བོད་ཡིག

e-texts based on the ACIP/ALL Input

grol brtan pas paN+Di ta la ma bltos par rang nyid kyis bsgyur cing zhus te gtan la phab pa'o// 'dis 'gro ba dpag tu med pa la phan par gyur cig/ //*/ /rgya gar skad du/ kArya ka ra Na b+ha ba sid+d+hi/ bod skad du/ rgyu dang 'bras bu'i ngo bo grub pa zhes bya ba/ 'jam dpal gzhon nur gyur pa la phyag 'tshal lo/ /mngon sum dang ni mi dmigs pa'i/ /dbye ba gsung gyi yang dag 'grub pa// rgyu dang 'bras bu'i bdag nyid ni/ /kha cig rnam pa lta yis smra/ /zhes bya ba smos te/ mngon sum dang mi dmigS pa dag gis grub pa ni rgyu dang 'bras bu'o zhes bya bar rigs so/ /de la sbyi la mngon du zhugs pa me dmigs pa'i grogs dang ldan pa yul gnyis pa rim pas byung ba'i mngon sum gnyis sam/ yang na gnyi ga'i spyi 'dzin pa mngon sum gyi grogs dang ldan pa rim pas byung ba'i mi dmigs pa gnyis zhes bya ste/ dbye ba rnam pa gsum gyis grub pa yin no zhes kha cig zer ro/ /yang gzhan dag ni de gsum dang tha ma gnyis kyi grogs dang ldan pa nyid de dbye ba rnam pa lnga'i rim pas nges pa yin no zhes smra ste/ dang po gsum yod du zin kyang rtogs par byed pa po'i blo the chen nye bar skye bas tha ma gnyis yod na rjes su 'gro ba dang ldog pa'i mtshan nyid la sogs pa dang/ rgyu dang 'bras bu'i ngo bo grub par 'gyur ro/ /de la mngon sum gyis ni rjes su 'gro ba rtogs la/ gnyis kyi ni ldog ba shes bya ste/ lhas nges par grub pa yin no/ /de dag las gcig las gcig gis ma nges na the tshom spang ba dka' o zhes bsams pa yin no/ /'di dbyad par bya ste/ gal te snga ma'i dmigs pa las/ gzhan dang 'brel pa la sogs ba/ /gcod pa med na de ci zhig /gcod na phyi mas ci zhig bya/ zhes bya ba smros te/ mi dmigs pa gnyis po gang yin pas ldog pa bsgrub par bya ba'i phyir mi dmigs pa 'di nyid don du gnyer ba yin na de la yang rgyul? mngon par 'dod pa med na 'bras bu gnyis mngon par 'dod pa yod pa gnod pa 'dis bsgrub par bya ba 'di yang rnam ba gsum ste/ yul de nyid na gnas pa'am yul gzhan nas 'ongs pa'am/ tshogs pas dben pa can de dag la sogs ba las byung ba'o de lta bu'i bye brag gi gnod pa dang bral ba'i rgyu mtshon ma yin na 'di la ci zhig bltos na/ ldog pa la 'di dgos pa ma yin gyi/ 'on kyang rjes su 'gro ba 'dzin pa'i mngon sum la grogs byed pa nye bar bstan pa yin no zhes zer na/ 'di yod pas na 'di byung ba/ /mngon sum gyis rtogs min nam ci/ /zhes bya ba smos te/ yod na yod pa las gzhan gyi rjes su 'gro ba ni med do/ /de yang mngon sum gyis grub ste/ 'dir mi dmigs pa'i grogs kyis ci zhig bya/ 'di ltar rjes su 'gro ba ci 'dra ba de 'dra gnye bar thob par yang 'gyur ba ma yin nam/ mngon sum tsam gyis yod pa ma yin pa'i phyir ro/ /snga na med pa gzung ba khyad par can gyi mngon sum gyis de 'dzin te mi 'dod par thal ba med de/ /de ltar dbye ba gsum las tha dad pa'i dngos po bzlog pa'i ngo bo snga na med ba mi dmigs pas grub bam/ med ba ce ma yin/ phyogs dang po yin na 'di ltar 'gyur te/ 'di yod pas na 'di 'byung pa yin te/ gzhan las 'byung ba med pa'i phyir/ ldog pa de nyid kho na ste/ don mi gnas gzhan las ni/ /skye ba min gzhan las 'ongs pa min/ /gang zhig yod las 'bras 'byung ba/ /gal te des min 'ga' las min/ /zhes bya ba smos te/ de yang mi dmigs pa mngon du? mong pa'i mngon sum gyi grub ste/ phyi ma gnyis kyi cung zad kyang ma yin no/ /de yang rgyu med na 'bras bu med na gnas pa 'am/ gzhan las skyes pa'am/ gzhan gyis 'bad pas gzhan nas 'ongs pa bkag pa nyid kyi mi ldog pa bsgrub pa yin no/ /phyi ma gnyis kyis ni ma yin te/ de dag gis bya ba ma grub na brgya yang med pa'i phyir ro/ /de yang dang po nyid kyis gcig bus grub zin pas gzhan dogs pa med do/ /gal te yang dang po'i mi dmigs pas med pa tsam rtogs so snyam du soms na/ dngos po med tsam rtogs na yang/ /snga ma dogs pa yod ma yin/ /'di'i bya ba ste snga mas na/ 'di la lhag mas ci zhig bya/ /zhes bya ba smos te/ re zhig med pa tsam rtogs na gang zhig gang gi rjes su 'gro/ /'di med pa zhes bya bas kyang rjes su 'gro ba rtogs na ji ltar 'dod pas nye bar thob pas shin tu thal bar 'gyur bas dogs pa yongs ? chad ba nyid do/ /'di'i bya ba las snga ma'i dngos po med pa 'di rtogs na gsum pos de nyid rtog pas lhag mas ci zhig bya/ gang gi phyir tha ma gnyis kyis mtshang? ba med pa thob pa ma yin no/ / rjes su 'gro ba 'khrul pa yi/ /ldog pa khong du chud ce na/ /mngon sum tsam gyi bya ba la'ang/ /'di la ci yi phyir mi brjod ces smos te/ gang snga mngon du gnyer ba ni rjes su 'gro ba dang ldog ba dag re re 'khrul pa nyid kyis lhan cig rgyu dang 'bras bur bstan pa yin no/ /de bas na re res de'i ngo bo ma yin pa yang yod ba la gnod pa med nyid de bdag cag mtshungs pa yin no/ /de'i phyir tha ma nyid yod na dang po mi dgos la/ dang po yod na tha ma dag dgos pa med do zhes bya bar grub bo/ /ma grub ste gang gi phyir dang po nyid kyis de'i bya ba las sngar de nyid med do zhes rtogs pas kyang bya ba de nyid kyi ngo bo la rab tu sbyor bos med do zhes nges par gzung ba ma yin te/ phyi mas yang nges par gzung ba yin no zhes bya ba ni mi rigs te/ dang po'i yang dogs pa med pa de nyid gnas pa'i phyir ro/ /de tsam med pa las med par/ / gyi mas rnam par nges yin na/ /rigs pa de nyid mtshungs pa'i phyir/ /snga mas kyang ni cis mi 'dod/ /ces bya ba smos te/ /bya ba de nyid/ las snga ma ? med pa zhes bya ba yang gang gi phyir de med pa tsam gyis med par bstan pa yin de ji skad bstan pa'i dbye ba gsum yod pas gsal bar 'phaD pa'i phyir/ /de lta bas na nges ma nges na phyis nas kyang mi 'gyur/ /de la snga ma gnyis po med pa tsam du gnas pa yin gyis gcig ni ma yin pa'i dges? pa'i ro mthong bas phyi ma la yang su zhig yid rton no/ /de la rag ma las pas de med par yang 'byung bar thal bar 'gyur bas gnyid bas med pa nyis 'brel ba med par mtshungs pa yin no/ /gzhan yang me dang rnga mo yod pa'i de ma thag tu byung ba'i du ba yang bong bu med pas sngar nyams su myong do zhes brjod mod kyi/ gnyi ga log bas log pa 'am phyi mas kyang ngo zhes bya ba ni dad gzhan brgyud pa'i thabs rjes su 'brang ba yin pas sngar bzhag pa nyams pa yin na/ /de ltar gnas na gsum ma yin gyi?/ gnyis ni yin no/ zhes zer na phyi ma yang don med pa yin no zhes bya ba de tsam zhig ston gyis de gnyis sam gsum zhes bya bas ci zhig bya/ gnyis kyi dgos pa yod de gzhan med pas kyang nges par mi rung ngo zhes zer na de lta mod kyi rgyu 'ba' zhig med bas mi dmigs pa yin na de'i tshe snga ma nyid kyi nus pa yin no zhes ci'i phyir mi 'dod/ /ma yin no zhe na/ thams cad du dogs pa med pa'i phyir zhes bstan zin to/ /gzhan du na mngon sum na yang gsum yin gyi/ /de gnyis ni ma yin no zhes smra bar nus pa'i phyir ro/ /gzhan yang sngar smra ba dang gzhung mtshungs pa nyid du bye brag med pa'i phyir ro/ /snga ma'i mi dmigs pa gcig tu 'dod mod kyi/ de la me dang bong bu gnyis log pa yod pa dang/ de ma thag tu du ba mi dmigs pas ldog pas da ltar yang rnam pa gnyis yin no/ /ngang po med snang rim pas dmigs/ /rgyu dang 'bras bur gnas par shes/ /yang na mthong rim mi dmigs pas/ /gzhan du thug pa med par 'gyur/ zhes bya ba smos te/ the tshom de dang de gsal ba'i phyir phyi ma dang snga ma snga ma dmigs pa dang mi dmigs par tshol par thal bar 'gyur ro/ /de la ji ltar 'dod par gsum pa la sogs par gzhan gyis shig /mngon sum dbus su bzhag pa'i mi dmigs pa dag gang du yang mi dgos te/ gzhan dgos pa yod pas gnyis ka la yid brtan du med pa'i phyir ro/ /de nyid dpyad na yang gcig nyid kyi 'grub ste/ de bas na mngon sum dang mi dmigs pa dag gis rjes su 'gro ba dang ldog ba ngas te rgyu dang 'bras bu ji lta ba bzhin du gnas so de gnyis don tha dad pa'i ngo bo de rang bzhin gcig pa'i phyir ro/ /de gnyis kyang rtogs pa'i rim pa des pa med pas rnam la gnyis ka yang 'grub pa'i phyir ro/ /de lta mod kyi ldog pa bstan par de ltar rnam par bzhag pa yin te/ /de'i phyir de 'dzin pa'i mi dmigs pas rjes su 'gro ba'i yul can/ mngon sum bzlog par rigs pa yin no/ /ma yin te med na mi 'gyur ba'i mtshan ma nyid kyi gzhal bya bstan pa nyid du bzhag pa yin gyi mang pos ni ma yin te tshad ma ltar snang ba rnams la yang mthong ba yod pa'i phyir ro/ /snang ba mi dmigs pa gcig nyid kyis de med pa shin tu med par bsgrubs pa ni legs pa yin te/ lhag par bcad pa 'dis ci zhig bya ba/ de'i tshe du ba'i dri ma tsam yang mi srid do/ /du ma la sogs pa las gang log /phas du ba la log par gyur to zhes nges par bya ba ma yin nam zhes zer na/ de nyid kyi phyir rjes su 'gro ba 'dzin pa'i mngon sum la bltos pa yin no/ /gzhan med pa'i sbyor ba nyid kyi med pa nyid la gus par mi bya'o/ /de bzhin du rjes su 'gro ba gzung ba sngon du 'gro ba nges pa la yang du ma srid pa dag las gang zhig yod pa'i sbyor bas 'di yod zhes shes par 'dod pa las mi dmigs pa las gang zhig med pa'i sbyor bas 'di med pa yin na re zhig de yod pa'i sbyor bas sngar yang 'di yod pas yin no/ /zhes bya bar grub pa de la yang re re nas bzhag pa dad/ bsal ba de lta bus rtogs par nus so/ /de bzhin du yang yod pas snga ma dang phyi ma dag gis ldog pa bsgrub par nus so/ /du ma bsal ba la sogs pa yang gnyis pos kyang mi nus so zhes bya bar gnas so/ /lnga po rnam par bzhag pa 'di yang ma khyab pa yin te/ thal ba dang me dang bum pa dang/ rdza mkhan la sogs pa rnams la phyi ma med pa'i phyir dang chu'i rgyun 'gags pa la sogs pa la yang snga ma med kyang grub pa'i phyir te/ 'di ltar chu lon gyis 'gags na chu'i rgyun 'gags pa dmigs te de yod pas de med par mthong bas de dag rgyu dang 'bras bu'i ngo bor nges pas snga ma la bltos pa ma yin ba nyid do/ /de bzhin du gzhan la yang gsum la bltos pa nyid du rig par bya'o/ /'di ltar sngar ma mthong pa'i me ma yin pa nye ba na du ba mthong bas me la bltos pa gzhan nyid kyang bskyed do zhes ci'i phyir mi rtag de lta na yang mi rgyu nyid yin te/ bud shing bzhin no/ /de lta yin gzhan yang gang 'dod pa'i bod bu la sogs pa rgyu nyid yin na de'i phyir de yang du ba las rjes su dpag par thal bar 'gyur ro zhes zer na/ de ci me rgyu nyid du nges pa de bzhin du bong bu yang yin nam/ /'on te mngon sum dang mi dmigs pa dag ? yang 'jug ba'i phyir ro zhe na/ gnyi ga la yang mi rigs pa'i phyir dang/ /gzhan de dag dgag pa'i phyir gsum pa la brten pa ma yin gyi/ 'on kyang me bsgrubs na de yang grub pa yin te/ bzhan dgag pa med pa la gnod pa med pa nyid do/ /rjes su dpag pa yang ma yin te/ rgyu nyid du ma nges pa nyid kyi phyir ro/ /me la bltos pa las nam yang bong bus byas pa yin no zhes pa'i the tshom ni ma yin te/ /nges pa dang 'gal te de ni the tshom gyi ngo bo yin pa'i phyir ro/ /de 'gag pa yang de nyid la dpyad pas min gyi gzhan gyis ni ma yin pas de ltar glags tshol gyi gnas ma yin no/ /de bzhin du me rgyu yin zhes nges par gzung ba mi rigs pa'i phyir bkag pa nyid du gnas pa ma yin nam/ me nyid rgyu ma yin te/ gzhan rgyu yin ba ma bkag pa'i phyir dang/ bud nyid yang don dam par rgyu yin pa'i phyir ro/ /rgyu nyid kyang ma yin te// du ba mi rtsom pa yang srid pa'i phyir zhe na/ /brtsad par mi rigs te/ rnam par bcad pa gsum gyi bye brag ni 'grub pa'i phyir te/ /'di ltar tshogs la bltos nas gzhan dang ldan/ /rnam gcod rdzas la bltos pa yi/ /mthun pas ma 'brel rnam par gcod/ /las las shin tu rnams gcod 'grub/ /ces bya ba smos te/ gang gi tshe me'i sgra nges nye bar mtshon pa'i tshogs pa bsdus pa brjod pa de'i tshe de nyid kho na gzhan dang ldan pa rnam par gcod pa yin no/ /gang gi tshe yang mi'i rdzas nyid yin pa de'i tshe yang rgyu nyid ces bya ste/ gang gi tshe mthun pa yin pa de'i tshe rgyu yin te/ de ni ma 'brel pa rnam par gcod pa yin no/ //don bya ba byed pa nyid yin de'i tshe yang ma 'brel pa rnam par gcod pa yin no/ /de yang 'di ltar bya ba'i bye brag rnam pa gsum pa 'di nyid mngon sum dang mi dmigs pa nus pa yin no/ /skabs 'dir bram ze ardza ta'i zhal sde nas bshad pa nyid rigs pa yin no/ /rje btsun rnam 'grel mdzad pa nyid kyis kyang/ /rdza mkhan gyis ni bum pa dang// me yi thal ba byed pa yin tshon sogs kyis ni rma la sogs/ /gsungs pa'i dgongs ba de nyid yin/ /'bras bu nyid du khyad par med pa'i phyir yang ji ltar du ba bzhin du thal bar gyur pa las kyang mi ci'i? phyir rjes su mi dpag ma yin te/ /yul dang dus la sogs pa la bltos par 'dod pa'i phyir ro/ /'di ltar/ /'bras buAng kha cig skye ba ni/ /tsam zhig rgyu la bltos pa yin/ gzhan dag rgyun ni gnas pa dang/ /de dag bltos par dus rig bya/ zhes bya ba smos te/ de la bum pa dang thal ba la sogs pa skye ba kho na gzhan la bltos pa yin no/ /de nyid kyi phyir don gzhan la bltos nas rgyun chad pa las 'das pa'i phyir 'dus? byas kyi rgyu yod pa nyid kyi da ltar byung ba ni ma yin te/ /'jug pa la sogs pa/ /gcig pa ma yin pa'i phyir ro/ /phyogs gzhan la ni du ba snang ba la sogs pa gnas skabs kyi khyad par la bltos pa yin gyi rgyun 'gags pa gzhan la bltos pa ni ma yin no/ /rgyu ma tshang na rgyun 'gags pa'i phyir gzhan la bltos pa med pa las da ltar ba nyid yin no zhes bya ba la nyes pa med do/ /de lta bu la yang bltos nas yang rje btsun chos mchog gis phyi ma gnyis la brten pa'i 'bad ma 'bras bu dang bcas pa yin no/ /sngar nyes pa de'i tshe yang phyi ma'i cha la ni brten pa ma yin no/ /mngon sum sngon du song ba'i mi dmigs pas yin gyi/ gzhan la bltos pa med pa'i phyir dang po nyi kho na mchog ces bya'o/ /tshigs su bcad pa bcu gcig gis bsdus nas mngon sum dang mi dmigs pa rnam pa gsum sngon du 'gro bas rgyu dang 'bras bu'i ngo bo grub pa zhes bya ba/ mkhas pa chen po dznyA na sh+rI mi tra'i zhal snga nas kyis mdzad pa rdzogs so// brgya gar gyi mkhan po paN+Di ta ku mA kla shu dang/ lo tsA ba dge slong shAkya 'od gyis bsgyur/ /slad kyi bal yul gyi paN+Di ta a nan+ta sh+rI dang/ lo tsA ba de nyid kyi gtugs shing gtan la phab bo// //sarba mang+ga laM/