བོད་ཡིག

e-texts based on the ACIP/ALL Input

bsgyur ba/ /bsel ba grub ba sha ba? shanda/ /*/ /rgya gar skad du/ a lo ha sid+d+hI/ bod skad du sel ba grub pa/ /thams cad mkhyen pa la phyag 'tshal lo/ /kun mkhyen 'khrul bral dus gsum gnas pa yi/ /don rnams ji gzhin gzigs pa la btud de/ /brtse la gnas nas sel ba la brten pa'i/ /bdag gzhan rab tu smra ba'i 'khrul bsal byas/ /sel ba/ gzhan gcod don la ni/ /sgrub pa med pa las byung ba'i/ /shes pa'i bya ba de rnams gnyis/ /de dag la ni brjod pa yin/ /sgrub pa dang rnam par gcod pa dag gis don la shes pa bya ba gnyis dang ldan pa yin pa'i phyir/ sgrub pa'i bdag nyid kyi byed pa med na zla ba gnyis la sogs pa'i shes pa bzhin du don la rnam par rtog pa rnams 'bras bu med pa nyid ni ma yin te/ rnam par gcod pas 'jug pa'i phyir ro/ /rnam par gcod pa nyid ni gzhan sel ba yin no/ /de la/ sgrub pa myong nyid rnam gcod ni/ tha dad dngos po la rnam par shes pa'i bsgrub pa'i bya ba ni don myong ba nyid bya ba yin la/ rnam par gcod pa ni rang bzhin gzhan du gyur pa dang 'dres pa tha dad pa'o/ /'di ltar de ni rang rgyud las/ byung yang sgro btags pa las ni/ /gzhan du gyur pa bsal bya yin/ /don rnams rang gi rgyu las tha dad par bsgrub pa yin yang dngul la sogs pa'i shes pas nya phyis la sogs pa dag la bzhin du sgro btags kyi rang bzhin gzhan sgro btags pas tha dad pa med par byas pa dag rnam par gcod par byed pa'i shes pas tha mi dad pa sel bar byed do/ /ji ltar shes pa 'khrul pa'i dbang gi de lta bu'i ngo bo gyur pas rnam pa de lta bu ma yin pa'i don yang de ltar 'gyur zhing/ gang gis sgro btags bar don rnams tha dad par 'gyur zhe na/ don nyid de ltar gyur par ni mi smra ste/ sgro btags pa nyid med par thal ba'i phyir ro/ /'on kyang/ don la shes ba'i byed yod pa/ de la cung zad byed pa ma/ /shes pa bzhin du der yang ni/ /rtogs pa'i 'bras bu la bltos yin/ /don la rtogs pa 'jug pa na/ /phyi rol gyi don la ni cung zad byas ba med pa nyid de/ de la 'ga' zhig yid las rang bzhin gyis khyad par grub pa med pa'i phyir ro/ /gal te shes pas don rtogs par byed pa'i phyir ji ltar cung zad kyang mi byed pa nyid ce na/ ma yin te/ rtogs pa zhes bya bas ni ba nyid kyi ci zhig ltar gyur ba brjod pa yin gyi don gyi ngo bor gyur ba'i khyad par ni/ 'ga' yang ma yin pa'i phyir/ /rtogs par byas pas don la 'ga' zhig byas pa ni ma yin no/ /don rig pas don yul du byed zhe na/ yul du byed pa zhes bya ba rang bzhin gyi khyad par sgrub pa ni ma yin no/ /ci ltar mi sgrub/ /gang gi phyir gsal bar byed do zhe na/ gal te de lta na gzhan rtogs pa'i don du gzhan gyi dbang po la sogs pa'i byed pa la mi bltos par 'gyur te/ dper na byas pa yang gzhan gyis mi byed pa bzhin no/ /don gyis bdag nyid thams cad la thun mong yin pa'i phyir gsal? ba'i bdag nyid kyang tha dad pa med par thal ba'i phyir ro/ /'o na ji ltar don la 'jug ce na/ de la brten nas rtogs pa po la 'bras bu grub pa'i phyir ro/ /de'i phyir ci ltar rtogs pa po de ni khong du chud pa don la bya ba 'jug pa yin pa de bzhin du rnam pa gzhan du 'gyur ba yang yin no/ /'di ltar de yi ngo bo ma spangs par/ /ngo bo gzhan rig byed pa de/ /rnam gzhan 'bras can don rnams ni/ /rnam pa gzhan du rig phyir ro// nya phyis la dngul du shes pas nya phyis kyi rang bzhin gyi yul yongs su spangs nas gam tu dngul rtogs par byed pa ma yin gyi/ 'on kyang nya phyis kyi rang gi ngo bo'i yul non pas nya phyis kyi rnam par rjes su zhugs pa bzhin du rtogs so/ /de'i phyir nya phyis 'di la dngul nyid du rtogs par byed do zhes brjod do/ /de bzhin du 'di rtogs par byed pa na rtogs pa po la gzhan rnam pa gzhan gyi ngo bor byed ba'i phyir de la 'dis tha mi dad ba'i 'bras bu yin no/ /de lta ma yin na nya phyis kyi rang gi ngo bo mngon sum yin yang mi snang bar mi 'thad do/ /de'i rnam pa 'dres pa tha dad ba med pas na shes pa po la gzhan du gyur par byas las ni rang gi ngo bo so sor mi snang bar 'thad pa yin no/ /gal te don gzhan gyi ngo bor rtogs par byed gyi rnam pa gzhan du byed pa ni ma yin pa ma yin nam zhe na/ lha rnams dga' ba rang gis smras pa yang nges par mi zin pa ni khyad du bsad par bya ba nyid de/ tha dad pa med par phyed pa ni gzhan du rtogs bar byed pa la khas blang ba'i phyir ro/ /de'i phyir nges rtogs pa po la don tha mi dad par byas so zhes brjod kyi/ dngos po la ni ma yin no/ /'di'i de tha dad par byed pa'i 'bras bu ni de nyid la yid gnyis dngos po la ni ma yin gzhan du rtogs pa nyid kyis don bsre bar byed pa'i rang bzhin yin pa'i phyir ro/ /de bzhin de ni de nyid la/ /gsal ba rnam dpyod bro 'bras yin/ de ji ltar shes pa'i don gyi khyad par du byed pa'i rtogs par byed pa ni 'jal bar byed pa po la yin gyi don la ni ma yin la/ /sgro 'dogs kyi 'bras bu gzhan rtogs pas tha dad pa med par byas pa yang de nyid la yin pa de bzhin du rnam par gcod pa'i blo'i dogs pa de las gzhan du gyur pa nyid bsal ba yang 'jal bar byed pa po nyid la yin no/ /shes pa lta bur sgrub ba'i 'bras bu dang/ rnam par gcod pa'i gzhan las tha dad pa de yang rtogs pa po la yin no/ /rang bzhin gzhan du rtogs par bya ba'i dngos po de'i rang bzhin dang tha mi dad par 'gyur ba nyid dbang po'i de nyid du rtogs pa zlog pas de las ldog pa gang yin pa de/ gal te bzlog nas rang gi ngo bo rtogs pa da lta na yang zlog pa yang rtogs pa yin pa'i phyir/ gnyis po 'di bya ba yin te/ sgrub pa dang rtogs par khyad par med pa'i phyir ro/ /tha dad par byed pa nyid ni rnam par gcod pa'i byed pa thun mong ma yin pa yin no/ /nges na gal te rtogs par grub pa yang ldog pa'i sgo nyid nas 'jug pas khyad par can du gyur ba yin no zhes kyang bstan par bya'o/ /de'i phyir tha mi dad pa sel ba nyid don la rnam par gcod pa'i blo'i dgos pa'i gtso bo yin no/ /de'i phyir gcig na 'ang tha dad phyir/ /don rigs pa las nyams pas na/ /blo don tha dang gcig la ni/ /'khrul pa tha dad srid phyir ro/ /gang gi phyir don gyi mthar thug pa'i shes pa'i byed pa sgrub pa dang/ rnam par gcod pa gnyis yin pa de'i phyir don rig pa'i bdag nyid can sgrub pa'i byed nyams pa na/ sngon po la sogs ba'i shes pa dag rnam par gcod pa'i don nyid kyis don la 'jug pa yin gyi/ ngo bo rtogs par bya ba'i don ni ma yin no/ /yang ji ltar na don rig pa med ce na/ de yod na shes pa de don ci lta ba de lta ba nyid du thal bar 'gyur ba'i phyir ro/ /'di ltar gang zhig gang rig par byed pa de/ gal te de'i rang bzhin ma yin par rig par byed na ni de rig par byed pa ma yin pa nyid du 'gyur te/ dung ser po la sogs pa bzhin no/ /rnam par rtog pa'i shes pa ni don tha dad med na yang tha dad ba'i rnam pas 'jug ste/ ba lang dkar po ring mo thung du zhes bya ba lta bu'o/ /de bzhin du ba lang ba lang zhes khra bo la sogs pa la blo tha mi dad na yang/ de thun mong ma yin pa nyid kyis tha dad pa'i phyir ro/ /de'i phyir don la tha dad pa dang 'dris pa dag tu rtogs par byed pas de'i rtogs pa'i byed pa bsal bar gyur par 'di ci srid du byed pa gzhan dang ldan pa bsal bar ma gyur gyi bar du da run yang dngul sogs pa'i shes pa bzhin du zla ba gnyis la sogs pa'i nang du gzhug par mi bya'o/ /dngul gyi blo ni nya phyis rtogs pa'i byed pa dang bral yang/ nya phyis nya phyis ma yin pa las tha dad pa la byed pa yod pa ma yin no/ /des na de'i ngo bo ma reg par don la sgro 'dogs pa'i rang bzhin can 'di 'khrul ba kho na yin pa de bzhin du sngon po la sogs pa'i shes pa ni de lta ma yin te/ rnam par gcod pa 'jug pa grub pa'i phyir te/ de ni 'di'i shes pa dang rjes su mthun pa'i phyir ro/ /de bzhin du cha med pa nyid kyi don gyi rang bzhin tha dad pa med pa'i bdag nyid yin na yang/ de thun mong ma yin pa'i phyir dang/ gang dang gang las de thun mong ma yin pa de dag kyang mang ba'i phyir de la 'khrul pa tha dad pa mang po skye bar 'thad pa yin te/ de ni bzlog pa sgro 'dogs pa'i bdag nyid can yin pa'i phyir dang/ de dag kyang mang po nyid yin pa'i phyir ro/ /yang dag pa'i shes pa ni cha med pa la rnam pa du mar snang bar mi 'gyur gyi phyin ci log nam yin no/ /de'i phyir 'khrul ba sel ba nyid kyis don tha dad pa can ni gcig la ste/ tha mi dad par 'gyur ro/ /'khrul pa tha dad pa dag ni shes pa tha dad pa kho nas bzlog pa'i phyir ro/ /de'i phyir don tha mi dad na yid shes pa tha dad pa thun mong ma yin pa'i 'bras bu can rnams rnam par gcod pa'i don can nyid kyis phyin ci log pa yin yang 'jug par 'gal lam/ phyin ci ma log pa de yang gang yin zhe na/ dper na sgrub pa don ci lta ba de ltar shes pa de bzhin du rnam par gcod pa yang don ji lta ba kho nar bzlog par byed pa yin te/ dngul la sogs pa'i shes pa ltar log pa ni ma yin no/ /de bzhin du rang gi mtshan nyid rnams tha dad pa la 'khrul ba tha dad ni khyad par te/ skabs kyi tha dad pa la bltos pa nyid do/ /de yang gal te tha dad pa de dag la tha mi dad par 'gyur ba yin no/ /de'i phyir na bdag nyid tha dad pa'i khra bo la sogs pa so sor re zhing ba lang ma yin pa'i sgro 'dogs dang 'brel ba dag la de bzlog pa'i phyir ba lang gi shes pa gcig 'jug pa srid pa yin no/ /de dag la yang dag pa'i shes pa rang bzhin gcig par mi 'gyur gyi 'phrul ba dang/ de bzlog pa'i 'bras bu can rnam par gcod ba'i shes pa ni ma yin no/ /de'i phyir de med na rtogs pa dang 'dra ba ni rnam par gcod pa nyid kyi ni don rnams la rnam par rtog pa'i byed ba yin no/ /gang gis tha dad pa'i sgro 'dogs pa dag tha dad pa la rnam par gcod pa tha dad par 'gyur ba brjod du med pa'i rang bzhin can gyi rang bzhin la/ bdag nyid gang gis ? /'dra ba ci zhig yod/ don tha mi dad pa la ni mi rtag pa dang byas pa la sogs ba'i chos yod pa ma yin na de ji ltar 'di rtag pa 'am ma byas pa las dbye bar 'gyur zhe na/ khyed kyi yang dag par ma rtogs te/ /de tha mi dad kyang byas pa nyid la sogs pa tha dad par mi 'gyur gyi/ med pa nyid du ni ma yin no/ /zhes bshad par bya'o/ /de'i phyir de las de'i ngo bo tha dad pa med pa can ji ltar mi dbye bar 'gyur/ gal te 'di ni sngon po ma yin pa ma yin no zhes rnam par bcad par bya ba la brten pa'i dgag pa'i don gcod par byed pa'i shes pa nyid rnam par gcod par byed pa brjod pa ma yin nam/ sngon po'i zhes bya ba ni ma yin te/ des na rnam par gcod pa sgrub pa las gzhan pa'i shes pa'i bya ba yin yang dgag pa'i don gcod par ma rtogs pa'i shes pa ni rnam par gcod pa'i yul can ma yin no zhe na/ 'di ni gtan du grags pa yin te/ 'di ltar/ dgag don sgrub ba ma yin gyi/ bkag nas khyad par byed min te/ khyad par la ni rten phyir yang/ 'di la 'di ni sngon po ma yin pa yang ma yin no zhes sngon po ma yin pa la brten pa'i dgag pa'i don gyis ni rnam par gcod pa'i rten du gyur ba 'di ni sngon ba'o? zhes rtogs par 'gyur ba gcod par nus pa ma yin te/ dgag pa'i don ni dgag par bya ba med pa tsam yin pa'i phyir ro/ /de'i phyir sngon po ma yin pa ma yin no zhes bya bas sngon po ma yin pa med do zhes bya ba de tsam zhig rtogs pa na zlog pa nas 'di zhes bya bar rtogs rtogs pa dang de 'brel par khong du chud par nus pa ni ma yin no/ /gang gis de khyad par du byed par 'gyur/ ji ltar mi 'gyur zhe na/ sgrub pa ma yin pa'i phyir ro/ /de ma yin no/ zhes rtogs kyi gzhan cung zad cig yin no zhes ni ma yin pa'i phyir gang zhig khyad par du byed pa yin/ bgag pa'i don sgrub pa ni dgag pa ma yin gyi/ 'on kyang dgag bya med bar rtogs pa tsam yin no/ /de'i phyir sngon po ma yin pa bkag pa na dgag pa'i don 'di'o zhes rtogs par rung ba rtog pa nyid khyad par nyid du bzod pa ni med de/ de ma yin no zhes bya ba de tsam zhig rtogs pa'i phyir ro/ /sgrub na ni dgag pa rtogs par 'gyur ba'i phyir ro/ / dper na dngos po med pa byed pa la/ de byas pas gzhan la ci 'gyur zhes brgal zhing brtags pas dngos po med par mi 'grub pa de bzhin du/ shes pa las gzhan bsgrubs pas dgag pa rtogs pa di na mi 'gyur ro/ /de med do zhes rtags par bya ba la sgrub pa khong du chud pa med ba'i phyir ro/ /'dir sngon po la 'di ni sngon po ma yin ? zhes ? bo ma yin pas khyad par can du snang ba ma yin te mdun na snang ba la sngon po ma yin no zhes bya bar rtags pa'i phyir ro/ /dgag ba'i don yang sngon po ma yin pa la brten pa yin no/ /khyad par la brten pa'i chos kyis ni khyad par can rtog par byed pa ma yin te/ 'di ni ba khra mo can no zhes rtogs pa na lhas byin la yon tan khra bo nyid yin no/ /ji ltar de la yon tan de dang ldan pa'i rdzas gcod pa de bzhin du/ 'di la dgag pa'i don gyis nye bar bsgyur ba'i sngon po ma yin pa gcod par ni khong du chung par mi bya ste/ de'i bdag nyid sngon po ma yin pa dgag par bya ba yin pa'i phyir ro/ /de la rten pa'i dgag pa de yang sngon po'i khyad par du 'gyur ba ni ma yin no/ /de'i phyir rnam par bcad par bya ba la brten pa'i dgag pa'i don gcod pa'i shes pa ni rnam par gcod pa byed pa ma yin no/ /'o na 'dir rnam par gcod pa rtogs pa kyi ltar yin zhe na brjod pa/ dgag bya tha dad med gnod byed/ /sgro 'dogs kyis ni dben pa 'dir/ /rnam gcod gzhan du ji ltar yin/ /sngon po yod do zhes bya ba'i sgrub pa dang dgag pa dag las gzhan pa 'di ni sngon po ma yin pa ma yin no zhes bya ba ni rnam par gcod pa'i byed pa yin no/ /de la rtoD ba tsam ni sgrub pa'i byed pa yin la de med par rtogs pa tsam ni dgag pa yin no/ /de'i phyir 'di zhes sngon po rtogs pa tsam ni sgrub pa 'ba' zhig tu 'gyur la sngon po ma yin pa ma yin no zhes bya ba ni dgag pa 'ba' zhig tu 'gyur ro/ /sngon po ma yin pa bkag pas kyang sngon po la byed pa dang ldan pa'i shes pa sngon po'i yul can du gyur pa ni rnam par gcod pa'i yul can yin no/ / de'i phyir sngon po ma yin pa la brten pa'i dgag pa'i don nye bar sgrub par byed pa la ni sngon po la ni de'i 'di mi 'thad do/ /des na sngon po ma yin pa la brten pa'i dgag pa'i don rtogs pa ni/ sngon po la 'di ni sngon po ma yin no zhes bya bar tha dad ba med pa gang yin pa de/ de'i shes pa log pa bsal ba de nyid kyis 'di'i sngon po'i mthar thug pa dang/ sngon po ma yin pa rnam par gcod pa yin gyi/ de bkag pas ni sngon po la rnam par rtogs par bya ba cung zad gyang yod par 'gyur ba ma yin no/ /rnam cad la brten dngos med pa/ rtog pa 'am yang na 'gal ba las/ /'khrul sems rnam gcod de med pa'i/ /shes pa la yang khyad par med// sngon po 'di ni sngon po ma yin no zhes rnam par gcod pa'i shes pa ni sgro 'dogs kyis shes pa ni zlog pa nyid bya ba yin pa'i phyir 'di ni dngul ma yin zhes bya ba ltar de'i yul rtogs pa las kyang der 'gyur ba yin no/ /de la dngul med par rtogs na de las dngul gyi shes pa ldog par 'gyur ro/ /gal te de la dngul med par shes pa rnam par gcod pa yin 'gyur ro zhe na/ gal te med pa la bzhi grub na ni 'gyur ro/ /de la ni dngul yin pa yang dngul ma yin no zhes dgags pa'i don yin no/ /de ltar na nya phyis rtogs par ci ltar 'gyur te/ des na 'di ci ltar nya phyis kyi yul can yin/ 'dis ni dngul gyis dben pa dang/ dngul ldog par shes pa la sogs pa la yang bstan pa yin no/ /chos gzhan sgrub na ni dngul la bltos nas cung zad kyang ma rtogs par 'gyur la/ de ldog pa tsam gyi rang bzhin nyid yin na yang nya phyis sgrub ba med pa'i phyir ro/ /de sgro 'dogs kyis shes pa ldog pa nyid bya ba yin la/ de ni dngul bkag pa'i don rtogs pa'am/ nges pa dang sgro 'dogs dag 'gal ba las kyang 'gyur ba yin no/ /dngul med par ma rtogs kyang nya phyis shes na dngul tu shes pa med par 'gyur ba'i phyir nya phyis shes pa ni 'di dngul ma yin no zhes bya ba 'di las rnam par gcod par byed pa byed ba nyid du khyad par yod pa ma yin no/ /gal te de sel ba ni 'khrul ba yod pa la bltos pa ma yin nam/ de med par ni ma yin no zhe na/ de ni me de/ sgro 'dogs gnas la de bltos min/ sgro 'dogs pa yod pa la bltos te/ sgro 'dogs par byed ba zlog pa nyid ni gzhan rnam par gcod par byed pa ma yin te/ thug pa med par thal ba 'gyur ba'i phyir ro/ /rnam par rtog pa'i sgro 'dogs nyid rnam par rtoD pas bzlog par bya ba yin gyi/ rnam par rtog pa med pa zla ba gnyis la sogs pa ni ma yin no/ /rang gi rgyu'i dbang gis bzlog pa rtogs kyang mi zlog pa'i phyir ro/ /de yang rnam par rtog pa nyid kyis rnam par gcod pa'i yul can yin pa'i phyir de yan sgro 'doD gzhan la bltos pad na thug pa med pa'i phyir ro/ /'o na ji zlog par byed pa nyid yin zhe na/ gzhan gyi don rtogs nus pa dag/ ji ltar gnas bzhin byung gyur ba/ /de ltar gzhan du rig pa spongs/ /shes pa skad cig ma dag ni shes pa gzhan gyis bzlog par mi 'thad do/ /de nyid kyi phyir 'gal ba'i don mngon sum rtogs pa med pa gzhan gyis bzlogs bar byed pa ma yin te 'gal me 'khor ba med pas 'khrul ba ldog cing/ rang gi ngo bo ji lta ba bzhin mngon du byed pa'i shes pa skyes pa na des 'khor lor 'khrul ba med pa bsal ba'i phyir te/ gcig rang gi rgyu med pas log pa na rgyu gzhan gyis dbang gis gzhan skyes pa'i phyir phan tshun bzlog ba ma yin pa'i phyir ro/ /rnam par rtog pa ni de lta ma yin te/ 'gal ba'i rnam par rtag pa skyas pa na yang rnam par rtog pa gzhan 'byung ba srid pa'i phyir ro/ /de lta ma yin na ni 'di dngul ma yin no zhes bya bar mi 'gyur ro/ /de'i phyir nya phyis kyi rnam par rtog pa'i sngon rol gzhin du de ltar yang dngul gyi shes pa yod pa yin te/ de ltar yin na dgag pa med par 'gyur ba'i phyir ro/ /dngul du shes pa'i yul rnam par dpyod par nus pa nya phyis kyis shes pa dngul gyi rnam pa snang bar ma rtogs shing/ rang gi yul rnam par rtog pa las dngul du shes pa'i spong bar byed de/ de las bzlog ba'i rang gi yul bden par des na/ de bden par mngon par zhen par mi srid ba'i phyir ro/ /dngul la mi bden par nges pa dgag bya'i yul nye bar 'jog pa nyid kyis de yod pa yin yang nye bar brtag pa'i don dang yid kyi rgyal srid la sogs pa ltar rtogs bzhin pa mi/ bden pa'i ngo bo nyid du 'gyur pa yin no/ /de nyid kyi phyir sgro 'dogs ba'i dus su de las bzlog pa'i dngos po mi bden par shes pas na nya phyis kyis shes pas phyir shes pa ni rnam pa ci ltar dngul rtogs pa de lta bur 'gyur ro/ /de'i phyir 'gal ba'i shes pa brtan par 'gyur na gzhan dag 'bad pas mngon sum du grub kyis gzhan par 'jug pa gang yin pa 'di nyid de dag gis gnod par byed pa nyid yin no/ /de nyid kyi phyir snang ba'i rtsa ba can nyid kyis bstan par rtogs par khas blangs na sgro 'dogs yod na des pa med la/ nges pa yod na sgro 'dogs med do zhes brjod pa yid do/ /des na rtogs pa phal pa la rtag pa'i shes pa spangs par mi nus kyang/ skad cig ma nyid rjes su dpog pa'i dus su tshad ma can yin par shes pa ni bzlog par brjod pa can yin no/ /slar skye ba'i chos can yin yang de'i dus su med pa yin no/ /de lta na 'on ni zla ba gnyis su sgro 'dogs pa rnam par rtog pa med pa la yang/ rgyu'i skyon rtogs pa'i rtsa ba can gyis shes pa zlog par byed pa yin par 'gyur ro zhe na ma yin te/ shes pa de'i rtsa ba can de lta bu'i rnam par rtoD pas byas pa tha mi dad pa'i zlog par byed pa nyid de/ de ldog na yongs su bcad pa'i rang bzhin gcig tu sbyor bar byed pa dbang po'i bslad pa yod kyang sbyor bar byed pa ma yin pa nyid do/ /de'i phyir dbang po'i shes pa yang rnam par rtog pa can du gyur ba rnam par rtogs pas bzlog par bya ba yin la/ rnam par rtog pa can du gyur pa'i dbang po shes pa gsal bar snang pas kyang rnam par rtog pa bzlog pa yin pa'i phyir mngon sum ni sgro 'dogs sel ba'i byed pa can ma yin no/ /de bzhin du rtag pa'i shes pa rjes su 'jug pa rgyun ma chad kyang/ de'i dus na bden pa nyid du mngon par zhen pa med pa yin no/ /tha dad sgrub pas don la ni/ byed bcas grub pa 'di rtogs pa ni rnam phye'i don gyi mthar thug phyir/ /ldog pa'i yul can yin par brjod/ /de'i phyir de ltar tha dad pa'i 'bras bu can du grub pa'i shes pa dag kyang sgro 'doD rnam par gcod pa nyid kyis tha dad par byed pa yin pa'i phyir dang/ de'i 'bras bu can nyid du yang 'thad pa'i phyir sngon po la sogs pa'i shes pa dag ni ca dang pa sgrub pa nyid kyis don kyi yul la byed pa dang bcas pa grub bo/ /sgro 'dogs par byed ba'i shes pa'i dbang gis sbyar ba'i rigs mi mthun pa dang tha mi dad par gyur pa'i dngos po sgro 'dogs sel bas ldeg par byed pa yul du gyur ba'i phyir rigs pa'i byed pa dan yang 'di dag ldog ba'i yul can du brjod de/ dper na nya phyis kyi rnam par rtog pas nya phyis ma yin pa dad tha mi dad par gyur pa'i nya phyis ldog par byas pa ldog pa'i tshul gyis nya phyis kyi rang bzhin yul du byed pa yin no/ /gzhan dang ma 'dres pa'i dngos pa'i rang bzhin yul du byed pa tsam gyis ni ldog pa'i yul can nyid ma yin te/ mngon sum la yang thal par 'gyur pa'i phyir ro/ /bsal nas rtogs pa go sel ba'i yul can du ji ltar mi 'gyur/ mngon sum ni sel bar byed pa ma yin te/ rtag ba'i sgro 'dogs yod kyang skad cig ma dang/ dngul gyi sgro 'dogs yod kyang nya phyis rtogs pa'i phyir ro/ /gal te ba lang ma yin pa med pa ldog pa yin gyi/ ba lang nyid ni ma yin pa ma yin nam de'i phyir ji ltar bsal nas ba lang rtog pas ldog pa rtog par 'gyur zhe na/ tha dad don shes bzhin/ dper na 'di ni sngon po ma yin zhes bya ba tha dad ba'i don can gyis shes pa rgol ba gnyi ga la grub pa ldog pa'i yul can du brjod pa de bzhin du 'di yang yin no/ /da yang 'di'o zhes rtoD pa'i don gyis mthar thug pa 'am/ sngon po ma yin ba zhes bya ba 'di'i mthar thug pa yin grang/ de la gal te phyogs phyi ma ltar na ni 'di dgag ba'i shes pa nyid 'gyur ro// des na ji ltar shes pa ldog pa'i yul can du yang 'gyur la/ dngos po gzhan gyi yul can du yang brjod par bya/ shes pa 'di ni sngon po'i yul can nyid kyi 'jug pa yin no/ /sngon po ma yin pa bkag pa zhes bya ba 'di ni sngon po'i ca? yang ma yin pa'i phyir ji ltar de rtogs pas sngon po'i yul can nyid du 'gyur/ de ni sngon po ma yin pa nyid kyi yin la/ de yang sngon po la sbyar ba yin no/ /de la sngon po ma yin pa nyid rtogs par bya ba ni ma yin la/ dgag pa yang ma yin te/ de'i phyir rang bzhin ma yin pa'i phyir ro/ /'di ni ldog ba'i yul can yin la/ ldog pa gang yin pa de nyid log pa yin no/ /'di ni rigs pa yin te/ de tshad ma'i yul nyid yin na dngos po gzhan nyid dngos po med pa yin pa'i phyir ro/ /zhes ma dmigs pa'i skabs su bstan zin te/ /de 'ang 'dir/ de bzhin kho nar rtogs par byed/ /ji ltar tha dad pa'i yul can gyi shes pa de tha dad ba'i sgo nas rtogs par byed pa de bzhin du/ sngon po la sogs pa'i shes pa yang yin te/ 'di ltar de dag gis kyang rnam par gcod pa yul tu byed pa yin no/ /rang gi don la tha dang blo/ /bye brag med phyir 'jug khyad yin/ /tha dad pa zhes bya ba dngos po'i rang gi bdag nyid rnam par gnas pa las gzhan pa ni med do/ /de la dngos po gzhan med do zhes bkag kyang de'i khyad par 'ga' yang brjod pa med pa'i phyir te/ rang gi bdag nyid la rnam par gnas pa'i dngos po nyid la de skad brjod pa'i phyir ro/ /des na tha dang ? rtogs pas rang bzhin nyid rtogs par bya ba yin pa'i phyir ro don tha mi dad pa nyid na rtog pa du mar mi 'gyur ro/ /'o na ji ltar tha dang cen/ byed pa tha dad ba'i phyir ro zhes smra'o/ /rang gi bdag nyid tsam la rnam par gnas pa dngos po gzhan dang ma 'dres pa'i lus kyi dngos po rang gi rgyu nyid las byung yang/ log pa'i shes pas rnam pa gzhan du rtogs pas dngos po gzhan gyi bdag nyid du byas pa gang yin pa de bsal bas rtogs par byed pa yin pa'i phyir ro/ /de'i phyir de ltar sre bar byed ba'i shes bas la bas rang bzhin rtogs pa ni gzhan sel ba'i yul can yin no/ /gal te don tha dad pa med pa dad tha dad ba la 'khrul ba la bltos te shes pa tha dad pa dang tha ma dad ba skye ba na rtags par 'gyur ba'i rang bzhin la tha dad ba'am tha mi dang bar ji ltar rtogs te/ de ni de la med pa'i phyir ro/ /gcig la du ma 'am/ du ma las gcig yod pa ni ma yin no/ /tha mi dad pa la tha mi dad par rtog na yang tha mi dad pa'i shes pa tha dad ba'i sgro 'dogs rnam par gcod pa'i 'bras bu can du mi 'gyur ba'i phyir tha dad ba'i yul can nyid ma yin no/ /de bzhin du tha dad pa tha dad ba nyid du rtogs pa tha dad pa'i shes pa'i rten du gyur pa la tha mi dad pa'i sgro 'dogs rnam par gcod par byed pa nyid kyis tha dad pa'i don can nyid ma yin no zhe na/ 'dir brjod pa/ tha dad rjes mthun log pa'i don/ /tha dad 'dres pa'i rang bzhin chos/ /der brten pa dag gis rtogs so zhes 'brel to// rnam par rtog pas brtaD pa'i chos ba lang dang/ dkar po dang 'gro ba zhes bya ba de lta bu la sogs pa dag ni log ba'i don yin te/ phyi rol med pa'i phyir dang/ rtog pa tsam la brten pa yin pa'i phyir ro/ /tha dad ba'i rjes su mthun pas na tha dad pa dang 'dres pa'i rang bzhin gyi chos de dag gis shes pa de ldog pa'i yul can yin no/ /ji ltar 'khrul pa tha dad pa las gcig la tha dad pa tha dad pa dag dang/ 'khrul? pa gcig las tha mi dad pa yin pa de bzhin du ngo bo yang tha dad pa dang 'dres par rtogs pa yin no/ /'di ltar dkar po ma yin pa dang ba lang ma yin pa'i 'khrul pa'i gzhir gyur pa gcig nyid la de bzlog pa'i 'bras bu can gyi shes pa tha dad pa 'jug ba dag rnam pa tha dad pa med par ni tha dad par mi 'gyur ro/ /rtogs pa'i bdag nyid kyis ni blo tha dad pa ma yin te/ 'on kyang 'dzin pa tha dad pa nyid las yin no/ /de'i phyir 'di rtogs par bya ba tha dad pa 'gog bas tha dad pa tha dad pa na/ tha mi dad pa la tha dad pa'i 'khrul pa bzlog pa yin no/ /tha dad pa la tha mi dad pa la yang de bzhin no/ /de'i phyir tha dad pa dang 'dres pa dag de ltar tha dad pa'i rjes su mthun pa yin la/ rnam par dbye par bya ba dang mi mthun par rtog pa'i phyir yang tha dad pa'i rjes su mthun pa yin no/ /'byed par byed pa ni rnam pa gang zhig brtags pas 'khrul pa sel bar nus pa de'i bdag nyid can du 'gyur dgos so/ /des na ba lang ma yin pa sgro 'dogs pa zlog par byed pa ba lang du rtog par byed pa yin te/ de'i phyir rnam pa gcig la pa lang gi rnam pa nyid tha dad pa yin la/ tha dad pa 'dres pa de nyid yin no/ /de'i phyir tha dad pa dad tha mi dad bar rtogs pa dag ni tha dad pa'i sa bon can yin te/ gang zhig gang la med pa de sgro 'dogs par byed pa ni 'khrul pa yin la/ de zlog pa yang rnam par rtog pa yin pa'i phyir tha dad pa'i sa bon can yin no/ /de skad phan tshun du tha dad pa 'di'i sa bon yin zhes bshad do/ /de lta ma 'khrul pa'i rnam pa'i gnyen po nyid kyis de bzlog par byed pa tha dad pa dang 'dres pa lta bu'i khyad par can gyi rnam pa rtog par byed pas de las bzlog pa'i dngos po de'i bdag nyid kyis rtogs par ji ltar 'gyur/ don ji lta bu de lta bu'i rnam pa can gyi shes pa ni de gsal bar byed ba'i rang bzhin nyid kyis de rtog par 'gyur ba yin na/ tha mi dad ba'i don la tha dad par 'dzin pa dang/ tha dad pa la tha mi dad pa shes pa go ci ltar de'i yul can yin/ de'i phyir ji ltar gzhan bzlog pa'i sgo nas rtog pa 'di don gyi yul can yin zhe na/ de ni bden te/ de nyid phyir/ de ni de don can min te/ de dag tu 'khrul der nges pa/ /de'i blo la brten phyir ro/ /shes pa de ni tha dad pa dang 'dres pa'i rnam pa'i bdag nyid kyis na de las bzlog pa'i dngos po'i yul can bsal ba yin te/ tha dad pa dang 'dres pa'i rang bzhin du 'khrul pa nyid do/ /de lta mod kyi nya phyis la dngul gyi rnam pa ltar 'di de la de'i bdag nyid rnam pa thams cad du 'khrul pa ni ma yin te/ yod pa'i don gyi don gyi blo la brten pa'i phyir ro/ /'di ltar sngon po nyams su myong ba'i 'du byed kyis mthu las byung? ba'i sngon po'i rnam par rtog pa ni/ cha la dmigs pa dang/ dngos bo gzhan dang 'dres pa de'i rang bzhin yul du byed pa yin no/ /de'i phyir 'di ni sngon po nyid rtog pa yin no/ /de'i phyir rol gyi sngon po dang ni mi mthun te/ tha dad pa dang 'dres pa dag dang/ long pa dang/ 'on pa la sogs med par thal bar mi 'gyur ba'i rgyu mtshan sngon bo rtogs par khyad med kyang/ mngon sum dang mngon sum ma yin pa'i rgyu snang ba tha dad pa'i yang phyir ro/ /dper na mig ser gyi nad dang ldan pas dung nyid rtogs pas de la ser por gcod pa phyi rol gyi dang mi 'dra ba de'i phyir de rtogs pa ma yin pa bzhin no/ /gal te sngon po'i rnam par rtog pa dang gser por snang ba de'i dngos po'i yul can ma yin pa de lta na yang/ ser por snang ba ni phyi rol gyi dngos po'i yul nges par 'byed pa ma yin no/ /sngon po'i rnam par rtogs pa ni de lta ma yin te/ mthong ba'i dngos po'i rang bzhin du zhen pas rang gi yul la 'jug pa'i phyir ro/ /de'i phyir 'di ni sngon po nyid rtoD pa yin la/ phyir rol yang sngon po yin no/ /mthong ba dang mi mthun pa ni de la mthong ba nyid du zhen pas bsgribs pa des na de la phyi rol rtogs par brjod kyi/ dngos po la ni ma yin no/ /dud ser po la yang gnod byed skyes pa'i sngon rol du don gyi yul can nyid du zhe na ba ma yin nam zhe na/ bden mod kyi/ de lta bu ni yod pa ma yin gyi/ ser por zhen pa'i phyir dang/ de yang med pa'i phyir ro/ /'dir mthong ba'i sngon por zhen par byed ba de la yang de kho na ltar yin no/ /de la ni gnod pa yod pa'i phyir tha dad du rtogs kyi/ 'dir ni de lta ma yin no/ /de'i phyir sngon po tsam rtogs pa dang/ ji lta ba bzhin tu zhen pa la bltos te/ dngos po rtogs pa nyid do/ /tha dad rjes su 'gros stong pa yi/ phyi don yod phyir/ don la ba lang dang dkar po dag tha dad pa med kyi rang gi ngo bo ni ma yin no/ /ji lta bu zhig chos nyid gcod pas rtogs pa de lta bu dngos su gcig pa yin pa'i phyir ro/ /rnam pa de lta bu'i rang bzhin can ni ba lang nyid yin te/ tha dad pa'i 'khrul pa sel ba nyid kyi tha dad par gyur pa'i rnam par rtogs pas de'i rang bzhin tha dad par byas pa yin no/ /ba lang ma yin par 'khrul bas ni 'di rtal sogs par sgro 'dogs pa yin la/ dkar po ma yin par 'khrul pas ni/ de la ba lang nag po la sogs pa yang yin no/ /de bzhin du khro bo dang ser po la sogs pa dag tha mi dad pa'i bi lang gi bdag nyid kyis mi bden pa yin gyis/ ba lang gi rang bzhin ni ma yin no/ /de thams cad la ba lang ma yin pa ma yin par sgro 'dogs par bzod pa'i phyir re re zhing 'khrul pa tha dad pas 'khrul bzlog par byed pa'i rnam par rtog pa yang/ rnam pa tha mi dad pa'i phyir tha mi dad par 'gyur ba yin no/ /gzhan du na/ de'i tha dad kyang med 'gyur/ /gal te bde bar gshegs pa bdag tha dad pa dad 'dres par dbral? ba'i pa lang nyhid dkar po nyid kyang mi 'dod na ni/ de la ba lang ma yin pa las tha dad pa 'am/ dkar po ma yin pa las tha dad par yang mi 'gyur te/ ba lang ma yin pa nyid ba lang ma yin pa las ldog ba 'am/ dkar po ma yin pa nyid las zlog pa ni med do/ /de nyid kyi phyir dngos po med pa'i chos nyid kyang ma yin te/ de'i rang gi ngo bo nyid de ltar snang ba'i phyir ro/ /dngos po la gcig dang du mar 'dzin pa ni 'khrul pa yin no zhes bshad do// don la brten pa yin na yang/ nges stong min phyir te yang/ gal te tha dad pa dang 'dres pa dag nyid 'khrul pa nyid kyi rang gi ngo bo la ma yin pa dang/ der rtogs pa yang zhen pa la/ bltos nas yin na/ de'i phyir zhen pa la bltos nas sgrub pa nyid rang gi sgra'i don du 'gyur mod/ /'thad pa dang dka' pa'i gzhan sel ba'i yul can gyi ci zhig bya snyam na/ de la brjod pa/ dngos po la brten nas 'jug pa'i rnam par shes pa don la brten pa yin yang de gtong pa ma yin pa'i phyir ro/ /don rigs pa/ yod kyang de ni gnas phyir ro/ /sgro 'dogs rnam par gcod par byed pa nyid kyang rtogs pa'i phyir dang/ rnam par gcod pa'i shes pa'i rnams kyi rnam par gcod par byed pa nyid kyang/ de nyid las sgrub ba'i phyir 'di sngon po ma yin no/ /zhes bya ba'i shes pa dang khyad med pas na/ sngon po la sogs pa'i shes pa gal te don gyi yul can yin yang sel ba'i yul can kho na'o/ /tha dad pa dang rjes su 'gro ba 'gal ba'i phyir dang/ rnam par gcod ba'i yul can nyid du yang de 'thang ba'i phyir/ de'i yul can nyid ma yin na ni/ rnam par gcod pa'i yul can nyid du gsal ba nyid do/ /gal te 'di dag gi don la brten pa'i byed pa 'di med na ni ji skad bshad pa'i tshul gyis bsgrub pa'i yul can du 'gyur ba kho na'o/ /gal te gang gi rnam bcad kyi bdag nyid de rang rig pas rtogs pa na gang gi rnam pa 'dzin pa de la don rig par 'gyur ba ma yin nam/ snang ba tha dad pa la sogs pas dngos po dang mi mthun pa'i rnam pa can gyi rnam par rtog pa'i shes pa ni dngos po snang ba can ma yin pas ji ltar dngos po nges pa'i rang bzhin du 'gyur zhe na/ nyes ba 'di ni med de/ 'di ltar don nges pa ni myong ba min/ /de nyid min pa myong ba ni/ /ci bzhin myong bya gnas pa'i phyir/ med ba rtogs 'gyur chu sogs bzhin/ /gang gis de mi snang na de ma nges par 'gyur pa don nges pa zhes bya ba don myong ba yin par mi brjod do/ /de ci'i phyir zhe na/ re zhig yul med par smra ba'i sha zad nyid lngar par 'gyur pa'i phyir ro/ /des ni re zhig 'di nyid bzog pa na myong ba'i rang bzhin nyid bzhag par bya ste/ des na de'i 'dod pa brjod do/ /gang gi phyir don myong ba yin na gang myong ba de nyid yul du 'gyur te/ myong ba ni myong bar 'gyur ba'i chos las lhag pa med par rig par byed pa yin pa'i phyir/ /de bdag nyid don du zhen par byed pa'i phyir bdag nyid yul du byed par ni ma rus te/ bdag nyid don las gzhan yin pa'i phyir don rig pa'i yul bdag nyid ma yin pa'i phyir ro/ /dper na smig rgyu la chur rig pa'i yul ni chu nyid yin no/ /'on kyang smig rgyu nyams su myong nas zhen pa yin pa'i phyir gang las smrig rgyu la rgyur? des so zhes bya ba'i tha snyad du 'gyur ba de la de sgro btaD par brjod pa yin no/ /de ltar bdag nyid nyams su myong nas don du sgro 'dogs pa ni ma yin te/ skad cig gnyis su gnas pa med pa'i phyir ro/ /de'i phyir bdag nyid nyams su myong ba dang dus mtshungs par des pa'i yul ni dngos po med pa yin no/ /de bdag nyid du gyur pa'i yul gyi rnam pa las tha dad par ma nges pa nyid kyi bdag la sgro btags pa yin tu chug kyang/ 'di de bzhin du myong ba ni mi brjod do/ /bdag nyid ces nges pa ni ma yin te/ 'on kyag don zhes nges pa yin no/ /de'i phyir rnam par rtog pa ni bdag nyid dang 'gal ba don myong ba'i rang bzhin yin no/ /de yang gal te rnam pa de lta bu'i don yod na ni/ don gyi yul can nyid du 'gyur ba yin na/ de med pa'i phyir yul med pa nyid du 'gyur ro/ /'di ni zla ba gnyis sogs bzhin/ /snang ba med phyir myong yin te/ /lugs ngan sel bar byed pa dag/ rang bdag rig byed yin par 'dod/ /gal te nges pa don rig pa yin no de de ltar 'gyur ba zhig yin na/ rig pa ma yin pas ji skad brjod pa'i lta ba ngan bzlog bar byed pa dag rang gi bdag nyid rig par byed par 'dod do/ /ji ltar rig pa ma yin/ zla ba gnyis la sogs pa ltar snang ba med pa'i phyir ro/ /don rigs par byed pa rnam par rtog pa med pas don rtog pa ni rnam pa gzhan yin la/ rnam par rtog pas rtog pa yang gzhan yin te/ de lta ma yin na mngon sum dang mngon sum ma yin par rtogs pa med par 'gyur ro/ /de'i phyir rig pa bya ba ji lta ba bzhin gyi don la don du rtogs par byed pa de nyid don rtogs pa yin te/ dper na gang la sngon po gsal ba de nyid sngon po rtogs pa yin pa bzhin no/ 'di ltar/ de lta'i don ni med kyang blo/ /don gyi yul can grub ba yi/ /nyes? las rnam gzhan rtogs pa ni/ /de lta'i don kyas? dngos blo min/ /don gyi yul gyi dngos po la/ /gnod pa med pa'i rtogs pa gang yin pa de ni ci ltar snang ba'i don yod pas de rtogs pa nyid du bru ba pa ni yod pa'i don rtogs par 'gyur pa yin no/ /med na ni don rtogs pa nyid 'khrul ba yin te/ don med par rab rib la sogs pas de ltar bskyed pa'i phyir ro rtogs pa de dang mi mthun par snang ba ni de lta bu'i don yod kyang don rtoD pa ma yin te/ rjes su dpag pa'i shes pa bzhin no/ /de'i phyir gal te rnam par rtog pa don med kyang don du zhen pa'i rang bzhin don rtogs pa nyid yin na ni rmi lam du dmigs pa'i rnam par rtogs pa med ba sngon po gsal pa ltar sngon por rnam par rtog pa sngon po rig par 'gyur ba yin no/ /de'i phyir 'di la ni 'khrul kyang don rtogs pa med do/ /blo la dri ltar don snang ba/ de ltar sngon po dngos po nyid/ de yod na yang ci bzhin du/ /snang dang 'gal te dngos blo min/ /ci ste yang sngon po ni don nus pa'i dngos po yin la/ rnam par rtog pa la yang de ltar rtogs pa yod pa'i phyir de nyid dngos por zhen pa yin no/ /bdag ni de ltar ma yin pa'i phyir te/ bdag gi yul can ma yin la/ de lta bur gyur pa yang med pa'i phyir med pa snang ba yin no/ /de ni ma yin te/ gang gis phyir sngon po don byed par nus pa'i dngos po yin no zhes gang las rtogs/ 'di de ltar tshad mas rtogs pa'i phyir zhe na/ 'o na de la ci lta bur gyur pa nyid du snang ba de lta bur gyur pa nyid dngoS po de yin la de lta bur gyur pa nyid na snang ba'i blo yin no/ /rnam par rtog pa'i blo la ni de ltar snang ba med de/ de'i phyir de dngos po ma yin pa la de dngos po shes pa yang ma yin no/ /rmi lam na ni de ltar snang ba yod par phyir de dngos po shes pa yin no/ /gal te dngos po grub na ni dngos po yod pa la yin la/ de med pa'i phyir ni dngos po med pa la rnam par shes pa 'khrul ba nyid do/ /rnam par rtog pa'i shes pa'i shes pa de ltar snang ba dang mi thun pa nyid kyis dngos po rtogs pa ma yin pa las/ gal te sngon po yod pa la de ltar 'dzin nus na 'di dngos po'i blor 'gyur ro/ /de ltar ni ma yin te/ de snang na rang gi ngo bo ci lta ba bzhin snang ba'i phyir gsal ba mtshon pa'i snang ba skye bar thal bar 'gyur/ /rgyu tha dang ba'i phyir snang ba tha dad do zhe na/ rgyu tha dad la 'gal te de snang na blo dbye gang las yin/ gal te sgra 'a ma blo las rig par bya pa la blo tha dad par byas na de snang ba med par thal bar 'gyur ro/ /de'i blo skyes pa la de snang ba'i phyir de yul tu 'gyur ba yin no/ /gal te de snang ma blo tha dad bag las yin/ /des na gang gi tshe snang ba'i don snang bar mi bzod pa des na 'di dngos po'i blo ma yin no/ /dngos po rtogs pa ming na ni/ /gang las rang bdag dmigs ma yin/ /gang gi tshe de ltar dngos po'i blo med pa de'i tshe/ dngos por zhen pas nams su myong bas grub pa gang zhig yin/ gang gis bdag gi yul can nyid du mi 'gyur/ des na gang snang de 'dir bdag nyid de/ /gzhan gang de ni mi snang nyid/ /dngul sogs snang dang nya phyis las/ /gzhan nyid du yang rtogs pa yin/ sngon po'i rang bzhin de la snang ba'i phyir de shes pa nyid du mi 'gal lo/ /phyi rol du zhen pa gang yin pa de ni rig par bya ba ma yin pa'i phyir de lta bur gyur pa med pas med pa'i yul nyid mi 'gyur ro/ /gal te mi gsal bar snang bas dngos po rig pa ma yin na/ thag ring por don rnams de ltar rtogs pa'i phyir dbang po'i shes pa dngos po'i yul can ma yin par 'gyur ro/ /dngos po'i yul can ma yin pa kho na'o zhe na/ mi gsal bar smang bas zla ba gnyis la sogs pa dang mi mthun par shes pa 'di rnam par rtog pa bzhin du 'khrul pas dngos po rig par yang mi 'gyur ro/ /ma yin te/ thag ring po ma yin pa dang bskal par mi gsal bar snang ba nyid kyis nye ba mtshon pa'i phyir ro/ /'di 'ba' zhig ni khyad par ma yin te/ 'dir mi mthun pa nyid ni nyams su myong bas grub pa nyid do/ /de ltar ma yin na/ thag ring po nas sdong po dmigs pa dang/ de nyid du rtogs par dbang po'i byed pa 'jug pa la mthong ba dang brtags pa nyid du rnam par phye nas rtogs par mi 'gyur ro/ /de'i phyir mi gsal bar snang yang rnam par rtog pa dang mi mthun par zla ba gnyis bzhin du 'di ni sngon po rtogs pa nyid yin no/ /de ltar rnam par rtog pa la dngos po rtogs pa 'ga' yang med bas na rnam pa de lta bu'i dngos po med pa'i phyir med pa'i yul can nyid ma yin no/ /dngul la sogs pa lani dngul snang ba dang/ nya phyis la sogs pa las gzhan yin pa'i phyir myong ba de nya phyis kyi yul can ma yin te/ 'on kyang dngul gyi yul can nyid do/ /nya phyis kyi yul nyid du rtogs pas phyin ci log tu rtoD par brjod kyi nyams su myong ba nyid kyis de ltar rtogs pa'i phyir mi ma yin te/ khyad par dang khyad par can gyi ngo bo rtogs pa med pa'i phyir ro/ rnam par rtog pa'i sngon po'i rnam pa ni shes pa la yang srid pa dang/ don du nges pa don myong pa yang ma yin pa de'i phyir 'di yul can nyid 'jug pa ma yin no/ /gzhan yang/ de'i ngo bor snang ba las/ /myong ba gzhan 'ga' yod ma yin/ don gyi ngo bor snang yang ni/ /de ni blo yi 'dra nyid yin/ /lhag par zhen pa don rig pa nyid yin na bdag nyid ma nges pa'i phyir yul ma yin la/ don nges pa'i phyir don nyid yul yin zhing/ de lta bu yang yod pa ma yin pa'i phyir med pa'i yul can nyid du 'gyur te/ /de lta ma yin na de'i yul can nyid du yang mi 'grub pa'i phyir ro/ /don myong ba nyid yin yang bdag yul yin par ni mi 'gal te/ zla ba gnyis la sogs pa'i shes pa bzhin no/ /'di ltar myong ba zhes bya ba dom gsal ba nyi ma rtogs pa gzhan ni 'gal ba yang med do/ /de'i phyir gsal ba de ni don yin la/ bdag ni de la sa gzhan yin pa'i phyir bdag yul ma yin zhe na/ de lta bu med pa'i phyir yul med pa nyid yin no/ /shes pa yang don ci lta bur gyur ba rnam pa de lta bu'i gzugs brnyan dang 'brel pas gang snang ba na snang ba 'di ni don yin no zhes brjod de/ de ltar snang ba de shes pa las yang mi srid pa ni ma yin no/ /gal te de ltar snang ba de don gyis byas pa yin pa de lta na de ltar snang bang? don gsal ba'i rang bzhin yin pa'i phyir don rtogs pa nyid do/ /gtod par byed pa don kyi byed pa med na ni de shes pa tsam snang bar zad de/ zla ba gnyis la sogs pa'i she sel? pa bzhin no/ /de lta ma yin na ni rnam par rtog pa med pI shes pa yang don gyis rnam pa can du mi 'gyur ro/ /gal te rnam par rtog pa med pa ni snang ba don gyi rjes su 'gro ba dang ldog pa'i rjes su byed ba can yin gyi/ 'ga' yang nges pa ni ma yin no/ /nges na 'di'i 'dzin pa dang mi 'dzin pa ni snang ba la bltos pa yin no/ /rnam par rtog pa ni phyi rol gyi sreg pa dang rjes su 'brel pa yod pa dang med par snang ba ma yin yang phyi rol nges par yin te/ de'i phyir nges ba nyid de'i gzung ba yin no/ /de yang phyi rol nyid yin gyi rang gi ngo bo ni ma yin zhing/ rnam pa de lta bu yang med pa'i phyir yul med pa nyid zhe na/ 'di la bshad zin to/ /zhen pa zhes bya ba gal te rig par byed pa ma yin no/ de las yul gnas pa med pa'i phyir de la bltos nas 'dzin pa dang/ 'dzin pa ma yin no/ /'on te myong bar byed pa yin na de myong ba zhes bya ba ci zhig/ de lta bur gyur pa'i don gsal bar byed ba'o/ /ji lta bur gyur ba gsal bar byed ba de lta bur nyid du gyur nas rang nyid snang ba'i phyir gang gis med pa'i yul can du 'gyur ba/ blo gros don brtags pa'i dngos po med pa snang ba zhes bya ba 'di gzung pa'i rnam pa las dpags pa ci yod/ gal te de lta na rtog pa med pa dang khyad par med par thal bar 'gyur ro// bden te myong ba'i bdag nyid kyis yin no/ /khyad par ni myong ba'i rang bzhin ma yin pa nyid las yin no zhes 'chad par 'gyur/ /gal te shes pa'i rnam par shes pa dang tha mi tha dad pa'i phyir de'i dus pa nyid kyis snga ma dang phyi mar? yod pa ma yin pa'i phyir dang/ rang gi mtshan nyid kyi rang bzhin yin pas rjes su 'gro ba med pa'i phyir mtshams sbyor ba'i rang bzhin gyis rtogs pa mi 'jug pas rnam par rtog pa nyid du 'thad do/ /gal te 'di rang rig pas rang gi bdag nyid ji lta ba bzhin snang ba de tsam gyis mthar phyir pa yin na ni de'i tshe zla ba gnyis kyi shes pa bzhin du rang gi bdag nyid la rnam par rtog pa med pa nyid do/ /'on te sngon po la sogs pa'i shes pa bzhin du myong ba'i rang zhin de don gyi mthar thug pa nyid yin na/ de'i tshe ji ltar snang ba de dang tha mi dad pa'i phyir rang gi ngo bos de lta bu'i rnam pa can yin bas de gsal ba nyid du 'gyur ba'i phyir/ /de lta na dang rtog pa med pa nyid do/ /de'i phyir sngon bo'i rnam ba yod kyang rnam par rtog pa ni tha dad par snga ma dang phyi ma dang/ phyi rol gyi rang bzhin du snang ba dang rjes su 'gro ba rig pa'i rang bzhin nyid du 'dod par bya ba kho na'o/ /des na rnam par rtog pa 'di de'i rnam pa can ma yin yang de'i rig pa yin la de'i yul de 'dra ba de yang med pa'i phyir bdag nyid du gyur pa ma yin pa 'di ni sgro 'dogs pa zhes bya'o zhe na/ 'di la smras pa/ shes pa'i dngos por mi 'thad rnams/ gal te rig na 'khrul ma yin/ /min na de dag shes par yang/ rnam par rtog pas ni snga ma dang phyi ma mthong ba nyid dang/ tha mi dad par yul rtogs par bya ba yin te/ de lta ma yin na de'i sgra'i yul nyid du mi 'grub pa'i phyir ro/ /brjod par bya ba ma yin pa'i yul can nyid yin na ni rnam par rtog pa med pa nyid du thal bar 'gyur ba'i phyir ro/ /de'i phyir gal te shes pa'i ngo bor mi 'thad pa'i chos de dag rig bar 'dod na ni de shes pa'i ngo bor mi srid par 'gyur ba yin no/ /gal te 'di ni sngar mthong ba nyid rig par bya ba yin na/ shes pa ni da ltar byung ba yin pa'i phyir sngar mthong ba ma yin pas de de'i rnam par rig par mi 'gyur ro/ /de ltar yin dang rnam par rtog pa 'khrul ba zhes bya bar mi 'thad par 'gyur ro// de'i phyir don med par ga la 'gyur/ gal te de ltar don sngar mthong ba de ltar rig na don nyid rig par 'gyur ro/ /rig pa de ltar zhugs kyang don gzhan rig pa zhes bya ba ni ma yin no/ /nges na mthong ba snga ma yul du byas pa rtogs pas sngon mthong zhing yul du byas pa nyid rtogs pa yin no/ /'on te 'di de ltar rtogs pa ni ma yin te/ de'i yul can nyid du thal bar 'gyur ba'i phyir ro/ /'on sngar ma mthong ba'i rang bzhin du rtogs pa yin no/ /de ltar yin dang de nyid kyi gsal ba nyid mi mthad pa ci yod sgro ? pa sngon ma mthong ba'i rang bzhin nyid la sngon mthong ba nyid du rtogs pa yin no zhe na/ de ni ma yin te/ gang gi phyir 'khrul pa yin yang mi tshor min/ /sgro btags la mngon mthong ba nyid du rtogs par 'dod pas 'dod pas kyang sngon mthong bar rtogs pas sngon mthong ba nyid rtog pa yin no zhes 'dod par bya'o/ /de lta ma yin na 'di sngon mthong ba nyid du rtogs par mi 'gyur gyi/ 'on kyang sgro btags ba'i yul can nyid do/ /'khrul pa yang rnams pa ci ltar 'khrul pa de'i ngo bor rigs pa yin te/ dper na nya phyis la dngul du rtogs pas dngul tshor ba med pa ni rtogs pa ni ma yin te/ dngul nyid du la rig par thal ba'i phyir ro/ /'o na dngul gyi shes pa dngul gyi yul can nyid du 'gyur ram/ dngul gyi shes pa yang yin la/ dngul gyi yul can ma yin no zhes gang gis de ltar brgal zhing brtag par bya ba/ de de'i shes pa yin pa'i phyir de'i yul gang zhig yin par 'gyur 'o na ji ltar bdag nyid snang ba yin/ /yul dang dus des rnam par bcad pa'i phyi rol gyi dngul med pa'i phyir shes pa'i bdag nyid dngul gyi rnam par snang ba yin no zhes de rig pa dag 'dzer to/ /'dini phyi rol gyi ngo bo nyid dang/ snga ma dang phyi ma'i rang bzhin du rig pa gang yin pa de shes pa'i rang bzhin la mi srid pa'i phyir/ yul med pa nyid du blo gros ngan pa dag 'khrul pas de la de skad brjod pa yin no/ /gal te 'di snga ma dang phyi ma phyi rol gyis rang bzhin nyid rtogs pa yin na rang gi yul can du mi 'gyur ro/ /de lta na yang rang gi mtshan nyid yul yin par thal la/ de yang 'thad pas spang par bya ba yin no/ /ci ste de ltar rig pa ma yin na 'di shes ba'i ngo bo dang mi 'gal lo/ /de nyid kyi phyir sgro btags pa la phyi rol nyid du zhen pa yang 'thad pa ma yin te/ phyi rol du rig pa ni phyi rol gyi yul can ma yin par mi 'thad pa'i phyir ro/ /phyi rol dang mi mthun pa'i rang bzhin yin pa'i phyir de sgro btags pa yin par 'dod pa gang yin pa phyi rol dang mthun pa'i phyir de lta bu'i dngos po shes pa nyid du yang mi 'thad pa ni ma yin no/ /gal te de la phyi rol nyid du rtogs na shes pa nyid la 'gyur mod/ /'on te sgro btags rtogs pa nyid phyi rol rtoD pa yin na phyi rol dang mi mthun pa'i yun can yin pa'i phyir bya? rol brtogs pa ma yin par 'gyur ro/ /gal te rnam par rtogs pa'i yul shes pa'i rnam pa nyid yin na rnam par rtoD pa nyid med par thal bar 'gyur ba'i phyir/ bdag gi yul snang ba las khyad par gyur ba'i rig pa'i bdag nyid khas blang bar bya ba yin nam zhe na/ de ni bden mod kyi /de lta na yang/ rnam pa ji lta'i don rig pas/ rtog yin de rig med pa'i phyir/ /shes chos mngong par rlom pa la/ / nges par brjod de bde sogs bzhin/ /gal te de'i rnam pa tsam gyis de gsal ba yin na rtog pa med par thal ba'i phyir ro/ /rig pa bla lhag pa nyid kyis rtog /pa dang bcas par brjod par bya ba yin yang/ de'i rnam pa ma yin par rig par rig pa ni med de gzhan du ji skad bshad pa bzhin no/ /rig par bya ba dang rig par byed pa dag tha dad par snang ba yang med do/ /de lta mod kyi khas blangs nas kyang brjod par bya ste/ rnam pa ji lta bu'i rang bzhin rig pa 'di rnam par rtog pa yin par 'dod pa de lta bu ni 'dir rig pa med do/ /'dir don rig pa nyid kyis rnam par rtog par 'gyur ro/ /de yang gal te don snang ba nyid kyis rig pa min na/ rtog pa med par 'gyur ro/ /gang gi tshe snang ba'i rang bzhin spangs nas sngon dang phyi mar mthong ba'i rang bzhin du de rig par byed pa de'i tshe ni de'i yul can nyid du 'gyur na de yang rig pa ma yin te/ de ltar rig pa med pa'i phyir ro/ /de lta bu'i don ni yod pa yang ma yin te/ tha dad pa tha mi dad pas dbang du byas pas don zhes pa'i rang bzhin pha rol po rang nyid kyis de ltar khas ma blangs pa'i phyir ro/ /phyi rol gyi don ni dngos po dang dngos po med pa la bltos pa dang bcas pa ma yin la/ rnam par rtog pa la snang ba de ni sngon dang phyis mthong ba nyid kyis de ltar bsgrub par bya ba yin ba'i phyir de la bltos pa dang bcas pa yin no/ /de'i phyir don rig par bya ba med pa'i phyir 'di don rig pa ma yin no/ / reg par bya ba gang yin pa de don ma yin no/ /de ltar rig pa med pa ni ma yin/ /gal te don ma yin na 'di don rig pa yang ma yin no zhe na/ lha rnams dga' bas 'di lta bu nyid du nges par byas pa yin te dngul snang ba nyid la dngul rig pa ni dngul rig pa yin pa'i phyir ro/ /don ji lta bur 'gyur ba de lta bu rig pa ma yin na don te rig pa ji ltar yin/ gal te shing gi don phyi rol du nges pa nyid yin la/ don zhes ci 'dra bar 'dris pa de 'dra bar yod pa ma yin pa'i phyir yul med par brjod do/ /de tsam gyis don rig pa med pa ni ma yin no/ /yul dang dus gang gis khyad par can gyis dngul du nges pa de'i yul dang dus de med dngul du rig pa yang med pa ni ma yin te/ de'i phyir rnam pa de lta bu'i don rig pa ma grub pa ni ma yin no zhe na/ mi mthun pa nye bar bkod pa ste/ dngul ji ltar gyur ba de lta bur gsal ba de na med pa'i phyir med pa 'di dngul rig par 'gyur ro/ /de bzhin du don ji lta bur gyur pa rnam pa de lta bu rig pa yod pa las yul dang dus 'ba' zhig med pa yin pa'i phyir med pa'i yul can nyid du 'gyur ba yin no/ /gang gi tshe don dang rjes su mthun pa 'gar yang rig pa med pa'i phyir don ci ltar 'gyur ba de lta bu rig pa med pa nyid yin pa de'i che de las bzlog pa bdag nyid kho na rig pa yin no/ /de bzhin du nya phyis la dngul du rig pa yang bdag gi yul can nyid de de yang rnam par rtog ?dngul gyi rang bzhin ji lta pa bzhin rig pa med pa'i phyir ro/ /de'i phyir 'di la don rig pa yod pa ma yin no/ /de ltar ni yang 'di ltar 'gyur ba yin te/ sngon mthong ba sgra la sogs pa sbyor ba'i phyir/ don byed pa dang ldan pa bzhin du mthong ba la bltos pa med pas de ldan pa'i don la yang 'jug pa'i phyir ro/ /des na de ltar rig pa med kyang der mngon par rlom pa yod pa'i phyir de la de ltar tha snyad byed do zhes smra'o/ /mngon par rlom pa yang shes pa'i chos yin te/ bde ba la sogs pa bzhin no/ /dper na rigs pas mngon par rlom mo/ /rigs btsun pas mngon par rlom mo zhes bya ba de ni dam pa tsam la ni brjod pa ma yin pa bzhin no/ /rigs btsun pa 'am rig pa rig go zhes bya ba nyid kyis ni de ltar tha snyad byed pa yin no/ /de'i 'dod chags la sogs pa bzhin du shes pa'i khyad par mngon par rlom pa zhes bya ba ni yod pa bzhin no/ /des na ma grub pa'i phyir dang/ 'gal ba'i phyir rig pa yod kyang rim pa ma rtogs par mngon par rlom pa gdon mi za bar khas blang bar bya ba yin pas/ rnam rtog rjes su 'brel 'jug pa/ /rang dang mthar thug nges par rtog/ mngon par rlom par nyid kyis/ rnam rtog yul rnams can yin pa/ /de phyir med pa rig yin bshad/ thams cad kyi rig pa ni don 'dra ba'i rnam par shes pa nyid yin pa'i phyir rtog pa'i ngo bo rnam par rtog pa ni de nyid kyis yul kyi rnam pa can yin no/ /de yang ji ltar nyams su myong ba bzhin du rang bzhin de tsam gyis ni de ma yin te/ 'on kyang de nyid rnam par rtog pa'i chos dang ldan ba'i phyir lhag par zhen pas yin no/ /de yang 'jug pa ni mi gsal ba'i rang bzhin pa ni 'jug pa ma yin te/ ma rtogs pa 'ga' yang mngon par rlom pa med pa'i phyir ro/ /'di la don rig pa ni med pa'i phyir rang gi bdag nyid gsal ba nyid na don nges par brjod do/ /de yang don gyi rang bzhin gyis 'jug pa'i phyir phyin ci log yin no/ /gang gi yul med par 'gyur ba ji ltar nya phyis la dngul bzhin du bdag nyid don med pa la rig par byed pa ma yin pa'i phyir don gyi yul can ni ma yin no /'on kyang don rig pa dang rjes su mthun pa'i rig pa'i chos med pa la 'jug pa yin te/ rmi lam kyi bud med kyi rnam pa 'khrul pa'i yul la de ltar zhen pa bzhin no/ /de'i phyir nang gi snang ba don med pa la don du zhen nas 'jug pa'i phyir ro/ zhes bya ba sgra ji lta ba bzhin du 'thad pa yin no/ /des na 'di rang gi bdag nyid la sngon dang phyi ma phyi rol gyi rang bzhin du 'jug pas rnam par rtog pa'i chos kyi 'jug par brjod pa yin no/ /de'i phyir rang gi ? bdag nyid la sngon dang phyis mthong ba'i rang bzhin du/ rnam par rtog par byed bas rnam par rtog par brjod do/ /de ltar mngon par zhe nan sgra yis 'brel par rung ba'i yul yin pa'i phyir ro/ /ji ltar zhen pa bzhin du de'i/ /don gyi rang bzhin gsal pa'i phyir/ brtags med/ rnam par rtog ba'i shes pa ni zhen pa nyid kyi yul gyi rnam pa can ma yin pa'i phyir 'dis ji ltar zhen pa de nyid rnam pa rtog pa'i yul yin no/ /rnam par rtog pa'i rang bzhin ni sngon dang phyis mthong ba'i don don du zhen pa yin no/ /'ga' yang myong ba med pa ni zhen pa ma yin pa'i phyir/ /rang gi bdag nyid de ltar snod pa nyid na 'jug pa yin te de'i phyir rang gi bdag nyid la sgro 'dogs pas/ de ltar btags pa don zhes brjod do/ /shes pas ni phyi rol gi rang bzhin dang/ sngon dang phyis mthong ba 'ga' yang yod pa ma yin pa'i phyir btags pa med par brjod do/ /de ltar med pa snang ba ni ma yin te/ zhen pa ni snang ba'i bdag nyid ma yin pa'i phyir ro/ /des na myong ba gang yin pa de ni rnam par shes pa rang nyid do/ /des na zhen pa'i 'jug pa dpyad na/ mi snang ba la mi 'jug pa'i phyir/ rang gi bdag nyid kho na rnam par rtog pa'i yul yin te/ ji skad du sgra las shes pa tha dang ltar/ don gyi gzugs brnyan snang ba gang zhes bshad pa yin no//zhes pa'i rang gi ngo bo btags na ni mad pa nyid de/ ji skad du sgra don 'di dang gzhi mthun nyid/ /yod pa min yang ji lta bur/ /grags pa/ bzhin du brjod pa ste/ /dngos po la 'di mi srid do zhes bshad do/ /tha snyad byed ba po'i blo la bltos nas ni gang gis sgrub ba'i yul can nyid gsal ba yin te/ gzhan sel ba'i sgo nas don la 'jug par brjod pa/ phyi rol gyi don nyid de/ ci skad du ni de mi byed/ /yod spong yan lag ngo bo'i phyir/ /dngos po tha dad rten can phyir/ /don la mi bslu yin par 'dod/ /ces bshad yin na 'di'i tha dad dang/ 'dres pa'i rang bzhin ngo bo min/ phyi dang nang gi ngo bor ni 'gal phyir/ btags ji lta bzhin ba bzhin med pas shes pa la sngon dang phyi ma dang/ phyi rol med pa'i phyir/ cig rnam pa thams cad du/ med par yin nam/ ma yin zhes brjod do/ /rang bzhin ni med pa ma yin no mi gsal bar snang ba'i sngon po ni med pa ma yin te/ rnam par shes pa'i rang bzhin yin pa'i phyir ro/ /de ni ji ltar zhen pa phyi rol nyid du med pa yin gyi/ rang gi ngo bor ni yod pa nyid de/ rmi lam dang zla ba gnyis la sogs pa'i rang bzhin bzhin no/ /gal te rang bzhin yod pa yin na de ni shes pa'i bdag nyid du gnas pa thob pas/ ba lang dkar po zhes tha dad pa yang gcig gi rnam pa dang/ de bzhin du 'di yang ba lang zhes 'dres pa'i rnam pa'i spyi bzhin du yod pa kho na ste/ phyi rol gyi rang bzhin 'ba' zhig gi med par 'gyur ro/ /des na shes pa'i rang bzhin chos du ma'i bdag nyid du gyur pa'i chos can dang spyi yod pa yin te/ zla ba gnyis la sogs pa bzhin no/ /zla ba gnyis phyi rol du med kyang shes par med pa ni ma yin no/ /de bzhin du spyi 'am ba lang gnyis dang/ dkar po nyid dang 'brel ba'i bdag gi don kyang 'gyur ro zhe na/ ma yin zhes smras ste/ btags pa ni phyi rol nyid bzhin du tha dad pa dang 'dres pa'i rang bzhin nyid yang med pa yin no/ /ba lang dkar po zhes shes pa la tha dad bar snang ba sgra tha dad pa'i gzung ba rang bzhin du ma shes pa gcig gi yul du byas ba dag phan tshun 'brel pas ngo bo gcig tu gyur ba ni rnam par shes ba'i rang gi ngo bor gyur pa ma yin no/ /spyi yang de bzhin no/ / ji ltar ma yin zhe na/ phyi dang nang du 'gal ba'i phyir te/ gnyi gar yang med pa'i phyir ro/ /de'i phyir ba lang 'ba' zhig gi rnam par rtog pa pa lang zhe 'ang de'i rtog pa tsam la dkar po zhes bya ba tsam du rtogs pa de tsam nyid rnam par shes pa'i rang bzhin yin gyi/ de lta bu'i shes pa gcig tu rjes su 'brel pa 'am/ khyad par gzhan las rjes su song ba'i spyi ni ma yin no/ /yang ci'i phyir 'gal zhe na/ bshad pa/ phyi rol tha dad kyang/ rjes 'brel med phyir gcig na yang/ rnam kun gcig tu rtogs phyir ro/ /gang gi rnam pa de lta bu gcig gi rnam pa 'di blo la yod par 'gyur ba ba lang dkar po zhes rnam pa tha dad pa nyid du snang bdag rjes su 'brel pa las rang bzhin du gnas pa ni ma yin no/ /de na de ni de ltar zhen pa yin te/ des na gal te tha dad dag kyang gzhan gyi rang bzhin du 'gyur ba don la yod na/ de'i tshe ba lang yon tan dkar po'i rang bzhin yin pa'i phyir ba lang zhes rtogs pa na/ rang bzhin re bar 'gyur la/ de lta yin par gyur dang ra bar gyur pa de nye bar rung ba yin pas ba lang nyid dkar po'i rang bzhin tu rtags par gyur pa ni de lta yang ma yin no/ /gzhan ni gzhan gyi rang bzhin du 'gyur ba ma yin te/ gnyi ga yang rang gi bdag nyid kho na la rnam par gnas pa'i phyir ro/ /des na de'i rang bzhin ma yin pas ba lang dkar po'i rang bzhin du rtogs pa ma yin pa'i phyir ba lang zhes rtogs pa na yon tan dkar po re ba yin la/ 'di de ltar rung ba yang yin no/ /de'i phyir nye ba yang ma yin no/ /de lta yin dang bum pa dang snam bu zhes bya ba bzhin du rtogs par 'gyur ro/ /sgra nyid kyis de de'i rang bzhin nyid du sgrub par byed zhe na/ ma yin te/ de ltar rtoD pa nyid la de ltar sbyar na de ltar rtogs pa'i phyir ro/ /ma rtogs na ni mi sbyor ba'i phyir ba lang bum pa zhes bya ba ltar rtogs par mi 'gyur ro/ /de'i phyir tha dad pa dag la rjes su 'brel pa med pas rjes su 'brel ba'i rang bzhin gyi dngos po dag gi don gcig ni yod pa ma yin no/ /de bzhin du ba lang skul cig cis bya ba yang rjes su 'brel pa ma yin te/ bya ba dang byed pa po med pa'i phyir ro/ /'on te ba lang nyid dkar po'i bdag nyid can yin pa'i phyir de'i rang bzhin te de ltar rtogs so/ /de bzhin du rnam par rtog pa la yang de ltar rtogs pa'i phyir de ltar rtogs so zhes/ de ltar ni nus pa ma yin te/ tha dad pa med na ba yang zhes bya ba rnam pa thams cad rtogs par thal ba'i phyir te/ dkar po nyid la sogs pa ma gtogs pa'i rnam pa med pa'i phyir ro/ /tha dad rten pas gcig la ni/ /tha dad la yang brda las ni/ nges phyir rang bzhin gcig nyid ni/ /blo rnams gcig pa nyid kyis min/ /ci ste rnam par gcod pa'i don nyid kyis na rtogs pas de dang rjes su mthun par rang bzhin du ma brtags pa yin gyi dngos por ni ma yin la/ sgra ni de la brten pa yin no zhes brjod na yang de la ni ba lang dkar po'i bdag nyid yin pa'i phyir sgra rnams dngos po'i yul can ma yin pas gcig gis thams cad rtoD pa ma yin pa'i phyir/ pa lang zhes rtogs pa na rang bzhin ra? bar 'gyur ro/ /des na tshig don rtoD ba bzhin du rjes su 'brel pa yang brda las 'byung bar 'gyur ro/ /ji ltar dkar po'i don brda las rtags par byed pa de bzhin du/ gang gi rang bzhin du thams cad kyis rtogs pa de'i rang bzhin tha dad par bstan na de'i rang bzhin nyid du 'gyur te/ de ltar brdar byas pa'i phyir ro/ /de la tshig gi don gnyis gcig gi rang bzhin du gyur pa rnam par shes pa'i rnam pa gcig nyid ni ma yin gyi/ 'on kyang dkar po zhes rtogs pa ni phyi rol ltar ba lang gi rang bzhin nyid du nges par byed de/ des na tha dad pa'i bdag nyid ni gcig la yod pa ma yin no/ /da ni 'dres pa ci ltar med pa ston te/ rjes 'brel med phyir tha dad dam/ gzhan gyi 'dri ba yod ma yin/ /gal te dngos po rnam tha dad pa 'am tha dad pa med pa'i bdag nyid kyis 'dres par snang na de'i tshe 'di phyi rol bkag bas shes pa'i bdag nyid du 'gyur ba'i phyir kun rdzob tu yod par 'gyur ba yin no/ /zla ba gcig la brten nas zla ba gnyis snang ba de lta bu ni gcig la med pa'i phyir phyi rol tu mi 'thad do/ /de'i rang bzhin can ma yin pa'i rnam par shes pa ni de ltar snang ba nyid yin pa'i phyir/ zla ba gnyis shes pa'i bdag nyid du yod pa yin no/ /de bzhin du spyi yang gsal ba rnams la tha dad pa'am/ tha mi dad par rig na/ de yang gsal ba rnams la srid pa bkag pas shes pa'i bdag nyid du yod par 'gyur te/ de'i rnam pa can ma yin na de'i rnam par shes pa de ltar snang ba med pa'i phyir ro/ /'di ltar ba lang ba lang zhes gsal ba rnams rnam par shes pa skye'i/ gang gi phyir tha dad pas 'di dag 'dre bar 'gyur ba khra bo la yod pa'i rang bzhin gang yod pa de nyid khu yul yang yod do zhes de la tha dad pa rjes su song ba rjes su 'brel bar byed pa ni med do/ /khra bo gang yin pa ni gu yu yin no zhes tha dad pa med par yod ma yin no/ /de'i phyir tha dad pa dang tha mi dad pa dag tu spyi rig pa med pa'i phyir spyi ni rnam par shes pa'i rnam pa ma yin no/ /gang gi phyir tha dad pa dang tha mi dad pa dag gis gsal ba rnams la rjes su 'brel bar byed pa med pa de'i phyir spyi med do/ /rtogs par bya ba ni rtogs pa'i tshad ma can yin pa'i phyir tha dad pa 'am tha mi dad pas de ltar rtogs pa med pa'i phyir/ tha dad pa 'am tha dad pa med pa'i spyi yod pa ma yin no/ /gal te khyad par phan tshun mi 'dra ba rnams la yang ba lang ba lang snyam pa'i shes pa tha mi dad pa ni khyad par gcig dang 'brel pa med par mi 'thad do/ /'di dag gi rang gi bdag nyid la ni rig mi mthun par mngon par 'dod pa dang/ tha dad par mi 'dra ba yod pa ma yin no// des na khra bo la bltos nas khu yu dang bum pa dag khyad par med kyang khra bo khu yu dag la ni ba lang ba lang snyaM? du rtoD la bum pa la ma yin pa gang yin pa de ni de dag la ba lang nyid gcig dang 'brel ba'i phyir ro/ /de'i phyir dag don gcig dang 'brel ba'i phyir rnam pa gcig tu rtogs pa'i yul yin gyi/ gzhan dag ni ma yin no/ /des na don rnams la tha dad pa med par rtogs pa ni 'di kho na ste/ gang zhig nges yul du byas pa de dag la rigs mthun pa nyid du rnam par bzhag pa'i rgyu spyi cig yod pa'o zhe na/ de ni de ltar ma yin te/ gang gi phyir/ khyad par gzhan gyi rnam phyi med/ /de las gzhan dang tha mi dad/ rig 'jug gegs kyi bdag nyid do/ /ba lang shes pa'i spyod yul yin/ /ba lang pa lang snyam pa'i rnam par shes pa ni don tha dad pa med pa'i sgrub byed du mi 'thad de/ /rnam par shes pa de'i spyod yul dus dang/ bdag nyid tha dad pa'i khyad par yin pa'i phyir te/ 'di na da ltar 'di dang 'di la'o zhes rtogs pa'i phyir dang/ rtag pa khyab pa gcig pu la ni de med pa'i phyir ro/ /khyad par nyid yin pa ni bden mod kyi/ 'on te ba lang nyid kyi mtshan nyid khyad par gcig gis sgo nas yin no/ zhe na/ ma yin no zhes brjod do/ gzhan gyi rnam phye med/ pa lang nyid kyi khyad par rtogs pa med pa'i phyir 'di gzhan gyi sgo nas gzhan yul du byed pa ni ma yin no/ /dper na dbyug pa can dbyug pa'i khyad par can du shes pa de bzhin du khra bo ni ba lang nyid kyi khyad par can du ma yin no/ /rtogs pa'i yul gang ji ltar rtogs pa med pa de ni de ltar rnam par shes pa'i yul du 'gyur ba ma yin no/ /ba lang snyam pa'i shes pas kyang gcig nyid rtoD kyi de la 'brel ba med pa 'am/ khyad par dang khyad par can du gyur pa gnyis rtogs pa ni med de/ bde'i phyir 'di ba lang nyid kyis sgo nas rdzas rtogs pa ma /yin no/ /ba lang nyid rdzas dang tha mi dad par rtogs pa'i phyir rnam par bcad pa yin te/ de nyid kyi phyir tha dad par ma rtogs so zhe na/ ma yin te/ tha mi dad bar nye bar 'dogs pa ni gnyis rtogs pa nyid yin na srid pa'i phyir te/ /bur bu ba lang zhes bya ba bzhin no/ /rdzas nyid rnam pa gcig tu rtogs par 'gyur ba 'am/ spyi nyid la yin gyi/ spyi'i khyad par gyi rdzas rtogs pa ni ma yin no/ /spyi nyid rtogs pa ni ma yin te/ khyad par chos su rtogs pa'i phyir ro/ /gzhan yang ba lang snyam pa'i shes pas yul du byas pa'i rang bzhin ni ba lang dkar po/ /ba lang khu yu zhes khyad par dang gzhi mthun par snang gi 'di la ba lang nyid yod la/ 'di yang ngo zhes ni ma yin no/ /khyad bar yang khyad par gzhan la yang tha mi dad par rig pa 'jug pa'i gegs byed ba yin no/ /'di'i khyad par gzhan la yang tha mi dad par rig pa ni rjes su 'brel par byed pa nyid yin no/ /de la khyad par tha mi dad par snang ba ni 'di ni 'di la yin la 'di la yang ngo zhes tha dad pas rjes su 'brel par byed mi nus so/ /de nyid 'di yin no zhes tha mi dad pas kyang ma yin te/ khyad pa yang rjes su sbyor bar thal ba'i phyir/ khyad par ni khyad par gzhan gyi bdag nyid can yang ma yin no/ /de dang tha mi dad par snang la tha dad pa dang rjes su 'brel ba ni de spangs nas rjes su 'brel pa nus pa ma yin no/ /rtogs pa gzhan gyis de'i bdag nyid kyi dngos po spangs pa yin na yang de la yod pa gang yod pa ni 'di na'o zhes tha dad pa nyid kyis rjes su 'brel bar 'gyur na/ de ltar ni rtogs pa med la khas kyang mi len te 'brel pa rtog par dka' bas spyi dang khyad par dag tha dad par rtogs pa med pa'i phyir ro/ /de'i phyir gang gi yul du gyur pa ci yin pa? 'gyur ba mi dad pa yin par rtogs pa ni yod pa ma yin ? nyid do/ /'di la ba lang ngo snyam pa'am/ /? lang ngo snyam pa nyid kyang khyad par dang gzhi mthun pa nyid de/ de la yang khyad par gzhan la rjes su sbyor ba ni med do/ /des na spyi'i shes pa med pas 'di zla ba gnyis gzhan du shes pa'i rnam pa nyid ma yin no/ /gal te 'di la ba lang ngo snyam pa rjes su 'brel par byed pa ma yin mod/ /rigs mi mthun par mngon par 'dod pa'i khyad par spangs nas khyad par gzhan la 'jug pa'i shes pa de nyid de las gzhan rnams kyi rigs gcig go bar byed pa yin no/ /de ltar ni mi nus te/ 'di ltar/ phan tshun log par gyur pa yi/ /rang rten rnam par rig pa ni/ khyad par khyad par can tsam la/ /nus yod dngos gcig la ma yin/ /'di ni bshad zin te/ gzhan tha mi dad par nye bar btags pa las sam/ khyad par dang khyad par can gyi dngos po yin pa'i phyir/ 'di ba lang zhes rnam pa gcig tha dad par rtogs pa ni cung zad kyang med do/ /de bas na 'di ni ba lang gcig yin la/ /'di gzhan yin no zhes rang bzhin de nyid de ltar rtogs pa gzhan dang tha dad par rtogs pas phan tshun log pa rtogs pa yin te/ /de lta ma yin na/ pa lang gzhan yin no snyam du shes par mi 'gyur ro/ /khyad par la bltos nas gzhan nyid do zhe na/ ma yin te/ rnam pa gzhan snang ba med pa'i phyir ro/ /ba lang zhes gzhan nyid tu rtogs pa ni rtog pa gcig gis yul du byas pa'i phyir dang khyad par dag las gcig dang 'brel pa zhes bya bar nus pa ma yin te/ snam bu dkar po ring ngo zhes bya ba lta bu'o/ /de'i phyir 'di ba lang/ 'di yang ba lang zhes bya ba pa lang gi rnam par nyid kyis ba lang gzhan las log par snang bsan/ byad par bye brag can rtogs par byed kyi/ tha mi dad pa 'ga' zhig tha dad du snang ba las 'di ma yin no/ /des na khra bo dang bum pa gnyis khu yu las tha dad par khyad par med kyang/ gang las de la ba lang nyid yin pa na pa lang las tha dad par 'gyur la/ bum pa ni ma yin par 'gyur ba nyams su myong bas grub pa'i khyad par yod ba yin te/ phan tshun rnam par dbye bas tha dad pa'i bdag nyid ba lang dang rta'i tshogs gnyis tha dad par snab ba'i phyir ro/ /des na slob dbon gyis 'di nyid tha dad pa rnams 'bras bu gcig la nus par sgrub pa'i sgo nas de dang der bstan pa yin no/ /de'i phyir rtogs pas ni gang las ba lang ma yin pa las log par tha mi dad par 'grub pa khyad par bye brag tu gyur pa cam nyid 'grub kyi/ spyi ni ma yin no/ /gsal ba tha dad med gcig dang/ tha dad tha dad min pa 'am med/ tha dang rig dang tha dad kyi/ rang bzhin can chos der gcig phyir/ /gsal ba rnams la tha mi dang pa gcig gam/ tha dad pa dang tha mi dad pa gcig ni de dag la med do/ /gang las she na/ rtogs par byed pa ji skad bshad pa nyid las so/ /'di ltar khyad par rnams ni tha dad par rig pa yin gyi/ tha dad par ni ma yin no zhes brjod pa yin no/ /khyad par gyi bdag nyid kyis tha dad kyang spyi'i bdag nyid kyis tha mi dad do zhe na/ de lta na 'o na spyi dang khyad par dag tha dad pa tha mi dad pa'i rang bzhin du 'gyur ro/ /gang gi phyir tha mi dad pa med par ni spyi tha mi dad pa med par mi 'thad la/ tha dad pa med na yang spyi'i bdag nyid kyis tha mi dad cing khyad par gyis bdag nyid gyis tha dad do zhes bya ba mi 'thad pa'i phyir ro/ /tha dad pa dang tha mi dad pa'i rang bzhin du rtogs pa ni med de/ ba lang khra bo zhes ba lang nyid dang khra bo nyid la sogs pa'i chos rnams kyi rig pa tha dad pa med pa'i phyir ro/ /gal te ldog pa tha dad pa la brten pa'i chos tha dad pa khas blangs pa ma yin nam zhe na/ bden ya? te/ rtogs pa dang ma rtogs pa'i rgyu mtshan can bsgrub bya sgrub byed kyi de ni yod pa yin te/ ba lang zhes gcig bdag nyid du rtogs ba na de'i bdag nyid kho na'i rang bzhin ma rtogs par bsams pa'i rang bzhin la re bar rigs pa'i phyir te/ dkar po zhes rtogs pa ni de'i bdag nyid du rtogs pa'i phyir ro/ /'di ni ji ltar rtogs pa de ltar der de nyid yin par khas blang par bya ba yin na/ ba lang dkar po'i snyam pa la ni tha dad par rig pa med do/ /de'i phyir spyi tha dad pa dang tha mi dad par smra ba yang rtoD pa'i tshad ma can ma yin gyi/ /byed par bye brag can sgrub par byed par nyid do zhes brjod do/ /spyir smra ba rtogs pa nyid gcigs pa char bzung ste/ bde bar gshegs pa dang 'gran pa'i phyir rang gi phyoD kyang rtoD pa nyid kyis bsgrubs bas rtogs pa nyid med pa'i sgo nas lan btab pa yin te/ ci skad du/ blo yi snang ba tha dad de/ de dag mtshungs zhes 'dzin phyir ro/ /zhes bya ba la sogs pa bshad pa yin na/ /dngos po rnam par dpyad ba ni rgyas par 'grel nyid dam/ rnam 'grel gyi rjes su 'brad ba las khong du chud par bya'o/ /'bras bu de byed gcig nyid la/ /de ltar rtogs la bltos te yang/ /blo 'gyur phyir na myong ba las/ /tha dad med min nges brten yin/ /ci ste yang gal te ba lang ngo zhes bya ba de lta bu la sogs pa'i shes pa khyad par gyis yul can nyid yin te/ zla ba gnyis la sogs pa bzhin du yod par thal pa'i phyir spyi snang ba med pa nyid yin na/ 'o na ji ltar rnam par rtog pa spyi'i yul can nyid dang/ gzhan sel ba spyi'i tha snyad du brjod ce na/ 'dir bshad pa/ 'dir me la sogs pa du ba la sogs pa'i 'bras bu byed pa can dag mngon sum dang mi de migs pa dag las du ba la sogs pa rang gi 'bras bu dang 'brel pa mi rtogs par ni 'bras bu de byed pa nyid du nges pa ma yin no/ /des na 'bras bu de phyed ba nyid rtogs pa la bltos te 'bras bu de byed pa nyid kyi blar 'gyur ro/ /de yang gsal ba gcig nyid la de ltar rtogs pas gsal pa gzhan la yang mthong ba la bltos pa med par rtogs par 'gyur ro/ /des na gsal ba de ni gsal pa de'i rang bzhin can nyid du nges pa yin te/ gsal ba rigs mi mthun pa dag 'bras bu gcig byed pa yin yang gcig la rtogs bas gzhan la rtogs pa med pa'i phyir ro/ /sle tres la rims sel ba'i nus pa rtogs pas sle tres kyi gsal ba gzhan la de ltar rtogs kyi/ sha ri ba la ni ma yin pa bzhin no/ /de nyid kyi phyir tha dad ba 'dres pa'i rnam ba can gyi spyi'i rtogs pa 'khrul pa yin yang don la mi bslu bar srid ba yin no/ /de lta ma yin na gzhan nyid la de ltar rtogs pa'i phyir nya phyis la dngul tu rtogs pa ltar tshad ma ma yin pa nyid du 'gyur ro/ /de ltar tha mi dad pa'i rang bzhin rigs pa ni ma yin te/ tha dad pa 'am tha mi dad bas de ltar rtogs pa bkag pa'i phyir ro/ /de'i phyir spyi rtogs pa grub pa ni ma yin gyi/ ma rtogs kyang 'di phyi rol gyi don bzhin du nges pa yin no/ /des na brjod du med pa spyi'i rtogs pa 'di ni 'jug pa tha mi dad pas dpag pa yin no/ /de nyid kyi phyir/ de la bsam pa'i dbang gis na/ /spyi yod par ni rab tu bsgrags/ /de yi ji ltar kun brtags pa/ de ni dam pa'i don du med/ /ces bshad do/ /de ltar rang gi bdag nyid tha dad pa med par shes par byas bas don 'dres par 'gyur ba yin te/ don de dang tha dad pa med bar brtags pa'i phyir dang/ lhag par zhen pa'i don don gyi yul can nyid du khas blangs pas de la yang don nyid du yang brjod pa'i phyir ro/ /de'i phyir/ de ltar shes pa'i rnam pa nyid/ /spyi zhes bya bar brjod pa yin/ /ji skad du/ gang gi rang gi ngo bo yis/ /gzhan gyi ngo bo sgrib byed ba/ zhes bya ba dad de bzhin du/ gal te spyi ni shes pa yis/ /rang bzhin nyid du thal bar 'gyur ro/ de ltar 'dod phyir skyon yod min/ /don gyi ngo bo nyid kyis spyid/ /zhes bshad do/ /de'i phyir tha dad pa'i rang bzhin gyi don tha dad pa'i sgo nas rtogs pas rnam par rtogs pa gzhan sel pa'i yul can yin gyi/ /blo chung zhing phyin ci log tu gyur pa rnam 'grel gyi rjes su 'brang bar mi nus pa dag gi ji ltar brtags pa gang yin pa de ni 'thad pa ma yin te/ 'di ltar med sgo 'dogs na dngos po dang/ /dngos med de yang 'dod ma yin/ de dag de lta nyid yin na/ rang bzhin/ rang bzhin med gang las/ don ni dngos po 'am/ dngos po med par des pa yin no/ /gang na 'di yod pa nges ni yod pa nyid yin la/ gang na med pa de ni med pa nyid de/ yod dam med ces ma nges pa na ma yin no/ /yod na bdag nyid thams cad kyis yod pa dang/ med na med pa yin no/ /de la gal te yod pa de rnam par rtogs pas brtags pa yin na shing yod do zhes yod pa'i don dang 'brel par mi 'gyur te yod pa'i don lhag pa la mi bltos pa'i phyir/ dper na shing yod do zhes rtogs pa 'brel par mi 'gyur ba bzhin no/ /'on te med pa de'i phyir dgag pa'i don dang 'brel bar mi 'gyur te/ dper na med do zhes rtogs pa yang dgag pa 'am/ sgrub pa gzhan dang 'brel par mi 'gyur ba bzhin te/ med pa ni yod pa nyid du 'gal pa'i phyir ro/ /de bzhin du gzhi mthun pa'i chos gcig bkag na de'i bdag nyid kyis med pa min gyi/ bdag nyid thams cad kyis ni ma yin te/ dper na sgra rtag pa ma yin no zhes bya ba bzhin no/ /'di la de'i bdag nyid yin yang rtag pa nyid med ces bya bar rtogs kyis/ /sgra yang ni ma yin no/ /de bas na rnam par rtogs pa phyi rol ji ltar 'gyur pa de lta bu nyid sgro 'dogs pa ma yin pa'i phyir bsgrub pa'i rang bzhi mi sgo 'dogs pa ma yin no/ /rnam par rtog pa de sgro 'dogs par byed pa'i rnam pa ni rab tu grub pa yin no/ /phyi rol ji ltar gyur pa de lta bur gyur pa sgro 'dogs pa sgrub pa'i rang bzhin sgro 'dogs par byed par 'gyur na/ de lta ni ma yin no/ /de'i phyir shing la sogs pa mthong pa la bsgrub pa'i rang bzhin shing gi yod pa nyid dang/ med par dgag pa'i rang bzhin shing med na yod pa yin no/ /de'i phyir de'i sgrub pa'i rang bzhin sgro 'dogs par mi nus opas/ med par dgag pa'i rang bzhin sgro 'dogs pa yin te/ phyi rol med par dgag pa'i mthar thug pa'i khyad par can shing gi rnam lhag par sgro 'dogs pa'i phyir ro/ /de lta yin dang dngos po dang dngos po med pa thun mong pa nyid 'thad pa yin no/ /shing ma yin pa la log pa sgro 'dogs pa'i phyir te/ med pa las mon? pa ni ma yin zhes des gang brjod pa de ni ma 'brel pa yin te/ sgrub pa'i rang bzhin phyi rol gyis rnam pa las gzhan nyid yin na yod do zhes rtogs pa yang bsgrub pa'i rang bzhin nyid do// des na rnam par rtoD pas yod do zhes rtoD pa gang yin pa de ni yod pa'i don ma yin te/ ci yod ces de yang chos can las bltos pa yin pa'i phyir dper na shing zhes rtogs pa shing ma yin pa bzhin no/ /de'i phyir de la bltos pa'i shing gi don phyi rol dang mi mthun par mi 'gyur ro/ /phyi rol ni yod pa'i bdag nyid can nyid kyis yod pa gzhan la bltos pa med pa'i phyir 'di mtshan nyid mi mthun par brjod pa yin no/ /rnam par rtog pa'i yul ni yod pa'i don la bltos pa yin yang/ yod pa'i don la bltos pa nyid du mi 'gyur te/ de de las gzhan yin pa'i phyir ro/ /de bas na 'di mi mthun pa'i sgrub par byed pa ma yin no/ /de nyid yod pa'i don ma yin no mod 'di'i de lta bltos pa nyid ni yod pa yin no/ /de yang dngos por 'gal pa yin te/ de'i rang bzhin yin pa'i phyir ro zhe na/ ma yin te/ de nyid bltos par bya ba yin pas yod pa'i don la bltos ba nyid ma grub pa'i phyir ro/ /de ni rnam rtog? pa laS snang bar nus pa ma yin pa'i phyir ji ltar des bltos par 'gyur te/ sngon shes pas shes pa nyid bldos par bya ba ma yin pa'i phyir ro/ /de na nam yang rtogs pa med do/ /mngon sum gyi shes pa nyid zhe na/ bden mod kyi/ rnam par rtog pa la zhugs pa med pa'i phyir rnam bar rtog pa'i gnas skabs su bltos par bya ba ma yin pa'i 'gyur ro/ /de bzhin du phyi rol gyi dngos po med pa yang rnam par rtog pa'i yul ma yin te/ de ni rang bzhin med pa nyid kyis rtogs pa'i yul ma yin pa'i phyir ro/ // / /'di'i mtshan nyid mi mthun ba ni rtogs pa'i yul nyid yin no/ /ci ste dngos po dang dngos po med pa de dag nyid kyang rnam par rtogs pa'i yul du yang 'gyur na/ 'o na shing yang shing nyid yin pa'i phyir ji ltar bsgrub pa'i rang bzhin sgro mi 'dogs pa zhes bya/ shing min bkag pa shing gi ni/ /rang bzhin ma yin de rtogs na/ /shing rtogs mi 'gyur gal te der/ /'gyur na de ltar 'gyur pa yin/ /de dag phyi rol sgo 'dogs par sgrub pas de ltar 'khyams pa yin te/ der gyur pa'i sgrub pa'i rang bzhin sgro mi 'dogs kyang med par dgag par sgro 'dogs par khas blangs pa'i phyir ro/ /de lta ma yin na ni sgro 'dogs pa bkag pa nyid kyis rdzogs? pa 'di rdzogs pa'i phyir gzhan sel ba yul nyid du mi 'gyur ro/ /de la yang gal te shing ma yin pa med par bkag pa'i rang bzhin shing gi rang bzhin zhes bya bar grub na de'i tshe de sgro btags par 'gyur pa yin no/ /de ni yod pa ma yin no/ /shing la ni shing ma yin gyi/ de med pa yod pa ni ma yin no/ /des na 'di rtogs pas shing la ci zhig rtogs par 'gyur ro/ /yang na shing la shing ma yin/ /bkag pas yod pa yin du chug pa de lta na yang/ /gal te de bsgrub pa'i rang bzhin nyid yin na de'i tshe sgro 'dogs pa na de nyid sgro btags par 'gyur pa'i phyir sgrub pa'i rang bzhin du sgro 'dogs pa ma yin no/ /ci ste yang bsgrub pa'i rang bzhin tsam ma yin na/ de lta na 'o na shing zhes med bar bkag pa sgro btags kyang shing la ci zhig sgro btags bar 'gyur te/ gzugs sgro btags pas ro bzhin no/ /gzhan yang 'di dngos po ni rang dang gzhan gyis yod pa dang med pa'i bdag nyid yin no/ /zhes mu stegs byed gzhan gyi 'dod pa lta bur khas blangs bar 'gyur ro/ /gang yang shing gis rtogs pas de la gnas pa shing ma yin med par bkag pa rtogs par sems pa de'i shing ma yin med zhes med par bkag pa na shing rtog par 'gyur ro/ /gal te yang shing la yang med par dkag pa yod na ci ltar mngon sum gyis ma rig /mngon sum ma yin na yang gzung ba dang ma gzung bdag ji ltar don gcig gi rang bzhin du 'gyur/ /de'i phyir gzhan sel ba yul du brjod pa yang ma 'brel ba nyid do/ /blo gang la ni gang snang med/ /de la de sgro 'dogs pa med/ /rjes su dpog kyang 'gal pa yi/ /rang bzhin rig pa der rten min/ /gal te shing zhes rtogs pa la dgag pa'i don rtogs pa yod na med par dgag pa'i rang bzhin gyi don sgro btags par 'gyur ro/ /de'i phyir 'di ci ltar med par dgag pa'i khyad par can yin/ /dgag pa'i don mi snang pa yang dngos su na shing ma yin pa las log pa'i shing/ sgro 'dogs pa yin te/ phyi rol bzhin du shing ma yin pa bkag pa ni de la yang yod pa'i phyir ro/ /sgro btags pa de nyid ni dgag pa'i don med par dgag pa'i rang bzhin sgro btags pa yin no zhe na/ de ni ma yin te/ rnam par rtog pa'i yul du 'gyur ba ni mi rtogs pa mi srid pa'i phyir ro/ /ma rtogs kyang dngos po'i mthu las byung ba'i rang bzhin ni rtogs pa'i yul la srid pa ma yin te/ skad cig ? nyid kyang yin par thal pa'i phyir ro/ /de bzhin du rnam par rtog pa med pa'i yul la yang 'gyur ro/ /gal te yang 'di shing yin na shing ma yin pa las tha dad par 'gyur ro/ /de lta yin dang sgrub pa'i rang bzhin sgro 'dogs par 'gyur ro/ /dgag pa'i don rtogs pa med kyang rjes su dpag pa las sgro 'dogs pa yin no zhe na/ ma yin te/ de dang mi 'gal bar rig pa la de rjes su dpag pa srid pa'i phyir sngon po la skad cig ma nyid bzhin no/ /'gal pa ni ma yin te/ de la dro ba ma yin pa bzhin no/ /dgag pa rjes dpag 'gyur pa dang gtan tshigs bsgrub bya khyad med 'gyur/ dngos med dngos med sgrub byed la/ /don chos 'brel ba'ang med par 'gyur/ /gzhan sel pa ni med par dgag pa yin la/ rjes su dpag pa yang de'i yul can yin pa'i phyir skad cig ma ma yin pa med do/ /me ma yin pa med do zhes rjes su dpag pa mdza' dag dgag pa'i rang bzhin du 'gyur gyi/ skad cig ma nyid du rtogs par ni ga la 'gyur te/ de ni sgrub pa'i rang bzhin yin pa'i phyir ro/ /gtan tshigs kyang rnam par rtog pa'i yul yin pa'i phyir sgrub byed med par dgag pa yin la/ bsgrub bya yang de nyid yin pa'i phyir bsgrub bya gang yin pa de nyid sgrub byed du 'gyur ro/ /bsal bya tha dad pas tha dad do zhe na/ ma yin te tha dad pa ni yod pa nyid kyi khyad par du rtogs pa'i phyir ro/ /med pa ni yod pa ma yin no/ /dngos po nyid dngos po la bsal bar bya pa yin na de ni sgrub pa'i rang bzhin rnam par rtog pa med pa'i yul yin pa'i phyir ji ltar bsal bya tha dad par 'gyur/ dngos po nyid dngos po'i bdag nyid dang/ dngos po'i bskyed bar bya ba yin pa'i phyir dngos po'i rang bzhin de'i bdag nyid dang/ de las byung ba ltar sel ba'i bdag nyid kyis bsgrub bya dang sgrub byed la yod par 'gyur/ sel ba nyams su myong bas kyang/ /brtags pa don blo min de las/ /nges dang ldan pa'ang ma yin no/ /rtogs med la yang yod phyir ro/ /ji skad du/ ji skad du bshad pa'i tshul gyi don dang mi mthun pa yin yang/ sgro btogs pa la don nyid du rtogs pa de las gzhan pa las ldog pas byas pa'i 'dra ba la bltos pa can ni med pa /dag pa sgro btags pa med par mi 'gyur ro/ /de bzhan du gal te sgro btags pa min na ji ltar yang shing ma yin pa la ldog pa'i bdag nyid can nges pa'i bdag nyid kyis shing rtogs par mi 'gyur ro/ /nges pa'i bdag nyid bsgrubs pa'i shugs kyis 'gyur ro zhes na de nyid ldog pa med na ga las zhes brjod pa de/ yang mi rigs te/ don rnam pa gzhan myong ba la gzhan du rnam par rtog pa'i rgyu ni mthong ba dang rnam par btags pa dag 'dra ba yin par brjod do// dper na smig rgyu myong ba la chur rnam par rtog pa bzhin no/ /de ltar gzhan la ldog pa myong ba na/ don du rtog pa ni ma yin no/ /rtogs pa 'di ni gcig nyid yin te/ gang gi tshe 'dra pa nyams su myong ba 'di nyid kyi tshe don du lhag par zhen pa'i phyir 'di dag la rgyu mtshan can gyi dngos po ci zhig yod/ gzhan sel ba rtogs pa kho nas des pa nyid kyang ma yin te/ mngon sum de'i yul can ma yin pa yang de ltar gyur pa rtogs phyir ro/ /sgrub pa dang dgag ba dag ni blo la ma yin zhing/ gzung ba'i rnam pa ma yin la/ sgro btags pa'i rang bzhin la yang ma yin te/ thams cad rang gi rang bzhin du yod par mi 'khrul bas bsgrub pa don med pa'i phyir dang/ dgag pa la dgag pa 'gal ba'i phyir ro zhes smras pa gang yin pa de yang ma 'brel pa yin/ 'di ltar 'khrul pa mi bslu gnod pa las/ phyi rol yod dang med par ni/ /rtogs byed zhan min de spangs nas/ /tha dad med par rig phyir ro// don du snang ba skyed pa der the tshom za ba mi bslu ba dmigs pa las de bzhin du rtogs te/ der snang ba dang po nyid du grub pa la ci 'di ci ltar snang ba de kho na ltar yin nam/ 'on te de lta ma yin zhes the tshom za ba/ mi bslu ba las rtogs na phyi rol bsgrubs par 'gyur ba 'am/ gnod pa bkag na phyi rol nyid bkag par 'gyur pa yin te/ de ltar rtogs pa la rtsod pa med pa'i phyir ro/ /yid bslang pa med pas bum pa yod do/ /bum pa med do zhes bsgrub pa dgag pa khong du chud pa gang yin pa de ni des pa la bltos nas phyi rol gyi mthar thug pa nyid de/ sgra'i don rnam par gsum dang/ tshig gi don rjes su 'brel ba ni sngar rnam par phye ba'i phyir ro/ /'di 'ga' zhig la rnam par bzhag nas 'ga' zhig tu sgrub pa 'am 'gog pa ni ma yin te/ tha dad par rtogs pa ma grub pa'i phyir ro/ /ji ltar bsgrub la don rang gi /bdag nyid gnas dngos rig pa ltar/ dgag pa'i blo la dgag pa yi/ /don dang 'brel par 'gyur pa min/ / bsgrub pa la ni rang gi bdag nyid la gnas pa'i don bsgrub bzhin pa'i chos dang 'brel par rtogs pa yin te/ rtogs pa ba lang sngon po'i bdag nyid du rig pa bzhin no/ /med do bya ba ni bum pa'i bdag nyid rnam par gnas pa nyid dgag pa'i don dang 'brel pa ma yin gyi/ 'on kyang de'i bdag nyid ldog pa rtogs pa nyid 'di'i dgag pa rtogs pa yin no/ /med pa'i don no ldog pa yin la de yang bum pa'i sgra sbyar pa med na yul med par 'gyur ba'i phyir de sbyar bas bum pa med par rtogs pa yin no/ /de bas na gal te bum pa yin na ji ltar med ces bya ba 'gal bar mi 'gyur/ /med pa la sgra sbyor pa yang sgra rnams don yod pa la mi bltos pa nyid kyis mi 'gal lo/ /des na 'di 'brel pa med pa'i phyir ji skad bshad pa'i lam gzung ba nyid rigs so/ /mkhas rlom bas kyang gang la ji bzhin blo ma rnyed/ /rab brtags chags la'ang gsal 'dzin rmongs pas phongs gyur pa/ /mu stegs lta ngan rgya cher 'joms pa'i gzhan sel 'di// ji bzhin gtan la mkhas rnams dpyod par mi byed dam/ /gzhan sel pa grub pa/ dge bsnyen dam pa/ mkhas pa chen po bram ze sha ki ra nandas mdzad pa rdzogs so// //grong khyer dpe med du/? kha che'i paN+Di ta ma na re? the dang/ lo tsA ba blo ldan shes rab kyis bsgyur pa'o/ /bsgyur dpe la gtugs// //'grel pa grub pa shad rA nandas/ /rgya gar skad du/ pra ti band+ha sid+d+hi/ bod skad du/ 'brel pa