<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4407: 'dul ba lung bla ma'i bye brag lung zhu ba'i 'grel pa bzhugs<br><table><tr><td>
<input type="button" onclick="location.href='tcompletep.php?id=N4407&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4407&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4407&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">dang/ lo tsA ba dge slong dge ba'i blo gros kyis bsgyur ba'o// (//'dul ba lung bla ma'i bye brag lung zhu ba'i 'grel pa dge ba'i bshes gnyen bzhugs/) /gal te 'o na ji ltar bsnyen par rdzogs pa'i gnas skabs na sbyor bar byas pa tsam gyi dbang gis
 dge tshul gyi gnas skabs na sbyor ba med pa ltung bar 'gyur ro na/ 'di la yang rma bar bya ste/ bsnyen par rdzogs pa'i gnas skabs na sbyor ba byas pa'i dbang gis dge tshul gyi gnas skabs na bdag ngo bor gyur pa kho nas/
 de'i dus pa'i sbyor ba med pa yang dngos bzhi'i kha na ma tho ba nyes byas shes bya ba 'grub par 'gyur ro/ /gal te bsnyen par rdzogs pa'i gnas skabs sam/ dge tshul gyi gnas skabs nas khyim pa nyid gnas skabs par gyur na/
 ci de na yang 'di la ltung ngam zhe na da ni med de/ 'di ltar gang gi tshe dge tshul gyi gnas skabs nas/ khyim pa nyid kyi gnas skabs par gyur pa'i tshe/ 'di'i sngon gyi gnas skabs nyams pas bdag gi ngo bor gyur pa yin no/ /bdag gi ngo
 bor gyur na yang 'di la khyim pa'i gnas skabs na ltung ba med par 'gyur ro/ /de nyid kyi phyir bdag gi ngo bor gyur pas dge tshul gyi gnas skabs na ltung ba yang nyes byas zhes bya ba la dge slong gi gnas skabs kyi sbyor ba'i dbang
 can gyi kha na ma tho ba slong bar shes par bya'o/ /de ltar ma yin na dge slong gi gnas skabs kyi sbyor ba'i dbang can gyi kha na ma tho ba/ dge tshul gyi gnas skabs na ltung ba yang nyes byas shes par bya bar mi 'gyur ba zhig na/ 'di ltar
 de ni ltung ba lci ba nyes pa sbom pos zhes bya ba'i sbyor ba yin pas so/ /nga? ni 'di brjod par bya ste/ gal te khyim pa nyid kyi gnas skabs kyi sbyor ba tsam gyi dbang gis dge tshul gyi gnas skabs na/ de'i dus pa'i sbyor ba med par kha na
 ma tho ba na smad pa nyes byas zhes bya ba slong bar brjod na de khyim pa'i gnas skabs na ma tho ba ci zhig tu 'gyur/ de bzhin du dge tshul gyi gnas skyabs kyi sbyor ba tsam gyi dbang gis/ dge slong gis gnas skabs na de'i dus
 pa'i sbyor ba med par kha na ma tho ba lci ba nyes pa sbom pho zhes bya ba slong bar brjod na/ de dge tshul gyi gnas skabs na ltung ba ci zhig tu 'gyur/ de bzhin du dge slong gi gnas skabs kyi sbyor ba tsam gyi dbang gis dge tshul gyi gnas skabs na de'i dus
 pa'i sbyor ba de med par kha na ma tho ba lci ba nyes byas zhes bya ba slong bar brjod na/ sbyor ba ni ltung bar cir 'gyur zhe na/ 'di la kha cig na re re zhig khyim pa nyid kyi gnas skabs na sbyor ba byed pa la ni ltung ba slong ba mi srid de/ 'dir ltar khyim pa
 rnams la ltung ba rnam par bzhag pa med pa'i phyir dang/ khyim pa la sogs bsod nams ma yin pa mang po skye ba 'ba' zhig tu zad do/ /zhes gsungs pa'i yang phyir ro/ /dge tshul gyi gnas skabs na shin tu smad pa nyes byas su shes par
 bya ste/ 'di ltar nyes byas na smad pa'i sbyor ba yin pa'i phyir ro/ /dge slong gi gnas skabs na yang sbyor ba med na sbom po kho nar shes par bya ste/ 'di ltar dngos gzhir sbyor ba yin pa'i phyir ro zhes zer ro/ /'di ni 'dul ba 'dzin pa gzhan
 dag mi 'dod de/ 'di ltar gang la phyis dge tshul la sogs pa'i gnas skabs na dngos gzhi'i kha na ma tho ba sdu na khyim pa nyid la sogs pa'i gnas skabs kyi sbyor ba'i rgyu can rnam par bzhag pa dang/ de bzhin du phyi ma dge tshul
 la sogs pa'i gnas skabs na snga ma dge slong la sogs pa'i gnas skabs kyi sbyor ba'i rgyu can rnam par bzhag pa ste/ des sbyor ba rgyun chad pa 'am sbyor ba rgyun ma chad pa zhig las 'gyur grang na/ de la re zhig gal te sbyor ba rgyun
 bcad na/ de lta na ni sbyor ba med pa'i phyir dngos gzhi mi slong ba kho na te/ ma bsams par bsad pa lta bu'o/ /de skad du yang bdag nyid 'chir bcug pa bzlog pa'i skabs su rnam par 'byed pa las/ gal te des 'di skad du tshe dang ldan
 pa khyod bdag nyid gsod par ma byed cig /'chi bar ma byed cig /'tsho ba dang 'bral bar ma byed cig ces smras pa las ci ste de bdag nyid gsod par byed 'chi bar byed/ bdag nyid srog dang bral bar byed na sngon gyi
 sbyor ba de nyid kyis 'chir 'jug pa de la nyes pa sbom por 'gyur ro zhes gsungs so/ /'on te sbyor ba rgyun ma bcad na de lta na sbyor ba yod pa'i phyir dang/ bsams pa'i 'bras bu yongs su rdzogs pa'i phyir dang/ dngos gzhi yongs su rdzogs
 pa kho nar 'gyur na/ ji ltar na smad pa zhes bya/ gal te de'i tshe sbyor ba med pa'i phyir ro zhe na/ ha cang thal bar 'gyur te/ dge slong gang zhig gis dgra bsad pa'i phyir sbyor ba byas kyang lo bcu 'am nyi shu 'das nas dgra de srog
 dang bral na/ dge slong de la de'i tshe da ltar byung ba'i sbyor ba 'ga' yang med pas de yang dngos gzhi med par thal bar 'gyur ba zhig na/ de yang rigs pa ma yin te/ sngon gyi sbyor ba rgyun ma bcad pa'i phyir ro/ /ji ltar 'di de'i
 tshe sbyor ba rgyun ma bcad pa yin par 'dod pa ltar/ de'i sbyor ba yang de'i tshe de dang 'dra bar 'dod par bya'o/ /de bzhin du gal te gnas skabs gzhan na byas pa'i sbyor ba gnas skabs gzhan med do zhe na de lta na yang ha cang thal par 'gyur
 te/ gang zhig gis dge slong nyid kyi tshe pham pa'i ltung ba byung nas khyim pa nyid du 'phos na de gnas skabs gzhan na byas pa'i pham pa'i ltung ba med pas yang rab tu 'byung ba dang sdom pa'i zhing nyid du thal bar 'gyur ro/ /de yang
 rigs pa ma yin te/ de ni sdom pa'i zhing ma yin pa nyid dang rjes su 'brel pa'i phyir ro/ /gzhan yang las gcig gis 'phangs pa nyid kyis mthun pa gcig pa'i phyir gzhon nu dang dar la bab pa dang rgan po nyid la sogs pa bzhin
 du gnas skabs rnams kyi rten tha dad par byed pa ma yin na/ ji ltar gnas skabs gzhan na byas pa'i sbyor ba med par 'gyur te/ de lta bas na gnas skabs ni gnyis te rab tu byung ba bsnyen par ma rdzogs pa dang bsnyen par rdzogs pa nyid do//
 des na rab tu byung ba bsnyen par ma rdzogs pa dge tshul gang zhig gi rku ba'i phyir pho nyas rku ba'i sbyor ba byas nas bsnyen par rdzogs par byed pa de la dge slong gi dngos por khas len pa'i dus na sbyor bar rgyun bcad pa yin no/ /sbyor ba las
 byung ba'i nyes byas dang mi ldan pa'o/ /bsnyen par rdzogs pa de na sngon byed du bcug pa'i pho nyas brkus pa'i mtshan nyid kyi bya ba de mthar phyin par byed mod kyi/ 'on kyang rtsa ba'i kha na ma tho ba slong bar byed pa ni mi 'gyur te sbyor ba med
 pa'i phyir ro/ /sbyor ba las byung ba'i nyes byas gang yin pa de ni 'di'i nyes pa sbom por 'gyur te/ pham pa'i sbyor ba ni bsnyen par rdzogs pa dag la nyes pa sbom por brtag pa'i phyir ro/ /de bzhin du bsnyen par rdzogs pa pham pa'i
 sbyor ba byas nas sbyor ba rgyun bcad de/ gal te dge tshul nyid du 'phos na de lta na dngos gzhi slong bar byed pa'i sbyor ba las byung ba'i nyes pa sbom po'o/ /'di'i nyes byas su 'gyur te/ bsnyen par ma rdzogs pa rnams la ni nyes byas
 tsam du brtan pa'i phyir ro/ /de ltar na 'dul ba 'dzin pa'i gzhung lugs 'di gnyis ni dge slong ma dang/ dge slob ma dang/ dge tshul ma rnams kyi sbyor ba'i dbang gis gsod ba la sogs pa bdun tshan 'chad par 'gyur ba
 dag la yang mtshan nyid ji lta ba bzhin du rjes su dpag par bya'o/ /gzhung mang po nyid du 'gyur bas bdag gis ni rnam par mi bshad do/ /shog ma zhes bya ba ni gser la sogs pa'i dbyig la rgyal po'i skal ba'o/ /nam mkha' la?
 gsang sngags dang sman dang/ mi ma yin pa mngags pa dang/ shing las 'phangs pa la sogs pa'o/ /bzlas na zhes bya ba ni khyer na'o/ /dngos po ji lta ba bzhin no/ /zhes bya ba la/ dngos po ni ma sha ka lnga la sogs pa'i rdzas so
 des na ma sha ka lnga tshang na pham par 'gyur ba la dngos po ma tshang na nyes pa spom pos zhes bya ba'i tha tshig go/ ci ste rdzu 'phrul gyis bzlas na zhes bya ba la ci ste zhes bya ba'i sgra ni rnam par rtag pa'o/ /gzhan dag na re dri ba yin no zhes zer ro
 rdzu 'phrul na nam mkha' la 'gro ba la sogs pa'o/ /nga yang 'dir mngon par shes pa'i rang bzhin 'ba' zhig tu ma zad kyi gsang sngags dang sman gyi byas pa dang/ las las skyes pa gang yin par shes par bya'o/ /mngon par
 zhes pa'i rang bzhin gyi rdzu 'phrul gyi 'dod chags dang bral ba'i rgyu las skyes pa nyid kyis rgyu sems kyi snod ma yin pa'i phyir thams cad la ltung ba med pa nyid du grub pa kho na'o/ /gzhan dag na re rdzu 'phrul smos
 pas ni 'dir gtso bo yin pa'i phyir dang/ bcos pa ma yin pa'i phyir ma lon par shes pa'i rang bzhin kho nar gsungs pa gzhan du ni ma yin no/ /gsang sngags dang/ sman dang las las skyes pa ni sngar phyin pa ni khyer la yan
 lag gzhan yod na pham par 'gyur ro/ /sngar ma phyin pa ni yan lag gzhan yod na spom par 'gyur/ /de nyid kyi phyir zhus pa/ gzhan las 'di skad du/ btsun pa re zhig dge slong gis sho ge ma nas nam mkha' las zlo bar
 bgyid na cir 'gyur lags/ gal te rdzu 'phrul gyis zlo bar byed na nyes pa med do/ /'on te rnam pa gzhan dag gis zla na nyes pa sbom por 'gyur ro zhes 'byung ngo/ /de la ngan na 'di yin gsang sngags dang sman dang/ mi ma
 yin pa mngags pa dang shing las 'phangs pa la sogs pa rnam pa gzhan thams cad kyis ni sho gam sar ma byin par nam mkha' las sho gam las 'da' bar byed pa las dgongs te gsungs pa yin/ /de lta ma yin tes byin pa bzlas na yan lag
 thams cad yod pas pham par 'gyur ba'i phyir sbom por mi rung ngo/ /kha cig len pa po mtshams kyis na 'dug pa la sbom po kho nar 'gyur bar brjod de/ 'di ltar khyer ba pa mtshams kyi nang du gtogs pa'i sa la ni sbom po kho na'o zhes
 zer ba ma yin nam de ji lta bu zhe na/ de nyid la dri bar bya'o/ /shul ma lags pa nas zhes bya bas ni lam gol ba nas so/ /'dir ni sho gam bcad par bya ba'i rdzas ni sho gam gyi gnas su byin pa'i sho gam gyi gnas las glor bzung ste/
 gro gang yin pa de lam ma yin pa nas bzla ba yin par shes par bya ste/ 'di ltar sho gam gyi gnas bkol nas de las 'da' ba' i phyir ro/ /de nyid kyi phyir gal te de rnams kyis las 'das nas mthar 'gyur ro zhes bya ba gsungs ste/
 de dag ni sho gam pa rnams so/ /sa ni sho gam gyi sa'o/ /sa las ma 'das na ni nyes pa sbom por 'gyur te/ rku sems ni yod la mtshams gzhan du ni ma bzlas na sbom po 'dir 'gyur ro/ /mtshams gzhan kyang ngo zhes 'byung ba'i phyir
 sho gam bcad par bya ba mtshams gzhan las ma bzlas ni nyes pa med pa nyid du bshad pa ma yin nam zhe na/ rku sems mod par sho gam mtshams gzhan las zlo bar ma byed na nyes pa med par nyid du bshad pa yin te 'dir sho
 gam gyi gnas su ma song yang bla'o snyam pa de lta bu'i bsam pas 'dral ma yin pa sho gam gyi gnas su phyin pa slong ba'i bdag nyid gang yin pa de'i rku sems nyid ma yin par shes par bya ste/ rku ba'i bsam pa med pa'i phyir ro//
 gang la rku sems yod pa de la ni sho gam gyi gnas su ma zhugs na yan lag cig ma tshang ba'i phyir dang/ yan lag lhag ma yod pa'i phyir sbom por 'gyur gyi mthar 'gyur ba ni med de/ /'dir sho gam smos pas sho gam
 du bcad par bya ba/ rgyal po skal bar blang bar 'os pa rin po che la sogs pa'i rdzas zlo na ltung bar 'gyur gyi thams cad ni ma yin no zhes bya ba de ltar shes par bya'o/ /sho gam bcad pa zhes bya ba la sogs pa la sho gam spyad pa
 ni sho gam bcad par 'os pa ste/ ji ltar gzhan gyis rku na mthar 'gyur ba de bzhin du rku sems kyis kha dang lkog ma dag nas rgu na yang mthar 'gyur ba kho na'o snyam du dgongs pa yin no/ /'di ni khar bcug pa gang yin pa de ni
 lus kyi khongs su gtogs la/ tshem bu'i gseb du bcug pa gang yin pa ni gos dang 'dra ba'i phyir la lus dang gos bzlas pa yang nyes pa 'ga' yang med pas de'i phyir nyes pa med pa'am yang na smad par 'gyur ro snyam pa bsal
 ba'i phyir ro/ /kha dang lkog ma dag ni lto ba dang lham dag gi dpe yin no/ /tshong pa ni nyo tshong gis 'tsho ba'o/ /tshur shog 'dong zhes bya ba ni shog cig 'dong ngo zhes bya ba yin no/ /nyes byas zhes bya ba 'di la yang/ 'di ni sbyor bar
 byed pa kho na te/ 'di ltar 'di ni gzhan gyi don gtam chud gzan pa'i don du sbyor ba yin gyi rang gir byed pa ni ma yin pas nyes pa sbom po'i sbyor bar gyur pa yin la/ nyes pa sbom po'i sbyor ba yang nyes byas yin no//
 'dir yang sho gam sar phyin pa zlo bar sbyor na na nyes pa yongs su rdzogs pa yin la sar ma phyin na ni nyes pa chung ngu yin no zhes bya ba de ltar shes par bya ste/ 'dir sho gam sar ma phyin par dral na ni gzhal bar bya ba na
 yan pa'i phyir dang/ sho gam gyi sa las 'das pa'i yan lag med pa'i phyir nyes byas su 'gyur la/ nyes byas kyi sbyor ba ni nyes byas chung ngur 'gyur te/ spyir ba la ni thams cad du nyes byas so zhes 'byung ba'i phyir ro/ /nyes byas su 'gyur ba ni
 tshig zur gyis/ /don ni 'di yin te/ gang la la zhig mi mngon pa'am/ lam gzhan 'di nas 'gro ba des ni sho gam gzhal mi dgos zhes bya ba la sogs pa lhangs po ma yin pa mi bsal bar smra ba de la ni na smad nyes byas
 'gyur ro/ /'di ltar zur gyis smra ba la zhugs pa'i bsam pa ni ha cang mi bzad pa ma yin pas de'i phyir de lta bu yin no/ /sho gam du gtogs par bya ba ni sho gam bcad par bya ba ste/ yin pa zhes bya ba ni zhig kho nas drang ngo/ /sho gam
 gyi sar ma phyin par zhes bya ba ni sho gam gyi sar ma son par ro/ /bzlas na zhes bya ba ni lam gzhan nas so/ /nyes byas so zhes bya ba ni 'di la nyes byas 'di ni sho gam gyi gnas su ma son pa'i phyir dang/ gzhan gyi don yin pa'i phyir nyes pa sbom po'i
 sbyor bar 'gyur ba yin no/ /nyes pa sbom por 'gyur ro zhes bya ba 'di la ni rku sems kyang yod la sar yang ma phyin na sbom bor 'gyur ro/ /'og ma la yang de dang 'dra bar shes par bya ste/ 'di gnyis kyis yul gyi bye brag ni gong ma la ni phyed sbyin no
 'og ma yin thams cad sbyin no zhes bya bar zad do/ /lam gzhan cig zhes bya ba la sogs pa la nyes byas so zhes bya ba 'di la ni nyes byas chung ngur shes par bya ste/ sho gam dral ba'i bsam pas bzlog pa'i phyir ram gzur te 'gror gzhug
 pa'i phyir lam gzhan ston pas so/ /rin thang brtsi bar bya'o zhes bya ba 'di la ni rin thang brtsis te/ dngos po tshang na sar phyin pa'i phyir dang/ gzhan gyi don yin pa'i phyir nyes pa sbom por 'gyur bar rig par bya'o/ /zhus pa la la las cir 
 'gyur lags nyes pa sbom por 'gyur ro zhes gsal bar 'byung la/ gzhan las kyang de dge slong gis zlo bar byed cing sho gam gi rdzas gzhal bar bya ba yang ma sha ka lnga ri ba yin na nyes pa sbom por 'gyur ro zhes gsal bar rab tu 'byung ngo
 de'i phyir khyod la 'bul zhes bya ba la sogs pa la rin thang brtsi bar bya'o zhes bya ba 'di rin thang brtsis te/ dngos po tshang na rku sems yod pa'i phyir dang/ sa phyin pa'i phyir pham par 'gyur ro/ /'dir yang zhus pa gzhan las cir 'gyur lags/
 sho gam gyi thang brtsi bar bya ste/ dngos po tshang na pham par 'gyur ro/ /dngos po ma tshang na ni nyes pa sbom por 'gyur ro/ /zhes gsal bar 'byung ste/ de ma thag pa nyi ga yang de dang 'dra bar shes par bya'o/ /chos gos kyi gdang ni chos gos
 bzhag pa'i gzhi'o/ /snga ma la nyes pa sbom por 'gyur ro zhes bya ba 'dir ni che ge mo zhig gi chos gos kyi gdang rku bar bya'o zhes gzhan gyi nor rku ba'i pham pa'i sbyor ba la sbom po 'dir 'gyur ro/ /phyi ma la ni ltung ba med do zhes
 bya ba ni rang gi yin pa'i 'du shes kyis zhugs pa'i phyir ro/ /phyi ma la nyes pa sbom por 'gyur ro zhes bya ba 'di ni rang gi yin pa las dus phyis che ge mo zhig gi chos gos kyi gdang rku bar bya'o snyam pa gzhan gyi yin pa'i blo rku sems nye
 bar gnas pa'i phyir te/ 'dir dngos gzhi byed pa'i dngos po rang gi yin pas ma byin pa nyid kyi mtshan nyid yan lag cig ma tshang bar 'gyur ro/ /de'i yan lag ma tshang bas nyes pa sbom por gsungs pa legs pa yin no/ /chos gos kyi gdang gi
 rin thang brtsi bar bya'o zhes bya ba ni chos gos kyi gdang shing rku bar 'dod kyi chos gos rnams ni ma yin pas de phyir de dag blang ba la ltung ba med de ma bsams pa'i phyir ro/ /chos gos kyi gdang ni rin thang brtsis ste dngos po tshang ma phar
 bar 'gyur ro/ /gal te ma tshang na sbom por 'gyur ro/ /sbom por 'gyur ro zhes bya ba'i nyes pa sbom po 'di ni sbyor bar 'gyur ba yin par shes par bya'o/ /gal te so sor bgos pa las zhes bya ba la sogs pa ni de dag la nor ma thob pa'i sngon rol tu
 'di ltar de dag thams cad cig la rkun ma yin par shes sems par grub pa'i blos rnam par mi gnas pa'i phyir ro/ /de'i phyir nor thob pa'i dus na brkus pa ldang gi sngon rol du ni ma yin no zhes bya ba'i tha tshig go /mi ster bar rku ba ni sbyin dgos
 pa'i nor mi ster cing sbyin par mi byed pa zhes bya ba'i tha tshig go /mthus rku ba ni btsan thabs su 'phrog pa'o/ /phyir sbyin pa rku ba ni dus re zhig pa nyid du blangs nas rku ba'i phyir te/ 'di ltar yang phyir sbyin par bya ba yin pas na phyir sbyin pa zhes bya'o/
 brnyen po yang phyir sbyin par bya ba yin te/ de bas na brnyan po kho na la phyir sbyin pa zhes bya ba la de rku na yang phyir 'dir cha rku ba ni gtams pa rku ba ni bcol ba rku ba'i phyir ro/ /yongs su gtams pa rku ba ni sangs rgyas dang dge 'dun dang/ slob
 dpon dang/ mkhan po la sogs pa yang dag par brtags shing phul ba'i nor rku ba'i phyir ro/ /gzhan dag na re yongs su brtags par rku ba kho na yin par shes par bya ste/ de nyid kyi phyir/ zhu ba la la las bslu bas rku ba kho na 'byung ngo/ /de
 bas na yongs su brtags pa rku ba ni bslu bas brku ba kho na yin par shes par bya'o/ /rku ba yongs su rdzogs pa nyid der mi rung ba'i phyir brtags pa tsam ni ma yin te/ 'di ltar yang dag par bsams te/ ma byin na nyes byas so zhes bshad to
 zhes zer ro/ /gzhan dag ni 'di la gzhan du brjod de gang gis phul ba de la bdag gi yin par 'dzin pa mi skye'o/ /bdag gi 'dzin pa med pa'i phyir yongs su ma bzung ba nyid yin no/ /yongs su bzung ba nyid med pa'i phyir yan lag gcig ma
 chad na sbom por shes par bya'i/ mthar 'gyur ba ni ma yin no zhe'o/ /chos rku ba ni mdo sde dang 'dul ba dang/ chos mngon pa la sogs pa'i chos bzung ba'i ngo bo rku ba'i phyir/ gang dag yongs su brtags pa'i rku ba bslubs rku ba nyid
 du 'don par byed pa de la don ni 'di yin te/ nyung ngu byin na mang po rku ba la sogs pa 'am/ tshe lo rtse ba la sogs pas bslu ba yin no/ /chos rku ba ma gtogs pa zhes bya ba na bkar ba ste/ 'di la ni rku sems med pa'i phyir nyes pa med pa nyid do/ /'di
 ltar mdo sde la sogs pa'i chos bri bar bya ba'i glegs bam mthong nas 'dri ba dang/ 'dzin pa gang yin pa des ni pha rol po las chung zad kyang god par mi 'gyur te/ 'di ltar bri bar bya ba'i gzugs bsnyen sa na 'dug pa'i phyir ro/ /
 rku ba ni god pa yin te de lta bas na 'dir de ma gtogs so/ /'o na glegs bam bris pa brkus pa la tshul ji lta bu zhe na/ de brkus na rin thang dang mthun par nyes pa sbom po la sogs pa'i ltung bar 'gyur shes par bya'o/ /karSha pa Na ni zong
 gi khyad par te/ dngul las byas pa gzugs dod pa btsong du rung ba yin no/ /ma sha ka gsum gyis khugs pa ni bzhi cha'i cha brtsis na ma sha ka gsum gyis pham par 'gyur na karSha pa Na gcig la ma sha ka bcu gnyis ri ba'i phyir ro//
 ma sha ka bcu ma khugs pa ni bzhi cha'i cha brtsis na 'di'i tshad shog bu 'og ma 'di yin zhes bya ba'i don te/ 'di ni bdag gir yongs su 'dzin pa med pa'i phyir ro/ /ni zhes bya ba'i sgra ni yang gi don nam khyad par yin te/ rku sems ni
 yan lag gi gtso bo yin pa'i phyir/ na na ka ni karSha pa Na nyid do/ /de bas na ma sha ka nyi shu ri ba'i karSha pa Na'i zhes bya ba'i tha tshig go /lhag ma ni snga ma bzhin no/ /bor bar 'du shes pa ni yongs su bor bar 'du shes pa'o/ /yongs su ma gzung
 bar 'du shes pa zhes bya ba'i tha tshig go /'di ni rku sems med pa'i phyir ro/ /gal te re re nas zhes bya ba la sogs pa ni sbyor ba tha dad pa'i phyir dngos gzhi med pa'i sbyor ba la ni sbom po kho na'o zhes bya ba'i don to/ /'di lan gnyis su brjod pa ni zlos pa yin/
 yo byang chen po ni ma sha ka lnga la sogs pa ri ba'i tshad kyi rdzas te/ 'dir 'tsho ba legs par byed cing skyong bar byed pas so/ /sbed pa ni 'jog par byed pa'o/ /nyes pa sbom par 'gyur ro zhes bya ba 'di la ni rang gi yin pa las phyis rku sems nye
 bar gnas pa'i phyir de yin no/ /rku sems kyis blangs la zhes bya ba la sogs pas sbom por brjod pa nam par gtogs pa yin par shes par bya'i gnas nas spags pa la ni ma yin te/ gnas nas spags pas ni mthar gyur pa bshad
 pas sbom po brjod pa 'gal ba dang ldan par 'gyur ro/ /som nyid ni rang gi ngo bo ma rtogs pa'i phyir ro/ /the tshom ni khyad par ma rtogs pa'i phyir ro/ /yang na som nyi ni bdag gi ngo bo'i sgo nas shes kyang ci rung snyam pa de lta bu ma nges pa'i yid
 kyis mngon par rjod pa 'byung ba'i phyir ro/ /the tshom ni ji yod byad 'di kho na yin nam gzhan zhig yin nam snyam pa'i the tshom skye ba'i phyir ro/ /ji ltar som nyi za zhes na/ de 'di yin nam zhes bya ba la sogs pa gsungs te/ mchod sbyin
 la sogs pa de'i'o/ /'di de yin nam zhes bya ba ni yo byad do/ /nub kyi ba lang spyod ni ri rab las bltos na nub yin pa'i phyir dang/ de na yang nyo tshong gi tha snyad rnams la ba lang dag gis sbyin pa'i phyir dang ngo/ /shar gyi lus 'phags ni
 ri rab la bltos na shar yin pa'i phyir dang/ mi lus 'phags pa dang gnas pa'i phyir ro/ /byang gi sgra mi snyan ni ri rab las bltos na byang yin pa'i phyir dang/ sgra mi snyan pa dag gnas pa'i phyir ro/ /nye bar 'khor de na ni zhes bya ba la 
 sogs pa la ni zhes bya ba'i sgra ni gang por gsungs pa ni mi'i yin pa'i phyir dang/ mi ma yin par 'du shes zhugs phyir te/ sbyor bar gtogs pa kho na yin no/ /mi'i la mir 'du shes pa la mthar 'gyur bar brjod pa ni
 mi'i yin pa'i phyir dang/ mi'i 'du shes kyis kyang zhugs pa'i phyir te/ 'du shes gzhan gyi don la zhugs pa la ni dngos gzhi'o/ /gzhan nyid la de'i ma yin zhes 'byung ba'i phyir ro/ /mchod rten dang mchod rten gyi gnas zhes bya ba
 la sogs pa la/ mchod rten gyi gnas ni chos kyi sku te/ de bzhin gshegs pa'i chos kyi sku'i bdag nyid dran pa nye bar gzhag pa dang/ rdzu 'phrul gyi rkang dang/ dbang po dang/ stobs dang/ byang chub kyi yan lag dang/ mkhyen pa
 dang/ stobs dang/ ma 'dres pa'i nye bar bzhag pa dang/ mi 'jigs pa dang thugs rje chen po la sogs pa'i yon tan rnams kyi gzugs brnyan nyid du bslang ba'i phyir ro/ /de nyid gnas yin te/ bsod nams mdza' yas pa 'du ba'i
 sgo 'byed cing rgyas par byed pa'i phyir ro/ /mchod rten gyi gnas ni gzugs kyi sku ste/ stobs dang mi 'jigs pa la sogs pa'i yon tan gyi gzhi'o zhes bya ba'i tha tshig go /de dag bsags shing bsdu bar bzang bas na
 bsags pa'o/ /mchod rten 'di ni rten 'di ni bsags pa de dag gis gzugs brnyan te/ chos kyi sku'i gzugs brnyan no zhes bya ba'i tha tshig go /yang na gnas zhes bya ba'i sgra ni logs shig tu lha gzhan la sogs pa'i
 yin par bya ste/ des na lha mig mchod rten dang mchod rten gyi gnas las zhes don de lta bu khong du chud par bya'o/ /gzhan dag ni mchod rten zhes bya ba'i sgra mi 'don te/ mchod rten ni mchod rten dang don gcig pa'i phyir ro/ /gang
 smos pas ni lha gzhan dag gis gzung ngo/ /des na mchod rten dang gnas las zhes bya ba don 'dir 'gyur ro/ /gzhan dag mchod rten gyi gnas yin te/ de las so zhes zer ro/ /gzhan dag ni mchod dang mchod rten gyi 'khor sa las zhes 'don te de la don
 ni 'di yin te/ mchod rten dang mchod rten dag gi 'khor sa nyes spyod gang yin pa de las so zhes bya ba'i tha tshig go /rgyan ni mgul rgyan dang gdu bu rgyan can dang dpung rgyan la sogs pa ste/ 'di ni bdag po yongs su gyur par mi'i 'khro ba bas
 yongs su gzung ba med pa'i phyir ro/ /sku gdung dag ni nus pa dag go /mthar 'gyur ro zhes bya ba 'di ni/ sangs rgyas kyi sku gdung ni rus pa'i rang bzhin yin pa'i phyir ro/ /rin chung ste de brkus na sbom por 'gyur ro snyam du sems bar gyur pa de
 bzlog pa'i phyir/ /bkur sti bya ba ni mchod par bya ba ste/ mchod pa'i phyir don tu brkus pa'i phyir de la mchod pa'i don du gnyer ba la bdag gir bya ba'i blo yang mi 'byung ba la/ ston pa gcig pa nyid kyis thun mong yin pa'i phyir
 gzhan gyis yin pa'i blo? yang ma 'byung bas 'di gsungs so/ /de la 'di ni gnas gang du des ston pa'i sku gdung brkus pa'i gnas de na 'jig rten thams cad la grags pas thang bcad par 'gyur ba gang yin pa brkus pa'o
 dus de na thang du byas pa gang yin pa'i rin thang chad pa des 'dir pham pa la sogs pa'i ltung ba slongs par rigs par bya'i gang zag gcig gam mang po 'ga' zhig la bslu ba pos bslu ba'i phyir ram/ gang zag gcig
 gis du ma la kho bar gyur par shes nas sdod chad kyi rin thang yongs su bor te/ chung ngu dang chen por thang chod par byed pa gang yin pa de ni khyab par byed pa ma yin pa nyid kyi tha snyad du bya ba ma yin pa'i phyir ro zhes bya ba de ltar shes
 par bya'o/ /glegs bam ni bstan bcos kyi gnod do/ /rin thang brtsi bar bya'o zhes bya ba la rin thang brtsi ba'i dngos po ni gal te ma sha ka lngar tshang na des 'dis 'pham par 'gyur la/ ci ste ma tshang na ni sbom por 'gyur ro snyam
 pa 'di yin no/ /phyogs bzhi'i dge 'dun gyi zhes bya ba la sogs pa ni tshad rnam par 'chad pa'i dge 'dun mnga' ba yang dge 'dun gyi yin pas/ de'i phyir phyogs bzhi'i zhes bya ba smos te/ phyogs bzhi'i dge 'dun du gtogs
 pa'i gang zag 'das pa dang ma 'ongs pa dang da ltar 'byung ba mdza' yas pa rnams 'di'i bdag po yin la/ bdag po mdza' yas pa rnams kyi so so'i bgo skal yang nam yang chad pa nyid du mi rung bas/ ma sha ka lnga la sogs
 pa nyid du yan lag gcig med pa'i phyir 'dir shes par bya'o/ /gang zag mang po ni gsum la sogs pa'o/ /yongs su brtags pa ma brtsal bar zhes bya ba la sogs pa ni gang dag gi gzhung lugs kyis yongs su brtags pa'i
 bslu ba kho na yin pa de dag gi ltar na 'di la thar 'gyur ro/ /gang dag gi ltar na yongs su brtags pa kun tu rtogs pa tsam kho na yin pa de dag gi ltar na nyes byas so/ /gang dag gi gzhung lugs kun tu brtags pa zhes bya ba phul
 ba nyid yin pa de dag gi ltar na yang de la bdag gir byed pa med pa'i phyir sbom por 'gyur ro/ /gzhan dag na re kun tu brtags pa rku ba la ltung ba gor du bstan zin pas yang smos pa don med de/ de lta bas na yongs su brtags
 pa rku ba la ni nyes byas su brjod par bya'o zhes zer te/ 'di ni yongs su brtags pa tsam yin pa'i phyir de ltar shes par bya'o/ /rgyud pa ni gcig nas gcig tu ste/ pho nya dang pho nya la sogs pa yor la brtags par
 shes par bya ba'i tha tshig go /rin thang zhes bya ba la sogs pa ni dngos po tshang na mthar 'gyur la/ gal te ma tshang na sbom po zhes bya ba'i don to/ /'di ni/ mngon sum kho nas brkus na dngos gzhir 'gyur gyi brgyud pas ni ma yin no snyam du
 sems pa bzlog pa'i phyir ro/ /gzhan gyir 'du shes pa ni mi'i nor yin pa la mi'i ma yin par 'du shes pa'o/ /yongs su bzung ba ni bdag gir byas pa'o/ /yongs su ma bzung ba ni bdag gir ma byas pa'o/ /mis yongs su bzung ba la yongs su bzung bar
 'du shes pas brkus pa ni mthar 'gyur te/ yongs su bzung ba'i phyir dang/ der 'du shes pa'i phyir ro/ /yongs su bzung ba la yongs su ma bzung bar 'du shes pas ni ltung ba med de/ yongs su ma bzung pa'i 'du shes yod pa'i phyir ro/ /ltung ba med pa
 ni mdza' la sogs pa'i ltung bar mi 'gyur ro zhes bya ba'i tha tshig go /yongs su bzung ba la yongs su bzung bar 'du shes pas ni sbom por 'gyur te/ yongs su bzung ba'i 'du shes yod pa'i phyir ro/ /yongs su ma bzung ba la yongs su ma bzung bar 'du
 shes pas ni ltung ba med de/ yongs su ma bzung ba'i phyir dang/ der 'du shes pa'i phyir ro zhes bya ba'i tha tshig go /gnas gang du bzhag par gyur pa zhes bya ba la sogs pa la/ gal te 'dir rdzas gnas las phral ba med na ji ltar rku ba yin zhe na/
 de ni ma yin te/ re zhig rku ba slong ba 'di la ni 'bral bar 'gyur ba rgyu'o/ /gtso bo yin la gnas dang bcas te brkus na yang nor gyi bdag po rdzas dang bral ba nyid du 'gyur ba nyid du 'gyur ba kho na ste/ de'i phyir 'di gsungs so/ /mi dbang
 ba mi 'thob pa'o/ /nyes pa sbom par 'gyur ba'i nyes pa la sogs pa la ni rgyu sems nye bar gnas pa tsam gyi phyir ro/ /grub nas ni zhes bya ba la sogs pa ni snyed pa grub nas ni ma byin pa zhes bya ba'i yan lag med pa'i phyir dngos
 po tshang na sbom por 'gyur la/ gal te ma tshang na nyes byas so zhes bya ba'i tha tshig go /sbyor ba byas nas zhes bya ba ni byed du bcug nas so/ /zhugs nas sbyor ba byed na zhes bya ba ni khang pa'i nang du song nas/ pho nya phyi rol na 'dug
 pa la sbyor ba byed pa ste/ 'dis ni sbyor ba'i dbang gis kyang mthar 'gyur ba kho na'o/ /zhes bya ba 'di bstan pa yin no/ /ma byin par len pa'i rnam pa gzhan dag kyang zhus pa las 'byung ste/ de dag kyang 'dul ba 'dzin pa thams cad kyis goms
 par byas pa dang/ mi 'gal ba yang yin te/ yun rings pa dang/ dge slong rnams kyi blo nyams chung ba dang/ mngon par brtson pa med pa dang/ 'dul ba ma gus pa dang/ 'phral gyi bya bas g.yengs pa dang/ le lor gyur pa dang/ yi ge ba dan
 pa rnams kyis rang dgar yi ge bris pa'i phyir nyams pa 'ba' zhig tu zad pas/ de dag 'dir nyan pa po rnams kyi blo skyed dbyung ba'i phyir dang/ gzhung sil bu'i tshig nyid du 'du ba'i phyir dang/ (phyogs gzhan nas gzhung mthong na 'on te 'di gzhung yin nam 'on te/)
 ma yin zhig gu snyam du tshangs pa mtshungs par spyod pa rnams the tshom za ba bzlog pa'i phyir dang/ sngar bshad pa'i don dngos su bsal bar bya ba'i ched du bstan par bya zhing bshad par yang bya ste skabs ma yin par brjod par gtogs
 pa'i nyes par ni bsams par mi bya'o/ /'og nas 'byung ba'i gzhung la yang ci rigs par bsdu ba la lugs ni 'di kho na yin no/ /dge slong gis dge slong zhig la 'di skad ces khyod kyis dge slong che ge mo zhig gi yo byad de dang de shes sam
 zhes smras pa las/ des 'di skad ces shes po zhes smras pa dang/ song la de 'on cig de brkus shig de gnas nas spros shig ces bgyis pa las gal te des rku sems kyis len par bgyid/ rku bar bgyid gnas nas spo bar bgyid na
 ci lags/ rtsis mgo 'dra bar 'gyur ro/ /gal te de 'di snyam du 'di ni de'i yin no snyam du sems na len pa la ltung ba med de/ rkur 'jug pa gang yin pa de la ni dngos po ji lta ba bzhin du 'gyur ro/ /btsun pa/ mi rnams kyi chos gos kyi gtur bu dang/
 chos gos kyi snod dang/ chos gos kyi za ma tog dang/ gdang la bzhag par gyur pa de dge slong gis rku sems kyis gang 'dod pa de rgu'o zhes 'dam par bgyid na cir 'gyur lags/ nyes pa sbom por 'gyur ro/ /gang 'dod pa de brkus nas ni rin thang brtsi bar bya ste/
 dngos po tshang na mthar 'gyur ro/ /dngos po ma tshang na ni nyes pa sbom por 'gyur ro/ /gdang dang bcas te rku na cir 'gyur/ nyes pa sbom por 'gyur ro/ /gang gi tshe mthar 'gyur lags/ gdang las phog par gyur pa na'o/ /gdang las phog nas
 rin thang brtsi bar bya ste/ dngos po tshang na mthar 'gyur ro/ /dngos pa ma tshang na ni nyes pa sbom por 'gyur ro/ /btsun pa re zhig dge slong gis bang ba phug nas 'bru brkus na cir 'gyur lags/ gal te sbyor ba gcig gis brkus na de'i rin
 thang brtsi bar bya ste/ dngos po ma tshang na nyes pa sbom por 'gyur ro/ /btsun pa dge slong dag gis 'bras bu dag sprugs shing bsdams nas rku na cir 'gyur lags/ gal te sbyor ba gcig gis ma sha ka lngar tshang na mthar 'gyur ro/ /ma tshang
 na nyes pa sbom por 'gyur ro/ /btsun pa dge slong dag gis chab kun nas brkus na cir 'gyur lags/ chu'i mgo nas bzung ste chu'i mjug gi bar rin thang brtsi bar bya ste/ dngos po tshang na mthar 'gyur ro/ /dngos po ma tshang na ni nyes pa
 sbom por 'gyur ro/ /btsun pa mi rnams kyi rin po che 'am/ rin po cher smos pa 'am/ gser bcom nas brkus na cir 'gyur lags/ rin thang brtsi bar bya ste/ dngos po tshang na mthar 'gyur ro/ /btsun pa gal te yi ge dang lag brda'i yi ge
 dang lag brda'i yi ge dag dang/ lag rtsis kyis brkus na cir 'gyur lags/ rin thang brtsi bar bya ste/ dngos po tshang na mthar 'gyur ro/ /dngos po ma tshang na nyes pa spom por 'gyur ro/ /btsun pa bcom ldan 'das kyi dge slong
 gis yo byad chen po zhig gnas nas gnas su spos na mthar 'gyur ro zhes gsung pa gang lags pa/ dge slong gis rdzas chen po zhig rgyangs bcad par 'chal yang mthar mi 'gyur ba lta mchis lags sam/ yod de 'di ltar dge slong
 gis yo byad chen po zhig gis phyogs gcig nas bzung ste ri mo zhig du drangs kyang mdza' cig shos gnas de nas ma 'phags na nyes pa sbom por 'gyur ro/ /btsun pa dge slong khyim bdag gi khyim du nang mir gyur la des bdag
 de'i gnyen dag gi drung du mchis te/ khyim bdag gis phrin pa skad du 'di skad ces dngos po che ge mo zhig byin cig ces mchi na cir 'gyur lags/ nyes pa sbom por 'gyur ba'i nyes byas so/ /btsun pa dge slong mi rnams kyis glang po
 che rku sems bskyed na sbom por 'gyur ro/ /ma smras par gzhan gyi don du zhes bya ba ni pha rol pos ma smras par rang nyid kyis de 'di ni gzhan gyi don yin pa'i phyir ro/ /mi ma lags pa zhes bya ba la sogs pa la/ nyes byas su 'gyur ro
 zhes bya ba 'di la mi ma yin pa'i yin pa'i phyir dang/ ma yin pa'i 'du shes kyis 'jug pa'i phyir de yin no/ /kha cig ni 'dir shes pa sbom por 'gyur ro/ /zhes 'don par byed cing 'chad par yang byed do/ /'dul ba 'dzin pa kha cig
 de mi 'dod de/ 'di ltar mi ma yin pa'i 'gro ba la mi'i 'gro ba pas yongs su bzung ba'i 'du shes kyis brkus na sbom por 'gyur te/ mi'i 'gro ba pas yongs su bzung ba med pa'i phyir ro/ /de nyid kyis mi ma yin pa'i 'gro bas
 yongs su bzung ba'i 'du shes kyis brkus na nyes byas te/ mi'i 'gro ba pas yongs su bzung ba'i 'du shes kyang med pa'i phyir ro/ /de nyid tshad du ma tshang na nyes byas chung ngu yin te/ ma sha ka lnga la sogs pa nyid kyang med pa'i phyir ro/ /mis yongs su ma bzung ba'i 'du
 shes kyi tshad du tshang bar brkus na nyes byas te/ mi'i 'gro ba pas yongs su bzung ba dang/ de'i 'du shes kyang med pa'i phyir ro/ /tshad du ma tshang ba la ni nyes byas te/ ma sha ka lnga la sogs pa nyid med pa'i phyir ro/ /de'i phyir mi'i 'gro ba pas yongs su
 bzung ba dang/ der 'du shes pa yang med pa nyid kyis nyes byas su grub par 'gyur na ji ltar sbom po zhes brjod par bya ba'i mi ni ma yin no/ /zhes bya ba la sogs pas nyes pa sbom por brjod dang 'gal ba yang med de/ de la yang mes bdag gir bya
 ba dang ma bral ba'i phyir dang/ mis yongs su bzung ba'i 'du shes med pa'i phyir de yin no/ /gang du dud 'gro'i skal ba bdag gir byed na zhes bya ba la sogs pas nyes pa sdom por brjod pa der yang mi rnams kyi bsam pa thag pa rnams btang ba'i
 phyir dang mis yongs su bzung ba'i 'du shes yod pa'i phyir de yin no/ /mi ma yin pa la mir 'du shes pa las sbom por gsungs pa ni sbyor ba las byung ba ste/ mi'i ma yin pa'i phyir dang/ mi'i 'du shes kyis zhugs pa'i phyir ro/ /dngos gzhi
 la ni nyes pa med do/ /mi'i las mi ma yin par 'du shes pa la sbom na ma sha ka bcu ri ba ste/ 'dir ma sha ka lngas 'pham par 'gyur ba ni karSha pa Na gcig la ma sha ka bzhi bcu ri ba'i phyir ro/ /de nyid kyi phyir gtam gyi gzhi las/ ma sha ka gsum
 brkus na pham par mi 'gyur ba lta mchis sam/ bka' stsal pa yod de gang na ma sha ka bcu gnyis kyis karSha pa Na khugs pa na'o/ /ma sha ka lnga bas lhag pa bskus na pham par mi 'gyur ba mchis sam/ bka' stsal pa yod de gang na ma
 sha ka bzhi bcus karSha paN khugs pa na'o zhes gsal bar rab tu 'byung ngo/ /de bas na 'dig ni ka rSha pa Na 'i bzhi cha gang yin pa de brkus na pham par 'gyur ro zhes bstan par shes par bya'o/ /lnga nyid ni karA pa Na'i dpe
 yin no rnam par 'byed pa las lnga nyid du smos pa nyid ni 'bring gi tshad la brten par shes par bya ste/ bslabs pa 'cha' ba' i dus tsam na 'jig rten na phal cher bzhi cha la ma sha ka lngar 'debs pa'i phyir ro/ /na na ka lta bu'i zhes bya ba ni
 karSha pa Na chod ji tsam grangs ji snyed pa'i zhes bya ba'i tha tshig go /ma sha ka nyi shus na na khugs pa zhes bya ba ni/ ma sha ka nyi shu ri ba ni karSha pa Na'i'o/ /ka ka ni bzhis khugs pas so zhes bya ba la/ ka ka ni zhes bya ba ni 'gron bu
 nyi shu ri ba'i tshad de/ 'gron bu nyi shu ri ba'i tshad kyi bon ti ka la/ ka ka ni zhes bya ba'i tha tshig go /des na 'gron bu nyi shu ri ba'i tshad kyi/ ka ka ni dag gis ma sha ka 'gron bu brgyad cu ri pa'i tshad de de so zhes bya ba'i tha tshig go /
 karSha pa Na ji lta bu lags zhes bya ba ni sus byas shing sus spyod du bcug pa lags zhes bya ba'i tha tshig go /rgyal po rma bya pas byas so zhes bya ba ni rgyal po'i ming rma bya ba zhes bya ba byas pa ste/ 'di ltar rgyal po des dang por karSha
 pa Na spyod du bcug ste/ /de'i phyir dang por spyod du 'jug pa'i mi yongs su shes par bya ba'i phyir rgyal po rma bya pas byas pa'o zhes bstan pa mdzad par shes par bya ste/ dpal legs
 bltams kyis byas pa'i dod che lta bu'o/ /zhus pa la la'i gzhung las/ na na ka ji lta bu brkus na mthar 'gyur lags nye bar 'khor ka ka ni bzhi pa'i nyi shu ri ba'i karSha pa Na'i ma sha ka lnga brkus na mthar 'gyur ro zhes 'byung ngo//
 de la don ni 'di yin te/ nyi shu ri ba'i karSha pa Na'i zhes bya ba ni ma sha ka nyi shus khugs shing nyi shu ri ba'i zhes bya ba'i tha tshig ste/ lhag ma ni snga ma bzhin du bshad par bya'o/ /gzhan las kyang/ na na ka ji lta bu'i ma sha ka lnga pas pa na mthar
 'gyur lags/ ka ka ni bzhi pa'i ma sha ka nyi shu ri ba'i na na ka'i 'o zhes 'byung ste/ par ba zhes bya ba'i sgra ni ma sha ka yin pa'i bshad do/ /rta dang rnga mo dang/ ba lang dang bong bu dang gzhan yang nye bar 'tsho ba gang dag lags pa
 de dag srog dang bral bar bgyid na cir 'gyur lags/ gal te 'tsho ba'i don du srog dang bral bar byed na dngos po tshad na mthar 'gyur ro/ /dngos po ma tshang na ni nyes pa sbom par 'gyur ro/ /ci ste chud gzan pa'i slad du na cir
 'gyur lags nyes pa sbom por 'gyur ro/ /'on te chud gzan pa'i phyir sgyid pa gcod? na nyes pa sbom por 'gyur ro/ /btsun pa re zhig dge slong gis khyim bdag gi chos gos la brtags pa bgyis nas rkun cir 'gyur
 lags/ nyes pa sbom por 'gyur ro/ /ti ste khyim bdag 'di skad du 'phags pa bdag gi 'di khyod la 'doms pas so zhes smras pa la de dge slong gis gtan byin pa'i 'du shes kyis spyod na nyes pa sbom por 'gyur ro/ /'on te 'di gsang
 sngags sam me tog gam 'bras bu dag gis nye bar 'gro ba las khyim bdag de 'di skad ces 'phags pa bdag gi 'di khyod kyir bso zhes smra ba las/ dge slong gis de gtan byin pa'i 'du shes kyis spyad ni nyes pa sbom por 'gyur ro
 btsun pa dge slong gis bsnyan po bsnyan nas rku na cir 'gyur lags/ nyes pa sbom por 'gyur ro/ /gang gi tshe mthar 'gyur lags/ nam zhig cha gcod par byed pa na te/ dngos po tshang na mthar 'gyur ro/ /dngos po ma tshang na ni nyes pa sbom por
 'gyur ro/ /btsun pa dge slong gis brnyas pa brnyon te brkus na cir 'gyur lags/ sbom por 'gyur ro/ /gang gi tshe mthar 'gyur ro/ /nam zhig cha gcod par byed na ste/ dngos po tshang na ni mthar 'gyur/ /dngos po ma tshang na ni nyes
 pa sbom por 'gyur ro/ /bskyis pa bsnyon nas brkus na cir 'gyur lags/ nyes pa sbom? por 'gyur ro/ /gang gi tshe mthar 'gyur lags/ nam zhig tsha bcad pa na ste/ dngos po tshang na mthar 'gyur ro/ /ma tshang na nyes pa sbom por 'gyur ro/ /bcu na
 ba re zhig dge slong gis gtam pa gzhan na bar gyur pa zhig des bslangs pa na bsnyon par bgyid na cir 'gyur lags/ nyes pa sbom por 'gyur ro/ /gang gi tshe mthar 'gyur lags/ nam zhig cha bcad pa na ste/ dngos po tshang na mthar 'gyur ro//
 dngos po ma tshang na nyes pa sbom por 'gyur ro/ /ci ste sngar cha chod par byed la phyis gnas sped na/ dngos po tshang na nyes pa sbom por 'gyur ro/ /'on te sngar gnas nas sped la phyis cha gcod na/ dngos po tshang na mthar 'gyur ro/ /dngos po ma
 tshang na ni nyes pa sbom por 'gyur/ /btsun pa bcom ldan 'das dge slong gis ma sha ka lnga bskus na mthar 'gyur ro/ /zhes gsungs pa gang lags pa/ dge slong gis ches shin tu mang po zhig brkus kyang mthar mi 'gyur ba lta mchis
 lags sam/ yod de skye bo mang po'i brkus sam/ skye bo mang po dang lhan cig brkus na nyes pa sbom por 'gyur ro/ /btsun pa mun khung du chos gos bzhag par gyur pa la/ dge slong brkus na cir 'gyur lags/ bka' stsal pa/ nyes
 pa sbom por 'gyur ro/ /gang gi tshe mthar 'gyur lags/ nam zhig cha bzhir so sor bgos pa na ste/ de yang so so'i bgos skal gyis dngos po tshang na mthar 'gyur ro/ /dngos po ma tshang na nyes pa sbom por 'gyur ro/ /'dir bsdus
 pa ni/ shes pas gtung bu 'bru dang ni/ 'bras bu chus dang 'joms pa dang/ yi ge ring phrin glang chen dang/ de bzhin brtags dang brnyas pa dang/ bskyis pa dang ni ba nyams? pa dang/ skye bo mang po dag dang ni/ mun dang bcas pa rku ba yin/ bsdu ba 'di
 ni gzhan yin no/ /de la che ge mo zhig gi yo byad de dang de shes sam zhes bya ba la sogs pa la che ge mo zhig zhes bya ba ni dmigs kyis ma bzung ba'o/ /yo byad de dang de ni lhung bzed dang chos gos la sogs pa te/ lan gnyis su brjod pa ni
 bzlas par zad do/ /'o na cig ces bya ba ni khyer te shog cig pa'o/ /brkus shig pa ni nor gyi bdag po'i bdag gis ma yin pa'i phyir te/ dus re zhig pa tsam ma yin gyi thams cad kyi thams cad du zhes bya ba'i tha tshig go /rtsis mgo 'dra ba ni
 rku sems yod na sbyor bar byed pa dang/ spyor bar bya ba dag la ltung bar 'dra ba nyid las rang gis don du rku ba dang/ rkur 'jug na gnyi ga la yang pham par 'gyur ro zhes bya ba'i don to/ /'di ni de rim yin no zhes bya ba la sogs pa la ltung ba med par
 gsungs pa'i dgong pa ni yang dag par na rku bar byed pa'i dge slong de'i bsam pa ni 'di ni de'i yin la/ bdag ni de'i ched kho nar yul gzhan du sped par byed bar zad do snyam pa 'di yin te/ de'i phyir rku sems med pas brkus pa la ltung ba med do snyam pa yin
 te/ dper na mkhan pa la sogs pa'i nor lhung bzed dang chos gos la sogs pa/ slob dpon la sogs pas rku sems med par yul gzhan du sped par byed pa ltar/ 'dis kyang de de dang 'dra'o zhes bya ba'i tha tshig go /dngos po ji lta ba bzhin
 ni dngos po nyid dngos po ste/ ma sha ka lnga la sogs pa ri ba'i rdzas zhes bya ba'i tha tshig go chos kyi gtur bu ni chos gos bzhag pa'i tshad thu rog chos gos kyi snod ni chos gos bzhag pa'i ru skye'o/ /chos gos kyi za ma tog ni chos gos kyi
 bzhag tu rung ba'i snod kyi khyad par 'dam bu'i rtse mo'i sdong bu'i phra zhing mnyen pa la sogs pa las byas pa zlum po zhig go /gdang ni chos gos la sogs pa gzar bar bya ba'i phur ba/ glang po che'i so lta bu'i rtsig pa la btsugs
 pa zhes bya ba'i tha tshig go /'dam par byed pa ni so sor byed par byed pa'o/ /nyes pa sbom por 'gyur ro/ /zhes bya ba 'di la ni gnas nas sped par byed mod kyi/ 'on kyang 'dir gnas nas spos pa tsam kho nas pham pa ni ma yin te/ 'di la 'dod
 pa rku bar bya ba'i blos 'byung gi /rku ba'i blo ni ma yin te/ rku bar mi 'dong pa'i me tog rnams 'byed pa'i bzhin no/ /de'i phyir dam pa'i nom pa thams cad ni rtsom pa gcig tu gyur pa nyid kyis/ gnas nas sped pa'i tshes sdun rol pa
 yin pa'i phyir lta ba gcig byed pa yin par shes par bya'o/ /bsams pa'i don 'grub nas ni gnas nas spos pa kho nas pham pa yin no/ /'di skad du 'dam pa de la ni nyes pa sbom po gcig go /gdams pa rku ba'i phyir nom pa la ni gzhan no zhes
 zer ba dag yod ces gra go /de ni 'dul ba 'dzin pa kha cig mi 'dod de/ 'di ltar bco blag mkhan gyi gos rku ba'i phyir nom pa dang/ kun tu nom pa dang sdud ba dang thum por sgre pa ni ji srid du gnas nas gnas su sped par mi byed pa de srid
 du nyes pa sbom por 'gyur ro/ /gnas nas gnas su spos na ni brkus pa zhes brjod par bya'o zhes bya ba la sogs pa gsungs so/ /de lta bas na 'dis ni dang po reg pa nas bzung ste/ ji srid du gnas nas spos par ma gyur pa srid du/ reg
 pa thams cad rtsom pa gcig tu gyur pa'i phyir ltung ba gcig byed pa nyid du bstan pa yin no/ /'das pa'i reg pa yang gnas nas sped pa'i sdun ral ba yin pa'i phyir/ 'di yongs su 'dus pas sbyor bar gtogs pa'i sbom po cig kho
 nar zad kyi gzhan pa ni ma yin no/ /'dir ni nom pa'i rtsol ba sbyor bar gyur pa yongs su btang bar gyur pa'i ldog pa gang yin pa de'i dbang gis byed pa gzhan nyid du rnam par bzhag gi ngal bso bar gyur pa tsam ni ma yin te/ de la ni yongs su btang ba'i
 bsam pa med pas grub pa'i ngo bo gcig pa'i phyir ro/ /de nyid kyi phyir rtsom pa de gtong zhing mjug brtul bar gyur pa gang yin pa de las byed pa gzhan nyid du rnam par bzhag go /ngal bso bar gyur pa gang yin pa dper na mnams nas phyogs
 su blta ba la sogs pa'i dgos pa 'ga' zhig gis dus re zhig bshol nas lang nom pa lta bu ni ma yin no zhes bshad do/ /'di ni de lta bur shes par bya'o/ /de lta ma yin na skad cig re re la bsam pa tha dad pas
 byed pa tha dad par thal bar 'gyur ro/ /ma byin par len pa ni dpe ste/ mi tshangs par spyod pa la sogs pa'i sbyor ba yang tshul du ni de yin no/ /gdang dang bcas te brkus na zhes bya ba la 'dir nyes pa sbom por gsungs pa ni gdams pa
 rku bar 'dod pa la/ brkus pa med pa'i phyir sbyor ba la nom pa kho na sbom por 'gyur ba 'ba' zhi tu zad pa dang 'dra'o/ /gdang las phog na ni gnas nas spags pa'i phyir dang/ dngos po tshang na pham par 'gyur ro/ /bad ba ni 'bru la
 sogs pa bzhag par bya ba'i gnas bang mdzod dang/ gzhan dag na re rdzang yin no zhes zer ro/ /gal te sbyor ba gcig gis dngos po tshad na rdzas de thams cad gcig yin no snyam du dgongs pa yin no/ /'dir yang bug phug pa kho na sbyor ba yin
 par shes par bya ste/ byed pa gzhan med pa'i phyir ro/ /de'i phyir bu ga gtong nas ji srid du 'bru rang 'bru la de srid du 'dir sbyor bar gcig gis byas pa'i rku bar bshad par rnam par bzhag go zhes bya ba de ltar shes par bya'o/ /zhus
 pa gzhan la ni 'di skad du btsun pa re zhig dge slong gis 'bru'i phung po las bcad nas 'bru rku bar bgyid na cir 'gyur lags/ rin thang brtsi bar bya ste/ gal te sbyor ba gcig gis dngos po tshang na thar 'gyur ro/ /ci ste mtshang na
 nyes pa sbom por 'gyur ro zhes 'byung ngo/ /'dir yang gang gal te sbyar ba gcig gis dngos po tshad na zhes bya ba ni byed pa re re zhing so so ba nyid du bstan te zhes ba de ltar shes par bya'o/ /de bas na gzhung 'di gnyis kyis khyad par ni 'di yin gyi/
 bu ga gtong nas brkus pa brjod par 'dod na ni rdzas 'brul ba kho na brkus pa yin no/ /phung po las brkus pa brjod par 'dod na ni blangs pa dang ma blangs pa la sbyor ba las byung ba dang/ dngos gzhi ltung ba rnams tha dad do/ /gal te gzhung
 tham las 'byung ba lta na/ ci'i phyir me tog sdud pa gzhan du rtsom pa gcig tu gyur pa nyid ma yin zhe na/ de ni ma yin te/ phung po las brkus pa zhes bya ba gang yin pa de ni/ spungs pa la rku ba yin pas 'di la bsdu ba'i blo ma'i 'byung ngo/ /
 de lta bas na 'di la bsdu ba'i blo med pa'i phyir/ sdud pa bzhin du rtsom pa gcig tu gyur pa nyid kyis ltung ba rnam par bzhag pa ma yin no zhes bya ba la de ltar shes par bya'o/ /sprugs shing ril gyis bsgul nas so/ /brdabs nas zhes bya
 pa ni bod ba la sogs pa blang nas so/ /'dir yang de na 'og gzhi nyid du 'dug pas dang gos la sogs pas gang yin pa de'i steng gi cha gang yin pa de'i steng gi cha gang yin pa der phyir pa'i bdag nyid kyi sprugs shing bskul nas ni 'dir
 brkus pa yin par shes par bya'i/ rtsa ba'i gnas dang bral ba tsam ni ma yin te/ de tsam gyis grub pa'i phyir ro zhes bya ba de ltar shes par bya'o/ /sprugs shing brdabs nas brkus na zhes bya ba ni sprugs pa'i thabs sam/ brdabs pa'i
 thabs kyis brkus pa brjod par bzhes pa la/ sprugs pa 'am brdabs pa de nyid bkrus pa yin par shes par bya'o zhes bya ba'i tha tshig go /chab bkum nas zhes bya ba ni chu'i phyogs gcig nas drangs so/ /chu'i mgo ni chu'i tshogs so/ /bzung ste zhes bya
 ba ni brtsams nas te/ yongs su bzung nas zhes bya'i tha tshig go /'dir yang gang zhig dral nas chu bkum pa la 'jug par 'gyur bas lu 'grub pa la sogs pa'i brkos pa 'bras bu nyid du mi sems pa kho nar khrus dang btung ba la sogs pa'o
 dgos pa lhur len pa nyid kyis de sems pa la lhung ba 'di rnam par bzhag par shes par bya'o //sa lus la sogs sgrub pa'i don du chu rku ngal ni ngang gi mdza' 'grub par bya ba de'i ched du lhag pa dang/ tshig shas su 'dod na der 'dus
 pa gzhan gyi las kyi mdza' dag la chu gtong ba'am/ zlog pa zhes bya'i tshul du shes par bya'o/ /rin po che ni nor bu mu tig la sogs pa'o/ /rin po char smos pa ni ral gri la sogs pa'o/ /g.yul ngor spyad pa dang/ pi wang la sogs
 pa rol mo'i cha byad de des kyang rin po che bzhin du she za la sogs pa thag srid par byed do/ /gzhan na re? rin po che bzhin du bde ba bsgrus pa'i phyir ro zhes zer ro/ /bcom nas rku ba ni chung gzon nas rku ba'o/ /de'i phyi nor de chung gzon par
 gyur pa'i rin thang gang yin pa des tshad dam mi tshad pa'i dbang gis brkus na ltung ba sbom po la sogs par blta bar bya'o/ /sdun rol du ni ma yin te de'i tshe ni gzhom ba tsam du sems pa'i phyir la/ bcom pa tsam gyi ni sbom po kho
 nar zad de/ chud gzan pa'i bsam pas zhugs pa'i phyir ro zhes bya ba'i don to/ /yi ge ni yig 'brur bkod pa'o/ /lag brda'i yi ge dag ni lag pa bskyod pa kho nas brkus shig bya ba de lta bu la sogs pa'i yi ge dag nye bar ston
 pa'i phyir ro/ /lag rtsis ni sor mo'i rig la rigs pas brda byed pa'i phyir ro/ /des na yi ge la sogs pa'i rnam pas brkus na ltung ba na smad pa med de/ rku sems gtso ba yin pa'i phyir ro zhes bya ba'i don to/ /yo byad chen po
 zhig gis phyogs gcig nas bzung ste zhes bya ba la sogs pa ni rku bar bya ba nyid du 'dod pa mu tig gi chun po la sogs pa'i phyogs gcig gis gnas ma shor ba'i mtshan nyid kyi gnas skabs ni gnas nas ma spags pa'i
 phyir dang/ gnas nas spags pa med na yang brkus pa dang/ rang gir byed pa med pa'i phyir brkus pa nyid du mi 'gyur gyi/ phyogs thams cad kyi gnas shor na nor brkus par gyur pa kho na yin par de ltar shes par bya'o//
 nang mi ni khyim du chud pa ste khyim du rtag tu 'gro ba zhes bya ba'i tha tshig go /phrin pa rkad du zhes bya ba ni ming nas phung ste/ nyes pa sbom por 'gyur ba'i nyes pa ni/ 'di slong ba ni sbyor ba nyid do snyam du dgongs pa yin no/ /ba lang
 ni ba dang glang ngo/ /nye bar 'tsho ba dag ni nyo tshong la sogs pa'i tha snyad kyis 'tsho bar byed pa'i phyir ro/ /srog dang 'bral bar bgyid pa ni srog gcod par byed pa'o/ /'tsho ba'i don ni bdag nyid kyi 'tsho ba sgrub pa'i phyir te/ 'di bsad
 na bdag zas dang skom la sogs pas 'phongs par mi 'gyur zhing bde bar 'gyur ro snyam nas so bya ba'i tha tshig go /dngos po tshang na zhes bya ba ni 'di gsod pa dang dus mnyam pa 'am/ dus phyis 'byung ba yang rung gnas sped
 pa kho nas brkus pa yin no zhes bya ba de ltar shes par bya'o/ /chud gzan pa zhes bya ba las chud mi za ba ni bde ba la bya'o/ /byed pa gang la chud zan pa yod pa de la de skad ces bya ste/ 'di bdag la ma phan yang bla'o snyam//
 pa'o zhes bya ba'i tha tshig go /de'i phyir chud gzan pa'i phyir bsad pa gang yin pa 'di ni chud gzon pa yin gyi phrogs pa ni ma yin no/ /brkus pa ni phrogs pa yin te/ de lta bas na ji srid du ma phrogs pa de srid du bsad pa tsam 'ba' 
 zhig gis brkus par mi 'gyur zhes bya ba de ltar shes par bya'o/ /sgyid pa ni glang po che la sogs pa'i brla'i nang gong dang rje dar gyi nang na yod pa'i cha'o/ /'dir yang bdag gir byed pa'i sems med par 'brel ba'i bsam
 pas ni dngos po tshang na yang sbom por 'gyur ro/ /zhes bya ba'i tha tshig go /sgyid pa gcod pa ni rtsi ba ma gcod pa la sogs pa gnod pa gzhan gyi yang dpe yin par rig par bya'o/ /brtags pa bgyis nas rku na zhes bya ba la sogs
 pa ni 'di ni bdag gi yin snyam pa 'am/ yongs su ma bzung ba yin no snyam pa'am/ lhas byin la sogs pa bdag po des bdag la sbyin no snyam pa gang de lta bu la sogs pa yang dag pa ma yin pa'i 'du shes gang dag yin pa de dag rnam par
 rtogs pa'i dbang gis mngon sum du byed pa nyes pa'i rnam pa dang bcas par dogs pa dang/ rjes su 'brel pas ma nges pa nyid du mi g.yo ba rku ba'i dus na byed pa gang yin pa de ni rnam par rtogs pa ste de byas nas so/ /'di ni don mi gsal ba
 dmigs mi phyed du snyam du bsams nas gzhan dag ni rtog pa'i mtshan nyid gzhan kho nar 'chad par byed de/ 'di ltar rkun po la zhugs pa 'ba' zhig la don gyis dbang gis yang dag pa'i 'du shes 'di lta ste/ gzhan gyi yin no snyam
 pa 'am yongs su sdu ba dang bcas so snyam pa 'am/ mi 'gro bas yongs su bzung ba'o snyam pa 'am/ ma yin pa'o snyam pa 'byung la des dngos gzhi'i kha na ma tho ba yongs su spang bar bya ba'i phyir 'di snyam du rnam par rtog par byed de/ chos thams
 cad ni bdag med pa'o/ /chos thams cad ni yongs su bzung ba med pa'o/ /chos thams cad ni 'brel par yongs su gtong ba ste/ 'di na gzhan gyi yin pa dang yongs su bzung ba dang bcas pa 'am/ mi'i 'gro ba las yongs su
 bzung ba ma yin no/ /skad cig ma yin pa'i phyir ji ltar 'di skad cig ma gnyis pa la sogs pa la byung ba gzhan gyi rang gi yin zhing byin pa yin pa ltar bdag la yang de dang 'dra'o zhes de ltar yang dag pa'i 'du shes pa rnam par rtog pa dag gis
 sbas nas yongs su bzung ba med pa la sogs pa'i 'du shes des rgyun chags pa'i 'du shes gang yin pa skyed par byed do/ /'du shes lta bu de ni brtags pa yin pas brtags pa zhes bya ste/ brtags pa des na yan lag gzhan yod na ni
 sbom por 'gyur ro zhes bya ba'i tha tshig go /'dir smras pa/ yang dag 'du shes sbags nas ni/ nges par skyes par byed pa gang/ /de ni rtogs pas sbyar ba na/ /brtags pa'i 'du shes zhes bshad do/ /'di ni gang zhig 'du shes gzhan
 sgro btags pa'i phyir btegs pas brkus pa la pham par 'gyur ro/ /snyam du sems pa'i gzhung lugs de bzlog pa'i phyir ro/ /bdag gi 'di zhes bya ba la sogs pa ni/ 'di ni bdag gi yin mod kyi 'on kyang dus re zhig sbyin gyi
 thams cad du ni ma yin no zhes bya ba'i tha tshig go /gtan byin pa'i 'du shes kyis spyad na zhes bya ba la sogs pa la gtan byin pa'i 'du shes kyis zhes bya ba ni gtan byin pa ltar spyod pa'i rnam pa ste/ pag med pa nyid du zhes bya ba'i tha
 tshig go /'di ltar spyod par byed pa la bdag la gtan byin te yongs su btang ba dang byin pa'i yin no snyam du ba'i 'du shes 'di nye bar gnas na/ rang gi yin pa'i 'du shes kyis spyod pa'i phyir ltung ba med pa nyid du 'gyur gyi/ sbom por
 thal ba lta ba zhig ga la 'gyur snyam du sems te/ de lta bas na 'di shes par bya'o/ /de'i phyir khyim bdag des chos gos la sogs pa'i dngos po bgo ba dang gding ba la sogs pa'i tshed du byin gyi yo byin pa ni ma yin pa
 gang yin pa de la ji ltar gtan byin pa nyid du byin pa'i nor la rnam pa thams cad du spyod pa de bzhin du rku sems kyis spyod par byed pa gang yin pa de ni dngos po de tshang na nyes pa sbom por 'gyur ro zhes bya ba'i don to/ /'di ltar spyod par byed
 par zhes bya ba ni 'tsho bar byed pa yin te/ 'di ni gtso bor gyur pa kha dog dang reg pa la sogs pa spyad pa'i phyir brkus pa dang 'dra ba yin no/ /'on te 'di gsang sngags sam zhes bya ba la nye bar 'gro ba ni gsang sngags dang me tog dang 'bras bu dag
 gis yongs su mgu bar bya ba'i tshul lam dbang du yang dang yang du de'i drung du 'gro ba'i phyir ro/ /de bas na gsang sngags la sogs pas dbang du byed pa 'am/ dbang du mi byed pa dag gis byin pa la gtan byin pa nyid ltar rku sems kyis spyod pa gang yin
 pa de ni dngos po nga ni tshang na sbom por 'gyur ro/ /zhes bya ba'i tha tshig go /'di skad du zer ba dag kyang yod de/ yongs su mgu bar bya ba'i phyir gsang sngags la sogs pas nye bar 'gro bar byed pa gang yin pa de ni rgyu mtshan can gyi snyed pa grub na chags
 pa'i dbang gis bsam pa nyams pa yin pas logs pa'i 'tsho ba slong bar 'gyur gyi brkus par gtogs pa'i nyes byas la sogs pa ni 'ga' yang ma yin te/ 'di ltar 'di ni de yongs su mgu nas byin pa gang yin pa de len to/ /dbang du
 bya ba'i gsang sngags la sogs pas nye bar 'gro bas thob pa'i nor rku sems kyis spyod na bcing ba dang brdeg pa la sogs pa'i thabs kyis dbang med par byas nas sbyin du 'jug pa ji lta bar gsang sngags la sogs pas dbang du
 byas nas sbyin du 'jug pa 'di yang de kho na dang 'dra ste/ de bas na 'di gsungs so zhes zer ro/ /kha cig ni 'di ming 'dod de 'di ltar gsang sngags la sogs pa dang du byas nas/ sbyin du 'jug par gal te gnod pa zhig tu gyur
 na ni bcings pa sbyin du 'jug pa las tha dad pa ma yin no/ /ci ste gnod par ma gyur pa zhig na ni sems g.yengs par byas ste/ sbyin du 'jug pa las tha mi dad pas nyes pa sbom po'o zhes smos pa mi 'thad de dngos po tshang na mtshan nyid du gyur pa'i pham
 par gyur pa'i phyir ro/ /de lta bas na spyad na zhes 'byung ba'i phyir nyes pa sbom po 'di ni btan byin pa ltar spyod pa'i phyir yin gyi sbyin du 'jug pa'i phyir ni ma yin no zhes bya ba de ltar khong du chud par bya'o/ /brnyan po ni brkus pas grub pa ste/
 'di dus gzhan na rang gi ngo bo phyir sbyin no zhes de ltar brnyas pas zhugs pa'i phyir ro/ /bsnyon pa ni nga la blangs pa med do/ /zhes de skad du smras nas so/ /nyes pa sbom po zhes bya ba ni 'dir sbom po 'di ni sbyor ba las byung ba yin te/ 'di ltar
 'di dngos gzhi'i phyir bsnyon pa las gzhan pa'i byed pa med pas nye ba de kho na sbyor ba nyid du zad do/ /cha gcod par byed pa ni mi sbyin no zhes de ltar mi sbyin par nges pa bskyed pa'i phyir ro/ /'dir yang lus dang ngag gi byed pa dang/ bcas pa'i
 cha gcod par byed pa la ltung ba nyid du mdzad nas gsungs par shes par bya'i/ cha gcod par byed pa tsam ma yin te/ 'di ltar ltung ba ni rnam par rig byed dang/ rnam par rig byed ma yin pa skabs de na sbyor ba med do/ /sbyor ba med pa'i phyir
 na smad pa nyes pa sbom po'o zhes bya bar 'gyur gyi rtse ba mdza' bya bar ni ma yin no/ /sems kyi kun tu rtogs pa sprod pa dag ste/ 'di shin bdag gi 'dod pa grong la sogs pa 'thob par 'gyur ro snyam pa yin no zhes bya ba'i tha tshig go /rnam
 grangs du ma ni rnam pa mang pos/ de ni bsad par bya ba'o/ /yang zhes bya ni nges par bzung ba'o/ /sbom po de lta bus zhes bya ba ni sbyor ba de kho nas so/ /dus byas na zhes bya ba ni shi bar gyur na'o/ /mi dud 'gro'i skye gnas par 'gyur te zhes bya ba la sogs pa
 ni 'gro ba gzhan gyi rnam pa nyid yin yang mir 'du shes pa kho nas bsad na dngos gzhir 'gyur bar shes par bya'o/ /'gro ba gzhan du 'du shes pas ni na smad par bshad de/ de skad du mi la mi ma yin par 'du shes pas ni sbom por 'chad par
 'gyur ro/ /mtshams ma mchis pa nyid kyi kha na ma tho bas kyang reg par mi 'gyur ba ni mnar med pa'i sems can dmyal ba smin par mi 'gyur ba snyam du dgongs pa yin no/ /de la mtshams med pa nyid ni zhes bya ba ni skyes bu gang zhig sems can
 dmyal bar 'gyur ba la mtshams dang bar chad med pa'i skyes bu de ni mtshams med pa'o/ /de'i ngo bo gang gis ni 'di bar chad med pa sems can dmyal ba rnams su skye bar 'gyur ba'i sgra 'jug pa'i rgyu mtshan nyid ni mtshams med pa nyid de /
 des zhes bya ba'i tha tshig go /las kyi srid pa ni las dge ba dang mi dge ba rnams so/ /bsad pa ni rab tu spangs pa'o/ /ni zhes bya ba'i sgra ni gang gi phyir zhes bya ba'i don yin no/ /mngon par sgrub pa'i don gyis zhes bya ba ni bskyed pa'i don gyi ste/
 de skad du yang mdo las dge slong dag 'di sems can der skyes pa rnams ni las dge ba bsgoms pa las 'byung ba zag pa dang bcas pa byas pa'i rnam par smin pa so sor myong bar 'gyur te/ de lta bas na nges sems can rnams ni las ji
 lta ba bzhin nye bar 'gro ba yin no zhes gsungs so zhes 'byung ngo/ /bskyed pa'i don gyis zhes bya ba ni bskrun pa'i don gyis ste/ tshigs su bcad pa las/ sred pas mi ni skyed par byed/ 'di ni sems kyi rjes su rgyug /sems can 'khor bar gtogs
 pa 'di'i/ sdug bsngal 'jigs pa chen po yin zhes 'byung ba'i phyir ro/ /pha dang ma ni bsad byas shing/ rgyal po gtsang sbra can gnyis dang/ /yul 'khor 'khor dang bcas bcom nas/ /mi ni dag pa nyid du 'gyur zhes
 gsungs so/ /btsun pa re zhig dge slong gis ma 'gum par 'tshal zhes bya ba la sogs pas gnyi ga la nyes pa sbom por gsungs pa ni ma bsad pa'i bsams pas zhugs pa'i phyir ro/ /bud med gzhan bsad pa la ni ltung ba med do/ /ma
 bsad pa la yang mtshams med pa nyid ni ma yin te/ ma bsams pa de bsad pa'i phyir ro/ /dngos gzhi ni brjod par 'dod pa'i don yongs su rdzogs pa'i mtshan nyid yin par bshad pa'i bsam pa'i sgo nas ni 'jug pa nyid kyi sbyor ba yin no/
 de nyid kyi phyir bye brag tu bshad pa las/ rgyu gnyis kyis srog gcod pa'i kha na ma tho bas reg par 'gyur te/ sbyor ba dang/ 'bras bu yongs su rdzogs pas so zhes gsal ba kho nar 'byung ngo/ /'dul ba 'dzin pa rnams na re srog gcod
 pa ni dpe ste/ gzhan la yang tshul 'di dang zhes zer te/ de bzhin du bshad kyang zin la 'chad par yang 'gyur ro/ /'di'i 'og ma dag la yang ci rigs su sbyar ro/ /btsun pa re zhig dge slong gis mi'i bud med kyi mngal na dud 'gro'i skye
 gnas par skyes pa bkum na zhes bya ba la sogs pa ltung byed du gsungs pa ni bu dud 'gro'i skyes gnas su gtogs pa'i bsam pas zhugs pa'i phyir te/ 'di ltar dud 'gro bsad na ltung byed du bstan pa'i phyir ro/ /bu dud 'gror
 gtogs pa yin par yongs su shes pa yang gsang sngags la sogs pa'i mthus shes par bya ste/ 'og ma bu mir gtogs pa bsad pa la yang de dang 'dra'o/ /btsun pa re zhig dge slong gis dud 'gro'i skye gnas su skyes pa dud 'gro mo'i mnga' 
 du mi'i bu bkum zhes bya ba la sogs pas mthar 'gyur bar gsungs pa ni mi'i bu bsad pa'i sems yod pa'i phyir te mi bsad na yang pham par brtan pa'i phyir ro/ /kha cig ni mi'i bud med kyi mngal du dud 'gro'i skye gnas par gtogs pa
 bsad na yang nyes pa sbom par 'gyur la/ dud 'gro'i skye gnas su gtogs pa'i mngal du mi bsad na yang nyes byas su 'don to/ /de ni 'dis bu mi yin par yang ma bsams la/ bu de la yang mi ma yin pas nyes pa sbom po zhes bya bar thal bar ci
 zhig yod/ bu mi bsad na yang dud 'gro'i skye gnas par gtogs par yin par yang ma bsams la/ de yang dud 'gro'i skye gnas par skyes pa yang ma yin na nyes byas su 'don pa'i skabs ci zhig yod/ de lta bas na 'don pa snga ma nyid
 bzang ngo/ /bskyed pa ni bskrun par byed pa'o/ /gso bar byed pa ni srid par byed pa'o/ /mi la mi ma lags par 'du shes pas zhes bya ba la sogs pas mthar 'gyur bar gsungs pas ni sbyor ba yod pa'i phyir dang/ bsam
 pa'i don yang grub pa'i phyir ro/ /mi la mi ma lags par 'du shes pas zhes bya ba la sogs pas sbom por gsungs pa ni sbyor ba yod pa'i phyir ro/ /dngos gzhi la ni ltung ba med de/ mi ma yin pa la mir 'du shes pa yang de dang 'dra'o/ /
 mi ma lags pa la mi ma lags par 'du shes pas zhes bya ba la sogs pas sbom por gsungs pa ni sbyor ba yod pa'i phyir dang/ bsam pa'i don yang grub pa'i phyir ro/ /bdag nyid srog dang bral na zhes bya ba la sogs pas sbom por
 gsungs pa ni sbyor bar gyur pa ste/ gang gi phyir bdag nyid bsad na gsod par gtogs pa'i las kyi lam nam yang slong bar mi srid pas so/ /'di ltar skad cig ma gang la srog 'gag pa de'i mjug thogs su skad cig ma gnyis pa la
 gsod pa'i dngos gzhi 'byung bar 'gyur gyi/ sngon rol du ni ma yin te/ sbyor ba'i 'bras bur gyur pa srog gcod pa ma grub pa'i phyir ro/ /skad cig ma gnyis pa la yang gsod pa po de'i rten srid pa bar mas bsdus
 pa las gzhan gyis 'phangs pa skyes pa ma yin pa'i ngo bo shin tu tha dad pa gzhan kho na zhig skye bar 'gyur ro/ /las gzhan gyis 'phangs pa'i rten gyis sbyor ba byas pa las gzhan gyis 'phangs pa las sdig pa skye ba yang
 ma yin te/ gzhan gyi sbyor ba las gzhan gyi sbyor ba las gzhan la gsod par thal bar 'gyur du 'ong ngo/ /'di la ni 'phen pa tha dad pas rten tha dad pa 'dra bas de'i phyir 'di la las kyi lam 'byung ngo/ /'on te de sngar dus
 byas na zhes bya ba la sbom por gsungs pa ni sbyor ba ni ltung ba ston par byed pa yin par shes par bya ste/ 'di ltar gsod pa po de sngar shi nas dngos gzhi slong ba'i dus na tshe rabs gzhan du rnam par gnas par 'gyur ro
 tshe rabs gzhan du rnam par gnas pa la yang sngon gyi sbyor ba rgyu can gyi gsod pa ldang par rigs pa ma yin te/ rang gi ngo bo tha dad pa'i phyir dang/ las gzhan gyis 'phangs pa'i phyir ro/ /'dir yang sngar dus byas
 na zhes bya ba'i sngar dus byed pa nyid ni dper shes par bya ste/ des na gang zhig gis bsad pa la sogs pa'i sbyor ba byas nas mgo mnyam du shi ba de yang srog gcod pa la sogs pa mi ldang ba kho na ste/ dngos
 gzhi slong ba'i dus na ltung ba 'byin pa po de tshe rabs gzhan du gnas pa'i phyir la/ tshe rabs gzhan du gnas pa la yang kha na ma tho ba ldang ba med pa'i phyir ro/ /zhes bya ba'i don to/ /dgra bcom pa bkum par 'tshal
 ba la so so'i skye bo bkum na zhes bya ba la sogs pas sbom por gsungs pa ni brjod par 'dod pa'i 'bras bu ma grub pa'i phyir ro/ /de la dgra bcom pa ni nyon mongs pa'i dgra bcom pa'i phyir ram/ mi skye ba'i chos thob pa'i phyir
 so so'i skye bo ni 'phags pa'i skye bo dang tha dad par 'gyur ba 'dod chags dang bcas pa gzhan no zhes bya ba'i tha tshig go /de la don ni 'di yin/ rgyu tha dad pa dgra bcom pa bsad par 'dod pa las so so skye bo bsad na ma bsams pa'i yul la
 bsad pa bsgrub pa'i phyir pham pa ni med kyi/ sbyor pa la ni sbom por 'gyur la mtshams med pa'i sbyor bar yang 'gyur ro/ /'dis ni so so skye bo bsad par 'dod pa las dgra bcom pa bsad na zhes bya ba la sogs pa las sbom por bshad par shes
 par bya'o/ /dgra bcom pa dgum par sbyor ba bgyis pa las zhes bya ba la sogs pas slob pa bsad na mthar 'gyur ba dang/ mtshams med pa dang nye bar gsungs pa ni gnas skabs gzhan lam bsams kyang/ 'di bsang ngo snyam du rten nges
 par gzung ba'i phyir rig par bya'o/ /slob pa ni yongs su nyams pa 'am/ ma nyams pa yang rung phyir mi 'ong ba la sogs pa ste/ dgra bcom pa nyid thob par bya ba'i phyir slob pa la brtson pa'i phyir ro/ /'di ltar dgra bcom pa dbang po rtul po nyon mongs pa'i
 dbang gis dgra bcom pa nyid las yongs su nyams na phyir mi 'ong ba'i la sogs 'bras bu la gnas par 'gyur ro/ /slob pa mthar gyis pa yang rung/ phal cher las 'dod chags dang bral yang rung/ phyir mi 'ong ba la sogs pa de bsang na mtshams
 med pa dang nye bar bshad de/ ma dgra bcom ma sun byas dang/ byang chub sems dpa' nges pa la/ /gnas dang slob pa bsang pa dang/ /dge 'dun 'du ba'i sgo 'phrog pa/ /mtsham med pa dang 'dra ba ste/ /lnga pa mchod rten 'jig pa yin zhes 'byung ba'i
 phyir ro/ /de bas na ji ltar rgyu tha dad pa'i sems can gzhan la sbyor ba byas nas ma bsams pa'i yul gzhan la bya ba mthar phyin par byas pa brjod par 'dod pa'i don yongs su ma rdzogs pa'i phyir/ 'bras bu ma rdzogs pa yin pa
 ltar/ gnas skabs gzhan dgra bcom pa nyid kyi gnas skabs su gyur pa la sbyor ba byas nas gnas skabs gzhan ma bsams pa'i slob pa'i gnas skabs su gyur pa'i phyir mi 'ong ba nyid la sogs pa la bya ba mthar phyin par byas pa ni/ de lta bur
 'gyur ba ma yin no zhes bya ba'i don to/ /'di ltar so so'i skye ba bsad pa sbyor ba byas la/ dgra bcom pa srog dang bral na zhes bya ba la sogs pa la thar 'gyur ba dang/ mtshams med par 'gyur ba yang bshad par rig par bya ste/ gnas skabs
 gzhan du gyur pa na gzhan nyid ma yin no zhes 'byung ba'i phyir ro/ /dgum par zhes bya ba ni bsad par ro/ /bkri ba ni btang ba'o/ /grong gi mi ni grong gi skyes bu rnams so/ /rgyal po'i mi ni rgyal po'i mi rnams so/ /rjes bzhin du zhes bya ba ni phyi bzhin du
 skye ste lan gnyis smos pa ni bzlas par zad do/ /brtags par gyur pa ni 'jug pa la brtags pa'o/ /mdun rol ni mdun na tshur ro/ /mthar 'gyur ro zhes gsungs pa 'di ni brtan na yang pham par 'gyur bar rab tu bstan pa'i phyir ro/ /des na yang bsad
 par bya ba de gshed ma pas bsad na ston par byed pa des kyang bsad par 'gyur te/ sbyor ba'i dbang gis brtan pas shi na ston pa po la pham par 'gyur ro zhes bya ba'i tha tshig go /nyes byas zhes bya ba 'di la ni bsad sems med pa'i phyir te/
 'di ni ltung ba'i sgor gyur pa'i skabs thams cad du dran pas bsgrub par bya'o zhes bya ba 'dir gtogs par te/ bcad pas kha na ma tho ba yin no/ /'di ltar phan gdags pa'i blos zas byin pa la mtshams med par gyur du 'ong bas
 srog gcod pa'i sems nye bar ma bzhag pa la gsod pa'i kha na ma tho ba 'ga' yang ltung bar mi 'gyur te/ de lta bas na 'dul ba 'dzin pa rnams na re nyes byas zhes bya ba ni rang bzhin gyi kha na ma tho ba gsod par gtogs pa yin par shes par bya'o zhes
 zer ro/ /ma bkum par bgyis pa las zhes bya ba ni bsad par byas pa las so/ /nyes pa sbom por 'gyur ro zhes bya ba 'di ni ma bsams pa bsad pa'i phyir sbyor ba las byung ba yin no/ /srog dang bral pa'i rkyen gyis zhes bya ba'i ni bsad pa'i rgyu las so/ /gsod
 pa'i pham pa gtan la dbab pa'o/ /mngon par mi shes pa ni zag pa dang bcas pa'i shes pas so/ /yongs su mi shes pa ni zag pa med pa'i shes pas so/ /mi'i chos bla mar gyur pa ni chos thams cad kyi mchog mya ngan las 'das pa mi rgyud la skye ba'i
 phyir ro/ /de ji lta bu zhig ce na/ mdza' zhes bya ba la sogs pa gsungs so/ /mdza' ni mya ngan las 'das pa ste/ nyon mongs pa dang nye ba'i nyon mongs pa thams cad kyi mthar gyur ba yin pa'i phyir ro/ /'phags pa ni sangs rgyas dang rang sangs rgyas dang
 nyan thos rnams las 'phags pa bla zhes bya ba'i tha tshig go /dgra bcom pa rnams kyi bla ma chos zhes 'byung ba'i phyir ro/ /khyad par thob pa ni khyad par rnyed pa ste/ dge sbyong gi 'bras bu bzhi rnyed pa zhes bya ba'i tha tshig go /gzhan dag ni 'phags pa'i
 khyad par thob pa zhes 'phags pa zhes bya ba'i sgra'i khyad par thob pa zhes bya ba'i sgra dang lhan cig sbyor bar byed de/ de la ni 'phags pa'i khyad par thob pa'o zhes zag pa med pa thob pa'o zhes rnam par bshad par bya'o/ /shes pa ni sdug bsngal
 shes pa la sogs pa bzhi'o/ /mthong ba ni sdug bsngal la chos shes pa'i bzod pa la sogs pa bzhi'o/ /reg par gnas pa ni bde bar gnas pa ste/ /bsam gtan bzhi'i bde ba'i mtshan nyid do/ /med pa ni thob pa'i sgo
 nas so/ /mi bdog pa ni mngon du gyur pa'i tshul gyis so/ /'di shes so zhes bya ba ni bden pa bzhi'o/ /'di mthong ngo zhes bya ba ni lha la sogs pa'o/ /de ltar zhes bya ba'i sgra ni 'og ma dag la yang bdag la blta'o thos so nyan to
 zhes bya ba la sogs pa bsdu ba'i phyir ro/ /khas mches pa las zhes bya ba ni khas len par byed pa ste/ bdag nyid yin par khas len pa las zhes bya ba'i tha tshig go /ltung ba byung ba ni pham par gyur pa'o/ /rnam par dag par 'dod pas zhes bya
 ba ni ldang ba'i bsam pas so/ /dus gzhan zhig na zhes bya ba ni dus gzhan na'o/ /dris pa ni gzhan dag gis glengs pa na'o/ /'am zhes bya ba'i sgra ni rnam par rtag pa'o/ /ma dris pa ni bdag nyid kyis rtogs nas so/ /'di skad ces bya ba ni smras pa'o//
 ma mthong ba zhes bya ba ni mig gi rnam par shes pas so/ /gsob ni don gyis stong pa'i phyir ro/ /gsog ni dgos pa snying po med pa'i phyir ro/ /rdzun du smras pa ni mi bden pa smras par gyur pa'o/ /don ni 'di yin te/ yang dag pa ji lta ba bzhin
 smras pa'i phyir bdag la ltung bar mi 'gyur ro snyam nas ltung ba med par 'dod pas de skad du smras mod kyi/ 'on kyang de la ltung bar 'gyur ba kho na'o/ /'di yan lag ni ma yin te/ 'di ltar dang po nyid du 'du shes sba pa byed pas rdzun du smras
 par gyur pa'i phyir ro/ /mngon pa'i nga rgyal ma gtogs so zhes bya ba ni nga rgyal bzhag pa ste/ ma gtogs zhes bya ba'i sgra ni bkol pa'i don to/ /mngon pa'i nga rgyal ni bag tsam mthong ba'i sgo nas yon tan ma thob pa sngon du 'gro ba can gyi nga
 rgyal byed pa ste/ 'di ltar mngon pa'i nga rgyal can ni rdzun du smra ba'i phyir ma yin par yang dag pa'i 'du shes rjes su tha snyad 'dogs pas/ de'i phyir rdzun du smras pa med pas de la ltung ba med do zhes bya ba'i tha tshig go /sdig pa ni 'dod
 chags la sogs pa ste/ dam pa rnams kyis smad pa'i phyir ro/ /mi dge ba ni 'bras bu yid du mi 'ong ba'i phyir ro/ /chos rnams ni nyes par spyod pa'i rang gis ngo bo 'dzin pa'i phyir ro/ /khong du chud pa nyid ni bdag nyid kyis so/ /brda spyod pa nyid ni gzhan la'o/ /
 bsams nas zhes bya ba ni mnos nas sems la bzhag nas zhes bya ba'i tha tshig go /lung ston pa ni gtsang bar byed pa 'am nges pas ston pa'o/ /nyes pa sbom por 'gyur ro zhes bya ba 'di la/ sbom po 'di ni mi'i chos las bla mar gyur pa brjod pa'i mdun
 pas ming mthun pa'i don brjod pa yin te/ 'di ltar 'di la ni bsams pa'i don kho na brjod pas 'du shes sbas pa med de/ de lta bas na bdag nyid mi'i chos bla mar gyur pa dang ldan pa nyid du smras su zin kyang phan pa slong bar mi 'gyur ro zhes
 bya ba'i tha tshig go /de bzhin du don mthun par ston par byed pa'i tshig 'og ma dag la yang rtogs par bya ste/ gzhan gyis kyang thos na kha na ma tho ba 'dir 'gyur ro/ /med pa ni mi bdog pa'o/ /sangs rgyas byed pa'i chos ni stobs dang/ mi 'jigs
 pa dang/ dran pa nye bar bzhag pa dang/ thugs rje chen po zhes bya ba de bzhin gshegs pa'i rgyud la mnga' ba'i yon tan rnams so/ /ston pa ni phan pa dang mi phan pa dag gi thabs ston par byed pa'i phyir ro/ /gdams ngag ston par byed pa zhes bya
 ba la sogs pa la chos ston pa'o zhes bya ba ji ltar chos ston pa yin zhe na/ gdams ngag ston pa zhes bya ba gsungs te/ mi phan pa 'gog pa'i phyir ro/ /rjes su ston pa ni phan pa dang sbyor ba'i phyir ro/ /yang na gdams ngag ston pa ni lam
 bsgom pa'i lung 'bogs pa'i phyir ro/ /rjes su ston pa ni bya ba dang bya ba ma yin pa slob pa yin no/ /de'i phyir ji ltar 'di chos ston pa yin zhe na/ 'di ltar gdams ngag ston pa dang/ rjes su ston pa yin pas so zhes bya ba'i tha tshig go /dang po'i mdza' can
 yang rgyur 'gyur te/ dper na bu dga' ba yul 'khor srung zhes bya ba lta bu ste/ bu dga' ba'i phyir zhes bya ba'i tha tshig go /ston pa'i chos rnams ni stobs dang 'jig pa la sogs pa thun mong dang ma yin pa rnams so/ /nyan thos ni
 gus par nyan pa'i slob ma zhes bya ba'i tha tshig go /sngon gyi gnas ni sngon gyi tshe rabs dran pa ste/ de dang der skyes pa zhes bya ba'i tha tshig go /yang dag par rdzogs pa'i sangs rgyas ni yang dag pa'i ye shes phyin ci ma log pa mi bslu pas ye shes
 kyi mthu thogs pa med pa rgyas pa dang ldan pa'i phyir pad+ma bzhin du nyid kyis rnam par sangs rgyas pa'o/ /yang na nyon mongs pa can dang/ nyon mongs pa can ma yin pa'i gti mug nyid dang gtan du bral ba'i phyir skyes bu gnyid sangs pa lta
 bur sangs rgyas pa yin no/ /thams cad ni 'das pa dang ma 'ongs pa rnams so/ /skyabs su song ba ni sdug bsngal las yongs su bskyab pa'i don du skyabs nyid du khas blangs par gyur pa'o/ /mi slob pa ni dgra bcom pa ste/ nyon mongs pa spangs
 ba'i phyir yang slob pa med pa'i phyir ro/ /nyon mongs pa ni 'dod chags la sogs pa'i nyon mongs pa sems nye bar nyon mongs par byed pa'i mtshan nyid rnams dang bral ba'i phyir ro/ /bzo ni gser 'gyur la sogs pa'i las so/ /slob pa'i
 spyod pa ni nyon mongs pa spangs pa'i phyir lam bsgom pa'o kun tu spyad pa ni nyin gcig bzhin du 'phral gyi bya ba sgrub pa'o/ /ci yang spangs pa ni 'dod chags la sogs pa zad pa'o/ /dge slong gis zhes bya ba ni dge slong la dgongs
 pa ste/ brtags pa zhes bya ba'i tha tshig go /'tsho ba'i yo byad ni 'tsho ba sgrub par byed pa'i rdzas sman la sogs pa ste/ 'tsho bar dgongs pa zhes bya ba'i tha tshig go /gang yang rung ba ni ma yin gyi lhung bzed la sogs pa bshad ma
 thag pa 'ga' yang ngo/ /yang gzhan na re khab ral la sogs pa gzhan no/ /dge sbyong gis tshul gyi 'bras bu dag ni rgyun tu zhugs pa la sogs pa bzhi ni/ chos mngon pa rnams na re brgyad cu rtsa dgu zhes zer ro/ /dge sbyong gi tshul ni zag pa med pa'i
 lam mo/ /'di dag ni de'i 'bras bu yin pa'i phyir te/ dge sbyong tshul ni dri med lam/ 'bras bu 'dus byas 'dus ma byas/ de dag brgyad cu rtsa dgu'o zhes bya ba la sogs pa 'byung ba'i phyir ro/ /lus las nyams pa ni mdo sde dang 'dul ba dang
 mngon pa 'don pa la sogs pa nyams pa'o/ /kun tu sbyor ba ni rjes su chags pa dang/ khong khro dang/ nga rgyal dang/ ma rig pa dang/ lta ba dang/ mchog tu 'dzin pa dang/ the tshom dang/ phrag dog dang/ ser sna zhes bya ba'i 'ching bar byed pa'i mtshan
 nyid dgu'o/ /'ching ba ni 'dod chags dang/ zhe sdang dang/ gti mug zhes bya ba gsum mo/ /bag la nyal ba ni 'dod pa dang/ srid pa'i 'dod chags dang/ khong khro dang/ nga rgyal dang/ ma rig pa dang/ lta ba dang/ the tshom phra rgyas zhes bya ba rjes su
 'brel pa'i mtshan nyid dam/ dmigs pa dang mtshungs par ldan pa dag gis rgyas par 'gyur ba'i mtshan nyid bdun no/ /nye ba'i nyon mongs pa ni g.yo dang rgyags pa dang/ rnam par 'tsheb la sogs pa ste/ nyon mongs pa dang nye ba'i nyon mongs
 pa gtso bo ma yin pas zhes bya ba'i tha tshig go /kun nas dkris pa rnams ni ngo tsha med pa dang/ khrel med pa dang/ phrag dog dang/ ser sna dang/ rgod pa dang/ 'gyong pa dang/ rmugs pa dang/ gnyis dang/ khro ba dang/ 'chab pa zhes bya ba sems kun
 nas dkri bar byed pa'i bdag nyid bcu'o/ /zad pa ni byed pa log pa'i phyir ro/ /'gags pa ni 'jug kyang 'gags pa'i phyir ro/ /bral ba ni de kun nas slong bar byed pa'i sems dang bral ba'i phyir ro/ /rnam par gyur pa ni kun nas slong ba dang 'gal
 pa'i sems bskyed pa'i phyir ro/ /grol ba ni yang mi skye ba'i chos can nyid du so sor brtags pa'i 'gog pas 'gags pa'i phyir ro/ /'jigs pa spangs pa ni skye ba dang/ rga ba dang 'chi ba la sogs pa'i 'jigs pa
 dang bral ba'o/ /'jig rten pa'i 'jigs pa ni chu dang me dang rlung dang rdo dang rgyal po la sogs pa 'byung ngo/ /tha ma ni 'jug ma'o/ /zad pa shes pa na nyon mongs rnams zad pa la/ bdag gi nyon mongs pa rnams zad do snyam pa de lta
 bu'i nges pa skye ba'i phyir ro/ /gang gi skye ba'i tha ma 'di yin ba'o// zad pa ni 'bras bu rdzogs pa'i phyir ro/ /'gags pa ni da ltar byung nyid las nyams pa'o/ /bral ba ni byed pa logs pa'o/ /
 rnam par gyur ba ni 'jug kyang 'gags pa'i phyir ro/ /thob pa ni sgrub pa'o/ /'jig rten pa'i thob pa ni bza' ba dang btung ba dang mal cha dang stan dang gos dang gnas mal la sogs pa'i dngos po'o/ /kye ma zhes bya ba ni rtse
 ba'o/ /gyur kyang zhes bya ba ni gyur na yang ngo/ /ci ma rung zhes bya ba ni smon pa'o/ /rgyun du zhugs pa ni khams gsum pa'i mthong bas spangs par bya ba'i nyon mongs pa rnams spang ba'i phyir ro/ /'phags pa'i lam ni mya ngan las
 'das pa thob par bya ba'i rgyu yin te de bsgrub pa'i phyir ro/ /de dag der zhugs shing thob pas na rgyun du zhugs pa yin no zhes bya ba'i don to/ /lan cig phyir 'ong ba ni bsgom pas spangs par bya ba'i nyon mongs pa'i rnam pa
 drug spangs pas lha rnams kyi nang du skyes nas lan cig ste/ re zhig cig mi'i 'jig rten du 'ongs nas sdug bsngal gyi mthar byed pa'i phyir ro/ /phyir mi 'ong ba ni 'dod pa na spyod pa'i bsgom pas spang bar bya ba'i
 nyon mongs pa'i rnam pa dgu spangs pas yang skye ba'i don du 'dod pa'i khams su mi 'ong ba'i phyir ro/ /dgra bcom pa ni srid pa'i rtse mo pa'i bsgom pas spangs par bya ba'i nyon mongs pa'i rnam pa chung ngu spangs pas 'gro ba
 mdza' dag gis mchod par 'os pa'i phyir ro/ /nyes pa sbom por zhes bya ba la 'dir sbom por gsungs pa 'di la gzhan dag 'di ltar 'di rang nyid skad du rgyun du zhugs pa dang/ lan cig phyir 'ong ba dang/ phyir mi 'ong ba dang/
 dgra bcom par 'gyur na zhes smra ba dang sbyar na gdon mi za bar rgyun tu zhugs pa la sogs pa yin no/ /snyam du sems par 'gyur bas so/ /mi'i chos bla ma gyur pa zur gyis smos pa nyid yin gyi dngos su tshig gi bdag nyid mi'i chos bla mar gyur ba dang
 ldan pa nyid du smras pa ni ma yin pas pham pa slong ba med do/ /zhus pa la las ni 'di skad ces/ btsun pa dge slong gis 'di skad ces dge slong gang zhig gi bslang ba'i khyim che ge mo zhig yin ba de ni rgyun du zhugs pa dang de ni lan cig phyir
 'ong ba dang/ phyir mi 'ong ba dang/ dgra bcom pa yin no zhes smras la khyim de su'i bslang? pa'i khyim yin zhes bgyis pa dang/ des kho bo'i yin te/ kho bo ni rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom pa yang ma
 yin no zhes smras na cir 'gyur lags/ nyes pa sbom por 'gyur ro zhes 'byung ngo/ /de la don ni 'di yin te/ nyes pa sbom por 'gyur ro zhes bya ba 'di la zur gyis smos kho nas sbom por 'gyur ro/ /'dir dgongs pa ni yin te/ gang zhig gis sngar
 mi'i chos bla mar gyur ba yang dag par ma yin ba zur gyis brjod nas/ phyis yang dag pa'i tshig sbyar du zin kyang/ sngar zur gyis brjod pa'i dbang kho nas sbom por 'gyur ro/ /'di ltar skyes pa'i don ni nam yang ji ltar yang ma skyes pa nyid sgrub par mi
 nus ste/ ngo bo nyid ni gzhan du bsgyur du mi rung ba'i phyir sngon po ser po la sogs pa nyid lta bu'o/ /'dir yang dge slong gang zhig gis blang ba'i khyim che ge mo zhig yin pa la sogs pa la rang gi don nyid med pa'i phyir pham pa nyid ma yin no/
 kho bo ni rgyun tu zhugs pa dang/ lan cig phyir 'ong pa dang/ phyir mi 'ong ba dang/ dgra bcom pa yang ma yin no zhes bya ba la sogs pa ni bden pa nyid yin no/ /zag pa zad pa ni nyon mongs pa thams cad spangs pa'i phyir ro/ /ma smin pa ni ma rgyal ba'o//
 yin no zhes bya ba ni de lta yin no zhes bya'o/ /nyes pa sbom por 'gyur ro zhes pa 'di la sbom po 'di ni ming mthun par smras pa yin no/ /snga ma bzhin no/ /bdag ni rgyun tu zhugs pa'i 'bras bu thob po zhes bya ba la sogs pa la rgyun tu zhugs pa'i
 'bras bu ni zag pa med pa'i lam gyis sems kyi skad cig ma bcu drug thob par bya ba yin no/ /lan cig phyir 'ong ba'i 'bras bu ni zag pa med pa'i lam gyis thob par bya ba'i 'bras bu 'dus byas dang 'dus ma byas so/ /phyir mi 'ong ba'i 'bras bu
 ni zag pa med pa'i lam gyis thob par bya ba'i 'bras bu 'dus byas dang 'dus ma byas kho na'o/ /mchog gi 'bras bu ni dgra bcom pa nyid do/ /zag pa med pa'i lam gyis thob par bya ba'i 'bras bu 'dus byas dang 'dus ma byas te/ 'di ni nyon
 mongs pa dang nye ba'i nyon mongs pa ma lus pa'i rtsa nas?  bton par bya ba byas pa'i phyir 'bras bu thams cad kyi gtso bo nyid do snyam du dgongs pa yin no/ /la la bdag gis rgyun tu zhugs pa la sogs pa'i 'bras bu thob pa zhes bya ba gzugs por
 smras na pham? par 'gyur gyi/ rnam pa gzhan du ni ma yin no snyam du sems par 'gyur ba de'i phyir 'di yin no/ /bdag nyid kyis bris la zhes bya ba la sogs pas nyes pa sbom por gsungs pa ni rnam par rig byed yongs su rdzogs pa med pa'i phyir ro
 rtogs pa yongs su rdzogs par bya ba'i phyir gzhan la rnam par rigs par byed pa na 'di ni rtogs pa yongs su rdzogs par mi 'gyur ro snyam du dgongs pa yin no/ /khyod kyis thob pa 'am zhes bya ba ni khyod zag pa dang bral ba'am zhes bya ba yin no/ /yongs su nyams pa
 ni nyams par 'gyur ro/ /thob pa las yongs su nyams pa ni bdag dge sbyong? gi tshul gyi 'bras bu bzhi dang mngon par shes pa drug las nyams pa yin no zhes bya ba la sogs pas mi'i chos bla mar gyur pa thob pa las nyams pa ston par byed pa gang
 yin pa'o/ /thob pa las yongs su nyams pa ni thob pa las 'gyur gyi ma thob pa las ni ma yin la/ 'dis kyang thob pa las yongs su nyams pa lung bstan pas thob par yang smras par 'gyur te/ de ni thob pa sngon du 'gro ba can yin pa'i phyir ro/ /de
 bas na 'di la pham pa kho nar 'gyur ro zhes bya ba'i tha tshig go /ma thob pa las yongs su nyams su pa ni zag pa dang bcas pa'i dang/ zag pa med pa'i yon tan ma thob dag las nyams pa ste/ thob dang ma thob nyer spyod las/ /yongs nyams rnam pa gsum zhes bya
 zhes bya ba'i phyir ro/ /nyes pa sbom por 'gyur ro zhes bya ba 'dir ni re zhig gal te mi'i chos bla mar gyur pa zhes bya ba'i khyad par 'ga' zhig brjod par 'dod pa'i 'dun pas skyen dang bcas pa yin na de ltar zur gyis brjod pa nyid du 'gyur la/ de zur
 gyis brjod na yang sbom por 'gyur ro bshad ma thag pa yin no/ /mi chos bla mar gyur pa brjod par 'dod pa dang/ 'brel pa med pa gang yin pa de ni rdzun du smra ba med pa'i phyir nyes pa med par kho nar zhes bya'o zhes bya ba der khong du chud par bya'o/ /rgyun du zhugs
 pa'i 'bras bur lung bstan to/ /snyam pa las lan gcig phyir 'ong ba'i 'bras bur lung ston par bgyis zhes bya ba la sogs pas nyes pa sbom por 'gyur bar gsungs pa ni bsams par brjod pa sbyor bar gtogs pa kho na yin par khong du chud
 par bya'o/ /rgyu ri zhes bya ba ni bya rgod phung po dang ngos yangs kyi bar du rgyal po shing rta chen pos byas pa'i grong khyer ro/ bya skyibs kyi ngos ni ngad? rim bzhin du ngos phyir 'phags pa yod pa'i phyir ro/ /bya rgod phung po ri'i rtse mo bya rgod 'dra ba
 dag yod pa'i phyir ro/ /gzhan dag na re bya rgod kyis dur khrod bsil pa'i tshal nas rgyu ma dag? khyer? de ri de'i khar za bar byed pas so zhes zer ro/ /'ong ma'i chal? ni smyug ma sbom po'i nags so/ /bstan pa ni lung 'pog pa dang gzung ba'o/ /snyom las ni
 le lo'o/ /mi ma lags pa la mi ma lags par 'du shes te zhes te zhes bya ba la sogs pas nyes pa sbom por gsungs pa ni sbyor ba yod pa'i phyir dang/ bsams pa'i don ma grub pa'i phyir ro/ /mi ma lags pa la mir 'du shes te zhes bya ba la
 sogs pas sbom por gsungs pa ni sbyor ba yod pa'i phyir te/ mi la mi ma yin bar 'du shes pa la yang? de dang 'dra'o/ /mi la mir 'du shes te zhes bya ba la sogs pas mthar 'gyur bar gsungs pa ni sbyor ba yod pa'i phyir dang/ bsams pa'i
 don grub pa'i phyir ro/ /gal te lung tshul bar bya ba zhes bya ba ni mdo sde dang 'dul ba dang/ chos mngon ba rnams gdon pa dang/ kha ton du bya ba la sogs pas sgrag pa'o/ /nyes pa sbom por 'gyur ro zhes bya ba 'dir ni mi mthun pa'i don brjod pa
 yin no/ /nyan thos kyi chos rnams ni zad pa shes pa la sogs pa'o/ 'jig rten pa'i bsam gtan ni zag pa dang bcas pa'i sems rtse gcig pa'i mtshan nyid do/ /dgongs ka ni mtshan mo'i mgo dang po zug pa'o/ /nyes pa sbom por 'gyur ro
 zhes bya ba ni 'dir sbom po 'di ni zur gyis brjod pa yin te/ 'di ltar gzhan dag 'jig rten pa'i bsam gtan la snyoms par ma zhugs so zhes zer ba dang sbyar na 'jig rten las 'das pa'i bsam gtan la snyoms par zhugs pa lta ci
 zhig snyam du sems par 'gyur ro/ /dngos su ma smras pas pham par ni mi 'gyur ro/ /tshul 'bras bu dag lung bstan to zhes bya ba la sogs pas nyes pa sbom por gsungs pa ni zur gyis brjod pa yin no/ /lung bsten de zhes bya ba ni bstan par bya ba ste/ 'dir ni gzhan
 dag 'bras bu ma thob par lung ston par mi byed pas 'di ltar 'bras bu dag tu bstan to zhes zer ba dang sbyar na/ 'dir gdon mi za bar 'bras bu dag thob pa dag snyam du sems par 'gyur ro/ /zur gyis brjod pa'i phyir sbom po ste/ dngos su ma smras pas pham pa
 ni med do zhes bya ba'i tha tshig go /pho nya las zhes bya ba 'dir ni rang gi tshog med pa'i phyir ro/ /brjod pa ni go bar byed pa ste/ de bzhin du 'og ma dag la yang khong du chud par bya'o/ /yi ge zhes bya ba 'di la gong du bdag nyid kyis bris la 'di skad ces zhes bya?
 ba bshad mod kyi/ 'on kyang der der ni gzhan la snyad 'dogs par bshad de/ de nyid kyi phyir 'di sus bris zhes bya ba la sogs pa gsungs so/ /smyon pa ni smyos pas tha snyad kyi blo nyams pa'o/ /nyes pa sbom por 'gyur ro zhes bya ba 'dis ni rtogs par yongs su mi
 bsal ba'i ngo bo nyid kyi phyir te/ 'di ltar gzhan gyis rtogs par bya ba'i phyir lus dang ngag gis tha snyad du byed na smyon pa'i rtogs pa gang yin pa de'i bya ba dang bya ba ma yin pa'i blo nyams pa'i phyir yongs su mi gsal ba'i ngo bo nyid yin no/ /zhes bya ba
 de ltar shes par bya ste/ de bzhin du 'og ma dag la yang shes par bya'o/ sems g.yengs pa ni gang gi sems rlung la sogs pa'i rang bzhin las nyams pa'o/ /cher bas nyen pa ni sdug bsngal gyi tshor ba rnams kyis sems nyams pa'o/ /'on
 pa? ni rna ba nyams pa'o/ /nyes pa sbom por 'gyur ro zhes bya ba 'di ni rtogs pa po nyid ma yin pa'i phyir ro/ /'di ltar rnam par rig byed kyi 'bras bu ni don rtogs pa kho na ste/ de ni de'i don du zhugs pa'i phyir ro/ /de yang 'di la 'bras bu mang pa'i
 phyir te/ de bzhin du 'og ma dag la yang shes par bya'o/ /glen pa ni rtogs par mi nus pa'o/ /ra ro ba ni 'bru'i chad dang sbyar ba'i chad la sogs pas ra ro bar gyur pa'o/ /rab tu myos pa ni gsang sngags dang sman la sogs pa'o
 snyoms par zhugs pa ni sems mnyam par bzhag pa 'am/ sems med pa'o/ /'gro ba gzhan na gnas pa ni lha la sogs pa'i 'gro bar skyes pa'o/ /nyes pa sbom por 'gyur ro zhes bya ba 'di la ni tha snyad las 'das pa'i phyir te/ 'di ltar mi'i
 yul la lhag par spyod pa gang yin pa de tha snyad thams cad kyi zhing yin pa'i phyir dang/ rang gi 'gro ba yin pa'i phyir te/ gzhan la ni ma yin no snyam du dgongs pa yin no/ /dbus ni yul dbus su skyes pa'o/ /mdza' 'khob pa'i skad ni
 yul mdza' 'khob pa'i skad de/ 'di ni rtogs pa mang ba'i phyir ro/ /mdza' 'khob pa ni yul mdza' 'khob pa'o/ /lus kyi rnam par rig byed ni lus kyi byed pa'o/ /nyes pa sbom por 'gyur ro zhes bya ba 'di la ni rnam par rig byed yongs su
 gsal ba med pa'i phyir ro/ /tshig med pas lus kyi rnam par rig byed kyi rnams par rig par byed pa ni don rtogs pa rdzogs par mi 'gyur ro zhes bya ba'i tha tshig go /dben? pa zhes bya ba ni gnas stong bar ro/ /dben pa'i 'du shes ni yul
 stong pa'i 'du shes so/ /nyes ba sbom por 'gyur ro zhes bya ba 'di la ni dben pa na nyan pa po med pa'i phyir dang/ dben pa 'du shes na yang bsgrag pa'i blo med pa'i phyir rnam par rig byed yongs su rdzogs pa med do/ /de'i phyir sbom por 'di ni
 sbyor ba las byung ba yin te dngos gzhi la ni ltung pa med do/ /dben? par mi dben? pa'i 'du shes kyis zhes bya ba la sogs pas nyes pa sbom por gsungs pa ni sbyor gtogs pa ste/ /dben pa na nyan pa po med pa'i phyir ro/ mi dben par dben pa'i
 'du shes kyis zhes bya ba la sogs pas sdom por gsungs pa ni sbyor bar gtogs pa kho na ste/ mi dben pa na nyan pa po yod pa'i phyir dang/ dben par 'du shes pa na yang bsgrags pa'i blo med pa'i phyir ro/ /mi dben par mi dben pa'i 'du shes
 kyis zhes bya ba la sogs pas mthar 'gyur bar gsungs te/ mi dben pa na nyan pa po yod pa'i phyir dang/ mi dben par 'du shes na yang bsgrag pa'i blo yod pa'i phyir te/ de bzhin du 'og ma dag la yang ci rigs par shes par bya'o//
 'di skad du ma bsams pa'i nyan pa pa la mi'i chos bla mar gyur pa bsgrags pa gang yin pa de la yang pham par 'gyur ba kho na zhes zer ba dag yod ces grag? go?/ de ni 'dul ba 'dzin pa gzhan dag mi 'dod de/ 'di ltar rnam
 par rig byed kyi don ni brjod par 'dod pa'i gang zag gis rtogs pa yin nam bsams pa la bsgrags pa la ni brjod par 'dod pa'i gang zag gis rtogs pa med na de ji ltar 'bras bu yongs su rdzogs pa med pa pham pa zhes bya
 ba de bas na ma bsams pa la bsgrags pa la ni sbom por 'gyur la/ bsams pa la bsgrags pa la ni pham pa'o zhes bya ba'i tha tshig go /gsang sngags sam sman ngag gis bdag nyid mi gda' ? bar bgyis nas zhes bya ba la sogs
 pas nyes pa sbom por 'gyur bar gsungs pa ni mi snang bar smras na tha snyad du mi rung ba'i phyir te/ 'di ltar mi snang bar smras na tha snyad du mi rung ba nyid dang/ rnam par rig byed nyid yongs su ma rdzogs par snang ba'i phyir te/ gzhan
 las mi'i chos bla mar gyur pa smras na zhes bya ba la sogs pas nyes pa sbom por 'gyur bar gsungs pa ni rang gi tshig med pa'i phyir ro/ /gong du pho nyal sogs pas bshad mod kyi/ 'on kyang pho nya las zhes smos pas
 lkog tu gyur pa nyid du shes par bya la/ gzhan las zhes smos pas ni mngon sum du shes par bya ste/ 'di gnyis kyis khyad par ni de yin no/ /gzhan dag gi slang du zhes bya ba la sogs pas nyes pa
 spom por 'gyur bar gsungs pa 'dir ni bdag nyid kyi phyed kyi yan lag med pa'i phyir ro/ /'di ltar slob ma la sogs pa'i nor 'grub par bya ba'i ched du/ bdag nyid la bstod par mi'i chos bla mar gyur pa smra bas gzhan
 gyi 'dod pa'i don sgrub par byed do/ /de bzhin du 'di dang 'dra ba 'og ma dag la yang ci rigs par shes par bya ste/ rang gi tshig dang bdag nyid la bstod pas zhes 'byung ba'i phyir ro/ /pho nya las dang gzhan las dang?
 gzhan dag gi phyir zhes bya ba bcad pa'i kha na ma tho ba'i bslab pa'i gzhi dag la na smad par 'byung gi rang bzhin gyi kha na ma tho ba dag la ma yin te/ gzhan gyi gnod pa bsal ba'i ched du dgra gsod pa dang/ gzhan gyi
 don du mi tshangs par spyod pa bsten pa dang sngon chung mar gyur pa'i bud med las bu bskyed pa'i phyir khu ba 'byin pa dang/ de nyid kyi yongs su gdung ba dang bral bar bya ba'i phyir lus ngag la rnam par byed pa la dngos gzhi
 med par 'gyur du 'ong ngo/ /de lta bas na pho nya la sogs pa las mi'i chos bla mar gyur pa smras na dngos gzhir 'gyur ba kho na'o/ /de bzhin du kun tu smras pa dang bsngags pa brjod pa la sogs pa la yang ci rig
 par shes par bya'o/ /zhus pa ni so sor thar pa la sogs pa rnam par 'byed pa dang/ nges par 'dzin pa dang/ gtan la 'beb pa'o zhes bya ba'i tha tshig go /kha che ba las zhes bya ba 'di la ni 'di skad ces grag ste/
 ston pa 'das pa'i gsung rab la/ bram ze rgyal po rgyal ba shes zhes bya ba bstan pa la sdang ba zhig byung bar gyur nas des bstan pa la gnod pa mang po byas par 'gyur te/ mchod rten dag kyang bshig /dge 'dun gyi kun dga' 
 ra ba dag kyang bsregs/ /dge slong rnams kyang bsad/ sangs rgyas kyi bka' i glegs bam rnams kyang phong por bcer nas bsregs so/ de nas rim gyi dge slong rnams kyis yul dang gnas sna tshogs dag nas sde
 snod gsum gyi glegs bam thams cad bsdus nas bcom brlag lag tu yang dag par bsdu ba byas te gzhung bla ma'i glegs bam ni ma rnyed do/ /de dag gis 'di ltar kha che'i yul na dge slong zhig gzhung bla ma 'don to zhes thos nas/ de dag gi
 phyir kha che'i yul du dong ste/ de'i drung du phyin nas smras pa kho bo cag gis khyod gzhung bla ma 'don to zhes thos pa gang yin pa de rje kha ton gyis shig /de smras pa/ cung zad cig ni dran/ cung zad cig ni mi dran no/ /de nas de dag gis ji lta bu
 zhig dran pa de kho na bzhin du smros shig ces smras pa dang/ des de kho na bzhin du kha ton byas so/ /dge slong rnams kyis kyang gzhung bsdu bar bya ste/ phyis tshig dang tshig gi don rnam par spyad pa'i sgo nas sbyar bar bya'o snyam du bsams par
 bris pa las phyis 'phral gyi bya bas rnam par g.yengs nas dus ring mo zhig gi bar du ji lta ba bzhin du ma sbyar ro/ /dge slong gzhan dag kyang yul gzhan dag na gzhan du 'don par gyur to/ de nyid kyi phyir yang dag par bsdus pa'i gzhi ?
 nyams pas gzhung bla ma 'di la 'don pa yang rnam pa du ma la/ don kyang rnam pa du ma ste de'i phyir btsun pa yon tan 'od kyis 'dul ba bshad pa la yang dang yang du zhus pa la la las 'di skad du 'byung ngo zhes bshad do/ /bdag gis kyang 'dir
 gzhung gi rnam par rtog pa dag phyogs dang phyogs su bstan par bya ste sngar yang bshad zin to/ /sbyar ba ni gzhung gzhan du byas pa'o/ /de bas na 'phags pa nye bar 'khor gyis zhus pa 'di kha che'i dge slong las rnyed pa las na nye
 bar 'khor gyis zhus pa kha che ba zhes bya ste/ klog pa ni tshigs su bcad pa gcig lan gsum bzlas pas so zhes bya ba bcom brlag pa las byung ba'i lung rnyed pa bzhin no zhes brjod do/ /'phags pa nye bar 'khor gyis zhus pa'i gzhung rgya gar
 yul pa yang sho lo ka nyis stong tsam gyis tshang cig la lan spyod pa kho na'o/ /smra ba'i pham pa gtan la dbab pa'o/ /gzhung bla ma'i tshig dka' ba rnam par bshad pa rigs pa dang ldan pa slob dpon mdo sde 'dzin pa dge ba'i bshes gnyen
 gyis bkod pa las pham pa rnams rdzogs so/ /ched du bsams nas zhes bya ba ni dbyung bar bsams pas so/ /khu ba phyung na zhes bya ba la/ khu ba ni dga' byed des 'dis dga' bar nus pa'i phyir ro/ /gzhan dag na re nyon mongs pa can gyi yid
 bde ba dang ldan pa'i phyir gdung ba dang bral bar 'gyur bas zhes zer ro/ /khyad par ma smos pa'i phyir sngon po dang ser po la sogs pa khu ba rnam pa lnga char bzung ngo/ /de 'byin pa ni lus kyi rtsol bas dbang po'i gnas nas spang pa'o//
 de bas na gang gi tshe sems dang/ lus kyi rtsol ba dang/ 'byin pa 'di gsum yod na de'i tshe dge 'dun lhag mar 'gyur ro zhes bya ba'i don to/ /ci'i dus thams cad du 'am zhe na/ smras pa ma yin te/ rmi lam gyi ma gtogs zhes bya ba
 'byung ste/ rmi lam nyid rmi lam gyi'o/ /de ma gtags pa ni gnyid ma log pa'i gnas skabs kyis so/ /'di ltar rmi lam gyi gnas skabs na ni lus dang ngag gi rnam par rig byed dang rnam par rig byed ma yin pa'i gzugs rtag pa 'jug
 par mi nus so/ /rmi lam gyi sems kyang rnam par shes pa'i tshogs lnga la sogs pa dang 'dra bar kha nang du bltas par 'jug pa yid kyi rnam par shes pa yin la/ tha snyad ni kha phyir blta ba'i sems kyis slong bas de'i phyir 'di yin no/ /'dir khu ba
 'byin pa la rmi lam gyi smos pa ste/ mi tshangs par spyod pa la sogs pa kha na ma tho ba gzhan dag la yang tshul 'di rung ba'i phyir ro/ /'dir ni byung ba'i dbang gis 'di byung bar zad do/ /'dir tshul ni khu ba 'byin pa'i rgyu can gyi dge 'dun lhag ma ni
 khu ba ni khu ba 'byin pa'i dge 'dun lhag ma'o zhes bya ba de ltar shes par bya'o/ /'gyur ba ni thams cad du sbyar ba'i phyir 'gyur ro zhes bya ba'i tshig khong nas drang ste/ de bzhin du ltung ba 'og ma dag la yang ci rigs par sbyar ro zhes bya ba'i sgra
 khong nas drang ngo/ /brtsams pa ni reg pa'i bya ba cung zad rnyed pa la sogs pa byed pa'o/ /phyung ba ni sngon gyi shugs kyis rang gis gnas nas 'phos pa'o/ /nyes pa sbom por 'gyur ro zhes bya ba 'dir nyes pa sbom por gsungs pa ni sbyor bar
 gtogs pa yin no/ /gnyid log pa'i tshe zhes bya ba la sogs pa la/ brtsams pa ni gnyid log pa'i gnas skabs nas mkhyung ba dang 'o byed pa la sogs pa'i bya ba byed pa'o/ /phyung ba ni rang gi gnas na 'bebs la da dung spubs su ni ma phyin po
 skad cig ma gsum pa la sogs pa la gnas pa'o/ /nyes pa spom por 'gyur ro zhes bya ba 'dis/ nyes pa spom por gsungs pa ni reg pa dang cung zad nom pa la sogs pa'i bya ba byed pa la dang po'i gnas nas sbog go zhes bya ba yan lag med
 pa'i phyir spubs su phyin pa 'byin pa yin no/ /de bas na 'di ni gang zhig spubs su phyin pa 'byin pa la spom por gsungs pa'i phyir de phan chad skad cig ma gsum pa la sogs pa la na smad pa med do snyam du sems pa de'i gzhung lugs bzlog pa'i
 phyir ro/ /ltung ba med pa ni gnyid log pa'i rtsol ba las byung ba'i phyir dang/ de ltar yang rtsol ba med pa'i phyir ltung ba med par gsungs pa yin no/ /zhus pa la la las ni 'di skad du gnyid log pa'i rtsol bas byung na gal te ro
 myang bar byed na nyes pa spom por 'gyur ro zhes 'byung ngo de la don ni 'di yin te/ gnyid log pa'i rtsol ba las byung ba'i khu ba gnas nas 'phos pa'i phyir gnyid ma log pa'i gnas skabs na cung zad bstan pa la sogs pa'i bya ba de nyid bya rA
 pa las ro myang ba yod na dang po nyid kyi yan lag med pa'i phyir/ nyes pa spom por 'gyur te/ spubs su phyin pa 'byin pa dang 'dra'o/ /gzhan dag ni gzhan du brjod de/ gnyid log pa'i gnas skabs dang/ 'o byed pa dang mkhyud pa la sogs
 pa'i rtsol bas byung ba gang yin pa de nyid kyis ro myang ba byed na spom po 'dir 'gyur ro zhe'o/ /'di ni 'dul ba 'dzin pa gzhan dag mi 'dod de/ ro myang ba tsam gyis ni ltung bar rigs pa de ma yin te/ lus dang ngag gi byed pa med na rnam par rig byed
 med pa'i phyir la/ de med na yang ltung ba med pa'i phyir ro/ /gnyid log pa'i rtsol bas ni rmi lam gyi ni med pa dang 'dra ba'i phyir gnyid ma log par rtogs pa'i ro myang ba kho na gzung ngo/ /byed pa med pa'i ro myang ba la ni yid kyi kha na ma tho bar rnam
 par gnas la/ byed pa dang bcas pa la ni nyes pa spom por 'gyur ro zhes bya ba de ltar shes par bya'o/ /de lta bas na rnam par bshad pa lnga ma nyid bzang ngo/ /de la gzhung 'di gnyis las ni go skabs dang bcas pa yin no/ /snga ma ni go skabs
 med pa yin no/ /spubs su phyin pa sngar 'phags pa bar skabs su zhu ba'i rgyun sa zhes bya ba'i spubs na 'dug pa yin no/ /nyes pa spom por 'gyur ro zhes bya ba 'dir spom por gsungs pa ni dang po'i gnas nas 'byin pa med pa'i phyir ro//
 gnas nas 'phags ma thag tu zhes bya ba ni dang po gnas nas 'phos pa'o/ /yang ci khu ba la 'khris pa bzhin du gnas nges pa 'ga' zhig yod dam/ ci na 'di ltar gnas nas 'phags ma thag tu zhes brjod ce na/ khu ba la gnas kyis khyad nges pa ni
 'ga' yang med kyi/ 'on kyang 'di ni khu shugs bzhin du lus rnams las 'byung bar 'gyur te/ ji lta bu ram shing gi rang gi yan lag dag las khu shugs dang/ 'bru las 'bru mar dang/ zho las mar 'byung ba ltar sems kyis khyad
 par du byas pa'i lus ngag la sogs pa'i dbang gis khu ba 'phags pa 'di yang de dang 'dra bar shes par bya'o/ /'phags pa de yang de dus shes pa rnams na re gang gi tshe 'dod chags shas che ba nyid dang/ nyams su myong ba shin tu gsal
 ba nyid dang/ snying 'dar ba la sogs pa lus kyi 'gyur ba 'byung ba de'i tshe na zhes brjod na/ phyin par 'gyur ba ni 'jug par 'gyur ba ste/ 'di ltar khu ba gnas nas 'phags ma thag tu skad cig ma gcig gis kyang rab tu mi tshod par
 rtsol ba'i dbang gis spubs su 'jug par 'gyur ro/ /bskyod de btang ba las zhes bya ba ni bskyod pa ste/ 'phags shing shugs phyung la 'jug thogs su 'phags par byas nas khu ba 'byin la/ lus dang yid dag gis bzlog pa las zhes bya
 ba'i tha tshig go /phyung ba ni rtsol ba bzlog kyang sngon gyi sbyor ba'i dbang gis dang po'i gnas nas 'phags te/ spubs su phyin cir dbang por son pa snang ba'i ngo bor 'gyur ro/ /nyes pa spom por 'gyur zhes bya ba 'dir spom por gsungs
 pa 'di ni sbyor ba las byung ba yin gyi/ dbang po mdza' nas 'byin pa la ni ma yin te/ de nas 'byin pa la ni dang po las 'byin pa med pa'i phyir dang/ spubs su phyin pa la 'byin pa med pa'i phyir gci ba dang 'dra ba nyid du rnam par gnas so/
 dang po mdza' nas byung ba na dga' ba shin tu shas che ba nyid du 'gyur la/ 'byin pa'i don gyis bsgrub pa yang yongs su rdzogs pa ma yin nam zhe na/ de lta bu ni yod mod kyi 'on kyang 'dul ba 'dzin pa rnams ni de ji ltar 'bras
 bu'i gtso bor gyur pa'i phyir reg pa bdag gir byed pa dang por kho na la mi tshangs par spyod pa 'byung gi gzhan gang du yang ma yin pa ltar 'dir yang de dang 'dra'o zhes zer ro/ /gnas nas 'phags pa ni gang zhig skad cig ma gnyis pa la
 dang po'i gnas 'phags par 'gyur ba de la de skad ces bya'o/ /ma btsal bar zhes bya ba ni chags par 'gyur ba'i gzugs mthong ba la sogs pa'i rgyus rtsol ba med par gyi nang 'gyur ba'i phyir ro/ /byung ba ni dang po'i gnas nyid nas so//
 bdag gir mi byed pa ni ro myang ba mi byed pa'o/ /bdag gir byed na zhes bya ba la sogs pas nyes pa spom por gsungs pa 'di ni rtsol ba dang bcas pa ro myangs pa'i phyir spubs su phyin pa 'byin pa dang 'dra'o/ /rtsol ba med par bdag
 gir byed pa la ni yid kyi kha na ma tho bar gnas pas de'i phyir 'dir shes par bya'o/ /btsun pa re zhig dge slong zhes bya ba la sogs pas mtshan gyur na ltung byed du 'gyur bar gsungs pa ni 'di ltar dge slong ma rnams la ni khu ba byung na
 ltung byed du bstan pa'i phyir te/ ji ltar skyes pa rnams rang gis brtsal na bsam pa nyams pa stobs dang ldan par 'gyur bar dge slong ma rnams ni de ma yin pas de la dge 'dun lhag mar rnam par mi bzhag go /dge slong ma zhes bya ba la sogs
 pas mtshan gyur na dge 'dun lhag mar gsungs pa ni/ mtshan gyur pa ni de'i zhing nyid yin no/ /byas pa ni de nyid yin no zhes bya ba 'byung ba'i phyir ro/ /zag byed ni yan lag skyes so/ /nyes pa spom por 'gyur ro zhes bya ba 'di la kha
 cig na re gzhan gyi yan lag skyes las 'byin na nges par bdag nyid la 'byin par gtogs pa'i rgyur 'byung bas de'i phyir 'di gsungs so zhes zer ro/ 'di ni 'dul ba 'dzin pa gzhan dag mi 'dod de/ 'di ltar 'di la 'byung ba ni yin lag nyid ma
 yin no/ /'o na ci zhe na/ 'byin par 'dun pa la sogs pa yin no/ /'di la yang 'byin par 'dun pa la sogs pa rtsa bar byed par gtogs pa'i yan lag lhag ma rnams ni yod kyi/ 'dir rang gi khu ba nyid ces bya ba'i yan lag gcig gcig
 med pa 'ba' zhig tu zad pas de med pa'i phyir spom po 'dir 'gyur gyi bdag nyid 'gyur ba'i phyir ni ma yin no/ /dge slong ma la ni gzhi ji lta ba bzhin no zhes bya bas ni 'byin pa'i 'dun pas ni ltung ba med/ /de med na ni nyes byas so zhes bya ba'i
 tha tshig go /zhus pa la la las 'di skad du/ btsun pa dge slong gi yan lag skyes cung zad ma nyed pa bdag gir bgyid na cir 'gyur lags/ nyes pa spom por 'gyur ro/ /kun tu ma nyed pa bdag gir bgyid na cir 'gyur lags/ nyes
 pa spom por 'gyur ro/ /mngon par 'tshir ba bdag gir bgyis na cir 'gyur lags/ gnyes pa spom por 'gyur ro/ /yan lag skyes las su rung ba la nyug na cir 'gyur lags/ nyes pa spom por 'gyur ro/ /sman gyis 'byin par bgyid
 na cir 'gyur lags/ nyes pa spom por 'gyur ro zhes 'byung ngo/ /nom dang kun tu nom pa dang/ 'tshir ba dang ni nyug pa dang/ sman dag tha mar byas nas ni/ 'byir pa'i bsdu ba gzhan yin no/ /'di dag gi don ni 'di yin te/ cung zad
 ma nyes pa ni yan lag skyes kyi phyogs gcig cha chung ma nyed pa'o/ /kun tu ma nyed pa ni yan lag skyes kyi phyogs thams cad khyab par ma nyed pa'o/ /mngon par 'tshir ba ni yan lag skyes chad par bzung nas 'tshir ba'o/ /las su rung
 ba ni 'dren pa'o/ /de'i phyir yan lag skyes las su rung ba la dbyung ba'i 'dun pas nyug na lag pa la sogs pa sems can du ma nyed pa ni nyes pa sbom por 'gyur ro/ /sems can du bgrad ba ma yin pas ni nyes byas so
 zhes de ltar shes par bya'o/ /sman ni ka tsa ka'i 'dab ma la sogs pa khu ba 'byung bar byed pas so/ /sman gyis 'byin pa 'di la ni yan lag skyes pa la rag pa'i yan lag gcig kho na med pas dngos gzhi'i dus na 'dod chags
 kyis 'gyur ba yod na sbom po 'dir 'gyur bar shes par bya'o/ /med na ni nam yang ltung ba med de/ gci ba dang 'dra ba'i phyir ro/ /'byin ba'i dge 'dun lhag ma gtan la dbab pa'o// //dral ba ni 'dod chags kyis smras pa ste
 de lta bas na 'dis ni 'dod chags kyis dbang gis reg pa'i dge 'dun lhag ma la sogs pa gsum du 'gyur ro zhes ston par byed do/ /gyur pa ni gyur par song ba ste/ yul de dang 'brel bar 'dod par gyur pa zhes bya ba'i tha
 tshig go /'dis ni reg pa la sogs pa'i bde ba don du gnyer ba la ltung ba 'di gsum du 'gyur ro zhes ston par byed do/ /de phyir tshig gnyis smos pa ni/ ma la sogs pa gsal ba'i ched yin no/ /lus kyi reg pa ni lus dang chad
 med par phrad pa'o/ /lag pa nas gzung ba'am zhes bya ba la sogs pas ni lus kyi reg pa'i ngo bo bstan to/ /lan pa ni skra lhas pa'o/ /'am zhes bya ba'i sgra ni 'dir bsdus pa yin te/ des na lag pa dang rkang pa dang/
 lan bu la sogs pa la 'dzin pa rtsom pa gcig tu gyur pa med pa las dge 'dun lhag ma gcig kho nar 'gyur gyi re rer ni ma yin no zhes bya ba'i tha tshig go /gang dag 'am zhes bya ba'i sgra rnams ni rnam par rtog pa'i don
 yin pa nyid du khas blangs nas len bu la reg pa la yang dang sa gzhir smra ba de dag gi ltar na rnam par 'byed pa'i ltung ba bstan pa las lan bu ma smos pa dang 'gal la zhes bya bar shes par bya'o/ /yan lag ni lag pa la sogs pa
 yan lag gi gtso bo'o/ /nyid lag ni sor mo la sogs pa la sogs pa yan lag gi gtso bo ma yin pa'o/ /nom pa ni chung zad rag pa'o/ /nyug pa ni bdag nyid thams cad kyis so/ /bdag gir byed pa ni ro myang bar byed pa'o/ /
 lus ni 'byung ba dang/ 'byung ba las gyur pa 'dus pa'o/ /dbang po ni deg pa la dbang byed pa'i phyir ro/ /nyams pa ni 'bras bu la sogs pas ma rung ba'o/ /nyes pa sbom por 'gyur ro zhes bya ba 'di ni reg pa'i bde ba nyams su
 myong ba yongs su rdzogs pa med pa'i phyir ro/ /gnyis ni dge slong dang bud med dag go /nyes byas so zhes bya ba 'di ni gnyi ga nyams pa nyid yin na shin tu yang reg pa'i bde ba nyams su myong ba med pa'i phyir ro/ /'di ltar 'dul
 ba 'dzin pa rnams na ra reg pa'i bde ba nyams su yong ba med na de tsam gyis lus kyi cha nyams pa nyid yin par shes par bya ste/ nyams pa dag nyid lhag ma dag la ni rog pa nyams su myong ba rdzogs par byed par 'gyur pa kho
 na'o zhes zer ro/ /de 'di ltar yin nam zhes bya ba ni bdag 'dod pa'o/ /de 'di ma yin pa zhes bya ba ni bdag mi 'dod pa'o/ /'di bud med yin nam 'on te ma yin snyam pa ni bud med yin na ma 'on te skyes pa yin snyam du sems pa'o/ /
 dngos po ji lta ba bzhin no zhes bya ba 'di ni re zhig gal to bud med yin na de la dge 'dun lhag mar 'gyur ro/ /'on te skyes pa yin ma ni de las sbom po ste/ 'di ltar skyes pa dang lhan cig lus kyi rag pa la nyes pa sbom po ba 'chad par
 'gyur ro/ /sos zhes bya ba ni bdag nyid kyi'o/ /sa dag la zhes bya ba ni yul du gyur pa dag ste/ de bzhin du rma la sogs pa 'og ma dag la yang ci rigs par sbyar ro/ /de la sos zhes bya ba la sogs pas sbom por gsungs
 pa ni reg pa'i ro yongs su rdzogs pa med pa'i phyir te/ 'og ma rma dang spu dang sen mo dang sha med pa rnams la yang gtan tshigs ni 'di kho na yin no/ /rma ni na la sogs pa las byung ba'o/ /spus zhes bya ba la ni mtshan khung dang 'doms la sogs
 pa na yod pas so/ /nyes pa sbom por 'gyur ro zhes bya ba ni 'di la lus nyid med pa'i phyir ro/ /gang dag lan bu la reg ba la yang dngos gzhir smra ba de dag la yang gtan tshigs ni 'di kho na 'byung ngo/ /gal te lus la reg pa bzhin du 'di la reg
 na re nye bar gnas pa'i phyir ro zhe na/ de ni spu la reg pa la yang mtshungs ste/ 'di ltar mtshan khung dang 'doms na yod pa'i spu la reg na dpung ba dang byin pa la sogs pa'i lus la reg pa las kyang ro lhag par nye bar gnas mod kyi lus nyid
 med pa'i phyir de la dngos gzhi med pa nyid du ni mi 'dod do/ /ro nye bar gnas pa las kyang 'dir yan lag nyid ma yin te/ 'dod chags shas chen po rtsol ba mi byed bzhin du tshul bzhin ma yin pa'i yid la byed pa'i dbang gis ro shin
 tu chen po nyams su myong ba la yang dngos gzhi thal bar 'gyur du 'ong bas so/ /gal te 'o na ji ltar so sor thar pa'i mdo las lan bu las bzung ba 'am zhes gsungs she na zhes de ni byung ba'i dbang gis gsungs kyi/ de yan lag ni ma
 yin te/ rang gis blangs pa'i skud pa thag tu 'jug pa dang 'dra'o/ /rnam par 'byed pa las lan bu nas bzung ba 'am zhes bya ba lan bu zhes bya ba ni skra dang/ de dang 'brel ba'i gos so zhes gsungs pa ma yin nam zhes na de skad du
 gsungs mod kyi lan bu nas bzung ba la dge 'dun gyi lhag mar ni ma gsungs so/ /gal te 'o na ji ltar rnam par 'byed pa las smos she na/ byung ba'i dbang gis 'ongs pa'i mdo'i tshig de kho na don rnam par dbye ba'i phyir yin gyi/ ltung ba bstan pa las ma
 gsungs pa'i phyir 'dir yan lag tu gsungs pa ni ma yin te/ 'di ltar dge slong gang dag dral cing gyur pa'i sems kyis bud med dman chung mi tshangs par spyod pa'i 'khrig pa las byung ba'i chos bsten par bzod pa nyid pa gang yin pa de la
 spyi bo nas nom par byed pa na gos kyis bar du mchod pa la no ma na dge 'dun lhag mar 'gyur ro/ /gos kyis bar du chod pa la nom na nyes pa sbom por 'gyur ro/ /spyi bo la ji lta ba de bzhin du dpral ba dang/ mchu dang/ kos ko dang/ rna ba dang/
 sna dang/ mgrin pa dang/ phrag pa dang/ mtshan khung dang/ rtsib logs dang/ rgyab dang/ brang dang/ rked pa dang/ brla dang/ byin pa dang/ rje dar dang/ rkang pa'i thor to dang/ tha na rkang pa'i mthe bong la nom par byed na gos kyis bar du mchod pa la
 nom na dge 'dun lhag ma'o/ /gos kyis bar du chod pa la nom na dge 'dun lhag ma'o/ /gos kyis bar tu chod pa la nom pa nyes pa sbom por 'gyur ro zhes gsungs pa 'dis na ltung ba bstan pa thams cad du dbang po dang bcas pa'i lus
 kho na ltung byed du gsungs kyi lan bu la sogs pa dbang po med na lus kyi ma yin pa'i gzugs rnams ni ma yin no/ /de ltar yang tha na rkang pa'i mthe bong la reg par byed na zhes bya ba 'dir thams cad nye bar bsdus nas/ mdza' rab tu
 ston par mdzad pa'o/ /bcom ldan 'das kyis la la dbang po med pa dag la yang dngos gzhi med pa nyid du sems par gyur na mi rung ngo snyam nas rnam par spyad pa'i phyir lus kho na rab tu bstan te/ /de lta ma yin na sen mo dang skra dag
 mdza' yin pa'i phyir bde bar gshegs pas tha na sen me 'am/ skra dag la reg par byed na zhes de skad du mdza' bstan par 'gyur ro/ /de'i phyir lus ma yin pa'i phyir lan bu dang/ de dang 'brel pa'i gos la reg pa ni sbom
 por byed pa nyid kho nar 'dod par bya ste/ sen mo dang so dang spu la reg pa bzhin no zhes bya ba'i tha tshig go /mi'i bud med la mir 'du shes pas zhes bya ba la sogs pas dge 'dun lhag mar gsungs pa la ni sbyor ba yod pa'i phyir dang/
 bsams pa'i don grub pa'i phyir ro/ /mi la mi ma lags par 'du shes pas zhes bya ba la sogs pas sbom por gsungs pa ni sbyor ba yod pa'i phyir ro/ /dngos gzhi la ni ltung ba med pa kho na ste/ mi ma yin pas mir 'du shes pa yang
 de dang 'dra'o/ /mi ma lags pa la mi ma lags par 'du shes pas zhes bya ba la sogs pas sbom por gsungs pa ni sbyor ba yod pa'i phyir dang/ bsams pa'i don grub pa'i phyir ro/ /mi ma yin pa mo smos pas ni khyad par ma brjod
 pa'i phyir ro/ /sems can dmyal ba dang/ dud 'gro dang/ yi dwags dang/ lha'i 'gro bar skyes pa rnams 'phangs te/ 'gro ba gzhan na gzhan par 'byung ba yang de dang 'dra ba kho nar shes par bya'o/ /tha snyad du dud pa'i 'gro ba'i
 lus la reg pa la dga' ba kun tu skye ba ji lta bar tha snyad du mi rung ba'i 'gro ba la ni de lta ma yin pas de'i phyir 'di yin te/ smyon pa la sogs pa 'byung ba yang de dang 'dra'o/ /bar chad dang bcas pa la bar chad dang bcas par 'du
 shes pas zhes bya ba la sogs pas sdom por gsungs pa ni bar du chod pa'i phyir dang/ /reg pa'i bde ba rdzogs pa med pa'i phyir ro/ /bar chad dang bcas pa la bar chad med par 'du shes pa la sbom por gsungs pa la ni bar du chod pa'i phyir dang/
 bsams pa'i don ma grub pa'i phyir ro/ /bar chad med pa la bar chad dang bcas par 'du shes pa la sbom por gsungs pa ni bsam pa'i don ma grub pa'i phyir ro/ /bar chad med pa la bar chad med par 'du shes pa la dge 'dun lhag mar gsungs pa'i bar du
 chod pa med pa'i phyir dang/ reg pa'i bde ba yongs su rdzogs pa yod pa'i phyir ro/ /bud med gzhan zhig dang zhes bya ba la sogs pas nyes pa sbom por gsungs pa ni bsams pa ma yin pa'i phyir ro/ /bud med kyi ro dang zhes bya ba la sogs pas dge 'dun
 lhag mar gsungs pa 'di ni lus tsha ba la reg pa'i bde ba nyams su myong ba yod pa'i phyir te/ snyoms par zhugs pa dang gnyid log pa zhes 'byung ba la yang de dang 'dra ba nyid du shes par bya'o/ /sha ma mchis pa ni sha dang bral ba'o/ /rnam pa ji lta bu zhe na
 rus pa'i rus gong zhes bya ba gsungs te/ rus pa'i khog pa'o/ /la la bar bar na sha med kyi thams cad du ma yin pa yang yod pas de'i phyir rus pa'i rung gong zhes khyad par du mdzad do/ /bud med dang lhan cig ces bya ba la sogs pas
 nyes pa sbom? por gsungs pa ni reg pa'i pham par gtogs pa yin te/ 'di ltar dge slong ma rnams la pham par gtogs pa'i sbom por bshad do/ /dge 'dun lhag mar gtogs pa'i ni ma yin te/ dge slong ma rnams la de med pa'i phyir ro//
 gzhan dag ni gzhan du brjod do/ /ltung ba'i rgyu mtshan chung ngu las ltung ba chung ngu kho nar 'gyur gyi/ chen por ni ma yin no zhe'o/ /'dir dpe brjod pa yang byed de/ khri gcig la reg pa dang bcas par nyal ba'i dge slong dag gi nyes byas ni/ dge
 slong ma nyid dag tu gyur na nyes byas kho na yin gyi ltung byed ni ma yin no zhes zer ro/ /'di ni 'dul ba 'dzin pa gzhan dag gzhung 'di kho na tshad mar byas nas mi 'dod de/ ltung ba'i rgyu mtshan chung ngu las kyang ltung ba chen por kun nas ldang ngo/
 gal te sbyor ba chung ngu las ltung ba chen por kun nas ltung bar mi 'gyur na de lta na ni dge 'dun gyis lhag mar gtogs pa'i sbyor ba las pham pa'i sbom po kun nas slong ba 'dir yang mi 'gyur te/ 'di ltar dge 'dun lhag ma'i
 ris pas ni pham pa'i ris che ba'i phyir ro/ /gzhan yang gnas gyur par 'dra ba'i phyir ji ltar gnas gyur pa'i dbang gis sbyor ba'i don chen po las ltung ba'i chung ngu kun nas ldang bar 'gyur na de bzhin du sbyor ba'i don chung ngu las kyang ltung
 ba chen po kun nas ldang bar 'gyur dgos na/ de la sbyor ba don chen po las ltung ba chung ngu kun nas ldang bar 'dod kyi/ don chung ngu las chen po ni ma yin no zhes bya ba'i khyad par gang yin pa'i 'dis ga la rnyed/ 'di la ni lung yang gang las kyang de skad du 'byung
 ba med do/ /kha cig 'di skad du btsun pa re zhig dge slong skyes pa dang lhan cig lus kyi reg la de la yang mtshan gyur nas dge slong mar reg na cing 'gyur lags/ mthar 'gyur ro zhes gsal bar du ni 'don to/ /'dis ni sbyor ba don chung ngu las ltung ba chen
 por kun nas ldang bar 'gyur ba gang yin pa bsgrubs par 'gyur ro/ /de'i phyir khri gcig la reg pa ang bcas par nyal ba'i dge slong dang? dge slong ma nyid du ltung byed kho nar 'grub par shes par bya ste/ kha na ma tho ba byas nas mtshan gyur
 pa la yang lugs ni 'di kho na yin no/ /'di ni de kho na ltar yin no/ /de lta ma yin na dge slong ma khu ba 'byin pa'i ltung byed yod pa las dge slong nyid du gyur na ltung byed kho nar 'gyur gyi/ dge 'dun lhag ma yin no/ /de yang mi 'dod de 'di
 ltar dge slong la ni khu ba 'byin pa'i ltung byed ma bshad pa nyid do/ /der 'dod na yang ltung byed dgu bcu rtsa gcig nyid du 'gyur ro/ /dge slong ma skyes pa dang lhan cig lus kyi reg pa las mtshan gyur na sbom por gsungs pa 'di ni skyes
 pa dang lus kyi kun tu reg par gtogs pa yin no/ /dge slong skyes pa dang zhes bya ba la sogs pas nyes pa sbom por gsungs pa ni bud med nyid med pa'i phyir ro/ /'jam pa ni shin tu byil ba'i gos so/ /rnam grangs gzhan du ni byil byil po zhes bya ba
 yin te/ de ni shin tu 'jam pas so/ /gnyen pa ni shing bal la/ /yang na 'jam pa ni mi rtsub pa'o/ /mnyen pa ni mi khro ba'o/ /dro ba ni pags pa'i gos kyi khyad par te/ de ni shin tu dra bas so/ /nyes pa sbam por 'gyur ro zhes 'dir sbom po gsungs
 pa ni yul du gyur pa 'jam pa dang mnyen pa dang dro ba shin tu byil ba'i gos dang/ shing bal dang/ mi rtsub pa dang/ mi khro ba dang pags pa dag la go rim bzhin du 'jam pa dang/ snyi ba dang dro ba'i rnam pa nyams su myong ba ci 'dra ba 'byung ba/ de 'dra
 ba'i nyams su myong ba ltung byed yin gyi/ nyon mongs pa can gyi reg pa'i bde ba nyams su myong bar 'dod pa nyid ni ma yin no/ /ma ning chung ma la zhes bya ba ni kun tu chags pa'i sems med par mdza' ba/ kun tu spyod pa ni bcugs par bya ba yin
 te/ de'i ched du reg pa ni nyes pa med do/ /de bas na ma la sogs pa la 'du shes pa la kun tu chags pa dang/ mtshungs par ldan pa'i bde ba nyams su myong bar 'dun pa med pa'i phyir dang/ bcugs par bya ba'i ched yin pa'i phyir ltung
 ba med do zhes bya ba da ltar shes par bya'o/ /gtum po ni seng ge la sogs pa ni mi bzang ba rnams so/ /gnod sbyin ni sha za rnams so/ /mi ma yin pa ni yi dwags rnams so/ /gzhan yang nyam thag par de lta bu dag las zhes bya ba ni bshad
 pa la ma gtogs pa'i phongs pa g.yangs sa dang/ dug za ba dang/ mtshon dang/ 'geg pa la sogs pa'i sdug bsngal dag las te/ 'di lus kyi reg pa'i bde ba kun tu chags pa dang mtshungs par ldan pa nyams su myong ba'i 'dun pa
 med pa'i phyir dang/ sdug bsngal las thar par bya ba'i phyir shes par bya'o/ /dge slong ma skyes pa dang zhes bya ba la sogs pas skyes pa mtshan gyur na nyes pa sbom por gsungs pa ni reg pa'i pham par gtogs
 par shes par bya ste/ 'di ltar dge slong ma rnams la reg pa'i pham par gtogs pa'i nyes pa sbom por bshad do/ /dge 'dun lhag mar gtogs pa ni ma yin te/ dge slong ma rnams la de med pa'i phyir ro/ /lhag ma ni rtog
 par bla bas rnam par ma phye'o/ /lus kyi reg pa'i dge 'dun lhag ma gtan la dbab pa'o/ /gnas ngan len pa'i ngan pa'o/ /de la gnas ngan len ces bya ba ni nyes por de len cing kun tu len pas na gnas ngan len to/ /nyes pa skyed par byed pa ste/ kun
 nas slong ba dang rang gi ngo ba'i sgo nas smad pa'o zhes bya ba'i don to/ /sdig pa can ni ngan song du ltung ba'i phyir te/ 'dis ni 'bras bu'i sgo nas smed par mdzad pa yin no/ /tshogs par mi 'byung ba ni 'khor gyi nang du brjod du mi
 rung ba ste/ 'di ni 'jig rten gyi smad pa brjod do/ /de lta na 'o na ni rdzun gyi tshig kyang de dang 'dra bar 'gyur ro zhe na/ de'i phyir 'khrig pa dang ldan pa zhes bya ba gsungs te/ mi tshangs par spyod pa dang ldan pa rgya zhes bya ba dang/ rna ru zhes
 bya ba'i sgra sten par byed pa'o/ /de nyid bstan pa'i phyir 'di ltar zhes bya ba gsungs te dper na'o/ /skyes bu ni skyes bu lang tsho la bab pa ste/ khyim pa 'byin ma pa zhes bya ba'i tha tshig go/ na chung ni chung ma la sogs pa'o/ /des na ji ltar skyes
 bu lang tshe na chung la rgya la sogs pa'i don du smra ba de bzhin du zhes bya ba'i tha tshig go/ yang na zhes bya ba'i sgra ni/ dang zhes bya ba'i sgra'i don te/ des na dral cing gyur pa dang/ rgya la sogs pa'i don gyis ltung ba 'dir 'gyur gyi/ gang
 yang rung ba zhig ma tshang ba ni ma yin no zhes bya ba'i tha tshig go /yang na nges par bzung ba yin te/ des rgya la sogs pa'i don kho nas ltung ba 'dir 'gyur gyi/ skyes bu 'phyon ma pa mdzes so zhes bya ba la sogs pas smras pa ni ma yin zhes bya ba'i don to/ /
 smras na zhes pa ni brjod na'o/ /dben pa la dben par 'du shes pas zhes bya ba la sogs pas nyes pa sbom por gsungs pa ni sbyor bar gtogs pa yin te/ de dang 'dra ba gzhan dag la yang de dang ba kho nar shes bya'o/ /sprul ba ni sems can du bgrang ba
 ma yin pa shing la sogs pa'i rgyu la gsang sngags dang/ sman la sogs pas bsgrubs pa'o/ /nyes pa sbom por 'gyur ro zhes bya ba 'di kha na bud med dang 'dra ba'i phyir bud med do snyam pa'i blos zhugs pa'i phyir 'di sbyor bar gtogs pa yin par shes
 par bya'o/ /dngos gzhi la ni bsams pa ma yin pa'i phyir ltung ba med do/ /de lta bas ma yin na sems can du bgrang ba ma yin pa'i don dag la yongs su shes pa med pa'i phyir 'khrig pa dang ldan (pa smras na ni nyes par smras pa dang legs par) smras pa don yongs su shes
 par 'dod pa nyid kyang med la bud med nyid kyang ma yin pas yan lag gnyis ma tshang ba'i phyir 'dir nyes byas su 'gyur gyi skabs nyid ni thag bsrings pa yin no/ /kha cig 'dir bdun tshan 'don te/ de ni 'di la don 'brel ba med pa yin no/ /'di ltar
 ltung ba 'di ni bla mar gyur pa'i chos smra ba la sogs pa bzhin du rang gi tshig la rag lus pa yin no zhes de ltar khong du chud par bya ste/ tshig la rag las pa'i brlab pa'i gzhi 'og ma dag la yang de dang 'dra bar shes par bya'o/ /mdzes pa ni bzang po'o
 sbom por gsungs pa ni 'di dang 'og ma la yang de las bde ba nyams su myong ba'i bdun pa la sogs pa yod la rgya la sogs pa'i don ni med na yin par shes par bya'o/ /sdig pa can ni mi bzang ba'o/ /zhus pa la la las 'di skad du/ dge slong gis
 bud med la 'di skad du tshur nga dang lhan cig tu 'dug par gyis shig /tshur nga dang lhan cig nyol cig /tshur nga la bgo sha kyis shig ces smras na cir 'gyur lags/ nyes pa sbom por 'gyur ro zhes kyang 'byung ste/ 'dir yang nyes
 pa sbom por gsungs pa ni rgya la sogs pa'i don med pa'i phyir de las bde ba nyams su myong ba'i bdun pa la sogs pa yod na shes par bya'o/ /gzhan dag ni gnas ngan len gyi sems kyis gnas ngan len gyi tshig smras pa na tha na rgod bag
 tsam gyis kyang rung/ thams cad du sbom por 'dod do/ /'di ni 'dul ba 'dzin pa gzhan dag ni mi 'dod do/ 'dir ni 'di ltar kun tu chags pa yan lag nyid du bshad kyi gnas ngan len tsam na ma yin no/ /rgod bag tsam gyis smras na yang
 sdom por rigs ma yin te/ rgod bag gi bsam pas lus dang ngag 'gyur bar mi bya'o/ /zhes bya ba 'dir khyad par med par nyes byas su gsungs pa'i phyir ro/ /de lta bas na rnam par bshas pa snga ma nyid bzang ngo/ /btsun pa re zhig dge
 slong zhes bya ba la sogs pas mtshan gyur na nyes byas su gsungs pa ni pham par gtogs pa ste/ 'di ltar dge slong ma la smra ba'i dge 'dun lhag ma ni med kyi 'on kyang chags pas chags pa dang lhan cig rgod bag med na sbom po'o zhes
 bya ba la sogs pa'i tshul gyis skyes pa la smra na ni pham par gtogs pa'i sbom por rnam par bzhag go /mtshan 'thun pa la smras na ni sbom po sbyor ba yin pa'i phyir nyes byas so/ /dge slong ma zhig ces bya ba la sogs pas mtshan gyur na bom
 por gsungs pa ni skyes pa la smra bar gtegs pa'o/ /dge slong ma la ni nyes pa sbom por 'gyur ro zhes bya ba 'dir ni pham par gtegs pa ste/ snga ma bzhin no/ /'khrig pa dang ldan pa smra ba'i dge 'dun lhag ma gtan la dbab pa'o// //
 che zhes bya ba ni srid mo la bod pa'i tshig go /gal te che zhes smras nas ji ltar de dang lhan cig 'dur rung zhe na/ tshig 'ba' zhig gis 'khrig pa las byung ba'i dngos po bdag gir byed par sems pa'i phyir nyes pa med do/ /yang na 'di la mo mtshan yod pa na sru
 ste/ des na 'di mi tshangs par spyod pa bya bar bzod pa yin gyi/ mtshan ma tsam yod pa ni ma yin zhes bya ba'i tha tshig go /bsnyen bkur rnams kyi nang na zhes bya ba ni dmigs kyis bsal ba'i drug pa yin no/ /des na bsnyen bkur gzhan dag pas 'di
 yon tan gyis mchog nyid du nges par 'dzin to zhes bya ba'i tha tshig go /'di lta ste zhes bya ba'i tshig 'di ni bsnyen bkur pa smras pa rnams kyi rang gi ngo bo bshad pa nye bar ston pa'i tshig go /da lta bu zhes bya ba ni bdag 'dra ba ste/ 'dis ni bdag nyid rigs
 dang/ gzugs dang/ 'o bza' ba la sogs pa'i yon tan dang ldan pa nyid du bstan to/ /dge slong zhes bya ba 'dis ni gzhan yongs su bzung ba med par bstan to/ /dge slong de ji lta bu zhig ce na/ tshul khrims dang ldan pa zhes bya ba la sogs
 pa smos te/ tshul khrims dang ldan pa ni tshul khrims kyi phung po dang ldan pa'i phyir ro/ /bsil bar gyur pa'i phyir tshul khrims te/ 'di skad du/ tshul khrims yang dag blangs na bde/ /lus la yongs su gdung ba med ces gsungs pa lta bu'o//
 dge ba'i chos can ni ting nge 'dzin gyi phung po dang ldan pa'i phyir te/ yongs su dag pa nyid kyi gser bzang po dang 'dra'o/ /tshangs par spyod pa ni shes rab kyi phung po dang ldan pa'i phyir te/ des ni mya ngan las 'das pa zhes bya ba'i tshangs par  
 spyod cing 'gro zhes bya ba'i don to/ /de bas na 'dis ni bdag nyid zhing nyid du rab tu bsgrags pas 'bras bu che ba nyid du brjed par byed do/ /chos 'dis zhes bya ba ni bsnyer bkur zhes bya ba'i dngos pos so/ /chos ji lta bu zhig gis shes na
 'khrig pa dang ldan pa zhes bya ba gsungs te/ 'khrig pa las byung ba'i don brjod pa rgya zhes bya ba dang/ rna ru zhes bya ba'i sgra dang ldan pas zhes bya ba'i tha tshig go /bsnyen bkur byed pa ni bkur ste byed pa'o/ /bsngags pa brjod pa ni
 yon tan smras pa'o/ /de nyid bstan pa'i phyir 'di ni zhes bya ba la sogs pa smos te/ 'di ni mchog yin no zhes bya ba ni bsnyer bkur 'di kho na phul du byung ba'o zhes bya ba'i sgra ni rnam pa'o/ /bdag nyid ni rang gi'o/ /de bdag ni phung po'i
 rgyu nga'o snyam du dmigs pa rgyu tha mi dad pa yin no/ /de smos pa yang gzhan rnam par bcad pa'i phyir te/ gzhan gyi don du smras pa la na smad par 'byung ba'i phyir ro/ /lus kyi bsnyen bkur zhes bya ba la bsnyen bkur ni skyes pa la bud
 med kyi bya ba'i rim gro ste/ 'khrig pa las byung bas lus las rim gro byed pa zhes bya ba'i tha tshig go/ gzhung bla ma ni/ btsun par re zhig dbus kyi dge slong zhig gis mdza' 'khob pa la dbus kyi skad kyis zhes bya ba la sogs
 pa yin no/ /dge slong mas bsnyen bkur bsngags pa la ni nyes byas su brjod do zhes bya ba ni 'dul ba mdor bsdus pa las ma brtags pa yang yin par gsungs pa'i phyir ro/ /'di lta bud med ni 'khrig pa las byung ba la bsnyen
 bskur byed pa yin gyi/ bsnyen bkur bya ba ni ma yin te/ bsnyen bkur bya ba yin pa'i bdag nyid kyi bsnyen bkur bsngags pa brjod pa yang 'thad pa ma yin no/ /'di ltar yang skyes pa ni 'dir mchod par bya ba'i cha la rnam
 par gnas te/ de'i sems bsrung ba'i ched du bya ba la 'jug pa'i phyir ro/ /bud med ni bral gyi cha la rnam par gnas te/ 'di ltar de ni gzhan gyi don du spyad pa yin pa'i phyir ro/ /bsnyen bkur bsngags pa'i dge 'dun
 lhag ma gtan la dbab pa'o/ /'das pa yang ma lags zhes bya ba la sogs pa ni 'dus ma byas pa nyid kyis dus su ma gtogs pa'i phyir ro/ /'gro ba dang phyir 'ong ba yang ma mchis pa'i ni phung po'i lhag ma med pa'i mya ngan las 'das pa la gnas pa la
 phyir 'ong ba med pa'i phyir ro/ /las kyi mdza' 'jug gi mthar phyin pa ni 'phags pa'i lam bsgoms pa (nyon mongs pa dang nye ba'i) nyon mongs pa la sogs pa thams cad kyi mthar phyin pa'i mchog bsnyes pa'i phyir te/ tshigs su bcad pa las/ zhi ba'i go 'phang bla na med/ /mtshan
 ma thams cad zad par 'gyur/ /rnam byed go 'phang mi g.yo ba/ /'di ni mthar thug cho ga yin no zhes bya ba'i phyir ro/ /mya ngan las 'das pa ni nyon mongs pa zhi ba'i phyir ro/ /gal te zhu ba 'di'i skabs su ci zhig 'bab ce na/ las kyi mdza' i 'jug gi mthar
 thug pa 'dra bas tshig zur gyis zhus pa 'di yin no/ /'dul ba las ni zhu ba las dang lan 'di lta bu dag 'byung ste/ sprul pa zad pa'i zhus pa dang lan lta bu'o/ /de las 'di skad du/ gang zhig 'gro ba dag tu ma gtogs pa la mya ngan
 las 'das pa yang ma lags/ bstan pa la yang mi 'jug pa mya ngan las 'das pa yang ma lags pa de gang zhig lags/ bka' stsal pa/ sprul pa'o zhes bya ba la sogs pa 'byung ste/ 'di ni kho nar las ma go nas 'chad par 'gyur ro//
 'gro ba dang phyir yod pa mchis pa ni len pa dang/ mir skye ba rnams med pa'i phyir ro/ /las kyi mdza' i 'jug pa'i mthar phyin pa'i spyod par byed pa'i 'bras bu yongs su rdzogs par byed pa'i phyir ro/ /'dis ni len pa dang skye ba rnams kyang
 byas la sprad par yang 'gyur na/ dge 'dun lhag mar 'gyur gyi gzhan ni zhes bya bar bstan to/ /smyan byed pa ni pho nya'i ngo bo ste/ smyan pho nya'i ngo bo 'am/ las yin pa'i phyir ro/ /bud med la skyes pa'i tshig ni bud med kyi yul la
 skyes pa'i tshig gis so/ /skyes pa la bud med kyi tshig gis skyes pa'i yul la bud med kyi tshigs so/ /des na skyes pas bcol bas dge slong bud med kyi yul la phrin rtsom na zhes bya ba'i tha tshig go/ kyang rung zhes bya ba'i sgra gnyis
 smos pa ni so sor ltung ba nyid yin par bstan pa'i phyir ro/ /ji ltar bud med la skyes pa'i tshig gis she na/ chung ba nyid dam zhes bya ba la sogs pa smos te/ chung ba nyid ni ngo bo ma thon gyi chung ma nyid do/ /mdza' na mo nyid ni 'khyud pa'i
 (bud med do/ /des na skyes pas bud med do/ /des na skyes pas) bud med la khyod kyis nga khyer ro gzung zhig ce 'am/ /nga'i mdza' na mo gyis shig ces sprid ba de lta bu'i ngo bo'i phrin len na ltung ba 'dir 'gyur ro zhes bya ba'i tha tshig go /gzhan dag na re mdza' na mo zhes
 smos pa ni skyes pa dang bud med gnyi ga la yang sbyar bar bya ste/ des na bud med la skyes pa'i tshig gis ni bud med kyi yul la skyes pa tshig gis nga kho na khyor zung zhes bya ba dang/ de bzhin du skyes pa la bud med kyi tshig gis ni
 skyes pa'i yul la bud med kyi tshig gis nga khyod kyi mdza' na mor gyis shig ces bya ba'i don 'dir 'gyur ro/ /de la mdza' na ni 'khyud de 'khrig pa las byung ba lhag mar spyod pa'i phyir grags par zad do/ /de'i skad cig ni byed
 pa'i skad cig de nyid bsdus pa de dus re zhig pa zhes bya ba'i tha tshig go/ kyang zhes bya ba'i srid pa ste/ des na re zhig dus thung ngu zhig bud med la skyes pa'i tshig gis smyan byas na yang ltung ba 'dir 'gyur na dus ring por lta
 mos kyang ci dgos zhes bya ba'i tha tshig go /phrin ni phrin pa'i las so/ /skyel ba ni phrin skyel ba'o/ /phyir skyel ba ni phrin slar go bar byed pa'o/ /nyes pa sbom por 'gyur ro zhes bya ba ni 'di la gsum par rang bzhin du gnas
 pa'i len pa dang/ phyir skyel ba dag na byed na dge 'dun lhag mar 'gyur ro/ /gsum char bsnyom pa'i byed na ni spom po ste/ 'di ltar dran pa nyams pa'i yul la zhugs pa'i nyams pa shin tu tshabs che bas 'gyur gyi/ spyir smras pa'i phyir khyad par
 la mi bsten par bud med nyos shig ces smras pa la ni ma yin no/ /gzhan dag na re 'di la bsam pa nyams pa shin tu tshabs chen por ni yan lag nyid ma yin te/ bsam pa chung ngus dbyen byed pa yongs su rdzogs na yang dge 'dun lhag
 ma slong ba'i phyir ro/ /de lta bas ni nyes byas su gsungs pa 'di ni sprad par bya ba'i ched du ma yin par rnam par bshad par bya'o/ /de'i phyir bud med nyos shig ces bya ba la sogs pa la nyes byas su gsungs pa ni sprad pa'i bsams pa med na yin par shes par
 bya ste/ 'di ltar 'di la ma grub pa bsgrub par bya ba'i don nyid la sogs pa spyod pa'i yan lag thams cad yod par sprad par bya ba'i ched du yin na spom par 'gyur dgos pas ji ltar nyes byas zhes brjod do/ /bud med che ge mo zhig yos shig
 ces bya ba la sogs pa la nyes pa sbom por gsungs pa ni sprad par bya ba'i ched du ma grub pa bsgrub pa'i phyir bud med che ge mo zhig nyos shig ces bya ba phrin skyel ba'i mtshan nyid sprod pa'i ngo bo 'di smras na de yin no/ /zhus pa la las 'di skad du/
 chung ma 'di nyos shig ces 'chi na cir 'gyur lags/ nyes pa sbom por 'gyur ro zhes 'byung ngo/ /'di la yang don ni de kho nar zad kyi 'on kyang tshig tsam tha dad de 'di ltar 'di la yang sprad par bya ba'i ched nyid dang ma grub par bsgrub pa'i don
 nyid dang/ phrin skyel ba la sogs pa yod pas/ sbyor bar 'gyur ba'i phyir nyes pa sbom por gsungs pa 'di nyid yin/ /bsnyen par ma rdzogs par smyan bgyid par sbyor ba bgyid pa la zhes bya ba la sogs pa ni 'dir pho nya ni rang nyid yin no zhes 
 'byung ba'i bsnyen par ma rdzogs pa'i smyan bgyid par sbyor bar bgyid la zhes bya ba la sogs pas bsnyen par rdzogs te phyir skyel ba la nyes pa sbom por gsungs pa 'di ni phyir skyel ba tsam la yang nyes pa sbom por 'gyur
 ba kho na'o zhes bya ba 'dis bstan pa yin te /'di dag byed na tha dad pa nyid yin no zhes 'byung ba'i phyir ro/ /de bzhin du 'og ma dag la yang shes par bya'o/ /spo ba ni dge 'dun lhag ma byung ba bcabs pa'i rgyu mtshan can gyi chad pa'i las byed
 pa'i phyir ro/ /spo ba bgyid pa ni spob spyad nad rung 'di la mgu bar bya ba ma yin pa'i phyir ro/ /mgu bar bgyid pa spyod pa ni spo ba spyad nas dge 'dun mgu bar bya ba'i phyir zhag drug tu chad pa'i la spyod pa'i phyir ro/ /mgu bar bgyid pa spyad pa ni
 zhag drug tu mgu bar bya ba spyad nas da rung 'di la dbyung ba ma byas pa'i phyir ro/ /mgu bar bya ba gsol ba las zhes bya ba la sogs pa ni bcabs pa med pa'i phyir ro/ /bcabs pa'i nyes pa sbom po gzhom pa'i phyir spo ba byin na de la yang bcabs
 pa med do/ /des na 'di la spo ba ma bstan to/ /mgu bar bya ba phal cher spyod pa ni mgu bar bya ba mang du spyad pa'i phyir ro/ /ltung ba gcig gis ni spo ba byas pa yin no zhes bya ba ni 'di zhag gcig bcabs pa gang yin pa ste/ dge 'dun gyis 'di ni
 de'i zhag gcig spo ba sbyin pa'i phyir ro/ /gnyis pas ni spo ba yin no zhes bya ba ni 'di'i zhag gnyis bcabs pa gang yin pa ste/ dge 'dun gyis 'di la de'i zhag gnyis spo ba sbyin pa'i phyir ro/ /gsum pas ni mgu bar bya ba spyad pa yin no zhes bya ba ni
 'dis ma bcabs pa gang yin pa ste/ dge 'dun gyis 'di la mgu bar bya ba kho na sbyin pa'i phyir ro/ /gzhi pas ni mgu bar bya ba spyad pa yin no zhes bya ba ni mgu bar bya ba spyad pa 'dis ltung ba'i phyir ro/ /de'i phyir 'og ma dag la yang gang yang rung ba
 zhig ma tshang na yang ci rigs pa nyid du sbom po nyid du shes par bya'o/ /rang bzhin du gnas pa ni dran pa ma nyams pa ste/ sems rnam par gnas pa zhes bya ba'i tha tshig go /gal te ji ltar na smyon pa las phrin blangs nas rang bzhin du gnas pa la phyir
 skyel bar rung zhe na/ smyon pa'i gnas skabs pa las blangs nas yang de nyid rang bzhin du gnas pa la skyel ba'i phyir nyes pa'i skabs med de/ de bzhin du 'og ma dag la yang ci rigs par shes par bya'o/ /de la tshar dang po la ni thams cad
 smyon pa kho na yin no/ /gnyis pa la ni dang po dang bar ma dag smyon pa yin mdza' ma ni rang bzhin du gnas pa yin no/ /gsum pa la ni dang po dang tha ma dag smyon pa yin la bar ma rang bzhin du gnas pa yin no/ /bzhi pa la ni dang po smyon pa yin la
 bar ma dang tha ma dag rang bzhin du gnas pa yin no/ /lnga pa la ni thams cad rang bzhin du gnas pa kho na yin no/ /drug pa la ni dang po dang bar ma dag rang bzhin du gnas pa yin la tha ma smyon pa yin no/ /bdun pa la ni dang po dang tha ma dag rang
 bzhin du gnas pa yin la bar ma smyon pa yin no/ /brgyad pa la ni dang por rang bzhin du gnas pa yin bar ma tha ma dag smyon pa dag yin no/ /dbang ba ni khye'u la 'jug pa dang/ bzlog pa dag dang/ bu mo la sbyin pa dang/ 'phrog pa dag tu nus
 pa'i dbang po ste/ ma la sogs pa'o zhes bya ba'i tha tshig go /bzlog pa ni mi dbang pa'o/ /de la tshar dang po la ni thams cad dbang ba kho na nyin no/ /gnyis pa la ni dang po dang bar ma dbang ba yin la tha ma mi dbang ba yin no/ /gsum pa la ni dang
 po dang bar ma dang ni mi dbang ba yin la tha ma dbang ba yin no/ /bzhi pa la ni dang po dbang ba yin la/ bar ma dang tha ma dag mi dbang ba yin no/ /lnga pa la ni thams cad mi dbang ba kho na yin no/ /drug pa la ni dang po dang bar ma dag mi dbang ba yin no/
 bdun pa la ni dang po dang tha ma dag dbang pa yin no/ /bar ma mi dbang ba yin/ /brgyad pa la ni dang po mi dbang ba yin la bar ma dang tha ma dag dbang ba yin no/ /de'i phyir phrad par bya ba khye'u dang bu mo dag gis dbang po la sogs pa
 las phrin len par byed na phrad par bya ba kho na las de blangs pa dang/ bstan par shes par bya ste/ phrin pa bye brag med pa'i phyir ro/ /'di ltar 'di ni sprad pa 'bras bu nyid yin pa de gang las 'grub pa de ni 'dir yan lag nyid yin na de yang
 dbang ba las 'grub par 'gyur ro/ /dbang ba nyid kyang res 'ga' ni sprad par bya ba'i bsten can yin la res 'ga' ni gzhan gyi rten can yin pas/ de'i phyir 'di kha na ma tho ba yongs su rdzogs par byed pa nyid yin no/ /'brel kyang rung ma 'brel
 kyang rung sprad par bya ba las mi dbang ba gang gang yin pa de las phrin lan pa la ni sbyor bar gtogs pa'i nyes byas su 'gyur te/ 'di la ni sprad pa med de/ mi dbang bas de 'grub pa med pa'i phyir ro/ /sprad par bya ba las phrin yang ma blangs pa
 go bar yang ma byas pas yan lag du ma tshang ba'i phyir sbyor ba las byung ba'i nyes byas kho na gsungs pa bzang ngo/ /bud med nyos shig ces smras pa las nyes byas su gsungs pa 'di la kha cig ni spyir smras pa'i phyir khyad par la ni mi brtan
 pas 'dir nyams pa'i shin tu tshabs che ba nyid ma yin te/ de'i phyir nyes byas su 'dir gsungs te/ 'di ltar 'og nas bud med che ge mo zhig nyos shig ces smras nas sbom por 'chad par 'gyur ba gang yin pa de la ni che ge mo zhig ces de ltar
 khyad par la brten pas bsam pa byas pa'i phyir ro/ /'di ltar gal te 'di mgu bar bya ba'i spyod pa ma yin pa zhig tu gyur na/ de spyod pa bar skabs su ltung ba yod la/ ltung ba mthun pa yang spyod na gzhi nas spo ba kho nar gsungs par 'gyur te/
 'di dag byed pa las de ge 'dun lhag ma 'byin na de dag nyams par byas pa yin no zhes bya ba la sogs pas sbom por gsungs pa ni mi yin la gcig ni mi ma yin no snyam du dgongs pa yin/ /'dis ni gnyi ga mi yin na ltung ba 'dir 'gyur ro zhes
 bstan to/ /de'i phyir gang yang rung ba zhig ma tshang na sbom por 'gyur ro/ /de bzhin du 'og ma dag la yang ci rigs par shes par bya'o/ /gzhon nu ma la zhes bya ba sogs pas sbom por gsungs pa ni grub pa la rigs par bya'o/ /'di ltar
 'di ni sngar pa la sogs pas bdag po la byin pa kho na yin te/ de'i phyir sngar byin pa len pa dang/ skyel ba dang/ phyir skyel ba dag byed na ltung ba 'dir 'gyur ro/ /gal te khyad par 'di la mi brten na de'i tshe yan lag thams cad yod na/ ji
 ltar sbom por brjod na 'dir yan lag thams cad yod na dge 'dun lhag mar bstan pa'i phyir ro/ /gzhan dag na re nyes pa sbom po 'dir sprad par bya ba'i chad du ma yin te/ 'di ltar sprad pa'i ched du yan lag thams cad yod na dge 'dun
 lhag mar 'gyur dgos na ji ltar sbom po zhes bya/ de'i phyir 'di ni sprad par bya ba'i ched ma yin par shes par bya'o zhes zer ro/ /gzhan dag na re 'di ni glegs bam thams cad las mi 'byung bas tshig 'di 'ga' zhig gis sgro btags
 pa yin te/ brtsad du yang med las lan du gdab kyang mi dgos so zhes zer ro/ /bu ma mchis pa zhes bya ba la sogs pa la bu med pa med pa ni gang dag la da rung de dag gi chung ma rnams kyi ltar 'ga' yang ma chags pa yin mod kyi/ 'on kyang
 ma 'ongs pa na 'byung bar 'gyur ba de dag gi bdag po ma la sogs pa kho na la ma skyes pa dang/ 'brel pa'i tshul gyis smyan byed pa'i phyir ro/ /nyes pa sbom por 'gyur ro zhes bya ba 'di la 'dul ba 'dzin pa kha cig na re thob pa grub mod
 kyi sman pa gzhan gyi dbang gis nam mkha' la zhags pa 'debs pa bzhin du ma grub pa nyid du sems la snang ste/ nges par skye na yang 'di la bu mo 'di khyod kyis nga la byin zin kyis/ gzhan la ma byin cig ces sgran dgos pas
 de'i phyir 'di shes par bya'o zhes zer ro/ /'di ni 'dul pa 'dzin pa gzhan dag mi 'dod te/ 'di star ltung ba byin pa po'i yid la ma grub pa nyid du sdud? pa ni yan lag gang yang ma tshang pa nyid du ma bshad do/ /'di ltar 'di la ni grub pa'i
 blo yang yan lag nyid ma yin la/ yan lag ma tshang ba med par yang sbom por mi 'thad de/ yan lag tshang na dngos gzhir thal bar 'gyur ba'i phyir ro/ /de lta bas na mdal na gnas pa'i la ni sbran pa la gzhan gyi dbang nyid kyis de las
 sbyor ba las byung ba'i sprad pa med pa'i phyir nges par skyes nas yang de la 'di khyod kyis nga la byin zin gyis gzhan la ma sbyin cig ces sbran dgos pas so zhes bya ba de ltar brjod par bya'o/ /de ltar byas na 'di la dngos gzhi mi slong ba'i rgyu
 ni sprad pa med pa yin no zhes bya bar bshad par 'gyur ro/ /gang gi tshe 'brel pa'i khyad par gyi dbang gis sngon gyi sbyor ba de kho nas phrad par 'grub kyi yang sgran? pa ni mi bltos pa de'i tshe ni yan lag rnams tshang ba'i phyir dngos gzhir
 'gyur ba kho na'o/ /yan lag tshang yang sbom por gsungs pa'i phyir mtshan nyid dang/ 'gal bar 'gyur du 'ong bas sbom por gsungs pa 'di ni phal cher 'jig rten grags pa'i dbang gis yang sgran? dgos pa bshad pa yin bar lta
 bar bya ste/ mngal na gnas pa rnams kyi smyan byed pa la yang tshul ni 'di nyid yin no/ /kha cig gis zhus pa las de skad du/ gcig gis mngal na ni khyed bu mchis la/ cig shos la ni bu mo mchis la/ de nyid smyan bgyid na cir 'gyur
 lags/ nyes pa sbom por 'gyur ro zhes 'byung ste/ 'di la yang don ni 'di kho nar zad de 'on kyang tshig tha dad do/ /za ma zhes bya ba la sogs pa la/ 'dir ba ma ni pho'i dbang po med pa'i phyir ro/ /'di ni len pa dang skyel ba dang/ phyir skyel ba dag byed na
 sbom por shes par bya'o/ /'di ltar za ma la sprod par 'gyur ba mi srid pa kho na te/ de'i phyir 'di shes par bya'o/ /ma ning mo zhes bya ba la sogs pa la/ ma ning mo ni 'dir mo'i dbang po med pa'i phyir ro/ /'di la yang sprod par 'gyur ba med pa'i
 phyir len pa la sogs pa gsum po 'ba' zhig la sbom por shes par bya'o/ /zhus pa la la las ni mi gzhan rnam par ma ning la smyan bgyid na cir 'gyur lags/ nyes pa sbom por 'gyur/ /des rnam par ma ning zhes bya 'byung ste/ de las
 na mtshan gnyi ga med pa la 'dir rnam par ma ning zhes bya ste/ 'di yang ma ning bzhin du sbom po kho nar shes par bya'o/ /za ma dang ma ning ma dang/ rnam par ma ning la sogs pa 'di dag ni dbang du ma byas par kha dang bshad pa'i lam
 dag la sbom po 'di gsungs te/ 'di dag la smyan byed na ni shin tu sdig pa'i phyir dang/ ma grags pa'i phyir dngos gzhi kho nar 'gyur ro zhes bya ba de ltar shes par bya'o/ /che? mo ni bu mo'i bu mo'o/ /yang na tsha mo ni tsha mo'i bu mo'o/ /gzhan
 dag na re tsha mo'i bu mo'i bu mo'o/ /yang tsha mo ni tsha mo'o zhes zer ro/ /gal te dge 'dun thams cad kyis shes par bya ba la sogs pas dge 'dun lhag mar gsungs pa ni thams cad kyis re re zhing sbyor ba byas pa'i phyir te/
 'di ltar ltung ba 'byin pa mang po lhan cig tu lan pa la sogs pa sgrub pa thams cad kyis 'bras bu phrad pa'i mtshan nyid ces bya ba kho nar 'gyur ro/ /'di ni 'bras bu gcig pa'i phyir 'di la ltung ba 'di dag so sor slong ba mi srid do snyam
 du yid la sems par 'gyur bar shes par bya'o/ /'on te dge 'dun thams cad kyi zhes bya ba la sogs pa ni 'dir yang de dag gis grub pa'i phyir/ dge 'dun lhag mar 'gyur ba kho na ste/ dge 'dun gyi tshig gis de zhugs
 pa'i phyir ro/ /dge slong ma dang zhes bya ba la sogs pa ni tshangs par spyod pa rnams la spyod pa med pa kho na te/ de'i phyir len pa la sogs pa gsum sgrub na sbom por gsungs so/ /btsun pa re zhig dge slong zhes bya ba la sogs pas dge 'dun
 lhag mar gsungs pa ni mtshan gyur kyang 'bras bu sprad pa'i mtshan nyid yod na khyad par med pa'i phyir dngos gzhir gsungs par shes par bya ste/ mtshan gyur pa'i gsod pa bzhin no/ /kha cig ni 'di la nyes pa sbom por 'chad de/ de
 dag gi bsam pa ni mi shes so/ /brda ni 'tham pa ste mi tshangs par spyod par bya ba'i phyir slod pa zhes bya ba'i tha tshig go /lta zhes bya ba ni ci zhes bya'o/ /gzigs sam zhes bya ba ni mthong bar gyur tam zhes bya ba'i tha tshig go /ra ba'i
 drung ni nga ba'i bgab bo/ /nyes pa sbom por 'gyur ro zhes bya ba 'dir kha na ma tho ba 'di ni grub pa las phrad par bya'i ched du smra ba yin no/ /gzhan dag na re grub pa las zhes bya ba ni ma grub pa med pa'i phyir/ sbyor bar gyur pa'i smra ba
 la sbom por mi 'gyur te/ sbyor bar gtogs pa'i yan lag gcig med pa'i phyir ro/ /de skad du yang/ dge slong gis phrin blangs nas lan mang du brnyogs pa la phyis phyir skyel bar bgyid na cir 'gyur lags/ nyes pa sbom por 'gyur ro
 zhes bya ba 'di la yan lag thams cad yod kyang ma grub pa bsgrubs pa med pa'i phyir dngos gzhi la sbom por gsungs pa grub pa sgrub pa med pa na ni smad par byed pa nyid do/ /de lta bas na smra ba 'di la ma grub pa la sbom por brjod par bya'o zhes
 zer ro/ /gal te de lta na 'o na skyel bas bud med dang lhan cig brda bgyis par gyur la zhes gsungs pa gang yin pa 'di dang 'gal bar 'gyur te/ brda byas pas grub pa'i phyir ro zhe na/ de ni ma yin te/ grub pa nyid med par yang bud med dag gis mtho 'tsham pa la
 sogs pa'i don du de byed pa kho na'o/ /de'i phyir smra ba ni 'dir skyel ba nyid yin pas sbyor ba las byung ba'i yan lag yod pa'i phyir 'di shes par bya'o/ /'di la ni dngos gzhi la yang sbom po kho nar shes par bya ste/ len pa dang phyir skyel ba med na smyan yongs su
 rdzogs pa med pa'i phyir ro zhes bya ba'i don to/ /zhus pa la la las rnam pa gzhan bud med 'jal ba'i smyan bgyid na cir 'gyur lags/ nyes pa sbom por 'gyur ro/ /bdag nyid kyi smyan bgyid na cir 'gyur lags/ nyes pa sbom por 'gyur ro/ /
 'thab gos 'phrog tu 'jug na cir 'gyur lags/ nyes pa sbom por 'gyur ro/ /dge slong gis phrin blangs nas lan gnyis brnyogs pa la phyir skyel zhing phyis skyel bar bgyid na cir 'gyur lags/ dge 'dun lhag mar 'gyur ro/ /dge slong gis
 phrin blangs nas lan gsum brnyogs pa la phyis skyel zhing phyir skyel bar bgyid na cir 'gyur lags/ nyes pa sbom por 'gyur ro/ /btsun pa re zhig skyes pas bud med dang/ lhan cig brda bgyis pa las de'i drung du dge slong mchis nas 'di skad
 ces 'ga' zhig snyed dam zhes smras na cir 'gyur lags/ nyes byas so/ /'dir bsdu ba'i tshigs su bcad pa ni/ nyos dang bdag nyid 'thab dang brnyogs/ /khyod kyis bud med 'ga' rnyed pa/ zhus pa 'ga' las smyan byed pa/ /gzhung gzhan
 'byung bar bshad pa yin/ /de la don ni 'di yin te/ nyos pa zhes bya ba la sogs pa la/ nyos pa ni rdzas kyis nyos pa'o/ /nyes pa sbom por 'gyur ro zhes bya ba ni 'di la len pa la pa'i tshigs gsum yod la/ phrad par yang gyur na sbom po
 yin no/ /'di ltar 'di ni 'grub pa yin pas so/ /nyos pa'i skye bo ni de'i dbang du gyur pa'i phyir thams cad du grub pa yin pas de'i 'di shes par bya'o/ /bdag nyid kyi smyan byed pa zhes bya ba lags pas spom por gsungs pa ni skyel
 ba tsam kho na'i phyir te/ 'di la len pa dang phyir skyel ba dag ni med pa nyid do/ /'di ltar bdag nyid phrad par bya ba yin pa ni gzhan gang las kyang 'phrin bla mar bya ba yang med/ /gzhan la phyir go bar bya ba yang med kyi/ sprad par bya ba'i zla bo la bdag
 nyid kyis bsam pas rab tu bstan pa'i phyir rang gi phrin bskyal bar bya ba 'ga' zhig tu zad do/ /'di la ni phrad par yang med do/ /'di ltar phrad na 'di la pham par 'gyur ro/ /pham pa'i dus na yang smyan byed pa'o/ /dge 'dun lhag ma'i go skabs
 med pas de'i phyir 'dir gsungs so/ /'thab mos zhes bya ba la sogs pas sbom por gsungs pa 'di ni smyan byed pa yongs su rdzogs pa med pa'i phyir ro/ /dngos gzhi ma yin te/ 'di ltar khyod kyis der 'thab mos thul khug phyung zhig dang/ bdag
 gis de 'phrog go zhes bya ba de lta bu'i phrin blangs nas 'thab mo'i thabs kyis 'phrog tu 'jug pas 'dir len pa tsam zhig smyan byed par 'gyur gyi/ gzhan ni ma yin pas 'di yongs su rdzogs pa'i ngo bo nyid yin no zhes bya ba'i tha tshig go /lan
 gnyis brnyogs pa zhes bya ba la/ lan ni res so/ /des de yang yang du goms pa ni lan la brnyogs pa'o/ /bud med gang la lan gnyis brnyogs pa ste/ res gnyis phrad par gyur pa yod pa 'di? skad ces bya'o/ /lan mang du brnyogs pa ni gang
 la lan mang po brnyogs par gyur pa yod pa de la de skad ces bya'o/ /de'i phyir 'dir lan gnyis brnyogs pa'i 'og tu smyan byas na dngos gzhir bshad de ma grub pa yin pa'i phyir ro/ /lan mang du brnyogs pa la ni sbom por byed pa nyid du bshed
 grub pa yin pa'i phyir ro/ /'dis ni ma grub pa smyan byas na dngos gzhi'o/ /grub pa la ni sbom po zhes bstan pa yin no/ /'di ltar lan gnyis brnyogs pa gang yin pa de la ni/ de tsam gyis ma grub pa yin te/ 'di ltar yang mgu ba tsam gyi dbang gis rin med par
 yang de dang phrad pa'i don grub pa'i 'byung ba yod pa'i phyir ro/ /lan mang du brnyogs pa la ni yang dang yang du goms pa'i phyir nges par gyur pa'i dngos po grub pa yin pas de'i phyir 'di shes par bya'o/ /lan mang du brnyogs pa zhes 'dir mang po'i sgra phyir
 grags pa ma yin nam/ mang po nyid kyi mtshams gang nas shes par bya zhe na/ smras pa/ gsum pa la sogs pa la 'dir lan mang ba nyid du gsungs par shes par bya'o/ /'di ltar lan du brnyogs pa zhes bya ba 'dir ni lan gsum pa la mang po nyid du
 gsungs pa nyid yin te/ de ni lan gnyis pa'i 'jug thogs yin pa'i phyir ro/ /lan gnyis brnyogs pa zhes bya ba 'di la yang/ phyis zhes bya ba ni lan gsum pa kho na yin par gsungs par rnam par gnas te/ de kho na 'jug thogs la nyid kyi lan/
 gnyis pa dang nye ba'i phyir ro/ /'ga' zhig rnyed dam zhes bya ba la nyes byas su gsungs pa ni yan lag du ma nyid ma tshang ba'i phyir te/ 'di ltar 'ga' zhig rnyed dam zhes bya ba'i sbyor ba 'dis ni gtod pa yang ma yin te/ ma grub pa grub par bsgrub pa'i don
 gyi/ sprod pa'i ched ston pa yang ma yin la/ len pa dang skyel ba dang phyir skyel ba rnams kyang med pas de'i phyir gsungs so/ /zhus pa gzhan las 'di sbom po byed pa nyid du bshad pa ma yin nam/ 'di ltar btsun pa re zhig skyes pas bud med dang lhan
 cig brda bgyis pa las de'i drung du dge slong mchis nas 'di skad ces 'ga' rnyed dam zhes mchis na cir 'gyur lags/ nyes pa sbom por 'gyur ro zhes 'byung na/ de la sbom po 'di gang gis bslang bar shes par bya zhe na/ 'dul ba 'dzin pa rnams na ?
 'di ni nyes byas las nor bar yin par rig par bya'o/ /yan lag gcig ma tshang na sbom por brjod na/ 'di la ni yan lag du ma tshang ngo/ /yan lag du ma mtshang na yang nyes byas su bshad pa'i phyir te/ 'di ltar 'ga' rnyed dam zhes smras ba
 ni 'di 'dra ba'i ngo bo yin pas 'di ma grub par bsgrub pa'i don nyid kyang med la/ sprad par bya ba tshad nyid kyang med/ len pa la sogs pa yang med pas spom po'i go skabs lta yod re skan zhes zer ro/ /smyan byed pa'i dge 'dun lhag ma gtan la dbab
 pa'o/ /bdag ni bdag nyid de bdag ces smos pas ni de la sbyar ba gzhan gyis blangs na yang rang gis blangs pa nyid yin no/ /bslangs pa ni bslang ba'i gzhis bya bar 'dod pa ste/ ma bslangs pa la ni na smad pa yod pa'i phyir ro/ /bdag po med pa ni gang
 gis bdag po mi snang ba'o/ /gzhan dag na re bdag po med pa ni bdag po gzhan med pa'o zhes zer ro/ /bdag gi phyir zhes bya ba ni bdag nyid kyi ched du cig tu bcug pa yin gyi gnyis dang gsum dang bzhi la sogs pa'i phyir ni ma yin te/ gnyis
 kyi spyi la ni sbom por gsungs pa'i phyir la/ dge 'dun gyi ched la yang gtsug lag khang gi dge 'dun lhag mar gsungs pa'i phyir ro/ /bdag ces smos pa ni dpe ste/ spyir bstan pa'i phyir dge slong ma khyim pa mi'i 'gro ba gang yang rung ba gzhan
 gcig cig gi don du khang pa brtsig na yang ltung ba 'di nyid du 'gyur bar shes par bya'o/ /cig tu 'jug pa ni gzhan 'ba' zhig tu ma zad kyi bdag nyid kyis byas na lci ba'i phyir rang gis kyang zhes bya ba'i tha tshig go /tshad bzhin zhes bya ba'i 'chad
 par 'gyur ba'i tshad dang ldan pa'o tshad gang zhe na/ de la khang pa'i tshad ni 'di yin te zhes bya ba la sogs pa smos te/ mthar na zhes bya ba ni tha mar na'o/ /gzhan dag ni nang gi zhes 'don te/ de la don ni 'di yin te/ khang pa'i nang rgya'i tshad 'di
 yin gyi/ phyi rol gyi ni ma yin no/ /srid du zhes pa ni chur ro/ /bde bar gshegs pa'i mtho bcu gnyis zhes bya ba la/ bde bar gshegs pa ni sngon gyi yang dag par rdzogs pa'i sangs rgyas kyi lam nas rjes su gshegs pa'i phyir ro/ /mtho ni mthe'u chung gi'o/ /des na bcom
 ldan 'das kyis gzugs kyi sku'i yan lag ni skyes bu gsum gyi tshad yin pa'i phyir ro/ /bcom ldan 'das kyi mtho bcu gnyis po gang dag yin pa de dag ni skyes bu tshad dang ldan pa'i mtho sum cu rtsa drug yin la de dag kyang mi phal pa'i khru bco brgyad du 'gyur ro/
 zheng du mtho bdun zhes bya ba ni zheng du mi phal pa'i khru phyed dang bcu gcig go /bde bar gshegs pa'i tshad la bstan pa 'di ni sor nyi shu rtsa bzhi'i tshad kyi khru rtog par bya ba'i phyir gsungs pa yin par shes par bya'o/ /de lta ma yin na yang rang rang gi khrus
 ni des pa med par yang thal bar 'gyur ro/ /de bzhin du de dang 'dra ba'i bstan pa'i 'og ma dag la yang rtogs par bya'o/ /khang pa tshad dang ldan pa yang bab bab tu mi bya'o/ 'on kyang dge 'dun las snang ba gsol bar bya'o/ /dge 'dun gyis kyang bab col du
 gnang ba mi sbyin gyi/ 'on kyang gnas de rang gi mig bltas na skyon med na snang ba sbyin par bya'o/ /de'i phyir gzhi blangs pa'i phyir dge slong des zhes bya ba la sogs pa gsungs te/ gzhi blta bar bya ba ni sa brtags par bya'o/ /gzhi ji lta bu zhig blta
 bur bya zhe na/ rung ba zhes bya ba la sogs pa gsungs te/ rung ba ni skye bo phra mo mi gnas pa'o/ /rtsod pa med pa ni 'jig rten gyi gnas kyi shing dang/ rgyal po'i pho brang dang/ mu stegs can gyi gnas dang/ 'thab dang/ rtsod pa'i skyon dang bral pa'o/ /brtsam du rung
 pa ni nye 'khor 'dom gang tsam gyi tshad chu la sogs pas non pa med pa'i phyir ro/ /mi rung ba zhes bya ba la sogs pa ni de las bzlog pa ni mi rung ba nyid la sogs pa yin par shes par bya'o/ /tshad las 'das na zhes bya ba ni ji skad bshad pa'i tshad las
 'das pa'o/ /ma gnang bar zhes bya ba ni dge 'dun las gnang ba ma thob pas so/ /nyes pa sbom por 'gyur ro zhes bya ba 'dir mi rung ba nyid la sogs pa'i yan lag gang yang rung ba zhig ni yod la/ yan lag lhag ma ni med na sbom por
 gsungs pa yin te/ de skad du yang bcom ldan 'das kyis/ dge slong khang pa rtsig tu 'jug pa ni rung bar rtsig tu 'jug na nyes pa sbom por 'gyur ro/ /rtsod pa dang bcas par rtsig tu 'jug na nyes pa sbom por 'gyur ro/ /brtsam du mi rung bar rtsig tu
 'jug na nyes pa spom por 'gyur ro/ /ma gnang bar rtsig tu 'jug na nyes pa spom por 'gyur ro/ /tshad las 'das pa rtsig tu 'jug na nyes pa spom por 'gyur ro/ /thams cad las 'das pa rtsig tu 'jug na dge 'dun lhag mar 'gyur ro zhes gsungs te 'dis ni 'di
 lta ste/ mi rung ba nyid la sogs pa ni yan lag nyid yin pas yan lag gcig yod pa tsam gyis kyang spom por 'gyur ro zhes bya ba'i don rab tu bstan pa'i phyir ro/ /gzhi bslangs nas zhes bya ba la sogs pa 'di gnyis la ni don du ? mi bsam pa
 'di rnam par bzhag go /bar chad kyi dbang gi ni ma yin no/ /bdag gis bsams te zhes bya ba la sogs pa ni brtsams pa ma rdzogs na byas pa yongs su rdzogs pa ma yin pas de'i phyir 'di shes pas bya'o/ /gzhan gyis 'phro bor ba la zhes bya ba
 sogs pa ni 'phro zin pa med pa ni byas pa yongs su rdzogs pa ma yin pas de'i phyir 'di yin no/ /ma g.yogs pa zhes bya ba la sogs pa ni khang pa ma g.yogs pa zhig rtsig tu 'jug go snyam pa'i bsams pa 'dis khang
 pa zin par byed na kha na ma tho ba 'di yin te/ sngon rol tu nyes byas te/ sbyor ba la ni thams cad du nyes pas so/ /zhes bya ba 'byung ba'i phyir ro/ /brtsams nas zhes bya ba la sogs pa la babs pa ni rab tu 'byung ba las babs pa'o/ /nyes
 pa spom por 'gyur zhes bya ba 'di la kha na ma tho ba 'di ni khang pa rtsom pa sgyur ba las byung ba yin no/ 'dir nyes pa spom por sten pa'i tshig 'di dag ni zin na dngos gzhir 'gyur ba ste/ tshad las 'das pa nyid dang mi rung ba nyid la sogs pa yan lag
 lhag ma rnams 'das pa dang/ bslangs pa nyid gang yin pa de'i sbyor ba la rtogs par bya ba'i mi rung ba nyid la sogs pa yan lag 'ga' zhig med pa'i phyir zin na sbom por 'gyur ba gang yin pa de la ni sbom po nyid du rung ba ma yin te/ 'di
 ltar sbyor ba'i sbyor ba nyid la ni nyes byas su bstan pa'i phyir ro/ /dbyar gyis 'che ba khas 'che ba ste/ khas len pa zhes bya ba'i tha tshig go /dge sbyong gi ched nyid ni dge tshul nyid de/ bslab pa'i gzhi'i phyogs gcig bsrung bas sdig pa thams
 cad spong ba'i mtshan nyid dge slong gi dngos po'i rgyu mtshan du gyur pa'i phyir ro/ /'dir nyid ces bya ba'i sgra smos pa ni rdzas la gzhan ma yin pa nyid du bstan pa'i phyir ro/ /de bzhin du 'og ma dag la yang dpag par bya'o/ /ma gsod pa ni
 mi'i 'gro bar skyes pa'i ma gsod pa'i phyir te/ pha gsod pa yang de dang 'dra'o/ /dge 'dun gyi dbyen byed pa ni ston pa dang lam gzhan la 'ga' ba skyed pas dge slong brgyad gnyis su 'byed pa'i phyir ro/ /ngan sems kyis khrag 'byin pa'i zhes bya ba
 la ngan sems ni grongs pa'i ched kyi sems de/ des khrag 'byin pa'i phyir ro/ /mu stegs can ni lta ba gzhan can/ /mu stegs can zhugs pa ni mu stegs pa'i lta ba can bstan pa 'di la zhugs te/ dge 'dun dang lhan cig gsol ba la
 sogs pa'i las lan gnyis nyams su myong ba gang yin pa'o/ /yang na dge slong gi rtags por nas mu stegs can gyi rtags len cing mu stegs can gyis gnas su mu stegs can gyi lta bas gzhan 'da' bar byed pa ste/ mu stegs can kho na
 dge slong gis nang du zhugs pa yin no zhes bya ba'i tha tshig go /tha dad du gnas pa ni bskrad pa'o/ /khas blangs pa ni 'dir lhas sbyin bzhin du chos ma yin pa'i gzhung lugs la 'tshal bas phyogs gzhan la brten pa'i phyir te/ phyogs gzhan du
 song ba zhes bya ba'i tha tshig go /kha cig na re las kyi dbyen gyi ched du chos ma yin pa'i gzhung lugs khas blangs pa yin no zhes zer ro/ /de ji ltar khyim pa la sdom pa med pa de bzhin du bdag la yang sdom pa med par khong du chud par gyis shig ces bya ba de
 ltar khas len pa'i phyir dang/ ji ltar dge sbyong la las dag la 'jug pa med pa de bzhin du bdag la yang med do/ /zhes bya ba de ltar khas len pa'i phyir dang/ ji ltar za ma la sogs pa dang po mi mthun pa la thug pa'i bar sdom pa'i zhing ma yin pa
 ltar bdag kyang de dang 'dra'o zhes de ltar khas len pa'i phyir dang/ ji ltar tha dad du gnas pa bzhin du rab tu byung ba thams cad las gar bar gyur pa de bzhin du bdag kyang gar bar gyur pa yin par shes par gyis shig ces de ltar khas len pa'i phyir ro/
 khas len pa yang de dang 'dra bar shes par bya'o/ ji ltar bslab ba byin pa bsnyen par rdzogs pa nyams shing nye bar nyams pa ltar bdag kyang de dang 'dra bar shes par gyis shig ces de ltar khas len pa'i phyir ro/ /bsnyen par ma rdzogs par sbyor ba bgyis la
 zhes bya ba la sogs pa'i bdun tshan ni (mngags pa ni)? bdag nyid yin no zhes 'byung ba'i phyir sbyor ba'i dbang gis kyang ltung bar 'gyur bakho na'o zhes bya ba de ltar shes par bya'o/ /btsun pa re zhig dge slong zhes bya ba la sogs pa mtshan gyur na nyes byas su gsungs pa
 ni dge slong ma rnams la khang dge 'dun lhag ma med pa'i phyir te/ 'di ltar bud med rnams la ni khang par gtogs pa'i spyod pa yang mtshar gcig mi srid la/ bud med rnams ni khyim byed pa'i sred pa'i zhing nyid kyang chen po med de/ 'di ltar rang dbang
 gi blo kun tu mi 'byung ba'i phyir dang/ khyim byed pa'i 'dod pa la yang rang dbang can la kun tu 'byung ba'i phyir ro/ /kha cig la snang ba gang yin pa de ni res 'ga' yin pas mi bsam mo/ /de'i phyir 'di dag gi ni ma brtags pa'i phyogs la brten pa'i phyir nyes byas su
 shes par bya'o/ /dge slong ma mtshan gyur na spom por gsungs pa ni 'phro zin par byed pa'i phyir te/ gal te 'di lus pa ma yin na ni de'i tshe dge 'dun lhag ma kho nar 'gyur ro zhes bya ba de ltar shes par bya'o/ /dge slong gang zhig gis rtsig tu rtsal na zhes
 bya ba la sogs pas nyes byas su gsungs pa ni bshad ma thag pa'i gtan tshigs kho na'i phyir ro/ /kha cig ni zhus pa la la las 'byung ba'i rnam pa gzhan/ ji tsam gyis na rang gis blangs pa'i khang pa zhes brjod par bgyi/ grang na byed pa dang gzhig dang
 gnyis yongs su grub par gyur na'o/ /gnyis kyi spyi la khang pa rtsig tu gzhug na nyes pa spom por 'gyur ro/ /ma byin pa rtsig tu 'jug na nyes pa spom por 'gyur ro/ /gang zag gi gzhir rtsig tu 'gyur na nyes pa spom por 'gyur ro/ /'phro zin par byed na nyes pa
 spom por 'gyur ro zhes bya ba de dag 'don te/ rdzas dang gnyis kyi spyi dang ni/ /zhus pa'i gzhung ni la la las/ /khang pa'i bsdus pa 'di bshad do/ /de la don ni 'di yin te byed pa ni las byed pa'i skye bo rnams dang/ khang pa la dgos pa'i shing dang/ so phag
 la sogs pa'i rdzas rnams dang gnyi ga'i gla rngan no/ /gnyis kyi spyi la zhes bya ba la ni gnyi ga'i phyed du byed pa'i phyir ro/ /nyes pa spom por 'gyur ro/ /zhes bya ba la 'di la 'di la ni mi rung ba nyid la sogs pa'i yan lag thams cad kyang 'das pa du ma'i
 don du khang pa brtsigs na kha na ma tho 'di yin no/ /'di ltar mang po'i don gyi khang pa yin na re zhig 'di la yang nyes pa med pa nyid du brjod par mi nus te/ gang gi phyir dge 'dun gyi don nyid du gtsug lag khang byed pa la gtsug lag khang gis dge
 'dun lhag mar gsungs pa'i phyir ro/ /dngos gzhi yang ma yin te/ du ma'i thun mo nyid kyis 'di la 'dod pa'i rnam pa shin tu chu ngur rnam par gnas pa'i phyir ro/ /nyes byas kyang ma yin te/ ltung ba med pa'i mi rung ba nyid la sogs pa yan lag thams
 cad kyang 'das la spyod lam gzhi shong ba yang yod pa'i phyir ro/ /ma byin pa ni ma byin pa'i khang pa rtsig tu 'jug na zhes de skad du/ gnyis par bstan pa'i phyir sa dang shing dang/ so phag la sogs pa'i ngo bo'i khang pa thams cad khyad par du byed pa yin gyi/ sa tsam?
 gyi ma yin no/ /nyes pa spom por 'gyur ro zhes bya ba 'di la ni bslangs pa nyid kyi yan lag gcig med pa'i phyir te/ 'di ltar bdag pos byin pa'i dngos po ni byin pa yin na 'di ni ma yin pas de'i phyir 'di shes par bya'o/ /de lta bas gnang ba la ni yan lag
 thams cad tshang na dngos gzhir 'gyur la/ ma gnang ba la ni spom po'o/ /gal te sa gzhi ma byin pa la dngos po tshang na pham par 'gyur ba ma yin nam/ de ji ltar spom po zhes bya zhe na/ 'di la pham pa'i ltung ba'i go skabs ni med pa kho na te/ 'di ltar gzhi de
 gang zag gang gi yin pa de'i ched du khang pa rtsig na bskus pa med pa'i phyir pham par thal bar mi 'gyur ro/ /gang zag gi ni bdag nyid kyi shing dang so phag gi sgrubs pas so/ /nyes pa spom por 'gyur ro zhes bya ba 'di la ni bslangs pa'i yan lag gcig med
 pa'i phyir ro/ /'phro ni phyed byas pa'o/ /zin pa byed par ni rtsig par byed pa'o/ /nyes pa spom por 'gyur ro zhes bya ba 'di la ni byed pa rdzogs pa med pa'i phyir ro/ /brtsams pa zin par byed pa la ni byed pa yongs su rdzogs pa med pas de'i phyir 'di shes par
 bya'o/ /khang pa'i dge 'dun lhag ma gtan la dbab pa'o// //bdag po yod pa zhes bya ba la bdag po yod pa ni bdag po gzhan zhig dang bcas pa ste/ bdag po bdog pa zhes bya ba'i tha tshig go /dge 'dun gyi ched du zhes bya ba la
 tshad du zhes bya ba'i sgra ni dgos par ston pa yin no/ /dge 'dun zhes bya ba'i sgra ni de bzhin gshegs pa'i nyan thos kyi dge 'dun la bya ste/ des na 'di la ni de bzhin gshegs pa'i nyan thos kyi dge 'dun gyi ched yod pas na dge 'dun gyi ched de de pa'o/ /'di la
 ni yan lag 'di kho na lhag gi bdag po yod pa nyid ni ma yin te/ byung ba'i dbang gis de skad gsungs pa'i phyir ro/ /chen po ni kha cig na re tshad kyi sgo nas so zhes zer ro/ /gzhan dag na re 'god sgo'i sgo nas kyang ro zhes zer ro/ /dge 'dun gyi ched kyi khang pa la tshad
 ma smos pa ni bsod nams kyi tshad chen po la sogs pa grub pa'i phyir ro/ /tshad las 'das pa dang bslangs pa nyid ma gtogs pa ni dge 'dun gyi gtsug lag khang gi bdag po ni du ma yin pa'i phyir tshad las lhag pa nyid nyes par mi 'gyur bas don med
 pa ma yin pa'i phyir ro/ tshad las lhag pa gtsug lag khang ma dag pa nyid kyi yan lag tu ma gsungs so/ /rgyal gal te bslangs pa nyid kyi yan lag kyang ma gtogs na bdag po yod pa zhes bya ba 'dir bdag po nyid kyang bdag po gzhan las bslangs pa nyid
 las gyur to zhes bshad pa yin zhe na/ ma yin te/ der bdag po yod pa smos pa mdzad pa gang yin pa de ni yan lag nyid du smos pa ma yin no/ /'o na ci ste zhe na/ byung ba'i dbang gis chos phal che ba bsgrags pa mdzad pa yin te/ 'di ltar ltung ba bstan pa gang
 las kyang bdag po yod pa nyid ma smos so/ /gal te bdag po med pa nyid yin na dge slong las gzhi ji ltar srid de/ 'di ltar des ni gdon mi za bar gzhan las bslang dgos so zhe na/ de ni ma yin te/ khyim dang gzhi bzung bkag pa las 'das nas
 bdag gang zag gzhan gyi don du 'dzin pa'i phyir dang/ dge 'dun gyi ched du nyo ba'i sgo nas 'dzin pa'i phyir ro/ /yang na dge 'dun gyi gzhi dge 'dun gyis snang bas 'dzin pa'i phyir te/ de ltar na bdag po nyid med par dge slong las gzhi srid pas de
 la bslangs pa nyid kyi yan lag med pa kho na'o zhes bya bar rnam par gnas so/ /dge 'dun smos pas ni 'dir khyim pa las gang zag bzhi la sogs pa'i phyogs la bsngos pa yin te/ 'di ltar khyim pa'i ches sdig pa yin pa'i phyir te/
 'phags pa'i dge 'dun la phan gdags pa'i bsam pa shin tu dge yang kha na ma tho ba rnam par bzhag pa'i phyir ro/ /dge 'dun gyi ched ces bya ba ni de bzhin gshegs pa'i nyan thos kyi dge 'dun gyi'o zhes gsungs pa de ni gleng gzhi'i dbang
 gis dpe yin par rig par bya'o/ /'dul ba 'dzin pa rnams ni 'di gtsug lag khang yin pa'i phyir dang/ gtso bos ma yin pa'i phyir dang/ rang gi don nyid med pa'i phyir na mi 'dod do/ /'dul ba 'dzin pa rnams na re tshad las 'das pa dang/ bslangs
 pa nyid kyi yan lag gnyis ma gtogs na zhus pa gzhan gyi gzhung las 'byung ba gang zag gi yin pa dang/ ma byin pa nyid kyi rgyus kha na ma tho ba spom por rig par bya ste/ 'dir gtsug lag khang gi dge 'dun lhag ma bslangs pa nyid yan lag
 tu rnam par ma bzhag go /bslangs pa nyid ma yin pa'i phyir gang zag gi sa gzhi ma yin pa la rtsig tu slon po kho nar rnam par gnas te/ 'di ltar yin par yang khang pa'i dge 'dun lhag ma'i rjes su 'brengs te/ shes par bya'o zhes zer ro/ /
 gzhung lhag ma zhes bya ba la sogs pa la ni btsun pa re zhig dge slong gis gzhi ma gnang bar zhes bya ba la sogs pa yin no/ /chen po ni che ba'o/ /gtsug lag khang gi dge 'dun lhag ma gtan la dbab pa'o// //khros pa ni zhe sdang dang ldan
 pa'i phyir ro/ /'dis ni rgyu'i stobs bstan te/ khong khro ba spangs pa'i phyir ro/ /zhe sdang bas zhes bya ba ni rgyu'i lnga pa yin te/ snga mas phra rgyas kyi? gnas skabs bstan nas/ 'dis ni kun nas dkris pa'i gnas skabs brjod do/ /ma mgu ba ni des
 spyas pa'i gnod pa rjes su dran pa'i phyir ma rangs pa ste/ 'dis ni rkyen gyi stobs bshad do/ /'dir ni zhe sdang smos pa'i na gleng gzhi'i dbang gis gsungs kyi 'di'i yan lag ni ma yin no/ /'di ltar bu la yang rung nyams par bya ba'i 'dun pa can gyis rdzun du smra bas rnam
 par rig par byed na ltung ba 'dir 'gyur ro zhes bya ba'i don to/ /dge slong ni gnyen par rdzogs pa'o/ /'dir dge slong smos pa ni nye bar mtshon pa ste/ dge slong ma la skur pa btab na yang ltung ba de nyid du 'gyur ro/ /dag pa ni dri ma med pa ste/ smad pa mi spyod pa'i
 phyir ro/ /'dir dag pa smos pa ni byung ba'i dbang gis bshad par zad de/ ma dag par gnas par mi bya ba la skur ba btab na yang ltung bar chad par 'gyur te/ tshul 'di ni dge sbyong gi rigs sun 'byin pa'i phyir ro/ /ltung ba med pa la zhes yang dag zhes
 bya ba'i sgra mi mngon par bstan par shes par bya'o/ /ltung ba med pa ni mdza' i ltung ba dang mi ldan pa'o/ /des na 'di ltar dag ce na/ 'di ltung ba med pas so/ /zhes bya ba'i tha tshig go /gzhi med par zhes bya ba ni mthong ba dang/ thos pa dang/ dogs pa
 med cing gzhi med par te/ rgyu med par bya ba'i tha tshig go /mthong ba dang/ thos pa dang/ dogs pa gsum ni gzhi ste/ yang dag par smra ba la 'jug pa'i gzhir gyur pa'i phyir ro/ /skur pa btab pa ni kha? phyis pa'o/ /ci'i phyir zhe na/ ci nas kyang zhes bya ba la sogs
 pa gsungs te/ ci nas zhes bya ba ni ci ma rung snyam pa ste/ 'di ni smon pa yin no 'di 'gran zla'i dge slong ngo/ /tshangs par spyod pa dang zhes bya ba ni dge slong gi dngos po dang ste/ pham pa mi spyod pa ni don dam pa'i dge slong gi dngos po yin no//
 dpral lo zhes bya ba ni nyams par bya'o/ /de lta bas na 'di ni dpral ba'i mdun pa 'di kho nas ltung ba 'dir 'gyur gyi/ gyi nas ni ma yin no zhes pa stan pa yin no/ /rung zhes bya ba'i sgra ni tshigs mi che ba ste/ zhe sdang gi dus dang bral ba 'ba' zhig na
 ni ma yin no zhes bya ba'i tha tshig go /rtsod pa zhes bya ba ni ltung ba'i rtsod pa ste/ 'khrug pa 'di'i rgyu ni ltung ba gleng ba yin pa'i phyir ro/ /zhe sdang la gnas pas zhes bya ba ni kho bo sa zhe sdang gi dbang gis smras so zhes de skad du smra ba yin no//
 'di nyid kyi ngo bo bstan pa'i phyir/ zhe sdang gis smras so zhes bya ba gsung te/ smras par gyur pa'o zhes bya ba'i sgra ni tshig yongs su rdzogs pa'o/ /sems g.yengs pa zhes bya ba la sogs pa la kha cig ni lkug par smos par 'don to/ /'di ni 'dul ba 'dzin pa gzhan dag mi 'dod de/ 'di
 ltar gal te lkugs pa la ni skur pa btab na spom por 'dod na long ba dang rgas pa dang/ theng pa la sogs pa la yang de dang 'dra bar thal bar 'gyur bas de dag la bskur ba btab na yang spom por 'gyur ba zhig na/ de yang mi 'dod de/
 de ni don rtogs pa'i snod du gyur pa'i phyir ro/ /de lta bas na 'di ni/ gdon par mi bya'o/ /des bas na 'di la skur pa btab na yang kha na ma tho ba yongs su rdzogs par shes par bya'o/ /'di las phyi rol pa de ni de bzhin gshegs pa'i bstan pa las phyir
 rol tu gyur pa'i phyir ro/ /de nyid bstan pa'i phyir/ gzhan mu stegs can zhes bya ba'i la sogs pa smos te/ mu stegs can ni gcer bu zad byed de sgron mo'o zhes bya ba'i tha tshig go /mu stegs ni thar pa'i chu bor 'jug pa'i lam ste/ 'di
 dag la de yod pas so/ /dge sbyong ni sdom can te/ kun tu 'tsho byed ces bya ba'i tha tshig go /spyod ba pa ni mu stegs can gyi rnam pa rab tu 'byung ba dag go /kun tu rgyu ba ni rab tu byung ba gos kha dog sgyur ba can dang kho na'o/ /'di las phyi rol
 pa rnams la pham pa'i tha snyad med mod kyi 'on kyang chos 'di la bltos nas pham pa'i snyad gdags te/ 'og ma khyim pa la skur pa btab pa la sogs pa la yang de dang 'dra bar shes par bya'o/ /'di la ni ma brtags pa yin pa'i
 phyir nyes byas so/ /za ma la sogs pa la skur pa btab na spom por gsungs pa ni/ dge slong nyid med pa'i phyir te/ 'di ltar ji ltar ma ning sdom pa'i zhing ma yin pa'i phyir dang/ bar ma do yin pa'i phyir tha snyad du ni mi rung ba de dang 'dra bar za ma rtogs yang bcom
 ldan 'das kyis de dang de las tha snyad du mi rung ba nyid du gsungs so/ /gang gi phyir de lta yin yin pa de'i phyir dge slong gir gtogs pa'i kha na ma tho ba rnams kyi nang du yang 'di'i tshul ni de kho na yin no/ /gzhan dag na re ji ltar ma ning 'jig rten gyi tha snyad
 las 'das pa'i phyir tha snyad du mi rung ltar za ma ni lta ma yin te/ de lta bas na 'di la ni tha snyad du mi rung ba nyid kyi tshul med do/ /gang gi phyir de lta yin pa de'i phyir dge slong gir gtogs pa'i kha na ma tho ba rnams kyi nang du yang de las bzhin du dge slong
 bzhin du 'di'i kha na ma tho ba yongs su rdzogs pa nyid du rnam par bzhag pa de bzhin du khyim pa 'dir gtogs pa'i kha na ma tho ba rnams kyi nang du yang khyim pa yongs su rdzogs pa dang 'dra'o zhes zer ro/ /de lta bas na bshad ma dag pa'i tshul gyis na 'di
 'dul ba 'dzin pa ril gyi gzhung lugs ni ma yin par shes par bya'o/ /kha cig ni de bzhin gshegs pa la ngan sems kyi khrag phyung ba la skur pa btab pa yang spom por 'dong de/ de ni rigs pa ma yin no/ /'di ltar de tsam gyis ni 'di'i dge slong
 nyid med pa ma yin gyi/ dge 'dun gyi dbyen byed pa'i dge slong bzhin no/ /de nyid kyi phyir nye bar 'khor gang gis pha dang ma dang/ dgra bcom pa gsod pas skur pa btab pa des ni pham pa'i chos kyis skur ba btab pa yin no/ /gang gis dge 'dun
 gyi dbyen byed pa dang/ ngan sems kyi khrag 'byin pas skur ba btab pa des ni nyes pa spom por skur pa btab pa yin te/ nyes pa spom por ni dge slong ma yin par mi 'gyur gyi/ de ni bshags par 'os pa yin no zhes 'chad par 'gyur te/
 'dis ni de bzhin gshegs pa la ngan sems kyis khrag 'byin pa dang/ dge 'dun gyi dbyen byed pa ni dge slong dag yin te/ de las gzhan pa'i dge slong bzhin no zhes bstan pa yin no/ /de'i phyir za ma la sogs pa'i tshan las bkar
 te/ dge 'dun gyi dbyen byed pa la sogs pa'i tshan la skur ba btab na dge 'dun lhag ma kho nar 'gyur bar gdon par bya'o/ /'di man chad kyi phyogs dag tu yang 'di dge slong nyid yin par sems la bzhag nas ltung ba dag ci rigs par
 shes par bya'o/ /gzhan dag na re gang gis bsnyen par rdzogs pa'i mngon rol tu khrag phyung ba de 'dir gzung bar rig par bya'o/ /mtshams med pa byas pas bsnyen par rdzogs pa chags pa med pa'i phyir ma gsod pa la sogs pa lta bu
 yin no/ /bsnyen par rdzogs pa'i gnas skabs ni ma yin no/ /de ni de'i tshe dge slong nyid med par ma gyur pa'i phyir dge 'dun gyi dbyen byed pa yin no/ /dge 'dun gyi dbyen byed par yang gang gis bsnyen par rdzogs pa'i gnas skabs na dge
 'dun gyi dbyen byas la phyis bslab pa phul nas bsnyen par rdzogs pa de la yang sdom pa ma chags pa kho na yin gyi/ bsnyen par rdzogs pa'i gnas skabs kyi ni ma yin te/ de ni de'i tshe dge slong nyid yin par/ /bshad mi dgos par grub po/
 de'i phyir 'di gnyis ni za ma la sogs pa bzhin du sdom pa skyes pas dge slong nyid ma yin par shes par bya la/ dge slong nyid ma yin pa la ni spom po kho nar 'gyur ro zhes zer ro/ /gal te ci'i phyir gnas par mi bya ba dang/ tha dad du gnas pa
 khas blangs pa dang/ bslab pa byin pa'i dge slong rnams la skur pa btab na ltung ba yongs su rdzogs pa rnam par bzhag 'di ltar 'di dag la skur pa btab pa na ltung ba na smad dgos te/ de las gzhan pa'i ltung ba bzhin no zhe na 'dul ba 'dzin pa
 rnams na re de ni ma yin te/ 'di ni che thang du dge sbyong gi rigs sun 'byin pa'i sgor 'gyur ba dang/ shin tu tha chad yin pas 'di dag la skur pa btab na yang ltung ba 'dra ba nyid du yang rnam par bzhag go zhes zer ro/ /nyes byas so zhes bya ba 'di la ni phas pham pas
 skur ba med pa'i phyir te/ kha na tho ba chung ngu dag la ni chung ngu'i cha nyid yin no zhes bya ba'i phyir ro/ /de ci'i phyir zhe na zhes bya ba 'di ni gzhi de gang gi phyir yin pa'o/ /gzhan dag na re rgyu gang gi phyir zhes bya ba yin no zhes zer ro/ /dge 'dun gyi dbyen byed pa dang
 zhes bya ba la sogs pa la spom po 'di gnyis ni go rim bzhin du dge 'dun gyi dbyen la zhugs pa mi gtong ba dang/ mi gsod pa'i phyogs dang mthun pa yin par shes par bya'o/ /bdag nyid khas len pas zhes bya ba la sogs pas dge 'dun lhag
 mar gsungs pa 'dis ni pham pa byung ba la skur na yang dge 'dun lhag mar 'gyur ba kho na'o zhes de skad du bstan pa yin no/ /bshags par 'os pa ni dge 'dun gyi mdun du bshags pas ltung ba ldog pa'i phyir ro/ /so sor bshags par bgyi ba ni
 gnas kyi nang na 'dug pa'i dge slong gi mdun du bsgrags pa nyid kyi ltung ba ldog pa'i phyir ro/ /zhus pa la la las gzhan yang 'di skad du/ dge 'dun gyi dbu su mi tshangs par spyad pa byas so/ /ma sha ka lnga las lhag par brkus so/ /mi'i srog dang phral lo/
 mi chos bla mar gyur pa yang dag par ma yin par smras so zhes ma nges par smras kyi che ge mo zhig gis zhes ma smras na nyes pa spom por 'gyur ro/ /dge slong stan las langs nas kho bo la bsams te/ smras pa yod do zhes zer na skye bo thams cad pa'i nyes
 byas so/ /ma ning dang lhan cig skur pa 'debs na nyes pa spom por 'gyur ro/ /ma ning ma dang lhan cig skur pa 'debs na nyes pa spom por 'gyur ro/ /rnam par ma ning dang lhan cig skur pa 'debs na nyes pa spom por 'gyur ro zhes 'byung ngo/ /ma nges
 langs dang ma ning dang/ /ma ning mo rnams ma ning ste/ /zhu ba 'ga' las skur ba yin/ /bsdu ba gzhan 'di 'byung ba yin zhes bya ba zhig bsdu ba yin no/ /de la don ni 'di yin te/ ma nges pa ni ming smos pa med par ro/ /nyes pa sbom por 'gyur ro
 zhes bya ba 'di la ni ming ma smos pa'i phyir skur ba yongs su rdzogs pa ma yin pa nyid pas dngos gzhi med pa'i phyir 'di yin no/ /bsams te smras pa ni don gzhan las bsams te smras pa'o/ /skye'o thams cad pa ni skye ba thams cad ni skye'o mang po'i dbang
 du byas nas zhugs pa'i phyir ro/ /nyes byas so zhes bya ba 'di la ni 'dir su la yang skur pa 'debs pa med kyi/ 'di ni skur pa btab pa'i don du zhugs pa 'ba' zhig tu zad pas sbyor ba'i sbyor bar gyur pa'i phyir 'di yin no/ /ma ning dang zhes bya ba la sogs pa la
 ni ma ning skur pa btab pa'i dge slong ma la srid de/ de bas na dge slong ma la pham pa spyod pa'i zla po pha'i dbang po dang bral ba bsten du mi rung ba dang skur pa 'debs pa na kha na ma tho ba 'di yin no/ /dge slong la ni ma ning mo dang/ rnam par ma ning
 dag dang skur pa 'debs srid do/ /dge slong dang ma ning dang rnam par ma ning dang skur pa 'debs pa la sbom por gsungs pa yang kha dang bshad pa'i lam gyi dbang du ma byas par shes par bya ste/ 'di ltar de dag dang skur pa 'debs na pham pa kho nas
 skur ba btab par 'gyur la/ des skur pa btab na yang dngos gzhir 'gyur ba'i phyir ro/ /gzhan na re pho dang mo'i dbang po dang bral ba dang skur pa 'debs pa gang yin pa de ni pham par gtogs pa'i sbom pos skur pa 'debs pa yin te/ bsten du
 rung ba med na pham pa mi slong ba'i phyir ro/ /sbom pos skur pa btab pa la sbom por 'gyur ba yang brjod par yang mi nus te/ dge 'dun lhag mas skur pa btab pa la yang ltung byed du gsungs pa'i phyir ro/ /de skad du yang gzhi med par nyes pa sbom
 bor skur pa btab na nyes byas so zhes gsungs so/ /dge 'dun lhag mar gtogs pa'i sbom po 'dir gsungs so zhes brjod par yang mi nus te/ spyir gsungs pa'i phyir dang gzhan gang las kyang pham par gtogs pa'i nyes pa sbom por skur pa btab pa la ltung ba gzhan
 ma gsungs pa'i phyir ro/ /de lta bas na nyes pa sbom por smos pa ni 'ga' zhig gis bshad pa'i dbang gis sgro btags pa yin pas 'dir nyes byas su gsungs pa nyid bzang ngo zhes zer ro/ /gzhi med par skur ba 'debs pa'i dge 'dun lhag ma gtan la
 dbab pa'o// //gzhan gyi cha dang 'thun pa ma yin pa zhes bya ba la/ gzhan zhes bya ba ni mya ngan las 'das pa ste/ 'khor ba las bzlog pa yin pa'i phyir ro/ /de'i cha dang 'thun pa ma yin pa ni mi mthun pa'i phyogs nyon mongs pa can gyi phyogs rnams so/
 de la yod pa ni gzhan gyi cha dang mthun pa ma yin te/ pham pa rnam pa bzhi'o/ /yang na gzhan tu bsten pa ni gzhan gyi cha'o/ /de dang mthun pa ni gzhan gyi cha dang mthun pa ste/ gzugs por skur pa 'debs pa'i rnam pa las gzhan pa gzugs po
 ma yin par skur pa 'debs pa zhes bya ba'i tha tshig go /gzhan dag na re gzhan gyi cha dang mthun pa ma yin pa zhes bya ba la gzhan zhes bya ba ni mya ngan las 'das pa'o de'i cha dang mthun pa ma yin ni pham pa'i chos gzhi'o zhes bcom ldan 'das nyid
 kyis rnam par 'byed pa las bshad pa'i phyir gzhung 'di la ma yin pa zhes bya ba zhig kho na yod par shes par bya'o zhes zer ro/ /'dir pham pa smos pa yod bzhin du gzhan gyi cha dang mthun pa ma yin pa zhes smos pa gang yin pa de ni pham pa'i skyon
 brjod pa'i phyir te/ pham pa'i chos ni mya ngan las 'das pa dang/ 'gal ba yin pa'i phyir ro/ /rtsod pa gzhan gyi cha dang mthun pa ma yin pas zhes bya ba ni pham pa'i ltung ba'i rgyu can las so/ /bag tsam zhes bya ba la sogs pa la/ bag tsam ni shan
 tsam mo/ /de las bsams pa ni mnos pa ste/ bag tsam las bsams pa'i thabs kyi smras pa zhes bya ba'i tha tshig go /'di la de kho na tsam gyi tshad cig yod pas na bag tsam las bsams pa tsam ste/ dper na dge slong btsun pa bshes
 gnyen dang/ sa pa dag gis ri dwags dag 'jug pa mthong nas tshe dang ldan pa gyang du nor yang mthong ngo/ /dge slong ma utpa la'i mdog kyang mthong ngo/ /mi tshangs par spyod pa 'khrig pa las byung ba'i chos brten pa yang mthong ngo/ /zhes smras
 pa lta bu ste/ brjod par 'dod pa'i don go bar byed pa byed pa po dang bya ba 'brel pa bkar te/ ma smos pa'i phyir ro zhes bya ba'i tha tshig go /blangs par gyur pa ni yongs su bzung bar gyur pa ste/ de yid la bzhag par gyur pa zhes bya ba'i tha tshig go /gzhung
 lhag ma ni btsun pa re zhig dge slong gis pho nya las zhes bya ba la sogs pa yin no/ /gzhan gyi cha dang mthun pa ma yin pas skur pa 'debs pa'i dge 'dun lhag ma gtan la dbab pa'o/ /dge 'dun ni de bzhin gshegs pa'i nyan thos
 kyi dge 'dun te/ gzhan gyi tshogs phye na ltung ba gzhan yod pa'i phyir ro/ /mthun pa ni rtags dang las dang tshul khrims dang lta ba dang/ spyod pa dang 'tsho ba dag gi ro gcig pa ste mi mthun pa phye ba la ni ltung ba 'di med do/ /dbye ba'i phyir zhes
 bya ba la/ 'byed pa ni ston pa dang lam gzhan la bzod na gnyis su 'byed pa ste/ de'i ched du'o/ /rtul bar byed pa ni rtsol bar byed de/ tshul shing 'drim pa 'am gsol ba byed pas brtson par byed pa zhes bya ba'i tha tshig ste/ yid kyi ni ltung ba 'dir
 mi 'gyur ba'i phyir ro/ /cing zhes bya ba'i sgra ni 'am zhes bya ba'i sgra'i don to/ /dbyen byed par 'gyur ba ni dbyen byed pa'i rgyu mtshan zas skom la sogs pa sbyin pa dang grogs tshol ba la sogs pa yin no/ /rtsod pa ni 'gyed pa'i rtsod pa'o/ /
 yang dag par blangs nas zhes bya ba ni yang dag pa nyid du 'tshal nas so/ /rab tu bzung ste zhes bya ba ni mngon par zhen par byas pa ste/ dam du 'dzin pas bzung ste zhes bya ba'i tha tshig go /'dug na zhes bya ba ni rtsol ba'i ngo bor 'dug par byed na'o/ /dge slong
 rnams kyis zhes bya ba ni gtsugs pa rnams so/ /mthun par gyis shig ces bya ba ni gcig tu gyis shig pa'o/ /ci'i phyir zhe na/ dge 'dun mthun pa zhes bya ba la sogs pa gsungs te/ gang gi phyir dge 'dun ma phye na 'thab pa dang rtsod pa dri ma mi bde ba'i
 'dam dang bral bas bde bar gnas pa de'i phyir khyod dge 'dun dang lhan cig mthun par gyis shig ces bya ba'i tha tshig go /mi phyed pa ni chos dang zang zing gi longs spyod kyis 'brel pa'o/ /kun tu dga' ba ni gcig la gcig yon tan brjod pa 'am/ dge
 ba'i phyogs 'phel ba'i rab tu dga' bas mgu bar byed pa'o/ /mi rtsod pa ni phan tshun blta ba dang 'dod pa mi mthun pa'i rtsod pa yongs su spangs pas mi rtsod par gyur pa'o/ /mchog gcig ni 'bras bu mya ngan las 'das pa gcig pa'i phyir ro/ /'don pa
 gcig pa ni so sor thar pa'i mdo 'don pa 'dra ba'i phyir ro/ /chu dang 'o ma gcig tu 'dres par gyur pa lta bu ni dgag dbye la sogs pa'i las 'dra ba'i phyir ro/ /yang na gzhan gyis bkrir mi btub pa'i phyir ro/ /ston pa'i bstan pa ni bcom ldan 'das
 kyi bka' o/ /gsal bar byed pa ni rab tu ston pa'o/ /bde ba dang reg pa zhes bya ba la bde ba ni lus kyi'o/ /reg pa ni sems kyi ste/ mthong ba'i chos la lus dang sems kyi bde ba dang ldan zhing bde bar gnas so zhes bya ba'i tha tshig go /'byed par
 byed pa'i gzhi ni spyod pa dang grogs tshol ba'i ngo bo thong zhig ces bya ba ni 'or? cig pa'o/ /bsgo bar bya ba ni zlog par bya ba'o/ /bsgo ba na zhes bya ba ni gcugs pas bzlog pa na'o/ /legs pa ni bzang po'o/ /gtong bar bya ba'i phyir zhes bya
 ba ni 'dor du gzhug pa'i phyir ro/ /lan gnyis ni res gnyis so/ /lan gsum ni res gsum ste/ des na bshes pa'i tshig gis ma log na lan gsum gyi bar du 'di la gsol ba dang bzhi'i las bya'o zhes bya ba'i don to/ /yang dag
 par bsgo bar bya ba ni dge 'dun gyi dbyen byed pa'i ngo bo'i sdig pa zlog pa'i phyir ro/ /yang dag par bstan par bya ba ni mthun pa'i ngo bo'i dge ba'i chos la sbyor ba'i phyir ro/ /bshes pa'i tshig gis zhes bya ba ni mdza' ba'i tshig gis so/ /ma bsgo bar zhes bya
 ba ni brda ma sprad par te/ ma zlog par zhes bya ba'i tha tshig go /gsol ba dang bzhi'i las zhes bya ba la sogs pa ni go bar byed pa ste/ las byed pa sgrogs pa zhes bya ba ni don to/ /las ni brjod pa'o/ /des na las gang la bzhi pa gsol ba yod pa de la de skad
 ces bya ste/ des so/ /bka' stsal pa zhes bya ba ni bcom ldan 'das kyis so/ /nye bar 'khar mi 'chags zhes bya ba ni bshes pa'i tshig gis bsgo ba ni cho ga nyid yin pas de ma byas na las 'chags pa med de/ bshes pa'i tshig gis bsgo ba nyid yan
 lag nyid yin te/ cho ga las 'das na las mi 'chags so zhes 'byung ba'i phyir ro/ /dge 'dun la yang des 'gal tshabs can du 'gyur ro zhes bya ba ni cho ga las 'gal ba'i las byed pa des nyes byas kyi ltung ba dang ldan par 'gyur te/ chos ma yin
 bar mi bya'o zhes 'byung ba'i phyir ro/ /ci bsgo ba bshes pa'i tshig kho nas bya 'am/ 'on te las kyis kyang bya zhe na/ 'dul ba 'dzin pa rnams na re khyad par du ma smos pa'i phyir/ bshes pa'i tshig gis bya ba 'ba' zhig tu ma zad kyi las kyis kyang
 bya'o zhes zer ro/ /de lta bas na 'dis ni dge 'dun gyi dbyen dang/ de'i rjes su phyogs pa'i dge 'dun lhag mar gtogs pa'i zhus pa dang lan gdab pa mdzad pa shes par bya'o/ /btsun pa bskrad pa'i las ma bgyis pas zhes bya ba la sogs pa
 la bskrad pa'i las ni bskrad pa dang mthun pa gsol ba dang bzhi'i las te/ khyim sun 'byin par byed pa spyod pa la de dang mthun pa'i las byas pas gnas de nas skrod pa yin no/ /bshes pa'i tshig gis bsgo bar bgyid na zhes bya ba la sogs pas dge 'dun
 la 'gal tshabs can du 'gyur bar gsungs pa 'dis ni bskrad pa'i las ma byas par bshes pa'i tshig gis bsgom pa ni ci yang mi phan no zhes bstan par shes par bya'o/ /tshar gnyis pa la bskrad pa'i las bgyis te zhes bya ba la sogs pas ni
 bshes pa'i tshig gis bsgo ba'i dgos pa dang bcas pa yin te/ des na dge 'dun la yang 'gal tshabs can du mi 'gyur bar gsungs so/ /'dun pas 'gro ba zhes bya ba la/ 'dun pa ni rjes su chags pa'o/ /des 'gro ba ni 'jug pa ste/ dper na nyes
 pa 'dra ba dmar ser ba rnams la skrod par mi byed pa'i rjes su chags pas 'jug pa zhes bya ba lta bu'o/ /zhe sdang gis 'gro ba ni dper na rta can dang nabs? so dag la zhe sdang gis kun nas dkris pa'i dbang gis 'jug pa zhes bya ba lta bu'o/ /gti
 mug gis 'gro ba ni bskrad par 'os pa rnams kyis de kho na nyid khong du ma chud pa'i phyir ro/ /'jigs pas 'gro ba ni lhags pa rnams kyis byed par sems pa'i phyir/ /nyes byas so zhes bya ba 'di la ni 'dus pas 'gro ba la sogs pas rnam par
 rig par byed pa'i gnas skabs 'di na rgyu mtshan du gyur pa la bskrad pa'i las med pa'i phyir mngon par zhen pas ches chung bar gnas te/ de'i phyir 'di shes par bya'o/ /bsgo bar mi bya zhes bya ba la sogs pa ni don gang zhig gzhom pa'i phyir 'di la bsgo bar bya ba de'i
 tshe 'di la bsgo bas mi 'grub ste/ 'di ltar 'jug pa 'di ni gnas skabs de na chal chos kyi spyod pa tsam du zad pas/ de'i phyir 'di yin no/ /'di ni bka' blo mi bde ba la yang ci rigs par bya'o/ /de lta bas na 'dir ni khyim sun 'byin pa'i
 dge 'dun lhag ma zhus pa dang lan btab pa mdzad par shes par bya'o/ /nyes byas so zhes bya ba 'dir ni sbom po'i sbyor ba yin pa'i phyir ro/ /'di ni bka' blo mi bde ba la yang shes par bya'o/ /ma glengs pa la ni nyes pa ma bsgrags nga'i
 phyir ro/ /dran par ma bgyis pa ni yul dang dus dang grogs ma bsgrags pa'i phyir te/ glengs ba ni phyogs gcig par gyur pa'o/ /dran par byas pa ni rdzogs par gyur pa'o zhes bya ba'i tha tshig go /bka' blo mi bde ba ni tshig ma bzod pa nyid de bdag
 nyid kyi yul la phan pa dang mi phan pa'i tshig zlog pa'o zhes bya ba'i tha tshig go /gzhan las ni bka' blo mi bde ba can nyid ces 'byung ste/ der ni gang la bka' blo mi bde ba yod pa de ni bka' blo mi bde ba can no/ /de'i ngo bo ni bka' blo mi bde ba
 can nyid de/ bka' blo mi bde ba zhes bya ba'i tha tshig go /gal te re zhig glengs pa ming na rgyu mtshan med pa'i phyir sdig pa'i bsam pa ches chung ba yod par ni 'gyur grang na dran par byas pa med pa la go ji ltar 'di la sdig pa'i bsam pa ches
 chung ba yod ce na smras pa/ glud par bya ba'i gang zag gis dran pa ma rnyed na yin la bdag nyid la kha na ma tho ba med pa nyid dang/ gleng ba yang nyes par glang ba nyid du sems te/ des na dran pa med na 'di'i bka' blo mi bde ba la sdig pa'i bsam
 pa ches chung ba yod do zhes bya bar shes par bya'o/ /kha cig ni 'di gnyis la nyes pa sbom por 'gyur bar brjod de/ btsun pa bskrad pa'i las bgyis nas 'dun pas 'gro ba'o zhes mchi zhing/ zhe sdang gis 'gro ba dang/ gti mug gi 'gro ba dang/
 'jigs pas 'gro ba'o zhes mchin cir 'gyur lags/ nyes pa sbom por 'gyur ro/ /bsgo bar bgyi 'am 'on te bsgo bar mi bgyid lags/ bsgo bar bya'o/ /bsgo bar 'chags sam 'on te/ mi 'chags legs/ nye ba 'khor 'chags
 sogs glengs shing dran par bgyis pa las bdag nyid bka' blo mi bde ba las gnas par bgyid na cir 'gyur lags/ nyes pa sbam por 'gyur ro/ /bsgo ba 'chags 'am 'on te bsgo bar mi bgyi lags/ bsgo bar bya'o/ /bsgo ba 'chags lags sam/
 nye bar 'khor 'chags so zhes so/ /'dis ni bskrad pa'i las byas nas 'dun pas 'gro'o/ /zhes bya ba la sogs pa zer na nyes pa sbom por byed pa nyid yin la/ de bzhin du slangs shing dran par byas pa las brjod par bya ba ma yin par byed na yang sbom por
 byed pa kho na te/ khyis sun 'byin pa dang/ bka' blo mi bde ba'i dge 'dun lhag ma dag gi sbyor bar gyur pa'i phyir ro/ zhes bstan pa yin no/ /'di ni 'dul ba 'dzin pa gzhan dag mi 'dod de/ 'di las 'gro'o zhes bya ba la sogs pa smras pa dang/
 brjod par bya ba ma yin par byed pa ni tshig bkyal ba nyid kyis nyes byas slong ba'i phyir 'dun pas 'gro ba'o zhes bya ba la sogs pa smras pa dang/ brjod par bya ba ma yin par byed pa la ni nyes byas pa'i sbyor ba nyid yin no/ /sbom por la ni nyes byas pa'i
 sbyor ba la sbom po nyid du rung ba ma yin te/ sbyor ba ni chung ba'i phyir ro/ /de lta bas na 'dir nyes byas kho na bzang gis sbom po ni ma yin no/ /mtshams kyi nang na mchis pa dag gis zhes bya ba la sogs pas bsgo ba ma yin par gsungs pa ni/ mtshams
 gzhan na gnas pa'i phyir te/ mtshams gzhan gnas pa ni gang gis yang yan lag nyid ma yin no zhes 'byung ba'i phyir ro/ /las bgyid pa ni gsol ba dang/ bzhi'i las la sogs pa byed pa'o/ /mtshams mnan pa ni mtshams kyi bar shing la
 sogs pas gcig tu byas pa'o/ /non par bgyis pa ni gsol pa dang/ gnyis kyi las kyis mtshams bcad pa ste/ mnan pa kun la 'dug pa ni non pa la yin no zhes 'byung ba'i phyir ro/ /yang na gzhan dag na re mtshams mnan pa ni rkang pa
 gnyis kyis te/ lugs las gcig la rkang pa dang/ gzhan la cig shos bzhag pa ni gnyi ga na 'dug pa nyid yin no zhes 'byung ba'i phyir ro/ /non par byas pa ni shing la sogs pas gcig tu byas pa'o zhes zer ro/ /ma bskos
 pa ni byed du ma bcug pa'o/ /bskrad pa ni ltung ba ni ltung ba ma mthong ba la sogs pa bskrad pa'i las byed pa ste/ dge slong gi tshogs las 'byin pa zhes bya ba'i tha tshig go /nye bar 'khor ma yin no zhes bya ba 'dis ni las ni dge 'dun la rag las
 pa'i phyir/ ma bskos pa las byed pa ni cha ma yin pa nyid do/ /zhes bstan par shes bya'o/ /gal te des re re dang zhes bya ba la sogs pa ni gcig dang gnyis dang/ gsum po dag la cig car las byed pa ni/ tshogs med pa'i phyir nyes par
 mi 'gyur ro/ /tshogs la las byed pa ni dgag pa nyid kyi 'og nas 'byung ba'i gzhung las/ tshogs kyis tshogs kyi las dag byar mi rung bas so zhes bya ba 'chad par 'gyur ro/ /mtshungs par gnas pa ni tshul khrims dang lta ba mtshungs pa
 dag go /mchi pa dag gis zhes bya ba ni 'khod pa dag gis so/ /'og ma dag la yang de dang 'dra bar shes par bya ste/ 'khod nas las bya'o zhes 'byung ba'i phyir ro/ /ltung ba yang gang du yang mi 'gyur ba ni mthun pa'i las byed pa las byung
 ba'o/ /mtshams kyi nang na gnas pa 'dus pa ma zhugs pa dag gis de las gzhan pa dag gis mi mthun pa nyid du 'gyur bas de'i phyir 'di yin te/ mtshams de'i nang na 'dug pa kha skod par 'os pa'i lus ma 'dun par 'dus par ma
 zhugs pa nyid ni zhes bya ba la sogs pas mi mthun pa nyid du bshad pa'i phyir ro/ /phan tshun 'dun pa byin pas zhes bya ba ni dge 'dun gyi phrin las chos dang mthun pa la 'dun pa dbul lo zhes phan tshun dad pa sbyin pa ste/ 'dun pa byin
 na des mthun pa nyid du 'gyur ro zhes 'byung ba'i phyir ro/ /tshogs kyis zhes bya ba la sogs pa la/ tshogs ni dge 'dun de las rnams la ni dge 'dun dbang ba'i phyir 'di gsungs so/ /las thams cad ni gsol ba dang brjod pa dang so sor thar pa'i
 mdo 'don pa dang/ dgag dbye zhes bya ba rnams so/ /khri ni khri chen po'o/ /re lnga ni smyug ma la sogs pa las lhas pa grub bzhi'o/ /'am zhes bya ba'i sgra ni so sor tshig rkya thub par bstan pa'i phyir ro/ /re lnga ljongs rings ni de nyid du chu rings su 'dug pa'i
 ngo bo'o/ /'di lta ste zhes bya ba ni nye bar ston pa'i tshig yin no/ /bzhi'i tshogs kyis bya ba ni pham par gyur pa'i nyes pa spom po yang bshags pa 'am/ gso sbyong byed pa'o/ /lnga'i tshogs kyis bya ba ni dge 'dun lhag mar 'gyur nyes pa spom po
 lci ba bshags pa 'am/ dgag dbye byed pa'o/ /bcu'i tshogs kyis bya ba ni bsnyen par rdzogs pa'i las so/ /nyi shu tshogs kyis bya ba ni dbyung ba'o/ /de de dag kha cig gi zhes bya ba la sogs pa ni bdag nyid las byed pa'i phyir las byed pa
 yin no/ /gzhan dag gi nyams su myong ba'i phyir tshogs skod pa yin no/ /nam mkha' la mchis pa ni nam mkha' la 'dug pa'o/ /nye bar 'khor ma yin no zhes bya ba ni nam mkha' mtshams gzhan yin pa'i phyir ro/ /de lta bas na 'dis ni las thams
 cad kyi spyi'i chog? bshad do zhes bstan par shes par bya'o/ /bslab pa byin pa dang dge slong ma yang dge 'dun lhag mar 'gyur ro zhes gsungs pa ni dge 'dun gyi dbyen byed pa'i rjes su phyogs pa ma log na las kyi mdza' la 'di yin no//
 dge slong ma la sogs pa la yang las kyi mdza' kho na yin mod kyi/ 'on kyang 'di dag gis thos pa dang bcas par las mi bya'o zhes 'byung ba'i phyir 'di dag las chung ba med do/ /sngar ltung ba 'byung ba la sogs pa la yang tshul 'di nyid
 yin te/ sogs pa zhes smos pa ni rku thabs su gnas pa la sogs pa 'phangs so/ /snga ma bzhin no zhes bya ba ni mdor sdud pa byed pa rnams kyis bsgra? bar bshad pa yin no/ /de ltar na gzhung 'di ni dge 'dun lhag ma gsum la yang
 zhes bya ba ni dge 'dun gyi dbyen gyi grogs bsgrub pa nyid dang/ khyim sun 'byin pa dang/ bka' blo mi bde ba zhes bya ba dag la yang btsun pa re zhig dge slong gis bshes pa'i tshig gis ma bsgo ba zhes bya ba la sogs pa thams cad brjod
 par bya ba nyid yin no/ /ci rigs pa ni gang la gang rigs pa ste/ 'di lta ste rjes su phyogs pa la ni btsun pa re zhig dge slong gis bshes pa'i tshig gis ma bsgo bar zhes bya ba la sogs pa yin no/ /khyim sun 'byin pa la ni btsun pa
 bskrad pa'i las ma bgyis par zhes bya ba la sogs pa yin no/ /bka' blo mi bde ba la ni btsun pa re zhig ma glangs dran pa ma bgyis par zhes bya ba la sogs pa yin no/ /mdor sdud par byed pa rnams kyis dge 'dun lhag ma bzhi po
 khyad par med par bsdu par brjod pa smos mod kyi /'on kyang de dag gi rang gis ngo bo gdon mi za bar brjod dgos te/ rang gi ngo bo yongs su shes na ltung ba rnam par dbye ba gtan la dbab par nus so/ /bdag gis kyang dge 'dun 'byed
 pa'i rjes su phyogs pa dang/ khyim sun 'byin pa dang/ bka' blo mi bde ba so sor thar pa'i mdo las smos pa gsum po 'di dag gi gzhung blo la bzhag nas tshig rnam par dbye ba nye bar bstan par bya ste/ de bas na 'di la skabs su
 ma bab par smras pa nyid du mngon par zhen par bya'o/ /de yang dge slong de'i grogs byed pa'i dge slong zhes bya ba la sogs pa la yang zhes bya ba'i sgra ni tshig gis rgyan gyi don nam gal te zhes bya ba'i don to/ /de'i zhes bya ba
 ni dge 'dun gyi dbyen la zhugs pa'i no?/ /grogs byed pa ni 'khor ngan pa rnams so/ /de dag ji lta ba zhig ce na/ rjes su phyogs pa zhes bya ba gsung te/ mthun par bya ba byed pa ste/ bsams pa'i don yongs su rdzogs kyi bar du rjes su 'jug pa'i zhes
 bya ba'i tha tshig go /ci'i ched du zhe na/ mi mthun par smra ba nyid kyi zhes bya ba gsungs te/ ston pa dang lam gzhan la bzhag pa'i 'o/ /'di ni rgyu mtshan gyi bdun pa ste/ mi mthun par smra ba ched du zhes bya ba'i tha tshig go /gcig nyid la
 sogs pas byas pa'i khyad par med par bstan pa'i phyir/ gcig gam zhes bya ba la sogs pas gsungs te/ mang po ni gnyis kyi gong ma gsum la sogs pa'o zhes bya ba'i tha tshig go /dge ba ni phan pa'o/ /sdig pa ni mi phan pa'o//
 ma smra zhig ces bya ba ni ma brjod cig pa'o/ /smrar mi ster ba'i rgyu chos smra ba zhes bya ba la sogs te/ chos ni lam gyi yan lag lnga'o/ /'dul ba ni yang dag pa'i dag la sogs pa gsum mo/ /yang na gzhan dag na re tshig 'bru bzang po dang don ?? ngo bo brjod pa'i phyir
 go rim bzhin no zhes zer ro/ /la la gzhan dag la smra ba'i bdag nyid mi dpyod pa la yang yod pas de'i phyir 'di ni chos dang zhes bya ba la sogs pa gsungs so/ /shes bzhin du zhes bya ba ni dngos po'i de kho na nyid khong du chud pa bzhin du'o/ /'dod pa ni
 rtsol ba'i dus na'o/ /bzod pa ni yongs su gyur pa na bde ba 'dren pa'i phyir ro/ /yang na 'dod pa ni yid dang 'thad pas so/ /bzod pa ni rigs pas nges par brtags pas so/ /'di ni chos smra ba yin pa zhes bya ba ni 'di ni ma yin pa kho na'o/ /dge slong rab
 tu mang po dag ces bya ba la sogs pa la dge slong rab tu mang po zhes bya ba 'dir ni mang po'i tshig smras pa ni tshigs mi che ste/ byung ba'i dbang gis re lder? ri pa'i dge slong rnams kyi dbang du mdzad nas gsungs pa'i phyir ro/ /greng ni skye ba'i tshogs kyi
 gnas phyir dang/ nyo tshong la sogs pa dang grol ba'o/ /grong rdal ni nyo tshong la sogs pa yod pa'o/ /gcig nas zhes bya ba ni gzhan dag las ched khyad par du 'phags pa 'am/ ming ma bstan pa yin no/ /nye bar bsten pa ni de las brten
 nas chos dang bsod snyoms la sogs pa 'grub pa'i phyir ro/ /gnas par gyur pa'i ni mngon par dga' bas gnas par byed pa'o/ /khyim sun 'byin pa ni bram ze dang/ khyim bdag gi khyim bud med dang bcas pa rnams ma dad par byed pa dag go /
 de dag du ni rnam pa gnyis kyi sun 'byin par 'gyur te/ bud med dang lhan cig khyim gcig dang mal cha dang stan gcig la 'dug pa'i phyir dang/ snod gcig tu tshad mthung ba dang zan za ba la sogs pas longs spyod par byed pa las so/ /
 'bras bu'i sgo nas bstan nas rgyu'i sgo nas bstan pa'i phyir ro/ sdig pa'i chos kun tu spyod pa zhes bya ba gsungs so/ /sdig pa'i chos ni nye bar spyod pa smad pa'i chos te/ sdig pa can gyi las zhes bya ba'i don to/ /gang dag de kun tu spyod
 cing byed pa de dag la de skad ces bya'o/ /gzhan dag na re khyim sun 'byin pa'i gzhis nyin re bzhin kha na ma tho ba 'phel ba'i phyir ro zhes zer/ /de dag gis ni bdag nyid kyang sdig pa spyod pas khyim bdag sun phyung la gzhan dag la
 yang mi snyan pa smras pa'i phyir spyod pa ngan pas khyim bdag sun 'byin pa'i phyir ro/ /mthong ba ni mig gi rnam par shes pas so/ /thos pa ni rna ba'i rnam par shes pas so/ /rab tu shes pa ni yid kyi rnam par shes pas so/ /'am zhes bya ba'i sgra
 ni tshig bkyal ba'i phyir ro/ /lan cig ma yin par byed pa brjod pa yin no/ /de lta bas na 'dis ni mthong ba dang/ thos pa dang/ dogs pa nyid bstan pa yin no/ /dge slong rnams kyis zhes bya ba ni sprod par bskos pa rnams kyis so/ /de skad
 ces bya ba ni blo la gnas pa'o/ /de nyid bstan pa'i phyir/ tshe dang ldan pa dag ces bya ba la sogs pa gsungs so/ /khyed kyis zhes bya ba ni de lta bu khyad kyis so/ /khyed kyis zhes bya ba ni khyed cag gi ste/ khyim gang dag ngan par spyad pa ma yin pa'i gnas de
 dag khyed kyis sun phyung bas de'i phyir deng zhig ces bya ba'i tha tshig go /gnas par zhes bya ba ni 'dug pa'o/ /gnas 'di gnas zhes bya ba ni grong ngam grong rdal nas so/ /deng zhig ces bya ba ni song zhig pa ste/ de lta bas na 'dis ni bskrad par bya
 ba'i las bsnyad do/ /'di ltar zhes bya ba ni gang gi phyir ro/ /'dra ba kho nas las zhes bya ba ni de dang 'dra ba las so/ /tshig gi lam ni tshig nyid lam yin te/ de kun nas slong bar byed pa'i sems pa de'i sgo nas 'jug pa'i phyir ro/ /yang na gzhan
 dag na re tshig gi lam yin te/ 'dun pas 'gro ba nyid la sogs pa'i bsam pa de'i sgo nas tshig 'jug pa'i phyir ro zhes zer ro/ /yang 'di na dge slong zhes bya ba la sogs pa la 'di la zhes bya ba ni bstan pa po'o/ /'ga' zhes bya ba'i sgra ni
 grogs med brjod par byed pa yin no/ /bka' blo mi bde ba nyid kyi rang bzhin can ni 'di la tshig ngan pa 'bras bu med pa yod pas na bka' blo mi bde ba ste/ nyan tu mi btub pa'o/ /de'i ngo bo nyid bka' blo mi bde ba nyid do/ /de lta bu ni bka' 
 blo mi bde ba nyid kyi rang bzhin can te/ tshig mi bzod pa zhes bya ba'i don to/ /gdon par gtogs pa ni so sor thar pa'i mdo 'don pa rnam pa bzhir gtogs pa dag go /bde bar gshegs pa'i mdor gtogs pa rnams kyis
 zhes bya ba ni so sor thar pa'i mdo ril du gtogs pa rnams kyis so/ /tshig gnyis smos? pa ni 'don pa'i dus na bka' blo mi bde ba byed pa na yang nyes par 'gyur la/ gzhan na byed na yang 'gyur ro zhes bstan pa'i phyir ro/ /gzhan dag
 na re 'don par gtogs pa ni so sor thar pa'i mdo 'don pa rnam pa lngar gtogs pa dag yin no/ /bde bar gshegs pa'i mdor gtogs pa rnams kyis zhes bya ba ni bde bar gshegs pa sangs rgyas bcom
 ldan 'das rnams kyis mdor gsungs pa mdo sde'i sde snod gang yin pa der gtogs pa rnams kyis so zhes zer ro/ /chos dang mthun pa ni mthong ba dang/ thos pa dang/ dogs pas so/ /'dul ba dang mthun pa zhes bya ba ni dus su dang
 yang dag par dang/ don dang ldan par dang/ bshes pa nyid du ste/ zhe sdang gi khyad par gyis ma yin no/ /brjod par bya ba ma yin par zhes bya ba ni gdam ngag la sogs pa'i snod ma yin par te/ smra bar bya ba ma yin pa nyid du zhes bya ba'i tha
 tshig go /ji ltar bdag nyid brjod par bya ba ma yin pa nyid du byed ces na/ tshe dang ldan pa dag ces bya ba la sogs pa gsungs te/ cang ma smra zhig ces bya ba la sogs pas ni da ltar 'dom? pa 'gog par smras pa yin no/ /chog gis zhes
 bya ba ni kho bo la smras pa gang yin pa des chog gis kho bo la lhag pa cung zad kyang ma smra cig pa'o/ /thong zhig ces bya ba 'dis ni ma 'ongs na 'gog par smras pa yin no/ /zhes bya ba ni sgras ni bka' blo mi bde ba yongs su rdzogs par ston
 to/ /de la dge slong rnams kyi zhes bya ba la sogs pa la brjod par bya ba nyid la phan yon ci zhig yod ce na/ 'di lta ste gcig la gcig ces bya ba la sogs pa gsungs te/ 'di lta ste zhes bya ba 'di ni 'di ltar zhes bya ba 'am nye
 bar ston pa'i tshig yin no/ /gcig la gcig brjod pa nyid du byed pa ni phan tshun gleng ba'i phyir ro/ /gcig la gcig 'doms shing rjes su ston pa ni phan tshun slob pa'i phyir ro/ /gcig la gcig ltung ba las slong ba nyid ni phan tshun ltung
 ba sbyor ba'i phyir ro/ /'phel bar gyur gyis zhes bya ba ni dar ba 'am yang dag pa'i 'phel bas rgyas par gyur pa'o/ /brjod par bya ba ma yin par byed pa'i las kyi mdza' ni gleng bar bya ba ma yin par byed pa'o/ /ltung ba rnam par dbye ba ni bslab pa'i
 gzhi snga ma'i rjes su 'breng ba ste ci rigs par rnam par bshad par bya'o/ /dge 'dun gyi dbyen dang rjes su phyogs pa dang/ bka' blo mi bde ba'i dge 'dun lhag ma gtan la dbab pa'o/ /gzhung bla ma'i tshig dka' ba rnam par bshad pa rigs pa
 dang ldan pa slob dpon mdo sde 'dzin pa dge ba'i bshes gnyen gyis bkod pa las lhag ma rnams rdzogs so// //gcig pu gcig dang zhes bya ba la sogs pa la/ gcig dang gcig ni gcig pu gcig dang ngo/ /bya ba gang la de dag
 yod pa de la de skad ces bya ba de dang ste/ gzhan med pa nyid du zhes bya ba'i tha tshig go /dben pa ni skye bo 'du ba dang bral ba'i phyogs so/ /skyabs yod pa na zhes bya ba ni rtsig pa la sogs pas bskor ba na'o/ /mngon par byar zhes bya ba ni mi tshangs
 par spyod du'o/ /rung bar zhes bya ba ni btub par ro/ /stan las zhes bya ba ni khri la sogs pa 'dom gang khor yug gi nang na'o/ /'dug par ni 'khod par ro/ /byed cing zhes bya ba ni byed pa la'o/ /dge bsnyen ma ni thar pa dang nye bar bde 'gro
 'thob pa dang nye bar gnas shing 'dug pa'i phyir ro/ /yid ches pa'i tshig dang ldan pas zhes bya ba ni bden pa mthong ba nyid kyis ma 'khrul ba'o zhes rab tu grags pas shes pa'i tha tshig go /don ni 'di yin te/ ltung ba khas len pas
 ltung ba rnam par bzhag pa ni med do/ /'o na ci yin zhe na/ dge bsnyen ma'i tshig las te/ dge bsnyen ma'i tshig las te/ dge bsnyen ma'i yang bden pa mthong ba'i phyir rdzun mi smra'o/ /gang dang gang gis zhes bya ba ni nyes pa spom po la sogs pa gzhan gyis so/ /byed du gzhug
 pa ni sgrub tu gzhug pa ste/ bshags pa sogs pa byed du gzhug ces bya ba'i tha tshig ste/ lung las khas len pa bzhin 'di las nges par 'gyur ro zhes bya ba 'byung ba'i phyir ro/ /ma nges pa ni ltung ba nges pa med pas che bzhis phye ba'i
 sgo nas phas pham pa la sogs pa rnam par bzhag pa'i phyir ma nges pa'i ngo bo yin no zhes bya ba'i tha tshig go /'dod pa byar mi rung ngo zhes bya ba ni mi tshangs par spyad pa byar mi rung ba ste/ yul thag ring po na gnas pa'i phyir ro/ /de'i phyir 'di
 la mi tshangs par spyod pa'i pham pa'i dogs pa med pas dge 'dun lhag ma dang ltung byed ces bya ba'i chos gnyis kyis gleng par bshad do/ /de skad du yang chos gnyis po zhes bya ba la sogs pa gsungs so/ /btsun pa dag ces bya ba
 mang po'i tshig 'di ni bod pa yin no/ /mdza' dang po ni mi tshangs par spyod pa'i pham pa ste/ de ni btsun pa bzang sbyin gyis bstan pa la pham pa 'byung ba'i tshe dang por gyur pas so/ /bgyid du stsal tam zhes bya ba ni zhu ba'o/ /byed du mi gzhug go
 zhes bya ba ni lan to/ /de la byed du gzhug pa ni ci rigs par bcos pa sgrub tu gzhug pa ste/ /de bzhin du 'og ma dag la yang shes par bya'o/ /de la byed du mi gzhug go zhes bya ba ni zla la rma ba'i phyir ro/ /de'i ngo bo nyid tshol du
 stsal ba ni dran pa rjed pa rnam par bzhag pa'i phyir ltung ba 'di'i rigs ni ci yin pa ltar pa 'di gang yin pa ltung ba 'di gang yin pa zhes bya ba la sogs pas ngo bo nyid tshol du gzhug pa'i phyir spong ba las rdzogs par rtogs pa'i
 chad pa'i las byed du gzhug pa gang yin pa'o/ /mi gzhug ste zhes bya ba ni da dung che bzhi rma la sogs pa'i cho ga ma byas pa'i phyir ro/ /'di la ni gang tshe che bzhi rma ba la sogs pas ni nges pa nyid yin la gleng bar bya ba de ni phyir
 nyes pa ni khas mi len gyi/ bud med dang lhan cig 'dug pa la sogs pa ni khas len na de'i tshe 'di gsungs te/ khas mi len na 'di la de'i ngo bo nyid tshol du gzhug pa sbyin par bya'o zhes byung ba'i phyir ro/ /yod dam zhes bya ba ni yod par gyur tam
 zhes pa'o/ /mthun na zhes bya ba ni mthun par gyur na ste/ kha mthun na zhes gal te ci'i phyir 'dir cig shos la dri bar bya ba ni zhes zer na/ 'dul ba 'dzin pa rnams na re rma ba 'di nges pa mi g.yo rnyed na 'khrul pa med par shes par bya ba'i
 phyir dang/ mi g.yo ba'i chos ma snyed na g.yo ba srid pa shes par bya ba'i phyir te/ sngar sdig pa la ma zhugs pa mi 'jug pa so zhes zer ro/ /gleng bar byed pa dge bsnyen ma yid ches pa'i tshig dang ldan pa dang/ bud med che bzhir gyur pa ni
 yon tan phul du byung ba'i dpe'o/ /de nyid kyi phyir bden pa mthong ba nyid kyang yin la/ phul du byung ba nyid kyang yin na smra ba po 'di khyim pa'ang rung yon tan gyi sgo nas tshad mar bya'o zhes pa bshad do/ /de'i phyir 'dul ba 'dzin pa rnams
 na re 'dir lugs ni bden pa ma mthong ba rnams pas bden pa mthong ba dang/ yon tan phul du byung ba ma yin pas yon tan phul du byung ba dang/ gnyi ga bden pa mthong ba nyid yin na bden pa mthong ba'i yon tan phul du byung ba tshad
 mar bya'o zhes bya ba 'di yin par shes par bya'o zer ro/ /'on te zhes bya ba la sogs pa la/ de zhes bya ba ni dge bsnyen pa'o/ /the tshom za bar gyur na don de shes pa ma yin te/ 'di ltar nges pa'i shes par skyes pa'i phyir ro/ /de bas na 'di don
 'dra ba smra ba'i sgo nas gleng bar byed pa 'am che bzhi gang la yang rung ba la dge 'dun the tshom du gyur pa yin no/ /de nas dge 'dun la shes par brjod pas gang yin pa de med pa nyid du shes par bya ste/ des shes pa de la rtsod pa rnam par
 bzhag par mi 'gyur zhes bya ba de bstan par shes par bya'o/ /'di ltar gang gi tshe gleng bar byed pa 'am che bzhir dang por 'di skad ces bdag gi mdza' dang po 'byin pa mthong ngo zhes smras la/ des kyang dge 'dun de'i
 yul la 'di ni pham par gyur to zhes snyam pa'i nges pa'i shis pa las gang gi tshe phyis bdag gis mdza' gnyis pa la sogs par byin par mthong ngo zhes smra na de'i tshe 'dis dran pa smra ba'i sgo nas gnas gzhan du sped pas dge 'dun
 la the tshom skul bar byed de/ des ni rtsod pa la rnam par bzhag pa ni 'grub po zhes bya ba'i tha tshig ste/ lugs la the tshom zad par 'gyur na shes pa nyid ma yin no zhes 'byung ba'i phyir ro/ /rmed du gzhug pa ni bdag ltung ba 'byung ngo zhes sam
 'on te ma yin no zhes de ltar khas len tu gzhug pa'i ltung ba bcos byed du gzhug pa ni ma yin to/ /'di ltar gnas gzhan du sped pa dang 'khrugs par gyur pa la ni gleng ba mi 'chags so zhes 'byung ba'i phyir 'dra ba smra ba nyid
 kyis gnas gzhan du sped pas gleng bam chags pa'i phyir ro/ /de bas na gleng bar byed pa 'am tshe bzhi la the tshom za na gleng bar bya ba de nyid na/ ci 'di khyod kyis byas sam 'on te ma yin zhes dri bar bya'o/ /bdag ltung ba 'byung ngo
 zhe 'am/ ma yin no zhes zer na thos pa dang tshul khrims dang ting nge 'dzin la sogs pa'i yon tan phul du byung bas tshad ma nyid yod du zin kyang rtsod pa de nye bar zhi bar bya ste/ 'di ltar rtsod pa de'i rgyu mtshan can gyi the tshom
 dang bral ba'i phyir ro/ /zhes bya ba'i tha tshig ste/ glengs pas khas blangs pa ni mthar thug pa'o zhes 'byung ba'i phyir ro/ /gzhan las ni khas len pas byed du gzhug go zhes 'byung ngo/ /de la don ni 'di yin te/ bdag nyid kyis
 khas len pas ltung ba bcos pa byed du gzhug go /glengs bar byed par gtogs pa 'am che bzhir gtogs pa'i tshig gis ma yin te/ 'di ltar the tshom za bar gyur na des pa ma grub pa'i phyir ro/ /tshul 'di nyid ni 'chad par 'gyur ba'i
 gzhung 'og mi dga' ni ci rigs par shes par bya'o/ /gnyis pa ni ma byin par len pa'i pham pa'o/ /gsum pa ni gsod pa'i pham pa'o/ /gzhi pa ni smra ba'i pham pa'o/ /sngo bsangs mo ni bri yang ku'i mdog ltar sngo bsangs su
 'dug pa'o/ /sdu gu ma ni lus mdzes pa'o/ /tshon mo ni lus sgom po'o/ /rgyas par brjod par bya'o zhes bya ba 'di ni mdor sdud pa'i tshig go /mdza' dang po'i phung po ni pham pa'i ris so/ /mthun na zhes bya ba ni kha mthun na ste/ 'di ltar gzhi
 bden pa'i phyir ro/ /gnyis pa ni dge 'dun lhag ma'i ris so/ /gsum pa ni ltung byed kyi ris so/ /bzhi pa ni so sor bshags pa'i ris so/ /lnga pa ni nyes byas kyi ris so/ /dge 'dun lhag ma dang po ni khu ba 'byin pa las byung ba'o/ /gnyis pa ni
 reg pa las byung ba'o/ /gsum pa ni 'khrig pa dang ldan pa sma ba las byung ba'o/ /bzhi pa ni bsnyen bkur bsngags pa las byung ba'o/ /lnga pa ni smyan byed pa las byung ba'o/ /drug pa ni khang pa las byung ba'o/ /bdun pa ni gtsug lag khang las
 byung ba'o/ /brgyad pa ni gzhi med pa las byung ba'o/ /dgu pa ni bag tsam las byung ba'o/ /bcu pa ni dge 'dun gyi dbyen las 'byung ba'o/ /bcu gcig pa ni de'i rjes su phyogs pa las byung ba'o/ /bcu gnyis pa ni khyim sun 'byin pa
 las byung ba'o/ /bcu gsum pa ni bka' blo mi bde ba las byung ba'o/ /bar la zhes bya ba ni mdor sdud par byed pa rnams kyis gzhung bar na yod pa 'phen pa bstan pa yin no/ /brla phrag ni brla dag gi bar ro/ /rkub btsos ni mjug gi phyogs so//
 skyo ma ni phye dang mar dang/ se'u dang sha gar la sogs pa las byas pa'i btung ba'o/ /bu ram chang ni chang gi rigs so/ /hwags ni bu ram gyi spu bar gyur pa'o/ /sha ni sha nyid do/ /kha zas ni 'bras chan la sogs pa'o/ /mar ni zhun
 mar ro/ /de lta bu zhes bya ba la sogs pa de lta bu zhes bya ba'i sgra ni rnam pa'o/ /ma nges pa ni gtan la ma phab pa ste the tshom za ba'i ngo bo zhes bya ba'i tha tshig go /bden pa mthong bas ni zag pa med pa'i shes pas sdug bsngal dang kun 'byung dang/
 'gog pa dang/ lam rnams shes pa'i phyir ro/ /gal te nges par gyur na de'i tshig gis byed du gzhug go zhes bya ba 'phangs par ni shugs kyis shes par bya'o/ /ma nges pa gtan la dbab pa'o/ /gzhung bla ma'i tshig dka' ba rnam par
 bshad pa rigs pa dang ldan pa'i slob dpon mdo sde 'dzin pa dge ba'i bshes gnyen gyis bkod pa las ma nges pa dag pa rdzogs so// //dge slong chos gos zin pas zhes bya ba la sogs pa ni gang la chos gos rnams 'thag
 pa dang/ bkru ba dang/ kha bsgyur ba dang/ drub pa la sogs pas rang gir bsgrub pa'i sgo nas zin cing grub pa yod pa la de la de skad ces bya ste/ chos gos ma zin pa la ni zla bar brjod par chad par 'gyur bas khyad par 'di dpyad do/ /sra
 brkyang phyung nas zhes bya ba la/ sra brkyang ni re zhig bag 'khums pa med par byed pa nyid kyis dge slong rnams nyams bag tu bya ba'i phyir bshad pa yin no/ /sra brkyang dang 'dra bas na sra brkyang ste mtshungs pa'i phyir ro/ /'di ltar chos gos 'grub
 pa las kha bkum med par bya ba'i phyir shing las byas pa 'am/ smyug ma las byas pa'i sra brkyang gru bzhi pa la laib po zhig dgos so/ /de dang 'dra bar gsol ba dang gnyis kyis sra brkyang zhes bya ba'i chos gos bting ba ni dge 'dun bya ba gcig
 pa dang/ ro gcig gcig pa dang rnyed pa mtshungs pa la sogs pa grub pa'i sgo nas nyams pa thag pa'i rgyu mtshan yin no zhes bshad do/ /'di ltar sra brkyang bting ba la bcom ldan 'das kyi phan yon bcu po zhag bcu po'i bar med pa dang/ mtshan mo 'bral ba med
 pa dang/ zla ba'i bar med pa dang/ bla gos dang thang gos dang bcas te ljongs rgyu zhing 'gro ba dang/ tshogs shing za ba med pa dang/ yang za ba med pa dang/ khyim bdag tu ma sbran par rgyu ba dang/ ji tsam 'dod pas chos gos rnams tshol ba dang/ ji tsam 'dod
 pas ma rung bar byas pa'i chos gos 'chad pa dang/ dbyar zla'i ba nas ston zla'i bar 'di rnyed pas sra brkyang bting ba rnams kyi yin no zhes bya ba gsungs so/ /de 'byin pa ni bdag nyid dam las kyis 'gyur te/ de phyung byas pa ni phan yon rnams kyang
 ldog go /de bas na 'di ni gos kyang bdog la sra brkyang yang ma phyung ston zla 'bring bo nas dpyid zla ra ba'i bar tu zla ba snga ma byas pa'i chos gos rnams 'chang ba la ltung ba med do/ /sra brkyang yang phyung la chos gos rnams kyang bdog na ni zhag bcu 'das
 na ltung ba 'dir 'gyur ro zhes bstan par shes par bya'o/ /zhag bcu'i bar du zhes bya ba la/ zhag bcu ni zhag bcu'i tshogs so/ /chos gos gang la 'chang ba'i dus de'i bar de mthar thug pa yod par de skad ces bya ste/ zhag bcu na zhes bya ba'i tha tshig go /
 gos lhag pa ni byin gyis brlabs pa'i chos gos las lhag pa'i gos gang yang med do/ /rung bar ma byas pa'i zhes bya ba la rung ba'i mkhan po la sogs pa'i yid gcugs pas sngags sngon du 'gro ba can gyi nges par byas pa ste/ gzhan dbang pa
 nyid du rnam par bsams pa zhes bya ba'i tha tshig go /gang la de ma byas pa de ni rung bar ma byas pa zhes/ /'das par zhes bya ba ni 'og rol zhag bcu gcig la sogs par zhes bya ba'i tha tshig go /spang pa'i ltung byed do zhes bya ba sogs pa la/ spang ba ni nor
 gtang ba ste/ rang gir byed pa yod pa bsam pa thag pa nas 'dor ba'o/ /des dag par 'gyur bas na spang pa ste/ des na 'di ni spang ba yang yin la ltung byed kyang yin pas spang ba'i ltung byed de/ spang bas spyad par bya ba'i ba ltung byed
 zhes bya ba'i tha tshig go /gzhan dag na re spang dgos pa ni spang pa ste/ chos gos la sogs pa spang bar 'os pa'i dngos po'o/ /de las byung ba'i ltung byed ni ltung byed de dngos po btang bas sbyang bar bya ba ltung ba gang yin pa'o zhes bya ba'i tha tshig go /
 dgu bcu 'das pa zhes bya ba 'dis ni zhag bcu'i spang ba bshad do/ /dgung gcig bral ba zhes bya ba 'dis ni bral ba'i spang ba bshad do/ /'di ltar zhes bya ba ni 'di lta ste zhes bya ba ste/ byung ba med pa 'di yang srid do zhes bya ba'i tha tshig go /skya reng 'char
 bar byed ces bya ba la/ gtso bo yin pa'i phyir shar phyogs nas nyi ma'i mgo rtsom par gyur pa skya reng dang po gsal ba'i ngo bo 'char zhing byung gi bar du sdog pa de/ dus de srid 'da' bar byed na zhes bya ba'i don to/ /de lta bas na 'dis ni zhag
 bcu 'das pa'i chos gos kyis 'bral ba'i spang ba slong bar bshad do/ /'di ltar byin gyis ma brlabs pa'i chos gos ni 'bral ba'i ltung ba mi slong ngo/ /byin gyis brlabs pa ni dgos pa la rnam par nges par sbyor ba yin na spang ba la dgos pa rnam
 par nges pa'i sbyar du mi rung ba ni med do/ /nyams par gyur pa ni brjod pa dang ltung ba dang/ mi snang ba la sogs pas mthong ba'i lam las 'das pa'o/ /'ba' zhig pa ni spang bar bya ba'i nor med pa'i phyir te/ 'di ltar spang ba'i nor dang bral bar bya
 ba'i phyir spang bar byed na nor med pa kho nas kyang spang pa'i nor dang bral ba grub pa'i phyir ro/ /'dir 'ba' zhig pa'i ltung ba bshags par bya ba zhes gsungs pas ni spang ba'i nor med pa nyid du bshad pa yin no/ /de ltar ma yin na spang bar ma byas
 pa'i phyir ji ltar ltung ba bshags pa legs par byas par 'gyur ro/ /gal te ltung ba bshags lags nas slar rnyed na spang bar bgyi 'am/ nye bar 'khor ma yin no zhes bya ba 'dis ni nyams pa'i dus nyid na rang nyid yin pa dang bral bar 'gyur ba las kyang phyir
 rnyed pa ni sngon med pa'i gos shig rnyed pa dang 'dra bas spangs par 'os pa nyid do med do snyam du dgongs pa yin no/ /zhus pa la la las ni/ 'di btsun pa dge slong gi chos gos spang ba nyams par gyur na ltung ba bshags par bgyi 'am/ 'ba' zhig pa'i
 bshags par bya'o zhes gzhan du 'byung ste/ der don ni 'di kho nar zad de 'on kyang tshig 'bru tha dad pa nyid yin no/ /lhag ma ni gal te ltung ba bshags nas slar rnyed na zhes bya ba la sogs pa 'byung ba yod do/ /dum bu ni dam dum dag go /'ba' zhig pa'i
 ltung ba bshags par bya ba ni gos yongs su rdzogs pa med pa'i phyir te/ 'di ltar gos la spang ba'i ltung ba bcas na chos gos kyi tshad med pa'i phyir dum bu rnams la ni gos nyid med do/ /spang ba rnams kyi nang na kun nas mtho gang ba'i gos gang yin
 pa ni phyi ma med pa yin no zhes 'byung ba'i phyir ro/ /'on te zhes bya ba ni rnam par rtog pa'o/ /kun nas khru gang ba zhes bya ba la khru ni lag pa'o/ /des na gal te gos kun nas khru gang pa'i tshad cig yin na de ni spang bar 'os pa yin pa'i phyir te spang bar
 bya'o/ /zhus pa'i gzhung la las ni/ btsun pa dge slong gis chos gos spang ba tshig gam srog chags dag gam sril dag gis 'tshal bar gyur na de la lhag rol dam dum gang dag mchis pa de dag spang bar bgyi'am/ nye bar 'khor ma yin te
 'ba' zhig pa'i ltung ba bshags par bya'o/ /byin gyis brlab par bgyi 'am/ nye bar 'khor ma yin te de nyid de dag byin gyis brlab pa yin no zhes gzhan du 'byung ngo/ /de la don ni 'di yin te 'tshal ba zhes bya ba ni zos pa'o/ /gang gis zos she na/
 srog chags ngag gam zhes bya ba la sogs pa gsungs te/ srog chags ni gos za bar byed pa ba dang be'u rnams so/ /sril ni srin bu dag go /dam dum ni chung ngu dag pas kyang chung ba ste/ kun nas mtho gang du mi chog pa rnams zhes
 bya ba'i tha tshig go /de nyid de byin gyis rlob pa yin pa ni rang gi yin pa dang ma bral ba'i phyir te/ 'di ltar dam dum du gyur pas rang gi yin par mi 'gyur la/ byin gyis rlob pa yang rang gi yin pa la brten pas 'di shes par bya'o/ /rnyed nas dgung lnga
 lon pa dang zhes bya ba ni rnyed nas zhag lnga lon pa dang/ /sems 'khrugs pa ni las dang/ skrag pa dang/ gnod pa dang/ ma snyems pa dang/ mya ngan dag gis so/ /gang nas bzung ste zhes bya ba la sogs pa ni rang bzhin las nyams na sngon gyi ngo bo dang
 khyad par yod pa'i ngo bo gzhan lta zhig 'byung bas 'di shes par bya'o/ /byin gyis ma brlabs pa ni rang gi nyid yin par rnam par nges par ma byas pa'o/ /nyin re bzhin zhes bya ba la sogs pa la phyung ste/ zhes bya ba ni rang gi yin par byin
 gyis brlab par byas pa spangs te'o/ /'di la chos gos brgyad dam dgu'i nang nas re zhig nyi ma gcig la gos gsum zhig byin gyis brlabs nas mtshan mo 'das par byas te yang nyi ma gnyis pa la chos gos de gsum las phyung nas de'i
 chos gos lhag ma rnams rung ba ma byas par 'dug pa nyid do/ /'on kyang nyi ma gnyis pa la rung bar ma byas pa'i chos gos de dag gis nang nas chos gos gsum zhig byin gyis brlab na sngar byin gyis brlabs te/ phyung ba'i chos gos gang
 dag yin pa dang/ rung bar ma byas pa gang dag yin pa de dag thams cad rung bar ma byas pa nyid yin no/ /de ltar na tshul 'dis 'di'i chos gos byin gyis brlabs pa'i chos gos dag gis lhag ma rnams ni rung bar ma byas pa yang yin la rnam
 grangs kyis ma brlabs pa yang yin no/ /spun ni gang gis na gos 'thag par byed pa'o/ /rgyu ni skud pa chur bres pa'i ngo bo zhes bya ba'i tha tshig go /thags su ma btags pa'i rgyu spun gyis ma btags pa gang yin pa ste/ dpag bsam gyi gos zhes bya ba'i tha tshig go /
 rin po che ni karSha pa Ni nyi shu la sogs pa ri ba'o/ /ltung ba med ces bya ba'i chos gos rin po che 'chang ba'i ltung ba ma bstan pa'i phyir te mya ngan las 'das pa'i bsam pas rab tu byung zhing tshul khrims dang ldan pa la ni gos brgya stong ri ba yang 'os?
 zhes 'byung bas khyad par du gnang ba'i phyir ro/ /ltung bar 'gyur ro zhes bya ba ni spang ba'i ltung byed du ste/ 'di ltar dge slong ma rnams la gos rin po che 'chang na spang pa'i ltung byed du bstan pa'i phyir ro/ /zhag bcu la zhag bcur 'du shes pa la spang
 ba'i ltung byed du gsungs pa ni sbyor ba yod pa'i phyir dang/ bsams pa'i don grub pa'i phyir ro/ /zhag bcu la zhag bcu ma yin par 'du shes pa la ltung ba med par gsungs pa ni sbyor ba med pa'i phyir te/ zhag bcur 'du shes te 'jug pa ni
 sbyor ba yin la/ zhag bcu ma yin pa la shes pas ni ma yin te/ sbyor ba la ni 'du shes yan lag yin na de yang de la med pa'i phyir ro/ /dngos gzhi la ni ltung ba med de bsams pa'i don ma grub pa'i phyir ro/ /zhag bcu ma yin pa la zhag bcur
 'du shes pa la nyes byas su gsungs pa ni sbyor ba yod pa'i phyir te/ zhag bcu ma yin pa la zhag bcur 'du shes pas 'jug pa ni sbyor ba yin la de yang de la yod pas so/ /dgung bcu ma lags pa la dgung bcur legs par 'du shes na zhes bya
 ba la sogs pas ltung ba med par gsungs pa ni bsams pa'i don ma grub pa'i phyir dang/ sbyor ba med pa'i phyir te/ de bzhin tshan 'og ma dag la'ang ci rigs par shes par bya'o/ /'di la ltung ba med par 'gyur ro zhes bya ba tshig lhag ma yin no
 spang ba ni ltung ba bshags pa'i dus mi lta bar bsam pa thag pa nas rang bzhin du gnas pa'i dge slong la yongs su gtong ba'o/ /bral ba la ni bar du chad par byed pa ste/ chos gos de med par nub gcig 'da' ba zhes bya ba'i
 tha tshig go /chos gos gzhan zhig rnyed na'o zhes bya ba'i chos gos snga ma spang bas bsngags pa'i dbang gis chos gos phyi ma gzhan yang spang bar 'gyur ro snyam du dgongs pa yin no/ /dge slong ma zhes bya ba la sogs pas ltung ba med par
 gsungs pa ni dge slong ma la sogs pa la 'chang ba'i bslab pa'i gzhi rnam par ma bzhag pa'i phyir ro/ /mdor bsdus pa ni 'di yin te/ chos gos dang lhung bzed lhag pa 'chang ba dang/ 'bral ba dang/ me la reg pa dang/ bzlog pa za ba dang/
 sa bon 'joms pa dang/ rtsa sngon dang bcas pa'i phyogs su mi gtsang ba dor ba dang/ shing la 'dzegs pa zhes bya ba bslab pa'i gzhi 'di brgyad ni dge slong ma la ma gsungs so/ /dge tshul dang dge tshul ma dag la ni de rnams kyang ma gsungs
 la/ de bzhin du rin po che la reg pa dang/ 'dus shing za ba dang/ byin len ma byas par za ba dang/ sa rko ba dang/ shing la 'dzeg pa zhes bya ba yang ma gsungs te/ de ltar na 'di ltar brlab pa'i gzhi bcu gsum po 'di rnams ma smos so/ /
 lhag ma rnams ni ci rigs par shes par bya ste/ tshig mangs pas yang bshad par mi bya'o/ /zhus pa la la las 'di skad du/ dge slong gi chos gos 'di nyid dgung bcu 'das pa yang lags la/ de nyid dgung gcig bral ba yang
 lags pa lta mchis sam/ yod de 'di ltar chos gos bdog pa'i rgyun ma chad pas zhag bcu pa la chos gos shig rnyed la/ de chos gos byin gyis brlabs nas chos gos de med par mtshams kyi phyi rol tu skya reng 'da' bar
 byed na chos gos 'di nyid zhag bcu 'das pa yang yin la/ de nyid zhag bcu bral ba yang yin no zhes 'byung ngo/ /de la don ni 'di yin te/ chos gos bdog pa rgyun ma chad par zhes bya ba ni/ chos gos la rang gir byed pa rjes su 'jug pa gang yin pa ste/
 rang gi yin pa'i rgyun dang ma bral ba zhes bya ba'i tha tshig go /de rgyun ma chad cing ma bral bar chos gos zhig rnyed na ste/ gzhan zhig zhes bya ba'i tha tshig kho nar drang ngo/ /des byin gyis brlabs nas zhes bya ba ni de'i chos gos phyis rnyed pa
 gang yin pa ste/ stod g.yogs la sogs pa nyid du yid kyis sbyor ba'i mtshan nyid kyis slob pas byin gyis brlabs nas so/ /chos gos 'di ni zhag bcu 'das pa yin la zhes bya ba la sogs pa ni/ 'di'i chos gos byin gyis ma brlabs pa'i
 gzhan byin gyis brlabs pa'i sngon rol du rang gis byas pa'i khri ni byas pa'i gang yin pa de nas bzung ste/ zhag bcu rjes su 'jug pa'i rang gi yin pa byin gyis brlabs pa'i chos gos kyi yul can yod na/ zhag bcu nyid 'das? par yin par shes par bya'i
 chos gos kyi byin gyis brlabs pa'i khri nas bzung ste ma yin no/ /'di ltar 'dir ni de'i tshe rang gir byed pa nyes pa byed pa yin gyi 'di ni ma yin gyi/ de ni byin gyis brlabs pa med pa'i phyir ro/ /de lta bas na de'i tshe rang gir byed pa'i dus nyid kyis 'dir ltung ba
 slong gi 'di'i tshe bas ni ma yin no zhes bya ba 'di'i don to/ /de nyid zhag gcig bral ba yang yin pa ni bla gos la sogs pa nyid du byin gyis brlabs nas de'i mtshams kyi nang du bzhag ste/ mtshams kyi phyi rol tu skya reng 'da' ba' i phyir ro//
 zhus pa la la las ni gzhan yang/ dge slong gi chos gos gang gis gdugs kho na rnyed pa de'i gdugs kho na la spong bar 'gyur ba lta mchis lags sam/ de lta yin te rgyun chags par gyur cing spang pa gzhan yod bzhin du rnyed pa dang/
 ltung ba ma bshags pa 'am/ chos gos byin gyis brlabs pa gsum dang zhag gcig bral ba na/ rnyed pa ni spang bar 'gyur ro/ /de la don ni 'di ni 'di yin te/ de ltar zhes bya ba 'dis ni zhus pa'i lan yin no/ /rgyun chags pa ni gyur
 cing spang ba gzhan gang yin pa ste/ de ltar ma yin no/ /spang ba gzhan pa yod bzhin du rnyed pa ni snga ma'i bsngags pa'i dbang gis 'dir spang bar bya ba nyid yin no/ /ltung ba ma bshags par zhes bya ba ni spang ba'i ltung ba bcos par ma byas pa'o/ /
 chos gos byin gyis brlabs gsum dang bral ba na rnyed pa ni snam sbyar dang/ bla gos dang 'thad gos gsum dang/ bral ba'i spang ba byung na'o/ /'chad pa'i spang ba gtan la dbab pa'o/ /nub gcig ni nyin zhag gcig go /kyang zhes bya ba ni gnyis
 pa la sogs pa yang ngo/ /gsum las zhes bya ba ni snam sbyar dang bla gos dang mthang gos byin gyis brlab pa rnams so/ /gang yang rung ba dang zhes gang yang rung ba smos pa ni spyi'i ngo bo dgag pa'i phyir ro/ /mtshams kyi phyi rol du 'bral bar byed na zhes bya
 ba gnas gang la chos gos 'dug pa de nas chos gos bor te gzhan du skya reng 'char bar byed pa'i phyir ro/ /dge 'dun gyi gnang ba ma gtogs par ni dge 'dun gyi khrims pa ma gtogs pa gzhan la ltung ba 'dir 'gyur ro zhes bya ba'i
 tha tshig go /dper na 'phags pa 'od srungs chen po dang/ shA ri'i bu rgas shing nad bu can du gyur pa dag gis phyir dge 'dun gyi snam sbyar lci ba nyid dang mi 'bral ba'i sbyor ba 'byin pa lta bu'o/ /de lta bu'i rkyen ni chom rkun pas phrogs
 pa la sogs pa'i rkyen yod na byin gyis brlabs pa'i chos gos dang bral ba'i skya reng 'char ba'i nyes pa yongs su spong ba'i bdag nyid kyi rgyu'o/ /btsun pa re zhig dge slong gis zhes bya ba la sogs pa 'di'i don ni 'di yin te/ dge 'dun ni
 gang zag rnam par chad pa'i bdag nyid dang gang zag rnam par ma chad pa'i bdag nyid dang rnam pa gnyis so/ /de la re zhig gang zag rnam par chad pa'i bdag nyid kyi dge 'dun gyi nor la ni 'chad pa dang/ 'bral ba dang/ 'jog pa'i rgyu can gyi spyad pa'i ltung ba rnams kyang
 slong bar 'gyur la/ ltung byed 'ba' zhig pa rnams kyang slong bar 'gyur ro/ /'di ltar gang zag rnam par chad pa'i bdag nyid kyi dge 'dun du gtogs pa'i gang zag de dag thams cad nor de la gang zag re re zhig bdag gir byed pa'i gnas so/ /gang zag rnam
 par ma chad pa'i dge 'dun gyi la ni 'ga' yang rang gir byed pa med pa nyid de de'i phyir 'chad pa dang/ 'jog pa'i rgyu mtshan can gyi spang pa'i ltung byed dag dang 'bral ba'i rgyu mtshan can yang srid do/ /gal te 'bral ba'i rgyu mtshan can ci ltar mi srid ce na/
 gang zag rnam par ma chad pa'i bdag nyid kyi dge 'dun gyi de la byin gyis rlob pa mi srid la byin gyis brlabs pa dang/ 'bral ba'i nyes pa dang mi ldan te/ gang zag rnam par ma chad pa'i bdag nyid kyi dge 'dun gyi chos gos la gang zag gcig
 gcig gis byin gyis brlabs pa nyid yin na 'bral bar gyur na 'ba' zhig tu zad kyi spang ba ni ma yin no/ /gal te yang ji ltar 'di spang ba nyid spang ba nyid du mi 'gyur zhe na/ 'bral ba ni rang gir byed pa 'dod pa la bya la/ de yang rang gi yin pa dam pa nyid
 du mngon par/ zhen pa las bskyod pa'i don tu byed kyang gang la rang gi yin pa dam po nyid du mngon par zhen pa med pa de la ni spang ba'i ngo bo nyid kyi bral ba mi dgos pa nyid pas 'di la spang ba nyid med do/ /'di ni 'dul ba 'dzin pa gzhan dag mi 'dod do/ /'di ltar
 rnam par chad pa'i dge 'dun gyi yang rung/ rnam par ma chad pa'i dge 'dun gyi yang rung ste/ shas tsam zhig dbang pa'i phyir la/ shas tsam la ni rang gir byed pa 'byung gi thams cad la ni ma yin no/ /shas tsam la rang gir byed pa la lhag ma rnams kyang
 ltung ba slong bar rung ba ma yin no/ /de la rang gir byed pa'i phyir ro/ de tsam kho nas kyang ma yin te/ rnam par ma chad pa nyid kyis rang gir byed pa khyad par med par 'byung bas dge 'dun gyi ni gnyi ga las kyang spang ba nyid du mi 'gyur ro/ /dge
 'dun gyi skyes pa 'am gzhan du 'ang rung ci zhig ltar dus re zhig pa nyid du bdag gir byas nas 'chad dam 'jog pa 'am/ byin gyis rlob pa gang yin pa de la ni thams cad du dus re zhig pa'i rang gir byed pa'i phyir de las ni ltung ba ni ltung bar 'gyur ro//
 de lta bas na rnam par chad pa'i dge 'dun gyi 'ang rung/ rnam par ma chad pa'i dge 'dun gyi 'ang rung/ gcig gis rang gir byas nas 'chad pa spang bar gyur na yang ngo/ /'dir ni dge 'dun gyi chos gos byin gyis brlabs nas mtshams kyi phyi rol du 'gro
 na zhes 'phags pa nye bar 'khor gyi dge 'dun gyi chos gos spyir brten pa yin la/ bcom ldan 'das kyis kyang chos gos dang 'bral ba zhes bya'o zhes spyir lan gdab pa mdzad pa yin no/ dge 'dun gyis zhes smos pa ni ji ltar chos gos dang bral ba zhes pa'o//
 zhes chos gos dang bral ba smos pa 'chad pa la sogs pa'i dpe yin pa ltar gzhan gyi gos gzhan dag gis yang dpe yang yin no/ /de ltar gyi ni gzhan gyi yin pa'i phyir te/ dus re zhig pa nyid kyis rang gir byed pa mi dma' ba' i phyir dang/ spang
 ba yang rang gir byed pa dam po bcad pa'i don du byed pa'i phyir ro/ /'di ni thams cad du 'dra bas dge 'dun gyi zhes smos pa 'di ni gzhan gyi thams cad smos pa nyid du shes par bya'o/ /mnan pa ni rkang pa gnyis/ /bzung ba ni shing la sogs
 pa'o/ /'greng ba ni langs pa'o/ /mchis pa ni 'gro ba la sogs pa'o/ /mtshams kyi bar gyis bar ni mtshams dag gi bar ro/ /mtshams kyi nang na mchis la zhes bya ba la sogs pa la/ mtshams bcad bar byas la zhes bya ba ni dpag tshad
 phyed dang gsum pa la thug pa'i mtshams gsol ba dang gnyis kyi las kyi rang gir byas pa'o/ /chos gos dang mi mthun pa'i sdom pa ma byin na'o zhes byas pa ni logs shig na gnas pa dang chos gos rnams dang 'bral bar spang bar byed pa'i phyir de la dge 'dun
 gyi nges pa ma byin na'o/ /de la mtshams bcad pa byas pa la ni dpag tshad phyed dang gsum pa'i mthar thug pa'i mtshams kyi nang dang ldan pa nyid du 'gyur ro/ /mtshams kyi nang dang ldan pa nyid la ni chos gos rnams dang mi 'bral ba'i sdom pa sbyin te/
 'dir sdom pa byin na chos gos rnams dang mi 'bral lo zhes 'byung ba'i phyir ro/ /mi 'bral ba'i sdom pa 'di ni rkas pa dang nad bu can gyi ched du sbyin pa ma yin gyi/ 'on kyang spyir te/ 'di ltar dge slong dar khyad pas skyo bar gyur pa dang zhes bya ba nas/
 bcom ldan 'das kyis bka' stsal pa/ de lta bas na dge slong rnams la chos gos dag dang mi 'bral ba'i sdom pa sbyin pas rjes su gnang ngo/ /zhes bya ba'i bar du 'byung ba'i phyir ro/ /des na mtshams bcad pa byas nas dpag tshad phyed dang gsum pa'i mthar
 thug pa'i mtshams na dge slong de yang mtshams kyi nang na 'dug pa yin la/ chos gos kyang mtshams kyi nang na 'dug pa yin no/ /mtshams bcad pa byas su zin kyang chos gos rnams dang mi 'bral ba'i sdom pa ma byin pa gang yin pa de'i 'di dang
 'bral bar 'gyur te/ 'di ltar mtshams bcad pa ni mi 'bral ba'i sdom pa brten du gyur pa yin te/ mi 'bral ba'i sdom pa ni rten par gyur pa yin no/ /de'i phyir mtshams bcad pa ma byas pa gal te mi 'bral ba'i sdom pa byin na de'i tshe mi
 'chags? te/ sa gzhi mtshams ma bcad par mi 'bral ba'i sdom pa byin na mi 'chags te zhes 'byung ba'i phyir ro/ /nye 'khor ni 'khor te/ mtshams bcad pa'i gtsug lag khang du ni chos bzhag pa'i mdza' nye 'khor dang bcad pa'i
 mtshams kho na yin te/ mtshams byas pa ni bzhag pa'o/ /mdza' mtshams yin no zhes 'byung ba'i phyir ro/ /sgo khyams ni sgo'i bang rim mo/ /khang phran ni khang pa chung ngu'o/ /dge slong gis kun tu spyad pas ni dge slong la mkho ba'o//
 ra ba ni cig pa'o/ /'grong ri ba ni yal ga la sogs pa las gzugs pa byas pa'o/ /'obs ni brkos pa'o/ /steng g.yogs ni shing glegs la sogs pa'i g.yogs te/ shing leb la sogs pas thog por ba'i zhes bya ba'i tha tshig go/
 mu stegs can sna tshogs zhes bya ba la sogs pa ni lta ba tha dad pas de dag tha dad pa'i phyir gnas tha dad pa nyid do/ /spun nor brkos pa rnams kyi zhes bya ba ni sgo bye ba rnams te/ nor tha dad pa nyid kyis de dag gi gnas tha dad pa nyid do/ /dge slong
 ma la ni chos gos lngas zhes bya ba ni snam sbyar dang/ bla gos dang/ mthang gos dang/ shing dpung chad dang/ rdul zan rnams zhes bya'o/ /zhus pa'i gzhung la las ni 'di skad du/ dge slong mu stegs can gyi gzhir chos gos bzhag la/
 dge 'dun gyi gzhi nye 'khor gcig par gnas bgyid la ltung bar mi 'gyur ba lta 'ga' mchis lags sam/ de lta yin te 'di ltar mu stegs can dang lhan cig dbang ba yin na'o/ /de bzhin du shing la yang brjod par bya'o zhes 'byung ngo/
 de la don ni 'di yin te/ mu stegs can gyi gzhi ni mu stegs can gyi gnas so/ /dge 'dun gyi gzhi ni dge 'dun gyi gtsug lag khang ngo/ /nye 'khor gcig pa ni nye 'khor 'brel ma ste/ nye 'khor tha mi dad pa zhes bya ba'i tha tshig go
 dbang bar gyur na zhes bya ba 'dir dbang ba ni dge slong rnams dang/ mu stegs can rnams thun mong ba nyid du sems pa tsam gang yin par shes par bya'i/ las kyi ngo bo ni ma yin te/ de na de ngag dbang ba lhan cig tha dad pa nyid kyis
 mi rung ba'i phyir ro/ /de bzhin du shing la yang brjod par bya'o zhes bya ba ni ji ltar gzhi mu stegs can dang lhan cig dbang ba ltar shing dbang ba dang de dang 'dra'o zhes bya ba'i tha tshig go /'di ltar ltung ba med par smos pa'i gzhi de mu stegs can gzhan dag gis
 gzung mod kyi/ 'on kyang dge slong rnams kyi rang gi yin pa skyes pa gang yin pa de med par mi 'gyur ro zhes bya ba'i don 'di spyad pa yin no/ /gal te de la gcig kho na zhig dbang gis gnyis ma yin na ni de'i tshe tha dad pa nyid du 'gyur ro zhes ji ltar shes
 par bya'o/ /zhus pa'i gzhung la la las ni gzhan yang btsun par re zhig dang gtsug lag khang nye 'khor nye bar 'brel bar gyur na ji ltar des chos gos dang mi 'bral bar 'tshal bar bgyi/ nye bar 'khor grong gi nye 'khor ma gtogs lhag ma
 las chos gos mi 'bral bar shes par bya'o zhes 'byung ngo/ /de la don ni 'di yin te/ nye 'khor 'brel ba ni nye 'khor 'brel mar 'dug pa'o/ /'tshal bar bgyi zhes shes par bya'o/ /nye bar 'khor grong gi nye 'khor ma rtogs pa zhes bya ba ni
 khyim pa mi srun ba rnams gnas pa nyid kyis tha dad pa nyid du gyur pa'i phyir ro/ /gzhan dge slong gi gnas ni rang gir byed pa la brten pa'i phyir grong gi nye 'khor la ji tsam rang gir byed pa de tsam gnas cig pa yin te/ 'dzin par byed pa
 gcig pa'i phyir ro/ /rang gir byed pa med na ni gnas tha dad pa nyid yin no zhes bya ba de ltar shes par bya'o/ /'bral ba'i spang ba'i ltung ba gtan la dbab pa'o/ /dus ma yin pa'i gos ni nyes par 'gyur ba'i dus su rnyed pa'i phyir/ de bas nas sra
 brkyang bting ba'i gnas su ston zla 'bring po nas bzung ste/ dgung zla tha chung gi bar 'di ni chos gos bcad pa'i dus yin te/ de 'cha' ba la sogs pa'i nyes med pa'i phyir ro/ /de phan chad ni dus ma yin pa'o/ /sra brkyang ma ba ting ba'i gnas
 su thams cad dus ma yin pa yin pa kho na ste/ des chos gos lhag pa rnyed pa'o/ /rnyed la zhes bya ba ni grub pa'o/ /'dod na zhes bya ba'i chos gos don du gnyer na ste/ dus ma yin par rnyed pa'i chos gos de blang bar bya'o zhes
 bya ba'i tha tshig go /ci ste gal te 'di chos grub pa yin na ji ltar chos gos don du gnyer ba yin snyam na de ni ma yin te/ 'di ltar 'ga' 'am gnyis zin pa nyid la de skad ces bshad kyis thams cad ni ma yin pas 'di la nyes pa med do//
 gal te langs na zhes bya ba ni gal te des chos gos kyi bya ba byed na ste/ gal te des chos gos gsum tshang bar grub na zhes bya ba'i tha tshig go /myur ba kho nar chos gos su byas te bcang bar bya'o zhes bya ba ni phyi ma bshol bar byin gyis brlab
 pa can du bya'o/ /zla ba gcig gi bar ni gcig kho nar ro/ /bzhag par bya'o zhes bya ba ni bzhag par bya ba yin no/ /de'i phyir gang gis byin gyis brlabs pa'i chos gos gsum med pa des dus ma yin pa'i chos gos rnyed pa da zla ba gcig
 kho nar 'char bar bya'i gzhan gyi ni ma yin no zhes bya ba'i tha tshig go /ci nga yang gyi na 'chad par bya ba'am zhe na/ gal te mi langs la zhes bya ba la sogs pa smos te/ bdag gis slob dpon dang mkhan po la sogs pa las gdon mi za
 bar chos gos su longs pa rnyed par 'gyur ro snyam pa'i bsams pa 'di yod na gzhan gyi na ni ma yin te/ gzhan du zhag bcu nyid du 'gyur ba'i phyir ro/ /kha ma langs pa'i kha skong ba zhes bya ba'i snam sbyar dang/ zla gos dang/ mthang gos
 rnams kyi kham langs pa kha skong ba'i ched du'o/ /yang zhes bya ba'i sgra ni 'dir 'dul ba 'dzin pa kha cig na re ston pa nyid du shes par bya ste/ 'di ltar rnam par rtog pa med pa'i phyir 'di la don ni 'ga' yang mi rmongs so/ /zhes zer ro/
 gzhan dag ni 'am zhes bya ba'i sgra nges par gzung ba'i don nyid du brjod de/ tshig gi phrad ni du ma yin pas so/ /de bas na tshig gi don ni chos gos gsum kha skong ba kho na'i phyir gos re ba de gos de tshad du mi ldang ba zla ba thal bar 'chang ba nyes byas so zhes bgyi
 ba chos gos ji lta bu zhig bzhag par bgyi ba lags/ 'khor phyed khebs pa gang yin pa ste/ 'di ni chos gos bzhag par bya ba'i phyi ma med pa yin no zhes bya ba dag 'byung ngo/ /de la don ni 'di yin te 'dul ba 'dzin pa kha cig na re gos gyi tshad du mi ldang
 ba ni kun nas khru gdabs? chung ba'o/ /nyes byas so zhes bya ba 'dir nyes byas 'di zhag bcu 'das pa nyid kyi yin par shes par bya'i/ zla ba 'das pa ni ma yin no/ /'di ltar chos gos kyi tshad du mi ldang ba la ni mtshar gcig kha skong ba'i re ba rdzogs pa nyid du
 mi gnas te/ mchod sbyin gyi don du dal gyis 'gro ba'i yul gzhan du phyin pa dang 'dra bas de'i phyir de lta bur shes par bya'o/ /'khor phyed khebs pa ni lte ba'i mtshams nas bzung ste/ pus mo'i lha nga gnyis kyi bar du las kyi cha ni 'dir 'khor zhes bya
 ste/ 'khor de lta bu'i de zheng du brkyang ba dang chur brkyang bas mi khebs pa'i chos gos gang yin pa de la de skad ces bya'o/ /'di ni 'khor phyed khebs pa gang yin pa de zla ba gcig gi bar du bzhag par bya'o/ /mi khebs pa gang yin pa de ni gcig tu zhag
 bcu pa nyid yin pa de ltar shes par bya'i/ zla ba ba nyid ni ma yin no zhes bya bar rab tu bstan pa yin te/ kha skongs su re ba med pa'i phyir ro zhes zer ro/ /'di ni 'dul ba 'dzin pa gzhan dag mi 'dod do/ /kun nas khru gang du mi chog pa'i gos thams cad ni
 ltung ba med pa nyid ma yin te/ spang ba rnams kyi nang du kun nas khru gang ba'i gos ni phyi ma med pa'o/ /zhes 'byung ba'i phyir ro/ /'di ni phyi ma med pas zhes smos pas ni kun nas khru gang ba'i man chad kyi gos gang yin pa de ni spang ba rnams
 kyi nang du ma gtogs pa nyid du bsam par bya'o zhes bstan pa yin no/ /gzhan yang grub nas khru gang du mi chog pa la gos kyi blo mi gnas pa ste/ ras ros nyid du snang ba'i phyir ro/ /ltung ba med pa nyid ni gos 'chad ba dang 'jog pa
 yin te/ de lta bas na nyes byas su brjod pa gang yin pa 'di ni rigs pa dang lung gis gnod pa'i phyir 'dod par mi bya'o/ /zhus pa la la las gzhan yang yo byad gyi gos byin gyis ma brlabs pa zhag bcu 'das pa ni spang ba'o/ /gdong phyis dang
 chu tshags dang/ gding ba dang/ bar cad byin gyis mi rlob na ltung ba med do zhes 'byung ngo/ /'di la don ni 'di yin te/ yo byad kyi gos ni phongs pa'i dus su mkho ba'i gos rin po che byin gyis brlabs pa ni ji ltar gos gsum byin gyis rlob pa
 ltar 'di 'ang de dang 'dra ste/ rang rang gi ming gis byin gyis brlab par bya'o zhes 'byung ba'i phyir ro/ /gang la de ma byas pa de la de skad ces bya'o/ /chu tshags ni chu btsag pa'o/ /gding ba ni gding bar bya ba'o/ /bar cad gi gos ni rigs lnga khra bor
 'dug pa zhig go /byin gyis brlab pa ni bshad ma thag pa'i gzhung lta bur rang rang gi ming gis so/ /ltung ba med pa ni zhag bcu 'das pa'i spang ba'i ltung byed med pa'i phyir ro/ /gdong phyis dang chu tshags kun nas khru gang gi tshad du shes par
 bya'o/ bar cad yang bya bar 'dod pa'i chos gos dang/ mthun pa'i ngo bo nyid yin gyi rigs mi mthun pa ma yin te/ kha dog la sogs pa'i rigs mi mthun pa ni zla ba gcig gi bar du bzhag par bya'o/ /de seng ba la sogs pa'i kha skong
 ba'i phyir ma yin la/ gzhan gyi ched du yang ma yin no/ /de las 'das par zhes bya ba ni sum cu rtsa gcig la sogs par ro/ /de lta bas na 'dis tshig gi don du 'di 'byung ste/ dge slong gang zhig dus ma yin par chos gos kyi bya ba byed nus
 pa rnyed la byin gyis brlabs pa'i chos gos kyang med na/ chos gos kha bskang ba'i re ba yang med pa de ni chos gos de'i mod? kho na la byin gyis brlabs pa can du byas nas bcad bar bya'i/ /zla ba gcig gi bar du bcad bar mi bya ste/ gal te 'chang na de'i tshe spang
 ba'i ltung byed du 'gyur ro/ /'on te des chos gos mi ldang la chos gos kyi kha skong ba rnyed pa'i bsam pa'ang yod do/ /chos gos gsum pa yang ma tshang na de'i chos gos gsum gyi ched du de zla ba gcig gi bar du bcad bar bya'o/ /zla ba las thal bar 'chad
 na ni zla ba'i spang pa nye bar gnas so/ /de nyid kyi phyir zhus pa las/ gang la chos gos gsum tshang bar gyur pa des ni chos gos zla ba gcig gi bar du bzhag par mi bya'o/ /ci ste 'jog na spang ba'i ltung byed du 'gyur ro zhes 'byung ngo/ /bdun po dag las brtags
 ba gang yang rung bar ni bal gos dang/ sha na'i ras dang/ zar ma'i ras dang/ du gu la'i ras dang/ ras gos dang/ ko tam pa'i ras dang/ nyi 'og pa'i gos zhes bya ba rnams kyi nang nas so/ /chos gos gsum du ma tshang na zhes bya ba ni snam sbyar dang/ bla
 gos dang/ mthang gos rnams las gang yang rung ba zhig ma tshang na'o/ /chos gos mi langs zhig rnyed na zhes bya ba ni 'khor gsum khebs pa'i mthar phyin pa'i tshad du mi chog pa ste/ kun nas khru gang ba'i tshad dang ldan pa zhes bya ba'i tha tshig go /de nyid
 kyi phyir zhus pa la la las ni bcom ldan 'das kyis dge slong gi chos gos zla ba gcig gi bar du bzhag par bya'o zhes gsungs pa gang lags pa chos gos ji lta bu zhig lags/ 'khor gsum mi khebs pa gang yin pa'o zhes gsungs te 'khor
 sum khebs pa chos kyi bya ba byed pa nyid pas chos gos ni de ci ste bzhag cing de nyid chos gos su bya bar mi sbyar/ gal te byin pas de 'jog par byed na yang de'i tshe zhag bcu pa nyid du 'gyur ro/ /de nyid kyi gal te chos gos su langs pa zhig rnyed na de yang
 zhag bcu pa nyid yin no/ /zhes 'chad par 'gyur ro/ /kun nas khru gang tsam gyi tshad dang ldan pa gang yin pa de ni bzhag pa dang rigs pa dang ldan pa yin te/ de tsam gyis chos gos kyi bya ba mi 'grub pa'i phyir ro/ /nye ba 'khor chos
 gos gsum tshang na zhes bya ba la sogs pa ni chos ma tshang bar tshang bar bya ba'i phyir bzhag par gsungs na de yang tshang bas de'i phyir zhag bcur gsungs te/ kha ma longs pa kha skong ba'i chos gos la re ba zhes bya ba la sogs pa 'byung
 ba'i phyir ro/ /langs pa ni 'khor gsum khebs pa'i mthar thug pa'i tshad de tsam gyis chos gos kyi bya ba 'grub pa'i phyir te/ gal te langs na myur ba kho nar chos gos su byas nye bcad bar bya'o zhes 'byung ba'i phyir ro/ /'on te ma langs pa zhig ces
 bya ba ni kun nas khru gang ba'o/ /de tsam 'di'i chos gos kyi bya ba mi 'grub pa'i phyir te/ gal te de la mi langs na zla ba gcig gi bar du bzhag par bya'o zhes 'byung ba'i phyir ro/ /zhus pa la la'i gzhung gis ni rnam pa gzhan kha skong ba nyid
 ma yin no zhes 'byung ba'i phyir ro/ /'di rnams byin gyis rlob pa ni dpe ste/ rung bar bya ba la yang tshul 'di rnam par bzhag pa'i phyir ro/ /de bas na yo byad kyi gos la sogs pa la zhag bcu pa nyid dang zla ba nyid yin par shes par bya ste/ de la re
 ba ni med la byin gyis brlabs pa can ni yod na zhag bcu pa nyid yin la/ re ba ni yod na byin gyis brlabs can med na zla ba yin no zhes bya ba'i tha tshig go /zla ba spang ba gtan la dbab pa'o// //nye du ma lags pa la zhes bya ba ni gang la
 pha dang ma'i rigs bdun rgyud tshun chad las de dag kho na las ma yin gyi/ de dag gang yang rung ba snga ma 'ga' zhig skyes pa las/ ma las skyes pa nyid dang pha las skyes pa nyid gang la yod pa de ni nye du'o/ /de las gzhan pa ni nye du ma yin pa'o//
 nye du ma yin pa nyid nye du ma yin pa ste/ de la'o/ /yang dang yang reg pa'i rkyen gyis 'dod chags skye bar gyur na mi rung bas nye du ma yin pa smos pa'o/ /de bas na khyo shugs dag ni nye du ma yin te/ nye du'i mtshan nyid med pa'i phyir ro/ /chos gos ni bal gos
 la sogs pa rung ba'o/ /rnying pa ni dus tshigs su gsum las dus tshig gang yang rung ba zhig tu spyad pa'o/ /'khrur 'jug pa ni chu'i nang du rtsob par byed pa'o/ /'tshed du 'jug pa ni tshon gyi nang du bsgre ba'o/ /'chags tu 'jug pa ni chung ngu na thab mos
 kyang ngo/ /de bzhin du dge slong ma nye du ma yin pa sems 'khrugs pa zhes bya ba la sogs par kha cig lkugs mar smos par 'don to/ /de ni gzhan dag mi 'dod de/ gal te lkugs ma la 'khrur 'jug pa la yang nyes byas su 'dod na rgas pa dang 'thed
 ba la sogs pa'ang de dang 'dra bar thal bar 'gyur bas de dag la 'khrur bcug na yang nyes byas su thal bar 'gyur ro/ /de 'ang mi 'dod de rnam par rig par bya la rtogs pa tsam yan lag yin pa'i phyir ro/ /de lta bas na 'di ni gdon par mi bya'o/ /khas
 len pa la 'khrur 'jug na nyes byas su bstan pa ni mi mthun pa'i phyogs yin pa'i phyir te/ 'di ltar gzhan gyi phyogs la log par grub pa ni rang gi phyogs la ji lta ba de bzhin du smad pa ma yin pas de'i phyir 'di gsungs so/ /sgrub par gyi ba ni
 thun mong gi'o/ /bgrus pa ni cung zad bkrus pa'o/ /yongs su spyad de dri ma can du gyur pa zhes bya ba ni gal te na de tsam du zad pas de'i phyir dri ma can du gyur pas khyad par can du smos so/ /gnas mal gyi dngos po zhes bya ba ni dge 'dun gyi
 gnas mal dri ma can du gyur pa 'di bkru'o snyam pa'i bsam pas so/ /btsun pa re zhig dge slong gis zhes bya ba la sogs pa mtshan gyur na nyes byas su gsungs pa ni 'khrur 'jug par gtogs par 'gyur ba'i phyir ro/ /'di ltar ltung ba 'di ni
 'phags pa 'char kas sped ma la smad yogs su bu bsags gos? pa 'khrur bcug la de las rnam par bzhag ste/ kun tu 'dod chags pa'i rgyu yin pa'i phyir ro/ /dge slong ma de yang nye du ma yin pa mtshan mthun pa la 'khrur 'jug na
 ma rtags pa'i phyogs la brten pa'i nyes byas su gsungs so/ /btsun par re zhig dge slong mas zhes bya ba la sogs pas mtshan gyur na de kho na bzhin nyes pa byas su gsungs pa ni ma brtags pa'i phyogs la brten pa'i phyir ro/ /spang ba zhig dge slong mas
 nye du ma lags pa 'khrur rtsol na zhes bya ba la sogs pas spang ba'i ltung byed du 'gyur bar gsungs pa ni rang gi yod pa yin pa'i phyir ro/ /'on te spangs pa ni? gi 'khrur 'jug na zhes bya ba la nyes byas su gsungs pa ni spar rang gi yin pa skyes pa
 nyams pa'i phyir dang/ byin gyis brlabs pa nyid med pa'i phyir ro/ /bshad pa ni phyi sa'o/ /gci ba ni gcin no/ /'dam? rdzab ni rdzab so?/ /ljan ljin ni ltar khung du gtogs pa mi gtsang ba'o/ /gzhan gyis zhes bya ba ni khrag la sogs pas so//
 bsnyen par ma rdzogs pa 'khrur rtsol ba'i sbyor ba bgyis la zhes bya ba la sogs pa'i bsnyen par mi rdzogs pa'i gnas skabs pa bdag nyid kyis 'jug pa'i sbyor ba byas nas dus phyis de'i sbyor ba'i dbang kho nas chung ba yin gyi/ pho
 nye la sogs pa la 'tshol ba'i dbang gis ni ma yin no zhes bya ba'i tha tshig go /bsnyen par ma rdzogs par 'du shes na zhes bya ba la sogs pas nyes byas su gsungs pa ni bsnyen par ma rdzogs pa ni 'khrur 'jug pa na yang nyes byas su gsungs
 pa'i phyir ro/ /nye dur 'du shes na zhes bya ba la sogs pas ltung ba med par gsungs pa ni nye du la ltung ba med par bstan pa'i phyir ro/ /nye du ma yin pa la ni spel ba dang lhung bzed dag ma yin pa nye du la nyes pa med do zhes 'byung ba'i phyir ro/ /de
 lta bas na 'dir nye du ma yin pa la 'du shes pa la spang bar gsungs pa ni sbyor ba yod pa'i phyir dang/ bsams pa'i don 'grub pa'i phyir te/ lugs las sbyor ba la ni 'du shes yan lag nyid do zhes 'byung ba'i phyir ro/ /nye du ma yin pa la nye dur shes pa
 la ltung ba med par gsungs pa ni sbyor ba med pa'i phyir ro/ /dngos gzhi la yang ltung ba med do/ bsams pa'i don ma grub pa'i phyir ro/ /'di ltar nye du ma yin pa'i 'du shes kyis 'jug pa ni sbyor ba yin gyi/ nye du'i 'du shes kyis ni ma yin no/ /de lta dge ba
 nye du ma yin pa la nye dur 'du shes pas 'khrur 'jug pa la ltung ba med par gsungs pa ni sbyor ba la 'du shes pa yan lag rnam par bzhag na de yang de la med pas so/ /nye du la nye du ma yin par 'du shes pa la nyes byas su gsungs pa ni sbyor ba
 yod pa'i phyir te/ nye du la nye du ma yin par 'du shes pas 'jug pa sbyor ba yin gyi nye du'i 'du shes kyis ni ma yin no/ /de yang de la yod pas lung las sbyar ba la ni 'du shes yan lag nyid do zhes 'byung ba'i phyir ro/ /nye du la nye dur 'du shes
 pa la ltung ba med par gsungs pa ni ma bsams pa'i phyir dang sbyor ba 'am med pa'i phyir te/ de bzhin du 'og ma dag la yang ci rigs par shes par bya'o/ /rnam par 'byed pa las dge slong gis dge slong ma nye du la nye du ma yin par 'du shes
 pas chos gos rnying pa 'khrur 'jug na nyes byas su 'gyur ro zhes gsungs pa ma yin nam/ de ji lta bu zhe na/ 'dul ba 'dzin pa rnams na re der yang sbyor pa las byung ba'i nyes byas yin par ston par shes par bya'o gzhan ni ma yin te/
 'di ba'i don grub pas dngos gzhi slong ba'i phyir ro/ /'di ltar nye du ma yin par 'du shes 'jug pa ni sbyor ba yin gyi nye du'i 'du shes kyi ni ma yin no/ /'di ni mi shes par byas pa las ltung ba gang yang mi 'gyur te/ 'di ltar ched du
 ma bsams pa'i phyir ro zhes bya ba'i don 'di bstan pa'i phyir 'du shes smos kyi ltung ba med pa la gtso bo nyid du shes par bya ba'i phyir ni ma yin no zhes byas par shes par bya'o/ /de nyid kyi phyir don tu 'du shes
 dang ldan pa la ni dngos gzhi'o/ /gzhan nyid la ni sbyor ba'o zhes bshad do zhes zer ro/ /don 'di ni bshad zin pa yin mod kyis yang ches gsal bar bya ba'i phyir bshad do/ /gzhan mu stegs can zhes bya ba la sogs pa bram
 ze ni sdom rtsom can du gyur pa yin par shes par bya'o/ /de lta ma yin te sdom pa med pa yin na khyim pa mo dang zhes 'byung ba dang zlos pas khyab par yod par mi 'gyur ro/ /kha cig ni gzhan mu stegs can dang/ dge sbyong dang/
 sbyor pa dang kun tu rgyu rnams la zhes de skad du 'don par byed do/ /de la ni lan gang yang med la lan gdab kyang mi dgos te/ de bzhin du gzhan dag la yang ci rigs par shes par bya'o/ /dge slong mas dge slong dang zhes
 bya ba'i la sogs pas nyes byas gsungs pa ni der gtogs par gyur pa yin pa'i phyir ro/ /'o na kha cig dge slong gis chos gos 'khrur 'jug na dge slong ma rnams la spangs par 'gyur bar 'dod pa de ji lta bu zhe na/ de
 ni rigs pa ma yin te/ dge slong gis chos gos kyi dge slong ma la spang bar 'byung bar ni rung ba ma yin no/ /'di ltar spang bar bya ba'i nor las spang ba byung na gzhan gyi yang rang gir ma byas pa kho nas spangs pa'i phyir ro/ /gzhan
 yang dge slong ma rnams la ni gang las kyang 'khru ba bstan pa med pas 'di ni gyi na'o/ /khyim pa mo'i khyim pa'i thad du 'gro zhing nyan pa ste/ gus par nyan pa med de zhes bya ba'i tha tshig go /zhus pa gzhung la las ni 'di skad du/
 dge 'dun gyis 'khrur 'jug pa dang/ ltang ltong du 'dug pa 'khrur 'jug na thams cad du nyes byas su 'gyur ro zhes 'byung ngo/ /de la don ni 'di yin te/ dge 'dun gyi chos gos 'khrur 'jug na nyes byas su 'gyur ba ni rang gi yin pa med pa'i
 phyir ro/ /gzhan dag na re dge 'dun gyi la ni mthun mong ba nyid kyis gzhan gyis yin pa'i phyir gyi rang gi yin pa med pa'i phyir te/ ma yin to/ 'di ltar res 'ga' gang gi che brnyas nas byin gyis brlab pa can du byed na dge 'dun gyi la yang rang gi yin
 pa nyid du ni 'gyur gyi/ de'i tshe yang gzhan gyi yin pa nyid med na ni ma yin no zer ro/ /rung ba'i khrur 'jug pa ni snga nas rang gi yin pa la mi rten pa'i phyir ro/ /sngar stong du 'dug pa ni bar bar na shag shig tu 'dug pa brtags pa'i phyir ro/ /'tshed pa
 dang 'chags pa dag gi gzhung gzhan chos gos bag tsam kha sgyur ba 'tshed du 'jug /chos gos bag tsam 'chags pa 'chags tu 'jug na thams cad du nyes byas su 'gyur ro zhes 'byung ngo/ /de la don ni 'di yin te/ bag tsam kha sgyur ba ni cung
 zad kha bsgyur ba'o/ /bag tsam bcags pa ni cung zad bcags pa ste/ phyed byas pa byed pa la phyed nyid yin no zhes 'byung ba'i phyir nyes byas su gsungs so/ /dus ma gtogs pa ni phongs pa'i dus ma gtogs pa'o/ /de la zhes bya ba ni nye du ma
 yin pa la slong ba la'o/ /dus ni bslang du rung ba'i dus so/ /yang dus ni tshul te nyes pa mi 'byung bar gyur pa'i gnas skabs ni 'di yin no zhes bya ba'i tha tshig go /yang na gzhan dag na re 'du shes 'byung ba'i phyir nyes pa mi slong ba rgyu mtshan du gyur pa'i
 dus dang gnas skabs gzhan gang yin pa'o zhes zer ro/ /chos gos phrogs pa ni chom rkun la sogs pas so/ /chos gos nyams pa ni brjed pa la sogs pas so/ /chos gos tshig pa ni mes so/ /chos gos red pa ni rlung gis so/ /chos gos khyor ba ni
 chus so/ /de la 'di ni dus yin no zhes smos pa ni nges par bzung ba ste/ 'di ni dus yin gyi gzhan ni ma yin no zhes bya ba'i tha tshig go /gzhan dag na re 'jug bsdu ba'i ngo bos brtsal bar bya ba'i phyir ro zhes zer ro/ /bsnyen par ma rdzogs
 par zhes bya ba la sogs pa ni bdag nyid kyis bslangs pa'i rgyu dus phyis sngon gyi sbyor ba kho nas grub na zhes bya ba'i don to/ /de bzhin du 'og ma dag la yang ci rigs par bya'o/ /za ma zhes bya ba la sogs pas nyes byas su gsungs pa
 ni 'jig rten gyi tha snyad las 'das pa'i phyir ro/ /'di ltar 'di'i lus ni sems can gyi blo nyams pa lta bur 'dug go /de'i phyir gdon gyis zin pa dang 'dra bar mi ma yin pa nyid du snang ste/ ma ning dang ma ning mo dang mtshan gnyis pa rnams la
 yang tshul 'di nyid yin la/ khyim par gtogs pa'i kha na ma tho ba 'og ma dag la yang de kho na bzhin du shes par bya'o/ /de bzhin du ma ning dang ma ning mo dang dge slong zhes bya ba 'dis dge slong la sogs pa la nyes byas su gsungs pa ni slong
 bar gtogs par gyur pa ste/ 'di ltar chos gos kyi bgos pa ma gtogs par tshangs pa mtshungs par spyod pa rnams la slong na yang mi mdzes so/ /slong ba'i spang ba gtan la dbab pa'o// //dus kyis zhes bya ba ni mngon par zhe na
 pa bstan pas so/ /stobs pa ni mgron du byed pa'o/ /stod g.yogs smad g.yogs bcas pa zhes bya ba la stod g.yogs ni stong du bgo ba'o/ /smad g.yogs ni sham thabs so/ /mdza' thug pa zhes bya ba'i sgra ni mchog tu brjod pa yin te/ des
 na dge slong slongs mo pa des po zos na stod g.yogs smad g.yogs dang bcas pa de kho na bslabs par bya'i lhag par ni ma yin no zhes bya'i tha tshig go /tha dad du bya ba ci yod ces bya ba ni khyad par ci yod pa'o/ /khyim pa'i stod g.yogs smad
 g.yogs dang bcas pa ni stod g.yogs khru bcu gnyis pa dang/ smad g.yogs khru bdun dang gnyis pa'o/ /de tsam gyi cha lugs 'grub pa'i phyir te 'og ma la yang de dang 'dra'o/ /dge slong gi stod g.yogs smad g.yogs dang bcas pa ni dus du ma spyad pa'i gos la
 ni snam sbyar ni nyis rim du bya'o/ /smad g.yogs ni khru lnga dang gnyis par bya'o/ /dus su spyad pa las ni rnam sbyar dang smad g.yogs dag de'i nyid 'gyur du bya'o/ /dge slong gis khyim pa'i stod g.yogs smad g.yogs dang bcas pa zhes bya ba la sogs
 pas gal te mi ldang bar gyur na yang bslang bar mi bya ba ni sbyin pa pos khas blangs la thob pas mi cho ga na lhag par blang bar mi bya ste/ khyim pa'i stod g.yogs smad g.yogs dang bcas pa ni byin zin pa'i phyir ro/ /gal te lhag na yang sbyin par mi bya ste/
 sngar las blangs pa khyim pa'i stod g.yogs smad g.yogs dang bcas pa tsam nyid byin pa'i phyir ro/ /dge slong gis dge slong gi stod g.yogs dang smad g.yogs dang bcas pa zhes bya ba la sogs pas gal te mi ldang bar gyur na bslang bar bya
 ba ni dge slong gi stod g.yogs smad g.yogs dang bcas pa la chad nges pa yod de/ de bas na dge slong gi stod g.yogs dang smad g.yogs bcas pa khas blangs pa thob pas ni mi ldang na blang bar bya ste/ dge slong gi stod g.yogs smad g.yogs
 dang bcas pa ma byin pa'i phyir ro/ /gal te lhag par gyur na sbyin par bya ba ni lhag par thob na sbyin par bya ba ste/ khas blangs pa las lhag pa'i phyir ro/ /'dul ba 'dzin pa kha cig ni 'di gnyis la spang ba'i ltung byed du 'dod de/ dge slong khyim pa'i
 stod g.yogs smad g.yogs dang bcas pa la lhag par slong ba dang/ dge slong gi stod g.yogs smad g.yogs dang bcas pa las lhag pa'i sbyin pa mi byed na thams cad du spang ba'i ltung byed du 'gyur ro zhes pa'o/ /'di ni 'dul ba 'dzin pa gzhan dag
 mi 'dod de/ dge slong gi stod g.yogs smad g.yogs dang bcas pa la lhag par slong na zhes bya ba 'di la'ang thal bar 'gyur ba'i phyir ro/ /'di ltar khyim pa'i stod g.yogs smad g.yogs dang bcas pa las lhag par slong ba
 ni spang ba'i sbyor ba yin na spang ba'i sbyor ba la spang bar 'gyur ba mi 'thad ste/ 'di ltar de'i sbyor ba la ni nyes byas su bstan pa'i phyir ro/ /de lta bas na gnyi ga la nyes byas su 'don pa bzang ste lhag par slong ba'i phyir dang lhag par 'chad pa'i
 phyir ro zhes bya ba'i tha tshig go /lhag ma ni pho nya'i yi ge lag brda dang zhes bya ba la sogs pa'o/ /bslab pa'i gzhi snga ma zhes bya ba'i bslab pa'i gzhi'o/ /'di la zhes bya ba ni stod g.yogs smad g.yogs dang bcas pa la'o/ /stod g.yogs smad
 g.yogs dang bcas pa slong ba'i spang ba gtan la dbab pa'o// //yang zhes bya ba'i sgra ni nges par bzung ba ste/ gang kha na de las grub par bya ba'i dge slong de kho na'i zhes bya ba'i don to/ /yang na gal te zhes bya ba'i don to/ /phyir zhes bya
 bas ni ched du byas nas so/ /chos gos kyi rin dag ni chos gos kyi zod dbyig dang gser la sogs pa ste/ 'di dag gis chos gos grub cing nyo bar byed pa'i phyir ro/ /spags pa ni so sor nges pa'i ngo bor bzhag pa zhes bya ba'i tha tshig go /'di
 dang 'di lta bu ni rnam pa 'di lta bu ste/ tshang dang kha dog zhes bya ba'i tha tshig go /dang zhes bya ba'i sgra ni gnyi ga'i chos gos shig dang sbyar bar bstan pa'i phyir ro/ /nyos la zhes bya ba ni nyos nas so/ /rung ba ni dge slong dang mthun pa rda bal gyi snam
 bu la sogs pa ma yin pa'o/ /dus su zhes bya ba ni mkho ba'i dus so/ /sngar ma bstabs par zhes bya ba ni sngar mgron du ma byas pas so/ /rnam par rtog pa 'ga' zhig rig ste zhes bya ba'i rgyu mtshan 'ga' zhig rig nas ste/ mthong ba dang thos
 pa dang/ dogs pa nyid kyis bsam pa khong du chud nas zhes bya ba'i don to/ /bzang po 'dod pa'i phyir zhes bya ba'i ches khyad par du 'phags pa 'dod pa rgyur byas nas so/ /thag pa ni bzang po'o/ /grub na zhes bya ba ni lag tu thob na'o/ /de las gzhan pa'i
 yo byad rnams ni ltung bzed la sogs pa'o/ /nyes byas 'di ni spags pa las lhag par slong ba'i bslang bar gtogs par gyur pa yin no/ /dge slong gi slang ces bya ba la sogs pa la nyes byas su gsungs pa 'di ni gzhan gyi ched yin pa'i phyir ro/ /spags
 pa las lhag par slong ba'i spang ba gtan la dbab pa'o/ /gnyi ga 'dus te bya ba ni chos gos khyad par du 'phags pa bya bar sems te'o/ /lhag ma ni pho nya la sogs pa'o/ /'das ma thag pa la zhes bya ba ni spags pa las lhags par slong ba
 la'o/ /'di la zhes bya ba ni so sor nas spags pa las lhag par slong pa'o/ /de lta bas na yang 'dir smos pa ni sbyin par byed pa'i dus ma yin pa'i phyir te/ 'di gnyis kyi tha dad pa nyid ni de lta bu yin no/ /so so nas spags pa las lhag par
 slong ba'i spang ba gtan la dbab pa'o// //yang zhes bya ba'i sgra ni gal te zhes bya ba'i don to/ /bram ze ni yon gnas su bkur bar ston pa yin no/ /khyim bdag ni rje rigs dang dmang rigs kyis mtshon pa'i sbyin pa brten pa'o/ /rigs dang
 mthun pa'i khyad par bstan nas bsam pa'i khyad par brtan pa grong rdal gyi mi ni grong sna'o/ /yul mi ni yul dpon no/ /rdzas dang mchod pa'i khyad bstan pa/ nor can ni byed pa'i bdag po te/ rdzas bsags pa dang ldan pa'i phyir ro/
 tshong dpon ni mgo rgyan thob pa ste/ rgyal pos bkur ba'i phyir ro/ /zho sha bstan pa'i ded dpon ni lan gnyis gsum 'gron pa'i 'das pa'i phyir te/ 'dron po'i khang dpon zhes bya ba'i tha tshig go /spang 'phags pa mkhyen par mdzod cig
 ces bya ba yang zhes bya ba'i sgra ni tshig gi rgyan gyi don to/ /mkhyen par mdzod cig ces bya ba ni khong du chud par gyis shig pa'o/ /thugs brtse ba'i slang du zhes bya ba ni snying brtse brgyur byas nas te/ lan sbyin pa'i blos ma sbyin par zhes bya
 ba'i don to/ /mi rung ba ni bcom ldan 'das kyi rang gir byed pa bkag pa'i phyir ro/ /ni zhes bya ba ni yang zhes bya ba'i sgra'i don to/ /zhal ta bgyid pa ni zhal ta pa'o/ /zhal ta ni las so/ /nyams su len pa ni byed pa'o/ /chos gos 'dod pa ni chos
 gos re ba'o/ /kun dga' ra ba pa ni gsum la skyabs su song zhing rung ba byed pa'o/ /dge bsnyen ni bslab pa'i gzhi lnga pa can no/ /bstan par bya ba ni ngo bstan par bya ba'o/ /legs par zhes bya ba la sogs pa la/ ji ltar yang dag par bsgo
 na legs par zhes bya ba gsungs so/ /ji skad bstan pa bzhin byed du 'jug pa'i phyir te/ khyod kyis 'di'i tshad 'di tsam du gyis shig ces bya ba'i tha tshig go /ji ltar yang dag par bstan ce na/ shin tu zhes bya ba gsungs so/ /'di skad smras pa
 bzhin brjod pa'i phyir te 'dir rung bar gyis shig /nyo tshong dag la te bor (mkhas par)? gyis shig ces bya ba'i tha tshig go /bstan pa ni ngo bstan pa'o/ /yang dag par bstan pa ni phan pa la sbyar ba dang mi phan pa bzlog pas so/ /lan gsum du zhes bya ba ni
 lan gnyis lan gsum du zhes bya ba'i tha tshig go /bskul bar bya ba ni chos gos kyi ched du gzhan gdab par bya'o/ /dran par bya'o zhes bya ba la/ dran pa ni bskul ba'i 'khor du gyur pa kho na ste/ des na lan gnyis lan gsum du bskul bar
 bya/ lan gnyis lan gsum du dran par bya'o/ /zhes bya ba'i tha tshig go /de nyid bstan pa'i phyir bdag chos gos 'dod do zhes bya ba la sogs pa smos te/ bzlas pa'i don du gnyer ba nyid du bstan pa'i phyir ro/ /gal te zhes bya ba ni ci ste'o
 grub na zhes bya ba ni grub par gyur na'o/ /lan bzhi lan lnga lan drug gi bar du zhes bya ba ni sngar bskul ba gtogs par lan bzhi dang lan lnga dang lan drug gi bar du ste/ des na re zhig lan gsum gyi bar du bskul bar bya'o/ /des ma grub na lan gsum
 gyi bar du phyogs su bsdad par bya'o/ /de las thal na ltung bar 'gyur ro zhes bya ba'i tha tshig go /gnas ni gnas so/ /de'i dus dang/ khang pa dang/ las kyi mdza' pa dang/ las la dag gi bye brag gis rnam pa bzhi ste/ 'jig rten ni phal cher 'di dag tu gnas
 par 'gyur ro snyam du dgongs pa yin no/ /de'i 'og tu zhes bya ba ni bskul ba dang bcas pa'i phyogs su bsdad? pa ste/ bslang ba lan drug pa'i 'og rol tu zhes bya ba'i don to/ /'di la 'dul pa 'dzin pa rnams kyi blo tha dad par 'gyur te/ 'dul ba
 'dzin pa kha cig na re bskul ba lan gsum pa'i bskul ba bzhi pa'i dngos gzhi byed pa nyid do zhes zer ro/ /'di ni 'dul ba 'dzin pa gzhan dag mi 'dod de/ 'di ltar mjug thogs kho nar/ btsun pa re zhig dge slong gis chos gos
 bsgrubs pa'i slad du lan bzhi lan lnga lan drug gi bar du slong bar bgyid cing zhes slong ba lan drug pa'i 'og ma ltung ba byed pa nyid du gsungs so/ /gal te bzhi pa yang dngos gzhi byed pa nyid yin na de lta na btsun pa re zhig dge slong gi chos gos
 bsgrub pa'i slad du lan gnyis lan gsum bskul ba'i 'og tu slong bar bgyid cing zhes de ni 'di skad du brjod dgos par 'gyur te/ gnyi ga yang rang gi ngo bo yin pa'i phyir ro/ /gang yang lan gnyis lan gsum du bskul zhing dran par byas
 pa na gal te chos gos de ltar na legs/ gal te ma grub na lan bzhi lan lnga lan drug gi bar? du phyogs su cang mi smra bar bsdad bar bya'o zhes bskul ba gsum pa'i 'og tu cang mi smra bar sdod du gnang gi skul bar lhag por ma gsungs pa
 ni yang dang yang du skul bar smras na skyo ba skyes nas mi rung ba yin gyi/ bskul ba bzhi pa spang bar byed pa nyid kyis lan? ni ma yin no/ /de lta bas na 'di ni bskul ba lan gsum las thal ba ni nyes byas byed pa nyid yin la/
 phyogs su bsdad pa la lan gsum gyi 'og tu ni spang bar byed pa nyid yin no zhes bya ba de ltar shes par bya'o/ /yid brtan pas ni yid ches pa ste/ slob ma la sogs pa'o/ /don cing kyang ma grub pa ni dogs pa ci yang mi byed pa'o//
 shes par gyis shig ces bya ba ni ltos shig pa'o/ /rang gi nor ni bdag nyid kyis rdzas so/ /btsun pa re zhig dge slong la chos gos la ma gtogs pa zhes bya ba la sogs pas nyes byas su gsungs pa ni skur pa'i spang bar gtogs
 par gyur pa yin no/ /skur pa'i spang ba gtan la dbab pa'o/ /srin bal ni ngar gyi srin bu las byung ba'o/ /stan ni nad tshangs can dang blings pa'o/ /kha cig na re stan rnam pa gnyis yin mod kyi/ 'on kyang re zhig 'dir ni nad tshangs can
 dgongs pa yin no/ /blings pa ni ma yin te/ de ni phyir ba'i ngo bo yin pa'i phyir la/ srin bal kyang phying ba'i ngo bo nyid du blings du mi rung ba'i phyir ro zhes zer ro/ /'dul ba 'dzin pa rnams na re de ni rigs pa ma yin no/ /'di ltar bcom
 ldan 'das nyid kyi stan ni gnyis te/ nad tshangs dang/ blings pa'o/ /don 'di la ni gnyi ga yin par dgongs so zhes gsungs pa'i phyir ro/ /byed na zhes bya ba ni rang ngam gzhan la mngon sum du bya'o/ /'dir nad tshangs can smos pas
 ni g.yogs ma'i gos de lta bu nyid du 'chang ba ni spang bar mi 'gyur te/ gos nyid yin pa med pa'i phyir ro/ /stan gang zhig 'dir stan nyid yin du zin kyang gos nyid yin pa yod pa de ni 'chang na 'chang ba'i spang bar 'gyur
 ba kho na ste/ gos su gyur pa'i phyir gding ba bzhin no zer ro/ /btsun pa re zhig dge slong gis gzhan las srin bal gyi stan sar pa bgyid du stsal na zhes bya ba la sogs pas nyes byas su gsungs pa ni rang gi mig sngar ma byas pa'i phyir te
 rang gi mig sngar ma byas pa'i phyir te/ rang gi mig sngar ma byas pas ni rang gi mig sngar byas de dra ba'i mngon par zhen pa dam po'i 'dod pa yang mi 'byung la/ de 'dra ba'i lus ni mi 'byung bas de'i phyir 'di shes par bya'o/ /kha cig mngon du khyim
 pa la bgyid du stsal na zhes bya ba la sogs pas nyes byas su brjod do/ /'di ni rigs pa ma yin te/ 'di ltar byed pa dang byed pa nyid yin gyi khyim pa nyid la sogs pa'i khyad par ni ma yin te/ de ni 'dir 'brel pa nyid med pa'i phyir ro/ /de lta bas na
 'di la lhung bzed kho na bzang ste/ logs shig tu smos pa ni gsal ba nyid du bstan pa'i phyir gcod pa la sogs pa yang tshul ni 'di yin no/ /spun zhes bya ba la sogs pas spang ba'i ltung byed du smras te/ dkon pa'i phyir dang/ rin che ba'i phyir te de
 skad du gsungs so zhes zer ro/ /bal lam zhes bya ba la sogs pas 'dres pa las byas na nyes byas su gsungs pa ni rdzas zung dang 'dres pa la 'di shes par bya'o/ /kha cig ni srin bal ni dul ma dang zhes bya ba la sogs pa las 'dir khyad par rnams
 ni yan lag dbye ba nyid kyis rgyu dang spun dag tu rig par bya'o/ /gzhan dag ni de ltar mi 'dod do/ 'di ltar gal te gang dag chos dkon zhing ches rin che ba de spang bar byed pa nyid du 'gyur te/ 'don na de lta na ni dpag bsam gyi gos la sogs pa'i spang ba byed
 pa nyid du shin tu dkon pa dang/ shin tu rin che ba'i phyir ro/ /de bas na mjug thogs kho nar ma brtags pa las bgyid du stsal na cir 'gyur lags/ nyes byas so zhes khyad med par ma btags pa thams cad nyes byas byed pa nyid du 'chad par
 'gyur ro/ /de lta bas na ston pas bcas pa'i dbang kho nas ltung ba rnams par bzhag pa yin no/ /'di la spang ba'i ltung byed du rnam par bzhag par brjod par yang rigs pa ma yin te/ ha cang thal bar 'gyur ba'i phyir ro/ /de lta
 bas na 'dres pa 'di thams cad la ni nyes byas kho nar rig par bya'o/ /ma brtags pa ni dpag bsam gyi gos la sogs pa'o/ /kha cig ni dge slong ma rnams la srin bal gyi spang ba mi 'dod do/ /de ni rigs pa ma yin te/ yang dge
 slong ma gang zhig srin bal gyi stan sar pa byed na spang ba'i ltung byed do zhes 'byung bas dge slong ma'i rnam par 'byed pa de dag las de rnams las ni rnam par bzhag pa'i phyir ro/ /bde bar gshegs pa'i zhes bya ba la sogs pa ni chos gos
 gang la chu dang zheng dag tu tshad dang ldan pa'i khru bco lnga dang dgu'i tshad yod pa de la de skad ces bya'o/ /tshad de la ldan pa zhes bya ba'i don te/ bcom ldan 'das kyi yan lag ni skyes bu gsum gyi tshad yin pa'i phyir ro/ /'di ni tshad las
 lhag na ma brtags pa yin pa'i phyir ro/ /zhus pa la la las ni gzhung 'di skad du/ bde bar gshegs pa'i tshad kyi bgyid na cir 'gyur lags/ spang ba'i ltung byed do zhes 'byung ste/ de lta bas na 'dis ni chung ba ni na smad par byed pa
 nyid yin gyi/ lhag pa ni ma yin no zhes bstan pa yin no/ /kha cig ni spang bar smos pa mi 'dod de/ ji ltar ji ltar bcos pas tshad chung ngu rab tu byung ba'i rdzas ma yin pa'i phyir ltung ba chung ngu byed pa nyid yin pa ltar tshad chen po yang de
 dang 'dra'o/ /de nyid kyi phyir 'og nas btsun pa dge slong gis dge 'dun gyi khri 'am khri'u bkram ste ma byung bar mchis la/ ltung byed du 'ang mi 'gyur ba lta mchis lags sam/ nye bar 'khor yod de/ bde bar gshegs pa'i sor brgyad
 chung ba 'am che bar 'gyur na nyes byas su 'gyur ro zhes 'chad par 'gyur bas/ tshad las lhag pa yang nyes byas su gsungs so/ /de bzhin du tshad las lhag pa'i lhung bzed 'chang ba la yang nyes byas su gsungs te/ de lta bas na 'di la ni nyes byas kho nar bzad do/
 chen po zhes bya ba la sogs pa la/ de'i zheng gi tshad ni 'dul ba 'dzin pa ?? gding ba dang 'dra bar brjod de/ de la gding ba'i tshad ni 'di yin te/ srid du bde bar gshegs pa'i mtho'i mtho do'o?/ /zheng du phyed dang do'o zhes 'byung ba'i phyir ro/ /bsnyen
 par ma rdzogs par zhes bya ba la sogs pa la/ stan bgyi bar sbyor ba bgyis la zhes bya ba ni mngon sum kho nar sbyor ba byed kyi pho nya la sogs pa'i ma yin no zhes bya ba'i don te/ 'di la sbyor ba'i dbang gi kyang ltung ba 'dra ba nyid do snyam du dgongs pa
 yin no/ /zhus pa la la las ni 'di skad du btsun pa re zhig dge slong srin bal nyams pa las stan bgyid na cir 'gyur lags nyes byas so zhes 'byung ngo/ /de la don ni 'di yin te/ nyams pa ni srog chags kyis zos pa la sogs pa ma rung bar
 gyur pa'o/ /nyams pa nyid la ni rdzas yongs su rdzogs par med pas de'i phyir tshul 'di yin no/ /srin bal gyi spang ba gtan la dbab pa'o/ /lug bal ni lug gi bal lo/ /nag po 'ba' zhig ni nag po nyi tshe ste/ lhing nag ces bya ba'i tha tshig go /
 'di ni shin tu 'jam pa'i phyir dang/ dkon pa'i phyir rab tu byung ba dang 'thun pa nyid ma yin te/ de'i phyir 'di yin no/ /rgyas par brjod pa zhes bya ba ni gzhan la bgyid du stsal na zhes bya ba la sogs pa'o/ /bzhi tshan du zhes bya ba ni lug
 bal nag po 'ba' zhig la nag po 'ba' zhig par 'du shes pas stan sar pa bgyid du stsal na cir 'gyur lags/ spang ba'i ltung byed do/ /nag po 'ba' zhig la nag po 'ba' zhig ma lags par 'du shes na cir 'gyur lags/ ltung ba med do//
 nag po 'ba' zhig ma lags pa la nag po 'ba' zhig tu 'du shes na cir 'gyur lags nyes byas so/ /nag po 'ba' zhig lags pa la nag po 'ba' zhig ma lags par 'du shes na cir 'gyur lags/ ltung ba med do/ /nag po
 'ba' zhig pa'i spang ba gtan la dbab pa'o/ /cha ni shas so/ /gsum pa ni dkar po las zhes bya ba ni gnya' ba dang sgang dang glo nas skyes pa dkar po dag las so/ /bzhi ni 'khob bal las zhes bya ba ni mgo dang rkang lag dang lto las skyes
 pa dag las te/ phal cher sa la 'drud pa'i phyir ro/ /gzhug par bya ba ni gtang bar bya ba'o/ /cha gnyis las zhes bya ba la sogs pa'i don ni 'di yin te/ lug bal nag po dag gi cha gnyis po 'di las lhag pa nyid yin na ltung ba
 'dir 'gyur ro/ /gang gi tshe dkar po dang 'khob bal dag lhag par bcug pas nag po nyung ba 'am mnyam par gyur pa de'i tshe ni ltung ba med do zhes bya ba'i tha tshig go /ma bcug par zhes bya ba ni ma btab par te/ gzhan la bgyid du stsal na
 zhes bya ba la sogs pa thams cad brjod par bya'o/ /bzhi tshad du brjod par bya'o zhes bya ba ni lug bal dkar po dang 'khob bal nyung la nyung bar 'du shes/ lug bal nag po 'ba' zhig mang ba la yang mang bar 'du shes pas stan sar
 ba bgyid du stsal na cir 'gyur lags/ spang ba'i ltung byed do/ /dkar po dang/ 'khob ba la (nyung dkar po 'ba' zhig) ni mang ba la mi mang bar 'du shes na cir 'gyur lags/ ltung ba med do/ /dkar po dang 'khob bal ni nyung/ dkar po 'ba' zhig ni mang
 ba la mi mang bar 'gyur na cir 'gyur lags/ ltung ba med do/ /gnyi gar yang dge slong ma la ni dkar po dang 'khob bal ni nyung/ dkar po 'ba' zhig ni mang ba la mi mang bar 'du shes na cir 'gyur lags nyes byas so/ /dkar po
 dang 'khob bal ni nyung/ dkar po 'ba' zhig mi nyung bar 'du shes na cir 'gyur lags/ ltung ba med do/ /gnyis dkar yang dge slong ma la yang nyes byas su brjod par bya'o zhes bya ba ni dge slong ma rnams la nag po 'ba' zhig dang cha gnyis kyis spang
 ba dag med kyi/ rang gir shes par gyur pa ni nyes byas su 'gyur ba 'ba' zhig tu zad do zhes bya ba'i don to/ /cha gnyis kyi spang ba gtan la dbab pa'o/ /stan zhes bya ba ni 'dir blings pa yin par bzung ste/ de skad du bstan zhes bya ba ni stan
 gnyis te nang? tshangs can dang blings pa'i don 'di la ni blings pa yin par dgongs so/ /mi 'dod bzhin du zhes bya ba ni 'dod pa med bzhin du'o/ /lo drug ni lo drug gi bar te/ 'di ni lo lnga po dag la dgag pa yin gyi drug pa ni ma yin no/ /de
 nyid kyi phyir tshun chad ces bya ba la sogs pa gsungs te/ mtshams su gyur pa drug pa'i sngon rol lnga po dag la zhes bya ba'i tha tshig go /de skad du rnam par 'byed pa las dge slong gang la stan byed pa'i blo de kho na dag la yang gnyis pa mi byed cing
 gnyis pa la ma yin/ gsum pa la yang ma yin/ bzhi pa la yang ma yin/ lnga pa la yang ma yin/ 'on kyang lo drug pa la byed na ltung ba med do zhes drug pa ltung ba med pa nyid yin par gsungs so/ /'di la tshig gi don ni 'dir 'gyur te/
 brgya la dge slong gis dang po kho nar stan blings pa zhig byas par gyur pa la de yang de mi 'dod na de'i tshe 'di la gal te las gsar pa 'ba' zhig yod na des dge 'dun la stan gzhan bya ba'i phyir gnang ba thob nas stan bya'o/ /ci ste
 las gsar byed med na de'i tshe stan de bor yang rung/ lo drug gi sngon rol du stan gzhan mi bya'o/ /lo drug pa la nyes pa med do/ /dge slong zhes bya ba la sogs pas mtshan gyur na nyes byas su gsungs pa 'di ni ma brtags pa'i phyogs
 la brten pa'i phyir ro/ /lon pa la zhes bya ba la sogs pa ni lo drug la sogs par yon pa la lo drug la sogs par 'du shes pa ste/ de la ni ltung ba med par bshad do/ /ma lan par 'du shes pa ni lo lnga dang bzhi la sogs
 par 'du shes pa ste/ de ni ltung bar gsungs/ /zhus pa la la las ni 'di skad du/ dge slong lo drug lon tshun chad du stan bgyid la ltung bar yang mi 'gyur ba 'ga' lta mchis lags sam/ yod de lo drug tshun chad du babs te yang bsnyen par rdzogs
 nas stan zhig byed na ltung ba med do/ 'phro bar te babs na yang de dang 'dra'o zhes 'byung ste/ bar skabs su gnas skabs mi 'dra bas chod pa'i phyir ltung ba med par gsungs so/ /lo drug pa'i spang ba gtan la dbab pa'o/ /gding ba ni 'di
 dang ltung byed dag la yang gding ba dras par shes par bya'o/ /sar pa ni rdzas gsar pa'i phyir te/ 'di ltar sar pa zhes bya ba ni sar pa gnyis te/ gsar pas gsad pa dang/ thos pas gsar pa'o/ /don 'di la ni gsang pas gsang
 pa yin par dgongs zhes rang gi sgras bstan pa'i phyir ro/ /byed pa'i bdag nyid dam rang gi sngar gzhan las so/ /gding ba rnying pa zhes bya ba la sogs pa ni gal te 'di la ni gding ba rnying pa bdog na de las kun nas khru phyed dang do pa'i
 tshang tsam zhig blangs nas de la glan par bya'o/ /gal te rnying par dengs par gyur na de'i tshem glan kyang nyes pa med do/ de skad du yang gding ba rnying pa thams cad kyi thams cad du mi rung ba 'am/ dengs pa 'am/ bcom legs der byar med pa zhig
 tu gyur na ltung ba med do zhes gsungs so/ /'o na ci'i phyir bde bar gshegs pa'i mtho gang bas glan par bya zhe na/ sar pa dag ces bya ba la sogs pas smos te/ 'dul ba shes pa rnams na re gding ba sar pa sra bar bya ba'i phyir ro//
 de ni gding ba'i dkyil du glan par bya ste/ glan pas de yang sra bar gyur na/ gding ba rnying pa las brnyes pa byas par mi 'gyur ro zhes zer ro/ /spyod na zhes bya ba ni lus kyis nye bar spyod na zhes bya ba'i tha tshig go /dge slong zhes bya ba la sogs pas mtshan gyur
 na nyes byas su gsungs pa ni ma brtags pa'i phyogs su gtogs pa yin no/ /chung ba zhes bya ba la sogs pa'i mi 'tshal ba ni bde bar gshegs pa'i mtho gang du/ /lhag pa ni bde bar gshegs pa'i mtho gang gi tshad las te/ des ni mi
 chog par glan na ltung bar gyur na/ lhag par glan ni ltung ba med do zhes bya ba'i tha tshig go /gding ba'i gtan la dbab pa'o/ /blang bar bya ba ni kun tu blang bar bya'o/ /khyer ba med na zhes bya ba ni khur tsha ba med na'o/ /dpag tshad gsum gyi mdza' i
 bar du zhes bya ba la bar zhes bya ba ni nges par gzung ba ste/ des na dpag tshad gsum gyi mthar kho nar zhes bya ba'i tha tshig go /bkur bar bya ba ni khyer bar bya ba'o/ /de las 'das par zhes bya ba ni dpag tshad gsum po de las 'das
 par ro/ /de la don ni 'di yin no/ /khur cha ba yod kyang rung med kyang rung dpag tshad gsum las 'das par lug bal khyer te rgyang grags las 'das na spang bar 'gyur ro/ /khur tsha ba yod na ni dang po nyid nas bzung ste/ bdag nyid khyer ba
 las nyes byas gzhan du 'gyur ro/ /rdzu 'phrul gyis khyer na zhes bya ba la rdzu 'phrul smos pa ni 'dir gtso bo yin pa'i phyir mngon par shes pa'i rang bzhin yin pa'i phyir ro/ /das khyer ba ni dge ba'i sems yin pa'i phyir ltung ba med pas
 de'i phyir 'di gsungs so/ /'on te rnam pa gzhan gyi zhes bya ba ni gsang sngags la sogs pa'i rnam pas te/ khur khyer ba med pa'i phyir nyes byas yin no/ /rung bar bgyid pas sprul pas zhes bya ba la sogs pa la rung ba byed na ni nye
 gnas la sogs pa'i khur tsha'o/ /sprul pas zhes smos pas 'di ni rung ba byed pa'i khyad par yin no/ /rdzu 'phrul gyis khyer na ltung ba med do zhes gsungs pas 'dir smos pa don med pa ma yin nam zhe na/ de ni ma yin
 te/ mngon par shes pa'i rang bzhin gyi sems nyams par bzhag pa dge ba kho nas de khyer ba'i phyir dang/ dge ba'i sems kyis kyang ltung ba mi slong ba'i phyir ro/ /'di la ni 'dod pa na spyod pa'i sems mnyam par bzhag pa ma yin
 pa la lung du ma bstan par skabs su lus kyi las kun nas bslang pa'i phyir mngon tu byed pas kyang khyer ba bsgrub pa'i phyir dang/ lung du ma bstan pa'i sems la yang ltung ba 'byung bas khyad par shin tu chen po yod de/ 'di la
 yang sprul pa'i phyir sprul pa po'i lus kyi rnam par rig byed kun nas slong bar byed pa'i mngon par brtson pa rgyun chags pa yang yod na skad cig pa yang yod do/ /des na yid kyis yin pa'i phyir/ 'dir bsdam par bya ba'i nyes
 byas su 'gyur ro/ /zhes bya ba de ltar shes par bya ste/ pho nya la sogs pa las bskur ba la spang tshul 'di kho na yin no/ /des yang lug gzhan cig zhes bya ba la sogs pa ni rtsom pa tha dad pa'i phyir spang pa'i ltung byed mi
 slong gi sbyor bar? gtogs pa'i nyes byas su ni 'gyur ro zhes bya ba'i tha tshig go /dge slong mar re ba nas zhes bya ba la sogs pa la mtshams ni dpag tshad gsum gyi bar ro/ /mtshan gyur pa 'di la nyes byas su gsungs pa ni ma
 brtags pa'i phyogs la rten pa'i phyir ro/ /rgyang grags zhes bya ba la sogs pa ni rgyang grags las spang bar gsungs pa'i phyir ro/ /rgyang grags ma lags pa ni rgyang grags phyed la sogs pa ste/ de la ni nyes byas su
 gsungs pa'i phyir ro/ /lug bal khyer ba'i spang ba gtan la dbab pa'o// //rmel bu 'jug pa ni byed du 'jug pa ste/ lcigs par byed du 'jug pa zhes bya'i tha tshig go /bal rmel ba'i spang ba gtan la dbab pa'o/ /rang gi lag
 gis zhes bya ba ni rang gi lag pa ste/ 'di ni lan byed ces bya ba 'di dang sbyar bar bya'o/ /gser ni gser nyid do/ /dngul ni dngul nyid de/ 'di gnyis kyang nor bu la sogs pa rin po che gzhan gyi dpe yin no/ /len pa ni rang gis so/
 'am? zhes bya ba ni rnam par rtog pa'o/ /yang na khyad par ston pa yin te/ des na rang gi la reg pa dang reg tu 'jug pa dag la spang ba nyid 'di 'dir gsungs kyi gzhan gyi la ni ma yin te/ de la ni ltung byed 'ba' zhig tu 'chad par
 'gyur ro/ /'di ltar gzhan gyi rin po che ni spang bar 'os pa nyid du 'gyur ba'i zhing ma yin te/ gzhan gyi yin pa nyid kyis sngon nyid nas spang ba'i ngo bo yin pa'i phyir ro/ /de'i phyir gzhan gyi la spang bar byed pa nyid med par
 shugs kyis na 'di ltung ba 'ba' zhig byed par rnam par bzhag go zhes bya ba'i tha tshig go /len du 'jug pa ni rang gi mig sngar gzhan la'o/ /lkog gi phyogs ni smra ba po lkog tu gyur pa ste/ de la ni rang gi mig sngar bab pa
 nyid med pas nyes byas kho nar rnam par bzhag pa'o/ /'am zhes bya ba'i sgra ni rnam par rtog pa'i don te/ des na yo byed gzhan yin par 'du shes pa la ni ltung ba med pa la/ lkog gi phyogs nas len du 'jug pa ni nyes byas so zhes
 bya ba'i don 'dir 'gyur bar shes par bya'o/ /yo byad gzhan du 'du shes na ltung ba med pa kho na 'di la bsam pa nyams pa med pa'i phyir ro/ /gser gyi ma sha ni mngon mtshan btab ba nyid kyis nyo ba la sogs pa las 'jig
 rten gyi tha snyad kyi rgyu mtshan du gyur pa'o/ /'khar ba'i ma sha yang de dang 'dra mod kyi 'on kyang rin po che bas ngan pa'i phyir nyes byas su gsungs so/ /bsnyen par ma rdzogs par zhes bya ba ni 'di la bsnyen par ma rdzogs
 pa dge sbyong la reg pa dang reg tu 'jug pa dag gi ltung ba 'ga' 'am med mod kyi 'on kyang rang gir byed pa sngon du 'gro ba'i reg pa la nyes byas su 'gyur ba kho na ste/ nye bar 'khor ngas len pa las dgongs te gsungs gyi/ rang
 gir byed pa las ni ma yin no zhes gsungs pa'i phyir ro/ /yang na gzhan dag na re 'di ni dge slob ma'i dbang du mdzad de gsungs pa yin no zer ro/ /dben pa la dben par 'du shes pas zhes bya ba la sogs pas nyes byas su gsungs pa ni
 sbyor bar gtogs pa ste/ de bzhin du 'di dang 'dra ba gzhan dag la'ang shes par bya'o/ /lus kyis rnam par rig byed kyis zhes bya ba la sogs pa la 'di dag la rag lus pa'i phyir 'dir na smad pa nyid yin no/ /rang gir byed pa'i sems
 kyang mi bskyed cing zhes bya ba la sogs pa 'dis ni byin gyis brlabs pa'i dus na rang gir bya ba bskyed par mi bya'o zhes bstan pa yin no/ /tshig tu smra na'o zhes bya ba ni byin gyis brlab pa'i don du'o/ /de nyid kyi phyir mi rung ba'i dngos
 po las zhes bya ba la sogs pa smos te/ de ltar yang bram ze'i bu pa'i gzhung las/ bdag dge slong ming 'di zhes bya ba'i dngos po rung ba ma yin pa 'di grub ste/ dngos po rung ba ma yin pa 'di las rung ba grub pa gang yin pa de rang gir
 bya'o zhes byin gyis brlab par gtogs pa'i gzhung 'ga' gsal rab tu 'byung ngo/ /rang gir ma byas na yang gzhan gyi yin pa'i phyir ji ltar byin gyis brlab du rung 'on te rang gir byas na yang rung ba ma byas pa'i phyir ji ltar byin gyis brlab
 du rung zhe na/ 'di ni 'og nas bram ze'i bu pa las rgyas par bshad par bya'o/ /ltung byed do zhes bya ba 'di la ni gzhan gyi rin po che la reg na ltung byed bstan pa'i phyir ro/ /dge slob ma gser dang dngul 'dzin pa la nyes byas su gsungs pa ni/ gser
 dang dngul la bzung mi bya zhes 'byung bas reg pu bkag pa'i phyir ro/ /zhus pa la las 'di skad du nor gser dang dngul rkang pa'i drung du 'jog pa nyams su myong bar byed pa dang/ lkog gi gnas na yod pa rang gir byed na spang pa'i ltung byed du
 'gyur ro zhes 'byung ngo/ /de la don ni 'di yin te/ rkang pa'i drung ni rkang pa'i phyogs so/ /'dir ni lag tu thob pa nyid ston par byed do/ /nyams su myong bar byed pa ni rang gir byed pa bskyed pa'i phyir ro/ /de ci zhig ce na nor ces bya ba gsungs so/ /nor
 yang rnam pa du ma yod pas gser dang dngul zhes bya ba gsungs te/ de'i phyir gser dang dngul gyi ngo bo nyid kyi nor gang de zhes bya ba'i tha tshig go /rang gir byed pa ni 'dul ba 'dzin pa rnams na re lag pa la sogs pas rang gir sgrub pa yin gyi/
 yid la rang gir byed pas sbyin par byed pa ni ma yin te/ 'gal bar thal bar 'gyur ba'i phyir ro/ /'di ltar gal te rang gir byed pa las kyang spang bar 'gyur na de lta ni lhung bzed 'chang ba dang/ lhung bzed tshol bar byed pa dag yul lhung bzed
 mtshungs pa nyid yin yang spyod pa'i bye brag gis ltung ba tha dad pa byed pa nyid yin pa de bzhin du/ rin po che rang gir byed pa dang/ rin po che la reg par byed pa yang yul rin po che mtshungs pa nyid yin yang spyod pa'i bye brag gis ltung ba tha dad
 pa byed pa nyid du 'gyur dgos so/ /de'i phyir spyod pa'i ltung byed kyi ltung ba sum cu rtsa gnyis tu thal bar 'gyur te/ sum cu nyid ni nyams pa kho nar 'gyur ro/ /thub pas ni so sor thar pa dang/ rnam par 'byed pa dang/ nye bar 'khor gyis
 zhus pa thams cad las reg pa dang/ reg tu 'jug pa dag kho na spang pa'i ltung ba byed pa nyid du gsungs gyi/ rang gir byed pa las kyang 'gyur bar ni ma gsungs so/ /don 'di ni lkog gi phyogs smos pas dngos su khong
 du chud par zad do zhes zer ro/ /gal te spong ba'i bskul ba dang/ gser dang dngul gyi spang ba dag la ni khyad par ci yod ce na/ chos gos kyi ched du gser la sogs pa nyes pa yang yin pa de len na der gtogs pa'i kha na ma tho ba yin no//
 de las gzhan pa gang yin pa de ni 'dir gtogs pa yin no/ /de la yang chos gos kyi rin gser la sogs pa rung bar byas pa la mi spong bar len pa la ni ltung ba 'gar yang mi 'gyur ro zhes bya bar shes par bya ste/ 'di skad du yang/ bcom
 ldan 'das 'di snyam du dgongs te/ kye ma bram ze dang khyim bdag dad pa can rnams kyang chos gos kyi zong dag kyang ster la/ nga'i nyan thos rnams kyang chos gos kyi zong dag 'dod pas ma la ngas dge slong rnams la rung ba 'ga' zhig
 gnang bar bya'o snyam nas/ bcom ldan 'das kyis bka' stsal pa/ blang bar bya zhing blangs nas kyang sbyin bdag de nyid la yid bstan pas bcad bar bya'o zhes bya ba chos gos kyi zong gser la sogs pa mi rung ba rung ba byas pa rnams
 blangs par bcom ldan 'das kyis gsungs pas 'di nyid kyi khyad par ni 'di yin no/ /gser dang dngul gyi spang ba gtan la dbab pa'o// //mngon mtshan can zhes bya ba ni 'di mngon mtshan can te/
 mtshan nyid rtags yod pas na mngon mtshan can te/ karSha pa Na la sogs pa'o/ /'di yang nas dang 'bras la sogs pa'i dpe ste/ 'di ltar rnam par 'byed pa las dge slong rnyed pa 'dod pa nas 'bras bskyed 'gyed cing de
 de na bre bo che tshol bar byed/ bre'u chung dang/ phul dang/ dbang po dang/ shog shog dang/ ram phyis dang smyu gu tshol bar byed na/ ji srid du rnyed pa rang gir mi byed pa de srid du nyes byas so/ /rnyed pa bdag gir byed na spang ba'i ltung byed du 'gyur zhes 'byung
 bas 'brus spyod na yang spang ba'i ltung byed du gsungs pa'i phyir ro/ /spyod pa ni 'phel bar sbyor ba ste/ brgyad dam phyed la sogs pa'i bde kyis rnyed pa grub pa zhes bya ba'i tha tshig go /rnam pa sna tshogs ni kun tu sbyor ba dang/ rab tu
 sbyor ba dang/ spel ba bskyed pa'i bye brag gis rnam pa sna tshogs pa'o/ /de byed na zhes bya ba ni lhag par spyod na te/ byed par 'gyur na zhes bya ba'i tha tshig go /de bas na rin po che la sogs pa'i zong kun tu sbyor ba la
 sogs pa'i bye brag gis rab tu sbyar nas/ rnyed pa grub na ni mngon mtshan can gyis spyod pa'i spang bar 'gyur ro zhes bya ba'i don to/ /'di la ni gang gi che drung bas sngar ram phyis bde thob pa de'i bde du gyur pa'i nor de spang bar bya ba nyid
 yin no/ /gang gi tshe byed dang drung cig car du thob pa de'i tshe ni nor de thams cad spang bar bya ba kho na yin te/ 'di ltar rnam par ma phye ba nyid kyis ngo bo gcig pa'i phyir ro/ /'di ni stod g.yogs smad g.yogs dang
 bcas pa las lhag par slong na chos gos de thams cad rnam par ma phye ba nyid kyis ngo bo gcig pa'i phyir spang bar bya ba nyid yin pa dang 'dra'o zhes bya ba de ltar shes par bya'o/ /mngon mtshan can gyi spyod pa rnam pa sna tshogs
 kyi sbyor ba bgyid la zhes bya ba ni kun tu sbyor ba dang/ rab tu sbyor ba dang/ spel ba la sogs pa'o/ /nye du dang zhes bya ba la sogs pa 'dis ni mngon mtshan can gyi spyod pa la gnas pa'i phyir gal te zla bo nye du ma yin
 sbyor ba yin no/ /lhag pa thag tu 'jug pa ni chos gos 'thag pa phul du byung bar sgrub pa'o/ /brjod par bya ba ni pho nya dang yi ge la sogs pa'o kha cig ni pho nya la sogs pa las 'thag tu 'jug na dngos gzhi'i ltung bar brjod de 'di ni
 gleng gzhi las shes pa'i phyir ro zhes zer ro/ /'di ni 'dul ba 'dzin pa gzhan dag mi 'dod de/ zhus pa'i gzhung 'di nyid ni tshad mar byas pa'i phyir ro/ /gang yang 'di ni gleng gzhi las shes so zhes brjod pa de yang 'dir yan lag ma yin pa nyid do//
 gleng gzhi'i dbang gi rang gis blangs pa'i dog pa yang yan lag nyid du thal bar 'gyur ba'i phyir ro/ /de yan lag nyid yin par mi 'dod do/ de lta bas na pho nya la sogs pa'i 'thag tu 'jug pa la nyes byas kho na bzang ngo zhes bya bar shes par bya'o/
 zhus pa la la las ni gzhung 'di skad du/ dge slong gi phyir khyim pa dag gi chos gos 'thag tu bcug pa la dge slong de'ang nye bar 'gro zhing bye brag tu 'byed par byed na nyes byas su 'gyur ro zhes 'byung ngo/ /de la don ni 'di yin te/
 bdag nyid kyir sgrub pa'i ched du ma yin par mdza' ba tsam gyis nye bar 'gro ba gang yin pa de las 'dir nyes byas su gsungs so zhes bya ba'i tha tshig go /gzhan dag na re 'di ni rigs pa ma yin te/ 'di ltar yang bsams pa'i phyir ru la/
 ma bsams pa'i phyir yang ltung ba mi slong ba'i phyir ro zhes zer ro/ /'dir yang bye brag tu 'byed pa zhes bya ba'i sgras ni khyad par ste/ chos gos kyis tha dad pa yin par shes par bya ba'i bdag gi phyir chos gos 'thag go /snyam pa'i kun
 tu rtog pa ni ma yin te/ de med na bsams pa'i phyir nyes byas su smos pa mi rung ba'i phyir/ /de bas na bye brag tu 'byed pa mi byed pa zhes bya ba 'dir bdag gi phyir chos gos 'thag gi kye ma bdag der so ni dang chos gos de shin tu bzang por
 'grub par 'gyur ro snyam nas de'i don tu song la bye brag du 'byed pa mi byed de/ chos gos khyad par du bya ba'i phyir mi 'jug cing chos gos tha dad pa nyid du bya ba dang/ chos gos phul du dbyung bar bya ba'i phyir mi slong ngo zhes bya ba'i don 'di ni rnam
 par gnas pas nyes byas 'di ni sbyor ba las byung bar bshad pa yin no/ /'di ni de kho na ltar yin no/ /de lta ma yin na len pa ltung ba slong bar yang thal bar 'gyur la bsod snyoms la rgyu ba la sogs pa la ltung bar thal bar 'gyur ro/ /lhag
 par slong ba'i spang ba gtan la dbab pa'o/ /chos gos byin nas bya ba la sogs pa 'di la rang gis byin pa nyid ni yan lag ma yin te/ 'dir gal te rang gis byin pa yan lag nyid yin par gyur na de'i tshe rang gis ma byin pa 'phrog
 na shin tu yang nyes pa 'dir 'gyur dgos so/ /de lta bas na 'di la rang gis byin pa nyid ni yan lag ma yin no/ /'on kyang gleng gzhi'i dbang gis gsungs te/ zhag bdun pa 'brel ba'i spang ba la dbyar gnas par dam bcas pa phyi
 ma nyid lta bu'o/ /khros pa ni 'khrugs pa chung ngus so/ /'khrugs pa ni 'bring pos so/ /rdam? par gyur pa ni chen pos so/ /yang na go rim bzhin du khros pa las byung ba'i lus dang yid dang ngag gi 'gyur ba yin par shes par bya'o
 yid ma rangs pa ni gnod pa bya bar zhugs pa'o/ /'phrog ma zhes bya ba la sogs pa 'dis ni rang gi yin pa'i 'du shes kyis 'phrog na ltung ba 'dir gsungs so/ /de ltar ma yin na pham par thal bar 'gyur ro/ /khros zhes smos pa ni
 'dir byung ba'i dbang gis gsungs pa yin gyi yan lag ni ma yin te/ gzhi med par skur pa 'debs pa dang 'dra'o/ /'on kyang rku sems med par rang gir byed pa dang 'bral bar byed pa la ltung ba 'di yin no/ /'am zhes bya ba ni rnam par rtog
 pa'o/ lus kyi las byas nas/ dag gi las dge slong khyod la zhes bya ba la sogs pa gsungs te/ phyir byin cig ces bya ba ni khyer te shog ? pa ste/ 'on cig bya ba'i tha tshig go /rgya zhig la 'phrog par byed pa'i dge slong de'i chos gos de
 spyad de zad na spang ba'i dus su ji ltar spang bar bya zhe na/ lhag ma yod na zhes bya ba la sogs pa smos te/ yod ces bya ba'i sgra ni bdog pa brjod pa yin no/ /ngan zhes bya ba'i sgra ni yang zhes bya ba brjod pa yin te/ de ni srin la sogs pas
 zos pa dang spyad de rnying pa'i lhag ro la dum bur gyur pa yod pa gang yin pa de'ang slar sbyin par bya ste/ ma byin na nyes byas so/ /don ni 'di yin te/ de la chos gos spyad pa'i lhag rol yod pa gang yin pa de yang dge slong de la phyir sbyin par bya ba
 ste/ de lta bu'i tshul du 'dir spang bar bya'i/ spyad de zad pa dang 'dra ba'ang sbyin par bya ba nyid ni ma yin no zhes bya ba'i tha tshig go /gang gi tshe spang bar 'gyur zhe na/ btang na zhes bya ba la sogs pa smos te/ gang gi tshe chos gos de lus las
 btang zhing bral bar gyur pa de'i tshe spang bar 'gyur ro zhes bya ba'i tha tshig go /'dir 'bral ba ni 'di ltar bya ste/ gang gi tshe 'phrog par byed pa'i dge slong gis chos gos de dge slong gis lus las phral bar gyur cing logs
 shig tu byas pa de'i tshe 'di la 'phrog pa'i ltung ba 'byung ngo/ /spang ba byed pa ni chos gos spyad pa'i lhag rol ji tsam zhig lus pa de kho na slar byin nas spang ba'i ltung ba sbyar bar bya'i/ spang ba gzhan spyad ba lta bu ni ma yin no/
 btsun pa re zhig dge slong gis zhes bya ba la sogs pas mtshan gyur na nyes byas gsungs pa 'di ni mtshan tha dad par byas pa'i phyir te/ de bzhin du dge slong ma mtshan gyur na yang de nyid du shes par bya'o/ /'phrog pa'i
 spang pa gtan la dbab pa'o// //dge slong gis zhes bya ba ni chos gos sped pa ste/ dge 'dun rnams kyis brtad pa las byung ba'i chos gos grub pa la chos gos sped pa la bskos na de kho na ltung bar byed pa bstan pa'i phyir chos gos sped pa'i
 dge slong bskos nas ltung ba med par 'gyur ro/ /gang la chos gos sped pa ma bskos pa de la ni dge slong kho na la ltung bar brjod pa'i phyir de dag gis nang nas dmigs kyis gcig kho na ltung bar 'gyur ba ni ma yin te/ rnyed pa dge 'dun thams cad kyi
 thun mong yin pa'i phyir ro/ /gzhan dag na re brtad pa las byung ba'i chos gos grub pa la dge slong gis zhes smos pa ni gnas gcig na dge slong 'ga' zhig gnas pa'i dbang du mdzad pa yin no zhes zer ro/ /ston zla tha chung nyar zhes bya ba ni ston zla 'bring po'i
 tshes bcu drug dang nye bar 'dug pa ston zla 'bring po'i tshes bco lngar zhes bya ba'i tha tshig go /zhag bcu ma tshang ba zhes bya ba ni zhag bcu ma lon pa de zhag bcus par du chod pa zhes bya ba'i don to/ /ston zla tha chung nya ni dbyar phyi mar gnas par dam bcas
 pa rnams kyi dgun zla ra ba nya'i dpe ste/ de skad du yang nye bar 'khor ji ltar gnas par dam bcas pa yin no zhes bya ba la sogs pa 'chad par 'gyur ro/ /bstad pa las byung ba'i gos ni phongs pa'i dus kyi gos te nad pa dang de'i ched dang 'chi ba dang/
 de'i ched dang/ 'gro ba'i sbyin pa'i bye brag gis rnam pa lnga'o zhes bya ba'i tha tshig go /blang bar bya ba ni bdag gir bya ba yin gyi bgo ba ni ma yin no/ /de nyid kyi phyir blangs nas chos gos sbyin pa dus kyi tshe'i bar du 'chad do zhes bya ba gsungs so/ /gal te de bgo ba
 bya ba yin na ci ste chos gos sbyin pa'i (dus kyi tshe'i) bar du bcad par gsungs te/ bcad bcung zad kyang mi dgos pa'i phyir ro/ /de la chos gos sbyin pa'i dus kyi tshe ni dbyar gyi dus zla ba gsum gyi chad kyi dgag dbye'i rjes ston zla 'bring po mar gyi nyi ma dang po tshes su
 gyur pa 'am/ ston zla tha chung mar gyi nyi ma dang po'i tshes su gyur pa'i tshes gcig gi bgo ba'i dus so/ /de rang gi ngo bo'i tshe'o/ /de ni chos gos byin pa'i dus te de phyin chad ni dus ma yin no/ /de nyid kyi phyir dge slong gis chos gos
 btsal ba'i dus gang lags/ sra brkyang ma bting ba'i gnas su ston zla 'bring po'i bar dang/ sra brkyang bting ba'i gnas su ston zla 'bring po nas bzung ste/ dgun zla tha chung gi bar 'di ni dge slong gi chos gos sbyin pa'i dus ma yin no/ /lhag
 ma ni dus yin no zhes gsungs so/ /'dir ni gnas par khas len pa phyi ma nges par mdzad nas ston zla 'bring po'i bar dus ma yin par gsungs so/ /'dir gnas par khas len dang po rnams kyi dus ni ston zla ra ba'i bar yin no zhes bya ba de
 ltar shes par bya ste/ 'dir ni rnam par dbye bar mdzad pa'i phyir ro/ /'das par 'chad na zhes bya ba ni thams cad du dus ma yin pa kho na'o zhes bya ba ni dgag dbye ma byas pa dang/ dngos gzhi'i dgag dbye tshun chad dbyar gyi nang logs su
 brtad pa las byung ba'i chos gos bgo bar mi bya'o zhes gsungs pa'i phyir/ brtad pa las byung ba'i chos gos kyi spang ba gtan la dbab pa'o/ /gnas mal dgon pa ni dgon pa'i gtsug lag khang ngo/ /dogs pa dang bcas par grags
 pa ni gang dag tu chom rkun la sogs pa'i 'jigs pa ni ma byung la dogs ni dogs pa ste/ dogs pa yod pa ni dogs pa dang bcas pa'o/ /de lta bu nyid du grags pa ni dogs pa dang bcas par grags pa'o/ /de dag dus te de bzhin du 'og ma dag la
 yang shes par bya'o/ /'jigs pa dang bcas par grags pa ni gang dag tu seng ge la sogs pa'i 'jigs pa lan cig byung pa'o/ /'jigs pa tha dad pas 'jigs rung ba dang bcas par grags pa dag tu zhes bya ba la 'jigs pa tha dad pa ni
 gang dag tu 'chi ba'i rgyu mtshan sprul dang sdig pa la sogs pa lan cig ma yin par 'byung ba'o/ /'jigs su rung ba ni kun tu 'khrugs pa'i rgyu mtshan sha sbrang dang sbrang bu mchu rings la sogs pa ste/ sngar ma rnams skrag par byed pa'i phyir ro/ /gang dag la 'jigs
 pa tha dad pa dang/ 'jigs su rung ba yod pa de dag la de skad ces bya'o/ /dbyar phyi mar gyur la zhes bya ba ni dbyar gnas par khas len pa'i dbyar phyi mar gyur pa la gsungs mod kyi/ 'on kyang ltung ba bstan pa las 'di yan lag nyid du rten pa med pa'i phyir 'di yan
 lag nyid ni ma yin no/ /de skad du 'ang ji tsam du dge slong dgon pa pa zhag drug las 'das par chos gos gsum po dag las chos gos gang yang rung ba zhig dang mtshams kyi phyi rol tu 'bral bar byed na thams cad du spang ba'i ltung byed du 'gyur ro zhes
 gsungs pa'i phyir te/ 'di ni 'di'i yan lag nyid yin pa med do zhes bstan to/ /ci ste gal te ltung ba bstan pa las 'di la brten pa med na ci'i phyir mdo dang rnam par 'byed pa dag las she na gleng gzhi'i dbang gi phyir ro/ /gleng gzhi'i dbang gis ni yan
 lag tu ma gyur pa'i don rnams smos par gyur pa yang yod de/ dper na bla mar gyur pa smra ba la de dus gzhan zhig na dris kyang rung ma dris kyang rung zhes bya ba la sogs pa 'byung ba lta bu'o/ /dbyar phyi mar gnas par khas blangs pa rnams gnas bzhin
 du 'gror mi rung gi gzhan dag ni yin pas de'i phyir 'di dag kho na la zhag drug gi 'bral par rjes su gnang gis gzhan dag dbyar phyi mar gyur pa nyid yan lag kho na ma yin nam zhe na ma yin te/ rgyu gzhan pa yod pa'i phyir ro/ /'di ltar 'jigs pa dang
 bcas pa'i gnas yongs su mi btang ba la ni rgyu dbyar phyi mar gyur pa nyid 'ba' zhig tu ma zad do/ /'o na ci zhe na/ lus shin tu sbyangs pa dang/ sems shin tu sbyangs pa dang/ lus gzi mdangs nyid dang/ chos kyi longs spyod dang zang zing gi longs spyod
 dang gtsug lag khang bskyangs pa dang/ gtsug lag khang stong pa nyid yongs su spang ba dang/ sbyin bdag gi dad ba nyams pa yongs su spong ba yin no/ /'dod na zhes bya ba 'dis ni ci dgar thad? pa ston par byed do/ /chos gos gsum las
 zhes bya ba ni rnam sbyar dang/ bla gos dang mthang gos rnams las so/ /khyim gyi nang du bzhag par bya'o/ /zhes bya ba ni dgon pa'i gtsug lag khang gi nye spyad du gyur pa'i grong nye bar bzhag par bya ba'i tha tshig go /de dang zhes bya ba'i khyim gyi nang du bzhag
 pa'i chos gos de dang ngo/ /mtshams kyi phyi rol ni dgon pa'i gnas dang chos gos kyi rten gyi gnas de'i nye spyod 'dom gang la sogs pa gang yin pa de'i phyi rol du gyur pa'i mtshams gang yin pa ste/ der ro/ /de lta bu'i rkyen ni dge 'dun gyi 'am
 sangs rgyas kyi ched do/ /zhag drug gi mdza' tshun chad ni zhag drug kho na ste/ zhag bdun par ma yin no zhes bya ba'i tha tshig go /bar chad brgyad las zhes bya ba ni bgegs brgyad las te/ de dag kyang rgyal po dang/ me dang chu dang/ chom rkun dang/ seng
 ge dang/ mi ma yin pa dang/ mi dang/ sdig sprul zhes bya ba'i bar chad rnams so/ /'di dag kyang srog dang/ tshangs par spyod pa'i bar chad du gyur pa'i nang la sogs pa gzhan dag gi dpe yin no/ /kha cig ni bdun pa re zhig bsnyen par ma rdzogs par
 bya ba la sogs pas bdun pa 'don to/ /de ni rigs pa ma yin te/ 'di ltar bslab pa'i gzhi 'di ni bsnyen par rdzogs pa kho na dang 'brel pa yin gyi bsnyen par ma rdzogs pa rnams ni bag tsam yang khongs su gtogs pa med do/ /de lta bas na 'don
 pa 'di ni nor ba bshad pas 'phen pa'i dbang gis sgro btags pa yin te/ zhag bdun pa'i spang ba la yang de kho na bzhin du shes par bya'o/ /re zhig dge slong gis zhes bya ba la sogs pas mtshan gyur na nyes byas su gsungs pa'i 'dul ba mdor
 bsdus par gtogs pa yin no/ /dngos kyi tshul du ni dge slong ma rnams la zhag drug 'bral ba'i spang ba nyid rnam par ma bzhag pa'i phyir ro/ /'di ltar dge slong ma rnams la ni dgon par gnas pa bcom ldan 'das kyis bkag ste/ 'di ltar bud med rnams kyi
 lus ni zas dang skom grub pa bzhin du skyes bu 'phyon ma rnams kyi don du gnyer bar bya ba yin pa'i phyir ded nyam chung ba'i phyir dgon par gnas pa dang/ mngon par 'gro ba la sogs pa nyes dmigs yang dang yang du 'byung ba kho nar 'gyur ba gang yin pa
 de 'dra ba yin no/ /de med na yang der gtogs pa'i spangs pa yang rnam par mi bzhag go /gal te na dge slong mas 'das te spyod pa ni mi byed pas de'i phyir 'dir gtogs pa'i nyes byas su gsungs te/ mi rung ba'i phyogs la brten pa'i phyir ro/ /zhag bdun du
 'bral ba'i spang ba gtan la dbab pa'o// //so ga rnams kyi zla ba gcig lus pa na zhes bya ba ni dbyar zla ra ba'o/ /dbyar gyi gos ras chen ni dbyar rnams su dgos pa ni dbyar gyi ras chen te/ dbyar bgo ba'i gos so/ /gos de nyid du rung ba dang/ kha
 tshar bcas pa dang/ kha dog ngan par byas pa ni dbyar gyi gos zhes bya ba'i tha tshig go /btsal bar bya ba ni khyim pa dag gam khyim bdag gi chung ma dag las bslang ba'am de'i rin sbyin du 'jug pa 'am dbyar gyi ras chen sped pa la bslang ba la sogs pas
 btsal bar bya'o/ /dbyar dag zla ba phyed lus par byas nas bcad par bya'o/ /zhes bya ba ni zla ba bzhi'i tshad gang dag la lhag ma zla ba phyed dang ston zla tha chung yar gyi ngo yod pa de dag ni dbyar gyi zla ba phyed lus pa ste/ de dag byas na bcad par bya'o/ /de la
 don ni 'di yin te/ dbyar gyi gos ras chen? ni btsal nas dbyar zla ba bzhi'i tshad las zla ba phyed lus par byas par gyur pa ji srid du bcad par bya'o/ /gzhan dag na re dbyar gyi gos ras chen btsal ba'i phyir phyi ma zla ba bzhi'i tshad de dag zla ba phyed
 lus nas bcad par bya ba yin par dbyar gyi zla ba bzhi'i tshad zla ba phyed lus par byas shing zla ba phyed ma tshang bar byas par gyur pa ji srid pa de srid du bcad par bya ste/ zla ba phyed 'ba' zhig lus par gyur gyi/ gzhan ni zad par
 'gyur ba zhes bya ba'i tha tshig go /de nyid kyi phyir rnam par 'byed pa las dgag dbye byas nas zla phyed do zhes gsungs so/ /gal te dge slong gis so ga rnams kyi zla ba gcig lus pa de'i sngon rol tu zhes bya ba ni dbyar zla ra ba'i sngon rol dpyid zla tha chung la sogs
 pa la'o/ /dbyar gyi zla ba dag zla ba phyed lus par bya ba'i 'og tu 'chad na zhes bya ba ni 'jig rten na grags pa'i dbyar gyi zla ba bzhi po'i tshad de dag las ston zla tha chung yar gyi ngos ma tshang ba phyed dang bzhi pa'i tshad bzlas te/ gal te dus phyi ma zla ba
 bzhi pa ston zla tha chung yar gyi ngo dang bcas te 'da' bar byed na de'i tshe 'di las spang ba'i ltung byed du 'gyur ro zhes bya ba'i tha tshig go /pho nya las zhes bya ba ni btsal na nyes byas chung ngur shes par bya'o/ /tshol ba sngon du 'gro ba'i rnyed pa 'chad na ni spang ba kho
 na ste/ 'dir 'chad pa gtso che'i tshol ba ni ma yin no/ /de'i 'og tu 'chad na spang ba'i ltung byed du 'gyur ro/ /ji tsam du dge slong cung zad shin tu rings par tshol zhing shin tu ring du 'chad na thams cad du spang ba'i ltung byed du 'gyur ro zhes bya ba ni 'dul ba
 'dzin pa rnams na re de tshol ba dang bcas pa'i 'chad pa ltung ba byed pa nyid yin par bcom ldan 'das kyis gsungs so zhes zer ro/ /btsun pa re zhig dge slong gis zhes bya ba la sogs pas mtshan gyur na nyes byas su gsungs pa ni bag tsam 'dra
 ba la brten pa'i phyir de'i khongs su gtogs par gyur pa ste/ 'dul ba mdor bsdus pa las gsungs pa yin no/ /'di ltar dge slong ma rnams la ni rnyed pa chud ba'i phyir dbyar gyi ras chen gyi bslab pa ma bcas pa ma tshad du mi ldang ba ste/ dbyar gyi
 ngas? ni srid du phru dgu'o/ /zhed du khru gsum dang sor brgyad kyi tshad yin pas de'i phyir 'di yin no/ /zhus pa la la las ni 'di skad du btsun pa re zhig dge slong gis dbyar gyis ras chen rung ba ma lags pa zhig zla ba phyed dang lnga'i 'og tu 'chad na ni cir 'gyur
 lags nyes byas so zhes 'byung ngo/ /de la don ni 'di yin te/ rung ba ma lags pa zhes bya ba 'o ma btags pa la sogs pa'o/ /zla ba phyed dang lnga'i 'og ces bya ba ni zla ba gang dag la snga ma zla ba phyed yod pa de dag la de skad ces bya ste/ zla ba bzhi po phyed dang
 bcas ba zhes bya ba'i tha tshig go /des tshol ba'i dus dang bcas pa'i zla ba bzhi pa phyed dang bcas pa'i 'og rol gyi dus su 'chad na rung ba ma yin pa'i phyir nyes byas su 'gyur ro zhes bya ba'i tha tshig go /gzhan las kyang 'di skad du dbyar gyi ras chen dengs pa
 zhig zla ba phyed dang lnga'i 'og tu 'chad na nyes byas so/ /de bzhin du dbyar gyi ras chen seng ras shig shin tu rings par tshol na nyes byas so zhes 'byung ngo/ /de la don ni 'di yin te/ dengs pa ni mi sra ba ste zad la thug pa zhes bya ba'i tha tshig go /seng nges
 ni srab mor btags pa'o/ /dbyar gyi ras chen gyi sang ba gtan la dbab pa'o// //bsngos pa ni dge 'dun la dbul ba'o zhes de lta nges par byas pas so/ /rnyed pa ni gos kyi rnyed pa'o/ /shes bzhin du bya ba ni bdag nyid kyi rig pa'am gzhon dag
 gis bstan pa'o/ /gang zag la sgyur du 'jug na zhes bya ba ni sgrub par byed na 'o/ /gang la zhe na bdag la zhes bya ba gsungs te/ bdag nyid la sgyur du 'jug pa yin gyi gzhan la ni ma yin no/ /de la ni nyes byas su gsungs pa'i phyir ro/ /sgyur du 'jug
 pa ni nyes byas yin la thob nas ni spang pa'i ltung byed do/ /zhes bya ba de ltar shes par bya'o/ /btsun pa re zhig dge slong gis zhes bya ba la sogs pas mtshan gyur na nyes byas su gsungs pa ni mtshams tha dad pa'i dge 'dun gyi
 rnyed pa yin pa'i phyir 'di yin te/ de bzhin du dge slong ma mtshan gyur pa la'ang de dang 'dra ba kho nar shes par bya'o/ /gnyi ga'i dge 'dun zhes bya ba ni dge slong gi dge 'dun dang dge slong ma'i dge 'dun no/ /de la 'dir gnyis su gsungs pa ni mtshan
 tha dad pa'i phyir dang/ thun mong yin pa'i phyir ro/ /gzhan dag na re mdo dang rnam par 'byed pa dang zhus pa dag las dge 'dun nyid kyi khyad par ma smos pa'i phyir bdag nyid la yongs su sgyur na spang ba kho nar gsungs te/ de'i phyir 'di dang snga ma btsun pa re zhig dge slong gis
 zhes bya ba la sogs pas mtshan tha dad pa la yang spang ba kho nas brjod par bya'o zhes zer ro/ /sgyur du 'jug pa'i spang ba gtan la dbab pa'o// //phan pa ni mthun pa dag ste/ nad kyi gnyen por gyur pa zhes bya ba'i tha tshig go /dper na rlung gi gnyen por gyur pa
 ni til mar ro/ /mkhris pa ni zhun mar ro/ /bad kan ni sbrang ci'i zhes bya ba de lta bu la sogs pa'o/ /gang dag zhes bya ba ni 'dis ni sman rnams las gang gi khongs su gtogs pa nyid ston par byed de/ des na sman gang dag bcom ldan 'das kyis 'dul ba las gsungs
 pa de dag ces bya ba'i tha tshig go /bka' stsal pa ni rab tu bstan pa'o/ /sbrang tsi ni sbrang ma'i sbrang rtsi'o/ /bu ram gyi spu ba ni bu ram dang/ hwags dang/ sha kha ra la sogs pa'o/ /rang gis byin gyis brlabs te zhes bya ba ni lag pa bkrus te byin len byas nas
 lag pa yon par bzhag la lag pa g.yas pas bkas ste/ dge slong zhig gi mdun du 'dug la lnga dro byin gyis brlab pa'i sngags kyis so/ /zhag bdun par zhes bya ba ni zhag pa kho nar ro/ /gsog 'jog gis yongs su longs spyad pas zhes bya ba la sogs pas
 sog? 'jog ni gsog par byed pa ste/ 'di lta ste/ sbyin pa dang/ len pa dang sped pa dang/ za ba dang 'jog pa dang byi dor byed pa'o/ /'dis yongs su spyod par byed pa'i phyir de nyid yongs su spyod pa yin no/ /gsog 'jog gis yongs su spyod pa ste/ rang gis byas pa
 zhes bya ba'i tha tshig go /des na yongs su longs spyod par bya ba ni rang gir byas nas bcad par bya'o zhes bya ba'i tha tshig go /de las 'das par yongs su longs spyod par byed na zhes bya ba 'di'i don ni chad na zhes bya ba ni yin gyi/ zan zhes bya ba ni ma yin te/ spang ba mi srid par thal bar
 'gyur ba'i phyir ro/ /btsun pa sman dgung bdun las zhes bya ba ni sogs pa la sman mi rung ba ni mi tshil la sogs pa'o/ /mi rung ba dang 'dres pa ni mi tshil la sogs pa dang 'dres pa'o/ /rung ba la ni byin gyis brlab pa dang/ spang ba nyid yin na de la yang rung ba nyid
 med pa'i phyir spang ba mi slong ngo/ /'o na ji ltar zhag bdun 'das pa zhes bya zhe na/ la la mi shes pa 'am 'das nas kyang byin gyis rlob par byed pas de'i phyir de'i dbang du mdzad nas 'di gsungs par gnas so/ /spang bar bgyi 'am/ nye bar 'khor ma yin no zhes bya
 ba ni ma shes par smras par rig par bya'o/ /'di ltar mi lta bar spangs pa yang phyir len pa'i dus na lta ba dang bcas nas nyes byas su bshad de/ mi lta bar lta ba dang bcas na phyed nyid do/ /shes bzhin du mi blang ngo zhes 'byung ba'i phyir ro/ /gsog 'jog bgyis pa ni
 gsog 'jog byas pa'i ltung byed du rtogs so/ /dus las 'da' bar byed na zhes bya ba ni nyi ma'i gung la sogs pa las so/ /dus su rung ba'i 'bras can la sogs pa ste/ nyi ma phyed kyi rang dus su spyad par bya ba dag go /thun tshod du rung ba ni rgun chu la sogs pa ste/
 thun tshod kyi dus su sbyar bar bya ba dag go /dgung bdun pa ni zhun mar la sogs pa ste/ zhag bdun gyi bar gyi dus su spyad par bya ba dag go /ji srid 'tsho ba'i bar du bcad pa ni a ru ra la sogs pa ste/ ji srid 'tsho'i bar gyi dus su spyad par bya ba dag go /bdag gir bgyid
 ba byin gyis brlab pa'i sngags med par rang gi? byed pa'o/ /gsog 'jog gis yongs su longs spyad pas zhes bya ba la sogs pa ni byin gyis brlabs pa med pa'i phyir gsog 'jog med de/ 'di ltar 'di dag byin gyis brlabs pa la 'jog gi yongs su
 longs spyod pa rjes su gnang gi gzhan dag ni ma yin pas de'i phyir mi rung ngo zhes de skad du gsungs so/ /de la byin gyis brlabs pa 'bras bu med pa'i phyir dus su rung ba la byin gyis brlabs med mod kyi/ 'on kyang gsog 'jog gi yongs su longs spyod
 pa'i zhar la 'di dag gi nang du 'dus so/ /re zhig dge slong gis zhes bya ba la sogs pa spangs pa'i byin gyis rlob na nyes byas su gsungs pa ni mi rung ba byin gyis brlab pa'i phyir ro/ /byin gyis brlabs nas 'das par zhes bya ba ni gang dang gang gir rang gi dus su
 thun tshod kyi bar gang yin pa de las 'das par ro/ /'di nyid bstan pa'i phyir dus su rung ba'i yang zhes bya ba la sogs pa gsungs so/ gal te yongs su spyad na zhes bya ba la sogs pas ltung byed du gsungs pa ni spyad pa'i dus las 'das pa'i phyir ro/ /'dir yang
 byin gyis brlabs pa las 'das par zhes gsungs pa ni ji srid 'tsho'i bar du bcad pa ma gtogs pa rnams la shes par bya ste/ de dag la byin gyis brlabs pa las 'das pa mi srid pa'i phyir ro/ /gal te yongs su spyad na zhes bya ba ni ji srid 'tsho'i bar
 du bcad ba ma gtogs pa rnams kho na la shes par bya'o/ /gal te byin gyis rlob na zhes bya ba la sogs pas nyes byas su gsungs pa ni mi rung bar byin gyis rlob par rtogs pa yin no/ /dge slob ma la nyes byas su gsungs pa ni gsog 'jog byas pa spyod
 par gtogs pa yin te/ byin len ma byas bza' mi bya/ /de bzhin gsog 'jog bza' mi bya zhes 'byung ba'i phyir ro/ /zhag bdun pa'i spang ba gtan la dbab pa'o/ /gzhung bla mi'i tshig dka' ba rnam par bshad pa rigs pa dang slob dpon mdo sde 'dzin
 pa dge ba'i bshes gnyen gyis bkod pa las spang ba'i ltung byed rnams rdzogs so// //shes bzhin du rdzun smra na zhes bya ba la shes bzhin ni rigs pa'i 'du shes nyams su myong ba yin no/ /rdzun ni don phyin ci log nye bar ston pa'o/ /smra ba ni brjod pa
 ste shes bzhin du don gzhan du rnam par gsang ba la bslu ba la sogs pa'i ched du gzhan du brjod pa zhes bya ba'i tha tshig go /de'i phyir rdzun gyi ngo bo smra ba ni rdzun smra ba'o/ /shes bzhin gyi rdzun smra ba ni shes bzhin du rdzun smra ba ste drug par tshig sdu'o/ /de'i phyir zhes gtan
 gyi lnga ba yin no/ /gzhan la yang ltung byed du gyur pas de'i phyir rdzun smra na zhes khyad par du byas te 'og ma dag la yang ci rigs par de kho na bzhin du shes par bya'o/ /bslab pa phul ba zhes brjod par bgyi 'am/ nye bar 'khor ma yin no zhes bya ba ni bslab pa
 'bul ba'i bsam pa med pa'i phyir 'dir gsungs te/ 'di la nyams par brjod par byed pa dgos kyi tshig gi khyad par ni ma yin no zhes 'byung ba'i phyir ro/ /mi smra ba ni cang mi smra ba'o/ /khas len na zhes bya ba ni khas len par byed na'o/ /rdzun smra ba'i ltung byed gtan la dbab
 pa'o/ /mi'i skyon nas smra ba ni mi'i yon tan rigs dang/ gzugs la sogs pa brjod par 'dod pas dman pa nyid brjod par bgyid na zhes bya ba na tha snyad 'dogs pa'o/ /re zhig dge slong zhes bya ba la sogs pas mtshan gyur na nyes byas su gsungs
 pa ni mtshan tha dad pa'i mi'i skyon nas smra bar rtogs pa yin no/ /za ma dang zhes bya ba la sogs pa la kha cig ni dge slong ma'i mi'i skyon nas ltung byed du 'dod do/ /de dag gi bsam pa 'di yin te/ za ma dbang po med pa yin la/ de'i yan
 lag skyes ni bcad pa la sogs pas nyams pa bzhin no/ /de yang bcom ldan 'das kyi 'di ji srid cig tu 'gyur ba mi brten pa 'di srid du bskrad par mi bya'o/ /nam zhig 'gyur ba de'i tshe ni bskrad par bya'o zhes gsungs so/ /'dis ni 'di srid du 'gyur ba'i mi brten
 pa de srid du dge slong yin la dge slong nyid yin na yang nga 'di la dge slong gzhan bzhin du rigs par ltung ba rnams 'byung ngo zhes bya ba yin no/ /gzhan dag ni khyad par khas ma blangs par spyir ji ltar ma ning dang mtshan gnyis pa dag sdom pa ma yin
 pa'i zhing nyid ma yin pa ltar 'di dang 'dra bar khyim pa lta bur 'dod do/ /de bas na ji ltar 'di dag zhing nyid ma yin zhing tha snyad du rung ba ma yin pa ltar za ma yang de dang 'dra'o/ /de'i phyir 'di sdom pa ma skyed pa dang 'dra bar rnam
 par bzhag pa shes par bya ste/ ji ltar dge slong ma sun 'byin pa la sogs pa'i mi'i skyon nas smra na ltung ba chung ngu byed pa nyid yin pa ltar 'di yang de dang 'dra'o snyam du bsams pa yin no/ /mi'i skyon nas smra ba'i ltung byed gtan la dbab pa'o/ /dge
 slong phra ma med pa ni dbye ba'i bsam pas dge slong gi yul la khyod la dge slong che ge mo 'di zhes bya bas 'di dang 'di smras so zhes zer ro/ /gzhung rgyas par ni pho nya las zhes bya ba la sogs pa'o/ /phra ma'i ltung byed gtan la dbab pa'o// //chos
 bzhin du zhes bya ba ni chos dang 'thun par ro/ /rtsod par ni 'gyed pa dang/ mi gdams pa dang/ ltung ba dang bya ba'i rtsod pa zhes bya ba bzhi po 'thab pa'i byed rgyu dag go /sbyangs pa ni nye bar zhi bar byas so/ /yang las kyi skyo sngogs? byed pa ni yang las byed pas
 sngar byas pa'i las spong bar byed pa'o gzhan dag na re legs par ma byas par brjod pa'o zer ro/ /gzhan dag na re 'di ltar yang las kyi skyo sngogs byed pa zhes bya ba ni yang las byed du 'jug pa'o/ /zhes bcom ldan 'das kyis mngon sum
 du mdo'i rnam par bshad pa'i phyir rang gi blo gros kyi dbungs kyi bshad pa ni don med do zhes zer ro/ /re zhig dge slong gis zhes bya ba la sogs pas mtshan gyur na nyes byas su gsungs pa ni mtshan gyur pa'i rtsod pa la skyo sngogs byed pa'i phyir ro//
 dge slong ma mtshan gyur pa la yang de dang 'dra bar shes par bya'o/ /rtsod pa chos bzhin du sbyangs pa ni las mnyams pa dang/ dge slong dag las de'i tshad du tshad pa nyid dang las byed pa tshul khrims dang ldan pa zhes bya ba la sogs pa chos
 bzhin no/ /bzlog pa ni chos bzhin ma yin pa'o/ /rtsod pa'i chos bzhin du ma sbyangs pa yin la nyes byas su gsungs pa ni chos bzhin ma yin pas nye bar zhi bar byas pa yang nye bar zhi ba nyid yin pas yang de la skyo sngogs byed pa bkag pa'i phyir te chos
 gos bzhin ma yin pas nye bar zhi ba la yang skyo sngogs mi bya'o zhes 'byung ba'i phyir ro/ /khyim pa rnams kyi zhes bya ba la sogs pa 'di la ni rtsod pa ni spyir 'thab pa tsam yin no/ /skyo sngogs byed pa'i ltung byed gtan la dbab pa'o/ /tshig lnga'am
 drug las lhag pa ni tshig drug pa'i phyed kyi tshig dag tshig lnga pa'i tshad kyi tshig las lhag pa ste/ la tshig drug pa ni dper na mig mi rtag pa'o/ /rna ba dang sna dang/ lce dang lus dang/ yid mi rtag pa'o zhes bya ba lta bu'o/ /tshig lnga pa ni gzugs mi rtag
 pa'o/ /tshor ba dang/ 'du shes dang/ 'du byed dang/ rnam par shes pa mi rtag pa'o zhes bya ba lta bu'o/ /rig pa'i skyes pa ni khong du chud cing skad brda phrad pa'i skyes pa ste/ de dang nye bas bag 'khums pa'i nyid kyis gnas ngan len smra ba'i go
 skabs med pa'i phyir ro/ /pho nya las zhes bya ba ni blo ma byad pa'am rung ba ma yin pa las so/ /gzhan dag na re bud med las so zhes zer ro/ /de lta yin te/ pho nya skyes bu nyid du grub na yang rig pa'i skyes bu zhes smos pa don med par 'gyur ro/ /gzhan
 dag na re pho nya smos pa ni bshad pa 'phangs pa gsungs par zad de/ 'di yan lag ma yin no zhes zer ro/ /rung bgyi ba ni rig pa'i skyes pa'o/ /dben pa la dben par 'du shes pa ni rig pa'i skyes pa med na bud med yod du zin kyang dben pa yin par shes pa
 bya ste/ bud med dang lhan cig tu dben pa'i skyabs yod pa na zhes gsungs pa'i phyir ro/ /re zhig dge slong gis zhes bya ba la sogs pas mtshan gyur na ltung pa med par gsungs pa ni nyes pa med pa'i phyir ro/ /'di ltar gal te dge slong ma bud med la chos
 ston par byed na mi mthun pa med pa'i phyir ro/ /dge slong ma rnams rig pa'i skyes pa med par chos ston par byed pa ni ltung ba 'ga' yang ma mchis kyi/ 'di rnams dge slong ma zla med par skyes pa la chos
 ston na mi chos bla mar gyur pa brjod pa dang/ lhan cig nyal ba la sogs pa'i ltung ba rnams kyang bsnyen par ma rdzogs pa'i gang zag bzhin du 'di la lta bar shes par bya'o/ /'di gnyis kyi rjes su 'brengs te 'di'i
 gsog 'jog byas pa dang blangs pa dang/ phyis blangs pa la sogs pa gang yin pa de gzhan rang bzhin du gnas pa la mi 'byung ngo zhes bya bar khong du chud par bya ba'o/ /gang zag bsnyen par ma rdzogs pa za ma zhes bya ba
 la sogs pas nyes byas su gsungs pa ni 'jig rten gyi tha snyad las pa'i phyir te/ ma ning la sogs pa la yang de dang 'dra bar shes par bya'o/ /dge slong ma sun phyung ba zhes bya ba la sogs pas ltung byed du gsungs
 pa ni bsnyen par ma rdzogs pa kho na'i phyir ro/ /dge 'dun gyi dbyen bgyid ba zhes bgyib? la sogs pas nyes byas su gsungs pas chos la ma gus pa yongs su spong ba'i phyir ro/ /de nyid dang (dge slong)? dge slong ma dang 'don na nyes byas su 'chang?
 par 'gyur ro/ /btsun pa re zhig dge slong gis dge slong ma dang mgrin gcig tu chos 'don par bgyid na zhes bya ba la sogs mgrin snyam ste/ tshig 'don par mgrin snyam ste/ tshig 'don par
 byed na ltung byed de/ 'di ltar 'don du gzhug pa dang 'don du 'byung ba ma gus pa'i phyir ro/ /gus nyams pa yongs su spangs pa'i snyam na bsnyen par ma rdzogs pas ma gus pa byas pa yang ma gus pa kho na yin no//
 de bzhin du dge slong ma dge slong dang zhes bya ba la sogs pa la yang tshul 'di nyid yin no/ /zhus pa las 'di skad du dge slong las tshig re nas chos 'don du stsal na cir 'gyur lags/ nyes byas so zhes 'byung ste 'dir
 yang tshul ni bshad ma thag pa 'di nyid yin par shes par bya'o/ /dge slob ma la sogs pas bsnyen par ma rdzogs pa dang mgrin pa snyam te chos 'don pa khyim pa dang yin par shes par bya ste/ 'og ma gnas ngan len
 brjod pa la yang de dang 'dra bar shes par bya ste/ 'don pa'i ltung byed gtan la dbab pa'o// //bsnyen par ma rdzogs pa la zhes bya ba la sogs pa la gnas ngan len ni ngo bo nyid dang kun nas slong ba
 ngag gi nyon mongs pa can te/ pham pa dang dge 'dun lhag ma'o zhes bya ba'i tha tshig go /dge 'dun gyi snang ba ni dge 'dun gyi rjes su gnang ba ste/ dge 'dun gyi gnang ba thob nas pham pa dang dge 'dun lhag ma dag shes pa'i khyim
 du brjod pa la ltung ba med do zhes bya ba'i tha tshig go /'dir ni dge slong gis byas pa'i gnas ngan len gyi ltung ba brjod na ltung byed du 'gyur ro zhes bya ba de ltar shes par bya'o/ /de lta ma yin na yang bstan pa kho nar ltung bar 'gyur
 te/ de yang rigs pa ma yin no/ /'di skad duAng ltung ba bstan pa las shes par byed du 'gyur ro/ /zhes dge slong la bsten pa mdzad do/ /mi la mi ma yin par 'du shes pa la nyes byas su gsungs pa ni mi ma yin
 pa la brjod na yang nyes byas su bstan pa'i phyir ro/ /ltung ba'i mdza' ni ltung ba'i tshad do/ /bsgo bar bya ba ni khyod gyis ltung ba 'di snyed cing brjod par bya'o zhes de ltar khong du chud par bya'o/ /yang zhes bya ba'i sgras
 ni khyim gyi mdza' ste/ khyim 'di snyed cig tu brjod par bya'o zhes te de ltar 'di la khyim gyi mdza' bsgo bar bya ba yin no/ /khyim gyi mdza' ma yin pa ni khyim 'di snyed du brjod par mi bya'o//
 gang zhig ces bya ba ni ltung ba 'byin par byed pa ste/ de dang zhes bya bar tshig khong nas drang ngo/ /ltung ba 'byin pa po gang zhig rngams mi phye ba dag gis khyim tshad yod pa dag sun 'byin pa de dang 'brel pa'i ltung ba
 gang dag yin pa dang/ khyim gang dag yin pa de dag gis brjod par byed pa la ltung ba 'di snyed cig khyim 'di snyed cig tu brjod par bya'o zhes yongs su chad par bya ba yin te/ de bzhin du 'og ma dag la yang ci
 rigs par shes par bya'o/ /rngams mi che ba ni tshad dang ldan pa'o/ /tshad med pa'i tshad ni yongs su chad pa med pa'i phyir ro/ /sun 'byin pa ni gnas pa dang longs spyod pa dag gis ma dad pa bskyed pa'i phyir ro//
 tshad yod pa ni tshad yongs su chad pa'i phyir ro/ /rdams? po che ni tshad med pa dang ldan pa'o/ /des ni zhes bya ba rjod par byed pa dge slong gis so/ /ltung ba de tsam kho na zhes bya ba ni 'dun gyi ltung ba rnams kyi tshad ci tsam
 zhig brjod par brjod par bya ba'i phyir bstan pa'o/ /shes pa'i khyim de tsam kho na dag tu zhes bya ba ni khyim gang dag tu nges byas pa'i gnas ngan len gyi ltung ba shes pa de dang ldan pa de dag tu'o/ /de las lhag par
 brjod na zhes bya ba ni khyim gang dag tu des byas pa'i gnas ngan len gyi ltung ba mi shes par ro/ /ltung byed du 'gyur ba zhes bya ba ni mi shes pa'i khyim du brjod pa'i phyir ro/ /shes pa'i khyim thams cad du zhes bya ba ni des bya ba'i
 ltung ba shes pa dang ldan pa dag tu'o/ /kha cig ni ltung ba 'byin par byed pa'i dge slong kho na la ltung ba'i mdza' yang bsgo bar bya la khyim gyi mdza' yang bsgo bar bya'o zhes bya ba la sogs pas brjod cing 'og ma dag la yang gang zag gang
 la (ltung ba'i mdza' yang bsgo bar bya ba de yin) ltung ba de tsam kho na tsam zhes bya ba la sogs pas drug pa'i mdza' can du ltung ba 'byin par byed pa kho na yin par 'don cing 'chad par yang byed do/ /don 'di ni 'brel pa ma yin te 'di ltar gnas ngan len brjod par gtogs
 pa'i las ni gang gis na mngon sum du byed par 'gyur ba mngon sum du bya ba ni ma yin no/ /'on kyang 'dir grags pa yan lag yin te/ grags pa tsam gyis ni 'di brjod par bya'o/ /'di la ni ltung ba 'byin par byed par spro ba bzhin
 du don du gnyer ba nyid gyis 'jug par yang ma yin gyi/ nyes na 'di phyir gnod par bya ba'i phyir 'jug go /de nyid kyi phyir dge slong 'phral ba can gyis rjod par byed pa la gal te 'di kho bo la rung na khyod kyi mgo rgyal byed gyi tshal gyi
 sgor 'bru mar gyi snod bzhin du spyad pa gang yin pa de ci'i phyir mi rung zhes bya ba la sogs pa smos so/ /de lta bas na 'don pa dang bshad pa snga ma bzhin bzang ste/ bstan pa la kha zer ba thams cad du yongs su spang ba'i phyir ni khyim dag tu shes par
 bya'o/ /bdag nyid kyis zhes bya ba la sogs pas nyes byas su gsungs pa ni gzhan gyi yin pa med pa'i phyir te/ bdag nyid kyi gnas ngan len gyi ltung ba 'chab pa bzhin no/ /la la las dge slong gi gnas ngan len gyi ltung ba ni ma ning la zhes bya
 ba la sogs pas dge slong la thug pa'i bar la nyes byas su 'don/ la las ni ltung byed du 'don to/ /de ni rigs pa ma yin te/ 'di la ni bsnyen par ma rdzogs pa yan lag nyid du rnam par bzhag pa'i phyir dang 'dir yang dge slong gi rgyu mtshan can gyi
 ltung ba rnams kyi skabs yin pa'i phyir ro/ /gzhan yang bsnyen par rdzogs pa la brjod pa'i phyir kha na ma tho ba 'dir 'gyur na dge slob ma la sogs pa bsnyen par ma rdzogs pa ma yin nam ci na yang brjod/ de bas na 'di
 thams cad 'od? la 'di ltar 'don par bya ste/ btsun pa re zhig dge slong gis dge slong za ma'i gnas ngan len gyi ltung ba gang zag bsnyen par ma rdzogs pa la brjod par bgyid na cir 'gyur lags nyes byas so/ /de bzhin du dge slong ma ming?
 dang mtshan gnyis pa dang/ khas blangs pa dang/ bslab pa byin pa dang/ dge slong ma sun phyung ba dang/ ma 'gum pa dang/ pha? 'gum pa dang/ dgra bcom pa 'gum pa dang/ mu stegs can zhugs pa dang/ rku thabs su gnas pa dang/
 sngar ltung ba byung ba dang/ dang po mi mthun pa can gyi gnas ngan len gyi ltung ba gang zag bsnyen par ma rdzogs pa la brjod par bgyid na cir 'gyur lags nyes byas so/ /btsun pa re zhig dge slong gis dge slong gi dge 'dun gyi dbyen bgyid
 pa'i gnas ngan len gyi ltung ba gang zag bsnyen par ma rdzogs pa la brjod par bgyid na cir 'gyur legs/ ltung byed do/ /de bzhin du de bzhin gshegs pa la ngan sems kyis khrag 'byin pa ba dang/ tha dad du gnas
 pa'i gnas ngan len gyi ltung ba gang zag bsnyen par ma rdzogs pa la brjod par bgyid na cir 'gyur lags ltung ba med do/ /de la don ni 'di yin te/ dge slong ma za ma'i gnas ngan len gyi ltung ba zhes bya ba ni za ma byas pa'i ltung ba za ma dang 'brel ba ste de zhes bya
 ba'i tha tshig go /de'i ltung ba 'di pham pa dang/ dge 'dun lhag ma zhes bya ba ming du rnam par nyon mongs pa can yin pa'i phyir gnas ngan len ces tha snyad gdags so/ /ma ning la sogs pa yang de dang 'dra bar shes par bya ba ste/ 'di ni sdom pa ma skyes pa'i phyir shes par bya'o
 dge 'dun gyi dbyen byed pa la sogs pa dang 'brel pa'i ltung ba dge bsnyen par ma rdzogs pa la yang ltung byed du gsungs pa 'di dge 'dun gyi dbyen byed pa la sogs pa/ dge 'dun gyi dbyen byed pa la sogs pa nyid kyis dge slong nyid med pa ma yin pa'i phyir
 shes par bya'o/ /btsun pa re zhig dge slong gis dge slong ma'i gnas ngan len gyi ltung ba zhes bya ba la sogs pas nyes byas so gsungs pa ni mi mthun pa'i phyogs yin pa'i phyir ro/ /gnas ngan len brjod pa'i ltung byed gtan la dbab pa'o/ /mi'i chos bla mar gyur
 pa'i zhes bya ba la sogs pa la ji ltar der pham par brjod la/ de ni ltung byed tu ston ce na bden na zhes bya ba smos te bden na'o/ /des na bden pa'i rgyud phyin ci ma log pa'i phyir zhes bya ba'i tha tshig ste/ bden du zin kyang gdul ba ma yin pa'i sems can rnams la mi srid pa 'dzin
 pa la sogs pa nyes pa 'byung bas bkag go /bden pa zhes bya ba la sogs pa ni pham pa bstan par ni mi bden pa yin la 'dir ni bden pa yin pas 'di dag gi khyad par ni de yin no/ /sangs rgyas dang ston pa zhes bya ba ma gtogs pa zhes bya ba ni bdag ni sangs rgyas so//
 ston pa zhes bya ba de ma gtogs pa lhag ma brjod par bya ba yin no/ /de dag yin pa smras nas ni 'dis mi bden par ni mi bden pa kho nar smra bar gyur te/ 'di ltar 'di la skyes bu chen po'i mtshan sum cu rtsa gnyis kyis brgyan pa'i gzugs kyi sku dang sangs rgyas byed pa dang/ ston pa byang
 pa'i chos rnams kyi bdag kyang med pas yang dag pa'i 'du shes nye bar mi gnas pa'i phyir ro/ /de bas na mi'i chos bla ma 'gyur ba brjod pa'i ltung byed la sangs rgyas dang ston pa zhes bya ba bor? nas lhag ma slob pa dang mi slob pa dang/ ci yang ba zhes bya ba la
 sogs pas thams cad bden pa kho nar brjod par bya'o/ /zhes bya ba'i tha tshig go /zhus pa la las 'di skad du/ bden pa mthong ba dang lta ba phun sum tshogs pa la brjod na ltung ba med do zhes 'byung ngo/ /de la don ni 'di yin te/ bden pa mthong ba ni 'phags pa'i bden
 pa bzhi yang dag pa ji lta ba bzhin mthong ba'i phyir ro/ /lta ba phun sum tshogs pa ni yang dag pa'i lta ba phun sum tshogs pa'i phyir ro/ /ltung ba 'di ni ma gus pa yongs su spang ba'i phyir gsungs te/ 'di ltar ni'i chos bla mar gyur pa
 dang ldan pa nyid du yid mi ches pa'i phyir ro/ /gang zag bden pa mthong ba la ni nyes pa 'di'i go skabs su yang mi 'gyur te/ 'di ltar mi'i chos bla mar gyur pa'i yul can gyi log par lta ba dang the tshom rnams gtan du spangs pas de dang ldan pa'i gang
 zag srid par 'dzin pa'i phyir ro/ /de bas na bcom ldan 'das kyis dgos pa ni bden pa mthong ba bsten par ma rdzogs pa'i mi chos bla mar gyur pa brjod na ltung ba med do zhes bya bar snang ngo/ /mi chos bla mar gyur pa rjod pa'i ltung byed gtan la
 dbang pa'o/ //legs par rung bar byas nas zhes bya ba ni rjes su gnang ba byin pa ste dad? pa phul nas zhes bya ba'i tha tshig go /bshes dor byas te zhes bya ba ni bshes pa ni bshes pa ste/ bshes shing 'dis pa zhes bya ba'i
 tha tshig go /gang dang gang dag la bshes pa ni bshes do'o/ /der ji ltar bshes bzhin zhes bya ba'i tha tshig go /rnyed pa ni gos kyi rnyed pa'o/ /gang zag la zhes bya ba ni yul gcig pa'o/ /dngos po zhes bya ba ni bsgrubs pa ni des?
 na gang rnams gang dag dang bshes shing ngo/ /shes pa de rnams kyi de dag gi gang zag la bsgrubs so zhes bya ba'i tha tshig go /'di ni bslu ba'i phyir ro/ /re zhig dge slong gis zhes bya ba la sogs pas mtshan gyur na nyes byas su gsungs pa ni rnyed
 pa'i mtshan tha dad pa'i dge 'dun gyi yin pa'i phyir te/ dge slong ma la de dang 'dra bar shes par bya'o/ /de las gzhan pa ni zas kyi rnyad pa la sogs pa'o/ /mngon sum du ma bab par zhes bya ba la sogs pas nyes byas su gsungs pa ni sngar? dad? pa
 phul ba med pa'i phyir ro/ /skur pa 'debs pa'i ltung byed gtan la dbab pa'o/ /zla ba phyed cing zhes bya ba la sogs pa la/ zla ba phyed phyed cing zhes bya ba ni zla ba phyed cing ngo/ /so sor thar pa ni sdig? pa las dang por thar pa'i phyir ro/ /de nyid mdo? yin te don? smos pa'i phyir ro/ /de
 gdon pa ni smra ba'o/ /de gdon pa na zhes bya ba ni dge 'dun gyi nang du smra? ba ste brjod pa na zhes bya ba'i tha tshig go /yang zhes bya ba ni rigs gzhan bstan pa'i phyir ro/ /'gyed pa'i phyir gdung ba ste 'di ni 'gyod pa'i rnam pa chud du bstan pa yin no/ /ma dga' ba ni mtshon cha'i so bzhin du sems la
 gnod par byed pa ste/ 'di ni 'gyod pa 'bring bstan pa yin no/ /gnod pa ni khyad par du sems la gnod pa byed pa ste/ 'di ni 'gyod pa chen po bstan pa'i phyir ro/ /rnam par mtho 'tsham pa ni rnam par 'che ba chas khyad par du 'phags pa skyed par byed pa ste/ 'di ni
 'gyod pa'i rnam pa chos chen por brnyad pa yin no/ /yid la gcags pa ni mchog tu sems zhum par byed pa ste/ 'di ni 'gyod pa'i rnam pa ches shin tu chen po bstan pa yin no/ /de ltar 'di dag ni chung ngu dang 'bring dang chen po dang ches
 chen po dang ches shin tu chen po'i bye brag gis sems kyis 'gyod pa'i rgyu dag bshad pa yin no/ /'gyur pa ni rgyu'i dngos por 'gyur pa'o/ /bslab pa'i gzhi zhes bya ba la ni nyon mongs pa spong ba'o/ /de'i gzhi ni
 rten to/ /tshul khrims la brten te nyon mongs pa spong ba sgrub te/ 'dul ba las nye bar bstan pa dag ces bya ba'i tha tshig go phran tshegs ni so sor bshags par bya bar 'gyur ba'i ltung byed rnams so//
 rab tu phra ba ni nyes byas su gyur pa dag go /yang na phran tshegs zhes bya ba'i sgra ni phra rnam grangs yin te/ des na ji tsam du phran tshegs rab tu phra ba zhes bshad pa de tsam du phra ba zhes bshad pa yin no zhes 
 bshad pa'i tha tshig go /'dom pa dag gis zhes bya ba ni bsnyad pa dag gis so/ /de skad ces bya ba'i sgra ni ma smos pa bsdu ba'i phyir ro/ /bslab pa khyad du gsong na zhes bya ba ni bslab pa rnams dang mi mthun par
 byed na te/ 'gal bar byed na zhes bya ba'i tha tshig go /dge slong zhes bya ba la sogs pas mtshan gyur na nyes byas su gsungs pa ni mtshan tha dad pa'i phyir te dge slong ma la yang de dang 'dra bar shes par bya'o/ /sprul pa ni lha la sogs pa ste/ 'di ni tha
 snyad du mi rung ba'i phyir ro/ /bslab pa'i khyad du gsod pa'i ltung byed gtan la dbab pa'o/ /sa bon gyi tshogs ni rtsa ba'i sa bon la sogs pa'i yo byed do/ /'byung po'i gnas ni 'gyur po spung ba dang phye ma leb dang bya la sogs pa'i gnas shing la sogs
 pa la skye ba ste/ skye ba yang sa bon nyid dang tha mi dad pas ltung ba gcig tu bcas so/ /'jig gam 'jig tu 'jug pa ni go bzhin du rang gzhan gyis lag pa dag gis 'byin pa dang sgyel ba dang/ gcod pa dang/ 'joms pa la sogs pas ma rung bar
 byed pa'o/ /rdzu 'phrul gyi shing zhes bya ba la sogs pa la mos na zhes bya ba ni 'dod na te/ rdzu 'phrul ni dge ba'i phyir ltung ba rnams kyi zhing ma yin pa de'i phyir de shes par bya'o/ /kha cig ni 'di skad du/ btsun pa re zhig dge slong gis rdzu 'phrul gyis
 shing 'gums na cir 'gyur lags/ nyes byas zhes 'don to/ /'dul ba 'dzin pa rnams na re 'don pa 'di ni rung ba ma yin te/ 'di ltar gnod sems kyi rnam pa nyid yod na ni dngos gzhi kho nar rnam par bzhag go /med na ni ltung ba yang med na ji
 ltar 'di la nyes byas su 'gyur ro zhes zer ro/ /lus kyi rnam par rig byed kyis zhes bya ba 'di ni dag med pa'i phyir yin no/ /rdo'i drag pa ni 'di rdo drag yin gyi rdo gcog pa ni ma yin no/ /sa bon rtsa ba ma zug pa ni myu gu 'phangs pa tsam ste/ 'di ni
 rtsa ba ma zug pa'i phyir yin no/ /'di mi sngo ba ni sa 'dam sngon por 'dug pa ste/ sa zhag sngon po zhes bya ba'i tha tshig go /'dam skya ba ni bum pa dang/ gos la sogs pa las byung ba'o/ /'di ni phyed skyes pa'i phyir yin par rig par bya ste/ pha ba dgo dgo
 dang sha mo la yang de dang 'dra bar rig par bya'o/ /chu rtsa ni rtsa nya lcibs dang 'dra ba zhig ste/ nya lcibs dang chu rtsa dag gi srog ni chu yin pas na de bas na de dag phyung ba nyid ma rung bar byas pa yin pas de'i phyir ltung byed 'dir gsungs so/ /srog chags rnams
 ni bya ma gtogs pa rnams te/ de dag ming gis 'chad par 'gyur ro/ /gnas ni 'dug gnas so/ /'byin pa ni drungs nas 'byin pa'o/ /ma rungs bar bgyid pa ni thams cad du 'joms pa'o/ /tshad ni gnas so/ /'jug pa ni phyir glog pa'o/ /ma rung bar bgyid pa ni
 mes sreg pa'o/ /sgo nga dag ma lhag na de'i tshe gzhig par bya'o zhes gsungs pa'i sgo nga med pa rnams gzhig par bcom ldan 'das kyis gnang ba ma yin nam zhe na/ 'di la 'gal ba med de/ 'di ltar dge 'dun gyi gnas dge ni dge slong rnams la
 rang gi yin pa'i blo yod pas de nas tshang 'jig pa la bcos legs pa'i blo yod na rjes su gnang ngo/ /gang la rang gi yin pa'i blo med pa de nas 'jig pa la 'di bzhag go /pha ba dgo dgo ni 'brug grags pa'i tshe 'byung ba 'phrum 'dra ba'i rngad cig go /sha mo ni sha mo zhes bya
 ba'i rngad cig ste/ sha mo khu lu zhes bya ba'i tha tshig go /rnyis pa zhes bya ba'i la sogs pas nyes byas su gsungs pa ni shun pa mi rnyis pa 'chu na ltung byed du 'gyur ro zhes bya ba de ltar shes par bya'o/ /'di skad du yang shun pa snying po dang bcas te 'chu na ltung byed du
 'gyur ro zhes gsungs te/ me tog la sogs pa yang de dang 'dra bar shes par bya'o/ /bsnyen par ma rdzogs par zhes bya ba la sogs pas nyes byas su gsungs pa ni dge slong? ma'i yul can du rig par bya'i/ dge slong gi yul can ni ma
 yin te/ de la rtsa gcod pa ni nyes pa rnam par bzhag pas so/ /dge slong ma la ni rnam par bzhag pas de ni de ltar shes par bya ste/ rtsa sngon bcad par mi bya'o/ /zhes
 'byung ba'i phyir ro/ /shing ni ljon pa'o/ /legs pa ni bzang ba'o/ /ma nyes pa ni nyen med pa'o/ /nyes byas so zhes bya ba ni 'dir ldangs por ma smras pa'i phyir shes par bya'o/ /tshig
 gu ni rgya shug gi tshig gu'o/ /ma bcom par bya ba ni ma ldang par ro/ /ril ming bgyis pa ni khur ming du btang ba'o/ /nyes byas so zhes bya ba ni 'dir sbyor ba las byung ba'o/ /rung bar ma
 bgyis pa ni me la sogs pas so/ /sa bon du ma red pa ni gang dag gis tshig gu sa bon du ma reng pa ste/ sa bon du ma gyur pa rnams zhes bya ba'i tha tshig go /'dis ni ji ltar me dang/
 mtshon dang sen mo dang/ rnyis pa dang/ ne tso dang/ gnod pa dang gsheg pa dang/ bcad pa dang gzhig pa'i rung bar bya ba dang/ de dag gis rung bar byas pa'i 'bras bu rnams
 bzar rung ba de bzhin du 'bras bu'i sa bon rdzogs so/ /mang+gA laM//