<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4565: 'brel pa mdor bstan pa<br><table><tr><td>
<input type="button" onclick="location.href='tcompletep.php?id=N4565&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4565&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4565&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">*/ (/'grel pa mdor bstan pa tsAkA das mdzad//) // */ /rgya gar skad du/ saM baM d+ho d+he sha/ bod skad du/ 'brel pa mdor bstan pa/ gsung gi dbang phyug la phyag 'tshal lo/ /gang gi pha rol phyin pa
 rdzogs/ /gang gsung 'gro la ston par mdzad/ /bde bar gshegs pa bya ba byas/ /skyob pa de la phyag 'tshal lo/ /gang zhig bsam gtan gyis bsten la/ /ngag gi 'byor pa rnams skye ba/ /khyab bdag bdud bzhi'i dgra ston pa/ /'jam dpa' i
 dpal gyi rgyal byed shog /gang zhig yon tan brjod la chags/ /skyon dang ldan la chags dang bral/ /yon tan skyon dag 'byed mdzad po/ /gzu bor gnas de la phyag 'tshal/ /'brel pa sgra yi bstan bcos kyi/ /don mchog ces par gnas pa ste//
 rig pa bzhi la nyer mkho bar/ /gsal bar nye bar bstan par bya/ /gang du don gang ti sogs dang/ /ta bya sogs dang de phan nam/ /tshig sdud kyi ni bsgrub pa de/ /brjod pa de las dang por 'gyur/ /brjod pa'i don gyis
 grangs mchog tu/ /ti sogs rnams kyis 'dzin par byed/ /rtags grangs rnam par dbye rnams ni/ /krita dang de phan tshig sdud kyis/ /ming gnyis dag gam mang po rnams/ /gal te dag la tshogs pa na/ /yan lag tshogs pa la brten grangs//
 ti sogs dang ni khyad par la'o/ /rang bzhin nam ni rnam 'gyur dang/ /gang du gnyis ka'ang brjod nyid na/ /rjod par byed pas rang bzhin grangs/ /'dzin byed rnam 'gyur gyi ma yin/ /gang du khyad par khyad par can/ /lan cig don
 gcig 'gyur ba der/ /rtags la sogs rnams phal cher ni/ /khyad par can rnams khyad par la'o/ /rtags dang grangs ni tha dad na'ang/ /dpe dang dper bya nyid yin la/ /dpe dang dper bya nyid dag gi /rnam dbye gcig pa kho na'o//
 sbyar ba'ang rtogs par bya ba la'ang/ /khyod brjod pa la dbus ma'o/ /de bzhin de la phyi ma ste/ /de las gzhan du dang por gyur/ /gal te gcig gi tshe bya ba/ /dus kyi tshig rnams rtogs byed na/ /ming sogs brjod la pha rol gyi//
 skyes bu gang de byings las 'gyur/ /gang tshe don dang bral ba yis/ /khyod dang deng dag bsten byar 'gyur/ /gnyis po de dag sbyor ba la/ byings las dbus dang phyi ma min/ /'gro dang rtogs dang zas don can/ /sgra don las med rnams
 kyi gang/ /in mang la ni byed pa gang/ /in la 'di las min can/ /h+ri kri'i in med byed po gang/ /in la yang na 'di las 'gyur/ /a b+hi bA di tri sha'i 'ang/ /Ang ma ni yul la de bzhin/ /nI khA da hwI a di shapdA ya//
 kran da'i byed pa po las ma yin/ /ba hi'i kha lo ba min rgyu la'o/ /b+hak+Shi'i byings las 'tshe ba min pa la'o/ /nI dang ba ha sogs kyi gtso/ /du ha sogs kyi sgrub byed de/ /in mdza' rnams kyi las khas blangs//
 brjod bya sbyor ba po byed por/ /brjod par bya ba yod min la/ /gzhan yang las las skyes par gsungs/ /las gzhan yang dag yod pa na/ /dus sogs ma brjod na yang ngo/ /gal te gang zhig khyad par can/ /ti sogs kri ta'i sa
 brjod nyid cing/ /bya ba khyad par gyis ma brjod/ /de yang brjod par 'gyur zhes pa'o/ /brjod pa nyid ni tshig gzhan gyis/ /brjod pa nyid du ga lar 'gyur/ /la lar brjod pa ma brjod nyid/ /la lar ma brjod ma brjod 'gyur/ /zhes
 pa 'brel pa mdor bstan pa thun mong du bstan pa ste dang po'o// //pa ra smai byed pa po brjod/ /A da ma ne tshig don gsum rnams/ /byings kun pa la yaN 'di/ /dngos po las bsgrub pa las 'gyur/ /byings kun pa la
 byed pa po/ /bsgrub la rnam 'gyur thams cad rnams/ /a dya ta ni rnam dbye la/ /si tsa saNa byed po las la 'gyur/ /tsa Na aNa byed pa po la 'gyur/ /i tsa phal cher dngos las la/ /shasta nA sye satsi smon la/ /iTa itsa bzhin
 du dngos las la/ /ha ni gra hi dri shi dbyangs mdza' las/ /tshigs bcad phyed ni bye brag bshad par bya/ /a ti bad ti pa rok+Sha/ /a dya ta ni hyasta ni/ /bzhi rnams 'das pa'i dus la 'gyur/ /brta mA na da ltar la'o/ /b+ha bi Sh+ya ti
 smon pa yang/ /de las 'byung 'gyur la 'gyur ro/ /sang la shwasti ni rtag tu'o/ /de nyid gzhan du la bye brag bshad/ /cho ga sogs la bdun pa dang/ /lnga pa'o bsgo dang smon pa'ang de/ /sgra gzhan sbyor la rang gi ni/ /spyod yul rnams
 las gzhan duAng 'gyur/ /zhes pa ti sogs bstan pa ste gnyis pa'o// //dngos las lakritya rnams 'gyur/ /las dang byed por ke li ma'o/ /la lar gzhan la'ang kri tya rnams/ /kha la'i don
 dag dngos las la/ /a shita nga nya tshig b+hU las/ /dngos dang byed la kha 'gyur ro/ /byed la krinya las khyu Ta'o/ /las la Taku sa kwipa kyang blta/ /k+ta 'gro ba'i don las byung la/ /dngos las gzhi byed po la 'gyur/ /gal te las med las
 byed pa po 'am/ /gzhi dang dngos dag la k+ta 'gyur/ /dngos po gzhi dang las rnams la/ /ze ba'i don las k+ta rab grags/ /las brjod 'dod pa med pa yi/ /byings las dngos po tsam la'o/ /shA Shi shinya bas dzI Sha asa s+thA dang/ /dza na tu ha
 las pha rol/ /k+ta gsum la 'gyur de bzhin/ /bcom la'o lhag las las la bshad/ /'di yi de ma thag brjod pa/ /thams cad las kyang byed po la'o/ /dngos la mang po g+hanya sogs rnams/ /de rnams 'ga' zhig byed drug la/ /rdzas
 bzhin kita'i dngos po 'gyur/ /de nas gnyis tshig la sogs kyang/ /mang por yod la'ang las ni/ /dngos don du byas krita rnams so/ /gal te byed gcig bya ba/ /gcig min de tshe sngon dus las/ /dngos la k+ta sogs 'di la/ /bya ba
 pha rol de don tu ma/ /pu Na tri tsa la sogs thams cad rnams/ /byed pa po ni brjod par bstan/ /shan trida An dang kwan su yang/ /bya ba gzhan dang bltos bcas 'gyur/ /byings don 'brel la krita rnams ni/ /dus gzhan rjod par
 byed par 'gyur/ /snga ma phyed dang lhan cig go /zhes pa krita mdor bstan pa ste gsum pa'o// //don gang la ni ti sogs sogs/ /de rnams bsgrub par mi byed de/ /ma brjod pa der la sogs la/ /ji lta ji ltar
 gnyis pa sogs/ /las la gnyis pa rab brjod de/ /byed po byed drug la gsum pa/ /byed pa la yang de nyid 'gyur/ /bzhi pa yang dag rab sbyin las/ /'byung khungs la ni lnga pa ste/ /'brel pa tsam la drug pa ste/ /las dang byed po krita sbyor
 la/ /gnyis dag thob na byed por min/ /g+hanya sogs kyi yang na'o aka dang/ a yig la de gnyis ka la yang 'gyur/ /kritya rnams kyi 'di 'drar gnyis ka la'ang/ /ma yin byed po 'ba' zhig la yang na'o/ /niSh+Tha uta mdza' mi zad u ka
 i na?/ /shan tri An kwan su 'byung 'gyur gyi/ /in wu Na der tshul ki dang bu lon la/ /Ni ni rnams sbyor ba las de ma yin/ /dngos la k+ta'i byed por yang na ste/ /shan trida gis brjod dwiSha'i las la yang/ /krinya'i 'bad la krita dang
 kun bshad la'o/ /h+rita gyi'ang rdzas su byed la de bzhin no/ /dran da 'tshe don dag gi de bzhin te/ /tshim pa'i don gyi byed la'ang yang na'o/ /gzhi la 'jug bzhin pa'i k+ta'i/ /byed pa po dang las dag las de'o/ /gzhi la bdun par
 shes par bya/ /k+ta in rang bzhin gyi las la/ /bya gang bya ba'i rtags la'ang/ /de las mi gus la drug pa'ang/ /nges par dgar ba la de bzhin/ /las rab brjod dang e na la/ /gnyis pa'o sa ma ya sogs dang/ /u pa ri sogs
 a b+hyasta/ u b+ha ya sogs twas mdza' yis/ /gtso 'dra yongs su brje ba la/ /pra ti sa sbyor ba las lnga pa/ /a d+his jo bo la bdun pa/ /u pas lhag pa las kyang ngo/ /pri thag nA na sbyor ba la/ /gsum pa dang ni lnga pa yang/ /sto ka sogs sems
 can ma ni las byed/ /bu lon rgyu las yon tan las yang na'o/ /gang gi don du cung zad nyid gyur pa/ /yang dag rab sbyin pa las bzhi par 'gyur/ /gang la khro ba de las dang/ /na mas la sogs pa la 'di/ /'gro don rnams kyi las la lam//
 min par g.yo ba la rnams bshad/ /ma n+ya ti'i 'ang na ba sogs/ /min la mi gus rtogs bya na'o/ /ri te sbyor la lnga pa dang/ /gnyis pa yang ste 'di gnyis so/ /bi na sbyor las de dang ni/ /gsum pa'ang khyad par du
 'gyur ro/ /mtshan nyid rgyu dang lhan cig gi /don sbyor ba las gsum pa'o/ /he tus drug pa'o rgyu don rnams/ /sarba nA mi las thams cad/ /las la sogs rnams brjod 'dod pas/ /rab tu sbyor bas brtag par bya/ /zhes pa kA ra ka mdor
 bstan pa ste bzhi pa'o/ //gang du gnyis pa sogs ming dang/ /pha rol tshig gis sdud pa de/ /de'i skyes bu zhes bshad gang/ /pha rol de phal cher pha rol/ /khyad par can dang khyad par ni/ /gal te de gnyis don
 gcig pa/ /de ni las 'dzin byed pa der/ /phal cher sngon ma khyad par ro/ /gang zhig de phan don dang ni/ kun sdud pa'am phyi tshig la/ gang du grangs dang bgrang bya'i tshig/ bsdus pa pa dang gnyis par 'gyur// //gnyis dag de yi
 skyes bu de/ /des na de brten bya ba'o/ /gang du gcig min gzhan don na/ /de ni 'bru mang por brjod bya/ /gal te g.yul la mthun gzugs la/ /phyogs rnams ming dag phyogs bral ba 'ang/ /ming dang ming rnams sdud pa la/ /gzhan
 dang gzhan ni sbyor ba dang/ /kun sdud pa la dang don dag /sdud par byed na zlas dbyer 'gyur/ /des dbyangs rab nyung phal cher sngon/ /gnyis kyis gang zhig mchod pa yang/ /gang du rnam dbye sogs la ni/ /grangs med de mi zad
 'gyur brjod/ /rA dza min dang mi min las pha rol/ /sa b+hA drug pa'i de yi skyes bu can/ /ma ning a shA la brjod bya ba'am/ /mang po sngon ma can tshA yA/ /se nA su rA shA lA dang/ /ni shA tshA ya 'di yang na'o/ /u pa kra ma u pa dz+nya/ /dang bo
 gsal byed rtag tu'o/ /rA tra a han skyes par shes bya ste/ /a ha 'ang pu N+ya su di na min las/ /grangs med las pha rol pa thA ma ni/ /ku las pi las yang na zhes par bstan/ /zhes pa bsdu ba mdor bstan pa ste lnga pa'o// //'brel
 pa byed drug tshogs pa dang/ /dngos po rigs dang gzhan la yang/ /de phan grags pa rnam bshad de/ /sdud pa'i mdza' dang grangs med pa'ang/ /zhes pa de phan mdor bstan pa ste drug pa'o// //'brel ba mdor bstan pa zhes bya ba//
 kA yas+tha tsA kA dA sa lis mdzad pa rdzogs so// //stag sde pa seng ge rgyal mtshan gyi sras kyi thu bo/ /skad gnyis smra ba rnams kyi mchog /shong ston rdo rje rgyal mtshan gyis legs par bshad pa'i srol la brten nas legs par sbyar ba
 brda sprod pa'i tshul cung zad rig pa dpal ldan blo gros brtan pas/ /dge ba'i bshes gnyen tog shing dpon po dang/ /bde ba chos kyi bzang po la sogs pas mthun rkyen bsgrub pa la brten nas bsgyur cing zhus te gtan la phab pa'o// //
 'dis 'gro ba dpag tu med pa la phan par gyur cig/ //'dir 'bad dge bas 'gro ba kun/ /gnyis med gsung pas bstan pa yi/ /brjod med de nyid rab rtogs nas/ /ngag gi dbang phyug nyid gyur cig/ //