka'i mtshan bur thob cing sna na na sna'i rtse mor thob cig /cham pa
 nan sna'i rtse mo dang dpral ba'i dbyes kyi rtsar thob cig /kha na na lce'i 'og gi rtsa dang/ ma mchu'i nang gi rtsa dang/ ya mgal pa ma mgal gyi rtsa dang/ rkan rtsar gang go /mgul pa yan chad na te mkhur ba'i rtsa mdung yod pa dang/ mgul pa dang rna ba dang mur 'gram dang/ klang pa man
 chad na ba la rtsa mdung dang nad dmigs sbyar te gdab bo/ /smyo byed dang brjed byed kyi nang la brad dang mig 'gram dang dpral ba'i rtsa dang/ 'gram ba'i mtshams su gtar ka thob cig pus kun nab la smin mtshams su byung ba'i rtsar thob cig 'bras nad dang rtsib logs su zug pa la rtsib logs
 dang mtshan khung dang nu ma'i bar gyi rtsar gdab bo/ /rims nad zhag gsum pa la phrag pa'i mtshams su gdab bo/ zhag bzhi pa'i rims nad la ltag pa'i 'og tu gdab po tshad pa gang kun kun 'khru na mjug do'i gong song gnyis tsam du gtar ka thob cig /khu ba'i nad dam po
 mtshan gyi nad la ni pho mtshan gyi rtsal gtar ka gdab po/ /mgul ba na ba 'amlpa ba byung ba dang/ brla na ma brla'i rtsar gdab bo/ /brla'i chu sul du rlung zhugs te 'gro mi shes nas krang zug 'khum pa la pus mo'i lha ngan mar sor bzhi'am lhang nas go 'du sor bzhi
 bcal te gdab bo/ /byin pa na ba la byin pa'i nya 'bur 'bur bo'i 'og sor gnyis su bcal te gdab po/ /rkub rtsos nas brla'i 'og thog zag byin pa'i bar du na na long bu'i nang rol na yang gong du sor bzhi bcal te gdab bo/ /pus mos lha nga'i khong skra pa ni nga na ba yang
 de bzhin du long bu'i gong sor bzhir thob cing /rkang la tsha ba dang/ rkang ba 'theng ba dang/ rkang sprid pa dang/ rting pa snang de rdol ba dang/ mthu ba'i tshigs kyi drud du sha sman byung ba dang/ rkang pa'i sha nang gi snam bu char pa dang 'di lta bu la rkang pa'i bol gyi rgya rigs
 nas gong du sor gnyis su bcal la gdab bo/ /rkang zug 'khums pa'i nad dang 'dra ba'i bi shang tshe'i nad la yang de dag 'dra bar gdab bo/ /nad dmigs so sor ji skad bstan pa bzhin du na ba yang ma yin pa la nad dmigs ma mthun par snang na yang gnod par
 'gyur ba'i rang zhog la/ nad dmigs gar byung zhing gang du na bar rtsa thob cig /gtar ka gdab pa'i cho ga ni/ sngar bas kha zas snum bag dang/ dugs kyi dbyed bya te lus 'jam zhing yang bar byam nas gtar ka'i yo byad dang/ gtor ma gtor ba byas la bkra
 shis kyi cho ga byas nas kha zas snum bgag dang/ khu sha la sogs pa chos la me 'de ba dang/ nyi ma dron po la 'dug ste/ las dros par byas nas khri'u yi steng du gtsog tsog bor 'dug la mgul ba yan chad kyi nad rtsa gdab nad par? ma ras kyis
 bcings la sgra yang gyen du brdzes te/ bcings la pus mo'i lha nga gnyis thog tu lag ngar gyi gru mos bstan nas chang ba gnyis kyi bar nang du shing bal lta bu'i rlong bcug ste/ bcings la/ na gul pa yang dang ram ras 'jam pos bcings la lag ba gnyis kyi
 rang gi gta' ba nas 'khyud de bcir cig 'gram so yang/ bsdoms la mkhur ba gnyis gang bar bus te lung pa ci lur ching la mi gzhan gyis rgyab nas kyang tshir cig /mgul pa dar ram ras kyis bcings pa'i phrag du bad gi mdzub mo g.yon pa bcug ste ma
 'gags pa tsam du bya'o/ /khong pa'i nang gi rtsa ma gtogs par phyi rol gyi rtsa rnams bsdams zhing gdab pa'i cho ga ni 'di ltar bya'o/ /de ltar bsdams pas 'phral rtsa byung ste snang na sman pa'i lag pa g.yas pa'i mthe bos brtag cing mnams la smin pa'i
 lag pa g.yon pas 'phral bcags te b+ha re kha bzung la rtsa'i dbus su gnyang ngo/ sman pa'i lag pa g.yas pa'i gung mo'i bem tol ma yo ba dang/ brtsegs pu ma yom 'gul bar 'phral rtsa thob la khrag phyung zhig /sna'i thor to dang mig sgo sna drud ga mtshan
 gyi rtsar gdab na/ btsags rtse 'bras 'dra bas gang bcing khrag dbyung ngo/ /lce lkog gi rtsar gdab na lce bteg ste zlog la sos mnan te/ lce'i 'og na yod pa'i rtsar thob cig /nu ma gnyis kyi bar dang/ mgul ba yan rtsad na yod pa'i chu ra gdab na yang mtshan khung
 ngan 'gul ba bsdams te rtsa thob cig /lto ba'i rtsa btab na lto ba theg tu mnyes la lto ba'i gong mtshan bung du dar ram ras kyis bcings te/ lag pa gnyis kyi chang bar rdob tshongs la lag pa bcangs nas gsum pa'i rtsa thob shig /lag ngar gyi bru mo nad
 ? gang ba na bdo bar 'dug ste/ lag ngar mi bskum par brkyang la mthe bong chang par bcug la rtsa thob cig /gdab pa'i sa nas gong du sor bzhi bcal te dar ram ras kyis chings shig /rtsib logs gnyis kyi rtsa gdab na dpung ba gnyis thung du brkyang ste/ khu
 ? bcangs la rtsa thob cig /pho mtshan gyi rtsa gdab na pho mtshan gyen du theg la thob cig /byin pa'i rtsa gang ban brla man chad rkang pa'i bar du gnyis la sgab ma cung zad brkums te/ rkang pa pol? gyi thog du rkang pa gcig gis kyang mnan la/ pus mo'i gong du dar ram/
 ras kyis bcings la lag pas kyang mnan te rtsa tho gcig /thabs 'di dang 'dra bar nad dmigs kyi gtar ka gdab pa'i dmigs ming gi bshad pa gzhan la yang nad gang du gtar ka gdab pa'i dmigs yod pa de dag tu bcings pa'i thabs de bzhin du shes rab
 kyis la thob cig /sha snag bu che ba'i thog tu gtar ka gdab pa'i ming gis ma bshad pa gnan la yang/ gang dang gang du gtar ka gdab po'i dmigs yod pa de dag tu bcang ba'i thabs de bzhin shes par gyis ma thob cig /sha snag bu che ba'i thab tu gtar
 ka 'debs na/ bcags pu 'bras kyi srid kyi zabs tsam du thob cig /'phral rtsa ba rus pa'i thog lta bur btsigs pu star khas 'debs na nas gyi phyed tsam gdab pa'o/ rtsa legs par thebs nas khrag gzogs shig /ras sam dar gyis bcings la/ khrol
 phan chad ni khrag ma gzags shig /gtar ka gdab pa nyes na khrag zag pa'i yul yang thung la khrag mang po che 'byung ngo/ /de lta bu la rma khar til zhib tu brtags pas gdab po/ /btsags bu ha cang gdab drags na/ khrag thor zhes 'byung ba dang/ sgra yod par
 'byung ste/ khrag bcad kyang dka' bar 'gyur la/ sdang ba dang/ 'gog pa dang/ yang na bsdams pa lhod dam/ mtshon rdul lam zas skom 'drangs shing ngom ches sam/ yang na khong ba rmya ba 'am bshang bci'i shugs 'ong bar gyur tam/ dugs lta bu dregs na
 yang khrag 'byung du mi rung ngo/ /khrag de ltar 'ang du mi rung na/ sug smel dang/ pi pi ling dang/ na le sham dang/ lo dod gra dang/ skyer ba dang/ rgya spos dang/ khang pa'i ka gdung la chags pa'i dung ba dang/ lce myang tsha 'di rnams btags te til mar dang
 sgyur la rma khar bskus shig /khrag legs par byung na rma khar til mar dro 'jam tsam dang/ lce myang tshar sbyor la bskus shig /gtar ka gdab pa la dang por nad khrag chu ser la brgan rtsi 'khus pa 'dra bar 'byung ngo/ /nad khrag legs par byung nas khrag rang
 'chang ngo/ /yang na khrag bzang por byung na des cho ga gis bcings pa khrol cig /gal te bog te brgyal na bcings pa khrol la bsil yab kyis g.yobs te/ brtas pa dang khrag slang yang phyung zhig /yang bor bar gyur na nyi ma gnyis gsum ngal sos la thob
 cig/ de la rlung nad kyi khrag ni gnag la rtsa dmar ba dang/ khrag mdog rtsub pa khrag dbyung ba'i thugs drag/ mdog gsal la dbu bcan du 'dug go /mkhris pa'i nad khrag ni bsil zhing ser la rtsa gnag mnam la spyi bag can khrag ska ste myur du mi 'byung/
 khrag drod che sta che la khrag kha dog tshon can du snang ngo/ /bad kan gyi khrag nad ni 'jam la cung zad rtsa dkar la/ drangs na nal nal byed/ lag pas myangs na 'byil ba'i 'byar bag tu byed pa ska'o/ /rlung dang/ mkhris pa dang/ bad kan gsum char 'dres pa'i nad
 phra gon don zhing de gsum gyi chu la 'dres par yod la/ khrag mdog gan gcing kun 'dres par 'dug pa'o/ /nad pa'i khrag dan na nyam che yang rung khrag srang bzhi bcu rtsa bdun tsam las dbyung du mi rung ngo/ /khrag ha cang dbyung drags na 'chi bar 'gyur ro/ /de bas na
 khrag dbyung drags na rlung nad kyi dkyil mi bzad pa skye'o/ /de la ltag khrag 'byung drags pa las lus mar gyis byug cing mnyes te/ bcud dang 'o ma dang khrag bcud dang kha zas bsod pa bza' / rlung nad la phan pa'i sman btang ngo/ /gtar ga gdab ste khrag
 tshod pa dang/ til mar gyi nang du ras 'jam pa dang/ bal gyi le'u bsnyugs la rma khar bskus la/ dbang buAm/ ras sam/ dar gyis bcings pa ngal gyi glod la chu bsil bas khrus shig /nad khrag tu gyur te khrag ngan na ni phye bar phrad bskyar ro/ /yang na phyir nyin skyor cig
 nad par sngar nyams brtas ta snum bag gi cho ga byas pa zhig ni na nyams kyis thub pa yin te/ cho ga byas nas zhag gnyis nas gtar ga thob cig /nad pa'i nyams chung na ni zla ba phyed tsam bu snum bag gis brtas te/ de nas gtar ga thob cig /gtar ga btab ste/
 nad khrag gi 'phro lus kyang cung zad theg ge ba ltar byed na ni khrag gi 'phro lhag ma ma gtar kyang sla ste/ ha cang dbyung drags par mi bya'o/ /gal te rngabs rus nyi tsher gzhib pa'i dmigs shig yod na ni rdubs rus thob cig /yang na ni nad 'byung la/ nad khrag ngan pa 'byung
 zhing brtsal par 'gyur ba'i sman thong zhig /sman btang ba'i dmigs ni mkhris pa rgyas pa las khrag lus de na bar 'gyur ro/ /de lta bu la dmigs kyis bye brag du bya ba ni/ bkru span dang skyugs sman gyis bkrus la mkhris pa tsha ba'i nad la phan pa'i sman bsil bag
 thong zhig/ nad khrag ngan pa yin gyis kyang khrag rgyas pa tsam du ma gyur na nad khrag 'byang zhing pags kyis dbyung ba'i sman btang ba'i thabs ni de ltar bya'o/ /gtar ga gdab pa zhig la khrag mi chod na gcod pa'i sman ni ro dra gser khrom dang/ g+hand+ha pri yang dang rma shing
 dang/ con sran ma sha dang/ shing mngar dang bcag yug rnams dang/ sa nag po spyi ba dang/ phyi mo'i dum bu dang/ zar ma dang/ snag tsha dang/ cug hang rang/ khre dang 'di rnams cha bsnyams te zhib tu btags la rma khar thob cig /bsil ba'i sman shug pa la sogs pa btags
 ta chu dang skyar la blung ngo/ /yang na de ltar khrag mi ched pa dang/ rtse de gnyis kyi gong du gtar ga gdab bo/ /yang na thur ma bsregs pas rma khar bsregs shing/ gtar ga gdab pa'i bting ba ma legs sam/ dbang bu la gdab pa ma legs te/ yo bas nad khrag ma phyin tam
 khrag mangs pa lta bur gyur pas rlung dang mkhris pa dang bad kan gyi nang rgyas pas nad khrag ngan par gyur bas rlung dang mkhris pa dang bad kan rang gi gnas su ma phegs ma lon gyi bar du kha zas phan zhing 'phrod pa dang/ byed cing bskyod pa
 yang phan pa'i tshul tu bya zhing bsten to/ /kha zas ni ha cang tsha ba dang bsil ba yang ma yin/ yang la 'ju sla ba de lta bu'i zas skom bzang ste/ de ltar gtar ga gdab pas drod kyang lhag par chud la rlung dang mkhris pa dang bad kan gsum rang gi gnas su babs
 pa na phan pa'i cho ga bya zhing de ltar bsrung dgos so/ /gtar ga legs pa ni bzhin mdog dang dbang po rnams dang zhing gsal ba dang mig la sogs pa dbang po rnams kyi yul la 'jug par mos la kha zas 'ju ba'i drod kyang ma nyams shing 'ju la bshang
 bci yang tha mal par 'od nyams bde la nyams mtshag brtas shing/ stabs dang ldan pa de lta bu ni khrag nang byang ste khrag bzang por 'gyur zhes bya'o/ /gtar ga gdab pa'i cho ga'i le'u nyi shu rtsa bdun pa rdzogs so// //khong du mtshon lus pa dbyung
 ba'i cho ga'i le'u nyi shu rtsa brgyad pa bshad par bya'o/ /mtshon zug rngu lus pa ni rnam pa lnga ste/ khong na yon por 'dug pa dang/ dang por 'dug pa dang/ gyem? du 'dug pa dang/ thur du 'dug pa dang rnam pa lnga'o/ /de la mdor mtshon khong du lus pa'i thabs ni/
 spyir nad dmigs kyi thad kar sha mdag nag por 'dug la skrangs shing nad khrag yang dang yang khrag?/ skrangs shing rlo bar 'dug pa'i rma kha nyen kor du chu bur 'dra ba'i thor bu yod/ sha mthang ste nya 'khor 'jam por gyur na de ni mdor mtshon khong du lus ba
 zhes bya'o/ /pags pa'i bar na mtshon nam shing tshal dum bu yod na ni/ pags pa'i mdog nag la sra bar 'gyur ro/ /sha'i nang na mtshon nam shing tshol pa lus na ni skrangs par 'gyur te/ rma la lhang lhang byed cing skrangs pa'i tshabs lhag par che ste/ bcing bas mi/
 bzod la gnag ste rma 'tsher mi rung ba yin no/ /nya'i nang du mtshon nam shing tshal lus na sha'i nang du mtshon lus brang? pa dang ste skrar ba ni ma yin no/ /chu ba mang po drang pa'i nad du mtshon nam shing tshal lus na 'gul zhing bskyod pa'i tshe rab tu nal? nang du ga'i spubs la gnod
 pas spubs kyi rang rang gi las kyi yon tan la gnod de nyams par 'gyur la mtshan nam shing tshal de dbyung yang dka' o/ /na chen na mi shing tshal rtse la bab pa ni rta skrangs par snang ngo/ /sna'i spu gu la sogs to spu gu lta bu'i nang na mtshon lus na spu gu so so rang rang gi
 las kyi yon tan nyams te gnod do/ /rtsa chen po btul mtshon nam shing tshal bab ste lus na rlung dang khrag dang dbu bor 'dres te/ rlung byung ba ni dbyugs sgra can du byung ba dang snying na/ rkang lag gi yan lag ni'o/ /rus pa'i tshigs kyi mtshams bog za'i? nang du mtshon
 lus na rus pa brtse la na ba'i tshabs che'o/ /mtshon rus pa la bab ste yod par gyur na na ba'i tshul dang thabs rus pa gcig pu na ba ma yin te/ rus ba kun tu khyab par na la skrangs par 'byung ngo/ /rus pa'i tshigs la mtshon yod ba 'dra bar rus pa la mtshon bab
 na yang bskyod cing 'gul ba mi shes shing gnod pa yin no/ /nad grol gyi rgyu ma dang por ka la sogs pa la mtshon bab na/ kha zas dang ngan skyugs rma/ bar snang la rma phyir skrang ngo/ /mtshon gnang la bab par gyur pa ni nad la zug pa'i tshul brtag pas shes
 par bya'o/ /sha'i sul du mtshon 'thebs shing 'jug na ni lus la rma dang/ skrangs blo'i bag tu mi mngon par mdog bzang por 'dug go /gal te de la rlung ngam mkhris pa'i bad kan gyi nad bslang ngam/ /drag shul las snang par gyur na nad? langs te
 na bar 'gyur ro/ /mtshon nam shing tshal zug rngu phyin par gyur na rma kha pags pa'i sha mdog btsan? can ma rung par 'gyur la/ rma'i 'khor na zhing dmar la tsha ba der? ming? bzhag na 'juAm/ sman lde gus byugs na skams par 'gyur ba der mar?
 gyis byugs la dugs bya zhing mnye ste/ mtshon zug rngu khong du lus dang mig dang 'dra bar gyis shig /mtshon zug rngu khong na lus te sha ma rungs par gyur na bkru sman dang skrugs sman gyis bkrus te sha bri ba dang zug rngu yod pa'i
 'khar na sha snyi bar gyur nas bsgul shing spyod pa dang/ tsan dan dmar? po la sogs pas nang gi zug rngu thabs ji ltar 'dug pa rtog shig/ de bzhin du nang gi chu ba phre'u dang rus pa'i tshigs kyi bog re dang/ nang grol rnams la zug rngu yod pa de bzhin du
 rtogs shig/ mtshon zug rngus rus ba ma rungs par gyur pa brtag pa ni/ rus pa la mar ram til gyi 'bru mar gyis byug cing dugs bya ba sngam zhing bcir ba dang mnye ba dang rkang lag brkyang bskum byas pas brtag par bya'o/ /rus pa'i tshigs bog re brtag ba
 yang rus pa dang 'dra'o/ /chu ba dang rtsa dang lus kyi lbu ba dang/ lus kyi rtsa chen po rnams la zug rngu yod na yang/ brtag pa'i thabs ni lam/ mtho dma' mi mnyam pa la grol pa dang/ shing rta 'grul zhing chags pa'i steng du zhon la drag tu song
 ste bskyod bas gar zug cing na ba'i dmigs las shes par bya'o/ /mtshon zug rngu gnang tu bab pa brtag pa logs shig tu ma bshad de/ de dag kyang sha la sogs pa la gnas pa yin pas spyi ni rkang la brkyang bskum dang/ gsig cing bskyod pa'i tshe
 gar zug cing na ba'i dmigs las shes par bya'o/ /mtshon khong du lus pa'i dbyibs zlum po 'am/ zur bzhi pa 'am/ gur/ gsum pa 'am/ chen po gang yin pa mdor rma'i kha'i dbyibs las brtag par gyis shig /mtshon zug rngu de lta bu zug
 pa dbyung ba yang phyir drang ba dang/ mdun nas drang ba dang/ mtshon zug pa'i rtsa ba nas drang ba dang/ mtshon gyi rtse mo nas 'byung zhing drang ngo/ /yang na thabs de lta bu ma yin pa mtshon gang na yod pa'i thad kar gor thal te drangs nas bde blag tu phyin no//
 mtshon brang gi gnang la bab pa dang/ mtshan khung dang/ brla drung du se'i bar dang/ rtsib logs lta bur mtshon gyis phog ste zug rngu lus pa ni phyir drang zhing dbyung du mi rung/ mtshon gyi rtse mo mi mngon nam mtshon che 'am bcang tu rung bar snang yang gnod pa'i nad yin na
 phyir drang zhing bcad du mi rung ngo/ /mde'u sna brang lta bus zug pa yang dbyung du mi rung ngo/ /yang na mde'u nang du lus te gnod pa med na zhog cig /yang na mde'u lag gis zung la drongs shig /mtshon snang la lag gis drang du mi rung na/ drad ba'i dpyad 'grul 'khor gyi
 ming seng ge'i kha zhes bya ba dang/ chu srin gyi kha lta bu dang/ srog chags 'bar mi dang/ srin bu kar ka de'i mchu 'dra bas mtshon ci 'dra ba'i gzugs bltar mi snang yang rma kha'i dbyibs dang sbyar la drang ba'i cha byad kyis 'khrul 'khor gyi drang na phyin te/ pags pa'i
 bar na mtshon yod pa ni skam bu bya kaM ka dad dang/ bya b+h+raM kaM dang/ bya ku ra ri'i mchu 'dra ba dang/ mda''dra ba dang smyung bu 'dra ba dang/ /bya rog gi chu 'dra bar byas pa'i skam dus drongs shig /gsang dang spu gu lta bur mtshon thug pa la drad ba'i 'khrul 'khor sgo lcags
 lta bus dbyung ngo/ /yang spu ba dang/ gsang ma phog pa'i mtshon 'dam bu'i spu gu lta bur dbyung ngo/ /'di bzhin du mtshon zug rngu khong du lus pa gzhan yang so so'i mtshon dbyibs ji 'dra ba'i tshul dang sbyor la legs par dbyung ngo/ /mtshon zug pa lag gis
 drang du mi rung skam pas kyang mi phyin pa de ni rma kha'i chu ser dang khrag bcin ji yod pa legs par phyi zhing bsal la mar dang sbrang rtsi sbyar la rma khar bskus la drugs byas nas/ rma kha g.yog cing glan pa 'am/ bcing ba ci legs par byas na/ snags
 pa mtshon dbyung ba sla bar 'gyur ro/ /rtsa dang chu'i nang du mtshon lus pa ni thur mas bskyod cing bsgul de drongs shig /snying ga'i rus pa la mtshon bab pa ni chu grang mos gdod du btab ste sdangs pa dang/ mtshon 'gul te 'phags par gyur pa la thabs ji legs
 par bya zhing dbyung ngo/ /mtshon ji ltar zug pa de'i rma kha'i bu ga nas dbyung dka' ba lta bu dang/ gzhan yang de bzhin du dbyung ngo/ /rus pa la mtshon brug pa rdang? ba ni rkang pas brten la phyung zhing/ de ltar drangs te ma phyin na mi stobs che la
 snying che zhing brtan pas legs par drongs shig/ de ltar drangs te yang ma phyin na mde'u yi rtsa ba bkug la gzhu rgyud kyis legs par brtags la rta g.yung brtan can gyi rkang lag dang mthur nas legs par brtags te/ gzhu rgyud de srab kyi yang mig la brtags
 la rta lcags gis bzhus te mgo drag tu bteg na phyin to/ /yang na shing chen po'i yal ka thur du bkug pa la gzhu rgyud thogs la shing gi yal ga btang na phyin to/ /gzhu rgyud ngan te chad du dogs na snon thag bzang po thogs shig /rma kha skrangs mde'u mi snang
 na spu bu dong bu ltar 'dug pas rma kha nas mar btsir la mthe'us cung zad rdobs la mde'u rtsa ba smad na rtsa ba nas zung la de bzhin drongs shig /spu bu can gyis btsir zhing mde'u'i rtsa ba brtags la mde'u'i rtsa ba brtags la mde'u'i rtsa ba rma khar snang du mi rung
 na yang spu bu rma'i bu gar mde'u rtsa gtad cing snang bar byas na mde'u zur kha tshon che ste/ drang du mi bden mde'u zur gyi rna ba g.yas g.yon skam pas btab la chung ngur byas te phyung zhig /mde'u rna ba thogs pa med pa lta bu ni khab long thogs te rma kha phye la mde'u
 dang khag long gtug cing bstan na rang 'byung bar 'gyur ro/ /long ka dang rgyu ma lta bu'i nang du mtshon lus na bkru sman gyis khong du brus phyung zhing/ /mtshon gyis rmas pa'i rma 'am/ snad de rma byung ba la rlung gis phog gam/ dug rag gam/ nu ma la 'bras lta bu byung skye
 gnag cing chu ser zag? pa dang/ rma la na rnag dang khrag dang chu ser yod pa dang/ chu shor ba rnams la rnga bas rus gzhib cing bsal lo/ /gre ba'i nang du mde'u 'am gra ma 'am nya rus lta bu zug na pad+ma'i rtsa phre'u dang/ kha zas lhan cig la bldad de/ pad+ma'i rtsa ba'i thor
 tol? lag gis bzung la thur de ming pa dang mde'u la mkhris te thags pa la phyir drangs na mde'u phyin to/ /rgya skyegs kyi shing gi tshigs khar bcug pa la gre bar song ste thogs na lcags thur bsregs te/ smyig gu'i nang du bcug ste gre ba'i nang du btang la lcags
 thur tshan pos rgya skyegs la zug ste dam por gyur pa dang/ chu grang 'thu dangs la phyir drangs na phyin no/ /gre bar rgya skyegs ma yin pa gzhan zhig thogs na/ rgya skyegs bzhus pa spu gu nas btang ste rgya skyegs dang 'byar bar byos la drongs shig /gre bar skra shang lta bu dang
 gra ma dang tsher ma dang/ nya rus la sogs pa gre bar thogs na 'phral la srod bu 'jam po dang/ zas su sres la ming la slar drangs na phyin no/ /kha snar drang du mi rung na sog brag tu brdeg cing chu btung ngam kha zas zos la thur du ming par gyis shig /mig gi nang du
 spur ma song ngam rma khar spur ma song ste na na/ rma kha 'am mig tu chu lhug la skra 'am bal 'jam pos sol zhig/ ltor chu drags sam chu'i nang du song ste kha sna chus gang na kha bub tu rkang lag brgyad la btsir zhing slon to/ /yang na ske man chad thal ba'i nang du nub
 par bcug na phan no/ /rna ba'i nang chus gang na til mar gyi 'bru mar dang chur bsres ta/ lag pas dkrugs la rna par blugs na de nas rna ba'i bu gar thur du bton la rna drud du lag pas bsdams pa 'am/ yang na gzhib par gyis shig /rna ba'i nang du sdig spur ram
 srin bu song na rna ba'i nang du tshwa chu dro 'jam tsam 'am lan tshwa dro 'jam tsam gyis dgang bar bya'o/ /srin bu rna ba'i nang du shin srin bu'i khog pa dbyung ba'i cho ga gyis shig/ rgya skyegs ltor song ba dang/ gser dngul la sogs pa lta bu ltor song ngam/ khong du lus ba ni yun
 ring du 'dug go /mde'u la sogs pa mtshon dang zug rngu gzhan khong du lus pa ni lus kyi drod kyis 'ju bar 'gyur ro/ /khod pa'i nang du sa dang/ 'ong ma'i tshal dang/ shing tshal dang/ rwa dang rus pa dang/ so dang skra dang/ rngo ba la sogs pa rnams sang ba ni 'jur mi rung ngo/ /rwa dang
 'od ma'i tshal pa dang/ lcags dang/ shing tA la'i lo ma dang/ shing tshal la sogs pa ni yun ring du yang mi 'ju ste/ de bas na sha dang khrag ni zug rngu'i drod kyis tshos par 'gyur gyi zug rngus 'ju ba med na rgu bo can du 'gyur ro/ /mtshon nas zug
 rngu'i sha'i nang du tshabs cher zug pas rma'i 'khor tsha zhing na ba'ang med pa de lta bu la mnye zhing dugs byas la/ bku?  sman dang skyugs sman gyis sbyangs te sha dbri'o/ /sha dbri drags na cung zad slar brtas la/ sman tsha ba rnon po dang sbyar la phur ma'i dugs bya ba dang/
 kha zas kyang byin skom yang blung la/ de la zhal zhal btab ste nad khrag phyung zhig/ phur ma'i dugs bya ste nad khrag phyin pa dang/ rma dang btsan rnams smin te dus la bab pa dang/ rma kha dral la mtshon nam zug rngu gang la 'dug pa btsal zhing brtags la/ rma kha
 bsal zhing che la zug rngu phyung zhig /khong du mtshon dang zug rngu lus pa de ci 'dra ba gang na yod ji ltar 'dug pa brtags la/ de'i tshul du mtshon dbyung ba'i cha dpyad Da 'khrul 'khor yang sna mang por sbyor te/ so so'i thabs dang sbyor ba mkhas pa rnams kyis gyis la
 mtshon zug rngu'i dmigs khong du chud par bgyis te/ mtshon zug rngu phyung zhig /khong du mtshon dang zug rngu lus pa dbyung ba'i cho ga'i le'u ste nyi shu rtsa brgyad pa rdzogs so// //thor bu la sogs pa skrangs pa dang smin pa dang snags pa la gtang ka gdab
 ba'i cho ga'i le'u nyi shu dgu ba bshad par bya'o/ /thor bu lta bu dang po skrangs pa las smin te/ rnags pa dang/ bton te rma 'byung ngo/ /thor bu de bas na de'i cho ga ni skrangs pa de ma smin ma brnags par/ sman bsil ba'i lde gu dang chus gang bcing gtar ka gdab la
 khrag dbyung ba dang/ bkru sman la sogs pa btang bas 'khru zhing sman de smin par mi 'gyur bar bsrungs shig/ thor bu de ma smin ba ni skrangs pa chung ngu bri ba dang/ cha ba'i drod bri ba dang/ thor bu ma smin pa de'i mdog dmar yang ma gyur la sra zhing brtan bar yang 'dug go/
 thor bur smin pa ni mdog 'gyur la nag por snang rkyang pu gang ba bzhin du 'dug ste/ na zhing zug la gram zhing 'phro/ /lus kyi yan lag brdung ba snyam byed la bla la 'byung zhing na/ zas yi gar mi 'ong lus tsha/ rims kyis 'debs gnyid che/ thong bu skrangs pa de
 tsha? byang ni mar bzhag na 'ju ba ste/ rma dang 'dra bar reg na mi bzod pa yin no/ /rma de brnags pa las cung zad rtse/ gzhil ba ni thor bu smin pa de na ba'i shugs 'bril rnyis bag tu 'dug /thor bu dkar la gnye ngam chum chum byed/ thor bu de'i mdza' ma ni zhum zhing
 ?? dbus ni mtho/ /g.ya' ba dang skrangs pa la sogs pa 'jam par 'gyur ro/ /thor bu smin pa de las brnags par gyur na lag gis myang na/ rkyal pa'i nang na chu yod pa ltar phan tshun rgyur rung ngo/ /de rlung gi shas chen na'o/ /mkhris pa'i shas chen tsha'o?//
 bdag na gyi shas chen skrang ngo/ /khrag gi shas chen dmar por 'gyur ro/ /rlang dang mkhris pa dang/ bad kan la sogs pa rnams med na de ltar 'gyur ro/ /rlung dang bad kan dang/ mkhris pa dang/ /brag rnams rgyas pa las thor bu de smin par 'gyur ro/ /rma smin par gyur
 pa de ma brtol gyi bar du rnag gis phag 'cha' ste/ pags srab por 'gyur la/ nad kyis zos nas rdol la thug ste/ gnyer mas gang ba dang/ mdog nag por 'gyur te/ lus kyi sha yang 'drul ba dang/ bad kan gyi shas che ba'i smin cing snags pa de khong du zabs
 cher lhung la rnag khrag gis gang ba de ltar gyur pa ni thor bu brnags shing smin pa'i rtags yin no/ /khrag gi shas che ba'i smin cing brnags ba ni skrangs pa bsil par gyur cing/ pags pa'i mdog snga ma bzhin gyur la reg na rngo ba bzhin sra ste/ 'di lta bu ni khrag
 gis smin pa yin par the tshom med pas mkhas pas shes par gyis shig/ mi snying stobs chung ste so ga snyam med pa dang/ nyam chung ba dang/ byis pa lta bu la mi thong bu smin te rnag 'phyo ba'i tshe na tshabs lhag par che'o/ /nad dang rus pa'i tshigs po gar la
 *//sogs pa'i mtshams su thor bu byung ba ni nyen che snye? mtshon gyis rtol du mi rung/ de lta bu la ni rdol bar 'gyur ba'i rtsi sman gyis bsku'o/ /nad kyis nyen yod pa ma yin pa gzhan pa ni mtshon gyis brtol zhing dral du rung ngo/ /thor su ma smin par
 dral ba dang/ rtsa chad ba dang/ chu ba chad ba las khrag ha cang mang du 'byung ba ni 'chi ba'i nyan du 'gyur ba'am/ yang na nad tshabs chen por 'gyur/ yang na mtshon gyi dral ba'i rma'i 'khor du thor bu skrangs ba 'gyur bar 'gyur ro/ /thor bu ma smin par rdol na rma'i tha ma
 dang rtsa dang/ rgyus pa dang/ shal rnag khrag gis bkang ste/ rtsa la me mched pa bzhin rnag gi dkyel skyes nas tshabs sreg go/ mi blun po mi shes pa thor bu ma smin pa rdol pa dang/ thor bu smin te brnags par gyur na yang ma rdol ba ni phan gnod kyi dmigs mi
 phyed ba'i mi rigs dan khyi sha za ba dang 'dra bar blta'o/ /rma brtal ba'i dpyad ni/ sngar kha rungs yi gar mi 'ong ba zos la 'tshal nan ni phog snyal phan par chang blud do/ /de ltar sngar zos pas ni mi brgyal mi 'bogs par 'gyur ro/ /chang 'thungs pas ni bzi ste phog
 snya che ba la phan par 'gyur ro/ /'di lta bu brtol ba ma gtags bar gzhan bud med kyi rum du bu shi ba dang/ mde'u dbyung ba dang/ kha lce skrangs pa brtol pa dang/ dmu rdzing brtol ba lta bu la ni sngar nad pa la zas skom mi sbyin zhing mi blung? bar brtol lo/ /rnag brtel
 na sman bas cha spyad sta gon byas la nad ba kha shar phyogs su bstan te/ mi stobs po ches nad ba'i lus dang/ rkang lag mi 'gul ba bsdam? ste/ sman pa mdun du 'dug la/ gnad la sogs pa nyen rnams bzhag ste brtol ba'i sar sha'i shugs bzhin du
 btsags non pas rnags pa'i dkyel che yang rung/ rnag kun phyin par cig car lhan cig thob cig/ gdab la'i tshad ni rma kha sor gnyis dral la/ zabs su ni sor gsum btab la de nas phag ci yod pa yang mdzub mo'am/ pad+ma'i chu ba 'am phag ze 'am rta
 rnga? yang rung thog thag tu phag gi yang ci yod pa tshol cig/ phag btsal te gang ru phag byung ba'i dmigs su yang btab la rnag gi dkyel che ba dang/ ring du ma mched cing nad dmigs su ma gyur par rnag gi dpyis phyin par bya'o/ /de lta bu brtol zhing bkral ba'i sman pa
 ni/ la gor n+yung zhing mtshon rnon po mi gtar mi rul la ma rmongs pa 'di lta bu ni sman pa btsigs? kyis 'debs pa'i yon tan dang ldan pa yin no/ /dpral rtsa dang/ smin mtshams dang/ snying ga dang/ ske rtsa dang/ lto ba dang/ /chan khung dang/ mig rtsa dang/ mig phugs dang/
 mchu dang/ mkhur tshos dang/ brla drung dang/ chu so'i bar du gdab pa 'di rnams su gdab nga? ni 'dra ste/ drang por ma btab na rtsa dang chu ba la sogs pa chad de ma rung bar 'gyur ro/ /btsags kyis btab nas gal te 'bog gam brgyal na/ chu drang mos nad pa la gdab cing dbugs
 'gyur ba dang/ dag snyan pas yid bzhi'o/ /btsags kyis btab ste rnag khrag zags nas rma'i mdza' thog tu lag sor gyis rnag khrag dang chu ser btsir la/ chu ser yan chad ma lus par btsir te/ de nas shing mngar gye chus bkru zhing ra dang 'jam po'i shing
 mngar chu'i nang du bcug pas rgyang phyis shig/ de nas gdon la sogs pas mi tshugs shing bsrung ba'i bdug pa dang/ gu gul dang/ a ka ru dang/ yungs kar dang/ shing kun dang/ sa ci? ras 'di rnams sbyar bas rma khar 'dug go/ de nas rma khar sman gdab cing
 g.yod ba ma lce myang tshwa dang/ shu dag dang/ shing ni sba'i lo ma dang/ til btags pa dang/ shing mngar phye dang/ rlung ngam/ bad kan nam/ mkhris pa ci las gyur pa'i sman dang yang sbyar la/ mar dang rdzis te chang bu byas pa rma'i nang du bcug cing rma khar sman 'di
 bsku/ rma kha dang btsan kun gyi steng du yang sman 'di nyid kyi lde gu mar dang phyer sbyar bas bsku bar bya ste/ sdug tu g.yogs pa de'i thog tu glod 'jam pos g.yog/ de'i thog tu yang shing bu phra mo gtams te gshibs la/ srad bu 'am ras kyis ran par
 legs par chings shig/ bcings pa de yang glo dang/ g.yas g.yon du ma yo/ /steng 'og tu ma song bar bcing ba dang/ steng thur ma sra mos mnan pa yang phra zhing sra ba brtan pa 'jam pa mnyen pa ma 'khum par gyis? te chings
 shig /zhag gnyis kyi bar du ni rma de bag bya zhing mtshan mo bsrung ngo/ /gtor ma yang gtor cig /'dre gdon thub par bya zhing bsrung ba'i sman spyi bo la gdab pa'i smi dang/ gi haM ma ti dang/ gu ha dang/ dza til dang/ brahma tsa ri ni dang/ shu dag dang/ tshang
 dra ma ti dang/ tshang dra dang/ rtsa du rwa dang/ yung dkar dang 'di rnams spyi bor yang gdags /bsregs pa'i dud bas kyang bdugs shig/ zas skom bsdam pa'i cho ga ni snum bag btang ba'i cho ga dang 'ang ste/ kha zas dang skom bsdam/ bud med dang mi
 'phrang/ nyin par nyal du mi rung ngo/ /bud med dang ma phrad kyang dran nam reg? gam mthong ste khu ba byung na yang rma kha g.ya'/ rma kha dmar zhing snyum bor 'byung na zhing skrang gnag 'khyims te bud med dang ma phrad kyang gnod ba'i nyen de ltar 'gyur ro/ kha zas
 ni ci dang ci 'phrod ba za ste nas dang/ gro dang/ 'bras zhag drug cus smin pa dang/ sran chung dang/ men sran rde'u dang/ tu ba ri dang/ dzi ban+ti dang/ ni shi nA ga dang/ la phug gzhon nu dang/ rtag dang/ rtan du li ya ga dang/ rgya sne'u dang/ ka ra bel+la ka dang/ karota?
 ta dang/ kha to la'i 'bras bu dang/ lce tshwa dang khal po se'u dang/ skyu ru ra dang/ 'di rnams gsos sbyar zhun mar la brdos te/ btsos la bsgrangs ba dang/ 'bras dang 'bru bag rnying ba'i zas dang/ yul skam sa'i bya sha zos na rma de myur du 'tsho/ kha
 zas tshong? bzung ste chung ngu bza' / zas phan pa dus gcig tu zos na 'ju ste bde'o/ /kha zas ma zhun rlung nad la sogs pa langs te/ nad phyir na zhing skrabs pa dang/ brnags pa dang tsha ba dang/ phyir skrang bar 'gyur ro/ /kha zas dmigs kyi mi rung ba ni
 'bru bag gsar pa dang/ til dang/ mon sran bre'u? dang/ chang? dang/ yul gsher che ba'i sha dang/ 'o ma dang bu ram shing dang/ bu ram chad dang/ skyur bag dang/ lan tsha tsha ba'i bag dang/ 'di rnams mi rung ste spang ngo/ /kha zas gzhan yang rtag skam gyis
 'dogs par 'gyur ba dang/ tsha bar 'gyur ba dang/ zas lci ba dang/ zas bsil ba 'di rnams lta bu'i bag mi rung ngo/ /'bru sar ba la sogs pa kun rma reng? bar 'gyur/ /nad thams cad slong bar byed do/ /chang lci ba dang/ kha zas rtsub pa dang/ skyur bag
 rnams kyis rma myur du reng? cing gnod par 'gyur ro/ /mi byib par bsil zhing sman pa la dang/ /u shi ra'i bsil yab kyis g.yobs shig/ rma khar brag shul gzugs pa dang phrug pa la sogs pa mi bya'o/ /bskyong cing 'gul ba la bag bya'o/ /bram ze
 lta bu la sogs pa dang lhan cig gtam bya zhing rma 'tsho ba'i gtam gyis shig/ de nas nyi ma gsum lon ba dang/ dpyad snga ma dang 'dra bar rma kha phro la te sman gyi phubs bkru zhing btsir la snga ma bzhin du gyis shig /thog mar rnag brtol te
 rnag khrag btsir/ rtsi sman gyis byugs nas rma kha glan nas byugs pa zhag gsum ma tshang bar zhag gnyis lon pa dang/ rma kha dbye zhing bcos su mi rung ngo/ /de ltar yod ni rma kha glan pa dang bcing ba ma legs na rma rab tu na la? rma yun
 ring du mi 'tsho'o/ /rnag gi phag mi 'chas pas bya ba'i dpyad ras kyi kha tshang 'jam po mar dang sbrang rtsi byugs la rma kha'i bu ga nang du bzhag pa de mar ha cang ches sam/ sbrang rtsi chen yang mi rung/ bcings pa lhod dam dams? sam/ ya yo
 khyer te ma legs na yang mi rung/ rma khar sman lde gus glon pa drags sam/ zhun mar dang til mar drags na yang ?? cher 'drul zhing red par 'ong ngo/ /bcing ba ha cang dams na yang sha chang bar 'gyur ro/ /sbrang rtsi lta bu drags? na rma kha ral te
 khrag 'ong bar 'gyur ro/ /bcing par lhong dam ha cang dams sam ma legs te/ yang yo khyer na rma kha 'drul te 'jig go/ bag chas pa'i nang du kha tshar 'jam pos ma ra dang sbrang rtsi bskus te bcug pa ni sha rul pa dang/
 sha skrangs pa dang/ rnag phyis dang/ bag ring du 'chas pa 'di rnams lta bu myur du sel zhing 'byung bar byed de phan no/ /thor bu ma smin pa dbral tam/ rdol na spangs? par 'gyur te/ de la lta rma smin cing brnags bar 'gyur ba'i sman dang kha zas dang/ sman
 dang bag zan du sbyar ba'i dugs glan cing bcings te rma la mi gnod par bya'o/ /drag shul lta byas snang de de rma gsar du 'byung ste ral ba drubs par 'os pa lta bu dang/ rmen bu chen po bkas te byung ba'i rma lta bu dang/ rna ba'i bu ga che chung khyer na brgyangs pa las
 chang pa 'di rnams lta bu drubs shig/ snang de rma byung ba la drung du rung ba'i dmigs ni/ mgo ba dang/ mig phubs dang/ sna dang/ mchu dang/ mkhur chos dang/ rna ba dang/ brla dang/ dbung pa dang/ 'gul pa phral ba dang/ mur 'gram dang/ dpyi dang/ dbu dong? pa
 tho mtshan dang/ gzhang la sogs pa sha rnag che ba dang/ mi 'gul mi g.yo zhing brtan ba'i bag dang/ bu? gzabs che ba 'di lta bu'i dag ni drubs na bzang ngo/ /chu ba du mi rung ba'i dmigs ni/ dpyi zur dang/ chu so'i 'doms phrag dang/ mtshan khud dang/ sha chung
 zhing bskyod par 'gyur ba'i rma 'di lta bu dang/ nang nas dbugs 'ong ba'i rma dang/ shing chol lam mde'u khong du lus ba lta bu dang thal sman rnon bo k+Sha sas? rna byung ba dang/ dug gam mes tshig pa'i rmar gyur pa 'di rnams lta bu ni drub du mi rung ngo/
 rma? drub ba'i thabs ni rus pa'i dum 'phags te 'gul ba yod pa dang/ khrag sbam? dang/ rtsa dang/ spu'i bag rma'i nang na ci yod pa yal la sha bcang ba'i dum bu 'chang ba yang dang gi sar klan pa dang/ rus pa'i tshigs bur ba yang rma mig du bcug
 las brag zags te chad pa dang/ rus pa 'am ras bal gyis skud pa 'am/ shing shun gyi chu ba shang shang pos drubs shig/ srubs ni kham che ba yang ma yin/ kham zhib ba yang ma yin phal cher drub ba yang ma yin nyung ngu drub ba yang ma yin par bya'o/ de ltar
 rma? drubs pa'i tshe/ nad pa'i phog snya bskyed pa dang/ sbro sring bar byas te/ de nas sma khang sbrang rtsi dang zhun mar sbyar ba dang/ mig sman skyer khaN? dang/ zar ma'i mar me mar du bus pa'i dud pa dang/ a ru ra dang/ ba ru ra dang/ skyu ru ra dang gsum 'di rnams btags te lde gu
 byas la bskus nas cho ga gong ma dang 'dra bar chings shig/ rma khe glan pa'i rgyu ni/ lug lpags dang/ ri dags kriSh+Nas ra dang/ dar dang 'di dag ni drod che ba yin no/ /zar ma'i ras ni bsil lo/ /bsil ba yang ma yin drong che ba'ang ma yin pa'i g.yogs ma ni ras bal gyi
 snam bu dang/ kar ba sa'i snam bu dang/ rgus pa dang/ shing shun dang 'di rnams ni tsha gra med de ran pa'o/ /tshil dang bad kan che ba'i rma khar ni zangs dang lcags su dang chen mo steng dang zha nye leb leb po glan na phan no/ /rkang lag thur byung ba la rlod kyis dkris te shing
 leb kyi dbang? bu dang/ ko ba 'am/ shing shun nam/ 'jag ma la sogs pa'i dbang 'bur gyis la chings shig/ gzhan yang rus pa la chag thur zhig byung ngam rma byung na dkri zhing bcing ba 'am/ rman pa'i thabs rnam pa bco lnga po de dkri zhing bcing ba dang/ glan
 ba'i tshul ci 'dra ba ni sngar dang mthun pa'i tshul las shes par bya'o/ /sgre'u lta bu byas pa ni sor mo'i tshigs snad dam 'khyun na sgre'u lta bur chug cig/ rma byung ba la glan pa'i thabs bkra shis zhes bya ba ni rus pa'i tshigs dang/ chur chang ngam/ ngang gdong?
 gi sgrog bcing ba'i thad ka snad dam/ smin mtshams sam nu ma'i phrag gam mchan? khur dam/ mig gam/ rna? bar snang na/ thabs de 'dra bar glon zhig/ mthar chags su dkri ba zhes bya ba ni lag ngar ram lag sor lta bu chag gam 'phreng na dkris pa'i thabs
 yin no/ /lhod par bcing ba zhes bya ba ni mgul nang ngam/ pho mtshan la rma yong na lhong par chings shig/ zlum po zhes bya ba ni lus kyi yan lag pad+ma 'am byin pa 'am/ lag dar ngam/ pus mo'i lha da lta bu snang pa la zlum po
 kor kor pos glo na zhig/ mda' lcug 'dra ba'i le'uAm/ sgye'u ni mthe bo 'am sor mo 'am/ pho mtshan gyi thor to la rma yod dam/ za gu can du gyur na sgre'u de lta bu'i nang du chug cig/ zug du glan pa zhes bya ba ni rma gnyis shig 'dab tshigs su byung ba la
 thabs de ltar glo na zhig/ khre'u zhes bya ba 'di ni 'gram pa snang ngam mur 'gram snang dang/ mkhur tshos snang pa la glan te/ khri 'am sngas la nyal du rung ba dang 'dra bar bya'o/ /rgya zhes bya ba ni mig 'gram snang pa la glon zhig /'gugs mi shes
 par bcing ba zhes bya ba ni lto ba dang/ brla dang/ rgyab nad pa la thabs de ltar bcing ngo/ /bla re zhes bya ba'i bcing ba ni klad pa'i spyi bo snang pa lta bu dang/ ro stong lta bu'i bag snad pa dang/ bla re dang 'dra ches dkris shig/ sbrul mgo lta bu 'am/ ba
 lang gi mgo lta bus ni sna dang chu dang/ ko sko dang/ brla snang pa glan cing bcing ngo/ /yan lag lnga dang ldan pa zhes bya ba ni mgul pa yan chad snad pa la glan cing bcing ba la bya'o/ /phrad bu zhes bya ba ni pho mtshan nam mo mtshan nam rku ba 'am/ mtshan
 khung lta bu ni srang bus bcings shing glan no/ /gdags pa'i bcing ba ni gru yo 'am dpung pa la byung na legs par bcings la mgul tu btags te 'chang du gzhug go/ de bas na mdor ni gang dang gang snang pa'i dmigs dang sbyang la ci legs par
 chings te glon zhig/ rma'i steng du mdud pa mi dor/ rma la gnod cing nyam da bar mi bya'o/ /rla dang/ dpyi? dang/ mchan khung dang/ mdong mo dang/ klang pa 'di rnams snang ba ni dam du chings shig/ yan lag la/ lag dar dang/ sor mo dang/ rna ba dang/
 brang dang/ rgyab dang/ rtsib logs dang/ mgul pa dang/ lto ba dang/ 'di rnams la ran tsam du chings shig/ pho mtshan dang/ rlig pa dang/ mig dang/ tshigs rnams smad pa la ni lhod par chings shig/ sha snag che zhing lhong pa rlung dang bad kan du gyur pa'i
 sar ni ran par chings shig/ sha chung med de mnyam par 'dug pa'i sa lta bur ni dam bur chings shig/ kha mkhregs pa lta bu la ni rab tu dam por chings shig/ dgun lhags pa che ba dang dpyid ka sa chu dros pa'i rma lta bu ni rma zhag gsum gsum
 zhing khrol la ching shig/ sha 'phra zhing phra ba'i sar sma byung ba la dam du bcing bar gong du bshad mod kyi/ mkhris pa dang/ khrag gnyis rgyas pa las rmar gyur pa la lhod pa chings shig/ gong du ran par chings shig pa de bshad pa de lta bu la yang
 mkhris pa dang khrag rgyas pa'i rmar gyur na de bzhin du lhed par bya'o/ /so ga dang ston gyi dus su mkhris pa dang/ khrag rgyas pa las thar bu 'am rmar gur pa lta bu spangs snga dro dang phyi 'phred gnyis ka'i dus su yang dgrol zhing chos shig/ sha sbrang
 dang sbrang bus zos te rma byung ba ser bu dang lhags pa phog ste/ skrangs pa rma g.yogs ma bcings pa las rma red cing ring du sman dang snam gyis bskus kyang ma phan te/ rma kha'i chu ser dang rnag dang/ sha rnag po 'am sngon por gyur par dbyad yang dka' rma
 'tsho yang dka' o/ /rma kha 'tsho ba ltar byad na yang mdog mi sdug par 'gyur ro/ /rus pa chag ste phye mar gyur tam/ 'phreng mas/ tshigs 'bur ram/ btsags bus btab ste rgyus pa dang chu ba chad dam/ rtsa chad kyang rung/ de lta bu'i bag gang chang kyang rung glan
 cing bcings na rma bde blag du myur du 'tsho'o/ /de ltar bcing zlegs par byas pa ni ldang ba dang 'dug pa kun la yang gnad bar mi 'gyur ro/ /rma 'tsho dka' ba ni rma kha cher skyes te/ spangs pa mi mnyam pa'i 'bar 'bur dang skra la rab tu na na ni 'tsho bka' o?
 rma 'tshe slab ni skrangs pa'i 'bar 'bur med cing 'jam la na ba med pa ni myur du 'cho'o/ /rma yun ring du thogs pa dang/ sha chung ba lta bu'i bag la rma khar rlung shor te rtsub por gyur na rna rab tu 'tsho dka' o/ /byi ba'i sos zin pa dang sdig sbrul
 kha bugs pas zin pa dang/ thal sman rnon po k+Sha ras rma byung ba dang mes tshig pa dang/ dug gis reg pa 'di lta bu la rma mi bcing mi glan no/ /sha rul pa dang gzhang kha snags te mi zad par na ba dang/ med ba la byung ste tsha zhing skrangs ba dang/ dul ba 'di lta
 bu'i bag 'dra ste/ rma kha mi bcing mi glan par bzhag la rma khar srin bu dang sbrang bu ma sod ma zhugs par bsrungs shig /srin bu dang sbran bu zhugs nas snad ba dang skrangs pa dang/ rnag mang du zag par 'gyur ro/ /'bu zhugs na sman byU rug pa la sogs
 bcag? ma ste/ des kru zhing rma kha'i mang du khong zhig /sman lo ma bdun sapta pa rsha? zhes bya ba dang/ ka rany+dza dang shing nam+bi'i lo ma dang/ shing dza ta na dang/ shing tsha dang/ 'di rnams btags la ba gcin dang sbyar te lde gus byug pa dang/ 'di dag gi chus gang ba thal
 sman k+Sha ka sha ri'i chus btab na yang pa na/ sha rjen leb pos glan la 'bu chags pa myur du drang na phyin no/ /rma gso ba bsnyur ba sla chos su byas pa ni nang gi rma chu ser dang/ rnag byis kyang ma byin la cung zad cig bskyod dam byas na rma phyir 'grams te na bar
 'gyur ro/ /rma gso ma legs pa de lta bu ni sos pa 'dra yang/ zas ma zhu 'am/ drag shul zhig byas sam/ bud med dang phrad na yang rma red par gyur gyis de lta bu yang mi bya'o/ /rma sos kyang zla ba bdun nam/ drug gi bar du cho ga bya zhing legs bar bsrungs
 shig /rma reng cing na bar gyur ba de yang/ rlung nad dang/ mkhris pa dang/ bad kan gyi mthu las rma red cing na bar gyur pa yin te/ de bas na rlung dang mkhris pa la sogs pa'i nang du mi 'byung zhing rma mi red pa'i dpyad legs par gyis shig /zhib tu ni 'og nas 'chad do//
 thor bu la sogs bskrangs pa dang/ brnags pa dang smin pa las gtar ka gdab pa'i le'u ste li shu rtsa dgu pa rdzogs so// //nang tshig 'khus pa'i thal sman rnon por byug pa dang/ me btsa' gdab ba'i cho ga'i le'u sum cu pa bshad par bya'o//
 nas tshigs 'khus pa'i thal sman rnon po gtong ba ni/ gtsags bu dang/ btsa' kab dang/ gtsags bu'i gong rung ba/ me shal dang ras bal la sogs pa khrag dbyung ba dang/ me btsa' debs pa thams cad kyi nang na thal sman rnon po dang k+Sha ra gtong ba las
 ga thal ba med de bcad pa dang/ drang zhing dbug pa la sogs pa'i las dka' ba mang po kun kyang byar rung ngo/ /gtsags bu la sogs pa gdab pa'i las ni dka' ste legs par mi 'grub bo/ /thal sman gyis ni nad yang ba lta bu la thal sman skom btung
 ba dang/ sbyar te gtang du mi rung ngo/ /gzhang 'brum gyi nad dang/ pho ba grang ste khod pa drod chung ba dang/ chu so na rde'u yod pa dang/ skran dang mu rdzid dang/ dbyig dug gis phog pa'i nad la/ thal sman k+Sha ra khong du 'thungs na phan no/ /sme ba dang sha bkra dang/ sna'i bu gar
 thor bu byung ba dang/ gzhang khar ser ba rus byung ba lta bu dang/ mdze byung ste tshor ba med pa dang/ mtshan bar rdol pa'i nad dang brla dang byin par 'brum bu tshag tshig byung ba dang/ skrangs pa 'dra ba rla klo dang/ rnag bag 'chas pa dang/ 'di rnams lta bu la thal sman
 byugs shing btang na sel cing phyin to/ /mkhris pa dang khrag rgyas pa'i nad dang rlung nad kyi dkyil skyes pa dang/ 'di lta bu'i bag la thal sman k+Sha ra gtang du mi rung ngo/ /ra mis dang tshad pa dang/ snying na ba dang/ mgul ba yan chad kyi nad dang/ skya sbab kyi nad dang/ yi ge 'chus pa dang mig
 rab rib khyer ba dang/ bkru sman gyis bskus pa dang/ lus thams cad skrangs pa'i 'or nad dang/ thal sman gyi skrag ste 'thung mi phod pa dang/ bud med sbrum ma dang/ mo mtshan skrangs te na ba dang/ kha zas ma zhu ba dang/ byis pa dang/ mi rgan po dang/
 rtsa bo che rnams dang/ rus pa'i tshigs dang/ gnad dang/ mi gzhom nu'i rus pa dang/ rtsa dang chu ba dang/ lto srubs tog thag dang mgul ba dang lte ba dang she gar chung ba'i nyen 'khor dang/ rlig pa dang pho mtshan dang/
 bu ga'i sbu gu rnams dang/ sen mo'i phrag dang rlig rlugs dang rnam pa 'di rnams la thal sman ksha ra gtang du mi rung ngo/ /mig na ba dang lhags pa che ba dang/ char pa bab pa dang/ yul tsha ba dang yul ngan gyi dus su yang thal sman k+Sha ra gtang du mi
 rung ngo/ /thal sman rnon po sbyar ba'i shing ni shing ka la maska ka dang/ shing shi mya ka dang/ ldum bu shing dang/ shing ba ri pa tra ka dang shing A shwa gar+Na ka dang/ shing ma ha prigsha dang/ rgya skyegs shing dang/ shing po ta srik+Sha dang/ shing i dri prigSha dang/
 shing arka dang/ shing nak+ta ma la dang/ shing a sha ma ha dang/ shing ka ka dzang+ga dang/ shing a ba marga dang/ shing a gni man dang/ shing a gni dang/ shing tsi tra ka'i rtsa ba dang/ shing nim+ba dang/ shing 'di rnams kun 'dra ste rlon pa dum bur byas pa
 dang/ shing ko sha ta dang/ nas kyi sbun pa dang/ gra ma dang sog mar bcas pa sna bzhi dang/ shing mush+ka dang/ rdo thal gyi rdo ba rnams rlung mi ldang ba'i sa bzang por rdo leb kyi thog tu so sor brdungs la mes sregs shig /de nas me'i nang du til
 gyi sdong bu rnams kyang snon la sregs shig /kun tshig nas me zhi ba dang/ so sor ma 'des pa bsal la de nas rdo thal gyi thal ba bre gang thal ba gzhan yang bre re re/ shing muk+Sha ka'i thal ba bre gang dang 'di rnams ma 'dres par so sor phye la
 chu srang stong stong dang/ ba gcin srang stong stong dang so sor bsres te tshags mig phra mo bzang bos na ma mdog bzang zhing spyi ba 'byar bag can mdog dmar la dang bsal ba dang/ tsha zhing rno bar naM gyur gyur gyi bar du lan mang du btsags pa'i
 dangs ma la sogs pa snod bzang po'i nang du btsos shing dbugs shig /thal khu dangs ma de'i nang du rdol thal gyi rdo bsregs pa'i dum bu dang/ nya phyis dang kshi ra ba dang/ dung gi lte ba dang 'di rnams spyir phul gang tsam lcags tog nang du blugs
 la/ me'i nang du bsregs te mdog dmar por gyur ba dang/ thal khu dangs ma 'tshed pa'i nang du blugs te/ 'di 'dra bar lan mang du bsregs la dmar por gyur pa dang/ de'i thal khu dangs ma'i nang du lugs shig /phyis kyang zhib tu btags par bya'o//
 yang khyim bya dang rma bya dang/ bya rgod dang/ bya kaM ka dang/ phug ron dang 'di rnams kyi rtug pa dang/ bya dang srog chags rkang bzhi pa'i mkhris pa dang/ ba bla dang/ ldong ros dang/ lce myang tsha dang/ 'di rnams kyang zhib tu thogs la spyir phul re tsam gyis tshong thal khu dang sam
 'tshed pa'i nang du thob la gzer bus dkyug cing btsos la dad pa phal cher phyung/ bskol zhing blag pas du ste/ lde gu bzhin gar bor gyur ba dang/ thab nas phyungs la lcags snod chung ngu'i nang du byo la kha de nas kyi phung po'i nang du chug te zho gcog /thal sman 'di ni
 rno ra ba ma yin te 'bring po zhes bya'o/ /de la thal sman 'jam bor sbyar ba ni rda thal gyi dum bu dang nya phyis dang/ kri ra ba ka dang/ dung gi lte ba dang/ 'di rnams mer bsreg cing thal khu'i nang du gsur la btag cing nang du ma gdab par phyir bor cig /de bzhin du khyim byas
 dang/ rma bya la sogs pa'i rtug pa dang/ srog chags dang bya'i mkhris pa yang bsreg cing gsur la phyir bor cig /de la thal sman rnon po sbyar ba ni rdo thal gyi dum bu dang/ nya phyis dang/ dung gi snying po la sogs pa snga ma bzhin du bsregs te gsur la btags te nang du gdab
 pa dang khya rnams kyi rtug pa dang/ mkhris pa la sogs pa de bzhin du bsreg cing gsur la btags shing gdab po/ /de bzhin du sman langka lingka dang/ dan+ti dang tsa tra ka dang/ bor ba dang/ shu dag dang/ ba tsa sa rdzi ka sa zhes bya ba dang/ thar nu dang/ shing kun dang bko
 rany+dza'i 'dab ma dang/ shing tA la'i lo ma dang/ /kha ru tsha dang 'di rnams kyang zhib tu btags te/ thal khu'i nang du btses te tshes nas lde gur gyur pa dang/ lcags snod chung ngu'i nang du byo la kha bcad de nas kyi nang du zhag bdun gyi bar
 du zho gcig /thal sman rnon po 'dis ni rlung nad dang bad kan gyi nad dang/ tshil skyes pa las thor bu byung ba dang/ rmen bu la sogs pa 'di rnams sel te/ /nad 'di rnams lta bu che bas mi che ba ste 'bring rnams la ni thal sman rnon po ma yin pa 'bring po thong
 zhig /nad 'di rnams lta bu dkyel mi che ba ste chung la thal sman gyi rno ba 'jam po btang na gzhang 'brum khrag tshad mkhris pa'i sa bon gyis khrag du 'khru ba de lta bu la phan no/ /thal sman cung zad bskams par gyur na mthu bskyed pa'i thabs ni thal sman
 gdu gdu ba'i chus bsnan te/ /thal sman ni rab tu rno ba yang ma yin/ rab tu rtul ba yang ma yin lag gis mnams na 'jam zhing dpyi ba mdog skya ba/ cil btang yang phan pa'i las myur du byed pa/ lde gu spyi bag tu 'dug pa de las ci ran gcig bcad de/
 gud du bzhag na rtse mo smyug smyug por 'dug pa de lta bu ni nad bde blag tu sel to/ /thal sman gyis byugs pa'i rma kha nas khrag mang po mi 'byung/ byugs na nad rab tu mi che ste/ thal sman ni gtar ga bcu btab pa bas phan na/ me btse'i dpyad pas kyang
 phan par 'gyur ro/ /thal sman gyis byugs pa ni nad kun 'dren te gzhibs pa dang 'dra/ nad kun slong bas na lus la gnod pa dang bas? 'dra'o/ /nad thams cad la snyigs shing 'gro bas na/ nad do cog dpyis nas 'byin cing sel to/ /thal sman gyi byugs
 te nad dang bral nas mi bde ba rang zhi bar 'gyur ro/ /yod ni thal sman gyis byugs te gsor rung ba'i nad lta bu ni mtshon gyis bcad dam/ /mtshon gyis brud de rma byung ngam/ gtar te rma byung ba'i rma ba/ de lta bu la thal sman ci ran cig blangs te lcags kyi thur ma'i
 ngos la glan ba des rma khar glon la ser gol brgya'i/ bar du bsdud te/ de nas thal sman slar phyis shigs de la gzhang 'brum lta bu'i nad la thal sman gyis gzhag 'brum gyi khar bskus la gos kyis gzhang kha slon la legs par rtogs shig /
 mig gi mchu la thor bu 'am nad yod na mig gi mchu gteg ste drongs la mig ga 'bras bu nag po nyi tshe gos 'jam po g.yogs la mig sprin mi g.yog bar zhog la pad+ma'i lo ma 'jam pos thal sman ci ran tsam blangs la mig gi mchur
 yugs shig /sna'i bor ka'i nad rol tu rmen bu lta bu byung na/ gdong shar phyogs su nyi ma la bton la sna'i thor to nas bzung ste/ gyen du bteg la thal sman ci ran cig bskus te se gol brgya srid du zhog la phyis shig /rna ba la rmen bu 'am thor bu byung na
 'ang thabs de dang 'dra bar gyis shig /thal sman gyis byugs pa 'di rnams legs sam ma legs blta ba'i thabs ni thal sman phyis la legs par phye ste rab tu tshig gam ma tshig ba rtogs shig /thal sman gyis rab tu tshig par gyur na mar dang/
 sbrang rtsi dang 'o ma dang zho ga chu dang/ 'bras rtsa bas 'di rnams bsregs la sbyar bas thal sman gyis byugs pa'i rma khar bskus la tsha ba zhi bar gyis shig /de'i rjes la sman ro mngar zhing bsil ba rnams dang mar du bar brdzis pas rma khar skus shig /kha
 zas kyi cho ga ni rma snags shing zag par 'gyur ba bad kan skye ba'i bag bza' o/ /gal te thal sman gyis bsregs pa'i 'khor sra bar 'gyur te/ rnag dang chu ser du mi zag na 'u su'i 'bras bu dang/ sa bon gyi ro skyur bag dang/ shing mngar dang til 'di
 rnams btags te rma khar skus shig /sman 'di rnams kyis rnag dang chu ser mang du phyung nas rma gso ba'i sman til btags pa dang/ shing mngar btags la mar dang sbyar la rma khar skus shig /de la thal sman bskus bas tshig ba dang/ ma tshig
 pa'i bye brag btags pa'i thabs ni shing tag 'jam bu smin ba ltar mdog nag bor 'bug na thal sman gyis tshig pa yin no/ /zangs kyi mdog 'dra ba dmar la zug cing g.ya' la nan thal sman gyis ma tshig pa rim? gyis de'i
 phyir yang bsreg dags te thal sman gyis skus shig /thal sman gyis ha cang tshig ches na ni khrag mang du 'byung ba rgyal tsha ba skyed rims la sogs pas 'debs so/ /gzhang 'brum ha cang tshig ches na bshad gci lhag par sri 'am yang na rab tu mang bar
 'gyur ro/ /gzhang gi nang gi gzhang 'brum la thal sman drags te tshig na pho mtshan ma rung bar gyur te 'chi ga'am/ yang na gzhang rul par 'gyur ro/ /sna'i nang du thal sman drags na sna'i zangs 'dral lam 'khums te dri mi chor bar 'gyur ro/ /rna ba la sogs pa
 thal sman gyis byugs pa'i nyen yang de dang 'dra'o/ /de lta bu'i nyen las na ?du gyur ba la dbyad du bya ba ni/ shing mngar btags pa dang 'bras rtsa bas lta bu dang/ til btags pa'i phye ma dang/ mar du bsregs pa'i lde gus skus shig /cho gar bya ba mi rlung nang
 sel ba dang/ mkhris ba sel ba'i dpyad dang bsil bag cho ga shes bar bya'o/ /thal sman gyi cho ga pa ni skyur bag gis byugs na bsil bar gyur te phan no/ /skyur bag bskus pas tsha ba zhi ste bsil bar gyur bas na de'i phyir thal sman gyis tshig stangs
 kha tsha la skur gyis cher skus shig /me btsa' gang ba ba'i dpyad ni thal sman gyis bskus ba dang/ mi 'dra ste/ de las nang du 'gyur zhing nyen du 'gyur ba mi srid do/ /sman btang ba thal san gyis byugs ba dang/ gtar ga btab ste ma phan pa
 rnams la/ me btsa'i dpyad kyis pags pa dang/ sha dang/ rtsa dang/ chu ba dang/ rus ba dang/ rus pa'i tshigs rnams dang/ sme ba dang rkang lag snang ba dang/ klad pa na ba dang/ mig dang klad pa'i gzhogs phyed na ba dang/ mdzer ba dang 'di 'dra ba la me
 bca' gdab bo/ /de la pags pa la me btsa' gdab na ras bal dril dril ba 'am balba gi so dang me shel dang mda'i smig la sogs pa gdab po/ gzhang 'brum dang/ mtshan par rdol pa'i nad dang rmen bu dang mtshon 'tshebs dang/ sha dang pags pa'i
 bar du nag 'khyims ba 'di lta bu ni sha bsregs te de la sbrang rtsi 'am spa tshil lam/ mar lhing nag du bskol bas bsreg /yang na 'khrul 'khor du byas pa dzam+bu'i mchu 'am bu ram bsregs bas sregs shig / mig 'byar te zum pa dang/ gtar ga
 btab ste khrag mi chod pa dang/ ni la la sogs pa 'di rnams la sbrang rtsi dang sbra tshil la sogs pa sregs shig/ gong du rgan po dang/ byis pa dang/ bud med sbrum ma dang/ mtshon khong du lus ba dang/ lus sam ltor rma chen po byung ste khrag mang po zag pa dang/
 rma mang ba byung ba 'di lta bu la me bca' yang me 'debs ma sreg cig /me 'chi? ba legs par tshig na rma khar shing mngar btags pa dang/ mar dang sman snum zhing bsil ba btags pa dang/ bzang por sbyor la rma khar skus shig /me btsa' legs pa'i tshod
 ni khrag mi 'ong/ chu bur phre'u byung ba dang/ chu ser cung zad tsam 'byung kha sregs pa'i 'phro bya thi ba'i mdog 'dran me btsa' legs te nang mi che ste/ rma myur du 'chi'o/ /mi mkhas bas dror ma zin te ma tshos pa dang bsreg ma legs pa dang/ ha cang tshig ches ba
 dang/ tsud tshur gyur ba dang rnam pa bzhi'o/ /tshud tshar gyur ba ni bags pa'i mdag 'gyur la tsha/ tshu bur 'byung ba ni med ba yin no/ /bsreg ma legs na chu bur 'byung rab tu tsha la na'o/ /ha cang bsregs drags na ni sha zhig ste/ 'phyang ba dang 'khums par 'gyur ba dang/
 ha cang tsha ba dang/ zug cing na ba dang rtsa la sogs pa ma rungs bar 'gyur ba dang/ skom dang che 'bog me btsa' btab ba'i rma zabs su khong du 'bros ba dang 'chi bar yang 'gyur ro/ /ma btsas na tshugs te mtshos pa ni me btsa' gdab pa dang/ sman
 drod che zhing tsha ba'i bag sbyar ro/ /khrag ska ste/ zag tu mi rung nan bar 'gyur ro/ /khrag zag na ni 'bri zhing thim par 'gyur ro/ /de la bseg ma legs na ni bsil ba dang dro ba'i sman gyis bskus la mjug
 du sman bsil bas skus shig /de la me btsa' gdab lags na cug had dang/ shing blak+Sha dang/ tsan dan dang/ btsag yug snam dang/ sle tres rnams zhib tu btags la mar dang sbyar te rma khar skus shig /de'i rjes ni mkhris ba
 pa rgyas pa'i nad dang me dpal gyi nad kyi cho ga dang 'dra bar bsil bag tu gyis shig /de la me btsa' ha cang drags te tshig nas mkhris pa rgyas pa dang/ me dpal gyi nad kyi cho ga dang 'dra bar bsil bag tu gyis shig /mar dang
 spra tshil la sogs pa lhing nag tu bskol bskol bas bsregs te tshig na sman rtsub bag gis myur du skus shig /thal sman rnon po gsha' ras byug pa dang me btsa' gdab pa'i cho ga bshad pa rdzogs so// //
 sman sbyad yan lag brgyad ba'i snying po bshad pa'i mdo'i gnas rdzogs te/ bshad pa dang dag ni gsang ba dang 'dra bar sman dpyad kyi dmigs bshad pa rnams mdo tsam zhig bshad pas rtsid do/ /zhib tu rgyas par ni 'og nas
 bstan cing bshad do/ /sman pa'i bdag po seng ge sbas pa zhes bya ba'i bu sman pa chen po pha gol zhes bya bas yan lag brgyad pa'i snying po mdzad pa las mdo'i gnas zhes bya ba le'u sum cu pa rdzogs te yan lag brgyad pa'i
 snying po'i gnas dang po'o// //sman dpyad yan lag brgyad pa'i snying po las lus kyi gnas zhes bya ba/ byis pa rum du chags pa rnam pa drug las le'u dang po bshad par bya'o//
 de la sngon gyi drang srong chen po rgyun shes kyi bu la sogs pas bshad pa na re thog ma sems can ji ltar skye zhe na dang po pha ma'i khu ba dang khrag rlung la sogs pa'i skyon med pa dang/ las dang nyon mongs pa dang/ ldan pa'i rnam par shes pa dang
 de dang lhan cig 'byung ba nam mkha' la sogs pa 'byung ba chen po lnga shin tu cha phra ba dbang po'i yul las 'das pa rnal 'byor gyi yul du gyur pa/ de dag skad cig mngal du tshogs shing 'dus pa ni rum du chags pa zhes bya ste/ dper na
 gtsub shing dang/ gtan pa dang/ sbra ba dang/ skyes bus rtsol ba'i lag pa dang/ 'di dag tshogs pa las me 'byung ba bzhin no/ /da ltar chags nas kha zas zos pa'i dangs ma dang/ bcud kyis nur nur po dang mer mer po la sogs par rim
 gyis 'gyur zhing 'phal bar 'gyur ro/ /de la rnam par shes pa dbang po'i yul las 'das pa ma'i mngal du ji ltar 'jug tu rung zhe na de ni mngon sum gyi dpes bstan te/ ji ltar nyi ma'i 'od zer me shel la phog pa'i dbang
 gis rtsa dang sha dzi la sogs pa bsregs par snang yang/ shing yang me shel la reg par mi snang la me shel yang shing la reg par ma mthong mod kyang tshig par snang pa bzhin du rnam par shes pa mngal gyi nad du zhugs pa yang
 mi snang ba'i sgo nas 'jug pa yin no/ /de la rnam par shes pa dang/ de dang lhan cig 'byung ba'i rgyu 'byung ba chen po lnga ni sems can skye ba'i rgyur gcig na/ skye ba rnams pa du ma snang ba'i phyir zhe na/ mthun pa'i
 dpes bstan te ji ltar spra tshil dang zangs ma la sogs pa'i rgyu gcig pas gzugs tha dad pa sna tshogs dga' mgur byar yod de/ cir yang snang ba dang 'dra bar rang bzhin gcig pa las kyang tha dad par snang du rung ngo/ /de bas na pha'i khu chu'i
 shas che ba las ni skyes par 'gyur la/ ma'i khrag gi shas che ba las ni bu mor 'ong ngo/ /cha mnyam pa las ni ma ning du 'gyur ro/ /bu tshe mar 'ong pa ni chags nas mer mer bo'i skabs su rlung gis dum bur bcad pa las du mar gyur te/ de yang pho mo la sogs
 par 'byung ba ni khu khrag gi shas che chung gong ma ltar shes par bya'o/ /pha ma'i khu khrag rlung la sogs pa'i skyon dang bcas pa las ni skye ba mi mthun pa sprul dang byi ba la sogs pa 'byung ba dang/ gzhan yang long ba dang/ 'on ba dang/ zha bo dang/ grum po dang/ theng
 po dang/ me'u thung dang/ lus mi sdug pa la sogs pa lus skyon dang bcas par 'gyur ba yin no/ /bud med kyi zla mtshan zla ba gcig la lan gsum 'byung/ de yang thog ma lo bcu gnyis lon ba nas te lo lnga bcu phan chad ni mi 'byung ngo/ /skyes bu gang lo bcu
 drug gam nyi shu yang lon/ mngal gyi gnas kyang dag /khu ba dang khrag la yang nyes pa med rlung la skyon med cing pha ma gnyis sems dga' ba dang bcas pa'i bu ni shin tu stobs dang ldan par 'gyur ro/ /gong ma gnyis las lo nyud bcu dgu 'am lo bco lnga
 pa'i gu che ni nang mang ba dang/ tshe thung ba dang/ mngal zhig bar 'gyur ro/ /pha ma'i khu ba dang/ khrag rlung la sogs pa'i skyon gyis 'dres na ni sa bon gyi rus ba zhan par 'gyur ro/ /de yang myags pa dang/ mdung ba can dang/ rnag lta bu dang/ zas byed dang/ dri
 ma can dang lnga'o/ /lnga po de dag kyang rlung la sogs pa'i rang rang gi rtags dang mthun par 'byung ste/ de yang rlung las gyur pa'i rtags ni khu ba rtsub pa dang/ mdog sngo bsang su 'byung ba'o/ /mkhris pa las gyur pa'i rtags ni shin tu sla ba dang/ dri mi zhim pa dang/
 mdog ser skya la sogs par 'byung ba'o/ /bad kan la sogs pa'i rtags ni shin tu dkar ba la sogs par 'byung ba'o/ /gzhan yang khrag las gyur pa'i mtshan ma ni ro myags lta bu'i dri mar snang ba'o/ /bad kan dang rlung las gyur pa'i khu ba dang/ khrag mdog
 rung ba ltar snang ba'o/ /khrag mkhris las gyur ba'i mtshan ma ni rna ga lta bu'o/ /rlung dang mkhris pa las gyur pa ni shin tu rul ba'o/ /nad gzhi 'dus pa las gyur pa ni dri ma lta bu ste/ de dag las kyang 'dus pa las gyur ba dri ma lta bu ni gsor mi rung ngo/ /lhag ma ni gso bar bya
 ste/ rlung las gyur ba ni snum bag dang/ dro pa dang/ skyur ba dang/ lan tshe la sogs pas gso'o/ /mkhris ba las gyur pa ni mngar ba dang/ bsil ba lta bu dang/ ba ba dang/ bska ba la sogs pas gso bar bya'o/ /bad kan las gyur ba la ni rtsub pa dang/ rno ba la
 gogs pa sbyin no/ /khrag las gyur pa ni mkhris pa gso ba'i cho gas ni zhi bar nus mod kyi/ 'on kyang khrag las gyur pa'i myags pa ni dang ka'i me tog dang/ seng ldeng dang/ bal po se'u dang ardzu na dang/ 'di rnams mar dang tshul bzhin du bskol te btung ba 'am yang na
 a sa na'i sde tshan char chu dang bskol te 'thungs na zhi bar 'gyur ro/ /dud ba ltar snang ba'i nad la ni shing plaksha bsregs pa'i thal ba dang/ sru sru'i rtsa ba 'di gnyis mar dang tshul bzhin du bskol ba 'thungs na phan no/ /rna ga lta bu'i nang pa la ni pi ru sha ka dang/
 n+ya gro d+ha'i sde tshan mar dang tshul bzhin bskol ba 'thungs na zhi bar 'gyur ro/ /khu ba zad pa'i nad la ni ro rtsa ba'i sman dpyad bya'o/ /dri ma lta bu la ni dang po slon khrus kyis lus ngag bar byas la de nas shing kun dang/ bu shel tso dang/ kru trug tres dang/ 'di rnams
 mar dang tshul bzhin du sbyar ba 'thungs na phan no/ /bud med kyi zla mtshan mdung pa can la ni pa ta dang/ che ba gsum dang/ dug mo yungs dang/ 'di rnams chu dang bskol ba'i khu ba blud na phan no/ /bud med kyi zla mtshan rnag dang myags pa lta bu la ni tsan dan bskol
 ba'i khu ba 'thungs na phan no/ /gzhan yang zla mtshan gyi nang mo mtshan gso ba'i dpyad 'jam rtsi mas btang ba dang/ sman la sogs pa 'og nas 'byung ba bzhin du ci rigs su sbyar ro/ /skyes bu gang gi khu chu dkar ba dang lci ba dang/ snum ba dang/ mngar ba dang/ bska
 ba dang/ mang ba dang gzhan yang mdog sbrang rtsi lta bu dang/ mar dang 'bru mar lta bu dang 'di dag ltar snang na bu bzang po skye ba'i rtags so/ /bud med gang zla mtshan rgya skyegs kyi khu ba lta bu dang ri bong gi khrag lta bu dang nad med pa'i khrag
 dang 'di lta bu yod na'ang bu bzang po skye ba'i rtags yin no/ /pha ma'i khu khrag skyon med cing chags pa'i sems dang bcas pas 'dod pa spyad na bu skye ba'i rgyu'o/ /thog mar skyes pa dang bud med dge ba'i sman dang mar dang/ 'bras bu'i sman mar gyis snum gyi cho ga
 byas la/ slon khrus kyis lus dag bar byas te de'i 'og tu 'jam rtsi bsten par bya'o/ /khyad par du skyes pa la ni 'o ma dang mar dang mngar ba dang sman dzi wan+ti dang rgun 'bru'i sde tshan sbyar la sbyin no/ /bud med la ni 'bru mar dang/ srog chags thang la gnas pa'i
 sha dang/ lhan cig sbyar ba bza' o/ /de la bud med zla mtshan dang ldan pa'i rtags ni rkyen gzhan med par lus nyam chung ba dang/ gdong gi dri ma med cing dag pa dang/ rked pa dang nu ma 'bar ba dang/ mig dang/ dku 'gul zhing skyes pa 'dod pa de ni zla
 mtshan dang ldan pa'i bud med du blta'o/ /de ltar pad+ma la nyi zer gyis phog na kha bye ba dang 'dra bar zla mtshan byung nas zhag bcu gnyis kyi bar du mngal gyi pad+ma kha bye ba ltar 'dug /gnas skabs de'i bar du skyes pa phrad na sa bon 'dzin la/ de phan
 chad ni zum par 'gyur ro/ /zla mtshan thog ma byung nas zhag bcu gnyis kyi bar du zla mtshan gyi dus der 'dod pa spyad na bu tsha 'chags so/ /zhag bcu gsum phan chad ni sa bon 'dzin pa'i mthu med de mi 'chags so/ /dang po kha zas la sogs pa'i
 dangs ma las zla ba gcig gi bar du gsog par 'gyur ro/ /de nas rlung gi mngal gyi nang na rtsa'i rgyun gnyis yad de/ de nas mo mtshan gyi nang nas phyir 'byin par byed de khrag mdog kyang cung zad gnag la dri ma med par snang ngo/ /zla mtshan thog
 mar byung ba shes nas zhag gsum pa'i bar du sems bde zhing dge ba la blo gtad par bya'o/ /khrus dang rgyan dang bsku byug la sogs pa spang ngo/ /rtswa dar ba'i stan la 'dug du gzhug go /'o ma las gzhi blangs pa'i bza' ba nyung zad sbyin te lto ba sbyang bar bya'o//
 bza' ba'i snod kyang lo ma 'am rdza snod dam/ lag pa'i steng du zar gzhug ste skyes pa dang 'phrad pa spang ngo/ /de nas zhag bzhi pa la bud med kyis snga dro khrus byas la gos dkar po dang/ me tog dkar po la sogs pas lus brgyan la gtsang bar bya'o/
 de nas bu 'dod pa'i phyir khyo'i mdun drang po nas ltar bcug nas pha dang 'dra ba'i bu 'ong ba'i rigs so/ /thog ma zla mtshan byung ba shes nas zhag bcu gnyis kyi bar du ni zla mtshan rgyu ba'i dus te de las kyang dang po zhag gsum dang zhag bcu gcig pa'i dus su
 nyal po byed pa ni smad do/ /de la zung then pa'i zhag bzhi ba dang/ drug ba dang/ brgyad ba dang/ bcu ba dang/ bcu gnyis lon pa de'i tshe ni bu phor 'gyur ro/ /zla mtshan rgyus nas zhag lnga ba dang bdun pa dang/ dgu pa dang 'di dag gi tshe nyal po byas na bu mor 'gyur ro/ /de nas bud
 med des srid srung gi rig byed pa'i dram ze'i lung bzhin du bu bskyed pa'i phyir bsrung ba 'am cho ga bya ste bram ze dang/ rgyal rigs dang/ dmangs rigs gsum la ni bstod ba dang bcas pas phyag bya'o/ /rje'u rigs la ni phyag tha mal ba bya'o/ /gong du bstan
 pa'i sbyor ba ltar cho ga ma byas na ni ji ltar rang 'dod pa'i bu mi 'ong ngo/ /bu 'dod pa'i mkhas pa rnams kyis shin tu dben par nyal po bya'o/ /ci'i phyir zhe na nyams rangs sam dga' bder spyad pas bzang por 'gyur ba'i phyir ro/ /gal te dben par ma gyur
 ba'i gnas su 'dod pa spyad na dus rig mthon po yin yang bu tsha ma rabs skye ste rigs kyi me bzhin no/ /skyes bu bu bzang por 'dod pa rnams kyis yul phyogs na gnas pa'i skye bo byad bzhin bzang zhing mdzes pa dang/ stobs dang ldan zhing dpa' ba dang/
 'byor ba phun sum tshogs pa dang/ rigs dang yul chos kyi spyod lam dang/ de la sogs pa yon tan gyi rnam pa dang ldan pa bu pho dang/ bu mo gang 'dod kyang rung gong ma lta bu dang ldan par bsams nas nyal po byas te/ skyes
 pa dang/ bud med gnyis ka yang 'bras chan dang 'o ma dang ldan par bza' o/ /de nas skar mkhan gyi dus tshod dang khri 'am mal gyi steng du skyes pa ni rkang pa g.yas pas 'jeg go /bud med ni rkang pa g.yon bas 'dzegs nas khyim thab kyi g.yas ngos su
 bsnyal la til mar dang mon srang gre'u sbyar ba'i tshod ma btung bar bya'o/ /de nas khri thog tu phyin nas sngags kyi tshig 'di dag brjod par bya'o/ /a hi ra si A yu ra si sarba ta/ pra tiSh+Tha sid+ha twa d+ha na ba d+hi tA rtha dan+tu brahma bar tsa sa b+ha be ti/ brahma gri ta/
 sa tir baSh+Nu so ma shurya/ s+tha na shI no/ ba go me tra ba ru No/ /tshangs pa chen po la sogs pa'i lha chen po rnams kyis bdag ming 'di zhes bgyi ba la bu dpa' ba dang yan lag mchog gi gzugs dang ldan pa bdag cig la stsal du gsol/ /de'i 'og tu
 khyo shug gnyis gcig la gcig rjes su chags par byas nas dga' ba dang bcas pas nyal po bya ste/ de yang bud med gal rkyal du yan lag legs par gnas par bya ste/ 'dod pa la brtse gcig pa'i yid kyis 'dug par 'dzin cing skyes ba rnams
 rang gi gnas na gnas par bya'o/ /bud med kyi mngal du sa bon legs par chags par gyur na 'phral de ma thag mtshan ma 'di dag 'byung ste/ 'dod pas ngoms ba dang/ lus lci ba dang/ yan lag 'gul ba dang/ khu khrag 'dres pa de yang
 'khrugs pa snyam byed pa dang/ snying cung zhig 'phar ba dang snyoms pa dang dub pa dang ba spu langs pa dang/ mngon rtags de dag dang ldan par 'gyur ro/ /dang po chags nas zhag bdun lon pa dang/ nur nur por 'gyur te/ zla ba gcig gi bar du mi
 mngon bar 'dug go/ zla ba gnyis pa la gong gi nur nur bo cung zhig mngon bar 'gyur ba dang/ 'og nas 'byung ba'i sman 'di dag gis gso bar bya'o/ /yod ni skyes bu'i las dge ba dang mi dge ba 'di rjes su 'brang mod kyi 'on kyang rkyen la rag las pa yang yod bas
 gso ba dang bsrung ba'i cho ga bya'o/ /de la gser ram dngul lam lcags nag po gang yang rung ba la skyes bu'i gzugs chung ngu byas te me'i nang du bsregs la dmar por gyur ba dang 'o ma'i nang du bsnyugs la khyor gang blud do/ /yang na go ra lnga dang a ba
 mar ga dang dzi ba ga dang/ zangs rtsi ba dang/ sh+ri sha dang/ 'di rnams la gnyis sam gsum mam mang du 'tshogs kyang rung ste/ btags la chu dang sbyar nas skar ma rgyal gyi nyi ma la blud do/ /bu pho 'dod na bri ha ti dkar po'i rtsa ba 'o ma dang sbyar ba sna gong
 g.yas logs su blugs so/ /bu mo 'dod sna gong g.yon nas blugs so/ /yang na lag sma na'i rtsa ba brdungs pa 'o ma dang sbyar ba bu brtan bar bya ba'i phyir kha 'am sna nas blugs so/ /yang na n+ya gro d+ha'i myu gu brgyad brdungs pa 'o ma dang sbyar ba gong ma ltar gtang ngo/ /yang
 na 'tshe byed sna bcu'i sman gyis bza' ba dang/ btung ba dang bsku ba la sogs pa byas na khyim thabs dang g.yog 'khor rnams la phan zhing mngal yang brtan por 'gyur te kun la sbyar ro/ /zhun mar sar pa dang/ 'o ma ni rtag tu bsten par bya'o/ /de ltar
 sems dang ldan pa'i bud med kyis nyal po lhag par mi bya/ rtsol ba drag po dang/ khur dang/ gos lci ba dang/ nub mo gnyid ma log pa dang nyin par gnyid log ba dang/ 'og gzhi mkhrang bal 'dug pa dang/ stan med pa la 'dug pa dang mya ngan dang khro
 ba dang 'jigs pa dang/ skyo ba 'byung ba dang/ 'dod pa dgag pa dang/ smyung bar 'dug pa dang/ lam du 'gro ba dang/ shin tu tsha ba'i zas dang/ dro ba dang lci ba dang phyis 'gags par 'gyur ba'i zas dang/ gos dmar po dang/ g.yang sa dang/ khron par lta ba dang
 sha dang chang cher 'thungs pa dang/ gan rkyal du nyal ba dang/ gang yang bud med mkhas pas mi 'dod pas mi 'dod pa thams cad spang bar bya ste/ mdor na skyon gong ma de dag mi spyad/ mi bsten mi bza' o/ /de bzhin du gtar ka
 dang slon khrus dang/ sman mas btang ba la sogs pa mi bya ci ste de dag byas na ni nang du dbang po rnams bskams pa 'am/ /phyir 'phyil bar 'gyur ro/ /zas dang sman la sogs pa rlung 'khrugs pa'i bag bsten pa las ni bu tsha rgur po dang/ long ba dang
 'on pa dang/ mi'u thung ngu 'gyur ro/ /zas dang sman la sogs pa mkhris pa 'khrugs pa'i bag bsten pa las ni bu 'phyil pa dang/ ser skyar snang bar 'gyur ro/ /bad kan 'khrugs pa'i zas dang sman bsten pa las ni bu sha kra dang skya rbab kyis btab par
 'byung ngo/ /gzhan du nang gang yang rung ba sbrum ma'i bud med la byung na zas dang sman 'thung ba 'di dag bstan te/ mar dang li kha ra dang/ rgun 'brum la sogs pa'i sman dang/ de bzhin du dong ga la sogs pas gso bar bya'o/ /zla ba gnyis pa la bab
 ba'i tshe na gor gor por gyur na ni skyes bar gyur la/ nar nar por gyur pa ni bu mor 'gyur/ nur nur por gyur na ni ma ning du 'gyur/ de'i tshe bu gsal por chags pa 'am mngon pa'i mtshan ma ni sha bri ba dang/ lto lci ba dang/ brgyal ba dang/ skyug pa
 dang/ zas yi gar mi 'ong ba dang/ glal ba dang/ cham pas dang/ rkang lag skyong ba dang/ lte ba'i 'og ni spu'i rgyal po 'byes pa dang/ skyur la dga' ba dang/ nu ma rgyas pa dang/ nu sor nag po 'dug pa dang/ rkang pa gnyis skrang ba dang/ sgegs?
 pa skyur mo 'byung ba dang/ zas sna tshogs la dang pa yin te/ de yang ma zas gang la dang pa bu yang de la dang de/ bu dang sems 'brel yin pas mi dgag go /mi mthun pa'i zas ni cung zad sbyin no/ /gang 'dod pa'i zas bkag nan nang gi thu 'us?
 'gyur ba 'am 'phyil bar 'gyur ro/ /zla ba gsum pa la bab pa'i tshe ni yan lag lnga dong par 'gyur te/ nying lag rnams kyang rim gyis 'byung la/ bde ba dang sdug bsngal yang de tshun chad 'byung ngo/ /byis pa nang du skye ba 'am 'phel pa'i rgyu ni ma'i snying dang/
 bu'i lte bar 'brel pa'i rgyun srang yod do/ /de nas mas zos pa'i bcung 'jug ste/ dper na zhing la yur ba nas chu drangs nas bcus na nges par 'phel zhing rgyas pa bzhin no/ /zla ba bzhi pa la bab pa'i tshe na ni bus pa'i yan lag thams cad gsal por
 'byes par 'gyur ro/ /zla ba lnga pa la ni sems shin tu gsal bar 'gyur ro/ /zla ba drug pa la ni rtsa dang rgyus pa dang/ ba spu dang/ rgyus pa dang/ stobs dang mdog dang/ sen mo dang pags pa dang 'di skye'o/ /zla ba bdun pa la bab pa'i tshe lus thams cad
 rgyas shing 'phel bar 'gyur ro/ /nang du byis pa la rlung la sogs pa'i nad byung na de'i rgyus byis pa'i lta ba las ma'i snying du 'grel pa'i gzhis ma la yang thog ma snying la brten te/ de'i 'og tu brang dang nu ma dang lto ba rnams su g.yan pa'i nad dang/ rkang pa
 dang lag pa la tsha ba skye bar 'gyur te de'i ming ni ki kis zhes bya'o/ /de ltar ki ki'i nad kyis btab pa la mar dang rgya shug gi 'bras bu sbyar ba 'am/ 'tsho byed sna bcu'i sde tshan nam/ dgun 'brum la sogs pa'i sde tshan gong ma ltar sbyar ba byin na phan no//
 kha zas ni snum pa dang lan tsha cung zad btab pa sbyin no/ /nu ma dang brang dang lto ba 'di dag la ni tsan dan dang pu shel rtse btags pa'i lde gus bsku'o/ /yang na 'bras bu gsum btags pa'i phye ma dang/ ri dags e n+ye ya dang/ hi ra ni dang/ ri bong gi
 khrag dang sbyar bas bsku'o/ /yang na ka ra bi ra dang/ til mar du sbyar bas bsku mnye bya'o/ /yang na pa to la dang/ nimpa dang/ btsed dang/ bye'u rug pa dang/ 'di rnams cha bsnyams te bskol ba'i chus bsku ba'am/ yang na skyer ba 'am/ shing mngar
 bskol pa'i chu dang/ khrus dang sku byug la sogs pa gtsang sbra cher bya'o/ /zla ba brgyad pa la ni mdang bu'i gzi mdangs yang dang yang du 'pho ste/ gzi mdangs ni lus 'dzin pa yin pas gal te gzi mdangs
 'pho ba'i dus su btsas na ni phal cher ma 'am bu gcig 'chi ste/ de yang gzi mdangs ma la 'pho ba'i dus na ni bu la gzi mdangs med pas bu 'chi la 'pho ba'i skabs su btsas na ni ma mi 'tsho'o/ /zla ba brgyad pa la ni 'bras kyi 'o
 thug? sbyin no/ /mngar ba'i sman dzi ban+ti'i sde tshan dang mar du sbyar ba'i 'jam rtsi mas gtang ngo/ /gzhan yang phyi sa rnying ba dag par bya ba'i phyir la phug skam po dang/ rgya shug skyur po dang/ shu ti dang/ 'di rnams btags la mar dang/ rgyam tsha dang sbyar ba'i
 'jam rtsi btang na bsngags so/ /zla ba brgyad po 'das ma thag gi zhag la byung na de ni du su skyes pa zhes bya ste rab tu bzang ngo/ /zla ba dgu 'am zla ba bcu gnyis tshun chad skyes pa yin la/ de phan chad skyes pa ni rlung gi lam bkag nas nges par lus mi bde bar
 skyed do/ /zla ba dgu pa la bab pa'i dus su ni sha tshon gyi khu ba 'bras chan dang bza' ba 'am/ yang na 'bras thug snum shas che ba dang sbyar nas bza' ste/ rlung nang zhi ba'i phyir gong du smos pa'i a nu ba sa na rtag tu gtang ngo/ /rlung la phan pa'i sman dang sbyar ba'i til
 mar gyi nang du spangs pa'i bal gyis mo mtshan gyi nang du bcangs la bzhag go /de nas rlung 'joms pa'i sman btso ma'i lo ma la sogs pa'i sman gyi lo ma ji snyed pa dang/ chu bskol ba de nas bsgrangs pa'i khu bas rtag tu khrus bya'o/ /zla ba dgu pa la ni ci srid du
 'byung gi bar du a nu ba sa na la sogs pa'i lus kyi snum bcos spang ngo/ /nang na bu khye'u yod pa'i rtags ni bud med kyang skyes pa'i ming can thams cad la dga' la/ gtam dang dri ba yang skyes pa'i tshig dang ldan par smra ba dang/ skyes pa'i nang du dga' ba
 dang/ rmi lam du yang skyes bu rmi ba dang/ dku g.yas logs mtho la de yang zlum 'dug na de ni bu pho btsa' ba' i snga rtags so/ /gzhan du na de las zlog pa ni bu mo btsa' ba' i rtags te/ khyad par du skyes pa dang nyal po byed par dga' ba dang/ rol mo dang/ gar dang/ dri
 dang/ phreng ba la dga' ba ni bu mo btsa' ba' i rtags so/ /bu ma ning yod pa'i rtags ni gong ma gnyis ka'i rtags dang ldan pa dang/ khyad par du dku g.yas g.yon gyi dbus lte ba'i 'og nas mthon por 'dug na ma ning skye ba'i rtags so/ /bu mtshe ma 'byung ba'i rtags
 ni dku g.yas g.yon gnyis ka mthon por 'dug la/ dbus su lung pa ltar gshong bar 'dug pa'o/ /gong gi zla ba dgu pa nas brtsams la bu btsa' ba' o khyad par 'jug par bya ste de yang sa rtog pa la mkhas pa'i mtshan nyid dang ldan pa'i skyes bus khyim legs par brtags
 la dgos pa'i yo byad yongs su bsags te/ gza' dang rgyu skar dge ba dang skar ma'i khyim dang yud tsam pa sogs pa brtags la khyim du 'jug par bya'o/ /de bsrung pa tshul bzhin du byas te sngar gong ma'i ma ma bu btsa' ba' i cho ga mkhas pa'i 'khor dang 'dug par bya'o/ /de la bu byung
 byung ba nye ba'i snga rtags ni lus dub pa dang/ dku dang mig gnyis 'gul bar snang ba dang ro smad lci ba dang zas yid gar mi 'ong ba dang/ mchil ma mang pa dang/ gcin mang ba dang/ brla dang/ rked pa dang/ rgyab dang/ snying dang/ chu so dang/ brla brag dang/ 'di dag tu na ba dang/
 mo mtshan rgya chen por gyur cing rgyun du na pa dang/ mgul ba dang/ khrag dang/ be'u snabs lta bu 'byung ba dang/ de dag ltar snang na/ deng ngam sang 'byung ba'i rtags so/ /de'i 'og tu snod la chu 'byung ngo/ /de nas byis pa mngal nas byung ste/ mo mtshan gyi lam du? phyin pa dang/ bud
 med la bsrung ba'i 'khor lo 'gul du gdags pa dang/ bsrung ba'i skud pas lag par gdags so/ /bud med kyi lag pa skyes pa'i ming can gyi 'bras bur sla gong zho sha la sogs pa bcang ste/ chu dron po cung zad cig lus la bsku ba 'am blugs so/ /de'i 'og tu mar
 gyis btab pa'i thug pa byin pas lam? la bcas te 'dug go /de nas bud med kyi brla'i nang skur ba'i rigs so/ /de'i 'og tu bud med gan rkyal tu bzhag la rlung nad zhi ba'i phyir bsku byug legs par yang dang yang bya ste/ lte ba yan chad khyad
 par du mnyes la bud med glal byung ba dang 'chag tu bzhug go /sngar byis pa ma'i snying phyogs su mgo brten te 'dug pa las kha sbub tu log ste rang gi sngar gyi gnas nas 'phags nas chu sor phyin te/ phyir bu 'byung khar gzugs gzer sna tshogs byung ba na/ myur bar
 khri legs par bcas la de'i steng du bzhag ste/ bu nang nas byung ba'i mtshan gyis phul ba'i mo mtshan brgyangs pa na snum gyis bsku byug la sogs pa bya'o/ /bu mo mtshan gyi khang ma byung gi bar du rim gyis btsir la sgor phyin pa dang shugs drag tu phul
 zhing btsir ro/ /de'i tshe bu btsa' ba' i bud med srog dang bral ba tsam du sdug bsngal mi zad pas nyen par 'gyur te/ de'i dus su nye 'khor na 'dug pa rnams kyis sems gso ba dang/ spro sring pa dang/ chus gtor ba dang/ rlung yab kyis g.yab pa dang/
 khu tsha skye ba'i yon tan gyi sgra yang brjod do/ /ji ste mngal gyi sgo nas bu phyir 'byung du ma 'dod na/ sbrul nag po'i pags pa bsregs pa'i dud pas mngal gyi sgo nas bdug go /gser gyi me tog gi rtsa ba 'am/ yang na lcam pa 'am/ yang na bi
 shal+lya gang yang rung bas rkang pa dang lag par brtags na bu 'byung bar 'gyur ro/ /gal te sham 'byung du ma 'dod na yang cho ga gong ma ltar bya'o/ /khyad par du lag pa gnyis bteg la lus kun bskyod pa 'am/ sprugs pa byas pas sha ma phyir
 'byung bar 'gyur ro/ /yang na khu tshur gyis rked par brdeg cing rku btsos gnyis su btsir bar bya'o/ /yang na rang gi skra tshoms kyis mgrin pa dang/ rkang la reg par bya ba 'am/ de bzhin du snu hi'i 'o ma spyi bo nas blugs pa'am/ yang na gro ba 'am/
 langka li dang/ bsku ba dang sbrul gyi pags pa dang/ ru rta dang/ yungs kar de rnams la sna gnyis sam yang na thams cad rnyed na yang rung ste/ mo mtshan gyi sgo nas byug pa 'am bdug par bya'o/ /yang na ru rta dang bal bu'i phye ma chang gi snying khu dang blud do/ /yang
 na rgya sran nam bal ba za'i khu ba 'am/ a sa ba'i btung ba sbyar ba gang yang rung ba blud do/ /yang na shu ta dang/ yungs kar dang/ a dza dzi zhes bya ba zi ra dang/ na le sham dkar po dang/ tigaSh+Na ka dang/ kru trug tres dang/ shing kun dang ru rta dang/ bo son cha dang?
 'di rnams phye mar byas pa ba gcin dang 'o ma dang/ yungs mar dang/ 'di rnams tshul bzhin du bskol ba'i mar gyis bshang ba'i lam 'am/ mo mtshan gyi sgo nas a nu pa sa na btang na rab tu phan no/ /yang na shu ti dang/ shu dag dang yungs kar dang/ pi pi ling
 dang/ 'di rnams tshul bzhin du btags la lan tsha dang/ mar dang bcas pa sbyar ba ni ru ha mas btang na sha ma 'byin par byed do/ /gal te sha ma ma byung na ni rlung nad rgyur 'gyur la phyir byung na ni rlung yang phyir 'byin par byed do/ /gong ma'i thabs gang gis kyang sha ma
 ma thon na bud med mkhas pa sngar goms pa yod pas lag pa'i sen mo bregs la snum gyis bskus te/ lag pa nang du bcug la dal bus rim gyis dbyung ngo/ /de nas bu dang sha ma gnyis ka byung nas grol ba lta na/ /til mar gyis mtshan ma dang lus
 thams cad bsku mnye bya'o/ /bud med bu byung ba'i 'og tu nad mag ka la zhes bya ba 'byung ste/ de'i mtshan ma ni 'og nas chu so dang lto ba dang brla brag tu zug cing na ba yin te/ de la ni nas tshig 'khus pa'i thal ba zhib par btags te/ mar ram yang na
 chu dron po bskol ba gang yang rung ba dang sbyar ba 'am/ yang na 'u su'i 'bras bu bskol ba bu ram dang/ tsha ba gsum dang dri sna gsum zhes bya ba shing cha dang/ sug smel dang/ ganda pa tra rnams kyi phye ma dang sbyar la blud do/ /yang na rgan po rnams na re dri sna gsum
 dang/ tsha ba gsum zho gnyis gnyis kyi phye ma dang/ 'u su'i khu ba sbyar la blud do zhes zer ro/ /'di bu'i gso ba thams cad ni bud med dam ma ma gang yang rung bas byis pa'i rgyud kyi le'u las 'byung ba bzhin du sbyar bar bya'o/ /bu byung
 ba'i 'og tu ma ltogs par gyur na ni mar ram 'bru mar gang yang rung ba sbyar ba'i bza' ba 'am/ thug pa sbyin no/ ltogs par ma gyur na ni dang po yi ge dbye ba'i phyir chu bskol ba'i nang du bu ram mnyes la/ tsha ba rnam pa lnga'i phye mas btab la blung ngo//
 rlung 'joms pa'i sman rtsa ba bcu la sogs pa bskol ba blud na mngal gyi rlung nad sel cing khrag ngan dag par byed do/ /rim pa 'di dag gi zhag gnyis gsum du bya'o/ /gzhan yang byis pa'i ma snum dang 'phrod na ni snum dang bcas pa'i bza' 
 btung sbyar ro/ /snum dang mi 'phrod na ni gong gi tshe ba lnga dang bcas pa'i bza' btung sbyar ro/ /de ltar gang dang 'thun pa'i bza' btung byin nas rlung mi 'jug par bya ba'i phyir/ mar dang til mar gyis bgos pa'i ras kyis lto ba bcing bar bya'o//
 de nas kha zas zhu ba dang khrus bya ste/ gong du smos pa'i sman tsha ba lnga 'am/ rtsa ba bcu pa la sogs pa dang sbyar ba'i thug pa sbyin no/ /zhag gsum nas ni bi da ri'i sde tshan dang sbyar ba'i thug pa blud mar dang 'o ma gang dang 'thun pa dang sbyar ro/
 zhag bdun pa nas ni rim gyi nyam stobs skyed pa'i kha zas sbyin no/ /zhag bcu gnyis pa nas ni srog chags thang la gnas pa'i sha las g.yos su byas pa 'am/ sha'i bza' ba me'i drod dang sbyar nas byin no/ /bu btsas zin pa'i bud med la ni
 dang po rum du chags pa nas 'phel ba la sogs pa dang/ 'byung ba'i sdug bsngal dang/ khrag mang po 'byung ba dang/ btsir ba la sogs pa'i sdug bsngal gyi nang du gyur na gso dka' bar bshad de/ de bas na 'bad pa dang bcas pas gso
 bar bya'o/ /'on kyang bu byung nas zla ba phyed dang gnyis kyi bar du bag dang bcas pas srung ba tshul bzhin du bya'o/ /de phan chad ni ci bder sbyang ngo/ /thog ma bu btsas nas nyams brtas te/ phyi ma zla mtshan byung nas skyes bu btsas zhes bya ba'i ming
 med pa yin no/ /lus kyi gnas las le'u dang po rdzogs so// //de nas byis pa rum du chags pa'i nad kyi bye brag bstan pa'i le'u gnyis pa bshad par bya'o// //de la byis pa rum du chags pa'i bud med des sbyar par mi 'os
 pa'i dngos po dang rtsol ba la sogs bsten pa las byung ba 'am/ yang na nam gzhi 'khrugs pa'i dbang gis mo mtshan nas khrag mang po byung ste/ de yang chu so dang/ rtsi ba logs dang/ rked pa dang/ mo mtshan gyi sgor zug gzer byed na/ de la ni lus
 phyi nang gnyis ka nas snum pa dang/ bsil ba'i bza' ba dang btung ba dang/ bsku ba dang/ blugs pa'i gso ba sbyar bar bya ste/ de yang pu shal tse dang/ pad+ma dang/ tsandan dang/ shing 'o ma can gyi shun pa dang 'di rnams kyi phye ma mar dang lde gur
 byas pas ras la bskus te/ ras bsgril? la? tham bu thabs su byas pas/ mtshan gyi sgo nas bcangs la bzhag go /mar chu nang du lan brgya tsam mnyes pas lus bsku'o/ /yang na gong gi u shir la sogs pa'i phye ma chu dang sbyar ba'i nang du lus gzhug go /
 kar dkar po dang/ sbrang rtsi dang/ ku mu ta dang/ utpa la dang/ pad+ma ge sar sbyar ba'i lde gu sbyin no/ /shing ka Ta ka dang/ ka she ru ka mar dang/ 'o ma dang sbyar ba'i bza' ba sbyin no/ /yang na bri yaM ku dang/ utpa la'i rtsa ba dang/ u dum+bar gzhon nu 'di
 rnams phye mar byas te/ 'o ma dang/ btung ba 'am/ yang na 'o ma dang bskol ba'i khu ba blud do/ /yang 'bras sA lu'i rtsa ba dang/ ka ko la dang/ ba la rnam gnyis dang/ shing mngar dang/ bu ram shing 'di rnams chu dang 'o ma dang/ bskol la chu 'o ma lus
 pa dang/ sbrang rtsi pa dang/ sha kha ras btab pa sbyin no/ /yang na thang la gnas pa'i srog chags kyi sha dang bsil ba'i khu ba'i nang du sbrang rtsi dang/ sha kha ras btab pa blud do/ /gzhan slon khrus ma gtogs pa phyi ma khrag
 mkhris gso ba'i cho ga thams cad skabs 'dir sbyar ro/ /zla ba gsum gyi bar du khrag dbyung ba dgag pa'i gso ba byas la/ bu legs par brtan par bya ba'i phyir bu gso ba la 'bad pa dang bcas par bya'o/ /ci ste khrag dbyung ba la sogs pa'i
 gso ba ma byas na ni mngal du bu mi 'chags shing brtan por mi 'gyur bar sman dpyad bya'o/ /gal te bud med la be'u snabs kyi nad byung na de la ni phan pa'i sman bsten par bya ste/ de yang bza' ba dang btung ba ni bsil ba'i bag gis lus kyi
 nang nas sbyar ro/ /sman yang kha ba dang bcas pa'i rtsu ba chos bya'o/ /gzhan yang smyung ba bya zhing la sgang dang/ pu shel tse dang/ sle tres dang/ a ra lu dang/ 'u su dang/ byi tsher ba dang/ parpa ta dang/ tsandan dang/ bong nga dkar po dang 'di rnams chu dang
 bskol ba'i khu ba'i skom du blud do/ /zas su ni 'bru gsum po dang/ ci tshe dang/ khre dang/ ci tshe rgod 'di gsum las g.yos su byas la sbyin no/ /yang na mon sran rde'u la sogs gang bu nas skyes pa'i sran ma'i rigs kyi spu sha'i khu bcud dang gar
 ma'i zas lhan cig sbyin no/ /sman dang zas de dag gis ma zhu ba'i be'u snabs kyi nad zhi bar gyur na gong ma bzhin nu bsil ba dang/ snum chos la sogs pa phyi nang gnyis ka nas bya'o/ /gal te byis pa zla ba ma tshang bar phyir 'byil bar gyur na de'i tshe
 zug gzer drag po myong ste de ma thag tu zug gzer mi dran pa dang/ mngal bde bar bya ba'i phyir/ chang bzang po legs par smin pa yog tshad bud med la sbyin no/ /de nas rtsa ba chung ngu lnga bskol ba'i khu ba las gzhi blangs pa'i 'bras thug blud do//
 gal te chang mi 'thung ba zhig yin na ni tsha ba rnam pa lnga dang sbyar ba'i thug pa sbyin no/ /de nas balbi la sogs pa'i rtsa ba chen po lnga bskol ba'i khu ba las gzhi blangs la gong gi 'bru gsum dang/ til dang sbyar ba'i zan dron sbyin no/ /ci ste bu zla ba gcig lon ba na
 'khyil bar gyur na thug pa la sogs pa'i cho ga gong ma zhag gcig gi bar du sbyin no/ /de bzhin du zla ba bzhi nas brgyad kyi bar du zla grangs dang zhag grangs re rer sbyar ro/ /kha zas kyang yang bag tshod zin pa bza' ste/ de yang snum dang lan tsha med pa ma'i
 drod skyed par byed pa'i sman na le sham la sogs pa tsha ba rnam pa lnga dang bcas pa byin na phan no/ /gong du bstan pa'i zas dang sman la sogs pa'i cho ga bstan pa ni srog zungs bdun dang chu ser dang/ rlung mkhris la sogs pa 'khrugs pa zhi zhing bskam  
 pa'i phyir bshad pa yin no/ /de nas de'i 'og tu snum pa'i bza' ba dang btung ba dang/ ni ru ha btang na stobs dang ldan pa dang/ me'i drod skyed par byed do/ /gzhan yang dzi ban+dzi'i sde tshan 'o ma dang sbyar la blud do/ /gzhan yang khong ba'i nang du bu la nad med
 nyams stobs dang ldan bzhin tu mo mtshan nas khrag 'dzag ste bu 'phel zhing rgyas par ma nus pa yang yod do/ /de 'phar ba 'am 'gul bar mi snang na de'i so gnas pa zhes bya ste/ de ltar na bu 'phel ma nus pa'i rgyus ma'i lto ba cher skye bar mi 'gyur
 ba yang yod do/ /gzhan mas mya ngan dang smyung ba dang/ rtsub pa la sogs pa'i rgyus rlung mkhrugs pa 'am/ khrag mang po byung ba'i rgyus rlung 'khrugs pa 'am/ de gnyis gang yang rung ba'i rgyus bu de ring cing skem par 'gyur la/ de'i ming ni
 go dar zhes bya ste/ nang gi bu'i 'gribs pa'i dbang gis sngar lto ba cher skyes na yang phyis 'grib par snang ste/ nang dur 'gul ba yang yun ring po nas cung zhig 'gul ba yin no/ /de la so na gnas pa dang/ nang go ta ra zhes bya ba 'di gnyis la ni
 nyams stobs skyed pa'i sman dang/ rlung 'joms pa'i sman dang/ mngar ba'i sman dang/ mar dang/ 'o ma dang/ re'u btsas? mthag pa'i sha dang/ 'di rnams legs par sbyar lam la tshim tshang du sbyin no/ /de'i 'og tu bzhon pa la bskyon te 
 cung zhig bskul lo/ /khong pa na nang gi bu'i tshad sngon po zhes bya ba 'bul mi shas pa yod de/ de la ni bya zhe na dang/ go badtsha dang/ uk+kro sha dang/ rma bya dang/ 'di rnams kyi sha'i khu ba'i nang du mar mang po blugs pa'am yang na man san gro'u dang/ la
 pus gi khu ba'i nang du mar mang po glugs la sbyin pa'am/ yang na bilba gzhon nu dang/ til dang mon sran dre'u dang/ phye dang 'di rnams chu dang/ 'o ma dang bskol ba'i thug pa blud do/ /rked pa man chad til mar gyis bsku byug bya ste/ srog chags/ /
 gzhon nu'i sha zos la/ de dang rgun chang dang lhan cig sbyin no/ /bud med sbrum ma la ni rtag tu 'byung bar 'ong ngo/ /zhes dga' ba'i sems skyed de/ de la kha zas la sogs pa mi mthun pa bsten pa'i dbang gis lus yongs su rdzogs na yang lo grangs su
 'dug ste/ shin tu dka' bas nyam thag ste mi 'byung ba yang yod/ la ya dag ni 'byung ba 'ang yod de/ /bud med sbrul ma la rtug pa 'gags pa'i nad byung na de la ni snum chen po gzhi gang dang 'byor ba'i 'jam rtsims btang na de ma thag 'byung
 ba'i rigs so/ /gal te nad gzhi 'khrugs pa 'am sngon gyi las kyis ma bu gnyis ka 'chi ba yang yod do/ /de'i rtags ni lto ba'i nang grang ba dang rengs pa dang/ lbo ba dang/ nad tshabs che ba dang/ nang gi bu mi 'gul ba dang/ mgol por ba dang/
 skom dang che ba dang/ dbugs nyams thag par 'byin pa dang/ lus dub pa dang/ gnas la sogs pa la mi dga' ba dang/ rtabs mig tu blta ba dang/ rtags de dag dang ldan zhing bu phyir skye ba'i mtshan ma mi snong na nges par bu nang du shi ba'i
 rtags so/ /gal te bu nang du shi ste ma thon na chu dron pos mngal gyi sgo khrus bya'o/ /phabs dang bu ram dang la ni tshe lhan cig sbyar ba'i lde gus mo mtshan gyi nang du bsku zhing de nas mu dza ra'i phye ma dang/ mar sbyar ba'i lde gus mo mtshan gyi nang du yang dang yang phul zhing
 dga' bar byas na nang nas dbyung ba'i rigs so/ /thabs de dag gis ma byung na srid srung gi rig byed kyi sngags kyis btab la dbyung ngo/ /des kyang ma thon na rnal 'byor pa'i ting nge 'dzin bsgom mo/ /gzhan yang sham 'byung ba'i sman lang ka li la sogs pa'i
 skyor ba thams cad kyang skabs 'dir sbyar ro/ /de dag gis kyang ma thub na/ rgyal po la zhu ba'i thag bcad de/ de'i 'og tu sman pas sen mo bregs la/ mu dza ra'i phye ma mar dang sbyar la mo mtshan gyi sgo dang lag pa bskus te/ nang du bcug nas drang por
 'dug na ni? ? pas phrad ma thag dbyung/ gal te lus gzhan du 'gyur ba 'am lus gong 'og tu 'chugs pa 'am/ gang ltar yod pa legs par myangs te/ mo mtshan gyi lam du dgug go /ji ste mgo drang por yar bltas te 'dug na yang mar bzlog
 la byung ngo/ /de yang phan tshun bsdu la btsir zhing dbyung sla pa'i thabs sna tshogs bya ste/ ci lags su dbyung ngo/ /gal te lag pa gnyis sngon du byung ngam/ yang na rkang pa sngon du byung ngam mgo 'ba' zhig sngon du 'byung ste/ de yang 'chus pa
 'am log par byung na de ni sh+kam pa zhes bya ste thabs ci yod pas brtags te phyir dbyung ngo/ /gzhan yang bu'i rkang pa gcig ni bshad pa'i lam du zhugs la gcig ni mo mtshan gyi phyogs su zhugs te 'dug na/ de yang ni sh+kam pa zhes
 bya ste/ de ni lag pas dbyung bar mi nus te mtshon gyis dbyung bar 'os pa yin no/ /de yang mtshon 'di 'dra bas bya par bsngags te/ mtshon gyi dbyibs rtse mo dkyil 'khor 'dra la so ni mdzub mo'i sen mo'i dbyings dang 'dra ba dang/ 'phal
 btsags zhes bya ba dbyibs spu gri 'dra ba dang/ dkyil 'khor gyi rtse mo 'dra ba dang de gsum las kyang 'phel btsags ni rtse mo rno bas nang du mi btang ngo/ /de bas na sman pa mkhas pa las kyi bya ba la goms pas mtshon legs par
 bya ste/ mgo bo 'am rkang pa la sogs pa gang bde ba'i phyogs na yod pa de lcags kyus dam du bzung ste/ mtshon gyi bcad cing lcags kyus drangs la dbyung ngo/ /de bzhin bu yan lag lhag ma yang bcad cing rim gyis phyir dbyung ngo/ /gal te bu'i nang cha la sogs
 ba ma'i khong bar lus pa'i mtshan ma ni lto ba cung zhing grang bar 'dug ste de la ni bud med kyi lto ba dbugs kyis bkang ba ltar byas la phyir btsir na 'byung bar 'gyur ro/ /des 'byung du ma 'dod na yang gong ma ltar bcad cing dbyung ngo/ /gzhan yang bu ma'i rked pa
 la brten te 'dug pa yod do/ /de ni rlung gis de la 'byar bar byas pa yin pas thog mar thod pa gcad la lcags kyus phyir drangs la dbyung ngo/ /lag pa yang dum bu dum bur bcang cing dbyung ste/ bud med kyi rgyu ma la sogs pa la mtshon gyis ma phog par
 bya'o/ rlung shas cher 'khrugs pa'i dbang gis khong pa'i nang du bu 'gul zhing rengs pa la sogs pa sna tshogs su 'gyur par byed de/ de bas na sman pa mkhas pas legs par brtags te dpyad bya ba yin gyis blo zhan pa'i sman pa mkhas pa rtsing po ma brtags
 pa rnams kyis blun chos su bya ba ma yin te/ ci'i phyir zhe na gal te bu ma shi bar dpyad drag po mtshon gyi las byas na ni/ ma dang bcas par 'chi la gnyis ka srog gcig par blta ste de ma thag 'chi'o/ /de bas na thog mar mtshon gyi las mi bya bar
 drang ba'i thabs sna tshogs bya'o/ /gzhan du na mo mtshan zhum par gyur pa dang/ mo mtshan phyir log pa dang/ de bzhin du gong du smos pa'i mag rka ba'i nad 'byung ba dang/ dbugs mi bde bas gzir ba dang sgegs pa mnam po 'byung ba dang/ lus grang ba dang
 mtshan ma 'di dag dang ldan pa'i bud med kyi ni yongs su spang par bya'o/ /bud med bu byung nas sha ma dbyung du ma 'dod na/ gong du smos pa'i gser gyi me tog la sogs pa'i sbyor ba bya'o/ /bu dang/ sha ma byung zin nas chu dron pos khrus byas la snum gyis bsku phyug bya'o/ /de nas mo
 mtshan gyi sgo nas snum dang bcas pa'i ras bal gyis bcug na 'jam par 'gyur zhing zug gzer yang zhi bar 'gyur ro/ /de'i 'og tu la la bud dang/ bong nga dkar po dang/ ra sna dang/ shing ku dang sug smel dang/ tsha ba rnam lnga dang 'di rnams kyi phyi ma mar dang sbyar ba
 'am/ yang na bskol ba'i khu ba mar dang sbyar ba btung bar bya'o/ /yang na pu tse shel dang/ bong nga dkar po dang/ ka TA ga dang/ shing kun dang/ te dzo ba ti dang 'di rnams btags te phye mar byas pa 'am/ yang na bskol ba mar dang ldan par blud na bud med kyi mngal nad khrag
 'dzag pa zhi bar byed de lan gsum gyi bar du bya'o/ /de nas zhag gsum gyi bar du snum las gzhi blangs pa'i bza' ba dang btung ba sbyin no/ /sman bskol ba'i chang ngam/ a sa ba legs par sbyar ba'i chang phyi dro'i dus su skom du blud do/ /sman shi ri sha dang/ rka ku pa gnyis
 bskol ba'i khu ba'i nang du ras bal spangs pa mo mtshan gyi nang du gzhug go /de bzhin du nad gang yang rung/ glo bur du byung na/ so so'i nad dang mthun pa'i sman sbyar ro/ /rlung 'joms pa'i sman rtsa ba bcu pa'o/ /mar dang bskol ba las gzhi blangs pa'i bza' ba sbyin no/ /de nas
 zhag bcu'i bar? du sha khu dang bcas pa'i zas sbyin no/ /de nas zhag bcu'i bar du zas yang ba dang/ phan pa dang/ nyung ba'i bza' ba byin no/ /de nas zla ba bzhi'i bar du bza' ba nyung zad sbyin zhing/ 'og nas 'byung ba'i sman las sbyar ba'i til mar bsten par bya'o/ /de
 yan chad ni ci bde bar spyad de bsrung mi dgos so/ /sman pa la'i mar zhes bya ba ni pa la cham chom brdungs te chu dang tshul bzhin du bskol la drug cha lus pa dang de dang mnyam pa'i 'o ma dang bsres pa de'i nang du nas dang rgya shug dang/ rgya san dang rtsa ba bcu pa 'di
 rnams cha gcig dang til mar cha bcu bzhi dang/ med rnam gnyis dang thang shing dang/ bcod dang/ ram nye ba rnam gnyis dang/ thal tres dang/ ru rta dang/ rgya spos dang/ dzi ba ka dang/ zangs rtsi ba dang/ lce myang tsha dang/ gla sgang dang/ rdo trag dang
 shu dag dang/ a ka ru nag po dang/ ba spru ba rnam gnyis dang/ a shwa gnad dang/ nye'u shing dang/ pa yassya dang/ shing mngar dang/ ba la ras dang/ shu ti dang/ mung+ga par+Ni dang na sha par+Ni dang/ sug smel dang/ shing cha dang/ ganda pa tra dang/ 'di rnams zhi ba tu btags te lhan
 cig tu me mi che bas bskol ba til mar 'ba' zhig lus pa dang/ de las ran par 'thungs na rlung las gyur pa'i nad thams cad las rgyal te khyad par du bud med bu btsas ma thag pa dang/ byis pa'i mig dang gnad na ba dang/ rus pa chag pa dang/ 'di rnams
 la rab tu bsngags so/ /gzhan yang rims dang skran dang/ gdon dang/ smyo byed dang gcin nad dang/ rgyu ma cher skyes pa'i nad las rgyal bar byed pa yang 'di yin te/ mchog tu mo mtshan ral ba dang/ bud med kyi nad thams cad la phan no zhes drang srong chen po thang la
 'bar gyis bshad do/ /de la bu ma btsas par ma shi bar gyur na de ma thag ma'i lto ba lag pas myangs te bu nang du 'gul na de kho na skye ba'i dus yin pas chu so'i sgo nas dral te myur du dbyung bar bya'o/ /thog mar ma'i mngal du khu khrag chags nas zla ba dang po
 la bab pa'i tshe na shing mngar dang shing sha ka'i sa bon dang/ pa yassya dang/ thang shing dang/ de rnams sbyar ro/ /zla ba gnyis pa la bab pa'i tsha na sru sru'i rtsa ba dang/ til nag po dang btsod dang/ nye'u shing dang/ de rnams sbyar ro/ /zla ba gsum pa la bab pa'i tshe na
 ni/ pa yassya dang/ pri yi ku dang/ utpa la dang/ thal tres dang de rnams sbyar ro/ /zla ba bzhi pa la bab pa'i tshe na ni/ bi tsher ba dang/ thal tres dang ra sna dang/ pad+ma ra tsi dang/ shing mngar dang de rnams sbyar ro/ /zla ba lnga pa la bab pa'i tshe na ni bri ha ste rnam gnyis
 dang/ talba? la dang/ shing 'o ma can gyi myu gu dang/ shun pa dang/ mar dang de rnams sbyar ro/ /zla ba drug pa la bab pa'i tshe na ni/ praSh+Ni par+Ni dang/ ba la dang/ na le shi dkar po dang/ gze ma dang/ sle tres dang de rnams sbyar ro/ /zla ba bdun pa la bab pa'i tshe na ni/ sman shing
 ka traka dang/ pad+ma'i rtsa ba dang/ rgun 'brum dang/ ka she ru dang/ shing mngar dang/ ka ra dkar po dang/ de rnams sbyar ro/ /de ltar zla grangs dang sbyar ba'i sbyor ba bdun po kun la 'o ma dang sbyar la btang ste de ltar zla ba bdun gyi bar du khrag 'dzag pa bsrung ba'i phyir
 gong ma'i sbyor ba bstan pa yin no/ /zla ba brgyad pa la bab pa'i tshe na ka pat+thi dang pilba dang/ bri ha sti dang/ bu ram shing dang/ kaNna ka ri dang/ 'di rnams kyi rtsa ba 'o ma dang lhan cig bskol ba blud do/ /zla ba dgu pa la bab pa'i tshe na ni/ thal tres dang/ a nanda
 dang/ pa yassya dang/ shing mngar rnams 'o ma dang sbyar la btang ngo/ /zla ba bcu pa la bab pa'i tshe na pa yassya dang sbyar ba'i 'o ma blud do/ /yang na shing mngar dang bca' sga dang thang shing rnams 'o ma dang sbyar la sbyin no/ /yong ni bud med kyi zla mtshan zla ba re re 'phyad pa las
 gal te ma byung na de ni rlung gi khrag bsgongs pa yin pa las/ 'dir mngal chags pa'i mtshan nyid la mngon par mi mkhas pa dag ni bu 'chags pa yin no zhes smra'o/ /de yang sman tsha ba dang dro ba dang/ rno ba zos pa las khrag bsgongs pa nyi tshe phyir byung ba
 dang/ mi blun po la la dag byis pa 'byung pos zos pa yin no zhes smra mod kyis lus can mngon sum du ma gyur te med do/ /ji ste 'byung po za ba yod na yang gzi brjid dam mdangs tsam 'phrog gi lus mngon sum du chud gson par snang ba ni mi srid do//
 de bus na khrag ma byung ba la bu chags par 'dzin pa ni 'byung pos ma zos bzhin du zos pa'i rtog pa yongs su spang bar bya'o/ /lus kyi gnas las le'u gnyis pa rdzogs so// //byis pa rum du chags pa'i rkang lag gi bye brag bstan pa'i le'u
 bshad par bya'o// //de la lus zhes bya ba 'di ni mdor bsdu na yan lag drug du 'dus te de yang gang zhe na/ mgo bo dang dpung pa gnyis dang/ brla gnyis dang/ khong pa dang drug go /drug po de dag gi nying lag du gtogs pa
 gang zhe na mgo bo'i nying lag ni mig dang rna ba la sogs pa'o/ /khong pa'i nying lag ni snying dang lte ba la sogs pa'o/ /dpung pa gnyis kyi nying lag ni gru mo dang lag pa la sogs pa'o/ /brla gnyis kyi nying lag ni rkang pa gnyis dang pus mo la sogs pa'o/
 yong sems can gyi lus la 'byung ba chen po lnga tshang bar yod de/ de gang zhe na nam mkha' dang rlung dang me dang chu dang sa dang lnga'o/ /lnga po de dag gi yon tan dang sgra dang reg pa dang gzugs dang ro dang dri 'di dag go rim bzhin du yon tan du bltas te/ des
 yang ji ltar zhe na rim pa bzhin du yon tan 'og ma re re che ste/ de la nam mkha' i yon tan ni sgra'o/ /rlung gi yon tan ni sgra dang reg bya'o/ /me'i yon tan ni sgra dang reg bya dang gzugs so/ /chu'i yon tan ni sgra dang reg bya dang gzugs so/ /sa'i yon
 tan ni sgra dang reg bya dang gzugs dang ro dang dri ste lnga char dang ldan pa yin no/ /de yang lus can rnams kyi rna ba'i dbang po gang yin pa de las 'byung ba chen po nam mkha' gnas pa'i yon tan gyis sgra thos pa yin te/ sgra'i mtshan nyid ni stong pa'o/ /
 lus la rlung gnas pas ni lus kyi dbang pos reg pa tshor bar byed pa'i yon tan dang dbugs gyen du 'byung bar byed pa'o/ /mi'i khams lus la gnas pas ni mig gi dbang pos mthong ba dang gzugs kyi yon tan dang smin pa'o/ /chu'i khams lus
 la gnas bas na lce'i dbang po dang/ ro'i yon tan dang gsher ba'o/ sa'i khams lus la yod pas ni sna'i dbang po dang/ dri'i yon tan dang/ rus pa'o/ /gzhan yang lus la 'jam pa dang thams cad ni ma las skyes pa yin te de yang brag dang
 sha dang/ rkang dang/ gzhang dang snying dang/ pho ba dang/ mngal phyi gnas dang/ mcher pa dang/ mchin pa la sogs pa'o/ /gang lus kyi sra ba thams cad ni pha las skyes te/ khu chu dang/ chu ba dang/ rus ba dang/ skran dang/ sen mo la sogs pa'o/ /de la yid
 gang la mos pa bzhin du mi dang rta dang glang po che la sogs pa 'gro ba drug tu skye ba sna tshogs lan par 'gyur ro/ /zas gang la dga' ba ma bkag cing zos pa las ni tshe ring ba dang nad med pa dang snying stobs dang gzi byin dang ldan par 'gyur ro/ /de la
 kha zas kyi dangs ma las lus skyes pa yin te 'phel zhing rgyas pa yang bcud las gyur pa yin no/ /bcud kyis bskyed pa'i mi ni lo bdun yang chud par lta'o/ /snying stobs can gyis rang bzhin gyi ni lus ngag yid gsum dag pa dang/ 'jig rten
 pha rol yod par blta ba dang/ dkar po'i chos sbyin pa la sogs pa la dga' ba'o/ /rdul gyis rang bzhin gyi mi ni mang du smra ba dang nga rgyal che ba dang/ khro bag can dang/ tshul 'chos byed pa dang phrag dog can la sogs pa'o/ /mun pa can gyi rang bzhin
 gyi mi ni gnyid che ba dang le lo che ba dang/ 'jigs skyen pa dang/ rmongs pa dang/ soms gdung ba la sogs pa'o/ /de yan chad sems can rnams kyi lus kyi rang bzhin bstan zin to/ /da ni lus kyi tshad bshad par bya ste/ lus la pags pa rim pa bdun
 yod de/ dper na 'o ma bskol ba las spris mchags pa bzhin du khrag la sogs pa lus kyi khams bdun po yang rang rang gi drod kyis yongs su smin pa las pags pa rim pa re re skye ste de dag kyang bad kan dang rgyus pas g.yogs par gnas so/ /khams
 bdun po de dag kyang gang zhe na/ khrag dang bad kan dang/ po ba dang/ mkhris pa dang/ long ka dang/ gcin dang/ bdun po de dag rlung dang bcas par lus kyi snying por blta ste dper na shing gi snying po bzhin no/ /bud med kyi long ka dang mkhris pa'i bar ni
 mngal gyi gnas yod de brgyad du bshad de/ khod pa'i nang gi yan lag gzhan yang snying dang/ glo ba dang/ mcher pa dang/ mchin pa dang/ an+d+ra ka dang/ mkhal ma dang lte ba dang/ dran pa dang/ lgang pa'o/ /srog gi /
 gnas bcu zhes bya ba ni mgo bo dang/ lce'i chor ba'i gnas dang/ mkhris pa dang/ khrag dang/ snying dang/ lte ba dang/ chu so dang/ khu chu dang/ mdangs dang/ bshad pa'i lam dang bcu po de dag go /lus la chu ba chen po bcu drug gis dra
 ba ltar khyab pa yod de de yang gang zhe na lgang pa gnyis la chu ba chen po gnyis gnyis/ lag pa gnyis la chu ba chen po gnyis gnyis/ mgrin pa'i phyogs nas bzhi bzhi ste bcu drug go /lus la chu ba chen po drug yod de/ mgrin pa dang lag pa
 gnyis dang/ rkang pa gnyis dang/ pho mtshan gyi chu ba ste drug po des spu gshibs pa ltar byas pa'o/ /lus la rgyas pa bdun yod de/ mgo bo la lnga dang lce dang pho mtshan la re re ste de dag la mtshon gyis las bya bar bshad do/ /thag
 pa lta bu'i sha chen po bzhi yod de/ bdun rgyab nas gnyis gnyis te bzhis 'dzin thag tu byas pa'o/ /rus pa'i tshogs 'dus pa bcu bzhi ste/ long mo gnyis dang pus mo gnyis dang/ brla dbrag gnyis dang/ mkhrig ma gnyis dang/
 mtshan khung gnyis dang/ gru mo gnyis dang/ mgo bo dang/ mjug ngo ste bcu bzhi'o/ /lus la gnad kyi tshigs chen po bco brgyad yod de gang zhe na mgo bo la lnga dang/ mjug de gcig dang/ long mo gnyis dang/ pus mo gnyis dang/
 brla dbrag gnyis dang/ mkhrig ma gnyis dang/ mchan khung gnyis dang/ gru mo gnyis dang bco brgyad do/ /lus la so dang sen mo dang bcas pa'i rus pa sum cu rtsa drug yod do/ de yang yan lag bzhi la brgya bzhi bcu/ khod pa la brgya
 nyi shu/ mgo bo la brgya'o/ /drang srong thang la 'bar gyi bzhed kyis ni lus la rus pa sum brgya yod par bzhed do/ /lus la rus pa'i tshigs nyis brgya bcu yod do/ /yan lag bzhi la drug cu rtsa brgyad khog pa la lnga bcu rtsa dgu nam tsod yan chad la
 brgyad cu rtsa gsum mo/ /slob dpon rgyun shes kyi bu'i bzhed gyis ni tshigs nyis stong du 'dod do/ /drang srong rgyun shes kyi bun re rtsa dang rgyus pa dang/ sha rus kyi gzungs dang gsum la nyi stong yod do zhes zer ro/ /lus la rus pa dgu brgya yod de/
 yan lag bzhi la sum brgya nam tsong yan chad la bcu bcu khog pa la lnga brgya sum cu'o/ /sha rus kyi gzugs lnga brgya yod de yang yan lag bzhi la ni brgya/ khog pa la drug cu/ nam tsong yan lag la nyi shu rtsa bzhi'o/ /bud med la nyi
 shus phye ste de yang nu ma la bcu /mo mtshan la bcu ste nyi shu'o/ /snying la 'byung ba'i rtsa chen po bcu yod de/ de las gyes pa'i rtsa bdun brgyas lus thams cad du khyab pa/ shing gi lo ma lta bu'o/ /zas 'ju ba'i dangs ma dang mdangs zhes bya
 ba'i snying la gnas pa gnyis rtsa'i sbubs nas 'jug ste lus thams cad du des khyab par byed do/ /de yang yan lag bzhi re re la yang brgya brgya yod de/ de dag las kyang mtshon gyis dbug tu mi rung ba ni rtsa ba'i dri ma 'dzin pa zhes bya ba'i rtsa chen po
 bzhin ngan yod de/ dbug tu mi rung ngo/ /dbug tu rung ba ni yan lag bzhi la rtsa bzhi bzhi ste bcu drug go /rked pa la sum cu rtsa gnyis yod/ de dag las kyang mtshon gyis dbug tu mi rung ba ni rkang pa'i gnas gnyis gnyis dang/ brla dbrag gnyis su gnyis
 te brgyad po 'di dag tu ni mtshon gyis reg tu yang mi rung ste bsrung ngo/ /rtsi ba logs gnyis su brgyad brgyad de bcu drug yod do/ /de yang gyen du 'gro ba'i rtsa rtsi ba logs kyi mdud pa zhes bya ba re re yod de der mtshon mi gdab bo/ /rgyab kyi sgal tshigs
 las g.yas g.yon du gyes pa bcu gnyis te nyi shu rtsa bzhi yod de/ de las gyen du 'gro ba'i rtsa gnyis yod pa der mtshon gdab du mi rung ngo/ /sgal tshigs la ji ltar lto la yang de ltar yod de/ de las lte ba las mar
 spu skyes pa'i g.yas g.yon du rtsa gnyis gnyis kyis pa bzhi yod de/ de dag la mtshon gdab du mi rung ngo/ /brang la rtsa bzhi bcu tham pa yod de/ de dag las bzhi ni dbug tu mi rung ste/ de las kyang nu mjid gnyis kyi rtsa ba na gnas pa'i rtsa
 gnyis dang snying gi drang thang brang gi dkyil na g.yas g.yon du gyes pa'i rtsa gnyis dang/ sgrog rus kyi spyi mdud nas brang g.yas g.yon du gyes pa'i rtsa gnyis dang de rnams so/ /mgrin pa la rtsa nyi shu rtsa bzhi yod de/ de la rtsa bcu drug
 ni dbug tu mi rung ste /sngon po zhes bya ba'i rtsa gnyis dang/ srol gong g.yas g.yon gyi rtsa gnyis dang/ ltag pa'i rtsa gnyis dang/ srol gong gi steng gi rtsa gnyis rna rtsa g.yas g.yon nas byung ba'i rtsa bzhi bzhi'o/ /'gram pa la
 rtsa bcu drug yod de/ de la dbug tu mi rung ba ni 'gram pa gnyis kyi sprel mtshams na rtsa re re yod/ lce la yang bcu drug yod de/ de la lce phugs na ro tshor ba'i rtsa gnyis dang/ lce'i rtse mo na smra bar byed pa'i rtsa gnyis te bzhi po
 de dag dbug tu mi rung ngo/ /sna la rtsa nyi shu rtsa bzhi yod de/ de las dbug tu mi rung ba ni gsum yod de/ dri tshor bar byed pa'i rtsa gnyis dang/ rkan du 'gro ba'i rtsa gcig dang gsum mo/ /mig gnyis la rtsa lnga bcu rtsa drug yod do/
 mig 'byed pa dang 'dzum pa'i las can yin te/ de las dbug tu mi rung ba ni drug yod de/ mur 'gram logs gyi grwa gnyis kyi gnyis gnyis dang/ sna gong gi phyogs kyi mig gi grwa re re te drug go /dpral ba la rtsa drug cu yod de/ de la
 dbug tu ni 'ung ba ni bdun te mig gnyis kyi drang bo dpral ba'i skra mtshams 'khyil pa na rtsa re re dang/ dpral pa'i dbyes skra mtshams su zhugs pa'i rtsa bzhi dang sna gong nas dpral ba'i dbus su 'gro ba'i rtsa gcig ste bdun no/ /rna ba g.yas g.yon gnyis nas rtsa
 brgyad brgyad de bcu drug yod do/ /de la dbug tu mo rung ba ni sgra thos par byed pa'i rtsa stong pa re re'o/ /mur 'gram gnyis la rtsa brgyad brgyad de bcu drug yod de/ de la dbug tu mi rung ba ni mur 'gram gyi mtshams su 'gro ba'i rtsa re re'o/ /mgo bo
 la rtsa bcu gnyis yod de/ de la mtshon gyis dbug tu mi rung ba bzhi bzhi ste skra'i dbye mtshams 'tshogs ma nas spyi bo'i steng du 'gro ba'i rtsa lnga las dbus ma dang ldan pa g.yas g.yon nas steng du 'gro ba'i rtsa re re dang spyi bo'i steng na yod pa'i rtsa
 gcig ste/ bzhi po de dag ni dbug tu mi rung ngo/ /de la sogs pa dbug tu mi rung ba'i rtsa dgu bcu rtsa brgyad las med do/ /gzhan yang lus kyi dbug par mi bya ba'i rtsa ba gcig la gcig 'bral ba'i steng dang/ rtsa mdud par 'chas pa'i steng/ rtsa shin tu
 phra ba dang/ rtsa yon po'i steng dang/ de bzhin du tshigs kyi steng dang/ de bzhin du tshig kyi steng na gnas pa'i rtsa dang/ rus pa'i steng na gnas pa'i rtsa la yang dbug tu mi rung ngo/ /de ltar rtsa bdun brgyar bshad ba las cha bzhir bgos te rtsa
 brgya bdun cu rtsa lnga'i nang du ni khrag 'ba' zhig rgyu'o/ /brgya bdun cu rtsa lnga'i nang du ni rlung mkhris gnyis 'dres pa rgyu'o/ /brgya bdun cu rtsa lnga'i nang du ni rlung dang bad kan rgyu'o/ /de la rlung la sogs pa'i nad gzhi de dag legs par gnas na ni 'phel zhing rgyas par
 gyur ro/ /gzhan du 'gyur na ni na ba dang gnod pa skyed par 'gyur ro/ de dag las kyang rlung dang khrag gnyis 'dres pa'i rtsa'i rtags ni dmar la gnag pa'i mdog dang ldan pa'o/ /de bzhin du res 'ga' ni sbom/ res 'ga' ni phra/ bar 'ga' ni stong/ bar 'ga' ni gang ste/
 de yang shin tu 'gul ba'o/ /mkhris dang khrag gnyis kyi rtags ni res 'ga' na zhing tsha ba dang de bzhin du khrag khrag tu 'byung ba dang/ mdog sngo zhing ser bor 'dug pa'o/ /bad kan dang khrag gnyis 'dres pa'i rtsa'i mdog ni dkar la cung zad dmar ba dang/
 snum pa dang brtan pa dang reg na grang pa'o/ /'dus pa'i rtsa'i rtags ni mtshan ma 'chol bar snang ba'o/ /nad med pa'i rtsa'i rtags ni rtsa ma mngon pa dang mnyam pa dag tu 'byung ba dang snam pa dang dmar ba'i mdog tu snang ba ni khrag dang ba'i rtags yin no/ /lte ba nas rtsa
 sbubs su 'dra ba nyi shu rtsa bzhir phyogs bzhir gyes pa yod de/ de yang dper na shing rta'i lte ba rtsibs kyis bskor ba bzhin no/ /gzhan yang ji ltar mtsho chen po las yur chu kun du drangs nas/ sa bon skyed pa dang 'dra bar lte ba las byen du bcu /thur du bcu/ g.yas g.yon
 du gnyis gnyis su gyes nas de'i rgyun srang phyi rol gyi bu ga dgur 'byung ste/ de yang gang zhe na sna'i bu ga gnyis dang/ mig gnyis dang/ rna ba gnyis dang/ kha'i bu ga dang/ bshad ba'i sgo dang/ gcin gyi sgo dang dgu'o/ /bud med la gsum gyis phye ste/ nu ma gnyis
 dang zla mtshan 'byung ba'i bu ga ste bcu gnyis po de dag tu 'byung ngo/ /srog gi rlung la sogs pa rgyu ba'i rtsa'i rgyun bcu gsum khod pa'i nang du rgyab yod do/ /de yang srog ces bya ba ni rlung rgyu ba'i rgyun srad dang/ de bzhin du dangs ma la sogs pa lus kyi khams
 bdun rgyu ba'i rgyun srad dang dri ma rnam gsum gcin? dang bla rtsa dang rdul 'byung ba'i rgyun srang dang chu 'byung ba'i rgyun srang dang bcu gsum mo/ /kha zas la sogs pa mi mthun pa bsten pa'i rgyus gong ma de dag nang 'khrug par byas pa las ni lus kyi nang skyed bar bed
 pa/ mthun pa bsten pa las ni nad med pa dang bde bskyed par byed do/ /rgyun srang ngam sbubs de dag gi mdog kyang srog zungs la sogs pa rang rang gi mdog ltar snang ngo/ /dbyibs kyi bye brag kyang kha cig ni zlum/ kha cig ni sbom/ kha cig ni phra/ kha cig ni ring po rgyun song de
 dag gi rang bzhin yang shing gi lo ma'i rtsa ba bzhin du sna tshogs su 'phro bar blta'o/ /gzhan yang kha zas mi mthun pa bsten pa las kyang rgyun srang de dag 'khrug pa yin te/ de yang rlung dang rtsub bag lhan cig bsten pa dang/ mkhris pa dang tsha ba'i zas lhan cig bsten pa dang/ bad kan dang
 snum bag lhan cig bsten pas rang rang gi rgyun srang 'khrugs par byed do/ /yang na lus ngag yid gsum gyi spyod lam nad gzhi dang mi mthun pa lhan cig spyod pa las kyang tshul de ltar blta'o/ /lus kyi khams bdun po rang rang dang mi mthun pa'i kha zas dang spyod 'am bsten pa
 las rang rang gis rgyun srang 'khrugs pa yin no/ /de ltar kha zas dang spyod lam gyi mthun pa bsten pas so sor rgyun srang 'khrugs pa'i mtshan ma ni gcin sri zhing 'gags pa'am/ yang na snyi zhing mang du zag pa'am/ phyi sa yang dang yang ni 'khru zhing mang du 'byung ba dang/
 de bzhin du gzhan dag la yang de ltar sbyar bar bya'o/ /yang na rtsa mdung 'chas pa dang/ rang rang gi lam spangs nas gzhan nas 'byung ba yang 'khrugs pa'i rtags so/ /ji ltar pad+ma'i rtsa ba'i spubs phra mo mang po dang rlung dang rlan la sogs pa 'gro ba bzhin du gong du snos
 pa'i rgyun srang ni sbubs phra mo lus thams cad du khyab par 'gro ba la de dag las kyang dangs ma la sogs pa khyab par 'gro ste/ des lus 'phel zhing rgyas par 'gyur ro/ /gal te rgyun srang de dag zug rdus rdol bar gyur na de'i rtags ni nges par 'chi ba'am/ yang na
 dran pa nyams pa dang/ lus 'dar ba dang/ lto lbo ba dang/ /skyug pa dang/ lus tsha ba skye ba dang/ glal ba dang/ gzer ba dang/ bshang gci 'gags pa dang/ mtshon ma de dag snang bar 'gyur ro/ /ci ste rtags de dag dang ldan na de'i 'tsho ba ni the tshom dang bcas pa yin pas
 sman pas gso ba'i las brtsam par bya ste/ de yang ma byas na ni nges par 'chi ba yin pas de la ni 'bad ba dang bcas par mtshon gyi las bya ste rma gsar pa gso ba'i chog bzhin du bya'o/ de la kha zas 'ju bar byed pa ni mkhris pa 'ju bar byed pa yin te/
 des ji ltar 'ju ba ni mdo'i gnas su blta'o/ /drang srong rgyun shes kyi bu na re nad gzhi gsum dang lus zungs bdun dang dri ma gnyis dang 'di rnams kyi drod kyis khu bas 'ju bar byed do zhes zer ro/ /kha zas de yang rlung dang mkhris pa gnyis kyis
 pho ba'i nang du 'ju bar byed do/ /drang srong thang la 'bar na re pho ba ni mkhris pa 'dzin pa zhes bya ba de yang de nyid yin no zhes zer ro/ /pho ba de ma zhu ba'i gnas la brten te/ de nas tshe dang stobs dang/ gzi mdangs dang/ 'byung ba chen po lnga'i me dang/ khams bdun po
 'phel zhing rgyas par byed do/ /gal te zas 'ju ba'i lam pho ba'i nad gi me'i stobs chung na ni/ dper na sgo gtan bcugs na rgyu 'drul byar med ba dang 'dra bar rgyu ba bkag ste mi 'ju ba yin la ci ste mkhris pa'i me'i stobs che na ni ma zhu ba'i zas 'dren cing smin
 la 'ju bar byed do/ /yang na zas zos na pho ba'i gnas su 'gro ste de'i me drod kyis 'ju ma nus na 'og tu thal byung du ma zhu bar 'khru ba yang yod do/ /mkhris pa 'ju byed dang mnyam du gnas pa'i rlung stobs chung ba la pho ba'i nyams chung zhing na bar 'gyur ro//
 de dag stobs mnyam pa ni lus 'phel zhing rgyas par 'gyur ro/ /de la gnas skabs dang po kha zas zos pa'i dus su srog ces bya ba'i rlung gi nang du med cing 'og tu 'phul bar byed do/ /de nas pho ba'i nang du phyin pa dang/ sgom dang 'dres pas rkyang
 rkyang po byas te 'dug pa dang/ de'i 'og tu mkhris pa 'ju byed de me dang mnyam du gnas pa'i rlung gis stobs can du byas nas 'og tu 'dren te 'ju zhing tshos par bya ba ni ji ltar phyi rol gyi mes snod la 'bras 'tshod ba bzhin no/ /gnas skabs gnyis
 pa la ro rnam drug gang zos kyang rung khong pa'i mes 'ju bar byed pa ni/ ro dang po dbu ba can bad kan du 'gyur ro/ /de ltar rim gyis 'ju ba na/ skyur mor 'gyur te mkhris par 'gyur ro/ /de dag kyang gang nas 'byung zhing gang du 'ju zhe na ma zhu ba'i gnas
 nas byung zhing zhu ba'i gnas su phyin pa na khong pa'i mes smin cing tshos par byed do/ /'ju ba'i gnas skabs na rlung gi bdag nyid du phyin pa na gong bur 'gyur zhing ngo tsha bar 'gyur ro/ /de nas 'byung ba chen po lnga'i zas kyi dangs ma'i yon tan so so dang mthun pas nam
 mkha' la sogs pa 'byung ba chen po lnga lus la yod par rang rang gi khams su 'jug cing rgyas la 'phel bar byed do/ /de ltar kha zas 'ju ba'i 'og tu/ dangs ma dang tshigs ma gnyis su 'gyur te/ de yang tshigs ma las gang dang ba dang sla ba ni gcin du
 'gyur la/ gang bska zhing rtsigs pa las ni phyis ra 'gyur ro/ /dangs ma las ni rang gi mes 'ju bar byas nas lus zungs rnam pa bdun du 'gyur ro/ /dangs ma rang gi drod kyis smin bar byas pa las khrag tu 'gyur ba nas sha dang tshil dang rus pa dang rkang dang/ khu tshu'i bar du rim
 gyis 'gyur ro/ /de la dangs ma la sogs pa lus zungs bdun po re re la yang dangs ma dang snyigs ma gnyis su dbye ste/ dangs ma'i dangs ma las ni khrag tu 'gyur ro/ /dangs ma'i snyigs ma las ni bad kan du 'gyur ro/ /khrag gi dangs ma las ni shar 'gyur ro/ /snyigs ma las ni mkhris par
 'gyur ro/ /sha'i dangs ma las ni tshil du 'gyur ro/ /snyigs ma las ni rdu ma dang/ rna spabs dang/ ba spu'i dri ma rnams su 'gyur ro/ /tshil gyi dangs ma las ni rus par 'gyur ro/ /snyigs ma las ni dbu bar 'gyur ro/ /rus pa'i dangs ma las ni rkang du 'gyur ro/ /snyigs ma las ni skra dang sen por
 'gyur ro/ /rkang gi dangs ma las ni khu chur 'gyur ro/ /snyigs ma las ni pags pa snum par 'dug pa yin no/ /khu chu'i dangs ma las ni bur 'gyur ro/ /snyigs ma las ni lus kyi gzi dangs su 'gyur ro/ /de ltar lus zungs bdun yang dangs ma dang snyigs ma gnyis su blta ste/ de ltar gcig
 la gcig rgyun mi 'chad par bcud kyis bskyed pa yin no/ /de yang slob dpon kha cig na re nyin zhag cig gis zas 'ju ba'i rim pa dangs ma nas khu chu'i bar du skye bar 'gyur ro zhes zer ro/ /yang kha cig na re nyin zhag drug gis khu chu'i bar du 'gyur ro zhes smra'o/ /yang sman pa
 gzhan dag na re zla ba gcig gis khu chu'i bar du rim pas gzong 'gyur zhes zer ro/ /de yang zas zos pas dangs ma bskyed de khams gong ma nas zas lta bus 'og ma rim pas brtas par byed do/ /'khor lo bzhin du rgyun mi 'chad par nas zos pa'i rgyus 'byung ba yin no//
 de la ro tsa bar byed pa'i zas zho dang 'o ma dang bcud la sogs pas 'phral khu chu 'phel bar snang ste/ ji ltar dug zas pa las gnyen po'i sman gyis 'phral bzlog par snang ba lta bu'o/ /de bas na phal cher ni ro tsa ba'i kha zas dang sman gyis rang gi 'bras 'phral ston par mthong ngo//
 zas kyi dangs ma'i rgyun yin pa de khyab byed ces bya ba'i rlung des lus thams cad du skad cig ma gcig la dus gcig tu khyab cing son par byed pa'i las can yin no/ /gal te dangs ma la sogs pa 'jug pa'i rgyun ma rungs par gyur pa las bcud dang de 'phul bar byed pa'i rlung
 dang bcas pa'i las yang gnod par 'gyur te/ dper na nam mkha' la char pa bab pa na rlung gis 'bab tu mi ster ba dang 'dra'o/ /de bas na 'jug pa'i rgyun bcud dang bcas pa 'gag cing ma rungs par gyur pa las nad gzhi gsum yang 'khrugs shing mi bde bskyed do/ /de
 las khams bdun gyi me'i drod dang/ 'byung ba lnga'i me drod dang/ nang grol gyi me drod gsum las kha zas 'ju bar byed pa ni nang grol me drod mchog tu bshad de/ de stobs dang ldan na ni 'byung ba dang khams bdun gyi me drod skyed pa yin la de nang grol gyi me drod dams na ni
 'byung ba chen po lnga dang khams bdun gyi me drod kyang 'bri zhing 'phel bar mi nus so/ /de bas na nang grol gyi drod yod na tshe dang stobs la sogs pa yod pas de'i phyir lus kyi me drod smin par byed pa gang yin pa de la legs par sbyar ba'i kha zas kyi bud
 shing rab tu phan pas bsrung zhing bskyang ba la 'bad par bya'o/ /de la me dang mnyam pa'i rlung der rang gi gnas na 'dug pa ni me'i drod kyang snyom pa yin no/ /gal te lam gzhan du song na ni me'i drod mi bzad pa yin no/ /me dang mnyam du gnas pa'i rlung
 des mkhris pa cher spar na ni me'i drod rno ches par 'gyur ro/ /rlung des bad kan la phog na ni me'i drod nyam chung bar 'gyur ro/ /de ltar me'i drod mnyam pa dang/ mi bzad pa dang/ rno ches pa dang/ nyams chung ba rnam pa bzhir 'gyur te/ de yang zan ran pa zos pa
 legs? par 'jug ni me'i drod mi bzad pa zhes bya ba ni mang du zos kyang myur du 'ju ba dang/ nyung ngu zos kyang yun ring po nas gzod 'ju'o/ /zas lci ba la sogs pa zos kyang myur du 'ju ba ni rno ches pa zhes bya'o/ /me'i drod nyams chung ba zhes bya ba ni
 zas yang ba zos na yang yun ring po na 'ju la khyad par du kha skam pa dang/ nang du krug zer ba dang/ rgyu ma 'khrug pa dang/ lto lbo ba dang/ lus lci ba'o/ /lus kyi me drod tshabs cher nyams na ni sman dpyad byas kyang mi 'tshe'o/ /gal te me'i drod la skyon med
 na ni yun ring du 'tsho ba yin no/ /nad kyi rtsa ba ni me'i drod nyams pa las 'byung ste/ me'i drod nyams na lus kyi rgyun thams cad 'gags par 'gyur ro/ /skyes bu'i lus kyi stobs ni rnam pa gsum ste lhan cig skyes pa dang/ dus kyis skyes pa dang/ sbyor ba las byung ba'o//
 //de la snying stobs kyi rang bzhin lus las byung ba ni lhan cig skyes pa'i stobs zhes bya'o/ /mchod kyi bye brag byis pa dang/ lang tsho la sogs pa'i stobs dang dus kyi bye brag dgun la sogs pa las byung ba'i stobs gnyis ka la dus kyis stobs zhes bya'o/ /sgo gsum
 gyi spyod pa dang/ zas sna tshogs dang bcud kyis len pa dang/ ro tsa ba'i cho ga bstan pa las byung ba ni sbyor ba'i stobs zhes bya'o/ /yul gang dgon dud chu nyung shing chung ba'i yul ni nad nyung ba yin no/ /yul gang shing dang chu mang ba'i gnas de ni nang mang du skyed do/ /de gnyis mnyam
 pa ni ran pa yin par shes par bya'o/ /de la sems can gyi lus la rkang snyim pa gang dang tshil snyim pa do dang/ zhag snyim pa gsum dang/ gcin stim pa bzhi dang/ mkhris pa snyim pa lnga dang/ bad kan snyim pa drug dang/ phyi sa snyim pa bdun pa dang/ khrag snyim pa
 brgyad dang/ dangs ma snyim pa dgu dang/ chu seng snyim pa bcu dang/ dangs ma khyor ba gang dang/ lta ba khyor ba gang dang/ khu chu khyor ba gang yod do zhes/ slob dpon dag 'chad do/ /bud med la ni khyad par du 'o ma smin pa do dang khrag snyim pa bzhis mang
 ba yod do/ /snyim pa'i tshad ni srang gnyis la khyor gang srang bzhi la snyim pa gang ngo/ /gong du smos pa'i tshad bstan pa de dag gi nad med pa tha mal bar 'dug pa la bshad kyi khams ma snyoms pa la ni ma yin no/ /de la pha ma gnyis kyi khu ba dang bud med sbrum ma'i
 gnas skabs dang bza' ba dang spyod lam dang nang la gyi gnas de dag skyon dang bcas pas bu'i lus la nad kyi rang bzhin bdun du 'gyur te/ rlung dang mkhris pa dang bad kan dang/ rlung dang mkhris pa dang ldan pa dang/ rlung dang bad kan dang ldan pa dang/ mkhris pa
 dang bad kan dang ldan pa dang/ de gsum 'dus pa dang bdun no/ /gong ma'i khu ba la sogs pa'i gnas skabs su cung zhig che chung ngu 'gyur zhing mi mthun pa bsten pas rang bzhin bdun po de yang shas che chung ngu gyur pa yin no/ /de la thog mar rlung gi mtshan nyid
 bstan te/ rlung zhes bya ba 'di ni nad kyi gzhi kun gyi nang na mthu che ba yin te/ lus thams cad du khyab pa dang/ myur du byed pa dang/ stobs che ba dang/ nad gzhi gzhan rnams 'khrug par byed pa dang/ bla rtsa la sogs pa 'byin par byed pa dang
 rang dbang du gyur pa dang/ nad mang po'i gzhi byed pa yin te/ nad thams cad kyi nang na rlung 'di stobs che zhing khyad par du gyur pa yin no/ /des na pha ma'i khu khrag rlung shas che ba las bu yang ji srid 'tsho'i bar du rlung gi mtshan nyid dang ldan pa yin te/ de'i
 lus brdul gyis g.yogs pa ltar snang ba dang/ lus ser ga che ba dang/ dro ba 'dod cing grang ba la zhe sdang ba dang/ gzhan yang mos pa mi brtan pa dang/ dran pa mi brtan pa dang/ blo mi brtan pa dang/ spyod pa mi brtan pa dang/ mdza' ba mi brtan pa dang/ lta ba
 mi brtan pa dang/ 'gro ba mi brtan pa dang/ smra ba mang ba dang/ bad kan chung ba dang/ nor nyung ba dang/ tshe thung ba dang/ gnyid chung ba dang/ smra ba'i dus su brjed ngas pa dang/ tshigs lkugs pa dang/ chad par lta ba 'am/ mang du za ba dang/ 'gying zhing 'gro ba dang/ glu la dga' 
 ba dang/ bzhad gang la dga' ba dang/ ri dags gsod pa la dga' ba dang/ 'thab mo la bu dga' ba dang/ de bzhin du mngar ba dang/ skyur ba dang/ lan tsha dang/ dro ba 'dod pa dang/ lus skem zhing ring pa dang/ 'gro ba'i tshe tshigs las sgra 'byung ba dang/ mi brtan pa dang/
 dbang po yul las rgyal mi nus pa dang/ dam pa'i spyod pa dang mi ldan pa dang bskyes bu de la bud med mi 'chags pa dang/ bu mang po mi skye ba dang/ rlung gi rang bzhin can gyi mi'i mig rtsub pa dang/ rdul gyis gang ba ltar snang ba dang/ zum pa dang/ mi mdzes pa dang/ mi shi ba'i
 mig lta bu dang/ mig bye bzhin du gnyid log pa dang/ shing gi steng dang/ ri'i rtse mo la 'dzeg pa dang/ nam mkha' la 'phur ba rmi ba dang/ longs spyod chung ba dang/ ser sna che ba dang/ khengs pa dang/ brku ba dang/ byin snying zlum pa dang/ gzhan yang 'di dag gi spyod pa
 gzugs dang/ sgra'i rang bzhin mthun na yang/ rlung gi bdag nyid can gyi mi yin te/ gang zhe na khyi dang/ wa dang/ rnga mo dang/ bya rgod dang/ byi ba dang/ khwa dang/ de rnams dang ldan pa'i mi ni rlung gi rtags su shes par bya'o/ /de la mkhris pa'i rang bzhin can gyi
 mi'i mtshan nyid drang srong thang la 'bar gyis bshad pa mkhris pa nyid me yin pa 'am/ yang na me las mkhris pa 'byung ba 'am/ yang na khrag gi snyigs ma dag yin pas na mkhris pa'o/ /de la mkhris pa'i rang bzhin ni shin tu bkres pa dang/ skom pa dang/
 mdog ser skyar 'dug pa dang/ drod che ba dang/ lag pa dang/ rkang pa dang/ gdong dmar ba dang/ dpa' ? ba dang/ nga rgyal che ba dang/ mig ser ba dang/ skra dang pa spu nyung ba dang/ skra ser skyar 'dug pa dang/ phreng ba la dga' ba dang/ byug pa la dga' ba dang/ rgyan la dga' ba dang/
 spyod lam bzang ba dang/ gtsang sbra che ba dang/ g.yog 'khor la snying brtse ba dang/ phyug pa dang/ bab chol phyed pa dang/ blo stobs dang ldan pa dang/ skyabs su 'ongs na dgra yang skyob pa dang/ yid gzhungs pa dang/ tshigs mtshams kyi sha 'jam
 pa dang/ bud med la mngon par dga' ba dang/ bu chu nyung zhing 'dod pa chung ba dang/ gnyer ma myur du skye ba dang/ skra dkar myur du skye ba dang/ mthong ba nyams mi gsal ba dag mngar ba dang/ bska pa dang/ kha ba dang/ grang ba'i zas la dga' ba dang/ tshad pa la zhi sdang
 pa dang/ rdul che ba dang/ dri ma nam pa dang/ bshang gci mang ba dang/ khro ba dang/ bza' ba dang/ btung ba la phrag dog pa dang/ gzhan yang rmi lam gyi nang du dod? ke'i me tog dang/ shing plaksha'i me tog dang/ phyogs mes tshig pa mthong ba dang/ skar
 mda' ltung ba dang/ glog 'gyu ba dang/ nyi ma mthong pa rmi ba dang/ mkhris pa'i rang bzhin can gyi mi ni tshig phra ba dang/ ser ba dang/ g.yo zhing 'gul ba dang/ rdzi ma srab cing nyung ba dang/ grang ba la dga' ba dang/ chang 'thung ba dang/ khros pa'i
 dus su mig dmar por gyur pa dang/ nyi ma'i dkyil 'khor sngo ba dang/ dmar par mthong ba yin no/ /tshe ni ran par 'tsho ba yin la/ stobs kyang ran par yod de/ shin tu mkhas pa dang/ sdug bsngal gyis 'jigs pa yin no/ /gzhan yang stag
 dang/ bred dang/ spre'u dang/ byi la dang/ gnong sbyin dang/ 'di rnams kyi gzugs dang/ skad dang spyod pa'i mtshan ma dang ldan na mkhris pa can gyi rtags yin no/ /de la bad kan ni chu'i rang bzhin can gyi rtags yin te/ rus pa'i tshigs mi mngon
 pa dang/ snum pa dang/ tshigs 'brel ba dang/ bkres pa dang/ skom pa dang/ nyon mongs pa dang/ sdug bsngal ba dang/ tshad pa dang/ 'di rnams bzod pa dang/ gzhan yang blo dang ldan pa dang/ snying stobs che ba dang/ dam bcas pa brtan pa dang/ gzhan
 du khre dang/ dur ba dang/ 'dam bu'i myu gu dang mtshon dang/ gi wang dang/ pad+ma dang/ gser dang/ de dag gi mdog gang yang rung ba snang ba ni bad kan gyi rang bzhin no/ /lag dar gnyis la 'phyang ba dang/ brang rgyas shing yangs pa dang/ dpral ba'i dbyes che ba dang ra
 skra mthug cing mdog sngo ba dang/ lus rtsub pa dang/ lus sha snyoms pa dang/ yan lag thams cad legs par dbye ba dang/ lus mdzes pa dang mdangs dang ldan pa dang/ 'dod chags spyod pa'i nus pa dang ldan pa dang/ de bzhin du bcud dang khu ba dang bu tsha mang
 ba dang/ g.yog 'khor mang ba dang/ chos la dga' ba dang/ tshig 'jam por smra ba dang/ dgra lta bu gnod pa byed pa la sems la dam du 'dzin cing 'phral mi smra ba dang/ glang po che'i mchog ra ro ba lta bu'i 'gros su 'gro ba dang/ 'brug gi sgra dang/ rgya mtsho
 chen po dang/ rdza rnga dang/ seng+ge'i skang lta bu yod pa dang/ dran pa dang bya ba la mngon par brtson pa dang/ dul ba dang/ byis pa'i gnas su yang shas chung du du ba dang/ lto 'dun chung ba dang/ zas kha ba dang/ bska pa dang/ tsha ba dang dro ba dang rtsub pa dang/ nyung ngu
 zos kyang stobs dang ldan pa dang/ gzhan yang mig yangs shing snum la dkyus ring ba dang/ gsal ba dang/ shin tu dkar ba dang/ rdzi ma gnag cing mthug pa dang/ skad gsang chung ba dang/ spro ring ba dang/ bza' btung nyung ngu za zhing 'thung ba dang/ 'dod pa
 chung ba dang/ tshe ring pa dang/ nor mang pa dang/ thag ring po la blo 'jug pa dang/ sbyin gtong che ba dang/ dad pa che ba dang/ blo zab pa dang/ mthong ba che ba dang/ bzod pa dang ldan pa dang/ dang tshul bzang ba dang/ gnyid che ba dang/ las kyi mdza' ring ba dang/
 byas pa gzo ba dang/ bsam pa drang ba dang/ mkhas pa dang/ gzugs bzang ba dang/ ngo tsha shes pa dang/ bla ma la gus pa dang/ snying nye ba dang/ mdza' ba brtan pa dang/ rtag tu glo ba dang/ rmi lam gyi nang na me tog pad+ma dang/ nam mkha' la bya mang po phreng ba/
 ltar brgyus pa 'phur ba dang/ mtsho dang sprin mthong ba dang/ tshangs pa dang/ drag po dang/ dbang po dang/ chu lta dang/ nam mkha' lding dang/ dang ba dang/ glang po che'i mchog dang/ seng ge dang/ rta dang/ khyu mchog dang/ de rnams dang
 'dra bar mthong na bad kan gyi rang bzhin can du shes par bya'o/ /rlung dang mkhris par ldan pa dang/ rlung dang bad kan du ldan pa dang/ mkhris pa dang bad kan du ldan pa dang/ 'dus pa dang bzhi po de dag gi rang bzhin yang gong ma so so'i rtags
 bstan pa las 'dir yang rjes su dpags te shes par bya'o/ /de la snying stobs kyi rang bzhin ni bad kan gyi yon tan dang 'dra ste/ gtsang sbra che ba dang/ yod par lta ba la sogs pa'o/ /rdul gyi rang bzhin ni mkhris pa'i rang bzhin dang 'dra ste mang du smra ba
 la sogs pa'o/ /mun pa'i rang bzhin ni rlung gi yon tan dang 'dra ste 'jigs pa la sogs pa'o/ /ldan pa dang 'dus pa'i rang bzhin gyi yon tan yang go rim bzhin du sbyar ro/ /de lan tshong kyi bye brag gsum du blta ste/ byis pa dang bar ma dang
 rgan ba'o/ /de la lo bcu drug gi bar du ni byas pa zhes bya'o/ /de las lo bdun cu'i bar du ni bar ma zhes bya ste lus dang dbang po gzi brjid la sogs pa 'phel zhing rgyas ba'i gong ma dang dus so/ /de phan chad ni rgan bo zhes bya ste/ lus zungs la sogs pa
 zad pa'i dus so /skyes pa gang gi lus khru phyed dang bzhi pa'i tshad du yod pa ni cha dang ba la sogs pa'i gzhi yin no/ /gzhan yang lus la spang bar bya ba'i dngos po brgyad yod de/ gang zhe na lus la ba spu mang ba dang/ yang na med pa dang ba spu dkar? pa
 dang/ yang na gnag pa dang/ spom pa dang/ ring chos pa dang/ gnas ma yin par spu skyes pa dang/ rtsa ba ba dang de rnams dang ldan na tshe thung ba dang mi bde ba skyed de/ skyes bu gang gi skra snum pa dang/ 'jam pa dang/ phra zhing bar nas skyes pa dang/
 brtan ba dang/ de dag ni skra'i yon tan dam pa yin no/ /dpral ba'i yon tan ni skra mtshams kyi phyogs mtho zhing mur 'gram gnyis dma' ba dang pad+ma ba phyed pa lta bu ni rab tu bzang ngo/ /skyes bu'i rna ba'i yon tan ni/ zheng chung la dkyus ring ba dang/ mtho dma'
 legs par 'byes shing shas rgyas pa dang/ rna ba'i rgyab phyogs mtho ba'o/ /mig gi yon tan ni dkar nag 'byes shing gsal ba dang/ dzi ma bar mchad cing stug pa'o/ /sna'i yon tan ni sna gzengs mtho ba dang dbugs cher 'byung ba dang/ mthon
 man med cing rgyas pa dang drang ba'o/ /mchu'i yon tan ni me 'phyang ba dang dmar ba'o/ /'gram pa'i yon tan ni 'gram pa yangs shing mdzes pa dang/ /ba yangs pa dang/ so thags bzang ba dang/ 7mdog snum la 'tsher ba dang/ 'jam pa dang/ dkar ba dang
 mnyam pa'o/ /lce'i yon tan ni/ lce dmar ba dang/ srab pa dang ring pa'o/ /ko sko'o yon tan ni sha che zhing rgyas pa'o/ /mgrin pa'i yon tan ni ring zhing zlum la dung lta bu'o/ /dpung mgo zlum la mtho zhing rgyas pa'o/ /lte ba g.yas su 'khyil ba dang/
 lte ba dpus zab cing mdza' mtho ba dang/ rkang ba dang lag pa'i sen mo'i yon tan ni srab pa dang/ dmar ba dang/ mtho ba dang/ snum pa dang/ zangs mdog 'dra ba dang/ sha dang 'byar pa dang/ sor mo ring la mtshams 'byar zhing phug pa mi mngon pa dang
 rgyab kyi sgal tshigs rgya che zhing mi mngon pa dang/ rgyus pa dang tshigs kyang mi snang ngo/ /skad kyi yon tan ni brtan pa dang ring pa'o/ /lus kyi mdog snum pa dang/ gzi mdangs dang ldan pa dang/ rang bzhin gyis snying stobs che ba dang/ phongs par gyur kyang blo mi 'gyur
 ba'o/ de la bcos ma thag pa nas nad med cing rim gyis lus bong la sogs pa dang/ 'jig rten gyi tha snyad dang bstan bcos la mkhas shing dge mtshan 'phel ba lta na ni ji ltar zhing gshin pa'i lo tog lta bur 'phel zhing rgyas par 'gyur te/ gong du smos pa'i
 lus kyi yon tan de dag thams cad dang ldan pa'i skyes bu ni lo brgyar 'tsho zhing tshe ring ba dang/ dbang phyug la sogs pa dang yun ring du ldan par 'gyur ro/ /de las lus zungs bdun dang snying stobs dang brgyad ni lus kyi snying po zhes
 bya ste/ de dag gi stobs che chung bstan pa ni lus zungs dangs ma dang snying stobs kyi bar du rim pa bzhin du 'og ma 'og ma stobs che ba yin par shes par bya'o/ /lus kyi snying po brgyad du bstan pa thams cad dang ldan pa'i skyes bu ni kun gyi bla ma ltar
 bkur bar bya ba dang/ yid brtan pa'i gnas dang/ thams cad kyis dri ba'i 'os su gyur pa dang/ lus dang sems kyi sdug bsngal bzod pa dang/ blo dang ldan pa dang/ bya ba la brtan par gyur pa yin no/ /de la snying stobs kyi shas che ba ni rtag tu bde
 ba dang ldan pa yin na rdul dang mun pa gnyis kyi shas che ba'i mi ni bde sdug 'dres ma dang ldan pa gzhan yang skyes bu gang la la zhig sbyin pa dang/ tshul khrims dang/ bden pa dang/ tshangs par spyod pa dang/ byas pa gzo ba dang/ byams pa dang
 snying rje che ba dang/ bcud kyis len pa la sogs de dag brten par byed pa'i skyes bu ni bsod nams dang tshe 'phel bar byed pa yin no/ /lus kyi gnas las le'u gsum pa rdzogs so// //lus kyi gnas las gnad kyi bye brag bstan pa'i le'u
 bshad par bya'o/ /mi'i lus la gnad brgya rtsa bdun yod de/ brla? gnyis dang/ lag dar gnyis te bzhi po de dag las gnad bcu gcig bcu gcig dang/ lto ba la gnad gsum dang/ brang la gnad dgu dang/ rgyab la gnad bcur zhi dang/
 nad tshoms yan chad la gnad sum cu rtsa bdun no/ /de la sngon gyi sman pa dag 'di skad 'chad de/ rkang ba'i mthil gung mo'i drang thad kyi dbus na mthel 'phrog pa zhes bya ba'i gnad yod de/ der mtshon la sogs pa phog mngon sdug bsngal dang bcas shing
 'byung ba lnga tha dad par 'gyur ro/ /rkang pa'i mthe bong dang/ mdzub mo gnyis kyi bar na myur ba zhes bya ba'i gnad yod de/ der mtshon gyis phog na a sh+ke? pa zhes bya ba'i rlung nad kyis 'chi ba ston to/ /gong ma'i gnad las yar sor gnyis bcal bar pir lta bu
 zhes bya ba'i gnad yod de/ der mtshon gyis phog na lus 'dar zhing 'khor bar byed do/ /long mo'i tshigs kyi 'og na pir gyi mgo lta bu zhes bya ba'i gnad yod de der mtshon gyis phog na sgrang zhing nad skye bar 'gyur ro/ /rkang pa dang byin pa'i tshigs par na long mo zhes
 bya ba'i gnad yod de/ der mtshon la sogs pa phog na dran pa nyams pa dang/ brla rengs pa dang/ nad skyed par byed de/ byin pa'i dbu rting pa nas sor bcu gnyis bcal bar dbang po'i chu so zhes bya ba'i gnad yod de/ der mtshon gyis phog na khrag zad nas 'chi
 bar byed do/ /byin pa dang brla gnyis kyi bar na pus mo zhes bya ba'i gnas yod de/ /der mtshon gyis phog na gal te 'tsho bar 'gyur na yang lus zha bar 'gyur ro/ /pus mo'i long ba nas yang brla phrag mar sor gsum bcal bar ma ni zhes bya ba'i gnad yod de
 mtshon gyis phog na brla rangs ba dang skrangs par byed do/ /brla'i dbus na u ru ba shing zhes bya ba'i gnad yod de/ der mtshon gyis phog na khrag zang nas brla skams par byed do/ /brla'i gong brla dprag gi 'og tshigs mchims na mig dmar po zhes bya ba'i gnad
 yod de/ der mtshon gyis phog na khrag zad nas zla ba phyed kyis 'chi bar ston te/ /brla dprag dang rlig pa'i bar na bi Ta paM ma zhes bya ba'i gnad yod de/ der mtshon la sogs pa phog na bud med la 'jug pa'i nus pa med par 'gyur ro/ /rkang zug cig shos
 la yang tshul de ltar shes par bya'o/ /de bzhin du dbug zug gnyis la yang de dang 'dra bar gnad du blta sta/ long mo dang 'khrig mar mthun pa dang/ gru mo dang pus mor mthun pa dang/ byin pa'i dbus dang lag dar gyi dbus su mthun pa dang/ gzhan yang bi Ta
 bi zhes bya ba dang/ mig dmar po zhes bya ba'i gnad la mtshon gyis phog na zha bar 'gyur ba dang 'dra bar mchan khung gi nang mtshams na yang mchan khung 'dzin zhes bya ba'i gnad yod de/ der mtshon gyis phog na yang dpud pa zhe
 bar 'gyur te/ de la sogs pa gong du bshad pa'i go rim bzhin du gnad yod pa'i sa dang skyon 'dra bar yod pas ci rigs par shes par bya'o/ /lto ba'i gnad gsum la rgyu ma spom po gzhang zhes bya ba'i gnad yod de/ de la mtshon gyis phog ste bu
 gnas phyir phyi sa dang rlung 'gyur na de ma thag 'chi'o/ /lgang? pa gzhu ltar yo ba sha chung zhing khrag nyung ba thur du bltas ba'i sgo gcig yod pa ni chu so'i gnad yin te/ de yang rked pa'i dbus na yod bas de la mtshon gyis phog nad ma thag srog 'dar bar
 'gyur ro/ /ji ste rde'u 'phyin pa'i phyir chus sor mtshon gyis las bya dgos na yang chu so'i g.yas g.yon du ni khyad par bsrung bar bya ba yin la gal te der mtshon gyis phog na ni 'phral 'chi'o/ /ji rde'u 'byin pa'i tshad bstan pa'i sar phug na yang
 shin tu 'tsho dka' ste/ chu so nas gcin rtag tu 'dzag par bshad to/ /lus kyi zhu ba dang ma zhu ba'i dbus na rtsa thams cad brten pa'i gnas lte ba zhes bya ba'i gnad yod de/ der mtshon gyis phog na 'phral 'chi bar byed do/ /pho ba'i ??
 dang mun pa dang snying stobs bsten pa'i gnas snying zhes bya ba cig yod de/ de yang brang ga 'og/ lto ba'i gong nu ma gnyis kyi dbus na gnas so/ /nu sor las gong 'og tu sor gnyis bcal ba na nu ma'i rtsa ro hi ta zhes bya ba'i gnad yod do/ /de
 dag gang yang rung bar mtshon gyis phog na/ /zag dang bad kan lto ba'i nang du zhugs nas 'chi bar byed do/ /brang gi ngos gnyis na a pa sta pa zhes bya ba rlung rgya ba'i gnad gnyis yod do/ /der mtshon gyis phog na lto ba khrag gis gang zheng lud? pa
 dang/ dpugs mi bde bas 'chi bar byed do/ /brang g.yas g.yon gyi gnad gnyis brang thang rgyab kyi sgal tshigs kyi nang gi ngos gnyis na kha thur du bltas pa/ pa la ba khya zhes bya ba'i gnad gnyis gnyis yod de der mtshon gyis phog na lto ba'i nang du khrag gis gang
 zhing de nyid rnag tu gyur te/ 'chi bar byed do/ /sgal tshigs kyi ngos gnyis kyi sta zur gyi rna ba/ rkub tshos gnyis kyi gong na ka ti ka ta ru zhes bya ba'i gnad gnyis yod de gnyis su mtshon phog na skyes bu de khrag zad cing skya bor 'gyur la mdog mdangs nyams shing 'chi bar
 'gyur ro/ /sgal tshigs kyi ngos gnyis rkang ba'i rgyab phyogs kyi mtshams na ku kunda ra zhes bya ba'i gnad gnyis yod de/ der mtshon gyis phog na lus kyi spyod pa nyams shing ro smad 'chal ba dang/ tshor ba med par 'gyur ro/ /sta zur gnyis kyi rna ba'i gong rtsib logs gnyis
 kyi 'og rkeng ba'i sha la sogs pa'i nang na ni tam pa zhes bya ba'i gnad yod de/ de yang rus pa snyib na gnas la der mtshon gyis phog na ro smad skrangs shing lus nyams chung la 'chi bar byed do/ /rtsib ma'i 'og logs kyi nad dang 'bral ba'i rked pa'i g.yas g.yon
 gnyis na thad ka drang po dang/ gyen du 'gro ba'i gnad rtsib logs kyi mtshams zhes bya ba'i gnad yod de/ der mtshon gyis phog na lto ba khrag gis gang zhing 'chi bar 'gyur ro/ /nu ma gnyis kyi rtsa ba'i drang thad kyi rgyab kyi rgal tshigs kyi ngos gnyis na brten pa'i
 rtsa chen po zhes bya ba'i gnad gnyis yod de/ der mtshon gyis phog na khrab zad nas 'chi bar byed do/ /dpung mgo dang 'brel ba'i rgal tshigs kyi ngos gnyis na aM sa yo pha la ka zhes bya ba'i gnad yod de/ der mtshon gyis phog na dpung pa skam zhing tshor ba
 med par 'gyur ro/ /mgrin pa'i ngos gnyis dang dpung mgo dang phrag par 'brel ba'i dbus na phrag pa'i gnad ces bya ba yod de/ der mtshon gyis phog na lag dang rengs te brkyang bskum mi shes par 'gyur ro/ /ming ba'i g.yas g.yon gnyis na 'gram pa la
 brten pa'i rtsa gnyis gnyis yod de/ de yang sngon po zhes bya ba dang ma n+ya zhes bya ba gnyis yod de/ bzhi po de dag gnad du blta ste/ der mtshon gyis phog na skad nyams par 'gyur ba dang/ ro mi tshor par 'gyur ro/ /ming ba'i g.yas g.yon nas lce dang snar 'gra ba'i
 rtsa bzhi yod de de ni ma tri ga zhes bya ba'i rtsa'i gnad yin te/ der mtshon gyis phog na de ma thag srog 'joms pa'o/ /mgo dang mgrin pa'i tshogs kyi ngos na ltag pa zhes bya ba gnad re re yod de der mtshon gyis phog na rtag tu mgo 'dar bar 'gyur ro/ /rna mchog gnyis kyi
 steng drang thad na phyi ru ra zhes bya ba'i rtsa mtho dman du 'dug pa'i gnad re re yod de der mtshon gyis phog na thos pa nyams te 'on par 'gyur ro/ /sna'i lam na rna ba'i ngos gnyis su zhugs te mgrin pa'i nang du 'brel pa'i rtsa de ba ka zhes bya ba'i gnad yod de/ der
 mtshon gyis phog na dri mi tshor bar byed do/ /mig gnyis kyi grwa smin ma'i mjug gi mdza' na mig bsrung zhes bya ba'i gnad re re dang/ sna'i lam nas rna ba'i ngos gnyis su zhugs te mgrin ba'i nang du 'brel ba'i rtsa gdengs ka zhes bya ba'i gnad gnyis yod de/ der mtshon
 gyis phog na dri mi tshor bar byed do/ /mig gnyis kyi grwa smin ma'i 'jug gi mdza' na mig bsrung zhes bya ba'i gnad re re dang/ smin ma'i steng shong bur 'dug pa'i nang na 'khyil pa zhes bya ba'i gnad gnyis te bzhi po de dag la mtshon la sogs pa phog na long bar 'gyur ro//
 dpral ba'i mdza' rna ba dang nye ba na mur 'gram zhes bya ba'i gnad re re yod der mtshon gyis phog na 'phral 'chi bar byed do/ /mur 'gram gyi gong skra mtshams na ur sh+ke? pa zhes bya ba'i gnad re re dang smin ma'i dbus na staM pa ni zhes bya ba'i gnad re re yod de/ der
 mtshon gyis phog na zug rngu ma byung ste rang smin na byung ba ni 'tsho bar 'gyur la zug rdu byung na ni de ma thag 'chi'o/ /lce dang mig dang sna dang rna ba dang de bzhi'i rtsa'i rgyun srang ni kha'i nad rkan gyi phyogs su 'dus te bzhi bo de dang 'brel ba'i gnad sum mdo zhes bya ba
 yod do/ /de rnams la mtshon gyis phog na 'phral tshe'i mthar gtugs pa yin no/ /mgo'i thod pa la thad ka dang thur du 'gro ba'i tshigs lnga yod de/ de rnams kyang skra mtshams zhes bya ba'i gnad yin pas de la mtshon gyis phog na mgo 'khor ba dang smyo ba dang dran pa nyams te
 'chi bar 'gyur ro/ /klad ba'i steng phyogs su 'khyil zhing rtsa thams cad 'dus pa'i nang na bdag po zhes bya ba'i gnad yod de der mthon gyis phog na de ma thag srog 'joms par byed do/ /lus kyi gnad phyi'i mtshan nyid ni gang du mnan na mi bzod par na zhing 'gul pa dang/
 sdug bsngal dang bcas pa gang yin pa ste de yang gnad yin par blta'o/ /gzhan yang sha dang/ rus pa dang/ rgyus pa dang/ rtsa chen po dang/ rtsa dang/ tshigs dang 'di dag rang gi mtshams 'dus pa thams cad la gnad ces bya ste/ de dag tu mtshon la sogs pas
 phog na khyad par du srog 'gag pa'i rgyu yin no/ /de ltar gong du gnad kyi bye brag phal cher rjes su bstan pa yang sha la sogs pa la brten pa'i gnad rnam pa drug tu brtag par bya ba yin no/ /srog ces bya ba ni gnad thams cad kyi spyi'i gnas su mnyam ste gcig par
 'dod do/ /rnam pa drug tu brtag pa de gang zhe na/ sha la gnas pa'i gnad bcu ste/ dbang po'i chu zhes bya ba'i gnad bzhi dang/ rkang mthil phrog pa zhes bya ba'i gnad bzhi dang/ nu ma'i rtsa ba ro hi ta zhes bya ba gnad gnyis te bcu'o/ /rus pa la gnad brgyad de/ mur
 'gram zhes bya ba'i gnad gnyis dang/ ka Ti ta ru na zhes bya ba'i gnad gnyis dang/ na tim+ba zhes bya ba'i gnad gnyis dang/ a na sa yo pha la zhes bya ba'i gnad gnyis so/ /rgyus pa'i gnad nyi shu rtsa gsum ste/ a na sa zhes bya ba'i gnad bzhi dang pir lta bu
 zhes bya ba'i gnad bzhi dang/ mig zur zhes bya ba'i gnad gnyis dang/ myur ba zhes bya ba'i gnad gnyis dang/ ud sh+ke pa zhes bya ba'i gnad gnyis dang/ chu so zhes bya ba'i gnad gcig go /rtsa chen po'i gnad dgu ste/ gzhang zhes bya ba'i gnad gcig
 dang/ a pa staM pa zhes bya ba'i gnad gnyis dang/ bi du ra zhes bya ba'i gnad gnyis dang/ sum mdo zhes bya ba'i gnad bzhi'o/ /rtsal gnad sum cu rtsa bdun mchis te rtsa chen po zhes bya ba gnyis dang/ ma hi kram ha zhes bya ba'i
 gnad brgyad dang/ sngon po zhes bya ba gnyis dang/ ma n+ya zhes bya ba gnyis dang/ mchan khung 'dzin pa zhes bya ba'i gnyis dang/ gdengs ka zhes bya ba gnyis dang/ pi tra pa zhes bya ba'i gnad gnyis dang/ snying zhes bya ba'i gnad gcig dang/
 lta ba zhes bya ba'i gnad gcig dang/ rtsib logs kyi mtshams zhes bya ba dang/ nu ma 'dzin pa zhes bya ba gnyis dang/ a pa la po'i gnad gcig dang sta ba ni zhes bya ba'i gnad gcig dang/ urba shi zhes bya ba'i gnad bzhi dang/ lo hi ta zhes bya ba'i gnad bzhi'o/ /tshigs la
 gnad nyi shu brten te/ 'khyil pa zhes bya ba'i gnad gnyis dang/ mkhrig ma zhes bya ba'i gnad gnyis dang/ ku kunda ra zhes bya ba gnyis dang/ skra mtshams zhes bya ba lnga dang/ gru mo zhes bya ba gnyis dang/ long mo zhes bya ba gnyis dang/ ltag ba zhes
 bya ba gnyis dang/ bdag po zhes bya ba gnyis dang/ pus mo zhes bya ba gnyis dang nyi shu'o/ /sman pa gzhan dag na re/ sha la brten pa'i gnad dang/ rgyus pa la brten pa'i gnad dang/ gzhang zhes bya ba'i gnad dang/ mchan khung 'dzin pa zhes bya ba'i
 gnad dang/ pi dri po zhes bya ba'i gnad dang/ pi du ra zhes bya ba'i gnad dang/ sum mdo zhes bya ba'i gnad dang/ rtsal brten pa'i gnad rnams dang/ a pa staM pa zhes bya ba'i gnad dang/ mig phug zhes bya ba'i gnad dang/ rtsa chen po la gnas ba'i
 gnad rnams 'ba' zhig ma gtogs pa gong du smos pa'i gnad de dag gang yang rung ba la mtshon gyis phog par nus na/ rtag tu rgyun mi 'chad par sha bkrus pa 'dra ba'i chu shin tu sla ba 'dzag cing lus sha skya bo bser por gyur pa dbang po nyams
 shing myur du 'chi bar byed do/ /rus pa la gnas pa'i gnad gang yang rung ba mtshon gyis phog na/ /brag shin tu sla ba rkang dang bcas pa 'byung bar 'gyur ro/ /rgyus pa'i gnad la mtshon gyis phog na lhag par na ba dang/ brkyang bskum mi shes pa dang/ bzhon pa la zhon
 pa'i nus pa med pa dang/ gnas la mi dga' ba dang/ lus grims pa chung ba dang/ yang na 'chi bar 'gyur ro/ /rtsa chen po'i gnad la mtshon gyis phog na khrag sgra dang bcas shing dbu ba yod la/ khrag tsha zhing dran pa nyams par 'gyur ro/ /rtsa'i nang la mtshon gyis
 phog na khrag sa zhing mang ba rgyun mi 'chad par zag ste/ khrag zad pas srom? dang che ba dang/ mgo 'khor ba dang/ dbugs mi bde ba dang/ rmongs bag tu 'dug pa dang skyigs bu rnams kyis 'debs shing dus byed par 'gyur ro/ /gal te rma 'grub na yang lus
 grams gang ba snyam byed cing mthong ba dang gyol por 'gyur ro/ /tshigs kyi gnad la mtshon gyis phog na lus kyi stobs dang/ spyod pa nyams shing lus snyem pa dang/ tshigs rnams skrad par 'gyur ro/ /gzhan yang bcu dgu po 'di dag ni 'phral 'chi bar byed pa'i
 gnad yin te/ lte ba'i gnad dang/ mur 'gram gyi gnad dang/ bdag po'i gnad dang/ gzhang gi gnad dang/ snying gi gnad dang/ pus mo'i gnad dang/ chu so'i gnad dang/ ma tri ka'i gnad yin te de dag tu mtshon gyis phrog nas 'phral mi 'chi
 na yang/ zhag bdun tshun chad kyis nges par 'chi'o/ /'phral mi 'chi bar zla ba gcig gam zla ba phyed kyi nang du 'chi ba'i gnad ni sum cu rtsa gsum ste/ a pa staM pa zhes bya ba'i gnad dang/ rkang mthil sreg pa'i gnad dang/ rtsa bas logs kyi
 mtshams kyi gnad dang/ ka Ti ta rung zhes bya ba'i gnad dang/ sgra mtshams kyi gnad dang/ nu ma'i rtsa'i gnad dang/ dbang po'i chu so'i gnad dang/ myur ba zhes bya ba'i gnad dang/ a pa la'i gnad dang/ rtsa chen po'i gnad dang/ ni ti pa'i gnad dang/
 sta na ro hi ta zhes bya ba'i gnad rnams so/ /gnad gsum po u sh+ke zhes bya ba gnyis dang/ sta pa zhes bya ba dang gsum ni mtshon phyung na ni 'chi la ma phyur na ni mi 'chi'o/ /zhes bshad de/ de yang rlung gis sha dang/ rkang dang/ klang
 rgyas rnams skyems par byed do/ /gal te thabs ma yin pas mtshon de phyung na ni dbugs mi bde ba dang lung pas srog 'dong bar byed do/ /gnad bzhi bcu rtsa bzhi bo 'di dag tu mtshon gyis phag na 'ther? 'grum la sogs par 'gyur gyi 'chi bar byed ba ni ma
 yin te blo bur gyis gnod pas brgya la 'chi ba yang srid do/ /bzhi bcu rtsa bzhi po de yang gang zhe na/ gdengs ka zhes bya ba'i gnad dang/ mur 'gram gyi phyogs kyi gnad dang/ pi du ra'i gnad dang/ sngon po zhes bya ba'i gnad dang/ ma ni'i
 gnad dang/ lhag pa'i gnad dang/ phag pa'i gnad dang/ 'khyil ba zhes bya ba'i gnad dang/ bi Ta go zhes bya ba'i gnad dang/ urpa shi zhes bya ba'i gnad dang/ ku kunda ra'i gnad dang/ pus mo'i gnad dang/ mig dmar po'i gnad dang/
 mchan khung 'dzin pa'i gnad dang/ pir lta bu'i gnad dang/ gru mo'i gnad rnams so/ /gnad brgyad po 'di dag ni na zhing sdug bsngal bar byed pa ste/ de yang gang zhe na/ pir mgo lta bu'i gnad dang/ long ba mo'i gnad dang/ mkhrig ma'i gnad
 rnams so/ /gnad gong tu smos pa de rnams las bi ti ba dang/ mchan khung 'dzin pa dang/ bir mgo lta bu dang/ a sa phal de rnams kyi tshad ni so sor re re tsam yod do/ /mkhrig ma'i gnad dang/ long mo'i gnad dang/ nu ma'i rtsa ba'i gnad
 la sor gnyis kyi tshad du yod do/ /pus mo dang gru mo gnyis kyi gnad la sor gsum gyi tshad du yod do/ /gzhang gi gnad dang/ chu so dang/ snying dang/ lte ba dang/ sngon po zhes bya ba dang/ skra mtshams kyi gnad dang/ ma Ti ka dang/ pir lta bu dang/
 sum? med do zhes bya ba dang/ man ya zhes bya ba dang/ de rnams kyi gnad nyi shu rtsa dgu ni lag pa'i mthil gyi tshad tsam re re yod do/ /lhag ma lnga bcu rtsa drug po rnams ni sor phyed phyed kyi tshad tsam yod do/ /slob dpon gzhan dag na re gnad lnga bcu rtsa drug po de
 dag gi tshad ni til 'bru 'am/ 'bras kyi tshad tsam yod do zhes zer ro/ /gong du rlung dang/ mkhris pa dang/ bad kan dang/ khrag rgyu ba'i rtsa bzhir bshad pa de dag gi lus thams cad brtas par byed pa yin te/ de yang gnad rnams la brten te der
 gyis phog te khrag zad par gyur na lus zhungs zad de rtsa'i snubs rlung gis gang zhing rgyas nas mi bzad par na bar byed pa yin la rlung res mkhris pa bskyod pas ni kha skam ba dang/ skom dang che ba dang/ myos pa dang/ mgo 'khor ba dang/ lus rdul ba
 dang/ tshigs rnams bye ba dang/ lus lhod bor 'gyur te 'chi bar 'gyur ro/ /ji ste gnad kyi tshigs mtshon la sogs bas chod par gyur na/ de ma thag lag pa'am rkang bas gong 'og nas dam du bsdam zhing bzung bar bya'o/ /gal te ma bzung na ni rtsa
 rnams gong 'og tu 'khum par 'gyur ro/ /de la sems can rnams kyi 'cho ba ni khrag la rags pas pa yin te/ khrag legs par gnas shin rgyu na ni srog kyang legs par gnas pa yin no/ /de lta bas na gnad la ma phog na ni mtshon du mas bsnun kyang 'chi ga
 mi 'gyur zhing/ gnad la phog na ni nges par 'chi bar 'gyur la/ tshabs chung ngu bsnun kyang zha ba la sogs par blta'o/ /gzhan yang gnad du bsnun ba'i rma can gyi skyes bu'i drung du thal sman rnon po dang/ dug dang/ me dang/ ba la ta ka dang/ ka bat+ti ka
 dang 'di rnams mi bsnyen cing spang bar bya'o/ /gnad du phog pa'i rma la ni nyes pa phra mos kyang gnod par 'gyur bar bag bya bar gces so/ /pha nang du mtshon gyis bsnun par yang ma zad de/ gnad kyi steng du nad gang yang rung ba gzhan byung na yang nyan dang
 bcas pa yin bas 'bad? ba dang bcas bas gso bar bya'o/ /lus kyi gnas las gnad kyi bye brag bstan pa'i le'u bzhi pa rdzogs so// //de nas lus kyi 'gyur pa'i bye brag las 'chi ltas brtag pa'i le'u bshad par bya'o// //
 de la mi'i gnad rnams la nad kyis phog ba las phyi rol tu 'chi ba'i mtshan ma snang ba yin te/ dper na 'bras bu'i snga rtags me tog dang/ char gyi snga? ltas sprin dang/ ma'i snga rtags du ba yin pa bzhin du skyes bu 'chi bar 'gyur ba'i snga rtags sam mtshan
 ma yang sngon du snang ste/ de bas na 'og tu 'byung ba 'di dag gis rtogs par bya'o/ /de yang 'chi ba'i rtags 'di dag dang ldan na ni nges par 'chi bar 'gyur la/ mi ldan na ni 'chi bar mi 'gyur ro/ /ci ste sman pas gzhung las 'byung ba bzhin shes na
 ni 'chi ltas nges ba yin la/ gal te mi mkhas ba 'am ma brtags ba 'am rtsing po rnams kyi ni nges par mi gzung ngo/ /de la sman pa kha cig na re nad pa dang 'chi ltas gnyis ni rten dang brten pa'i tshul du gnas te/ 'chi ltas 'byung ba yang nad rnams
 shes chor 'khrugs pa las phyi rol tu snang ste/ gal te nas zhi na ni 'chi ltas kyang mi 'byung la/ /ma zhi bzhin du 'chi rtags dang ldan na ni nges par 'chi'o/ /'chi ltas kyi 'gyur ba'i 'og nas 'byung ba'i mtshan ma 'di dag gis rtogs par bya'o/ /de la
 zungs kyi rnam pa dang/ mig la sogs pa'i dbang po dang/ skad kyi nga ro dang/ 'byung ba chen po'i lnga'i rang bzhin la rtog pa dang/ nyi ma dang/ me long dang/ chu la sogs pa'i nang du grib ma'i rtags dang/ gzhan yang lus ngag yid gsum gyi sgo nas bya ba
 dang byed pa sna tshogs rang bzhin gyi spyod pa las yongs su nyams te/ gnas skabs gzhan du 'gyur ba ni 'chi ba'i rtags su bstan to/ /skyes bu gang gi skra dang ba spu la snum gyis bskus bzhin du snum par 'dug pa dang/ mig shin tu 'gul ba dang/ mig
 mi 'dzum par 'brur tshul su lta ba dang/ yang na mig phugs su zhugs na yang phyir 'byung ba dang/ mi ya yod 'dug pa dang/ mig skrang ba dang/ mig chung ngur 'gyur ba dang/ de bzhin du smin ma ring bar 'gyur ba dang/ smin ma zhum par 'gyur ba dang/ rtabs? mig tu
 blta ba dang/ yang na dman par lta ba dang/ thi ba dang sre mo'i mig bzhin du dmar ba dang/ mgal me'i 'khor lo 'dra zhing dmar ba dang/ rgyu med par mchi ma 'dzag pa dang/ rdzi ma 'khug pa dang/ de bzhin du sna chen por 'gyur ba dang/ yang na zhom par 'gyur ba
 dang/ 'grum? bu phra mo khyab par 'byung pa dang/ skrang bar 'gyur ba dang/ sna 'gags pa dang/ sna'i nang bskams pa dang/ ma mchu 'phyangs pa dang/ ya mchu slogs pa dang/ rang bzhin gyi mdog las nyams te 'dzam bu'i 'bras bu smin pa bzhin du dmar por
 gyur pa dang/ yang mdog sngon por gyur pa dang/ skyes bu gang gis so sha kha ra'i mdog lta bu dang/ 'phral la so skrangs pa dang/ so 'brul ba dang/ so nag skyar song ba dang/ dmar po zangs mdog lta bu dang/ me tog gi thig le ltar 'jug pa dang/ 'dam
 gyis bsgos pa lta bu dang/ gang dag gi lce ya yor gyur pa dang/ lce rtag tu phyi rol du 'byung zhing nang du mi sdud pa dang/ skrangs pa dang/ skams ba dang/ lci ba dang/ mdog snum nag tu song ba dang/ dri ma mang bos g.yogs pa dang/ ro mi tshor ba dang/ lce rtsub pa
 dang/ mjid bas mgo mi theg pa dang/ bdag gi lus kyang khur lci ba ltar mi theg pa snyam byed/ zas kham gcig kyang bde bar bsdad mi nus par gyur na de ni 'chi ba'i gzhin 'debs yin no/ /skyes bu gang la rgyu med par yan lag rnams shin tu lci
 ba dang/ yang na shin tu yang ba dang/ dug gi khrag gi gzhi med par mig la sogs pa'i sgo nas khrag 'byung ba dang/ pho mtshan dang rlig pa gnyis res kyi gcig nang du nub gcig phyir 'gyur? pa 'di lta bu ros kyis byed na dug ma gtogs pa nges par 'chi'o/ /de
 yan chad kyi mtshan ma gang yang rung ba byung na 'chi bar 'gyur ro zhes thams cad la sbyar ro/ /skyes bu gang gi rgyu med par dpral ba 'am/ chu so 'am/ mgo bo 'di gsum la rtsa zla ba tshes pa lta bu'i gzugs kyog por gsal
 du snang na de ni nges par zla ba drug las mi 'tsho'o/ /dper na pad+ma'i 'dab ma la chu mi 'chags pa bzhin du skyes bu gang gi lus chus bkrus sam/ rkyal ba'i lus la chu mi 'chags na de yang zla ba drug las mi 'tsho ba yin no/ /rang gi lus
 la snum gyis ma bskus bzhin du snum par snang ba 'am/ spyi bo nas du ba 'thul bar mthong ba ni nges par zla ba gcig gi nang du srog 'dod bar 'gyur ro/ /skra dang smin ma gang yang rung ba las skra mtshams rang bya ba 'am/ skra gtsug
 du 'khyil ba ltar kun tu snang na/ de yang nad med pa yin na ni zhag drug gis 'chi la nad pa yin na zhag gsum gyis 'chi'o/ /skyes bu gang gi lce mdog gnag pa dang/ kha nas dri rul bar 'byung ba dang/ mig g.yon pa
 phugs su bros pa dang/ spyi bo'i steng du bya babs par gyur na de ni yongs su spang bar bya'o/ /gang gis lus khrus byas la de nas byugs pa 'am/ yang na khrus 'ba' zhig byas nas lus gzhan thams cad ni gsher bar
 'dug la snying ga 'ga' zhig myur du skams na des ni zla ba phyed las mi 'tsho'o/ /blo bur du cig car lus kyi rang bzhin gyi mdog dkar la cung zad ser ba las gzhan du gyur te smug nag tu song ba dang/ de las nag por gyur ba dang/ de las
 shin tu nag por gyur pa dang/ sngon po las dmar por gyur pa dang/ dmar po las ljang gur gyur pa dang/ ljang gu las dkar por gyur pa dang/ de bzhin du lus skem pa las myur du sha chen por 'gyur ba dang/ sha che ba las myur du skem
 bar 'gyur ba dang/ blo bur du snum pa las rtsub par 'gyur ba dang/ de bzhin du rtsub pa las snum par 'gyur ba dang/ cig car brang ba las dro bar 'gyur na nges par 'chi bar 'gyur ro/ /skyes bu gang gi sor mo'i tshigs drang ba las tshigs kyi tseg sgra mi drag
 pa ni mi 'tsho'o/ /sngar nyung ba las lud pa dang/ spring pa dang/ gcin la sogs pa shas cher 'byung ba dang/ sked gsang yang na che yang na chung na 'chi ba'i rtags so/ /dbugs shin tu ring bar 'don pa dang/ yang na thur bar gyur pa dang/ lus kyi dri shin tu zhim
 par 'gyur ba dang/ yang na shin tu nga bar 'byung ba dang/ 'di dag dang ldan na yang mi 'tsho'o/ /gnyan yang lo gcig tshun chad du 'chi ba'i rtags ni/ skyes bu gang gi lus la khrus byas kyang rung/ mi'i dri las 'das pa zhim pa 'am/ mi zhim pa'i dri 'byung
 ba 'am/ yang na dri ma can gyon pa 'am/ rma la sogs pa'i nang nas gong ma lta bu'i dri ma 'byung na yang lo gcig las mi thub bo/ /rag gi lus las ro'i bye brag gang yang rung ba med bzhin du shig dang sbrang ma la sogs pa 'khor zhing 'du ba dang/
 de bzhin du yod pa las 'byar zhing 'dur mi 'dod na de yang lo gcig gi nang du tshe zad par 'gyur ro/ /dgun lta bu grang ba'i dus su ni lus shin tu tsha bar byed de/ tsha ba'i mtshan nyid rdul 'byung ba mi snang ba dang/ rgyu med par shin tu tsha ba'i bus su ni lus
 grang bar ston te/ de yang lus yongs su smin pa zhes bya ste lo cig tshun chad du 'chi bar ston to/ /gang gi lus la grang 'brum 'byung zhing yan lag chi ba 'am/ /yang na lus shin tu grang ba la dri ba mi 'dod cing zhe sdang skyed ba gang yin pa de ni gshin
 rje'i khyim du zhugs pa yin no/ /brang shin tu che ste lto ba rab tu grang la phyis sla bar 'byung zhing skom dang che ba gang yin pa de ni ror gyur pa yin no/ /mchil ma dang gcin dang/ khu ba dang/ phyi sa dang/ 'di rnams chu'i nang du bcug ste/ thal byung
 zhabs su song zhing de yang mchil ma mdog sna tshogs su 'byung na zla ba gcig gi nang du srog 'dor bar 'gyur ro/ /skyes bu gang gis sa na ni mkhar mthong lan mkha' ni sar mthong ba dang/ gzugs can ni gzugs med par mthong la gzugs med pa ni
 gzugs can du mthong ba dang/ me la sogs pa'i 'od ni 'od med par mthong ba dang/ mdog dkar po ni nag por mthong ba dang/ med pa ni yod par mthong la yod pa ni med par mthong ba dang/ mig nad med bzhin du zla ba'i gzugs mang po mthong zhing de nyid kyang
 mtshan dang bral bar mthong ba dang/ gang gi rtsa ljang gur 'dug cing ba spu'i khung bu'i rtsa ba yang ljang gur 'jug pa dang/ gang skyur ba la dga' ba ni mkhris pa'i nad kyis 'chi ba'i dus byed do/ /mgo bo 'am gdong la ba lang gi lci ba stug pos khebs pa ltar
 snang na zla ba gcig gis 'chi bar byed do/ /gnyid ma log bzhin du srin po dang/ dri za dang/ yi dags dang/ de bzhin du grub pa dang/ ma grub pa dang/ sha za la sogs pa mi sdug cing 'jigs su rung ba'i gzugs sna tshogs mthong na srog dang bral bar 'gyur ro//
 skar ma sme bdun mthong la srog skar lha mo sgrib med ma mthong ba dang/ nam mkha' mthong la dgu tshigs ma mthong ba dang/ nam mkha' la skar ma gung tsug ma mthong na lo gcig tshun chad kyis nges par 'chi'o/ /'brug gi sgra dang/ chu'i sgra dang/ pi wang gi sgre dang
 gling bu dang/ rnga bo che'i sgra dang/ 'di rnams kyi sgra yang dag pa ni ma thos pa dang/ de bzhin du med pa thos na 'chi bar 'gyur ro/ /rna ba'i bu ga mdzub mos bkag pa dang chu'i sgra bzhin du 'ur 'ur zer ba yod de/ de rang gis ma thos na 'chi'o/ /de bzhin du
 dri dang ro dang reg la sogs pa phyin ci log tu mthong ba ste/ dri zhim pa ni nga bar tshor la dri nga ba ni zhim par tshor ba dang/ ro yang mngar ba ni tsha bar shes tsha ba ni mngar ba yin no zhes zer ba dang/ reg pa 'jam po ni rtsub pa zhes zer ba dang/ rtsub pa ni 'jam
 pa dang/ de bzhin du sra ba dang/ snyi ba dang/ grang ba dang/ dre ba dang/ snum pa la sogs pa phyin ci log tu smra ba dang/ shes pa ni srog gi dbang po 'das zin pa yin no/ /yang na grong gi dri la sogs pa bzang ngan gang yang rung ba mi tshor na de yang nges par 'chi'o/ /me mar shi ba'i dri snas
 mi tshor na yang 'chi'o/ /sman dpyad gzhung dang mthun par byas na yang ngas phyis zhing thu bar byed la sman dpyad log par byas na rung ba ltar byed pa yang 'chi ba'i rgyu'o/ /rang gyi lus rdul gyis g.yogs pa dang/ lus la mtshon la sogs pas bsnun na yang mi
 tshor na yang 'chi ba'i rtags su ston pa yin no/ /dka' thub drag po dang/ cho ga dang rnal 'byor grub pa'i rgyu sngan chad ma bsten par dbang po yul las 'das pa'i chos khyad par can shes pa 'am/ mthong ba 'am smra ba yang 'chi ba'i rtags so/ /gnyug ma'i skad chung pa
 las che bar gyur pa dang/ bar bar du smra 'dod pa la dran pa mi gsal te smra mi nus pa dang/ skad 'dzer ba dang/ skad nyam chung ba dang/ gzi mdangs dang/ stobs bri ba dang/ zas dang spyod lam tshul bzhin du bsten kyang nad 'phel bar byed na ni de yang 'chi ba dang nye
 ba yin no/ /rang bzhin gyis skad dang bral ba dang/ nga ni 'chi'o zhes skad ngan 'don pa dang/ khyod shi'o bya ba'i sgra thos pa de ni ring du spang bar bya'o/ /lus dbyibs kyi rnam pa dang/ chu zheng la sogs pa'i tshad dang/ dkar nag la sogs pa'i mdog dang/ gzi
 mdangs la sogs pa'i grib ma 'am/ gzugs brnyan rang bzhin las 'gyur te gzhan du mthong na tha na rmi lam gyi nang du snang na yang 'chi ba yin te/ de yang nyi ma dang chu dang me long gi nang du lus dbyibs dang chu zheng gi tshad snang ba ni grib ma zhes bya ste/ de
 yang grib ma chad par snang ba dang/ dum bur snang ba dang/ mgo med par snang ba dang/ chen por snang ba dang/ mi sdug par snang ba dang/ mgo gnyis par snang ba dang/ ya yor snang ba dang/ de la sogs pa bdag gi lus dud 'gro'i gzugs gang yang rung bar nyi ma
 la sogs pa'i nang du snang na/ skyes bu de ni tshe rdzogs pa yin par rig par bya'o/ /de ltar mi snang na ni 'chi ba'i mtshan ma yin no/ /nad pa'i mig gzhan gyi mig la ltar bcug ste/ rang gi gzugs brnyan de'i nang du ma mthong na tshe zad par
 khong du chud par bya'o/ /mdog dang gzi brjid ni lus nyid la bltar snang ba ste/ de yang lus la nam mkha' la sogs pa 'byung ba chen po lnga'i mtshan nyid la sogs par brtag pa ni de las nam mkha' i mtshan nyid ni dri med pa dang/
 mdog sngo ba snum zhing mdangs dang pa'o/ /rlung gi mtshan nyid ni rdul gyis phog pa dang/ mdog dmar skyar 'dug pa dang/ smug nag dang/ thal skyar 'dug pa dang/ mdangs nyams pa'o/ /me'i mtshan nyid ni mdog shin tu dmar ba dang/ gzi byin dang ldan pa dang/
 mthong na dga' ba'o/ /chu'i mtshan nyid ni baiDUrya'i mdog ltar sngo ba dang/ dri ma med pa dang/ mdog shin tu snum pa'o/ /sa'i mtshan nyid ni brtan pa dang/ lus sha rgyas pa dang/ dag pa dang/ smug nag tu 'dug pa dang/ dkar ba'o/ /lnga po de dag las rlung gi
 mtshan nyid dang ldan na ni nad dang nyon mongs pa dang/ mi bde ba dang/ 'chi ba yang ston to/ /lhag ma dang ldan na ni bde bskyed par byed do/ /gong du smos pa'i me'i mtshan nyid ni gzhan pas khyad par rnam pa bdun dang ldan te/ dmar ba dang/ ser ba dang/
 dkar ba dang/ smug nag dang/ sngo ba dang/ skya bseng dang/ nag pa'o/ /'byung ba lnga dang/ me'i mtshan nyid bdun po re re la yang snum pa dang/ dri ma med pa dang bcas na ni khyad par du bde ba skyed do/ /rtsub pa dang dri ma can dang bcas na ni sdug bsngal skyed par byed do
 mdog dang mdangs gnyis la khyad par du blta ba ni mdog ni snum nag la sogs ma yin la mdangs ni lus kyi gzi byin yin te lus kyi mdog gsal bar byed pa'o/ /de la grib ma dang gzi mdangs gnyis dang mi ldan pa'i sems can ni gang yang med de khyad
 bar du mi rnams kyi dge ba dang mi dge ba'i mtshan ma yang grib ma dang gzi mdangs kyi ston sa yin par shes par bya'o/ /gzhan yang rkang pa gnyis nyed pa dang/ rkang pa sa la 'phre ba dang/ rkang pa g.yo ba na 'chi bdag gi dbang du sod pa'o/ /kha zas mang du zos kyang
 nyams stobs bri? ba dang/ ma zos kyang nyams stobs skye ba 'am kha zas mang du zos kyang bshad gci nyung ba dang/ ma zos kyang mang ba dang/ kha zas nyung ngu zos kyang bad kan gyis nyams thag pa dang/ dbugs ring du 'thon cing 'gongs la 'dud pa ltar byed pa dang/
 dang po dbugs ring po 'thon pa las 'jug tu dbugs thung ngu rtse ba thabs su byung ste gdung ba ltar shugs 'byin pa dang/ dbugs thung ngu 'byin cing gnad du bsnun pa ltar shin tu 'dar ba dang/ rtse'u chung 'khums te mgo shin tu bsgul dka' ba dang/ dpral
 pa la rdul mang po mchi ma'i rgyun bzhin du 'byung ba dang/ lhu tshigs bye ste rkang lag 'chal ba dang/ nyam stobs che yang rung chud yang rung ldad pa'i tshe dran pa nyams shing 'gyel ba dang/ gan rkyal tu nyal zhing rkang pa yang dang yang brkyang bskum byed pa dang
 rtsig pa dang mal cha la sogs pa la lag pa 'drud pa dang rgod pa'i rgyu med par rgod pa dang/ rgyu med par mya ngan byed pa dang/ mchu dang so la lces yang dang yang du ldag pa dang/ lces ya mchu ldag cing myang bar byed pa rkan yang dang yang gtog ba
 dang/ lus mdog nag po dang/ ser po dang/ dmar skya la sogs par yang dang yang 'gyur ba dang/ sman pa dang/ zas dang/ sman dang/ btung ba dang/ bla ma dang/ bshes gnyen rnams la zhe sdang skyes pa ni 'chi bdag gi dbang du gyur pa yin no/ /skyes bu gang?
 me'i drod chung ba dang/ sems mal gcig na mi gnas pa dang/ mdog 'gyur ba dang/ rtag tu mya ngan gyi sems gdung ba ni mi 'tsho'o/ /nad pa'i sngon du bsdos pa'i zas dang/ gtor ma bya rog mi 'dod pa dang/ bcud kyis len la sogs pa'i gzhi med
 par blo bur du mkhas par 'gyur ba dang/ lus sha rgyas pa dang/ gzi byin dang mdangs dang ldan zhing mdzes pa dang/ dpal thob par byed pa dang/ gal te sngar thob pa las nyams pa de ni gshin rje'i khyim du 'jug pa yin no//
 skyes bu gang la skyon gyi rnam pa rlung dang/ mkhris pa dang/ bad kan gsum dang/ yon tan gyi rnam pa rdul dang/ mun pa dang snying stobs gsum gyi rang bzhin yod pa las bzhan du gyur na/ de na ni yang rung mi na yang rung ste de ni nges par zla ba drug gis
 'chi bar bstan to/ /gang la gus pa dang/ tshul khrims dang/ dran pa dang/ gtong ba dang/ blo dang/ stobs 'di rnams sngar yod pa las rgyu med par ldog par byed na zla ba drug gis 'chi bar 'gyur ro/ /skyes bu gang chang gis myos pa ltar 'gro ba dang/
 tshig 'dar zhing rmongs pa nga yang tsha zad pa yin no/ /gang gi skra la las pas nyug pas tshor ba med par rang 'byin zhag drug gis 'chi bar ston to/ /lkog ma'i nad med bzhin du zas grib?  nas mar 'gror mi 'dod pa dang/ nad pa la nad g.yog sngar
 brtse ba yin pa la phyis brtse ba chung ba 'am/ 'dor ba ltar snang na yang cho gtugs pa yin no/ /skyes bu gang nyin mtshan gnyid log par byed dam/ yang na ya mang par byad na yang de ltar blta'o/ /rgyu med par mchi ma mang po 'ong ba dang/ rgyu med par
 rkang pa rdul ba dang mig dmar por gyur na gshin rje'i gnas su 'gro bar 'gyur ro/ /dngos po gang la sngon dga' ba la phyis skyo ba 'am/ zhe sdang na yang tshul gong ma ltar sbyar ro/ /skyes bu gang la rims la sogs pa'i mtshan nyid nges par tshabs
 cher? ltar snang la sman dpyad ma byas par zhi ba ltar byed na 'bral 'chi ba'i rtags so/ /rims kyi mtshan nyid tshabs cher bying pa dang/ rgyun ring du na ba dang/ tshabs cher na ba?  dang/ 'khor ba dang/ dbugs mi bdab dang/ skrangs pa dang/ me'i drod nyams
 pa dang/ stobs dang ldan pa dang/ tshig mi gsal ba dang/ mig dmar ba dang/ snying du zug pa dang/ mtshan nyid 'di lta bu dang ldan pa'i rims kyang 'chi ba'i mtshan ma yin no/ /rims nad las snga dro lung pa 'gogs su mi btub pa skam po 'byung la/ phyi dro lung pa
 mchis ma can 'byung ba dang/ stobs dang sha zad na de yang 'chi ba'i rtags so/ /khrag dang mkhris pa shas cher 'khrugs pa'i khrag mdog gnag pa dang/ tshon gyi mdog 'dra ba dang/ dmar po dang/ ser po dang/ ljang gu'i mdog tu snang ba dang/ ba spu'i khung bu
 nas khrag 'dzag pa dang/ dang ka nas khar khrag mang po 'byung zhing brgyal ba dang/ khrag de yang shugs yang dang yang du 'byung ba dri mi zhim zhing gos la 'jen pa dang/ shin tu rgyas pa skya sbab dang/ rims kyis btab pa dang/ mtshan ma 'di dag dang
 ldan na srog gi dbang po 'das pa yin no/ /lung pa dang dbugs mi bde ba'i nad la rims dang skyug bro ba dang/ skom dang tsha ba dang/ 'khru ba dang/ skrad pa'i bla gnyan yod na yang mi 'chi'o/ /gcod chen po'i nad la rtsibs logs g.yas g.yon tu zug cing
 na ba dang/ lto lbo? ba dang/ khrag gis skyug pa dang/ lus tsha ba dang bcas pa'i nad pa de ni srog gi rgyun 'gag par ston to/ /skyug pa'i nad la nang du skyug pa dang/ bshang gci'i dri bzhin du smon pa'i dri mi zhim pa dang/ rma bya'i mdongs bzhin du tsho na sna tshogs su
 skyug pa dang de yang khrag dang bshad ba dang/ rnag dang/ nad dang bcas pa dang/ lud pa lu ba dang/ dbugs mi bde ba dang ldan na de ni nges par pha rol du 'pho ba'o/ /skom dang che ba'i nang la sogs pa'i nad gzhan gyi rkyen gyis lus skams pa dang/
 lce phyir 'byin pa dang/ dran pa mi gsal pa de ni tshe 'di spangs pa yin no/ /chad nad la ni shin tu grang bas nyams thag pa dang/ lus kyi sha bri ba dang/ til mar gyis bskus pa 'dra na 'chi ba'i rtags so/ /gzhang 'brum gyi nad la lag pa dang/ rkang pa dang/
 lte ba dang/ bshang ba'i lam dang/ 'bras bu rnams skrangs pa dang/ snying dang rtsi bas logs dang yan lag rnams na ba dang/ slon pa dang gzhang 'brum smin cing rims dang bcas pa ni 'chi ba'i mtshan ma'o/ /chad pas
 'khru ba la 'khru ba'i mdog mcher ba'i dum bu 'dra ba dang/ sha bkrus pa'i chu 'dra ba dang/ nag smug du 'byung ba dang/ til mar lta bu dang/ mar lta bu dang 'o ma lta bu dang/ rkang lta bu dang/ tshil lta bu dang/ bu ram chu dang/ klad pa lta bu dang/
 snag tsha? bu dang/ dri ma nam pa dang/ sha btsos pa lta bu dang/ sbrang rtsi lta bu dang/ shin tu dmar pa dang/ gnag pa dang/ snum pa dang/ rnag 'dra ba dang/ shin tu dang ba dang/ bska ba dang mdog sna tshogs su 'byung ba dang/ ma tshor bar rang?
 'byung ba dang bshad pa mang ba dang/ yang na me med pa dang/ kha chu lta bu dang/ 'byar bag sprad ma 'dzin pa dang/ gra ma lta bu'i ri mo can dang/ zla ba lta bu'i thig la yod pa dang/ gzhang phyir phyung ste bkas pa 'dra ba dang/ rus pa dang
 tshigs thams cad na ba dang/ bshang sgo 'dzum mi nus par gdangs pa dang/ stobs zad pa dang gzhang phyir byung zhing nang du zhugs pa dang/ skom dang che ba dang/ dbugs mi bde ba dang/ slon pa dang/ lus tsha ba dang/ lto lbos pa dang/ sgra dang
 bcas par 'byung ba dang/ mtshan ma 'di dag dang ldan na nges par srog 'joms pa yin no/ /rde'us 'gags pa la ni rlig pa skrangs pa dang/ gcin 'gag cing nad kyis nyams thag pa ni 'chi'o/ /gcin snyi ba la ni skom dang/ tsha? ba dang/ lus
 tsha ba dang/ sha skrangs pa dang/ 'khru ba dang/ gnad rnams su tshad 'brum byung ste snying dang rgyab na ba dang/ nu ma dang/ phrag pa dang/ bshad pa'i lam dang/ mgo bo dang/ tshigs rnams dang/ lag pa dang/ rkang pa dang/ gnas de dag gang yang rung
 par tshad 'brum byung ba dang/ sems zhum pa dang/ 'di rnams dang bcas na srog ring po mi thub bo/ /me dbal gyi gnad la lus thams cad la mched cing myags pa dang/ rnag 'dzag cing lus tsha ba dang/ skom dang che ba dang/ rims kyis 'debs pa dang/
 tshigs thams cad rengs pa dang/ skyigs bu dang/ dbugs mi bde ba dang/ klad pa 'khor ba dang/ lus ngal ba de dag dang ldan na 'chi bar ston to/ /skran gyi nad la skran nyid tshabs cher zlum la che ba dang/ rngo ba bzhin du sra ba dang/ rus sbal gyi rgyab/
 bzhin du phyi rlob dang/ skran gyi steng du rtsa snang ba dang rims kyis 'debs pa dang/ skyug pa dang/ skyigs bu dang/ lto lbo ba dang/ de yang zug zer dang bcas pa dang/ lud pa lu ba dang/ cham pas btab pa dang/ snying na ba dang/ dbugs mi bde ba dang//
 'khru ba dang/ skrang ba dang/ 'di dag dang ldan na spang bar bya'o/ /dmu rdzing gi nang du bshad gci nang du gsogs shing phyir mi 'byung ba dang/ dbugs mi bde ba dang/ skrang ba dang/ skyigs bu dang/ rims kyis 'debs pa dang/ 'gro 'khor ba dang/ brkyal ba
 dang/ slon pa dang/ 'khru ba dang/ nyams chung ba dang/ mig mchu skrangs pa dang/ pho mtshan skrang zhing yon por 'dug pa dang/ lto ba'i pags pa las chu 'dzag pa dang/ bkru sman gyis bkrus na yang lto ba phyir zhing skye ba dang/ mngon rtogs 'di dag yod
 na nges par 'chi ba'i rtags so/ /skya rbab kyi nad la ni skrang ba dang/ mig dang sen mo ser por snang ba dang/ snyoms pa dang/ lus tsha ba dang/ yi ga mchus pa dang/ slon pa dang/ brgyal ba dang/ lto rgyas pa dang/ 'khru ba dang/ 'di rnams kyi mtshan ma dang
 bcas pa'i skya rbab ni mchi ba'i rtags so/ /skrang ba'i nad la ni nad kyi bla gnyan sna tshogs dang ldan zhing rkang pa gnyis las yang skrangs te gdong du phyin par skrang pa ni skyes pa 'chi ba'i rtags yin la/ gdong nas ma brkang par phyin? par skrang ba ni bud med 'chi ba'i
 rtags so/ /dku dang pho mtshan la skrangs pa byung ba dang/ skrangs pa'i steng du rtsa bra mos khebs te chu 'dzag pa dang/ skyug pa dang/ rims dang/ dbugs mi bde ba dang/ 'khru ba dang/ gzhan yang thog mar rims kyis btab pa dang/ yang na 'khru
 bas btab ste mnyams nyung ba'i steng du skrangs nad 'byung ba 'am/ yang na skrangs nad kyis nyams chung ba las rims sam 'khru bas btab pa dang/ khyad par du nyams chung ba la skrangs nad 'byung na lus 'joms par byed do/ /skyes bu gang gi lus rkang pa nas
 skrang ba zug ste/ byin snying dang brla 'og tu skrangs te rang bzhin las nyams nas lag pa dang sha lhod par 'dug na nges par spang bar bya'o/ /gdong dang lag pa dang rkang pa lhag par skams pa skrangs pa na de'i 'byung ba chen po lnga ni tha dad par rig par bya
 ste/ zla ba gcig gis srog 'dor bar bstan to/ /me dpal gyi nad kyis btab pa ni kha dog sna tshogs su snang ba dang/ rims kyis 'debs pa dang/ brgyal ba dang/ yan lag rnams grugs pa dang/ mgo 'khor ba dang/ kha bskams pa dang/ snying na ba dang/
 lus stobs chung ba dang/ 'khru ba ni 'chi bar bstan to/ /mdze nad la ni yan lag chad pa dang/ mig dmar ba dang/ skad? zhom pa dang/ ma drod nyams pa dang/ srin bu rnams bsten pa dang/ skom dang che ba dang/ 'khru ba dang 'di dag dang ldan na 'chi ba'i  
 mtshan ma'o/ /rlung nad la ni pags pa tshor ba med pa dang/ tshigs rnams bye ba dang/ lus 'dar ba dang/ skrang ba dang/ zug zer byed pa dang/ 'di dag dang ldan na nges par 'chi'o/ /dreg nad la ni rmongs bag tu 'dug pa dang/ brgyal ba dang/ 'dzeg pa dang/
 gnyid che? ba dang/ rims kyis 'debs pa dang/ mgo rengs pa dang/ yig 'chus pa dang/ dbugs mi bde ba dang/ rkang lag 'khums pa dang/ 'brum bu 'byung ba dang/ sha skem pa dang/ 'di dag ni 'chi ba'i mtshan ma'o/ /gzhan yang 'chi ba'i mtshan ma
 ni/ mgon pa dang/ yi ga 'chus pa dang/ dbugs mi bde ba dang/ rmongs pa dang/ rtag tu 'khru ba dang/ skom dang che ba dang/ mgo 'khor ba dang/ nad sna tshogs pas lus kyi skad dang khams kyi stobs dang me'i drod nyams te zad par byed na 'chi ba yin no zhes bshad pa
 yin no/ rlung gi nad dang/ brjed byed dang/ mdze dang/ khrag gi dmu rdzid dang/ zad byed kyi nad dang/ skran dang/ gcin snyi ba dang/ nad 'di rnams gang yang rung bas lus shin tu nyam chung ba'am/ ring pa la btab na ni nad tshabs chung yang ring du spang bar bya'o/ /nad
 gang gi stobs dang sha zan la nad kyang 'phel te yig 'chus pa ni zla ba phyed dang gnyis na 'chi bar bstan to/ /rlung las gyur pa'i rngo'i rtun bu lta bu zhes bya ba'i nad yod do/ /de yang snying la gnas na phal cher 'phel zhing rgyas pa dang/ skom dang shin tu che bar
 gyur na 'phral 'chi ba'i rgyu'o/ /rlung nad kyis byin pa shin tu lhod par gyur pa dang/ lus sha zas cing rtse 'u chung ba 'am/ sna yon por 'chus par snang na 'phral 'chi bar ston to/ /yang na lte ba 'am rkrub kyi nad dam/ brla dbrag gi nang du rlung zhugs te/ tshabs
 cher zug zor byed na/ de ma thag tu tshe 'phrog go /yang na lus shin tu nyams chung ba la rlung shin tu stobs dang ldan pa snying dam bshad pa'i lam la gdags te/ stod smad kyi rgyu ba bkag na de nyid du 'chi ba'i mtshan ma'o/ /yang na lte ba dang chus so dang
 mgo rnams su rlung gis dri ma rnams bkag ste zug zer drag po myong na 'phral 'chi ba'i mtshan ma'o/ yang na brla dbrag gnyis su rlung zhugs te skom dang skyed cing bshad pa sla bar 'byung na srog gi rgyun 'phral 'gag go /yang na rlung bshang ba'i lam dang rgyu smad la brten
 nas zur du rgyu ba bkag cing gyen du dbugs mi bde ba byed na srog 'phral 'phrog go /yang na rlung brang la brten nas de yang rlung shin tu drag cing bstan pas khong pa'i nad dang rtsib ma'i rtse mo bye ba tsam du byas te mig bgrang na de ma thag tu 'chi'o/ /blo bur du rims
 drag pos thebs shing tsha bas gdungs la skom dang che ba dang/ brgyal ba dang/ nyam stobs zad pa dang/ tshigs rnams bye ba ni 'phral srog 'joms so/ /nad par ba lang gzas la btang ba'i dus su gdong la rdul tshabs cher 'byung zhing kha'i nang
 na bkan nam dri mas bsgos pa dang/ rims tsha bas gdungs na de'i 'tsho ba ni shin tu rnyed dka' o/ /'brum pa phra ma byu ru'i mdog 'dra ba lus la byung ste/ de ma thag nang du nub na yun mi ring bar 'tsho ba 'gag go /yang na 'brum bu'i mdog sran chung shun pa
 bshus pa 'am/ yang na byu ru'i mdog ltar dmar ba kha nang du bltas pa tshad ma 'brum thabs su byung na khyad par du lus 'joms par byed do/ /mig ser bzhin du gdong thams cad ser por gyur cing mur 'gram gyi sha zad de dangs pa dang/ lus drod che ba gang
 yin pa de ni spang par bya'o/ /sngar lus la rma yod pa las rma blo bur snang ba ltar snang zhing de yang me dpal bzhin du myur du mched par byed na 'di yang spang bar bya'o/ /gzhan yang rlung las gyur pa'i rma la zug zer med pa dang/ mkhris pa las byung ba'i rma la
 tsha ba byung ba dang/ bad kan las gyur pa'i rma la rnag med pa dang/ gnad du byung ba'i rma la nad med pa dang/ rma'i nang du phye mas ma btab bzhin du phye mas gang ba ltar snang ba dang/ de bzhin du rma la rgyu med par mdung thung dang/ rgyal mtshan dang mnga' bo che la
 sogs pa'i gzugs su snang na/ 'di dag kyang thag ring du spang par bya'o/ /mtshan par rdol gyi nad las bshang gci gnyis karma las 'byung ba dang/ rma las 'bu skyes pa dang/ pus mo rang rkang pa gnyis gcig la gcig nyed par byed pa dang/ yang dang yang kha myang bar byed
 na de ni 'tsho ba spangs pa yin no/ /nad pa sen mo sos gcong ba dang/ sen mo skra 'bal ba dang/ sen mos rtsa gcod ba lta na de yang 'chi ba'i rtags so/ /shing bus sa la ri mo 'dri ba dang bong ba'i 'ben la bong bas rdeg na de yang 'chi ba yin no/ /nad pa'i ba spu langs pa dang/ gcin
 bska bar 'byung ba dang/ lud pa sra ba dang/ rims kyis 'debs pa yang srag nges par 'bral lo/ /nad pa yang dang yang du dgong pa dang/ skad chen po 'don pa dang/ stan la rkang pa rdebs pa dang/ sna la sogs pa'i bu ga 'bud par byed na 'chi ba'i mtshan ma'o/ /nad pa la blo bur du gdong la ngo
 shig thig le lta bu byung ba dang/ so dang sen mo la blo bur du thig le dkar po byung ba dang lto ba'i steng rtsa'i dra ba sna tshogs bkra ba dang nad pa dbugs gyen du dbyung zhing drod yal ba dang/ brla dbrag tu gzer ba dang/ bde ba thob pa myong na blo dang ldan pa de'i phyir mi sbyang ste dor bar bya'o//
 nad la sogs pa'i 'gyur ba ni shas cher 'phel la/ rang gi rang bzhin ni yongs su nyams te/ de yang 'phral la 'gyur na de ma thag 'chi bar 'gyur ro/ /'phral sman pas nad pa'i don du sman gyi sbyor ba 'bad nas bsgrubs na yang bar chad la sogs pas don du ma gyur na yang 'chi ba'i rtags so//
 sman pa mkhas pa las mang po goms shing grub pas lung las 'byung ba'i cho ga ji snyed pa rnams spyad kyang ma grub ste/ nad ma zha na de la gso ba'i thabs med do/ /yang na sman pas zas dang sman la sogs pa tshul bzhin du sbyar na yang phyin ci log tu ro dang nus pa la sogs pa
 gzhan du gyur na yang de nad med pa yin na yang mi 'tsho'o/ /nad pa'i gnas su shing skam po me sbar te der rlung yang ma byung/ chus kyang ma blugs bzhin du me 'bar ba yang dang yang shi ba dang/ snod kyi rnam pa gang yang rung ba lag pa la sogs pa'i nang nas mas btang bzhin du lhung
 zhing 'chag pa ni nges par 'chi bar bstan to/ /skyes bu gang gi lus shin tu nyams chung zhing nad kyis gzer ba yin pa las blo bur du sos pa ltar byed pa dang/ yang na nad zug zer dang bcas pa nyams thag na/ 'chi rtags su rig par bya'o/ /nye du rnams kyis nad pa'i sos
 shi'i bye brag dris kyang sman pas smra bar mi bya ste/ 'chi rtags dang ldan bzhin du gso ba'i spyad kyang mi bya'o/ /gshin rje'i pho nya dang sha za la sogs pa nad pa'i drung du bsten nas nad pa'i srog 'phrog par bya ba'i phyir sman gyi mthu stobs dang nus bzang cing chud? gson par
 byed de de bas na de ni spang bar bya'o/ /de la tshe'i rig byed 'di dag thams cad bdag gis rang bzor byas pa ma yin gyis rig byed la mkhas pa'i sman pa rnams kyis gsungs pa'i lung bstan te bshad cing bstan pa yin no/ /de bas na 'chi rtags kyi mtshan
 nyid la brtson pa dang bcas pas mkhas par bya ba dang rtogs par bya'o/ /yang ni na ba dang mi na ba'i mtshan nyid la mkhas shing bye brag phyed na sman pa zhes bya ba'i grangs su 'gro'o/ /de la sman pa zhes bya ba ni nang mi 'byung ba la mkhas pa dang/ nad gso ba la mkhas pa ni zug
 rngu 'byin pa zhes bya'o/ /mdor na na ba dang min pa'i bye brag la mkhas pa dang/ nad pa la 'chi ltas med cing tshe yod par shes la de gso ba 'am/ srung ba la mkhas pa ni tshe'i rig byed kyi 'bras bu yin no/ /de la 'chi ba zhes bya ba ni srog dang bral ba yin la 'chi ba de ni
 sngon gyi drang srong mkhas pa dang ldan pa rnams kyis rnam pa bzhir shes te/ de yang tshe zad nas shi ba dang/ bsod nams zad nas shi ba dang/ de gnyis ka zad nas shi ba dang/ dus ma yin par 'chi ba bzhi'i tshul du shes nas bstan pa yin no lus kyi gnas las lus mdog dang
 tshul spyod las 'chi ltas 'byung ba'i le'u ste lnga pa'o// //de nas bar chen la sogs pa'i mtshan ma dge ba las 'chi ltas brtag pa'i le'u drug pa bshad par bya'o// //sman pa'i gan du nad pa'i pho nya sbron du 'ongs pa na ya mtshan can rab tu byung ba dang/
 bram ze la sogs pa rigs bzhi po rang pa rang gi rigs dang mthun pa'i 'phrin pa 'ongs na ni las grub pa'i mtshan ma'o/ /gal te ya mtshan can la sogs pa gong ma'i rigs las 'chol ba 'am/ gzhan pa'i pho nya byung na ni gso ba'i las mi 'grub pa'i rtags so/ /ci ste rang
 gi rigs dang mthun pa'i phrin pa 'ongs na yang 'og nas 'byung ba'i mtshan ma 'di dag ltar snang na gso ba'i 'bras bu med par khong du chud par bya'o/ /de la sman pa la 'bod du 'ongs pa'i tshe pho nya nga yang shin tu dman pa'i tshig tu smra ba dang/ pho nya 'jigs pa dang bcas pa
 dang/ shin tu rings thabs su smra ba dang/ spangs bag dang bcas pa dang/ tshig rtsub bag tu smra ba dang/ bkra mi shis par smra ba dang/ pho nya lag na mtshon cha thogs pa dang/ dbyug pa thogs pa dang/ g.yon can dang/ mgo bregs pa dang/ skra'i las can dang/ dge mtshan med pa'i ming dang
 ldan pa dang/ las ngan pa can dang/ gos dri ma can dang/ bud med 'phrin par 'ongs pa dang/ mi mang po pho nyar 'ongs pa dang/ 'phrin pa nad kyis btab pa dang/ lus mi sdug pa dang/ me tog gi phreng ba dmar pos lus brgyan pa 'am/ li kri la sogs pa'i byug pas skud pa dang/
 'bru mar gyi lus skud pa dang/ 'dam gyis skud pa dang/ gos rnying pa gyon pa dang/ mdog nyams pa'i gos gyon pa dang/ chus 'drul ba'i gos gyon pa dang/ gos gcig pa dang/ pho nya de bong bu dang/ rnga mo dang/ ma he zhon te 'ongs pa dang/ pho nya de rngo mkhan dang/ shing mkhan dang
 gong ma'i skyon gang yang rung ba dang ldan pa'i 'phrin pa rgyang ring po nas sman pa la 'bod na sman pa nad pa'i gam du 'gro bar mi bya'o/ /sman pa bdag nyid dge mtshan ma yin bsam pa byed pa 'am/ dge mtshan ma yin pa'i tshig smra ba'i dus su 'phrin pa 'ongs pa dang/ sman pa gcer bur
 'dug pa dang/ rtswa gcod cing 'dug pa dang/ rdo? 'bugs shing 'dug pa dang/ pha ma'i ched du sbyin sreg dang/ mchod sbyin byed pa dang/ sa la nyal zhing 'dug pa dang/ skra bshig pa dang/ mar skud cing 'dug pa dang/ sman pa mya ngan dang smre sngags 'don cing du ba'i dus dang/
 sman pa smyung ba byed cing 'dug pa dang/ mdor na sman pa'i spyod lam gong ma gang yang rung ba dang ldan pa'i skabs su 'phrin pa 'ongs na nad pa de nges par 'chi ba yin par khong du chud par bya'o/ /nad pa'i nad gzhi dang/ dus dang/ pho nya dang/ sman pa dang/ phyogs su ldan par
 tshogs pa las ltas su bya ba ni/ nad pa bad kan gyi gzhi yang yod la sman pa dang 'phrin pa gnyis kyang chu 'gram du snga dro phrad pa dang/ nad pa mkhris pa'i gzhi yang yod la me 'am che ba'i phyogs su sman pa dang pho nya nyi ma phyed la phrad pa dang/ nad pa rlung nad kyi gzhi yang
 yod la/ dam grog dang g.yang sa lta bur sman pa dang/ pho nya phyi dro phrad par gyur na de ni gso ba'i yul las 'das pa yin no/ /gzhan yang sman pa'i drung du pho nya 'ongs pa'i tshe 'di dag snang na yang 'chi ba'i mtshan mar byas te de yang lte ba lag
 pas nom pa dang/ de bzhin du sna dang/ kha dang/ skra dang/ pa spu dang/ sen mo dang/ so dang/ pho mtshan dang/ rgyab dang/ nu ma dang/ mgrin pa dang/ lto ba dang/ mthe'u chung dang/ 'di dag la nom pa dang/ nyug pa dang/ reg par snang ba dang/ gzhan lag pa nas ras
 bal thogs pa dang/ de bzhin du phub ma dang/ zha nye nag po dang/ rus pa dang/ rtswa dang/ rtun rdungs dang/ rdo dang/ phyag ma dang/ zhib ma dang/ gos kyi dum bu dang/ thal ba dang/ sol ba dang/ ras kyi kha tshar dang/ gzegs ma dang/ thag pa dang/ btung
 ba dang/ srang dang/ zhags pa dang/ 'di dag lag tu thogs te/ 'ongs pa dang/ gzhan yang snod chag pa dang/ nyams pa la sogs pa lag tu thogs pa 'ang rung ste/ mtshan ma de dag sman pa'i mig sngar snang na nad pa nges par 'chi ba'i rtags so/ /gzhan yang nyin
 zhag bye brag la sogs pa las pho nya'i mtshan ma bstan pa ni 'phrin pa sman pa'i gan du mtshan phyed na 'ongs pa dang/ de bzhin du nyi ma phyed dang tho rangs dang/ dgongs dang gnam stod dang/ gzhan yang tshes drug dang tshes bzhi tshes dgu dang/ sgra gcan 'dzin
 dang/ mjug rings shar ba'i dus dang/ ti zla gzas zin pa'i dus dang/ skar ma bra nye dang/ smig drug dang/ skag dang/ chu stod dang/ gre dang/ khrums stod dang/ snrubs dang/ skar ma de rnams dbang ba'i nyin zhag la pho nya
 'ongs te nad pa'i don du shog cig ces bya ba la sogs pa'i tshig gis 'gugs par byed na yang mi dge ba'i rtags te/ sman pa'i bgrod par bya ba'i gnas ma yin no/ /sman pa nad pa'i gan du chas pa'i tshe lam khar 'di dag mthong ba 'am thos pa ni mi 'grub
 pa'i mtshan ma ste/ dbang po ma tshang ba'i mi dang/ mi ro 'am ro mo'i rgyan gyis brgyan pa mthong ba dang/ thag pa la sogs pa ched? pa dang/ gos la sogs pa tshig pa dang/ snod chag pa la sogs pa'i sgra thos pa dang/ mi ro dri mi zhim pa 'am/ reg pa yang shas cher rtsub pa dang
 gzhan yang de dag 'dra ba'i mi dge ba'i mtshan ma mthong ngam thos na mi dge ba'i rtags so/ /gzhan yang lam du ha ha zhes bya ba'i sgra dang/ gcig la gcig rdeg pa dang/ 'thab pa'i sgra dang/ lhung ba'i sgra dang/ sbrid pa'i sgra dang/ 'di lta bu mthong ba dang/ gos dang/ gdugs dang/
 mtshon cha chag pa dang/ sdug bsngal dag mthong ba dang/ gzhan yang mchod pa'i rten dang rgyal mtshan dang/ snod gang yang chu'i nang du nub pa mthong ba dang/ bsad pa dang/ dbug pa dang/ sreg pa la sogs pa'i sgra drag po thos pa dang/ sman pa lam du 'gro ba'i
 tshe thal ba 'am rdul gyis g.yogs pa 'am byi la dang srog chags go nga dang/ sbrul dang spre'u rnams kyis lam bcad pa dang/ gang na nyi ma rgyu ba'i phyogs su nad pa gnas pa der 'gro ba dang/ sha za ba'i gcan zan gud la sogs pa dang/ bya rgod la sogs pa'i
 sgra mi bzad pa thos pa dang/ 'di lta bu mthong ba dang/ thos pa yang nges par 'chi ba'i rtags su rig par bya'o/ /gzhan 'di dag mthong na yang mtshan ma ngan pa ste/ 'bru nag po dang/ bu ram dang/ dar ba dang/ lan tsha dang/ btung ba dang/ pags pa dang/ yungs kar dang/
 zhag dang/ 'bru mar dang/ rtswa dang/ 'dam dang/ bud shing dang/ ma ning dang/ rigs ngan dang/ rgya dang/ snyi dang/ slon pa dang/ bshad ba dang/ rnag dang/ de la sogs pa'i mtshan ma ngan pa mthong ba dang/ snying po med pa dang/ 'khrig pa spyod pa dang/ gzhan yang gong
 du 'phrin pa ras bal thogs pa la sogs pa'i mtshan ma gang yang rung ba 'dir mthong na yang mtshan ma ngan par blta'o/ /sman pa dgra dang phrad pa dang/ mal dang stan dang khyogs kha spub du mthong ba dang/ de bzhin du snod la sogs pa kha spub du mthong na thams cad 'bras 
 bu med pa yin no/ /sman pa lam du 'gro ba'i tsha bo'i ming dang ldan pa byas pa dang/ sreg pa dang/ co ka la sogs pa g.yon logs na gnas pa dang/ mo'i ming dang ldan pa ri dags dang cog mo la sogs pa g.yas logs na gnas pa dang/ bya
 dang ri dags la sogs pa g.yon nas g.yas su 'gro na dge ba'i mtshan ma'o/ /khyi dang wa gnyis ni g.yas na g.yon du 'gro na shis pa'i mtshan ma'o/ /ri dags gnyis la sogs pa zung du mi thim pa'i gsum dang/ lnga la sogs pa mthong na bkra shis
 ba'i rtags so/ /bya ca sha dang/ bya go da dang/ ba ra dwa tsa dang/ rma bya dang/ ne'u le dang/ ra dang 'di rnams g.yas g.yon gang na gnas na rtag tu shis pa yin no/ /'ug pa dang byil dang sbrul dang 'di rnams g.yas g.yon gang na gnas na yang mi dge ba yin no//
 khu byug dang go rnga dang/ sbrul dang/ ri bong dang/ dze ha ka rnams kyi ming thos pa ni dge ba yin la mthong ba ni ma rungs par bshad do/ /de bzhin du dred dang/ sde'u yi ming thos pa ni shis la shing la mthong ba ni mi dge ba yin no/ /sman pa'i 'phral ba la dbang
 po'i gzhu babs pa ni mi dge ba yin la/ mthong ba ni bkra shis pa'i mtshan ma yin no/ /snod gang mes gang bar mthong na ni bzang ba yin la/ de nyid chag cing stong par mthong ba ni ngan par bshad do/ /de ltar gong gi mtshan ma ngan pa de dag mthong na ni
 dor zhing spang bar bya'o/ /sman pa lam du 'gro ba'i tshe 'am/ nang pa'i khyim du 'jug khar zho ma nyams pa la sogs pa 'og nas 'byung ba 'di dag mthong na bkra shis par gzung ste/ snying rje'i bsam pa nye bar bzhag nas 'bad pa dang bcas pas gso
 bar bya'o/ /de yang zho ma nyims pa la sogs pa mthong ba dang/ thos pa dang/ reg pa ni mi 'chi ba'i mtshan ma ste/ gzhan 'bras dang/ khre dang/ sbrang rtsi dang/ mar dang/ sems rtsi dang/ dngul rdo dang/ bum pa dang/ dril bu dang/ mar me dang/ pad+ma dang/
 rtswa dur ba dang/ sha rlon pa dang/ nya dang/ 'bras yos dang/ 'bras bu dang/ g.yos sna tshogs sbyar ba dang/ rin po che dang/ glang po che dang/ bum pa gang ba dang/ bud med gzhon nu dang/ rgyal pos go 'phang bstod cing thabs dam ba rtsa ba'i mi dang 'phrad pa dang/ lha rnams
 mthong ba dang/ rgyal po mthong ba dang/ me tog su man dkar po dang/ gos shin tu dkar ba dang/ rnga yab dkar po dang/ rta dang/ dung dang/ skyes bu dam pa dang/ bram ze dang/ cod pan can dang/ rta babs dang/ g.yung drung dang/ sa phyogs mthon po dang/ me 'bar ba
 dang/ bza' btung yid du 'ong ba dang/ shing rta gang ba dang/ ba drus ma be'u dang bcas pa gsum dang/ rgod ma rte'u dang bcas pa gsum dang/ bud med bu dang bcas pa mthong ba dang/ shang shang te'u dang/ ri dags dang/ bzhang dang khyu byug dang/ ngang pa dang/ rma bya dang/
 phyugs bcings pa mthong ba dang/ gdu bu dang me long dang/ yungs kar dang/ g+hi'u wa dang/ 'di rnams mthong ba dang/ bdug pa ri dri dang/ byug pas byug pa dang/ dkar ba dang dmar ba'i khu bcud dang/ khyu mchog dang mthun pa'i skad snyan ba sgrobs? pa dang/ ri dags
 dang/ bya dang/ mi rnams kyi skad snyan pa dang/ de bzhin du gdugs dang/ rgyal mtshan dang/ ba dan bsgrengs pa mthong ba dang/ rgyal ba dang/ bkra shis par gyur cig pa'i skad snyan po thos pa dang/ rdza rnga dang/ rnga bo che dang/ dung dang/ bsod nams dang ldan pa'i longs spyod kyi sgra rnam snyan pa
 thos pa dang/ rig byed 'don pa'i sgra dang/ bde ba'am mthun pa'i rlung gis g.yon logs nas g.yas su bskor ba dang/ mdor na sman pa lam du 'gro ba dang/ nad pa'i khyim du phyin pa'i tshe gong du bstan pa de dag gi sgra thos pa dang/ mthong ba dang/ rig par byed na las
 rtsom pa nges par 'grub par 'gyur bar ston to/ /de ltar 'phrin pa dang dge ba dang mi dge ba'i mtshan nyid bstan nas da ni rmi lam gyi mtshan ma'i 'chi ltas bshad bar bya ste/ skyes bu gang gi rmi lam gyi nang du shi ba'i mi dang chang lhan cig mthungs nas phyis drud par rmi
 na de ni 'chi bdag rim gyi gzugs can gyis myur du khyer bar byed pa yin no/ /me tog gi/ phreng ba dmar pos lus brgyan pa dang/ lus dmar por mthong ba dang/ gos dmar po gyon pa dang/ bud med rgod bag can gyis khyed par rmin/ de ni
 'chi bdag khrag mkhris kyi gzugs can gyis khyer ba yin no/ /ma he dang/ rta dang/ phag dang/ rnga mo dang khong bu rnams la bdag nyid zhon te lho phyogs su 'gro bar rmi na gcod chen po'i gzugs can gyi 'chi bdag gis zin pa yin no/ /shing tsher ma can gyi
 lcug? ma dang/ 'od ma gang yang rung ba mgo bo 'am snying ga nas byung ba rmis na/ de ni 'chi bdag skran gyi gzugs can gyis khyer ba yin no/ /skyes bu gang me mi 'bar ba'i mdag ma la sbyin sreg byed pa rmi ba dang/ mar gyis lus bskus
 shing gser bur 'dug pa dang/ snying gar pad+ma byung ba rmis na de ni 'chi bdag mdze'i gzugs can gyis gzung ba yin no/ /mar tshon tshogs rigs ngan dang ldan cig 'thung bar rmis na/ de ni 'chi bdag gcin nad kyi gzugs can gyis
 lus? pa yin no/ /srin po kun dang lhan cig bro gar byed cing chu la 'bying ba rmis na/ de ni 'chi bdag smyo byed kyi gzugs can gyis zin pa yin no/ /mi shi pa dang lhan cig chang 'thung zhing ra ro la gar byed par rmis na/ de ni 'chi
 bdag brjed byed kyi gzugs can gyis 'chos pa yin no/ /bong bu dang/ rnga mo dang/ byi ba dang/ spre'u dang/ seng ge dang/ phag dang/ wa dang/ ro la zhon par rmis na/ de ni 'chi bdag gi khar son pa yin no/ /snum khur pa dang sha ku li rmi lam gyi nang du
 zos par rmis la sang ma thag tu de bzhin slon par byed na/ des ni 'chi ba'i srog spangs pa yin no/ /zla ba nyi ma gzas zin pa rmis na/ de ni mig nad skyed par byed pa'i mtshan ma'o/ /zla ba dang nyi ma lhung bar rmis na/ mig gis mthong ba nyams pa'i rtags so//
 spyi bo nas 'ong ma'i lcug ma skyes par rmis pa dang/ spyi bo la bya rog gi tshang 'cha' ba dang/ mgo bo chad par rmis na 'tsho ba spangs par khong? du chud par bya'o/ /bya rgod dang dug ba dang/ bya rog la sogs pas yongs su bskor ba dang/ de bzhin du yi dags dang/ sha za mo dang/ tras ti
 dang/ an+t+ra'i yul gyi mi ltar sha gnag pa dang/ rigs ngan sha mdog ngan pa'i mi rnams kyis bskor bar rmis na 'chi ba'i mtshan ma'o/ /sba ba'i tsha ba dang/ 'od ma'i tsha ba dang/ tsher ma'i tshal dang/ rtsa'i nags stug po'i nang du 'gro zhing nyams thag pa rmis na 'chi ba'i rtags su
 bstan to/ /g.yang sar lhung ba dang/ dur khrod dang rdul dang/ thal ba'i nang du nyal ba rmis na 'chi ba'i rtags su rig par bya'o/ /chu dang 'dam gyi nang du lus bying zhing snying ga nas chu'i rgyun 'byung bar rmis na gshin rje'i khyim na gnas pa yin no/ /glu dang gar dang/ rol mo byed cing me tog
 phreng ba dmar po dang/ gos dmar po 'chang zhing gyon par rmis na mi 'dod pa yin no/ /bdag gi lus rgas par rmi ba dang/ 'phel par rmi ba dang/ bsku byug byed pa rmi ba dang/ bag ma gtong bar rmi ba dang/ spu 'dreg par rmi na 'di yang mi 'dod pa yin no/ /bcos pa'i zas dang snum dang
 chad bskams pa dang/ skyugs pa dang/ 'khru ba rmis na mi 'dod pa'i rtags so/ /gser la sogs pa'i lcags drug rnyed par rmis pa dang/ rtsod pa dang 'chid ba dang/ bdag pham bar rmis na de lang 'chi ba'i mngon rtags so/ /rkang pa'i pags pa g.yang du lhung ba dang/ mchil lham
 gnyis stong ba rmis pa dang/ skyes bu gang sngon pha mos shi ba la sogs pa rnams kyis dag rtsub po'i bdag nyid spyos te lus spu zing zhes byer cing 'jigs par rmis pa dang/ gzhan yang brag ral ba dang/ skar mnga' dang/ gza' dang/ rgyu skar dang/ so dang/ lham dang/ mig
 dang 'di rnams ltung ba dang/ zhig bar rmis na de yang mi 'dod pa yin no/ /nags tshal stug po'i nang du 'gro ba dang/ me tog dmar pos brgyan pa dang/ sdig can gyi khyim du 'jug pa dang/ mi ro bsregs pa'i shing gi nang du bdag nyid zhugs par rmi ba dang/ 'jigs su rung ba'i
 gnas su 'gro ba dang/ ma'i mngal du slar 'jug par rmis na srog dang bral ba'i rtags so/ /khang bzang dang/ brag mthon po dang ri chen ba nas lhung bar rmis na/ 'chi ba'i mngon rtags so/ /de bzhin du nyas ming par rmis na de ltar blta'o/ /skyes bu gang chos
 gos gon pa dang/ cha lugs ngan pa 'chang ba dang/ gcer bu rnams dang/ lag na dbyug pa thogs pa dang/ mig dmar po dang/ lus nag po'i skyes bu mthong ba rmis na/ bsngags pa ma yin te/ nyes pa dang bcas pa yin no/ /bud med nag mo sdig pa can gyi gdong deng
 ldan pa/ skra dang/ sen mo dang/ nu ma ring ba dang/ gos dang/ phreng ba rnyings shing dri ma dang bcas pa byon zhing 'ongs pa rmis na nges par 'chi ba'i mngon rtags so/ /gong du rmi lam sna tshogs kyi mtshan mar bstan pa de dag 'dir rmi lam du ji ltar 'byung zhing mthong ba yin zhe na/
 gnyid log pa'i gnas skabs su dri ma gsum shas cher 'khrugs pas dbang po'i rgyun du kun tu khyab ste gnas pa las yid ni mi 'gag pa'i bdag nyid yin pas dbang po'i rgyun thams cad kyi rjes su gcod pa'i bye brag las rmi ltas su snang ste/ de yang mig gi dbang po'i
 skyen dang bcas pa'i rgyun la yid gcod pa'i dus na ni gzugs sna tshogs mthong ba la sogs pa'i rmi lam 'byung ba yin la/ de bzhin du dbang por rgyun thams cad la yang sbyar bar bya ste/ 'on kyang skyon dang bcas pa'i dbang po'i rgyun las yid kyi bcas pa las rmi? lam
 bzang pa sna tshogs 'byung ba yin pas na ba ni 'chi bar 'gyur la/ min pa ni nad kyis 'debs shing 'tsho ba the tsham dang bcas par 'gyur ro/ /de la rmi lam rmi par byed pa'i rgyu ni rnam pa bdun te/ sngar mig gis gzugs kyi bye brag mthong ba dang/ myong ba dang/ rna bas
 thos pa dang/ yid la gang 'dod pa'i dngos po dang/ brtag pa dang/ bsgoms pa dang/ nad kyi gzhi las byung ste/ bdun pa de dag go /de dag las kyang mthong ba dang/ myong ba dang thos pa dang/ 'dod pa dang/ brtag pa las rmi lam 'byung ba ni don med pa yin no/ /de la
 nad gzhi gsum gyi rang bzhin gyi rmi lam nam mkha' la 'phur ba dang/ me mthong ba dang/ chu mthong ba dang/ de dag kyang don med pa yin no/ /gzhan yang sngar rmi lam gsal ba las phyis brjed cing mi dran pa dang/ rmi lam mang po yun ring du rmi ba dang/ yun thung bar rmi ba dang/ 'di dag kyang
 don med pa'i rmi lam mo/ /gzhan du nam gyi cha steng la rmi lam rmis pa ni 'bras bu yun ring bar ston pa 'am/ chung ba'i rtags so/ /nang bar ba lang gzas la gtong ba'i dus su rmi lam rmi ba ni 'phral 'bras bu chen po ston pa'i rtags so/ /rmi lam bzang po rmis na rmi lam
 gzhan gyis bar mi chod par bya ba'i phyir gnyid log par mi bya ste 'brel pa'i gtam bya'o/ /gal te sdig pa'i rmi lam rmin ni zhi ba'i sbyin sreg dang/ sbyin pa dang/ bzlas brjod dang/ bsgom pa dang/ bkra shis mang po yang bya'o/ /ci ste mi dge ba'i las rmi lam gyi nang du
 mthong na/ de zhi bar bya ba'i phyir yang gnyid log par bya ste/ rmi lam bzang po phyis byung na snga ma don med pa yin no/ /gzhan yang 'og nas 'byung ba 'di dag rmi na tshe ring ba la sogs pa'i yon tan 'byung ste de yang lha dang bram ze dang/ khyu mchog dang/ grogs po
 gson po dang/ rgyal po dang/ skyes bu dam pa dang/ snyan par grags pa'i mi dang/ me 'bar ba dang/ grub pa dang/ mtsho shin tu dangs pa dang/ khye'u dang/ bu mo lus mdog dkar la cung zad dmar ba dang/ gos dkar la shin tu mtsher ba dang/ mi'i sha za ba dang/ lus la
 the 'bar ba dang/ lus thams cad khrag gis byugs par rmis pa dang/ mdor na rmi ltas kyi mtshan ma bzang po de dag mthong na/ tshe ring ba dang/ nad nyung bar 'gyur ro gzhan du na gdugs dang/ me long dang/ dug dang/ sha rlon pa dang/ sna ma'i me tog dkar po dang/ gos dang
 mi gtsang bas lus byugs pa'i mi dang/ shing tog a mra la sogs pa'i 'bras bu rnyed par rmis na mchog tu bzang ba yin no/ /ri mthon po dang khang bzangs gi steng dang shing 'bras bu can dang 'di rnams la 'dzeg pa dang/ seng ge dang mi dang glang po che dang rta 'am ba glang
 gis drangs pa'i shing rta dang/ 'di dag la zhon par rmis na de ni bde ba sbyin par byed do/ /chu bo chen po dang/ mtsho bran dang rgya mtsho chen po gang yang rung bar shar phyogs nas byang phyogs su rgal bar rmis na 'di yang bde ba skyed par byed do/ /rigs ngan
 pa dang 'grogs pa dang/ bdag nyid shi bar rmis na yang tshe ring ba la sogs pa'i mtshan ma dge ba yin no/ /lam nyam nga ba nas 'byung ba dan/ lha rnams dang/ pha ma la mchod par rmis pa dang/ bdag nyid du ba dang/ sdeg 'chos pa las sdang ba dang dgra
 pham par byas pa dang/ skyes bu gang gis de ltar rmis na/ tshe ring ba dang/ nad med pa dang/ nor du mang po rnyed pa la sogs pa thob pa'i rtags so/ /gzhan yang nad pa'i yon tan khyim du bkra shis pa dang dam pa rnams kyi spyod tshul dang ldan pa dang/
 khor yug dang/ 'khor dang bu dang/ bu mo dang/ nye du dang/ g.yog 'khor dang ldan zhing/ de yang snying nye zhing mthun par 'jug pa dang/ sman la yid ches pa dang/ sman mang po 'chad ba dang/ snying stobs che ba dang/ pho gnya' dang ldan pa dang/
 gtsang sbra che ba dang/ sman pa dang/ bram ze la gus pa dang/ nad pa dang nad g.yog gnyis kyang sman dpyad kyi gso ba la sems skyo ba med pa dang/ mdor na gong du smos pa'i bkra shis pa la sogs pa'i yon tan 'di dag dang ldan pa'i nad pa ni bde ba thob
 par 'gyur ba'i mtshan ma yin no/ /de la lus kyi gnas zhes bya ba 'di skye ba dang/ 'chi ba'i mtshan nyid bstan pa yin pas lus kyi gnas zhes bya'o/ /lus kyi gnas las 'phrin pa'i mtshan ma las 'chi ltas su bstan pa'i le'u tha ma rdzogs so// //
 yan lag brgyad pa'i snying po las lus kyi gnas zhes bya ba'i le'u drug pa rdzogs te yan lag brgyad pa'i snying po'i gnas gnyis pa'o/ /de nas nad thams cad kyi gzhi bshad par bya ste/ cin yang rung ste nad do cog thams cad kyi gzhi las nad
 du 'gyur ba bstan pa drang srong chen po rgyun shes kyi bu la sogs pa na re nad ces bya ba'i ming du brtsi ba'i rnam grangs ni lus 'joms par byed pa yin/ sdig pa yin/ rims yin/ gnod par byed pa yin/ 'gyur bar byed pa yin/ sdug bsngal ma zhu ba'i nad
 dmigs yin/ lus zad par byed pa yin/ 'tsho dka' bar byed pa yin/ 'khun par byed pa yin/ lus kun mi bde bar byed pa yin zhes kyang bya'o/ /nad do cog gi bye brag ni rnam pa lngar shes par bya ste/ de dag gang zhe na nad kyi gzhi dang/ nad tshul sngar
 byung ba dang/ nad kyi tshul phyed pa dang/ zas sman 'phrod pa goms par byed pa dang/ nad kyel du gyur pa dang rnam pa lngar shes par bya'o/ /de la nad kyi gzhi zhes bya ba ni nad du gyur pa'i rgyu dang/ nad du gyur pa'i skye mched dang/ nad du gyur pa'i rkyen dang/ nad slong bar byed
 pa dang/ nad du gyur pa'i rgyu mtshan dang/ rnam grangs kyi ming 'di rnams la nad kyi gzhi zhes bya'o/ /de la nad tshul sngar byung ba zhes bya ba ni nad dmigs shig 'byung bar ni 'gyur na/ nad ci yin pa'i bye brag ma phyed pas nad kyi tshul ci yin pa dang gsal bar
 yang mi snang/ nad dkyel yang rung mi che ba de lta bu la nad tshul sngar byung ba zhes bya'o/ /de la nad kyis tshul phyed pa zhes bya ba ni nad kyis thebs pa'i nad dang/ nad dmigs kyi dngos po ci yin pa gsal bar shes pa ni/ nad kyi tshul phyed pa zhes bya ste/
 nad kyi dbyibs tshul ci 'dra ba dang/ nad dmigs kyi nad kyi bye brag gsal bar mngon pa dang/ nad kyi rtags dang/ nad kyi mtshan nyid dang/ nad kyi mtshan ma ci yin pa bye brag phyed par shes pa'o/ /zas sman 'phrod pa goms par byed pa zhes bya ba ni nad kyi
 rgyu dang mi mthun nad kyi ngo bo dang mi mthun par sman dang zas dang gnas pa dang spyod pa la sogs pa bsgyur te byas pas bde bar shes par 'gyur ba de ni nyams su phan zhing brtas par byed pa zhes bya ste/ de ni nad dang 'phrod pa'i zas sman goms pa zhes
 bya'o/ de lta bu las bzlog pa ni nyams su mi phan la brta bar mi 'gyur te de ni zas sman nang dang mi 'phrod pa zhes bya'o/ /de la nang dkyel du gyur pa zhes bya ba ni rlung nang ngam mkhris pa 'am bad kan lta bu'i nad kyis thebs pa de tsher skyangs
 bas nang sngon du na bar gyur te bdag ni nad 'di lta bu zhig gis thebs te na zhing 'dug snyam du shes pa yin no/ /mdo cog thams cad kyi tshul shes par bya ba'i thabs rnam pa lnga yod de/ nad re re la yang sna grangs su yod pa dang/ nad dmigs gang yin brtag
 ba dang/ gtso bor gyur pa'i nad dang/ nad phyogs kyi mthu che ba dang/ dus las nad dmigs shes bar bya ba dang lnga'o/ /de la nad re re'i sna grangs zhes bya ba ni dper na rims lta bu la yang rims nad rnam ba brgyad du bshad pa yin no/ de la yang nad dmigs
 gang yin brtag pa ni rlung nad dang/ mkhris pa'i nad dang bad kan gyi nad rnams cig car dus cig du nad de rlung gi shas su gtogs pa yin nam/ mkhris pa 'am bad kan gyi shas gar gtogs nad 'di gang yin zhes rnam par rtog par byed pa'o/
 de la gtso bor gyur ba'i nad ces bya ba ni rlung dang mkhris pa dang bad kan gyi sar rang rang gi nad byung ba ni nad rang dbang can zhes bya ste/ de ni nad gtso bor gyur pa zhes bya'o/ /bad kan gyi sar rlung nad lta bu byung ba ni rang dbang med pa gtso bor ma gyur pa
 yin te gso dka' ba zhes bya'o/ /de la nad dmigs kyi mthu che ba zhes bya ba ni ci las nang du gyur pa'i nad kyi gzhi yang rjes chod de shes pa de las nad du gyur ba'i nad kyang dngos su mngon par gyur pa de ni nad dmigs mthu che bar gyur ba zhes bya ste/ nad
 tshabs che bar blta'o/ /ci las nad du gyur ba'i nad gzhi yang bar mi mngon la nad kyi gzhi gang las na bar gyur pa'i nad dmigs kyang tshang bar mi mngon na de ni nad dmigs mi che ba zhes bya'o/ /de la dus las nad dmigs gang yin shes par bya zhes bya ba ni
 rlung dang mkhris pa dang bad kan gyi bye brag gi tshul bzhin du mtshan mo'i bye brag dang/ nyin mo'i bye brag dang/ dus tshigs kyi bye brag gam/ zan zos pa'i 'og gam/ kha zas zhu bar gyur pa'i rjes lta bu la nan 'di rnams kyi bye brag gang gi tshe nad kyis btab
 pa de las/ nad ci yin pa shes bar gyis shig /de lta bas na nad gzhi gang las nad du gyur pa'i dmigs mdo tsam zhig bstan pa ni de yin no/ /zhib tu ni 'og nas bshad par bya'o/ /nad de cog thams cad kyi nad gzhi ni rlung dang mkhris ba dang bad kan
 rnams 'khrugs pa las nad ldang bar 'gyur ro/ /de yang ji lta bu zhe na gnod par 'gyur ba'i tshogs bsten pas nad gzhi 'khrugs na nad ldang ngo/ /gnod par 'gyur ba bsten pas nad ldang bar 'gyur ba de yang rnam pa gsum zhig sngar bshad pa yang
 yin te/ de las rlung nad du gyur pa'i nad gzhi ni/ ro kha pa dang/ na le sham dang/ ro bska ba'i bag za ba dang/ kha zas chung ngur za ba dang/ kha zas rtsub bar za ba dang/ rtag tu kha zas tshed bzung ste/ dbu zungs za ba dang/ bshang gci 'ong na bsgags pa dang
 yang na bshang gci mi 'ong bzhin du nan gyis btsir ba dang/ mtshan mo thog thag mi nyal ba dang/ skad chen po drag par smra ba dang/ bkru sman dang skyugs sman ha cang mang du gtong ba dang/ 'jigs pa dang/ mya ngan dang/ sems las dang/ drag shul rtsal
 bag dang/ las khur chad byed pa dang/ bud med la ha cang drags pa dang/ 'di rnams lta bu'i gzhis dbyar zla tha chung nya bri phan chad ston zla ba 'bring po'i nya tshun chad du nad kyis thebs pa dang/ phye ma red dam tho rangs na ba dang/ kha zas zos pa
 zhu ba'i rjes lan ba de dag ni rlung nad yin no/ /mkhris pa rgyas par gyur pa'i nad gzhi ni/ na le sham dang/ sgog pa dang/ dbyi mo dang/ kru trug tres lta bu zos pa dang/ skyu ru ra dang/ bal po se'u lta bu ma gtogs ba'i skyur bag go cog zas ba dang/ ro rno
 ba'i 'ga' ske tshe lta bu dang kha zas ma bsgrangs pa tsha ches pa zos sam 'thungs ba dang nyi tshan nam me'i 'od cha ches pa la bde ba dang/ khros shing rngam pa dang/ lus dang khong tsha bar 'gyur ba'i bag 'di rnams kyis ni ston zla 'bring
 po nya bri phan chad ston zla tha chung dang dgun zla ra ba nya tshun chad nad kyis btab pa 'am/ nyi ma'i gung 'am/ nam phyed na 'am dbyar zar ba dang dbyar zla 'bring po tsha ba'i dus su nad kyis btab na de ni mkhris pa'i nad ces bya'o/ /de la bad kan gyi nad du 'gyur
 ba'i nad gzhi ni bu ram gyi bag dang 'o ma lta bu mngar bag dang lan cha dang snum bag dang/ kha zas 'ju dka' ste lce ba dang/ bad kan du gyur pa'i bag cang/ bsil ba'i bag dang/ rtag bar mal gcig na 'dug pa'i bag dang/ 'phres shing bstes te
 'dug pa dang/ zas sa zhu ba dang nyin par gnyid log pa dang/ sha skye zhing sbom par 'gyur ba'i bag 'di rnams kyis bad kan gyi nad rgyas pa drangs shing slon kyang ma phyin tam zan zos ma thag pa'i rjes la na 'am/ dpyid zla 'bring po dang dpyid
 zla tha chung gi ngo la na 'am/ snga dron bam nam stod la nad kyis btab na de ni bad kan gyi nad ces bya'o/ /de la gnyid las gyur pa'i nad ni rlung dang mkhris pa gnyis las gyur pa'i nad dang/ rlung dang bad kan gnyis las gyur pa'i nad dang/
 mkhris pa dang rlung gnyis las gyur ba'i nad dang/ bad kan dang rlung gnyis las gyur pa'i nad dang/ bad kan dang mkhris pa gnyis las gyur pa'i nad dang/ 'di rnams lta bu ni gnyis las gyur pa'i nad ces bya'o/ /de la 'dus pa las gyur pa'i
 nad ces bya ba ni rlung dang mkhris pa dang bad kan gyi nad dmigs gsum tshogs pa las nad du gyur pa de ni 'dus pa las gyur pa'i nad ces bya'o/ /'dus pa las gyur pa'i nad de yang nad gzhi ji lta bu las nad du 'gyur zhe na/ rlung nad du gyur
 pa'i kha zas dang/ mkhris pa'i nad du gyur pa'i kha zas dang/ bad kan gyi nad du gyur pa'i kha zas 'di gsum 'dres par zos la ma zhu bar gyur pa dang/ kha zas sngar zos pa'i rjes la kha zas phyi ma yang zos te kha zas snyoms par gyur pa 'di lta
 bu dang/ kha zas nad mi 'phrod pa lta bu dang/ lhag par cher zos pa dang/ chang mi zhim pa ngan pa 'thungs pa dang/ chu gnod par gyur pa ngan pa 'thungs pa dang/ tshod ma sgam po'i bag za ba dang/ la phug lta bu'i rtsa ba'i bag rjen par za ba dang til
 gyi tshigs ma za ba dang/ sa zhag za ba dang/ so ba'i chang dang sha rul pa dang/ sha skam pa dang sha ring pa ngan pa 'di lta bu'i bag la sogs te/ nad dmigs rnam gsum du gyur pa'i bag zos pa dang/ sngan chad kha zas rtag tu goms pa za las bsgyur
 te/ sngon ma logs ba'i kha zas gsar pa zos pa dang/ dus tshigs tshul bzhin du mi gnas par gyur te dus tshigs log pa ngan par gyur pa dang/ shar phyogs nas rlung langs pa'i khar bab pa 'am/ yang na snga dro'i ser bu 'am/ yang na gar 'gro
 ba'i mdun nas rlung gnod pa phog pa dang/ lus la yi dags gdon 'dro phab pa dang/ dug 'thungs pa dang/ dbyig dug 'thungs pa dang/ khong du be'u snabs kyi nad yang ba dang/ ri drung du nye bar gnas pa dang/ btsos pa'i bla skar la gza' zhugs bas gnod
 par gyur pa dang/ sman bcud len lta bu log pa btang ba 'am/ skyugs sman dang bkrus sman dang dugs dang lums lta bu log par byas pa 'di lta bu 'am/ tshe snga ma dang da ltar gyi tshe lta bu la sdig pa sna tshogs byas pa'am/ bud med rnams bu btsas pa'i
 cha log par byung ba dang/ de'i tshe dpyad log par byas pa dang/ rnam pa 'di lta bu'i nang du gyur nad rlung dang mkhris pa dang bad kan so so'i nad kyi gnas su so so'i rtsa'i sbubs nas nad rgyu ste/ nad dkyel zhugs na 'dus pa'i nad kyis lus myur du 'bebs par
 'gyur ro// //nad gzhi bshad pa'i le'u ste dang po'o// //rims nad kyi nad gzhi bstan pa'i le'u ste gnyis pa bshad par bya'o/ /rims ni thams cad kyi bdag po zhes bya'o/ /rims de ni sdig pa yin/ 'chi bdag yin
 gzi dang mdangs ma rungs par byed pa yin/ 'chi bar byed pa yin rims nad kyi nad gzhi rnam pa gcig ni/ mna' ga la lham yin zhes bya bas lha thams cad bos te mchod sbyin byas nas/ lha chen po drag shul can ma bos te/ mchod sbyin yang
 ma byin pas lha drag shul can de khros nas lha ma yin gyi mchod sbyin yang ma rungs par byas khros shing rngam pa'i tshe dpral bar yang mi gcig byung ba'i nang nas rims nad byung ste/ mi yul du rims nad btang ste rims 'di las kyang byung zhes zer ro//
 rims ni thog mar btsa' ba' i tshe yang lus dang lhan cig tu byung ba yin lus tha ma 'chi ba'i tshe yang rims dang lhan cig 'gro ba yin no/ /rims kyi rang bzhin ni lus kun tu tsha la rmongs pa yin no/ /rims nad du gyur pa'i nad gzhi ni kha zas mi bzod
 cing gnod pa log par bsten pa las 'byung ngo/ /rims drag po sna tshogs yod pa/ de dag gi mi'o cog dang/ rta dang glang po che dang/ ba lang la sogs pa skye gnas tha dad pa rnams la rims nad kyis btab nas mi dang phyugs la rims nad de'i ming
 so sor btags par gyur to/ /yang rims la rnam pa brgyad yod de/ de gang zhe na rlung dang mkhris pa dang bad kan gyi nad dmigs so so'i rims sna gsum dang/ 'dres pa'i rims nad gsum dang/ gsum 'dus pa'i rims nad dang glo bur gyi rims
 nad brgyad do/ /de la rims nad brgyad po gang zhe na/ so so'i nad dmigs kyi rims nad rnam pa gsum po rlung las gyur ba'i rims nad dang mkhris pa las gyur pa'i rims nad dang 'di rnams gsum mo/ /yang na nad gzhi sna gnyis dres pa'i rims nad rnam
 gsum yod pa rlung dang mkhris par 'dres pa'i rims nad dang/ rlung dang bad lan du 'dres pa'i rims nad dang/ mkhris pa dang rlung nad 'dres pa'i rims nad dang/ mkhris pa dang bad kan tu 'dres pa'i rims nad dang/ bad kan dang rlung nad
 du 'dres pa'i rims nad dang/ bad kan dang mkhris par 'dres pa'i rims nad dang/ 'di rnams gsum po 'dus pa las gyur pa'i rims nad ni rlung dang mkhris pa dang bad kan gsum mnyam du 'dus pa las rims nad 'gyur ba ni 'dus pa'i rims ces bya'o/ /
 glo bur gyi rims ni drag shul gyi bag las snang pa dang/ gdon nad kyis btab pa lta bu dang/ dmod pa 'bor ba dang/ ngan du byed pa'i byed byas pa las rims su 'gyur ro/ /de ltar rims nad ni rnam pa de brgyad do/ /rims nad gang yang rung ste/ dang po rims nad du gyur pa'i snga tshul gyi
 rlung nad slong ba'am mkhris pa'i nad slong ba 'am/ bad kan gyi nad slong ba de lta bu'i so so'i nad gzhi so so'i nad bslangs nas/ kha zas ma zhu ba'i sa pho ba'i nang du rims nad zhugs te ma zhu ba dang lhan cig gnas nas nang gi rtsa kun 'gags te kha zas 'ju ba'i gnas pho
 ba'i nad na drod yod pa kun phyi rol tu phyung nas/ rims nad tsha ba phyi rol tu byung ba dang gnyis kyis lus kyis phyi nang thams cad la khyab par zhugs nas lus thog thag tu gdungs te/ lus rab tu tsha bar gyur pa de ni rims nad yin te rtsa sgo kun 'gags shing lus
 la rdul ba yang phal cher mi 'byung ngo/ /'di lta bu ni thog ma rims nad kyis btab pa'i rtags snga tshul zhes bya ba yin no/ /de'i rjes la rims nad de tshabs cher skyes nad rang bzhin gsal bar byed pa zhes bya ste de yang ji ltar zhe na khong ngal nyams mi dga' lus lci khar
 ro bro ba mi chor kha zas yi gar mi 'ong gla la 'byung mig rtsa dmar yang na mig rtsa ser ram mig dkar bag che ba dang/ rkang lag gi lhu tshigs kun brdungs ba tsam du na kha zas 'ju ba'i shas bri nyams stobs chung gnyid che ba spu kun langs bya rmyang byed 'dod byin pa'i
 nyan lus snyom phan pa'i dpyad bstan pa las mi bzod de khro zas skyur bag dang ro tsha ba dang dron po'i bag la sred kha zas mngar la mi dga' / byis pa gzhon nu'i bag la khro/ skom dang rab tu che sgra'i bag dang mi dang grang lhags dang rlung dang chu dang grib ma dang nyi tshan
 dang 'di rnams lta bu la bstan par yang res 'ga' ni 'dod/ res 'ga' ni mi 'dod de ma nges so/ /'di rnams ltar gyur pa ni rims nad kyi rang bzhin gsal bar bye brag phyed ba zhes bya'o/ /de la rlung las gyur pa'i rims nad kyi nad thabs ni dang po rims kyis thebs pa'i tshe yang
 nad tshabs mi che tsha ba'i tshabs kyang mi che'o/ /rims 'byang du nye ba'i tshe na nad tshabs kyang mi che tsha ba'i tshabs kyang mi che'o/ /lus dang yan lag mi snyoms te mal gcig tu zug cing na ba ma yin gyi 'pho zhing rkang pa gnyis tshor ba med cing bem bag tu 'gyur la rengs byin
 snying na lus kyi khong ngal zhing rus pa'i tshigs rnams kha bye ba snyam byed brla gnyis na rked pa na/ rgyab brdungs pa snyam du na lto ba na/ rus ba kun dang rtsibs logs g.yas g.yon lhag par na/ snying btsir ba snyam du byed la zug cing na brang dang nu 'jing du bcugs pa snyam du
 gzir cing na/ phrag sor gnyis brdungs pa bzhin du na/ dpung pa nas lag ngar du bcos pa bzhin du na/ sgrog rus kyi nyen 'khor btsir ba snyam byed/ 'gram pa na ste kha zas ldang mi nus/ kha glal 'byin/ rna ba gnyis 'bod cing sgra 'byung/ mu 'gram gyis zug cing na/
 klad pa'i spyi bo na/ kha'i nang ro ci bro ba mi tshor ba 'am/ yang na kha'i ro bska ba bro/ bshang gci'i dri ma yang mi 'byung ste sri sha ma'i nang gi pags pa dang/ bzhin dang kha'i nang dang mig dang sen mo dang bshang gcis sogs pa kun yang rtsub la cung zad rtsa dmar/ kha nas
 mchil ma mang kha zas yi ger mi 'ong la/ kha zas yi gar mi 'ong bzhin za/ /zas 'jug mi rung lus la rdul mi 'byung/ mtshan mo gnyid mi 'ong/ mchu dang gre ba skam/ skom dang che lung pa skam lung pa lu zhing skam por skyugs te mi 'byung/ sems phyir zhing
 dman par gyur lus kyi ba spu langs te sha dang pag pa brtse lus dang rkang lag 'dar/ sprid pa rags te 'byung du mi rung mgo 'khor/ kha nas chig cal col smra/ nyi mchin nam dro ba'i bag la 'dug par 'dod/ rkang lag bya rmyad byed nad kyi tshul 'di rnams lta bu ni rlung
 nad kyi rims zhes bya'o/ /de la mkhris pa las gyur pa'i rims kyi nad thabs ni lus kyi mgo dang kun du na ba dang tsha bas gcig par khyab la/ tshig cal col du smra zhing glal kha'i nang ro tsha bar bro sna dang/ kha'i nang du thor bu 'byung bsil ba'i bag 'dod/ mgo 'khor
 brgya la myos snying mi dga' thur du 'khru/ mkhris par slon mchil ma bor ba'i nang nas khrag 'byung la ro skyur/ lus la thor bu dmar po chang chung 'byung sha mdangs kyi mdog dang/ bzhin mdog dang mig dang sen mo dang/ bshang gci rnams ser zhing rtsa sngo rdul 'byung
 kha'i dbugs 'byung ba mnam mam/ skom dang che ba'i nad 'di lta bu'i nad thabs ni mkhris pa'i rims nad yin no/ /bad kan las rims su gyur pa'i nad thabs ni lhag par kha zas yi gar mi 'ong la rmongs bag du 'gyur rtsa rnams 'gags la rtsa drag tu mi 'phar kha nas bad
 kan mang kha'i nang ro mngar ba bro dang ka mer mer por byed dbugs mi bde cham pas btab snying na slon cing skyus pa 'byung lung pa mi mang bar lu zhing 'bogs/ lus la thor bu grang mo rtsa dmar ba cung zad 'byung/ myos shing rmongs bag tu 'dug/ lus 'dar ba'i
 nad thabs 'di lta bu ni bad kan gyi rims zhes bya'o/ /rlung nad kyi rims dang/ mkhris pa'i rims dang/ bad kan gyi rims rnam gsum gang ltar na yang rung/ nad thabs brtag sla ba'i thabs ni phye ma red dang tho rangs rims kyis btab pa 'am/ rims na bzhig na
 rlung las gyur pa'i rims yin no/ /nyi ma phye dang/ nam gyi gung la rims kyis btab bam/ rims nad la ni mkhris pa las gyur pa'i rims nad yin no/ /snga dro dang srod la rims kyis btab bam rims nad la ni bad kan las gyur pa'i rims nad yin te/ rims
 nad gang yin pa thabs de ltar rtogs shig /yang rims kyis btab pa las sman dang kha zas kyis nad dmigs gang yin brtag pa ni rlung nad dam bad kan gyi nad skye bar 'gyur ba'i kha zas dang sman byin na nad slong ngam la bar gyur te zas dang
 sman gyi gzhi des gnod par gyur na/ de ni rlung las gyur pa'i rims sam/ mkhris pa 'am bad kan las gyur pa'i rims yin par shes te/ sman dang zas thabs bsgyur te btang na phan par 'gyur ro/ /de la 'dres pa'i rims nad ces bya ba ni rlung las gyur pa'i rims
 nad kyi thabs dang/ mkhris pa las gyur pa'i nad kyis thabs la sogs pa rims so so'i tshul dmigs kyis phye ba nad dmigs sna gnyis kyi rims kyis btab par snang na/ de ni 'dris pa'i rims zhes bya ste/ 'dres pa'i rims de ni nad thabs kyi tshul dmigs ci
 'dra ba gzhan yang bshad par bya'o/ /de la rlung dang mkhris par 'dres pa'i rims nad kyi thabs ni klad pa na brgyal slon bro lus tsha rmong bag du 'gyur gre ba dang kha skam snying mi dga' rus pa'i tshigs rnams kha bye ba snyam byed gnyid med skom dang che mgo 'khor
 lus kyi ba spu langs te reg na sha brtse kha glal tshig smra ba mang ngo/ /thabs 'di ltar na na rlung dang mkhris pa gnyis 'dres pa'i rims nad ces bya'o/ /de la bad kan dang rlung 'dres pa las rims nad du gyur pa'i thabs kyi rtags ni lus phyi nang tsha ba med kha
 zas yi gar mi 'ong klad pa na rus pa'i tshigs rnams na/ cham pas btab dbugs mi bde ste rngam pa'i shubs drag lud pa lu bshang gci sri lus phyi nang khong bsil te grang mong mong po byed mig rab rib za rmugs te nad thabs 'di lta bu ni bad kan
 dang rlung nad 'dres pa'i rims nad kyi rtags yin no/ /de la bad kan dang/ mkhris par 'dres pa'i rims kyi nad kyi rtags ni/ lus phyi nang khong grang ste rengs bag tu 'dug /res 'ga' ni lus tsha steng rdul 'byung bas tsha grang gcig tu chad pa med do/ /skol
 dang che lud ba lu bad kan dang mkhris pa'i bag tu 'khru/ rmongs bag dang/ rmugs pa dang/ kha'i nang byugs sam bskus pa ltar ldag ldag po dang/ ro kha ba bro ba 'di lta bu ni bad kan dang mkhris pa 'dres pa'i rims nad kyi rtags yin no/ /de la 'dus pa'i rims nad ces
 bya ba ni rlung dang mkhris pa dang bad kan gyi nad thams cad 'dus pa'i rims nad kyis btab pa'i tshe lus skad cig skad cig tu tsha/ de bzhin du bar 'ga' bar 'ga' khong grang ste bsil/ nyin par gnyid rab tu che/ mtshan mo gnyid med/ yang na nyin mtshan
 gnyis ka gnyid che yang na nyin mtshan gnyis kar gnyid mi 'ong/ lus cher rdul lam yang na lus rdul mi 'byung glu len gar byed/ gang mo dgod pa la sogs pa dang/ lus kyis bsgyur cing bya ba rnams byed/ mig nas mchi ma zag mig mi gsal te rtsa
 dmar ram ser mig tha mal pa mi 'dra ste zhum zhing g.yo mig gi rdzi ma long long por 'dug byin snying na rtsib lo gsun?/ klad pa'i spyi bo dang rus pa dang rus pa'i tshigs na mgo 'khor rna ba gnyis na ste 'bod mgul ba'i nang grams gang ba snyam byed/ lce rtsub
 la tshig pa bzhin du gnag /lus lci la lag dar dang dpung pa'i tshigs kha bye zhing lce kha'i mchil ma 'am/ lud pa'i nad nas khrag dang mkhris pa dang bad kan 'byung mgo bo cog cog por mi btub ste g.yas g.yon du 'dril zhing 'phyongs skom dang rab
 tu che lus thor bu 'am 'bum phran nag po 'am/ dmar po phre'u tsig tsig bo mdza' 'khor ba gang la dpus nyi tsher ma byung ste stong par 'dug pa de lta bu lus kyi skabs su 'byung bar snang ba dang/ lus la skabs skabs su thor bu tsig tsig po phre'u 'dab chags su byung ba
 kor kor por snang/ snying na bshang gci sri ste 'gag pa 'am/ yang na thur du 'khru zhing 'ong ba snyam byed la/ bshang ba'i tshe ched po mi 'byung kha'i nang snum gyis bskus pa bzhin du snum bag tu bro/ /nyam stobs chung ste bri/ skad kyi mdangs chung ste gcom? chung/
 kha nas bla zhing rdol/ 'dus pa'i nad 'di lta bus btab na nad gzhi rlung dang bad kan mkhris pa rnams yun ring du smin du mi btub ste nad kyi rtse ma zhil la mi'i nyams ni rmugs/ mgul pa dang gre ba'i nad rta/ sgra bar dar dang/ sgra sog sog
 zer ba 'di lta bu ni 'dus pa'i rims nad kyis thebs pa'i rtags yin no/ /'dus pa'i rims nad 'di lta bu las tshabs rab tu che bar gyur na rims de'i ming ni 'dus pa'i rims mngon du rmugs byed ces bya ste/ nad des ni mdangs phrogs nas mi'i gzi byin
 kun med par byas bshang gci 'gags la rtug skam du gyur te mi 'byung khor ba'i nang gi drod nyams te chung ba 'di ni 'dus pa'i rims nad kyi rmugs byed kyi rtags yang ba thams cad tshogs pa yin te gsor mi rung ngo/ /de lta bu gzhan ni gso
 dka' ba zhes bya ste 'dus pa'i rims mngon du rmugs byed nang sna ma tshang ba de ni gsos na yang dbang po nyams pa 'am rkang lag nyams pa tsam tu 'gyur ro/ /rnam pa gzhan du yang 'dus pa'i rims nad ni yin na/ de yang mkhal ma'i nad log
 shig na 'dug ste ji ltar zhe na phyi rol gyi pags pa dang sha mthang tsha 'am/ yang na khong pa nang tsha ste/ de yang na tsha ba sngar byung yang na tsha phyis byung ba yod de/ de la tsha ba sngar byung ba'i rigs ni gso dka' ba yin no/ /tshul de dang 'dra bar rlung dang bad
 kan gnyis kyang yang na phyi rol tu phyung ste sha dang pags pa grang ngam yang na khong pa'i nang du byung ste khong grang ba de lta bu grang ba'i rim sngar byung ngam/ yang na grang ba'i rims 'jug tu phyis 'byung ba yang yod de/ /grang ba'i rims dang rlung dang bad
 kan gyi rims de sngar gyur pa'i rjes la mkhris pa'i rims tsha bas bsnan na bad kan gsher ba 'byang ba de ni bskabs?/ rlung grang ba'i bag zhi bar byas pas kha'i nang ro skyur bar bro/ /rgyal myos skom dang che bar 'gyur ro/ /yang na mkhris pa'i nad tsha bas
 thog mar btab te de'i rjes ni rmugs shing bad kan kha nas mang du 'byung ngo/ /slon? no? khong snyom mo/? /nad thabs 'di lta bu 'dus pa'i rims yin te/ dkyel cher skyes pa mngon du rmugs byed ces bya ba gso dka' ba'i nad thabs yin no/ /de la blo bur gyi rims nad rnam pa bzhi
 ste/ drag shul las gyur pa'i rims nad dang/ mngon par zin pa'i rims nad dang/ dmod pa'i rims nad dang/ byang kyi rims nad do/ /de la drag shul gyi rims nad kyang rnam pa bzhi las 'byung ste/ mtshon gyis rmas pa dang/ gcad pa dang/ mes tshig pa
 las rims su gyur pa dang/ stobs rtsal gyi bag las snang de rims su gyur pa'o/ /'di rnams lta bu las snang de rims su gyur pa'o/ /'di rnams lta bu las rims su gyur pa ni phal cher rlung gi khrag nang du gyur par byas nas khrag la gnod par gyur pa dang na la skrad/
 mdog mi sdug lan ste rims su 'gyur ro/ /mngon par zin pa'i rims nad ces bya ba ni gdon gyi bag mi'i lus la bab pa 'am/ gdon gyis zin pa dang sman gyi dri bsung drag po snar phog pa las rims su gyur pa dang/ mda' dug lta bu'i rlangs pa 'am/ dris phog pa las
 rims su gyur pa dang/ khros pa las rims su gyur pa dang/ 'jigs pa dang mya ngan dang 'dod pa las rims su gyur pa'o/ /de la gdon babs sam/ gdon gyis zin na du 'am dgod? pa'i rims nad du 'gyur ro/ /sman gyi bsung drag po 'am ngan pas phogs na sprid pa
 'byung klad pa na skrang brgyal ba'i rims nad du 'gyur ro/ /mda' dug lta bu las rims nad du gyur pa ni brgyal tshad pas 'debs te/ 'khru lus dang bzhin mdog gnag lus tsha snying na ba'i rims su 'gyur ro/ /khros pa las ni klad pa na zhing lus 'dar ba'i rims su
 'gyur ro/ /'jigs pa 'am mya ngan gyis btab pa ni tshig mang du smra zhing na ba'i rims su 'gyur ro/ /'dod pa las ni mgo 'khor/ zas yi gar mi 'ong/ lus tshe ngo tsha med gnyid med/ blo dang brtan pa'i bag tu nyams pa de lta bu'i rims su 'gyur ro/ /de la
 gdon gyis btab pa sman dang dug gi dang pas phog pa 'di 'dus pa'i rims nad kyi nad thabs dang gcig go /khros pa'i rims ni mkhris pa las rims su gyur pa'i nad thabs dang gcig go /'jigs pa dang mya ngan dang/ 'dod pa las kyang
 pa'i rims dang/ 'di rnams ni rlung gi rims dang/ bad kan gyi rims dang/ mkhris pa'i rims su 'gyur ro/ /dmod pa bor ba dang/ byang byas pa las rims nad du gyur pa ni 'dus pa'i nad drag po mi bzad par 'gyur ro/ /de la ngan sngags kyi byang byas pas ni thog mar
 sems la bab/ de'i 'og tu lus la bab ste tsha de nad thor bus gang bar 'gyur/ skom dang che/ mgo 'khor lus tsha/ brgyal rims de nyin re zhing phyi phyir tshabs tsha bar 'gyur/ /rims nad rnam pa brgyad po de ni de rnams yin no/ /rims nad de dag kyang rnam
 pa gnyis te/ lus kyi rims nad dang/ sems kyi rims nad do/ /grang ba'i rims dang/ tsha ba'i rims so/ /lus kyi phyi rol gyi tsha ba'i rims dang/ lus kyi khong pa nad du tsha ba'i rims so/ /dus kyi rang bzhin gyis rims dang dus las gyur pa'i rims so//
 gsor rung ba'i rims dang/ gsor mi rung ba'i rims so/ /rims nad ma smin pa'i rims dang/ rims nad smin pa'i rims so/ /de la dus kyi rims zhes bya ba ni sngar tsha ba'i rims kyis lus la btab pa'o/ /phyis snying la tsha bar gyur pa ni yid kyi rims so//
 rlung dang bad kan gyi nad gnyis cig car byung ba ni grang ba'i rims so/ /mkhris pa'i rims nad dang 'brel ba ni tsha ba'i rims dang nad sna gnyis 'dres pa ni 'dres pa'i rims zhes bya'o/ /khong pa'i nang du tsha ba'i rims nad ni rims nad dkyel che ste/ khong pa'i nad
 du na zhing bshang gci'i dri ma sri zhing 'gog go /lus kyi phyi rol tsha ba'i rims ni lus kyi sha dang pags pa tsha zhing na bar zad de 'di ni gso sla'o/ /de la dus kyi rang bzhin gyi rims ni dus dus su ldang ba'i ba? rims yin te/ dbyar dang ston dang dpyid
 gsum rlung nad la sogs pa rim pa bzhin du 'byung ba'i rims yin no/ /gyur pa'i rims ni de lta bu dus so so'i tshe/ dus tshigs dang mthun pa'i rims ma yin pa de ni gyur pa'i rims nad ces bya ste gso dka' ba'o/ /rang bzhin gyi rigs nad ces bya ba de
 yang phal cher rlung nad kyi bslang ste dus bzhin rims bzhin 'gyur ro/ /dbyar gyi tshe ni rlung nad kyis nad bslang nad mkhris pa dang bad kan du ldan pa dang rims nad du 'gyur ro/ /ston na mkhris pa'i nad slong ste de'i grogs bad kan gyis byas pas rims
 nad du 'gyur te de lta bu la kha zas smyang bar byas kyang/ ston nyams mthu skye ba'i dus yin pas gnod par mi 'gyur ro/ /dpyid ka ni bad kan las nad du 'gyur ba'i dus yin te bad kan gyi rims nad langs pa'i zla la rlung dang mkhris pa'i nad kyang de'i
 rjes la 'gyur ro/ /mi nyams mtshag che ba zhig la rims nad tshabs tshung du zhig gis sngar btab la phyi nas nad de ma yin pa gnod pa'i nad brla gnyen gzhan lta bus btab pa yang med na rims nad de lta bu ni gso sla ba zhes bya'o/ /yang nad pa'o cog
 gi nad gos pa la/ 'tsho'am mi 'tsho dka' sla ci 'dra ba brtag pa ni nad pa'i kha gdong la sogs pa ji ltar gyur pa'i tshul dang lta ba dang mtshan ma shes par bya ba'i dmigs bshad pa dang sbyor la/ gso dka' sla shes par gyis shig /de la rims nad ma
 smin pa zhes bya ba ni rims kyi dang po gsar du btab pa rtse ma zhil ba lta bu la phya ste/ de ni rims tshabs che la na khong rmya ba ma yin gcin mang thur du bshang ba 'gags te sri/ kha zas mi 'dzu skom dang chung/ /zas yi gang mi 'ong ste nad thabs 'di lta bu ni
 rims nad gsar pa zhes bya ste rims nad ma smin pa yin no/ /de la rims nad smin par gyur pa zhes bya ba ni rims nad rtse zhil bar gyur pa la bya ste/ de ni rims nad tshabs che bla zhing smra dbugs kyi rngam pa drag /mgo 'khor bshang gci dri ma mi 'gag par
 thur du 'byung/ slon par byed pa'i nad thabs 'di lta bu ni rims nad smin par 'gyur ba'i rtags yin no/ /yang rims nad rnam pa ltar bshad pa la rlung dang mkhris pa bad kan so so'i dus tshigs kyi dmigs dang nad pa'i nyams
 mtshag cha chung las kyang 'gyur te rims nad rnam pa lnga char yang phal cher ni 'dus pa'i rims nad du 'gyur ro/ /lnga gang zhe na/ rgyun gyi rims nad dang/ rtag pa'i rims nad dang/ rims nyin zhag gcig pa dang/ rims nyin zhag gsum pa dang/ rims nyin zhag
 bzhi pa'o/ /de la rgyun gyi rims ni lus kyi srog zungs bdun dang bshang gci dang/ rtsa kun la rlung dang mkhris pa dang/ bad kan gyi rims nad kyis khyab par byas nas lus kun tsha bar 'gyur te/ srog zungs bdun dang/ bshang gci la sogs pa'i nad du
 rims de mtshungs par zhugs nas tshabs cher skyes te rims kyi mthu chen lus lci rkang lag rengs bag tu 'dug ste de'i tshe rgyun gyi rims de ni dmigs kyis lus kyi nang na bcud dangs ma zhes bya ba la brten cing 'dug ste/ rims nad de la
 sogs pa'i dpyad kyang dka' la bzod par yang rab tu dka' o/ /rims nad de lta bus khong pa nang gi bshang gci dri ma la bab te/ tsha ba'i drod kyis smin cing tshos par byas nas ni/ myur du 'tsho sla'o/ /gal te nad lus kyi srog zungs bdun
 pa la bab ste rims nad tsha ba des myur du smin cing tsha bas gdung bar byed na ni gso dka' ste mi rung ngo/ /'dus pa'i rims nad rgyun ces bya ba de/ rlung las gyur pa'i rims nad yin na ni zhag bdun du gnas te/ de yang gal te rlung ngam
 mkhris pa 'am/ bad kan nyid la bab ste nad nyid la gdung zhing smin par byed pa ni rims 'byad du rung ba zhes bya ste zhag bdun gyis 'tsho'o/ /srog zungs bdun po nyid khrag la sogs pa dang lus kyi dri ma bshang gci la bab ste/ rims tsha ba des gdung
 zhing tshos par byed na ni rims 'byang du mi rung ba zhes bya ste zhag bdun gyis 'chi bar 'gyur ro/ /tshul de dang 'dra bar mkhris pa'i nad ni zhag bcus bye brag dbye'o/ /bad kan gyi nad gzhi bcu gnyis kyis bye brag dbye'o/ /de ltar 'dus pa'i rims nad rgyun zhes
 bya ba'i rims de 'tshab dang 'chi bar 'gyur ba'i bye brag ni de ltar blta'o zhes gna'o drang srong me bzhin 'jug de skad 'chad do/ /yang drang srong ljang sngo'i bu na re rlung las gyur pa'i rims zhag bdun gyis sos 'chi'i bye brag dbye zhes bya ba ni zhag bcu bzhis bye brag
 dbye'o/ /mkhris pa'i rims nad zhag bcus bye brag dbye zhes bya ba ni zhag bco brgyad kyis 'tsho 'chi'i bye brag dbye'o/ /bad kan gyi rims zhag bcu gnyis kyis bye brag dbye zhes bya ba ni zhag nyi shu rtsa gnyis kyis bye brag dbye'o/ /de ltar rlung dang mkhris pa dang bad
 kan gsum gyi rims nad 'dus pa'i rgyun zhes bya bas btab pa 'tsho 'chi'i bye brag gi tshigs ni de ltar blta zhes 'chad do/ /rims nad grangs so sor bstan mod kyis 'on kyang nad pa nad rtse zhil na nyams chung ste ring pa kha zas mi 'khrod pa cig zos sam
 bsten pa dang/ bya ba la sogs pa gnod pa zhig byas na nad dmigs chung gis kyang srog zungs bdun po sha khrag la gnod par byas te nad kyi dkyel dang dpung skyes nas rims nad de yun ring du na zhing nad la gnyen po med par 'gyur te/ res 'ga' ni tshabs
 che res 'ga' ni tshabs chung ste/ rims nad de rlung dang mkhris pa dang bad kan rang rang gi dus kyi tshe nad kyi stobs skyes nas nad la bar chad byed do/ /de ltar rims rgyun rims su gyur pa la yang sman dpyad kyi mthu skyed na ni rigs nad phyin to/ /sman dpyad kyi
 mthu chungs na ni rims nad mi phyin to/ /rlung dang mkhris pa dang bad kan gyi nad dmigs zad rims ni chung la phra bar gyur pa'i tshe na rims nad de po? pa'i nang gi bcud dangs ma'i nang na 'dug go de ltar rims de bcud dangs ma'i nang na 'dug par
 gyur na lus ring cing skom bzhin dang kha dog ngan rmong bag tu 'dug khong snyoms kha zas yi gar mi 'ong ba la sogs par 'gyur ro/ /de ltar bcud dang sma dang rims su 'dres te pho ba na 'dug pa'i rtsa ba thams cad kyi sgo yang de na kha bye zhing 'dus pas rtsa sgo kun gyi nang
 na bcud dangs ma rims dang 'dres par song na lus thams cad la rgyun gyi rims nad des myur tu khyab sten par byed do/ /de la rtag pa'i rims zhes bya ba ni 'dus pa'i rims rgyun ces bya ba las tshul mi 'dra bar log par lta ste nad thams cad kyang mi 'dra'o ji ltar zhe na rgyun gyi
 rims de nyin zhag du ma zhig tu nyin mtshan rgyun du na'o/ /rtag pa'i rims 'di ni nyin par lan gnyis nad ldang/ mtshan mo lan gnyis nad ldang zhing na bas de'i phyir mi 'dra'o/ /nad ldang ba'i dus kyang ma nges te res 'ga' snga dro res 'ga' phyi dro/ /nges 'ga' nyi ma'i
 gung la na/ mtshan mo yang nam stod nam smad la na ba'i dus nges pa med do/ /thog ma nad kyis 'debs pa'i dus kyang nges pa med do/ /rtag pa'i rims 'di nyid ni khrag la phal cher bsten cing 'dug pa de ni rtag pa'i rims zhes bya'o/ /kha cig ni rtag pa'i rims
 de nyin lan gnyis na zhing mtshan lan gnyis/ na zhes kyang 'chad do/ /de la rims nyin cig pa ni nyin cig yang lan re re na ba yin te/ rims snga de yang sha'i rtsa ba'i nang na brten cing 'dug pa yin no/ /nyin cig pa'i rims 'di ni rims kyi nad na nad
 tshabs mi che ba yin te gso sla'o/ /de la nyin gsum pa'i rims zhes bya ba ni nyin gcig dang po rims kyis btab pa de'i phyi de nyin ni mi na'o/ /de'i yang phyi de nyin na bar byed pa de lta bu'o/ /rims 'di ni tshil gyi rtsa ba'i nang na zhen cing 'dug pa yin te mkhris
 pa dang rlung gnyis klad pa'i spyi bor zhugs shing zhen na klad pa'i spyi bo na'o/ /rkang pa man chad dgu dor na na bad kan dang mkhris pa las gyur pa'i nad yin no/ /rgyab na na rlung dang bad kan las gyur pa'i nad yin no/ /bzhi pa'i rims zhes bya ba ni dang po nyid
 gcig rims na la de'i 'og nyi ma gnyis ni mi na'o/ /de nas nyi ma bzhi nang par yang na ba 'di ni bzhi pa'i rims zhes bya ste/ rims nad 'di lta bu ni myur du mi 'byang ste yun ring du na'o/ /rims nad 'di ni tshil lam rkang ngas rus pa'i nang na 'dug pa yin no/ /na ba'i
 thabs kyang rnam pa gnyis te bad kan byin pa gnyis kyi nang na zhugs te na ba dang rnam pa gnyis yin no/ /yang bzhi pa'i rims de yang mi 'dra ba gzhan yang yod de rus pa dang tshigs gnyis kyi nang du zhugs te/ 'dug na nyi ma bzhi la dang po nyi ma gnyis
 rims na/ de'i 'og tu nyi ma gcig mi na/ de'i phyi de nyin yang na bar byed pa de lta bu ni bzhi pa'i rims zhes bya'o/ /rims nad de lta bu la kha zas mi 'phrod pa zos pa dang/ gnod pa 'gyur ba lus kyis bskyod pa'i las byas na rlung dang mkhris pa dang bad
 kan gyi nad bzhi'i mthu phyir skyes ta na bar 'gyur ro/ /kha zas phan pa zas pa dang/ lus kyis bskyod pa'i gnod pa ma byas na nad dmigs kyi nyi ma dma' ste 'byang bar 'gyur ro/ /yid kyi rims nad can ces bya ba ni sngon gyi sdig pa mi dge ba'i las las 'byung
 ste kha zas mi 'phrod pa dang gnod par 'gyur ba ma byas par rims nad kyis btab nas phyi phyir nad tshabs che ste/ na ba'i tshe rims nad gzhan dang 'dra bar na ba yin no/ /rims nad do cog gis btab ste na ba las tha mar 'byung du nye ba'i rtags ni lus kyi
 srog zungs bdun po bcud dangs ma dang/ sha la sogs pa la rlung ngam mkhris pa 'am/ bad kan gyi rims nad dang de dkrugs shing slongs na nad slong bar byed/ nad pa dbugs dang rngam pa drug tu 'byung lus rdul 'khun slong bar byed/ lus 'dar rkang lag bya rmyang
 byed/ tshig mang du smra/ tsha ba 'am grang bas lus dang bzhin gyi mdog dang gzi kun nyams par byas/ shes shing khong du chud pa'i phag med de rmong bag tu 'dug /rims nad tshabs cher na bas nyams thag ste mkhris pa'i tshul gyis lta ba 'di lta bu'i
 tshe ni rims de zhu zhing byad ba yin te/ de'i tshe 'phyen sgra dang bcas pa yang 'byung zhing/ thur du tshad pa sla par shugs drag tu 'khrus nas de nas lus yang zhing snyom rmyab dang rmong bag dang lus tsha ba'i bag dang/ kha'i nang thor bu'i bag kyang med
 mig la sogs pa dbang po rnams brtas te na ba med/ lus la rdul kyang 'byung/ sbrid pa yang 'byung/ na ba med cing rang bzhin gyis nyams tha mal par gyur te/ kha zas yi gar 'ong/ mgo ba g.ya' ste shig drug pa 'di lta bu ni rims nad byang ba'i mtshan
 ma yin no/ /rims nad kyi nad gzhi bshad pa'i le'u ste gnyis pa rdzogs so// //khrag dang mkhris pa rgyas pa'i nad las kha sna dang mig nas khrag 'byung ba dang/ thur du khrag 'byung ba dang/ lud pa lu ba'i nad gzhi'i le'u gsum pa bshad par bya'o//
 rab tu drod che ba dang/ rab tu ro bro ba dang rno ba dang/ rab tu tsha ba dang/ skyur ba dang/ lan tsha las so te tsha bar 'gyur ba'i bag zos pa dang/ 'bru bag la ko tra ba dang/ ut+tal ka dang/ 'di lta bu'i bag la tsha ba'i bag dang na? le sham dang/ dbyi mo dang kru trug tres
 la sogs pa sman tsha ba'i bag mkhris par gyur pa ha cang bsten drags na mkhris pa'i nang du 'gyur te mkhris pa rgyas pa ste/ lus pa dang khrag rgyas pa'i nad du 'gyur ro/ /mkhris pa dang khrag gnyis phan tshun nang 'dres par gyur pa dang/ lus thams cad
 la khrag dang mkhris pas khyab na nang du 'gyur ro/ /de bas na mkhris pa'i nad ces bya ba de ni khrag nang du gyur pa dang/ khreg dang mkhris par 'dres pa dang/ khrag gi mkhris pa la gnod par byas pa 'di rnams lta bus mkhris pa de khrag gi mdog dang mthun
 par 'jug cing gnas pas na de'i phyir khrag gis mkhris pa'i nang dmigs mtshon te bstan pa yin no/ /de nas khrag gi gnas mcher ba dang mchin pa la mkhris pa'i nad de ldang bar 'gyur ro/ /mkhris pa'i nad langs pas klad pa lci zhing na/ kha zas yi
 gar mi 'ong/ tsha ba skyes pas grang zhing bsil bar 'dod/ slon zhing skyugs na skyugs ba dung kha la ro skyur ba 'byung/ skyugs pa'i mdog tsog tsog ltar snang/ lud pa lu dbugs mi bde klad pa 'khor khong snyom kha nas skyugs pa dang khrag dang mchil ma 'ong ba'i dri mi zhim ste/
 gar? la snyan du mnam/ kha dri ma zhim mi nya rjen bzhin du mnam/ skad 'dzar te 'gags mig dang sha dang pags pa'i mdog dang sen mo dang bshang gci la sogs pa'i mdog rnams dmar la ljang sngon du 'dug pa mdog ser por snang ba de lta bur 'gyur ro//
 rmi lam na yang gzugs kyi kha dog de ltar 'byung zhing snang ngo/ /de ltar gyur na mkhris pa dang khrag rgyas pa yin no/ /mkhris pa dang khrag gi nang stong du rgyas pa ni sna dang mig dang rna ba dang/ kha nas khrag 'byung bar 'gyur ro/ /gal te khrag dang mkhris pa'i nad ro smad
 du rgyas na pho mtshan dang mo mtshan dang rkub nas khrag 'byung bar 'gyur ro/ /khrag dang mkhris pa'i nad rab tu rgyas te tshabs che na ba spu'i bu ga thams cad nas kyang khrag 'byung ngo/ /de ltar stong du kha sna nas khrag 'ong na ni gso sla ste stong bad kan gyi bzhin yin
 pas na de'i phyir de lta bu la bkru sman gyis bkrus na phan par 'gyur ro/ /yod ni mkhris pa'i nang la phan pa'i sman dpyad kyang mang du yod mod kyi mkhris pa'i nad ni bkru sman gyis bkrus pa las dpyad bzang ba med do/ /de ltar mkhris pa'i nad bkru sman gyis bkrus
 te phyin na mkhris pa'i zla la bad kan gyi nad yod pa yang byad par 'gyur ro/ /bad kan gyi nad de phyin te byang nas sman dang kha zas ro bska ba dang mngar bar bag zos na gnod pa med de mkhris nad dang khrag nad lta bu sel te phan no/ /sman dang kha zas ro kha ba dang bska
 ba'i bag lta smos kyang ci dgos te/ de ni mkhris pa dang khrag nad kyang sel lo bad kan gyi nad sel bas phan no/ /thur du khrag dang mkhris pa byung ba de ni rlung las gyur pa'i sa bon yin te/ de ni myur du byar mi rung ste/ de la skyugs sman btang na
 gso sla ste myur du 'byung bar 'gyur ro/ /de bas na mkhris pa rgyas pa'i nad la skyugs sman btang ba ni sman phran tshegs su 'gyur te/ phan pa'i dpyad ma yin mkhris pa'i zla la rlung nad yod pa yang skyugs sman gyis mi phan no/ /de bas
 na mkhris pa rgyas pa'i nad la skyugs sman pas na zas dang ro bska ba dang mngar ba phan par 'gyur ro/ /khrag dang mkhris pa rgyas te bad kan dang rlung gnyis ka 'dres te stod smad gnyis kar khrag 'byung bar 'gyur na ni gso dka' ste/ skyugs sman
 bkru sman gyis kas kyang bad kan dang rlung nad de la mkhris pa'i nad kyang skyugs sman dang bkru sman gyis phyin pa med la/ de bzhin du nad 'di 'tsho bar 'gyur ba yang med do/ /de ltar mkhris pa dang khrag nad rgyas pa dang rlung dang bad kan gyi nad kun 'dres
 par gyur pa de lta bur nad thams cad zhi bar bya ba'i dpyad byas na phan no/ /de'i 'og nas zhib tu sman sbyar ba'i skabs su 'chad de/ /mkhris pa khrag gi nad de lta bur gyur pa nad de'i nang du rlung ngam mkhris pa 'am bad kan gyi nad dmigs gang che brtag
 dgos te/ de ni gtar ga thob la khrag ci 'dra ba rtogs shig /mkhris pa dang khrag rgyas pa'i nad de las gzhan yang phran tshegs ci dang cir gyur pa yang rjes bcad 'tsho 'chi cir 'gyur ba nad ba'i bzhin mdog la sogs pa las ltas su blta
 ba yang sbyor ba'i dpyad gyis shig /lud pa lu ba glo nad rnam pa lnga'i nad dmigs bshad par bya'o/ /glo na ste lud pa lu bas ni lus la gnod pa myur du byed pas na de'i phyir lud pa lu ba'i dmigs 'dir bstan par bya'o/ /lud pa lu ba de yang
 rnam pa lnga ste rlung dang mkhris pa dang bad kan dang glo rngol ba dang/ lus kyi srog zungs bdun zad par 'gyur ba'i glo gcod skem byed dang lnga'o/ /glo nad 'di lnga las rlung nad kyi lud pa dkar zhing na bas ni mkhris pa'i glo nad kyi dkyel che'o/ /
 mkhris pa'i glo nad pas ni bad kan las gyur pa'i nad che'o/ /bad kan las gyur pa'i nad bas ni glo 'drams te rdol ba'i nad che'o/ /de bas glo gcod skem byed kyi nad che'o/ /glo nad 'di rnams gang na yang rung nad thabs kyi spyi ni lud pa lu gre ba'i nad g.ya'/
 zas yi gar mi 'ong gre ba'i nang gra mas gang ba bzhin du rtsub la tsha/ rlung ro smad man chad du rgyu zhing 'gro ba zhig yod pa de yang nad kyis 'gror ma ster de 'gags pas rlung de 'khyil nas phyir log ste/ ro stod du song nas brang dang mgul pa'i nang kun du zhen te de
 nas klad pa'i nang dang stod kyi rtsa kun gyi nang du rlung des gang ba dang/ de'i phyi rol rlung des lus dang yan lag rnams gyen du bteg cing spar ba bzhin du g.yengs par byed pas lud pa lu/ mig ni rdol cing byung la thug pa tsam du na/ rgyab dang brang rtsi ba logs su
 zug cing na bar byas nas rlung gyen du khar rgyu zhing 'byung ngo/ /rlung de lud pa lu zhing 'byung ba'i sgra ni khar ba'i snod chag pa'i skra skad zer ro/ /de ltar rlung nad las glo lu ba de yang nad gzhi'i bye brag tha dad pas rlung nad khong ba nang du 'gags shing zhen pa'i nad
 kyang tha dad par gyur te/ de'i phyir nad thabs kyang mi 'dra/ lud ba lu ba'i skad kyang mi 'dra bar 'byung ngo/ /de la rlung nad las gyur pa'i lud bas bkar ba'i nad thabs ni rlung nad slong zhing ldang bar 'gyur ba'i kha zas zos pas brang dang thong ka dang gre ba'i nang kha
 skams snying na rtsi ba logs dang brang dang klad par zug cing na rmong bag du 'gyur ro/ /rlung gis lus thams cad kyi nad krugs pa snyam byed skad 'gags/ lud pa skam lud pa shugs drag tu lu/ lu ba'i tshe zug cing cher na/ lu ba'i sgra drag tu 'byung/ lus
 kun rtsub la reg na brtse/ bad kan gyi bag khong na bskams te zad pas/ lud pa drag pa yun ring zhig du lu lu na/ yang bad kan cung zad tsam zhig 'byung ba de lta bu ni rlung las gyur pa'i lud pa lu pa'i nad thabs yin no/ /de la mkhris pa'i nad las gyur pa'i
 lud pa lu ba'i nad thabs ni lud pa lu na mchil ma'i ro kha/ kha'i nang gi ro bro ba yang kha mig ser rims kyis thegs mgo 'khor mkhris pa dang khrag ru slon par byed bad kan dang mchil ma dud pa 'dra ba nag por 'byung ngo/ /skad 'gags
 skom dang che khong myos par 'gyur/ lud ba rtag par drag tu lu ba'i tshe mig lam du skar mnga' khro byed pa lta bur snang/ nad thabs 'di lta bu ni mkhris pas bkar ba'i lus pa zhes bya ba'o/ /de la bad kan gyis bkar ba'i lud pa'i nad thabs brang du zug
 pa'i nad tshabs ni mi che klad pa'i spyi bo dang snying ga ni lci la mer mer po gang ba snyam byed gre ba'i nang bad kan gyis skyed nul du byug pa tsam du zhen la 'byung du mi rung cham pas 'debs skyug kha zas yi gar mi 'od ba spu dang sha'i phags par reg na
 brtse lud pa lu na bad kan dkar po dkar la snum bag du 'byung ngo/ /nad thabs 'di lta bu ni bad kan gyis bkar ba'i lud pa lu ba'i nad thabs zhes bya ba'o/ /de la blo 'grams te rdol ba'i nad thabs ni stobs la sogs pa drag shul gyi bag lta bur byas
 pa dang/ stobs kyi mtshan gyis mi nus bzhin du yang stobs sam khu ba lta bu tshan chen po byung bas rlung gis glo ba rdol te dral nas/ de'i rjes su mkhris pa yang zhugs te nad dkyel du gyur pa las lud pa lu nas lud pa de khar bad kan dang khrag 'byung ba kha
 dog ser po nag po rnag gis phyir bu ril ril po dang/ 'dres pa bad kan cig 'byung ngo/ /gre ba'i nang bad kan rnag khrag 'ong ba'i tshe/ brang dang nu ma mjid du na la/ brang dang nu mjid dang thong kha phyogs su gzer ba bzhin du zug /rus pa'i tshigs kha bye ba
 snyam byed la rims nad kyis 'debs/ dbugs mi bde skom dang che/ skad 'gags lus 'dar rtsi ba logs su zug cing na ste/ 'khun na ni phug ron skad 'byin to/ /de ltar glo 'grams te rdo ba na pags kyis nyam stobs 'bri/ kha zas khad kyis yi gar
 mi 'ong pho ba'i drod dang nyams mtshag dang bzhin mdog dang 'di rnams kyang khad kyis 'bri bar 'gyur ro/ /nad thabs 'di ltar nan glo 'grams te rdol ba yin no/ /de la lus kyi srog zungs bdun zad par 'gyur ba'i blo gcod na ba'i/ nad thabs ni gcin khrag
 du 'ong/ rgyab dang rked pa na mchog tu rlung nad kyis nad slong bar byed de bas na zad par byed pa'i nad 'di ni lus kyi nad la rgyal po ltar byed pas na nad kyi rgyal po zang byed ces bya'o/ /de'i nad thabs kyang lud pa lu zhing bad kan du 'byung ngo/ /bad kan du lu ba
 las kyang rul te rnag bzhin du 'byung la mdog ser mnam/ rtsa sngo zhing dmar rtsib logs g.yas g.yon na mar gzhogs shing bcang pa snyam byed/ snying thur du 'phyongs shing ltung ba snyam byed de na/ glo bur du res 'ga' ni tsha bar 'dod/ res dga' 
 ni bsil zhing grang bar 'dod/ kha zas mang du za phod la nyams mchog? ni zad de skem/ kha gdong ni mdog snum la gsal/ so dkar mig bzang por snang ba 'di lta bu'i tshul du gyur na de'i rjes la lus kyi srog zungs zad par 'gyur ba'i nad kyi tshul
 thams cad 'byung bar 'gyur ro/ /de bas na lus srog zad par 'gyur ba'i lud pas bkar bar 'gyur/ lud pas bkar zhing lu lu bas lus zad de ma rungs par 'gyur ro/ /nad pa'i nyams mtshag yod na ni blo gcong zad byed kyi nad dang/ glo 'dres pa'i nad
 gnyis ka yang de las mi ngal bar gso ba tsam du rung ngo/ /glo 'grams pa dang/ lus zad pa bskams pa'i glo gcong gnyis ka gsar du 'byung na sman dpyad dang/ gsor rung ngo/ /rlung ngam mkhris pa 'am bad kan gsum gyi nad dar bar 'gyur ba'i glo gcong
 zad byed kyi nad kyis btab pa yang gsor rung ngo/ /rlung dang mkhris pa dang bad kan gsum lta bu las gang yang rung ste/ nad sna gnyis/ 'dres pa'i nad du gyur tam mi rgan po lta bu la glo gcong zad byed kyi nad kyis btab na de dag kyang nad de las mi 'gyur
 mi thu sla ba tsam du gsor rung ngo/ /de lta bas na lus srog zad par byed pa'i glo gcong gi nad gso ba yal bar khor na dang po lud pa lu'o/ /de nas dbugs mi bde ba/ dbugs mi bde ba las lus srog bdun po zad par 'gyur ro/ /de nas slon
 par byed/ de nas skad 'gags pa la sogs pa'i nad rnams 'byung ngo/ /de bas na thabs 'di ltar 'gyur na gso ba'i dpyad myur du gyis shig /khrag mkhris las lud pa lu ba'i glo nad rnams lnga'i nad gzhi bshad pa'i le'u ste gsum
 pa rdzogs so// //dbugs mi bde ba'i nad dang/ skyigs bus btab pa'i nad gzhi bshad pa'i le'u bzhi pa bshad pa bya'o// //de la dbugs mi bde ba'i nad ni lud pas bkar ba'i nad dkyel cher skyes sam/
 yang na dbugs mi bde bar 'gyur ba'i kha zas mi 'phrod pa cig sngar zos la/ nad bslang ste dbugs mi bde bar gyur tam/ yang na kha zas ma zhu bas tshang par 'khrus sam/ kha zas ma zhu bas slon tam dug 'thungs sam/ skya sbab kyi
 nad kyis btab bam rims kyis btab bam/ 'di lta bu gang yang rung ba'i nad gzhi dbugs mi bde bar 'gyur ro/ /dbugs mi bde ba'i nad de yang rnam pa lnga ste/ dbugs cung zad mi bde ba dang/ dbugs mi bde ba mun pa bzhin snying rmugs kyis byed dang
 dang/ dbugs 'chad pa dang/ dbugs drag po mi bde ba cher 'byung ba dang/ dbugs phyir rgyu ba drag la nang du rdub pa'i tshe dbugs 'chad te/ nang du mi rdub pa dang rnam pa de lnga'o/ /yong dbugs mi bde ba'i nad thams cad ni dbugs phyi nang du rgyu'i
 la bad kan gyis chod de/ 'gags pa dang zas skom ming pa'i greb dang mgul pa'i spu gu dang/ srog ces bya ba'i rlung phyi nang du rgyu ba zhig yod pa dang 'di dag la bad kan gyis 'gags te chod pas dbugs rgyu ba'i rlung 'gror mi ster cing glo g.yas g.yon
 du 'khyil te 'dug la rtsa sgo yang bad kan gyi nad kyis 'gags na ma zhu ba'i gnas pho ba nas phyi nang du rgyu ba de byung nas brang gi thad kar 'dug cing 'khyil nas dbugs mi bde bar 'gyur te na'o/ /de ltar na ba'i tshul ni dang por snying dang rtsib logs na srog gi dbugs
 kyi nang du rgyu ba las gnod de na dbugs kyis gang dbus pa'i thabs su na/ mur 'gram g.yas g.yon du zug sten pa 'di ni dbugs mi bde ba spyi'i nad thabs yin no/ /de la dbugs cung zad mi bde ba zhes bya ba'i nad thabs ni stobs rtsal drag shul gyi bag byas sam/ kha
 zas? ha cang 'drangs ches par zos pa 'di lta bus 'phral du dbugs mi bde ste/ rngams pa drag tu 'byung bar byed do/ /dbugs mi bde ba 'di ni phran tshegs yin te/ 'di rang zhi bar 'gyur ba yin no/ /de la dbugs mi bde ba mun pa bzhin rmugs zhes bya ba'i thabs ni rnam pa
 gnyis te/ bad kan las dbugs mi bde bar gyur pa dang/ mkhris pa tsha ba'i nad las dbugs mi bde bar gyur pa dang gnyis so/ /de la bad kan skyes na dbugs phyi nang du rgyu ba'i rlung de 'gags te 'khyil nas phyir 'byung du mi ster spu bu dang rtsa'i nang na mar dbugs
 log par thur du rgyu par byed na klad pa dang/ mgul ba'i nang gi spu bu nas/ brang dang rtsib logs su zug cing na'o/ /lud pa lu na gre ba'i nang dar ra ra zer snying mi dran mongs pag tu gyur kha zas yi gar mi 'ong ngo/ /cham pas 'debs/ skom dang che ste dbugs mi bde ba'i tshe na rab tu
 mi bde ste/ dmigs kyis ni srog ces bya ba'i rlung zhig yod de/ /glo snying gi nang nas gyen du klad pa'i spyi bo'i bar du rgyu la de'i las ni sems dang snying gsal bar byed mig dang rna ba la sogs pa dbang po rnams dang zhig gsal bar byed/ sems brtan par byed mchil ma 'dor bar byed
 sprid pa 'byung bar byed sgrags pa 'byung bar byed/ dbugs phyi nang du rgyu bar byed/ kha zas zas skom mid par byed pa de lta bu'i rlung zhig yod de/ bad kan gyis 'gags te rlung rgyur mi ster ba dang/ dbugs 'gags te mi bde bas dbugs thum thum byed pas mun pa
 bzhin du 'gyur ro/ /de la khong nas bad kan ngan pa cung zad tsam phyung na skad cig tsam pa de'o/ /nyal ba'i tshe na dbugs rab tu mi bde'o/ /tsog tsog bor 'dug na ni dbugs mi zad bde ba byed/ dbugs mi bde ba'i tshe mig har har bor 'gyur
 'phral ba ni rdul 'byung ste rab tu mi bde kha skam dbugs mi bde bas rngams pa bstud par 'byung na bad kan las gyur pa'i dbugs mi bde ba yin pas dron po'i bag 'dod/ khong 'dar char ba bab pa 'am/ nam langs te yul grang ngam/ snga dro'i ser bus
 phog pa dang/ bad kan skyes nas dbugs mi bde ba'i nad las 'gyur te/ de lta bu la sman dpyad kyi cho ga byas na nad de las dkyel min pa tsam gsor rung ngo/ /dbugs mi bde ba'i nad de lta bus gser du btab pa 'am/ nad pa nyams mtshag yod na gso
 sla'o/ de la tsha ba mkhris pa'i bag gis dbugs mi bde bar gyur la/ rims rtsa bas btab bam myos te dbugs mi bde na ni sman bsil bag gis nad gso'o/ /de la dbugs 'chad cing dbugs mi bde ba'i nad thabs ni dbugs mi bde ba'i rngams pa
 shugs drag po 'byung ba'i rjes la dbugs chad pa de lta bu bstud par na te/ de'i tshe srog gi gnas yod pa kun kyang 'chad pa tsam du na/ rdul 'byung brgyal/ khong lco sgang pa tsha gcin 'gag mig har har por 'og mig tu thur du lta mig ya
 gcig dmar po 'gyur yang dang yang mi dran te mod mod por gyur/ /bskam smra ba'i shugs te gsang dma'/ gzi mdangs nyams bzhin blag blag por gyur/ snying mi dran te myo myo bo de ltar byed do/ /de la dbugs mi bde ba'i nga ro tshar 'byung ba'i
 nad thabs ni dbugs mi bde ba'i nga ro nyams pa'i sgra cher 'byung la rngam pa drag dbugs mi bde ba'i nga ro gnyid kyis sdur ba sgra bzhin 'byung/ dbugs mi bde ba'i dbugs drag tu 'byung ba'i tshe dbyar gyi glang rgyags te 'gyid ba'i nga ro skad drag tu
 zer/ sngar lobs shing shes pa rnams kyang rjed de mi dran mig gi mthong la 'khrul bzhin 'gyur ro stod dang dpung mgo zhum por 'gyur/ bshang gci 'gags te mi 'byung/ skad kyi gdangs nyams te gcom chung gre bskams/ yang dang yang snying mi dran te myos/ rna ba dang mur
 'gram dang klad par zug ste na'o/ /dbugs gyen du phyir 'byung ba yun ring du 'byung la nang du mi rdub/ 'di'i nad thabs ni mgul pa dang sbu bu dang rtsa sgo rnams bad kan gyis chod de 'gags pa de ltar nang du rdub mi nus te dbugs bde la dbugs mnam por 'byung
 mig gyen du blta la mig 'khrul cing phyogs kun tu yang blta/ gnas dang srog chad la thug pa tsam du nyams thag nas smre sngags 'don cing tshig mi 'byin/ nad thabs 'di lta bur gyur ba sna grangs tshang na ni gsor yang mi rung ngo/ /sna grangs 'di ltar ma tshang na ni
 gsor rung ngo/ /dbugs mi bde ba'i nad thabs lnga ni de lta bu yin no/ /de la skyigs bus btab pa'i nad kyang spyi ni dbugs mi bde ba'i nad kyi gzhi dang nad kyi thabs kyis tshul dang yang 'dra/ nad kyi ming gi rnam grangs dang mnyam/ rang bzhin yang 'dra/ skyigs bu dang
 dbugs mi bde ba nad kyang 'dra'o/ /lnga gang zhe na kha zas la skyigs bu tha mal pa dang/ drag shul las gyur tha'i skyigs bu phra mo dang/ skyigs bu zung du 'byung ba dang/ skyigs kyi cher 'byung ba dang/ khong ba'i gting zabs nas skyigs bu 'byung ba dang lnga'o/ /de kha la
 zas las gyur pa'i skyigs bu ni kha zas ring thabs su zos pa dang/ zas rtsub pa 'am/ kha zas tshan po 'am/ kha zas sra ba 'am/ zas skom snga na ma goms pa de lta bu drag tu zos pas btsir bar gyur ba'i rlung gis phul ba las skyigs bus btab ste na 'am yin pa
 sgra mi drag par 'byung/ sprid pas 'debs so/ /de lta bu la sngan chad goms pa'i zas skom tha mal pa zos pas zhi bar 'gyur ro/ /de lta bu ni zas las gyur pa zhes bya ba'o/ /de la drag shul las gyur pa'i skyigs bu phran tshegs gang zhen de ni drag shul las stobs
 rtsal gyis bag byas pas rlung bskyod de des skyigs bu mi drag pa mgul ba'i nang nas byung ste/ na ba'i shugs kyang mi drag ste 'jam mo/ /de yang drag shul gyi bag byas na ni skyigs bu'i nad la'o/ /kha zas zos pa tsam gyis 'jam par 'gyur ro/ /de
 la skyigs bu zung du 'byung ba'i nad thabs ni bstud par lan gnyis tsam 'byung la/ de'i 'og tu kha langs tsam las mi 'byung zhing de nas lang bstud par 'byung ba de lta bu yin no/ /de ni kha zas skyigs bus 'debs par 'gyur ro/ /de yang kha zas 'jung nye ba'i tshe na
 skyigs bus drag tu 'debs/ kha zas zhu phan chad ni rang 'byung ngo/ /skyigs bus bstud par 'debs pa'i tshe na lus 'dar/ klad pa dang mgul ba na/ khong lbo sgom dang che tshig smra ba mang/ slon tshad pas 'debs/ mig har bag tu lte glal 'byung ngo/ /skyigs bu
 zung du 'byung ba ni 'di nang thabs kyang drag la kha zas zhu ba'i tshe skyigs bu'i nad kyang ldang zhing mi bde bar byed pa yin no/ /de la skyigs bu cher 'byung ba'i nad thabs ni slan ma dang mur 'gram gnyis mnyam mi gnas mchi ma 'ong/ mig har bag tu lta lus
 rengs bag tu byed/ tshig 'khrul dran pa dang shes pa 'khrul bag tu byed/ ming pa'i sbu gu 'gags srog gis nang gsig cing bskyod par byed/ rgyab tu rgu lus kyi khog bskams bag tu 'gyur ba'i skyigs bu drag tu 'byung ste/ skyigs bu de khong
 pa'i nad dma' ba nas 'byung/ sgra cher 'byung skyigs bu 'byung ba'i tshe na ba'i tshabs che ste skyigs bu'i stobs kyi shugs drag par 'byung ba yin no/ /de la khong pa'i gting gi zabs nas skyigs bu 'byung ba'i nad thabs ni kha zas zhu ba'i gnas
 long ga 'am/ lte ba'i thad ka tsam nas skyigs bu gong ma dang 'dra bar 'byung ste nad thabs kyang gong ma dang 'dra bar bstud pa yang dang yang 'byung zhing kha glal/ rkang lag bya rmyang byed skyigs bu 'byung ba'i sgra brag ci can zab mor 'od ba ni nad thabs de lta
 bu yin no/ /tha ma skyigs bu thog mar rnam pa gnyis po ni gso sla'o/ /tha ma'i skyigs bu'i nad thabs su gyur pa ni gsor mi rung ngo/ /skyigs bu'i nad thams cad kyi sna grangs kyang tshang? la nad tshabs kyang tshe nad gzhan kun kyang tshogs la pho ba grang ste zas kyang
 ma zhu min rgas sam/ bud med la drags par gyur pa lta bu zhig gam/ nad kyis lus zad de gong ma dang kha zas bcang ngam ma chung ngam/ glo 'grams te rdol tam/ sman tshabs chen por gyur pa 'di rnams gang yang rung ba la skyigs bu yod pa de lta
 bus btab na gsor mi rung ngo/ /yod ni nad do cog gis kyang/ ma rungs par ni byed mod kyi skyigs bu ltar myur du ma rungs par byed du nyid ma yin no/ /skyigs bu dang dbugs mi bde ba'i nad gnyis ni nam 'chid nye ba'i tshe na 'ong bar 'gyur ro/ /dbugs mi bde
 ba'i nad thabs dang/ skyigs bu'i nad thabs bshad pa'i le'u bzhi pa rdzogs so// //glo gcong chen po lus kyi srog zungs zad par byed pa'i nad bzhi'i le'u lnga pa bshad par bya'o/ /zad byed kyi nad glo gcong zhes bya ba 'di phyi bzhin nang du mi
 'ong zhing 'brang ngo/ /nad dbang po kun gyi thog ma 'gro bas na de'i phyir 'di'i ming ni nad gnod pa'i rgyal po zhes kyang bya/ lus zad par byed pa zhes kyang bya/ lus bskams? par byed pa zhes kyang bya ste/ nad kyi rgyal po zhes kyang bya/ nad 'di gna' dang po ni
 rgyur rnams dang bram ze rnams la glo gcong gis 'debs pa'i rgyal por gyur pas na de'i phyir nad 'di la ming gnod pa'i rgyal po zhes bya ba'o/ /sman kyang zad lus kyang zad par byed bas na glo gcong zad byed ces kyang bya/ mi'i bcud dang sha khrag
 la sogs pa skem par byed pas na glo gcong skem par byed ces kyang bya'o/ /nad de dag gi rgyal po ltar gyur pas na rgyal po zhes bya'o/ /de la glo gcong skam byed kyi nad kyang rnam pa 'di bzhi gang yang rung ba las nad du gyur te/ bzhi gang zhe na/ stobs
 kyi tshan gyis mi nus bzhin du nyams mthu gtugs te/ chad chad du drag shul byas pa lta bu'i bshang gci 'od bar gyur na mnags te bsgags ba 'am bud med la drags te khu ba zad ba dang/ mdangs zad pa dang/ khong na snum yod pa zad pa
 dang/ spyir khams bdun po zad pa dang/ zas skom sngon ma zos pa za ba'i cho ga bzhin du ma zos pa rnam pa 'di bzhi lta bu gang yang rung ba las nang du 'gyur ro/ /de ltar nad du gyur pa'i rgyu bzhi lta bu'i rlung nad dang mkhris pa'i nad dang bad kan gyi nad bslang
 nas lus thams cad dang/ rus pa'i tshigs thams cad kyi nang du nad zhugs nas de nas rtsa thams cad du gyes te 'phros nas/ rtsa chen po bcu'i nang du zhugs nas yang na ni rtsa de rnams kyi sgo 'gags par 'gyur/ yang na ni rtsa de rnams kyi sgo 'bye
 bar 'gyur/ de bzhin du ro stod dang/ ro smad dang rtsi ba logs g.yas g.yon dang/ khong pa nang so so kun du nad kyis gang bar 'gyur ro/ /de'i nad thabs ni cham pas 'debs sprid pa rab tu drag po mang du 'byung/ kha nas mchil ma dang bad kan mang du 'byung
 zhing 'dor/ kha'i nad mngar/ pho ba'i drod nyams rdza ma dang/ gzhong pa dang/ snod spyad la sogs pa kun dang/ zas skom la sogs pa gtsang bar 'dug kyang btsog cing kha zas kyi nang du sbrang bu dang/ rtswa dang skra la sogs pa song bar mthong/ snying na slon
 bro zas yi gar mi 'ong/ kha zas rtag tu zos kyang nyams mtshag zad lag pa rtag tu lta zhing lag dar gyi mkhrig mar sbom phra mjal 'dod/ rkang pa dang gdong skrang/ mig dkar khral khral byed/ lus mthong na 'jigs su rung/ snying la bud med 'dod/
 chang dang sha yi gar 'ong ba snyam byed/ zos na skyug bro klad pa'i spyi bo rtag tu 'gebs bar byed/ sen mo dang skra rab tu ring/ rmi lam na phye ma leb dang/ rtsangs pa dang/ sdig sbrul dang/ spre'u dang gcan gzan dang/ bya rnams kyis bdag la 'tshe
 bar mthong/ skra dang rus pa dang phub ma dang thal ba'i phung po la bdag 'dzeg cing 'gro bar rmi grong stong dang yul stong dang tshu bo skam pa mthong skar ma ltung ba dang/ ri bsgyel cing lhung bar rmi lam du mthong la shing skyes ba kun 'bar bar mthong/ gal te nad
 ro stod yan chad du rgyas na ni cham pas thebs dbugs mi bde lud pas bkar/ phrag pa na/ klad pa'i spyi bor na/ skad 'gag /zas yi gar mi 'ong ba de lta bur 'gyur ro/ /gal te ro smad man chad du nad dkyel che na ni yang na tshad par 'khru yang na rtug
 skam tu gyur te 'khrin pas 'dogs so/ /gal te nad grol gyi nang du nad dkyel cher gyur na ni slon par byed do/ /rtsib logs su nad babs na ni glo g.yas g.yon du thad kar zug cing na'o/ /rus pa'i tshigs kyi nang du nad babs na ni rims nad du 'gyur ro/ /de
 ltar nad gnod byed kyi glo gcong gi nad thabs rnam pa bcu gcig yod pa de ni de lta bu yin no/ /glo gcong gi nad thabs 'di lta bus btab pa la nad brla gnyan gzhan gyis btab ba ni skad 'dzod te 'gag/ gre ba subs brang gi nu mjid g.yas
 g.yon du zug cing na/ kha glal lus dang ro stod brdung ba snyam byed de na kha nas mchil ma dang/ bad kan gyi bag 'dor ba mang/ pho ba'i drod nyams/ kha nas rnag mnam pa de lta bu'i nad du 'gyur ba 'di ni bla gnyan gyi nad thabs yin no/ /de la glo
 gcong zad byed kyi nad ci las gyur pa'i bye brag so so'i dmigs kyang bshad par bya ste/ nad de lta bu la rlung las gyur pa'i shas che na klad pa na/ rtsib logs su zug cing na/ mgul ba subs shing skad 'gags pa de lta bu 'gyur ro/ /de la mkhris pa
 rgyas te tsha ba'i nad kyi shas che na ni lag mthil dang rkang mthil tsha/ tshad pa rab tu 'khru khrag tu slon/ kha mnam rims kyis 'debs so/ /nad de la bad kan gyi shas che na ni zas yi gar mi 'ong/ slon lud pas bkar mgo dang lus dang rkang lag lci/
 mchil ma dang bad kan mang du 'ong/ chim bas 'debs dpugs mi bde skad 'gag/ pho ba'i drod nyams pa de lta bu'i nang du 'gyur ro/ /nad de lta bus btab ste/ gso dka' ba dang/ sla ba'i bye brag tu lta ba ni rlung dang mkhris pa dang bad
 kan gyi nad kun kyang rgyas pa pho ba'i dod ni nyams te chung bad kan cher rgyas pas pho ba'i nang 'gags shing chod de rtsa thams cad kyis go 'gags nas lus kyi srog zungs bdun dang/ bshang gci dang rdul dang rlung dang mkhris pa dang/ bad kan yan chad
 lus la yod pa rnam pa bcu gsum gyi drod chung ngur 'gyur ro/ /pho ba'i mo drod des log par tsha zhing 'tshig par byed pas kha zas zos pa'i bcud de zhu bar ma byas pas khrag dang sha la sogs par mi 'gyur la/ kha zas zos pa'i bcud de bad kan du
 gyur nas slar khar 'byung bar byed/ kha zas lto na yod pa yang zhu zhing bcud du gyur ba ni mi byed kyi dri? ma bshang gci thur du 'gro ste/ de lta bas na khrag dang sha? la sogs pa lus kyis srog zung nyams ma tshag tu lta bar mi 'gyur bas/ kha zas ma
 zhu ba bcud du mi 'gyur ro/ /bcud du mi 'gyur na khrag tu mi 'gyur/ sha la sogs pa'i srog zungs su ga la 'gyur te/ lto ba'i nang na bshang gci 'bab zhig tshogs kyis lus rgyas te/ de'i phyir lus sha kun ni med par gyur pas na zad byed kyi nad glo?
 gcod zhes bya ste/ nad thabs 'di ltar sna ma tshang ste/ dkyil chung yang nad pa'i nyams ma tshag chung ste/ sman btang mi bzod pa dang na nas yun rings ba de lta bu ni sman btang mi bzod de gsor mi rung ngo/ /nad thabs 'di ltar na nas ring po ma lon? gas?
 nyams mchag gis thub ste/ sman pa dang bzod na gsor ru'o/ /skad su bzhi shing 'gags pa'i nad thabs sna drug bshad pa skad subs shing 'gags pa yang du rung nad dam mkhris pa 'am/ bad kan gyi nad sna tha dad? pa las kyang gyur/ nad? 'di?
 gsum char 'dus pa las kyang skad 'gags par 'gyur/ yang la las ni zad byed kyi nad glo gcod las kyang skad 'gag/ tshil las gyur pa'i nad kyis kyang skad 'gag ste/ de ltar skad 'gags te de rnams las 'byung ngo/ /de la rlung nad las gyur ba'i
 skad 'gags pa'i nad thabs ni/ skad kyi gsang dma' zhing subs bag tu zer/ lus rmyal khong rtsub skad 'gyur gre ba'i nang gra mas? gang ba tsam du rtsub ste/ mgul ba'i nad bad kan gyis skyang nul du 'byung ba snyam byed na gre ba'i nang ngar? dang zer te
 skad mi phyin cing 'gag go/ rlung nad dang mkhris pa dang bad kan gyi nad 'di gsum char las gyur te/ skad 'gag na ni nad thabs gong ma dang sna gsum tshar tshang bar na bskad? subs so/ /zad byed kyi nad glong gcong las gyur te/ skad 'gags na ni gre
 ba'i nad na rtsub bos drung ba snyam byed la/ gre ba nas she'u rul lam/ bad kan dud khe lta bu 'byung zhing rab tu na'o/ /tshal nad las gyur ba'i skad 'gags pa'i nad thabs ni bad kan las gyur ba'i nad thabs dang 'dra'o/ /de la skad 'gags
 pa'i nad 'di rnams kyi nang na gong ma'i nad lnga po gang yang rung ste/ tshig gsal par mi phyin la legs par gsor mi rung zhing/ skad phyir sub pa de dag gso dka' o/ /tha ma'i tshol? nad las gyur te skad subs pa 'di yang gso dka' ste thong
 zhig/ yig mchus pa'i nad thab sna lnga bshad pa/ rlung nad dam mkhris pa'i nad dam/ bad kan gyi nad/ nad dmigs tha dad pa gang yang rung ste/ lce 'am/ pho ba la gnas na yig mchus par 'gyur ro/ /de yang ji ltar zhe na/ rlung las gyur
 na kha'i nad? ro kha'o/ /bad kan las gyur na kha'i nad? ro mngar bar bro ste yi ga mchu'o/ /rlung dang mkhris pa dang bad kan gsum char las gyur na/ de'i? nad ro bro ba med do/ /mya ngan gyis btab ste/ snying mi dga' zhing yig 'chus na rlung nad las
 gyur pa yin no/ /khro ste rdam? pa las yig 'chus na/ mkhris pa'i nad du gyur pa yin no/ /de lta bas na yi ge 'chus pa'i nad dmigs rnam pa lnga ni de lta bu yin no/ /slon pa'i nad thabs sna lnga pa'i shad? ba/ skyug? bro zhing slon bar gyur
 pa'i nad thabs ni rlung ngam mkhris pa 'am bad kan gyi nad tha dad pa las slon par 'gyur ba dang/ rlung dang bad kan mkhris pa'i nad gsum char 'dus pa las slon par 'gyur ba dang/ yid du mi 'ong zhing skyug bro bar gyur pa'i dngos po mthong bar?
 las slon par 'gyur ba dang de lnga'o/ /nad thabs 'di lta bu gang yang rung bas btab pa dang/ stong du rgyu ba'i rlung brang dang/ nang chong ni 'dug pa des gyen du slong zhing phul te thams cad slon par byed do/ /slon pa'i thabs ni khar mchil la bra stad? pa
 'byung la/ dang ka mchu kha'i nang lan tsha'i ro bro la yi ga rab tu 'chu zhing slon par byed do/ /'di ni slon to cog spyi'i nad thabs yin no/ /de la rlung nad las gyur ba'i slon pa'i nad thabs ni lta ba dang rgyab tu zug ste/ na rtsi ba logs su 'ang zug ste/ chung zad?
 chung zad skyug cing bar chad la/ skyug pa'i ro bska zhing dbugs can du 'byung ste/ sgregs pa dang bcas pa 'ong?/ skyugs pa mdog gnag pa dang/ khong nas slon pa'i tshe khong nas slong zhing phul ba'i shugs drag la/ skyugs pa mang po ma'i? byung ba
 ni lud pa lu ba kha sma// snying dang klad pa na skad la gnod de 'gag khong snyom pa de lta bur gyur na rlung nad kyis slon pa'i thabs yin no/ /de la mkhris pa las gyur pa'i slon pa'i nad thabs ni skyur pa thal khu bzhin rtsa dmar la dud pa
 lta bu ljang gu sngo rtse ser/ skyugs pa'i nad na khrag kyang yod la/ ro skyur la skyugs pa che ste/ drod che skom dang che ba rgyal lus gyi nang du tsha ba'i nad thabs de lta bur slon to/ /de la bad kan las gyur pa'i slon pa'i
 nad thabs ni slon pa'i skyugs pa'i mdog snum zhing khang bsil bad kan du slon pa de na lan mi byed de ring du drang du rung la/ skyugs pa'i nad na chu bu'i? lta bu'i ?? po yod/ slon pa'i ro mngar ba lan tsha dro? don ma'i? thabs che ba te ba spu langs te/ sha dang spu ba? ? ste reg mi
 bzod/ kha gdong skrang kha'i nang ro mngar bar bro/ blong blong bor 'dug snying gnas na? tshil ma mang du 'ong pa'i nad thabs 'di lta bu yin no/ /rlung dang mkhris pa bad kan gsum char las gyur ba'i nad thabs ni nad sna gsum gyi nad thabs thams cad tshang par na zhing
 slon to/ /de la yid du mi 'ong zhing skyug bro ba'i dngos po mthong na slon pa ni rul? pa dang mi gtsang ba dang/ gtsog pa dang skyug phro? bar 'gyur ba de lta bu mthong ba mthos pas skyugs bro ste slon par byed do/ /slon pa 'di lta'i nad thab ma gang yang rung ste/ 'chi
 bar 'gyur ba'i ltas sam/ mtshon ma ngan pa byung na gsor mi rung ste/ dpyad ma byed cig snying na pa dang/ lton srin bu yod pa'i nad thabs dang/ skom dang che ba'i nad thabs dang/ pho ba na be'u snabs yod pas mchin pa na ba la sogs pa'i nad
 thabs bshad pa'o/ /snying na pa'i nad thabs ni snying na ba yin no/ /khong na srin bu yod na lhag par na ste/ snying na ba dang/ srin bu'i thabs kyi tshul nad thabs rnam pa lnga yod do/ /de la rlung nad las gyur pa'i snying na ba'i nad thabs ni rab tu na la zug cing na
 ba de yang so sor 'phro bar byed/ brdungs sam bcom pa snyam byed/ snying de nags pa snam? byed/ gsher bag med cing stong par gyur ba snyam byed/ blo bur du sems zhum par byed/ snying mi dga' 'jigs/ sgra grag na mi bzod 'phar zhing ba dang/ gzugs pa
 snyam byed/ rmongs bag tu gyur te dbugs 'chad/ gnyid chung/ nad thabs 'di lta bur gyur na rlung nad las gyur pa'i snying na ba yin no/ /mkhris pa'i nad las gyur te snying na pa'i nad thabs ni sgom? dang che/ mgo 'khor brgyal/ khong tsha lus rdul/ thod ka dang gre
 ba nas yas skyur lus snyong zhing sgying skyur skyugs pa dang mkhris pa dang ro skyur par bro la dud khar 'ong/ sha mdog ser rims kyis kyang 'debs so/ /bad kan las gyur pa'i snying na ba'i nad thabs ni snying rengs pa snyam byed/ snying na
 rdo ba yod pa snyam byed/ khur thod kar blangs pa snyam byed de/ lud pa lu pho ba'i drod nyams kha nas bad kan dang mchil ma mang du 'byung/ /gnyid che khong snyom zas yi gar mi 'ong/ rims kyis 'debs pa'i nad thabs ni 'di lta bu yin no/ /rlung dang mkhris pa'i
 nad dang bad kan gyi nad gsum char 'dus pa las snying na ba'i nad thabs ni nad sna gsum gyis nad thabs kun tshang bar na bar 'gyur ro/ /srin bu yod pa'i nad thabs ni mig spyir cung zad gnag mun par zhugs pa snyam du mi dran/ snying na lus skam/
 lus g.ya' kha nas chu 'dzag/ mtshan dogs thog thag tu sog les drung ba snyam du tsha bar byed na srin bu yod pa yin no/ /srin bu'i nad thabs drag po 'di lta bu ni myur du gnod par 'gyur ba yin no/ /dpyad myur du gyis shig/ de la skom dang
 lhag par che bar gyur pa'i nad thabs ni/ rlung dang mkhris pa bad kan so so la skom dang che bar gyur pa dang/ gsum 'dus pa las gyur pa dang/ rims nad kyis btab pa las skom dad che bar gyur pa dang/ nad thabs drug yod do/ /skom dang skyes so
 cog ni rlung dang mkhris pa gnyis rgyas pa'i gzhis srog zungs bdun 'phrogs snyoms shing 'dug pa las dkrugs te nad bslangs nas/ dang po bskams par byas pas lus thams cad 'dar/ mgo 'khor/ lus tsha/ skom dang tsha/ khong tsha/ rmongs
 par byed/ lce'i drung dang/ mgul ba dang/ glo dang/ bad kan dang skom 'thungs brtsar 'gro ba rnams bskams pa 'di lta bu'i nad gzhi las skom dang che ba'i nad du 'gyur ro/ /de ltar nad sna drag las skom dang cher skyes pa'i nad thabs kyi spyi ni/
 kha bskams te skom 'thungs kyang mi ngoms la zas? mthong na khro/ /skad 'gag/ gre ba dang mchu dang lce rnams rtsub bor gyur la lce 'byin par byed/ khong snyom tshig mang du smra sems myos pa yin te/ skom gyis gdungs pa'i nad dam/ skom 'gags pa'i
 nad du gyur pa sngar bshad pa'i dmigs de dang 'dra bar nad du 'gyur ro/ /de la rlung nad las gyur pa'i skom dang che ba'i nad thabs ni khong rmya nyams dman/ mu 'gram du zug /klad pa 'khor/ snas dri ci bro ba mi tshor/ lces kyang ro ci bro mi tshor/ rna bas kyang sgra mi
 thos/ gnyid med nyams mtshag zas chu grang mo 'thungs na nad la phan par 'gyur ro/ /mkhris pa las skom dang du gyur na brgyal kha'i nang rol ro kha ba bro/ mig lam du dmar ba mthong rtag par kha skam/ khong cha dbugs mnam mo/ /bad kan las gyur pa'i
 skom dang skyes pa'i thabs ni dang po bad kan gyis nad du 'gags shing chod pas rlung 'gags te 'khrugs pas skom 'thungs pa rtsar 'gro ba'i rtsa sgo de rlung des 'gags nas bad kan 'jim rdzab 'dra ba de yang rlung gis bskams pa dang/ mgul pa'i nad
 gra mas gang ba bzhin du tsha la rtsub gnyid che/ /ba'i nang ro mngar bar bro/ lto lbo mgo bo yo yo pho la nyams mthong bag tu 'gyur/ slon kha zas? yi gar mi 'ong/ lus snyoms zas mi 'ju'o/ /rlung dang mkhris pa dang bad kan gsum ka'i nad las
 gyur te/ skom dang skyes pa na ba'i nad thabs ni rlung dang mkhris pa dang bad kan gyi nad dmigs so sor bshad pa'i nad thabs thams cad kun tshang bar na ba yin no/ /pho ban be'u snabs yod pa las skom dang skyes pa dang/ mgul par kha zas thogs te/
 ming du mi rung ba yang skom pa'i lan yin te/ 'di yang rlung dang mkhris pa'i nad las gyur pa yin no/ /pho ba'i me drod ha cang che ba la/ skom ha cang drags sam mngas na yang skom dang kyi nad du gyur te/ zas snum bag zos pa dang/ zas lci ba dang skyur bag dang lan
 tsha tsha ba bag zos pa 'di lta bus kyang bad kan skyes pa'i skom dad? kyi nad du 'gyur ro/ /bcud dang zas zad pa las skom dad du gyur na ni glo gcong zad byed kyi nad thabs bshad pa dang 'dra'o/ /rims nad las skom dang skyes pa'i nad
 du gyur pa ni lus kyi khong bskams par gyur pa lta bu dang/ zag gur gyur pa lta bu dang/ rims la sogs pa nad yun ring por btab pa'i nad de lta bu gang yang rung/ na ba las skom dad skyes pa'i nad du gyur pa de ni rims nad kyi rang bzhin gyi nad
 thabs dang 'dra bar bshad do/ /nad gzhi bshad pa'i le'u lnga pa rdzogs so// //chang gi nyes dmigs dang/ nad thabs la sogs pa bshad pa'i le'u drug pa bstan par bya'o/ /chang gi rang bzhin dang ro'i bye brag ni spyir rnam pa bcu ste
 gang zhe na/ rno ba drod che ba rtsub pa drag pa skyur ba bud med dang phrad par 'dod lus la myur du khyab par byed/ lus 'bar te mdangs can du 'gyur/ 'phral du gsal bar byed do/ /mi'i khong na mdangs zhes bya ba yod pa de ni bye brag bcu'i tshul
 du gnas te/ chang gi tshul 'di bcu las bzlog par blta'o/ /drug kyang rno ba la sogs pa rnam pa 'di bcu'i tshul du gnas mod kyi de ni ha cang drag ches pas sems ma rungs par byed/ 'chi bar byed do/ /chang gi mthu'i yon tan ni/ rno ba dang/
 drod che ba la sogs pa yin no/ /mi'i khong na mdangs yod pa'i yon tan ni rdul ba la sogs pa'i yon tan rnam pa bcur blta'o/ /de la chang gi yon tan rnam pa bcus ni mi'i khong na mdangs yod pa'i yon tan rnam pa bcu gnas par
 byas nas sems bsgyur te/ khrid pa de ni ra ro ba zhes bya'o/ /de la dang po chang 'thungs pas/ thog ma bzi ba ni snying dga' ste/ gtam dang bzhad gang byed par 'gyur pa yin no/ /de bas mang du 'thungs te ra ro ba ni rigs pa dang/ mi rigs pa cal
 col? 'phren par byed pa dang/ bag med par gnas la rnam par rtog pa ngan pas bcos nas sems rmongs pa ste/ bde ba ma yin no snyam du bsams nas 'khrul par byed do/ /de ltar chang gi 'bring tsam du ra ro ba dang/ gtu lum nyid du khom par ma gyur pa'i bar
 gyi tshe ni rdul dang mun pa'i rang bzhin zhes bya'o/ /de la rdul gyi rang bzhin ni tshig cal col mang du smra ba yin no/ /khro nga rgyal che ser sna byed pa de lta bur 'gyur ro/ /de la mun pa'i rang bzhin du gyur pa zhes bya ba ni 'jigs pa'i sems med gnyid bro snyom snying la
 brtsams pa med par sems pa ste/ de lta bu ni glang po che smyon pa 'am sprul po che btags pa las shor ba dang 'dra ste/ ci la yang mi byed pa yin no/ /de lta bu'i tshe ni dang tshul ngan pa'i rang bzhin kha na ma tho ba rnams kyi gnas su gyur pas chang gcig pu
 las rang 'gro'i lam du mang po ston par byed do/ /gsum pa'i tshe rab tu ra ro ba ni shi ba bzhin tshor ba med par nyal te 'dug go/ de ni shi pa bcas kyang sdig pa'i rang bzhin du 'gyur ba yin te/ de'i tshe ni rab tu sdig pa la/ gnas pa zhes bya'o/ /de bas
 na chang la zhugs shing myos pa ni chos dang chos ma yin pa dang/ bde ba dang sdug bsngal ba dang/ don dang don med pa dang/ phan pa dang gnod pa'i dmigs mi shes par byed pa yin na de la lta mdzangs pa su zhig bsten par byed chang gis ni myos par byed/
 'jigs pa dang mya ngan du 'gyur/ khros pa dang srog gi bdud du 'gyur ba de lta bu yin smyo byed kyi nad dang/ brjed byed kyi nad dang/ myos pa dang brgyal bar gyur pa dang nad kyis 'debs par 'gyur ro/ /de lta bas na chang gcig pus dran pa nyams par
 byas pa de lta bu las nyes pa thams cad 'ong bar 'gyur na chang gi nyes dmigs rnam pa lnga bo lta bshad kyang mi dgos te/ de lta bas na chang lta smos kyang mi dgos kyi/ kha zas mi rigs pa zhig zos na yang nad du 'gyur ba'i chi bar 'gyur ba yin no/ /yang chang gi nyes
 dmigs ni mis bsgrub pa'i mdo nor dang/ longs spyod dang thar pa'i lam don du gnyer bar bya ba dang/ 'di gsum dang bro dang bstan par bya ba dang/ khrel dang ngo tsha shes par bya ba la sogs pa 'di lta bu yang med par byed do/ /de la chang la sra ste/
 chang 'thungs kyang ha cang ra ro bar mi 'gyur ba ni nyams mtshag yod de tshor ba dang/ sngar kha zas zos pa dang/ kha zas cher za ba phod pa dang/ rtag tu kha zas snum bag za ba dang/ snying stobs che ba'i mi dang/ na tshod dar la bab ste gzhon pa dang/
 rtag tu chang mi 'chad par 'thung ba lta bu dang/ pha ma'i rgyud kyis rtag tu chang 'thung 'thung bar gyur pa dang/ lus tshil dang bad kan gyis shas che la/ rlung dang mkhris pa'i shas ni chung/ pho ba'i me drod ni che zhing brtan par yang yod pa de
 lta bu ni chang la sra ste/ 'od 'dor ra ro bar mi 'gyur ro/ /de la chang la snyi ster ro zhing myos par 'gyur ba'i mi ni chang la sra ba'i dmigs sna re re nas bshad pa de las bzlog na/ chang la snyi zhing ra ro bar 'gyur/ chang la brkam zhim drag du 'thungs pa dang/ spro thung
 zhing khro ba lta bu ni chang la snyi zhing myur du ra ro bar 'gyur ro/ /de la chang gi nang na myur du ra ro bar 'gyur ba ni chang sar skyur zhing skyur ba lta bu mang du 'thungs na myur du ra ro bar byed/ de la chang nad kyi thabs kyang rnam pa bzhi ste/ rlung nad dang mkhris pa'i nad dang
 bad kan gyi nad dang/ 'dus ba'i nad rnam pa bzhi las 'byung ngo/ /yod ni chang las nad du gyur na yang rlung dang mkhris pa dang bad kan gyi nad kun tshogs par 'byung mod kyi/ ming ni rlung las gyur pa zhe 'am mkhris pa'i nad las gyur pa zhes
 so so 'degs so/ /de la chang nad do cog spyi'i nad thabs ni rab tu rmongs par 'gyur/ snying mi dga' tshad par 'khru rtag tu skom grang ba'i rims sam tsha ba'i rims kyis 'debs klad pa na/ rtsib logs kyi rus pa zug cing na/ lus dang rkang lag 'dar/
 lus kyi srog gi gnad kun bcad dam brdungs pa snyam byed rkang pa na brla na mig rab rib khyer/ lud bas bkar dbugs mi bde/ mtshan mo gnyid med lus rdul bshad pa thur du 'thung ba 'dra bar 'ong/ lus skrang sems rmong bag tu byed de
 'dis? 'chad nang do cog spyi'i nad thabs yin no/ /de las chang las rlung nad du gyur pa'i nad thabs ni/ nad thabs gzhan ni gong ma dang 'dra la de las lhag par gnyid mi 'ong ngo/ /dbugs mi bde klad pa'i spyi bo logs su na/ rmi lam phan
 tshun du 'gro ba gnam la 'phur/ gshin ngogs lta bu dang/ lhan cig gtam zer ba de lta bu yin no/ /chang las mkhris pa'i nad du gyur pa'i nad thabs na/ tsha ba'i rims kyis 'debs so/ /lus rdul rmong bag tu 'dug /tshad
 pas 'khru skom dang che/ mgo bo 'khor/ mig rtsa dmar zhing rtsa ser mkhur tsos dmar por 'gyur ro/ /chang las bad kan gyi nad du 'gyur ba'i nad thabs ni slon snying na zhing mi dga' / gnyid che lus dang rkang lag 'dar
 khong lci'o/ /chang las 'dus pa'i nad du gyur pa'i nad thabs ni nad sna gsum gyi nad kun tshogs par na bar 'gyur ro/ /chang rtag tu 'thung ste goms par gyur ba lta bu las chang cig car bcad de phyin chad mi 'thung ba de
 yang nad rnam gnyis su 'gyur te 'joms byed ces bya ba'i nad dang/ lus bskams ba'i nad dang rnam pa gnyis su 'gyur ro /ci lta zhe na chang bcad pas rlung nad drag tu g.yo ba dang nyams tshags lhag par drag tu 'bri bar gyur pa
 las mchil ma dang/ bad kan phyir 'dor bas mgul skam gnyid rab tu che ste/ sgra rnams drag pa mi bzod pa dang blang bag tu gyur ba de ni 'joms byed kyi nad ces bya'o/ /de la bskam par 'gyur ba'i nad thabs ni dpung ba dang klad
 pa na snying dang mgul ba na mong mong por 'gyur lud pa dkar skom dang che skyugs pa mi 'byung bzhin du skam skyigs bus phul zhing skyug /rims kyis 'debs pa de lta bu'i nad du 'gyur ro/ /sa yang rung bag chang
 bcad de thub pa de ni nyes dmigs kun thub pa'i rang bzhin can yin/ blo dang sems sngon gyi sar chud de/ dran zhing gsal ba yin no/ /lus dang sems kyi spyod pa 'khrul pa nam yang mi 'byung ba yin no/ /yang chung 'thungs te ra ro ba
 rdul gyi skyon las nad du gyur pa dang mun ba'i skyon las nad du gyur pa dang/ kha zas mi 'phrod cing gnod par zos pas bcud dangs ma rgyu ba'i rtsa dang khrag rgyu ba'i rtsa rnams/ sems 'jug pa'i rtsa rnams 'gags pa las nad
 rnam pa gsum du 'gyur ro/ /gang zhe na myos pa dang brgyal ba dang nad 'di rnam pa gsum lta bur gyur te nad dkyel yang go rim bzhin che'o/ /de yang myos bar 'gyur ba'i nad gzhi ni rlung dang mkhris pa dang/ bad kan gyi nad
 la myos bar 'gyur ba dang/ rlung dang mkhris pa dang bad kan gsum 'dus pa myos par 'gyur ba dang/ khrag nad las myos par 'gyur ba dang chang las myos bar 'gyur ba dang/ dug gis kyang myos par 'gyur ba de lta bu'i
 nad du 'gyur ro/ /de la rlung nad kyis myos bar 'gyur ba'i nad thabs kyi tshul ni mang du smra ba la chags/ mang du smra tshig brkam par smra/ lus kyi byed pa rnams 'khrul cing g.yo ba'i bag yod/ lus rtsub la mdog gnag rtsa dmar/ 'di
 lta bu ni rlung nad kyis myos ba zhes bya ba yin no/ /de la mkhris pa'i nad kyis myos pa'i thabs ni khro bzhin mdog dmar la ser bar snang tshig cung zad tsam gyi phyir yang 'thab par dga' ba de lta bu yin no/ /bad kan gyis myos ba'i nad
 thabs ni bzhin mdog rtsa dkar ci yang mi smra mi byed par 'dug cing le lo che bar gyur ba de lta bu yin no/ /rlung dang bad kan dang mkhris pa gsum char 'dus pa las myos pa'i nad kyi thabs ni rlung la sogs pa rnam pa gsum ka'i myos pa
 dang 'dra'o/ /khrag nad kyis myos pa'i thabs ni lus kyi yan lag rengs te rkyang bskum mi nus mig kyang phye btsums mi nus te hang bag tu 'dug la mkhris pa'i nad kyis myos pa'i tshul dang yang 'dra bar blta'o/ /chang gis ra ro ste myos
 pa'i thabs ni skad kyi gdangs dang/ tshig dang lus 'gyur tshig gi smra ba dang lus byed pa rnams 'khrul bar byed do/ /dug gis myos pa'i nad thabs ni lus 'dar gnyid rab tu che gong ma'i nad thabs kun las lhag pa nad che ba de
 lta bu yin no/ /de la rlung la sogs pa rnam pa bdun gyis myos ba'i nad kyis 'debs par shes par bya'o/ /de la rlung la sogs pa rnam pa de bdun gyis snying stor za brgyal bar 'gyur pa'i nad thabs kyi dmigs ni rlung dang mkhris
 pa la sogs pa lta bu so so'i nad thabs kyi rtags gang che ba las/ so so'i nad dmigs yin par shes par bya'o/ /de bzhin du khrag rgyas pa dang/ chang nad dang dug gis phog ste brgyal ba yang de bzhin shes par bya'o/ /de la
 rlung nad kyis brgyal bar gyur ba'i nad thabs ni nam mkha' la mig lam du sngo dmar ram nag po mthong la de nas mun thibs zhes byed de brgyal/ de nas myur du sangs par 'gyur ba'i 'og tu snying 'dar/ klad pa 'khor lus sha skem bzhin
 mdog gnag la rtsa dmar te spyir rmug pa 'di lta bur gyur na rlung gi rang bzhin las gyur pa'i brgyal ba'i nad thabs zhes bya'o/ /de la mkhris pa'i nad las brgyal bar gyur pa'i nad thabs ni gyen du nam mkha' la rmi
 lam du dmar po 'am/ ser por mthong nas mun thabs zhes byed de brgyal lo/ /de nas sangs nas kyang/ lus rdul khong tsha skom phyi rol gyi sha thang tsha bas gdungs/ tshad pa'i mdog ser po 'am sngon por 'khru /mig
 lam du dmar po dang ser po long long por snang ba'i nad thabs 'di ni mkhris pa las brgyal ba zhes bya'o/ /de la bad kan gyi nad kyis brgyal bar 'gyur ba'i nad thabs ni/ rmi lam na sprin 'dra bar dkar po'i bag mthong nas/ mun thibs zhes byed de
 brgyal nas yun ring du lon pa dang/ gdod sangs te sangs nas kyang/ snying na kha nas mchil ma dang/ kha chu mang du 'byung/ kha mig thom bag tu 'gyur la lus dang rkang lag pags rlon gyis dkris pa bzhin du lci ba lta bu ni bad kan gyis brgyal
 ba'i nad thabs yin no/ /rlung dang mkhris pa dang bad kan gyis brgyal ba'i nad thabs ni brjed byed kyi gdon nad kyis btab ba'i nad thabs dang 'dra la lus myur dus la 'gyel te/ brgyal zhing mi dran te de'i tshe sngar mi sdug cing 'jigs pa'i tshul du byed
 pa 'am/ ngan skyugs la sogs pa 'byung ba ni med de/ nad thabs gzhan ni rlung dang mkhris pa dang bad kan gsum char gyis brgyal ba'i thabs dang 'dra'o/ /de ltar snying stor brgyal nad rlung dang mkhris pa dang bad kan la sogs pas myos pa
 dang brgyal bar 'gyur te/ nad tshabs che yang sman dpyad bya mi dgos par nad du bcing rang zhi bar 'gyur ro/ /nad kyis btab pa ni sman dpyad ma byas par rang dub cing 'tshor mi rung ngo/ /de la nad ni lus dang ngag yid kyi las byed pa dang 'di
 bzhin la/ rlung dang mkhris pa dang bad kan gyi nad dkyel cher zhen te nad kyi mthu cher gyur pa dang/ rlung dang mkhris pa dang bad kan gyi nad rnams 'dus nas srog la bab ste der gnas shing brten par gyur ba dang/ nad des mi de shi ba dang
 'dra bar byas te shi ba bzhin du 'dug pa de ni 'dus nad kun tu zhugs pa zhes bya ste/ nad 'di ni 'dus pa'i rims nad kyis btab pa'i rjes la 'byung ba zhes bya ste/ nad 'di la myur du rengs par dpyad ma byas na/ dper na mtsho gting zab mo'i nad du chu srin 'dug pa de lta bu'i drung/
 gang ga'i g.yangs na lhung la thug pa dang 'dra bar 'dus nad kun du zhugs pas btab pa yang de dang 'dra ste de lta bu'i nad pa la dpyad myur du gyis te gsos shig /chang nad dang rlung dang mkhris pa dang/ bad kan gyi nad kyis myos pa dang/ snying stor brgyal nad dang/ 'dus nad
 kyis shi ba dang 'dra bar na ba'i thabs bshad pa ste le'u drug pa rdzogs so// //gzhang 'brum gyi nad gzhi bshad pa'i le'u ste bdun pa bshad par bya'o// //gzhang 'brum gyi nad du gyur ro cog gi gzhi ni zas gnod pas rlung dang mkhris pa dang/ bad kan gyi
 nad las langs te sha dang pags pa dang/ tshil las zhugs pa dang gnod pa byas nas/ gzhang 'brum gyi nad sna tshogs su 'gyur ro/ /gzhang 'brum gyi nad ni zas mi 'phrod pa las ldang bar 'gyur ro/ /de la gzhang 'brum gyi nad de yang mdo rnam gnyis te/ dang po btsas pa nas
 nad dang lhan cig 'byung ba dang/ phyis gzhang 'brum gyi nad 'byung ba yin no/ /de la yang rnam pa gnyis te/ gzhang 'brum dkar po dang/ gzhang 'brum khrag tu zag pa'o/ /gzhang ni rgyu ma sbom po la brten cing 'dug go /de la gzhang 'brum gyi nad 'byung ba ni bzhang
 dkar por phyed dang lnga man chad kyi nang na gnyer ma rim pa gsum yod pa gnyer ma re re la sor phyed dang gnyis gnyis te/ de ltar gnyer ma'i rim pa gsum po de la sor phyed dang lnga yod par 'gyur ro/ /de la phugs gnyer ma'i ming ni phyir phul ba zhes bya bar gyi gnyer ma'i ming ni phyir ser ba zhes bya/
 gzhang kha'i gnyer ma ni 'dzums pa zhes bya ba gzhang kha'i phyi rol sor gcig tshun chad kyi nang du 'brum bu 'byung ba la yang gzhang 'brum yin no/ /gzhang khor yug sor gcig po ma gtogs pa/ nas kyi srid phyed dang gnyis kyi khyon kho ra khor yug ma
 gtogs pa phan chad ni sbu skye ste/ sbu byung byung ba de phan chad du byung ba ni mtshan par rdol gyi nad ces bya'o/ /de la dang po btsas pa nas gzhang 'brum gyi nad dang lhan cig 'byung zhes bya ba ni/ thog mar pha dang ma kha zas mi 'phrod
 pa zos pa las sa bon nad can du gyur ba de lta bus bu byung na gzhang 'brum gyi nad du 'gyur ba yang yod/ la la ni sngon gyis sdig pa'i las nad du 'gyur ba yang yod do/ /nad dmigs 'di lta bu rnam gnyis las nad bslangs te nad gzhi 'di gnyis
 'dus pa'i gzhang 'brum du gyur pa dang/ nad dmigs gzhan las gzhang 'brum gyi nad du gyur kyang rung ste/ mdor na pha ma'i rigs las gyur pa'i nad thams cad dang/ dang po btsas pa nad gzhang 'brum gyi nad can du gyur pa 'di ni lhag par gso
 dka' o/ /yang gzhang 'brum rtsub por 'dug pa dang/ gzhang 'brum phugs su byung ste/ blta dka' ba 'di yang gso dka' o/ /yang gzhang 'brum mdog dkar po byung ba dang/ gzhang 'brum byung ba las nad thams cad du gyur te/ nad gzhan yang gzhang 'brum
 gyi nad rnam pa drug yod de/ gang zhe na/ rlung dang mkhris pa dang/ bad kan gsum gyi gzhang 'brum so sor 'byung ba dang/ rlung dang bad kan gyi nad sna gnyis las gzhang 'brum du gyur pa dang/ kun 'dus pa las gyur pa yang smos so/ /dri ma brtsags
 pa las gzhang 'brum du 'gyur ba dang/ khrag nad las gzhang 'brum du 'gyur pa de dang drug go/ de la rlung dang bad kan las gzhang 'brum du gyur pa ni gzhang 'brum dkar po'i khrag dang/ mkhris pa gnyis las gzhang 'brum du gyur pa
 ni gzhang 'brum rlon pa zhes bya ste/ khrag tshad du 'gyur ro/ /gzhang 'brum gyi nad gzhi sngar bshad pa 'di lta bus nad brlang nas khong pa nang gi pho ba'i drod bris ste nyams pa dang/ de nas gzhang 'brum gyi nad dkyel du gsogs shing 'dug
 pa la de'i steng du bud med la ha cang drags pa lta bu dang/ bzhon pa mi bde bas khong 'khrugs pa dang/ stan mtho dman can mi bde ba dang/ ? srab la rkub sten cog bur bcas pa dang/ lgang ba'i gce'u nas sman mas btang ba dang/ bshang ba'i 'og tu jo ba 'am phag
 dum mam/ bod pa 'am lag pa'i thal mo 'am ra sta 'am 'di lta bus phyis drags te gzhang kha snad pa dang/ chu bar du grang bas rkub bkrus te/ grang ba khong du zhen pa dang/ rtug skam kha srab ha cang btsir drags te gzhang snang pa dang thur du dbugs
 byung ba dang/ gcin snyom pa dang/ bshang ba 'ong ba la mnags shing ma btsal ba dang/ 'di rnams mi 'ong bzhin nan gyis btsir ba dang/ rims kyis btab pa dang/ skra nad tshad bar rab tu khrus pa dang/ pho bar be'u snabs chags pa dang/ 'or nang
 dang skya rbab kyi nad dang/ ring de skem par gyur pa dang lus la gnod par 'gyur ba'i dpyad dam/ lus kyi las su 'gyur ba'i gnod par 'gyur ba'i bag byas pa dang 'di rnams lta bu las gzhang 'brum gyi nad du 'gyur ro/ /yang bud med la
 gzhang 'brum 'byung bar 'gyur ba'i dmigs ni byis pa zla grangs ma tshang bar rum nas 'phyil te byung ba lta bu dang/ zla grangs tshad ste bu cha bar gyur ba'i bu nad kyis gzir ba 'am/ 'byung ba'i dus la yol bar gyur pas gzir te nad du
 gyur pa lta bu 'am/ gzhang gnang na thur du sal ba zhes bya ba'i rlung zhig yod pa des rlung ngam/ mkhris pa 'am/ bad kan gyi nad bslang nas gzhang gnang na gnyer ma gsum yod pa'i phrag tu zhen tam/ yang na rlung nges thur du bshad
 ba'i dri ma gnyer ma ni phrag tu song bar byas pa de las gzhang 'brum du gyur te khrag tshang du 'ong ngo/ /de la gzhang 'brum gyi nang 'ong bar gyur na/ sngar na ba'i nad thabs ni po ba'i drod nyams te bri dri ma thur du byung ba sre ste/ skam bag tu 'ong/
 brlan byin pa'i nyan mgo 'khor/ lag ngar na mig skrang yang na ni thur du tshed par 'khru/ yang na ni sri ste 'od du mi rung ngo/ /lte ba'i 'og na rlung che ste/ khong na khru lu lu zer/ rlung de dag kyang phal cher lte ba'i 'og man chad du rgyu
 zhing zug ste na la/ rgyu ma dang gzhang gi nang na bcad pa snyam byed rlung thur du 'byung/ /gsal por 'byung ba yang sgra can du 'byung/ /rgyu ma'i nang na sgra khru lu lu zer la lto lbo/ /khong rmya zhing sgregs pa sgra can du cher 'o/ gcin ni rab tu mang
 bshang ba'i dri ma ni babs chung ngu 'ong/ kha zas yi gar mi 'ong/ skyugs pa dung ka la ro skyur bar 'ong/ klad pa dang brang rgyab tu zug cing na khang snyoms bzhin mdog mi sdug par 'gyur/ /nyams glo bag tu 'gyur/ dbang po rnams
 nyams shing mi gsal la khro bar 'gyur/ phan pa'i dpyad bstan cing bsgo na bka' blo mi bde ste/ nad thabs 'di lta bur gyur pa la sman pa the tshom zos te mtshin chad rnying ldang dub tu 'khru ba'i nad dam/ 'or nad dam/ skya rbab kyi nad dam/
 skran nam dmu rdzing lta bu'i nad dmigs lta bu gang yin mi shes na/ nad thabs rnam pa de snyed du na ba de nyin cig nad ldang zhing tshabs che bar gyur na gzhang 'brum gyi nad 'byung bar 'gyur ro/ /nad thabs 'di lta bus btab pa'i rjes la gzhang
 'brum gyi nad 'byung bar 'gyur te/ gzhang gi nang na thur du sel ba zhes bya ba'i rlung zhig yod de phyir log ste gyen du 'khyil nas dri ma bshang pa 'gags te 'byung du mi rung bar 'gyur ro/ /bshad pa 'gags pas khor pa'i nad na rlung
 gzhan yod pas dbang po rnams dang lus kyi nad thams cad dkrugs te nad bslangs de bzhin du bshang gci dang mkhris pa dang bad kan khong na yod pa dang/ lus kyi srog zungs bdun dang/ 'di rnams kyang dkrugs te bslang na tho ba'i ma
 drod kyang nyams te chung ngu gyur nas/ gzhang 'brum gyi nad 'byung bar 'gyur ba yin te/ de ltar gzhang 'brum gyi nad 'byung ste/ lus rab tu skem/ ci byed kyang mi nus te bskyod pa 'am bya ba'i bsam pa med/ nyams chung khong rmya bzhin mdangs med
 par 'gyur/ lus zhig cing khong lhong bzhin gyi mdog nyams so shing gi sdong po la srin bu zhugs te/ ma rungs pa bzhin du nad kyi sna grangs gong du bshad pa de snyed kyis srog gi nad la gnang du bags pas lus la gnod par gyur te/ nad
 gzhan yang de'i steng du byung ba ni/ lud pas bkar skom dang che/ kha zas ro bro bar mi tshor dbugs mi bde/ cham pas 'debs sgyid skyur lus dang rkang lag chag grugs su gyur pa bzhin na/ slon sprid pa 'byung/ lus skrang rims kyis
 'debs khu chu dang khrag zad rna ba 'on/ mig rab rib khu ba las bsdus te rde'ur chags pa dang/ dri ma snyigs pa la rde'ur chags te chu sri/ lus zhig ste khong rmya la skad 'gags yang dang yang sems khong du chud cing mchil ma 'der/
 yi ga 'chus rus pa'i tshigs rnams dang snying dang lte ba dang/ gzhang gi nad dang chus so g.yas g.yon du zug cing na/ tshad pa thur du sla mo 'byar bag sran khu lta bur 'khru ste/ de yang res 'ga' ni sri res 'ga' ni mi sri bar 'ong/ res 'ga' ni
 rtug skam/ res 'ga' sla mor 'khru/ res 'ga' ni ma zhu ba tsam par 'khru res 'ga' ni khu bar 'khru/ chad pa'i spu mdog kyang skya bo ser po sngon po dang/ khrag bag spyi zhing 'khyil pa'i bag tu 'khru'o/ /'di lta bu ni gzhang 'brum mo
 cog gi spyi'i nad thabs yin no/ /rlung nad kyi dkyel che ba las gzhang 'brum du gyur na gzhang 'brum bag skam la chung zug cing na ste/ tshe rab rab byed/ gzhang 'brum de rnyi rnyi po rtsa gan gcing dmar bag? yod de spyir smug la la ni sra la rtsug
 che chung yod rtse mo phra la thor to rdol/ gzhang 'brum che chung yod la/ nang mi mthun/ me tog ka dampa dang/ sku ba'i me tog 'dra ke ri ka 'dra/ la la ni rgya shug gi 'bras bu 'dra/ la la ni tsha go 'dra/ la la ni shing tog bi bi
 'dra/ la la ni ras bal ka ra sa'i 'bras bu 'dra/ la la ni me tog ka dampa'i 'bras bu 'dra/ gzhang 'brum la la ni yungs kar ltar 'dug ste/ gzhang 'brum tshul de lta bu byung na klad pa dang rtsi ba logs dang/ phrag pa dang rked pa dang
 brla dang chu so g.yas g.yon dang 'di rnams su lhag par zug cing na/ sgregs pa dang sprid pa mang/ thur du bshad ba'i dri ma sri snying na kha zas yi ga 'chu lud pa dkar/ dbugs mi bde pho ba'i drod mi snyoms/ rna ba sgra 'byung ba ste
 'bor mgo 'khor de rnams kyis btab ste na ba dang/ rtug skam du 'byung ba'i tshe mkhreg cing na na 'byung ba'i tshe sgra can du 'byung zhing spyi bag dang skam bag tu 'dres pa thur du 'byung/ pags pa'i mdog dang sen mo dang mig
 dang kha gdong dang bshang gci 'di rnams kyis mdog nag por snang rlung nad kyis gzhang 'brum byung na khong du skran 'byung/ mcher pa na dmu rdzing lta bu dang/ glo g.yas g.yon lta bur dbab pa lta bu 'byung bar 'gyur te/ 'di
 ni rlung nad las gyur pa'i gzhang 'brum gyi nad thabs shes par bya'o/ /mkhris pa rgyas pa las gzhang 'brum du gyur pa'i nad thabs ni gzhang 'brum gyi mdog smug nag rtsa ser la thor te sngo thur du khrag sla mor 'byung ste
 rul cing mnam la gzhang 'brum nyid ni 'jam la khong lhong gzhang 'brum gyi dbyibs ni tsho'i chu dang/ srin bu pad+ma'i chu 'dro la gzhang 'brum de tsha zhing rul bag tu 'dug /lus la rims nad 'byung lus rdul skom brgyal lus tsha
 yi ga 'chus myo myo por 'gyur/ dri ma bshad ba thur du 'byung ba ni sri/ bag la dron po che bar 'ong ngo/ /spu mdog sngo zhing ser la khrag dang be'u snabs su 'dres pa dang/ nas rul pa'i nang 'dra bar 'ong/ pags pa dang sen mo dang bzhin
 mdog kyang ljang sngon rtsa ser bag tu snang ste/ 'di lta bu ni mkhris pa las gzhang 'brum du gyur pa'i nad thabs yin no/ /de la bad kan rgyas pa las gzhang 'brum du gyur pa'i nad thabs ni gzhang 'brum de drung sbom po stug na
 chung/ myug myug por 'byung bar snang la/ gzhang 'brum gyi sha che la 'jam/ reng reng por zlum la lci/ gzhang 'brum brtan por 'dug /gzhang 'brum de 'byil zhing 'byar bag yod
 sra la 'jam/ 'brum bu de rtag tu g.yab/ reg na dga' / gzhang 'brum gyi dbyibs ni shing tog ka ri ra dang/ pa na sa'i 'bras bu'i rus pa dang/ ba'i nu ma'i dbyibs 'dra
 chu so g.yas g.yon du zug cing dpo'o/ /lte ba dang chu so dang gzhang gi nad na dri ma bshad ba yod pa 'di dag bcad pa snyam byed cing na/ lud pa dkar dbugs mi bde snying
 na/ kha nas bad kan dang mchil ma mang du 'dor/ yi ga 'chus cham pas 'debs mong mong por byed/ klad pa tshabs cher na/ tom bag tu 'dug /grang
 pa'i rims kyis 'debs par 'gyur khu ba dang khrag zag pho ba'i drod nyams slon rtag tu kha zas ma zhu ba dang be'u snabs su 'khru/ bad kan lta bu dang tshad pas 'debs te 'khru/ yang gzhang 'brum de ni
 mi rdol mi zag go /lus kyi pags pa dang sen mo la sogs pa'i mdog ni dkar la 'jam mo/ /bad kan las gzhang 'brum du gyur pa'i nad thabs ni de lta bu yin no/ /de la nad sna gnyis 'dres pa'i gzhang 'brum gyi
 nad dam/ rlung dang bad kan 'dres pa'i gzhang 'brum gyi nad dam/ mkhris pa dang bad kan du 'dres pa'i nad gang yang rung/ nad sna gnyis 'dres pa'i nad thabs de ni gzhang 'brum gyi nad thabs 'dres pa zhes bya'o/ /de la 'dus pa'i
 gzhang 'brum gyi nad thabs ni rlung dang mkhris pa dang bad kan gsum gyi gzhang 'brum gyi nad dkyel du gsogs gsogs pa las/ gzhang 'brum gyi nad 'byung ste nad sna gsum gyi nad thabs sna tshang bar na ba de ni 'dus pa'i gzhang
 'brum gyi nad thabs zhes bya'o/ /de la khrag nad rgyas pa las gzhang 'brum du gyur pa'i nad thabs ni gzhang gi nang du 'brum bu byung ba 'di dbyibs ni shing ba ta'i lo ma kha 'bus pa 'dra/ mdog ni 'o ma se'i 'bras bu dang/ byu
 ru'i mdog 'dra'o/ /gzhang 'brum de nas khrag gis brgyal la/ dro zhing tsha bar 'dug pa de mkhris pa las gyur pa'i gzhang 'brum de dri ma thur du 'byung ba'i shugs kyis btsir ba dang/ 'phral du khrag ngan pa tshan por 'byung zhing 'khru
 bar 'gyur ro/ /nad dang khrag zad pas mdog dang nyams mtshag kyang nyams te/ mdog nyams pa'i dpe ni spal pa ser po 'dra la mdangs nyams/ dbang po rnams mi gsal bar gyur pa 'di ni khrag nad las gyur pa'i gzhang 'brum zhes
 bya'o/ /gzhang 'brum gyi nad las gzhang gi nad nas gyen du slong zhing 'khyil ba zhes bya ba ni nad slong ba'i kha zas mon san rde'u mu dga' ba dang/ ko dra ba dang dzurna dang ka ri ka dang/ mon sran tsa la sogs pa kha zas rtsub mo dre ma thur du bshad
 ba mi 'byung zhing sri bar byed pa de lta bus rlung nyid kyi rang gi gnas su nad bslangs te dkyel du gyur nas dri ma bshang gci thur du rgyu ba'i spu bu rnams rlung gis 'gags nas/ bshang gci dang dbugs thur du 'byung ba rnams rlung gis bskams te/ 'gags
 nas 'byung du mi rung ba dang/ rab tu na bar 'gyur te/ khod pa'i nang na rgyab dang snying dang rtsib logs dang 'di rnams su nad 'gro zhing zug la lto lbo/ rgyu ma'i nang bskor zhing bcus pa snyam byed snying na/ snying dang chu so'i thad ka lgang pa gnyis gzhogs shing
 bcad pa snyam byed la rab tu na/ thor bu 'byung skrang bar 'gyur/ rlung de ro stod yan chad kyi nad du song na de'i gzhis slon pa dang/ yi ga 'chu ba dang rims nad du 'gyur snying na tshad snying sogs shing 'khru ba'i nad dang chu sri ba dang tshad pa mkhrag cing 'khru ba
 dang/ rna bas mi thos pa dang/ mig rab rib khyer ba dang/ dbugs mi bde ba dang/ klad pa na ba dang/ lud pa dkar ba dang/ cham pas 'debs pa dang/ sems 'gyur ba dang skom dang che ba dang/ khrag dang mkhris pa'i nad dang/ skran nad dang/ dbu rdzing
 la sogs pa'i rlung nad yang ba mi bzod pa rnams pa de snyed 'byung bar 'gyur te 'di ni gzhang 'brum ming ngan gyen du 'khyil ba zhes bya ste/ nad 'di ni rab tu gnod pa yin te/ khod pa'i nang du rlung nad kyi dkyel cher zhugs la/ gzhang 'brum gyis
 ma btab par yang/ bshang gci'i nad gyen du 'khyil ba 'di lta bur 'gyur ro/ /gzhang 'brum gyi nad de snyed kyi nang na gso dka' ba ni dang po btsas pa nas lhan cig tu byung ba'i gzhang 'brum gyi nad dang/ 'dus pa'i gzhang 'brum gyi nad dang gnyer ma
 phug na yod pa'i gzhang 'brum gyi nad 'di rnams ni gso dka' o/ /gzhang 'brum gyi nad de lta bus btab kyang pho ba'i drod che ste/ kha zas 'ju ba dang nyams mtshag dang ldan pa la sogs pa dang/ rlung ngam mkhris pa lta bu gang yang rung ba sna gnyis
 las gzhang 'brum du gyur pa dang/ gzhang gi gnyer ma gnyis man chad kyi nang na gzhang 'brum yod pa dang/ 'di lta bu ni nad rtse zhil tsam du gsor rung ngo/ /gzhang 'brum gyi nad byung nas lo gcig lhag lon pa ni
 rab tu gso dka' o/ /gzhang gi nang na gnyer ma tha mar gzhang 'brum 'byung ba dang/ rlung ngam mkhris pa lta bu gang yang rung ba'i nad sna gcig las gzhang 'brum du gyur pa dang/ gzhang du gsar du byung ma thag pa dang/ po mtshan las
 byung ba dang lte bar byung ba dang/ rna ba'am sna'i nang du thor bu lta bu 'byung ba 'khyil zhing 'jam pa zhig byung ste/ de ni snying la gnas pa'i rlung khyab byed ces bya ba zhig yod pa des bad kan gyi nang byas te pags pa'i phyi rol du 'jer ba
 'dra ba'i thor bu 'byung bar byed do/ /pags pa la sra rtsub pa byung ba ni mdzer pa zhes bya ste/ rlung nad kyi pags pa la zug cing rtsub/ mkhris pa las gyur na gnag la rtsa dmar ro/ /bad kan las gyur na 'jam la 'dzer ba de mdog mi
 sdug pa yang ma yin no/ /de ltar gzhang 'brum gyi nad la dpyad myur du ma byas mthur du bshang gci'i dri ma rnams/ gzhang khar myur du 'gags nas bshad bas myur du gang ste/ gso dka' bar 'gyur gyis myur du gsos shig /
 gzhang 'brum gyi nad thabs sna tshogs bshad pa ste le'u bdun pa rdzogs so// //tshad par 'khru ba dang pho ba'i grang ba las tshad ba snying du 'khru ba'i gzhi bstan pa'i le'u brgyad pa bshad par bya'o/ //tshad par 'khru ba'i
 nad gzhi ni drug ste/ rlung dang mkhris pa dang/ bad kan gsum gyi nad 'dus pa las kyang tshad par 'gyur ro/ /'jigs pa dang mya ngan las kyang chad par 'gyur te/ nad gzhi 'di dag gis tshad par rab tu 'khrul/ tshad ba la gnod pa
 ni chu rab tu 'thungs pa dang/ sha ring sha bskams pa dang/ kha zas ma lobs pa gnod pa zos pa dang/ til khur dang nas la sogs pa 'bru ma smin pa zos pa dang/ chad 'thungs pa dang/ kha zas rtsub po dang/ kha zas chod ma zin te drags pa dang/
 gzhang 'brum gyi nad dang/ zas snum bag drags pa dang/ khong na srin bu yod pa dang/ bshad ba 'ong bar gyur na ma nag pa dang/ de'i dra ba gnod par 'gyur ba bsten pas rlung nad langs te rlung nad des bad kan gyi nad langs te/ khong pa'i kha
 zas nad grol dang/ bshad ba kun kyang des khyab nas me'i drod nyams te chad par thur du khru'o/ /tshad par rab tu 'khru ba ni bshad ba sla bar byung ba ni tshad pa'o/ /tshad par 'gyur ba'i nad thabs ni/ snying dang khong pa'i nad dang/ gzhang gi nad du
 zug cing na/ lus zhig dri ma bshad pa thur du mi 'byung ste sri/ lto lbo/ kha zas mi 'ju'o/ /de la rlung nad las gyur pa'i tshad pa ni bshad ba chu sla mo dang 'dres pa nyung shas nyung shas su 'byung ba'i tshe/ sgra dang bcas par 'byung la/ 'khru ba'i tshe
 rgyu zhabs su zug cing na/ tshad pa bab cher mi 'ong/ nyung shas su sri zhing 'ong tshad pa'i spu mdog ni rtsub po dbu ba can dang/ bar yang dang yang du 'khru ba dang/ yang na ril ril po dang 'dres pas yang dang yang du 'khru ste/ bu ram tshig pa 'dra bar
 snang ba dang/ spyi bo 'byar bag tu 'dres shing tshad par 'byung/ tshad pa 'byung ba'i tshe gzhogs shing bcad pa snyam byed la skam/ gzhang gi nad nyams te phyir 'byung bar byed/ ba spu langs tshad pa mkhreg cing 'khru ba 'di ni rlung las gyur pa'i tshad pa
 yin no/ /de la mkhris pa las gyur pa'i tshad pa'i nad thabs dang/ spu mdog ser la gnag ser la ljang sngon du yang snang/ khrag dang 'dres pa dri rab tu mnam/ skom brgyal lus rdul khong tsha rgyu mar zug cing gzhang gi nad tsha/ gzhang gi nang na phor bu 'byung
 ba de ni mkhris pa'i nad las gyur pa'i tshad ba yin no/ /de la bad kan gyi nad las chod par gyur pa'i tshad pa'i spu mdog dang nad thabs ni tshad pa gar ba 'byar 'byar po 'byil ba'i bag dang/ nal nal por 'ong/ spu mdog
 skya la 'dam be'u snabs dang bad kan du 'khru yang dang yang ngo/ /chad pa nyid lci man ma tshad pa la phal cher mi 'od zug pa'i nad tsha bas mi che gnyid che khong snyom kha zas mthong/ yig 'chu/ tshang ba dang bshang bar 'dris pa nyung shas
 nyung shas su 'gyur zhing cung zad tsam ma drag /ba spu rnams gyen du langs shing slon chu so dang lto ba dang/ gzhang dang 'di rnams lci tshad par 'khru zhing bshad kyang ma 'khrus pa snyam byed pa 'di lta bu ni bad kan las gyur pa'i tshad ba zhes
 bya'o/ /'dus pa las gyur pa'i tshad pa'i nad thabs ni rlung dang mkhis pa dang bad kan gsum gyi tshang ba'i spu mdog dang nad thabs tshang bar na ba yin no/ /'jigs skrag pa las tshad par 'gyur ba ni 'jigs pas sems 'grugs pa dang
 mkhris pa g.yos te/ /bod na bshang ba yod pa smra por byas nas rlung gis phyi rol du 'khru bar byed do/ /de ni khong na bshang ba yong bas myur du tsha zhing sla ba nur nur por byas pas tshad par gyur pa yin te/ de ni rlung dang mkhris pa'i tshad pa'i
 tshul dang 'dra'o/ /mya ngan las gyur pa'i tshad pa tshul de dang 'dra'o/ /mdor na tshad pa ni rnam pa gnyis te/ zas ma zhu ba can du 'khru ba dang/ ma zhu ba med par 'khru ba 'am/ khrag med par 'khru ba'o/ /de la zas ma zhu ba can du 'khru pa ni tshad pa de
 chu'i ning du bor na 'bying/ rab tu man mo/ tshang pa 'di lta bur 'khru bar 'gyur na sngar lto lo cug skam du 'gyur/ zug cing na kha nas bad kan dang mchil ma mang du 'dod te/ 'di ltar byed na bsam zhu ba'i tshad pa'i 'khru ba yin no/ /kha zas ma
 zhu ba med pa'i tshad par 'khru ba ni nad thabs dang tshad pa'i tshul 'di rnams dang mi 'dra ste bzlog par shes par bya'o/ /yang bad kan las tshad par gyur na ni kha zas zhu bar rgyu ma khyad tshad pa chu'i nang du 'bying bar 'gyur ro/ /tshad pa gsar ba gso ba'i
 dpyad myur du ma byas na pha bgrang ste zas ma zhu ba khong du gsogs shing 'khru ba'i tshad snying gi nang du 'gyur ro/ /de la tshad par rab tu 'khru zhes bya ba ni khong yin drod nyams par gyur ba'i kha zas bsil ba'i sha dag zos pas/ zas ma zhu zhing
 be'u sna bas can du 'khru pa de ni nad rnying zhes bya'o/ /be'u rnams ming kyang rung zhu nas 'khru bar byed pa de ni tshad pa zhes bya ste/ de lta bu ni rang bzhin gyis myur du mdungs par byed pa'o/ /de yang kha zas ma zhu ste bas rjen pa dang/ be'u rnabs su 'dres pa
 mngon gsogs gsogs shing/ 'khru 'am yang na zhun yang rlung gis 'gags te 'ong du mi rung/ res 'ga' ni tshang ba slo mor yang dang yang 'khru ste tshad rnying 'di lta bu'i ni de ni pho bgrang ste/ zas ma zhu ba khong ba gsogs gsogs shing/ skams skams su 'khru
 ba 'di ni ?? yun ring du na bar byed pa yin te/ de yang rnam pa bzhi las tshad rnying gi nang du 'gyur ro/ /bzhi gang zhe na/ rlung dang bad kan dang mkhris pa sna re re las tshang rnying du 'gyur ba dang/ nad 'dul pa las tshad rnying du gyur pa dang bzhi'o/ /de la
 pho? ba grang ba'i tshad rnying gi nang du gyur na de'i nang thabs sngar 'byung ba ni pho ba'i nang kyi drod nyams zas yun ring du mi 'ju/ kha zas zos bas gri bskyur bar 'gyur/ kha nas bad kan dang mchil ma mang du 'dog/ bar ro ci bro ba mi tshor kha zas yi gar
 mi bskom zhing khong snyoms rlad pa 'khor lto lbo slon brno ba nang sgra tsi ri ri zer/ rgyu ma'i nang na sgra khrul lu lu zer/ sgrogs pa mnam por 'byung/ dbugs mi bde/ rims kyis 'debs brgyal klad pa na/ bshad pa thur du byung du mi zung ste sri/ rkang lag
 skrad pa'i thabs 'di lta bu sngar byung na pho ba grang zhing 'khru ba'i tshad rnying spyi'i nad thabs yin no/ /de la rlung nad las gyur ba'i tshad rnying du 'khru ba'i nad thabs ni rkan skams mig rab rib za/ rna ba gnyis nas sgra 'byung/ rtsib logs
 dang brla dang chu so g.yas g.yon dang/ mgul ba 'di rnams ma yang dang yang khong spo zhing btsur/ kha zas kyi ro bro ba kun la chags/ kha zas zhur nyen khong spo zhun bkres shing skom/ kha zas zos na bde bar 'gyur/ rlung nad de las snying nang dang/
 skran dang gzhang 'brum mcher ba na ba dang/ skya rbab kyi nad 'di rnams 'byung ba'i tshul du 'gyur/ tshad pas 'khru ba'i tshe 'gags/ skam po yang sba ba zhig 'byung ste/ de yang myur du 'od du mi rung zhing sri ste 'byung dka' / tshad bar 'byung ba'i tshe na sgra
 can ma zhu ba'i be'u snabs su 'byung/ gzhang na dbugs mi bde lud pa dkar/ nad thabs 'di rnams lta bu na zhing 'khru ba'i tshad rnying ni rlung la pho bgrang ba'i tshad rnying 'khru ba zhes bya ste/ 'di rlung nad las gyur ba'i tshad rnying gi nad thabs yin no/ /
 de la mkhris pa las gyur pa'i tshad rnying gi mdog dang nad thabs ni lus kyi sha mdog sngo la ser por 'dug/ tshad pa sla mo ser por 'khru/ sgregs pa mnam zhing skyur bar 'byung/ snying dang gre ba na zhing tsha yi ga 'chu/ /skom pas gdungs pa
 'di lta bu ni mkhris pa las gyur pa'i tshad rnying gi rlung nad la po bgrang ba'i tshad rnying gi nad thabs zhes bya'o/ /de las bad kan las gyur ba'i tshad rnying gi nad thabs ni bad kan che bas kha zas 'ju dka' smon/ kha zas yi gar mi 'ong/
 kha'i nang na yang bad kan gyis gang ste kha nas bad kan dang mchil mang du 'ong zhing 'dor/ lung pa dkar cham pas 'debs dang kan lci ba mer mer por byed/ lto ba yang sra la lci/ sgregs pa mnam por 'byung/ khong pa'i pho ba drod
 nyams/ gud med la dga' bar byed/ tshad pa be'u rnabs lta bu dang/ bad kan 'dres par 'khru la/ bshang ba thur du 'byung ba lci/ rid cing skam pa ma yin yang/ nyams stobs chung te zhe na/ 'di lta bu'i nad thabs ni bad kan las gyur pa'i tshad rnying
 zhes bya'o/ /de la 'dus pa las gyur pa'i tshad rnying gi nad thab ni rlung dang mkhris pa dang bad kan gsum tshar gyi tshad rnying nad thabs kun dang mthun pa yin no/ /pho ba'i nang gi me drod ma snyoms pa rnam pa gsum la sogs pa rtag tu
 bshad pa ltar gyur na pho bgrang ba las ma zhu ba'i tshad rnying gi nad du 'gyur ro/ /pho ba'i nang gi me drod snyoms par gyur na/ bde zhing nad med par 'gyur ba'i gzhi yang de yin te/ tshad rnying gi nad du mi 'gyur ro/ /nad kyi nang na dkyel
 che ba gso dka' ba ni rnam pa brgyad yod do/ /gang zhe na rlung nad dang chu so na rde'u yod pa dang/ mdze nad dang za gu dang dmu rdzing dang/ mtshan par rdol ba'i nad dang gzhang 'brum dang/ pho ba gang nas tshad rnying du gyur pa'i nad thabs dang
 rnam pa 'di brgyad yin no/ /tshad pa dang pho bgrang ba'i tshad rnying du 'khru ba'i nad thabs bshad pa'i le'u brgyad pa rdzogs so// //gcin 'gags pa dang gcin snyi ba za gu'i nad dmigs bstan pa'i le'u dgu ba bshad par
 bya'o/ /de la lgang ba dang lgang ba'i mgo dang/ pho mtshan dang rked pa dang/ pho mtshan gyi 'bras bu gnyis dang/ gzhang dang 'di rnams ni gzhang gi rus pa'i nang du brten cing gcig tu 'brel bar bshad do/ /lgang ba de kha sbub du thur
 du bltas kyang/ lgang ba de'i rtsa'i sbu bu'i kha g.yas g.yon nas/ gcin gyi rgyun gre rtsa rgyun mi chad par zag pas lgang ba'i nang du 'gag par byed do/ /gcin rtsa sgo nas rgyu ste lgang bar zhugs shing gsogs pa de las gcin nang chus bsgags pa'i
 nad dang za gu'i nad spyir sna nyi shur 'gyur ro/ /gcin snod lgang pa de yang srog gi gnas la brten pas nad che ste/ de la rlung nad las gyur te chus 'gags na lgang pa dang chu so g.yas g.yon dang/ pho mtshan 'di rnams rab
 tu na ste gcin 'gags nas/ gcin cung zad cig yang dang yang sri zhing 'byung ngo/ /mkhris pa'i nad las gyur te gcin 'gag na gcin gyi mdog ser ram dmar la tsha zhing na'o/ /bad kan las gyur te gcin 'gags pa ni lgang pa dang pho mtshan
 lci bar 'gyur la skrangs/ gcin gar la spyi bo nal nal po zhig dal gyis 'byung ste thogs shing sri ba'i tshul du 'ong ngo/ /'dus pa'i nad las kyang gyur te gcin 'gags na nad thabs gong ma sna gsum ltar na yang chu sri bar byed do/ /de la chu sor
 rde'u chags pa'i tshul dang nad thabs ni nam lgang pa'i kha rlung gis mchod pa dang/ chu so gcin nam mkhris pa 'am/ bad kan nam khu chu gang yod pa de skams par byas nas de las rde'u chags te/ bags kyis rde'u nad dkyel du skyes pa ni dper na
 grang gi gi wang tshigs te cher skyes pa dang 'dra'o/ /chu sor rde'u chags par gyur na nad kyis 'debs pa'i nad thabs kyi tshul ni lgang pa spo lgang pa'i drung nyen kor kun na/ lgang pa dang gcin dbre la mnam/ gcin 'gags rims kyi 'debs/ kha zas
 yi ga 'chu lte ba dang/ pho mtshan gyi 'bras bu'i bsrubs thog thag dang/ lgang pa chu so'i klad 'di rnams su zag cing na/ gcin sri zhing 'byung ba'i tshe gcin gyi sbu bu subs shing 'gags pas gcin 'byung ba'i tshe/ gcin gyi rgyun zhig ste thigs pa
 grul grul por 'byung/ gcin de lta bu phyin na gdod bde'o/ /gcig 'byung ba'i mdog ni ba lang gi tshil 'dra bar snang ngo/ /de lta bu la res 'ga' lus 'gul zhing bskyod pa lta byas pas lgang pa nang chu so'i nang 'khrugs te sna na rab tu na/ zhing
 mi bde'o/ /nad 'di lta bu ni chu sor rde'u chags pa'i spyi'i nad thabs lngar 'byung ba yin no/ /de la rlung nad las rde'ur chags pa'i nad thabs ni/ nad tshabs rab tu che la so 'thams par sdoms/ lus 'dar pho mtshan nas zin te/ lag par nyid
 lte bar zug cing na/ rab tu 'khun cing 'gags te 'ong du mi rung ba'i tshe/ 'phyen dang bshad bar bcas te 'byung/ gcin ni thigs par nyung shas yang dang yang 'ong/ chu so'i nang na rde'u yod pa ni gnag cing rtsub ste/ nyams la chu so'i
 nang na tsher ma bsags pa gang ba snyam byed/ mkhris pa las rde'ur chags pa'i nad thabs ni mkhris pa tsha ba drod kyis lgang pa de btsos pa bzhin du tsha/ rde'u yi dbyings ni ga bo'i 'bras bu'i rus pa 'dra/ mdog ni dmar zhing ser la rtsa gnag go/ lgang
 pa'i nang du zug cing na'o/ /bad kan gyi nad las rde'ur chags na rde'u bsil zhing lci ba bo das che 'jam/ rde'u yi mdog ni sbrang rtsi lta bu 'am dkar por 'dug go /rde'u nang 'di rnams lta bu ni byis pa chung ngu lta bu la phal cher 'byung bar 'gyur te/ lus la
 sha phyung bas rde'u yang mi che'o/ /rde'u nad 'di lta bu la dral zhing rde'u 'byin pa'i tshe bde bar 'cho bar 'gyur ro/ /mi chen po lta bu la chu sor rde'u chags pa'i nang ni khu ba las gyur te/ de yang khu ba gnas 'phags la phyir ma byung ma btang ste/ pho
 mtshan gyi 'bras bu'i bar du rlung gis bskams te/ khu ba bsdus par gyur pa de ni khu ba las rde'ur chags pa zhes bya'o/ /de'i nang thabs ni lgang pa dang chu sor zug cing na gcin 'gags pho mtshan gyi 'bras bu skrang ngo/ /khu ba las rde'u chags ma thag
 tu khu ba zhu ste/ sla mor 'gyur na zhing zug pa'i tshe/ rde'u chags pa der lag gis mnam zhing mnyes na rdo ba bzhin du rab tu sra zhing 'phrad do/ /khu ba las de ltar rde'u chags pa de yang rlung gi phye mar dkrugs nas zhib mo de gcin dang lhan cig tur
 du tha mal par 'byung ba yang yod de/ de ni tshul bzhin 'byung ba zhes bya'o/ /de la rde'u phye mar mi 'khrugs pa ni gcin 'gag par byed de de yang lgang pa'i kha 'gags nas na zhing gcin 'gags te 'od du mi rung bar byed do//
 de ltar chu so na rde'u chags pa des na la g.ya' bar byed do/ /gal te rlung nad kyi lgang pa de rang gi gnas nas rab tu spags te bskyod nas lgang pa de rgyas shing gang ste che zhing sbom du gyur nas/ lgang pa rgyas te log par 'dug par gyur na na tsha g.yo
 zhing 'phar bcus pa snyam byed/ gcin yang 'gags par byed thigs pa thigs tsam du 'ong ste/ de lta bu la lgang pa btsir te gcin phyung zhig /de bas na gong ma ltar lgang pa'i kha rlung gis chod de 'gags pa dang/ lgang pa log pa 'di rnams
 gnyis ni rlung las gyur pa'i lgang pa'i nad ces bya ste/ gso dka' ba dang/ gso rab tu dka' ba zhes bya'o/ /yang gzhang dang lgang pa gnyis kyi bar na rlung rab tu mthu che ba zhig yod pa de rdo ba'i rtun bu dang 'dra bar sra zhing stug pa zhig yod
 pa des lgang pa mdung pa bor te/ mi g.yo ba mthon par 'jog par byed de ltar gyur na chu so'i thad kar dbos shing bshang gci gnyi ga rlung gi thogs te 'gags par byed do/ /nad 'di ni rdo ba'i rtun bu'i rlung nad kyi gcin 'gags pa zhes
 bya'o/ /yang chu 'gas pa'i nad dang/ rlung nad kyi 'khyil bar byed pa zhes bya ba zhig yod pa des ni lgang pa rab tu na bar byed cing gcin gyi nang du rlung de zhugs nas gcin 'khyil zhing 'khor/ rem rem por gyur/ gcu pa snyam byed/ lci gcin
 sri ste nyung shas tsam 'byung/ yang na gcin dang bshad ba gnyis lhan cig tu 'byung bar byed de/ nad 'di ni rlung nad kyis 'khyil par byed pa'i chus 'gags pa zhes bya'o/ /yang chus 'gags pa'i nad rnam cig ni rlung nad lta bu'i nad bzhi
 med par gcin rang 'gags te yun ring du ma byung ngam/ yang chu cung zad 'gags te yun rings du ma byung ngam/ yang na chu cung zad 'gags pa las 'jug tu gcin 'byung bar 'gyur na/ de ni nad mi che ba zhes bya ba yin no/ /yang lto bar
 gcin 'gag pa zhes bya ba'i nad yod de/ de ni gcin snyoms pa las rnags te 'gags pa las/ lte ba'i 'og lto ba'i nad lgang par gcin gyis gang ba dang/ de'i tshe rlung gi thogs nas bsdus te skams pa dang/ de'i tshe rab tu na chu sor dbo/ /kha
 zas mi 'ju bshang gci gnyis ga 'gags so/ /chus 'gags pa'i nang 'di ni lto bar gcin/ rnags pa'i nad ces bya'o/ /yang chus 'gags pa'i nad sna gcig ni gcin 'byung ba'i spu bu 'chus shing log gam/ yang na gcin snod lgang pa 'am/
 yang na gcin 'byung ba'i nang ngam/ yang na pho mtshan gyi nang rlung gis 'gags na gcin nyung shas sam sri shing 'byung ba'i rjes la na yang rung min yang rung/ gcin 'gag cing skabs skabs su 'byung la lhag ma yang lus te chus 'gags
 pa'i nad 'di ni pho mtshan lci bar byed pa zhes bya'o/ /yang chus 'gags pa'i nad gcin gyi mdud pa zhes bya ba zhig yod pa de'i nad thabs ni lgang pa'i kha'i nang zlum po chung ngu sra ba zhig tu 'phral du gyur pa dang/ tshu sor rde'u chags pa'i nad
 dang 'dra ste/ nad tshabs che la gcin gyi phur mdud pa bcas te nad 'di ni gcin gyi mdud pa zhes bya ba/ yang gcin snyoms pa las gcin ma gcis par/ bud med la nyal po byas nas de'i rjes gcin gcis pa ni yang na ni gcin sngar 'byung/
 yang na ni khu ba sngar byung ste de ni gcin dang khu ba 'dres pa zhes bya ba yin no/ /yang na bshang ba sri zhing 'gag bad kan gyi chu sri zhing 'gag par 'gyur/ nad thabs ni lus kyi khong rtsub la nyam chung bas rlung nad skyes te/ bshad ba thur du mi 'byung zhing
 nam sri la 'gag pa'i tshe na/ gcin 'byung ba'i spu ga'i nad du bshad pa de song ste 'dres pas gcin 'byung ba'i dri ma mnam por bshang ba'i dri dang 'dra bar byung ba de ni bshang ba 'gags pa'i gcin nad ces bya'o/ /yang
 gcin nad rnam pa gcig ni lus kyi las drag shul la sogs pa lta bu byas pa dang/ kha zas ro tsha ba dang/ drod che ba lta bu'i bag zos pa dang/ lam bgrod de chad cing nyi mtshan la sogs pas gdungs pa dang/ mkhris pa'i nad cher skyes la
 de'i steng du rlung nad kyi lgang pa dang/ lgang ba'i chu so g.yas g.yon gyi nang du zhugs nan zhing tsha bar 'gyur/ gcin gcis na mdog yang na ser// //yang na khrag 'dre/ yang na khrag dngos su 'byung ste/ 'di 'dra ba'i gcin chen po
 nyung shas su sri zhing 'byung ngo/ /de ni tsha ba dang rlung las gyur pa'i gcin sri pa'i nad ces bya'o/ /yang lus kyi khod rtsub la khong du bcing rmya bar 'gyur ba des lgang pa'i drung na mkhris pa'i nang tsha ba dang/ rlung yod pa gnyis gnyis gcin
 bskams na/ zad pa dang na zhing tsha ba la sogs pa dang sri bar gyur te/ nad 'di yang lhag ma dang gcig go /yang chu sri pa'i nad sna gcig ni mkhris pa dang bad kan gnyis kyi nad lgang ba'i sa na yod pa'i steng du/ gal te rlung nad kyis kyang
 bsnan nas gcin 'gag par 'gyur ro/ /gcin cung zad 'byung ba'i kha dog kyang ser dmar dkar bar gar? po 'byung la tsha bar 'ong/ yang na g+hi wang gi kha dog 'dra/ yang na dung phye mar zhib tu btags btags pa 'dra ba skam po 'byung/
 yang na nag po dang dkar po dang dmar po gsum 'dres pa'i kha dog 'di lta bu'i gcin 'byung ste/ 'di ni gcin nyams pa'i nad ces bya'o// //chus 'gags pa nad dmigs zhib tu bstan pa'i le'u ste dgu pa rdzogs so// //gcin 'gags
 pa dang gcin snyi ba za khu'i nad dmigs bstan pa'i le'u bcu pa bshad par bya'o/ /de la gcin sri la za gur gyur pa'i nad ni rnam pa gnyis su yod de/ de la bad kan las nad za gur gyur pa'i nad ni bcu yod do/ /mkhris pa las za
 gur gyur pa'i nad ni drug yod do/ /gcin snyi zhing za gur gyur pa'i nad de ni kha zas bad kan dang/ tshil dang gcin du 'gyur ba de lta bu las za gu'i nad du 'gyur ro/ /de yang ji lta zhe na kha zas ro mngar ba dang skyur ba dang lan tsha dang zas snum
 bag dang 'ju dka' zhing lci ba dang/ zas 'byil bag dang/ bsil ba'i bag dang/ 'bru sar pa'i chang dang/ yul ser che ba nas byung ba'i bya na lta bu dang/ bu ram dang/ bu ram shing dang/ dar ba dang/ kha zas 'di lta bu'i bag za zhing 'thung
 ba dang/ gnas gcig nas stan gcig gi thog tu rtag par 'dug pa dang/ sngon dang mi 'dra bar mal mi bde bar lus mi bde bar nyal ba dang/ 'di rnams lta bus lgang bar nad chags te/ za gur 'gyur ro/ /de yang ji ltar zhe na kha zas gnod pa de lta bu la
 sogs pa bad kan la gnod par byed do/ /bad kan la gnod pa byas pas gcin sgo lgang pa'i 'khor dang lus kyi nang gi rul ba dang/ rdul ba dang/ tshil dang/ gcud dang/ sa ma dang/ bya na sha zas pa 'di rnams la yang gnod pa byas pa/ mkhris pa dang
 khrag la yang gnod par byed de/ de lta bus bad kan de lus kyi rul ba dang/ rdul ba la sogs pa gcin gyi gzhir gyur pa 'di rnams gcin za gur 'od pas zad pa dang/ lus kyi srog zungs bdun po yang rlung gi lgang ba'i nad du 'khus shing drangs
 te zad par byed do/ /kha zas de lta bu las gcin snyi ba za gu'i nad du gyur na gsor mi sos pa'i nad dang/ gsor rung ba'i nad dang mi thul ba tsam du 'gyur bar bya ba dang/ rnam pa 'di gsum yod do/ /de la gsor rung bar bya ba'i dpyad dang rnam pa
 gsum ste/ legs par mthun par bya ba dang mi mthun par bya ba'i dpyad dang/ nad dmigs chen po la dpyad du bya ba dang gso ba'i thabs 'di ltar bya'o/ /de la gcin snyi ba za khu spyi'i nad thabs ni gcin rab tu mang la
 dul dul bor 'ong ngo/ /de la rlung dang mkhris pa dang bad kan dang gsum gyi srog zungs bdun la gnod par byed pa'i bye brag dang/ rlung dang mkhris pa dang bad kan dang/ srog zungs bdun du 'dres pas gcin gyi kha dog la sogs pa brtag par
 bya ba'i dmigs ni gcin snyi ba za gu'i bye brag las shes par bya'o/ /de la gcin mang gcin mdog gsal la dkar/ bsil dri mi zhim pa med la chu lta bur 'dug na/ de ni ming chu'i za gu zhes bya'o/ /yang za gu'i nad thabs rnam gcig ni/
 cung zad rnyog rnyog pa'i bag yod la/ 'byil bag tu 'dug bu ram shing gi khu ba dang 'dra bar ro rab tu mngar te nad 'di'i ming ni bu ram shing gi khu ba lta bu'i za gu zhes bya'o/ /yang za gu'i nad rnam gcig ni gcin dka' bar 'byung la/ zhag
 lon na yang gar por 'dug pa 'di ni gar po'i za gu zhes bya'o/ /yang za gu'i nad rnam gcig ni gcin 'byung ba chad dang 'dra la/ steng rim dang/ zhabs ni gar phor 'dug ste/ 'di ni chang gi za gu zhes bya'o/ /yang za gu'i nad rnam gcig ni ba spu
 'ang langs shing 'gre bar 'gyur ba gcin 'byung ba yang 'bras btags pa'i phye bzhin gar la mdog skya bar 'byung ba 'di ni 'bras phyi ltar 'byung ba'i za gu zhes bya'o/ /yang za gu'i nad rnam gcig ni gcin 'byung ba khu chu dang 'dra 'am/
 yang na khu chu dang 'dres par 'byung ste/ 'di ni khu chu'i za gu zhes bya'o/ /yang ba gu'i nad rnam gcig ni gcin gyi nad na rdul ltar tsig tsig por bye ma lta bur 'byung ste 'di ni bye ma'i za gu zhes bya'o/ /yang za gu'i nad rnam gcig gcin babs
 ched? yang dang yang du 'byung la/ gcin rab tu bsil te 'di ni grang zhing bsil ba'i za gu zhes bya'o/ /yang za gu'i rnam pa gcig ni gcin dal? gyis gcin 'byung ba dang nyung shes nyung shas su gcin 'byung ste/ 'di'i ming ni pags kyis 'byung ba'i
 za gu zhes bya'o/ /yang za gu'i nad rnam gcig ni gcin 'byung ba 'am gcin za gur 'byung ba de kha chu bzhin nal nal po 'byil bag tu 'byung 'di'i ming ni kha chu ltar 'byung ba'i za gu zhes bya'o/ /yang za gu'i nad rnam pa gcig ni gcin gyi
 mdog nas tshig 'khus pa'i tsha ya bak+Shar dang 'dra ba'i mdog dang/ ro dang dri yang 'dra la reg pa yang de dang 'dra ste/ 'di ni nas tshig gi tsha ya bak+Shar dang 'dra ba'i za gu zhes bya'o/ /yang za gu'i nad rnam gcig ni gcin 'byung ba'i mdog sngon
 por 'ong ste 'di ni gcin sngon po'i za gu zhes bya'o/ /yang za gu'i nad rnams gcig ni gcin snag tsha bzhin nag por 'od ste/ 'di ni za gu nag po zhes bya'o/ /yang za gu'i nad rnam gcig ni gcin gyi mdog skyer ba 'am/ yung ba'i kha dog bzhin
 mdog ser la rab tu tsha ste/ nad du bsregs pa bzhin du 'ong ste/ 'di ni za gu ser por 'ong ba zhes bya'o/ /yang za gu'i nad rnam gcig ni gcin gyi mdog btsong khu bzhin dmar po mnam por 'od ba 'di'i ming ni/ btsong khu lta bu'i za gu zhes bya'o//
 yang za gu'i nad rnam gcig ni gcin gyi mdog khrag 'dra ba tsha ba mnam po lan tsha bro bar 'byung na 'di'i ming ni khrag gi za khu zhes bya'o/ /yang za gu'i nad rnam gcig ni gcin dang zhag tu 'dres pa 'am/ zhag dngos po yang dang yang 'byung
 ba 'di'i ming ni gcin zhag tu 'byung ba'i za gu zhes bya'o/ /yang za gu'i nad rnam gcig ni gcin dang rkang du 'dres pa yang dang yang 'byung ngam rkang rngos su yang dang yang 'byung ba 'di'i ming ni rkang du 'byung ba'i za gu zhes bya'o/ /yang za gu'i nad rnam
 gcig ni glang po che smyon pa smyos pa dang 'dra bar gcin gyi rgyun mi drag par dal bus rgyun mi 'chad par 'byung la/ gcin ni chu ser du 'od ste/ chu ser gyi nang na sru srus po 'am/ tsig tsig po 'byung ste/ 'di ni glang po che
 myos pa ltar gcin si ba zhes bya'o/ /yang za gu'i nad rnam gcig ni gcin sbrang rtsi dang 'dra bar 'byung ba 'di'i ming ni za gu sbrang rtsi ltar 'byung ba zhes bya ste/ de la yang rnam pa gnyis shig yod ces zer te/ gcig ni srog zungs bdun lta
 bu zad pa las za gur 'gyur ro/ /yang rnam pa gcig ni rlung dang mkhris pa 'am/ bad kan lta bu'i nad kyis lgang pa nas gcin 'byung ba'i spu gu kha 'gags sam/ yang na rlung gis 'gags par gyur na de lta bu las gcin sbrang rtsi ltar
 'byung ba'i za gur 'gyur ro/ /nga la mkhris pa 'am rlung nad dang/ bad kan gyi nad kyis lgang pa skad cig tu stong par 'gyur/ skad cig cing gcin gyis gang bar 'gyur te/ nad thabs 'di lta bu ni gso dka' ba yin te/ dpyad mi byed par yun
 ring por yal bar bor na nad 'di lta bu ni za gu'i nad gcin sbrang rtsi lta bur 'byung bar 'gyur ro/ /gcin za gu sbrang rtsi ltar 'byung zhes bya ba ni sbrang rtsi ltar 'byung ba phal cher ro mngar por 'byung ba'o/ /de bas na gcin gyi ro mngar por 'byung
 ba kun ni lus kyis ro yang mngar por 'gyur ba yin no/ /gcin za gu mngar po sbrang rtsi ltar 'gyur na de'i nad gla thabs kyang kha zas mi 'ju zas yi gar mi 'ong/ slon gnyid che lud pa dkar/ cham pas 'debs te nad 'di lta bu ni bad kan las
 gyur pa'i za gu'i nad thabs zhes bya'o/ /mkhris pa las gyur pa'i nad thabs ni tha? mtshan gyi 'bras bur zug cing na la gzhig cing bcad pa snyam byed rims kyis 'debs/ tsha la skom dang che skyur/ brgyal tshad par 'khru ba 'di lta bu ni mkhris pa
 las gyur pa'i za gu'i nad thabs yin no/ /rlung las gyur pa'i za gu'i nad thabs ni bshad pa sri ste 'od du mi rung/ lus 'dar snying na kha zas ming gi 'dod pa snyam byed la zug cad na gnyid med ba skam/ lud pa dkar dbugs mi bde ba 'di ltar
 'gyur ro/ /de ltar gcing snyi ste za gu'i nad kyis btab pa las/ sman dpyad kyis mi gso bar yal bar bor na 'bras dang phol mig dang/ me dpal dang/ mdog 'brum bu dang/ shur bu la sogs pa nad kyi nyen rnam pa bcur 'gyur ro/ /'bras dang
 'brum bu la sogs pa rkang lag gi rus tshigs dang srog gi gnang dang sha snad gar cha'o/ /chog gi dmigs su 'byung bar 'gyur ro/ /de la 'bras nad dpe tshe chen po tsam kham phor sha ri'i dbyibs lta bu'i nad 'bras 'byung ba'i dbyibs ni/ mdza' 
 ni mtho la dbus ni dma'/ mdog ni rtsa gnag nad rul na ste/ dbyibs ni 'bras nad kham por shar ba 'dra bas na de'i phyir 'bras nad kham por shar ba lta bu zhes bya'o/ /de las 'bras nad rus sbal lta bu'i dbyibs zhes bya ba ni/ nad du zug
 cing na la nyen kor cher mched cing/ rus sbal gyis rgyab 'dra bar sgur sgur po 'jam po skrangs pa 'di ni rus sbal lta bu'i 'bras nad ces bya'o/ /yang 'bras byer ba rgya mo lta bu zhes bya ba ni/ rtsa rnams ni snga? zhing rengs par 'gyur/ 'brum
 bu rgya mo lta bur 'byung ba ni 'jam la na zhing zug /'brum bu phra mo mang po she dag 'byung ste/ rdol cing zag la lus kun la khyab par byed de/ 'di ni rgya mo lta bu 'bras mched pa zhes bya'o/ /bi na ta zhes bya ba ni/ lto 'am rgyab tu 'bras 'dra ba
 tshil mdog sngo ba zhig byung nas/ khong du zug cing na/ rul cing rnags par byed de 'bras 'dra bar 'byung ba de 'bur po mthon por mi 'byung ste/ 'di ni nyen 'khor cher phebs pa ste/ 'bras nad lus sgur bor byed pa'i nad byin te zhes
 bya'o/ /me dbal phra mo ni 'brub bu thog ma byung ba na/ sha mthar gi pags pa tshig par byed la/ lus kun la mi bzad cing rab tu tsha ba'i me dbal gyis khyab cing mched me dbal gyi 'brum bu byung ba'i mdog ni
 dmar la gnag lus tsha zhing smyos rims kyis 'debs te/ nad thabs 'di lta bu ni me dpal phra mo zhes bya'o/ /'brum bu'i dbyibs dang/ tshad sran chud lta bu zhes bya ba ni/ 'phrum bu che chung gi tshad dang dbyibs sran chung dang 'dra bas
 na de'i 'brum bu sran chung lta bu zhes bya'o/ /de la 'brum phran shur bu'i dbyibs dang tshad 'brum phran yungs kar lta bu zhes bya ba ni 'brum phran shar bur byung ba'i dbyibs dang tshad yungs kar tsam du 'byung ste/ nad tshabs kyang che la myur
 du smin par 'gyur 'brum phran yungs kar lta bu byung na de'i 'khor kyang 'brum phran yungs kar lta bus gang zhing 'khor bar 'byung ste/ 'di ni 'brum phran shur bu yungs kar lta bu zhes bya'o/ /de la 'brum phran bu dang bcas pa'i 'byung
 ba ni 'brum bu chen po mang du 'byung ba'i nyer kor na 'brum bu rab tu phra mos gang bar 'byung ba de ni 'brum phran bu dang bcas pa zhes bya'o/ /de la ldum bu bi da ri'i rtsa ba dang 'dra ba zhes bya ba ni/ thor bu byung ba'i dbyibs ni mtho zhing ring ba
 myug myug po ldum bu bi da ri dang la phug gi dbyibs dang 'dra la sra ste 'di ni ldum bu bi da ra zhes bya'o/ /de la khong 'bras byung ba ni nad dkyel che ste/ phyi nas logs shig tu zhib tu bstan to/ /de ltar nad rnam pa de ? nad na dang po
 gsum dang 'brum bu dang bcas pa zhes bya ba dang/ ldum bu bi da ri'i rtsa ba 'dra ba'i 'brum bu dang/ 'di rnam pa lnga ni tshil ches pa las gyur te nad dkyel che bas/ bzod par yang dka' la/ dpyad kyang dka' o/ /mkhris pa'i nad che ba las
 nad de lta bu byung ba ni nad tshabs kyang mi che ste/ mnags su rung la gso sla'o/ /tshig chung ba las kyang nad 'di lta bu 'byung ba yang yod/ yang 'bras dang phol mig dang 'brum bu de lta bu na gcin snyi ste za gur gyur pa de'i steng du rlung dang mkhris
 pa dang bad kan gyi nad gang che bar gyur pa las de bzhin du 'bras dang 'brum bu dang me dbal la sogs pa sna tshogs pa 'byung bar 'gyur ro/ /la la ni gcin snyi ba za gu'i nad med kyang tshil che ba las rlung ngam mkhris pa la sogs pa'i nad
 zhugs par gyur/ 'bras dang 'brum bu la sogs pa'i nad de lta bur gyur pa yang yod ni 'bras dang 'brum bu la sogs pa'i nad gang yin pa dngos su ma byung gi bar du/ nad thabs nyi tshe gang yin pa thog tu mi phebs so/ /gcin snyi la
 za gu'i nad thabs su gyur pa med par gcin gyi mdog ser po 'am dmar po byung ba de ni za gu'i nad ces mi bya ste/ khrag dang mkhris pa'i nad las gyur par shes par bya'o/ /gcin snyi ba za gur gyur pa'i nad thabs ni/ lus rdul lus
 dang rkang lag dri mi zhim pa dang khong lhod par 'gyur/ stan gyi thog na 'dug pa dang/ mal na nyal na bde ba snyam byed cing 'dug nyal ba la chags/ snying dang mig dang lce dang rna ba dang 'di rnams kun la bad kan gyis stug po ljin bag tu
 phyugs shing yog pa snyam byed/ skra dang sen mo lhag par ring por 'gyur/ lus kyi nyams bsil ba dga' / gre ba dang rkan ni skam kha'i nang gi ro mngar bar bro/ /rkang mthil dang lag mthil tsha/ gcin gar gcis par grog ma kun 'du
 bar 'gyur te/ nad kyi tshul 'di 'dra ba ni za gu thams cad kyi n+nad thabs yin no/ /za gu'i nad dmigs gang yin pa so sor dbye ba ni rnam pa gnyis yod de/ gcin za gur byung ba sbrang rtsi'i mdog 'dra la/ 'khyil zhing gcin gyi ro yang mngar lus
 kyi sha yang gang zhing rgyas na de ni bad kan las gyur pa'i za gu zhes bya'o/ /yang za gur gyur pa la lus kyang skem ste zad na de ni kha bdun zad pa dang zhes bya ste rlung las gyur pa'i za gu zhes bya'o/ /yang za gur gyur
 pa'i nad thabs sngar ni bad kan dang mkhris pa las gyur pa'i tshul yin la/ phyis chags kyi rlung nad kyi za gur gyur pa'i nad 'di ni gso sla ba yin no/ /mkhris pa'i nad las za gur gyur pa ni dkyel mi skye mi la bar gsor rung ngo/ /tshil
 la rlung ngam mkhris pa 'am/ bad kan gyi nad mi zhu ba lta bu'i za gu ni gsor rung ngo/ /gcin snyi ba za gu'i nad kyi bye brag bshad pa dang/ za gu'i nad kyi nyen gzhan du 'gyur ba bshad pa'i le'u bcu pa rdzogs so// //'bras nad dang/
 rgyu rlubs dang/ skran nad dang/ nad sna 'di gsum gyi nad gzhi bshad pa'i le'u ste bcu gcig pa bshad par bya'o/ /de la khong 'bras su gyur pa'i nad kyi gzhi ni/ kha zas khong du zhags lon pa dang/ kha zas ha cang tsha ches pa dang/ kha
 zas rtsub pa dang/ kha zas skam bag dang/ kha zas tsha bar 'gyur ba 'di rnams lta bu zas pa dang/ rkang lag bskums te mi bde bzhin du nyal ba dang/ khrag nad rgyas par 'gyur ba'i bag byas pas lus kyi pags pa dang/ sha dang tshil dang
 rus pa dang khrag dang chu ba bre'u dang chu ba chen po rnams dang 'di kun kyang khrag nad du gyur pa'i nad kyi nang du zhen pa dang/ de las phyi nang gnyis kar skrangs te/ khong 'bras kyi rtsa ba khong du ring du zug la nad tshabs che ste/ khong 'bras kyi dbyibs
 ni zlum po 'am mjid ba ring por 'byung ngo/ /de yang nad gzhi tha dad pa'i bye brag gi nad sna drug yod do/ /gang zhe na rlung dang/ mkhris pa dang/ bad kan dang gsum las khong 'bras nad sna re re 'byung ba dang/ 'dus pa las khong 'bras su gyur pa
 dang/ khrag nad rgyas pa las nang du 'gyur ba dang/ smas te rma byung ba las khong 'bras su gyur pa dang rnam pa drug go /de dag la'ang rnam pa gnyis yod de/ phyi rol tu 'byung ba dang/ nang du 'byung ba dang/ rnam pa gnyis so/ /de la phyi rol tu 'byung ba ni lus kyi
 yan lag de dag tu mi bzad pa'i nad rdog rdog par brgyus pa 'dra ba mthon por 'byung ngo/ /de la nad nang du 'byung ba ni nang gi zabs su skran dang 'dra ba 'khrang ba mi bzad par 'byung ngo/ /de 'byung ba'i dbyibs ni grog ma'i sa phung spangs pa mthon
 por 'dug pa de lta bu/ lte ba dang mchu dang mchin pa dang/ mcher ba dang/ klo ba dang snying dang lto ba dang chu so g.yas g.yon dang/ mkhal ma g.yas g.yon dang/ gzhang kha dang 'di rnams kyi sar 'byung ste/ de ni me dang mtshon gyis phog pa
 bzhin myur du 'chi bar byed do/ /de la rlung nad las gyur pa'i nad thabs ni mdog smug par 'dug la myur du 'byung du mi rung ste ring du thogs/ mgo slon cing snags pa yang mi snyoms la na zhing tsha mgo 'khor/ nyam chung phal byed cing sgra yang
 yod de 'di ni rlung las gyur pa zhes bya'o/ /de la mkhris pa las gyur pa'i nad thabs ni skom dang che mong bag tu 'gyur/ khong tsha rims kyis 'debs nang 'byung ba'i mdog ni zangs kyi mdog bzhin dmar la rtsa nag dmigs myur du 'byung
 zhing myur du rnags par 'gyur ro/ /'di lta bu ni mkhris pa las gyur pa yin no/ /de la bad kan las gyur pa'i nad ni khong bsil zhing gyen du slon/ kha glal lus lci zas yi gar mi 'ong/ nad dmigs gar byung ba der sra la mdog skya/ g.ya'
 mig myur du 'byung du mi rung/ nad dmigs kyi nye 'khor tsha ba 'di ni bad kan las gyur pa yin te/ de la 'dus pa'i nad las gyur pa'i nad thabs ni nad dmigs kyi tshul las/ nad phyi rol tu 'byung ngam nang du 'byung ba shes par bya ste nang byung
 ba'i 'brum bu nag pos khebs par byung la/ 'brum bu nag po de rab tshal na/ rims kyis kyang 'debs so/ /de la khrag nad las gyur pa'i nad ni mkhris pa las gyur pa'i nad thabs dang 'dra ste khrag las nang du gyur na phyi
 rol gyi sha dang pags pa las 'byung bar 'gyur ro/ /bud med rnams la ni nang du 'byung bar 'gyur ro/ /mtshon la sogs pas rmas te rma byung ba las mi 'phrod pas rma red de/ rma kha tsha ba rlung gi phul nas khrag dang mkhris pa mched de khrag dang
 mkhris pa de las nad bla thabs rne'u lhags shing de dag tu na bar 'gyur ro/ /nad gnas tha dad pa so sor byung na nad kyi bye brag ni lte bar byung na skyigs bus 'debs so/ /chu sor byung na chu 'gags pa dang/ gcin rnag tu 'byung bar 'gyur ro/ /mchin
 pa la byung na dbugs mi bde'o/ /mcher ba la byung na rngam pa drag tu 'phul zhing dbugs mi bde'o/ /glo ba la byung na lkog ma dang mgul pa na zhis skom dang che'o/ /snying la byung na lus dang lus kyi yan lag thams cad rab tu gzir ba snyam
 byed do/ /mchin dogs kyi nang du 'byung na lud pas lu/ snying gar g.yogs pa snyam byed/ myos snying mug mug cing mun sros pa bzhin du 'gyur ro/ /rtsibs logs kyi nang du byung na phrag pa na lto ba skrang ngo/ /chu so g.yas g.yon 'doms
 phrag du byung na/ brla thog thag na bar 'gyur ro/ /mkhal ma la byung na rked pa dang rgyab dang rtsib logs su na bar 'gyur ro/ /gzhang la byung na bshang ba dang dbugs thur du 'byung ba 'gags par 'gyur ro/ /ma zhu ba'i gnas pho ba dang/ zhu ba'i
 gnas pho ba dang/ zhu ba'i gnas long ga dang phyed ma zhur gnas pa nad grol 'di dag gi thog du byung na de dag gi 'or nad dang 'dra'o/ /de la khong du lte ba yan chad du byung na ni rnag khar 'ong bar 'gyur ro/ /ro smad lte ba'i 'og man chad khong du
 byung na/ rkub tu rnag zag par 'gyur ro/ /lte ba'i nang du byung na stod smad gnyis ka nas rnag zag par 'gyur ro/ /de ltar rnam drug lta bu'i phyi 'am nang du 'byung na/ rlung dang mkhris pa dang bad kan dang khrag rgyas pa dang/ rma reng pa'i rmen bu la gsogs pa so
 so'i nad dmigs bzhin du gso ba'i dpyad bya'o/ /'dus pa'i nad las 'byung bar 'gyur ba ni gso dka' te ma gtogs so/ /de la rnying dang lte ba dang lgang pa chu so 'di dag tu phyi rol tu 'byung yang rung/ nang du 'byung yang rung ste/ smin de rnag zag par gyur
 kyang mi 'tsho'o/ /khong du 'byung ste/ smin nas rnag kha nas zag cing 'ong yang nad pa'i nyam chung la nad bla thabs na ba gzhan yang yod na/ de lta buAng mi 'tsho'o/ /de dang 'dra bar bud med kyi nu ma la byung yang rtsa sgo kha bye ba yin pas gso dka' ste mi
 'tsho'o/ /bud med la bu btsas pa dang/ sbrum ma dang/ nu zho yod pa dang/ nu zho med pa lta bu la byung ba ni phyi rol du byung ba zhes bya ste/ 'or nad dang 'dra bar rtug por skrangs pa sra ste/ 'di yang de bzhin du gso dka' o/ /bu mo chung ngu'i nu ma'i rtsa
 pa'i spu gu rnams ni phra bas na de lta bu la ni mi 'byung ngo/ /rgyu rlugs kyi nad gzhi bshad pa rgyu rlugs kyi nad ni rgyu ma'i nang gi rlung yan man rgyu ba 'gags te/ thogs pa dang nad du gyur nas na zhing skrangs te rgyu ma thur du rnu zhing chu so nas
 pho mtshan gyi 'bras bu'i nad du son pa dang/ pho mtshan dang pho mtshan gyi pags pa'i rtsa yang rgyu ma rlugs pas btsir nas/ pho mtshan gyi pags pa yang cher skye bar byed do/ /rlig rlugs kyi nad de yang rnam pa bdun te/ rlung dang mkhris pa dang
 bad kan gyi nad skyes pa dang/ khrag nad skye ste lud pa dang/ tshil nad du gyur ba dang/ lgang pa skyes pa dang rgyu ma skyes pa'i nang dang rnam pa 'di bdun no/ /de la lgang pa skyes pa dang rgyu ma skyes pa 'di gnyis kyang rlung nad kyis skye bar 'gyur te/
 rlig rlugs kyi nad kyi rgyu ni tha dad do/ /de la rlung nad las gyur pa'i rlig rlugs kyi nad thabs ni/ rkyal pa rlung gis gang ba 'dra la/ rlung las gyur pas na na bar gyur pa'i gzhi med pa bzhin du na'o/ /mkhris pa las gyur pa'i
 rlig rlugs ni rlig pa'i mdog shing u dum+ba ra'i 'bras bu 'dra bar dmar por snang la drod cha zhing tsha la 'drul ba de lta bu yin no/ /bad kan las rlig rlugs su gyur pa ni grang la lci 'jam la g.ya'/ sra la nad tshabs mi che ba de lta bu yin no//
 khrag nad rgyas pa las rgyu rlugs su gyur pa ni 'brum bu nag por gang ba yod de/ tshul gzhan ni mkhris pa las rgyu rlugs kyi nad du gyur pa dang 'dra'o/ /tshil nad las rgyu ma skyes te rgyu rlugs kyi nad du gyur pa'i nad thabs ni spyi bad kan dang
 'dra ste/ 'jam la rlig pa'i dbyibs ni shing tA la'i 'bras bu ltar 'dug go /gcin snyoms na mnags pa sha dag byed pa nges gcin gsogs shing lgang pa cher skyes pa las rlig rlugs su gyur na rkyal pa chus gang ba bzhin rnyog rnyog zer la
 na/ rlig pa'i pags pa 'jam/ chu 'gags par byed/ pho mtshan gyi 'og pags pa'i bar du glo glo bor 'byung ngo/ /rgyu ma nar te rlig rlugs su gyur pa'i nad thabs ni rlung nad slong bar gyur pa'i kha zas dang/ zas bsil ba'i bag
 dang chu'i nad du rkyal ba dang/ bshang gci snyoms na nan gyis mnags pa dang/ mi bo bzhin btsir ba dang/ khur dang lam gyis dub pa dang/ lus kyi yan lag log par bcu zhing/ skyod gsig ste/ rgyu ma'i nad 'khrugs par 'gyur
 de lta bu'i bag byas pas/ de'i tshe rgyu ma phre'u kha cig rang gi gnas nas rlung gi thur du log par phul te/ chu so dang 'doms kyi phrag tu phyin par byas nas mdung pa ltar glo bo zhig tu de'i tshe skrang ngo/ /'di ltar gyur kyang yal bar bor te sman
 dpyad? mi byed na rlig rlugs cher skyes te/ khong spo na rem rem por byed la nang du rlung gis rab tu gzir ba dang/ rgyu ma sgra can kho lu lu zer zhing rlig pa'i nang du gang bar byed rgyu ma khong ba'i nang du slar phul te btang nas yang slar bzhin snga na
 mkho ba bzhin gang bar 'gyur ro/ /de lta bas na rgyu ma nar zhing skyes pa'i rlig rlugs 'di ni gso dka' ste/ rlung nad las rlig rlugs su gyur pa dang 'dra la rtsa phra mo dra ba skar khung ris ltar 'dug pa rtsa kun rtsub la smug go /skran nad rnam pa
 brgyad kyi nad gzhi dang nad thabs bshad pa skran rnam pa brgyad yod do/ /rlung dang mkhris pa dang bad kan re re'i skran dang rlung dang mkhris pa dang bad kan gsum las gnyis gnyis su 'dres pa las/ skran rnam gsum du gyur pa dang/
 bud med zla mtshan mngal du byung na nad dang mkhris pa 'am bad kan gyi nad kyis 'gags te skran du gyur pa dang/ skran rnam pa de brgyad do/ /skran nad du gyur pa'i nad gzhi ni/ rims kyis btab pa dang/ slon pa dang/ ched pa la sogs
 bar 'khru ba dang/ skyugs sman dang/ bkru sman la sogs pa btang bas/ lus kyi sha de skam por gyur pas/ lus rlung can du gyur pa'i steng du bkres pa las chu grangs 'thungs pa dang/ zas bcad de smyung ba byas pa dang/ ha cang drag
 ches pa las chu'i nang du rkyal ba la sogs te lus la gnod cing rlung nad slong bar 'gyur ba de lta bu'i bag rten pa dang/ yang na slon mi bro zhing/ nan gyis bkugs pa dang/ yang na slon na mnags te/ ma slon pa dang/ bshang gci dang
 dbugs thur du 'byung ba snyoms zhing 'ong na yang mnags pa dang/ 'di dag mi 'ong bzhin du nan gyis btsir ba dang/ skyugs sman dang bkru sman zhig gtong na mngar sman mar gyi dpyad dang/ dug gi cho ga ma byas par skyugs sman dang
 bkru sman btang ba dang/ yang na cho ga bzhin du skyugs sman dang bkru sman btang ba'i rjes la kha zas drod po che tsha ba'i nad myur du ldang ba rnams zos pa 'am/ yang na bad kan skye bar 'gyur ba'i kha zas 'byil bag de
 lta bu zos pa las nad dkyel du 'gyur ro/ /de ltar rlung nad cher skyes pas rlung dang mkhris pa dang/ bad kan gyi nad so so na 'dems par gyur tam/ yang na nad sna gnyis su gyur tam/ yang na rlung dang mkhris pa dang bad kan gyi nang du gyur tam
 yang na khrag nad dang 'dres pa de lta bus lus kyi rtsa chen po bcu'i nang du nad zhugs pa dang/ lus kyi stod smad kha zas dang bshang gci rgyu zhing 'byung ba'i lam srang yang nad kyis chod de 'gags nas na zhing mi bde ba'i sa bon gyi lus kyi sha bri ste
 skam par gyur pas bad kan dang mkhris pa dang/ bshang gci dri mas rtsa sgo dang/ bshang gci rgyu ba'i srang 'gags sam/ khong pa nad grol phyi nang du rlung zhen te/ lus kyi nang rtsub cing sra bar gyur pas rlung dang mkhris pa dang bad kan gsum
 gyi rang gi gnas su skran zhugs na de'i ming ni skran nad rang dbang can zhes bya'o/ /rlung dang mkhris pa bad kan gyi skran de mkhris pa'i sar rlung gi skran zhugs sam bad kan gyi sar mkhris pa'i skran zhugs sam rlung gi sar bad kan gyi skran
 zhugs sam rlung gi sar mkhris pa'i skran zhugs pa de lta bu ni gzhan gyi sar skran zhugs pa zhes bya'o/ /de ltar nad dkyel 'dus pa las nad de gong gong por gyur pas nad de gzugs yod pa ma yin yang gzugs su gyur nas/ skran ril
 ril po lag gis myang du yod pa rdog rdog po mdung pa ltar 'dug pa 'di'i ming ni skran nad ces bya'o/ /de la rlung nad las gyur pa'i skran gyi nad thabs ni/ lgang pa'i chu so dang lte ba dang snying ga dang/ rtsib logs g.yas g.yon/ 'di
 rnams gang yang rung bar skran gnas shing 'dug ste/ rlung skran de dag tu byung bas mjid ba dang klad pa nas/ rims kyis 'debs/ mcher pa na rgyu ma'i nad sgra khro lu lu zer/ na zhing zug thur du bshad pa sri zhing 'gag /dbugs mi bde ste/ dbugs
 phyis yang dang yang 'byung ba mi phyin lus sra bar rengs bag tu 'gyur la/ kha skam lus ring cing skom pho ba'i me drod mi snyom/ lus kyi pags pa sha mdag? gnag la rtsub pa de lta bu ni rlung skran gyi nad thabs yin te/ rlung skran de khong pa nang
 na dbyibs tshul ji lta bu zhig tu 'dug pa dang/ rlung skran de gang na 'dug pa rtag tu mi mngon la/ rlung skran de res 'ga' ni skye/ res 'ga' ni dbri zhing na ste/ nyams la rlung skran de srog chags grog ma zhig gis gang ba snyam du prA prA byed pa
 zug cing na ba 'di lta bu ni rlung skran gyi nad thabs yin no/ /de la mkhris pa las skran nad du gyur pa'i nad thabs ni/ lus cha sgregs pa skyur por 'ong ngo/ /brgyal thur du 'khru lus rdul skom rims nad kyis 'debs bzhin mdog dang lus
 kyi mdog dang/ sen mo rnams ser por snang mkhris pa'i skran de lag pas rag na mi bzod/ skran de rab rab byed cing me bzhin 'bar/ skran yod pa'i 'khor mes bsregs pa bzhin cha'o/ /nad thabs 'di lta bu ni mkhris pa'i skran nad ces
 bya'o/ /de la bad kan las skran du gyur pa'i nad thabs ni blo bag tu gyur la kha zas yi gar mi 'ong/ pho ba'i drod chung grang ba'i rims nad dang cham pas 'debs khong snyoms pa dang/ dang ka mer mer por byed/ lud pa dkar/ bzhin
 mdog dang/ sen mo dang/ sha mthang gi mdog dkar bor 'dug /bad kan las skran du gyur pa nyid ni/ khod pa'i nang gi phugs na skran sra zhing lci la/ 'pho zhing 'gul ba dang/ skyed dbri med de mal gcig na brten par 'dug la/
 skran bem bem por 'dug/ bad kan gyi skran rang gi gnas su 'dug pa de na ba ni bad kan gyi nad kyi dus dus su ldang zhing na'o/ /de la rlung dang mkhris pa dang bad kan gsum gang yang rung ba las/ rlung dang mkhris
 ba lta bu nad sna gnyis las skran du gyur ba ni skran na ba'i nad thabs kyang nad sna gnyis 'dres pa'i nad thabs su 'gyur ro/ /rlung dang mkhris pa dang/ bad kan gsum las skran du 'gyur ba'i nad thabs ni/ rab tu na la tsha skran de
 stug cing sra la 'bur 'bur po 'thar 'gyur/ /skran de myur du smin par 'gyur ro/ /nad 'dus pa tshang ba'i nad 'di ni gsor mi rung ngo/ /de la khrag skran ni bud med 'ba' zhig la 'byung ste/ zla mtshan zag gam gsar du bu btsas saM/
 'on te mngal gyi nad dang/ cig yod pa las kha zas rlung nad du 'gyur ba'i bag zos pa dang/ rlung nad slong bar 'gyur ba'i bag bsten pas rlung nad langs nas zla mtshan zla re zhing dus su 'ong ba nad du 'gags te/ lto ba cher skyes te/
 rum na bu chags pa 'dra bar snang snying na/ kha zas kyi ro kha cig yid la 'dod pa snyam byed nu zho yang chang chud snang khong rma ste/ de lta bu las bags kyis rlung nad dang skran de mkhris pa'i gnas su zhen nas khrag skran te/ rlung dang
 mkhris pa las 'byung ba na la khong ba'i nad sra ba mer mer pa'i bag dang khong tsha dang chad pas 'khru skom rims nad kyis 'dabs 'di lta bu'i nad bla thabs su yang 'gyur ro/ /yang ni mngal gyi nad na khrag yod pa bas nang tsha bas rab
 tu che'o/ /mngal gyi nad nas kyang zag la dri mi zhim pa dang/ zug ba'i nad thabs dang/ na la g.yo zhing 'phar ba yang/ de ni mngal du chags pa zhes mi bya'i skran mngal du chags pa yin te/ skran de la prwa prwa byed skran de nyid gong bur
 'gyur te 'dug kyang gal te tshigs ring zhig lon zhing 'gul te par par byed na yang de lta bu yang rum na bu yod ces mi bya'i mngal du skran de nyid cher skyes zhes bya'o/ /yang ni skran no cog rlung dang mkhris pa dang bad kan so so'i nad kyi
 gnas la brten te skran du gyur pa dang/ 'dus pa'i skran du gyur pa de dag ni gal te yun ring po zhig na skran smin te/ rdol bar 'gyur ro/ /yang na ni smin cing rdol tu mi rung ngo/ /khong 'bras kyi nad byung ba ni skran dang mi 'dra ste/ de nad khrag
 ngan pa la brton pas/ myur du smin cing rdol bar 'gyur ro/ /de bas na de ni myur du tsha bar byed pas na de'i phyir zhes bya'o/ /de la skran gyi phyi nang gi bad na yod pa'i nad thabs ni chu so dang/ lto ba dang/ snying dang/ mcher pa dang/ khong pa'i
 drod chung zhing mdog nyams/ nyams mtshag bri bshad gci sri zhing 'gag /phyi rol du skran 'byung ba ni nad thabs 'di dang mi 'dra'o/ /nang grol gyi mdza' ma na skran yod pa ni/ nad chabs mi che'o/ /skran 'dug pa de'i 'khor na sha
 mdog kyang 'gyur la phyi rol tu glo glo bor cher snang ngo de la rlung nad las hen kyir 'gyur ba yang yod de/ de ni rlung gyen du rgyu ba dang/ thur du rgyu ba rnams 'gyel te 'gags pas lto ba rab tu cher gyur la hen gyis byung ste/ shin tu na ba
 de ni rlung nad kyis hen kyir gyur pa zhes bya'o/ /de yang rdo ba'i rtun bu 'jod? po ltar lta ba nas yar gyen du sri zhing mkhrad ba stug po mdud pa can rdo ba'i rtun bu 'jod 'jod po ltar phyir 'bur zhing glo bar 'byung ba de ni hen gyi gyen du byung
 ba zhes bya'o/ /hen gyi lto ba nas drang por 'dug pa ni han gyi thad dkar 'dug pa zhes bya'o/ /long ka nas rgyu zhags gzhang dang/ rgyu do'i bar du thur du zug cing gsang la bar du na ba de ni thur du zug pa'i rlung nad ces bya'o/ /nad thabs de las
 bzlog ste chul de 'dra ba las thad kar zug ste na 'am gyen du zug ste na ba de ni gyen du zug pa'i rlung nad ces bya'o/ /sgregs pa rab tu mang ba dang/ bshang ba 'od du mi rung ste/ 'gag pa dang kha zas 'drangs shing chim
 par za ba'i nus pa dang/ rgyu ma'i nad na sgra khrul lu lu zer zhing drod chung ste/ zas mi 'ju ba dang/ hen gyis 'bur 'bur bor byung na/ de lta bu'i skran nye bar 'ongs pa'i nad thabs yin zhes zer ro/ /'bras nad dang rgyu rlugs dang/ skran
 nad dang/ 'di sna gsum gyi nad gzhi bshad pa ste le'u bcu gcig pa rdzogs so// //dmu rdzing gi nad bzhi bshad pa'i le'u bcu gnyis pa bshad par bya'o/ /yod ni nad do cog thams cad kyang pho ba'i me drang chung ba
 las nad du 'gyur ro/ /pho ba'i me drod chung na dmu rdzing gi nad du 'gyur ro/ /de la dmu rdzid gi nad du gyur pa'i nad gzhi ni zas ma zhu ba dang/ kha zas mi 'phrod pa'i bag dang/ kha zas rtsub mo khengs bu zhag lon pa dang/ zas kyi ro
 dang mdog 'gyur ba dang/ bud med kyi skra dang/ sen mo dang/ shing tsher lta bus rgyu ma brtol ba dang/ di? ma ltor song ba dang/ rlung dang mkhris pa la sogs pa dang/ bshang gci lta bu'i dri ma 'di rnams long du bsags pas lus
 kyi srog zungs bdun stod smad du rgyu ba dang/ bad kan rgyu ba'i rtsa rnams 'gags te/ lus khong na yang pa'i rlung srog ces bya ba dang/ bo ba'i drod kyi me dang thur du sel ba zhes bya ba'i rlung 'di rnams la gnod pa byas pa dang/
 sha mthangs kyi bar du yang nad zhugs nas gsus pa cher skyes pa de ni dmu rdzid gi nad ces bya'o/ /de la yang rnam pa brgyad de/ rlung gi dmu rdzid dang/ khris pa'i dmu rdzid dang/ bad kan gyi dmu rdzing dang/ 'dus pa'i dmu rdzing dang/
 mdzed ba las dmu rdzid du gyur pa dang/ spu dang skra dang rta rnga'i bag lta bu dang/ kha zas 'dres pa zos pa dang/ rgyu ma'i nang du mkhris te bshad pa 'gags nas/ bshad? ba de mang du mkhyil pa las dmu rdzid du gyur pa dang/ kha zas kyi
 nang du rus pa dang/ gra ma dang nya'i gra ma dang rtsa dang shing bu dang/ gseg ma rnon po'i bag ltor song ba des rgyu ma rdol te bu byung ngam ha cang 'drangs ches ba zhes bas glal dbugs nang rdubs drags pas rgyu ma gal te lto ba'i nang du
 zag cing 'khyil bas dmu rdzid chags pa dang/ zas ma zhu ste pho bar be'u snabs chags pa'i steng du snum bag dang/ 'tshal nan du chu'i bag 'thungs pa dang/ 'tshal nan du chu ha cang mang du 'thungs pa dang/ pho ba'i drod chung bsam
 zhu ba 'am/ yang na ha cang bkren por gyur pa de lta bu las drod chung zhing grang nang rlung skyes pas kha zas zos pa'i bcud dangs ma rtsa so sor 'gro ba'i rtsa sgo yang 'gags la bad kan gyis kyang chod la bad kan dang dmu chur 'dres nas skyes ba
 de ni dmu rdzid zhes bya'o/ /de ltar dmu rdzid rnam pa de brgyad gang ltar gyur kyang rung ste dmu rdzid du gyur ba'i nad thabs ni/ rkan dang mchu skam/ rkang lag dang lto ba skrangs sems dran pa dang nyams mchag dang kha zas 'di rnam lnga las bri ste/
 nyams las sha ring de skem/ gsum pa cher skye ste lus gzugs spyir brtas na dmu rdzid gis btab ba'i mi de yi dags 'dra'o/ /de ltar dmu rdzid gi nad du gyur pa de bkres te kha kha byed ba yang nyams te med/ kha zas zos na yang yun ring du  
 mi 'jul 'ju ba'i tshe na yang dang ka tsha zhing skyur bzhin du 'ju kha zas zhu 'am/ ma zhu ba'i drod kyang ma zin la 'drangs par mi nus/ nyam bcags kyang nyin gcig pas nyin gcig gcig bri la cung zad gcig la byas pas skyed nad yang dbugs mi
 bde ste rngam ba drug tu 'byung bshad pa khong du gsogs shing sri la rkang ba cung zad skrad chu so'i mtshams su nang zhing gang ste rgyas kha zas yang ba cung zad zos kyang spos pa bzhin du 'gyur te/ gsus pa'i gnyen ma ni
 rangs/ rtsa ni rgyas dmu rdzid du gyur pa'i nad thams cad 'dra ste myos shing slong bag tu 'gyur la khong pa'i drod ni dro bshad pa'i dri ma sri zhing 'gags na drong chung bar 'gyur ro/ /lus ni tsha zhing skrang la gsus pa cher skyes te/ 'jug tu lto ba'i
 nang du 'byung bar 'gyur ro/ /de la dmu rdzing gi nad rlung las gyur pa'i shas chen sha mdog smug skrang ba med/ gsus pa khur thogs pa bzhin lci ba yin rtsa mang po'i dra ba skar khung ris bzhin du gsungs pa bkra/ lto ba'i nang na rtag par
 sgra 'ur ru ru zer/ lte ba dang rgyu mar zug cing rab tu na/ rlung nad las gyur na snying dang rked ba dang lte ba dang gzhad dang chu so g.yas g.yon du zug cing na/ dbugs thor du sgra can du 'byung/ gcin sri ste cung zad tsam du 'byung/ pho ba'i drod ha cang
 che ba yang ma yin te/ khar ro mi bro ba yang ma yin te/ zas yi gar 'ong zhing 'dod pa yang yod de 'di lta bu ni rlung nad kyi shas che ba las dmu rdzid du gyur pa zhes bya'o/ /de la rlung nad kyi dmu rdzid ni lag pa dang/ gzhang dang pho mtshan gyi 'bras bu
 dang lto ba 'di rnams spangs/ lto ba'i stod dang lto ba'i smad dang rtsi ba logs dang rked pa dang rgyab dang/ 'di rnams su na/ rus pa'i tshigs bye ba snyam byed lung pa rkam lud kyis bkar/ lus kyi yan lag na ro smad lci/ bshad ba sri zhing 'gag/
 lus kyi pags pa'i sha/ mdog dang/ skra dang sen mo la sogs pa gnag la rtsa dmar/ gsus pa blo bur du res 'ga' skye/ res 'ga' ni 'bri gsus pa zug cing na/ rtsa phra mo zug cing rgyas/ gus pa rkyal pa bus pa bzhin du rgyas te/ gsus pa
 rgyas na rkyal? pa bus ba rdabs pa skad zer la lto ba'i nang phan tshun yan man kun du rlung rgyu la na zhing zug/ de la mkhris pa las dmu rdzing du gyur pa'i nad? thabs ni/ rims kyis 'debs brgyal khong tsha skom dang che/ kha'i nang tsha mgo 'khor tshang par rab tu 'khru/
 pags pa'i sha mdog dang sen mo la sogs pa ser por snang/ gsus pa'i mdog kyang ser la/ lto pa'i rtsa rnams kyi mdog kyang ser la zangs kyi kha dog bzhin dmar lus rdul la/ tsha zhing bsregs pa snyam byed la lus kyi dad par 'gyur reg na 'jam myur
 du smin cing snags te zag par 'gyur ro/ /bad kan las dmu rdzid du gyur pa'i nad thabs ni/ rkang lag gi lhu tshigs na/ rkang lag tshor pa'i bag med de pem? por 'dug/ gsus pa skrad la lci gnyid che rtag tu slon zas yi gar mi 'ong dbugs mi thad de lung pa
 lu pags pa dang sen mo la sogs pa mdog skya bor 'gyur/ dmu rdzid skyes pa'i lto ba sra zhing mkhrad la 'jam/ gsus pa'i steng du rtsa dkar po chen pos gang/ gsus pa bags kyis cher skyes te sra zhing khrang lag bas myangs na grangs gsus pa lci/ rlung dang
 mkhris pa dang bad kan gsum tshar 'dus pa las dmu rdzid du gyur pa'i nad thabs ni/ rlung dang mkhris pa dang bad kan so so'i dmu rdzid gi nad thabs bshad pa ste/ de lta bu'i nad sna tshang ba'i dmu rdzid de ni 'dus pa'i dmu rdzid zhes kyang bya ste/ 'dus pa'i
 dmu rdzid gi nang du gyur pa ni bud med kyi kha zas kyi nang du skra dang/ sen mo dang dri ma dang/ gnod par gyur pa'i dbyig dug dang/ dug la sogs pas khong pa nad du khrag dang nad rnams bsags pas/ gsus pa yang dmu rdzid ltar skyes la kha skams mgo
 'khor brgyal ba'i nad thabs ni 'dus pa'i dmu rdzid gi nad thabs yin te/ grang lhags dang/ rlung dang nam dmus tsa? nad na bar 'gyur/ myur du smin cing snags te mi zad pas na bar 'gyur ro/ /de las mcher ba las dmu rdzid du gyur ba ni kha zas ha?
 cang cher zos pas nang du 'khrugs te mi bde ba dang/ phan tshun du song zhing drag shul cher bskyod pa byas pas bud med la ha cang drag pa dang/ las chem pos dub pa dang/ bkru sman dang skyugs sman lta bu drag pa las lus
 ska ste mcher pa glo g.yon 'dug pa thur du lhur nas mcher pa skrangs pa 'am/ khrag gis rgyas sam yang na zas kyi bcud khu ba ma zhu ba cher skrangs pa rdo ba'i tun bu bzhin sra bar 'gyur te/ rus sbal gyi rgyab bzhin du sngar mkhrang bar
 gyur pa las bags kyis cher skyes nas lto bar dmu rdzid ltar chags pa dang/ na ba'i thabs ni dbugs mi bde/ lud pa lu skom dang che kha zas khar ro ci bro mi tshor lto ba cher rgyas la na rims kyis 'dabs/ kha dog gi sha mdog skya bo rbab rbab
 bor 'dug/ brgyal slon khong che zhing myos pa de lta bur 'gyur ro/ /rtsa rnams ni dmar zhing smug pa 'am/ sngo zhing ser la mi sdug pa de lta bur 'gyur ro/ /bshad ba thur du 'od du mi rung ste/ 'gag cing na gsus pa cher skyes pa dang/ mong mong
 'od gyur pa dang/ skom dang skyes pa dang/ khong tsha zhing rims kyis 'debs pa dang/ lus lci zhing zas yi gar mi 'ong ba dang/ gsus pa rgyas te sra bar 'gyur ba dang/ 'di lta bu'i bye brag las mcher pa'i dmu rdzid de rlung dang mkhris pa 'am bad kan
 gyi nad gang che ba las mtsher pa'i dmu rdzid dang 'dra bar glo g.yas na mchin pa 'dug pa de yang kha zas ha cang cher zos pas nang du 'khrugs te mi bde ba dang/ phan tshun du song zhing drag shul cher bskyod pa byas pa dang/ bud med la ha cang
 drags pa dang/ las chen pos dub pa dang/ lam rings kyis dub pa dang/ bkru sman dang skyugs sman lta bu drags pas lus sha ske ste/ mtshan pa g.yas na 'dug pa de thur du lhung nas mched pa bzhin skrangs te dmu rdzid du 'gyur ro/ /de la bya sgro
 dang skra dang rta rnga la sogs pa kha zas dang 'dres te/ zos pa des/ rgyu ma'i nang mkhris te 'khums pas bshad ba kun nang du 'khyil cing 'gags pa dang/ gzhang 'brum gyi nad kyi btab bam/ bshang? ba 'gags te 'byung du mi rung ba 'am kha zas
 kyis rgyu ma'i nang gi ngos la chags pas mkhris pa dang/ bad kan dang bshang gci rnams 'gags te/ 'khyil pas rlung thur du sel ba zhes bya ba zhig lto na gnas pa de 'gags shing 'khyil bas nang du gyur te/ rlung lus kyi khong tsha rims nad kyis
 'debs skom brid pa 'byung/ lung pa lu dbugs mi bde bla na klang pa na snying na lte ba na/ gzhang dang 'di rnams na bas bshad ba 'gag cing 'khyil zas yi gar mi 'ong/ slon lto ba'i nang du rlung sgra 'ur ru ru zer/ rtsa kun rgyas te sngo la smug /lte ba'i
 gong du ba mjug 'dra bshur shur po snang ba'i hen gyi 'byung ba 'di ni/ skra dang rta rnga la sogs pa rgyu ma'i nang du mkhris pa'i dmu rdzid zhes bya'o/ /de la rgyu ma ral pa las dmu rdzid du gyur pa ni rnam pa gnyis te/ kha zas dang rus pa rnon pos sam/
 gseg ma rnod po'i bag dang 'dres pas rgyu ma rdol ba 'am/ ha cang ma 'ong bar drags ches pas rgyu ma gas par gyur pa de lta bu las khong pa'i nad du yang kha kyi snyags snyigs dang/ be'u rnabs su bcas te lug par gyur pa dang/ thur du yang bshang
 ba nyung shas nyung shas mnam po she'u rul lta bu spyi bag tu 'byung ba mdog dmar ser can du 'byung ste/ de lta bus lto ba'i nang yang gang/ thur du yang 'di bzhin du 'byung ste/ lte ba man chad lte ba chus gang ba bzhin cher skye la lus kun khyab/
 dbugs mi bde skom dang che/ mgo 'khor ba 'di lta bu'i nad thabs ni rgyu ma rdol ba'i dmu rdzid zhes bya'o/ /yang kha cig na re nad de lta bu la rgyu ma zag pa'i dmu rdzid zhes kyang zer ro/ /de la dmu chu'i dmu rdzid zhes bya ba ni/ snum bag la sogs pa rtag tu 'thung
 ba la zhugs pa dang/ 'phral du chu mang du 'thungs pa dang/ ha cang chu ma 'os par drag tu 'thungs pa dang/ 'di lta bus khong pa'i drod bri ste pho ba'i drod chung ba dang yang na ha cang skom par gyur pa 'am/ 'di lta bu'i khong grang
 zhing rlung bag cher skyes pas bad kan dang chu 'dres pa 'khyil te rdzings pa las je che je tshar skyes pa de nyid dmu rdzing zhes bya'o/ /de lta dmu rdzing du gyur pa dang/ skom dang che/ rkub tu chu zag cing na/ lud pas bkar dbugs mi bde zas yi
 gar ma 'ong/ rtsa rnams mdog sna tshogs su bkra la rgyas shing gang/ gsus pa la myangs shing ltas ni rgyal pa chus gang ba bzhin 'dug la/ bskyod na khong na skyog skyog zer lus 'dar/ de ltar gsus pa dang dmu rdzing du gyur na che la 'jam
 sra lte ba'i thar kar zlum/ nad 'di lta bu la dpyad mi byed cing mi gso bar yal bar bos na dkyel skyes te/ khong du rul te snags na rnag sla mor zag la rus pa'i tshigs dang rtsa kun gyi nang du yang 'gro/ khar yang 'byung lus kyi rdul du
 yang 'byung ngo/ /yang dbu rdzing de gal te thur du 'byung du mi rung zhing 'gags na rgyu ma'i nad du 'khyil te/ lto ba g.yas g.yon du thad kar gang zhing 'dug go /de ltar gyur na gsus pa lci la sra zhing zlum /brdabs na sgra 'byung gsus
 pa mdog 'jam gsus pa'i rtsa mi snang ste lte ba'i thad kar bskul na mer mer byed de 'di lta bu'i nad ni chu'i dmu rdzing zhes bya'o/ /de ltar dmu rdzing gi nad rnam pa de snyed la gso dka' sla'i bye brag ni/ rlung las dmu rdzing du gyur pa dang/
 mkhris pa las dmu rdzing du gyur pa dang/ de bzhin du bad kan las dmu rdzing du gyu pa dang/ 'dus pa las gyur pa dang/ mcher pa las gyur pa dang/ chu las dmu rdzing du gyur pa dang/ 'di rnams ni gong ma bas 'og ma rim bzhin du
 gso dka' o/ /de ltar dmu rdzing ngo cog gi nang ni/ zla ba phyed lon phan chad dmu rdzing gi nad yin par rtogs par 'gyur ro/ /'dus pa'i dmu rdzing dang lto bar chu 'khyil ba'i dmu rdzing dang/ dmu rdzing lta bar gyur pa las nad brla brnyan lta bus
 btab pa dang/ dmu rdzing gi nad gang yang rung mi 'tsho bar 'gyur ba'i 'chi ltas byung ba dang/ dang po skyes pa nas dmu rdzing du gyur pa'i 'di rnams lta bu ni gso dka' o/ /de la gso sla ba ni dmu rdzing gsar du byung ba dang/ chu'i dmu rdzing lta bur
 gyur pa dang/ nad pa'i nyams btsag gis thub pa dang/ gsos dang sman dpyad du yang rung ba 'di rnams lta bu ni gso sla'o/ /dmu rdzing rnam pa brgyad bshad pa ste/ le'u bcu gnyis pa rdzogs so// //skya rbab dang/ 'or nad dang/ me dpal
 gyi nad gzhi bstan pa ste le'u bcu gsum pa bshad par bya'o/ /de la skya rbab kyi nang gi sngar ji skad bshad pa/ kha zas tsha ba dang/ skyur ba dang/ lan tsha la sogs pa de lta bus mkhris pa'i nad lhag par slong bar byed pas mkhris pa'i nad cher
 langs pa dang/ mkhris pa snying la gnas pa de rlung gi stobs kyis rtsa chen po bcu'i nang du bkram te gyes nas lus thams cad du phye ba ste/ bad kan dang/ pags pa dang/ khrag dang/ sha rnams kyi nang du zhugs te gnod pa'i nang du gyur na/ mkhris
 pa dang sha pags pa'i nang na brten cing 'dug pa des pags pa'i mdog kyang 'gyur te skya ba ser ba ljang sngon gyi bag yod pa de ni skya rbab kyi nad ces bya ste/ kha dog de gsum gyi nang nas skya ba'i shas che bas de'i phyir skya rbab kyi nad ces bya ba'o//
 de'i phyir nad des lus lci ba dang/ srog zungs kyi khams rnams lhod pa dang/ mdangs dang yon tan yang zad pas/ khrag dang tshil rnams kyang bri ste/ chung gu gyur lus kyi snying po yang med/ dbang po rnams kyang lhod lus kyi yan lag kyang brdung
 brdung ba snyam byed/ nad pa de nyams la snying ga na zag pa snyam byed/ mig dang mig phugs skrangs/ nyams la bying ba snyam byed cing na/ mchil ma mang/ gcom chung ste mang du smra mi phod kha zas la chig pa za zhing mi
 'dod/ grang ba'i bag mi bzod/ ba spu rnams kyi pho ba'i drod nyams/ dbyi man chad ro smad thur du bying ba snyam byed de lci/ rims kyi 'debs dbugs mi bde/ rna ba 'bod cing sgra tsir ri ri zer/ khong ngal mgo 'khor te/ skya rbab kyi nad
 thabs spyi ni de lta bu yin no/ /skya rbab kyi nad de yang rnam pa lnga ste/ rlung las gyur pa dang/ mkhris pa las gyur pa dang/ bad kan las gyur pa dang/ 'dus pa las gyur pa dang/ sa zhag lta bu zos pa las skya rbab gyur pa rnam pa de
 lnga'o/ /skya rbab kyi thog ma'i nad thabs ni snying 'phar/ pags pa'i sha mdangs rtsub yig 'chus gcin gyi mdog ser rdul med khong pa'i pho ba'i drod chung nyams byings ste khong ngal lo/ /rlung nad las gyur pa skya rbab kyi nad thabs ni
 lus kun na zhing zug la 'dar/ mdog gnag cing rtsub/ rtsa rnams dang sen mo dang mig bshang gcig rnams kyi mdog snug lus ni srang/ lto ba ni zhing sbo/ kha ro bro ba mi tshor/ rtug skam du 'byung/ rtsibs logs dang/ klad pa'i spyi
 bor zug cing na ba de lta bu yin no/ /mkhris pa las skya rbab tu gyur pa'i nad thabs ni rtsa dang sen mo dang mig la sogs pa'i mdog ljang sngon las rtsa ser por snang/ rims nad kyis 'debs dbugs mi bde ste mun pa bzhin mugs shes
 byed pa dang/ skom dang skye lus rdul/ brgyal nyams la bsil pa'i bag 'dod lus mnam ste dri mi zhim/ kha'i nang tsha/ thur du 'khru sgregs pa skyur la tsha bar 'byung ba 'di lta bu yin no/ /bad kan las gyur pa'i skya rbab kyi nad thabs ni rtsa dang
 sen mo la sogs pa'i mdog dkar por snang/ nyams glo bag tu 'dug /kha'i nang lan tsha'i ro bro/ ba spu rnams langs te brtse/ skad 'gag lud pa dkar slon par byed do/ /'dus la las gyur pa'i skya rbab kyi nad thabs ni rlung dang mkhris pa dang
 bad kan gsum gyi skya rbab kyi thabs kyi sna grangs 'dres par na la tshabs che ste mnag par dka' ba de lta bu yin no/ /sa zhag sbyin po zos pa las skya rbab kyi nad thabs su gyur pa ni/ sa zhag ro bska ba zos na/ rlung nad kyi skya rbab tu 'gyur ro//
 tsha pro ba'i sa zhag zag zos na/ mkhris pa'i nad kyi skya rbab tu 'gyur ro/ /sa zhag ro mdar ba zos na bad kan gyi nad kyi skya rbab tu 'gyur ro/ /de ltar sa de lta bu'i bag zos pas lus kyi srog zungs rnams la gnod pa'i nad 'gyur bar byed do/ /kham
 pa'i sa zhag rtsub mo zos na lus kyang rtsub par 'gyur la/ nang gi rgyu ma yang btsos pa snyam byed cing gang la/ khong pa nang du 'gags te nang thabs ni gong ma dang 'dra'o/ /de ltar kham pa'i sa zhag zos pas rkang pa dang/ lte ba dang/ kha dang po mtshan rnams
 skrad/ bshang ba thur du srin bu can du 'byung zhing/ bkru bag dang 'dra bar 'od/ khar bad kan dang khrag tu 'dres par 'ong ngo/ /skya rbab kyi nad kyis btab pa'i nad de la /mkhris pas skye bar 'gyur ba'i kha zas bsten na mkhris pa'i nad cher skyes
 pas /khong ba'i nad grol dang/ lus kyi yan lag gi sha khrag rnams mkhris pa las bsregs nas/ mig ser gyi nang du 'gyur te mig dang gcin dang/ pags pa dang/ sen mo dang/ kha gdong dang/ bshad pa rnams kyis mdog ser por snang/ lus
 tshal zas mi 'ju skom dang che/ lus kyi mdog ni sbal pa bzhin ser por snang/ dbang po rnams nyams pa 'di lta bu yin no/ /mkhris pa'i nad rgyus na/ /skya rbab kyi nad kyis btab par mig ser gyi nad kyis 'debs so/ /'or nad kyis btab pa zhig la dpyad
 mi byed par yal bar bor na lus phyogs su cher skrang ste/ nad gso dka' ba mig ser 'or thabs zhes bya ba de lta bur 'gyur ro/ /mig ser 'or thabs kyi nad de la dpyad 'phyis na/ nad ha li ma zhes bya bar 'gyur te/ de'i nad
 thabs ni gdong pa dang/ sha mdog ljang nag ser bar snang ste/ rlung dang mkhris pa gnyis kyi nad kyis mgo 'khor/ skom dang che bud med la 'dod pa'i bag med/ rims nad kyis cung zad 'debs khong snyom/ /nyam chung pho ba'i drod bri/ khrag
 ngan pa nad khrag tu 'gyur/ zas ma zhu ba'i tshul du dbo la/ mi slon mi 'khru ba de'i tshe na/ nad de ni ha li ma ka zhes bya ste/ mig ser gyis nad 'di rnams kyang/ skya rbab kyi nad las dpyad 'phyis pa'i brla brnyan dang mig ser gyi nad rnams lta bur
 'gyur ro/ /mig ser gyi nad de lta bu las dpyad 'phyis te/ bying na mig ser gyi nad de dag gi brla brnyan gyi nang na gtsor ni 'or nad du 'gyur ba'i nad mang bas de'i phyir 'di'i rjes la 'or nad kyi dmigs bstan cing bshad de/ 'or nad de yang
 ji lta bu las 'byung zhe na/ mkhris pa dang khrag dang/ bad kan las rlung gi nad bslang ste/ 'dus pa'i nad dkyel du bsags pa de yang/ rlung nad kyis rtsa rnams kyi nad 'phros te/ gram pa las rtsa 'gags nas sha dang pags pa'i nang du
 zhugs te/ sgrang la 'khrad bar 'gyur pa de ni 'or nad thams cad kyi tshul yin no/ /'or nad de yang nad bzhi'i bye brag dang/ nad thabs kyi bye brag las/ 'or nad rnam pa dgur yang bshad de/ de ni rlung dang mkhris pa dang/ bad kan las gyur pa'i
 'or nad sna gsum dang/ rlung dang mkhris pa dang bad kan nang gnyis gnyis su 'dres pa'i 'or nad sna gsum dang/ 'dus pa'i 'or nad dang dug gis phyog pa'i 'or nad rnam pa dgu'o/ /yang na rtag tu 'or nang du skrang ba dang/ blo bur du 'or
 thabs su skrang ba dang gnyis so/ /yang lus thams cad 'or thabs su skrang ba'i nad dang/ yan lag rkang lag bskrang ba'i 'or nad rnam gnyis so/ /yang 'or nad rnam pa gsum yod de/ phyogs su rgyas par khyab pa'i 'or nad dang/ mi na bar glo bur skrang
 ba'i 'or nad dang/ mdud pa bzhin 'bar 'bur du skrang ba'i 'or nad kyi bye brag rnam pa gsum mo/ /de ltar sna tshogs rnam pa 'di ni 'or nad do cog gi spyi'i nad du 'gyur ba'i gzhi las 'byung ngo/ /de la 'or nad so so'i nad gzhi'i rgyu tha dad pa
 yis/ /'or nad so sor 'gyur ba ni 'or nad du 'gyur ba'i nad kyis btab pa dang/ las dang/ zas smyung ba la sogs pa byas pa dang/ ring cing nyam chung la/ zas sla bag zos pa dang/ zas kyi chod ha cang drags pa dang/ yang zas spyi pag dang/ skyur bag dang
 snum bag dang/ bsil bag dang/ lan tsha ches pa dang/ thal sman rnon po k+Shar lta bu btang ba dang/ zas tsha bag ha cang drod ches pa dang/ mya ngan gyis btab pa dang/ chu mang du 'thungs pa dang/ nyin par nyal zhing mtshan mo mi nyal ba dang/
 khams sbyin po zos pa dang/ grong khrod na gnas pa bya phag la sogs pa'i sha za ba dang/ sha skam za ba dang/ zas ma zhu ba dang/ khong ngal ba dang/ bud med la drags pa dang/ rkang pas lam ring por song song pa dang/ rta mi bde ba las
 lus gsogs pa dang/ dbugs mi bde ba dang/ lud pas bkar ba dang tshad pas btab pa dang/ gzhang 'brum gyi nad dang/ lto ba'i nad dang/ mngal nas khrag zag pa dang/ rims nad kyis btab spos te zug pa dang/ spos te 'khyil nas
 mi slon mi 'khru ba dang/ slon pa drags pa dang/ bud med sprum pa dang/ me dpal gyi nad kyis btab pa dang skya rbab kyi nad dang/ 'di lta bu'i bag gzhan yang lus la gnod par gyur ba log par bsten pa byas pas 'or nad kyi dkyel 'bras
 bu 'dus shing babs na/ ro stod yan chad 'or nad skrang ngo/ /ro smad du chu sor nad babs te dkyel du zhugs na/ ro smad man chad skrang ngo/ /rked par babs na lus kyi bar rked pa'i 'khor skrang ngo/ /'or nad lus kun du
 zhugs na lus thams cad skrang ngo/ /lus kyi yan lag rkang pa 'am lag pa la babs na yan lag tu skrang ngo/ /de ltar 'or nad kyis 'debs na nad thabs sngar rtsa rnams tsha/ lus dang rkang lag lci ba de ba rnams ltar byed ?/ de las
 gyur pa'i 'or thabs ni skrang pa mal gcig tu mi skrang bar phan tshun du 'pho la lus dang ba spu rtsub sha mdog rtsa gnag la dmar/ lus kyi pags pa 'khum rkang lag 'dar/ ba spu rtse zhing ? mthang la reg na na zhing mi bde glug? la
 rus pa kun kha bye ba 'am chag pa tsam du na sha mdangs bem bem por 'gyur te reg pa mi tshor/ nad myur du ldang zhing myur du ni/ skrangs pa'i steng du mnan cing btsir na khung bu dor zhes 'byung/ til gyi 'bru mar ram/ 'bri mar lta bu
 rbon por byas te/ bsku zhing mnyes na zhi bar 'gyur ro/ /mtshan mo skrang pa ni bri nyin par ni skrang/ pags pa'i sha mdangs yungs mar phyis bskus pa bzhin tsha bar byed sha mdangs kyi mdog ni rtsa ser dmar gyi mdog la nag por snang
 ngo/ /mkhris pa las 'or nad du gyur pa'i nad thabs ni pags pa dang ba spu zangs mdog tu snang/ skrang ba myur du lus la mched cing myur du zhan/ sngar lus kyi rked par 'or nad 'byung/ skom dang che/ lus tsha rims nad kyis 'debs lus rdul/ lus rdul
 bag tu mnam/ myos bag la mig 'khor/ grang zhing bsil ba'i bag 'dod/ tshad par thur du 'khru zhing mnam/ sha mthang la reg na mi bzod la mdog 'jam mo/ /bad kan las 'or nad du gyur pa'i nad zabs kyi lus g.ya'/ sha mthang dang/ ba spu
 rnams mdog dkar/ sha mthang khong mkhrang zhing grang la lci/ mdog snum 'jam/ na ba la ldang dub med par rtag /blong pag tu 'dug la gnyid che/ slon po pa'i me drod nyams/ skrangs pa'i steng du mnan na khung bu lcongs shes byed/ bad kan gyi 'or
 nad 'di 'byung ba yang dkon byung na yang gso dka' mtshan mo ni tshabs cher skrang/ bad kan gyi 'or nad la gtar ka btab na yang/ khrag myur du mi phyin dro zhing tsha ba'i bag reg na dga' o/ /rlung dang mkhris pa dang/ bad kan lta bu gnyis gnyis su 'dres
 pa'i nad thabs ni bad kan dang/ mkhris pa'i 'or na sna gnyis kyi nad thabs su na ba yin no/ /'dus pa'i 'or nad kyi nad thabs ni rlung dang mkhris pa dang/ bad kan gyi 'or nad sna gsum gyi nad sna tshang ba'i nad thabs su na ba yin na/ de la snud pa'i
 'or nad kyis nad thabs ni mtshon la sogs pas chod dam dral tam/ rmas sam lhags pa 'am kha bas rul tam mes tshig gam/ mtshor zhugs te lus skrangs sam/ bse rtsi'i 'bras bu go be 'am/ sman ka bi ka rtsu 'am/ gram la sogs pas
 reg cig phog na skrang ba mched par 'gyur te/ mdog dmar por snang la rab tu tsha ste/ 'di lta bu snang ba'i rnams ni tshang ma mkhris pa'i bag tu gtogs so/ /dug gis phog pa'i 'or ces bya ba ni srog chags gdug pa'i bag lus la song ba'i gcin
 gyis phog pa dang/ so dang mche ba dang/ sen mos zug cing skrangs pa dang/ srog chags gdug pa'i bag ma yin yang rtug gcin dang khu ba lta bu'i dri ma bog pa dang/ dug gi shing gi rlung khar babs pa dang/ dbyig dug gam dug sbyar ma'i phye
 ma reg pa 'di lta bu las 'or nad du 'gyur ro/ /de la 'or nad gso ba ni/ skrang ba na tshun du 'pho ba mi mkhrang ste snyi/ lus myur du tsha zhing rtse 'jil/ 'or gsar du byung ma thag la de'i steng du na brla brnyan gyi bag med pa de lta bu ni gso sla'o//
 'or nad gso dka' pa ni sngar logs shig tu bshad pa yin no/ /de la me dbal gyi nad thabs ni rnam pa gnyis te/ mtshon dang rdo dbyug gis snang pa las me dbal gyi nad du 'gyur ba dang/ rlung ngam mkhris pa 'am bad
 kan gyis nad bslang ste/ me dbal du 'gyur ba ni 'or nad kyi nad gzhi las nad 'or nad du gyur ba dang 'dra'o/ /me dpal de yang rnam pa gsum ste/ phyi rol na gnas pa dang/ nad na gnas pa dang/ gnyi ga na gnas pa dang gsum mo//
 'di gsum la gso ka sla yang rim bzhin te/ phyi'i me dbal ni gso sla/ nad gi med dbal ni gso dka' / phyi nang gnyis ka'i me dbal ni de bas kyang gso dka' o/ /yod ni me dpal gyi nad kyang rlung dang mkhris pa dang/ bad kan gyi nad
 slong bar 'gyur ba'i nad langs te/ me dbal gyi nad du 'gyur mod kyi/ lhag par ni tsha ba'i bag gis nad bslang ste/ lus kun la me dbal gyis khyab pa byed de/ nang gi me dbal nang na gnas/ phyi'i me
 dbal phyi na gnas/ phyi nang gnyis ka'i me dbal yang phyi nang gi bar na gnas te/ nad de lus kyi nad rnams la tsha bas gdung la myong bag tu byed/ rtsa rnams kyi sgo 'gag skom dang lhag par du che/ bshang gci res 'ga' ni mang du 'od/ res
 'ga' ni 'gag bar byed cing sri/ pho ba'i drod dang nyams btsag myur du nyams te/ bri ba yin te/ nad thabs 'di lta bu ni nang gi me dbal zhes bya'o/ /phyi'i me dbal ni nad thabs 'di rnams lta bu las tshul bzlog ste shes par bya'o/ /phyi nang
 gnyis ka'i me dbal ni nad thabs 'di rnams lta bu las tshul bzlog ste/ shes par bya'o/ /phyi nang gnyis ka'i me dbal ni nad thabs de rnam gnyis ltar na'o/ /me dbal gyi nad thabs spyi ni de lta bur lta'o/ /rlung nad las me dbal du gyur pa'i
 nad thabs ni/ rlung nad las rims su gyur pa'i nad thabs dang 'dra ste/ tsha ba'i nad lus kun tu mched la bskrang/ zug cing phra phra byed/ lus dang yan lag rnams brdung brdung ba snyam byed/ ba spu rnams langs shing brtse ba 'di lta bur byed do/ /mkhris pa
 las me dbal du gyur ba'i nad thabs ni lus kun tu me dbal gyi nad myur du mched cing 'gro /spyi ni mkhris pa las rims tsha bar gyur pa dang thabs gcig ste/ lus dang gzhi mdog rab tu dmar ro/ /bad kan las me dbal du gyur pa'i nad thabs ni me
 dbal gyi 'brum bu'i 'khor g.ya' la pags pa 'jam ste/ nad thabs spyi ni bad kan gyi rims dang 'dra'o/ /de ltar me dbal dang 'bras la sogs pa byung na sman dang dpyad mi byed par yal bar bzhag na rlung dang mkhris pa dang bad kan so so'i
 nad kyi tshul las bsags pa smin te rdol ba dang rma'i tshul la so so'i nad gang yin pa gsal bar shes par 'gyur ro/ /de la rlung dang mkhris pa sna gnyis 'dres pa las me dbal du gyur pa'i nad thabs ni rims nad kyis 'debs slon brgyal
 tshad bar rab tu 'khru skom dang che mgo 'khor/ lhu tshigs kyi rus pa chag pa snyam byed pho ba'i me drod nyams/ dbugs mi bde/ snying mug mug byed cing mun thib thib byed pa bzhin du mi dran kha zas yi gar mi 'ong/ lus dang yan lag thams cad
 rgya sol gyi me 'bar ba dang 'dra bar rab tu tsha/ lus dang yan lag la me dbal mched do cog me dbal gyi nad rgya sol gyi me mdag 'bar ba bzhin du tsha la sha mdog gnag la sngo/ /yang khrag nag rgyas pa'i dkyil du yang gsogs shing me
 dbal gyi 'brum bu de mes tshig pa 'dra ba zhig yod de/ des lus thog thag tu myur du mched de khyab pa dang gnad kun gyi nang du yang 'jug cing 'gro la chu ser lta bu'i bag zag go /gal te me dbal rlung nad kyis shas che na/ lus dang yan lag
 rab tu na la/ mi dran te myos/ gnyid che/ dbugs mi bde/ dbugs kyi rdam pa drag tu 'byung/ skyigs bus 'debs nad thabs 'di lta bur gyur na/ nad pa de sngas gar bor yang dga' ba dang bde ba med do/ /skabs skabs
 su rkang lag brkyang zhing bya rmyang byas na yang/ lus dang sems mi bde zhing khong ngal bar 'gyur/ sems mod bag gi gsal te go dka' / gnyid che ba de lta bu ni me dang 'dra bar me dbal zhes bya'o/ /de la mdzer pa 'dra bar 'byung ba las
 me dbal 'gyur ba'i nad thabs ni/ bad kan cher skyes pas rlung mkhril cing 'gag ste/ rlung 'gags shing 'khril ba des/ bad kan rdol de rlung de brag gi nad du zhugs te/ khrag nad bslang nas pags pa dang/ rtsa bran dang/ chu ba dang/ sha kun gyi nang
 du khrag nad zhugs nas thor bu phra mo ring po dang/ thor bu sbom po sra ba mdzer pa dang 'dra bar 'byung ste/ mang po phreng ba bzhin du chags te mdog dmar por 'dug pa de lta bur byung na rab tu na/ rims kyis 'debs/ dbugs mi bde lud pas
 dkar/ tshang bar rab tu 'khru kha skam/ skyigs bus 'debs/ slon mgo 'khor mong bag tu 'gyur/ pags pa'i mdog mi sdug brgyal lus dang yan lag kun brdung brdung ba snyam byed/ pho ba'i me drod nyams par gyur pa'i nad thabs 'di ltar
 bu ni mdzer ba lta bu'i me dbal gyi nad bad kan dang rlung gnyis kyis slong ste bad kan dang mkhris pa las ni rims su 'gyur ro/ /bad kan gyis ni lus dang yan lag rengs pa'i bag la gnyid che/ glo bag tu 'dug /klad pa na/ lus kyi yan lag
 na zhing brkyang bskum byed 'dod/ tshig mang du smra/ zas yi gar mi 'ong/ mgo 'khor/ brgyal pho ba'i me drod nyams/ rkang lag gi rus pa rnams chag pa snyam byed/ skom dang che/ dbang po rnams mi gsal la lci/ tshad pa be'u snabs su 'khru
 dang ka 'dzings shing gang ba snyam byed de nas rtsa chen po kun gyi nad du zhugs shing 'gro la/ phal cher ni pho ba'i nang du nad zhugs nas/ lus kyi phyogs gar na ba ni ma yin gyi/ lus kun tu na te/ des na thor bu ser po dang/ dmar po dang/ dkar pos
 gang bas na/ nor bu skar phran ltar snang ste/ lus mdog gnag la 'jam/ dri ma can du 'gyur/ 'or thabs su skrang/ lus lci/ thor bu snags pa'i zabs che/ rab tu drod che ste tshal rul cing snags/ sha kun kyang rul cing snags zhig nas/ rtsa rgyus
 nyi rtse gsal bar snang ste/ lus mi ro ltar gyur pa 'di ni 'dam 'dra ba'i me dbal gyi nad ces bya'o/ /rlung dang mkhris pa dang bad kan gsum 'dus pa'i me dbal gyi nad ni/ me dbal gyi nad thabs thams cad tshang bar na ste/ 'dus pa'i me dbal gyi nad
 des/ lus kyi srog zungs bdun la myur du khyab par byed do/ /mtshon gyis rmas pa las khrag nad langs te/ chu ser dang tsha ba skyes na me dbal gyi nad thabs su 'gyur te/ de la rlung nad kyis kyang mched nas/ mon sran dkar ru 'dra bar 'byung ste/
 skrang pa rims nad lta bur 'gyur ro/ /tsha la dmar smug tu 'gyur ro/ /me dbal gyi nad de la gso dka' sla'i bye brag gi rlung dang mkhris pa dang bad kan sna re'i me dbal ni gso sla'o/ /rlung dang mkhris pa lta bu sna gnyis las me dbal du gyur la
 nad brla brnyan gyis btab na yang gso sla'o/ /me dbal gyi nad de la gso dka' ba ni/ rlung dang mkhris pa lta bu sna gnyis las me dbal du gyur pa mtshon gyis rmas te rma red pa'i me dbal dang/ nad thams cad 'jus pa'i me dbal gyis lus
 kyi gnas kun du khyab pa dang/ rtsa dang chu ba dang/ sha dang 'di rnams kun rul te/ ro bzhin mnam por gyur pa 'di lta bu'i me dbal ni gso dka' 'o/ /skya rbab dang/ 'or nad dang/ me dbal gyi nad gzhi bshad pa ste/ le'u bcu gsum pa rdzogs so// //
 mdze nad dang/ ltor srin bu 'jug pa'i nad gzhi bshad pa ste/ le'u bcu bzhi pa bshad par bya'o// //de la mdze nad kyis 'debs pa'i nad gzhi ni/ kha zas mi 'phrod pa gnod pa lta bu la sogs pa
 zos pa dang lus kyi bya ba bskyod pa dang/ 'dug pa dang/ nyal ba la sogs pa gnod pa mi 'phrod par 'gyur ba'i bag byas pa dang/ dge ba'i mi dam pa la smod pa dang/ srog gcod pa dang/ gzhan gyi nor 'phrog pa la sogs sdig
 pa'i las la brten pa dang/ 'di lta bu sngon gyi tshe byas sam/ da ltar 'phral du byas pa'i sdig gis/ khad nas nad bslang nad ngan rtsa kun gyi nad du gram ste zhugs nas/ sha dang pags pa dang/ khrag dang chu ser gyi nad langs te nang gi
 sha rnams kyang khong sla bar gyur nas/ mdze nad lus kyi phyir 'byung ngo/ /mdze nad 'byung ba'i thabs ni mdze nad ngan pas pags pa'i mdog mi sdug par byed do/ /mdze nad kyis thebs pa las sman dpyad mi byed par yal bar bor
 na?/ lus thams cad ma rungs par gyur nas/ lus kyi nad gi srog zungs bdun yang mdze nad kyis brgyas te/ nad thams cad rul bar 'gyur ba dang/ lus kyi phyi yang rul te snags shing rul nas de'i nad du 'bu phra mo zhugs nas
 lus kyi spu dang pags pa dang/ chu ba phra mo dang/ rtsa chen po dang rus pa la sogs pa kun gyi nad du zhugs te/ lus la za bar byed pa 'di ni mdze nad ces bya'o/ /sha bkra gzi gu'i nad ni gong ma lta bu'i nad de ma yin te/ phyi rol gyi
 nad ces bya'o/ /yod ni mdze nad gso dka' ba rnam pa bdun yod de/ rlung mkhris pa dang bad kan sna re'i mdze nad rnam gsum dang/ rlung dang mkhris pa la sogs pa gnyis gnyis nad 'dres pa'i mdze nad rnam gsum dang 'dus
 pa'i mdze nad dang bdun no/ /mdze nad gang gis btab kyang rung/ rlung dang mkhris pa dang bad kan gsum las 'gyur te/ de gsum la rlung ngam mkhris pa lta bu la sogs pa shas gang che ba las mdze nad kyi ming du 'dogs so/ /de la rlung nad
 las mdzer gyur pa'i mi ni thod pa lta bu zhes bya'o/ /shing u dum+ba ra'i 'bras bu smin pa 'dra'o/ /bad kan las gyur pa'i mdze nad dang/ rkang shu gnyis ni zlum po kor kor bar 'byung ngo/ /mdze ri sha zhes bya ba ni rlung dang mkhris pa gnyis las
 'byung ngo/ /mdze nad pags pa gcig pa dang/ mdze nad du gtogs pa 'brum bu phra mo dang/ sha bkra dang 'bras byer ba dang/ 'di rnams ni rlung dang bad kan gnyis las 'byung ngo/ /shu ba dang sha ta ru shing dang/ bu na ta ki ra dang/ 'brum bu
 tsag tsag por 'byung ba dang/ g.yan pa dang/ tsar ma da la dang/ 'di rnams ni bad kan dang mkhris pa gnyis las 'byung ngo/ /rlung dang mkhris pa dang bad kan gsum 'dus pa las mdzer gyur pa ni ka ka na zhes bya'o/ /de la mdze dang thor bu lta
 bu dang shing thog u dum+ba ra smin pa lta bu dang/ zlum po kor kor por 'byung ba dang/ gsum mdze ka ka na dang/ pu ta ri ka 'dra ba dang/ a ri sh+ya'i lce 'dra ba dang/ 'di bdun ni mdze nad chen po zhes bya ste/ gso dka' ba yin no/ /mdze nad 'di lta
 bu 'byung na/ sngar na ba'i nad thabs ni sha mthang rab tu 'jam/ yang na reg na rab tu rtsub/ yang na ni lus rab tu rdul/ yang na ni rdul med/ pags pa'i sha mdog mi sdug lus tsha/ phyogs su g.ya'/ yang lus kyi sha mthang bem bem por
 gyur te tshor ba'i bag mer/ khong du zug cing na/ khong du thor bu las rmar gyur pa kun lhag par rab tu na/ mdze nad myur du 'byung la nad mi 'byang ste/ yun ring du na/ mdze nad byung te cher skyes pa'i nyen kor gyi pags pa rtsub/ nad ldang ba'i gzhi chung
 cung zad tsam gyis kyang nad che bar 'gyur ba spu langs shing 'greng la reg na brtse mdog gnag la 'di lta bur gyur na mdze nad gang yang rung ba dang po 'ong ba'i nad thabs ni na'o/ /da la mi thod lta bur 'byung pa'i nad thabs
 ni sha mdog smug/ pags pa'i mdog ni rtsub/ beb bem por gyur te tshor ba'i bag med lus rtsub/ lus thog thag kun tu mdze nad kyis khyab par gang/ lus kun gyi ba spu langs shing brtse/ zug cing na ba'i tshabs che/ lus phyogs su
 g.ya' ba ni chung la/ mdze nad kyis myur du mched cing khyab par 'gyur ba'i nad thabs ni thod pa lta bu zhes bya'o/ /mdze nad shing tog u dum ba ra lta bu 'byung ba'i nad thabs ni/ ba spu pags pa'i mdog ni zangs bzhin dmar rtsa
 rnams ni skya bor gyur/ lus kyi sha khrag rul/ lus tsha la na ba'i tshabs che/ mdze nad myur du 'byung ba lus 'jig cing 'drul/ 'bu srin gyis gang ba'i nad thabs 'di lta bu ni/ mdze nad shing u dum ba ra'i 'bras bu smin pa lta bu zhes
 bya'o/ /mdze nad zlum po kor kor 'byung ba'i nad thabs ni nad thabs phan tshun du mi 'phro bar mal gcig na 'dug /nyams shig shig po slong bag tu 'dug la/ lus lci lus kyi sha 'jam/ sha mdog dkar la rtsa dmar mdze nad lus
 kun du myur du 'ched cing 'gro ba ma yin/ mdze nad thor bu 'dra bar 'byung ba de dang phan tshun 'dab 'brel cing 'byar la/ mdze'i shu ba glo zhing 'bur/ lus phyogs su g.ya'/ rnag dang chu ser zag /nad 'bus gang/ shu ba'i mdza' ma kun
 'jam la ser por snang ba zlum pa kor kor po sha dag tu 'dug pa'i nad thab 'di lta bu ni bad kan gyi mdze nad zlum po kor kor bor 'byung ba'i nad thabs zhes bya'o/ /g.ya' la thor bu rtsa nag pa zhig byung ba de las chu ser zad
 pa ni glang shu ba'i rtsar rtsi zhes bya'o/ /mdze nad ri sh+ya'i lce 'dra ba'i nad thabs ni lus rtsub la shu ba 'dra bar 'byung ba'i mdza' dma'/ nad gnag dbus glo la mtho/ zug cing na/ lus tsha/ snags te lus tsha/ lus kun na zhing rtsub pas gang la/
 'bu yang mang du zhugs pa 'di ni ri sh+ya la li 'dra ba'i mdze nad ces bya'o/ /mdze nad pags pa gcig bu zhes bya ba ni pags pa glang po che'i ko ba 'dra bar reg cing nyams sra la sdug pa 'di ni mdze nad bzhi char 'ong ba gang yin te/ lus
 la rdul mi 'byung/ mdog ni nya lpags 'dra'o/ /'brum bu phra mo tsig tsig po byung ba'i nad thabs ni lus kyi sha mthang rtsub la lus la thug thug por byung na myangs na sra/ g.ya' zhing rtsub la pags pa'i mdog nag po/ sha bkra ni nad
 rtsub la phyi rol 'jam/ phugs na glog pa 'byung/ sheg na 'jam la pags pa'i mdog dkar/ la la ni zangs ltar dmar ba yang yod/ kha dog ni shing kA na'i me tog 'dra/ sha bkra'i? nad 'di ni ro stong du phal cher 'byung ngo/ /'bras byung ste
 de nas g.ya' zhing dmar por gyur pa de ni mig 'byer ba'i 'bras zhes bya'o/ /zhig ste rab tu nal ched po mi g.ya' bar/ thor bu 'dra ba'i phol mig dmar pos gang ba 'di ni rkang lag bzhi pa zhes bya'o/ /shu ba'i nad thabs ni ring la mched pa/
 pags pa'i mdog ni rtsa dur ba'i 'dab ma ltar ljang sngon nam/ zar ma'i me tog ltar rtsa sngo la/ shu ba kor kor po 'bur la ling ling por 'byung/ cung zad g.ya' ba ni shu ba zhes bya'o/ /rma kha brgya pa'i mdze nad ni lhu tshigs la 'byung
 ste/ sngar lus tsha zhing na/ mdze 'byung ba'i drung gi 'khor sbom la nad du ni gnag /rma kha mang du 'byung/ snags shing rul te/ 'bu 'jug pa'i nad 'di ni rma kha brgya ba'i mdze nad ces bya'o/ /mdze nad pad+ma puN+Da ri ka 'dra ba 'byung ba'i nad
 thabs ni lus g.ya' la tsha zhing/ 'bur 'bur bor skrang ba'i mdza' dmar dbus dkar khrag gis rgyas te/ me tog pad+ma'i 'dab ma ltar rgyas la stug po de rdol te khrag dang chu ser 'dzag pa 'di ni puN+Da rI ka lta bu'i mdze
 nad ces bya'o/ /mdze nad 'brum bu lta bu'i nad thabs ni lus kyi sha mthang 'brum bu bkar bo dang/ smug bos gang ba 'di ni mdze nad 'brum po lta bu zhes bya'o/ /mdze nad g.yan pa'i phol mig lta bu phra mo gnag la rtsa smug po phra mo mang
 po sha dag byung ba rab tu g.ya' zhing na la rnag zhugs pa lta bu ni rkub rtsos dang/ sgu do dang/ lag sor gyi bar dang/ gru mor 'gyur ba 'di ni mdze nad g.yan pa zhes bya'o/ /mdze nad khrag gis pags pa myags ba zhes bya ba ni/
 lus g.ya' rab rab tu dro zhing tsha/ thor bu reg mi bzod pa de lta bu byung ba las khrag gi rgyas na pags pa phyogs su myags pa 'di ni pags pa myags pa'i mdze nad ces bya'o/ /'bras bu ka ka nan+ti lta bu'i mdze nad ni sngar ni mdog
 dmar la gnag /de'i rjes la rab tu tsha zhing na nas mdze nad thams cad ni tshul dang ldan pa de sha mdog kyang sna gcig tu ma zad de/ rnam pa sna tshogs su bkra bar snang ba 'di ni mdze nad ka ka nan+ta'i 'bras bu zhes bya'o/ /yong mdze
 nad thams cad kyi nad dmigs gang yin pa'i bye brag ni gong du rlung dang mkhris pa la sogs pa nad gzhi tha dad pa las mdze nad du gyur pa'i dmigs bstan pa dang/ mdze nad kyi dbyibs dang/ mdog ji 'dra ba dang/ ji ltar na
 ba'i dmigs dang/ rlung dang mkhris pa la sogs pa shas gang che ba da lta bu las mdze'i nad dmigs shes par gyis shig /de la mdze nad gsor mi rung ba'i nad ni rlung dang mkhris pa dang bad kan 'dus pa'i nad gzhi chen por
 gyur la/ mi mtsho ba'i mtshan ma dang/ ltas ngan ba yang byung ba dang/ mdze rus pa'i nang du zhen pa dang/ rkang pa la zhen pa dang khu ba la zhen pa dang/ 'di rnams lta bu ni gso dka' ste mi 'tsho'o/ /de la tshil gyi nang du zhugs pa'i mdze nad ni/ nad
 de las mi la mi skye ba tsam du gsor rung ngo/ /mkhris pa'i nad las mdzer gyur pa dang/ rlung dang mkhris pa lta bu gang yang rung sna gnyis 'dres pa las mdzer gyur pa dang/ khrag dang sha la mdze zhugs pa 'di lta bu ni gso dka' ba zhes
 bya'o/ /bad kan dang rlung nad shas che ba'i mdze nad dang/ pags pa nye tse la mdze nad byung ba dang/ rlung ngam mkhris pa 'am bad kan gang yang rung ba sna gcig las mdze nad du gyur pa 'di rnams lta bu'i mdze nad ni gso dka' ba ma yin no/ /
 de la mdze pags pa nye tshe la byung ba ni zug thabs su na/ pags pa'i mdog mi sdug/ pags pa'i mdog rtsub pa yin no/ /mdze nad khrag la bab bar gyur na lus rdul che/ gnyid che skang pa yin no/ /mdze nad sha la byung na rkang pa dang/ lag pa
 dang/ rkang lag gi tshigs su 'brum tsig tsig po 'byung zhing snags te rkang lag gi tshigs su nad tshabs lhag par che'o/ /mdze nad tshil la babs par gyur na lag pa na/ 'gro mi nus/ rkang pa 'am/ lag pa snags te zhig bar 'gyur ro/ /mdze
 nad rus pa rkang pa las babs par gyur na sna'i rus pa zhom/ mig dmar skad 'gags/ mdze nad rdol ba'i rma khar 'bru 'jug go/ mdze nad khu ba la babs par gyur na/ chud ma dang bu la yang 'byung bar 'gyur ro/ /de lta bas na mdor na lus
 kyi srog zungs drug po khrag dang sha dang/ tshil la sogs pa mdze nad gang la byung yang rung mdze nad kyi nad thabs rim pa bdun du shes par gyis shig/ sha bkra gzi gur 'dug pa ni mdze nad gcig pa las 'ongs te/ de'i nang na yang sha bkra
 gzi gu tshabs chen po mi sdug par gyur pa ni bsal ba'i dpyad dka' ste/ sha bkra skam po rnag khrag mi zag pa ni khrag dang sha dang/ tshil las 'byung bar 'gyur ro/ /rlung las sha bkrar gyur pa ni/ sha mdog rtsub la
 dmar pa'o/ /mkhris pa las sha bkrar gyur pa ni zangs mdog dang/ pad+ma'i mdog ltar rtsa dmar/ lus tsha spu kun 'byi'o/ /bad kan las sha bkrar gyur pa ni mdog dkar la stug lus lci zhing/ g.ya' ba yin no/ /nad khrag dang/ sha dang/
 tshil dang/ 'di gsum las sha bkra gzi gur gyur pa'i sha mdog so sor bstan pa de la sha bkra'i nad rnam gnyis gcig tu gyur pa ni gso dka' o/ /rlung gi sha bkra bas mkhris pa'i sha bkra gso dka' o/ /mkhris pa'i sha bkra bas
 bad kan gyi sha bkra gso dka' o/ /sha bkra dkar po ma yin pa dang/ ba spu ma byi te/ phal che ba dang/ sha bkra nang 'dab ma 'dres te/ so so na 'dug pa dang/ gsar du byung ma thag pa dang/ me 'am sman gyis bsregs pa 'di lta bu gso
 sla'o/ /'di lta bu ma yin pa gzhan ni gso dka' o/ /'doms dang lag pa dang/ chur byung na gsar du yang rung ste/ sman dpyad kyis bsal dka' o/ /mdze nad 'di lta bus btab pa'i mi la lus reg gam/ zan gcig za 'am/ mal
 gcig gam stan gcig la 'dug pa la sogs pa 'di lta bu kun gyis 'og bar 'gyur te/ lhag par mig nad dang/ mdze dang sha bkra la sogs pa'i nad ni 'go zhes bya'o/ /mdze nad rnam pa bco brgyad bshad pa rdzogs so// //
 lus kyi srin bu sna tshogs bshang pa/ mi'i lus la srin bu rnam pa gnyis te/ phyi dang nang gi srin bu'o/ /de la phyi rol gyi srin bu ni dri ma dang bad kan khrag la sogs pa las 'byung zhing gnas te/ de la yang mdor rnam bzhi'o/ /ming
 gi bye brag du dbye na rnam pa nyi shu yod de/ de la khrag las byung ba ni/ phyi rol gyi srin bu ste/ dbyibs dang/ mdog kyang til 'bru tsam skra dang lus la gnas pa'i sro shig rnam gnyis yin no/ /sro shig gi kyang lus la thor bu dang
 'brum pa dang g.yan par byed do/ /nang gi srin bu ni bad kan las gyur te/ de yang mdze nad 'byung ba'i rgyur 'gyur ro/ /nang gi srin bu dag ni gzhan pas lhag par mdze nad kyi gzhir ro/ /srin bu de dag gi zas ni bu ram dang/ 'o ma la sogs pa mngar bag dang/
 zho dang tsha la sogs pa skyur bag dang/ 'bras can la sogs pa gser bag dang nya la sogs pa bad kan du 'gyur ba'i zas la dga' o/ /mi gtsang ba'i bshang gci'i nang na gnas pa'i srin bu'i zas 'bru bag dang/ tshod ma lo ma btab pa la sogs
 pa'i bag la dga' o/ /bad kan pho ba'i nang nas byung ba'i srin bu ni cher skyes pa dang/ khong pa'i nang na pho ba'i nad dang/ long ga'i nad kun tu 'gro'o/ /srin bu la la lcags 'dra ba phra mo ring por 'dug go /la la ni srin bu grol ma 'dra ba 'dug go
 srin bu kha cig ni myu gu kha 'bus pa 'dra ba grol ma dkar du yod do/ /srin bu kha cig ni skud pa phra mo ring po 'dra bar yod do/ /srin bu kha cig ni thung la rab tu phra ba yod de/ de dag la la ni dkar/ la la ni rtsa dmar ba yod do/ /srin bu de rnams
 kyi ming spyir ni rnam pa bdun yod de/ rgyu ma za ba zhes bya ba dang/ lto ba'i nad na 'khrul ba zhes bya ba dang snying la za ba zhes bya ba dang/ ya mtshan chen po zhes bya ba dang/ mi mngon par brku ba dang/ rtsa dar ba'i me tog ces bya ba dang/ dri zhim
 po zhes bya ba dang/ srin bu 'di rnams ni snying la za zhing kha nas chu zag par byed/ zas mi 'ju par byed/ kha zas yi gar mi 'ong bar byed/ brgyal zhing mi dran par byed slon par byed/ rims nad kyis 'debs/ gsus pa cher skye/ lus skem zhing
 ring/ spring pa rtag par 'ong/ cham pas 'debs/ de la khrag rgyu ba'i rtsa'i nang nas khrag las byung ba'i srin bu phra mo khrag gi nad na gnas te/ lus zungs zlum rkang lag med/ mdog zangs kha ltar dmar la
 rab tu phra ba kha cig ni ltar yang mi mngon te srin bu de dag gi ming ni skra'i rtsa ba za ba dang/ lus spu byi bar byed pa dang/ spu ling chags pa dang/ u dum+ba ra'i 'bras bu 'dra ba dang/ zhags pa dang bcas pa zhes bya ba dang/ srin bu
 mthong dkar zhes pa dang/ srin bu 'di drug gis ni lus kyi pags pa la mdze nad thabs bzhin du mdze ltar 'byung bar byed do/ /zas zhu ba'i gnas long ka'i nang na mi btsang ba las byung ba'i srin bu yod de/ de cher skyes na thur du bshad
 ba dang lhan cig 'byung bar 'gyur ro/ /gal te srin bu de chen por skyes na pho ba'i nang du 'jug par 'gyur te/ pho ba'i nang du 'ongs na de'i tshe sgregs pa 'byung ba dang/ dbugs 'byung dri mi zhim te phyis bzhin du mnam par 'gyur ro//
 yang gzhang gi nang mi gtsang ba'i drod na gnas pa'i srin bu lnga yod de srin bu kham gyi za ba zhes bya ba dang/ ngal gyis 'gro ba zhes bya ba dang/ myang bar byed ces bya ba dang/ brkam pa zhes bya ba dang/ lus la gnod pa zhes bya ba dang/
 'di lnga yod de/ de dag gi lus dbyibs dang kha dog ni chen po dang zlum po dang/ phra mo dang/ sbom po dang/ smug po dang/ ser po dang/ dkar po dang/ dmar por 'dug go /srin bu de dag ni thur du 'khru bar byed de/ rtug skam gyis 'debs
 shing sri bar byed lus skem por 'gyur/ lus khong rtsub skya bo sbab sbab por 'gyur ro/ /ba spu langs shing 'greng ste pho ba'i drod nyams/ gzhang gi nad g.ya'/ gzhang phyir 'byung bar byed do/ /mdze nad dang srin bu 'byung ba'i nad gzhi
 bshad pa de le'u bcu bzhi ba rdzogs so// //rlung nad? du gyur pa'i nad gzhi bstan pa ste/ le'u bco lnga pa bshad par bya'o/ /rlung ni mi'o cog gi srog dang/ rtsi shing thams cad la phan par 'gyur ba dang/ gnod par 'gyur ba'i rgyu yin
 te/ de bas na nad du gyur pa'i rlung dang/ nad du gyur pa ma yin pa'i rlung dang/ lus kyi khyad par du 'gyur pa zhes bya'o/ /de lta bas na rlung 'di ni las thams cad pa zhes bya'o/ /thams cad kyi rang bzhin pa zhes bya'o/ /thams cad kyi mtshan nyid ces
 bya'o/ /ji la yang dbang byed pas na skye dgu'i bdag ces bya'o/ /ji yang 'byin par byed pa 'dzin par byed pa/ thams cad du 'gro ba/ khyab par 'jug pa thams cad du 'gro bas khyab par 'jug pa kun nas sdud pa 'chi bdag tu gyur pa/ gshin rjer gyur
 pa lta bu zhes bya'o/ /de bas na nad slong ba'i rlung nad ngan par mi 'gyur bar nan tan gyis shig/ de yang nad dmigs shes par bya ba'i le'u las rlung gi bye brag mdo dang/ zhib tu bstan pa ni na ba med cing tha mal par gnas pa'i tshe/ rlung gi rang
 bzhin las gang dang gang byed pa dang/ rlung der gyur na nad ci dang ci slong ba bshad pa dang/ yang lhag pa'i nad dmigs kyi bye brag bshad pa'i nad nas rlung gi ming so sor btags pa dang/ rlung gang dang gang na gnas pa dang/ lus la rlung tha
 dad pa rnam lnga yod pa gang nas gang du rgyu ba dang/ rlung rnam pa lnga las/ ci dang ci bshad pa rnams kyang shes par gyis shig /skabs 'dir ni rlung nad? du gyur pa nad slong bar byed pa'i slong pa'i gzhi dang mtshan nyid du dbye ba ni 'dir bstan
 par bya'o/ /de la rlung nad ni rlung nad du gyur pa'i bag byas pa'i lus kyi srog zung zad par byed pa'i rlung nad langs nas/ nad grol gyi spu bu dang/ rtsa chen po'i nad du rlung nad phan gnod gzhan zhig gis khong ba'i nad gang bar 'gyur ba de lta bus/
 nad de'i thog tu bsan te/ yog cing khebs nas rlung nad du 'gyur ro/ /de la rlung nad zhu ba'i gnas pho ba man chad du zhugs te nan/ lto spo zhing na/ rgyu ma'i nad khro lu lu zer thur du bshad ba 'od du mi btub/ chu sor
 rde'u chags te rde'u skye/ gzhang 'brum skye/ rgyab na zhing rkang pa na/ ro smad man chad du dmigs su rab tu zug cing na'o/ /zas ma zhu ba'i gnas pho ba yan chad du zhugs te na na skom dang che/ slon bro/ dbugs mi bde lud pa lu/ sbo zhing 'khru/ mgul ba dang
 gre ba mi bde/ sgregs pa mang zhing zas ma zhu ba'i sgregs pa 'byung ngo/ /de ltar lto ba yan chad du rlung nad langs te na na rna ba la sogs pa dbang po rnams mi bde la mi gsal zhing rtul lo/ /pags pa la rlung zhugs na pags pa
 'gags shing rtsub po/ khrag la rlung nad zhugs na rab tu na gnyid che/ sha mdog dmar la kha dog mi sdug par 'gyur/ thor bu 'byung/ kha zas zos pa rnams lto na rem rem por 'dug/ yi ga 'chu/ skem por 'gyur/ mgo 'khor/
 tshil dang/ sha la rlung zhugs na smen bu lta bur gyur/ rab tu zug cing na/ rtsub cing ngal skyen/ lus lci/ lus kyi lhu tshigs yan lag rangs/ khu tshur dang dbyigs pas phog pa rnam byed do/ /rus pa la rlung nad zhugs na brla dang byin pa rje dar tu rgang
 zug phyogs su na/ rus pa'i tshigs su na/ nyams stobs rab tu zad par byed do/ /rkang la zhugs na/ rus pa'i nad stongs par 'gyur/ gnyid med rgyun tu na'o/ /khu ba la rlung nad zhugs na yang na khu ba myur du 'byung bar 'gyur ro/ /yang na khu
 ba 'byung du mi rung ba 'am/ khu ba'i mdog gzhan du 'gyur bar byed do/ /de dang 'dra bar bud med kyi mngal du khu ba gnas pa yang de dang 'dra bar 'gyur ro/ /rtsa la rlung zhugs na rtsa sbo ba dang/ nad stong par 'gyur ro/ /chu ba la rlung zhugs
 na dpyi nas slar zug cing na ba dang/ glang changs pa dang/ ngas skan gyi nang du 'gyur ro/ /rus pa'i tshigs su rlung nad zhugs na/ myangs pa na rkyal ba rlung gis gang bzhin du skrang brkyang bskums byas na na'o/ /lus thams cad la rlung nad zhugs
 na zug cing na la chag pa snyam byed/ rengs shing rkang lag phyir g.yab par 'dod/ tshor ba'i bag med bem bag tu 'gyur/ tshigs 'khums pa dang/ 'dar bar 'gyur ro/ /nam rtsod chen po'i nad kun tu rlung nad yang dang yang zhugs te 'gro ba na
 lus 'gul zhing 'dar la nad 'jug par byed de/ de la ming ni lus la nad 'jug pa zhes bya'o/ /ro smad man chad du rlung nad 'gags pa dang/ gyen du song na snying la gnas te/ sbu bur zhugs nas snying dang/ klad pa dang/ mur 'gram du zug cing
 na/ de bzhin du lus thams cad gzhu ltar gug te/ sgur por 'gyur/ dbugs dang rngam pa mi bde bar 'thon/ har mig tu lta zhing 'byed 'dzum mi shes/ phug ron bzhin du 'khun/ dran pa nyams par 'gyur te/ de'i ming ni gzhan dbang can
 zhes bya'o/ /slo dpon gzhan dag na re/ nad de'i ming a ba da na ka zhes bya'o/ /zhe'o gal te rlung nad gzhan dbang can de snying gi gnas dang/ re zhig bral bar lta na ni/ skad cig nad med cing bde la/ rlung de slar snying la zhugs na/ yang nad snga ma
 ldang bar 'gyur ro/ /bud med bu byung ba'i 'og tu khrag shas cher 'byung ba'i rjes su rlung nad gzhan dbang gi nad byung ba 'am/ yang na snad pa'i dbang gis rlung nad byung na ni gso dka' ba yin no/ /mgrin pa'i g.yas g.yon gyi phar rtsa gnyis
 kyi nang du rlung zhugs na ni na ma tshod yan chad gug cing rtsa rengs te g.yo bar gyur pa dang/ de bzhin du rtsa chen po gzhan rnams su zhugs te lus thams cad khyab pa de'i tshe ni lus thams cad kyang gzhu ltar 'khums par 'gyur ro/ /rlung nad
 de'i shugs drag tu skye na ni/ yan lag chag pa snyam byed cing na/ har mig tu lta zhing 'byed 'dzum mi shes/ glal bde bar ma phyin/ so 'khrig stong du skyug /rtsib logs gnyis su zug cing na/ skad gsal bor mi phyin
 'gram pa dang/ rgyab kyi sgal tshigs dang mgo bo rnams rengs shing/ bsgul dka' ba yin te/ rlung de'i ming ni da sgan lus nang du gug pa zhes bya'o/ /de la da sgan phyir dgye ba'i rlung gi mtshan ma yang 'dra ste/ khyad par lus phyir dgyed
 cing rlung gi mgo rgyab tu 'dren la/ brang mdun du 'bur/ gnya' ba sos 'brad pa snyam sems/ bzhin mdog 'gyur/ tsha bas cher rdul 'byung/ yan lag thams cad lhod par gyur pa de ni/ da sgan gyi nad lus phyir dgye ba zhes bya'o//
 slob dpon kha cig na re rlung de'i ming ni gzhu ltar rengs pa zhes bya'o zhe'o/ /yang slob dpon kha cig na re de'i ming ni rlung nang shugs drag po zhes bya'o zhes zer ro gnad kyi steng du rma 'byung ste der rlung la sogs pa'i nad gzhi gzhan
 dag rlung gi phul te/ rkang pa yan chad mgo bo man chad lus kun nad kyis khyab par byas te de yang sbom pa dang/ lus skya bo sbab sbab por gyur pa ni rma'i da sgan zhes bya'o/ /spang bar bya'o/ /gong du bshad pa'i rlung nang lnga bo de dag
 thams cad kyang rlung gi shugs dang bral ba na ni nad med cing bde bar 'gyur ro/ /lce la so shing la sogs pas gzhar grags pa dang/ bca' skam po srab bcas pa dang/ khu tshur dang rdo ba la sogs pas snang ba'i dbang gis 'gram
 pa'i rtsa ba'i rlung 'khrugs te/ 'gram pa g.yas g.yon gnyis kyi rtsa ba nas bskyod cing nyams par byas te/ kha rtag tu gdangs pa 'am yang na 'dzum par byed de/ bza' ba dang/ smra ba thams cad kyang shin tu dga' ba de ni 'gram pa rang
 gi gnas nas nyams pa zhes bya ba'i rlung nang ces bya'o/ /lce'i rtse mo na smra bar byed pa'i rtsa yod de/ de'i nang du rlung zhugs nas/ lce ldibs shing lkugs par 'gyur te bza' ba dang btung ba'i ro yang mi tshor/ smra yang mi nus pa de ni lce ldibs
 pa zhes bya ba'i rlung nad ces bya'o/ /rlung nad klad pa'i gzhog phyed na ba zhes pa ni/ mgos khur chen po khyer ba/ rgod drags pa dang/ tshig drag tu smra ba dang/ de bzhin du sdangs pa dang/ gdeng yon por bcus nas sprid pa gtong ba dang/
 gzhu sra ste ma 'dres pa dang/ mal sta na mthon dman mi snyoms pa la nyal ba dang/ bca' ba skam po sran te ma 'cha' ba dang/ de bzhin du rlung nad skyed pa'i bab bsten pas rlung 'phel te/ ro stod du zhugs nas kha gdong gi gzhogs phyed yon
 bor byas te/ de smra ba dang/ rgod pa dang/ lta ba rnams kyang yo bar byed de/ des na nad pa'i mgo bo yang 'gul zhing dam par byed do/ /de bzhin du skad mi phyin pa dang/ har mig tu lta zhing 'byed 'dzum mi shes pa dang/ so 'gul ba dang/ skad
 'dzer ba dang/ sgra mi thos pa dang/ sprid pa mi thon pa dang/ mi tshor ba dang/ dran pa nyams pa dang/ rmongs pa dang/ gnyid kyi nang du sdangs pa dang/ mchil ma g.yon phyogs su 'dor ba dang/ lta ba yang mig ya gcig pa lta zhing 'dzum pa dang/ nam
 tshongs yan chad mi bzad par na ba yin no/ /slob dpon kha cig na re lus kyi ro smad kyi gzhogs byed kyang de ltar na ba yod ces zer ro/ /yang gzhan dag na re da sgan phyogs cig tu gyur pa yang de'i mtshan nyid dang ldan pa yin no/ /zhe'o/ /rlung
 nang khrag la brten te/ ske rtsa'i nang du zhugs nas des rtsa rnams rtsub pa dang/ nad dang bcas pa dang/ mdog gnag par byed de/ de ni rtsa 'dzin pa'i rlung nad ces bya ste/ gsor mi rung ngo/ /rlung gis lus kyi gzhogs phyed bzung ste des rtsa dang
 rgyus pa bskams par byas nas/ gzhogs phyed gang yang rung ba la gnod pa byed do/ /tshigs kyi bog sa re yang bye zhing lhong/ gzhogs phyed kyi las la sbyor mi nus/ tshor ba med cing bem bem por gyur pa
 yin te/ de ni sman pa kha cig na re/ yan lag phyogs gcig gi nad ces bya'o zhes zer ro/ /yang sman pa gzhan dag na re gzhogs phyed bskams pa zhes zer ro/ /lus thams cad la brten pa'i rlung nad kyang lus la tshor ba med
 pa la sogs pa mtshan ma gong ma dang 'dra ste/ de ni yan lag thams cad kyi nad ces bya'o/ /zhes pas de rlung nad nyi tshe gzhogs phyed skam pa ni gso dka' ba yin no/ /nad gzhi gzhan dang 'dres pas gzhogs phyed skam pa ni
 shin tu dka' bas gsor mi rung ngo/ /glo gcong zad byed kyi gzhogs phyed bskams pa ni spang bar bya'o/ /rlung nad ma zhu ba dang/ bad kan dang 'dres nas rtsa'i rgyun srad chod de/ des lus thams cad shing bzhin du rengs par byas nas/ brkyang
 bskum mi nus pa ni shing ltar rengs pa'i rlung nad ces bya'o/ /rlung nad phrag pa'i rtsa la zhugs pa ni phrag pa'i rtsa 'khums te lag dar mi theg cing/ 'gal skyong mi nus te/ de'i ming ni dpung pa 'jam pa'i rlung nad ces bya'o/ /rlung gi lag
 pa'i mthil phyogs sor mo dang 'brel pa'i chu ba rnam par 'khums te/ na bas nyam thag cing lag pa g.yo ba la sogs mi shes pa ste/ de'i ming ni rlung nad ni sha si zhes bya'o/ /gang gi tshe rlung skyed pa'i nang du rten te brla'i chu ba'i nang
 du zhugs nas 'theng bar 'gyur ba de ni rlung nad theng por zhes bya'o/ /de ltar rlung de brla'i chu ba gnyis ka la zhugs pa ni 'phye bar 'gyur te/ de'i ming ni rlung nad 'phye'o zhes bya'o/ /yang rlung 'gro bar rtsom pa mi brtan zhing 'dar ba dang/
 'theng ba ltar 'gro ba de ni tshigs kyi 'byor mtshams bye ba yin te/ de ni sran ma ltar mtheng ba zhes bya ba'i rlung nad ces bya'o/ /cung zad ma zhu ba dang cung zad zhu ba'i steng du zas zos pa dang/ dro grang 'dres par zos pa dang/ skam dang slon pa
 'dres mar bsten pa dang/ de bzhin du kha zas lci ba dang/ snum ches pa bsten pa dang/ 'dug gnas mi bde ba la 'dug pa dang/ mi nus bzhin las rtsom pa dang/ nyin par nyal ba dang/ mtshan mo gnyid mi log pa dang/ rgyu de dag gis
 bad kan dang/ tshil gnyis rlung dang/ mkhris pa gang yang rung ba dang/ bcas par 'khrugs nas ma zhu ba tshab cher gsogs te/ des sus nyams thag cing bad kan tshor ba med pa'i brla rus pa'i nang du zhugs nas brla rengs shing 'degs
 mi nus la grang ba dang/ tshor ba med pa dang/ gzhan gyi brla brnyan sems pa dang lci ba dang/ mi zad par na ba dang/ 'gro mi nus pa dang yan lag brdungs pa snyam sems pa dang/ bong bag du 'dug pa dang/ snyom bag tu skyug bro ba dang/ yi
 ga 'chus pa dang rims kyis 'debs pa dang/ rkang pa sgyid zhan cing zhig pa snyam sems pa dang/ rkang pa 'degs pa dka' ba dang/ tshor ba med cing bem bem por 'dug pa dang/ mtshan ma de dag dang ldan pa'i rlung nad ni brla rengs pa zhes
 bya'o zhes bshad do/ /sman pa'i slob dpon gzhan dag na re phyug po'i rlung nad ces bya'o zhes zer ro/ /pus mo'i dbus su rlung dang khrag 'dres te zhugs nas bus mo'i stengs du skrangs te zug zer che ba ce spyang gi mgo lta sbom par gyur pa
 ni rlung nad ce spyang gi mgo lta bu zhes bya'o/ /rkang pa bab col du bor ba 'am/ yang na chad cing ngal ba las rlung skyes te rab tu zug cing na la long mo la brten pa ni rlung nad tsher ma lta bu zhes bya'o/ /rkang pa'i rting pa dang sor mor 'brel ba'i chu
 ba la rlung gis gnod cing nyam thag par byas te brla nas yar 'jug cing 'gro ba de ni rlung nad gri tra si zhes bya'o/ /zhes bshad do/ /gong du smos pa'i rlung nad tsi sha si zhes bya ba lag dar gyi nad dang/ dri sra si zhes phya
 ba'i brla'i nad de gnyis ka yang zug gzer shin tu drag pa yin te/ de gnyis kyi ming ni rlung nad khal+li ti zhes bya'o/ /rkang pa gnyis rtse ste tshor ba bem bem por gyur pa ni/ bad kan dang rlung 'khrugs pa yin te/ de ni rkang pa brtse ba'i
 rlung nad ces bya'o/ /gang gi rkang pa dang mkhris pa dang rlung 'khrugs pas rkang pa tsha 'ur 'ur por 'dug pa dang/ 'chag pa dang 'gro ba'i dus su cher tsha ba de ni rlung nad rkang pa tsha ba zhes bya'o/ /rlung gi nad gzhi bshad pa'i le'u ste bco
 lnga pa rdzogs so// //de nas dreg nad kyi nad gzhi bshad pa'i le'u brjod par bya ste/ de la khrag 'khrugs par byed cing tsha ba bskyed pa'i zas dang/ srog chags chu na spyod pa'i sha dang/ rgya sran dang/ mon sran sde'u dang/ 'bras ni sa
 pa dang/ skyur dang/ chang dang/ dar bskyur po dang/ zho skyur po la sogs pa bstan pa dang/ gang yang mi mthun pa'i rdzas yul ser tsha ba nas byung ba'i sha dang/ mon sran gre'u dang/ sbrang rtsi lhan cig zos pa dang/ 'o ma dang 'bru'i myu
 gu lhan cig zos pa dang/ sbyor ba de dag log par brten pa dang/ 'di bzhin nyin par gnyid log pa dang/ mtshan mo gnyid mi log pa dang/ nyal po drag po dang/ skyid de pa 'gro ba la sogs pa drag shul ma myong ba dang/ lus smad pa
 dang lus ma dag pa dag /skyon de rnams kyis mi dag gi khrag 'khrugs pa dang/ gzhan yang rlung skye ba'i zas brten pas rlung ngam gzhan du song ste khrag dang rlung gnyis gcig la gcig gnod par byed cing mi bde ba skyes pa yin te/
 de'i ming ni phyug po'i nad ces kyang bya/ ? ba'i nad ces kyang bya ba las zhes kyang bya/ rlung dang khrag 'dres pa'i dreg nad ces kyang bya ste/ de dag ni ming gi rnam grangs so/ /nad de yang thog mar rkang pa gnyis su rgyug ste/ khyad par du rta la sogs pa
 la zhon pa'i rkang pa 'phyang ba la sogs pa'i bdag nyid can yin no/ /de la dreg nad thog mar 'byung ba dang/ gnyid dang/ de rnams dgag pa dang/ khur lci ba khur ba dang/ du drags pa dang/ rgod drags pa la sogs pa'i rgyus rlung 'khrugs te/
 mgul pa 'gags pa dang/ sems nyams pa dang/ skyug pa dang kha zas yi gar mi 'ong ba dang/ cham pas btab pa dang/ de bzhin du mgul pa'i lba ba la sogs pa nam tshod yan chad kyi nad de dang de la sogs pa skyed par byed do/ /
 khyab byed ces bya ba'i rlung nad ni 'gro drags pas rang gi gnas nyams pa dang/ rtsed mo shin tu drag pa mi zad pa byed pa dang/ kha zas mi mthun pa dang/ rtsub pa brten pa dang 'jigs pa dang dga' ba ches pa dang/ yi bsad pa la sogs pa'i
 rgyus khyab byed kyi rlung 'khrugs te/ rga ba dang nyams stobs 'jig par byed cing/ lus bskrang ba dang/ sems g.yengs pa dang rims kyis 'debs pa dang/ yan lag thams cad na zhing zugs dang spu zing zhes byed pa dang/ lus tshor ba med
 cing bem bem por gyur pa dang/ mdze nad dang shu ba mched pa dang/ gzhan yang lus thams cad du 'gro ba'i nad skyed par byed do/ /de la me dang mnyam du gnas pa zhes bya ba'i rlung ni zas ma snyoms pa dang/ snga ma ma zhu bar za ba dang/
 zas rnying pa za ba dang/ dus ma yin par gnyid log pa dang/ mtshan mo gnyid ma log pa dang/ rgyu de dag gis 'khrug par byed de/ /gzer ba dang/ skran dang/ pho ba'i nad dang/ zhu ba dang/ ma zhu ba'i gnas su nad rnams skyed par byed do//
 thur du sel ba'i rlung zhes bya ba ni kha zas rtsub pa dang/ 'ju dga' ba zos pa dang/ rta la sogs pa bzhon pa'i steng nas lhung ba dang/ bzhon pa la rtag tu brten pa dang gnas cig tu yun rings pa dang/ 'gro ba
 la rtag pa dang/ rgyu de dag gis nad 'khrugs te/ ma zhu ba'i gnas la brten nas gcin nad dang/ khu chu'i nad gzhang 'brum dang gzhang phyir byung ba la sogs pa'i nad gso dka' pa mang du skyed do/ /srog ces bya ba la sogs pa'i rlung
 lnga po de dag gang yang rung ba ma zhu ba dang/ lhan cig ldan na ni lus snyoms pa dang/ mgul mi shes pa dang/ khong lci ba dang/ snum pa dang/ kha zas yi gar mi 'ong ba dang/ sgyid zhan pa dang/ grang ba dang/ skrang ba dang/ me'i drod nyams pa dang
 tsha ba dang rtsub pa la mngon par chags pa dang/ de nyid zos pas bde ba dang/ rtags 'di dag dang ldan pa yin par shes par bya'o/ /ma zhu ba dang mi ldan pa ni rtags de dag dang ldan pa ma yin par shes par bya'o/ /rlung de mkhris pa
 la sogs pa nad gzhan dang ldan pa yin na yang de'i dbye ba dmigs kyis bshad par bya ste/ de la rlung nad mkhris pa dang ldan pa'i rtags ni lus tsha ba 'ur 'ur por 'dug pa dang/ skom dad che ba dang/ gzugs gzer che ba dang/ mgo
 'khor ba dang/ mun 'thibs zhes byed pa dang/ kha zas tsha ba dang/ dro ba dang skyur ba dang/ lan tsha rnams zos na lus tsha ba skyed pa dang/ bsil ba 'dod pa rnams yin no/ /rlung dang bad kan dang ldan pa'i rtags ni lus bsil ba dang/ khong
 grang ba dang/ zug gzar che ba dang/ kha zas tsha ba dang/ dro ba zos na lhag par bde ba dang/ smyung ba dang/ rtsol ba dang/ kha zas rtsub pa dang/ dro ba dang 'di rnams 'dod pa yin no/ /rlung khrag dang bcas pa'i rtags ni sha dang pags pa'i nang
 du tsha shas che zhing zug pa dang/ mdog dmar por skrang ba dang/ lus la thig le dmar po 'byung ba yin no/ /rlung sha dang lhan cig 'khrugs pa yin na ni skrang shing mkhrang ba dang mdog 'gyur ba dang/ de bzhin du 'brum bu phra mo 'byung ba
 zhes mkhrang la mdog 'gyur ba dang/ lus rtse ba dang/ lus la grog ma rgyu ba snyam byed pa yin no/ /rlung de tshil dang ldan par 'khrugs pa yin na ni lus skrang zhing mi brtan pa dang/ snum pa dang/ reg na 'jam pa dang/ grang ba dang/ zas yi
 gar mi 'ong ba de ni gso dka' ba'i phyug po'i nad ces bya'o/ /de rlung rul pa dang ldan par 'khrugs na ni reg na shin tu tsha ba dang/ btsir na mngon par dga' ba dang khab kyi btsags pa snyam byed pa dang/ yan lag rnams na zhing zug pa yin no//
 rlung nad rkang dang lhan cig 'khrugs pa ni lus rgu ba dang/ yang nas yang du glal 'byung ba dang/ 'dus pa'i tshul ni shin du rtsub pa dang/ yang na shin tu 'jam pa dang/ rab tu brtul ba 'am/ yang na lus kyi mdog 'gyur ba la sogs pa
 mdze'i nad thog ma 'byung ba'i tshul dang 'dra bar 'byung ngo/ /de bzhin du lus shin tu ma rungs pa dang/ yan lag lhod pa dang/ pus mo dang byin pa dang brla dang/ rked pa dang/ phrag gong dang/ lag pa dang/ rkang pa la sogs pa'i tshigs rnams su
 g.ya' ba dang/ 'gul ba dang/ na ba dang/ chag snyam byed pa dang/ lus lci ba dang/ tshor ba chung ba dang/ nad yang dang yang ldang dub byed pa rnams yin no/ /dreg de yang rkang lag gnyis la gnas pa 'am yang na lag pa gnyis la gnas pa yang
 yod de/ de gnyis gang yang rung pa las lus thams cad du khyab par 'gro ste/ ci ltar byi ba khros pa'i mche ba'i dug gis lus thams cad du khyab par 'gro bzhin no/ /de yang dang po sha dang pags pa'i phyir rims thams cad du khyab
 par 'gro ste/ de'i ming ni rtogs par sla ba zhes bya'o/ /de nas rims kyis tha mar lus zungs thams cad du yang khyab par 'gro ste/ de ni rtogs par dka' ba'i dreg nad ces bya'o/ /de la rtogs pa sla ba'i dreg nad ni gong
 gi g.ya' ba la sogs pa'i mtshan ma ldan pa dang/ gzhan yang pags par byed pa dang/ mdog smug nag du 'dug pa dang/ dmar ba dang/ bya rmyang dang bcas pa dang/ rab tu tsha ba 'ur 'ur por dro ba rnams yin no/ /de la rtogs par
 dka' ba'i drag nad ni gong ma bas shas cher na zhing zug pa dang/ skrang ba dang/ mkhrang ba dang/ tshos pa snyam byed pa dang/ rlung tshigs dang/ rus pa dang/ rkang gi nad du zhugs te/ bcad pa snyam sems zhing nad du rgyu zhing shugs drags
 pa'i tshe lus rgur ba dang/ zha ba dang/ 'theng bar byed lus thabs su rgyu ba yin no/ /de la rlung shas ches pa'i dreg nad ni zug gzer ba dang/ bar par byed pa dang na ba dang/ lus skrang zhing rtsub pa dang/ mdog gnag pa dang/ sngo bsangs su
 'dug pa dang/ yang dang yang na zhing zhi bar byed pa dang/ rtsa chen po dang tshigs dang sor mo rnams 'khums pa dang/ lus bcings pa snyam byed cing shin tu na ba dang/ grang ba la zhe sdang ba dang/ lus la grangs pas reg na bde ba dang
 rengs pa dang/ lus la tshor ba med cing bem bem por 'dug pa rnams yin no/ /khrag gi shas che ba'i dreg nad ni rab tu skrang ba dang/ zug cing na ba dang/ zangs ma'i mdog 'dra ba dang/ lus bem bem por yungs kar 'da' gus bskus
 pa bzhin che tseg tseg sems pa dang/ snum pa dang rtsub pas zhi bar mi 'gyur ba dang/ g.ya' ba dang rul ba dang ldan pa yin no/ /mkhris pa shas che ba'i dreg nad la tsha ba 'ur 'ur por 'dug pa dang/ rmong bag du 'dug pa dang/ rdul
 che ba dang/ /brgyal ba dang/ myos pa dang/ skom dad che ba dang/ reg ma bzod pa dang/ na ba dang/ mdog dmar ba dang/ skrang ba dang/ tshos pa dang/ rab tu dro ba rnams yin no/ /bad kan shas che ba'i dreg nad ni lus 'gul mi shes pa dang/ lus lci ba dang/ tshor ba med cing
 bem bem por 'dug dang/ mdog snum pa dang/ lus grang ba dang/ g.ya' ba dang cung zad na ba rnams yin no/ /dreg nad nyes pa 'dres pa las gnyis ldan pa'am/ gsum 'dus pa'i mtshan ma yang ci rigs par shes par bya'o/ /de las nad gcig shas che
 ba 'am gsar du byung ba ni gsor rung ngo/ /nad gzhi gnyis dang ldan pa ni mi la tsam du gsor nus so/ /nad bzhi gsum gyi dreg nad chu ser 'dzag pa dang/ rengs pa dang thor bu 'phyang ba de ni spang bar bya'o/ /rkang lag gi tshigs rnams su khrag rgyu ba'i rtsa rlung gis
 bskags na rlung dang khrag phan tshun phrad nas zug zer shin tu che ba yin te/ de ni myur du srog 'dor ba'i bdag nyid can yin no/ /de la rlung gi bdag nyid rnam pa lnga las/ /srog ces bya ba'i rlung ni kha zas rtsub pa dang/ rtsol ba drags pa dang/ smyung bar 'dug pa dang
 kha zas drags pa dang/ 'drangs ches pa dang/ snang ba dang/ lam gyis dub pa dang shugs drag tu smra ba dang/ 'byung ba'i shugs 'gags pa dang/ rgyu de dag gis rlung 'khrugs te/ mig la sogs pa dbang po rnams la gnod par byas te/ sna chu 'dzag pa dang/
 nyam thag par na ba dang/ skom dang che ba dang/ lud pa dang dbugs mi bde ba la sogs pa rnams bskyed do/ /de la stong du rgyu ba'i rlung zhes bya ba ni sprid pa dang/ sgregs pa dang/ skyug gcus pa snyam byed pa dang/ lus rab tu na ba dang/ lag pa gnyis
 kyis btsir zhing mnyes na bde bar 'gyur ba yin no/ /rlung khu ba dang lhan cig 'khrugs pa yin na ni/ khu ba shugs drag tu 'byung ba dang/ yang na sa bon gyi bya ba byed mi nus pa yin no/ /rlung zas dang lhan cig 'dres pa te 'khrugs na ni zas de khong par
 ji srid gnas kyi bar du ni na la/ de zhu ba tsam gyi tshod na ni bde ba yin no/ /rlung de gcin dang lhan cig 'khrugs par gyur pa yin na ni gcin sri zhing 'gag la chu sor rlung gis gang ba yin no/ /phyi sa de bshang ba dang
 ldan te 'khrugs pa yin na ni/ phyi sa thur du 'byung ba 'gags la rang gi gnas su thogs te 'byung du mi rung ba dang/ snum bag zos na myur du 'byung la khong spo bar yang 'gyur la/ zas de khong du phul te 'byung ba yang shin tu dka' bas thogs te/
 'byung ba yin no/ /rlung de lus zungs thams cad dang lhan cig 'khrugs pa yin na ni brla dang chu so'i bar dang/ rgyab kyi sgal tshigs na ba dang/ rlung lugs su mi 'byung ste/ par song ba dang/ snying mi bde zhing rab tu na ba rnams yin no/ /
 srog ces bya ba'i rlung de mkhris pa dang lhan cig 'khrug pa yin na ni mgo 'khor ba dang/ brgyal ba dang/ zug pa dang/ tsha ba 'ur 'ur bor 'dug pa dang/ zas phyed tsam zhu ste skyur por 'gyur tsam na slon pa yin no/ /stong du rgyu ba'i rlung
 mkhris pa dang 'dres te 'khrugs na ni mgo 'khor ba la sogs pa gong ma'i mtshan nyid dang ldan pa'i steng du khong tsha ba 'ur 'ur por 'dug cing nyams stobs zad pa yin no/ /khyab byed kyi rlung mkhris pa dang 'dres te 'khrugs pa yin na ni
 lus thams cad tsha ba dang/ ngal ba dang lus kyi spyod pa mi nus shing ldog pa dang/ lus tsha zhing nad dang bcas pa yin no/ /me dang snyam du gnas pa'i rlung dang mkhris pa dang lhan cig 'khrugs pa yin na ni/ khong pa'i me drod nyams par byed
 cing lhag par che ba dang/ snying mi dga' ba dang/ skom dang che zhing tsha ba dang bcas pa yin no/ /thur du sel ba'i rlung mkhris pa dang/ lhan cig 'khrugs na ni phyi sa'i mdog ser por 'byung zhing/ zla mtshan shas cher 'dzag pa dang/ bud med
 kyi mo mtshan dang pho mtshan dang/ rkub rnams su tsha ba che ba rnams yin no/ /srog ces bya ba'i rlung bad kan dang lhan cig 'khrugs na ni lus la gnod pa'i snyoms pa dang/ kha zas yi gar mi 'ong ba dang/ skyug bro ba dang mchil ma mang ba dang/
 sprid pa dang sgregs pa dang/ dbugs 'byung rdub 'gags pa yin no/ /stong du rgyu ba'i rlung bad kan dang lhan cig 'khrugs pa yin na ni lus lci ba dang/ kha zas yi gar mi 'ong ba dang/ tshig dang skra 'tshubs shing 'gags pa dang/ nyams stobs
 rnams 'joms par byed pa yin no/ /khyab byed kyi rlung bad kan dang lhan cig 'khrug pa yin na ni rus pa'i tshigs rnams brkyang bskum mi shes pa dang/ yan lag thams cad lci ba dang/ 'gro ba brtan zhing 'byor 'gro ba yin no/ /me dang mnyam du
 gnas pa'i rlung bad kan dang lhan cig 'khrugs pa yin na ni lus kun grang zhing rdul med la me drod chung ba yin no/ /thur du sel ba'i rlung bad kan dang 'dres pa yin na ni bshang gci mi byung zhing 'gags pa yin no/ /de ltar rlung nad kyi dbye ba
 gzhan yang 'brel pa nyi shu gnyis su shes par bya'o/ /de la srog ces bya ba'i rlung la sogs pa lnga po gang yang rung ba rlung nang lhag ma bzhi la ldan pa zhes bya ste/ de bzhin du re re la yang rnam pa bzhi bzhi ste nyi shur 'gyur ro/ /de la srog ces bya
 ba'i rlung bad kan dang 'gyur ba'i rlung dang lhan cig 'khrugs na/ de'i rtags ni dbugs 'byung rdub dka' ba dang/ cham pas 'debs pa dang/ mgo bsgyur dka' ba dang/ glo snying na ba dang/ kha'i nang skam pa rnams yin no/ /stong du rgyu ba'i rlung srog
 ces bya ba'i rlung dang/ lhan cig 'khrugs pa na ni mdog dang nyams stobs zad par byed do/ /'di la ji ltar sbyar ba bzhin du rlung nad lhag ma rnams la yang de ltar sbyar bar bya'o/ /rlung rnam pa lnga po de dag gi gnas ni nad gi zhe gsum gang dang
 gang na gnas pa dang/ nad dmigs cir 'gyur ba'i le'u las blta bar bya'o/ /rlung nad de dag gi las dang/ shas che chung yang de las ltos shig /srog ces bya ba la sogs pa rnam pa lnga dang gang yang rung ba nad
 'dres pa'i steng du nad gzhan gyis 'dres pa 'am/ rlung nad nyi tshe dang ldan pa gang yin pa rnams kyis legs par rtogs shig /mkhris pa dang bad kan gnyis la rlung rnam pa lnga po dang/ re rer sbyar ba'i rnam pa bcu dang/ bad kan dang
 mkhris pa bshang gci gnyis dang ldan pa dang bcu gnyis po de dag kyang brtag go /de las bzlog pa bcu gnyis te ci rigs su rtogs par bya'o/ /bad kan dang mkhris pa gnyis kyi rlung nang lnga po re re la yang 'dres par rtogs shig /de
 ltar rlung rnam pa lnga dang mkhris pa dang bad kan nad phan tshun 'dres par byas nas ni du mar 'gyur te de dag re re la yang dbye na rtsis kyis mi lang ste grangs med par 'gyur ro/ /de bas na 'dres pa'i nad de ni shin tu rtogs par
 dka' ba yin pas sman pa mkhas pa gzhan gyi nad rig pa dag gis rang rang gi nad gzhi'i skye ba dang 'bri ba'i tshul bzang ba dang/ btung ba dang spyod lam la sogs pa gang gis slong ba yang dang yang du brtag cing shes par bya'o/ /rlung
 lnga po de dag las kyang khyad par du srog ces bya ba'i rlung de ni skye dgu rnams kyi 'tsho ba yin la stong du rgyu ba'i rlung ni nyams stobs yin par brjod do/ /rlung gnyis po dang nyams shing gnod par gyur na ni tshe dang stobs kyang zad par
 'gyur ro/ /rlung rnam pa lnga po de dag gcig la gcig 'dres te ldan pa 'am yang na mkhris pa la sogs pa nad gzhan du ma dang 'dres shing ldan pa yang rung ste/ nad kyi mtshan nyid shes pa yin na ni lo gcig ma lon kyang rung
 ste/ de yang shin tu gso dka' o/ /nad kyi mtshan nyid ma shes te lo gcig 'das pa yan? chad ni gso dka' ba med do/ /de ltar 'dres pa'i nad de dag gso ba ma byas te yal bar bor na khong 'bras dang/ mcher ba'i nad dang/ snying nad dang/ skran
 dang/ me drod nyams pa sogs pa bla gnyan 'byung bar 'gyur ro/ /dreg nad kyi nad gzhi bshad pa'i le'u ste bcu drug pa rdzogs so// //sman pa'i bdag po seng ge spas pa'i bu sman pa chen po pha gol zhes bya bas/ yan lag brgyad pa'i
 snying po mdzad? pa las nad gzhi'i gnas zhes bya ba bcu drug pa rdzogs te/ yan lag brgyad pa'i snying po'i gnas gsum pa'o/ /bande shAkya bande dang rgyal tshul gyis zhus te dag go /sman dpyad yan lag brgyad pa'i snying po las/ gso ba'i dpyad
 nyi shu rtsa gnyis zhes bya ba/ rims nad gso ba'i le'u dang po bshad par bya ste/ de yang drang srong chen po rgyun shes kyi bu la sogs pas bshad pa na re rims ni kha zas ma zhu ba'i gnas su zhugs nas rlung la sogs pa dang lhan cig gnas
 te/ me drod nyams par byas nas nang gi rtsa'i lam bkag ste/ rims nad skyed pa yin no/ /de la thog mar rims mi smin pa la ni smyung ba byas la/ nyams stobs srung ba la 'bad do/ /nyams stobs dang ldan na ni nad med pa yin pas thog
 mar gso ba'i cho ga 'di dag bya'o/ /dang po smyung ba byas pas ni nyes pa rnams zad par byed de/ me drod skyed cing lus yang la nad med pa dang/ bkres pa dang/ skom pa dang/ zas yi gar 'ong zhing kha zas 'ju la nyams stobs dang gzi mdangs
 rnams skye bar 'gyur ro/ /de la bad kan tshabs che ste/ rang gi gnas las lus nas bad kan phyi rol tu 'byung zhing de yang gnyid nad dang/ cham pa dang/ yi ga 'chus pa dang/ lud pa dang/ gsung pa dang/ lhan cig 'byung zhing zas zos ma
 thag ldang ba'i rims nad ma zhu ba dang bcas pa de la ni skyug sman btang bar 'os te slon bya'o/ /rims nad gzhan la skyug sman btang na ni dbugs mi bde ba dang/ 'khru ba dang/ rmongs pa dang/ snying nad dang/ rims
 mi zad pa rnams kyis 'debs so/ /po son 'cha' dang/ dug mo yungs dang/ shing mngar gang yang rung ba dang/ pi pi ling dang lhan cig gam/ yang na chu dron po dang sprang rtsi lan tsha dang bcas pa blud la skyug tu gzhug go /yang na pa
 tol dang/ nim+ba dang/ ga gon dang/ sba dang/ 'di rnams kyi lo ma gang yang rung ba skol ba'i khu ba dang/ 'bras yos kyi skyom dang/ bu ram shing gi khu ba dang/ chang dang de dag gang yang rung ba'i nang du po son 'cha'i phye mas btab
 pa blud do/ /yang na nyams stobs dang/ dus kyi bye brag shes pa'i sman pas cho ga grub pa'i nang du bshad pa'i skyug sman btang bar bya'o/ /gong ma'i skyug sman byas kyang rung ma byas kyang rung/ rims nad can gyi skyes bu la ni nyes pa
 rnams rang gi gnas las nyams shing drod skyed pas nad smin pa dang zhi bar bya ba'i phyir khyad par du smyung ba byas pa phan no/ /dper na phyi rol gyi me mdag la thal bas g.yogs na/ kha zas la sogs pa 'tshod mi nus pa dang 'dra bar/
 khong pa'i rlung la sogs pa'i nyes pas g.yogs na kha zas 'ju mi nus te/ de bas na slon byas pa'i 'og tu smin par gyur pa'i phyir smyung ba la sogs pa bya'o/ /bad kan dang rlung las gyur pa'i rims skom dang che ba la ni/ chu dron
 po nyung ngu nyung ngu byin na/ bad kan skam po sla bar bya ste/ skom dang myur du 'jil bar byed na me drod dang rtsa'i rgyun srang yang 'jam zhing dag pa dang/ mkhris pa dang/ rlung dang/ rdul dang/ phyi sa? dang/ gcin dang/ 'di rnams kyang legs
 par 'byung bar byed la gnyid dang/ rmongs bag dang/ yi ga 'chus pa rnams 'phrog cing srog 'dzin par byed do/ /gal te chu grang 'thungs na phan yon gong ma log par 'gyur te/ nad kyi tshogs skyed par byed do/ /chu dron po 'thungs na phan
 yon gong ma ltar yod na yang gcig tu mkhris pa can la ma yin te/ de yang mkhris par shas che ba dang/ mig la sogs pa dbang po'i nad dang/ lus tsha ba dang/ rmong bag tu 'dug pa dang/ 'khru ba dug dang chang las gyur pa'i rims
 dang/ sos ka tsha ba'i dus dang/ lus zad cing skem pa dang/ mkhris pa dang khrag la ni chu dron po mi sbyor ro/ /gla sgang dang/ tsan dan dang/ bca' sga dang/ parpa ta dang/ bu shel tsi dang/ ba la ka dang/ 'di rnams gang yang rung ba bskol ba'i
 khu ba mkhris pa las gyur pa'i rims nad kyi skom dang can la sbyar na kha zas 'ju bar byed cing skom dang 'joms so/ /mkhris pa med na drod med/ drod med na rims med de/ de bas na mkhris pa dang mi mthun pa'i bza' ba dang/ spyod lam thams
 cad shas cher spang bar bya'o/ /mdor na rims nad thams cad la smyung ba ma gtogs par lus kyi khrus dang/ bsku ba la sogs pa'i bya ba thams cad spang ngo/ /rims ma smin pa mi zad par na ba la ni sman gyi khu ba dang lde gu la sogs
 pa mi blud de ji ltar ma zhu ba la zugs zer 'joms pa'i sman mi blud pa dang 'dra'o/ /te blud par gyur na ni phyir zhing nad skyed par byed de/ sprul la 'o ma blud pa bzhin no/ /bad kan dang rlung las gyur pa'i rims snyoms pa dang/ sna chu
 'dzag pa dang/ dbugs mi bde ba dang/ rje dar dang dus tshigs su zug cing na ba la ni dug bya bar rab tu sngags te/ rdul dang/ bshang gci dang/ phyen bde bar 'byung ste/ me'i drod kyang skyed par byed do/ /snum chos kyi cho gar bshad pa'i nang du
 chu dron las byas pa'i dug thams cad 'dir spyad par bya'o/ /rigs gsar pa la ni thog mar smyung ba dang/ dug 'ba' zhig bya'o/ /de nas zhag drug gi bar du smin par bya ba'i cho ga la sogs pa thams cad spang
 ngo/ /zhag bdun pa nas ni ma smin par bya ba'i phyir/ nas thug dang tak+ti'i khu ba blud de/ gnas skabs ji lta ba bzhin du gso'o/ /rlung nyi tshe rims dang/ lus zad pa 'am/ glo bur las gyur pa'i rims dang/ rims rnying pa rnams la
 smyung ba mi bya ste/ de la ni nyams stobs skyed pa'i cho ga thams cad sbyar ro/ /de la thog mar rims smin pa dang/ ma smin pa'i rang bzhin shes par bya ste/ de yang nyams brta ba dang/ spang bar bya ba'i le'u la bltas nas smyung ba byas la
 legs par 'gyur na lus rdzud par snang ste de la ni thug pa rkyang rkyang la sogs pa nad gzhi so so dang mthun pa'i sman sbyar la rims kyis btang ngo/ /de nas thug pa'i khu ba blud pa ni sman pa mkhas pas ji srid du rims rtse
 zhil nas sam/ zhags drug lon pa'i 'og tu blud par bya'o/ /thug pa'i rims pa de ltar byas na/ pho ba'i me drod skyed par byed do/ /ji ltar bud shing la me bzhin no/ /thug pa'i chu ba dro ba'i phyir rdul 'byin par byed do/ /sman dang
 sbyar ba yang bya ba'i phyir dang me drod skyed pa'i phyir dang/ khu ba yin pa'i phyir skom pa zhi bar byed do/ /kha zas yin pa'i phyir nyams stobs skyed par byed do/ /rtsar myur du 'gro ba'i phyir yang ba nyid do/ /rims la phan par byed pa'i
 phyir rims 'joms so/ /de bas na thog mar thug pas rims gso bar bya'o zhes zer ro/ /de la thug pa ni thog ma 'bras yos kyi thug pa dang/ de'i 'og tu 'bras brdos pa btags pa'i thug pa'i nang du spod bca' sga dang/ 'u su dang
 pi pi ling dang/ rgyam tshas btab pa blud do/ /gal te skyur la goms pa yin na/ se'u 'bru btab te lhan cig blud do/ mkhris pa shas che ste/ phyis bla bar 'byung ba la ni thug pa bca' sgas btab ste bsgrangs pa'i nang du sbrang rtsi btab pa blud do/ /chu
 so dang/ rtsib logs dang/ mgo bo rnams su zug cing na ba la ni kaN+Da ka ri dang/ gze ma las gzhi blangs pa'i thug pa blud do/ /priSh+Na par+Ni dang/ ba la dang/ bilba dang/ dong gra dang/ utpa la dang/ 'u su dang/ 'di rnams las gzhi blangs pa'i thug
 pa sgyur gyis btab pa blud na rims dang 'khru ba la phan te/ me'i drod skyed cing smin par byed do/ /dbugs mi bde ba dang/ skyigs bu dang/ gzer ba dang/ lud pa la ni rtsa ba lnga pa chung ngu las gzhi blangs pa'i thug pa blud do/ /rims nad bad
 kan shas che bas nyam thag pa la ni rtsa ba chen po lnga pa dang/ nas las gzhi blangs pa'i thug pa blud do/ /rims rtug pa 'gags pa ni pi pi ling dang skyu ru ra las gzhi blangs pa'i nas thug gi nang du mar bskol ba bcug ste/ 'thungs
 na dri ma 'gags pa tshul bzhin 'byung ngo/ /khong par 'khyil zhing zug gzer dang bcas pa la ni dbyi mod dang/ pi pi ling gi rtsa ba dang/ rgun 'brum dang/ skyu ru ra dang/ dong kra las gzhi blangs pa'i thug pa blud do/ /khong pa 'khrog pa la
 ni rgya shug dang/ da tri ka dang/ sa la par+Ni dang/ kriSh+Na par+Ni dang/ bilba dang/ ba la dang/ de rnams las gzhi blangs pa'i thug pa blud do/ /rdul dang gnyid med cing skom pas gdungs pa la ni kha ra dkar po dang/ skyu ru ra dang/ dong kra las gzhi
 blangs pa'i zug pa blud do/ /skom dang che ba dang/ skyug bro ba las khyab pa'i rims nad la ni kha ra dkar po dang/ rgya shugs dang/ rgun 'brum dang/ thal tres dang/ gla sgang dang/ tsan dan dkar po dang/ 'di rnams las bzhi blangs pa'i thug
 pa la sbrang rtsis btab pa blud do/ /gong gi thug pa las smos pa'i sman rnams dang sha khu dang/ sran mu ga la sogs pa'i khu bcud la sogs pa yang ci rigs par sbyar ro/ /de la thug pa blud du mi rung ba ni chang las rims su
 gyur pa dang/ chang rtag tu 'thungs pa dang/ so ga tsha ba'i dus dang/ mkhris pa'i gnas su bad kan zhugs te/ lhag par shas cher na ba dang/ skom dang che ba dang/ skyug bro ba dang/ lus tsha ba dang/ stod du khrag lud pa rnams la ni thug pa mi
 blud de/ de la ni rims 'joms pa'i shing rtog rgun 'brum la sogs pa'i khu ba dang 'bras yos btags pa'i phyi'i skyo ma sbrang rtsi dang khar dang ldan par blud do/ /sman de dag zhu ba'i tshod tsam na/ nas thug dang/ 'bras brdos pa'i chan dang
 khyim bya la sogs pa mchus zas tshol ba'i sha khu dang/ sran mu kha'i 'u sha dang/ bcas pa sbyin no/ /de ltar thug pa la sogs pa'i rim pa gong du bstan pa de dag kyang nyams stobs bri ba dang/ bsrung ba dang/ nad gzhi rnams mi
 'ong bar bya ba'i phyir zhag drug gi bar du spyad do/ /de'i 'og tu rims smin pa dang/ smyung ba la sogs pa rab tu bsngags te/ nyes pa'i lhag ma lus pa la ni smin pa dang/ zhi bar bya ba'i phyir sman bskol ba'i khu ba dron po de nyid grang mor byas
 pa dang/ sman rang gi lu ba dang/ thug pa rkyang rkyang po la sogs pa skyo ma la sogs pa'i nad gzhi ji lta ba bzhin du blud do/ /mkhris pa las gyur pa'i rims nad la ni khyad par du kha ba'i sman sbyar te/ bad kan las gyur pa'i rims la yang
 sman kha ba dang tsha ba rnams sbyar ro/ /mkhris pa dang bad kan las gyur pa'i rims la ni/ ro bska ba /phan mod kyi rims sar ba la ni mi bsngags so/ /ji ltar zhe na ro bska bas ni rtug pa 'gags pa dang/ rims mi zad pa dang/ brang tsha zhing
 ba nas chu skyur 'byung ba dang/ lto sbo ba la sogs pa skyed do/ /'dir sman pa kha cig na re zhag drug phan chad rims 'joms pa'i sman/ gla skang dang/ ldum bu skra bzangs la sogs pa gzod btang ngo zhes zer ro/ /gzhan dag na re zhag bcu phan
 chad sman dpyad gzod bya'o zhes zer ro/ /yang sman pa kha cig na re zas yang ba thug pa la sogs pa zhag drug gi bar byin la/ de phan chad sman dpyad gzod bya'o zhes zer ro/ /yang na gzhan dag na re gong ma de dag ni nges pa yin te/ nad
 kyi gnas skabs las bltos te/ sman dpyad bya'o zhes zer ro/ /rims ma smin pa ni zhag bcu lon yang sman dpyad mi bya ste/ zla ba phyed gnyis kyi bar du yang dag go /gang gi phyir nad gzhi shugs drags pas rims ma smin te/ shas
 ched na ba? la sman btang na phyir zhing thu bar byed do/ /gzhan yang rims sar pa na zhing snyoms la rmod bag tu 'dug pa la sman byin na yang/ rims mtshad par byed do/ /dus gang dag gi tshe sman byin zhe na/ drag po'i zug gzer lhod pa dang/
 lus yang ba dang/ dri ma rnams bskyod par gyur na de'i tshe zhag drug la sogs pa ma lon te/ yun ring ba yin na yang sman blud pa la sogs pa bya'o/ /de ltar nad gzhi so so'i bye brag shes par byas nas smin par bya ba'i sman kro lo
 dang/ bca' sga dang/ byi tser ba dang/ de gsum gang yang rung ba gla sgang dang ldan par bskol ba'i khu ba 'am/ yang na ba tha dang/ pu shel tsi dang/ ba la ka 'di gsum bskol ba'i khu ba grang mo 'am/ yang na tik+ta dang/ sle tres dang/
 gla sgang dang/ dong kra dang/ 'di rnams bskol ba'i khu ba grang mo blud do/ /'dir sman bskol ba'i tshad ni sman srang gcig chu srang bcu drug dang bskol te/ bzhi cha srang bzhi lus par bya'o/ /bsgrangs pa zhes smos pa ni chu bskol ba srang
 drug gi nang du sman srang gcig bcug pa'o/ /'di ltar ji ltar rigs pa bzhin sbyar bas blud na/ nad rnams smin par byed pa yin te/ rims dang/ yi ga 'chus pa dang/ skom dang che ba dang/ za zas kyi ro mi tshor ba dang/
 ma zhu ba rnams 'joms so/ /dug me nyung dang/ ba to la'i lo ma dang/ pu tsa shel dang/ 'di rnams bskol ba'i khu ba blud na rgyun gyis rims la phan no/ /pha to la dang/ thal tros dang/ gla sgang dang/ pa tha dang/ pu tso shel dang/ 'di rnams bskol ba blud
 na rtag pa'i rims la phan no/ /pa ta la dang/ nim+ba dang/ 'bras bu gsum dang/ rgun 'thum dang/ dug mo yungs kyi shun lpags dang 'di rnams bskol ba'i khu ba blud na/ nyin gcig pa'i rims la phan no/ /tik+ta dang/ sle tres dang/ tsan dan dkar
 po dang/ bca' sga dang/ 'di rnams bskol ba'i khu ba blud na nyin gsum pa'i rims la phan no/ /kyu ru ra dang/ glang sgang dang/ sle tres rnams bskol ba'i khu ba'i nang du sbrang rtsi btab ste blud na nyin bzhi pa'i rims zhi bar byed do/ /de la rlung las
 gyur pa'i rims la ni/ byi tsher ba dang/ sle tres dang/ bca' sga dang/ dong skra rnams bskol ba'i khu ba 'am/ yang na pi pi ling gi rtsa ba dang/ sle tres dang/ bca' sga rnams lhan gcig bskol ba 'am/ yang na rtsa ba chung ngu lnga bskol ba'i khu ba
 blud na phan no/ /mkhris pa las gyur pa'i rims la ni dug mo yungs dang/ gla sgang dang/ pu tse shel bskol ba'i khu ba grang mo'i nang du sbrang rtsi btab pa blud pa 'am/ yang na gla sgang dang/ sro lo dang/ byi tsher ba dang/ tik+ta rnams bskol ba'i
 khu ba blud na phan no/ /bad kan las gyur pa'i rims la ni dug mo yungs kyi sde mtshan bskol ba 'am/ yang na ba sha ka dang/ gla sgang dang/ bca' sga dang/ byi cher ba rnams bskol ba'i khu ba btang na phan no/ /rlung dang bad kan du 'dres pa'i
 rims la ni me drod skyed pa dang/ smin par bya ba'i sman a ru ra dang/ pi pi ling gi rtsa ba dang/ dong ka dang/ pu tse shel rnams bskol ba blud do/ /rlung dang mkhris pa 'des pa'i rims la ni rgun 'brum dang/ shing mngar dang/ shing rtog ma ru ka dang/ seng
 phrom dang/ tang pal dang/ thal tres dang/ gla sgang dang/ skyu ru ra dang/ ba la ka dang/ pad+ma ge sar dang/ shug pa dang/ pad+ma'i rtsa ba dang/ tsan dan dang/ pu shel tse dang/ utpal la sngon po dang/ pa ru sha ka dang/ 'di rnams phye mar btags pa
 chu dang bskol ba skan ter gyur pa 'am/ yang na bskol ba'i khu ba bsgrangs nas me tog ku su ma'i dris bsgos la sbrang rtsi dang/ khar dkar po dang/ 'bras yos btags pa'i phye ma btab pa 'thungs na myur du zhi bar byed de/ de bzhin du rims
 dang/ chang nad dang/ skyugs bro ba dang/ brgyal ba dang/ lus tsha ba dang/ mgo 'khor ba dang/ khrag stong du lud pa dang/ mig ser rnams 'joms so/ /pu tse shel btags pa'i phye ma chu dang dog le sar pa gtsang ma'i nang du bskol la/ ras dang
 btsags te/ tshigs ma bor la/ khu ba dangs ma'i nang du mar gyis btab pa'i khu ba de 'thungs na rims dang lus tsha ba rnams 'joms so/ /bad kan dang rlung ma dres pa'i rims la ni shu dag dang/ pu tse shel dang/ pa tha dang/ dong ka dang/ dug mo
 nyung gyi shun pa rnams bskol ba blud do/ /yang sle tres bskol ba'i khu ba'i nang du pi pi ling gi phye mas btab pa 'thungs na yang phan no/ /yang kaN+Da kA ri dang/ bca' sga dang/ sle tres bskol ba'i khu ba'i nang du pi pi ling gi phye mas btab pa
 'thungs na rlung dang bad kan las gyur pa'i rims dang/ lud pa dang/ dbugs mi bde ba dang/ sna chu 'dzag pa dang/ zug gzer rnams 'joms so/ /a ru ra dang/ 'u su dang/ gla sgang dang/ bca' sga dang/ bu ti ka dang/ parpa te zhes bya ba sro lo
 dang/ katpa li dang/ shu dag dang/ ga pra'i rtsa ba dang/ thab shing dang/ 'di rnams bskol ba'i nang du shing kun dang/ sbrang rtsi dang ldan par byas te 'thungs na/ rlung dang bad kan gyi rims dang/ lto ba dang/ snying dang/
 rtsib logs su zug cing na ba dang/ lkog ma dang/ lud pa dang/ dbugs mi bde ba rnams sel to/ /bad kan dang mkhris pa las gyur pa'i rims la ni dong ka'i sde tshan bskol ba'i khu ba'i nang du sbrang rtsi btab pa blud na phan no/ /yang na pu tse shel dang
 ba sha ka dang/ pu shel tsi dang/ 'bras bu gsum dang/ sle tres dang/ pa to la dang bong nga dkar po dang/ nim+ba dang/ murba dang byi tsher ba rnams bskol ba'i nang du sbrang rtsis btab pa 'thungs na yang bad kan dang/ mkhris pa'i rims la phan no/
 'dus pa las gyur pa'i rims la ni/ /kan+ta ka ri dang/ thang shing dang/ skyer pa dang/ gla sgang dang/ de rnams bskol ba'i nang du pa to la dang/ nim+ba dang/ 'bras bu gsum dang/ pu tse shel rnams btags pa'i phye mas btab pa blud do/ /'dus
 pa'i rims dang rlung dang bad kan shas phye ba dang/ lud pa dang dbugs mi bde ba dang/ rtsib logs na ba rnams la ni dong gra dang/ ma nu dang/ sle tres dang/ kan+ta ka ri rnams bskol ba'i khu ba blud do/ /ma du ka'i mo tog dang/ rgun 'brum
 dang/ kyi lce ba dang/ pa ru sha ka dang/ pu shel tsi dang/ pu tse shel dang/ 'bras bu gsum tam pal dang/ 'di rnams cho ga bzhin du bskol te bsgrangs pa dus su 'thungs na/ 'dus pa dang ldan pa'i rims thams cad sel to/ /dzA
 ti zhes bya ba su ma ni'i me tog dang/ skyu ru ra dang/ gla sgang dang/ byi tsher ba gong ma bzhin bskol ba dus su 'thungs na rims nad thams cad sel to/ /rims nad rtug pa 'gags pa la ni/ pu tse shel dang/ rgun 'brum dang/ kyi
 lce ba dang/ 'bras bu gsum bskol ba'i nang du bu ram btab pa 'thungs na phan no/ /sman de dag zhu ba'i tshod tsam na/ zas su thug pa la sogs pa'i rim pa sman dang ldan par sbyin no/ /rims nad bad kan can la ni thug pa la sogs
 pa mi blud do/ /ji ltar rdul gyi steng du char 'bab na/ 'dam du 'gyur ba dang 'dra bar bad kan 'phel bar 'gyur ba'i phyir ro/ /de bas na bad kan las gyur pa'i rims la thog mar smyung ba legs pa'i mtshan ma snang na/ dang po thug pa
 la sogs pa mi blud par rgya sran dang mo sran tsa na ka dang/ mo sran las byas pa'i khu bcud yang ba nyung ba snum med pa sman kha ba dang bcas pa yi gar 'ong ba tshwa dang ldan pa sbyin no/ /kha zas ni 'bras dmar po la sogs pa rnying pa
 dang/ 'bras drug cu pa la sogs pa phan no/ /bad kan shas che ba'i rims la ni bad kan 'joms pa'i mthu dang ldan pa'i sman bskol ba'i nang du gong du smos pa'i 'bras dmar po 'am/ nas phub ma med par byas pa lan
 gnyis gsum bsgrus la nang dang mthun par 'bras chan dang/ nas chan du byas te bza' o/ /sran mung+ga dang/ sran chung dang/ rgya sran la sogs pa yang zhing nyung ba'i khu bcud nang nad pa gang la goms pa 'thungs na rims 'joms
 so/ /tshod mar ni ka ra wel la dang/ rgyal mo ga gon dang/ la phug gzhon nu dang/ parpa ta dang/ barta ka dang/ nim+ba dang/ ku su ma dang/ pa to la'i 'bras bu dang/ lo ma dang 'di rnams gang drnyed pa la tshod mar bya'o/ /sha khu ni sha
 yang ba rnams dang/ srog chags thang la gnas pa sreg pa la sogs pa sha khu kan+ta ka ri dang/ pa ru sha ka dang/ agni ma na tha dang/ rgun 'brum dang/ skyu ru ra dang/ se'u 'bru dang/ pi pi ling dang/ bca' sga dang/ 'u su dang/ zi ra dang//
 rgyam tsha rnams dang/ khar dkar po dang/ sbrang rtsi dang/ 'di rnams glum dang/ glum med na yang rung ste/ legs par sbyang ba btang ngo/ /tshod ma'i nang du sbyar ba ni bar ba ha cang mi skyur? ba yi gar 'ong ba'i dangs ma me mi che ba
 btang ba skol te/ zas kyi 'og tu btang ngo/ /yang na sman bskol ba'i chu bsgrangs? pa 'am/ gal te chang? la goms pa yin na ni/ chang skom du blud do/ /rims byang ba 'am/ ma byang yang rung ste/ nyi ma nub pa'i dus su bad kan zad cing me'i drod
 che ba'i dus yin pas de'i tshe na zas yang ba bza' o/ /yang na nad dang rjes su mthun par zas bza' ste/ de yang bad kan la snga dro/ mkhris pa la nyi ma phyed rlung la phyi dro sbyin no/ /nad pa de me drod chung ba la snga dro zas byin na de ni nang phyir nad thub par
 'gyur ro/ /sman bskol ba'i khu ba dang/ phan pa'i zas lus yang bar 'gyur te/ bad kan dang me drod chung ste/ mkhris pa dang rlung shas che na zhag bcu pa yan chad mar sbyin no/ /rims smin pa la mar btang na ni bdud rtsi dang 'dra'o/ /ma smin pa
 yin na ni zhag bcu pa las 'das pa yin na yang lud pa dang/ yig 'chus pa la sogs pa nyes pa sna tshogs skyed do/ /bad kan shas che ba'i rims la ni/ dang po smyung ba dang sman kha ba'i khu ba la sogs pas bad kan zad par bya'o//
 lus zungs dang nyams stobs 'phel ba'i phyir rims rnying pa srung bar bya'o/ /gang gi phyir mkhris pa me'i rang bzhin smin par byed pa ni rtsub pa dang gsher bag spangs pa yin te/ des mkhris pa skyes pa de las ni slon na dug dang bskol
 ba'i chu dang/ ro bska ba dang/ yang ba'i zas kyis lus shas cher rtsub ste/ rlung stobs che ba 'khrugs par byas pa de la ni mar mchog tu phan te/ khang pa'i nang du me 'bar ba la nus bsad pa dang 'dra'o/ /mar ni rlung dang mkhris pa sel ba'i
 mchog yin te/ rang rang dang mthun pa'i sman dang sbyar na ni kun la yang phan no/ /mar bsil ba'i sman dang sbyar na ni rims tsha ba 'joms la/ dro ba'i sman dang sbyar na ni grang ba'i rims sel to/ /rtsub pa'i sman dang sbyar na ni bad kan zhi ba? byed
 do/ /de lta bas na gong du smos pa'i skra lo dang/ gla sgang bskol ba'i khu ba la sogs pa nad bzhi so sor dang mthun pa'i sman mar dang ci rigs su sbyar te btang ngo/ /'bras bu gsum dang/ nimpa'i shun pags dang/ shing mngar dang/ bri ha ti rnam?
 gnyis spyir srang gcig dang/ sran chung srang gcig dang/ de rnams bskol ba'i nang du mar srang phyed bcug ste 'thungs na rims dang lud pa la phan no/ /zhes sman pa rgan po rnams 'chad do/ /pi pi ling dang/ dug mo yungs dang/ ba ni zhes
 bya ba kaN+Da kA ri dang/ pu tse shel dang/ thal tres dang/ skyu ru ra dang/ ta malka? dang/ bilpa dang/ gla sgang dang/ tsan dan dang/ pa la ni zhes bya ba kyi lce ba dang/ pu shel tsi dang/ rgun 'brum dang/ bong nga dkar po dang/ se la par+Ni dang/ 'di rnams
 mar dang mar gyi bzhi 'gyur gyi chu dang ldan cig bskol ba las ran par 'thungs na rims dang me'i drod ma snyoms pa dang/ ha li ma ka zhes bya ba'i nang/ yig 'chus pa dang/ tsha ba shas che ba dang/ saM sha ya dang/ slon pa dang/ rtsib
 logs dang/ mgon ba dang/ zad byed kyi nang myur du 'joms so/ /rlung las gyur pa'i rims la ni rlung nang gso ba'i skabs su bshad pa'i seng phrom gyi sman mar las dur bying ma gtogs pa lhag ma sbyar bar bya'o/ /mkhris pa las
 gyur pa'i rims la ni tik+ta'i sman mar mdze nad kyi skabs su bshad pa dang/ ba sha ka sman mar khrag mkhris kyi skabs su bshad pa dang/ kyi lce ba'i sman mar khong 'bras kyi nang du smos pa dang sbyar na phan no/ /bad kan las gyur pa'i
 rims snying pa la ni byi dang ga dang/ kha ru tsha dang/ dbyi mo dang/ pa tha dang/ tsha ba gsum dang/ tsi tra ka dang/ rgyam tsha dang/ nas tshig 'khus pa'i thal ba dang/ 'di srang re re dang/ mar srang sum cu rtsa gnyis dang/ de dang mnyam pa'i 'o ma
 dang/ chu srang dgu cu rtsa drug dang/ bskol te da las ran par 'thungs na bad kan las gyur pa'i rims gnyis pa 'joms so/ /sle tres cham tshom brdungs la bskol te/ bzhi cha lus pa dang de nyid kyi phye ma btab ste/ sman gyi bzhi 'gyur gyi? mar  
 dang yang bskol te/ bza' ba 'am/ de bzhin du 'brum bu gsum dang/ ba sha ka dang/ rgun 'brum dang/ ba la rnams re de nas gong ma sle tres kyi sbyor ba ltar 'thungs na rims gcod par 'gyur ro/ /gong gi mar de zhu ba'i tshad tsam na/ sha 'jam pa'i
 khu ba dang lhan cig zan zos na stobs bskyed de/ des na nyes pa 'joms pa'i mchog yin no/ /sran mud+ga dang/ ka ra bI ra la sogs pa'i khu bcud ni bad kan dang mkhris pa 'joms te/ shas cher byin na ni rlung las gyur pa'i rims rnying pa la
 mi phan te/ zug gzeng dang lto ba sra bar byed cing rims 'phel bar byed do/ /gal te gong du smos pa'i sbyor ba da dag gis kyang rims ma zhi na gong du smos pa'i slon dang 'og nas smos pa'i bkru sman gyis lus dag par bya ste/ sbrum ma dang/ me drod
 chung pa dang/ lus rtsub pa rnams la ni mi bya'o/ /pho ba'i nang du bad kan zhugs pa'i nad gzhi stobs che ba la ni sman pas nang pa'i nyams stobs bsrung bar bya'o/ /rims smin te rang rang gi gnas nas bskyod pa dang/ rims mi zad pa ma gtogs
 pa gzhan la bkru sman gtang ste/ 'bras bu gsum dang/ sha ma dur bying dang/ pi pi ling dang/ nA ga ge sar dang/ khar dkar po dang/ 'di rnams btags pa sbrang rtsi dang ri lur byas pa btang pa 'am/ yang na dri sna gsum la sogs pa tsha ba
 gsum gyi bkru sman tshig grub pa'i gnas su bstan pa btang ba 'am/ yang na rkun 'brum skyu ru ra'i khu ba dang sbyar ba 'am/ yang rgun 'brum dang/ a ru ra sbyar ba 'am/ yang na skyu ru ra rang gi khu ba'i nang du mar brngas pa blud na yang rims 'joms
 so/? /yang na skyu ru ra'i phye ma mar dang sbrang rtsi dang sbyar ba ldag pa 'am dang ka 'o ma 'am rgun 'bru'i khu ba btung ba 'am/ yang na 'bras bu gsum mam/ kyi lce ba 'o ma dang sbyar ba rims nad can la blud do/ /de ltar khrus dang sman byas pa'i 'og tu
 chu? ya? rkyang skyed pa la sogs pa rim pas blud do/ /rims rang gi gnas nas bskyod de gang 'og gnyis su 'khru ste 'byung bar 'gyur na/ smin pa yin na yang mi bcad par bzhag go /gal te bcad na ni khod pa'i nang du snad do nges par gnod par
 byed do/ /rims smin te tsha bas cher 'khru ba la ni bcad par bya'o/ /ma zhu bar rang 'khru ste/ tshabs che bar 'byung ba la ni/ mdo'i gnas nad gzhi gsum gyi mtshan nyid bstan pa nas 'byung ba bzhin du bya'o/ ma smin pa'i rims dang 'khru ba yin na
 ni bcad da?/ gal te sman gyis bcad par gyur na nad skyed do/ /gal te sman pa rmongs pa mi mkhas pas rims nad ma smin pa la bkru sman gtong ba ni rang nyid phung bar byed pa yin te/ ji ltar sbrul nag pa gnyid log pa la lag pa'i rtse mos
 nyug pa dang 'dra'o/ /rims nad lus zad pa la ni slon khrus mi phan te/ gal te sman dang 'byor pa yin na 'o ma'i btung ba ci 'dod pa dang/ ni ru ha btang ste 'khru ba zhi bar bya'o/ /nad pa 'o ma la goms shing bad kan zad pa dang/ lus che ba dang/ 
 skom dang che ba dang/ rlung dang mkhris pas nyam thag pa la ni 'o ma rab tu phan te/ 'khru ba la yang phan no/ /smyung bas nyam thag pa la ni 'o ma mchog tu bzang ste/ nags mes tshig pa la ni char bab na sa bon cher 'phel ba dang 'dra bar rims
 myur du zhi bar byed do/ /'o ma de yang so so'i sman dang legs par sbyar te/ dro ba dang grang ba dang/ bzhos ma thag pa la sogs pa dus kyi bye brag shes par bya ste/ ci rigs par blung na phan no/ /log par byas na ni ma yin no/
 'o ma de bca' sga dang bra go dang/ rgum 'brum dang/ sha kha ra dang mar dang lhan cig bskol ta bsgrangs pa'i nang du sbrang rtsi dang ldan par 'thungs na skom dad che ba dang lus tsha pa dang rims 'joms so/ /sbyor ba gong ma'i steng du rgun 'brum dang/ ba la
 dang/ shing mngar dang/ thal tres dang/ pi pi ling dang/ tsan dan rnams bskol te bsgrangs pa'i nang du sbrang brtsi btab pa blung na yang phan yon gong ma dang 'dra'o/ /yang na 'o ma nyi tshe 'o ma'i bzhi 'gyur gyi chu dang bskol ba blung pa 'am/ /yang
 na pi pi ling dang/ 'o ma bskol ba blud do/ /yang na 'o ma rtsa ba lnga dang/ bskol ba 'thungs na lud pa dang/ dbugs mi bde ba dang/ mgon pa dang/ rtsib logs su zug pa dang/ rims rnying pa rnams sel bar byed do/ /yang na e raN+Ta'i rtsa ba
 dang/ ba la dang/ bilpa gang yang rung ba bskol pa'i khu ba 'o ma bzhos ma thag pa'i dron po dang lhan cig 'thungs na rims nad las grol bar byed do/ /khyad par du rlung gi phyis 'gags pa dang/ be'u snabs khrag dang bcas par 'byung ba dang
 skom pa dang/ zug gzeng dang/ pra ba hi ka la ni'i nang las grol bar byed do/ /yang na bca' sga dang/ ba la dang/ kaN+Ta kA ri dang/ gze ma dang/ bu ram dang/ 'o ma sbyar ba 'thungs na skrang ba dang/ phyi sa dang/ gcin dang phyen 'gags pa dang/
 rims las rgyal bar byed do/ /ba spu pa me tog dkar po can dang/ ba balbi dang/ bad? sha b+hu zhes bya ba ba spu ba me tog dmar po can rnams 'o ma dang bskol pa 'thungs na rims dang skrang ba sel to/ /shing sha pa'i snying po dang/ 'o ma sbyar
 ba 'thungs na yang rims myur du 'joms so/ /rims khu ba'i gnas su zhugs nas ni ru ha btang? bar gyur na myur du me'i stobs skyed pa dang/ rims dang bral ba dang/ dga' bar byed pa dang/ zas yi gar 'ong bar byed do/ /mkhris pa las
 gyur pa'i rims sam/ mkhris pa dang/ bad kan las gyur pa'i rims khu ba'i gnas su zhugs pa la ni bkru sman btang ngo/ /nad gzhi gsum char smin pa'i gnas su song ba la ni 'jam rtsis zhi bar bya'o/ /bad kan dang mkhris pa zad pa'i nad
 la 'jug do dang/ rgyab dang/ rked pa na ba dang/ me drod che ba dang/ rtug pa 'gags pa la ni 'jam rtsi mas btang bar bya'o/ /po to la dang/ nimpa'i lo ma dang/ pu tse shel dang/ dong ka dang/ tir dang/ ba la dang/ gze ma dang/ po son cha dang/
 bu shel tsi dang/ ba la ka dang/ 'di rnams chu dang/ sman spyi dang/ mnyam pa'i 'o ma dang lhan cig bskol la/ 'o ma lus pa'i nang du gla sgang dang/ po son cha dang/ pi pi ling dang/ shing mngar dang/ dug mo nyungs kyi shun lpags rnams kyi phyi ma
 btab ste/ mar dang sbrang rtsis bsres pa bsdus pa'i 'jam rtsims btang na rims 'joms par byed do/ /yang na dong ga dang/ pu shel rtse dang/ shing mngar dang/ po son cha dang/ 'dab ma rnam bzhi dang/ 'di rnams bskol ba'i khu ba'i nang du/
 bri yaM ku dang/ po son cha dang/ gla sgang dang/ nye'u shing dang/ shing mngar dang/ 'di rnams kyi phye ma btab la/ mar dang bskol te sman gtor bar? bu ram dang sbrang rtsi btab te mas btang na rims sel to/ /yang na dzi ban+ti dang/ shing mngar
 dang/ ming dang/ pi pi ling dang/ po son cha dang/ shu dag dang/ ring ti dang/ ra sna dang/ ba la dang/ bilpa dang/ shu ti dang/ nyed du? shing rnams btags la sman spyi'i bzhi 'gyur gyi mar dang til mar bsres pa dang/ mar gyi bzhi 'gyur gyi 'o mar
 chu nyis 'gyur dang bskol ba nad gzhi ji lta ba bzhin 'jam rtsi mas btang na rims 'joms so/ /gzhan yang cho ga grub pa'i skabs su bshad pa'i 'jam rtsi yang 'dir rims nad la sbyar ro/ /rims rnying pa las sman btang
 na yig 'byed pa dang/ mgo nad dang/ lus lci ba dang/ bad kan 'phrog la dbang po bsal bar byed do/ /snum dang bcas pa'i sna sman btang na ni mgo stong pa snyam pa byed pa dang/ lus tsha ba dang/ mkhris pa rnams 'joms so/
 gzhan yang cham pa dang/ mgo dang/ mgul ba'i nad dang/ lce yis ro mi tshor ba rnams la ni dud pa rdub pa dang/ sman khus mkhur ba bkang ste mi bskyod par bzhag pa dang/ g.yas g.yon spong ba'i sman khu bcad pa rnams
 mdo'i gnas su ji ltar bstan pa rnams nad gzhi dang sbyar te btang ngo/ /rims rnying pa zas yi gar mi 'ong ba la ni kha lung gi ge sar mar dang/ rgyam tshar bcas pa'i lde gu 'am/ yang na rgun 'brum dang/ /bar dkar po dang skyu
 ru ra'i khu ba bcangs na phan no/ /pags pa la brten pa'i rims rnying pa la ni ji ltar rigs pa bzhin du dro ba dang grang ba'i sman bskol ba'i bsku ba dang/ byug pa dang/ blugs pa la sogs pa bya'o/ /de bzhin du mig sman dang
 dud pa rdub pa la sogs pa bya ste/ glo bur du byung ba'i rims la yang tshul de ltar bya'o/ /rims rnying pa lus tsha ba la ni mar lan stong gi bar du chu grang mor bcug la yang bzhu yang bcug byas pa'i mar bskus na tsha ba'i rims zhi
 bar byed do/ /yod na mdo'i gnas su bstan pa'i mngar? ba'i sde tshan gser la sogs pa 'am/ yang na skyur ba'i sde tshan skyu ru ra la sogs pa 'am/ bska ba'i sde tshan a ru ra la sogs pa 'am/ rtswa dur pa'i sde tshan nam/ mkhris pa
 'joms pa'i sde tshan nya da la sogs pa 'am/ shug pa'i sde tshan nam/ sman gyi sde mtshan de dag gang yang rung ba 'o ma dang/ til mar dang/ bskol ba yang rung ma bskol pa yang rung ste/ lde gu dang sman mar gyi bsku ba la sogs pa
 chog ? lta pa bzhin du byas na de ma thag pa'i rims 'joms so/ /yang na gong gi sman gyi sbyor ba de nyid cung rtsid tsam du btags pa'i lde gus lus bsku bar bya'o/ /gal te zhi ba drag na ni cha ba phyir mi 'byung ste/ slar khong du zhugs nas
 tsha ba skye ba'i phyir ro/ /gong ma'i sman de nyid bskol ba'i nang du lus gzhug pa 'am blugs par yang bya'o/ /de bzhin du rtsab mo dang/ chang skyur dang/ 'o ma dang/ mar dang/ chu la sogs pa'i nang du blugs pa dang/ lus bcing bar bya'o/
 ? pat+ti dang/ kha lu dang/ a mra dang/ bi da ri dang/ seng phrom dang/ rgya shug gi myu gu dang/ 'di rnams a riSh+Ta yi nang du byas la de'i lbu bas lus bskus na lus tsha ba dang/ na ba dang/ rmod bag tu 'dug pa dang/ skom dang che ba rnams
 zhi bar byed do/ /de bzhin du mkhris pas lus 'gyur ba bstan pa'i le'u las 'byung ba'i gso ba 'dir byas na/ tsha ba'i rims myur du sel to/ /dro ba'i nus pa dang reg pa dang ldan pa'i sman rgya spos dang/ a ka ru dang/ ru rta dang/
 sto na dang/ rngo dreg dang/ ko nyon rtse dang/ thang shing dang/ chu srin sen mo dang/ ra sna dang/ gu gul dang/ shu dag dang/ tsa rong dang/ sug smel rnam gnyis dang/ tsan dan dang/ si ba dang/ shing kru dang/ byi'u rug pa dang/ spang spos dang/ bya
 ma ka dang/ yungs kar dang/ sle tres dang/ e raN+Ta? rnam gnyis dang/ pa tU? ra dang/ ro hi sha dang/ ta ma la'i lo ma dang/ pU ti ka dang/ si la ka dang/ 'u su dang/ tidmu? sa dang/ shu ti dang/ rgya sran dang/ mon sran mo sha dang/ kru trug nges? dang/ bu ti
 ka rany+dza dang/ na gu la rnam gnyis dang/ gzhan yang bsil ba'i nus pa dang ldan pa'i sman rnams zhib tu btags te chang dang rtsa bas skyur po dang til mar dang lhan cig bskol te/ dro 'jam tsam byas pas bsku
 ba 'am/ yang na zhib tu btags pa'i lnga gus byug pa byas na/ rims grang ba zhi bar byed do/ /yang na rgya spos la sogs pa gong gi sbyor ba nyid kyis blugs pa dang/ lus bcing ba la sogs pa bya'o/ /de bzhi du chang skur dang/ ba gcin dang/
 zhog chu la sogs pa sman med pa'i nye cho blugs pa la sogs pa bya'o/ /yang na dod ka la sogs pa'i sde tshan gyis btung ba dang/ bsku ba dang byug pa la yang sbyar ro/ /a ka ru'i dud pa dang/ bal ka'i dud pa 'og nas smos pa
 gang yin pa yang rims grang mo 'di la sbyar ro/ /me'i drod bskyed par bya ba'i phyir dugs kyi cho ga bstan par bya'o/ /de bzhin du rlung med pa'i khang par 'dug pa dang/ rtsol ba dang/ gos lci ba bgo ba la sogs pa yang bya'o//
 rdul 'byung bar bya ba'i phyir mkhris pa skyed par byed pa'i sman bza' bar sbyar bar ste/ rgya sran ku la tha dang/ ma sha dang/ nis pa lpas zhes bya ba'i zas dang/ sha rnams sbyar ro/ /gnas ni khang pa'i dbus dang/ sa khang gi nang du rtswa
 ku sha dang/ klam dang/ ra la ka zhes bya ba'i stan bya ste/ khang pa de'i nang du mdag ma dud pa med cing dmar ru ge ba zhugs ling gi nang du bcug ste bsro bar bya'o/ /grang ba'i dbang gis shin tu 'dar bar gyur pa la ni chang ngam dar ba 'am/
 rgya sran dang/ khra dgong la sogs pa 'bru'i khu ba'i nang du che ba gsum btab pa 'am/ gzhan yang mkhris pa bskyed pa'i sman rnams bsten par bya'o/ /de bzhin du bud med shin tu num mdzes shing sha rgyas la lus la byug pa dang/
 rgyan thams cad kyi brgyad pa lang tshor bab pa/ chang gis shin tu dregs pa yid du 'ong zhing shin tu 'gying bag dang ldan pa'i bud med dang/ thang sbyar ba'i dugs bya ste/ nam grang bar gyur pa'i dus na bud med de spang bar bya'o/ /'dus pa
 las gyur pa'i rims la ni nyes pa gcig shas chung zhing gnyis shas che na ni gnyis zad par bya zhing/ gcig gso bar bya'o/ /gnyis shas che zhing gcig shas chung na ni gnyis bri zhing gcig bskyed par bya'o/ /nyes pa gsum cha
 mnyam na ni dang po bad kan gso zhing de nas rlung dang mkhris pa rims bzhin gso/ /'dus pa las byung ba'i rims nad kyis lus zad cing sna rtsa gnyis su shin tu mi zad par na ba skrangs par gyur pa ni 'tsho bar dka' ste/ phal char 'chi
 bar 'gyur bas de la myur du khrag gtar ba dang/ mar blud pa dang/ bad kan dang mkhris pa 'joms pa'i sman gyi/ byug pa dang/ pas na nas btang pa'i sman dang/ mkhur bar bcad pa rnams byas na phan no/ /lus zungs rnams la brten pa'i
 rims grang ba dang/ dro ba dang/ snum pa dang/ rtsub pa la sogs pa'i cho ga byas kyang ma zhin de la ni lag pa gnyis las rims kyis khrag dbyung bar bya'o/ /rims mi bzad pa la cho ga gong ma de dag kyang zhir mi 'dod na nad gzhi ji
 lta ba pa min du/ rlung la sogs pa'i nad gang shas che ba brtags te/ so so'i bya ba bzhin du spang bar bya zhing 'og nas smos pa bzhin du gso bar bya ste/ de yang pa to la dang/ pu tse shel dang/ gla sgang dang/ a ru ra dang/ shing mngar
 dang/ 'di rnams lan bzhi lnga bskol ba'i rjes blung na rims mi bzad pa rnams sel bar byed do/ /'bras bu gsum dang/ a ru ra dang/ sle tres dang/ pi pi ling dang/ 'di rnams gang yang rung ba'i khu ba dang/ bskol ba dron po 'am grang
 mo yang rung ste/ de bzhin du mar dang/ lde gu dang/ phye ma dang/ ri lu la sogs pa re re'i sbyor ba bcud kyi len gyi cho ga bzhin du bya ba 'am yang na go bye gnyis dang sbyar ba byin na ni rims mi zad pa zhi bar byed
 do/ /nyi ma gang la nyin bzhi pa'i rims la sogs pas btab pa'i dus su nad gzhi rnams brtags te/ lus 'phel bar bya ba'i cho ga tshul bzhin du bya'o/ /sgag? skya'i til mar dang bcas pa tho rangs sam kha zas kyi gong du btung ba
 'am de bzhin du mar rnying pa dang/ zho dang/ 'o ma dang/ dar ba dang/ srang drug pa zhes bya ba'i mar gcod chen po'i skabs su bshad pa dang/ dge pa'i sman mar smyo byed kyi skabs su 'byung ba dang/ ba'i sman lnga'i sman mar brjed
 byed kyi skabs su 'byung ba dang/ tik+ta'i sman mar mdze nad kyi skabs su bshad pa dang/ ba sha ka'i sman mar khrag mkhris kyi nad nas 'byung ba 'am/ 'di rnams gang yang rung ba nad par ram zas kyi gong du rims mi zad pa la sbyar
 par bya'o/ /'bru gsum dang/ rgya shug dang/ agni man+tha dang/ 'di rnams bskol ba'i nang du mar dang mar gyi nyis 'gyur gyi zho dang/ mar gyi bzhi cha'i seng? phrom gyi shun pags kyi phye ma btab ste/ yang bskol ba'i mar las ran
 par 'thungs na rims mi bzad pa 'joms pa'i mchog yin no/ /'bras bu'i chad dang/ 'bru'i chang legs par smin pa dang/ rma bya dang/ sreg pa dang/ khyim bya'i sha gtsang bya dro ba'i nus pa dang ldan pa zas dang lhan cig tsi 'dod pa
 tshim tshang du zos la/ zhag de nyid la gnyid log pa 'am/ yang na slon du gzhug go /yang na sman mar thun tshad chen po 'thungs la de'i 'og tu skyug sman bya'o/ /thog mar snum chos dang dugs byas la/ de nas ni li ni dang/ a dza ganda dang
 dung byid dang/ bu tse shel dang/ 'di rnams btags pa'i phyi mchu dang bskyos te/ rims kyis btab pa'i zhag gtung ngo/ /ldong ros dang/ rgyam tsha dang/ pi pi ling dang/ til mar lhan cig sbyar ba'i mig sman yang gzhug go /shing kun dang/ stag gi
 tshil cha mnyam pa rgyam tsha dang sbyar ba'i sna sman btang ngo/ /yang na mar rnying pa gcig pu 'am/ yang na seng+ge'i tshil rgyam tsha dang sbyar te sna sman btang ngo/ /yang na pa la ka sha dang/ nim pa'i lo ma dang/ shu dag dang/ ru rta dang/ a ru ra dang/ yungs kar dang
 nas dang mar dang sbyar bas bdug par byas na rims ma rungs pa sel to/ /yang na byi la'i rtug pa'i bdug pa yang de bzhin du bya'o/ /bya ma ka dang/ shu dag dang/ sra rtsi pog dang/ nimpa dang/ a ka dang/ a ka ru dang/ thang shing dang/ 'di
 rnams sbyar ba'i dung ba ni gzhan gyis mi thub pa'i bdug pa zhes bya ste/ rims thams cad la sbyar ro/ /gzhan yang 'jigs pa las rims su gyur pa dang sems sgyur pa las rims su gyur pa dang/ 'byung po dang smyo byed dang brjed byed kyi nang
 du bshad pa'i bdug pa dang/ sna sman dang mig sman du bshad pa rnams skabs 'dir rims thams cad la sbyar ro/ /gzhan yang lha bsten pa dang/ nor bu bcad pa dang/ sngags dang/ gtor ma btang ba dang/ lha mchod pa dang/ sbyin sreg dang/
 nye bar gso sbyong bya ba dang/ bde legs dang phyag 'tshal ba la sogs pa byas na/ rims nad thams cad sel to/ /glo bur du byung ba'i rims mi bzad pa ni phal cher gdon las gyur pa ste/ de la ni lta la bsnyen cing mchod na de nyid sman
 yin no/ /rims mi zad pa la grang ba dang/ dro ba la sogs par rang rang gyi gso ba rnam pa thams cad byas kyang ma zhi na/ khrag gtar bar bya'o/ /rlung dang me dbal dang/ 'brum bu las gyur pa'i rims nad la ni sman mar dang/ byug pa grang me dang
 blugs pa dang/ sha khu dang/ bza' ba dang/ khrag du byung ba la sogs pa rang rang gi gso ba bzhin du bya'o/ /zhag gsum pa'i rims nam tshong gi rtsa las gtar ro/ /zhag bzhi pa la ni rgyab kyi nam tshong gi
 drang thad kyi rtsa las gtar ro/ /dangs ma'i rims ma rungs pa zhugs pa la ni smyung ba dang skyugs sman btang ngo/ /rims de khrag gi nang du zhugs na ni khrag la phan pa'i sman bskol ba'i chus lus la gtor ba dang/ bsku ba dang
 gtar ka rnams bya'o/ /rims de sha la gnas na ni bkru sman rnon po btang ngo/ /tshil la gnas na ni tshil dbri ba'i sman bya'o/ /rims de rus pa dang rkang la gnas na ni dugs dang mnye ba dang bsku byug dang/ rlung nad zhi ba'i sman
 rnams bya ste/ khyad par 'jam rtsi mas btang na phan no/ /'byung po'i gdon las gyur pa'i rims la ni sngags dang gtor ma la sogs pa'i cho ga byas na phan no/ /sman bdug pa'i dris phog pa las rims su gyur pa la ni mkhris pa
 zhi bar byed pa'i sman rnams byin na phan no/ /dug gis phog pa las rims su gyur pa la ni dug gso ba'i dpyad bya'o/ /khros pa las gyur pa'i rims la ni gang la dga' ba'i nor sbyin pa dang/ snying dga' ba'i gtam bya'o/ /des
 ma zhin phan pa'i zas dang sman bsten par bya'o/ /des kyang ma zhin mi phan pa'i zas dang sman gyis gso'o/ /de dag gis ma phan na bkru sman btang na phan no/ /khro ba las rims byung ba la ni 'dod pa bsten pas zhi bar 'gyur ro/ /'dod
 pa la chags pa las rims su gyur pa la ni khro ba bskyed pas zhi bar 'gyur ro/ /mya ngan dang 'jigs pa las rims su gyur pa la khro ba dang snying du sdug pa dang gnyi ga bsten pas zhi bar 'gyur ro/ /dmod pa dang drag sngags kyi las
 las rims su gyur pa la ni srid srung gi rig byed kyi cho ga 'am/ lha la sogs pa la mchod pa byas na zhi bar 'gyur ro/ /glo bur du byung ba'i rims de rnams thog ma ni gcig pu byung ba yin na phyis ni nad gzhi 'dras nas byung ba yin te/ de
 bas na glo bur du byung ba'i rims la ni sman dpyad nad gzhi dang ji ltar mthun par gso'o/ /rims de rlung la sogs pa'i nad gzhi mi ldan gyi bar du ni/ gting zug par mi 'gyur ro/ /rims ldang ba'i dus su sems pa las rims su gyur
 pa la ni yul yid du 'ong ba sna tshogs mngon du byas na dran pa zhi bar 'gyur ro/ /sems can thams cad la yid dga' bar bya ste/ snying rjes sems brlan par gyur na rims 'joms so/ /skyes bu rims dang bral zhing nyams stobs
 ma skyes pa la ni lus kyi rtsol pa dang/ mkhris pa dang/ de bzhin du kha zas lci ba dang/ ma goms pa dang/ tsha ba bskyed pa dang/ gzhan rims skye ba'i rgyu thams cad spang bar bya'o/ /rims las byang ba yin na yang kha zas thams
 cad 'tshol bar mang du mi bza' ste/ nyams chung pas kha zas 'tshol bar zos na nad byang ba yin na yang phyir ldog par byed do/ /de bas na bag ma byas pa'i zas dang spyod lam bsten pa las ni srog 'phral 'phrogs par byed pa
 yin pas khyad par du nad kyi skabs la brtags te/ smyung ba dang/ dugs dang/ nas kyi thug pa dang/ tik+ta'i khu ba dang/ smin par byed pa'i sman dang/ 'o ma dang mar la sogs pa gso ba thams cad sbyar bar bya'o/ /lha khyab 'jug gis
 btang ba'i rims shin tu drag po la ni sman dang/ nor bu dang/ sngags rnams mgo la gdags so/ /gzhan yang pham la sogs pa dam pa rnams dang/ bla ma dang/ bram ze dang/ lha rnams la mchod pa dang/ yid dga' bar byed pa'i
 yul rnams bsten par byas pas kyang rims rnams zhi bar 'gyur ro/ /gso ba'i gnas las rims nad gso pa'i le'u ste dang po rdzogs so// //de nas khrag mkhris gso ba'i le'u gnyis pa bshad par bya ste/
 skyes bu stobs dang ldan zhing khrag stong du shugs mi drag par 'byung ba de yang gsar du dgun nam grang ba'i dus su brla gnyan med par 'byung na/ mdo'i gnas nad med par 'gyur ba'i tshul bstan pa'i le'u las khrag mkhris shas tshe bar 'gyur pa'i
 gso ba 'dir sbyar ro/ /khrag mkhris thur du byung ba dang/ nad gzhi gnyis 'dres pa las byung ba dang/ ldang dub byed pa dang/ stod du byung ba'i khrag kha dang sna dang/ mig dang/ rna ba'i bu gar 'pho zhing 'byung ba dang/ smad du byung ba'i khrag po
 mtshan dang/ rkub nas 'byung ba dang/ yang na khrag bstod smad du phyin ci log tu 'byung ba rnams la ni rims pas/ khyad kyis brdal la gso'o/ /stod smad gnyis ka las khrag tshar 'byung zhing me drod chung ba dang/ nad gzhi gsum las gyur
 pa dang/ stod smad gang yang rung ba las tshabs cher 'byung ba rnams ni spang bar bya'o/ /de la nad gzhi dang/ nyi ma ring thung nur ba'i dus dang/ khrag mkhris de nad gzhi gang dang 'brel nas stobs che chung du song ba dang/ yul dang dus la
 sogs pa brtags nas khrag gong 'og gang nas byung ba la sogs pa bye brag shes par byas nas de'i 'og tu smyung ba 'am/ lus 'phel zhing rgyas par bya ba 'am/ lus sbyang ba 'am/ sman gyis zhi bar bya ba rnams gang rigs par bya'o//
 kha zas dro ba dang/ rno ba la sogs pas mkhris pa'i nad skyes pa de yang/ nad gzhi mang po dang 'dres te nyoms stobs dang ldan la khrag stod du byung ba la ni bkru sman btang la/ smad du byung ba la ni skyug sman btang ngo/ /lus 'phel zhing
 nyam stobs dang ldan na ni smyung ba bya'o/ /gal te lus smyung ba byas pa dang/ ring ba yin na ni nyams stobs skyed pa'i cho ga bya'o/ /khrag stod du byung ba la ni kha ba dang/ bska ba'i sman gyi khu bas zhi bar bya'o/ /smyung ba byas pa la ni bca' sga ma
 gtogs pa'i yan lag drug pa'i sman bskol ba'i khu ba blud do/ /khrag thur du byung ba la ni mngar ba'i khu bcud kyis zhi bar bya'o/ /khrag stod du byung ba la ni thog mar skyo ma blud do/ /smad du byung ba la ni sman thug blud do/ /khrag mkhris can nyams
 stobs yod cing sha ma zad pa la zas za nus pa de ni skyon gyi khrag byung du zin kyang dang por khrag bcad du mi rung ngo/ /bcad sngas na nad mang du skyed do/ /gzhan du na nyams zad cing zas za mi nus te/ nyes pa dag cing khrag mang du 'byung ba la ni khrag ma bcad na mes tshig pa bzhin du myur du
 myur du 'chi bar byed do/ /dur byid dang/ sha ma dur byid gnyis bskol ba'i khu ba'i nang du yang de gnyis brtags pa'i phye ma dang/ sha kha ra'i phye ma dang sbyar ba lag pa'i mthil du bzhag ste ba ldag go /dur byid dang/ sha ma dur byid dang/ 'bras
 bu gsum dang/ pi pi ling dang/ sha kha ra dang/ sbyar ba'i ri lu byas te de las ran par zos na/ 'dus pa las gyur pa'i khrag stong du lus pa dang/ skrang ba dang/ rims rnams 'joms so/ /yang na dur bying dang sha kha ra cha snyams te/ kha ra'i bzhi
 cha'i pi pi ling dang/ de rnams sbrang rtsi dang/ ri lur byas te zos na phan yon gong ma dang 'dra'o/ /yang na khrag thur du 'byung ba la ni kyug sman btang ste/ chu dang skyo ma sbyar ba'i nang du/ po son cha dang/ sbrang rtsi dang/ kha ras btab pa dang/ yang na
 po son cha dang/ kha ra dang/ sbrang rtsi dang/ chu dang sbyar ba btang ba 'am/ yang na shing mngar bskol ba'i khu ba'i nang du po son cha btab pa 'am/ yang na bu ram chu po son cha dang sbyar ba 'am/ sbyor ba de dag las gang yang rung ba byas na skyug par
 'gyur ro/ /thur du 'byung ba'i khrag mkhris la bsngags so/ /de ltar slon khrus kyis lus ngag par byas nas/ nyams stobs bsrung bar bya ba'i phyir/ rang rang gi gso ba skyo ma dang/ thug pa la sogs pa'i rims bzhin
 du sbyar ro/ /de la skyo ma ni rims nad gso ba'i nang nas 'byung ba'i rgun 'brum 'am/ shing tog ma du ka la sogs pa'i skyo ma 'am/ yang na mkhris pa 'joms pa'i 'bras bu'i rigs rgun 'bru dang/ skyu ru ra la sogs pa'i skyo ma
 blud do/ /yang na bra go dang/ rgun 'bru dang/ ma du ka dang/ ba ru sha ka dang/ 'di rnams kha ra dang sbyar ba ni snying po lnga'i skyo ma zhes bya ste/ blud pa 'am/ yang na snying po lnga'i sman khu'i nang du mar dang/ sbrang rtsi dang/ 'bras yos kyi phye ma
 dang 'di rnams chu dang sbyar ba'i skyo ma blud do/ /gal te skyu ru ra la dga' zhing me drod chung ba yin na ni skyu ru ra dang/ se'u 'bru lta bur gdab po/ /de la thug pa ni pad+ma ge sar dang/ utpa la'i ge sar dang/ priSh+Na par+Ni dang/ pri yangku rnams
 bskol ba'i thug pa 'am/ yang na pu shel ci 'am/ seng phrom dkar po dang tsan dan dang/ 'di rnams bskol ba'i thug pa'i nang du bca' sga btab pa 'am/ yang na ba la ka dang/ ta ka'i me tog dang/ bilba'i rkang dang/ byi tser ba dang
 'di rnams sbyar ba'i thug pa 'am/ yang na tik+ta dang/ pu shel tse dang/ gla sgang dang/ 'di rnams sbyar ba'i thug pa 'am/ yang na sran chung dang/ priSh+Na par+Ni sbyar ba 'am/ yang na sa la par+Ni sbyar ba 'am/ yang na sa la par+Ni dang/ mon rde'u dang
 sbyar ba'i thug pa 'am/ yang na ba la dang/ a ri nu ka dang/ mar dang sbyar ba 'am/ gong gi thug pa'i sbyor ba de rnams bsil ba'i dus pa dang ldan pa srog chags thang la gnas pa'i sha khu las gzhi blangs pa'i thug pa grang mo'i nang du
 sbrang rtsi dang kha ra btab ste/ sbyar bar re nas de ltar sbyar ro/ /de bzhin bsil ba'i nus pa dang ldan pa'i sha khu'i nang du mngar la dad pa yin na mar dang bsngos la sha kha ra dang ldan par sbyin no/ /skyur la dad pa yin na ni skyur la btab pa blud do//
 kha zas kyi tshul brtag cing shes pa'i le'u las yang zhing bsil ba'i kha zas grang ba dang/ gang bu las skyes pa'i 'bru dang tshod ma yang sa bsil pa'i nus pa can/ khrag mkhris la rab tu bsngags so/ /btung ba ni gong du smos pa'i yan lag
 drug pa'i sman las dong kra spangs pa'i btung ba 'am/ yang na rtsa ba chung ngu lnga bskol ba 'am/ yang na chu bskol ba bsgrangs pa 'am/ yang na sbrang rtsi'i chu 'am/ yang na mkhris pa 'joms pa'i 'bras bu rgun 'bru 'am/ bra go la sogs pa'i
 chu blud do/ /rtugs pa 'gags pa la ni rgya sne'u dang/ ri bong gi sha sbyar ba phan no/ /rlung shas che ba'i rtug pa 'gags pa la ni sreg pa'i sha dang u dumpar bskol ba blud pa 'am/ yang na shing plaksha bskol ba'i nang du rma bya'i sha sbyar ba
 'am/ yang na n+ya gro d+ha dang khyim bya'i sha dang/ bskol ba blud do/ /mdor na khrag dang mkhris pa skye ba'i rgyu dro ba dang rno ba thams cad spang bar bya'o/ /ba sha ka bskol ba'i khu ba'i nang du pri yangku dang sa nag po dang/ skyer khanTa dang/ ser phrom
 dang/ sbrang rtsi sbyar ba 'thungs na khrag mkhris 'joms so/ /yang na ba sha ka nyi che bskol ba'i khu ba 'am/ yang na ba sha ka bskol ba'i khu ba'i nang du sbrang rtsi dang/ kha ras btab pa 'thungs na de ma thag khrag mkhris 'joms so/ /khrag mkhris la ni
 ba sha ka 'di las lhag pa med do/ /pa tol dang/ su ma na dang/ tsan dan rnam gnyis dang/ ninba dang/ shug pa dang/ de rnams lhan cig sbyar ba 'am/ yang na seng phrom dang/ ba sha ka dang/ mon sne'u me ru dang/ sa nag po dang/ ma du ya na ti ka
 zhes bya ba sen rtse rnams sbyar ba 'am yang na nye'u shing dang thal tres dang/ ram nye ba rnam gnyis dang shing mngar dang 'di rnams sbyar ba 'am/ sbyor ba de gsum gang yang rung ba bskol ba'i khu ba'i nang du kha ra
 dang/ sbrang rtsi dang ldan pa 'thungs na/ khrag mkhris 'joms so/ /yang na rgya skyeg shing gi shun pa bskol ba'i nang du ka ras btab pa 'thungs na yang phan no/ /yang na ba glang gi lci ba dang/ rta rtug btsir ba'i khu ba'i nang du
 sbrang rtsi dang mar btab pa btung ngo/ /khrag bska bar byung ba la ni bya phug ron gyi rtug pa sbrang rtsi dang sbyar te bldag go /khrag shas cher 'byung ba la ni skams na gnas pa'i bya dang/ ri dags kyi khrag sbrang rtsi dang bcas pa btung ngo//
 yang na ra'i mtshan ma mkhris pa dang bcas pa btsos pa 'am ma btsos pa yang rung zos na phan no/ /yang na sman pa la ni bskol ba'i khu ba srang drug tsam gyi nang du tsan dan dang/ bu shel tsi dang/ gla sgang dang/ 'bras yos
 dang/ mung+ga dang/ pi pi ling dang/ nas dang/ 'di rnams btags pa'i phye ma bcug la spangs te/ nang par btsags la tshigs ma bor te/ dangs ma blud na khrag mkhris 'joms so/ /tsan dan dang/ pad+ma dang/ pu shel tse dang/ de
 gsum gyi bu ba'i nang du bar ba bsregs pa dmar por gyur pa bcug ste/ spangs pa'i dang ma bsgrangs pa'i dang du sbrang rtsi dang kha ras btab pa blud na khrag mkhris shas che ba las rgyal lo/ /bu ram shing gi tshigs ma brdungs ba
 chu dang mnyes pa'i khu ba rdza bsnod gsar ba'i nang du bcug la/ khang pa'i phyi rol du bzhag ste bsrungs la tho rangs ras la btsags te/ tshigs ma bor bar dangs ma sbrang rtsi dang bcas pa me tog pad+ma kha phye ba'i dris bsgos pa
 'thungs na phan yon gong ma dang 'dra'o/ /mkhris pa'i rims 'joms pa'i sman dug mo yungs la sogs pa'i sman thams cad kyang khrag mkhris la sbyar bar bya'o/ /gong ma'i sman khu ba'i sbyor ba de dag gis me drod skyes te/ bad kan zad
 pa dang/ khrag mkhris da rung ma zhi zhing/ rlung dang 'dres nas 'khrug pa la ni 'o ma 'am/ ba'i rnam lnga chu lnga 'gyur dang bskol la chu du ba dang blud na phan no/ /yang na rtsa ba lnga pa chu ngu dang/ ba'i rnam lnga dang/ ra'i 'o ma bskol ba sbrang rtsi dang/
 kha ras btab pa btung ngo/ /yang na rgun 'bru dang/ bca' sga dang/ ba la dang/ gze ma dang/ dzI ba ka na dang/ zangs rtsi ba dang/ de rnams re re yang chu dang bskol ba'i nang du 'o ma dang mar btab la sbyar te btang ngo/ /yang na 'o ma dang kha ra dang bskol te
 mar dang sbyar la btang ngo/ /gze ma dang nye'u shing 'o ma dang bskol ba 'am/ yang na 'dab ma rnam bzhi 'o ma dang bskol ba 'thungs na/ khrag nad myur du zhi bar 'gyur zhing khyad par du gcin 'ong ba'i bu gnas khrag 'byung ba la phan no/ /khrag rkub
 nas 'byung ba la ni chu shing gi khu ba dang 'o ma sbyar ba blud na phan no/ /yang na n+ya gro d+ha'i myu gu dang 'o ma bskol ba 'am/ yang na bca' sga dang/ u di tsa dang/ utpal dang 'o ma bskol ba blud na phan no/ /yang na khrag tu 'khru ba'i gso ba dang/ gzhang
 'brum khrag chod can gyi gso ba ji snyed pa 'ang 'dir sbyar ro/ /sman khu 'thungs pa'i 'og tu bza' yang gong ma'i 'o ma bskol ba dang sbyar ro/ /yang na gong gi sbyor ba de dag mar dang sbyar ba btang ngo/ /ba sha ka'i lo ma dang/ sdong bu dang/ rtsa ba dang
 bcas pa srang sum cu rtsa gnyis dang de'i brgyad 'gyur gyi chu srang nyis brgya lnga bcu rtsa drug dang bskol te/ brgyad cha lus pa dang/ tshigs ma bor ba'i nang du mar srang brgyad dang/ ba sha ka'i me tog srang gnyis phye mar bya ste btab pa yang bskol
 te bsgrangs pa'i nang du sbrang rtsi dang ldan par 'thungs na/ khrag mkhris dang/ mkhris pa'i skran dang rims dang/ dbugs mi bde ba dang/ lud pa dang/ snying nad dang/ mig ser dang rab rib dang/ mgo 'khor ba dang/ me dpal dang
 skad 'gag pa rnams 'joms so/ /rgya skyegs shing gi lo ma btsir ba'i khu ba dang/ de'i bzhi cha'i mar dang bskol ba'i nang du mar gyi bzhi cha blaksha rgya skyegs shing gi lo ma dang/ sbrang rtsi btab te 'thungs na khrag mkhris 'joms so/ /de bzhin du
 byi? lce ba'i lo ma la yang sbyor ba de ltar byas na phan yon de dang 'dra'o/ /mgul pa nas khrag dbu ba can bad kan dang bcas pa ska bar 'byung ba la ni utpa la'i sdong bu bsregs pa'i thal ba dang/ mar dang sbrang rtsi rnams lde gur byas te sbyin
 no/ /yang na utpa la dang/ pad+ma dang/ pri yangku dang/ shing ma du ka dang/ de rnams re re thal sbyor gong ma dang byas na yang phan no/ /rkub na mar khrag shas cher 'byung ba la ni ru ha dang/ khrag mkhris 'joms pa'i sman gyi 'jam rtsi bya'o//
 sna nas khrag skyon med par 'byung ba la ni/ /sna nas gzhug pa dang blugs pa'i sman bya ste/ de yang gong gi sbyar sman bskol ba'i khu ba'i nang du 'o ma dang/ bu ram shing gi khu ba la sogs pa dang bsres te blugs par bya'o/ /yang na 'o
 ma la sogs pa de dag kha ra dang sbyar ba 'am/ yang na chu nye che blugs na phan no/ /yang na so'u 'i me tog dang a mra dang/ shar du la/ de gsum gang yang rung ba'i sna sman btang ngo/ /yang na sman bsil ba'i sman rtswa dur ba dang/ byi tser ba la
 sogs pa lus byugs pa dang/ bsku mnye dang/ rgyun blugs dang/ sman khu grang mo'i nang du lus 'jug pa la sogs pa yang bya'o/ /mkhris pa'i rims kyi nang du bshad pa'i lus kyi nang dang/ phyi rol nas sman du bya ba thams cad dang/ glo
 'drams pa dang/ zas byed kyis gos pa thams cad kyang khrag mkhris 'di la phan pa yin par sbyar ro/ /gso ba'i gnas las khrag mkhris gso ba'i le'u ste gnyis pa rdzogs so// //de nas lud pa dang glo nad gso ba'i le'u bshad par bya
 ste/ de la rlung 'ba' zhig las gyur pa'i lud pa'i nad la ni/ thog mar rlung la phan pa'i sman sna tshogs dang sbyar ba'i snum gyi cho ga spyad par bya ste/ de yang snum dang sbyar ba'i thug pa dang/ khu bcud btang ba dang/ lhag pa dang/ bsku ba dang/ dugs dang/
 dud pas bdug pa dang/ de bzhin du bza' ba dang/ btung ba dang/ thams cad snum dang bcas par bya'o/ /gzhan rtug pa 'gags pa la ni 'jam rtsi mas btang bas bsal bar bya'o/ /rlung las gyur pa'i lud pa de mkhris pa dang bcas par gyur
 na/ thog mar zas zos la de'i 'og tu mar dang 'o ma nyal khar btung ngo/ /rlung las gyur pa'i lud pa bad kan dang bcas pa yin na ni snum dang bcas pa'i bkru sman gtang bar bya'o/ /de la rlung la phan pa'i sman ni sle tres dang/ kan+ta ka ri gnyis
 srang sum cu bskol ba'i khu ba'i nang du mar sum cu rtsa gnyis dang bskol te/ chu ni du mar lus pa dang de nas blud na rlung las gyur pa'i lud pa sel cing me'i drod skyed pa byed do/ /ya bak+Sha dang/ ra sna dang/ shu dag dang/ shing kun dang/ pA thA dang/
 shing mngar dang/ 'u su dang/ cha ba rnam lnga dang/ de rnams zho re re dang/ mar khu bre gang dang/ rtsa ba bcu pa bskol ba'i khu ba mar gyi bzhi 'gyur dang lhan cig bskol la/ mar lus pa dang/ de las ci ran tsam 'thungs pa'i rjes la 'bras thug blud na/ lud
 ba lu ba dang/ dbugs mi bde ba dang/ snying na ba dang/ rtsib logs na ba dang/ pho ba'i nad dang/ skran la sogs pa sel bar byed do/ /yang na rwa sna dang/ rtsa ba bcu pa dang/ nye'u shing dang/ 'di rnams srang bcu gnyis bcu gnyis dang/ rgya sran dang/ rgya
 shug dang/ nas 'di rnams srang brgyad brgyad dang/ rwa sha srang bcu dang/ chu srang lnga dang/ 'di rnams lhan cig bskol te bzhi cha lus pa dang/ de dang mnyam pa'i mar dang/ mar gyi tshad kyi 'o ma dang/ dzi banhi'i sde tshan
 lhan cig bskol te/ mar lus pa dang/ de la btud pa dang/ snar blugs pa dang/ 'jam rtsi mas btang ba la sogs pa byas na/ rlung las gyur pa la sogs pa'i lud pa rnam lnga dang/ mgo mdar ba dang mo mtshan dang/ brla dbrag gi nad
 dang/ lus dang yan lag gang yang rung ba la rlung nad byung ste na ba dang/ mchin pa na ba dang/ ro stod man chad kyi rlung nad sel to/ /yang na bi dA ri'i sde tshan chu dang tshul bzhin du bskol ba bzhi cha lus pa dang/ khu ba'i bzhi cha'i mar
 dang lhan cig bskol la/ mar lus pa dang/ bi da ri'i phye ma nyung zad btab ste/ de las ran par zos na lud pa'i nad sel to/ /yang na shing a sho ka'i sa bon dang/ shing mngar dang/ bi dang ka dang/ skyer khaN+Ta dang/ shug pa dang/ lan tsha
 gyi? dang/ kha ru tsha dang bcas pa 'di rnams mar dang tshul bzhin du sbyar ba 'am/ yang na sman de rnams kyi phye ma mar dang sbyar ba'i lde gu sbyin zhing de'i 'og tu 'o ma blud pas nad zhi bar byed do/ /yang na bi dang ka dang/ dong kra dang/ ra sna dang
 pi pi ling dang/ shing kun dang lce myang tsha dang/ bar gyi zhes bya ba ga bra'i rtsa ba dang/ ya bak+Sha ra dang/ 'di rnams kyi phye ma chu dron dang sbyar ba 'am/ yang na mar ci ran tsam dang sbyar ba 'thungs na/ rlung dang bad kan las gyur pa'i lud pa
 dang/ dbugs mi bde ba dang/ skyigs bu dang/ me'i drod chung ba rnams zhi bar byed do/ /yang na rlung las gyur pa'i lud pa la ni byi tsher ba dang/ sring ga bi ra zhes bya ba bca' sga dang/ zur ba dkar po dang/ rgun 'brum dang/ kha ra dkar
 po dang/ sriM ga ta ka dang/ 'di rnams til mar dang sbyar ba'i lde gu byin na/ rlung las gyur pa'i rlung nad sel to/ /yang na dus pa ra sha zhes bya ba byi tsher ba dang/ pi pi ling dang/ mu ta zhes bya ba gla sgang dang/ ga bra'i rtsa ba dang/ karka ti sriM gi ni
 dang/ Sha Ti zhes bya ba zur ba dkar po dang/ 'di rnams kyi phye ma bu ram rnying pa dang/ til mar dang sbyar ba'i lde gu byin na/ rlung las gyur pa'i lud pa sel to/ /pi pi ling dang/ bca' sga dang/ karka ta sring ka dang/ 'di rnams kyi phye ma bu ram
 rnying pa dang til mar dang sbyar ba'i lde gu byin na/ rlung las gyur pa'i lud pa sel to/ /pi pi ling dang/ senda pa gnyis kyi phye ma chu dron po dang sbyar ba rlung las gyur pa'i lud pa can la sbyin no/ /yang na bca' sga dang/ kha ra dkar po'i phye ma zho
 ga chu'i nang du btab ste blud pa 'am/ yang na pi pi ling dang/ lce myang tsha gnyis kyi phye ma chu dang bskol ba'i khu ba'i nad mar khol ma thag chad pa cung zhig blugs te/ chang ngam zho ga chu gang yang rung ba dang bsres pa blud na/ rlung las
 gyur pa'i lud pa sel to/ /lud pa dang bcas pa'i cham ba la ni thog mar 'o ma dang sha khu dang bcas pa'i bza' ba sbyin la/ de'i 'og tu snum dang bcas pa'i dud pa'i cho ga gong du bstan pa rnams bya'o/ /gzhan yang skyigs bu dang
 dbugs mi bde ba'i nad la dud pa btang ba'i cho ga 'og nas bstan pa rnams la lud pa'i cham pa bzhin du/ thog mar 'o ma dang sha khu'i bcud byin la de'i 'og tu dud pa btang bar bya'o/ /kha zas ni dro ba dang/ thang dang chu la gnas
 pa'i srog chags kyi sha khu dang/ mon sran gre'u dang/ at+ma kupta zhes bya ba kha sral phre'u'i khu ba gang yang rung ba 'bras sA lu dang/ nas dang gro dang/ zhag drug bcu pa'i zas gang yang rung ba dang sbyar ba'i zas byin na/ rlung las gyur pa'i
 lud pa sel to/ /yang na la la bud dang/ pi pi ling dang/ bilpa'i rkang dang/ dong kra dag tsi tra ka dang/ ra sna dang/ a dza dzi zhes bya ba zi ra dang/ priSh+Na par+Ni dang/ blak+Sha dang/ zur ba dang/ ma nu dang/ 'di rnams
 bskol ba'i khu ba las gzhi blangs pa'i thug pa'i nang du snum dang skyur dang lan tshar btab pa blud na/ rked pa na ba dang/ snying ba dang/ rtsib logs na ba dang/ lto na ba dang/ dbugs mi bde ba dang/ skyigs bu rnams sel to//
 lhag par yang rlung las gyur pa'i lud pa rnams sbyong ngo/ /rtsa ba bcu pa bskol ba'i khu ba las gzhi blangs pa'i thug pa'i nang du tsha ba lnga'i phye ma dang/ bu ram btab ste blud na/ rlung las gyur pa'i lud pa sel to/ /yang na til
 dang/ 'bras sA lu dang/ skyur dang/ snum dang bcas pa'i thug pa 'am/ yang na 'bras kyi 'o thug rgyam tshas btab pa blud na/ rlung gi lud pa la phan no/ /gong du smos pa'i rked pa la sogs pa'i nang rnams zhi bar byed do/ /nya dang
 khyim bya dang/ phag dang/ 'di gsum gang yang rung ba'i sha khu las gzhi blangs pa'i thug pa mar dang/ rgyam tsha dang ldan par blud na phan yon gong dang 'dra'o/ /gzhan yang ba spru ka dang/ ba spu si zhes bya ba mon sne'u mi ?
 dang/ kas g+ha na n+ti dang/ kaN+Da kA ri'i lo ma dang/ 'bras bu dang/ la bug gzhon nu dang/ skam po dang/ 'di rnams la g.yos su byas pa'i tshod ma rlung las gyur pa'i lud pa can la sbyar ro/ /zas ni snum chen po bzhi dang/
 'o ma dang/ bu ram shing gi khu ba dang/ bu ram las sbyar ba'i btung ba go d+hi ka zhes bya ba dang/ de rnams dang lhan cig sbyar ba bza' o/ /skom du ni zho ga chu dang/ rtsa ba mo dang/ se'u 'bru'i btung ba chu dang sbyar ba la sogs
 pa dang/ chang dang skom 'di rnams rlung las gyur pa'i lud pa can la blud do/ /mkhris pa dang bad kan las gyur pa la ni snum dang bcas pa'i skyugs sman btang na phan te/ de bzhin du po son cha dang/ taM pi la dang/ shing mngar dang/ 'di
 gsum chu dang bskol ba'i khu ba blud do/ /slon par byas na phan no/ /yang na po son cha dang/ shing mngar gyi phye ma bu ram shing gi khu ba 'am/ bi da ri'i khu ba gang yang rung ba'i nang du btab ste blud na skyug par 'gyur te/ mkhris pa dang bad
 kan las gyur pa'i lud pa sel te/ mkhris pa las gyur pa'i lud pa bad kan shas chung na ni/ shing nye rong gcig pu rgyu ma 'brum la sogs pa'i mngar bag dang sbyar ba'i bkru sman btang ngo/ /ci ste bad kan gyi shas che na ni shing
 nye yod sman kha ba'i bag dang sbyar la btang ngo/ /de ltar slon khrus kyis nad dag par byas nas/ thug pa'i rim pa sbyar bar bya ste/ de yang mkhris pa shas che zhing bad kan shas chung ba'i lud pa'i nad la ni mngar bag dang snum bag dang
 sbyar ba'i thug pa grang mo blud do/ /bad kan shas che zhing mkhris pa shas chung ba'i lud pa la ni sman kha ba dang/ rtsub pa dang sbyar ba'i thug pa grang mo blud do/ /mkhris pa nye tshe las gyur pa'i lud pa la ni si da zhes bya ba'i khar dkar po
 dang/ utpa la dang 'di rnams sbrang rtsi dang lde gur byas nas byin na zhi bar 'gyur ro/ /bad mkhris dang bcas pa'i lud pa la ni gong ma'i sman gyi steng du gla sgang na le sham gyis btab ste sbyin no/ /mkhris pa dang rlung las gyur pa'i lud pa la
 ni gla sgang dang na le sham ma gtogs pa gong ma'i sbyor ba sman gyi steng du mar gyis btab pa'i lde gu ldag du bcug na phan no/ /mkhris pa las gyur pa'i lud pa la ni gla sgang dang na la sham ma gtogs pa gong ma'i sbyor ba'i sman gyi
 steng du mar gyis btab pa'i lde gu ldog tu bcug na phan no/ /mkhris pa las gyur pa'i lud pa la ni rgun 'bru lnga bcu pa dang/ ka na li zhes bya ba pi pi ling sum cu dang/ sha kha ra srang gcig dang/ 'di
 gsum sbrang rtsi dang lde gur byas te sbyin no/ /yang na be'u rtswa ma zos pa'i mtshan bu'i khu ba btsir ba dang/ sbrang rtsir sbyar ba zos na mkhris pa las gyur pa'i lud pa sel to/ /yang na rtag zhes bya ba'i shing cha dang/ rgun 'bru dang/ pi pi
 ling gi rtsa ba dang/ ma nu dang/ 'bras yos dang/ gla sgang dang/ zur ba dkar po dang/ ra sna dang/ skyu ru ra dang/ sha kha ra 'di rnams kyi phye ma mar dang sbrang rtsi dang sbyar ba'i lde gu zos na snying nad dang/ lud pa'i nad sel to/ /yang na srog
 chags thang la gnas pa'i mngar ba'i sha dang/ khred nag dgod kyi bza' ba dang/ mon sran rde'u la sogs pa'i khu ba dang/ tshod ma kha bar sbyar bzos na/ mkhris pa las gyur pa'i lud pa bad kan shas che ba la ni sman kha ba dang sbrang
 rtsi sbyar lde gu sbyin no/ /bad kan gyi shas chung ba la ni 'bras drug cu pa'i tshan 'o ma la sogs pa'i khu ba dang lhan cig sbyin no/ /btung ba ni sha kha ra dang sbyar ba 'am/ yang na rgun chuAm/ bu ram shing gi khu ba 'am/ 'o ma bskol
 la bsgrang ba blud par bya'o/ /ka ko li zhes bya ba ram nye'u pa rnam gnyis dang/ me da rnam gnyis dang/ pri ha tI rnam gnyis dang bri sha zhes bya ba rnam gnyis dang/ ba sha ka dang/ dong kra dang/ 'di rnams zhib tu btags te/ sha khuAm
 'o ma 'am/ thug pa gang yang rung ba 'u shar sbyar te blud na/ mkhris pa las gyur pa'i lud pa sel to/ /rgun 'bru dang/ pi pi ling dang rtsa'i rtsa ba lnga chu bskol ba'i khu ba dang/ 'o ma dang yang bskol la tshu na 'o ma lus pa dang/
 bsgrangs pa'i steng du sbrang rtsi dang sha kha ra btab pa 'thungs na/ mkhris pa las gyur pa'i lud pa zhi bar byed do/ /yang na gong ma'i sman khu ba las gzhi blangs pa'i thug pa bsgrangs pa'i nang du sbrang rtsi btab pa blud pa 'am/ yang na zur pa 'am/ h+ri
 bor zhes bya ba ud+di ca dang/ bri ha tI dang/ rtsa'i rtsa ba lnga chu dang bskol ba'i khu ba dang/ 'o ma dang yang bskol la chu ni du 'o ma lus pa dang/ bsgrangs pa'i steng du sbrang rtsi dang sha kha ra btab pa 'thungs na mkhris pa las gyur pa'i lud pa zhi bar
 byed do/ /yang na gong ma'i sman khu las gzhi blangs pa'i thug pa bsgrangs pa'i nang du sbrang rtsi btab pa blud pa 'am/ yang na zur ba 'am/ h+ri ba ra zhes bya ba u ti tsa dang/ pri hwa tI dang/ sha kha ra dang/ bi sha be sha rtsa zhes bya ba bca' sga dang/ 'di
 rnams chungs su byas te/ ras las btsags la tshigs ma bor ba'i khu ba'i nang du mar gyis bsres te 'thungs na/ mkhris pa las gyur pa'i lud pa'i nad zhi bar byed do/ /sha kha ra dang/ dzi ba ka ra dang/ mutka ra dang/ ma sha par+Ni dang/ durba la zhes
 bya ba byi tser ba dang/ 'di rnams cham chom brdungs te/ mar gyi brgyad 'gyur gyi 'o ma dang chu dang lhan cig bskol te/ mar nyi tshe lus pa dang/ de las btung ba dang/ bza' ba dang bsku ba la sogs pa byas na mkhris pa las gyur pa'i lud pa las
 rgyal lo/ /yang na sman gong ma de rnams kyis phyi ma sbrang rtsi dang sbyar ba'i lde gu 'am/ yang na bskol ba'i khu ba bsgrangs pa 'thungs na phan no/ /bad kan las gyur pa'i lud pa'i nad la thog mar lha shig zhes bya ba thang shing dang mar bskol la mar
 lus pa'i nang du/ tsha ba gsum dang/ nas tshig 'khus pa'i thal ba'i phye ma btab pa'i mar gyi snum gyi cho ga bya ste/ de'i 'og tu skyugs sman dang/ bkru sman dang/ sna sman la sogs pa gong ma'i mar las gzhi blangs te/ nyams dang sbyar ba ci rigs
 par btang ngo/ /nad pa nyams stobs chung ba la ni slon khrus dang/ sna sman drag po mi btang ngo/ /de ltar slon khrus byas pa'i rjes la/ nas dang/ mon sran rde'u dang/ rgya sran la sogs pa rtsub pa dang/ na le sham la
 sogs pa tsha ba'i sman sbyar ba'i thug pa dron po blud do/ /ka sa mar dang/ brha ga zhes bya ba dang/ bya gri zhes bya ba kaN+Ta kA ri dang/ de rnams kyi tshod ma ya bak+Sha ra dang/ pi pi ling dang ldan par byas la sbyin no/ /srog chags thang la gnas
 pa dang/ khung na gnas pa'i sha khu til dang/ yungs kar dang/ bilba dang/ de rnams gang yang rung ba mar dang sbyar ba'i khu ba sbyin no/ /skem du ni rtsa ba bcu pa bskol ba'i chu 'am/ chu bskol ba 'am/ yang na rtag tu chang 'thung ba yin na
 yang chang ngam/ sbrang rtsi dang sbyar ba blud do/ /yang na ma nu'i rtsa ba dang/ dong ka'i rtsa ba dang/ pa to la'i rtsa ba dang/ de rnams cham chom brdungs la chu dang nub gcig sprangs te/ de'i khu ba sbrang rtsi dang sbyar ba 'tshal nan du blud na bad
 kan las gyur pa'i lud pa sel to/ /yang na pi pi ling dang/ pi pi ling gi rtsa ba dang/ sri kha be ra zhes bya ba bca' sga dang/ ba ru ra 'di rnams sbrang rtsi dang/ lde gur byas pa byin na bad kan gyi lud pa 'phrog go /yang na rma bya dang/
 khyim bya'i sgro zhig kha bag can gyi nang du bcug ste bsres la/ snag tsha bzhin du dag por song ba dang/ nang tshig 'khus pa'i thal ba dang bsres la sbrang rtsi dang sbyar ba'i lde gu byin na/ bad kan las gyur pa'i lus pa zhi bar
 byed do/ /yang na bi sha la zhes bya ba shing nye rong dang/ inda ba ru ni dang/ pi pi ling dang/ gla sgang dang/ dri bi rtsa zhes bya ba shing nye rong dang/ 'di rnams kyi phye ma sbrang rtsi dang sbyar ba blud pa 'am/ yang na na le sham dang/ sbrang rtsi sbyar ba'i
 lde gu 'am/ yang na dzong ga ka zhes bya ba a ka ru dang/ sbrang rtsi dang sbyar ba 'am/ yang na kaN+Da kA ri dang/ sbrang rtsi sbyar ba 'am/ yang na parpa ta dang/ sbrang rtsi sbyar ba 'am/ yang na pri ka ra dza dang/ sbrang rtsi sbyar ba 'am/ yang na ka sa ga na dang/
 sbrang rtsir sbyar ba 'am/ yang na stag po'i rtug pa btsir ba'i khu ba dang sbrang rtsi sbyar ba 'am/ sbyor ba 'di rnams gang yang rung ba zos na/ bad kan las gyur pa'i lud pa zhi bar byed do/ /thang shing dang/ grur pa dang/ /rta ka sh+ri gi dang/ byi tsher
 ba dang/ 'di rnams til mar dang sbrang rtsi dang sbyar ba zos na/ bad kan dang rlung las gyur pa'i lud pa zhi bar byed do/ /yang na pi pi ling dang/ dong gra dang/ gla sgang dang/ a ru ra dang/ skyu ru ra dang/ kha ra dkar po dang/ 'di rnams sbrang
 rtsi dang/ til mar dang/ sbyar ba dang/ yang na 'bras yos dang/ kha ra dkar po dang/ skyu ru ra'i shing gi myu gu dang/ 'di rnams mar dang sbrang rtsi dang sbyar ba'i sbyor ba gsum po de dag gang yang rung ba zos na/ rlung dang bad kan las
 gyur pa'i lung pa sel to/ /yang na se'u 'bru srang gnyis dang/ bu ram srang brgyad dang/ tsha ba gsum srang re re dang/ 'di rnams kyi phye ma zos na yang yi ga 'bye zhing me'i drod skyed pa dang/ skad snyan par 'gyur ba dang/ cham pa
 dang/ dbugs mi bde ba dang/ lung pa las rgyal bar 'gyur ro/ /yang na bu ram srang gnyis dang/ nas tshig 'khus pa'i thal ba zho gcig dang/ pi pi ling dang na le sham zho gnyis dang/ se'u 'bru srang phyed dang/ 'di rnams kyi phye
 ma zos na/ lud pa dang/ dbugs mi bde ba sel to/ yang na sems nad gso ba'i skabs su/ a rur la sogs pa'i sbyar sman bstan pa'i nang du karka ta sh+rim gi bstan la bskol ba'i khu ba blud na lud pa la rab tu phan no/ /yang na d+hi sya
 zhes bya ba la la bud dang/ dur byed dang/ bi sha la dang/ gla sgang dang/ puSh+ka ra mU la dang/ ngo pi ling dang/ 'di rnams ba gcin rnam tshab gang yang rung ba dang bskol ba'i khu ba 'thungs na bad kan las gyur pa'i
 lud pa zhi bar 'gyur ro/ /yang na pi pi ling zho gnyis dang/ kha ra dkar po zho gnyis kyi phye ma dang/ til mar zho bzhi dang/ bskol bas ri lur byas la/ rgya sran bskol ba'i khu ba'i nang du mnyes te 'thungs na bad kan las gyur
 ba'i lud pa 'joms so/ /yang na rtsa ba bcu pa bskol ba'i khu ba srang brgya nyi shu rtsa brgyad kyi nang du mar srang sum cu rtsa gnyis dang/ puSh+ka ra mU la dang/ zur pa dang/ bilba dang/ byi'u rug pa dang/ tsha ba gsum dang/ shing kun
 dang/ 'di rnams zho gnyis gnyis dang lhan cig bskol te/ mar 'ba' zhig lus pa dang/ thog mar thug pa blud la de las ran par 'thungs na/ rlung dang bad kan gyi nad thams cad 'joms so/ /yang na ni dgu na thig le zhes bya ba shes
 pa li'i lo ma bskol ba'i khu ba'i bzhi 'gyur gyi mar dang bskol te mar lus pa 'thungs na lung pa 'joms so/ /yang na byi thang ka bskol ba'i khu ba'i nang du mar dang tsha ba gsum bskol ba'i khu ba 'thungs na/ lud pa
 bzhi bar byed do/ /yang na ba sgru ba me tog dmar po can dang byi'u rug pa dang/ ka sa marda dang/ a ru ra dang/ pa to la dang/ bri ha ti dang/ pha ni dza ka dang/ 'di rnams bskol ba'i khu ba'i nang du mar dang/ 'o ma dang/ tsha ba
 gsum dang/ yang legs par bskol nas mar lus pa dang/ de las ran par 'thungs na lus pa lu pa dang/ rims mi zad pa dang/ zad byed kyi nang dang/ gzhang 'brum la sogs pa las thar bar byed do/ /yang na kaN+Ta kA ri'i
 rtsa ba dang/ 'o ma dang bcas pa chu dang tshul bzhin du bskol ba'i khu ba srang brgya nyi shu rtsa brgyad kyi nang du mar srang sum cu rtsa gnyis dang/ sman pa la dang/ tsha ba gsum dang/ bi dang ka dang/ brur ba dang/ bal po se'u dang/ se'u rtsa ba zhes
 bya ba kha ru tsha dang/ ya bak+Sha ra zhes bya ba nas tshig 'khus pa'i thal ba dang/ ma nu'i rtsa ba dang/ bri k+Shi ba zhes bya ba la spru ba dang/ pri ha sti rang/ a ru ra dang/ la la phud dang/ kru trug tres dang/ rgun 'brum dang/ dbyi mo dang/ pu na rna ba me to/
 dmar po can dang/ byi tsher ba dang/ a ma la po ta sa zhes bya ba star bu dang/ karka ta sh+riM gi ni dang/ ta ma la ki dang/ b+har gi zhes bya ba ga bra'i rtsa ba dang/ ra sna dang/ gzi ma dang/ 'di rnams cham chom brdungs pa dang/ 'di rnams
 lhan cig bskol te/ mar lus pa'i ming ni kaN+Da kA ri'i sman mar zhes bya ste/ de las ran par 'thungs na/ lud pa'i nad rnam pa lnga dang/ dbugs mi bde ba'i nang rnam pa lnga dang/ skyigs bu'i nad rnam pa lnga po rnams la rab tu
 bsngags te/ bad kan 'joms par byed pa yang yin no/ /yang na kaN+Ta kA ri srid brgyad btags pa'i phye ma chu srang nyis stong bzhi bcu rtsa brgyad dang bskol te/ srang brgya nyi shu rtsa brgyad lus pa'i nang du mar srang bcu drug dang/ kha
 ra dkar po srang bzhi bcu dang/ tsha ba gsum dang/ ra sna dang/ sle tres dang/ kru trug tres dang/ karka ta sh+ri gi dang/ ga bra'i rtsa ba dang/ gla sgang dang pi pi ling mU la dang/ da nwa ya zhes bya ba byi tsher ba dang/ 'di rnams srang phyed phyed zhib tu
 btags pa blugs la lhan cig bskol te/ khu ba du zhing mar lus te/ dril du btub pa dang/ phyir phyung ste snod kyi nang du bsgrangs pa dang/ pi pi ling srang brgyad dang/ smyug rkang srang brgyad dang/ sbrang rtsi rnying pa srang bcu drug dang/ 'di
 rnams mnyes te lde gur byas nas/ ran par zos na/ skran dang/ snying nad dang/ skrangs pa dang/ gzhang 'brum dang/ dbugs mi bde ba dang/ lud pa thams cad nges par rgyal bar 'gyur ro/ /bad kan las gyur
 pa'i lud pa rtag tu 'byung ba la ni/ dud pa kha nas rdub pa'i cho ga bya ba dang/ yang na bkru sman btang na zhi bar 'gyur ro/ /yang na ldong ros dang/ ba bla dang/ shing mngar dang/ ganda mansi zhes bya ba spang spos dang/ gla sgang dang/
 shing ing+gu da'i shun lpags dang/ 'di rnams dang dud pa rdub pa'i cho ga mdo'i gnas su bstan pa bzhin du ji srid lud pa so so kyi bar du bya'o/ /de'i 'og tu bu ram dang/ 'o ma dro 'jam tsam du sbyar ba skom du blud na lud
 pa rtsa ba nas 'joms so/ /rlung dang bad kan las gyur pa'i lud pa ni sman khong pa'i dud pa rdub pa byas na/ rgyun gyi lud pa dang 'phral gyi lud pa 'joms so/ /bad kan gyi lud pa bar bar du mun pa bzhin snang
 na ni mkhris pa dang 'brel pa yin pas/ de la ni mkhris pa dang/ bad kan gso ba'i cho ga ji lta ba bzhin du bya'o/ /bad kan dang rlung 'dres pa'i lud pa'i nang la ni dang po bad kan 'ba' zhig gi gso ba'i dpyad gong du bstan
 pa bzhin du bya'o/ /rlung dang mkhris pa dang bad kan 'di gsum 'dus pa'i lud pa ni thog mar mkhris pa gso bar bya'o/ /rlung dang bad kan gyi lud pa skam po 'byung ste/ rlung shas che ba la ni snum gyi cho ga bya'o/ /de nyid phyis
 sla bar 'byung ste/ bad kan gyi shas che ba la ni rtsub pa'i cho ga bya'o/ /mkhris pa'i shas chen ni kha ba'i bag bsten par bya'o/ /glo 'grams te khrag dang bcas pa'i lud pa 'byung ba la ni de ma thag rgya skyegs dang sbrang rtsi dang 'o ma
 dang 'di gsum sbyar ba blud do/ /de zhu ba'i tshod tsam na 'bras chen 'o ma dang sha kha ra dang bcas pa sbyin no/ /lud pa lu ba'i tshe rtsib logs gnyis dang/ chu sor zug gzer byed cing mkhris pa'i me drod chung ba la ni rgya skyegs tshang dang sbyar
 ba blud do/ /lud pa lu zhing phyis sla bar 'byung ba la ni me drod nyams chung na de la ni rgya skyegs dang/ gla sgang dang/ bo da dkar po dang/ pa ca dang/ dug mo nyung gi shing shun dang/ 'di rnams btags pa'i phye ma chu dang sbyar ba blud do/ /lud pa
 lu zhing me drod tshabs cher skyes pa la ni rgya skyegs dang/ mar dang spra tshil dang/ sman 'tsho byed kyi sde tshan dang/ mig rkang dang 'di rnams cha bsnyams te 'o ma bskol ba blud na phan no/ /glo 'grams te khrag mchod pa la ni/ a ti'i ka dang/
 pad+ma'i rtsa ba'i tshigs dang/ pad+ma ge sar dang/ tsan dan dkar po dang/ 'di rnams cham chom brdungs te/ 'o ma dang bskol ba bsgrangs pa'i nang du sbrang rtsi btab pa 'thungs na khrag chod par byed do/ /yang na nas rdzin btags pa'i 'o ma dang
 bskol ba'i thug pa mar dang sbyar ba 'am/ yang na kha ra dkar po'i phye ma dang/ 'o ma sbrang rtsi dang sbyar ba'i thug pa blud na/ glo 'grams pa'i nad dang rims sel to/ /zad byed kyi lud pa la ni mngar ba'i sman rgun 'bru dang/ shing mngar
 la sogs pa sbyar ba'i mar byin na phan no/ /yang na bu ram chu bskol ba dang bsgrangs pa'i nang du na le sham dang sbrang rtsi btab pa blud pa 'am/ yang na skyu ru ra'i phye ma dang 'o ma dang bskol ba mar dang ldan par blud pa 'am/ yang na bcud
 kyis len gyi skabs su pi pi ling gi cho ga bstan pa bzhin du sbyar bar bya'o/ /lud pa lu ba dang/ tshigs dang rus par zug cing na ba la ni sbrang rtsi dang/ shing mngar dang/ shing tog ma du ka dang/ rgun 'bru dang/ tu ka sh+kri ra zhes bya ba'i smyig
 rkang dang/ ba la dang/ pi pi ling 'di rnams mar dang sbyar ba sbyin na phan no/ /yang na tri dza tra zhes bya ba dri sna gsum zho re re dang/ pi pi ling srad phyed dang/ kha ra dkar po dang/ shing tog ma du ka dang/ khardzu ra zhes bya ba bra go
 dang 'di rnams zho re re zhib tu btags la sbrang rtsi dang ri lur byas pa ni sug smel gyi ri lu zhes bya ste/ de las ran par zos na ro rtsa bar byed de/ khrag dang mkhris pa dang/ lud pa dang/ dbugs mi bde ba dang/ yi ga 'chus pa dang
 skyug pa dang/ brgyal ba dang/ skyugs bu dang/ rmongs pa dong mgo 'khor ba dang/ glo gcong zad byed kyi nad dang/ glo 'grams pa'i nad dang/ skad nyams pa dang/ mchin pa na ba dang/ skem byed dang/ dreg dang/ lud pa khrag du 'byung ba dang/
 snying dang/ rtsib logs na ba dang/ skom dad che ba dang/ rims sna tshogs la yang phan no/ /lud pa khrag du 'byung ba la ni ba spru ba me tog dmar po can dang/ sha kha ra dang/ 'bras thug po che dang sA lu dmar po'i phye ma rgun chu dang/ 'o ma
 dang chu bzhin du bskol ba'i nang du mar btab pa blud do/ /yang na shing mngar dang/ shing tog ma du ka dang/ 'bras thug po che dang/ 'o mar sbyar ba'i thug pa blud na phan no/ /glo 'grams te kha dang sna la sogs pa las khrag mang po lud pa la
 ni khrag dang mkhris pa'i gso thabs thams cad bya'o/ /blo 'grams pa'i lud pa rlung gsil lam gzhan du song ste/ lud pa ma thon zhing 'gags pa la ni/ ra'i tshil ran par bzhus la chang gis nang du rgya tshar ldan par bya ste blud na phan
 no/ /glo 'grams pa dang/ nyams stobs chung ba dang/ glo gcong zad byed dang/ gnyid mi 'ong ba dang/ me drod rno ches pa la ni 'o ma bskol te/ spris pa ska bar gyur pa'i nang du sha kha ra dang sbrang rtsi dang/ mar dang sbyar ba'i bza' ba sbyin no//
 yang na sha kha ra dang/ nas dang/ gro dang dzi ba ka dang/ zangs rtsi ba dang/ 'di rnams kyi phyi ma sbrang rtsi dang sbyar ba'i lde gu 'am 'o ma sbyar ba'i btung ba sbyin no/ /khrag dang sha zad pa'i nad la ni srog chags sha za'i sha bskol ba'i khu ba'i nang du mar khu
 dang/ sbrang rtsi dang pi pi ling sbyar ba zos na sha khrag skye bar byed do/ /glo 'grams pa dang/ glo gcod zad byed dang/ sa bon dang/ dbang po rnams nyams pa la ni n+ya gro d+ha dang/ u dum+ba ra dang/ shing a shwat+tha dang/ plak+Sha dang/ sha sa la dang/ gand+ha
 pri yangku dang/ shing ta la'i rtse mo dang/ shing 'dzam+bu'i shun pa dang/ shing pi ya li dang/ shug pa dang/ shing a shwa kar+Na dang/ 'di rnams 'o ma dang lhan cig bskol ba'i khu ba dang/ mar dang 'bras chan dang bcas pa zos na phan no/ /rlung
 dang mkhris pa las gyur pa'i glo 'grams pa'i nad btsugs pa ltar na ba la ni lus la mar gyis bsku byug bya'o/ /rlung las gyur pa'i glo 'grams shing btsugs pa snyam byed pa'i nad la ni/ rlung 'joms pa'i sman sna tshogs dang/
 til mar du sbyar bas bsku byug bya'o/ /snying dang rtsib logs su zug pa'i nad la ni sman 'tshe byed sna bcu bskol ba'i khu ba mar dang/ yang bskol la mar 'ba' zhig lud pa blud do/ /yang na snying dang rtsib logs su zug pa na rlung dang mkhris
 pa dang khrag gang las gyur pa legs par brtags te/ so so dang mthun pa'i sman btang bar bya'o/ /shing mngar dang/ na ga ba la dang/ 'di gnyis bskol ba'i khu ba'i bzhi cha lus pa'i nang du sman khu'i phyed kyi mar dang de dang mnyam
 pa'i 'o ma btab pa dang ba yassya dang/ pi pi ling smig rkang dang/ 'di rnams cham chom brdungs te/ lhan cig bskol la mar 'ba' zhig lus pa dang/ de las ran par 'thungs na glo 'grams pa'i nad zhi bar byed do/ /sman dzi ban+ti'i sde tshan
 bca' sga dang/ nya'u shing dang/ ba ri zhes bya ba 'am nye ba dang/ ba spru ba rnam gnyis dang/ ga bra'i rtse ba dang/ ri di dang/ kha srel pre'u dang/ zur pa dang/ ta ma li ka dang/ sh+riM ga tra ka dang/ pa yassya dang/ rtsa ba
 chung ngu lnga dang/ rgun 'bru dang a shod zhes bya ba star ka la sogs pa'i 'bras bu mngar zhing snum pa dang/ nyams stobs skyed pa'i sman de rnams zho gnyis zhib tu btags pa'i phye ma mar srang sum cu rtsa gnyis dang/ 'o ma dang
 ? btsir ba'i khu ba dang khing? ri btsir ba'i khu ba dpar sha dang 'di bzhi srang sum cu rtsa gnyis gnyis dang chu srang brgya drug cu dang/ 'di rnams tshul bzhin du bskol te/ mar 'ba' zhig lus pa bsgrangs pa'i nang du sbrang rtsi srang bcu drug dang/
 sha/ ba ra srang bcu drug gi phye ma dang/ na le sham dang/ sug smel dang/ shing tsha dang/ ganda ba tra dang/ nA ga ge sar dang/ 'di lnga srong phyed phyed kyi phye ma dang/ 'di rnams lde gur byas te/ de las 'ju stobs che chung dang sbyar te
 bsten na ji ltar lha rnams dang/ klu'i mchog rnams la bdud rtsi bsten na mi 'chi ba bzhin du sman mar 'di yid sngon gyi drang srong chen po rnams kyis mi rnams la bdud rtsi dang 'dra bar bshad de/ de las ci ran par
 'thungs na/ sa bon nyams dang/ glo gcong dang/ glo 'grams pa dang/ nad ma rungs pa rnams kyis lus nyams chung ba dang/ nyal po mi nus pa dang/ mdog dang skad nyams pa 'phel ba dang/ lud pa dang/ skyigs bu dang/
 rims dang dbugs mi bde ba dang/ lus tsha ba dang/ skom dang che ba dang/ khrag dang mkhris pa sel bar byed do/ /gzhan yang bu bzang po ster ba dang/ skyug pa dang/ brgyal ba dang/ snying na ba dang/ mngal na ba dang/ gcin
 nad la sogs pa'i nad thams cad sel bar byed do/ /gze ma dang pu shel ci dang/ btsod dang/ ba la dang/ ka ma li zhes bya ba taM ba la dang/ b+hu ti ka dang/ rtsa durba'i rtsa ba dang/ kriSh+Na bar+Ni dang/ plaksha'i rtsa ba dang/ thal tres dang/ sa
 la paDNi dang/ sman de rnams srang re re dang/ chu srang brgya bdun cu rtsa drug dang bskol te/ khu ba srang bzhi bcu rtsa bzhi lus pa'i nang du mar srang sum cu rtsa gnyis dang/ ba'i 'o ma srang brgya bdun cu rtsa drug gi nang du/ at+ma
 kupka dang/ dzI ban+ti dang/ me de rnam gnyis dang/ brangs rtsi ba dang/ dzi ba ka dang/ rad+d+hi dang/ rgun 'bru rnam gnyis dang/ sha kha ra dang/ sra ma na dang/ pad+ma'i rtsa ba dang/ 'di rnams zho drug cham chom brdungs te lhan cig bskol te/ mar
 srang sum cu rtsa gnyis lus pa dang de las ran par 'thungs na/ rlung dang mkhris pa dang/ snying 'dzag cing na ba la phan no/ /gzhan yang gcin sri ba dang/ gcin nad dang/ gzhang 'brum dang/ lud pa dang/ lus skom pa dang/ zang
 byang rnams la phan te gzhu 'dren pas dub pa dang/ bud med kyis dub pa dang/ khur chen pos dub pa dang/ chang gis dub pa dang/ lam gyis dub pa rnams la phan te stobs dang sha skyed par byed do/ /shing mngar srang brgyad dang/
 rgun 'brum srang bcu drug dang/ chu srang sum brgya brgyad cu rtsa drug dang/ bskol te srang dgu cu rtsa bdun lus ba'i khu ba'i nang du mar srang sum cu rtsa gnyis dang yang tshul bzhin du bskol te/ mar nyi che lus pa'i nang du pi pi
 ling srang brgyad dang nas kyi phye srang nyi shu rtsa gnyis dang/ sha kha ra dang/ sbrang rtsi srang brgyad brgyad zhib tu btags pa'i phye mas btab ste lde gur byas nas de las ran pas zos na glo gcong zad byed dang/ glo 'grams pa dang/ khrag
 skran dang de rnams la phan no/ /yang nang dri zhes bya ba skyu ru ra'i 'bras bu dang/ bi da ri dang/ bu ram shing dang/ sman 'tsho byod sna bcu dang ba 'di rnams srang sum cu rtsa gnyis gnyis dang/ bskol ba'i khu ba'i nang
 du mar dang/ pa'i 'o ma bri re re dang 'di rnams lhan cig bskol te/ mar 'ba' zhig lus pa dang/ phyir phyung ste btsags la bsgrangs pa'i nang du kha ra dkar po dang/ sbrang rtsi bre re re btab ste de las ran bar 'thungs na/ gcong chen
 po'i nad dang/ mkhris pa dang/ khrag dang lud pa dang/ skem byed dang/ zang byed rnams la phan te/ gzhan yang tshe ring ba dang/ na tshed brtan pa dang/ sha dang/ bu chu dang/ stobs 'phel bar byed do/ /gzhan yang sman par gyi lde gu des ni
 rlung dang mkhris pa'i shas che ba yin na/ yang sman mar nyung dus zhi bar byed cing zil gyis gnon par 'gyur ro/ /gong du bshad pa'i sman mar gsum po sug sman mar dang/ bdud rtsi'i sman mar dang/ skyu ru ra'i sman mar 'di
 gsum gyi phan yon gyi dmigs ni lus nyams chung ba dang/ ring pa dang zad byed rnams la phan no/ /gzhan yang zang byed dang/ nyams chung ba dang/ ring ba rnams la ni cu wang dang/ pi pi ling dang/ 'bras yos rnams btags pa'i phye
 ma mar dang sbrang rtsi dang sbyar ba'i lde gu byin na phan no/ /de'i 'og tu mar dang bu ram sbyar pa'i btung ba blud na/ ro tsa bar byed cing bud med la phong pa dang/ nyams stobs dang ldan zhing lus myur du rgyas par byed do/ /yang na kun sman de'i
 phyi shun dang/ snying po por pa'i lhag ma srang brgya rlangs pa'i nang btsos te/ tshos pa dang phyir phyung la/ mar srang sum cu rtsa gnyis kyi nang du yang bskol la dkrug cing sbrang rtsi dang 'dra bar gyur pa dang/ de'i nang du hwags srang brgya dang/
 pi pi ling dang/ bca' sga dang/ thal we dang/ 'di gsum srang gsum gsum dang/ dri sna gsum dang/ d+ha rna ya zhes bya ba 'u su dang/ na le sham 'di rnams srang phyed phyed kyi phye mas btab pa phyir phyung ste/ snod snum can gyi nang du bcug la bsgrangs
 te/ sbrang rtsi srang bcu drug dang bsres la dkrugs te/ lde gu snod kyi nang du bzhag pa ni lha'i sman pa tha skar gyi bu gnyis kyis bshad pa/ kun manda zhes bya ba'i bcud kyi len yin te/ de las ran par zos na/ lud pa dang/ skyigs bu dang/ rims
 dang/ dbugs mi bde ba dang/ khrag dang mkhris pa dang/ glo gcong zad byed dang/ glo 'grams pa sel to/ /blo dang dran pa stobs skyed par byed do/ /mahA ba la zho gcig 'o ma dang sha sbyar ba dang po'i zhag la zho gcig za'o/ /de nas zhag brgyad kyi bar
 du zho re re'i skyed de srang gcig tu gyur pa dang/ de la zhag brgyad kyi bar du zho re res mar phri la/ de nas zhag drug gi bar du zho re res yar bskyed de/ de ltar zhag nyi shu rtsa gnyis kyi bar du cho ga de ltar byas te/ kha zas gzhan mi bza' bar sbyor
 ba de dang/ byas na lus kyi nyams stobs dang tshe dang mdog gsal bar byed pa'i mchog yin no/ /yang na mutka par+Na'i lo ma'am/ shing mngar dang bca' sga 'di gsum gang yang rung ba'i cho ga gong ma ltar byas na phan yon gong dang 'dra
 bar shes par bya'o/ /mahA ba la srang brgya/ chu srang brgya lnga bcu rtsa gnyis kyi nang du bskol te khu ba bzhi cha lus pa dang/ de'i nang du khu ba dang mnyam pa'i mar dang/ de dang mnyam pa'i 'o ma dang/ ba la dang/ i ta ba la dang/ shing mngar dang/
 ba spru ba dang/ pra pu Sh+Ta rI ka dang/ taM pa la dang/ pa ya la dang/ kha sran phri'u dang/ a shA ganda dang/ kha ra dkar po dang/ zangs rtsi ba dang/ me da rnam gnyis dang/ gze ma dang/ ra mnye ba rnam gnyis dang/ pa yassya dang/ zi ra rnam gnyis dang/ pad+ma'i
 rtsa ba dang/ pad+ma'i rtsa lag dang/ bra go dang/ sh+riM ga ta ka dang/ ka she ru dang/ 'di rnams srang phyed phyed cham chom brdungs te bsres la lhan cig bskol te/ mar 'ba' zhig lus pa ni mahA ba la'i mar zhes te/ de las ran par
 'thungs na/ khrag dang mkhris pa dang glo gtsang zad byed dang/ glo 'grams pa las rgyal par byed do/ /de bzhin du skom dad che ba dang/ mgo 'khor ba dang/ lus tsha ba dang/ lus sha rgyas shing nyams stobs 'phel ba'i mchog yin no/ /gzhan yang tshe
 ring bar 'gyur ba dang/ mdangs bzang bar 'gyur ba dang/ mdog sdug par 'gyur ba dang/ gnyer ma dang/ skra dkar 'joms par byed pa yin la/ zla ba drug gi bar du bsten na rgan po yang gzhon nur 'gyur/ /gong du smos pa'i sman ma ring
 dag ni nyams stobs che zhing me drod che ba la btang ba yin gyi/ nyams stobs chung ba dang me drod chung ba la ni ma yin te/ de ltar drod chung ba la ni phyi sa sla bar 'byung ba yin te/ de la ni gcod chen po rnams gso ba'i chog rnams bya'o/
 rtsa ba bcu pa dang/ sran ma at+ma kupta dang/ shang ka pu shu pa dang/ zur ba dang/ ba la dang ha sti pi pi ling dang/ a pa marga dang/ pi pi ling gi rtsa ba dang/ krug trug tres dang/ ga bra'i rtsa ba dang/ ma nu'i rtsa ba/ 'di rnams srang
 gnyis gnyis cham chom brdungs pa dang/ nas srang drug cu rtsa bzhi dang/ a ru ra bzang po rdog ma brgya dang/ chu srang sum brgya nyi shu dang/ 'di rnams lhan cig bskol la/ nas tshes pa dang phyir phyung la btsags te/ a ru ra ma
 gtogs pa tshigs ma bor te/ a ru ra bcos pa de nyid sman khu dang/ bu ram srang brgyad dang/ til mar srang brgyad dang/ pi pi ling srang bzhi dang/ 'di rnams bskol te bsgrangs pa'i nang du sbrang rtsi srang brgyad btab pa ni/ drang srong
 ri Shi'i? lde gu zhes bya ste/ de las rtag tu a ru ra rdog ma gnyis dang bcas pa'i lde gu zos na bcud kyis len du 'gyur te/ gnyer ma rangs pa dang skra dkar med cing dog dang tshe dang stobs kyang 'phel bar byed do/ /gzhan yang lud pa rnam pa
 lnga dang/ zad byed kyi nang dang/ dbugs mi bde ba skyags bu dang/ rims mi zad pa dang/ skran dang/ gcin nad dang/ pho ba'i nad dang/ gzhang 'brum dang/ snying nad dang/ yi ga chus pa dang/ cham pa rnams la phan te/ dpal bskyed cing
 bcud kyis len gyi mchog tu drang srong chen po ri Shis bshad pa yin no/ /rtsa ba bcu pa dang/ ba la dang/ murpa dang/ ser po rnam gnyis dang/ pi pi ling dang/ ha sti pi pi ling dang/ pa tha dang/ a shwo g+hand+ha dang/ a pa marga dang/ ba sral phre'u dang/
 bong nga dkar po dang/ sle tres dang/ ba la dang/ bilba dang/ tri bi ta zhes bya ba shing nye rong dang/ dan+ti dang/ tsi tra ka'i rtsa ba dang/ lo mar bcas pa dang/ pa yassya zhes bya ba k+Shi ri ni dang/ dug mo nyungs dang/ spang spos dang/ bis ka zhes bya ba a
 sa na'i shing gi snying po dang/ lo mar bcas pa dang/ bra yas+tha bir zhes bya ba'i shing dang/ go bye dang/ bi dang ka dang/ nye'u shing dang/ bu ti ka rany+dza dang/ sha mya ka zhes bya ba dong ka dang/ tsan tra ma ka dang/ sa ha ra tsa zhes bya ba pa spru ba dang/ shing ku
 dang/ nimpa'i shun pags dang/ bu ram shing gi khu ba dang/ 'di rnams srang re re dang/ a ru ra stong tshig brgya dang/ nas srang brgya nyi shu rtsa brgyad dang/ sman de rnams kyi brgyad 'gyur chu dang bskol ba gong ma ltar nas tshos pa dang phyung ste/ khu ba
 btsir a ru ra ma gtogs pa'i snyigs ma bor te/ yang? a ru ra tshos pa de dang/ bu ram rnying pa srang brgyad dang/ til mar dang/ mar dang/ skyu ru ra'i khu ba dang/ 'di rnams srang sum cu rtsa gnyis gnyis dang/ me mi che ba dang yang bskol te/ dril
 bu 'dod pa tsam na gyur ste/ bsgrangs nas de'i nang du sbrang rtsi srang drug cu rtsa bzhi dang/ pi pi ling skam po srang bzhi dang/ dri sna gsum srang re re zhib tu btags pa'i phye ma btab ste/ de rnams legs par bsres
 nas dkrugs te/ snod rdza ma rnying pa'i nang du bcug nas zla ba gcig gi bar du nas kyi phung po'i nang du bzhag ste/ de nas gong ma bzhin du a ru ra gnyis gnyis lde gu dang bcas par zos na/ drang srong chen po gnas mchog gis
 bshad pa'i bcud kyis len gyi lde gu zhes bya ste/ gong du smos pa'i lde gu thams cad pas khyad par du yang phan yon lhag pa yin no/ /nad med pa rnams la yang cho ga bsrung mi dgos par dus thams cad du sngags so lce myang
 tsha dang/ bca' sga srang re re dang/ kha ru tsha srang re gnyis dang/ da trig dang/ se'u 'bru dang/ ardza ga zhes bya ba zi ma thig le dang/ de rnams srang brgyad brgyad dang/ na le sham dang/ go snyod zho re re dang/ 'u su zho gnyis dang/ 'di rnams
 zhib tu btags te bza' ba dang/ btung ba'i nang du btab ste zos na/ yi ga 'chus pa dang/ me drod nyams pa dang/ rtsib logs na ba dang/ dbugs mi bde ba dang/ lud pa rnams la phan no/ /'u su zhe gnyis dang go snyod dang/ la
 la bud dang/ bal po se'u dang/ da trig dang/ 'di rnams dang srang phyed phyed dang/ kha ru tsha srang gnyis dang/ bca' sga zho gnyis dang/ ka pit+ta dang/ a ru ra srang phyed dang gsum gsum dang/ sha khar srang bcu drug bsres pa ni ka
 pit+ta ro drug pa'i phye ma zhes bya ste/ bza' ba dang btung ba dang lhan cig zos na phan yon gong ma dang 'dra'o/ /glo gcod zar byed la ni/ gcong chen po gso ba'i cho ga ji ltar bshad pa bzhin du bya'o/ /gong du bstan pa'i sman gyi sbyor ba
 de dag gis glo gcod zad byed kyi nad zhi ste/ nyams stobs dang ldan zhing bad kan skyed par gyur na/ de'i rtags ni mgo bo dang/ brang na bar gyur bde la ni dud pa rdub pa'i cho ga rnams bya ste/ de yang med rnam gnyis dang/ ba la rnam
 gnyis pa/ shing mngar dang/ bco ma'i shun pags dang/ 'di rnams chu dags su bya ste/ reng bur byas nas bskams te me la bsregs te dud pas rdub po/ /de'i 'og tu dzi banda'i sde tshan gyi sman mar 'u sha dang lhan gcig btung ngo/
 yang na ldong ros dang/ shing plak+Sha dang/ a dza ganda dang/ cu gang dang/ dong kra dang/ 'di rnams yang btso ma'i shun lpags dang/ chu dags su bya ste/ reng pu'i dud pa rdub par byas nas de'i 'og tu sha kha ra'i chu 'am/ bu ram shing gi khu
 ba 'am/ bu ram gyi chu gang yang rung ba blud do/ /yang na ldong ros dang/ n+ya gro d+ha'i myu gu rlon pa cha bsnyams te btags la mar dang sbyar nas/ reng bu byas te dud pa rdub bo/ /de'i 'og tu sreg pa'i sha khu dang bza' ba dang btung ba sbyar la
 sbyin no/ /zad byed kyi lud ba la ni thog ma nyams stobs dang me drod skyed par bya'o/ /nad gzhi mang po las gyur pa'i lud pa ni/ dang po snum chos bya zhing 'jam pa'i bkru sman btang ste/ de yang dong ka dang/ dur byis dang/ 'di gnyis
 rgun chu dang/ mar dang sbyar ba 'am/ yang na seng phrom bskol ba'i khu ba mar dang sbyar ba 'am/ bi da ri'i rang gi khu ba rang gi mar dang sbyar ba 'am/ 'di gsum gang yang rung ba lus zad byed dang nyam chung ba dag par bya ba'i phyir bkru sman
 de dag bshad do/ /mkhris pa dang/ bad kan dang/ lus zungs bdun zad pa dang/ zad byed kyi nad dang/ lud pa zad byed de la ni/ karka ta sring gi dang/ ba la rnam gnyis cham chom brdungs te/ mar bzhi 'gyur gyi 'o ma dang bskol te blud do/
 gcin sri zhing mdog sna tshogs su snang ba la ni bi da ri dang ka dam pa gnyis 'o ma dang sbyar ba 'am/ yang na shing ta la'i 'bras bu mar dang 'o ma dang sbyar ba blud do/ /pho mtshan dang/ rkub dang/ chu so
 dang/ brla dbrag skrang zhing nad dang bcas pa la ni mar gyi snying khu 'am yang na mar dang/ til mar bsres pa gang yang rung ba'i 'jam rtsims btang ngo/ /de'i 'og tu srog chags skam la gnas pa'i sha dang/ byi'u co
 ga'i sha dang/ srog chags khung na gnas pa'i sha dang/ sha sar pa za ba'i srog chags kyi sha dang/ sha za'i srog chags thams cad kyi sha dang/ 'di rnams yas kyis ga rim bzhin bza' o/ /thang la gnas pa'i srog chags de
 dag thams cad kyi sha ni dro zhing rtsa'i rgyun dag pa nas 'jug ste/ 'dis lus rgyas shing 'phel bar 'gyur ro/ /zhes drang srong chen po sgra grag gis bus bshad do/ /dbyi mo dang 'bras bu gsum dang/ ga bra'i rtsa ba dang/ rtsa ba
 bcu dang/ tsi dra ka dang/ ku la tha zhes bya ba rgya sran dang/ pi pi ling gi rtsa ba dang/ pa tha dang/ rgya shug skyur po dang/ nad dang/ de rnams cham chom brdungs te chu dang bskol ba'i nang du/ dong kra dang/ byi tsher ba dang/ pi pi
 ling dang/ zur pa dang/ ma nu dang/ kar k+ta sri gi dang/ 'di rnams zhib tu btags pa'i bye ma dang/ mar dang srad gi cha bsnyams te/ tshul bzhin du bskol la mar 'ba' zhig lus pa'i nang du/ ya bak+Shar dang/ sa rtsi ka'i thal
 ba dang/ lan tsha rnam lnga dang/ 'di rnams btags te de las tsi ran par 'thungs na/ zad byed dang lud pa nyams thag pa sel te/ ka sa mar dang/ pa ta dang/ katpa pa dang/ dong kra dang/ pi pi ling dang/ pu tse shel dang/ taM pal dang 'di rnams zho
 gnyis gnyis tshul bzhin du bskol ba'i khu ba'i nang du mar srang sum cu rtsa gnyis dang/ 'o ma dang/ rgun 'bru srang drug cu rtsa bzhi bzhi dang/ bskol te mar 'ba' zhig lus pa las ran par 'thungs na skrangs pa dang/ rims dang/
 mchin pa na ba dang/ lud pa thams cad 'phrog cing zhi bar byed do/ /bri shi zhes bya ba sha ka dang/ kaN+Da kA ri dang/ sle tres dang de gsum gyi rtsa ba dang/ 'bras bu dang/ myu gu dang/ lo ma rnams cham chom brdungs pa'i khu ba dang/ mar du
 bskol te/ mar 'ba' zhig lus pa 'thungs na/ lud pa dang yi ga 'chus pa rnams sel te/ yang na se'u 'bru'i khu ba mar ci tsam pa'i nyis 'gyur du bskol te/ mar lus pa dang/ de'i nang du tsha ba gsum gyi phye ma btab ste blud na phan
 yon gong ma dang 'dra'o/ /yang na ya bak+Sha ra dang mar sbyar ba zas zos pa'i 'og tu blud do/ /yang na pi pi ling dang/ bu ram dang/ mar gyi bzhi 'gyur gyi ra'i 'o ma dang 'thungs na phan yon gong ma dang mthun no/ /sman mar de dag gi phan
 yon ni me drod bskyed cing zad byed kyi nang dang/ lud pa'i nad thams cad dang/ brang dang/ rgyun srang dang gre bar nad gzhis lud pa bsgags pa rnams sbyod bar byed do/ /nas srang sum cu rtsa gnyis dang/ a ru ra rnam par rgyal ba rdog ma nyi
 shu dang/ chu dang tshul bzhin du bskol te nas tshos pa dang/ a ru ra phyir phyung ste mnyes la gong gi nas khu ba'i nang du a ru ra de nyid dang/ bu ram rnying pa drug dang/ ldong ros zho gnyis dang/ skyer khaN+Da zho gnyis dang/ 'di rnams dang lhan cig tu
 sbyar te lde gu zos na lud pa dang dbugs mi bde ba sel to/ /srog chags swa bi da zhes bya ba la mod 'dra ba'i spu yod de/ de bsregs pa'i thal ba mar dang sbrang rtsi dang sha kha ra ra sbyar ba'am/ rma bya'i kang pa bsreg pa'i thal ba mar dang sbrang rtsi dang sbyar
 ba'i le gu zos na lud pa dang dbugs mi bde ba sel to/ /yang na e raN+Da'i lo ma bsregs pa'i thal ba dang/ tsha ba gsum dang til mar dang bu ram bcas par sbyar ba'i lde gu'i yang na e raN+Da dang/ byi'u rug
 pa'i lam bsregs pa'i thal ba dang/ tsha ba gsum dang/ til mar dang/ bu ram dang sbyar ba'i lde gu zos na/ zad byed kyi lud pa 'joms so/ /yang na tsha ba gsum gyi phye ma dang/ bu ram rnying pa dang/ mar sbyar ba'i lde gu zos na phan
 yon gong ma dang 'dra'o/ /yang shug pa dang/ 'bras bu gsum dang/ tsha ba gsum dang/ pi dang ga dang/ thang shing gi 'bras bu dang/ ba la dang/ rwa sna dang/ 'di rnams kyi phye ma dang/ phye ma spyi dang mnyam pa'i sha kha ra dang/ sbyar ba 'am/
 yang na phye ma de mar dang sbrang rtsi dang sbyar ba'i lde gu zos na/ lud pa sel ba'i mchog yin no/ /de bzhin du na la sham phye ma mar dang sbrang rtsi dang sbyar ba'i lde gu zos na phan yon gong ma dang 'dra'o/ /yang na a ru ra dang/ bca' 
 sga dang/ g+han zhes bya ba gla sgang dang/ 'di rnams kyi phye ma bu ram dang ri lur byas te mur na/ lud pa'i nad thams cad dang dbugs mi bde ba'i nad thams cad la phan no/ /yang na ba ru ra gcig pu mur na yang phan yon gong dang
 'dra'o/ /seng phrom dang sha kha ra btags pa'i phye ma mar dang bskol ba dang bsres te thug pa'i nang du btab nas btung ba 'am/ yang na nas saM gro rjen btags grangs zan thabs su sbyar ba'i nang du sman gong ma mar dang bcas
 pa zos na/ skyug pa dang/ skom dang che ba dang/ lud pa dang 'khru ba rnams sel to/ /yang na kaN+Da kA ri bskol ba'i khu ba'i nang du mon sran rde'u dang/ skyu ru ra dang/ se'u 'bru la sogs pa'i skyur dang/ legs par sbyar ba'i yu sha byin na lud pa
 thams cad kyi sman du bsngags so/ /yang na rlung la phan pa'i sman sna tshogs dang 'o ma dang mar sbyar ba 'am/ yang na srog chags pi ka re la sogs pa dang/ pargu ngo zhes bya ba shang shang de'u la sogs pa dang/ be la zhes bya ba khung na gnas pa'i srog
 chags sprul la sogs pa 'di rnams kyi sha khuAm/ yu sha blud na zad byed kyi lud pa 'joms so/ /glo gcod zad byed kyi lud pa la ni dud pa btang ba'i cho ga'i skabs su 'byung ba'i bza' ba 'am/ btung ba sbyar ba 'am/ yang na 'or nad gcong chen po gso
 ba'i skabs su bstan pa'i bza' btung thams cad 'dir sbyar ro/ /mdor na nyams stobs dang/ me'i drod skyed pa dang/ rgyun srang sbyor bar byed pa'i sman thams cad ni zad byed kyi lud pa gso ba stobs che mchog tu bsngags so/ /'dus pa las gyur pa'i zad
 byed kyi lud pa ni shin tu mi bzad pa yin te/ de la ni thog mar nyes pa gang gi shas che ba btags nas so so dang mthun pa'i sman bsten par bya'o/ /lud pa gso ba'i le'u gsum pa rdzogs so// //de nas skyigs bu dang dbugs mi bde ba gso ba'i
 le'u bshad par bya ste/ de la skyigs bu dang dbugs mi bde ba'i nad gzhi gcig tu bstan pas gso ba'i dpyad kyang 'dra ste gcig tu bstan pa yin no/ /thog ma skyigs bu dang dbugs mi bde ba 'byung ba'i rgyu ni rtsa'i rgyun srang rnams su bad kan rgyu ba rlung gi
 bsgongs? shing 'gags pa las skyigs bu 'byung ste/ de la ni thog ma snum pa'i sman dang/ lan tshe dang til mar du bcas pa'i snum dugs legs par byas na bad kan 'gags pa de zhu zhing slan te bya ste/ phyir khod pa'i nang du log nas kha la sogs
 pa las phyir phyung ste/ de 'byung ba dang rlung legs par rgyu zhing dbugs kyang tshul bzhin du 'byung ngo/ /de ltar dugs byas pa'i 'og tu snum dang thang la gnas pa'i sha dang bcas pa'i bza' ba sbyin no/ /yang na snum ma 'byor na zho'i spris dang bcas
 pa sbyin no/ /de'i 'og tu skyigs bu dang/ dbugs mi bde ba'i nad pa la skyug sman 'jam po btang ste/ khyad par du lud pa dang/ snying nad dang/ brang la phan pa'i sman btang na bzang ngo/ /de yang pi pi ling dang/ lce myang tsha
 dang/ sbrang rtsi sbyar ba zos na skyug par 'gyur ro/ /rlung la phan pa'i sman rnams kyang sbyar ro/ /de ltar bad kan rlung gis 'khrugs pa de sman gyis phyir phyung na nad med cing bde ba thob bo/ /de bas na skyug sman gyi slon de bad kan phyung na rgyun
 srad dag ste dbugs legs par 'byung bar 'gyur ro/ /dbugs mi bde zhing rtug pa 'gags te/ mi dran pa ltar byed pa ni mun 'thibs zhes bya ba'i skyigs bu dang dbugs mi bde ba'i nad yin te/ de la ni ma du lud ka dang/ star bu
 dang/ shing kun dang/ pi lu dang/ bi da kha ru tsha dang bcas pa'i zas byin na dbugs tshul bzhin du 'byung ngo/ /yang na ma du lud ga la sogs pa'i shing tog skyur ba rnams dang/ rgyam tsha dang sbyar ba'i bkru sman dro 'jam tsam btang ste/
 de ltar bad kan bsgongs pa las rlung 'khrugs te/ skyigs bu dang dbugs mi bde ba 'byung ba gang yin pas slon khrus gnyis kyi rgyun srang dag par bya ste/ ji ltar zhe na/ dper na chu'i rgyun 'bab pa la chu lon gyis bkag na chu lam
 gzhan nas 'gro ba dang 'dra bar rlung rgyu ba bad kan gyis bkag pa yang de dang 'dra bas/ slon khrus gnyis kyi gong 'og tu dag par bya ces so/ /cho ga de ltar byas kyang ma zhi ste/ nang du cung zhig lus pa lta na dud pa rdub pa'i cho gas zhi bar bya
 ste/ de yang yung ba dang/ e raN+Ta'i 'o ma dang/ rtsa ba dang/ rgya skyegs dang/ ldong ro sa dang/ thang shing dang/ ba bla dang/ spang spos dang/ 'di rnams zhib tu btags pa mar dang sbyar ba'i reng bur bsregs pa'i dud pa rdub pa 'am/ yang na nas zhib tu
 btags pa mar dang sbyar ba'i reng bu bsregs pa'i dud pa rdub pa 'am/ yang na pra tshil dang/ sra rtsi pog dang/ mar dang sbyar ba'i reng bu'i dud pa rdub pa 'am/ yang na a ga ru dang/ mar dang sbyar ba'i dud pa rdub pa 'am/ tsan dan bsregs pa'i dud pa
 rdub pa 'am/ yang na glang gi rwa dang dang/ ba la dang/ rwa sna dang/ 'di gsum gyi dud pa rdub pa 'am/ yang na srog chags ri sha dang/ g+ho d+ha dang/ ku raM ga ri dags dang/ 'di rnams gang yang rung ba'i pags pa dang/ rmigs pa dang/ rwa'i dud pa
 'am yang na gu gul lam/ ldong ros dang/ shing tha la'i thang chu de rnams gang yang rung ba'i dud pa rdub pa 'am/ yang na sra rtsi pog dang/ a ga ru dang/ shug pa dang/ de rnams mar dang sbyar ba'i dud pa rdub po/ /de la gong du dug zhes smos
 pa yang dugs byar mi rung ba'i gnas su ni dugs spang pa yin la/ byar rung ba'i gnas su ni nges par dugs bya ste/ de gang zhe na/ kha ra dkar po dang/ 'o ma dro 'jam tsam dang sman snum bag can btags pa'i phye ma dang bsres pas blugs pa'i
 dugs bya'o/ /gzhan yang blugs pa'i dugs dang/ glan pa'i dugs kyi skabs su bstan pa'i sman rnams kyang 'dir sbyar ro/ /glo gcong zad byed dang/ mgrin pa zad byed la yang cho ga 'di ltar sbyar ro/ /skyigs bu dang dbugs mi bde ba ma zhu
 ba dang bcas pa la ni ma zhu ba'i cho ga smyung ba la sogs pa bya'o/ /ji ste dugs dang skyugs sman dang bkru sman la sogs pa drags te/ rlung tshar 'khrugs pa mthong na de la ni rlung 'joms pa'i sman sna tshogs dang/ snum dang bcud la sogs
 ba dro 'jam tsam du sbyar la/ de las bza' ba dang btung ba dang/ bsku ba la sogs pa byas na zhi bar byed do/ /dzi ste bad kan zad dam dugs byar mi rung ba'i gnas su dugs byams nyams chung ba la slon khrus byas na/ rlung rnams 'khrugs
 zhing gnad rnams bskams te/ myur du srog 'phrog par byed do/ /de la ni rlung 'joms pa'i sman gyi khu ba dang/ sman dang le gu la sogs pa sbyar na/ skyigs bu dang/ dbugs mi bde ba zhi bar 'gyur ro/ /khams
 zad cing lus skem pa dang/ tshad pas 'khru ba dang/ mkhris pa dang/ tsha ba 'di rnams dang lhan cig du skyigs bu dang dbugs mi bde ba dang 'dres par gyur pa la ni sman mngar ba'i bag dang/ snum pa dang bsil ba la sogs pas gso bar
 bya'o/ /srog chags thang la gnas pa'i sha dang rgya sran dang/ rtsa ba bcu pa 'di rnams lhan cig bskol ba'i khu ba blud na/ skyigs bu dang dbugs mi bde ba sel to/ /yang na na le sham dkar po dang/ barda ka dang/ ka sagna dang/ ba sha ka
 dang/ la phug skam po dang/ 'di rnams bskol ba'i yu sha byin na yang sel to/ /yang na nim+ba'i lo ma dang/ ku la ka dang/ bri ha ti dang/ kha lud dang 'di rnams yu shar sbyar ba blud pa 'am/ yang na kaN+Da kA ri dang/ byi tsher ba dang/ bilba'i
 rkang dang/ karka ta sring ge dang/ gze ma dang/ sle tres dang/ tsi tra ka dang/ rgya sran dang 'di rnams chu dang lhan cig bskol ba 'am/ btung ba 'am/ yang na rwa sna dang/ rtsa ba chung ngu dang/ mo sran sde'u dang/ tsi tra ka dang/ 'di rnams bskol
 ba'i yu sha blud pa 'am/ sbyor ba de rnams las gang yang rung ba blud na skyigs bu dang dbugs mi bde ba sel to/ /kru trug tres dang/ go snyong dang/ karka ta sriM gi dang/ kha ru cha dang/ de rnams las gzhi blangs pa'i thug pa sbyin pa
 'am yang na rtsa ba bcu pa dang sbyar ba'i thug pa blud na/ lud pa dang skyigs bu dang/ dbugs mi bde ba rnams la phan no/ /rtsa ba bcu pa dang/ ra sna dang/ zur pa dang/ ga bra'i rtsa ba dang/ bilba rnam gnyis kyi rkang dang puSh+kar mu la
 dang karka ta sriM gi dang/ pi pi ling dang/ bca' ba'i rtsa ba dang/ sle tres dang/ bca' sga dang/ de rnams bskol ba'i khu ba blud la/ de zhu ba'i tshod na de rnams las gzhi blangs pa'i thug pa sbyin no/ /'bras drug cu pa dang/ gro dang nas dang mon sran sde'u dang/
 rgya sran ku la tha dang/ de rnams g.yos su byas pa'i bza' ba dang/ btung ba byin na/ lud pa dang/ ro stod 'dzings pa dang/ rtsibs logs su zug pa dang/ skyigs bu dang/ dbugs mi bde ba rnams zhi bar byed do/ /yang na a ga ru'i myu gu skam po
 btags te 'o ma dang sbrus la de nas bskam na yang 'o ma dang spru zhing bskam pa lan mar du byas la/ tha mar sbrang rtsi dang sbyar ba bza' ba 'am/ yang na rtsa ba bcu pa bskol ba'i khu ba nas phyed dang sbyar ba'i lde gu btung ngo/ /yang na ya
 pak+Sha ra dang/ rtsi bo che dang/ kha ru tsha dang/ se'u 'bru dang/ 'di rnams mar dang sbyar ba'i bza' ba btang ba 'am/ yang na ma nu dang/ zur ba dang/ tsha ba gsum dang/ kha lud dang/ star bu dang bcas pa'i bza' ba sbyin par bya'o/ /gzhan yang skom
 du rtsa ba bcu pa bskol ba 'am/ yang na thang shing bskol ba'i khu ba 'am/ yang na chang gi nying khu gang yang rung ba blud na/ skyigs bu dang/ dbugs mi bde ba sel to/ /yang na pi pi ling dang/ pi pi ling gi rtsa ba dang/ a ru ra dang/ pi dang ga dang
 kru tru ga tres rnams zhib tu btags pa'i lde gus phru ba snum can gyi nang du bskus la cung red par gyur pa dang/ dar ba chu ma reg pa'i nang du bcug la/ zla ba gcig gi bar du bzhag pa las ran par 'thungs na/ me'i drod skyed pa dang/ lud
 pa dang/ dbugs mi bde ba las nges par rgyal lo/ /yang na pa tha dang/ murga dang/ thang shing gi 'bras bu dang/ sa ra la go trod? rtse dang/ 'di rnams zhib tu btags nas chang gi nying khu'i nang du btab ste/ lan tsha dang bcas par nub gcig
 bzhag la/ zhag re khyo re blud na dbugs mi bde ba dang skyigs bu sol to/ /yang na ga bra'i rtsa ba dang/ bca' sga dang/ 'di gnyis btags pa'i phye ma chu 'jam tsam btung ba 'am/ yang na ya baksha ra dang/ na le sham gyi phye
 ma chu dron dang btang ngo/ /yang na ba'i shu ba bskol ba'i khu ba'i nang du ba'i shu ba dang de dang mnyam pa btags pa'i phye ma dang skyo mar byas te blud do/ /yang na sapta par+Na'i khu ba'i nang du pi pi ling dang/ sbrang rtsi dang ldan par byas te
 btung ba 'am/ yang na sh+ri sha'i me tog gi sbrang rtsi dang ldan par byas ste blud na/ mkhris pa dang bad kan las gyur pa'i skyigs bu dang dbugs mi bde ba sel to/ /cu gang dang pi pi ling dang 'bras kyi bye brag ma du zhes bya ba dang/ dong kra dang/
 'di rnams btags pa'i phye ma mar dang sbyar ba glan pa'i dugs zan thabs su byas ste zos na/ des skyigs bu dang dbugs mi bde ba dang/ mkhris pa dang ldan pa rnams la phan no/ /skyigs bu dang dbugs mi bde ba dang ldan pa la mi sha
 bi tsa zhes bya ba'i sha dang/ ri bong gi sha dang/ pi pi ling dang mar dang/ ri dags shal lye ka zhes bya ba'i khrag dang/ 'di rnams gong ma ltar byas la zos na phan no/ /yang na lcam pa'i khu ba dang/ tsha ba gsum dang/ mar dang sbyar ba'i 'bras
 chan zos la/ skom du 'o ma 'thungs na/ rlung dang mkhris pa dang bcas pa'i skyigs bu dang dbugs mi bde ba sel bar byed do/ /yang na ra'i 'o ma bzhi 'gyur gyi chu dang bskol la/ 'o ma lus pa dang/ bu ram dang/ dong kra'i phye ma btab
 pa btang ngo/ /pi pi ling mu la dang/ shing mngar dang/ bu ram dang/ 'di rnams kyi phye ma glang dang/ rta rtug gnyis btsir ba'i khu ba dang/ mar dang sbrang rtsi lhan cig zos na/ skyigs bu dang dbugs mi bde ba sel to/ /yang na rta dang/ glang po che
 dang/ glang dang/ phag dang/ rnga mo dang/ bong bu dang/ lug dang/ ra dang/ 'di rnams yang rung ba'i rtug pa btsir ba'i khu ba sbrang rtsi dang sbyar ba'i lde gu bya ste/ de las ran par zos na bad kan shas che ba'i skyigs bu dang dbugs mi bde ba sel
 to/ /yang srog chags rkang bzhi pa'i pags pa dang/ rus pa dang/ spu dang/ smig pa dang/ rwa dang/ de las 'byung pa dang sbrang rtsi dang sbyar ba'i lde gu bza' ba 'am/ yang na a shwa gand+ha btags pa'i phye ma sbrang rtsi sbyar ba'i lde gu zos na/
 bad kan shas che pa'i dbugs mi bde ba sel to/ /yang na zur pa dang/ puSh+kar mu la dang skyu ru ra btags pa'i phye ma sbrang rtsi dang sbyar ba 'am/ yang na ma nu dang/ pi pi ling dang/ sbrang rtsir sbyar ba'i lde gu zos na phan yon gong ma dang 'dra'o/
 yang btsag yug snam dang/ dngul rngo dang/ pi pi ling dang/ 'di rnams sbrang rtsi dang sbyar ba 'am/ yang na ka pit+tha'i khu ba sbrang rtsi dang sbyar ba 'am/ yang na ka pit+tha bskol ba'i khu ba'i nang du skyu ru ra dang/ pi pi ling dang/ rgyam tsha'i phye ma
 btab pa'i lde gu byas pa 'am/ yang na a ru ra btags pa'i phye ma dang mar dang sbrang rtsi dang sbyar ba'i lde gu 'am/ yang na na le sham dang/ bi dang gang dang/ pi pi ling btags pa'i phye ma mar dang/ sbrang rtsi dang sbyar ba'i lde gu 'am/ yang na
 rgya shug dang/ 'bras yos dang/ rgun 'bru dang/ pi pi ling dang/ dong kra dang/ 'di rnams btags pa'i phye ma sbrang rtsi dang sbyar ba 'am/ yang na yung ba dang/ pi pi ling dang/ rwa sna dang na le sham btags pa'i phye ma dang/ bu ram dang/ til
 mar dang/ sbyar ba'i lde gu 'am/ sman gyi sbyor ba de dag las nad gzhi legs par brtags te/ so so dang mthun pa'i khu ba dang/ chu dron dang/ chang dang/ dar ba dang/ zho ga chu dang/ rtsab mo la sogs pa gang dang mthun pa'i nang du mnyes te
 btang na/ bad kan shas che ba'i skyigs bu dang/ dbugs ma bde ba sel to/ /dzi ban+ti dang/ gla sgang dang/ bye'u rug pa dang/ da cha dang/ sug smel rnam gnyis dang/ tsan tra dang/ ta ma la ki dang/ a ga ru dang/ ga bra'i
 rtsa ba dang/ dong kra dang/ ba la ka dang/ karka ta sriM gi dang/ zur ba dang/ pi pi ling dang/ na ga ge sar dang/ tsa rong dang/ de rnams zhib tu btags pa'i phye ma'i gnyis 'gyur gyi sha kha ra dang sbyar ba bza' ba dang btung ba'i nang du btab
 te ci 'dod ba zos na rtsib logs na ba dang/ rims na ba dang/ lud pa dang/ skyigs bu dang/ dbugs mi bde ba sel ba'i mchog yin no/ /dong kra dang bu ram cha mnyam pa bza' ba 'am/ yang na sna sman du btang ba'am/ yang na sgog skya dang/ kun dong dang grin
 dza na zhes bya ba sgog pa'i rigs dang/ de dag gi rtsa ba chu dang bskol te snar blugs pa 'am/ yang na tsan dan bdar ba snang blug ba 'am/ yang na sbrang ma'i rtug pa bud med kyi nu ma dang sbyar ba 'am/ yang le brgan rtsi dang/ sbrang ma'i
 rtug pa sbyar ba snar blugs so/ /yang na mar gyi snying khu dang rgyam tshas btab pa 'am/ 'o ma dang/ mar bskol nas mar lus pa dang des snar blugs par bya'o/ /sman mngar ba rnams cham chom brdungs te bskol ba'i khu ba btung ba 'am/ yang
 na snar blugs so/ /sbrang rtsi dang kha ra dkar po sbyar ba dang thigs pa grang mo blugs la/ de nas dron mo blugs te/ de bzhin du res kyis snar blugs pa bya'o/ /rtsa ba bcu pa tshul bzhin du bskol ba'i khu ba 'o ma dang bskol te mar lus pa
 dang/ des gong bzhin du dro ba dang grang ba re mos kyis snar blugs so/ /pi pi ling dang/ kha ru tsha dang/ ya baksha ra dang/ ku ru tshe dang/ shing kun dang/ tsong? ga dang/ byi'u rug pa dang/ 'di rnams mar dang/ zho ga chu dang/ rtsa bar bcu bskol ba'i
 khu? ba dang bsres te/ yang bskol nas/ mar lus pa dang/ de las ran par 'thungs na/ skyigs bu dang dbugs mi bde ba sel to/ /yang na 'tsho byed sna bcu cham chom brdungs te/ mar dang tshul bzhin du bskol la/ mar 'ba' zhig lus pa'i
 nang du sbrang rtsi bsres pa'i lde gu 'thungs na phan no/ /te dzo ba ta dang/ a ru ra dang/ ru rta dang/ pi pi ling dang/ pu tse shel dang/ b+hu ti ka dang/ ma nu'i rtsa ba dang/ plak+Sha dang/ tsi tra ka dang/ zur ba dang/ lan tsha rnam gnyis dang/ ta ma la ki dang/
 dzi ban+ti dang/ bilba'i snying pa dang/ shu dag dang/ bal bu'i lo ma dang/ 'di rnams zho gnyis gnyis dang/ shing kun zho phyed dang/ 'di rnams mar srang sum cu rtsa gnyis dang bskol te mar 'ba' zhig lus par 'thungs na/ rkang lag du rlung zhen
 pa dang/ gzhang 'brum dang/ pho ba'i nad dang/ skyigs bu dang/ snying dang rtsib logs su zug pa rnams myur du zhi bar byed do/ /yang na ya bak+Shar dang/ lan tsha dang/ lan tsha'i nyis 'gyur gyi mar dang bsres pa 'thungs na phan no/ /drang srong chen
 po thang la 'bar gyis gcin nad kyi skabs su bshad pa'i sman mar dang/ ba shi ka'i mar khrag mkhris gso ba'i le'u yi nang nas 'byung ba dang/ tra dri ka zhes bya ba dang/ ha pu sha zhes bya ba spa ma'i 'bras bu'i sman mar skran gso ba'i le'u
 las bshad pa dang/ sman mar de rnams kyang lud pa dang/ skyigs bu'i nad la sbyar ro/ /dbugs mi bde ba'i nang rngam pa drag tu 'byung ba la ni blo bur du yang dang yang du chu grang gis gtor zhing sdangs su gzhug pa 'am/ lus drag tu g.yengs
 shing sbrug pa dang/ 'jigs su gzhug pa dang/ yang na dgar gzhug pa dang/ gzhan gyi yon tan brjod de phrag dog skyed pa dang/ dbugs bsngam du gzhug pa dang/ spre'u so 'debs su bcug na phan no/ /gzhan yang rlung dang bad kan la phan pa'i
 sman dang/ bza' ba dang/ btung ba dang/ dro ba thams cad brten bar bya'o/ /skyigs bu dang/ dbubs mi bde ba'i nad thams cad la ni/ lus nyams stobs dang ldan pa yin na ni gso sla'o/ /nyams stobs med cing
 rid pa ni gso dka' o/ /de bas na nyams stobs bskyed cing nang zhi bar bya ba yang dang yang du bcad cing 'bad par bya'o/ /gzhan yang lud pa dang dbugs mig de ba dang/ glo gcod zad byed dang/ skyug pa dang/ skyigs bu dang/ 'di rnams gang
 yang rung ba gcig gsos na thams cad la phan pa yin no/ /skyigs bu dang dbugs mi bde ba gas pa'i le'u bzhi pa rdzogs so// //de las rgyal po'i nad ces bya ba gcod chen po gso ba'i le'u bshad par bya'o/ /gcod chen
 po'i nang pa nyams stobs dang ldan zhing nad bzhi mang po yod pa la mi thog mar snum bcos dang/ dugs byas la/ de'i 'og tu slon khrus kyis lus sbyang bar ste/ snum la sogs pas lus nyams chung bar mi 'gyur bar bsrung bar
 bya'o/ /de la skyug sman ni 'o ma dang/ mngar ba'i sha khu dang/ skyugs sman las gzhi blangs pa'i nas thug mar dang ldan pa dang/ de gsum gang yang rung ba'i nang du/ po son cha'i phye ma btab ste blud nas slon du gzhug go /de la
 bkru sman ni sham dur bying dang/ dod kra sbrang rtsi dang/ sha kha ra dang sbyar ba 'am/ yang na 'o ma dang mar phye dang ldan pa'i skyo bar sbyar ba 'am/ yang na rgun 'bru dang/ bi da ri dang/ ti pa la rnams las gang yang rung ba sha khu dang
 ldan par sbyar ba gong ma'i sman dang bcas par 'thungs na 'khru bar 'gyur ro/ /de ltar slon khrus kyis khong dag par byas pa'i 'og tu nyams 'phel cing rgyas pa dang drod skyed pa dag sbyar ro/ /gzhan yang bza' ba dang btung ba yang
 shar? 'ong ba dang/ rung la phan pa rnams dang yang ba rnams sbyar te/ 'bras drug bcu pa dang/ gro dang/ nas dang/ mung ga rnams las gang yang rung ba spangs pa 'am/ chan du byas te bza' ba dang tshong mar sbyar te sbyin no/ /gzhan yang
 ra'i 'o ma dang/ mar dang srog chags sha za ba'i sha dang/ bya rog dang/ 'ug pa dang/ glang po che dang/ ba dang/ rta dang ne'u le dang/ sbrul dang/ bya rgod dang/ khra dang/ bong bu dang/ rnga mo dang/ de rnams kyi sha gang yang rung ba nad pal gsang
 ste sbyin no/ /ci ste nad pas tshor na ni skyug pa dang/ nyams stobs dang/ gzi mdangs 'bri bar 'gyur ba'i skyon yod do/ /mkhris pa dang/ bad kan las gyur pa'i nad la ni/ ri dags dang bya la sogs pa'i sha g.yos su byas pa
 byin no phan no/ /rlung las gyur pa la ni phag rgod la sogs pa ri dags chen po rnams kyi sha rnams las g.yos su byas pa phan no/ /yungs kar gyi mar gang yang rung ba nad gzhi stobs ji lta ba bzhin du sbyar ba'i nang du snum dang/
 lan tsha dang/ sge'u gsher dang/ bca' sga la sogs pa legs par sbyar te ro dang ldan pa zhim por byas te nyung shas sbyar ba sbyin par bya'o/ /thug pa dang khu bcud la sogs pa'i tshong mar ram/ de bzhin du la phug skam po dang/ rgya
 sran gyi khu bcud la na tsha dang sgre'u gsher dang legs par sbyar ba blud na phan no/ /ra sha'i khu ba dang/ pi pi ling dang/ nas dang rgya sran dang/ dod kra dang/ se'u 'bru ma dang/ skyu ru ra dang ldan par snum cher btab pa blud na/ cham
 pa dang/ lud pa dang/ dbugs mi bde ba dang/ klad pa na ba dang/ skad 'gags pa dang/ yi ga 'chus pa dang/ 'di rnams la phan no/ /mkhris pa la sogs pa'i gcod chen po la ni chang shin tu rnying pa rtsa'i rgyun spyod nus par
 blud do/ /khyad par du rgun chad dang/ a ris shwa'i chang dang/ chang rnams btung ba blud do/ /yang na rtsab chung ngu lnga bskol ba 'am/ bca' sga bskol ba 'am/ yang la lo ma rnam bzhi bskol ba 'am/
 yang na 'u su dang bca' sga bskol ba blud do/ /yang na rtsa ba lnga chung ngu shin tu 'bad ba dang bcas pas gtsang sbra cher bya ste/ bza' ba dang sbyar la btang na gcod chen po dang rjes su mthun pa yin no/ /rtsa ba bcu 'o ma 'am yang na
 sha khu'i nang du btsis la/ ba la'i phye mas btab pa mar dang sbyar ba bza' ba 'am/ yang na srog chags sha za'i sha khu'i nang du ba la'i phye ma btab pa btung 'am/ yang na mar dang mar gyi bcu 'gyur gyi 'o mar lhan cig
 bskol ba'i nang du ba la'i phye mas btab ste/ sgrang rtsi dang ldan par blud do/ /dzi ban+ti dang/ shing mngar dang/ rgun 'gru dang/ dug mo yungs kyi 'bras bu dang/ ma nu dang/ zung pa dang/ pi ling/ kaN+Da kA ri dang/ gze ma dang/ ba bla
 dang/ utpa la dang/ skyu ru dang/ khyi lce ba dang/ byi tsher ba dang/ 'di rnams phye mar byas te/ sman gyi bzhi 'gyur gyi mar dang/ mar bzhi 'gyur gyi chu dang bskol te/ de las ran par 'thungs na/ nad kyi rgyal po rtsa ba nas 'joms so//
 pra go dang/ rgun 'bru dang/ ma du ka'i me tog dang/ pa ru sha dang/ pi pi ling dang/ 'di rnams mar dang tshul bzhin bskol ba las ran par 'thungs na/ skang 'gags pa dang/ lud pa dang/ rims rnams 'joms so/ /rtsa ba bcu
 ba bskol ba'i khu ba 'o ma dang yang bskol ba'i yar sar pa pi pi ling dang/ sbrang rtsi dang sbyar ba zos na skad 'gags pa dang/ klad pa na ba dang/ rtsib logs su zug pa dang glo dang/ lud pa dang/ dbugs mi bde ba dang/ rims rnams
 la phan no/ /rtsa ba che chung lnga gang yang rung ba dang/ de'i bzhi 'gyur gyi 'o ma dang/ 'o ma'i bzhi cha'i mar dang tshul bzhin du bskol ba'i mar dang/ yang na rtsa ba lnga dang/ de'i gzhi 'gyur gyi 'o ma dang yang bskol ba'i mar las ran par
 'thungs na cham pa la sogs pa'i gcod chen po'i nad kyi stobs bdun 'joms par byed do/ /tsha ba rnam lnga dang/ nas tshig 'khus pa'i thal ba dang/ 'di rnams srang re re dang/ mar pre gang dang mar dang mnyam pa'i 'o ma dang/ 'o
 ma'i sum 'gyur gyi chu dang bskol te/ de las ran par 'thungs na/ rtsa rgyun rnams sbyong zhing/ skran dang/ rims dang/ dmu rdzing dang/ mcher ba dang/ pho ba'i nad dang/ skya rbab dang/ cham pa dang/ dbugs mi bde ba dang/ lud pa dang/ me
 drod nyams pa dang/ skrang ba dang/ rlung stod du zhugs pa rnams las rgyal lo/ /yang na ra sna dang/ ba la dang/ gze ma dang/ sa la pardzi dang/ ba sbru ba rtsa ba dkar po can dang/ de rnams bskol ba'i nad du/ dzi ban+ti dang/ pi pi ling dang/ 'o ma
 mar dang tshul bzhin bskol ba 'thungs na/ glo gcod skem byed las rgyal lo/ /yang na a shwa gand+ha dang/ 'o ma bskol ba dkrugs te/ mar byung ba de 'o ma dang/ kha ra dkar po sbyar ba 'thungs na/ glo gcod zad byed rnams sel bar byed do//
 srog chags sha ran pa khung na gnas pa dang/ gzhan yang sha ran pa rnams kyi sha srang brgya dang/ chu srang stong nyi shu rtsa brgyad bskol te/ bzhi cha srang rgya nyi shu rtsa brgyad lus pa'i nang du/ 'tsho byed sde bcu srang re re phye mar byas nas
 mar srang sum cu rtsa gnyis bcug ste/ tshul bzhin bskal la mar dang sha lus pa dang/ de las ran par zas na rlung dang mkhris pa las gyur pa'i gcod chen po dang/ rlung nang ma lus pa dang/ dbug mi bde ba dang/ snying dang/
 rtsib logs su zug pa dang/ lus skems par byed pa dang/ skad 'gags pa dang/ 'di rnams las rgyal bar byed do/ /sug smel dang/ tingmu sa dang/ 'bras bu gsum/ rgyam tsha dang/ tsha ba gsum dang/
 tsi tra ka dang/ sa ra na dang/ nim+ba dang/ seng ldeng dang/ sa la bi dza dang/ bse shing gi 'bras bu dang/ pi dang ka dang/ 'di rnams srang brgyad brgyad bdang/ chu srang nyis brgya lnga bcu rtsa drug dang bskol te/ srang bcu drug lus
 pa dang/ de'i nang du yang mar srang sum cu rtsa gnyis dang yang bskol te/ mar 'ba' zhig lus pa'i nang du cu gang srang drug dang/ kha ra srang cu dang sbrang rtsi srang srug cu rtsa bzhi dang/ dri sna gsum srang re re dang/ 'di rnams
 kha gzar gyis dkrugs te/ bcud kyi len bzhin du cho ga med par snga dro de las ran par zos la btung bar 'o ma blud na/ blo dang/ mig gsal ba dang/ tshe ring ba dang/ me drod skyed pa dang/ de bzhin du gcin nad dang/ skran
 dang/ glo 'gram pa'i nad dang/ skya rbab dang/ mtshan bar rdol ba rnams 'joms so/ /gang glo 'grams pa'i nad la mar dang bu ram bshad pa 'dir yang glo gcod zad byed pa yang sbyar ro/ /shing tsha dang/ sug smel dang/ pi pi ling
 dang/ cu gang dang/ li kha ra dang/ de rnams yams kyi rims bzhin du nyis 'gyur gyis bskyed pa'i phye ma bza' ba 'am/ yang na mar dang sbrang rtsi dang sbyar ba'i lde gu ldags na/ dbugs mi bde ba dang/ skad 'gags pa dang/ lud
 pa dang/ glo gcod zad byed dang/ rtsib logs na ba dang/ bad kan rnams 'joms par byed de/ khyad par du glo gcod la phan no/ /skad 'gags par 'gyur bas sna sman dang/ dung bas bdug pa la sogs pa'i cho ga bya'o/ /de la rlung
 las gyur pa'i skad 'gags pa la ni ka sam+bar ka dang/ kaN+Ta kA ri dang/ bring ga ra dza dang/ 'di rnams kyi rang gi ku ba mar bskol ba las ran par 'thungs na/ lud pa dang skad 'gags pa las rgyal bar byed do/ /yang na aM ta ra ka
 lam zhes bya ba'i mar 'thungs na yang phan yon de dang 'dra'o/ /yang na rgya shug kyi lo ma btags pa'i phye ma mar dang brdos pa'i nang pu lce myang tsha btab pa zan gong du 'thungs na phan no/ /yang na ma du ka dang rgun 'bru dang/ pi pi
 ling dang/ bi dang ka dang/ han sa pa da'i rtsa ba dang/ 'di rnams btags pa'i til mar bskol ba snar blugs so/ /'bras chan mar dang bu ram du bcas ba 'am/ yang na 'o thug mar dang bu ram du sbyar ba bza' ste/ de'i 'og tu chu dro 'jam
 tsam btung ste/ snum bcos dang/ dugs byas na rlung gis skad 'gags pa sel to/ /mkhris pa las gyur pa'i skad 'gags pa la ni/ shing 'o ma can gyi myu gu cham chom brdubs pa 'am/ yang na btags pa'i phye ma mar dang tshul
 bzhin bskol te bsgangs pa'i nang du sbrang rtsi btab te byin la skom du 'o ma bskol ba grangs pa blud do/ /yang na shing mngar dang sbyar ba'i 'o thug btung ba 'am/ yang na ba lang sa la pa Ni la sogs pa sbyar ba 'am yang na bi da ri
 'am shing mngar du sbyar ba bskol ba'i mar dang lan tsha dang bcas pa snar blugs pa byas na skad gsal bar byed pa'i mchog yin no/ /yang na pra puN+Da rI ka dang/ shing mngar dang/ pi pi ling dang/ bri ha tI dang/ ba la rnams 'o ma dang mar
 du sbyar ba bskol ba snar blugs na yang mkhris pa'i skad 'gags pa sel ba'i mchog yin no/ /yang na mngar ba'i sman dzi ban+ti'i sde tshan btags pa'i phye ma mar dang sbrang rtsi dang sbyar ba'i lde gu zos na yang phan no/ /bad kan las gyur pa'i skad
 'gags pa la ni sman tsha ba na le sham la sogs pa'i bza' ba dang ba gcin btung ba dang/ rtsub pa rnams sbyar ro/ /katpa la dang skyu ru ra dang/ tsha ba gsum dang de rnams kyi phye ma til mar dang/ sbrang rtsi
 dang lde gur byas pa 'am/ yang na tsha ba gsum dang/ ya bak+Shar dang/ kru trug tres dang/ dbyi mong dang/ ga bra'i rtsa ba dang/ a ru ra dang de rnams sbrang rtsi lde gur byas pa 'am/ yang na nas kyi thug pa pi pi ling dang skyu ru ra dang
 skyur ba 'am yang na nas thug gcig bu mar dang til mar dang sbyar ba 'thungs na/ bad kan gyi skad 'gag pa zhi bar byed do/ /yang na pi pi ling dang/ bca' sga sngar zos la/ de'i 'og tu sman rno ba dang sbyar ba'i skyug sman btang ngo//
 skad drags pa las skad 'gags pa la ni sman mngar ba'i sde tshan 'o ma dang bskol ba'i nang du kha ra dang sbrang rtsi btab pa blud na phan no/ /yi ga 'chus pa la ni phan pa dang/ mi phan pa sna tshogs bsres la sbyin no/ /de bzhin du phyi
 nad gnyis ka nas khrus byas te/ sems dga' bar bya ba dang/ yi gar 'ong ba'i sman sbyin no/ /de nas dus gnyis so shing bca' zhing bska ba'i sman tin du ka la sogs pas kha bkru zhing mur bar bya'o/ /yod na khar sman gyi
 dud pa'i sbyor ba bdug go/ yang na bal bu'i phye ma'i sbyor ba'i ri khung byas pa 'am/ yang na zla ba'i 'od ces bya ba'i zas khar dkar po dang ga bur dang ldan par byas te zos na/ yi ga 'byed pa'i mchog yin no/ /de la rlung las gyur
 pa'i yig 'chus pa la ni/ ha re nu ka dang/ pi pi ling dang/ bi dang/ dang/ rwa sna dang/ rgyam tsha dang/ dong kwa dang/ sug smel dang/ ga bra'i rtsa ba dang/ nas tshig 'khus pa'i thal ba dang/ shang kun dang 'di rnams kyi phye mtshang gi dangs
 ma 'am/ yang na mar dang sbyar te btang ngo/ /yang na shu dag gi chus sman du sbyar ro/ /mkhris pa las gyur pa'i yi ga 'chus pa la ni bu ram dang chu sbyar bas khrus bya'o/ /yang na kha ra dang/ mar dang lan cha'i mchog dang sbrang rtsir
 sbyar ba'i lde gur sbyin no/ /bad kan las gyur pa'i yig 'chus pa la ni nimpa bskol ba'i chus slon bya'o/ /btung bar ni tingmu sa dang/ dong ka bskol pa'i chu 'am/ yang na sman rno ba dang sbyar ba'i a ri shTa'i chang ngam/ rgun chang ngam/
 sbrang chang rnams las gang yang rung ba blud do/ /yang na gong du bshad pa'i ha re nu dang/ pi pi ling la sogs pa'i phye ma chu dron po dang sbyar ba blud do/ /sug smel dang/ shing tsha dang/ na ga puShpa dang/ na la sham dang/ pi pi ling dang/
 bca' sga dang/ 'di rnams yas kyi rims bzhin du cha res skyed pa phyi mar byas la ci dang mnyam pa'i kha ra dang bcas pa zos na/ cham pa dang/ yi ga 'chus pa dang/ snying na ba dang/ lud pa dang/ dbugs mi bde ba dang/ mgul pa'i
 nad rnams 'joms so/ /la la bung dang/ da drid dang/ star bu dang/ bca' sga dang/ se'u 'bru dang/ rgya shug dang/ de rnams zho gnyis gnyis dang/ kha ra srang bzhi dang/ 'u su dang/ kha ru tsha dang/ go snyod dang/ shing tsha dang/ 'di rnams zho re re dang/ pi pi
 ling 'bru brgyad dang/ na le sham nyis brgya dang/ de rnams kyi phye mas ni yi ga 'phyed me drod skyed/ phyi sa 'gags ba dang/ lud pa dang/ snying ga dang/ rtsib logs su zug pa mcher ba dang/ gzhang 'gram dang/ pho ba'i nad sel to/ /bal bu'i lo
 ma dang/ na lo sham dang/ dod gra dang/ pi pi ling dang/ de rnams go rim bzhin du dang po'i cha res skyer pa dang/ shing tsha dang/ sug smel bal bu'i phye ma dang/ pi pi ling gi brgyad 'gyur gyi kha ra dkar po dang/ de rnams kyi phye ma ni/ yi ga 'chus
 pa dang/ me drod skyed pa dang/ lud pa dang/ dbugs mi bde ba dang/ zas yi gar mi 'ong ba dang/ skyug pa dang/ mcher pa na ba dang/ snying na nga dang/ rtsib logs su zug pa dang/ skya rbab dang/ rims dang/ 'khru ba
 dang/ nad de rnams las rgyal bar byed do/ /na ga puShpa srang phyed dang/ shing tsha dang/ sug smel zho gnyis gnyis dang/ ganda pa tra srang phyed dang/ de rnams kyi phye ma bu ram rnying pa srang nyi shu rtsa lnga dang lhan cig bskol ba zho
 gnyis tsam gyi ri lu byas te zos na phan yon gong ma dang 'dra'o/ /shing arga dang/ sle tres bsres pa'i thal ba chu dang bsres pa'i nang du/ nang nub gcig spangs te cham pa can la zan du byas te sbyin no/ /nad pa nyams stobs dang
 ldan pa yin na slon bya'o/ /slon byas pa'i 'og tu srog chags thang la gnas pa'i sha sman tshab dang kha ba sbyar ba thur ma la bsregs te/ skam pa dang yang ba'i zas btung ba ni sran ma tsa na ka la sogs pa yang sbyar ro/ /bad kan las
 gyur pa'i cham pa ni/ rlung gis bad kan bskyod pa yin te/ de bas na de la ni sman pa mkhas pas snum ba dang dro ba nyid kyis zhi bar bya ste/ cham pa'i nad gso ba dang/ skyug bro ba'i nad kyi gso ba dang mthun pas gang gi sbyor ba byas kyang
 phan no/ /khyad par du cham pa la ni/ lhag par snum bcos dang/ sku mnye dang dugs bsten par bya'o/ /dugs ni zan gyi lhan pa'i dugs bya ste/ sha khu dang snum dang/ lan tsha dang/ sman rnon po skur dang sbyar ba'i zan dugs kyis mgo dang mgul
 ba dang/ rtsib logs su na ba rnams la ni/ nad gzhi ji lta ba bzhin du gso ba'i cho ga de ltar bya'o/ /chu dang thang gnyis ka la gnas pa'i sha rnams lan tsha snum bzhi dang legs par dugs bya'o/ /bad kan dang mkhris par ldan pa'i nad la ni/
 shu ti dang/ shing mngar dang/ ru rta dang/ rgya spos dang/ tsan dan dar sbyar ba'i byug pa mar dang bcas pa'i bsku byug dang ldan pa ni nad pa la 'dod pa yin no/ /de bzhin du ba bla dang/ rwa sna dang/ til dang mar dang/ shing mngar dang/ utpa la
 sbyar ba'i phye ma gong ma ltar sbyar ba yang phan no/ /ba spru ba dang/ shi kru dang/ ba bla dang/ ram nye ba dang/ bi da ra dang/ de rnams yang gong ma bzhin du byug pa byas na yang de dang 'dra'o/ /de bzhin du klad pa dang/ rtsib logs dang/ mgul pa na ba la ni
 snang blugs pa dang/ du ba rdub pa dang/ zan zos pa'i 'og tu snum sbyin pa dang/ bsku bar 'os pa'i 'bru mar gyis bsku ba dang/ mas btang ba rnams phan pa'i cho ga bya'o/ /de bzhin du mgo dang rtsib logs su mgul pa na ba la ni/ nad gzhi ji lta ba
 bzhin du khrag dbyung ste/ rlung las ni rngabs rus bya'o/ /mkhris pa la ni srin bu pad+mas bya'o/ /bad kan la ni ku bas khrag dbyung ngo/ /gtar ba'i rma la shug pa dang/ bu shel tsi dang/ tsan dan btags pa'i phye ma mar dang sbyar ba 'am/ yang na
 dur ba dang/ shing mngar dang/ btsong dang/ na gA ge sar mar dang sbyar bas bsku ba 'am/ yang na n+ya gro d+ha'i sde tshan mar dang sbyar ba 'am/ yang na mar lan brgya chu dang bkrus pa 'am/ yang na 'o mas bkru ba 'am/ yang na shing mngar gyi
 chus bkru ba rab tu bsngags so/ /gcod chen po'i nad des me drod nyams te shas cher be'u snams dang bcas te 'khru bar gyur na ni/ pho ba'i nad kyi 'khru ba gso ba ji lta ba bzhin du byas na phan no/ /lus zungs zad de gcod chen po'i nad kyis
 sha skems par gyur cing phyi sa'i stobs nyi tshe yod pa la ni/ de nyid kyi stobs mi 'gyur bar bsrung bar bya'o/ sha nye tshe ran par zos la de'i 'og tu btung ba ni rgun chad blud do/ /gcod chen po'i nad la mi bshad pa phyir mi 'byung bar bsdams
 kyang nang du gnod par mi 'gyur ro/ /gcong chen po la ni bsha'i bza' ba dang/ rgun chang dang/ chang gi snying po dang/ a riSh+Ta'i chang dang/ sbrang chang dang/ 'di rnams gang rnyed pa blud na phan/ /rtsa'i rgyun 'gags pa sbyad ba dang
 nyams stobs dang/ gzi mdangs bskyed par bya ba'i phyir lus snum gyis bskus la/ shing sgrom gyi nang du snum nyi tshe 'am/ 'o ma 'am cha gang yang rung ba chu dron pos bkad la de'i 'og tu lus sbyang ngo/ /de nas phyir byung ste bde bar
 'dug pa la mar dang til mar bsres pas lus bsku byug byas la lag pas dal gyis mnyes te/ bag phye'i lde gus dril bar bya'o/ /de nas yang dzi ban+te dang durba dang/ btsod dang/ ba spru ba dang/ shang sha g+hand+ha dang/ a pa marga dang
 agna man+tha dang/ shing mngar dang/ ba bla dang/ bi da ri dang/ yungs kar dang/ gla sgang dang/ 'bras dang/ zar ma dang/ mon sran gre'u dang/ til dang/ phabs dang/ 'di rnams cig car btags te/ sman spyi'i sum 'gyur gyi nas phye dang zho dang
 sbrang rtsi dang de lhan cig sbyar ba'i lde gus lus dril te/ bskus na nyams brta zhing sha skye la mdog bzang bar 'gyur ro/ /yungs kar btags pa'i phye ma dang/ dzi ban+te'i sde tshan dang/ spos dri zhim po'i khrus rtsi bcug la dus dang mthun
 pa'i chus khrus byas la/ de'i 'og tu me tog dri zhim po'i phreng ba la sogs pa dang rgyan sna tshogs kyis brgyan te/ brten pa la sogs pa byas na bkra mi shis pa la sogs pa 'joms so/ /gzhan yang gcod chen po la ni/ gnyen
 bshes yid du 'ong ba blta ba dang/ glu dang sil snyan rnams snyan pa dang/ mar dang 'o ma dang bcas pa'i 'jam rtsi mas btang ba dang sha dang sna tshogs bsten pa dang/ lha la mchod pa dang/ gtor ma btang ba dang/ bkra shis dang/ sbyin
 srog la sogs pa byas pa dang/ de bzhin du srid srung gi rig byed las 'byung ba'i mchod pa yang 'dir sbyar ro/ /gso ba'i gnas las gcong chen po gso pa'i le'u ste lnga pa rdzogs so// //de nas rtag tu slon pa'i nad dang snying nad gso ba
 dang skom pa'i nad gso ba'i le'u bshad par bya'o/ /slon pa'i nad ma zhu ba'i gnas nas phal cher 'byung ste/ rlung las gyur ba ma gtogs par dang po smyung ba byas na phan no/ /de la nad phal cher g.yos te rtag tu mang du slon zhing nyams stobs
 dang ldan pa la ni skyugs sman btang bar bya'o/ /de'i 'og tu rims kyis snying la phan pa'i bkru sman rgun chang la sogs pa 'am/ rgun 'brum la sogs pa 'bras bu'i khu ba gang yang rung 'o ma dang lhan cig btang bar bya ste/ nyes nga gyen
 du 'byung ba rnams thur du bkru bar bya'o/ /nyams stobs chung ba la ni rtsub pa'i sman 'bras yos kyi thug pa la sogs pas zhi bar byed do/ /de nas zas shin tu bska ba zhim zhing yi gar 'ong ba ran par bza' ba dang/ myung ba bya ba ni rab tu bsngags so//
 man sran sde'u la sogs pa brngos pa'i yu sha dang/ til brngos te cham chom brdungs la chu dang lhan cig spangs te skyur por gyur pa am+bi pa la ka zhes bya ba/ la phug skam po dang/ shing tog lci la sogs pa'i skam po cham chom brdungs
 te/ chu nang du spangs pa skyur por song ba ni kha la zhes bya ste/ 'di rnams zas dang lhan cig bza' o/ /tshod ma ni mdo'i gnas su bstan pa rnams dang/ lhag pa dang/ nar ma'i zas dang/ btung ba dri sna gsum chu dang bskol ba'i nang du sbrang rtsi btab  
 pa dang/ yang na dri gsum chu'i nang du bskol ba'i se'u yis btab pa'i btung ba dang/ bag chos la byas pa'i khu ba sna tshogs legs par smin pa la thu la sogs pa dang/ gzhan yang ma do'i gnas su bstan pa'i 'bras bu rnams dang/ dri
 zhim po dang sbyor ba'i chus lus bkru ba dang/ rgya mtsho'i dbu ba la sogs pas lus kyi bdar bya ba dang/ zos zos pa'i 'og tu 'phral la gdong du chu grang mos gtor zhing dri zhim po dang ldan pa ste/ de yang
 me tog dang 'bras bu dang bza' ba dang btung ba las byung ba dri zhim pos kyang bdug par bya'o/ /de ltar bstan pa'i rim pa ni skyug sman gyi cho ga spyir bstan pa yin no/ /de la rlung las gyur pa'i rtag tu skyug pa'i nad la ni mar khu
 dro 'jam tsam rgyam tsha dang ldan par 'thungs na phan te/ khyad par du lud pa dang snying 'dzag par 'gyur ro/ /yang na tsha ba gsum dang sbyar ba'i mar dang/ lan tsha rnam gsum dang ldan par bza' ba dang/ bal po se'u sbyar ba'i
 mar khu blud na/ rlung las gyur pa'i skyug pa'i nad sel to/ /yang na zho dang mar bsres pa'i nang du 'u su dang bca' sga btab pas blud na phan yon gong ma dang 'dra'o/ /gong du smos pa'i cho ga spyir smos pa ni thams cad la sbyar bar
 bya'o/ /yang na chu dang 'o ma cha mnyam pa 'thungs na/ skyug pa'i nad rlung las gyur pa sel to/ /bye ba skyi ri zhes bya ba khyim bya la sogs pa'i sha khu bal po se'u la sogs pa skyur ba dang ldan pa'i nang du rgyam tsha dang mar shas cher  
 btab te blud na yang/ rlung las gyur pa'i skyug pa'i nad sel to/ /bza' ba ni snum dang ldan zhing bca' sga dang zho dang bal po se'u dang rgyam tsha dang bcas par sbyar ba'i dron po bza' bar bya'o/ /rlung las gyur pa'i skyug pa'i nang
 'di la ni/ seng 'phrom la sogs pa'i bkru sman dang lan tsha dang bcas pa'i dro 'jam tsam btang na zhi bar byed do/ /de la skyug pa'i nad mkhris pa las gyur pa la ni rgun 'bru dang bu ram shing la sogs pa rang rang gi khu ba'i nang
 du dzi bi tsa dang/ sbyar ba'i bkru sman btang bar bya'o/ /yang na seng phrom mar dang sbyar ba'i bkru sman btang ngo/ /mkhris pa las gyur pa'i skyug pa'i nad snying stobs su 'gyur te/ bad kan gyi gnas su gyur pa la ni slon sman mngar ba dang kha ba
 rnams kyis gyen du drang ngo/ /de ltar slon sman gyis lus dag par byas nas/ skyo ma dang thug pa chu'i nang du sbrang rtsi dang sha kha ras btab pa blud do/ /bza' ba dang 'bras drug cu pa'i chan sran mung+ga srog chags thang la skyes pa'i sha khu dang
 legs par sbyar ba'i chod ma dang lhan cig bskol/ btung ba'i sro bag bsregs nas mdog dmar por song ba dang/ chu grang gi nang du bcug la so phag phyir phyung ste bsgrangs pa'i chu blud do/ /yang na sran mung+ga dang/ bu shel tsi dang/
 pi pi ling dang/ 'u su 'di rnams chu dang lhan cig khang pa'i phyi rol tu nub cig chu dang spangs la bzhag ste/ de nas blud na mkhris pa las gyur pa'i skyug pa'i nad sel to/ /yang na rgun 'bru dang/ bu ram shing dang/ sle tres dang/ de rnams
 gang yang rung ba'i khu ba blud na/ skyug pa'i nad mkhris pa las gyur pa sel to/ /yang na shing 'dzam+bu dang/ a mra'i lo ma dang/ u shi ra dang/ n+ya gro d+ha'i sa bon 'bus pa dang/ myu gu dang 'di rnams cham chom brdungs te/ chu dang lhan
 cig bskol la bsgrangs pa dang sbrang rtsis btab te 'thungs na/ skyug pa'i nad dang/ rims dang/ 'khru ba dang/ brgyal ba dang/ skom dang che ba dang/ 'di rnams 'byang dka' ba'i yang nad sel bar byed do/ /yang na skyu ru ra'i khu ba tsan dan dang
 lhan cig bskol te btung ba 'am/ sran mung+ga btags pa chu dang sbyar ba btung ngo/ /rgya shug gi tshig gu dang/ kha ra dkar po dang/ 'bras yos dang/ sbrang ma'i rtug pa dang/ pi pi ling dang/ dngul rngo dang/ 'di rnams kyi phye ma sbrang rtsi dang sbyar ba'i
 lde gu 'am/ a ru ra dang/ rgun 'bru dang/ rgya shug dang/ sbrang rtsi dang sbyar ba'i lde gu byin na mkhris pa las gyur pa'i skyug pa'i nad la phan no/ /de la bad kan las gyur pa'i skyug pa'i nad la ni/ nimpa dang/ pi pi ling dang/ bo
 son cha dang/ 'di rnams kyi slon sman chu dron po dang sbyar ba btang ngo/ /nyams stobs chung na ni smyung ba nyi tshe bya'o/ /yang na dong ka la sogs pa'i sde tshan bskol ba bsgrangs pa'i nang du sbrang rtsis bcug ste/ bad kan las gyur pa'i slon nad can
 la blud do/ /yang na phye'i skyo ma 'am/ skyugs pa'i nad 'joms pa'i sman 'bras yos dang/ rgya shug skyur po dang/ bal po se'u la sogs pa btags te bskol ba'i khu ba'i nad du nas brngos te phyer byas la skyo ma blud do/ /bza' ba ni yi gar
 'ong pa rgun 'bru la sogs pa dang sbyar ba sman zim thig le dang 'bu srin dang bcas par sbyin no ldong ngos dang/ pi pi ling dang/ na le sham btags pa'i phye ma skyur rtsi chen po 'am/ ka pi ta'i khu ba gang yang rung ba'i nang du btab sta
 sbrang rtsi dang/ sbyar ba'i lde gu byin na/ bad kan las gyur pa'i skyug pa'i nad sel to/ /yang na ka pat+ti dang/ tsha ba gsum sbyar ba 'am/ byi tshor ba sbrang rtsi dang sbyar ba zos na/ bad kan las gyur pa'i skyug pa'i nad sel te/ /blo bur du
 yul rme ba 'am/ mi gtsang ba mthong ste/ yang nas yang du skyug pa la ni yid dang rjes su mthun par yid du 'ong ba dang spyod pa dang dga' ba bskyed pa la sogs pa bya'o/ /srin bu las gyur pa'i slon pa'i nad ni srin bu gso ba dang/ snying nad gso
 ba'i skabs su ji ltar bshad pa bzhin du sman gyis gso par bya'o/ /skyugs pa'i nad lhag ma skom pa dang/ ma zhu ba dang/ snying nad la sogs pa las gyur pa la ni rang rang dang mthun pa'i sman rlung nad gso ba'i skabs su bshad pas zhi bar bya'o//
 gzhan yang yang nas yang du skyugs te/ lus zungs rnams zad cing rlung 'khrugs par gyur pa la ni thog mar skyugs sman gyi cho ga bzhin du lus zungs rnams 'phel zhing rgyas pa dang ma skyugs par bya ste/ de yang mar dang/ bu ram dang/ sha khu dang
 dge ba'i sman mar dang/ tsha ba gsum gyi sman mar dang/ 'tsho byed sde bcu'i mar dang/ 'o ma dang/ lde gu gang yang rung ba rnams bsten na shin tu mi bzad pa'i skyug pa rnams sel to/ /snying nad gso ba de la rlung las gyur pa'i snying nad la ni zho
 ga chu dang/ rtsa bas skyur po dang/ dar ba 'di rnams gang yang rung ba dang/ til mar dang sbyar ba'i nang du lan tsha nag po btab ste dro 'jam tsam blud na snying nad dang/ skran dang/ lbo ba'i nad las rgyal bar byed do/ /yang na til mar dang/ lan tsha dang/ gcin
 dang/ skyur po dang/ 'di rnams chu dang lhan cig bskol te/ til mar nyi tshe lud pas 'thungs na phan yon gong ma dang 'dra'o/ /yang na bilba'i shing dang/ ra sna dang/ nas dang/ rgya shug dang/ thang shing gi 'bras bu dang/ ba spru ba dang/ rgya sran dang/ rtsa ba lnga
 dang/ 'di rnams cham chom brdungs te chu dang til mar dang tshul bzhin du bskol la/ chu du til mar 'ba' zhig lus pa dang/ de las btung ba dang/ 'jam rtsi mas btang pa dang/ snar blugs pa byas na snying nad sel to/ /yang na bca' 
 sga dang/ bye'u rug pa dang/ rgyam tsha dang/ kru trug tres dang/ shing kun dang/ ma nu dang/ a ru ra dang/ 'di rnams cham chom brdungs te bskol ba'i khu ba dang/ mar dang mar gyi bzhi 'gyur gyi chu dang bskol la/ mar 'ba' zhig lus pa dang/ de
 las ran par 'thungs na/ rtsib logs na zhing gzer ba dang/ skran dang 'di rnams 'joms so/ /yang na kha ru tsha srang gnyis dang/ a ru ra srang lnga dang/ 'di rnams cham chom brdungs te/ gong ma bzhin mar dang sbyar ba 'thungs na/ snying nad dang/ rtsib
 logs na ba dang/ skran dang dbugs mi bde ba sel to/ /yang na se'u 'bru dang/ kha ru tsha dang/ shing kun dang/ star bu dang 'di rnams kyi phye ma chu dron po dang lhan cig 'thungs na/ rlung dang snying na da dang/
 dbugs mi bde ba rab tu zhi bar byed de rab tu bzang ngo/ /yang na push+ka ra mu la zur pa dang/ bca' sga dang/ skyur tsi chen po'i rtsa ba dang/ a ru ra dang/ 'di rnams phye mar bya ste/ ya baksha ra dang/ skyur dang/ lan tsha dang ldan par
 bya ba 'am/ chu dron gang 'byor ba dang sbyar ba 'thungs na/ snying bcad pa snyam byed cing zug pa rnams la phan no/ /yang na la la pud dang/ rgyam tsha dang/ ya baksha ra dang/ shu dag dang/ go snyod dang/ bca' sga dang/ thang shing dang/ skyur
 rtsi chen po dang/ plak+Sha dang/ zur ba dang/ ma nu 'di rnams bskol ba'i khu ba 'jam tsam 'thungs na phan yon gong ma dang 'dra'o/ /yang na tsha ba lnga dang/ zur ba dang a ru ra dang/ bu ram dang bi dzu ra dang/ ma nu 'di rnams kyi phye ma chang
 dang sbyar ba til mar dang mar bskol ba'i nang du blugs la lan tsha dang ldan par 'thungs na/ snying nad dang/ rtsib logs na ba dang/ mo mtshan rnams su zug pa dang/ skran dang/ dmu rdzing rnams la phan no/ /yang na rlung las
 gyur pa'i snying nad la ni/ snum chos dang dugs bya ba'i sman sbyin no/ /rtsa ba lnga pa chung ngu cham chom brdungs te chu dang bskol ba 'am/ yang na bca' sga bskol ba'i btung ba dro 'jam tsam blud do/ /yang na chang ngam rtsa bas skyur po
 dang 'di dag rnams skom du blud do/ /rlung gis snying gzer zhing 'gul pa dang dbugs bsdams pa snyam byed pa dang/ ma zhu ba yod pa rnams la yang gso ba gong ma ltar bya'o/ /snying 'dzag pa dang/ gcin nad dang rlung las gyur
 pa'i snying nad la ni/ snum mang po dang/ sreg pa dang/ khrung khrung dang/ rma bya dang/ co ga dang khyim bya dang/ de rnams kyi sha khu byin na phan no/ /yang na ba bla'i sman mar rlung nad gso ba'i skabs su bshad pa btung ba 'am/ su ku ma ra'i sman mar
 khong 'bras gso ba las 'byung ba 'am/ yang na shing mngar lan brgya btsos pa'i sman dregs nad du bshad pa'i snying nad can la sbyar bar bya'o/ /yang na snum chen po'i mchog ces bya ba'i sman mar sbyar bar bya ste/ rwa sna dang/ dzi ba ka dang/ dzi
 ban+ti dang/ ba la dang/ kaN+Ta kA ri dang/ ba spru ba dang/ ga bra'i rtsa ba dang/ s+thi ra zhes bya ba sa la par+Ni dang/ shu dag dang/ tsha ba gsum dang/ 'di rnams cham chom brdungs pa dang/ snum chen po bzhi cha mnyam pa dang/ de'i bzhi cha'i zho dang/
 rtsab mo dang/ zho ga chu skyur po dang/ dar ba skyur po dang/ chang dang skyur po gang rnyed pa snum chen po gcig gi bzhi 'gyur dang/ skyur lnga spyi dang mnyam pa'i chu dang cig bskol te/ mar nyi tshe lus pa dang/ de las rtag tu bsten na/ tshim par
 byed pa dang/ lus 'phel zhing rgyas par bya ba dang/ stobs bskyed cing rlung las gyur pa'i snying nad 'joms so/ /rlung las gyur pa'i snying nad me drod che ba dang/ snying 'dzag pa dang/ 'phar pa la ni 'o ma dang/ zho dang/ bu ram dang/ mar dang/ chu
 na gnas pa dang/ khyim na gnas pa'i phyugs kyi sha rnams zos shing 'thungs na phan no/ /rlung las gyur pa'i snying nad ma gtogs pa lhag ma'i snying nad bzhi la ni gong ma'i snum gyi cho ga sbang bar bya'o/ /rlung las gyur pa yin na yang gal
 te snying bsdam pa snyam byed ba'i nad dang/ zas yi gar mi 'ong ba lta na yang snum gyi cho ga spang ngo/ /de rlung las gyur pa'i snying nad bad kan dang 'dres pa yin na ni rtsub pa dang dro ba'i gso ba bsten pa yin no/ /de la mkhris pa las gyur pa'i
 snying nad la ni rgun 'bru dang/ bu ram shing gi khu ba dang/ kha ra dkar po dang/ sbrang rtsi dang pa ru sha rnams las gzhi blangs pa'i bkru sman btang bar bya ste lus dag pa dang 'dod pa'i thug pa la sogs pa rims
 kyis mkhris pa 'joms pa sbyin no/ /glo 'grams pa dang/ mkhris pa rims kyi gso ba bshad pa bzhin du lus kyi phyi rol sku byug dang/ nang nas bkru sman gyi sbyor ba 'dir bya bar bshad de/ pu tse shel dang/ shing mngar
 btags te chu dang sbyar ba khar btab te 'thungs na/ mkhris pa las gyur pa'i snying nad sel to/ /yang na rwa sna dang/ sha kha ra dang/ rgu 'brum dang/ dzi ba ka dang/ zangs rtsi ba dang/ utpa la dang/ ba la dang/ bra go dang/ ram nye ba
 rnam gnyis dang/ me da rnam gnyis dang/ 'di rnams ma he'i mar dang/ 'o ma chu dang tshul bzhin du sbyar ba'i mar 'thungs na/ mkhris pa las gyur pa'i snying nad sel to/ /yang na pra puN+Da rI ga dang shing mngar dang/ pad+ma'i rtsa
 ba'i mdung pa dang/ bris na dang/ bca' sga dang/ nya lcibs dang/ 'di rnams 'o ma dang lhan cig bskol na mar lus pa dang btsags te bsgrangs pa'i nang du sbrang rtsis btab te 'thungs na rab tu bsngags so/ /yang na dang ba'i sman gyis
 sde tshan mar dang gong ma bzhin bskol te 'thungs nas/ mkhris pa las gyur pa'i snying nad sel to/ /yang na til mar dang tshul bzhin bskol te/ bsgrangs pa'i nang du sbrang rtsi btab ste/ 'jam rtsi mas btang bar bya'o/ /de la bad kan
 las gyur pa'i snying nad la ni thog mar dugs bya ste/ de'i 'og tu ni sba dang/ shu dag bskol ba'i skyugs sman btang ngo/ /kha zas ni nas g.yos su byas te sbyin no/ /tshod ma ni rgya sran gyi khu ba dang/ srog chag thang la gnas pa'i khu
 ba rung ngo/ /skom du ni chang rnon po blud do/ /shu dag dang/ shing kun dang/ lan tshwa rnam gnyis dang/ dong gra dang/ sug smel dang/ pi pi ling dang/ nas tshigs 'khus pa'i thal ba dang/ 'di rnams kyi phye ma chu dro 'jam tsam/ yang na rgya shug
 skyur po la sogs pa 'bras bu'i chu 'am/ 'u su'i rang skyur ram/ rgya sran gyi yu sha 'am/ ba gcin nam/ a sa wa'i btung ba 'am/ 'di rnams gang yang rung ba las skyo mar byas te/ blud do/ /su skar ra ma la dang/ a ru ra dang/ plak+Sha dang/
 bca' sga dang/ zur ba dang/ rA sna shu dag dang/ pi pi ling dang/ 'di rnams tshul bzhin bskol ba'i khu ba blud na phan no/ /a ru ra dang/ bca' sga dang/ bong nga dkar po dang/ pa Ta ta drug dang/ katpa la dang/ 'di rnams chu dang bskol te btang na
 phan yon gong ma dang 'dra'o/ /ro hi ta dang/ seng ldeng dang/ a shwad da ka dang/ u dum+ba ra dang/ a dzu na dang/ n+ya gro d+ha dang/ 'di rnams bskol ba'i khu ba'i nang du/ tsha ba gsum dang/ dri bi tsa btags pa'i phye ma btab te lde gur byas na bzab
 ba 'am/ yang na tsha ba gsum dang dur byid kyi phye ma chu dang sbyar te btang ba 'am yang na chu dron dang lde gur byas pa zos na bad kan las gyur pa'i snying nad sel to/ /bad kan las gyur pa'i skran gso ba'i skabs las 'byung ba'i thal sman
 gyi sbyor ba dang/ sman mar 'di yang sbyar te blud do/ /brag zhun gyi cho ga dang tshangs pas bshad pa'i bcud kyis len gyi cho ga yang 'dir sbyar ro/ /de bzhin du skyu ru ra'i lde gu 'am/ drang srong ri Shis bshad pa'i lde gus yang skabs 'dir
 sbyar ro/ /skyes bu gang zos ma thag snying gi phyogs su zug gzer skye zhing kha zas 'ju ba bzhin du zug gzer chung ba ltar byed na ru rta dang/ bi dang ga dang/ lan tsha rnam gnyis dang/ seng phrom dang/ thang shing dang/ bong nga dkar po dang/ 'di rnams
 kyi phye ma chu dron dang sbyar ba blud na zhi bar byed do/ /de yang sngon gyi slob dpon dag na re/ gong gi sman zho gnyis chu srang gsum dang bskol te blud do zhes zer ro/ /kha zas zhu ba'i 'og tu rtag tu zug gzer skye ba la
 ni/ snum pa'i sman bkru sman nam/ 'bras bu'i bkru sman nam/ rtsa ba'i bkru sman rnon po btang ngo/ /de la snum pa'i bkru sman ni seng phrom dang/ ni li ni dang/ e raN+Ta'i mar rnams so/ /'bras bu'i bkru sman ni sa bta la dang/ sha khi ni dang
 dan+ti'i 'bras bu dang/ raM ban+ti dang/ gir+Ni kar+Ni kar dang/ rgun 'bru dang/ bra go dang/ bi dang ga dang/ mu ra dang/ dong kra dang/ 'bras bu gsum dang/ ka pi la rnams so rtsa ba'i bkru sman ni dan+ti dang/ khron bu dang 'di dag go /ma zhu ba'i gnas
 na rlung phal cher 'khrugs te/ zas rgyu ba'i lam bkag nas na ba la ni de dang rjes su mthun par slon khrus kyis lus dag par bya ba dang/ smyung bar 'dug pa dang/ ma zhu ba'i smin pa'i sman rnams kyis zhi bar bya'o/ /srin bu las
 gyur pa'i snying nad la ni srin bu 'joms pa'i sman thams cad kyis gso bar bya'o/ /skom pa'i nad gso ba'i skom dang che ba'i nad thams cad la phal cher rlung dang mkhris pa 'joms pa'i sman thams cad bsngags so/ /de bzhin
 du sgom pa thams cad la phyi nang gnyis ka nas bsil ba'i cho gas lus dag pa dang zhi bar bya'o/ /yang na char pa'i chu grang mo 'am/ chu mig las byung ba'i chu dang sbrang rtsi dang sbyar ba 'thungs na phan no/ /yang na bong nga 'am/ bye ma laM
 gyi du ma gang rung ba bsregs pa chu nang du bcug la dangs par gyur pa dang blud do/ /yang na rtsa ba lnga bskol ba bsgrangs pa'i nang du sha kha ra btab pa 'am/ yang na rtswa dur ba la sogs pa'i rtswa'i rtsa ba lnga ba chung ngu dang bskol ba'i nang
 du sha ka ras btab pa 'thungs na rab tu sngags so/ /yang na 'bras yos la sogs pa'i phye chu dang skyo mar byas te blud do/ /nas khral khrol tsam dus te chan du byas pa'i nang du sbrang rtsi dang sha kha ras btab pa zos na skom dang che ba
 la phan no/ /de bzhin du nas dang 'bras dang/ khre rgod rnying pa gang yang rung ba 'o ma dang thug par byas pa'i nang du kha ra dang sbrang rtsi btab pa 'thungs na rab tu bsngags so/ /skom dang che ba'i nad yod pas ni thog mar chu grang gis
 lus bkrus la/ de'i 'og tu bsil ba'i sman thams cad bskol ba'i khu ba dang/ 'o ma las gzhi blangs pa'i bza' ba grang mo'i nang du sbrang brtsi dang sha ka ras btab pa sbyin no/ /yang na srog chags thang la skyes pa'i sha
 khu'i nang du mar bskol bcug la lan tsha dang skyur med par bya ste/ bza' ba dang lhan cig sbyin no/ /yang na sran mung+ga la sogs pa'i bsil ba'i nus pa dang ldan pa dang/ 'tsho byed lde bcu las bzhi blangs pa'i g.yos su byas pa
 la yang/ rab tu bsngags so/ /gzhan yang 'o ma bsrubs pa'i mar sar ram/ sman bsil bag bskol ba'i khu ba 'am/ yang na bu ram shing gi khu ba gang yang rung ba snar blugs pa yang rab tu bzang ngo/ /mdo'i gnas su bstan pa'i mkhur
 bar bcad pa'i sman 'o ma dang/ bu ram chang dang/ kha ra'i khu ba la sogs pa yang kha skam pa dang skom dad che ba la phan te/ mkhur bar bcad do/ /gzhan yang tsha ba'i rigs la ji ltar rigs pa dang bsku ba smos pa'i 'dir yang sbyar ro/ /mya
 ngan dang mi dga' ba spangs te sems bde bar 'gyur ba'i bag bsten to/ /mtsho chen po dang mtsho chung ngu la sogs pa nyams su dga' ba bsten pa 'am/ dran du gzhug go /de dag ni skom dad kyi cho ga spyir bstan pa yin no/ /de la rlung las
 gyur pa'i skom dad la ni zho bu ram dang sbyar ba bsngags so/ /yang na lus nyams bskyed cing bsil ba'i nus pa dang ldan pa'i sman sha khu dang lhan cig sbyar ba 'am/ yang na bi da ra'i sde tshan bskol ba bsgrangs pa
 'thungs na yin no/ /mkhris pa las gyur pa la ni u dum+ba ra bskol ba'i khu ba'i nang du kha ra dkar po 'thungs na phan no/ /yang na u dumpa ra bskol ba'i khu ba bsgrangs pa'i nang du sha kha ra btab pa btung ba 'am/ yang na thal tres kyi sde tshan
 bskol ba'i khu ba'i nang du kha ras btab pa btung pa 'am/ de bzhin du pa ru sha ka dang sle tres la sogs pa'i sde tshan bskol ba'i khu ba'i nang du sha kha ra dang sbrang rtsi btab pa yang de dang 'dra bar blta'o/ /yang na mngar ba'i sman rgun 'bru
 la sogs pa bskol ba'i khu ba'i nang du shing 'o ma can n+ya gro d+ha la sogs pa btab ste bskol ba'i khu ba'i nang du sha kha ra dang sbrang rtsi btab pa sbyin no/ /yang na skyur rtsi chen po dang/ rgun 'bru'i lcug ma dang/ n+ya gro d+ha dang/ lcang ma dang/ 'di
 rnams kyi lo ma dang/ ku sha dang sha ka la sogs pa rtsa ba'i rtsa ba lnga dang/ shing mngar dang/ 'di rnams bskol ba'i khu ba 'am/ yang na rims nad gso ba'i skabs su bshad pa'i snying po lnga'i sman rgun 'bru la sogs pa bskol ba 'am/
 sbyor ba de dag yang rung ba blud na/ mkhris pa las gyur pa'i skom dang sel to/ /bad kan las gyur pa'i skom pa la ni thog mar nimpa bskol ba'i khu ba blud de gzhug go /yang na bilpa dang/ 'u su dang/ rtsa ba lnga ba chung ngu dang/ dar ba dang/ tsi tra ka
 dang/ 'di rnams chu dang bskol ba'i khu ba blud do/ /yang na chu dang bskol ba'i khu ba'i nang du sbrang rtsi dang sha kha ras btab pa 'am/ yang na mung+ga dang/ pa to la dang/ nimpa rnam gnyis kyi lo ma bskol ba'i khu ba'i nang du tsha pa
 gsum gyi phye mas btab pa btung ngo/ /gzhan yang nas la byas pa'i zan dang/ sman gyi khu ba mkhur bar bcangs pa dang/ sman sna nas btang ba dang/ lde gu la sogs pa'i sman tsha ba'i bag dang bcas pa sbyin no/ /ma zhu ba dang bcas pa'i
 skom dang tshe ba'i nang la ni gong du smos pa'i sbyor ba rnams bya ste/ khyad par du skyug sman gyis zhi bar bya'o/ /de bzhin du sbyor ba gzhan yang tsha ba gsum dang go bye dang/ shu dag dang/ 'di rnams kyi phye ma bal bo se'u'i? khu ba 'am/ chu
 dron nam zho ga chu gang yang rung ba dang sbyar te btang na/ skom dang ma zhu ba dang bcas pa zhi bar byed do/ /gal te nad pa zas stobs chung na zas shin tu sla ba dang/ skyo ma gang rung dus tshod dang sbyar te btang ngo/ /nga la bas skom dang skyes pa la
 ni sha khu 'am sha kha ra dang sbyar ba'i skyo ma blud do/ /tsha bas skom dang skye ba la ni nas kyi phye 'am/ rgya shug gi phye ma'i skyo ma kha ra dang sbyar ba blud do/ /yang na til gyi tshigs ma btags te rang skyur dang sbyar bas lus thams cad bskus na tsha ba
 'jil lo/ /lus khrus byas pas skom dang skyed pa la ni chang ngam chus bsres pa 'am/ yang na bu ram chu blud do/ /chang 'thungs pas skom dang bskyed pa la ni chu chang dung phye mar bsres pa blud de/ de nas lus khrus byas la zas skyur dang lan tsha
 dang ldan par sbyin no/ /snum pa dang ldan pa'i zas snong ches pa zos pa ni me drod skyes te skom dang byung ba la ni chu rang bzhin gyis grang ba sbyin no/ /snum ma zhu ba las skom dang skyes pa la ni chu dron po sbyin no/ /snum zhu nas skom dang skyes
 pa la ni thug pa gar po blud do/ /snum dang ldan pa'i zas zos pa las skom dang skyes pa la ni snod nang du kha ba bcug la/ de'i steng du bu ram dang chu blugs bzhin du btung ngo/ /zas lci ba zos pa las skom dang skyes pa la ni/ /chu dron
 po blud de skyug du gzhug go /glo gcod zad byed kyi skom dang skyes pa ni/ glo gcod la phan pa'i bza' pa dang/ btung ba dang nyams stobs skyed pa'i sman thams cad 'dir sbyar ro/ /lus ring ba dang nyams stobs chung ba dang zas
 ?? pa ga zos pa las skom dang skyes pa la ni 'o ma 'am ra sha'i khu ba sbyin no/ /stong du byung pa'i rlung gi nyes pas skom dang skyes pa la ni/ lud pa zad byed la phan pa'i nad 'o ma dang sbyar ba blud do/ /nang gang yang rung ba'i rkyen gyis skom
 dang skyes pa la ni/ 'u su bskol ba'i khu ba'i nang du kha ra dkar po dang sbrang rtsi btab la blud do/ /gzhan yang skom dang nad gang las gyur pa brtags te/ de dang mthun par btung ba byin na shin tu bsngags so/ /gal te ma zhu ba las skom
 dang skyes te chu 'gags pa las lus sha zad par snang na de ni shi ba 'am yang na yun ring du na bar 'gyur te/ de la ni myur du ci 'dod pa'i bza' ba dang btung ba dang sman byin na de ma thag skom dang zhi bar gyur nad gzhan yang gso bar
 nus so/ /gso ba'i gnas las le'u drug pa rdzogs so// //de nas chad nad gso ba'i le'u bshad par bya'o/ /thog mar sman pas rlung la sogs pa'i nad gzhi gang shas che ba legs par brtags te dang po shas gang che ba gso bar bya'o//
 nad gzhi shas mnyam pa'i chang nang la ni/ dang po bad kan gso bar bya ste/ rims kyis mkhris pa dang rlung yang gso 'o/ /de ltar rims kyis gso ba ni dang po bad kan gyi gnas su 'khrugs cing/ de nas mkhris pa dang rlung yang 'khrugs
 pas de ltar bya'o/ /de la chang nyung ngu 'thungs pa dang/ yang na mang du 'thungs pa dang log par 'thungs pa las chang nad skye bar 'gyur te/ de la ni sngar chang gang 'thungs pa de nyid blud pas zhi bar 'gyur ro/ /chang dang dug gnyis ni rno ba la
 sogs pa'i nus pa mnyam par bshad mod kyi/ chang bas dug gi mthu ni shin tu che'o/ /chang mang du 'thungs pa la ni gang gi rang bzhin shin tu rno ba dang/ dro bar yang 'gyur ro/ /de'i 'og tu skyur zhing tsha ba bskyed de zas kyi bcung mi 'ju? ba 'am/
 yang na log par 'ju ste rul zhing myags par byed la/ de nas zhu phan chad ni me'i drod shin tu che ste/ bsregs pas zhu ba'i rjes ro kha ba dang/ lan tsha dang/ skyur ba la sogs par 'gyur te/ de las brgyal ba dang/ skom dang che ba dang/
 rmongs pa dang/ rims dang/ nang du tsha ba dang/ mgo 'khor bar 'gyur ro/ /chang 'thungs pa las bad kan 'khrugs te/ rlung rgyu ba'i lam bkag pa las ni shin tu mi bzad pa'i nad skyed de/ mgo dang rus pa dang tshigs rnams su na par 'gyur
 te/ de la ni chang 'thungs pa nyid kyis zhi bar 'gyur ro/ /chang nad de zhu ba'i mtshan ma ni bza' ba dang btung ba yi gar 'ong zhing lus yang bar 'gyur ro/ /de ltar chang nad zhi bar shes nas de'i 'og tu skyugs sman btang zin pa'i cho ga lus
 grub dang sna'i dud pa btang ba la sogs pa rnams 'dir sbyar bar bya'o/ /gong du zas kyi bcud tshig par gyur pa la ni skyur dang lhan cig zas zos par gyur na myur du ro mngar bar 'gyur te/ nyes pa 'ju bar byed pa'i nus pa dang ldan pa'i mchog
 yin no/ /chang gi yon tan rno ba dang dro ba la sogs pa'i nad gzhi'i gnas su bstan pa dang/ drod skyed pa la sogs pa ni mdo'i gnas su bstan pa yin te/ 'on kyang goms pa'i dbang yin pas chang ni lus zungs snyoms par byed pa'i mchog yin
 no/ /chang 'thungs te 'ju ba'i 'og tu nad 'phral mi snang yang phyis lam gzhan nas bsten nas btang ste/ de la ni zhag bdun nam brgyad kyi bar du sman gyis gso'o/ /gal te de dag tu ma gsos na ni nad cher 'phel te tshabs cher skyes pa
 yin pas de la ni ji ltar chang nad la sbyar ba'i sman gyi sbyor ba rnams bya'o/ /de la rlung las gyur pa'i chang nad la ni skyur rtsi chen po dang/ da tri ka dang/ rgya shug gi 'bras bu dang/ se'u 'bru dang/ za we dang/ la la
 bud dang/ spa ma'i 'bras bu dang/ tsha ba gsum dang/ sge'u gsher dang lan tsha rnam gsum dang/ 'di rnams kyi phye ma zan chang dang sbyar ba btung zhing thur ma la bsregs pa'i shi dang/ snum dang bcas pa'i zan ha mri ta ka'i tshod ma dang
 bcas pa sbyin no/ /yang na sha gtsang ma'i khu ba skyur ba dang lan tsha dang/ snum dang bcas pa byin na phan no/ /yang na sha pa'i skyur po rgun 'bru dang/ mdog dmar por btsos pa dang/ a mra dang/ a mra ta ka'i 'bras bu bshags
 pa'i nang gis nar nar po dang sbyar ba bza' o/ /gro dang sran ma sha la byas pa'i g.yos yi gar gang 'ong ba sbyin no/ /sge'u gsher bshags pa dang/ sha khu skyur po dang sbyar ba'i zas sbyin no/ /btung ba ni chang legs par smin pa
 lan tsha dang dri zhim pa dang sbyar ba blud do/ /yang na rtsa ba chung ngu lnga bskol ba'i khu ba 'am se'u 'bru'i khu ba blud na/ rlung las gyur pa'i chang nad sel to/ /yang na bca' ska dang 'u su bskol ba'i khu ba 'am/ de bzhin du zho ga
 chu 'am/ tshwa 'am/ chu 'am/ rang skyur ram gang yang rung ba blud do/ /gzhan yang til mar la sogs pas lus bsku byug bya ba dang/ dril ba dang/ bkru ba dang/ gos dron po bgo ba dang/ a ga ru'i bdug pas bdug pa dang/ a ga ru dang/ gur kum gyi byug pa dang/
 bud med lang tsho la bab pa nu ma dang brla dang/ sta zur rnams mdzes shing lus kyi yan lag drod skyed pa dang ldan pa dga' ba bskyed nus pa snyug pa dang lhan cig 'byung pa dang thang sbyar zhing/ bsku mnye la sogs pa bde ba'i
 bya ba skyes bu'i yid bzhin du byed pa dang/ bsten par bya'o/ /mkhris pa las gyur pa'i chang nad la ni chu mang po sbrang rtsi 'am sha kha ra btab pa blud de/ /yang na zan chang bzang po'i nang du se'u 'bru dang/ bra go dang/ ba bya dang/ rgun
 'brum dang/ pa ru sha 'di rnams kyi khu ba dang bsres la bsgrangs pa'i nad du phye dang sha kha ras btab pa blud do/ /yang na sman mngar pa'i sde tshan rgun 'bru la sogs pa bskol ba'i khu ba bsgrangs pa'i nang du chad dang sbrang rtsi btab
 pa blud na mkhris pa las gyur pa'i chang nad sel to/ /zas su 'bras drug cu pa dang ri bong dang gong mo sreg gi sha dang/ ha re nu ka dang/ sran mung+ga dang/ skyu ru ra dang/ pa to la dang/ se'u 'bru dang/ 'di dag g.yos su byas pa sbyin no//
 bad kan dang mkhris pa 'dres pa'i chang nad skom dang che zhing lus tsha bar gyur pa la ni chu grang mo dang chang mang du sbyar ba 'am/ yang na chu grang dang bu ram chu sbyar ba blud la skyug tu gzhug go /de'i 'og tu skyo ma la sogs pa'i
 rim pa rgun 'bru'i khu ba dang sbyar ba blud na phan no/ /gal te me'i drod che ste kha zas myur du 'ju na nyes pa'i lhag ma cung zad yod pa'i rtags so/ /lud pa khrag dang lhan cig 'byung la rtsib logs gnyis dang nu ma rnams su zug? cing
 lus tsha ba skyes te skom dang che ba dang/ snying dang brang rnams su na ba la ni/ sle tres dang/ ga bur dang/ pa to la bskol ba'i khu ba gang yang rung bca' sga dang lhan cig sbyar ba btung ngo/ /de'i 'og tu bza' ba ni sreg pa'i sha dang/ lhan cig
 bza' o/ /skyes bu gang chang nad kyis skom dang rab tu che ba ni rlung dang mkhris pa las gyur pa yin te/ de la ni nad gzhi dang mthun par dgun chu grang mo blud do/ /btung ba de zhu ba'i tshod tsam mar sha'i khu ba sman mngar ba dang skyur ba dang
 sbyar ba'i bza' ba sbyin no/ /gal te skom na chang nyung ngu dang/ chu mang du bsres pa btung ste de yang ra ro ba bsrung ngo/ /yang na gla sgang dang/ se'u 'bru dang/ 'bras yos dang/ 'di dag bskol ba'i khu ba 'am/
 yang na 'dab ma rnam bzhi bsol ba'i khu ba 'am/ yang na sman pa to la dang/ utpa la'i rtsa ba bskol ba btung ba 'am/ yang na rang bzhin gyi bsil ba'i chu 'am sbyor ba de dag gang yang rung ba btung ngo/ /gzhan yang chang mang du
 'thungs pas bad kan zad par byas la mkhris pa skyes te/ gre ba dang rkan dang mchu skams la lce phyir 'byin cing skam la mgo 'khor te/ sa la 'gyel ba la ni nub mo'i chu rlung gis bsil bar byas pa yog drod kyis byin no/ /yang
 skyur rnam pa lnga zhes bya ba rgya shug dang/ se'u 'bru dang/ nga trika dang/ tsa tra zhes bya ba'i lo ma dang/ tsuk+tri ka zhes bya ba'i rtsa ba 'di gnyis kyi khu ba'i nang du gong ma gsum gyi phye mas btab ste lde gur byas? la ngo gdong bskus na de
 ma thag skom dang zlog go /chang mang du 'thungs pa las khong pa'i nang du drod cher skyes te/ khrag dang mkhris pa cher 'khrugs nas phyi rol pags par tsha ba mi bzad pa skyes pa la ni bsil ba'i cho ga sna tshogs bya'o/ /de ltar bsil
 ba'i cho ga sna tshogs byas kyang tsha ba zhi bar ma nus na/ rtsa ba'i cho ga bstan pa'i nang ro ha ti zhes bya ba'i rtsa las gtar te khrag dbyung ngo/ /bad kan las gyur pa'i chang nang la ni smyung ba dang skyugs sman gnyis kyis zhi bar bya'o//
 gzhan yang bca' sga dang/ sa la par ni dang/ bA la ka dang/ kaN+Ta kA ri dang/ 'di rnams gang yang rung ba bskol ba'i khu ba grang mo blud do/ /slon byas pa'i 'og tu ltogs par gyur na dus su sbrang rtsi mang du blud pa 'am yang na sha
 kha ra dang sbrang rtsi sbyar ba sbyin no/ /yang na a ri ta mas byas pa'i a sa pa'i chang rnying pa btung ba 'am/ yang na bu ram chang blud do/ /yang na skyo ma snum med pa blud de sbrang rtsi man chad gong ma de dag kun gyi nang du la la bud dang/ dong gra btab
 pa blud do/ /nas dang gro'i zan dron po nyung shas dang/ rgya sran gyi spru sha skyur dang/ tsha ba dang kha ba'i spong btab pa mar nyung shas dang sbyar ba yid sla tsam sbyin no/ /yang na ra sha'i khu ba 'am srog chags thang la gnas pa'i sha'i khu ba'i nang du la
 phug skam po dang/ star bu dang/ nga trika dang/ pa to la dang/ tsha ba gsum dang/ se'u 'bru dang/ 'di rnams legs par sbyar ba gong gi zas dang/ lhan cig bza' o/ /yang na sha gtubs la de'i nang du bca' sga dang/ na le sham dang/ ha ri ta dang/
 sge'u gsher gshegs pa dang/ 'di rnams btsos la tshos pa'i nang du rgyam tsha la sogs pas yan lag brgyad pa'i phye ma dang/ skyur rtsi chen po'i khu ba bcug la yang cung zad bskol te/ de'i nang du ka ri ra dang/ karma rd+he la sogs pa yi
 ga dbye ba'i sman btab ste/ sha'i ro med par gyur pa dang mar dang brngos la bag zan leb leb po'i nang du bcug ste/ be reg thabs su btsos la de las me'i drod che chung dang sbyar nas ci ran du bza' o/ /btung ba ni sbrang chad skyon med par gyur pa 'thungs na/
 bad kan las gyur pa'i chang nad sel to/ /kha na kha ra dkar po dang/ kha ru tsha dang/ go snyod dang/ da trika dang/ star bu dang 'di rnams cha mnyam pa dang/ shing tsha dang/ sug mel dang/ na le sham 'di dag gsum kha ra dkar po phyed phyed dang/ lhan cig sbyar ba ni
 yan lag brgyad pa'i phye ma zhes bya ste/ de las ran par zos na rgyun srad dag pa dang/ me'i drod skyed pa dang/ bad kan las gyur pa'i chang nad sel to/ /rtsub pa dang dro bas lus bsku zhing dril la khrus bya zhing zas myung ba byas na/ bad kan las gyur
 ba'i chang nad myur du sel to/ /yang na bud med 'dod pa dang ldan pa rnams dang lhan cig 'dug la/ nub mo gnyid ma log pa nyal po cung zad tsam spyad par byas na/ bad kan shas che ba'i chang nad myur du sel to/ /de yan chad
 nad gzhi so so'i gso ba bstan nas/ da ni 'dus pa gso ba bshad par bya ste/ de la nad gzhi 'dus pa'i dbye ba rnam pa bcu yod de/ lhag ma yang ci rigs par brtag go /de la shing tsha ba dang/ na ga puShpa dang/ pi pi ling dang/ na la? sham dang/
 go snyod dang/ 'u su dang/ pa ru sha ka dang/ ma du sha ka dang/ sug mel dang/ thang shing dang/ kha ra dkar po dang/ 'di rnams btags pa'i phye ma ka bit+ta'i khu ba'i nang du btags te ga bur gyi dris bsgos pa 'thungs na/ chang nad 'dus pa
 las gyur pa thams cad zhi zhing yi ga 'bye la/ me'i drod skyed par byed do/ /chang nad kyis yang na ni snying 'khrug par byed la/ yang na lus 'joms par byed do/ /de bas na chang nad la sems dga' bar gyur ba'i cho ga bya'o/ /chang nad la
 lus dag par bya ba'i cho ga slon khrus la sogs pa gso ba'i dpyad sna tshogs byas kyang zhi bar ma gyur te/ bad kan zad cing lus nyam chung la ring cing rlung dang mkhris pa shas cher skyes pa ni chang nad kyis nad lus 'joms par
 byed pa zhes bya ste/ lus zungs nyams par byas pa yin pas de la ni 'o ma blud na lus myur du 'phel bar byed/ ji ltar dpyid kyi dus su shing la char bab na 'phel ba bzhir du 'o ma 'thungs pas kyang lus 'phel zhing rgyas par byed do/ /de
 la 'o mas lus zungs 'phel ba yin na yang chang dang mi 'brod pas 'o ma ni nyung ngu btung ngo/ /nad tshabs che ba la 'o ma ni mang du blud la chang ni rims kyi nyung ngu sbyin no/ /lus 'joms byed dang/ lus skem byed kyi chang nad kyis gzir bar gyur
 pa yin mar dang 'o ma'i 'jam rtsi mas btang na zhi bar 'gyur ro/ /de nas khrus dang bsku byug dang/ lus dril ba byas nas de yi 'og tu rlung la lan pa'i bza' ba dang btung ba sbyin no/ /chang ran par 'thungs na ni chang las gyur ba'i nad mi
 'byung te/ de nas chod ci tsam btung ba'i sbyor ba bshad par bya ste/ lags par 'thungs na ni bde ba 'ba' zhig skyed pa yin te/ de yang ji ltar zhe na lha'i sman pa tha skar gyi bu gnyis kyis chang 'thungs pas ni/ gzi mdangs skyed pa dang/
 dbyangs can gyi bus 'thungs bas ni stobs bskyed pa dang/ brgya byin gyis 'thungs pas ni nus pa skyed pa dang/ khyab 'jug gis 'thungs pas zhi 'od dpag tu med pa bskyed pa dang/ me tog mdangs kyis 'thungs pas ni gzhan la
 bltas pa tsam gyis rmongs pa med pa'i mthu 'thob pa dang/ stobs ldan gyis 'thungs pas ni skyes bu'i don grub pa dang/ mdo'i nor bu zhes bya ba'i mchod sbyin gyi dus su bram ze rnams chang rang nyid kyang 'thung la sreg blugs kyang
 chang dang byed do/ /sngon gyi dus su chang gi rgya mtsho chen po'i nang du lha dang lha ma yin thams cad 'dus nas sman thams cad kyis bcug ste/ bkang nas yongs su bsrubs pa las de'i nang nas thog mar khyab 'jug gi chung ma lag rmi dang/ zla
 ba dang bdud rtsi rnams byung bar 'gyur ro/ /rgun chang dang/ spang chang dang/ sbyar ba'i chang dang/ bu ram shing gi chang dang/ bu ram gyi chang dang/ a sa wa'i chang la sogs pa kun kyang ra ro ba'i nus mthu kun la yod de/ rang bzhin mi 'dor ro/ /smad
 'tshed na la 'gyid 'gros can zhes bya ste/ chang 'thungs na ming dang mthun par sgeg par ston te/ /bud med rigs ma yang chang 'thungs dang ngo tsha med par byed cing sems gzhan du 'gyur ba ston to/ chang 'thungs na ni thub pa rnams kyang
 'dod pa rnams kyi sems 'phrogs so/ /changs 'thungs pa'i rgyus ni bud med rnams kyang khro gnyer dang smin la g.yo bar byed la/ 'dzub mos gzhan la sdigs par byed cing/ kha cig la ni gnod pa sbyin pa ltar ston kyang
 gnyi ga la snying dga' bar mtshungs so/ /chang 'thungs na lha'i bu mo rnams kyang 'dod pa la dga' bar 'gyur ro/ /chang 'thungs na ni skyes bu g.yul du 'jug pa rnams kyang rtsa bzhin srog 'dor bar byed cing rtsod pa 'phel ba dang/ chang mang du
 bsten pas ni phyis kyang de la sred cing chog mi shes par 'gyur ro/ /mya ngan dang skyo ba dang/ mi dga' ba dang/ 'jigs pa rnams kyis zil gyis gnon par mi 'gyur ro/ /dga' 'dun dang/ dga' ston chen po dang/ skyed mos tshal du
 'gro ba la sogs pa yang chang med par mdzes par mi 'gyur ro/ /kha cig ni chang 'thungs pa'i dbang gis sdug cing yid du 'ong ba mang po dang dran nas du ba yang yod/ mi mdza' ba dang ni mdza' bar 'gyur la/ mdza' ba dang ni 'bral
 bar yang yod do/ /chang 'thungs pa'i skyes bu'i blo la ni lha'i dbang po brgya byin la yang brnyas pa skye ba dang/ chang 'thungs pa'i rgyus ni gzhan la gtan du med pa rang rig pa bde ba'i ro myong bar byed pa de yang yin no/ /gzhan yang mdza' 
 bar 'gyur la/ 'brel ba yang lhag par 'bye bar 'gyur ro/ /chang byin na ni lha dang lha ma yin dang/ gnod sbyin dang/ dri za dang/ srin bu dang mi rnams kyang dga' ba dang/ mgu ba dang/ dag gi lam 'phel bar 'gyur ro/ /chang tshul bzhin ma yin
 par 'thungs na ni nad skyed par 'gyur te/ de yang tshil rgyas pa dang/ rlung dang bad kan bskyed par 'gyur ro/ /chang tshul bzhin du 'thungs na ni nyes pa chen po las kyang grol bar 'gyur ro/ /lus kyi nad gzhan yod pa la ni chang spang bar bya'o/ /chang nad ma
 yin pa nad gzhan la ni chang skyon med pa'i nang du sman tshogs dang sbyar ba thang la gnas pa dang grong la gnas pa'i srog chags kyi sha legs par btags pa chang dang lhan cig btung ngo/ /chang 'ba' zhig ni gnod de mi 'ju'o/ /sgog skya dang
 sha dang chang du sbyar bas ni rlung nad mi bzad pa 'joms kyi sgog skya nyi tshes ni de ltar ma yin no/ /chang ni zug rngu khong du lus pa dbyung ba dang/ thal sman rnon po'i las dang/ me btsa' la sogs pa'i las byed kar blud do/ /nad pa dam du zung
 la sogs pa'i las byas shin tu sla bar 'gyur ro/ /chang ni me'i drod skyed pa dang/ yi ga 'bye ba dang/ mya ngan dang/ ngal ba sel ba dang/ nad med cing stobs 'phel ba'i mchog yin no/ /de bas na bdag nyid chen po rnams kyi srog bsrung ba'i
 phyir chang ran par btung bar bya'o/ /bsten pa dang nye bar bsten pa rnams kyis longs spyod dang/ lhan cig spyod pa'i chos kyang 'di las lhag pa med do/ /thog mar chang 'thungs pa ni dang por khrus byas la lha dang bram ze dang bla ma la phyag 'tshal te/ rang
 gi las kyi bya ba byas nas 'khor thams cad lhan cig 'thungs te/ sa gzhi chu 'am/ chu dri dang ldan pas chag chag btab la zas bza' ba yi bkad sar song ste/ sten rgya che zhing bde bar bting nas mi srun pa'i skye bo rnams bsal te/ mdza' 
 bshes dang/ g.yog 'khor yid du 'ong zhing rang snyan pa sgrogs pa rnams dang/ lhan cig tu 'dug par bya'o/ /yang na bud med gzhon nu 'jo sgeg dang ldan pa dag rol mo snyan pa'i sgra dang lhan cig gar dang glu len cing shin tu mdzes
 pa dang/ bud med de dag gi lus la dril bu dang g.yer ka'i sgra dang bcas pa dang/ rma bya la sogs pa'i gar dang skad snyan par sgrogs pa dang/ gzhan yang za 'og la sogs pa kha dog du ma dang ldan pa'i gso bgo zhing gser las byas pa'i rgyan nor bu sna tshogs
 kyis spras pas/ lung spud pa'i bud med thub pa'i skyes bu rnams kyis sems kyang g.yo bar byed pa dang/ ri dags kyi mig ltar 'gul zhing rtse ba'i mig gis blta zhing snying du sdug la/ de yang phyug po'i rigs su skyes shing nu ma rgyas pa dang/ ro smad lci ba'i gros su 'gro ba dang/ gong zla ba lta bu'i bud med na no ba yang regs bskyed pa dang
 gzhon pa'i sems kyang kun tu chags pa skyed nus pa dang/ bud med dar la bab cing lus srab ba chang gis dregs pa/ rang bzhin gyis 'dze sgeg can dag phan tshun chad la sogs pa 'brim zhing de lang rlung yab dang pad+ma'i lo ma la sogs pas bsil bar byas pa'i chang
 mthong na de la chags bskyed nus pa dang/ mthung ba lta ci smos de chang gis dbang du sems 'gro'o/ /chang de yang tsu ta'i me tog dang/ gla rtsi dang/ sna ma'i me tog dmar pos bsgos la shel phor gyi snod kyi nang du blugs te mdzes ba ni 'dod ba'i lha'i lus bzhin du snang ngo/
 chang 'thungs pa'i dus su dang por bal bu 'am/ sug smel la sogs pa phye ma 'am/ gong du smos pa'i ni tshod gnas par byed pa'i lde gu zos na /de'i 'og tu chang 'dod ba'i skyes bus sa phyogs zhal zhal byas pa'i steng du chang gi nang du cung zad dang bsres la btung ste/
 dran ba dang blo dang ldan ba'i skyes bus mi tshe mi chung bar ran bar rtag tu spyod do/ /de'i 'og tu zas kyis bya ba legs par sbyar ba dang/ nye bar spyad par bya ste/ thog ma bud med la blud de/ bud med des kyang chang gi nang du dri zhim pos byugs pa'i gdong dang/
 utpa la kha phye ba lta bu'i mig gi bltas bung ba mang po chang 'thung ba lta ba'i gzugs rnyan shin tu mdzes bar snang ba'i chang de snod gsum gyi nang du blugs te/ 'khor rnams kyis bstod bzhin du 'thungs na/ de'i 'og tu zas za ba'i bkang sar song ste/ srab
 pa mkhas pas mdun du bzhag la zas bza' bar bya ste/ 'dir mang sha dang/ snum khur dang/ mar dang/ sge'u gsher dang/ ha ri ta la sogs pa dang/ le'u tsha dang ldan par zas bza' o/ /gsang nan du skyogs gnyis sam gsum nyung bar btung bar bya ste/
 de yang bud med la phod par bya ba'i phyir ro/ /dben par chung ma dang lhan cig song ste/ chung ma spang bar bzhag la rkang lag gis dam du 'khyud pa dang/ bud med kyi lus las rdul 'byung zhing ba spu ldang la nu ma 'gul bar snang ste/ de ma thag chang blangs la bud
 med la blud do/ /gal te de ltar ma blud na ni khyim gyi bde ba ci zhig myong ste/ phal cher sdug bsngal dang btsas pas dmyal ba dang 'dra'o/ /de ltar chang de yan chad mchog gi gzugs dang ldan pas bud med des 'thungs ba dang/ de'i lhag ma de yang shin tu
 dri zhim pa dang/ ldan pa pad+ma rA ga gzhus pa lta bu'i mdog dang ldan pa yin no/ de'i 'og tu 'dod pa zin te dub pa dang chang nyung zad btung bar bya'o/ /gal te chang mangs na ni gzi mdangs nyams pas chang mang du 'thung spang ngo/ /de nas bde bar nyal bar bya'o/
 chang btung ba'i tshul de ltar byas na/ chos dang don 'dod pas nyams par mi 'gyur te/ snying po med pa'i 'khor ba na bde ba'i mchog tu 'gro bar 'gyur ro/ /de ltar byas pa'i rim pa de yang lha rnams dang longs spyad dang ldan pa'i skyes dus bya ba yin gyi gzhan du
 na ni longs par nyams thag par 'gyur te/ de'i 'og tu sems gdungs nas nor bu 'bud cing rnyed par 'gyur ro/ /skyes bu 'jungs pa dag ni gzhan longs spyod byed pa dag la smod cing bdag nyid la 'byor pa yod na yang mi spyod ba dag ni gzhan gyi nor
 bsrung ba'i mdzed dang mtshungs so/ /'on kyang rim pa de de ltar chang 'thungs na cho la phan zhing dbang po rnams yul bskums te/ rang dgar 'gro ba las rgyal ba yin no/ /cho ga de dag ni nor dang ldan pa rnams kyis bya'o/ /de lta bas na ji ltar rigs dang phan pa ran?
 par spang te/ de yang bdag nyid chen po rnams kyis mthong ba nyams par mi 'gyur zhing sems mi 'khrul ba'i chod kyis btung bar bya'o/ /de nas ni spang bar bya'o/ /gzhan yang rlung gi rang bzhin can gyi mel chang blud pa ni dang por bsku byug dang lus dril
 ba dang/ khrus byas la bza' ba ni snum dang dro ba bzang ngo/ /btung ba ni chang btung ba dang/ byug pa rnams kyis bsgos pa blud do/ /mkhris pa'i rang bzhin gyi mi la ni bsil ba'i sbyor ba sna tshogs dang/ mngar ba dang/ snum pa dang bcas pa'i
 zas dang chang gi btung ba byin na yang lus nyams par mi 'gyur ro/ /bad kan gyi rang bzhin can gyi mi la ni nas dang gro la sogs pa dro ba'i zas dang/ srog chags thang la gnas pa'i sha na le sham la sogs pa dang/ sbyar ba'i zas dang chang btung bar bya'o/ /
 de la phal cher rlung nad la phan pa'i chang ni btags pa las byas pa'i chang dang bu ram chang phan no/ /mkhris pa'i nang la ni rgun chang chu cung zad dang bsres pa blud do/ /bad kan gyi nad la ni rgun chang ngam/ a ri ta'i btung ba 'am sbrang chang btung ngo/ /bad kan shas
 che ba'i nad la ni mngar chang blud la de'i 'og tu zas bza' o/ /mkhris pa shas che ba la ni chang 'thungs la/ de ma thag zas bza' o/ /rlung shas che ba la ni zas phyed zos nas chang btung ngo/ /nad gzhi mnyam pa la ni ci dgar btung ngo/ /de la gzhan yang myos pa
 'am brgyal ba'i nad la ni rlung dang mkhris pa 'joms pa'i sman btang bar bya ste/ de la brgyal ba la ni nad gzhi gang las gyur pa brtag ste/ khyad par du mkhris pa brtag par bya'o/ /brgyal ba dang myos pa thams cad la ni bsil ba'i byug
 pas bsku zhing nor bu chu nang du bcug pa'i chus gtor te rlung yab kyis g.yab po/ /rgun 'bru dang/ bu ram shing dang/ bra go dang/ tAM pa la dang/ 'di rnams kyi khu ba 'o ma dang bskol ba kha ras btab pa blud do/ /yang na mngar ba'i sde tshan 'o ma dang
 lhan cig bskol ba btung ba 'am/ yang na sha khu 'am mung+ga'i yu sha gang yang rung ba se'u 'bru dang sbyar ba blud do/ /bza' ba ni 'bras drug cu pa dang/ 'bras dmar po dang/ nas las g.yos su bya'o/ /gzhan yang sman 'tsho byed kyi sman mar dang/
 dge ba'i sman mar dang/ tik+ta chen po'i sman mar dang/ srang ba'i sman mar dang/ 'di dag gang yang rung ba 'am/ yang na tsi tra 'o ma dang sbyar ba 'am/ yang na pi pi ling dang brag zhun yang bcud kyi len gyi cho ga bzhin du sbyar ba 'am/ yang na 'bras bu gsum mar dang sbrang rtsi dang sha
 kha ras btab pa 'am/ de dag las gang yang rung ba blud na/ myos pa dang brgyal ba thams cad zhi bar byed do/ /myos pa dang brgyal ba shugs drag tu zhen pa la ni kha sna'i dbugs 'gags pa 'am/ yang na mi'i 'o ma btung ba 'am/ yang na sna nas blud na phan no/ /yang na
 pad+ma'i rtsa lag dang/ pi pi ling dang/ sbrang rtsi sbyar ba 'am yang na a ru ra dang sbrang rtsi sbyar ba 'am/ yang na byi tsher ba dang sbrang rtsi 'am/ yang na ga dung dang sbrang rtsi 'am/ sbyor ba 'di dag gang yang rung ba'i lde gur byas pa zos na phan no/ /yang na na le sham dang/
 rgya shug gi rus pa dang/ rkang dang pu shel ci dang/ na ga ge sar dang/ 'di rnams btags pa chu grang dang sbyar ba 'thungs na/ myos pa dang brgyal ba'i nad sel to/ /yang na skyu ru ra bskol ba'i khu ba dang/ mar dang lhan cig bskol ba 'am/ yang na a ru ra'i khu ba dang/
 mar bskol bar mar 'ba' zhig lus pa 'thungs na phan no/ /nad gzhi'i stobs ji lta ba bzhin du gong ma'i cho ga rnams myos pa dang/ brgyal ba rnams la ci rigs par bya'o/ /de bzhin du slon khrus la sogs pa las rnam lnga dang/ gtar kas khrag dbyung ba yang
 rab tu phan no/ /gzhan yang sems brtan par bya zhing shes pa yul la ma chags par bya'o/ /myos pa dang brgyal ba tshabs che ba la ni snying stobs kyi sman du bshad pa shin tu rno ba sogs pa/ dug gis myos pa'i sbyar sman ngag gis gso bar bya'o/ /de la snying stor gyi nad la
 ni myur du shin tu rno ba'i sna sman btang ba dang/ mig sman rnon po blugs pa dang/ dud pa rnon po rdub pa dang/ sman rnon po'i phye ma chu dang sbyar ba mkhur bar bcang ba dang/ sen mo'i nang du khab btsugs te tshar gzhug pa dang/ 'di dag byas na snying stor gyi nang zhi bar byed do/ /yang
 na skra 'bal ba dang/ lus mos bsregs pa dang/ sos bcad pa dang/ srog chags sdig pa so 'debs su gzhug pa dang/ sge'u gsher la sogs pa tsha ba'i khu ba dang/ skyur ba'i bag dar ba la sogs pa khar bcad du gzhug pa dang/ kha
 srol phre'u lus la bdar bar bya ste/ de ltar rno ba'i sman de dag gis sad de 'du shes rnyed nas/ sgog skya'i rang gi khu ba blud do/ /kha zas ni tsha ba gsum dang/ lan tsha dang/ skyur rtsi chen po'i ge sar dang bcas par zas byin na/ de nas rgyun srang dag par bya ba'i
 phyir ro/ zas yang ba dang/ rna ba dang/ tsha ba dang dro ba'i pag sbyin no/ /sad ma thag tu ngo mtshar gyi gtam dang/ 'das pa'i chos rnams dran du gzhug pa dang/ gnyen bshes sdug pa'i gtam thos par bya ba dang/ bltar gzhug pa dang/ rol ma'i sgra dang/ glu skad drag
 du blang ba dang/ rtsol ba mang du byed du gzhug pa dang/ slon khrus bya ba dang/ du ba rdub pa dang/ khrag dbyung bar bya ste/ dran pa slar rnyed par gyur na yang snying mi stor bar bya ba'i phyir de bsrung bar bya ste/ cho ga gong ma rnams rtag tu bya'o/ /gso ba'i gnas las
 chang nad gso ba'i le'u bdun pa rdzogs so// //de nas gzhang 'brum gso ba'i le'u bshad bar bya ste/ de la gzhang 'brum gso ba'i dus su dpyid zla ra ba dang/ ston zla tha chung dang/ dbyar zla tha chung dang/ dus mnyam pa de dag ni sbrin med pa'i
 dus zhes bya ste/ de dag gi tshe rab tu slon khrus kyis lus dag par byas la rjes su mthun pa'i zas yang ba dang/ nyung ba byin nas nyams ha cang yang mi chung ba'i skabs su gso bar bya'o/ /de la dang po gshang gci byas la khrus la sogs pa gtsang sbra yang bya
 ste/ bram ze la sogs pas bde legs brjod nas spang leb kyi khri 'am/ mi'i phang bar nad pa gan rkyal du bzhag la/ nyi ma'i phyogs su rkub bstan te/ rked pa'i phyogs mthong bar byas la/ sgyed khung gnyis las ras kyis drangs la rked pa nas dam du
 bcings la drang por bzhag la/ rkub kyi nang mar gyis bsdus la de nas cha spyad mar gyis yang bskus te nang du ngal gyis btang ngo/ /de ltar nang du cha spyad kyis phyin pa dang/ nang pas phyir btsir la mi gtsang ba yod na yang bton te/ de mtshon ras 'jam pos dkris la gzhang
 'brum mnan te/ sman pas mdo'i gnas su bstan pa'i cho ga bzhin du/ gzhang 'brum 'dzag pa la ni thal sman gyis bsreg par bya'o/ /skam po la ni thal sman nam lcags bsregs pas bsreg go /gzhang 'brum tshabs che ba la ni bcad nas bsreg go /de ltar zin
 pa dang rtsa spyad bkrol la/ de nas nad pa de'i rkub dang ro smad mar gyis bsku'o/ /gal te gzhang 'brum mang du yod na yang zhag bdun bdun nas re re'i cho ga gong ltar bya'o/ /dus gcig du ni mi bya'o/ /de nas rlung med pa'i khang par bzhag ste/ cho ga rim pa bzhin bya'o/ /
 gzhang 'brum du ma yod pa la ni dang po g.yas phyogs na yod par bya'o/ /de nas g.yon de nas rgyab de nas mdun gyi bya ste/ de ltar cho ga bsregs par legs par gyur na rlung lugs su 'byung ba dang/ zas yi gar 'ong ba dang/ me'i drod skyed pa dang/ nad legs
 bar zhi ba dang/ mdog dang stobs skye bar 'gyur ro/ /de ltar mtshon dang thal ba'i las byas pa'i 'og tu chu sor zug gzer skye bar gyur na/ ba spru ba dang/ ru rta dang/ shu ti dang/ a ga ru dang/ thang shing dang/ 'di rnams zhib tu btags pa'i phye ma chu dang lde gur byas pas
 lte ba'i 'og tu bsku bar bya'o/ /ci ste bshang gci 'gags par gyur na/ sman ra sna dang/ a lam bus dang/ e raN+Ta dang/ gze ma dang/ ba spru ba dang/ ganda su ra dang/ 'di rnams lhan cig bskol la dro 'jam tsam du bya ste/ thog ma rgyab dang/ rked pa dang/ rkub dang brla
 dbrag tu mar gyis bsku byug byas la/ de'i 'og tu sman khus blugs pa dang/ ro smad sman khu'i nang du gzhug par bya'o/ /yang na rlung 'joms pa'i sman dang bcas pa'i 'o ma 'am/ yang na til mar gyis gong ma bzhin du blugs pa dang/ ro smad gzhug go /yang na
 rtug pa 'gags pa la ni rlung la phan zhing drod skyed pa dang/ dur byid dang/ rgya sne'u dang/ u po da ka dang/ tsu tsu ka par+Ni dang/ 'di rnams kyi tshod ma zho dang zho ga chu las gzhi blangs pa dang/ gong ma'i snum dang bcas pa'i zas bza' o/ /
 de la gzhang 'brum la mkhris pa las gyur pa'i tsha ba ni med do/ /gal te yod na yang rlung dang cung zad 'dres par yod do/ /rlung dang bad kan las gyur pa'i gzhang 'brum gyi nad kyi mtshan ma ni gzhang phyir 'byung zhing phyi sa dang/ phyen 'gags pa dang/
 g.ya' ba dang/ na ba dang/ skrang par 'gyur te/ de la ni bilba'i rtsa ba dang/ tsi tra ka dang/ ya baksha ra dang/ ru rta dang/ til mar dang/ 'di rnams tshul bzhin du bskol ba'i khu bas gzhang 'brum la bkru zhing blugs so/ /yang na sgrul dang/ byi la dang/ rnga mo dang/ phag
 rgod dang/ 'di rnams kyi zhag gis bsku zhing blugs so/ /de'i 'og tu zan gyis glan pa'i dug dang/ chu lums kyis dugs bya ba 'am/ yang na dugs kyis cho ga'i skabs su bstan pa rnams 'dir sbyar ro/ /yang na til mar dang/ mar dang/ chu dang/ phyer sbyar ba'i zan
 dron gyis dugs bya'o/ /thog ma snum gyis bskus la de nas dugs bya'o/ /yang na ra sna dang/ spa ma'i 'bras bu 'am/ shi kru'i lo ma 'am de dag las gang yang rung ba btags pa'i til mar dang zan du byas pas dugs bya'o/ /arga'i rtsa ba dang/
 sha ma'i lo ma dang/ mi'i skra dang/ sbrul gyi pags pa dang 'di rnams mar dang bsres pa'i dud pas bdugs na gzhang 'brum la phan no/ /de bzhin du a shwa ganda dang/ bri ha tI dang be'u rug pa dang/ pi pi ling dang/ 'di rnams mar dang sbyar ba'i rung
 bas bdug go /yang na sku ba kha bo'i sa bon dang myu gu 'jam po btags pa 'bras kyi rang skyur dang sbyar ba'i lde gu reng bur bya ste grib skam du byas nas rkub nas yar bcug na gzhang 'brum 'byin to/ /yang na sku ba kha bo'i myu gu dang/ rtsa ba dang/
 nas tshig 'khus pa'i thal ba dang/ 'ol ma'i se'u dang/ su ra sna dang/ ku shma na da'i sa bon dang/ 'di rnams zhib tu btags pa gong ma bzhin du lde gur byas la bcug la btang ngo/ /yang na su tak+Shi ra dang/ yungs mar sbyar bas byugs pa 'am/ yang na khyim bya'i rtug pa
 dang/ pi pi ling dang/ 'ol ma se'u'i 'bras bu 'di rnams btags la ba gcin dang/ sbyar ba'i lde gus bskus na yang phan no/ /de bzhin du rdur ba dang/ pri yang ku dang/ ta ma la'i rus pa dang/ karka ta sri gi ni dang/ a ru ra dang/ ru rta dang/ bse shing gi 'bras bu dang/
 spongs ma dang/ shi kru dang/ la phug gi sa ban dang/ lo ma dang/ ka ra bi ra dang/ nimpa'i lo ma dang/ shing bi lu'i rtsa ba dang/ bilba'i rtsa ba dang/ shing kun dang/ su dak+Shi ra dang/ 'di rnams lhan cig btags te lde gur byas pas bskus pa 'am/ yang na ru rta dang/ shi ri sha'i
 sa bon dang/ pi pi ling dang/ lce myang tsha dang/ bu ram dang/ arka'i lo ma dang 'bras bu gsum 'di rnams kyi lde gus bskus na gzhang 'brum rtsa nas 'byin to/ /arka'i lo ma dang/ su dak+Shi ra'i shing dang/ sku ba kha be'i lo ma dang/ ka rany+dza pha la dang/ 'di rnams btags pa
 ra'i gcin dang sbyar bas bskus na gzhang 'brum sel ba'i mchog go /yang na a nu ba sa na'i sman pi pi ling la sogs pa'i lde gu byas pas bskus na yang rab tu bsngags so/ /byug pa'i sman de dag gis zhi bar ma nus na/ byug pa'i sman de rnams til mar dang tshul
 bzhin bskol bas bskus na rab tu phan no/ /bdug pa dang byug pa dang bsku ba'i sman btang ba'i dus su nad khrag ma rungs pa la sogs par gar na gzhang 'brum de las khrag byung na bde ba skyed par 'gyur ro/ /de ltar khrag gzags kyang ma byung zhing skrangs pa dang/
 sra ba'i gzhang 'brum rnams la ni sron bu pad+ma dang/ mtshon kha ba rtse gshibs pas yang dang yang du khrag dbyung ngo/ /grang dro dang snum rtsub la sogs pa de ltar byas kyang gzhang 'brum zhi bar ma nus na/ nad khrag yod pa yin pas de la sman pas gong ma ltar
 khrag dbyung ngo/ /yang na kha zas gzhan mi bza' bar 'o ma bsrubs pa'i dar ba'i nang tsi tra ka'i phye mas btab pa nyi tshe 'thungs na gzhang 'brum sel to/ /sman ko b+hi d+ha ra'i rtsa ba btags pa'i phye ma dar ba dang sbyar ba 'thungs la de
 nu tsam na zas phan pa rnams zos na gzhang 'brum la phan no/ /gang gi gzhang 'brum skrang zhing zug par na la me'i drod chung ba la ni skran gyi cho gar bshad pa'i shing kun la sogs pa'i phye ma zos la de'i 'og tu dar ba btung ba 'am/ yang na bu ram dang
 a ru ra sbyar ba bza' o/ /yang na a ru ra dang/ bi dang ka dang tsi tra ka dang/ dug mo nyung gi shing shun dang/ 'di rnams kyi phye ma dar ba dang lhan cig btung ngo/ /yang na dug mo nyung dang/ pi pi ling dang/ tsi tra ka dang/ su ra na dang/ 'di rnams gong ma'i chas 'og
 ma cha phyed phyed kyis bskyed la btags pa'i phye ma dar ba dang lhan cig blud do/ /yang na lan tsha rnam gsum dang/ tsha ba gsum dang/ shing kun dang/ star bu dang/ 'di rnams kyi phye ma chu dron dang sbyar nas btang ngo/ /yang na bi la dang/ ka pit+ta dang/ nas
 dar 'di rnams kyi phye dang dar ba sbyar ba 'am/ yang na bca' sga dang/ ting kum tsha dang/ nas phye dang dar ba sbyar ba 'am/ yang na ba la da ka dang/ nas phye dang dar ba sbyar ba 'di dag gi skyo ma gang yang rung ba blud na phan no/ /yang na pa ma'i 'bras bu dang shing
 kun dang/ tsi tra ka dang/ 'di rnams dar ba dang ldan par btung ngo/ /yang na zla ba gcig gi bar du shing pi lu'i 'bras bu bza' ste/ de'i 'og tu dar ba btung ngo/ /yang na nyin mtshan du zas dang ma 'dres par dar ba ci 'dod par btung ngo/ /lus kyi stobs dang
 me drod chung ba la ni dar ba nyi tshe spyad do/ /sman pas dus dang nyams stobs kyi bye brag shes par byas nas zhag bdun nam bcu 'am/ zla ba drug gam zla ba phyed kyi bar du dar ba 'ba' zhig blud do/ /yang na phye dang dar ba lde gur byas pa blud do/ /yang
 na dar ba 'thungs te/ zhu ba'i tshod tsam na dar ba las gzhi blangs pa'i thug pa rgyam tsha dang bcas par sbyin par bya'o/ /de nas dar ba la gzhi blangs pa'i 'bras chan bza' ste tshal nan tu 'o ma blud do/ /yang na mung+ga'i yu sha dang/ sha khu dar ba dang sbyar ba dang 'bras
 chan tshod zin par bza' o/ /de la sman pas nad gzhi dang me'i stobs btags la dar ba'i bye brag gsum btang bar bya ste/ de yang mar med pa'i dar ba rtsub pa dang/ snum phyed tsam phyung ba dang/ mar ma phyung ba dang/ dang ba rnam pa gsum po de dag ci rigs par
 sbyar ro/ /de la gzhang 'brum gyi nad las dar ba legs par sbyar na/ 'phral du zhi bar byed cing phyis mi skye ba'i mchog yin te/ dar ba de ni sa'i steng gi rtsa ba la phog na yang rtsa ba nas sreg par byed na/ gzhang 'brum lta ci smos/ de ltar dar bas rgyun srang
 rnams dag par byas nas zas kyi bcud kyis lus zungs rnams 'phel bar byed de yid dga' ba dang stobs dang ldan pa dang mdog bzang por 'gyur ro/ /mdor na dar ba bcug la nub gcig bzhag pa 'thungs na gzhang 'brum gyi nad 'jig par byed do/ /yang
 na 'u su dang/ zi ra dang/ go snyod dang/ spa ma'i 'bras bu dang/ pi pi ling rnam gnyis dang/ shu ti'i 'bras dang/ pi pi ling gi rtsa ba dang/ zur ba dang/ la la pud dang/ tsi tra ka dang/ ya ba na ka dang/ 'di rnams zhib tu btags la/ rtsa ba snum gyi nang du dar ba
 spangs la legs par smin te/ shas cher skyur zhing tsha bar gyur pa ni dar ba'i a ri shTa zhes bya ste/ de las ran par 'thungs na me drod skyed pa dang/ zas yi gar 'ong ba dang/ mdog bzang ba dang/ bad kan dang rlung tshul bzhin 'byung ba dang/ gzhang kha
 skrang zhing g.ya' ba dang/ na ba rnams 'joms shing stobs 'phel bar byed do/ /yang na kru trug tres kyi rtsa ba'i shun pa btags pa lde gur byas pa'i rdza ma'i nang ngos bskus la de'i nang du dar ba 'am zho blugs la bzhag ste/ legs par smin pa dang
 'thungs na gzhang 'brum sel to/ /yang na ga bra'i rtsa ba dang/ thal tres dang/ a ru ra dang/ tsha ba lnga dang/ 'di rnams kyang gong ma ltar byas na phan yon gong ma dang 'dra'o/ /yang na ha ti pi pi ling dang/ pa thA dang/ shu sti'i sa bon dang/
 tsha ba lnga dang/ g.yer ma dang/ zi ra dang/ 'u su dang/ bilba'i rkang dang/ 'di rnams btags pa'i phye ma thug pa yu sha dang/ khu ba la sogs pa'i nang du btab pa 'am/ yang na se'u 'bru la sogs pa 'bras bu'i skyur gi khu ba'i nang du til mar dang mar gnyis
 bskol ba dang/ gong ma'i phye ma dang lhan cig sbyar ba 'am/ yang na sman de nyid chu dang mar tshul bzhin bskol ba 'thungs na me drod skyed par byed do/ /rim pa gong du smos pa 'di ni phyi sa sla bar bya ba'i phyir bshad pa yin no/ /de ni rtug pa 'gags pa'i cho ga bshad
 par bya ste/ de la rtug pa sra bar gyur pa la ni zas snum shas che ba dang/ lan tsha dang ldan par sbyin zhing de'i 'og tu chang blud do/ /yang na dar ba 'am/ bu ram chang ngam/ skyur bo 'am/ chang dang 'di dag gang yang rung ba'i nang du lan tshas btab pa 'thungs na/ rtug pa 'gags pa
 sel to/ /yang na ka rany+dza'i lo ma bskol ba'i nang du mar dang til mar yang bskol ba bcug la phyes btab ste lde gu zos la de zhu ba'i tshod tsam na zas zos na rlung gis rtug pa 'gags pa sel to/ /yang na bu ram dang/ dong kra dang/ yang na pa Ta dang/ bu ram dang/ ya
 pak+Shar dang/ bcas pa mar dang zos na yang phan no/ /yang na ba ru ra ba gcin gyi nang du nub cig spangs la bu ram dang lhan cig zos na rlung las gyur pa'i rtug pa 'gags pa yang 'byung ngo/ /yang na a ru ra rdog ma nyis brgya ba gcin bre bo che gnyis dang bskol
 ba a ru ra 'ba' zhig lus pa dang sbrang rtsi dang bcas par zhag re re gnyis gnyis zos na/ bad kan las gyur pa'i rtug pa 'gags pa dang/ gzhang 'brum gyi nad dang/ mdze dang/ skrangs pa dang/ gcin nad dang/ skran dang/ dmu rdzing dang/ srin bu'i nad dang/
 lus kyi phreng ba dang/ lba ba'i sha stor ba dang/ rkang 'bam dang lus spo ba dang/ skya rbab dang/ drag nad dang 'di rnams la phan na/ /yang na barda ka bu ram dang/ bcas pa zos la de'i 'og tu a dza sh+riM gi'i rtsa ba btags pa ra'i gcin dang sbyar ba 'thungs na gzhang 'brum zhi bar byed do/ /
 yang na 'bras bu gsum bskol ba'i khu ba'i nang du dur byid btags pa'i bye ma 'am/ yang na dar ba'i nang du a ru ra'i phye ma btab pa btung ngo/ /yang na a ru ra dang/ pi pi ling btags pa'i phye ma mar bskol ba'i nang du blugs te bu ram dang bcas pa zos na rtug pa 'gags pa
 sel to/ /yang na a ru ra dang durbid dang/ dan+ti gsum zos na yang phyi 'gags pa tshul bzhin 'byung la de byung kyang gzhang 'brum gyi stobs kyang zad par byed do/ /yang na se'u 'bru rang gi khu ba dang/ zir dang la la pud dang/ bu ram dang/ drod kra dang/ pa Ta dang/ 'di rnams lhan cig
 sbyar ba dar ba dang 'thungs na rlung las gyur pa'i rtug pa 'gags pa sel to/ /yang na bu ram shing gi chang dang/ bu ram chang gi nang du tsi tra ka dang/ bca' sga'i phye ma btab pa 'am/ yang na zan chang gi nang du spa ma'i 'bras bu dang/ pA tha dang/ kha ru tsha'i phye ma btab ste 'thungs
 na phan no/ /yang na pi pi ling gi 'bru bcu dang/ til nag po srang phyed btags pa 'o ma'i nang du btab ste 'thungs la de bzhin du zhag bcu'i bar du pi pi ling bcu bcus bskyed de 'thungs na nyams stobs dang me'i drod skye'o/ /yang na byi tsher ba dang/ bilba dang/ la la pud dang/ dong
 kra dang/ de rnams las ci rnyed kyang rung ste/ pa Ta dang lhan cig tu chu dang sbyar te 'thungs na gzhang 'brum sel to/ /yang na chu srang nyis stong bzhi bcu rtsa brgyad kyi nang du a ru ra'i phyi shun skam po srang brgyad dang/ skyu ru ra skam po srang bcu drug dang/ ka bit+ta srang bcu dang bil sha la
 srang lnga dang ser 'phrom dang/ na le sham dang/ pi pi ling dang/ bi dang ka dang shing tsha dang/ de rnams srang gnyis gnyis dang/ 'di rnams cham chom brdungs te bskol la bzhi cha srang lnga brgya rtsa bcu gnyis lus pa dang/ btsags pa'i khu ba'i nang du 'bru mar srang nyis brgya dang/
 dad ki skam po srang bcu drug snod snum can gyi nang du bcug ste zla ba phyed bzhag la legs par smin pa ni a ru ra'i chang zhes bya ste/ de las ran par bsten na me'i drod skyed pa dang/ gzhang 'brum dang/ pho ba'i nad dang/ skya rbab dang/ mdzo
 dang dmu rdzing dang/ dbyig dug dang/ rims dang skrangs pa dang mchin pa na ba dang/ snying nad dang/ skran dang/ gcong chen po dang skyug pa'i nad dang/ srin bu'i nad rnams sel to/ /yang na chu srang lnga brgya rtsa gnyis kyi nang du dan+ti dang/ rtsa ba bcu pa dang 'bras bu gsum
 dang tsi tra ka dang/ 'di rnams re re zhing srang bco lnga cham chom brdungs la bskol te/ bzhi cha srang brgya nyi shu rtsa brgyad lus pa dang/ btsags la tshigs ma byung ba'i khu ba'i nang du bu ram srang brgya dang/ da ta ki srang bcu drug bcug ste/ yang na snod snum can gyi nang
 du zla ba gcig bzhag ste legs par smin pa na dan+ti'i chang zhes bya ste/ de las ran par 'thungs na phan yon gong ma dang 'dra ste/ khyad par du phyis bde bar 'byung ngo/ /chu srang lnga brgya bcu gnyis kyi nang du byi tsher ba skam po srang bcu drug dang dan+ti dang ba tra dang/
 tsi tra ka dang/ a ru ra rnam par rgyal ba dang/ ba sha ka dang/ skyu ru ra dang/ dong kra dang/ 'di rnams srang gnyis gnyis dang lhan cig bskol ba bzhi cha lus pa dang/ de'i nang du kha ra dkar po srang brgya dang/ da da ki srang bcu drug bcug la/ rdza ma'i snong pri yang ku
 dang/ pi pi ling dang/ dbyi mo dang/ 'di dag phyer byas la mar dang sbrang rtsi dang lde gu byas la bskus pa'i nang du blugs par bya ste/ zla ba gcig bzhag la legs par smin pa ni byi cher ba'i chang zhes bya ste/ de las ran par 'thungs na/ phan yon gong ma dang
 'dra'o/ /zan gyi gong du skyur rtsi chen po la sogs pa skyur ba'i 'bras bu'i khu ba dang/ mar gong ma bzhin sbyar ba 'thungs na phyis 'gags pa bde bar 'byung ngo/ /yang na dbyi mo dang/ kru trug tres mar dang tshul bzhin du sbyar ba 'am/ yang na nas tshig 'khus
 pa'i thal ba bu ram dang sbyar ba 'am/ pi pi ling gi rtsa ba mar dang sbyar ba'i nang du bu ram dang/ ya pak+Sha ra dang/ dong kra'i phye ma btab pa 'am/ pi pi ling dang/ pi pi ling gi rtsa ba dang/ 'u su dang/ se'u 'bru dang/ 'di rnams mar dang mar gyi bzhi 'gyur gyi zho dang chu dang
 tshul bzhin du bskol te/ mar 'ba' zhig lus pa zos na rlung dang bshang gci 'gags pa rnams sel to/ /shing blak+Sha'i thal ba chu dang bsres la btsags pa dang/ de'i sum cha'i mar dang bskol la mar lus pa dang de'i nang du in dra ya ba'i lde tshan btags
 pa'i phye mas btab pa 'thungs na/ gzhang 'brum dang me'i drod skyed pa'i chog yin no/ /tsha ba rnam lnga dang/ a ru ra dang/ ya bak+Sha ra dang/ lce myang tsha dang/ pA thA dang/ 'u su dang/ na le zham dang/ bil ba dang mar dang/ de'i bzhi 'gyur gyi zho dang/ chu dang tshul bzhin bskol
 ba 'thungs na gzhang 'brum dang brla brag tu na ba dang gzhang phyir byung ba dang/ gcin sri zhing 'dzag pa rnams las myur du rgyal bar byed do/ /pa tha dang/ /a dza mo dang/ 'u su dang/ byi tsher ba dang/ tshwa ba rnam lnga dang/ bilba dang/ 'di rnams mar dang zho dang/ rtsang ga ra'i
 khu ba gnyis mar gyi bzhi 'gyur dang/ khu dang tshul bzhin bskol te/ mar lus pa las ran par 'thungs na/ lto sbos pa dang/ gcin sre ba dang/ phyen prog prog par 'byung ba dang/ gzhang 'byung ba'i nad dang/ gzhang 'brum dang/ pho ba'i nad dang/ bad kan dang rlung nad 'joms
 par byed do/ /rma bya dang/ sreg pa dang/ la ba na zhes bya ba'i sha khu skyur dang/ legs mor sbyar ba 'am/ yang na khyim bya 'am co ka'i sha khu skyur dang bcas byin na rlung dang phyi sa 'gags pa la phan no/ /rgya sne'u dang/ tsi tra ka dang/ dur byid dang/ danda dang/ pa Ta dang/ a
 ma la ke la sogs pa'i lo ma dang/ gzhan yang bad kan dang rlung 'joms pa'i tshod ma yang ba dang phyi sa sla bar 'gyur ba'i bag gang yang rung ba tshod mar byas pa'i nang du shing kun dang/ til dang mar dang/ zho'i spris ma dang/ 'u su dang/ tsha ba lnga btags pa'i
 phye dang/ 'u su'i ge sar dang/ sge'u gsher bshags pa dang/ 'di rnams spong thabs su bcug pa legs par sbyar te/ nang pa gang la dga' ba'i spos bsregs pas tshod ma bdugs la/ de nas zi ra dang/ na le sham dang/ pi Ta kha ru tsha
 'di dag btags pas shar chen btab ste zos na rlung shas che ba dang/ gzhang 'brum dang lus rtsub pa dang me drod chung ba dang/ rtug skam rnams la phan te sbyar bar bya'o/ /zas ni 'bras dmar po las g.yos su byas la/ chod ma ni sba dang/ srag chags go bo dang/
 rang dang/ rnga mo dang/ khyad par du srog chags sha za ba'i sha khu'i nang du kun la sogs pa'i spong dang sbyar ba thabs gong ma bzhin du byas te zos na phan yon gong ma dang 'dra'o/ /btung ba ni chang dang sha khar mi btung ba dang/ bu ram gyi chang dang/ dar ba rtsab
 mi dang/ a ri shTa'i chang dang/ zhog chu dang 'di rnams btung ngo/ /yang na chu nyi tsher lus su dang/ bca' sga chu bar bskol ba btung ba 'am/ yang na kuN+Ta kA ri chu dang/ bskol ba nyung shas btung ngo/ /btung ba de rnams kyang zas kyi bar ram zas kyi 'og tu 'thungs na
 rlung gi rtug skam 'byin no/ /rlung dang mkhris pa dang bad kan las gyur pa'i rtug skam bde bar 'byung zhing gzhang 'brum gyi nad kyang zhi bar 'gyur te/ me'i drod kyang skyed bar 'gyur ro/ /rtug skam gyis zil gyis mnan te khong shin tu rtsub pa dang/ rlung
 lag par song ba dang/ gzer zhing na bas nyam thag pa la ni 'jam rtsims btang ba rab tu phan te/ de yang pi pi ling dang/ po son cha dang/ bilba dang/ shu ti dang/ shing mngar dang/ shu dag dang/ ru rta dang/ zur ba dang/ ma nu dang/ kru trug tres dang/
 thang shing dang 'di rnams btags te/ til mar dang/ til mar gyi bzhi 'gyur gyi 'o ma dang chu dang ldan par bskol te/ mar 'ba' zhig lus pa dang/ 'jam rtsi btang na gzhang 'brum dang rlung 'khyil ba la phan pa'i chog yin te/ gzhan yang gzhang
 phyir byung ba dang/ zug gzer dang gcin sri ba dang/ phyi sa sri zhib sgra dang bcas par 'byung ba dang/ rked pa dang/ rgyab sgul dka' ba dang/ 'doms phyogs su sbos pa dang/ be'u snabs su 'khru ba dang/ gzhang skrad pa dang/ rlung dang rtug pa 'gags pa dang yang dang yang phyis
 'byung 'dod cing cher ma 'ong ba rnams la phan no/ /yang na bkru sman drag po mas btang bar bya ste/ de yang rtsa ba lnga pa chung ngu dang/ 'o ma dang/ ba gcin dang/ til mar dang/ lan cha dang pi pi ling la sogs pa'i 'bras bu dang/ 'di rnams tshul bzhin du sbyang ba btang ngo
 de yan chad gzhang 'brum skam po'i gso ba bshad nas// //da ni gzhang 'brum phrag 'dzag pa'i gso ba bshad par bya ste/ dang po gzhang 'brum khrag 'dzag pa de rlung ngam bad kan gang las gyur pa brtags te/ de'i 'og tu snum pa dang bsil ba sbyar ba 'am/
 rtsub bya dang bsil ba sbyar te dro bag ni mkhris pa bskyed de bsrung ngo/ /de la rlung dang ldan pa'i gzhang 'brum 'dzag pa'i mtshan ma ni phyi sa'i mdog smug nag tu 'byung ba dang/ sra ba dang/ phyen mang po 'byung ba dang/ rked ba dang brla dang gzhang rnams su zug cing nab
 yin te de yang rtsub pa'i zas zos pa las byung ba yin no/ /gal te bad kan dang bcas pa yin na ni phyi sa sla ba dang/ dkar ba dang/ ser ba dang/ lci ba dang/ snum pa dang/ dbyin ba dang/ gzhang tshor ba med pa snyam byed pa yin te/ de nas zas snum pa dang/ zas lci ba
 zas bas 'byung ngo/ /de bzhin du khrag dang mkhris pa las gyur pa yang rang gi mtshan nyid brtags te khrag dbyung ba'i cho ga bzhin shes par bya'o/ /khrag dang rlung la sogs pa ma rungs par byas na ni nyams stobs ji lta ba bzhin du khrus dang smyung ba la sogs pa bya'o//
 ji srid du nang khrag ma zad kyi bar du phyir byung ba mi bcad par btang ngo/ /de nas nang rnams smin par bya ba dang/ me drod skyed pa dang/ khrag gcad par bya ba'i phyir sman kha ba'i sbyor ba bshad par bya ste/ skyes bu gang nad gzhi'i nyes pas lus kyi sha zad pa dang/ rlung las
 gyur pa'i khrag 'dzag pa'i nad la ni sman kha ba rnams snum dang bcas pas sbyar te btung ba dang bsku ba dang 'jam rtsi mas btang bar bya'o/ /gang mkhris pa las gyur pa'i khrag ni tsha ba'i dus su cher 'dzegs par 'gyur te/ de ni nges par
 bcad cing mi 'byung ba'i cho ga bya'o/ /rlung dang bad kan las gyu pa la ni bcad pa'i cho ga mi bya'o/ /bad kan las gyur pa'i khrag 'dzag pa la ni bca' sga dang/ dug mo nyung gi shun lpags bskol ba'i khu ba blud do/ /yang na rtsa mkhris dang/ bca' sga dang/ byi cher
 ba dang/ tsan dan dmar po dang 'di rnams bskol ba'i khu ba blud do/ /yang na skyer ba'i shun pa dang/ pu shel tse dang/ nim+ba dang/ se'u 'bru'i shun pa dang/ 'di rnams bskol ba'i khu ba blud do/ /yang na dug mo nyung gi shun lpags dang/ 'bras bu dang/ skyer
 khanTa dang/ bong nga dkar po dang/ sbrang rtsi dang/ 'di rnams sbyar la btung ngo/ /yang na a pa marga btags par phye ma sbrang rtsi dang 'bras bkrus pa'i chu dang lhan cig btung ngo/ /yang dug mo nyung gi shun ba rlon pa srang brtsa char pa'i chu dang tshul bzhin du
 bskol te/ snyigs ma por la khu ba dangs ma'i nang du phri yang ku dang/ mony+dza dang/ 'di gsum srang re re dang/ dug mo nyung srang gsum 'di rnams zhib du btags pa'i phye ma bcug la yang bskol te/ lde gu dril bu btub tsam na phyir byung ba'i lde gu
 las ci ran du bza' o/ /de'i 'og tu me stobs che chung dang sbyar te thug pa dang/ thug pa rkyang rkyang po dang/ ba'i 'o ma'i btung ba dang/ ra'i 'o ma dang bcas pa'i bza' ba dang btung ba sbyar bar byas na lde gu'i phan yon ni khrag tshad du 'khru ba dang/ gzhang 'brum
 dang/ khrag mkhris stobs che ste gang 'og gnyis kar khrag 'jog pa rnams kyang myur du zhi bar byed do/ /yang na dzug mo yungs kyi shun pags srang brgya/ chu srang lnga brgya rtsa bcu gnyis dang bskol la brgyad cha lus pa dang/ tshigs ma bor ba'i nang
 du skyer khanda skam po dang/ tsha ba gsum dang/ seng phro ma rnam gnyis dang/ mon dza ra dang/ se'u gzhon nu'i shun pa dang/ bilba gzhon nu dang gla sgang dang btsod dang/ da ta ka'i 'bras bu dang/ 'di rnams srang re re dang dug mo yungs kyi shun phrags srang bcu btags pa'i che ma dang/ mar
 srang nyi shu dang/ bu ram srang sum cu dang/ de rnams lhan cig bskol te lde gur myur pa dang/ snod snum can gyi nang du bcug nas nas kyi phung po'i nad bzla ba phyed bzhag pa'i lde gu las ran par zos na gzhang 'brum thams cad dang/ pho ba'i nad dang/ lud pa dang/ dbugs
 mi la de ba sel to/ /yang na seng phrom dang/ til dang/ mony+dzar dang/ btsod dang/ tsan dan dang/ utba la dang/ 'di rnams kyi phye ma ra'i 'o ma dang btung zhing zas kyang 'bras chan dang/ ra'i 'o ma mar dang bcas pa bza' o/ /yang na shing mngar dang/ shug pa dang/ phyi tsher ba dang/
 shing pa yassya'i lo ma dang/ dur ba dang/ 'di rnams btags pa'i phye ma kha ra dkar po dang/ sbrang rtsi dang lhan cig chu gang mo dang sbyar ba 'am/ yang na ra'i 'o ma dang lhan cig btung ngo/ /yang na seng phrom dang/ pu tse shel dang/ dug mo yungs dang/ btsod dang/ shing shal
 ma li'i shun lpags dang/ tsan dan dang/ shing mngar dang/ pu shel tsi dang/ 'di rnams btags pa'i phye ma 'bras bkrus pa'i chu dang sbyar ba gzhang 'brum khrag tshad can la blud do/ /la la pung dang/ dug mo yungs dang/ ba Ta dang/ bca' sga dang/ skyer khaN+Ta rnams kyi
 phye ma zos na gzhang 'brum khrag tshang can la phan no/ /yang na khrag dang zug gzer shas cher 'byung ba la ni pa yassya dang/ kaN+Ta ka ri gnyis mar dang bskol te blud do/ /yang na da ta ki dang/ seng phrom dang/ dug mo yungs kyi shun lpags dang/ 'bras bu dang/ utpal dang/
 pad+ma ge sar dang/ 'di rnams mar dang chu dang tshul bzhin bskol ba 'am/ yang na ya bak+Shar dang/ mar dang mar gyi bzhi 'gyur gyi se'u 'bru'i khu ba dang tshul bzhin bskol ba 'thungs na/ gzhang 'brum khrag tshad du 'khru ba zug gzer dang bcas pa sel to/ /yang na sha
 kha ra dang/ pad+ma ge sar dang/ mar sar dang lhan cig sbyar ba'am/ til dang mar sar lhan cig sbyar bas bsku byug byas na gzhang 'brum/ brag tshad du 'byung zhing zug pa sel to/ /yang na ra'i mar sar dang/ mar dang 'o ma dang/ srog chags
 thang las skyes pa'i sha khu dang rgya sne'u sbyar ba'i tshed ma'i nang du dar ba 'am/ dar ba skyur po gang yang rung bas btab pa'i chod ma dang/ 'bras dmar po'i chen zho'i spris ma dang lhan cig bza' o/ /skom du ni 'bras drug cu pa'i chang sar pa 'thungs na phan lon
 gong ma dang 'dra'o/ /de bzhin du chang ser pa'i nying khu 'thungs na gzhang 'brum khrag chang du 'byung la phan pa'i mchog yin no/ /thug pa dang/ sran mung+ga la sogs pa'i yu sha dang/ sha khu la sogs pa dang/ kun dong du sbyar ba 'am/ yang na nyi che yang rung ste zos
 na rlung khrag shas cher g.yos pa las rgyal bar 'gyur ro/ /gzhang 'brum khrag tshar 'dzags te/ rlung tshabs cher la brugs na de la ni 'bad pa dang bcas pas bsrung ba'i cho ga bya'o/ /gzhang 'brum khrag chad can dang khrag dang mkhris pa stobs che zhing bad kan
 dang rlung shas chung bar mthong na de la ni rnam pa thams cad du bsil ba'i cho ga de dag gis zhi bar ma nus na snum zhing dro ba'i cho ga bya ste/ sha khu dro ba'i bras dang/ mar gyi 'jam rtsims btang ba la sogs pa bya'o/ /til mar dang mar dang/ 'o ma 'di rnams gang
 rnyed pa dro 'jam tsam gzhang 'brum la blugs so/ /yang na byi tsher ba dang/ ku sha dang/ ku sha'i rtsa ba dang/ shalma li'i me tog dang/ rtsa ba dang/ n+ya gro d+ha dang/ u dum+ba ra dang/ a shwat+tha gsum gyi myu gu dang/ 'di rnams srang gnyis gnyis dang/ chu bre gsum dang/ 'o
 ma bre gar dang/ tshul bzhin du bskol la 'o ma lus pa dang/ tshigs ma bor la khu ba'i nang du mony+dza ra dang/ btsod dang/ tsan dan dang/ utpa la dang/ bri yaM ku dang/ dug mo nyungs kyi sa bon dang pad+ma ge sar dang/ 'di rnams btags pa'i phye ma dang/ mar dang
 sbrang rtsi dang/ sha kha ras btab ste 'dres par gyur pa ni bi rtse'i 'jam rtsi zhes bya ste/ de las ma btang ba byas na phyis 'byung 'dod bzhin du mi 'ong ba dang gzhang 'byung ba dang/ khrag 'dzag pa dang/ rims rnams la phan no/ /yang na shing mngar dang/ pra puN+Ta rI ka dang/ gong ma'i sman
 meny+dzar la sogs pa dang/ sman spyi'i nyis 'gyur gyi 'o ma dang/ mar la sogs pa'i snum dang/ tshul bzhin du bskol te/ a nu ba san btang ngo/ /yang na shing mngar dang/ utpa la dang/ seng phrom dang/ ba la ka dang/ btsod dang/ bilba dang/ dbyi mo dang/ bong nga dkar po dang/ gla sgang dang/
 pa Ta dang/ ya bak+Shar dang/ skyer pa dang/ shing tsha dang/ bong kra dang/ spang spos dang/ tsi tra ka dang/ thang shing dang/ tsa ko ra'i rang gi khu ba dang 'di rnams mar dang tshul bzhin du bskol ba las ran par 'thungs na nad gzhi gsum 'joms te/ khyad par du gzhang 'brum dang/ tshod pas
 'khru ba dang/ pho ba'i nad dang sa rbab dang/ rims dang/ yi ge 'chus pa dang/ gcin sri ba dang/ gzhang byung ba dang/ chu sa na ba dang/ lto spos pa dang/ phyi sa yang dang yang du 'byung ba dang/ bedu snabs su 'khru ba dang/ gzhang 'brum zug cing na ba dang/ 'di rnams la sman 'di ni mchog
 tu bsngags so/ /gzhang 'brum 'khrugs par 'gyur ba la ni sman mngar ba dang/ skyur ba dang grang ba dang/ dro ba la sogs pa la me'i stobs che chung dang sbyar te rtag tu btang na zhi bar 'gyur ro/ /rtug skam gyi nang la ni grang ba'i rims gso ba'i bsku byug bzhin du 'dir
 yang til mar gyi bsku byug dang snum chos legs par byas la de nas dugs bya'o/ /de nas durbing dang/ dan+ti dang/ pi pi ling dang/ ni li ni'i 'bras bu dang/ lo son cha'i 'bras bu dang/ sman gcig gi nyis 'gyur gyi lan tsha rnam gnyis dang/ 'di rnams kyi phye ma
 bud med kyi 'o ma dang/ ba gcin dang sbyar ba'i reng bu lag pa'i mthe bong tsam bya ste/ bshang ba'i lam du reng bu mar gyis bskus la mas yar bcug na rtug skam tshul bzhin du 'byung ngo/ /yang na pi pi ling dang/ po son cha dang/ khyim gyi dud pa dang/ yungs kar dang/
 'di rnams gong ma bzhin ba gcin dang bur ma dang sbyar te mas btang na rtug skam legs par 'byung ngo/ /yang na gong ma'i sman gyi sbyor ba gnyis pa'i sman gyi phye ma smyug ma rtsogs pa'i sbubs su bcug pa rkub nas bcug ste bud par bya'o/ /
 de nas ma phan na sman rno ba dang/ snum gyi 'jam rtsims btang bar bya'o/ /'jam rtsi'i spu gu de yang drang por bya ste/ legs par btang na rtug skam dang rlung bde bar 'gyur ro/ /gal te khong rtsub pas rlung dang rtug skam de 'byung du ma 'dod na/ rlung 'joms
 ba'i bkru sman snum dang bcas pa dang/ a nu ba san btang ngo/ /yang na lan tsha rnam gsum dang/ tsha ba gsum dang/ 'bras bu gsum dang/ dan+ti dang/ ba la ka dang/ tsi tra ka dang/ 'di rnams brtags pa'i phye ma mar dang gcin dang sgrus la dza ma kha sbyar
 gyi nang du bcug ste dung pa ma shor bar mtshams 'jim pas glan te nan du bsregs te du ba nang du zhu ste thal bar song ba ni dge ba'i thal ba zhes bya ste/ mar dang lhan cig btung ba 'am yang na 'bras chan nam/ snum dang ldan pa'i zas dang lhan cig
 zos na rtug pa 'gags pa dang/ gzhang 'brum dang skran dang/ skya rbab dang/ dmu rdzing dang/ srin nad dang/ gcin 'gags pa dang/ rde'u chags pa dang/ skrad pa dang/ snying nad dang/ pho ba'i nad dang/ mchin pa na ba dang/ lto spo ba dang/ dbugs mi bde ba
 dang/ lung pa yu ba rnams 'joms so/ /gzha gyang gzhang 'brum gyi rtug pa ska ba'i cho ga bshad pa thams cad 'di sbyar bar bya'o/ /gzhan yang bu ti ga rany+dza'i shun pa srang nyis brgya/ chu srang lnga brgya rtsa bcu gnyis kyi nang du bskol te bzhi cha lus pa dang/
 tshigs ma rob la dangs ma'i nang du bu ram srang brgyad cu dang/ che ba gsum srad brgyad zhib tu btags pa'i phye ma bcug ste bsregs la zla ba gcig bzhag ste rang gi drod kyis legs par smin pa dang/ cung zhig skyur bar 'gyur te/ de las ran
 par 'thungs na rlung legs par 'byung zhing gzhang 'brum dang/ mtsher pa'i nad dang/ skran dang/ dmu rdzing rnams las rgyal bar 'gyur ro/ /yang na pu ti ka rany+dza zhes bya ba srin sman rme ru srad brgyad dang/ rtsa ba gsum po tra ka dang/ kanTa kA ri gnyis kyang srang brgyad brgyad dang/
 chu srang stong lnga brgya sum cu rtsa drug bskol te/ bzhi brgya sum brgya brgyad cu rtsa bzhi lus pa dang/ tshigs ma bor te bsgrangs pa'i nang du dri sna gsum dang/ tsha ba gsum dang/ pi pi ling gi rtsa ba dang/ se'u 'bru dang/ sru sru'i rtsa ba dang/ gu gul dang/ ma nu dang/ 'u su dang/
 dbyi mo dang/ spa ma'i 'bras bu dang/ sge'u gsher dang/ star bu dang 'di rnams srang re re zhig tu btags pa'i phye ma sbrang rtsi dang/ rgun 'bru dang/ skyur rtsi chen po dang/ sge'u gsher dang 'di rnams rlon pa brdzis pa'i khu ba srang nyi shu dang/ bu ram shing gi khu ba ci mang du
 blugs te/ 'di rnams lhan cig snod snum can gyi nang du bcug pa zla ba gcig bzhag ste smin nas skyur por gyur pa dang/ de las ran par 'thungs na shing sogs las bcad pa bzhin du gzhang 'brum 'joms te/ khyad par du me'i drod bskyed pa'i mchog yin no//
 de bzhin du skya rbab dang/ dbyig dug dang/ dmu rdzing dang/ skran dang/ mcher pa na ba dang/ lto sbo ba dang/ rde'u chags pa dang/ gcin sri ba rnams sel to/ /yang na shing pi lu'i 'bras bu'i khu ba srang lnga brgya brtsa bcu gnyis legs par ras dang bcing la/ snod snum can
 gyi nang du bcug ste de'i nad du da ta ki dang/ rgun 'bru srang gnyis gnyis dang/ bra go dang/ skyu ru ra'i 'bras bu dang 'di gnyis srang gnyis gnyis dang/ pA tha dang bong nga dkar po dang/ byi tsher ba dang/ star bu dang/ tsha ba gsum dang/ shing tsha dang/ sug snel dang/ 'u su dang/
 'bu sug hwang dang/ bu tshang b+ho dang/ li shi dang/ bi dang ka dang/ pi pi ling gi rtsa ba dang/ kru trug tres dang/ 'di rnams srang re re btags pa'i phye ma dang/ bur ma srang brgya bcug ste/ rlung med pa'i gnas su zla ba phyed bzhag nas de las ran bar 'thungs na gzhang 'brum dang snyan
 rnams zhi bar byed de me'i stobs skyed cing myur du 'ju bar 'gyur ro/ /yang na rtsa ba bcu pa dang/ dur byid dang/ pa tha dang/ ata rnam gnyis dang/ bong nga dkar po dang/ katpal dang/ 'di rnams srang bcu bcu btags la sbyor ba gong ma bzhin du rdzam
 kha sbyar gyi nang du bsregs te thal bar gyur ba dang/ chu srang lnga brgya bcu gnyis kyi nang du bcug la ras dang btsags nas tshigs ma bor la dangs ma de rdza bum gyi nang du bskol nas bzhi srang brgya nyi shu rtsa brgyad lus pa dang/ de'i nang du bu ram srang brgya dang/
 tsha ba gsum dang/ dbyi mo dang/ a rur srang lnga lnga dang/ tsi traka srang gnyis dang/ ya bak+Shar srang gnyis dang/ de rnams zhib tu btags pa'i phye ma bcug la yang bskol te/ lde gu dril du btub tsam na phyir phyung bas na bu ram gyi lde gu zhes bya ste/ de bas ran
 par zos na skrad dang/ mcher pa'i nad dang/ gzhang 'brum dang/ mdze dang/ gcin nad dang me'i drod nyams pa 'joms bar byed do/ /yang na tru krug tres kyi rtsa ba lnga bcu tu srang lnga bcu brgya rtsa bcu gnyis kyi nang du bskol te brgyad cha srang drug cu rtsa bzhi yus pa
 dang/ de'i nang du bu ram rnying ba srang brgyad bcug ste yang bskol la cung zhig ska bar gyur ba dang/ de'i nang du tsha ba gsum dang/ shu ti dang a ru ra dang/ ru rta dang/ dur byid dang/ pi dang ka dang/ shing tsha dang/ tsi tra ka dang/ sug smel dang/ 'di rnams btags pa'i
 phye ma bcug la dkrugs nas lde bur gyur pa las ran par zos na gzhang 'brum dang mdze dang/ mcher ba na ba dang/ skan dang/ dmu rdzid rnams las rgyal bar byed do/ /rtag tu goms par byas na me'i drod skyed par byed do/ /yang na tsha ba gsum dang/ 'bras bu
 gsum dang/ bi dang ka dang til dang go bye dang/ tsi tra ka 'di rnams bu ram dang ri lur byas te btang na gzhang 'brum sel cing me drod skyed par byed do/ /sman sur na'i rtsa ba rdza ma kha sbyar gyi nang du bcug ste/ mtshams su 'jim pas bskus nas cho ga bzhin bsrags
 te thal bar gyur pa dang/ lan tsha dang/ til mar dang/ sbyar te zos na gzhang 'brum zlog par byed do/ /na le sham dang/ pi pi ling dang/ dong kra dang/ kru trug tres dang/ de rnams yas kyi rim pa bzhin du cher skyed do/ /kru trug tres kyi bzhi 'gyur gyi shalma li dang/ sman de rnams spyi'i
 nyis 'gyur gyi bu ram dang/ ril bur byas te de las ran par zos na gzhang 'brum gcod par byed do/ /yang na na le sham dang/ de'i nyis 'gyur gyi bca' sga dang/ de'i bzhi 'gyur gyi kru trug tres dang/ de'i nyis 'gyur gyi su ran rnams btags pa'i nyis 'gyur gyi
 bu ram dang/ ril bur byas te zos na gzhang 'brum sel to/ /a ru ra dang/ drod kra dang/ pi pi ling dang/ ka rany+dza dang/ bi dang ka dang/ kru trug tres dang/ 'di rnams btags pa dang mnyam pa'i khar dkar po dang bsres pa'i phye ma de las ran par zos na zas lci ba dang/ mang
 du zos kyang myur du 'ju bar byed de rtag dong bzhin no/ /dug mo yungs dang/ lam ga li dang/ pi pi ling dang/ kru trug tres dang/ a pa marga'i sa bon dang/ bu nim+ba dang/ rgyam tsha dang/ de rnams kyi phye ma'i nyis 'gyur gyi bu ram dang ri lur byas te zos na gzhang 'brum sel to
 gzhang 'brum gzhom par 'dod pas kru trug tres dang/ dug mo yungs dang/ tsi ri balbi dang/ nilba dang/ rgyam tsha dang/ 'di rnams btags pa'i phye ma dar ba'i nang du bskyos te zhag bdun gyi bar du btung bar bya'o/ /mdor na gzhang 'brum skam po la ni ba la da ka dang/
 gzhang 'brum gsher pa la ni dug mo yungs kyi shun lpags ban pa'i mchog tu bshad do/ /gzhang 'brum thams cad la dar ba bsten na stobs skyed cing nyes ba 'joms so/ /rlung dang bad kan la sogs pas rtug pa 'gags pa'i gzhang 'brum la ni ma'i drang skyed pa
 dang/ mthun pa'i bza' btung dang sman rnams bsten bar bya ste/ cho ga de ltar ma byas na ni phyin ci log tu 'gyur ro/ /gzhang 'brum dang 'khru ba dang/ pha ba'i nad bzhi dang/ 'di rnams na phal cher gcig la gcig rjes su 'brel pa yin te/ de dag kyang me'i dred nyams
 chung ba las gyur ba yin pas khyad par du me'i drod bsrung ba la 'bad par bya'o/ /gso ba'i gnas las gzhang 'brum gso ba'i le'u brgyad pa rdzogs so// //de nas 'khru ba gso ba'i le'u bshad par bya ste/ me'i drod
 nyams pas ma zhu ba'i gnas pho ba la brten nas shas cher 'khru bar 'gyur te/ de la ni thog mar smin par bya ba'i phyir rlung las gyur pa yin na yang smyung ba byas na phan no/ /de ltar 'khru ba khong du zug gzer che zhing lto lci la cham pas nyams
 thag pa la ni skyugs sman bya'o/ /nad gzhi khong du gsogs pa na kha zas tshul bzhin mi 'ju ste/ nad gzhi dang 'dres nas shas cher 'khru la rang 'di 'khru ba ni zhu bas 'khru zhes bya ste/ dang por sman dpyad mi bya bar btang snyoms su bzhag go/ ma zhu
 bas 'khru ba la yang tshul de ltar dang po gcod pa'i sman dpyad mi bya'o/ /gzhan yang lto spo ba dang/ lus lci ba dang/ zug gzed che ba dang/ dran pa ma gsal zhing 'khru ba char mi 'byung ba la ni a ru ra byin te bde bar 'khrur gzhug go/ nad tshabs mi che ba'i 'khru
 ba la ni nyung ba bskam par bya ba'i phyir b+hu ti ka dang/ pi pi ling dang/ bca' sga dang/ shu thag dang/ 'u su dang/ a ru ra dang/ 'di rnams shas cher bskor te blud do/ /yang na bilba dang/ 'u su dang/ gla sgang dang/ dong kra dang/ ba la ka dang/ 'di rnams bskol ba'i
 khu ba blud pa 'am/ yang na bilba dang/ 'u su dang/ gla sgang dang/ bca' sga dang/ ba la ka dang/ 'di rnams bskol ba'i chu 'am/ yang na lan tsha bi da dang/ ba tha dang/ shu thag dang/ a ru ra dang/ bri dang sha dang/ dong kra dang/ 'di rnams bskol ba 'am/ yang na bca' 
 sga dang/ ga pur dang shu thag dang/ bong nga dkar po dang/ bilba dang/ dug mo nyung dang/ shing kun dang/ 'di rnams bskol ba'i khu ba blud do/ /nad gzhi chung zhing tshabs chung ngur 'khru ba la ni shu thag dang/ bong nga dkar po bskol ba 'am/ yang na ldum bu skra bzangs
 bskol ba 'am/ yang na ba la ka ta dang/ dong kra bskol ba'i chu blud do/ /lus nyams chung zhing bkres pa la zas kyi tshod la? pa lta na thug pa la sogs pa yang ba'i zas sbyin no/ /de ltar gong du smos pa'i rim pa dag byas na zas yi gar 'ong zhing me'i drod skyed la nyams stobs
 'phel bar 'gyur ro/ /de ltar 'khru ba'i nad pa de gang la goms ba'i btung ba la sogs pa des gso bar bya ste/ der yang dar ba 'am/ rang skyur ram/ thug pa 'am/ skyo ma dang/ chang ngam rgun chang ngam/ gang yang rung bas bya'o/ /de nas thug pa la sogs pa'i bza' ba sbyar
 de de yang me drod bskyed pa dang/ smin pa dang/ 'khru ba gcod pa'i sman pa lan dang/ zur ba dkar po dang/ 'u su dang/ shing kun dang/ da tri ka dang/ bal po se'u dang/ pa la sha dang/ sba ma'i 'bras bu dang/ zi ra dang/ la la pud dang/ bi d+ha lce myang tshwa dang/ rtsa ba chung ngu lnga dang/
 ba tha dang/ 'di rnams bza' ba dang btung ba dang ci rigs par sbyar te bza' o/ /bad kan dang mkhris pa shas che ba'i 'khru ba la ni sa la par+Ni dang/ ba bla dang/ bilbi dang/ priSh+Na par+Ni dang/ 'di rnams las gzhi blangs pa'i thug pa'i nang du se'u 'bru skyur po btab ste blud na
 phan no/ /'khru ba 'gags pa la ni a ru ra dang/ pi pi ling dang/ pi pi ling gi rtsa ba dang/ bilba dang/ de dag las gzhi blangs pa'i thug pa blud na rlung bde bar 'byung ngo/ /nad gzhi mang po 'khrugs te 'khru ba 'gags pa dang/ me'i drod che ba la ni pi pi ling dang/ bi dang ka dang/
 'bras bu gsum dang/ 'di rnams bskol ba'i bkru sman btang ngo/ /de ltar khrus byas pa'i 'og tu rlung 'joms pa dang/ me'i drod skyed ba'i sman tsha ba lnga la sogs pa dang sbyar ba'i thug pa blud do/ /ma zhu ba 'khru ba smin nas me'i drod skyed de/ zhu bar 'khru la de yang yang dang
 yang du nyung du nyung dur 'byung zhing mkhregs pa dang/ dbu ba dang/ be'u snabs dang/ dri ma dang nad dang bcas par 'byung ba 'am/ yang na phyis btsir yang mi 'byung sal ni zho dang/ 'o ma dang/ mar dang/ bca' sga dang/ bu ram dang sbyar ba btung ngo/ /yang na rgya shug gi 'bras bu
 spangs pa bu ram dang til mar du bcas pa bza' o/ /'khru bo 'byung dka' ste 'gags pa la ni rgya sne'u'i tshod ma la sogs pa dang/ de bzhin du sha /bu ram mang po dang sbyar ba'i nang du zho dang se'u la sogs pa sbyar ba 'am yang na ma sha dang/
 mon sran sde'u dang/ til mar dang/ legs par sbyar ba gang yang rung ba dang/ 'bras can du byas pa bza' o/ /yang na zur ba dang/ a mu la dang/ ka bo ti dang/ pa thA dang/ swa rtsi ka'i tshod ma 'am/ yang na shu sha dang/ la la bud dang/ ka ra ta dang/ k+Shi ra ni dang/ tsir bi
 de'i tshod ma 'am yang na u po da ka dang/ dzi ban+ti dang/ ba ku dzi dang/ rgya sne'u'i tshod ma 'am/ yang na lcam pa dang/ e raN+Ta dang/ lau ni ka dang/ 'di rnams kyi tshod ma gang yang rung ba zho dang legs bar sbyar ba dang/ 'bras chan bza' ba dang/ yang na rus sbal dang/
 bye'u barta ka dang/ spar ba dang/ rma bya dang/ sreg pa dang/ khyim bya gang yang rung ba'i sha khu dang bcas pa'i bza' ba sbyin no/ /bilba dang gla sgang dang/ ba ru ra dang/ data ki'i me tog dang/ dong kra dang/ 'di rnams dar ba dang sbyar ba'i thug pa 'thungs na zhu ba'i 'khru ba sel to//
 ka pit+ta dang/ ka tsu ra dang/ ga bra'i rtsa ba dang/ yu ti ka dang/ n+ya gro d+ha'i myu gu dang/ su'u 'bru dang/ sha na'i ras bal dang/ sha ma li dang/ de rnams kyi lo ma btags pa/ zho dang sbyar ba 'thus na yang zhu ba'i 'khru ba sel to/ /bilba gzhon nu ma smin pa dang/ til zhib tu
 btags pa'i phye ma dang/ zho'i/ spris ma dang/ skyur dang snum dang bcas par til gyi tshigs ma zos na 'khru ba mkhreg ba dang/ bcas pa zhi bar 'gyur ro/ /yang na na le sham dang/ 'u su dang/ zi ra dang/ da trig dang/ zur ba dkar po dang/ lan tsha bi da dang/ se'u 'bru dang/
 da taki dang/ pa tha dang/ 'bras bu gsum dang/ tshwa ba lnga dang/ nas tshig 'khus pa'i thal ba dang/ ka pit+ta dang/ a mra dang/ shing 'dzam bu'i 'bras bu dang/ 'di gsum gyi rkang dang/ la la bung dang/ na le sham gyi drug 'gyur gyi bilba dang/ 'di rnams zhib tu btags
 pa'i phye ma zho dang sran mungka'i khu ba dang/ bu ram dang til dang mar bsres pa'i snum dang/ de rnams tshul bzhin du sbyar ba ni gzhan gyis mi thub pa'i zas zhes bya ste/ de las ran par zos na me'i drod skyed pa dang/ zas 'ju ba dang/ 'khru ba thur du 'byung ba sra bar byed pa
 dang/ zas yi gar mi 'ong ba dang mkhreg pa rnams 'joms par byed do/ /yang na rgya shug gi 'bras bu dang/ bilba gzhon nu btags pa dang/ 'bras dang/ nas dang/ mung+ga dang/ mon sran rde'u dang/ til dang 'di rnams lhan cig pa de'i nang du til mar dang mar brngos? te
 bcug la zho dang se'u 'bru'i khu ba dang bsres pa tshul bzhin bskol ba ni khu bcud ces bya ste/ de las ran par 'bras chan dang bcas par zos na rtug pa zad cing gdong skams pa la phan no/ /yang na zho'i spris ma dang/ mar dang til mar bsres pa bskol ba'i nang du
 dong kra'i phye ma bu ram dang sbyar ba bza' o/ /yang na chang gi nang du til mar dang/ mar bskol ba blugs te chong mar bya'o/ /yang na ki'u'i khu ba le'u 'bru la sogs pa skyur dang sbyar te/ mar dang bskol la bcug pa tshong mar sbyar ro/ /yang na phye'i zan brul gyi steng du mar dang
 til mar blugs la tsha ba gsum gyi phye mas btab pa bza' o/ /yang na sran ma sha legs par sbyar ba'i steng du mar gyi snying khu blugs la zos na phan yon gong ma dang 'dra'o/ /ra dang lug gi sha khu se'u'i skyur gyi snying khu dang 'u su drang do dkra'i phye ma dang lhan cig sbyar
 ba bskol te btsags pa'i khu ba 'bras dmar po'i chan dang lhan cig bza' zhing de'i 'og tu btung ba legs par sbyar na rtug pa 'gags pa myur du zhi bar byed do/ /bilba gzhon nu dang/ bu ram dang til mar dang/ pi pi ling dang/ bca' sga dang/ 'di rnams kyi lde gu
 zos na rlung gis 'gags pa dang/ zug gzer che zhing mkhregs pa dang bcas pa zhi bar byed do/ /seng phrom dkar po'i shun pa dang/ da ta ki'i me tog dang/ rgya shug gi lo ma dang/ 'di rnams btags pa'i phye ma zho'i spris ma sbrang rtsi dang ka pit+ta'i rang gi khu ba dang
 lhan cig sbyar ba 'thungs na phan no/ /rlung gis rtug pa 'gags shing zug gzer che ste mkhreg la khrag dang be'u snabs dang bcas par 'byung ba dang/ skom pas gdungs pa la ni 'o ma tshim tshad du sbyin no/ /yang na til dang mar
 bsres pa'i steng du 'o ma bzhos te lhan cig blud do/ /yang na e raN+Ta'i rtsa ba dang bilba'i rtsa ba gang yang rung ba dang bskol ba'i khu ba blud do/ /yang na gla sgang nyi shu dang/ de'i sum 'gyur gyi chu dang 'o ma srang bzhi dang lhan cig bskol la bzhi cha lus ba las rin
 par 'thungs na ma zhu ba'i nad dang bcas pa la phan no/ /yang na pi pi ling na le sham zhib tu btags te 'o ma dang lan cig 'thungs na yun po nas zhen pa'i mkhregs pa yang 'joms so/ /smyung ba la sogs pas lus nyams chung zhing khong rtsub la zug
 gzer gyis nyams thag par gyur na me'i drod brtags te thal sman rnon po mar dang bcas pa sbyin no/ /yang na rtsa ba bcu pa tshul bzhin du bskol te bzhi cha lus pa dang tshigs ma bor te sman gyi khu ba'i bzhi cha'i mar dang zho dang/ chang gi nying khu dang/ lce
 myang tshwa dang/ tshwa ba lnga btags te lhan cig bskol la mar nyi tshe lus pa dang/ de las ran par zos na gzer bas nyams thag pa sel to/ /yang na bca' sga srang drug dang/ pi pi ling mu la dang/ kru trug tres dang/ rgyam tsha 'di gsum srang gnyis dang/ til mar
 srang sum cu rtsa gnyis dang/ zho dang chu dang/ tshul bzhin bskol la mar nyi tshe lus pa las ran par 'thungs na 'khru ba'i zug gzer dang bcas pa sel to/ /yang na sha dang 'o ma mar ram til mar gang yang rung ba dang tshul bzhin bskol la mar lus pa dang/
 de las btung ba dang 'jam rtsi mas btang ba dang bsku byug la sogs pa byas na rtug pa 'gags pa dang 'khru ba'i zug gzer las rgyal bar byed do/ /rlung 'khrugs pa dang/ zug gzer la ni til mar mchog yin te de las lhag pa med do/ /gzhan yang
 rlung ni bad kan la sogs pa'i nad gzhi 'joms par byed cing g.yo ba dang lus la khyab pa dang rang gi gnas na 'dug pa yin pas de la yang til mar 'di rab tu bsngags te/ me'i drod chung ba la sbyar na yang bde bar byed pa'i mchog yin no/ /me'i stobs che ba dang/
 rlung dang gi gnas su mkhregs pa lta smos kyang ci dgos te til mar tshul bzhin sbyar na 'dug pa'i gnas med do/ /bshang ba bzad pa dang nad gzhi rnams rang gi gnas las nyams te 'khrugs na rlung 'ba' zhig stobs che zhing mkhregs pa dang bcas pa zug gzar
 yod pa'i tshar nad can ni 'tsho dka' ba yin te/ de yang gal te phyi nang gnyis ka nas til mar dang btung ba dang bsku ba la sogs pa byas na 'tsho bar 'gyur ro/ /gzhang na zhing phyir 'byung ba la ni 'o ma dang rgya shug skyur po dang/ tsang gor gnyis kyi rang gi khu ba dang/ mar dang zho
 dang dong kra btags pa'i phye ma dang/ 'di rnams bskol ba'i mar ram yang na 'o ma dang rgya shug la sogs pa gong ma de dag bskol ba'i khu ba'i nang du zho dang dong kra btags pa bcug pa'i lde gu gang yang rung bas bskus na phan no/ /yang na 'u su dang/ na le sham dang/ bi
 dang ka dang lce myang tsha dang/ zi ra dang/ tsha ba rnam lnga dang/ se'u 'bru dang/ de rnams kyi phye ma rgya shug skyur po dang/ tsa go ra'i khu ba dang/ zho dang 'o ma dang mar 'di rnams tshul bzhin bskol la/ mar nyi tshe lus pas bskus na gzhang phyir 'byung zhing zug pa zhi bar byed do/ /yang
 na rtsa ba bcu po dang mar du sbyar ba'i 'jam rtsims btang bar bya'o/ /yang na zur dkar po dang/ shu ti dang/ ru ta dang/ mar du sbyar ba 'am yang na shu dag dang/ kru trug tres dang/ mar du sbyar ba 'am sbyor ba de dag mar dang tshul bzhin bskol te 'jam rtsi mas btang bar bya'o//
 bshad ba mkhregs pa dang/ gzhang phyir byung ba dang/ gcin 'gags pa dang/ rked pa rengs pa la ni til mar ram mar gang yang rung/ sman mngar pa dang skyur ba tshul bzhin bskol ba'i a nu ba sa na bya'o/ /gal te gzhang phyir byung ste nang du zhugs ma 'dod de spang ba
 lta na mar gyis bsku zhing dugs byas pas 'jam por gyur na phul la nang du gzhug par bya'o/ /gal te lan cig gzhang nang du bcug nas phyir yang 'byung na ni rkub tsos gnyis pags pas glan la dbus su phug pa la sogs pa cho ga ji
 ltar bya ba ni mdo nas gsungs pa lta bu'o/ /yang na rtsa ba chen po lnga dang byi ba'i nang grol phyung ba'i sha dang/ 'o ma dang lhan cig bskol ba 'am/ yang na rlung 'joms pa'i sman dang/ til mar tshul bzhin bskol bas gang phyi sa 'byung ba la bsku ba dang btung ba la
 sogs pa byas na phan no/ /mkhris pa las gyur pa'i 'khru ba ma zhu ba dang bcas pa la ni rno ba dang dro ba'i bag spangs te gong ma bzhin du thog mar smyung ba la sogs pa bya'o/ /mkhris pa las gyur pa'i 'khru ba skem dad che ba la ni yan lag drug ces bya ba'i sman
 gla sgang dang/ parpa ta dang/ pu shel ci dang/ tsan dan dang/ u di tsa dong kra dang/ tik+ta dang/ thal tres dang/ 'di rnams bskol ba'i khu ba blud do/ /de ltar smyung ba la sogs pa byas bkres na zas 'dod pa la me'i drod skyed par 'dod pa'i phyir thug pa la sogs pa
 byin te/ de yang rtsa ba chung ngu lnga dang/ nye'u shing dang/ ba la rnam gnyis dang/ man sran rde'u dang/ mon sran gre'u gnyis kyi lo ma dang/ 'di rnams kyi thug pa dang/ khu ba cung dang/ zas kyi nang du btab pa las gzhi blangs la sbyin no/ /'khru ba 'gags pa la ni dug mo
 yungs kyi shun lpags dang/ 'bras bu dang bong nga dkar po dang btags pa'i phye ma sbrang rtsi dang 'bras bkrus pa'i khu ba dang lhan cig sbyar ba blud do/ /pa tha dang dug mo yungs kyi shun lpags dang/ sa bon dang skyer pa dang/ pi pi ling gi rtsa ba dang/ bca' sga dang/
 'di rnams lhan cig bskol ba 'am/ yang na bong nga dkar po dang/ pilpa dang/ dug mo yungs dang/ u di tsa dang/ gla sgang rnams lhan cig bskol ba 'am/ yang na bong nga dkar po dang/ rtswa dur ba dang skyer ba dang/ dug mo yungs dang/ sgyed khaN+Da dang de rnams
 lhan cig bskol ba'i khu ba 'am/ yang na bong nga dkar po dang/ bca' sga dang/ gla sgang dang/ dug mo yungs dang/ katpa la dang/ 'di rnams bskol ba'i khu ba sbrang rtsi dang lhan cig sbyar ba blud do/ /sha khu dang bcas pa'i zas za ba la ni dug mo yungs kyi sa bon srang gcig
 bskol ba'i khu ba blud na mkhris pa las gyur pa'i 'khru ba sel to/ /de bzhin du skyes bu gang sha khu dang bcas pa'i zas za ba la ni gla sgang bkol ba'i khu ba sbrang rtsi dang sbyar ba 'am/ yang na shalma li'i lo ma bskol ba grangs pa'i nang du sbrang rtsi btab pa blud
 na/ mkhris pa las gyur pa'i 'khru ba sel to/ /tika ta dang/ gla sgang dang/ dug mo yungs dang/ skyer khan da dang/ de rnams btags pa'i phye ma 'am/ yang na skyer ba dang/ ba bla ka dang/ pilpa dang/ byi cher ba dang/ 'di rnams kyi phye ma 'am/ yang na til dang mony+dza
 nga dang/ seng phrom dkar po dang/ btsod dang/ pad+ma dang/ utpa la dang/ 'di rnams btags pa'i phye ma 'am yang na dong kra dang/ da ta ka'i me tog dang bal po se'u'i shun pa dang/ 'bras bu dang/ 'di rnams kyi phye ma 'am/ phye ma'i sbyor ba de dag sbrang rtsi dang 'bras bkrus pa'i khu
 ba dang sbyar ba las gang yang rung ba 'thungs na mkhris pa las gyur pa'i 'khru ba sel to/ /yang na skyer ba dang dug mo yungs dang/ seng phrom dang/ sug smel dang 'di rnams bskol ba'i khu ba 'thungs na zhu ba'i 'khru ba sel to/ /yang na seng phrom gyi sde tshan dang/ am pashTa'i
 sde tshan dang/ pri yang ku'i sde tshan dang/ 'di rnams gang yang rung ba bskol ba'i khu ba blud na zhu ba'i 'khru ba sel to/ /yang na pu tse shel dang/ ba la ka dang/ shing mngar dang/ pri yang su dang/ se'u 'bru'i myur gu dang/ 'di rnams zho dang/ 'u su dang/ lhan cig thug pa dang/ lde gu dang/
 kha la ka dang/ 'di rnams sbyar ba blud do/ /de bzhin du ka pitpa dang/ bilpa dang/ a mra dang/ 'dzam bu dang/ 'di rnams kyi rkang yang gong ma'i thug pa la sogs pa dang sbyar ro/ /mkhris pa las gyur pa'i smin pa'i 'khru ba la ni ra'i 'o ma mchog tu bsngags te/ gal te nad gzhi stobs
 che bas 'o mas ma zhi na bkru sman btang ngo/ /'khru ba dang brag du 'khru ba res kyis 'byung ba la ni pa sha bskol ba'i khu ba nyi tshe 'am/ yang na 'o ma dang lhan cig 'thungs na de'i 'og tu me drod che chung dang sbyar te 'o ma dron po blud na sla tsha bde bar 'byung
 ste khong pa'i 'khru ba'i nang sel to/ /yang na gyi lce ba la sha'i sbyor ba ltar byas na yang phan yon gong ma dang 'dra'o/ /gong du thug pa dang bkru sman la sogs pa sbyor ba byas kyang zug gzer da dung ma zhi ba lta na me'i drod brtags te/ a nu ba san btang bar bya ste sha da puShpa dang
 nye'u shing dang/ pilpa dang/ shing mngar dang/ de rnams 'o ma dang mar dang/ mar gyi bzhi 'gyur gyi til mar dang tshul bzhin bskol ba'i a nu ba sa rnams btang ngo/ /de ltar byas kyang mkhris pa'i 'khru ba ma zhin ni ping rtsa'i 'jam rtsi mas btang na phan pa'i mchog yin no//
 sham li'i lo ma rlon pa spangs pa ku sha rlon pas bcings te/ sa nag po'i 'jim pas g.yogs la ba lci skam po'i me'i nang du bsregs te/ 'jim pa bskams pa dang/ 'jim pa bkog la nang gi sman gyi gong po las spang gcig tsam 'o ma srang sum cu rtsa gnyis kyi
 nang du mnyes te tshigs ma bor la dangs ma'i nang du rgya spos dang shing mngar btags pa'i phye ma dang sbrang rtsi dang mar dang/ til mar 'di rnams snod yangs pa'i nang du bcug ste/ rkub nub par bzhag la 'dug go /de nas lus khrus byas la 'o ma 'am srog chag thang la
 skyes pa'i sha khu dang zas lhan cig zos na mkhris pa las gyur pa'i 'khru ba dang/ rims dang/ skrangs pa dang/ skran nang dang/ rlung nad dang/ pho ba'i nad rnams sbyor ba 'dis myur du zhi bar byed do/ /ba pru sman dang/ bkru sman drag po dang/ 'jam rtsi mas btang ba'i sbyor ba/ drags
 pa las byung ba yang 'dis myur du zhi bar byed do/ /yang na dug mo yungs dang/ shug pa bskol ba khaN+Da 'dra bar gyur pa dang/ dug mo yungs kyi sde tshan dang/ a bste'i sde tshan sbrang rtsi dang lhan cig sbyar ba zos na 'khru ba'i nang thams cad sel to/ /ma zhu ba dang na ba med cing me
 drod che ste yun ring po nas 'khru ba'i khrag dang bcas pa mdog sna tshogs su 'byung ba la ni/ dir ga bri ti'i shun pa btags pa chu dang gong bur byas la katpa? la'i lo ma'i nang du thum por bya ste 'jim pas g.yogs la me'i nang du bsregs te phyir phyung la khu ba btsir ba'i khu ba'i
 nang du sha kha ram sbrang rtsi btab pa grang mo blud na phan no/ /de bzhin du shing 'o ma can gyi shun pa rlon pa de nyid kyi lo mas dkris la cho g gong ma bzhin du blud do/ /yang n khri shing gi shun pa chu dron dang sbyar la mar dang sbrang rtsi dang bcas pa zos na 'khru ba tshabs che ba yang zhi
 bar byed do/ /mkhris pa'i 'khru ba la de dang mthun pa'i kha zas dang sman bsten pa las mkhris pa 'khrugs ta khrag tu 'khru zhing de yang skom dang che la rims kyis 'debs pa dang/ gzhang kha tshos par byas pa la ni btsod dang/ pad+ma dang/ utpal dang/ 'di rnams ra'i 'o ma dang
 lhan cig bskol ba 'am/ yang na mony+dza ra 'o ma dang lhan cig bskol ba blud do/ /thal tres dang/ shing mngar dang/ seng phrom rnams 'o ma dang lhan cig bskol ba 'am/ yang na shing n+ya gro d+ha la sogs pa 'o ma can gyi shing gi lo ma lhan cig bskol ba 'am/ yang na sbyor ba gnyis
 kyi nang du sbrang rtsi dang sha kha ra dang bcas pa bza' ba dang btung ba 'am/ gzhang du blugs pa la sogs pa byas na phan no/ /btung ba dang khu bcud la sogs pa yang skyur med pa mar dang bcas pa grang bag byin na phan no/ /yang na taM bal gyi 'bras bu'i khu ba skyur cung zad
 li kha ra dang bcas pa byin no/ /yang na ba bla ka dang/ utpal dang/ dong kra dang/ priSh+Na par+Ni'i khu ba dang/ ra'i 'o ma dang/ chu dang tshul bzhin bskol ba'i thug pa blud na khrag gi 'khru ba sel to/ /zas kyi gong bu mar sar dang/ sbrang rtsi dang li kha ra dang sbyar ba'i lde gu gzhag go /
 khrag gi 'khru ba tshabs che ba la ni ra 'am ri dags kyi khrag dang/ mar bskol ba bsres pa blud na phan na/ /bza' ba dang btung ba yang ra'i 'o ma'i mar dang 'o mar bcas pa 'am/ yang na 'o ma nyi tshe yang rung ste zhag gsum bsten to/ /yang na gong ma sreg gi sha khu dang/
 'o ma dang lhan cig btung ba 'am/ lde gu byas te zos na nad med pa'i bde ba skyed do/ /yang na nye'u shing btags pa'i phye ma dang lhan cig thog mar 'thungs la/ de'i 'og tu 'o ma dang zas lhan cig bza' ba 'am/ yang na nye'u shing dang mar tshul
 bzhin bskol ba 'thungs na khrag las gyur pa'i 'khru ba myur du 'joms par byed do/ /yang na rgya skyegs dang dong kra dang/ pi pi ling dang skyer ba dang/ pu tse shel dang/ dug mo nyung dang/ mar dang 'di rnams tshul bzhin du mar gyi thug pa dang/ thug pa rkyang rkyang po la
 sogs pa sbyar na/ nad gzhi gsum las gyur pa'i 'khru ba mi bzang pa yang zhi bar 'gyur ro/ /sa nag po las skyes pa'i dung chu dang/ shing mngar btags pa'i phye ma sbrang rtsi dang/ ra'i khrag dang/ 'bras bkrus pa'i chu dang sbyar ba 'thungs na khrag las gyur pa'i 'khru
 ba sel to/ /yang na gande pri yang ku btags pa'i phye ma 'bras bkrus pa'i chu'i nang du sbrang rtsi dang sbyar ba 'thungs na phan no/ /til nag po btags pa'i phye ma de'i lnga cha gcig gi li khar dang ra'i 'o ma dang sbyar ba 'thungs na khrag 'khru ba de ma thag tu sel to//
 tsan dan dang/ li khar dang/ sbrang rtsi dang/ 'bras bkrus pa'i chu dang lhan cig sbyar te btang na skom dang che ba dang/ gcin nad dang lus tsha ba che ba dang/ khrag tu 'khru ba rnams las grol lo/ /gzhang kha tsha bas tshos pa la ni sman brang ba'i nus pa dang ldan pas bsku ba
 byas na phan no/ /nyung ngu nyung ngur lan mang por khrag tu 'khru zhing zug gzer dang bcas pa dang rlung gis 'gags te tshad 'ga' 'byung ched 'ga' mi 'byung bas nyams thag pa la ni gong du smos pa'i bing tsa ba ti zhes bya ba'i 'jam rtsims? btang ba'i sbyor ba bya
 ste/ shing sha pa dang/ kar b+hu d+ha ru la sogs pa'i 'o ma tshom chom brdungs te mar dang 'o ma chu dang tshul bzhin bskol te mar nye tshe lus pa las 'jam rtsims btang na 'khru ba be'u snabs su 'byung ba dang/ gzhang nyams te phyir 'byung ba dang/ mkhrags la lus
 skems shing ring ba'i stobs skyed par byed do/ /de nas pra puN+Ta? rika mar dang tshul bzhin bskel ba'i 'jam rtsims btang bar bya'o/ /yang na bshad pa dang khrag tu paN+Des te 'byung ba 'am yang na khrag 'ba' zhig bshad pa sngon du 'byung ba 'am/ phyi nas 'byung yang rung ste/
 de la ni 'og nas 'byung ba'i nye'u shing gi sman mar lde gu'i ched du sbyar ro/ /yang na phyung ma thag pa dang/ sbrang rtsi dang li kha ra gnyis mar gyi bzhi cha dang sbyar ba'i lde gu phan pa'i zas dang lhan cig zos na khrag las gyur pa'i 'khru ba sel to/ /gang gi khrag gong 'og
 gnyis kar shas cher 'byung ba la ni n+ya gro d+ha dang u dum+ba ra dang/ a shwat+tha dang/ 'di rnams kyi myu gu cham chom brdungs te chu dron gyi nang du zhag gcig spangs la de'i khu ba dang mar dang lhan cig bskol la mar nyi che lus pa'i nang du mar gyi bzhi cha'i sbrang rtsi dang
 kha ra dang bcas pa lde gur byas te zos na phan no/ /bad kan las gyur pa'i 'khru ba la ni rlung las gyur pa'i 'khru ba'i cho ga bya ste lhag par smyung ba la sogs pa'i sbyor ba bya'o/ /de la bad kan las gyur pa'i 'khru ba 'gags pa la ni smin pa dang me'i drod bskyed
 pa'i sbyor ba bya ste/ de yang bilba gzhon nu dang/ gla sgang dang/ a ru ra dang/ bca' sga dang 'di rnams bskol ba'i khu ba dang/ yang na shu thag dang/ bi dang ka dang/ b+hu ti ka dang/ dong kra dang/ thang shing dang/ 'di rnams lhan cig bskol ba 'am/ yang na pi pi ling rnam
 gnyis dang/ pi pi ling gi rtsa ba dang/ kru trug tres dang/ 'di rnams bskol ba'i khu ba 'am/ yang na pa ta dang/ tsi tra ka dang/ dug mo nyung dang pi pi ling gi rtsa ba dang/ pu tse shel dang/ shu thag dang/ a ru ra dang/ 'di rnams bskol ba'i khu ba 'am/ yang na btags
 pa'i phye ma chu dron dang sbyar ba 'thungs na bad kan las gyur pa'i 'khru ba sel to/ yang na kha ru tsha dang/ tsha ba gsum dang/ shu thag dang/ shing kun dang/ bong nga dkar po dang/ 'di rnams phye mar byas te chu dron dang lhan cig 'thungs na bad kan las gyur pa'i 'khru
 pa nyams thag pa sel to/ /ka pit+ta'i rkang dang/ tsha ba gsum gyi phye ma sbrang rtsi dang li kha ra dang sbyar ba'i lde gu 'am/ yang na katpa la'i phye ma sbrang rtsi dang sbyar ba'i lde gu bldags na bad kan las gyur pa'i khod pa'i
 'khru ba las grol lo/ /yang na pi pi ling dang sbrang rtsir sbyar ba'i lde gu zos na phan yon gong ma dang 'dra'o/ /yang na tsi tra ka'i phye ma bdar ba dang sbyar ba btung ba 'am/ yang na bilba gzhon nu gcig pu zos na yang khod pa'i 'khru ba sel to/ /yang na pa ta dang mony+dza ra
 dang/ gla sgang dang/ da ti ki dang/ bilpa dang/ dong kra dang/ 'di rnams kyi phye ma bdar ba dang/ bu ram du sbyar ba 'thungs na/ bad kan las gyur pa'i 'khru ba shin tu tshabs che ba yang sel to/ /la la pud dang/ pi pi ling gi rtsa ba dang/ dri rnam bzhi dang dong kra dang/ na le
 sham dang/ kru trug tres dang/ ba la ka dang/ zir dang/ 'u su dang/ kha ru tsha dang/ 'di rnams cha mnyam pa dang/ da trika dang/ da ta ki dang/ pi pi ling dang/ pilba dang bal po se'u dang/ tingmu sa dang/ 'di rnams la la bud kyi sum 'gyur sum 'gyur dang/ khar dkar po
 la la pud kyi drug 'gyur dang/ ka pit+ta la la pud kyi brgyad 'gyur dang 'di rnams kyi phye ma byas pa ni ka pit+ta'i cha brgyad pa'i phye ma zhes bya ste/ de las ran par 'gams na bad kan las gyur pa'i 'khru ba dang/ pho ba'i nad dang/ skem byed kyi nad dang/ lkog
 ma'i nad dang/ lud pa'i nad dang/ dbugs mi bde ba dang/ khong pa'i drod nyams pa dang/ gzhang 'brum dang/ sna chu 'dzag pa dang/ yi ga 'chus pa rnams sel to/ /mig skrang ba dang/ rims rnam bzhi dang/ 'di rnams sel to/ /la la bud dang/ 'u su dang/
 zi ra dang/ 'di rnams bzhi bzhi dang/ pi pi ling gi rtsa ba dang/ tsha ba gsum dang/ 'di rnams srang re re dang/ se'u 'bru dang/ /kha ra dkar po srad brgyad brgyad 'di rnams phye mar byas pa ni se'u cha brgyad pa'i phye ma zhes bya ste/ de las ran par zos na sbyor ba gong
 ma'i yon tan dang 'dra'o/ /bad kan las gyur pa'i 'khru ba'i kha zas ni rlung las gyur pa'i 'khru ba'i kha zas dang thug pa'i bye brag la sogs pa sbyar te khyad par du cang ge ri dang/ rgya shug skyur po rang gi khu ba dang/ dar ba rnams bskol ba'i nang du bi dang ka dang/ na le sham dang/ ka pit+ta
 dang/ dong kra'i phye ma btab pa'i thug pa ni kha la'i thug pa zhes bya ste/ de las ran par 'thungs na bad kan las gyur pa'i 'khru ba las rgyal la/ /bad kan las gyur pa'i ma zhu ba'i 'khru ba zad de/ khu bar 'khru ba la ni rgya skyags dang/ dong kra dang/ pi pi ling la sogs pa srang
 drug? gong du smos pa dang lhan cig tu nas thug dang sbyar ba 'am/ yang na mar rnying pa nas thug gam/ thug pa rkyang rkyang bo dang 'thungs na phan no/ /rlung dang bad kan las gyur pa'i 'khru ba 'gags pa dang/ bad kan las gyur pa'i 'khru ba dang/ zug gzer dang bcas shing mkhregs
 pa la ni pid tsha'i 'jam rtsi rab tu bsngags te de yang shu thag dang/ bilba dang/ pi pi ling dang/ ru rta dang/ shu ti dang/ rgyam tshwa dang/ 'di rnams bilba'i mer dang tshul bzhin sbyar ba 'am/ yang na til mar dang bcas te btang ngo/ /rlung dang bad kan gyi 'khru ba shas cher nyams thag
 pa la ni a nu ba sa na dro 'jam tsam btang ngo/ /bad kan zad de yun ring por 'khru zhing lus nyam chung ba dang/ rlung 'jad gi nang du stobs cher skyes pa la ni de ma thag rlung zhi bar bya ba'i cho ga dang/ gang shas che ba'i gso ba la 'bad par bya ste/ de yang thog mar rlung gso bar bya
 sten de nas mkhris pa dang/ de nas bad kan gso'o/ /yang na thog mar gang shas che ba'i rims bzhin du gso'o/ /de la rlung 'khrug par byed pa'i rgyu ni 'jigs pa dang/ mya ngan gyis kyang 'khrug par byed de/ de la spro bsring ba dang/ dbyung ba dang/ sems dga' la sogs pa'i
 thabs kyis bzlog par bya'o/ /'khru ba sos pa'i mtshan ma ni 'khru ba chad pa dang/ gcin dang phyen bde bar 'byung ba dang/ me'i drod che ba dang/ lto yang bar gyur na nad med cing bde ba'i mtshan ma yin no// //gso ba'i gnas las 'khru ba gso ba'i le'u ste dgu pa rdzogs so// /
 de nas pho ba'i nad gso ba'i le'u bshad par bya ste/ pho ba'i gnas su rlung la sogs pa'i nyes pa sun par bya ste/ ma zhu bar gyur na smra ba la sogs pa'i tshod ran par bya ste/ gong du 'khru ba smin par bya ba'i cho ga ji ltar bstan pa bzhin du 'dir
 yang de ltar bya ste/ kha zas ni bkres pa 'am/ tsha ba rnam lnga dang/ lan cha dang bcas pa yang zhing drod skyed pa'i thug pa la sogs pa yin no/ /gzhan yang drod skyed pa'i phyir bal bu la sogs pa'i phye ma yang sbyar ro/ /ma zhu ba la bong nga dkar po dang deng kra dang/ se'u
 'bru la sogs pa'i skyur dang sbyar ba'i thug pa blud do/ /pho ba'i nad ma zhu ba 'khru ba'i btung ba ni chu dang/ dar ba dang chang la sogs pa gang la dad pa sbyin no/ /pho ba'i nad kyis 'khru ba'i nad pa la ni dar bas drod skyed cing 'khru ba gcod/ lus yang zhu na bsod la
 mngar ba'i phyir mkhris pa mi skyed/ bska zhing dro la cung zhig skyur te rtsub pa'i phyir bad kan la phan no/ /mngar ba dang skyur ba dang bska ba'i phyir bad kan la phan te/ dar ba bsrubs ma thag pa'i sar pa ni tsha ba mi skye/ skyur rnam bzhi zhes bya ba/ se'u 'bru dang
 ka pit+ta dang/ da trika dang/ amla pri sha dang/ rnam bzhi skam po phul re re dang/ tsha ba gsum srang re re dang/ lan tsha rnam lnga spyir srang bzhi dang/ li khar srang brgyad dang/ de rnams phye mar byas nas lo ma'i chod ma dang/ sran tshod dang/ bza' ba bsod pa'i
 nang du btab ste 'thungs sam zes na lung ba dang/ ma zhu ba dang/ yi ga 'chus pa dang/ dbugs mi bde ba dang/ snying ga na ba dang/ skya rbab rnams 'joms so/ /ma zhu ba smin par bya ba'i phyir/ dong kra dang/ bong nga dkar po dang/ gla sgang dang/ 'di rnams bskol ba'i
 khu ba 'am/ yang na phye ma chu dron po dang sbyar ba 'am/ yang na dong kra dang/ a ru ra'i phye ma chu dron dang sbyar ba blud do/ /yang na shu thag gi sde tshan rgyam tsha dang bcas pa chu dron dang sbyar ba 'am/ yang na chang dang sbyar ba btung ngo/ /phyi sa ma zhu bar 'byung ba la ni lan tsha 'di dang bilba dang/ tsi
 tra ka dang/ dong kra dang/ 'di rnams btags pa'i phye ma se'u 'bru'i khu bar sbyar ba btung ngo/ /bad kan dang rlung las gyur pa'i be'u snabs su 'bru zhing khong ba na ba la ni dug mo yung dang/ shing kun dang/ bong nga dkar po dang/ shu thag dang/ kha ru tsha dang/ a ru ra rnams dron mo las sbyar ba
 btang ngo/ /skyug cing tshigs su zug cing na ba la ni a ru ra dang/ kha ru tsha dang/ zi ra dang/ na le sham dang/ 'di rnams kyi phye ma chu dron dang sbyar ba blud do/ /pi pi ling dang/ dong kra dang/ pa tha dang/ thal tres rnam gnyis dang/ bri ha ti rnam gnyis dang/ tsi tra ka dang/ dug mo yungs kyi
 sa bon dang/ thal ba rnam gnyis dang/ lan tsha rnam lnga dang/ 'di rnams kyi phye ma chang gi snying khu 'am/ zho 'am chu dron mo 'am/ skyur gang yang rung ba las btang na me'i drod skyed cing khong pa'i lbo ba sel ba'i mchog yin no/ /yang na lan tsha rnam lnga dang/ thal ba rnam
 gnyis dang/ na le sham dang/ tsha ba rnam lnga dang/ a dza mo da dang/ shing kun dang/ de rnams kyi phye ma skyur rtsi chen po 'am/ se'u 'bru 'am/ rgya shug gang yang rung ba'i khu ba las ri lur byas te zos na 'khru ba smin pa dang drod skyed pa'i mchog yin no/ /bal bu'i lo ma dang/
 dbyi mo dang/ na ler sham srang re re dang/ pi pi ling mu la srang gnyis dang/ bca' sga srang gsum dang/ dri sna bzhi dang/ pu shel tsi zho gnyis gnyis dang/ de rnams zhib tu btags pa'i phye ma'i sum 'gyur gyi bu ram dang ri lung byas pa la ni bal bu'i ri lu zhes ste
 ran par zos pa'i rjes la chang dang sha la sogs pa'i khu bcud dang/ sha khu dang/ a ri sh+rA'i chang dang/ zho ga chu dang/ thag pa dang/ lo ma dang 'di rnams gang yang rung ba gsang gnas su byin te/ de ltar rtag tu bsten na rlung dang bad kan las gyur pa'i skyug pa dang/ pho ba na pa
 dang/ rtsibs log dang snying na ba dang/ rims dang skrang pa dang/ skya rbab dang/ skran dang/ chad nad dang/ gzhang 'brum dang/ cham pa dang/ sna chu 'dzag pa dang/ dbugs mi bde ba dang/ lud pa lu ba rnams las zlog par byed do/ /ci ste 'khru ba 'gags te na ba la ni gong gi sbyor
 ba las bca' sga phung la a ru ra srang gsum gyis sbrus te bsres pa zos na phan no/ /gal te mkhris pa las gyur pa'i skyug pa'i nad dang/ pho ba'i nad la sogs pa la ni gong gi sbyor ba las bu ram phyung la phye ma'i bzhi 'gyur gyi kha
 ra dkar po bsres te ri lur byas te bza' o/ /ri lu de yang bu ram 'am/ kha ra gang dang sbyor yang chu dang bskol te chu du ba dang phye ma bcug la ri lur byas pa ni yang ba'i mchog yin no/ /de nas sman gyi sbyor ba de dag gis ma zhu ba'i khru ba smin te/ rlung las gyur
 pa'i pho ba'i nad dang/ 'khru ba skyes na drod skyes pa'i sman dang sbyar ba'i mar nyung ngu nyung bza' o/ /me drod chung zhig skyes te rlung dang bshang gci 'gags na zhag gnyis su snum chos byas te/ de nas ni ru ha btang bar bya'o/ /de nas nyes pa rnams byung ba dang/ e
 raN+Ta'i mar ram seng phrom gyi mar gang yang rung ba thal sman dang lhan cig sbyar la bkru sman btang ngo/ de ltar byas pas lus dag ste/ khong rtsub la phyi sa 'gags par gyur na rlung sel cing drod skyed pa'i skyur ba'i sman dang btsos pa'i til mar gyi a nu ba sa
 mas btang bar bya'o/ /de ltar byas kyang nad ma zhin ni bkru sman drag po dang/ bkru sman dang/ 'jam rtsi mas btang ba'i sbyor ba yang dang yang du bya'o/ /de nas kha zas yang ba mar dang bcas pa'i me'i drod dang sbyar te yang dang yang du goms par bya'o/ /rtsa ba lnga
 dang/ a ru ra dang tsha ba gsum dang/ pi pi ling gi rtsa ba dang lce myang tsha dang/ ra sna dang/ k+Shi ra rnam gnyis dang/ zi ra dang/ bi dang ka dang/ zur ba dang/ de rnams mar dang tshwa lhan cig bskol te tsha du ba dang phyir phyung la/ skyur rtsi chen po'i rang gi khu ba'i nang du yang
 bskol te de bzhin du sge'u gsher dang/ la phug skam po dang/ rgya shug skyur po dang/ tsug trika dang/ bal po se'u dang/ 'di rnams kyi rang gi khu ba dang dar ba dang/ zho ga zhu dang/ chang gi nying khu dang/ nas kyi rtsa ba ma dang 'bras kyi kany+dzi dang/ 'di rnams re re'i khu ba'i
 nang gu gong gi sman dang/ mar rim pas bskol te khu ba du ba dang yang phyir phyung ste yang bskol la rim pa de ltar byas pa'i mar ni drod skyed pa'i mchog yin te/ zug gzer dang/ skran dang/ dmu rdzing dang/ dbugs mi bde ba dang/ lud pa dang/ rlung dang bad kan rnams 'joms so/ /yang na
 skyur rtsi chen po'i khu ba dang/ gong ma'i sman lhan cig bza' o/ /til mar gong ma'i rtsa ba lnga la sogs pa'i sman dang sbyor ba'i til mar gyis bsku byug byas na sel to/ /sman de dag gi phye ma chu dro 'jam tsam dang sbyar ba 'thungs na rlung dang bad kan 'dres pa'i bad kan nam//
 rlung nyi tshe'i ma zhu ba'i kru ba sel to/ /mkhris pa me drod nyams pa'i pho ba 'khru ba la ni bkru sman nam slon khrus kyis zhi bar bya ste/ kha zas ni kha ba dang yang ba dang/ 'khru ba gcod pa dang/ me'i drod skyed cing tsha ba chung ba'i zas dang/ kha ba dang/ snum pa'i phye ma 'og nas
 'byung ba rnams kyang me'i drod skyed do/ /pa to la dang/ nimpa dang/ khyi lce ba dang/ pu tse shel dang/ tik+ka dang/ parpa ta dang/ dug mo yungs kyi shum lpags dang 'bras bu dang/ murba dang/ shig tru mngar po'i 'bras bu dang/ shu thag dang skyed pa'i shun lpags dang/ shug pa dang/ /
 shel tse dang/ la la phung dang/ gla sgang dang/ tsan dan dkar po dang/ rgya tsha dang/ bong nga dang/ tsha ba gsum dang/ shing tsha dang/ sug smel dang/ gand+ha pa tra dang/ thang shing dang 'di rnams kyis phye ma sbrang rtsi dang/ lde gur byas te bza' ba 'am/ yang na chang ngam/ chu dang bskol te 'thus
 na snying nad dang/ skya rbab kyi nad dang/ pho ba'i nad dang/ skran dang zug gzer dang ma zhu ba dang/ rims dang/ mig ser gyi nad dang/ 'dus pa'i nad dang/ kha'i nad dang/ 'di rnams 'joms so/ /tika dang/ pu tse shel dang/ gla sgang dang/ tsha ba gsum dang/ dug mo nyungs cha bsnyams la
 tsi tra ka sman sna gcig gi cha gnyis dug mo yungs kyi shun lpags sman sna gcig gi bcu drug 'gyur 'di rnams zhib tu btags te bu ram dang sbyar nas chu grang mo dang sbyar te 'thungs na pho ba'i nad dang/ skran dang mig seng dang/ rims dang skya rbab dang/ gcin nad dang/
 yi ga 'chus pa dang/ 'khru ba rnams sel to/ /yang na bca' sga dang/ bong nga dkar po dang/ li ga dur dang/ pa tha dang/ bilba dang/ da ta ka'i me tog dang/ skyer khaN+Da dang/ dug mo yungs kyi shun pa dang/ 'bras bu dang/ tik+ta dang/ 'di
 rnams sbrang rtsi dang sbyar la 'bras bkrus pa'i khu ba dang 'thungs na/ mkhris pas pho ba nyams pa dang/ khrag tu 'khru ba dang gzhang 'brum dang/ mkhreg pa dang/ gzhang kha na ba la sogs pa la phan no/ /tsan dan dang/ shu thag dang/ bu shel tsi dang/ ba
 tha dang/ murba dang/ ku tra na nya dang/ shu thag dang/ sha ri ba dang/ lo ma bdun pa dang/ ba sha ka dang/ pa to la dang/ u dum+ba ra dang/ a shwat+tha? dang/ n+ya gro d+ha dang/ plak+Sha dang/ ga pi ta na dang/ pu tsi shel dang/ li ga dur dang/ nim+ba dang/ de rnams srang gnyis
 gnyis chu srang lnga brgya rtsa bcu gnyis kyi nang du bskol te/ bzhi cha lus pa'i nang du mar dang/ tik+ta dang/ dug mo yungs dang/ ram nye ba dang/ pi pi ling dang/ utpa la dang/ de rnams kyi phye ma dang lhan cig bskol la mar 'ba' zhig lus pa las ran par 'thungs na
 mkhris pas pho ba nyams pa la phan no/ /yang na mdze nad gso ba'i skabs su bshad pa'i tik+ta'i sman mar btang ngo/ /bad kan gyis pho ba'i drod nyams pa la ni sman rnon bo pi pi ling dang/ yungs kar la sogs pa dang/ sbyar ba skyugs sman btang ngo/ /de nas ro tshwa ba dang
 skyur ba dang/ lan tsha dang thal sman rnon po la sogs pas rims kyis me drod skyed par byed do/ /ma du lung ka'i myu gu dang/ a ru ra dang/ pa ta dang 'u su dang tsha ba rnam lnga dang/ plak+Sha dang/ 'di rnams zho gnyis gnyis chu srang sum cu rtsa gnyis kyi nang du skol te bzhi cha lus
 ba dang/ de las btus pa dang/ thug pa la sogs pa dang sbyar te blud do/ /mu du ka'i me tog srang gnyis brgya lnga bcu rtsa drug dang/ bi dang ka srang brgya nyi shu rtsa brgyad dang/ tsi tra ka srang drug brgya rtsa bzhi dang/ bse shing gi 'bras bu srang sum cu rtsa gnyis dang/ btsong srang
 brgyad dang/ 'di rnams chu srang stong lnga brgya rtsa drug dang skol la/ sum cha srang lnga brgya rtsa bcu gnyis lus pa dang grangs pa'i nang du sprang rtsi srang sum cu rtsa gnyis btab ste/ sug smel dang pad+ma'i rtsa ba dang/ a ka ru dang/ tsan dan dang 'di rnams kyi lde gus bum pa snum can gyi
 nang du gong gi sman bcug la zla gcig bzhag ste smin pa'i chang 'thung na pho ba'i me drod skyed pa dang/ lus kyi nyams stobs 'phel ba dang/ khrag mkhris sel ba ste/ khyad par du skem nad dang/ mdze dang/ sha bkra dang/ gcin snyi ba rnams 'joms so/ /yang na ma du ka'i khu ba phyed du bar
 bskol ba'i nang du sbrang rtsi de'i bzhi cha gcig btab la sbyor ba gong ma bzhin du byas pa'i chang zan phan pa dang lhan cig bsten na pho ba'i nad dang thams cad zhi ste phan yon gong ma dang 'dra'o/ /de bzhin du rgun 'bru bu ram shing dang/ dra? go rnams kyi khu ba phyed du bar bskol te
 sbrang rtsi bzhi cha gcig btab ste sbyor ba gong ma ltar byas pa yang phan yon de dang 'dra'o/ /shing kun dang/ pu tse shel dang/ shu thag dang/ bong nga dang/ dug mo yungs dang/ gze ma dang tsha ba lnga dang/ pa tha dang 'di rnams zho gnyis gnyis dang/ lan tshwa rnam lnga srang re re dang/
 'di rnams cham chom brdungs pa dang/ mar dang til mar gnyis srang bcu drug bcu drug dang/ zho srang drug cu rtsa bzhi dang/ 'di rnams me mi che ba dang bskol te khu ba du ste nur nur por gyur pa dang/ mar dang dangs snyigs phye la snyigs ma zhig kha khab can gyi nang du bsregs
 te thal bar gyur pa dang/ snga ma'i mar dang lhan cig lag pa'i nang du lde gur byas te zho gnyis tsam 'thung la de zhu ba'i tshad tsam na sbrang rtsi la sogs pa mngar ba'i zas zos na rlung dang bad kan las gyur pa'i nang thams cad las grol te khyad par du dug dang dbyig dug
 'joms so/ /tik+ta dang/ pu tse shel dang/ pa la nim+ba dang/ parpa ta dang/ 'di rnams gong ma ltar bsregs pa'i thal ba dang/ ma he'i gcin dang bsres te 'thungs na me drod skyed par byed do/ /yang na ser po rnam gnyis dang/ shu thag dang/ ru rta dang/ tsi tra ka dang/ pu tse shel dang/ ga
 dur dang/ 'di rnams kyi phye mar gcin dang sbyor ba 'thungs na me drod skyed do/ /su dak+Shi ra'i shing srang bzhi dang lan tshwa rnam gsum srang re re dang barta ka bskol ba srang bzhi dang/ arka srang brgyad dang/ tsi tra ka srang gnyis dang/ 'di rnams yang gong
 ma ltar bsregs pa'i thal ba bye'u barta ka'i khu ba dang ri lur byas te/ kha zas kyi gong du yang dang yang du zos na zas myur du 'ju zhing khyad par du lud pa dang/ dbugs mi bde ba dang gzhang 'brum dang/ gsung pa dang/ cham pa dang/ snying nad rnams zhi bar byed cing 'joms so
 yang na kha lud dang zur ba dang/ ra sna dang/ tsha ba gsum dang/ a ru ra dang/ sra rtsi ka'i thal ba dang/ nas tshig 'khus pa'i thal ba dang/ lan tshwa rnam lnga dang/ 'di rnams btags pa'i phye ma chu dro 'jam tsam dang 'thungs na stobs dang mdog dang me drod 'phel bar byed do//
 bad kan gyi pho ba'i nad de rlung dang bcas pa yin na ni gong gi sman de dag mar dang bskol te sbyin no/ /yang na thang la 'bar gyis bshad pa'i sman mar gcin nad kyi skabs su bstan pa dang/ srang drug pa zhes bya ba'i sman mar gcod chen po'i skabs su bshad pa dang/ go
 bye'i sman mar skran nad kyi skabs su bstan pa de dag las gang yang rung ba nyes pa'i stobs che chung dang sbyar te btang ngo/ /lan tshwa nag po dang/ kha ru tsha dang/ bul tog dang/ swa rtsi ka'i thal ba dang/ nas tshig 'khus pa'i thal ba dang/ sapta la dang/ kaN+Ta ka ri dang/ tsi tra ka
 dang/ 'di rnams gcig tu snga ma bzhin du bsres te thal ba chu dang bsres pa la ras kyi lan bdun btsags te khu ba srang drug cu rtsa bzhi'i nang du mar srang brgya nyi shu rtsa brgyad bcug ste bskol te mar lus pa dang ran par 'thungs na me'i drod skyed do/ /'dus pa'i
 pho ba'i nad la nad stobs ci lta ba bzhin du las rnam lnga'i dpyad bya'o/ /bad kan can mchi ba ma mang zhing me drod chung ba la ni rtsub pa dang kha ba dang/ me'i drod skyed pa'i sman sbyar ro/ /lus rjud pa la snum pa dang/ rtsub pa dang bcas par res kyis bsten to/ /rlung gi
 shas che zhing me drod chung ste lus sha zad cing skem pa la ni tsha ba dang drod skyed pa'i sman tsha ba rnam lnga la sogs pa dang sbyar ba'i sman sbyin no/ /me drod chung zhing mkhris pa shas che ba la ni drod skyed pa'i bab kha ba dang/ tsha ba dang/ mngar ba'i sman dang lhan cig sbyar ba blud do/ /rlung shas
 che zhing? me drod chung ba la ni snum dang skyur dang lan tshwa dang ldan pa rab tu bsngags so/ /nyams chung ba la ni me drod skyed cing snum bston pa ni mchog yin no/ /snum shas che ba la ni mar dang zas lci ba rnams kyang spang ngo/ /skyes bu gang me drod chung zhing bad kan zad de phyis 'gag cing/
 res 'ga' sla bar 'byung ba la ni lan tshwa dang sbyar ba'i mar nyung ngu zos na me drod dang mnyam du gnas pa'i rlung de gnas su 'dren par byed do/ /rang gi las drod skyed par 'gyur ro/ /bad kan zad cing me drod chung la ma zhu ba be'u snabs su khru ba la ni mar la me'i drod skyed pa'i sman
 dang sbyar ba blud na me dang mnyam du gnas pa'i rlung gi gnas dag pas phyir rang gi gnas su 'ong la/ de ltar me dang mnyam du gnas pa'i rlung dang me drod lhan cig gnas na skyes bu'i stobs myur du skyed par byed do/ /phyis 'byung dka' la sra bar 'ong ba la ni mar lan tshwa dang bcas
 pa zas kyi nang du btung ngo/ /khong rtsub cing me drod chung ba la ni mar ram til mar drod bskyed pa'i sman dang sbyar ba blud do/ /snum mang du 'thungs te drod nyams pa la ni slon khrus kyis lus dag par byas nas kha zas kyi cho ga tshul bzhin du bya'o/ /nang byang ste me drod chung ba la ni
 mar nyi tshe ba sman dang sbyar bas drod skyed do/ /lam dang smyung ba byas pas lus nyam chung zhing me'i drod nyams pa la ni nas thug mar gyis btab pa blud do/ /yang na 'bras kyi khu bas stobs bskyed cing gang me drod skyed pa nyams stobs 'phel bar byed pa'i sman gang yang rung
 bas bya'o/ /yun ring du 'dod pa spyad pas sha zad cing lus nyam chung ste ring pa pho ba'i drod nyams pa'i mi la ni srog chags sha rjen za ba'i sha skyur dang sbyar ba 'am/ ro tsha ba yang dron po 'thungs na dri ma dag par 'gyur te/ myur du me'i drod skyed do/ /de yang shas lus skyed
 pa'i phyir nying sha can gyi sha khyad par du nyams stobs skyed par byed do/ /snum dang a sa ba'i chad dang/ a ri ta'i chang dang/ sman bskol ba dang/ zas 'phrod pa rnams yang dag par sbyar na lus kyi stobs dang me drod 'phel bar byed do//
 ji ltar phyi rol gyi me gnas pa la shing gi snying po/ seng ldeng la sogs pa bcug na me rtag pa dang 'dra bar lus kyi me la yang snum dang bcas pa'i zas zos na me drod skyed cing brtan par 'gyur ro/ /zas ma zos pa dang/ zas ha cang drags pa las me'i drod skyed par
 mi byed de/ ji ltar shing med pa dang/ shing mangs pas me cher mi 'bar ba bzhin no/ /gang gi tshe bad kan bri ste/ mkhris pa rang gi gnas su rlung dang lhan cig gnas pas drod skyed pa de'i tshe me dang rlung 'dres pa yin te/ des na dang po kha zas myur du 'ju bar byas nas/ de'i
 'og tu kham dang mdangs thams cad bsregs bcos nas 'chi bar 'gyur ro/ /skyes bu de'i nang khong na yod kyi bar du tha mal pa yin na yang de ma thag 'ju ste/ de nas kham rnams la yang 'jug par 'gyur ro/ /me'i drod shin tu che ba las skom dang/ dbugs mi
 bde ba dang/ tsha ba dang/ brgyal bar byed pa'i nad 'byung bar 'gyur ro/ /me'i drod che ba de lta bu la ni/ kha zas lci ba dang snum pa dang/ bska ba dang/ smin skyes pa'i zas dang/ grang ba dang/ brtan ba la sogs pa'i bza' ba dang btung bas zhi bar bya ba ni chus me bsad pa bzhin no/
 kha zas ma zhur zin kyang kha zas yang dang yang du bza' bar bya ste/ kha zas ma zos na nang gi me'i bud shing med pas kham la gnod de 'chi bar 'gyur ro/ /me'i stobs ches pa'i skyes bu la ni til dang mon sran rde'u la sogs pa las byas pa'i sa ra'i thug pa dang/
 'o thug dang/ tshil dang zhag la sogs pa'i snum dang/ nas thug bu ram dang sbyar ba'i thug pa dang/ srog chags chu la gnas pa rus sbal la sogs pa dang/ chu 'gram na gnas ba'i dad pa la sogs pa 'di rnams kyi sha mar la bsngos pa dang/ khyad par du nya'i sha
 'jam po chu mi g.yo ba la gnas pa dang/ lug sha legs par brngos pa zos na me'i drod skyed do/ /des kyang ma zhin 'o ma spra tshil dang sbyar ba 'am/ yang na mar dang spra tshil du sbyar ba skom du blud do/ /bag phye dang mar dang 'o ma sbyar ba'i skom mang du blud do/ /yang na bag phye srog chags
 thang la gnas pa'i sha khu dang til mar spangs pa'i snum gang yang rung ba dang sbyar ba blud do/ /yang na sha ma dur byid 'o ma dang sbyar ba'i bkru sman btang ngo/ /lan mang du mkhris pa sel ba'i sman btang la/ de'i 'og tu 'o ma dang bcas pa'i zas bza' o/ /kha zas lci ba dang/ mi
 gtsang pa dang/ bad kan slong bar byed pa'i zas dang zas zos pa'i 'og tu nyin par nyal bar byed pas kyang pho ba'i drod 'joms par byed do/ /pho ba'i drod shas che na kha zas sreg par byed la/ de nas nad gzhi dang kham dang/ sron rnams rims bzhin du bsregs nas 'chi bar
 'gyur ro/ /de ltar zas lci ba la sogs pa de dag ni rang bzhin gyis mi mthun pa yin no/ /yang sbyor ba'i dbang gis shes par bya ste/ ci 'dod pa bzhin du mi rung ste/ de bas na mi rnams kyi stobs me las 'byung la/ stobs las ni srog grub pa de bas na me'i drod skyed cing me
 drod ran par bya ba la 'bar cing bsrung bar bya'o/ /de lta bas na me drod nyams na ni mi'i srog kyang nyams par 'gyur ba yin te/ me drod che chung du song na ni nad sna tshogs kyang 'byung la/ me drod ma nyams na ni nad med cing tshe ring bar 'gyur ro/ /gso ba'i gnas las pho ba'i nad
 gso ba'i le'u bcu pa rdzogs so// //de nas gcin 'gags pa'i nad gso ba'i le'u bshad par bya'o/ /de la rlung las gyur pa'i gcin 'gags pa'i nad la ni/ rlung 'joms pa'i sman til mar dang sbyar bas lte ba'i 'og man chad du bsku byug bya ste/ snum dang
 ldan pa'i dugs/ blugs pa'i dugs dang byug pa rnams bya'o/ /rtsa ba bcu pa dang/ ba bla dang/ i raN+Ta dang/ nas dang/ nye'u shing dang/ ba sbru ba dang/ rgya sran dang/ rgya shug dang/ lcags dang/ ba sbru ba me tog dmar po can dang/ sru sru'i rtsa ba dang/ 'di rnams btags pa'i
 phye ma mar dang/ phag tshil dang/ lan tsha rnam lnga dang chu dang tshul bzhin bskol te/ btung ba dang/ byug pa dang/ dugs la sogs pa byas na zug gzer 'joms pa'i mchog yin no/ /yang na gong gi sman de rnams 'bru mar 'byung ba'i 'bras bu'i rigs rnams
 dang/ skyur dang snum mang po dang ldan par btung ba dang/ zas dang byug pa la sogs pa byas na phan yon gong ma dang 'dra'o/ /btung ba ni kha ru tsha mang po dang sbyar ba'i chang 'thungs na gcin 'gags pa sel to/ /mkhris pa las gyur ba'i gcin 'gags pa'i nad la
 ni bsil bas lus la blugs pa dang/ byug pa dang lums bya'o/ /nye'u shing dang gze ma dang bi da ri dang/ rgun 'bru dang/ rtswa'i rtsa ba dang/ 'di rnams tshul bzhin bskol ba'i nang du sbrang rtsi dang/ sha kha ras btab pa blud do/ /ba sha ka dang/ ga gon dang/ er ba ru dang/
 leb rgan rtsi 'di gsum gyi sa bon dang/ gur kum dang/ 'di rnams kyi phye ma rgun chu dang sbyar ba 'thungs na gcin 'gags pa'i nad thams cad sel to/ /yang na rgyal mo ga gon gyi sa bon dang shing mngar dang/ skyed pa'i phye ma 'bras bkrus pa'i chu dang 'thungs na
 yang phan no/ /yang na rgun 'brum chom chom brdungs nas chu dang spangs pa'i khu ba chu dang sbyar ba 'thungs na yang phan no/ /bad kan las gyur pa'i gcin 'gags pa'i nad la ni thog mar dugs byas la de'i 'og tu rno ba dang dro ba dang/ tsha ba'i skyugs sman btang ngo/ /
 bza' ba ni nas las byas pa'i zan dang/ khur ba la sogs pa rno ba dang/ tsha ba dang/ nas tshig 'khus pa'i thal ba dang/ dar ba dang bcas pa sbyin no/ /btung ba ni sug smel lam/ skyur ru ra'i 'bras bu gang yang rung ba dang tshang du sbyar ba blud do/ /yang na bya bzhad gyi
 rus pa dang/ gze ma dang/ sug smel dang/ tsha ba gsum dang/ 'di rnams sbrang rtsi dang ba gcin dang sbyar ba btung ngo/ /yang na kaN+Ta ka ri bskol ba'i khu ba sbrang rtsi dang sbyar ba blud do/ /yang na shing ti pa ra ga'i sa bon zhib tu btags pa'i phye ma dang dar ba bskyos te blud do//
 yang na d+ha wa dang sapta par ni dang/ dug mo yungs dang/ sle tres dang/ deng ka dang/ ke'u ka dang/ sug smel dang/ she ta ka rany+dza dang/ 'di rnams bskol ba'i khu ba'i nang du sbrang rtsi dang sbyar ba 'am yang na de rnams sbyar ba'i thug pa blud do/ /yang na byu ru btags ba'i phye ma
 'bras bkrus pa'i chu dang lhan cig btung ngo/ /yang na shing pa ta la'i thal ba'i chu dang sbyar ba lan bdun btsags pa'i khu ba til mar dang sbyar ba blud do/ /yang na shing ba ta la dang/ ya bak+Sha ra dang/ pa ri pa tra dang/ til dang/ de rnams kyi thal ba chu dang bskyos pa dang/
 chang dangs ma dang lhan cig sbyar ba'i nang du shing tsha dang/ sug smel dang/ sbangs ma dang/ 'di gsum gyi phye mas btab la blud do/ /geng gi btung ba dang/ lde gu'i sman thams cad kyi nang du bu ram bskol te/ khaN+Da tsam sra bar gyur pa btab pa mnyes te sbyin no/ /'dus ba las
 gyur pa'i gcin 'gags pa'i nad la ni nad gzhi so so'i gsol dang mthun par sbyar ro/ /rde'u yun mi ring du chags pa la yang de ltar nad gzhi so so dang mthun pa'i sman dpyad de rlung nad 'joms pa'i 'jam rtsims btang ba la sogs pa yang de ltar sbyar ro//
 rde'u chags pa'i nad ni shin tu mi bzad pa yin te 'chi bdag gi gzugs dang 'dra'o/ /de yang rde'u nar ma son pa la ni sman gyis gso'o/ /nar son pa la ni mtshon gyi las bya ste/ de la dang po rde'u ji ltar chags pa'i mtshan nyid shes par byas nas snum chos la
 sogs pa'i rim pa bya bar 'dod de/ sru sru'i rtsa ba dang/ ba su ka dang/ ba si ri dang/ a sman ta dang/ nye'u shing dang/ lcam pha dang/ a ti ba la dang/ go bye dang/ bu tse shel dang/ ga tsa ka dang/ bri k+Sha ra ni dang/ shing sha ka'i 'bras bu dang/ bya gri dang/ gu tha dang/ gze
 ma dang/ nas dang/ rgya sran dang/ rgya shug dang/ ba ra nad dang/ kaN+Ta ka'i 'bras bu dang/ 'di rnams mar dang tshul bzhin bskol ba'i nang du u sha ka'i sde tshan gyi phye ma btab pa 'thungs na/ rlung las gyur pa'i rde'u myur du 'jig par byed do/ /yang na e raSh+Ta dang/ bri ha
 sti dang/ kaN+Ta ka ri dang/ gze ma dang/ bu ram shing 'di rnams kyi rtsa ba'i phye ma zho mngar po la btab ste blud na rlung las gyur pa'i rde'u 'jig par byed do/ /mkhris pa las gyur pa'i rde'u chags pa la ni ku sha dang/ sha dag 'dam bu dang/ gu tha dang/ ing+ga tha
 dang/ nye'u shing dang/ su su'i rtsa ba dang/ dar ba dang/ bi da ri dang/ ba ra hi dang/ 'bras kyi rtsa ba dang/ gze ma dang/ ba lu ka dang/ ba ta dang/ lcags phye dang/ ku ru ta ka dang/ ba spru ba dang/ shi ri sha dang/ de rnams bskol ba'i khu ba mar dang lhan cig bskol ba'i nang du ga
 gon la sogs pa'i sa bon dang/ utpa la'i sa bon dang/ shing mngar dang/ brag zhun dang/ 'di rnams kyi phye ma btab ste 'thungs na phan no/ /bad kan las gyur pa'i rde'u chags pa la ni sman ba ru na'i sde tshan dang/ rlung 'joms pa'i sman thang shing la sogs pa'i
 mtshan dang/ bi dang ka dang/ ha re nu ga dang/ gu gul dang/ ru rta dang/ kru trug tres dang/ bye'u rug pa dang/ de rnams bskol ba'i khu ba mar dang yang bskol ba'i nang du/ u sha ka'i sde tshan btags pa'i phye mas btab pa'i mar blud na bad kan la sogs pa'i rde'u myur du 'jig
 par byed na/ /bza' ba dang/ btung ba ni 'o ma dang/ thug pa dang thal sman dang sbyar ba'i nad gzhi so so dang mthun pa'i sman rnams kyang bza' btung gi nang du sbyar ro/ /rde'u phye mar chags pa la pi tsu ka dang/ ang+go la dang/ utpa la'i 'bras bu rnams chu dron po dang sbyar
 ba'i nang du bu rim btab pa 'thungs na rde'u phye mar chags pa 'byin par byed pa'i mchog yin no/ /khrung khrung dang/ rnga mo dang/ bong bu dang/ 'di rnams kyi rus pa dang/ gze ma dang/ ta la pa tri ka dang/ a dze mo dang/ rka dam+ba'i rtsa ba dang/ bca' sga dang 'di rnams
 chu dron po 'am/ chang dang sbyar te 'thungs na rde'u phye mar chags pa 'dzag par byed do/ /grit+tya kun da'i sa bon gyi phye ma sbrang rtsi dang ldan par lug gi 'o ma'i nang du bcug ste/ zhag bdun gyi bar du 'thungs na rde'u 'joms par byed do/ /shi kru'i rtsa ba bskol ba dro
 'jam tsam 'thungs na/ rde'u gnas nas skyod par byed do/ /til dang/ a pa marga dang/ chu shing plak+Sha dang/ 'di rnams kyi thal ba lug gi gcin dang lhan cig 'thungs na phye mar chags pa'i rde'u chags pa gnyis 'joms par byed do/ /yang na lcam pa'i rtsa ba btsir ba chad la sogs
 pa'i nang du bsres pa 'thungs na phan yon gong ma dang 'dra'o/ /yang na rde'u chags pa'i zug gzer gyis nyams thag pa la na lcam pa'i rtsa ba nyid 'o ma dang sbyar ba blud do/ /yang na a ru ra'i rus pa 'o ma dang tshul bzhin bskol ba 'am ba sbru pa'i 'o ma dang bskol ba 'am
 yang na barh+ri shi kha'i rtsa ba 'bras bkrus pa'i chu dang thog mar 'thungs te de'i 'og tu 'o ma dang bcas pa'i kha zas bza' o/ /lhag ma ni gcin 'gags pa'i sman gyis ci lta ba bzhin du 'dir yang sbyar bar bya'o/ /yang na gze ma dang/ de'i nyis 'gyur gyi bri ha ti la sogs
 pa'i sde tshan dang tshul bzhin du mar dang 'o ma bskol ba 'thung na gcin nad thams cad sel to/ /thang shing dang/ bla sgang dang/ murba dang/ shing mngar dang/ a ru ra dang/ 'di rnams chang ngam/ 'o ma 'am/ chu dang sbyar te 'thungs na gcin 'gags pa'i nad thams cad la phan no/
 yang na byi tsher ba bskol ba'i khu ba 'am/ ka ku ba bskol ba'i khu ba 'am/ yang na 'bras bu gsum btags pa'i phye ma rgyam tshwa dang/ chu dron dang sbyar ba btung bar bya'o/ /yang na bya gri dang gze ma bskol ba'i thug pa pha ni ta zhes bya ste blud do/ /yang na go bya'i sde tshan bskol ba
 'am/ khyim bya'i sha khu dang sbyar ba'i thug pa blud do/ /yang na brag zhun sman bi ra ta ka'i sde tshan bskol bas yang dang yang du bskol ba sbyin no/ /yang na chang legs par smin par 'thungs te/ rta rgyug pa 'am/ shing rtas myur du shugs kyis 'gro zhing lus bskyod pas rde'u
 gnas nas 'pho bar 'gyur ro/ /rde'u gong por chags pa dang/ rde'u phye mar chags pa la ni rnam pa thams cad du bir ta ka la sogs pa'i sde tshan bza' ba dang btung ba dang thams cad la sbyar bar bya'o/ /bkru sman gyi don du seng phrom gyi mar rlung nad kyi skabs su bshad pa dang
 khyad par du 'jam rtsims btang ba'i las bya'o/ /khu ba las gyur pa'i rde'u chags pa la ni nyams stobs dang ldan pa zhig na/ pho mtshan gyi lam nas 'jam rtsi btang ste gnas dag par bya'o/ /gzhan yang skyes bu des thog mar khu ba
 'phel ba'i cho ga khyim bya'i sha dang/ mon sran bre'u dang/ byi'u mchil pa dang/ de rnams kyi sha dang khu ba ngoms par 'thungs la bud med 'dod pa'i shas che ba bsten cing nyal po byas na phan no/ /de la rde'u mtshon gyis dral te dbyung ba las/ rde'ur smin nas nges par
 red pa ni dral bar 'os pa yin la/ ma smin pa las ni gong gi sman gyis gso bar bya'o/ /de la rde'u 'byin pa dang dpyad chen po 'di ni shin tu nyen che ste/ sos shi bsro bar dam bca' dgos pa yin pas sman pas sa bdag gi rgyal po la sman dpyad kyi yan
 lag bgyi bar thag bcad de de'i 'og tu sman pas mtshon par byas nas shin tu brtags te las brtsam par bya'o/ /de yang gso ba'i dpyad ma byas na ni nges par 'chi bar 'gyur la/ byas na ni the tshom dang bcas shing 'tsho ba yang srid pas shin tu bag
 dang bcas bar dpyad bya ba'i rigs so/ /dpyad rtsom pa'i sman pa bdag nyid kyang sman dpyad kyi lung legs par khong du chud cing gso ba'i las mang po grub pas bya dgos pa yin no/ /de la rde'u 'byin par 'dod pas thog ma nas nad pa la snum gyi tshogs
 lus dag par byas la/ de nas rde'u gsal por mngon par bya ba'i phyir lus cung zhig sbyar te ring bar byas nas/ de'i 'og tu lus mar gyis bskus la cung zhig rdul ba'i cho ga bya'o/ /de nas bde legs su 'gyur zhing rang gi lus bsrung ba'i phyir bkra shis dag
 par bya bar rigs so/ /de nas snying stobs bskyed pa'i phyir thog ma rde'u 'byin khar chang bzang po mang du blud la/ rta 'am shing rta bskyon te drag du rgyugs na gnas snga ma las rde'u 'og tu rang 'bab par 'gyur ro/ thabs des rde'u 'og tu ma 'phos na btsir ba la
 sogs pa 'og nas 'byung ba'i chog rnams bya'o/ /de nas nad pa la zan cung zad byin la nad pa spang leb kyi khri pus mo tsam mtho ba'i steng du stan nang tshangs can la sogs pa 'jam pa bting ba la mi cig rgyab nas bsten thabs su 'dug la/ de'i pang par nad pa
 bzhag ste lto ba yan chad kyi ro stod cung zad bstod la pus mo gnyis bkug ste sgyid khung gnyis nas ras kyis drangs la lag ngar gnyis dang bcas pa mi 'gul bar dam du rked par bcing ngo/ /de nas nye 'khor na 'dug pa rnams kyis spro ba bskyed do/ /de nas
 lte ba man chad bsku phyug byas te lto ba g.yon logs nas/ mar la khu tshur gyis mthar chags su phul thabs kyis btsir la/ ji srid du rde'u 'og tu phyin par gyur pa lag pa g.yon pa'i mdzub mo dang gung mo gnyis sen mo bregs la til mar gyis bskus
 nas bshad pa'i lam nas bcug ste/ nam rde'u la reg pa dang/ phyi rol gyi bshang ba'i sgo dang/ 'bras bu'i mtshams kyi srubs breng breng por stobs kyis phul te de yang ji srid gzhung mthon por gyur gyi bar du sor mo gnyis kyis btsir zhing phyi rol nas kyang khu tshur
 gyis dgug ste mtshan gyis phul bar bya'o/ /de nas mtho bar gyur pa dang/ dbus breng breng po'i srubs kyi dkyil du mtshon mi gdab par g.yas g.yon gang mtho ba'i steng phyogs kyi srubs kyi mtshan du zabs su nas gang tsam la rma kha'i che chung ni rdo'o
 shing tshad kyis rma dral la rde'u che chung ci yod pa ma lus par dbyung ngo/ /ci ste lag pas rde'u ma thon na lcags kyu mi rno bas phyir drangs te ma lus par dbyung ngo/ /bud med kyi rde'u chags pa la ni chu so'i g.yas g.yon gyi ngos gang yang rung ba la yod do/ /de yang
 tshangs la brten te 'dug pas mdzub mo dang gung mo gnyis gong ma bzhin du bcug ste gang phyogs na yod pa myangs nas g.yas g.yon gang na yod na yang de'i phyogs kyi ngos la dral lo/ /cho ga gzhan ni skyes pa dang 'dra'o/ /gzhan du log par dral na ni rma kha
 las rtag tu gcin 'dzag pa'i skyon du 'gyur ro/ /skyes pa la yang btsir drags na lgang pa zhar nas rtag tu gcin 'dzag pa'i skyon yod de de bas na skyes pa'i chu sor rde'u phyin khar dal gyis phul la mnye'o/ /lan cig dral nas rde'u phyir byung na ni
 legs pa'i mtshan ma yin no/ /lan cig dral bas rde'u ma thon na nyes pa yin te yang mi bsnan no/ /de ltar dral ma thag tu mtshan phyir phyung la rde'u yang rting thogs la phyung ma thag tu snod chu dron gyis bkang ba'i nang du ro smad bcug la dugs byas na khrag ngan
 phyir byung zhing nang nyung bar yang 'gyur ro/ /rma kha chu mi shor bar bsrung ngo/ /de nas rma kha'i nang na khrag ngan yod na btsir la dbyung ngo/ /de ltar byas na yang nang du rde'u'i dum bu khrag ngan las su dogs na shing 'o ma can cham chom brdungs la chu dang bskol ba'i khu ba
 lgang ba'i nang du bcug pho mtshan gyi bu ga 'am rma gang yang rung ba nas 'jam rtsi'i thabs su btang na rde'u'i dum bu dang khrag ngan thams cad 'byin te/ gcin gyi gnas dag par gyur la gcin yang legs par 'byung ngo/ /gong du 'o ma can gyi shing zhes smos pa
 mi sman pa rnams 'di lnga la 'dogs na gro ta dang/ u dum+ba ra dang/ a shwat+tha dang/ ka pi ta dang/ pAk+Sha ste lnga po 'di dag yin par 'dod do/ /de nas mar dang sbrang rtsi cha mnyam la rma khar bsku'o/ /gcin gyi gnas dag par bya ba'i phyir bu ram yog tshad du bza' o//
 kha zas ni zhag gsum gyi bar du snga dro phyi dro dus gnyis su grus dang bkru sman dang/ gze ma dang/ 'di rnams bskol ba'i khu ba la gzhi blangs pa'i 'bras thug dro 'jam tsam mar dang ldan pa sbyin no/ /de nas nyi ma bcu pa'i bar du 'bras chan nyung shas mar dang 'o ma
 dang ldan par byas pa sbyin no/ /de phan chad ni shing tog skyur po se'u la sogs pa dang skam sa na gnas pa'i ri dags kyi sha khu dang 'bras chan chung du za'o/ /de nas kha zas kyis rim pa bskyed do/ /shing 'o ma can bskol ba'i khu bas ji srid sos kyi bar du rma
 bkru bar bya'o/ /yang rma'i than khor du pra puN+Ta ri ka dang/ btsod dang/ shing mngar dang/ seng phrom dkar po dang 'di rnams btags pa'i phye ma chu dang lde gur byas pas bkru'o/ /yang na sman gong ma'i nang du yung ba dang skyer bas bsnan te phye mar byas pa la til mar dang
 sbyar bas rma la bkru'o/ /gzhan yang gong ma'i sbyor ba'i sman gyi nang du sbrang rtsi dang sbyar ba zhag bcu'i bar du rma la dugs bya'o/ /yang na sman de nyid kyis zhag bdun gyi bar du gcin gyi rgyun srang kun tu yang dugs bya'o/ /de ltar byas kyang gcin rma las 'byung zhing pho
 mtshan nas mi 'byung na/ mdo'i gnas su ji ltar bshad pa bzhin du rma med bsregs nas rma 'drub pa'i rigs so/ /yang na mngar ba'i sman sna tshogs sbrang rtsi dang sbyar ba'i khu ba lgang ba'i nang du blugs te spu bu phra mo dang pho mtshan gyi bu ga nas yar 'jam rtsi'i thabs su btang
 na gcin ba de bar 'byung zhing mkhris pa yang sel to/ /rma 'drubs nas lo gcig gi bar du srung ba ni ri dang shing la mi 'dzeg rta dang/ glang po che dang shing rta la mi zhon nyal po spang tshul ma rkyal mtshon gdab du mi rung ba'i gnas brgyad yod de/ rlig pa dang/ gcin dang
 khu ba 'bab pa'i gnas dang/ lgang pa dang pho mtshan dang bshang pa'i sgo'i mtshams kyi srubs dang pho mtshan gyi rtse mo dang/ mo mtshan gyi kha dang/ 'di dag ni gnas kyi gnad brgyad yin pas mtshon mi gdab bo/ /gcin 'gags pa'i nad gso ba'i le'u bcu
 gcig pa rdzogs so// //de nas gcin snyi ba za gu'i nad gso ba'i le'u bshad par bya'o/ /de la gcin nad yod pa'i nad pa stobs dang ldan na thog mar yungs kar dang nim+ba dang/ nye'u shing dang ba ru ra dang ka rany+dza dang/ 'di rnams gang yang rung ba'i
 mar gyi nang du gze ma btab pa bskol te mar 'ba' zhig lus pas snum chos byas la de'i 'og tu skyugs sman dang bkru sman btang ngo/ /de'i 'og tu bye'u rug pa'i sde chen bskol ba'i khu ba'i nad du gla sgang dang thang shing dang/ dong kra gsum btags pa'i ni ru
 ha mas btang bar bya'o/ /yang na mkhris pa la phan pa'i sman bskol ba'i khu ba'i nang du n+ya gro d+ha'i sde tshan gyi phye ma btab pa'i ni ru ha btang ngo/ /de ltar dag par byas nas srog chags thang la gnas pa'i sha khu dang thug par byas pa blud do//
 gal te thug pa ma blud na ni gcin 'gags pa dang/ skran dang khams zad pa dang/ chu so gzer ba'i nad 'byung ste/ de la ni gong gi thug pa la sogs pas/ gcin 'gags pa dang/ khams zad pa zhi bar bya ba dang/ bsrung bar bya ba'i sbyor ba bya ste/ gcin nad
 thams cad la cho ga de ltar bya'o/ /skyu ru ra bskol ba'i khu ba'i nang du yud ba'i phye ma dang sbrang rtsi btab pa sbyin no/ /yang na skyer pa dang/ thang shing dang 'bras bu gsum dang/ gla sgang 'di rnams bskol ba'i khu ba grang mo'i nang du sbrang rtsi btab pa blud na gcin nad
 sel to/ /yang na tsi tra ka dang/ 'bras bu gsum dang/ skyer pa dang dug mo yungs kyi shun pa dang/ 'di rnams bskol ba'i khu ba'i nang du sbrang rtsi btab pa blud na phan no/ /yang na sle tres kyi khu ba sbrang rtsi dang sbyar ba 'am/ yang na skyu ru ra'i khu ba sbrang rtsi dang sbyar
 ba blud na phan no/ /yang na seng phrom dang/ a ru ra dang/ gla sgang dang/ katpa la dang/ 'di rnams kyi khu ba 'am/ yang na pa tha dang/ bi dang ga dang/ ardzu na dang/ byi tsher ba dang/ 'di rnams kyi khu ba 'am/ yang na seng ldeng dang/ skyer pa dang/ bi dang ga dang 'di rnams
 bskol ba'i khu ba 'am/ sman gyi sbyor ba 'di gsum gang yang rung ba'i nang du sbrang rtsi btab pa blud na bad kan las gyur pa'i gcin nad sel to/ /mkhris pa las gyur pa'i gcin nad la ni pu shel tsi dang/ seng phrom dang/ ardzu na dang/ tsan dan dang/ 'di
 rnams bskol ba 'am yang na pa to la dang/ nim+ba dang/ skyu ru ra dang/ sle tres dang/ 'di rnams lhan cig bskol ba 'am/ yang na seng phrom dang/ ba la ka dang/ skyer ba dang/ nga ta ka'i me tog dang 'di dag bskol ba'i khu ba 'am sbyor ba de gsum gyi nang du sbrang rtsi
 btab pa gang yang rung ba blud na phan no/ /mkhris pa dang bad kan gyi gcin nad la rang gi sman gang yin pa bskol ba'i khu ba 'am/ yang na gcin gyi nang du nas dang gro spangs pa las zas la sogs pa g.yos su byas pa bza' o/ /rlung las gyur pa'i nad la ni snum dang sbyar ba
 bza' o/ /gcin snyi ba'i nad la ni ta dang ba lang gang yang rung ba la nas byin te/ de'i lci ba las byung ba'i nas las g.yos su byas pa'i snum khur dang phye dang zan la sogs pa byas te byin na phan no/ /yang na 'od ma las skyes pa'i 'bru las gong ma ltar g.yos su byas te
 zos na phan no/ /yang na ci tse dang/ bra'o dang/ sran mung ga la sogs pa'i gang bu las skyes pa'i 'bru dang/ 'bras rnying pa dang/ 'di rnams las g.yos su byas pa byin na phan no/ /yang na til dang/ yungs kar gyi tshigs ma skyur dang sbyar ba'i thug pa kha la zhes bya bar
 grags pa yin te 'thungs na phan no/ /btung ba ni ka pit+ta dang shing tindu dang/ 'dzam bu dang 'di rnams kyi 'bras bu'i khu ba skyur po rgun chus dmar por bsgyur ba btung ngo/ /tshod ma ni khu ba'i bag pa to la dang/ sapta la sogs pa la bya'o/ /bza' ba ni la tu dang phye dang
 sbrang rtsi dang/ 'bras bu gsum dang bcas pa'i skom bag bza' o/ /srog chags thang las skyes pa'i thur ma bsregs te chu ser bskams pa'i sha bza' o/ /'og nas smos pa'i lcags las byas pa'i sbyor ba yang 'dir sbyar ro/ /de'i 'og tu rgun chad dang a sa ba'i
 chang dang 'di rnams yongs su smin pa'i chang rnying pa dang dro ba'i btung ba sbyin no/ /de bzhin du a sa na'i sde tshan bskol ba'i chu 'am rtsa dur ba dang bskol ba'i chu 'am sbrang rtsi'i chu btung bar sbyin no/ /'bras bu gsum bskol ba'i chu'i nang du nas nub cig spangs
 la nyin gcig bskol te/ legs par btags pa'i phye sbrang rtsi dang bcas pa bu ram dang sbyar ba blud do/ /shing sa la dang lo ma bdun pa dang/ ka bi lya dang/ pri k+Sha dang/ ba ru ra dang/ ka pit+ta dang/ ro hi dang/ 'di rnams kyi me tog phye mar byas te sbrang rtsi dang/
 lhan cig bza' ba 'am/ yang na skyu ru ra'i khu ba sman gong ma'i phye mas btab pa 'thungs na bad kan dang mkhris pa las gyur pa'i gcin nad sel to/ /gze ma dang skyer pa dang/ seng phrom dang/ katpa la dang/ shu dag dang/ ardzu na
 dang/ shug pa dang/ a sman ta ka dang/ nim+ba dang/ tsan dan dang/ a ka ru dang/ ting pus sa dang/ pa to la dang/ ga pur dang/ bcod dang/ bong nga dkar po dang/ go bye dang 'di rnams til mar dang tshul bzhin du bskol ba 'thungs na rlung dang bad kan las gyur pa'i gcin
 nad la phan no/ /mkhris pa las gyur pa'i gcin nad la ni gong ma'i sman mar dang bskol ba blud do/ /'dus pa'i gcin nad la ni mar dang til mar dang bsres pa bskol ba blud do/ /yang na rtsa ba bcu pa dang/ zur pa dkar po dang/ dandi dang/ thang shing dang/ ba spru ba
 rnam gnyis dang/ sna ti dang/ arka'i rtsa ba dang/ a ru ra dang/ b+hu ka dam+ba dang/ bse shing gi 'bras bu dang/ ka rany+dza'i rtsa ba dang/ bra ra na'i rtsa ba dang/ pi pi ling gi rtsa ba dang/ ma nu'i rtsa ba dang/ 'di rnams srang bcu bcu dang/ nas dang/ rgya shug dang/ rgya sran 'di
 rnams srang bcu drug bcu drug dang/ chu bre nyi shu rtsa bzhi dang tshul bzhin du bskol nas bzhi cha lus pa'i nad du pi pi ling rnam gnyis dang/ dbyi mo dang/ ni tsu la dang/ ro hi ta ka dang/ dur byid dang/ bi dang ka dang/ ka pi lya dang/ ga bra'i rtsa ba dang/ de rnams
 btags pa'i phye ma dang/ mar bre gang dang yang tshul bzhin du bskol te mar lus pa ni thang la 'bar gyis bshad pa'i mar zhes bya ste/ de las ran par 'thungs na gcin nad thams cad dang 'brum bu phra mos nyams thag pa las rgyal bar byed de/ khyad par du
 skya rbab dang/ khong 'bras dang/ skran dang/ gzhang 'brum dang/ skrang ba dang/ skem pa dang/ dbyig dug dang/ dmu rdzing dang/ lud pa dang/ dbugs mi bde ba dang/ skyugs pa dang/ chil rgyas pa dang/ mcher pa na ba dang/ dreg dang mdze dang/ smyo byed dang/ brjed byed las rgyal
 bar 'gyur ro/ /yang na seng phrom dang/ mur ba dang/ zur ba dkar po dang/ bi dang ka dang/ ga ba'i rtsa ba dang/ rgya spos dang/ chu srin se na mo dang/ sla ba dang/ dug mo nyung dang/ ru rta dang/ kra mu kra dang/ bri yang ku dang/ bong nga dkar po dang/ tsi tra ka dang/ bi sha rnam gnyis dang/ dri rnam bzhi
 dang/ tik+ta dang/ pu shel rtsi dang/ la la pud dang/ ma nu dang/ pa tha dang/ pi pi ling gi rtsa ba dang/ dbyi mo dang/ 'bras bu gsum dang/ sman 'di rnam zho gnyis gnyis su srang lnga brgya rtsa bcu gnyis dang bskol te bzhi cha lus pa dang tshigs ma bor te bsgrangs pa'i nang du sbrang rtsi bre de
 bcug la zla ba phyed kyi bar du snod snum can gyi nang du bzhag pa ni seng phrom gyi a sI chang zhes bya ste/ de las ran par 'thungs na gcin nad dang/ gzhang 'brum dang/ mdze dang/ yi ga 'chus pa dang/ srin bu'i nad dang/ skya rbab dang/ pho ba'i nad dang/ chil rgyas pa'i nad las
 thar bar byed do/ /yang na seng phrom la sogs pa gong ma'i sman srang nyi shu chu srang bzhi stong dgu bcu rtsa drug gi nang du bskol te/ bzhi cha srang stong nyi shu rtsa bzhi lus pa'i nang du bu ram srang nyis brgya dang/ sbrang rtsi srang drug cu rtsa bzhi dang/ dug mo yungs kyi sde tshan btags
 pa'i phye ma bcug ste rdza ma snum can sra ba'i nang du pi pi ling gi phye ma dang sbrang rtsi nang ngos bskus la/ rdza ma'i phyi rol nas kyang rgya skyegs bzhubs bskus pa'i nang du bcug la seng ldeng gi me ldag gi nang du lcags srab cing rno ba lo ma lta bu leb leb po byas te
 bsregs la/ sman khu'i nang du bcug ste/ de bzhin du yang bsregs cing yang bcug la lan mang du byas te/ nas kyi phung po'i nang du zla ba gsum mam bzhir bzhag pa ni lcags las byas pa'i chang zhes bya ste/ de las ran par 'thungs na phan yon gong ma bas kyang
 khyad par du 'phags so/ /gcin nad la ni sman rnam pa dang sbyar ba'i lde gu sla bas lus shugs drag tu dril cing lus kyi rtsal dang/ nub mo mi nyal ba dang/ gang yang bad kan dang tshil 'joms pa'i bag phyi dang nang gnyis nas zas dang spyod lam bsten na phan no/ /brag
 zhun srang brgya a sa na'i sde tshan bskol ba'i khu ba'i nang du spangs te phyir phyung la/ yang skams te yang spang zhing bran pa lan mang du byas la/ bcud kyis len gyi cho ga ltar btung zhing a sa na'i khu ba las gzhi blangs pa'i 'bras chan
 dang/ srog chags thang la gnas pa'i sha khu dang bcas pa zos na/ gcin nad kyis nyam thag pa thams cad dang/ gzhan gyis gtses pa la yang phan te/ 'bras kyi phreng ba dang/ lba ba dang/ thor bu dang/ tshe ches pa dang/ mdze nad dang/ mtshan bar rdol ba dang/
 srin bu'i nad dang/ rkang bam dang/ skrangs pa rnams la phan pa'i bcud kyi len gyi mchog yin no/ /gcin nad kyi skyes bus ni drang srong btsun pa ltar 'bras bu dang rtsa ba dang/ sdong bu rnams zas su bza' zhing lham dang gdugs spangs la dpag tshad brgya tshun chad
 du 'gro ba 'am/ yang na khron pa la sogs pa chu'i gnas rko ba'i las bya'o/ /yang na ba lang gi gcin dang/ lci ba bza' zhing btung la ba lang zas su 'gro ba dang lhan cig 'gro bar bya'o/ /nad pa rdzud cing ring pa yin na ni tshil dang gcin mi skyed la 'phel zhing
 rgyas pa'i sman dang kha zas sbyar bar bya'o/ /kham por shar lta bu'i nang la sogs pa'i 'brum bu phra mo'i nad bcu 'byung ba'i nad ma smin pa la ni skrangs pa'i gso ba bya la smin pa la ni gso ba'i cho ga bya'o/ /thog mar nad gzhi brtags te n+ya gro d+ha la sogs pa
 shing lo ma can gyi shun pa bskol ba'i khu ba dang/ ra'i 'o ma ni rab tu bsngags so/ /dang po slon khrus kyis lus dag par byas te de yang gcin nad la ni rno ba dang rtsub pa'i bkrus sman btang ngo/ /yang na sug smel gyi sde tshan til mar dang sbyar bas rma 'drub par
 bya zhing dong ka la sogs pa'i sde tshan bskol bas lus dril bar bya'o/ /sman a sa na'i sde tshan bskol ba'i chus bkru zhing blugs par bya'o/ /dug mo yungs kyi sde tshan bskol ba ni bza' ba dang btung bar sbyar ro/ /pa tha dang/ kru trug tres dang/ sha rang gashtha?
 dang/ thal tres dang/ kaN+Ta ka ri dang/ sabta par+Na dug mo yungs kyi rtsa ba dang/ katpa la dang/ dong ka dang 'di rnams btags pa'i phye ma sbrang rtsi dang lde gur byas te ldag pa dang/ yang na skya rbab kyi gso ba'i nang nas lcags phye cha dgu pa zhes bya ba'i phye ma yang 'dir
 sbyar ro/ /sbrang rtsi lta bu zhes bya ba'i gcin nad na bar gyur na skyes bu rnams kyis yongs su spang bar bya ste 'on kyang brag zhun brgya'i sbyor ba dang/ pu na rna'i sbyor ba ni bya bar bshad do/ /gso ba'i gnas las gcin snyi ba za gu'i nang gso ba'i le'u ste bcu gnyis pa
 rdzogs so// //de nas khong 'bras gso ba'i le'u bcu gsum pa bshad par bya ste/ de la 'bras so cog ma smin pa'i tshe na ni skrangs pa gso ba'i cho ga ltar so so'i rtags dang mthun par gtar ka bya ste khrag dbyung/ /smin zin pa la ni dral la rma gso ba'i
 cho ga ltar bya'o/ /de las rlung las gyur pa'i rma la ni rtsa ba lnga dang lan tshwa shas che ba'i chu bskol ba'i chus rma bkru bar bya'o/ /gzhan yang me pa da ru'i sde tshan dang/ shing mngar dang lan tsha dang til dang lhan cig sbyar bas rma bkru'o/ /yang na bkru sman gang yang rung ba'i nang
 du dri bi tsa btab ste snum chen po bzhi gang yang rung bas bsres te blud la khrus byas te lus dag par bya'o/ /de nas rma 'drub par bya ba'i phyir bi da ra'i sde tshan dang dur byid bsres pas rma bkru bar bya'o/ /mkhris pa'i rma la ni n+ya gro d+ha la sogs pa'i 'o ma can gyi shing
 las byung ba'i 'o mas bsku bar bya'o/ /de nas shing mngar dang/ til dang/ a ru ra 'di gsum gyis bsku'o/ /rma 'drub par bya ba'i phyir btsong dang/ pu shel tse dang/ shug pa dang/ sa yassya dang/ ser po rnam gnyis dang/ 'bras bu gsum dang/ shing mngar 'di rnams
 'o ma dang lhan cig bskol te 'o ma ni du mar ni lus pa bsku'o/ /yang n+ya gro d+ha'i sde tshan gyi shing dang/ lo ma dang/ 'bras bu dang/ shun pa dang/ mar bskol bas bskus na 'drub par 'gyur ro/ /bad kan las gyur pa la ni dong ka'i sde tshan bskol bas rma bsku'o/ /de
 nas phye dang ser po rnam gnyis dang/ shing nye rong dang/ til mar dang 'di rnams kyis bsku'o/ /yang na rgya sran dang/ dan+ta dang/ sha ma dur byid dang/ kru trug tres dang/ seng phrom dkar po dang/ rgyam tshwa dang/ til dang/ ba gcin dang sbyar bas bskus
 na rma 'drub par 'gyur ro/ /de bzhin du blo bur du snang pa 'am/ khrag las gyur pa'i 'bras la ni mkhris pa las gyur pa la ji ltar gso ba bzhin du bya'o/ /khong 'bras nang du ma smin pa la ni mar gyi sde tshan bskol ba'i nang du u sha ka'i sde tshan gyi phye mas btab ste
 bad kan gyi dus las yol ba dang blud par bya'o/ /yang na bkru sman gang yang rung ba mar dang sbyar ba'i nang du gong gi sman sde tshan gnyis kyi phye mas btab pa blud do/ /yang na nad ma smin pa la ni bkru sman drag po dang/ 'jam rtsi mas btang bar bya ste
 de yang gong gi sde tshan gnyis las nad gzhi gang dang mthun pa sbyar la mas btang bar bya'o/ /dang por nad ji lta ba bzhin du sbrang rtsi dang na le sham dkar pos btab pa'i bza' ba dang btung ba dang bsku ba byas sam blud na khong 'bras ma smin pa 'joms
 bar byed do/ /gzhan yang khyi lce ba dang/ shing mngar dang/ 'bras bu gsum dang/ nim+ba dang/ pu shel tsi 'di rnams cha bsnyams pa dang dri bi ta dang/ pa ta la'i rtsa ba 'di gnyis kyi lce ba'i bzhi 'gyur dang/ sran chung de'i brgyad 'gyur rnams chu dang mar dang
 tshul bzhin bskol nas blud na khong 'bras dang/ skran dang/ me dpal dang/ lus tsha ba dang/ dran pa nyams pa dang/ sa bon mangs pa dang/ skom dang che ba dang/ brgyal ba dang/ slon pa dang/ snying na ba dang/ khrag mkhris dang/ mdze dang mig ser gyi nad dang/
 'di rnams la phan no/ /yang na kyi lce ba srang bzhin chu srang sum cu rtsa gnyis dang bskol te bzhi cha lus pa dang/ sgyur ba'i khu ba srang bzhi dang/ 'o ma srang bzhi dang/ mar srang bzhi dang/ tik+ta dang/ tra yan+ti dang/ byi tsher ba dang/ gla sgang dang/ ta ma la gi dang/
 ram nye ba dang/ dzi ban+ti dang/ tsan dan dang/ utpa la dang/ 'di rnams zho gnyis gnyis cham chom brdungs la gcig tu bskol la mar 'ba' zhig lus pa blud pa 'am/ yang na rgun 'bru 'am/ ma du ga'i me tog dang/ bra go dang/ ba di ri dang/ nye'u shing dang/ ba ru sha dang/ 'bras
 bu gsum dang/ 'di rnams bskol ba'i khu ba'i nang du mar dang 'o ma dang/ bu ram shing gi khu ba dang/ skyur po rnams cha bsnyams te a ru ra'i phye mas btab nas bskol la mar lus pa dang grangs pa'i nang du sha kha ra dang/ sbrang rtsi mar gyi bzhi cha dang bsres
 nas blud na phan yon gong ma dang 'dra bar shes par bya'o/ /de la nad tshabs che chung dang sbyar bas gar skrangs pa'i steng du sdab rwa dang/ bsku ba dang/ srin bu pad+ma dang gsum gyis khrag dbyung ba 'am/ yang na gtar ga 'di bzhi gang yang rung bas khrag dbyung ngo//
 da la 'bras che chung 'dra bar smin pa'i mtshan ma ni phyi rol du 'bur bar snang ste/ de yang phyogs gcig tu 'dus pa dang 'dug ste/ steng du lag pas reg na rab tu na zhing mnan na shong bar 'dug la lus tsha bar byed de/ de la ni gong gi bkru sman gyis byug go /de la
 'bras smin pa'i mtshan ma mthong nas mtshon gyis dral te/ rma gso ba'i cho ga bstan pa ltar bya'o/ /khong 'bras nang du smin pa'i mtshan ma yang de ltar blta'o/ /khong 'bras smin nas gong 'og tu mched par byed de/ de yang smin nas myur bar dpyad ma byas ba dang/ kha zas
 mi mthun ba zos pa'i nyes pas rma skrangs pa mched cing 'drul bar 'gyur ro/ /de yang zhag bcu gnyis kyi bar du gong 'og tu mi mched par bya ba'i tshogs bsrung bar bya ste/ de yang bar na la sogs pa'i sde tshan bskol ba'i khu ba dro 'jam tsam 'am yang na shi tru
 dang sbrang rtsi sbyar ba 'am/ yang na 'bras kyi thug pa la shi kru dang/ sbrang rtsi btab pa 'am yang na nas dang/ rgya shug dang/ rgya sran gyi khu ba btung ba 'am/ bza' ba 'am/ btung ba ni rab tu bsngags so/ /zhag bcu nas ni khyi lce ba la sogs pa'i mar gong du smos
 pa 'am/ yang na seng phrom dkar po dang sbyar ba'i/ mar gong du rlung gi skabs su bstan pa blud la sman gyi stobs kyis nad 'jil bar bya'o/ /de nas tik+ta'i mar mdze nad kyi skabs su bstan pa'i nang du sbrang rtsi dang sbyar ba cung zad sbyin no/ /skran
 gyi bcos thabs ji snyed 'byung ba thams cad khong 'bras la yang thabs des gso bar bya'o/ /gzhan yang khong 'bras kyi nad thams cad la gu gul dang/ brag zhun gnyis gang yang rung bas zas dang sman thams cad la sbyar bar bya'o/ /khong 'bras ni smin
 du mi gzhug ste/ mi smin pa'i cho ga la 'bad par bya'o/ /ci ste smin na shin tu nyen che ste gso bar dka' o/ /khong 'bras zhes bya ba ni myur du smin par byed pa'i rang bzhin yin no/ /'bras khong du na zhing tsha ba la ni legs par brtags te gcin snyi ba'i nad
 gso ba bzhin du 'di yang thabs de ltar gso bar bya'o/ /bud med kyi nu mar 'bras byung ba la ni smin par bya ba'i cho ga mi bya ste/ rma'i skabs las 'byung ba'i dpyad bzhin bya'o/ /myur du smin na ni shas che ba dang 'jam pa'i phyir tshabs cher 'drul
 pa'i skyon no/ /rang smin pa dang nu sor gyi mdza' bskor/ snag mtshams kyi nang rol du mtshon mi gdab par bsrung ste/ gzhan yang gang yang rung bar mtshon gyis dral ba'i las bya'o/ /'bras de na yang rung mi na yang rung smin yang rung ma smin na yang
 rung ste/ rtag tu nu ma las bzho bar bya'o/ /de nas shing nye rong gi phye ma rlung shas che ba'i nad yin na ni snum shas cher btab ste byin la khrus byas te lus dag par bya'o/ /de la snum ni 'di dag ste/ a mra'i 'bras bu'i sman mar ram/ e
 raN+Ta'i sman mar ram/ su gu ma ra'i sman mar ram/ mi tre ka'i me tog gi sman mar ram 'di rnams kyi mar gang rnyed pa dang sbyar ro/ /de nas rlung las gyur pa la phan pa'i sman tshogs zhib du btags te/ chu dang mar tshul bzhin bskol te chu du
 mar lus pa dang/ bkru sman drag po mas btang ba'i thabs su mas btang bar bya'o/ /de nas sha khu dang bcas pa'i zas sbyin no/ /de'i 'og tu shing mngar gyi phye til mar dang bskol bas lus bsku bar bya'o/ /rlung las gyur pa'i 'bras smin pa la ni rlung la phan pa'i sman dang bsku
 byug la sogs pa bya'o/ /smin nas dral la rma gso ba'i cho ga ltar bya'o/ /mkhris pa dang khrag las gyur pa ma smin pa la ni gong du skrang ba'i cho ga bstan pa bzhin bya'o/ /smin nas dral la rma gso ba'i cho ga ltar bya'o/ /rtag tu bar ma chad par khrag kyang dbri'o/ /bad kan las
 gyur pa la ni skyer pa'i phye ma ba gcin dang bcas pa sbyin no/ /smin par bya ba'i tshog ma gtogs pa phyi ma bad kan las gyur pa'i 'bras gso ba'i cho ga rnams 'dir bya'o/ /bad kan las gyur pa'i 'bras rang smin pa'i tshe na ni dral te/ su ma na'i me tog dang/ go bye dang/ ang
 go la na sapta par+Na sna dang/ pa to la dang/ nimpa dang/ yung ba dang/ bi dang ka dang/ dug mo yungs dang/ 'di rnams til mar dang sbyar la rma dag par bya ba'i phyir blud pa ni rab tu bsngags so/ /tshil las gyur pa'i nu ma'i nad la ni byi'u rug pa'i sde tshan btags te ba gcin dang sbyar
 ba 'am/ yang na klad pa bkru ba'i sman btags pas dugs byas la smin pa dang/ nu sor gyi mthar/ snag por mtshon mi gdab ste phyi rol nas btsags bus legs par dral nas rnag phyung la sbrang rtsi dang rgyam tshwa dang nag tshur sbyar bas rma bskus te dar skud kyis btsem mo/ /chil
 las gyur pa'i nu ma'i rma dag par bya ba'i phyir ldong ros dang/ ba bla dang/ su man dang/ pi pi ling mu la dang go bye dang/ 'di rnams til mar dang dro 'jam tsam sbyar bas rma bkru'o/ /ji srid rma ma drubs kyi bar du snum dang bcas pa'i dugs bya'o/ /chu so'i gnas su 'bras byung ba
 la ni ras snum can gyi dugs byas la ras kyi rked par bcing ngo/ /de'i 'og tu bshad pa'i sgo dang/ 'bras bu'i bar srubs bred bred po'i 'og tu 'bru'i kha 'dra ba'i mtshon gyis dral te/ rnag 'dzag tu bcug la dmu rdzing gso ba'i thabs bzhin du dbug pa dang/ spu gus rma bkag
 pa dang/ bcing ba dang/ sman gyis dag par byas nas rma 'drub pa'i cho ga bya'o/ /khong 'bras long ka 'am rgyu ma la 'byung ste/ rlig pa'i 'og tu phyin pa dang/ rlung las gyur pa'i 'bras gso ba'i cho ga bzhin du bya'o/ gzhan yang ba spru ba srang brgyad dang/
 rtsa ba bcu pa dang/ a shwa gand+ha dang/ e raN+Da dang/ nye'u shing dang/ rtswa dur ba rnam gnyis dang/ 'dam bu dang/ rtswa ku sha dang/ bu ram shing gi rtsa ba dang/ ma ta ka la dang/ 'di rnams yi rtsa ba re re la yang srang bcu bcu cham chom brdungs te srang nyis stong bzhi bcu rtsa brgyad
 dang bskol la srang nyis brgya lnga bcu rtsa drug lus pa dang phyir phyung la btsags te grangs pa'i nang du bu ram srang sum cu rtsa gnyis dang 'o ma bre do dang/ e raN+Ta'i mar bre do'i nang du pi pi ling gi rtsa ba dang/ lce myang tshwa dang/ shing mngar dang/ la la pud dang/ rgun 'bru dang/
 dong gra dang/ 'di rnams lhan cig tu bskol la/ 'o ma du mar lus pa ni su ku mar zhes bya ba'i bcud kyi len yin te/ sman mar 'di ni tsha ba dang/ rlung dang/ lam du 'gro ba dang/ bzhon pa la sogs pa 'bro ba'i tshe yang bsrung mi dgos par kha'o/ /de yang gzhon nu
 rnams dang/ phyug po rnams dang/ bud med rnams dang/ skyid deb? rnams dang/ bud med mang po'i khyim pa dang? rnams la sbyar bar bya'o/ /dpal skyed pa dang rtsod pa zlog par byed de/ rtag tu bsten na stug cing mdzes pa dang/ lus sha skyed pa dang/ de bzhin du rlig rlugs dang/
 khong 'bras dang/ skran dang/ gzhang 'brum dang/ mo mtshan dang/ pho mtshan gyi nad dang/ rlung nad kyis nyams thag pa dang/ skrangs pa dang/ dmu rdzing dang/ dreg dang/ mchin pa na ba dang/ rtug skam 'di rnams zhi bar byed pa'i mchog yin no/ /gzhang la khong 'bras
 'byung ba la ni snum chos dang/ khrus dang/ 'jam rtsi mas btang ba la sogs pas thog mar zhi bar byas la des zhi bar ma nus na dang po yang 'jam rtsi byas te/ rgyu zhabs kyi spu mtshams g.yas g.yon du mtshon zla ba bkas pa lta bu bsregs pas dbug? la
 rlung gis 'gags pa de dal gyis dbyung ngo/ /de la dbug pa'i tshad ni sman pa kha cig na re mthe bong gi tshigs dang po nub pa tsam zabs su btang zhes zer ro/ /yang kha cig na re zabs su srin lag gi tshigs dang po nub pa tsam btang ngo/ /dral ba ni dang po pags pa phug la
 mthe bong gis rma kha'i pags pa bteg ste/ de nas de'i 'og tu mtshon gyis rtse mo drang btang ngo/ /zhes zer ro/ /khong 'bras byed pa'i le'u bcu gsum pa rdzogs so// //de nas skran nad gso ba'i le'u bcu bzhi pa bshad par bya ste/ de la rlung las gyur pa'i skran
 ni phyi sa dang/ rlung 'gag cing mi bzad par na ba yin te de yang rtsub par dang grang ba'i rgyu las byung ba yin pas de la/ rlung nad kyi skabs bshad pa'i 'bru mar sbyar ba bza' ba dang/ btung ba dang/ 'jam rtsi btang ba dang bsku byug dang/ snum bcos dag bya'o/ /khyad
 par du lto lba zhing na ba dang/ rengs pa dang/ rtug pa 'gags pa dang/ 'di rnams la ni dugs bya ste/ rgyun srang mnyen par byas nas rlung nang tsha bas che ba la phan te rgyal bar byed do/ /snum btsos kyis ni khyad par du phyi sa 'gags pa dang/ skran nad sel to/ /skran nad ? ?
 khong du byung ba la ni khyad par du snum gyi btung ba skyin no/ /khu ba'i gnas su skran byung ba la ni 'jam rtsi mas btang na phan no/ /skran lto ba'i nang du byung ba la ni snum dang 'jam rtsi gnyis ka bya'o/ /rlung las gyur pa'i skran me drod che zhing rlung gi phyi sa 'gags pa la ni nyams
 stobs 'phel ba'i bza' ba dang/ btung ba dang/ snum pa dang/ dro ba'i bag sbyar ro/ /snum gyi btung ba dang/ bkru sman drag po dang/ 'jam rtsi mas btang ba rnams yang dang yang du sbyar na/ rlung las gyur pa'i skran la phan no/ /bad kan dang mkhris pa ni sman pas mi 'byung bar
 bsrung ngo/ /'jam rtsi ni rlung skran 'joms pa'i mchog tu rig par bya ste/ de yang dang po rlung rang gi gnas su zhi bar byas na de ma thag skran sel to/ /de bas na bkru sman drag po dang 'jam rtsi mas btang ba yang dang yang du byas na/ rlung dang mkhris pa dang bad kan gyi bdag nyid kyi
 skran yang zhi bar 'gyur ro/ /shing kun dang kha ru tsha dang/ tsha ba gsum dang rtsa ru che dang/ bal po se'u dang/ ma nu dang/ go snyod dang/ 'u su dang/ zir dang/ la la bud dang/ star bu dang/ ya paksha ra dang/ kru trug tres dang/ zur ba dang/ a dza gand+ha
 dang/ sug smel dang/ bye'u rug pa dang/ 'di rnams cham chom brdungs te/ zho dang mar dang lhan cig tshul bzhin bskol ba las ran par 'thungs na rlung las gyur pa'i skran nad sel to/ /khyad par du zug gzer dang lto lbo ba 'phrog go /spa ma'i 'bras bu dang/ tsha ba gsum
 dang/ zer dang/ tsha ba lnga dang/ a dza mo d+ha dang/ go snyod dang lce myang tshwa dang/ 'di rnams cham chom brdungs te/ mar dang lhan cig zho dang bskol la/ zho du ba dang phyir phyung la 'o ma'i nang du yang bskol la/ de bzhin du bal po sa'u? dang/ la phug skam po dang/ rgya shug skyur
 po dang/ de gsum gyi gu ba'i nang du bskol ba'i mar las ran par 'thungs na rlung las gyur pa'i skran dang/ dmu rdzing dang/ lte lbo ba dang/ rtsibs logs na ba dang/ snying na ba dang/ lto na ba dang/ mo mtshan gyi nad dang/ gzhang 'brum dang pho ba'i nad dang/ lud pa dang/ dbugs
 mi bde ba dang/ yi ga 'chus pa dang/ rims nad rnams sel bar byed do/ /yang na rtsa ba bcu pa dang/ ba lang ka dang su sha pi dang kha spru ba rnam gnyis dang/ ma nu dang/ e raN+Da dang/ ra sna dang/ a sha gand+ha dang/ ga bra'i rtsa ba dang/ zur pa dkar po dang/ sle tres dang/ su ti
 ka rany+dza dang/ 'di rnams srang gnyis gnyis dang/ nas dang/ rgya shug dang/ rgya sran dang/ mon sran gre'u dang/ 'di rnams srang bcu drug bcu drug dang/ de rnams cham chom brdungs te/ chu srang lnga brgya rtsa bcu gnyis dang bskal te/ bzhi cha lus pa nang du zho srang brgya nyi
 shu rtsa brgyad dang/ bal po se'u dang/ a mra ta ka dang/ ma du lung ka dang/ 'di rnams rang gi khu ba srang snyam? cu rtsa gnyis gnyis dang/ mar srang sum cu rtsa gnyis dang/ nas so pa'i rtsa ba mo dang/ 'bras kyi chang skyur dang/ tshwa ba gsum 'di rnams srang sum cu rtsa gnyis
 gnyis dang/ ga bra'i rtsa ba dang/ g.yer ma dang/ shu de ga dang/ pi pi ling gi rtsa ba dang/ ra sna dang/ tsi trika dang/ 'u su dang/ ting mus dang/ la la pud dang/ star bu dang/ zir nag po dang/ go snyod dang/ shing kun dang/ spa ma'i 'bras bu dang/ ga? bi dang/ zangs rtsi ba dang/ a sha ka dang
 dur byid dang/ dan da dang/ mur ba dang/ ha sti pi pi ling dang/ bi dang ga dang/ bal po se'u dang/ gze ma dang/ rgyal mo ga gon gyi sa bon dang/ spang spos dang/ sru sru'i rtsa ba dang/ shu sti dang/ thal ba rnam gnyis dang/ byi'u rug pa dang/ thal tres dang/ ni li ni'i 'bras bu dang/ lan
 tshwa rnams dang/ gsum tsha ba rnam gsum dang de rnams zhib tu btags pa'i phye ma btab ste bsil bas mar 'ba' zhig lus pa ni/ zhol sogs pa'i sman mar zhes bya ste/ de las ran par 'thungs na gong du smos pa'i nad shin tu gso dka' ba yang myur bu sel bar byed do//
 de bzhin du brjed byed dang/ smyo byed dang/ gcin 'gags pa dang/ rlung nad rnams myur du sel bar byed do/ /yang na tsha ba gsum dang/ 'bras bu gsum dang/ 'u su dang dbyi mo dang/ bi dang ga dang/ tsi tra ka dang/ 'di rnams mar dang/ 'o ma dang bcas pa bskol ba 'thungs na rlung
 las gyur pa'i skran sel to/ /shun pa bshus pa'i sgog skya srang brgya dang/ rtsa ba lnga chen po srang re re dang/ chu srang stong dang bskol la bzhi cha lus pa'i phyed dang mnyam pa'i se'u 'bru'i rang gi khu ba dang/ chang dang 'bras kyi rang skyur dang/ zho dang de rnams re re yang gong ma'i khu ba'i
 phyed phyed dang bcas pa dang/ tshwa ba gsum dang 'bras bu gsum dang/ shing kun dang/ la la pud dang/ dbyi mo dang tingmu sa dang/ ltar bu dang/ rgyam tshwa dang/ thang shing dang/ 'di rnams srang re re zhib du btags pa'i phye ma mar srang sum cu rtsa gnyis dang yang bsol te/
 mar lus pa dang ran par 'thungs na rlung thams cad las gyur pa'i skran sel ba'i mchog yin no/ /yang na gcod chen po gso ba'i skabs las byung ba'i srang drug pa zhes bya ba'i sman mar blud de/ de yang 'o ma'i skyin par chang ngam chang gi dangs ma'am/ se'u
 'bru'i khu ba 'am zho'i spris ma gang yang rung ba dang sbyar ba'i sman mar 'thungs na rlung las gyur pa'i skran sel to/ /gal te rlung gi skran la bad kan gsogs te/ me drod nyams shing yi ga 'chus pa dang/ snying 'dzag pa dang/ lus lci ba dang
 snyoms par gyur pa/ de la skyug sman btang ngo/ /zug gzer dag lto lbo ba dang/ rtug pa 'gags pa dang/ khong pa snum par shes na sman bskol ba'i chu dang phye ma dang/ ri lu dang/ sman mar sbyar bar bya ste/ de yang rgya shug dang/ se'u 'bru dang/ chu dron dang/ dar ba dang/ chang dang/
 rtsabs skyur po dang/ lhan cig sbyar ba btung ngo/ /yang na nad par sman gyi phye ma zos la de'i 'og tu mar dang bcas pa'i thug pa rkyang rkyang po btung ba 'am/ zas bza' o/ /yang na 'og nas smos pa'i sman gyi phye ma ma du lung ga'i khu ba'i nang du lan mang por bran pa'i phye
 ma dang bad kan dang rlung 'joms pa'i ri'u la sogs pa bya'o/ /yang na shing kun dang/ shu dag dang/ a ru ra dang/ a dza gand+hu dang/ se'u 'bru dang/ tingmu sa dang/ 'u su dang/ pa tha dang/ pu skar mu la dang/ zur ba dkar po dang/ sba ma'i 'bras bu dang/ tsi tra ka dang/ thal
 ba rnam gnyis dang/ lan tshwa rnam gnyis dang/ tsha ba gsum dang/ zi ra dang/ dbyi mong dang/ da trig dang/ star bu dang/ 'di rnams lhan cig sbyar ba'i phye ma las ran par zos na/ snying ga dang/ rtsib logs dang/ chu so dang/ mjug do dang/ mngal dang/ ljang dang/ 'di rnams su
 zug cing na ba dang/ rlung dang bad kan dang/ ma zhu ba las byung ba'i nad dang/ gso dka' ba'i skran dang/ rlung dang gcin dang/ phyi sa 'gags pa dang/ ske 'gags pa dang/ stong 'dzings pa dang/ skya rbab dang/ yi ga 'chus pa dang/ 'tshor ba na ba dang/ gzhang 'brum dang
 skyigs bu dang/ rlig rlugs dang/ lto lbo ba dang/ dbugs mi bde ba dang/ lud pa dang me drod nyams pa rnams 'joms par byed do/ /rgyam tshwa dang/ la la bud dang/ tingmu sa dang/ pi pi ling dang dong skra dang/ 'di rnams yas kyi rim bzhin du cha re re bskyed pa dang/ de rnams
 spyi dang mnyam pa'i a ru ra dang lhan cig sbyar ba ni/ mngon sum du me dang mnyam pa yin no/ /yang tsha ba gsum dang/ tingmu sa dang/ rgyam tshwa dang/ zir rnam gnyis dang/ shing kun 'di rnams cha bsnyams pa ni/ shi ku sha brgyad pa'i phye ma zhes bya ste/ de las kham dang por mar dang
 bsres pa zos na khong drod bskyed cing rlung las gyur pa'i skran sel to/ /yang shu dag dang/ lce myang tsha dang/ li dong kra dang/ la la bud dang/ a ru ra dang/ ma nu dang/ ru rta dang/ dur byid dang/ danda'i rtsa ba dang/ 'di rnams dang po'i cha re res kun la skyed pa ni stag lta bu'i phye ma zhes bya
 ste/ de las chu dron dang sbyar te 'thungs na dper na stag gis ri dags kyi chogs bcom pa bzhin du/ khod pa'i nad thams cad dang/ skran dang/ dmu rdzing la sogs pa'i nad 'joms par byed do/ /rgyam tshwa dang/ pi pi ling dang/ a ru tingmu sa dang/ 'di rnams kyi phye ma chu dro
 'jam tsam dang sbyar te btang na/ bad kan dang rlung las gyur pa'i nad 'jig par byed do/ /lcags mangs lus 'bigs pa bzhin no/ /yang na khang sang gi steng du pi ka rany+dza'i lo ma bting ba de'i steng du in+d+ra ba ru ni dang/ dbyi mo dang/ kru trug tres dang/ bca' sga dang pi pi ling
 dang/ na le sham gyi phye ma rim bzhin du bdal ba'i steng du lan tshwa btab nas da lta bu rim pa mang du btsags nas phru ba sar pas dung pa ma shi bar bkab la 'og nas me btang ste bsregs la tshig par gyur pa de btags nas zho ga chu dang sbyar te 'thungs na skran dang dmu
 rdzing dang/ skya rbab kyi nad dang/ gzhang 'brum rnams la phan no/ /shing kun dang/ de'i sum 'gyur gyi rgyam tshwa'i phye ma dang/ de'i sum 'gyur gyis e raN+Ta'i mar dang/ de'i sum 'gyur gyi sgog skya'i khu ba dang/ de rnams lhan cig sbyar la 'thungs na skran dang/ dmu rdzing dang/
 rgyu rlugs kyi zug gzer 'joms par byed do/ /yang na kha lud gi khu ba dang/ shing kun dang/ lce myang tshwa dang/ rgyam tshwa 'di rnams chang gi nying khu'i nang du btab ste 'thung na rlung las gyur pa'i skran sel to/ bca' sga zho gnyis dang/ bu ram zho bzhi dang/ til nag pa phub
 ma med pa srang gcig dang/ 'di rnams lhan cig phye mar byas te zos la de'i 'og tu 'o ma dron po 'thungs na/ rlung las gyur pa'i snying nang dang/ skran dang/ gzhang 'brum dang/ mo mtshan du zug pa dang/ rtug pa 'gags pa rnams las
 rgyal bar byed do/ /rlung las gyur pa'i skran la ni/ e raN+Ta'i mar chang gi dangs ma btang ngo/ /rlung dang bad kan rjes su 'brel pa yin na yang sbyar ba de ltar bya'o/ /rlung dang mkhris pa 'brel pa yin na/ 'o ma dang lhan cig btang ngo/ /gal te rlung las gyur
 pa'i skran mkhris pa cher skyes na ni tsha ba yin te/ de la ni snum dang bcas pa'i bkru sman bya'o/ /bkru sman byas kyang tsha ba de bzhin du yod na khrag dbri ste gter ka bya'o/ /sgog skya shun pa bshus pa skam po srang bzhi dang/ de'i brgyad 'gyur gyi chu dang/
 'o ma dang lhan cig bskol te/ 'o ma khus pa dang/ de las ran par 'thungs na/ rlung las gyur pa'i skran dang/ rtug pa 'gags pa dang/ zhen pa'i rlung dang/ rims mi zad pa dang/ snying nad dang/ khong 'bras dang/ skam byed dang/ 'di rnams myur du zlog par byed do/ /til mar dang/
 chang gi dangs ma dang ba gcin dang/ rang skyur dang/ nas tshig 'khus pa'i thal ba dang/ 'di rnams lhan cig sbyar ba 'thungs na/ skran dang/ dmu rdzing dang/ lto spos pa rnams la phan no/ /yang na kru trug tres dang/ pi pi ling mu la dang/ e raN+Ta dang/ bca' sga dang/ shing kun dang
 rtsa ru tshwa dang rgyam tshwa 'di rnams tshu ba bzhin bskol ba 'thungs na/ zug gzer dang lto lbo ba dang/ rtug pa 'gags pa rnams la phan pa'i mchog yin no rtswa dar ma nu dang/ e raN+Ta'i rtsa ba dang/ nas dang/ byi tsher ba dang/ ba sha ka dang/ 'di rnams tshul bzhin du bskol ba
 'thungs na lto lbo ba dang lus tsha ba'i nad 'joms so/ /yang na ma nu dang/ e raN+Da dang/ 'di rnams kyi rtsa ba dang/ thang shing dang/ bca' sga dang/ de rnams bskol ba'i khu ba 'thungs na/ khod pa na ba dang/ rgyab kyi sgal tshigs su zug pa la phan no/ /rlung las gyur ba'i skran la ni/
 brag zhun dang/ pa yassya dang/ rtsa ba lnga pa che chung gang yang rung ba chu dang bskol ba blud do/ /rlung skran dang/ rtug pa la ni/ nas chan snum dang ldan pa byin te/ pi pi ling ngam/ la phug skam po'i khu bcud dang sbyar ba'i zas sbyin no/ /yang na nas kyi zan 'o ma dron po dang lhan cig sbyin no//
 yang na mon sran gre'u dang/ mon sran rde'u la sogs pa'i zan dron snum dang/ lan tshwa mang po dang ldan pa'i zas bza' o/ /rlung las gyur pa'i skran dri ma dang bcas pa la ni/ ni li ni dang/ dur byid dang/ dandi dang/ a ru ra dang/ ka bi lya ka dang/ rtsa ru tsha dang/ nas tshig 'khus pa'i
 thal ba dang/ dong kra dang/ 'di rnams mar dang lhan cig bkru sman btang ngo/ /yang na ni li ni dang/ 'bras bu gsum dang/ ra sna dang/ ba la dang/ pu tse shel dang/ bi da ra ga dang/ kaN+Da kA ri dang/ 'di rnams srang re re dang chu srang brgya nyi shu rtsa brgyad dang lhan cig bskol te/ khu ba brgyad
 cha lus pa'i nang du/ mar bre gang dang/ zho bre gang dang/ su dag khyir srang gcig dang lhan cig bskol te/ mar lus pa ni ni li ni'i mar zhes bya ste/ de las srang re re nas thug pa rkyang po dang lhan cig bsres pa las srang re zos te legs par 'khrus pa dang/ sha khu'i bza' 
 ba byin na/ skran dang/ mdze dang/ dmu rdzing dang/ sme ba dang/ skrang ba dang/ skya rbab dang/ rims dang/ sha bkra dang/ mcher pa na ba dang/ smyo byed rnams 'joms par byed do/ /mdor na rlung las gyur pa'i skran nad gso ba la ni/ khyim bya dang/ rma bya dang/ sreg pa dang/ khrung khrung dang/
 bye'u bra d+he ka dang/ 'di rnams nyi shu'i ched du sbyar ro/ /zas su ni 'bras zhag drug cu pa la sogs pa sbyar ro/ /btung ba ni chang sbyar ro/ /snum bag ni sbyar ro/ /rlung las gyur pa'i skran nad can la ni/ zas nyung zad ran pa dro ba dang snum dang sla ba bza' o/ /btung ba ni chang gi nying khu dang/ 'u su
 bskol ba'i chu dron po 'thungs na phan no/ /mkhris pa las gyur ba'i skran nad ni thog ma snum pa dang/ dro ba'i rgyu las 'byung ste/ rgun 'bru dang/ a ru ra dang/ bskol ba'i nang du bu ram bcug pa 'am/ yang na ka pi lya sbrang rtsi dang sbyar ba blud la khrus bya'o/ /yang na khrag mkhris
 gso ba'i bkru sman nam/ cho ga grub pa'i nang gi bkru sman gang yang rung ba btang ngo/ /rtsub pa dang dro ba las byung ba'i mkhris pa'i skran la ni kha ba'i sman sbyar ba dang/ yang khrag mkhris gsol las byung ba'i ba sha ka'i sman mar sbyar ba 'am/
 yang na rtswa'i rtsa ba lnga dang sbyar ba'i mar ram/ yang na 'tsho byed sde bcu dang bskol ba'i mar gang yang rung ba blud na/ mkhris pa las gyur pa'i skran zhi bar byed pa'i mchog yin no/ /yang na 'tsho byed sde bcu po de nyid 'o ma dang bskol ba 'am/ yang na n+ya gro d+ha'i sde tshan bskol
 ba 'thungs na/ yang mkhris pa'i skran sel to/ /rtsub pa las gyur pa'i skran nam/ skran thams cad la ni sman pas bkru sman mar ram 'o ma dang lhan cig sbyar ba'i bkru sman sbyar ro/ /skyu ru ra dang/ bu ram shing gi khu ba srang drug cu rtsa bzhi dang/ mar srang sum cu rtsa gnyis dang/ a ru ra
 srang brgyad dang 'di rnams lhan cig bskol te/ mar lus pa las ran par 'thungs na/ mkhris pa las gyur pa'i skran sel to/ /yang na mkhris pa khong 'bras gso ba'i nang nas 'byung ba'i seng phrom gyi mar 'thungs na yang phan no/ /yang na rgun 'bru dad pa yassya dang/
 shing mngar dang/ shug ba dang/ tsan dan dkar po dang/ sbrang rtsi dang 'di rnams 'bras bkrus pa'i chu dang lhan cig 'thungs na/ mkhris pa las gyur pa'i skran sel to/ /khyi lce ba srang gnyis chu srang drug cu rtsa bzhi dang bskol te/ brgyad cha lus pa dang/ tshigs ma bor la
 'o ma dron po dang lhan cig btung bar bya'o/ /de'i 'og tu me'i drod ji lta ba bzhin du 'o ma dron po dang sbyar nas blud na mkhris pa'i nad dang/ mkhris pa las gyur pa'i skran sel bar byed do/ /mkhris pa las gyur pa'i skran nad kyis lus tsha ba la ni mar grang mos bsku
 zhing bsil ba'i sman tsan dan dang/ u shir dang sbyar ba'i phye mar dang sbyar bas byug par bya'o/ /chu las skyes pa'i pad+ma la sogs pa'i lo mas lus la reg cing bkab pa dang/ snod chus bkang ba'i nang du spyid bar bya'o/ /dang po lus tsha zhing zug gzer che la me drod chung
 ba la gtar ka bya'o/ /khyad par du mkhris pa las gyur pa'i skran la bya'o/ /de ltar khrag mang du phyung bas nad kyi rtsa ba chad de/ skran yang zad cing khrag ro skyur bar byung ste khrag dang nad kyang med cing nyams chung ba la/ srog chags thang las skyes pa'i sha khus nyams brtas par
 bya'o/ /de ltar nyams brtas nas kyang nyes pa'i lhag ma cung zhig yod pa ltar na/ yang dang yang mar bsten cing goms par bya'o/ /khrag dang mkhris pa las gyur pa'i skrar shas cher g.yos te/ bya ba gang gis kyang ma thub ste/ skran khong du smin cing na ba la ni/ mkhris pa las
 gyur pa'i khong 'bras gso ba'i cho ga thams cad bya'o/ /mdong na kha zas ni 'bras sA lu la sogs pa bya'o/ /'o ma ni ba dang ra'i 'o ma sbyar ro/ /tshod ma ni pa to la la sogs pa bya'o/ /sha ni srog chags thang las skyes pa'i sha rnams bya'o/ /snum du ni mar bya'o/ /tshod ma dang
 bza' ba'i nang du sbyar ba ni/ skyu ru ra dang/ pa ru sha ka dang/ rgun 'bru dang/ bra go dang/ se'u 'bru dang/ kha ra dkar po rnams dang sbyar ro/ /btung bar ni sbun pa la dang/ bri ha sti la sogs pa rtsa ba chung ngu lnga bskol ba'i chu dang sbyar ro/ /bad kan las gyur ba'i skran la ni thog mar slon bya
 ste/ gal te slon mi theg ste/ nyams chung ba la ni smyung ba bya'o/ /slon dang smyung ba byas pa'i 'og tu me drod bskyed par bya ba'i phyir sman kha ba dang/ dro ba dang tsha ba sbyar ba'i thug pa la sogs pa'i zas dang/ shing kun la sogs pa'i phye ma nas tshig 'khus pa'i thal ba dang/ shing
 kun dang/ star bu dang/ 'di gsum sman gcig gi nyis 'gyur du byas pa btang ngo/ /bad kan las gyur pa'i skran nad phyir 'bur ba 'am/ yang na mi mngon par 'dug cing/ tshor ba med la sra zhing brtan pa dang/ lto lbo ba la sogs pa'i nad dang bcas pa ni/ dugs bya ste snyi
 ba'i cho ga bya'o/ /bad kan las gyur pa'i skran can la ni ya bak+Sha ra dang/ sman cha ba sbyar ba'i btung pa sbyin no/ /yang na rtsa ba bcu pa bskol ba'i khu ba tsha ba gsum dang/ nas tshig 'khus pa'i thal ba dang/ rgyam tshwa dang/ shing kun dang/ tsabs ru tsha dang/ se'u 'bru dang/ de
 rnams mar dang tshul bzhin sbyar ba 'thungs na bad kan las gyur pa'i skran las myur du rgyal bar byed do/ /go bye srang gnyis dang/ rtsa ba chung ngu lnga srang re re dang/ chu srang brgya nyi shu rtsa brgyad dang bskol te bzhi cha lus pa dang/ de dang mnyam pa'i mar
 ? mar dang mnyam pa'i 'o ma dang/ bi dang ka dang/ shing kun dang rgyam tshwa dang/ nas tshig 'khus pa'i thal ba dang/ zur ba ba/ rtsa ru tsha dang/ ha sti pi pi ling dang/ ra sna dang/ shing mngar dang/ shu dag dang/ pi pi ling dang/ dong kra 'di rnams zho gnyis dang lhan cig yang
 bskol ba'i sman mar 'di ni go bye'i mar zhes bya ste/ de las ran par zos na/ bad kan las gyur pa'i skran 'joms pa'i mchog yin te/ de bzhin du mcher pa dang/ skya rbab kyi nad dang/ pho ba'i nad dang/ lud pa dang/ dbugs mi bde ba sel to/ /mar de zos zin pa'i
 'og tu bad kan gyi skran can gyi lus thams cad la ni dugs bya'o/ /skran thams cad la ni snum chos byas la de'i 'og tu dugs byas nas/ gso ba gang byas kyang nges par 'grub ste dugs ma byas na gso dka' o/ /thog mar bad kan gyi skran la snum tshos dang dugs
 byas te snyi bar gyur pa dang/ mdo'i gnas nas 'byung ba'i bum pa'i cha dpyad kyis skran nang nas drang ba'i dpyad bya ste/ skran kang du yod pa'i sar ras kyis dkris la/ skran gyi tshod shes pa'i sman pas mtshon nan bos ras kyi steng nas rma dral la zin pa dang/ lham
 mkhan gyi shing gis cha dpyad dam/ lcags las byas pa 'am/ ra'i rmig pa 'am/ me long gang yang rung bas btsir la nang gi dri ma phyir phyung ba dang dag par 'phyi bar bya'o/ /skran de snying ngam rgyu ma'i phyogs gang na yin pa'i sar dral ba'i dus su mtshon gyis ma
 phog par bsrung bar bya'o/ /til dang yungs kar dang/ zar ma'i sa bon 'di rnams btags pa'i bye mas rma byug par bya'o/ /de nas bad kan las gyur pa'i skran gyi rma de lcags kyi snod dro 'jam nam? dang bsras te dugs bya'o/ /bya ba'i rim pa de dag gis bad
 kon? las gyur pa'i skran nad snyi bar gyur pa la ni snum bag dang ldan pa'i khrus dang/ rtsa ba bcu pa dang/ sbyar ba'i 'jam rtsi sbyar ro/ /pi pi ling dang/ skyu ru ra dang/ rgun 'bru dang/ sha ma dur bying la sogs pa'i sde tshan dang/ 'di rnams srang re re dang/ e raN+Ta'i mar dang/ rtsi
 mar bre re re dang/ 'bru mar gyi drug 'gyur gyi 'o ma dang lhan cig bskol la mar lus pa 'di ni/ 'dras pa'i sman mar zhes bya ste/ des bkru sman du blud na skran sel ba'i mchog go/ de bzhin du sha rgyas pa dang/ khong 'bras dang/ zug gzer dang/ rlung nad rnams la dud rtsi
 dang 'dra'o/ /yang na ni li ni'i sman mar gong du bstan pa de las srang gnyis gnyis tsam btung ba 'am/ de bzhin du khong 'bras kyi skabs su bshad pa'i su ku ma ra zhes bya ba'i sman ma dang/ dmu rdzing gi skabs su bshad pa'i sman mar gang yang rung ba btung bar bya'o/ /yang na
 ramti dang rtsi tra ka dang/ a ru ra dang 'di rnams srang nyi shu lnga lnga dang/ chu srang lnga brgya rtsa bcu gnyis dang bskol te/ brgyad cha srang drug cu rtsa bzhi lus pa dang/ a ru ra ma gtogs pa'i tshigs ma bor te/ /khu ba a ru ra dang bcas pa'i nang du bu ram srang nyi shu rtsa lnga  
 dang/ til dang dur byid kyi phye ma srang bzhi bzhi dang/ pi pi ling dang bca' sga'i phye ma zho gnyis dang/ 'di rnams lhan cig tu me mi che ba dang bskol te/ bcur 'dod pa tsam gyi lde gur gyur pa dang phyir phyung la bsgrangs pa'i nang du sbrang rtsi srang bzhi dang/ dri sna bzhi'i phye ma
 srang re re btags pa las/ a ru ra'i 'bru re re dang bcas pa'i lde gu srang re zos na khong snum zhing/ nad med la bde bar bre re re tsam 'bru ste/ de yang skran dang/ snying nad dang/ gzhang 'brum dang/ skrangs pa dang/ lto spros pa dang/ bcos pa'i dug dang/ mdze dang/
 dmu rdzing dang/ ud gle sha'i nad dang/ yi ga 'chus pa dang/ mchen pa na pa dang/ pho ba na ba dang/ rims mi bzad pa dang/ skya rbab dang/ mig ser rnams 'joms par byed de/ 'di ni dan+ti dang/ tsi traka dang/ a ru ra'i lde gu zhes bya'o/ /yang na pud sh+ka ra'i chu 'o ma'i
 nang du dur phyid kyi bye ma bcug ste bran te/ mar dang sbrang rtsi zho gnyis dang lde gur byas pa byin la bkru sman 'jam po bya'o/ /ru rta dang/ dur byid dang/ danda dang/ a ru ra dang/ ya bak+Sha ra dang/ gu gul dang/ 'di rnams kyi phye ma ba gcin dang lhan
 cig gam yang na gu gul nyi tshe ba gcin dang btung ngo/ /yang na cho ga grub pa'i nang nas bshad pa'i bkru sman drag po dang/ bad kan las gyur pa'i skran la sbyar ro/ /bad kan las gyur pa'i skran rtsa ba zug pa dang/ rgya che ba dang/ sra ba dang tshor ba med pa dang/ lbo
 ba dang/ phyir lbo ba 'di rnams kyi thal sman gyi a riSh+Ta dang me las bya'o/ /bad kan las gyur pa'i skran nad la ni gzhang 'brum dang/ rde'u dang po ba gso ba'i nang du bshad pa'i thal sman rnams sbyar te/ zhag gcig ma gnyis gsum gyi bar du ngal gso zhing
 sbyar ro/ /sman pas lus kyi stobs dang nad zad par bya ba'i rim pa la 'bad do/ /yang na thang shing dang/ sha ma dur byid dang/ danda dang/ pu tse shel dang/ tsha ba rnam lnga dang/ sa tsi ka'i thal ba dang/ nas tshig 'khus pa'i thal ba dang/ 'bras bu gsum dang/ pa tha dang/
 zer nag po dang/ ru rta dang/ sarba su gan da dang/ 'di rnams srang phyed phyed dang/ lan tshwa rnam lnga srang re re dang/ zhib tu btags pa'i phye ma til mar dang zhag dang/ zho dang mar dang de dag legs par sbrus la rdza ma kha sbyar gyi nang du bsregs la dud pa ma shor
 bar bya ste/ dzu ma dmar por gyur pa dang/ phyung la de'i thal ba 'o ma dang mar dang/ dar ba dang chang la sogs pa gang yang rung ba dang sbyar te/ ran par 'thung na skran dang/ rlung las gyur pa'i rtug pa 'gags pa dang/ rlig rlugs dang/ gzhang 'brum dang/ mdu
 rdzing dang/ pho ba'i nad dang/ srin bu dang/ brjed byed kyi gdon dang/ smyo byed dang/ mngal nad dang/ khu chu las gyur pa'i rde'u nad dang/ de bzhin du byi ba dang/ sbrul la sogs pa'i dug dang/ de rnams thal sman 'dis zhi bar byed do/ /bad kan ni mngar ba dang/ sbum
 ma'i bdag nyid yin pas de la ni sha khu dang/ mar dang 'o mar bcas pa'i thal sman ron po btang na/ bad kan las gyur pa'i skran khong par dum bu dum bur bcad nas 'byung bar byed do/ /chang dang snum yun ring du bsten pas me'i drod chung zhing yi ga 'chus pa la ni
 a sa ba dang/ a ri sta'i chang legs par smin par sbyar te rgyun srang gi lam dag par bya'o/ /'bras dmar po la sogs pa'i 'bras dang/ 'bras drug cu rnying pa dang/ rgya sran dang/ srog chags thang las skyes pa'i sha dang/ su ti ka rany+dza dang/ tsi tra ka dang/ agni
 ma mA dang/ la la pud dang/ ba ra na dang/ 'di rnams kyi myu gu dang/ shi kru dang/ bilba gzhon nu dang/ la phug skam po gzhon nu dang/ kha lud dang/ shing kun dang/ star bu dang/ nas tshig 'khus pa'i thal ba dang/ se'u 'dru dang/ tsha ba gsum dang/ dar ba dang/ mar
 dang/ til mar dang/ 'di rnams dang ci ltar 'tsham pa bzhin du kha zas sbyar ro/ /btung bar ni chang gi dangs ma dang/ 'bras kyi rang skyur dang/ zho ga chu dang ngar ba rnams las gang yang rung ba'i nang du la la pud dang/ lan tshwa'i phye mas btab pa 'am/ yang na rtsa ba lnga pa
 bskol ba'i lu ba 'am/ yang na rgun chang rnying pa blud do/ /yang na pi pi ling dang/ pi pi ling gi rtsa ba dang/ kru trug tras dang/ go snyod dang lce myang tsha dang/ 'di rnams kyi phye ma chang ngam chang gi snyigs ma dang bsres te 'thungs na bad kan las gyur pa'i sgran myur du
 sel to/ /gal te slon dang/ smyung ba dang/ dugs dang sman mar dang/ bkru sman dang/ 'jam rtsi dang/ thal sman dang/ a sa ba dang/ sta'i chang dang/ ri lu dang phan pa'i zas rnams bsten kyang ma zhi ste/ bad kan gyi skran gting zug par gyur na/ de la ni khrag dbyung zhing
 lcags la sogs pas bsreg par bya'o/ /de nas sman pas skran gyi steng ras kyi dkris la/ ras kyi steng nas mi drag pas mnan te/ skran gyi thab 'khor kun du mde'u 'am/ lcags bsregs dang/ gtsub shing bsrubs pa'i mdag ma 'am/ tinbu ka'i mdag
 ma gang yang rung bas bsreg go /lte ba dang/ chu so dang/ snying dang lte ba'i 'og gi spu 'di rnams su mes sreg pa spang ngo/ /de nas bsil ba dang/ bska ba dang/ mngar ba'i sman gyis me'i stobs zhi bar bya'o/ /de'i 'og tu rma gso ba'i cho ga bya'o/ /
 ma zhu ba las gyur pa'i skran la ni thug pa la sogs pa me'i drod skyed pa'i cho ga bya ste/ khyad par du smyung ba byas na phan no/ /'bras bu las gyur pa'i skran la ni dus shes pa'i sman pas rang rang gi gso ba bzhin du gso'o/ /bud med kyi khrag skran la ni bu btsas pa'i 'og tu
 snum btsos dang dugs byas la snum chos dang bcas pa'i bkru sman bya'o/ /btung bar ni til bskol pa'i khu ba'i nang du bu ram dang mar dang tsha ba gsum dang/ ga bra'i rtsa ba'i phye ma dang ldan par byas pa byin te/ bud med zla mtshan nyams pa la sbyar ro/ /ga bra'i rtsa ba dang
 pi pi ling dang/ ka rany+dza'i shun lpags dang/ pi pi ling gi rtsa ba dang/ thang shing 'di rnams kyi phye ma til bskol ba'i khu ba'i nang du btang ste 'thungs na/ bud med kyi khrag skran sel to/ /yang na shing pa la sha bsregs pa'i thal ba dang chu dang bsres la btsags pa'i
 khu ba srang nyis brgya lnga bcu rtsa drug dang/ til mar dang/ mar srang nyi shu rtsa brgyad brgyad dang bskol te mar yus pa dang/ de las ran par 'thungs na skran snyi zhing lhod par 'gyur ro/ /des kyang lhod pa 'am snyi bar ma gyur na/ til chu dags su byas pa 'am/ yang na shi ri khaN+Ta
 gang yang rung ba dang thal sman sbyar te mo mtshan nas bkru sman btang ngo/ /yang na nas tshig 'khus pa'i thal ba dang/ shi ri khaN+Ta gnyis nya phrug gi sha brdungs pa'i nang du brdos te/ mo mtshan nas bkru sman btang ngo/ /yang na phag rgod dang/ nya'i mkhris par sa ma la legs
 par bsgos? te bsgril la mo mtshan nas yar gzhug go/ mngal dag par bya ba'i phyir bu ram dang thal sman dang phabs su sbyar ba btang ngo/ /khrag mkhris la phan pa'i utpa la'i sdong bu bsregs pa'i thal sman sbrang rtsi dang mar du sbyar ba'i lde gu sbyin no/ /bud med khrag can la
 ni sgog skya dang chang legs par smin pa dang nya sha rnams sbyar ro/ /yang na rtsa ba bcu pa dang/ 'o ma dang thal sman ba gcin dang sbyar ba'i 'jam rtsims btang ngo/ /cho ga'i rim pa de ltar byas kyang khrag skran de ma byung na dral ba'i cho ga byas na phan no/ /de nas bud med de'i lus la mar dang til
 mar bsres pas bsku phyug byas la khrag shas cher 'byung na bcad par bya ste/ kha zas ni sha khu dang bcas pa'i 'bras chan dang de bzhin du btung bar yang chang sar pa sbyin no/ /de ltar byas kyang khrag mang du 'byung na khrag mkhris kyi gso ba ji lta ba bzhin du bya'o/ /rlung
 gi nad byung ba na ni rlung nad gso ba thams cad bya'o/ /lto lbo ba la sogs pa dang/ rlung gi phyi sa 'gags pa dang/ rlung nad ma zhu ba las byung ba'i nad gang yang rung ba byung na/ so so'i gso ba thams cad bya'o/ /skran gso ba le'u bcu bzhi pa rdzogs so// //
 de nas dmu rdzing gso ba'i le'u bshad par bya ste/ dmu rdzing ni nyes pa shas cher gsogs te/ rgyun srang rnams 'gags pa las 'byung ba yin te/ de bas na de la ni yang dang yang du bkru sman btang bar bya'o/ /dmu rdzing can gyi nad pa la btung bar ni nyin mtshan du e raN+Ta'i
 mar ba gcin nam 'o ma dang lhan cig btung ba 'am yang na na pa gcin nam ma he'i gcin nyi tshe zla ba gcig gam gnyis kyi bar du sbyin no/ /lus nyams 'phel zhing rgyas par bya ba'i phyir/ ba dang rnga mo'i 'o ma nyi tshe zla ba gcig gam gnyis kyi bar du blud do/ /khyad par du lus tsha
 ba dang/ lto lbo bas nyams thag pa dang/ skom dad che ba dang/ brgyal bzil gyis non pa la yang rnga mo'i 'o ma sbyar ro/ /rtsub shing rlung shas cher g.yo ba las gyur pa'i dmu rdzing gi nad dag par 'dod na ni/ sman mar dmu rdzing 'joms pa gang yang rung bas snum chos sbyar bar bya'o//
 sman mar srang drug pa zhes bya ba rtsa bcu pa bskol ba'i chu dang zho kha chu srang brgya nyi shu rtsa brgyad dang bskol ba blud do/ /yang na dong kra srang gsum dang mar dang til mar srang bcu drug dang/ de bzhin du zho kha chu srang nyi shu rtsa brgyad dang bskol te mar lus pa dang de las ran par
 'thungs na dmu rdzing gi nad thams cad 'joms te/ khyad par du yang bad kan dang rlung las gyur pa'i dmu rdzing 'joms pa'i mchog yin no/ /mar srang sum cu rtsa gnyis dang/ mar de'i bzhi 'gyur gyi chu dang/ chu'i nyis 'gyur gyi ba gcin dang/ tsi tra
 ka srang gcig gi phye ma bskol te mar lus pa dang/ thal sman dang lhan cig dmu rdzing can gyi nad pa la blud par bya'o/ /yang na ni nas dang/ rgya shug dang/ rgya sran dang/ rtsa ba bcu pa tshul bzhin bskol ba'i khu ba'i nang du chang dang/ rang skyur ma dang bsres te yang bskol
 te mar lus pa blud do/ /mar de rnams kyi sbyor ba de dag gis khong snum zhing lus kyi nyams stobs skye la/ rlung zhi zhing nad rang gi gnas las bskyod pa dang/ cho ga grub pa las 'byung ba'i bkru sman bya'o/ /pa to la'i rtsa ba dang/ 'bras bu gsum dang/ skyer pa dang bi dang ka
 dang/ 'di rnams zho gnyis gnyis dang/ ka pi la zho bzhi bzhi dang/ ni li zho drug dang/ tsi pa tsi zho brgyad dang/ 'di rnams btags pa'i phye ma ba gcin dang sbyar ba'i bkru sman blud do/ /des legs par 'khrus pa dang/ thug pa dang/ srog chags thang la gnas pa'i sha
 khu sbyin no/ /de nas zhag drug gi bar du 'o ma tsha ba gsum dang tshul bzhin bskol ba blud do/ /phye ma'i sbyor ba de dag yang dang yang du byas na dmu rdzing thams cad 'joms so/ /yang na bi sha la dang/ shang gi ni dang/ dan+ta dang/ sang phrom gyi shun lpags dang/ shu dag dang
 'di rnams btags pa'i phye ma karkandu dang/ rgun 'bru dang/ rgya shug dang/ 'di rnams kyi khu ba gcin dang sbrang tshang gang rung rung ba dang lhan cig bkru sman gyi don du btang ngo/ /la la pud dang/ snga ma'i 'bras bu dang/ 'u su dang/ sha ta puShpa dang/ zi ra nag po dang
 ka ra bi ra dang/ pi pi ling gi rtsa ba dang/ any+dza gand+ha dang/ zur ba dang/ shu dag dang/ tsha ba rnam gsum dang/ khron bu dang/ 'bras bu gsum dang/ thal ba rnam gnyis dang/ ma nu dang/ ru rta dang/ lan tshwa rnam lnga dang/ bi dang ka dang/ 'di rnams cha bsnyams pa dang/
 ran+ti cha gsum dang/ dri bat+ti dang/ bi sha la cha gnyis dang/ sa ta la cha bzhi dang/ 'di rnams btags pa'i phye ma ni sred med kyi bu'i phye ma zhes bya ste/ 'di bsten na khyab 'jug gis lha ma yin bcom pa bzhin du nad kyi tshogs du mas btab ba'i nad mi 'phel zhing sel
 bar byed do/ /dmu tshul ni dar ba las btang ngo/ /rlung gi lto lbo ba las ni chang las btang ngo/ /rlung nad la ni chang bkrus pa las btang ngo/ /phyis 'gags pa la ni zho ga chu las btang ngo/ /gzhang 'brum la ni se'u 'bru'i khu ba las btang ngo/ /mkhreg pa la ni da trig gi khu ba
 las btang ngo/ /ma zhu ba la ni chu dron po las btang ste/ 'di'i mtshan mar rdol ba dang/ skya rbab kyi nad dang /lud pa dang dbugs mi bde ba dang/ ske 'gags pa dang/ snying nad dang/ pho ba'i nad dang/ mdze dang/ pho ba drod chur ba dang/ rims dang/ mche ba'i dug dang/ rtsa ba'i
 dug dang/ dug sbyar ma rnams la phan no/ /rang gi nyams stobs dang sbyar te/ sngar snum bag gis brtas la de nas bkru sman btang bar bya'o/ /khron bu dang/ 'bras bu gsum dang/ pu tse shel dang/ ni li ni dang/ khyi lce ba dang/ ta la dur byid dang/ shu dag
 dang/ rgyam tshwa dang/ kha ru tshwa dang/ pi pi ling rnams phye mar bya ste/ se'u 'bru'i khu ba 'am/ 'bras bu gsum gyi khu ba 'am/ sha khu 'am ba gcin nam/ chu dro 'jam tsam las btang ba 'di skran thams cad dang/ mcher pa na ba dang/ dmu rdzing thams cad dang/ sha bkra dang/
 mdze dang/ glog pa dang/ pho ba'i drod ma snyoms pa dang/ lud pa dang/ gzhang 'brum dang/ skya rbab kyi nad dang/ mig ser dang/ ljang khu kha dang/ rlung dang mkhris pa dang/ bad kan rnams la phan te/ bkru sman 'di rnams kyis myur du sos par byed de/ 'di ni sbam la sogs
 pa'i phye ma zhes bya'o/ /ni li ni dang/ lcang ma dang/ tsha ba gsum dang/ nas tshig 'khus pa'i thal ba dang/ lan tshwa rnam lnga dang/ kru trug tres dang/ 'di rnams kyi phye ma mar dang sbyar te 'thungs na/ dmu rdzing dang/ skran sel to/ /de ltar yang dang yang du bkru sman btang ba'i bar du
 nyams stobs bskyed par bya ba'i phyir/ gong ma ltar rnga mo 'am/ ba 'am/ ra'i 'o ma btang ngo/ /dmu rdzing gi nad tshabs che ba la ni snum dang bcas pa'i bkru sman myur du btang ste/ nyam chung ba la ni mi bsdad do/ /mar srang nyi shu rtsa brgyad kyi nang du a ru ra srang
 sum cu rtsa gnyis btags pa dang/ lhan cig me la bzhus pa dang/ kha gzar gyis dkrug cing nas kyi sbun pa'i nang du zla ba gcig bzhag la/ de nas phyung la yang bzhus te yang a ru ra bskol ba'i chu dang/ zho skyur po dang ldan par bskol te/ de la sran par 'thungs
 na dmu rdzing dang/ sbyar ba'i dug dang/ gtun lta bu'i nad dang/ lto lbo dang/ skran dang/ khong 'bras dang/ de bzhin du mdze dang/ smyo byed dang/ brjed byed rnams 'joms par byed do/ /yang na ba'i 'o ma dang/ sh+ri khaN+Ta dang bcas par bskol te bsgrangs la/ kha gzar gyis dkrugs te/
 de las byung ba'i mar dang sh+ri khaN+Ta yang bskol ba'i khu ba dang bcas par 'thungs na phan yon gong ma dang 'dra'o/ /yang na 'o ma srang lnga brgya rtsa bcu gnyis dang/ sh+ri khaN+Ta'i 'o ma srang bcu drug dang lhan cig mnan te/ zhor sbyin pa dang bsrubs pa'i mar dang/ tri ba tsi
 bcug la yang bskol te 'thungs na phan yon gong ma dang 'dra'o/ /de bzhin du mar bre gang dang/ mar gyi brgyang 'gyur gyi 'o ma dang/ su dak+ShIr srang gcig dang/ dur bying srang drug dang/ gong gi phye ma dang 'di rnams dang lhan cig bskol te/ mar nyi che khrus ba blud do//
 de'i 'og tu thug pa dang/ khu bcu/ /dmar po dang/ 'o ma btung ngo/ /mar khong par zhu ste 'khrus pa dang/ bca' sga bskol ba'i khu ba dron po blud do/ /de nas thug pa dang/ rgya sran gyi yu sha yang rim pas blud do/ /de ltar khod ba rtsub pa dang/ zhag gsum gyi bar du gong
 ma'i mar dang lhan cig zas sbyin no/ /gong ma'i rim pa de ltar yang dang yang du sman mar btung ngo/ /sman mar gyi sbyor ba de dag sman pa mkhas pas tshul bzhin byas na/ skran rnams dang/ sbyar ba'i dug rnams dang/ dmu rdzing rnams zhi bar byed do/ /yang na sman pi lu
 btags pa'i phye ma dang/ mar bskol ba 'thungs na/ lto lbo zhing zug pa rnams la phan no/ /yang na seng 'phrom gyi sman mar ram/ ni li ni'i sman mar ram/ 'dres pa zhes bya ba'i sman mar gang yang rung ba blud do/ /bkru sman de dag gis nad bzhi dang bral ba dang/ thug pa la
 sogs pa'i rim pa'i 'bras chan la sogs pa yang ba ran par kho zas kyi tshod zin par bya'o/ /nyes pa'i lhag ma chung zhig lus pa lta na/ a ru ra rdeg ma stong cig dang lhan cig bza' ste/ btung bar ni 'o ma sbyar ro/ /yang na pi pi ling 'bum stong sh+ri khaN+Ta'i 'o ma 'am/
 chu dang spangs te chos la de'i 'og tu 'o ma btung ngo/ /yang na pi pi ling skyed pa'i cho ga bcud kyis len gyi skabs su bshad pa zos la de'i 'og tu 'o ma btung ba 'am/ yang na bcud kyi len gyi skabs su bshad pa'i brag zhun zos la/ de'i 'og tu 'o ma btung ba 'am/ yang
 na gu gul bcud kyis len du smos pa ltar zos la/ 'o ma btung ba 'am/ yang na 'o ma dang sge'u gsher gyi khu ba cha bsnyams pa 'thungs na phan no/ /yang na dmu rdzing gi nang lhag ma lus pa la ni tsi tra ka dang/ thang shing brtags pa'i phye ma dang 'o ma sbyar ba btung
 ba 'am/ de bzhin du kha zas gzhan mi za bar ha ti pi pi ling dang/ bca' sga 'o ma dang sbyar ba zla ba gcig btung ngo/ /yang na bi dang ka dang/ kru trug tres dang/ dan+ti dang/ dbyi mo dang/ tsha ba 'di rnams btags te 'o ma dang lhan cig sbyar ba zho gnyis gnyis tsam
 'thungs na dmu rdzing tshabs che ba las rgyal bar byed do/ /kha zas ni 'o ma 'am/ su dag k+Shir 'o ma dang mar dang bcas pa zla ba gcig tu bza' o/ /yang na sh+ri ri khaN+Ta'i 'o ma'i nang du pi pi ling dang/ a ru ra spangs la btags te khur ba'i nang du btab ste sbyin no/ /gal
 te dmu rdzing can rlung nad kyis rtsibs logs su zug pa dang/ rengs pa dang/ ro stod 'dzings par gyur na de la ni bilba'i thal ba dang/ til mar sbyar ba blud do/ /yang na tindu ka dang/ ba la dang/ blak+Sha dang/ til gyi sdong bu dang/ chu shing dang/ a pa marga dang/ agni man+tha dang/ 'di
 rnams kyi thal ba chu ba dang sbyar la ras kyis btsags te/ til mar dang lhan cig bskol ba blud do/ /rlung las gyur pa'i dmu rdzing bad kan dang lhan cig ldan pa 'am/ mkhris pa dang ldan pa dang/ de gnyi ga dang ldan zhing rlung stobs che
 bar gyur na de la ni e raN+Ta'i mar nad gzhi so so dang sbyar ba btang na phan no/ /yang na thang shing dang/ rgya skyegs shing dang/ ha sti pi pi ling dang/ shi kru dang/ gra rabs dang 'di rnams btags pa'i phye ma ba gcin dang sbyar ba'i lde gus dmu rdzing gi phyi rol
 nas bsku'o/ /yang na phri shtsi ka li dang/ shu dag dang/ bca' sga dang/ rtsa ba lnga pa dang/ ba spru ba dang/ 'u su dang/ ru rta dang/ 'di rnams bskol ba'i khu ba 'am/ yang na ba gcin gang yang rung bas phyi rol nas blugs so/ /de ltar khrus la sogs pa byas pas nang
 phyung ste/ lto ba zhum par gyur pa dang/ yang lto ba rlung gis mi spo ba'i phyi sa la dang/ ba bla'i sde tshan dugs kyi skabs su bshad pa bzhin du dugs bya ste/ ras kyis lto ba bcing bar bya'o/ /de ltar legs par khrus byas nas lto ba yang spo ba lta na snum dang skyur
 bar lan tshwa dang bcas pa'i bkru sman drag po bya'o/ /rlung bad kan dang bcas pas lto lbo bar byed pa la ni sman rno ba dang/ thal sman dang bcin dang bcas pas 'jam rtsi mas btang bar bya'o/ /de ltar gong du bstan pa'i bya ba de dag ni dmu rdzing spyi'i cho
 gar grags pa yin no/ /rlung las gyur pa'i dmu rdzing can nyams stobs dang ldan pa la ni/ sman bi da ri'i sde tshan mar dang bskol ba blud la khong snum par dang/ yan lag thams cad la dugs bya ste/ seng phrom gyi mar ram/ 'dres pa'i sman mar
 gyis bsku sman bya'o/ /de ltar khrus byas pa'i 'og tu nyams stobs bskyed par bya ba'i phyir thug pa dang ra ma sbyin no/ /nyams rnyed nas rims kyis 'o ma spang bar bya ste/ yang kho ba lta 'am/ lbo bar byed na ni gong du smos pa'i bkru sman yang bya'o//
 de nas me drod chung zhing rtug pa 'gags par gyur pa la ni/ sha khu skyur dang lan tshwa cung zad dang ldan pas yang snum chos bya ste/ de nas dugs byas la rtsa bcu pa dang sbyar ba'i 'jam rtsi mas btang ngo/ /de nas sman rno ba dang lhan cig 'jam rtsi mas btang ngo/ /rlung las
 gyur ba'i dmu rdzing khong rtsu ba cing phyi sa dang phyen 'gags pa me drod che ba dang/ khong pa 'khrug cing g.yo la rus pa dang tshigs dang/ rtsib logs dang rgyab dang/ mjug do rnams su zug cing na ba la ni til dang/ e raN+Ta'i mar dang/ rlung nad 'joms pa'i sman dang/ skyur
 dang ldan par lhan cig bskol te/ mar lus pa des ha nu bas ma btang ngo/ /nyams stobs chung zhing 'khrus mi theg pa la ni dmu rdzing zhi bar bya ba'i sman 'jam rtsi dang 'o ma dang mar dang/ sha khu la sogs pa sbyar ro/ /mkhris pa las gyur pa'i dmu rdzing can gyi nang
 pa nyams stobs dang ldan pa la ni sman mngar ba dang sbyar bas snum bcos bya ste/ sham dur byid dang/ 'bras bu gsum dang mar lhan cig bskol te khrus bya'o/ /de nas n+ya gro d+ha'i sde tshan las bskol ba'i nang du khar dang sbrang rtsi dang mar mang du blugs te/ bkru sman drag po byas
 na phan no/ /de bzhin du n+ya gro d+ha'i sde tshan bskol ba'i 'jam rtsi mas btang ngo/ /dmu rdzing can gyi nad pa nyams chung pa la ni/ dang po a nu ba san btang ngo/ /de nas 'o ma'i 'jam rtsis dag par bya'o/ /me stobs skyes pa la ni snum bcos bya ste/ yang dang yang du bkru sman bya'o/ /'o ma
 'am dur byid spyad ba 'am/ e? raN+Ta mar dang sbyor ba 'am/ yang sa la 'am/ khyi lce ba'i 'o ma dang sbyar bas bkru sman bya'o/ /mkhris pa las gyur pa'i dmu rdzing bad kan dang bcas pa la ni ba gcin dang sbyar ba'i 'o mas bkru sman bya'o/ /mkhris pa las gyur pa'i dmu rdzing
 rlung dang bcas pa la ni tik+ta'i sman mar 'o ma dang bcas pas yang dang yang du bkru sman bya'o/ /'bras gang yang rung ba'i 'o ma dang lhan cig sbyin pa 'am/ yang na bi da ri'i sde tshan 'o ma dang bskol ba phyin no/ /'o thug dang sbyar bas dmu rdzing gi phyi rol nas bsku'o/ /
 'jam rtsi dang bkru sman dang 'o ma btang ba de dag yang dang yang du rim pa de lta bu 'bad pa dang bcas pas ma yongs par byas na nges par mkhris pa las gyur pa'i dmu rdzing las rgyal bar byed do/ /bad kan las gyur pa'i dmu rdzing
 sa ni dug mo yungs kyi sde tshan la mar dang bskol bas btung ba la sogs pas snum chos byas la/ de'i 'og tu dugs byas nas nyams stobs dang ldan pa zhig na sh+ri khaN+Da mar dang sbyar bas khrus bya'o/ /de'i 'og tu me drod bskyed par bya ba'i phyir/ bad kan 'joms
 pa'i sman tsha ba dang thal sman dang ldan pa'i bza' ba thug pa la sogs pa rim gyis sbyin no/ /yang na muska ka'i sde tshan dang mchog gsum dang ba gcin dang/ til mar dang 'di rnams lhan cig bskol ba/ bkru sman drag po mas btang ngo/ /de'i 'og tu muska ka'i sde tshan til
 mar dang bskol ba'i 'jam rtsis btang ba yang de dang 'dra'o/ /kha zas ni tsha ba gsum dang/ 'o mar bcas pa 'am yang na rgya san gyi khu bcung dang ldan par sbyin no/ /bad kan las gyur pa'i dmu rdzing 'bur ba dang bstan pa dang/ rmod bag tu 'dug pa dang/ yi ga 'chus
 pa dang/ snying na ba dang/ me drod chung ba dang/ tshang dang che ba la ni a ri shtra'i chang dang/ nas tshig 'khus pa'i thal ba chu dang sbyar ba ras dang btsags la btung bar sbyin no/ /shing kun dang pi pi ling dang/ 'bras bu gsum dang/ thang shing dang/ ser po rnam gnyis dang/
 bse shing gi 'bras bu dang/ na le sham dkar po dang/ pu tse shel dang/ seng 'phrom dang/ shu dag dang/ bca' sga dang/ bong nga dkar po dang/ gla sgang dang/ ru rta dang/ sa ra la zhes bya ba ko nyon tse dang/ lan tshwa rnam lnga dang 'di rnams zhib tu btags pa zho dang/ snum
 rnam bzhi sprus? la rdzam kha sbyar gyi nang du du ba ma shor bar bsregs pa'i thal ba phyung la de las zho gnyis gnyis chang gi dangs ma dang/ zho ga chu dang/ chu dron dang/ a ri sta dang/ mas ba'i chang ngam/ nas chang dang 'di rnams gang yang rung ba dang lhan cig
 sbyar ba 'thungs na dmu rdzing dang skran dang gtun lta bu'i nad dang/ skrad pa dang/ gsung pa dang/ mcher ba na ba dang/ snying na ba dang/ gzhang 'brum dang/ rtug pa 'gags pa rnams zhi bar byed do/ /bad kan las gyur pa'i dmu rdzing nyams chung ba la ni ha ri sti'i chang dang/ ba gcin
 gyi btung ba dang/ sman gyi phye ma dang/ lcags las byas pa'i btung ba dang/ til mar thal sman dang bcas pa'i btung ba dang/ de dag gang yang rung ba dang sbyar na rgyal bar byed do/ /yungs kar dang/ phabs dang/ la phug gi sa bon dang/ de dag btags pa'i phye ma ba gcin dang lde gur
 byas pas dmu rdzing bskus la/ phyi rol nas dugs bya ste/ de ltar yang dang yang du bya ba'i rim pa sbyar ro/ /'dus pa las gyur pa'i dmu rdzing lus stobs dang me drod chung zhing nad bzhi rnams tshabs che ste/ gcig la gcig gnod par gyur pa ni gsor mi rung ste spang ngo/ /de ni gal te
 ma byas na ni nges par 'chil/ byas na ni 'cho yang srid pas 'di dag bya ste/ dan+ti dang tra ban+ti'i 'bras bu'i mar gyi btung ba byin na rab tu bsngags so/ /'dus pa'i dmu rdzing la nad gzhi gsum gyi gso ba tshul bzhin du byas kyang ma thub na/ nye du rnams la dris nas ka kang ni dang/ 'ol?
 ma se dang/ ka ri byi ra dang/ 'di gsum gyi rtsa ba btags pa'i phye ma chang dang lhan cig btung ngo/ /yang na bza' ba dang btung ba'i nang du bstan pa'i dug dag pa sbyin no/ /yang na sprul khros pa'i khar shing teg bcug la gdug pa zos zin pa'i shing tog byin na nad gzhi rnams
 gcig tu bsdus nas dug gi mthus dkrugs te phyi rol du 'byin cing 'jig par byed do/ /sbyor ba'i rim pa de dag byas nas gal te dug de nad kyi steng du bab na ni nad 'jig par byed la/ lus tha mal pa la bab na ni 'chi bar 'gyur ro/ /ci des dug gi nad zhi ba ltar na chu grang
 mos lus khrus byas la de'i 'og tu 'o ma sbyin no/ /yang na dug dang/ dur byid dang/ mandu? ga? par+Ni dang/ rgya sne'u dang/ nas dang/ kal? sha ka dang/ de rnams las gang yang rung ba'i rang gi khu ba skyur dang/ lan tshwa dang/ snum med par smon? pa'am skam? po gang mang rung ste/ kha?
 zas gzhan mi bza' bar zla ba gcig tu bza' o/ /gal te skom na yang de rnams rang gi khu ba blud do/ /de bzhin du gong ma'i tshig de dag zla ba gcig gis nad med par 'gyur te/ lus nyams chung na srog bsrung ba'i phyir rnga mo'i 'o ma blud do/ /mcher
 pa'i nad dmu rdzing la ni nad gzhi ji ltar snum chos dang dugs bya ste/ zho dang 'bras tshan du bcas pa nos la lag pa g.yon pa nas gtar khas khrag dbyung ngo/ /nad pa des nyams stobs rnyed pa dang yang snum tshas bya ste/ nyes pa'i lhag ma slon khrus kyis lus dag
 par byas la/ rgyam tsho'i nya phyis kyi phye ma dang/ thal sman dang 'o mar sbyar ba blud do/ /de bzhin du pu sti ka rany+dza rtsa bas skyur po dang sbyar te/ bskyod pa las ras kyi btsags pa'i nang du lce myang tsha dang/ pi pi ling shas cher btags phye mas btabs te blud do/ /yang na shig bkru
 bskol ba'i nang du/ rgyam tsha dang tsi tra ka dang/ pi pi ling gi phye ma btab pa blud do/ /yang na shing kun la sogs pa'i phye ma skran nad gso ba'i le 'ur bshad pa dang/ thal sman sna tshogs dang/ sman mar srang drug pa che chung dang sbyar ba de dag gang yang rung ba me drod ji lta ba
 bzhin du sbyin par bya'o/ /yang na pi pi ling dang/ dong kra dang/ dan+ti cha mnyam pa dang/ a ru ra sna gcig gi nyis 'gyur dang/ lce myang tsha sna gcig gi phyed dang/ 'di rnams phye mar byas te chu dron la btang ngo/ /byi dang ga dang/ kru trug tres dang/ phye dang rgyam tsha dang/
 shu dag dang/ de rnams kyi phye ma mar dang sprus te rje 'u kha sbyar gyi nang du bsregs la de'i thal ba 'o ma dang lhan cig 'thungs na/ skran dang mcher pa'i nad 'joms par byed do/ /yang na rgya shug gi 'o ma btags pa'i til mar dang bsres pa lde gur byas pa mcher
 ba'i dmu rdzing gi steng du bskus la legs par mnyes la/ rtun du brdungs pa btsir te/ de nas 'o ma 'thungs na mcher pa'i dmu rdzing 'joms so/ /yang na shing ro hi ni'i lcug ma rtsa ba nas bcad de bskams la/ a ru ra dang lhan cig btags pa'i phye ma chu dang
 zhag bdun gyi bar du spang la 'thungs na/ mig ser dang/ mcher pa dang/ skran dang/ gzhang 'brum dang/ srin bu dang/ skrang ba dang/ dmu rdzing dang/ de rnams la phan no/ /ro hi ta'i shun lpags srang nyi shu rtsa lnga dang/ rgya shug skam po srang sum cu rtsa gnyis cham chom brdungs
 te bskol ba bzhin lus pa dang/ tshigs ma bor ba'i nang du tsha ba rnam lnga srang re re dang/ de spyi dang mnyam pa'i ro hi ta'i shun lpags rnams btags pa'i phye ma dang/ mar srang sum cu rtsa gnyis 'o ma srang drug cu rtsa bzhi dang yang bskol te/ mar lus pa dang ran
 pa 'thungs na mchar pa'i nad dmu rdzing tshabs che ba yang myur du sel bar byed do/ /yang na chu shing dang til gyi sdong bu dang/ gze ma rnams bsregs pa'i thal ba til mar dang bskol ba las ran par 'thungs na bad kan dang rlung las gyur pa'i mcher ba'i dmu
 rdzing las rgyal lo/ /sbyor ba de dag gis ma zhi ste rlung dang bad kan las gyur pa'i mcher pa'i dmu rdzing rnag tu red pa ni skan gso ba'i cho ga bzhin du me'i las bya'o/ /mkhris pa las gyur pa'i dmu rdzing ni/ 'tsho byed sna bcu mar dang bskol ba rab tu bsngags te/
 de bzhin du 'o ma'i 'jam rtsi dang/ khrag dbyung ba dang/ slon khrus kyis lus dag par byas pa dang/ 'o ma'i btung ba sbyar ba rab tu bsngags so/ /mchin pa'i dmu rdzing gi gso ba ni mcher ba'i dmu rdzing gi gso ba thams cad bya ste/ khyad par du lag pa g.yas pa las
 gtar ka bya'o/ /gzhang 'gags pa'i dmu rdzing la ni thog mar dugs byas la/ ba gcin sman rnon po dang/ til mar dang lan tsha sbyar bas bkru sman drag po dang/ 'jam rtsi mas btang ba dang/ phyi sa sla bar gyur pa'i kha zas dang bkru sman rnon po rnams btang bar bya'o
 gzhan yang rlung gi rtug pa 'gags pa dang/ rlung la phan pa'i gso ba thams cad kyang 'dir sbyad do/ /rgyu ma rdol ba'i dmu rdzing la dugs ma gtogs pa'i bad kan gyi dmu rdzing gi gso ba thams cad bya'o/ /sman? pas chu ser la sogs pa bzhin du yang dang yang du
 gzags par bya'o/ /lto ba chus gang ba'i dmu rdzing la ni ba gcin dang/ sman rno ba dang/ thal sman dang sbyar ba'i bza' ba dang btung ba sbyar ro/ /me'i drod skyed pa dang/ bad kan 'joms pa'i bza' ba nye bar bsten par bya'o/ /ra'i ril ma bsregs
 pa'i thal ba ba gcin dang sbyar te ras la btsags la bskol te/ ska bar gyur pa dang/ de'i nang du pi pi ling dang/ pi pi ling gi rtsa ba dang/ bca' sga dang/ lan tsha rnam lnga dang/ dur byid dang/ danda dang/ 'bras bu gsum dang/ khron bu dang/ karka ta srim gi dang/ swar? rtsi ka'i thal
 ba dang/ shu dag dang/ sa ta la dang/ 'di rnams btags pa'i phye ma zho gnyis gnyis bcug la/ rgya shug gi 'bras bu tsam gyi ri lu byas te/ rang skyur gyi nang du mnyes la ran par 'thungs na ma zhu ba dang skrangs pa dang dmu rdzing shas che ba rnams sel to/ /dal
 dmu rdzing mtshon gyis dral ba ni/ dmu rdzing rnam pa brgyad las/ gsum ni dral ba'i cho ga bya ste/ de yang gang zhe na/ gzhang 'gags pa'i dmu rdzing dang/ rgyu ma rdal ba'i dmu rdzing dang/ lto ba 'chus pa'i dmu rdzing dang gsum mo/ /thog mar ni dmu rdzing brgyad pa kun kyang
 sman gyis gso bar bya'o/ /de ma thub na sman pas mtshon gyis khong phye ba'i dbyad bya ste/ thog mar na ba'i dbyad rtsom pa yang gya tshoms su byar mi rung ste/ nad pa'i nye du rnams kyis rgyal po la thugs tshod du gsol nas/ sman pa bdag nyid kyis dpyad kyi
 mtshon legs par bya ste/ brtags la sbyor ba brtsam par bya ste/ de la dmu rdzing rtol bar 'dod pas dang por gzhang 'gags pa'i dmu rdzing dang/ rgyu ma rdol ba'i dmu rdzing gnyis las thog mar snum gyi cho ga dang dugs bya ste/ nad pa'i lte ba'i 'og tu sor bzhi
 bcal la/ de nas g.yon ngos dku'i phyogs su sor bzhi bcal bar rma kha sor bzhi tsam dral la/ rgyu ma la ma phog par bag bya'o/ /dral zin pa dang/ rma'i nang nas rgyu ma'i nang du spu'i gong bu 'am rdo 'am dri nga ba'i ril bu 'byar bas rgyu ma 'gags pa 'am/
 shing tshal lam/ rus ba 'am/ zug rngu gang yang rung bas rgyu ma rdol ba gang yin pa de legs par brtags te/ de yang lag pa snum gyis bskus pas smyang zhing blta'o/ /gal te spu'i gong bu 'am/ dri ma'i ril bus 'gags pa yin na/ de la ni rgyu ma'i phyi rol nas cung zad
 mnyes la snga ma'i gnas nas 'gog pa 'am bskyod pa 'am/ btsir btsam gyis 'byung bar 'gyur ro/ /zug rngus rdol ba la ni/ zug rngu phra 'am drang du 'dod pa lta bu la ni/ spre'u'i so lta bu'i skam pa'i sa phyir drangs la dbyung ngo/ /zug rngu ci ste dbyung du mi 'dod pa 'am spo ba la
 ni rgyu ma dang mtshams su bcad do/ /gal te chu ser dang/ dri ma ngan pa rgyu ba yod na yang bu ga btsir la de nyid nas phyir dbyung ngo/ /de nas mar dang sbrang rtsi bsres pas rgyu ma bsku'o/ /cho ga de nyid byas zin pa dang/ rgyu smad kyi nang grol ro stong phyogs su dbugs ring pos drangs pa
 ltar byas pas rgyu ma snga ma'i gnas su bde bar rang 'dug pa'i rigs so/ /de nas phyi'i lto ba'i rma/ dar skud kyis btsems la/ sa nag po dang/ shing mngar chu dang sbyar ba'i lde gus rma dang lto ba bskus la/ ras kyis rma dang rked pa dkris te bzhag go /de nas rlung med pa'i gnas su 'o ma
 'ba' zhig gis gsos la/ mal snum can bcas la bsnyal lo/ /lto ba chus gang ba'i dmu rdzing la ni rlung dang mthun pa'i sman dang til mar du sbyar bas lus bsku bar bya'o/ /de nas lto ba ras kyis dkris te chu dron pas steng du blugs la dugs bya'o/ /de la mtshon gdab sa
 ni gong ma dang mthun/ rma kha ni sor gcig gi thang du dbug go /mtshon ni 'bras kyi rtse mo 'dra bas dral lo/ /de ltar dral ma thag tu shing spu gu can 'jam pos tham bu'i thabs bcug la/ spubs kyi nad dang cung zad phyung la gzag go /de las ras sam pags pas dam
 du bcings la rlung mi shor bar bya'o/ /de nas zhag gsum gyi bar du mi bsgul bar gsum pa nas zhag bcu drug gi bar du nyin re khad kyis dbyung ngo/ /zhag bcu drug lon nas spu gu phyung ste/ til mar lan tshas btab pas rma kha bskus la ras kyis lto ba bcing ngo/ /de nas 
 zhag gsum pa nas zhag bcu drug gi bar du ras bkrol zhing rma btsir la/ gong ma'i sman gyis kyang de bzhin du bsku /ci ste brtol ma thag tu phral nad dus gcig tu phyung bar gyur na skyon 'di dag yod de/ sgom dang che ba dang tshab skye ba dang
 yan lag zug cing na ba dang/ 'khru ba dang/ dbugs mi bde ba dang/ lud pa lu ba dang/ lag pa dang rkang ba tsha ba dang/ 'di rnams 'byung bas khad kyis zhag re dbyung bar bya'o/ /nad 'byin pa'i tshe dal bus btsir ro/ /de nas rlung med pa'i gnas su bzhag nas zhag dang po
 smyung bar bya'o/ /de nas zhag gnyis pa la tshwa dang/ snum med pa'i 'bras thug sbyin no/ /de nas zla ba drug gi bar du kha zas gzhan mi bza' bar 'o ma 'ba' zhig sbyin no/ /de nas zla ba gsum gyi bar du 'o ma las gzhi blangs pa'i 'bras thug sbyin no/ /de nas zla ba gsum
 gyi bar du ci rtse ba dang/ khra'i thug pa la 'o ma dang lan tsha cung zad btab ste/ se'u 'bru bskol bas khu ba bses pa btung ngo/ /de ltar byas pa'i rim pas lo gcig gi bar du bsrungs na ni/ lto ba chus gang ba'i dmu rdzing 'joms bar byed do/ /srog 'tsho ba'i slob
 dpon sman pas ji ltar bstan pa'i lung/ mnyan par byas nas cho ga bsrung ba la 'bad par bya ste/ zas thub par bya zhing lte mthun la sogs par mi bya'o/ /gzhang 'gags pa'i dmu rdzing dang/ rgyu ma rdol ba'i dmu rdzing gnyis kyi cho ga dang/ bsrung ba yang 'di
 dang 'dra bar lo gcig gi bar du bya'o/ /de ltar lo gcig gi bar du bsrung ba byas nas phyis nang mi skye zhing brtan par bya ba'i phyir sman gyi sbyor ba 'o gnas 'byung 'di dag bya'o/ /de la dmu rdzing brgyad po kun kyang phal cher nad gzhi'i dus pa la sogs pa
 las 'byung ste/ de bas na rlung la sogs pa gso bar bya ba ni rnam pa thams cad du bsngags te/ de yang rlung la sogs pa khong pa'i nang du zhugs te drod nyams par byed na/ de nas ni kha zas dro ba dang yang bar byas pa'i nang du rtsa ba lnga pa dang lan tsha dang/
 skyur dang/ snum cung zad dang bcas pa'i thug pa sbyin no/ /yang na nas rnying pa dang/ 'bras zhes drug cu pa gcin gyis bran te bskams la 'o mas gzhi blangs te thug pa ci 'dod pa sbyin no/ /skom du ni bu ram shing bskol ba'i khu ba blud na nad gzhi gsum las gyur pa'i
 dmu rdzing las bzlog te/ rang rang gi gnas su zhi bar byed do/ /dmu rdzing can kun gyis bsrung bar bya ba ni/ shin tu dro ba dang/ skyur ba dang/ rtsub pa dang/ lan tshwa dang/ phyi sa 'gags pa'i zas dang/ grang ba dang/ lci ba dang/ bu ram dang/ til las byas pa'i zas dang/ chu 'thung ba dang/
 sngo rngad dang/ rlan la 'dug pa dang 'di rnams shes cher mi spyad mi bstan gzhan yang spang bar bya ba 'di dag bya ste/ lus kyi rtsom pa dang/ lam du 'gro ba dang/ bzhon pas 'gro ba dang/ 'od ba spang bar bya'o/ /skom du ni dar ba ha cang sla ba yang ma yin bska ba yang ma yin
 mngar ba yang ma yin pa'i btung ba bsngags te/ de yang nad kyi gzhi dang sbyar te btung la/ de yang rlung las gyur pa'i dmu rdzing la ni/ na le sham dang/ kha ras btab la sbyin no/ /bad kan las gyur pa la ni la la pud dang rgyam tsha dang zir dang sbrang rtsi dang/ tsha ba gsum 'di rnams kyis
 btab pa byin no/ /'dus pa las gyur pa la ni ba tshwa can gyi tsha dang/ tsha ba gsum gyis btab pa'i dar ba sbyin no/ /gzhang 'gags pa'i dmu rdzing la ni/ sba ma'i 'bras bu dang/ la la pud dang/ lan tsha dang/ zir rnams btab pa sbyin no/ /rgyu ma rdol ba'i dmu rdzing la ni/ pi pi ling dang
 sbrang rtsis btab pa sbyin no/ /lto chus gang ba'i dmu rdzing la ni/ tshwa ba gsum gyis btab ba'i dar ba sbyin no/ /mchin pa'i dmu rdzing la ni/ sbrang rtsi dang/ shu dag dang/ sge dang/ nye'u shing dang/ ru rta dang/ rgyam tsha dang/ til mar dang 'di rnams btab pa blud do/ /khyad par du dang ba'i skom gyi
 phan yon ni lus lci ba dang/ me'i drod nyams pa dang/ yi ga 'chus pa dang tshil rgyas pa'i nang dang/ 'khru ba drag pos lus shin tu nyams chung bar gyur pa la ni 'o ma bdud rtsi dang 'dra bar shes par bya'o// //gso ba'i gnas las dmu rdzing gso ba'i le'u bco lnga
 pa rdzogs so// //de nas skya rbab kyi nad gso ba'i le'u bshad par bya ste/ skyes bu gang skya rbab na ba la ni/ thog mar dge ba'i sman mar dang/ ba'i rnam lnga'i sman mar dang/ tik+ti chen po'i sman mar mdze nad gso ba'i skabs su bshad ba dang
 dong ka'i sde tshan bskol ba'i sman mar 'di rnams gang yang rung ba blud do/ /se'u 'bru rang gi khu ba srang brgyad dang/ 'u su srang gnyis dang/ tsi tra ka srang gcig dang/ bca' sga srang gnyis dang/ pi pi ling srang phyed dang/ 'di rnams btags pa'i phye ma mar srang nyi shu dang/
 chu brgya nyi shu rtsa brgyad dang tshul bzhin du bskol te mar lus pa dang ran par 'thungs na snying nad dang skya rbab dang skran dang/ gzhang 'brum dang/ mcher pa dang/ rlung nad bad kan gyis nyams thag ba sel to/ /de'i me drod skyed pa dang/ dpugs mi bde ba dang/ lud pa 'joms
 shing rlung lam log par zhugs pa lugs bzhin 'byung la/ bud med bu 'byung dka' ba la yang rab tu bsngags so/ /de nas skya rbab na ba'i nad pa de snum btsos legs par bya ste/ sman rno bas slon bya'o/ /de nas snum chos bya ste/ 'o ma ba gcin dang sbyar ba 'am/ re re yang
 rung bas lan mang bkru sman bya'o/ /dan+ti'i 'bras bu'i khu ba dro 'jam tsam gyi nang du tam bal gyi 'bras bu dang/ rgum 'bru'i 'bras bu srang bzhi bzhi bcug ste nub cig spangs la/ nag par mnyes nas btsags pa 'thungs na/ skya rbab kyi nad la rgyal bar byed do/ /yang na
 ba gcin gyi nang du a ru ra'i phye mas btab ste/ btung ba 'am yang na 'bras bu gsum ba gcin dang bskol ba'i nang du a ru ra'i phye ma btab pa 'am/ yang na khran bu dang/ sha ma dar byid dang/ thang shing dang/ bca' sga dang/ 'di rnams ba gcin dang btags
 te btung ba 'am/ yang na sman de nyid ba gcin dang bskol ba btung ngo/ /yang na sman de dag nyid 'o ma dang tshul bzhin bskol la 'thungs na nyes pa rnams 'joms so/ /yang na lcags phye ma gcin dang 'o ma gang yang rung ba'i nang du bzhag la sbyin no/ /da zhu
 ba'i tshod tsam na 'o ma 'am mngar ba'i khu ba gang yang ba dang lhan cig bza' o/ /de ltar slon khrus kyis stod smad du lus dag par byas nas/ a ru ra dang/ sbrang rtsi dang/ mar sbyar ba'i lde gu sbyin no/ /bi sha la dang/ pu tse shel dang/ gla sgang dang/ ru rta dang/ thang shing dang/ dug mo
 yungs dang/ 'di rnams zho gnyis gnyis dang/ mur ba srang phyed dang/ bong nga zho gcig dang 'di rnams btags pa'i phye ma chu dro 'jam tsam dang 'thungs/ de nas sbrang rtsi bldags na skya rbab dang/ rims dang/ lus tsha ba dang/ lud pa dang/ dbugs mi bde ba dang/ yi ga 'chus
 pa dang/ skran dang/ lto lbo ba dang/ ma zhu ba rlung dang bcas pa dang/ khrag mkhris rnams las rgyal bar byed do/ /yang na ba sha dang/ kru trug tres dang/ 'bras bu gsum dang/ pu tse shel dang/ tik+ta dang/ nam+ba dang/ 'di rnams chom brdungs te bskol ba'i khu ba bsgrangs pa'i nang du
 spang rtsi btab pa 'thungs na skya rbab dang/ mig ser khrag mkhris 'joms bar byed do/ /yang na tsha ba gsum dang/ tsi tra ka dang/ byi dang ka dang/ 'bras bu gsum dang/ ga dur dang/ 'di rnams btags pa'i phye ma spyi dang mnyam pa'i lcags nag po'i phye ma mar dang sbrang rtsi
 dang sbyar te/ dar ba 'am chu dron po dang 'o ma dang bcas par 'thungs na/ mig ser dang/ skya rbab dang/ snying nad dang/ mdze dang/ gzhang 'brum dang/ gcin nad thams cad sel bar byed do/ /dong kra dang/ lcags phye dang/ til dang/ bu ram 'di rnams cha mnyam pa dang/ sman sna
 gcig gnyis 'gyur gyi pi pi ling dang/ de rnams ri lu 'byas pa zos na skya rbab pa phan no/ /yang na ta bya dang/ skyer pa'i shun pa dang/ dbyi mo dang/ pi pi ling gi rtsa ba dang/ thang shing dang/ tsha ba gsum la sogs pa sbyor ba gong ma'i sman dang/ de rnams spyi'i nyis 'gyur gyi
 lcags phye dang phye mar byas la sman re re'i brgyad 'gyur gyi ba gcin dang/ sman sna so sor bskol la ri lung byar 'dod pa tsam gyi skan ter gyur pa dang gcig tu bsres te ri lur byas pa ni lcags phye'i ri lu zhes bya ste/ de las cir na dar pa dang sbyar te 'thungs na skya rbab ?
 nad rnams la srog sbyin par byed/ gzhan yang mdo dang/ ma zhu ba dang/ skrangs pa dang/ brla rengs pa dang/ yi ga 'chus pa dang/ gzhang 'brum dang/ mig ser dang/ gcin nad dang mcher pa'i nad rnams kyang zhi bar byed do/ /yang na twa?
 pya? dang/ brag zhun dang/ dngul dang/ lcags kyi dri ma dang/ de rnams srang lnga dang/ tsa tra ka dang/ 'bras bu gsum dang/ tsha ba gsum dang/ byi dang ga dang/ de rnams srang re re dang/ sha khar srang brgyad dang/ 'di rnams kyi phye ma sbyang rtsi dang sbyar ba zos na/ skya rbab
 dang dug dang/ lud pa dang/ gcong chen po dang/ rims ni bzad pa dang/ mdze dang/ ma zhu ba dang/ gcin nad dang/ skrangs pa dang/ dbugs mi bde ba dang/ yi ga 'chus pa rnams la phan te/ khyad par du brjed byed kyi nad dang/ mig ser dang/ gzhang 'brum rnams
 'joms par byed do/ /yang na dug mo nyung dang/ 'bras bu gsum dang/ bim+ba dang/ pa do la dang/ ga dur dang/ dong gra dang 'di rnams bskol ba'i khu ba'i nang du brag zhun srang brgyad bcug ste/ zhag bcuAm nyi shu 'am/ sum cu'i bar yang spang zhing yang skam
 pa lan mang du byas pa dang/ brag zhun dang mnyam pa'i sha kha ra dang/ smyig rkang dang/ pi pi ling dang/ skyu ru ra dang/ karka ti sram srang re re dang/ kaN+Ta ka bi'i rtsa ba dang/ 'bras bu gnyis la srang gcig dang/ dri sna gsum zho gnyis gnyis dang/ sbrang rtsi srang
 gsum dang/ lhan cig ri lu zho gnyis pa'i tshad du byas la/ zas gzhan ma 'dres pa'i 'og tu se'u 'bru'i khu ba dang 'o ma dang/ thang la gnas pa'i bya'i sha khu dang/ chu dron po dang/ a sa pa'i chang dang/ nas chang dang/ de rnams gang yang rung ba 'thungs
 na skya rbab dang/ mdze dang/ rims dang/ mcher pa dang/ mgo 'khor ba dang/ gzhang 'brum dang/ mtshan bar rdol ba dang/ rma snags pa dang/ snying nad dang/ khu chung dang/ gcin dang/ tsha ba'i nad zhi bar byed de/ de bzhin du skem byed dang/ sbyar ba'i dug dang/ dmu
 rdzing dang/ lud pa dang/ rtsa ba'i nad dang/ khrag dang/ mkhris pa dang/ skrangs pa dang/ skran dang/ mgul pa'i nad dang/ de bzhin du rgyu rlags dang/ mgo 'khor yang ba yang ri lu 'dis 'joms par byed de/ nad thams cad 'phrog cing zhi bar byed do/ /rgun 'brum dang/ pi pi ling srang
 bcu drug bcu drug dang/ sha kha ra srang bcu dang/ de bzhin du shing mngar dang bca' sga dang/ smyig rkang dang/ 'di rnams srang gnyis phye mar byas te/ skyu ru ra'i 'bras bu'i khu ba srang lnga brgya bcu gnyis kyi nang du bcug ste/ me chung ngu la bskol te lde gur gyur pa dang phyung la
 bsgrangs pa'i nang du/ sbrang rtsi srang sum cu rtsa gnyis dang sbyar ba'i lde gu lag pa'i mthil du bzhag ste/ de las zho gnyis gnyis zos na/ ha li ma ka zhes bya ba'i nad dang/ skya rbab dang/ mig ser rnams sel to/ /yang rtsa ba lnga chung ngu'i khu ba dang/ rgun 'brum dang/ skyu ru ra dang/
 rang gi khu ba dang/ bza' ba dang/ btung ba dang/ lhan cig sbyar ba btang na/ skya rbab kyi nad dang/ mig ser gyi nyam thag pa sel to/ /de ltar gong du bstan pa de dag ni skya rbab kyi gso ba spyir bstan pa yin te/ de bzhin du sman pa mkhas pas nang so so'i dmigs shes par
 bya ste/ ji ltar mthun mthun du sbyar ro/ /mkhris pa las gyur pa la ni kha ba dang/ bsil ba'i bag sbyar ro/ /bad kan las gyur pa la ni rtsub pa dang/ tshwa ba dang dro ba'i bag sbyar ro/ /'dus pa las gyur pa la ni de rnams bsres pa sbyar ro/ /mkhris pa las gyur pa la ni kha ba dang/
 bsil ba'i bag sbyar ro/ /bad kan las gyur pa la ni rtsub pa dang/ tshwa ba dang dro ba'i bag sbyar ro/ /'dus pa las gyur pa la ni dmu rdzing 'joms pa'i sman mar ro/ /tsha ba gsum dang/ bilba dang/ ser po rnam gnyis dang/ 'bras bu gsum dang/ ba sbru ba rnam gnyis dang/
 gla sgang dang/ lcags phye dang/ byi dar ka dang/ bri tsi ka pi dang/ ga bra'i rtsa ba dang/ 'di rnams cham chom brdungs te/ 'o ma dang mar tshul bzhin du bskol ba 'thungs nas zhag sbos pa las gyur pa'i dmu rdzing gi nad thams cad myur du zhi bar byed do/ /de bzhin du nA ga go sa?
 dang shing mngar dang/ pi pi ling dang/ rtswa ku sha dang/ 'di rnam/ cham chom brdungs te/ 'o ma dang mar dang/ tshul bzhin du bskol ba 'thungs na phan yon gong dang 'dra'o/ /sa zhag zos pa'i skya rbab kyi nad pa sa zhag la sred pa yin na ni/ de
 spus dbyung bar bya ba'i phyir byi dang ka dang/ nim+ba'i khu ba dang/ pa Ta dang/ mur ba 'di rnams kyi khu ba gang yang rung bas zhag la bsgos pa zos na phan no/ /sa zhag bye brag 'dod pa zos nas nad tha dad par 'byung bar 'gyur na sman pas so so dang mthun pa'i sman
 sbyar ro/ /mig ser gyi nad kyis btab pa la ni mkhris pa la phan pa'i sman nam/ skya rbab la phan pa'i sman gang yang rung ba sbyin no/ /a ru ra rdog ma brgya bskol ba'i khu ba'i nang du/ a ru ra lnga bcu btags pa'i phye ma dang/ mar srang sum cu rtsa gnyis dang tshul bzhin du
 bskol te/ mar lus pa las ran par 'thungs na/ skran dang mig ser dang/ skya rbab thams cad sel to/ /dong ka dang/ tsha ba gsum gyi phye mar bu ram shing ngam/ bi da ri 'am/ skyu ru ra'i khu ba gang yang rung ba'i nang du btab ste/ srang gcig tsam 'thungs na mig ser gyi
 nang 'joms so/ /yang na dan+ti btags pa'i phye ma de'i nyis 'gyur gyi bu ram dang bcas pa chu grang dang btung ba'am gang yang rung ba dang sbyar ba sbyin/ yang na 'bras bu gsum dang/ sle tres dang ni bim+ba 'di rnams kyi khu ba gang yang rung ba'i nang du sbrang rtsi btab ste/ nad rin por
 sbyar te 'thungs na/ mig ser gyis nyams thag pa la phan no/ /skyer pa dang/ btsag yug snam dang/ skyu ru ra rnams sbyar ba'i mig sman du sbyor ba yang mig ser rnams 'joms so/ /mig ser gyis btab pa'i nang pa phyi sa til btags pa'i phye ma 'dra ba dkar
 po 'byung zhing bad kan gyis lam 'gags pa la ni bad kan dang mkhris pa 'joms pa'i sman gyis gso 'o/ /kha zas rtsub pa dang/ grang ba dang/ lci ba dang/ mngar ba dang/ rtsol ba byas pa'i rgyu rlung gis bad kan 'khrug par byas te/ mkhris pa'i phyi rol nas
 bton pa'i dbang gis skyes bu de'i mig dang pags pa rnams ser por gyur cing phyi sa dkar por 'byung la nad 'khrugs te/ phyi sa 'gags pa dang/ snying lci ba la sogs par gyur te/ de'i dbang gis lus rdzud pa dang/ me drod chung ba dang/ rtsibs logs su zug pa dang/ skyigs bu dang/
 lud pa dang/ yig 'chus pa dang/ rims kyis 'debs te/ mkhris pas yan lag thams cad du khyab pa yin la/ de la ni rims kyis brdal la gso'o/ /de ltar mig ser gyis khyab pa'i nad pa la ni/ rma bya dang/ khyim bya dang/ sreg pa'i sha khu dang/ yang na la phug skam po dang/
 rgya sran gyi khu bcud gang yang rung ba'i nang du rtsub pa dang/ tshwa ba dang/ skyur ba dang sbyar ba'i zas sbyin no/ /gzhan yang shin tu tsha ba dang/ skyur ba dang/ rno ba dang/ lan tsha dang/ shin tu dro ba rnams bsngags so/ /kha lung gi khu ba tsha ba gsum dang sbyar ba'i lde gu ldag par bya'o/ /de ltar gong ma'i
 gso ba de dag byas na/ mkhris pa rang gi gnas su 'jug ste/ des na phyi sa yang mdog tha mal par 'gyur zhing/ rlung sgra dang bcas pa yang zhi bar 'gyur ro/ /de ltar mdog 'gyur te/ snga ma las log pa ltar snang na yang de brtan par bya ba'i cho ga bshad par bya ste/ de la mig ser gyi
 nad gso ba 'phyis nas de khong du zhugs te dkyel du gyur pa la ni brag zhun dang/ mak+Shi ka da ru dang/ gser gyi dri ma gang yang rung ba gcin dang sbyar ba zla ba gcig gi bar du bsten par bya'o/ /ha li ma ka zhes bya ba'i nang la ni/ sle tres kyi rang gi khu ba dang/ 'o ma dang/ ma he'i mar
 'o ma'i phyed dang/ 'di rnams bskol ba'i mar gyi btung ba la sogs pa lus kyi snum chos bya ste/ de nas skyu ru ra'i khu ba dang dung byid dang sbyar bas bkru sman bya'o/ /kha zas ni mngar ba dang/ rlung dang mkhris pa 'joms par btang ngo/ /de bzhin du gong bu smos pa'i rgun 'bru'i
 lde gu dang/ mngar ba'i sman dang sbyar ba'i mar bza' zhing 'og nas smas pa'i 'o ma'i 'jam rtsims btang ba rnams yun ci ring du bya'o/ /btung bar ni rgun chang dang/ a ri ta'i chang me drod dang sbyar te ci rigs su sbyin no/ /yang na a ru ra'i lde gu lud pa gso ba'i skabs las
 'byung ba'am/ yang na pi pi ling dang/ shing mngar dang/ ba la dang/ de rnams gang yang rung ba 'o ma dang sbyar te nad gzhi dang me drod dang dpags la btang ngo/ /de bzhin du sman pa mkhas pas skrang nad gso ba'i dpyad ji snyed pas skya rbab kyi nang thams
 cad la sbyar ro/ /gso ba'i gnas las skya rbab kyi gnad gso ba'i le'u ste bcu drug pa rdzogs so// //de nas 'or nad gso ba'i le'u bshad par bya ste/ de la nad gzhi thams cad 'dus pa 'am ldan pa 'am/ nad gzhi re re las gyur pa'i skrang nad gang yang rung ba
 ma zhu ba dang bcas pa de la ni thog mar lus sha sri zhing smyung ba bya'o/ /de'i 'og tu kha zas kyang yang ba bza' zhing skom du ni/ dong kra dang/ bong nga dkar po dang/ thang shing dang/ byi dang ga dang/ dug mo yungs dang/ na le sham bskol ba'i chu dron po blud do/ /yang na a ru ra dang/
 bca' sga dang/ thang shing dang/ ba spru ba dang de rnams bskol ba'i khu ba blud pa 'am/ yang na skya rbab kyi nang du bshad pa'i lcags phye cha dgu pa bskol ba blud do/ /'or nad shas che ba la ni de dag par bya ba'i phyir a ru ra'i phye ma ba gcin dang sbyar ba blud do/ /yang na 'bras
 bu gsum bskol ba'i nad du pu tse shel dang/ dur byid dang/ tsha ba gsum gang yang rung ba'i phye ma btab pa blud pa 'am/ yang na 'bras bu gsum gang yang rung ba'i nang du gu gul lam brag zhun btab pa blud pa 'am/ 'or nad skrangs pa de me drod chung zhing ma zhu bas
 khyab ste/ rtug pa 'gags pa 'am/ yang na phyi sa sla bar 'byung ba la ni kha ru tsha dang/ tsha ba gsum sbrang rtsi dang/ dar ba dang sbyar ba bza' ba 'am/ yang na a ru ra dang bu ram sbyar ba 'am bca' sga sbyar ba zos pa'i 'og tu dar ba btung bar bya'o/ /yang na sge'u gsher dang/
 bu ram cha mnyam pa sbyar te/ dang po'i zhag srang phyed zos la/ de nas zhag bcu'i bar du srang phyed phyed kyis skyed de/ zhag bcu gcig pa nas srang phyed phyed zhag bcu'i bar du ma bri ste/ srang phyed du phyin pa dang/ yang zhag bcu'i bar du srang phyed phyed
 zhag re bskyed de/ de ltar zla ba gcig gi bar du zos la sman de zhu ba'i tshod tsam na/ btung bar ni/ ma sha ka'i khu ba dang/ 'o ma dang/ sha khu gsum bad kan dang/ mkhris pa dang/ rlung gang yin pa btags te/ nad gzhi dang re re nas sbyar te 'thungs na skran dang/ dmu rdzing dang/ gzhang 'brum dang/
 'or nad dang/ gcin nad dang/ dmug mi bde ba dang/ cham pa dang/ lus snyoms pa dang/ 'ju stobs chung ba dang/ mig ser dang/ skem byed dang/ rjed byed dang/ smyo byed dang/ lud pa dang/ bad kan rnams sge'u gsher dang/ bu ram gyi sbyor ba 'di byas na myur du rgyal bar byed do/ /sge'u gsher gyi khu
 ba dang/ dong kra'i phye ma dang/ 'o ma dang mar lhan cig bskol te/ ran par 'thungs na 'or nad dang/ dmu rdzing dang/ me drod nyams pas nyam thag pa rnams zhi bar byed do/ /ma zhu ba med bzhin du phyis 'gag cing 'or nad kyis nyam thag pa la ni/ tsha ba gsum dang/ dur byid dang/ dan+ti dang/
 kru trug tres dang/ de rnams 'o ma dang bskol te blud do/ /ba 'am ma he gang yang rung ba'i gcin dang/ 'o ma btung zhing bza' ba yang 'o ma dang bcas par bya'o/ /zhag bdun nam zla ba gcig gi bar du rnga mo'i 'o ma nyi tshes nyams lta bar bya'o/ /ting mu sa dang/ nas tshig 'khus pa'i thal ba dang/
 la la pud dang/ tsha ba rnam lnga dang/ na 'o sham dang/ se'u 'bru dang/ pa tha dang/ 'u su dang/ star bu dang/ ba la dang/ bilpa dang/ de rnams zho gnyis gnyis dang/ chu srang lnga brgya rtsa bcu gnyis dang mar srang sum cu rtsa gnyis dang bskol te/ mar lus pa dang de las ran par 'thungs na 'od nad dang/ gzhang
 'brum dang/ skran dang/ gcin nad rnams 'joms so/ /tsi tra ka'i phye mas 'o ma'i nang du btab ste/ zhor red pa dang/ de las byung ba'i mar sar dar ba dang bcas pa'i nang du yang tsi tra ka'i phye mas btab ste bskol la/ mar lus la las ran par 'thungs na/ phan yon gong ma dang 'dra'o/ /nad kyi stobs
 dang/ 'du shes pa'i sman pas thang la 'bar gyi sman mar gcin nad kyi skabs las 'byung ba dang/ tik+ta chen po'i sman mar mdze nad gso ba las bshad pa dang/ dge ba'i rkyen mar smyo byed smin nas 'byung ba dang/ a ru ra'i sman mar dmu rdzing las bshad pa rnams ci rigs par sbyar ro/ /rtsa ba
 bcu pa srang sum cu rtsa gnyis dang/ mar srang sum cu rtsa gnyis dang/ mar gyi bcu drug 'gyur gyi chu dang/ a ru ra dang bu ram srang brgyad dang/ 'di rnams bskol ba'i nang du dri sna gsum dang/ tsha ba gsum dang/ nas tshig 'khus pa'i thal ba cung zad tsam dang/ 'di
 rnams kyi phye ma btab ste lde gur gyur pa dang/ bsgrangs pa'i nang du sbrang rtsi srang bcu drug btab ste/ de las ran par bldags na/ 'or nad tshabs che ba dang/ rims dang skran dang/ gcin nad dang lus skem zhing ring pa dang/ ma zhu ba dang/ khrag dang mkhris pa dang/ ma zhu ba dang rlung dang/
 sgregs ba skyur bor 'byung ba dang/ mdog 'gyur ba dang/ gcin dang/ rlung dang/ khu chu'i nad dang/ dbugs mi bde ba dang/ yi ga 'chus pa dang/ mcher ba na ba dang/ sbyar ba'i dug dang/ dmu rdzing rnams sel te/ /nas dang 'bras rnying pa'i kha zas rtsa ba bcu pa'i khu ba la gzhi blangs la/
 lan tsha dang snum nyung shas btab ste/ byin na 'or nad la phan no/ /rgya sran ku lat+tha dang/ mon sran rde'u'i khu bcur thal sman dang/ tsha ba gsum dang ldan pa dang/ de bzhin du srog chags thang la gnas pa ru sbal dang/ go da dang/ sha ya ka dang/ 'di rnams kyi sha khu pi pi ling dang sbyar ba
 zos na yang 'or nad 'joms so/ /btung bar ni dar ba mi skyur ba 'am yang na rgun chad dang/ a riSh+Ta'i chang dang/ a sa ba'i chang gang yang rung ba tsha ba gsum dang ldan pa sbyin no/ /yang na tha we dang zur ba dang ji ban+ti dang/ ka ra bi dang/ ma nu dang/ tsi tra ka dang/ bilba'i rkang dang/ a bak+Sha ra
 dang/ da trika dang/ 'di rnams re re yang rgya shug gi 'bras bu'i tshad dang ldan pa'i thug pa mar dang til mar sbyar te 'thungs na/ 'or nad dang/ skrangs pa la phan pa'i mchog yin te/ de bzhin du 'khru ba dang/ snying nad dang/ skran dang/ gzhang 'brum dang/ me drod chung ba dang/ gcin
 rnams la phan no/ /de bzhin du tsha ba rnam lnga rgya shug gi tshad tsam dang/ mar dang til mar du brdos pa'i thug pa 'thungs na yang phan yon de dang 'dra'o/ /yang na rdo dreg dang/ du rta dang/ sto'u ne ya dang/ he nu ka dang/ a ka ru dang/ shug pa dang/ sh+ri bi sha ka dang/ chu srin sen
 mo dang/ bu su hang dang/ thang shing dang/ pri yaM ku dang/ spang spos dang/ pi pi ling dang/ dbyi mo dang/ ku Ta na Ta dang/ bya ma ka dang/ ba li ku dang dri srang bzhi dang/ balbu'i lo ma dang/ gla sgang dang/ ganda bAk+Sha dang/ 'di rnams btags pa'i phye ma til mar dang sbyar ba'i bsku ba dang phye ma chu dang sbyar ba'i khrus dang/
 lde gu'i byug pa rnams bya'o/ /yang na nim+ba dang/ ba spru ba me tog dmar po can dang/ nasta ma la dang/ arka bskol ba'i chus khrus bya'o/ /yan lag phyogs gcig skrangs pa la ni ba spru ba dang/ ka ra bi ra dang/ rgya skyegs shing byi sha la dang 'bras bu gsum dang/ seng phrom dang/ na li ka zhes bya
 ba ka po da tsa ra na dang/ thang shing dang/ spang spos dang/ ko sha ta ki dang/ bong nga dkar po dang/ ta la'i lo ma dang/ dza yan+ti zhes bya ba taM gi ra dang/ 'ol ma se dkar po dang/ ka ka da ni dang/ sA la'i shing dang/ dbyi mo dang/ bri sha kar+Ni dang/ bri ti dang/ rid+d+hi dang/ hasti kar+Na zhes bya ba e raN+Ta dang/ 'di
 rnams btags pa'i phye ma chu dro 'jam tsam dang lde gur byas te bskus na phan no/ /rlung las gyur pa'i 'or nad skrangs pa la ni zla ba phyed kyi bar du dur byid dang mar sbyar ba 'am yang na e raN+Ta'i mar 'ba' zhig btung ngo/ /rlung gi rtug pa 'gags pa la yang sbyor ba da nyid bya'o/ /e
 raN+Ta'i mar 'o ma 'am sha khu dang ldan par zas kyi gong du bza' o/ /rlung gi skrangs nad la ni rlung 'joms pa'i stan gyis bsku byug bya'o/ /yan lag phyogs cig skrangs pa la/ kha lung dang/ agni man+ta dang/ spang spos dang/ bca' sga dang/ thang shing dang/ de rnams kyi lde gus bsku'o/ /mkhris
 pa las gyur pa'i 'or nad la ni tik+ta'i sman mar ram/ n+ya gro d+ha'i sde tshan mar dang bskol bas bsku'o/ /skom dang che ba dang/ rmong bag du 'dug pa dang/ lus tsha ba la ni 'o ma dang mar dang byug pa dang ba rku ba grang mo byas pa rab tu phan no/ /yang na pa to la'i rtsa ba dang/ khyi lce ba dang/ shing
 mngar dang/ pu tse shel dang/ a ru ra dang/ thang shing dang/ skyer pa dang/ tsandan dang/ dan+ta dang/ bi sha la dang/ lcang ma dang/ pi pi ling dang/ 'di rnams mar dang lhan cig bskol te 'thungs na khong pa tsha ba dang/ skom dang che ba dang/ mgo 'khor ba dang/ 'dus pa'i nad dang/ me dpal dang/ skrang ba dang/
 lus tsha ba dang/ rims mi zad pa rnams sel to/ /bad kan las gyur pa'i 'or nad la ni dong ka'i sde tshan til mar dang bskol ba blud do/ /rtsa rgyun 'gags pa dang me drod chung ba dang yi ga 'chus pa dang/ rmongs bag du 'dug pa la ni thal sman a sa la'i
 chang dang/ a ri sha'i chang dang/ ba gcin dang/ dar ba dang lhan cig bskyos te btang ngo/ /pi pi ling dang/ til mar la sogs pa'i tshigs ma rnying pa dang/ shi kru'i shun pa dang/ zar ma dang 'di rnams btags pa'i phye ma ba gcin dro 'jam tsam dang sbyar te byug pa dang/
 lus dril ba la sogs pa bya'o/ /rurta dang/ agni man+tha dang/ tsi tra ka dang/ rgya sran dang/ dong kra rnams ba gcin dang chu dang tshul bzhin bskol ba'i chus lus khrus bya'o/ /tsan+d+ra dang/ a ka ru'i lde gus lus byug go /ka la zhes bya ba ni ga ba la dang/ a dza sh+ri gi dang/ ko nyon tsa
 dang/ any+dza ganda dang/ a shwa gand+ha dang/ a ma bashTa dang/ 'di rnams sbyar ba'i lde gu ni yan lag phyogs cig skrangs pa la rab tu bsngags so/ /yang na rlung la sogs pa'i nad gzhi shes par byas la/ nyes pa ji lta ba bzhin du gtar ka byas te/ brag dbyung ngo/ /nad gzhi rnams
 'dres nas gang shas che ba brtags te thog mar de gso bar bya'o/ /tha we dang/ pa tha dang/ gla sgang dang/ tsha ba rnam lnga dang/ kaN+Ta kA ri dang/ skyer pa dang/ de rnams chu dron dang sbyar te btang ba 'am/ yang na tik+ta dang/ bca' sga dang de gnyis chu dron dang sbyar te 'thungs na/
 nad gzhi gsum las gyur pa'i 'or nad yun ring du lon te tshabs che ba yang zhi bar byed do/ /bdud rtsi rnam gnyis zhes bya ba/ sle tres dang/ a ru ra dang/ ba spru ba/ thang shing dang/ gu gub dang/ de rnams ba gcin dang sbyar te 'thungs na/ skrangs pa dang/ dmu rdzing dang
 mdze dang/ skya rbab dang/ srin bu'i nad dang/ bad kan dang rlung stod du zhugs pa rnams 'joms so/ /gong du smos pa de dag ni nad gzhi las 'or nad du skrangs pa'i gso ba bshad pa yin no/ /de la snad pa las gyur pa la ni khrag dbyung bas nad sbyang bar bya ste/ de nas
 sman bsil ba'i nus pa dang ldan pa dang/ mar bsres pas bsku ba dang/ byug pa rnams bya'o/ /dug gis phog pa'i 'or nad la ni dug gi gso ba rnams 'dir sbyar ro/ /srog chags chu dang thang gnyis ga la gnas pa dang/ rjud pa'i sha dang/ pa ta la sogs pa tshed ma'i lo ma skam po
 dang/ til dang bu ram las byas pa'i kha zas dang/ 'bras la sogs pa btags pa'i zas dang/ zho dang lan tshar bcas pa dang/ zas kyi mi bag can dang/ chang skyur dang/ spos dang/ sha skams dang/ phan gnod bsras pa'i zas dang/ zas lci ba dang/ zas mi bsod pa dang/ lus za bar
 byed pa'i zas dang nyin par nyal ba dang/ nyal po rnams spang bar bya'o/ /gzhan yang skrang bar 'gyur ba'i bza' btung thams cad spang zhing dor ro/ /gso ba'i gnas las 'or nad gso ba'i le'u bcu bdun pa rdzogs so// //de nas me dpal gso ba'i le'u bshad par bya ste/ de
 la thog ma me dpal byung ba la ni smyung ba dang/ rtsub btsos dang/ khrag dbyung ba dang/ skyugs sman dang/ khrus sman rnams bya'o/ /kha cig du ni snum btsos bya zhes zer ro/ /skyugs sman ni po son cha dang/ dug mo yungs dang shing mngar sbyar ba 'am/ yang na til dang/ nim+ba'i lo ma dang/
 po son cha sbyar ba rnams kyi skyugs sman btang na me dpal la phan no/ /me dpal nang du zhugs pa la ni khyad par du khyi lce ba dang/ rgun 'brum dang 'bras bu gsum med dang/ de rnams kyi khu ba gang yang rung ba'i nang du dur byid btab pa 'am/ yang na 'o ma dang mar dang/ dur
 byid kyi phye ma sbyar ba'i bkru sman bya'o/ /nad gzhi chung ste slon khrus mi dgos pa la ni/ tsan dan dang utpa la sbyar ba 'am/ yang na gla sgang dang/ nim+ba dang/ pa to la dang/ pu tse shel gyi sde tshan dang lhan cig sbyar bas zhi bar bya'o/ /yang na thal tres dang/ skyu ru ra dang/ pu shel tsi dang/ gla
 sgang rnams lhan cig bskol ba'i chus zhi bar bya'o/ /me dpal gyi nang skom dang che ba la ni/ byi tsher ba dang/ parpa ta dang/ sle tres dang/ bca' sga dang/ de rnams bskol ba'i khu ba 'am yang na grangs pa blud do/ /yang na skyer ba dang pa to la dang/ pu tse shel dang/ sran chung dang 'bras bu
 gsum dang/ nim+ba dang shing mngar dang/ khyi lce ba bskol te mar dang lhan cig 'thungs na me dpal gyi skom dang che ba la phan no/ /me dpal gyi nad yan lag rnams su nad khrag yod pa la ni thog ma nad gzhi ji lta ba bzhin du lce la srin bu pad+ma sku ba rnams
 kyis khrag dbyung ngo/ /gal te gtar ka ma byas na ni khrag rnag tu 'gyur te/ pags pa dang sha dang rus pa rnams su zhugs par 'gyur ro/ /sbyor ba de dag gis me zhu ba med cing bad kan za ste/ mkhris pa dang rlung shas che bar gyur pa la ni tik+ta chen po'i sman mar mkhris pa'i mdze
 nad kyi skabs su bshad pa 'am/ khyi lce'i sman mar rnams btang ngo/ /de ltar gtar ka dang slon khrus kyi khod pa'i me dpal dag ste/ rlung la sogs pa'i nad gzhi'i dbang gis pags pa dang sha la brtan pa la ni phyi rol nas byug pa byas nas me dpal de ma thag zhi bar byed do//
 de yang rlung las gyur pa'i me dpal la ni shu ti dang/ gla sgang dang/ ba ra hi dang/ 'od ma dang/ an+ta ra ga la dang/ 'u su dang/ thang shing dang pi pi ling dang/ shig tru dang/ ru rta dang/ 'di rnams kyi byug pa byas na phan no/ /mkhris pa las gyur pa la na n+ya gro d+ha la sogs pa'i sde tshan nam/
 de bzhin du pad+ma dang/ utpa la dang/ nya lcibs dang/ chu'i nang gi 'dam pa ga dang/ pad+ma'i rtsa lag dang/ srim ga ta ga dang/ sha kha ra dang/ tsan dan dang/ ba la ka la dang/ mu tig dang/ nor bu dang/ btsag yug snam dang/ pa yassya dang/ pra puN+Ta ri ka dang/ shing mngar dang/ shug pa dang/
 mar dang 'o ma dang/ de rnams sbyar ba'i byug pa bya ba 'am/ n+ya gro d+ha rtsi ba gzhon nu dang/ chu shing gi snying po rnams mar lan brgya sprus pa'i mar dang lde gur byas pa 'am/ yang na pad+ma'i tshogs mar dang/ sbyor ba gong ma ltar byas pas byug pa bya'o/ /yang na pad+ma skyes pa'i
 'dam bag grang mo 'am/ yang na mu tig dang/ dur dang byu ru dang/ nya phyis dang/ btsag yug snam dang/ 'di rnams gang yang rung ba btags pas byug go /bad kan las gyur pa'i me dpal la ni 'bras bu gsum dang shug pa dang/ pu shel tsi dang/ btsong dang/ ka ra bi ra dang/
 ldam bu'i rtsa ba dang/ a nan+ta'i rtsa ba dang 'di rnams kyi lde gus bskus na phan no/ /yang na da ba la dang/ lo ma bdun pa dang/ seng ldeng dang/ thang shing dang/ kus sman da ka dang/ gla sgang dang/ dong ka 'di rnams kyi lde gu 'am/ yang na ba na'i sde tshan gyi lde gus bsku'o/ /yang na dong ka'i lo ma dang/ sle sman ta
 ka'i shun pa dang/ en+d+ra ni dang/ ka ka hwa dang/ shi ri sha'i me tog dang/ 'di rnams kyi lde gus byug go /gong du smos pa'i byug pa sbyor ba sman sha puShpa la sogs pa de dag nyid kyi so so'i nad gzhi bzhin du byugs pa dang/ bsku byug dang/ sman mar dang/ phye ma rnams kyang de las bya'o/ /gang yang
 rlung shas che ba la ni sman mar shas cher btang ngo/ /bad kan gyi gnas su me dpal ma zhu ba dang/ bcas pa la ni dro ba dang/ rtsub pa cher sbyar ro/ /mkhris pa'i gnas su zhugs pa la ni bsil ba dang mar dang ldan par sbyar ro/ /shin tu bsil bag dang ldan pa'i shing mar dang sbyar bas byugs te/ ras srab mos
 phyi rol nas dkris la de ltar yang dang yang du brje zhing lan mar du bya'o/ /gal te bar bar du thag khyer na ni nus pa chung bar 'gyur ro/ /ldan pa'i nad la ni gong gi sbyor ba gnyis gnyis bsres te btang na phan pa'i mchog yin no/ /me dang 'dra ba'i me dpal la ni mar lan brgya bcu dang/ bkrus
 pa'i nyi rtses bsku bar bya'o/ /yang na mar gyi snying khu 'am/ shing mngar bskol ba'i khu ba 'am/ kha re dkar po bskol ba'i chu 'am/ pad+ma 'am/ utpa la'i chu 'am/ 'o ma 'am/ bu ram shing bskol ba'i khu ba 'am/ de rnams gang yang rung ba grang mo'i rgyun blugs so/ /tik+ta chen po'i sman mar ni me
 dang 'dra ba'i me dbal la btung ba dang/ byug pa blugs pa rnams byas na phan pa'i mchog yin no/ /mdzer pa lta bu'i me dpal la ni khrag mkhris gso ba'i bya ba ji sgang bshad pa bzhin du gso ba ltar bya'o/ /de bzhin du bad kan dang rlung 'joms pa'i sman dang zan dugs dang/ byug pa la sogs
 pa byas na phan no/ /yang na mdzer pa lta bu'i me dpal zug gzer dang bcas pa la ni rtsa ba bcu pa dang/ til mar bskol ba dron po 'am ba gcin dron po 'am/ chu dron po gang yang rung bas blugs pa bya'o/ /yang na shig bkru 'am nak+ta ma la dang/ la phug skam po dang/ ba ru ra dang de rnams
 gang yang rung ba'i phye ma chu dron dang lde gur byas te/ mdzer pa lta bu'i me dpal la bsku'o/ /dan+ti dang tsi tra ka dang/ shing tshwa dang/ shi ri khaN+Ta dang/ arka'i lo ma dang/ bu ram dang/ go bye'i rus pa dang/ nag tshur dang/ 'di rnams lde gur byas pas bskus na
 phyi rol gyi rdo yang 'bigs par 'gyur na bad kan las gyur pa'i me dpal mdzer pa lta bu'i phyi rol pags pa la brten pa lta smos kyang ci dgos/ mdzer pa lta bu'i me dpal yun ring du gnas pa la ni la phug dang rgya sran kha la tha dang/ sa'u 'bru dang bcas
 pa'i khu bcud sbyin na/ /rtag tu gro dang nas kyi zas bza' o/ /rgun chang dang/ bu ram chang dang/ sha kha ra'i btung ba dang/ de bzhin du chang gi snying po sbrang rtsi dang sbyar ba'i nang du kha lung gi khu bas bcug pa 'am/ yang na 'bras bu gsum gyi sbyor ba sbrang rtsi dang sbyar ba
 'am/ yang na pi pi ling gi sbyor ba sbrang rtsi dang sbyar ba 'am/ yang na thang shing gi sbyor ba dang/ sle tres kyi sbyor ba dang/ yang na brag zhun gyi sbyor ba 'am/ yang na gla sgang gi sbyor ba dang/ go bye'i sbyor ba 'am/ yang na sbrang rtsi'i sbyor ba 'di rnams kyi btung ba gang
 yang rung ba sbyar ro/ /mdzer pa lta bu'i me dpal nam tshod yan chad du zhugs pa la ni mgo'i bkru sman dang/ dud pa rdub pa la sogs pa bya'o/ /gzhan yang skran gyi gso ba thams cad kyang 'dir sbyar ro/ /gzhan yang lcags dang/ gser dang/ lan tshwa
 dang rdo dang de rnams gang yang rung bas bsreg go /gong du bstan pa'i sbyor ba sna tshogs pa de dag gis ma zhi ste/ mdzer pa lta bu'i me dpal rdo bzhin du sra ste nye bar ma zhi na/ thal sman dang/ rim gyis me dang/ gser gyis bsregs na phan no/ /mdzer
 pa lta bu'i me dpal rgyu de dag gis smin par byas pa dang/ mtshon gyis dral ta dbyung bar bya'o/ /me dpal gyis khrag rang gi gnas las nyams te/ 'khrug pa la ni khrag dbyung ngo/ /de ltar yang dang yang du gtar ka byas pa'i 'og tu rlung dang bad kan 'joms pa'i sman
 btang? ngo/ /bsregs pa dang/ smin pa'i dbang bsi rul zhing nyams pa la ni phyi nang gnyi ga nas rma gso ba'i cho ga ji lta ba bzhin bya'o/ /skyer pa dang/ bi dang ga dang/ kam pi lya dang de rnams til mar dang sbyar bas bskus na rma la phan no/ /bad kan dang mkhris pa shas che ba'i me
 ?? la ni/ dud ba'i rang gi khu ba dang mer sbyar ba phan no/ /me dpal la ni slon khrus kyi las thams cad kyang bya bar 'os pa yin la/ /brag dbyung ba nya tshe yang de dang 'dra bar las byed de/ da yang me dpal gyi nad de khrag mkhris dang ldan na ni khrag dbyung ba la mi ldan na ni
 mi dbyung ste/ me dpal de nyid khrag la brten pa yin pas lan mang du khrag dbyung bar 'os pa yin no/ /nad gzhi mang po 'dus pa'i me dpal la ni mar nyi tshe mi sbyin te/ gal te gtong na yang bkru sman dang sbyar la btang ngo/ /ci ste mar nyi tshe byin na ni khrag de nyid ska zhing
 tshos par byas te skyon du 'gyur ro/ /gso ba'i gnas las me dpal gso ba'i le'u bco brgyad pa rdzogs so// //de nas mdze nad gso ba'i le'u bshad par bya ste/ de la mdze nad thams cad la ni thog mar snum gyi btung ba nye bar spyad par bya'o/ /de la rlung las gyur pa'i
 mdze nad la ni rtsa ba bcu pa dang/ sle tres dang/ e raN+Ta dang/ sh+riM ga ta dang/ de rnams kyi phye ma mar ram til mar gang yang rung ba dang/ bskol ba 'thungs na phan no/ /pa to la dang/ nimpa dang/ pu tse shel dang/ skyer pa dang/ pa ta dang/ byi tsher ba dang/ skra lo dang/ khyi lce ba dang/ de rnams srang
 re re chu srang nyis brgya rtsa bcu drug dang/ bskol te brgyad cha lus pa'i nang du khyi lce ba dang/ gla sgang dang/ tik+ta dang/ dug mo yungs dang/ pi pi ling dang/ tsan dan dang/ de rnams zho gnyis gnyis dang/ mar srang bcu gnyis dang/ yang bskol la mar lus pa ni tik+ta'i sman mar zhes bya
 te de las ran par 'thung na mkhris pa dang/ mdze dang/ me dbal dang/ 'brum bu phra mo dang/ lus tsha ba dang/ skom dad che ba dang/ mgo 'khor ba dang/ g.ya' ba dang/ skya rbab kyi nad dang/ 'bras dang/ rma 'drams pa dang/ 'brum bu dang/ khong 'bras dang/ skran dang/ skem byed kyi nad dang/
 smyo byed dang/ myos pa dang/ snying nad dang/ rab rib dang/ ngos shig dang/ pho ba'i nad dang/ sha bkra dang/ mig ser dang/ mtshan bar rdol ba dang/ brjed byed dang/ bud med kyi zla mtshan gyi nad dang/ sbyar ba'i dug dang/ gzhang 'brum dang/ khrag mkhris rnams la
 phan te/ gzhan yang mkhris pa las gyur pa'i nad shin tu gso dka' ba yang 'byang bar byed do/ /lo ma bdun pa dang/ parpa ta dang/ dong ka dang/ pu tse shel dang/ shu dag dang/ 'bras bu gsum dang/ shug pa dang/ pa thA dang/ ser po rnam gnyis dang/ thal tres rnams dang/ pi pi
 ling dang/ nimpa dang/ tsan dan dang/ shing mngar dang/ bi sha la dang/ dug mo yungs dang/ sle tres dang/ tik+ta dang/ pu shel tsi dang/ ba sha ka dang/ murpa dang/ shing dang/ pa to la dang/ bong nga dkar po dang/ gla sgang dang/ khyi lce ba dang/ byi tsher ba dang/ de rnams kyi phye ma dang/ mar dang/ mar gyi brgyad
 'gyur gyi chu dang/ skyu ru ra'i khu ba mar gyi nyis 'gyur dang/ 'di rnams tshul bzhin bskol ba'i mar ni tik+ta chen po'i sman mar zhes bya ste/ phan yon gong ma bas kyang shas che ba bzang bar 'dod do/ /mdze nad bad kan las gyur pa la ni nim+ba dang/ lo ma bdun pa dang/ tsi tra ka dang/
 ru rta dang/ tsha ba gsum dang/ shing sA la bi la la dang/ dong ka dang/ 'di rnams mar dang tshul bzhin bskol ba blud do/ /mdze nad thams cad la ni ba la ta'i mar ram/ yungs kar gyi mar mchog tu bsngags te blud par bya'o/ /yang na bi dang ka dang/ a ru ra dang/ go bye rnams tshul bzhin
 bskol ba'i mar blud do/ /yang na dong ka ri rtsa ba mar dang lan brgya bskol ba'i mar blud cing seng ldeng gi chu bsten te 'thungs na/ mdze nad las myur du rgyal lo/ /gong du bstan pa'i mar gyi sbyor ba de dag gis bsku byug la sogs pa yang des bya'o/ /de ltar snum chos byas pa'i
 'og tu me dpal gyi nad la smos pa'i slon khrus kyi sman 'dir yang sbyar te slon khrus bya'o/ /de nas sman bas nad pa'i nyams stobs brtags te/ dpral ba dang lag pa dang rkang pa rnams las khrag dbyung bar bya ste/ de yang ji ltar gtar ka bya zhe na/ mdze nad shas chung ba la ni
 zhal zhal gyi khrag dbyung ba dang/ gzhan yang rba la sogs pas ji ltar khrag dbyung ba ni nad gzhi dang sbyar nas gtar ka'i le'u las bltas te bya'o/ /khrag phyung ba dang/ slon khrus byas pas khong pa stong pa la ni rlung 'joms pa'i sman dang sbyar ba'i snum rim gyis sten na lus 'jig
 par byed pa'i rlung zhi bar byed de mi 'jigs shing srung bar byed do/ /plak+Sha dang sle tres dang/ nimpa dang/ 'bras bu gsum dang/ pa to la dang/ kaN+Ta ka ri dang/ ka rany+dza dang/ 'di rnams chu dang tshul bzhin bskol ba'i nang du sman de nyid kyi phye ma dang/ mar dang yang bskol te mar lus pa ni rdo
 can zhes bya ba'i sman mar yin te de las ran par 'thungs na/ me dpal dang/ rims dang/ mig ser dang/ khrag lud pa dang/ mdze nad rnams 'joms so/ /yang na 'bras bu gsum dang tsha ba gsum dang/ kaN+Ta kA ri rnam gnyis dang/ pu tse shel dang/ dur byid dang/ dan+ta dang/ dong ka dang/ bong nga
 dkar po dang/ tsi tra ka dang/ pa thA dang/ de rnams zho gnyis gnyis zhib tu btags pa dang/ shu dag sh+ki ra'i 'o ma sar pa srang sum cu rtsa gnyis dang bskol te mar lus pa las/ ran par btung ba dang/ snum chos dang bkru sman du sbyar na/ mdze ma rungs pa dang/ sha zi gu dang/ mcher
 ba na ba dang/ rgyu rlugs dang/ rde'u 'gags ba dang/ skran dang de rnams gso dka' ba yang rdo rje chen po zhes bya ba'i sbyor ba 'dis zhi bar byed do/ /yang dan+ti srang brgya nyi shu rtsa brgyad chu srang lnga brgya rtsa bcu gnyis dang/ bskol te bzhi cha lus pa'i nang du mar srang sum cu rtsa gnyis dang
 ba marga zhes bya ba go shaSh+Ta ki'i phye ma srang gcig btab te ran par 'thungs na gong 'og gnyis kar dag par 'gyur ro/ /yang na ya brta ka zhes bya ba sA tya ba srang brgya chu srang lnga brgya rtsa bcu gnyis kyi nang du bskol te brgya drug cu rtsa bzhi lus pa'i nang du a brta ka'i phye ma dang/
 mar srang sum cu rtsa gnyis dang/ yang bskol la mar lus pa las ran par 'thungs na/ de yang zhag mi bza' bar zhag res bar bcad cing zos la sman de zhu ba'i tshod tsam na khre rgod kyi zas dang/ rtsa bas kyi rang skyur dang lhan cig zos na mdze dang/ sha bkra dang/ a ba pi rnams
 la phan te/ gzhan yang 'bras kyi phreng ba las rgyal ba 'dod pa dang/ bu mang po skye bar 'dod pa dang/ dran pa 'dzin par 'dod pa rnams kyis kyang bsten par bya'o/ /le li ka'i ba sa sbrang rtsi dang/ dzA ti'i khu ba dang ldan pa 'am/ yang na mar dang li li
 ta ka cha bsnyams pa 'am/ yang na seng ldeng dang/ a ba san bskol ba'i chu dzA ti'i khu ba dang ldan par 'thungs na mdze nad 'joms so/ /bza' ba ni 'bras dmar po la sogs pa dang/ nas dang gro dang ci rtse dang/ khre dang sran mung+ga dang/ sran chung dang/ tu ba ri dang tshod ma kha ba rnams dang/
 skam sa na gnas pa'i sha khu 'bras bu gsum dang/ pa to la dang/ seng ldeng dang/ nimpa dang/ go bye rnams sbyar ba sbyin no/ /btung bar ni chang sman 'thun pa dang sbyar ba 'am/ dar ba'i nang du so ma ra dzas btab pa blud do/ /bza' ba dang btung ba de dag kyang mi skyur ba dang/ mi tsha
 ba dang mi rno ba byin na mdze nad la phan no/ /gzhan du na zho dang 'o ma dang bu ram dang chu dang thun mong du gnas pa'i sha dang/ til dang/ mon sran rde'u rnams ni mdze na ba rnams kyis thag ring du spang bar bya'o/ /pa to la'i rtsa ba dang 'bras bu gsum dang/ bi sha la dang/ lnga po de
 dag re re yang ma sha bcu drug bcu drug dang/ khyi lce ba dang pu tse shel zho phyed phyed dang dong kra bzhi cha dang/ de rnams spyir srang gcig yod pa de btags la chu dang tshul bzhin bskol ba 'thungs na rlung la sogs pa'i nad gzhi sbyong bar byed do/ /sman de zhu ba'i tshod tsam na skam
 sa la gnas pa'i ri dags dang/ bya rnams kyi sha khu 'bras rnying ba'i char dang sbyar te zos na mdze nad thams cad dang/ skrang ba dang pho ba'i nad dang/ gcin sri ba dang ha lim ka zhes bya ba'i nad rnams la phan te/ zhag drug tu sbyor ba de ltar byas na snying dang chu sor zug pa dang/
 rims kyis mi bzad pa rnams kyang zhi bar byed do/ /bi da bka' i nang gi snying po dang/ skyu ru ra dang a ru ra dang/ de dag srang re re dang/ na ti srang gsum dang/ bu ram srang bcu gnyis dang/ 'di rnams ri lur byas te byin na mdze dang sha bkra dang/ dbugs mi bde ba dang lud
 pa dang/ gzhang 'brum dang gcin nad dang/ mcher pa na ba dang thor bu'i nad dang tshigs kyi steng na gnas pa'i 'brum bu'i nad dang/ skran rnams 'joms te sbyor ba 'di ni gnod sbyin nor bu bzang po zhes bya ba des nyan thos kyi dge slong gcig nad gyis srog 'dor du nye ba dang/ de'i
 don du sbyor ba 'di bshad pas/ ril bu 'di'i ming yang nor bu bzang po zhes grags pa yin no/ /tik+ta dang nim+ba dang 'bras bu gsum dang/ shug pa dang/ bong nga dkar po dang pi pi ling dang/ murba dang/ pa to la dang/ ser po rnam gnyis dang/ bu tse shel dang/ in+d+ra ba ru ni dang/ dug
 mo yungs dang/ shu dag dang 'di rnams cha bsnyams pa dang/ dan+ti dang/ de'i nyis 'gyur gyi dur byid dang/ de'i nyis 'gyur gyi bramha mi dang/ 'di rnams kyi phye ma mar dang sbrang rtsi dang lde gur byas pa ran par? zos mdze dang gcin nad dang/ rmongs bag tu 'dug pa rnams la phan pa'i mchog
 yin no/ /yang na 'bras bu gsum dang/ pi pi ling dang/ bi dang ka dang/ 'di rnams sbrang rtsi dang/ til mar dang/ mar dang lde gur byas pa 'am/ yang na ka ko u dum ba ra dang/ bi dang ga dang nim+ba dang/ gla sgang dang/ tsha ba gsum dang/ de rnams kyi phye ma briksha bskol ba'i khu ba'i nang du
 btab ste 'thungs na pags pa'i nad thams cad 'joms so/ /dug mo nyung dang/ tsi tra ka dang/ nimpa dang thang shing dang seng ldeng dang/ a sa na dang/ lo ma bdun pa dang/ 'di rnams bskol ba'i nang du mar dang/ a ru ra'i phye ma dang/ sbrang rtsi dang ldan par zos na mdze nad 'joms so/ /seng
 ldeng dang/ nimpa dang/ sle tres dang/ pa to la'i rtsa ba dang/ byi tsher ba dang 'di rnams bskol ba ni seng ldeng la sogs pa sman gyi sbyor ba drug ces bya ste/ ji ltar lha ma yin khyab 'jug gis bcom pa bzhin du/ mdze nad thams cad 'joms so/ /skyer ba dang/ nimpa dang/ seng ldeng dang/
 'di rnams kyi shun lpags bskol ba 'thungs na mdze nad sel to/ /yang na skyer pa 'bras bu gsum pa dang/ nimpa dang/ pa to la'i rtsa ba dang/ pu tse shel dang/ shu dag dang btsod dang 'di rnams bskol ba 'thungs na bad kan dang mkhris pa las gyur pa'i mdze nad gcod de/ dam pa'i
 chos yang dag par bsten pas 'khor ba'i 'ching ba gcod pa bzhin no/ /gong gis sman de dag ba mar dang bskol ba'i mar ni rlung las gyur pa'i mdze nad sel ba'i mchog yin te myur du rgyal bar byed do/ /de bzhin du seng ldeng dang/ nimpa dang/ skyer pa dang/ sle tres
 dang/ thang shing dang/ 'di rnams re re nas ba mar dang sbyor ba gong ma ltar byas na phan no/ /pa thA dang skyer ba dang/ tsi tra ka dang/ dan+ti dang/ dug mo nyung dang pu tse shel dang/ 'di rnams kyi phye ma ba gcin dang/ chu dron po gang yang rung ba las zla ba gcig gi bar du 'thungs na mdze'i nad
 dang/ gzhang 'brum dang gcin gyi nad dang/ skrang ba dang/ skya rbab dang/ ma zhu ba dang/ srin bu'i nad la phan no/ /rgya skyegs dang/ dan+ti dang/ murpa dang/ 'bras bu gsum dang/ tsi tra ka dang pa thA dang bi dang ga dang/ a pa marga dang tsha ba gsum dang/ skyer pa dang/ lo ma bdun pa dang/
 ba sha ka dang bcod dang/ nimpa dang/ thang shing dang rtsa ba lnga pa che chung dang/ 'di rnams kyi phye ma ba gcin dang sbyar ba zla ba gcig gi bar du btung zhing phan pa'i zas dang lhan cig bsten na/ mdze nad thams cad 'joms so/ /skyer pa dang/ pi pi ling dang/ dong gra dang bi dang ga
 dang to ba ri dang/ tsi tra ka dang/ ta sya dang/ 'di rnams yas kyi rims bzhin du cha res skyed pa'i phye ma ba gcin dang bcas pa 'thungs na/ mdze nad shin tu mi bzad pa rnams kyang 'joms so/ /tsha ba gsum dang/ 'bras bu gsum dang til dang/ go bye dang/ de rnams kyi phye ma mar
 dang sbrang rtsi dang khar dkar po dang/ sbyar ba'i ri lu ni tshwa ba gsum la sogs pa'i cha bdun pa'i ri lu zhes bya ste/ de las ran par zos na/ mdze nad las rgyal zhing bcud kyi len du 'gyur la/ bud med la nyal phod par 'gyur ro/ /so ma ra dza dang/ tsi tra ka dang/ skyer pa dang/ bi dang
 ga dang/ tu ba ra'i rus pa dang/ go bye dang 'bras bu gsum dang/ de rnams kyi phye ma bu ram dang ri lur bya ste rtag tu goms par byas na mdze nad thams cad sel to/ /bi dang ka dang/ go bye dang/ so ma ra dzA dang/ tsi tra ka dang/ ba ra hi dang/ a ru ra dang/ laM ga li dang/ pi pi ling
 dang/ til nag po dang/ 'di rnams kyi phye ma bu ram dang ri lur byas te zas na mdze nad 'joms so/ /so ma ra dzA dang/ bi dang ka'i snying po dang/ pi pi ling dang/ pi pi ling gi rtsa ba dang/ skyu ru ra dang/ de rnams kyi phye ma til mar dang lde gur byas te zos na mdze nad gso dka' ba yang 'joms so//
 yang na a ru ra dang/ go bye dang til mar dang de rnams kyi phye ma bu ram dang ri lur byas te zos na mdze nad las rgyal bar byed do/ /'dir bu ram dang/ sman gyi tshad ma smos pa rnams ni sman spyi'i nyis 'gyur gyi bu ram dang sbyor cig yang na go bye dang/ byi dang ga dang/ so ma ra dzA
 rnams kyi phye ma bu ram dang/ ri lur byas te zos na phan yon yang de dang 'dra'o/ /yang na bi dang ga dang/ seng ldeng dang/ brag zhun gyi phye ma las ran par zos na 'brum bu phra mo dang/ sha gzi gu dang/ shu ba rnams 'joms so/ /bi dang ga dang/ tsi tra ka dang/ skyu ru ra dang/ lcags kyi phye ma dang/ pi pi
 ling dang/ khar rnams btags pa'i phye ma til mar dang btags pa'i lde gu bldags na mdze nad gso dka' ba las rgyal bar byed do/ /gla sgang dang/ tsha ba gsum dang/ 'bras bu gsum dang/ btsod dang/ thang shing dang/ rtsa ba lnga pa rnam gnyis dang/ lo ma bdun pa dang/ nimpa dang/ shing tshwa
 dang/ bi sha la dang/ tsi tra ka dang/ mur ba rnams btags pa'i phye ma dang/ sman sna gcig gi dgu 'gyur gyi nas phye dang/ sbrang rtsi'i cha gcig dang/ mdze 'joms pa'i sman rnams bskol ba'i khu ba dang bskyos te rtag tu 'thungs na mdze nad zlog par byed do/ /de bzhin du 'or nad dang/ skya
 rbab kyi nad dang/ sha bkra dang/ pho ba'i nad dang/ gzhang 'brum dang/ rlig rlugs dang/ mtshan par rdol ba dang/ 'brum bu phra mo dang/ 'brum bu dang/ 'brum chen gyi nad 'joms so/ /tu bar zhes bya ba a ta ka'i rus pa dang/ go? bye dang/ so ma ra dza dang/ tsi tra ka'i rtsa ba dang/ 'di rnams re re yang
 bcud kyis len gyi sbyor ba bzhin du sbyar te bsten par bya'o/ /gong ma'i sman gyi sbyor ba gong du bstan pa de dag gis khong pa nang gi mdze nad dag ste/ pags pa'i phyi rol du byung ba la ni sman gyi byug pa phan te/ lus dri ma dang bcas pa la sman rnon po'i byug pas bskus pas mdze
 nang tshab cher thu bar snang ste/ mdze nad 'khor ling can dang gting zug pa dang/ sra ba rnams la ni 'brum bu'i thum bu la sogs pas dugs bya ste/ snyi zhing mthon por gyur ba dang/ mtshon gyis zhal zhal bya zhing phyi ste/ de'i 'og tu sman gyis byug pa bya'o/ /
 mdze nad gang lus kyi dbang po rnams nyams shing pag pa mtshon gyis zhal zhal byar mi rung ba de la ni dang po khrag phyung ste/ de'i 'og tu thal sman snon pos bsreg par bya'o/ /mdze nad sra ba dang/ rtsub pa dang/ bem bem por mi tshor bar 'dug pa dang/ yun ring du lon
 ba dang/ brtan pa rnams la ni mdze nad 'joms pa'i sman gyis byug pa dang btung bar blud do/ /de'i 'og tu dug 'joms pa'i sman dang dug sngags kyis btab pa bsres te sbyin no/ /mdze nad gang lus rengs shing gyong ba dang/ tshor bag med pa dang/ rdul mi 'byung ba dang/ shin tu
 g.ya' ba rnams la ni ba lang gi lci ba skam po dang/ rgya mtsho'i dbu ba 'am/ mtshon gang yang rung bas bzhar te/ de'i 'og tu sman gyis byug par bya'o/ /gla sgang dang/ 'bras bu gsum dang/ po son cha dang/ ka rany+dza dang/ dong ka dang/ dug mo yungs dang lo ma bdun pa dang/ ru sta dang/ bri
 yang ku dang/ skyer ba dang/ yungs kar dang/ 'di rnams tshul bzhin bskol ba ni yungs kar gyi sbyor ba zhes bya ste/ lus bkru ba dang/ byug pa dang/ des bzhar ba dang/ slon khrus kyang byas na/ pags pa'i nad dang/ mdze dang/ skrang ba dang/ skya rbab kyi nad rnams kyang 'joms so/ /ka ra ba ri dang/
 nim+ba dang/ dug mo yungs dang/ dong ka dang/ tsi tra ka dang/ 'di rnams kyi rtsa ba dang ba gcin dang lhan cig bskol te/ dril du btub pa tsam phyung ste/ de'i lde gus bskus na mdze nad 'joms so/ /kar bi ra dkar po'i rtsa ba dang/ dug mo nyung dang/ ka ranyza'i 'bras bu dang/ skyer pa'i shun pa
 su ma na'i lo ma dang/ 'di rnams kyi phye ma lde gur byas pas bskus na yang mdze nad 'joms pa kun gyis mngon sum du mthong zhing grags pa yin no/ /sh+ri sh+ri'i shun pa dang/ ras bal gyi me tog dang/ dong ka'i lo ma dang/ mon sran sne'u mi ru'i rtsa ba dang/ lo mar
 bcas pa dang/ 'di bzhi btags pa'i phye ma'i lde gus bskus na phan no/ /niba dang ser po rnam gnyis dang/ bye'u rug pa dang/ ba to la dang/ ru rta dang/ a shwa gand+ha dang/ thang zhing dang/ shi tru dang/ yungs kar dang+g.yer ma dang/ 'u su dang/ sla ba zhes bya ba ku Tan+naTa dang/ tsan+d+ra dang/ 'di rnams
 cha bsnyams pa'i phye ma dang ba dang btags te/ thog mar til mar gyis lus byugs la/ de nas lde gu dril ba byas na mdze nad g.ya' ba dang/ 'brum bu dang/ 'brum bu phra mo dang/ mdze dang skrang ba rnams zhi bar 'gyur ro/ /yang na gla sgang dang/ skyer khaN+Ta skam po dang/ skyer pa dang/ nag tshur
 dang/ gam pa lya dang/ ru rta dang/ seng phrom dang/ mu zi dang/ sra rtsi pog dang/ bi dang ga dang/ ldong ros dang/ ba bla dang/ ka ra bi ra'i shun ba dang/ 'di rnams phye mar byas la sngar til mar gyis sus bsgus pa'i steng du btab na/ shu ba dang/ g.yan pa dang/ 'brum bu sh+ra mo dang/ khyi rdo dang/
 rkang shu la sogs pa'i 'dus pa'i nad sel bar byed do/ /sh+ri khaN+Ta'i shing gi sdong bu'i nang du yung kar btags pa bcug ste/ rdza slang gi nang du me mi che ba la btsos la/ de las lde gur byas pas bskus na rkang shu sel bar byed do/ /ji ltar 'dod khams kyis zil gyis non pa
 dag ngo tsha spangs pa bzhin no/ /ldong ros dang/ ba bla dang/ na le sham dang/ de rnams til mar dang/ shing arka'i 'o ma dang/ sbyar ba bskus na/ mdze 'phrog par byed do/ /de bzhin du ka rany+dza dang/ tsakra banda dang/ ru rta dang/ de rnams ba gcin dang btags pa 'thungs na yang phan no/ /yang na
 gu gul dang/ na le sham dang/ bi dang ga dang/ yungs kar dang/ nag tshur dang/ gra tsi pog dang/ gla sgang dang/ ko nyon tshe'i thang dang/ bab la dang/ mu zi dang/ ldong ros dang/ ru rta dang/ kam pi lya dang/ ser po gnyis dang/ de rnams kyi phye ma tsakra mar da'i mar bsres pa'i lde gur byas la/
 thog mar mtshon gyis bzhar la/ de'i steng du bskus pa nyi ma la bzhag ste 'dug na/ mdze nad gtan du zhi bar byed do/ /yang na ne le sham dang/ shing ta la'i lo ma dang/ ru rta dang/ ldong ros dang/ ? tshur dang/ 'di rnams til mar dang sbyar ba zangs ma'i snod la zhag bdun bzhag ste
 des zhag bdun gyi bar du nyi ma tshab la bsku zhing bsten na sha bkra 'joms so/ /sha bkra sar pa la ni lus kyi phyi khrus mi bya bar slon khrus byas la de'i sbyar ba gong ma zla ba gcig bsten na phan no/ /a pa marga bsregs pa'i thal ba chu nang du bskyos te/ lan
 bdun btsags la pri yang ku'i mar dang sbyar la bskol bas lus bsku byug byas na sha bkra sel to/ /ka ka dzangka'i rtsa ba dang/ ra bal gyi 'dab ma dang/ la phug gi sa bon dang/ de rnams dar ba dang btags te sbyar ba/ gza' mig dmar la bab pa'i dus su bskus na/ sha
 bkra sel bar grags pa yin no/ /dzi ban+ti dang/ btsod dang/ skyer pa dang/ kam pi lya dang/ spangs ma dang/ de rnams cham chom brdungs te mar dang til mar dang/ mar gyi bzhi 'gyur gyi 'o ma dang bskol ba'i nang du sra rtsi pog dang/ pra tshil btags pa bskus na 'bras byer
 ba 'jig par 'gyur te/ de bzhin du pags pa gcig pa'i mdze dang/ 'brum bu phra mo'i mdze dang/ 'bras mi 'byor pa rnams kyang zhi bar byed do/ /lo ma bdun pa'i rtsa ba dang/ sh+ri sh+ri'i shun lpags dang/ a shwa ma ra dang/ a ra ka dang/ su ma na dang/ tsi tra ka dang/ thal
 tres dang/ bim+ba dang/ 'di rnams kyi shun lpags dang/ ka rany+dza'i 'bru dang/ yungs kar dang/ tsakra mar da dang/ 'bras bu gsum dang/ bi dang ga dang/ tsha ba gsum dang/ ser po rnam gnyis dang/ 'di rnams phye mar byas la til mar dang/ de'i bzhi 'gyur gyi ba gcin dang
 bskol te/ mar 'ba' zhig lus pa ni rdo rje can zhes bya ba rdo rje dang mnyam pa'i lde gu yin te/ de bas na bsku byug byas na/ pags pa'i nad thams cad dang/ rma 'drams pa dang/ rlung dang bad kan las gyur pa'i mdze nad sel to/ /e raN+Ta dang/ skyer khaN+Ta dang/ ga
 pur dang/ shing nim+ba dang/ ka tam pa dang/ ga bra'i rtsa ba dang/ kam pi lya dang/ bi dang ga dang/ in+d+ra ba ru ni dang/ nirgun+thi dang/ go bya dang/ thang shing dang/ khom bu dang/ shing ko nyon tse'i thang chu dang gu gul dang/ ldong ros dang/ lan tsha dang/ shing ta la dang/ bca' sga dang/ 'di
 rnams btags pa'i phye ma dang/ til mar bskol ba'i nang du snum ha k+Shi ra zhes bya ba sh+ri ri khaN+Da'i 'o ma dang/ a ra ka'i 'o ma dang cha mnyam pa dang lhan cig lde gur byas pa ni/ rdo rje chen po'i lde gu zhes bya ste/ des bskus na phan yon rdo rje can dang 'dra ste/ lhag par yang 'dis ni
 sha bkra dang/ 'bras kyi phreng ba dang/ gzhang 'brum rnams 'joms so/ /ru rta dang/ a shwa ma ra zhes bya ba te dzo ba ti dang/ su dak+Shi ra dang/ rgya tsha dang/ 'di rnams btags pa'i phye ma ba gcin dang til mar dang sbyar ba'i nang du cung zhig btab ste 'thungs na mdze nad las rgyal ba'i
 mchog yin no/ /yungs kar gyi mar pra tshil dang/ shak+tru? dang/ gu gul dang/ spangs ma dang/ skyer khaN+Ta dang/ 'di rnams bskol ba'i mar gyis bskus na mchan khung gi nad dang/ rkang shu rnams myur du zlog par byed do/ /rgya skyegs dang/ tsha ba gsum dang/ tsa kra marta dang/ ko nyon tse'i thang
 chu dang/ ru rta dang/ yungs kar dang/ la phug gi sa bon dang/ ser po rnam gnyis dang/ 'di rnams kyi phye ma dang dar ba dang sbyar ba'i lde gu bskus na/ shu ba thams cad la phan no/ /zhes drang srong rnams kyis gsungs so/ /tsa tra ka dang/ shi kru dang/ sbyar ba 'am/ yang na sle tres dang/ a pa
 marga dang/ thang shing zho ga chu dang sbyar ba 'am/ yang na seng ldeng dang/ shing d+ha ba 'am/ yang na dan+ti dang/ dra ban+ti 'am/ yang na rgya skyegs dang/ skyer khaN+Ta 'am/ yang na sug smel dang/ pu nan? ba 'am/ sbyor ba drug po de rnams las gang yang rung ba'i phye ma zho ga chu dang sbyar ba bskus na/
 rlung dang bad kan las gyur pa'i mdze nad sel to/ /dza la zhes bya ba bA lu ka dang/ b+ha bya zhes bya ba ru rta dang/ nA ga ge sar dang/ gand+ha pa tra dang/ tsan dan dang/ u shi ra dang/ de rnams gong ma'i cha res bskyed pa'i phye ma lde gur byas te bskus na/ bad kan dang/ mkhris pa las gyur pa'i
 mdze nad sel to/ /mdze nad lus tsha ba dang bcas pa la ni/ gong du smos pa'i tik+ta'i sman mar dang/ mar lan brgya bkrus pa dang/ til mar tsan dan dang/ shin mngar dang pra puN+Ta rI ga dang/ utpa la dang/ tshul bzhin bskol ba 'am/ 'di rnams gang yang rung bas bskus na phan no/ /
 gang gis lus 'drul zhing yan lag chad pa dang/ lus tsha ba dang/ 'brum bu byung ba dang bags pa myags pa dang bcas pa la ni bsil ba'i byug pa dang/ blugs pa dang/ gtar ka dang/ bkru sman dang tik+ta'i sman mar rnams byin na phan no/ /seng ldeng dang/
 ba sha ka dang/ nim+ba dang/ dug mo nyung dang/ 'bras bu gsum dang/ bi dang ga dang/ sle tres dang/ 'di rnams ba gcin dang sbyar bas nang dang phyi rol nas btung ba dang/ blugs pa la sogs pa byas na/ srin bu las gyur pa'i mdze nad 'joms so/ /de la rlung shas che ba'i mdze nad
 la ni thog mar sman mar bya'o/ /bad kan las gyur ba'i mdze nad la ni thog mar skyugs sman btang ngo/ /mkhris pa las gyur pa la ni/ dang po gtar gas khrag dbyung ba dang bkru sman rnams bya'o/ /de la mdze nad thams cad la khrag gi nyes pa med cing/ slon khrus kyis
 khong dag na ni/ gong du smos pa'i sku byug la sog pa'i sman byas na/ de ma thag par phan par 'gyur gyi khrag gi nyes pa dang bcas shing khong ma dag na ni de ltar ma yin no/ /de ltar khrag gi nyes pa yang med/ khong pa yang dag par byas gong du smos pa'i snum la sogs
 pa'i sman dus dang mthun par sbyar na/ mdze nad thams cad nges par zlog te gso sla'o/ /de la nad gzhi mang po 'dus pa'i mdze tshabs che ba la ni slon khrus la sogs pas khong pa yang dang yang du sbyang bar bya'o/ /de ltar sbyang ba byas bas nad pa nyams stobs chung
 zhing rlung gis nyams thag par gyur na/ srog myur du 'jig par 'gyur bas de bas na sman pas srog bsrung ba la 'bad do/ /de ltar gso ba thams cad kyi mdze nad gsos par gyur te/ phyis mi 'byung bar bya ba'i phyir lus kyi ro stod dag pa'i ched du zla ba phyed phyed cing
 glo sman bya'o/ /lus kyi rma dag par bya ba'i phyir zla ba re re zhing bkru sman bya'o/ /mgo bo dag par bya ba'i phyir zhag gsum gsum zhing mgo bo'i bkru sman bya'o/ /de bzhin du zla ba drug cing gtar ka bya ste khrag dbyung bar bya'o/ /gal te mdze nad las slon khrus ma
 legs shing khong dag par ma gyur na/ phyir nad gzhi cher 'khrugs te/ nad slar skye zhing gsor mi rung bar 'gyur bas de bas na mdze'i nad gzhi ma lus par rtsad bcad cing drungs dbyung bar bya'o/ /gso ba'i gnad las mdze nad gso ba'i le'u bcu dgu pa rdzogs so// //
 de nas sha bkra dang srin bu'i nad gso ba'i le'u bshad par bya ste/ de la sha bkra'i nad ni mdze nad pas kyang shin tu smad pa yin no/ /de bas na myur du gso ba'i cho ga 'bad dam byas na gsor mi rung bar 'gyur te me nyung du bas 'bar bas khyim tshig pa dang 'dra'o/ /de bas na khyad
 par du lus kyi sha bkra la thog mar slon khrus kyis lus dag par bya'o/ /sha bkra la ni sh+ri khaN+Da dang/ so ma ra dza bskol ba'i khu ba 'am/ yang na rang gi khu ba bu ram dang bcas pa blud nas/ de'i 'og tu nyams stobs ji lta ba bzhin du bsku byug bya la/ nyi ma la ji srid bzod kyi
 ba rdu bzhag par bya'o/ /sbyor ba de dag zhag gsum gyi bar du bsten la/ skom dang skyes par gyur na thug pa blud do/ /de ltar nyi ma la zhag gsum bzhag pas chu skyes pa la ni tshor mas brtol la gzag bar bya'o/ /de nas so ma ra dza dang/ a sa na dang/ pri yang ku dang/ su ti dang/ 'di rnams
 cho ga bzhin nang re nang re bzhin zla ba phyed kyi bar du btang ngo/ /yang rgya skyegs shing gi khu ba dang/ hwags dang sbyor ba'i chu gong ma ltar nyams stobs dang sbyar te btang ngo/ /shing pal gu dang skyu ru ra'i shing dang dug mo nyung gi shing gi shun pa btags pa so ma ra dza'i khu ba'i nang du btab
 pa 'thungs pa dang/ lus dro bar 'gyur te chu bur byung na tsha ba med pa'i zas dar ba dang lhan cig bza' o/ /yang na ba gcin gyi nang du tsi tra ka dang/ tsha ba gsum gyi phye ma dang sbrang rtsi dang sbyar ba snod snum can gyi nad du zla ba phyed kyi bar du bzhag la de las ran par btung ngo//
 gzhan yang btung ba la sogs pa'i bya ba thams cad mdze nad kyi cho ga ltar bya'o/ /yang na bri ga ra dza til mar dang brdos te/ lcags snod kyi nang du bcug pa bza' zhing a sa na'i sa bon 'o ma dang bskol ba 'thungs na sha bkra 'joms so/ /yang na b+hu d+hi ka rany+dza dang/
 dong ka dang arka dang/ sh+ri khaN+Ta'i shing dang/ dzA ti dang/ de rnams kyi shun pa btags pa ba gcin dang sbyar ba'i lde gus bskus na/ sha bkra dang gzhang 'brum dang/ shu ba dang/ g.yan pa dang/ 'brum bu dang/ rma 'drams pa rnams 'joms so/ /yang na tsi tra ka dang/
 glang po che'i pags pa bsregs pa'i thal ba til mar dang sbyar bas bskus na sha bkra sel ba'i mchog yin no/ /yang na sbur ba nag po'i sna dang dong ka'i 'o ma dang/ lde gur byas te bskus na/ de gcig pus kyang sha bkra 'jig par byed do/ /chu bur phyir dbyung ba'i phyir
 ba gcin dang nub gcig spangs te grib ma la bskams la de bzhin du lan gsum byas la/ de'i 'og tu zhib tu btags te sh+ri khaN+Ta'i 'o ma dang sbyar bas bskus na sha bkra 'joms so/ /sbrul nag po'i sha dza'u kha sbyar gyi nang du dud pa ma shor bar bsregs te/ snag
 tsha 'dra bar song ba'i thal ba ba ru ra'i mar dang sbyar bas bskus na yang sha bkra 'joms so/ /de bzhin du rma bya'i mkhris pa nyi tshe 'am/ yang na ba bla ka bsregs pa'i thal a rma bya'i mkhris pa dang bsres pas bskus na sha bkra sel to/ /so ma ra dza srang bzhi dang/
 ba bla srang gcig btags pa ba gcin dang sbyar ba bskus na yang sha bkra'i mdog bsgyur cing pags pa'i mdog tha mal par bskyed pa'i mchog yin no/ /glang po che'i rtug pa legs par bsregs te thal bar gyur pa dang glang po che'i gcin dang bskyos te
 btsags pa srang brgya rtsa bcu gnyis dang/ de'i bcu cha gcig gi so mar dza'i phye ma btab ste bskol la ska bar gyur pa dang/ sha bkra'i pags pa'i phyi rol bzhar ba'i steng du bskus na sha bkra 'joms so/ /mdor na mdze dang pags pa'i mdog nag
 po snag tsha 'dra ba dang/ thig le lta bu chags pa dang/ rma'i sha rnying pa phyir 'bur ba dang/ de rnams la thog mar bzhar la de'i 'og tu bsku byug byas na sha bkra la sogs pa 'joms so/ /go bye dang/ tsi tra/ /dang/ shing su dak+Shi ra dang/ arka'i rtsa ba dang/ 'ol
 ma saM? dang/ tsha ba gsum dang/ dung dang/ spangs ma dang/ lan tshwa rnam lnga dang/ thal ba rnam gnyis dang/ lang ga li dang/ 'di rnams btags pa'i phye ma su dak+Shi ra dang/ arka'i 'o ma dang bskol te ska bar gyur ba dang/ lcags snod kyi nang du bcug ste/ de las thur ma dang bskus
 na mdze dang/ sha bkra dang/ sme ba dang/ pags pa'i mdog snag tsha 'dra bar gyur ba dang/ gzhang 'brum dang/ pag pa'i sha mdzer dang/ 'di rnams 'joms par byed do/ /mdor na sha bkra yod pa'i nad pa la ni slon khrus kyis lus dag par bya ba dang/ gtar gas khrag dbyung ba
 dang/ /ba ba dang/ bska ba'i zas kyis lus rtsub pa dang/ phye'i zas rnams bsten to/ /gal te de dag sdig pa zas pa lta na sos pa srid kyi de lta ma yin na ni gso dka' o/ /de nas srin bu gso ba bshad do/ de la khong pa'i srin bu bad kan las gyur pa la ni thog mar snum btsos dang
 dugs byas la/ bu ram dang 'o ma dang sbyar ba btung ba 'am/ yang na nya sha la sogs pa bza' ste/ nub mo bde bar bsnyal la srin bu kun rang gi gnas las byung bas/ zas mngar bag can la 'du bar 'gyur ro/ /de'i 'og tu byi'u rug pa'i sde tshan ba gcin dang chu dang bskol
 ba de'i nang du pi pi ling dang/ bo son cha dang/ bi dang ga dang/ pra rtsi ka'i thal ba dang/ 'di rnams phye mar byas la til mar dang sbyar nas bkru sman drag po mas btang bar bya'o/ /de ltar ni ru ha mas btang ba'i rdzas las bkru sman btang bar bya ste/ tra bi ti dang/ po son cha dang/ pi pi
 ling dang/ 'di gsum gyi phye ma byi'u rug pa'i sde tshan bskol ba'i nang du btab la blud do/ /khor ba'i nang dag par bya'o/ /de ltar slon khrus byas pa'i rjes la tsha ba lnga btab pa'i 'bras thug sbyin par bya'o/ /de nas sman tsha ba dang/ ba ba bskal ba'i chus lus la blugs par bya'o//
 slon khrus kyis lus dag par byas nas/ bi dang ka'i mar gyi 'jam rtsi mas btang bar bya'o/ /mgo bo'i srin bu la ni mgo khrus kyi sman du bshad pa btang bar bya'o/ /bza' ba ni shin tu tsha ba dang/ kha ba dang snum cung zad dang bcas pa sbyin no/ /de nas dar ba las gzhi blangs pa'i
 thug pa'i steng du/ bi dang ga dang/ pi pi ling dang/ na le sham dang/ pi pi ling gi rtsa ba dang/ na le sham dkar po dang/ sra tsi ka'i thal ba rnams kyi phye mas btab pa blud par bya'o/ /yang na sh+riM sha ka dang/ ki ni hi dang/ pa ri pra ta ka dang/ ke b+hu ka dang/
 ba la sha ri sa bon dang/ mardzu ra dang/ pu ti ka dang/ 'di rnams gang yang rung ba bskol ba'i khu ba'i nang du sbrang rtsi dang sbyar ba blud do/ /yang na bye'u rug pa'i sde tshan las sman gang yang rung ba sbrang rtsi dang sbyar ba'i sde gu ldag par bya'o/ /yang na bye'u rug pa'i sde tshan dang/ tri
 bi rtsa'i phye ma dang bi dang ga dang chu dang bskol ba'i nang du btab pa blud do/ /srin bu can la gong gi sde tshan gyi sman dang/ tri bi rtsa'i phye ma sbrang rtsi dang sbyar ba bldag pa 'am/ yang na 'bras bu gsum gyi khu ba'i nang du bye'u rug pa'i sde tshan dang/ tri bi ta btags pa'i
 phye mas btab pa blud do/ /mgo bo'i srin bu la ni rta rtug btsir ba'i khu ba dang/ bye'u rug pa'i sde tshan las sman gang yang rung ba dang/ tri bi ta'i phye mas btab pa'i lde gus bsku bar bya'o/ /gzhan yang srin bu'i nang kun la dra ban+ti'i ge sar legs par btags
 la bag phye dang bsres la btsos pa'i snum khur bza' bar bya'o/ /de nas 'bras kyi skyur po 'am tshwa blud do/ /yang na tsha ba lnga dang/ lan tshwa btab pa'i dar ba ming sla tsam sbyin no/ /yang na sman a ba marga dang/ ni rgun tha'i lo ma btags la bag phye dang bsres la
 btsos pa'i snum khur bza' o/ /btung ba ni gong ma dang 'dra yang na bi dang ka'i phye ma dang/ bag phye bsres pa'i snum khur bza' o/ /yang na bi dang ga shun pa bor ba'i nang gi 'bru btags la/ ba la ka'i mar dang cha bsnyams te bsres la phyed ni kha nas btung/ phyed
 'jam rtsi thabs su mas btang la nyi ma tsha ba la 'der gzhug go /yang na sar la dang/ thang shing gi mar cha bsnyams la bsregs te gong ma'i cho ga bzhin bya'o/ /bshad pa 'am mi gcing ba'i nang du skyes pa'i srin bu la ni khrus dang 'jam rtsi btang ba la 'dar ba
 ba med do/ /nges par btang bar bya'o/ /bad kan las gyur pa'i srin bu la ni mgo bkrus pa'i sman dang smon dang khong du zhi ba'i sman btang ngo/ /khrag las gyur pa'i srin bu la ni mdze nad gso ba'i cho ga ltar bya'o/ /khrag las gyur pa'i srin bu dang/ skra rtsa za bar byed pa'i srin bu ni
 in+d+ra pupta? zhes bya ba mgo gso ba'i cho ga 'og nas 'byung ba bzhin gso'o/ /rnag las skyes pa'i srin bu la ni rma 'drams pa'i dpyad 'og nas 'byung ba bzhin bya'o/ /srin bu yod pa rnams kyis kha zas 'di dag spang bar bya ste/ 'o ma dang/ sha dang mar dang/ bu ram dang
 zho dang/ rdo rngad kyi tshod ma dang/ 'di rnams mi bza' ste/ mdor na mngar ba dang/ skyur ba rnams spang bar bya'o/ /gso ba'i gnas las sha bkra dang srin bu'i nang gso ba'i le'u nyi shu pa rdzogs so// //de nas rlung nad gso ba'i le'u bshad par bya'o/ /de la rlung nad 'ba' zhig
 bad kan dang/ mkhris pa ma 'dres pa la ni tshil dang/ mar dang/ rkang dang/ til mar te bzhi po de dag las btung ba la sogs pa'i snum btsos sbyar ro/ /de nas rlung nad can gyi nad pa de khong snum gyis zhen par gyur nas bar der mngal bsos la de'i 'og tu snum chen
 po bzhi 'o ma dang lhan cig sbyar te snum btsos su bya ba dang/ de bzhin du grong dang thang dang/ chu la gnas pa'i srog chags kyi sha khu gang yang rung ba snum chen po bzhi dang sbyar ba btang ba dang/ gzhan yang 'bras kyi 'o thug dang/ kri sa ra skyur dang/ lan tsha dang ldan par btung
 zhing de'i 'og tu snum dang ldan pa'i 'jam rtsi mas btang ngo/ /sna sman dang skyo ma dang/ kha zas rnams kyang snum dang sbyar ba sbyin no/ /de ltar khong snum gyis zhen par gyur na/ snum chen po bzhi btang zhing gding ba'i dugs la sogs pa yan lag brgyad pa bsdus pa
 las 'byung ba rnams 'dir sbyar ro/ rlung nad kyis lus yang yang por gyur pa dang/ rengs pa dang/ nad dang bcas shing zug pa la yang snum dang bcas pa'i dugs byas na ji ltar 'dod pa bzhin du lus kyi bya ba nus par 'gyur te/ ji ltar shing skam po yang dugs dang
 snum la sogs pa'i cho ga byas na/ cing gar mnga' la sogs pa byar yod na/ lus can rnams la smos kyang ci dgos/ de ltar dugs byas pa'i yon tan ni ba spu langs pa dang/ na ba dang zug gzer che ba dang/ rtsol ba mang ba dang/ lus skem pa
 dang/ rengs pa la sogs pa myur du zhi bar 'gyur zhing lus sha mnyen par 'gyur/ rlung na ba'i nad pa la snum bcos sbyar ba'i yon tan ni/ dangs ma la sogs pa'i lus zungs rnams myur du 'phel zhing lus kyi nyams stobs dang/ me'i drod 'phel
 zhing 'tsho ba yang yun ring du gnas par byed do/ /de ltar rlung nad can gyi skyes bu la lan cig ma yin par phogs mang du snum bcos dang dugs yang dang yang byas na/ khong snum zhing 'jam par 'gyur te/ rlung nad gnas par mi 'gyur ro/ /gal te snum
 la sogs pa gong ma'i sbyor ba de dag gis ma zhin ni nges par nad gzhan dang 'dres pa yin te/ de nas bkru sman 'jam po snum dang bcas pa btang te/ de yang seng phrom dang/ sa ta la gang yang rung ba mar dang bskol ba blud pa 'am/ yang na e raN+Ta'i mar
 'o ma dang bskol ba blud na/ nad 'phrog cing zhi bar 'gyur ro/ /snum pa dang/ skyur ba dang/ dro ba dang/ lan tsha la sogs pas dri ma gsogs zhing rtsa rgyun 'gags te/ rlung tshul bzhin mi 'byung ba la ni bkru sman btang na/ rlung lugs bzhin 'byung ngo/ /skyes bu
 rlung nad can nyams stobs chung zhing bkru sman btang bar mi 'os pa la ni drod skyed pa dang/ smin pa'i zas dang bcas pa'i ni ru hams btang ba 'am/ yang na drod skyed pa dang/ smin pa'i sman dang/ zas lhan cig btang ngo/ /de ltar slon khrus byas pa'i 'og
 tu me drod tshabs cher skyes par gyur pa la yang snum bcos dang dugs bya'o/ /skyugs sman byas pa'i 'og tu thug pa la sogs pa'i rim pa ma byas par kha zas ran par zos pas pho ba'i nang du rlung zhugs pa la ni mdze nad kyi skabs su bshad pa'i sman
 drug pa'i phye ma 'am/ yang na shu dag gi sde tshan gyi phye ma gang yang rung ba chu dro 'jam tsam dang sbyar ba blud do/ /thug pa la sogs pa'i rim pa byas pas me drod shas cher skyes pa la ni rlung nad nyi tshe'i cho ga bzhin bya'o/ /lte ba'i phyogs su rlung zhugs pa la ni bilpa gzhon
 nu dang/ nya sh+ra g.yos su byas pa sbyin no/ /lte ba'i 'og tu khu ba'i gnas su rlung zhugs pa la ni/ 'jam rtsi'i las byas na rab tu bsngags so/ /yang na dang po mar ram til mar 'thungs la/ de'i 'og tu zas zos na phan no/ /khong pa'i nang du rlung zhugs pa la ni thal sman dang
 phye ma la sogs pa drod skyed cing smin par byed pa'i sman bsten na phan no/ /snying gi nang du rlung zhugs pa la ni sa la par ni 'o ma dang sbyar ba blud do/ /mgo bo'i nang du rlung zhugs pa la ni sna nas sman na ra btang ngo/ /de bzhin du snum dang bcas pa'i sna sman dang/ dud pa
 rdug pa la sogs pa bya'o/ /rna ba la sogs pa gzhan rnams la rlung zhugs na yang so so dang mthun pa'i sman sbyar na phan no/ /rlung nad pags pa la bsten pa la ni dugs dang bsku byug dang rlung med pa'i gnas su 'dug pa dang/ zas yi gar 'ong ba bsten na phan no//
 rlung nad khrag la gnas pa la ni bsil ba'i byug pa byug pa dang/ bkru sman khrag dbyung ba rnams byas na phan no/ /rlung sha dang tshil la bsten pa la ni bkru sman byas na phan te/ de bzhin du ni ru ha dang zhi ba'i sman rnams byas na phan no/ /rlung rus pa dang rkang la gnas pa
 la ni phyi nang gnyi ga la snum bcos byas na rgyal bar byed do/ /rlung khu chu la gnas pa la ni sen sa dga' bar bya ba dang/ nyams stobs skyed cis bu chu 'phel bar bya ba'i zas bsten na phan no/ /rlung gi kha chu 'gags nye 'byung du ma ster ba lta na ni bkru sman byin na phan
 te/ de'i 'og tu bza' ba la sogs pa'i rim pa gong du smos pa ltar byas na phan no/ /rlung khu chu la gnas par gyur na khu tsha yang sha skem par 'gyur ro/ /de sha skem pa'i bu la ni kha ra dkar po dang/ tam pa la dang/ shing mngar rnams 'o ma dang sbyar ba blud na sha skye
 bar 'gyur ro/ /rlung rgyus pa dang tshigs dang rtsa rnams su zhugs pa la ni snum pa dang tsha ba'i sman bsten pa dang/ chu lums kyi dugs bya'o/ /rlung gis yan lag 'khums pa la ni mon sran gre'u dang rgya tsha til mar dang sbyar bas bskus na
 phan no/ /khrag phyung bas lus skyes te bem bem por gyur cing tshor ba med pa la ni/ khyim gyi dud pa dang/ lan tsha dang/ til mar dang sbyar bas bskus na phan no/ /tshor ba dang bcas pa yin na ni chu lums kyis dugs bya'o/ /a pa ta na rang dbang can zhes bya
 ba'i rlung nad yod de/ de'i mtshan nyid ni mig 'gul mi shes bskyod mi nus shing 'dod pa'i rtsol ba mi shes la khu chu mi 'byung ba rnams yin te/ de la ni myur du gso bor bya ste/ thogs mar dugs dang snum bcos byas la/ de'i 'og tu mgo khrus kyis sna
 sman rnon po btang ngo/ /de nas bi da ri'i sde tshan bskol ba dang/ zho dang 'o ma dang sha khu dang mar cha bsnyams te bskol la mar lus te 'dug pa blud do/ /de nas thug pa rkyang rkyang po la sogs pa rim gyis byin na rlung gis khyab par 'gyur te/ de ma thag phan no/ /
 rgya sran dang/ nas dang/ rgya shug dang rlung 'joms pa'i sman thang shing gi sde tshan la sogs pa dang skam gsher gnyis ka na gnas pa'i sha dang lhan cig bskol te bzhi cha lus pa'i nang du rang skyur dang/ 'o ma dang mngar ba'i sde tshan gyi phye ma dang/ nu ma chen
 po bzhi bcug ste bskol la snum lus pa dang/ de las blugs pa dang bsku byug dang lus gzhug pa dang bza' ba dang btung ba dang/ rnar blugs pa dang 'dzam rtsi la sogs pa byas na/ rlung nad 'joms par byed do/ /de dag la sogs pa snum bcos dang
 dugs kyi cho ga'i nang nas 'byung ba'i rlung la phan pa rnams 'dir sbyar ro/ /de la a pa ta ra ka zhes bya ba rlung nad kyis nyams thag pa'i skyes bu la ni mgo khrus kyi sna sman lan mang du yang dang yang du bya ste/ de yang bad kan sel cing rno ba'i sman gyis
 spu gu nas 'bud pa 'am/ yang na sman gyi phur ma sna sgo nas btsir zhing blugs na/ rlung legs par spubs su rgyu zhing de bzhin du 'du shes rnyed par 'gyur ro/ /kha ru tsha dang/ a ru ra dang tsha ba gsum mar dang bskol te byin na rlung shas che ba la phan no/ /yang seng phrom
 dang 'bras bu gsum srang brgyad dang/ rtsa ba chen po lnga srang sum cu rtsa gnyis dang/ e raN+Ta dang/ bri hi da dang/ du rbid srang re re dang/ chu srang lnga brgya rtsa bcu gnyis dang bskol te/ bzhi cha lus pa'i nang du no srang brgya nyi shu rtsa brgyad dang/ nas tshig 'khus pa'i thal ba dang/ bilpa
 srang sum cu rtsa gnyis dang yang bskol te/ mar 'ba' zhig lus pa las ran par bsten na/ rlung nad ma rungs pa dang/ yan lag thams cad la gnas pa dang/ mo mtshan gyi nad dang/ rgyu rlugs kyi nad dang sgran dang/ dmu rdzing rnams sel bar byed do/ /gong du gseng phrom
 gyi cho ga ji lta ba bzhin du ram mya ka dang/ a sho ka yang bkru sman gyi don 'dir sbyar ro/ /gso ba de dag ni rlung nad a pa na ta ka gzhan dbang can nyi tshe la sbyor ba yin no/ /a pa tan ka zhes pa'i rlung nad bad kan dang ma zhu ba dang mkhris pa dang 'dres pa yin na yang gso ba de
 ltar bya ste/ de yang rlung de bad kan dang bcas shing snying dang rtsib logs na bar gyur pa la ni g.yer ma dang/ a ru ra dang/ shing kun dang/ ma nu dang/ lan tsha rnam gsum brtags pa'i phye ma nas bskol ba'i khu ba dang sbyar ba btung ba 'am yang na shing kun dang bca' sga kha ru
 tsha dang/ se'u 'bru dang/ star bu dang/ 'di rnams kyi phye ma nas bskol ba'i khu ba dang/ sbyar ba 'thungs na phan no/ /bad kan dang rlung 'joms pa'i gso ba snying nad kyi skabs su bshad pa 'dir sbyar na rab tu bsngags so/ /da rgan? zhes bya ba'i rlung nad lus nang du gug pa dang/ phyir dgye ba
 rnam gnyis yod de/ de la ni glang po gzhog phyed na ba'i gso ba ji lta ba bzhin du bya ste/ de bzhin du shing sgrom bu ram gyis bkang ste/ lus bcing bar bya'o/ /da rgan gyi rlung nad mang du zhugs pa ni gso dka' / gzhu ltar rengs pa'i da rgan zhes bya ba'i nad yod de de'i mtshan nyid ni so so'i
 mdog 'gyur zhing gdong dang yan lag rnams zhig pa dang dran pa nyams pa dang rdul rtag tu 'byung ba yin te/ de ni zhag bcu las mi 'tsho ste/ gzhan du na shugs zhan cing 'tsho ba lta na yang lus gzhu ltar rgu ba dang/ glen pa dang 'thang ba dang/ lag pa zha ba
 dang/ gzhogs phyed na ba dang/ 'phye bo dang/ dbang po ma tshang ba la sogs pa rnams su 'gyur ro/ /'bram pa rang gi gnas nas nyams pa zhes bya ba'i rlung nad yod de/ de la ni snum bcos dang dugs bya ste/ de'i 'og tu snum sman pa mkhas pas gzhug par bya'o/ /kosko phyir 'byung ba 'am
 nang du zhugs par gyur na yang de bzhin du chud par gzhug go /rlung nad kyis lce ldib ste smra mi nus pa la ni rlung nad kyi gso ba byas pa bzhin du bya'o/ /rlung nad klad pa gzhogs phyed na ba la ni mgo til mar gyis bsku zhing rna ba dang mig brta bar bya'o/ /klad pa gzhogs phyer skrang ba
 yin na ni skyug sman btang ngo/ /tsha ba che zhing dmar la nyams stobs yod na ni gtar kas khrag dbyung ngo/ /rlung gzhogs phyed na ba zhes bya ba'i nad yod de/ de la ni thog mar snum chos bya ste snum dang ldan pa'i bkru sman bya'o/ /dpung ba 'jam pa zhes bya ba'i rlung nad la ni sna sman btang
 zhing ma zhu ba med pa yin na zas kyi khong du snum bag sbyin no/ /brla rengs par byed pa zhes bya ba'i rlung nad la ni/ snum tshos dang/ slon khrus dang lus dag par bya ba'i cho ga mi phan te/ phal cher bad kan dang tshil dang ma zhu ba las gyur pa yin te/ de la ni rtsub pa dang ldan pa'i tshogs
 bad kan zad par bya ste/ de yang bza' ba ni nas dang/ khre yang khre rgod rnams bsngags so/ /tshod ma ni lan tsha dang 'bru mar nyung zad bcas pa 'am/ yang na srog chags thang las skyes pa'i sha khu mar dang mi ldan pa'i tshod ma'ang mi'i zas dang lhan cig zos na rab tu bsngags so/ /rlung nad
 brla rengs pa zhes bya ba phyug po'i nad la ni dug mo yungs kyi sde tshan nas/ shu dag gi sde tshan gang yang rung ba bskol ba lan tsha dang bcas pa dro 'jam tsam nyi tshe blung pa 'am/ yang na mdze nad kyi skabs su bshad pa'i sman drug pa'i phye mas btab pa blud do/ /yang na 'dras bu gsum
 dang dbyi mo dang/ bu tse shel dang/ pi pi ling dang/ 'di rnams kyi phye ma sbrang rtsi dang sbyar ba'i lde gu 'am/ yang na dbyi mo dang/ a ru ra dang/ tsi tra ka dang/ thang shing btags pa'i phye ma sbrang rtsi dang sbyar ba bldag par bya'o/ /a ru ra dang/ gu gul dang khrag zhun gang yang rung ba ba gcin dang
 sbyar ba btung bar bstan to/ /tsha ba gsum dang tsi tra ka dang/ gla sgang dang/ 'bras bu gsum dang/ bi dang ga dang/ dgu po de dang spyi dang mnyam pa'i gu gul rnams lhan cig btags pa'i phye ma zos na/ brla rengs pa'i nod tshil dang bad kan ma zhu ba las gyur pa dang/ rlung thams cad las
 rgyal bar byed do/ /gong du smos pa'i sbyor ba de dag gis bad kan dang tshil du bcas pa'i rlung nad thams cad zhi bar byed pa yin no/ /brla rengs pa'i nad la ni/ thal sman ba gcin dang sbyar bas dugs dang blugs pa dang dril ba rnams bya'o/ /bad kan pags pa'i phyir byung ba la ni/ yungs
 kar dang ka rany+dza'i 'bras bu ba gcin dang sbyar bas bskus na phan no/ /arka dang/ agni man+tha dang/ nim+ba dang/ de rnams kyi rtsa ba dang/ thang shing dang/ yungs kar dang/ bong ba bsregs pa dang/ grog mo'i sa phur dang/ 'di rnams kyi phye ma sbrang rtsi dang sbyar ba'i lde gus bskus na phan no/ /brla?
 rengs ba'i nad kyis btab pa'i nad pa des bad kan zad par bya ba'i phyir lus kyi rtsol ba dang ngal ba'i las bstan to/ /de bzhin du thang la mchong ba dang/ ci nus kyi bud med la nyal po bsten par bya'o/ /de bzhin du mtsho mi g.yo ba la bde bar 'jug pa dang/ chu bo rgyun las zlog ste rgal du
 gzhug go /de ltar sbyor ba de dag gis bad kan dang tshil zad par byas pa'i 'og tu/ rlung la phan pa'i sman snum la sogs pa sbyar bar bya'o/ rlung nad lhag ma krita la sogs pa rkang pa yan chad la gnas pa la yang nyams stobs dang/ dus kyi bye brag dang/ gang na yod pa btags
 te/ gong du smos pa'i gso ba bzhin du bya'o/ /sa ha ra tsa dang/ thang shing dang/ dong kre dang/ de rnams kyi phye mar byas pa til mar dang sbyar ba 'thungs na/ rlung gis lus gzir te 'gro mi nus pa yang de ma thag thogs pa med par 'gro nus par 'gyur ro/ /ra sna dang/ dong kre dang/ tsi tra ka
 dang/ pi pi ling dang/ zur ba dang/ ma nu dang/ 'di rnams btags pa'i phye ma mar dang sbyar ba 'thungs na rlung nang 'doms pa'i mchog yin no/ /nimpa dang/ sle tres dang/ ba sha ka dang/ pa to la dang/ kaN+Ta ka ri 'di rnams srang bcu bcu chu srang lnga brgya rtsa
 bcu gnyis dang bskol te/ khu ba brgyad cha lus pa'i nang du mar srang sum cu rtsa gnyis dang/ pa tha dang/ bi dang ga dang/ thang shing dang/ ha sti pi pi ling dang/ dong kra dang/ skyer pa dang/ shu ti dang/ dbyi mo dang/ ru rta dang/ te dzo ba ti dang/ na le sham dang/ dug mo nyung dang/ tingmu sa dang/
 kru trug tres dang/ pu tse shel dang/ go bye dang/ shu dag dang/ pi pi ling gi rtsa ba dang/ btsod dang/ bong nga dkar po dang/ bong nga ser po dang/ la la pud dang/ sman 'di rnams zho gnyis dang/ yungs ma'i sa bon phub ma dang/ phral ba srang lnga dang/ 'di rnams btags pa'i
 phye ma btab te/ yang bskol la mar 'ba' zhig lus pa las ran par 'thungs na/ rlung nang chen po rus tshigs dang rkang rnams su zhugs pa yang zlog par byed de/ de bzhin du mdze nad rus pa dang/ rkang rnams su zhugs pa la yang phan no/ /gzhan yang rma'i spubs 'drams pa
 dang lba ba dang/ mtshan bar rdol ba dang/ 'bras kyi phreng ba dang/ nang tshod yan chad kyi nad thams cad dang/ skran dang/ gzhang 'brum dang/ gcin nad dang/ gcong chen po dang/ dbugs mi bde ba dang/ yi ga 'chus pa dang/ sna chu 'dzag pa dang/ lud pa dang/ skrangs pa dang/ snying nad
 dang/ skya rbab dang/ myos pa dang/ khong 'bras dang/ rlung nad dang/ khrag nad rnams sel to/ /rlung mgar zhugs pa la ni bilba gzhon nu dang/ 'o ma bskol ba'i khu ba mar gyi snying khu dang yang bskol ba'i mar las srang phyed tsam snar blugs na phan no/ /yang na bil ba gzhon nu dang/
 'o ma bskol ba'i khu ba'i nang du chu srin nag kra dang/ nya dang rus sbal dang/ 'ug pa dang/ de rnams gang yang rung ba'i zhag dang yang bskol la/ zhag lus pa las srang phyed ngam srang cig snar blugs na/ khyad par du rlung nye tshe sel bar byed do/ /til gyi tshigs ma rnying ba dang rtsa ba
 chen po lnga so sor bskol la/ de nas gcig tu bsres pa'i nang du 'bru mar dang/ de'i brgyad 'gyur gyi 'o ma dang yang bskol te/ mar 'ba' zhig lus pa las ran par 'thungs na/ khyad par du rlung nad dang/ bad kan dang bcas pa 'joms so/ /sman bras ra ri srang brgya bskol ba'i khu ba'i nang du
 mar srang sum cu rtsa gnyis dang/ 'o ma de dang mnyam pa dang me d+ha rnam gnyis dang/ sha ta puShpra dang/ btsod dang/ ru rta dang/ rwa sna dang tsan dan dmar po dang/ dzi ba ka dang/ zangs rtsi ba dang/ ram nye ba rnam gnyis dang/ thang shing dang/ sman 'di rnams btags pa'i phye ma btab ste yang bskol te
 mar lus pa las ran par 'thungs na rlung nad thams cad 'jig par byed do/ /sa ha tsa ra'i tsa ba dang/ yal ga dang bcas pa srang brgyad dang/ de dang mnyam pa'i rtsa ba bcu pa dang/ nye'u shing srang lnga bcu tham pa dang/ chu srang nyis stong bzhi bcu rtsa brgyad bskol te/ bzhi cha srang lnga brgya rtsa bcu gnyis
 lus pa'i nang du dbyi mo dang/ chu srin sen mo dang/ ru rta dang/ tsan dan dang/ sug smel dang/ gur kum dang/ pri yaM ku dang/ na li ka dang ba li ka dang/ rdo dreg dang/ btsod dang/ spang spos dang/ a ka ru dang/ thang shing dang/ tsan+d+ra dang/ sha ti dang/ du ru ka dang/ rgya spos dang/ 'di rnams srang re re btags
 pa'i phye ma dang/ gong gi sman khu dang mnyams pa'i ra'i 'o ma dang/ til mar de dang mnyam pa rnams lhan cig bskol te/ mar 'ba' zhig lus pa las ran par 'thungs na rlung nad gso ba yang 'jig par byed de/ gzhan yang rlung gis 'dar ba dang/ sha 'gul ba dang/ lus rengs pa dang/ skem
 byed la sogs pa dang bcas pa'i rlung nad dang/ skran dang/ smyo byed dang/ cham pas btab pa dang/ mo mtshan gyi nad rnams 'joms par byed do/ /ha sa tsar srang brgya bskol ba'i khu ba'i nang du til mar srang brgya nyi shu rtsa brgyad dang/ 'o ma til mar gyi bzhi 'gyur dang/ sa ha tsa ra'i rtsa ba srang bcu'i phye
 ma dang/ yang na sa ha tsar med na rgya spos dang/ shu dag dang/ sa la par ni dang/ ru rta dang/ thang shing dang/ sug smel dang/ rdo dreg dang/ spang spos dang/ shu ti dang/ tsan dan dmar po dang 'di rnams srang re re'i phye ma btab ste bskol ba'i nang du sha kha ra srang bco brgyad bcug pa ni drang srong
 gzings can gyi sman mar zhes bya ste/ de las ran par 'thungs na rlung nad gso dka' ba dang/ rlung nad khong du 'khyil ba dang/ smyo byed dang/ skran dang/ rlig rlugs las rgyal bar byed do/ /ba bla srang brgya dang/ sle tres srang nyi shu rtsa lnga dang/ ra sna srang
 phyed dang bcu gsum chu srang khri nyis stong brgyad brgya dang bskol te/ brgya cha gcig srang brgya nyi shu rtsa brgyad lus pa'i nang du zho dang/ zho ga chu dang/ bu ram shing gi khu ba dang/ tshwa dang til mar dang de rnams srang re re yang srang brgya nyi shu rtsa brgyad brgyad dang/ ra'i 'o ma srang
 drug cu rtsa bzhi dang/ zur pa dkar po dang/ ko nyen che dang/ skyer ba dang/ sug smel dang/ btsod dang/ a ga ru dang/ tsan dan dang/ shug pa dang/ a ti ba la dang gla sgang dang/ mung+ga'i lo ma dang/ ha re nu ga dang/ shing mngar dang/ bye'u rug pa dang/ bya khran kha zhes bya ba rgya mtsho
 nas byung ba'i chu srin sen mo dang/ zangs rtsi ba dang/ dzi ba ka dang/ rgya skyegs shing dang/ bo la dang gla rtsi dang/ na li ka/ zhes bya ba ka po ta tsa ra na dang/ dza ti pa ta dang/ b+hugsug? wa dang/ gur kum dang/ rdo dreg dang/ dza ti pha la dang/ katpa la dang/ ba la dang shing tshwa dang/
 pog dkar po dang/ ga phur dang/ tu rus ka dang/ shi ni ba sa ka dang/ li shi dang/ chu srin sen mo dang/ ka ko la dang/ ru rta dang/ spang spos dang/ pri yang ku dang/ sto ni ya dang/ rgya spos dang/ bya ma ka dang/ shu dag dang/ dman gan dang/ sla ba zhes bya ba gu tran+na Ta dang/
 nA ga ge sar dang/ 'di rnams srang re re btags la btab ste yang bskol la phyir byung ste tshig ma bor ba'i nang du gnad pa tra btags pa'i phye ma btab ste cho ga bzhin sbyar te sbyin na/ lud pa dang/ dbugs mi bde ba dang/ rims dang/ brgyal ba dang skyug pa
 dang/ skran dang/ zad byed dang/ glo 'drams pa dang/ mcher ba na ba dang/ skem byed dang/ brjed byed dang/ bkra mi shis pa rnams 'jig par byed de/ 'di ni ba la'i til mar bzang po zhes bya ba yin te/ rlung nad 'joms par byed do/ /gong du bstan pa'i
 sman? mar de dag gis btung ba dang/ sna sman dang/ bsku byug rnams dus su legs par snum tshos byas na/ rlung nad ma rungs pa rnams myur du zhi bar byed cing bud med bu med pa yang bu skyed par byed do/ /gang gi tshe bad kan dang mkhris pa smin pa'i gnas na
 'dug pa las gang gi snum bcos dang/ dugs la sogs pa byas pas cung zhig snyi ba 'am sla bar gyur pa lta na yang 'jam rtsis zhi bar bya'o/ /gso ba'i gnas la rlung nad gso ba'i le'u ste nyi shu rtsa gcig pa rdzogs so// //de nas
 dreg nad gso ba'i le'u bshad par bya ste/ de la dregs nad can gyi nad pas thog mar snum bcos byas la rlung bsrung zhing khrag nyung ngu nyung ngu dbyung ngo/ /gzhan du na nad gzhi'i stobs dang/ nyams stobs che chung brtags te lan mang du dbyung ngo/ /de la dreg
 nad na zhing mdog dmar ba la ni/ srin bu pad+mas khrag dbyung ngo/ /dreg nad can gyi lus bem bem por song zhing lus g.ya' ba dang/ na zhing tsha ba che ba la ni/ rwa dang sku bas khrag dbyung bar bya'o/ /phyogs kun du gnas 'pho zhing na pa la ni rtsa nas khrag gtar
 ba dang/ zhal zhal thabs su khrag dbyung bar bya'o/ /phyogs kun du gnas 'pho zhing na ba la ni rtsa nas khrag gtar ba dang/ lus na zhing rlung shas che ste lus rtsub pa la ni khrag dbyung du mi rung ngo/ /gal te de lta bu la gtar ka byas na/ khrag zad de rlung
 'khrugs nas zab tu skrang ba dang/ lus rengs pa dang/ 'dar bu dang/ chu ba dang rtsa rnams la nad 'byung zhing lus dri ma dang bcas la nad gzhan rnams kyang 'byung bar 'gyur ro/ /de la thog mar snum chos bya ste de'i 'og tu snum dang ldan pa'i khrus bya'o//
 rlung shas che ba'i dreg nad la ni mar snying ba btang ngo/ /sra ba zhes bya ba shing sha ra ka dang/ k+Shir ka ko la dang/ pa yassya dang/ dzi ba ka dang/ zangs rtsi ba dang/ 'di rnams cha bsnyams te btags pa'i phye ma mar dang/ 'o ma dang lhan cig bskol te/ de las ran
 par 'thungs na dreg nad thams cad 'joms so/ /rgun 'brum dang ma du ka bskol pa'i khu ba'i nang du mar dang/ kha ra dkar pos btab ste bskol ba'i mar btung ba 'am/ de bzhin du 'o ma dang sle tres kyi khu ba'i nang du mar dang
 sha kha ras btab ste bskol ba'i mar yang btung ngo/ /yang na til mar dang/ li kha ras bsres pa blud do/ /ba la dang nye'u shing dang rwa sna dang/ ba lu dang rtsa ba bcu pa dang/ dur byid dang/ e raN+Ta dang de rnams 'o ma dang tshul bzhin bskol ba blud na/
 rlung gis nyam thag pa 'joms so/ /yang na 'o ma bzhos ma thag pa dron po ba gcin dang bsres pa blud na nad gzhi'i lugs bzhin 'byung bar 'gyur ro/ /mkhris pa shas che ba'i dreg nad la ni nye'u shing dang/ pu tse shel dang/ pa to la'i rtsa ba dang/
 'bras bu gsum dang/ sle tres dang 'di rnams sam yang na sman kha ba dang mngar ba rnams dang 'di rnams gang yang rung ba mar ram 'o ma gang 'byor pa dang bskol ba 'thungs na phan no/ /dreg nad gzhi shas che ba la ni 'o ma dang e raN+Ta sbyar ba'i
 bkru sman btang ngo/ /de zhu ba'i tshod tsam na 'bras dang 'o ma lhan cig bza' o/ /yang na a ru ra bskol te mar dang brngos pa btung ngo/ /yang na tri bin gyi phye ma rgun chu 'am lo ma gang yang rung ba dang sbyar ba blud do/ /yang na dreg nad can gyi nad pa
 la ni 'o ma'i 'jam rtsi mar dang/ bcas pa btang ste dri ma sbyang bar bya'o/ /gang gi phyir dreg nad la ni 'dram rtsi mas btang ba las lhag pa med de khyad par du gzhang dang rtsib logs dang/ rus tshigs dang dmu rdzing gis nyam thag pa rnams la
 phan no/ /bad kan shas che ba'i dreg nad la ni gla sgang dang/ rgun 'brum dang/ skyer ba dang/ 'di rnams bskol ba'i khu ba sbrang rtsi dang sbyar ba 'am/ yang na 'bras bu gsum bskol ba'i khu ba 'am/ yang na sle tres bskol ba'i khu ba sbrang rtsi dang
 sbyar ba blud na phan no/ /bad kan gyi dreg nad can la ni thog mar ji ltar 'os par snum chos byas la skyug sman btang ste/ de'i 'og tu 'jam chos dang rtsub chos gang rigs par bya'o/ /'bras bu gsum dang tshwa ba gsum dang pa to la dang/ shing tsha dang/ cu gang
 dang tsi tra ka dang shu dag dang/ pi dang ga dang/ pi pi ling gi rtsa ba dang/ spang spos dang/ ba sha ka'i shun lpags dang ri d+hi dang/ lang gi la dang/ dbyi mo dang/ 'di rnams cha bsnyams pa'i phye ma dang lde gur byas te lcags snod kyi nang du bcug la nub gcig
 bzhag ste/ phye de nyi ma phyed tsam na de las ran par zos na dreg nad nad gzhi gsum las gyur pa dang/ zug gzer shin tu tshabs che ba la phan no/ /ko ki la k+Sha zhes bya ba bskol ba'i khu ba btud zhing de nyid kyi tshod ma dang lhan cig zas zos na dreg nad
 'jil bar byed de/ ji ltar snying rje la goms pas khro ba sel ba bzhin no/ /rtsa ba chen po lnga dang/ skyu ru ra'i khu ba le li ta ka'i zhag dang lhan cig 'thung zhing tshangs par spyod na/ lus la dreg nad gting zug pa las rgyal bar byed do/ /gong du bstan
 pa de dag ni nad gi gso ba bstan pa yin la/ de ni phyi rol gyi dreg gi gso ba bshad par bya ste/ de yang skyur tshabs brgya nyi shu rtsa brgyad dang/ til mar dang/ de'i bzhi cha'i sra rtsi pog dang chu mang du bskol te de las ran par 'thungs na rims dang
 tshwa bas nyam thag pa rnams 'jig par byed pa'i mchog yin no/ /yang na til mar btsong dang sbra tshil dang bcas pa gong bur byas pa 'am/ sra rtsi bog dang thal tres dang til mar gong bur byas pas lus la bskus na dreg nad 'joms so/ /rtsa ba bcu
 pa dang/ 'o ma lhan cig bskol ba 'am/ yang na mar dang chu dron po lhan cig sbyar te blugs pa byas na rlung shas che ba'i dreg nad de ma thag 'joms par byed do/ /lus rengs pa dang brkyang bskum byed 'dod pa dang na bas nyam thag pa la ni snum
 bzhi po sman mngar ba dang sbyar te blugs pa byas na phan no/ /lus tshan ni grang mo'i rgyun blugs so/ /ba'i 'o ma dang lug gi 'o ma dang ra'i 'o ma til dang bsres pa 'am/ yang na 'tsho byed sde bcu bskol ba 'am/ rtsa ba chung ngu  
 lnga bskol ba'i blugs pa yang rab tu phan no/ /blugs pa'i ched du rgun chu dang/ bu ram shing gi khu ba dang/ chang dang/ zho kha chu dang tsab mo skyur po dang/ 'bras bkrus pa'i chu dang/ sbrang rtsi'i chu dang/ sha kha ra'i chu 'di gang yang rung ba blugs na
 dreg nad tsha ba che ba la bsngags so/ /bud med snying du sdug cing snyan par smra ba lag pa dang nu ma tsan dan gyi lde gus bskus pas thang sbyar na lus tsha zhing na ba dang dub ba sel te bsil zhing bde bar 'gyur ro/ /dreg mdog dmar nad dang bcas la tsha
 ba dang ldan pa la mkhrig phyung la lde gus bskus te de yang bra puN+Ta rI ka dang/ btsod dang/ shing mngar dang/ skyer ba dang/ tsan dan dang kha ra dkar po dang/ e na ka'i phye ma dang/ sran chud dang/ pu shel tsi dang/ shug pa dang 'di rnams kyi lde gus
 bskus na tsha zhing na ba dang/ shu ba mched pa dang skrangs ba rnams zlog par byed do/ /kri sa ra ti la dang/ mung+ga la sogs pa las byas pa rlung 'joms pa'i sman dang lhan cig bsgrubs pa'i snum gyis glan na zug gzer 'joms so/ /de bzhin du mur
 ga dang/ 'o ma rlung la phan pa'i sman dang snum du sbyar ngas bsku ba 'am/ yang na til dang yungs kar snum dang bcas pa'i zan gyis glan na yang zug gzer 'joms so/ /srog chags chu las skyes pa dang/ mthu rtsal gyis gzas tshol ba'i sha
 dang/ chu 'gram na gnas pa'i sha zhib mor gtubs pa lan tsha dang legs par sbyar ba 'tsho byed sde bcu'i sman dang snum dang bcas pas/ bla na byas na rengs pa dang/ zug cing na ba dang/ skrangs pa dang bya myong dang yan lag 'khums
 pa rnams myur du 'joms so/ 'tsho byed sde bcu'i sman 'o ma dang zhag dang btsos te bskus na phan yon de dang 'dra'o/ /yang na sa ha tsa ra'i rtsa ba dang/ dzi ban+ti dang mar dang ra'i 'o ma dang/ lde gus glan pa 'am/ de bzhin du til 'o mas bran te bskams la
 bsngos mas btags pa'i 'o ma dang sbyar ba'i lde gus bsku ba 'am/ yang na zar ma btags te 'o ma dang sbyar ba 'am/ yang na nye'u shing gi phye ma 'o ma dang sbyar ba 'am sbyor ba de dag gang yang rung bas glan na/ rlung shas che zhing zug gzer dang bcas
 pa 'joms so/ /yang na ba gcin dang thal sman dang chang dang mar rnams bskol bas byug pa byas na/ zug gzer dang bcas pa sel to/ /mar rgun tsha dang lhan cig bskol bas blugs pa dang bsku byug byas na bad kan shas che ba'i dreg la phan no/ /khyim
 gyi dud pa dang/ ru rta dang/ nye'u shing dang/ ser po rnam gnyis dang de rnams kyi bsku ba sbyar na rlung dang bad kan shas che ba sel to/ shing kru dmar po'i sa bon btags pa'i phye ma 'bras kyi rang skyur dang ldan pa'i lde gus yang yang bsku zhing tshwa la
 sogs pas blugs pa byas na rlung dang bad kan shas che ba'i dreg nad la phan no/ /rtogs par sla ba'i dreg nad la ni byug pa dang bsku ba dang blugs pa dang chu nang du 'dug pa rnams la sbyar bar bya la rtogs par dka' ba'i dreg nad la ni bkru
 sman drag po dang snum gyi btung ba rnams sbyar ro/ /rlung dang bad kan shas che ba'i dreg nang la ni byug pa dron po btang ngo/ /gal te grang mo byas na ni lus tsha ba dang/ skrang ba dang/ na pa dang/ g.ya' ba dang rangs par 'gyur ro/ /khrag dang mkhris pa shas che
 ba'i dreg nad la mi byug pa la sogs pa bsil bar bya ste/ gal te dro ba byas na ni skem byed dang/ mdog dmar ba dang rdul 'byung bas lus gas par 'gyur ro/ /shing mngar srang brgya tshul bzhin bskol te bzhi cha lus pa dang/ de'i nang du til mar
 srang brgya nyi shu rtsa brgyad dang/ til mar dang mnyam pa'i 'o ma dang bsres pa'i nang du sti ra dang/ bca' ba'i 'bras bu dang/ murba dang/ pa yassya dang nye'u shing dang/ a ka ru dang/ tsan dan dang/ hansa pa ti dang/ spang
 spos dang/ me d+ha rnam gnyis dang/ sle tres dang/ ram nye ba rnam gnyis dang/ 'tsho byed dang/ dzi ba ka dang/ zangs rtsi ba dang/ shing tshe dang/ gand+ha pa tra dang/ chu srin sen mo dang/ ba la ka dang/ pra puN+Ta rI ka dang/ btsod dang/ thal tres dang/ in+d+ra
 ba du? ni dang/ pi tun+na ka dang/ 'di rnams srang re re btags pa'i phye ma btab ste bskol la mar 'ba' zhig lus pa las sbyor ba rnam pa bzhi po btung ba dang snar blugs pa dang/ bsku byug dang 'jam rtsi mas btang ba rnams byas na/
 mkhris pa dang cha ba dang rims kyis nyam thag pa la phan no/ /yang na sman bskol ba'i khu ba'i nang du ba bla'i phye ma dang til mar dang de dang mnyam pa'i 'o ma dang/ yang bskol la/ de bzhin du til mar de 'o ma dang lan brgya stong gi bar du
 bskol te/ de las ran par 'thungs na dreg dang rlung zhi bar byed de/ khyad par du bcud kyi len gyi mchog tu 'gyur zhing dbang po rnams gsal bar byed de/ tshe dang lus 'phel zhing rgyas pa dang/ skad snyan pa dang/ khu chu dang/ khrag gi nad rnams
 'joms par byed do/ /rlung 'khrugs shing tshil dang bad kan lhag par skyes pas rtsa'i nang du rgyur mi ster te 'gags na thog mar snum pa sten cing nyams brta ba'i cho ga mi bsngags so/ /de la ni dang po brla rengs pa'i cho gar bshad pa rnams
 bya ste/ de'i 'og tu sman snum dang ldan par sbyar ro/ /ji ltar khrag gi skyon med par 'gyur ba'i bya ba'i cho ga thams cad bya'o/ /de la srog ces bya ba'i rlung la sogs pa rnam lnga 'khrugs par snang na/ ma nor bar rlung nang gso ba'i skabs su bshad
 pa'i gso ba'i rim pa dang/ rlung lnga po re re gang 'khrugs pa brtags te de nyid kyi stobs che chung las gso bar bya ba'o/ /rlung nad ma zhi ba dang bcas pa la ni thog mar dugs dang/ smyung ba dang smin par bya ba dang/ rtsub pa'i sman dang byug pa dang/ blugs pa la
 sogs pa ma zhu ba med par byas la de'i 'og tu rlung nyi tsa'i gso ba bya'o/ /skem byed dang/ bya rmyang dang rkang lag 'khums pa dang/ rengs pa dang/ tshor ba med pa dang/ 'dar bu dang/ 'gram pa'i tshigs byer ba dang/ kha yo ba dang/ 'theng ba dang/ zha ba dang/ dreg nad dang/
 tshigs 'khrul pa dang/ gzhogs phyed na ba dang/ gzhan yang tshil dang/ rkang dang/ rus pa'i nang du zhugs pa'i nang 'di rnams tshabs cher na ba yin pas yun mi ring na ni 'bad pa dang bcas pas gsor rung ste/ de bas na nad gsar zhing nad pa nyams stobs
 dang ldan pa zhig na/ myur du gso bar bya'o/ /rlung nad mkhris pa dang bcas pa yin na ni res kyis dro ba dang grang ba'i gso ba lan mang du bya'o/ /yang 'tsho byed sde bcu dang mar bskol ba blud do/ /rlung nad mkhris pa dang ldan pa la ni srog chags thang las skyes
 pa'i sha dang/ nas dang/ 'bras sA lu'i zan byin te/ 'o ma dang ldan pa'i bkru sman 'jam po yang btang ngo/ /rtsa ba chen po lnga dang ba la bskol ba 'o ma dang ldan pa'i 'jam rtsi mas btang ngo/ /til mar sman mngar ba dang sbyar ba'i 'jam rtsi dus su btang na ban
 no/ /yang na shing mngar dang til mar ram/ yang na mar 'o ma 'am yang na rtsa ba lnga ba bskol ba'i khu ba 'am/ yang na chu grang mo dang de rnams gang yang rung bas blugs pa byas na/ mkhris pa dang ldan pa'i rlung nad la phan no/ /bad kan dang ldan
 pa'i rlung nad la ni nas kyi zan dang/ skam sa na gnas pa'i ri dags dang/ bya'i sha dang/ dugs dang/ bkru sman drag po rnon po dang/ slon khrus kyang phan te/ mar snying pa dang/ til dang/ yungs kar gyi 'bru mar rnams sbyar na phan no/ /rlung bad kan
 dang mkhris par ldan pa la ni dang po mkhris pa gso zhing de nas bad kan rim gyis gso'o/ /rlung dang khrag 'dres pa la ni/ dreg nad kyi gso ba ji skad bshad pa rnams bya'o/ /rlung shas rgyas pa dang bcas pa la ni dugs
 dang bsku byug dang/ sha khu dang/ 'o ma dang snum rnams sbyor ba bzhin byas na phan no/ /rlung nad brla rengs pa dang bcas pa la ni gcin nad dang/ tshil rgyas ba dang/ rlung nad kyi gso ba rnams 'dir sbyar ro/ /rlung nad rus pa dang/ rkang la gnas pa la
 ni snum chen po rnams sbyar ro/ /rlung khu chu la gnas pa la ni gong du bshad pa'i cho ga byas na phan no/ /rlung pho ba'i nang du byung ba la ni zas 'ju bar byed pa dang/ me drod skyed pa'i sman dang skyugs sman dang/ kha zas yang ba tshod zin par byas na phan no//
 rlung gcin gyi gnas su byung ba la ni gcin 'phel ba'i sman dang dugs dang/ pho mtshan nas sman mas btang na phan no/ /rlung bshang ba la gnas pa la ni e raN+Ta'i mar phan te/ de bzhin du snum dang ldan pa'i bkru sman dang 'jam rtsi phan no/ /lus
 zungs kun tu rlung gis khyab pa la ni bad kan dang rlung mi 'khrug cing rlung dang rjes su mthun pa'i sman myur du byas na phan no/ /yang de la ni gang thur du 'khru bar mi 'gyur ba dang snum pa dang/ rtsa rgyun dag pa'i sman dang de dag gang yang rung ba bza' 
 btung kun la sbyar ro/ /phal cher lgang pa nas sman mas btang ste/ de yang mngar ba dang/ snum pa'i 'jam rtsi mas btang ngo/ /de nas lus kyi nyams stobs brtags te/ stobs dang ldan pa yin na ni bkru sman 'jam po btang ngo/ /de bzhin du bcud
 kyis len gyi sbyor ba ji snyed pa byas na yang rab tu bsngags te khyad par du brag zhun dang/ 'o ma'i sbyor ba dang/ de bzhin du gu gul nyi tse dang b+harga pas bshad pa'i tshangs pa'i bcud kyis len zhes bya ba'i nang du kha ra dkar po srang stong tshig brgya dang
 sbyar ba'i lde gu yang rab tu phan no/ /gzhang kha'i nang du thung du sel ba zhes bya ba'i rlung yod de/ de nad gzhi gang yang rung ba dang 'brel cing na ba la ni me drod skyed pa dang/ phyi sa ska bar 'gyur ba dang/ rlung bde bar 'byung bar bya zhing gcin spyad pa'i phyir yang
 sbyor ba de dag bya'o/ /de dag ni rlung dang ldan pa'i nad kyi gso ba mdor bstan pa yin te/ srog ces bya ba'i rlung la sogs pa rlung rnam pa lnga po yang sman pas gang dag ldan pa brtags te/ so so'i gso ba bzhin du bya'o/ /de la stong du rgyu ba'i rlung ni sman
 pas stong du drang zhing gso'o/ /thur du sel ba'i rlung ni smad du drang zhing gso'o/ /me dang mnyam du gnas pa'i rlung ni mnyam pa nyid du gso zhing bzhag go /khyab byed kyi rlung nad ni gsum ka'i sbyor ba bya'o/ /bzhi po de dag pas kyang srag ces bya ba'i
 rlung khyad par du bsrung bar bya ste/ rlung de gnas na lus gnas pa'i phyir ro/ /de ltar nad gzhi de dag rang gi gnas spangs te lam gzhan du zhugs par gyur na/ de las slan te so so'i gnas su bzhag te gso'o/ /rlung nad khrag mkhris dang ldan pa ma gtogs
 pa lhag ma'i nad gzhi gang dang ldan yang bcud kyis len gyi cho ga bzhin du sgog pa bsten na phan no/ /stong du rgyu ba'i rlung la sogs pa mkhris par ldan pa yin na ni thog mar mkhris pa gsos la de'i 'og tu rlung gso bar bya'o/ /de bzhin du khrag dang
 ldan pa yin na ya thog mar khrag dang dreg nad kyi gso ba bya zhing/ de'i 'og tu rlung gso'o/ /khrag mkhris dang rlung 'dres pa'i nad la yang bcud kyis len gyi cho ga sna tshogs brtags te 'dir sbyar ro/ /nad gzhi ji lta ba bzhin du gso ba yang
 ma nor bar bstan pa yin te/ tshe'i rig khyed kyi 'bras bu ni gso ba'i gnas yin te/ nad rnams kyi nyam thag pa 'phral du 'jig par byed pa yin no/ /de lta bas na 'di ni gso ba zhes kyang bya/ phan pa zhes kyang bya/ sbyor ba zhes kyang bya/ sman pa
 zhes kyang bya/ sman zhes kyang bya/ zhi bar byed pa zhes kyang bya/ bsngags pa zhes kyang bya ste/ de dag ni ming gi rnam grangs yin no/ /gso ba'i gnas las dreg nad gso ba'i le'u nyi shu rtsa gnyis pa ste tha ma rdzogs so// //
 sman pa'i bdag pho seng ge spas pa zhes bya ba'i bu/ sman pa chen po pha gol zhes bya bas/ yan lag brgyad pa'i snying po mdzad pa las/ gso ba'i gnas zhes bya ba le'u nyi shu rtsa gnyis pa rdzogs te/ yan lag brgyad pa'i snying po gnas
 bzhi pa'o// //sman dpyad yan lag brgyad pa'i snying po las cho ga grub pa rnam pa drug ces bya ba cho ga grub pa'i gnas lnga pa brjod par bya ste/ de la gso ba'i gnas de yang cho ga grub pa la bltos dgos pa yin pas gso
 pa'i 'og tu cho ga'i gnas bshad par rigs so/ /de la thog mar skyug sman btang ba'i cho ga bshad par bya ste/ de yang drang srong chen po rgyun shes kyi bu la sogs pas bshad pa na re/ de la bo son cha dang dur byid gnyis ni slon dang khrus kyis
 nad thams cad la phan pa'i mchog yin te/ nad kyi bye brag re re la/ bzang ba dzi mu la sogs pa gzhan ni yod na thams cad la khyab par bsngags pa ni/ de gnyis las lhag pa med do/ /de la skyug sman btang ba'i dus ni/ dpyid dang
 sos ka'i mtshams kyi zla ba dang/ tshes grangs dang/ nyi ma shis pa la btang ngo/ /de la skyug sman po son cha btang ba ni bo son cha'i 'bras bu/ ha cang mdog ser po yang ma yin zhing skya bor song ba ni smin pa'i tshad yin te/ de blangs la
 phyis nas rtswa ku sha las snod du byas pa'i nang du bcug ste the gus bcings nas ba lang gi lci bas phyi rol nas byug ste/ de nas 'bru'i phung po'i nang du zhag brgyad kyi bar du bzhag ste/ de yang gu shas dkris pa'i yon tan ni/ 'jam
 zhing ma bar? la dri zhim bar 'gyur ro/ /de ltar zhag brgyad lon pa dang phyung la nyi ma la bskams pa dang/ pi pi ling yang de ltar byas te bskams la/ til gyi tshigs ma btags pa'i phye ma zho dang mar dang/ sbrang rtsi dang sbyar bas bskus te de bskams
 pa dang khum pa'i nang du bcug ste ji tsam na dgos pa'i dus su sbyar ro/ /de nas bo son cha dang pi pi ling gi sbyor ba de mthe bong nang du bcug pa'i chang pa gang tsam phye mar byas la shing mngar dang/ ko bi da ra dang/ karbu da ra zhes bya ba sle rma ta ka dang/ bimpa
 dang nimpa dang/ lcang ma dang/ sha na pushishu? zhes bya ba dang/ sa da puShpa zhes bya ba arka dang/ a pa marga dang/ 'di rnams gang yang rung ba zhig cham chom brdungs te/ nub gcig spangs la bskol ba'i khu ba snyim pa gang gi nang du btab ste bskol la
 blud do/ /mdo'i gnas su bstan pa'i cho ga bzhin du legs par skyug du gzhug go /khyad par du bad kan gyi rims cham pas btab pa dang/ skan dang khong 'bras rnams la skyug sman bya ste mkhris pa byung na bcad do/ /pi pi ling dang/ po son cha bskol
 ba'i khu ba 'am/ yang na ko bi da ra'i khu ba gang yang rung ba'i nang du pi pi ling dang/ po son cha'i phye ma'i sbyor ba dang/ phye ma de'i sum cha'i 'bras bu gsum gyi phye ma btab ste blud na rims dang/ yi ga 'chus pa dang/ lba ba dang/ thor bu dang/ 'brum
 chen dang/ dmu rdzing rnams la phan no/ /gal te mkhris pa bad kan gyi gnas su zhugs pa la ni/ dzi mu ta dang/ ko shata ki rnams gnyis dang/ dug mo nyung dang/ 'di rnams gang yang rung ba zhig bskol ba'i khu ba'i nang du gong gi po son cha dang/ pi pi
 ling gi sbyor ba'i phye ma btab ste blud do/ /snying tsha ba khrag mkhris rgyas pa la ni/ pi pi ling brgya 'o ma dang bskol ba'i nang du po son cha'i sbyor ba btab ste blud do/ /yang na po son cha'i sbyor ba gong ma'i phye ma 'o ma dang bskol te zhor gyur pa dang/
 de'i zho 'am zho'i spris ma 'thungs na bad kan las gyur pa'i skyugs pa dang/ cham pas btab pa dang/ mun thibs zhes byed pa la phan no/ /lus skem zhing me drod kyis nyam theg pa la ni po son cha dang/ de ba ta li dang/
 ko sha da ki dang/ dug mo nyung dang/ khu ba kha bo dang/ 'di rnams 'o ma tshul bzhin bskol ba'i nang du gong du smos pa'i sman gyi phye ma dang/ bo son cha dang/ pi pi ling gi sbyor ba'i phye ma btab ste/ 'o ma dang yang bskol la/ de las byung ba'i mar
 blud do/ /yang na pi pi ling dang/ po son cha'i 'bras bu'i khu ba go bye'i/ go cha bzhin du bya ste/ lde gu skya ba la dril du btub pa tsam gyi tshod byin la/ bde bar skyug du gzhug go /yang na lde gu de nyid bza' ba dang bza' ba'i nang du btab ste/ bza' 
 ba 'am/ yang na gong gi pi pi ling dang/ po son cha'i sbyor ba bskol ba dang lhan cig btang ngo/ /yang na po son cha dang/ pi pi ling dang/ nimpa dang/ arka ka dang/ de dag gang yang rung ba bskol ba'i nang du dug go nyung gi bde tshan btags pa'i phye
 ma btab ste/ blud na nyams brta drags pa las gyur pa'i nad gting zug pa yang zhi bar byed do/ /byis pa gzhon nu bad kan dang mkhris pa yod cing skyugs sman btang mi bzed pa la ni thog mar 'drangs par byas nas/ de'i 'og tu po son
 cha'i me tog gam 'bras bu gang yang rung ba legs par btags la me tog kyi phreng ba la phye mas bsgos te sna sgor mnams na bde bar skyug par 'gyur ro/ /yang na thug pa 'am sha khu 'am/ kri sar la sogs pa'i nang du po son cha'i phye
 mas btab ste blud na yang skyugs par 'gyur ro/ /yang na dzi mu ta la sogs pa'i gong du smos pa'i sman drug po yang po son cha'i sbyor ba bzhin du byas la khyad par du dzi mu ta'i sbyor bas ni rims dang/ dbugs mi bde ba dang lud pa dang/
 skyigs bu la sogs pa nad la yang sbyar ro/ /yang na dzi mu ta'i me tog gam med na 'bras bu 'am/ yang na 'bras bu spu dang bcas pa 'am/ de dag gang rnyed kyang rung ste 'o ma dang bskol ba dang sbyar la skyugs sman gyi don du btang ba 'am/ yang na dzi mu ta'i 'bras bu ma smon
 pa dang zho'i spris ma sbyar la sbyin na skyug par 'gyur ro/ /yang na dzi mu ta'i 'bras bu ser skyar song ba'i phye ma 'o mar bskol la zho skyur por gyur pa la btab na skyug par 'gyur ro/ /as pa'i chang gi dangs ma'i nang du dzi mu ta'i rtsa ba mnyes te blud do/ /dzi mu ta'i sbyor
 ba de dag gi bad kan dang/ yi ga 'chus pa dang/ lud pa lu ba dang/ skya rbab dang/ gcong chen po rnams la sbyor ba 'di btang na phan no/ /sku ba dang ko sha ta ki rnam gnyis dang sbyor ba gong ma bzhin 'o ma dang me tog dang 'bras bu'i cho ga ji lta ba bzhin bya'o/ /yang de
 gsum legs par smin par blangs te skam po btags pa'i phye ma btsags bsrang phyed 'o ma'i nang du bskyos pa blud na mkhris pa la phan no/ /ba to la'i rtsa ba bskol ba'i khu ba 'am/ yang na dong ka'i sde tshan las ba tha yan chad sman dgu las gang yang rung ba'i khu
 ba'i nang du dzi mu ta'i 'bras bu gnyis sam gsum cham chom brdungs te 'thungs na mkhris pa dang bad kan gyi rims nad can la phan no/ /yang na dzi mu ta btags pa'i phye ma mkhris pa'i rims la ni chu grang mo dang sbyar te btang ngo/ /bad kan dang 'dres pa'i
 rims la ni chu dro 'jam tsam dang sbyar ba byin no/ /lud pa dang dbugs mi bde ba dang/ dug dang/ skyugs pa dang/ rims dang/ bad kan shas che ba dang/ mun thibs zhes byed pa'i nad dang/ de rnams ldan pa'i skyes bu la ni sku ba kha bo'i skyugs sman rab tu bsdugs so
 skul kha bo'i 'bras bu dang/ me tog med pa'i dus su ni myu gu dang/ lo ma gsar pa'i 'o ma dang bsgrubs pa mkhris pa dang bad kan du ldan pa'i rims mkhris pa shas che ba la btang ngo/ /sku ba kha bo legs par smin pa'i nang gi 'bras bu phyung ste/ 'o ma'i nang du
 bcug ste zhor gyur ba dang/ bad kan las gyur ba'i lud pa dang dbugs mi bde ba dang/ skyugs sman gyi don du blud do/ /yang na skya rbab dang/ mdze dang/ dug gis nyams thag pa la ni sku? ba kha bo yi sa bon zho ga chu dang sbyar ba sbyin no/ /yang na spu
 ba kho bo yi sa bon dar ba bskol ba'i nang du btab ste/ rgyam tsha dang/ sbrang rtsi dang bcas pa blud na phan yon gong ma dang 'dra'o/ /yang na sku ba kha bo'i sa bon rwa'i 'o ma'i nang du bran te rwa'i 'o ma de nyid dang bcas pa 'thungs na dug dang/ skran dang/ dmu rdzing dang/ thun du
 dang 'bras dang/ rkang bam rnams la phan no/ /nas phye 'am yang na khu ga ba bo'i sa bon gang yang rung ba'i sku ba'i rang khus bsgos te skyo mar byas ba blud na bad kan las gyur ba'i rims dang/ lud pa dang/ lkog ma'i nad dang/ ma zhu ba rnams la phan no/ /skran dang
 rims rling ba ba ni sku ba kha bo'i phye ma sha khu dang lhan cig blud na legs par skyug cing nyam chung bar yang mi 'gyur ro/ /sku ba kha bo yi 'bras bu dang/ me tog rang gi khu ba bskams te btags pa'i phye ma me tog gi phreng ba la bsgos te mnams na bde bar skyug
 bar byed do/ /skyid de ba'i skyug sman du sbyor ro/ /lud pa dang/ skran dang/ dmu rdzing dang/ lkog ma'i nad dang/ de bzhin du rlung bad kan gyi gnas su zhugs pa dang/ kha dang mgrin par bad kan gnas pa dang/ bad kan gsogs shing brtan pa'i nad rnams la sman d+ha mar
 ka'i skyug sman 'dod ma yin te/ zangs rtsi ba dang/ kha sral phre'u dang/ nye'u shing dang/ ram nye ba rnam gnyis dang/ sra ba ni dang/ med rnam gnyis dang/ ma du la gi dang/ 'di rnams gang yang rung ba'i phye ma dang/ ra dzA ko sha ta ki zhes bya ba d+ha mar ka'i phye ma dang/
 bcas ba sbrang rtsi dang sha khar dang sbyar ba'i lde gu zos na lud pa dang snying tsha ba la rab tu bsngags so/ /mkhris pa tsha ba dang bad kan dang ldan pa la yang gong gi sbyor ba gang yang rung ba chu dro 'jam dang sbyar ba btang ngo/ /'u su dang g.yer ma bskol ba'i khu ba'i
 nang du d+ha marga'i phye ma btab ste blud na dug nad 'joms so/ bim+ba dang/ ba spru ba dang/ ka sa mard+ha ka gang yang rung ba bskol ba'i khu ba'i nang du d+ha marba'i 'bras bu gcig gam gnyis mnyes la tshigs ma por te dangs ma blud na snying nad la phan no/ /d+ha marga'i 'bras
 bu 'o ma dang lhan cig bskol te/ de las byung ba'i mar btung ba 'am/ yang na bo son cha dang/ dug mo nyung dang/ dzi mu ta'i 'bras bu dang/ 'di rnams re re nas sbyor ba de ltar byas na skyug sman du bzad do/ /mdze dang/ skya rbab kyi nad dang/ mcher
 ba'i nad dang/ skrangs pa dang/ skran dang/ sbyar ba'i dug dang/ 'di rnams la ni tsha ba dang/ rno ba dang/ dro ba'i skyugs sman bsngags so/ /bo son cha dang/ sku ba kha po dang/ d+ha margra dang/ dug ma nyung dang/ dzi mu ta dang/ kri ta be d+ha ka de rnams gang yang rung ba gcig dang/ ko sha
 ta ki cha bsnyams te bskol ba'i khu ba dang/ yul ser che ba nas byung ba'i sha khu dang lhan cig bskol te/ lan tsha dang bcas pa blud do/ /yang na po son cha la sogs pa'i 'bras bu gang yang rung ba gcig dang/ pi pi ling cha mnyam pa ko sha ta ga'i khu ba dang sbyar ba
 'am yang na ko sha ta ki bskol ba'i khu ba dang sbyar ba blud do/ dug mo nyung gi sbyor ba'i skyugs sman ni byis pa shin tu gzhon pa la btang ba yin te/ de bzhin du bad kan khrag mkhris dang bcas pa dang/ rims dang/ shu ba mched pa dang/ snying nad dang/ dreg nad dang
 mdze dang/ 'di rnams la rab tu bsngags so/ /yungs kar dang/ ma dug dang/ rgyam tsha dang/ de rnams gang yang rung ba bskol ba 'am/ yang na dug mo nyung gi sa bon kri sa ra dang ldan pa skyugs sman gyi don du blud do/ /dug mo nyung gi sa bon arka'i 'o
 ma'i nang du zhag bdun gyi bar du bsgos shing bran te/ bskams la btags pa'i phye ma po son cha dang/ dzi mu ta dang/ sku ba kha bo dang/ dzi ban+ti dang/ dzi ba ka dang/ de rnams gang yang rung ba gcig bskol ba'i khu ba'i nang du btab te blud do/ /slon sman gyi sbyor
 ba bo son cha la sogs pa 'di dag ni gtsor smos pa tsam du zad kyi/ skyes bu blo dang ldan pa rnams kyis gzhung gzhan las 'byung ba rnams kyang ci rigs su sbyor cig cho ga grub pa'i gnas las le'u dang po rdzogs so// //
 de nas bkru sman btang ba'i cho ga'i le'u bshad par bya ste/ de la dur byi dang po zos shing ma zhu ba'i tshe na ni ro bskal mngar zhing rtsub pa yin te zhu nas ni ro tsha ba yin la bad kan dang mkhris pa 'joms shing rtsub pas ni rlung 'khrugs par byed do/ /dur
 byid de sman dang sbyar na ni rlung dang mkhris pa dang bad kan gsum 'joms te/ khyad par du cho ga bzhi ldan par byas na nad gzhi thams cad las rgyal bar byed do/ /dur byid de yang rnam pa gnyis te/ rtsa ba smug nag du 'dug pa dang/ dur byid dkar po dang gnyis su
 bshad de de gnyis kyang dur byid dkar po ni mchog tu bsngags te/ cho ga bsrung mi dgos shing bgu sman 'jam po yin te/ skyid de bsdug ma myong ba rgan po dang rgyu snyi ba rnams la btang ba yin no/ /dur byid mug nag ni brgyal zhing rmong bag du byed la/
 mgrin bgra mas gang zhing blud pa ltar byed la/ rno zhing myur du 'khru ba'i bdag nyid yin bas lto shin tu sra ba dang/ nad gzhi mang bos nyam thag ste lus shin tu zad pa la bsngags so/ /dur byid de btung ba'i dus su yang rtsa ba g.yas g.yon du ma 'phros
 shing bzabs su drang por 'dug pa de phyung la dbus kyi snying po bor te shun pa bskams la sbas nas snod du gzhug go /de bkru sman du sbyar ba ni slud nad can la ni dur byid phye mar bya ste/ rgyam tsha dang/ bca' sga zad dang/ skyur dang sbyar te blud do/ /mkhris
 pa las gyur pa'i nad la ni dur byid mar dang/ sbrang rtsi dang khar dang bcas pa 'o ma dang rgun chu dang bu ram shing gi khu ba dang tam ba la dang sman mngar ba'i sde tshan dang/ 'bras bu gsum dang/ de rnams kyi khu ba gang yang rung ba dang sbyar la blud do/ /bad
 kan las gyur ba'i nad la ni sA lu'i khu ba dang/ ba gcin dang/ rtsa bas skyur po dang/ tsha ba rnam pa lnga'i khu ba dang bad kan 'joms pa'i sman nyung shas dur byid kyi phye ma dang sbyar ba blud do/ /dur byid bskol ba'i khu ba grangs pa'i nang du khar dang/ sbrang rtsi dang/ dri
 sna gsum dang sbyar ba blud pa'am/ yang na dur byid kyi phye ma kha ra dang sbrang rtsi dang sbyar ba'i lde gu bldags na bkru sman yid du 'ong ba yin na/ /a dzA gand+ha dang/ smyig rkang dang khi da ri dang sha khar dang/ 'di rnams dang dur byid kyi phye ma sbrang rtsi dang mar sbyar
 ba'i lde gu bldogs na 'dus pa dang/ rims dang/ lus rengs pa dang/ lus tsha ba dang/ skom dad kyis gzir ba legs par 'khru bar byed do/ /yang na bu ram shing gi sdong bu bkas te/ dum bu gnyis su byas pa'i nad ngos dur byid kyi phye ma lde gur byas te/
 bskus te slar sbyar bas snod kha sbyar gyi nang du cho ga bzhin du tshos par byas nas zos na 'dus pa las gyur pa'i nad legs pas 'khru bar 'gyur ro/ /shing cha dang sung smel cha mnyam pa dang/ de gnyis dang cha mnyam pa'i ni li ni dang/ sman gsum po de dag dang
 mnyam pa'i dur byid dang/ sman de bzhi dang mnyam pa'i sha kha ra dang/ 'di rnams kyi phye ma rgun 'bru'i khu ba'i nang du sbrang rtsi dang phyes btab pa'i skyo ma 'thungs na rlung dang/ mkhris pa dang bad kan las gyur pa'i nad dang/ me'i drod chung ba dang/ skyes bu skyid de ba dang/
 shin tu gzhan ba rnams la cho ga bsrung mi dgos par 'khru bar byed do/ /bi dang ga phub ma med pa dang 'bras bu gsum dang/ nas tshig 'khus ba'i thal ba dang/ pi pi ling dang/ sman sna gcig gi gsum 'gyur gyi ? ? tsa dang/ de rnams kyi phye ma sbrang rtsi 'am/ mar/
 ram bu ram de rnams gang yang rung ba'i lde gu bldags na yi ga 'chus ba dang/ skran dang mcher ba dang/ mdu rdzing dang/ lud pa dang/ nad d+ha li ma ka dang/ gzhan yang bad kan dang/ rlung las gyur pa'i nad myur du sbyor bar byed do/ /bi dang ka dang/ pi pi ling mu la dang
 'bras bu gsum dang/ 'u su dang/ tsi tra ka dang/ na le sham dang/ dug mo yungs dang/ zir dang/ pi pi ling dang/ hasti'i pi pi ling dang/ ting mus dang/ lan tsha rnam lnga dang/ 'di rnams zho gnyis gnyis phye mar byas pa dang/ tri bi tsa srang brgyad kyi
 phye dang/ til mar srang brgyad dang/ skyu ru ra'i 'bras bu'i khu ba srang sum cu rtsa gnyis dang/ bu ram srang sum brgya lnga bcu dang/ de rnams lhan cig me mi che ba dang bskol ba ni dge ba'i bu ram zhes bya ba'i sbyor ba yin te/ dus thams cad du sbyor ba 'di byang
 yang rung ste/ cho ga bsrung mi dgos bar 'di las ran par 'thungs na mdze dang/ mig ser dang/ gcin nad dang/ skran dang/ mdu rdzing dang/ mtshan bar rdol ba dang/ pho ba'i nad dang/ skya rbab kyi nad rnams 'joms shing bud med bu med pa la bu yang skye bar
 byed do/ /tsha ba gsum dang/ dri sna gsum dang/ gla sgang dang/ bi dang ga dang/ skyu ru ra dang/ spyi dang mnyam pa'i dur dang/ de dang mnyam pa'i khar dkar po btags pa'i phye ma sbrang rtsi dang ri lur byas ba zos na gcin sri ba dang/ rims dang/ skyug pa'i nad
 dang/ lud pa dang/ skem byed dang/ mgo 'khor ba dang/ zad byed kyi nad dang/ lus tsha ba dang/ skya rbab kyi nad dang/ me drod chung ba dang/ dug thams cad la rab tu bsngags so/ /dur byid dang dug mo yungs dang/ pi pi ling dang/ bca' sga 'di rnams kyi phye ma
 sbrang rtsi dang rgun 'bru'i khu ba dang sbyar te/ dbyar gyi dus su bkru sman btang bar bzang ngo/ /dur byid dang/ byi tsher ba dang/ gla sgang dang/ khar dang/ ba la ka dang/ tsan dan dang/ shing mngar dang sa ha la dang/ 'di rnams kyi phye ma rgun chu dang sbyar ba ston gyi dus su
 bkru sman du bzang ngo/ /tri ba ta'i dang/ tsi tra ka dang/ pa tha dang/ zir dang/ sa ra la dang/ shu dag dang/ rtsa sman khron bu dang/ 'di rnams kyi phye ma chu dron dang sbyar ba gun gyi dus su bkru sman du bzang ngo/ /dur byid dang khar cha mnyam ba ni so ga'i bkru sman du bzang ngo/
 dur byid dang/ khyi lce ba dang/ spa ma'i 'bras bu dang/ pu tse shel dang/ khron bu dang 'di rnams kyi phye ma zhag gsum gyi bar du gcin gyi nang du sbang zhing snum bcos byas pa'i me la btang na dri ma thams cad 'byin par byed do/ /sha ma dur byid dang/ phyi tsher ba dang
 ha to pi pi ling dang/ dug mo yungs dang/ ni li ni dang/ pu tse shel dang/ gla sgang dang/ 'bras bu gsum dang 'di rnams kyi phye ma sha khu dang mar dang/ chu dran gang yang rung ba las dus thams cad du btang na khong rtsub pa la rab tu bsngags so/ /bkru sman dong ka
 dzi bkru sman 'jam zhing ro mngar la bsil ba'i nus pa dang ldan pa yin pas rims dang/ snying nad dang dreg nad dang/ phyis 'gags pa la sogs pa'i nad la rab tu phan no/ /dod ka na 'jam zhing nyen med pa'i bkru sman gyi mchog yin te byis pa dang/
 rgan bo dang lus skem zhing zad pa dang/ shin tu bzhon pa la yang sbyar ro/ /de yang dong ka'i 'bras bu legs par smin pa'i dus su blangs na dong ka de yang skyon med cing srin bus ma zos ba khur gcig tsam blangs te phye ma'i nang du gzhug go/ nub bdun
 lon pa dang phyung la nyi ma la bskam par bya'o/ /de nas shun pa dang 'bras bu bal te/ snying po snod gtsang ma'i nang du bzhag gor byis pa lo bzhi nas bcu gnyis kyi bar du lon pa dang/ mi skyid de ba lus tsha bas gdungs shing rtug skams kyis btab
 pa la ni dong ka'i snying po rgun chu dang sbyar la btang ngo/ /dong ka'i snying po bskol ba grang mo chang gi dangs ma 'am/ zho ga chu 'am/ skye ru ra'i 'bras bu 'am/ skyur bo gang yang rung ba dang lhan cig sbyar ba'i nang du tri bid kyi phye mas btab pa blud do/ /danda
 bskol ba'i khu ba'i nang du dong ka'i snying po dang bu ram bcug ste zla ba phyed dam gcig gi bar du bzhag pa'i chang btung bar bya'o/ /seng phrom gyi rtsa ba'i nang du shun bor te phyi shun blangs te skams la phye mar bya ste de'i phye ma'i sum cha gnyis ni seng
 phrom bskol ba'i nang du spangs te/ kha cig ni rtsa ba bcu ba bskol ba'i khu ba'i nang du spangs pa yang bskams te/ yang phye mar byas pa'i zho ga chu dang/ ba gcin dang/ chang gi snying po dang/ rgya shug dang/ skyu ru ra'i khu ba rnams las gang yang
 rung ba dang sbyar te/ lag mthil du bzhag la btung ngo/ /yang na nas bskol ba'i khu ba'i nang du de nyid kyi phye ma dang/ sha kha ra dang/ mar dang sbyar ba'i lde gu de yang bkru sman gyi dam pa yin no/ /de la su dak+Shi ra ni nad gzhi sha cher gsogs shing gso dka' ba yang myur
 du 'jig bar byed la/ shin tu drag cing rtsub pa yin bas lto sti ba dang/ byis pa dang/ rgan po dang/ nad snying can nyam chung ba la btad du mi rung ngo/ /su dak+Shi ra te skran dang/ dmu rdzing dang/ sbyar ba'i dug dang/ pags pa'i nad dang/ gcin sbrang rtsi lta bu byung ba'i nad dang/
 skya rbab dang/ dug 'joms pa dang/ skrangs pa dang nad gzhis sems mi dran pa la yang su dak+Shi ra zhes bya ba spu hi sbyar na phan no/ /su dak+Shi ra'i shing de yang tsher ma rno ba mang pos khyab pa rab tu bzad do/ /shing de yang lo gnyis sam gsum lon par dpyid kyi
 dus su mtshon gyis dral te lo ma dbyung bar bya'o/ /bilpa la sogs pa rtsa ba chen po lnga dang/ pri ha ste rnam gnyis dang/ de dag gang yang rung ba re re bskol ba'i khu ba dang mnyam pa'i su dak+Shi ra dang bsres te/ me'i mngag ma lam reg ba tsam du bskams la ri
 lur byas la zho ga chu dang/ ba gcin dang/ chang gang yang rung ba dang sbyar te blud do/ /dur byid dang/ dong ka dang/ shang ki ni dang/ dan+ti dang/ dra ban+ti dang/ sa ta la dang/ 'bras bu gsum dang khron bu dang/ de rnams gang yang rung ba gcig gi phye ma su dak+Shi ra'i 'o ma'i nang du
 spang zhing bskam par bya ste/ de'i 'og tu sha khu 'am mar gang yang rung ba sbyar te blud do/ /de bzhin du tsha ba gsum dang/ 'bras bu gsum dang/ tri bi tsa dang/ dan+ti dang/ kru rdug tres dang/ de rnams kyang re re na su dak+Shi ra'i 'o ma dang/ gong ma bzhin du byas pa bu ram
 dang/ chu dang sbyar te gtong ngo/ /sman shang khi ni'i 'bras bu tig ta zhes bya ba ha cang mi skam ba blangs te phub ma med par byas pa dang/ sa ta la'i rtsa ba yang de ltar byas la de gnyi ga yang rno bar 'khru bar byed pa yin te/ bad kan gyi nad dang/ dmu rdzing dang/ sbyar ba'i dug dang/ skrangs pa
 la sogs pa la sbyar bar bya'o/ /snying nad dang/ bad kan dang rlung las gur pa'i nad dang/ de bzhin du khrag la yang byas ?? khi na dang/ sa ta la gnyis chang dang lan tsha dang bcas pa zho gnyis tsam gyi ri lur byas te sbyar bar bya'o/ /dan+ti'i tsa ba blang po che'i sha ltar brtan
 zhing sbom ba dang dra banda'i rtsa ba dmar la cung zad gnag bar 'dug pa dang/ gnyis ni rno ba dang/ drod che la myur du 'khru bar byed la/ mkhris pa dang bad kan ni 'ju bar byed do/ /dan+ti'i rtsa ba glang po'i so ltar brtan zhing spom pa dang/ tra ban+ti'i rtsa ba dmar la cung zad
 gnag par 'dug pa dang gnyis ni rno ba dang/ drong che la myur du 'khru bar byed pa yin pas/ rlung lci ba ni 'khru bar byed la mkhris pa dang/ bad kan ni 'ju bar byed do/ /dan+ti dang tra ban+ti'i rtsa ba de gnyis sbrang rtsi dang pi pi ling gi lde gus phyi rol lngas byugs la rtswa dur
 bas dkris te/ de'i phyi rol nas 'jim pas bskus nas me chung ngu nyi ma la skam mo/ /de ltar bya ba ni lus zung zad pa'i nus pa zhil bar bya ba'i phyir bya ba yin no/ /de ltar bskams pa dang/ zho ga chu dang/ chang dang dar ba dang/ a sa ba'i chang dang/ pi lu'i khu ba gang
 yang rung ba dang lhan cig sbyar te btang na skran dang/ gcin nad dang/ dmu rdzing dang/ sbyar ba'i dug gis lus nyam thag pa la phan no/ /yang na de gnyis kyi phye ma dang/ ri dags dang/ ra'i sha khu dang sbyar te btang na skya rbab dang/ lto ba'i srin bu dang/ mtshan bar rdol ba la phan
 no/ /rtsa ba bcu pa dang/ dan+ti dang/ tra dan+ti gnyis kyi phye ma cho ga bzhin yang bskol la mar lhag ma lus pa las 'thungs na me dpal dang/ me dpal phra mo dang/ khong 'bras dang/ mtshan khung tsha ba dang/ 'di rnams las rgyal bar byed do/ /cho ga de bzhin du til mar
 bskol ba dang sbyar na yang/ gcin nad dang/ skran dang/ gzhang 'brum dang/ rtug pa 'gags pa dang/ bad kan dang/ rlung las rgyal bar byed do/ de bzhin du snum chen po bzhi cho ga de ltar byas nas 'thungs na/ rtug pa dang rlung 'gags pa dang
 rtsa? bzhin du rlung ga go nad par gyur pa la yang phan no/ dur byid la sogs pa sman gong du bstan pa dgu po de dag ni bkru sman gyi nang na mchog tu bshad do/ /a ru ra yang dur byid kyi cho ga ji lta ba bzhin du nye bar brtag cing dpyad par bya'o/ /bu ram srang brgyad
 dang/ a ru ra rngog ma nyi shu dang/ dan+ti dang/ tsi tra ka srang re re dang/ pi pi ling dang/ dur byid zho gnyis dang/ 'di rnams lhan cig sbyar te ri lu ba cur byas la zhag bcu bcu zhing ri lu re re zos te de'i rjes la chu dron po 'thungs zhing ri lu bcu po zad kyi bar la
 thabs de ltar byas na/ cho ga bsrung mi dgos par nad thams cad zlog bar byed do/ /khyad par du pho ba'i nad dang/ skya rbab dang mdze nad thig le dmar po can dang/ gzhang 'brum dang g.ya' ba 'di la phan no/ sman gyi dngos po nus chung pa yin na sman rnon po dang sbyar
 na las chen po byed do/ /sman thun che ba yin na yang sman rno ba dang ma sbyar na ni las nyung ngu byed pa yin no/ /dus kyi bye brag las brtags te rna ba dang 'jam pa'i sman legs par sbyar te btang ngo/ /de ltar legs par sbyar na ni sman rno ba yang 'jam por
 'gyur la/ 'jam po yang rno bar 'gyur ro/ /de ltar gong du bshad pa'i bkru sman de dag kyang yid dang rjes su mthun pa'i sman shing tsha dang/ nA ga ge sar dang/ a mra ta ka dang se'u 'bru dang/ sug smel dang/ kha ra dkar po dang/ sbrang rtsi dang/ kha lung dang chang la
 sogs pa dri zhim pos bsgos shing btab la ldan par byas la blud par bya'o/ /cho ga grub pa'i gnas las bkru sman btang ba'i le'u gnyis pa rdzogs so// //de nas skyugs sman dang bkru sman dang de grub bar bya ba'i cho ga'i le'u
 bshad par bya ste/ gal te skyugs sman de lto snyi ba dang/ shin tu ltogs pa dang/ bad kan chung ba la btang ngam/ yang na sman shin du rno ba 'am/ grang ches pa 'am thun chung ba 'am/ zas ma zhu ba 'am/ mnyam chung ches ba la blud na/ slon gyen du mi 'byung bar thur du 'gro
 bar 'gyur te/ nyes pa phyir sogs par 'gyur bas/ de bas na de ni yang snum pa sogs pa gong ma'i rim pa byas na slon sman yang btang ngo/ /bkru sman yang zas ma zhu ba dang/ bad kan dang ldan pa la btang ngam/ yang na bkru sman de nyid shing du rno ba dang/ dro ches pa
 dang/ lan tsha mang zhi sman thun ches pa dang/ yi gar mi 'ong bzhin du byin na slar stod du 'byung bar 'gyur te/ de la ni gong du bshad pa'i cho ga bzhin du bkru sman yang bya'o/ /bkru sman de btang yang legs par ma gyur te pho ba la brten cing 'khrur ma de tub
 pa la ni goms shing yi gar 'ong ba spangs la/ gang gnod pa mi skyed pa'i bkru sman gyis bsnan no/ /skyes bu gang gi lus snum btsos dang dugs kyis zhen par byas pa la sman rnying pa rtsub pa'i bkru sman btang bas nad rang gi gnas nas skyong cing 'khrum nus
 pas mgo 'khor ba dang/ skrang ba dang/ skyigs bu dang/ mun par mthong ba dang/ skom dang che ba dang/ byin pa'i nyan ba dang/ lus g.ya' ba dang/ mgo bo tsha ba che zhing mdog 'gyur ba la sogs pa'i nad de rnams skyed par byed do/ /nad pa de snum dang dugs kyis legs
 par byas kyang me dros che ba las sman rnying pa thun chung ngu btang ba 'am/ yang na grang ba dang/ ma zhu bas khong 'khril la gtam zhing dri ma 'byung mi nus te/ sbyor ba la sogs pas gong gi nad de dag 'byung bar 'gyur te/ de la ni til mar dang/ lan tshas lus bsku byug
 byas la gding ba'i dugs dang sha kha ra zhes bya ba'i dugs bya ste/ de'i 'og tu ni ru ha btang zhing zas su srog chags thang las skyes pa'i sha khu sbyin no/ /de'i 'og tu po son cha dang/ pi pi ling dang thang shing dang/ til mar dang sbyar ba'i 'jam rtsi btang ngo/ /de nas rlung
 'joms pa'i sman gyis snum bcos byas la/ bkru sman rnon po btang ngo/ /nad gzhi stobs che zhing khong rtsub la me drod tsha ba la sman thun nyung ngu btang bas nad glongs khong du 'khyil zhing nad gzhis lam bkag nas lte ba'i phyogs su
 shas char sbo zhing/ rgyab dang/ rtsib logs dang/ mgo bo rnams su zug pa dang/ dbugs mi bde ba dang/ phyis dang/ gcin dang/ rlung rnams mi bzad par 'gags par byed de de la ni bsku byug dang/ dugs dang/ red bu mas btang ba dang/ bkru sman drag bo dang/
 'jam rtsi mas btang ba rnams bya'o/ /yang na gzhang 'brum gyi skabs su bshad pa'i rtug skam gso ba'i cho ga byas na rab tu bsngags/ /rtsa ba lnga pa dang/ nas tshig 'khus pa'i thal ba dang/ shu dag dang/ pu ti ka rany+dza dang/ lce myang tsha dang/ 'di rnams nas kyi
 thug pa dang legs par sbyar ba 'thungs na zug gzer dang/ rtug pa 'gags pa dang/ lto sbo ba rnams 'joms so/ /pi pi ling dang/ se'i'u 'bru dang/ thal sman dang/ shing kun dang/ bca' sga dang/ star bu dang/ lce myang cha dang 'di rnams chang ngam mar ram chu dron
 po gang yang rung ba dang sbyar ba btang na/ tshad pa dang bad kan du 'khru ba dang/ rtag tu 'dzag pa dang/ zug cing na ba dang/ mkhreg pa rnams la phan no/ /sman 'thungs nas dri ma ci bder ma btang ste 'gags na/ nad gzhi gsum 'khrur te snying gi phyogs su nad log
 nas ro stong shin tu mi bzad par 'dzings par 'gyur te/ de bzhin du rtsibs logs su zug pa dang/ skyigs bu dang/ lud pa dang nyams chung ba dang/ kha chu 'dzag pa dang/ mig mi brtan par 'gul ba dang/ lce 'cha' ba dang/ dran pa nyams pa dang/ so krig krig
 bdar bar 'gyur te/ de la ni sman pa rmongs pa med par byas te/ nad mkhris pa yin pa ltar snang na ni sman mngar ba dang sbyar ba'i skyugs sman btang ngo/ /bad kan ltar snang na ni sman tsha ba dang/ lhan cig skyugs sman btang ngo/ /de nas nyas ba'i lhag ma lus
 pa lta na me drod skyed pa'i sman btang la nad smin par bya'o/ /de'i 'og tu nad pa de'i me drod dang/ nyams stobs skyed pa'i phyir sman dang btung ba rnams bya'o/ /sman gyi sbyor ba drags te shas cher skyug pa la ni rlung gis snying gzer cing na bar 'gyur ro/ /de la ni snum pa
 dang/ skyur ba dang/ lan tsha sbyin no/ mkhris pa dang bad kan gyis snying na bal ni rang rang gi sman sbyar ba btang ngo/ /de la sman 'thungs nas bad kan gyis rlung bkag ste 'byung du mi ster ba 'am/ yang na nad tsha bas cher 'byung ste rlung 'khrugs nas yan lag 'khums
 pa dang/ rengs pa dang/ 'dar ba dang/ zug gzer byed pa dang/ lus zhigs pa dang/ lus rdung ba snyam byed pa dang/ zug par 'gyur te de la ni rlung 'joms pa'i sman thams cad dang snum bcos dang/ dugs dang 'jam rtsi mas btang ba dang/ bsku byug dang/ chu lums
 la sogs pa byas na rab tu bsngags so/ /lto snyi zhing shin tu bkres pa las bkru sman thun che zhing rno ba byin na/ myur du bad kan dang mkhris pa yang 'dren zhing lus brungs rnams 'byin zhing zad bar byed do/ /de ltar bkru sman gyi sbyor ba drags pa de la ni sman lhag
 ma khong na 'dug pa de skyug sman gyis yang drang bar bya'o/ /skyugs sman gyi sbyor ba drags bas mang du skyugs pa la ni bkru sman 'jam po btang ngo/ /gzhan yang sbyor ba drags pa de la ni/ lus la blugs pa grang mo dang/ chu grang gi nang du lus gzhug pa dang/ bza' 
 ba dang btung ba la sogs pa yang grang mo sbyar na 'chad par 'gyur ro/ /tsan dan dkar po dang/ stang zil dang/ pu tse shel dang/ de rnams kyi phye ma dang/ ra'i khrag dang/ sha kha ra'i chu'i nang du 'bras yos kyi phye ma btab pa'i skyo ma 'thungs na/ 'khru pa'i sbyor ba
 drags pa gcod cing phan pa'i mchog yin no/ /slon sman gyi sbyor ba drags pa la ni chu grang mos blugs pa dang/ rgun 'bru la sogs pa'i khu ba mar dang sbrang rtsi dang kha ra dang ldan pa'i skyo ma blud do/ /sgregs pa dang bcas pa'i slon tshabs cher 'byung ba la
 ni mur ba dang/ 'u su dang/ gla sgang dang/ mdu ka dang/ stang zil rnams kyi phye ma sbrang rtsi dang lde gur sbyar ba byin no/ /skyug bzhin du lce nang du 'khums pa la ni snum pa dang/ skyur ba dang/ lan tsha dang ldan pa yid du 'ong ba'i sman ma khur bar
 bcad ba dang/ de bzhin du yid du 'ong ba'i mung+ga la sogs pa'i khu bcud dang sha khu phan no/ /lce nang du 'khums pa'i nang pa'i drung du skyes bu gzhan zhig shing tog skyur ba zar bcug na phan no/ /lce phyir phyung ste sdud mi nus pa la ni til dang rgun 'brum btags
 pa'i lde gus bskus te slar gzhug par bya'o/ /skad 'gag sa shing rlung nad skyes pa la ni dus shes pa'i sman pas nas thug mar dang sha khu las gzhi blangs pa'i thug pa sla mo byin te/ de bzhin du snum bcos dang dugs sbyar bar bya'o/ /de la sman
 gyi sbyor ba thun ches te drags pas khrag dbyung ste/ de'i ming ni srog stong pa zhes bya bar bshad de/ 'di ni srog dang bcas par 'byung ba yin no/ /de ltar 'byung ba'i khrag dang zas su bsres te khyi 'am bya rog la byin la des zos par gyur
 na nad pa 'tsho ba yin la/ ma zos na ni mkhris pa srog ces bya ba 'byung ba yin pas 'chi bar ston to/ /yang na ras dkar po la khrag gis bsgos te bskams la de'i 'og tu chu dron gyis bkrus na/ mdog 'gyur ba tsam las ma dag par gyur na
 srog ces bya ba'i mkhris pa byung ba yin pas 'chi ba yin la dag cing rjes med pa yin na ni khrag yin te 'tsho bar bstan no/ /sbyor ba drags pa las skom dang che ba dang/ brgyal ba dang/ ma zhu bas nyams thag par 'gyur te/ de la ni mi 'chi bar bya ba'i gso ba
 myur du khrag dang mkhris pa'i 'khru ba gcod pa'i sman gyis srog bsrung bar bya'o/ /ri dags dang/ ba lang dang/ ma he dang/ ra dang 'di rnams gson pa'i khrag phyung ma thag blud na srog slar rnyed de brtan par 'dzin par 'gyur ro/ /de bas khrag de srog ces bya ba'i mkhris
 pa'i gnas su song ste brtas par byed do/ ri dags la sogs pa'i khrag de nyid dkrugs te khrag gis 'jam rtsi mas btang bar yang bya'o/ /yang na pi pi ling dang/ tam pa la dang shing mar dang/ dur ba dang/ pu tse shel dang/ 'di rnams 'o ma dang lhan cig bskol ba'i nang du mar
 gyi nying khu dang stang zil dang bcas pa grang mo'i 'jam rtsi mas btang bar bya'o/ /yang na 'khru ba gso ba'i skabs su bshad pa'i bid rtsa'i 'jam rtsi shin tu grang ba 'am/ yang na mar gyi nying khu 'jam rtsi mas gtang bar bya'o/ /gzhang phyir byung ba'i nad la ni dang po sman bskol
 ba'i khu bas 'khru ba bcad la de nas slar gzhug go /dran pa nyams pa la ni snyan tshig gi rig byed dang/ gling bu dang/ glu dbyangs la sogs pa snyan pa'i sgra thos par byas na dran pa rnyed par 'gyur ro/ /skyug sman dang bkru sman de grub par bya ba'i cho ga'i le'u gsum pa rdzogs so/
 de nas sman mas btang ba'i cho ga'i le'u bshad par bya ste/ ba bla dang sle tres dang/ 'bras bu gsum dang/ ra sna dang/ rtsa ba bcu pa dang/ 'di rnams srang re re dang po son cha'i rdog ma brgyad dang/ ra'i sha srang lnga bcu dang sman de rnams kyi bcu drug 'gyur gyi chu srang nyis
 brgya lnga bcu rtsa drug dang bskol te btsags la/ tshigs ma bor te bzhi cha srang drug cu rtsa bzhi lus pa'i nang du/ la la pud dang/ po son cha dang/ bilba dang/ ru rta dang/ she ta puShpa dang/ shu dag dang/ gla sgang dang/ pi pi ling dang/ 'di rnams kyi phye ma dang bu ram dang sbrang rtsi
 dang/ mar dang/ til dang/ lan tsha dang ldan par bya ste/ dro 'jam tsam las cho ga bzhin du 'jam rtsi mas btang na mchog yin te/ nad thams cad 'joms par byed de/ nad med pa la btang na yang tshe ring ba dang lus brta bar byed do/ /phye ma dang bskol ba'i tshad ni
 sman skol ba'i khu ba'i brgyad cha'i phye ma dang/ bu ram srang gcig dang/ mar dang/ sbrang rtsi bzhi cha dang lan tsha ci ran tsam btab te skol la btang ngo/ /'jam rtsi btang ba'i chang gzhan du ma smos pa rnams kyang thabs 'di bzhin du sbyar bar bya'o/ /rtsa ba bcu pa dang
 ra sha lhan cig cho ga bzhin bskol ba'i nang du til mar dang/ mar dang/ zhag dang/ snum po gsum btab te/ mas btad na ni ru ha'i mchog tu drang srong rnams kyis bshad de rlung nad thams cad 'phrog go /ba la dang/ pa to la dang/ rtsa ba chung ngu dang/ e raN+Ta dang/
 nas dang/ sman de rnams tshul bzhin du bskol ba'i khu ba srang sum cu rtsa gnyis kyi nang du ra'i sha khu srang sum cu rtsa gnyis bcug la yang bskol te khu ba srang sum cu rtsa gnyis lus ba'i nang du pri yang ku dang/ pi pi ling dang/ gla sgang gsum gyi phye mas sman khu'i
 brgyad cha dang/ til mar dang/ mar dang/ sbrang rtsi dang/ rgyam tsha rnams lhan cig bskol te 'jam rtsi mas btang na de ma thag me drod dang nyams stobs dang/ sha skye bar byed cing mig gsal bar 'gyur ro/ /e raN+Ta'i rtsa ba srang gsum dang/ pa la sha srang gsum
 dang/ rtsa ba lnga chung ngu dang/ rwa sna dang/ ba la dang/ sle tres dang/ a sha gand+ha dang/ ba spru ba dang/ dong kra dang/ thang shing dang/ de rnams srang re re dang/ po son cha rdog ma brgyad dang/ de rnams chu srang nyis brgya lnga bcu rtsa drug dang bskol te brgyad cha lus pa'i nang du shu
 dag dang/ shu ti dang/ spa ma'i 'bras bu dang/ pri yang ku dang/ shing mngar dang/ pi pi ling dang/ dug mo yungs kyi sa bon dang/ gla sgang dang/ skyer khaN+Ta dang/ 'di rnams zho gnyis zhib du btags pa dang/ lan tsha ci ran tsam dang/ sbrang rtsi dang/ til mar dang/ ba
 gcin dang/ 'di rnams dang sbyar ba'i 'jam rtsi mas btang na stong du skyugs pa dang/ me drod skyed pa dang/ byin pa dang/ brla dang/ rkang ba dang/ mjug do dang/ rgyab dang/ lto ba dang/ snying dang/ pho mtshan rnams su zug ba dang/ lus lci ba dang/ rlung dang bshang gci 'gags
 pa dang skran dang/ rde'u chags pa dang/ rlig rlugs dang/ pho ba'i nad dang gzhang 'brum dang/ de dang de la sogs pa bad kan dang/ rlung las gyur pa'i nad thams cad las rgyal bar byed do/ /shing mngar dang/ seng phrom dang/ a ru ra dang tsan dan dang/ pad+ma dang/ utpal
 dang/ 'di rnams 'o ma'i mchog pa'i 'o ma dang/ tshul bzhin bskol te bsgrangs pa'i nang du 'tsho byed sde bcu'i phye ma dang/ kha ra dang/ sbrang rtsi dang/ mar dang sbyar ba'i 'jam rtsi mas btang na mkhris pa las gyur pa'i nad la phan no/ /ra sna dang/ ba sha ka dang/ bcod dang/
 byi tsher ba dang/ ba bla dang/ rtsa'i rtsa ba lnga zhes bya ba dur byid dang/ ku sha dang/ bu ram shing dang/ 'dam bu dang/ 'bras sA lu dang 'di rnams kyi rtsa ba dang/ rtsa ba chung ngu dang/ thal tres dang/ tsan dan dang/ shug pa rnams gnyis dang/ shing mngar dang/ gseng phrom rnam gnyis
 dang/ 'di rnams srang phred phyed chu dang/ tshul bzhin bskol ba'i khu ba dang/ 'o ma srang drug cu rtsa bzhi dang yang bskol te 'o ma nyi tshe lus pa dang/ de'i nang du dzi ban+ti dang me da rnam gnyis dang/ nye'u shing dang/ bi da ri dang/ ram nye ba rnam gnyis dang/ rgun 'bru dang kha ra dkar po
 dang dzi ba ka dang/ pad+ma ge sar dang/ pra puN+Da ri ka dang/ utpal dang/ puN+Ta rI ka dang/ seng phrom dang/ khra tra ma phre'u dang/ shing mngar dang/ nA ga ge sar dang/ muny+dza ta ka dang/ tsan dan rnam gnyis dang/ 'di rnams kyi phye ma btags pa dang/ mar dang sbrang rtsi dang rgyam tsha dang ldan bar bya
 ste/ bsgrangs pa'i ni ru ha mas btang ngo/ /ni ru ha btang nas slar byung ba lta na srog chags thang la gnas pa'i sha khu 'am/ yang na 'o ma dang lhan cig 'bras chen byin la de'i 'og tu lus khrus byas lus tsha ba dang/ 'khru ba'i nad dang/ khrag dang mkhris pa rgyas pa dang/ snying
 nad dang/ skya rbab kyi nad dang/ rims mi bzad pa rnams dang/ skran dang gcin 'gags pa dang/ mig ser la sogs pa mkhris pa las gyur pa'i nad do cog sel to/ /ko sha ta dang/ dong ka dang/ thang shing dang/ mur ba dang/ gze ma dang/ dug mo cung dang/ arka dang/ pa
 tha dang/ rgya sran dang/ bri ha tI dang/ 'di rnams srang lnga de drug 'gyur gyi chu srang brgya bcu dang bskol la/ bzhi cha srang nyi shu lus pa dang/ de'i nang du yungs kar dang/ sug smel dang po son cha dang/ ru rta dang/ 'di rnams kyi phye ma zho gnyis gnyis dang/ sbrang rtsi
 dang/ po son cha'i mar dang thal sman dang/ yungs kar gyi mar de rnams srang gnyis gnyis dang ldan pa'i ni ru ha mas btang na me drod chung ba dang/ zas yi gar mi 'ong ba dang/ bad kan las gyur pa'i nad thams cad 'joms so/ /de nas
 shin tu gzhon pa 'am skyid de ba'i mi la ni snum zhing 'jam pa'i sman srang gnyis gnyis tsam gyi tshad tsam btang bar bya ste/ de yang 'o ma srang bzhi dang/ sbrang rtsi dang/ til mar dang/ mar srang gnyis gnyis dang/ 'di rnams kha gzar dang dkrugs
 te 'jam rtsi mas btang na rlung nad 'joms so/ /stobs 'phel zhing mdog gsal bar byed do/ /til mar dang chang gi dangs ma dang/ sbrang rtsi dang/ mar dang/ de dag khyor re re dang/ bilba la sogs pa rtsa ba chen bskol ba'i khu ba srang bzhi dang/ 'di rnams
 mas btang na rlung nad rnams las rgyal bar byed do/ kha? tol dang/ nim+ba dang/ pu ti ka dang/ ra sna dang/ lo ma bdun ba dang/ 'di rnams srang re re bskol ba'i khu ba srang gnyis gnyis dang/ mar srang gnyis kyi nang du yungs kar gyi phye ma btags pa'i khu ba lnga
 zhes bya ba yin te/ mas btang na mig nad dang/ srin nad dang/ mdze nad dang/ gcin nad rnams 'joms so/ /til mar dang/ ba gcin dang/ zho kha chu dang/ rtsabs skyur po de rnams srang gnyis gnyis yungs kar btags pa'i phye ma dang/ sbrang rtsi dang sbyar
 ba'i 'jam rtsi byas na bud med la phod par 'gyur ro/ /de nas de'i 'og tu sbyar ba mas btang na rtug pa 'gags pa dang/ lto spo ba 'jig par byed do/ /pa? yassya dang/ bu ram shing dang/ sa la bar+Ni dang/ ra sna dang 'di rnams gang yang rung ba bskol ba'i nang
 du pi pi ling btags pa'i phye ma dang/ sbrang rtsi dang mar dang bsres pa'i 'jam rtsi byas na bud med la phod par 'gyur ro/ /de nas de'i 'og tu kun la 'bras bu mngon du grub cing gnod pa med la stobs dang lus 'phel zhing rgyas pa dang/ bde bar
 byed pa'i 'jam rtsi dus thams cad du sbyar bar bya ba bshad par bya ste/ de yang sbrang rtsi dang/ til mar cha mnyam pa dang/ rgyam tsha zho gnyis dang/ shu ti zho bzhi dang/ 'di rnams btags pa'i phye ma e raN+Ta'i rtsa ba bskol ba'i nang du sbyar ba ni/ sbrang rtsi dang
 til mar cha mnyam pa zhes bya ba yin te/ de la ni ru ha mas btang na bcud kyi len du 'gyur te/ gcin nad dang/ gzhang 'brum dang/ srin bu'i nad dang/ skran dang/ rgyu cher skyes pa'i nad sel to/ /sbyor ba gong ma'i nang du shing mngar gyi phye mas bsres na mig la
 phan te khrag dang mkhris pa la phan no/ /gla sgang btang ba'i phye ma sbrang rtsi dang til mar dang sha khu dang mar sbyar ba ni ya ba na zhes bya ste/ de'i 'jam rtsi byas na gzhang 'brum dang/ brla dang/ rlig pa dang/ pho mtshan rnams su zug pa las rgyal bar byed do/ /yang na sbrang rtsi
 dang/ mar dang/ zhag dang/ til mar srang gnyis gnyis kyi nang du rgyam tsha zho gcig dang/ spa ma'i 'bras bu srang phyed kyi phye ma dang sbyar ba ni de yang ya bas zhes bya ste/ 'jam rtsi mas btang na phan yon gong ma dang 'dra'o/ /yang na a raN+Ta'i rtsa ba bskol ba'i khu
 ba'i nang du shu dag dang/ pi pi ling dang/ po son cha gsum pa'i phye ma dang/ sbrang rtsi dang/ til mar dang/ rgyam tsha ci ran tsam btab pa yuk+ti ra tha zhes bya ste/ de'i 'jam rtsi mas btang bar bya'o/ /yang na e raN+Ta'i rtsa ba bskol ba'i nang du shu dag dang/ shu ti dang/
 shing kun dang/ rgyam tsha dang thang shing dang/ ra sna dang/ de rnams btags pa'i phye ma sbrang rtsi dang/ sbyar ba ni nyes pa 'phrog pa zhes bya ba'i 'jam rtsi yin te/ 'jam rtsi mas btang na dge bar 'gyur ro/ /yang na rtsa ba lnga bskol ba'i khu ba'i nang du pi pi ling dang/ rgyam tsha
 dang/ shing mngar dang/ de rnams btags pa'i phye ma dang/ sbrang rtsi dang/ til mar btab pa ni grub pa'i 'jam rtsi zhes bya ba yin par shes par bya'o/ /yang na rtsa ba bcu pa dang/ 'bras bu gsum dang/ po son cha dang/ bilpa dang/ de rnams ba gcin dang tshul bzhin
 bskol ba'i nang du pa tha dang/ dug mo nyung dang/ gla sgang dang/ po son cha dang/ lan tsha dang/ de rnams kyi phye ma sbrang rtsi dang/ til mar dang/ mar dang thal sman btab pa ni yuk+ti ra tha zhes bya ste/ de las ran par mas btang na/ bad kan
 gyi nad dang/ skya rbab dang/ gsung pa dang/ khu chu dang/ rlung 'gags pa dang/ khong 'khrugs pa rnams la rab tu bsngags so/ /gla sgang dang/ pa thA dang sle tres dang/ e ran dang/ ba bla dang/ ra sna dang/ ba spru ba dang/ btsod dang/ do dag dang/ pu tse shel dang/ khyi lce
 ba dang/ ba ru ra dang/ pu tse shel dang/ rtsa ba lta ba chung ngu dang/ de rnams srang re re dang/ de rnams chu srang brgya nyi shu rtsa brgyad dang tshul bzhin bskol te bzhi cha lus pa dang btsags te/ tshig ma por ba'i dangs ma 'o ma srang drug cu rtsa bzhi dang yang
 bskol te/ 'o ma lus pa dang/ 'o ma'i bzhi cha'i srog chags thang la gnas pa'i sha khu dang mar dang/ sbrang rtsi dang/ rgyam tsha dang/ shing mngar dang/ shu ti dang/ pi pi ling dang/ dug mo nyung dang/ skyer khaN+Ta dang/ 'di rnams btags pa'i phye ma btab
 ste bsres pa'i 'jam rtsi dro 'jam tsam mas btang na/ lus kyi sha dang me drod dang/ stobs dang/ khu chu rnams 'phel zhing dreg nad dang/ rmong bag du 'dug pa dang/ gcin nad dang/ gzhang 'brum dang/ skran dang/ bshang gci 'gags pa dang/ rims
 mi bzad pa dang/ shu ba mched pa dang/ rgyu rlugs dang/ bad kan tshad par 'khru ba rnams 'joms te/ de bzhin du brla dbrag dang/ brla dang rked pa dang/ dku dang/ gnya' rengs dang/ rna ba dang/ mgo bo rnams su na zhing zug pa dang/ zla mtshan gyi nad dang/
 smyo byed dang/ skrang ba dang/ lus pa dang/ rde'u chags pa dang/ rlung 'khyil pa rnams sel to/ /gzhan yang mig la phan zhing bu skye bar byed de/ ya ga na zhes bya ba'i 'jam rtsi'i mchog yin te/ bcud kyi len du 'gyur ro/ /ri dags gdong chung ba ri bong dang/
 phag la sogs pa'i sha rtsa ba bcu pa dang lhan cig bskol ba'i khu ba'i nang du spa ma'i 'bras bu dang/ shu ti dang/ gla sgang btags pa'i phye ma dang/ snum chen po dang/ ldan pa'i ni ru ha mas btang na/ shin tu bud med la nyal phod par 'gyur ro/ /rma bya'i gshog pa dang/
 mkhris pa dang/ rgyu ma dang/ rkang pa dang mchu dang/ rtug pa rnams bor ba'i sha 'ba' zhig dang/ rtsa ba chung ngu lnga srang re re dang/ sman gyi brgyad 'gyur gyi chu dang/ 'o ma lhan cig bskol te 'o ma lus pa'i nang du/ bi da ri dang/ pi pi ling dang/ shing mngar dang/ shu ti
 dang/ po son cha btags pa'i phye ma dang/ mar dang sbrang rtsi dang/ lan tsha cung zad btab te/ de las 'jam rtsi mas btang na lus kyi stobs dang khu chu 'phel bar byed pa'i mchog yin te/ rma bya'i cho ga ji lta ba bzhin du sregs pa la sogs pa khron rko bas
 kha zas tshol ba thams cad dang/ bye'u la sogs pa mchus zas thu ba thams cad dang/ seng ge la sogs pa mthu rtsal gyis zas tshol ba thams cad kyi sha re re la yang cho ga de lta bya ste/ de bzhin du chu la gnas pa dad? pa dang/ ro ha ste la sogs
 pa'i sha rnams rma bya'i cho ga ltar bya ste/ nya sha la ni 'o ma spang ngo/ /srog chags go nga dang/ sre mo dang/ byi la dang/ sha lya ka dang/ byi ba dang/ de rnams kyi sha srang bcu bcu dang/ rtsa ba lnga pa de dang mnyam pa dang tshul bzhin bskol la 'o ma lus pa'i nang du/
 po son cha dang/ pi pi ling dang/ lan tsha rnam gnyis kyi phye ma dang/ khar dang/ til mar dang/ sbrang rtsi dang/ mar dang ldan pa'i 'jam rtsi sbyar te btang na bcud kyis len du 'gyur te/ lus kyi rtsol bas glog 'grams pa dang/ dbang po rnams mi gsal ba dang/
 stobs dang/ gzi mdangs nyams pa dang/ khu chu dang bshang gci 'gags pa dang dreg nad la phan zhing de bzhin du rta dang glang po che dang/ shing rta la sogs pa las lhung zhing rkang lag chag cing grugs pa rnams la 'jam rtsi btang na slar 'tsho bar
 'gyur te/ ro rtsa bar byed pa'i yul yin no/ /bza' ba ni kha sral dang/ byi tsher ba las gzhi blangs pa'i 'o thug sbyin no/ /e raN+Ta la sogs pa'i 'jam rtsi mas btang ba'i sbyor ba de dag ni cho ga bsrung mi dgos par grung ba'i sman du
 bshad pa yin no/ /da ni rlung nad 'joms shing bsrung ba dang bcas pa'i 'jam rtsi mas btang ba brjod par bya ste/ de yang rtsa ba bcu pa dang/ ba la dang/ rwa sna dang/ a sha gand+ha dang/ ba spru ba dang/ sle tres dang/ e raN+Ta dang/ tik+ta dang/ ga bra'i rtsa ba dang/ ba sha ka dang/
 b+hu ti ka dang nye'u shing dang/ sa ha tsa ra dang/ ka ka na se dang/ de rnams srang re re dang nas dang/ mon sran gre'u dang/ zar ma dang/ rgya shug dang rgya sran dang/ 'di rnams srang gnyis gnyis chu srang nyis stong bzhi bcu rtsa brgyad dang tshul bzhin bskol te bzhi cha khu ba srang
 lnga brgya rtsa bcu gnyis lus pa'i nang du a ru ra dang/ 'tsho byed sde bcu srang re re'i phye ma dang til mar srang brgya nyi shu rtsa brgyad dang lhan cig bskol te/ 'jam rtsi mas btang na rlung nad thams cad sel bar byed do/ /yang na thang la gnas pa'i srog chags kyi zhag
 'tsho byed sde bcu dang/ goms pa bzhin byas pa'i 'jam rtsi btang na rlung nad thams cad sel to/ /yang na shu ti dang/ nas dang/ bilba dang/ rang skyur dang/ til mar de rnams tshul bzhin bskol ba'i til mar ni rlung nad can la sbyar ro/ /yang na rgyam tsha me'i nang du sregs te dmar por
 gyur ba dang/ mar gyi nang du bsnyugs te/ de bzhin du yang dang yang byas pa'i mar gyi 'jam rtsi mas btang na rlung nad las rgyal bar byed do/ /dzi ban+ti dang/ po son cha dang/ me da rnam gnyis dang/ sra ba ni dang/ shing mngar dang/ ba la dang/ shu ti dang/ zangs rtsi ba dang/ pi
 pi ling dang/ ka ka na se dang/ nye'u shing dang/ kha sral dang/ ram nye ba 'o ma can dang/ ka? ha sriM gi dang/ zur ba dang/ shu dag dang 'di rnams btags pa'i phye ma dang/ mar dang/ til mar dang/ de'i gzhi 'gyur gyi 'o ma dang sbyar te 'jam rtsi mas btang na/ nyams rta ba
 dang/ rlung dang mkhris pa 'joms shing nyams stobs dang me drod dang khu chu 'phel bar byed de/ khrag dang khu ba'i nad phrog cing bu skyed par byed do/ /yang na rgyam tsha dang po son cha dang ru rta dang/ shu ti dang lcang ma dang/ shu dag dang/ ba bla ka dang/ shing mngar dang/ ga bra'i rtsa ba dang/ thang shing dang/
 katpa la dang/ dong gra dang/ ma nu dang/ me da dang/ dbyi mo dang/ tsi tra ka dang/ zur ba dang/ bi dang ga dang/ bong nga dkar po dang/ tri ba tsa dang/ ha re nu ga dang/ ni li ni dang/ thi ra dang/ bilba dang/ ting mu sa dang/ pi pi ling dang/ dan+ti dang/ ra sna dang/ 'di rnams cha mnyam ste e raN+Ta'i mar ram/ til
 mar dang/ bskol ba las 'jam rtsi byas na/ bad kan las gyur pa'i nad thams cad 'jams te/ de bzhin du rlig rlugs dang/ phyi sa 'khyil ba dang/ skran dang/ gzhang 'brum dang/ mcher ba na ba dang/ gcin nad dang/ brla rengs pa'i nad dang/ lto sbo ba dang/ rde'u chags pa rnams
 myur du sel bar byed do/ /yang na bilpa la sogs pa'i rtsa ba lnga til mar dang bskol ba'i 'jam rtsi mas btang na rlung nad dang bad kan gyi nad 'joms so/ /yang na bad kan la phan pa'i sman tsha ba lnga la sogs pa dang til mar lhan cig bskol te 'jam rtsi byas na yang phan? no?/ /yang na
 til mar dang de'i brgyad 'gyur gyis bskyur dang lhan cig bskol ba'i nang du/ po son cha'i phye mas btab pa'i 'jam rtsi bad kan can la btang ngo/ /rmod dag tu gyur pa la ni mas btang ba rno ba 'jam po 'dod do/ de rno ba btang ba'i rjes la ni/ 'jam pa'i sman btang ste/ de yang 'jam
 pa ni/ snum pa dang mngar ba dang/ bsil ba rnams so/ /'jam pa'i rjes la ni rnon po btang ste/ de la rno ba'i sman ni ba gcin dang/ bi lu dang/ kru trug tre sa dang/ lan tsha dang/ thal sman dang/ yungs kar rnams so/ /de yang dug dang gnas skabs shes par byas nas 'o ma dang
 mar la sogs pa ni 'jam pa la sbyar ro/ /thog mar sman pa blo dang ldan pas nad pa'i nyams stobs dang dus kyi bye brag dang/ nad gzhi dang/ rang bzhin gyi bye brag shes par byas nas nad bzhi so so dang mthun pa'i sman gyi sde mtshan gang yin pa dang sbyar ba'i
 'jam rtsi mas btang bar bya'o/ /nad pa tsha bas nyam thag pa la ni bsil ba'i 'jam rtsi btang zhing nyams brta ba'i kha zas la sogs pa bsil bag sbyar ro/ /grang bas nyams thag pa la ni sman dang ldan pa'i 'jam rtsi kha zas la
 sogs pa drod bag sbyar ro/ /skyes bu gang gi mdze nad dang tshil rgyas pa'i nad dang/ gcin nad rnams la ni bkru sman sbyar bar rigs kyi nyams brta ba'i 'jam rtsi mi bya'o/ /lus zad pa dang/ glo 'grams pa dang/ nyam chung ba dang/ brgyal ba dang/ lus
 rjud pa dang/ skem pa dang/ slon khrus kyis lus dag zin pa rnams la ni/ skyug sman mi bya'o/ /de bzhin du gang gi srog zungs phyi sa brtan par 'dzin pa la yang bkru sman mi btang ngo/ /cho ga grub pa'i gnas las sman mas btang ba'i cho ga'i le'u ste bzhi
 pa rdzogs so// //de nas sman mas btang ba'i cho gas nad phyin te sos par bya ba'i cho ga'i le'u bshad par bya ste/ de la nad pa snum dang dugs ma byas pa dang lto shin tu lci ba mas btang ba'i sman grang mo dang/ snum dang/ lan tsha nyung ba dang
 sman thun tshad chungs pa dang/ yang na bska ba mas btang na sman gyi stobs chung bas nad gzhi 'khrugs nas mi 'byung ste sbyor ba log pa des ni rung dang phyi sa dang gcin 'gag cing chu so dang lte ba na ba yin la/ lus tsha zhing dang ka mer mer por byad
 pa dang/ gzhang skrang ba dang/ g.ya' ba dang/ 'bras byung ba dang/ mdog 'gyur ba dang/ gnas la ming dang ba dang/ me drod chung bar 'gyur te/ de la ni 'khru ba gso ba'i le'u las 'byung ba'i sman bu tika dang/ pi pi ling dang/ bca' sga dang/ shu dag dang/
 'u su dang/ a ru ra bskol ba 'am/ yang na bilpa dang/ 'u su dang/ gla sgang dang/ bca' sge dang/ ba la ka dang/ de rnams bskol ba 'am/ sbyor ba de gnyis gang yang rung ba dron po 'thungs na rab tu bsngags so/ /yang na rtug pa 'gags te zug gzer che ba
 la na po son cha li reng bu btang zhing dugs bya ba dang/ dus tshod shes par byas la bkru sman yang btang ste/ bilba'i rtsa ba dang/ du rbid dang/ thang shing dang/ nas dang/ rgyu shug dang/ rgya sran dang/ 'di rnams btags pa'i chang dang ba gcin dang/ lhan cig mas btang na phyi
 sa 'gags bsel bar 'gyur ro/ /de la nad gzhi stobs che ba 'am/ khong du rtsub pa 'am/ lto sra ba la sman thun chung ba 'am/ nus pa chung ba'i sman mas btang na/ nad gzhi rnams slong te/ rlung rgyu ba'i rgyu srang 'gags nas/ rlung la ma log par song ste/ lto sbos
 shing gnad rnams kyang shin tu gzir cing na bar 'gyur ro/ /de bzhin du lus tsha ba dang/ gzhang dang/ lto ba dang/ rlig pa dang/ chu so rnams su zug cing na ba dang/ rlung de snying la brten cing lus thams cad du 'pho ste/ na bar 'gyur ro/ /de ni bsku byug dang dugs bya ste/ po
 son cha'i reng bu sbyar bar bya'o/ /yang na bilba la sogs pa gong du smos pa'i sman bskol ba'i nang du pi lu'i 'bras bu dang/ dug mo nyung gi phye ma dang/ ba gcin du sbyar ba ni ru ha mas btang na phan no/ /yang na ko nyon tse dang/ thang shing dang/ til mar dang sbyar ba'i
 'jam rtsi mas btang bar bya'o/ /mas btang ba de bar du bcad cing btang ba 'am/ yang na btsir drags pa 'am/ thun ches pa 'am/ lan tsha dang snum med pa 'am/ grang ba 'am/ sman nyung ba 'am/ 'jam po btang bar gyur na ni rlung gis gyen tu phul te kha 'am/
 sna nas 'byung bar 'gyur la/ de'i dbang gis brgyal ba dang/ brang che zhing kha nas chu 'byung ba dang/ skom dad che ba dang/ lus tsha ba la sogs pa skye bar 'gyur ro/ /de ltar brgyal ba la sogs par gyur na/ de ma thag tu chu grang mos gdong la gtor ro/ /brgyal ba
 des? dub bar gyur pa la ni/ rlung yab kyis g.yab cing dbugs bsdams te rdub du gzhug go /de nas nad ba de kha bub du bzhag ste/ rgyab dang rtsib logs dang lto ba rnams su lag pa la sogs pa dron pos mnye zhing dugs bya'o/ /de nas rgyal bu'i skyes bus
 tshig spyo ba dang bcas pas skra las drangs shing drud pa dang/ mtshon dang me mched pa dang/ sbrul dang/ mche ba can la sogs pas 'jigs par byas na mas btang ba de tshul bzhin du 'byung bar 'gyur ro/ /des kyang ma thub na ji
 ltar yang mi 'chi ba'i thabs bya ste/ lag pa gnyis sam ras kyis mgul ba dam du bcings na srog ces bya ba dang/ gyen du rgyu ba'i rlung gis lam 'gags te/ thur du sel ba'i rlung zhes bya ba des rang gi gnas su 'og tu myur du 'dren par byed do/ /
 yang na ru rta dang gseng phrom gnyis kyi phye ma rang skyur dang bskol te blud na dro ba dang/ rno ba dang/ 'khru ba'i rang bzhin yin pas/ mas btang ba'i sman de lugs bzhin 'byung ngo/ /yang na dur byid dang/ a ru ra'i phye ma ba gcin dang bskyos pa 'thungs
 na thur du 'byung bar 'gyur ro/ /zhu ba'i gnas su mas btang ba'i sman 'dug pa la ni thog mar dugs byas la/ de'i 'og tu rtsa ba bcu pa dang nas dang rgya shug dang rgya sran rnams pa gcin dang lhan cig bskol te ni ru ha mas btang ngo/ /yang na sle tres dang
 smyug ma'i lo ma dang/ pu ta ka rany+dza'i shun pa dang/ lo ma dang/ zur ba dang/ thang shing dang/ b+hu ti ka dang/ 'di rnams ba gcin dang bskol la/ til mar dang bu ram dang/ rgyam tsha dang bcas pa'i nang du bkru sman gyi phye mas btab pa mas btang ngo/ /mas btang
 ba'i sman de brang gi nang du byung ba la ni bilba la sogs pa rtsa ba lnga bskol ba mas btang ngo/ /mgo bor byung ba la ni snar blugs pa'i sman dang dud pa btang ba dang/ yungs mar gyi lde gus mgo bo bsku'o/ /mas btang ba'i sbyor ba drod ches pa dang/ rno ches
 pa dang/ sgyur drags pa dang/ bska ches pa'i sman nad pa dugs ma byas pa dang/ nad gzhi chung ba dang/ rgyu snyi ba la btang ba 'am/ yang dang yang btang na ni sbyor ba drags pa yin te/ khong pa'i nang du nad skyed par byed do/ /mas btang ba'i sbyor ba drags te mang du
 'bru na bkru sman drags pa'i gso ba ji lta ba bzhin du bya'o/ /yang na mas btang ba'i sman dang/ thal sman dang/ skyur ba dang/ do ba dang lan tsha rnams mkhris pa'i rang bzhin can la sbyar la/ gzhang gi nang du tsha ba skyes te zus pa snyam byed cing gnod pa dang bcas
 ? par 'khru bar byed do/ /'khru ba de yang khrag bcas pa lta bu 'byung la mkhris pa yang shugs drag pos shas cher 'byung ste/ yang nas yang du dran pa stor bar 'gyur ro/ /de la ni khrag dang mkhris pa'i 'khru ba'i gso ba rab tu bsngags so/ /de bzhin du gzhang
 tsha ba la sogs pa'i nad de la ni/ dur byid kyi phye ma rgun chu'i nang du bskyos pa blud do/ /ji ltar mkhris pa'i 'khru ba gso ba bzhin du/ rlung dang mkhris pa gso ba'i cho ga byas na yang gnod pa sel bar byed do/ /de ltar skyes bu de'i khong dang/ ba lta na/ thug
 pa grang po kha ra dang bcas pa blud do/ /de ltar 'khru ba'i 'og tu bshad pa zad par 'gyur ba dang/ bza' bar ni mon sran gre'u'i khu bcud dang/ mon sren rde'u la sogs pa'i chan dang lhan cig sbyin no/ /btung bar ni zho dang chang blud do/ /de rtsub por gyur pa'i
 sbyor bas nad phyin te sos par bya ba bstan nas/ da ni snum bcos kyi 'jam rtsi mas btang bas nad phyin te sos par bya ba bshad par bya ste/ de yang rlung las gyur pa'i nad 'jam rtsi grang ba'am/ nyung ba btang ba dang/ mkhris pa las gyur pa la ni shin
 tu rno ches ba btang ba dang/ bad kan las gyur pa la 'jam pa dang de bzhin du dangs pa la 'jam rtsi 'ju dka' ba dang/ hi ma mang du gsogs pa la sman nus stobs chung ba btang na/ snum rlung la sogs pa'i nad gzhi dang 'dres nas nang du 'khyil te slar 'byung
 bar mi 'gyur te/ de ltar rlung dang 'dres te phyir mi 'byung ba des ni/ rengs pa dang/ mkhris pa las gyur pa la ni/ brla stobs zhan pa dang/ skyigs bu dang/ rims dang/ gzer ba dang/ yan lag brtung brtung ba snyam byed pa dang/ rtsib logs na ba dang/ 'dar
 bu rnams 'byung bar shes par bya'o/ /de lta bu la ni snum pa dang/ lan tsha dang/ dro ba dang/ rno ba'i sman ko nyon tsi'i mar dang/ ra sna dang/ rang skyur dang/ tshang dang/ rgya shug dang/ rgya sran dang/ nas rnams bskol ba 'am yang na ni ru ha
 mas btang na sel bar byed do/ /de nas zas zos la gong gi ni ru ha'i sman gyi sbyor ba gnyis po gang yang rung ba til mar dang sbyar ba'i 'jam rtsi nyi ma phyed phyed tsam na btang ngo/ /'jam rtsi mas btang ba de nang du mkhris pa dang 'dres nas phyir mi 'byung
 ba'i mtshan ma ni skom dang che ba dang/ tsha ba che ba dang/ mdog dngar ba dang/ rmong bag du 'dug pa dang/ mdog 'gyur ba dang/ mun par mthong ba dang/ rims kyis 'debs pa rnams yin par shes par bya ste/ de la ni kha ba dang/ mngar ba'i sman dang sbyar
 ba'i ni ru ha mas btang bar bya'o/ /'jam rtsi mas btang ba de bad kan gyi nang du 'khyil te phyir ma byung ba'i mtshan ma ni snyom pa dang/ rims grang mos thebs pa dang/ skyid zhan pa dang cham pas btab pa dang/ yi ga 'chus pa dang/ lus lci ba dang/
 brgyal ba dang/ rab tu na ba yin par shes par bya ste/ de la ni bska ba dang/ kha ba dang/ tsha ba'i sman chang dang/ ba gcin las gzhi blangs la/ bo son cha dang/ skyur dang/ til mar dang/ bcas pa'i ni ru ha mas btang bas zhi bar bya'o/ /'drangs ches ba
 la 'jam rtsi mas btang nas phyir ma byung ba'i mtshan ma ni/ skyug bro ba dang/ brgyal ba dang/ yi ga 'chus pa dang/ snyom pa dang/ gzer ba dang/ rmya ba dang yan lag brdung brdung ba snyam byed pa dang/ gzhan yang ma zhu ba'i mtshan ma rnams 'byung
 zhing lus tsha bar byed de/ de la ni sman rno ba bskol ba'i nang du lan tsha'i phye ma btab pa blud de zhu bar gyur pa dang/ bkru sman 'jam po btang la dar ba las gzhi blangs pa'i bza' ba dang btung ba phan no/ /'jam rtsi mas btab pa de phyi sa dang
 gnyis 'dres nas nang du gsogs shing phyir 'byung du mi 'dod pa'i mtshan ma ni phyi sa dang gcin dang/ rlung 'gags pas nyams thag pa dang/ lus lci ba dang/ lto sbo ba dang/ ro stod 'dzings pa rnams yin par shes par bya ste/ de la ni snum pa dang dugs dang/ reng bu
 mas btang ba dang/ dur byid dang/ bilba la sogs gong du smos pa'i sbyor bas ni ru ha dang/ a nu bas nams btang ngo/ /yang na rtug pa 'gags pa'i cho gar bshad pa bzhin bya ste zhi bar bya'o/ /kha zas ma zos te ltogs pa dang/ gzhang tshe ste ltogs pa dang/ thug pa
 'thung ba 'am/ yang na nyung ngu 'thung ba 'jam rtsi shugs drag pos mas btang bar byas na ro stong du 'byung zhing de nas mgrin par 'byung ste/ mgo bo'i bug pa sna tshogs su 'byung bar 'gyur ro/ /de ltar byung ba ni nas dang/ dur byid dang/ rgya shug dang/ rgya sran dang/ 'di
 rnams pa gcin dang/ til mar dang/ tshul bzhin du bsgrubs la ni ru ha dang 'jam rtsi mas btang bar bya'o/ /'jam rtsi mas btang ba de mgul bar byung la ni mgul ba bsdam ba dang/ bcing ba dang/ bkru sman btang ba dang/ skyug pa 'joms shing sman gyis bzlog par bya'o/ /
 'jam rtsi de ma tshos par btang na ni gzhang gi nang du yog pa ltar 'dug cing/ rgyun sran rnams su tshul bzhin mi 'gro ste/ de yang zug gzer che la rmong bag du 'dug cing g.ya' ba dang/ skrang bar byed do/ /de la ni sman rno ba mas btang ba 'am/ de bzhin du arga'i lo ma bskol
 ba'i til mar dang bsgrubs bsams btang ngo/ /'jam rtsi nang du gtong khar rlung legs par ma byung ste/ spu bu'i kha nas sngon rlung song ngam/ yang na rgyun srang rnams 'gags te 'gror ma 'dod pa 'am/ yang na sman lhag ma ma lus par btang ste/ de'i rjes la sbugs su
 zhugs nas rlung 'khrugs par 'gyur te/ na zhing zug par gyur pa de la ni bsku byug dang/ gzhang gi phyogs su dugs bya ba dang/ rlung 'joms pa'i sman sbyar ro/ /'jam rtsi nang du brtang thabs su bcug ste/ phyung ba'i dus su yang ring thabs su phyung ngam/ spu bu yon por btang
 ngam/ gtong zhing nad pas lus 'gul skyod byas na/ rked pa dang/ gzhang dang/ rje dar dang/ brla dang/ chu so rnams su rengs shing nad kyis nyams thag par 'gyur ste/ de la ni rlung 'joms pa'i bza' ba dang/ dugs dang/ bsku byug dang/ mas btang ba
 rnams kyang rlung la phan pa'i sman dang sbyar ba btang na phan no/ /'jam rtsi gtong bzhin du bcing ba lhod dam grol te mar phyir bor te/ rlung nang du zhugs nas brang dang mgo bor zug gzer skye zhing rlung gi stobs chen ni gong ma'i gnod pa rnams kyang skyed par 'gyur te/ de
 bas na de la ni bilba la sogs pa rtsa ba lnga 'am/ yang na po son cha la sogs pa 'am/ sha ma dur byid la sogs pa sbyor te de gsum gang yang rung ba gcin dang sbyar ba mas btang ngo/ /'jam rtsi mas btang ba de btsir drags na ni khong pa dang/ mgul bar 'gro bar
 'gyur te/ de la ni sman mas btang ba dang/ bkru sman btang ba dang/ mgul ba bsdams pa'i las rnams bya'o/ /de ltar smon khrus la sogs pas lus dag par byas nas/ de'i 'og tu sman pas lus kyis nyams stobs dang/ me'i drod chung ba las bza' ba dang btung ba mi
 mthus la rnams bsgrims nas bsrung bar bya ste/ ji ltar sgong gzhon nu 'am 'bru mar gyis gang ba'i snod bzhin bsrung bar bya'o/ /de ltar slon khrus kyis lus dag pa'i nad pa de la ni thog mar kha zas mngar ba dang/ de'i 'og tu skyur ba dang lan tshar bcas pa
 sbyin no/ /de'i 'og tu mngar ba dang/ kha ba sbyin no/ /de'i 'og tu bska ba dang tsha ba sbyin no/ /de ltar ro rnams gcig la gcig mi mthun pa sbyin no/ /ji ltar snum pa dang rtsub pa bzhin no/ /rim pa de ltar byas pa'i sbyor bas lus nyams tha mal bar sbyar bar bya'o//
 lus kyi nyams tha mal ba zhes bya ba ni las thams cad nus shing nyams rtogs brtan pa yin te/ rang bzhin gyi lus zhes bya'o/ /cho ga grub pa'i gnas las sman mas btang ba'i chogs dang phyin te sos par bya ba'i le'u ste lnga pa rdzogs so// //
 de nas sman gyi cho ga'i le'u bshad par bya ste/ de la thog ma sman sa yul ji lta bu las btu bar bya zhen dro grang mnyam pa'i yul dang thang mnyam pa'i yul dang thang mnyam pa dang/ sa mdog snum pa dang/ gnag pa dang gser gyi mdog ltar 'dug pa dang/ de dag
 ? phyogs gang gtsang zhing snyi ba dang/ chu g.yas phyogs su 'bab cing rtswa ku sha dang/ b+hu ti ka la sogs pa yod pa'i sa dang/ gshol la sogs pas rmos pa'i sa las skyes pa blangs la/ shing chen po'i sgrib ma la sogs pas gnod pa byas pa dang/ de bzhin du
 dung khrod dang/ mchod rten dang/ lha khang dang/ mchod rten rnying ba'i drud du skyes pa dang grog ma'i gnas su skyes pa'i sman rnams dang spang ste/ de bzhin du srin 'bu la sogs pas zos pa dang/ nyi mas tshig pa dang/ nags tshig pa'i nang du skyes pa dang/ 'byung po gnas
 pa'i shing drung du skyes pa dang/ shing chen po'i lo ma dang/ yal ga la sogs pa las 'bab pa'i chu phog pa dang/ shing gi lo ma las nyi ma 'bab pa'i dugs kyi sa phog pa'i sman dang/ 'di rnams lta bu spangs te/ rtsa ba chen po byang phyogs su bstan te zug pa'i
 sman rnams dus ji lta ba bzhin brngas pa dang/ mdog dang dri la sogs pa dang ldan pa rnams blangs na rab tu bsngags so/ /de nas sman pa bdag nyid lus khrus dang gtsang sbra dang smyung ba byas la bkra shis pa'i cho ga 'don cing shin tu gus pa dang bcas pas gnas
 dag zhing shis pa las skyes pa'i sman rnams bcud dang/ yon tan 'dus kyi bye brag shes par bya ste lo gcig tshun chad kyi sman sar pa btu zhing dpyad par bzang ngo/ /bu ram dang/ mar dang/ sbrang rtsi dang/ 'bru thams cad dang/ pi pi ling dang/ bi dang ga dang/
 ming du smos pa de dag ni rnying pa bzang ngo/ /de la ba lang la sogs pa'i 'o ma thams cad dpyad pa'i tshul ni ba gzhon zhing nyams stobs dang ldan pa khrag la sogs pa'i lus zungs ma nyams pa dang/ spu dang/ rwa dang rmig pa la sogs pas brgyan pa/
 nad med cing be'u btsas nas yun ring du lon pa'i 'o ma dang/ gcin dang lci ba la sogs pa blang ngo/ /lan tsha ma gtogs pa smin thams cad khu ba dang phye ma dang/ bskol ba dang/ spangs pa grang mo dang phan Ta dang/ de dag 'di ltar
 btags par bya ste/ sbyor ba lnga po de dag kyang gong ma bzhin du nus pa che ba yin no/ /de la rang gi khu ba zhes bya ba ni sman de ma thag btus la brdungs te tshogs kyis btsags pa'i rang gi khu ba'o/ /phye ma zhes bya ba ni sman btags pa'i phye ma gzhan la
 gdab pa'i ched du byas pa'o/ /yang na sman skam po btags pa'i phye ma la yang bya'o/ /bskol ba zhes bya ba ni sman thams cad pa 'am/ cham chom brdungs pa cho ga bzhin du chu dang lhan cig bskol ba la bya'o/ /spangs pa'i grang mo zhes bya ba ni sman
 rnams chu grang gi nang du bcug la bsil ba'i sar nub gcig bzhag te tho rangs btung ba'o/ /phan Ta zhes bya ba ni chu bskol ba dron po'i nang du sman bcug la brdungs te mnyes la bsros te bcags te btung ba'o/ /rang gi khu ba la sogs pa de
 dag kyang nad kyi stobs che chung la brtags te cho ga bzhin du ran par btang ngo/ /de yang drang srong chen po rgyun shes kyi bus bshad pa na re sman gyi tshad ran ba zhes bya ba ni nges pa med de/ nad kyi bye brag dang lto sra snyi dang/ nyams stobs che chung dang/ dus
 dang yul gyi bye brag shes par byas nas sman yang de bzhin du brtag par bya'o/ /'on kyang rang gi khu ba btung ba'i 'bring tshad ni srang bzhi'i tshad tsam ni ran ba yin no/ /zhes bshad do/ /phye ma bskol ba'i tshad ni sman gcig chu srang bcu drug dang bskol
 te bzhi cha gcig lus pa btung ba'o/ /sman bskol te bsgrangs pa'i sman bskol ba'i khu ba srang drug gi nang du sman gcig bcug nas nub gcig spangs pa blud do/ /phan Ta ni chu srang bzhi'i nang du sman srang gcig bcug la nub gcig spangs
 pa'o/ /mar bskol ba'i tshang ma smos pa rnams ni sman gyi phye ma'i bzhi 'gyur gyi 'o ma dang/ de'i bzhi 'gyur gyi chu dang bskol lo/ /chu nyi tshe dang bskol ba yin na ni mar ci tsam pa'i bzhi cha'i phye ma dang/ de'i bcu drug 'gyur gyi chu dang bskol ba'o/ /sman bskol
 ba'i khu ba dang sbyor ba yin na ni mar gyi brgyad cha'i phye ma dang lhan cig bskol ba'o/ zhes zer ro/ /bskol te tshos pa'i tshad ni sman gyi tshigs ma lag pa la mi 'byar te dril tu btub pa 'am/ yang na mer bcug te sgra med pa dang/ gang gi tshe mdog dang dri dang ro
 rnams ma gyur te ldan pa'i tshe na ni tshos pa'i tshad yin te de ma thag byung ngo/ /mar chos pa'i tshad ni lbu ba zhi pa'o/ /til mar chos pa'i tshad ni lbu ba byung ba'o/ /lde gu'i tshad ni gang du btub cing chu nang du bcug na nang du 'bying ba'o/ /tshos pa'i tshad kyang rnam
 pa gsum ste/ chos pa dang po tshigs ma dang dangs ma 'dres pa'o/ /chos pa ran pa'i tshad ni dangs snyigs phyed pa'o/ /rab tu tshos pa ni snyigs ma cung zad cig mdog nag por gyur la/ de yang dril du btub pa'i tshad do/ /rab tu tshos pa de ni snum shas
 chung zhing nus pa zhan pa yin no/ /tshos pa dang po ni drod nyams par byed do/ /tshos pa ran pa ni blugs pa la sbyar ro/ /rab tu tshos pa ni lus bsku ba la sbyar ro/ /tshos pa ran pa ni btung ba dang mas btang ba gnyis la sbyar ro/ /ma sha drug la shan gcig shan bzhi la
 zho gnyis de bzhi la srang gcig /de'i bzhi 'gyur ni ku d+ha ba zhes ste srang bzhi'o/ /de'i bzhi 'gyur la bre'u chung gang ngo/ /bre'u chung bzhi la a d+ha ka ste bre 'bring ngo/ /bre 'bring bzhi la bre bo gcig go /bre bo che bzhi la ba ha zhes bya ba'i tshad do/ /ku d+ha ba la sogs
 pa'i tshad bstan pa de dag ni phye ma dang sman bskol ba'i nang du gdab pa skam po'i tshad bstan pa yin gyi/ gal te sman rlon pa 'am/ sman khu lta bu ni nyis 'gyur du skyed de sbyar ro/ /gang du sman gyi srang tshad nges par ma smos pa rnams ni chab snyams te sbyar ro/ /
 sha na gnyis la zho gcig yin te/ de'i ming gi rnam grangs ni pA te ka dang/ ko la dang/ ba ta dang/ tra kU ma ste/ de dag ni ming gi rnam grangs so/ /zho gnyis la karsha gcig yin te de'i ming ni ak+Sha dang/ pi tsu dang/ pa ni twa la dang/ su par+Na
 dang/ ka pa la gra ha dang/ karsha dang/ bi d+ha ba da dang/ tindu ka dang/ pa ni dang ma ni ka dang/ de dag ni karsha'i ming gi rnam grangs so/ /karsha gnyis la shu ste zhes bya ba yin te/ de'i ming ni atA mya ka dang bi tsu zhes bya ste ming gi rnam grangs so/ /karsha bzhi la srang gcig
 ste de'i ming la pa la dang/ pra bun tsa dang/ bilpa dang/ mushTi dang/ a sa dang/ tsa turti ka dang/ de dag ni srang gcig gi ming gi rnam grangs/ /srang gnyis la khyor gang khyor do la snyim gang/ snyim pa do la phul gang/ a da ka zhes bya ba bre 'bring gi ming gi rnam
 grangs la/ Ad+ha kam dang/ b+ha dzA na dang/ ka nas te de dag ni bre 'brid gi ming gi rnam grangs so/ /dro na te bre bo'i ming ni kumpa dang/ g+ha d+ha dang/ ma na ste de dag ni ming gi rnam grangs so/ /srang brgya la tu la zhes bya ste/ de'i nyis 'gyur la khur cig ces brjod do//
 ri gangs can dang/ ri 'bigs byed ri bran sna tshogs kyis bskor ba ni sman sna tshogs pa'i gzhi yin te/ de yang ri gangs can ni byang phyogs na gnas te de la ni bsil ba'i nus pa dang ldan pa'i sman sna tshogs skye'o/ /ri 'bigs byed ni lho phyogs na
 gnas te/ de la ni dro ba'i nus pa dang ldan pa sna tshogs skye'o/ /cho ga grub pa'i gnas las sman gyi cho ga bstan pa'i le'u ste drug pa rdzogs so// //sman pa'i bdag po seng ge spas pa zhes bya ba'i bu sman pa chen po pha gol zhes bya bas
 yan lag brgyad pa'i snying po mdzad pa las/ yan lag brgyad pa'i snying po'i gnas lnga pa'o/ /sman dpyad yan lag brgyad pa'i snying po las mchog bzhi bcu pa'i cho ga'i le'u brjod par bya ste/ de yang thog mar byis pa gso ba'i cho ga'i le'u bshad
 bar bya'o/ /dang po byis pa btsas ma thag tu mar dang rgyam tshar ldan pa'i chus lus bkru bar bya'o/ /de nas mngal nas byung ba'i sdug bsngal gyis nyon mongs pa la/ ba la dang 'bru mar gyis bkru'o/ /de'i 'og tu byis pa'i rna ba'i drung du rdo gnyis brdungs pa'i sgra
 bsgrag go /de nas byis pa'i g.yon phyogs nas sngags 'di brjod do/ /A dga dA dga t+sa ma b+ha ba si/ h+ri da yA da byi dzdza ya so/ /at+ma be su na mA si/ sa dza ba shar Na sha taM/ sha tA pu sha ta bar shos/ d+hirg+haM yu ra b+ha sa nu hi/ nak+Sha tra Ni tri sho rA tri ra ha shsha da twa bi rak+Sha tu/ de nas
 byis pa de nad med cing bde bar gyur pa dang/ lte ba'i rtsa ba sor gcig la the gus bcings te/ de nas sor bzhi lus pa dang bcad la/ the gu gong du ske ba la brtod te bzhag la skam mo/ /de'i 'og tu lte ba la ru rta til mar dang ldan pas bsku'o/ /de'i 'og tu
 shing 'o ma can rnams sam/ yang na sman dri zhim po rnams tshu dang bskol ba rno 'jam tsam gyi nang du gser dang dngul bsregs te nang du bsnyugs la des lte ba bkru'o/ /de la lag pa g.yas pa'i ma tshogs ma'i steng du ras bal snum can gyi lan
 gnyis lan gsum cung zhig mnan te bzhag ste/ mgo bor das dkris te bzhag go /de nas blo dang tshe dang nyams stobs skyed pa'i phyir/ bi sha la dang/ bra hmi dang/ shu dag dang/ shangka puShpa dang de rnams btags pa'i phye ma mar dang sbrang rtsi dang lde gur
 byas te/ thun tshad ha re nu ka'i tshad tsam bya'o/ /yang na gser dang/ shu dag dang/ mu men dang/ a ru ra dang/ 'di rnams zhib tu btags pa'i phye ma mar dang sbrang rtsi dang sbyar ba 'am/ yang na gser dang skyu ru ra'i phye ma sbrang rtsi dang sbyar ba btang ngo/ /mngal
 gyi mi gtsang ba'i dri ma dag par bya ba'i phyir shu dag dang rgyam tsha mar dang sbyar bas slon bya'o/ /byis pa btsas pa'i las dang cho ga lhag ma rnams ni skye dgu'i bdag gis bshad pa bzhin du byas na snying la gnas pa'i rtse rnams 'phel zhing
 rgyas par 'gyur ro/ /de nas zhag gsum pa 'am bzhi pa nas bud med kyi 'o ma 'byung bar 'gyur ro/ /'o ma mi 'byung ba'i zhag dang po la ni mar dang sbrang rtsi dang sman a namta bsres te sbyar ba la sngags kyis btab ste byis pa la
 dus gsum du sbyin no/ /zhag gnyis pa la ni sman lag shma na dang mar sbyar ba sbyin no/ /zhag gsum pa la ni zhun mar nyi tshe blud do/ /nam gyi mtshan stod la ni zhun mar ram ma'i nu zho lag mthil gang tsam sbyin no/ /'o ma 'am mar sar ni dus gnyis
 su blud do/ /nu zho ni ma nyid kyis blud na snyams stobs 'phel bar 'gyur ro/ /'o ma mang ba dang bu la mnyen gshin cing brtse ba'i nu ma mnun pa'i mam gnyis bya ste/ de yang yan lag lhag chad med cing smad pa ma yin pa dang/ tshangs par spyod pa dang
 rigs mnyam pa dang/ nad med cing rang bzhin du gnas pa dang/ dar la bab pa dang/ bdag nyid kyi bu tsha sngar skyes pa shi ma myong ba dang/ lto 'dun chung ba rnams las bya ste/ ma ma de gnyis kyang bza' ba dang btung ba phan pa bsten par bya'o/ /de la nu
 zho nyams pa'i rgyu ni bsres pa dang khro ba dang smyung bar 'dug pa dang/ lus kyi rtsol ba drags pa rnams yin no/ /nu zho skyed pa'i phyir bu ram chang ma gtogs pa'i chang dang srog chags gsher san 'dus pa'i sha khu dang gang yang 'o ma dang 'o ma 'phel
 bar byed pa'i sman bsten par bya'o/ /mya ngan la sogs pa ni 'o ma bri bar byed pa'i rgyu yin no/ /kha zas mi mthun pa rnams bsten pa dang/ bkres par 'dug pa dang/ sems gzhan du gyur pa dang/ sbrum pa'i dus su lus zungs rnams nyams par gyur te/ des
 nu zho ma rungs par byas te byis pa'i nang skyed par byed do/ /bud med nu zho bskams shing med par gyur na ni ra'i 'am ba'i 'o ma yang yon tan de dang 'dra bas blud par bya'o/ /yang na 'bri ha ti la sogs pa rtsa ba chung ngu lnga gong ma'i 'o ma dang bsgrubs pa 'am/
 yang na zir? rnam gnyis li khar dang ldan pa blud par bya'o/ /khyad par du zhag drug gi bar du bsrung ba dang gtor ma yang bya ste/ de bzhin du de'i nye du rnams kyis kyang gnyid mi log par dga' ba dang mchog tu dga' ba bskyed par bya'o/ /de nas zhag bcu tshang ba dang/ rang rang gi rigs
 dang mthun pa'i cho ga byas te/ btsos pa'i mal las blang bar bya'o/ /de nas lha la mchod pa la sogs pa byas nas byis pa'i ming gdags so/ /lus mdog mdzes par bya ba'i phyir ldong ros dang/ ba bla dang/ gi wang dang/ a ka ru dang/ tsan dan rnams kyi byugs pas lus bsku'o/ /
 ming btags pa yang rgyu skar dang/ rang lha dang/ nye du rnams gang yang rung ba las cha dras te 'am/ yang na yi ge mnyam pa las ming gdags so/ /de nas gzugs kyi bye brag bshad pa la brten nas che brtag par bya'o/ /phyis pa gso shes pa'i sman pas shar ram/ byang du
 mgo bstan par bya'o/ /gos bkrus pa gtsang la gnyer ma med cing 'jam pas bskon te rtsa'i mal stan la bzhag ste/ gos dang stan rnams la gdon 'joms pa'i sman gyis bdug pas bdugs te/ de yang bya rog gi dug dang/ dur byid sbyar bas bdugs na rab tu
 bsngags so/ /shang shang te'u dang/ bse rwa gcig la sogs pa'i rwa na yod pa'i nor bus byis pa bsrung ba'i ched du rtag tu gdags so/ /sman bra smi dang/ in+d+ri zhes bya ba sha la dang/ dzi ba ka la sogs pa'i sman de rnams gang la dga' ba'i sman gyis lag pa gnyis dang mgul
 pa dang/ spyi bo rnams su gdags so/ /khyad par du shu dag dus su rtag tu drung du bsten na tshe ring ba dang/ yid gzhungs pa dang/ dran pa dang/ bde legs su byed cing gdon rnams las bsrung bar byed do/ /de nas byis pa nad med cing zla ba drug gam bdun nam brgyad lon pa dang dgun gyi dus
 su nyin zhag dge ba la ma ma'i sar bzhag nas dbugs dbyung zhing spro ba skyed de/ rna ba gnyis dbug par bya ste/ sman pas khye'u yi rna ba g.yas pa thog mar phug la bu mo'i ni g.yon pa dang por dbug go /de yang sman pa'i lag pa g.yon pas khas blangs te/ lag pa
 g.yon pas rna bshal? bzung la de'i dbus su mkhur tshos dang cung zhig nye bar nyi ma'i des su bstan na/ sha ma bzhin du shin tu srab par snang ba de na lha'i bug pa zhes bya ba yod de/ der le brgan rtsi'i thig le'i mtshan ma btab
 ste/ lag pa gcig gis dal gyis lan gcig dbug ste gong 'og dang ngos gnyis su mi yo bar bya'o/ /gal te yo ba lta na ni de dag tu ka li ka zhes bya ba dang/ mard+ha ni zhes bya ba dang rak+ka ta zhes bya ba'i rtsa rnams yod do/ /de dag tu phog na mdog dmar ba dang/
 na ba dang/ tsha ba dang/ skrang pa dang/ tsha ba 'ur 'ur bor 'dug pa dang/ drag tu na ba dang gnya' rengs pa dang/ pa ta na ka zhes bya ba'i rlung nad du 'gyur ro/ /gal te de dag tu gyur na ni de dag gis bye brag shes par byas nas myur du gso bar bya'o/ /gnas ma nor bar phug
 na ni khrag mi 'byung la nad med cing dmar ba la sogs pa'i skyon yang med do/ /'bugs pa'i khab de yang skud pas btags la mar gyis bskus te phug la skud pa drang bar bya ste/ de nas yang til mar chos pa'i rgyun gyis bu gar blugs so/ /de ltar rna ba shal chug zin
 pa'i 'og tu phan pa'i zas sbyin no/ /de nas bal gyi 'da' bas rna ba g.yon gyi bu ga glan la zhag gsum gyi bar du bzhag go /rma 'tsho ba dang rim gyis dal bus bu ga bskyed par bya'o/ /de nas byis pa de'i so skyes pa dang/ rim gyis bu zho de las bzlog par bya'o/ /'o
 ma ni gong du smos pa bzhin sbyar ro/ /kha zas kyang yang zhing nyams brta ba rnams sbyin no/ /byis bcu zho mi 'thung ba la ni shing pi ya la'i rkang dang/ ma du ka'i me tog dang/ sbrang rtsi dang/ 'bras yos dang/ /ba ra dkar po dang/ 'di rnams la tur byas te byis pa la byin na
 tshim zhing nyams stobs skyed do/ /bilpa gzhon nu dang/ sha khar dang/ sug smel dang/ 'bras yos kyi phye ma dang de rnams kyi skyo ma blud na/ me drod skyed do/ /da ha'i me tog dang/ sha khar dang/ 'bras yos kyi phye ma dang/ skyo ma blud na sla tsha ska sla ran par 'byung ngo/ /gal
 te/ byis pa de nad byung na gnod par mi 'gyur ba'i sman 'jam po sbyin no/ /nad gzhan gyi brla gnyan gyis 'dres pa las na yang bkru sman gyis zhi bar bya'o/ /ji ltar byis pa'i blo gzhan du gyur pa na yang/ sdangs par 'gyur ba'i pag mi bya ste/ gal te sdangs par gyur na ni gdon
 gyis zin pa'i rgyur 'gyur ro/ /byis pa de gos kyi rlung yab kyis g.yab pa dang/ gzhan gyi sgom zhing reg pa las kyang bsrung bar bya'o/ /bri hma dang/ yungs kar dang/ shu dag dang/ thal tres dang/ ru rta dang/ rgyam tsha dang/ pi pi ling dang/ 'di rnams dang tshul bzhin bskol ba'i
 sman mar blud na/ skad gsal ba dang/ yid gzhungs pa dang/ dran pa myur bar byed do/ /de bzhin du tshe ring ba dang/ sdig pa zhi bar byed pa dang/ gdon 'joms pa dang/ 'byung po dang/ smyo byed rnams las zlog par byed do/ /shu dag dang/ som ra tsha dang/ mandu ka par ni dang/ shad
 ke puShpa dang/ nye'u shing dang/ brahma so ma zhes bya ba ni nA dang/ sle tres dang/ brahmi dang/ 'di rnams srang re re cham chom brdungs te/ mar srang sum cu rtsa gnyis dang/ 'o ma mar gyi bzhi 'gyur dang/ tshul bzhin bskol te mar lus pa ni yan lag brgyad pa'i mar zhes bya
 ste/ de las ran bar blud na skal pa ldan pa dang/ tshe ring ba dang/ tshig gsal ba dang/ yid gzhungs pa dang/ dran pa gsal bar byed pa'i mchog yin no/ /ra'i 'o ma dang/ a ru ra dang/ tsha ba gsum dang/ pa ta dang/ shu dag dang/ shi tru dang/ rgyam tsha dang/ de rnams mar dang/
 lhan cig bskol te/ mar lus pa ni dbyangs can zhes bya ba'i mar yin te/ de las ran par 'thungs na/ skad gsal ba dang/ yid gzhungs pa dang/ dran pa myur ba dang/ me drod skyed par byed do/ /shu dag dang/ sle tres dang/ nye'u shing dang/ a ru ra dang/ shing gi ni dang/
 pi dang ka dang/ bca' sga dang/ a pa marga dang/ 'di rnams mar dang lhan cig bskol te 'thungs na yang phan yon gong ma dang 'dra'o/ /gser dang/ ge ri kar+Ni ka dang/ shu dag dang/ ru rta rnams lhan cig sbyar ba 'am/ k+Sha ri ki dang/ gser lhan cig sbyar ba 'am/ gser
 dang mats+tsha ak+Sha zhes bya ba ganda durba dang/ shangka pu pi dang/ de rnams lhan cig sbyar ba 'am/ yang na gi ri kar+Ni ka dkar po dang/ gser dang/ shu dag dang/ de rnams lhan cig sbyor ba 'am/ sbyor ba bzhi po de dag gang yang rung ba sbrang rtsi
 dang/ mar dang sbyar ba'i ldi gu byis pa da lo gcig gzer du ldag tu bcug na lus kyi nyams stobs dang/ mdog dang/ blo gsal bar byed pa'i mchog yin no/ /shu dag dang/ shing mngar dang/ rgyam tsha dang/ a ru ra dang/ dong gra dang/ ting mus dang/ ru rta dang/ pi pi ling
 dang/ zir dang de rnams kyis lde gu byin na yang tshig gsal bar byed pa'i mchog yin no/ /byis pa gso ba'i cho ga'i le'u dang po rdzogs so// //de nas byis pa'i nad gso ba'i le'u bshad par bya ste/ de la byis pa gso ba ni rnam pa gsum
 du bshad de/ 'o ma dang zas de gnyis ka'o/ /de gnyis la skyon med na ni tha mal bar gnas shing nad med pa yin la de gnyis skyon dang bcas na ni nad 'byung ba yin no/ /'o ma skyon med pa ni chu'i nang du bcug na chu dang lhan cig tu 'gyur ba ni skyon med cing dag pa
 yin no/ /de la ma'i nu zho rlung gis ma rung na ni 'o ma chu'i nang du blugs na steng du 'byung zhing ro bska ba dang/ spu ba dang bcas pa dang/ rtsub dang byis pa'i bshang gci sri zhing 'gag par byed do/ /mkhris pas ma rungs pa'i rtags ni 'o ma bsregs na dro zhing ro skyur
 ba 'am/ tsha ba dang chur blugs na po shar shar po snang ba dang byis pas 'thungs na lus tsha ba skyed do/ /bad kan gyis ma rungs pa'i rtags ni 'o ma'i ro lan tsha bro zhing ska ba dang/ chur blugs na 'og nas byid ba dang/ spyi bag nal nal bor 'dug pa yin no/ /nad
 gnyis 'dres pa ni ldan pa zhes bya'o/ /gsum 'dres pa ni 'dus pa zhes bya'o/ /'o ma'i rang gnyis pa ji lta ba bzhin pa'i 'o ma blud na byis pa la yang nad de dag skyed par byed do/ /de la byas pa chung ngu na ba'i mtshan ma ni yang dang yang du drag tu ngu ba dang/ yang na byis
 pas rang nyid kyi lag pas lus la lhag par nyug pa 'am/ yang na gang du dag par mi bzod pa der na ba yin no/ /gal te mgo bo na na ni mig 'dzums par byed pa yin no/ snying mi bden ni lce dang mchu sos gnon zhing dbugs mi bde la bu tshur 'chang bar byed pa yin no/
 khong pa mi bden bshang gci 'gag stod du rgyug /nu zho mi 'dod/ rgyu ma khru lu lu zer/ lto sbo/ /ro stod sgu gsus pa mtho bar 'dug pa rnams yin no/ /chu so dang pho mtshan du mi bde na ni bshang gci 'gag sdang zhing phyogs kun tu lta ba yin no/ /de ltar mi bden
 nu zhom nun pa'i ma ma la nad gzhi ji lta ba bzhin du gso ba bya ste/ rlung gi bdag nyid kyis nu zho ma rung bar gyur pa la ni rtsa ba bcu ba bskol ba'i khu ba zhag gsum blud do/ /yang na tsi tra ka dang/ shu dag dang/ pa tha dang/ pu tse shel dang/ ru rta dang/ la la pud dang/
 thang shing dang/ ko nyon tse dang/ bri shtsi kal dang/ pi pi ling dang/ bca' sga dang/ de rnams bskol ba'i khu ba blud do/ /de nas rlung 'joms pa'i sman mar blud do/ /btung bar ni chang gi dangs ma blud do/ /de'i 'og tu snum dang ldan pa'i bkru sman btang ngo/ /de nas sman
 mas btang ba'i las bya ste/ dugs la sogs pa rlung 'joms pa'i sman yang btang ngo/ /ra sna dang/ ting mu sa dang/ ko nyon tsi dang/ thang shing dang de rnams phye mar byas te mar dang sbyar ba'i lde gu sbyin ba'am/ yang na sman da rnams tshul bzhin bskol te khar dkar
 po dang sbyar ba blud do/ /mkhris pas nu zho ma rungs par gyur pa la ni/ sle tres dang/ nye'u shing dang/ pa ta la dang/ nimpa dang/ tsan dan dang/ phal tes dang/ de rnams bskol ba'i khu ba ma ma dang byis pa gnyi ga la blud do/ /yang na 'bras bu/ gsum dang/ 'bras
 gang dang/ tik+ta dang/ pu tse shel dang/ thal tres la sogs pa'i sde tshan dang/ ba tal la sogs pa'i sde tshan dang/ shug pa'i sde tshan dang/ sde tshan gyi sbyor ba de dag gang yang rung ba mar dang lhan cig bskol ba'i sman mar blud nas de'i 'og tu mkhris pa la
 phan pa'i bkru sman btang ngo/ /sman bsil bas bsku ba dang byug ba la sogs pa yang sbyar ro/ /bad kan gyi ma rungs par gyur pa yang shing mngar dang lce myang tsha dang ldan pa'i mar gyis byis pa la blud do/ /de'i 'og tu rgyam tsha
 dang shing mngar dang/ pi pi ling rnams sbrang rtsi dang sbyar ba'i lde gus slon bya'o/ /yang na po son cha'i me tog gi lde gus ma'i nu ma dang/ byis pa'i so dang/ mchu la bskus na byis pa bde bar skyug par 'gyur ro/ /ma la ni skyug sman drag pos slon du
 gzhug go/ ldan pa'i nang la ni gla sgang la sogs pa bskol ba blud do/ /de bzhin du rgya spos dang/ sri thI ki dang/ sgron shi dang/ dug mo yungs dang/ de rnams bskol ba yang blud do/ /yang na bong dkar po dang/ gla sgang dang/ shu dag dang/ tsha ba lnga dang de
 rnams bskol ba blud do/ /nu ma'i zho la nad gzhi gsum gyi mtshan ma ni ma zhu ba be'u snabs 'byung zhing dri nga la chu dang 'dra bar slan ter 'byung ba dang/ phyis sri ba dang/ mar yang dang yang rgyun mi 'chad par 'byung ba dang/ lbu ba dang bcas shing nad
 mdog sna tshogs su 'byung ste/ gcin mdong kyang ser ba dang/ bska bar 'byung ba dang/ rims kyis 'debs pa dang/ kha zas yi gar mi 'ong ba dang skom dang che ba dang/ skyug bro dang/ sgregs pa skyur bor 'byung ba dang/ bya rmyang byed pa dang/ yan lag chag
 pa snyam byed pa dang/ yan lag skyod cing 'debs pa dang/ 'khun pa dang/ lus 'dar ba dang/ mgo ba khor ba dang/ sna dang/ mig dang/ gdong tshos pa la sogs pa'i nang skye bar 'gyur te/ gzhan yang de dang 'dra ba'i nad mang du 'byung/ de'i ming ni nad
 shin tu mi bzad pak+Shi ras ka zhes bya ba yin no/ /de lta bu'i nad pa la ni ma bu gnyis ka la skyug sman bya ste/ thug pa rkyang rkyang po la sogs pa'i rim pa yang sbyar te/ shu dag la sogs pa'i sde tshan yang sbyar ro/ /yang na ser po gnyis la sogs pa 'am
 yang na bong dkar bo dang/ pA thA dang/ pi pi ling dang/ bu tse shel dang/ gla sgang dang de rnams bskol ba 'am/ yang na ba thA dang/ bca' sga dang/ spe te ba dang/ pu tse shel dang/ te dzo ba ti dang/ thang shing dang/ thal tres dang/ gla sgang dang/ murba dang/ dug mo yungs dang/ de rnams bskol ba'i khu ba
 blud na yang nu zho'i skyon sel ba'i mchog yin no/ /dus la mkhas pa'i sman pas nad gzhi ji lta bu'i rjes su 'brel ba'i nad kyi gso ba la yang ci rig par bya'o/ /byis pa de thog ma so skyes pa'i dus su nad thams cad slong bar bya'o/ /khyad par du rims dang/ khong 'khru ba dang/ lud pa lu
 ba dang/ skyug pa dang/ mgon pa dang/ mig rnag 'jag pa dang/ mig mchu sha skyes pa dang/ me dpal la sogs pa skye bar 'gyur ro/ /ji ltar byis bskal tshigs bye ba'i dus dang/ rma bya cod pan skyes pa'i dus dang/ byis pa so skyes pa'i dus de ni dam rungs pa thams cad slong
 bar byed do/ /skyon gyi rang bzhin las na ji ltar 'byung ba dang/ nad ji ltar shes che zhing stobs che ba dang/ dus dang yul la sogs pa rnams brtags nas sman pas sman sbyar bar bya'o/ /nad gzhi 'khrugs te rims la sogs pa rnams su gyur ba ni/ sman yang de dag nyid
 kyis gso bar bya ste/ sman gyi thun tshad chud tshad du btang ngo/ /lus chung ba dang/ sdug ma myong ba dang/ zas thams cad la bsten te brtag tu 'o ma dang mar las goms par byas pa'i byis pa'i lus ni snum ba yin te/ de bas na 'bral sman 'jam po'i slon sman btang ste/ de yang
 nu zho rims bar 'thur du bcug na skyug par 'gyur ro/ /'o ma dang kha zas gnyis kyis 'tsho ba'i byis pa la ni skyug sman thug pa sla ba dang bsres pa blud la skyug du gzhug go /zas nyi tsher 'o cha ba'i byis pa la ni skyug sman mar dang sbyar ba btang ngo/ /gal te mas btang
 ba'i sman zos pa yin na ni mas btang ba'i bkru sman bya'o/ /sna sman rdub pa'i sman dang/ sna'i bkru sman yang bya'o/ /bkru sman la sogs pa gong du bshad pa de dag ma ma la yang sbyar ro/ /murba dang/ tsha ba gsum dang 'bras bu gsum dang/ rgya shug gi 'bras bu dang/ 'dzam bu'i
 shun pa dang/ thang shing dang/ yungs kar dang/ pA thA de rnams kyi phye ma sbrang rtsi dang lde gur byas te ldag tu bcug na nu zho'i skyon sel ba'i mchog yin no/ /pi pi ling dang/ danda ka'i me tog dang/ skyu ru ra'i 'bras bu dang/ de rnams kyi bye ma dang/ sbrang rtsi
 sbyar bas so rtsa bskus pa 'am/ yang na bya lA bi dang/ sreg pa'i sha skam zhib tu btags ba sbrang rtsi dang sbyar bas sa rtsi bskus na byis pa'i so rtsa myur du bde la skye'o/ /shu dag dang 'bri ha sti rnam gnyis dang/ pA thA dang/ tsha ba gsum dang/ bong dkar po dang/ gla sgang dang/ sman mngar
 ba'i sde tshan dang/ de rnams mar dang lhan cig bskol te mar lus pas so rtsa bskus na so bde bar skyed do/ /skyar ba dang/ sre ya ni dang/ bri ha ti dang/ kriN par+Ni dang/ shu ti dang/ de rnams sbrang rtsi dang mar dang lhan cig lde gur byas te ldag du bcug na/ pho ba'i me drod skyed pa'i
 mchog yin te/ rlung nad lugs bzhin 'byung zhing tshad par 'khru ba dang/ rims dang/ dbugs mi bde ba dang/ mig ser dang/ skya rbab dang/ lud pa las rgyal bar byed do/ /khyad par du byis pa'i nad thams cad la bsngags te/ nyams stobs dang mdog gsal bar byed do
 bcod dang/ da ta ki dang/ gser phrom dang/ ku Ta ? Ta dang/ mung+ga par+Ni dang/ ba sha par+Ni dang/ mung+ga'i 'bras bu dang/ bilba gzhon nu dang/ ras bal gyi sa bon dang/ 'di rnams chu dang lhan cig bskol ba'i khu ba'i nang du mar dang thal sman gyi khu ba dang/ zhog chu dang ldan par lhan
 cig bskol te mar lus pa las ran par blud na so las gyur pa'i nad myur du 'jig par byed do/ /de bzhin du nad rnam pa sna tshogs pa yang sel bar byed do/ /zhes drang srong 'gro ba skyong gi bshad do/ /so las gyur ba'i byis pa'i nad la ni ha cang gso ba mi bya ste/ so
 skyes pa'i nad ni rang nyid zhi bar 'gyur ro/ /byis pa de nyin par lhag par gnyid log pa dang/ chu grang 'thungs pa dang/ bad kan skyes pa'i nu zho bsten pa'i rgyud bcud dangs ma rgyu ba'i spu gu rnams bad kan gyis 'gags te/ de las kha zas yi gar mi 'od ba dang/ cham
 pas 'debs shing sna chu 'dzag pa dang/ rims kyis 'debs pa dang/ lud pa rnams skye bar 'gyur te/ des na byis pa'i lus skram par 'gyur zhing zad pa dang/ lus snum zhing mig dang gdong dkar bar 'gyur te/ de las rgyam tsha dang/ tsha ba gsum dang/ sha ri ga sha dang/ bA thA dang/
 gi rig dam+ba ka dang/ de rnams kyi phye ma mar dang sbrang rtsi dang sbyar bas kha zas yi ga rim 'ong ba dang/ lus skem pa la sbyar ro/ /shing a sho ka dang/ pu tse shel dang/ tsha ba rnam lnga dang de rnams kyi phye ma 'am/ yang na rgya shug dang/ da ta ki dang/ skyu ru ra dang/ de rnams kyi phye ma dang/ phye ma
 de gnyis gang yang rung ba mar dang sbyar ba byin na phan no/ /sti ra dang/ shu dag dang/ bri ha ti rnams gnyis dang/ bu tshang rdo dang/ pi pi ling dang/ rgya spom dang/ lcang ma dang/ utpal dang/ kha spru ba dang/ kha khra'i rtsa ba dang/ gla skang dang/ de rnams zho gnyis dang/ mar srang bcu drug dang/ lhan cig
 bskol te bsgrubs pa las ran par blud na rgyun srang dag par byed pa'i mchog yin no/ /yang bri ha tI dang/ a shwo g+hand+ha dang/ byi'u rug pa dang/ pi pi ling dang/ de rnams kyi phye ma'i sbyor ba'i sman bskol ba'i nang du btab ste/ mar dang yang bskol la mar lus pa las ran par
 blud na yang phan yon gong ma dang 'dra'o/ /shing mngar dang pi pi ling dang/ seng phrom dang/ dug mo yungs dang/ utpal dang/ tsan dan dang/ bal bu dang/ thal tres rnam gnyis dang de rnams mar dang tshul bzhin bskol te mar lus pa las ran par 'thungs na lus skem
 pa las rgyal bar byed do/ /bu bran shing dang chu nas skyes pa'i shing mngar dang/ ga bra rtsa ba dang/ pi pi ling dang/ thing shing dang/ a shwa gand+ha dang/ ra mnye ba rnam gnyis dang/ ra sna dang/ brangs rtsi ba dang/ ji ba ka dang/ dam+ba gnyis dang/ bi dang ka dang/ de rnams cham chom
 brdung ste mar dang ri bong gi mgo bo bskol ba'i khu ba dang/ tshul bzhin bskol te mar lus pa las ran par 'thungs na/ lus skem pa las 'phel zhing brtas par byed pa'i mchog yin no/ /shu dag dang/ skyu ru ra dang/ rgya spos dang/ a ru ra dang/ tsa rong dang de rnams ra
 thug gi gcin dang chang dang/ 'bru mar dang de rnams lhan cig bskol ba'i mar gyis bskus na phan no/ /rgya skyegs kyi khu ba bre? gang dang/ de dang mnyam pa'i til mar dang/ de'i gzhi 'gyur gyi zho ga chu dang/ a shwa gand+ha dang/ skyer pa dang/ thang
 shing dang/ ru rta dang/ gla sgang dang/ tsan dan dkar po dang/ murba dang/ pu tse shel dang/ shu ti dang/ ra sna dang/ shing mngar dang/ de rnams cha mnyam ste cham chom brdungs pa dang lhan cig bskol te til mar lus pa ni rgya skyegs la sogs pa'i til mar zhes bya ste
 des bsku byug byas na nyams stobs dang/ rims dang/ glo gcong zad byed dang/ smyo byed dang/ dbugs mi bde ba dang/ brjed byed dang/ rlung sel bar byed do/ /gnod sbyin dang/ srin po dang/ 'byung po rnams 'joms te bud med sbrul ma la yang bsngags so/ /bong nga
 dkar po dang/ karta sriM gi dang/ pi pi ling dang/ de rnams kyi bye ma sbrang rtsi dang lde gur byas te ldag go/ bong nga dkar po sbrang rtsi dang sbyar ba gcig pus kyang lud pa dang/ rims dang/ skyug bro ba dang/ brla gnyan gyi nang rnams la phan no/ /byis pa gang nu zho 'thungs
 pa yang slon pa ni bri ha sti rnam gnyis kyi 'bras bu'i khu ba 'am/ tsha ba rnam lnga'i phye ma dang/ mar dang sbrang rtsi dang de rnams lde gur byas te byin no/ /pi pi ling dang/ lan tsha rnam lnga dang/ bi dang ga dang/ marda ra zhes bya ba ni b+ha tra ka dang de rnams mar dang/ sbrang
 rtsi dang sbyar ba'i lde gu 'am/ yang na tsha ba gsum dang/ srog chags sha lya ka dang/ gong dang/ shwa bid dang/ rma bya dang de rnams gang rnyed pa bsregs te snag tshar byas pa las mar dang sbrang rtsi dang sbyar ba 'am/ yang na seng ldeng dang ka gu ba dang/ pal bu dang/ ru
 rta dang/ tsan dan dkar po dang/ de rnams kyi phye ma 'o ma dang/ mar dang lhan cig bskol te/ mar lus pa 'thungs na byis pa'i nang skyug pa sel bar byed do/ /gal te byis pa de ma'i khong nas so skyes pa byung ngam ya so dang po skyes pa byung na mi dge ba yin te/ de
 la ni bram ze la zhi ba'i cho ga bya'o/ /byis pa'i bad kan 'khrugs te rkan las mdzer 'gyur zhing skrang zhing 'og tu 'bab par gyur na/ nu zho mi 'dod cing/ gcin sri ba dang/ lto sbo ba dang/ khong 'khrug pa dang/ skom dang che ba dang/ kha dang/ lkog ma dang/ mig na ba dang/
 gza' ba 'degs mi nus pa dang/ skyug pa yin te de la ni de nad tshig 'khus pa'i thal ba dang/ sbrang rtsi dang sbyar te skrad bar bsku zhing 'bab pa bteg par bya'o/ /rkan bskams pa la ni pi pi ling dang/ bca' sga dang/ ba'i gcin bu dang/ rgyam tsha dang de rnams lhan cig sbyar ba
 'am/ mang na bca' sga dang/ skyer pa dang/ zi gaM ra dza dang/ n+ya gro d+ha'i 'o ma dang/ de rnams kyi phye ma dog la'i nang ba lang gi gci khu dang bsres ba blugs la bsros te/ des n+ya gro d+ha'i lo ma dang bsgos te spyi bo'i steng du bkab la bcings te bzhag go/ dog le'i nang du ba
 lang gi gci khu dang sman mar sbyar bas dar la bsgos te rkan dang kha la bsku zhing glan par bya'o/ /a ru ra dang/ shu dag dang/ ru rta dang/ de rnams kyi phye ma sbrang rtsi dang bcas pa nu zho dang bcas pa lhan cig byis pa la glud na rkan 'bab ste skrang zhing sha 'dzer 'byung
 ba las grol bar byed do/ /byis pa'i lus dri mas yogs pa 'am/ lus rab tu rdul ba'i dbang gis gzhang gi nang du khrag dang bad kan las gyur pa'i rma zangs ma'i mdog lta bu shin tu g.ya' ba dang bcas pa 'byung ste de'i rgyus brlag nyan gzhan gyi nang
 mang du 'byung bar 'gyur te/ de la kha cig na re ma tri dza zhes bya ba'i byis pa'i gdon yin no/ /zhes smra'o/ /gzhan dag ni srul po'i gdon yin no zhes kyang zer ro/ /byis pa'i rgyab dang/ zad dang/ gzhang dang rked bar gong ma'i nad de 'byung ba yod de/ de ni ming med cing
 smad pa yin no zhes kha cig smra ste de lta bu'i nad la ni skyu ru ra dang/ 'o ma dang sbyar bas bkrus la dag par bya'o/ /de bzhin du mkhris pa dang bad kan 'joms pa'i sman gyis yang dag par bya'o/ /yang na tsan dan dang/ ba ra dkar po dang bcas pa'i chu grang mos
 khong ba nas btung bar blud do/ /skyer khaN+Ta dang sbrang rtsi sbyar bas rma la byug go/ bi dang ri dang 'bras bu gsum dang/ rgya shug dang/ shing blak+Sha bskol ba'i khu bas blugs par bya'o/ /nag tshur dang/ gi'u wang dang/ spangs ma dang/ ldong ros dang/ ba bla dang/
 skyer khaN+Ta dang/ de rnams btags pa'i phye mas rma ba gdab pa 'am/ yang rma nyid skyur dang btags pa'i lde gus bsku bar bya'o/ /yang na shing mar dang/ dung dang/ stang zil zhig tu btags pa 'am/ yang na thal tres dang/ dung gi snying po dang de gnyis kyi phye ma 'am/ yang na a
 sa na'i shun lpags zhib tu btags pa'i phye ma 'am/ sbyor ba de dag gang yang rung ba rma la gdab bo/ /gang du dmar zhing skrang ba'i shas che ba der ni srin bu pad+mas khrag 'jib tu gzhug go/ gzhang gi nang du byung ba'i smad pa'i nang ku Ta ka zhes bya ba de la ni mkhris pa'i
 rma gso ba'i sman thams cad rab tu bsngags so/ /pA thA dang/ bi dang ka dang/ ser po rnam gnyis dang/ gla sgang dang/ ga bra'i rtsa ba dang/ ba sbru ba'i rtsa ba dang/ bilba dang/ tsha ba gsum dang/ bri lci ka li dang/ de rnams mar dang lhan cig lde gur byas pa zos na byis pa nang
 ma tri dza zhes bya ba dang/ ma zos te nang du gyur pa las grol bar byed do/ /nad la phan pa'i sman gang yang rung nu ma la byugs te byis pa 'thung du bcug na nad las rgyal bar byed do/ /de nas cung zad na bkru bar bya'o/ /byis pa'i nad gso ba'i le'u ste gnyis pa rdzogs so// //
 de nas byis pa gdon gyis zin pa gso ba'i le'ur bshad par bya ste/ sngon lha chen po mahA de bas rang gi bu gzhon nu gdong drug bsrung bar bya ba'i ched du skyes pa'i gzugs can lnga dang/ bud med kyi gzugs can bdun te de ltar gdon gyi lus sprul par
 gyur te/ de la skyes pa'i gdon rnam pa lnga ni/ skem byed kyi gdon dang/ byi sha ka zhes bya ba dang/ lug mgo can gyi gdon dang/ khyi'i gdon dang/ yi dags kyi gdon ni lnga po de dag go/ bud med kyi gzugs can gyi gdon ni bya'i gdon dang/ sprul bo'i gdon
 dang srul po bsal byed kyi gdon dang/ srul po'i mthong byed ces bya ba'i gdon dang/ gdong 'khur ba lta bu'i gdon dang/ nam gru'i gdon dang/ nam gru skyem pa'i gdon dang/ bdun po de dag go/ gdon de rnams kyis thog mar zin pa'i spyi'i rtags ni rtag tu du ba dang
 rims kyis 'debs pa dang/ sdang ba dang/ glal ba dang/ smin ma 'degs pa dang/ dman bar 'dug pa dang/ kha nas dbu ba 'dzag pa dang/ gyen du lta ba dang/ mchu la sos 'debs pa dang/ mtshan mo gnyid mi log cing du ba dang/ 'khun ba dang/ nu zho mi 'dod pa dang/ skang
 'gyur ba dang/ rang gi ma ma'i lus la blo bur sen mos 'brang ba rnams te/ de dag ni gdon spyi'i mtshan ma yin no/ /de skem byed kyi gdon gyis zin pa'i rtags kyi mig ya gcig mchi ma 'dzag cing yang dang yang mgo sprug pa dang/ lus kyi gzhogs phyed nyams
 pa dang/ lus kyi khongs rengs ba dang/ rdul pa dang/ gnya' ba ma phon por 'degs pa dang/ so 'khrigs pa dang/ nu zho mi 'dod pa dang/ sdangs bzhin du du ba dang/ skad 'gags pa dang/ kha yo bar 'gyur pa dang/ kha chu 'dzag pa dang/ shas cher bar snang la lta ba
 dang/ khrag dang zhag gi dri bro ba dang/ rtag tu skyo zhing yid mi bde ba dang/ byis pa de yang dang yang khu tshur 'chad ba dang/ mig dang za 'gram dang/ smin ma ya gcig 'gul ba dang mig gnyis ka dmar ba yin te de zin na ni nges par lus nyams ba 'am
 'chi bar 'gyur ro/ /de la byi sha ka'i gdon gyis zin pa'i rtags ni 'du shes nyams pa dang/ skra yang dang yang 'bal ba dang/ mgo lud cing gnya' ba gug ba dang/ glal zhing rkyang bar byed pa dang/ gshang gci 'byung ba dang/ dbu bas slon pa dang/ nam mkha' la lta ba dang/ lag pa
 dang/ smin ma dang rkang pa rnams kyis gar byed pa dang/ rang gi lce dang nu ma la sos 'debs pa dang/ rims drag pos 'debs pa dang/ mtshan mo gnyid mi 'ong ba dang/ rnag dang khrag gi dri bro ba rnams yin no/ /de la lug mgo can gyi gdon gyis zin pa'i rtags ni/ spo ba dang/ lag
 pa dang/ rkang pa gnyis 'gul ba dang/ spubs skyug pa dang/ skom dang che ba dang/ khu tshur 'cha' ba dang/ skad gsang dma' ba dang/ mdog 'gyur ba dang/ 'khun pa dang/ tshad pa bad kan du 'khru ba dang/ skyug pa dang/ lud pa lu ba dang/ skyigs bu 'byung ba
 dang/ nub mo gnyis mi log pa dang/ mchu la sos gnon ba dang lus 'khums pa dang/ khong rengs pa dang/ ra thug gi dri bro ba dang/ bar snang la lta zhing rgod ba dang/ rkang lag rkyong ba dang/ rims kyis 'debs pa dang/ brgyal ba dang/ mig ya gcig skrang pa la sogs pa'i nad
 rnams dang ldan pa yin no/ /khyi'i gdon gyis zin pa'i rtags ni lus 'dar ba dang/ ba spu langs pa dang/ lus rdul ba dang/ mig 'dzum pa dang/ lce phyir 'byin cing sos gnon pa dang/ skad 'dzer ba dang/ skyug pa dang/ bshad ba'i dri bro ba dang/ khyi bzhin du zug pa rnams yin no/ /de la yi dags
 kyi gdon gyis zin pa'i rtags ni ba spu ldang ba dang/ yang dang yang ldang ba dang/ bab bab du du zhing lus tsha ba dang/ lud pa lu ba dang/ tshad par 'khru ba dang/ skyul ba dang/ glal ba dang/ skom dang che ba dang/ brkyang bskum byed pa dang/ lus bskams pa dang/ khong rengs pa dang/ mdog 'gyur
 ba dang/ khu tshur 'cha' ba dang/ mchi ma 'dzag pa dang/ mtshan ma de dag dang ldan na byis pa gdon gyis zin pa yin no/ /de la bya'i gdon gyis zin pa'i rtags ni/ rkang lag gnas nas nyams pa dang/ tshad par 'khru ba dang/ lce dang rkan dang lkog mar rma byung ba dang/ tshigs su 'brum
 bu 'byung zhing tsha ba dang/ na ba dang/ smin pa dang/ de yang tshigs rnams su yang dang yang 'pho ba dang/ nyin mtshan du 'brum bu des chu ser 'dzag pa yin te/ khyad par du kha dang rkub tu yang smin pa dang/ 'jigs pa dang/ bya'i dri bro ba dang/ rims kyis 'debs pa rnams yin no//
 srul po'i gdon gyis zin pa'i rtags ni/ skyug pa dang/ lus 'dar ba dang/ sgom pa dang mtshan mo gnyis mi 'ong ba dang/ skyigs bu dang/ lto spo ba dang/ khod 'khru zhing phyis sla ba dang/ skom dang che ba dang/ gcin 'gags pa dang/ yan lag gnas nas nyams pa dang/ spu
 zing zhes byed pa dang/ bya rog ltar lus rdul bro ba rnams yin no/ /srul po bsril byed kyi gdon gyis zin pa'i rtags ni lus 'dar ba dang/ du ba dang/ 'phred mig tu lta ba dang/ skom dang che ba dang/ rgyu ma 'khru ba dang/ zhag dang rnag gri dri bro ba dang/ rtsib logs ya gcig drang zhing dro ba rnams
 yin no/ /de la srul po mthong byed kyi gdon gyis zin pa'i rtags ni skyug pa dang/ lus tsha ba dang/ lud pa lu ba dang/ gnyid chung ba dang/ khong 'khru ba dang/ phyi sa'i mdog 'gyur ba dang/ dri nga ba dang/ shas cher lus skem pa dang/ mthong ba zhan pa dang/ mig na ba dang/ g.ya' ba dang/ mig
 mchu'i sha skyes pa'i mig nang 'byung zhing skrang ba dang/ skyigs gu dang/ yid mi bde ba dang/ nu zho mi 'dod pa dang/ lus mdog 'gyur ba dang/ skad drag tu 'don pa dang/ 'dar ba dang/ nya 'am skyur ba'i dri bro ba rnams yin no/ /khur ba lta bu'i gdon can gyi gdon gyis zin pa'i rtags ni lag pa
 dang rkang pa dang gdong rnams mi mdzes shing mi sdug par 'gyur ba dang/ drag tu 'don pa dang/ lto ba'i steng gi rtsa rnams nag por 'gyur zhing mdog nag pas khyab par 'dug pa dang/ lus tsha ba dang/ zas yi gar mi 'ong ba dang/ rkang lag mi bde ba dang/ ba gcin gyi dri bro ba rnams yin no/ /nam
 gru'i gdon gyis zin pa'i rtags ni/ mdog sngo bsangs su 'dug pa dang/ rna ba dang mig nyed pa dang/ lud pa lu zhing dbugs mi bde ba dang/ mig phan tshun 'gul ba dang/ kha yo zhing dmar ba dang/ ra thug gi dri bro ba dang/ lus tsha ba dang/ skem pa dang/ phyis ser por 'byung zhing sla ba rnams
 yin no/ /de la nam gru skem byed kyi gdon gyis zin pa'i rtags ni/ rims kyis lus zad pa dang/ skra 'bal ba dang/ zas mi 'dod pa dang/ skad gsang dma' ba dang/ mdog 'gyur ba dang/ byi sa'i mdog sna tshogs su 'dug pa dang/ lto ba la thor bu 'byung zhing sra pa dang/ du ba dang/ bya rgod kyi
 dri bro ba dang/ yun ring du na ba dang/ lte'i thor bu de yang zlum por 'dug pa dang/ bshang gci sna tshogs snang ba dang/ lce'i dbus dmar zhing dkar mdog sngo bsangs su 'dug pa de ni spang bar bya ste/ kha zas mang du zos kyang nyams stobs yongs su zad cing skom dang kyis zin te/ mig
 skong du bros pa ni nam gru skem byed kyis khyer ba yin par shes par bya ste/ de dag ni bud med kyi gzugs can gyi gdon bdun yin no/ /gdon de dag ni mi la ci'i phyir 'tshe zhing 'jug ce na/ mchod pa 'dod pa'i phyir 'jug pa yin no/ /de la 'tshe
 pa'i bdag nyid ces bya ba'i gdon gyis zin pa'i mtshan ma ni byis pa'i sna chu 'dzag pa dang/ lce 'gas pa dang/ sprid pa rtag tu 'byung ba dang/ lus mi bde ba dang/ mchi ma 'dzag pa dang/ mdog sdug pa dang/ skad gsang dma' ba dang/ dri nga 'byung ba dang/ lus zungs
 zad pa dang/ rang gi bshang gci mi sped par nyed pa dang/ lag pa gnyis bskor zhing bdag gam gzhan la rdeg pa dang/ de bzhin du mtshon dang shing la sogs pas kyang de ltar rdeg pa dang/ me 'bar ba'i nang du 'jug pa dang/ chu'i nang du mchod pa dang/ khron pa'i nang du
 bab tshol du 'jug pa dang/ gzhan yang de dang 'dra ba'i rnam par byed pa dang/ skom dang che ba dang/ lus tsha ba dang/ rmong bag tu 'dug pa dang/ kha nas rul dri bro ba dang/ rtag tu skyug pa dang/ bu ga'i sgo kun nas khrag 'dzag pa dang/ 'chi ltas 'byung ba de dag dang ldan
 pa de ni yongs su spang bar bya'o/ /'dod pa la dga' ba zhes bya ba'i gdon gyis zin pa'i rtags ni/ bud med dang dben par 'dod pa dang ldan pa'i tshig smra ba dang/ dri zhim po dang/ phreng ba dang/ rgyan la dga' ba dang/ snying dga' ba dang/ sems zhi bar gnas pa yin te/
 des zin na ni dka' ba yin no/ /gtor ma 'dod pa'i zhes bya ba'i gdon gyis zin pa'i mtshan ma ni/ sgyid zhan pa dang/ kha myang zhing ldag par byed pa dang/ mchu dang/ lkog ma dang/ rkan skam pa dang/ ltogs pa'i tshul du lta ba dang/ du ba dang/ dman pa'i sems kyis rgyug
 ba dang/ kha zas slong zhing byin na 'drangs shing ngoms par mi 'gyur te/ de ni gso sla ba yin pa zhes bya'o/ /de la 'tshe ba'i bdag nyid can gyi gdon la ni dud pas bdug pa dang/ grub pa'i sngags yang dang yang bzlas pas zhi bar bya'o/ /'dod pa la dga' ba dang/ gtor
 ma 'dod pa la ni ji ltar 'dod pa bzhin du gtor ma sbyin no/ /de la gsor rung ba'i gdon la ni khang thog dben par chag chag dang/ skyang nul bya ba'i steng du byis pa bzhag la zhag gsum gyi bar du me ma shi bar bzhag ste thal bas byis pa'i mdza' nas bskor nas me tog dang
 lo ma dang 'bras bu dang/ kha zas dang yungs kar gyis chal bar bkram la gdon 'joms pa'i yungs kar dang ske tshe'i 'bru mar gyi me mar spar na sdig pa sel bar byed do/ /las byed pa'i g.yog kyang 'khrig pa dang/ sha dang chang las ldog par bya'o/ /de nas byis pa mar rnying bas
 bsku byug byas na/ chu dro 'jam tsam gyis khrus byas te/ de'i 'og tu ba bla dang/ nim+ba dang/ agni man+tha dang/ dong ka dang/ ba ri b+ha tra zhes bya ba manda ra dang/ ka Ta ka dang/ 'dzam bu dang/ ta ma la dang/ bu di ka dang/ lcam pa dang/ a pa marga dang/ pi pi ling dang/ shig tru mngar po dang/ ka
 ka dzang+ga dang/ ge ri kar+Ne ka dkar po dang/ ka pit+tha dang/ 'o ma can gyi shing lnga dang/ ka rany+dza dang/ ka dam+ba dang/ de rnams sbyar ba'i dud pas bdug go /yang na gung dang/ stag dang/ sprul dang/ seng ge dang/ dred dang de rnams kyi lpags pa mar dang bsres pa'i dud pas bdug pa 'am/ yang
 na pu ti ka ra sh+dza'i rtsa ba la sogs pa'i yan lag bcu pa dang/ yungs kar dang/ shu dag dang/ go bye dang/ tingmus dang/ ru rta dang/ de rnams mar dang/ sbyar ba'i dud pas bdugs na yang gdon thams cad las rnam par grol bar byed do/ /yang na yungs kar dang/ nim+ba'i lo
 ma dang/ a sha khu ra'i rtsa ba dang/ shu dag dang/ stag pa'i lo ma dang/ de rnams mar dang sbyar ba'i dud pas bdugs na yang/ gdon thams cad sel lo/ /yang na glang gi rwa dang spu dang/ rus pa dang pags pa dang/ byi la'i rtug pa dang/ nim+ba'i lo ma dang/ nim+ba'i thang chu dang
 pu tse shel dang/ spra tshil dang khri ha tI rnam gnyis dang/ ras bal gyi sa bon gyi rus pa dang/ nas so ba dang/ ra'i spu dang/ thang shing dang/ yungs kar dang/ rma bya'i sgro dang/ sh+ri bis zhes bya ba ko nyon tse'i thang chu dang/ phub ma dang/ mi'i skra dang/ shing kun dang/ de rnams kyi phye ma
 ras ma'i snod kyi nang du ra gcin dang spangs te/ dud pas bdugs na gdon thams cad dang rims mi bzad ba rnams la phan no/ /yang na dur ba dang/ a mra'i tshig gu dang/ rgya spos dang/ na le sham dang/ sbrang rtsi dang/ dong gra dang/ kri sh+ki
 par+Ni dang/ gla sgang dang de rnams btags pa'i phye ma mar dang rtsa ba bcu pa bskol ba'i khu ba 'o ma dang tshul bzhin bskol te mar lus pa las ran bar blud na gdon las rgyal bar byed pa'i mchog yin no/ /ra sna dang/ a shum ti'i lo ma dang/ rtsa ba lnga pa dang/ ba? la
 dang/ gla sgang dang/ de rnams bskol ba'i khu ba'i nang du/ thal tres dang/ tsha ba gsum dang/ tsi tra ka dang/ pA thA dang/ bi dang ka shing mngar dang pa yassya dang/ shing kun dang/ thang shing dang/ pi pi ling dang/ mu la dang/ dug mo yungs dang/ de rnams btags pa'i phye ma dang/
 mar lhan cig bskol te mar lus pa las ran par blud na byis pa la rtag tu phan pa yin te/ nad thams cad dang gdon 'brog cing me drod skyed pa dang stobs dang mdog ster bar byed do/ /thal tres dang/ mur dang/ brahmi dang/ shang khi ni dang/ ru rta dang/ shu dag dang/ yungs
 kar dang/ a shwa gand+ha dang/ byi'u rug pa dang/ de rnams mar dang lhan cig bskol ba'i mar lus pa de las btung ba dang byug pa byas na gdon thams cad 'jig par byed do/ /gang yang 'byung po'i rig sngags kyis sman mar la bzlas par bya'o/ /sa gtsang mar dkyil
 'khor khru gang bar byas te ba lang gi lci bas byugs nas 'bras brus pa dkar po chag brums med pa'i snod kyi nang du bkang la yon dang bcas pa der bzhag go /du ba med pa'i me snod dang bcas pa dang/ chu snod dang bcas pa dang/ gu gul dang/ mar dang me tog
 dkar po dang/ gtor ma dang/ spos dang dur ba dkar po dang/ yungs kar dang/ bsreg blugs kyi rdzas de dag kyang bzhag la/ de nas sman pa gso gtsang ma kha dog gsum dang ldan pa 'am/ yang na gos dkar po gyon te la shar du bltas nas dkyil 'khor gyi
 sar 'jug bar bya ste/ gro ba'i dum bu blangs nas gro ba la gzhan gyis mi thub pa zhes bya ba'i rig sngags gi zang gis khris pas dkris la chog bzhin du bskrubs na 'byung po dang gdon thams cad las rgyal bar byed do/ /lag shman dang/ sa ha de ba dang/ mAg dan+ti
 dang/ /dam+bi? ra dang/ kha sral dang/ karka ti sh+riM ga dang/ ku ba kha bo dang/ bri ha ti dang/ kha ra nas? dang/ be sha la dang/ ma he ki sha dang/ nye'u shing ba dang/ de rnams btags te rig sngags kyis btab nas gro ba'i nang du bcug ste/ byis pa byang phyogs su kha ltar bcug la mgul du
 gdags so/ /de dag ma 'byor na zar ma'i skud pa sra ba la mdud pa bor te sngags bzlas par bya'o/ /byis pa bsrung ba'i phyir dang por rang byung chen po la phyag bya ste/ sngon gyi drang srong chen po rnams kyis zhi bar byas pa yin pas gdu bu'i bsrung ba'i skud pa gdags par
 bya'o/ /in tra pra ti sa ram du b+hyam/ ye tsa tas nu tsA ri Na/ badzra rA sha ni d+har b+hud ta me g+ha bin dA nu swa ri Na e ra ba Na/ skan d+ha gtam/ ye na ya ti pU ra Na da ram/ ya ma b+hi ba so to rA dza ya dza ta syA nu tsa ri Na/ me tsa sum ka ra sriM hoSh+Na/ ga dza ba dzi sA mA nA nA/ kA lA k+Sha ka la ya si ka
 shai stam da k+Sha/ b+h+ri ku Ti mu kha shag ti mud gar/ ha ste tsa kha dag bra sA d+hA ra shu ye/ pA sha ratna ka ro rA dza/ to brid sA ga rA la ya/ sha rad bra ga na kAr/ yo tsa ta sya na nu tsA re Na/ mA ho ra n+yi man tam be ge na/ k+Sho ba yan ti/ ser ma pa ti/ dA nA d+hI po b+he sha b+ha na sartha yak+Sha de po/ /bU ba nE nA/
 ra shtsa ye/ b+hu ta stya ba nu tsA rA sA dA/ A did? tya b+ha sA b+ho ru/ tra ma tu tra shtsa shi nA bA bai te/ sarba na ma sA tam/ i mam pra ti sa kri yam/ dIr gA mA yur ro gan tsA/ da bA dA sa na tu/ san ti de b+ha ga ban pra hma swa ste na rad ta/ pa ra b+ha u swasti be dang shtsa yag n+ya shtsa ig ni sha ma u tsa/
 swasti ti sh+ri ri ta b+hi ra ha la/ shmE mi d+hak+Sha ma tyi ta/ swa sti duSh+Ta shtsa pushTa shtsa/ ba su h+rI b+hu da d+hi re ba tsa/ swasti ru tri pa sha ba kA shu/ skan d+ha shag ti d+ha ra b+hu ti/ swasti snya ta tsa/ su bar na shtsa ma hA la/ swasti da bA shtsa rak+Sha shtsa/ ma tsA de ba pA ma ga ma/ dur bya h+ri da ni/ du(mdo 'grel ta ni tsa/ duSh+Ta d+hi na ma b+ha yang kri to/ /bA tsa pra ti hi/ te ma ya/ rak+Sha pra ti sa rA/ tyU b+hya ma/ b+ha de yang ba bA gA te nI/ nir brid ta ma ni ru de go /dzi ba bar she sha tam su khi/ snum khur dang/ nas kyi khur ba dang tshod ma dang/ swasti ka dang/ u lo pi la sogs
 ba dang/ mi sri ka dang/ kurma dang/ bu da stu nga dang/ yung ba dang/ kri sa ra dang/ ya ba ka dang/ sbrang rtsi dang/ til btags pa'i phye ma dang/ lan tsha dang/ zho dang/ zan don dang/ nis ba ba dang/ 'byung po'i zas can dang/ 'o ma dang/ sha khrag rjen pa dang/ btsos ba dang/ nya
 dang/ phye dang/ chang dang/ a sa pa'i chang dang/ dri dang/ phreng ba dang/ 'bras bu dang/ gser dang/ gu gul dang/ bog dkar po'i bdug pa dang/ byi'u rug pa dang/ zim thig le dang/ ni rkun thi? dang/ me tog lo ma dang bcas pa dang/ de rnams pags dang bcas pa'i
 gtor ma byas la byis pa'i khyim de nyid kyi phyogs bzhi nas sbyin par bya ste/ de bzhin du bzhi mdo dang/ sum mdo dang/ lha'i gnas dang/ ba lang gi lhas dang/ shing gcig gi drung dang/ chu mi dang de rnams las nam sros pa'i dus su mar me dang bcas
 par btang ngo/ /de nas dkyil 'khor zlum po 'am/ gru bzhir byas te ba lang gi lci bas la ma ltung bar byugs la rtsa dar ba dang/ me tog yid du 'ong bas brgyan te/ de'i steng du 'byung po'i bdag po 'khor dang bcas pa bkod la 'byung po'i phyogs su
 kha shar du bdag ltas la/ rig sngags 'di brjod te gtor ma sbyin no/ /de la sngags ni/ oM na ma(mdo 'grel gzugs can gyi gdon spyan drangs pa yang yin no/ /sngags des khyer ba gang gi chu la lan bdun bzlas brjod bya ste/ bdag gi lus la gtor na bdag nyid bsrung ba byas par 'gyur ro/ /gdon de rnams 'dus pa dang gtor ma la so so'i bden pa'i dmod pa dang ldan pa'i
 sngags 'di brjod par bya ste/ pra dza ba tau tsa ya sya tyam/ a mi ri shA ri/ d+harmA rA dzA ya sya tya ma/ ta pa si shu/ d+hA nA d+hI pa ti ya tshe tya ma/ dzA la d+hI be/ ya sya tyam/ ag ni ho tre shu sya tya ma yang sh+rI tri ye shud tsa pa ti pra sta/ su yang sya tya ma/ i shI ri tsa ma hA ram? ni/ a te tu sya tya sa ma ye gu
 tya ka sya da tya ba ti na/ dar sha ya dwa ma swa ru pa ni/ sya tya ma rak+Sha te sartha shi/ a man tri tra ma ya syo mya ru sya mya ru be pre tI ts+tshu da/ ba lI tsha su ba h+ri tre sarbaM sarba ko ma ka gra he/ dar sha ya dwa ma swa ru pA Na/ ba lan tsa bri te gra ya sta ma/ de nas de'i 'og tu mnyam par bzhag ste/ rigs kyi
 gsang sngags 'di brjod do/ /oM lA ni lA/ khA lA khA lA/ na gu la gra ha kA ri ka se nu nu se na/ mA tA tsa ma hA se na ya sha swa ma kri ta mA lAk+Sha ta sha ra/ e tA stu gra ha mA ta ra/ ku mA ra ba tsa nA sh+ri gram pra mun tsan du shi/ shum ti mA ma/ ka la kal po dza la sha ka ti/ king ki ni dza la b+hu shi ta/ ku mA
 rA ba tsa nA/ d+hu ti ma/ sam pra ta mu tsa ta ma shi shu pa ta ka kur ku Ta tsha Tam/ gan d+ha bar h+ri da ra shi khi sha ra stam bashtsa te mu tra mud tsa ta mA tu ra shi shu gan da d+hu pa mAM y+yo ts+tsha Tika mA ra te pra yats+tsha tri/ na s+tha ta bya ma ta da gra ya/ swang grA ti ma g+ha tsa ma tsi ra ma/ da tra sarba ku mA ra nam sad ga ta
 gan mA da na/ ngag te rba tsa ba ta rak+ta shu ga ni ba sa ni/ ku mA ra sya la yaM ta tri/ yA ta ba lam bi mun tsa ta sha na mu kha d+ha sha k+Sho/ /be tra si ka la bri do bar/ bi ra ku mA ri di ba ti/ ste ba pu sto pi shi dya tyam bra ha ma no bra hma na nan tru/ sarba pe di ba da mA bar/ yak+Sha rA kA sa nA g+ha nam gan d+har
 bA a su nga yo ra pi/ pi shA tsa b+hU ta sang ga nA ma/ bya di ma/ tsA mA ri shA rA/ ag n+ya ba ya ti skan d+ho/ /ga mya trA mA gan da ma da nam/ gra ho ya ko ba yod da tyam/ ku mA ra swa ya sha smi ni/ ta ni tsu ta sa prek+Shi pra ma b+ha ya pa di sha d+ho b+ha be dang/ de ltar gtor ma btang ba'i 'og tu me la sbyin sreg
 gis mchod par bya ste/ de yang bca' ba dang/ bza' ba dang/ me tog la sogs pa ser skya dang/ dmar po la sogs pa rnam pa sna tshogs dang/ dri rnam pa sna tshogs dang/ gu gul gyi bdug pa dang/ seng ldeng la sogs pa'i yam shing bya'o/ /yang na tsan dan gyi shing gis bya ste/
 de yang grangs brgya rtsa brgyad sbyin sreg bya'o/ /gdon thams cad las grol bar byed pa'i me dbyug pa lta zhes bya ba'i rig sngags brjod par bya ste/ oM bra hma bya ta na lam de bam/ ha syag bya pa ti tsam kam/ de ba nas pra mu kha ma swA ti swAhA/ a ba
 ha ra d+hu dza ma/ sa hi bad tyam ha na tan si/ pA dA ka sa bak+Sha na/ twam yag nya shtsa yu pa s+thtsa/ twam hi d+ha ra ma btang/ ga ti hi ran n+ya rA tA de ba stA ma/ twam hi be dang bi dang ga ti/ dur brid tA nA ma/ be na ya sha yA twa ma/ hi ud pa di ta su re/ da ha sa gra ha de ba twa ma/ i dam duSh+Ta sa bri gra
 ha/ ag ni ye swAhA/ twam ti shan ti ka ro ba na ni/ stam ma ru ta ro dam ha ri prad dA na g+ha di ri shi/ dI mA ma ni gri hya gu hyam kam/ ud ma da ya ti/ te dza swa tsA/ na ma(mdo 'grel ya de a hi b+ha ni ti de ba nam/ twam hi bag tram pu ra ta nam/ te nas ya te na de bA shad/ i ma sa d+ha ya/ me gra ham/ na ma stu he bya bA ha dan di/ da ha da ha/ dar sha ya dar sha ya te dza// //
 ta dza mo Ta ya mo Ta ya/ a pad+ma ra mud g+ha Ta ya/ ku mA ra bi shA tsa/ rai ba ti ro da na tra sa na/ bi trA sa na/ kam pa na/ ud kam pa na/ bI dzra bad de ba yak+ShA gan d+ha ra ba/ b+hu tA nA ma/ nA ga rak+Sha sa/ san dar dzan/ b+han rda na/ bi d+hu gra sar ya/ b+ha na b+ha nA/ a ga na d+ha na Ta/ a ga ni
 bI tya na ma te/ dza sa swa na/ u na mA na da ya swAhA/ b+hur b+hu ba ya swAhA/ di ba ta te dzas swAhA/ ya ma ye swAhA/ sbyin sreg 'dis ni byis pa'i gdon mdza' dag 'jig par byed do/ /de bzhin du gtor ma dang/ sbyin sreg dang/ bdug pa dang/ khrus kyi tshul sngags kyi rgyud
 rig par sbyar bar bya'o/ /bu ti ka rany+dza'i shun pa dang lo ma dang/ 'o ma can gyi shing ga shun pa dang/ lo ma dang/ sku ba dang/ bi la sha dang/ syo na ka dang/ bilba dang/ ka pi tha dad de rnams cha mnyam ste nub mo bskol la byis pa rnams la nub mo khrus byas na shis
 pa yin no/ /gzhan du na gdon gyis zin pa las brla brnyan gyi nad ldan pa lta bu'i nad gso ba byung na ni/ byis pa'i nad gso ba las bshad pa'i sman gyi sbyor ba rnams bya'o/ /byis pa gdon gyis zin pa gso ba'i le'u gsum pa rdzogs so// //de nas
 gdon gyi dmigs shes par bya ba'i le'u bshad par bya ste/ thog mar sman pas nad pa'i shes pa dang/ smra ba dang/ spyod pa dang/ stobs ci 'dra ba las gdon gyi rtags shes par bya ste brjod par bya'o/ /de yang skyes bu gang gis spyod tshul dang/ rang bzhin dang 'gro ba dang/
 byed pa rnams lha dang lha ma yin dang/ dri za la sogs pa gang gi rtags dang/ mthun par byed pa de'i mtshan nyid shes par bya ste brtag go /de la lha dang lha ma yin la sogs pa/ gdon gyi rigs rnam pa bco brgyad yod do/ /de dag kyang rgyu med par ni gdon 'jug mi
 nus te/ rgyu de yang gang zhe na/ 'phral gyi rkyen dang/ sngon gyi las las gyur pa yin te/ de yang shes rab nyams pas chags pa dang/ zhe sdang dang/ gti mug la sogs pa shas cher skyes pa dang/ chos lugs nyams par byas pa dang/ brtul zhugs nyams pa dang/ spyod lam
 log par byed pa dang/ bla ma la sogs pa mchod par 'os pa la mi mchod pa dang/ bdag nyid kyi gzhung lugs nyams par byas pa dang/ bdag nyid gsod par byed pa dang/ rgyu de dag byas pas gdon gyis glags rnyed de skyes bu'i lus la 'jug cing gnod par byed do//
 gzhan yang gdon gyis glags rnyed par byed pa'i rgyu ni sdig pa'i las rtsom pa dang/ sngon mi dge ba'i las byas pa dang/ bdag nyid gcig pur grogs med pa khang stong dang/ dur khrod dang/ bzhi mdo dang/ mcho rten la sogs pa'i drung du mtshan mo brten cing gnas pa
 dang/ mtshan mo gcer bur rgyu ba dang/ de bzhin du bla ma mchod par 'os pa smod pa dang/ dus dang cho ga ma yin par 'khrig pa spyod pa dang/ mi gtsang bas lha mnyes par byed pa dang/ gzhan gyi bud med bu btsas ma thag pa la ma 'dres par spyod pa dang/ sbyin srog dang/ sngags
 dang/ gtor ma dang/ mchod pa la sogs pa la yo byad mi 'byor pa dang/ mdor na mdo'i gnas su nyin par gyi spyod lam bstan pa log par byed pa las gdon 'jug cing gnod par byed pa yin no/ /de la lha'i gdon ni zla ba yar ngo'i tshes
 gcig dang/ tshes bcu gsum la 'jug par 'gyur ro/ /lha ma yin gyi gdon ni yar ngo'i tshes bcu gsum dang mar ngo'i bcu gnyis la 'jug par 'gyur ro/ /dri za'i gdon ni tshes bcu bzhi dang/ bcu gnyis la 'jug go /klu'i gdon ni tshes lnga la 'jug par
 'gyur ro/ /gdon sbyin gyi gdon ni zla ba yar ngo'i tshes bdun dang bcu gcig la 'jug par 'gyur ro/ /tshangs pa'i srin po'i gdon ni yar ngo'i tshes lnga dang/ tshes brgyad dang/ bco lnga la 'jug par 'gyur ro/ /srin po dang sha za'i gdon ni zla ba mar ngo'i tshes gcig dang
 dgu dang bcu gnyis la 'jug par 'gyur ro/ /yi dags kyi gdon ni gnam stong dang tshes bcu la 'jug pa yin no/ /bla ma rgan pa la sogs pas smod pa byas pa las byung ba'i gdon ni phal cher tshes brgyad dang dgu la 'jug go /gdon de dag phal cher nam
 sros pa'i dus su 'jug pa yin no de la skyes bu lha'i gdon gyis zin pa'i rtags ni bzhin mdangs pad+ma kha bye ba lta bur 'dug pa dang/ zhi ba'i mig lta bu dang/ mig khro ba dang/ smra ba nyung ba dang/ rdul dang/ bshang gci 'byung ba dang/ zas mi 'dod pa dang/ lha dang
 bram ze la mchog tu 'dzin pa dang/ gtsang sbra che ba dang/ saM skri ta'i skad du smra ba dang/ yun ring po nas mig 'byed pa dang/ lus dri zhim pa dang/ gzhan la mchog ster zhing bkra shis pa la sogs pa'i tshig sbyin pa dang/ phreng ba dang/ gos dkar po dang/ 'bab
 chu dang/ ri bong dang/ khang pa mthon po la dga' ba dang/ gnyid med pa dang/ gzhan la gnod pa mi byed pa dang/ mtshan ma de dag dang ldan na lhas dbang du byas pa yin no/ /de la lha ma yin gyi gdon gyis thebs pa'i rtags ni/ mig yon por lta ba dang/ rang
 bzhin ma rungs pa dang/ lha dang bla ma dang/ bram ze rnams la zhe sdang ba dang/ 'jigs pa med pa dang/ rims kyis snyems pa dang/ dpa' zhing brtan pa dang/ khro ba can dang/ rtsol ba zhan pa dang/ drag po dang/ skem byed dang/ khyab 'jug dang/ dbang po yang bdag yin no/
 zhes smra ba dang/ sha dang chang la dad cing dga' ba ni lha ma yin gyi gdon yin no/ /dri za'i gdon gyis thebs pa'i rtags ni/ rang gi spyod pa la dga' zhing lus dris zhim pa dang/ rtag tu snying dga' zhing glu gar la dga' ba dang/ de bzhin du khrus dang/ skyed mos
 tshal dang/ gos dang phreng ba la dga' zhing byug pa dmar po la mos pa dang/ sgeg pa dang/ 'gying ba 'dod pa ni dri za'i gdon gyis zin pa'i rtags so/ /klu'i gdon gyis zin ba'i rtags ni mig dmar ba dang/ khro ba'i dang tshul dang/ mig har har bor dgrad pa dang/
 yon por 'gro ba dang/ mi brtan zhing 'gul ba dang/ rgyun du dbugs rgod pa dang/ lce yang nas yang du 'byin pa dang/ kha'i gra la lcas byug pa dang/ 'o ma dang/ bu ram dang/ khrus la dga' ba dang/ kha bub tu nyal ba dang/ gdugs mthong na 'jigs pa ste de ni
 klu'i gdon gyis zin pa'i dbang du byas pa'o/ /gdon sbyin gyi gdon gyis zin pa'i rtags ni mig dgrad cing dmar la 'bur ba dang/ lus dri zhim pa dang/ gzi mdangs shin tu bzad ba dang/ gar dang gtam dang/ glu dang/ khrus dang/ phreng ba dang/ byug pa la dga' 
 ba dang/ nya dang sha la sred pa dang/ spro ba dang/ dga' ba che ba dang/ stobs che ba dang/ nad med pa dang/ lag pa'i rtse mo 'gul zhing khyed cag rnams la nor la sogs pa ci zhig sbyin zhes sma ba dang/ gsang ba'i tshig mi thung pa dang/ sman pa dang/ bram ze la spyod pa dang
 khro bag chung ba dang/ 'gros myur ba dang/ 'di dag ni gdon sbyin gyi gdon gyis zin pa'i rtags so/ /tshangs pa srin po'i gdon gyis zin pa'i rtags ni rgod cing gar la dga' ba dang/ las drag po byed pa dang/ rgyu med par rdeg pa dang/ dmod pa dang bcas pa'i
 tshig ngan pa sma ba dang/ 'gros myur ba dang/ lha dang bram ze dang sman pa la sdang ba dang/ shing ngam mtshon la sogs pas bdag nyid la bsnun pa dang/ kwa ye kwa ye zhes bod par smra ba dang/ bstan bcos dang rig byed sngon thos pa 'don pa
 dang/ de dag ni tshangs pa'i srin po'i gdon gyis zin pa'i mtshan ma'o/ /srin po'i gdon gyis zin pa'i rtags ni khro mig tu lta ba dang/ khro gnyer dang ldan pa dang/ rtags bag tu byed pa dang/ gzhan la rdeg pa dang/ rgyug cing 'gro ba dang/ skad kyi bor 'don
 pa dang/ gdong 'jigs su rung ba ston pa dang/ kha zas ma zos kyang stobs dang ldan pa dang/ gnyid med pa dang/ mtshan mo rgyu ba dang/ ngo tsha mi shes pa dang/ gtsang sbra med pa dang/ dpa' ba dang ma rungs pa'i las byed pa dang/ tshig rtsub po smra ba dang/ khro ba dang/ khrag
 dang/ phreng ba dmar po dang/ bud med dang/ sha dang chang la dga' ba dang/ khrag gam sha mthong na rkan gtog cing mchu lhag pa dang/ kha zas za ba'i dus su rgod pa dang/ 'di dag ni srin po'i gdon gyis mtshan ma'o/ /sha za'i gdon gyis zin pa'i cha rtags
 ni/ sems tha mal par mi 'dug pa dang/ sa gcig la mi gnas pa dang/ kun tu rgyug pa dang/ zas kyi lhag ma dang/ glu dang/ gar dang/ sha dang chang rnams la dga' ba dang/ dmod mo dang bcas pa'i tshig ngan pa smra ba dang/ bzhin mdog zhan pa dang/
 rgyu med par dud mo 'debs shing sen mos lus 'brud pa dang/ lus rtsub pa dang/ skad nyams pa dang/ bdag sdug go zhes smre sngags 'don pa dang/ 'brel pa dang mi 'brel ba'i tshig tu smra ba dang/ dran pa nyams pa dang/ gnas la dga' ba dang/ mi
 brtan pa dang/ gcer bur byung ba dang/ dri ma can dang/ srang kha na 'dug pa'i gos ci rnyed pa gon pa dang/ rtswa phreng bar byas nas lus la brgyan pa dang/ shing la rta zer te zhon pa dang/ mi gtsang ba lud phung gi steng du 'dug pa dang/ zas mang du za ba
 ste 'di ni sha za'i gdon gyis zin pa'i mtshan ma'o/ /yi dags kyi gdon gyis zin pa'i rtags ni gzugs dang bya ba dang dri yi dags dang 'dra zhing 'jigs skyen pa dang/ zas mi 'dod pa dang/ rtag tu rtsa gcod pa dang/ 'di dag ni yi dags kyi gdon gyis zin
 pa'i mtshan ma'o/ /grul bum gyis gdon gyi zin pa'i rtags ni tshig mang po smra zhing glal ba dang/ gdong nag pa dang/ mi sdod par 'gro ba dang/ rang gi rlig pa cher skrang zhing 'phyang ba ni grul bum gyi gdon gyi mtshan ma'o/ /byad stems kyi gdon gyis zin
 pa'i rtags ni shing dang bong ba thogs shing 'gro ba dang/ srang kha'i phyag dar gyi dum bu gyon pa dang/ gcer bur rgyug pa dang/ stabs mig tu lta ba dang/ rtsa'i rgyan byed pa dang/ dur khrod dang/ gnas stong pa dang/ srang dang/ shing gcig gi drung du brten pa
 dang/ til gyi zas dang/ sha dang chang la chags pa ste 'di ni byad stems kyi gdon gyis zin pa yin no/ /g.yengs byed kyi gdon gyis zin pa'i rtags ni/ tshig rtsub ba smra ba dang/ zas mi 'dod cing chu nye tshe slong pa dang/ sdangs shing mig dmar bas lta ba dang/ tshig
 drag pa 'di ni/ o kir Na zhes bya ba'i gdon gyis zin pa'i mtshan ma'o/ /ro langs kyi gdon gyis zin pa'i rtags ni/ dri dang phreng ba la dga' ba dang/ tshig bden par smra ba dang/ tshig yongs su 'dar ba dang/ gnyid che ba ni ro langs kyi gdon gyis zin pa yin no//
 sngon gnyen shi ba 'drer gyur ba'i gdon gyis zin pa'i rtags ni/ mthong ba mi gsal pa dang/ bzhin zhan pa dang/ rkan bskams pa dang/ mig dang rdzi ma 'gul ba dang/ gnyid che ba dang/ me'i drod chung ba dang/ g.yon phyogs su gos gyon pa dang/ til dang/ sha
 dang/ bu ram la dga' ba dang/ tshig 'khrul pa dang/ 'di ni sngon gyi gnyen shi ba'i gdon gyi zin pa'i mtshan ma'o/ /bla ma dang rgan pa dang grub pa rnams kyi dmod pa las byung ba'i gdon gyis zin pa'i rtags ni/ spyod lam dang zas la sogs pa gdon so
 so'i rtags dang/ ji ltar mthun pa yin pa de ltar ngos gzung bar bya'o/ /mdor na byis pa'i tshogs kyi rjes 'brang ba'i gdon dang/ gcer bur 'dug cing skra gyen du rdzes pa dang/ sems sdug bsngal gyis gdungs ba dang/ yun ring por
 gdon gyis zin pa ni spang bar bya'o/ /gdon gyi dmigs bstan pa'i le'u ste bzhi pa rdzogs so// //de nas gdon nad de dag gso ba'i le'u brjod par bya ste/ gang gi lus la 'khrig pa dang gtor ma la sogs pa 'dod pa'i gdon rnams kyis mi
 gtse bar 'dod pa rnams kyis bzlas brjod dang/ sbyin sreg dang/ gtor ma dang/ brtul zhugs dang/ dka' thub dang/ tshul khrims dang/ bsam gtan dang/ sbyin pa dang/ shes rab dang/ snying rje la sogs pa rnams bsten na rgyal bar byed do/ /gdon gyis mi brdzi'o//
 shin kun dang/ tsha ba gsum dang ba bla dang/ gla rtsi dang/ sgog pa dang/ arka'i rtsa ba dang/ spang spos dang/ a dza lo mi dang/ go lo mi dang/ 'bam po dang/ shu dag dang/ g+hand+ha bri yaM ku dang/ ku kU ti dang/ sarba gand+ha zhes bya ba g+hand+ha ku li dang/ ka na zhes bya ba ka ka dang/ ba la
 ka dang/ ram nye ba 'o ma can dang/ badzra kro d+ha dang/ sle tres dang/ kar ka ta sh+riM gi dang/ mo ha na ba li li dang/ lig bu mig dang/ yungs kar dang/ gzhan yang gdon 'joms pa'i sman ji snyed pa dang/ bong bu dang/ rta dang/ khyi dang/ lug dang/ rnga mo dang/ rik+Sha dang/ go d+ha dang/
 sre mo dang/ reg 'byam dang/ gung dang/ bya la dang/ ba lang dang/ seng ge dang/ stag dang/ rgya mtshon gnas pa'i srog chags kyi pags pa dang/ mkhris pa dang/ so dang/ sen mo dang de rnams mar rnying pa 'am/ sar pa 'am/ til mar ram gang yang rung ba dang lhan cig
 bsgrubs te/ des btung ba dang/ snar blugs pa dang/ bsku mnye dang/ phye ma'i dud pas bdug pa dang/ ri lur byas te de la mig sman dang/ snar phye mas bud ba dang/ bsku ba dang/ bskol ba'i khu bas blugs pa la sogs pa ci rigs par byas nas gdon smyo byed dang/
 brjod byed dang bcas pa zhi bar bya'o/ /ha sti pi pi ling dang/ pi pi ling gi rtsa ba dang/ tsha ba gsum dang/ skyu ru ra dang/ yungs kar dang/ srog chags go d+ha dang/ sri mo dang/ byi lo dang/ dza sha dang/ de rnams kyi mkhris pa lhan cig btags pa'i phye ma sna nas btang ba dang/ bsku byug  
 dang/ blugs pa la sogs pa byas na gdan 'joms so/ /yungs kar dang/ shu dag dang/ shing kun dang/ bri yang ku dang/ ser po rnam gnyis dang/ bcod ka ni dkar po dang/ 'bras bu gsum dang/ shTi ta kaTa bi dang/ nim+ba'i lo ma dang/ ka rany+dza ka dang/ sh+ri ya'i sa bon dang/
 thang shing dang/ tsha ba gsum dang/ de rnams btags pa'i phye ma dang/ mar ci tsam pa'i bzhi 'gyur gyi ba gcin dang/ bskol ba'i sman mar ni don grub kyi sman mar zhes bya ste/ de las ran par btung ba dang snar blugs pa byas na/ gdon thams cad 'joms shing
 khyad par du lha ma yin gyi gdon sel te/ gshed byed dang/ bkra mi shis pa dang/ dug dang/ smyo byed dang/ rims dang/ brjed byed dang/ sdig pa rnams 'joms so/ /sman de nyid kyi phye mar gcin dang sbyar te btung ba 'am/ snar blugs pa dang/ byug pa dang/ khrus dang/ dril
 ba rnams byas na gong du bstan pa'i yon tan thams cad dang khyad par du rgyal po'i sgor yang dgos pa'i don thams cad 'grub par 'gyur ro/ /yungs kar dang/ tsha ba gsum dang/ shu dag dang a shwa g+hand+ha dang/ ser po rnam gnyis dang/ shing kun dang/ kun dong gi
 rtsa ba dang/ ka rany+dza'i sa bon dang/ shi ri shi'i me tog dang/ ka pid ta'i 'bras bu dang/ shun lpags dang/ rgyam tshwa dang/ ta ga ru dang/ ru rta dang/ so na ka'i rtsa ba dang/ ge ri kar+Ni dkar po dang/ de rnams btags la ra gcin dang legs par bsgos te ba lang gi mkhris
 pa dang bsres te ri lur byas la sbyin na/ rma red pa dang/ smyo byed dang/ mun thibs zhes byed pa dang/ mtshan mo mi mthong ba dang/ dran pa stor ba dang/ chus khyer te brgyal ba dang/ dug mnga' la sogs pas phog pa dang/ sprul gyis mche bas zin te brgyal ba dang/
 de rnams la mig tu bsku pa dang/ snar blugs pa dang/ bsku ba byas na zhi bar byed do/ /ras bal gyi sa bon dang/ rma bya'i sgro dang/ bri ha sti dang/ ma hA de ba la phul ba'i me tog rnying pa dang/ po son cha dang/ shing tsha dang spang spos dang/
 byi la'i rtug pa dang/ 'bras kyi phub ma dang/ shu dag dang/ mi'i skra dang sprul gyi pags pa rjes pa dang/ glang po che'i so dang/ glang gi rwa dang/ shing kun dang/ na le sham dang/ 'di rnams cha bsnyams te/ btags pa bsregs pa'i dud pas bdugs na
 skem byed kyi gdon dang/ smyo byed dang/ sha za dang/ lha'i gdon gyis thebs pa rnams sel ba'i mchog yin no/ /yang na bca' sga dang/ pi pi ling dang/ na le sham dang/ ga ta pra tra dang/ gur kum dang/ pi pi ling gi rtsa ba dang/ kaN+Ta kA ri dang/ yung ba dang/ skyer
 ba'i rtsa ba dang ru rta dang/ yungs kar dang/ yungs nag dang/ bal ka dang/ dug mo yungs dang/ tsan dan dkar po dang/ sgog skya dang/ a ru ra dang/ ba ru ra dang/ pu shel tsi dang/ pu tse shel dang/ shu dag dang/ spangs ma dang/ shing mngar dang/ ba bla dang/ tsan dan
 dmar po dang sdug smel dang ldong ros dang/ shug pa dang/ pog dkar po dang/ rgya spos dang/ me tog ma du ka'i shing dang/ bri yang ku dang/ bong nga dkar po dang/ skyer khaN+Ta dang/ dbyi mo rnams cha bsnyams ste/ zhib rab tu btags la de rnams spyir bsdoms
 pa'i bzhi 'gyur gyi mar rnying pa dang/ gcin gyi sde tshan mdo'i gnas su bstan pa las gcin mar dang cha bsnyams te re re nas bskol la gcin du mar lus pa btsags pa ni gdon khrus 'debs pa'i mar yin no zhes sngon gyi mkhas pa 'dod de/ de
 las ran par 'thungs na gdon sel ba'i mchog yin no/ /yang na spos dang/ shing mngar dang/ ka rany+dza dang/ rgya skyegs dang/ ba to la'i rtsa ba dang/ btsod dang/ shu dag dang/ pa to la dang/ shing kun dang/ yungs kar dang/ kaN+Ta kA ri dang/ ser po rnam gnyis
 dang/ g+hand+ha pri yi ku dang/ pu tse shel dang/ rgya shug gi 'bras bu dang/ tsha ba gsum dang/ 'bras bu gsum dang/ btso 'bras dang/ thang shing dang/ bi dang ga dang/ i dza g+hand+ha dang/ sle tres dang/ ang ko la dang/ ko sha ta ki dang/ shig tru dang/ nim+ba dang/ gla sgang dang
 du gam yungs dang/ ru rta dang/ shi ri sha'i me tog dang/ sa bon dang/ gi ri kar+Ni dang/ dan+ti dang/ kru trug tres dang/ bilba rnams cha bsnyams te zhib tu btags la de rnams spyir bsdoms pa'i bzhi 'gyur gyi mar rnying pa dang/ gcin rnam brgyad dang/ re re nas
 gong ma bzhin du bskol la/ gcin du mar nyi tshe lus pa btsags pa'i ming ni gdon khrus legs pa'i mar chen po zhes bya ste/ cho ga bzhin du legs par sbas la/ de las btung ba dang/ mig bsku ba dang/ snar blugs pa dang/ lus bsku ba byas na gdon
 yin no cog thams cad dang/ smyo byed dang/ mje dang/ rims rnams sel bar byed do/ /dus gang dang gang gi nyin zhag la gdon gyis zin pa'i nyin zhag de dang de'i dus su/ lhag par gtor ma dang/ sbyin sreg la sogs pa sman pas ji lta ji ltar rigs pa bzhin
 sbyar ro/ /gzhan yang khrus dang/ gos dang/ sha dang/ tshil dang/ chang dang/ 'o ma dang/ bu ram la sogs pa gdon gang la dad cing sred ba de'i tshe de la sbyin no/ /gdon thams cad la ni rin po che rdo rje dang/ baiDUrya dang/ margad la sogs pa dang/ su ma na la sogs pa me
 tog dri zhim pa'i phreng ba 'am/ yang na sman gyi rigs dri zhim pa dang/ phreng ba dang/ mon sran sde'u dang/ mon sran na gu la sogs pa'i 'bru dang/ sbrang rtsi dang/ zhun mar dang/ khur ba dang/ la tu la sogs pa sbyin te sbyor ba de dag ni gdon gyi cho ga spyir bstan pa
 yin no/ /de la lha'i gdon dang/ drang srong dang/ rgan po dang/ grub pa dang/ bla ma dang/ gdon lnga po de dag la ni lha khang nas gtor ma sbyin no/ /de las kyang lha'i gdon la ni byang phyogs su ltas te sbyin no/ /lha ma yin gyi gdon la ni dus ji lta ba bzhin du nub phyogs su
 kha ltas te/ bzhi mdo nas gtor ma sbyin no/ /dri za'i gdon la ni ba lang gi lam nas gos dang rgyan dang bcas pa'i gtor ma sbyin no/ /sngon gnyen shi ba 'drer gyur pa'i gdon dang/ klu'i gdon la ni 'bab chu'i ngos nas gtor ma btang
 ste/ de las kyang klu'i gdon la ni shar lho'i mtshams su kha ltas te gtor ma btang ngo/ /gnod sbyin gyi gdon la ni gnod sbyin gyi gnas sam/ yang na chu bo gnyis 'doms pa'i mdo las btang ngo/ /srin po'i gdon dang/ tshangs pa srin po'i gdon la ni
 lam gyi bzhi mdo dang/ nags tshang tshing 'jigs su rung ba'i las lho phyogs su kha ltas te gtor ma sbyin no/ /tshangs pa srin po'i gdon la ni shar phyogs su kha ltas te sbyin no/ /sha za'i gdon la ni gnas stong pa nas nub phyogs su kha ltas te gtor ma sbyin no/ /de la
 lha'i gdon la ni gtor ma shin tu gtsang zhing dge bar bshams la/ de yang me tog dkar po las byas pa'i phreng ba dang/ a ka ru la sogs pa dri zhim po dang/ 'bras kyi 'o thug dang/ 'bras chan dang/ zho dang/ gdugs dkar po dang bcas pa 'dod pa yin no//
 shing kun dang/ yungs kar dang/ shu dag dang/ tsha ba gsum dang/ 'di rnams srang phyed phyed btags pa'i phye ma mar srang sum cu rtsa gnyis dang/ mar bzhi 'gyur gyi ba gcin dang lhan cig bskol te mar 'ba' zhig lus pa las btung ba dang/ snar blugs
 pa dang/ bsku ba byas na lha'i gdon las grol bar 'gyur ro/ /de bzhin du shu dag dang/ shing kun dang/ sgog skya dang/ de rnams kyi phye ma gcin dang btags te/ snar blugs pa dang/ mig tu bskus na yang lha'i gdon las thar ro/ /lha ma yin gyi gdon la ni
 shing tog ji snyed pa dang/ pu shel tsi dang/ pad+ma dang/ utpal dang sbyar ba'i gtor ma sbyin no/ /klu'i gdon la ni sum na la sogs pa'i me tog dang/ 'bras spos dang/ bu ram dang sbyar ba'i snum khur dang/ bu ram dang sbyar ba'i 'bras chan dang/ zas mchog ces bya
 ba'i 'o thug dang/ sbrang rtsi dang/ 'o ma dang/ sa nag po dang/ nA ga ge sar dang/ shu dag dang/ pad+ma dang/ gu gul dang/ pu shel tse dang/ utpa la dmar po'i 'dab ma dang ldan pa'i gtor ma sbyin no/ /gseng phrom dkar po'i lo ma dang/ rgya spos dang/ nA ga ge sar dang/ yungs
 kar dang 'di rnams chu grang mo dang btags te/ snar blugs pa dang/ mig bskus na klu'i gdon las thar ro/ /gnod sbyin gyi gdon la ni 'o ma dang/ zho dang/ mar dang/ 'bras chen bsres pa'i zas dang/ gu gul dang/ sgron shing dang/ pad+ma dang/ pu shel tsi dang/ gos dang/
 gsor brgyan du byas pa 'am/ ma byas pa 'ang rung ba'i gtor ma sbyin no/ /mar dang/ 'o ma dang/ ba gcin dang/ cha bsnyams te bskol ba las btung ba dang/ snar blugs pa dang/ bsku byug byas na gdon sbyin gyi gdon la phan no/ /a ru ra dang/ ser po rnam gnyis dang/
 sgog skya dang/ na le sham dang/ shu dag dang/ nim+ba'i lo ma dang/ 'di rnams btags par gcin dang sbyar te/ snar blugs pa dang/ mig la bskus na yang gnod sbyin gyi gdon las grol lo/ /tshangs pa srin po'i gdon la ni nas phye bre do las byas pa'i snod bkang ba dang/
 bum pa gang gi chu dang/ til btags pa'i phye dang/ gdugs dang gos dang/ gur kum la sogs pa'i byug pa dang ldan pa'i gtor ma sbyin no/ /seng ldeng srang nyi shu bskol ba'i nang du tsha ba gsum dang/ 'bras bu gsum dang/ shing kun dang/ shu dag dang/ shu ti dang/
 yungs kar dang/ nim+ba'i lo ma dang/ sgog skya dang/ de rnams kyi phye ma mar srang nyi shu rtsa brgyad dang/ ba gcin mar gyi sum 'gyur dang/ lhan cig bskol la de las yang btung ba dang/ snar blugs pa dang/ bsku byug byas na phan no/ /srin po'i gdon la ni til
 btags pa'i phye ma dang/ me tog dkar po dang/ 'bras dang/ mon sran gre'u la sogs bsres pa'i chan dang/ sha btsos pa dang/ sha rjen pa dang/ nis pa sa dang/ khrag dang bcas pa'i gtor ma sbyin no/ /ka rany+dza dang/ sh+ri sha dang/ pra tra la nag po gnyis kyi rtsa ba
 dang/ shun lpags dang/ me tog dang 'bras bu dang/ bilba'i rtsa ba dang/ tsha ba gsum dang/ shing kun dang/ dug mo yungs dang/ sgog skya dang skyu ru ra'i 'bras bu dang/ 'di rnams kyi phye ma ba gcin dang ha cang mi sla mi ska tsam du sbyar te/
 snar blugs pa dang mig tu bskus na srin po'i gdon la phan no/ /yang na sman de dag nyid mar dang gcin mar gyi bzhi 'gyur dang lhan cig bsgrubs te bskol la mar lus pa dang/ btung ba dang snar blugs pa dang/ bsku byug byas na srin po'i gdon
 zlog par byed do/ /sha za'i gdon la ni bu ram chang dang/ til gyi tshigs ma dang/ til gyi phye ma dang/ zho dang/ la phug dang/ lan tsha dang/ mar dang 'byung po'i zas 'bras dang/ sran ma sha la sogs pa bsres pa'i chan dang/ phye las byas pa'i zan dang
 bcas pa'i gtor ma sbyin no/ /ser po rnam gnyis dang/ bcod dang/ shu ti dang/ lan tsha dang/ dod gra dang/ shing kun dang/ pri yang ku dang/ tsha ba gsum dang/ sgog skya dang/ 'bras bu gsum dang/ shu dag dang/ pra Ta li dang/ ge ri kar+Ni ka dkar po dang/ sh+ri
 sham me tog dkar po dang/ 'di rnams ba gcin dang/ de'i bzhi cha'i mar dang lhan cig bskol te/ de las btung ba dang/ bsku byug byas na sha za'i gdon sel to/ /yang na sman de nyid ra'i gcin dang btags te mig tu bsku ba dang snar blugs
 pa yang phan no/ /lha'i gdon dang drang srong gi gdon dang sngon gyi gnyen shi ba 'drer gyur ba'i gdon dang/ dri za'i gdon dang de dag la ni sna sman rno ba btang bar bya ste/ 'jam pa'i bag sman mar la sogs pa spyad par bya'o/ /sha za'i gdon ma gtogs pa'i
 gdon thams cad la mi mthun zhing mi 'phrod pa'i zas mi sbyin te/ gal te mi mthun pa byin par gyur na/ gdon de dag ni mthu stobs che ba yin pas khros te sman pa dang nad pa gnyis ka gsod par byed do/ /'phags pa spyan ras gzigs dbang phyug 'jig rten
 mgon po phrag bcu gnyis pa'i gzung sngags bzlas na/ nad thams cad gso bar byed cing gdon thams cad las kyang rgyal bar byed do/ /de bzhin du smyo byed dang/ brjed byed la sogs pa mdor na sems 'khrugs pa'i gdon thams cad zlog par byed pa'i mchog yin no/ /gzhan
 yang nad pa des lus gtsang sbra byas te/ rig sngags kyi rgyal mo rma bya chen mo dus rtag tu mdun du bklags te nyan du bcug na yang phan no/ /gzhan yang gdon gyi mgon po dpal ldan dbang phyug chen po dang/ de'i 'khor rnams mchod pa'i bya ba dang/ de bzhin du grub pa'i rig sngags
 bstan brjod byas na yang gdon thams cad sel bar byed do/ /gzhan yang 'og nas smyo byed kyi cho ga thams cad 'dir byas na phan no/ /'dir brjod pa thams cad kyang smyo byed la phan te/ gcig la gcig phan tshun phan pa yin pas ci rigs par sbyar na zhi bar 'gyur ro/ /gdon nad gso
 ba'i le'u sde lnga pa rdzogs so// //de nas smyo byed kyi nad gso ba'i le'u bshad par bya ste/ de la smyo byed kyi nang ni nad gzhi gsum re re las gyur pa dang/ sems gdungs pa las gyur pa dang/ dug las gyur pa ste drug yod do/ /de la smyo byed ces bya ba ni lus dang sems kyi rgyun
 srad nad gzhis log par bsgyur te/ gnod par gyur pa la smyo byed ces bya'o/ /de la smyo byed ni bza' ba dang/ gtung ba gnod pa brten pa dang/ bza' ba dang btung ba g.yos rnyings par gyur pa'i zas dang/ mi 'dod bzhin du zos pa dang/ zas skom mi gtsang ba zos pa dang/ kha zas mi snyoms pa zos
 pa dang/ kha zas kyi sbyor ba log par byas pa dang/ sems gdungs pa dang/ snying stobs chung ba dang/ nad kyi shugs kyi dran pa nyams pa dang/ glo cung zad byed kyi nad la mi zad pa bsten pa dang/ mchod bar 'os pa'i lha dang bla ma la sogs pa la mchod pa mi byed pa dang/ snying na ba dang/ snying mi dran pa dang/ dug dang
 dbyig dug dang/ nyes pa'i dug la brten pas smyo byed kyi nad 'byung ba yin no/ /rgyu gong ma de dag gi skyes bu snying stobs zhan pa'i snying gi nad du nad gzhi rnams kyis gnod par byas pas blo dri ma dang bcas par gyur te/ yid rgyu ba'i spu bu rnams bkag nas de'i 'og tu smyo byed du 'gyur te/ des blo dang rnam par shes pa dran pa
 rnams 'khrugs shing lus kyis bde ba dang sdug bsngal ba yang mi tshor te nyams la ji ltar shing rta kha lo bsgyur ba dang bral ba bzhin du/ rtsom ba thams cad kyang ma bsams bzhin du gtang med par 'gyur ro/ /de la rlung las gyur pa'i smyo byed kyi mtshan ma la ni lus
 sha zad de ring par gyur pa dang/ gzhi med par du ba dang/ dmod par mod pa dang/ rgod pa dang 'dzum pa dang/ gar byed pa dang/ glu len pa dang/ rol mo byed pa dang/ lus 'gul skyong byed pa dang/ yan lag gi tshigs nyed cing tsheg sgra 'don pa dang/ gzhi yod bzhin du ci'ang mi byed
 pa dang/ gling bu dang/ pi wang dang/ rjes su mthun pa'i sgra yang dang yang du 'don pa dang/ kha nas lbu ba rgyun du 'dzag pa dang/ kha nas tshig cal col mang du smra ba dang/ lus la rgyan med bzhin du rgyan yod do zhes zer ba dang/ bzhon pa ma yin pa la zhon pa yin no zhes zer zhing
 zhon par rtsol ba dang/ zas med pa la zas 'dod pa skang zer la/ zas rnyed cing mthong na mi 'dod pa dang/ mig shin tu zlum shing rtsa dmar ba dang/ kha zas zhu ba'i 'og tu nad cher ldang ba yin no/ /mkhris pas bsnyos pa'i mtshan ma ni gzhan la sdigs mdzub bsgrang ba dang/
 khro zhing rngam pa dang/ khu tshur dang bong bas gzhan la rdeg cing skrod pa dang/ grang ba dang/ grib ma dang/ chu 'dod pa dang/ gcer bur 'dug ba dang/ lus kyi mdog ser ba dang/ me mi snang bar me 'bar ro zhes smra ba dang/ nyin par skar ma mthong ba dang/ mar me med par mar me
 mthong ba rnams yin no/ /bad kan las spyo byed du gyur pa'i rtags ni kha zas yi gar mi 'ong ba dang/ slon dang kha zas nyung ngu za zhing smra ba nyung ba dang/ bud med shas cher 'dod pa dang/ gcig pu dben ba la dga' ba dang/ kha chu dang sna dang 'dzag pa dang/ 'jigs skyen pa
 dang/ gtsang ba la mi dga' ba dang/ gnyid che ba dang/ gdong skrang ba dang/ nad de yang nub mo cher ldang zhing zas zos ma thag shas cher ldang ba rnams yin no/ /mtshan ma thams cad dang ldan na ni 'dus pa las gyur pa'i smyo byed kyi rtags su lta ste/ de ni mi zad pa yin pas sman
 pas yongs su spang bar bya'o/ /sems gdungs pa las smyo byed du gyur ba'i mtshan ma ni/ nor dang snying du sdug pa la sogs pa bral bar dka' ba dang bral te/ de'i sdug bsngal zil gyis mnan nas lus kyi dpal skya zhing bzhin shin tu zhan pas du zhing kyi hud ces smre sngags
 'don cing yang dang yang dran pa stor bar gyur pa dang/ glo bur du brgyal bar gyur te/ nor dang snying du sdug ba la sogs pa'i yon tan brjod cing mya ngan gyis sems nyon mongs te/ de la rtse gcig tu sems pa dang/ mtshan thog thag tu mi nyal bar sems sna tshogs su
 sems ba yin no/ /dug 'thungs pa las smyo byed du gyur ba'i rtags ni gdong sngo skyar 'dug pa dang/ gzi mdangs nyams pa dang/ mig la sogs pa dbang po'i stobs nyams pa dang/ dug gi mthus 'ju ba'i dus na yang dran pa nyams shing mig dmar bar gyur pa la ni
 gso ba'i cho ga med de spang bar bya'o/ /de la rlung las gyur pa'i smyo byed kyi nang la ni thog mar sman mar sbyar te btung bar bya'o/ /rlung dang gzhan 'dres pa yin na ni/ bkru sman dang slon sman 'jam pos snum dang bcas par btang ngo/ /bad kan dang mkhris pa las gyur pa'i
 smyo byed la ni dang po snum dang dugs bya ste/ de'i 'og tu slon dang khrus bya/ de nas dugs byas nas mas btang ba dang mgo khrus kyang bya'o/ /de ltar slon khrus la sogs pas lus dag par byas na dran pa rnyed par 'gyur ro/ /de ltar byas pa'i 'og tu mig sman dang/ sna sman rnon po
 yang sbyar la btang ngo/ /de bzhin du sems dga' ba skyed pa dang/ dbugs dbyung ba dang/ sdangs su gzhug pa dang/ 'jigs par bya ba dang/ rdeg pa dang/ bsdigs par bya ba dang/ de bzhin du bsku byug dang dril ba dang/ du ba rdub pa dang/ sman mar btung ba la sogs pa slon khrus
 kyis lus dag pa'i 'og tu sems tha mal pa la de dag sbyar bar bya'o/ /shing khun dang/ kha ru tsha dang/ tsha ba gsum dang de rnams srang gnyis gnyis btags pa'i phye ma mar srang brgya nyi shu rtsa brgyad dang/ de'i bzhi 'gyur gyi ba gcin dang lhan cig bskol te/ mar lus
 pa de la ran par bsten na/ smyo byed dang/ gdon dang/ 'byung po dang/ brjed byed rnams sel ba'i mchog yin no/ /brahmi rang gi khu ba srang drug cu rtsa bzhi dang/ mar srang sum cu rtsa gnyis dang/ tsha ba gsum dang/ sha ma durbid dang/ bim+bi ta dang/ shang
 la puShpa dang/ dong ga dang/ sapta la dang khi dang ga dang/ 'di rnams zho gnyis gnyis btags pa'i phye ma dang tshul bzhin bskol te mar lus pa ni brahmi'i mar zhes bya ste/ de la zhag re srang res bskyed de srang bzhir phyin gyi bar du zos na smyo byed de 'phrog par byed de/
 bud med bu med pa la bu ster bar byed cing skad snyan pa dang/ tshig gsal ba dang/ dran pa dang yid gzhungs par byed cing dpal skyed par byed do/ /'bras bu gsum dang/ bi sha la dang/ ha re nu ka dang/ thang shing dang/ e la ba lu ka dang/ thal tres rnam gnyis dang/
 ser po rnam gnyis dang/ s+thi ra rnam gnyis dang/ pri yang ku dang/ rgya spos dang/ bri ha tI dang/ ru rta dang/ btsod dang/ dong ga dang/ nA ga se sar dang/ se'u 'bru dang/ bi dang ga dang/ bal bu'i lo ma dang/ sna ma'i me tog kha ma phye ba dang/ utpa la dang/ dan+ti dang/ shug pa dang/
 tsan dan dkar po dang/ 'di rnams zho gnyis dang btags te/ mar srang sum cu rtsa gnyis dang tshul bzhin bskol ba ni dge ba'i sman mar zhes bya ste/ de las ran par 'thungs na gdon gyis zin pa dang/ smyo byed dang/ lud pa lu ba dang/ brjed byed dang/ sdig pa
 rnams 'joms bar byed de de bzhin du skya rbab dang/ g.yan pa dang/ dug dang skem byed dang/ rmong bag dang/ gcin nad dang/ rims nad dang dbyig dug dang/ khu chu zad pa'i nad dang/ dran pa stor ba dang/ yid gzhungs pa dang/ skyugs pa dang/ dran pa myur bar 'dod
 pa dang/ me drod chung ba rnams la phan te/ gzhan yang stobs bskyed pa dang/ bkra shis pa dang/ tshe ring ba dang/ lus mdzes mdangs dang ldan pa dang/ skal ba dang ldan pa dang/ lus rtas par byed pa dang/ bu skyed par byed pa'i mchog yin no/ /yang na gong ma'i sman
 las ? ba lu ga yan chad bdun ma gtogs pa thal tres rnam gnyis la sogs pa sman sna nyi shu rtsa gcig re re yang srang phyed dang gnyis gnyis cham chom brdungs la srang brgyad la phul gang du brtsis pa'i chu phul drug cu rtsa bzhi dang bskol te/ bzhi cha lus
 pa'i nang du mar srang sum cu rtsa gnyis dang/ ba be'u mang du skyes pa'i 'o ma mar gyi bzhi 'gyur dang/ me d+ha rnam gnyis dang/ ram nye ba dang/ bu tshang rdo dang/ kha sral phre'u dang/ bu ram shing dang/ mung+ga par+Ni dang/ 'di rnams kyi phye mas btab ste yang bskol la mar lus pa
 na dge ba chen po'i sman mar zhes bya ste/ gong ma'i phan yon bas lhag ste lus nyam rta bar byed cing nad gzhi sel ba'i mchog yin no/ /spang spos rnam gnyis dang/ chu rtsa dang/ kha sral phre'u dang/ shu dag dang/ khyi lce ba dag dang/ ram nye ba dang/ tsa rong dang/ pu tse shel dang/
 spo tres dang/ bar te dang/ tshat+tra dang/ a ti tshat+tra dang/ pa lam ka sha dang/ ma hA pu ru shan dan ta dang/ skyu ru ra dang/ na ku lI rnam gnyis dang/ ka tra b+ha ra dang/ b+hi shtsi ka li dang/ sa la par+Ni dang/ 'di rnams cha bsnyams te mar dang tshul bzhin bskol ba ni sha chen po'i mar zhes bya ste
 de las ran par 'thungs na/ nyin bzhi pa'i rims dang/ smyo byed kyi gdon dang/ brjed byed kyi gdon 'joms te blo gsal ba dang dran pa dang yid gzhungs pa dang/ byis pa rnams kyi lus rta zhing 'phel bar byed pa ni bdud rtsi dang 'dra'o/ /pra hmi dang/ in+t+ra bA ru ni dang/ bi
 dang ka dang/ tsha ba gsum dang/ shing kun dang/ spang spos dang/ murba dang/ ra sna dang/ bong dkar po dang/ sgog skya dang/ bi sha dang/ byi'u rug dang/ shu dag dang/ khre dang/ nA ga dan+d+ra dang/ byi char ba dang/ a ru ra dang/ beg phan dang 'di rnams glang po che'i gcin dang btags
 te/ chang bur byas nas grib ma la bskams te/ de nar snar blugs pa dang/ mig tu bsku ba dang/ lus la byug pa dang/ dud pas bdug pa byas na smyo byed sel bar byed do/ /snar rdubs pa'i sman sna tshogs yungs kar gyi mar dang sbyar bar snar blugs par bya'o/ /yungs
 kar gyi mar gyis lus bsku byug byas la/ yungs kar de nyid kyi phye ma snur blud do/ /yang na mdo'i gnas su bstan pa'i dud pa'i sman rnon po shing kun dang sbyar ba'i dud pas bdugs na phan no/ /wa dang sha lya ka dang/ 'ug pa dang/ dza du ka dang/ byi ba dang/
 ra thug dang/ 'di rnams kyi gcin dang/ rtug pa dang/ sbu dang/ pags pa dang/ mkhris pa dang/ sen mo dang 'di rnams kyi dud pas sna dang lus pa byug pa dang/ mig bsku ba dang lus bsku ba dang/ blugs pa la sogs pa smyo byed can la spyad do/ /rlung dang bad kan gyi shas che ba'i smyo byed la ni khyi
 dang/ ba lang dang nya rnams kyi sha rul gyi dud pas rtag tu bdug go/ mkhris pa las gyur pa'i smyo byed la ni/ tik+ta'i mar dang/ sman 'tsho byed kyi mar dang/ snum sna gnyis dang/ de bzhin du bza' btung yang bsil ba dang/ mngar ba dang/ yang ba rnams bsngags so/ /gzhan yang
 gtad ka gdab pa'i cho ga bzhin du byas te/ brang dang/ mig 'gram dang/ dpral ba'i dbyes las khrag gtar ba dang/ yang na sha gtsang ma tshim tshad du bza' ba dang/ rlung med pa'i phyogs su mal bcas te bzhag pa yang sems rmongs pa'i nad las grol bar byed do/ /yang smyo
 byed kyi nad kyis zin pa'i nad pa de chu'i nang du bskyur ba 'am/ khron pa'i nang du bcug pa dang yang na ltog ltogs su lus 'bri bar bya'o/ /yang na grogs po snying du sdug bas tshes dang don dang ldan pa'i gtam gyis dbugs dbyung zhing drung du bsdad de sems dga' bar bya'o//
 yang na nye ba sdug pa shi ba 'am/ rmad du byung ba'i gtam rnams brjod bar bya'o/ /yang na rkang lag bcings la yungs kar gyis byugs te gan rkyal du nyi ma dren po la gzhag pa bya'o/ /yang na kha sral phre'u btags pa'i lde gus bskus pa'am/ yang na lcags
 bsregs pa 'am/ chu bskol ba 'am/ til mar gang yang rung pas lus bsreg go/ yang na lcag gis bzhu ba 'am/ yang na thag pas btags te g.yang sar bskyur ba 'am/ yang na mtshon dang rdo dang mi med pa'i khang pa stong par gcig pu bzhag par bya'o/ /yang na
 sprul chen po sngon med pa bstan la 'jigs su gzhug go/ de bzhin du glang dang seng ge dang/ glang po che la sogs pa gang yang rung bas 'jigs su gzhug go/ yang na rgyal po'i skyes bu legs par bcings nas rgyab tu phyung la bsad par khyer ba yin no/ /zhes smras nas sdigs
 mdzub la sogs pas bsdigs te 'jigs su gzhug go /gang gi sbyor ba de dag byas na lus kyi sdug bsngal dang srog gi 'jigs pas dran pa rnyed bar 'gyur ro/ /zhes sngon gyi slob dpon dag bzhed do/ /'on kyang sbyor ba de dag thams cad byas na smyo byed kyi nang thams cad
 las rgyal bar byed do/ /gso ba grub pa de dag kyang yul dang dus la sogs pa la brtag legs par sbyar bar bshad par bya'o/ /gang zhig gnyen sdug pa dang nor bzang po dang bral te dran pa stor bar gyur pa la ni nor dang gnyen sdug pa la sogs pa de nyid yod do
 zhes brjod cing dbugs dbyung ngo/ /'dod pa dang/ mya ngan dang/ 'jigs pa dang/ khro ba dang/ dga' ba dang/ phrag dog dang/ chags pa las gyur pa'i smyo byed la ni de gnyis gcig la gcig phan tshun gnyen por byas te zhi byed bya'o/ /smyo byed kyi nad de yang gdon dang
 'brel pa yin te/ gdon dang smyo byed gang gi shas che ba'i mtshan ma dang/ rang bzhin brtags te/ de'i 'og tu gdon nad dang smyo byed kyi sman ci rigs par sbyar ro/ /gal te gdon dang 'brel pa yin na ni gtor ma sbyin par bya ste/ til gyi phye ma dang/ nas kyi
 phye'i zan dang/ chang bu dang/ zas snum zhing mngar ba dang/ 'bras chan gyis bsgos pa dang/ sha rjen pa dang/ btsos pa dang/ 'bru'i chang dang/ sbyar ba'i chang dang/ as pa'i chang dang/ me tog a ti mug ta dang/ sri shing gi me tog dang/ sa ha tsa ra'i me tog dang
 bcas pa'i gtor ma ba lang gi stegs dang chu klung dang zan dogs las btang bar bya'o/ /skyes bu gang sha dang chang spangs pa dang/ sdom pa la gnas pa dang/ lus dag yid gsum gtsang zhing dag pa dang/ snying stobs dang ldan zhing blo can la ni lhan cig
 skyes pa dang/ blo bur las byung ba'i smyo byed rnams kyis nam yang tshugs par mi 'gyur ro/ /dbang po rnams kyi yul ji lta ba bzhin du gsal bar byed cing de bzhin du lus dang sems kyang dang la lus zungs rnams rang bzhin du gnas par gyur na smyo
 byed dang bral ba'i mtshan ma yin no/ /smyo byed kyi nad gso ba'i le'u ste drug pa rdzogs so/ /de nas brjed byed kyi nad gso ba'i le'u bshad par bya ste/ de la brjed byed ces bya ba ni dran pa nyams pa'i bdag nyid yin te/ des blo dang sems yongs su 'khrug
 pa yin la/ de yang sems las drags pa dang/ mya ngan dang 'jigs pa la sogs pa las 'byung ba yin no/ /nad gzhi rnams ni smyo byed dang 'dra ste/ nyes pa 'khrugs nas lus dang sems la zhugs te/ snying la g.yogs pa sems kyi bdag nyid nyams par byas te 'du shes rgyun rnam
 bkag bas mun par zhugs pa snyam byed cing blo rmongs par 'gyur te/ las kyi bya ba ci byed kyang smad cing 'jigs su rung ba'i las byed cing so 'khrigs pa dang/ kha nas dbu ba 'byung lag pa dang rkang pa 'gul zhing bskyod pa dang/ gzugs med pa mthong zhing yod pa mi mthong ba dang/ 'dar zhing sa
 la dgyel ba dang/ mig dang smin ma yo bar gyur ba dang/ nad stobs dang bral nas bzod zad pa yin no/ /te yang brjed byed de yun ring du lon pa ni 'gyur ba de dag tsha bas tsha ba yin no/ /de ltar gyur pa'i brjed byad de yang rlung dang/ mkhris pa dang/ bad kan dang/ 'dus pa dang/ bzhi'o/ /de
 la brjed byed kyi thog mar zin pa'i tshul ni snying 'dar zhing stod pa snyam byed pa dang/ mgo 'khor ba dang mun thibs zhes byed cing mun par mthong ba dang/ mi gzam zim du 'dug pa dang/ rdzi ma 'khrugs pa dang/ mig gyur ba dang/ sgra mi grag bzhin du thos pa dang/ rdul 'byung ba dang/ kha chu dang
 snabs 'dzag pa dang/ kha zas mi 'ju zhing yi gar mi 'ong ba dang/ khong pa 'khrug cing khru lu lu zer ba dang/ nyam btsag zad pa dang/ gnyid med pa dang/ yan lag brdung brdung ba snyam byed pa dang/ skom dang che ba dang/ de rmi lam yang glu len pa dang/ gar byed pa dang/ til mar dang/ chang
 'thung ba dang/ til mar dang chang gi gcin 'byung bar rmi ba rnams yin no/ /de la rlung las gyur pa'i brjed byed kyi mtshan ma ni brla gnyis 'gul ba dang/ yang dang yang sa la 'gyel ba dang/ yang dang yang dran pa stor zhing rnyed pa dang/ tshig mi gsal ba smra ba dang/ mig zlum la phyir 'bur ba dang
 rnam? pa drag tu 'don cing dbugs mi bde ba dang/ kha nas dbu ba 'byung ba dang/ dbu 'gul zhing 'dar ba dang/ sel khrig pa dang/ gre ba rlung gis gang ba dang/ yan lag phan tshun sdebs pa dang/ khu chur bsdams na mthe'u chung nas gzung ste/ sor mo rnams rim gyis rkyong ba dang/ lus
 bcu ?? / mig dang/ pags pa dang/ sen mo rnams rtsa gnag cing dngos po rnams nag por mthong ba dang/ rang bzhin gyis mi brtan pa dang/ lus rtsub ba dung dung por 'dug cing g.yo ba dang/ mdog mi sdug pa dang/ bzhin 'gyur ba rnams yin no/ /mkhris pa las
 gyur ba'i brjed byed kyi rtags ni dran pa yang dang yang nyams shing yang dang yang 'dus shing rnyed pa dang/ mig dang gdod dang/ pags pa'i mdog ser zhing dbub ser por 'gyur ba dang/ sa la rkang lag gis rdebs pa dang/ mig lam du 'jigs su rung ba dang/ 'tsher
 ba dang/ khro bo'i gzugs mthong zhing skam dang dang bcas pa yin no/ /bad kan las brjed byed du gyur pa'i mtshan ma ni yun ring por na dran pa stor zhing dran pa rnyed pa yang bul ba dang/ /bzas nyung du za zhing byed spyod nyung ba dang/ kha chu yang dang yang 'byung ba dang/ mig
 dang/ sen mo dang/ ba'i nad dkar ba dang/ gzugs rnams dkar por mthong ba yin no 'dus ba las gyur ba'i brjed byed kyi mtshan ma thams cad dang ldan pa ni spang bar bya'o/ /de la glo dang snying dang dran pa'i spu bu rnams dri mas 'gags pa'i brjed byed la ni thog
 mar de dag par bya ba'i phyir sman rnon po dang bcas pa'i slon la sogs pa'i lums bya'o/ /rlung las gyur pa'i brjed byed la ni phal cher sman mas btad pa rnams bya'o/ /mkhris pa las gyur pa la ni phal cher bkru sman sbyar ro/ /de ltar gong 'og tu slon khrus kyis
 lus dag par byas nas spro ba skyed do/ /de'i 'og tu brjed byed kyi sman bshad par bya ste ba'i lci ba'i khu ba dang/ 'o ma dang/ zho dang/ gcin dang/ mar dang/ de rnams cha bsnyams te bskol ba'i mar ni ba'i rnam lnga'i mar zhes bya ste de las ran par 'thungs
 na/ brjed byed dang/ rims dang/ smyo byed dang/ mig ser rnams ? to/ /rtsa ba rnam pa lnga ba gnyis dang/ 'bras bu gsum gcig dang/ ser po rnam gnyis dang/ dug mo yungs kyi shun lpags dang/ lo ma bdun pa dang/ a pa marga dang/ na li ni dang/ pu tse shel dang/ dong ga dang/ ma nu
 dang/ shing phal gul rtsa ba dang/ byi tsher ba dang/ sman de rnams chu srang gnyis gnyis chu srang brgyad la chu phul gang du brtsis pa'i chu phul drug cu rtsa bzhi dang bskol te/ bzhi cha lus pa'i nang du ga bra'i rtsa ba dang/ pA tha dang/ a ta ka zhes bya ba tu ba ri dang/ dan+ti dang/ durbid
 dang/ tsha ba gsum dang/ ro ha sha dang/ b+hu ti ka dang/ murba dang/ tsi? skrigs dang/ ha ti pi pi ling dang/ thal tres rnam gnyis dang/ ma nu yan+ti zhes bya ba sen rtsi dang/ rtsi tra ka dang/ 'di rnams zho gnyis gnyis dang/ mar srang sum cu rtsa gnyis dang/ ba'i rnam lnga re re yang de dang
 lhan cig bskol te mar lus pa ni ba'i rnam lnga chen po'i mar zhes bya ste/ de las ran par 'thungs na brjed byed dang rims dang/ dmu rdzing dang/ mtshan bar rdol ba 'phrog pa'i mchog yin te/ skran nad dang/ gzhang 'brum dang/ mig ser dang/ skya rbab dang/ skran dang/
 lud pa dang/ gdon rnams 'joms par byed do/ /shu dag dang/ ru rta dang/ shaM kha puShpa dang/ mar rnying pa dang/ mar gyi bzhi 'gyur gyi sman prahmi'i dang gi khu ba dang/ de rnams lhan cig bskol te/ de las ran par 'thungs na/ yid gzhungs shing smyo byed dang/ bkra mi shes pa rnams
 dang/ brjed byed dang/ sdig pa rnams las rgyal bar byed do/ /yang na 'tsho byed sde bcu srang re re btags pa'i phye ma dang/ til mar dang/ mar srang sum cu sum cu dang/ 'o ma phul drug cu rtsa bzhi dang 'di rnams chu dang tshul bzhin bskol de mar lus pa dang/ ran par 'thungs
 na/ brjed byed las grol bar byed do/ /yang na 'o ma dang/ bu ram shing gi khu ba srang nyi shu rtsa brgyad dang/ mar srang sum cu rtsa gnyis dang/ de'i brgyad 'gyur gyi taM pa la gyi khu ba dang/ 'tsho byed sde bcu zho gnyis gnyis kyi phye ma tshul bzhin bskol te mar lus pa las ran par
 'thungs na rlung dang mkhris pa las gyur pa'i brjed byed myur du 'jig par byed do/ /yang na rtswa ka sha dang/ ku sha dang/ bi dang ri dang bu ram shing dang de rnams 'o ma dang lhan cig bskol te/ 'o ma lus pa las ran par 'thungs na yang phan yon de dang 'dra'o/ /shing mar gyi phye ma dang
 mar dang/ mar gyi bco brgyad 'gyur gyi sman da'i khu ba dang tshul bzhin du bskol te mar lus pa las ran par 'thungs na brjed byed 'phrog par byed de/ yang na ba ser skya'i sna nas blugs na brjed byed las rgyal ba'i mchog yin no/ /khyi dang/ wa dang/ byi la dang/ seng ge la sogs pa
 gang yang rung ba ba'i mkhris pa gong ma ltar btad na yang bsngags so/ /srog chags go d+ha dang/ sre mo dang/ glang po che dang/ khyu mchog dang/ dreng dang/ ba lang dang de rnams kyi mkhris pa gang yang rung ba dang til mar bskol te/ til mar lus pa las bsku ba dang/ sna nas blugs pa
 bya sna yang bsngags so/ /'bras bu gsum dang/ tsha ba gsum dang/ nas tshigs 'khus pa'i thal ba dang/ pha ni ts+tsha dang/ su shA hA dang/ a pa marga dang/ ka rany+dza'i sa bon dang/ 'di rnams til mar dang ra cin dang bskol ba mar lus pa las sman blugs pa 'am/
 yang na sman de rnams kyi phyi ma sbu gu nas sman pas snar bud par bya'o/ /yang na sre mo dang/ 'ug pa dang/ spre'u dang/ bya rgod dang/ sbrul dang/ bya rog dang/ srog chags ki Ta ka dang de rnams gang rnyed par mchu dang/ sgro dang/ rtug pa rnams kyi dud pas brjed byed can la
 bdug go /yang na til mar ram/ sgog skya 'am/ 'o ma 'am nye 'u shing gang yang rung ba brten na phan no/ /yang na sman brahmi dang/ ru rta dang/ shu dag gang yang rung ba'i khu ba sbrang rtsi dang ldan pa bsten na phan no/ /nad gzhi gsum mnyam du 'khrugs te/ gnad chen
 po snying dang sems la bsten nas lus dang sems la gnod par byas te/ brjed byed kyi nad 'byung na ni sman gzhan gyis gso bar dka' ste/ de la ni bcud kyis cho gas gso bar bya'o/ /de bas na brjed byed kyi nad kyis nyam thag pa'i
 nad pa de la mi me dang/ chu dang/ g.yang sa la sogs pa mi bzang pa rnams las dus thams cad du bsrung zhing bskyang par bya'o/ /de ltar sems gyur pa'i nad pa de brjed byed kyi sems gyur pa'i nad las grol ma thag ni khyod 'di ltar 'byung pos zin pa
 'gyur ro zhes bya ba la sogs pa'i tshig brjod par mi bya ste/ lus dang sems nyon mongs pa'i skyes bu de la ni yul yid du 'ong ba la sogs pas sems lta zhing gso bar bya'o/ /brjed byed kyi nad gso ba'i le'u ste bdun pa rdzogs so//
 de nas rdzi ma dang mig mchu'i nad ngo shes par bya ba'i le'u bshad par bya ste/ de la mig nad do cog slong bar byed pa'i kha zas la sogs pa zos pa dang/ khyad par du mig la gnod pa'i zas zos pa dang/ gzhan yang mig ni phal cher mkhris pa 'khrugs
 na mig kyas? da'i rjes su na bar byed pas na nad gzhi gang las gyur kyang rung ste/ nyes pa'i dri ma rtsa'i sbugs nas gyen du 'byung ste/ mig mchu dang/ mig gi grwa mtshams dang/ mig gi 'bras bu dkar po dang/ nag po dang/ mthong ba'i mig dang/ de dag gang
 yang rung ba 'am/ yang na thams cad la yang rung ste bsten nas nad gzhi ji lta ba bzhin du nad skye'o/ /de la rlung las gyur pa'i nad kyi mtshan ma ni mig mchu'i rtsa la rlung zhugs par gyur te/ de yang gnyid log pa las sad na dpyir mi 'dod cing nad dang
 bcas pa dang/ mig bye nas gang bsnyam byed pa dang/ 'byed pa'i dus su yang dka' bas 'byed cing mchi ma zag pa dang/ mig mnyes na cung zhig phan pa snyam byed pa de ni mig nad 'byed dka' ba yin no/ /zhes sngon gyi drang srong dag 'chad do/ /de la mig nad
 'byed pa zhes bya ba'i mtshan ma ni/ rlung gis mchu bskyod de yang dang yang du mig 'byed cing 'dzum pa ste/ de yang nad med pa'o/ /de la rlung gis mig nad nyams pa zhes bya ba ni rlung gis mig gi 'gul rtsa nyams par byas pas 'byed 'dzum gyi rtsol ba mi shes te/
 de yang mig mchu 'og ma rtag tu slog par byed pa'o/ /de la mkhris pa las gyur pa'i mig mchu'i nad kyi mtshan ma mi mig mchu'i nang ngam phyi rol gang yang rung ba ku mu ta'i sa bon gyi mdog lta bu'i 'brum bu phra mo 'byung zhing de yang brtol na yang gang ba ni ku mu
 ta'i sa bon lta bu'i mig mchu'i nad zhes bya'o/ /de la mkhris pas slong ba zhes bya ba'i mig mchu'i nad ni mig mchu rab tu tsha zhing shin tu na la mdog dmar zhing reg par mi bzod pa yin no/ /gzhan yang mig mchu'i nad ni nad gzhi rdzi ma'i nang du zhugs nas
 g.ya' zhing tsha ste/ de'i 'og tu rdzi ma 'byi bar byed de de'i ming ni rdzi ma 'byi ba zhes bya ba'i mig mchu'i nad yin no/ /bad kan las gyur pa'i mig mchu'i nad ni 'brum bu phra mo dkar po yungs kar tsam la thug par 'byung ba dang/ skrang ba dang mig rdus khyab pa dang/
 na ba dang/ g.ya' ba dang/ mchi ma spyi bag can dang ldan pa de ni mig mchu'i nad sha skyes pa zhes bya bar bshad do/ /bad kan gyis slong ba zhes bya ba'i mig mchu'i nad ni 'byed 'dzum mi shes pa dang/ mig rdus khyab par 'dug pa yin no/ /gzhan yang bad kan las
 gyur ba'i mig mchu'i nad ni thor bu rgya shug tsam mam/ de bas yid tsam chung ba 'byung ste/ de yang dkar la na zhing sman ba dang/ g.ya' ba dang/ sra ba rnams yin te/ mig mchu'i nad de la ni lag g+han zhes bya ba yin no/ /khrag las gyur pa'i mig mchu'i nad kyi
 mtshan ma ni 'brum bu khrag 'dra ba stug po mang du 'byung ste/ de'i ming ni mig mchu khyab par byed pa zhes bya'o/ /gzhan yang dmar po shar shar po khrag gi mdog tu snang zhing de yang reg par mi bzod pa yin te/ de ni khrag gis slong ba'i mig mchu'i nad ces
 bya'o/ /mig mchu'i nang sha che ba'i 'brum bu sra ba dang/ snum pa dang/ tsha ba dang/ na ba dang/ mdog dmar zhing khrag gi mdog tu 'gyur zhing khrag 'dzag pa dang/ bcad pa bzhin du 'phel ba ni khrag las byung ba yin te/ de'i ming ni
 khrag gi mig mchu'i nad ces bya'o/ /yang na khrag las gyur pa'i mig mchu'i nad ni mig mchu'i dkyil lam/ mig mchu'i mdza' ma la mon sran rda'u tsam gyi tshad tsam zangs ma'i mdog 'dra ba 'byung zhing g.ya' ba dang/ zug gzer dang bcas pa
 la brtan par gnas pa de ni stang zil lta bu'i mig mchu'i nang ces bya'o/ /de la 'dus pa las gyur pa'i mig mchu'i nad ni mig mchu'i phyi rol skrad pa ltar 'dug la nang du spu bu phra mos khyab par 'dug ste/ nang chus khengs shing de yang 'dzag pa dang/ pad+ma'i
 rtsa ba dang 'dra ba ni pad+ma'i rtsa ba lta bu'i mig mchu'i nad ces bya'o/ /khrag gis nad gzhi rnams bslangs te mig mchu'i nang du gyur pa ni nad gzhi rnams lhan cig 'khrugs te/ rgyu med par rnag dang chu ser res 'ga' mi 'dzag pa dang/ res 'ga' 'jig
 pa de ni mig mchu'i nad khrag gis slong ba zhes bya'o/ /nad gzhi gsum khrag dang bcas pa'i mig mchu'i nad ni mdog sngo bsangs su 'dug pa dang/ zug gzer byed pa dang/ rnag dang bcas shing skrang ba dang ldan pa ni sngo bsangs lta bu'i mig mchu'i
 nad ces bya'o/ /khrag dang nad gzhi rnams 'dres pa las gyur pa'i mig mchu'i nang ni mig mchu gnyis 'byar ba dang/ g.ya' ba dang/ mdog dmar zhing skrang ba dang bcas pa ni/ mig mchu'i nang 'byar ba gces bya'o/ /mig mchu'i nad 'brum bu phra mo bye
 ma 'dra bas nang khengs shing sra ba dang rtsub pa da ni mig mchu'i nad bye ma lta bu zhes bya'o/ /gang gi mchu gnag cing 'dam ltar 'dug pa de ni mig mchu'i nad 'dam lta bu zhes bya'o/ /skyes bu gang gi mig mchu sha cher skye zhing mthug la mthon dman
 med cing rang gi mdog gzhan dang ma 'dres par 'dug pa de ni mig mchu'i nad sha che ba zhes bya'o/ /yang na mig mchu'i nang ni byis pa so skyes mtshan ma'i rtags su 'byung ste/ rgyu des mig mchu skrang zhing mig dmar ba dang/ blta mi bzod pa dang/ mig mchu zug
 gzer dang bcas shing 'byar bar 'dug pa dang/ rna ba dang sna dang mig rnams lag pas nyed pa yin te/ de ni mig mchu'i nang ku kyan? ka zhes bya ba yin no/ /mig mchu'i nad rdzi ma 'khrugs te mig mchu'i spu zhum par gyur nas/ mig mchu la nang du lta zhing mig mchu 'degs
 mi nus pa dang/ rdzi ma gtogs na res 'ga' nad zhi la yang spu sar ba skyes pa dang/ cher ma'i rtse mo bzhin du rno ba des mig 'khrug pa skrang bar 'gyur te/ de ni mig mchu'i nad rdzi ma 'khrugs pa zhes bya'o/ /yang mig mchu'i nad sna gong phyogs kyi mig gi grwa mtshams kyi mig
 mchu'i phyi rol tu thor bu 'byung zhing sra la mthon por 'dug pa dang/ smin pa'i dus su khrag dang rnag 'dzag cing yang nas yang du rnag khrag gis khengs pa de ni mig mchu'i nang me dpal chung ngu zhes bya'o/ /nad gzhi gsum dang khrag las gyur pa'i nad ni mig mchu'i dbus su
 sha'i mdzer ba lta bu 'byung zhing mkhrang pa dang/ sra ba dang/ nad med cing ring por 'phyang ba de ni mig mchu'i nad thor bu lta bu zhes bya'o/ /nyi shu rtsa bzhi po de dag ni mig mchu la brten pa'i nang du bshad do/ /de rnams las dang po ni 'byed dka' zhes bya ba'i mig mchu'i sman
 gyis gso bar bya ba yin no/ /de'i 'og ma gnyis dang mig tu 'brum bu byung ba ni spang bar bya'o/ /de ltar rdzi ma 'khrugs pa zhes bya ba'i nad ni lan 'ga' rung zhing res 'ga' thu bar byed pa ni/ yun ring du na bar byed pa yin no/ /lhag ma rnams ni mtshon gyi las kyis gso bar
 bya ste/ do yang rdzi ma 'byi ba zhes bya ba'i mig mchu'i nad ni mtshon gyis btsags par bya'o/ /mig mchu'i nad thor bu ni bcad par bya'o/ /de las lag+han dang/ ku mu ta'i sa bon lta bu dang/ pad+ma'i rtsa ba lta bu dang/ uts+tshaM? ga lta bu zhes bya ba dang/ dngul rdo lta bu zhes bya ba dang/
 me dpal phra mo lta bu rnams ni mtshon gyis dral bar bya'o/ /mig mchu'i sha skyes pa dang/ sngo bsangs dang/ bye ma lta bu dang/ khrag gi nad gzhi slong bar byed pa zhes bya ba dang 'dam bu lta du zhes bya ba dang/ sha che ba zhes bya ba dang/ ku ku na zhes bya ba
 dang/ de rnams ni mtshon gyis bzhar bar bya'o/ /mig mchu'i nad dmigs brtag pa'i le'u ste brgyad pa rdzogs so// //de nas mig mchu'i nad bsal ba'i le'u bshad par bya ste/ de la mig mchu'i nad 'byed dka' ba zhes bya ba la
 ni mar rnying ba dang/ rgun 'bru dang/ chu tshul bzhin bskol te kha ras btab pa btung bar bya ste/ de bzhin du snar blugs pa dang/ dud pa dang/ mig sman snum dang sbyar ba btang ngo/ /ku mu ta'i sa bon lta bu'i mig mchu'i nad la ni mtshon gyis bcags la/ de'i steng
 rgya mtsho'i phye ma gdab par bya'o/ /shing mngar dang/ skyu ru ra dang/ pa to la rnams bskol ba'i chus kyang blugs so/ /de la mtshon gyi las bya dgos pa'i mig mchu'i nad ni thog mar slon khrus kyis lus dag par byas la/ de'i 'og tu nad pa rlung med pa'i gnas su gan
 rgyal du bzhag la nad g.yog gis mi 'gul bar gzung la ras 'jam po chu dron du bcug bas mig mchu'i phyi rol tu dugs byas la/ de'i 'og tu lag pa g.yon pa'i mthe bong dang mdzub mo gnyis gong ma'i ras kyis dkris la des mig mchu gnyis phye
 zhing phyir zlog par bya'o/ /de ltar byas na mi 'jil zhing brtan par bya ba'i phyir ro/ /de nas mtshon rtse mo dkyil 'khor lta bu 'am/ sha kha tra 'am/ she pha li'i lo ma lta bu 'am/ rgya mtsho'i dbu ba gang yang rung ba'i mtshon gyis yid 'phreng du rgya
 gram du gdab po/ /de nas khrag byung ba dang/ ras bal gyis phyi'o/ /gal te khrag ma byung na ni/ yang mtshon gyis legs par dral te phyis la/ de'i 'og tu nad gzhi rang rang dang mthun pa'i sman sbrang rtsi dang sbyar bas sman gdab bo/ /de'i 'og tu chu don
 gyis bsku'o/ /de nas mar dang sbrang rtsi dang nas phye bsres la zan thabs su byas pas mig slan la/ de'i steng du ras mar gyi byugs pas dkris te rna ba'i gong 'og tu brtod la bzhag go /ras de yang zhag re bkrol zhing rang rang dang mthun pa'i
 sman yang blugs so/ /zhag bzhi lon nas snar blugs pa la sogs pa yang bya'o/ /zhag lnga pa la ni ras bkrol la btang ste glan mi dgos so/ /de ltar mtshon gyis legs par bzhar legs pa'i mtshan ma ni/ mig mchu mthon dman
 med cing mnyam pa dang/ dmar skyar 'dug cing sen mo'i mdog tu snang ba dang/ skrang ba dang/ g.ya' ba dang/ reg cing bsgul na yang na ba med par rig par bya'o/ /de las bzlog pa ni ma legs pa'i mtshan ma yin te/ de la ni yang mtshon
 gyis bzhar te bzla bar bya'o/ /gal te mtshon gyis bzhar drags na ni mig mchu na zhing zug ba dang/ rdzi ma 'byi ba dang/ 'jig pa mang bar 'gyur te/ de la ni snum bcos dang/ dugs la sogs pa rlung la phan pa'i sbyor ba byas na phan no zhes
 sman pa rnams 'dod do/ /de'i 'og tu seng phrom dkar po mar sar gyis bskus te/ e raN+Ta'i rtsa ba'i phye ma'i lde gus byugs pa rje'u kha sbyar gyi nang du bsregs te tshos pa dang/ chus bkrus te skams la btags pa'i phye ma bud med dang
 ra'i 'o ma gang yang rung ba dang/ sprus la ras kyi nang du thur bus byas te/ mig la dugs bya'o/ /yang na seng phrom dkar po la 'bras thug po che'i phye ma'i lde gus cho ga gong ma ltar byas pa las de'i phye ma zhog chu dang mnyes te/ dugs byas na
 mtshon gyis bzhar drags ba la phan no/ /yang na zhog chu nya tshes blugs pa bya zhing srog chags skam? na gnas ba'i sha dang lhan cig bza' bar bya'o/ /mig mchu la 'brum bu phra mo sra zhing mthon po byung ba la ni 'bras kyi so 'dra ba'i
 mtshon gyis dral te de btsir la sman gyis btab pa dang/ bsku ba la sogs pa ni snga ma bzhin du sbyar ro/ /gong du smos pa la sogs pa'i dpyad thams cad kyang dral ba 'dir sbyar bar bya'o/ /mkhris pa dang khrag las gyur ba'i
 mig mchus nang la ni sman mngar ba'i sde tshan dang/ mar sbyar bar dang po btung ba la sogs pa snum chos sbyar te/ de'i 'og tu khrag gtar ro/ /de nas shing nye rong gi bkru sman btang ngo/ /mig mchu'i nad mtshon gyis bzhar te khrag byung ba dang/ shing
 mngar bskol ba'i chus bkrus te tsan dan dkar po'i 'o ma dang sbyar bas blugs pa byas na phan no/ /rdzi ma 'byi ba'i mig mchu'i nang la ni spu thog ma gang nas 'byi ba'i spu'i khung bu khab kyis btsags te khrag byung ba 'am/ yang na srin bu pad+mas khrag
 dbyung ba phan no/ /yang na rdzi ma'i nang la 'o ma dang/ bu ram shing gi khu ba dang sbyar ba'i mar gyis slon bya ba dang/ mngar ba dang/ bsil ba'i sman dang/ bskol ba'i mar gyis sna sman btang na phan no/ /yang na nag tshur dkar po'i phye ma zangs ma'i snod kyi nang
 du bcug la byi'u rug pa'i sman gyis khu bas zhag bcu'i bar du bran cing de'i 'og tu bskams la de'i mig tu bskus na/ rdzi ma 'byi ba'i nang la phan pa'i mchog yin no/ /mig mchu'i nang sha skyes pa la 'brum bu phra mo 'byung ba'i nang la ni thog ma mtshon
 gyis bzhar ba bca' sga dang/ rgyam tshwa gnyis kyi phye ma btab ste/ de'i 'og tu chu dron gyis bkru'o/ /seng ge dang/ aTTa ka zhes bya ba tu pa ri dang/ na le sham dkar po chu dang lhan cig bskol ba'i chu 'am/ yang na ser po rnam gnyis dang/ 'bras bu gsum dang
 shing mngar rnams bskol ba'i khu ba sbrang rtsi dang sbyar bas blugs par bya'o/ /bad kan las gyur pa'i mig mchu'i nang la ni nag mchur dang/ rgyam tsha dang/ ldong ros dang/ pi pi ling dang/ skyer khaN+Ta dang 'di rnams zhib tu btags pa'i phye ma sbrang rtsi dang
 sbyar bas bsku bar bya'o/ /gzhan yang bad kan la phan pa'i sman skyug sman dang/ mig sman dang/ sna nas btang ba thams cad kyang 'dir bya'o/ /mig mchu'i nang g+han zhes bya ba la ni/ bad kan las gyur pa'i mig mchu'i nang la phan pa'i sman thams cad 'di la
 yang phan te/ gal te ngas ma zhin me'i las thams cad bya'o/ /ku ku na ka zhes bya ba byis pa'i mig mchu'i nang la ni seng ldeng dang/ 'bras bu gsum dang/ nim+ba'i lo ma rnams lhan cig yungs kar gyi mar dang sbyar bas btung ba la sogs pa snum bcos byas te/
 pi pi ling dang/ shing mngar dang/ rgyam tshwa dang/ zhun mar rnams sbyar bas nu ma snun pa'i ma ma la slon bya'o/ /de'i 'og tu a ru ra dang/ pi pi ling dang/ rgun 'bru bskal bas bkru sman byas na yang phan no/ /de nas ma ma de la gla sgang dang/ sar po rnam gnyis dang/ pi pi
 ling rnams btags pa'i lde gus nu ma la byug go /yungs kar mar dang bsres pa'i dud pas nu ma la btug go /de ltar slon khrus la sogs pas nu ma mnun pa'i ma ma'i lus dag pa dang/ pa to la dang/ gla sgang dang/ rgun 'bru dang/ sle tres dang/ 'bras bu
 gsum dang 'di rnams bskol ba'i btung ba blud do/ /de'i 'og tu byis pa'i mig mchu mtshon gyis bzhar ba 'am/ yang na srin bu pad+mas 'jig tu gzhug ste/ de nas skyu ru ra dang/ a sman ta ka dang/ shing 'dzam bu dang/ de rnams kyi lo ma bskol ba'i khu bas
 blugs bar bya'o/ /yang na byis pa la ni phal cher snum dang 'o mas bskyed pa yin pas bad kan gyi nad 'byung ste/ de bas na byis pa'i nad thams cad la thog mar slon sman btang na mchog tu bsngags so/ /de yang 'o ma nyi tshe 'thung ba'i byis pa la ni/ rgyam
 tsha dang/ pi pi ling dang/ a ba marga'i 'bras bu dang/ mar dang 'o ma dang/ sbrang rtsi dang ldan pa'i slon sman btang ngo/ /'o ma dang zas 'dres mar bsten pa'i byis pa la ni shu dag gi phye ma sbrang rtsi dang bcas pa'i slon sman btang ngo/ /zas nyi tshe bsten pa'i byis pa
 la ni po son cha shing mngar dang sbyar ba btang ngo/ /skyug sman de dag byis pa'i nad thams cad la phan pa'i steng du khyad bar du ku kun ka zhes bya ba'i byis pa'i nad la phan no/ /yang na sman sapta dang mar lhan cig bskol ba'i mar
 blud na gong 'og gnyis ka sbyor bar byed do/ /ser po rnam gnyis dang/ seng phrom dang shing mngar dang pu tse shel dang/ nim+ba'i lo ma dang/ 'di rnams sbrang rtsi'i dang 'o ma dang ldan pa zangs ma'i phye ma 'am/ lcags kyi phye ma gang yang rung ba dang bsres pa'i ri lu
 byas te btang na/ byis pa'i mig mchu'i nang la phan no/ /yang na sug smel dang/ sgog skya dang/ ka ta ka dang/ dung dang/ na le sham dang/ pha ni dza ka dang/ 'di rnams chang la bdar la katpal? dang bcas pa'i bdar bu byas te btang ma ku kun ka zhes bya ba'i byis pa'i
 nad dang/ sha skyes pa zhes bya ba'i mig mchu'i nang la phan no/ /rdzi ma 'khrugs pa zhes bya ba'i nad la ni thog mar slon khrus kyis lus dag par byas te/ de'i 'og tu mig gi rdzi ma yar bteg la rdzi ma cha gsum du bgos pa'i cha gnyis smin ma dang sbyar cha
 gcig tsam bzhag de nas nas gang tsam nas kyi dbyibs 'dra bar 'phreng du mtshon gyis dral la khrag gzag go/ khra gi shugs zad pa dang/ phral ba la ras kyis dam du dkris la rdzi ma tshom bur byas te/ de'i bar mtshams mo sran rde'u tsam bzhag la/
 klad pa'i rdzi ma'i tshom bu 'phral ba'i ras la rdzi ma brtod de/ ba lang dam rta'i spu 'am/ zar ma'i skud pas bcoms te/ kha spu'o gzhu 'dra bas drub bo/ /de yang ha cang dam lhod du ma song bar ran bar bya'o/ /de nas ras 'jam po mar dang sbrang rtsis
 byugs pas bcing ba med par steng nas g.yog go/ gal te zug yod na ni n+ya gro d+ha'i sde tshan bskol ba'i khu ba 'o ma dang bcas pas blugs so/ /de nas brtan par gyur te zhag lnga lon pa dang skud pa dkrol te btsag yug rnam gyi phye ma
 gdab go/ /de'i 'og tu sna sman dang/ mig sman rnon po sbyar ro/ /cho ga de dag gis kyang rdzi ma 'khrugs pa'i nad zhir ma 'dod na/ rdzi ma gang ring ba skam pas bzung ste/ phyung ste de'i bu ga'i rjes la thal sman rno ba 'am/ khab rtse 'dra ba'i mtshon rnon po me'i
 mdog 'dra ba byas bsrag go/ mig mchu'i nang me dpal lta bu la yang dang po mtshon gyis dral la/ thal sman rnon po 'am/ mes bsreng go/ thor bu byung ba la ni thor bu bcad la/ de'i 'og tu thal sman nam/ mes bsreg go /mig mchu'i nang gso ba'i le'u ste
 dgu pa rdzogs so// //de nas mig gi grwa mtshams dang/ mig gi 'bras bu dkar po dang nag po'i nad dmigs shes par bya ba'i le'u bshad par bya ste/ de la rlung las gyur pa'i mig gi grwa mtshams kyi nad kyi mtshan ma ni rlung gis
 mtsham 'byung ba'i rgyun bsgags pas mig mchu'i grwa mtshams dang/ mig gi 'bras bu dkar po'i mtshams sna gong phyogs nas chu dang 'dra ba'i mchim 'byung la/ de yang mig nad med cing rtsa dmar la skrad ba yin te/ de ni mig nad chu 'dzag pa zhes
 bya'o/ /bad kan las gyur pa'i mig nad kyi mtshan ma ni mchil ma dang 'dra ba spyi bag tu 'dug pa dang/ mdog dkar ba dang/ 'dzag pa /dka' ba dang/ mang du 'dzag pa yin te de ni bad kan 'jig pa zhes bya ba'i nad yin no/ /yang na bad kan las
 gyur pa'i rtags ni mig gi grwa mtshams su mthon po tsog tsog por skrang ba dang/ chu lan tsha can gyis chu bur 'dra bar steng du 'byung zhing chu bur de yang rtsa ba chen po dang/ snum pa dang/ 'gul ba dang/ mdog dkar ba dang/ 'jam pa dang/ byil bag tu 'dug
 pa dang/ yun ring du mi shes pa dang/ g.ya' ba dang/ zug gzar med pa de ni u pa na ha zhes bya ba'i mig gi gra mtshams kyi nad yin no/ /khrag las gyur pa'i mtshan ma ni mtshams mang du 'dzag cing tsha ba dang/ zangs ma'i mdog 'dra ba dmar por 'byung ba yin
 te/ de ni mig gi nad dmar por 'dzag pa zhes bya'o/ /mig mchu'i grwa mtshams dang mig gi 'bras bu dkar po'i mtshams la brten pa'i 'brum bu phra mo ni sran rde'u tsam 'byung ste/ de yang mdog zas ma bzhin du dmar
 la tsha zhing zug gzer dang ldan pa dang/ brtol na khrag 'dzag pa yin no/ /de ni parba ni zhes bya ba'i mig nad yin no/ /nad gzhi gsum dang khrag las gyur pa'i mig nad kyi rtags ni/ mig gi sna phyogs nas bags pa dang/ sha smin pa'i dbang gis
 mchi ma rnag dang bcas pa yang 'dzag ste/ de'i ming ni rnag 'dzag pa'i mig nad ces bya'o/ /gzhan yang mig sna phyogs kyi grwa skrang pa dang/ na ba dang/ rma phra mo 'byung ba dang/ yang dang yang chu ser dang rnag 'dzag pa dang/ nad dang bcas pa de ni rnag
 gang po 'dzag pa'i mig nad ces bya'o/ /sna phyogs kyi mig 'gram gyi nad du skrang ba dang/ zug gzer che ba dang/ tsha ba 'byung ba'i nad ni me dpal phra mo'i mig nad ces bya'o/ /mig zur gang yang rung bar mig 'dzer 'byung ste/ de yang g.ya' ba dang/ rdzi ma
 'jib dang/ rnag 'dzag pa dang/ srin yod pa dang nad dang bcas pa de ni mig 'dzer gyi nad srin bu can zhes bya'o/ /de la mig gi grwa mtshams kyi nad dgu las/ u pa na ha dang/ mig 'dzer gyi nad srin bu'i nad dang/ mchi ma rnag gar por 'dzag pa dang/
 parba ni dang/ bzhi po de dag ni mtshon gyi las kyis gso bar bya'o/ /lhag ma lnga las bzhi ni sman gyis gso bar bya'o/ /me dpal phra mo'i mig nad ni spang bar bya'o/ /da ni mig gi 'bras bu dkar po'i nad dmigs brtag pa bshad de/ de la khris pa las gyur
 ba'i mig nad ni mig gi 'bras bu dkar po'i steng du nag po 'am/ sngo bsangs sam ser po lta bu'i thig le byung ba 'am/ yang na me long g.ya' dang bcas pa ltar snang la tsha ba dang/ nad med cing cung zad 'khru ba dang/ skom dang che ba dang bcas pa yin te/
 de'i ming ni nya phyis lta bu'i mig nad ces bya'o/ /de la bad kan las gyur pa'i nad mig gi 'bras bu dkar po'i steng du sha mdog dkar po chung zhig skyes te/ de yang rims kyis yun ring po nas /'phel ba de ni mig 'dzer dkar ba'i nad ces bya'o/ /yang na mig gi
 'bras bu dkar po la chu'i thigs pa 'dra ba'i nad 'byung ste/ de la skrang pa dang/ zug gzer chung ba dang/ mdog dkar ba dang/ mthug pa dang 'jam pa dang/ lci ba dang/ snum pa gang yin pa de ni bad kan gyis bsgongs pa'i mig nad ces bya'o/ /yang mig gi 'bras
 bu dkar po'i steng du phye ma lta bu'i thig le 'byung zhing de yang mthon por 'dug pa yin te/ de ni 'bras phye'i thig le lta bu zhes bya ba'i mig nad ces bya'o/ /khrag las gyur pa'i mig gi 'bras bu dkar po'i nad mdog dmar po shar shar por 'gyur zhing
 tsha 'ur 'ur por 'dug pa nad dang bcas pa dang/ mtsham dang skrang ba med pa yin te/ de'i ming ni mig rtsa 'gyur ba zhes bya'o/ /de nyid gso ba ma byas par bzhag na ni khrag cher skyes te/ khrag dang bcas pa ni mig
 gi rtsa ba zhes bya ba'i nad yin te/ lta ba la sogs pa'i rtsol ba mi nus par 'gyur ro/ /mig gi 'bras bu dkar po'i steng du khrag gis gang ba'i rtsa'i dra bas g.yogs te/ de yang stug pa dang mthon por 'dug pa
 de ni rtsa'i dra ba'i mig nad ces bya'o/ /yang mig gi 'bras bu dkar po'i steng du sha ma 'thug bo 'byung zhing de mtho dman med pa 'jam pa pad+ma 'dra ba yin te/ de'i ming ni khrag las gyur pa'i mig mdzer gyi nad ces bya'o/ /yang
 na mig gi 'bras bu dkar po'i steng du thig le dmar po ri bong gi khrag lta bu dmar por snang zhing nad med pa 'jam por 'dug pa de ni ling tog dmar po zhes bya'o/ /mig gi 'bras bu dkar po'i steng du nad gzhi gsum las gyur pa'i mdzer mdog dmar po dang/ sngo bsangs su 'dug
 ba dang/ 'jam pa dang/ myur du mched pa dang/ shas kun tu khyab pa de ni khyab byed kyi mig nad ces bya'o/ /yang mig 'bras dkar po la nad gzhi 'dus pa dang/ khrag las gyur pa'i nad rgyus pa lta bu nar nar por gyur pa ni rgyus lta bu
 mig mdzer gyi nad ces bya'o/ /yang na mig 'bras dkar po'i steng bu she'i ril ril por khrag skam gyi mdog ltar sngo bsangs su 'dug cing mthug la rgya che bar snang ba de ni sha'i mig mdzer ces bya'o/ /yang mig gi 'bras bu dkar po'i steng du 'bras bu phra mo yungs
 kar gyi 'bru tsam mdog gnag pa dang/ tsha ba dang/ rag na rtsub pa dang/ rtsa mang pos g.yogs par snang ba de ni 'brum phran rtsas g.yogs pa'i mig nad ces bya'o/ /de las mig nad nya phyis lta bu dang/ mig rtsa brtse ba'i nad dang/ mig rtsa 'gyur ba'i nad dang
 'bras phyi'i thig le lta bu dang/ bad kan gyi bsgongs pa'i mig nad dang/ ling thog dmar po dang stug po de dag ni sman gyis gso bar bya'o/ /lhag ma mdun ni mtshon gyi las kyis gso bar bya'o/ /lhag ma mdun ni mtshon gyi las kyis gso bar bya'o/ /bdun po de dag sar ba'i dus na ni sman gyis gso'o/ /mig
 mdzer gyi nad rnam pa lngar bshad pa de dag mig gi 'bras bu nag po'i steng du byung ste/ rgyus pa dang/ rtsas g.yogs par snang na de ni mtshon gyis bcad bar bya'o/ /mthong mig gi steng du pags pa la sha 'byar ba lta bu mthon por phyin par snang na de ni snang
 bar bya'o/ /mig gi 'bras bu nag po 'am/ mthod mig gi steng du mkhris pa las gyur ba'i ling tog 'byung ste/ mig gi pags pa rdol nas zug gzer dang bcas shing mchi ma 'byung ba dang/ na ba dang/ dmar ba yin te de'ang dzam+bu'i 'bras bu smin pa dang 'dra bar
 snang zhing cung dmar bar 'dug pa de ni zad byed kyi ling tog ces bya ste gso dka' ba yin no/ /ling tog gi nad de cher skyes nas ni cher zabs su pags pa'i rim pa gnyis phub nas 'dug pa yin te/ de'i mtshan ma ni na ba dang/ gzer ba dang/ mchi ma la sogs pa shas tshor
 'byung ba dang/ khab kyi phug pa ltar snang ba yin te/ de ni mi la btsam du gsor rung ngo/ /ling tog de yang snga ma bas shas cher skyes te/ pags pa'i rim gsum phug nas rma kun tu khyab par snang ba ni/ gsor mi nus so/ /yang mig gi 'bras bu nag po bad kan
 las gyur ba'i ling tog ha cang mi dkar bar dung gi mdog ltar snang ba de ni/ ling tog ma 'dres pa zhes bya ste/ gso bar sla ba yin no/ /yang mig 'bras nag po la khrag las gyur pa'i ling tog 'brum bu phra mo zangs ma'i mdog lta bu 'byung ba dang/ mchi ma'i
 mdag kyang zangs ma'i mdog ltar dmar zhing 'byar bag tu 'byung ba dang/ rab tu na ba dang/ ril ril ma dang 'dra ba'i 'brum bu phyir 'bur bar byung la cung zad nag ba de ni ril ma lta bu zhes bya ba'i ling tog yin te spang bar bya'o/ /yang na nad gzhi gsum dang
 khrag las gyur pa'i ling tog 'byung ste/ de yang tsha ba dang/ na ba dang/ zangs ma'i mdog 'dra ba'i rtsa g.yogs bar 'dug pa dang/ rgyu med par mchi ma grang ba dang dro ba res kyis 'dzag pa dang/ yang ska ba dang sla ba res kyis 'dzag pa yin te/ de'i ming ni ling tog
 rtsas g.yogs pa zhes bya ba yin te spang bar bya'o/ /yang na nad gzhi gsum dang/ khrag las gyur pa'i ling tog mthong ba'i mig steng du byung ste/ 'bras bu nag po thams cad dkar por bsgyur te/ mdog dkar po sprin lta bus yog pa 'am/ yang na 'bras nis pa ba'i lo ma lta bus yog la shin tu mi
 bzer bar na zhing cang mar tsa zhing skrad pas nyen pa yin te/ de'i ming ni ling tog tshos pa zhes bya ste/ yongs su spang bar bya'o/ /gang gi mig gi mthong ba nyams shing mig gi mdza' sngo bsangs su 'dug pa dang/ yang na dmar ba 'am/ yang na phyir 'bur bar 'dug pa 'am/ yang na zabs su zhugs pa 'am/ yang na mchi ma 'dzag cing rma 'phyi ma ba 'am/
 gang na rnyings pa 'am/ yang na mthon dman du 'dug ste mi mnyam pa dang/ yang na dbus su chad pa ltar snang ba 'am/ mtshan ma de dag gang yang rung ba dang/ ldan ba'i ling tog ni yongs su spang bar bya'o/ /de ltar mig gi 'bras bu nag po'i nang du nad gsor rung ba dang/ mi rung ba rnam pa lngar bshad pa yin no/ /mig mchu'i nad dang/ mig gi 'bras bu nag po'i nad dang mig shes par
 ba'i le'u ste bcu pa rdzogs so// //de nas mig zur gnyis dang/ mig gi 'bras bu dkar po dang nag po rnams kyi gso ba'i le'u bshad par bya'o/ /de la mu pa na ha zhes bya ba'i nad la ni thog ma sman pas dugs byas la/ de'i 'og tu btsags bu 'bras
 kyi rtsa mo 'dra bas phug la/ de nas rtsa mo dkyil 'khor 'dra ba'i mtshon gyis bzhar bar bya'o/ /de'i 'og tu pi pi ling dang/ rgyam tsha gnyis kyi phye ma sbrang rtsi dang sbyar bas bskus la/ mig mchu zho ga bzhin du ras kyis bcing pa la sogs pa bya'o/ /de nas pa To la'i lo ma dang/ skyu ru
 ra'i lo ma bskal bas blugs so/ /parpa ni zhes bya ba'i nad kyi ba'i nad kyi thur pu ni lcags kyu gug pos cha dang po nas bzung steng/ 'phel btsags kyis phyed du bcad do/ /gzhan ltar byas na ni mchi ma rgyu ma'i sbu gu gnod par 'gyur ro/ /de nas sbrang rtsi dang rgyam tsha sbyor bas gdab bo//
 gso ba lhag ma ni mig mdzer gyi cho ga bzhin du bya'o/ /mchi ma rnag gar por 'dzag pa'i nad la ni thog ma rtsa gtar te khrag phyung la/ de'i 'og tu sman gyi byug pas byug /de'i gso ba ni mig smin pa'i cho ga ma nor par 'dir bya'o/ /de bzhin du rgyam tsha dang
 sge'u gsher dang/ nag tshur dang/ lcags dang zangs ma legs par btags pa'i phye mas btab pa 'am yang na sman de rnams sbrang rtsi dang yig sman du sbyar ba btang ngo/ /mig mdzer gyi nad srin bu can la thog mar ba lang gi lci ba la sogs pas dugs byas la
 mtshon 'bras kyi rtse mo 'dra bas dbug la mtshan gyi dkyil 'khor 'dra bas phyi bar bya'o/ /'bras bu gsum dang/ nag tshur dang/ rgyam tsha rnams sbrang rtsi dang sbyar bas gdab bo/ /nya phyis lta bu'i mig nad la ni bad kan 'dzag pa zhes bya ba gso ba thams cad 'dir bya'o/ /bad
 kan bsgangs pa zhes bya ba'i mig nad dang/ 'bras kyi thig le lta bu zhes bya ba'i mig nad gnyis ni gtar ka ma gtogs pa lhag ma bad kan 'dzag pa'i cho ga bzhin du bya'o/ /de bzhin du gnyis po de lan tsha ba gsum dang/ katpa la dang 'di rnams btags pa'i phye ma kha
 lung gi khu bas bsgos te/ mig sman du gtang ngo/ /sri shing gi me tog kham bye ba dang/ rgyam tsha dang/ thang shing dang/ bca' sga dang/ 'di rnams btags pa'i phye ma chang gi dang a ma dang mig sman du smyu ran skrang ba dang/ g.ya' ba sel bar byed do/ /mig nad rtsa 'gyur ba dang/ brtse ba dang rtsa'i dra bas yog pa dang
 ling tog dmar po dang/ dra ba'i dra ba lta bu ste bzhi po de dag ni khrag 'dzag pa'i cho ga bzhin du bya'o/ /khyad par du rtsa 'gyur ba'i mig nad la ni mar dang sbrang rtsi sbyar bas bsku'o/ /rtsa ba rtsa ba zhes bya ba'i mig nad la ni skyer khaN+Da zhib tu bdar la sbrang rtsi dang sbyar bas mig bsku'o/ /ling
 tog dmar po la ni sbrang rtsi dang/ khar dang zhog chu sbyar ba blugs na phan no/ /de bzhin du ling tog dmar po la ni shel dang/ dung dang/ ting mngar dang gur gum dang 'di rnams sbrang rtsi dang sbyar ba'i mig sman btang ngo/ /yang na ling tog dmar po la ni dung dang/ sbrang rtsi sbyar ba 'am/ yang na
 khar rgya mtsho'i dbu ba sbyar ba blugs pa phan no/ /gong du mig mdzer gyi nad rnam ba lnga bshad pa las/ dud ka lta bu dang/ dmar ba dang zho 'dra ba'i nad gang yin pa de dag ni ling tog gso ba'i cho ga bzhin du bya'o/ /mig mdzer lnga po gang byung yang rung ste/ thog mar nad pa gan rgyal
 du bzhag la dugs bya ste/ kha lung dang/ rgyam tsha sbyar bas mig skus la lag pas mnye bar bya'o/ /de ltar mig mdzer shas cher byung ste/ rang gi gnas nas bskyod pa dang/ nad g.yog gi 'dir khyad par du mgo bo mi 'gul bar dam du bzung la mig mdzer gang phyogs
 na cher yod pa brtags te/ mthong ba'i mig bsrung zhing gang du cher skyes pa de dang der mchog lcags kyu rab tu gug pa 'am/ mtshon mu tsa tya zhes bya ba dang/ mtshon se'u tsi tsi tri zhes bya ba gang yang rung ba legs par bzung nas rma cher mi gdong cing mtshon rtse
 dkyil 'khor lta bus bcad de/ de yang sna gong g.yas kyi mig phugs kyi 'bram nas cha bzhir dgos te/ cha gcig lus pa tsam na bcad de sna gong phyogs kyi mig zur nas mchi ma byung ba'i sbu sbu yod de bsrung bar bya'o/ /gal te der mtshon gyis phog na ni rtag
 tu mchi ma 'dzag pa'i skyon du 'gyur ro/ /gal te mig 'gram phyogs su mig mdzer yod na ni nad pa sna gong phyogs su bltar bcug nas yang bzhi char dgos te/ cha gcig lus pa tsam na bcang bar bya ste/ der yang mchi ma 'dzag pa bsrung bar bya'o
 de ltar mtshon gyis legs par bcad pa'i 'og tu tsha ba gsum dang/ rgyam tsha dang/ sbrang rtsi dang sbyar bas bsku'o/ /de'i 'og tu zhun mar dron pos blugs so/ /de nas zhun mar sbrang rtsi dang sbyar bas bsku'o/ /de'i 'og tu ras kyis gong ma ltar chings shig /de nas zhag gsum pa la ras bkrol nas ka dza 'o ma
 dang bsgrabs bskol te blugs par bya'o/ /yang na ser po rnam gnyis dang/ pa to la dang/ shing mngar dang/ rgya skyegs shing 'di rnams bskol ba'i khu ba'i nang du ko rand+ha'i me tog kham bye ba dang/ sbrang rtsi btab pas blugs par bya'o/ /de nas zhag lnga 'am zhag bdun
 nas mig gi nang rung ba 'dran ras dgrol bar bya'o/ /de mtshon gyis legs par bcad na ni nad med cing bde bar 'gyur/ /bcad ma legs na ni nad 'byung bar 'gyur ro/ /de la ni sman gyis blugs pa dang/ bsku ba dang/ bzhar ba dang/ mig blta ba'i cho ga rnams leg
 par gyis shig /kha ra dkar po dang lding ros dang/ e la ba lu ka dang/ tsha mchog rgyam tsha dang/ bca' sga dang/ de rnams zho re re dang/ skyer khaN+Da srang phyed dang/ 'di rnams sbrang rtsi dang sbyar ba mig tu bskus na/ bad kan las gyur pa'i rab rib dang/ mig chu
 ser gyis gang ba dang/ ling tog dang/ mig mdzer bcas pa'i lhag ma lus pa la phan no/ /'bras bu gsum gyi shun pa re re nas chu thags su byas te/ lde gu 'dra bar gyur pa dang/ rdza'u kha sbyar gyis bsregs la rang rang gi khu ba dang sprus te skam/ de
 nas btags te de ltar yang dang yang byas na snag tsha 'dra bar gyur pa dang/ rgyam tsha nyis 'gyur dang so sor bsres la yang btags te/ phye ma gsum po de dag ni bzhar zhing phye ba'i 'og tu bsku ba'i sman gyi mchog drang srong chen po mu khyud kyis bshad do/
 rtsa'i dra bas g.yogs pa lta bu zhes bya ba'i nad rtsa rnams shin tu sra bar 'dug pa yang sman gong mas bsku'o/ /des zhir ma 'dod na ni mig mdzer dang 'brum bu'i cho ga bzhin du gso bar bya'o/ /ling thog thams cad la ni thog ma nad gzhi gang yin btags te/ snum pa 'am rtsub
 pa gang dang sbyor ba dang/ 'bras bu gsum dang sbyor ba yin no/ /de bzhin du tik+ta chen po'i sman mar yang blud de gtar ka bya'o/ /bkru sman dang blugs pa la sogs pa yang 'dod pa yin no/ /ling tog zad byed la ni de bzhin du tik+ta chen po'i sman mar yang blud de gtang? ka bya'o/ /bkru sman dang
 blugs pa la sogs pa yang 'dod pa yin na durbid dang lan gsum bskol ba'i khu ba mar dang yang bskol te/ mar lus pa las ran par blud do/ /de'i 'og tu srin bu pad+ma 'am/ gtar kas khrag dbyung ngo/ /utpal dang/ ram nye ba rnam pa gnyis dang rgun 'bru dang/ shing mngar
 dang/ pi da ri dang/ 'di rnams chu dang bskol ba'i khu ba 'am/ yang na ra'i 'o ma dang bskol te/ 'o ma lus pa gang yang rung ba'i nang du kha ra dkar po btab ste mig tu blugs na/ ling tog zad byed sel to/ /gal te mig dmar zhing mchi ma 'dzag ste nad dang bcas pa la ni
 drang srong mu khyud kyi mig sman gyis zhi bar bya'o/ /sri shing gi me tog dang/ rgya skyegs dang/ btsag yug snam dang/ tsan dan dkar po rnams ri lur byas te bskus te/ khrag dang mkhris pa dag par byed cing zad byed kyi ling tog 'joms par 'gyur ro/ /yang glang po che dang/
 ? dang/ rnga mo dang/ ba lang dang/ rta dang/ ra dang/ bong bu dang 'di rnams kyi so dang/ dung dang/ mu tig dang/ rgya mtsho'i dbu pa dang/ de rnams cha bsnyams te/ sman sna gcig gi bzhi cha'i na le sham rnams lhan cig ri lur byas te bskus na/ ling tog zad byed kyi
 khyab par gyur pa las zlog par byed do/ /yang na ta ma la'i lo ma dang/ ba lang gi so dang/ dung dang/ rgya mtsho'i dbu ba dang/ bong bu'i rus pa dang/ zangs ma de rnams ba gcin dang ri lur byas te/ mig bskus na ling tog thams cad sel to/ /yang nam ? la sogs pa rin po
 che dang/ glang po che la sogs pa'i so dang/ phyugs kyi ba rnams dang/ gser la sogs pa'i 'byung khungs kyi nor bu dang/ tsha ba gsum dang/ sug smel dang/ kar ny+dza'i sa bon dang/ sgog skya dang/ gang yang rma 'tsho ba'i sman gyi rigs rnams ri lur byas te mig
 bskus na ling tog rma dang bcas pa dang/ rma zab pa dang/ mig sprin gyi steng gi ling tog thams cad 'joms par byed/ /ling tog pags pa phug nas za ba su song zhing nad dang bcas pa la ni snum gyi btung ba dang/ snar blugs pa dang/ zas bcud can zos kyang brta ste/ 'tsho
 bar 'gyur ro/ /nad med pa la ni sman gyi phur ma bsreg cing bcos pa'i khu ba'i thigs pa mig tu glugs shing tshim par byas na phan no/ /ling tog nyi tshel ni skyer ba dang/ shing mngar dang/ thal tres dang/ seng phrom sha ba ra dang de rnams bskol ba'i khu ba 'am/ yang
 na seng phrom btags pa'i phye ma chu dron gyi nang du bsnyug cing de'i thigs pa gang yang rung ba blugs na phan no/ /yang na bri ha ni'i rtsa ba dang/ shing mngar dang zangs ma'i phye ma dang/ rgyam tsha dang/ dong gra dang/ skyu ru ra'i 'bras bu dang/ de rnams chu thags su byas pa'i
 lde gus zangs ma'i snod la bskus te/ nas dang/ skyu ru ra'i lo ma dang/ mar gsum bsres pa'i dud pa yis lan mang du bdugs pa'i zangs ma'i snod kyi sman dang bcas pa'i nang du chu dang sbrang rtsi bcug la mnyes te ri lur byas pa de ni mthon kha chen po lta bu
 zhes bya ste/ ling tog nye tshe sel bar byed pa'i mchog yin no/ /yang ling tog ma 'dres par brtan zhing mthug par snang ba de la ni lan mang du khrag gtar zhing mgo dang lus kyi khrus dang/ sman gyi phur ma btsos pa'i khu ba'i thigs pa blugs pa
 lan mang du bya'o/ /gzhan yang na le sham dang pi pi ling dang/ sh+ri sha'i 'bras bu dang/ rgyam tsha dang de rnams kyi phye ba 'am yang na 'bras bu gsum bskol ba'i nang du rgyam tsha bcug pas bsgos na gnas nas skyod par byed do/ /yang na dud pa dang/ rgya shu
 gi tshig gu dang/ ka ta ka dang/ rgun 'bru dang/ shing mngar dang sbrang rtsi dang/ de rnams sbyar ba bsku ba 'am/ yang na so dang/ rgya mtsho'i dbu ba dang/ sh+ri sha'i me tog gang dag chang dang sbyar te bskus na yang ling tog nyi tshe gnas nas skyong bar byed do/ /yang na skyu ru ra dang/ pha ni da dza'i khu ba'i
 nang du ba lang gi lci ba thal bar byas pa nu pa gcig spangs te skams btags pa'i phye mas yang bskus na yang ling tog nyi tshe gnas nas skyong par byed do/ /yang na mon sran sde'u 'i phub ma dang bral ba dud dang lhan cig btags te sbrang rtsi dang sbyar bas bskus na yang
 phan no/ /yang na ma du ka'i snying po sbrang rtsi dang sbyar ba 'am/ yang na ba ru ra'i tshig gu sbrang rtsi dang sbyar bas bskus na ling tog nyi tshe gnas nas skyod par byed do/ /yang na ba lang dang/ bong bu dang/ rta dang/ rnga mo dang/ de rnams kyi so dang/ dung dang/ rgya mtsho'i dbu ba
 de rnams ardzu na dang bskol ba'i khu ba dang ri lur byas pas mig bskus na ling tog gnas nas bskyod de 'jig par byed do/ /ling tog mthon por 'dug pa 'am/ mthug pa 'am/ zug rngu 'dra pa 'am/ de gsum gang ltar 'dug kyang rta rnga la sogs
 pas bzhar bar bya'o/ /ling tog rtsas g.yogs pa zhes bya ba de ni gal te mthong ba ma nyams na mig rma gso ba'i cho ga ltar gyis shig /yang na pra puN+Ta rI ka dang/ shing mngar dang/ bu tshang rdo dang/ bri ha sti dang/ a ka ru dang/ ligbu mig dang
 de rnams ra'i 'o ma dang btags pa'i lde gu sbyar la thog ma nas mar gyi dud pas bdug /de'i 'og tu skyu ru ra'i dud pas yang bdugs la de nas ri lur byas te/ mig tu bskus na phan pa byed pa'i mchog yin no/ /sbyor ba de dag
 gis kyang ma zhin mig mchu'i skabs su bshad pa'i mtshon gyi las dang/ ra'i ril ma lta bu'i ling tog gi cho ga bya'o/ /ra'i ril ma lta bu'i ling rtog dang/ de bzhin du gser mi rung ba'i ling tog gzhan dag gal te zug gzer dang bcas pa
 yin na ni de zhi bar bya ba'i phyir snum gyi btung ba dang/ khrag dbyung ba la sogs pas zhi bar bya'o/ /de bzhin du ling tog phyir 'bur zhing mthon par snang ba yang dbri bar bya zhing 'joms pa'i sman bya'o/ /rgya star dang/ go
 bye dang/ /shing rta dang/ ka ri ri dang/ mig mang nga de rnams kyi rus pa sregs pa'i thal ba brtsags pa'i thal lo khu'i nang du rnga mo'i rus pa btags pa'i phye ma btab ste bskol la/ /de bzhin du yang dang yang du byas la mig bskus na/ /ling tog gsor mi rung
 zhing mdog gyur pa yang 'joms so/ /sbyor ba de dag ni gsor mi rung ba yang 'joms par byed na gsor rung ba lta smos kyang ci dgos te yon tan dpag tu med do/ /ra'i ril ma lta bu zhes bya ba'i ling tog gsor mi rung ba de ni ngos gnyis nas btsags
 bu kha brtse 'dra bas dral te mthe bong gnyis kyis bcir la chu ser gzag go /de'i rma'i nang du ba lang gi sha'i phye ma dang tshil rlon pas rma'i nang du bcug ste/ de'i 'og tu ras kyis dkris te bcing ba dang/ dkrol bar yang bya'o/ /de nas zhag bdun
 lon te rma rdub cing mig gi 'bras bu nag po mi mnyam pa med cing brtan par gyur pa dang/ snum dang bcas pa'i mig sman btang zhing mar dang 'o mar sbyar ba'i sna sman yang blugs so/ /de ltar cho ga byas kyang chus yang khengs pa lta na dgug pa dang/ dral ba la sogs pa'i
 cho ga ci rigs par bya ste/ ci nas kyang dpyad drags te/ mthong ba'i mig nang du ma zhugs pa'i thabs bya'o/ /de ltar ling tog thams cad so so'i nad dang rjes su mthun pa'i sman dang sbyar ba'i mar gyis snar blugs pa la sogs pa rtag tu bsten par bya ste/ de bzhin du
 mthong ba'i mig mnyams par mi 'gyur zhing nad kyis stobs mi rnyed par bya ba'i ched du/ /dus rtag tu mig sman rnon po brten par bya'o/ /mig gi 'bras bu dkar nag dang/ mig gi 'bras mtshams kyi nad gso ba'i le'u ste bcu gcig pa rdzogs so// //de nas
 mig rab rib tu gyur te mi mthong ba'i nang dmigs brtag pa'i le'u bshad par bya'o/ /de la nad gzhi gang yang rung brtsa'i nang du zhugs te/ rab rib kyi rim pa de ltar dang pos khebs pa'i rtags ni rgyu med par dngos po rnams gsal bar mi mthong ba dang/ /yang na dngos
 po med pa gsal bar mthong ba yin no/ /mthong ba'i mig la rab rib rim pa gnyis kyis khebs pa'i rtags ni rgyu med par dngos po rnams gsal bar mi mthong ba dang/ dngos po mi snang ba thams cad mthong la/ drung na 'dug pa'i dngos po gsal ba ni rab tu bsgrims te
 brtags na bzod pa dang/ thag ring ba dang/ phra ba'i dngos po mi mthong ba dang/ ring ba ni nye bar mthong la nye ba ni ring bar mthong ba yin no/ /de bzhin du nang gi nang zlum po la sogs pa ji lta ba bzhin du phyi'i gzugs kyang de bzhin du mthong ba dang/ nyes pa de mthong ba'i
 mig gi dbus su brtan pa yin na ni/ dngos po gcig gnyis su mthong ba dang/ mang po gcig tu mthong ba dang/ nyes pa de lta bu mig gi nang du zhugs na ni dngos po che ba chung bar mthong ba yin no/ /mthong ba'i mig gi 'og phyogs su nyes pa brten pa yin na ni drung
 na 'dug pa mi mthong ba yin no/ /nyes pa steng phyogs su brten pa yin na ni thag ring ba'i dngos po mthong ba yin no/ /mthong ba'i mig g.yas g.yon gnyis ka la nyes pa brten pa yin na ni g.yas g.yon gyi dngos po rnams mi mthong ba yin no/ /mthong mig la spris/
 g.yogs pa'i rim pa gsum du g.yogs pa la ni/ /steng 'og gnyis su mi mthong zhing mthong ba yang ras srab mos mig bkab pa tsam du mthong ba yin no/ /ji ltar spyi mdog 'gyur ba bzhin du mthong ba de yang de ltar 'gebs par byed do/ /gnas skabs rim pa de dag
 tu gso ba ma byas na ni/ gnas skabs bzhi pa las nyes pas mthong ba'i mig khyab par 'gebs te/ gtan du mi mthong ba yin te/ de dag ni rab rib kyi mtshan ma spyir bstan pa yin/ /de la rlung las gyur pa'i rab rib kyi mtshan ma ni dngos po rnams 'gyur bar mthong
 ba dang/ dngos po brtan pa 'gul bar mthong ba dang mi gsal bar mthong ba dang/ 'od rtsa dmar bar mthong ba dang/ res 'ga' gsal bar mthong ba dang/ de bzhin du dra ba ris su mthong ba dang/ skra shad 'dzings pa mthong ba dang/ med bzhin du sprang bu dang/ 'od zer
 mthong ba rnams yin no/ /de ltar rlung las gyur pa'i rab rib kyi nang gso bar ma byas te/ spris g.yogs pa rim pa gsum par gyur na ni mig gis 'bras bu rtsa dmar por 'gyur zhing gzhan gyi gdong la sna med par mthong ba dang/ zla ba dang me la sogs pa
 gcig la du mar mthong ba dang/ yon po drang por mthong zhing drang po yo bar mthong ba yin no/ /nad de cher skyes te gnas skabs bzhi bar gyur na rdul lam du bas khebs pa ltar snang ba 'am/ shin tu gsal bar snang ba 'am/ yang na mthong ba'i mig
 rgya che ba dang/ yang na mig 'jum pa'i snang ba ni/ mthong ba nyams shing long ba zhes bya'o/ /yang rlung gis mthong ba'i mig gi rtsa 'khums par byas nas mthong ba'i mig zabs su zhugs te/ nyes pa nges mthong ba nyams pa yod de de ni zabs su zhugs pa'i
 mig nang du drang srong rnams kyis bshad do/ /mkhris pa las gyur pa'i rab rib kyi mtshan ma ni blo ga dang/ srin bu me khyer dang/ me sgron gyi 'od ltar mthong ba dang/ rma bya dang/ sreg pa'i sgro ltar tshon tshogs su mthong ba dang/ dngos po rnams phal cher sngon
 por mthong ba yin no/ /mkhris pa'i rab rib gso ba ma byas pa/ spris g.yogs te rim par gyur pa ni/ mthong ba'i mig gi 'bras bu gang ba phyis pa ltar sngon por sna zhing gzugs kyang de ltar mthong ba dang/ nyi ma dang zla ba 'khyims pa dang/ me dang/ smig rgyu dang/ 'ja' tshon rnams
 mthong ba yin no/ /spris g.yogs pa bzhi par gyur na ni mthong ba'i mig bud bltar sngo ba dang/ /dngos po rnams mi mthong ba dang/ 'bras bu snum par 'dug pa de ni mthong ba nyams pa yin te/ /de yang mig gi 'bras bu chung ngur 'gyur zhing dngos po rnams chung ngur mthong
 ba yin te/ de ni chung ngu mthong ba zhes bya'o/ /yang mi gser por 'gyur zhing dngos po rnams kyang ser por mthong ba de ni mkhris pa ma rung ba'i nang ces bya'o/ /bad kan las gyur pa'i rab rib kyi mtshan ma ni phal cher phyi rol gyi dngos po rnams snum pa dang/ dkar por mthong ba
 dang/ de bzhin du dung dang/ zla ba dang/ me tog kun da dang/ kun ta'i mdog ltar mthong ba yin no/ /de bzhin du gso ba ma byas te/ spris g.yogs pa gsum par gyur na ni zla ba dang nyi ma 'od med cing me mar la sogs pas bskor ba lta bur mthong zhing mig 'bras dag
 por gyur pa yin no/ /de nyid gso bar ma byas par rim pa bzhi'i spris g.yogs par gyur na ni mthong mig gi steng du bad kan mngon du snang zhing/ de yang 'jam lta mnyam pa nyams par byas pa yin te/ de yang pad+ma'i 'dab ma kham bye ba'i steng du chu'i thigs
 pa 'dug pa ltar snang ba dang/ gal te dros na ni chung bar 'gyur la grib mas phog pa 'am/ grang bas nyen na ni yongs su khyab par byed/ /mdog kyang dung dang zla ba dang/ me tog kunda dang/ de ni mthong ba nyams te long ba'i rtags so/ /de las khrag las gyur pa'i rab rib kyi mtshan ma ni mig
 gi 'bras bu dmar zhing dngos po rnams mun par mthong ba yin no/ /de nyid gso ba ma byas na ni spris g.yogs pa'i nad gsum par gyur te/ mthong mig dmar ba 'am gnag par 'gyur zhing gzugs kyang de ltar mthong ba yin no/ /de nyid la yang ma gsos na spris g.yogs
 pa rim pa bzhir gyur na yang mthong ba'i mig dmar ba 'am nag por 'gyur te 'od med cing long ba'i rtags so/ /lhan pa'i nang dang 'dus pa'i rab rib thams cad kyi mchin ma yang 'dres pa'i rtags dang ldan pa yin te/ blo bur du dngos po res 'ga' gsal ba
 mthong res 'ga' mi gsal bar mthong ba yin no/ /lhag ma spris g.yogs pa'i rim pa gsum par gyur pa ni/ /mthong ba nyams shing long ba'i mtshan ma ni lta ba'i mig tshon sna tshogs su mthong ba yin no/ /gang gis mthong ba'i mig la nad gzhi rnams lus
 te sre mo'i mig 'dra bar 'gyur zhing nyin par kha dog sna tshogs su mthong la mtshan mo mi mthong ba yin te/ /ne'u le lta bu'i mig long ba zhes bya'o/ /yang na nad gzhi thams cad las gyur ba'i mig nad nyi ma nub phyogs kyi ri las nub ste 'od mi snang
 ba ni mthong ba'i mig nad gzhis khebs te mi mthong la/ /nad par nyi ma shar te 'od kyis phog na spris g.yogs pa 'ju zhing rjes par 'gyur te/ de ni nyin par gsal bar mthong zhing mtshan mo mi mthong ba'i nad ces bya'o/ /yang lus tsha bas gdungs pa las
 de ma thag chu grang gi nang du zhugs pa na de'i dbang gis nad gzhi gsum 'khrugs par byas te/ gyen du mig gnyis la che ba zhugs te des mig mchu cung zad tsam tsha ba dang/ mig gi dkar po cung zad dri ma dang bcas par snang ba dang/ nyin mo gsal bor
 mthong la nub mo long bar 'gyur te/ de ni tsha bas mig ma rungs par shes par bya'o/ /yang kha zas skyur ba shas cher zos pas nad gzhi gsum khrag dang bcas pas mig nad khyab par rnag dang g.ya' dang/ dri ma dang bcas pa de dag ni skyur gyis gnod
 pa'i mig nang du mkhas pa dag 'dod do/ /gzhan yang mya ngan dang/ rims dang/ 'gro ba'i nad la sogs pas rlung la sogs pa'i nad gzhi 'khrugs te/ mig gi dkyil 'khor thams cad dung kar 'dug cing dngos po rnams kyang dung kar mthong ba yin no/ /de ni mig
 nad dung ka lta bu zhes bya'o/ /yang gang zhig snying stobs chung ba dag blo bur du nyi ma'i 'od la sogs pa'i gzugs rmad du byung ba mthong na/ /de'i rgyus mig la brten pa'i rlung gis nad gzhi 'khrugs te/ mig gi mngar sa bskams par byas pas
 lta ba'i mig gi mthong ba nyams chung bar 'gyur te/ mdog kyang baiDUrya ltar 'dug cing mig tar bag tu 'dug pa dang/ nad med pa ni rang bzhin gyi mig nad ma yin te de'i ming ni 'go ba'i mig nad ces bya'o/ /mthong ba'i
 mig gi nad de dag las kyang bad kan las gyur pa'i mthong ba ma gtogs pa rlung dang/ mkhris pa dang/ khrag dang/ 'dus pa dang/ ldan pa dang/ 'go pa'i nad dang/ de bzhin du mig zabs su zhugs pa dang/ mthong ba'i mig zhum zhing chung ngur song ba dang de rnams ni/
 spang par bya'o/ /rlung dang/ mkhris pa dang/ bad kan dang/ 'dus pa dang/ khrag las gyur pa dang/ de rnams spris g.yogs pa'i nad gsum dang/ sre mo'i mig lta bu'i nad dang/ bdun po de dag ni mi la ba tsam du gso bar nus so/ /lhag ma bcu gnyis po rlung
 dang mkhris pa dang/ ldan pa dang/ 'dus pa las gyur pa'i rab rib drug dang/ mkhris pas ma rungs par gyur pa dang/ bad kan gyis mthong ba nyams pa dang/ nad bzhis ma rungs pa dang/ tsha bas gnod pa dang/ sgyur gyis ma rungs pa byas pa dang/ dung kha lta
 bu zhes bya ba dang/ de rnams ni myur du gso bar bya ste/ de dag ni mthong ba'i mig gi nang nyi shu rtsa bdun du drang srong rnams kyis bshad pa yin no/ /mig nad rab rib kyi nad gzhi bshad pa'i le'u ste bcu gnyis pa rdzogs so/ //de nas mig
 nad rab rib gso ba'i le'u bshad par bya ste/ gal te rab rib kyi nad de gso bar ma byas na ni spris g.yogs pa'i nang gnas skabs gsum par 'gyur te/ de yang gso ba ma byas na mthong ba nyams shing long bar 'gyur ro/ /de bas na mig nad thams cad kyi nang nas rab
 rib ni shin tu mi zad pa yin te/ de lta bas na rab rib byung ma thag gso ba'i rigs so sman 'tsho byed srang brgya/ chu srang lnga brgya rtsa bcu gnyis kyi nang du bskol te/ bzhi cha lus pa dang/ de'i nyis 'gyur gyi 'o ma dang/ mar srang sum cu rtsa gnyis dang/ puN+Ta rI ka dang/ ram nye
 ba rnams gnyis dang/ pi pi ling dang/ seng phrom dang/ rgyam tsha dang/ shing mngar dang/ rgun 'bru dang/ thang shing dang/ kha ra dkar po dang/ 'bras bu gsum 'di rnams zho gnyis gnyis btab ste lhan cig bskol la mar 'ba' zhig lus pa las nyal khar ran
 par 'thungs na rab rib 'joms pa'i mchog yin no/ /yang na rgun 'bru dang tsan dan dkar po dang/ btsod dang/ ra ma nye ba rnam gnyis dang/ dzi ba ka rnam gnyis dang/ kha ra dkar po dang/ nye'u shing dang/ me da rnam gnyis dang/ duN+Ta rI ka dang/ shing
 mngar dang/ utpa la dang/ 'di rnams kyi phye ma dang/ mar rnying pa dang/ 'o ma ze? re re dang chu dang tshul bzhin bskol te mar lus pa ni rgun 'bru'i sman mar zhes bya ste/ de las ran par 'thungs na/ spris g.yogs pa'i rim pa dang/ rab rib dang mig gi rtsa la khrag
 zhugs te dmar po shar shar por snang ba'i nad dang/ mgo bo'i nad 'joms so/ /yang na pa to la dang/ nim+ba dang/ pu tse shel dang/ skyer pa dang/ pu shel tsi dang/ 'bras bu gsum dang/ ba sha ka dang/ byi tsher ba dang/ khyi lce ba dang/ skra lo dang/ 'di rnams srang re re dang/ skyu
 ru ra srang bcu drug dang/ chu srang lnga brgya rtsa bcu gnyis dang lhan cig bskol te bzhi cha srang brgya nyi shu rtsa brgyad lus pa'i nang du gla sgang dang/ tik+ta dang/ shing mngar dang/ dug mo yungs dang/ pa lu dang/ tsandan dang/ pi pi ling dang/ 'di rnams srang phyed phyed btags
 pa'i phye ma dang/ mar srang sum cu rtsa gnyis dang tshul bzhin bskol te/ mar 'ba' zhig lus pa ni skyu ru ra'i sman mar zhes bya ste/ de las ran par 'thungs na/ mig dang/ rna ba dang/ sna'i nad las rgyal bar byed do/ /de bzhin du khong 'bras dang/ rims dang/ shu ba
 mched pa'i nad ma rungs pa dang/ 'brum bu dang/ mdzo nad rnams sel to/ /khyad par du ling tog dang/ rab rib dang/ mtshan mo mi mthong ba dang/ dro ba dang/ sgyid skyur ba dang/ lus tsha ba rnams 'joms par byed do/ /'bras bu gsum srang brgyad dang/ chu
 srang brgya nyi shu rtsa brgyad dang bskol te bzhi cha lus pa dang/ de dang mnyam pa'i 'o ma dang/ mar srang bcu drug dang yang 'bras bu gsum gyi phye ma srang gcig btab ste yang bskol la mar lus pa ni 'bras bu gsum gyi mar zhes bya ste/ kha ra 'am sprang rtsi dang 'bras
 bu gsum gyi khu ba dang/ de gsum gang yang rung ba dang lhan cig 'thungs na rab rib thams cad 'joms so/ /yang na shing mar dang/ ra ma nye ba rnam gnyis dang/ kaN+Ta ka ri dang/ pi pi ling dang/ a ru ra dang/ utpa la dang/ kha ra dkar po dang/ rgun 'bru dang 'di rnams srang re re
 ?? ?? ra'i 'o ma srang sum cu rtsa gnyis gnyis dang/ 'bras bu gsum dang/ ba sha ka dang/ brid ga ra dza dang/ de gsum gyi rang gi khu ba srang sum cu rtsa gnyis gnyis dang/ de rnams lhan cig bskol te mar lus pa ni 'bras bu gsum gyi sman mar chen
 po zhes bya ste/ de las ran par 'thungs na ling rtog sel pa'i dam pa yin no/ /'bras bu gsum dang/ shing mngar btags pa'i phye ma sbrang rtsi dang sbyar ba 'am/ yang na 'bras bu gsum mar dang sbyar ba'i lde gu zla ba gcig gi bar phan pa'i zas dang/ lhan cig nyal
 khar sten? cing skom du skyu ru ra'i chu 'thungs na bya 'dab bzangs kyi mig bzhin du rno bar 'gyur ro zhes rgyal po'i drang srong chen po'i legs ldan mu khyud kyis bshad do/ /rdub mar chad dang/ lcags dang/ gser dang/ shing mngar dang/ kha ra dkar po dang/ mar
 snying pa dang/ sbrang rtsi dang/ 'di rnams gang rnyed pa 'bras bu gsum dang sbyar ba las ci 'dod pa zos na rab rib 'joms pa'i gtso bo yin no/ /yang na 'bras bu gsum bskol ba'i nang du zhu mar gyis btab pa 'thungs na rab rib sel to
 yang na snum khur ram/ /sran tshod dang/ phye dang/ lhan cig 'bras bu gsum dang phye ma bsten na mig nad rab rib sel to/ /yang na 'o thug gi nang du 'bras bu gsum gyi phye ma btab ste bsgrangs pa sbrang rtsi dang sha kha ras btab pa 'thungs na rab
 rib la phan no/ /yang na rgun 'bru dang/ li kha ra dang/ sbrang rtsi dang/ de gsum gang yang rung ba dang/ a ru ra dang lhan cig sbyar te/ rab rib can gyi nad pas nang par ram zas kyi gong du rtag tu bsten par bya'o/ /ligbu mig cha drug cu rtsa bzhi dang/ zengs ma dang
 dngul dang/ gser cha re re dang 'di rnams snod kyi nang du bzhu ste/ gcig tu gyur pa dang/ ro rnam drug gi sde tshan gcig gi sman khu'i nang du gser la sogs pa'i gong bu de me'i nang du bsros pa bcug la/ de bzhin du lan bdun de ltar
 byas la ro lhag ma lnga po re re'i khu ba yang gong ma ltar byas te/ bdun phrag drug po bzhi bcu rtsa gnyis kyi bar du gong bu de sman khus bsgos pa de dang bai DUrya dang/ mu tig dang/ dung dang/ de gsum cha re dang lhan cig btags pa'i phye ma ni/ ligbu mig la sogs pa'i
 mig sman zhes bya ste/ 'di ni bzlas pa kho nar sems so/ /bdun phrag drug po bzhi bcu rtsa gnyis kyi bar du gong bu de sman khus bsgos pa de dang bai DUrya dang/ mu tig dang/ dung dang/ de gsum cha re re lhan cig btags pa'i phye ma ni ligbu mig la sogs pa'i mig sman
 ces bya ste/ phye ma des mig tu btab na rab rib thams cad sel to/ /rgun 'bru dang/ pad+ma'i rtsa lag gi rang gi khu ba dang/ 'o ma dang/ chang dang/ zhag dang/ char pa'i chu de rnams re re'i nang du yang gong ma'i ligbu mig gi gong bu yang gong ma ltar byas te lan
 bdun bdun bsgos te phye mar byas pa dung gi snod kyi nang du bcug ste mig sman du bsten na mig gsal bar byed do/ /mig thams cad la phan pa'i mchog yin no/ /zhes lus 'phags kyi bdag po dza na ka zhes bya bas bshad do/ /spangs ma srang gnyis
 rgya shug gi sol ba'i nang du bsrags pa de las srang gnyis tsam blangs la/ ra'i 'o ma dang sbrang rtsi dang gsum po re re'i nang du yang gong ma ltar lan bdun bdun byas pa de dang/ rdub mar chang dang/ nal sham dang/ ligbu mig dang/ pu tse shel
 dang/ rgya spos dang/ lcam tsha dang/ gseng phrom dang/ ldong ros dang/ a ra dang/ pi pi ling dang/ sug smel dang/ rgya mtsho'i dbu ba dang/ stang zil dang 'di gnyis zho gnyis gnyis/ shing mngar srang gcig 'di rnams snod kyi nang du bzhus te/
 de rnams btags pa'i phye ma ni spangs ma'i mig sman ces bya ste/ mig nad spris g.yogs pa gsum dang/ mig mdzer dang/ mtshan mo ni mthong ba dang/ mig dmar po shar shar po dang/ de rnams 'joms par byed de/ khyad par du phye ma 'dis ni rab
 rib sol te/ ji ltar nyi mas rab rib kyi mun pa sel ba bzhin no/ /spang spos dang/ dri sna gsum dang/ lcags dang/ gur kum dang/ nI lotpal dang/ a ru ra dang/ spangs ma dang/ kha ra dkar po dang/ nor bu don zad dang/ dung dang/ rgya mtsho'i dbu ba dang/ na le sham dang/ stang
 zil dang/ pi pi ling dang/ shing mngar dang/ 'di rnams legs pa'i phyi ma rgyu skar dang zla ba gcig byung ba'i dus su mig gnyis la bskus na mig mdzer dang/ rab rib dang/ mig dmar so shar shar po 'byung ba dang/ g.ya' pa dang/ spris g.yogs pa'i rim pa gsum la sogs pa
 zhi bar 'dod do/ /na le sham dang/ 'bras bu gsum dang/ de rnams cha re re dang/ pi pi ling dang/ rgya mtsho dbu ba cha gnyis dang/ stang zil cha dgu dang de rnams zhib tu btags pa'i phye ma rgyu skar nag pa la bab pa'i tshe mig sman du sbyar
 na/ bad kan la sogs pa'i rab rib thams cad las rgyal bar byed do/ /yang na ba gcin dang/ ba dang rwa la sogs pa'i lci ba dang/ ril ma'i khu ba dang/ rtsabs mo skyur po dang bud med kyi 'o ma dang/
 dug gi lo ma dang/ sbrang rtsi dang de rnams re re la yang spangs ma bsregs te/ 'bar ba lan du mar bcug ste de'i 'og tu phye mar byas te/ skyes bu gang gi mig sman du sbyar bar byas na nam mkha' lding gi
 mig bzhin du rno bar 'gyur ro/ /zha nye yang dang yang du bsregs te/ 'bras bu gsum dang/ dug dang/ bring ka rA dza dang/ shing mngar dang de rnams re re bskol ba'i khu ba sna re dang/ mar dang/ ra'i 'o ma dang 'di rnams re re la yang lan bdun
 bdun gong ma ltar blud la bsgos te/ de'i 'og tu zha nye de mig sman gyi thur mar byas te/ sman gyis bsgos sam ma bsgos pa nyid tshes kyang rung ste/ mig tu byugs na rab rib dang/ mig mdzer dang/ rna ba dang/ chu ser 'dzag pa dang/ mig 'byar bag dang/
 g.yang ba dang/ tshor ba med pa dang/ dmar po shar shar por snang ba 'joms par byed do/ /zha nye bzhus pa'i dangs ma dang/ dngul chu cha bsnyams te de gnyi spyi dang mnyam pa'i ligbu mig dang/ ga bur cung zad btags pa'i phye ma mig sman du sbyar na rab rib thams cad 'joms so//
 bya rgod legs par shi ba'i mgo bo nyi ma 'char ka'i mdog ltar dmar ba ba lang gi bci ba bsregs pa'i thal pa dang/ ligbu mig cha bsnyams te bsregs pa'i phye ma 'di ni bya rgod kyi mgo bo'i phye ma zhes bya ste/ 'dis mig sman gyi sbyor ba byas na bya rgod kyi mig bzhin
 du rno bar 'gyur te mig gi stobs bskyed do/ /yang na sprul?  nag po'i mgo bo bcad de ma go bo de'i nang du ligbu mig mar dang bsres bcug la kham por kha sbyar gyi nang du dung pa ma shor bar bsregs te chos pa dang/ spang spos dang/ gand+ha pa tra dang lhan cig btags te phye mar
 byas pa de mig sman du sbyar na mig gi 'bras bu rdol ba yang bsrungs bar byed do/ /yang na bum pa gang gi 'o ma'i nang du sprul nag po shi ba'i ro dang/ sdig pa'i khog pa bzhi bcug ste zhag nyi shu rtsa gcig gi bar du bzhag la rul par gyur pa dang/ bsrubs la
 de las mar byung ba de khyim bya la byin te/ khyim bya'i rtug pa des mi sman du bskus na long bar gyur pa yang nges par mthong nus par 'gyur ro/ /yang na sprul nag po'i zhag dang/ dud dang/ ka ta ka'i 'bras bu dang/ ligbu mig dang/ 'di rnams mig sman du
 sbyar na/ long bar gyur pa yang ring po mi thogs par mthong ba bskyed do/ /yang na na le sham rdog ma bcu dang/ rdub mar chang zho gcig dang/ spangs? ma srang gcig dang/ shing mngar zho gnyis dang/ de rnams 'o ma'i nang du bsgrang zhing brlan par
 bya ste/ du ba ma shor bar byas nas bsregs pa'i phye mas mig bskus nag zhan dang mi 'dra bar khyad par du rab rib 'joms pa'i mchog yin te zla med do/ /yang na ba ru ra'i tshig gu dang/ na le sham dang/ skyu ru ra dang/ spangs ma dang/ shing mar dang/ de rnams chu dags
 su byas te/ ri lur byas la grib ma la bskams te mig tu bskus na/ ring po mi thogs par rab rib 'joms par byed do/ /yang na na le sham dang/ skyu ru ra dang/ rgya mtsho'i dbu ba dang/ spangs ma dang/ ligbu mig dang/ rdub mar chang gi rdo dang/ de rnams
 gong ma'i go rim bzhin du cha res skyed de/ mi sman du sbyar ba ni rdub mar chang cha drug pa zhes bya ste/ des mi bskus na rab rib dang/ mig mdzer dang/ rnag tu 'dzag pa dang/ spris g.yogs pa dang/ g.ya' ba rnams 'phrog go /yang na an+d+ra rnyil la sogs
 pa rin po che rnams dang/ dngul dang/ shel dang gser dang/ ligbu mig dang/ zangs ma dang/ lcags dang/ dung dang tsan dan dmar po dang/ de rnams btags te mig sman du sbyar na mthong ba'i mig nad thams cad sel bar byed do/ /yang na til mar dang/ ba ru ra'i
 mar dang/ bring ga rA dza ra dang/ a sa na'i rang gi khu ba dang/ de rnams lcags smod du bskol te/ snar blugs pa byas na mthong ba'i mig gi nyams stobs skyed par byed do/ /yang na ni nad kyi tshul dang sbyar te sman gcig gis nad thams cad
 sos pa ni ma yin te/ snum? gyi btung ba dang/ khrag 'dzag pa dang/ bkru sman dang/ sna sman dang/ mig gi sman bsku ba dang/ mgo bo'i bkru sman dang/ sman mas btang ba dang/ /nyams brta bar bya ba dang/ byugs pa dang/
 blugs pa la sogs pa ci rigs par mig nad can la sbyar ro/ /de ltar bstan pa de ni rab rib kyi gso ba spyir bstan pa yin no/ /da ni nad gzhi re re'i gso ba bshad kyis nyon cig /de la rlung las gyur pa'i rab rib la ni rtsa ba bcu pa bskol pa'i khu ba'i
 nad du mar dang /mar gyi bzhi 'gyur gyi 'o ma dang/ 'bras bu gsum gyi phye ma bskol la mar lus pa las btung ba la sogs pa snum chos bya ste/ de'i 'og tu 'bras bu gsum dang/ rtsa ba lnga pa bskol ba'i khu ba'i nang du 'o ma dang/ e
 raN+Da'i mar dang bsres te bkru sman du sbyar ro/ /yang na dzi ban+ti'i rtsa ba dang yal ga dang bcas pa brgyad cu chu srang lnga brgya rtsa bcu gnyis dang bskol te brgyad cha lus pa'i nang du til mar dang/ 'o ma srang sum cu rtsa gnyis dang/ ba la rnam gsum dang/ dzi ban+ti dang
 nye'u shing gnyis kyi rtsa ba srang re re dang/ shing mngar srang bzhi dang/ de rnams lcags snod kyi nang du bskol te lcags snod de nyid kyi nang du zla ba gcig gi bar du bzhag la/ de nas sna sman du sbyar na rlung dang mkhris pa las gyur pa'i nang 'dzom yan chad kyi
 nad 'dzoms te/ khyad par du blta ba'i mig la brten pa'i nang sel cing/ skra skyel gnya' ba dang/ phrag pa dang/ bzhin 'phel zhing rgyas par byed pa dang/ gzhon nur gyur zhing lus sha mdzes par byed do/ /yang na e raN+Ta dkar po'i rtsa ba dang/ bri haM sta'i 'bras bu
 dang/ thang shing dang/ shu dag dang/ rgya spos dang/ go sha ya dang/ bilpa'i rtsa ba dang/ til mar dang/ 'o ma dang/ de rnams tshul bzhin du bskol te mar lus pa las snar blugs na rlung dang bad kan las gyur pa'i nang 'dzom yan chad kyi nad thams cad las rgyal bar byed do/
 yang na stag dang/ phag dang/ bya rgod dang/ sbrul dang khyim bya dang/ de rnams gang yang rung ba'i tshil dang/ sbrang rtsi sbyar te mig la bskus la de'i 'og tu ligbu mig sha khu dang 'o ma'i nang du gong ma'i nang du lan bdun bsnyugs te mig sman sbyar na rab rib 'dzoms
 par byed pa'i mchog dam pa yin no/ /de ltar byas kyang rab rib zhir ma 'dod na mig rta ba'i cho ga bya ste/ shu ti dang/ ru rta dang/ spang spos dang/ ram nye ba rnam gnyis dang/ shing mngar dang/ pra puN+Ta rI ka dang/ ko nyon tse dang/ pi pi ling dang/ thang shing dang/ mar dang
 de'i brgyad 'gyur gyi 'o ma dang/ de rnams lhan cig bskol te btang na mig brta ba'i sman gyi nang nas mchog tu bshad do/ /ri dags e na ya'i tshil dang/ 'o ma dang/ shing mngar dang/ pu shel tsi dang/ tsan dan dkar po rnams cham chom brdungs te/ bskol la kha gzar
 dang dkrugs te/ tshos ma dang snyigs ma bor te nyam brta ba'i sman du sbyar na yang na phan yon de dang 'dra'o/ /de bzhin du srog chags sha be ha dang/ reg 'jam dang/ go da dang/ khyim bya dang/ sreg pa dang/ rma bya dang/ de rnams gang yang rung ba'i tshil shing mngar dang  
 pu shel tsi dang/ tsan dan dang/ 'o ma dang/ cho ga gong ltar sbyar na yang nyams blta bar 'gyur ro/ /snum gyi mig brta ba dang sman gyi phur ma sregs shing btsos pa'i khu ba'i thigs pa mig tu blugs na yang mig gsal bar byed do/ /'dir rlung las gyur pa'i sna chu
 'dzag pa'i cho ga thams cad kyang bya ste/ mas btang ba'i ni ru ha dang/ 'jam rtsi yang sbyar ro/ /mkhris pa las gyur pa'i rab rib la ni 'tsho byed sde bcu dang/ 'bras bu gsum btags pa'i phye ma dang/ mar bskol ba blud de snum gyi zhen pa dang/ gtar kas dbyung ngo//
 sha kha re dang/ shing nye rong dang/ sug smel gyi phye ma sbrang rtsi dang sbyar bas khrus bya'o/ /de bzhin du bsil ba'i blugs pa dang/ byug pa la sogs pa yang bya'o/ /yang thal dres dang/ shug pa dang/ bu shel tse dang/ mu tig dang/ seng phrom dang/ tsan
 dan dkar po rnams btags te ri lur byas nas mig tu bskus na mkhris pa las gyur pa'i rab rib la phan no// yang na ganda pa tra dang/ utpal dang/ na ga puShpa dang/ ga bur dang/ shing mngar dang/ btsag yug
 snam kyi phye mas mig sman byas na yang phan no/ /dngul rdo dang/ spangs ma cha lnga lnga dang/ karka ta sriM gi dang/ skyu ru ra'i 'bras bu cha gsum gsum dang/ shel dang/ ga pur cha re re de rnams kyi phye mas bskus na rab rib 'dzoms
 so/ zhun mar dang/ mar gyi bzhi 'gyur gyi 'o ma dang/ 'tsho byed sde bcu dang/ khar dkar po dang/ utpal sngon po zho gnyis bskol ba'i mar gyis snar blugs pa'i sman yang bya'o/ /bad kan las gyur pa'i rab rib kyi sman
 la sle tres bskol ba'i khu ba'i nang du 'bras bu gsum dang/ pi pi ling dang/ mar lhan cig bskol ba'i mar gyis snum chos byas la/ de'i 'og tu gtar kas khrag dbyung ngo/ /de nas dan+ti dang/ dur byid bskol ba'i nang du gla gor zho sha dang a ru ra dang/ bca' sga red/
 ? ling gi phye mas btab la bkru sman du blud do/ /rtsa ba bcug pa bskol ba'i nang du h+ri be ra dang/ thang shing dang/ ser po rnam gnyis dang/ pi pi ling dang/ de rnams 'o ma dang/ til mar dang/ yang bskol ba'i mar gyi sna sman btang ngo/ /yang na dung dang/ pri la
 pa'i kun/ ldong ros dang/ cha ba gsum dang/ 'bras bu gsum dang/ de rnams kyi ri lur byas pa ni dri ma med pa zhes bya ba'i ri lu yin te mig la bskus na/ mig dang zhing dri ma med par 'gyur ro/ /yang na lcags nag po'i phye ma dang/ tsha ba gsum
 dang/ rgya cha dang/ 'bras bu gsum dang/ de rnams ri lur byas pa ni khu byug ces bya ba'i ri lu yin te/ mig la bskus na mig gsal bar byed do/ /yang na ri bong dang/ bung bu dang/ glang dang/ seng ge dang/
 rnga mo dang/ de rnams kyi so? dang/ 'phral ba'i rus pa dang/ ba lang dkar po'i spu? dang/ na le sham dang/ dung dang/ tsan dan dkar po dang/ rgya mtsho'i dbu ba dang/ de rnams btags pa'i phye ma bud med kyi nu zho
 dang sbyar ba'i ri lu byas ta mig la bskus na rab rib dang ling rtog las rgyal bar byed do/ /khrag las gyur pa'i rab rib kyi gso ba ji lta ba bzhin du byas te khyad par du bza' ba dang/ spyod lam la sogs shin tu bsil bas khrag gnyis pa sel bar byed do/ /rgun
 'bru dang/ spang spos dang/ seng phrom dang/ shing mngar dang/ dung dang/ zangs ma dang/ tsan dan dang/ pad+ma dang/ shu dag dang/ utpal dang/ de rnams ra'i 'o ma dang btags te/ ri lus mig sman byas na khrag las gyur pa'i rab rib myur du 'jig par byed de/ /ldan pa
 dang 'dus pa las gyur pa'i rab rib la ni nad gang gi shas che chung dang sbyar te/ gong gi gso ba dag las ji ltar mthun par sbyar ro/ /de bzhin du ma du ka dang/ byi dang ka dang/ sgron shing dang/ na le sham dang/ 'o ma dang/ til mar rnams lhan cig bskol te/ mar lus pa las sna sman
 btang ba 'am/ yang na sman de nyid 'o ma dang sbyar ba'i byug pas gdong la bskul na yang ldan pa dang 'dus pa'i rab rib 'joms? par byed do/ /yang na rgya spos dang/ utpal sngon pa dang/ a nan da dang/ shing mngar dang/ su 
 ni sha dang/ de rnams btags pa'i phye ma til mar dang bskol ba'i mar gyis sna sman du btang ba dang mgo la bsku ba dang/ mas btang ba byas na rab tu bsngags so/ /yang na bu shel tse bskol ba'i khu ba'i nang du pi pi ling dang/
 rgyam tsha btags pa'i phyi mas btab ste ras la btsags pa'i dang sa ma'i nang du mar bcug ste/ yang bskol la ska bar gyur pa dang bsgrangs pa'i nang du sbrang rtsi dang sbyar te mig bskus na 'dus pa las gyur pa'i rab rib thams cad la phan no/ /yang na 'ug
 pa la sogs pa nub mo rgyu ba'i sems can gyi rus pa rkang gang ba ligbu? mig dang bcas pa 'bab chu grang mo'i nang du zhag nyi shu 'am/ zla ba gcig gi bar bzhag ste/ de'i 'og tu phyung la bskams te me tog lug ru ba dang/ shing mngar rnams phye mar byas te mig
 bskus na 'dus pa las gyur pa'i rab rib sel ba'i mchog yin no/ /spris g.yogs pa'i mig nad rim pa gsum pa la ni khrag gtar ba ma gtogs pa rims kyis gso ba thams cad bya'o/ /gal te gtar ka byed na ni ras kyis mgul ba
 bsdams pas nas gzhi rnams myur du 'dus te/ long bar gyur ba'i skyon yod ba'i gtar ba'i dmigs yod na yang srin bu pad+mas khrag dbyung ngo/ /bu ram dang/ rgya mtsho'i dbu ba dang/ pi pi ling dang/ ligbu mig dang/ na le sham dang/ gur kum rnams
 kyi phye ma dang sbrang rtsi dang sbyar ba mig la bskus na spris g.yogs pa'i nad yang ba sbyong ngo/ /sre mo'i mig lta bu'i mig nad la ni mig 'dus pa las gyur pa'i gso ba thams cad 'dir sbyar ro/ /mar dang sbrang rtsi dang ba lang gi lci khu gsum gyi nang du skyer khaN+Ta dang/
 btsag yug snam dang/ bal bu dang/ de rnams kyi phye ma dang sbyar ba'i mig sman gyis bskus na mtshan mo mi mthong ba la phan no/ /yang na zho'i nang du na le sham bdar bas mig bskus na yang mtshan mo mi mthong ba la phan pa'i mchog yin no/ /ka rany+dza dang/
 u pa la dang/ btsag yug snam dang/ pad+ma'i ge sar dang/ de rnams ba lang gi lci khu'i nang du btags te ri lur byas ba ni nad gzhi thams cad las gyur pa'i mig nad 'joms so/ /yang na kon+ti zhes bya ba he re nu ka dang/ pi pi ling dang/ ldi kru mig dang/ rgyam tsha
 rnams btags pa'i phye ma ba gcin dang sbyar ba ri lur byas te mig la bskus na phan yon de dang 'dra'o/ /yang na ka lan dang/ tsha ba gsum dang/ ldong ros dang/ ba bla dang/ rgya mtsho'i dbu ba dang/ de rnams ra'i 'o ma dang btags te re lur byas nas
 mig la bskus na phan yon de dang 'dra'o/ /yang na mchin pa'i nang du pi pi ling bcug ste ma tshig par bsregs la tshos pa dang phyir phyung la bsnyams te/ de'i 'og tu btags la sbrang rtsi dang/ sbyar bas mig bskus na mtshan mo mi mthong ba'i
 nad sol ba'i mchog yin no/ /mtshan mo mi mthong ba'i nad pas bza' bar ni ma he'i mchin pa dang/ mcher pa til mar dang lhan cig bza' o/ /yang na 'tsho byed sde bcu'i 'o ma mar dang lhan cig sbrus te bza' o/ /de bzhin du a ti muk+ta dang/ e raN+Ta dang
 lang ga li dang/ shu ti dang/ de rnams kyi lo ma yang mar dang brngos te bza' bar bya'o/ /yang na dro ni puShpa zhes bya ba'i lo ma mar dang brdos te bza' btung tu sbyar na yang rab tu bsngags so/ /mig nad dmar po shar shar por 'dug pa dang/ mkhris pas skyur dang/
 dro ba dang tsha ba dang bcas pa'i mig nad la ni mar rnying pas btung ba la sogs pa snum chos bya ste/ bsil ba'i nus pa dang ldan pa'i sman gyi khrus dang byugs sbyar ro/ /ba lang gi lci ba'i khu ba dang/ 'o ma dang/ mar dang/ btsag yug snam dang bal bu'i lo ma
 rnams bskol te mig tu blugs pa'am/ yang na btsag yug snam dang/ bal bu'i lo ma'i mig sman du byas pa yang phan yon gong ma dang 'dra'o/ /me de rnams gnyis dang/ btsod dang seng 'phrom dang a nan+ta dang/ skyer pa dang/ shing mngar dang 'di rnams
 mar dang/ til mar dang/ mar gyi brgyad 'gyur gyi 'o ma dang bskol ba'i sman mar gyi sna btang na phan no/ /de bzhin du 'o ma'i mar gyis mig brta bar bya ba'i phyir blugs par bya'o/ /des kyang ma zhi na khrag gtar bar bya'o/ /rnam pa gzhan yang snang ba
 dang/ 'jigs shing sdangs ba dang/ mya ngan dang/ kha? zas rtsub pa zos pa dang/ stan med par nyal ba dang/ de bzhin du skyugs sman dang bkru sman dang/ snar blugs ngam legs pa dang/ mig brta ba'i thal sman gyis thigs pa blugs ma legs pa dang/
 skyugs drags pa dang/ bkres pa dang/ skom dad ches pa mnags pa dang/ mig nad yal bar bor te yun ring ba dang/ rnam pa de dag gis kyang rab rib bzhin du mthong ba'i nad skyed par bshad de/ de la ni rlung la sogs pa'i nad gzhi gang
 yin pa brtags te rang rang dang mthun pa'i sman sbyar ro/ /gzhan yang nyi ma'i zer dang/ me'i 'od dang/ glog la sogs pa 'tsher ba la rnam par bltas bar mig nyams pa la ni bsil ba'i sman dang sbyar ba'i mar ram/ gser zhun
 mar dang sbyar bas/ sman du sbyar ro/ /de lta bas na skyes bu rnams kyis mig ni dus thams cad du bsrung bar bya ste/ ji srid du 'tsho ba gnas par 'dod pas mthug thugs te gso bar bya'o/ /ci'i phyir zhe na/ gang dag mig dang bral
 na mun par 'gyur te nyin mo dang mtshan mo yang bye brag med cing nor mang po 'dod na yang don med pa yin no/ /de la dus rtag tu bsten par bya ba ni 'bras bu gsum dang/ dus dus su khrag dbyung bar bya ba dang/ slon khrus kyis lus sbyang ba dang/ sems
 dga' bar bya ba dang/ bro ba sde par bya ba dang/ mig sman gyi sbyor ba bsten pa dang/ til mar dang mar la sogs pa'i sna sman bsten pa dang/ bya sha'i byan bsten pa dang/ rkang pa gnyis bkru zhing byi dor byas te bkru ba dang/ dril ba la sogs pa'i rim gro ba dang/
 rtag tu zhun mar tung ba dang/ kha zas gnod pa rnams spang pa dang/ shin tu phra ba dang/ g.yo ba dang/ 'tsher pa'i dngos po la mi lta ba dang/ de dag ni skyes bu rnams kyis mig bsrung bar drang srong chen po mu khyud kyis bshad do/ /rab rib kyi nad gso ba'i le'u ste bcu gsum pa
 rdzogs so// //de nas mig gi mthong ba nyams pa gso ba'i dpyad kyi le'u bshad par bya ste/ de la bad kan gyis mthong ba nyams pa legs par smin pa la ni dbye ba'i dpyad bya'o/ /de yang smin pa'i mtshan ma ni shin tu dka' ba dang/ mchil ma'i
 thal ba lta bu yin yang de la thur mas dbye'o/ /de la smin pa'i mtshan ma ni/ zho ga chu ltar dang zhing sla bar 'dug pa ste/ shin tu srab pa'o/ /de la ni thur mas phye yang slar steng du 'gro ste/ tshor ba drag po yang myong la mthong ba yang slar 'gebs
 par byed do/ /de lta bas na dpyad byed par 'dod pas thog mar smin par bya ba'i cho ga bya ste/ kha zas dang sman gyis bad kan bskyed par bya'o/ /rlung dang mkhris pa'i shas kyis 'dres na ni gso bar dka' ste/ yun ring por ma gyur par rlung mkhris ni bsal
 bar bya'o/ /de la bad kan 'ba' zhig gis long ba'i mtshan ma ni bad kan gyis long ba de rlung dang mkhris pas zil gyis non na ni mdog sngon por 'gyur te/ de bas na rlung dang mkhris pa bsal ba'i cho ga mang du bya ste/ sngon po las dkar por gyur pa ni gzod
 dbye'o/ /de la dbyer mi rung ba drug yod de 'khor ba lta bu dang/ kha ra lta bu dang/ grwam lta bu dang/ grwam med bcad pa lta bu dang/ zla ba lta bu dang/ gdugs lta bu dang drug go/ de la 'khor ba zhes bya ba ni mig gi 'bras bu 'khor ba'i tshul du rtag tu 'gul ba ste
 chu 'khyil ba lta bu'o/ /mdog ni dkar la cung zad dmar ro/ /khar lta bu zhes bya ba ni dper na sha kha ra'i mdog lta buAm/ /shing arka'i lo ma la lan tshas btab ba lta bu ste/ dkar la cung zad dmar zhing de nyid kyang shin tu ska bar 'dug pa'o/ /grwa ma lta bu
 zhes bya ba ni mig gi 'bras bu la 'bras kyi gra ma lta bu'i ri mo snang ba'o/ /gra ma mes bcas pa lta bu ni dper na gra ma mes btsan phan dum bur snang zhing chang 'phro gnas pa bzhin du mig gi 'bras bu ya de ltar snang zhing nad dang bcas pa'o/ /zla ba lta bu zhes
 bya ba ni dbyibs zla ba gang ba ltar 'dug la de yang kha ra'i mdog lta bu'o/ /gdugs lta bu ni gdugs ltar zlum zhing kha dog sna tshogs 'dug ba ste/ drug po de dag gang yang rung ba snang na ni li ka zhes bya ste/ gsor mi rung ngo/ /gzhan yang skyon 'di dag
 yod na yang dbyer mi rung ste/ gong du mig gi gtar ka bstan pa'i skabs su skom ba la sogs pa bsrung ba bzhin du 'dir dbye ba'i dus su yang bsrung bar 'gyur te/ de yang skom dad che ba dang/ cham pas btab pa dang/ lud pa lu ba dang/ de bzhin du dpyad
 kyis 'jigs pa dang/ rtag tu skyug pa dang/ mgo bo dang rna ba dang/ mig 'di rnams mi bde ba na dpyad mi bya'o/ /de nas mig dbye ba'i dus tshigs bstan pa ni dpyid zla 'bring ba dang/ dbyar zla tha chung dang/ ston zla tha chung la bab pa'i cho snum gyi cho ga dang
 dugs kyi cho ga byas nas slon khrus kyis lus dag par bya'o/ /de nas nyams brtas na de dang mthun pa'i zas dang skom sbyin no/ /de'i 'og tu sa phyogs gsal bar nad pa bzhag la snga dro dang por dbye bar bya ste/ sman pa khri pus
 mo tsam du mtho ba'i steng du 'dug nas nad ba sman pa'i mdun drang por kha shar phyogs su bstan te stan 'jam pa gang yang rung ba la bzhag nas rkang pa gnyis rkyong du gzhug /nad pa'i rgyab tu nad g.yog bzhag nas nad g.yog gi lag pa
 gnyis kyis nad pa'i mgo bo dam du gzung ste/ mi 'gyur bar byas nas bag yangs su bzhag go/ de nas nad pa'i mig sman pa'i kha'i dbugs dron pos dugs byas la/ sman pa'i mthe bos nad pa'i mig dal gyis mnyes nas sman pa'i mig
 la drang por 'bru tshugs su ltar bcug la/ mig gi nad kyi spri'am ma dri ma snga ma'i so las cung zhig g.yo bar snang na nad pa rang gi mig sna gong du ltar bcug la/ nad g.yog gis mgo bo dam du gzung la mi 'gul bar byas nas thur ma gzugs
 pa'i tshad ni nad pa'i mig rang gi sna gong du bltas pa las nag po'i mdza' nas bzung ste/ dkar po 'ba' zhig la cha gzhir bgos nas cha gsum ni nag po'i phyogs su lus/ cha gcig mur log su lus pa'i mtsham na lha'i bug pa zhes bya
 ba yod de/ der mig gi thur ma 'dzub mo dang/ gung mo dang/ mthe bo gsum gyis dam du bzung la/ ltag 'og tu ya yor ma gyur par 'phreng drang por gzugs te/ mig gi 'bras bu phyin par btang/ /nad pa'i mig g.yon pa ni sman pa'i
 lag pa g.yas pas dbug /mig g.yas pa ni sman pa'i lag pa g.yon pas dbug ste/ de ltar nang du thur mas phug pa las legs pa'i mtshan pa ni pus zhes bya ba'i sgra 'byung la/ de yang nad med cing chu'i thigs pa 'ga' yang 'byung ba'i
 rigs so/ /de na nad pa spro ba bskyed do/ /ci ste mig las mchi ma 'od dam dmar por gyur na 'o ma cung zhig blugs so/ /thur ma'i rtse mo yang ha cang mi rno bas nang du dal bub ris kyis phul te/ rtse mo dbus su sna gong phyogs su phyi ba ltar byas la 'og phyogs su
 btang ngo/ /ci ste 'og tu btang yang phyir log pa ltar byed na nad pa rang gis sna bur pa ltar byas na bog tu 'gro ba'i rigs so/ /gal te thur mas phyis kyang mi 'gul na yang snga ma bzhin du dbugs dron pos mig du dugs byas la thur mas phyis na
 'og tu 'gyur ro/ /de nas gzugs kyi rnam pa phra rags mthong na thur ma rim gyis phyir dbyung ngo/ /de nas ras bal dron bo snum can gyi dugs byas la rigs kyis dkris nas gan skyal du bsnyal la bzhag go/ mig ya gcig la cho ga ji ltar bstan ba bzhin
 du ya gcig la yang de ltar shes par bya'o/ /de nas rlung med pa'i gnas su mgo bo dang rkang pa mar gyis bskus te bzhag la/ phan pa'i zas dang spyod lam zhag bdun gyi bar du bsten par bya'o/ /dus de'i bar du bsrung bar bya ba ni tsham pa dang/ lung
 ba dang/ sgregs pa dang/ 'chil ma 'di rnams cig nas kyang dag /cham pa la sogs dang/ bad kan skye bar byed pa'i rgyu ni chu yin pas chu btung ba spang par bya'o/ /yang cher skom na chu bskol ba sga btab pa cung zad btung/ gzhan yang
 kha phub tu 'dug pa dang/ khrus dang/ so shing bca' ba yang mi bya ci nas kyang bad kan skye bar byed pa'i kha zas? dang/ btung ba thams cad spang ngo/ /nad pa des sprid pa dang lam du 'gro ba mi bya/ kha zas dang btung ba drod bag bsten cing grang
 ba dang/ bsil bag slang?/ nad pa nyams stobs dang ldan pa zhig na smyung bar bya/ gal te mi bde ba 'am rlung langs pa ltar byed na ba mar dron pos sku/ kha zas ni nas kyi zan cung zad sla ba tsha gsum dang/ skyu ru ra btab pa sbyin/ yang na gong ma
 bas sla ba lde gu tsam gyis zan lhag ma'i spong ba dang snum dang bcas par byas la sbyin no/ /mig phye nas zhag gsum lon pa dang bcings pa dkrol te/ rlung la phan pa'i sman sna tshogs bskol sman gyis khu ba mig tu blugs so/ /de
 bzhin du zhag bdun pa'i bar du yang thabs de ltar bya/ gal te gsum ba nas drug pa'i bar du sman ma 'byor na yang bdun ba la mi blugs su mi rung ngo/ /ji srid du mig gi mthong ba brtan por mi gyur gyi bar du cho ga bsrung ba la 'bad par bya ste/ de
 yang gzugs shin tu phra ba dang/ srog chags phra ba dang/ shin tu mtsher ba gang yang rung ba la mi blta/ mig gis lta ba yang rim gyis dal bu bas lta'i/ cig car bab chol du mi blta/ gal te mig skrangs nas dmar por gyur tam/ mig nad gzhan gang
 yang rung ba byung na/ de dang por thur mas phul te nyes pa'am kha zas mi mthun pa ci las gyur ba brtags nas skrangs pa la sogs pa so so'i nad dang mthun pa'i sman gyis gso'o/ /de yang mig skrangs pa la sogs pa'i nad gang yang rung ba byung na
 rtswa dur ba dang/ nas so ba dang/ btsag yug snam dang/ thal tres dang 'di rnams cha bsnyams nas mar dang ldan par byas te chu dags su byas nas bskus na mig gi skyon sel lo yang na yungs kar dang/ til gnyis kyi phye ma kha lung gi khu ba dang
 spyir te bskus na yang sel to/ /yang na ba yassya dang/ thal tres kyi lo ma dang/ gcod dang/ shing mngar rnams phye mar byas la ra'i 'o ma dang sbyar ba'i lde gu dro 'jam gyi bskus na yang mig bde bar byed pa'i mchog yin no/ /yang na gseng phro
 ma dang/ rgyam tsha dang/ rgun 'bru dang/ shing mngar dang 'di rnams ra'i 'o ma dang sbyar ba bskol ba'i khu bas mig tu blugs na mig nad 'joms par byed do/ /yang na? shing mngar dang/ utpal dang/ ru rta 'di rnams ra'i 'o ma dang bskol ba'i
 khu ba'am/ yang na rgun 'bru dang/ rgya skyegs gnyis ra'i 'o ma dang skol ba'i khu ba blugs na yang mig nad sel to/ /yang na rlung la phan pa'i sman ji snyed pa cham chom brdungs te/ ra'i 'o ma dang/ 'o ma'i bzhi 'gyur gyi chu dang bskol te/ chu du 'o ma lus pa
 dang phyi dbyung? ste btsag pa'i khu ba'i nang du 'o ma ji tsam pa'i mar dang/ shu ba'i sde tshan gyi sman btags la phye ma dbyas la mar dang 'o ma dang/ lhan cig bskol nas 'o ma ni du mar lus ba dang des bsku ba la sogs pa byas na ni mig nad kun la
 phan te/ lhag par yang khrag las gyur pa sbyong ngo/ /de ltar byas kyang khrag nad ma zhi na nad pa de yang rnam bcos bya zhing dugs byas la mig rtsa la gtar bya'o/ /ji ltar gtar ba ni mig nad kyis gtar ga'i skabs las blta'o/ /de ji ltar bya ba
 legs par gyur na tsha ba dang 'jam pa'i sman btang ste/ a da ga'i rtsa ba dang/ na le sha dang/ ba bla dang/ skyer khaN+Ta rnams kyi phye ma bu ram dang ri lur byas la char pa'i chu dang bdar bas mig la bskus na yang phan no/ /yang na dzA ti dang/ sh+ri
 sha dang/ ha ba dang/ karka ta sh+ri gi rnams kyi me tog dang/ baiDUrya dang/ mu tig gi 'bras bu dang 'di rnams btags te/ ra'i 'o ma dang lde gur byas te/ zangs ma'i snod la bskus nas bskams pa dang/ phyir bkog la yang btags te
 yang ra'i 'o ma dang lde gur byas nas yang bsku ba dang/ skam pa zhag bdun gyi bar du thabs de ltar byas nas tha mal ri lur byas nas grib skams su byas te/ 'o ma dang sbyar bas mig la bskus na mthong ba dang gsal ba dang/
 stobs skye bar 'gyur ro/ /yang na ligbu mig dang/ byu ru dang/ ldong ros dang/ rgya mtsho'i dbu ba dang/ na ye sham rnams kyi phye ma ri'i 'o ma dang lde gur byas la/ zangs ma'i snod la gong ma ltar byas pas mig la bskus na yang phan yon
 gong ma dang 'dra bar shes par bya'o/ /mig gi mthong ba nyams pa gso bar bya ba'i le'u ste bcu bzhi ba rdzogs so// //de nas mig nad snad tshogs thams cad byi nad bzhi brtag pa'i le'u bshad bar bya ste/
 de la rlung las gyur pa'i mig nad kyi mtshan ma ni mtshan mang du 'dzag pa dang/ sna bus ba ltar rgyas shing gang ba dang/ sgang ba'i shas chung ba dang/ mur 'gram dang/ 'phral ba dang/ smin ma dang mig dang/ kha dang 'di rnams zug cing
 'phar ba dang/ rdum skam po cung zad yod pa dang/ mchi ma grang mo slab 'byur ba dang/ ldang dub du na ba dang/ mig 'byed 'dzum dka' ba dang mig gi nang du srin bu rbyu ba snyam byed pa dang/ mig gang zhing bus bsnyam byed pa dang/ gra mas gang bsnyam byed dang
 sprum gyi bskus si dro bas zhi bar 'gyur ba de ni rlung las gyur pa yin no/ /rlung nad de yal bar bor te/ gso ba ma byas pa la ni mig nad rdung ba zhes bya bar 'gyur te/ de'i rtags ni nad kyi rnam ba sna
 tshogs 'byung zhing mthong ba'i mig la rma 'byung zhing nyams par 'gyur ba yin no/ /yang na mig gi nang du nad 'khrugs te/ mig steng gi gnad kyi rtsa dang mur 'gram 'am/ de las gzhan du yang rung ste/ rlung zhugs nas mi
 bzad par na ba dang/ 'byar bag tu 'dug ba dang/ skrang ba dang mig 'gyur ba dang/ zhum ba dang/ mchi ma 'dzag pa de ni rlung bar gzhan du zhugs pa'i mig nad ces bya'o/ /de la mig gi rlung gi rnam grangs zhes bya ba yod de/ de'i mtshon ma ni
 mig g.yo bar 'gyur ba dang/ mig snga ba nas chud par 'gyur ba ste/ lhag ma'i mig nad kyi tshul ni gong ma dang 'dra'o/ /mkhris ba 'dzag pa'i mig nad kyi mtshan ma ni mig tsha ba dang/ du ba 'byung ba snyams sems pa dang/ mig mchu'i
 phyi rol skrang zhing sngo bsangs su 'dug ba dang/ mig gi nad mnags pa dang/ mchi ba tsha ba dang/ ser po 'byung ba dang/ mig gi mdog dmar ba dang/ dngos po rnams ser por mthong ba dang/ rma lan tshas btab pa snyam khyed ba yin no//
 de nyid yul bar bor te gso ba ma byas pa ni mig nad rdung ba zhes bya bar 'gyur te/ de'i rtags ni me dmag 'bar ba ltar 'dug ba dang/ mchi ma'i gdong ltar snang ba yin no/ /de la bad kan las gyur pa'i mig nad kyi mtshan ma ni mig tsher ba
 med pa dang/ cher skrang ba dang/ cher g.ya' ba dang/ gnyid che ba dang/ zas la mi dga' ba dang/ mig rdu ba dang/ mchi ma snum pa dang/ mang ba dang/ dkar ba dang/ spyi bag tu snang ba yin no/ /de nyid gso ba ma byas te yal bar bor ba las ni yang mig
 med/ rdung ba zhes bya bar 'gyur te/ de'i rtags ni mig gi 'bras bu nag po dmar por 'gyur zhing 'bras bu dkar por 'gyur ba dang/ cham pas 'debs pa dang/ sna bus ba ltar gang zhing rgyas pa dang/ mig bye mas gang ba snyam byed pa
 yin no/ /de la khrag las gyur pa'i mig nad gyi mtshan ma ni mchi ma khrag tu 'dzag ba dang/ mig dmar po shar shar por snang ba dang/ rngu ma dmar ba dang/ mig gi 'bras bu dkar po yang dmar ba dang/ dngos po dmar por mthong ba dang
 gzhan yang mkhris pa'i rtags kyang 'dir lta'o/ /de nyid yal bar bor ba yang mig nad rdung ba zhes bya bar 'gyur te/ de'i rtags ni mig mdza' zangs ma'i mdog ltar 'dug pa dang/ mig chung ba snyam sems shing na ba dang me tog bandu?
 ltar dmar ba dang/ tA mya ni zhes bya ba dang/ reg na mi bzod ba dang/ khrag gi nang du nim+ba'i la'i 'bras bu bcug pa bzhin du mig gi 'bras bu yang de ltar snang ba dang/ dngos po rnams me 'bar ba'i mdog du mthong
 ba yin no/ /de la 'dzag pa'i mig nad la khyad par du mig nad rdung ba thams cad ni rlung la sogs pa'i nad gzhi bye brag gi tshabs che yin te khyad par du mur 'gram dang/ so dang khur tshos dang/ mgo bo rnams su lhag bar na
 bar byed do/ /rlung dang mkhris pa las gyur pa'i mig nad kyi mtshan ma ni mig gi nang bru de bsnyam sems pa dang/ na zhing rdol ba snyam sems pa dang/ brnag gis g.yogs pa ltar 'dug pa dang/ mig mchu rtsub cing rig mi bzod pa dang/ mig
 'byed 'dzum dka' ba dang/ mig 'dzag pa nyung zhing skam pa dang/ grang bar 'dod pa dang/ na ba dang/ smin pa dang bcas pa yin te/ de ni mig nad skram zhing smin pa zhes bya'o/ /nad gzhi gsum khrag dang bcas pa las gyur pa'i
 mig nad kyi mtshan ma ni skrang ba dang/ rab tu na ba dang/ tsha ba dang/ rtag tu 'dzag pa dang/ mig gi 'bras bu dkar po la u dum+ba ra'i 'bras bu 'dra ba snang ba dang/ mchi ma yang grang ba dang/ dro ba dang/ rtsub pa dang/ spyi bag dang/ sla ba dang
 ska ba res kyi 'byung ba de ni mig nad skrang ba smin pa dang bcas pa zhes bya'o/ /cung zad skrangs pa zhes bya ba'i mig nad kyi mtshan ma ni skrangs pa gong ma bas tshabs che ba la sogs pa brtags lhag ma de nyid dang 'dra'o/ /mig nad smin ba zhes
 bya ba'i mtshan ma ni skrang ba dang/ saM raM ba dang/ dri ma dang bcas pa'i mchi ma 'dzag pa dang/ mthong mig la bal gyi g.yogs ba ltar snang ba dang/ /mig 'bras dkar po la dmar zhing rnag dang bcas pa dang/ tsha ba dang/ mi mthong ba dang/
 na zhing zug gzer tshabs che ba yin no/ /nad gzhi nyes pa rnams 'khrugs te/ khyad par du mkhris pa dang/ khrag shas che bas zas zos pa'i dangs ma skyur por gyur pa rlung la sogs pas mig tu son bar byas te mig rtsa la chags ba nas mig gi
 mdog kyang dmar nag tu 'gyur ba dang/ de bzhin du skrang ba dang/ tsha ba dang/ smin pa dang/ mchi ma 'dzag pa dang/ mthong ba mi gsal bar yin te/ de ni skyur gyis bskyed pa'i mig nad ces bya'o/ /de ltar mig nad sna tshogs kyang rnam grangs bcu drug tu
 bshad de/ des na mig nad rtsub ba 'joms byed dang/ mig nad smin pa zhes bya ba gnyis ni yongs su spang bar bya'o/ /de la mig nad rdung ba zhes bya ba la cho ga legs par ma spyad na ni shin tu nyen che ste/ de yang rlung las gyur ba'i mig nad rdung ba cho ga nyes
 par byas na ni zhag lngas mthong ba nyams bar 'gyur ro/ /bad kan las gyur pa'i mig nad rdung ba la cho ga log par spyad na zhag bdun gyis mthong ba nyams par 'gyur ro/ /khrag las gyur pa'i mig rdung ba'i nad la cho ga nyes par byas na zhag gsum
 gyis mthong ba nyams so/ /mkhris ba las gyur ba'i mig rdung ba'i nad la cho ga log par byas na de ma thag mthong ba nyams par 'gyur ro/ /mig nad sna tshogs thams cad kyi nad gzhi bshad pa'i le'u ste bco lnga ba rdzogs so// //de nad mig nad
 sna tshogs gso ba'i le'u bshad par bya ste/ de la mig nad 'dzag pa thams cad thog ma 'byung ba'i tshe ni sman rnon po dang sbyar ba'i sman mkhur bar bcad ba dang/ sna sman btang ba dang/ myung ba byas te rlung las gyur pa ni ma gtogs so/ /mig tsha ba
 dang/ mig bad kan gyi g.yogs ba ltar 'dug pa dang mig mdog dmar ba dang/ mchi ma 'dzag pa dang/ skrangs pa la sogs pa'i mig nad thams cad la ni gnad ba tra dang/ sug smel dang/ na le sham dang/ btsag yug snam dang/ de rnams lde
 zhur byas pas mig gi phyi rol tu bskus na zhi bar 'gyur ro/ /rlung las gyur pa'i mig nad la ni skyer khaN+Ta dang/ shing mngar dang/ rgya spos dang/ tsan dan dang/ rgyam tsha rnams sbyar ba'am/ yang na rgyam tsha dang/ bca' sga dang/ skyer
 khaN+Ta rnams mar gyi snying khu las btags pa'am/ yang na seng phrom dkar po mar las brngos te lde gur byas pa'am/ sbyor ba de dag gang yang rung ba bskus na phan no/ /mkhris pa dang khrag las gyur pa'i mig nad la spang spos dang/ shug ba dang/
 bu tshang rdo dang/ shing mngar dang de rnams kyi lde gus bskus na phan no/ /bad kan las gyur pa'i mig nad 'dzag pa la ni ldong ros dang/ pri yang ku dang/ sbrang rtsi sbyar bas mig gi phyi rol pags pa la bskus na phan no/ /'dus pa las gyur pa'i mig
 nad 'dzag pa la ni sman de thams cad sbyar ba bsku'o/ /na le sham dkar po cha gcig dang/ ldong ros cha bzhi dang/ seng phrom dkar po cha bcu drug dang/ de rnams zhib tu btags te ras kyi nang du phur mar byas te/ zug gzer bde ba'i dus su mig la
 glan no/ /rgya sran sku la tha ras kyi nang du thum bu byas te/ dgon pa'i ba lang gi lci ba'am/ ri'i ril ma bskol ba'i khu ba'i rlangs par gtsos te tshos pa dang sen mos shun pa bshus la bskams te/ btags pa'i phye mas nub mo lan cig
 bskus pa tsam gyi kyang nad gzhi 'khrugs ba de ma thag zhi bar byed do/ /shu ti dang/ a ru ra dang/ spangs ma dang/ shing mngar dang/ seng phrom dang 'di rnams zhib tu btags te/ ras kyi nang du phur mar byas te/ lhod par bcings nas 'bras rtsabs
 skyur po zangs snod kyi nang du bcug ste/ phur ma'i thum po de yang de'i nang du bcug pa des mig tu bdugs na mig nad kyi rnam grangs sna tshogs sel to/ /skyer pa srang gcig chu srang ba bcu drug gis nang du bskol te/ brgyad cha lus pa'i nang du
 spang rtsi btab pa mig tu blugs na nad gzhi thams cad las gyur pa'i mig nad sel to/ /shi tru'i lo ma'i rang gi khu ba sbrang rtsi dang sbyar ba mig tu blugs na/ rlung dang mkhris pa bad kan la sogs pa nad kyi rnam grangs mang po las kyang rgyal bar byed do//
 de la rlung las gyur pa'i mig nad 'dzag pa la ni e raN+Ta gzhon nu'i lo ma dang/ rtsa ba cham chom brdungs la ra'i 'o ma dang tshul bzhin bskol te mig tu blugs na/ zug gzer de ma thag 'joms par byed do/ /yang na phye zan dron po mig tu bdugs na
 yang phan yon de dang 'dra'o/ /yang na rlung las gyur pa'i mig nad 'dzag pa la ni bilba la sogs pa'i rtsa ba lnga dang e raN+Ta'i rtsa ba dang/ bri ha sti dang/ ma du shi kru dang de rnams cham chom brdungs te bskol ba'i khu ba dro 'jam tsam blugs na
 phan no/ /yang na ba la zhes bya ba d+hi be ra dang/ rgya spos dang/ sha rang ga sha dang/ u dum+ba ra'i shun pa dang/ bu ram shing dang de rnams chu dang 'o ma dang tshul bzhin bskol te 'o ma nyi tshe lus pa mig tu blugs na mig nad rlung las gyur pa
 zug gzer dang bcas pa sel ba'i mchog yin no/ /de la mkhris pa las gyur pa'i mig nad la ni gtsod dang/ skyer pa dang/ rgya skyegs dang/ rgun 'bru dang/ shing mngar rnam gnyis dang/ utpal de rnams bsgol ba'i nang du kha ra btag ste mig
 tu blugs pa byas na/ khrag dang mkhris pa las gyur pa'i mig nad 'dzag pa sel to/ /rgun 'bru dang/ shing mngar dang/ 'di rnams zhib tu btags te/ phye ma ras 'jam po'i nang du thur ma byas te/ lhod par bcings nas char ba'i chu'i nang du bsnyugs
 te mig tu blugs na khrag dang mkhris pa las gyur pa'i mig nad 'dzag pa sel to/ /yang na pra puN+Ta rI ka dang/ shing mngar dang/ skyer pa dang/ 'di rnams zhib tu btags te/ ras 'jam po'i nang du thum por byas te/ nu zho sha khar dang bcas
 pa'am ra'i 'o ma'i nang du spungs te mig tu blugs na mig tsha ba dang/ na ba dang/ mdog dmar ba dang/ mchi ma 'dzag pa rnams sel to/ /seng phrom dkar po dang/ shing mngar mar gyis nang du brngos te btags pa'i phye ma ras 'jam
 po'i nang du thum por byas te/ bud med kyi nu zho'i nang du bsnyugs te mig gi nang du blugs na khrag dang mkhris pa las gyur pa'i mig nad snad pa las rgyal bar byed do/ /bad kan las gyur pa'i mig nad 'dzag pa la ni dong kra dang/ 'bras
 bu gsum dang/ nim+ba dang/ seng phrom dkar po dang 'di rnams bskol ba'i khu ba dro 'dzam tsam blugs na phan no/ /'dus pa las gyur pa'i mig nad 'dzag pa la ni sman gyi sbyor ba 'dres pa'ang blugs par bya'o/ /gzhan yang rlung las
 gyur pa'i mig nad 'dzag pa la ni mar rnying pa btung ngo/ /mkhris pa las gyur pa'i mig nad la ni mar rnying pa kha ra dang bcas pa blud do/ /bad kan las gyur pa la ni mar rnying pa tsha ba gsum dang sbyar ba de'i nang du/ nad tshig mkhus pa'i thal ba'i
 phye mas btab pa blud do/ /de ltar snum gyi zhen pa dang/ gtar ga byas te khrag dbyung ngo/ /de'i 'og tu yang snum byas te/ de nas bkru sman btang ngo/ /de la mig nad rdung ba las ni yul gsher sa na gnas pa'i srog chags kyi sha g.yos su legs
 sbyar ba'i byug pa dron pos mgo dang gdong la bskus na zug gzer zhi bar byed do/ /mig nad tsha ba la ni 'o ma dang mar sman glang mo dang/ sbyar bas byug pa byas te bsku'o/ /gso ba gzhan ni rab rib gso ba'i nad bzhi brta ba bzhin 'dir sbyar ro// //
 cho ga de dag ni mig sman thams cad la bsngags pa bzhin no/ /mig nang rdung ba la thabs de dag gang gis kyang ma zhi na/ smin ma'i steng du mi ca? btab na phan no/ /ba'i zho snum med pa dngul lam zangs ma'i snod kyi nang du blugs te/ ji srid
 du sngon por gyur pa dang bskams te/ de'i phye ma zhog chu dang ri lur byas te mig tu bskus na rlung las gyur pa'i mig nad 'joms par byed do/ /sri shing gi me tog kham bye ba dang/ dung dang 'bras bu gsum dang shing mngar dang/ ba bla dang/ de rnams
 btags pa'i phye ma char pa'i chu dang ri lur byas te bskus na/ khrag dang mkhris pa las gyur pa'i mig nad sel to/ /rgyam tsha dang/ 'bras bu gsum dang/ tsha ba gsum dang dung gi snying po dang/ rgya mtsho'i dbu ba dang/ e la ba lu ka dang/ sri rtsa pog dang ra
 rnams ri lur byas pas bskus na/ bad kan las gyur pa'i mig nad sel to/ /pra puN+Ti rI ka dang/ shing mngar dang/ skyer ba dang de gsum srang brgyad brgyad chu srang lnga brgya bcu gnyis kyi nang du bskol te bzhi cha lus pa dang/ tshigs ma bor ba'i dangs ma
 de yang bskol te/ ska bar gyur pa'i nang du ra gan gyi dud pa srang bcu dang/ na le sham zho gnyis kyi phye ma btab ste/ ri lu 'am phye mas kyang rung ste/ bskus na mig nad thams cad las gyur pa'i nad 'dzag pa dang/ dmar ba dang/ brud pa snyam
 byed pa rnams 'joms te/ de ma thag gsal bar 'gyur te/ sbyor ba 'di ni byugs na de dag gi bshad pa'i nang na gsang ba dam pa'i mig sman gyi mchog yin no/ /de la mig nang skam zhing smin pa la ni sman mar btung ba dang/ 'tsho byed
 sde bcu dang sbyar ba'i mig brta ba'i sman blugs pa dang/ mar de nyid kyi snar blugs pa 'am/ yang na til mar snar blugs pa rab tu phan no/ /'dir blugs pa ni 'o ma dro 'jam tsam rgyam tsha dang bcas pa blugs na phan no/ /yang na bca' sga
 bud med kyi nu zho dang btags te mar sbyar bas mig bskus na phan no/ /yang na gsher sa nas skyer ba'i zhag bca' sga dang/ rgyam tsha cung zad dang bcas pa blugs na phan no/ /yang na mi'i skra mar gyis spags te kham por kha sbyar gyi nang du dud pa ma shor bar
 bsregs te/ de las snag tshar gyur pa dang/ mar gyi bsgos te lcags sam me long gi steng du btags la/ de'i phye ma'i bskus na/ mig sman gyi mchog tu bshad do/ /de la mig nad skrang ba min pa dang bcas pa dang/ cung
 zad skrang ba'i mig nad gnyis la ni snum bcos byas te/ khrag gtar la de'i 'og tu yang snum chos bya ste/ rgun 'bru dang/ a ru ra gnyis bskol ba'i nang du tri pit+ta'i phye ma dang/ mar btab ste bkru sman btang ngo/ /gseng phrom
 dkar po mar gyi nang du bsngos te phye mar byas pa mar gyi nang du phur ma byas te chu dron dang mnyes la mig tu blugs na ni zug gzer 'joms pa'i mchog yin no/ /yang na skyer pa dang pra puN+Ta rI ka dang gnyis bskol ba'i khu bas
 blugs na yang phan no/ mig brud pa snyan byed pa dang/ mig dmar ba dang mchi ma 'dzag pa rnams la sAnd+ha ba zhes bya ba'i sbyor ba bya ste/ de yang lcags kyi gzhi la zangs ma gcin dang btags te mar gyi dud pas gdugs la
 mig tu blugs na mig gi zug rngu 'joms so/ /yang na zangs ma'i snod kyi nang du ba'i zho'i spris ma bcug ste/ pi pi ling dang/ rgyam tsha gnyis zhib tu btags la mig sman du sbyar na/ de yang sAnda b+ha zhes bya ste mig tu blugs
 na phan no/ /yang na zangs ma'i snod kyi nang du bud med kyi 'o ma dang dung bdar te dong ga'am nas gang yang rung bar mar gyis bsgos pa'i dud pas gdugs la mig tu bskus na/ mig brud pa snyam byed pa la sogs pa mig nang
 mi bzad pa las grol bar byed do/ /de yang sAnd+ha ba zhes bya ba yin no/ /yang na u dum+ba ra'i 'bras bu lcags snod kyi nang du bud med kyi zho dang sbyar te/ shing sh+ya ma'i lo ma mar gyis bsgos pa'i dud pas gdugs te mig
 tu bskus na/ mig nang tsha ba dang/ zug gzer che ba dang/ mdog dmar ba rnams la phan no/ /yang na shi tru'i lo ma'i rang gi khu ba zangs ma gnyis kyi bar du btags te mar gyi dud pas bdugs na/ de yang sAnd+ha ba zhes bya ste/ des mig
 bskus na/ mig nad skrang ba dang/ mchi ma 'dzag pa dang/ zug gzer dang bcas pa rnams 'jil bar byed do/ /yang na kha ra'i snod kyi/ gzhi la gyo mo'i dum bu til gyi chu dang bdar te/ nim+ba'i lo ma mar gyis bsgos pa'i dud pas bdugs
 la res mig bskus na/ mig nad drud pa snyam byed pa dang/ mdog dmar ba dang/ mchi ma 'dzag pa dang/ gzug gzer che ba rnams la phan no/ /de yang sAnd+ha ba zhes bya'o/ /sman gyi sbyor ba sAnd+ha ba zhes bya ba des mig zug gzer dang bral ba lta
 na/ de'i 'og tu bud med kyi nu zho lan gsum gyi bar du blugs bar bya'o/ /yang na bal bu'i lo ma dang pi pi ling dang/ rgya spos dang/ lcags phye dang/ stang zil dang/ sna ma'i me tog dang/ nag tshur dang/ rgyam tsha dang/ de rnams gcin dang bdar
 ba'i lde gus zangs ma'i snod la byugs te/ zhag bdun du bzhag la de nas yang gcin dang btags pa'i ri lu byas te grib mar bskams la bud med kyi nu zho dang bdar nas mig tu bskus na mig drud pa snyam byed pa dang/ mchi ma 'dzag pa dang skrang
 ba dang/ g.ya' ba rnams rnam par 'jig go /yang na kaN+Ta kA ri'i shun pa dang/ shing mngar dang zangs ma'i phye ma dang/ de dag ra'i 'o ma dang btags te sh+ya mi dang/ skyu ru ra'i lo ma mar gyis bsgos pa'i dud pas bdugs la mig la bskus na/ skrang
 ba dang zug gzer tsha ba rnams sel to/ /de la skyur gyis bskyed pa zhes bya ba'i mig nang la ni mkhris pa'i mig nad kyi gso ba thams cad bya'o/ /bad kan dang mkhris pa dang khrag dang 'dus pa dang/ 'di rnams re res bslang ba'i mig nad dang/ ku ku na
 zhes bya ba'i mig nad dang/ rdzi ma nang du zhugs pa zhes bya ba'i mig nad dang/ mig nad skem zhing smin pa zhes bya ba dang/ pad+ma'i rtsa ba lta bu zhes bya ba'i mig nad dang/ skrang ba chung ba zhes bya ba'i mig nang dang/ gzhan yang bad kan
 dang khrag dang mkhris pa dang 'di rnams re re 'dzag pa'i mig nad dang/ de gsum gyur pa'i gdung ba'i nad sna re dang/ rlung nad ma gtogs pa mig nad bco brgyad po de dag ni mig tshag pa zhes bya ste/ de dag ni nye bar 'tsho ba yin te gso
 bar bya'o/ /de dag rang rang gi gso ba ni so so'i le'ur bshad zin to/ /gal te de las mig tshag pa zhes bya ba'i nang du gyur na ni de'i 'og tu gso ba spyir brjod par bya ste/ de la thog mar snum bcos bya ste/ slon bya'o/ /de nas gtar ga
 byas te khrag dbyung ngo/ /de nas bkru sman btang ste/ mig mchu mtshon gyis bzhar ba byas na mig nad thams cad dag par 'gyur ro/ /spangs ma srang gcig dang/ na le sham dkar po srang nyi shu rtsab mo srang sum cu'i nang du btag pa te/ zang
 ma'i snod kyi nang du bcug ste blugs na/ mig tshag pa'i nad lo du ma lon pa yang zhi bar byed de/ de bzhin du mig nad g.yogs pa snyam byed pa dang/ tsha ba dang/ mchi ma 'dzag pa dang/ g.ya' ba dang/ skrangs pa rnams
 'joms par byed do/ /ka rany+dza'i sa bon dang khye'u rug pa dang/ sna ma'i me tog kham bye ba 'di rnams cham chom brdungs te bskol la tshigs ma bor te lang bskol la stang zil dang lhan cig mig sman blugs na/ mig tshag pa'i
 nad la phan te/ khyad par du mig g.ya' ba dang/ rnag 'dzag pa rnams 'joms pa'i mchog yin no/ skyer khaN+Ta dang/ sra rtsi pog dang/ ra gan gyi dud ba dang/ ldong ros dang/ rgya mtsho'i dbu ba dang/ rgyam tsha dang/ btsag
 yug snam dang/ na le sham dang/ 'di rnams sbrang rtsi las btags pa mig sman du bskus na/ rnag 'dzag pa dang/ g.ya' ba 'jom pa'i mchog yin no/ /yang na spos a ru ra'i khu ba'i nang du btags pas mig tshag pa la bskus na/
 sel to/ /thang shing rang gcin gyi nang du snum dang bcas pas bskus na mig tshag ba 'joms so/ /yang na rgyam tsha dang 'bras bu gsum dang/ pi pi ling dang/ pu tse shel dang/ dug gi snying po dang zangs ma'i phye ma dang/ de rnams sbyar ba'i mig
 sman gyis bskus na mig tshag pa dang/ ling tog rnams 'joms so/ /nag tshur bya bal ma'i phye ma bye'u rug pa'i khu bas bsgos te/ zangs ma'i snod kyi nang du zhag bcu bzhi'i bar du bzhag la mig tu bskus na mig chu ser phyis gang ba dang/ rdzi ma byi ba'i
 nad las rgyal bar byed do/ /bal dang so ba'i la zhes bya ba stang zil dang mnyam pa'i zangs ma'i phye ma zhib tu btags pas mig sman du sbyar na/ thur ma gcig gis rdzi ma skyed cing mig tshag pa'i nad sel to/ /yang na rgya skyegs dang/ nirgu? n+thi? dang
 brid kha ra dza dang/ skyer ba dang 'di rnams kyi khu ba'i nang du ras kyi dum bu zhag bdun gyi bar du spangs te/ de nas phyung la ras de sdong bur byas la mar mes bsregs te/ dud bar chags pa'i snag tshas bskus na phan no/ /mig chu ser gyis
 gang ba'i nad pa la ni dus rtag tu mig mchu mtshon gyis bzhar ba dang/ khrag dbyung ba dang/ yang dang yang bkru sman bsten par bya'o/ /mig chag pa zhes bya ba'i mig nad chu ser rnag tu 'dzag pa sbyor ba de dag gis zhi bar ma 'dod na ni mig
 thur phra mo me la bsregs pas bsrung ngo/ /de ltar mig nad dgu bcu rtsa bzhi po de dag gi rgyu dang mtshan nyid dang gso ba cig la cig ma 'dres par thams cad bshad pa yin no/ /de la skyes bu rnams kyi mig la nad med cing tha mal ba
 'dug pa yin na yang mig la gces par 'dzin pa rnams kyis ni dus thams cad du nas dang gro dang/ 'bras drug cu pa dang /bre rgod dang/ mon sran rde'u la sogs pa de dag kyang rnying pa dang gang yang bad kan dang/ mkhris
 pa 'joms pa'i sman zhun mar mang du btab pa'i zas dang/ tshed ma yang de bzhin du cho ga bzhin du bya'o/ /bya na yang srog chags thang la gnas pa'i sha dang/ se'u 'brum dang/ kha ra dkar po dang/ rgyam tsha dang/ 'bras bu gsum dang
 sbrang rtsi rnams bstan no/ /btung bar ni char pa'i chu sbyar ro/ /de bzhin du gdugs dang/ lham dang bcas shing 'gro bar bya ste/ cho ga ji lta ba bzhin du lus bca' sbyang bar bya'o/ /de bzhin du nad med pa tha mal par 'dug pa rnams kyis
 kyang 'di dag spang bar bya ste/ 'byung ba rnams kyi shugs mi dgag pa dang/ ma zhu ba'i zas cher mi bza' ba dang/ gang yang zas tsha ba sman tsha ba dang phyis 'gag par 'gyur ba'i zas dang sman thams cad spang bar bya'o/ /rkang pa gnyis
 kyis dbus rna rtsa che zhing sbom po'i rtsa gnas te/ de las mig tu gyes pa'i rtsa du ma yod pas lhag par yang rkang pa la bskus dang byug pa dang/ dril ba la sogs pa byas na mig la phan no/ /gal te rkang pa la dri ma dang/ tsha ba dang/
 snang pa la sogs pa gnod par gyur na ni mig kyang ma rung bar 'gyur ro/ /de lta bas na mig la phan par 'dod pa rnams kyis rkang pa bkru ba dang/ dril ba dang/ byugs pa dang/ lham gyon ba la sogs pa rtag tu bsten par bya'o/ /mig
 nad sna tshogs gso ba'i le'u ste bcu drug pa rdzogs so// //de nas rna ba'i nad gzhi shes par bya ba'i le'u bshad par bya ste/ de la rlung las gyur pa'i rna ba'i nad kyi mtshan ma ni cham pas btab pa ste/ gso ba ma byas pa ste/ chu la rkyal
 nas rna ba'i nang du zhugs te legs par ma phyin pa dang/ rna ba g.ya' ste brud pa las brud nyes te rlung 'khrugs nang du gyur pa dang/ gzhan yang rna ba 'khrugs par gyur pa'i rgyu bza' ba dang spyod lam log par bsten pa dang/ sgra mi snyan pa mnyan
 pas rna ba'i thos par byed pa'i rtsa spubs kyi nang du rlung zhugs te/ shin tu zug cing shugs drag par na ba dang/ klad pa'i phyed na zhing rengs par byed pa dang/ grang zhing bsil ba la mngon par mi dga' ba dang/ gal te nad de smin nas yang yun
 rings la gzod smin la/ chu ser sla mo cung zad 'dzag pa dang/ glo bur du na ba stong ba snyam du sems pa dang/ rna ba'i nang res zhum par 'gyur zhing res yangs par 'gyur ba yin no/ /mkhris pa las gyur pa'i rna ba'i nad kyi mtshan ma ni na zhing tsha ba dang
 bcas pa dang/ grang ba 'dod pa dang/ skrang ba dang/ rims kyis 'debs pa dang/ myur du smin cing rnag pa dang/ rab tu smin nas kyang rang gi mdog ser por 'dzag pa dang/ gang dang gang du chu ser des reg pa de dang der smin cing mnags par 'gyur ro//
 bad kan las gyur pa'i rna ba'i nad kyi rtags ni myur du mi smin pa dang/ 'gram pa dang/ mgrin pa lci ba dang/ zug gzer mi drag pa dang/ g.ya' ba dang/ skrang ba dang/ dro bag 'dod pa dang/ smin nas ni dkar ba dang/ ska ba 'dzag par 'gyur
 ba yin no/ /blo bur du snang pa la sogs pas khrag 'khrugs pa'i na ba'i nad kyi mtshan ma ni rna ba shin tu zug cing na te/ de yang mkhris pa'i mtshan nyid cung zad tsam dang ldan pa 'am/ yang na shas che ba dang ldan pa yin no/ /'dus pa las
 gyur pa'i rna ba'i nad kyi mtshan ma ni gzer ba dang/ skrang ba dang/ rims kyis 'debs pa dang/ mi bzad bar na ba dang/ grang ba dang dro ba res kyis 'dod pa dang/ rna bas sgra mi thos pa dang/ nad smin nas ni rnag dang chu ser dkar ba dang/ gnag pa
 dang/ dmar ba dang/ skab res kyis 'dzag pa yin no/ /rna ba'i nang gi rtsa sgra thos par byed pa'i rtsa rgyud yod de/ der rlung zhugs nas rgyu med par sgra sna tshogs yang nas yang du thos pa de ni rlung nad rna ba'i nad sgra can zhes bya
 ba'o zhes drang srong rnams kyis bshad do/ /bad kan dang rlung ldan pa las gyur pa'i rna ba'i nad gso ba ma byas te yal bar bor ba las ni thog ma skad gsang mthon pos smras na thos par 'gyur te/ de'i 'og tu rims kyis 'on par 'gyur ro//
 rlung gis bad kan bskams te rna ba'i rgyun srang bkag ste 'gags pa las ni ma yin te/ de ni pra te ha na zhes bya ba'i rna ba'i nang du bshad do/ /bad kan rna ba la brtan par gnas par 'gyur na rna ba g.ya' ba dang/ skrang par 'gyur ba ni skrang ba
 dang/ g.ya' ba' i rna ba'i nad ces bya'o/ /mkhris pa dang bad kan tshos par byas te/ nad dang bcas pa'am/ nad med kyang rung ste rnag ska ba mang du 'dzag pa ni sna nad rnag pa zhes bya'o/ /rlung la sogs pa'i nyes pas rna ba'i sha dang khrag rul bar byas
 nas/ de las srin bu skyed te des zos pa las mi 'dzag par na ba de ni rna ba'i nad srin bu can ces bya'o/ /rna ba'i nang g.ya' zhing phrugs pa las rma 'byung ste 'bras bur gyur pa ni gong du khong 'bras kyi mtshan nyid ji lta ba bzhin du shes
 par bya'o/ /de bzhin du rna ba skrang pa las gso ba ma byas te/ yal bar bor na/ nad gzhi ji lta ba bzhin du thor bu dang/ 'brum bu 'byung ste/ de yang rab tu na ba dang/ rnag gis gang ba dang/ 'on bar 'gyur ro/ /ma'i mngal du rlung gis rna ba bskums te
 bsdus pa ni rna nad zhum pa zhes bya'o/ /yang na ma'i mngal nang du rna ba zhing thor bu shin tu sra ba gcig gam mang yang rung ste/ pi pi ling gi tshad tsam 'byung ba de ni rna nad pi pi ling lta bu zhes bya'o/ /'dus pa las gyur ba'i rna ba'i nad ni nad gzhi rang dang
 mthun pa'i mdog tu snang zhing rab tu na ba dang/ rengs pa dang/ skrang bar 'gyur te de yal bar bor te gso ba ma byas pa las ni nad smin te 'dzag pa yang yungs mar lta bur 'byung zhing rma 'tsho dka' ba dang/ rma drubs na yang nges par rna drung 'khums
 shing zhum par 'gyur te/ de'i ming ni rna nad byi d+ha ri ka zhes bya'o/ /rna ba'i rtsa'i nang du rlung nad zhugs te/ rna ba'i drung skems pa yod de/ de'i ming ni rna drung gi nad skem byed ces bya'o/ /rna bshal rlung gis bskams te srab mor song zhing pi wang gi rgyud bzhin
 du thang chad pa ni pi wang gi rgyud bzhin du thang chad pa'i rna bshal gyi nad ces bya'o/ /skyid pa'am sdug ma myong ba'i rna bshal phug ste skrangs pa las ma gsos na de ma thag cher skrang zhing 'phel bar 'gyur ba dang nad dang bcas pa dang/ me tog pa ri bo
 Ta ltar rtsa dmar ba yin te/ de ni pa ri po Ta na zhes bya ba'i rna bshal gyi nad ces bya'o/ /rna tsha shin tu lci bas rna ba drangs te khrag dang mkhris pa skyed de mdog dmar ba dang/ sngo bsangs su 'dug pa dang/ na ba dang/ tsha 'ur 'ur po dang/ myur du smin pa dang/ skrang
 ba dang/ 'brum bu dang/ 'brum po phra mo dang/ rnag dang ldan pa de ni utpal zhes bya ba'i rna ba'i nad yin no/ /rlung dang bad kan las gyur pa'i rna bshal gyi nad kyi rtags ni skrang zhing nad med pa dang/ sra zhing gyong ba dang/ nad gzhi rang gi mdog
 tu snang ba de ni u man+tha zhes bya ba'i rna bshal gyi nad ces bya'o/ /rna bshal phug nyes te/ rgyangs pa las 'dus pa'i nad 'byung ste de yang g.ya' ba dang/ tsha ba dang/ skrangs pa dang/ myur du smin pa de ni sdug bsngal skyed pa zhes bya ba'i rna bshal
 gyi nad ces bya'o/ /de ltar rna bshal gyi nad de gso ba ma byas te/ yal bar bor na ni bad kan dang khrag las gyur pa'i brum bu phra mo 'byung zhing de yang snags pa dang/ g.ya' ba dang/ nad dang bcas te srog chags phra mo skye zhing rnag
 ldag cing za ba yin te/ /de ni rna bshal gyi nad srog chags phra mos zos pa'i rna nad ces bya'o/ /de ltar rna ba'i nad kyi bye brag nyi shu rtsa lnga bshad pa las 'dus pa las gyur pa'i rna ba'i nad pi pi ling lta bu zhes bya ba dang/ bi
 da ri ka zhes bya ba dang/ 'khums shing zhum pa zhes bya ba dang/ bzhi po 'di dag ni gsor mi rung ngo/ /pi wang gi rgyud lta bu zhes bya ba'i nad ni/ mi la ba tsam ni gsor rung ngo/ /lhag ma rnams ni ci rigs par sman gyis gso bar bya'o/ /rna
 nad kyi dmigs brtag pa'i le'u ste bcu bdun pa rdzogs so// //de nas rna ba'i nad gso ba'i le'u bshad par bya ste/ de la rlung las gyur pa'i rna ba'i nad la ni thog mar ?I khu blud la de'i nub mo rlung 'joms pa'i sman dang sbyar ba'i mar
 blud do/ /de nas dugs brtag de'i 'og tu a shwat+tha dang/ bilba dang/ arka dang/ e raN+Ta dang/ de rnams kyi 'o ma gang yang rung ba'am/ yang na la phug dang/ gu gul gang yang rung ba 'bru dang/ rgyam tsha dang bsgos te/ kham por kha sbyar gyi
 nang du cho ga bzhin du btsos la/ tshos ba dang phyung la gtsir ba'i khu ba chu dro 'jam tsam gyis rna ba dgang ngo/ /yang na dar ba la sogs pa rlung 'joms pa'i sman gyi sde tshan dar ba skyur po dang/ zho kha chu dang/ rtsab mo la sogs pa'i skyur dang/
 ba dang/ ma he la sogs pa'i gcin dang/ snum chen po bzhi dang/ de rnams lhan cig bskol te/ mar lus pa las rna bar blugs na/ rna ba'i zug gzer shin tu mi bzad pa yang sel to/ /yang na rtsa ba chen po lnga gang yang rung ba'i shing
 gi thor to/ gso ma'i ras kyis dkris la til mar gyis bskus te/ me'i nang du bsregs pa'i snum gyi thigs pa blugs na/ de ma thag rna ba'i zug gzer 'joms so/ /yang na thang shing dang/ ru rta rnams las gang yang rung ba cho ga gong ma
 bzhin du byas na yang phan yon de dang 'dra'o/ /rlung nad dang rlung gi cham pa gso ba thams cad kyang 'dir byas na phan no/ /de la rlung gi sna nad can gyi chu la sogs pas mgo bkru ba dang/ chu drang mo'i btung ba ni nyin par yang spang bar bya'o/ /mkhris pa las
 gyur pa'i rna ba'i nad la ni kha ra dkar po dang/ bcas pa'i mar gyis snum chos byas la/ mkhris pa la phan pa'i bkru sman btang ngo/ /rgun 'brum dang/ shing mngar 'o ma dang/ lhan cig bskol te rna bar blugs na rab tu bsngags so/ /shing mngar dang/ du rab?
 dkar po dang/ tsan dan dang/ pu shel rtsi dang/ bu tshang rdo dang/ seng phrom dang/ dzi ba ka dang/ pad+ma'i rtsa lag dang/ pad+ma dang/ btsed dang thal tras dang/ 'di rnams shing mngar bskol ba'i khu ba sum cu rtsa gnyis dang/ de'i nyis 'gyur gyi 'o ma dang/ til mar
 srang brgyad dang/ de rnams tshul bzhin du bskol te/ mar lus pa las rnar blugs pa dang/ rna bar dgang ba dang/ sku byug tu sbyar na rna ba'i zug gzer dang/ tsha ba sel bar byed do/ /yang na sbrang rtsi nyi tshe cho ga de ltar byas na yang phan yon de dang 'dra'o/ /yang na
 gong gi sbyor ba'i sman shing mngar la sogs pa mar dang lde gur byas te/ rna ba'i phyi nang du lags na yang phan no/ /bad kan las gyur pa'i nad la ni pi pi ling mar dang lhan cig bskol ba blugs la thog ma slon sman bya'o/ /gang yang bad kan
 la phan pa'i dud pas btang ba dang/ sna sman btang ba dang/ mkhur bar bcad ba dang dug bya la sogs pa yang sbyar ro/ /sgog skya dang/ sge'u gsher dang/ na le sham dkar po dang/ mu raM gya dang la phug dang/ chu shing dang de rnams gang
 yang rung ba'i khu ba dro 'jam tsam dang sbyar ba rna bar blugs la theg gi zad nas phyir pho na rna ba'i nad sel to/ /yang na arka'i myu gu skyur gang yang rung ba dang btags te/ 'bru mar dang/ rgyam tsha dang ldan pa'i nang du/ sh+ri khaN+Ta'i sdong bu'i
 dbus su phug ste/ arka'i loms g.yogs la kham por kha sbyar gyi nang du bcug ste me la btsos te khu ba btsir bas rna bar blugs na/ rna ba'i zug gzer 'joms pa'i mchog yin no/ /yang na ma du lung ga dang
 ka pi tha gang yang rung ba'i khu bas rna bar bkang na yang phan no/ /yang na tshas rna bar bkang la rgya mtsho'i dbu ba'i phye ma gdab pa byas na yang phan no/ /yang na ra dang lug gi gcin dang 'od ma'i shun lpags ni til mar dang lhan cig
 bskol la blugs pa 'am/ yang na mar shing kun dang/ g.yer ma dang/ dong kra rnams lhan cig bskol la blugs pa dang sbyor ba de dag gang yang rung ba byas na yang phan no/ /de la khrag las gyur pa'i rna ba'i nad la ni mkhris pa gso ba
 thams cad bya ste/ khyad par du gtar ga byas na phan no/ /rna ba'i dang smin te rnag 'dzag pa la ni dud pas bdug pa dang/ sman mkhur bar bcad pa dang/ sna sman rnams sbyar ro/ /de bzhin du gang yang rma 'khyims dang/ red pa'i cho ga thams
 cad kyang 'dir sbyar ro/ /sman gyi lde gus rna ba byugs la ras bas kyi ye bus nang du lan gnyis bskyod de dag pa dang/ gu gul gyi dud pas bdugs la sbrang rtsis rna ba dgang bar bya'o/ /yang na bye'u rug pa'i sde tshan bskol ba'i khu
 ba'i rkang pa ras bal gyis spre'u las bsgos la rna ba'i nang du chub par bskul zhing bye'u rug pa'i sde tshan gyi phye mas gdab po/ /gang gi rna ba la zug gzer dang/ rnag dang/ lci ba yod pa de la cho ga de dag gis zhi bar byed do zhes
 drang srong rnams kyis bshad do/ /pri yaM ku dang/ shing mngar dang/ am+ba sta dang/ da ta ki dang/ utpal dang/ 'dab ma rnam bzhi dang/ gtsod dang/ seng phrom dang/ rgya skyegs dang/ de rnams ka pit+ta/ rang gi khu ba dang/ til mar lhan
 cig bskol te rna bar blug na rnag khrag zag pa zhi bar byed do/ /rna ba'i nad sgra can dang/ 'on par gyur ba gnyis la ni chu las gyur pa'i rna dang kyi gso ba thams cad 'di la sbyar ro/ /rna ba'i nad sgra can dang 'on pa gnyis bad kan dang
 bcas pa yin na ni dang po slon la sogs pas bad kan sbyangs la de'i 'og tu e raN+Ta dang/ shi tru dang/ la phug gzhon nu dang/ de rnams kyi lo ma bskol ba'i khu ba dang/ de'i bzhi 'gyur gyi til mar dang/ de'i brgyad 'gyur gyi 'o ma dang/ shing
 mngar dang/ ram nye ma'i phye ma dang de rnams lhan cig bskol te/ mar blugs ba las rnar blugs pa dang/ sku byug dang/ rna bar blugs na rna ba sgra dang bcas dang/ 'on pa dang/ zug zer rnams nges par 'joms so/ /yang na bong nga dkar po dang/
 shing kun dang/ shu ti dang/ skyer pa'i shun pa dang/ swa rtsi ka'i thal ba dang/ tsha ba gsum dang til mar dang/ til mar gyi bzhi 'gyur gyi tshwa dang/ de rnams lhan cig bskol te/ mar 'ba' zhig lus pa dang/ rna bar blugs na rna bar zug ba dang/ chu ser
 'dzag pa dang/ rna ba 'on ba dang/ sgra dang bcas pa sel to/ /rna ba sgra za zi zer ba la ni yungs mar gyi rna ba bkang na phan no/ /la phug skam po dang/ bca' sga bsregs pa'i thal ba dang/ shing kun dang/ bca' sga dang/ shu ti dang/ shu dag dang
 ru rta dang/ skyer pa dang/ shi tru dang/ skyer/ paN+Ta dang/ kha ru tsha dang/ ya da k+Sha ra dang/ sA rtsi ka'i thal ba dang/ lan tsha khrol ba dang/ rgyam tsha dang gro ba'i dud ba dang/ tsabs ru tsha dang/ gla sgang dang/ de rnams til mar dang/ de'i bzhi 'gyur gyi rgun tsha
 dang/ kha lung gi khu ba tsha dang mnyam pa dang/ de dang mnyam pa'i chu shing gi khu ba dang/ lhan cig bsgol te mar lus pa las rna bar blugs pa byas na rna ba g.ya' ba dang/ sgra dang bcas ba dang/ rna ba 'on pa dang/ rnag 'dzag pa dang/ zug zer 
 che ba dang/ srin bu yod pa de rnams gso dka' ba yang thal sman gyis til mar zhes bya ba 'di myur du 'joms par byed do/ /mchog tu kha dang so'i nad la bsngags so/ /rna ba phug ste tshor ba med pa la ni rna ba'i nye 'khor las
 gtar ka bya'o/ /rna ba skrang zhing rnag dang bcas te gsal por mi thos pa la ni skyugs sman byas na phan no/ /byis pa dang rgan po 'on te la grangs du ma lon pa la ni spang bar bya'o/ /rna ba thog ma smin cing 'jam par bya ba'i phyir snum dang dugs
 res kyis bya ste/ de'i 'og tu ras kyis rna ba'i nad dag par bya'o/ /de nas 'bru mar gyi rna ba dgang bar byas na phan no/ /sbyor ba de dag ni rna spabs kyis gang ba dang/ bad kan can la sbyar ba yin no/ /rna ba skrangs pa la ni snar blugs pa'i sman dang/
 mkhur bar bcang ba dang/ du ba rdub ba dang gang yang bad kan 'joms pa'i sman tsha ba dang/ dro ba'i byugs pa la sogs pa thams cad byas na phan no/ /rna ba rnag 'dzag pa dang/ srin bu can gnyis la ni rna ba rnag 'dzag pa'i sbyor ba thams
 cad sbyar ro/ /rna nang srin bu can la ni rna ba 'dzag pa'i sbyor ba thams cad sbyar ro/ /khyad par du yungs mar tshags blugs na phan no/ /rna ba'i nang nas 'bras byung ba la dang po slon byas la/ de'i 'og tu gso ba ni khong 'bras kyi gso ba ji lta ba
 bzhin du mkhris pa'i rna nad kyi gso ba yang de la sbyar ro/ /rna ba'i nad thor bu dang 'brum bu byung ba la ni sna'i 'brum bu'i gso ba thams cad bya'o/ /rna nang pi di ri ka zhes bya ba de smin kyang rung ma smin kyang rung ste nad gzhi ji lta ba bzhin du brtags te rna ba'i
 'bras nad kyi gso ba thams cad bya'o/ /rna bshal bskams pa'i nad la ni rlung gi nad kyi gso ba ji lta ba bzhin du rnar blugs pa dang/ byug ba la sogs pa ci rigs su sbyar ro/ /de ltar byas la legs par zhen pa dang/ bi la spa'i sa bon dang
 shing mngar dang/ a shwa gand+ha da dang/ nas dang de rnams kyi rna drud dang/ rna bshal bsku zhing dril lo/ /de'i 'og tu sha rgyas shing 'phel bar bya ba'i phyir bsku byug rtag tu spyad do/ /nye'u shing dang/ a shwa gand+ha dang/ pa yassya dang/ e raN+Ta dang/ dzi pa ka
 dang de rnams 'bru mar dang 'o ma dang lhan cig bskol te mar lus pa ran par 'thungs na/ rna ba'i rna bshal 'phel zhing rgyas par 'gyur ba'i mchog yin no/ /yang na 'tsho byed kyi 'bru mar dang/ 'o ma dang/ yul sel che ba la gnas pa'i srog chags
 kyi sha bskal bas bskus na rna drung rna bshal sha skye bar 'gyur ba'i mchog yin no/ /rna cha lci bas bu ga 'ol tu cha ba la ni mtshon gyis bcad de rma sbyar la yang sha skye ba'i gso ba bya'o/ /pi wang gi rgyud lta bu'i rna nad la yang/ mi la ba tsam du gsor
 rung ba'i cho ga bya'o/ /me tog pa ri po Ta zhes bya ba'i rna nad kyi gso ba yang de ltar bya'o/ /u pa da zhes bya ba'i rna ba'i nad la ni srin bu pad+ma khrag 'jib tu gzhug cing bsil ba'i nus pa dang ldan pa'i sman gyis byug par bya'o/ /shing 'dzam bu
 dang a dra'i lo ma dang/ ba bla dang/ shing mngar dang/ seng phrom dang/ til dang/ gtsod dang ka dam pa dang/ thal tres dang/ de rnams til mar dang/ til mar gyi bzhi 'gyur gyi rtsabs skyur po dang/ lhan cig bskol te mar lus pa las bsku
 byug bya ba'am/ yang na me dpal gso ba'i skabs nas 'byung bas bsku byug bya'o/ /unman+tha zhes bya ba'i rna ba'i nad la ni srog chags g+ho da dang/ karka Ta dang/ de gnyis kyi zhag dang ta la'i lo ma dang/ a shwa gand+ha dang/ arka dang so ma rA dza'i sa bon dang
 rgyam tsha dang/ byi'u rug pa dang/ laM ga li dang/ til mar rnams lhan cig pa las mar lus pas bsku byug dang/ sna sman rnon po yang btang ngo/ /rna bshal phug nyes pa'i rna ba'i nad la ni a sman ta dang/ 'dzam bu dang/ a mra gsum gyi lo
 ma bskol ba'i khu ba blugs par bya ste de'i 'og tu til mar gyis bskus la shing mngar dang/ gtsod dang/ pra puN+Ta rI ka dang/ yung nga dang/ 'di rnams zhib tu btags pa'i phye mas gdab po/ /yang na rgya skyegs
 dang/ til mar sbyar bas bsku byug byas na phan no/ /srog chags srin bus zos pa'i rna tang la ni ba lang gi lci ba'i dugs mang du byas la/ byi dang ka'i snying po btags pa'i phye ma bye'u mang du btsag pa'i gcin dang sbyar te bsku byug mang
 du bya'o/ /yang na dug mo yungs dang/ shing ingku ta dang/ ke rany+dza'i sa bon dang/ dong ka'i shun pa dang/ de rnams kyi phye ma ba gcin dang lde gur byas te byug go /yang na sman gong ma de nyid kyi steng du nim+ba'i lo ma dang/ na la sham dang/ sbrang rtsi'i
 tshigs ma dang/ de rnams yungs mar dang lhan cig bskol bas rma byung ba la bsku byug bya'o/ /rna ba stobs kyis drags te 'ol ba la ni thog mar lus dag par bya ste/ ji ltar sbyor ba'i thabs su mtshams sbyar ro/ /rna ba 'on ma thag pa li ni khrag dag pa
 des de ma zag skyang la de nas slon khrus kyis lus dag par bya'o/ /de'i 'og tu rna drung gi skra tshoms kyis bcings te/ de mtshon gyis bshal bcang ba dang/ bzhar la ci rigs par mthon dman med par legs par sbyar la/ zhun mar dang
 sbrang rtsis byugs pa'i ras bal gyis glan te/ skud pas mi dam mi ltod par bcing ngo/ /de nas ltar ga'i cho ga bzhin du khrag dbyung ste/ rma la phan pa'i sman gyi phye ma yang gdab po/ /gso ba gzhan dag na rmi gso ba'i cho ga ltar bya'o/ /de nas
 zhag bdun lon pa dang/ 'bru mar ma tshos par bskus la ras bal gyis glan pa dal bus dgrol lo/ /de nas rma de 'dubs te mthon dman med cing brtan la snga ma'i sor chud cing nad med pa lta na/ bu ga yang rim gyis rgyang ngo/ /nye lcibs
 dang Ta bsral phre'u dang/ ser po rnam gnyis dang/ pri ha tI'i 'bras bu dang/ a shwa gand+ha dang/ kha la dang/ ha ti pi pi ling dang/ yungs kar ser po dang/ ka sha ta ki dang/ a shwam ra dang/ ru shi dang lo ma bdun pa dang/ 'di rnams kyi rtsa ba dang/ tshu btsun
 d+he ri zhes bya ba ganda mu shi dang/ sa nag po dang/ sbrang mi'i mkhar dang/ bye'u dang/ chu la skyes pa'i srin bu pad+ma'i sha dang/ gseng phrom dkar po'i rtsa ba dang/ 'di rnams cham chom du brdungs te/ ril mar dang/ ma he'i mar dang/ rta dang/ glang po
 che'i gcin dang/ tshos rab tu bskol te mar lus pa las rna bar bskus na/ rna ba'i bug skyed cing 'byor pa'i mchog yin no/ /de la skyes bu na chod la gnas pa gang zhig gi rna chad par 'gyur na thog mar lus dag par byas la/ de'i 'og tu gso bar
 bya ste/ rma'i rma ci tsam ba'i bdag nyid kyi mkhur tsos kyi pags pa shing shun ba shus pa bzhin du bshus la sha ma snad par byas te/ rna chog gi pags pa'i zur mi bcad par rna'i rma la bskus pa/ /de nas rna'i rma legs par bshar la mkhur tshos
 kyi pags pa bshus ma thag pa gsang bas glan te/ ras skud phra mos legs par btsems la ras dkris la bzhag go/ dbugs bde bar 'byung bar bya ba'i phyir shing spubs can gnyis kyi tham bu bcug la bzhag go/ de'i 'og tu til mar
 ma tshos pas bskus la/ de mas rma shing dang/ shing mngar dang/ stang zil dang/ gzhan yang gtor ka'i gso ba'i sman rnams zhib tu btags pa'i phye mas gdab po/ /bcings pa'i steng nas kyang sbrang rtsi dang mar sbyar bas bsku'o/
 nye bar spyad pa thams cad kyang chu dron pos bya'o/ /gso ba gzhan rnams nad gzhi'i bye brag shes par byas te/ /de dang mthun par sma sar ba gso ba'i cho ga thams cad 'dir sbyar ro/ /de ltar rma legs par drubs nas rna'i nye 'khor
 gyi sha 'phyang ba'am/ lhag pa ltar snang yang legs par bcad de yang mtshams zhib tu bcom mo/ /gang du dma''am gshod ba ltar snang na ni skyed de/ rna'i dbyibs ci rigs par legs par sbyar ro/ /rna de ma thag gsar
 du chad pa yin na yang cho ga de ltar bya'o/ /rna'i tham bu'i shing gnyis kyang mchu'i grang thad nas rna'i dbyibs mi nyams pa'i phyir drang por legs par bzhag go /rna ba'i nad gso ba'i le'u ste bco brgyad pa rdzogs so// //de nas sna nad kyi
 dmigs rtag pa'i le'u bshad par bya ste/ de la sna nad cham pa zhes bya ba'i rgyu ni kha spub du nyal ba dang sna'i nang du rdul zhugs pa dang/ drag tu smra ba dang/ nyin par gnyid log pa dang/ nub mo gnyid ma log pa dang/ gos ngan pa dang
 yang na gos lci ba gyon pa dang/ dro ba'i rdzas la chu grang 'thung ba dang/ nyal bo dang/ lam gyis du ba ba'i 'og tu chu mang du 'thungs pa dang/ skyugs pa dang/ mchi ma byung ba dang/ bsgags pa'i rgyus rlung nad shas cher 'khrugs pa gyur te/
 sna chu 'dzag cing cham pa skyed pa yin no/ /de gso bar ma byas na klad pa zad par byed do/ /de la rlung las gyur pa'i sna nad cham pa'i mtshan ma ni gdong skem pa dang sprid pa drag tu 'byung ba dang/ sna subs shing na ba dang/ so dang mur 'gran
 dang/ glad pa na ba dang/ smin ma'i steng du grog ma rgyu snyam byed pa dang/ skad gzhan pa dang myur du ma smin pa dang/ sna nas bad kan dang bal dang bsil ba 'dzag pa yin no/ /de la mkhris pa las gyur pa'i mtshan ma ni skom dang che ba dang/ lus
 tsha ba dang sna'i phyi nang du 'brum bu phra mo 'byung ba dang/ sna'i rtse mo btsos pa 'dra ba dang/ mgo 'khor ba dang/ 'dzag pa yang mdog dmar ba dang/ ser pa rnams yin na/ /bad kan las gyur pa'i sna nad kyi mtshan ma ni kha zas yi gar ma
 'ong ba dang/ dbugs mi bde ba dang/ lus lci ba dang/ skyugs pa dang/ kha mngar bro ba dang/ g.ya' ba dang/ snum ba dang/ 'dzag pa dkar zhi ba dka' ba rnams yin no/ /'dus pa las gyur pa'i sman nang gyi mtshan ma ni ldang dub du byed pa rnams yin no/ /khrag
 ma rungs pa sma spubs kyi nang du zhugs nas cham par gyur pa'i mtshan ma ni brang gi nad bem bem por gyur ba dang/ mig dmar ba dang/ dbugs dri mi zhim pa dang/ rna ba g.ya' ba dang mchil ma dang/ chu 'dzag pa dang/ gzhan yang mkhris pa'i mtshan nyid
 kyang 'dir bltar/ /sna nad cham pa de dag kun yal bar bor te gso bar ma byas na ni shas cher 'phel bar 'gyur te/ gong du bshad pa'i nad de dag pas tshar rmer skyes nas dbang po rnams gzir bar 'gyur te me drod nyams pa dang/ tsha ba che ba dang khu
 mi bde ba dang/ lud pa dang brang dang/ rtsib logs su zug cing na ba dang/ glo bur du nad mang du 'khrug cing kha dri mi zhim zhing skam pa dang/ sna'i nang rul ba dang/ skem ba dang/ snabs bcir na 'gag cing mi phyin pa dang/ 'dzag pa yang ril ril por rtsag
 'ang bar 'byung zhing de yang dkar ba dang/ gnag pa'i mdog tu srin bu dang bcas par 'byung zhing/ srin bu de yang snum zhing ring ba dang/ dkar zhing gsang ba rnam yin te de nyid smin pa'i mtshan ma ni lus yang ba dang/ sprid pa zhi bar 'dzag
 pa yang 'jam zhing ser ba dang/ dri dang ro mi tshor ba rnams yin no/ /de la dud pa rnon po rdub pa dang/ nyi ma'i 'od kyis shas cher phog pa dang/ skud pa dang rtsa la sogs pas snad pas sna'i rmen pu snyim ma rungs bar byas pas rlung 'khrugs te rtsa so
 'gag cing/ sna'i sum mdor rlung bsten te drag tu sprid pa'o/ /na zhing sna chu 'dzag pa yang yod do/ /sna'i spubs su 'dzag pa rlung gis bskams te/ nad du grams gang bsnyam sems shing dbugs mi bde bar ma phyin de 'byung dka' ba dang/ sne dus
 ba bzhin du gang bar 'gyur te/ de ni sna nad skam pa zhes bya'o/ /sna'i nang du bad kan gyis bgags te reng du srabs gang ba snyam sems shing/ dbugs kyi 'byung rdub bkag nas rgyun srang rnams dog par gyur pa'i nad kyang
 yod do/ /mkhris pa sna nad smin te sha dang/ pags pa zug gzer dang bcas shing/ 'dzag pa chu dang 'dra ba sla bar 'byung ste/ khyad par du nub mo 'dzag pa de ni sna nad smin pa 'dzag pa zhes bya'o/ /bad kan shas tsha ba'i sna nad kyi rtags ni sna'i
 rtsa rgyun 'gag pa dang/ dbugs sgra dang bcas par 'byung ba dang/ snga ma bas ches sna chu 'dzag pa dang/ nad smin ba dang/ sna spubs nas rnag ska ba dang/ ser ba mchi ma 'dzag pa bzhin ru rgyun du 'byung ste/ de yang spyi bag tu 'dug pa
 yin no/ /khrag ma rungs pas sna nad skyes pa'i rtags ni sna'i phyi nang rab tu tsha ba dang/ reg na mi gzod pa dang/ dbugs byung ba yang tsha zhig dku ba 'byung ba yin no/ /rkan phugs su nang gzhi 'khrus te/ rlung nad bad kan dang bcas pa'i rnag
 sna dang kha nas 'dzag cing 'byung bar 'gyur te/ de ni sna dang rnag can bya'o/ /'dus pa las gyur pa'am/ glo bur du snad pa las gyur kyang rung/ rnag dang khrag sna'i sgo nas 'dzag cing spyi bo tsha ba de ni sna nad rnag khrag can zhes bya'o
 mkhris pa dang bad kan gyi rgyun srang rlung gis 'gags te/ snad gi 'dzag pa rnams bskams nas bsgongs pa skam po de ni bad kan bya zhes bya'o/ /sna nad thor bu dang 'brum bu can zhes bya ba ni nad gzhi dang mthun pa'i mdog tu snang ba'i 'brum bu 'byung
 la de thams cad dbugs 'byung dka' zhing sna chu 'dzag pa dang/ sprid pa rtag tu 'byung ba dang/ sna skad du gsungs par smra ba dang/ rnag 'dzag pa dang klad pa na ba rnams yin no/ /de rnams ni rnam pa bco brgyad de/ de las gang yang rung ba'i gsong mi byas na ni
 nad 'phel zhing thu bar 'gyur ro/ /sna nad kyi dmigs brtag pa'i le'u ste bcu dgu pa rdzogs so// //de nas sna nad gso ba'i le'u bshad par bya ste/ de la sna nad cham ba thams cad la/ thog mar nad pa rlung med pa'i khang par bzhag ste/ snum bcos dang/
 dugs dang/ slon dang/ du ba rdub pa dang/ mkhur bar btsad ba rnam bsten la/ gos kyang lci zhing dro ba dang/ mgo la thod chen po bcing pa dang/ kha zas yang ba dang/ skyar pa dang/ lan tsha dang/ snum pa dang/ dro bag dang mi sla ba dang/ skam sa'i sha dang/ bu ram dga' 
 ma dang/ mon sran tsan ka dang/ zho dang se'u 'bru dang/ tsha ba gsum shas che ba'i g.yogs su sbyar ba dang/ nad dang/ dro shas che ba'i kha zas dang/ la phug gzhon nu dang/ rgya sran ku tutha'i khu bcud kyang rab tu bsngags so/ /rtsa ba bcu pa bskol ba'i khu ba dro 'jam tsam 'am/ chang
 rnyed pa btung bar blud do/ /tsa rong dang/ agni man+tha dang/ shu dag dang/ zir dang/ zir nag po dang/ de rnams kyi phye ma bsnams par bya'o/ /tsha ba gsum dang bal bu'i lo ma dang/ dbyi mo dang trika dang star bu dang/ ci tra ka dang/ zir dang/ de rnams srang gnyis gnyis dang/
 shing tshu dang/ sug smel dang/ ganda ba tra de dag srang phyed phyed dang/ bu ram rnying pas rang lnga bcu dang/ tshul bzhin du bskol te ri lur byas pa zos na snam da cham pa dang/ dbugs mi bde ba dang/ lud pa lu ba rnams 'joms te/ mig 'bye ba dang/ skad snyam par byed pa'i
 mchog yin no/ shu ta'i shun ba dang kha la dang/ skyon nag dang/ e raN+Da dang/ bilba dang/ dong ka dang de rnams kyi rtsa ba dang/ zhag dang mar dang/ spra tshil dang sbyar ba'i dud pas bdug pa'am/ yang na kham por kha sbyar chud du'i nang du mar dang phye bsregs pa btsug la/ bsregs pa'i
 dud bas bdugs na phan no/ /sna nad can gyi spang bar bya ba ni lus bkru ba dang/ lus gtsang sbra spyod pa dang/ shas cher ngal ba dang/ chu grang mo rnams spang bar bya'o/ /de la rlung las gyur pa'i sna nad cham pa la ni rlung 'joms pa'i sman dang/ bskal ba'i mar 'am
 lan tsha rnam lnga 'am/ sman bi da ra'i sde tshan nam/ de dag gang yang rung ba'i mar dang bskol ba blud pa'am de bzhin du dugs dang/ sna sman la sogs pa byas te/ klad pa phyed na ba'i sman yang 'dir sbyar ro/ /de la mkhris ba dang khrag las
 gyur pa'i sna nad la ni sman mngar ba'i sde tshan dang/ mar lhan cig bskol ba blud pa dang/ de bzhin du sman gyi blugs pa dang/ byugs pa yang sman bsil ba'i nus pa dang ldan pa las bya'o/ /sman d+ha ba'i shun pa dang/ 'bras bu gsum dang/
 khre dang shing par+Ni dang/ shing mngar dang/ seng phrom dang/ til mar dang/ de'i bcu 'gyur gyi 'o ma dang/ skyer pa dang/ de rnams lhan cig bskol te/ mar lus pa las sma sman btang bar bya'o/ /bad kan las gyur pa'i sna nad la ni smyur bar
 'dug pa dang/ yungs kar gyi lde gus mgo la byugs pa dang/ ya bak+Shar mar dang bcas pa blud de smon du gzhug go/ lan tsha dang/ tsha ba gsum dang/ byi dang/ ba dang/ dug mo yungs dang zi ra dang/ de rnams ra gcin dang btags te snar blugs
 par bya'o/ /'dus pa las gyur pa'i sna nad cham pa la ni sman tsha ba dang/ rno ba sbyar ba'i mar gyis snar blugs pa dang/ mkhur bar bcad ba rnams byas na/ gcong chen po dang/ srin bu'i nad dang/ sna nad ma rungs pa rnams sel to/ /tshwa ba
 gsum dang/ e raN+Ta dang/ byi dang ga dang/ thang shing dang/ bong nga dkar po dang/ ru rta dang/ ing+gu rta dang/ barta ka'i sa bon dang/ shing nye rong dang/ yungs kar dang/ pu ti mats+tsha ga dang/ agni man+tha'i me tog dang/ pi lung dang/ na le sham
 dkar po dang/ rta rtug btsir ba'i khu ba dang/ de'i gcin dang/ glang po che'i gcin dang/ de rnams lhan cig sbyar ba'i lde gus zar ma'i skud pa la bsgos te/ reng bur byas la/ de'i hud pas sna dang/ khar rdubs na phan no/ /sprid pa mang du
 'byung ba dang/ bad kan snang bsgongs pa gnyis la ni sna sman rnon pos bud par byas na phan no/ /bca' sga dang/ ru rta dang/ pi pi ling dang/ byi dang ga dang/ rgun 'bru dang/ de rnams bskol ba'i nang du sman de nyid kyi phye ma dang/ mar 'am til mar gang
 'byor pa dang yang bskol te/ mar lus pa las sna sman btang na/ sprid pa mang du 'byung ba dang/ bad kan bsgongs pa sel to/ sna skam pa la ni 'bru mar gyi bza' ba dang/ btung ba la sogs pa byas te/ sha khu dang sbyar ba btang ngo/ /de bzhin du ba bla'i mar
 gyi snum ches dang bdug pa dang/ dugs la sogs pa sna bus pa ltar gang ba la yang de ltar bya'o/ /sna nad dbugs tsha zhing bku ba la ni mkhris pa 'joms pa'i sman dang/ sna sman rnon po la/ sogs pas sna chu 'dzag go/ sna nad rnag can la ni
 bad kan gyi sna nad kyi gso ba rnams bya'o/ /yang na thog mar slon bya ste/ de'i 'og tu rgya skyegs dang/ kany+dza'i dang/ na le sham dang/ byi dang ga dang/ shing kun dang/ pi pi ling dang/ bu ram dang/ de rnams lug gi gcin dang btags te sna sman btang ngo/ /yang
 na shikru dang/ bri ha tI dang/ dan+ti dang/ tshwa ba gsum dang/ lce myang tsha dang/ byi dang ga dang/ bye'u rug pa de rnams til mar dang sbyar te/ sna sman byas na mchog tu phan pa yin no/ /sna dang khrag can zhes bya ba la ni khrag las gyur pa'i sna nad kyi gso ba
 sbyar ro/ /sna nad thum pa dang/ 'brum bu can zhes bya shas cher skyes pa la ni rma 'khyims pa'i gso ba ji lta ba bzhin du bya'o/ /de bzhin du dan+ti dang/ shing nye rong dang/ rgyam tsha dang/ ldong ros dang/ pi pi ling dang/ tsi tra ka dang/ de rnams btags pa'i
 phye ma mar dang sbrang rtsi dang/ sbyar ba'i red bu byas te/ snar bcug na phan no/ /gzhan yang shing ku la sogs pa'i sna sman yang de ltar sbyar te/ lhag ma sna nad khrag can gyi gso ba yang 'di la sbyar ro/ /sna nad gso ba'i le'u ste nyi shu pa rdzogs so// //
 de nas kha nad dmigs brtags pa'i le'u bshad par bya ste/ nya dang/ ma he dang/ phag dang/ de rnams kyi sha zos ba dang/ la phug rjen pa zos ba dang/ mon sran rde'u'i tshod ma dang/ zho dang/ 'o ma dang/ hwags dang/ de dag bsten
 pa dang/ kha bub tu nyal ba dang/ so shing gis snad pa dang/ dud ba dang/ skyugs ba dang/ mkhur bar na ba'i sman nyes pa dang/ gtar ka nyes ba ste/ rgyu de dag gis bad kan shas cher 'khrugs nas kha'i nad skyed pa yin no/ /de la rlung las gyur pa'i mchu
 nad 'gas shing dum bur song ba yod de/ de ni mchu 'gas pa'i nad ces bya'o/ /yang blung gis mchu rengs shing zug gzer dang bcas pa de ni/ rlung gi mchu nad ces bya'o/ /mchu drud cing dral bsnyam byed pa dang/ reg na rtsub bo rud cug por 'dug ba dang
 mdog gnag pa de ni chu bshags pa lta bu'i nad ces bya'o/ /mkhris pa'i mchu nad kyi rtags ni kha zas rno ba za mi 'dod pa dang/ 'brum bu phra mo ske tshe'i 'bru lta bu'i khyad par 'dug pa dang/ de yang myur du smin cing mang du rnags ba yin no
 bad kan las gyur pa'i mchu'i nad kyang grang ba mi bzod pa dang/ lci ba dang/ skrang ba ltar 'dug pa dang/ 'brum bu dkar pos khyab par 'dug pa yin no/ /'dus pa las gyur pa'i mchu nad ni mdog sna tshogs su 'dug pa dang/ dri ba dang/
 spyi bag tu 'dug pa dang/ blo bur du mdog nag por 'gyur ba dang/ skrang ba dang/ smin ma mi snyoms pa yin no/ /khrag 'khrugs pa las gyur pa'i mchu'i nad ni mdog dmar ba dang/ khrag zad pa dang/ bra go 'dra ba'i thor bu 'byung ba yin no//
 sha las gyur pa'i mchu nad ni sha'i 'brum bu mchu la snang zhing rim gyi srin bu skye ba yin no/ /tshil las gyur pa'i mchu'i nad ni/ skrang zhing rnag ste 'bru mar lta bu 'dzag pa dang/ g.ya' ba dang bcas shing reg na 'jam pa yin no/ /snang
 ba las mchu nad du gyur pa ni mchu yang dang yang bshags shing bsdus pa snyam sems pa dang/ g.ya' ba yin no/ /rlung dang bad kan 'dres pa'i mchu'i nad ni chu bur lta bu'i 'brum bu 'byung ba yin te/ de ni chu lta bu'i 'brum nad ces bya'o/ /de las mkhur ba'i med pa la phra
 mo zhes bya ba ni skrang ba brtan zhing mkhur ba nyid tsha 'ur 'ur bo 'dug pa yin no/ /de la rlung las gyur pa'i so nad ni dro ba dang/ reg na lhag par na ba yin no/ /so zug gzer che zhing chag pa snyam byed pa de ni so nad grang zhing chag ba lta bu'i nad ces bya'o/ /rlung gis thag pa dang
 ?? kyis so brtse ste/ kha zas grang mo zos na sos mi ma zod pa dang/ skyur ba de nyid zos na nad dang bcas shing byung ba snyam byed pa de ni so brtse ba'i nad ces bya'o/ /so na zhing zug la bye zhing chag par 'gyur ba yang yod de ni so bye'i nad ces bya'o/ /so 'gul zhing kha
 zos zos na cher rgab ni sa 'gul ba'i nad ces bya'o/ /gang gi sro rtsegs mar skyes pa ni so lhag gi nad ces bya'o/ /gang so lhag skyes pa'i dus su lhag par na zhing skyes phan chad zhi ba des ni sos skyes pa'i nad ces bya'o/ /rlung dang bad kan gyi so bskams pa'am/
 so'i dri ma ma dkrus pas dri mi zhim par gyur te/ de nyid yal bar bor na so nad khar lta bu zhes bya ba 'byung ngo/ /yang gang gi so dum bu dum bur yang dang yang 'gog pa de ni so dum bur 'gog pa'i nad ces bya'o/ /yang khrag dang mkhris pa dang/ rlung gis so sngo bsangs su bsgyur ba
 de ni so nad sngo bsangs zhes bya'o/ /so'i rtsa bar rlung la sogs pa'i nyes pa 'khrugs te/ so'i nad bskams shing stong bar byas nas dri mas gang bar gyur te/ de ni so'i nang khong stong zhes bya'o/ /yang so'i rtsa ba rnams su srin bu phra mo skyes nas ldang
 dub tu drag tu na ba dang/ 'gul ba de ni srin bu'i nad rnag can zhes bya'o/ /yang so phyung ba las rnag dang khrag mdzags te/ de'i nang du srin bu skye ba ni/ so nad srin bu can zhes bya'o/ /gzhan gyi rgyu med par bad kan dang khrag gnyis kyi rnag dang khrag 'dzag
 la/ so'i rnyil rang babs ba dang/ reg na 'jam ba dang/ rul ba dang/ mdog dkar bar 'gyur te/ de ni so nad khrag 'dzag ba zhes bya'o/ /grang zhing bsil ba'i nyes pas mkhris ba dang khrag skyes te smin ba dang/ so'i rnyil tshos bar
 byed pa dang/ sha glo zhing khrag 'byung ste/ de ni u pa ko sha ces bya'o/ /so rtsa g.ya' ste khrag gis gang zhing khrag 'dzag pa de ni khrag 'dzag pa'i rnyil nad ces bya'o/ /so 'gul zhing zug gzer chung la kha rul bre ba de ni rul ba'i rnyil nad ces bya'o
 bad kan dang khrag gi rgyu so gnyis sam gsum gyi bar du rgya shug gi tshig gu tsam skrang ba de ni so'i nad bur bu zhes bya'o/ /nad gzhi gsum khrag dang bcas pas rnyil gyi phyi nang du skrang zhing lci ba dang/ na ba dang/ tsha ba dang/ brtol na rnag dang khrag
 'dzag pa de ni so rnyil gyi 'bras nad ces bya'o/ /mkhris pa khrag gis so'i rtsa bar skrangs pa dang/ na ba dang/ kha chu 'dzag pa dang/ rnyil rang nyid 'drul zhing 'byung ba de nyid khong stong zhes bya'o/ /'dus pa las gyur ba'i so'i rtsa'i nad ni tsha ba dang/ ldan zhing
 rnag khrag 'dzag pa dang/ so dang 'brel ba'i rgyus brnyed cing stongs pa de ni so'i rtsa'i nad khong stong chen po zhes bya ba yin no/ /bad kan gyi so'i bar du sha'i gzer lta bur skrangs pa dang/ 'gram ba dang rna bar rab tu na ba dang/ gso ba byas kyang mi rung ba
 de ni so'i sha lhag ces bya'o/ /blo bur du so shing la sogs pas snang cing reg pa las rnyil gyi nad drag cing che ba 'byung ste/ gong du so 'gul ba de ni bi dar zhes pa'i so rtsa'i nad yin no/ /rnyil gyi nad gso bar ma byas na ni gsor mi rung ba'i nad du
 'gyur ro/ /kha'i nang du nad gzhi rnams kyis pags pa dang/ sha dang rus ba rnams rul bar byas te/ nyes ba rnag dang bcas par rtsa sbubs phra mo nas yang dang yang 'dzag pa yod de/ de yang nad gzhi rnam pa lnga so so'i mtshan ma nyid bzhin
 du shes par bya'o/ /de la rlung las gyur pa'i lce'i nad ni lce rtsub pa sha'i lo ma 'dra ba dang/ dom tshir ba dang/ lcegs pa rnams yin no/ /mkhris pa las gyur pa'i lce'i nad ni tsha ba dang/ sha'i 'brum bu mdog dmar pos khebs pa yin no/ /bad kan
 las gyur pa'i nad ni shing shalma la'i tsher mas khebs pa ltar 'dug pa dang/ lci ba dag yin no/ /bad kan dang mkhris par ldan pa'i lce'i nad ni lce'i 'og tu skrang zhing tho ba dang/ lce gyong ba dang/ smin ba dang/ nya'i dri bro ba dang/ lce'i sha 'dral ba de ni lce
 nad a las zhes bya'o/ /lce'i 'og gi rtsar lce'i rtse mo 'dra bar skrang zhing sha'i myu gu skyes te kha chu 'dzag pa dang/ lce ldib ba dang/ reg na rtsub ba de ni bad kan dang mkhris pa dang/ khrag las rgyu ba yin te/ de ni lce lhag ces bya ste/ na zhing g.ya' ba dang
 smra mi nus shing zas bza' mi nus par 'gyur ro/ /de dang 'dra bar lce phugs su yang lce lhag skye ba yin te/ de ni lce'i steng na gnas pa yin no/ /de la rkan gyi sha nang du rlung 'khrugs te/ 'brum bu phra mo sra ba ma ba du mthug ba 'byung ste/ de yang nad dang bcas
 shing 'dzag pa dang ldan pa de ni bad kan gyi 'brum bu zhes bya'o/ /rkan phugs su bad kan dang/ brag 'khrugs te/ nya'i lgang ba 'dra bar skrang zhing 'og tu babs te/ reg na 'jam pa dang/ spyi bag tu 'dug pa dang/ zas zos pa rnams sna nas 'byung zhing/ lkog
 ma 'gag bar byed pa dang/ skom dang che ba dang/ lud pa lu ba dang/ skyug bar byed de de'i ming ni lce'u chung gi nad ces bya'o/ /yang rkan gyi nang gi sha cher skyes te/ nad med pa de ni sha'i tshogs zhes bya ba yin no/ /rkan gyi phugs su pad+ma dmar po'i mdog dang
 'dra bar skrangs pa de ni rkan gyi nad chu bur lta bu zhes bya'o/ /yang rkan gyi dbus su rus sbal gyi rgyab 'dra ba'i shas yun ring po nas 'phel zhing skyel nad med pa de ni bad kan las gyur pa yin te/ de ni rus sbal gyis rgyab 'dra ba'i nad ces bya'o/ /yang bad kan la
 rgya shug gi 'bras bu'i 'brum bu nad med cing brtan bar 'dug pa de ni bad kan dang tshil las gyur pa yin te/ de ni rkan gyi nad pur bu ta zhes bya'o/ /mkhris pa las gyur pa'i rkan gyi nad ni myur du smin pa zhes bya'o//
 rlung dang mkhris ba'i rkan nad ni tsha ba dang/ bya rmyang byed pa dang/ rkan bskams pa de la ni rkan bskams pa'i nad ces bya'o/ /de ltar na rkan nad brgyad du bshad pa yin no/ /lce'i rtsa ba lkog ma dang 'brel ba'i nang du sha'i myu gu lta bu skyes te/ myur
 du 'phel zhing mgul pa skem la phral pa dang rna ba na ba de ni rlung las gyur pa yin no/ /sha lhag de myur du mi bzad par sra la rgyun srang rnams bkag nas 'dug pa de ni ro hi na zhes bya ste/ myur du ma gsos na srog la 'bab par 'gyur bas gso ba myur
 du bya'o/ /mkhris pa las gyur pa'i lkog ma'i nang ni tsha zhing rab tu na ba dang/ skom dang che ba dang/ smod bag tu 'dug pa dang/ lkog mar dud pas bdugs pa snyam byed pa dang/ nad myur du 'phel ba dang/ myur du smin pa dang/ lhag par dmar ba dang
 reg mi gzod pa dag yin na/ /bad kan las gyur pa'i lkog ma'i nad ni 'jam zhing dkar ba yin no/ /khrag las gyur pa ni 'brum bu me'i 'dab ma ltar dmar bas khyab pa dang/ rna ba na bar byed de mtshan ma gzhan ni lkog ma'i khris pa'i nad dang 'dra'o
 'dus ba las gyur pa'i nad ni zabs su smin cing mtshan ma kun dang ldan pa yin no/ /bad kan shas che ba'i lkog ma'i nang ni rgya shug gi 'bras bu tsam du skrang zhing gong bur 'dug ba yin te/ de yang nang du tsher mas zug pa bzhin du na la rgyun srang
 'gags pa de ni sha lu ka zhes bya'o/ /lkog ma'i nang du 'brum bu mtho zhing zlum pa 'byung ste/ de yang tsha 'ur 'ur por 'dug pa dang/ rim gyi 'debs pa dang/ lkog ma'i ngos gnyis su mched cing 'gram pa'i tshig gnyis su brtan pa dang/ ma? ru
 ba'i nang du ras bal gyi 'bras bu 'dra bar 'dug pa de ni lkog nad brin da zhes bya'o/ /yang mgul ba'i nad nang skrang zhing reg na spyi bag tu 'dug pa de ni lkog ma'i nang du d+ha ka ri ka zhes bya'o/ /yang lkog ma phyi nang du tshabs char skrang zhing brtan pa dang/ dra bas mgul ba'i laM
 ? ba dang/ mgo lci ba dang/ snyom pa dang/ kha chu 'dzag pa dang/ rims kyis 'debs par byed pa yin te/ de ni lkog ma'i nad gso dka' zhes bya'o/ /yang lkog ma'i dang gdu bu ltar skrangs te/ de yang rgya che ba dang mthong por 'dug la nad tshabs chung ba ni lkog ma'i nad ba du
 bu lta bu zhes bya'o/ /yang lkog ma'i nang du nad gzhi'i nyes pa dang/ sha'i mdzer ba gcig gam mang yang rung ste skyes la/ de yang nad chung ba la ni sha mdzer lta bu'i lkog nad ces bya'o/ /nad kyi rtsa rnam du khyab ste/ dpugs shin tu dka' bas mthon pa de ni lkog go
 nad kyi la yug zhes bya'o/ /lkog ma'i nang du sha'i myu gu la khyab ste/ shin tu skom dang che ba dang/ tsha ba che ba dang/ mgo bo na ba de ni sha'i myu gu lta bu'i nad ces bya'o/ /lkog ma'i nang sha'i reng bus lkog ma'i nang khyab ste/ tshab cher na ba ni sha tag+g+ha ni zhes bya'o/ /log ma'i
 nang du nad kyis myur du khyab pa dang/ tshabs cher na ba dang/ lkog ma'i nang du skrang ba dang/ rnag dang 'dra ba 'dzag pa de ni lkog ma'i 'bras nad ces bya'o/ /lkog ma nas lce'i tha ma'i bar du smin mi shes par skrang zhing khrag dang bcas par brtan par byed pa de ni lkog ma'i
 nad sman gu zhes bya'o/ /rlung dang bad kan tshil gyis skrang ba yun ring po nas 'phel zhing/ rlig pa bzhin du phyi rol du glo bar skye sna pa de ni lkog ma'i nad lba ba can zhes bya'o/ /yang na de nyid rtsa gnag cing shas cher na ba dang/ rtsa sngo bsangs kyis khyab pa dang/ lkog ma dang/ rkan
 bskams pa dang/ lces ro mi tshor ba de ni rlung gi lkog ma'i nad ces bya'o/ /bad kan las gyur pa'i lkog ma'i lbab na brtan pa dang/ mdog dkar ba dang/ reg na grang ba dang/ lci ba yin te/ tshabs tsher skyes na ni lkog ma dang rkan bad kan gyis g.yogs cing
 kha mngar ba yin no/ /bad kan dang tshil 'dres pa las gyur pa'i lkig nad lwa ba cher skyes na ni drod med pa dang/ lus la cher mched pa dang/ sgra dar dar por 'don cing skad chung bar 'gyur ro/ /bad kan gyis rlung 'gags te mgul pa
 bskams shing skad 'gags pa dang/ ha mya 'khrugs pa dang/ rtag tu dbugs mi bde ba yin te/ de ni lkog ma'i nad skad nyams pa zhes bya'o/ /rlung gi kha'i nang kun du rma bskyed de/ rma de yang mdog dmar skyar 'dug pa dang/ rtsub pa dang/ phan tshun 'pho ba dang/ mchu shin
 tu dmar ba dang/ pags pa 'gul ba dang/ lces grang ba mi bzod pa dang/ lca bsgul dka' ba dang/ 'gags pa dang/ tsher ma bshibs pa ltar 'dug pa dang/ lce 'byin par dka' ba de ni kha'i nad smin pa zhes bya'o/ /gzhang 'brum dang/ skran dang/ bad kan rnams kyis
 sman kyi rlung rang gi gnas nas nyams par byas nas stong du 'byung ste/ kha dri me zhim par byed pa ni urd+ha g+hu da zhes bya'o/ /mkhris pa las gyur pa'i kha'i nad ni smin pa dang/ che 'ur 'ur por 'dug pa dang/ dbugs grang mo rdub 'dod pa dang/ kha bro ba dang/ smad pa rma'i steng du thal
 sman blugs ba snyam sems pa yin no/ /khrag las gyur pa'i kha nad kyang de dang 'dra bar lta'o/ /bad kan las gyur pa'i kha'i nad ni kha mngar ba dang/ g.ya' ba dang/ rma 'byil bag can du 'dug pa yin no/ /yang bad kan las gyur pa'i 'brum bu mkhur tshos kyi nang du
 bsten te 'byung la mdog gnag cing skya ba skyes te 'dar zhing bcad de mnyen pa la sogs pa byas na ni phyir zhing thu bar byed do/ /nad gzhi 'dus pa khrag dang bcas pa'i kha nad smin pa ni nad gzhi kun gyi mtshan ma dang ldan pa yin no/ /so shing la sogs pas kha'i
 nad ma rungs par byas te rnag 'dzag par gyur na ni kha nad rnag 'dzag par 'gyur ba zhes bya ste/ de ltar kha nad rnam pa brgyad du bshad pa yin no/ /chu dang mkhur ba dang so dang/ so'i rtsa ba dang/ lce dang/ rkan dang/ 'gul ba dang/ kha dang 'di rnams kun la spyir
 nad bdun cu rtsa lngar? bshad de/ de yang bcu gcig dang/ gcig dang/ bcu gsum dang/ drug dang/ brgyad dang/ bco brgyad dang/ brgyad de mchu la sogs pa'i nad dang/ go rims bzhin du sbyar ro/ /so'i nad ka ra la dang/ sha dang khrag las skyes pa'i mchu nad dang/
 chu'i 'brum bu dang/ 'brum bu skam po dang/ rus sbal gyi rgyab 'dra ba'i nang dang lo ga dang/ khong stong chen po dang/ skad nyams pa dang/ urd+ha gu da dang/ sngo bsangs dang/ shag tag+g+hi ni dang/ gdu bu lta bu dang rma 'khyims pa lta bu'i nad dang/ 'dus pa las gyur pa dang/ re hi
 na'i nad thams cad dang/ so 'gas pa'i nad dang/ so chag pa dang/ smin pa'i nad dang/ lce lhag dang/ lba ba dang/ skad nyams pa dang/ dbugs dka' bas thon ba dang/ kha nad smin pa dang/ so brtse ba'i nad dang/ so 'gas pa'i nad dang/ de dag ni mi la tsam du gsor rung
 ngo/ /lhag ma ni mtshon dang/ sman gyis gso bar bya'o/ /kha nad kyi dmigs brtag pa'i le'u ste nyi shu rtsa gcig pa rdzogs so// //de nas kha nad gso ba'i cho ga'i le'u bshad par bya'o/ /de la mchu gas pa'i nad la ni dang po mtshon gyis gras te/ de'i
 'og tu btsoms la de nas rma gso ba'i cho ga ji lta ba bzhin du bya'o/ /shing mngar dang/ khre dang/ seng 'phrom dang/ sh+ra ba ni dang/ thal dres dang/ utpal dang/ pa to la dang/ ka ka ma tsi dang/ de rnams til mar dang lhan cig bskol te bsku bar bya'o/ /yang
 na snum 'joms pa'i sman mngar ba ji snyed pa til mar dang bskol te/ til mar lus pas sna sman du sbyar ro/ /yang na snum chen po bzhis rlung 'joms pa'i sman dang bskol ba'i mar gyi ras bal gyi 'dab ma dang bsgos te mchu la glan na/ rlung las
 gyur pa'i mchu'i nad sel to/ /sa la'i thang chu bra tshil dang/ gu gul dang/ thang shing dang/ shing mngar dang/ de rnams kyi phye mas rma la gdab par bya'o/ /mchu bshags pa lta bu'i nad la ni e raN+Ta'i lo ma dang/ 'o ma dang bskol bas dugs bya'o/ /mchu
 'gas pa'i sna sman bshad pa yang 'dir klad par dugs bya ste/ nyams brta bar bya'o/ /mkhris pa dang snang pa las gyur pa'i mchu nad la ni srin bu pad+mas khrag dbyung ngo/ /yang na seng phrom dang/ sra rtsi pog dang/ shing mngar dang/ sbrang rtsi dang bcas pa'i phye
 mas mchu la gdab bo/ /yang na sle tres dang/ shing mngar dang/ rma shing mar dang lhan cig bskol te mar lus pas bsku byug bya'o/ /sha dang khrag las gyur pa'i mchu nad la ni mkhris pa'i khor 'bras kyi gso ba 'dir sbyar ro/ /mchu nad gsar du byung ba la yang de bzhin du
 bya'o/ /bad kan las gyur pa'i mchu nad la ni khrag gtar te/ de'i 'og tu pa tha'i thal ba dang/ sbrang rtsi dang tsha ba gsum sbyar bas bsku'o/ /de bzhin du du ba btang ba dang/ sna sman dang mkhur par bcang ba rnams kyang bad kan 'joms pa'i sman dang sbyar ba btang ngo/ /tshil las
 gyur pa'i mchu nad la ni thog mar dugs byas la de'i 'og tu dral te tshil phyung la de nas mes bsregs te/ bri yaM ku dang/ gseng phrom dang/ 'bras bu gsum dang/ sbrang rtsi dang sbyar bas bsku bar bya'o/ /chu bur lta bu'i mchu'i nad la ni thog mar brtol la sman rnon po dang sbrang rtsi
 dang sbyar bas byug par bya'o/ /chu bur de tshabs cher skyes ba la ni thal sman nam me'i las kyis gso bar bya'o/ /mkhur ba'i nad gso ba med bal phra mos khyab pa la ni skrang nad kyi gso ba thams cad 'dir sbyar ro/ /so nad gso ba de la rlung las gyur pa'i so nad la ni thog
 mar du gso bya ste/ de'i 'og tu so rtsa mtshon gyis bris la mes bsreg go /gla sgang dang/ rgyam tsha shas cher dang/ sbrang rtsi dang til mar sbyar bas bsku'o/ /se'u shun ba dang/ 'bras bu gsum dang/ skyer khaN+Ta dang/ 'dzam bu'i rkang dang/ pri yang ku dang/ bca' sga dang/ de rnams
 'o ma dang lhan cig bskol ba'i khu ba mkhur bar bcang ngo/ /e raN+Ta'i mar sna sman du sbyar ro/ /so brtse ba dang/ so bye ba'i nad la ni rlung 'joms pa'i gso ba thams cad bya'o/ /yang na til mar dang/ shing mngar dang/ sbrang rtsi dang/ 'o ma rnams bskol te mkhur
 bar bcang ngo/ /so 'gul ba'i nad la ni rtsa ba bcu bo mar dang bskol te mkhur bar bcangs na phan no/ /yang na spangs ma dang/ seng phrom dang/ pi pi ling dang 'bras bu gsum dang/ shing mngar dang/ lan tsha dang/ de rnams kyis bsku ba'i sman du sbyar ro/ /snar blugs ba dang mkhur
 bar spo? ba dang/ kha zas la sogs pa yang gnas skabs ji lta ba bzhin du snum dang sbyar bas btang ngo/ /so lhag gi nang dang/ so dum bur 'gog pa gnyis la ni thal sman gang rnyed pas so bsku bar bya'o/ /so'i nad srin bu can la ni thog mar dbral la/ gong ma bzhin du thal sman gyis btab
 so? khrag gzags la/ khrag zad pa dang bsregs la rma gso ba'i cho ga thams cad bya'o/ /so nang sha kha ra zhes bya ba la ni/ a hiM sh+ra dang danda'i rtsa ba gnyis kyi so brud la/ de'i 'og tu thal sman gyi phye ma sbrang rtsi dang sbyar bas bsku'o/ /so nang dum bur 'gog pa la ni so brtse ba'i gso ba rnams
 'dar? dpyad do/ /so nad srin bu can so mi 'gul ba la ni thog mar dugs byas la khrag dbyung ngo/ /snum chos bya ba dang/ byugs pa dang/ mkhur bar bcang ba dang/ snar blugs pa la sogs pa rlung 'joms pa'i sman dang snum dang bcas par sbyar ba btang ngo/ /so'i nad khos
 stong du 'dug pa la ni bu ram 'am/ bra tshil gang yang rung bas stong pa bkang ste/ bsreg pa 'am/ yang na shing lo ma bdun pa dang/ arka'i lo mas nang bkang na srin bu'i zug gzer 'joms so/ /shing kun dang/ katpa la dang/ nag tshur dang/ sra tsi ka dang/ ru rta dang/ byi dang
 ga dang/ de rnams kyi phye ma so la gdab pa 'am/ yang na phye ma de nyi ras las sgos te/ so la gdab cing glan na/ so'i zug gzer 'joms so/ /yang na sman de nyid til mar dang bskol bas mkhur bar bcang na yang phan no/ /yang na e raN+Ta dang/ pri ha tI rnam gnyis dang/ b+hu ga dam+ba dang/ de
 rnams bskol ba'i khu ba mkhur bar bcang ngo/ /gso ba'i sbyor ba mang du byas kyang nad ma zhi ste/ nad gting zug pa lta na dang po skam pa chung ngu 'am/ so dbyung ba'i dpyad kyis so thog ma rtsa ba nas dbyung ngo/ /de nas shing mngar gyi phye ma til mar dang sbyar ba mkhur bar bcang par bya'o/ /de'i
 'og tu sman bi da ri dang/ shing mngar dang/ sh+riM ga ta ka dang/ rgun 'bu dang/ til mar dang/ de'i bcu 'gyur gyi 'o ma dang/ lhan cig bskol te mar lus pa sna sman du sbyar ro/ /de la so dbyung du mi rung ba ni/ lus skem zhing nyams chung ba dang/ rgan po
 dang rlung nad kyis nyams thag pa dang/ ya so dang de dag dbyung bar mi bya ste/ gal te phyung na ni brlag nyan mang du 'byung bar 'gyur ro/ /de ltar yin na yang gal te phyung ba lta na ni snum pa dang/ mngar ba dang/ bsil ba'i rim pa rnams byas na phan no/ /so nad khrag mang du byung ste/ grang ba
 la sogs pa'i nyes pa la ni sla sgang dang/ ardza ga'i shun pa dang/ 'bras bu gsum dang/ pri yang ku dang/ skyer khaN+Ta dang/ bca' sga dang/ de rnams kyi phye ma sbrang rtsi dang/ bcas pas gdab pa 'am sman de nyid bskol ba'i khu ba mkhur bar spo bar bya ba dang/ sman mngar ba'i til
 mar dang sbyar bas snar blugs pa rnams bya'o/ /so rnyil gyi nad u pa ku sha zhes bya ba la ni/ chu tshan de ma mkhur bar bcangs te dugs bya'o/ /de nas dkyil 'khor gyi dbyibs 'dra ba dang/ sha kha 'di'i lo ma 'dra ba'i mtshon gyis lan mang du bri bar bya'o/ /de'i 'og tu mar gyi snying khu
 sbrang rtsi dang sbyar bas bsku'o/ /rgya skyegs dang/ pri yaM kun dang/ rma shing dang/ rgyam tsha dang/ btsag dang/ ru rta dang/ bca' sga dang/ na le sham dang/ shing mngar dang/ skyer khaN+Ta dang/ de rnams bskol ba'i khu ba dro 'jam tsam mkhur ba bso zhing bcang ste/ de'i 'og tu mar gyi
 rnying khu 'am til mar gang yang rung ba mkhur bar bcang ngo/ /sman mngar ba'i sde tshan dang/ mar sbyar ba ni sna sman dang/ mkhur bar bcang bar bzang ngo/ /so nad bur bu lta zhes bya ba la ni thog mar dugs byas la/ de'i 'og tu bcang pa dang/ dbug pa dang/ bri ba rnams bya'o
 de nas shing mngar dang/ sra rtsi ka dang/ bca' sga dang/ rgyam tsha dang de rnams kyi phye mas gdab bo/ /so rnyil gyi 'bras nad la ni sman tsha ba dang/ rno ba dang dro ba dang/ rtsub pa rnams kyi mkhur bar bcang pa dang/ bsku ba rnams bya'o/ /pu tse shel dang/ ru rta dang/ ba spru ba dang/ skyer
 pa dang/ de rnams kyi phye mas brud par bya'o/ /sman bsil ba'i nus pa dang/ ldan pas smin du mi gzhug par bsrung de/ /gal te smin pa lta na ni mtshon gyi dbral la/ tshos pa nyid du bsreg go /snying gi nang khong stong zhes bya ba la ni thog mar mtshon gyis bcad pa 'am bris te de'i 'og tu
 seng phrom dang/ gla sgang dang/ shu ti dang/ 'bras bu gsum dang/ skyer khaN+Ta dang/ rma shing dang/ rgya skyegs shing dang/ de rnams kyi phye ma sbrang rtsi dang sbyar bas gdab par bya'o/ /sman de dag nyid katpal dang bcas pa bskol ba'i khu ba mkhur bar bcang bar bya'o/ /shing mngar dang/ seng phrom
 dang/ dur ba dkar po dang/ thal tres dang/ a ka ru dang/ tsan dan dang/ btsag yug snam dang/ kha ra dkar po dang/ de rnams til mar dang lhan cig bskol te/ sna sman du sbyar ro/ /so rtsa'i sha lhag skyes pa'i nad la ni mtshon gyis bcad de/ de'i 'og tu shu dag dang/ te dze ba ti dang
 pa tha dang/ swa rtsi ka'i thal ba dang/ de rnams kyi phye ma dang sbyar bas rma la gdab bo/ /pa to la dang/ nim+ba dang/ 'bras bu gsum bskol ba'i khu bas kha bkang ba byas na phan no/ /so rtsa'i nad bi da ra zhes bya ba la ni/ mtshon gyi dkyil 'khor 'dra bas khrag phyur la de nas
 thal sman gyis gdab bo/ /sna sman dang mkhur bar bcang ba yang sman bsil bas bya'o/ /gzhan yang lus gong 'og tu dag par bya zhing mgo'i khrus sman yang sbyar ro/ /so nang stong pa'i rtsa ba so skyas pa ni phyung la bsreg par bya'o/ /gang gis so yo zhing 'chus pa
 lta na ni bsrang ste/ mtshams su bu ram 'am/ sra tshil gyis dgang ngo/ /sri shing gi me tog dang/ po son cha dang/ seng ldeng dang/ sra du ga n+ta ka dang/ de rnams bskol ba'i khu bas bkru bar bya'o/ /lce nad gso ba de la rlung las gyur pa'i lce nad tsher ma ltar rtsub pa la ni
 shing 'o ma can gyis kha bskang zhing/ til mar gyis sna sman yang sbyar ro/ /de bzhin du rlung gis mchu nad gso ba'i cho ga thams cad 'dir sbyar ro/ /mkhris pa las gyur pa'i lce nad la ni mtshon gyis bzhar la khrag phyung la/ de'i 'og tu sman gyis
 gdab pa dang/ mkhur bar bcang ba dang/ sna sman yang sbyar ro/ /mngar ba'i sman dang sbyar ba byas na phan no/ /bad kan las gyur pa'i lce nad la ni dang po yungs kar dang/ tsha ba gsum la sogs pa sman rnon pos dugs byas
 na phan no/ /lce nad al sa zhes bya ba la ni mtshon gyis las mi bya'o/ /lce'i 'og tu lce lhag skyes pa'i nad la ni lcags kyu dgu pos bzung la drangs te/ de'i 'og tu sman rnon pos bskul ba la sogs pa bya'o/ /lce phugs su lce lhag skyes pa'i nad la ni dang bo? khrag
 zag ste nas tshig 'khus pa'i thal bas gdab bo/ /lce'u chung gi nad la ni snar blugs pa dang/ mkhur bar bcang ba dang/ brud pa la sogs pa'i cho ga bad kan gyi gso ba rnams 'dir sbyar ro/ /lce'u chung gi nad ga gon gyi sa bon bzhin du tshabs cher skyes te/ skrangs
 na ni sman pa mdun du 'dug ste lcags kyu gug pos mdun du drangs la/ mtshon gyi dkyil 'khor 'dra bas rtsa dang rtsa bar ma song ba'i dbus su bcad do/ /bcad drags na ni khrag zad de 'chi bar byed do/ /bcad chungs na ni nad 'phel bar byed do/ /de ltar bcad pa'i
 'og tu na le sham dang/ bong nga dkar po dang/ pa tha dang/ shu dag dang/ ru rta dang/ gla ba dang/ lan tsha dang/ de rnams kyi phye mas gdab bo/ /pu tse shel dang/ bong dkar po dang/ ba tha dang/ nis ba pa dang/ ru rta dang/ shu dag rnams bskol ba'i khu bas mkhur ba dgang
 bar bya'o/ /rkan nad gso ba dang/ rkan nad sha'i tshogs zhes bya ba dang/ chu bur lta bu dang/ rus sngal gyi rgyab 'dra ba dang/ gsum la ni mtshon gyis bri ba'i las bya'o/ /de nyid smin kyang rung ma smin kyang rung/ nag tshur dang/ skyer khaN+Ta dang/ sbrang rtsi sbyar bas bsku'o/
 mngar zhing bsil ba'i bskol ba'i khu ba mkhur bar bcad par bya'o/ /smin zin nas ni pad+ma bzhin du mtshon gyis dag la? te/ sman rno ba dang/ dro bas gdab par bya'o/ /ba sha ka dang/ nimpa dang/ pa to la la sogs pa rno ba'i sman rnams kyang mkhur bar
 bcad do/ /rkan skam pa'i nad skom dang med pa la ni kha zas kyi gong du zhun mar blud de/ de'i 'og tu kha zas bza' o/ /btung bar ni pi pi ling dang/ bca' sga bskol ba'i khu ba blud do/ /mkhur bar bcad ba ni skyur gang yang rung bar bya'o/ /snum chos su ni
 thang las skyes pa'i sha khu sbyin la/ zhun mar dang 'o ma ni sna sman du blugs so/ /lkog ma'i nad gso ba dang/ lkog ma'i nad la thog mar gtar kas khrag phyung ste/ sna sman rnon po'i las bya'o/ /skyer pa'i shun pa dang/ skyer khaN+Ta dang/ nim+ba dang/ dug mo yungs
 dang/ a nga dang/ gang yang rung ba bskol ba'i khu ba 'am/ thug pa'i nang du sbrang rtsi dang sbyar ba blud do/ /smin pa'i sman bya'o/ /'bras bu gsum dang/ tsha ba gsum dang nas tshig 'khus pa'i thal ba dang/ skyer pa dang/ tsi tra ka dang/ skyer khaN+Ta dang/ pa tha dang/ te ba ti dang
 nis ba ba dang de rnams tshwa dang/ ba gcin dang sbyar ba'i ri lur byas pa dang/ phye mar byas nas gdab pa dang/ mkhur bar dgang ba la sogs pa ci rigs par bya'o/ /lcang ma dang/ ge ri kir+Na ka dang/ gla sgang dang/ thang shing dang/ bca' sga dang/ shu dag dang/ dan+ti dang/
 mur ba dang/ de rnams lhan cig sbyar ba'i lde gu dro 'jam tsam bskus na/ na zhing skrang ba sel to/ /de la rlung las gyur pa ro hi na'i nad la ni/ phyi nang gnyis nas dugs bya ste/ myur du lan tsha dang ldan pa'i mtshon nam sen mos bzhar zhing bri bar bya'o/ /rtsa
 ba lnga bskol ba'i khu ba mkhur bar dgang ba dang til mar gyis sna sman yang sbyar ro/ /mkhris pa las gyur pa'i lkog ma'i nad la ni khrag phyung ste/ kha ra dkar po dang/ pri yaM ku dang/ sbrang rtsi sbyar bas bsku bar bya'o/ /seng phrom dang/ rma shing
 bskol ba'i khu ba mkhur bar bcad do/ /rgun 'bru dang/ pa ru ka sha bskol ba'i khu ba mkhur bar bcangs na yang phan no/ /khrag las gyur pa'i lkog ma'i nad la ni cho ga gong ma bzhin du byas te gso bar bya'o/ /bad kan las gyur pa'i lkog ma'i
 nad la ni gso dka' ste spang bar bya'o zhes kyang bshad do/ /bad kan las gyur ba'i lkog ma'i nad la ni me mdag dud pa can gyis bdug pa dang/ sman tsha ba rnams kyis bar ma par bya'o/ /yang na a pa marga'i 'bras bu dang/
 ge ri kar+Ni dkar po dang/ dan+ti dang/ byi dang ga dang/ rgyam tsha dang/ de rnams til mar dang sbyar bas sna sman dang mkhur bar bcad ba rab tu bsngags so/ /lkog ma'i nad brin da dang/ sha lu ka dang/ tu na ti ke ri dang/ gi la yu dang/ de rnams la yang gso
 ba gong ma bzhin du bya'o/ /lkog ma'i 'bras nad la ni khrag gzag ste/ 'bras bu gsum dang/ gi wang dang/ skyer khangTa dang/ btsag yug snam dang/ gseng phrom dang/ lan tsha dang/ rma shing dang/ pi pi ling dang/ de rnams kyis byug pa dang/ mkhur bar
 bcad bar bya'o/ /de la rlung las gyur pa'i lba ba'i nad la ni til dang/ le brgan dang/ zar ma dang/ byi la ya dang/ a sa la dang/ de rnams kyi sa bon btags pas dugs bya ste/ de'i 'og tu dbyung bar bya'o/ /de nas sma 'drubs pa dang/ shi tru dang/ gseng
 phrom dang/ agni man+tha dang/ ha sti pi pi ling dang/ ba sbru ba dang shing ta la dang/ a ru ra dang/ arka'i rtsa ba dang/ ga ra ga ta'i me tog dang/ de rnams sbyar ba'i lde gus yang dang yang bsku bar bya'o/ /yang na e ka shi ka chang ngam rang skyur las btags
 te bsku'o/ /sla tras dang/ nimpa dang/ dug mo nyung dang/ han sa pa ti dang/ ba la rnam gnyis dang/ thang shing dang/ pi pi ling dang/ de rnams til mar dang stan cig sbyar te blud de/ /bad kan las gyur ba'i lba ba'i nang la yang cho ga gong ma ltar bya'o/ /yang na
 anda dang/ bong nga dkar po dang/ bi sha li dang/ a tsa kri gi 'ol? ma se dang/ sku ba kha bo dang/ shu ka ha dang/ rgya skyegs shing gi thal ba dang/ de rnams btags pa'i phye mas byug ba dang/ dugs kyis bzhu ba la sogs pa yang bya'o/ /muk+Sha ka'i
 thal ba ba gcin dang bskyos te/ btsags pa'i khu ba'i nang du ci tse ba btsos pa'i zas dang/ btung ba yang spang ngo/ /yang na drug mo yungs kyi sde tshan lan tsha rnam lnga dang/ til mar dang lhan cig bsgrubs te blud do/ /de bzhin du bad kan 'joms pa'i
 bdug ba dang/ slon dang/ sna sman la sogs pa yang bsten par bya'o/ /tshil las gyur pa'i sba ba'i nad la ni dang po khrag gtar la de nas bad kan 'joms pa'i sman bsten no/ /yang na sman a sa na'i sde tshan ba gcin dang bskol ba'i khu ba snga dro'i dus su btud do
 de ltar byas kyang ma zhi na smin par bya ba'i cho ga byas la rma gso ba'i cho ga thams cad 'di la bya'o/ /kha nad gso ba kha nad smin? pa ni 'bras bu gsum dang/ pa thA dang/ rgun 'bru dang/ sna ma'i me tog dang/ de rnams bskol te bsgrangs pa'i nang du sbrang rtsi btab pas kha sru bar
 bya'o/ /yang na zim thig le'u sde tshan btags pa'i phye ma ldang cing kha'i ljam ljib phyir dpe'o/ /rlung gi kha nad smin pa la ni pi pi ling dang/ lan tsha dang/ sug smel gyi phye mas gdab bo/ /yang na rlung 'joms ba'i sman dang/ sgrub pa'i sna sman dang/ mkhur bar bcang ba
 yang bya'o/ /mkhris pa dang khrag las gyur pa'i kha nad la ni khrag mkhris 'joms pa'i sman sbyar ro/ /bad kan las gyur pa la ni bad kan 'joms pa'i sman bsten no/ /kha'i 'brum bu sra zhing brtan pa la ni sha kha ba tra zhes bya ba'i mtshon gyis dbral bar bya'o/ /skyon gang dang
 gang gi shas che ba brtags te 'dus pa'i nad la yang gso ba de ltar bya'o/ /kha'i 'brum bu tshabs cher ma skyes pa la ni dang po bcad la swa rtsi ka'i thal ba dang/ bca' sga'i phye ma sbrang rtsi dang sbyar bas rma la gdab cing/ de gnyis bskol ba'i khu ba sbrang rtsi dang sbyar ba mkhur bar
 bcad do/ /yang na sle tres dang/ nim+ba btags ba'i bye ma sbrang rtsi dang til mar dang sbyar ba mkhur bar bcad do/ /kha zas ni nas las byas pa bza' zhing sman rno ba dang sbyar ba'i til mar gyis sna sman dang bsku byug bya'o/ /kha nas rnag 'byung ba la ni du ba rdug pa dang
 sna sman rnon po btab par bya'o/ /btsod dang/ da ta ki dang/ bri yaM ku dang/ shug pa dang/ de rnams chu dang sbyar bas kha'i nang bkru bar bya ste phye mas kyang kha'i nang du gdab bo/ /so nad u ti shu'i bsil bcos dang/ sna sman la sogs pa yang 'dir sbyar ro/ /'bras
 bu gsum dang tsi tra ka dang tik+ta dang/ shing mar dang/ yungs kar dang/ tsha ba gsum dang/ gla sgang dang/ gser po rnam gnyis dang/ ya bak+Sha ra dang/ da trika dang/ skyur dang/ tsan dan dang/ lcang ma dang/ a shtsa t+tha dang/ 'dzam bu'i myu gu dang/ shun lpags dang/ a d+hi ma ra'i shun
 pa dang/ seng ldeng gi snying po dang de rnams bskol te tshigs ma bor la dangs ma yang bskol te/ skan ter song ba'i nang du sman de rnams nyid kyi phye ma btab ste ri lur byas pa kha'i nang du mur zhing bzhag na/ lkog ma'i nang dang/ mchu nad dang/ rkan la sogs pa kha'i nad shin tu gso
 dka' ba yang 'joms par byed de/ khyad par du ro hi'i nad dang/ kha bskams pa dang/ lces ro mi tshor ba rnams sel bar byed do/ /zhes lus 'phags kyi bdag pos bshad pa yin no/ /seng ldeng srang brgya bcu rtsa gnyis srang nyis stong bzhi bcu rtsa brgyad kyi nang du tsan dan dang/ a
 ka ru dang/ gur kum dang/ ba ri be la dang/ ba la dang/ bu shal tsi dang/ thang shing dang/ gseng phrom dang/ rgun 'bru dang/ btsod dang/ mony+dza ra dang/ shug pa dang/ byi dang ga dang/ bu su hang dang/ chu srin sen mo dang/ rgya spos dang/ katpa la dang/ sug smel dang/ bya ma ka dang/ rma shing
 dang/ de rnams zho gnyis gnyis dang/ til mar srang sum cu rtsa gnyis dang skol te mar 'ba' zhig lus pa las btung ba dang/ sna sman dang/ brgya bcu srang nyis stong bzhi bcu rtsa brgyad dang bskol te bzhi cha lus ba'i nang du seng ldeng dang/ 'dzam bu dang/ shing mngar dang/ shur
 ba dkar po dang/ shing lcang kong dang/ hasti mar dang/ utpal sngon po dang/ de rnams srang phyed phyed zhib du btags te/ til mar srang sum cu rtsa gnyis dang bskol te/ mar lus pa las mkhur bar bcangs na/ kha'i nad thams cad 'joms par byed de/ khyad par du so 'gul zhing
 yo ba brtan par byed do/ /seng ldeng gi snying po srang nyis brgya dang/ a ri ma tha'i shun pa srang brgyad stong tshig brgya dgu cu rtsa gnyis dang lhan cig bskol te/ bzhi cha lus pa dang tshigs ma bor la dang sam yang bskol la skan tor song ste bskrangs pa'i nang du dbyi mo dang/ bal ka dang/ rma shing dang/
 btsag dang/ tsan dan rnam gnyis dang/ gseng phrom dang/ pra puN+Ta rI ka dang/ shing mngar dang/ any+dza rnam gnyis dang/ da ti dang/ katwa la dang/ 'bras bu gsum dang/ ser po rnam gnyis dang/ dri rnam bzhi dang/ a ka ru dang/ gla sgang dang/ btsod dang/ n+ya gro d+ha'i myu gu dang/ spang spos dang/
 byi tshed pa dang/ shug pa dang/ e la ba lu ka dang/ btsod dang/ de rnams zho gnyis gnyis zhib tu btags pa'i phye ma dang/ dza ti ba tra dang/ dza ti pha la dang/ li shi dang/ ka ko la dang/ ko la ka dang/ de rnams srang re re dang/ ga pur shel mdog dkar po dri ma med pa srang nyi shu dang/ de rnams kyi
 phye ma yang bcug ste ri lur byas la rtag tu khar bzhag na kha'i nad thams cad sel lo/ /gong gi sman kun ma 'phyor na/ /de las gang rnyed pa'i sman gyi phye ma til mar dang bskol la/ cho ga gong ma bzhin du byas te mkhur bar bcangs na/ kha'i nad thams cad se lo zhes bshad do/ /so
 brtan bar byed pa'i mchog yin no/ /yang na sman gong ma de nyid dang/ seng ldeng gi snying po'i lur byas pa dang/ a ri med sa dang sbyar ba til mar dang sbyar te btud na/ nad med cing tha mal pa zhig na yang nyin re bsten na so brtan par 'gyur ro/ /rkun 'bru dang/ sle tres dang/ su ma na dang/
 skyer pa dang/ phyi tsher ba dang/ 'bras bu gsum dang bskol ba sbrang rtsi dang sbyar ba 'dis? mkhur bar bcad bar byas na kha'i nad thams cad sel bar byed do/ /pa tha dang skyer ba dang/ ru rta dang/ gla sgang dang/ btsod dang/ pu tso shel dang/ yud ba ba gser phrom dang/ te jo ba ti dang/ de
 rnams kyi phye ma sbrang rtsi dang/ sbyar bas bsku bar byas na/ so'i rnyil na bas nyams thag cing g.ya' ba dang/ smin pa dang/ 'dzag pa rnams 'joms so/ /khyim gyi dud pa dang/ skyer khaN+Ta dang/ pa tha dang/ tsha ba gsum dang/ ya bak+Sha ra dang/ tsi tra ka dang/ lcags phyo dang/ 'bras
 bu gsum dang/ te dzo pa ti dang/ de rnams kyi phye ma sbrang rtsi dang sbyar ba ni ta la ka'i phye ma zhes bya ste khar bcangs na kha'i nad dang/ so 'gul ba'i nad rnams la phan no/ /skyer pa dang/ rgyam tsha dang ldong ros dang/ nas tshig 'khus pa'i thal ba dang/ ba bla dang/
 de rnams kyis phye ma mar dang/ sbrang rtsi sbyar ba na/ sri tra ba zhes bya ba'i phye ma yin te/ de khar bzhag na/ kha dang/ so 'gul ba'i nad rnams zhi bar byed do/ /ba gcin gyi nang du a ru ra'i tshig gu bskol te zhu ba dang/ de'i khu bas bal ka dang shu ti dang/ ru rta gsum gyi phye ma bskol
 te khar bzhag na/ kha'i nad yun ring ba yang 'joms par byed do/ /ci lta rgyal pos snang ba'i skyes bu phung khrol gyis mi tshugs pa bzhin no/ /lo ma bdun pa dang/ pu shel tse dang/ pa te la dang/ bca' sga dang/ 'bras bu gsum dang/ pi sha la dang/ khyi lce ba dang/ tik+ta dang
 ser po rnam pa gnyis dang/ sle tres dang/ de rnams bskol ba'i khu ba sbrang rtsi dang sbyar ba 'thungs pa 'am/ khar bzhag na yang rung ste/ kha'i nang na gnas pa'i nad ma lus pa sel bar byed do/ /skyer pa rlon pa rang gi khu ba bskol te/ skan ter song ba'i nang du btsag gi phye
 mas btab ste/ sbrang rtsi dang bcas bas kha bskang zhing bzhag na kha'i nad dang/ sma smin pa dang/ rma 'khyims pa sel bar byed do/ /pa ta la dang na nim+ba dang/ khu shing mngar dang/ bA sha dang/ sna na'i me tog dang/ a ri me das dang/ seng ldeng dang/ 'bru de gsum dang
 de rnams re re yang skyer ba'i cho ga bzhin du sbyar te btang bar bya'o/ /seng ldeng dang/ lcags phye dang/ 'bras bu gsum dang/ ar dza na dang/ sen rtsi dang/ a hi marga dang/ de rnam chu dang bskol ba'i khu ba mkhur bar bcangs na/ kha dang so nad rnams zhi bar byed do/
 kha'i nad dang/ so rtsa'i nad dang/ bad kan dang/ khrag shas che ba'i nad rnams la ni khrag ngan mang du dbyung ste/ lus kyi rma dang/ slon dang/ mgo'i bkru sman dang/ mkhur bar bcad ba la sogs pa yang kha ba dang/ tsha ba'i sman gyis bya ste/ de la ni phal cher bad
 kan dang mkhris pa 'joms pa'i sman dpyad bya'o/ /kha zas su ni nas dang/ ci tses dang/ khre dang/ bra bo dang/ de rnams phub ma med par byas te/ tshwa chu 'am/ thal sman gyi chu nang du spangs la snum med par byas te bza' o/ /khu bcud dang/ khur ba la sogs pa gang yang bad kan
 'joms par byed pa'i zas bza' o/ /srog gi rlung gi lam la gnas pa yin te/ gal te lkog ma'i nad kyis dbugs bde bar mi 'byung zhing bsgags na ni 'chi bar 'gyur te/ de bas na lkog ma'i nad ni myur du gas bar bya'o/ /kha nad gso ba'i le'u ste nyi shu rtsa gnyis pa
 rdzogs so// //de la mgo bo'i nad skye ba'i rgyu ni dud par ku ba'i nang du 'dug pa dang/ nyi tshan la 'dug pa dang/ kha bgrang mo'i nang du 'dug pa dang/ chu nad du brtse ba dang/ nyin bar gnyid mar du log pa dang/ nub mo gnyid ma log pa des/ rdul la sogs
 pa'i nad skyed pa dang/ mdun nas rlung gis phog pa dang/ mchi ma 'byung ba dag gsal dang/ ha cang du drags pa dang/ mgo la srin bu yod pa dang/ 'byung ba'i shugs bsgags pa dang/ khur lci ba khur ba dang/ mgo la byi dor drags pa dang/ bsku byug drags pa dang/
 gzhan la zhe sdang chen po skyed pa dang/ dngos po cig la yun ring du blta ba dang/ ma goms pa'i zas zos pa dang/ dring ba bsnams pa dang/ ma zhu ba dang/ smra drags pa la sogs pa'i rgyus nad mgo bo'i nang du zhugs te na bar byed do/ /de la rlung las gyur pa'i mgo nad kyi
 rtags ni mur 'gram gnyis su zug cing na ba dang/ so'i phreng ba rnams phug pa snyam sems pa dang/ smin mtshams dang/ dpral ba lhung ba snyam sems pa dang/ rna bas sgra mi thos pa dang/ mig byung ba snyam du na ba dang/ mgo 'dams pa dang/ tshigs rnams bya ba snyam
 phyed ba dang/ rtsa'i dra ba rnams 'phar ba dang/ gnya' ba dang/ 'gram 'byar ba snyam sems pa dang/ gsal zhing 'tsher ba mthong mi bzod pa dang/ sna chu 'dzag pa dang/ glo bur du ldang dub pa dang/ snam gyis bsku zhing dugs dang mgo bcing ba la sogs pa byas na cung zhig
 zhi zhing/ mnyen par 'gyur ba yin no/ /mgo bo gzhogs phyed na ba'i rtags ni klad pa'i phyed rab tu na ba yin te/ zla ba phyed dam zla ba gcig na ste de'i 'og tu rang nyid zhi bar 'gyur ro/ /tshabs cher skyen ni mig gam rna
 ba la gnod par byed do/ /mkhris pa las gyur pa'i mgo nad kyi rtags ni mgo rab tu na ba dang/ dbugs tsha zhing du ba 'byung ba snyam sems pa dang/ tsha ba dang/ lus rdul ba dang/ mig tsha 'ur 'ur por 'dug pa dang/ brgyal ba dang/ nub mo dang/ grang
 ba'i dus su cung zad bde ba rnams yin no/ /bad kan las gyur pa'i klad pa'i nad kyi mtshan ma ni kha zas yi gar mi 'ong ba dang/ mgo lci ba dang/ tshor ba med par bem bem por 'dug pa dang/ reg na grang ba dang/ rtsa mi 'phar ba dang/ sgyed
 sgyur ba dang/ gnad rnams su mtshan mo lhag bar na ba dang/ snyoms pa dang/ mig 'bur skrang ba dang/ rna ba g.ya' ba dang/ skyur ba rnams yin no/ /khrag las gyur pa'i mgo nad kyis mtshan ma ni mkhris pa bas shas che ba yin te/ lhag ma ni
 mkhris pa bzhin du blta'o/ /'dus pa las gyur ba'i mgo nad kyi rtags ni/ thams cad kyi mtshan ma dang ldan pa yin no/ /kha zas zhag lon pa dang/ rnyings pa dang/ rul ba zos pas mgo'i khrag dang/ sha rul bar byas te/ de 'dus pa'i nad skyes
 shing 'khrugs te/ mgo bor srin bu skyes te khrag 'thung bar byed do/ /de'i rgyus mi bzad bar na ba dang/ sems nyams par byed pa dang/ lud ba lu ba dang/ nyams stobs zad pa dang/ mgo rtsub pa dang/ skrang ba dang/ mgo bcad pa snyam
 byed pa dang/ tsha 'ur 'ur por 'dug pa dang/ mgo 'dams pa dang/ snags pa dang/ mgo'i thong pa dang/ rkan rnams su g.ya' ba dang/ skem pa dang/ srin bu rgyu bsnyam sems pa dang/ snabs zangs mdog bzhin du dmar zhing dang ba 'byung ba dang
 rna ba sgra 'ur 'ur zer ba yin te/ de ni klad pa'i nad srin bu las gyur pa zhes bya'o/ /de la rlung shas che ba mgo'i nad ni mgo bo 'gul zhing 'dam pa yin te/ de'i ming ni mgo 'dam pa'i nad ces bya'o/ /khrag mkhris shas che ba'i mgo nad ni/ mur 'gram
 gnyis skrang ba dang/ drag tu na zhing tsha ba dang nub mo gnyid mi 'ong ba dang/ glal ba dang/ rims kyis 'debs pa dang/ dran pa nyams pa dang/ kha bro ba dang/ gdong ser ba dang/ de rnams dang ldan pa ni mur 'gram gyi nad ces bya ste/ gso ba ma byas te yal bar
 bor na ni/ zhag gsum nas ni srog 'phrog pa yin te/ gso ba myur du byas na na 'tsho ba yin no/ mkhris pa dang rlung dang ldan pa'i mgo nad kyi rtags ni mur 'gram dang/ mig dang/ smin ma dang/ 'phral ba rnams sun zhing zug la 'phar ba yin te/ de yang nyi ma shar nas phyed kyi
 bar du cher na ba dang/ lhag par nyi ma phyed la tshabs cher na zhing 'phar ba yin te/ de la ni dong gral sogs pa gso ba byas kyang mi phan te/ nyi ma phyed phan chad rang nyid rim zhi ba de ni/ mgo'i nad nyi ma ltar 'khor ba zhes bya ste/ de ltar mgo nad rnam pa bcur
 bshad pa yin no/ /mgo nad de nyid kyi bye brag las thod pa'i nad rnam pa dgu bshad pa yin te/ yang rlung las gyur pa'i klad pa'i nad mngal gyi nad na yod pa'i dus su yang 'byung bar 'gyur te/ de yang mdog gnag ba dang/ nad med pa dang/ skrang ba yin te/
 de ni nye ba'i mgo zhes bya ba'i klad pa'i nad yin no/ /mgo nad thor bu 'brum bu can zhes bya ba yod de/ de yang nad gzhi ji lta ba bzhin du shes par bya'o/ /mkhris pa dang khrag dang/ bad kan las gyur pa'i klad pa'i nad yod de/ nang des mgo'i nad
 rul bar byas te/ srin bu skyes nas zos pa las 'brum bu khre 'am/ 'bras dkar po tsam 'byung ba ni ba la ta ka lta bu'i mgo nad ces bya'o/ /bad kan dang/ rlung las gyur pa'i klad pa'i nad mgo g.ya' ba dang/ skra byi ba dang/ tshor ba med pa dang/ rtsub bas pags
 pa'i phyi shun 'gog pa de ni klad pa'i nang ru na ka zhes bya ba yin no/ /mkhris pa dang rlung 'dres pa ba spu'i khong bu'i nang du zhugs te/ skra rtsa 'byi bar 'gyur zhing de'i shas kyis nang du bad kan dang khrag zhugs te/ spubs rnams skyer mi
 steng 'gog par byed pa de ni klad pa'i nad yin tra lupta zhes bya'o/ /gzhan dag ni ri ru dza zhes 'dod do/ /kha cig ni spu'i bya ba zhes 'dod do/ /mi rnams kyi na tshod 'gyur ba bzhin du rim gyis skra 'byi zhing spyi gcer du 'gyur ba yin te/ de yang rlung las
 spyi gcer du gyur pa'i rtags ni tshig pa bzhin du mdog gnag pa yin no/ /mkhris pa'i spyi gcer ni rtsa tshos pa lta bus khyab pa yin no/ /bad kan gyi spyi gcer ni pags pa mthug cing mdog dkar ba yin te/ de ltar nad gzhi rang rang gi mdog bzhin
 du pags pa'i mdog kyang de ltar shes par bya'o/ /nad gzhing thams cad kyi mtshan ma dang ldan te/ sen mo'i mdog ltar snang ba dang/ yang na mes bsregs pa bzhin du spu med cing tsha 'ur 'ur por 'dug pa de ni gsor mi rung ngo/ /mya ngan dang chad pa
 dang khros pa las skyes pa'i lus kyi drod gang yin pa de spyi bor zhugs nas des skra'i rtsa bar tshos shing smin par byas nas skra dkar skye bar 'gyur ro/ /de la rlung las gyur pa'i skra dkar gyi mtshan ma ni spu grugs pa dang cung zad sngo bsangs su 'dug pa
 dang/ sra zhing rtsub la chu'i mdog ltar 'dug pa yin no/ /mkhris pa'i skra dgar gyi mtshan ma ni tsha ba dang/ mdog cung zad sngo bsang du 'dug pa dang/ bad kan gyi skra dkar gyi mtshan ma ni snum pa dang/ 'phel ba dang/ sbom pa dang/ mdog dkar ba yin no//
 'dus pa las gyur pa'i skra dkar gyi mtshan ma ni 'dres pa yin no/ /'dus pa'i mgo nad las gyur pa'i spyi gcer dang/ skra dkar la sogs pa gzhan dag ni gsor mi rung ngo/ /lus 'gyur ba las byung ba'i spyi gcer dang/ skra dkar ni bcud kyi len gyi cho
 gas gso bar bya'o/ /mgo nad kyi dmigs shes par bya ba'i le'u ste nyi shu rtsa gsum pa rdzogs so// //mgo nad gso ba'i le'u bshad par bya ste/ de la rlung las gyur pa'i mgo nad la ni rlung gi cho ga rnams spyad par bya ste/ de yang thog ma nyal
 khar mgo mar gyis bskus te/ mar khu dro ba dang/ 'o ma btung bar blud do/ /sran ma sha dang rgya sran dang/ sran mung+ga dang/ de rnams gang yang rung ba mar dang ldan par sbyar byar ba za'o/ /til mar dang 'o ma bsres pa btung bar blud pa 'am/ til mar ma rnyed na til
 btags pa'i 'o ma dang/ lhan cig sbyar ba blud do/ /de'i 'og tu glan pa'i dugs sam/ yang na sha brdungs pa'o su dang sbyar bas mgo la dugs byas na phan no/ /rlung 'joms pa'i sman rtsa ba bcu pa la sogs pa 'o ma dang sbyar bas mgo la blugs par
 bya'o/ /snum dang ldan pa'i sna sman btang ba dang/ du ba rdub pa dang/ de bzhin du mgo bo dang/ rna ba rnams nyams brta bar bya'o/ /sman par na'i sde tshan 'o ma dang chu dang bskol la 'o ma lus pa dang/ de bsrubs la mar sar phyung ba dang/ mngar ba'i sde tshan
 gyi sman dang/ yang bskol ba'i mar des snar blugs pa byas na rab tu bsngags so/ /yang na mngar ba'i sde tshan de nyid dang/ 'o ma yang bskol ba mar dang kha ra dang ldan par sbyin no/ /ras bal gyi sa bon dang/ shing tsha dang/ gla sgang dang/ sna ma'i me tog
 kha ma bye ba rnams kyi phye ma chu dron dang sbyar te sna sman du btang na/ mgo nad zug gzer dang bcas pa 'joms so/ /li kha ra dang gur kum dang/ mar lhan cig bskol te snar blugs na/ khrag dang mkhris pa las gyur pa'i klad nad sel to/ /yang na ru rta dang
 rgya spos dang/ utpa la dang/ tsan dan dang/ de rnams mar dang sbyar ba'i lde gus mgo la byugs na phan no/ /rlung gi nad la gnod pas 'dir gtar ka ni mi bya'o/ /ji skad bstan pa bzhin du gso ba de dag gis ma zhi na ni me'i las bya ste/ bad kan la yang
 de ltar me btsa' bya'o/ /klad ba byed na'i rlung nad la yang cho ga de ltar bya'o/ /de bzhin du nad gzhi'i tshul dang/ sbyar te gso ba yang ci rigs par bya ste/ sh+ri sha'i sa bon edang/ a ba brga'i rtsa ba dang/ lan tsha lce myang tsha dang/ sbyar bas sna sman btang ngo//
 sa la bar+Ni 'am/ /yang tsakra mard+ha gang yang rung bu skyur dang sbyar bas mgo bo bsku'o/ /klad nad nyi ma ltar 'khor ba la yang cho ga gong ma ltar bya ste khyad par du khrag dbyung ngo/ /mkhris pa las gyur pa'i mgo nad la ni thog mar snum bcos bya ste/ de'i 'og tu khrag gtar ro/
 sman bsil ba'i nus pa dang ldan pa'i byug pa byug pa dang/ blugs pa dang/ lus slon khrus kyis sbyar ba dang/ mas gtang ba yang bya'o/ /yang na 'tsho byed sde bcu 'o ma dang mar dang lhan cig bskol ba'i mar gyi btung ba dang snar blugs pa yang spyad do/ /khrag las
 gyur pa'i mgo bo'i nad la yang mkhris pa'i gso ba ji lta ba bzhin du bya'o/ /mur 'gram gyi nad kyang mkhris pa'i gso ba ltar bya ste/ tshabs che zhing yun ring ba ni spang bar bya'o/ /bad kan las gyur pa'i mgo bo'i nad la ni mar rnying pas snum chos byas la sman che ba'i skyugs
 sman btang ngo/ /dugs dang byug pa dang/ sna sman la sogs pa yang rtsub pa dang/ dro ba dang rno ba'i sman gyis bya'o/ /'dus pa las gyur pa'i mgo nad la ni sman gyi gso ba yang 'dres par sbyar te/ smyung ba yang rab tu bsngags so/ /srin bu las gyur pa'i mgo nad la ni srog chags
 gang yang rung ba'i khrag gis snar blugs na/ nang gi srin bu la khrag gis reg ste/ de'i dris srin bu brgya la nas sna dang/ kha'i sgo nas phyir 'byung bar 'gyur ro/ /de nas sman shin tu rno bas sna sman dang/ du ba rdub pa dang/ bsku byug dang/ srin bu la phan pa'i sman sbyar bar bya ste/
 byi dang ga dang/ swa rtsi ka'i thal ba dang/ dandi dang/ shing kun dang/ de rnams pa gcin dang sbyar ba'i khu bas sbyor ba byas na phan no/ /sman tsha ba gang yang rung ba dang/ nim+ba dang/ ing+gu ti dang/ bi lu dang/ de dag gang yang rung ba'i 'bru mar gyis sna sman yang sbyar ro/ /yang na byi
 dang ga ra'i gcin dang bsres nas snar blugs na srin 'joms pa'i mchog yin no/ /sman pu ti mats+tsha dang khyi dang ga gnyis sbyar te du ba rdub ba dang/ snar blugs pa dang/ sman du sgyar na phan no/ /srin bu khrag 'thung ba yin pas/ 'di la khrag mi dbyung ngo/ /de la mgo 'dams pa'i nad la ni
 rlung gi mgo nad gso ba thams cad bya ste/ sreg pa'i las ni ma gtogs so/ /nye ba'i mgo zhes bya ba'i klad pa'i nad skyes pa'i snga rol du 'am skyes ma thag gsar du byung ba yang rung ste/ de la ni rlung nad gso ba'i cho ga bzhin bya la/ smin nas ni 'bras nad kyi gso ba ltar bya'o/ /mgo
 nad thor bu dang/ 'bru bu can la ni khong 'bras cung zad smin pa'i cho ga rnams bya'o/ /ba la ta ka zhes pa'i mgo nad la ni srin bu pad+mas gtar te/ nim+ba'i chus blugs par bya'o/ /stag rtug gi khu ba'i nad bu lan tsha shas cher btab ste byug go /yang na ba to la dang/ nim+bu'i 'o ma  
 'am/ yang na yun ba 'am/ til gyi tshigs ma rnying ba dang/ khyim bya'i rtug pa gnyis lhan cig sbyar ba 'am/ sbyor ba gsum bos gang yang rung ba ba gcin dang/ sbyar ba'i lde gus bskus na phan no/ /ru rta'i phye ma til mar dang/ sla nga'i nad du brdos te/ mgo nad ba la ta ka zhes bya ba
 la bskus na/ g.ya' ba dang/ snags pa dang/ tsha 'ur 'ur por 'dug pa dang/ nad kyis nyams thag pa rnams 'joms so/ /ma la ti dang/ tsi tra ka dang/ ka ra bi ra dang/ ka rany+dza dang/ de rnams til mar dang/ bskol bas skra bregs pa'i 'og tu bskus na/ bal ka da zhes pa'i nad
 thams cad sel to/ /de ltar byas kyang ma zhin slon la sogs pas mgo nad dag par bya ba la 'bad par bya'o/ /klad pa'i nad dang? ru na ka zhes bya ba ni thog mar dpral ba'i rtsa nas gtar ga byas la/ mgo bkru zhing phyi bdar la sogs pa'ang bya'o/ /sna nad dang sna'i spubs bu'i sman yang
 bya'o/ /pi la ya'i sa bon dang/ shing mngar dang/ ru rta dang/ mon sran gre'u dang/ yungs kar dang/ rgya skyegs dang/ dong ga'i lo ma dang/ tsakra mard+ha dang/ skyur ru ra'i 'bras bu rnams sbrang rtsi dang ldo gur byugs na phan no/ /khre rgod kyi sogs ma bsregs pa'i thal ra? chu dang sbyar bas
 bskus na yang phan no/ /klad pa'i nad in+d+ra lupta zhes bya ba la ni nad gzhi ji lta ba bzhin du khrag gtar ba dang/ zhes zhal bya ste/ de'i 'og tu nag tshun dang/ ldong rod dang/ spangs ma dang/ na le sham dang/ 'u su dang/ thang shing
 rnams sam/ yang na 'ol ma'i 'bras bu dang/ rtsa ba 'am/ ka ra bi ra'i rang gi khu ba 'am/ yang na kaN+Ta ka ri'i rang gi khu ba 'am/ bskol ba'i khu ba sbrang rtsi dang sbyar ba 'am/ yang na lang tang rtse'i 'o ma 'am/ sman go bye'i khu ba 'am/ yang na til gyi me tog dang/
 ze ma mar dang/ sbrang rtsi dang sbyar ba 'am/ yang na glang po che'i so bsregs te/ snag tshar byas la/ til mar dang sbyar ba 'am/ sbyor ba brgyad po de dag las gang yang bas bskus na in+d+ra lupta zhes bya ba skra 'byi ba'i nad la phan pa'i mchog yin no/ /de las skra dkar skyes
 pa la ni skra bzhar la lug gi rwa glang po che'i so bzhin du snag tshar byas te bskus la/ ji srid skra nag por ma song gi bar du chu blugs pa la sogs pa yang spong ngo/ /spyi gcer dang/ skra dkar dang/ gnyer ma dang/ skra ser por gyur cing skyes pa la ni thog mar slon khrus kyis
 lus sbyangs la/ sna sman gdong ba dang mgo rnams su blug pa rnams yang dag par spyad par bya ste/ bri ha sti la sogs pa rtsa ba bcu ba til mar dang/ bskol ba'i til gyi sna sman blugs so/ /yang na nim+ba'i mar gyi sna sman blugs so/ /yang na nim+ba'i mar gyi zla ba
 gcig gi bar du sna sman blugs te/ btung ba 'o mar blud do/ /rams dang/ sh+ri sha dang/ e raN+Ta dang/ de rnams bring+ga ra dza'i rang gi khu ba'i nang du spangs te/ blugs pa 'am yang na lug skyag 'o ma dang brtags pa'i lde gus shing en lu dang kha ru ra'i shing dang?
 til dang zangs ma'i sa bon dang/ ka ka ti sa bon rnams cha bsnyams la bsgos te nyi ma'i 'od la bskams la/ de'i 'bru mar btsir la phyung ste/ mar de btsos nas sman du blugs pa dang/ mar nyi tshe thungs na skra dkar med par byed do/ /sa ha tsa ra dang/ bring+ga
 ra dza dang bye'u rug pa dang/ de rnams re re'i khu ba srang sum cu rtsa gnyis gnyis dang/ 'o ma sum cu rtsa gnyis dang/ til mar srang brgyad dang/ shing mngar srang gcig gi phye mas btab ste/ bskol la mar lus pa dang/ rdo'i snod dag shing a sa ni'i snod
 dam/ lug gi rwa'i nang du bzhag ste/ sna sman du btang na/ skra dkar la phan no/ /yang na pa yassya dang/ ka na bi ra gnyis 'o ma dang/ btags te skra dkar phyung ba'i rjes la bsku bar bya'o/ /de bzhin du skra dkar 'joms pa'i sman gyis bsku'o/ /bi la yang dang/ shing
 mngar dang/ dzi ban+ti'i sde tshan dang/ til nag po dang/ sa nag dang/ 'o ma rnams sbyar ba'i lde gus bskus na skra ser ba dang/ gnyer ma zangs par byed do/ /til dang/ skyu ru ra dang/ pad+ma'i ge sar dang/ shing mngar dang/ de rnams kyi phye ma sbrang rtsi dang/ lde gur
 byas te/ mgo la bskus na skra 'phel zhing rgyas par byed do/ /spang spos dang ru rta dang/ til nag po dang/ thal tres dang/ utpa la sngon po dang/ de rnams btags te 'o ma dang/ sbrang rtsi dang sbyar bas bskus na skye zhing 'phel ba'i mchog yin no/ /lcags phye dang/ bring+ga ra dza
 dang/ 'bras bu gsum dang/ sa nag po dang/ de rnams kyi phye ma bu ram shing gi khu ba'i nang du zla gcig gi bar du bzhag la de nas mgo la bskus na/ skra rtsa ba dang bcas pa nag por byed do/ /sram sha dang/ khre rgod dang/ 'bras rtsa bas dang/ nas thugs dang/ lcags
 phye dang/ de rnams tsha ba skyur po'i nang du zhag gsum spangs te me mgo la bskus na/ bya dkar yang mdog nag byed na/ skra lta smos kyang ci dgos/ pi pi ling dang/ pra puN+Ta rI ka dang/ shing mngar dang/ tsan dan dang/ utpal dang/ de rnams kyi phye ma skyu ru ra'i khu ba dang/
 til mar dang lhan cig bskol te/ mar lus pa na sman dang bsku byug tu bsten na/ klad pa'i nad thams cad dang/ skra dkar med par byed do/ /nye'u shing dang/ dzi ban+ti'i kha ba dang/ 'o ma dang/ snum gnyis lhan cig bskol te/ 'o ma dang/ mar lus pa'i
 nang du 'tsho byed sde bcu'i sman gyi phye mas btab pa yang bskol te/ mar lus pas snar blugs na/ nam tshod yan chad kyi nad sel bar byed do/ /rma bya'i sgro dang/ mkhris pa dang/ rgyu ma dang/ rkang dang/ rtug pa dang/ mchu dang de dag po ra ba'i
 sha nyi tshe dang/ rtsa ba bcu pa dang/ ba la dang/ rwa sna dang shing mngar dang/ sman de rnams srang bcu dang/ gsum gsum rnams chu dang bskol te/ bzhi cha lus pa'i nang du mar srang sum cu rtsa gnyis gnyis dang/ de'i bzhi 'gyur gyi 'o ma dang/ dzi ban+ti dang/
 'bras bu gsum dang/ me da dang/ rgun 'brum dang/ pa ru sha ka rnam gnyis dang/ sang mang ga dang/ dbyi mo dang/ ga bra'i rtsa ba dang/ taM bal dang/ su ti ka dang/ /ba sal phre'u dang/ ma hA me da dang/ shing tra la dang/ bra go dang/ pad+ma'i rtsa lag dang/ khardzu ra'i rtsa ba
 dang/ shing mngar dang/ dzi ba ka dang/ nyi'u shing dang/ byi da ri dang/ bu ram shing dang/ bri ha sti dang/ thal tres rnam gnyis dang/ bu ram shing dang/ murpa dang/ gze ma dang zangs rtsi ba dang/ shing ga ta ka dang/ rgun 'bru go stan dang/ ra sna dang/ nyi ra dang/ bca' 
 ba dang/ sug smel dang/ zur ba dang/ ba nu dang/ ba spra ba dang/ cu gang dang/ bu tshang rngo dang/ byi tsher ba dang/ me tog ma du ka dang/ star ka dang bA? d+h+ra mdang? muny+dza ta ka dang/ sh+ri shi dang/ de rnams zho gnyis gnyis btags pa'i phye ma btab la bskol te mar
 lus pa ni rma bya chen po'i sman mar zhes bya ste yon tan gong ma bas che ste/ lus zungs brtas shing dbang po gsal bar byed pa dang/ skad 'gags pa dang/ lud ba dang dbugs mi bde bas nyams thag pa 'joms te/ de bzhin du zla mtshan zag pa dang/
 khu chu'i skyon la rab tu bsngags te/ nad med cing ma sham la yang bu ste ra bar byed do/ /de bzhin du byi ba dang/ khyim bya dang/ ngang ba dang/ ri bong dang/ de rnams gang yang rung ba re re nas rma bya'i cho ga bzhin du ma lus par byas na phan yon de dang 'dra'o
 de ltar na nam tshod yan chad kyi nad nyis brgya sum cu so gcig po phan tshun ma 'dres par rgya cher bza' ba yin no/ /skyes bu rnams kyi lus kyi rtsa ba ni mgo bo yin la yan lag gzhan rnams ni yal ga lta bu yin no/ /zhes drang srong rnams smra ste/ de'i phyir mgo ba  
 lus kyi rtsa ba lta bu la mtshon dang nang la sogs pas gnod par gyur na/ myur du gso ba bya ba ces so/ /dbang po rnams kyi srog kyang mgo la brten te gnas pas/ des na yan lag gi dam pa mgo bo bsrung ba la 'bad par bya'o/ /mgo bo'i nang gso ba'i le'u sta
 nyi shu rtsa bzhi pa rdzogs so// //nam tshod yan chad kyi nad gso ba'i rgyud bshad zin to/ /de nas rma gso ba'i le'u bshad par bya'o/ /de la rma rnam pa gnyis te/ lhan cig skyes ba dang/ blo bur du 'byung ba gnyis so/ /de yang rma reng ba dang/ rma reng
 pa'i bye brag gis rnam pa gnyis te/ de la lhan cig skyes pa'i rma ni nad gzhi'i dbang gis lus las skyes pa'o/ /blo bur du byung ba'i rma ni phyi rol gyis mtshon la sogs ba phog pa las byung ba'o/ /de la rma reng pa ni nad gzhi dang bcas pa ste/ ma rungs pa'o/ /rma
 ma reng ba ni dag pa ste/ nad gzhi dang mi ldan pa'o/ /nad gzhi rnams dang/ brag 'dres te/ rma reng pa'i mtshan ma phag che la kha chung ba dang/ yang na kha che phag chung ba dang/ rma sra zhing rdo 'dra ba dang/ yang na shin tu dang/ shin tu zab pa dang/ yang na rma mtho ba dang/
 rma shin tu grang ba 'am/ yang na shin tu dro ba dang/ mdog dmar la dbal skye ba dang/ rnag dang chu ser 'dzag pas lus zad pa dang/ rnag dang/ sha dang/ rgyus pa dang/ rmas rtsa g.yog pa dang/ rma mched cing rab tu na ba dang/ tsha ba dang/ skrangs pas rab tu
 na ba dang/ g.ya' ba la sogs pa'i brla brnyan de dag dang ldan na yun ring por rma 'tsho dka' ba yin te/ bco lnga po de dag ni rma ma rungs pa'i rtags so/ /rlung las gyur pa'i rma'i mtshan ma ni rma mdog rtsa gnag cing 'byar ba dang/ thal ba dang/
 thi ba dang/ rus pa'i mdog tu snang ba dang/ rma'i nang nas zho ga chu dang/ sha bkrus pa'i chu dang/ 'dra ba glan te/ nyung ngur 'byung ba dang/ sha zad cing shin tu na zhing zug pa dang/ rtsub cing 'gags pa yin
 no/ /mkhris pa las gyur pa'i rma'i mtshan ma ni rma myur du smin pa dang/ rma'i mdog ser ba dang/ sngo ba dang/ ser skya dang/ kham par 'dug pa dang/ gcin gyi mdog tu 'dug pa dang/ rgya skyegs shing gi khu ba lta bu dang/ thal chu lta bu
 dang/ til mar lta bu'i chu ser tsha ba mang du 'byung ba dang/ rma kha thal sman gyi btab pa 'am/ khab kyis btsags pa bzhin du na zhing dmar la tsha zhing smin pa dang ldan pa'o/ /bad kan las gyur pa'i rma'i mtshan ma ni mdog skya ba dang/
 g.ya' ba dang/ chu ser dkar zhing ska ba mar du 'dzag pa dang/ rma'i thon 'khor mkhrang zhing mthon por 'dug pa dang/ rgyus pa dang/ rtsa'i dra ba snang zhing/ zug gzer chung ba yin no/ /khrag las gyur pa'i rma'i mtshan ma ni byu
 ru'i mdog ltar shin tu dmar ba dang/ chu ser khrag dang bcas par 'dzag pa dang/ rta'i gnas kyi dri ltar bro ba dang/ gzhan yang mkhris pa'i rma'i mtshan ma yang 'dir sbyar ro/ /nad gzhi gnyis 'dus pa las gyur pa'i rma dang/
 gsum 'dus pa las gyur pa'i rma'i mtshan ma yang gang dang gang 'dus pa de dag de'i mtshan ma 'dres na brtags te shes par bya'o/ /rma dag cing ma red de gnod par byed pa'i mtshan ma ni lce'i mdog 'dra bas 'jam zhing gnyen pa
 dang/ rma'i thon 'khor skya na ra 'dug pa dang/ 'brum 'phran snyam du 'byung ba dang/ yang na rma'i dbus su chung zhing mtho ba 'byung ba rnams yin no/ /pags pa dang/ sha dang/ rtsa dang/ rgyus pa dang/ tshigs pa dang/ rus pa dang/ nang grol dang/ gnad
 dang/ brgyad po de rnams su kha 'byung ba ni gso dka' ba yin te/ de yang go rim bzhin du 'og ma 'og ma gso dka' o/ /skyes bu snying stobs che zhing phog snya dang ldan pa dang/ sha che zhing me'i drod dang ldan pa dang/ lang tsho dang ldan zhing nyams stobs dang ldan pa
 dang/ rmi'i sgos zlum ba dang/ dkyus ring ba dang/ zur gsum dang/ zur bzhi yod pa de ni gso sla ba yin no/ /de bzhin du dpyi dang/ rku ba dang/ pho mtshan dang/ mchu dang/ rgyab kyi sgal tshigs dang/ rgyab kyi gzhung dang/ kha dang mkhur tshos su rma byung ba yang
 gso slo'o/ /rma gso dka' ba ni mig dang/ snying dang/ sna dang/ mig 'gram dang/ lte ba dang/ pho mtshan dang/ rkub kyi bar breng breng po dang/ lto ba dang/ rna ba dang/ rtsib logs dang/ mtshan bar dang/ nu ma rnams su byung ba'i rma dang/ rma'i nang nas dbu ba dang/ chu
 ser dang/ rnag dang/ rlung 'byung zhing zug ngu dang bcas pa dang/ stong du skyug pa dang/ mtshan bar rdol ba dang/ gdong gi nang du 'byung ba dang/ rked pa dang/ rus pa la brten pa la/ mdze nad can la rma byung ba dang/ dug bsten pa dang/ lus skem pa dang/ gcin nad
 sbrang rtsi lta bus btab pa dang/ de rnams la rma byung na gso dka' ba yin te/ 'tsho bar yang dka' o/ /gang yang rma'i steng du rma 'byung ba dang/ shu ba chen po'i nang dang/ rigs dang/ tshad bar 'khru ba gang/ lud pa lu ba dang/ skom dang che ba dang/ gnyid med
 pa dang/ dbugs mi bde ba dang/ rma snags mi shes pa dang/ klad pa'i srubs bye zhing klad rgyas snang ba dang/ rgyus pa rul pa dang/ rtsa chad pa dang/ rma phugs ring pa dang/ srin bus zos pa dang/ rus pa chad pa dang/ zug rngu dang/ dug bcas pa dang/ rma rtags pa
 dang/ log par bcings pa dang/ snum shas che ba dang/ rtsub pa dang/ rma'i nang du spu la sogs pa zhugs pa dang/ 'gul skyod mangs pa dang/ khong pa ma dag pa dang/ 'drangs ches pa dang/ lus rab tu rdzud pa dang/ chang mang du 'thungs pa dang/ nyin par
 gnyid log pa dang/ nyal po bsten pa dang/ mtshan mo gnyid ma log pa dang/ rma'i cho ga log pa byas pa dang/ 'di rnams spyad na ni gso ba byas kyang mi 'grub po/ /gang gi rma'i mdog tham pa'i mdog tu 'dug par gnang gi rnag zad pa dang/ sha
 bu phra mo brtan par 'byung ba ni myur du 'tsho bar 'gyur ro zhes bshad do/ /gal te rma skrang ba lta na nad gzhi ji lta ba bzhin du slon khrus kyis spyang bar bya ste/ lus dag nas de'i 'og tu sman gyi sbyor ba byas na/ myur du 'tsho bar 'gyur ro/ /ci ste rma skrangs
 par gyur na ni rgyun du bsil ba'i cho ga bya ste/ ji ltar skyes bu mes tshig pa la yang me de nyid bdugs pas phan pa bzhin du/ gang gi rma skrang zhing mkhrang la mdog 'gyur cing na ba dang bcas la/ dug dang ldan pa la ni khyad par srin bu pad+ma la sogs pas khrag
 dbyung ngo/ /de ltar khrag ngan dang 'bral bar lta na de ma thag skrang ba dang/ mdog dmar ba dang/ zug gzer zhi bar byed do/ /de ltar khrag phyung bzhin du sman bsil ba'i nus pa dang/ ldan pa dag ci tsam du gtags pa 'o ma dang/ bu ram shing gi khu ba'i
 nang du mar lan brgya spus pa'i mar dang ldan par byas nas bskus la/ snga ma ma skams par phyis kyang bskus la zhag re de ltar bya'o/ /de ltar bya ba yang bsku ba'i zhag la sbyar gyi sbyar nas zhag lon pa mi rung ngo/ /byug pa dang/ blugs pa dang/ bsku ba la sogs pa
 yang 'phral la byas pa phan gyi rnyings pa mi phan no/ /n+ya gro d+ha dang/ u dum+ba ra dang/ a shwat+tha dang/ plak+Sha dang/ lung ma dang/ 'di rnams kyi shun lpags btags pa'i phye ma mar dang lde gur sbyar bas bskus na/ skrangs pa sel ba'i mchog yin no/ /rlung las gyur pa'i
 skrangs pa mkhrang zhing sra ba zug gzer che zhing khrag 'dzag bzhin du rma skrang zhing na ba 'di lta bu la ni/ dugs dang gsher sa'i sha las g.yos su byas pa'i zas dang/ zar ma dang/ til mar dang bsngos te/ 'o ma dang/ btags la bskus na/ rma na zhing na la skrang ba
 tshabs che ba yang sel to/ /bad kan dang rlung gis rma skrangs pa la ni sra la brtan zhing zug gzer chung ba yin te/ nga la ni bad kan dang rlung 'joms pa'i sman dang/ sbyar ba'i snum gyis sku byug bya ste/ de'i 'og tu 'od ma'i spu gu nas rim gyis dugs byas la de'i 'og tu
 skrang ba snyi bar bya ba'i phyir lag pa'i mthil lam mthe bos mnye bar bya'o/ /de'i 'og tu nas dang/ gro dang/ mon sran sde'u rnams bskol te btags pa'i lde gus bskus na yang skrang ba snyi bar 'gyur ro/ /des kyang zhi bar ma gyur na dugs bya'o/ /de la rma ma smin na ni
 zhi bar 'gyur la/ smin na ni de lta ma yin no/ /de la dugs dang/ rgya shug dang/ til dang zar ma dang/ rgyam tsha dang/ phabs dang/ ru rta'i phye ma dang/ skyur po dang sbyar ba'i zan dron gyi glan pa'i dugs byas na rab tu bsngags so/ /legs par smin na ni skrang ba'i phyogs gcig
 tu mthon por 'dus par 'gyur te/ de la ni ci rigs par btsir ro/ /shin tu gzhon pa 'am skyid de bdag drag tu btsir ba la sogs pa'i las mi bzod pa la ni gu gul dang/ zar ma dang/ ba bla dang/ tsang sman khrom bu dang/ tha'i rtug pa dang/ thal sman gyis sman rnams kyis
 skrangs pa smin pa la rang rtol du gzhug go /rma nang du 'khyims te phyir byung du ma 'dod na/ phan tshun mched par rgyu zhing gnas rnams su zhugs pa la ni snum med sman gyis rnag dbyung ba'i phyed du rma nang du bkrus la rnag 'jib tu gzhug go /rma skams par gyur na ni 'jig
 sman dang/ sman gyis bsku ba rnams spang bar bya'o/ /'jib sman dang byug pa de dag kyang rma khar mi bsku ste/ sbyor ba de dag byas na mnyes pa rnams mi 'byung ngo/ /de la 'jib sman ni bod sran dang/ nas dang/ gro dang/ mon sran gre'u dang/ sde'u dang/ bra po dang/ gzhan
 yang sman ci bag can rnams lhan cig sbyar la 'jib rtsi bya'o/ /gcin nad dang/ mdze nad kyi sman tshabs cher reng ba la ni byi'u rug pa dang/ dong ka'i sde tshan gnyis kyi dang po'i sman bdun bdun skol ba'i khu bas rma bkru bar bya'o/ /yang na pa to la dang/ nimpa'i
 'o ma bskol bas bkru'o/ /rma dag pa yang rung ma dag pa yang rung ste/ de la ni n+ya gro d+ha la sogs pa gong du bstan pa'i sman lnga'i shun lpags bskol ba'i khu bas rma bkru bar bya'o/ /yang na pa to la dang/ til dang/ shing
 mngar dang/ dur byid dang/ dan+ti dang/ ser po rnam gnyis dang/ nimpa'i lo ma dang/ rgyam tsha dang/ 'di rnams sbyar ba'i lde gus bskus na rma sbyong bar byed do/ /rma kha tshigs dang gnad rnams su byung ba la ni dur byid dang dan+ti dang/ lang+ga li dang/ rgyam tsha
 dang/ sbrang rtsi rnams sbyar ba'i chang bu phra mo byas te/ rma nang du gcug na rma spyod par byed do/ /rlung gi rma zug gzer drag po dang bcas shing rnam khrag 'dzag pa la ni nas dang/ gro dang motstsa ra dang/ sh+ri beSh+Ta dang/ thang shing dang mar dang bcas pa'i rung pas
 bdug go /khrag dang mkhris pa shas che ba'i rma la ni shin tu bsil ba'i nus pa dang ldan pa'i sman gyis bsku'o/ /rma kha skams shing sha bri la rma brab pa la ni/ sha skyed pa'i sman bya ste/ de yang n+ya gro d+ha dang/ shug pa'i sde tshan dang/ a shwa gand+ha dang
 ba la dang/ til dang de rnams kyis bsku ba dang/ sha za ba'i srog chags kyi sha cho ga bzhin du g.yos su byas te/ zos la sha skyed de sems kyang dri ma med par bya'o/ /rma kha'i sha gsar pa phyir 'bur zhing glo ba la ni sri shing gi me tog dang/
 nag tshur dang/ ldong ros dang/ ba bla dang/ gu gul dang/ kru drug tres dang/ 'di rnams kyi lde gus bskus na phan no/ /gal te sha mthon par mthug cing sra la g.ya' zhing yun ring ba nas 'tsho ba la ni thal sman gyi las kyis gso bar ro bya'o/ /rde'u
 'byin pa'i rma las gcin 'byung ba dang/ tshigs su bcad pa rnams la ni mdo'i gnas su ji skad bstan pa'i cho ga rnams bya'o/ /rma'i cho ga tshul bzhin byas kyang mi 'grub pa la ni me'i las rnams bya'o/ /de ltar rma'i kha'i sha glon pa la
 sogs pa'i cho ga gong du bstan nas/ da ni rma 'tsho zhing 'drub par bya ba'i sman sbyar bar bya ste/ a shwa gand+ha dang gseng phrom dang/ katpa la dang/ shing mngar dang/ btsod dang/ da ta ka'i me tog dang/ 'di rnams kyi phye ma sbyar na rma 'tshe bar byed pa'i mchog
 yin no/ /rma ma smin pa dang/ rma kha'i sha rul cing 'drubs su mi 'dod pa la ni sman kha ba dang/ mngar pa bskol ba'i nad du til mar dang/ shing mngar gyi phye ma btab ste/ snum dang ldan pa dro 'jam tsam gyis bskus na/ rma 'drub par 'gyur ro/ /gong
 ma'i sbyor? ba de'i steng du ni nimpa'i lo ma dang sbrang rtsi sbyar ste bskus na/ rma'i cho ga sbyangs pa'i mchog yin no/ /yang na sbyor pa de gnyis zhun mar dang bcas pas bskus na yang rma myur du 'tsho bar byed do/ /gang du til med pa'i gnas su nas kyi skyin pa bya'o/
 zhes de nyid rig pa'i sman pa rnams 'dod do/ /khrag dang mkhris pa las gyur pa'i rma dang/ rma dug can dang/ blo bur du byung ba'i rma dang/ zabs su song ba'i rma dang/ tsha ba dang bcas pa'i rma la ni mar 'o ma dang/ rma 'tsho ba'i sman dang/ lhan cig sbyar
 te/ btad na rma 'tsho bar 'gyur ro/ /bad kan dang rlung las gyur pa'i rma la ni rma sman bskol ba'i nang du til mar dang sbyar ba btang na/ rma 'tsho bar 'gyur ro/ /nag tshur bya ba la ma dang gser phrom dang/ a ru ra dang/ sra rtsi pog dang/ dngul rdo dang/ spangs
 ma dang/ 'di rnams kyi phye ma po son cha dang/ til mar dang bcas pa btang na rma 'tsho ba'i mchog yin no/ /rma kha mnyam ba dang/ rma'i sha bstan pa dang/ pags pa la rma byung ba la ni ka kum dang/ u dum+ba ra dang/ a shwat+tha dang/ shing 'dzam bu dang/
 katpa la dang/ gseng phrom dang/ 'di rnams btags pa'i phye mas btab na yang 'dad pa yin no/ /rma kha gsar pa pags pa dang/ she pu skyer mi 'dod pa la ni/ ka ku ba la sogs pa gong gi shing de rnams kyi phye mas btab na/ pags pa myur du skye bar 'gyur ro//
 rgya skyegs dang ldong ros dang/ btsod dang/ ba bla dang/ ser po rnams gnyis dang/ 'di rnams kyi phye ma mar dang/ sbrang rtsi dang sbyar ba'i lde gus bskus na/ pags pa'i rma dang bar byed pa'i mchog yin no/ /skyer ba dang
 bri yang ku dang/ a mra'i rus ba dang/ he ma ka la dang/ dngul chu dang/ 'di rnams kyi phye ma ba lang gi lci ba btsir ba'i khu ba dang/ sbyar ba'i lde gus bskus na pags pa'i rang bzhin gyis mdog bskyed pa'i mchog yin no/ /spu skyed pa'i don du glang po che'i
 so snod kha sbyar gyi nang du dud pa ma shor bar bsregs pa dang/ skyer khaN+Ta dang til mar sbyar bas bskus na spu skye ba dang/ de bzhin du srog chags rkang pa bzhi pa'i sen mo dang/ spu dang/ rus pa dang/ pags pa dang/ rwa dang/ rmig pa dang/ 'di rnams
 gong ma bzhin du bsregs la/ snag tshar byas pa til mar dang sbyar bas bskus na/ spu skye bar 'gyur ro/ /rma dang ldan pa'i skyes bus ni kha zas kyi phan gnod gang bsrung ba ni/ mdo nas mtshon gyi las bsnan pa'i skabs su blta bar bya'o/ /rlung
 las gyur pa'i rma la ni rtsa ba che chung lnga'i sde tshan dang/ rlung 'joms pa'i sman dang sbyar ba btang ngo/ /de bzhin du mkhris pa las gyur pa'i rma la ni/ n+ya gro d+ha dang/ shug pa'i sde tshan gnyis dang/ mkhris pa 'joms pa'i sman dang sbyar te btang
 ngo/ /bad kan las gyur pa'i rma la ni/ dong ka'i sde tshan dang/ gang bad kan 'joms pa'i sman dang sbyar ba btang ngo/ /nad gzhi 'dres pa las gyur pa'i rma la ni sman yang 'dres pa sbyar la btang ngo/ /gong gi sman gyi sbyor ba de dag gis bkru
 pa dang/ byug pa dang/ sman mar dang/ 'bru mar dang/ khu ba bya ba dang/ phye ma dang/ bdar bu dang sbyor ba bdun po de dag gis ji ltar rigs pa bzhin du sbyar ro/ /dza ti dang/ nimpa dang/ pa to la'i lo ma dang/ pu tse shel dang/ skyer pa dang/ yung ba
 dang/ tha la tres dang/ btsod dang/ a ru ra dang/ pra tshil dang/ spangs ma dang/ shing mngar dang/ ka rany+dza'i sa bon dang/ 'di rnams mar dang tshul bzhin bskol te sbyar la btang na/ rma kha chung ba dang/ gnang la brten te rnag 'dzag pa dang/ rma zab cing
 zug gzer dang bcas pa dang/ rma mched pa la phan cing de dag cing 'tsho bar byed do/ /rma gso ba'i le'u ste nyi shu rtsa lnga pa rdzogs so// //de nas blo bur du byung ba'i rma gso ba'i le'u bshad par bya ste/ de la blo bur du byung ba'i rma ni 'phral du
 mtshon la sogs pas rmas pa las 'byung ste/ de yang rma 'byung ba'i gnas kyang mdza' yas mod kyi/ re zhig smad pa'i rma rnam pa brgyad du bshad cing brjod par bya ste/ de yang pags pa bshus pa dang/ rma nyis rtseg du 'byung ba dang/ rnam par chad pa dang/ rab tu
 'phyang ba dang/ yan lag lhung ba dang/ rus pa zug pa dang/ gnad du bsnun pa dang/ grugs pa rnams so/ /de la pags pa bshus pa'i rma ni pags pa tsam shus te/ chu ser nyi tshe 'am/ khrag cung zad dang bcas pa 'dzag la/ nad dang bcas pa yin no/ /rma gnyis
 rtse gang du 'byung ba ni dang po gcig gis bsnun la de dang nye bar yang bsnun pa yin no/ /rnam par chad pa'i rma ni mtshon gyis lan cig bcad pa'i steng du yang bsnan pa'o/ /rab tu 'phyang ba'i rma ni rus pa'i lhag ma tsam gyis 'brel te 'phyang bar 'gyur ba'o
 yan lag ltung ba'i rma ni yan lag lhung por chad de de sa la lhung ba'o/ /dru ba zug pa zhes bya ba'i rma ni mtshon rtse shin tu pra ba lus la zug ste/ khong par zhugs bam gtogs par mtshon nang du lus pa'o/ /bsnun pa zhes bya ba ni gnad du bsnun pa'o/ /grugs
 pa zhes bya ba'i rma ni khrag dang/ rkang gnyis 'brel bar 'khrugs pa'o/ /mtshon gyis drag tu bsnun cing phog na ni/ rma yangs shing rgya chen por song ste/ rus ba dang mtshams bye ba yin no/ /de ltar rma blo bur du byung ba la ni shing mngar dang mar sbyar bas bsku'o//
 yang na shin tu zug gzer che ba la ni/ ba bla'i 'bru mang dro 'jam tsam gyis bsku'o/ /rmas te khram mang po 'byung zhing tshab skyes na de gzhil dar bya ba'i phyir/ sman mngar ba dang bsil sman snun pa dang bcas pa rma
 khang blugs so/ /blo bur du 'byung ba'i rma kha rgya chen por song na ni rub par bya ba'i phyir sbrang rtsi dang mar sbyar bas bsku zhing/ mkhris pa 'joms pa'i bsil ba'i sman rnams kyang sbyar ro/ /de'i 'og tu slon khrus kyis lus sbyang ba dang/ smyung ba bya ba dang
 zas zos pa'i 'og tu rtag tu gtar kas khrag dbyung bar bya'o/ /de la pags pa bshus pa'i rma dang/ grugs pa'i rma gnyis la ni khyad par du cho ga gong ma ltar bya ste gang gi phyir zhe na de gnyis ni 'jig pa nyung zhing myur du smin pas so//
 rma gzhan ni phal cher rma mang du 'byung ste khrag mang du 'dzag cing zad pas/ rlung khrugs nas zug gzer skyed bar byed de/ de la ni rlung 'joms pa'i sman dang sbyar ba'i btung ba dang/ blugs ba dang/ du gsar dang/ bsku ba dang/ byug pa
 dang/ 'jam ci mas btang ba rnams bya'o/ /blo bur du byung ba'i rma la 'phral gyi gso ba de dag byas nas zhag bdun gyi bar du bzhag go /de ltar zhag bdun 'das te/ zug gzer gyi shugs glod pa dang/ de'i 'og tu gong du smras pa'i
 cho ga rnams spyad do/ /de ltar bshad pa de dag ni rma spyi'i cho gar bstan pa yin no/ /da ni re re'i gso ba bshad par bya ste/ de la pags pa bshus pa'i rma la ni zug gzer zhi bar bya ba'i phyir myur du rma la sman gyi phye ma sbyar ro//
 rma gnyis rtseg du 'byung ba la ni lde gus la sogs pa sbyar ro/ /rnam par chad pa dang/ rab tu 'phyad ba'i rma la ni cho ga bzhin du mtshems te btsangs la/ rnag gzag cing btsir bar bya'o/ /mtshon gyis mig bcar ba de ni gsor
 mi rung ngo/ /gang gi mig gnas nas skyong de phyir 'byung zhing 'phyang ba la ni snga ma'i gnas ji lta ba bzhin du bzhag la/ sman bas mig gi 'dus kyi rtsa las gtor zhir pad+ma'i 'dab ma gnyis kyi bar du btsir zhing khrag gzag go /de nas
 mar gyi bsku ba dang/ sgra sman dang mig brta ba'i cho ga byas na phan no/ /shing mngar dang/ dzi ba ka dang/ zangs rtsi ba dang/ utpal dang/ de rnams ra'i 'o ma dang lhan cig bskor te mig tu blugs na/ mig nad snad pa thams cad las rgyal bar byed pa'i
 mchog yin no/ /mtshon gyis snang de mig phugs su zhugs pa la ni mgul ba bsdams pa dang/ skyug du gzhug pa dang/ lung pa dang/ sprid pa 'byung ba'i thabs bya ba dang/ dbugs rdub cing bsdams pa rnams byas na phan no/ /yang na ni mig snad pa'i
 gso ba rnams byas na phan no/ /rna ba snang cing smas te gnas las nyams na ni/ /rma btsems la rma'i nad thams cad til mar gyis dgar do/ /lhag bar mtshon gyis bcad de rmas na ni rma'i nad nas rlung ldad par 'gyur te/ de la ni de ma thag myur du rma
 gnyis legs par sbyar te/ btsems pa la bcings te ra'i mar gyi bskus na rab tu bsngags so/ /nad pa des kha zas bza' ba yang gang rkyal bzhag ba 'am/ mgo phyir bskyed la bza' o/ /mal cha yang mi 'gul ba legs par byas te bzhag go /rkang lag
 'dra bar du smas te ma byung ba la ni rma/ ba legs par bsdus te bcug la ras bal lhan par btsems par bya'o/ /bcoms la dbang bu dang bcas pa bcings te ras 'thug mos bkri bar bya'o/ /phrag gong snad cing rma byang ba la ni ba lang gi pags pas mtshan
 khung nas mar phrag par bcing ngo/ /rlig pa mtshon gyis rmas te rkang ba gnyis kyi bar nas mar 'phyangs pa la ni lgang ba'i nang du chu blugs lams btang ba'i spu bu nas drangs pa'i chu drag po'i rgyun gyis bkru ste/ de'i 'og tu rlig pa rang gi gnas su bsdus
 te bcug la bas bal dang lhan par btsems par bya'o/ /dbyi rmas shing snang ba la ni rmas pa'i rma ba rang gi gnas su bsdus te bcug la ba lang gi pags pas brla dbrag nas yar bcings te/ ras kyi steng nas dkri bar bya'o/ /de snum gyis
 klugs pa yang bya'o/ /gal te rma snags na ni bri yang ku dang/ /sa ka ru dang/ sug smel dang/ tsan dan dang/ parpa ta dang/ ldong ros dang/ skyer ba dang/ sle tres dang/ spangs ma dang/ de rnams til mar dang sbyar ba'i mar gyis bskus na rma 'tsho bar 'gyur ro/ /rkang lag dud por chag
 na ni til mar bskol ba'i nang du bcug cing bsregs la pags pa'i shubs su bcug ste bcing bar bya'o/ /de'i 'og tu rma gso ba'i cho ga rnams spyad do/ /rdub zug ba'i rma la ni thog mar zug rngu phyung la de'i 'og tu rma gso ba'i cho ga bzhin bya'o/ /grugs pa'i rna
 la ni rkang lag chag grugs kyi gso ba rnams sbyar ro/ /mgo bo la mtshon la sogs pa'i zug rngu zug pa la ni thog mar zug rngu phyung la skra tshoms bsnyil bas gzhug cing btsags la bzhag go/ gal te glad rgyas 'dzag na ni rlung 'khrugs nas na ste/ de la ni rlung
 gi gso ba rnams bya'o/ /gzhan du byas na ni 'tsho bar 'gyur ro/ /mgo bo'i rma pags kyi ru ba na ni skra nyag re res rim gyi dbyung ngo/ /gang gi klad rgyas mang du 'dzag ste bri bar gyur pa la ni srog chags gzhan 'phral bsad ma thag ba'i klad rgyas zar gzhug go /yon
 lag gzhan du zug rngu zug pa la ni/ thog mar zug rngu phyung la snum dang ldan pa'i reng bus bcug la bcang ngo/ /gang gi rma kha chug zhing phugs su song ste/ khrag mang du 'dzag pa la ni tsa kra mard+ha'i mar gyi rkang pa bkang ste mas btang ba'i spu bu chung ngu dang
 rma'i nang du phul zhing btang ngo/ /de la snang du bstan pa'i rma las khong ba'i nang du bsnun pa'i rtags ni/ lto ba khrag gis gang ba dang/ brgyal ba dang/ gla snying dang/ rtsib logs su zug cing na ba dang/ rims kyis 'debs pa dang/ lus tsha ba dang/ skom
 dang che ba dang/ spa ba dang/ kha zas la mngon par mi dga' ba dang/ bshang gci dang rlung 'gags pa dang/ dbugs mi bde ba dang/ mig dmar ba dang/ rdul ba dang/ kha nas khrag gi dri bro ba dang/ lus la dri nga ba 'byung ba yin no/ /khrag de pho ba'i gnas su byung na
 ni khrag gi skyug pa dang/ lto spo ba dang/ shas cher na zhing shin tu ma rungs par 'gyur ro/ /zhi ba'i gnas long kar khrag de byung na ni/ shin tu khong lci zhing zug gzer dang dang bcas pa dang/ lte ba'i 'og tu grang ba dang/ gdong gi bu ga nas khrag 'byung ste/ de yang
 ma zhu ba'i gnas kyi khrang steng du 'gro ba'i lam med na/ gang nas 'byung zhe na/ de ni rtsa rgyun phra mo las steng du 'dzag pa yod de/ ci ltar sgang ba kha thur du ltas kyang rtsa rgyun phra mo las gcin gyi thigs pa nang du 'bab pa bzhin no/ /de la khong pa'i nang na khrag yod pa dang/ rkang
 pa grang ba dang/ dbugs mi bde ba mthon pa dang/ mig dmar ba dang/ gdeng skya ba dang/ lto ba spo ba'i mtshan ma dang ldan na ni spang bar bya'o/ /de lam zhu ba'i gnas su khrag byung ba la ni/ slon sman byas na phan no/ /khu ba'i gnas long kang khrag byung ba la ni/ bkru sman ni
 ru ha gnyis snum med cing dro bas sbyang bar bya'o/ /kha zas ni nas dang/ rgya shug dang/ rgya sran gyi khu ba snum med pa'i nas thug rgyam tsha dang bcas pa bza' o/ /khong ba'i nang du mtshon gyis phog khrag mang du 'dzag pa la ni khrag gi btung ba blud do/ /lte bar bsnan pa'i rma las
 ni rgyu ma chad na rdol du gyur tam ma gyur pa'i bye brag shes par bya ste/ de la ma rdol ba ni brgyal ba la sogs pa'i bye drag tshor ba shas chung ba yin no/ /gal te rdol na ni brgyal ba la sogs pas shas cher mi bde ba yin no/ /de la rgyu ma ma rdol ba ni 'tsho ba'i the tshom dang
 bcas pa yin no/ /rgyu ma rdol ba ni 'tsho bar mi 'gyur ro/ /khong pa mtshon gyis rmas te bshad gci dang tshul bzhin rang gi lam nas 'byung yang gnod pa dang/ sdug bsngal dang bcas pa de yang 'tsho ba the tshom dang bcas pa yin no/ /khong pa ni rdol rgyu ma
 ni ma rdol bar phyir byung na ni nang du bsdus te slar gzhug go /gal te gzhug tu ma 'dod na ni dbugs gyen du rdubs na/ rgyu ma rang gi gnas su slar zhugs par 'gyur ro zhes/ kha cig sla'o/ /rgyu ma phyir byung ba de rdul la sogs pas
 gos na 'o mas dgu ste/ nang du zhugs pa 'am lag pa'i sen mo bsregs la mar gyis bskus te/ rim gyi legs par gzhug go /rgyu ma phyir byung ba de yun ring du lon te skams na ni 'o mar spang zhing mar gyis bskus la gzhug go /rgyu ma de rang gi gnas su legs
 par phyin pa rang nyid kyi dbugs rdub pa la sogs pas mi nus na gzhan gyis lag pa'i sor mo nad lce phugs su bzhag la skyug du gzhug go /de bzhin du rgyu ma nang du gzhug khar zug gzer gyis brgyal na gdong la sogs pa chus gtor ro/ /ma'i kha sgros chung
 zhing/ rgyu ma spom zhing che ste/ rgyu ma nang du zhugs su ma 'dod na/ de shong ba'i tshad tsam sral la nang du gzhug go /rgyu ma de rang gi gnas su legs par phyin par shes na rma de btsems par bya'o/ /gal te rgyu ma sngar ji ltar 'dug pa bzhin du ma song sde/ rgyu ma
 'chus shing 'khrugs par bcug na ni 'chi bar 'gyur ro/ /de nas ras snum can la bsgos pas bkris la steng nas mar gyis kyang bsku'o/ /de'i 'og tu tsi tra kra'i 'bru mar 'o ma dang sbyar ba dro 'jam tsam blud na bshad pa sla zhing rlung dang bcas pa bde bar
 'byung bar 'gyur ro/ /cho ga gong ma ji lta ba bzhin du lo gcig gi bar du rma bsrung ba la 'bad par bya'o/ /rmas te lto tshil phyir byung nas thal ba dang sa la sogs pa'i dri mas gos na ni rtsa ba bcu pa'i sman brtags la khol ba'i khu
 bas bkrus la/ sman pa mkhas pas tshil ji tsam phyir byung ba'i mtshams su skud pas dam du bcings te mtshon rnon pos bcad pa 'am/ yang na mtshon me la bsregs pas bzhu'o/ /gzhan du log par bcad na ni khong par na zhing zug
 la rgyu ma sgra dang bcas pa 'am/ yang na 'chi bar 'gyur ro/ /de ltar byas pa'i 'og tu ras sbrang rtsis byugs pa'i 'og tu kha zas zhu ba'i tshod tsam na mar blud do/ /dan+ti dang/ rgya skyegs dang/ gzem dang/ shing mngar dang/ de rnams 'o ma dang bskol ba blud pa 'am
 yang na gang du smos pa'i cho ga bzhin du byas na na zhing tshe ba las rgyal bar byed pa'i mchog yin no/ /tshil gyi thor bu gso ba'i nang du bshad pa'i 'bru mar gyi bsku byug byas na yang phan no/ /bal bu'i lo ma dang/ shug pa dang/ spang spos dang/
 ha re nu ka dang/ a ka ru dang/ tsan dan dang/ ser po rnam gnyis dang pad+ma'i sa bon dang/ pu tse shel dang/ de rnams til mar dang bskol ba bskus na/ blo bur du byung ba gso bar byed pa'i mchog yin no/ /mtshon gyis bsnun tam/ g.yang sa
 ltung zhing dran pa nyams shing mod bag tu gyur pa la ni rlung dang khrag 'joms pa'i sman gyis mye ba dang/ dril ba dang/ lus dag par byed pa la sogs pas tshim par bya'o/ /lus kyi yan lag gi tshigs bya ba dang/ lus tsha bas cher
 snang ba dang/ khrag zag pa dang/ gnad du bsnun pa dang/ de rnams la ni zom bzang po lus shong ba tsam til mar gyi bkang ste/ lus gzhug cing de'i 'og tu sha khu sbyin no/ /blo bur du byung ba'i rma gso ba'i/ le'u ste nyi shu rtsa drug pa
 rdzogs so// //de nas chag grugs gso ba'i le'u bshad par bya ste/ de la thog mar lhung ba dang/ snang ba la sogs pas rus pa'i tshigs dang/ tshigs ma yin par bye ba dang/ chag pa rnam gnyis su 'gyur ro/ /de la thigs
 byed pa'i rtags ni brkyang bskum gyi rtsol ba mi nus so/ /rus pa chag pa'i mtshan ma ni shas cher skrang ba dang/ dus thams cad du zug cing na ba dang/ bsgul bskyod phra mo tsam yang mi nus pa dang/ myangs na rus pa khrol sgra grog go/ de dag ni chag
 pa'i mtshan nyid mdor bstan pa'o/ /de la chag grugs kyi sbyor ba mang du smos pa las sbyor ba ji lta ba bzhin du nyung zhig brjod par bya ste/ thog mar rus pa chag bar gyur na dus pa 'khrol ba'i sgra grag
 go /de la rus pa gang yang rnyed pa khrums su chag pa ni gzhug par sla zhig 'tsho bar yang sla'o/ /rus pa chag pa de zug cing ma chag pa tsam du lus pa 'am/ yang na rus pa gzhol phyogs chag ste/ drangs kyang mthon dman du song ba ni shin tu gso
 dka' ba yin no/ /de bzhin du lus rdzud pa dang/ nyams stobs chung ba dang/ rlung nad na ba dang/ zas nyung du za ba dang/ klad pa'i tshigs dang/ rkang pa'i tshigs bye zhing 'byung ba dang/ gdong bu'i rus pa chag pa dang/ 'di rnams ni spang bar bya'o/ /gzhan yang
 mgo'i rus pa bye zhing mi 'byor ba dang/ phrad pa'i rus pa dum bur song ba dang/ mur 'gram dang spyi gtsug snang de chag pa dang/ yang na rus pa chag pa de legs par ma bcings pa dang/ bcings kyang bar du bsgul skyong kyis grugs pa dang/ yang na lam du 'gro
 zhing bskyod drags pas grugs pa dang/ gso ba log pa byas pa rnams kyang spang bar bya'o/ /gang yan lag la sogs pa bcus pa 'am/ grangs pas yan lag gi rus pa phra mo chag gam/ yang na tshigs byung ngam/ rus pa nyi ba chag gam/ yang na rus pa
 snubs can chag gam/ yang na klad pa zhom 'am/ de las gzhan pa'i rus pa chag gam/ chag 'phro mtho dman du song na/ gang mtho ba mnan cing dma' ba bteg ste/ drang po legs par gzhug go /phrag pa'i rus pa chag ste/ chag 'phro shin tu dma'
 bar gyur pa las dma' ba yar btag ste/ bcug la pags pa sar pas dam du bcing bar bya ba'i cho ga bya'o/ /lus kyi tshigs 'gul ba dang/ mi 'gul ba thams cad chag gam/ byung na yang cho ga de ltar bya'o/ /gzhan yang rkang lag gi rus pa
 la sogs pa chag pa gang yang rung ba de dag kyang ci nas legs par bcug la mi 'gul ba'i thabs su bya ste/ ras mar mang pos bskus pas dkris la bcings te/ ka dam pa dang/ u dum+ba ra dang/ a shwat+tha dang/ sA la'i shing dang/ ardzu na'i shing dang/ rgya skyegs
 shing dang/ smyug ma dang/ 'od ma dang/ de rnams gang yang rung ba'i shun pa dang/ shags ma'i byang bu zhang che zhing/ srab la 'jam pas dbang du byas la bsdams te ku sha'i srang bus bcing bar bya'o/ /gal te lhod par bcings na ni 'byor
 ba bye zhing chag pa brtan par mi 'gyur ro/ /bcings pa bsdam drag na ni shin tu na zhing zug pa dang/ tsha zhing khol ba dang/ skrang bar yang 'gyur ro/ /bcings pa de tsha ba'i dus na ni zhag gsum gsum zhing lan re bkrol lo/ /grang ba'i dus na ni zhag
 bdun bdun zhing bkrol lo/ /dro grang mnyam pa'i dus na ni lnga lnga zhing bkrol lo/ /yang chag grugs kyi nad gzhi dang/ stobs che chung dang sbyar la ci rigs par gyis shig/ bkrol ba'i bar skabs kun du n+ya gro d+ha la sogs pa bskol ba'i khu ba bsgrangs
 pas bkru zhing blugs par bya'o/ /gal te zug gzer dang bcas pa yin na ni/ rtsa ba chen po lnga bskol bas bkru'o/ /de bzhin du sman pas yul dang dus kyi bye brag shes par byas nas/ tsakra mard+ha'i mar rlung 'joms pa'i sman dang sbyar ba'i lde gu dro 'jam
 tsam gyis bsku bar bya'o/ /gzhan yang shin tu bsil ba'i byug pa dang bya rgyun du bya'o/ /ba'i 'o ma dang mar dang sman mngar ba dang bskol ba rgya skyegs dang bcas pa grang mo nang re bzhin blud do/ /chag grugs rma dang bcas pa byung ba la ni sbrang rtsi dang
 mar shas cher sbyangs bas bsku'o/ /gzhan yang skrangs pa gso ba'i cho ga las 'byung ba bzhin du sman bskol ba'i khu ba blugs pa la sogs pa bya'o/ /rma kha las sha'i dum bu 'phyang ba lta na ni sbrang rtsi mar dang sbyar bas bskus la slar spyad 
 te/ legs par bcing ngo/ /de ltar bcings nas sha 'phyang ba de legs par sbyar ba 'dra na pri yang ku dang/ seng phrom dkar po dang/ katpa la dang/ btsod dang/ da ta ki dang/ 'di rnams kyi phye mas gdab pa'i me/
 yang na da ta ki dang gseng phrom gyi phye mas rma kha la btab na myur du rma 'drub par 'gyur ro/ /de dag ni chag grugs kyi gso ba rim par bstan pa yin te/ lus kyi khams mnyam pa dang/ rgun gyi dus dang/ nyams stobs dang/ lus shas che
 ba dang/ nad gzhi chung ba rnams kyi rma ni gso sla ba yin te/ gzhan du ni gso dka' bar bshad do/ /de la thog ma dang bar ma dang/ tha ma'i bar du 'o ma yang dang po nas rim pas myur du bskyed de/ blugs pa la sogs ba cho ga ji lta bzhin du
 byas nas/ rim gyi rma kha brtan par 'gyur te/ tshigs byung ba dang/ rus ba chag pa yang slar 'byor bar byed do/ /rked pa dang/ brla dang/ rje ngar gang yang rung ba chag na/ de la ni lus mi 'gyur ba'i cho ga bya ste/ nyal khri spang leb la gzer bu lnga btab
 ste/ de yang byin pa g.yas g.yon gnyis nas gzer re re dang/ brla ngos gnyis nas re re dang/ rkang pa'i mthil drangs nas gcig ste/ de ltar gzer lnga'i bar du mi 'gul bar bzhag go /sta zur dang/ sgal tshigs dang/ gdong gang yang rung
 ba'i tshigs byung ngam ma chag na bkrol ba la sogs pa'i cho ga gong ma bzhin du bya'o/ /gal te yun ring bo nas bkrol ba yig yin na ni snum dang blugs pa la sogs pas 'jam po byas te gzod bkrod lo/ /bskol ba'i 'og tu
 gal te chag 'phro ma zhugs sam grugs pa lta na yang gong ma bzhin du 'am sman pa'i blos ci rigs par yang legs par brtags te gzhug go/ sngar dus pa chag cing shas cher na ba dang bcas pa de legs par 'grub par
 'gyur ba las phyi sa snang ba 'am/ lhung ba la sogs pas yang chag par gyur na ni sngar ji ltar chag pa bzhin du 'am/ sman ba'i blos ci rigs par yang brtags te gso bar bya'o/ /de ltar cha grugs su gyur pa la ni sman pas ci nas snags par mi 'gyur bar
 bsrub ste/ gal te snags par gyur na ni sha dang rtsa dang rgyas pa dang/ 'di rnams la gnod pas 'grub par mi 'gyur te/ zhig par 'gyur ro/ /gzhan yang rlung nad kyi cho ga'i nang du bshad pa'i snum gyi sbyor ba rnam pa bzhi pa sna nas btang ba dang/ 'jam rtsi la
 sogs ba stobs bskyed pa'i phyir 'di la yang sbyar bar bya'o/ /de bzhin du kha zas kyang 'bras sA lu dang/ mar dang/ sha khu dang 'o ma la sogs pa dang/ sran chung dang mung+ga la swa ba bsil ba'i nus pa dang/ ldan pa dag tshod zin par chag grugs can la sbyar
 bar bya ste/ ci nas chag grugs 'byor bar byed pa'i bag bsten par bya'o/ /chag grugs bye zhing mi 'byor ba'i rtags ni kha ba'i bag dang/ thal sman dang/ skyur dang/ nyal po dang/ nyi ma dang/ rtsol ba rnam gnyis bsten par mi bya ste spang ngo/ /de bzhin du
 kha zas rtsub pa rnams kyang spang bar bya ste mi bsngags so/ /til nag po phub ma med pa ras kyi nang du thum por byas te dam du bcings nas chu'i nang du zhag bdun gyi bar du nub re spangs nyin re bskams te/ de bzhin du 'o ma dang/ shing mngar bskol
 ba'i khu ba dang/ re rer yang cho ga gong ma ltar bya ste/ de nas zhag bdun gyi bar du 'o ma la sogs pa'i nang du spang zhing skams la khu ba zhen pa dang/ til nag po rdul med pa btags pa'i phye ma dang/ spang spos dang/ ba la ka dang/ btsod dang/
 chu srin sen mo dang/ shu ti dang/ bla ba dang/ ru rta dang/ ba bla rnam gsum dang/ a ka ru dang/ tsan dan dang/ gur gum dang/ thal tres dang/ ko nyon rtse'i thang chu dang/ sra rtsi bog dang/ thang shing dang/ sman shug pa'i sde tshan la sogs pa dang/ dri
 zhim po'i sbyor ba de dag btags pa'i phya ma 'o ma dang lhan cig bskol te/ btsir ba'i 'bru mar 'gyur ba dang/ de'i nang du rdo dreg dang/ rwa sna dang/ sal pin? dang/ ka shar ka dang/ gan+ta bri yaM ku dang/ rgya spos
 dang/ ganda pa dang/ gseng phrom dang/ k+ShiM ba da ri dang/ rtsa dur ba dang/ gong gi spang spos la sogs pa'i phye ma dang lhan cig tshul bzhin bskol ba ni 'bru mar dri zhim pa'i mchog ces bya ste/ de las ran par spyad na myur du nad med cing rus pa brtan par
 byed do/ /rlung dang mkhris pa las gyur pa'i nad shas che ba yang 'bru mar gyi sbyor ba 'di bsten na myur du zhi bar 'gyur ro/ /rgyud phyi ma mchog tu grub pa'i gnas las chag grugs gso ba'i le'u ste nyi shu rtsa bdun ba rdzogs so// //de nas mtshan
 bar rdol ba'i nad dmigs bstan cing nad gso ba'i cho ga'i le'u bshad par bya ste/ de la mtshan bar rdol ba'i nad rgyu ni glang bo che dang rta la rgyun du zhon pa dang/ mal mkhrar ba la nyal ba dang/ tsog tsog por 'dug pa dang/ gzhan yang gzhang 'brum gyi nang
 gzhir bsten pa dang kha zas mi mthun pas rma smin par mtshor ba dang/ yang na blo bur du byung ba'i sma smin par mtshor ba dang/ dam pa rnams la smod pa'i nyes pas phal cher rkub kyi tshu rol sor gcig gam gnyis la phol mig sngon du 'gyur zhing/ de brtol ba las nang
 ngam phyi rol du rma 'byung ste/ sha dang khrag mi rung bar byas ta rul bar byed do/ /de nas rma de chu so dang/ gcin gyi gnas su 'gro bar byed do/ /'dzag ba dang ldan pa'i bdag nyid can yin te/ de gso ba log par byas na ni mtshan bar brdol gyi rma de mched par byed do/ /de yang mo mtshan dang/
 chu so dang/ gzhang dang/ de rnams su cher mched cir rdzas la rma skyes pa'i nang nas rlung dang gcin dang/ phyis 'byung bar 'gyur ro/ /de yang nad gzhi re re las gyur pa dang/ ldan pa dang/ 'dus pa dang/ glo bur du byung ba dang/ rnam pa brgyad du shes par bya'o/ /re smin pa'i
 mtshan par rdol ba zhes bya ste/ de yang nad kyi rtsa mi mngon pa dang/ tshabs cher na ba dang/ rma mi 'drub cing 'khrugs pa rnams yin te/ gzhan du na ni /phol mig nyi tshe yin no/ /de la rlung las gyur pa'i phol mig gi mtshan ma ni mdog sngo gnag tu 'gyur ba dang/ na zhing
 zug pa dang/ 'phar ba dang nad dang bcas pa yin no/ /mkhris pa las gyur pa'i rtags ni rnga mo'i mgrin pa bzhin du mtho ba dang/ mdog dmar ba dang/ tshab che dang rims kyis 'debs pa rnams yin no/ /bad kan las gyur pa'i phol mig gi mtshan ma ni brtan pa dang/
 snum pa dang/ nad kyi rtsa 'phros pa dang/ mdog skya ba dang/ g.ya' ba rnams yin no/ /rlung dang mkhris pa las gyur pa'i mtshan ni mdog gnag pa dang dmar ba dang/ tsha 'ur 'ur bor 'dug pa dang/ mi bzod par na ba rnams yin no/ /bad kan dang rlung las gyur pa'i phol
 mig gi mtshan ma ni/ cung zad dkar cing cung zad gnag pa yin no/ /'dus pa las gyur pa'i phol mig gi mtshan ma ni rkang pa'i mthe bong dang mnyam pa'i phol byung zhing zug gzer che ba dang/ kha zas yi gang mi 'ong ba dang/ skom dang che ba dang/ tsha 'ur 'ur bor 'dug
 pa dang/ rims kyis 'debs pa dang/ slon pa la sogs pa nad sna tshogs kyis gnon pa yin no/ /rlung las gyur po'i phol mig gso ba ma byas te smin na ni rma kha mang du 'byung ste/ de yang ji ltar bu ga brgya ba'i tshags ma las chu 'dzag pa bzhin du/ rma kha de las kyang
 'dzag pa dang/ dbu ba dang bcas par rgyun du 'dzag pa de rma kha brgya ba zhes bya'o/ /mkhris pa las gyur pa'i nad kyang rlung dang 'dra ste/ de ni rnga mo'i mgrin pa zhes bya'o/ /bad kan las gyur pa'i nad ni 'dzag pa spyi dang ska ba mang du 'byung ste/ de ni kun tu 'dzag pa zhes
 bya'o/ /rlung dang mkhris pa las gyur pa'i nad kyis bshang sgo'i phyi rol du khyab cing mched de 'khor ba ltar 'dug pa de ni pa rik+Sha pa zhes bya'o/ /rlung dang bad kan las gyur pa'i nad gzhang la brten te drang por 'byung ba de ni mtshan pa rdol gyi nad drang por zhes bya'o
 bad kan dang mkhris pa las gyur pa'i nad thog mar gzhang 'brum gyi gnas su byung zhing de la brten te 'khrugs nas gzhan 'brum gyi rtsa bar g.ya' ba dang/ skrang ba dang/ tsha ba dang/ gzhang 'brum gyi rtsa ba der myur du smin te/
 rdol cing snags pas rgyun du 'dzag pa de ni gzhang 'brum gyi mtshan bar rdol ba zhes bya'o/ /'dus ba las gyur pa'i nad kyi mtshan ma ni bshang sgo'i phyi rol du dung 'khyil ba lta bur 'byung zhing der yang bug mang du snang ste nad kyi shugs drag pa de ni dung
 'khyil ba lta bu'i mtshan par rdol ba'i nad ces bya'o/ /mtshan par dol ba'i nad kyis sha rnags par bya ste zad pa las mdong mo'i rus pa la thug pa dang/ 'phreng du lam log par mched cing rma 'byung ste/ de'i tshe rnag rnying pas shu ba byung zhing srin bu skyes te/ des
 gzhang kun tu za bar byed cing gzhang rdol bar 'gyur te/ rma bas khyad du tsha ba dang/ g.ya' ba dang/ na ba la sogs pa skyed pa yin te/ de ni lam log par song ba'i mtshan bar rdol ba'i nad ces kyang bya/ zad byed ces kyang bya'o/ /de rnams las 'dus pa las gyur pa
 dang/ zad byed kyi mtshan bar rdol gnyis ni sdang bar bya'o/ /lhag ma rnams ni gso dka' o/ /gzhang gi gnyen ma 'dzum byed dang/ mtshan dang bshang sgo'i bar mtshams la mtshan bar rdol ba'i nang byung na ni 'brum du gso ba'i cho gas 'bad pas dang bcas par
 gso'o/ /gong 'og tu smon khrus la sogs pas lus sbyang zhing khrag byung ba bla blug pa sogs pas ci nas smin par mi 'gyur pa'i thabs bya'o/ /gal te smin na ni nye bar snum cho dang dugs bya dang/ chu nang du lus gzhug pa dag bya'o/ /mtshan bar
 rdol gyi gnas brtag pa ni gzhang 'brum brtag pa'i cha byed lta bus gzhang 'brum ji ltar brtag pa ltar bya ste/ de yang kha thur du lta ba dang/ gyen du lta ba dang/ nang du lta ba dang/ phyi rol du lta ba legs bar brtags te/ de la nang du lta ba ni sman
 pas legs par brtags te/ mtshon gyis dpral zhing bcad do/ /kha phyir lta ba ni zal sman gyis gso'o/ /yang na sman pa mkhas bas me'i las bya'o/ /rnga mo'i mgrin pa lta bu la yang thal sman gyi las bya'o/ /rma kha brgya pa la ni cha sbyang spubs can gcig gis nang du bcug ste/
 bcad par bya ste/ rma legs par 'drubs na ni legs pa yin la rma rnying ste 'tshor ma btub na ni nyes pa yin te 'chi ba yin no/ /pa rik+Sha pa zhes bya ba'i mtshan par rdol la yang cho ga gong ma ltar bya ste/ thal sman dang ba gcin spu bu nas gtang ba yang bya'o/ /gzhang
 'brum gyi mtshan bar rdol ba'i nad la ni sman pas brtags te/ gong gi gzhang 'brum la phan pa'i sman gyi phye mas gdab bo/ /za byed kyi mtshan bar rdol ba'i nad la ni zug rdu byung ba'i cho ga rnams bya'o/ /srin bu 'joms pa'i bza' ba dang/ byug pa dang/
 zas kyang sbyin no/ /de bzhin du glan pa'i dugs dang/ spu bu'i dugs la sogs pa snum chos byas na zug gzer la phan no/ /dung 'khyil ba lta bu bu ga mang du byung ba'i nad la ni sman pas brtags te bcad pa'i las bya'o/ /de la mtshon ni sarba to b+ha da twa zhes bya ba
 dang/ da la lang ga zhes bya ba dang/ lang ga zhes bya ba dang/ de rnams kyis bya'o/ /ngos su byung ba la ni mtshon go tirka ka zhes bya bas bcad do zhes 'dod do/ /mtshan bar rdol ba thams cad la ni mtshon sarba to b+ha da tra zhes bya bas bcad do/ /ang ga la'i mtshon gyis ni ngos
 gnyis pa la yod par bcad do/ /bcad pa'i 'og tu ni thams cad kyang bsregs par bya'o/ /'dzag pa'i lam thams cad kyang de bzhin du bsregs par bya ste/ phyis mi skye ba'i phyir ro/ /khong dag par bya ba'i phyir bar du sman pa slon khrus kyis lus sbyang bar bya'o/ /byi la'i
 rus pa'i phye ma 'bras bu gsum bskol ba'i khu ba'i nang du btab ste/ lde gur byas te rma bkru bar bya'o/ /dzo ti sma ti dang ma la yu dang/ lang+ga li dang/ shi lu dang/ dur byid dang/ pA thA dang/ tsi tra ka dang/ so rtsi ka'i bral ba dang/ ka ra bi ra dang/ shu thag dang/
 shu thag k+Sha ra dang/ a pa marga dang/ til mar dang lhan cig bskol te mar lus pa las mtshan bar rdol ba'i nad pa la sku byug tu byas na/ 'di ni phan par byed pa'i mchog yin no zhes bshad do/ /ba shing
 mngar dang/ gser phrom dang/ pi pi ling dang/ sug smel dang/ ha ru nu ka dang/ ser po rnam gnyis dang/ pri yi ku dang/ lan tsha dang/ thal tres dang/ pad+ma'i snying po dang/ shug ba dang/ da ta ki dang/ spra tshil dang/ sra rtsi po ga dang/ ru rta dang/
 ri di ka dang/ kha lung gi lo ma dang de rnams 'bru mar dang lhan cig bskol te/ mar lus pa las bsku bar byas na 'brum chen dang/ mdze dang/ gcin nad sbrang rtsi lta bu dang/ du ma 'joms par byed do/ /byi dang ga'i snying po dang/ 'bras bu
 gsum dang/ pi pi ling dang/ pi pi ling mu la dang/ de rnams sbrang rtsi dang/ til mar sbyar ba'i lde gu zos na srin bu'i nad dang/ mtshan bar rdol ba dang/ mdze nad dang/ gcin snyi ba dang/ rmas pa dang/ rma 'khyims pa dang/ de rnams 'joms shing
 'tshe bar byed do/ /sle tres dang/ sug smel dang/ byi dang ga dang/ dug mo yungs dang/ ba ru ra dang/ a ru ra dang/ skyu ru ra dang/ gu gul dang/ de rnams las kyi rim bzhin du cha res bskyed pa'i phye ma sbrang rtsi dang lde gur byas te zos na 'brum bu dang/
 tsha zhing sbom pa dang/ mtshan bar rdol byi nad rnams las rgyal bar byed do/ /pi pi ling dang/ tsi tra ka dang/ byi dang ga dang/ dug mo nyung dang/ de rnams cha bsnyams pa'i phyed kyi 'bras bu gsum dang/ de rnams spyi dang mnyam pa'i gu gul
 dang/ da rnams kyi phye ma sbrang rtsi dang sbyar bar lhags na nad thams cad 'joms par byed do/ /gu gul srad lnga dang/ pi pi ling dang/ 'bras bu gsum srad re ba dang/ shing tsha dang/ sug smel zho gnyis gnyis kyi phye ma sbrang rtsi dang sbyar
 ba zos na mtshan bar rdol ba dang mdze dang/ skran 'dzoms par byed do/ /gong gi sman gyi phye ma de nyid dang/ bca' sga'i phye ma bsregs ba rtsa ba bskol ba'i khu bas bsgos pa zos na/ byad par du rlung gi nad las rgyal bar byed do/ /seng ldeng dmar po'i snying po'i
 phye ma sman a sa na bskol ba'i khu ba'i nang du bsgos pa dang/ de dang mnyam pa'i gul grul dang/ gnyis sbrang rtsi dang lde gu byas nas zas na/ mdze dang/ gcin snyi ba dang/ 'brum bu dang/ mtshan bar rdol ba rnams sel to/ /de dag mtshan bar rdol ba gso
 ba'i bye brag yin te lhag ma bzal ba dang/ btung ba la sogs pa rnams ni rma gso ba'i cho ga las 'byung ba rnams bstan cing sbyin par bya'o/ /mtshan bar rdol gyi rma sos nas kyang lo gcig gam de bas lhag par yang rung ste/ rta zhon pa dang/ stobs 'gyed pa
 dang/ 'byung ba dgag pa dang/ chang btung ba dang/ nyal po dang/ kha zas spyi ba dang/ ma goms pa dang/ rtsal drags pa la sogs pa yongs su spang bar bya'o/ /mtshan bar rdol ba'i nad dmigs brtag cing gso ba'i cho ga'i le'u nyi shu rtsa brgyad ba rdzogs
 so// //de nas thor bu dang/ 'bras bu dang/ rkang bam dang/ 'brum chen dang/ rma 'khyims pa rnams kyi nang dmigs brtag pa'i le'u bshad par bya ste/ de la bad kan dang/ sha dang tshil dang/ brag 'dus pa las thor bu zlum bu mtho ba skrangs
 pa de ni thor bu zhes bya'o/ /de yang nad gzhi rnams dang/ rtsa dang khrag dang sha dang tshil dang rus pa dang/ rma las gyur pa'i thor bu dang rnam par gyur 'gyur ro/ /de yang rlung las gyur pa'i thor bu ni rgya cher mchod pa dang zug cing na ba dang/ pags pa dang/
 mchog rnag pa dang/ gnas gzhan dang gzhan du 'pho zhing 'gro ba dang/ ldang dub byed pa dang/ 'jam pa dang/ lgang ba bus pa ltar 'dug pa dang/ brtol na chu ser rnams 'dzag pa yin no/ /mkhris pa las gyur ba'i thor bu ni tsha 'ur 'ur por
 'dug pa dang/ mdog ser ba 'am yang na dmar ba dang/ myur du smin pa dang/ brtol na khrag dron mo 'dzag pa yin no/ /bad kan las gyur pa'i thor bu'i mtshan ma ni nad med pa dang/ sra ba dang/ reg na grang
 ba dang/ mgo dkar ba dang/ g.ya' ba rnams yin no/ /gal te smin na ni rnag ska ba 'dzag pa yin no/ /nad gzhi khrag dang 'dres pa'i thor bu ni srin bu dang bcas par 'gyur ba yin no/ /sha dang rtsa 'dres pa las byung ba'i thor bu
 ni tshor ba med cing bem bem por 'dug ste mtshan ma gzhan ni mkhris pa dang 'dra'o/ /sha skyes pa'i zas bsten pas sha rung bar 'gyur ro/ /thor bu 'byung zhing de yang snum pa dang/ che ba dang/ sra ba dang/ rtsa dra bas khyab par snang ste/ mtshan
 ma lhag ma ni bad kan dang 'dra'o/ /tshol skye ba'i zas bsten pas tshil zabs cher skyes nas rlung gi sha dang pags par tshil drangs te thor bur gyur ba ni shin tu snum pa dang/ 'jam pa dang bstan pa yin te rtags lhag ma ni bad kan gyi thor bu
 dang 'dra ste ldang du ba kyang byed do/ /de gal te brtol na ni tshil 'thug mo dmar ba dang dkar po dag 'byung ba yin no/ /rus pa chag gam snang pa las thor bur gyur pa ni shin tu mtho ba 'am/ yang na dma' ba 'byung ste/ de yang chu la sogs par
 bab tshol du song ba las 'byung ba yin no/ /rtsol ba drags pas rtsa dang khrag 'khrugs te/ rlung gis rtsa 'khums te yo ba dang/ skems dang/ mi 'phar ba dang/ nad nyung zhing mdud pa'i thor bur 'gyur te/ de ni rtsa'i thor bu zhes bya'o/ /ma
 'drubs kyang rung/ ma 'drub kyang rung ste/ ro kun dang ldan pa'i zas bsten pa dang/ rma la ras ma mthug mos dkris pa 'am/ yang na ma dkris par bzhag pa 'am/ lus kyi rma la rdo la sogs pa phog pa dang/ rlung nad las khrag shas cher
 byung ba dang/ yang ma byung yang rung 'khrugs te rma'i kha zlum por 'gyur zhing rma skam pa dang/ tsha 'ur 'ur por 'dug pa dang/ g.ya' ba rnams yin te/ de ni rma'i thor bu zhes bya'o/ /de la gsor rung bu'i 'brum bu'i nad gzhi gsum dang/
 khrag dang tshil las gyur pa bzhis 'gul dang rgyu ma spom po dang/ gnas dang mgul ba dang/ lto ba rnams su 'brum bu che zhing zum te/ de'i mtshan nyid ni nang na tshil nad gzhi rnams dang lhan cig 'khrugs pa yin te/ de yang bad kan dang
 tshil shas che zhing brtan pa dang/ smin mi shes pa yin no/ /rtsa'i nang du khrag gnas pa de nad gzhi rnams kyis ma rung bar 'gyur te khrag tshos shing rgyas pas sha'i gong bur gyur pa yin no/ /pags pa'i phyi rol shu ba mang pos khyab
 cing shas cher skyes pa dang/ rgyun tu khrag ngan 'dzag pa de ni khrag gi 'brum bu zhes bya'o/ /'brum bu da rnams las khrag dang sha las gyur pa ni spang bar bya'o/ /lhag ma bzhi ni gsor rung ngo/ /de la rkang bam gyi nad kyi ni chu so dang/ brla dbrag
 gnyis kyi bar dang/ brla la sogs pa lus kyi smad la brten te bad kan dang/ sha dang khrag gi nyes pa rim gyi yun ring po nas rkang par 'dus te sbom par skrang zhing sra ba de ni rkang bam zhes bya'o/ de la rlung las gyur pa'i rkang bam gyi mtshan ma ni
 'brum bu dang bcas zhing mdog gnag la blo bur du na zhing rtsub pa yin no/ /mkhris pa'i rkang bam gyi nad ni mdog ser ba dang/ tsha 'ur 'ur por 'dug ba dang/ rims kyis 'debs pa yin no/ /bad kan las
 gyur pa'i rkang bam ni thi ba dang/ snum pa dang/ zug gzer chung ba dang/ shu bas khyab pa yin no/ /rkang bam de tshabs che zhing mar du 'jig pa lo gcig las 'das pa de ni spang bar bya'o/ /slob dpon kha cig na re rkang bam ji ltar 'byung ba bzhin
 du lag pa dang/ rna ba dang/ mchu dang sna rnams kyi phyogs dang nye bar rkang bam gyi nad 'byung ngo zhes smra'o/ /de la 'brum chen zhes bya ba ni nad gzhi dang tshil 'khrugs te/ de yang mgul ba dang/ rtse'u chung gnyis
 dang/ mig dang/ mtshan khung dang/ chu so dang brang rnams la brten te mdog nad gzhi rang gi mdog du snang zhing/ sra ba dang/ snum pa dang/ bum sha dang/ skyu ru ra'i chang tsam 'byung zhing de'i nye 'khor du 'bras mang po 'byung la myur du mi
 smin pa dang/ smin na ni chung ba yin no/ /kha cig ni smin ma 'dzag par 'gyur/ kha cig ni zhig nas skyes/ kha cig ni yun ring du gnas/ kha cig ni rtswa dung ba bcad ba bzhin du 'phel bar byed do/ /de ni 'brum chen gyi nas 'bras kyi phreng ba zhes
 bya'o/ /'bras kyi phreng ba'i nad rims dang/ skyugs pa dang rtsib logs su zug pa dang/ lud pa lu ba dang/ sna chu 'dzag pa dang ldan na ni spang bar bya'o/ /de la 'khyims pa'i nang ni rma skrangs pa smin nas ma brdol ba dang/ rma la gnod pa rnams
 bsten pas sha la sogs pa'i nang du rnag gis gang zhing rjes su zhugs nas thugs ring du 'gro ste spu bu nas chu 'dzag pa bzhin du rnag 'dzag par 'gyur zhing rma'i spubs drang po gcig las byed te sna tshogs su 'gro ba yin no/ /de yang
 nad gzhi rnam pa gsum dang/ 'dus pa dang/ zug rngu ste rnam pa lngar 'gyur ro/ /de la rlung las gyur pa'i rma 'khyims pa ni rma kha chung zhing nad dang bcas pa dang/ mdog 'gyur ba dang/ 'dzag pa dbu ba dang bcas par 'byung zhing/ nub
 mo lhag par 'dzag pa yin no/ /mkhris pa las gyur pa'i rma ni skom dang che ba dang/ rims kyis 'debs pa dang/ lus tsha bar gyur pa dang/ mdog ser ba dang/ rul ba'i dri bro ba dang/ rnag dro ba 'byung ba dang/ nyen par lhag par 'dzag pa
 rnams yin no/ /bad kan las gyur pa ni 'dzeg par sla ba dang/ spyi bag du 'dug pa dang/ g.ya' ba dang/ sra ba dang/ mtshan mo cher rnags pa yin no/ /'dus pa las gyur ba ni kun gyi mtshan ma dang ldan pa yin te/ spang bar bya'o/ /zug rngu zug pa'i rma 'khyims pa ni zug
 rngu nang na yod pa ma phyung na rma phugs byer par byed/ /de nas rnag dbu ba dang bcas pa dang/ sla ba dang/ dang ba dang/ dro ba dang khrag dang bcas pa 'byung bar 'gyur te/ rtag tu nad dang bcas pa yin no/ /thor bu dang 'brum bu la sogs pa'i nad dmigs pa rtag pa'i le'us
 nyi shu rtsa dgu pa rdzogs so// //de nas thor bu dang 'brum bu la sogs pa gso ba'i le'u bshad par bya ste/ de la thor bu ma smin pa la ni rang rang gi nad gzhi ji lta ba bzhin du skrang pa'i cho ga rnams bya'o/ /lus sbyang zhing dag pa 'dod pas bri ha sti dang tsi tsi
 traka dang/ kaN+Ta kA ri dang/ pi pi ling rnams mar dang bskol ba'i mar gyis snum bcos bya ste/ de'i 'og tu rno ba'i sman gyis slon khrus dang/ byug pa rnams sbyar te/ thor bu la dugs mang du bya zhing yang dang yang mnya bar bya'o/ /de dag ni khyad par du rlung gi gso ba bstan pa yin te/
 mkhris pa dang khrag las gyur pa la yang srin pad+mas khrag dbyung ba dang/ bsil ba'i cho ga mang du bya'o/ /bad kan las gyur pa la ni rlung gi cho ga ltar bya'o/ /de lta mod kyis smin pa la ni mtshon gyis bcad de khrag yod na ni mes bsreg go/ ma lus par bcad na ni legs pa
 yin la/ ma lhag ma lus par bcad na ni phyis ldang te nges par rgyas shing 'phel bar 'gyur ro/ /mas btang ba'i sman dang/ gtar g.yang bya'o/ /'brum bu gso ba'i thor bu gso ba ji lta ba bzhin du nad gzhi dang sbyar te gso ba ma lus par byas na phan no/ /sha dang rma las
 byung ba'i thor bu ni de bzhin du gsos na so rtsam du 'jog nus so/ /thor bu tshigs las gyur pa la ni tho lcags la sogs pa'i lcags sregs pas sreg ste/ til gyi lde gus rma bskus nas/ gos nyis rim gyis dkris pa'am/ yang na mtshon gyis dpral la tshigs phyung ste rma srig go /rtsa
 las skyes pa'i thor bu gsar ba la ni sa ha ra'i 'bru mar blud de de bzhin du rlung 'joms pa'i sman dang dugs bya ste mas btang ba'i sman dang gtar ga yang bya'o/ /'brum bu gso ba ni thor bu gso ba ji lta ba bzhin du nad
 gzhi dang sbyar te gso ba ma lus par byas na phan no/ /rkang bam gyi nang la ni snum chos dang dugs dang rlung 'joms pa'i sman gyi dugs bya ste/ long mo nas sor gnyis gyen du bcal ba'i rtsa la gtar ga gdab po/ /de nas zla ba gcig gi bar du e raN+Ta'i mar
 ba gcin dang sbyar ba blud do/ /sman zhu ba'i rjes la 'bras rnying pa la sogs pa'i kha zas bca' sga dang 'o ma bskol ba dang bcas par bza' o/ /yang na dur byid dang 'o ma sbyar ba blud do/ /de ltar byas kyang ma zhin bsreg par bya'o/ /mkhris pa'i rkang ba ma la ni long
 mo'i 'og gi rtsa las bag 'phyung na mkhris pa'i rkang bam thams cad las rgyal bar byed do/ /bad kan gyi rkang bam la ni rkang pa'i mthe bong las khrag gtar te kha zas su nas bsten na phan no/ /snan bskol ba'i khu ba sbrang rtsi dang sbyar ba btung ngo/ /pi pi ling dang a
 rur bskyed ba'i cho ga yang bya'o/ /yungs kar dang/ bar da ka'i rtsa ba gnyis kyi lde gus byug pa 'am/ yang na 'o su'i lo ma'i byug pa yang bya'o/ /'brum chen gyi nad la ni slon khrus kyis gong 'og tu dag pa byas nas de'i 'og tu dan+ti dang/ dran pa ti dang/ dur byid dang/
 ka sha ti ka dang/ de ba da li dang de rnams mar dang/ bskol ba las blud par bya'o/ /bad kan dang tshil la phan pa'i sman dang/ du brdub pa dang/ mkhur bar bcang ba dang/ sna sman rnams kyang bsten pa phan no/ /de bzhin du gtar ga yang bya zhing skyer kha nad ba gcin dang sbyar
 ba btung ngo/ /'brum chen thor bu bzhin ma smin pa la ni na ku la dang/ lan tsha dang/ bca' sga rnams kyi 'da' gus bsku bar bya'o/ /rgyam tsha'i phye ma dum bur byas la dugs bya ste mkhrang ba mnye bar bya'o/ /sha mi dang/ la bug dang/ shi kru dang/ de rnams kyi sa bon dang/
 nas dang/ yungs kar dang/ de rnams btags pa'i phye ma dar ba skyur po dang bcas pas bskus na 'brum chen gyi thor bu dang/ 'bras nad rnams 'joms par byed do/ /de smin te rma kha nas khrag 'dzag pa la ni mkhris pa dang/ bad kan 'joms pa'i gso ba sbyar ro/ /gal te ma smin na ni
 'brum chen gyi nad phyung ste thal sman dang me'i las bya'o/ /'ol ma se dkar po dang/ lang ga li dang/ a ti dang/ ha re nu ka dang/ ka ka Na Ti pha la dang/ de ba da li'i sa bon dang/ karko Ti dang/ bi sha li dang ko shi ta ki dang/ pa thA dang de rnams srang phyed dang/ dug zho gnyis dang/ ka rany+dza'i
 ma bsrang sum cu rtsa gnyis dang/ ni rgun thi'i rang gi khu ba srang brgya nyi shu rtsa brgyad dang/ bskol te mar lus pa las btung ba dang/ bsku byug dang sna sman du sbyar na gsor mi rung ba'i 'bras kyi phreng ba yun ring du lon zhing rnag mang du 'dzag pa yang 'dis 'grub par 'gyur ro//
 lang li ga'i phye ma dang/ de'i bzhi 'gyur gyi til mar dang/ de'i bzhi 'gyur gyi ni rgun tha'i rang gi khu ba bskol te mar lus pa las sna sman la sogs pa sbyar na 'brum chen 'bras kyi phreng ba sel te/ tsan dan dang/ thang shing dang/ na le sham dang/ ser po rnam gnyis dang/ dud byid
 dang/ gla sgar dang/ de rnams srong re re dang/ dug srang phyed dang/ de rnams ba gcin las btags pa dang/ sman brahmi dang/ arka'i lo ma dang/ ba lang gi gcin khu dang/ yungs mar srang sum cur rtsa gnyis dang/ de rnams lhan cig bskol te mar lus pa las ran par bsten na/
 mdze dang/ rma 'khyims pa dang/ 'brum chen rnams myur du sel bar byed do/ /chu dag dang/ a ru ra dang/ rgya skyegs dang/ pu tse shel dang/ de rnams til mar dang bskol la mar lus pa las 'thungs na 'brum chen rtsa ba nas 'byin par byed do/ /shar pungka'i rna 'bras kyi chu las btags
 te sna sman dang byug par sbyar na 'brum chen ma rung ba dang/ dug dang srin po rnams las rgyal bar byed do/ /yu ta mar ka ri na'i rtsa ba dang/ pi lu'i lo ma dang/ sa ha tsar dang/ gseng phrom dang/ a ru ra dang shing mngar dang/ shu ti dang/ tsi tra ka dang/ de rnams 'bru mar dang po 'o ma tsha mnyam pa/
 dang bskol ba las sna sman dang/ bsku phyug la ni rab tu bsngags so/ /ba lang dang/ ra dang/ lug dang/ rta dang/ de rnams kyi rmig bsregs te yungs mar dang sbyar bas bsku byug bya'o/ /yang na sbrul nag po dang bya rog
 dang shi ba'i sha sregs te sman i gu ta'i 'bru mar dang lde gus byas te bsku'o/ /de ltar byas kyang ma zhi ste/ rtsib logs dang byin ba la gnas pa'i 'brum chan gzhan 'byung na ni mas btang ba rnams bya ste/ de'i 'og tu tshil phyung nas mes sreg par bya'o
 rkang pa gyen du bteg te rting ba'i tshad tsam long mo nas yar bcal bar rmen du mtshon gyis bcad bar bya'o/ /zhes legs ldan mu khyud kyis bshad do/ /rting ba las yar sor bcu gnyis bcas pa na dbang po'i chu so zhes bya ba'i gnas yod do/ /de'i g.yas g.yon
 du dpral ta dbus na nya'i sgo nga 'dra ba'i dra ba yod do/ /de drangs shing dbyung bar bya'o zhes drang srong legs par thos kyis bshad do/ /kha cig na re long mo'i rtsa ba tsog tsog bo nas cha brgyad yang bcal pa na/ khu yod pa zhes bya ba'i nad dbus na yod pa ma gtogs
 par de'i ngos gnyis dbang po'i chu so dang rje ngar gyi rus pa'i bar ba ru ba'i tshig gu tsam bcad do zhes 'chad do/ /de la rlung las gyur pa'i rma 'khyims pa la ni dpral la dugs dang/ sku byug legs par bya ste/ a ba marga'i 'bras bu dang/
 til dang rgyam tsha rnams btags pa'i lde gus dugs bya'o/ /mkhris pa las gyur pa'i rma 'khyims pa la ni btsod dang/ til dang/ gandar ba dang/ ser po rnams gnyis kyi lde gus dung bya'o/ /bad kan las gyur pa'i rma 'khyims pa la
 ni til dang/ rgyam tsha dang/ dan+ti dang/ nimpa dang/ de rnams kyi lde gus byug par bya'o/ /zug rngu zug pa'i rma 'khyims pa la ni til dang sbrang rtsi dang/ mar sbyar ba'i lde gus dugs bya'o/ /de'i 'og tu dpral te zug rngu phyung la dag
 par bya'o/ /mtshon gyis dpral du mi rung ba'i rma la ni rma chol dang/ phag btsal te/ de nas skud ba thal sman gyis chu'i nang du spangs la/ rma tshol gyi rtse mo la btags te phugs su bcug na/ rma kha rgya chen por 'gyur te gso bla'o/ /gang yang rma gso ba la bshad
 pa'i reng bu dang/ til mar bshad pa de yang rma 'khyims pa la rab tu bsngags te/ e raN+Ta'i 'bras bu btags pa'i phye ma'i lde gu'i byug pa byas pa na yang rma 'khyims pa gso bar byed pa'i mchog yin no/ /gla gong zho sha'i 'bras bu dang/ shun pa dang/
 lan tsha dang/ rgya skyegs dang/ bu ga'i lo ma dang/ pri ya ku dang 'o ma dang slu hi dang/ arga'i 'o ma dang/ de rnams lhan cig sbyar ba'i reng bu rma'i nang du bcug na/ rma 'khyims pa myur du 'tsho bar byed do/ /rgya mtsho'i tsha dang/ kha ru tsha dang/ rgyam tsha rnams bsregs te
 tshos pa dang gla gor zho sha dang/ khyim gyi dud pa dang/ a mra ta ka dang/ seng ldeng gi lo ma dang/ skyer pa dang/ ba tsi dang/ de rnams btags pa'i phye ma pags pa dang/ bsku pa dang rang bu la sogs pa byas na/ mi brtan pa'i 'byor pa bzhin du 'phel ba'i nus pa
 med pa 'am/ sngar 'ching ba dam du bcings pa'i skyes bu 'gro ba'i nus pa med pa bzhin du rma mched pa'i nus pa med par 'gyur ro/ /thor bu dang 'brum bu la sogs pa gso ba'i le'u ste sum cu pa rdzogs so// //de nas 'brum bu phra mo'i nad dmigs
 shes bar bya ba'i le'u bshad par ste/ nga la bad kan dang rlung las gyur pa'i 'brum bu phra mo'i nad ni mon sran sde 'u'i tshad tsam zlum pa dang/ snam pa dang/ nad gzhi rang gi mdog tu 'dug pa dang/ tha dad med cing byis pa la 'byung ba yin te/ de ni ra'i
 mgrin pa lta bu zhes bya'o/ /yang na 'brum bu nas kyi tshad tsam mang po 'thug par 'byung ba de ni nas lta bu'i 'brum bu zhes bya'o/ /yang na me dpal phra mo rtse mo med pa zlum po mthun cing mtho bar 'dug pa dang/ rnag nyung ba de ni me dpal phra mo zhes
 bya'o/ /de las thor bu lnga 'am drug tu 'byung ste/ de yang rus sbal gyi rgyab ltar mthon por 'dug pa dang/ sra zhing drag tu na ba dang/ rna mchog gam rna ba 'khor ling kun tu 'byung ba de ni rus sbal lta
 bu'i 'brum bu zhes bya'o/ /yang 'brum bu phra mo utpa la'i rtsa ba 'dra bar skrang zhing tshabs chung du na ba dang/ brtan par 'dug pa de ni pa na si ka zhes bya'o/ /yang 'brum bu 'gram pa'i tshigs mtshams na byung ba de ni barna? sha garda pa
 zhes bya'o/ /yang skyes bu na tshod lang tsho la bab pa'i dus su 'brum bu phra mo shing shal ma'i tsher ma dang/ 'dra ba dang nang dang bcas shing ma thug pa dang/ nang na tshil yod pa skyes te des gdong ma rungs par byed pa de ni bzhin ma rungs par
 byed pa'i 'brum bu zhes bya'o/ /bad kan dang rlung las gyur pa 'brum bu dkar po pad+ma'i tsher ma bzhin du lus khyab par 'byung ste/ de ni 'brum bu pad+ma'i tsher ma can zhes bya'o/ /mkhris pa las gyur pa'i 'brum bu phra mo u dum+ba
 ra'i 'bras bu smin pa ltar kha che zhing tsha ba dang/ rims kyis 'debs par byed pa de ni rma kha yangs pa'i 'brum bu'i nad ces bya'o/ /lus dang ngo gdong la 'brum bu phra ba mthug pa sran chung gi tshad tsam mdog sran chung 'dra ba/ tsha 'ur 'ur
 por 'dug pa dang/ zug gzer dang ldan pa de ni 'brum bu sran chung lta bu zhes bya'o/ /de bas na shin tu mi bzad pa'i 'brum bu 'byung ste/ zug gzer tshabs che ba de ni 'brum bu nad ces bya'o/ /rlung dang mkhris pa'i 'brum bu'i nad pad+ma'i
 snying po 'dra ba 'byung zhing de'i nye 'khor du 'brum bu phra mos khyab pa de ni 'brum bu'i nad gard+ha zhes bya'o yang 'brum bu phra mo mchan khung dang/ nye 'khor ru dkyil 'khor dang 'dra bar rgya che zhing mtho ba dang/ mdog dmar ba dang/ 'brum bu phra mo rnams
 kyis bskor bar 'dug ste/ de ni phal cher rlung las gyur pa yin te de'i ming ni mchan khung gi 'brum bu zhes bya'o/ /mkhris pa shas che ba'i 'brum bu 'bras yos lta bu mthug par 'byung ste/ de ni 'bras yo sa lta bu'i 'brum bu zhes bya'o/ /de dang 'dra bar 'brum bu chen
 po gcig 'byung ba de ni/ 'brum bu dra ba zhes grags so/ /lus tsha bas gdungs pas rdul te/ 'brum bu phra mo mthug pa dang nad dang bcas pa dang/ ske tshe'i 'brum tshad tsam mdog dmar por 'byung ba de ni ske tse'i 'bru lta bu'i 'brum bu zhes bya'o/ /mkhris pa shas
 che ba'i 'brum bu me dpal mched pa bzhin du byed pa/ de yang skrang ba dang smin pa dang sra ba dang/ dmar ba dang tsha bar byed pa de ni dza la gard+ha ba zhe na bya'o/ /mkhris pa shas che ba'i 'brum bu sha'i rang bzhin mi bzad pa dang/ rims dang ldan pa dang mi'i mdog lta bu mchan khung phyogs su 'byung ste/
 de'i ming ni me'i ro hi ni zhes bya ste/ zhag lnga 'am/ bdun nam zla ba phyed las 'tsho ba nyams par 'gyur ro/ /nad zhag gsum gyi 'brum bu zlum po nam cing? yan chad du 'byung ste/ de ni pa ri pa la ba zhes bya'o/ /'brub bu mchan khung dang/ chu so dang/ brla gnyis kyi bar du sman
 bi di ri rtsa ba lta bu 'byung ste/ de ni bi da ri lta bu'i 'brum bu zhes bya'o/ /tshil dang rlung las gyur pa'i 'brum bu rgyus pa dang/ sha dang rtsa la brten te/ byung la gal te brdol na ni zhag dang mar dang sbrang rtsi lta bu mang du 'jig par 'gyur te/ des rlung bskyed cing/ sha skams shing
 shing zlum por bsgongs te/ rma'i nang du gseg pa lta bu skye pa dang khrag dang rnag mdog sna tshogs su 'byung ba dang/ dri ma zhi ba'i nad gzhi rnams 'dzag pa ste/ de ni 'brum bu gseg pa lta bu zhes bya'o/ /'dus pa las gyur pa'i 'brum bu lag pa dang/ rkang
 pa'i mthil dang/ tshigs dang nang tsong yan chad grog ma'i mgo bo 'dra ba rim gyis mang pos khyab par byed do/ /de yang na ba dang/ tsha 'ur 'ur por 'dug pa dang/ g.ya' ba dang tshabs cher rul ba de ni 'brum bu grogs mo'i kha lta bu zhes bya'o/ /rkang pa'i
 mthil du gseg ma 'am/ tsher ma zug pa las 'brum bu mdzer pa lta bur skyes pa ka dang zhes bya'o/ /thor bu sel ba zhes bya ba'i rlung ni gzhang gi nang na gnas te/ de bshad ba dang/ lhan cig 'khrugs nas gzhang gi phyi nang du tsher ma lta bu'i 'brum bu skyes te/ bshad
 bar byung dka' zhing sri ba de ni gzhang 'gags pa zhes bya ba'i 'brum bu yin no/ /mkhris pa dang rlung las gyur pa'i 'brum bu ni sen mo dang/ sha'i nang du smin cing zug gzer tshad dang ldan pa de ni 'brum bu nye ba'i sen mo zhes bya'o/ /kha cig na re tsam pa ma dang/ zad byed kyi nad ces bya'o zhes
 'chad do/ /rtsub bag gza' dang/ drung pa dang/ snang pa las gyur pa'i 'brum bu ni gnag pa dang/ reg na shin tu rtsub pa de ni 'brum bu kun kha zhes bya'o/ /'dam pag ma rungs pa sen mo'i nang du zhugs pa las 'brum bu gyur te/ g.ya' ba dang/ nang du gnag pa dang bcas pa de ni 'brum bu sen mo
 skrangs pa zhes bya'o/ /til nag po'i mdog tu snang ba'i 'brum bu zhes bya'o/ /pags pa'i gting du mdog gnag cing nad med pa'i 'brum bu srog chags sbrang bum chu rings tsam mthon por 'dug pa 'am yang na 'brum bu mdog dkar ba dang gnas pa de ni pags pa'i mdzer pa zhes bya'o/ /de
 bzhin du lhan cig skyes pa'i 'brum bu mdog dmar ba dang ni dza ru ma ni zhes bya'o/ /mdog gnag pa dang dkar ba ni dkyil 'khor lan tshan zhes bya'o/ /mya ngan dang khra ba la sogs pas rlung dang mkhris pa 'khrugs te gdong phrab cing sngo ba'i thig le 'byung ba ni sngo shig ces bya'o/ /lus
 gzhan du byung ba la ni li kha zhes bya'o/ /de la rlung las gyur pa'i sngo shig ni rung rung por 'dug pa dang/ reg na rtsub pa dang/ mdog sngo bsangs su 'dug pa yin no/ /mkhris pa las gyur pa ni dbus dmar zhing mdza' sngo ba yin no/ /bad kan las gyur pa ni dkar zhing g.ya' ba yin no/ /brag las gyur
 pa ni dbus dmar zhing mdza' zangs ma'i mdog ltar snang zhing skems pa dag tsha cog cog byed cing bem bem por 'dug pa yin no/ /rlung gis bad kan pags par son par byas te/ der bad kan skems nas mdog dkar ba dang tshor pa med pa dang/ tshor mig yod ba dang/ mig nag pa de ni pags pa'i
 nad tshar ba med pa zhes bya'o/ /slon sman nyes te mkhris pa dang bad kan gnyis cig 'khrugs nas dkyil lta bu'i nang du gyur te/ de yang shas cher g.ya' zhing mang du 'byung ba dang ldan pa'i nad cher gyur pa de ni a ko tha zhes bya'o/ /de ltar 'brum bu phra mo'i nad kyi bye brag sum cu rtsa drug tu bstan pa
 yin no/ /'brum bu phra mo'i nad dmigs brtag pa'i le'u ste sum cu rtsa gcig pa rdzogs so// //de bzhin byed pa dang po la/ /de nas 'brum bu phra mo la sogs pa gso ba'i le'u bshad par bya ste/ de la ra'i 'gram pa lta bu'i nang ma smin pa la ni srin bu pad+mas khrag dbyung ngo/ /nas lta bu'i 'brum
 bu'i nad la ni/ thig? na dugs kyis bzhus la de nas thang shing dang/ ru rta dang/ ldong ros dang/ ba bla rnams kyi lde gus bsku'o/ /pa shan gar dang ba'i nad la yang chog de ltar bya'o/ /de bzhin du smin pa'i gso ba rnams kyang sbyar ro/ /de bzhin du ma rungs par gyur pa'i nad la ni gseng phrom dang 'u su dang/ shu dag dang de gsum
 btags pa'i phye ma 'am yang na n+ya gro d+ha'i lo ma 'am/ rgya star gyi lo ma gang yang rung ba tshwa dang sbyar ba'i lde gus bsku'o/ /rem zhin skyugs sman dang/ sna sman gtang ba dang/ dpral rtsa gtar ba rnams bya'o/ /pad+ma'i tshed ma lta bu'i nad la ni nim+bu'i khu bas slon bya zhing/ nimpa bskol ba'i khu ba sbrang rtsi dang sbyar ba
 blud do/ /nim+ba dang dong ka sbyar bas byug par bya'o/ /de la rma kha yangs pa zhes bya ba nas grang ba can zhes bya ba'i bar gyi nang/ e ri be la ka zhes bya ba rnams ni/ mkhris pa'i me dpal gyi gso ba ji ltar bstan pa bzhin bya'o/ /ma'i ro hi ni zhes bya ba'i nad la ni spang bar bya'o/ /dza la gang?  dang? zhes bya ba'i
 nad la ni smyang ba dang khrag dbyung ba dang rtsub bcos bya ba dang/ slon khrus kyis lus sbyang ba dang skyu ru ra'i sbyor ba dang/ bsil ba'i byug pa rnams rtag tu sbyar ro/ /bi da re zhes bya ba ni nad pa la khrag gtar te/ bad kan gyi thor bu'i gso ba rnams sbyar ro/ /gseg ma lta bu'i 'brum bu lan tshil las gyur
 pa'i gso ba rnams bya'o/ /'brum bu grog ma kha lta bu rkang pa dang/ lag par byung zhing tshabs cher skyes pa dang/ bug mang ba dang/ skrang ba dang/ gnad du byung ba rnams ni spang bar bya'o/ /mtshan mo de dang mi ldan pa rnams ni gso bar bya'o/ /de yang thog mar lus sbyar zhing khrag phyung la de'i 'og tu lan tsha dang
 dong ka dang a ru ra dang/ tsi tsi ba dang/ rgya? sran nag po'i rtsa ba dang dan+ti dang/ til btags pa dang/ nas phye rnams kyis bskus la smin pa dang/ sha ma rungs pa mtshon gyis legs par bcad de thal sman nam mes bsreg par bya'o/ /ka dar zhes bya ba'i nad ni mtshon gyis ma lus
 par phyung ste mar bskol bas bsreg par bya'o/ /gzhang 'gags pa'i 'brum bu la ni dza la mna'i gso ba rnams bya'o/ /nye ba sen mo zhes bya ba ni slon khrus kyis tsha ba zhi bar byas la/ mtshon gyi las kyis gso bar bya'o/ /kun kha'i nang ma rungs pa dang/ gseg ma lta bu'i nad la yang cho ga de ltar bya'o//
 yang na rtsabs kyis blugs pa bya ste/ de nas nag tshur dang til dang ro tsa na dang/ nimpa'i lo ma'i lde gus kyang bsku'o/ /til nag po lta bu'i nad la ni me'i las bya'o/ /pags pa'i mdzer pa sbrang bu mchu rings lta bu'i nad la me shel seng ldeng me la srags pa'i thal bas bsku'o/ /de bzhin du pags
 pa'i sha mdzer de dang dzi ru man gnyis la ni mtshon gyis bcad la gong ma'i thal bas gdab bo/ /lan tsha zhes bya ba'i nad la ni ji ltar gnas pa bzhin du gtar ka bya ste/ shing 'o ma can gyis shun pa dang/ myu gu 'o ma dang btags te byug go /nga yang sngo shig la ni
 abdzu na'i shun pa 'am/ btsod gang yang rung ba sbrang rtsi dang sbyar ba'i lde gus bsku ba 'am/ yang na rta dkar po'i rmig pa bsregs pa'i snag tsha mar sar dang sbyar bas bsku'o/ /yang na tsan dan dmar po dang/ btsod dang/ ru rta dang/ sang phyom dang bri yaM ku dang/
 n+ya gro d+ha'i myu gu dang/ sran chung gi myu gu rnams kyi lde gus bsku ba byas na gdong gi mdog gsal zhing sngo shig 'dzems so/ /zi ra rnam gnyis dang/ til nag po dang/ yungs kar dang de rnams 'o ma dang btags te bskus na gdong gi sngo shig sel
 bar byed do/ /yang sran chung phu ba ma med pa bsngos pa 'o ma dang brtags te mar dang sbrang rtsi dang/ lde gur byas pa bsku'o/ /yang na shalma la'i tsher ma rnon po 'o ma dang btags pas bsku'o/ /yang na rgya shug gi tshig gu'i phye ma bu ram dang sbyar bas
 bskus na phan no/ /yang na ri bong gi khrag sbrang rtsi dang sbyar bas bskus na phan no/ /yang na kha lung gi nang du ru rta zhag bdun gyi bar du spangs te/ sbrang rtsi dang ldan pas bsku'o/ /yang na mu sa'i rtsa ba'i 'o ma dang btags pa sbrang rtsi dang sbyar bas bskus na phan no/ /yang na ba lang gi
 rus pa dang/ mu sa la'i rtsa ba ma ra dang sbrang rtsi dang sbyar bas bskus na phan no/ /yang na ri bong gi khrag sbrang rtsi dang sbyar ba dang/ de rnams kyi phye ma zho ga chu dang/ bu ram sar pa dang sbyar te bskus na phan no/ /yang na shing tindu ka'i lo ma'i rang gi khu ba'i nang du shing tin? ka btags
 pas bskus na gdong rang gi mdog skyed par byed do/ /utpal dkar po dang/ sngon po dang/ bri yaM ku dang/ ru rta dang ka lingka dang/ rgya shug gi tshig gu dang/ de rnams kyi lde gus gdong la dril zhing byugs na me tog pad+ma'i mdog bzhin du byed do/ /yang na gong ma'i sman de rnams
 btogs te/ shing mngar bskol ba'i khu ba dang sbyar nas nad gzhi ji lta ba bzhin du snum dang sbyar te gdong la bsku'o/ /sme ba 'am khams gso ba nas dang/ sra rtsi bog dang/ seng phrom dang/ pu shel rtsi dang/ spra tshil dang/ de rnams kyi phye ma sbrang rtsi dang mar dang/ bu ram dang/
 ba gcin dang bskol te dril btub pa tsam gyi lde gus nyin re bzhin bsku ba byas na gdong ma rung bar byed pa'i ngo shig dang/ lus ma rungs par byed pa'i rme ba rnams sel bar byed de gdong la bskus na pad+ma bzhin du byed do/ /rkang pa la bskus na ni pad+ma'i 'dab ma
 ltar 'gyur ro/ /gur kum dang pu shel tsi dang/ ka li ya dang rgya skyegs dang shing mngar dang/ tsan dan dkar po dang/ n+ya gro d+ha'i rkang pa gzhon nu dang/ shug pa dang pad+ma ge sar dang/ utpa la dang/ btsod dang/ de rnams srang re re chu srang brgya nyi shu rtsa
 brgyad dang bskol te bzhi cha lus pa'i nang du rgya skyegs dang/ le brgan rtsi dang/ btsod dang/ shing mngar dang/ gur kum dang/ de rnams zho gnyis gnyis btags pa'i phye ma dang til mar srang brgyad dang/ de'i nyis 'gyur gyi 'o ma dang/ tshul bzhin
 bskol te mar lus pa las sna sman gso bar byas na ni ling ga dang ngo shig dang skra dkar dang gnyer ma dang sme bas ma rungs par gyur pa rnams 'joms te gdong gi sha mdog skye bar byed do/ /btsod dang/ sha ba ra'i seng phrom dang/
 tub ri dang/ rgya skyegs dang/ ser po rnam gnyis dang ldong ros dang/ gur kum dang/ ru rta dang/ gi wang dang/ n+ya gro d+ha dkar po'i lo ma dang/ tsan dan rnam gnyis dang/ ka li ya ka dang/ dngul chu dang rma shing dang/ laM tang rtsa'i shun pa dang/ pad+ma'i sa bon dang/ pad+ma
 ge sar dang/ bra tshil dang/ spangs ma dang/ shug pa dang/ de rnams dang zhag dang rkan dang mar dang 'o ma dang shing 'o ma can gyi 'o ma dang de rnams bskol ba'i mar gyis bskus na ngo shig dang gnyer ma la sogs pa 'joms te gdong gi bzhin mdangs zla ba bzhin du
 rgyas par 'gyur ro/ /bring ga ra dza'i rang gi khu ba'i 'o ma dang/ chu dang lhan cig bskol te 'o ma lus pa las sna sman du sbyar na 'dod pa yin no/ /pags pa'i nang tshor ba med pa la ni rlung gi mdze nad gso ba'i cho ga ltar bya ste de sa'i 'og tu mes bsreg par bya'o/ /de la
 ung? ko tha zhes bya ba'i nad la ni bad kan dang/ mkhris pa las gyur pa'i mdze nad kyi gso ba rnams bya'o/ /ko tha zhes bya ba'i nad la ni rlung mkhris kyi gso ba thams cad sbyar ro/ /'brum bu phra mo la sogs pa gso ba'i le'u sum cu rtsa gnyis pa rdzogs so// //
 de nas gsang ba'i gnas kyi nad dmigs brtag pa'i le'u bshad par bya ste/ de la thog mar pho mtshan gyi nad skye ba'i rgyu ni bud med la nyal po byas te 'dod pa zin ma thag yang dpyad pa dang/ yang na mo mtshan shin tu chung ba la 'jug pa dang zla mtshan
 gyi skyon dang ldan pa la 'jug pas nad gzhi rnam ma 'khrugs par 'gyur ba dang de bzhin du gzhan gyi bud med la chags bzhin du nyal po byed pa dang/ bdag nyid mi 'dod bzhin du bud med la spang pa dang/ lam ma yin par 'jug pa dang/ byis
 pa btsas ma thag pa la 'jug pa dang/ 'dod pa spyad ma thag ma bkrus par byed pa dang/ bud med la chags pa'i dbang gis sbyar chu 'dzag pa dang/ khu tshur dang so dang sen mos reg pa dang/ sen mo'i dug gis rig pa dang khu ba 'byung ba 'gags pa dang ku sha la sogs pa rtsub
 pas drung pa dang rgyu de dag gis nad gzhi rnams 'khrugs te/ gsang pa'i gnas su a ba bad shan la sogs pa'i pho mtshan gyi nad nyi shu rtsa gsum 'byung bar 'gyur te/ a ba da na zhes bya ba'i pho mtshan la yang rnam pa lngar shes par bya ste da yang nad gsum las gyur ba re re
 dang/ khrag las gyur pa dang 'dus pa las gyur pa'o/ /rlung las gyur pa'i pho mtshan gyi nad kyi mtshan ma ni pho mtshan skrang ba dang/ na ba dang sna tshogs sun pa dang/ rtag tu 'greng ba dag pho mtshan gyi pags pags pa yin no/ /mkhris pa las gyur pa'i nad ni skrang zhing tsha ba 'ur 'ur bar 'dug pa dang/ u dum+ba
 ra'i 'bras bu smin pa bzhin du 'dug pa yin na/ /bad kan las gyur pa ni mkhrid pa dang/ snum pa dang/ g.ya' ba dang/ sreng ba dang lci ba rnams yin no/ /khrag las gyur pa ni 'dzag pa dang 'brum bu nag po 'byung ba dang/ tsha ba 'ur 'ur du 'dug pa rnams yin no/ /'dus pa las gyur pa'i
 pho mtshan gyi nang ni nad gzhi gsum gyi mtshan ma dang/ rlig pa skrang ba dang/ drag tu na ba dang/ myur du sman pa dang/ 'gags pa dang/ srin bu skye ba rnams yin no/ /de rnams las khrag las gyur pa ni gso dka' ba yin no/ /'dus pa las gyur pa ni mi 'tsho ba yin no//
 nyes pa 'khrugs pas pho mtshan gyi nad dam phyi rol tu sha dang/ khrag las gyur pa'i sha mdzer skyes te/ khrag 'dzag pa dang/ g.ya' ba yin te/ de'i ming ni sha mdzer pa lta bu'i nad ces bya'o/ /bud med kyi ni 'byil bag tu 'dug pa dang/ khrag 'dzag pa
 dang/ gdugs ltar 'du ba yin te/ de'i ming ni gzhang 'brum lta bu'i nad ces bya'o/ /de gso bar ma byas na ni 'chi bar 'gyur ro/ /pho mtshan gyi phyi 'am nang du bad kan dang/ khrag las gyur pa'i 'brum bu yungs kar gyi tshad tsam mthug
 par 'dug pa de ni yungs kar lta bu'i nad ces bya'o/ /yang pho mtshan gyi nad khrag dang bad kan las gyur pa'i 'brum bu mang po rgya che ba dbus su nas tsam 'byung ste zug pa dang/ ba spru langs pa yin te de'i ming ni a ba man+tha zhes ba'o/
 khrag dang mkhris pa las gyur pa'i nad 'dzam bu'i rus pa ltar 'dug pa de ni kumd+hi ka zhes bya'o/ /pha mtshan gyi nad med ba la lta bu zhes bya ba yod de/ de'i mtshan nyid ni gcin snyi ba'i skabs su bshad pa bzhin du blta'o/ /khrag dang mkhris pa las gyur pa'i 'brum bu mon sran gre'u
 'am/ mung+ga'i tshad tsam yod pa de ni pho mtshan gyi nad ud dam zhes bya'o/ /pho mtshan gyi nang du 'brum bu gcig las mang pos khyab ste/ ci ltar pad+ma'i snying po las 'brum bus khyab pa ltar snang ste/ de ni pad+ma can zhes bya'o/ /pho mtshan gyi nang du lag pas drud pa las 'brum bu 'byung ba
 de ni drud pa'i 'brum bu zhes bya'o/ /pho mtshan shugs drag tu mnyes pa las rlung 'khrugs te ya yor song ba dang mkhrang ba dang/ rdub pa dang ldan pa de ni gtun bu lta bu'i rlung nad ces bya'o/ /pho mtshan mnyes pa las rlung 'khrugs te pags pa phyir bshus pa las na zhing
 tsha 'ur 'ur por 'dug ste/ kha cig rmen par yang 'gyur te de'i ming ni pags pa phyir bshus pa'i nad ces bya'o/ /pho mtshan gyi lpags pa rtse mo las 'das par 'phyang zhing mdud par snang de ni pags pa nyil ba'i nad ces bya'o/ /bad kan las gyur pa'i pho mtshan gyi nad
 ni g.ya' ba dang/ sra ba dang/ rma 'byung ba dang/ 'a gas pa dang 'tsho dka' ba de ni pags pa'i nad a ba pasti ka zhes bya'o/ /rlung gi pho mtshan pags pa ma rungs par byas te/ nor bu la pags pa 'byar bas 'byung du ma ster te spubs nas gcin 'byung ba
 yang rgyun phra bar 'byung zhing nad med pa yin te/ de'i ming ni nor bu kha ma bye ba zhes pa 'am/ yang na nor bu 'gag pa'i nad ces bya'o/ /bad kan las gyur pa'i pho mtshan gyi nad/ gra mas gang ba snyam sems ba ni mdud pa lta bu'i nad ces bya'o/ /gra mas ma
 rungs pa 'am/ khrag las gyur pa'i pho mtshan gyi nad tshor ba med pa de ni tshor ba med pa'i nad ces bya'o/ /rlung dang khrag 'khrugs pa las gyur pa'i pho mtshan gyi nad ci tse tsam gyi bu gas khyab par 'byung ba de ni bu ga brgya pa'i nad ces bya'o/ /mkhris pa dang khrag las gyur
 pa'i pho mtshan gyi nad pags pa tshos shing tsha ba dang/ tshabs cher tsha ba 'ur 'ur por 'dug pa de ni pags pa'i nad smin pa zhes bya'o/ /'dus pa las gyur pa'i pags pa'i nad smin pa ni pho mtshan gyi pags pa'i sha thams cad 'drul ba yin te/ de ni sha 'drul ba'i nad
 ces bya'o/ /yang pho mtshan gyi nad 'brum bu phra mo ma mar ba dang/ gnag pa 'byung ste khyab pa dang/ na ba de ni khrag gi 'brum bu zhes bya'o/ /pho mtshan la sha'i 'brum bu 'byung ba ni gong gi sha'i 'brum bu bzhin du blta'o/ /pho mtshan la 'bras 'byung ba yang 'dus pa las gyur pa'i
 'bras nad kyi mtshan nyid rnams 'dir blta'o/ /'dus pa las gyur pa'i nad ni pho mtshan mdog nag por 'gyur cing smin la rul te sha'u 'drul ba de ni ti la kA la kA zhes bya'o/ /de las kyang sha las gyur pa'i 'brum bu dang/ smin pa dang/ 'bras nad dang/ ti la kA la ka zhes bya ba bzhi po de
 dag ni spang bar bya'o/ /lhag ma rnams ni gso bar bya'o/ /kha zas ma rungs ba zos pa dang/ ma la stan mi bde ba la 'dug pa dang/ nyal po lhag par bsten pa dang/ khrag ngan skyes pa dang/ gnod par 'gyur ba'i sman bsten pa dang/ skyes pa'i sa bon gyi nyes pa dang/ sngon gyi
 las las gyur pa dang/ rgyu de dag gis mo mtshan gyi nad rnam pa nyi shur 'gyur ro/ /de la rlung gis mo mtshan ma rungs par gyur na ni na zhing zug pa dang/ glal mang ba dang/ tsher ba med pa dang/ grog ma rgyu ba snyam byed pa dang/ rengs pa dang/ rtsub pa dang/ khrag sla ba dbu pa dang bcas shing
 sla ba dang/ nyung ngu 'dzag pa dang/ mdog rtsa gnag pa dang/ gzhan yang chu so dang/ brla mtshams dang rtsi ba log la sogs pa dang/ long mo rnams dang/ de dag tu rang rang gi nad skyed par byed de/ de'i mo mtshan gyi nad rlung las gyur pa yin no/ /de nyid la nyal ngo shas chen
 spyad ni na skrang ba dang ldan par 'gyur ro/ /shin tu gzhon pa la 'khrig pa spyad pas/ sgal tshigs dang/ byin pa dang/ brla gnyis kyi bar dang/ de dag tu rlung 'khrugs te nang skyes pa de ni sngar sbyad pa zhes bya'o/ /'byung ba'i shugs nang du
 'khyil te rlung gis mo mtshan shin tu snang bar byas nas/ khrag dbu ba dang bcas par sri zhing 'gag pa mang du 'byung ste de ni mo mtshan gyi nad 'khyil ba zhes bya'o/ /yang rlung gis zla mtshan rtsub cing ma rungs par byas pa las bu tsha 'byung na yang skye zhing 'chi bar byed
 de de ni bu 'chi ba zhes bya ba'i mngal gyi nad yin no/ /kha zas mang du zos te 'drangs pa'i 'og tu mal stan mi mnyam pa la 'khrig pa spyad pa las rlung gis kha zas btser te mo mtshan gyi nad na gnas pa'i spu gu rnams 'chus par byas nas rus pa dang/ sha'i spu gu
 rna las su zug bzer ba ngo ba ni mo mtshan gyi nad nang du bltas pa zhes bya'o/ /rlung nang skyed pa'i kha zas bsten pas sa bon 'dzin pa'i mon tshan gyi kha zhum par byas pa de ni khab mig lta bu'i mo mtshan gyi nad ces bya'o/ /rlung shas cher skyes pas bshad gci 'gag
 cing mngal bsgams par byed de/ tshor ba dang bcas pa de ni mngal nad skyem byed ces bya'o/ /mngal gyi gnas su sa bon zhugs pa las rlung gis nad drug gam bdun gyi bar du 'jig cing de nas nad yod kyang rung/ med kyang rung sa bon phyir 'byin pa de ni
 sa bon 'byin pa zhes bya'o/ /mngal gyi nad rlung gis gzir ba las byis pa rum du chags pa'i sa bon la gnod par byas pas skyes pa la zhe sdang skyes pa de ni shin tu dmad pa yin pas gso ba ma byas na ni mo sham du 'gyur ro/ /mngal gyi nang
 du rlung skyes pas mo mtshan gyi nad mngal gyi la zhum pa dang/ yang na kha bye bar byed pa dang/ gnas nas nyams pa dang/ rlung gi mo mtshan gyi nad bzhin dun pa de ni sha mthon po zhes kyang bya/ mo mtshan rgya cher song ba zhes
 kyang bya/ nad chen po zhes kyang bya'o zhes zer ro/ /mkhris pa las gyur pa'i mo mtshan gyi nad ni mkhris pa rang gi nad gzhi skyed pa'i rgyu kha zas la sogs pa bsten pas mngal la brten te 'khrugs nas tsha ba dang/ smin pa dang/ snags
 pa dang/ dring ba dang/ rims kyis 'debs pa dang/ khrag 'dzag pa ste/ 'dzag pa de yang shin tu tsha ba dang/ ro myags pa dang/ bdog sngo ba dang/ ser ba dang/ gnag pa la sogs pa mdog sna
 tshigs su snang ba yin no/ /khrag las gyur pa'i mo mtshan gyi nang ni khrag tshabs cher 'dzag pa yin no/ /kha zas la sogs pa bad kan 'khrugs par byed pa'i rgyu bsten pas mo mtshan nad chung zhing grang ba dang/ g.ya' ba dang/ 'dzag
 pa dang kar ba dang/ spyi bag tu 'byung ba rnams yin no/ /rlung dang mkhris pa mo mtshan gyi nang du 'khrugs te khrag 'dzag cing zad te/ tshab 'ur 'ur por 'dug pa dang/ lus skem zhing mdog 'gyur ba de ni khrag zad pa'i mngal
 nad ces bya'o/ /bud med rang bzhin gyis mkhris pa'i shas cher de skyes pa dang nyal po byed pa dang/ spring pa dang/ sgregs pa bsgags pas rlung mkhris pa dang bcas pa mngal gyi nang du 'khrugs pa 'gyur te/ nga yang
 skrang ba dang/ reg mi bzed pa dang/ nyam thag par na ba dang/ khrag sngon po dang/ ser po 'byung ba yin no/ /ma zhus mngal gyi nang du 'khrugs te/ chu so dang khal ma lci
 zhing tshad par 'khu ba dang/ yig 'chus pa dang/ sta zur dang/ chu so dang/ brla gnyis kyi bar dun ba dang/ tsha bar byed pa de ni mngal gyi nang ma zhe ba zhes bya'o/ mngal gyi nang du rlung dang bad kan gyi nad kyis khyad ste 'dzag
 pa dkar ba dang/ 'byel bag tu 'byung ba de ni mo mtshan gyi nad u ba slu ta zhes bya'o/ /yang mo mtshan khrus dang/ gtsang spra ma byas pas srin bu skyes nas mo mtshan rab tu g.ya' zhing g.ya' ba des 'dod pa la dga' ste/ de'i ming ni slu ta zhes bya'o/ /dus ma
 yin par mkhrig pa spyad pa'i rgyud rlung dang mkhris pa dang/ khrag mngal gyi nang du 'khrugs te/ pad+ma'i snying po bya ba'i nad skyes nas zla mtshan gyi lam 'gag par byed de/ de ni pad+ma'i snying po zhes bya ba'i nad yin no/ /nad gzhi gsum mngal gyi gnas dang/ mo mtshan
 la brten te 'khrugs nas rang rang gi nad skyed de/ de ni mo mtshan gyi nad 'dus pa las gyur pa yin no/ /de ltar bud med kyi mngal dang/ mo mtshan gyi nad de dag gis khu chu 'dzin pa'i nus pa med de/ rgyu des na sa bon nam byis pa chags pa'i mthu med pa'i nad
 shin tu mi zad pa skye bar 'gyur te/ rlung la sogs pa'i nad dang/ zla mtshan gyi nad dang/ gzhang 'brum dang/ skran la sogs pas shin tu gnod par 'gyur ro/ /gsang ba'i gnas kyi nad dmigs brtag pa'i le'u ste sum cu rtsa gsum pa rdzogs so// //
 de nas gsang ba'i gnas kyi nad bshad pa gso ba'i le'u bshad par bya ste/ de la pho mtshan gyi nad gsar du byung ba la ni pho mtshan gyi dbus kyi rtsa las gtar gas khrag dbyung ngo/ /de'i 'og tu bsil ba'i cho ga rnams bya ste/ lhag par bkru sman gyis
 lus dag par bya'o/ /de nas til gyi phyi ma mar dang sbrang rtsi dang sbyar bas bsku bar bya'o/ /smin nas ni dpral la shing 'dzam bu dang/ a mra dang/ sh+ri shing dang/ gA pa dang/ shwe ta kam+bu dzi dang/ de rnams kyi myu gu dang/ sra tsi pog gi shing dang/ rgya shu dang
 pilpa dang/ rgya skyegs shing dang/ de rnams kyi shun pa dang/ ti ni sha dang/ shing 'o ma can gyi shun pa dang/ 'bras bu gsum dang/ de rnams chu dang bskol ba'i khu bas rma bkru bar bya'o/ /khu ba de nyid til mar dang bskol ba'i mar gyis rma la bskus na rma 'tsho
 par 'gyur ro/ /spangs ma dang/ gi rig dang/ gseng phrom dang/ sug smel dang/ ldong ros dang/ ba bla dang/ skyer khaN+Da dang/ ha re nu dang/ nag chur bya bal ma dang/ rgya tsha dang/ rgyam tsha dang/ de rnams kyi phye ma sbrang rtsi dang sbyar bas bskus na pho mtshan gyi rma 'tsho bar
 byed do/ /'bras bu gsum rdze'u la sbyar gyi nang du bsregs te mar dang sbyar bas bskus na rma 'tsho bar byed pa'i mchog yin no/ /de dag ni pho mtshan gyi gso ba spyir bstan pa yin no/ /nad gzhi re re las gyur pa'i nad ni skad nad kyi gso ba bzhin du bya'o/ /sman
 bas pho mtshan gyi nad ci nas kyang smin cing snags par mi 'gyur ba'i thabs su bya'o/ /gal te smin na ne rgyus pa dang rtsa dang/ sha rnams phal cher 'jig par 'gyur ro/ /gzhang 'brum lta bu'i nad ni bcad la mes bsrog ste/ lhag ma ni pho mtshan spyir gso
 ba gong ma bzhin bya'o/ /lungs kar lta bu'i nad la ni mtshon gyis phra ba bris te/ sman gong ma de nyid bskol ba'i khu bas blugs pa dang/ phye mas gdab pa dang/ de nyid til mar dang sbyar bas bskus na rma 'tsho bar 'gyur ro/ /a pa man+tha'i nad la yang
 gso ba gong ma ltar bya ste/ khrag gzag go /kum+b+hi ka'i nad smin na ngos gnyi ga nas khrag gtar te rma dag par byas la ten tu ka dang/ 'bras bu gsum dang/ gseng phrom dang/ de rnams til mar dang sbyar te/ bsku ba dang byug pa la sogs pa
 byas na rma 'tsho bar 'gyur ro/ /pho mtshan gyi nad me dpal lta bu la ni khrag gtar te/ cho ga gong ma ltar bya'o/ /u da ma zhes bya ba'i 'brum pa'i nad la ni lcags kyu gug pos 'brum bu bcad de mkhris par me dpal gso ba'i rim pa bzhin du
 sman gyis phye ma dang/ sman bskol ba'i khu ba dang/ de rnams sbrang rtsa dang sbyar ba btad ste/ pad+ma can zhes bya ba la yang che ga de dag mtshungs par sbyor ro/ /pags pa smin pa dang/ tshor ba med pa gnyis la ni ba la'i mar dro 'jam tsam gyis bsku
 zhing blugs pa dang/ sman mngar ba'i sde tshan sbyar ba'i ba la'i mar gyis dugs bya'o/ /de la gtun bu lta bu'i nad la ni khrag phyung ste bad kan gyi thor bu'i gso ba rnams spyad do/ /de la pags pa phyir bshus pa'i nad la ni
 mar gyis bskus la sman gyi byug pas byugs la dugs bya'o/ /zhag gsum 'am lnga'i bar du sman el ba la zhes bya ba'i sman gyis snum bcos bya ste/ zhen pa dang dugs bya ste/ de nas yang snum chos byas la slar drang zhing gzhug
 par bya'o/ /pags pa nyil ba'i nad la ni dang po dugs bya ste/ nor bu'i rtse mo nas yar rim gyis btsir zhing bteg la slar gzhug go /de'i 'og tu nor bu la yang dang yang snum bcos bya ba dang/ kha zas snum bag dang bcas par zos
 na rab tu bsngags so/ /a ba pa ti ka'i nad la yang cho ga'i rim pa de bzhin du sbyar ro/ /de la bu ga brgya pa'i nad pho mtshan gyi spu gu gnyis kyi nad na srin bu bsten te/ kha 'gags par byas pa de la ni rlung 'joms pa'i sman dang sbyar
 ba'i snum gyis thog mar nang du bcug ste/ de'i 'og tu sman mar de nyid kyis blugs par bya'o/ /zhag gsum gsum zhing spu gu che zhing yangs par 'gyur na ni mtshon gyis bcad par bya'o/ /spu gu'i kha sbyor ba de dag gis ma zhin ni bar gyi
 srubs breng breng po ma gtogs pa/ mtshon gyis gdab du rung ba'i sar dpral te rma sar pa'i cho ga bzhin du bya'o/ /gal te pho mtshan gyi nad sra zhing mdud pa ltar gyur na ni spu gu dugs bya ba dang/ snum drang ldan pa don pos byugs pa byas la/ de nas
 mtshon gyis bris te/ sman bskol khu ba sbrang rtsi dang sbyar ba blugs so/ /khrag gi 'brum bu la ni khrag las gyur pa'i khor 'bras kyi gso ba rnams bya'o/ /gzhan yang pho mtshan la nad kyi gnas skabs ji lta ba bzhin du rma'i gso ba rnams ci
 rigs par gyis shig /mo mtshan gyi gso ba mngal gyi nad dam mo mtshan gyi nad thams cad la ni rlung 'joms pa'i snum dang/ dugs dang/ mas btang ba la sogs pa las thams cad byas na rab tu bsngags te/ lhag par rlung las gyur pa'i nad
 la sbyar ro/ /de la bud med kyi mo mtshan gyi nad ni rlung ma gtogs pa gzhan gang yang med do de bas na bud med kyi mngal gyi nad gang yang rung ba la ni rlung 'joms pa'i man sbyar bar bya ste/ de yang ba la'i mar dang 'dres pa zhes bya ba'i sman nang
 dang/ su? ka ma ra'i sman mar dang/ de rnams kyi smin mar blud pa dang dugs bya ba dang/ snum bcos la sogs pa byas na mngal dang mo mtshan yo ba yang drang por byed do/ /gal te mo mtshan yo bar gyur na lag pas bsrang la zhum pa yang bkral zhing
 bskyed par bya'o/ /phyir byung na nang du gzhug par bya'o/ /de dag ni mngal rang gi gnas nas nyams par byed pa yin te/ de ni bud med zug rngu dang bcas pa yin par 'dod do/ /de lta bu'i nad la ni sman 'jam pas slon la sogs pa las rnam pa lnga yang sbyar
 bar bya ste rnam pa thams cad du lus yongs su dag par bya ba dang/ de bzhin du mas btang ba dang/ bsku byug dang/ blugs pa dang/ shing bal gyi 'da' bas glan pa la sogs pa la phra? lhag pa de dag kyang bya'o/ /to? bal dang/ 'bras bu gsum dang/
 rgun 'bum dang/ kas mard+ha dang/ ser po rnam gnyis dang/ sle tres dang/ shing she rya ka btang ba dang/ bsku byug dang/ ba spru dang/ ba sha ka dang/ de rnams zho gnyis gnyis dang/ mar srang sum cu rtsa gnyis dang/ bskol te mar lus pa las ran par 'grungs? ??
 rlung las gyur pa'i mngal nad thams cad 'joms te bu 'dzin par byed pa'i mchog yin no/ /shu dag dang/ zi ra dang/ go snyod dang/ pi pi ling dang/ ba sha ka dang/ rgyam tsha dang/ tirmu sa dang/ ya ba k+Sha ra dang/ de rnams zhib tu btags te chang gi
 dangs ma dang sprus la mar dang brngos te zos na mo mtshan gyi nad dang/ rtsibs logs su na ba dang/ glo snying na ba dang/ skran dang/ gzham 'brum rnams zlog par byed do/ /ba sha ka dang/ kha lung gi rtsa ba dang/ se na rtsi dang/ lan tsha
 dang/ de rnams kyi phye ma chang dang sbyar te btung ba 'am/ yang na pi pi ling dang/ utpa kan rtsi ka zhes bya ba go snyong dang/ ra sna dang/ gze ma dang/ ba sha ka dang/ de rnams 'o ma dang bskol ba 'thungs na zug gzer 'phrog par byed do/ /sle tres dang/
 'bras bu gsum dang/ dan+ti dang/ de rnams bskol bas blugs par bya'o/ /rgya spos dang/ kaN+Da kA ri dang/ ru rta dang/ rgyam tsha dang/ thang shing dang/ de rnams til mar dang bskol ba'i mar las shing bal gyi 'dab ma la sgos te/ mo mtshan la glen pa
 byas na zug gzer 'joms so/ /mo mtshan gyi nad mkhris pa las gyur pa la ni blugs pa dang/ bsku byug dang/ ras bal gyi 'dab mas klan pa'i chog rnams bya'o/ /mkhris pa 'joms shing bsil ba'i nus pa dang ldan pa'i sman sbyar ba'i mar
 gyis snum chos bya'o/ /nye'u shing gi rtsa srang bzhi brgya brdungs te/ btsir ba'i khu ba dang/ de dang mnyam pa'i 'o ma dang/ mar srang brgya nyi shu rtsa brgyad dang/ 'tsho byed sde bcu dang/ nye'u shing dang/ rgun 'bru dang/ ba tu sha ba dang/ pi ya la dang
 pa la rnam gnyis dang/ shing mngar dang/ de rnams zhe gnyis zhib tu btags pa'i phye ma dang/ de rnams lhan cig bskol te grangs pa'i nang du sbrang rtsi dang/ pi pi ling gi phye ma srang brgyad brgyad dang/ khar srang bcu btab ste lde gur byas pa
 las srang phyed phyed zos na mngal gyi nad dang/ khrag nad dang/ khu chu'i nad 'joms par byed do/ /nyil phod pa dang/ bu bskyed pa'i mchog yin te/ de bzhin du glo 'grams pa dang/ glo gcod zad byed dang/ khrag dang/ mkhris pa dang/
 lud ba dang/ dbugs mi bde ba dang/ ha li ma ka zhes bya ba'i nad dang mig ser dang/ rlung dang/ khrag las gyur pa'i nad dang/ me dpal dang/ glo snying na ba dang/ mgo na ba dang/ brjed byed kyis nyams thag pa dang/ da rgan nang du 'dug pa dang/ phyir gyed pa'i
 nad dang/ myos pa dang/ smyo byed rnams 'jig par byed do/ /gong gi bskol ba'i khu ba srang stong nyi shu rtsa bzhi'i nang du mar dang til mar bsres pa slang brgya nyi shu rtsa brgyad dang/ de'i bzhi 'gyur gyi 'o ma dang/ pi pi ling dang/ ka ka na si dang/ kha ra
 dkar po dang/ dzi ban+ti dang/ k+Sha rika ko li dang/ sti ra dang/ nye'u shing dang/ zi ra rnams gnyis dang/ pa ya sra dang/ sh+ra ba ni dang/ mon sran rde'u dang/ shing pi pi ling dang son sran gre'u gsum gyi lo ma dang/ de rnams btags pa'i phye ma dang/ lhan
 cig yang bskol te mar las 'thungs na rlung dang mkhris pa las gyur pa'i nad 'joms par byed de bu sbyin par byed pa yin te/ mo mtshan nas khrag 'dzag pa dang/ zla mtshan skyon dang bcas pa rnams la nad gzhi ji lta ba bzhin du gang dang ldan pa brtar
 te thun nad kyang de ltar bya'o/ /shing mngar dang/ sbrang rtsi dang/ chu shing gi rtsa ba dang/ skyer ba'i rtsa ba dang/ shing ta la'i sa bon dang/ pri e ku dang/ de rnams 'bras bkrus pa'i chu dang sbyar te 'thung na khrag legs par gnas par byed cing khrag dkar ba
 dang/ ha cang dmar ba rnams sel te/ /pA thA dang/ shing 'dzam bu dang/ a mra'i rkang pa dang/ sru sru'i rtsa ba dang/ skyer khaN+Da dang/ a pakTa dang/ shal pa'i 'thing chu 'am/ sa mang+ga dang dug ma yungs kyi shun lpags dang/ bA la li dang ka dang/ bilba
 dang/ bong nga dkar po dang/ gseng phrom dang/ gla sgang dang/ btsag dang/ bca' sga dang/ shing mngar dang/ ma tsi ka dang/ tsan dan dmar po dang/ katpa la dang/ ka taM ga dang/ dug mo yungs dang/ a nanda dang/ da ta ki dang/ shing tog ma du ka
 dang/ stang zil dang/ de rnams btags pa'i phye ma sbrang rtsi dang/ 'bras bkrus pa'i chu dang sbyar ba rgyu skar rgyal la blud na/ gzhang 'brum dang tshad par 'khru ste yang dang yang khrag tu 'byung ba dang/ srin bu las gyur pa'i nad dang khyis
 pa rnams kyi srin nad rnams 'joms te/ mngal dang mo mtshan gyi nad khrag nag pa dang/ dkar la rtsa gnag pa rnams sel to/ /phye ma 'di ni skar ma rgyal dang/ rjes su mthun pa yin te/ gong ma'i nang rnams la rab tu phan no/ /zhes drang srong chen po
 rgyun shes kyi bus? mchog tu bsngags so/ /bad kan las gyur pa'i mngal gyi nad la ni sman thams cad rtsub pa dang/ dro bag sbyar ro/ /da ta ki dang/ skyu ru ra yi lo ma dang/ ligbu'i mig dang/ shing mngar dang/ utpal dang/ shing 'dzam bu dang/ a
 mra'i tshig gu dang/ nag tshur dang/ gseng phrom dang/ katpa la dang/ tin+tu ka dang/ rgyam tsha dang/ se'u 'bru dang/ shing tsha dang/ u dum+bar dang khilba gzhon nu dang/ de rnams zho gnyis btags pa'i phye mar gcin dang/ de'i bzhi 'gyur gyi 'o ma dang/ til mar srang sum
 cu rtsa gnyis dang bskol ba'i mar lus pa las bsku byug dang/ ras bal gyi 'dab mas glan pa dang/ mas btang ba rnams byas na mo mtshan skrang ba dang/ mo mtshan phyir slog pa dang/ bsku dka' zhing rengs pa dang/ nal nal po spyi bag du 'jag
 pa dang/ mo mtshan phyi 'bur ba dang/ nang du zhum pa dang/ mo mtshan 'brum pa dang ldan zhing zug gzer dang bcas pa rnams la phan no/ /kha zas su nas dang/ btung bar ni a ru ra'i chang dang bur chad dang/ til mar rnams bsten par bya'o pi
 pi ling dang/ lcags skye? dang/ a ru ra dang/ de rnams kyi sbyor ba sbrang rtsi dang bcas pa sbyar na phan no/ /nag tshur dang/ 'bras bu gsum dang/ nag tshur bya ba la ma dang/ a mra dang/ shing 'dzam bu'i rus pa dang/ de ta ki dang/ de rnams kyi phye
 sbrang rtsi dang sbyar ba blud na mo mtshan nas spyi bag tu 'dzag pa rnams skan te rtsub par byed do/ /rgya skyegs shing dang/ da ta ki dang/ shing 'dzam bu dang/ sam ga ta dang/ mony+dza ra dang/ sra rtsi pog dang/ de rnams kyi phye ma sbyar na mo mtshan di mi zhim pa dang
 ?? bag tu 'dzag pa dang/ snags pa dang/ rengs pa rnams la 'dod pa yin no/ /dong ka'i sde tshan bskol ba'i khu ba blugs pa bya'o/ /mo mtshan bsgul dka' zhing rengs pa dang/ rtsub pa rnams la ni gnyen par bya ba'i cho ga rnams bya ste/ de yang sha khu
 ? ? par g.yos su byas pa dang/ kri sa ra dang/ 'o thugs rnams kyis mo mtshan gyi nang du bzhag cing dgang bar bya'o/ /mo mtshan drang bar gyur pa la ni sman dri zhim pa dang sbyar ba'i til mar ram/ mar gyi nang du phye mas btab pa 'am/ yang na
 phye ma nyid du sbyar na mo mtshan dri mi zhim pa rnams sel bar byed do/ /bad kan las gyur pa'i mo mtshan gyi nad la ni phal cher sman tsha dang/ ba gcin dang sbyar ba mas btang ba byas na phan no/ /mkhris pa las gyur pa'i nad la ni phal cher shing dang/ 'o
 ma dang bcas par mas btang ni phan no/ /rlung las gyur pa la ni phal cher til mar dang skyur dang sbyar ba mas btang na phan no/ /'dus pa las gyur pa las ni thun mong du sbyar te mas btang na phan no/ /gso pa de dag gis mo mtshan dag par gyur pa
 dang/? sa bon la skyon med cing tha mal bar gyur pa dang/ rnam par shes pa 'jug pa dang/ tshogs pa de dag yod na bud med kyis bu chags shing tshor bar shes so/ /skyes pa'i dbang po la yang sa bon gyi mdog las nyes pa rnams brtags te/ ?
 ? gal te nad dang bcas pa yin na ni de 'joms par bye pa'i sman las rnam lnga la sogs pas dag par bya'o/ /btsod dang/ ru rta dang/ rgya pos dang 'bras bu gsum dang/ shu dag dang/ ser po rnam gnyis dang/ shing mngar dang/ la la phud
 dang/ pu tse shel dang/ pa yassya dang/ shing kun dang/ ra mnye ba ser po dang/ a shwa gand+ha dang/ nye'u shing dang/ de rnams zho gnyis gnyis btags pa'i phye ma mar srang sum cu rtsa gnyis dang/ de'i bzhi 'gyur gyi 'o ma dang
 bskol ta mar lus pa las ran par 'thungs na mo mtshan dang/ khu chu'i nyes pa thams cad la rab tu bsngags te/ tshe ring ba dang/ lus nyams brta ste/ 'phel zhing rgyas pa dang/ yid gzhungs pa dang/ bkra shis pa dang/ bu tsha skyed bar byed pa'i
 mchog yin te/ de bzhin du zla mtshan rgyu ba'i dus su mar de las ran par bud med la blud na bu skye bar 'gyur zhing mngal gyi nang du bu 'cher nye ba yang mar 'di 'thungs na 'tsho bar byed de rab tu bsngags so/ /sman mar 'di ni mchog tu byis
 pa rnams kyi gdon 'joms pa dang/ lus brta ba'i dam pa yin te/ sman mar 'di'i ming ni 'bras bu'i sman mar zhes bya'o/ /gsang ba'i nad gso ba'i le'u ste sum cu rtsa bzhi pa rdzogs so// //sman dpyad kyi yan lag
 lnga pa'o// //de nas dug nad kyi dmigs brtag cing gso ba'i cho ga'i le'u bshad par bya ste/ sngon gyi lha dang lha ma yin rnams bdud rtsi 'dod pa'i phyir rgya mtsho chen po bsrubs pa las bdud rtsi'i sngon rol du dug gi skyes bu'i
 gzugs can shin tu mi bzad par snang pa lus shin tu 'bar ba'i gzi brjid dang ldan pa/ mche ba bzhi dang bcas pa/ skra ser ba me ltar 'bar ba'i mig dang ldan pa des 'gro ba gang la bltas kyang brgyal zhing sa la lhags par 'gyur te de'i
 phyir dug ces bya'o/ /de nas tshangs pa chen pos hUM zhes brjod pas skyes bu dug gi gzugs can/ de yang gnas pa'i dug dang 'gro ba'i dug rnam pa gnyis su gyur nas rang gi lus mi snang bar song ngo/ /de nas 'chi'i bdag nyid can shin
 tu brtan pa dang/ rlom sems pa'i nus pa dang ldan pa gang min pa de kA la ku Ta zhes bya ba dang/ in+d+ra zhes bya ba dang/ ba tsha na zhes bya ba dang/ shing gi zhes bya ba dang/ ha la ha la zhes bya ba la sogs pa'i rtsa ba'i nad dang/ gzhan yang sprul dang/ bag? chags
 pu? ta dang/ mche ba can la sogs pa rnams su zhugs par gyur te/ /de gnyis las kyang 'gro ba'i dug ni shin tu mi bzad pa yin no/ /de ltar gnas pa'i dug dang 'gro ba'i dug rnam pa gnyis ni bcos ma ma yin pa ste/ rang bzhin gyi dug ces bya'o//
 bcos ma'i dug ni dbyig dug ces bya ste/ sman sna tshogs pa las byas pa yin te/ sbyor ba'i dbang gis byas pa'i dug ni myur bar 'chi ba'i nus pa med de/ yun ring pa nas 'chi ba 'am/ yang na skrang ba dang/ skya rbab dang/ dmu rdzing dang/ smyo byed dang/ gzhang
 'brum la sogs pa skyed par byed do/ /de la dug gi rang bzhin ni rno ba dang/ drod che ba dang/ rtsub pa dang/ bska ba dang/ lus la myur du khyab par byed pa dang/ yang ba dang/ lus 'bar te mdangs can du 'gyur ba dang/ phra ba dang/ ro mi gsal ba dang/ mi bzang
 par smin ba yin no/ /mi'i khong na mdangs shes bya ba la dug gi yon tan rno ba la sogs pa rnams las bzlog pa yod pa yin par shes par bya'o/ /dug de rlung dang mkhris pa shas cher bskyed pa'i nus pa dang ldan na ni mi rnams kyi srog de ma thag
 'joms par byed do/ /dug de thog ma khong par phyin nas dang po khrag 'khrug par byed do/ /nad gzhi rnams cha mnyam pa yin na yang bad kan dang/ mkhris pa dang/ rlung gi gnas su 'khrug par byed do/ /de nas snying gi gnas su phyin nas ni mi rnams kyi srog
 'phrog par byed do/ /de nas snying gi gnas su phyin nas ni mi rnams kyi srog 'phrog par byed do/ /de las gnas pa'i dug gi dang po lus la phog pa'i tshul ni lceg nag ba dang/ khong rangs pa dang/ brgyal ba dang sdang ba dang/ ngal ba dang skyug pa yin no/ /gnas skabs gnyis pa la ni nad kyi shugs lus 'dar ba?  dang/ rdul
 ba dang/ tsha ba 'ur 'ur bar 'dug pa dang/ lkog ma na ba dang/ dug ma zhu pa'i gnas su phyin te snying na ba dang/ zug pa dang/ rkan bskams pa yin no/ /gnas skabs gsum pa la ni ma zhu ba'i gnas pho bar phyin te shin tu
 zug pa dang/ mig nyams zhan pa dang/ ser ba dang/ skrang bar 'gyur ro/ /gnas skabs bzhi pa la ni zhu ba'i gnas long kar phyin nas na ba dang/ skyigs bu dang/ lung pa skye zhing rgyu ma 'khrugs pa dang/ mgo lhag par lci ba dang/ bad kan rab tu
 'dzag pa dang/ mdog skya ba dang/ tshigs rnams su zug pa yin no/ /gnas skabs lnga pa la ni nad gzhi thams cad 'khrugs shing na ba dang/ zhu ba'i gnas su zug cing na ba yin no/ /gnas skabs drug pa la ni 'du shes rab tu nyams pa
 dang/ lhag par 'khru ba dang/ phrag gong dang/ sgal tshigs dang/ dpyi dang/ de rnams bye zhing lhod pa yin no/ /gnas skabs bdun pa la ni skyes bu 'chi bar byed pa yin no/ /dug gis phog ma thag pa'i gnas skabs dang po la skyug sman
 btang ste chu grang gis gtor ro/ /de nas dug la phan pa'i sman mar dang/ sbrang rtsi dang sbyar ba myur du sbyin no/ /gnas skabs gnyis pa la ni gong ma bzhin du slon byas la de'i 'og tu bkru sman bya'o/ /btung ba yang gong ma ltar sbyar ro/ /gsum pa la
 ni dug 'joms pa'i sman gyi btung ba dang/ sna sman dang/ mig sman sbyar na phan no/ /bzhi pa la ni snum dang bcas pa'i dug sman gyi btung bar sbyar ro/ /gnas skabs lnga pa la ni shing mngar bskol ba'i khu ba dang/ sbrang rtsi dang sbyar ba dug la
 phan ba'i sman gyi btung ba dang bcas pa btang ngo/ /drug pa la ni 'khru ba gso ba'i cho ga bya'o/ /gnas skabs bdun pa la ni sna sman bud ba dang/ spyi bor rgya gram du bsal te/ de'i nang du sha 'am khrag gzhug par bya'o/ /ko sha ta ki dang/ laM
 ba li dang/ pha tha dang/ lcam pa dang/ sle tres dang/ a ru ra dang/ she lu dang/ sh+ri sha dang/ ge re kar+Ni ka dang/ yung? ba dang/ A hA dang/ ba spru ba dang/ sbrang rtsi dang/ tsha ba gsum dang/ bri ha sti rnam gnyis dang/ thal tres dang/ ba la dang/ de rnams bskol
 ba'i khu ba las gzhi blangs pa'i 'bras thug grangs pa'i nang du mar dang sbrang rtsi dang bcas pas slon khrus la sogs pa'i las byas pa'i 'og tu/ dug 'joms pa'i sman 'di thams cad sbyar ro/ /de bzhin du shing mngar dang/ shing tog ma du ka dang/
 pad+ma ge sar dang/ tsan dan dang/ stang zil dang/ rgya spos dang/ ru rta dang/ ba bla dang/ ldong ros dang/ pri yaM ku dang/ tsha ba gsum dang/ 'dug su ka hwa dang/ nA ga puShpa dang/ ge sar dang/ ha re nu ga dang/ chu'i shing mngar dang/ spang spos dang/ gi wang dang/
 ka la ma ka dang sh+ri be sh+ha? ka dang/ sra rtsi pog dang/ shu ti dang/ gur gum dang/ ba la dang/ ta ma la'i 'o ma dang/ bal bu'i lo ma dang/ stag pa'i lo ma dang/ pu shel tse dang/ ser po rnam gnyis dang/ de rnams bu mo gtsang ma smyung ba dang/ lus kyi khrus
 byas te gos gtsang ma cho? gas bas sman btags te sbrang rtsi dang sprus la ri lur byas te/ bram ze la mchod pa byas nas de'i 'og tu ci rigs par sbyar te/ ri lus byas la sman pas de la sngags 'di rtse gcig pas bzlas brjod bya'o/ /na ma(mdo 'grel na ma/ nA rA ya tsa na/ ya bA so'u nA b+hi/ dzA na taM/ ra Ne kriSh+Na pa rA dza ya ma e te na syad tya bak+She Na/ a na do me pra sri d+hA tu/ na mo bi dUrya ma to hu Tu hu Tu/ rak+Sha mAM sartha byi she b+hya/ go ri gAnha? ri/ tsaN+Da li mA taM gi swAhA/ de ltar sngags kyis btab pa'i sman de btags te/ sngar?
 'di yang bzla'o/ /ta re ma ye swA hA/ zhes brjod do/ /des btung ba dang/ sna sman dang/ skyug sman dang/ mkhrag? mar bcing ba la sogs pa sbyar na/ dug ma lus pa thams cad dang/ ro langs kyi go? dan dang/ sdig pa'i las thams cad dang/ mar ka bya di dang
 mu ge'i gnod pa dang/ 'thab mo dang/ ser ba'i 'jigs pa rnams sel zhing bde legs su 'gyur pa dang/ zhi bar byed pa'i mchog yin te/ sbyor ba 'di ni zla shar zhes bya'o/ /khong bar dug rang zhu pa dang/ sman gyis zhi
 bar byas sam/ mes bsregs sam/ rlung gis bskams kyang rung ste/ dug gi rang bzhin gyis yon tan ni mi 'dor ba yin te/ de ni nyes pa 'khrug par byed pa zhes bya ba'i dug gi las dang ldan pa yin te/ dug gi nus pa ni chung ba yin la
 dug de bad kan dang ldan pa yin par ma shes na ni lo grangs su nang dang rjes su 'brel pa yin te/ dug des na zhing nyams thag par gyur na ni phyi sa mdog sna tshogs su 'byung zhing khong 'khru ba dang/ khrag nang ma rungs par gyur pa dang/
 skom dang che ba dang/ kha zas yi gar mi 'ong ba dang/ brgyal ba dang/ skyugs pa dang/ skad 'dar 'dar por smra ba dang/ me drod nyams pa dang/ dug gi nang gzhi 'khrugs pas dmu rdzi gi brtags kyang de la snang ba yin no/ /gal te dug ma
 zhu ba'i gnas pho bar babs na ni bad kan dang rlung gi nad skyed par byed do/ /zhu ba'i gnas su babs na ni rlung dang mkhris pa bskyed par byed do/ /dug mgo la babs na ni mgo'i skra 'byi bar 'gyur te/ ci ltar bya 'dab ma dang bral ba bzhin
 no/ /dug des lus zungs rnams la babs na ni lus zungs kyi nad skyed pa 'am/ yang na lus zungs la brten nas nang gzhan skyed par byed do/ /yang na shar phyogs kyi rlung gi so phog ste dug la bsab dang/ kha zas ma zhu ba dang/
 nam rmugs te grang ba dang/ nyin par gnyis log pa dang/ kha zas mi mthun ba bsten pas zhus zungs rnams 'khrugs par byas te/ dug langs pas nyes pa 'khrag par byed pa zhes bya'o/ /de la gso ba ni thog mar dugs legs
 bar byas la/ gong 'og tu lus sbyangs par bya'o/ /nyes pa 'khrugs par byed pa'i nad la ni dug 'joms pa'i sman sbrang rtsi dang sbyar ba ldag du gzhug ste/ de yang pi pi ling dang/ bya ma ka dang/ spang spos dang/ gsang phrom dang/ sug smel dang
 ? rtsa ka dang/ ku tan+ta ta/ ru rta dang/ shing mngar dang/ tsan dan dang/ btsag yug snam dang/ de rnams ni dug 'joms pa'i sman zhes bya ste/ de ni dug 'joms pa'i sman nyi tshal sbyar gyi gzhan du ni mi sbyar ro/ /dug mda' la sogs
 phog pa'i mtshan ma ni yang dang yang brad ma ma ti dang/ mdog 'gyur zhing skya bor 'gyur ba dang/ yang dang yang du yid 'byung ba dang/ de'i lus la srin bu rgyu bsnyam du sems pa dang/ lus la tshor ba med cing tsha tsag tsag byed pa dang/ chu so dang/ sgal tshigs dang
 mgo dang/ phrag pa dang/ tshigs rnams su zug gzer dang/ bcas par 'gyur ba dang/ khrag nag po nad khrag 'jag pa dang/ skom dang che ba dang/ brgyal ba dang/ rims kyis 'debs pa dang/ tsha ba 'ur 'ug por 'dug pa dang/ mig dmar ba dang/ skug pa
 ? dang/ dbugs mi bde ba dang/ skyigs bu dang/ rma'i thon khor dmar zhing ser ba dang/ dbus gnag pa yin no/ /rma skrang zhing smin pa dang/ dri mi zhim pa dang/ sha nag por 'gyur ba dang/ sha rul zhing 'drul ba dang/ spyi bag tu 'dzag pa yin no/ /dug?
 gnang du ma bsnun na ni myur du snying gi phyogs su gsil ba'i cho ga rnams bya ste/ zug rngu phung la de'i 'og tu lcags bsregs pas rma bsreg par bya'o/ /yang na mu ka ka dang/ ge ri ka dkar po dang/ ka tA la'i shing shun dang/ taM mra bal+li dang/ shi re sha dang
 gring nga mkhya dang/ 'di rnams kyi thal bas sreg go /shu kha nas dang/ bong nga dkar po dang/ kAN na hA ra'i rtsa ba dang/ de rnams kyi lde gus rma bsku'o/ /gzhan yang drug 'thungs pa dang/ dug gi bzung ba'i gso ba ci ltar 'os bar sbyar ro/ /rma snags pa
 la ni mkhris pa'i me dbal gyi gso ba rnams spyad do/ /bud med rang skal ba dang ldan pa'i ched du rang gi khyim thab la dbyig dug kha zas dang sbyar ba sbyin pa 'am/ rgyal po dang khon pa'i dgras rgyal po'i 'khor nye gnas la gla rngan byin te kha zas kyi
 kyi nang du dbyig dug byin na/ dbyig dug gis zin pa'i mtshan ma na mdog skya ba dang/ lus skem zhing rjud pa dang me'i drod chung ba dang/ lung ba lu ba dang/ dbugs ma bde ba dang/ rims kyis nyams thag pa dang/ rlung lam gzhan du zhugs pa dang/ rtag tu
 gnyid 'ong ba dang/ sems las che zhing yid mi bde bar 'gyur pa dang/ lto ba dang/ mchi na ba dang/ mcher ba cher skye ba dang/ skad gsang dma' ba dang/ nyam chung ba dang/ sgyid zhan pa dang/ skrang ba dang/ rtag tu lto spo ba dang/ rkang pa dang/ lag pa
 skem zhib zad pa dang/ phal cher rmi lam gyi nang du ce cang dang/ byi la dang/ sre mo dang/ sbrul 'di rnams mthong zhing/ nags dang mtsho rnams kyang bskams par mthong ba rnams yin no/ /bdag nyid kyi lus dkar po nag por mthong ba dang/ sna dang
 mig kyang mdog 'gyur pa dang/ dbang po rnams kyang nyams par mthong bar 'gyur ba yin no/ /de dang de la sogs pa'i gnod pa mang po skye bar 'gyur ba'i dbyig dug gis nyams thag par 'gyur pa des lus 'jig par 'gyur ro/ /la la ni de
 ma thag gso ba byas na 'tsho ba yod do/ /yang dbyig dug gis nyams thag pa la dza ma thag slon pa'i kha zas sbyin te/ 'phral skyug tu gzhug go de nas dag par byas nas gser sbyin par bya'o/ /lhag ma ni mdo'i gnas su bshad pa'i cho ga bzhin
 du bya'o/ /gser dang/ drub mar chang kha ra dang/ sbrang rtsi sbyar ba'i lde gu ldag tu bcug na/ sbyor ba thams cad las byas pa'i dbyig dug drag mo yang rab tu zhi bar byed do/ /murba dang/ sle tres dang/ rgya spos dang/ pi pi ling dang/ pa to la dang
 dbyi mo mang/ tsi tra ka dang/ shu dag dang/ gla sgang dang/ phyi dang ga dang/ 'di rnams dar ba dang/ zhog chu 'am/ sha khu'i skyur po dro 'jam tsam las btang na/ dbyig dug gis me'i drod nyams pa yang 'jig par byed do/ /phu ron gyi sha dang/ zur ba dang/ ma nu dang
 'di rnams bskol te grangs pa blud na dbyig dug dang/ skom dang che ba dang/ zug pa dang/ lud pa dang/ dbugs mi bde ba dang/ spos pa dang/ lus tsha ba rnams 'joms par byed do/ /dug ge rang bzhin can gyi mi la kha zas dus ma yin par zos
 pas rang bzhi rnams dang/ lhan cig 'khrugs pa de ni byi sha saM ga sta zhes bya ba'i dug nang yin par bshad de/ de las ni brgya la/ 'ga' zhig 'tsho bar 'gyur ro/ /byi sha saM ka zhes bya ba'i dug gi nad la bsrung bar bya ba ni bkres pa dang skom pa
 pa dang/ chad pa dang/ nyam chu ba dang/ khro ba dang/ mya ngan dang/ 'jigs pa dang/ ngal ba dang/ ma zhu dang/ 'khru ba dang/ gang yang mkhris pa dang/ rlung 'phel bar byed pa'i rgyu dang/ til mar gyi me tog dang/ 'bras bu snom pa dang/ sa'i rlangs pa snom
 pa dang/ 'brug gi sgra dang/ glang po che dang khyi ba'i sgra dang/ rol mo'i sgra rnams nyan pa dang shar phyogs kyi rlung dang/ utpa la'i dri snom pa dang/ gang yang myos par 'gyur pa'i bag bsten na dug 'phel bar 'gyur ba yin pas de ni spang bar bya'o/ /byar ni char
 mang po 'ba' ba'i dus yin te/ de'i che dug la chu mang pos brlan par byas nas khu ba zags te bkrus na dug gi nus pa zhan par 'gyur te/ de bas na ston sprin med pa'i dus su skar ma ri Shi shar te des dug gi mthu 'phrog pa yin no/ /de
 ltar sman pa mkhas pas nad kyi rang bzhin dang/ gang la goms pa dang/ gnas gang du nad 'khrugs pa dang/ nad kyi stobs che chung brtags te de'i 'og tu gso ba'i las dpyad par bya ste/ de la bad kan gyi rang bzhin can gyi dug nad la
 ni dro ba dang/ rtsub pa dang/ rno ba'i skyug sman dang byug pa sbyar ro/ /kha zas su ni ro bska ba dang/ tsha ba dang/ kha ba rnams sbyar na dug gi gnod pa zhi bar byed do/ /mkhris pa'i rang bzhin can gyi dug nad la ni bkru sman dang/ byug pa dang/
 blugs pa rnams kyang shin tu bsil ba'i nus pa dang ldan par bya'o/ /kha zas su ni ro bska ba dang/ mngar ba rnams mar dang sbyar pa btang ngo/ /rlung gi rang bzhin can gyi dug nad la ni sman mngar ba dang/ snum pa dang/ skyur ba dang/
 lan tsha rnams mar dang ldan pa'i bza' ba dang/ byug pa dang/ sha la sogs pa sbyar na yang phan no/ /'dus pa las gyur pa'i dug nad thams cad la ni/ bkru sman dang byug pa dang/ bza' ba dang/ sman thams cad la yang mar dang
 sbyar ba bsngags te/ dug 'joms pa la ni mar dang 'dra ba gzhan gang yang med do/ /lhag par rlung shas che ba la bzang ngo/ /dug bad kan gyi gnas su byung na ni tshogs? chung dus gso sla ba yin no/ /mkhas pa'i gnas su byung na ni gso
 dka' ba yin no/ /dug nad kyi dmigs brtag cing gso ba'i le'u ste sum cu rtsa lnga pa rdzogs so// //de nas sbrul gdug pas zin pa gso ba'i cho ga'i le'u bshad par byas te/ de la sa'i steng na gnas pa'i sbrul gdug pa can
 gyi rigs mdor bsdu na rnam pa gsum ste/ gdengs ka can dang/ lus 'khyil ba dang/ khra ba'i rigs dang/ gsum ste dbye na ni rnam pa du ma grangs med pa yod mod kyi mdor bsdus te bshad par bya'o/ /sbrul gyi dug de dag gi yon tan ni khyad par du
 tsub pa dang/ tsha ba dang/ skyur ba dang/ drod che ba dang/ mngar ba dang/ bsil ba yin no/ /de la sbrul gyi rigs gdengs ka can dang/ lus 'khyil ba dang/ khra bo'i rigs gsum gyi bye brag las rlung gi rang bzhin dang/ mkhris pa dang/
 bad kan gyi rang bzhin rnams go rims bzhin du so sor sbyar ro/ /de la sbrul gzhon nu'i dug ni dbyar gyi dus su 'phel lo/ /sbrul bar ma'i dug ni dgun gyi dus su 'byung ngo/ /sbrul rgan pa'i dug ni sog tsha ba'i dus su ldang ngo/ /de las gzhan pa'i sbrul gyi
 ? ci dus tshigs rnams kyi mtshams su 'byung ngo/ /'khor lo dang/ gshol dang/ gdugs dang/ g.yung drung dang/ lcags kyu dang/ de rnams kyi ri mo'i mtshan dang ldan zhing 'gros shin tu myur ba dang ldan pa de ni sbrul gdengs ka can zhes bya'o/ /sbrul
 'khyil pa zhes bya ba ni rim 'khyil ba'i bye brag sna tshogs par 'dug pa yin no/ /sbrul gyi rigs khra bo zhes bya ba ni shin tu mdangs gsal ba'i ri mo dang ldan zhing snum pa dang/ chu zhing kun tu mdog sna tshogs su ri mo de ltar snang ba'o/ /gzhan yang
 sbrul gyi rigs srog chags go nga'i bu go dar zhes bya ba'i dug ni sbrul gdengs ka can dang 'dra'o/ /de dag las gzhan pa'i sbrul gyi rigs rkang pa bzhi pa ni rigs 'dres pa yin te/ mtshan nyid dang ri mo yang 'dres par snang ste/ des zin pa ni 'dus
 pa'i nang skyed pa yin no/ /sbrul gyi dug 'phel bar byed pa'i rgyu ni bza' o snyam pa dang/ 'jigs pa dang/ ltung ba dang/ gzhan gyis reg pa dang/ khros pa dang/ sdig pa'i las dang/ lha dang drang srong rnams kyis bskul ba las sbrul mi la
 'dzin pa yin te/ de dag ni yams kyis rim bzhin dug tshab che ba yin no/ /de ltar sbrul gyis zin pa'i rgyu ci lta ba bzhin du shes nas de lta de ltar gso bar bya'o/ /sbrul gyi rigs de las gzhan pa sdig pa byed pa lam bcad de gnas
 nas gang du skyes bu rgyu ba'i lus kha chu dang/ dri ma dang/ rnag tsam gyis reg cing gnod par byas te mched pa'i rma mi snang ba de ni mchus gnod pa byed pa zhes bya'o/ /gang gi lus la mche ba gcig gam/ gnyis kyi rjes snang zhing khrag med pa de ni bya/
 de nga zhes bya'o/ /mche ba gnyis kyi rjes snang zhing khrag dang bcas pa de ni bya lupta zhes bya'o/ /mche ba gsum gyis bzung ste/ sha la sogs pa phug cing khrag rgyu ba'i gnas rnams su mche bas phog pa de ni bi tshi na zhes bya'o/ /mche ba bzhis
 brag gi gnas phug ste/ khrag 'dzag pa de ni pi ti ti zhes bya'o/ /de la dang po gnyis ni dug med pa yin no/ /phyi ma gnyis gso ba med do/ /de la mche ba'i dug gis zin ma thag ni thog mar skrang ba de'i 'og tu khrag la zhugs ma rungs pas lus
 la khyab par byed do/ /de nas mkhris pa las khyab cing/ de lus thams cad la khyab par 'gro ste/ ji ltar chu la til mar gyis khyab pa bzhin no/ /rang bzhin gyis 'jigs pa skyed pa'i mi la sbrul gyis lus kyis rag pa las srangs te rlung
 'khrugs nas brgyal la skrangs par gyur pa de ni sbrul gyi lus kyis mngon par reg pa'i dug ces bya'o/ /dri mi zhim pa zhes bya ba'i srog chags yod de/ des bzung ba 'am/ yang na srog chags gang yang rung bas nub mo ma tshor bar zin pa
 las bdag ni sbrul gyis zin to/ /snyam nas dug gi rtog pas rims dang/ skyug pa dang/ brgyal ba dang/ lus tsha ba skye ba 'am/ yang na mi bde ba 'am/ rmong bag tu 'dug pa dang/ tshad bar 'khru ba de ni rtog ba las gyur pa'i dug nad ces bya'o//
 sprul gyis zin pa'i rma nad dang bcas la skrang ba dang/ g.ya' ba dang/ zug gzer dang ldan pa dang/ tsha ba 'ur 'ur ber 'dug pa dang/ rmed bu bug mdung pa ltar snang na ni dug dang bcas pa yin la de las bzlog pa ni dug med pa yin no/ /de
 la gdengs ka chen po'i sbrul gyis zin pa'i dug gi shugs rnams bdun du 'gyur te/ de yang dang pa ni khrag skyon dang bcas shing nag por 'gyur pa de bzhin dum kha la sogs pa thams cad du mdog gnag cing lus la grog ma
 ? rgyu ba snyam sems pa yin no/ /gnas skabs gnyis pa la ni thor bu skye bar 'gyur ro/ /gsum pa la ni mgo lci zhing dud pa dang/ glo snying mi bde ba dang/ rma nags pa yin no/ /bzhi pa la ni mchil ma mang ba dang/ skyug pa dang/ tshigs rnams bye ba
 dang/ sgyid skur ba rnams yin no/ /lnga pa la ni tshigs rnams 'jig pa dang/ che ba 'ur 'ur por 'dug pa dang/ skyigs 'u 'byung ba yin no/ /drug pa la ni glo snying na ba dang/ khong lci ba dang/ brgyal ba dang/ kha zas mi 'jub dang/ tshad par
 'khru ba rnams yin no/ /bdun pa la ni bu chu'i gnas su phyin te phrag gong dang/ rgyab kyi sgal tshigs dang/ sked pa'i tshigs rnams 'jig pa dang/ spyod lam thams cad las ldog cing mi nus pa yin no/ /sbrul 'khyil ba'i rigs kyis zin
 pa las ni dug gi shugs sngar 'gyur te/ dang po la khrag skyon can du byas nas ser por 'gyur la dad lus dang/ yan lag ser por 'gyur zhing che ba skye bar 'gyur ro/ /gnas skabs gnyis pa la ni skrang bar 'gyur ro/ /gsum pa la ni rma
 snags pa dang/ rdul ba la sogs pa skye bar 'gyur ro/ /bzhi pa la ni rims kyis 'debs shing lus tsha bar 'gyur ro/ /lnga pa la ni lus thams cad du khyab par 'gyur ro/ /sbrul khra bo'i rigs kyi zin pa las gnas skabs lngar 'gyur te/
 dang po ni khrag ma rungs par byas nas mdog dka' bar 'gyur ba dang/ lus thams cad kyang dkar bar 'gyur ro/ /gnyis pa la ni lus thams cad kyang shin tu lci bar 'gyur ro/ /gsum pa la ni rma rul zhing snags pa dang/ sna dang
 mig dang/ kha'i nang nas 'dzag pa yin no/ /bzhi pa la ni mgo lci ba dang/ gnya' ba rengs par 'gyur ro/ /lnga pa la ni skad nyams pa dang/ rims kyis 'debs pa dang/ grang ba rnams yin no/ /lhag ma rnams ni sbrul gdengs ka can dang/
 'khyil ba yin no/ /de bas na dug gi shugs gnas skabs lnga pa la ni 'bad pa dang bcas pas gso ba myur du bya'o/ /sprul chu'i nang du rkyal ba dang/ 'khrig ba zin nas nyam chung ba dang/ sre mos 'jigs pa dang/ sre mos
 pham par byas pa dang/ shin tu grang ba'i rlung gis nyen pa dang/ tshabs gdungs pa dang/ nad kyis gzir ba dang/ skom pa dang/ bkres pas gdungs pa dang/ shin tu dal ba dang/ lam ring po nas 'ongs te dub pa dang/ sprul spyod
 lam de dag ltar 'dug na ni sbrul gyi gdug pa med cing nyams pa yin no/ /sbrul de rtswa ku sha dang/ sman dang/ tshor ma dang ldan pa'i nags rnams su rgyu ba yin na ni sprul de'i dug gi nyes pa med cing dug dang bral ba yin no/ /sbrul de dur khrod
 dang/ mchod rten la sogs pa'i nang du rgyu ba dang/ tshes lnga dang/ bco lnga dang/ gnam stong dang/ tshes brgyad dang/ tshes dgu dang/ srong dang/ tho rangs dang/ nam phyed dang/ nyi ma gung dang/ dus de dag tu sbrul gyis zin pa dang/ rgyu skar bra
 nye dang/ smin drug dang/ mchu dang/ skag dang/ sa ga dang/ gre dang/ chu stong dang/ khrums stod dang/ snubs dang/ gzhan yang ne re ta zhes bya ba'i yung tsam gyis dus dang/ dus de dag tu gnad du bsnun par zin na ni spang par bya'o/ /skyes
 bu gang sbrul gyis zin ma thag mig dang gdong dkar por 'gyur ba dang/ skra byi zhing rang lhag pa dang/ lce gyod pa dang/ yang dang yang brgyal ba dang/ dbugs grang mo 'thon pa de ni mi 'tsho'o/ /gzhan yang sbrul gyi dug gis zin ma
 thag tu skyigs bu dang/ dbugs mi bde ba dang/ lud pa lu pa dang/ skyug pa dang/ cig car glo snying dun zhing zug pa de ni mi 'tsho'o/ /dug 'thungs sam/ dug bzung ngam/ dug mangs 'phog gam/ dug gis phog kyang rung ste rtags
 'di dag dang ldan na skyes bu de nges par 'chi zhing 'tsho ba spangs pa yin te/ da yang dbu bas skyug pa dang/ 'du shes nyams pa dang/ rgad pa dang/ lag pa dang/ gdong rnams gnag cing sngo bsangs su gyur pa dang/ sna zhom pa dang/ yan lag rnams zhig
 pa dang/ tshigs lhad pa dang/ phyi sa sla zhing khong 'khru ba rnams yin no/ /gzhan yang sna sman rnon po la sogs pa sbyar yang 'du shes mi rnyed pa dang/ rmas sam mtshon gyis rmas na yang khrag mi 'byung pa dang/ dbyug pas bsnun kyang rjes smug
 par mi mngon pa de ni gshin rje'i khyim gyi nang du 'jug pa yin no/ /'chi ba'i mtshan ma de dag dang mi ldan ni sman pas myur du khyim la me mched pa bzhin du gso bar bya ste/ dug gi nad kyis srog lkog mar phyin pa tsam bsrung zhing zhi bar bya ba la 'bad
 par bya ba yin no/ /sbrul gyis bzung ma thag nas sel gol gtog pa brgya'i bar du ni rma kha de nyid na dug 'dus pa yin no/ /de phan chad ni lus kyi khrag la sogs pa'i lus zungs rnams rims kyis khyab cing 'gro bar byed do/ /dug de khrag las
 gyur pa'i nang du ma khyab pa'i bar du de ma thag rma'i thon khor bcad pa la sogs pa'i las ci ltar rigs par bskur te bya'o/ /sbrul gyis zin ma thag de nyid myur du bzung ste/ rang gis sos bcad pa 'am/ sbrul ma zin na yang rung nye 'khod na bod ba 'am
 sa 'am/ shing la sogs pa ci mthong yang sos bcad de/ de ma thag blo bur du rang gi mchil ma 'am/ rna rbabs kyi sbrul gyis zin pa'i rma la gdab po/ /de nas rma'i gong rol du lung tang gi phreng? ba ser bzhi tsam chings shig /zar ma dang/ 'od ma
 la sogs pa'i skud pa la sngags btab shes pas grub pa'i sngags kyis btab ste/ dam du bcings te mnan na ji ltar chu 'o ma chu lon gyis bzlog pa dang 'dra bar rtsa ba'i rgyun sang rnams su dug rgyur mi ster zhing gcod par byed do/ /gnad
 dang tshigs rnams su sprul gyis bzung ba la ni 'phral du dam du btsir zhing dug gzag cing dbyung ba byas na dug gi nad kyi shugs mi skye ste ji ltar sa bon nyams pa'i myu gu bzhin no/ /sbrul gyis rigs 'khyil
 bas bzung ba'i rma ni mkhris pa'i rang bzhin can yin pas de la ni myur du gser dang lcags la sogs pa ma la bsregs pa 'am/ yang na 'gal mes rma kha bsreg par byas na dug gi nus pa thal par rlag par byed do/ /de tsam gyi
 las sus mi bzod de bzod par bya'o/ /me'i las de ma gtogs? pa gzhan ni mi bya'o/ /de'i 'og tu rma kha gzhigs te kha bkad ya phyi dang po'o/ /de nas sa 'am thal ba 'am/ dug 'joms pa'i sman nam/ ba lang gi gci bas rma kha la
 gdab par bya'o/ /gal te dug des nang du khyab par song ba dang/ lhag par shas che ba la ni rma dang lus su bcas pa thams cad la dug 'joms pa'i sman gyis sku byug bya'o/ /tsan dan dang bu shel tse chu dang sbyar bas blugs par bya'o/ /dug
 des kun la khyab pa la ni gtar ga byas te khrag byung na gso ba'i mchog yin no/ /khrag mang du phyung na ni dug gi rang bzhin nag pa yang 'byung pa yin no/ /de la dug yod pa'i khrag ni dri nga ba dang/ me'i nang du bsregs na srog sreg zer
 pa yin no/ /de ltar khrag phyung ste/ dag pa lta na khrag gi nad gzhi'i ci ltar bzhin du shes par bya ste/ brtag go /rtsa mi stung? ba la ni rwa dang srin bu pad+ma gnyis kyis khrag dbyung ngo/ /khrag phyung pa'i lhag ma yod pa dug gis slan
 ter byas pa de la ni lhag par bsil ba'i sman gyis blugs pa dang byug pa la sogs pa lan mang du byas te bzlog par bya'o/ /sbrul gyis zin te dug gi mthus brgyal pa dang/ snying 'dzag pa la ni sman bsil pa'i nus pa dang
 ldan pas blugs pa dang/ gtor ba dang rlung yab kyis g.yab pa byas te spu zing zhes byed du bcug na dug gis mthu rab tu zhi bar 'gyur ro/ /dug shin tu rno bas snying brus pa snyam sems pa la ni mar nyi tse 'am/ yang na dug 'joms pa'i sman dang/ mar dang
 sbrang rtsi sbyar ba yin no/ /snying la dug babs na ni der bad kan nye bar shas cher sogs shing 'phel te/ lus lci ba dang/ nad 'khrug cing brang che la kha nas chu skyur 'byung ba yin te/ de la ni skyug sman btang ngo/ /de ltar slon bya ba de yang rtsa bas skyur
 po dang/ rgya sran dang/ til mar dang/ chang la sogs pa de dag spangs te gang yang dug 'joms pa'i sman dang/ slon byas na dug gis kun tu khyab par mi 'gyur ro/ /sprul gyi dug gi rang bzhin dang/ mi'i nang gzhi'i rang bzhin dang/ gnas kyi bye brag
 zhib tu legs par brtags te/ gso ba rnams ma nor bar bya'o/ /shing sin du ra'i rtsa ba dang/ ge ri kar+Ni ka dkar po dang/ gnyis kyi btung ba sbrul gdengs ka chen pos zin pa la sbyar ro/ /ba ka la dang/ sbrang rtsi sbyar ba rnams sna sman du blugs so//
 sbrul nag pos zin pa la ni thog mar khrag gtar la de'i 'og tu tsa ra ti dang/ na ku li rnam gnyis sbyar ba 'am/ yang na shing kru dang/ bong nga dkar po gnyis sbyar ba gang yang rung ba'i lde gus bsku'o/ /gcod dang dud pa dang/ mar dang/ sbrang rtsi spyi
 ba'i btung ba blud do/ /rgya sne'u dang/ taM ba la dang/ ge re ka rnam gnyis dang/ kha lung dang/ kha ra dkar po dang/ sha lu dang/ de rnams kyi btung ba dang/ sna sman du sbyar ba phan no/ /de bzhin du gdengs ka chen po'i sbrul gyis gdug pa mi bzad pa
 dang/ sbrul gyi rigs khra bo la yang dug 'joms pa'i sman de dag sbyar ro/ /a shwa gand+ha dang/ rgun 'bru dang/ ge ri ka dkar po dang/ sa nag pa dang/ pi pi ling dang/ de rnams cha mnyam pa dang/ byi'u rug? pa'i lo ma dang/ ka pi tha dang/ bilba dang
 se'u dang de rnams kyi lo ma rnams re re yang a shwa gand+ha'i cha phyed phyed sbrang rtsi dang ldan par sbyar te zos na sbrul 'khyil ba zhes bya ba'i dug la khyad par du phan no/ /shing 'o ma can lnga'i shun pa dang/ 'bras bu gsum
 dang shing mngar dang/ nA ga puShpa dang/ e la ba lu ka dang/ ji ba ka dang/ zangs rtsi ba dang/ pu shel tsi dang/ kha ra dkar pi dang/ shug pa dang/ utpa la dang/ de rnams sbrang rtsi dang sbyar ba'i dug sman ni pa sa can zhes bya ste de'i lde gus
 bskus na sprul 'khyil ba'i dug 'joms te/ de bzhin du skrang ba dang/ shu ba mched pa dang/ 'brum bu dang/ rims dang/ lus tsha ba rnams la phan no/ /taM pal dang/ rgya gro d+ha'i myu gu dang/ ji ba ka dang/ zangs rtsi ba dang/ kha ra dkar po
 dang/ btsod dang/ shing mngar dang/ de rnams bskol ba'i khu ba blud na/ sbrul 'khyil pas zin ba 'joms so/ /smyug ma'i shun pa dang/ sa bon dang/ pu tsa shel dang/ pa ta la'i sa bon dang/ bca' sga dang/ shi ri sha'i sa bon dang/ bong nga
 dkar po dang/ ga bedu? ka'i 'bru dang/ rtsa ba dang shu dag dang/ de rnams ba gcin las btags pa'i lde gu ni yan lag brgyad pa zhes bya ste/ sbrul 'khyil pas zin pa'i rigs go nas zhes bya bas zin pa sel to/ /pu tse shel dang/ bong
 nga dkar po dang/ ru rta dang/ khyim gyi dud pa dang/ ha re nu ka dang/ tsha ba gsum dang/ rgya spos dang/ de rnams lhan cig sbyar ba zos na sbrul khra bos zin pa'i nad sel to/ /'dam bu mnga' rgyu dang/ dan+ti gnyis kyi rtsa ba mtho nyi shu'i sa 'og
 na mar brkos te phyung la 'bras dang/ sa gnyis lhan cig byas te byug pas bsku'o/ /mar rnying pa'i nang du 'bras bu gsum gyi phye ma btab ste blud la de zhu pa'i tshad tsam na nas las byas pa'i zan tshod ma dang bcas pa bza' o/ /ka ra bi
 dang/ a ka'i me tog dang/ me tog ku su ma dang/ laM ka li'i rtsa ba dang/ pi pi ling dang ba tha dang/ na la sham dang/ de rnams kyi phye ma rtsa ba skyur pa dang/ sbyar te 'thungs na gong ma'i sbrul las gzhan pa'i sbrul gyis zin pa'i dug thams cad la sbyar ro/ /
 shwar sha'i me tog gi rang gi khu ba'i nang du shi kru zhag bdun gyi bar du spangs te/ de las btub ba dang/ snar blugs pa la sbyar na sbrul gyis zin pa'i nad thams cad la phan no/ /rgya spos dang/ ru rta srang gnyis dang/ mar dang sbrang rtsi srad gnyis
 sbyar ba'i lde gu byin na sbrul gyi rgyal po 'jog pos zin pa yang sman 'di blud na bde ba sbyin par byed do/ /sbrul gyi rigs pa dngos ka chen pos zin pa'i gnas skabs dang po la ni khrag phyung ste/ mar dang sbrang rtsi dang sbyar ba myur du blud do/ /gnas
 skabs gnyis ba la ni slon byas te gong ma bzhin du mar dang sbrang rtsi dang sbyar ba blud do/ /gsum pa la ni dug 'joms pa'i sman sbyar te sman de nyid kyis snar blugs par bya'o/ /bzhi pa la ni sman btang ste/ nas thug dug 'joms pa'i sman dang lhan
 cig blud do/ /lnga pa dang drug pa la ni sman bsil ba dang/ sbyar ba'i dug sman btang ngo/ /de bzhin du bsil ba'i sman blugs pa dang/ byug pa yang dang yang du sbyar ro/ /slon sman rnon po blud la de'i 'og tu dug 'joms pa'i sman dang thug pa
 sbyar ba blud do/ /gnas skabs bdun pa la ni dug 'joms pa'i sman rnon po'i mig sman dang/ sna sman sbyar ba dang/ spyi bor mtshon gyi rgya gram du cung zhig mtshon gyis bsral pa'i nang du sha 'am khrag gam/ pags pa gang yang rung ba
 gzhug go/ sbrul 'khyil bas bzung ba'i gnas skabs gsum pa la ni slon byas te thug pa blud do/ /dug 'joms pa'i sman mi rno ba 'am/ yang na shug pa'i sde tshan bskol ba'i khu ba blud do/ /sbrul khra bos zin pa'i gnas skabs dang
 po la ni rma la zhal zhal bya ste/ de'i 'og tu bsku bas khrag phyung ste/ gong ma bzhin du dug 'joms pa'i sman blud do/ /drug pa la ni sman shin tu rno ba'i mig sman dang/ snar rdub pa rnams sbyar ro/ /gzhan yang grangs ma
 smos pa rnams ni sbrul gdengs ka chen pos zin pa'i gnas skabs kyi grangs kyi gso ba 'dir yang sbyar ro/ /bud med sbrum ma dang/ byis pa dang/ rgan po rnams la ni khrag nyung shas dbyung ngo/ /shing tsha dang/ ldong ros dang/ yung ba dang/
 rgya spos dang/ ku sha'i khu ba dang/ chu srin sen mo dang/ ta ma la'i ge sar dang 'bras kyi chu grang mo dang lhan cig sbyar ba blud na dug thams cad 'joms te/ ci ltar dbang po'i rdo rjes lha ma yin rnams 'joms pa bzhin no/ /bilba'i rtsa
 ba dang/ byi'u rug pa'i me tog dang/ ka rany+dza pha la pa dang/ ta ma la'i ge sar dang/ thang shing dang 'bras bu gsum dang/ ser po rnam gnyis dang/ tsha ba gsum dang/ de rnams ra gcin dang zhib tu btags pa las mig sman btab pa dang/
 sna sman du sbyar na sprul dang/ srog chags lu ta dang/ byi ba dang/ sdig pa la sogs pa'i dug dang/ gsung pa dang/ ma zhu ba dang/ dbyig dug dang/ rims kyis btab pa dang/ gdon gyis zin pa la sogs pas nyams thag pa'i
 mi la phan te/ bde legs su byed do/ /dug gis phog pa'i rma la dug gi lhag ma cung zad cig yod na/ yang byug pa la sogs pas ma lus par dbyung ste/ lhag ma lus na ni yang dug gi mthu skye bar 'gyur te/ ci ltar
 dug gis nad gzhi 'khrugs pa bzhin no/ /dug gis nyes pas snang ba rlung 'khrugs shing skyes na ni/ til mar dang/ chang dang/ rgya sran dang/ skyur? dang/ de rnams ma gtogs pa'i lhag ma rlung 'joms pa'i gas ba thams cad sbyar ro/ /
 dug gis mkhris pa skyes pa la ni ris 'joms pa'i sman bskol pa dang/ 'jam rtsi mas btang ba rnams bya'o/ /dug gi bad kan skyes pa la ni dong ka'i sde tshan sbrang rtsi dang sbyar ba btang ngo/ /mu zi dang/ rgun 'bru dang/ pa yassya dang shing mngar dang/ sbrang
 rtsi dang/ de spyi'i phyed dang/ mnyam pa'i kha ra dkar po dang sbyar ba'i lde gu ldag go /chu la sngags kyis btab ste btung ba dang/ gtor ma rnams bya'o/ /snying dga' ba'i bag bsten cing sems dga' bar bya'o/ /sprul gyi lus kyis reg pa las
 byung pa'i dug dang/ rtog pa las byung pa'i dug gis nyams thag pa las yang cho ga gong ma bzhin du sbyar na phan no/ /rin po che ke ke ru dang/ margad dang/ mu tig dang/ rdo rje dang/ baiDU rya dang/ gar da pa ma ni dang/ bi tsu ka dang/ byi ba'i dug dang/
 de bzhin du ri kha ba can na skyes pa'i sman so ma ra tsa dang/ ba spru ba dang/ dron dang/ ma hA dro na zhes bya ba dang/ sprul la yod pa'i nor bu dang/ na ma si dang/ dug zhi bar bya ba'i phyir dug dang/ de bzhin du nus pa dang ldan pa'i sman rnams kyang
 bcad bar bya'o/ /gal te nub mo rgyu na yang lag na gdugs dang 'khar gsil dag tu thog na de'i grib ma dang sgras lag 'gro rnams sdangs shing 'byer bar 'gyur ro/ /sbrul gdug pas zin pa gso ba'i cho ga'i le'u ste sum cu rtsa drug
 pa rdzogs so// //de nas srin bu srog chags lu ta la sogs pa'i dug gis zin pa'i dmigs brtag cing/ gso ba'i le'u bshad bar bya ste/ srin bu'i dug de yang sbrul gyi tshil dang/ bshang gci dang/ khu chu dang/ sgo nga
 dang/ /khog pa dang/ pags pa la skyes te/ srin bu de'i rang bzhin yang nad gzhi gsum dang/ 'dus pa dang/ rnam pa bzhi dang ldan pa yin par shes par bya ste/ de yang rlung gi rang bzhin can gyi srin bu'i dug gis zin pa'i rtags ni
 rma kha shas cher zug cing na ba yin no/ /mkhris pa'i rang bzhin can gyi srin bus zin pa'i rdags ni 'dzag pa nyung ba dang/ tsha ba dang/ mdog dmar ba dang/ shu ba mched ba dang/ yang na shang bi lu'i 'bras bu smin pa dang/
 /bra go'i 'bras bu smin pa dang 'dra bar 'dug pa yin no/ /bad kan gyi rang bzhin can gyi srin bus zin pa ni zug gzer chung ba dang/ u dum+ba ra smin pa 'dra ba yin no/ /'dus pa'i rang bzhin can gyi srin bus zin pa ni tshabs
 cher 'dzag cing rten thams cad dang ldan pa yin te/ de ni spang bar bya'o/ /srin bu gdug pa de dag gi mthu gnas skabs dang po la sogs pa sbrul gyis ltar blta bar bya ste/ /de bzhin du skrang ba 'phel ba dang/ khrag dri nga ba 'dzag pa dang/ mgo
 dang mig lci ba dang/ mgo 'khor ba dang/ brgyal ba dang/ dbugs mi bde ba dang/ rab tu na ba yin te/ srin du gdug pa spyi nang mthun par rma'i nang du pad+ma'i snying po lta bur 'byung zhing/ tsha ba dang/ g.ya' ba dang/ kha zas yi gar mi 'ong ba
 yin no/ /sdig pas zin pa'i dug ni shin tu rno ba yin te/ dang po me bzhin du lus la sreg par byed la/ de ma thag ro stong du mched par 'gra ste/ de'i 'og tu rma'i nang du 'dug pa yin te/ des gzung ma thag rab tu ma zhing skrang ba dang/
 'gas pa rnams yin no/ sdig pa de skya ba'i rgyu ni ba yang la sogs pa'i lci ba dang/ pags pa bsogs te rul zhing rlan pa las skyes pa dang/ sprul gyi pags pa las skyes pa yin te/ rked pa phra ba'i sdig pa'i dug tshabs che ba yin te/
 de yang mdog ser ba dang/ gnag ba dang/ rtsub pa dang/ mdog sna tshogs su snang ba dang/ nor bu gzi mdog tu rnang ba yin no/ /sdig pa kha cig ni spu mang zhing tshigs kyang mang ba yin no/ /kha cig ni rgyab dmar zhing lto dkar ba yin no//
 kha cig ni mdog dung khar 'dug cing tshigs gsum yod pa dang/ rked pa ser skyar 'dug pa yin no/ /kha cig ni thal ba'i mdog tu 'dug pa dang/ sre bo'i mdog dang/ khrag 'thung ba de ni dug chen dang ldan pa yin no/ /kha cig ni me'i mdog tu snang zhing tshigs
 gnyis yod pa dang/ lto dkar ba 'am/ dmar ba 'am/ gnag ba yin no/ /sdig pa de rnams kyis zin pa'i rtags ni/ lce skrang ba dang/ lce gyong ba dang/ lus rengs pa dang/ rim gyis 'debs pa dang/ kha la sogs pa'i sgo nas khrag nag po mang
 du 'dzag pa dang/ dbang po rnams kyis don mi tshor zhing mi reg pa dang/ rdul ba dang/ brgyal ba dang/ kha skam pa dang/ rmongs pa dang/ rab tu na ba dang/ sha 'drul zhing lhags pa snyam sems pa'i nad pa de ni phal cher srog 'dor ba yin no/ /srog
 chags u tsi ti ka zhes bya ba'i srog chags ni khas 'dzin par byed de/ de yang gong ma bas tshabs cher na ba yin la/ sdig pa'i lus kyis ni g.yas g.yon gnyis ka nas 'dzin pa yin no/ /srog chags u tsi ti gas bzung ba'i mtshan ma ni pho
 mtshan 'greng ba dang/ ba spu langs pa dang/ lus la rdul 'byung ba dang/ rma las chu ser grang mo 'dzag pa rnams yin no/ /srin bu u tsi ti ga'i ming gi rnam grangs ni rnga mo dud kha zhes bya mtshan mo rgyu ba zhes bya mtshan mo can zhes kyang bya ste/ de ni
 rlung dang mkhris pa shas che ba yin no/ /srin bu ka na pa zhes bya ba dang bi ba zhes bya ba srin bu gnyis ni bad kan shas che ba yin no/ /de las kyang sdig pa'i dug dang/ srin bu rnga mo dud ka zhes bya ba gnyis ni phal cher rlung shas che ba yin no/ /srin
 bu ka na ba zhes bya ba dang/ nad gzhi gang dang gang gis shas che ba legs par brtags te/ de dang de'i sman gyis yon tan gyis gso bar bya'o/ /de la rlung shas che ba'i rtags ni glo snyi ba dang/ stong du rlung 'byung ba dang/ lus khong rengs pa
 dang/ rtsa rgya cher song ba dang/ rus pa dang/ tshigs su zug pa dang/ rna ba'i sgra zi zi zer ba dang/ lus bcus pa snyam byed pa dang/ lus mchog gnag pa yin no/ /mkhris ba shes che ba'i rtags ni 'du shas nyams pa dang/ drod
 tsha ba dang/ dbugs tsha ba 'byung ba dang/ glo snying tsha ba dang/ khar kha ba bro ba dang/ sha 'gas pa dang/ lus skrang ba dang/ mdog dmar zhing ser ba yin no/ /bad kan shas cha ba'i dug nad kyi rtags ni skyug pa dang/ kha zas yi gar mi 'ong
 ba dang/ brang tsha zhing kha nas chu 'byung ba dang/ cham pas btab pa dang/ sna chu 'dzag pa dang/ grang ba dang/ kha mngar bro ba rnams yin no/ /de la rlung gi bdag nyid kyi dug gis zin pa la ni til gyi tshigs mas byug pa dang/ til mar
 gyis bsku ba dang/ pu la ka ka la sogs pa sbu ba'i dug bya ba dang/ lus 'phel zhing brta ba'i cho ga rnams byas na phan no/ /mkhris pa'i dug nad la ni bsil ba'i nus pa dang ldan pa blugs pa dang/ byug pas bcad cing bzlog par bya'o/ /
 bad kan gyi shas che pa'i dug la ni thog mar skyug sman btang ste/ dugs byas la mtshon gyis bcad cing bzhar na phan no/ /srin bu'i rang bzhin nad gzhi rnam pa gsum du 'gyur ba de bzhin du gos pa yang de ltar byas na phan no/ /dug sa
 dang/ blugs pa dang/ byug pa la sogs pa rnams kyang phal cher dron po sbyar na phan no/ /dug gis zin pa'i rma gzhan du mched cing snags pa dang/ pags pa rul pa la ni mi'i skra dang/ yungs kar ser po dang/ bu ram rnying ba rnams
 sbyar ba'i dung pas dug ste/ de ni dug nad thams cad la bdug par bya ste zhes drang srong chen po 'gro ba skyong gis bshad do/ /srin bu'i dug dang/ sdig pa'i dug mi bshad pa gnyis la ni sbrul gyi dug gi gso ba bzhin du bya ste/ de bzhin
 dug 'joms pa'i gso ba thams cad dang/ slon khrus kyis lus dag pa rnams spyad do/ /mon sran rde'u dme ru dang/ dur byid cha bsnyams te mar dang sbyar ba blud na srin bu'i dug g.yo bar mi 'gyur te/ ji ltar rlung gis gangs ti si mi bsgul ba bzhin no/ /
 shing 'o ma can gyi shun pa btags pa'i lde gus lus sbyar ba'i 'og tu bskus na srin bu las gyur pa'i dug thams cad 'joms so/ /gong du bshad ba'i byug pa'i mchog des bskus na skrang ba dang/ na zhing tsha ba dang/ rims rnams sel bar byed do/ /shu
 dag dang/ shing kun dang/ byi dang ga dang/ rgyam tsha dang/ ha sti pi pi ling dang/ pa tha dang/ bong ba dkar po dang/ tsha ba gsum dang/ de rnams lhan cig sbyar ba ni yan lag bcu pa zhes bya ste/ de las ran par zos na srin bu'i dug thams cad las
 rgyal bar byed do/ /zhes drang srong 'gro ba skyong gis bshad do/ /sdig pas zin pa la ni de ma thag tsag kra mar tha'i 'bru mar gyis bsku par bya'o/ /yang na sa la par+Ni bskol ba'i chu dro 'jam tsam gyis bskus pa 'am/ yang na rgyam tsha mar dang
 bcas pas yang dang yang du bsku'o/ /rang skyur dro 'jam tsam 'am/ 'o ma dang bcas pa'i lan tshas bsku'o/ /mar brdos pa'i nang du gong snyod dang/ rgyam tsha btags pa'i phye mas btab pa'i lde gus rma'i thon 'khor du dugs bya'o/ /de nas
 rma'i steng du zhal zhal byas la/ yung ba dang rgyam tshwa dang/ tsha ba gsum dang/ sh+ri sha'i me tog dang/ 'bras bu btags pa'i phye ma ma du lung ka'i khu ba 'am/ /ba gcin nam chang gi dangs ma dang sbyar ba'i lde gus bsku'o/ /de bzhin du
 til gyi tshigs ma 'am ba lang gi lci ba dro 'jam byug go /btung bar ni mar dang sbrang rtsi bcas pa 'am/ 'o ma dang sha kha ra shas cher btab pa blud do/ /phug ron gyi rtug pa dang/ mar dang/ rgya spos dang/ bca' sga dang/ 'di rnams
 kyi phye ma kha lung gi khu ba'i nang du btabs te 'thungs na sdig pas zin pa'i dug 'joms pa'i mchog yin no/ /rnga mo'i mche ba chu bal dang/ lhan cig sbyar ba ni sdig pa'i dug 'joms par byed do/ /shing kun dang/ ba bla kha
 lung gi khu ba'i nang du btags pa'i lde gus byug pa dang/ mig sman dang/ ri lur byas te bsten na sdig pas zin pa'i dug 'joms par byed pa'i mchog yin no/ /ka rany+dza dang/ a dzu na dang/ shel lu ni dang/ ge ri kor+Na ki dang/ sh+ri sha'i me
 tog dang/ 'di rnams zho ga chu las btags bas bskus na sdig bas zin pa'i dug la phan no/ /gang myos shing dmugs shas byed pa dang/ dbugs rngam pa 'thon pa dang/ glal ba dang/ mi zad par na ba de la ni/ a ru ra dang/ yung
 ba dang/ pi pi ling dang/ btsod dang/ bong nga dkar po dang/ na le sham dang/ ba spru ba dang/ bkru sman dang/ bar dka' i khu ba'i nang du btags te byug pa bya'o/ /dug gis thams cad du khrag khyab pa la ni zho dang/ mar blud pa dang/ rtsa las
 khrag gtar ba dang/ sna sman dang/ mig sman yang bya'o/ /dro ba dang/ snum pa dang/ skyur ba dang/ mngar ba dang/ rlung 'joms pa'i kha zas kyang sbyar ro/ /dong kra dang/ khyim gyi thi ba'i rtug pa dang/ ba lung gi khu ba dang/ pa lung gi khu ba
 dang/ ba bla dang/ rgyam tsha dang/ 'di rnams sbyar ba'i lde gu'i dug sman 'dis sbrang ma'i rigs kyi dug myur du 'joms par byed do/ /sdig pas zin pa'i rma dus phyis zhig na dug gis gnod pa yang dag par bskyed pa la ni rma la byug
 pas bsku bar bya ste/ u tsa ting ga zhes bya ba'i dug gi yang cho ga 'di bzhin du bya'o/ /glang po che'i rtug pa dang/ tshad dra dang/ re hi shi'i rtsa ba dang/ she lu'i khu ba dang/ lhan cig bsku ba dang/ ri lur dang byug pa la sogs byas na sbrang
 ma'i dug 'joms par byed pa'i gtso bo yin no/ /sh+ri sha'i sa bon arka'i 'o ma dang nang du phogs gsum bsgos te/ pi pi ling gi phye mas bsregs pa dug 'joms pa'i sman 'dis ni srog chags ga da'i dug dang/ sbrul gyi dug dang/ srog chags lu
 sta'i dug dang/ byi ba'i dug dang/ sdig pa'i dug rnams sel bar byed do/ /sh+ri sha'i sa bon dang/ ka rany+dza'i sa bon dang/ gur kum dang/ ru rta dang/ ldong ros dang/ 'di rnams lhan cig sbyar ba'i dug 'joms pa'i sman 'di ni rgyal ba sangs rgyas
 kyis gsungs te/ srin bu mtshan mo can dang/ sdig pa'i dug lus la khyab pa zhig tu sdud par byed do/ /srog chags ki ta'i dug pas kyang srog chags lu ta'i dug mi bzad pa yin te/ de yang srog chags lu ta'i dbye ba yang bcu drug yod
 do zhes kha cig 'chad do/ /kha cig ni nyi shu rtsa brgyad yod do zhes zer ro/ /gzhan dag ni nyi ma'i phyi bzhin 'brang zhing stong phrag tsam du yod do zhes 'chad do/ /srog chags lu ta zhes bya ba de'i tshul ni gnod par byed par snang na yang
 mtshan nyid ni dug dang gcig go /srog chags lu ta de'i lus dang ming yang shes par dka' zhing/ 'dres pa yin te/ gnas su bzhag pa yang med do/ /de bas na nad gzhi la brten te shes par bya'o/ /de yang nad gzhi la re re las
 gyur pa'i lu ta'i dug ni gso dka' ba yin te/ lu ta'i nad 'dus pa las gyur pa ni gsor mi rung ngo/ /mkhris pa las gyur pa'i lu ta'i mtshan ma ni lus tsha ba 'ur 'ur por 'dug pa dang/ 'brum bu gsum 'byung ba dang/ rims
 kyis 'debs pa dang/ rmod bag tu 'dug pa dang/ tsha ba che ba dang/ mdog ser zhing dmar ba dang/ rul pa dang/ rgun 'brum gyi 'bras bu 'dra ba yin no/ /bad kan las gyur pa'i lu ta'i mtshan ma ni sra ba dang/ mdog dkar ba dang/
 shing tog ba ru sha ka'i dbyibs 'dra ba dang/ gnyid che ba dang grang ba dang/ rims kyis 'debs pa dang/ lud pa lu zhing lhag par g.ya' ba dang ldan pa yin no/ /rlung las gyur pa'i lu ta'i mtshan ma ni rtsub cing rung rung bor 'dug pa
 pa dang/ mdog gnag pa dang/ tshigs rnams bye pa snyam byed pa dang/ rims kyis 'debs par byed pa yin no/ /srog chags lu ta de'i rang rang gi dbye ba yang nan gyis brtags la shes par bya'o/ /'dus pa las gyur pa'i gsor mi rung ba'i lu
 ta'i nad ni snying tsha 'ur 'ur bor 'dug pa dang/ dbugs mi bde ba dang/ skyigs bu'i nad dang/ mgo 'gyur mi shes pa dang/ 'brum bu'i mdog dkar ba dang/ ser ba dang/ gnag pa dang/ dmar ba dang/ skrang ba dang/ lus 'dar ba dang/ slon pa
 dang/ lus tsha ba dang/ skom dang che ba dang/ long bar 'gyur ba dang/ sna yo bar 'gyur ba dang/ mchu dang kha dang/ so gnag par 'gyur ba dang/ rgyab kyi sgal tshigs dang/ mgrin pa zhig par 'gyur ba dang/ shing 'dzam bu smin pa'i mdog
 'dra bar snang ba dang/ rma'i sgo nas khrag 'dzag par 'gyur ba dang/ de ni phal cher sa las byung ba'i srog chags lu ta'i dug yin par shes par bya'o/ /sa las byung ba'i srog chags lu ta de yang dug shin tu rno ba dang/ 'bring dang/ tha ma
 dang/ rnam pa gsum du bshad de/ gso ba ma byas te yal bar dor na ni 'chi bar 'gyur te/ zhag bdun dang/ zhag bcu dang/ zla ba phyed dang/ go rim bzhin no/ /srog chags lu tas zin pa'i rma thams cad kyang shu ba'i 'khor ling lta bur snang
 ba dang/ de yang dkar ba dang/ rtsa gnag pa dang/ ser ba dang/ sngo bsangs su 'dug pa dang/ 'jam pa dang/ mthon por 'dug pa dang/ rma'i dbus gnag pa 'am/ yang na bar sngo bsangs su 'dug pa dang/ rma'i tha ma dra ba lta bus khebs pa
 yin no/ /rma de shu ba mched pa dang/ skrang ba dang/ lus tsha ba dang/ zug gzer mang du skye ba dang/ rims kyis 'debs pa dang/ myur du smin cang snags pa dang/ so so 'gas pa dang ldan pa dang/ lus gang du rnag gis reg pa der rma skyed par byed do/ /gzhan dag na
 ni srog chags lu ta'i dug rnam pa brgyad do zhes bya ba ni dbugs dang/ mche ba dang/ bshang ba dang/ gci ba dang/ khu chu dang/ sen mo dang/ khrag dang/ khyad par du ni kha la dug yod do/ srog chags lu ta'i dug de lte ba'i phyogs su byung ste/ lus
 kyi gong 'og tu srin bu 'byung zhing rma skyed de/ des reg pa'i gos la sogs pa dang/ reg na yang na bar byed do/ /de la srog chags lu tas zin pa'i dug gis shugs dang po la ni nyi ma phyed kyi bar du khab kyis phug pa tsam gyi bu ga mang du snang ba
 yin no/ /de'i mdog rab tu mi gsal bar snang zhing/ cung zad g.ya' ba dang/ na ba dang/ ldan par byed do/ /zhag gnyis pa la ni gong ma ltar snang ba'i bu ga'i nang du 'brum bu khyab par snang zhing mdog gsal la/ dbus mthon por 'dug pa dang/
 g.ya' ba dang/ rmen bu ltar snang ba yin no/ /zhag gsum pa la ni rims kyis 'deb pa dang/ ba spu langs pa dang/ khrag mdog dmar ba 'khor ling rdza bde lta bur snang ba dang/ tshabs cher na zhing ba spu'i khung bu nas 'dzag pa dang bcas pa yin no/
 nyin zhag bzhi pa la ni shas cher skrang zhing lus tsha ba dang/ dbugs mi bde ba dang/ mgo 'khor bar byed do/ /zhag lnga pa la ni dug 'khrugs pa'i nang de der skye bar byed do/ /zhag drug pa la ni dug gi shugs nang du 'byung bar byed pa yin no/ /zhag
 bdun pa la ni srog 'dor bar byed do/ /de bzhin du dug gi shugs rno ba dang/ bar ma dang/ tha ma'i dbye bas zhag bdun dang/ bcu dang zla ba phyed kyis 'chi bar byed pa yin no/ /gal te 'tsho ba yin na ni/ /zhag nyi shu dug gi shugs rnam pa thams cad
 du zhi bar byed do/ /de nas srog chags lu tas zin pa la ni/ mtshon gyis myur du dbyung bar bya'o/ /shing 'dzam bu la sogs pa shing rnam pa brgyad kyis bsreg par bya'o/ /mkhris pa shas che ba la ni mi sreg go /srog chags lu tas zin pa'i
 rma nang la brten cing gnas bcas te spu 'byi ba dang/ rtsub pa dang/ rgya cher song ba de ni bcad pa'am bsreg par bya'o/ /gong du smos pa'i dug 'joms pa'i sman btags pa'i phyi ma dang/ rgyam tsha dang sbrang rtsi dang sbyar te sku'o/ /shing 'o ma can bskol ba'i
 khu ba grang mos blugs par bya'o/ /lus kun du rma dang nang gang na yod kyang/ gtar gas khrag dbyung ba dang/ rwa gang yang rung bas gtar ga bya'o/ /byang chub kyi shing dang/ sman sle mthang ka dang/ ba ru ra dang/ pri yang ku dang/ ser po rnam gnyis dang
 shug pa dang/ de rnams sbrang rtsi dang mar dang sbyar ba grang mos blugs pa dang/ byug pa las thams cad la sbyar na lu ta dang/ srin bu shi ta la sogs pa'i dug ma lus pa 'joms par byed do/ /ser po rnam gnyis dang/ shug pa dang de rnams
 sbrang rtsi dang/ mar dang sbyar ba grang mos blugs pa dang/ byug pa las thams cad la sbyar na lu ta dang/ srin bu shing rta la sogs pa'i dug ma lus pa 'joms par byed do/ /rma shing dang btsod dang/ pad+ma ge sar dang/ rgya spos dang de rnams mar  
 dang sbrang rtsi dang sbyar ba'i nang du tsam pa kas bskol te btang ba ni phan yon gong ma bas 'phags so/ /sman gong ma de nyid kyi nang du ba lang gi lci khu dang/ sha kha ra dang/ mar dang sbrang rtsi dang sbyar ba yang phan yon gong ma dang 'dra'o/ /a pha
 mang+ga dang/ ldong ros dang/ ba bla dang skyer pa dang bya ma ka dang/ btsag yug snam dang rgya spos dang/ sug smel dang/ ru rta dang/ na le sham dang shing mngar dang/ de rnams mar dang sbrang rtsir sbyar ba ni dug 'joms pa'i sman manda ra zhes bya ste/ lde
 gus sogs pa byas te bza' o/ /rgya spos dang gseng phrom dang/ shu dag dang/ pu tse shel dang/ pa tha dang/ sug smel dang/ gur gum dang/ de rnams lhan cig sbyar ba'i dug 'joms pa'i sman 'di ni nad gzhi mang po la sbyar bar bya ste/ ganda ma da zhes bya'o//
 shing mngar dang/ po son cha dang/ a go la dang/ ko sha ta ke dang/ sindu ba ra dang/ de rnams 'bras bu gsum bskol ba'i chu dang sbyar te 'thungs na/ bad kan las gyur pa'i dug nad mi bzad pa phyir 'byin te skyug par byed do/ /sh+ri sha'i lo ma dang rtsa pa
 dang 'bras bu 'am/ yang na a go la'i lo ma dang/ rtsa ba dang 'bras bu dang/ de gnyis gang yang rung pa 'bras bu gsum dang lhan cig bskol pa'i khu ba'i nang du/ ni li ni dang/ dur byid la sogs pa'i phye ma btab ste/ bkru sman du sbyar ro//
 srog chags lu tas zin pa'i dug nang la cha ba dang skrang ba la sogs pa'i nad zhi ba dang/ pad+ma'i snying po zhes bya ba'i nad rma'i nang du 'byung ste/ de la ni leb rtsi'i me tog dang/ ba bla dang/ gtsang sman khron pu dang/ thi ba'i rtug pa dang/ dur byid dang/ rgyal?
 tsha dang/ dan+ti dang/ de rnams sbyar bas rma la bskus na pad ma'i snying po zhes bya ba'i nad 'byin par byed do/ /yang na u ta ma ki na ri'i rtsa ba dang/ smig ma'i shun pa sbyar bas bsku ba 'am/ yang na rgyam tsha dang/ ru rta dang/ dan+ti dang/ pu tse
 shel dang/ de rnams zho dang lhan cig sbyar ba 'am/ yang na rwa tsa ko sha ta ka'i rtsa ba dang/ phabs gnyis darba dang/ lhan cig sbyor ba 'am/ sbyor ba de dag gang yang rung bas bsku ba byas na pad+ma'i snying po zhes bya ba'i nad 'byin par byed do//
 de'i dus su dug 'joms pa'i sman gyis nyams brta par bya ste/ de yang snum gyis bya ba ma lus pa dang/ mar rnams legs par spyad do/ /dug gi nad kyis zin ba la ni til mar blung cing bstan na dug 'phel zhing rgyas par 'gyur te ji ltar
 rtsal me mched pa bzhin no/ /ba lu dang/ karka ta dang/ thal tres dang/ gla sgang dang/ shi tsa dang/ tsan dan dang/ so na ka dang/ nya lcibs dang/ utpal sngon po dang/ rgya spos dang/ shing mngar dang/ shing tsha dang/ na ku li dang/ shug pa dang/ po
 son cha'i rkang dang/ de rnams lhan cig sbyar ba 'am/ yang na skyer pa dang/ 'bras gang dang/ sarba lo can dang/ pi pi ling dang/ bca' sga dang/ pi pi ling gi rtsa ba dang/ tsi ra ka dang/ bar na dang/ a ga ru dang/ bilba dang/ pa ta li dang/ nim+ba dang/ ru
 rta dang/ she lu dang/ na ga ge sar dang/ de rnams lhan cig sbyar ba 'am/ yang na bilba dang/ tsan dan dang/ rgya spos dang/ utpal dang/ bca' sga dang/ pi pi ling dang/ lcam ma dang/ cung lcam dang/ ru rta dang/ nya phyis dang/ shalma li dang/ 'bras
 bu gsum dang/ ba ta li dang/ ga bra'i rtsa ba dang/ sen+tu ba ra dang/ ka ra g+ha dang/ shing tsha dang de rnams lhan cig sbyar ba 'am/ sbyor ba de dag gang yang rung ba btung ba dang/ mig sman dang/ snar blugs ba dang/ byug pa dang blugs pa la sogs pa byas na dug
 'joms pa'i sman gyi mchog yin te/ mkhris pa dang bad kan dang rlung las gyur pa'i lu ta'i dug 'joms par byed do/ /ci ltar 'phongs pas dbang rnyed na 'byor pa 'grub pa bzhin no/ /gser phrom dang/ pu shel tsi dang/ shug pa dang/ pad+ma ge
 sar dang/ tsan dan ser po dang/ tsan dan dmar po dang/ pri yaM ku'i me tog dang/ pa yassya dang/ pad+ma'i rtsa lag dang/ de rnams sbyor pa thams cad la sbyar na srog chags lu ta'i 'dug thams cad 'joms so/ /srin bu'i dug can dang/ srog chags
 lu ta la sogs pas zin pa'i nad brtag pa dang/ gso ba'i le'u ste sum cu rtsa bdun pa rdzogs so// //de nas byi ba dang a langka'i dug gis bzung ba'i nad dmigs brtag cing gso ba'i cho ga'i le'u bshad par bya ste/ de la byi ba'i bye brag
 rnam pa bco brgyad yod de/ pa tsa la dang/ pu Ta la dang/ ha sa na dang/ tsa gi rI tsi na dang/ ka sha ya dan+ta dang/ ko ki la dang ka mi la dang/ a sa ta dang/ a ru ra dang sha thal dang/ she ta dang ka po ta dang/ ka pi lu dang/ undu ra dang/ tshu tshun da ra dang/ ral sa dang
 de rnams ni ming gi rnam grangs so/ /byi ba de dag gi dug gis zin pa'i mtshan ma ni/ byi ba de dag gi kha chus lus la phog gam byi pa'i khu chus phog pa'i gos dang reg kyang rung ste/ des lus dang yan lag rnams su phog cing rig pas khrag skyon dang
 bcas par byas mdog dkar ba dang/ thor bu dang skrang ba dang/ shu ba 'khor ba'i ling du byung ba dang/ mgo 'khor ba dang/ yi ga 'chus pa dang lus grang ba dang/ rims kyis 'debs pa dang/ rab tu na ba dang/ lus nyam smas pa dang/ 'dar ba dang/
 tshigs rnams su zug pa dang/ spu zing zhes byed pa dang/ rnag khrag 'dzag pa dang/ brgyal ba dang yun ring du nang dang 'brel ba yin no/ /byi pa'i phru gu mang du blangs te/ de'i skyugs pa mi la reg pas bad kan dang 'brel pa'i nang du 'gyur te/ de yang
 skom dang che ba yin no/ /byi ba 'dod pa spyad cing de'i khu bas mi la reg pa'i dug ni yang dang yang ldang ba yin te gso dka' ba yin no/ /brgyal ba dang lus skrang ba dang/ lus mdog 'gyur zhing dbal skyab pa dang/ snags pa dang/ rna bas sgra mi thos pa
 dang/ rims kyis 'debs pa dang/ mgo lci ba dang/ kha chu dang/ kha nas khrag skyug pa'i mtshan ma 'byung ba dang ldan pa ni gsor mi rung ba yin no/ /de la byi ba tshu tshun dar zhes bya ba'i dug gis zin pa'i rtags ni chu so skrang pa dang/ mchu'i mdog 'gyur ba
 dang byi pa 'dra ba'i rmen bus lus la khyab pa dang/ byi ba nyid kyi dri bro ba de ni spang bar bya'o/ /byi ba'i dug gis bad kan gyi nang 'khrug par byas te skrang ba dang/ 'du shes rgyu ba 'am/ yang na mi rgyu ba la brten te khong pa'i nar do ba dang/ lus zungs rnams
 'khrugs par byed cing mi bzad pa dang/ kha chu dzag pa dang/ long ba dang/ 'on par 'gyur ba dang/ skrang ba de lus kun du 'pho zhing byer ba yin no/ /byi ba'i mjug ma dang/ 'gram pa dang/ phrag gong dang/ mgo bo rnams gnas nas skyod pa
 dang/ sdug bsngal gyis mgo dung ba dang/ de lta bu'i byi ba'i dug gis zin pa'i rma ni tshor ba chung ba dang/ khrag nag po 'dzag pa yin no/ /de'i 'og tu mig dang go bor zug pa dang/ rims kyis 'debs pa dang/ lus khong rengs pa dang/ skom dang che ba dang/
 brgyal ba dang/ gdug pa can gzhan gyis mche ba'i dug gis zin pa yang de bzhin du blta ste/ de yang ce spyang dang/ gre'u dang/ gung dang/ stag dang spyang ki la sogs pa rnams kyis zin na ni/ g.ya' ba dang/ na zhing zug pa dang/ mdog 'gyur ba dang/
 tshor ba med pa dang/ snags pa dang/ gnyid chung ba dang/ rims kyis 'debs pa dang/ mgo 'khor ba dang/ tsha ba 'ur 'ur por 'dug pa dang/ mdog dmar ba dang/ na zhing smin pa dang/ skrang ba dang/ rmen du skye ba dang/ yan lag 'khums pa dang/ rma 'gas pa
 dang/ 'brum bu 'byung ba dang/ pad+ma'i snying po lta bu'i nad 'khor ling du 'byung ba dang/ mtshan ma de dag dang ldan na ni/ dug dang bcas pa yin la/ dug med ni na mtshan ma de dag mi snang ba'o/ /srog chags gdug
 pa gang gis skyes bu gang yang rung ba bzung ste/ bzung ba de nyid kyis ji ltar bzung ba'i ston cing/ de ma thag pa la dgyel ba dang/ rgyu med par sprul la sogs pas zin pa dang/ me long la chu la sogs pa'i nang du mthong ba dang/ chu'i nang
 du gzhan gyis ma bzung bzhin du reg pa 'am/ mthong ba 'am/ thos pa tsam gyis sdangs pa de ni/ chu'i nang du sdangs pa'i dug ces bya ste/ de ni spang bar bya'o/ /de la thog ma byi ba'i dug gis gzung bar gyur na de ma thag mde'u bsregs
 bsregs par bya'o/ /yang na me long bsros pas dugs bya'o/ /de ltar ma byas na na'i pad+ma'i snying po zhes bya ba'i nad shin tu mi bzad pa/ zug gzer dang bcas par 'gyur ro/ /de ltar bsregs pa'i 'og tu chu ser gzag go /yang mtshon gyis zhal
 zhal byas la de'i 'og tu sh+ri sha dang/ yung ba dang/ rgya spos dang/ gur kum dang/ sle tres dang/ de rnams kyi byug par bya'o/ /sol ba dang/ khyim gyi dud pa dang/ btsod dang/ yung ba dang/ rgyam tsha dang/ de rnams kyi byug ba byas na/ byi ba'i dug las
 rgyal bar byed do/ /kir+Na ka zhes bya ba'i dug sel to/ /de nas rma kha skyur gyis bkrus te/ de nas yang sman gyis bsku'o/ /sman pa ling gi dang/ ka na ka dkar po dang/ bilba'i rtsa ba dang/ sle tres dang/ de dag dang gzhan yang dug gi skrangs pa
 'joms pa'i sman dang/ lhan cig sbyar te byug pa byas la rtsa la khrag kyang myur du dbyung bar bya'o/ /sman ni li ni bskol ba'i nang du sh+ri sha dang/ rgya shug gi phye mas btab ste slon du gzhug go /ko sha ta ki dang/ sh+ri sha dang/ dzi lu tra ga'i
 'bras bu dang/ po son cha dang/ de rnams phye mar byas te/ zho dang sbyar ba blud la slon du gzhug go /yang na shu dag dang/ po son cha dang/ dzi mu ta dang/ ru rta dang/ de rnams pa gcin las btags te/ gong ma bzhin du byas la blud na byi ba'i dug
 'joms so/ /bkru sman du byas na ni lin 'di dang/ dur byid dang/ 'bras bu gsum gyi lde gu 'dod pa yin no/ /mgo khrus la ni shing sh+ri shi'i snying po dang/ 'bras bu 'dod pa yin no/ /mig sman du ni ba'i btsir ba'i khu ba'i nang du/ rtsa ba
 gsum gyis phye mas btab pa sbyar ro/ /ba lang gi gci khu'i nang du ka pit+ta'i phye ma dang/ sbrang rtsi dang sbyar ba ni lde gur bza' o/ /mon sne'u dme ru'i rtsa ba mar dang lhan cig bskol te btung bar blud na phan no/ /ser po rnam gnyis dang/ ge ri kar+Na ka dang/
 btsod dang/ shing mngar dang/ sle tres dang/ de rnams mar dang sbyar ba'i btung ba sbyar nas yang bza' o/ /yang na thal tres kyi rtsa ba mar dang bskol ba 'am/ yang na ka bit+ta rnam lnga mar dang lhan cig bskol ba gang yang rung ba btung bar
 blud na phan no/ /sin du bar dang/ rgya sros dang/ shi tru dang/ bilba'i rtsa ba dang/ ba spru ba dang/ shu dag dang/ gze ma dang/ ze mu ta dang de rnams bskol ba'i khu ba'i nang du sbrang rtsi dang ldan pa blud do/ /kha zas su ni 'bras sA lu'i cha na zho dang lhan
 cig zos na ni byi ba'i dug gi nyams thag pa sel to/ /sha ra phung ka'i sa bon btags pa'i phye ma dar ba dang sbyar ba btung ngo/ /angka la'i rtsa ba btags pa rwa thug gi gcin dang sbyar ba'i lde gus bskus pa dang/ btung par sbyar na ni byi
 ba'i dug thams cad 'joms so/ /ka pi tha'i snying po dang/ shing ti la ka dang/ ti la dang/ ma ko la'i rtsa ba rnams kyi phye ma ba gcin dang sbyar ba blud do/ /yang na shing ti la ka'i snye ma btags pa'i phye ma 'o ma dang sbyar ba blud do/ /yang na she
 rgya ka'i rtsa ba sbrang rtsi dang sbyar ba 'bras bu bkrus pa'i chu dang sbyar ba blud do/ /yang na khu ba kha ba'i snod kyi nang chu bzhag gcig sbyar ba blud par bya'o/ /sin du ba ra'i rtsa ba dang/ byi ba'i rus? pa dang/ rgya spos dang/ bong nga dkar po rnams
 chu la btags te snar blud pa la sogs pa byas na byi ba'i dug ser bar byed do/ /byi ba'i dug de'i lhag ma lus ni na dus phyis nad gzhi rnams ci lta ci ltar skyed pa'i dus de dang de'i tshe/ dug de yang rjes su 'phel zhing skye bar 'gyur te/ de la
 ni gnas skabs brtags te/ nad gzhi rang rang gi gso ba ji lta ba bzhin du dug 'joms pa'i sman gyi gso ba yang de ltar sbyar ro/ /a la ka zhes bya ba'i dug gis gzung ba la ni/ mar bskol bas rma bsreg par bya'o/ /gong du smos pa'i dug
 'joms ba'i sman gyis lde gu la bskus te/ mar rnying pa btung bar blud do/ /arga'i 'o ma dang ldan pa'i bkru sman yang myur du bya'o/ /ingko la'i rtsa ba byang phyogs su zug pa de btus la bskol pa'i khu ba'i nang du 'bras bu gsum dang shing pi pi
 ling gi phye mas btab pa blud do/ /yang na lam tang rtse'i 'bras bu dang/ gi ri kar+Ni ka dang/ ba spru ba rnams bskol ba'i khu ba blud do/ /til btags pa'i lde gu dang/ ru sha ka dang/ lcags phye dang/ 'o ma dang/ bu ram bsregs pa blud na/ a
 la ka'i dug mi bzang pa yang 'joms par byed do/ /ji ltar sprin gyi tshogs rlung gis gtor ba bzhin no/ /a la ka'i dug gis zin pa'i mi la ni grub pa'i sngags dang sman dang/ rin po che dang ldan pa'i chu lus bkru bar bya'o/ /srog chags rkang
 bzhi pa 'am/ rkang gnyis pa'i so dang sen mo'i nang du dug yod pa bzung na rmas par 'gyur te/ de skrang ba dang/ smin pa dang/ mdog dmar ba dang/ tsha ba skyes pa dang/ chu ser 'dzag pa dang/ nad dang bcas pa la ni/ so ma balka dang/ a sha 
 kar+Na dang/ khal pa go dzi ha dang/ ha na sa ba ti ka dang/ ser po rnams nyis dang/ btsag dang/ de rnams kyi lde gus rma la bskus pa na/ sen mo dang/ so las gyur pa'i dug 'joms so/ /byi ba dang/ a la ka'i dug gis bzung ba'i nad
 dmigs pa rta? ba cing gso ba'i cho ga'i le'u sum cu rtsa brgyad pa rdzogs so// //sman dpyad yan lag brgyad pa las dug gso pa bshad zin to/ /de nas bcud kyi len gyi cho ga'i le'u bshad par bya ste/ de la bcud kyi len
 zhes bya ba ni/ tshe ring ba dang dran pa dang/ yid gzhung ba dang/ nang med pa dang/ na tshod gzhon nur gyur pa dang/ gzi mdangs skyed pa dang/ skad gsal ba dang/ lus dang dbang po rnams kyi stobs skyes pa dang/ dag grub pa dang/ ro rtsa
 bar 'gyur ba dang/ snying du sdug pa rnams thob par byed pa rnams yin no/ /de la ci'i phyir bcud kyis len zhes bya zhe na/ bcud la sogs pa nyams pa de thob par byed pa'i thabs ni bcud kyis len zhes bya'o/ /de bsgrub pa
 yang na tshod dang po dang/ bar ma la g.yul las rgyal ba'i bdag nyid can gyi bsgrub par bya'o/ /thog mar bcud kyis len bsgrub par 'dod pas dang po rnam pa thams cad du snum bcos dang/ khrag gtar ba dang slon khrus kyis lus ngag bar
 bya ba gces so/ /gal te slon khrus kyis lus ma dag cing cho ga log par bcud kyis len dang ro rtsa bar byad pa'i cho ga sgrub par byed na ni 'bras bu don med de/ ji ltar dri ma dang bcas pas ras la ri mo 'gri ba 'bras bu med pa bzhin no/ /
 de la bcud len gyi sbyor ba yang rnam pa gnyis su drang srong rnams kyis bshad de/ de yang khang pa rlung dang nyi mas ma phog pa'i gnas su 'dug pa dang/ rlung dang nyi ma lhag pa'i gnas gnyis las gong ma mchog yin no/ /khang pa bya ba de
 yang rlung med pa dang/ 'jig pa med pa dang/ yang thog gi nang du zhal zhal la sogs pas legs par bstar te/ yo byad rnams dang/ sman pa mkhas pa yang yo byad dang bcas pa nye bar bsags la/ khang pa yang dbang ldan gyi phyogs
 su kha bltas te/ gnas shes par bya ba dang/ khang ba sbrel ma gsum du byas te skar khung shin tu phra bar gtong ngo/ /de yang du ba dang nyi ma dang/ rul ba dang/ srog chags gdug pa dang/ bud med dang/ glen pa la sogs pas mi bgrong
 ba'i gnas su bya'o/ /de nas de'i 'og tu nyin zhag shis pa la phyi rol gyi lus kyi khrus kyis gtsang sbra bya ste/ mchod par 'os pa rnams la mchod do/ /khang pa der gdug par bya'o/ /de nas slon khrus kyis lus sbyangs nas nyams
 stobs bde bar skyes pa dang/ tshangs par spyod pa dang/ blo brtan pa dang/ dad pa dang ldan pa dang/ yul las dbang po rnams rgyal bar bya ba dang/ sbyin pa dang/ tshul khrims la sogs pa la gnas pa dang/ bden pa dang brtul zhugs dang/ chos bzhin du spyod pa dang
 lta rjes su dran pa dang/ gnyid log pa dang/ mi log pa'i tshod shes shing rigs par spyod pa dang/ sman la dga' zhing nges pa dang ldan pa'i gang zag gi bcud kyi len brtsam par bya'o/ /de yang thog mar snum chos dang dugs byas pa'i skyes bus bkru sman
 dang/ a ru ra dang/ skyu ru ra dang/ rgyam tsha dang/ bca' sga dang/ shu dag dang/ yung ba dang/ pi pi ling dang/ byi dang ga dang/ bu ram dang de rnams chu dron dang sbyar bas bkru sman du bya'o/ /khrus de lags te lus dag pa dang thug ba rkyang rkyang po la sogs
 pa kha zas kyi rim pa sbyar te/ de yang zhag gsum mam lnga'am bdun gyi bar du mar dang bcas par sbyar ro/ /yang na ya ba ka zhes bya ba 'o ma dang nas rnying pa'i phye sbyar ba lus ngag pa'i 'og tu sbyin no/ /de ltar lto ba legs par sbyangs nas bcud kyi len gyi
 sbyor ba la 'jug par bya ste/ de yang sman pa mkhas pa mang pos gang dang gang la sman goms shing rigs pas brtags te sbyar ro/ /a ru ra rdog ma stong dang/ de'i sum 'gyur gyi skyu ru ra dang/ rtsa ba lnga pa spyi la srang nyis brgya dang/ sman de rnams spyi'i
 bcu 'gyur gyi chu dang bskol te/ lhag ma bcu cha cig lus pa dang/ a ru ra dang/ skyu ru ra dang/ rtsa ba lnga po so sor phyung ste/ skyu ru ra dang/ a ru ra brdungs pa rus pa phyung ste/ bor ba'i shun pa khu ba'i nang du bcu ste/ de'i nang du shing tsha dang sug
 smel dang/ ga dur dang/ skyer pa dang/ pi pi ling dang/ a ru ra dang/ tsan dan dang/ man rgya ka par+Ni dang/ ka na ka dang/ sha kha spu bi dang/ shu dag dang/ sla ba dang/ shing mngar dang/ byi dang ga dang/ de rnams srang bzhi bzhi btags par? phyi? ma dang
 kha ra dkar po srang brgya phrag bcu gcig dang/ mar srang sum brgya brgyad bcu rtsa bzhi dang/ til mar srang nyis brgya lnga bcu rtsa drug dang/ de rnams lhan cig bskol te lde gu tsam du gyur pa dang/ phyir phyung la bsgrangs pa'i nang
 du sbrang rtsi srang sum brgya nyi shu bcug la kha gzar gyis bkrugs te/ rdza ma snum can gyi nang du bcug la kha zas zhu ba'i 'og tu de las thun rab 'bring gsum du bshad pa las thun ci ran zhig btang bar bya'o/ /de nas sman de zhu ba'i tshed tsam
 na/ 'bras drug cu ba dang 'o mar sbyar ba kha zas su bza' o/ /de ltar bshad pa'i bcud kyi len 'di tshangs pas bstan pa yin te/ drang srong bi kha na sa zhes bya ba des/ ba la khyi lya zhes bya ba dang/ de bzhin du gzhan yang drang srong dka' thub can
 mang pos bsgrubs nas grub ste/ de yang snyom pa dang/ ngal zhing dub pa dang/ gnyer ma dang/ skra dkar dang/ de rnams kyi nad sel zhing/ yid gzhungs pa dang/ dran pa gsal ba dang/ stobs dang ldan pa dang/ tshe yang dpag tu med par 'tsho
 bar 'gyur ro/ /a ru ra dang/ skyu ru ra rdog ma stong dang/ pi pi ling 'bru stong dang/ rgya skyegs shing gzhon nu'i thal ba chu dang sbyar te/ btsags pa'i khu ba snod kyi nang du bcug ste/ a ru ra dang/ pi pi ling rnams de'i nang du spangs grib ma la
 bskams te/ phye mar byas pa de'i bcu 'gyur gyi kha ra dkar po dang/ bzhi 'gyur gyi mar dang/ sbrang rtsi dang de rnams mar snod kyi bum pa'i nang bcug ste/ sa brkos pa'i nang du zla ba drug bzhag la de nas phyung ste/ me drod ji lta ba bzhin du
 nad par sman bza' ste/ kha zas kyang legs par sbyar brtag tu bsten cing/ sman ma lus pa zos na lo brgya 'tsho zhing nad med pa dang skra dkar med pa dang/ lus kyi nyams stobs 'phel zhing/ khyad par du dran pa gsal ba dang/ yid gzhungs
 par 'gyur ro/ /rgya skyegs shing slon pa sngon po thor to bcad de nang du khru gnyis brkos pa'i nang du skyu ru ra sar pa legs par sman pas bkang ste/ phyi rol kun nas rtswa ku shas dkris la/ pad+ma skyes pa'i 'dam gyi phyi rol nas bskus te/ rlung med pa'i gnas su
 pa'i gci ba'i mas bsregs te btsos te/ de nas skyu ru ra tshos pa dang/ skyes bu des mar dang/ sbrang rtsi dang bcas pa yog tshad du bza' zhing btung bar ni 'o ma bskol ba ci 'dod pa blud de/ de ltar zla ba gcig gi bar du kha zas gzhan mi za bar de
 nyid kyi lus gso par byas te/ gzhan yang spang par bya ba ni spangs la chu grang mo ni 'bad pa dang bcas pas lus dang/ lag pas kyang reg tu mi rung ste bsrung ngo/ /de ltar tshul bzhin bsten na zhag bcu gcig 'das pa dang/ skra dang so dang/ sen mo
 rnams lhag par 'gyur ro/ /ji ste nyin zhag nyung ngu spyad na yang gzugs bzang zhing bud med la phod pa dang/ glang po chen stobs dang 'dra ba thob ste/ khyad par du yid gzhungs pa dang/ stobs dang ldan pa dang/ blo che ba dang/ snying stobs dang ldan
 par 'gyur to/ lo stong gi bar du 'tsho bar 'gyur ro/ /rtsa ba bcu pa dang/ ba bla dang/ sla sgang dang/ dzi ba ka dang/ zangs rtsi ba dang/ utpa la dang/ 'dab ma rnam gnyis dang/ pi pi ling dang/ me sha sti gi dang/ me da rnam gnyis dang/ bca' ba dang/
 dzi ban+ti dang/ sug smel dang/ a ga ru dang/ rgun 'brum dang/ pus kra ra mu la dang/ zur ba dang/ ba spru ba dang/ ka ko li rnam gnyis dang/ sle tres dang/ a ru ra dang/ bi da ri dang/ ba sha ka'i rtsa ba dang/ 'di rnams srang re re chu srang lnga brgya
 rtsa bcu gnyis dang/ skyu ru ra rdog ma lnga brgya dang/ lhan cig bskol te/ bzhi cha srang brgya nyi shu lus pa las sman de rnams btsag pas skyu ru ra rus pa phyung ste/ snod kyi nang du bcug nas mar srang drug dang/ til mar srang drug dang brngos te
 sha kha ra srang lnga bcu dang/ sman gong ma de rnams lhan cig yang bsko ba nas lde gur byas pa dang/ grangs pa'i nang du sbrang rtsi srang drug dang/ mig rkang srang bzhi dang/ pi pi ling srang gnyis dang/ dri rnam bzhi zho gnyis
 gnyis dang/ de rnams kyi phye ma btab ste lde gur byas la khang pa'i nang du 'dug nas thun ran par bza' zhing phan pa'i zas dang bcas pa ni drang srong rtsa ba nas bstan pa yin no/ /ming yang rtsa ba ni bcud kyis len zhes bya ste/ drang srong de sngon rgas 'khog
 bar gyur pa las bud med rnams kyi mig zim par byed pa dang/ dbugs mi bde ba dang/ rims dang/ glo snying gi nad dang/ dreg nad dang/ gcin dang khu chu la gnas pa'i nad dang/ skad 'gag rnams sel te/ de bzhin du nyams stobs skye ba
 dang/ glo 'drams pa dang/ glo gcod zad byed kyis lus skem zhing nyams chung ba rnams 'phel zhing rgyas par byed do/ /dran pa dang/ yid gzhungs pa dang/ gzi mdangs skyed pa dang nad med cing tshe rab tu 'phel ba dang/ rlung lugs su 'byung sa
 ba dang/ bud med rnams la shin tu dga' ba skyed pa'i nus pa dang ldan pa dang/ stobs bskyed pa dang 'phel bar byed pa dang/ /cho ga bzhin du byas na me'i drod kyang skyed par byed do/ /shing mngar dang/ mig rkang dang/ pi pi ling dang/ rgyam tsha dang/ lcags
 gang yang rung ba re re dang/ yang na gser nyi rtse dang/ shu dag dang/ mar dang sbrang rtsi dang/ kha ra dkar po dang/ 'di rnams gang yang rung ba dang ldan par 'bras bu gsum gyi bcud kyi len zla ba gcig gi bar du bsten na nad thams cad 'joms
 par byed do/ /dran pa dang/ yid gzhungs pa dang/ blo skye bar byed do/ /man du ka par+Ni rang gi khu ba'i nang du shing mngar gyi phye ma btab ste/ me'i drod ji lta ba bzhin du 'o ma dang lhan cig sbyar par bya'o/ /sle tres bskol ba'i khu ba'i nang du sle tres kyi me
 tog dang/ rtsa ba'i phye ma btab pa dang/ sha kha puShpa bskol ba'i khu ba'i nang du de nyid kyi rtsa ba dang/ me tog gi phye ma btab pa sbyar na/ tshe sbyin par byed pa dang/ nad 'jig par byed pa dang/ stobs dang/ mdog dang/ me'i drod dang/ skad gsal bar byed pa dang/
 yid gzhungs par byed de/ bcud kyi len gyi sbyor ba de dag las khyad par du sha kha puShpa'i sbyor ba bstan par bya'o/ /spangs ma dang/ pu tse shel dang/ pa yassya dang/ shing mngar dang/ tsan dan dang/ thal tres dang/ shu dag dang/ 'bras bu gsum dang/
 dza gsum dang/ ser po rnam gnyis te/ /pa to la'i rtsa ba dang/ rgyam tsha dang/ 'di rnams legs par btags te/ mar srang lnga brgya rtsa bcu gnyis dang/ sha kha puShpa bskol ba'i khu ba srang stong lnga brgya sum cu rtsa drug 'o ma dang lhan cig bskol te mar lus pa
 las nye bar sbyar bar gyur na glen pa yin na yang tshig la dbang ba dang/ thos pa 'dzin pa dang/ spobs pa che ba dang/ nad med par 'gyur ro/ /pad ma'i rtsa lag dang rtsa ba dang/ pad+ma ge sar rnams 'o ma dang lhan cig bskol te mar lus pa las gser
 gyi bum pa'i nang du bcug pa de ni pad+ma rnam lnga'i bcud kyis len zhes bya'o zhes sa steng kun tu grags so/ /de la tshul bzhin bsten na skyes bu'i nyams 'jigs pa dang/ zad pa yang skyed par byed do/ /utpa la'i sdong bu dang rtsa ba dang/ lo ma dang/
 ge sar mar dang 'o ma dang lhan cig bskol te/ mar lus pa las de gser gyi snod kyi nang du bcug pa de yang utpa la rnam pa lnga zhes bya ba'i sbyor ba zhes sa steng kun du grags pa'i sbyor ba gnyis pa yin te/ byol song ba lang yang yid gzhungs
 bar byed na skyes bu mi rnams lta smos kyang ci dgongs/ brahma dang/ shu dag dang/ rgyam tsha dang/ shangka puShpa dang/ ganda durba dang/ brahma dang/ so ba ra tsam dang/ byi sha la dang/ pi pi ling dang/ 'di rnams re re yang nas gsum gsum tsam gyi tshar tsam
 dang/ gser nas 'bru'i tshad tsam dang dug til 'bru tsam dang/ 'di rnams zhib mor btags te/ mer srang gcig dang sbyar ba'i lde gu bsngags te de zhu ba'i tshod tsam na kha zas mar shas che ba dang/ sbrang rtsi dang ldan ba zos la tshul de bzhin du nyin re zhing lo
 gcig gi bar du bsten na blo tsha ba dang/ dran pa dang/ yid gzhungs pa dang/ rga bas zil gyis non pa dang/ nad kyis zil gyis non pa dang/ skyid skyur ba dang/ snyom pa dang/ ngal ba dang/ rdub ba rnams med cing lo brgya yongs su rdzogs par 'tsho bar
 'gyur ro/ /dpal dang gzi brjid dang/ mdangs dang ldan pa dang/ lhag par mdze dang/ sha bkra dang/ skran dang/ dug dang/ rims dang/ smyo byed dang/ dbyig dug dang/ dmu rdzings rnams las bzlog par byed do/ /srid srung gi rig byed la
 sogs pas bskyed pa'i gshed byed kyi gnod pa dang/ shin tu stobs che ba'i rlung gi nad kyang 'dis zhi bar byed do/ /ston pa dang po'i dus su sman nag pa la'i? rtsa ba skar ma rgyal dang ldan pa'i dus su phyung ste/ de las zho gnyis kyi phye ma thun tshad
 tsam 'gams la/ de'i 'og tu 'o ma blud ba 'am/ yang na mar dang sbrang rtsi dang ldan pa'i lde gu lhag cing kha zas gzhan mi bza' bar 'o ma nyi tshes gso bar bya ste/ de bzhin du sbyor ba lo gcig gi bar du phyas na stobs dang ldan zhing lo brgya
 'tsho bar byed do/ /gze ma 'bras bu skye ba'i dus su rtsa ba dang bcas pa btus te grib ma la skabs la de legs par phye mar byas nas gze ma rang bskol ba'i khu bas spangs nas thun che tshad du bza' bar bya'o/ /de'i 'og tu btung bar 'o
 ma de nyid dang 'bras sA lus zas su sbyin te/ de ltar byas pa ni gze ma'i phye ma srang brgya ba'i sbyor ba zhes bya ste de las zhag re srang gnyis zos na gzugs bzang ba dang/ skal ba dang ldan pa dang/ lo brgya thub pa dang/ 'dod pa spyod nus pa
 yin te ji ltar nog rgyas pa dang ldan pa'i khyu mchog gis ba lang? gi bya? la 'jug nus pa bzhin no/ /sman ba ra hi shun lpags dang bral ba rtsa ba shin du rlon pa brdungs pa 'o ma dang sbyar ba zos la/ de zhu ba'i tshod tsam na kha zas gzhan mi bza' bar 'o ma nyi tshe blud pa
 'am/ yang na sman par hi'i rtsa ba de nyid rang gi khu ba bskol ba'i nang du legs par spangs te mar dang sbrang rtsi dang lhan cig sbyar ba'i lde gu sbyin pa 'am/ yang na sman pa ra hi bskol ba'i khu ba'i nang du de nyid kyi phye ma dang/ mar rnams lhan cig bskol ba
 de 'o ma lus la blud do/ /cho ga bzhin du sman bi da ri dang/ ba la dang/ a ti bal dang/ shing mngar dang/ ka ka ma tsi dang/ dzi ban+ti dang/ ra sna dang/ a ru ra dang/ skyu ru ra dang/ s+thi dang/ sa la par+Ni dang/ sle tres maN Tu ka par+Ni dang/ shaM ka puShpa dang/ a
 sha stand+ha dang/ nye'u shing dang/ 'di rnams gang yang rung ba re re yang cho ga gong ma bzhin du sbyar na/ yid gzhungs pa dang/ blo dang rgan sra zhing na tshod brtan pa dang/ nyams bde stobs sbyin par byad do/ /tsi tra ka'i me tog ser po dang/ dkar po
 dang/ nag po ni rang rang gi me tog gi mdog ji lta ba bzhin du tsi tra ka ser po dang/ dkar po dang/ nag po zhes bya ba yin te/ bcud kyis len gyi cho ga bzhin du spyad na phan yon spas kyi rim bzhin du che ba yin te/ de nas tsi tra ka'i rtsa ba phyung la
 grib skams su byas nas btags pa'i phyi ma'i zhun mar dang sbrang rtsi 'am 'o ma 'am chu gang yang rung ba las lde gu byas nas lngags te/ de'i 'og tu phan pa'i zas dang/ de ltar zla ba gcig gi bar du bsten na nad med cing lo brgya 'tsho ba dang/ yid
 gzhungs pa dang/ stobs dang ldan pa dang/ lus mdangs dang ldan pa dang/ me'i drod 'bar bar 'gyur ro/ /til mar dang lde gur byas te zla ba gcig gi bar du brten na/ rlung nad gso dka' ba yang 'joms par byed do/ /gcin dang lhan cig
 'thungs na mdzo 'joms par byed do/ /dar ba dang lhan cig 'thungs na gzhung 'brum sel to/ /go bye legs par smin pa dpyid kyi dus su 'bru'i phung po'i nang du bcug ste/ dgun gyi dus su phyung la sman mngar ba dang/ snum pa
 dang/ bsil ba'i nus pa dang ldan pas legs par sbyar te sman de'i brgyad 'gyur gyi chu dang go bye rdog ma brgyad bskol te/ khu ba brgyad cha lus pa dang/ 'o ma dang lhan cig sbyar ba grang mo blud de/ de ltar bskol ba'i rim pa zhag
 bdun gyi bar du nyin re bzhin re res bskyed la/ de nas zhag bdun gyi bar re res dbri zhing brgyad du phyin pa dang/ de nas zhag bdun gyi bar du 'bru re res bskyed de nyi shu rtsa gcig lon pa dang de'i 'og tu go bye'i 'bru gong ma brgyad
 kyi steng du go bye'i 'bru gsum gsum gyis zhag re bskyed cing dbri ba yang gong ma ltar zhag nyi shu'i bar du bya'o/ /de ltar go bye'i 'bru bzhi brgya'i bar du dbri zhing bskyed par bya'o/ /de'i 'og tu zhag bdun gyi bar du gong
 ma'i brgyad pa'i steng du 'bru bdun gyis bskyed cing dbri pa yang zhag bdun dang bskyed pa yang zhag bdun gyi bar du byas te/ skyed pa'i tshul gyi 'bru stong rdzogs kyi bar du bya'o/ /kha zas bza' ba'i lugs ni mar dang 'o ma dang 'bras drug cu ba sbyin no//
 de bzhin du sman gyi sbyor ba de yang bdun dang gsum gcig gi bar du yang mar dbi ba dang/ bskyed pa'i go bya'i sbyor ba yang de ltar shes par bya'o/ /sngon legs par smon pa thob pa yang khyad par du me'i drod 'bar ba dang/ gcin ni sra ba yang
 srin bu'i nad dang/ mdze nad dang/ gzhang 'brum gyi nad dang/ tshil nad rnams sel bar byed do/ /go bye'i 'bras bu skyon med pa brdungs te zhib tu btags bas bskol ba'i nang du bum pa bzhag ste/ de'i khar bum pa zhabs su bu ga
 phug pa zhig bzhag ste/ bum pa stong ma'i nang du ba la ka'i phye ma bcug la sa nag po'i 'jim pa dang/ kha dang mtshams thams cad bskus te/ ba lang gi lci ba bskams po'i mos btsos pa tshos pa dang/ de'i khu ba bum pa 'og ma'i nang du 'dzag par 'gyur te/
 de blangs nas de'i brgyad 'gyur gyi sbrang rtsi dang/ nyis 'gyur gyi mar dang sbyar ba'i lde gus 'di yang sbyar bar bya'o/ /cho ga gong ma bzhin du kha zas la sogs pa bsten na phan yon gong ma dang 'dra'o/ /go bye'i 'bras bu smin cing rgyas pa bung ba srang brgya nyi
 shu rtsa brgyad kyi bar tshwa tsam so phag phye mar byas pa zhib mo bor ba'i rtsing po dang/ chus mnye zhing bkru ste de nas go bye rlung la skams te/ de nas cham chom brdungs la chu srang lnga rgya rtsa bcu gnyis dang bskol te/ bzhi cha lus pa dang/ phyung la btsags te
 tshigs ma bar la gang ba'i khu ba de dang 'o ma srang lnga brgya rtsa bcu gnyis dang/ yang bskol te khu ba du zhing 'o ma lus pa dang/ de dang mnyam pa'i mar dang yang bskol te 'o ma zad cing mar nyi rtse lus pa dang/ sha kha ra'i phye ma ci 'dod pas btab ste/
 gcig tu gyur pa de kha gzar gyis dkrugs te/ sbru'i phung po'i nang du zhag bdun gyi bar du spangs la bcud smin cing bdud rtsi dang 'dra bar gyur ba dang/ skyes bu gang gis nang re der las ran par bsten cing bza' ste/ de'i 'og tu chuAm 'o ma 'am sha khu
 tshim tshad du blud na/ dran pa dang yid gzhungs pa dang/ blo gros dang stobs dang/ ldan ba dang/ snying stobs dang ldan pa dang/ gser gyi ri bong 'dra bar mdog dkar ser du 'gyur zhing tshe ring ba dang/ 'tsho ba yun ring du gnas par 'gyur ro//
 chu srang lnga brgya rtsa bcu gnyis dang/ ba la ka ba shags pa srang sum brgya dang/ lhan cig bskol ba'i khu ba lus pa srang nyi shu rtsa brgyad dang/ de dang mnyam pa'i til mar rnams snod kyi nang du bcug ste/ tik+ta dang bong nga rnam gnyis
 dang/ 'bras bu gsum dang/ brag zhun dang/ skyer khaN+Da dang/ 'di rnams kyi phye ma btab ste/ yang bskol te 'o ma lus pa las ran par bsten na mdze nad thams cad 'joms pa'i mchog yin no/ /yang go bye dang lhan cig skyu ru
 ra dang/ zho'i spris ma dang/ til mar dang/ bu ram dang/ 'o ma dang/ nas phye dang/ til dang/ sbrang rtsi dang/ til btags pa'i phye ma'i lde gu dang/ mon sran sde'u la sogs pa'i tshod ma dang/ 'di rnams gang yang rung ba srang gcig dang
 bsten pa ni go bye'i bcud kyis len zhes bya ste/ lus skye bar byed pa dang/ yid gzhungs pa dang/ tshe ring bar byed pa'i mchog yin no/ /go bye'i 'bras bu ni shin tu rno ba yin te/ khong du zhu ba'i dus na me dang mnyam pa yin la/ cho ga ji lta ba bzhin
 du sbyar na ni bdud rtsi dang 'dra ba yin no/ /bad kan las gyur pa'i nad dang bad kan dang rjes su 'brel ba'i nad gang yang go bye'i sbyor ba 'dis mi sel ba gcig kyang med de lhag par pho ba'i me drod myur du sbyin par byed do/ /de ltar bcud kyis
 len gyi cho ga byed pa'i dus su rlung dang tshad par 'dug pa khyad par du spang par bya'o/ /de bzhin du rgya ran ku la tha dang/ zho dang tshwa dang/ til mar gyis lus bsku ba dang/ me la bsten pa rnams spang bar bya'o/ /shing du ba ri ke zhes bya ba nub
 phyogs kyi rgya mtsho'i phyi rol gyi dogs na skye ste/ de'i lo ma dang 'bras bu rlung gis chu rlabs bskyod pa las shing bskul te 'bras bu dang/ lo ma rgya mtsho'i nang du ltung ste/ de chu rlabs kyis tshu rol gyi 'gram du 'ongs pa dang/ de dbyer sprin byung
 ba'i dus su legs par smin pa blangs la 'bras bu de'i shun pa bor te skams la btags pa'i phye ma til btsir ba 'am/ le brgan rtsi bskol te mar phyung ba bzhin du/ tu ba ri'i 'bras bu'i mar yang de ltar 'byung ste/ de yang chu dang
 phol? te chu du mar nyi tshe lus pa phyir phyung la ba'i gci ba'i nang du zla ba phyed kyi bar du bzhag te phyung la/ de'i 'og tu thog ma snam bcos dang dugs byas la lus kyi dri ma dag par bya ste/ de nas zhag bzhi bzhi'i bar du 'bras chan zos la nang re zhing gong ma'i bar las
 lags thil gang tsam blud la sbyin khar sngag 'dis sbyang bar bya'o/ /mad dzA sA ra ma hA bIrya/ sarba ma d+ha du bi sho d+ha ya/ sha ma kha tsa kra ga d+ha pA ni stan A ga nya pa ya ti dzu ta/ de ltas byas pa'i 'bru mar de lan cig 'thungs pas kyang lus kyi stod smad kyi nad
 thams cad sel bar byed do/ /de ltar zhag lnga'i bar du 'thungs pa'i 'og tu rgongs ka snum dang tshwa med pa'i nas thug grangs mo blud de zla ba phyed kyi bar du sran mud ka'i khu bcud dang bcas pa'i kha zas zos la spang bar 'os pa rnams spangs na/ mdze nad
 thams cad 'joms so/ /yang na tu ba ri'i mar dang/ de'i sum 'gyur seng ldeng gi khu ba dang/ gong ma bzhin du bskol te/ bsgrubs la zla ba gcig gi bar du srung ba la sogs pa cho ga legs par bya ste/ kha zas gzhan mi bza' ba dang/ sku byug la
 sogs pa sbyar te skyes bu mdze nad can rnams kyis sbyor ba 'di bsgrub par bya'o/ /'o ma'i sbyor ba las seng ldeng gi khu ba ma gtogs pa mar dang sbrang rtsi dang ldan pa btung zhing kha zes su sha khu nyi tshe 'thungs na lo nyis brgya thub par 'gyur ro/ /mar
 de nyid kyis sna snang du zhag lnga bcu'i bar du sbyar na lus nyams stobs dang ldan pa dang/ thos pa 'dzin pa dang/ lo sum brgya 'tsho bar 'gyur ro/ pi pi ling 'bru lnga 'am brgyad dam bdun nam bcu 'am tshad do rnams las gang yang rung ba mar
 dang sbrang rtsi dang sbyar te bcud kyis len gyi cho ga ji ltar btsol ba bzhin du spyad par bya'o/ /pi pi ling rdog ma brgyad/ gsum brgyad rgya skyegs shing gi thal ba'i nang du spangs te/ de nas phyir phyung la skams te mar dang yang ? la sbrang rtsi dang sres te
 snga dro kha zas kyi gong du gsum gsum bza' o/ /pi pi ling bcu zhag bcu'i bar du re ces rim gyis bskyed ce 'o ma yang de ltar bskyed la de bzhin du nyi shur phyin pa dang/ re res dbri ste bcu pa la thug pa dang/ sman de zhu ba'i
 tshod tsam na 'bras drug cu pa 'o ma dang bcas pa kha zas su bza' o/ /de ltar pi pi ling stod zad kyi bar du cho ga de ltar byas pa ni/ pi pi ling stong gi sbyor ba'i bcud kyis len zhes bya'o/ /de yang btags pa'i phye ma 'o ma dang sbyar to/ bza' ba na me
 dod rab la sbyin no/ /me drod bar me la ni bskol ba blud do/ /de bzhin du pi pi ling dang 'o ma dang de ltar sbyar te/ pi pi ling nyis stong gi bar du yang de ltar bya'o/ /pi pi ling gi sbyor ba de rnams cho ga bzhin du byas pa ni lud pa lu ba dang/
 dbugs mi bde ba dang/ mgul ban pa dang/ gcong chen po dang/ gzhang 'brum dang/ gcin snyi ba dang/ skya rbab dang/ rims ma rungs pa dang/ skrang ba dang/ skyug pa dang/ skyigs bu dang/ mcher pa na ba dang/ drag nad rnams 'joms
 par byed do/ /yang pi pi ling srang phyed chu dang lde gur byas te/ lcags snod kyi nang du bskus la nub gcig bzhag la/ de nas chu snyim ba gang dang/ lhan cig nang re blud par bya ste/ de ltar lo gcig du kha zas dang btung ba dang bcas pa ci
 'dod ba bsten to/ /bca' i sgo dang byi dang ga dang/ 'bras bu gsum dang/ sle tres dang/ shing mngar dang/ yung pa dang/ yu ti ba le dang/ ba la dang/ sla sgang dang/ thang shing dang/ u du ra dang/ kru trug tres dang/ mu zi dang
 pi pad+ma ma dang/ utpa la dang/ d+hA bA dang/ a sha kar+Ni dang/ ba li'i 'o ma 'am snying po gang rnyad pa dang/ de rnams re re yang pi pi ling gi sbyor ba bzhin du lcags kyi snod kyi nang du bsku ba la sogs pa'i sbyor ba byas te zos na po brgya
 'tsho zhing nad dang rgas pa las grol bar byed do/ /gang gi lcags snod la bsku ba'i sman sna re re'i sbyor ba gang yang rung ba 'dra ste/ 'o ma snyim pa gang dang bcas par 'thungs na/ gong du smos ba'i yon tan bas lhag par nyis 'gyur gyis ches skyed par byed do/ /shing
 las rga? dang/ seng ldeng bskol ba'i khu ba'i nang du so mar dza'i phye ma spangs te mar dang/ sbrang rtsi dang/ ru rta dang/ a ru ra dang/ lcogs phye gsum btags pas btab ste/ lde gur byas pa la lo gcig gi bar du ldag cing kha zas rung zhing phan pa zos
 na kha zas las gyur pa'i nad yun ring ba yang 'dor bar byed do/ /mdze nad kyis lus la tshabs cher khyab cing na bar gyur ba'i skyes bus ni so ma ra dza dang/ til nag po gnyis nges par lo gcig gi bar du zas na zla ba bzhin lus mdog shin tu
 mdzes par 'gyur ro/ /skyes bu gang gis so ma ra dza phub ma med par btags pa'i phye ma 'o ma dang lhan cig snod kyi nang du mnan te/ sman pa dang phyung la snying por gyur ba de sbrang rtsi dang sbyar ba'i lde gu ldags te/ de'i 'og tu dar ba legs par
 rengs pa 'thungs na mdze nad lus kyi rkang lag dang sna la sogs pa 'brul zhing chad pa yang sor mo dang sna lnga sogs pa skye bar 'gyur te/ ji ltar shing bcad pa'i 'og tu lo ma skye ba shin tu mdzes pa bzhin no/ /sgog skya ni thog mar sgra gcan zin
 gyis bdud rtsis bskus pa las khyab 'jug gis 'khor lo 'phangs te/ mgo bcad pa las bdud rtsi'i thigs pa sa la ltung zhing thigs pa las sgog skya rnams su gyur to/ /sgog skya de bram ze mi za ba ni lha ma yin gyi lus las byung
 ba'i khrag dang 'dres pa yin pas des mi za ba yin no/ /sgog skya de ni mngon sum gyi bdud stsi nyid yin te/ grong gi bcud kyis len zhes bya'o/ /sgog skya de ni khyad par du grang ba'i dus su bsten par bya'o/ /dbyid bad kan ldang ba'i dus su
 lhag par dpyad do/ /dbyar sprin skyes pa'i dus su ni me dang rlung gis nyams thag pa yin pas de'i dus su bza' ba 'am/ yang na rtag tu brten par bya'o/ /so ka cha ba'i dus su ni dus kyi spyod lam brten cing lus dag pa dang
 dri ma med par bya ste/ snum pa dang/ bsil ba dang/ mngar ba dang/ sgog skya lhan cig bsten par bya'o/ /de bzhin du gos dang rgyan yang dus dang ji ltar mthun pa dang/ g.yog 'khor rnams kyang mthun pa dang/ lhan cig sgog skya bsten
 bar bya'o/ /ri kha ba can zhes bya ba'i drung na sha kha zhes bya ba'i yul yod pa de der skyes pa'i sgog skya'i rtsa ba yul de'i mis dpyid kyi dus su shun pa dang phral te nub mo chang dang lhan cig zos pas me drod skyed do/ /sgog skya cha mchom
 brdungs te/ btsir ba'i khu ba cha cig dang/ chang legs par smin pa cha gsum sbyar ba nang par 'thungs na bzang ngo/ /yang na sgog skya'i khu ba de chang gzhan gang yang rung ba dang/ btung ba 'am/ yang na 'bru mar dang/ zho kha chu dang rtsab mo'am
 de dag gang yang rung ba dang/ lhan cig sgog skya'i khu ba thun tshad ran par dpyid kyi dus su btung bar bya'o/ /yang na 'o ma dang mar dang zhag dang rkang dang/ srog chags thang la gnas pa'i sha dang/ de dag gang yang rung ba dang lhan cig
 bskol te/ nad gzhi ji lta ba bzhin du sbyar te btung ba 'am yang na sgog skya'i khu ba nyi tse 'thungs na mkhur bar gang ba tsam gyis kyang mid pa dag par byed do/ /zug gzer che ching na ba la ni sgog skya'i khu ba de rgyun du dugs byas
 na rab tu bsngags te de'i 'og tu chu grang spang bar bya ste/ gal te chu grang bsten na ni 'phral la skyug cing brgyal bar 'gyur ro/ /gzhan yang zugs gzer che zhing na ba dang/ ngal zhing dub ba'i dus su 'thungs na lus brten zhing gzi
 ?? skye bar 'gyur ro/ /gal te lus tsha ba skyes na ni bsil ba'i sman gyi bsku zhing chu'i rgyun phra mo'i thigs pas phog pa bya ba dang a bi mugta ka dang/ ga pur ma li ka'i phreng bas lus la btags par bya'o/ /sgog skya nyi tse srang brgyad dam/ srang bzhi pa 'am
 yang na de'i rkang srang gcig btags pa'i phye ma kha zas dang snga dro dang po bsten par bya'o/ /de zhu ba'i tshod tsam na 'bras rnying pa'i chan dang me tog kun da zla ba ltar dkar ba'i chan khu bcu pa dang 'o ma dang thang la skyes pa'i sha khu dang/ lhan cig bza' ste/ de
 ma thang chang btung bar bya'o/ /skom dad che ba la ni chang chu dang lhan cig btung ngo/ /gal te chang mi btung ba zhig yin na ni rtsa ba mo dang rgun 'bru la sogs pa'i khu ba sla ba blud do/ /yang na sgog pa la btags pa'i phye ma mar dang cha bsnyams te/ 'dres
 bar dkrugs nas mar snod du bcug ste zhag bcu bzhag pa 'am/ yang na phyi ma de de nyid zhag dang lhan cig bza' 'o/ /sgog skya shun pa bshus pa'i snying po dang/ thur ma la bsregs pa'i sha 'am yang na bza' ba sna tshogs sam/ yang na sha brdungs pa dang/
 lhan cig gam/ yang na mar dang/ tshwa dang lhan cig gam/ yang na chang ci 'dod pa dang lhan cig gam/ yang na kha zas yang ba dang/ pits+tsha dang de rnams gang yang rung ba dang lhan cig bza' o/ /khrag dang mkhris pa ma gtogs pa rlung nad nad gzhi gzhan dang
 lhan cig pa 'am/ yang na rlung nyi tshe la ni sgog skya las lhag pa'i sman gzhan med do/ /gang zhig chu dang bu ram dang 'o ma la sred cing/ sha dang chang dang skyur rnams la mi sred pa dang/ shin du skom dang che ba shing brang tsha ba dang/ 'jug stobs che ba
 la ni sgog skya byin na nges par gnod pa skyed do/ /de ltar sgog skya bsten pa'i 'og tu mkhris pa skye bar dogs na bkru sman 'jam po sbyar na de nyid kyis bcud len gyi yon tan yongs su rdzogs pa nyams su myong bar 'gyur ro/ /de la brag zhun zhes bya
 ba ni so ga tsha ba'i nyi ma'i drod kyi ri la phog pa las rgya skyegs kyi bcud 'dzag pa bzhin du gser la sogs pa'i rig rnam pa drug du 'byung zhing 'dzag pa de ni brag zhun zhes bya'o/ /gser gyi rigs la sogs pa drug po kun kyang kha ba dang
 tsha ba dang/ ha cang drod mi che ba dang/ zhu ba'i rjes cha ba yin no/ /brag zhun gyi rigs bcad du 'dod pa de ni lcags kyi rigs kyi brag zhun zhes bya'o/ /brag zhun pa gcin gyi dri bro ba dang/ gu gul gyi mdog ltar gnag pa dang/ 'jam po 'byar bag du
 'dug pa dang/ snum pa dang/ mi skyur ba dang/ ro mngar ba dang/ 'jam pa dang/ lci ba de ni brag zhun gyi mchog dam pa yin no/ /nad kyis btab pa'i skyes bu la yang brag zhun 'di rjes su mthun pa yin no/ /de la thog mar brag zhun lcags snod
 kyi nang du bcug ste/ chus spangs la bkrus te skams la bskams pa'i brag zhun dang mnyam pa'i sman bskol ba'i chu'i nang du spang bar bya'o/ /de nas yang bskams la de'i brgyad 'gyur gyi chu dang bskol te bzhi cha lus pa dang/ tshigs ma bor te khu
 ba dro 'jam tsam gyi nang khu ba de dang mnyam pa'i brag zhun blugs la yang skams te/ de ltar rang rang dang mthun pa'i sman bskol ba'i khu ba'i nang du spang zhing skam pa lan bdun gyi bar du bya'o/ /de'i 'og tu tik+ta'i sman mar gyis snum bcos byas
 la slon khrus kyis lus dag par bya ste/ de nas brag zhun de 'bras bu gsum gyi khu ba dang sbyar la zhag gsum blud do/ /de nas zhag gsum gyi bar du pa to la'i khu ba dang sbyar ba btang ngo/ /de nas zhag gsum gyi bar du shing mngar gyi khu ba
 dang sbyar ba blud do/ /sbyor ba de dag kyang ji ltar rigs pa dus dang sbyar te btang ngo/ /brag zhun zhes bya ba de nyid ni lus la phan par byed pa yin te yon tan thams cad 'grub par 'gyur ro/ /cho ga log par byas na ni 'bral la gnod pa bskyed do//
 brag zhun? ni zhag bdun dang/ zhag nyi shu rtsa gcig dang/ zhag nyi shu rtsa dgu la brag zhun zho gnyis dang/ srang phyed dang/ srang gcig ste/ de ltar brag zhun gyi thun tshad rab 'bring gsum dang/ zhag bdun la sogs pa go rim bzhin du sbyar na phan yon yang rin
 pa bzhin du bzang ba yin te/ de ltar sman legs par sbyar ba yang lus legs par sbyangs pa la bya ba yin no/ /zangs ma dang/ lcags dang/ dngul dang/ gser dang/ de rnams kun 'byor yang rung ste/ de'i phye ma dang/ 'o ma dang/ brag zhun lhan cig
 bsres te/ 'thungs na myur du bcud kyis len gyi cho ga 'grub par 'gyur ro/ /rgya sran dang/ ka ka ma ci dang/ phug ron gyi sha rnams ni rtag tu spang bar bya'o/ /brag zhun gyi sbyor ba dus su cho ga bzhin du 'bad de spyad na/ sa'i steng na gsor rung ba'i
 nad gang las kyang mi rgyal ba med de/ nad med cing tha mal bar 'dug pa yang bsten na nyams stobs dang sag rtsa 'phel zhing sbyin par byed do/ /nyi ma dang rlung la sogs pas ma phog pa'i khyim gyi nang du 'dug cing rgyun du phyir mi 'byung bar bya ste
 de ltar ma byas na ni rtsom pa don med par 'gyur ro/ /gang nyi ma dang rlung dang lhan cig gnas pa'i sbyor ba'i bye brag bshad par bya ste/ gang gi lus la gnod par byed pa'i rgyu bde ba'i yo byad bsten pas nyams pa dang/ chu grang mo dang/ 'o ma dang/
 sbrang rtsi dang/ mar dang/ de rnams gang yang rung pa la zhe sdang zhing mi 'dod pa yang chu grang la sogs pa gong ma de las gsum 'am yang na gnyis sam/ yang na ma lus pa kun yang rung snod gcig tu 'dres par bya ste/ sman gyi gong du zos
 na yang mi 'grub ste/ gnod pa skyed do/ /bu ram dang/ sbrang rtsi dang/ bca' sga dang/ pi pi ling dang/ rgyam tsha dang/ de rnams gang yang rung ba dang/ lhan cig a ru ra gnyis rtag tu zos na lo brgya bde bar 'tsho bar 'gyur ro/ /a ru ra mar gyi
 nang du bskol la bza' zhing de'i 'og tu mar 'thungs nas/ rgas sra zhing na tshod gnas pa dang/ lus kyi nyams stobs 'phel bar byed de/ ji ltar mkhas pa shes rab can gyi gzhan gyis byas pa'i bzo lan gcig bstan pas shes
 pa bzhin no/ /skyu ru ra'i khu ba dang sbrang rtsi dang/ kha ra dkar po dang mar dang/ de rnams lde? gur bya ste/ phan pa'i zas dang/ lhan cig mi rnams kyis bsten na/ rga ba'i 'gyur ba rnam par 'jig cing zhi bar 'gyur te/ ji ltar gzhung rgya che ba dag
 'dzin par mi nus pa bzhin no/ /skyu ru ra dang/ byi dang ka dang/ shing a sa na'i snying po dang/ de rnams kyi phye ma dang/ lcags kyi phye ma dang til mar dang/ mar dang sbrang rtsi dang/ de rnams lde gur byas te rtag tu bsten na/ gzhon pa'i
 na tshod dang/ mdzes pa nyams pa med par 'gyur ro/ /lcags phye dang/ byi dang ga'i phye ma mar dang sbrang rtsi dang bsres la sbyar te/ za ma tog gi nang du lo gcig tsam bzhag la smin cing snying por gyur pa dang/ lde gur byas te lhag na
 stobs dang ldan pa dang/ 'tsho ba yun ring bar 'gyur ba dang/ skra nag por byed do/ /byi dang ga dang go bye dang/ bca' sga dang/ de rnams mar dang sbrang rtsi dang sbyar ba zos na rga ba'i chu bo dang/ nad kyi rlabs las thar zhing skyes khu de mdog bzang
 zhing mdzes par 'gyur ro/ /seng ldeng dang/ shing a sa na'i khu ba'i nang du 'bras bu gsum dang spangs la skams pa'i phye ma mar dang sbrang rtsi dang sbyar ba'i lde gu cho ga bzhin du mi rnams kyi nges par bsten na gsen bzhin du rga ba med pa
 de ni ngo mtshar mi che'o/ /sman dzi ba ka'i khu ba dang/ sha kha ra dang/ mar dang/ sbrang rtsi dang 'bras bu gsum gyi phye ma lde gur byas te/ lag mthil du bzhag ste/ sor mos ldag cing bsten na skyes bu rnams rgas pas gnod pa byung zin
 pa yang zlog par byed do/ /ba spru pa sar pa srang phyed btags pa'i phye ma 'o ma dang lhan cig zla ba phyed dam gnyis sam drug gam lo gcig gi bar du bsten na rgas 'khogs pa yang phyir zhing lus sar ba skyed par byed do/ /mu rba dang/ pri ha tI dang/ a shu
 maM? ta dang/ pA la dang/ pu shel tse dang/ pA thA dang/ shing a sa na dang/ thal tres dang/ ka la nus dang/ a ru ra dang/ tsan dan dang/ de rnams re re yang ba spru ba'i cho ga bzhin du byas na phan yon yang de dang 'dra'o/ /nye'u shing skol ba'i khu ba'i nang
 du de nyid kyi phye ma bcug la lde gur byas pa'i nang du mar dang sbrang rtsi gnyis btab ste zos nas/ de'i 'tsho ba bdag nyid can de la nad kyi chom pos nam yang gtses par mi 'gyur ro/ /a shwa gand+ha'i phye ma mar dang til mar dang ting mar dang chu
 dro 'jam tsam dang/ de rnams las gang yang rung pa dang sbyar te zla ba phyed kyi bar du bsten na/ lus skem zhing nyam chung ba yang 'phel zhing skye bar 'gyur te/ ji ltar lo thog sar pa la char legs par 'bab pa bzhin no/ /til nag po
 srang gcig nyin re zhing zos la de'i 'og tu chu grang 'thung na lus 'phel zhing gso bar 'gyur te/ ji srid 'chi ba'i mdza' la thug gi bar du so brtan par 'gyur ro/ /gze ma dang/ skyu ru ra dang sle tres de rnams kyi phye ma mar dang sbrang rtsi cha
 re res bsres pa'i lde gu zos na bud med la phod pa dang/ lus brtan pa dang/ nad kyi sdug bsngal zhing bar byed pa dang/ skra gnag cing lo brgya 'tsho bar 'gyur ro/ /til nag po skyu ru ra 'am/ ba ru ra gang yang rung ba zho gnyis dang sbyar ba'i lde
 gu zos na ji ltar rma bya bzhin du mdangs bzang po skyed par 'gyur ro/ /brag zhun dang/ byi dang ga dang/ a ru dang/ lcags phye dang/ mun men dang/ dngul dang/ de rnams mar dang/ sbrang rtsi dang/ sbyar ba'i lde gus zos na lus
 rjud? cing nyam chung ba rnams kyang yongs su rdzogs shing lus zungs 'phel la rgyas par 'gyur te/ ji ltar zla ba yang gyi ngo bzhin no/ /sman bring gar dzi'i khu ba zla ba gcig gi bar du nyin re blud cing de'i 'og tu 'o ma 'thungs na
 stobs dang nus par bcas pa'i lo brgya 'tsho bar 'gyur ro/ /chu dang 'o ma dang 'bru mar dang/ mar dang/ de dag gang yang rung ba dang sbyar ba zla ba gcig gi bar du bsten na rang gi lus srin bu la sogs pas blta mi nus zhing mthong ba dang/
 yid gzhungs pa dang tshig gsal zhing mnyen par 'gyur ro/ /maN+Tu ka bar+Ni btags pa'i phye ma mar dang brngos te zla ba gcig gi bar du zos na lus zad cing nyam chung ba sel to/ /'tsho ba yun ring ba dang/ gnas pa dang/
 lus grims pa dang/ gzhon sha chags pa dang lus mdzes pa la sogs pa'i gzhir gyur pa yin no/ /sman lang ga li dang/ 'bras bu gsum dang lcags phye rnams srang lnga bcu bring ga ra dzi rang gi khu ba'i nang du btags te ri lu sum
 brgya byas nas grib ma la skams te thog mar ri lu'i phyed zos la de nas re re bza' o/ /de la sman bza' ba yang thog ma bkru sman bya ste/ rim gyis thug pa rkyang rkyang po dang/ phyar langs tsam dang gar ba dang sha khu dang/ 'bras
 chan la sogs pa rim gyis bza' o/ /bdag nyid gcig pu ma yengs par bsam pa brtan por zla ba gcig gi bar du mar gyi snum bcos bya'o/ /de nas zla ba gcig gi bar du rnams thams cad du bdag nyid gcig pu 'dug par bya'o/ /ma
 zhu ba ni dus thams cad du 'bad pa dang bcas pas spang bar bya'o/ /sbyor ba de ltar lo gcig gi bar du nye bar sbyar na nad gsor mi rung ba yang 'dis 'jig par byed do/ /shin tu rgas 'khogs pa yang stobs dang lus mdzes pa dang/ lus shin tu 'phel
 zhing rgyas pa dang rna ba bsang ba dang/ mig gsal ba la sogs pa yang na tshod gzhon nu bzhin du mthong zhing thos te lo lnga brgya'i bar du 'tsho bar 'gyur ro/ /seng ldeng dang/ tsi tra ka dang/ shing sha ka dang/ a sa na'i shing dang/ bong nga dkar po dang/ byi dang ga
 dang/ ba ru ra dang go bye dang/ 'di rnams btags pa'i phye ma dang/ phye ma spyi'i bco brgyad 'gyur gyi chu dang/ lcags kyi dum bu dang bcas pa lcags snod kyi nang du bcug ste zhag gsum nyi ma la bzhag la de'i 'og tu me che ba la bskol zhing dkrugs la lcags kyi dum bu dang bcas pa bzhi cha lus pa dang/ btsags la rnying ma bor ba'i khu ba dang/ 'bras bu gsum gyi khu ba dang/ de gsum re re yang sman khu dang mnyam pa dang/ 'bras bu gsum re re yang khu ba'i cha gnyis gnyis dang/ mar srang cha
 bzhi dang de rnams lhan cig bsres la lcags snod kyi nang du bskol te mar lus pa'i nang du hwags dri ma med pa dang/ kha ra dkar po dang/ sbrang rtsi dang/ de dag rim gyis bcug ste/ de las ji ltar mdo khar 'ongs par 'ongs par btung ba dang/ kha zas la
 sogs par zos shing bsten na nad med par 'gyur te dpal dang ldan zhing sdig pa rnams byad pa dang/ nags kyi ma he bzhin du stobs dang ldan pa dang/ rta bzhin mgyogs pa dang/ yan lag rnams brtan pa dang/ skra bung ba'i mdog bzhin du sngo ba dang/ kha
 zas dri zhim po dang mngar ba 'byung ba dang/ bud med du ma 'dod pa spyod nus pa dang/ tshig gsal zhing blo dang dag phun sum tshogs par 'gyur ba dang/ me drod che bar 'gyur ro/ /sbyor ba de ltar zla ba gcig gi bar du bsten na gser bco? ma'i mdog
 dang ldan pa'i mi'i seng ger 'gyur te/ nam du yang nad kyis btab cing bar du gcod par mi 'gyur te/ ji ltar mi'i seng ge lag na 'khor lo 'bar ba thogs pa'i 'jigs pas lha ma yin rnams kyis bar gcod mi nus pa bzhin no/ /de la thog
 mar slon khrus kyis khong dag par byas pa'i 'og tu bring ga rA dza'i 'o ma mar dang brngos te/ bsrung ba'i cho ga dang bcas par bza' ba dang/ shing a sa na'i snying po 'o ma dang bcas pa blud cing bza' ba'i don du bsten te zla ba gcig gi bar du sbyar na lo nyis brgya'i
 bar du 'tsho bar 'gyur ba dang/ lan cig brjod pa tsam gyis kyang thos pa 'dzin pa dang/ dran pa'i dbang po nyams par mi 'gyur ro/ /bring ga ra dza'i 'bru mar yang cho ga gong ma ltar byas na yon tan de nyid thob par 'gyur te/ khyad par du mdog nag por 'gyur ro/ /de
 ltar bdag gis bcud kyis len bshad pa 'di ni nus pa dang ldan pa 'bras bu dang bcas pa'i dus dang rjes su mthun pa mang pos 'thun par bsngags pa yin no/ /bcud kyis len gzhan thob par dka' ba dang/ sgrub mi nus pa de ni 'dir ma smras so/ /gal te bcud
 kyis len gyi cho ga nyams te nad skye bar 'gyur na de la ni nad gzhi rang rang gi sman gyis gso ba ji skad bshad pa bzhin du bya ste/ bcud kyi len gyi cho ga ni dor bar bya'o/ /bden par smra ba dang/ khro ba med pa dang/ lhag pa'i bsam pa dang ldan pa dang/ g.yul
 rnams las rgyal ba dang/ sems zhi ba dang/ dam pa rnams la rtag tu dga' ba ni bcud kyi len sgrub pa'i yon tan yin te/ yon tan de rnams tshogs na gdong bcud kyi len 'grub pa yin te/ bdag nyid shes pa dang tshe ring ba dang/ 'jig rten 'di dang
 phyi ma gnyis kar dga' zhing/ skyid pa dang bstan bcos dang rjes su mthun pa spyod pa dang bdag nyid kyi sems la lta ba dang/ 'khor rnams dang rjes su mthun par 'jug go /don thams cad la blo mi 'khrul ba de ni bcud kyis len yongs su rdzogs pa yin
 no/ bcud kyis len gyi cho ga bshad pa'i le'u ste sum cu dgu pa rdzogs so// //de nas sa bon gso zhing ro tsa bar bya ba'i le'u bshad par bya ba ste/ de la bud med kyi yul la rtag tu chags pa'i skyes bus ni ro tsa bar bya ba'i sman
 ??/ /? tse bril? ? ma byas na ni dga' ba dang/ lus kyi nyams mchog brta ba dang/ bu tsha rnams skye ba'i yon tan dang ldan zhing gnas pa yin te/ bu tshe'i rgyud mang du 'phel zhing skyed pa dang/ de ma thag dga' ba skyed pa dang/ ji ltar rta rgod ma la 'jug nus pa bzhin du bud
 med rnams la ? pa med par 'jug nus pa dang/ bud med rnams la chags shing dga' bar 'gyur pa dang/ gang dang gang gis sa bon 'phel bar byed pa de ni ro tsa bar byed pa zhes bya ste/ de ni lus kyi spungs dang
 ?? phye? ba'i mchog kyang yin no/ /kye tshangs par spyod pa la gnas pa'i skyes bu la ni bdag rjes su yi rang ste/ gcig tu dri ma med cing chos dang grags pa 'phel ba dang/ tshe 'di dang pha rol gnyi ga'i bcud kyis len pa yin no/ /'on kyang lus kyis
 nyams stobs chung ba dang/ 'dod chags kyi nyon mongs pas gnod par 'gyur ba dang/ lus zungs zad pa bsrung bar bya ba'i phyir/ rtsa ba'i sman rnams brjod par bya'o/ /skyes bu gang gis ro tsa bar byed pa'i sman bsten na nyin dang mtshan thams cad du nyal
 po ma btang bar spyad kyang nus par 'gyur te/ ci ltar chu shing gi khu ba 'dzag pa bzhin no/ /de nas thog mar snum bcos byas la blon khrus kyis lus dag par bya ste/ de'i 'og tu ni ru ha dang/ 'jam rtsims btang ba rnams bya'o/ /thog mar mar dang til mar dang
 zhag dang sbrang rtsi dang/ sha kha ra dang/ 'o ma dang ldan pa sbyor ba shes pa'i sman pas sbyar la de'i 'og tu 'o ma dang/ sha khu sbyin no/ /ro rtsa ba'i sbyor ba de ni khu chu dang bu tsha 'phel bar byed do/ /ji ltar ljon shing yal ga gcig pa/ grib ma med cing me tog dri
 nga ba dang/ 'bras bu med pa shin tu mi mdzes pa ni skyes bu bu tsha med pa yang de dang 'dra'o/ /bu tsha dang mnyam pa mthong na yid du 'ong ba dang/ yang na dga' ba bskyed pa'i dngos po ni gang yang med do/ /ji ltar byis pa'i gnas skabs na 'khyor 'gros su 'gro
 zhing tshig mi gsal ba dang/ rdul dang lhan cig 'dre zhing gdong kha chu dang/ snabs kyi dris mas brnyog pa de la yang sems dag par byed pa'i gnas yin na yang rung gi bu chos dang snyan par smra ba dang/ grags pa nga rgyal ba dang/
 rigs 'phel bar byed pa'i bu tsha lta smos kyang ci dgos te/ sems spro zhing snying dga' bar byed pa yin no/ /thog mar slon khrus kyis lus dag pa dang/ me'i 'ju stobs ji lta ba bzhin du bud med la phod bar bya ba'i sbyor ba rnams spyad par bya ste/ 'dam?
 bu 'dam rgyud dang/ bu ram shing dang ku sha dang ka sha la sogs pa'i rtswa'i rtsa ba dang/ bi da ri dang/ bu shel rtse'i rtsa ba dang/ kaN+Da kA ri dang/ zangs rtsi ka la dang/ ba la dang/ ma da rnam gnyis dang/ ram nye ba rnam gnyis dang/ nye'u shing dang/ par+Na rnam gnyis dang/
 a shwa gand+ha dang/ a ti ba la dang/ kha sral phre'u dang/ ba spru pa dang/ bi da ri dang/ pa yassya dang/ dzi ban+ti dang ri di dang/ ra sna dang/ gze ma dang/ shing mngar dang/ sa la par+Ni dang/ de rnams re re yang srang gsum gsum dang/ mon sran gre'u srang
 brgya nyi shu rtsa brgyad dang/ chu srang stong nyi shu tsa bzhi dang/ lhan cig bskol te/ khu ba srang brgya nyi shu rtsa brgyad lus pa'i nang du mar dang/ bi da ri dang/ skyu ru ra dang/ bu ram shing dang/ de rnams re re yang srang brgya nyi shu rtsa brgyad dang/ 'o ma srang lnga
 brgya rtsa gnyis dang/ sman bi da ri dang/ kha sal dang/ ra ma nye ba rnam gnyis dang/ shing mngar dang/ phal gu ni dang/ pi pi ling dang/ rgun 'brum dang/ bi da ri dang/ bra go dang/ shing tog ma du ka dang/ de rnams btags pa'i phye ma btab pa dang/ yang bskol
 til mar lus pa dang/ snyigs ma phyung ba'i nang du sman de rnams nyid kyi phye ma srang sum cu rtsa gnyis gnyis dang/ shakha ra sreng brgya dang/ pi pi ling srang bzhi dang/ na le sham srang gcig dang/ shing tshwa dang/ sug smel dang/ nA ga ge sar dang/ de
 gsum srang phyed phyed de rnams zhib tu btags pa'i phye ma dang/ sbrang rtsi srang bcu drug dang/ de rnams lhan cig dkrugs pa'i lde gu las srang re re tsam zos la de'i 'og tu sha khu dang/ 'o ma 'thungs ni ji ltar rta lo rgod ma la 'jug nus pa dang bye'u ka ling ka nga bzhin du bud
 med la nyal po nus par 'gyur ro/ /sman bi da ri dang pi pi ling dang/ 'bras shi la dang/ bi ya la dang/ gze ma dang kha sral dang/ de rnams kyi phye ma srang bzhi bzhi dang sbrang rtsi srang brgyad dang/ sha kha ra srang lnga bcu dang/ mar srang bcu drug rnams lde gur
 byas pa de las zho gnyis gnyis tsam gyis thun tshad du zos na bud med brgya'i nang du zhugs te 'dod pa spyad kyang mi ngoms so/ /kha sral phre'u dang/ gro dang 'o ma sbyar ba blud pa 'am yang na mon sran gre'u dang/ mar dang sbrang rtsi sbyar ba zos la de'i 'og tu
 ba be'u thog ma btsas ba'i 'o ma blud na mtshan thog thag gnying mi log bar bud med la spyad kyang bud med dub pa srid kyis skyes pa nyal bos dub pa ni mi srid do/ /ra thug gi rlig pa 'o ma dang bskol ba'i nang du til lan mang du spangs te/ kha ra dkar
 po dang bcas par gang gis zos na yang bud med brgya la 'dod pa spyod bar 'gyur ro/ /sman bi da ri'i phye me rang gi khu ba'i nang du lan mang du spangs shing skams pa sbrang rtsi dang mar dang lde gur byas te zos na bud med 'dod pa dang ldan pa bcu la
 'jug nus par 'gyur ro/ /pi pi ling dang skyu ru ra'i phye ma rang gi khu ba dang/ spangs te sha kha ra dang/ sbrang rtsi dang mar dang ldan cig lde gur byas te ldags la de'i 'og tu btung bar 'o ma blud na skyes bu lo brgyad bcu lon na yang lang tsho la bab
 pa'i skyes bu bzhin du dga' ba thob cing nus par 'gyur ro/ /shing mngar gyi phye ma zho gnyis dang mar dang sbrang rtsi cha nyam par sbyar ba bza' zhing btung bar 'o ma blud na rtag tu 'dod pa spyod nus par 'gyur ro/ /karka te/ sh+raM gi'i phye ma 'o ma'i nang du
 btab pa'i skyo ma blud nas/ kha ra dkar po dang/ mar dang 'o ma lhan cig pa'i kha zas zos na bud med rnams la phod pa yin no/ /sman pa yassya 'o ma dang bskol te ba mar dang sbrang rtsi dang bcas par bza' zhing btung ba re 'o ma blud na/ sa bon
 zang mi shes par 'gyur ro/ /kha sral gyi 'bras bu dang me tog gi phye ma dang/ sha kha ra dang/ 'o ma bzhos ma thag dron po dang/ sbyar ba 'thungs na lung? bong bzhin du skyes bu bud med la 'jug nus so/ /a tsha tra'i phye ma dang nye'u shing gi phye ma yang
 gong ma ltar bya ste/ zho'i spris ma zla ba ltar dkar ba dang/ kha ra dkar po dang/ 'bras drug cu pa'i tshan dang/ de dag gi gos kyis rlung yab kyis bsil bar byas pa zos na/ rgan pa yang gzhon nu bzhin du 'dod pa la phod pa yin no/ /gze ma
 dang a ga ru dang/ mon sran gre'u dang/ kha sral gyi sa bon dang/ nye'u shing dang/ de rnams btags pa'i phye ma 'o ma dang lhan cig blud na rgas 'khogs pa yang bud med brgya la 'jug nus pa yin no/ /gang yang mngar ba dang snum pa dang/ nyams
 brta ba dang/ stobs 'phel ba dang/ yi gar 'ong ba dang/ de dag thams cad bstan kyang ro rtsa ba'i bdag nyid du bshad do/ /de lta bas na sman gong ma de rnams cho ga bzhin du byas na ni 'dod pas dregs shing bud med rnams la 'jug nus
 par 'gyur te/ bdag nyid kyang shugs drags pa dang/ bud med yon tan dang ldan pa lhan cig brten na dga' ba skyed do/ /dbang po rnams bde bar byed pa'i dpag bsam gyi shing gi myu gu dang 'dra ba dang/ me tog gi mnga' lnga yul la bsam pa
 thag pa nas 'ga' ba skyed pa yin no/ /'dod ba'i yul re res kyang dga' zhing tshim par byed pa'i mchog yin na bud med kyi lus la yul thams cad dang ldan pa lta ci smos te/ dga' ba skyed par byed pa'i mchog yin no/ /bud med gang gi
 ming tsam thos na yang snying dga' bar byed pa yin na mthong ba dang mngon sum du spyad cing la tshim pa la dga' ba skyed pa lta ci smos te/ sngon ma myong ba'i bde ba thob par byed pa yin no/ /brtul zhugs dang sdom pa dang dbang po rnams 'dren par gyur pa'i zhags pa yin no/ /bud med kyi sgyu
 tshul la mkhas shing 'jo sgeg dang ldan pa dang/ lus dang na tshod kyi byin phyim phung pa dang/ phyir ngo tsha dang bcas shing khrel yod pa dang/ dben par grims shing bag dang bcas pa dang/ tshig 'jam pa dang ldan pa dang skyes pa ji ltar 'dod pa bzhin du mngon par dga' ba'i bud
 med de ni skyes bu rnams kyi ro rtsa ba bskyed pa'i mchog yin no/ /'dir 'dod pa spyad pa'i cho ga ma lus pa ni 'dod pa bzhin du mngon par dga' ba'i bud med de ni skyes bu rnams kyis spyod pa'i bstan bco las ji skad bshad pa bzhin du bya ste/ de yang yul dang dus dang nyams stobs
 ji lta ba bzhin du/ brtags te rjes su mthun par dgag pa dang/ dbyi'o/ /de la 'dod pa'i bstan bcos ni sman dpyad kyi rgyud 'di las rgya cher ma bstan to/ /bsku phyug dang lus la dril ba dang/ chus lugs pa dang/ dri dang 'phreng ba dang/ gos sna tshogs dang/ rgyan gyi rnam pa dang
 glu dbyangs dang/ snyan dag la sogs pa'i gtam snyan pa dang/ pi wang gi sgra dang/ mthun zhing ne'i ldangs rang gis dbang du gyur pa'i grogs po rnams dang 'grogs pa dang/ rang gi khang pa'i nang na rdzing bu nyams dga' ba yod cing de'i nang du 'jug pa dang/ pad+ma'i ge sar
 dang/ phung ba sna tshogs dang/ bya lding ba dang/ ri zhol thams cad snang ba'i ri'i rtse mor 'dzeg pa dang/ me tog rgyas pa'i nags kyi nang du zhugs pa dag mthong na bde ba ni ldan shing rigs sna tshogs yin no/ /rna ba'i yul bde ba ni khu byug gi sgra snyan pa grags pa bzhin
 yin no/ /lus kyi bde ba'i yul ni khyad par gyi rgyan gyis brgyan pa yin no/ /sems bde ba'i yul ni g.yog 'khor thams cad dang longs spyod pa yin no/ /gla gong zha sha dang/ chang gi dangs ma dang/ chung ma yid du 'ong ba dang/ bdag nyid lhan cig dben bar
 gnas ba dang/ mtshan mo zla ba'i 'od la 'dug pa dang/ dngos po gang dang gang gis yid tshim zhing dga' bar byed pa de dang de ni ro rtsa bar byed pa yin no/ /utpa la'i dris bsgos pa'i btung ba bzhin du rang gi chung ma'i kha dri zhim pa la'o byed cing
 mkhyud pa dang/ tshig snyan cing yid du 'ong bar smra ba dang/ mal stan shin tu yid 'phrog pa me tog sna tshogs gcal du bkram pa ni/ ji ltar mjug ma ge sar bcas pa lta bu'i mal stan la nyal ba dang/ sems kyi nad dang lus kyi nad gang yang med
 pa dang/ nor gyis phongs pa med pa dang/ sems kyi gnod pa cung zad kyang med pa dang/ ro rtsa bar byed ba'i sbyor ba thams cad dang yang ldan pa de ni 'dod pa'i steng du 'dod pa yongs su rdzogs par byed pa yin no/ /rims la ni gla sgang dang smra bar pa ta pan
 no/ skom dang tsha ba la ni bong ba tshig pa bsregs pa chu'i nang du bsnyugs pa sbyin pa phan no/ /skyugs pa la ni 'bras yos phan no/ /chu so'i nad thams cad la ni brag zhun sngags so/ /gcin sri ba la ni skyu ru ra dang yud ba phan no/ /skya rbab kyi nad la ni
 'bras bu gsum dang lcags phan no/ /rlung dang bad kan la a ru ra phan no/ /mcher ba'i nad la pi pi ling bstod do/ /rtug pa 'gags pa'i nad la ni byi dang ga ba sngags so/ /dug bzhi ka sha dang zhes bya ba sh+ri sha phan no/ /tshil dang rlung 'dres ba'i
 nang la ni gu gul phan no/ /khrag dang mkhris pa la ni ba sha kha phan no/ /tshad par 'khrul ba la dug mo yung phan no/ /gzham 'brum la ni go bye phan no/ /dbyig dug la ni gser phan no/ /sha che zhing tsho ba la ni skyed pa phan no/ /srin bu'i nad la ni
 srin bu 'joms pa'i byi dang ga phan no/ /glo gcod sgem byed la ni ra'i sha 'am 'o ma sbyin no/ /mig nad la ni 'bras bu gsum phan no/ /drag nad la ni slo tres phan no/ /pho ba'i nad la ni dar ba phan no/ /mdze nad la ni seng ldeng gi snying po rtag tu
 bsten par bya'o/ /smyo byed kyi nang la ni mar rnying phan no/ /nad thams cad la ni ldong ros phan no/ /mya ngan gyis nor ba la ni chang byung na bzang ngo/ /brjed byed la ni sman mahA? phan no/ /gnyis med ba la ni ? blud na phan no/ /cham pa la ni zho dang le sham dang sha kha ra sbyar
 ba phan no/ /lus skom zhing nyams chung ba la ni ha sbyin na phan no/ /rlung nad la ni sgog skya sbyin na phan no/ /lus rengs pa la ni dugs byas na phan no/ /mi rnams dang sna dang phrag gong dang lag par rnams kyi nad la ni a ba marga bsngogs so/ /glang ba'i phyed na
 ba la ni mar sar dang hwags sbyin? no/ /dmu rdzing gi nad la ni rnga mo'i gcin dang 'o ma sbyin no/ /mgo nad thams cad la ni sna sman bya'o/ /khong 'bras gsar du byung ba la ni khrag gtar bar bya'o/ /kha nad la ni sna sman dang mkhur ba dgang ba'i sman
 bya'o/ /mig nad la ni sna sman dang mig sman dang nyams pa rtag? ba'i sman sbyor ro/ /lus 'phel zhing rgyas bar byed pa la ni 'o ma dang zhun srang phan no/ /brgyal ba la ni chu grang mo dang rlung dang grib ma phan no/ /me drod chung ba la ni pus dal bar bya ba dang tsha dang sge'u
 gshar sbyar ba thun ran par bza' o/ /lus dal zhing du ba la ni ra sna sbyin mos /sdug bsngal 'byung ba la ni bzod pa phan no/ /lce la drag po la ni brtan par gnas pa phan no/ /gcin srib la gze ma phan no/ /lung pa lu ba la ni kaN+Da kA ri phan? no/ /rtsib
 logs su zug pa la ni ma nu phan no/ /rgas sra zhing na tshod gnas par bya ba la ni skyu ru ra sbyin no/ /rma byung ba la ni 'bras bu gsum dang gu gul phan no/ /de ltar gong du bshad pa de dag sman gyi mchog bsdus pa yin te nad thams cad zhi bar byed pa
 yin no/ /de yang yul dang dus dang nad kyi stobs ji lta ba bzhin du brtags te sbyar bar bya'o/ /drang srong rgyun shes kyi bu la sogs pas bye? bar bshad ba'i gzhung ni ngoms mi shes rgya cher yod mod kyi/ drang srong chen po gzings? can dang/ me
 bzhin 'jug pa sogs ba'i drang srong rnams kyis lhan cig blo mthun par byas te/ 'dus na drang srong me bzhin 'jug gis drang srong rgyun shes kyi bu la the tshom bcad de zhus pa'i skabs nas bdag gis mdo'i don
 mdor bsdus pa 'di bshad pa yin no/ /bcom pa dang ldan pa 'di na kha cig nad pa snying stobs dang ldan pa dang sman gyi yon tan gyi nad g.yog gi yon tan dang sman pa rgan po rnams kyi lung dang mthun par byas kyang/ nad kyi lus zad cing
 srog 'gyur bar snang ba yod/ la la ni sman dang dpyad ma byas kyang zhi bar snang ste/ 'on kyang phan pa dang mi phan pa'i 'bras bu'i bye brag des pa med par snang na 'dir bstan bcos kyis zhi bar byed pa'i rtogs pa ni ji zhig yin zhes dris
 pa dang me bzhin 'jug pa la sogs pa slob ma'i tshogs rnams la de nyid kyi don ma lus pa bu nar bA lus bshad pa/ de ltar gso ba byas pa dang/ ma byas pa yang mnyam zhing bye brag med de/ nang gso ba'i yan lag drug cu dang mi
 ldan zhing/ gso ba ma byas kyang nad mang bar 'gyur ba yang yod mod kyi/ 'on kyang nad kyi 'dam bur phyir ba la lag pas las 'dren pa lta bu ni smen pa yin no/ /srog 'tsho bar 'dod pa thams cad kyi 'dren par 'gyur pa ni sman yin no//
 'di ltar nad gso ba'i cho ga ni yal bar mi bar zhing nges par blang bar bya ste/ cho ga bzhin du byas na gsor rung ba yin no /de las gzhan du yal bar bor na ni gsor mi rung ba yin no/ de bas na rgyu med par bdag nyid zhi bar gyur ba med do/ /nad gang la gong du bstan pa'i gso ba
 thams cad phun sum tshogs par gso ba byas na ni de 'chi bar mi 'gyur te gso bar bya ba gces so/ /de bas na gso ba'i thabs yod na ni gso ba'i thabs med pa ma yin te gso ba yod do/ /sman pa blo dang ldan pas cho ga dang
 ldan par gsab byas shing sman gyi yan lag bcu drug dang ldan du zin kyang sman gyis yon tan sngon gyi las logs par song ste/ mi 'grub pa yang yod do/ /kha cig la me dang chu dang dugs byas pa dang/ 'khrul ba bcang sga la sogs pa grub pa'i las byas kyang
 mi 'grub pa yod de/ de bzhin du lus nyam brta ba'i phyir 'o ma sbyin yang skems pa dang/ lus nyam chung ba la sman be'u sbyar yang rta bar byed pa dang/ kha cig la sha dang kha sral phre'u la sogs pa nyam bod pa'i sman bsten kyang ro rtsa mi nus pa dang/
 kha cag la 'khru ba bcad pa'i sman byas kyang mi phan te nges pa med cing the tshom bcas pa'ang yod do/ /sngas dang rgyu med par kha cig gi dug zos kyang 'ju ba yod kha cig ni mgul ba'i nad ro hi da zhes bya bas btab ste/ zhi bar byed pa'i sman ma bste kyang rang
 zhi ba yod do/ 'on kyang grub pa'i mdza' thams cad la dus ma yin par nges par 'chi ba yod de/ de la 'bad pa chen pos gso bar byas te/ bzung na ni ji ltar yang 'chi bar mi 'gyur ro/ /de bas na tsan dan la sogs pa ni tsha ba 'joms par byed la/
 rims la ni smyur? ba dang/ nyams brtab rnams bya'o/ /zhes sngan chad du bstan bcos dag las grags shing ming du chags pa yin te/ nad gso ba'i yan lag rnam pa bzhi 'o tshogs na legs par brtags te/ sman sbyar zhing gso bar bya'o/ /de bas
 na nad kyi btab cing nyams thag gzir ba la ni the tshom dang bcas pa'i gso ba mi bya ste/ sem nyi spangs la gso'o/ /de ltar sman gyi rgyud 'di ni 'gre ba rnams kyi nad mngon sum du sel bar byed pa'i bdud rtsi yin te/ nad kyis 'jigs shing sngar ba rnams
 kyi rgud pa med pa'i bsrung ba'i skud pa yin te/ gal te sman pa blo zhan pa snod ngan pa 'dra ba snying la gnas na ni/ de ma thag dug ha la ha lar 'gyur te/ sman dpyad kyi don ma nor bar ma shes shing log par dbyad de sman dpyad kyi yi ge tsam gcod
 ston cing 'don pa dang 'chang ba de ni ring du spang bar bya ste/ ji ltar gshin rje lag na zhags pa thogs pa bzhin no/ /sman pa mkhas pa'i rgyud du byung pa'i lung la brten pa'i gso ba'i las la goms pa de lta bu la brten pa
 ni rab tu bzang ba yin te/ mkhas pa rnams kyis man ngag bzang po de lta bu la 'dod par bya'o/ /de ltar sman gyi rgyud kyi yon tan thams cad dang ni mi ldan la rgyud kyi skyon thams cad ni spangs pa yin no/ /gso ba'i dpyad kyi bstan bcos ma
 lus pa thams cad la khyab cing gnas pa yin te/ de yang drang srong chen po rnams kyi dgongs pa rgya che shing dri ma med pa rnams kyi lugs dang/ rjes su mthun pa rgya chen po ltar rgya che ba'i yan lag bsdus pa'i don 'dis nye bar mtshon
 pa yin no/ /sman dpyad yan lag brgyad pa rgya mtsho dang 'dra ba las bsrubs te/ yan lag brgyad pa bsdus pa bdud rtsi'i phung po dang 'dra ba 'di phyung ngo/ /yan lag brgyad pa bsdus pa da? las blo zhan zhing brtson pa chung ba rnams kyi don
 ched du rgyud 'di logs shig tu bshad do/ /'di ni lung chen por grags shing mchog tu grub pa yin la 'bras bu mngon sum du ston pa yin te/ ji ltar sngags kyis sbyor ba grub pa bzhin no/ /'di ni spyod pa can gyi gzhung ltar don med
 pa ni ma yin no/ /'di 'don pa dang rtogs pa dang rjes su 'grub pa de na nges par yun ring du 'tsho ba dang nad med pa dang/ chas dang/ nor dang/ bad ba dang/ grags pa yang thob par 'gyur ro/ /rgyud 'di rtog cing 'don na ni yan lag
 brgyad pa bsdus pa'i don yang rtogs par 'gyur te/ rang gi gso ba'i las la goms pa'i sman pa rnams kyang sems g.yos par 'gyur na yang mngon par brtson par byas te/ sman dpyad kyi rgyud rgya cha ba gzhan go zhing shes pa ni ngo
 mtshar kyang che ste/ gal te tsar ka dang/ su su tal sogs pas bshad pa'i sman gyi rgyud shes pas ni nad rnams kyi ming tsam yang khong du chud par mi 'gyur ro/ /ci ste tsa ra kas bshad pa'i sman dpyad kyi yi ge khong du chud kyang de ni gso bar yongs su rdzogs
 pa ma yin te/ nges par nad kyis nyams thag pa rnams gso bar mi nus so/ /legs par shes shing rig par bya ba'i sman dpyad kyi yi ge skyes bu'i tshe'i rigs byed kun gyi sngon du 'gro ba 'di la skyo ba med cing mngon par brtson pa'i mchog gis mi 'jug
 pa de ni shin tu gti mug pa yin no/ /rlung dang mkhris pa dang bad kan la til mar dang/ mar dang sbrang rtsi go rim bzhin du phan zhing zhi bar byed do/ /zhes changs pa 'am tshangs pa'i bus bshad de re ni rtsing ma brtags par sman gyi nus pa'i bye
 brag bcod? cing phye ba yin no/ /de bas na bdag gis sman dpyad kyi rang bzhin shes nas sman gyi nus pa dang khyad par zhib du brjod pa yin te des na zhe sdang dang phrag dog spang zhing gang rigs pa de blang bar 'os so/ /gal te brang srong chen po tsa ra ka dang
 sru sru ta dang gzings can la sogs pas bshad pa la dad pa zhig yod na yang bdag gis de'i lung ci zhig ma brjod de smras so/ /de bas na legs par gsungs pa'i sman gyi dpyad kyi rgyud 'di nyams su len pa'i rigs so/ /rang gi rang bzhin tshe'i
 rig byed rgya mtsho las/ /snying po bzhin du bsdus pa'i cho ga 'di bshad pas/ /dge ba gang zhig rab tu bsags pa thob gyur pa/ des ni 'gro ba ma lus bde ba thob gyur cig /ro rtsa bar byed pa'i le'u ste bzhi bcu thams pa'o// //sman
 pa'i bdag po seng ge spas pa zhes bya ba'i bu sman pa chen po pha gol zhes bya bas yan lag brgyad pa'i snying po bsdus pa las rgyud phyi ma'i gnas rdzogs te/ yan lag brgyad pa'i snying po las gnas brug pa ste tha ma rdzogs so// //
 sman dpyad yan lag brgyad pa'i snying po zhes bya ba ji snyed pa'i bshad pa rdzogs so// //ma rig dbang gis 'di dag tu/ /cung zad nongs par gang gyur te/ /gang phyir bdag
 nyid khong blun pas/ /mkhas pa rnams la bzod par gsol/ /gal te 'byung khungs bzang po'i gter/ /mngon sum snang ba 'gro la btang/ bod kyi lta btsan po slob dpon byang chub sems dpa' lha  bla
 ma dz+nyA na pra b+hA'i bkas/ tshe'i? rigs byed kyi rgya mtsho sman dpyad yan lag brgyad pa'i snying po zhes bya ba'i bshad pa 'di bsgyur cig ces bka' stsal nas bla ma'i zhabs drung du/ rgya gar gyi A
 tsA rya d+harma sh+rI bar ma dang/ zhu chen gyi lots+tsha ba i gu dge slong shAkya blo gros kyis bsgyur cing mar lo dge slong rig pa gzhon nu dang/ snyel bor dge slong dbyig gi rin chen dang gsum gyis
 tshad la phab ste mjug bsdus nas rdzogs par bgyis so// mang+gA laM/ //