བོད་ཡིག

e-texts based on the ACIP/ALL Input

`/ /rnal 'byor la 'jug pa'i man ngag chos kyi dbang pos mdzad pa bzhugs so// //rnal 'byor la 'jug pa'i man ngag /rje btsun bla ma rnams la phyag 'tshal lo/ /thams cad mkhyen pa la phyag 'tshal lo/ /da ni theg pa chen po la lhag par mos pa'i dad pa can rigs kyi bus gsol ba btab pa dag la spro ba bskyed cing thar pa ma lus pa 'dod pa la/ sngar bshad pa'i mtshan nyid can gyi ye shes rtogs par bya ba'i thabs nye bar bstan pas/ bdag dang gzhan gyi don rab tu 'grub par bya ba'i phyir shes rab kyi tshul rjes su dran nas/ de bstan pa'i man ngag bsgom pa'i rim pa'i chog 'dir cung zad cig bshad par bya'o/ /theg pa chen por ji skad du bshad pa'i ye shes mngon par rtogs par 'dod pas/ dad pa dang lus pa dang ldan pas/ de'i tshul las bshad pa'i cho ga'i rim pa sngon du 'gro bas bla ma la gsol ba btab ste/ de'i drin gyi thob pa'i lung gi bla na med pa'i ye shes kyi thabs kyi man ngag gi rnal 'byor bsgoms pa brtsam par bya'o/ /de la dang bo re zhig bstan bcos rgya chen po ni thos nas su/ /don dam de bzhin nyid ni nges byas la/ /dang ldan de ni 'jam pa'i stan gnas te/ /blo dang ldan pas rnal 'byor brtson par bya/ /gzung dang 'dzin dang gnyis ka gnyis min dang/ /bdag dang gzhan dang mya ngan 'das pa dang/ /'khor bzhes bya'i rnam rtog mang po ni/ /rab tu btang la yid ni mnyam par ba zhag /sgyu ma dri za'i grong khyer lta bur ni/ shes bya ma lus rnam par bltas nas su/ / de bzhin nyid kyi ye shes rdo rje yi/ /lus kyi 'khrul 'khor rab tu gzhig par bya/ /rnam pa thams cad du ni rab mdzes la/ /thog dang tha ma'i cha bral rnams mi rtog /dri ma med pa'i 'og zer stong gis ni/ /mun pa nges gsal mkha' dang mtshungs pa yin/ /rang gi rnam ba tsam gyi ngo bo ru/ /gzod nas skye ba med pa'i rang sems mthong/ /gang gis kyang ni de mthong gyur pa dag /de yang de bzhin du ni lta bar bya/ /dmigs pa med dang bcas pa'i sems nyid ni/ /de bzhin nyid dang yang dag mdza' ru bshad/ /de ltar rim gyis bslab par gyur pa la/ /ming du 'du shes 'gog pa thob par 'gyur/ /de las yang dag reg par sbyor ba las/ /'bad pa med par mngon shes lnga ldan 'gyur/ /de dang mngon par ldan pa'i rnal 'byor pa/ / 'gro ba'i don ni dpag tu med pa byed/ /'di ni yongs su rdzogs pa'i rnal 'bor pa/ /shin tu yun ring dus su gnas par 'gyur/ /lus ni rdo rje lta bur mi shigs shing/ /nyon mongs bdud la sogs pas g.yo mi 'gyur/ /shes rab pha rol phyin pa zhes bya yi/ /rnal 'byor 'di dang rtag tu rab ldan pa/ nam mkha' mdzad la sogs pa'i ting nge 'dzin/ /mang po rnams ni yang dag rdzogs par 'gyur/ /'di ltar zab mo'i don gang ci yang rung ba rtogs par dka' ba de ni bla ma'i zhal nas cho ga ji lta ba bzhin du bshad pa bzung bar bya'o/ /rigs kyi bu 'am rigs kyi bu mo dad pa dang ldan pas gang la la pha rol tu phyin pa'i tshul gyis spyad pa spyod do/ /ji skad du bshad pa'i rim pa'i tshogs sems can thams cad gdan par bya pa'i phyir/ sems bskyed nas bla na med pa'i ye shes kyis/ man ngag gi rnal 'byor brtsams nas/ brtson 'grus 'bar ba dang ldan pas bslabs pa'i stobs dang ldan pa de ni ring po mi thogs bar tshe nyid la ji skad du bshad pa'i ye shes thob par 'gyur ro/ /gang yang ji skad du bshad pa'i chog med par glegs bam la brten pa tsam gyis 'jug pa de dag ni/ ji skad du bshad pa'i dngos grub la rgyab kyi phyogs par 'gyur zhing/ sdug bsngal ba dang yid mi bde ba sna tshogs 'byung bar 'gyur ro zhes zab mo'i tshul las de bzhin gshegs pas gsungs so/ /rnal 'byor la 'jug pa'i man ngag slob dpon chos kyi dbang pos mdzad ba rdzog sto// //rgya gar gyi mkhan pe tsha ratna dang zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// //shes rab kyi pha rol tu phyin pa bsgom pa'i man dag /shes rab kyi pha rol tu phyin ma la phyag 'tshal lo/ /de ltar