<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4428: gzhung lugs kyi bye brag bkod pa'i 'khor lo<br><table><tr><td>
<input type="button" onclick="location.href='tcompletep.php?id=N4428&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4428&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4428&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">gyi lo tsA ba bande klu'i rgyal mtshan gyis bsgyur cing zhus te gtan la phab pa'o// //gzhung lugs kyi bye brag bkod pa'i 'khor lo dbyig gi bshes gnyen// //rgya gar skad du/ sa ma ya bde d+ho ba ra tsa na tsa kra na/ bod skad du/ gzhung lugs kyi bye brag
 bkod pa'i 'khor lo/ /thams cad mkhyen pa la phyag 'tshal lo/ /rdzogs pa'i sangs rgyas mya ngan 'das/ /lo brgya rdzogs par tshangs nas su/ /bstan pa la ni gnod bskyed pa/ /gyes pa ji ltar byung ba bzhin/ /sde ba rnams ni phan tshun du/ /blo gros
 tha dad byung ba bzhin/ /skyo bar byed pa de rnams ni/ /bdag la spyod pa bsten nas bshad/ de tshe dbyig bshes blo ldan pa/ /shAkya'i dge slong blo chen po/ /byang chub sems dpa' blo gros che/ /khyad par sems la brtag bya ste/ 'jig rten lta ba sna tshogs
 gyis/ /rnam par sel la kun brtags zhing/ /thub pa'i bka' ni gyes pa bzhin/ /gzhung lugs de dang de dag bshad/ /'phags pa'i bden pa'i gtam gyi gnas/ /sangs rgyas bstan pa kun bstan nas/ /rdul rnams la ni gser bzhin du/ /de phyir
 de las snying po blangs/ /'di skad ces grags ste/ /sangs rgyas bcom ldan 'das yongs su mya ngan las 'das shing rgyal ba'i nyi ma nub nas lo brgya lon te/ dus cung zad cig 'das nas shing skya nar gyi bu me tog gi gro bar gyi rten na rgyal po mya ngan
 med gdugs gcig pa'i sa skyong zhing rgyal sred mdzad pa'i dge 'dun phal chen pa gyes pa byung ste/ 'di lta ste/ gzhan gyis nye bar bsgrub pa dang/ mi shes pa dang/ som nyi dang/ gzhan gyi rnam par spyod pa dang/ lam sgra 'byin pa dang bcas pa 'di
 ni/ /sangs rgyas kyi bstan pa yin no zhes bya ba gnas lnga rjes su brjod cing rjes su sgrogs par gnas bstan klu dang/ shar phyogs pa dang/ nang du thos par byung bar 'gyur to/ /gnas lnga po de dag par rjes su brjod cing rjes su bsgrags nas kyang dge 'dun phal chen
 pa'i sde dang/ gnas brtan pa'i sde zhes bya ba sde ba gnyis rnam par bzhag go /lo brgya de gnyis la gnas pa'i tshe sde ba dge 'dun phal chen pa'i sde las tha dad gcig pa'i sde dang/ 'jig rten 'das smra'i sde dang/ bya gag ris kyi sde zhes bya ba sde ba gzhan
 dag kyang rnam par bkod do/ /lo brgya pa de nyid kyi tshe sde pa dge 'dun phal chen pa'i sde las mang du thos pa'i sde ba zhes bya ba sde pa gzhan yang rnam par bzhag go/ lo brgya ba de nyid kyi tshe/ sde pa dge 'dun phal chen pa'i sde las gtags par smra ba'i sde
 zhes bya ba sde pa gzhan yang rnam par bzhag go/ lo nyis brgya ba la gnas pa'i tshe kun tu rgyu lha chen po zhes bya ba rab tu byung ste mchod rten gyi ri la gnas pas dge 'dun phal chen pa'i lugs lnga po de dag yang dag par rjes su brjod cing/ yang dgra par rjes
 su bsgrags pa nas mchod rten pa'i sde dang/ nub kyi ri bo'i sde dang/ byang gi ro bo'i sde zhes bya ba gsum par bkod do/ /de ltar na dge 'dun phal chen pa'i sde ba de ni dge 'dun phal chen po'i sde dang/ tha snyad gcig pa'i sde dang/ 'jig rten las 'das smra'i sde
 dang/ bya gag ris kyi sde dang/ mang du thos pa'i sde dang/ btags par smra ba'i sde dang/ mchod rten pa'i sde dang/ nub gyi ri bo'i sde dang zhes bya ba rnam pa bzhi dang/ rnam pa lngar rnam par bkod do/ /sde pa gnas brtan pa'i sde dang dus cung zad cig rjes su zhugs nas lo
 gsum brgya ba la gnas pa'i tshe/ rtsod pa 'ga' zhig gi phyir thams cad yod par smra ba'i gang dag rgyur smra ba'i sde zhes bya ba dang/ sngon gnas brtan pa'i sde gang dag gang ri ba'i sde zhes bya ba sde ba gnyis rnam par bzhag go/ lo sum brgya ba de nyid kyi tshe sde la thams
 cad yod par smra ba'i sde las gnas ma bu'i sde zhes bya ba sde ba gzhan rnam par bzhag go/ lo brgya pa de nyid la gnas pa'i tshe/ sde pa gnas ma bu'i sde las chos mchog pa'i sde dang/ bzang po bu'i sde dang/ kun gyis bkur ba'i sde dang/
 grong khyer dag pa'i sde dang/ zhes bya ba sde pa gzhan dag rnam par bkod do/ /lo brgya ba de nyid la gnas pa'i tshe/ sde pa thams cad yod par smra ba'i sde pa las sa ston gyi sde dang zhes bya ba sde pa gzhan dag rnam par bzhag go/ lo brgya pa de nyid la
 gnas pa'i tshe/ sde pas ston pa'i sde las de dag las slob dpon mo'u 'gal yin par ston pas/ chos srung sde zhes bya ba sde ba gzhan rnam par bzhag go/ lo brgya ba de nyid la gnas pa'i tshe/ sde pa thams cad yod par smra ba'i sde las la lar
 'od srungs pa'i sde zhes bya ba byung ste/ la bzang ba'i sde zhes bya ba sde pa gzhan rnam par bzhag go/ yang lo bzhi brgya la gnas pa'i tshe/ sde ba thams cad yod par smra ba'i sde las/ de dag slob dpon chos mchog yin par ston pas la lar mdo
 sde smra ba'i sde zhes bya ba ste/ 'pho bor smra ba'i sde zhes bya ba sde pa gzhan rnam par bzhag go/ de ltar gnas bstan pa'i sde zhes bya ba'i sde pa de ni thams cad yod par smra ba'i sde dang/ gangs ri pa'i sde dang/ gnas ma bu'i sde dang/ chos mchog
 pa'i sde dang/ bzang po'i bu'i sde dang/ kun gyis bkur ba'i sde dang/ grong khyer drug pa'i sde dang/ sa ston pa'i sde dang/ chos srungs sde dang/ 'od srungs pa'i sde dang/ 'pho bar smra ba'i sde zhes bya ba rnam pa bcu gcig tu rab tu bzhag go/ de dag gi gzhi'i
 gzhung lugs dang/ bar gyi gzhung lugs rnams rnam par bshad par bya'o/ /de la dge 'dun phal chen pa'i sde zhes bya ba tha snyad cig pa'i sde dang/ 'jig rten 'das smri'i sde dang/ bya gag ris kyi sde zhes bya ba rnams kyi gzhi'i gzhung dag
 yod de/ de dag sangs rgyas bcom ldan 'das 'jig rten thams cad las 'das pa'i de bzhin gshegs pa'i chos mi mnga' o/ /de bzhin gshegs pa'i gsung thams cad ni chos kyi 'khor lo rjes su bskor ba'o/ /thams cad rdzas su mngon
 par bsrungs pa'o/ /thams cad don ci lta ba bzhin nyid du gsungs pa nyid do/ /de bzhin gshegs pa rnams la zugs kyi mdza' mi mnga' o/ /sangs rgyas bcom ldan 'das rnams kyi mthu mdza' yas pa'o/ /sku tshe dpag tu med pa'o/ /rab tu dad
 bar mdzad pa'o/ /chog par mi 'dzin pa'o/ /mnar bar yang mi mdzad do/ /zhes pa na dgongs par yang mdzad do/ /med ces kyang ma gsung ste rtag tu mnyam par bzhag pa nyid kyi phyir ro/ /'on kyang sems can gyi tshogs rnams la ming dang nges pa'i tshig gis yang dag par gsung ngo/ /sems
 gcig gis chos thams cad rnam par mkhyen to/ /sems kyi skad cig gcig dang mtshungs par ldan pa'i shes rab kyis chos thams cad yongs su mkhyen to/ /rtag par rgyun tu yongs su mya ngan las 'das pa'i bar du sangs rgyas bcom ldan 'das
 rnams kyis zad pa dang mi skye ba'i ye shes dag rjes su 'jug go/ byang chub sems dpa' rnams yum gyi lhums su nur nur po dang/ mer mer po dang/ nar nar po dang/ gor gor po'i dngos po len par mdzad do/ /byang chub sems dpa' rnams glang po
 cher gyur ba nas yum gyi lhums su 'jug go/ byang chub sems dpa' rnams yum gyi lhums brtol nas 'byung bar mdzad do/ /byang chub sems dpa' rnams la 'dod pa'i 'du shes mi 'byung ngo/ /gnod sems kyi 'du shes mi 'byung ngo/ /rnam par
 'tshe ba'i 'du shes mi 'byung ngo/ /byang chub sems dpa' rnams bzheng na sems can yongs su smin par bya ba'i phyir ngan song rnams su skye bar mdzad do/ /mngon par rtags par mdza' las byung ba'i ye shes gcig gis 'phags pa'i bden pa
 bzhi mtshan nyid mi 'dra ba rnams mkhyen to/ /rnam par shes pa'i tshogs lngas kun tu 'dod chags pa dang/ 'dod chags dang bral bar gyur to/ /gzugs dang gzugs med pa'i khams rnam par she pa'i tshogs drug
 dmigs so/ /dbang po lnga ril po sha'i mig gis gzugs ril po rnams mi mthong ngo/ /zhes bya ba nas lus kyi reg pa rnams la mi reg go zhes bya ba'i bar du'o/ /mnyan par bzhag pa'i tshig brjod pa yod do/ /sems la yang lus yod
 do/ /yid la byed pa la yang lus yod do/ /chos bzhin du byas pa rnams la skabs med do/ /rgyun du zhugs pa'i sems dang sems las byung ba rnams kyi ngo bo nyid shes so/ /dgra bcom pa la gzhan nye bar bsgrubs pa dang/ gzhan gyi
 rnam par spyod pa dang/ lam sgra 'byin pa dang bcas pa'o/ /lam gyi sdug bsngal byed pa'o/ /phan bdags pa ni sdug bsngal brjod pa'o/ /sdug bsngal spangs pa'i phyir shes rab kyi sbyor ba dang/ bde ba'i yo byad do/ /brgyad pa yun rings du
 gnas par yang byed do zhes bya ba nas rigs kyi chos kyi bar las kyang yongs su nyams par 'gyur ro/ /zhes brjod par bya'o/ /rgyun du zhugs pa ni yongs su nyams pa'i chos can no/ /dgra bcom pa ni yongs su mi nyams pa'i chos can no/ /
 'jig rten pa'i yang dag pa'i lta ba med do/ /'jig rten pa'i dad pa'i dbang po med do/ /lung du mi ston pa'i chos rnams med de/ /yang dag pa nyid skyon med par 'jug pas kun tu sbyor ba thams cad ma spangs par brjod par bya'o/ /rgyun tu zhugs
 pa la ni mtshams med pa rnams ma gtogs par sdig pa thams cad do/ /mdo sde thams cad nges pa'i don yin no/ /so sor brtags pa'i 'gog pa dang/ nam mkha' dang/ nam mkha' mdza' yas skye mched dang/ rnam shes mdza' yas skye
 mched dang/ ci yang med pa'i skye mched dang/ 'du shes med 'du shes med min skye mched dang/ rten cing 'brel bar 'byung ba rnams dang/ glo bur du 'ongs pa'i nye ba'i nyon mongs pas sems rang bzhin gyis 'od gsal pa ni 'dus ma byas kyi dngos po dgu'o//
 bag la nyal dge ni sems ma yin/ sems las byung ba ma yin par brjod par bya'o/ /dmigs pa med par brjod par bya'o/ /bag la nyal dag gzhan la kun nas dkris pa dag gzhan yin par brjod par bya'o/ /bag las nyal rnams ni sems dang mi
 ldan pa yin par brjed par bya'o/ /kun nas dkris pa dag ni sems dang mtshungs par ldan pa dag go/ 'das pa dang/ ma 'ongs pa med do/ /chos kyi skye mched ni shes par bya ba ma yin/ rnam par shes pa'i bya ba ma yin no/ /bar ma do'i srid pa med do/ /rgyun
 du zhugs pa la ni bsam gtan thob par yin no zhes bya ba zer te de dag ni gzhi yi gzhung lugs dag go/ de dag gi bar gyi gzhung lugs ni 'di dag yin te/ ji lta ji ltar bden pa rnams phye ba de lta de ltar mngon par rtogs par 'byung ngo/ /cung zad ni rang
 gis byas pa'o/ /cung zad ni gzhan gyis byas pa'o/ /cung zad ni gnyi gas byas pa'o/ /cung zad ni rten cing 'brel bar 'byung bas byas pa'o/ /dus gcig tu sems gnyis phrad do/ /nyon mongs pa dang lam phrad do/ /las dang rnam par smin pa phrad do/ /sa bon
 nyid myu gur 'gyur ro/ /dbang po'i 'byung ba chen po rnams ni 'gyur ba'o/ /sems dang sems las byung ba rnams ni mi 'gyur ro/ /sems kyis ni lus la khyab pa dang sems 'dug pa yang dmigs so/ /de ltar de la sogs pa gzhan dag dmigs pa
 can dag 'dod de/ de ltar de dag ni bar gyi gzhung lugs dag yin/ ded la mang du thos pa'i sde rnams gzhi'i gzhung lugs dag yod de/ de bzhin gshegs pa'i dbyangs lnga po mi rtags pa dang/ sdug bsngal ba dang/ stong pa dang/ bdag med pa dang/
 mya ngan las 'das pa ni/ zhi ba/ lam ni nges par 'byin pa 'jig rten las 'das pa dag yin par brjod par bya'o/ /lhag ma rnams ni 'jig rten pa dag yin no/ /dgra bcom pa la gzhan gyis nyes par bsgrub pa dang/ mi shes
 pa dang/ som nyi dang/ gzhan gyi rnam par spyod pa dang/ lam sgra 'byin pa dang bcas pa yod do/ /lhag ma rnams ni thams cad mkhyen pa smra ba'i lugs dag yin no/ /de btags par smra ba rnams kyis gzhi'i lugs dag ni bsdu ba lnga ni phung pa
 med pa'o/ /skye mched dag ni yongs su ma reg pa dag go/ 'du byed rnams phan tshun btags pa'i sgo nas sdug bsngal ba'o/ /skyes bu'i byed pa med do/ /dus ma yin pa'i 'chi ba med do/ /sngon gyi las kyis thob bo/ /rnam par smin pa mngon par
 grub pa ni las 'phel ba'i rgyu las 'byung ba'o/ /bsod nams dag gis kun chub par byas nas lam 'thob bo/ /lam bsgom par bya ba ma yin no/ /lam ni 'jig par mi 'gyur ro/ /lhag ma rnams ni dge 'dun phal chen sde'i lugs
 dag yin no/ /de la thams cad yod par smra ba'i sde pa rnams kyis gzhung lugs ni thams cad yod do/ /gang ji ltar yod pa de de bzhin du yod do/ /ming dang gzugs gnyis kyis 'dus byas thams cad bsdus so/ /'das pa dang ma 'ongs
 pa yod do/ /chos kyi skye mched ni shes par bya ba dang/ rnam par shes par bya ba dang/ mngon par shes par bya ba yin no/ /skye ba dang/ 'gags pa dang/ gnas dang/ mi rtag pa nyid dang/ sems dang mi ldan pa'i 'du byed rnams ni 'du
 byed kyi phung pos bsdus pa dag go/ bsdu ba'i dngos po dag gsum mo/ /'dus ma byas kyi dngos po dag gsum mo/ /'dus byas kyi mtshan nyid dag gsum mo/ /bden pa 'dus byas dag gsum mo/ /'dus ma byas gcig go/ 'phags
 pa'i bden pa bzhi mthar phyin pa mngon par rdzogs pa yin no/ /spong ba nyid dang smon pa med pas yang dag pa nyid skyon med par 'jug go/ 'dod pa dang ldan pa'i 'du byed pa rnams yid la byed pas yang dag par skyon med do/ /yang dag pa nyid
 skyon med par zhugs pas sems bskyed pa bco lnga la rgyun du zhugs pa zhes brjod par bya'o/ /bcu drug pa la rgyun du zhugs pa'o/ /'jig rten pa'i chos kyi mchog rnams ni sems gcig rnam pa gsum mo/ /'jig rten pa'i chos kyis mchog
 rnam pa las so yongs su nyams par mi 'gyur ro/ /rgyun du zhugs pa'i yongs su mi nyams pa can no/ /dgra bcom pa ni yongs su nyams pa'i chos can no/ /dgra bcom pa thams cad kyis mi skye bar shes pa mi 'thob bo/ /so so'i skye bos 'dod pa'i
 'dod chags dang gnod sems gnyis spong ngo/ /phyi rol pa'i mngon par shes pa lnga yod do/ /lha rnams la tshangs par spyod pa la gnas pa la dmigs so/ /snyom par zhugs pa bdun la byang chub kyi yan lag rnams dmigs kyi gzhan rnams la ma yin
 no/ /bsam gtan rnams ni dran pa nye bar bzhag pa rnams kyis bsdus so/ /bsam gtan la brten nas ni yang dag pa nyid skyon med pa nyid du 'jug go/ dgra bcom pa nyid kyang 'thob bo/ /gzugs dang gzugs med pa'i khams dag la brten nas dgra
 bcom pa nyid rjes su 'thob kyi/ dag pa nyid skyon med par mi 'jug go/ 'dod khams su yang dag pa nyid skyon med par 'jug go/ dgra bcom pa nyid kyang 'thob bo/ /gzugs kyi khams su dgra bcom pa nyid 'thob kyi yang dag pa nyid skyon med
 par ni 'jug go/ byang gi sgra mi snyan dag na 'dod chags dang bral ba med do/ /der 'phags pa rnams skye bar mi 'gyur ro/ /'du shes med pa'i sems can rnams kyi nang du mi skye'o/ /mthar gyis dge sbyon lag gi tshul gyis 'bras bu bzhi thob par des
 pa med do/ /skyon med par zhugs pa'i 'jig rten pa'i lam gyis 'dod pa'i 'dod chags dang bral bas lan cig phyir 'ong ba'i 'bras bu 'thob bo/ /phyir mi 'ong ba'i 'bras bu thob par byed do/ /dran pa nye bar bzhag pa bzhi ni
 chos thams cad yin par brjod par bya'o/ /phra rgyas rnams ni sems las 'byung ba'i sems dang tshungs par ldan pa rnams so/ /phra rgyas thams cad ni kun nas dkris pa dag ni phra rgyas dag ma yin no/ /rten cing 'brel bar 'byung ba dag 'dus
 byas so/ /dgra bcom pa la rten cing byung ba'i yan lag kha cig rjes su 'jug go /dgra bcom pa la bsod nams 'phel ba yod do/ /'dod pa'i khams dang/ gzugs kyi khams na bar ma do'i srid pa dmigs so/ /rnam par shes pa'i tshogs
 lngas 'dod chags par 'gyur gyi kun tu 'dod chags bral bar mi 'gyur ro/ /rnam par shes pa'i tshogs lnga ni rang gi mtshan nyid 'dzin pa dang/ rnam par mi rtogs pa yin no/ /sems dang sems las byung ba'i chos rnams yod do/ /sems
 dang sems las byung ba'i chos rnams kyi dmigs pa yod do/ /ngo bo nyid ni ngo bo nyid dang mi ldan pa'o/ /sems ni sems dang mi ldan pa'o/ /'jig rten pa'i yang dag pa'i lta ba yod do/ /'jig rten pa'i dad pa'i dbang po yod do/ /lung du mi ston pa'i
 chos rnams yod do/ /dgra bcom pa la slob pa yang ma yin mi slob pa yang ma yin pa'i chos rnams yod do/ /dgra bcom pa thams cad bsam gtan 'thob pa yin kyang thams cad du bsam gtan mngon du mi byed do/ /dgra bcom pa la mngon
 gyi las yang dag par myong bar 'gyur ba yod do/ /so so'i skye bo la 'chi ba'i mdza' las byung ba'i sems mi dge ba yod do/ /mnyam par bzhag pa de'i tshe 'chi ba'i dus na byed pa mdogs byang chub sems dpa' la ni so so'i skye bo dang kun tu sbyor ba
 dang bcas pa dang/ yang dag pa nyid skyon med par zhugs pa dang/ so so'i skye bo'i bar zhugs pa yin par brjod par bya'o/ /sems can du gdags pa rnams la zin pa'i rgyud yin par brjod par bya'o/ /'du byed thams cad ni skad cig ma dag go /
 'jig rten 'di nas 'jig rten pha rol tu chos gang yang 'pho ba med kyang gang zag 'pho zhes bya ba rdar brjod par bya'o/ /'chi bzhin du 'du byed kyi phung po lhag ma med par 'gags kyang phung po rnams la 'gyur ba med do/ /'jig rten las 'das pa'i
 bsam gtan yod do/ /rnam par rtog pa zag pa med pa yod do/ /rnam par rtog pa srid pa'i dge ba yod do/ /mnyam par bzhag pa la tshig brjod pa med do/ /chos kyi 'khor lo ni 'phags pa'i lam yan lag brgyad pa'o/ /de bzhin gshegs pa'i
 gsung thams cad ni chos kyi 'khor lo rjes su bskor ba yin no/ /thams cad rjes su mngon par gsungs pa ma yin no/ /thams cad don ji lta ba bzhin gsungs pa ma yin no/ /mdo sde thams cad nges pa'i don gyis gsungs pa ma yin no/ /mdo sde
 thams cad nges pa'i don ma yin te/ nges pa'i don gyis mdo sde yod do/ /de ltar de dag gis gzhi'i gzhung lugs dag go /bar gyi gzhung lugs dag ni mdza' yas so/ /de la gangs ri pa'i gzhi'i gzhung lugs dag ni byang chub sems dpa' so
 so'i skye bo dag brnab sems med par brjod par bya'o/ /byang chub sems dpa' dgongs bzhin du yum gyis lhums su 'jug go /phyi rol pa la mngon par shes pa lnga med do/ /lha rnams la tshangs par spyod pa la gnas pa mi dmigs so//
 dgra bcom pa la gzhan gyi nye bar bsgrub pa dang/ mi shes pa dang/ som nyi dang/ gzhan gyi rnam par spyod pa dang/ lam sgra 'byin pa dang bcas pa yod do/ /lhag ma rnams ni thams cad yod par smra ba'i sde pa'i lugs dag yin no/ /de la gnas
 ma bu'i sde rnams kyi gzhi'i gzhung lugs dag ni phung po rnams gang zag ma yin no/ /phung po rnams las gus na yang med do/ /phung po dang khams dang/ skye mched la brten te bdags so/ /'du byed thams cad ni dus gzhan
 la skad cig dag go /gang zag ma rtogs pa 'jig rten 'di nas 'jig rten pha rol tu gang 'pho ba'i chos gang yang med do/ /gang zag 'pho'o zhes brjed par bya'o/ /phyi rol pa'i mngon par shes pa lnga yod do/ /rnam par shes pa'i tshogs
 lngas kun tu 'dod chags pa med do/ /'dod chags dang bral ba ma yin no/ /'dod chags dang ldan pa'i kun tu sbyor ba spangs par bya ba rnams spangs pas 'dod pa'i 'dod chags dang bral bar 'gyur ro/ /bzod pa dang/ ming dang mtshan dang/
 chos kyi mchog rnams la yang dag par zhugs nas kun tu sbyor ba mthong bas spang bar bya ba rnams spangs pas sems bskyed pa bcu gnyis pa ni 'jug pa yin no/ /bcu gsum pa la ni 'bras bu la gnas pa yin no/ /de dang khyad par med
 pa chos mchog pa'i sde dang/ bzang po'i bu'i sde dang/ kun gyis bkur ba'i sde dang/ grong khyer drug bzhi sde rnams ni glol ba rnams ni brdeg pos 'gyur/ yongs su chums pa 'ang slar lhags shing/ dga' bya'i dga' ba de thob bya/ /bde dang ldan
 pa rnams ni bde/ /zhes bya ba'i tha tshigs su bcad de la rtsod bar gyur to/ /de las ston gyi sde pa rnams kyi gzhi'i gzhung lugs ngag ni 'das pa dang/ ma 'ongs pa med do/ /da ltar byung ba dang 'dus ma byas yod do/ /'phags pa'i bden pa bzhi
 mngon par rtogs pa gcig yin no/ /sdug bsngal ma mthong bas bden pa rnams ma mthong ngo/ /mthong ba ni mthong ba dag yin no/ /phra rgyas rnams ni sems ma yin/ sems las byung ba rnams ma yin/ /dmigs pa med pa dag go /phra rgyas
 dag gzhan la/ kun nas dkris pa dag gzhan yin no/ /phra rgyas rnams ni sems dang mi ldan pa dag yin no/ /kun nas dkris pa rnams mtshungs par ldan pa dag yin no/ /so so'i skye bo 'dod pa'i 'dod chags dang gnod sems gnyis mi spong ngo/ /phyi
 rol pa'i mngon par shes pa lnga med do/ /lha rnams la tshangs par spong ba gnas pa mi dmigs so/ /bar ma do'i srid pa med do/ /dgra bcom pa la bsod nams 'phel ba med do/ /rnam par shes pa'i tshogs lngas kun tu 'dod chags dang 'dod
 chags dang bral ba dag tu 'gyur ro/ /rnam par shes pa'i tshogs drug ni rtogs pa dang spyod pa dang mtshungs pa ldan pa dag go /gang zag pa mgo mnyam pa yod do/ /'jig rten pa'i yang dag pa'i lta ba yod do/ /'jig rten las 'das pa'i bsam
 gtan med do/ /rnam par shes pa zag pa med pa dag med do/ /srid pa'i rgyun dge ba med do/ /rgyun tu zhugs pa ni yongs su nyams pa'i chos can no/ /dgra bcom pa ni yongs su mi nyams pa'i chos can no/ /lam yan lag rnams ni dran pa nye bar
 gzhag pa rnams kyis gsungs so/ /'dus ma byas kyi dngos po gang ste/ so sor brtags pa ma yin pa'i 'gog pa dang/ nam mkha' dang/ mi g.yo ba dang/ dge ba'i chos rnams kyi de bzhin gshegs pa/ mi dge ba'i chos rnams kyi de bzhin nyid dang/
 lung du mi ston pa'i chos rnams kyi de bzhin nyid dang/ lam gyi de bzhin nyid dang/ rten cing 'brel par 'byung ba'i de bzhin nyid do/ /mil thog ma dang tha ma'i dbang po 'byung ba rnams ni 'gyur ba'o/ /sems dang sems las byung ba'i chos rnams ni 'gyur
 ba'o/ /sangs rgyas ni dge 'dun la dmigs so/ /dge 'dun la phul ba 'bras bu phyi'o/ /sangs rgyas la ni ma yin no/ /sangs rgyas rnams dang nyan thos ni lam gcig go /'du byed thams cad skad cig ma dag go /'jig rten 'di dang pha rol tu
 'pho ba'i chos gang yang med do/ /de ltar de dag gi gzhi'i gzhung lugs dag go /de dag gi bar gyi gzhung lugs ngag ni 'di yin te/ 'das pa dang ma 'ongs pa yod do/ /bar mdo'i srid pa yod do/ /chos kyi skye mched ni shes
 par bya ba dang/ rnam par shes par bya ba yin no/ /sems pa ni las yin no/ /lus dang ngag gi las ni med do/ /rtog pa dang spyod pa dag ni mtshungs par ldan pa dag yin no/ /sa ni bskal pas gnas pa yin no/ /mchod rten la mchod pa'i las
 ni 'bras bu chung ba'o/ /phra rgyas rnams ni rtag tu da ltar byung ba ni dag yin no/ /'ching bar byed pa'i chos lnga po ma rigs pa dang/ nga rgyal dang/ srid pa dang/ lta ba dang/ lnga pa las kyi lam ni rtag tu mtshan ma yin te/ de las sdug bsngal rab tu 'byung ba
 yin no de ltar de dag ni par gyi gzhung lugs dag yin no/ /de la chos srung sde rnams kyis gzhi'i gzhung lugs dag ni sangs rgyas ni dge 'dun la dmigs so/ /sangs rgyas la phul ba ni 'bras bu che ba'o/ /dge 'dun la ni ma yin no/ /nyan thos
 rnams kyi lam gzhan yin la/ sangs rgyas kyi gzhan yin no/ /phyi rol pa'i mngon par shes pa lnga med do/ dgra bcom pa'i lus ni zag pa med do/ /lhag ma rnams ni dge 'dun phal cher?  sde'i lugs dag yin no/ /de la 'od srungs pa'i sde rnams
 kyi gzhung lugs ni spangs pa yongs su shes pa yod do/ /ma spangs pa yongs su spang zhes pa med do/ /rnam par smin pa rnam par smin par 'gyur ba'i las yod de/ /rnam pas smin par mi 'gyur ba med do/ /'du byed rnams 'das pa'i rgyu las
 byung ba dag yod do/ /'du byed thams cad ma 'ongs pa'i rgyu las byung ba dag ni med do/ /slob pa'i chos rnams ni rnam par smin pa dang bcas pa'i chos dag go /lhag ma rnams ni chos sungs sde'i lugs dag yin no/ /de la 'pho bar smra ba'i sde
 rnams kyi gzhi'i gzhung lugs ni 'jig rten 'di nas 'jig rten/ /pha rol tu phung po pa'o? zhes zer ro/ /'phags pa'i lam med par phung po rnams ?? 'gag go /gzhi'i mdza' las byung ba'i phung po rnams yod do/ /phung po ro gcig pa rnams yod do/ /don
 dam par gang zag yod do/ /lhag ma rnams ni thams cad yod par smra ba'i sde'i lugs dag yin no zhes zer ro/ /gzhung lugs kyi bye brag tu bkod pa'i 'khor lo btsun pa dbyig gi bshes gnyen gyis mdzad pa rdzogs so// //rgya gar
 gyi mkhan po d+harma ka ra dang/ lotsA ba bande bzang skyod gis bsgyur cing zhus te gtan la phab pa'o// //sde pa tha dad par byed pa dang rnam par bshad pa b+ha byas mdzad pa bzhugs so// //rgya gar skad du/ kA ya b+he tro bi b+hang+ga bya khyA na/ bod skad du/ sde pa tha dad par