Wylie

e-texts based on the ACIP/ALL Input

གྱི་ལོ་ཙཱ་བ་བནདེ་ཀླུའི་རྒྱལ་མཚན་གྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།གཞུང་ལུགས་ཀྱི་བྱེ་བྲག་བཀོད་པའི་འཁོར་ལོ་དབྱིག་གི་བཤེས་གཉེན།། །།རྒྱ་གར་སྐད་དུ། ས་མ་ཡ་བདེ་དྷོ་བ་ར་ཙ་ན་ཙ་ཀྲ་ན། བོད་སྐད་དུ། གཞུང་ལུགས་ཀྱི་བྱེ་བྲག ་བཀོད་པའི་འཁོར་ལོ། །ཐམས་ཅད་མཁྱེན་པ་ལ་ཕྱག་འཚལ་ལོ། །རྫོགས་པའི་སངས་རྒྱས་མྱ་ངན་འདས། །ལོ་བརྒྱ་རྫོགས་པར་ཚངས་ནས་སུ། །བསྟན་པ་ལ་ནི་གནོད་བསྐྱེད་པ། །གྱེས་པ་ཇི་ལྟར་བྱུང་བ་བཞིན། །སྡེ་བ་རྣམས་ནི་ཕན་ཚུན་དུ། །བློ་གྲོས ་ཐ་དད་བྱུང་བ་བཞིན། །སྐྱོ་བར་བྱེད་པ་དེ་རྣམས་ནི། །བདག་ལ་སྤྱོད་པ་བསྟེན་ནས་བཤད། དེ་ཚེ་དབྱིག་བཤེས་བློ་ལྡན་པ། །ཤཱཀྱའི་དགེ་སློང་བློ་ཆེན་པོ། །བྱང་ཆུབ་སེམས་དཔའ་བློ་གྲོས་ཆེ། །ཁྱད་པར་སེམས་ལ་བརྟག་བྱ་སྟེ། འཇིག་རྟེན་ལྟ་བ་སྣ་ཚོགས ་གྱིས། །རྣམ་པར་སེལ་ལ་ཀུན་བརྟགས་ཞིང། །ཐུབ་པའི་བཀའ་ནི་གྱེས་པ་བཞིན། །གཞུང་ལུགས་དེ་དང་དེ་དག་བཤད། །འཕགས་པའི་བདེན་པའི་གཏམ་གྱི་གནས། །སངས་རྒྱས་བསྟན་པ་ཀུན་བསྟན་ནས། །རྡུལ་རྣམས་ལ་ནི་གསེར་བཞིན་དུ། །དེ་ཕྱིར ་དེ་ལས་སྙིང་པོ་བླངས། །འདི་སྐད་ཅེས་གྲགས་སྟེ། །སངས་རྒྱས་བཅོམ་ལྡན་འདས་ཡོངས་སུ་མྱ་ངན་ལས་འདས་ཤིང་རྒྱལ་བའི་ཉི་མ་ནུབ་ནས་ལོ་བརྒྱ་ལོན་ཏེ། དུས་ཅུང་ཟད་ཅིག་འདས་ནས་ཤིང་སྐྱ་ནར་གྱི་བུ་མེ་ཏོག་གི་གྲོ་བར་གྱི་རྟེན་ན་རྒྱལ་པོ་མྱ་ངན ་མེད་གདུགས་གཅིག་པའི་ས་སྐྱོང་ཞིང་རྒྱལ་སྲེད་མཛད་པའི་དགེ་འདུན་ཕལ་ཆེན་པ་གྱེས་པ་བྱུང་སྟེ། འདི་ལྟ་སྟེ། གཞན་གྱིས་ཉེ་བར་བསྒྲུབ་པ་དང། མི་ཤེས་པ་དང། སོམ་ཉི་དང། གཞན་གྱི་རྣམ་པར་སྤྱོད་པ་དང། ལམ་སྒྲ་འབྱིན་པ་དང་བཅས་པ་འདི ་ནི། །སངས་རྒྱས་ཀྱི་བསྟན་པ་ཡིན་ནོ་ཞེས་བྱ་བ་གནས་ལྔ་རྗེས་སུ་བརྗོད་ཅིང་རྗེས་སུ་སྒྲོགས་པར་གནས་བསྟན་ཀླུ་དང། ཤར་ཕྱོགས་པ་དང། ནང་དུ་ཐོས་པར་བྱུང་བར་འགྱུར་ཏོ། །གནས་ལྔ་པོ་དེ་དག་པར་རྗེས་སུ་བརྗོད་ཅིང་རྗེས་སུ་བསྒྲགས་ནས་ཀྱང་དགེ་འདུན་ཕལ་ཆེན ་པའི་སྡེ་དང། གནས་བརྟན་པའི་སྡེ་ཞེས་བྱ་བ་སྡེ་བ་གཉིས་རྣམ་པར་བཞག་གོ་།ལོ་བརྒྱ་དེ་གཉིས་ལ་གནས་པའི་ཚེ་སྡེ་བ་དགེ་འདུན་ཕལ་ཆེན་པའི་སྡེ་ལས་ཐ་དད་གཅིག་པའི་སྡེ་དང། འཇིག་རྟེན་འདས་སྨྲའི་སྡེ་དང། བྱ་གག་རིས་ཀྱི་སྡེ་ཞེས་བྱ་བ་སྡེ་བ་གཞན ་དག་ཀྱང་རྣམ་པར་བཀོད་དོ། །ལོ་བརྒྱ་པ་དེ་ཉིད་ཀྱི་ཚེ་སྡེ་པ་དགེ་འདུན་ཕལ་ཆེན་པའི་སྡེ་ལས་མང་དུ་ཐོས་པའི་སྡེ་བ་ཞེས་བྱ་བ་སྡེ་པ་གཞན་ཡང་རྣམ་པར་བཞག་གོ། ལོ་བརྒྱ་བ་དེ་ཉིད་ཀྱི་ཚེ། སྡེ་པ་དགེ་འདུན་ཕལ་ཆེན་པའི་སྡེ་ལས་གཏགས་པར་སྨྲ་བའི་སྡེ ་ཞེས་བྱ་བ་སྡེ་པ་གཞན་ཡང་རྣམ་པར་བཞག་གོ། ལོ་ཉིས་བརྒྱ་བ་ལ་གནས་པའི་ཚེ་ཀུན་ཏུ་རྒྱུ་ལྷ་ཆེན་པོ་ཞེས་བྱ་བ་རབ་ཏུ་བྱུང་སྟེ་མཆོད་རྟེན་གྱི་རི་ལ་གནས་པས་དགེ་འདུན་ཕལ་ཆེན་པའི་ལུགས་ལྔ་པོ་དེ་དག་ཡང་དག་པར་རྗེས་སུ་བརྗོད་ཅིང། ཡང་དགྲ་པར་རྗེས ་སུ་བསྒྲགས་པ་ནས་མཆོད་རྟེན་པའི་སྡེ་དང། ནུབ་ཀྱི་རི་བོའི་སྡེ་དང། བྱང་གི་རོ་བོའི་སྡེ་ཞེས་བྱ་བ་གསུམ་པར་བཀོད་དོ། །དེ་ལྟར་ན་དགེ་འདུན་ཕལ་ཆེན་པའི་སྡེ་བ་དེ་ནི་དགེ་འདུན་ཕལ་ཆེན་པོའི་སྡེ་དང། ཐ་སྙད་གཅིག་པའི་སྡེ་དང། འཇིག་རྟེན་ལས་འདས་སྨྲའི་སྡེ ་དང། བྱ་གག་རིས་ཀྱི་སྡེ་དང། མང་དུ་ཐོས་པའི་སྡེ་དང། བཏགས་པར་སྨྲ་བའི་སྡེ་དང། མཆོད་རྟེན་པའི་སྡེ་དང། ནུབ་གྱི་རི་བོའི་སྡེ་དང་ཞེས་བྱ་བ་རྣམ་པ་བཞི་དང། རྣམ་པ་ལྔར་རྣམ་པར་བཀོད་དོ། །སྡེ་པ་གནས་བརྟན་པའི་སྡེ་དང་དུས་ཅུང་ཟད་ཅིག་རྗེས་སུ་ཞུགས་ནས་ལོ ་གསུམ་བརྒྱ་བ་ལ་གནས་པའི་ཚེ། རྩོད་པ་འགའ་ཞིག་གི་ཕྱིར་ཐམས་ཅད་ཡོད་པར་སྨྲ་བའི་གང་དག་རྒྱུར་སྨྲ་བའི་སྡེ་ཞེས་བྱ་བ་དང། སྔོན་གནས་བརྟན་པའི་སྡེ་གང་དག་གང་རི་བའི་སྡེ་ཞེས་བྱ་བ་སྡེ་བ་གཉིས་རྣམ་པར་བཞག་གོ། ལོ་སུམ་བརྒྱ་བ་དེ་ཉིད་ཀྱི་ཚེ་སྡེ་ལ་ཐམས ་ཅད་ཡོད་པར་སྨྲ་བའི་སྡེ་ལས་གནས་མ་བུའི་སྡེ་ཞེས་བྱ་བ་སྡེ་བ་གཞན་རྣམ་པར་བཞག་གོ། ལོ་བརྒྱ་པ་དེ་ཉིད་ལ་གནས་པའི་ཚེ། སྡེ་པ་གནས་མ་བུའི་སྡེ་ལས་ཆོས་མཆོག་པའི་སྡེ་དང། བཟང་པོ་བུའི་སྡེ་དང། ཀུན་གྱིས་བཀུར་བའི་སྡེ་དང། ་གྲོང་ཁྱེར་དག་པའི་སྡེ་དང། ཞེས་བྱ་བ་སྡེ་པ་གཞན་དག་རྣམ་པར་བཀོད་དོ། །ལོ་བརྒྱ་བ་དེ་ཉིད་ལ་གནས་པའི་ཚེ། སྡེ་པ་ཐམས་ཅད་ཡོད་པར་སྨྲ་བའི་སྡེ་པ་ལས་ས་སྟོན་གྱི་སྡེ་དང་ཞེས་བྱ་བ་སྡེ་པ་གཞན་དག་རྣམ་པར་བཞག་གོ། ལོ་བརྒྱ་པ་དེ་ཉིད་ལ ་གནས་པའི་ཚེ། སྡེ་པས་སྟོན་པའི་སྡེ་ལས་དེ་དག་ལས་སློབ་དཔོན་མོའུ་འགལ་ཡིན་པར་སྟོན་པས། ཆོས་སྲུང་སྡེ་ཞེས་བྱ་བ་སྡེ་བ་གཞན་རྣམ་པར་བཞག་གོ། ལོ་བརྒྱ་བ་དེ་ཉིད་ལ་གནས་པའི་ཚེ། སྡེ་པ་ཐམས་ཅད་ཡོད་པར་སྨྲ་བའི་སྡེ་ལས་ལ་ལར ་འོད་སྲུངས་པའི་སྡེ་ཞེས་བྱ་བ་བྱུང་སྟེ། ལ་བཟང་བའི་སྡེ་ཞེས་བྱ་བ་སྡེ་པ་གཞན་རྣམ་པར་བཞག་གོ། ཡང་ལོ་བཞི་བརྒྱ་ལ་གནས་པའི་ཚེ། སྡེ་བ་ཐམས་ཅད་ཡོད་པར་སྨྲ་བའི་སྡེ་ལས། དེ་དག་སློབ་དཔོན་ཆོས་མཆོག་ཡིན་པར་སྟོན་པས་ལ་ལར་མདོ ་སྡེ་སྨྲ་བའི་སྡེ་ཞེས་བྱ་བ་སྟེ། འཕོ་བོར་སྨྲ་བའི་སྡེ་ཞེས་བྱ་བ་སྡེ་པ་གཞན་རྣམ་པར་བཞག་གོ། དེ་ལྟར་གནས་བསྟན་པའི་སྡེ་ཞེས་བྱ་བའི་སྡེ་པ་དེ་ནི་ཐམས་ཅད་ཡོད་པར་སྨྲ་བའི་སྡེ་དང། གངས་རི་པའི་སྡེ་དང། གནས་མ་བུའི་སྡེ་དང། ཆོས་མཆོག ་པའི་སྡེ་དང། བཟང་པོའི་བུའི་སྡེ་དང། ཀུན་གྱིས་བཀུར་བའི་སྡེ་དང། གྲོང་ཁྱེར་དྲུག་པའི་སྡེ་དང། ས་སྟོན་པའི་སྡེ་དང། ཆོས་སྲུངས་སྡེ་དང། འོད་སྲུངས་པའི་སྡེ་དང། འཕོ་བར་སྨྲ་བའི་སྡེ་ཞེས་བྱ་བ་རྣམ་པ་བཅུ་གཅིག་ཏུ་རབ་ཏུ་བཞག་གོ། དེ་དག་གི་གཞིའི ་གཞུང་ལུགས་དང། བར་གྱི་གཞུང་ལུགས་རྣམས་རྣམ་པར་བཤད་པར་བྱའོ། །དེ་ལ་དགེ་འདུན་ཕལ་ཆེན་པའི་སྡེ་ཞེས་བྱ་བ་ཐ་སྙད་ཅིག་པའི་སྡེ་དང། འཇིག་རྟེན་འདས་སྨྲིའི་སྡེ་དང། བྱ་གག་རིས་ཀྱི་སྡེ་ཞེས་བྱ་བ་རྣམས་ཀྱི་གཞིའི་གཞུང་དག ་ཡོད་དེ། དེ་དག་སངས་རྒྱས་བཅོམ་ལྡན་འདས་འཇིག་རྟེན་ཐམས་ཅད་ལས་འདས་པའི་དེ་བཞིན་གཤེགས་པའི་ཆོས་མི་མངའ་ཨོ། །དེ་བཞིན་གཤེགས་པའི་གསུང་ཐམས་ཅད་ནི་ཆོས་ཀྱི་འཁོར་ལོ་རྗེས་སུ་བསྐོར་བའོ། །ཐམས་ཅད་རྫས་སུ་མངོན ་པར་བསྲུངས་པའོ། །ཐམས་ཅད་དོན་ཅི་ལྟ་བ་བཞིན་ཉིད་དུ་གསུངས་པ་ཉིད་དོ། །དེ་བཞིན་གཤེགས་པ་རྣམས་ལ་ཟུགས་ཀྱི་མཛའ་མི་མངའ་ཨོ། །སངས་རྒྱས་བཅོམ་ལྡན་འདས་རྣམས་ཀྱི་མཐུ་མཛའ་ཡས་པའོ། །སྐུ་ཚེ་དཔག་ཏུ་མེད་པའོ། །རབ་ཏུ་དད ་བར་མཛད་པའོ། །ཆོག་པར་མི་འཛིན་པའོ། །མནར་བར་ཡང་མི་མཛད་དོ། །ཞེས་པ་ན་དགོངས་པར་ཡང་མཛད་དོ། །མེད་ཅེས་ཀྱང་མ་གསུང་སྟེ་རྟག་ཏུ་མཉམ་པར་བཞག་པ་ཉིད་ཀྱི་ཕྱིར་རོ། །འོན་ཀྱང་སེམས་ཅན་གྱི་ཚོགས་རྣམས་ལ་མིང་དང་ངེས་པའི་ཚིག་གིས་ཡང་དག་པར་གསུང་ངོ། །སེམས ་གཅིག་གིས་ཆོས་ཐམས་ཅད་རྣམ་པར་མཁྱེན་ཏོ། །སེམས་ཀྱི་སྐད་ཅིག་གཅིག་དང་མཚུངས་པར་ལྡན་པའི་ཤེས་རབ་ཀྱིས་ཆོས་ཐམས་ཅད་ཡོངས་སུ་མཁྱེན་ཏོ། །རྟག་པར་རྒྱུན་ཏུ་ཡོངས་སུ་མྱ་ངན་ལས་འདས་པའི་བར་དུ་སངས་རྒྱས་བཅོམ་ལྡན་འདས ་རྣམས་ཀྱིས་ཟད་པ་དང་མི་སྐྱེ་བའི་ཡེ་ཤེས་དག་རྗེས་སུ་འཇུག་གོ། བྱང་ཆུབ་སེམས་དཔའ་རྣམས་ཡུམ་གྱི་ལྷུམས་སུ་ནུར་ནུར་པོ་དང། མེར་མེར་པོ་དང། ནར་ནར་པོ་དང། གོར་གོར་པོའི་དངོས་པོ་ལེན་པར་མཛད་དོ། །བྱང་ཆུབ་སེམས་དཔའ་རྣམས་གླང་པོ ་ཆེར་གྱུར་བ་ནས་ཡུམ་གྱི་ལྷུམས་སུ་འཇུག་གོ། བྱང་ཆུབ་སེམས་དཔའ་རྣམས་ཡུམ་གྱི་ལྷུམས་བརྟོལ་ནས་འབྱུང་བར་མཛད་དོ། །བྱང་ཆུབ་སེམས་དཔའ་རྣམས་ལ་འདོད་པའི་འདུ་ཤེས་མི་འབྱུང་ངོ། །གནོད་སེམས་ཀྱི་འདུ་ཤེས་མི་འབྱུང་ངོ། །རྣམ་པར ་འཚེ་བའི་འདུ་ཤེས་མི་འབྱུང་ངོ། །བྱང་ཆུབ་སེམས་དཔའ་རྣམས་བཞེང་ན་སེམས་ཅན་ཡོངས་སུ་སྨིན་པར་བྱ་བའི་ཕྱིར་ངན་སོང་རྣམས་སུ་སྐྱེ་བར་མཛད་དོ། །མངོན་པར་རྟགས་པར་མཛའ་ལས་བྱུང་བའི་ཡེ་ཤེས་གཅིག་གིས་འཕགས་པའི་བདེན་པ ་བཞི་མཚན་ཉིད་མི་འདྲ་བ་རྣམས་མཁྱེན་ཏོ། །རྣམ་པར་ཤེས་པའི་ཚོགས་ལྔས་ཀུན་ཏུ་འདོད་ཆགས་པ་དང། འདོད་ཆགས་དང་བྲལ་བར་གྱུར་ཏོ། །གཟུགས་དང་གཟུགས་མེད་པའི་ཁམས་རྣམ་པར་ཤེ་པའི་ཚོགས་དྲུག ་དམིགས་སོ། །དབང་པོ་ལྔ་རིལ་པོ་ཤའི་མིག་གིས་གཟུགས་རིལ་པོ་རྣམས་མི་མཐོང་ངོ། །ཞེས་བྱ་བ་ནས་ལུས་ཀྱི་རེག་པ་རྣམས་ལ་མི་རེག་གོ་ཞེས་བྱ་བའི་བར་དུའོ། །མཉན་པར་བཞག་པའི་ཚིག་བརྗོད་པ་ཡོད་དོ། །སེམས་ལ་ཡང་ལུས་ཡོད ་དོ། །ཡིད་ལ་བྱེད་པ་ལ་ཡང་ལུས་ཡོད་དོ། །ཆོས་བཞིན་དུ་བྱས་པ་རྣམས་ལ་སྐབས་མེད་དོ། །རྒྱུན་དུ་ཞུགས་པའི་སེམས་དང་སེམས་ལས་བྱུང་བ་རྣམས་ཀྱི་ངོ་བོ་ཉིད་ཤེས་སོ། །དགྲ་བཅོམ་པ་ལ་གཞན་ཉེ་བར་བསྒྲུབས་པ་དང། གཞན་གྱི ་རྣམ་པར་སྤྱོད་པ་དང། ལམ་སྒྲ་འབྱིན་པ་དང་བཅས་པའོ། །ལམ་གྱི་སྡུག་བསྔལ་བྱེད་པའོ། །ཕན་བདགས་པ་ནི་སྡུག་བསྔལ་བརྗོད་པའོ། །སྡུག་བསྔལ་སྤངས་པའི་ཕྱིར་ཤེས་རབ་ཀྱི་སྦྱོར་བ་དང། བདེ་བའི་ཡོ་བྱད་དོ། །བརྒྱད་པ་ཡུན་རིངས་དུ ་གནས་པར་ཡང་བྱེད་དོ་ཞེས་བྱ་བ་ནས་རིགས་ཀྱི་ཆོས་ཀྱི་བར་ལས་ཀྱང་ཡོངས་སུ་ཉམས་པར་འགྱུར་རོ། །ཞེས་བརྗོད་པར་བྱའོ། །རྒྱུན་དུ་ཞུགས་པ་ནི་ཡོངས་སུ་ཉམས་པའི་ཆོས་ཅན་ནོ། །དགྲ་བཅོམ་པ་ནི་ཡོངས་སུ་མི་ཉམས་པའི་ཆོས་ཅན་ནོ། ། ་འཇིག་རྟེན་པའི་ཡང་དག་པའི་ལྟ་བ་མེད་དོ། །འཇིག་རྟེན་པའི་དད་པའི་དབང་པོ་མེད་དོ། །ལུང་དུ་མི་སྟོན་པའི་ཆོས་རྣམས་མེད་དེ། །ཡང་དག་པ་ཉིད་སྐྱོན་མེད་པར་འཇུག་པས་ཀུན་ཏུ་སྦྱོར་བ་ཐམས་ཅད་མ་སྤངས་པར་བརྗོད་པར་བྱའོ། །རྒྱུན་ཏུ་ཞུགས ་པ་ལ་ནི་མཚམས་མེད་པ་རྣམས་མ་གཏོགས་པར་སྡིག་པ་ཐམས་ཅད་དོ། །མདོ་སྡེ་ཐམས་ཅད་ངེས་པའི་དོན་ཡིན་ནོ། །སོ་སོར་བརྟགས་པའི་འགོག་པ་དང། ནམ་མཁའ་དང། ནམ་མཁའ་མཛའ་ཡས་སྐྱེ་མཆེད་དང། རྣམ་ཤེས་མཛའ་ཡས་སྐྱེ ་མཆེད་དང། ཅི་ཡང་མེད་པའི་སྐྱེ་མཆེད་དང། འདུ་ཤེས་མེད་འདུ་ཤེས་མེད་མིན་སྐྱེ་མཆེད་དང། རྟེན་ཅིང་འབྲེལ་བར་འབྱུང་བ་རྣམས་དང། གློ་བུར་དུ་འོངས་པའི་ཉེ་བའི་ཉོན་མོངས་པས་སེམས་རང་བཞིན་གྱིས་འོད་གསལ་པ་ནི་འདུས་མ་བྱས་ཀྱི་དངོས་པོ་དགུའོ།། ་བག་ལ་ཉལ་དགེ་ནི་སེམས་མ་ཡིན། སེམས་ལས་བྱུང་བ་མ་ཡིན་པར་བརྗོད་པར་བྱའོ། །དམིགས་པ་མེད་པར་བརྗོད་པར་བྱའོ། །བག་ལ་ཉལ་དག་གཞན་ལ་ཀུན་ནས་དཀྲིས་པ་དག་གཞན་ཡིན་པར་བརྗོད་པར་བྱའོ། །བག་ལས་ཉལ་རྣམས་ནི་སེམས་དང་མི ་ལྡན་པ་ཡིན་པར་བརྗེད་པར་བྱའོ། །ཀུན་ནས་དཀྲིས་པ་དག་ནི་སེམས་དང་མཚུངས་པར་ལྡན་པ་དག་གོ། འདས་པ་དང། མ་འོངས་པ་མེད་དོ། །ཆོས་ཀྱི་སྐྱེ་མཆེད་ནི་ཤེས་པར་བྱ་བ་མ་ཡིན། རྣམ་པར་ཤེས་པའི་བྱ་བ་མ་ཡིན་ནོ། །བར་མ་དོའི་སྲིད་པ་མེད་དོ། །རྒྱུན ་དུ་ཞུགས་པ་ལ་ནི་བསམ་གཏན་ཐོབ་པར་ཡིན་ནོ་ཞེས་བྱ་བ་ཟེར་ཏེ་དེ་དག་ནི་གཞི་ཡི་གཞུང་ལུགས་དག་གོ། དེ་དག་གི་བར་གྱི་གཞུང་ལུགས་ནི་འདི་དག་ཡིན་ཏེ། ཇི་ལྟ་ཇི་ལྟར་བདེན་པ་རྣམས་ཕྱེ་བ་དེ་ལྟ་དེ་ལྟར་མངོན་པར་རྟོགས་པར་འབྱུང་ངོ། །ཅུང་ཟད་ནི་རང ་གིས་བྱས་པའོ། །ཅུང་ཟད་ནི་གཞན་གྱིས་བྱས་པའོ། །ཅུང་ཟད་ནི་གཉི་གས་བྱས་པའོ། །ཅུང་ཟད་ནི་རྟེན་ཅིང་འབྲེལ་བར་འབྱུང་བས་བྱས་པའོ། །དུས་གཅིག་ཏུ་སེམས་གཉིས་ཕྲད་དོ། །ཉོན་མོངས་པ་དང་ལམ་ཕྲད་དོ། །ལས་དང་རྣམ་པར་སྨིན་པ་ཕྲད་དོ། །ས་བོན ་ཉིད་མྱུ་གུར་འགྱུར་རོ། །དབང་པོའི་འབྱུང་བ་ཆེན་པོ་རྣམས་ནི་འགྱུར་བའོ། །སེམས་དང་སེམས་ལས་བྱུང་བ་རྣམས་ནི་མི་འགྱུར་རོ། །སེམས་ཀྱིས་ནི་ལུས་ལ་ཁྱབ་པ་དང་སེམས་འདུག་པ་ཡང་དམིགས་སོ། །དེ་ལྟར་དེ་ལ་སོགས་པ་གཞན་དག་དམིགས་པ ་ཅན་དག་འདོད་དེ། དེ་ལྟར་དེ་དག་ནི་བར་གྱི་གཞུང་ལུགས་དག་ཡིན། དེད་ལ་མང་དུ་ཐོས་པའི་སྡེ་རྣམས་གཞིའི་གཞུང་ལུགས་དག་ཡོད་དེ། དེ་བཞིན་གཤེགས་པའི་དབྱངས་ལྔ་པོ་མི་རྟགས་པ་དང། སྡུག་བསྔལ་བ་དང། སྟོང་པ་དང། བདག་མེད་པ་དང། ་མྱ་ངན་ལས་འདས་པ་ནི། ཞི་བ། ལམ་ནི་ངེས་པར་འབྱིན་པ་འཇིག་རྟེན་ལས་འདས་པ་དག་ཡིན་པར་བརྗོད་པར་བྱའོ། །ལྷག་མ་རྣམས་ནི་འཇིག་རྟེན་པ་དག་ཡིན་ནོ། །དགྲ་བཅོམ་པ་ལ་གཞན་གྱིས་ཉེས་པར་བསྒྲུབ་པ་དང། མི་ཤེས ་པ་དང། སོམ་ཉི་དང། གཞན་གྱི་རྣམ་པར་སྤྱོད་པ་དང། ལམ་སྒྲ་འབྱིན་པ་དང་བཅས་པ་ཡོད་དོ། །ལྷག་མ་རྣམས་ནི་ཐམས་ཅད་མཁྱེན་པ་སྨྲ་བའི་ལུགས་དག་ཡིན་ནོ། །དེ་བཏགས་པར་སྨྲ་བ་རྣམས་ཀྱིས་གཞིའི་ལུགས་དག་ནི་བསྡུ་བ་ལྔ་ནི་ཕུང་པ ་མེད་པའོ། །སྐྱེ་མཆེད་དག་ནི་ཡོངས་སུ་མ་རེག་པ་དག་གོ། འདུ་བྱེད་རྣམས་ཕན་ཚུན་བཏགས་པའི་སྒོ་ནས་སྡུག་བསྔལ་བའོ། །སྐྱེས་བུའི་བྱེད་པ་མེད་དོ། །དུས་མ་ཡིན་པའི་འཆི་བ་མེད་དོ། །སྔོན་གྱི་ལས་ཀྱིས་ཐོབ་བོ། །རྣམ་པར་སྨིན་པ་མངོན་པར ་གྲུབ་པ་ནི་ལས་འཕེལ་བའི་རྒྱུ་ལས་འབྱུང་བའོ། །བསོད་ནམས་དག་གིས་ཀུན་ཆུབ་པར་བྱས་ནས་ལམ་འཐོབ་བོ། །ལམ་བསྒོམ་པར་བྱ་བ་མ་ཡིན་ནོ། །ལམ་ནི་འཇིག་པར་མི་འགྱུར་རོ། །ལྷག་མ་རྣམས་ནི་དགེ་འདུན་ཕལ་ཆེན་སྡེའི་ལུགས ་དག་ཡིན་ནོ། །དེ་ལ་ཐམས་ཅད་ཡོད་པར་སྨྲ་བའི་སྡེ་པ་རྣམས་ཀྱིས་གཞུང་ལུགས་ནི་ཐམས་ཅད་ཡོད་དོ། །གང་ཇི་ལྟར་ཡོད་པ་དེ་དེ་བཞིན་དུ་ཡོད་དོ། །མིང་དང་གཟུགས་གཉིས་ཀྱིས་འདུས་བྱས་ཐམས་ཅད་བསྡུས་སོ། །འདས་པ་དང་མ་འོངས ་པ་ཡོད་དོ། །ཆོས་ཀྱི་སྐྱེ་མཆེད་ནི་ཤེས་པར་བྱ་བ་དང། རྣམ་པར་ཤེས་པར་བྱ་བ་དང། མངོན་པར་ཤེས་པར་བྱ་བ་ཡིན་ནོ། །སྐྱེ་བ་དང། འགགས་པ་དང། གནས་དང། མི་རྟག་པ་ཉིད་དང། སེམས་དང་མི་ལྡན་པའི་འདུ་བྱེད་རྣམས་ནི་འདུ ་བྱེད་ཀྱི་ཕུང་པོས་བསྡུས་པ་དག་གོ། བསྡུ་བའི་དངོས་པོ་དག་གསུམ་མོ། །འདུས་མ་བྱས་ཀྱི་དངོས་པོ་དག་གསུམ་མོ། །འདུས་བྱས་ཀྱི་མཚན་ཉིད་དག་གསུམ་མོ། །བདེན་པ་འདུས་བྱས་དག་གསུམ་མོ། །འདུས་མ་བྱས་གཅིག་གོ། འཕགས ་པའི་བདེན་པ་བཞི་མཐར་ཕྱིན་པ་མངོན་པར་རྫོགས་པ་ཡིན་ནོ། །སྤོང་བ་ཉིད་དང་སྨོན་པ་མེད་པས་ཡང་དག་པ་ཉིད་སྐྱོན་མེད་པར་འཇུག་གོ། འདོད་པ་དང་ལྡན་པའི་འདུ་བྱེད་པ་རྣམས་ཡིད་ལ་བྱེད་པས་ཡང་དག་པར་སྐྱོན་མེད་དོ། །ཡང་དག་པ་ཉིད ་སྐྱོན་མེད་པར་ཞུགས་པས་སེམས་བསྐྱེད་པ་བཅོ་ལྔ་ལ་རྒྱུན་དུ་ཞུགས་པ་ཞེས་བརྗོད་པར་བྱའོ། །བཅུ་དྲུག་པ་ལ་རྒྱུན་དུ་ཞུགས་པའོ། །འཇིག་རྟེན་པའི་ཆོས་ཀྱི་མཆོག་རྣམས་ནི་སེམས་གཅིག་རྣམ་པ་གསུམ་མོ། །འཇིག་རྟེན་པའི་ཆོས་ཀྱིས་མཆོག ་རྣམ་པ་ལས་སོ་ཡོངས་སུ་ཉམས་པར་མི་འགྱུར་རོ། །རྒྱུན་དུ་ཞུགས་པའི་ཡོངས་སུ་མི་ཉམས་པ་ཅན་ནོ། །དགྲ་བཅོམ་པ་ནི་ཡོངས་སུ་ཉམས་པའི་ཆོས་ཅན་ནོ། །དགྲ་བཅོམ་པ་ཐམས་ཅད་ཀྱིས་མི་སྐྱེ་བར་ཤེས་པ་མི་འཐོབ་བོ། །སོ་སོའི་སྐྱེ་བོས་འདོད་པའི ་འདོད་ཆགས་དང་གནོད་སེམས་གཉིས་སྤོང་ངོ། །ཕྱི་རོལ་པའི་མངོན་པར་ཤེས་པ་ལྔ་ཡོད་དོ། །ལྷ་རྣམས་ལ་ཚངས་པར་སྤྱོད་པ་ལ་གནས་པ་ལ་དམིགས་སོ། །སྙོམ་པར་ཞུགས་པ་བདུན་ལ་བྱང་ཆུབ་ཀྱི་ཡན་ལག་རྣམས་དམིགས་ཀྱི་གཞན་རྣམས་ལ་མ་ཡིན ་ནོ། །བསམ་གཏན་རྣམས་ནི་དྲན་པ་ཉེ་བར་བཞག་པ་རྣམས་ཀྱིས་བསྡུས་སོ། །བསམ་གཏན་ལ་བརྟེན་ནས་ནི་ཡང་དག་པ་ཉིད་སྐྱོན་མེད་པ་ཉིད་དུ་འཇུག་གོ། དགྲ་བཅོམ་པ་ཉིད་ཀྱང་འཐོབ་བོ། །གཟུགས་དང་གཟུགས་མེད་པའི་ཁམས་དག་ལ་བརྟེན་ནས་དགྲ ་བཅོམ་པ་ཉིད་རྗེས་སུ་འཐོབ་ཀྱི། དག་པ་ཉིད་སྐྱོན་མེད་པར་མི་འཇུག་གོ། འདོད་ཁམས་སུ་ཡང་དག་པ་ཉིད་སྐྱོན་མེད་པར་འཇུག་གོ། དགྲ་བཅོམ་པ་ཉིད་ཀྱང་འཐོབ་བོ། །གཟུགས་ཀྱི་ཁམས་སུ་དགྲ་བཅོམ་པ་ཉིད་འཐོབ་ཀྱི་ཡང་དག་པ་ཉིད་སྐྱོན་མེད ་པར་ནི་འཇུག་གོ། བྱང་གི་སྒྲ་མི་སྙན་དག་ན་འདོད་ཆགས་དང་བྲལ་བ་མེད་དོ། །དེར་འཕགས་པ་རྣམས་སྐྱེ་བར་མི་འགྱུར་རོ། །འདུ་ཤེས་མེད་པའི་སེམས་ཅན་རྣམས་ཀྱི་ནང་དུ་མི་སྐྱེའོ། །མཐར་གྱིས་དགེ་སྦྱོན་ལག་གི་ཚུལ་གྱིས་འབྲས་བུ་བཞི་ཐོབ་པར་དེས ་པ་མེད་དོ། །སྐྱོན་མེད་པར་ཞུགས་པའི་འཇིག་རྟེན་པའི་ལམ་གྱིས་འདོད་པའི་འདོད་ཆགས་དང་བྲལ་བས་ལན་ཅིག་ཕྱིར་འོང་བའི་འབྲས་བུ་འཐོབ་བོ། །ཕྱིར་མི་འོང་བའི་འབྲས་བུ་ཐོབ་པར་བྱེད་དོ། །དྲན་པ་ཉེ་བར་བཞག་པ་བཞི་ནི ་ཆོས་ཐམས་ཅད་ཡིན་པར་བརྗོད་པར་བྱའོ། །ཕྲ་རྒྱས་རྣམས་ནི་སེམས་ལས་འབྱུང་བའི་སེམས་དང་ཚུངས་པར་ལྡན་པ་རྣམས་སོ། །ཕྲ་རྒྱས་ཐམས་ཅད་ནི་ཀུན་ནས་དཀྲིས་པ་དག་ནི་ཕྲ་རྒྱས་དག་མ་ཡིན་ནོ། །རྟེན་ཅིང་འབྲེལ་བར་འབྱུང་བ་དག་འདུས ་བྱས་སོ། །དགྲ་བཅོམ་པ་ལ་རྟེན་ཅིང་བྱུང་བའི་ཡན་ལག་ཁ་ཅིག་རྗེས་སུ་འཇུག་གོ་།དགྲ་བཅོམ་པ་ལ་བསོད་ནམས་འཕེལ་བ་ཡོད་དོ། །འདོད་པའི་ཁམས་དང། གཟུགས་ཀྱི་ཁམས་ན་བར་མ་དོའི་སྲིད་པ་དམིགས་སོ། །རྣམ་པར་ཤེས་པའི་ཚོགས ་ལྔས་འདོད་ཆགས་པར་འགྱུར་གྱི་ཀུན་ཏུ་འདོད་ཆགས་བྲལ་བར་མི་འགྱུར་རོ། །རྣམ་པར་ཤེས་པའི་ཚོགས་ལྔ་ནི་རང་གི་མཚན་ཉིད་འཛིན་པ་དང། རྣམ་པར་མི་རྟོགས་པ་ཡིན་ནོ། །སེམས་དང་སེམས་ལས་བྱུང་བའི་ཆོས་རྣམས་ཡོད་དོ། །སེམས ་དང་སེམས་ལས་བྱུང་བའི་ཆོས་རྣམས་ཀྱི་དམིགས་པ་ཡོད་དོ། །ངོ་བོ་ཉིད་ནི་ངོ་བོ་ཉིད་དང་མི་ལྡན་པའོ། །སེམས་ནི་སེམས་དང་མི་ལྡན་པའོ། །འཇིག་རྟེན་པའི་ཡང་དག་པའི་ལྟ་བ་ཡོད་དོ། །འཇིག་རྟེན་པའི་དད་པའི་དབང་པོ་ཡོད་དོ། །ལུང་དུ་མི་སྟོན་པའི ་ཆོས་རྣམས་ཡོད་དོ། །དགྲ་བཅོམ་པ་ལ་སློབ་པ་ཡང་མ་ཡིན་མི་སློབ་པ་ཡང་མ་ཡིན་པའི་ཆོས་རྣམས་ཡོད་དོ། །དགྲ་བཅོམ་པ་ཐམས་ཅད་བསམ་གཏན་འཐོབ་པ་ཡིན་ཀྱང་ཐམས་ཅད་དུ་བསམ་གཏན་མངོན་དུ་མི་བྱེད་དོ། །དགྲ་བཅོམ་པ་ལ་མངོན ་གྱི་ལས་ཡང་དག་པར་མྱོང་བར་འགྱུར་བ་ཡོད་དོ། །སོ་སོའི་སྐྱེ་བོ་ལ་འཆི་བའི་མཛའ་ལས་བྱུང་བའི་སེམས་མི་དགེ་བ་ཡོད་དོ། །མཉམ་པར་བཞག་པ་དེའི་ཚེ་འཆི་བའི་དུས་ན་བྱེད་པ་མདོགས་བྱང་ཆུབ་སེམས་དཔའ་ལ་ནི་སོ་སོའི་སྐྱེ་བོ་དང་ཀུན་ཏུ་སྦྱོར་བ ་དང་བཅས་པ་དང། ཡང་དག་པ་ཉིད་སྐྱོན་མེད་པར་ཞུགས་པ་དང། སོ་སོའི་སྐྱེ་བོའི་བར་ཞུགས་པ་ཡིན་པར་བརྗོད་པར་བྱའོ། །སེམས་ཅན་དུ་གདགས་པ་རྣམས་ལ་ཟིན་པའི་རྒྱུད་ཡིན་པར་བརྗོད་པར་བྱའོ། །འདུ་བྱེད་ཐམས་ཅད་ནི་སྐད་ཅིག་མ་དག་གོ་། ་འཇིག་རྟེན་འདི་ནས་འཇིག་རྟེན་ཕ་རོལ་ཏུ་ཆོས་གང་ཡང་འཕོ་བ་མེད་ཀྱང་གང་ཟག་འཕོ་ཞེས་བྱ་བ་རྡར་བརྗོད་པར་བྱའོ། །འཆི་བཞིན་དུ་འདུ་བྱེད་ཀྱི་ཕུང་པོ་ལྷག་མ་མེད་པར་འགགས་ཀྱང་ཕུང་པོ་རྣམས་ལ་འགྱུར་བ་མེད་དོ། །འཇིག་རྟེན་ལས་འདས་པའི ་བསམ་གཏན་ཡོད་དོ། །རྣམ་པར་རྟོག་པ་ཟག་པ་མེད་པ་ཡོད་དོ། །རྣམ་པར་རྟོག་པ་སྲིད་པའི་དགེ་བ་ཡོད་དོ། །མཉམ་པར་བཞག་པ་ལ་ཚིག་བརྗོད་པ་མེད་དོ། །ཆོས་ཀྱི་འཁོར་ལོ་ནི་འཕགས་པའི་ལམ་ཡན་ལག་བརྒྱད་པའོ། །དེ་བཞིན་གཤེགས་པའི ་གསུང་ཐམས་ཅད་ནི་ཆོས་ཀྱི་འཁོར་ལོ་རྗེས་སུ་བསྐོར་བ་ཡིན་ནོ། །ཐམས་ཅད་རྗེས་སུ་མངོན་པར་གསུངས་པ་མ་ཡིན་ནོ། །ཐམས་ཅད་དོན་ཇི་ལྟ་བ་བཞིན་གསུངས་པ་མ་ཡིན་ནོ། །མདོ་སྡེ་ཐམས་ཅད་ངེས་པའི་དོན་གྱིས་གསུངས་པ་མ་ཡིན་ནོ། །མདོ་སྡེ ་ཐམས་ཅད་ངེས་པའི་དོན་མ་ཡིན་ཏེ། ངེས་པའི་དོན་གྱིས་མདོ་སྡེ་ཡོད་དོ། །དེ་ལྟར་དེ་དག་གིས་གཞིའི་གཞུང་ལུགས་དག་གོ་།བར་གྱི་གཞུང་ལུགས་དག་ནི་མཛའ་ཡས་སོ། །དེ་ལ་གངས་རི་པའི་གཞིའི་གཞུང་ལུགས་དག་ནི་བྱང་ཆུབ་སེམས་དཔའ་སོ ་སོའི་སྐྱེ་བོ་དག་བརྣབ་སེམས་མེད་པར་བརྗོད་པར་བྱའོ། །བྱང་ཆུབ་སེམས་དཔའ་དགོངས་བཞིན་དུ་ཡུམ་གྱིས་ལྷུམས་སུ་འཇུག་གོ་།ཕྱི་རོལ་པ་ལ་མངོན་པར་ཤེས་པ་ལྔ་མེད་དོ། །ལྷ་རྣམས་ལ་ཚངས་པར་སྤྱོད་པ་ལ་གནས་པ་མི་དམིགས་སོ།། ་དགྲ་བཅོམ་པ་ལ་གཞན་གྱི་ཉེ་བར་བསྒྲུབ་པ་དང། མི་ཤེས་པ་དང། སོམ་ཉི་དང། གཞན་གྱི་རྣམ་པར་སྤྱོད་པ་དང། ལམ་སྒྲ་འབྱིན་པ་དང་བཅས་པ་ཡོད་དོ། །ལྷག་མ་རྣམས་ནི་ཐམས་ཅད་ཡོད་པར་སྨྲ་བའི་སྡེ་པའི་ལུགས་དག་ཡིན་ནོ། །དེ་ལ་གནས ་མ་བུའི་སྡེ་རྣམས་ཀྱི་གཞིའི་གཞུང་ལུགས་དག་ནི་ཕུང་པོ་རྣམས་གང་ཟག་མ་ཡིན་ནོ། །ཕུང་པོ་རྣམས་ལས་གུས་ན་ཡང་མེད་དོ། །ཕུང་པོ་དང་ཁམས་དང། སྐྱེ་མཆེད་ལ་བརྟེན་ཏེ་བདགས་སོ། །འདུ་བྱེད་ཐམས་ཅད་ནི་དུས་གཞན ་ལ་སྐད་ཅིག་དག་གོ་།གང་ཟག་མ་རྟོགས་པ་འཇིག་རྟེན་འདི་ནས་འཇིག་རྟེན་ཕ་རོལ་ཏུ་གང་འཕོ་བའི་ཆོས་གང་ཡང་མེད་དོ། །གང་ཟག་འཕོའོ་ཞེས་བརྗེད་པར་བྱའོ། །ཕྱི་རོལ་པའི་མངོན་པར་ཤེས་པ་ལྔ་ཡོད་དོ། །རྣམ་པར་ཤེས་པའི་ཚོགས ་ལྔས་ཀུན་ཏུ་འདོད་ཆགས་པ་མེད་དོ། །འདོད་ཆགས་དང་བྲལ་བ་མ་ཡིན་ནོ། །འདོད་ཆགས་དང་ལྡན་པའི་ཀུན་ཏུ་སྦྱོར་བ་སྤངས་པར་བྱ་བ་རྣམས་སྤངས་པས་འདོད་པའི་འདོད་ཆགས་དང་བྲལ་བར་འགྱུར་རོ། །བཟོད་པ་དང། མིང་དང་མཚན་དང། ་ཆོས་ཀྱི་མཆོག་རྣམས་ལ་ཡང་དག་པར་ཞུགས་ནས་ཀུན་ཏུ་སྦྱོར་བ་མཐོང་བས་སྤང་བར་བྱ་བ་རྣམས་སྤངས་པས་སེམས་བསྐྱེད་པ་བཅུ་གཉིས་པ་ནི་འཇུག་པ་ཡིན་ནོ། །བཅུ་གསུམ་པ་ལ་ནི་འབྲས་བུ་ལ་གནས་པ་ཡིན་ནོ། །དེ་དང་ཁྱད་པར་མེད ་པ་ཆོས་མཆོག་པའི་སྡེ་དང། བཟང་པོའི་བུའི་སྡེ་དང། ཀུན་གྱིས་བཀུར་བའི་སྡེ་དང། གྲོང་ཁྱེར་དྲུག་བཞི་སྡེ་རྣམས་ནི་གློལ་བ་རྣམས་ནི་བརྡེག་པོས་འགྱུར། ཡོངས་སུ་ཆུམས་པ་འང་སླར་ལྷགས་ཤིང། དགའ་བྱའི་དགའ་བ་དེ་ཐོབ་བྱ། །བདེ་དང་ལྡན ་པ་རྣམས་ནི་བདེ། །ཞེས་བྱ་བའི་ཐ་ཚིགས་སུ་བཅད་དེ་ལ་རྩོད་བར་གྱུར་ཏོ། །དེ་ལས་སྟོན་གྱི་སྡེ་པ་རྣམས་ཀྱི་གཞིའི་གཞུང་ལུགས་ངག་ནི་འདས་པ་དང། མ་འོངས་པ་མེད་དོ། །ད་ལྟར་བྱུང་བ་དང་འདུས་མ་བྱས་ཡོད་དོ། །འཕགས་པའི་བདེན་པ་བཞི ་མངོན་པར་རྟོགས་པ་གཅིག་ཡིན་ནོ། །སྡུག་བསྔལ་མ་མཐོང་བས་བདེན་པ་རྣམས་མ་མཐོང་ངོ། །མཐོང་བ་ནི་མཐོང་བ་དག་ཡིན་ནོ། །ཕྲ་རྒྱས་རྣམས་ནི་སེམས་མ་ཡིན། སེམས་ལས་བྱུང་བ་རྣམས་མ་ཡིན། །དམིགས་པ་མེད་པ་དག་གོ་།ཕྲ་རྒྱས ་དག་གཞན་ལ། ཀུན་ནས་དཀྲིས་པ་དག་གཞན་ཡིན་ནོ། །ཕྲ་རྒྱས་རྣམས་ནི་སེམས་དང་མི་ལྡན་པ་དག་ཡིན་ནོ། །ཀུན་ནས་དཀྲིས་པ་རྣམས་མཚུངས་པར་ལྡན་པ་དག་ཡིན་ནོ། །སོ་སོའི་སྐྱེ་བོ་འདོད་པའི་འདོད་ཆགས་དང་གནོད་སེམས་གཉིས་མི་སྤོང་ངོ། །ཕྱི ་རོལ་པའི་མངོན་པར་ཤེས་པ་ལྔ་མེད་དོ། །ལྷ་རྣམས་ལ་ཚངས་པར་སྤོང་བ་གནས་པ་མི་དམིགས་སོ། །བར་མ་དོའི་སྲིད་པ་མེད་དོ། །དགྲ་བཅོམ་པ་ལ་བསོད་ནམས་འཕེལ་བ་མེད་དོ། །རྣམ་པར་ཤེས་པའི་ཚོགས་ལྔས་ཀུན་ཏུ་འདོད་ཆགས་དང་འདོད ་ཆགས་དང་བྲལ་བ་དག་ཏུ་འགྱུར་རོ། །རྣམ་པར་ཤེས་པའི་ཚོགས་དྲུག་ནི་རྟོགས་པ་དང་སྤྱོད་པ་དང་མཚུངས་པ་ལྡན་པ་དག་གོ་།གང་ཟག་པ་མགོ་མཉམ་པ་ཡོད་དོ། །འཇིག་རྟེན་པའི་ཡང་དག་པའི་ལྟ་བ་ཡོད་དོ། །འཇིག་རྟེན་ལས་འདས་པའི་བསམ ་གཏན་མེད་དོ། །རྣམ་པར་ཤེས་པ་ཟག་པ་མེད་པ་དག་མེད་དོ། །སྲིད་པའི་རྒྱུན་དགེ་བ་མེད་དོ། །རྒྱུན་ཏུ་ཞུགས་པ་ནི་ཡོངས་སུ་ཉམས་པའི་ཆོས་ཅན་ནོ། །དགྲ་བཅོམ་པ་ནི་ཡོངས་སུ་མི་ཉམས་པའི་ཆོས་ཅན་ནོ། །ལམ་ཡན་ལག་རྣམས་ནི་དྲན་པ་ཉེ་བར ་གཞག་པ་རྣམས་ཀྱིས་གསུངས་སོ། །འདུས་མ་བྱས་ཀྱི་དངོས་པོ་གང་སྟེ། སོ་སོར་བརྟགས་པ་མ་ཡིན་པའི་འགོག་པ་དང། ནམ་མཁའ་དང། མི་གཡོ་བ་དང། དགེ་བའི་ཆོས་རྣམས་ཀྱི་དེ་བཞིན་གཤེགས་པ། མི་དགེ་བའི་ཆོས་རྣམས་ཀྱི་དེ་བཞིན་ཉིད་དང། ་ལུང་དུ་མི་སྟོན་པའི་ཆོས་རྣམས་ཀྱི་དེ་བཞིན་ཉིད་དང། ལམ་གྱི་དེ་བཞིན་ཉིད་དང། རྟེན་ཅིང་འབྲེལ་པར་འབྱུང་བའི་དེ་བཞིན་ཉིད་དོ། །མིལ་ཐོག་མ་དང་ཐ་མའི་དབང་པོ་འབྱུང་བ་རྣམས་ནི་འགྱུར་བའོ། །སེམས་དང་སེམས་ལས་བྱུང་བའི་ཆོས་རྣམས་ནི་འགྱུར ་བའོ། །སངས་རྒྱས་ནི་དགེ་འདུན་ལ་དམིགས་སོ། །དགེ་འདུན་ལ་ཕུལ་བ་འབྲས་བུ་ཕྱིའོ། །སངས་རྒྱས་ལ་ནི་མ་ཡིན་ནོ། །སངས་རྒྱས་རྣམས་དང་ཉན་ཐོས་ནི་ལམ་གཅིག་གོ་།འདུ་བྱེད་ཐམས་ཅད་སྐད་ཅིག་མ་དག་གོ་།འཇིག་རྟེན་འདི་དང་ཕ་རོལ་ཏུ ་འཕོ་བའི་ཆོས་གང་ཡང་མེད་དོ། །དེ་ལྟར་དེ་དག་གི་གཞིའི་གཞུང་ལུགས་དག་གོ་།དེ་དག་གི་བར་གྱི་གཞུང་ལུགས་ངག་ནི་འདི་ཡིན་ཏེ། འདས་པ་དང་མ་འོངས་པ་ཡོད་དོ། །བར་མདོའི་སྲིད་པ་ཡོད་དོ། །ཆོས་ཀྱི་སྐྱེ་མཆེད་ནི་ཤེས ་པར་བྱ་བ་དང། རྣམ་པར་ཤེས་པར་བྱ་བ་ཡིན་ནོ། །སེམས་པ་ནི་ལས་ཡིན་ནོ། །ལུས་དང་ངག་གི་ལས་ནི་མེད་དོ། །རྟོག་པ་དང་སྤྱོད་པ་དག་ནི་མཚུངས་པར་ལྡན་པ་དག་ཡིན་ནོ། །ས་ནི་བསྐལ་པས་གནས་པ་ཡིན་ནོ། །མཆོད་རྟེན་ལ་མཆོད་པའི་ལས ་ནི་འབྲས་བུ་ཆུང་བའོ། །ཕྲ་རྒྱས་རྣམས་ནི་རྟག་ཏུ་ད་ལྟར་བྱུང་བ་ནི་དག་ཡིན་ནོ། །འཆིང་བར་བྱེད་པའི་ཆོས་ལྔ་པོ་མ་རིགས་པ་དང། ང་རྒྱལ་དང། སྲིད་པ་དང། ལྟ་བ་དང། ལྔ་པ་ལས་ཀྱི་ལམ་ནི་རྟག་ཏུ་མཚན་མ་ཡིན་ཏེ། དེ་ལས་སྡུག་བསྔལ་རབ་ཏུ་འབྱུང་བ ་ཡིན་ནོ་དེ་ལྟར་དེ་དག་ནི་པར་གྱི་གཞུང་ལུགས་དག་ཡིན་ནོ། །དེ་ལ་ཆོས་སྲུང་སྡེ་རྣམས་ཀྱིས་གཞིའི་གཞུང་ལུགས་དག་ནི་སངས་རྒྱས་ནི་དགེ་འདུན་ལ་དམིགས་སོ། །སངས་རྒྱས་ལ་ཕུལ་བ་ནི་འབྲས་བུ་ཆེ་བའོ། །དགེ་འདུན་ལ་ནི་མ་ཡིན་ནོ། །ཉན་ཐོས ་རྣམས་ཀྱི་ལམ་གཞན་ཡིན་ལ། སངས་རྒྱས་ཀྱི་གཞན་ཡིན་ནོ། །ཕྱི་རོལ་པའི་མངོན་པར་ཤེས་པ་ལྔ་མེད་དོ། དགྲ་བཅོམ་པའི་ལུས་ནི་ཟག་པ་མེད་དོ། །ལྷག་མ་རྣམས་ནི་དགེ་འདུན་ཕལ་ཆེར?་སྡེའི་ལུགས་དག་ཡིན་ནོ། །དེ་ལ་འོད་སྲུངས་པའི་སྡེ་རྣམས ་ཀྱི་གཞུང་ལུགས་ནི་སྤངས་པ་ཡོངས་སུ་ཤེས་པ་ཡོད་དོ། །མ་སྤངས་པ་ཡོངས་སུ་སྤང་ཞེས་པ་མེད་དོ། །རྣམ་པར་སྨིན་པ་རྣམ་པར་སྨིན་པར་འགྱུར་བའི་ལས་ཡོད་དེ། །རྣམ་པས་སྨིན་པར་མི་འགྱུར་བ་མེད་དོ། །འདུ་བྱེད་རྣམས་འདས་པའི་རྒྱུ་ལས ་བྱུང་བ་དག་ཡོད་དོ། །འདུ་བྱེད་ཐམས་ཅད་མ་འོངས་པའི་རྒྱུ་ལས་བྱུང་བ་དག་ནི་མེད་དོ། །སློབ་པའི་ཆོས་རྣམས་ནི་རྣམ་པར་སྨིན་པ་དང་བཅས་པའི་ཆོས་དག་གོ་།ལྷག་མ་རྣམས་ནི་ཆོས་སུངས་སྡེའི་ལུགས་དག་ཡིན་ནོ། །དེ་ལ་འཕོ་བར་སྨྲ་བའི་སྡེ ་རྣམས་ཀྱི་གཞིའི་གཞུང་ལུགས་ནི་འཇིག་རྟེན་འདི་ནས་འཇིག་རྟེན། །ཕ་རོལ་ཏུ་ཕུང་པོ་པའོ?་ཞེས་ཟེར་རོ། །འཕགས་པའི་ལམ་མེད་པར་ཕུང་པོ་རྣམས་??་འགག་གོ་།གཞིའི་མཛའ་ལས་བྱུང་བའི་ཕུང་པོ་རྣམས་ཡོད་དོ། །ཕུང་པོ་རོ་གཅིག་པ་རྣམས་ཡོད་དོ། །དོན ་དམ་པར་གང་ཟག་ཡོད་དོ། །ལྷག་མ་རྣམས་ནི་ཐམས་ཅད་ཡོད་པར་སྨྲ་བའི་སྡེའི་ལུགས་དག་ཡིན་ནོ་ཞེས་ཟེར་རོ། །གཞུང་ལུགས་ཀྱི་བྱེ་བྲག་ཏུ་བཀོད་པའི་འཁོར་ལོ་བཙུན་པ་དབྱིག་གི་བཤེས་གཉེན་གྱིས་མཛད་པ་རྫོགས་སོ།། །།རྒྱ་གར ་གྱི་མཁན་པོ་དྷརྨ་ཀ་ར་དང། ལོཙཱ་བ་བནདེ་བཟང་སྐྱོད་གིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།སྡེ་པ་ཐ་དད་པར་བྱེད་པ་དང་རྣམ་པར་བཤད་པ་བྷ་བྱས་མཛད་པ་བཞུགས་སོ།། །།རྒྱ་གར་སྐད་དུ། ཀཱ་ཡ་བྷེ་ཏྲོ་བི་བྷངྒ་བྱ་ཁྱཱ་ན། བོད་སྐད་དུ། སྡེ་པ་ཐ་དད་པར ་