བོད་ཡིག

e-texts based on the ACIP/ALL Input

de phyir sgra ni dngos po mi smra yin/ /gzhan sel brtags pa'i tshig le'ur byas pa/ /slob dpon dge srungs kyis mdzad pa rdzogs so// //*/dbang phyug 'jig pa'i tshig le'ur byas pa dge srungs gzhugs so// rgya gar skad du/ a'i shwa ra shAM ga kA ri kA/ don skad du/ dbang phyug 'jig pa'i tshig le'ur byas pa/ /thams cad mkhyen pa la phyag 'tshal lo/ /gang gis yang dag mkhyen gyur cing/ /sems can rnams la ston byed pa/ /'gro mgon de la phyag 'tshal te/ /yang dag gtan la dbab par bya/ /las dang nyon mongs las skye shing/ /skad cig ma dang de bdag med/ /thams cad mkhyen dang 'dod chags bral/ /bsdus te 'dir ni brjod par bya/ /glen blo gang zhig 'di dag kun/ /dbang phyug gos ni byas so zhes/ /smra ba de yang mi shes pa/ /gzhom phyir 'khor du gsal bar brjod/ /lus dang dbang pos la sogs/ /thams cad dbang phyug gis ma byas/ /lus 'bras rtogs pa tha dang phyir/ /dper na rgyu las skyes mthong bzhin/ /de yang dbang phyug bskyed bya na/ /blo ldan skye las grub 'gyur te/ /ji ltar bum pa de bzhin du/ /gzhan zhes gtan du brjod mi bya/ /byed pa la sogs rtags pa yi/ /rgyu las skyes ba ma yin te/ /rim 'jug phyir na dpe blo bzhin/ /bdag dang dbang phyug sel bar blta/ /gal te de yang dbang phyug las/ /log pa'i shes pa zlog pa'i phyir/ /bstan bcos rtsom pa don med de'i/ /rgyu yod pa las skye phyir ro/ /dngos po dbyangs dang ldan pa rnams/ /blo dang ldan pas byas 'grub pa/ /de yang chos kyi khyad par las/ /phyin ci log tu sgrub pa yin/ /lus sogs dbyibs dang ldan pa'i phyir/ /mi rtag du mas bskyed bya ba/ /gzung ste dper na khyim sogs bde bzhin du ni mthong phyir ro/ /blo dang ldan pa'i rgyu can du/ /'on te spyir ni sgrub byed na/ /grub pa sgrub ste gang ? phyir/ /thams cad las las skyes par 'dod/ /dngos rnams brgyan pa nyid do zhes/ /gtan tshigs yongs su bsgrags pa gang/ /de yang ma grub dngos po kun/ /de yi ngo bor 'byung phyir ro/ /gang phyir tha dad grub dngos rnams/ /bkod pa brgyan pa zhes ?/ ?yang mig la sogs rnams la khyim la sogs bzhin mi snang ngo/ /dbang phyug 'dod pa'i dngos po des/ /dbang sogs yon tan mi ldan to/ /mi skye ba dang mi 'jig bzhin/ /khyab phyir nam mkha' i bdag nyid bzhin/ /rgyu ldan phyir na gzhan gyis bskyed/ /dper na bum ba la sogs bzhin/ /ri bong rwa ni ma skyes la rgyu nyid yod pa ma yin no/ /dgos pa med par byed pa ni/ /smyon pa rnams dang mtshungs par 'gyur/ /'on te dgos pa'i phyir yin na/ /de la dbang phyug yod mi 'gyur/ /gal te dbang phyug gzhan dag dang/ /las la bltos ba yin na ni/ /de la bltos na de la ni/ /dad pa kho nas dmigs par khrad/ /gal te lus sogs gzugs yin na/ /thams cad byed pa ma yin te/ /lus ldan dbang po ldan pa'i phyir/ /byed phyir de las gzhan pa bzhin/ /ji skad bshad pa'i gtan tshigs las/ /dbang phyug skye dang ldan pa dang/ /'jig dang khyab pa nyid du ni/ /rnam pa kun tu thal bar 'gyur/ /dbang phyug 'dod pas byed po na/ /la lar kun tu ci phyir min/ /yon tan skyon dag rnam dpyad nas/ /la lar 'dod pa rab 'jug go/ /yon tan skyon skye gang yin pa/ /dbang phyug sngon du 'gro yin na/ /des na de dag thams cad du/ /skye ba nyid du thal bar 'gyur/ /de tsam las ni skye ba'i phyir/ /'dod ba cig car skye bar 'gyur /sngar skyes ma yin gang yin te/ /phyis ni ji ltar skye bar 'gyur/ /'on te shes pa'i ngo bo ni/ /dbang po med par ga la zhig ma sprul pa yi sngon rol du/ /shes bya med bar ji ltar shes/ /'on te mi gsal rang bzhin na/ /rang dbang can du ji ltar mngon/ /'dod pa skye ba'i rgyu tsam? ste/ /dper na chu la sogs bzhin na/ /rgyu yin na yang rtag pa dang/ /ngo bo gcig tu rnam gnas phyir/ /dngos po rnams ni thams cad du/ /rtag tu skye ba nyid du 'gyur/ /rigs pa'i lam gyis rdzas 'brangs pa'i/ /mkhas pa'i tshul ni 'di nyid kyis/ /khyab 'jug tshangs pa la sogs pa'ang/ gsal bar khong du chud par bya/ /dbang phyug 'jig pa'i tshig le'ur byas pa/ slob dpon dge srungs kyis mdzad pa rdzogs// //