<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4435: ku na la'i rtogs pa brjod pa<br><table><tr><td>
<input type="button" onclick="location.href='tcompletep.php?id=N4435&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4435&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4435&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">no/ /gser mdog gi rtogs pa brjod pa rdzogs so// //rgya gar gyi mkhan po d+harma sh+ri ltar dang/ zhu chen gyi lots+tsha ba dge slong rin chen bzang pos bsgyur cing zhus te gtan la bab pa'o// //? pa'i rtogs pa brjod bzhugs so/
 rgya gar skad du/ ku na lA ba dA ni/ bod skad du/ ku na la'i rtogs pa brjod pa/ sangs rgyas dang byang chub sems dpa' thams cad la phyag 'tshal lo/ /ku na la'i rtogs pa brjod pa la/ 'di ltar rgyal po a sho ka'i na tshod gsum gyi tshad
 du gyur pa la/ de na tshod dang po la ni 'dod pa'i a sho kar gyur to/ /na tshod gnyis pa la ni gtum pa'i a sho kar gyur te/ gang gis brtson nga bzang po byas nas skye bo bye ba'i srog brlag par gyur to/ /na tshod gsum pa la ni chos kyi a sho
 kar gyur te/ gang gis chos kyi rgyal po pa brgyad khri bzhi stong rab tu gnas shing spyan phye'o/ /de nas nyi ma de nyid la rgyal po a sho ka'i btsun mo pad+ma can zhes bya ba la bu bcas pa dang/ de las bu gzugs bzang ba mdzes pa lta na sdun pa de'i
 mig shin tu mdzes pa zhig skyes so/ /de nas skyes bu nyung rum zhig rgyal po'i khab du song te smras pa/ lha khyed la sras bltam gyis dgyes pa bskyed du gsol/ rgyal pos smras pa/ deng ni nga yis dga' ba rgya chen thob/ dpa' bo'i rigs kyi sgra ni
 grags gyur cing/ chos kyi rgyal srid rnam par 'phel ba na/ /bu skyes pas na chos kyi rnam 'phel 'gyur/ /de nas rgyal po mya ngan med des btsas ston bya bar brtsams te/ grong khyer pa ta li pu tra thams cad dang ldan pa legs par chag chag btab cing phyag dang
 byas shing sbyangs te/ rdo dang/ gsog ma dang/ gyo mo bsal shing/ shing dang/ so phag dang/ mi gcod pa 'dam rdzab dang/ phyag dar gyi tshogs med par byas nas ngar dang me tog gi chun 'phyang btags te/ bdug spos kyi snod nas spos btul nas khyim
 dang/ srang bar dang/ bzhi mdo dang/ sum mdo la sogs brgyan par byas pa ni 'di lta ste/ ras dang dar dang/ be'u ras dang/ dar lwa dang zar ma'i ras dang/ gu du la'i ras dang/ ras yug chen la sogs pa btags pa dang/ rnga yab dang mdzes pa'i
 gdu du dang/ dpung rgyan dang/ do shal dang/ so mo do dang/ mu tig gi chun 'phyad dang/ dril bu dang/ nor bu chu shel dang/ me shel la sogs pa dang/ nor bu chen po'i rna rgyan btags pa dang/ ba dan sngon po dang/ ser po dang/ dmar po dang/ dkar po dang/ le
 rgan bsgreng ba'i shing dang/ khyim la btags pa dang/ ras kyi bla ra dang/ dar gyi bla res spud pas grong khyer ba ta li pu tra kun nas dri za'i gyal po'i gnas pa dang 'dra bar rnam par bzhag par gyur to pa ta li pu tra dang/ pa ta li pu tra'i nyen 'khor ji snyed par sil snyan gyi sgra
 sgrogs pa rnams rab tu gnas pa ni 'di lta ste/ gar mkhan dang/ gar ston pa dang/ gtam brjod pa dang/ bzhad gang byed pa dang/ mdzes par byed pa dang/ glu len pa dang/ mig 'phrul mkhan dang/ mtshong pa dang/ bud med kyi cha lugs 'gebs pa dang/ khar
 sil krol ba dang/ rnga rked nyag rdung ba dang/ byis pa lnga tshoms pa dang/ srang bdan? rtse ba ste/ de dag thams cad srang dang/ srang bar dang/ bzhi mdo dang/ sum mdo de thams cad du rang rang gi bya ba thams cad kyi mdzes par byas so/ /grong khyer gyi sgo bzhir yang
 sbyin pa ni gtong/ /bsod nams dag byed pa ni 'di lta ste/ zas 'dod pa rnams la ni zas/ gos 'dod pa rnan sa la ni gos/ dri dang/ phreng ba dang/ byug pa 'dod pa rnams la ni dri dang/ phreng ba dang/ byug pa/ ras zung dang/ ras yab dang/ karSha pa na 'dod pa rnams
 la ni ras zung dang ras ya ba dang karSha pa na sbyin ? pa dang/ rab tu dga' ba'i rol mo rnams brdung/ spyi bo la til mar gyis ni nyug par byed do/ /zhag gcig la ji lta ba bzhin du gsum pa nas bdun pa nas/ nyin zhag nyi shu rtsa gcig gi bar du btsas ston
 rgya cher byas te/ pad na 'tsho ba'i mam gnyis dang/ dri ma 'phyi ba'i mam gnyis dang/ nu ma snun pa'i ma ma gnyis rtsed grogs kyi mam gnyis te mam brgyad la gtang ngo/ /de ltar gzhon nu de ma ma brgyad po thams cad kyis rang gi gzo legs par
 byas pas yongs su bskyangs shing/ mkhas pa dang ldan pa rnams kyis 'o ma dang/ mar sar dang/ zho dang/ mar gyi snying po dang/ sbrang rtsis skyed par byed par rtsam par gyur to/ /de nas rgyal po a ko ka bu blta bar mngon par
 dga' bas slas rnams la gzhon nu ci 'dra ba blta bar bya'o zhes smras so/ /de nas ma ma rnams kyis rgyal po la bstan pa'i phyir khyer ba dang/ mthong nas rgyal pos gzhon nu'i ming ji ltar gdags par bya zhes bsams pa dang/ gang gi phyir 'di
 ni da la chos rab tu zhugs pa na skyes pas na de'i phyir chos 'phel ba nyid du ming gdags par bya'o zhes smras na/ gzhon nu rgyal po a sho kas blangs so/ /de nas rgyal pos gzhon nu la bltas nas dga' bzhin du smras pa/ nga'i bu la mig
 bzang legs skyes pa/ utpal sngo 'drar ba yangs rdzi ma can/ gang gis bzhin rgyan mdzes par byas pa ni/ sgra gcan kha las thar pa'i zla ba 'dra/ /ji tsam na rgyal pos blon po rnams la smras pa/ khyed rnams kyis 'ga' zhig la 'di lta bu'i mig
 yod pa mthong ngam/ blon po rnams kyis smras pa/ lha ma mthong lags so/ /de nas de na gnas pa'i 'khor rnams la de skad rgyal pos smras pa dang/ rI rgyal po kha ba can na lor brten pa'i bram ze rnams de nyid du lhags pa dang/ de rnams la
 rgyal pos gzhon nu bstan te/ khyed rnams kyis kyang 'ga' zhig la 'di lta bu'i mig yod pa mthong ngam/ lha mir gyur pa rnams la ni ma mthong ste/ de lta med kyi 'on kyang lha ri'i rgyal po kha ba can na kun la zhes bya ba'i bya de la 'di lta bu'i mig
 mchis so/ /yang smras pa/ ri rgyal kha ba can ni brag gi rtse/ /me tog mang zhing chu phran rab 'bab pa/ /de na kun la zhes bya ba'i bya/ /'di'i mig dang rnam par 'dra ba yod/ /de nas rgyal pos bya kun la myur du khyer la shog cig ces smras pa dang/ de'i steng
 gis dpag tshad gcig tsam du gnod sbyin rnams kyis thos so/ /'og gi dpag tshad gcig tsam du ni klu rnams kyis thos so/ /de nas gnod sbyin gyis skad cig ma de nyid la bya kun la khyer te 'ongs so/ /de rgyal pos gzhon nu dang/ kun la'i mig la shin tu yun
 rings par brtags na khyad par cung zad kyang ma rtogs so/ /de nas rgyal pos smras pa/ e ma ho gzhon nu dang/ ku na la'i mig shin tu 'dra ba yin pas na gzhon nu la ming kun la zhes gdags par bya'o/ /yang smras pa/ sa bdag de ni mig la rjes
 dga' bas/ /de tshe bu la kun la zhes smras/ /de nas 'phags pa'i sems can rgyal po'i bu/ /de'i ming ni sa stengs rab tu grags/ /de nas rgya cher gzhon nu chen por gyur pa'i bar du ste/ /de la gser phreng can zhes bya ba'i bu mo chung ma'i don du bkug nas
 byin te/ pha'i bzo'i gnas dang las kyi gnas 'di lta ste/ glang po che'i gnyar bzhon pa dang/ rtsa la bzhon pa dang/ shing rta'i thabs dang/ mnga' gzhu'i thabs dang/ lcags kyus bsgyur ba'i thabs dang/ mnga' bo che 'phen pa'i thabs dang/ lhags mnga' 
 'phan pa'i thabs dang/ thag mdud 'phen pa'i thabs dang/ mdun du bsnur ba dang/ phyir bsnus ba dang/ bcad pa dang/ dral ba dang/ rgyang nas phog pa dang/ sgra grag par phog pa dang/ gnad du phog pa dang/ mi 'chor bar phog pa dang/ chabs che ba dang/ dags
 pa dang/ gom stangs la byang bar gyur to/ /rgyal po a she kas de'i don du khyim gsum byed du bcug ste/ gcig ni rgu na gyi'o/ /gnyis pa ni so ga yi'o/ /gsum pa ni dbyar gyi'o/ /de la re zhig rgun gyi ni gcig tu dro ba'o/ /so ga yi ni gcig tu bsil
 ba'o/ /dbyar gyi ni de gnyis ka yod pa ste/ shin tu grang ba yang ma yin/ shin tu dre ba yang ma yin pa'o/ /chung ma rnam pa gsum 'jog ste/ che ba dang bar ma dang chung ba'o/ /de nas gzhon nu lha'i bu mo dang 'dra ba'i bud med kyi rab mchog rgod pa dang mig
 zur dang stegs pa dang/ sleg pa dang/ gar dang/ glu'i nye bar spyod pa la mkhas pa rnams dang lhan cig khang bzangs kyi steng gi gzhir gtogs pa na btsun mo gser phreng can dang lhan cig dga' ba dang/ rtse ba dang/ yongs su spyod pa nas
 ji srid dus gzhan zhig na rgyal po kun la dad lhan cig khyim bya'i/ kun dga' ra bar song ba dang/ de nas gnas brtan grags pa mngon par shes pa drug dang ldan pa de mthong ngo/ /mthong nas kyang kun la'i mig nu yun ring por mi thogs par 'jigs
 par 'gyur ro snyam nas des rgyal po la smras ba/ ci'i phyir gzhon nu rang gi las la ma sbyar/ de nas rgyal pos kun la la smras pa/ kun la dge 'dun gyi gnas brtan ji skad gsungs pa de dris shig/ de nas gzhon nus gnas brtan gyi rkang pa
 gnyis la btud de smras par gnas brtan ci zhig bka' stsal pa/ gnas brtan gyis smras pa/ kun la mig ni mi rtag pa'o/ /zhes yid la gyis shig/ yang smras pa/ gang du 'gro mang rjes su chags gyur nas/ mi phan thob pa'i las rnams byed pa yi//
 mig ni rab g.yo sdug bsngal stong ldan par/ /rtag tu so sor rtog byos kun la/ /de bzhin du slob par byed pa'i yed la byed pa dang rab tu ldan zhing gcig pur mngon bar dga' ba dang/ rab tu zhi ba la mngon par dga' bar gyur to/ /de yang rgyal po'i
 pho brang gi gnas dben par 'dug cing/ mig gi nyes dmigs dang/ skye mched mi rtag pa la sogs pa'i rnam par yongs su rtogs par byed do/ /de nas rgyal srungs ma zhes bya ba'i btsun mo dam pas phyogs der nye bar song ba dang/ des kun la
 de gcig pu 'dug pa mthong nas/ mig la rjes su chags pas lus la kun tu 'khyud de smras pa/ khyed kyi lus las ngas 'babs pa'i/ /'dod chags me ni stobs can gyis/ /nags me stobs can g.yo ba na/ /mang bo rnam par bsregs par gyur//
 gzhon nu bdag dang lhan cig tu/ /dga' ba rjes su myong bar bya/ /de thos pa dang kun las lag pa gnyis kyi rna ba bkag te smras pa/ /byed ni tshig 'di smra bar mi rigs te/ /bu'i ma bzhin khyod ni bdag gi ma/ /'di ni ngan 'gro'i lam gyi sgo yin pas/ /chos min
 'dod chags yongs su spong bar gyis/ /de nas rgyal srungs mas smras pa/ /'dir nyes ba ci zhig mthong/ /gzhan yang gzhon nu re zhig nyon cig/ dper na nyi ma'i gzi brjid brten pa'i tsha bas gdungs te chu ni 'thung ba dang/ ji ltar lus ni chu yis tshim par byang
 la/ sdig pa yod par rigs ma yin/ de bzhin 'dod pa'i me ni chen pos lhag par shin tu gdungs par gyur pa na/ /lus la reg pa'i chu'i dga' ba de las chos min ci zhig 'byung/ /kun las smras pa/ da'i grags par mi 'gyur mchog tu brnyas shing phyi
 nas rjes su 'gyod par 'gyur/ /de'i kun tu spyod par mi 'gyur de bzhin rigs nyams pa yang nyid du 'gyur/ /'phags pa nyid du mi 'gyur bkran 'gyur ngan par tshig gis chad pa bcad par 'gyur ro/ /spyos pas 'gyur gyi grags par mi 'gyur chos kyang mi
 snang nyid du 'gyur ba'o/ /rgyal srungs mas smra pa/ kun la de lta yin mod kyi gang khyed 'jigs par 'gyur ba 'di 'ga' zhig gi mthang nas grags par 'gyur ba ma yin te/ de yang rnam par dbyen zhing mi'i 'du ba dang bral ba'i phyir ro/ /yang smras pa/ yu
 bu'i mthong nas smra ba ni/ bud med dag gam smras rnams kyang/ /gang yang yod pa ma yin te/ /de bas bdag gi tshig nyon cig/ 'dod dang bcas pa'i bud med ni/ /dben par yongs su spong byed na/ /de yi chos chan 'jag 'gyur zhes/ /thos pa las grags
 thos sam ci/ /gzugs kyi rjes su mthun pa yi/ /sbyin gnas sdog med mthong nas ni/ /der gang lags pa'i mdangs rnams dang/ /mchod dang ni 'dra bar gyis/ /kun las smras pa/ gang khyod kyis 'di na gnas kyang mi mthong zhes smras na/ de re zhig nyon
 cig/ 'di ni gzi brjid 'bar ba'i shing la gnas pa'i me lhas bdag ni mthong gyur la/ tshangs pas mthong zhing brgya byin dag dang chu lha zla ba gshin rje dag gis mthong/ /gzhan yang gzhal yas khang pa mchog na gnas pa
 gzhan gyis nges par mthong 'gyur na/ /byis pa khyed kyis bdag dang gnyen gyi skye bo mi mnga' rang yang mthong ma gyur/ /mi ni gang zhig dben par mar 'jug byed na de ci me yis mi 'tshig gam/ gang zhig drags pas 'bras bu dngar ltar dug
 za de ni nyams par mi 'gyur ram/ /mi ni gang zhig brang 'gro gdug pas zin pa de ni gcod par mi 'gyur ram/ /mi ni gang zhig dben par gtogs par sdig byas gos par mi 'gyur de mi srid/ /de nas rgyal srungs mas smras pa/ gzhon
 nu ji zhig khyod de lta bur zhen pas gnas par ma byed cig/ de yang dus kyi sgo'i rdzong dang byin da'i rir yang 'dod pa'i don du rab 'jug la/ /'dod pa'i rgya mtsho'i chu yang brgal ring mdza' bo gang yin dag kyang 'bye ba yod/ /'dod pa'i phyir ni
 brtul zhugs thal ba shing gos 'chang ba'i bka' thub des de thub/ /de 'dir bde ba yang dag thob pa 'di la ci phyir kun tu chags mi byed/ kun las smras pa/ khyed kyis da ni zil gnon mi 'gyur te/ /lha yi bu mo 'dra ba'i bud med dag/ de
 yang dmyal ba'i sdug bsngal yod pas na/ /gzhan gyi bud med yongs su spong ba yin/ /de nas rgyal srung mas rang gi 'dod pa'i rnam pa thob par ma gyur pas/ /khros te smras pa/ shin tu 'dod pas gdungs par gyur pa na/ /gal te 'di na da'i
 mi 'dod na/ /blo ngan khyod ni ring po mi thogs par/ /dngos po thams cad med par 'gyur du 'ong/ /mig ni gnyis po gang yin pas/ /khyod ni 'di na dregs thob pa/ /mi ring bar ni de dag gis/ /rgud par gyur la blta bar bya/ /kun las smras
 pa/ chos ni rnam dag gyur na bdag ni mi myur du 'chi bar gnas par gyur kyang bla/ /skye bo dam pas bdag smad gyur pa'i 'tsho ba bdag la dgos ma yin/ /gang las mtho ris dag dang chos 'jig 'gyur ba'i 'tsho des ci zhig bya/ /mkhas pas
 zil gyis mnan pa'i bkren gyur bdag ni 'chi ba nyid yin mod/ ji tsam na rgyal srungs ma de kun la la glags skabs 'tshol zhing/ gnas bar gyur to/ /de nas rgyal po a sho kas byang phyogs kyi grong khyer rdo 'jog pa dang rtsod par gyur pa thos pa
 dang rgyal po rang nyid chas par gyur to/ /de nas blon po rnams kyis smras pa/ lha gzhon nu brdzang du gsol/ des ni thul bar 'gyur lags so/ /de nas rgyal pos kun la bos te smras pa/ kun la grong khyer rdo 'jog 'dul bar 'gro nus sam/ kun
 las smras pa/ lha rab tu mchi lags so/ /de nas rgyal pos yid la rab dang ba'i/ /bu zhes bya ba'i bsam pa shes pa dang/ /brtse dang phun tshogs na tshod la rigs pa'i/ /chas pa'i rkyen ni lung du bsgo bar gyur/ /de nas rgyal po a sho kas grong khyer
 brgyan pa dang/ lam mjal bar byas te/ rgan po dang/ nad pa dang/ bkran pa rnams rang gi lam nas bsal te/ gzhon nu dang lhan cig shing rta la zhon te/ pa ta li pu tra nas byung te brkyal nas/ ldog pa na kun la'i mdun nas yongs su 'khyud nas mig
 lta zhing dus? te smras pa/ 'dab chags rab mchog kun la mtshungs pa'i/ mig ni yangs shing utpal sngon po dang/ /'dra ba 'di la lta ba gang yin pa/ /der ni dpal yod pa de ldan rims nad bral/ /ji tsam na bram ze mtshan mkhan zhig gis mthong ba dang
 kun la'i mig ni yun ring po mi thogs par 'jig par 'gyur te/ rgyal po a shi kas nga'i mig gnyis la shin tu chags pa/ ltas mkhan des mthong nas smras pa/ mi dbang bu'i mig ni rnam dag la/ /sa bdag kyang ni mig la rjes chags
 pas/ /rnam dag dpal lam yid dang rjes mthun pa/ /ring po mi thogs 'jigs par 'gyur ba mthong/ /lha yul lta bur rab dga' i grong khyer 'di/ /gzhon nu mthong ba las byung skom pa dag/ mig pa bral nas de bzhin 'di'i sems
 mya ngan dag gis yongs su gdungs par gyur/ /ci tsam na kun la rim gyis grong khyer rdo 'jog tu nye bar phyin pa dang/ rdo 'jog gi grong khyer pas thos nas/ dpag tshad phyed dang gsum gyi bar du grong khyer brgyan pa dang/ lam mdzes par byas te/
 bum pa gang ba mar ser gyis brgyan pas mdun bsdus so/ /yang bshad pa rdo 'jog pa'i grong bas thos nas ni/ /rin chen bum pa gang ba la sogs pa'i/ /mchod pa thogs te mdun du song nas ni/ /sa bdag de la mang du rjed par gyur/ /mdun
 bsdus nas thal mo sbyar te smras pa/ bdag cag rnams ni gzhon nu la 'gal bar bgyid la yang ma lags la/ rgyal po a sho ka la yang ma lags mod kyi/ 'on kyang blon po mi srun pa dag 'ongs nas bdag cag la brnyas par bgyis med/ /ci
 ces na kun la bsnyen bkur chen por/ grong khyer rdo 'jog tu zhugs par gyur to/ /de nas rgyal po a sho ka la nang chen po zhig byung bar gyur ta/ de'i kha nas ngan skyugs 'ong zhing/ ba sba'i bu ga thams cad nas mi gcang ba 'jig? bar gyur kyang/
 gso bar nus so/ /de nas rgyal pos smras pa/ kun la khu gcig/ de rgyal srid la bzhag bar bya ste/ kho bo yang slar 'tshabs ci zhig bya/ de thos nas rgyal srungs mas bsams pa/ gal te kun la rgyal srid la bzhag na/ nga'i 'tsho ba
 med bar 'gyur ro snyam nas des smras pa/ lha bdag gis khyed gsos par bgyi lags kyi/ 'on kyang sman pa rnams nang du 'chi ba dag tu gsol/ ji tsam na rgyal pos sman pa rnams 'od ba bkag par gyur to/ /de nas rgyal srungs mas sman
 pa rnams la smras pa/ gal te skyes pa'am/ bud med 'di lta bu'i nad kyis zin pa yod na de khyed rnams kyis nga la ston cig/ de nas ri khrod pa gzhan zhig de lta bu'i nad kyis zin pa dang/ de'i chung mas sman pa la nad de smras pa dang/ sman pas smras pa/ nad pa de ni 'ong du
 chu gcig/ nad bltas pa sman bstan par bya'o/ /ci tsam na de bkug nas sman pa'i gam du phyin pa dang/ sman pas rgyal srungs ma'i gam du khyer ro/ /rgyal srungs mas kyang shin tu dben pa'i sa phyogs su bsang nas bltas pa dang/ de zhu ba la gnas na rgyu mar 'bu
 chen po zhig byung ste/ de steng du 'gro ba dang/ de'i ngan skyugs gyen du 'byung ngo/ /gal te thur du 'gro na ni 'og tu 'byung ngo/ /des dar na le sham btags te blugs kyang ma sha'i/ /de bzhin du pi bi ling dang/ srid ga dang/ lan tsha la sogs pa blud pa nas ji tsam na sgog
 skya blags pa dang/ reg pa tsam gyi shi nas/ bshang ba'i lam nas byung ngo/ /des de lta bu'i rnam par rgyal po la go bar bya ste/ lha sgog skya gsol cig/ des na khyed sos par 'gyur ro/ /rgyal pos smras pa/ lha mo da ni rgyal rigs ? dbang bskur ba yin na/
 ji ltar na sgog pa la yongs su longs spyod/ btsun mos smras pa/ lha 'di ni srog gi don gyi sman yin pas nye bar spyod par mdzod cig/ ji tsam na rgyal pos yongs su longs spyad nas 'bu de yang shi ste/ bshang ba'i lam nas byung ngo/ /rgyal po so sos bar gyur nas
 des rgyal srungs ma la mchog sbyin par brtsams so/ /khyod la mchog ni ci zhig sbyin par bya/ /des smras pa/ bdag la zhag bdun gyi bar du rgyal srid gsol cig/ 'o na/ kho bo cir 'gyur/ /btsun mos smras pa/ zhag bdun 'das pa dang/ lha nyid rgyal po
 mdzad cig ci tsam na rgyal srungs ma la zhag bdun gyi bar du rgyal srid byin no/ /de blo skyes ? ni bdag gis kun la la 'khon bcugs mngon du bya'o zhes ngas rngo 'jog pa'i grong khyer ba rnams kyis kun la'i mig brlag par gyis shig ces
 bcos ma'i yi ge bris te/ de yang rgyal po mya ngan med kyis bka' stsal pa/ shin tu dpa' zhing stobs dang pha rol gnon pa thogs pa med pa'i rtsal gyis rnam par gnon pa thob pa'i rgyal po rgya mtsho bzhi dang/ sa'i bdag po'i spyi bo'i
 cod pan gyis stan dang/ rkang par yongs su gtugs pa/ mya ngan dang bral nas mya ngan med pa/ ma ga d+ha'i grong khyer nas pa ta li pu tra dang/ rdo 'jog la gnas pa'i bar la rgyun mi 'chad par dge ba'i las kyi rtsom pas nye bar 'tsho ba/ sde tshoms gsum
 pa'i grong khyer gyi skas la gnas pa'i skye bo rnams rnams la ji ltar grong khyer ba rnams kyis shes par 'gyur ba de ltar khong du chud par gyis shig /'dir nga'i bu zhes btags pa'i dgra bcos ma'i spyod pa 'jam pa la mkhas pas sbyar ba'i
 sgyu'i bsgyings pas thal mo sbyar ba byas pa/ rigs kyi sol bar gyur pa'i ku na la des/ shin tu gcam gsag gi tshul gyis kho bo phebs par bya nas/ bag phebs pas gnod pa byed cing/ btsun mo'i 'khor la lta bar byed pas/ gang gis phyir 'di
 ni ma brtags par byed pa/ snying rje med pa/ 'jig rten pha rol spangs pa/ pha'i chung ma la yongs su lta bas de'i mod la dngos po'i rjes su zhugs pa/ gzugs kyis khengs shing ma'i phyogs la dregs pa 'phel bar byed pa/ rigs kyi chos kyi
 gzhung lugs sun 'byin par byed pa'i mi mig gnyis myur du phyung nas bkren pa nyid du gyis la shin tu dengs pa'i gos bskon te/ chung ma dang bcas pa phyi rol tu skrod cig /gang gi mig gnyis kyi dregs shing khengs par byed pa de med par
 gyis la/ de yang skye bo rnams kyis thong bar gyis shig /de'i lan gyi yi ge yang gtong bar ma byed cig /byas pa mi gtso bo'i phongs pa thos pas kyang nga'i snying 'dar bar ma byed cig /ngas khyed rnams la gzhung lugs su bzhag pa'i
 lung bsgo ba 'di khyed rnams kyis gyis shig /yang smras pa/ rgyal po mya ngan med gtum stobs ldan pa'i/ bka' bzhin rdo 'jog grong khyer pa yid kyis/ /rgyal po la gnod kun la zhes bya'i/ /mig gnyis myur du dbyung ba nyid du gyis/ /de ltar rgyal
 srungs ma des yi ge bris nas/ rgyal po mya ngan med pa'i so'i rgyas yi ge la rgya gdab par bya'o snyam nas/ ji tsam na rgyal srungs mas yi ge de rgyal po gnyid log pa dang so'i rgyas gdab par bya'o snyam du te/ rgyal po dang nye bar song ba dang rgyal
 po skrag pas nye bar gyur to/ /chung mas smras pa/ lha 'di ci zhig lags/ rgyal pos smras pa/ lha mo ngas rmi lam mi dge ba mthong ste/ bya rgod gnyis kyis kun la'i mig 'byin par 'dod par mthong ngo/ /btsun mos smras pa gzhon nu bde bar
 gnas lags kyis bzhin du rgyal po/ skrag pas sad nas smras pa/ lha mo ngas rmi lam rmis so/ /rgyal srungs mas smras pa/ rmi lam ji lta bu/ rgyal pos smras pa/ ku na la skra dang sen mo ring po 'chang zhing gos dri ma can gyon pa mthong ngo//
 btsun mos smras pa/ gzhon nu bde bar gnas lags kyis/ ji tsam na rgyal po gnyis kyis log pa dang/ rgyal srungs mas yi ge de so'i rgyas btab nas rdo 'jog tu bskur ro/ /yang rgyal po gnyid log pa na rang gi so lhags par gyur pa rmis so//
 de nas rgyal po mtshan mo de nyid 'das pa dang/ ltas mkhan rnams pos te/ rmi lam bzlas nas 'di dag ston par gyis shig ces bsgo'o/ /ltas mkhan rnams kyis smras pa/ lha gang gi 'di lta bu'i ltas mthong ba des ni bu'i mig 'jig par
 mthong bar 'gyur ro/ /yang smras pa/ gang gi so ni dengs pa dang/ /rmi lam nang na lhags gyur ba/ /bu'i mig ni 'jig pa dang/ /brlag pa'i bu ni des mthong 'gyur/ /de skad thos pa dang/ rgyal po mya ngan med stan las myur bar langs te/ phyogs
 bzhir lha rnams la gsol ba 'debs pa la zhugs par gyur to/ /smras pa/ sangs rgyas chos dang tshogs kyis gtsor gyur pa'i/ dge 'dun mngon dang lha ni gang yin dang/ gang yang 'jig rten drang srong dka' thub mchog /bdag gi
 bu sdug phongs las bsrung bar mdzod/ /yi ge de yang rim gyis rdo 'jog tu phyin to/ /de nas rdo 'jog pa'i grong khyer pa de rnams kyis yi ge de mthong nas kun la'i yon tan rgya chen pos yongs su mgu bas mi dga' bas de brda' sprod par ma nus te/
 yun ring por rnam par dpyad nas rgyal po gtum po dang tshul ngan pa bu la yang bzod par mi byed na/ bdag cag rnams la bzod par lta ga la byed/ yang smras pa/ thub pa'i ngang tshul can dul ba/ 'byung po kun la phan 'dod pa'i/ /kun la 'ang sdang
 byed na/ /bdag cag rnams la cis mi 'byung ci tsam na grong khyer pa'i skye bo de rnams kyis yi ge gzhon nu la bstan to/ /de nas gzhon nus pha'i yi ge spyi bos blangs te/ yi ge pa khyod rnams kyis rgyal pos 'dir ci zhig bris pa yi ge
 klogs shig /rgyal po mya ngan med rang nyid kyis bris so zhes bya ba'i bar du'o/ /de nas yi ge klags pa dang/ mig mchi ma dang bcas par gyur cing kun tu rmongs par gyur pas lag pa las yi ge ltung bar gyur to/ /yi ge pa gnyis pas
 blangs pa dang/ de yang kun tu rmongs par gyur nas de bzhin du lag pa las ltung bar gyur to/ /de bzhin du yi ge pa mang po blangs te/ yi ge'i don thos pa dang/ ku na la'i yon tan yongs su dran pas kyi hud 'di ci zhig yin zhes rnam par
 sems shing yi ge ltung bar gyur to/ /de nas gzhon nus de rnams kyi sbyor ba de mthong nas smras pa/ ri dags gzhon nu'i mig 'dra zhing/ /bzhin ni pad+ma'i mdab 'dra ba/ /pad+ma zhes bya snyan smra ba'i/ /nga yi ma dus ma byas sam/ /lha'i mthong na dga' 
 ba yi/ /rgyal srungs ma zhes bya ba de/ /gang zhig mya ngan nad kyis ni/ /de ni dus byas ma gyur tam/ /mig bzang 'jig rten grags pas gsal bar ni/ /grong khyer mchog gi bde 'byor mthong nas ni/ /ji ltar mchi mas mig khebs 'khrugs pa dang/ /skye
 bo'i du sgra 'dra ba 'di ci yin/ /de bas na re zhig yi ge khyer la shog dang/ 'dir ci zhig bris pa nga nyid kyis bklag par bya'o zhes gzhon nu rang nyid yi ge klog pa la zhugs par gyur pa dang/ rgyal po a sho ka rang nyid kyis bris so zhes bya ba'i bar du rgyas
 par ro/ /de nas gzhon nus yi ge klags nas gnas brtan grags pas smras pa mngon du gyur par byas te/ gnas brtan grags pas mig ni mi rtag pa'o zhes bya ba ni legs par gsungs so/ /de nas gzhon nus smras pa/ khyed rnams las 'ga' zhig
 gis bag phebs pa nyid kyis nga'i mig 'byin par spro'am/ de ni bya dgos so/ /de rnams las 'ga' yang spro bar ma gyur to/ /ji tsam na rigs ngan rnams bkug nas ku na las mig phyung zhig ces smras pa dang/ de rnams kyis thal mo sbyar te smras pa
 dang/ bdag cag rnams kyis rdo mi thogs te/ ci'i phyir zhe na/ gang zhig zla ba'i mdangs ldan pa/ /bzhin las 'byin par byed pa'i mi/ /de ni zla 'dra'i zhal nas ni/ /khyed kyi spyan ni 'byin par bgyid/ /de nas gzhon nus rdo 'jog pa'i grong khyer pa rnams la
 gang bsod nams 'dod pa de chos kyi rgyal po can du shog cig ces dril bsgrags so/ /ji tsam na chos kyi rgyal po can du mar me'i phreng ba byas nas/ nyi ma gnyis pa la dge slong rnams bza' ba dang bca' bas bsnyen bkur bya ba dang/ me tog gi
 gdugs btags pa byas so/ /de ltar byas nas chos kyi rgyal po can nas byung ste/ skye bo'i tshogs chen pos bskor nas rdo leb gzhan pa gang na ba der song ste phyin pa na/ der 'dug te gser gyi spro ma blangs nas smras pa/ gang zhig spro ba des
 gser gyi sgrom 'di long la nga'i mig phyung shig ces smras kyang thams cad du 'ga' yang spro bar ma gyur to/ /ji tsam na rgyal po mya ngan med kyi rmi lam du skyes bu spyi gcer mig ser ba gnyis kyis/ gzhon nu'i mig 'byin
 par byed par mthong ba ci 'dra ba de lta bu nyid ring po kho na nas 'ong ba gzhon nu mthong nas smras pa/ kye grong khyer pa rnams skyes bu 'ong ba 'di dag gis nga'i mig 'byung bar bya'o/ /gzhon nus skyes bu de gnyis la bos te dris pa/ khyed kyis
 nga'i mig 'byin par spro'am/ skyes bu gnyis kyis smras pa/ gal te khyed dga' na mgo ba yang drags par nus na/ chu'i chu bur lta bu'i mig gnyis lta smos kyang ci dgos/ de nas gzhon nu stan las langs te/ thal mo sbyar ba byas nas
 thams cad dang/ ldan pa'i 'khor rnams la bzod pa la gsol ba la zhugs par gyur to/ /bdag ni byis par gyur pas gang byas dang/ /dbang ches gyur pa'am 'on te mi rigs byas/ /de ni dpal nyams shing sdug bsngal ba/ /bdag
 la brtse bas bzod par bya ba'i rigs/ /gzhan yang/ gzugs rnams mthong bar gyur kyang 'di/ /tha ma dag tu gyur pa yi/ /gzhon nu ku na la la ni/ /gnod byas gang yin bzod par gyis/ /de'i tshe gzhon nus gnas brtan gyi tshig
 mngon sum du byas nas/ de rjes su dran bzhin du smras pa/ rgyud pa 'di ni mkhyen nas su/ /mig gi bdag nyid ku na la/ /mi rtag yang dag ltos shig ces/ /de nyid smra ba de yis gsungs/ /de ni bdag gi dge ba'i bshes/ /'dod don phan
 par bzhed pa yin/ /gang zhig chos 'di ston pa ni/ /phongs la brten par byed pa yin/ /mi rtag 'gyur bas de ni rtag min par/ /bla mas bstan pas khyed kyis yid la gyis/ /dngos po 'di dag rang bzhin g.yo bas na/ /deng khyod gnod
 pa la ni nga mi 'jigs/ /ji ltar sa bdag bzhed pa ltar/ /khyed kyis mig ni dbyung bar gyis/ /mi rtag sogs kyis zag med pa'i/ /snying po'i mig ni nga len to/ /de nas kun las skyes bu de la smras pa/ kye skyes bu de na re hu? zhig nga'i mig gcig phyung la nga'i
 lag tu byin cig /ji tsam na skyes bu des kun la'i mig 'byin par brtsams so/ /de nas srog chags brgya stong tshe nges 'debs pa la zhugs te/ kyi hud sdug bsngal lo/ /dri med zer ldan zla ba 'di/ /nam mkha' las ni lhung bar gyur/ /pad+ma dkar po'i nags las
 kyang/ /dpal gyi pad+ma 'byin par byed/ /de nas srog chags brgya stong du bzhin du des ku na la'i mig gcig phyung ste lag tu byin no/ /de nas gzhon nus mig te blangs te/ yongs su bsgo bas smras pa/ 'byung ba chen po'i mthu dang ni/ /las kyi rgyu las
 'di byung ste/ /srog med 'tsho ba med stongs pa/ /mi yi srog gis rnam spangs pa'o/ /ji ltar sngon chad sha'i gong bu khyod/ /byed bzhin de ni gzugs la cis mi lta/ /mi mkhas khyod la bdag tu gnas byed pa/ /de bslus des na smad par bya ba yin/ /dbu
 ba 'dra zhing chu bur dag dang mtshungs/ /shin tu nyams chung gnod byed rang dbang med/ /de ltar mthong ba rtag tu dregs med cing/ /de ltar slar yang sdug bsngal mthong mi 'gyur/ /de ltar rnam par bsams pa dang/ /des dngos po thams cad la mi rtag pa nyid
 du mthong zhing rgyun tu zhugs pa'i 'bras bu thob par gyur par skye bo'i tshogs rnams kyis kyang shes so/ /de nas gzhon nus bden pa mthong ba dang/ skyes bu de la smras pa/ bag phebs pas ji ltar mngon par 'dod par mig gnyis pa yang phyung shig /ji tsam
 na skyes bu des mig gnyis pa yang byung nas ku na la'i lag tu byin no/ /de nas ku na la'i sha'i mig phyung ba dang/ chos kyi mig rnam par dag pas smras pa/ nga yi shI mig phyung yang/ /'on kyang shin tu rnyed dka' 'di/ /shes rab mig ni rnam dag pa/ /ma smad pa ni nga
 yis thob/ /rgyal pos rang gi bu yis ni/ /btags pa spangs par gyur kyang ni/ /chos kyi rgyal po'i sras gyur pa/ /bdag nyid chen po thob par gyur/ /dbang phyug las ni nyams gyur kyang/ /mya ngan sdug bsngal rnams spangs pas/ /sdug
 bsngal mya ngan rnam 'jig pa'i/ /chos kyi dbang phyug thob par gyur/ /de nas kun la'i mig phyung ba mthong ba dang/ skye bo'i tshogs chen pos mgrin gcig tu smre sngags 'don cing la la ni gos dang rgyan rnams gcod par byed/ la la ni sa la 'gre zhing
 sdog par byed/ la la ni dbyug pa dang gtun shing lag na thogs te skyes bu gnyis po de brlag pa'i phyir brtson par byed/ gzhan dag ni rgyal po la yongs su smod par byed de/ kye ma'o rgyal po khro bo'i stobs can/ kye ma'o rgyal po shes rab gzhan
 pa/ kye ma'o rgyal po dbang phyug gi dregs pa gang na bu gcig par gyur pa la yang gnas skabs 'di lta bur byed ces de lta bu'i tshul rnam pa mang por smra bzhin du/ grong khyer du zhugs par gyur to/ /ci tsam na ku na las 'di ni rgyal po mya ngan med kyi bka' 
 ma yin gyi/ gzhan du na sbyor ba 'di ni rgyal srungs ma'i yin no zhes thos so/ /thos nas yang smras pa/ gang gis sbyor ba 'di ni bkur ba yis/ /gang zhig gi myong nas rang don byas gyur pa'i/ /rgyal zhes bya ba yun ring bder gyur ces/ /lha mo'i tshe dang
 stobs ni bskyangs par shog /de nas gser phreng can mas ku na la'i mig phyung ngo zhes thos so/ /thos nas kyang khyo la brtse bas ku na la'i thad du song ste/ 'khor rnams bsal nas/ ku na la'i mig phyung ba lus la khrag gis gang ba mthong ba dang/
 brgyal te sa la 'gyel bar gyur to/ /de ci tsam na chus gtor te bslang ngo/ /de nas ji zhig ltar 'du shes rnyed pa dang/ nga ro dang bcas par rab tu du zhing smras pa/ khyed kyi mig ni yid du 'ong ba gang/ /nga yis bltas na shin tu dga' gyur pa/ /de ni da ltar
 lhas na 'jigs bskyed cing/ /sems kyi mya ngan ma lus 'byin par byed/ /de nas ku na las chung ma la rjes su brtse bas smras pa/ mya ngan la brten pa rigs pa ma yin gyis du ba thong/ ci'i phyir zhe na/ 'di ni rang gis byas pa'i las kyi 'bras bu nye bar gnas pa
 yin no/ /'jig rten 'di las bdag nyid can du shes/ /'gro ba sdug bsngal dngos po dang ldan par/ /shes na sdug dang bral la zhen mi bya/ /de bas sdug pa mchi ma 'byin mi rigs/ /gzhan yang mig phyung bas ngas de ci zhig bya/ /nye du'i gan du song/ khyod kyang
 sdug bsngal gyi bskal pa can du ma byed cig /gser phreng mas smras pa/ skyes bu gang zhig dpal rgyal bud med ni/ brtse bas rjes 'jug pa la ngo mtshar med/ /gang tshe dpal nyams pa na rjes 'brang ba'i/ /bud med de ni mi nang lha dang
 mtshungs/ /de nas ku na la chung ma dang lhan cig grong khyer las byung ba dang/ de mngal du zhugs pa nas brtsams te/ shin tu gzhon she can gyi lus dang ldan pas/ /las ci yang byed par mi nus kyi/ gzhan du na pi waM dag brdung zhing glu dag len par nus
 so/ /de nas de gser phreng ma'i lags pa la 'jus te/ gzhon nu skyed byed phrag par khur nas 'di skad ces smras so/ /bu sdug dpal po'i rigs las skyes/ /khyod dang nga rab sdug bsngal te/ /yu bus mthar ni slongs mo thob/ /mi bzad las ni sngon
 byas yin/ /sgyu ma lta bur mi brtan pa'i/ /dbang phyug la ni su yid ston/ /mya ngan med kyi bur gyur la/ /gnas skabs 'di 'dra thob par gyur/ /las byas pa ni tshogs pa dang/ /ldan pa'i 'bras bu 'di lta bu/ /las ni lhan cig byas pas na/ /lhan
 cig longs ni spyad par gyur/ /de bas na da ci zhig bya ste/ pa ta li pu trar song la/ rgyal po mya ngan med pa la gsol ba gdab par bya'o/ /'dzam gling dbang phyug mnga' bdag de/ /nga yi dga' ba byed pa'i pha/ /de ni sbyin pa'i gnas yin zhing//
 nga la rtag tu rjes brtse yin/ /de nas kun la'i pi waM brdung zhing glu len pa dang/ gzhan gyi khyim rnams su tshul 'dis 'tsho ba sgrub cing chas so/ /bsnyen bkur chen po las nyams shing/ /'ong ba skal sman sems can ni/ /slongs
 mos rgyu bar byed pa la/ /chos ldan skyes bu su zhig ster/ /pha dang ma spangs longs spyod dang/ /zas dang mal cha khyim med pa/ /nyam dar rab zhugs long ba la/ /slong mo ma yis ster bar mdzod/ /longs spyod glog 'gyu ba dang 'dra zhing/ /zil pa'i chu
 thigs 'dra ba las/ /'gro bkren snyen tshig sbyin pa yis/ /snying po myur du len par gyis/ /dbul po skra ni brdzes gyur cing/ /'jig rten kun gyis brnyad pa dang/ /dpal nyams khyim khyim slong mos rgyu/ /nga la ma yis slong mo byin/ /de nas
 kun las slong mo rnyed pa rnams chung ma dang lhan cig yongs su longs spyod par gyur to/ /gser phreng ma yang lam gang nas pa ta li pu tra nas 'ongs ba'i lam de nyid nas rjes su 'breng bar 'gro'o/ /de song ba dang chos kyi 'khor lo'i gnas su phyin to//
 de nas kun las gser phreng ma la dris ba/ bzang mo gang yu bus phyin pa'i grong khyer 'di gang zhig yin/ btsun mos mthong ba dang/ brgyal te sa la 'gyel to/ /skad cig tsam na 'du shes rnyed de smras pa/ gang tshe dpal dang ldan par 'gro ba
 na/ /skye bo byed pa gnas 'dir lhags par lhags/ khyed mig bral nas de ni 'dir 'ongs pas/ /'du byed g.yo ba de ni cir mi rung/ /ji tsam na rim gyis pa ta la bu trar phyin to/ /de nas skyed mos tshal yid 'phrog pa zhes bya ba rgyal po
 mya ngan med kyis rang gi bu kun la'i don du byas pa zhig yod pa der zhugs par brtsams te zhugs pa dang/ ji tsam na skyed mos tshal srung bas mthong nas smras pa/ long ba bkra mi shis shing mi bsngags pa 'di su zhig yin nas/
 skyed mos tshal 'dir zhugs/ kye ma'o long ba 'dzam+bu'i gling gi dbang phyug gi rgyal po mya ngan med pa'i bu ku na la zhes bya ba'i don du skyed mo tshal 'di srung ba khyed kyis mi shes sam/ gser phreng mas smras pa/ kyi hud sdug bsngal lo/ /skyed mos
 tshal ni nags rgyas par/ /nga yi bu 'di dga' 'gyur zhes/ /bu la brtse bas sa bdag gis/ /gang gi don du byas gyur pa/ /bdag cag gnas pa'i don du der/ /'tsho ba zhan pas phyin gyur na/ /skal ba dman pas ma shes nas/ /de las da ltar
 sgrod par gyur/ /gang du gzhon nu glu'i sgra snyan cing yid du 'ong ba dang/ bai DUrya'i rkang rten dang ldan pa'i mal khri la nyal nas rtse zhing rol ba'i gnas pas dga' ba'i gnas gang yin pa der bgrod pa tsam yang thob par ma gyur to/ /de nas ku na las de
 yid? bsring bar bya ba'i phyir smras pa/ bde bar gshegs pas rgyal srid dpal dag ni/ sgyu ma rmi lam smig rgyu 'dra bar gsungs/ /phun tshogs rgud pa de la rim byung na/ /mkhas pa su zhig rgyal srid bde ba 'dod/ /de nas gzhon nu slar logs
 nas/ pa ta li pu trar 'jug par bya'o zhes nges par bsams nas der phyin pa dang sgor gser phreng ma du ba la zhugs par gyur to/ /ku na las smras pa/ 'di ci zhig yin/ des smras pa/ gang las sngon ni byung ba na/ /gang gis grong khyer brgyan
 gyur pa'i/ /da ni de la de med de/ /phreng ba skams pa dor bar 'gyur/ /ji tsam na rim gyis pa'i glang po che'i bres su mtshan mo gnas bcas par gyur to/ /de nas rgyal po mya ngan med de'i mtshan mo khang bzangs kyi steng na nyal ba dang/ mtshan
 phyed kyi dus 'das pa na sad pa dang/ de gzhon nu yid la byed pa la zhugs te/ nga'i bu bden pa'i tshig can de cir gyur zhig gu /rgyal srungs mas smras pa/ gzhon nu bde bar gnas lags kyis/ rgyal pos smras pa/ nga'i bu yi pho nya med/
 'phrin med yi ge'ang yod min na/ /de yis nga ni brjed gyur tam/ /'on te nga la sngo bar gyur/ /de nas glang po che'i rdzi bo des smras pa/ kye glu mkhan longs shig /re zhig pi wang sprengs la glu longs shig /kho bos mnyan par bya'o/ /de
 nas kun la langs nas pi wang len pa zhugs te/ de ji ltar mig phyung bas bden pa mthong bar yang byas nas/ slongs mo pa'i tshul gyis pa ta li pu trar phyin pa dang/ rigs las byung ba'i glu len par brtsams so/ /mi gang mig dang bral bar
 gyur pa de la srog gi dgos pa ci zhig yod/ /gnyen gyi skye bos spangs shing khros pa'i bzhin ras dag lta byed pa na/ /chu shing bshig ltar snying po med pa'i 'dus byas dag la mkhas pa su mi skyo/ /gang gis nga ni rin chen rang bzhin shing ltar 'bad
 pas rnam par gsos gyur cing/ /bu'i sred pa kun la zhe ming btags bya dang mig na 'drar gyur pa/ /mi yi bdag po'i bu ru gyur kyang bkren pa'i tshul du nga ni spyod par byed/ /gzhan yang skye mched rnams kyi ngo bo nyid/ /mig sogs ye shes sgron ma ni//
 dag pa'i shes rab kyis mthong gang/ /de ni skye bo rnams las grol/ /gal te khyod ni srid pa'i sdug bsngal rnams kyis gzir/ /srid pa'i nyes pa rnam par nges byas blo ru bya/ /gal te 'di na brtan pa'i bde ba 'dod gyur na/ /skye mched nyid la brten pa nyid
 du gsol ba thob/ /de'i glu'i sgra de rgyal po mya ngan med kyis thos so/ /thos nas kyang dga' bzhin du smras pa/ /glu ni ku na la'i dang rab tu 'ang ldan gyur cing/ /yun ring zhig na pi wang sgra yang thos gyur na/ /ci ga 'di ru ku na la ni 'ong gyur tam/ /ma 'ongs par
 ni bdag ni mthong bar dga' bar gyur/ /de nas rgyal po mya ngan med kyis nyung rum gyis skyes bu zhig la smras pa/ kye skyes bu cig glu'i sgra 'di ni/ /ku na la dang rab 'dra bas/ /brtan dang zhum pa mi mthun par/ /ston pa lta bur shes par gyur/ /de bas 'dir
 ni sgra 'di yi/ /brtan las shin tu g.yos gyur te/ /seng ge nyid kyi sgra yis ni/ /glang po rab tu skrag ltar gyur/ /de nas nyung rum glang po che'i bres su song ba dang/ ku na la mig phyung ba rlung dang tsha bas lus tshig pa de mthong ba dang ngo ma shes so/ /de nas glang po
 che skyong ba la smras pa/ 'di su zhig yin/ glang po che'i rdzi bos smras pa/ 'di ni long ba mig med pa zhig go /de song nas rgyal po la gsol pa/ lha long ba zhig pi wang thogs te chung ma dang ldan cig lha'i glang po che'i bres nas mchis so/ /de thos nas
 rgyal pos bsams pa/ ji ltar ngas rmi lam mi dge ba mthong ba las na/ /gzhon nu'i mig nges par nyams par gyur to snyam mo/ /yang smras pa/ nga yis sngon ni rmi lam du/ /mtshan ma ji ltar mthong ba las/ /the tshom med par kun la'i/ /mig ni brlag
 pa nyid du nges/ /de nas rgyal po rab tu ngu zhing smras pa/ /bu yi sdug bsngal dog pa yis/ /nga yi sems ni zhir ma gyur/ de ni nga yi thad nyid du/ /myur ba kho nar khyed la shog /ji srid na skyes bu de yang glang po che'i bres su song ste/ ku na la la smras pa/
 khyod su'i bu yin/ khyod kyi ming ni ci zhes bya/ kun las smras pa/ mya ngan med pa zhes bya'i rgyal/ /dpa' bo yid ni rigs dga' ba/ /gang gis sa 'di rgyas par ni/ /mdag gzhug par ni dbang du gyur/ /nga ni rgyal po de yi bu/ /ku na la zhes rnam par
 grags/ /sangs rgyas nyi mo'i gnyen gyur pa/ /chos can sras kyang nga yin no/ /de nas ku na la chung ma dang lhan cig rgyal po mya ngan med kyi gan du song ngo/ /de nas rgyal po mya ngan med kyis ku na la'i mig phyung ba rlung dang than pas lus tshig pa/
 phyag dar gyi dum bu bsdus pa'i gos gyon pa dang/ smad dkris byas pas ngo shes par ma gyur gyi/ dbyibs tsam zhig mthong nas smras pa/ bu khyod ku na la yin nam/ lha de lta lags te bdag ni ku na la'o/ /de thos pa dang rgyal po rgyal nas
 sa la 'gyel to/ /de nas ku na la'i gdong bltas na/ /mig bral mya ngan gyi sems gdungs shing/ /mya ngan med pa sad lhung 'du shes bral/ /kyi hud bu gcig bu gcig ces par smra/ /ji tsam na rgyal po chus gtor nas sa
 las bslangs te stan la bzhag go /de nas rgyal po ci zhig ltar 'du shes rnyed nas ku na la phang par bzhag ste smras pa/ de nas yud tsam dbugs ni phyungs nas su/ /mgul pa mchi mar bcas pas mgul 'khyud de/ /bu'i gdong la yongs su
 byugs nas su/ /rgyal po rnam pa mang du smre bar gyur/ /ku na la dang mchus pa'i mig brtags nas/ /nga yis rang bzhin de ni ming btags gang/ /bu de'i mig ni phyung ba la bltas nas/ /ku na la zhes ji ltar smra bar bya/ /yang smras pa/ khyed kyis
 shing mdangs ldan bzhin 'di ni/ /nam mkha' i zla ba skar ma dang bral ltar/ /mdzes pa'i mig dang bral bar khyed sus byas/ /bu sdug re zhig smros shig smros shig dang/ /snying rje med pa'i sems ldan su yis khyed/ /thub 'dra 'phags pa'i bden pa
 rtogs gyur pa/ /khyed kyi mig bzang dgra med 'khon bzung nas/ /rang bzhin 'di byas nga'i mya ngan rtsa/ /don 'di myur ba nyid du smros shig smros/ /nga'i lus 'di'ang 'jig par 'gyur du 'ong/ /khyed kyi bzhin rgud mya ngan gyis bsregs pa/ /dgra yis
 nags bcad bsregs pa lta bur gyur/ /de nas ku na las pha la smras pa/ /'das pa'i don la ni mya ngan bya ba'i mi rigs te/ sngon las rnams las sangs rgyas kyang mi 'da' / /de bzhin rang rgyal 'bras bu la gnas dang/ /so so'i skye bo'ang grol
 bar mi 'gyur zhes/ /thub pa'i gsung ni khyed kyis ma gsan nam/ /rgyal po skyes bus mi dge'i las rnams byas/ /'bras bu med par nam yang mi 'gyur na/ /'di na rang byas las kyis 'bras bu la/ /'di ni gzhan gyis byas zhes ji ltar
 smra/ /rgyal po chen po bdag gis nongs bgyis te/ nongs bcas ma yin nam yang 'di 'dra min/ /mtshon dang rdo rje dug dang sdul rnams kyis/ /nam mkha' 'gyur zhing gnod byed mi nus so/ /las kyi bdag nyid can ni lus mtshon pa'i/ /lus can rnams
 la mi dge'i sdug bsngal 'byung/ /de nas rgyal po mya ngan med/ /mya ngan gyi mes gdungs pa'i yid kyis smras pa/ nga'i bu'i mig bzangs su yis phyung bar gyur/ /su zhig shin tu sdug pa'i srog ni gtong bar zhugs/ /nga'i yid 'di mya ngan me yis bsregs
 gyur gyis/ /gang la chad pas bcad bya bu sdug myur du smros/ /ku na las smras pa/ gzhon nu ku na la 'di yi ni/ /mig ni gnyi ga phyung shig ces/ /tshems kyi rgya yis rgyas btab nas/ /yi ge lha yis bskur ba lags/ /rgyal pos smras pa/ bya ba 'di dag rnam
 bsams pa/ /rmi lam du yang ma dran na/ /ci yi phyir na tshig 'di dag /nga ni rab tu smra bar byed/ /de nas gzhon nu mig mchi mas gang ba dang bcas pa'i rgyal po la bltas nas smras pa/ mi'i bdag po mya ngan dag gis 'khrug ma mdzad/ /rang gi mig dang bral
 ba mdzes pa min la gzigs/ /'di ni mi yis rang byas sdig pa'i khur bkur te/ /sa bdag gzhan byas 'bras bu gzhan ni spyod mi 'gyur/ /sa bdag mi dge'i las rnams byas par gyur pa dag /smin pa'i dus su 'jigs par nam yang mi 'gyur te/ /de 'dra'i
 'bras bu 'di ni rang gis byas pa la/ /gzhan gyis 'di dag byas zhes ji ltar brjod par bgyi/ /lha gzhan yang bcom ldan 'das kyis ji skad du gsungs pa ma gsan nam/ 'jig rten gsum gyi snying po lha mis mchod gyur pa/ stobs kyis stobs
 phyug pa yang stobs mdza' las mi thar/ /sngon byas las las nam yang thar par mi 'gyur na/ /'di na bdag 'dra gzhen dge smos kyang ci zhig 'tshal/ /ji rtsam na rgyal po mya ngan med kyis sbyor ba 'di ni rgyal srungs mas byas zhes thos so/ /thos
 nas kyang rgyal pos rgyal srungs ma bos ta smras pa/ skal med ci phyir sar ni nus ma gyur/ chos bshig nga yang mi dgar byas pas na/ /chos min ldan pa bdag dpal 'phrog 'dra ba/ /shin tu sdig byed khyod ni spang bar
 bya/ /de nas rgyal po khro bo'i me 'bar ba dang/ /rgyal srungs ma la bltas te smras pa/ 'di'i mig dbyung ngam 'on te 'di yi lus/ /sen mo shin tu rno bas dral ba'am/ /yang na gson por bdun rtser skyon pa'am/ /'di'i lus sog las rnam par
 drags par bya/ /yang na lce ni spu gris gtub bya zhing/ /dgra stas bsnun pas mgo bo bcad par bya/ /yang na bskal pa'i me 'drar gzhug bya zhing/ /'on te dug gi lus 'di dgang bar bya/ /de la sogs pa gsod bcas sbyor ba ni/ /rnam mang mi'i dbang
 pos smras pa dang/ /snying rje'i bdag nyid can kun las thos nas/ /bdag nyid chen po de la gsol ba 'debs/ /de nas rgyal po mya ngan med khro bo'i me kun tu 'bar bas dkrugs pa dang/ rgyal srungs ma brlag pa'i thabs tshol ba la brtson
 pa la ku na las spyi bos phyag byas te/ snying rje rje skad du smras pa/ lha bud med 'di bsad par rigs pa ma lags so/ /rgyal pos smras pa/ gang gis khyod dang nga'i lus btsom rab tu byas gyur la/ /'di lta'i tshig ni smra byed khyad ni rigs
 pa ma yin na/ /ku na les smras pa/ de de lta lags su zin kyang/ /bdag ni de'i tshe nas da lta de'i bar du 'di dang/ gshed ma pa'i skyes bu de gnyis la gzhon nu skyed byed la khong khro ba'i sems med pa de bzhin du de rnams la snying rje dang
 byams pa'i sems nyid shin tu bsgom lags so/ /rgyal pos smras pa/ khyod snying rje'i dbang du gyur pa yin par tshig 'di lta bu la su zhig yid ches par gyur/ kun las smras pa/ nges par nang du bdag nyid tshad mar gyur pa dang/
 de bzhin du mngon par shes pa drug dang ldan par bdag nyid chen po gzhan gyi sems shes pa gzhan dag dbang du gyur pa lags so/ /rgyal pos smras pa/ gal te de lta yin na/ nga dang 'jig rten rnams kyis mngon du gyis shig /de yang 'di ltar
 shi ba'i rgyal pos phug ron gyi don du lus bcad nas/ bden pa bdar bas sngon gyi lus ji lta ba bzhin du gyur to zhes thos kyis de bzhin du khyod kyis kyang bden pa bdar bas sngon gyi mig ji lta ba bzhin du gyis shig /de bzhin du bgyi'o zhes
 smras pa/ ku na las bram ze dang khyim bdag brgya stong du ma 'dus pa dang/ rgyal po 'khor dang bcas pa'i nang du bcom ldan 'das kyi thugs rje la sogs pa'i yon tan mngon du byas te shar phyogs su bltas nas bden pa'i tshig 'di skad ces brjod do//
 bden pa gang gis rgyal srungs ma dang skyes bu gnyis po'i bar la de'i tshe dang da lta'i bar du skye ba'i sems med cing/ bdag gis bu gcig pa skyed byed ji lta bar snying rje dang byams pa'i sems mnyam par gyur pa'i bden pa'i tshig des sngon gyi mig
 ji lta ba bzhin du gyur cig/ tshig brjod pa dang dus mnyam pa nyid du ku na la'i mig sngon gyi ji lta ba bzhin du gyur to/ /de nas rgyal po dang/ grong khyer pa rnams kye ma kye ma zhes sgra gsang mthon po sgrogs shing/ rnam pa de lta bu'i ngo mtshar la
 lta'o/ /de nas rgyal po mya ngan med kyis kun la rgyal tshab du dbang bskur bar zhugs pa dang/ kun las smras pa/ rgyal po chen po bdag la ni rgyal srid dgos pa ma mchis so/ /bdag gis ni bden pa mthong lags so/ /de nas gzhon nu skyed
 byed rgyal tshab du dbang bskur ro/ /de nas bar skabs su yang rgyal srungs ma'i phyir gsol ba 'debs pa/ gal te rgyal srungs 'phags min las bgyis kyang/ /khyed 'phags las mdzod bud med 'gum mi bgyi/ /bzod dang 'dra ba'i stobs ni
 yod min zhes/ /bde gshegs bsngags pas gtso bo bzod mdzad rigs/ /ji tsam na rgyal po mya ngan med shin tu khros pas rgyal srungs ma rgya skyegs kyi khang par bcug ste bsregs so/ /rdo 'jog pa'i grong khyer pa rnams
 kyang rab tu bcom mo/ /de nas dge slong ci'i phyir kun la las gang zhig byas na 'di'i mig phyung ba dang/ slar skyes pa yin zhes the tshom skyes la/ de ltar the tshom skyes pa gnas brtan grags pa la dris pa dang/ gnas brtan grags pas
 smras pa/ de bas na tshe dang ldan pa dag nyon cig /dge slong dag sngon byung ba 'das pa'i dus na grong khyer bar na ser na rngon po zhig gnas te/ de kha ba can du song nas ri dags rnams gsod do/ /de dus gzhan zhig na las can du song ba
 dang/ der ser ba bab par gyur la/ ri dags lnga brgya phug gcig tu zhugs pa zhig rnyed pa dang/ des rgyas thams cad bzung nas de la blo skyes pa/ gal te thams cad dus gcig tu bsad na ni sha rul bar 'gyur bas thabs
 gzhan zhig bsam par bya'o snyam nas des ri dags lnga brgya'i mig phyung ngo/ /mig phyung ba de rnams gang du yang 'bros par ma nus so/ /de bzhin du rgya cher ri dags brgya phrag mang po'i mig phyung ngo/ /tshe dang ldan pa dag ri dags kyi
 con? pa gang yin pa de ni gzhan ma yin gi ku na la 'di nyid yin no/ /gang der ri dags mang po'i mig phang ba de'i las kyis rnam par smin pas lo brgya stong mang por dmal bar sdug bsngal rjes su myong la/ /de nas las kyi lhag mas skye?
 ba lnga brgyar mi rnams kyi nang du skyes pa ni mig phyung bar gyur to// //las ci zhig byas na las gang gi rnam par smin pas rigs? ma? ? skyes ???
 tshe dang ldan pa dag nyon cig /sngon byung ba'i dus skye dgu rnams kyi tshe lo bzhi khri thub pa na/ yang dag par rdzogs pa'i sangs rgyas 'khor ba 'jig ces bya ba 'jig rten du byung ste/ gang gi tshe yang dag par rdzogs pa'i sangs rgyas 'khor ba 'jig gis
 sangs rgyas kyi mdzad pa ma lus pa mdzad nas phung po lhag ma med pa'i mya ngan las 'das pa'i dbyings su yongs su mya ngan las 'das pa dang/ de la rgyal po mdzes pa zhes bya bas rin po che sna bzhi las byas pa'i mchod rten chu zheng dpag tshad
 tsam byas so/ /gang gi tshe rgyal po mdzes pa dus byas nas dad pa med ces bya ba rgyal srid la bzhag pa na/ rin po che de rnams ma byin par len pa rnams kyis brkus te/ phyag dar dang shing tsam zhig lus pa dang/ der skye bo'i tshogs song ba na/ mchod
 rten rnam par dengs pa mthong nas kyi hud kyi hud sdug bsngal lo zhes yang dag pa'i nga ros du'o/ /tshong dpon gyi bu zhig kyang 'ongs nas/ des smras pa/ ci'i phyir du/ de rnams kyis smras pa/ yang dag par rdzogs pa'i sangs rgyas 'khor ba 'jig gi
 mchod rten rin po che sna bzhi'i rang bzhin can zhig yod de zhes bya ba nas de rnams kyis rgya cher mchod rten de sngon bzhin du bzhag par gyur to zhes bya ba'i bar du'o/ /de na yang dag par rdzogs pa'i sangs rgyas 'khor ba 'jig gi sku'i tshad kyi
 sku gzugs yod pa las de zhigs pa dang/ legs par gsos to/ ston pa 'khor ba 'jig ci 'dra ba de 'dra ba'i ston pa mnyes par byed kyi mi mnyes pa byed par ma gyur cig ces smon pa byas so/ /tshe dang ldan pa dag 'di ji snyam du sems/
 tshong dpon gyi bu gang yin pa de ni kun la 'di nyid yin te/ gang der bcom ldan 'das 'khor ba 'jig gi mchod rten legs par gsos pa'i de'i las kyi 'bras bus rigs mtho bar skyes pa yin la/ gang sku gzugs gsos pa de'i las
 kyis gzugs bzang bar skyes pa yin la/ gang yang dag par smon par byas de'i las kyi 'bras bu de dang 'dra ba'i ston pa yang dag par rdzogs pa'i sangs rgyas shAkya thub pa mnyes par byas kyi mi mnyes par ma byas pa
 yin no/ /bden pa mthong bar byas pa gang yin pa de nyon cig /dge slong dag sngon byung ba 'das pa'i dus na/ yang dag par rdzogs pa'i sangs rgyas 'khor ba 'jig de nyid kyi mchod rten rin po che sna bzhi las byas pa rgyal po mdzes pas
 byas pa dang/ mchod rten der sa las byas pa'i sku gzugs gcig kyang byas so/ /ji tsam na tshong dpon zhig gis byis pa ma ma dang lhan cig mchod rten der song ba dang/ de byis par gyur pas mde'u blangs te sangs rgyas kyi sku gzugs
 kyi spyan phyung ngo/ /ji srid du gzhan zhig na chen por gyur nas/ yang mchod rten de nyid du song ngo/ /des mthong ma thag tu sku gzugs 'di byis par gyur pas bdag gis byas so dran pa dang/ de khyim nas rdzas glangs te/ de dang rin po che sna
 bzhi las byas pa'i sku gzugs byas nas/ mig gnyis su rin thang che ba'i nor bu in+d+ra nI la bcug ste/ mchod rten de la yang mchod pa chen po dang bskor ba byas na/ gang bdag byis par gyur pas/ bcom ldan 'das kyi spyan phyung
 nas sdig pa'i las bgyis te/ sdig pa'i las 'di'i skal pa can du ma gyur cig /dge ba'i rtsa ba 'dis kyang ston pa 'di lta bu mnyes par byed kyi/ mi mnyes pa byed par ma gyur cig ces smon pa byas so/ /dge slong dag tshong dpon gyi
 bu gang yin pa de ci gzhan dag yin par sems sam/ de'i tshe de'i dus su kun la 'di nyid tshong dpon gyi bur gyur to/ /gang 'dis sdig pa can gyi las byas pa des/ skye ba lnga brgyar tshe rabs su mig dang bral bar gyur to/ /gang
 des nyes pa bshags nas smon lam byas pa des rigs mtho ba dang/ gzugs mdzes par gyur to/ /gang in+d+ra nI la'i spyan bcug pa des na 'di tshe rabs tshe rabs su mig mdzes par gyur pa yin no/ /gang des ston pa 'di lta bu mnyes par byed
 par gyur cig ces pa des na rgyun tu zhugs pa'i 'bras bu thob pa yin no/ /gang nges spyan phyung nas slar yang in+d+ri nI la'i spyan bcug pa de'i las kyi 'bras bu mig phyung nas yang thob pa yin no/ /gnas brtan grags pas de skad ces smras
 pa dang/ dge slong de dag mngon par dga' o/ /ku na la'i rtogs pa brjod pa rdzogs so// //rgya gar gyi mkhan po pad+ma ka ra barma dang// //zhu chen gyi lots+tsha ba dge slong rin chen bzang pos bsgyur cing zhus te gtan la bab pa// //