བོད་ཡིག

e-texts based on the ACIP/ALL Input

bal yul gyi paN+Di ta shAn+ti b+ha dwa'i zhal snga nas dang/ bod kyi lo tsA ba 'bro dge slong shAkya 'od kyis bskyur ba'o/ /slad nas paN+Di ta chen pa de nyid dang/ klog skya shes rab brtsegs kyis gtan la phab pa// //rgya gar skad du/ an+ta ra bya ba te/ bod skad du/ nang gi khyab pa 'phags pa 'jam dpa gzhon nur gyur pa la phyag 'tshal lo/ /'dir yod pa don bya ba byed pa yin te/ las gzhan yod pa'i mtshan nyid du mi rigs pa'i phyir ro/ /de yang rim dang cig car dag gis khyab ba yin te/ de dag phan tshun rnam par gcod pa'i mtshan nyid yin pa nyid kyis na rnam pa gzhan mi srid pa'i phyir ro/ /skad cig ma ma yin pa la rim pa dang cig car gyi don byed pa med do/ /dus snga phyir 'gyur ba med pa'i rang bzhin gcig pa ni byed pa po nyid dang byed pa po ma yin pa nyid 'gal ba'i chos gnyis mi rigs pa yin no/ /de la de zhig rim gyis ma yin te/ dmis? pa dang bcas pa re re dus snga phyi la byed pa po dang byed pa po ma min pa nyid du thal bar 'gyur ba'i phyir ro/ /de lta bas na thams cad du rim pa med pa'i phyir bya ba thams cad la cig car 'ba' zhig tu da ltar bar gnas pa yin te/ de la dus snga phyir byed pa po nyid dang byed pa po nyid ma yin par shin tu 'gal bar thal bar 'gyur ro/ /byed pa po nyid dang byed pa po nyid ma yin pa 'gal ba chos can gcig la mi srid pa'i phyir ro/ /ngo bo gcig la yang dus de srid kyi bar du skad cig ma yin pa'i phyir 'di la rim dang cig car 'brel pa med par 'grub po/ /de ltar na skad cig ma yin pa la khyab par byed pa mi dmigs pa yod pa nyid bkag pas skad cig ma nyid du gnas pa'i phyir skad cig ma nyid kyis khyab pa yin te/ de la des khyab bar chos can gang la grub pa der skad cig nyid du grub par byed do/ /da ni 'di dpyad par bya ste/ dpe'i chos can nam bsgrub par bya ba'i chos can gang las 'dir khyab pa 'dzin zhes na kha cig ni dpe'i chos can las du ba bzhin no zhes zer ro/ /gzhan du na sgrub par byed pa don med pa'i phyir dang/ khyab pa grub pas chos gnyis grub pa med na mi 'byung ba'i phyir gang gi phyir tshang bar du me dang du ba'i khyab pa grub pa na me grub ban? yang me grub pa'i phyir rtag tu du ba las skyes pa'i rjes su dpag pa tshol bar mi byed do/ /mi 'dra bar bkod pa yin te 'di ltar/ de la chos gnyis mthong ba yis/ /dpe la khyab pa 'dzin pa yin gtan tshigs tsam ni mthong ba yis/ /phyogs la khyab pa 'dzin pa yin/ /de yang thams cad nyer bsdus pa/ /spyi nyid la ni dmigs pa ste/ /de ni chos can la 'jug pas/ /rjes su dpag pas rtogs pa yin/ /mngon sum gyi mthong ba dag gis me dang du ba rgyu dang 'bras bu'i ngo bor grub med gnyis kyis khyab pa 'grub ste/ mngon sum gyis me dang ldan par grub ni rjes su dpag pa 'bras bu med pa yin no/ /khyab pa grub pa'i snga rol tu tshad ma gzhan gyi chos can la skad cig ma nyid du grub pa ma yin te/ 'dir sgrub par byed pa'i chos 'di kho na 'ba' zhig mthong bas bzlog na gnod pa can gyi stobs kyis de la skad cig ma gnyis kyis khyab par rtogs so/ /de la gang gis na sgrub par byed pa de don med pa yin/ don med pa nyid yin te/ skad cig ma nyid kyis khyab pa yod pa de bzhin du chos can la rtogs na skad cig pa nyid du yang rtogs so zhes zer na/ ma yin te/ thams cad bsdus pa dang ldan pa'i khyab pa ni sgrub par bya ba 'grub pa'i yan lag yin la/ de bas na 'di ni chos can gyi khyad par la bltos pa med par sgrub par byed pa'i chos tsam dmigs pa ste/ gang na du ba yod pa de na me yod do zhes bya ba bzhin no/ /yang na gang tshang pang? gi du ba yod pa de na me yod do zhes bya ba ni ma yin no/ /de bzhin du 'dir yang gang yod pa de ni skad cig ma yin no zhes bya bas khyab ba rtogs na sgrub par byed pa'i chos kyang chos can la yod pa'i nang du mi 'dun bsgrub par bya ba'i chos lta ci smos/ de lta bas na yod pa'i spyi sgrub par byed pa'i chos phyogs kyi chos nyid khyab pa so sor rtogs nas de gnyis kyis nus pas bsgrub par bya ba'i chos can la 'jug ba'i phyir gang gis na rjes su dpag pa 'bras bu med pa yin/ /gal te de lta bu'i khyab pa rtogs na chos can la mchog tu 'dzin pa med pas khyab pa 'dzin na de la mthong ba'i yod pa'i khyab pa gang du rtogs te /dper na tshang bar du? mthong bas me dang du ba'i khyab pa gzung bas dpo'i? chos can la khyab pa gzung ba ma yin no zhes zer na ma yin te/ khyab par 'dzin tshang bang la mchog tu 'dzin pa med do zhes bstan to/ /khyab pa dang phyogs kyi chos gnyis so sor rtogs bas kyang gang la phyogs kyi chos nyid rtogs pa de nyid la bsgrub par bya ba khyab par rtogs pa'i phyir shugs kyis bsgrub par bya ba rtogs pa ma yin nam/ ji ltar bsgrub par byed pa don med pa ma yin/ 'on kyang phyogs kyi chos nyid rtogs pas bsgrub par bya ba rtogs pa ma yin te bsgrub par bya ba'i chos la ma reg pa'i phyir ro/ /khyab pa rtogs pa nyid kyang bsgrub par bya ba grub pa ni ma yin te/ spyi la dmigs pa nyid kyi chos can gyis khyad par gyis chos dag yongs su mi gcod pa'i phyir ro/ /gzhan du na khyad par gyi chos dag gis khyab par thal bar 'gyur ba'i phyir ro/ /de lta bas na khyab pa'i yul 'dis shugs kyis gtan tshigs bstan to/ /gal te gtan tshigs kyi tshul gsum yongs su bcad pa'i shugs kyis bsgrub par bya ba rtogs pa 'byung de zhes zer na/ de lta na khyod kyi yang gtan tshigs don med pa yin te/ rang gi ngo bo nges pas bsgrub par bya ba nges pa bskyed pa'i phrir ro/ /de tsam las rtags kyi bya ba 'ga' yang med do/ /gzhan yang/ phyogs kyi chos nyid gzung ba las/ /'brel pa yi ni dran pa yis/ /rjes su dpag pa byed 'dod na/ /de bzhin khyab pa kyang 'dod kyis/ /phyi'i khyab pa smra ba la yang khyab pa brjod pas rjes su dpag pas 'jug pa med do/ /de la gang gi phyogs kyi chos nyid rtags pas de la sgrub pa'i bya ba'i chos kyis khyab pa dran pa'i phyir ci'i phyir rjes su dpag pa thams cad don med pa ma yin/ bsgrub par bya ba'i chos can la mchog tu mi 'dzin pas khyab pa dran pa'i phyir ro zhes zer na/ bsgrub par bya ba'i chos can la mthong ba nyid kyis khyab pa dran pa'i phyir ji ltar bsgrub par bya ba'i chos can la mchog tu mi 'dzin pa yin/ khyab pa spyi la dmigs pa yin pa'i phyir bsgrub par bya'i chos can yongs su mi gcod do zhis zer na/ de la mthong bas ma yin nam/ ji ltar nges yongs su mi gcod des yongs su gcod na yang thun mong ma yin pa'i phyir ji ltar khyab/ ma 'brel pa rnam par gcod pa'i khyad par yin pa'i phyir thun mong ma yin pa ma yin no zhes zer na/ de ltar na yang bsgrub par bya ba'i chos can la mchog tu mi 'dzin/ gang dang gang ni ri'i du ba yod pa de dang de na me yod de/ dper na tshang bang bzhin no zhes bya ba lta bu'o/ /spyi la 'dzin pa'i khyab pa long na chos can gyis khyad par la mchog tu 'dzin pa'i yan lag ma yin phyir zhes zer na/ 'di ni rigs ste bsgrub pa'i chos can dang ma 'brel pa rnam par gcod pa dang/ sgrub par byed pa'i chos kyi ngo bo gzhan nyid phyogs kyi chos nyid du bcad pa yin gyi/ de la khyab pa'i yan lag ma yin te/ de med pas kyang spyi la dmigs la dmigs pa yongs su gcod pa grub pa'i phyir ro/ /gzhan du na dpe'i chos can la khyab pa 'dzin pa'i gtam du ji ltar 'gyur te de'i tshe phyogs kyi chos nyid mi 'dzin pa'i phyir ro/ /phyogs kyi chos nyid 'dzin na yang de nyid kyi tshe bsgrub par bya ba yang shugs kyis grub pa'i phyir rjes su dpag pa thams cad don med par thal bar 'gyur ro/ /dus phyis byung ba'i rtags can gyis shes pa yang dran pa nyid yin gyi tshad ma ni ma yin no/ /de bas na khyab pa'i yan lag ma yin pa'i phyir phyogs kyi chos nyid khyad par 'dzin pa'i nang du 'dra bar mi 'gyur ba'i phyir tha dad par 'dzin pa dang/ dran pa'i phyogs kyi chos nyid dang khyab pa dag gis shugs kyis rjes su dpag par bya ba'i shes pa 'byung ngo/ /de lta bas na sgrub par byed pa rnams don med par 'dod par mi bya ste/ rjes su dpag pa 'bras bu bcas pa'i phyir ro/ / de bzhin du tha dad par 'dzin pa dang/ dran pa'i phyogs kyis chos nyid dang/ dran pa'i shugs kyis rjes su dpag pa 'byung pa nang gi khyab pa la yang ci'i phyir 'dod/ /yang de 'dod na sgrub par byed pa ji ltar don med ba yin/ /tshul gsum rtogs pa'i shugs kyis rjes su dpag par bya ba rtogs zhe na/ de skyed pa'i nus pa nyid las shugs zhes bshad do/ /tshul gsum rtogs pa'i nang du bsgrub par bya ba rtogs pa 'du ba ma yin no zhes bya bar thams cad mtshungs so/ /mtshungs pa ma yin te/ nang gi khyab pa la/ khyab pa rtogs pa nyid kyis phyogs kyi chos nyid rtog par yin te/ phyogs kyi chos nyid ma rtogs na khyab pa yang mi rtogs pa'i phyir ro/ /de bas na nang gi khyab pa la khyab ba nang du 'gro ba'i bsgrub par byed pa'i tshig la phyogs kyi chos don med pa yin gyi spyi'i khyab ba ni de lta ma yin te/ phyi rol nyid kyi khyab pa 'dzin pa'i phyir ro zhe na/ 'dir smras pa/ rim pa gang yang rung bas 'dir/ / sgrub byed rab tu sbyor gyur na/ phyogs kyi chos nyid shes pa yis/ /phyis ni khyab pa rtogs par 'gyur/ /khyod phyogs bzhin du dpe la ni/ /de las de gzhan ji lta bu/ /gnyis mthong nas ni shes she na/ /khyab sngon gnyis mthong ji ltar yin/ /khyab pa dang phyogs kyi chos rig pa gang yang rung bas rab tu sbyor ba yis rang gi tshigs dag gis bstan gyis/ /mngon du rtogs pa ni ma yin te tshig gi bdag nyid ni tshad ma yin pa'i phyir ro/ /rang nyid dus pa med na yang/ /gtan tshigs kyis ni nus pa ston zhes gsungs pa yin no/ /de dag brjod pas kyang dang po yod pa'i gtan tshigs la phyogs kyi chos kyi yul can nyid kyi tshad ma mngon du 'gyur ba yin te/ tshad ma nges chos can la phor? ba grub na phyis khyab pa chad? ma gzhan gyis 'dzin to/ zhes gang gis na don med pa yin/ khyod kyi phyogs la yang/ dpe'i chos can la dang po gtan tshigs 'dzin cing phyis ni khyab pa'o zhes bya ba'i rim pa 'di yin no/ /gzhan du dpe'i chos can las khyab pa 'dzin to/ /zhes bya ba der mi 'gyur te/ /dpe'i chos can ma mthong gtan tshigs kyis khyab pa 'dzin pa'i phyir ro/ /gal te de ltar na khyab pa 'dzin pa'i rten chos can 'dzin na/ bsgrub par bya ba'i chos gang 'dzin pa nyid de/ me dang du ba bzhin no zhes zer na ma yin te/ de la mthong ba'i gtan tshigs mi mthun ba'i phyogs la gnod pa can zhugs pa tsam nyid kyis khyab pa grub pa'i phyir ro/ /de bas na yang khyab pa 'dzin pa'i sngon du skad cig ma nyid du nam yang grub pa med de /de rjes su dpag par bya ba'i phyir dang/ khyab pa ma grub na rjes su dpag par mi 'grub pa'i phyir dang/ sgrub par byed ba gzhan yang de'i rjes su mi 'brang ba'i phyir dang/ /rjes su 'brang na yang thug pa med par thal bar 'gyur ba'i phyir dang/ thug pa yod na yang de tsam gyis rtsol ba don med pa'i phyir dang/ bzlog na gnod pa can gyi stobs nyid kyis khyab pa la gnod pa med pa'i phyir ro/ me dang du ba ma mthong bar yang rgyu dang 'bras bu'i ngo bo grub bar par med do/ /de grub pas bzlog na gnod pa can 'jug pa gnyis mthong ba la bltos pa me dang du ba'i khyad pa grub po/ yod pa dang skad cig ma gnyis ni de ltar ma yin te/ ji skad du bstan pa'i rigS par grub pa'i phyir ro/ /de pas? na yod pa tsam chos can ni de la grub pas khyab pa'i stobs kyis grub par 'dod par bya'o/ /de bzhin du nang gi khyab pa la yang yin no/ /khyab pa dang phyogs kyi chos de la yang/ rang rang gi tshad mas yongs su gcod par byed pa'i bsgrub par byed pa'i dag gis des pa 'ba' zhig bstan par bya ba yin no/ /dag gcig gis gnyi ga bstan par mi nus pas/ /gang gis na dag gzhan don med pa yin/ gcig nyid kyis ni gang phyir chos/ rims bzhin tshul gsum nges pa yis/ /brjod pas rjes dpag med pa'i phyir/ /de cis rjes dpag don med yin/ /zhes bya ba ni bsdu ba'i tshigs su bcang pa'o/ /gzhan yang/ /gnod pas bsgrub bya grub zhe na /gtan tshigs gzhan gzung don med yin/ /gnod pas de ma grub ce na/ /chos gzhan gzung ba don med yin/ /gal te chos can la khyab pa grub pa nyid kyis bsgrub par bya ba nang du 'du bar gyur na/ rnyed pa thob pa ma yin nam/ khyab pa bsgrub par byed pa nyid kyis tshad ma las bsgrub bya grub pa'i phyir dang/ yod pa'i gtan tshigs kyi rten gyi 'bad pa sel ba'i phyir ro/ /gang gi phyir rtags kyi rjes su 'brang ba zhes bya ba zhen pa ni ma yin no/ /'on te khyab pa sgrub par byed pa las bsgrub bya ma grub na/ de'i tshe nang gi khyab pa'i gtan tshigs don med pa ma yin pas skabs ma yin pa las ldang ba nyid kyi shin tu sdug bsngal ba mang po la ci'i phyir 'jug/ khyed kyi bsgrub bar bya ba gnyis yin te/ dpe'i chos can la 'jug pa dang/ bsgrub par bya ba'i chos la 'jug ste/ rim pa ji lta ba bzhin du khyad pa dang/ /phyogs kyi chos nyid dag grub pa'i phyir ro/ /yang khyod la so sor nges pa'i chos can la rtsod pa de las phyi rol du gyur pa'i yang chos can la khyab pa 'dzin pa na de'i tshe don med bar 'gyur ro/ /gang gi tshe yang dngos po tsam la rtsod pa de'i tshe/ dngos po thams cad la gtan tshigs 'jug pa ni khyod par bdag gis kyang bsgrub par bya ba'i phyir chos can 'ga' zhig la gtan tshigs 'jug pa bsgrub par byed pa dag la don med par ji ltar 'gyur te zhig ji ltar phyi'i khyab pa yin zhe na/ rtsod ba'i? gzhir gyur ba nyid las gzhan gang yang rung ba la khyab pa sgrub par byed pa'i phyir sgrub par byed pa'i chos can de tsam gyis mtshan nyid ma yin pa'i phyir gnod pa can gyi tshad ma 'jug pas nang du chud pa'i yang chos can yang phyi rol tu byed do zhes zer na/ de de nyid yin par ji ltar 'gyur/ gnod pa can zhugs pa nyid kyi chos can de la bsgrub par bya ba sgrub par byed pa'i phyir dang/ bsgrub par bya ba'i rang gi ngo bo rtogsna bsgrub par bya ba'i chos can gyi mtshan nyid las 'das pa'i phyir ro zhe na/ de ni rigs ma yin te/ gnod pa can tsam gyis bsgrub par bya ba ma grub zhes bya ba phyogs 'di la gzhan yongs su 'dzin pa don med do/ /zhes brjod pa'i phyir ro/ /gnod pa can gyi bsgrub bya grub bo zhes bya ba'i phyogs 'di la yang bsgrub par byed ba don med do zhes bstan zin to/ /de lta bas na gnod pa can tsam gyis bsgrub bya grub na 'ga' la the tsom mi ldog par mi 'gyur ro/ /the tshom log na phyi rol tu byed pa'ang ma yin dad/ bsgrub par bya ba'i chos can las kyang phyi rol du byas pa ma yin pas de la khyab pa nang gi khyab nyid de/ da ni phyi'i khyab pa brjod pa tsam yang med de/ de bas na phyi'i khyab pa 'di'i phyogs su ji ltar 'gyur/ /gal te yang so sor nges pa'i chos can la rtsod pa dang/ de las phyi rol tu gyur pa'i chos can la khyab pa 'dzin par 'gyur na/ da la yang chos gzhan yongs su 'dzin na don med pa'i nyes pa bsal ba'i dka' ste/ gnod pa can tsam gyis bsgrub bya grub na gtan tshigs gzhan don med pa kho na'o/ /gzhan yang/ yod pa'i gtan tshigs khyad par gyis/ /phyi yi khyab pa? mi srid do/ /chos can yod pa mi srid na/ rtsod? pa 'jug par mi 'gyur ro /de la grub pas khyab pa yang/ / 'dzin na bsgrub bya'i chos can la/ /khyab pa 'dzin par cis mi 'gyur/ /yang na dpe la 'gyur ma yin/ /chos can 'ga' zhig la mthong ba'i gtan tshigs kyi khyab pa rtogs pa de la de'i khyab pa 'dzin par bstan to/ /bsgrub par bya ba'i chos can la yang khyab pa mthong ste/ gzhan du log par rtog pa mi rigs pa' phyir ji ltar phyi'i khyab pa yin/ de ltar na yang sgrub par byed pa don med pas phyi rol nyid kyi khyab pa gzung bar bya'o zhe na/ de bas na de ltar gyi khyod kyi 'dod pa'i ngor chos can la gtan tshigs ma mthong par ji ltar 'gyur/ yang na mthong ba la khyad par med na yang/ phyi rol nyid kyis khyab pa gzung bar rnam par gzhag gnyi ga la mthong bar khyab ba 'dzin pa yang phyi rol gyi khyab pa'i cha yod do zhe na/ ci'i phyir khyab? pa tsam 'bad pas srung/ gtan tshigs don med par ma gyur cig ces smon te/ gnod pa can zhugs pa tsam gyis khyab pa 'dzin pa'i gzhi chos can la bsgrub bya sgrub pa'i phyir nang gi khyab pa la sgrub par byed pa don med ba ma yin nam zhe na/ /de ni nang dang phyi'i khyab pa la yang mtshungs pa ma yin no/ /de bas na phyi'i khyab pa 'dzin pa ni yod pa'i gtan tshigs kyi khyad par la zhen pa tsam mo/ /dpe la bltos pa'i sgrub par byed pa'i sbyor pa ni rmongs pa'i blo can 'ba' zhig kho na dga' ba skyed pa yin no/ /de dag rjes su gzung ba'i don du slob dpon gyis/ /gang yod pa de ni skad cig ma yin te/ bum pa bzhin no zhes dpe nye bar bstan to/ /blo g.yeng bag can ni yang dpe'i sbyor ba la bltos pa ma yin no/ /de phyir dpe la chags rnams la/ /bum pa'i dpe ni bstan pa mdzad// /de mi dgos la don med yin/ /nang gi khyab pa blo ldan la'o/ /zhes bya ba ni bar skabs kyi tshigs su bcad pa'o/ /da ni ji ltar rjes su dpag par bya ba la yod pa nyid dang/ / mthung pa'i phyogs nyid la yod pa dang/ mi mthun pa'i phyogs la med pa nyid du des zhes bya ba ji ltar rtogs par bya zhe na/ bsgrub bya'i chos ldan? mi ldan las/ /mthun phyogs mi mthun phyogs su 'dod/ /de la gtan tshigs yod med ni/ /gang yin de ru gzung bar bya/ /sgrub par bya ba'i chos dang ldan pa thams cad ni phyir mthun pa'i phyogs yin la de dang mi mthun pa ni mi ldan pa'i phyogs yin no/ /mthun pa'i phyogs de nyid la yod pa dang/ mi mthun pa'i phyogs la med pa nyid de/ rim pa ji lta ba bzhin du rjes su 'gro ba dang ldog pa dag yin no/ /de dag kyang gang yang rung ba'i chos can der gzung bar bya ste/ gang du gzung bar nus par ro/ /gang 'dir yod pa skad cig ma ma yin pa thams cad las log pa gnod pa can gyi tshad ma'i stobs grub na gang yod pa de ni skad cig ma nyid yin no/ /zhes bya ba'i phyogs su 'gro ba bsgrub pa'i chos can la gzung ba yin te/ de la mthong pa'i gtan tshigs kyi khyab pa gzung ba'i phyir dang/ chos gzhan mi srid pa'i phyir dang/ srid na yang de'i rjes su 'brang ba'i don yod pa'i phyir ro/ /gal te de ltar na thun mong ma yin pa'i ma nges pa yin par ji skad smra/ thun mong ma yin gtan tshigs kyi/ /nyes pa rmongs la bltos pa yin/ /khyab pa mi 'dzin phyir bstan bya'o/ /thams cad bsdus lam yin na/ /'di skad bstan te/ slos rmongs pa dag gzhan nyid la zhugs pa de'i mngon ba'i nga rgyal la bltos nas/ mnyan par bya ba yin pa'i phyir zhes bya ba thun mong ma yin pa'i 'am nges pa yin par bstan to/ /dpe med pa'i phyir dang/ bsgrub par bya ba'i chos can la khyab pa mi 'dod pa'i phyir dang/ khyab pa ma gzung na gnyi ga the tsom za bas ma nges pa'i phyir ro/ /yang na mnyan par bya ba nyid kyi thun mong ma yin pa nyid du rmongs pa'i mngon pa'i nga rgyal gyis bstan pa yin te/ gang gi phyir chos can la sgra'i gsal ba nyid mthong ba nyid rtsod pa'i gzhi yin pa'i phyir ro/ /gzhan du na chos can ma grub par thal bar 'gyur ro/ /mthong ba dang ma mthong ba'i sgra'i gsal ba gnyis mnyam pa'i gtan tshigs yin te/ du ba'i spyi yin no/ de bas na thams cad bsdus pa dang ldan pa khyab pa srid pa'i phyir yang pa la sogs pa bzhin du mnyan par bya ba nyid sgrub par byed pa skyon med par bshad do/ /'dir rim dang cig car mi dmigs pa nyid gnod pa can gyi chad ma yin la/ mnyan pa'i shes pa bsgyad? par byed pa nyid ni mnyan par bya ba nyid do/ /de lta bas na rmongs pa bltos na mnyan par bya ba nyid thun mong ma yin pa'i phyir dang/ thun mong ma yin pa la yang thams cad nye bar bsdus pa mi rigs pa'i phyir dang/ bsgrub par bya ba'i chos can khyab pa rtogs pas bsgrub bya rtogs pa'i phyir sgrub par byed pa don med pa nyid du 'gyur ro/ /'bras bu med par ma gyur cig ces smon pas khyab pa mi 'dzin no/ /de ma bzung na gnyis ga la the tshom za bas ma nges pa nyid du 'gyur ro/ /thams cad nye bar bsdus pas khyab pa bzung na ji skad bstan pa'i rigs pas bsgrub par byed par 'bras bu yod pa'i phyir yod pa la sogs pa'i sgrub par byed pa'i skyon med par rig par bya'o/ /de ltar na rnam pa gnyis kyi thun mong ma yin pa'i ma nges pa bstan to/ /phyi rol khyab par smra pa la yang sgrub par byed pa de nyid yin no/ /gal te mi rmongs pa'i bsal ba la bltos nas mnan par bya ba nyid kyi gtan tshigs skyon med pa yin te/ yod pa la sogs pa bzhin no/ /nges pa dang ldan pa'i sgra rnams la brtson na sgra gzhan dpe yin no/ /sgra thams cad la yang log par rtog pa yin na/ dpe med pa'i phyir de la dpe gang zhig bzhag par bya/ gnod pa can gyi tshad ma zhugs pas ji ltar thun mong ma yin pa'i ma nges pa yin/ nang gi khyab pa slob dpon chen po mkhas pa rin chen 'byung gnas zhi ba'i zhal snga nas mjid? pa rdzogs so// //rgya gar gyi mkhan po ku mA ra ka la sha dang/ dge slong shAkya 'od kyi bsgyur ba'o// //