<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4361: las grub pa'i bshad pa<br><table><tr><td>
<input type="button" onclick="location.href='tcompletep.php?id=N4361&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4361&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4361&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">gyur pa la phyag 'tshal lo/ /rtog pa'i dra ba rnam bsal cing/ /gzhan gyi don la nges brtan pa/ /sems can kun gyi gnyen gcig po/ /'jam pa'i dpal la bdag phyag 'tshal/ /las grub rab tu byed pa ni/ /mdor bshad 'dod
 pa gang yin pa/ /de dag dga' bar bya ba'i phyir/ /mdor na de yi bshad par bya/ /mdo la las rnams ni gsum ste/ zhes bya ba la sogs pa 'byung ba la/ rab tu byed pa dgos pa dang bcas pa bshad pa ni rigs mod/ /'di la ni
 dgos pa med de/ de'i phyir re shig rtog pa sngon du gtong pa can gyis de brtsam pa nyid kyang mi rung na/ de bshad pa lta log par ga la 'gyur/ 'di la sbyor ba yang yod de/ rtog pa sngon du gtong ba can gyis ni dgos pa med pa gang yin de brtsam bar mi bya
 ste/ dper na bya rog gi so brtag pa'i bstan bcos lta bu yin la/ rab tu byed pa 'di yang dgos pa med pa yin pas khyad par byed pa mi dmigs pa ste/ de brtsam pa la dgos pa dang ldan pa nyid kyis khyab pa'i phyir ro/ /de ltar rab tu byed pa la
 gzhan gyis brgal ba dang/ 'dir bshad pa dgos pa med pa'i phyir ro zhes bya ba'i gtan tshigs ni ma grub bo/ /ci'i phyir zhe na/ 'di ltar 'di la lus la soD pa'i las gsuM las gsum gyi rang bzhin phyin ci ma log par gzung ba zhes bya ba'i
 dgongs pa yod do/ /de yang phyi rol gyi don yod par smra ba gzhan thams cad kyis log par rtog pa'i phyir te/ de'i phyir shes bya nang gis yin par smra bas de'i lugs dgag ba dang/ /rang gis bsam pa bstan pa'i sgo nas rab tu
 byed pa 'dis bsgrub par bya'o/ /bcom ldan 'das kyis mdo las las rnams ni gsum ste zhes gsungs pa dgos pa ni rtsod pa'i gnas yin pa'i phyir pha rol gyi lugs bsal bas/ rang gi ngo bo phyin ci log par bstan par bya ba'i
 phyir ro/ /de la re shig de la kha cig na re zhes bya ba la sogs pas/ pha rol gyi lugs dges pa mdzad de/ de'i lugs dmigs kyi dkar te phyogs re re nas sun phyung bas ni phyogs rang gis phyogs bde blag tu khong du chud par
 nus pa'i phyir ro/ /dang po ni bye brag tu smra ba'i phyogs yin par rig par bya ste/ rang gi bla ma rgyud pa las bshad pa 'ongs pas bslus pa de dag ni 'di skad du lus kyis byas pa'i las ni lus kyi las yin pa zhes bya ba la sogs pa zer te/ las
 gsum po dag gi bsdu ba ni gzhan dang gzhan du rig par bya'o/ /lus kyi byas pa'i las ni lus kyi las zhes bya ba'i tshig bsdu ba ni gsum pa yin te/ lus la brten nas zhes bya bar bsams pa yin te/ de ni bya ba'i rang bzhin ma
 yin pa'i phyir ro/ /dag nyid ni dag gis las yin te zhes bya ba'i tshig bsdu ba ni khyad par du byed pa yin te/ dbyangs ni dag yin no zhes 'byung bas de ni bya ba'i rang bzhin pa'i phyir ro/ /so sor zhes bya ba ni re re zhing zhes bya ba'i don to/ /gnyis
 pa yang zhes bya ba ni lus dang ngag gi las so/ /rnam par rig byed dang/ rnam par rig byed ma yin pa zhes bya ba de la/ rnam par rig byed pas na rnam par byed de/ tha snyad rtogs pa gzhan gyi nang na yod pa'i bsam pa ston par byed pa zhes bya
 ba'i don to/ /rnam par rig byed bzhin du gzugs dang bya ba'i rang bzhin yin du zin kyang/ gzhan dag la rnam par rig par mi byed pas na rig byed ma yin pa'o/ /yid dang mtshungs par ldan pa'i las ni yid kyi las t5e zhes bya ba 'dir yang
 tshig bsdu ba ni gsum pa yin no/ /yid ni bya ba'i rang bzhin ma yin pa'i phyir/ las nyid du mi srid pas de dang mtshungs par ldan pa'i sems pa ni las so/ /de la 'dir ni spyad par bya ste zhes bya ba ni slob dpon gyi dri ba glong bar mdzad pa ste/
 de'i phyogs bstan la phab nas phyis sun dbyung ba'i phyir ro/ /re zhig lus kyi rnam par rig byed ces bya ba la sogs par rgya cher 'byung bas ni bye brag tu smra ba dag rang gi phyogs rnam par 'jog par byed do/ /re zhig lus kyi rnam
 par rig byed ces bya ba la/ re zhig gi sgras ni rnam par rig byed cig shos rnam par gcod par mdzad do/ /de la dmigs pa'i sems las skyes pa zhes bya ba la/ de'i sgras ni dbyibs la snyegs so/ /gang la lag pa la
 sogs pa dbyibs kyi dmigs pa yod pa de ni de la dmigs pa'o/ /de ni de la dmigs pa yang yin la sems kyang yin pas de la dmigs pa'i sems te/ 'jug par byed pa'i sems so/ /de las skyes pas na de la dmigs pa'i
 sems las skyes pa yin te/ de ci zhe na/ dbyibs kyi rnam par rig byed do zhes bya bar sbyar ro/ /'di skad du mchod rten la phyag 'tshal ba la sogs pa kun nas slong bar byed pa'i sems gang yin pa de'i dmigs pa ni ma 'ongs pa'i lus
 kyi las rnam par rig byed ces bya ba'i dbyibs yin te/ de'i phyir sems de lta bus kun bslang ba'i rnam par rig byed ni de las skyes pa yin no zhes bstan pa yin no/ /gang gi zhes bya ba ni rgol bar byed pa yin te/ 'di yang g.yA?
 g.yon 'dug a 'ga' zhig yin gyi/ slob dpon ni ma yin no/ /lus kyi yin no zhes zer ba ni bye brag tu smra ba dag go/ gal te lus kyi yin na zhes bya ba ni rgol bar byed pa yin te/ de'i bsam pa ni rnam par dbye ba gang yang rung
 ba zhig bstan pas don rtog pa'i phyir de las gzhan pa'i sgrub pa med pa'i phyir ji ltar na de lus kyis byas pa'i las zhes bya zhes smos nas lus kyi zhes bya ste/ tha snyad gnyi ga yang med pa zhes bya ba 'di yin no/ /lus zhes bya
 ba spyi'i yan lag tu gyur pa'i phyir zhes bya ba rgya cher 'byung bas bye brag tu smra ba pa dag tha snyad gnyi ga gzhung 'dzugs par byed pa yin no/ /lus ni 'byung ba dang/ 'byung ba las gyur pa 'dus pa ste khog pa ril la bya
 la?/ las ni lag pa la sogs pa nye tshe la yod pa ma yin nam/ ji ltar lus kyi 'am/ lus kyis zhes bya zhes bya ba'i phyogs snga ma khong nas dbyung ba 'di sems la bsdogs nas spyi dag la yod ces bya ba la sogs pa smos so/ /de
 la dmigs pa'i sems las skyes pa zhes bya ba ci dgos she na zhes bya ba na 'dir 'dri ba po de'i bsam pa ni sems las byung ba'i phyir ro/ /sems las skyes pa zhes bya ba'i rigs ni ci'i phyir de la dmigs pa'i zhes smos
 pa byas zhes bya ba 'di yin no/ /brgal zhing brtag pa de la bye brag tu smra ba ba rnams kyi smra ba na mchu la sogs pa zhes bya ba la sogs pas lan btab pa yin te/ de ni de la dmigs pa'i sems las skyes pa ma yin te zhes bya ba ni
 mchu la sogs pa'i dbyibs ni dbyibs la dmigs pa sems las skyes pa ma yin no zhes bya ba'i don to/ /mchu la sos pa zhes bya ba la sogs pa smos pa ni 'byed pa dang 'dzums pa la sogs pa gzung ngo/ /ci'i phyir ma yin zhe
 na/ de'i phyir tshig la dmigs pa'i sems las skyes pa yin pa'i phyir ro zhes bya ba smos so/ /'di skad du smra bar byed pa ni 'di la tshig 'dis brjod par 'dod pa'i don 'di khong du chung bar bya'o zhes tshig la dmigs nas tshig
 gcig tu 'don par byed do/ /de'i phyir tshig la dmigs pa'i sems las skyes pa nyid yin pas mchu la sogs pa'i dbyibs ni dbyibs la dmigs pa'i sems las skyes pa ma yin no zhes bstan pa yin no/ /sngon gyi smon lam
 gyi sems las skyes pa yong gyur na mi rung ba ste zhes bya ba ni dag gi mtshu ba ni pa ltar dmar ba la sogs pa de dag de ltar gyur cig ces sngon smon lam btab pa gnag yin pa de'i sems las skyes pa yang der gyur na mi rung ngo
 zhes bya ba'i don to/ /rnam par smin pa'i rgyu'i sems gzhan las kyang skyes pa'i phyir ro zhes bya ba ni de las gzhan sngon gyi rnam par smin pa'i rgyur gyur pa dge ba'i sems gang yin pa rgyur gyur pa'i khyad par thob
 pa de las kyang skyes so zhes bya ba'i don to/ /'dis kyang de la dmigs pa'i sems las skyes pa kho na yin no zhes nges par gzung ba'i 'bras bu can du bstan pa yin no/ /ci'i phyir de rnam par rig byed ces bya zhe na zhes bya ba ni dri ba
 yin no/ /phyi rol bskyod pa'i 'gyur ba dag gis ni zhes bya ba ni sems las phyi rol du bskyod pas te byung ba'o/ /'gyur ba bdag gis ni zhes bya ba ni lag pa la sogs pa'i g.yo ba dag gis zhes bya ba'i don to/ /bsam ba zhes
 bya ba ni sems pa'o/ /mtshon gnas pa'i nya ni rab ga ba kyang zhes bya ba la sogs pas ni dpe bstan to/ /tshigs su bcad pa lhag ma'i don ni rtogs par zad do/ /de ltar rgya cher lus kyi rnam par rig byed kyi mtshan nyid
 rnam par bzhag pa dang/ slob dpon gyis de'i mtshan nyid sun dbyung bar bzhed nas/ 'o na dbyibs zhes bya ba 'di ci yin zhes bya ba la sogs pa gsungs te/ dbyibs shig grub na ni de'i bdag nyid kyis lus kyi rnam par
 rig byed rtogs par nus kyi gzhan du ma yin no zhes bya bar dgongs pa'o/ /'di lha ste ring por la sogs pa'o/ /zhes zer ba ni bye brag tu smra ba dag go/ /ring po la sogs pa 'di ci yin zhes gsungs pa ni slob dpon ste/
 'di yang ma grub pa'i ngo bo nyid yin na/ ji ltar dper brjod ces bya bar dgongs pa yin no/ /gang las ring po 'am zhes bya ba la sogs pa smra ba na bye brag tu smra ba pa dag ste/ ring po la sogs pa ni mngon sum gyi tshad mas
 grub pa ni 'di la ci zhig the tshom za bar 'gyur/ sbyor ba ni mngon sum gyi tshad mas grub pa tsam gang yin pa de ni yod pa yin te/ dper na sngon po la sogs pa'i gzugs lta bu yin la/ rin po che la sogs pa yang mngon sum gyi tshad mas
 grub pa yin no/ /yod pa nyid ni mngon sum gyi tshad mas grub pa tsam nyid kyis yod pa nyid yin pa'i phyir rang bzhin gyi gtan tshigs so snyam du sems so/ /skye mched gang yin zhes bya ba ni slob dpon gyis re zhig de'i phyogs kho na sun
 dbyung ba'i phyir bstan par mdzad pa ste/ gal te dbyibs de rdzas su yod na skye mched bcu gnyis dag gis ni rdzas thams cad bsdus pa'i phyir de skye mched gang du 'dus zhes bya bar dgongs pa'o/ /gzugs kyi skye mched do zhes zer
 pa ni bye brag tu smra ba dag ste/ 'di ltar grub pa'i mdza' las gzugs ni rnam pa gnyis te/ kha dog dang dbyibs so zhes 'byung bas de'i phyir skye mched du 'dus so/ /ci ste zhes bya ba rgya cher 'byung ba ni slob dpon dri ba gling bar mdzad
 pa yin no/ /kha dog bzhin du zhes bya ba ni ji ltar sngon po la sogs pa'i rang gi mtshan nyid grub pa kha dog gi rdul phra rab rdzas su yod pa cha shas so so du ma ni de 'dus pa la yang tha mi dang par 'jug pa yin par 'dod na/ ci dbyibs
 kyang de lta bur 'dod dam/ 'on te rdul phra rab kyi bye brag 'dus pa zhig yin nam zhes bya ba ni ci ste rdul phra rab kyi bye brag gi bdag nyid rnams 'dus pa zhig yin par 'dod dam zhes bya ba'i tha tshig go/ /'on te kha dog la sogs
 ba 'dus ba la khyab ba'i rdzas zhes bya ba ni ci de bye brag ba rnams kyi cha shas can bzhin du dri dang/ ro dang/ reg bya'i kha dog la khyab pa zhig tu 'dod dam zhes bya ba'i tha tshig go/ de ni rnam pa thams cad du mi 'thad de/
 nyes pa rnam pa gsum yong pa'i phyir ro/ /ji ltar zhe na/ gal te rdul phra rab kyi bye brag zhig yin na ni zhes bya ba la sogs gsungs te/ 'di skad du gal te rdul phra mo'i bye brag la ring po la sogs pa de'i blo skye ba'i
 rgyur 'dod na/ de lta na ni 'byung ba dang 'byung ba las gyur pa 'dus pa de'i cha shas re re la yang sngon po la sogs pa'i kha dog gi phra rab las ma gtogs par dbyibs de gzung bar 'gyur te/ dper na kha dog bzhin du 'gyur ba zhig na de
 lta yang ma yin no/ /sbyor ba ni dmigs pa'i rig byar gyur pa las mi dmigs pa gang yin pa de ni med par tha snyad gdags pa'i yul yin te/ dper na bong bu'i rwa lta bu yin la ring po la sogs pa'i dbyibs kyang kha dog gi
 rdul phra rab las logs shig na mi dmigs pas/ rang bzhin mi dmigs pa te/ 'di ltar de lta bur gyur pa yod pa la dmigs pas khyab pa'i phyir ro/ /'di thams cad kyis ni phyogs snga ma smra bas mngon sum gyi tshad mas grub pa'i
 phyir ro/ zhes gtan tshigs sbyar ba de ma grub pa nyid du bstan pa yin no/ /gal te 'o na ring po dang thung du la sogs pa ji ltar dmigs par 'gyur zhe na/ ma yin te/ de ni 'og nas sngon po la sogs pa de ltar gnas pa dag kho nas
 ring po la sogs ba'i blo bskyed do zhes sgrub pa'i phyir ro/ /'on te rdul phra rab kyi bye brag 'dus pa zhig yin na ni zhes bya ba la sogs pa ni ci ste dbyibs kyi rdul phra rab kyi bye brag 'dus pa zhig tu 'dod na ni/ ring po dang thung du la
 sogs par ming btags pa dbyibs kyi rdul phra rab kyi bye brag 'dus pa gang gis na dbyibs rdul phra rab dmigs kyi ma phye ba'i rang bzhin dag 'dus pa la dbyibs zhes bya ba de kha dog gi rdul phra rab kyi bye brag 'dus pa las khyad par
 ci yod de/ de bas na sngon po la sogs pa de dag kho na 'dus pa'i khyad par las ring ba la sogs par 'gyur re zhes bya ba'i don 'di bstan pa yin no/ /'on te kha dog la sogs pa 'dus pa la zhes bya ba la sogs pas ni 'di skad du gal te dri dang/ ro
 dang/ reg bya'i kha dog la khyab pa gcig bu zhig dbyibs su 'dod na/ de gcig pu nyid yin pa'i phyir dang cha shas med pa'i phyir ka pa la sogs pa'i cha shas re re la yang dmigs par 'gyur te/ de cha shas re re la yang khyab pa nyid du yod pa'i phyir ro/ /de
 ltar yang yin na ni ma yin no/ /de lta bas na khyab par byed pa gcig pu de yod pa ma yin pas snga ma bzhin du gang zhig dmigs pa'i rig byar gyur pa las zhes bya ba la sogs pas khyab par byad pa mi dmigs pa'i sbyor ba rig par bya'o/ /yang na de gcig pu
 ma yin te zhes bya ba la sogs pa la/ bsam pa ni khyab pa la cha 'khrul pa med pa'i phyir de la/ nges par cha yod par bya dgos so/ /de bas na rdzas ni gcig pa'i rgyu can nyid du mi 'grub pa yin no zhes bya ba 'di yin no/ /sbyor ba ni gang dang gang la cha dang char
 rnam par gnas pa yod pa de dang de ni yang dag par na gcig pa nyid med de/ dper na dmag dang nag tshal la sogs pa lta bu yin la/ dbyibs kyang cha dang char rnam par gnas pa yin pas/ khyab par byad pa 'gal ba dmigs pa'o/ /'di ltar cha can dang/
 cha can ma yin pa dag ni phan tshun spangs te nas pas 'gal ba yin te/ gcig nyid la cha can ma yin pas khyab pa'i phyir ro/ /de bas na da ni cha can 'gal ba dmigs pa na/ khyab par byed pa cha can ma yin pa ldog go/ de log na nges khyab par bya ba
 gcig nyid ldog pa yin no/ /ci ste pha rol po gal te dbyibs gcig pa nyid med du zin kyang des cir gyur snyam du sems na/ de'i phyir/ skye mched bcu ni zhes bya ba la sogs pa gsungs te/ 'di skad du rdzas ni gcig pa'i rgyu can nyid yin pas de
 med na rdzas med pa'i phyir/ skye mched bcu ni rdzas su yod do zhes bya ba'i grub pa'i mdza' dad 'gal lo zhes bstan pa yin no/ /gzhan yang gzegs zan pa'i gzhung gis zhes bya ba la sogs pa'i skyon gzhan 'di yang yod go/ /spel
 par 'gyur ro zhes bya ba ni gsos pas 'gyur bas zhes bya ba'i don to/ /ces te gzhan gal te dbyibs zhes bya ba yong ye med na/ ji ltar na 'jig rten na grags pa ring po la sogs pa'i blo med par mi 'gyur snyam du sems pa dogs na/ phyogs gcig
 gis sgor zhes bya ba la sogs pa rgya cher gsungs te/ 'di skad du deng yod ye dbyibs med do zhes ni mi zer te/ ji ltar bye brag tu smra ba la sogs pas rdzas su btags pa de lta bu ni med kyi/ 'jig rten gyi grags pa yang med pa ni ma yin no/ /
 'di'i phyir yang ring po la sogs pa'i dbyibs rdzas su med par gsal bar shes par gyis shig /gang gi phyir zhe na ri mo bkram pa zhes bya ba ste/ khab ris la sogs pa'o/ /de dang lta bur snang ba la zhes bya ba ni ri dags dang
 phag la sogs pa'i gzugs tha dad par ro/ /'di skad du/ 'dir ri mo bkram pa la sogs pa dbyibs sna tshogs dmigs te yang nam zhig rung ste/ gal te dbyibs rdzas su med na ni rung gi gzhin du na de mi srid pa kho na'o/ /zhes
 bstan pa yin no/ /brgya la gzhan dag 'di skad du rdzas su yod par khas blangs kyang/ ci'i de ltar mi srid ces smra bar gyur na/ de'i phyir dbyibs rigs tha dad pa dag ni yul gcig par rigs pa yang ma yin te zhes bya ba la soD
 ba gsungs so/ /rigs tha dad pa dag ces bya ba ni rang bzhin tha dad pa dag ces bya ba'i don to/ /dper na kha dog dag bzhin no zhes bya ba ni ji ltar sngon po la sogs pa'i kha dog rang bzhin tha dad pa rnams ni phan tshun lhan cig mi
 gnas pa'i mtshan nyid kyi 'gal bas 'gal ba'i phyir phyogs gcig tu gnas ba med do/ /ring po la sogs pa'i dbyibs rnams kyang de bzhin du mi 'dod par bya'o/ /'o na gal te gzhan mig brtsums nas 'ol byir 'di skad du 'gal ba rnams kyang yul cig pa kho na
 yin no zhes zer na/ de'i phyir 'on kyang 'gyur na ni zhes bya ba la sogs pa gsungs te/ 'gal ba rnams phyogs gcig na yod par 'gyur na zhes bya ba'i don to/ /phyogs thams cad du dbyibs thams cad kyi blo 'byung bar 'gyur bzhig na zhes bya ba ci'i
 phyir zhe na/ dbyibs re re'i yul gang yin pa de ni thams cad kyi yin pa'i phyir ro/ /de lta bas na dbyibs zhes bya ba'i rdzas gzhan ni med kyi zhes bya ba la sogs pas ni ji skad du bshad pa'i mjug bsdud pa bstan to/ /gal te de ltan thag ring po nas kha dog
 'dus pa dmigs kyis mi phyed ba bzhin du zhes bya ba la sogs pa ni gal te sngon po la sogs pa'i kha dog 'dus pa la dbyibs kyi blo 'byung na/ thag ring po nas de mi 'dzin bzhin du dbyibs 'dzin pa ji lta bu ste/ de 'dzin pa kho nas de 'dzin gyi gzhan
 ni ma yin no snyam du bsams pa'o/ /re shig dbyibs dag dmigs kyis mi phyed bzhin du de'i dngar ka zhes bya ba la sogs pa ni slob dpon nyid kyis lan ma btab par gzhan la smad par mdzad pa yin te/ gzhan dag yul de lta bu la brtsad pa na/
 gzhan mi zhig smra bar 'gyur te cung zad kyang smrar med kyi/ 'on kyang de nyid de lta bur snang ngo zhes smra par 'gyur ro/ /des na kho bo'i rigs pa yang de nyid yin no/ /dbyibs dag dmigs kyis mi phyed bzhin du zhes bya ba ni gang dag la dbyibs
 dmigs kyis mi phyed pa yod pa de dag ni dbyibs dmigs kyis mi phyed pa dag go/ dbyibs dag dmigs kyis mi phyed bzhin du ste/ gang dag gi zhe na/ shing dag gi zhes bya ba tshig gi lhag ma'o/ /de'i dngar ka dang tshogs dag gi zhes bya ba de
 la/ dngar ka go rims dang tshar zhes bya ba'i don nyo/ /tshogs ni 'dus pa'o/ /shing de dag gi dngar ka dang/ tshogs dag ni de'i dngar ka dang/ tshogs zhes bya bar tshig sbyar ro/ /gzhan yang 'dir brgal da gzhan dag lan ci
 zhig 'debs par 'gyur te/ de'i phyir gnyi gar yang zhes bya ba la sogs pa gsungs so/ /gnyi gar yang zhes bya ba ni kha dog dang/ dbyibs su zhes bya ba'i don to/ /dmigs kyis mi phyed la/ zhes bya ba ni gtan la mi phebs la zhes bya ba'i tha
 tshig go/ de na ci snang zhes bya ba ni kha dog dang/ dbyibs la ma gtogs par snang bar 'gyur ba gang yin pa'i snang ba las gzhan ni khas ma blangs so zhes bya bar dgongs pa'o/ /de lta bas na de'i tshe kha dog ces bya ba la sogs pas ni lan
 gsungs pa yin te/ 'di skad du 'u bu cag gis de ni ci snang zhes dris pa na bsgyangs kyang 'di skad ces de'i tshe kha dog mi bsal bar 'dzin pa yin gyis gzhan ni ma yin no zhes bya ba 'di brjod dgos so zhes bstan pa yin no/ /de'i phyir dbyings
 kyi rnam par rig byed mi 'grub bo zhes bya ba 'dis na bye brag tu smra ba pa'i phyogs rgya cher sun phyung nas mjug bsdu ba yin no/ /gzhan dag na re zhes bya ba ni 'phags pa mang pos bkur ba'i sde pa rnams so/ /de dag ni 'di skad du yang dag
 par na dbyibs med pa'i phyir lus g.yo ba'i gnas skabs kyi 'gro ba kho na yin gyi dbyibs ni ma yin no/ /de bas na de nyid rnam par rig byed yin par rigs kyi dbyibs ni ma yin no/ /de'i phyir kho bo cag gi phyogs
 la ni ji skad bshad pa'i sgrub pa rnams ni grub par byed pa nyid yin no zhes zer ro/ /'phos pa 'di yin no zhes bya ba 'di ga las zhe na zhes bya ba ni/ mngon sum gyi tshad mas sam/ 'o na te rjes su dpag pas gtan la 'bebs sam cen/ gang gi
 phyir 'di snyam du de nyid yul gzhan du 'phos pa 'di yin gyi der gzhan kho na zhig byung ba ni ma yin no/ snyam du sems zhes bya ba'i tha tshig go/ khyad par nges par mi zin pa'i phyir re/ zhes bya ba 'dis ni lan btab po/ /de ni 'di skad du don 'di ni rjes su dpag pas grub pa kho
 na yin te/ 'di ltar gal te de 'pho bar mi 'gyur gyi/ 'on kyang der khyad par can gzhan kho na zhig 'byung bar 'gyur na 'o na ni khyad par byung ba de nges par zin par 'gyur ba zhig na de lta yang ma yin no/ /de bas na der gzhan mi skye ste/ 'on kyang de nyid 'pho
 ba yin par shes so zhes bstan ba yin na/ /sbyor ba ni gang zhig gang las khyad par mi dmigs pa de ni de las tha dad pa med de/ /dper na rang bzhin cig pa de nyid rang las tha dad pa med pa lta bu yin la/ snga ma'i rang bzhin las kyang yul gzhan du
 'phos pa'i rang bzhin gyis khyad par mi dmigs so/ /de'i phyir tha dad pa yod pa nyid ni dmigs pas khyab pa'i phyir rang bzhin mi dmigs pa yin no snyam du sems so/ /me dang/ nyi ma dang/ chab brom zhes bya ba la sogs pas ni slob dpon gyi pha rol
 po gtan tshigs sbyor ba ma nges pa nyid du gsungs pa yin no/ /phrad pa ni 'brel pa yin te/ kun tu reg ces bya ba'i tha tshig go/ phrang ma thag tu zhes bya ba ni dus ring po dgag pa'i phyir te/ dus ring pos phrad pa la khyad bar dmigs pa nyid yin pa'i phyir ro/ /bral bar
 gyur pa la zhes bya ba ni reg ma thag tu gyes zhes bya ba'i tha tshig go/ gang la zhe na/ me dang/ nyi ma dang/ chab brom dang rtsa la sogs pa la'o/ /sogs pa smos pas ni bul rtog la sogs pa bsdu'o/ /khyad par ji lta bu zhig dang ldan pa yin zhe na/ de'i phyir chos
 byang las skye ba'i rkyen zhes bya ba gsungs te/ chos byed las skye ba 'byung ba'i rgyu zhes bya ba'i tha tshig go/ /chos byed las skye ba'i rkyen gang dang phrad ma thag tu bral bar gyur ce na/ bum pa la sogs pa dang ngo zhes bya ba'i tshig gi lhag ma'o/ /de dag
 gzhan ma yin pa yang ma yin no zhes bya ba ni gzhan yin pa kho na'o zhes bya ba'i tha tshig go/ gzhan yang 'di'i phyir yang khyad par nges par mi zin la de ni gzhan ma yin pa yang ma yin te/ ji ltar zhe na/ bsreg bya cha shas 'dra ba can zhes bya ba
 la sogs pa gsungs te/ me 'bar ba gzhan gang dag la bsreg bya yang yin la cha shas 'dra ba yang yin pa yod pa de dag ni bsreg bya cha shas 'dra ba can no zhes bya bar tshig rnam par sbyar ro/ /'dra ba zhes bya ba smos pa ni mi 'dra pa gsal ba'i phyir
 te/ mi 'dra ba de dag la ni chung ngu dang chen ba'i khyad par gyi bye brag snang ba'i phyir ro/ /rtsa zhes smos pa ni de ni 'gyur ba myur bas 'bar ba gzhan gsal bar rtogs pa'i phyir re/ /ring po zhes bya ba ni khyad par nges par gzung ba'i phyir te/ thung ngu la ni res 'ga' khyad
 par mi dmigs bar 'gyur ro/ /'brel pa zhes bya ba ni rjes su 'brel pa zhes bya ba'i tha tshig go/ lhag ma ni snga ma bzhin bzhin no/ /dpe sna tshogs brjod pa ni don 'di gsal par bya ba'i phyir ro/ /'di thams cad kyis ni 'di skad du gang gi phyir bum pa dang/ me 'bar
 ba la sogs pa de la tshos byed las skye ba la sogs pa'i khyad par yod kyang 'du byed rnams 'dra bas bsdus pas mi dmigs te/ de'i phyir ngan don mi dmigs pa las med pa'i tha snyad kyi yul nyid du bsgrub par bya ba la ni gtan tshiD ma nges ba yin no zhes bsten pa
 yin no/ /ci ste gzhan gyi ltar na ni phrang ma thag tu 'byung pa yin gyi de la ni phrad ma thag tu chos byed las skye ba 'byung ba med pa nyid la de bzhin du bsreg bya cha shas 'dra ba can gyi me 'bar ba gzhan rnams kyi khyad par yang byung ba ma yin na ci'i
 phyir gtan tshigs ma nges pa nyid ma yin snyam du sems par dogs nas/ de gzhung gzugs pa'i phyir 'on te phrad ma thag tu zhes bya ba la sogs pa gsungs te/ rkyen la khyad par med pa'i phyir ro zhes bya ba ni rkyen rnams skad cig ma yin pa nyid kyi phyad
 par med pa'i phyir re zhes bya ba'i don to/ /gal te bsreg bya'i cha shas gzhan zhes bya ba ni bsreg bya'i cha shas ni bsreg bya'i cha shas so/ /de ni bsreg bya'i cha shes kyang yin la gzhan yang yin pas zhes tshig rnam par sbyar ro/ /yang ni zhes bya ba'i tshig gi
 phrad spyi ni bsdu pa'i don to/ /de'i khyad par las zhes bya ba ni bsreg bya'i khyad par las zhes bya ba'i tha tshig go/ tsha dang gsal ba dad tsha ba'i khyad par med par 'gyur ro/ /zhes bya ba de la tshad kyi khyad par ni ring po dang/ thung du la sogs pa'i khyad par ro/ /gsal
 ba'i khyad par ni snang ba chung du dang/ 'bring dang chen po'i khyad par ro/ /tsha ba'i khyad par ni rig pa chung du dang/ 'bring dang chen po'i khyad par ro/ /gsum smos pa ni dbyibs dang/ kha dog dang reg pa'i bye brag gi khyad par dang ldan pa'i me 'bar ba skad cig re re la
 gzhan du 'gyur bar bstan pa'i phyir ro/ /de'i khyad par nges par mi zin pa'i phyir zhes bya ba la sogs pas ni slob dpon gyis ji skad du bstan pa'i mjug bsdu ba gsungs pa yin no/ /de ltar slob dpon gyi gzhan gyi gtan tshigs sbyar brgya cher sun phyung ba
 dang/ yang gzhan dag ji ltar smras pa bzhin du mi rung du zin kyang/ 'o na 'jig pa'i rgyu med pa'i phyir ro/ zhes gtan tshigs gzhan sems par byed de/ ci zhe na/ de nyid yul du 'phos pa 'di yin par 'gyur ro zhes bya bar sbyar ro/ /'o na'i sgra ni ma rangs pa'o/ /'di
 skad du sngon gyi rang bzhin btang na ni/ sngon med pa'i rang bzhin thob pa'i phyir/ gzhan zhig skye bar yang 'gyur na/ de'i 'jig pa'i rgyu med pa'i phyir rang bzhin kyis 'jig pa nyid med na/ gang gi phyir na yul gzhan zhig skye bar 'gyur te/ de bas na de nyid yul du
 'phos pa yin no/ /sbyor ba ni gang dang gang la snga ma'i rang bzhin 'jig pa med pa de dang de la/ rang bzhin thob pas 'byung ba med de dpar na ru spal gyi spu lta bu yin la/ yul gzhan na 'dug pa'i dngos po yang 'jig pa'i rgyu med pa'i phyir snga ma'i ran
 bzhin 'jig pa med do/ /de nyid 'jig pa dang/ rang bzhin gzhan thob pa gnyis kyis skye ba la khyab pa'i phyir de med na khyab par bya ba de yang med pas/ khyab par byed pa mi dmigs pa yin no snyam du skad cig ma ma yin par smra ba dag sems
 so 'dir smras pa/ gtan tshigs ma grub ste/ 'di ltar 'du byed rnams ni rang gis dang gis 'jig pa'i phyir na/ gang gis na skye ba mi srid pa'i phyir/ de nyid yul gzhan du 'pho bar 'gyur ba'i 'jig pa'i rgyu ni med do/ /ci'i phyir med cen/ de'i phyir sems
 dang sems las byung ba zhes bya ba sogs pa gsungs te/ 'jig pa'i rgyu yang gang yin te/ zhes bya ba ni med pa kho na'o zhes bya ba'i don to/ /sems dang sems las byung ba de dag ni skad cig re re la rang gi rang gis 'jig pa nyid du gzhan dag
 gis bdag nyid kyis khas blangs pas de nyid sgrub pa'i phyir 'bad par mi bya'o/ /sgra la sogs pa dang/ me lce dag gi 'jig pa'i rgyu yang gang zhig yin te zhes bya bar sbyar ro/ /sgra la sogs pa zhes bya ba la sogs pa smos pa la/ blo la sogs pa skad
 cig ma nyid du grags pa khong du chud par bya'o/ /'di ltar yang sgra dang/ me lce la sogs pa dag kyang skad cig re re la rang gi dang gi 'jig par gzhan bye brag la sogs pas bdag nyid kyis khas blangs pas de nyid sgrub pa'i phyir snga ma bzhin du 'bad bar mi bya'o/ /sems dang sems las byung ba la sogs pa 'di thams cad ni skad cig pa nyid du grub pa'i phyir dpe yin par rig par bya'o/ /de bzhin du gzhan la yang med par 'gyur ro zhes bya ba ni dngos kyi don sgrub par byed pa yin par bya'o/ /de bzhin du
 zhes bya ba ni sems dang sems las byung ba dag ces bya ba'i tha tshig go /gzhan la yang zhes bya ba ni bum pa la sogs pa la'o/ /med par 'gyur ro zhes bya ba ni 'jig pa'i rgyu zhes bya ba'i don to/ /de ni 'di skad du ji ltar sems dang sems las
 byung ba la sogs pa dag la ci de dag 'jig pa'i bdag nyid du byung bdag cig gam/ 'on te 'jig pa'i bdag nyid ma yin pa zhes bya ba la sogs par rnam par brtags na 'jig pa'i rgyu mi srid pa'i phyir 'jig pa rgyu dang bcas par mi 'dod to /de bzhin du gzugs
 la sogs pa gzhan la yang med par 'gyur ro zhes bstan pa yin no/ /sbyor ba ni gang dang gang dag 'dus byas yin pa de dang de dag ni 'jig pa'i rgyu la mi bldes? pa yin te/ dper na sems dang sems las byung ba la sogs pa lta bu yin la/ dum bal?
 sogs pa dngos po thams cad kyang byas pa yin pas khyad par byed pa 'gal ba dmigs pa'o/ /'di ltar 'dus byas dang 'dus ma byas gnyis na phen chun spangs te gnas pa'i mtshan nyid kyi 'gal ba yin la/ 'dus ma byas kyang 'jig pa'i rgyu la bltos
 pa dang bcas pa nyid la khyab par byed pa yin pa'i phyir ro/ /de bas na 'dus ma byas dang 'gal ba 'dus byas dmigs pa de'i tshe/ 'dus ma byas ldog go /khyab par byed pad log na des khyab par bya ba 'jig pa'i rgyu la bltos pa dang bcas pa yang ldog par
 'gyur ro/ /slob dpon gyis de ltar tshad ma mdzad pa dang de la gzhan dag gis dpe ni grub par bstan pa'i phyir/ de dag gi zhes bya ba la sogs pa smos so/ de dag gi zhes bya ba ni sems dang sems las byung ba de dgag? gi'o?/ /rang nyid kyi mi rtag pa
 nyid yin no/ /zhes bya ba ni bdag nyid la yod pa nyid de'i rang bzhin 'joms par byed pa'o zhes bya ba'i tha tshig go /gal te sems dang sems las byung ba rnams kyi 'jig pa'i rgyu gzhan phyi rol gyi mi srid du zin kyang gang
 gis na de dag 'jig par byed pa rang la yod pa nyid kyi mi rtag pa nyid yod do/ /de bas na dpe bsgrub par bya ba dang mi ldan no snyam du sems pa la /de bzhin du gzhan dag la yang ci'i phyir mi 'dod ces bya ba la sogs pa 'dis slob dpon gyi ha cang thal bar ston
 par mdzad do/ /de bzhin du zhes bya ba ni ji ltar sems dang sems las byung ba dag gis mi rtag pa nyid 'jig pa'i rgyur 'dod pa bzhin du zhes bya ba'i don to/ /gzhan dag la yang zhes bya ba ni bu la sogs pa dag la'o/ /gzhan ni
 zhes bya ba ni phyi rol gyi 'jig pa'i rgyu'o/ /de dag la med pa zhes bya ba ni sems dang sems las byung ba la sogs pa de dag la'o/ /de bzhin du gzhan rnams la yang med par 'gyur ro/ /zhes bya ba ni bum pa la sogs pa dag la ste/ mi 'dod par
 bya'o zhes bya ba'i tha tshig go /dpe bsgrub par bya ba dang ldan pa nyid du gzhung gzugs pa'i rigs pa ma yin nam/ ha cang thal ba skabs ma yin pa gzhan ci ste smos she na de ni nyes pa med de/ 'di ltar 'di snyaM du ci 'jig pa'i rgyud de nyid byed dam/ 'on te gzhan
 zhig byed ces bya ba la sogs pa'i brtag pas/ ji ltar phyi rol gyi 'jig pa'i rgyu gzhan mi srid pa ltar mi rtag pa nyid kyang de dang 'dra ste/ brgal zhing brtag pa mchungs pa'i phyir ro/ /'on te de lta yin na yang sems dang sems las byung ba
 rnams kyi mi rtag pa nyid 'jig rgyu yin par khas len gyi phyi rol gyi 'jig pa'i rgyu gzhan ni ma yin no/ de bzhin du bum pa la sogs pa gzhan dag la yang de kho na dang 'dra bar 'gyur ro zhes thal bar bsgrub pa'i thabs kyis dpe gzhung 'dzugs
 bar mdzad pa yin no/ /de ltar slob dpon gyis thal ba bsgrubs pa dang/ 'dir skad cig pa ma yin par smra bar gzhan dag gal te med na zhes bya ba la sogs pas bum pa la sogs pa la phyi rol gyi 'jig pa'i rgyu yod pa nyid du gzhung
 'dzugs te/ gal te med na zhes bya ba ni gal te phyi rol gyi 'jig pa'i rgyu zhes bya ba tha tshig go /me la sogs pa dang phrad pa'i sngon rol du yang zhes bya ba ni me dang phrad pa bas sngar te/ me la sogs pa dang ma 'brel ba'i gnas skabs
 su zhes bya? ba'i tha tshig go /ji ltar de'i 'og rol bzhin du zhes bya ba ni me la sogs pa dang phang ba'i 'og ces bya ba'i don to/ /yang na ni de'i phyis kyang 'dzin par 'gyur ro zhes bzlog par bya ste/ phyi rol gyi 'jig pa'i rgyu ni thams cad med
 par 'dra ba'i phyir ro zhe na/ re zhig ji ltar na zhes bya ba la sogs pas slob dpon gyi dri ba'i sgo nas mar me la sogs pa bzung ba dang/ mi bzung bar grags pas de med pa kho nar sgrub par mdzad do/ /gal te zhes bya ba la sogs pas
 rnam pa bstan to/ /phrad pa tsam gyis bral ma thag pa na yang 'gyur ro zhes bya ba ci zhe na mi bzung bar 'gyur ro zhes bya bar sbyar ro/ /ci'i phyir zhe na/ rkyen la khyad par med pa'i phyir ro/ /gzhan yang tshos byed las skye ba'i phyi rol gyi rkyen khyad
 par med na zhes bya ba la sogs pa 'di'i phyir yang 'jig pa'i rgyu mi 'thad do/ /khyad par can dang/ ches shin tu khyad par can 'byung ba zhes bya ba ni/ dmar ba dang/ ches dmar ba la sogs pa la'o/ /ji ltar 'byung ba dag la den/
 de'i phyir phyi ma phyi ma'i rgyud nyid kyis zhes bya ba gsungs te/ dmar ba la sogs pa phyi ma phyi ma 'byung ba'i rgyu'i dngos po zhes bya ba'i tha chig go /gang zhig ce na/ me la sogs pa'i zhe na bya ba tshig gi lhag ma'o/ /snga ma dag gi zhes bya
 ba ni dmar ba la sogs pa snga ma snga ma byung ba'i zhes bya ba'i don to/ /'jig pa gang las 'byung ba zhes bya ba ni ci me la sogs pa las sam/ 'on te gzhan 'ga' zhig las zhes bya ba'i don to/ /ci ste gzhan ci'i phyir the tsham za/
 'on kyang me la sogs pa nye bar nyid de dag gi 'jig pa'i rgyur 'gyur ro/ snyam du 'dod par dogs nas/ gang kho na las gang yod pa de kho na las de med pa ni reg par ma yin te zhes bya ba gsungs so/ /ci'i phyir ma yin zhe na/ de'i phyir
 'gal ba gnyis kyi rgyu zhes bya ba la sogs pa gsungs te/ rgyu tha dad na ni dngos po rnams kyang tha dad par 'gyur te/ gal te gzhan gyi rgyu gzhan yin na/ gzhan gyi gzhan yin no zhes so sor nges par
 'gyur ro/ /de bas na gang skye ba la phan 'dogs par byed pa/ gang yin pa de nyid 'jig par byed par ji ltar 'gyur te/ de ni 'gal ba yin no/ /de bas na 'jig pa'i rgyu med par zhes bya ba la sogs pas ni mjug bsdud do/ /ci ste
 gzhan 'jig pa'i rgyu med par 'jig pa yin la ni rag na/ snga ma bzhin du me la sogs pa dang phrad pa'i 'og tu/ bum pa la sogs pa gcung? bar ji ltar mi 'gyur te/ da dung du khyod kyis brgal ba de'i lan ma btab bo snyam du sems par
 dog nas/ snga ma bzhin du zhes bya ba la sogs pa gsungs te/ gzung ba dang/ mi bzung ba rig par bya'o zhes bar du chod pa dang sbyar ro/ /gzung ba dang/ mi bzung ba ni gzung ba dang/ mi bzung ba'o/ /de ji ltar rig par bya zhes de'i phyir smad
 kyi khyad par med pa'i zhes bya ba la sogs pa gsungs te/ smad kyi khyad par med pa ni 'dra ba gzhan dang gzhan 'byung bas mtshan nyid mi 'dra ba mtshar gcig med pa zhes bya ba'i don to/ /'jug pa dang ldog pa zhes bya ba ni go rims
 bzhin du 'jug pas ni snga ma bzhin du gzung ba yin la/ ldog pas ni snga ma bzhin du gzung ba yin no/ /zhes bya ba'i tha tshig go /gzhan yang gal te zhes bya ba la sogs pa gtan tshigs brnan pa bstan pa 'di'i phyir/ yang ji ltar 'jig
 pa'i rgyu med pa khong du chud par byos shig /dper na skye ba bzhin no/ /zhes bya ba ni/ ji ltar sems dang sems las byung ba la sogs pa de dag dang/ bum pa la sogs pa gzhan dag skye ba thams cad ni rgyu dang bcas pa yin no/ /de lha ma
 yin te rgyu med pa yin na/ rtag tu yod pa 'am/ med par 'gyur ro/ /de bzhin du gal te 'jig pa yang rgyu dang ldan par 'dod na ni de yang de nyid dang 'dra bar 'gyur te/ de'i phyir 'jig pa thams cad rgyu dang bcas par 'gyur ro/ /sems dang sems las byung ba
 la sog pa zhes smos pa ni khyod mi 'dod pa nyid yin no zhes bya ba'i tha tshig go/ /brgya la pha rol de dag la yang 'jig pa'i rgyu rang gi mi rtag pa nyid yod do/ /de bas na thams cad 'jig pa'i rgyu dang bcas pa nyid du bsgrub par bya ba ni/ nge mi 'dod pa nyid ma
 yin no zhes zer du dogs nas/ mi rtag pa nyid ni zhes bya ba la sogs pa gsungs te/ de dag las zhes bya ba ni sems dang sems las byung ba la sogs pa lags so/ /gzhan par zhes bya ba ni logs shig tu'o/ /'di skad du gang gis na/ sems dang sems
 las byung ba rnams kyi 'jig pa yang rgyu dang bcas par 'gyur ba mi rtag pa nyid ces bya ba ni/ sems dang sems las byung ba las logs shig na yod par mngon sum la sogs pa'i tshad mas cung zad kyang grub pa med do zhes bstan pa yin no/ /
 gzhan yang rgyu'i khyad par las zhes bya ba la sogs pa smos te/ rgyu'i khyad par las zhes bya ba ni 'jig pa'i rgyu'i khyad par las so/ /de'i khyad par yod par 'gyur te zhes bya ba ni 'jig pa'i khyad par yod par 'gyur te zhes bya ba'i tha tshig
 go /ci 'dra ba'i khyad par yod par 'gyur zhes na/ de'i phyir med do/ nyi ma zhes bya ba la sogs pa smos so/ /dngos po la ni khyad par ram/ khyad par med par 'gyur mod/ 'jig pa ni dngos po thams cad kyi mtshan nyid dang bral ba yin te/
 cung zad kyang med pa ma yin nam ji ltar rgyu'i khyad par las de la khyad par yod par 'gyur zhes na/ de ni ma yin te/ 'di ltar gang gi tshe skye ba bzhin du de yang blo gros/ rnam par rmongs pa gzhan dag gis rgyu dang bcas par dam bcas pa na/ de ci
 zhig gis na/ 'jig pa de cung zad kyang med pa nyid yin no zhes dgongs pa'o gzhan yang 'jig pa dang ldan par yang 'gyur te zhes bya ba la sogs pa skyon gzhan 'di yang yod de/ rgyu dang bcas pa yin pa'i phyir/ gzugs
 la sogs pa bzhin du/ 'jig pa yang dngos po nyid du gyur pa yin la/ de yang 'dus byas yin pa'i phyir 'jig pa ste/ 'jig pa gzhan dang yang ldan par 'gyur ro/ /de'i phyir de yang 'jig pa gzhan dang ldan pa nyid pas thug pha med par
 'gyur ro/ /de ltar bas na 'jig pa'i rgyu ni 'ga' yang zhes bya ba la sogs rgya cher 'byung bas/ 'di skad du gsungs pa'i mjug sdud pa yin no/ /gang dang gang dag 'dus byas yin pa de dang de dag ni 'jig pa'i rgyu la mi ltas pa yin te
 zhes bya ba la sogs pa tshad ma snga ma'i don kyang sbyar bar bya'o/ /de bas na gzugs la sogs pa'i 'du byed rnams skad cig ma yin no/ /sbyor ba ni gang dang gang dag 'jig pa'i rgyu la mi bltos pa de dang de dag ni rang gi dang gis 'jig
 pa dag yin te/ dper na sems dang sems las byung ba la sogs pa de dag nyid lta bu yin la/ gzugs la sogs pa 'du byed rnams kyang 'jig pa'i rgyu la mi bltos pa yin no/ /rang gi ngang gis 'jig pa ni/ 'jig pa'i rgyu la mi bltos
 pa tsam dang 'brel pa yin pas/ rang bzhin gyi gtan tshigs yin no/ /de ltar slob dpon gyis gzhan gyis sbyar ba'i gtan tshigs gnyis pa yang rgya cher sun phyung ba dang/ yang skad cig par ma yin par smra ba gzhan dag 'gro ba rab tu
 sgrub pa'i phyir 'o na de gzhan du skye ba'i rgyu med pa'i phyir zhes bya ba la sogs pas gtan tshigs gzhan sems so/ /'di skad du rgyu yod na ni de yod na 'byung ba nyid kyis/ de las rag las ba'i phyir yul gzhan der gzhan skye bar
 rtag pa zhig na gang gi tshe/ rgyu de nyid med pa de'i tshe de med pa'i phyir ji ltar gzhan skye bar 'gyur/ de bas na de nyid 'pho bar mngon no zhes bstan pa yin no/ /sbyor ba ni gang rgyu dang bral ba de ni 'byung ba med de/ dper na bong bu'i rwa lta bu yin la/ yul gzhan na gnas
 pa'i dngos po yang rgyu dang bral ba yin no/ /de ni rgyu la rag las pa'i phyir de med na de yang med pas/ rgyu med dmigs pa yin no snyam du sems so/ /de ltar gzhan dag gis phyogs snga ma btsugs pa dang/ 'dir slob dpon gyi gtan tshigs ma nges
 pa nyid du bsnyad pa'i phyir/ snga ma ni phyi ma skye ba'i rgyu yin pas yod pa nyid do zhes bya ba la sogs pa gsungs so/ /dgongs pa ni 'di yin te/ gal te logs shig na rgyu gzhan med du chug na yang dngos po yul gzhan na gnas pa'i skal ba mnyam pa'i
 rgyu skad cig ma snga mas bsdus pa yin pa na/ 'di ltar de rgyu ba med par khong du chud par bya'o/ /'di skad du 'dir gzhan ni ni don de gsal bar bya ba'i phyir ro/ /de bas na 'pho ba'i mtshan nyid kyi zhes bya ba la sogs pas ni mjug sdud par byed do/ /
 'pho ba'i mtshan nyid kyi 'gro ba zhes bya ba 'ga' yang med do zhes bya ba ni khyad par du byed pa yin te/ bar chad med par yul gzhan du 'byung ba la 'gro ba btags par khas blangs pa'i phyir ro/ /'di ltar yang dngos po gnas na 'gro ba med/
 ces bya ba la sogs pa 'di'i phyir yang dngos po rnams kyi 'gro ba med par khong du chud par bya'o/ /'di skad du 'dir gzhan ni 'di lta ste/ dngos po gnas pa 'am mi gnas pa zhig la 'gro ba yod do snyam du de tsam zhig gi rtog pa 'byung bar
 'gyur grang na/ de la re shig gnas pa la 'gro ba med do/ /gnas pa dang 'gro ba phan tshun du 'gal ba'i phyir ro/ /'o na mi gnas pa la yod do zhe na/ de yang med de/ 'gro ba med par ni mi gnas pa de nyid mi srid do/ /ci'i phyir 'gro ba mi srid ce na
 de ni 'gro ba med dang rtag tu gnas zhes bya bas bstan to/ /de ltar slob dpon gyis skad cig re re la 'du byed rnams 'byung bar rab tu bsgrubs pa dang/ mngon par zhen pa'i phyir/ gal te lta yin na zhes bya ba la
 sogs pas yang rgol bar byed do/ /gzhan na snang ba de ci yin zhes bya ba ni de nyid snang nge zhes bsams pa'o/ /de nyid snang ba ni ma yin zhes bya ba ni slob dpon gyis 'gog par mdzad pa'o/ /'o na ce zhe na zhes zer ba ni gzhan no/ /yul dang yul du zhes bya
 ba la sogs pa gsungs pa ni slob dpon no/ /gsar dang gsar ci zhe na/ snang ngo zhes bya bar sbyor/ ci dang 'dra zhe na/ de'i phyir rtswa me lta bu 'am/ zhes bya ba la sogs pa gsungs te/ 'di skad du ji ltar khyad par mngon par mi rtog pa'i phyir/ me 'bar ba na
 med de nyid 'gro zhes mngon pa'i nga rgyal 'byung ba bzhin du mi 'gro'o/ /grib ma 'gro'o snyam du ste/ skad cig ma yin pa'i phyir/ don dam par me 'bar ba dang/ grib ma la 'gro ba med do/ /gzugs la sogs pa 'du byed skad cig re re la gzhan 'byung ba
 dag la yang de bzhin du 'dod par bya'o zhes bstan pa yin no/ /mngon zhes pa'i phyir me 'bar ba'i 'gro ba lta mngon pa'i nga rgyal du chug na/ grib ma ni gzugs la sogs pa bzhin du brtsad pa yin pa'i phyir/ ji lta bu yin snyam du
 dogs pas/ grib ma yang skad cig pa nyid du rab tu bsgrub pa'i phyir/ grib ma zhes bya ba la sogs pa smos te/ de dang ldan pa zhes bya ba ni grib ma dang ldan pa'i mi la sogs pa'o/ /de skye ba dang 'grib pa dang/ 'gyur bar snang
 ba'i phyir zhes bya ba ni/ grib ma skye ba dang/ 'grib pa dang/ 'gyur bar snang ba'i phyir ro/ /'di skad du nyi ma thag ring na grib ma skye bar snang/ nye na grib ma 'grib par snang/ 'gyur bas ni 'gyur bar snang ba yin no/ /gal te grib ma yul
 gzhan du 'phon/ de ni ngo bo gcig pa yin pa'i phyir ji ltar na grib ma dang ldan pa'i mi la sogs pa 'dug bzhin du/ de nyi ma 'gyur ba'i rjes su 'gyur ba bsten par 'gyur zhes bstan pa yin no/ /rgol ba gang zhig grib ma yul gzhan du 'pho ba nyid
 yin gyi/ 'byung ba ni ma yin par lta ba de'i ltar na de ni gcig pa nyid yin pa'i phyir skad cig pa yang ma yin na de'i ci'i phyir de dang ldan pa 'dug bzhin du zhes bya ba'i khyad par smos/ de la ni gnas 'gyur bas kyang 'gyur ba yod par mi srid do/
 zhe na de ni bden te 'on kyang rdzas ma dang/ 'bru mar bzhin du de la brten pa de tsam gyis gnas kyi dbang gis grib ma de 'gyur ba yid du ni chug na/ de dang ldan par 'dug bzhin du de gcig par yin pa'i phyir nyi ma'i 'gyur bas 'gyur par
 ni mi rung ngo zhes zhal gyis bzhes nas bshad do/ /snyam du dgongs pa yin no/ /snang ba'i phyogs gzhan du bsgribs na 'byung ba'i phyir ro zhes bya ba ci zhe na/ grib ma de nyid yul gzhan du snang ba ni ma yin no zhes bya bar sbyor
 ro/ /dgongs pa ni gal te grib ma de nyid yul gzhan du 'pho na/ 'o na ni re lde dang/ rtsig pa la sogs pas snang ba'i phyogs gzhan du bsgribs na de 'byung bar dmigs par mi 'gyur gyi/ 'on kyang thams cad du dmigs pa kho nar
 'gyur te/ de ni snang ba'i phyogs ma bsgribs pa gzhan du yang/ 'pho bar khyad par du med pa'i phyir ro/ /de lta yang ma yin te/ de bas na skad cig re re la gzhan du 'gyur ba'i phyir grib ma yang me 'bar ba dang/ tshul 'dra bar
 grub pa yin no zhes bya ba 'di yin no/ /de ltar 'du byed rnams skad cig re re la gzhan du 'gyur bar bsgrubs nas/ slob dpon gyis rgol ba gzhan gyis smras pa las yang/ gang zhig ces bya ba la sogs pa sla chos kyis rtsis
 mgos bsgre bar mdzad do/ /gang zhig cas bya ba ni rgol ba'o/ /brtsad pa zhes bya ba ni brgal ba ste/ skad cig par smra bas zhes bya ba tshig gi lhag ma'o/ /ji ltar brgal ce na/ de'i phyir 'di ga las zhes bya ba la
 sogs pa smos so/ /de ni zhes bya ba ni yul gzhan na snang ba gang yin pa'o/ /de nyid ma yin no zhes bya ba ni sngon mthong ba gang yin pa zhes bya ba tshig gi lhag ma'o/ /'di ga las zhes bya ba ni ci'i phyir ro/ /phyis rgol bar 'gyur
 bzhes bya ba ni/ skad cig par smra ba de nyid la de rtsod par 'gyur ba zhes bya ba'i tha tshig go /de nyid khungs yin no zhes bya ba ni/ bshad ma thag pa de nyid gzhan du 'gyur ba'i yid ches bar byed pa'i rgyu yin no zhes bya ba'i
 tha tshig go /de ci zhe na/ de'i phyir 'di ltar zhes bya ba la sogs pa gsungs so/ /gzhan yang chos byed las skye ba rnams kyi phyi rol gyi rkyen tha dad pa med kyang zhes bya ba la sogs pa gsungs te/ 'di skad du me la sogs pa phyi
 rol gyi rkyen rnams ni/ skad cig pa ma yin pa nyid du khyad par med pa'i phyir tha dad med do/ /gal te yang de dang phrad ma thag kho nar bu ma pa la sogs pa sngon gyi gzugs 'jig pas phyi ma'i gzugs kyi khyad par 'byung bar
 mi 'gyur na ni phyis kyang mi 'gyur te/ rkyen rnams ni snga ma bzhin sngon gyi rang bzhin ma gtang ba'i phyir ro/ /de lta yang yin te 'on kyang khyad par dmigs so/ /de lta bas na phyi ma'i khyad par gzung ba 'di nyid chos bya dang/ chos byed kyi
 rdzas rnams skad cig re re la gzhan du 'gyur ba'i khungs te/ gtan tshigs yin no zhes bya bar bstan pa yin no/ /gzhan yang re zhig ded kyis gzhan du 'gyur ba'i gtan tshigs rgya cher bshad zin mod kyis khas
 blangs te/ yang gal te yang zhes bya ba la sogs pa smos te/ gzhan du 'gyur ba'i zhes bya ba ni gzhan du 'gyur bar bsgrub par bya ba'i 'o/ /khungs med pas zhes bya ba ni gtan tshigs med pas so/ /dngos por rtog par byed na zhes bya ba ni
 de nyid yin no snyam du sems pa ni dngos po ste/ gang las de nyid 'di yin no zhes bya bar shes pa'i zhes bya ba'i tha tshig go/ /yang na de nyid kyi dngos po ni de'i dngos po ste/ gnas pa'i 'gro ba ni dngos po'o zhes bya ba'i tha tshig go/ de'i dngos po
 yin pa'i zhes bya ba ni rang bzhin gcig pa'i dngos po ste/ rang bzhin tha mi dad pa'i dngos po zhes bya ba'i tha tshig go/ de bas na zhes bya ba la sogs pas ni mjug sdud par byed do/ /gang gi phyir ci gcig pa nyid yin nam/ 'o na te gzhan du
 'gyur ba nyid yin zhes the tshom za ste/ khungs med pa'i phyir ro/ /de bas na gnyi gar nges par mi gzung bar thal bar 'gyur bas zhes bya ba ni/ phyogs gnyi gar nges par mi bzung bar thal bar 'gyur ba ste/ de'i dngos po 'am/ gzhan du
 'gyur ba'i dngos por nges par gzung du med par thal bar 'gyur pas so/ /de yang 'dod pa ma yin te/ dngos po gcig la de'i dngos po dang gzhan du 'gyur ba'i dngos po phan tshun 'gal bdag dang ldan pa ni ma yin no/ /'pho ba ni ma
 grub pa kho na yin no zhes bya ba ni 'pho ba ni gting mi tshugs pa kho na yin no zhes bya ba'i tha tshig go/ sbyor ba ni gang dang gang dag skad cig pa yin pa de dang de dag la yul ga zhan du 'pho ba med de/ dper na me 'bar ba dang/
 grib ma la sogs pa lta bu yin la/ gzugs la sogs pa 'du byed rnams kyang skad cig ma yin pas khyab par byed pa 'gal bar dmigs pa'o/ /'di ltar skad cig pa dang/ skad cig pa ma yin pa ni phan tshun spangs te/ gnas
 pa 'gal ba yin la/ 'pho ba yang skad cig pa ma yin pas khyab pa'i phyir/ de dang 'gal ba skad cig pa dmigs pa na/ skad cig ma yin pa ldog go/ de log na des khyab par bya ba'i pho ba yang ldog par
 'gyur ro/ de ltar slob dpon gyis rgya cher 'gro ba rnam par rig byed ma yin no/ zhes 'phags ba mad pos bkur ba'i sde pa dag gi phyogs sun phyung ba dang/ 'dir mdo sde pa'i khyad par rnams las/ nyi ma 'char ka ba zhes bya ba la la dag
 chos gzhan gyi rang bzhin zhig rnam par rig byed yin par brjod pas na/ nyi ma 'char ka pa dag na re zhes bya ba sogs pa smos te/ nyi ma 'char ka pa dag na re zhes bya ba ni/ gnas brtan gzhan nu len gyis byas pa'i bstan bcos nyi ma
 'char ka zhes bya ba de tha snyad brjod pa gang dag yin pa de dag ni nyi ma 'char ka pa dag go/ gal te kha cig na re 'on kyang 'du byed rnams ni rang bzhin gyis 'jig pa'i phyir 'pho ba med la/ des na de med pa'i phyir rnam par rig byed kyang
 med na/ 'jig rten na 'gro ba'i tha snyad dam/ rnam par rig byed kyi tha snyad ji ltar 'byung zhes zer ba 'dis dogs nas de'i phyir yul gzhan du 'byung ba'i rgyu zhes bya ba la sogs pa smos/ yul gzhan du 'byung pa'i rgyu zhes bya
 ba ni/ yul gzhan du 'du byed rnams 'byung ba gang yin pa da'i rgyu zhes bya ba'i tha tshig go/ de gang zhe na/ de'i phyir chos gzhan zhes bya ba smos te/ rang bzhin gzhan dang dngos po gzhan zhes bya ba'i tha tshig go/ de yang rgyu ci las
 'byung ba zhig yin zhe na/ de'i phyir sems kyi khyad par gyi rgyu can zhes bya ba gsungs te/ sems kyi khyad par ni de 'dod pas rab tu bcug pa'i sems so/ /chos gzhan gang la rgyu de yod pa de ni chos gzhan
 sems kyi khyad par gyi rgyu can no/ /de lta bur gyur ba de yul gang du 'byung zhe na/ de'i phyir lag pa la sogs pa la zhes bya ba smos so/ /de ni 'gro bzhes kyang bya/ rnam par rig byed ces kyang bya'o zhes bya ba ni/ de lta bu'i rnam pa'i
 chos gzhan de nyid ni/ 'jig rten na 'gro ba 'am/ rnam par rig byed ces bya'i/ de la ma gtogs pa'i yul gzhan du 'byung bar byed pa gzhan dang/ de'i 'bras bur gyur pa/ gzhan ni 'gal yul med do/ /zhes bya ba'i tha
 tshig go/ 'o na zhes bya ba la sogs pas slob dpon gyi chos gzhan sun dbyung ba gsungs pa yin no/ /'di skad du gal te chos gzhan de gzugs kyi skye mched du gtogs pa yin na/ gzugs kyi skye ma ched ni lta bar bya ba yin pa'i
 phyir/ der gtogs ba de yang kha dog bzhin du mthong bar 'gyur ro/ /de lta yang ma yin te/ de bas na med pa nyid do zhes bstan pa yin no/ /sngar dbyibs bsal ba'i tshad ma'i don gang dmigs pa'i rig byar gyur pa las zhes bya
 pa la sogs pa bstan ba de nyid 'dir yang sbyar bar bya'o/ /gal te mngon par zhen pa'i phyir gzhan dag na re/ gal te gzung ba ma yin du chug na/ chos gzhan de gzung bar bya ba ma yin yang yod pa ma yin no zhes zer du dogs nas/
 mi mthong zhes bya ba la sogs pa gsung sa te/ gzhan la rnam par rig par byed pas na rnam par rig byed ces bya na/ de ji ltar gzhan la rnam par rig par byed par 'gyur te/ gal te gzung ba zhig srid na ni 'gyur ro/ /gang
 gi cho de la bzung ba nyid med pa de'i tshe/ ji ltar gzhan la rnam par rig par byed par 'gyur snyam du dgongs pa'o/ /gzhan yang khyed kyis de yod par yang tshad mas ngo bo dmigs kyis ma phye bzhin du/ ji ltar khong du chud bar
 gzhan 'di yang brjod par 'os te/ chos gzhan de ji ltar yong ces bya ba'i tha tshig go/ cis te gzhan dag chos gzhan de dbang po las 'das pa'i phyir mngon sum gyi tshad mas khong du chud par bya ba ma yin du zin kyang 'bras bu rjes
 su dpag pas/ khong du chud bar bya bar 'gyur ro snyam du sams shing de nyid bstan pa'i phyir/ de lta ma yin na zhes bya ba la sogs pa te/ 'di skad du gal te chos gzhan med na/ de med par yul gzhan du lus 'byung bar ji ltar 'gyur te/
 de bas na yul gzhan du lus 'byung ba'i rgyur gyur pa/ chos gzhan zhig yod par khas blangs par bya'o/ zhes bstan pa yin no/ /sbyor ba ni gang zhig gang yod na 'byung ba de ni rgyu de sngon du song ba yin te/ dper na sa bon yod na myu gu
 'byung ba lta bu yin la yul gzhan du lus 'byung ba yang chos gzhan yod na 'byung bar 'gyur ba yin no/ /rgyu de sngon du song ba can de ni de yod na 'byung ba tsam du 'gyur ba'i phyir/ rang bzhin gyi gtan tshigs yin
 no snyam du nyi ma 'char ka ba dag sems so/ /de ltar gzhan dag gis tshad ma btsugs pa dang/ 'dir slob dpon gyis gtan tshigs ma grub pa nyid du bstan pa'i phyir/ sems kyi khyad par las skyed pa'i rlung
 gi khams zhes bya ba la sogs pa gsungs te/ 'di skad du de yod na 'byung ba nyid kyis rgyu chos gzhan sngon du song ba nyid du bsgrub par bya ba de yang nam zhig na rung bar 'gyur te/ gal te de
 yod na 'byung ba nyid de/ kho na grub na ni rung bar 'gyur ba zhig na lon kyang de ni ma grub ste sems kyi khyad par las skyes pa'i rlung gi khams kho nas yul gzhan du lus 'byung bar byed pa'i phyir ro zhes bstan pa yin
 no/ /'di lta ste yul gzhan du zhes bya ba la sogs pas ni don 'di nyid dang 'thun pa'i ming bstan pa'i sgo nas gzhung 'dzugs par mdzad do/ /rtswa dang/ lo ma la sogs pa'i ji ltar 'gyur zhe na/ zhes bya ba ci zhe na/ yul gzhan du
 'byung ba'i rgyu zhes bya bar sbyar ro/ /'dis ni gzhan dag gas rlung gi khams las 'khrul ba yod bar bstan pa yin te/ khyod yul gzhan du dngos po 'byung ba'i rgyu ni rlung gi khams yin par 'dod la/ rtswa dang lo ma la sogs pa la ni khyod kyi
 sems kyi khyad par las skyes pa'i rlung gi khams yod pa ma yin no zhes bya bar bsams so/ /g.yo bar byed pa dang/ 'phen par byed pa dang/ phrad pa'i rlung gi khams las so zhes bya ba ni ci zhe na/ rtsa dang/ lo ma la sogs pa'i yul gzhan
 du 'byung ngo zhes bya bar sbyar te/ 'di ni slob dpon gyis lan btab pa yin no/ /de la g.yo bar byed pa ni 'gul ba ste/ gang la la zhig gis gnas pa skyod bar byed ces bya ba'i tha tshig go/ 'phen par byed pa ni rdegs par byed
 ba ste/ shugs dang ldan pas rdzas dang spyod par byed ces bya ba'i tha tshig go /de gnyis las byung ba'i rlung gi khams gang yin pa de la de skad ces bya'o zhes bya ba'i tshig bsdu'o/ /don ni gal te nged yul gzhan ru
 skye ba thams cad kyi rgyu sems kyi khyad par las skyes pa'i rlung gi khams kho na yin par smra na ni/ de'i tshe rtsa dang la ma la sogs pa la ji ltar 'gyur zhes 'khrul par 'gyur na/ 'on kyang ji ltar srid par smra ste/ kha cig
 tu ni sems kyi khyad par las skyes pa'i rlung gi khams yin la/ kha cig la ni g.yo bar byed pa la sogs pa dang/ phrad pa yin bas de'i phyir 'gal ba med do zhes bstan pa 'di yin no/ /yang na gang las zhes bya ba ni rgyu rlung gi khams
 las so/ /'gro ba 'byung bar 'dod pa zhes bya ba ni chos bzhin gyi rang bzhin gyi 'gro ba 'byung bar 'dod pa zhes bya ba'i tha chig go/ /de nyid las zhes bya ba ni chos gzhan 'byung ba'i rlung gi khams kho na
 las zhes bya ba'i tha tshig go/ nus ba dmigs kyis ma phye ba can gyi 'gro ba brtags te ci zhig bya zhes bya ba la/ 'gro ba gang la tshad mas/ dmigs kyis ma phye zhing nges par ma byas pa'i nus pa ste/ byed pa yod pa de la de skad
 ces bya'o/ /de lta bu brtags te ce zhig bya ste/ dgos pa med pa kho na'o zhes bya ba'i tha tshig go/ //bam po gnyis pa'o/ /'o na yul gzhan du lus 'byung ba'i rgyu zhes bya ba la sogs pas ni chos gzhan
 sun phyung ba'i phyir yang nyi ma 'char ka pa dag phyogs gzhan sems pa yin te/ 'di skad du gal te chos gzhan gyi rang bzhin ma grub pa'i phyir/ rnam par rig byed du mi rung bar gyur na/ 'o na sems kyi
 khyad par las skyes pa'i rlung gi khams de nyid lus 'gyung ba'i rgyu nyid du 'u bu cag la grags pa'i phyir/ rnam par rig byed du 'gyur mong ce na/ zhes bstan pa yin no/ /ji ltar na rnam par rig par mi byed par zhes
 bya ba la sogs pas ni slob dpon gyis dgag pa mdzad do/ /rlung gi khams ni reg bya'i skye mched yin bas/ bltar rung ba ma yin ba'i phyir/ rnam par rig par byed pa ma yin no/ /gal te rnam par rig byed kyang de'i rang
 bzhin yin na/ rnam bar rig byed pa las de ji ltar rnam par rig par byed pa ma yin bar 'gyur zhes dgongs pa'o/ /gzhan yang reg bya'i skye mched dge ba dang/ mi dge par 'dod pa zhes bya ba la sogs pa skyon gzhan 'di yang yod do/ /
 shAkya'i sras po zhes bya ba la/ shAkya ni sangs rgyas bcom ldan 'das so/ /de'i sras po ni de'i slob ma'o/ /de rnams kyi gang yin pa de ni shAkya'i sras po'i 'o/ /shAkya'i sras po'i ma yin pa'o zhes bya ba tshig bsdu'o/ /de lta bu
 de ci yin zhe na /de'i phyir reg bya'i skye mched dge ba dang/ mi dge bar 'dod pa zhes bya ba gsungs te/ rlung gi khams ni reg bya'i skye mched du gtogs pa'i phyir/ gcig tu ma sgribs la/ lung du ma bstan pa yin la/ rnam par
 rig byed ni de lta bu ma yin te/ de dang mtshan nyid mi 'dra ba'i phyir ro/ /de bas na de rlung gi khams de'i rang bzhin du ji ltar 'gal ba dge ba la sogs pa nyid yin par rung bar 'gyur zhes dgongs pa'o/ /phyogs snga mas smras ma
 thag pa yang rgya cher sun phyung ba dang/ yang nyi ma 'char ka pa dag 'o na zhes bya ba la sogs pas/ phyogs gzhan sems par byed de/ rlung gi khams ni rnam par rig par mi byed pa la sogs par thal bar 'gyur bar
 rnam par rig byed du mi rung na/ yul gzhan du lus 'byung ba gang yin pa sems kyi khyad par las skyes pa'i rlung gi khams de nyid kyis bskyod pa de kho na skyon med pa'i phyir rnam par rig byed du 'gyur ro/ zhes bya ba'i tha
 tshig go /rnam par rig byed brtags pa can yin gyi/ zhes bya ba la sogs pas ni slob dpon gyis sun phyud ba mdzad pa'o/ /lus ni rdzas du ma'i bdag nyid yin ba'i phyir rnam par rig byed de'i rang bzhin yin na rdzas nyid nyams so
 zhes bya ba'i tha tshig go /gzhan yang rnam bar rig byed ni rnam par rig byed pa ma yin bar yang 'gyur te zhes bya ba la sogs ba skyon gzhan 'di yang yod do/ /'dir ni dri la sogs pa phyogs gcig gi sgo nas/ rnam par rig par mi byed pa nyid kyi skyon
 yid kyi gzugs kyi sgo nas ni ma yin te/ de ni ltar rung ba'i phyir ro/ /de nyid gyi phyir/ dri la sogs pas zhes bya ba gsungs so/ /dri la sogs pa'i skye mched dge ba dang/ zhes bya ba la sogs pa ni snga ma bzhin no/ /'o na yang
 zhes bya ba la sogs pas ni/ yang de dag nyid phyogs gzhan la sems pa yin no/ /slob dpon gyis phyogs de yang mi rung ba'i phyir de ni zhes bya ba la sogs pas sun dbyung ba gsungs te/ rang gi sa bon dang/ rlung gi khams kyis khyad
 par las zhes bya ba ni/ kha dog de'i rang gi sa bon ni skad cig snga mas bsdus pa skal pa mnyam pa'i rgyu yin no/ rlung khams ni yul gzhan du 'byung ba'i rgyu ste/ lhan cig byed pa'i rkyen yin no/ rang gi sa bon dang/ rlung gi khams ni/ rang gi sa bon
 dang/ rlung gi khams dag go /de nyid kyi khyad par ni/ rang gi sa bon dang/ rlung gi khams kyi khyad par te/ de ni de kho na las skyes ba yin gyi gzhan las ni ma yin no zhes bya ba'i tha tshig go/ thog mar yul gzhan du bskyod par bya'o/ /snyam
 ba'i sems 'byung la/ de las ni rtsol ba 'byung/ rlung las kyang lag pa 'byung ba ma yin nam/ de ji ltar lag pa la gnas pa'i kha dog sems kyi khyad par las skyes pa ma yin zhe na/ de ni nyes pa med de/ 'di ltar gzhan
 gyis de ni de'i dbang gis dge ba la sogs par 'gyur ro zhes mngon sum gyi rgyu nyid kyis/ kha dog sems kyi khyad par las skyes par 'dong kyi brgyud pas ni ma yin pas so/ /kha dog dge ba dang/ mi dge bar 'dod
 pa zhes bya ba la sogs pa gzugs kyi skye mched ni dge ba la sogs par 'dod pa'i phyir/ ji ltar der rtogs pa'i kha dog dge ba la sogs pa'i gzugs ma yin zhe na/ bshad pa 'gal ba med de/ 'di ltar kun
 nas slong ba'i dbang gis de la rnam par rig byed dge ba la sogs pa'o zhes bya bas de'i rang bzhin gyi gzugs la dge pa ba la sogs pa'i gzugs zhes bya'o/ /sngon po la sogs pa kha dog gi rang bzhin gcig tu ma bsgribs
 la lud du ma bstan pa ni ma yin no/ /'das ma thag pa'i phyogs kyang sun phyud ba kho na'i phyir/ kha dog ltam yin yang rung zhes bya ba la sogs pas phyogs gzhan sems ba yin no/ /lha rnams dga' ba zhes bya ba la
 sogs pas ni slob dpon gyi bsting tshig gis sun 'byin par mdzad pa'o/ /gzugs la sogs pa bzhin du yang ma mthong na zhes bya bas ni mngon sum gyi tshad mas gzung par bya ba med par ston to/ /nus pa yang
 ma mthong zhes bya bas ni/ rgyu dang 'bras bu'i nus pa med pas rjes su dpag pa med par ston to/ /mi mthong na ni zhes bya ba la sogs pa la/ 'byung ba ni gzugs kyi rang bzhin ma yin pa'i phyir bltar mi rung ba
 nyid do/ /gal te rnam par rig byed kyang de'i rang bzhin yin na ni de yang rnam par rig par mi byed pa yin te bltar mi rung ba'i phyir ro zhes bya ba'i tha tshig go /gzhan yang kha dog dge ba dang/ mi
 dge ba nyid yin na ni zhes bya ba la sogs pa skyon gzhan 'di yang yod do/ /kha dog ni de lta ma yin no zhes de ni bshad zin to/ /zhes bya ba ni kha dog dge ba dang/ mi dge bar 'dod pa 'di
 yang shAkya'i sras po'i ma yin no zhes bya ba 'das ma thag 'dis so/ /'ji skad du 'byung ba ni kha dog la rag las pa'i phyir de'i dbang gis ni/ dge ba la sogs pa 'gyur yang srid na/ gang gi tshe bnde nyid dge ba la
 sogs par mi srid pa de'i tshe/ 'byung ba de ltar ji ltar 'gyur zhes bstan pa yin no/ /rnam par rig byed rgya cher sun phyung ba dang/ bye brag tu smra ba pa dag phugs thug nas rnam par rig byed ma yin pa tsam zhir
 yod na yang drag go snyam nas/ 'o na rnam par rig byed ma yin pa tsam zhig zhes bya ba la sogs pa smos so/ /slob dpon rnam par rig byed ma yin pa yang sun dbyung bar bzhid nas/ rnam par rig byed ma yin pa zhes bya ba 'di ci zhig yin zhes
 rgyas par dri bas rgol bar mdzad do/ /sdom ba la sogs pa'i gzugs chos kyi skye mched pa ma yin no/ /zhes bya ba ni/ bye brag tu smra ba pa dag rnam par rig byed ma yin pa'i rang bzhin rnam par 'jog par byed pa'o/ /sdom pa la sogs pa
 zhes bya ba la sogs pa smos pas ni/ sdom pa ma yin pa la sogs pa bsdu'o/ /ji ltar na 'dod pa na sbyod pa'i rnam par rig byed ma yin pa zhes bya ba la sogs pa ni rnam par rig byed sun byung ba'i phyir ro/ /'dod pa ma sbyod pa zhes
 smod pa ni/ gzugs na spyod pa bzlog pa'i phyir te/ de ni bsam gtan gyi sems la rag lus pa'i phyir rnam par rig byed gzhan la bltos bar mi byed de/ 'di la rnam par rig byed med pa yod pas na/ rnam par rig byed med
 pa ste/ rnam par rig byed yod pa ma yin pa can zhes bya ba'i tha tshig go /gal te yin na cir 'byung zhe na/ zhes zer ba ni bye brag tu smra ba bdag gos/ /gal te yin na zhes bya ba ni 'dod pa na spyod pa'i rnam par
 rig byed ma yin pa rnam par rig byed ma yin pa can yin na'o/ /cir 'gyur zhes bya ba ni/ skyon cir 'gyur zhes bya ba'o/ /sems kyi rjes su 'brang bar 'gyur te zhes bya ba ni slob dpon gyis skyon brjod
 bar mdzad pa'o/ /ji lta bu zhe na/ de'i phyir dper na gzugs na spyod pa lta bu'i zhes bya ba gsungs so/ /gal te bye brag tu smra ba dag skyon 'di ni yod du zad de kho bo cag khas kyang len na/ de ltar gyur pa la skyon gzhan ci'o
 ces zer du dogs nas/ des na zhes bya ba la sogs ba gsungs te/ sems gzhan dang sems med pa dag la zhes bya ba la de la sems gzhan dag ni sdom pa la sogs pa len pa dge ba la sogs pa'i sems las logs shig pa
 ni sems gzhan dag go /sems med pa ba dag ni 'gog pa'i snyoms par 'jug pa la sogs yod pa ma yin pa'o/ /sdom pa dang sdom pa ma yin pa gnyis med par 'gyur ro zhes bya ba ni 'dir yang/ dper na bsam gtan
 gyi sdom pa lta bu zhes dpe khong nas drad par bya'o/ /dus yongs su bzung bas 'phangs pa'i phyir zhes bya ba sogs pas ni/ bye brag tu smra ba pa dag gis thal bar 'gyur ba la lan btab pa yin no/ /'di skad du gal
 te dus kyi mtshams yongs su 'dzin pa'i sems 'phen par byed pa min na ni/ de'i che gzugs na spyod pa'i rnam par rig byed ma yin pa bzhin du/ sems gzhan dang sems med pa dag la sdom pa la sogs pa med do
 zhes bya bar thal bar 'gyur ba zhig na/ de lta yang ma yin te/ 'on kyang ji srid 'tsho'i bar du srog gcod pa la sogs pa las ldog go snyam pa de ni yod pas na'o/ /de bas na des 'phangs pa'i phyir/ thal
 ches bar ga la 'gyur zhes bstan pa yin no/ /so sor thar ba'i mdo bstan pa dang/ zhes bya ba la sogs pa 'di'i phyir yang rnam par rig byed med par yang rnam par rig byed ma yin pa 'byung bar rtogs par bya'o/ /
 gal te rnam par rig byed sngon du song ba kho na las rnam par rig byed ma yin pa 'byung ba na/ de med par so sor thar ba'i mdo bstan pa dang/ ltung ba bcas pas dge 'dun slu bar byed pa la rnam par rig byed
 ma yin pa'i rang bzhin brdzun du smra ba'i kha na mtho ba ji ltar 'byung snyam bsams so/ /'o na ni rnam par rig byed ma yin pa rnam pa gnyis yin pa'i phyir zhes bya ba la sogs pas/ slob dpon gyi skyon gzhan du ston par mdzad do/ /rnam par rig
 byed ma yin pa rnam pa gnyis yin pa'i phyir zhes bya ba ni/ dge ba dang mi dge ba zhes bya bar mtshan nyid gsungs pa'i phyir lung du ma bstan pa'i skabs med do/ /gzhan yang de'i skad cig pa'i dge ba dang mi dge ba yang rnam par rig byed ma
 yin par mi 'gyur ro zhes bya bar sbyar ro/ /ci'i phyir mi 'gyur zhe na/ de'i phyir rnam par rig byed ma yin pa ni/ rjes su 'brang ba yin pa'i phyir zhes bya ba gsungs te/ rjes 'brangs gang zhes bya bar mtshan nyid bstan pa'i phyir na/ skad cig ma
 gcig gis bsdus pa la rnam par rig byed ma yin pa nyid med do zhes bya ba'i tha tshig go /lus dang ngag gi las gzugs can ni/ ji ltar gtags kyang rung zhes bya ba la sogs pa ni/ /slob dpon nyid kyi gsungs pa yin
 te/ 'di skad du bdag cag gis rnam par rig byed 'di ci dbyibs kyi bdag nyid yin nam/ 'on te 'gro ba'i bdag nyid yin zhes bya ba dang/ de bzhin du rnam par rig byed ma yin pa rnam par rig byed med par ji ltar
 'byung bar 'gyur zhes bya ba la sogs pa'i 'bad pas ci zhig bya ste/ 'on kyang rnam par rig byed dam/ rnam par rig byed ma yin pa 'am/ gzhan gyi ngo bo nyid du lus dang/ dag gi las gzugs can ni ji ltar
 brtags kyang rung ste/ 'on kyang dge ba la sogs pa nyid du mi 'grub pa kho na'o zhes bstan pa yin no/ /ci'i phyir zhe na/ zhes bya ba 'dis bye brag tu smra ba la sogs pa 'dri bar byed do/ /lus bor na gang las tshe phyi ma
 la 'bras bu yid du 'ong ba 'am zhes bya ba la sogs pa ni/ slob dpon gyis dge ba la sogs pa nyid du mi 'grub par ston par mdzad do/ /'di skad du tshe phyi ma la 'bras bu yid du 'ong ba dang/ yid du mi 'od pa 'byung bar
 'gab par nus pas/ dge ba la sogs pa nyid du rnam par bzhag go /lus la sogs pa'i las gzugs can yin na ni lus zhig na/ de yang 'jig pa kho na yin/ 'bras bu 'byung bar 'gyur ba la bltos nas/ /dge ba
 la sogs pa nyid du ji ltar 'grub par 'gyur zhes bstan pa yin no/ /kha cig na re zhes bya ba la sogs pa ni bye brag tu smra ba pa dag gis lus la sogs pa'i las gzugs can 'das pa yin pa nyid kyis dge ba la sogs
 pa nyid du sgrab bar byed pa yin no/ /las 'das pa yod do zhes bya ba 'di ni zhes bya ba la sogs pas/ slob dpon gyis dbye ba'i tshig gis sun dbyung ba gsungs pa yin no/ /'bras kyi steng du 'brum bu byung ba yin te zhes bya ba ni/ de la
 'das pa'i las yod de/ /zhes bya ba ni 'bras lta bu'o/ /de yang tshe phyi ma la 'bras bu skyed par nus pa'o/ /zhes bya ba ni 'brum bu lta bus te/ shin tu sdug bsngal bskyed pa'i rgyur gyur pa'i phyir ro/ /'di lta ste
 gzhan 'di la gang gis 'bras kyi steng du 'brum bu byung bar gyur pa lta bu'i skyon ci yod snyam du sems su dogs pas/ 'das pa zhes bya ba ni zhes bya ba la sogs pa gsungs te/ gang zhig sngon byung la zhes bya ba ni gang
 zhig sngon gyi gnas skabs su byung zhing grub pa'o/ /phyis med pa zhes bya ba ni/ da ltar gyi gnas skabs las phyi ma ste/ 'das pa'i gnas skabs su med cing yod pa ma yin bzhes bya ba'i
 tha tshig go /don 'di bstan pa yin te/ 'das pa la sogs pa'i mtshan nyid nyid ni sdon byung ba la sogs pa rigs pa'i stobs kyi grub pa 'di kho na yin par rigs kyi/ bya ba zhig ba la ni ma yin te/ rang bzhin kho
 nar gnas pa de la ni de mi rung ba'i phyir ro/ /'das pa la sogs pa ji ltar rdzas su mi 'thad pa de ltar ni tshigs su bcad pa brgya pa la sogs pa'i bstan bcos gzhan las rgya cher bsgrubs pas 'dir ni mdas par 'gyur
 ba'i phyir spro bar mi bya'o/ /'o na zhes bya ba la sogs pa 'dis ni bye brag tu smra ba dag gi lung dang 'gal bar ston te/ tshigs su bcad pa'i don ni khong du chud par sla'o/ /'dir khungs ni chud zar mi 'gyur te/ zhes
 bya ba ni 'di yin no/ /chung zar mi 'gyur te zhes bya ba'i don ci zhe na zhes bya ba la sogs pas ni/ slob dpon gyis rma ba'i sgo nas 'gal ba lan gdab pa yin no/ /'bras bu med par mi 'gyur zhes bya
 ba'i tha tshig go /zhes bya ba ni de dag ni 'bras bu skyed pa'i nus pa dang ldan pa yin gyi/ nus pa dang bral ba ni ma yin no/ /zhes bya ba'i tha tshig go /de? ci'i phyir zhe na/ de'i phyir phyed 'og nas bstan pa yin no/ /
 zhes bya ba'i ni tshigs su bcad pas phyed phyi ma ni phyed 'og ma ste/ tshogs shig zhes bya ba la sogs pa'o/ /des na las kyi nus pa chud mi za bar bstan pa yin no/ /de lta ma yin te/ 'das pa'i rang bzhin yod
 pa nyid bsgrub pa brjod par bzhed pa yin na ni/ phyed gong ma nyid kyis de'i don khong du chung pa'i phyir phyed 'og ma don med par 'gyur ro/ /chung zar mi 'gyur te zhes bya ba de'i don 'bras bu med par mi 'gyur zhes bya ba 'di yin
 du chug na/ de ci zhig yin zhe na de'i phyir las rnams yun ring por yang zhes bya ba la sogs pa smos so/ /de dag nyid ji ltar 'bras bu 'byin par 'gyur zhes bya ba 'di ni dpyad par 'bya'o/ zhes bya ba bar du chod pa 'di dang spyar byar bya'o/ /'bras
 bu 'byin par dpyad pa 'di la ni rnam pa gzhan mi? srid pa'i phyir/ 'bras sa lu la sogs pa'i sa bon bzhin du zhes bya ba la sogs pas/ rnam par brtag pa gnyis kho na gsungs so te/ rnam par rtag pa de gnyis las kyang dang po ni
 skyon med pa'i phyir/ rang gi phyogs kho na yin pas/ gnyis pa'i dbang du byas te/ gal te zhes bya ba la sogs pas skyon bstan pa yin no/ /ma zhig pas 'bras bu 'byin par bstan par 'gyur ro zhes bya ba 'dis ni skad cig
 mar 'jig pa la gnod par 'gyur bas bstan to/ /de dag ces bya ba la sogs pas bye brag tu smra ba pa dag lan 'debs pa yin no/ /don 'di bstan pa yin te/ gang gis las rnams ma zhig bar 'bras bu 'phen par byed pas skad
 cig pa nyid la gnod par 'gyur ba rnam pa thams cad du rang bzhin 'chad pas 'jig pa ni ma yin no/ /'on kyang bya ba byed pa'i gnas skabs dang bral ba'i phyir yang/ 'bras bu 'phen par ni mi byed de/ de bas na zhig pa zhes bya ba yin
 pas de'i phyir gnod pa yin pas de'i phyir gnod pa yang gang la yod/ ci'i phyir zhes bya ba la sogs pa ni/ slob dpon gyi sun dbyung ba'i gsungs pa yin te/ de ni mchod pa med pa'i ngo bor gnas pa'i
 phyir/ 'bras bu 'dzin par mi byed pa nyid mi 'ung do zhes bya bar dgongs pa'o/ /'phangs zin pa'i phyir zhes bya ba la sogs pas ni/ bye brag tu smra ba bdag yan 'debs par byed pa'o/ /'phen pa yang 'dir ma 'ongs pa'i 'bras
 bu 'byung ba'i rgyu'i dngos por gnas pa gang yin pa'o/ /de dang 'bras bu gzhan zhes bya ba la sogs pa gsungs pa ni slob dpon no/ /'di skad du gal te 'bras bu 'brangs zin pa'i phyir yang mi 'phen du chug na 'phen par byed pa'i rang bzhin ma
 zhig pa'i phyir/ de dang 'dra ba gzhan ci'i phyir mi 'phen/ de dang 'dra ba smos pa ni 'bras bu 'thun pa 'phen pa la bya ste/ rgyu thams cad ni 'bras bu thams cad 'phen par byed pa ma yin no zhes bstan pa yin no/ /re shig ji ltar 'bras bu zhes
 bya ba la sogs pas ni/ slob dpon nyid kyis sun dbyung ba'i phyir rmed par mdzad pa'o/ /skye bar 'jog par rung bar zhes bya ba la sogs pas ni bye brag tu smra ba pa dag 'phen pa'i mtshan nyid ston par byed pa yin no/ /'on ni zhes bya ba la sogs
 pas ni slob dpon gyis mtshan nyid 'khrul par bstan pa yin no/ /de la dgra bcom pa yongs su mya ngan las 'das pa'i tshe skad cig ma'i mdza' ste/ tha ma gang yin pa de ni lhan cig byed pa'i rgyu ma tshang ba'i phyir 'bras bu mi 'phen no/ /gzhan
 yang las gang zhig gi 'bras bu so sor brtags pa ma yin pa'i 'gogs pas 'gags pa de yang 'phen par byed pa mi yan pas/ de'i phyir so sor brtags pa ma yin pas 'gogs pas zhes bya ba la sogs pa gsungs so/ /rgyu gzhan ma
 tshang ba'i phyir 'bras bu mi skye bar zad kyi/ tha ma la sogs pa des ni 'phangs pa nyid ma yin nam/ ji ltar na 'bras bu 'phen pa ma yin zhes bya zhe na/ de lta bu ni med pa'i 'di ltar gang gis na rgyu gzhan ma tshang yang de la de 'phen pa'i
 nus pa yod par yid ches par 'gyur ba de lta bu las 'bras bu 'byung ba ni 'ga' yang mi dmigs pas de ni gyi na'o/ /de 'phen pa'i nus pa med du zad mod des cir 'gyur zhe na/ de'i phyir thog ma nyid nas zhes bya ba la sogs pa gsungs te/ 'di skad du gzhan gyis
 bya ba kyed pa'i gnas skabs zhig pas dngos po zhig pa nyid du rnam par bzhag gi rang gi ngo bo chad pas ni ma yin na/ tha ma la sogs pa la yang bya ba byed pa'i gnas skabs nyid med pas ji ltar zhig pa nyid du 'gyur/ de bas na zhes bya ba la sogs pas
 ni mjug sdud par byed do/ /de lta bu'i rang bzhin can zhes bya ba ni de lta bu'i rnam pa zhes bya ba'i tha tshig go /'o na ji ltar zhe na/ zhes zer ba ni bye brag tu smra ba dag go /gang gis zhes bya ba la sogs pas ni/ slob dpon gyis 'phen pa'i mtshan nyid phyir ci
 ma log par ston pa yin no/ /gang gis zhes bya ba ni las kyi tha rang bzhin gyi rgyas so/ /'bras bu'i sa bon gso bar byed pa zhes bya ba ni nang na 'bras bu dang 'brel pa'i sa bon gnas pa rtag par byed ces bya ba'i tha tshig go /'dir yang sngon mang ba'i sa
 bon 'byung ba ni 'phen pa ma yin no/ /'o na ci zhen/ rnam par shes pa'i rgyud la gnas pa kho na gso bar byed pa yin par rig par byed/ de lta ma yin na nyan thos la sogs pa'i rigs rnam par bzhag pa rgyud so sor nges par mi 'gyur ro/ /de nyid kyi
 phyir slob dpon gyis kyang gang gis 'bras bu'i sa bon gso bar byed pa zhes gsungs so/ /gang gi ltar na 'das pa yod pa zhes bya ba la sogs pas ni slob dpon nyid kyis gzhan gyi phyogs ha cang thal bar ston pa yin te/ ma 'ongs pa yang da ltar byung ba
 bzhin du grub pa'i ngo bo yin pa'i phyir/ 'bras bu 'phen par 'gyur ro zhes bya ba'i tha tshig go /gzhan yang rtag tu zhes bya ba la sogs pa'i skyon gzhan 'di yang yod do/ /gang las nga'i 'bras bu 'di yin no zhes bya ba la sogs pa gzhan 'di yang brjod
 pa'i rigs so/ /de bas na zhes bya ba la sogs pa ni mjug bsdud pa yin no/ /slob dpon gyis lus la sogs pa'i las gzugs can dge ba la sogs pa nyid yin pa rgya cher bkag pa dang/ bye brag tu smra ba ba dag 'on ni dge la
 dang da mi dge ba'i zhes bya ba la sogs pas phyogs gzhan sems so/ /phung po rgyud la zhes bya ba ni sems kyi rgyud la yin gyi/ bdag la ni ma yin te/ de ni yod par mi 'thad pa'i phyir ro/ /chos gzhan zhig bskyed de zhes bya ba ni sems dang/
 sems las byung ba la ma gtogs par rang bzhin kho na zhig skyed kyi/ de nyid la sgo bar byed pa ni ma yin no zhes bya ba'i tha tshig go /kha cig na re zhes bya ba la sogs pas ni don 'di nyid sde pa gzhan la grags pa'i rnam grangs kyis ston pa yin
 te/ de la nges pa skyed pa'i phyir ro/ /kha cig na re brtsags pa zhes zer ba zhes bya ba ni dge 'dun phal chen sde pa rnams yin te/ de dag ni de lta bu'i rang bzhin la brtsags pa zhes bya ba'i sgra 'dis tha snyad brjod par byed do/ /gzhan dag na re
 chung mi za bar zhes zer ba zhes bya ba ni/ 'phags pa mang pos kur ba'i sde ba dag ste/ de dag kyang rang gi sde pa dag gi nang na chud mi za ba zhes bya ba 'dis tha snyad brjod par byed do/ /ci ste gzhan de lta bu'i chos gzhan yod par tshad ma gang las
 mngon snyam du sems par dogs nas/ de ni 'bras bu zhes bya ba'i rjes su dpag pas 'grub par bstan pa'i phyir/ gang las tshe phyi ma la 'bras bu zhes bya ba la sogs pa smos te/ gang zhig gang yod na 'byung ba de ni rgyu de sngon du song ba zhes bya
 ba la sogs pa sngar bshad pa'i tshad ma'i ngon yang 'dir blta bar bya'o/ /'di'i phyir yang ji ltar 'bras bu yid du 'ong ba la sogs pa 'grub par nus pa'i chos gzhan kho na zhig bskyed par yid ces par gyis shig ces bstan pa'i phyir
 gal te sems kyi rgyud la chos gzhan zhig mi skyed na zhes bya ba la sogs pa smos so/ /gdon mi za bar de 'dod par bya'o zhe na/ zhes bya ba 'dis ni mjug bsdud pa yin na/ /'o na zhes bya ba la sogs pas ni slob dpon gyis cho gzhan 'khrul pa yod ba'o?
 sgo nas/ gtan tshigs mi 'grub par ston pa yin no/ /dI skad du re zhig nged la ni/ 'di lta ste/ 'bras bu yid du 'ong pa la sogs pa skye ba ni chos gzhan yod na 'byung ba yin no zhes drag pa'i don 'di nyid ma grub pa yin te/ ci'i phyir zhe na/ 'di ltar
 de ni bag chags sngon du song bar yang srid pas/ gtan tshigs mi 'grub pa yin no/ /gzhan yang 'bras bu skye ba ni/ bag chags sngon du 'gro ba kho na yin par rtogs par nus te/ 'di ltar de ni gzhung la sogs pa'i yul la yang 'byung bas so/ /
 de lta ma yin na/ gzhan gyis de'i yul la chos gzhan khas ma blangs pa'i phyir/ ji ltar 'bras bu 'byung zhes bstan pa yin no/ /gzhung la goms pa zhes bya ba ni/ /'dris pa zhes bya ba'i tha tshig go /mthong ba la sogs pa'i don la zhes bya ba ni/ mthong
 ba dang/ thos ba dang/ bye brag phyed dang/ rnam par shes pa'i don dag la ste/ ci ste zhe na/ dran pa skye ba zhes bya bar sbyar ro/ /de la zhes bya ba ni gzhung la sogs pa la'o/ /goms pa de chos ci zhig skyed par byed ces bya ba ni/ gzhan gyis dge ba la sogs
 pa'i yul la ma gtogs par chos gzhan las ma blangs pa'i phyir de mi skyed do/ zhes bya ba'i tha tshig go /gzhan yang skad cig ma gang la zhes bya ba 'di yang brjod par bya ste/ skyed par byed ces bya bar sbyar ro/ /don ni 'di skad du ci skad cig ma dang pa ela
 bskyed dam/ 'on te gnyis pa dag la bskyed/ gal te re zhig skad cig ma dang po la yin no zhes na/ de lta na 'o na ni len cig goms pas na/ chos gzhan de skyed pas/ de 'og tu goms pa don med pa nyid yin no/ /'on te skad cig ma gzhan gnyis pa la sogs pa dag
 la'o zhe na/ de ni mi 'thad de/ rkyen la khyad par med pa'i phyir bstan pa yin no/ /skad cig ma gang la zhes bya ba 'di ni/ skad cig ba ma yin par smra ba dag sun dbyung ba yin par rig par bya'o/ /de lta ma yin na ni/ skad
 cig pa nyid kyis rkyen la khyad par yod pa'i phyir de ji ltar sun dbyung bar rung/ mthong ba la sogs pa des zhes bya ba ni chos ci zhig gam skad cig ma gang la skyed par byed ces bya ba la sbyar la/ 'di yang snga ma dang 'thun par thams
 cad sbyar ro/ /phyis zhes bya ba ni dus gzhan no/ /'gog pa'i snyoms par 'jug pa la sogs pa'i 'jug pa'i sems kyis kyang zhes bya ba ci zhe na chos ci zhig gam/ skad cig ma gang la skyed par byed ces bya ba thams cad sbyar bar bya
 sten 'dir yang bshad pa ni snga ma bzhin no/ /ma tu lung ga'i me tog ces bya ba la sogs pa gzhan 'di yang khyed kyis brjod dgos so/ /bsgos pa ni zhen par byas pa'o/ /de dang lhan cig tu 'gag pas zhes bya ba ni ma tu lung ga'i ma
 tog dang lhan cig tu 'gag pas zhes bya ba'i tha tshig go/ /de'i 'bras bu la zhes bya ba ni ma tu lung ga'i 'bras bu la ste/ chos ci zhig bskyed par byed de me skyed do zhes bya ba'i tha tshig go/
 de ltar re zhig slob dpon gyis bye brag tu smra ba'i phyogs la chos gzhan skyed pa ji ltar mi 'thad pa de ltar rgya cher bsgrubs pa yin no/ /da ni mdo sde pa dag gis phyogs gzhan bstan pa'i phyir/ de bas na ji ltar kun tu brtags pa'i
 chos gzhan zhes bya ba la sogs pa smos so/ /ma tu lung ga'i me tog rgya skyegs kyi khu bas zhes bya ba la sogs pa ni/ dpe yin te go bar sla'o/ /'o na lus dang ngag gis las kyis kyang zhes bya ba la sogs pa ni/ bye brag tu smra ba pa ngag phyi
 rgol bar byed pa yin no/ /'di skad du sems dang mi ldan pa'i chos gzhan dang/ 'bras bu skye ba'i rgyur ma rung na/ ma rung du zad do/ /'on kyang ji ltar sems pas sems kyi rgyud bsgo bar byed ces bya ba de bzhin du lus dang/ ngag gis las kyis kyang ci'i phyir sgo
 bar mi byed ces bstan pa yin no/ /'di ltar de ni zhes bya ba la sogs pa ni mdo sde pa dag lan 'debs pa yin no/ /de ni zhes bya ba ni lus dang ngag gi las so/ /sems la ltos nas dge ba dang/ mi dge ba nyid du 'gyur ro zhes bya ba ni kun nas slong bar byed pa'i
 sems la bltos nas/ dge ba la sogs par 'gyur gyi/ rang gis ni ma yin no zhes bya ba'i tha tshig go /sems la bltos nas/ lus dang ngag gi las dge ba la sogs pa nyid du 'gyur du chug na/ des cir 'gyur zhe na/ de'i phyir gang zhig gang gis zhes
 bya ba la sogs pa smos te/ gang zhig ces bya ba ni lus dang ngag gi las so/ /gang gis dge ba dang/ mi dge ba nyed du byas bzhes bya ba ni sems kyis byas pa'o/ /de nyid kyis zhes bya ba ni/ lus dang/ ngag gi las kyis so/ /de'i rgyud la zhes bya ba ni sems
 kyi rgyud la'o/ /de'i rgyud ni ma yin no/ /zhes bya ba ni sems kyi rgyud dge ba dang mi dge ba ste/ 'dir yang de'i rgyud la 'bras bu yid du 'ong ba dang/ mi 'ong ba 'byin par nus pa zhes rnal ma dang sbyar bar bya'o/ /don ni 'di skad du sems kyi khyad par gang zhig gis lus
 la sogs pa'i las dge ba la sogs pa'i gzugs gzhan yang byas nas rang gis rgyud la bsgo bar nus pa des de la bsgo bar bya ba rgyud pa la ltos kyi/ rang nyid mngon sum du sgo bar byed pa ni ma yin no zhes bya ba 'di ni/ rnar mi 'ong zhes bstan pa yin no/ /
 de ltar mdo sde pa ngag gis rang gi phyogs rgya cher bsgrubs pa dang/ nga ni slob dpon gyis phyogs de yang mi rung ba nyid du bstan pa'i phyir na ni gal te zhes bya ba la sogs pa gsungs te/ las nub kyang zhes bya ba ni skyes pa 'gags kyang ngo/ /nges bsgos pa'i zhes bya ba ni
 las kyi bag chags kyis bsgos pa'i 'o/ /tshe phyi ma la 'bras bu 'byung na zhes bya ba ni/ ma 'ongs pa'i dus na 'bras bu 'byung ba yin na zhes bya ba'i tha tshig ste/ de yan chad kyis ni pha rol gyis smras pa bzlas pa yin no/ /sems
 med pa'i zhes bya ba la sogs pas ni/ sun 'byin pa yin par rig par bya'o/ /sems kyi rgyud chad pa rag gis zhes bya ba ni/ gang dag la sems kyi rgyun chad pa yod pa de dag la de skad ces bya'o/ /las snga ma'i zhes bya ba ni sngar
 bskyed pa'i 'o/ /kha cig na re zhes bya ba la sogs pas ni/ mdo sde pa'i nang nas kha cig lan 'debs pa yin no/ /tshe de nyid la zhes bya ba ni tshe gang la de bskyed pa nyid la yin gyi/ tshe gnyis pa la sogs pa la ni ma yin no zhes bya ba'i tha tshig
 go /des bsgos pa'i sems kyi rgyud mtshams 'byor pa las so zhes bya ba ni las kyis bsgos pa'i sems kyi rgyad phyir mtshams 'byor pa las so/ /de yang zhes bya ba la sogs pa gsungs pa ni slob dpon no/ /de yang zhes bya ba ni
 sems kyi rgyud do/ /ci'i phyir mtshams 'byor zhes bya ba ni/ rgyud med pa'i phyir mtshams mi 'byor pa kho na'o zhes bya ba'i tha tshig go /snyoms par 'jug pa'i sems ni zhes bya ba la sogs pa smra ba ni mdo sde pa kha cig go/
 snyoms par 'jug pa'i sems ni 'dir 'jug pa'i sems yin par lta bar bya ste/ gang gis 'gogs pa'i snyoms par 'jug pa la sogs pa des mngon sum du byed pa'o/ /zhes bya ba'i tha tshig go /ring mo zhig lon pa smos
 pa ni shin tu mi srid par bstan pa'i phyir te/ re zhig 'gags ma thag pa yang med pa'i phyir/ rkyen du mi 'gyur na 'gags nas ring mo zhig lon pa lta ga la 'gyur zhes bya ba'i tha tshig go/ /de ni 'das pa las 'bras bu mi 'byung
 zhes bya ba la sogs pas ni/ slob dpon nyid kyis bye brag tu smra ba'i phyogs bshad pa dran par mdzad pa'o/ /gang las zhes bya ba la sogs pa ni mjug sdud pa yin no/ /kha cig na re de'i sa bon zhes bya ba la sogs pa smos te/ kha cig na re zhes
 bya ba ni mdo sde pa'i khyad par gzhan kha cig go/ de'i sa bon dang dbang po gzugs can la gnas pa las zhes bya ba ni sems kyi sa bon las te/ ci zhe na/ sems kyi rgyud mtshams sbyor bar byed ces bya bar sbyar ro/ /gnyis la gnas pa yin te/
 zhes bya ba la sogs pas ni ji skad du bstan pa'i gzhung 'dzugs pa yin no/ /ci rigs su sbyar ro zhe na/ zhes bya ba ni 'dod pa dang/ gzugs kyi khams sems dang bcas pa'i gnas skabs na ni/ sems kyi rgyud dang/ gzugs kyi rgyud la'o/ /sems
 med pa'i gnas skabs na ni gzugs kyi rgyud la'o/ /gzugs med pa'i khams na ni sems kyi rgyud kho na la sto/ ci rigs su sbyar ro zhes bya ba'i don ni de yin no/ /'o na zhes bya ba la sogs pa 'dis na slob dpon gyis rnam par shes pa skye ba'i rgyu
 ma tshang bas lung dang 'gal ba nyid blang bar mdzad do/ /kha cig tu zhes bya ba la sogs pa ni mdo sde pa'i khyad par dag la ni 'debs pa yin no/ /kha cig tu zhes bya ba ni thams cad du ma yin gyi/ 'on kyang gang la yid mngon du gyur bar 'jug
 pa med pa de la 'dir nye bar 'dogs so zhes bya ba'i tha tshig go /dper na zhes bya ba la sogs pa'i dpe ni go bar sla'o/ /ji ltar na zhes bya ba la sogs pa gsungs pa ni slob dpon no/ /sa bon gyi rgyud gnyis su zhes bya ba ni gzugs can dang/ gzuD
 can ma yin pa'i sa bon rgyud gnyis su'o/ /ci'i phyir mi 'gyur snyam pa la/ de'i phyir/ myu gu la sogs pa zhes bya ba la sogs pa gsungs te/ chos 'di ma mthong ngo zhes bya ba ni sa bon gyi rgyud tha dad pa'i ngo bo zhes bya ba'i tha tshig go /rgyu la gzhan
 dag 'di skad du sa la sogs pa rgyu du mas kyang myu gu la sogs pa skyes par byed pa ma yin nam/ de ji ltar na rgyud tha dad pa ma mthod/ zhes bya ba zhes smras bar 'gyur bas di'i phyir/ rkyen ni zhes bya ba la sogs pa gsungs te/
 rkyen ni zhes bya ba ni lhan cig byed pa'i rkyen yin no/ /sa bon ni ma yin no zhes bya ba ni/ nye bar len pa'i rgyu ma yin no/ ci zhe na/ gcig la du ma zhes bya ba dang rnal 'byor du sbyar ro 'di thams cad kyis ni 'di skad du nang dang/ phyi
 rol gyi mi dang/ 'bras sa lu la sogs pa'i rgyud tha dad pa ni nye bar len pa'i rgyu tha dad pas byas pa yin no/ /de'i phyir gal te sems dang sems las byung ba rnams kyi sa bon gyis rgyud kyang tha dad par 'gyur na ni des
 na nye bar len pa'i rgyu tha dad pa'i phyir lus gcig la yang sems dang sems las byung ba'i rgyu rnams pa gnyis kho nar 'gyur ro/ /de yang 'dod pa ma yin pas nyes pa yin zhes bstan pa yin no/ /'o na kyang zhes bya ba la
 sogs pa gsungs pa ni slob dpon nyid de/ 'di skad du/ gang gi tshe sa bon dbang po gzugs can la gnas pa las kyang sems kyi rgyud nyid mtshams sbyor bar mi 'thad pa de'i tshe/ skyon sngar bshad pa de son 'dug pa kho na yin no
 zhes bstan pa yin no/ /skyon de phyogs la yod pa yin no/ zhes bya ba ni/ phyi rol gyi don yod par smra ba kha cig lan 'debs pa yin no/ /phyogs gang la yod ces gsungs pa ni slob dpon no/ /gang gi ltar na zhes bya ba la sogs
 pa smra ba ni pha rol po'o/ /'dir mdo'i khungs kyang zhes bya ba la sogs pa smra ba yang pha rol po nyid yin no/ /'gog pa'i snyoms par zhugs pa'i lus kyi 'du byed dag 'gags pa nas zhes bya ba nas ma bral ba'i bar yin no
 zhes bya ba 'dis ni mdo'i bar skabs su yang de bzhin du sbyar ba yin te/ 'du shes dang/ sems pa dang/ yid la byed pa dang/ dbang po dag ces bya ba'i tha tshig go /ma gyur ba yin zhes bya ba ni ma rnyis pa yin zhes bya ba'i 'tshig go /ma bral ba zhes bya ba ni
 med pa ma yin pa dang/ ma zhig pa zhes bya ba'i tha tshig go /de dag de'i tshe zhes bya ba ni slob dpon gyis pha rol gyi phyogs sun dbyung ba'i phyir rmed par mdzad pa yin no/ /rnam par shes pa gang yin par 'dod ces bya ba ni/ ci mig gi rnam par shes
 pa yin nam/ 'on te rna ba'i rnam par shes pa nas yid kyi rnam par shes pa'i bar zhes bya ba yin no/ /kha cig na re yid kyi rnam par shes pa yin no zhes zer ro zhes bya ba ni/ re zhig phyi rol gyi don yod par smra ba kha cig na re ni de'i tshe/ de las gzhan
 ba'i rnam par shes pa mi srid pa'i phyir yid kyi rnam par shes pa kho na 'byung ba yin no zhes zer ro/ /'o na zhes bya ba la sogs pas ni slob dpon gyis de mi 'thad pa nyid du gsungs pa yin no/ /yang dag par 'dus pa zhes bya ba la sogs pa'i tshig gi
 don ni go bar sla'o/ /'di skad du/ rnam par shes pa dang/ tshor ba la sogs pa dag ni phan tshun med na mi 'byung ba yin te/ de bas na gal te /de'i tshe rnam par shes pa de yod na/ reg pa la sogs pa don ni mi za bar 'byung ngo/ /'on te de dag med
 na ni rnam par shes pa yang gcig po med do zhes bstan pa yin no/ /kha cig na re zhes bya ba la sogs pas ni gzhan dag gis thal ba de'i lan gdang ba yin no/ /gsungs pa zhes bya ba ni/ rten cing 'brel par 'byung ba la sogs pa bstan pa las/ tshor
 ba'i rkyen gyis srid pa zhes bya ba la sogs pa'i rnam par ro/ /tshor ba thams cad ni ma yin zhes bya ba la sogs pas ni/ 'di ltar zag pa zad pa dgal tshor ba rnam pa gsum char byung yang sred pa mi skye ba'i phyir ro/ /de bzhin du zhes bya ba la sogs
 pas ni/ dpe nye bar bstan nas/ don gyis dngos po dang sbyor bar byed pa yin no/ /de ni bcom ldan 'das kyis zhes bya ba la sogs pa'i ris ni slob dpon gyis des par gzhung 'dzugs pa nyid du mdzad pa'o/ /de
 ni zhes bya ba ni tshor ba'o/ /ji ltar de khyad par du mdzad ce na/ de'i phyir ma rig pa'i zhes bya ba la sogs pa gsungs te/ ma rigs pa dang mtshungs par ldan pa'i rig pa ni ma rig ba'i 'dus te reg pa'o/ /de las skyes pa ni ma rig pa'i 'dus te
 reg pa las skyes pa'i zhes bya'o/ /ci ste gzhan ji ltar bcom ldan 'das kyis sred pa 'byung ba'i tshor ba khyad par du mdzad pa de bzhin du tshor ba la sogs pa 'byung ba'i reg pa yang kha cig tu khyad par du mdzad do snyam du sems
 su dogs nas/ reg pa ni zhes bya ba la sogs pa gsungs so/ /de bas na zhes bya ba la sogs pa ni mjug sdud pa yin no/ /gzhan dag na re zhes bya ba la sogs pas ni gzhan dag gzhan du lan 'debs pa yin te/ 'di
 skad du gal te/ reg pa gang du yang khyad par mdzad du zin kyang/ 'on kyang tshor ba la sogs pa bskyed pa gsum yang dag 'dus pa khyad par du 'phags pa kho na yin par brjod par 'dod de/ khyad par du 'phags pa
 gang zhe na/ gang gi mjug thogs su reg pa 'byung pa'i 'dus ba nus pa can gang yin pa de/ de yang tshor ba la sogs pa sun 'byin pa'i tshe med na ji ltar reg pa yin/ /de med ba'i phyir/ tshor ba la sogs pa lta gal
 yod de/ de'i phyir yid gyi rnam par shes pa 'ba' zhig lus pa yin no zhes bya ba bstan pa yin no/ /'on de zhes bya ba la sogs pa ni slob dpon gyi sun dbyung ba'i phyir/ dge ba la sogs pa'i phyogs yongs su 'dzin du 'jug
 par mdzad pa yin no/ /de las cir 'gyur zhe na/ zhes bya ba ni gzhan gyi skyon ma mthong nas smras pa yin no/ /gal te dge ba yin na zhes bya ba la sogs pa gsungs pa ni slob dpon ni/ ci ste gzhan su zhig ma chags pa la sogs pa med par
 yin no zhes de skad du smra snyam du sems na/ de'i phyir/ ma chags pa la sogs pa yong na yang zhes bya ba la sogs pa gsungs so/ /gal te ma chags pa la sogs pa dang mtshungs par ldan pa med pa'i phyir dge ba ma yin par 'gyur
 na/ 'o na rnam par shes pa de/ de ma thag pa'i rkyen dge ba 'gog pa'i snyoms par 'jug pa la 'jug pa'i sems kyis bskyed pa'i phyir/ dge ba nyid du 'gyur ro snyam du sems par dogs nas/ ma yin te/ dge ba'i zhes bya ba la sogs
 pa gsungs te/ dge ba'i mjug thogs su sems rnam pa gsum 'byung ba'i phyir zhes bya ba'i don ni 'di skad du dge ba'i mjug thogs su ni dge ba la sogs pa'i sems rnam pa gsum 'byung bar gzhan na dmigs pa yin na/ gal te de ma
 thag pa'i rkyen dge ba'i dbang gis dge ba nyid du 'gyur na/ mi dge ba dang lung du ma bltan pa nyid kyang der thal bar 'gyur ba'i zhig na de yang 'dod pa ma yin te/ de bas na 'phen pa'i dbang gis dge ba nyid ma yin par 'dod par mi
 bya'o/ /zhes bstan pa yin no/ /gzhan yang skyon 'di yang yod do zhes bstan pa'i phyir/ dge ba'i rtsa ba'i stobs kyis zhes bya ba la sogs pa gsungs te/ dge ba'i rtsa ba rnams kyis stobs ni/ dge ba'i rtsa ba'i stobs te nus pa nyid do/ /des gang la
 dge ba nyid de/ dge ba'i ngo bo yod pa 'phangs shing bskyed pa de la de skad ces bya'o/ /de yang ci zhig ce na/ sems so/ /de lta na cir 'gyur zhe na/ de'i phyir/ de bzlog pa'i rgya mi rung ba'i phyir zhes bya ba gsungs so/ /de ldog pa ni dge ba nyid
 log pa ste/ med par 'gyur ba'o/ /de ldog pa'i rgyu ni de ldog pa'i rgyu'o/ /de mi rung ba ni mi 'thad pa nyid do/ /'di skad du gal te de ma thag pa'i rkyen dge ba'i dbang gis phyi ma'i dus na 'byung ba'i sems dge ba nyid du
 'gyur na/ de lta na 'o na ni lan cig dge ba skyes na 'khor ba ji srid yod kyi bar du phyi ma'i dus na 'byung bar 'gyur ba thams cad dge ba nyid du 'gyur te/ mi dge ba dang/ lud du ma bstan pa gnyis med par 'gyur ro zhes bstan pa yin
 no/ /de ni mi dge ba la yang thal bar 'gyur ro/ zhes bya ba 'dis ni tsis mgo ba sgre ba ste/ ji ltar dge ba nyid mi 'thad pa de bzhin du mi dge ba yang bshad ma thag pa'i rig pas mi 'thad do zhes bya ba'i tha tshig go /ci ste gzhan gal te 'gog
 pa'i sems dge ba dang/ mi dge bar mi 'thad na/ snyoms par 'jug pa de ji ltar na/ dge ba zhes bya ba snyam du sems na/ de'i phyir/ 'gog pa'i snyoms par 'jug pa ni zhes bya ba la sogs pa gsungs te/ 'gog pa bzhin du shes
 bya ba ni/ ji ltar thar pa ni sdug bsngal thams cad nye bar zhi ba'i mtshan nyid yin pa'i phyir dge ba zhes bya'i/ /dngos po med pa'i ngo bo yin pa'i phyir/ yang dag par ni ma yin pa de bzhin du/ 'gog pa'i snyoms par 'jug pa yang dus
 re zhig zhi bas/ de tsam gyis na de dag pa yin gyi/ yang dag par ni ma yin no zhes bya ba'i tha tshig go /ci ste de dge ba dang/ /mi dge ba ma yin par 'gyur na/ 'o na bsgribs la lung du ma bstan par 'gyur mod snyam du
 sems su dogs nas/ gal te nyon mongs pa can zhig yin na zhes bya ba la sogs pa gsungs so/ /zhu ba bcu'i mdo zhes bya ba ni/ mdo gang las zhu ba bcu 'byung ba de ni/ zhu ba bcu'i mdo sde/ des mtshon pa zhes bya ba'i tha tshig go /gzhan
 yang 'du shes med pa'i snyoms par 'jug pa yang zhes bya ba la sogs pas/ skyon gzhan 'di yang yod do zhes bstan pa yin no/ /ci ste gzhan gal te nyon mongs pa can ma yin par gyur na/ 'o na ma bsgribs la lung du yang bstan par 'gyur
 mod snyam du sems su dogs na/ 'on te zhes bya ba la sogs pa gsungs te/ de la yang rnam pa bzhi srid pa'i phyir/ ci ste rnam par smin pa las skyes pa zhig yin nam zhes bya ba la sogs pas rtogs par mdzad do/ /de las ci 'gyur
 zhes bya ba ni/ gzhan gyis skyon ma mthong ba'i phyir de skad smras so/ /gal te rnam par smin pa las skyes pa zhig yin na zhes bya ba la sogs pas ni slob dpon gyi phyogs re re nas rgya cher sun dbyung ba gsungs pa yin no/ /ji ltar na zhes
 bya ba 'di ni mngon du 'gyur zhes bya ba bar du chod pa 'di dang sbyar bar bya'o/ /rnal 'byor pa ni phra ba dang/ phrag pa'i mjug thogs su de la snyoms par 'jug pa yin no/ /de'i phyir srid pa'i rtsa mo pa'i snyoms par 'jug pa'i mjug thogs su 'gog
 pa'i sems mngon sum du bya dgos na/ gal te de rnam par smin pa las skyes pa yin na/ de 'dod pa spyod par 'gyur te/ rnal 'byor pa 'dod pa na spyod pa yin pa'i phyir ro/ /de'i phyir srid pa'i rtse mo'i sems kyi mjug thogs su bsam gtan
 dang po la sogs pas 'og ma brgyad kyis bar du chod pa'i sems de rnal 'byor pas ji ltar mngon sum du byed de/ shin tu thag ring ba'i phyir ro/ /'di ltar thod rgal du snyoms par 'jug par byed pa dag kyang re zhig snyoms par 'jug pa'i sems
 kyi mjug thogs su bzhi pa yang mngon sum du bya bar mi nus na/ des sa 'og ma brgyad kyis bar du chod pa 'dod pa na spyod pa'i sems gcig mngon sum du byed dam/ de'i zhes bya ba la sogs pa skyon gzhan 'di yang yod de/ 'dir yang shin tu thag ring ba nyid
 kyi phyir langs pa la mngon du 'gyur mi srid do/ /mi g.yo pa la sogs pa'i zhes bya ba la sogs pa smos pas ni/ ci yang med pa dang/ mtshan ma med pa bsdu'o/ /ci ste pha rol po gang gis na skyon der 'gyur
 ba 'gog pa'i sems kyi mjug thogs su mi g.yo ba la sogs pa'i sems mngon du 'gyur ba de ji ltar mi mngon zhe na/ zhes smra bar 'gyur ro snyam du bsams nas/ lung gis sgrub pa'i phyir/ ji skad du zhes bya ba la sogs pa gsungs so
 reg pa du zhig la reg ces bya ba ni mngon du byed ces bya ba'i tha tshig go /de la mi g.yo ba ni bsam gtan bzhi ba'i sa pa'o/ /ci yang med pa ni/ ci yang med pa'i skye mched kyi sa ba'o/ /mtshan ma med pa ni/ 'du shes phra bas
 mtshan ma thams cad dang bral ba'i phyir/ srid pa'i rtse mo yin par rig par bya'o/ /gzhan yang mngon gyi las kyi 'phangs pa'i zhes bya ba la sogs pa gzhan 'di yang brjod pa'i rigs te/ mdon gyi las kyis 'phangs pa
 zhes bya ba ni tshe rabs gzhan gyi las kyis 'phangs pa zhes bya pa'i tha tshig go /dus tshigs zhes bya ba ni dus mtshams so/ /sngar bsams pa zhes bya ba ni/ sngar brnag brnag pa'o/ /'di la yang rigs pa ci zhig yod ces bya ba ni
 med pa kho na yin na zhes bya ba'i tha tshig go /'di skad du rnam par smin pa ni rang gi dang gis 'byung ba yin na/ ji ltar na de rang gi chos las 'das nas/ gang gis na des ldang ba'i dus kyi dus tshigs bsams pa las 'da' bar
 mi byed par rnal 'byor pa'i sems kyi rjes su 'grang zhes bstan pa yin no/ /mi 'thad pa gzhan 'di yang yong ngo zhes bstan pa'i phyir/ re zhig ji ltar na zhes bya ba la sogs gsungs te/ 'di lang rnam par sbyin pa'i sems
 'grub par bya ba'i 'jug pa'i thob gyi tshes snga bar ni ma yin zhes bya ba bar du chos pa 'di dang sbyar ro/ /'gog pa la dmigs pa zhes bya ba ni/ zhi ba la sogs pa'i rnam par tshor ba la sogs pa 'gog pa la dmigs pa zhes bya ba'i
 tha tshig go /srid pa'i rtse mo'i snyoms par 'jug pa'i sems kyi mthar phyin pa na zhes bya ba ni/ snyoms par 'jug pa'i mthar phyin pa'i tshe na zhes bya ba'i tha tshig go /ches snga par ni ma yin zhes bya bar ni/ ches dang po sa gzhan pa'i sems
 mngon sum du gyur pa na yang ma yin zhes bya ba'i tha tshig go /tshor ba la sogs pa gcod par byed pa nyid kyis shin tu dgra bor gyur pa'i gnas skabs na/ bag chags 'jug pa 'thob kyi ches snga pa rjes su 'thun pa'i gnas skabs su ni
 lan 'ga' yang ma yin zhes bya ba de ji ltar rung zhes bya ba bstan pa yin no/ /skyon gzhan 'di dang yang ldan no zhes bstan pa'i phyir/ re zhig ci'i phyir zhes bya ba la sogs pa gsungs te/ ci'i phyir zhes bya ba ni 'di la rigs pa
 ci zhig yod ces bya ba'i tha tshig go /'dir zhes bya ba ni 'dod pa dang/ gzugs kyi khams su 'o/ /yang ma tshams mi 'byor la zhes bya ba ni/ sngon gyi las kyi 'phen pa'i dbang gis/ rang gi rang gis 'byung ba'i rgyun chad pa'i phyir ro
 rnam par smin pa'i sems ni mtshams 'byor zhes bya ba ni nges par sems gzhan mngon du gyur pa'i tshe na chad pa yang mtshams 'byor te/ 'gog pa'i snyoms par 'jug par zhes bya ba'i tha tshig go /ci ste gzhan de ltar rnam par smin pa ma yin kyang
 rung 'on kyang spyod lam pa la sogs pas 'gyur mod snyam du sems su dogs nas/ 'on te spyod lam pa la sogs pa zhig yin no/ /zhen zhes bya ba la sogs pa gsungs so/ /spyod lam pa la sogs pa zhes bya ba la sogs pa smos pas ni/ bzo'i gnas
 dang/ sbrul pa'i sems bsbu'o/ /zhi ba la sogs pa'i rnam par tshor ba la sogs pa 'gog pa la dmigs pas rnam pa gzhan du zhugs pa'i phyir spyod lam pa la sogs pa mngon par 'du byed pa lta
 ga la yod ces bya ba'i tha tshig go /gzhan yang reg pa med par zhes bya ba la sogs pa gsungs te/ de mngon bar 'du byed pa zhes bya ba ni spyod lam la sogs pa mngon par 'du byed pa ste/ ci zhe na lta ga la yod ces bya bar sbyar ro/ /
 ga la yod ces bya ba ni/ de'i tshe med pa nyid de/ 'gog pa'i snyoms par 'jug pa mngon sum du gyur pa'i dus na zhes bya ba'i tha tshig go /gzhan yang 'di'i phyir yang mi 'thad do zhes bstan pa'i phyir/ mthar gyis gnas pa'i
 snyoms par 'jug pa dgu zhes bya ba la sogs pa gsungs te/ mthar gyis pa'i gnas pa'i snyoms pa'i 'jug pa dgu zhes bya ba ni bsam gtan dang gzugs med pa brgyad dang/ 'gog pa'i snyoms par 'jug pa ste/ de dag ni
 mthar gyis gnas pa'i snyoms par 'jug pa dgu'o/ /rnam par thar pa brgyad dag ces bya ba ni/ gzugs can gzugs rnams la lta ba zhes bya ba la sogs pa brgyad dag go /de dag gi nang nas 'gog pa'i snyoms par
 'jug pa yang 'byung ste/ 'du shes dang/ tshor ba la 'gog pa lus kyi mngon sum du byas te/ rdzogs par byas nas gnas pa zhes 'byung ba'i phyir ro/ /gzhan yang srid pa'i rtse mo'i snyoms par 'jug pa la brten nas
 zhes bya ba la sogs pa gzhan 'di yang brjod par bya ste/ srid pa'i rtse mo'i zhes bya ba la sogs pa gzhan 'dis ni/ re zhig ji ltar 'gog pa'i snyoms par 'jug pa mngon sum du byed pa de lta bu'i tshul ston to/ /phyis ni de'i dmigs
 pa dang/ rnam pa ci zhig yin zhes bya ba la sogs pas 'gal ba brjod do/ /stobs kyi don ni rten nas gnas kyi don du rig par bya'o/ /tshul 'di gnyis ji skad du zhes bya ba la sogs pa'i lung gis grub po/ /mtshan ma med pa'i dbyangs zhes bya
 ba ni/ 'gog pa'i snyoms par 'jug pa zhes bya ba'i tha tshig go /rgyu dang rkyen ni 'dir don gcig tu rig par bya'o/ /yang na rgyu nye ba ni rkyen no/ /rgyu ni brgyud pa gzhan dag kyang yin no/ /yang la mi byed pa zhes bya ba ni 'jug pa
 med pa'o/ /ji ltar dge ba ma yin zhes bya ba ni dge pa kho na yin no zhes bya ba'i tha tshig go /gal te de dge ba kho na yin no snyam du sems na/ de'i phyir dge ba yin na yang zhes bya ba la sogs pa gsungs so/ /'dir yang ji ltar
 zhes bya bar sbyar bar bya'o/ /gal te 'di yang 'dod pa nyid yin no snyam du sems na/ de'i phyir/ mtshungs par ldan na yang zhes bya ba gsungs te/ 'di yang de bzhin du sbyar ro/ /gal te 'gog pa la dmigs pa dang/ zhi ba'i
 rnam pa ma yin du zin kyang/ de'i dmigs pa dang rnam pa gzhan du 'gyur mod ce na/ de'i phyir 'on te zhes bya ba la sogs pa gsungs so/ /ji ltar zhes bya ba 'dis ni sems g.yeng bar rung zhes bya ba 'di dang sbyar bar bya'o/ /
 mtshan ma med pa'i sems kyi ting nge 'dzin la gnas pa'i dmigs pa dang/ rnam pa gzhan zhig yin no/ /sbyor ba'i sems kyi mjug thogs su g.yeng bar 'gyur ro/ /nges na mtshan ma med pa ni sbyor ba dang 'thun pa'i phyir
 rkyen gnyis te zhes bya ba 'di dang 'gal bar 'gyur ro zhes bstan pa yin no/ /de ltar na re zhig lung du ma bstan pa rnam pa bzhi rgya cher mi 'thad do/ /gal te 'dir gzhan dag 'o na de lung du ma bstan pa gzhan zhig tu 'gyur mod
 ces zer du dogs nas/ gnyis po de nyid kyis phyir zhes bya ba la sogs pa gsungs so/ /gnyis po de nyid kyi phyir zhes bya ba ni mthar gyis gnas pa'i snyoms par 'jug pa dgu zhes gsungs pa'i
 phyir dang/ srid pa'i rtse mo'i snyoms par 'jug pa la rten nas zhes gsungs pa ni phyir zhes bya ba'i tha tshig go /de ltar gzhan gyi phyogs rgya cher bsal nas/ de bas na zhes bya ba la sogs pas mjug dus? ba mzed? do// /
 bam po gsum pa'o/ /'o na zhes bya ba la sogs pas ni/ gzhan dag slob dpon la zhu ba byed pa yin te/ gal te 'gog pa'i snyoms par 'jug pa yid kyi rnam par shes pa'i sems dang bcas par mi 'thad na/ kye
 khyod kyis kyang de sems dang bcas pa ji lta bu yin par brjod dgos so zhes bya ba'i tha tshig go /'dis gdon mi za par gnyer gsang dgos sam/ ci na gang gis de skad du zhu bar byed/ 'di ltar slob dpon gyis ni/ de
 sems dang bcas par gsungs pa med do zhes/ de ni ma yin te/ slob dpon gyis kyang lung gi tshang mas zhal gyis bzhes pa kho na yin te/ rnam par shes pa lus dang ma bral ba yin zhes gsungs pa'i phyir ro/ /
 de lta bas na de ni gyi na'o/ /ji ltar mdo sde pa kha cig 'dod pa lta bu ro zhes bya ba ni/ de lta bur sems dang bcas par 'dod do zhes bya ba lhag ma'o/ /'dis ni slob dpon bzhed pa'i phyogs ston to/ /kha cig zhes bya ba
 ni dang po'i khyad par rtsam par 'byed pa'i chos kyi rnam brangs la sems pa dag yin no zhes bya ba'i tha tshig go mdo sde ba kha cig ji ltar zhes bya ba la sos pa smra ba ni gzhan dag go/ /rnam par smin pa'i rnam par shes pa zhes
 bya ba la sogs pa smra ba ni slob dpon no/ /rnam par smin pa'i rnam par shes pa zhes bya ba na/ rnam par smin pa zhes bya ba'i rnam par shes pa'o/ /sa bon thams cad pa zhes bya ba ni dge ba la sogs pa'i zos bskyed nus pa'o/ /nyid mtshams
 sbyod ba nas bzung ste zhes bya ba ni/ ma'i rum du nyid mtshams sbyor pa khu ba dang/ khrag rdos par rnam par smin pa'i rnam par shes pa myos pa de nas bzung ste zhes bya ba'i tha tshig go /skye ba de dang der zhes bya ba ni mi la sogs
 par ro/ /bar chad med par zhes bya ba ni/ rnam par chad pa med pa'o/ /rnam par smin pa'i rgyu tha dad bas tha dad par gyur pa zhes bya ba ni/ dge ba la sogs pa tha dad pas tha dad pa la sogs pa zhes bya ba'i tha tshig go /mya ngan las 'das pa la
 thug gi par du zhes bya ba ni/ mya ngan las 'das pa'i thar phyin pa ste/ mya ngan las 'das par zad ces bya ba'i tha tshig go /rgyun gyis 'jug pa zhes bya ba ni rgyud kyis so/ /de zhes bya ba ni rnam par smin pa la sogs pa'i ngo bo'i rnam par
 shes pa bshad ma thag pa de lta bu de zhes bya ba'i tha tshi go/ de'i tshe zhes bya ba ni/ 'gog pa'i snyoms par 'jug pa'i tshe'o/ /mi 'chad de zhes bya ba ni mi 'bral zhing mi 'gag ces bya ba'i tha tshig go/ nges na zhes bya ba ni rnam par shes
 ba si 'chad pas so/ /sems dang bcas pa zhes bya ba'o zhes bya ba ni rnam par shes pa dang bcas pa zhes bya ba'o/ /rnam par shes pa'i tshogs drug po gzhan dag ni mi 'jug te zhes bya ba ni rnam par smin pa'i rnal bar shes pa las gzhan
 ba'i tshigs rnams so/ /ci'i phyir mi 'jug cen/ de'i phyir rnam par shes pa dag gis bon nyams pa'i phyir zhes bya ba gsungs pa te/ mig gi rnam par shes pa la sogs pa'i nus pa nyams pa'i phyir ro/ /gang gis sa bon nyams par
 byas she na/ de'i phyir 'gog pa zhes bya ba la sogs pa gsungs so/ /'jug pa'i sems kyi zhes bya ba ni/ sbyor ba'i sems su rig par bya ste/ gang gis na de mngon sum du byed pa'o/ /dus ji srid
 cig tu nyams she na/ de'i phyir dus re shig ces bya ba gsungs so/ /des na zhes bya ba ni mig gi rna bar shes pa la soD pa chad pa'o/ /'o na rnam par shes pas sems yong bzhin du yang ji ltar de'i gnas skabs sems med pa zhes bya zhe na/ zhes gzhan gyi
 sems klan ka 'byung du dogs nas/ sems ni rnam pa gnyis te/ zhes bya ba la sogs pa gsungs so/ /gcig ni zhes bya ba ni/ 'di ni re zhig gcig yin te'o/ de'i sa bon rnams zhes bya ba ni mig gi rnam par shes
 pa la sogs pa'i sa bon rnams so/ /bsags pa zhes bya ba ni kun tu bsags pa ste/ nges pa'i tshig gi tshul gyis na bsags pa'i phyir sems yin no/ /gnyis pa ni zhes bya ba ni/ 'di ni gzhan yin te'o/ /sna tshogs
 pa zhes bya ba ni/ rnam pa sna tshogs pa zhes bya ba'i tha tshig go /gang gis sna tshogs pa yin zhe na/ de'i phyir de'i dmigs pa zhes bya ba la sogs pa gsungs te/ de la dmiD pa rnams tha dad pa ni gzuD la soD pa'o/ /rnam pa rnams tha dad pa ni gzuD pa
 soD pa de dag nyid kyi sngon po la sogs pa'o/ /bye brag tha dad pa ni sngon po la sogs pa la sogs pa de dag gi nang gi bye brag ste/ rma bya'i mgrin pa la sogs pa'o/ /de nyid kyi tshul gyis na/ sna tshogs pa'i phyir sems yin no/ /'dis ni re zhig
 sems kho na rnams par dbye bar zad do/ /de na sems gnyis la zhes bya ba la sogs pas lan 'debs pa yin no/ /dpe ni go bar sla'o/ /gal te dus re zhig sa bon nyams pa'i phyir/ mig gi rnam par shes pa la sogs pa'i
 'byung na/ phyis rnal 'byor pa langs pa na yang de'i rnam par shes pa de ji ltar 'byung snyam du gzhan de ltar sems par thugs su chud nas/ sa bon nyams pa'i gnas skabs de zhes bya ba la sogs pa rgya cher gsungs so/ /zhan pa de dang/ chos
 zhan pa dang/ shin tu ches zhan pa'i rim pas zhes bya ba ni/ zhan pa dang/ ches zhan pa dang/ shin tu ches zhan pa'i rim gyis zhan bya ba'i tha tshig go /ci 'dra ba zhig ce na/ de'i phyir chu tshan dang/ zhes bya ba la sogs pa gsungs so/ /'bri
 ba'i tshul gyi/ sgra ni chu tshan 'bri ba'i tshul dang/ mnga' phangs pa'i shugs 'bri pa'i tshul du zhes re re la sbyar bar bya ste/ ji ltar chu tshan dang/ mnga' 'phangs pa'i shugs zhan pa dang/ ches zhan pa dang/ shin tu ches zhan pa'i rim pas
 'bri ba ltar de yang de bzhin na zhes bya ba'i tha tshig go/ des zhes bya ba ni zhan pa dang/ ches zhan pa dang/ shin tu ches zhan pa'i rim pas so/ /ldang ba'i dus la ngas pa'i mthar thug pa na/ zhes bya ba 'dis ni gnas skabs de
 nyid khyad par du byed do/ /'phangs pa'i zhes bya ba ni bdag gis dus 'di srid gcig tu snyoms par zhugs pas gnas par bya'o snyam pa rnal 'byor pa'i sems kyi shugs so/ /de'i mthar ni rdzogs pa ste/ de'i thug cing phyin
 ba gang yin pa de la de skad ces bya'o zhes bya ba'i tha tshig go /skad cig re re la zhes bya ba ni/ skad cig skad cig la'o/ /'gyur ba'i khyad par las zhes bya ba ni/ rgyu'i skad cig dang mi mthun pa'i mtshan nyid 'bras bu mi
 'dra ba 'byung ba las zhes bya ba'i tha tshig go /'jug pa rnyed pas zhes bya ba la/ 'jug pa rnyed pa ni gang gis yongs su rtas pa de ni 'jug pa rnyed pa ste nges so/ /de ci zhe na/ de'i phyir sa bon zhes bya ba gsungs so/ /rkyen ji lta ba bzhin
 du zhes bya ba ni/ gang gi rkyen gang yin pa zhes bya ba'i tha tshig go /gzhan dag kyang zhes bya ba ni yid kyi rnam par shes pa las gzhan pa mig gi rnam par shes pa la sogs pa'o/ /de ltar dang po 'khyad par rnam
 par 'byed pa'i chos kyi rnam grangs la sems pa'i mdo sde pa de dag sems dang bcas par 'dod pa rgya cher bsgrubs nas/ da ni rnam par smin pa'i rnam par shes pa de nyid kyi rnam par bzhag pa bstan pa'i phyir/ rnam par smin pa'i rnam
 par shes pa zhes bya ba la sogs pa rgya cher gsungs so/ /rnam par smin pa'i rnam par shes pa ci zhe na/ sgo bar byed do zhes bya ba 'di dang sbyar ro/ /sa bon rnam pa sma chogs khong na yod pa zhes bya ba 'das ni de'i rang bzhin
 bstan pa yin te/ gang la sa bon rnam pa sna tshogs khong na yong cing lus yong pa de la de skad ces bya ba'i tha tshig go/ gang gis de la sgo bar byed can/ de'i phyir de las gzhan pa'i rnam par shes pa zhes bya ba la sogs pa
 gsungs so/ /de las gzhan pa mig gi rnam par shes pa gzhan pa'i rnam par shes pa dang lhan cig 'byung ba'i zhes bya ba ni mig gi rnam par shes pa la sogs pa dang ltan cig 'byung ba'i 'o/ /chos gzhan zhes bya ba ni dag pa
 dang/ 'dod chags la sogs pa'o/ /ji ltar sgro bar byed ce na/ de'i phyir sa bon rtas bar byed pa'i sgo nas zhes bya ba smos te/ sa bon gso bar byed pa'i sgo nas yin gyi/ sngon med pa bskyed pas ni ma yin te/ ji skad sngar bshad pa
 bzhin no zhes bya ba'i tha tshig go /ji ltar rigs par zhes bya ba ni ji srid par ro/ /stobs ji lta ba bzhin du zhes bya ba ni nus pa ji lta ba bzhin du'o/ /bag chags 'jug pa rnyed na zhes bya ba ni/ bag chags rtas na zhes bya ba'i tha tshig go /de
 nyid kyi dbang du byas nas zhes bya ba ni gnas brtan rta skad kyis rnam par smin pa'i rnam par shes pa de nyid kyi dbang du byas nas/ tshigs bcad de bshad do nas bya ba'i tha tshig ste/ 'dis ni skyes bu tshad mas bshad par ston to/ /sems 'di zhes bya ba ni/ sems
 de yin par rig par bya'o/ /byad par ji lta bu dang ldan pa zhig ce na/ de'i phyir sa bon mdza' yas pa dang ldan pa zhes bya ba gsungs te/ dge ba la sogs pa'i chos kyis sa bon dpag tu med pa dang 'brel pa zhes bya ba'i tha tshig go/ 'dis kyang bsags
 pa'i phyir na/ sems zhes bya ba bsan te/ bag chags bsags pa'i phyir ro/ /zhes bya ba'i tha tshig go/ rgyun gyis 'jug 'gyur zhing zhes bya ba ni/ de yang rgyun gyis 'jug pa'o/ /de dang de'i sa bon rtas zhes bya ba ni chos de dang de 'byung ba'i rgyu bas
 chags zhes bya ba sa bon thog ma mid pa'i dus nas zhugs pa'o/ /rtos? pa ni gsos pa'o/ /'gyur zhes bya ba ni 'gro ba zhes bya ba'i tha chig go/ gang zhig yod na de rtas par 'gyur zhe na/ de'i phyir sems la rang rkyen byur na zhes bya ba
 gsungs te/ sems la dad pa dang/ 'dod chags la sogs pa'i rkyen kun tu byung na zhes bya ba'i tha tshig go /des rtas zhes bya ba ni rnam par smin pa'i rnam par shes pa de yongs su rtas na'o/ /rim gyis 'jug pa snyed na dus su 'bras bu 'byin
 ba 'grub ces bya ba ni/ rnam par smin pa'i rnam par shes pa gang gis rim gyis 'jug pa rnyed na 'bras bu yang 'byin pa de la de skad ces bya'o/ /dus su zhes bya ba ni dus gzhan no/ /ci 'dra bar 'grub ce na/ de'i phyi/ ma tu lung ga'i zhes bya
 ba la sogs pa gsungs so/ /de'i sha zhes bya ba ni/ ma tu lung ga'i nang gi sha la'o/ /ci zhe na/ tshon de'i rim gyis 'jug brnyed na dus su 'bras bu 'byin pa 'grub ces bya bar sbyar ro/ /de nyid bcom ldan 'das kyis zhes bya ba la sogs pas ni/
 bcom ldan 'das kyis kyang rnam par smin pa'i rnam par shes pa de bstan pa nyid yin no/ zhes bya ba bstan to/ /len? pa'i rnam par shes pa zhes bya ba la sogs pa'i tshigs su bcad pa'i don ni brda
 phrad par zad do/ /da ni de yang yang srid pa'i zhes bya ba la sogs pas ni/ len pa'i rnam par shes pa de'i ming gi rnam grangs rnams bstan to/ /lus nye bar len pa'i phyir zhes bya ba ni/ lus rang gir byed pa'i phyir ro/ /len pa'i rnam par
 shes pa'i zhes bya'o zhes bya ba ni 'dis len par byed pas na len pa'o/ /de ni len pa yang yin la rnam par shes pa yang yin pas len pa'i rnam par shes pa'o/ /gzhir gyur pa'i phyir zhes bya ba ba ni rten du gyur pa'i phyir ro/ /kun
 gzhi rnam par shes pa zhes bya ba ni 'dir chos thams cad kun tu sbyor bar byed pa kun gzhi ste/ tshog bsdu ba ni snga ma bzhin no/ /rnam par smin pa'i rnam par shes pa zhes bya ba ni/ rnam par smin pas rnam bar smin pa ste/ 'dir yang
 tshig bsdu ba ni snga ma kho na dang 'dra'o/ /lung gi rnam par smin pa'i rnam par shes pa rab tu bsgrubs nas/ da ni rigs pas kyang de bsgrub par bstan pa'i phyir/ gal te de yang mi 'dod na zhes bya ba la sogs pa gsungs so/ /de las
 gzhan pa'i rnam par shes pa ni zhes bya ba ni mig gi rnam par shes pa la sogs pa'o/ /mi gtong bar 'dug pa zhes bya ba ni yongs su ma gtang bar 'dug pa'o/ /khyab par bya ba ci zhe na/ 'dug pa zhes bya bar sbyar te/ mig la sogs pa'i
 rten nyi tshe la 'dug pa'i phyir ro/ /'di skad du lus ni rnam par shes pas zin pa'i phyir ma shi par du rul bar mi 'gyur ro/ /de ni gal te de la rnam par shes pa rgyun mi 'chad pa'am/ khyab par 'dug na de lta na zin pa yin na rnam par
 smin pa'i rnam par shes pa las ma gtogs pa'i rnam par shes pa gzhan la ni ji skad bshad pa'i rnam par yang mi srid do/ /de bas na de dang bral ba'i phyir shi ba'i ro bzhin du rul bar 'gyur pa zhig na/ de lta yang ma yin te/ de bas na gang gi dbang
 gis 'drul bar mi 'gyur ba de gdon mi za bar rnam par shes pa gzhan yod par khas blangs par bya'o zhes bstan pa yin no/ /sbyor ba ni gang zhig gang las 'bras bu mi 'byung ba 'grub par byed pa de ni de dang tha dad pa yin te/ dper na snam
 bu las chu 'dzin pa la sogs pa'i 'bras bu mi 'byung ba bum pas 'grub par byed pa lta bu yin la/ de las gzhan pa'i rnam par shes pa las 'bras bu lus mi 'brul ba la sogs pa mi 'byung ba la yang rnam par smin pa'i rnam par shes
 bas 'grub par byed do/ /tha dad pa ni de las 'bras bu ni 'byung ba 'grub par byed pa tsam gyis yod pa yin pas rang bzhin gyi gtan tshigs yin no/ /gal te de yang mi 'dod na nyon mongs pa'i bag la nyal gang la gnas pa
 zhes bya ba la sogs pa smos pa gzhan 'di yang brjod dgos so/ /gang la gnas pa zhes bya ba ni rnam par shes pa gang la rnam par gnas pa zhes bya ba'i tha tshig go /de'i gnyen pos zhes bya ba ni bag la nyal gyi gnyen po 'phags pa'i
 lam gyis so/ /re zhig rnam par shes pa'i tshogs lnga po rnams ni phyi rol tu rnam par g.yengs pa'i phyir de'i tshe mi srid pas yid kyi rnam par shes pa kho na 'dus la/ de yang bag la nyal gyi gnyen por gyur pa yin no/ /de'i phyir bag
 la nyal gang la gnas pa spong bar 'gyur zhes bya ba'i tha tshig go/ ci ste gzhan dag de ni gnyen po'i sems la gnas pa nyid spong par 'gyur snyam du sems su dogs nas/ de'i phyir gal te zhes bya ba la sogs pa gsungs so/ /'di
 skad du 'phags pa'i lam ni bag chags dpyis dbyung ba'i phyir zhugs pa yin na/ ji ltar na gang gis na gzhan 'gyur bar de de dang 'thun par 'gyur te/ gang zhig gang gzhom par brtson
 pa de nyid de la phan 'dogs par byed pa ni mi rung ngo zhes bstan pa yin no/ /sbyor ba ni gang zhig gang 'joms par byed pa de ni/ de skyed par byed pa ma yin te/ dper na chu dang me lta bu yin la/ 'phags pa'i lam yang bag
 chags 'joms par byed pa yin pas/ khyab par byed pa 'gal ba dmigs pa ste/ 'di ltar 'joms par byed pa nyid dang/ 'joms par byed ba ma yin pa nyid gnyis ni phan tshun spangs te/ gnas pa'i mtshan nyid
 kyis 'gal ba yin la/ 'joms par byed pa ma yin pa nyid kyis ni skyed par byed pa nyid la khyab pa'i phyir de dang 'gal pa 'joms par byed pa nyid dmigs na/ 'joms par byed pa ma yin pa nyid ldog go /de log na des
 khyab par bya ba skyed par byed pa nyid kyang ldog par 'gyur ro/ /de bas na rnam par shes pa gzhir gyur pa gzhan zhig gdon mi za bar khas blang bar bya'o/ /sbyor ba ni gang zhig gang yod na 'byung ba de ni de sngon du 'gro ba
 can yin te/ dper na sa bon yod na myu gu 'byung ba lta bu yin la/ rnam par shes pa gzhan yod na yang nyon mongs pa'i bag chags 'byung ba yin no/ /de sngon du 'gro ba can ni de yod na 'byung ba tsam dang 'bral ba'i
 phyir/ de yod pa kho nas yod pa yin pas/ rang bzhin gyi gtan tshigs so/ /gzhan yang gzugs med pa'i khams su skyes pa zhes bya ba la sogs pa gsungs te/ gang dag la sems kyi rgyud nyon mongs pa can dang/ dge ba
 dang zag pa med pa yod pa de dag la de skad ces bya'o/ /'di skad du gzugs med pa de ni gzugs kyi 'dod chags dang bral bas gzugs dang/ de'i rnam par shes pa mi srid pa'i phyir/ yid kyi rnam par shes pa kho na lus so/ /de yang gang gi
 tshe nyon mongs pa can la sogs pa'i ngo bo yin pa de'i tshe/ rnam par smin pa nyid med pas rnam par smin pa'i rdzas med do/ /de bas na 'gro ba ni rnam par smin pa ma yin pa dang ldan pa ma yin par yang 'gyur ro/ /de yang mi 'dod de/ de lta bas
 na rnam par smin pa'i 'gro ba gang gas pa'i rgyu rnam par shes pa gzhan zhig gdon mi za bar khas blangs bar bya'o zhes bstan pa yin no/ /'dir yang gang zhig gang yod na/ 'byung ba zhes bya ba la sogs pa sbyor ba bshad ma thag pa gang
 yin pa de nyid rig par bya ste/ 'dir gzugs med pa na rnam par smin pa'i 'gro bar gdags pa ni rnam par shes pa gzhan yod na 'byung ngo/ /skyon 'di yang bye brag tu smra ba dag la yod de/ de dag ni 'gro ba dag ni ma bsgribs la lung du ma
 bstan pa nyid yin no zhes brjod par byed do/ /gzhan yang srid pa'i rtse mo'i zhes bya ba gzhan 'di yang brjod dgos so/ /don ni 'di skad du/ srid pa'i rtse mo las ma gtogs pa'i gzugs med pa na ni gal te zhig na rnam par smin
 ba ma yin pa yang 'gro ba yin par 'gyur brang na/ srid pa'i rtse mo de na ni phyir mi 'ong ba zag pa zad par byed pa rnam par ci yang med pa'i skye mched kyi zag ba med pa'i sems mngon du gyur pa na/ de yang mi srid pas 'gro ba chad pa
 nyid du 'gyur ro zhes bstan pa yin no/ /de yang mi 'dod de de bas na 'dir yang sbyor ba snga ma bzhin no/ /skyon 'di ni phyir rnam par shes pa de khas mi lan par gyur pa thams cad la yod de/ /'dir gal te bye brag tu smras pa dag rgol
 ba gang zhig sems las byung ba las ma gtogs pa ldan pa ma yin pa gzhan khas mi len pa de la skyon 'di yod kyi gang zhig rigs 'thun pa la sogs pa ldan pa ma yin pa yang yod par khas len
 pa la de ni thal ba 'dir mi 'gyur ro zhes smras na/ de'i phyir pha rol gyi glags bzlog pa'i phyir/ ris 'thun pa'am zhes bya ba la sogs pa gsungs te/ ji ltar ris 'thun pa la sogs pa mi srid pa de lta bu ni mdzod kyi bstan bcos
 las rgya cher bshad zin pa'i phyir/ 'dir spro bar mi bya'o/ /zhes bya ba'i tha tshig go /de bas na zhes bya ba la sogs pas ni rigs pas rgya cher rab tu bsgrubs nas mjug bsdu ba mjed do/ /de nyid ces bya ba la sogs pa ni sde pa
 gzhan la rab tu grags pas kyang/ rnam par smin pa'i rnam par shes pa 'grub par ston pa'o/ /btsun pa gos dmar sde pa rnams zhes bya ba ni 'phags pa gnas brtan pa rnams te/ de dag ni kun gzhi rnam par shes pa kho na la srid
 pa'i yan lag gi rnam par shes pa'i sgras tha snyad rjod par byed do/ /gzhan dag ni rtsa ba'i rnam par shes pa zhes zer ro zhes bya ba ni 'phags pa dge 'dun phal chen pa rnams te/ de dag kyang rang gi sde pa dag las rtsa ba'i
 rnam par shes pa'i sgras tha snyad brjod par byed do/ /'o na de'i zhes bya ba la sogs pas ni/ slob dpon la gzhan dag sgol bar byed pa ste/ gal te mig gi rnam par shes pa la sogs pa las ma gtogs pa'i/ /kun gis?
 rnam par shes pa gzhan zhig yod na/ de'i dmigs pa ci yin pa dang/ rnam pa ci yin pa brjod dgos te/ rnam par shes pa dmigs pa med pa dang/ rnam pa med pa ni mdo zhes bsams pa'o/ /dmigs pa dang/ rnams
 ma chad pa yin no zhes bya ba 'dis ni/ slob dpon lan 'debs par mdzad pa ste/ gang la dus thams cad du rnam par smin pa'i rang bzhin du ro gcig pa nyid kyi phyir dang/ rjes su dpag pas shes par bya ba nyid kyi phyir/ dmigs pa dang rnam pa 'di yin no zhes
 bya bar mi gsal ba dang/ yongs su mi chod pa dag yod pa de la de skad ces bya'o zhes bya ba'i tha tshig go /ji ltar na rnam par shes pa yang yin la de dang 'dra ba yang yin zhe na/ zhes bya ba 'di 'dra ba mi srid par
 bstan pa'i phyir smra ba yin no/ /de ni 'gog pa'i snyoms par 'jug pa la sogs pa'i zhes bya ba la sogs pas ni rnam par shes pa rgyu ba mi bsal ba ni/ gzhan gyis kyang khas blangs so zhes bstan to/ /rnam par shes pa yod par smra ba gzhan
 dag dang/ yang zhes bya ba ni/ btsun pa dbyig pa shes la sogs pa kun gzhi rnam par shes pa khas mi len par smra ba dag go /mtshungs so zhes bya ba ni de dang yang brtsad par bya ba 'di mtshungs zhes bya ba'i tha tshig go /'o na de zhes bya
 ba la sogs pa smra ba ni gzhan te/ gal te mig gi rnam par shes pa la sogs pa las ma gtogs pa'i kun gzhi rnam par shes pa gzhan zhig yod na/ zag pa dang bcas pa thams cad ni nye bar len pa'i phung por bsdus pa'i phyir/ 'o na de gzuT
 la sogs pa'i nye bar len pa'i phung po gang du gtogs zhes bya ba'i tha tshig go /don gyis na rnam par shes pa'i nye bar len pa'i phung por ro/ /zhes bya ba 'dis/ slob dpon gyi rtog pa ston par mdzad do/ /don gyis na zhes bya ba ni kun gzhi rnam par shas
 pa ni rnam par shes pa'i rang bzhin yin pa'i phyir shugs kyis na/ rnam par shes pa'i nye bar len pa'i phung por gtogs pa yin gyi sgras ni ma yin te/ kun gzhi rnam par shes pa dngos su nye bar len pa'i phung por gtogs par gsungs pa ni
 med pas so/ /'o na zhes bya ba la sogs pas ni gzhan dag lung dang 'gal bar brjod pa yin te/ gal te kun gzhi rnam par shes pa gzhan zhig yod na/ mdo 'di gnyi ga las kyang rnam par shes pa'i tshogs
 drug dag go /zhes 'byung ba de dang 'gal lo zhes bya ba'i tha tshig go /dgongs pa can yin zhes bya ba la sogs pas ni slob dpon gyis mi 'gal bar ston par mdzad pa'o/ /'di la dgongs pa gang yin zhe na/ zhes zer pa ni
 gzhan te/ sems pa ni yang srid pa mngon par 'du byed par zhugs pa'i phyir/ de la de skad ces brjod par ched che ba'i dgongs pa yin na/ rnam par shes pa'i tshogs drug bstan pa 'di la go dgongs pa ci zhig yod ces bya
 pa'i tha tshig go /re zhig bcom ldan 'das kyis zhes bya ba la sogs pas ni/ slob dpon dgongs pa ston par mdzad do/ /ci'i phyir de ltar rtog par gyur zhe na/ zhes zer ba ni gzhan no/ /de'i rnam pa ni zhes bya ba la sogs pa
 gsungs pa ni slob dpon te/ kun gzhi rnam par shes pa ni rnam par smin pa rang bzhin gcig pa'i phyir 'khor pa ji srid par gzhan du 'gyur ba med de/ des na shin tu phra ba'i phyir/ de'i rang bzhin khong du ma chud pa rnams gal te na
 bdag tu yang rtog par 'gyur ro/ /re zhig mdo las gsungs pa'i dgongs pa cig ni de lta bu yin no/ /da ni dgongs pa gzhan bstan pa'i phyir gang zhig rten dang zhes bya ba la sogs pa gsungs te/ rnam par shes pa gang zhig
 go/ ci zhe na/ rags pa'o/ /ji ltar rags pa yin zhe na/ de'i phyir rten zhes bya ba la sogs pa gsungs so/ /de la rten ni mig la sogs pa'o/ /dmigs pa la sogs pa ni sngar bstan zin to/ /gang zhig la zhes bya ba'i rnam par shes pa
 la'o/ /ci zhe na/ kun nas nyon mongs pa dang/ rnam par byang ba rnam par bzhag pa'o/ /de ji ltar rnam par bzhag ce na/ de'i phyir nyon mongs pa dang/ de'i gnyis po dang mtshungs par ldan pa'i phyir zhes bya ba gsungs te/ 'dod chags la sogs pa
 nyon mongs pa dang mtshungs par ldan pa'i phyir dang/ nyon mongs pa'i gnyen po dang mtshungs par ldan pa'i phyir zhes bya ba'i tha tshig go /'bras bu zhes bya ba ni bya ba'o/ /gang gis zhes bya ba ni mig gi rnam par shes pa la sogs pa'o/ /ci
 zhe na/ rjes su dpog par byed pa'o/ /rjes su dpag par bya ba de ci yin zhe na/ de'i phyir de'i sa bon gyi zhes bya ba la sogs pa gsungs te/ mig gi rnam par shes pa la sogs pa de dag gi sa bon ni de'i sa bon no/ /de ni de'i sa bon
 yang yin la/ rnam par shes pa yang yin par de'i sa bon gyi rnam par shes pa'o/ /de rjes su dpog pa ni/ de sa bon gyi rnam par shes pa rjes su dpog pa'o/ /de kho na 'dir rnam par shes par bstan gyi zhes bya ba'i tshig 'di ni rag pa
 la sogs pa ji skad bstan pa thams cad la rags pa gang yin pa de nyid 'dir rnam par shes par bstan gyi zhes bya ba la sogs pa re re la sbyar ro/ /'dir zhes bya ba ni rnam par shes pa'i tshogs drug bstan pa'i mdor ro/ /rnam par shes
 ba zhes bya ba ni 'jug pa'i rnam par shes par rig par bya'o/ /rgyu'i rnam par shes pa ni ma yin te zhes bya ba ci zhe na bstan pa ni zhes bya bar sbyar te/ kun gzhi rnam par shes pa ni 'jug pa'i rnam par shes rgyur gyur pa'i phyir/ rgyu'i
 rnam par shes pa'o/ /ci'i phyir zhe na/ de'i phyir/ de las bzlog pa'i phyir ro zhes bya ba gsungs te/ rags pa la sogs pa las bzlog pa'i phyir te/ 'di ltar rten dang dmigs pa dang/ rnam pa dang bye brag yongs su ma chad pa'i
 phyir/ rag pa yang ma yin zhing/ de la ni nyon mongs pa dang/ de'i gnyen po dang mtshungs par ldan pa'i phyir kun nas nyon mongs pa dang/ rnam par byang pa rnam par bzhag pa yang med la 'dras bur gyur pa des?
 sa bon du gyur pa'i rnam par shes pa 'ga' zhig rjes su dpog par yang mi byed do/ /'dis ni zhes bya ba ni rtsis mgos bsgre ba ste/ ji ltar rnam par shes pa'i phung po bstan par lan gdab pa de bzhin du/ rten cing 'brel par 'byung ba'i mid?
 rnam par dbye ba bstan par yang lan gtab pa mtshungs pa yin no zhes bya ba'i tha tshig go /ji ltar rig par zhes bya ba ni ji ltar 'byor par ste/ rnam par shes pa gsal bar snang bar myong ba gang yin pa de nyid bstan gyi/ kun gzhi rnam
 par shes pa rjes su dpag pas khong du chung par bya ba ni ma yin no/ /gzhan yang rnam par bshad pa'i rig pa las zhes bya ba la sogs pa gsungs te/ rnam par bshad pa'i rig pa las yang dag par bsdus pa'i bzhi ni nub pa'i
 phyir la/ gsung rab kyang dang sang rnam pa du mar mthong ba'i phyir zhes bya ba la sogs pas deng sang mdo sde thams cad ni mi snang ngo zhes rgya cher bsgrubs so/ /de'i phyir mong sde dag las zhes bya ba ni/ ji ltar dmigs pa'i mdo sde dag
 las zhes bya ba'i tha tshig go /lhangs por zhes bya ba ni gzugs por ro/ /'o na lta ni zhes bya ba la sogs pas ni gzhan dag phyir rgol bar byed pa'o/ /gzhan zhes bya ba mi dmigs la sogs pa'i rnam par shes pa'o/ /kun gzhi rnam par
 shes pa ni rgyun mi 'chad par 'byung bas rtag tu gnas pa yin pa'i phyir la/ gang gi tshe mig gi rnam par shes pa la sos pa gzhan yang dmigs pa de'i tshe/ de dang kun gzhi rnam par shes pa lhan cig pa yin pas/ cig car rnam par
 shes pa'i rgyun gnyis su 'gyur ro zhes bya ba'i tha tshig go /de lta yin na ci nyes zhes bya ba ni/ slob dpon gyi skyon ma gzigs nas gsungs pa yin no/ /rnam par shes pa'i rgyud gnyis zhes bya ba la sogs pas ni/ pha rol po skyon brjod pa yin te
 sems can du gdags pa tha dad pa ni rnam par shes pa'i rgyud tha dad pas byas pa yin na/ gal te lus gcig la yang rnam par shes pa'i rgyun rnam pa gnyis nyid du khas len na/ sems can gnyis su gdags par thal bar 'gyur ro zhes bya ba'i tha
 tshig go /dper na zhes bya ba la sogs pa'i dpe ni brda phrad par sla'o/ /de ltar mi 'gyur te zhes bya ba la sogs pa 'dis ni slob dpon gyis thal ba'i las 'debs par mdzad pa yin no/ /de gnyis ni zhes bya ba ni kun gzhi dang 'jug pa'i rnam par
 shes pa gnyis so/ /rgyu dang 'bras bu'i dngos po dang tha dad pa ma yin par 'jug pa nyid kyi phyir zhes bya ba ni rgyu dang 'bras bu'i dngos po tha dad pa ma yin par 'jug pa'i dang tshul can ni/ rgyu dang 'bras bu'i dngos po dang/ tha dad pa ma
 yin par 'jug pa'o/ /de'i ngo bo ni rgyu dang 'bras bu'i dngos po dang/ tha dad pa ma yin par 'jug pa nyid de/ de'i phyir ro/ /gzhan yang rnam par smin pa'i zhes bya ba la sogs pa gsungs te/ cig shos kyi zhes bya ba ni 'jug pa'i
 rnam par shes pa so/ /yongs su sgo bar byed pa'i phyir ro zhes bya ba ni yongs su spogs par byed pa'i phyir ro/ /chos nyid de yang med de zhes bya ba ni bshad ma thag pa'i rgyu dang/ 'bras bu dang tha dad pa ma yin pa'i chos nyid dam/ yongs su sgo
 bar byed pa'i chos nyid gang yn pa de med do zhes bya ba'i tha tshig go /'ga' zhig la sa bon dang zhes bya ba la sogs pas ni gzhan yang mi srid par ston to/ sa bon dang/ sa bon can gyi zhes bya ba de la sa bon ni rgyu'o/ /sa bon can ni 'bras
 bu'i khyad par te/ 'di la sa bon yod pa'i phyir ro/ /utpa la'i rtse ba dang zhes bya ba la sogs pas ni slob dpon gyis srid par ston par mdzad pa'o/ /srid par bsgrubs nas? de ni gal te zhes bya ba la sogs pas
 kun gzhi rnam par shes pa gdon mi za bar khas blangs par bsgrub par mdzad do/ /gal te mthong na yang rung zhes bya ba ni 'bras sa lu la sogs pa la'o/ /de ltar mi 'dod na zhes bya ba ni kun gzhi rnam par shes pa bzhin yod par ro/ /ji
 skad du bshad pa'i skyon rnams su zhes bya ba ni gzhan gang zhig gis lus zin par 'gyur zhes bya ba la sogs pa'o/ /'o na ci'i phyir bdag gis zhes bya ba la sogs pas ni/ gzhan mi 'dod par gleng bar byed pa ste/ gal te mig
 gi rnam par shes pa la sogs pa las logs shig na de dag gi rten nyid du kun gzhi rnam par shes pa gzhan zhig yod bar rtog na/ 'o na de lta na nang na byed pa'i skyes bu bdag kyang ci'i phyir de dag gi rten du 'gyur bar mi bdags
 ste/ bdag dang kun gzhi rnam par shes pa ni mig gi rnam par shes pa la sogs pa las logs shig na yod par ni mtshungs so zhes bya ba'i tha tshig go /ci 'dra bar 'dod par bya zhes bya ba la sogs pas ni/ slob dpon gyis rnam par brtag
 pa tha dad par mdzad nas lan 'debs par mdzad do/ /de zhes bya ba ni bdag gis rdzas so/ /kun gzhi rnam par shes pa bzhin du zhes bya ba ni/ 'di ltar kun gzhi rnam par shes pa ni rgyun las gnas pa yin te/ skad cig gcig nas
 gcig tu zhugs pa'i phyir ro/ /rkyen gyis 'gyur ba yang yin te/ de dag gis gzhan du bskyed pa'i phyir ro/ /de dang de khyad par ci zhig yod ces bya ba ni bdag gi rdzas de 'dra ba zhig yin na/ de kun gzhi rnam par shes pa las khyad par med do/ /de
 bas na de ni kun gzhi rnam par shes pa kho na yin pas grub pa nyid bsgrubs par 'gyur ro/ /'on te gcig pa zhes bya ba ni cha shas med pa'o/ /gtan du mi 'gyur ba yin no zhe na zhes bya ba ni gal te rtag tu rkyen gyis 'gyur ba dang/ bral bar 'dod na zhes bya
 pa'i tha tshig go/ de la zhes bya ba ni bdag gi rdzas la'o/ /rnam par shas pa la sogs pas zhes bya ba la sogs pa smos pas ni 'dod chags la sogs pa bsdu'o/ /'di skad du lan cig lta rnam par shes pa rnams de la rag ci zhig lus na zhes bya ba la soT
 pa bdag rim dang cig car gnyis kyis don byed pa dang bral pa'i phyir /dngos po med pa bzhin du med pa nyid yin no zhes bya bar bsgrubs par bya mod kyi/ 'on kyang khas blangs nas gal te de 'gyur ba med pa yin na/ /ji ltar na de lta bu la rnam par shes
 pa la sogs pas bag chags bsgo ba 'grub par 'gyur zhes smra'o zhes bstan pa yin no/ /ci'i phyir 'grub par mi 'gyur zhe na/ de'i phyir/ bag chags ni zhes bya ba la sogs pa gsungs te/ bag chags kyi rang bzhin ni 'di yin te/ 'di lta ste /sgo bar
 byed pas sgo bar byed pa'i rdzas la nus pa'i khyad par bskyad pa yin na/ bdag gi rdzas la ni 'gyur pa med pa'i phyir de yang mi srid do/ /zhes bya ba'i tha tshig go/ gal te bag chags mi srid du zin kyang des cir 'gyur zhe na/ de'i phyir/ yongs su 'gyur ba'i
 khyad par med na zhes bya ba la sogs pa gsungs te/ yongs su gyur pa'i khyad par med na zhes bya ba ni gong nas gong du nus pa'i khyad par med par zhes bya ba'i tha tshig go /de'i bag chags med par zhes bya ba ni/ rnam par shes pa la sogs pa'i bag chags
 so/ /sngon myong ba dang/ shes pa dang/ 'dod chags la sogs pa dag la zhes bya ba ni /myong ba dang/ shes pa dang/ 'dod chags la sogs pa ni myong ba dang/ shes pa dang/ 'dod chags la sogs pa'o/ /de dag ni sngon byung ba'i phyir sngon yang yin la
 myong ba dang/ shes pa dang/ 'dod chags la sogs pa yin pas /sngon myong ba dang/ shes pa dang/ 'dod chags la sogs pa'o/ /de'i phyir/ sngon byung ba'i myong ba dang/ shes pa dang/ 'dod chags la sogs pa dag la
 ste/ myong ba ni 'dir sngon po la sogs pa myong ba'o/ /shes pa ni nges pa'i shes pa la sogs pa'o/ /goms pa'i zhes bya ba ni 'dris pa'i'o/ /dran pa dang/ shes pa dang/ 'dod chags la sogs pa'i zhes bya ba ni/ sngon myong ba la sogs pa dag
 dang lhan cig go rims bzhin du sbyar ro/ /gzhan yang bdag sems med pa'i gnas skabs su gyur pa ni zhes bya ba la sogs pa yang gsungs so/ /gzhan dag bdag kho na las bdag skye'o snyam du sems na/ de'i phyir bdag la ni khyad par med na
 zhes bya ba gsungs so/ /de ltar re zhig bdag khas blangs nas skyon bstan pa yin no/ /da ni don byed pa'i nus pa dang bral ba nyid kyis de yod pa nyid kyi de yod pa nyid mi bzod par bstan pa ni/ /rnam par shes pa rnams ci zhig de la rag lus na zhes bya ba la sogs
 pa gsungs te/ de la rag lus zhes bya ba ni bdag la rag lus pa zhes pa'i tha tshig go /'dir ni rnam par brtags pa gnyis te/ rim gyis de la bdag rag lus pa'i dngos po la bya ba byed dam cig car yin grang na/ de la cig car bya ba mi
 byed par ni gsal ba nyid de/ cig car de la rag lus pa'i 'bras bu mi snang ba'i phyir ro/ /'on kyang rims kyis byed par brjod par bya ste/ bdag la rag las pa yang skye ba 'am/ yang na gnas pa zhig yin grangs zhes brtag pa la/ gal te skye ba
 yin no zhe na zhes bya ba la sogs pas ni re zhig skye ba'i phyogs kyi dbang du mdzad nas/ rim gyis byed pa dgag par mdzad de/ rgyud de ma tshad ba med pa yin na rim gyis skye ba rung ba ma yin no zhes bya ba'i tha tshig go /gzhan dag rgyu ni ma tshad ba med pa
 nyid ma yin te/ 'di ltar bdag de ni shes pa phyi ma phyi ma skye bar bya ba'i phyir lhan cig byed pa'i rgyu gzhan la bltos so zhe na/ de'i phyir /gal te lhan cig byed pa'i rgyu zhes bya ba la sogs pa gsungs te/ gal te lhan cig byed pa'i rgyu gzhan
 la bltos pa'i phyir ro zhe na zhes bya ba ni rim gyis skye ba yin zhes bya bar sbyar ro/ /de dag las zhes bya ba ni lhan cig byed pa'i rkyen dag las so/ /gzhan pa la zhes bya ba ni bdag la'o/ /de bskyed pa'i zhes bya ba ni shes pa gzhan bskyed
 ba'i 'o/ /nus pa yod par ji ltar khong du chud ces bya ba ni khong du mi chud do zhes bya ba'i tha tshig go/ 'di skad phan 'dogs pa la ni bltos par bya ba yin na/ bdag ni gang gis na lhan cig byed pa'i rgyu gzhan la bltos pa'i phyir rim gyis skye bar
 'gyur ba lhan cig byed pa'i rgyu las cung zad kyang phan 'dogs par mi bltos te/ bskyed par bya ba ma yin pa'i phyir ro/ /de bas na gal te lhan cig byed pa'i rgyu de dag las shes pa phyi ma phyi ma 'byung ba yin na de dag kho na'i nus pa nyid yin gyi/
 bdag ni ma yin no zhes bstan pa yin no/ /de ltar na re zhig skye ba'i phyogs mi 'thad do/ /da ni gnas pa'i phyogs kyi dbang du mdzad nas/ 'on te 'dug pa zhig ces bya ba la sogs pa gsungs pa yin te/ 'dug pa ni rnam par shes pa rnams
 rab tu 'dug pa dang gnas pa zhes bya ba'i tha tshig go /de la rags las pa yin no zhes bya ba ni bdag la rag las pa yin no/ /skyes nas mi gnas pa dag ces bya ba ni skyes ma thag tu 'jig pa dag yin no/ /ltung ba ma yin pa dag la zhes bya ba ni lci ba
 ma yin pa'i phyir /ltung ba'i chos can ma yin pa dag la zhes bya ba'i tha tshig go /'dug pa ci zhig yod ces bya ba ni de lta bu'i rang bzhin de dag la/ 'dug pa med do? zhes bya ba'i tha tshig go/ de bas na zhe bya ba la soT ba ni med bar bsgrubs nas mjug sdud pa yin no/ /sbyor ba
 ni gang don byed ba'i nus pa dang bral ba de ni med pa yin te/ dper na dngos po med pa lta bu yin la/ bdag kyang don byed pa'i nus pa dang bral ba yin pas khyab par byed pa mi dmigs pa te/ 'di ltar yod pa nyid ni don byed
 pa'i nus pa khyab pa'i phyir ro/ /de bas na don byed pa'i nus pa log na /des khyad par bya ba yod pa nyid kyang log pa yin no/ /de ltar rigs pas med par bsgrubs nas lung gis kyang bsgrub pa'i phyir /chos thams cad ni zhes bya ba la
 sogs pa gsungs so/ /de lta na zhes bya ba ni nang na byed pa'i skyes bu bdag yod par rtogs na zhes bya ba'i tha tshig go /de bas na zhes bya ba la sogs pa ni mjug bsdu ba yin no/ /de ni gyi na'o/ /zhes bya ba ni gtan tshigs med pa dang/ rigs
 pa med pa can yin no zhes bya ba'i tha tshig go /de ci zhe na/ de'i phyir/ rang dbang can zhes bya ba la sogs pa gsungs so/ /de ltar gzhan gyi phyogs kyang rgya cher bsal te /rang gi phyogs kyang bsgrubs nas /de na sems pa'i zhes bya ba la sogs pas ni mjug sdud pa yin no/ /de ltar lus dang ngag gi /las mi 'dod na zhes pa la sogs pas ni gzhan dag mdo dang 'gal ba ston pa yin no/ /de ltar zhes bya ba ni ji ltar dang zer ba de ltar ro/ /las dag ni gsum ste zhes bya
 ba mdo'i tshig 'di ci de gsal bar nus sam zhe na zhes bya ba ni ma nus so zhes bya ba'i tha tshig go /mi nus te zhes bya ba la sogs pas ni slob dpon gyi lan gsungs pa yin no/ /ji ltar skyon med ce na zhes zer ba ni gzhan dag go /'dir
 las dag ni zhes bya ba la sogs pa gsungs pa ni slob dpon no/ /'di skad du re zhig bstan pa 'di ci'i phyir yin zhes bya ba la sogs pa 'di nyid thog ma kho nar brjod par bya ba la phyis ni lus la sogs pa'i las ji ltar bstan pa de
 lta bur dgongs pa 'byung ngo zhes bstan pa yin no/ /ci'i phyir yin bzhes bya ba ni dgongs pa ci zhig yod de /sangs rgyas bcom ldan 'das rnams kyi bstan pa ?? dgos pa med pa ma yin no/ /lus gang yin zhes bya ba ni lus kyi sgras ci zhig gsungs zhes
 bya ba'i tha tshig go /las ci yin zhes bya ba ni las kyis kyang ci zhig gsungs zhes bya ba'i tha tshig go /don gang gis zhes bya ba la sogs pa 'di ni sgra'i don gyi dbang du mdzad nas dri ba yin te/ rgyu gang gis na de la lus la soT pa'o sgra 'jug ces bya ba'i
 tha tshig go /de bzhin du zhes bya ba la sogs pas ni mtshan nyid mthun pa'i phyir/ las gnyis la yang rtsis mgos bsgre ba yin te/ de la yang dag 'di gang yin zhes bya ba la sogs pa dri bar bya'o/ zhes bya ba'i tha tshig go/ de bzhin du
 ci'i phyir zhes bya ba la sogs pa gzhan 'di yang brjod dgos so/ /mig la sogs pa'i las rnams ni 'dir lta ba la sogs par rig par bya'o/ /da ni re zhig bstan pa 'di ci'i phyir yin zhe na zhes bya ba la sogs pas dri ba re re'i lan
 gdab par mdzad do/ /las kyi lam bcu po dag ces pa ni srog gcod pa la sogs pa dang/ de dag spong ba rnams so/ /las gsum dag gis bsdus pa bstan pa'i phyir te zhes bya ba ni lus la sogs pa'i las rnams kyis bsdu ba rab tu
 bstan pa'i phyir te/ 'di ltar lus kyi las kyis bsdus pa ni gsum ste/ srog gcod pa dang/ ma byin par len pa dang/ 'dod pas log par g.yem pa rnams dang/ de spong ba rnams so/ /dag gi las kyis ni bzhi ste/ brdzun du smra ba dang/ phra ma
 dang tshig stsugs? ba po dang/ tshig kyal ba rnams dang/ de spong ba rnams so/ /yid kyi las kyis ni gsum ste/ brnab sems dang/ gnod sems dang/ log par lta ba rnams ?? de spong ba rnams bsdus so/ /gang zag ci 'dra ba dag la zhe na/ de'i phyir
 bya ba mang pos 'jigs pa rnams la zhes bya ba gsungs te/ srog gcod pa la sogs pa spangs pa'i mtshan nyid kyi bya ba ni bdag cag gis mang po zhig bya dgos so snyam du de ltar bsams nas gang dag bred
 pa de dag ni bya ba mang pos 'jigs pa rnams zhes bya'o/ /ci 'dra ba zhig tu bsdu ba rab tu bstan pa'i phyir bstan pa yin zhe na/ de'i phyir /bri rdzi'i bu la bslab pa gsum bstan pa bzhin no zhes bya ba gsungs te/ ji ltar bri rji'i bu zhes bya
 ba'i mi zhig bslab ba gzhi nyis brgya lnga bcu lhag cig thos nas spong ba khas mi 'che ba la bri rdzi'i bu khyod kyis nus sam zhes bya ba nas bri rdzi'i bu khyod kyis bslab pa gsum dag la legs par bslab par sbro 'am zhes rgya char
 gsungs so/ /gsol ba/ bcom ldan 'das sbro lags so/ /bde bar gshegs pa bsrung bar lags so zhes rgya cher gsol pa dang/ 'o na bri rdzi'i bu khyod kyis dus dus su lhag pa'i tshul khrims kyi bslab pa dang/ lhag pa'i sems dang/ lhag
 pa'i shes rab kyi bslab pa la slobs shig ces rgya cher gsungs te/ lhag pa'i tshul khrims la sogs pa bslab pa gsum bstan pa 'dis ni bslab pa'i gzhi nyis brgya lnga bcu lhag de nyid bslab pa gsum du bsdu ba mdzad nas
 bstan pa yin no/ /gzhan yang kha cig na re lus kho nas byas pa yin gyi zhes bya ba la sogs pa 'di'i phyir yang las gsum bstan pa yin no/ /kha cig na re zhes bya ba ni mu stegs byed pa kha cig go /rnam par rtog pa tsam yin pa'i
 phyir ro/ zhes bya ba ni kun tu rtogs pa tsam yin pa'i phyir te/ ngag dang yid kyi las gnyis ni kun du rtog pa tsam kho na yin te/ kha na ma tho ba chen po dang bcas pa ma yin par sems so zhe'o/ /de dag la zhes bya ba ni de skad ces zer
 bdag la'o/ /de gnyis kyang zhes bya ba ni lus dang ngag gi las gnyis so/ /bstan pa 'di ni de lta bu'i phyir yin no/ /zhes bsgrubs nas da ni lus kyi sgra'i brjod par bya ba bstan pa'i phyir/ lus ni zhes bya ba la sogs pa gsungs so/ /dbang po dang bcas pa'i
 khog ba zhes bya ba ni mdor bstan pa yin no/ /'byung ba dang 'byung ba las gyur pa 'dus pa'i khyad par zhes bya bas ni de nyid rgyas par bstan pa yin no/ /las ni zhes bya ba la sogs pas ni las kyi sgra'i brjod par bya ba bstan to/ /bsags
 pa'i don gyis zhes bya ba la sogs pa 'dis ni lus kyi sgra bsdus pa bstan to/ /ji ltar bsags pa'i don gyis she na/ de'i phyir/ 'byung ba dang zhes bya ba la sogs pa gsungs so/ /kha cig na re zhes bya ba ni smra ba kha cig go/ ngan pa bsags pa'i
 don gyis te zhes bya ba ni smad pa'i don gyis so/ /ji ltar smad pa yin zhe na/ de'i phyir/ mi gtsang ba'i zhes bya ba la sogs pa smos so/ /phyogs 'di glags dang bcas pa'i phyir slob dpon gyis de dag gi ltar na zhes bya ba la sogs pas
 sun 'byung ba gsungs te/ gang dag ngan pa'i don gyis lus yin par 'dod pa de dag gi ltar na lha'i lus ni lus su mi 'gyur te/ lus kyi phyi nang bcas pa yin du 'ong ba'i phyir ro/ /byed pa po'i zhes bya ba la sogs pas ni las kyi sgra
 sgrub pa yin no/ /lus g.yo bar byed pa'i zhes bya ba la sogs pas ni lus kyi las kyi sgra sgrub pa yin no/ /gal te lus g.yo bar byed pa yin na de ji ltar lus kyi las zhes bya ste/ de lta na lus g.yo bar byed pa'i las zhes de skad bya
 ?? ?? zhes bya ba'i phyogs snga mas dogs nas de'i phyir de'i gzhung gzugs pa'i phyir/ sems pa ni rnam pa gsum ste zhes bya ba la sogs pa gsungs te/ 'dis kyang re zhig sems pa kho na rnam par 'byed de/ lan ni phyis 'debs so/ /'gro
 bar byed pa zhes bya ba ni gang gis 'gro bar byed pa ste/ 'di dang 'dis 'gro bar byed do zhes sems pa gang yin pa'o/ /nges par byed pa zhes bya ba ni 'di dang 'di lta bu zhig ni bya'o/ /'di lta bu zhig ni mi bya'o zhes de ltar spyod
 pa'i rnam par zhugs pa'i phyir ro/ /g.yo bar byed pa zhes bya ba ni nges par byas nas dus phyis te bya ba'i tshe'i sems pa gang yin pa'o/ /de nyid gang gis zhes bya ba la sogs pas bstan to/ /'on skad cig pa yin pa'i phyir ji ltar des
 lus g.yo bar byed ce na/ de'i phyir de dang ldan pa'i rgyud ces byas pa la sogs pa gsungs te/ sems pa de dang 'brel ba'i rgyud gang yin pa de ni de dang ldan ba'i rgyud de gang yod na de skye ba'o/ /de dang ldan pa'i rgyu yul gzhan du
 'byung ba gang yin pa de'i rgyur gyur pa'i rlung gang yin pa de sgrub bas zhes bya ba'i tha tshig go /sems pa rnam par phye nas da ni de ni zhes bya ba la sogs pas ji ltar na lus g.yo bar byed pa'i las lus kyi las yin pa de lta bur
 ston to/ /bar gyi tshig mi mngon pa byas pa'i phyir zhes bya ba ni g.yo bar byed pa'i tshig mi mngon par byas pa'i phyir ro/ zhes bya ba'i tha tshig go/ sman pa la'i 'bru mar lta bu zhes bya ba ni sman pa la dang btsos pa'i 'bru mar la sman pa la'i 'bru mar zhes bar gyi tshig
 mi mngon bar byas pa'i phyir ro/ /sman pa ya'i tshig gis ni 'dir sman pa Tu la ka yin par rig par bya'o/ /rdul gyi rlung zhes bya ba bzhin no zhes bya ba ni rdul 'thul bar byed pa'i de ni rdul gyi rlung ngo/ /dpe sna tshogs pa smos pa ni
 don 'di gsal bar bya ba'i phyir ro/ /lus kyi las kyi sgra sgrub pa 'dis ni mdo'i tshig 'di ci de gsal par nus sam zhes bya ba la sogs pa sngar brtsad pa gang yin pa de'i lan btag par rag par bya ste/ sems pa'i khyad bar kho na la
 de lta bur brjod pa'i phyir ro/ /lan 'di ni phyi ma dag gi las la yang blta bar bya'o/ /sems pa'i khyad par kho na la lus la sogs pa'i las rnam par bzhag pa dang/ 'dir yang gzhan gyis 'gal bar bstan pa'i phyir/ las kyi lam rnams las zhes
 bya ba la sogs pa smras so/ /de skad ces bya bar 'gyur zhe na/ zhes bya ba ni srog gcod pa la sogs pa zhes bya bar ro/ /'di skad du las kyi lam rnams kyi nang nas srog gcod pa la soT pas lus kyis rnam pa gsum du rnam par phye la/ khyed kyi
 lugs kyis ni lus kyis las kyang sems pa la bya bas de'i phyir ji ltar na de la de ltar tha snyad gdags te/ des ni srog gcod pa dang/ ma byin par len pa dang/ 'dod pa bud med rnams la 'og par g.yem par mi byed kyi/ 'on kyang/
 lus kyi rnam par rig byed kyis de lta bur byed do zhes bstan pa yin no/ /des de zhes bya ba la sogs bas ni slob dpon gyis lan bstan pa yin te/ des zhes bya ba ni sems pa so des bskyed pa'i zhes bya ba la sogs pas ni tshig smos
 pa 'di nyid 'grel pa yin no/ /ji ltar zhes bya ba la sogs pa ni ji ltar chom rkun gyis sbar ba'i mes grong bsregs pa dang/ de bzhin du rtswa las byung ba'i mes 'bras chan tshos pa na chom rkun rnams kyis grong bsregs pa dang/ rtswa ba 'bras
 chan tshos zhes zer te/ 'dir yang de bzhin no zhes bya ba'i tha tshig go /ji ltar na zhes bya ba la sogs pa la/ 'dir gzhan gyi bsam pa ni gang gi ltar na srog gcod pa la sogs pa lus dang ngag gi las kyi rang bzhin yin pa'i phyir las
 sems pa zhes bya ba'i lam yin pas las kyi lam nyid du rigs kyi/ gang gi ltar na sems pa nyid lus la sogs pa'i las yin pa de'i ltar na las kyi lam du mi rigs so zhes bya ba 'di yin no/ /de ni las kyang yin la zhes bya ba la soD
 pas ni slob dpon gyis lan btab pa yin no/ /las kyang yin la zhes bya ba ni sems pa ni rang gi las kyi rang bzhin yin pa'i phyir ro/ /bde 'gro dang ngan 'gro gnyis kyis lam yang yin pas na zhes bya ba
 ni dge ba la sogs pa'i rang bzhin des bde 'gro dang ngan 'gror 'gro ba'i phyir ro/ /lus g.yo ba zhes bya ba la sogs pa 'dis ni sems pa las logs shig na las kyi lam gzhan zhig yod pa nyid du sgrub par byed de/ lus
 'gul bar snang ba'i shes pa ni 'dir lus g.yo ba yin no/ /de ni las kyi lam yin te/ las kyi lam ni las kyi lam yin pa'i phyir ro/ /ji ltar na de las kyi lam yin zhe na/ de'i phyir/ sems pa zhes bya ba'i lam rnam ba gsum ni zhes
 bya ba la sogs pa gsungs te/ de la brten nas 'jug pa'i phyir ro zhes bya ba ni lus g.yo ba la dmigs te 'jug pa'i phyir ro/ /de ni des kyang zhes bya ba la sogs pa 'di'i phyir yang las kyi lam yin te/ des kyang zhes bya ba ni
 sems kyis bskyod pas lus gso bas so/ /gzhan yang 'jig rten dag gi rjas su mthun par de ni zhes bya ba la sogs pas ni de ni las kyi lam zhes pa 'ba' zhig tu ma zad kyi 'on kyang lus kyi las zhes bya'o zhes bya ba'i tha tshig go
 ji ltar de lus kyi las zhes bya zhe na/ de'i phyir/ 'jig rten dag gi rjes su mthun par zhes bya ba gsungs te/ 'jig rten rnams la ji ltar snang ba dang bstun par yin gyi don dam par ni ma yin te/ sems pa'i khad par kho na la de skad ces
 brjod pa'i phyir ro/ /de la dge ba dang mi dge ba ni mod kyi zhes bya ba ni don dam par na sems pa'i khyid par kho na la dge ba dang mi dge ba la sogs ba yod pa'i phyir ri lus g.yo ba la ni de lta bu med do zhes bya ba'i tha tshig go/ /'dog par ni byed
 do zhes bya ba ni med mod kyi 'on kyang 'dog par ni byed do/ /ci'i phyir 'dogs she na/ de'i phyir/ de'i sgo nas zhes bya ba la sogs pa gsungs te/ de'i sgo nas zhes bya ba ni sems ba'i rten lus g.yo ba'i sgo nas zhes bya ba'i tha tshig go/ sems pa de la zhes bya ba ni
 lus g.yo ba dang 'brel ba'i sems pa dge ba la sogs pa la'o/ /'jig rten 'jug pa dang ldog par gzung pa'i phyir ro zhes bya ba ni dge ba rnams la ni 'jug par gzud pa'i phyir la/ mi dgre ba rnams la ni ldog par gzud pa'i phyir ro zhes bya ba'i tha tshig
 go/ gal te sems pa kho na las zhes bya ba la sogs pas ni gzhan dag mdo dang 'gal bar ston pa yin no/ /rnam pa gsum ni srog gcod pa la sogs pa'i khyad par gyis so/ /ched du bsams nas zhes bya ba ni tshed du bsams nas yin gyi/ bab chol
 la sogs bar ni ma yin pa'o/ /sdug bsngal 'byung ba zhes bya ba ni sdug bsngal gyi rgyur gyur pa'i phyir na sdug bsngal kun 'byung ba yin no/ /sdug bsngal gyi rnam par smin pa can zhes bya ba ni 'bras bu sdug bsngal yin pa'i phyir sdug bsngal gyi
 'bras bu can yin no/ /byas shing zhes bya ba ni kun du sbyang pa'o/ /bsags pa yin zhes bya ba ni rtas pa dang 'phel bar byas zhes bya ba'i tha tshig go/ mdo 'di las ni lus kyis zhes 'byung de dang 'gal lo/ /sgo zhes bya ba la sogs pa 'di ni
 slob dpon gyis lan btab pa yin te/ lus kyi sgo nas sems pa kho nas byas pa lus kyis byas ba zhes bya'o zhes bya ba'i tha tshig go/ sgo dang/ rten dang/ dmigs pa ni 'og ma 'og mas bshad pa'am/ rnam grangs su rig par bya'o/ /
 cis te gzhan dag gal te lus la sogs pa'i las kyang sems pa kho na yin na/ 'o na yid kyi las dang de khyad par ci yod snyam du sems su dogs nas/ de las gzhan pa'i zhes bya ba la sogs pa gsungs te/ lus g.yo ba la sogs pa la brten
 pa'i sems pa las gzhan pa gang yin pa ste/ gang zhig lus la sogs pa la dmigs par zhugs pa ma yin pa'o zhes bya ba'i tha tshig go/ ji ltar na de yid kyi las zhes bya zhe na/ de'i phyir/ yid dang mtshungs par ldan
 ba'i phyir zhes bya ba gsungs te/ yid tsam len dang mtshungs par ldan pa'i phyir ro zhes bya ba'i tha tshig go/ ji ltar na de tsam kho na mtshungs par ldan zhe na/ de'i phyir/ lus dang dag ces bya ba la sogs pa gsungs so/ /'o na zhes bya ba
 la sogs pas ni gzhan dag 'gal ba gzhan ston pa yin no/ /'o na ci ste bcom ldan 'das kyis zhes bya ba ni 'o na ci'i phyir zhes bya ba'i tha tshig ste/ bsam pa ni logs shig na las gzhan zhig med pa ma yin pa de'i ltar na sems
 pas lus dang ngag gi las kyi rang bzhin du byas pa'i phyir bsams pa'i zhes bya bar rigs kyis/ gang gi ltar na sems pa nyid lus la sogs pa'i las yin pa de'i ltar na sems par byed par mi rigs te/ da nyid kyis de byed pa
 ma yin no zhes bya ba 'di yin no/ /sngar sems po zhes bya ba la sogs pas ni slob dpon gyis lan btab pa yin no/ /sngar sems pa rnam pa gsum bshad pa zhes bya ba ni 'gro bar byed ba'i sems ba zhes bya ba la sogs pa'i dbye bas
 so/ /de las gnyis kyis ni zhes bya ba ni 'gro bar byed pa dang/ nges pa gnyis kyis so/ /gsum pas ni rab tu 'jug par byed pas zhes bya ba ni g.yo bar byed pas so/ /de ni zhes bya ba ni g.yo bar byed pa'i sems pa'o/ /de ltar lus
 la sogs pa'i las rgya cher rnam par phyed nas de ni ngag gi las rnams bshad par bzhed nas/ dag ni zhes bya ba la sogs pa gsungs so/ /dbyangs kyi khyad par gang gis don go bar byed pa'o zhes bya ba ni kye ma 'du byed rnams mi rtag ces
 bya ba la sogs pa'o/ /de slong bar byed pa zhes bya ba ni ngag slong bar byed ba'o/ /yi ge zhes bya ba la sogs pas ni ngag rnam pa gzhan du sgrub pa bstan to/ /yi ge'i rnam pa yin pa'i phyir zhes bya ba ni yi ge'i rang bzhin yin pa'i phyir des pa'i tshig
 gi tshul gyis dbyangs la dag ces bya'o 'dod pa'i don rjod par byed pas na zhes bya ba ni 'dod pa'i don te brjod par 'dod pa'i don gzhan la rjod par byed rab tu ston par byed pas so/ /'dir yang nges pa'i tshig gi tshul 'di kyis dbyangs
 la ngag ces bya'o/ /snga ma bzhin du zhes bya ba ni ji ltar lus kyi las bstan par byed pa po'i yid mdon par 'du byed pa ni las so zhes las bsgrubs pa de nyid 'dir yid lta bar bya'o zhes bya ba'i tha tshig go/ sa ma bzhin du bar gyi tshig mi
 mngon par byas pa'i phyir ro zhes bya ba ni ji ltar lus kyi las ni sman pa la'i 'bru mar lta bu dang rdul gyi rlung zhes bya ba bzhin te/ bar gyi tshig mi mngon par byas pa'i phyir ro zhes bsgrubs pa de bzhin du dag gi las la yang blta bar bya'o
 ngag gi las bye brag tu bsgrubs nas/ da ni yid kyi las sgrub par rnam par shes pa ni zhes bya ba la sogs pa gsungs so/ /rnam par shes pa ni yid de zhes bya ba ni rnam par shes pa la yid du rig par bya'o zhes bya ba'i tha tshig go/ ji ltar na
 rnam par shes pa la yid ces bya zhes na/ de'i phyir nga yir byas pa'i phyir zhes bya ba la sogs pa gsungs te/ da dang nga'i zhes nga yir byas pa'i phyir te/ rang gir byas pa'i phyir zhes bya ba'i tha tshig go/ skye ba gzhan dang zhes bya ba la sogs pa 'di'i
 phyir yang rnam par shes pa la yid du rig par bya'o/ /gzhol bar byed pa'i phyir bya ba ni 'bab par byed pa'i phyir te/ de ni sems dang mtshungs pa dang ldan par bya ba'i phyir lha la sogs pa'i ris mthun pa'i skye ba gzhan gzugs la sogs pa
 yul la 'jug par byed pas so/ /lhag ma ni sngar ji skad bstan pa bzhin no zhes bya ba la/ lhag ma ni las dang yid kyi las te/ de ni sngar bstan te/ 'di ltar byed pa po'i yid mngon par 'du byed pa ni las so zhes bya
 ba 'dis ni las bstan to/ /de bzhin du lus dang ngag rab tu 'jug par mi byed ba'i phyir yid dang mtshungs par ldan pa'i las ni yid kyi las zhes bya ba 'dis kyang mtshungs par ldan pa'i sgra mi mngon par byas pa'i phyir yid kyi las
 shes bstan pa yin no/ /gal te zhes bya ba la sogs pas ni gzhan dag rgol bar byed pa yin no/ /de la sems rnam par g.yengs pa dag ni sdom pa la sogs pa len pa'i sems las gzhan ba'i sems gang dag yin pa'o
 sems med pa dag ni sems yod pa ma yin pa'o/ /sems pa de med ma zhes bya ba ni lus dang ngag gi las kyi rang bzhin gyis sems pa med pa'o/ /sdom pa dang sdom pa ma yin pa gnyis ji ltar yod ce na zhes bya ba ni med pa kho na
 yin no zhes bya ba'i tha tshig go/ sems pa'i khyad par gyis zhes bya ba la sogs pas ni lan 'debs pa yin no/ /sems pa'i khyad par ni sems pa'i khyad par ro/ /de'i bag chags ni sems pa'i khyad par gyi bag chags so/ /de
 ma bcom pa ni sems pa'i khyad par gyi bag chags ma bcom pa ste de'i phyir ro/ /ci zhe na de'i phyir/ sdom pa dang sdom pa ma yin pa gnyis te/ yod par 'gyur ro zhes bya ba lhag ma'o/ /gal te na sems pa'i khyad par zhes bya ba la
 sogs ba'i tshig la ci'i phyir khyad par smos pa byas snyam du sems pas de'i phyir/ khyad par smos pa ni zhes bya ba la sogs pa gsungs te/ gang las zhes bya ba ni sems pa'i khyad par las so/ /sdom pa dang sdom pa ma yin pa'i rnam
 par rig byed ma yin pa kun nas ldad bar brtag pa'i zhes bya ba ni sdom pa dang sdom pa ma yin pa'i rang bzhin gyi rnam par rig byed ma yin pa gang yin pa de ni sdom pa dang sdom pa ma yin pa'i rnam par rig byed ma yin pa ste/ gang las de kun nas ldang zhing
 'byung bar brtags pa zhes bya ba'i tha tshig go /de'i bag chags bcom pa ci zhe na zhes bya ba 'dis ni gzhan dag bcom pa'i don 'di pa yin no/ /spong ba dang zhes bya ba la sogs pas ni slob dpon gyis ston pa yin no/ /ji ltar khas blangs
 pa zhes bya ba ni gang zhig nyin zhag gcig pa 'am ji srid 'tsho ba'i de lta bu khas len pa'o/ /spong ba dang spong ba ma yin pa'i sems pa zhes bya ba de la sdom pa nod pa'i sems pa ni spong ba'i sems pa'o/ /spong ba ma yin pa'i sems pa ni sdom pa
 ma yin pa nod pa'i sems pa'o/ /rgyu ma yin pa nyid do zhes bya ba ni ji ltar sdon bag chags de sems pa 'jug pa'i rgyu yin pa de ltar rgyu ma yin pa nyid do/ /ci zhe na/ de bcom pa yin no zhes bya bar sbyar ro/ /gang gis zhes bya ba la
 sogs pa ni gzhan bcom pa'i rgyu 'di 'dri ba yin no/ /sdom pa dang sdom pa ma yin pa zhes bya ba la sogs pas ni slob dpon gyis de'i rgyu ston pa yin no/ /sdom pa dang sdom pa ma yin pa ni sdom pa dang sdom pa ma yin pa dag go/ de
 gnyis gtong pa ni sdom pa dang sdom pa ma yin pa gtong ba'o/ /de'i rgyu ni sdom pa dang sdom pa ma yin pa gtong ba'i rgyu'o/ /de ni sdom pa dang sdom pa ma yin pa stong pa'i rgyu yang yin la/ rnam par rig byed kyang yin pas sdom pa dang
 sdom ba ma yin ba gtong ba'i rgyu rnam par rig byed do/ /de gang zhe na/ bslab pa gtong pa'i rnam par rig byed dang/ de kun du sbyod pa'i rnam par rig byed do/ /gtong ba'i rgyur gyur pa'i rnam par byed de kun nas slong bar byed pa'i sems pa gang
 yin pa ste/ nges bag chags nyams par byas pas so/ /de las gzhan pa'i gtong ba'i rgyus so zhes bya ba ni dge ba'i rtsa ba chad pa la sogs pa'o/ /sngar ci'i phyir lus la sogs pa'i las kho na zhes bya
 ba'i mig la sogs pa'i las rnams ni ma yin no zhes bstan pa gang yin pa de la/ lan ni mig la sogs pa'i zhes bya ba la sogs pa gsungs pa yin te/ 'dir rtsol ba tsam zhes bya ba ni dge pa la sogs pa mngon par
 'du byed pa zhes bya pa'i tha tshig go/ rtsol ba can gyis las ci yin zhe na zhes bya ba 'di smra ba ni gzhan ni/ byed ba po'i yid mngon par 'du byed pa gang yin ba'o/ /zhes bya ba'i gsungs pa ni slob dpon no byed pa ci yin
 zhe na zhes bya ba ni gzhan gyis skabs su mig la sogs pa'i byed ba 'dri ba yin no/ /so so'i nus pa yod pa'i zhes bya ba 'dis ni slob dpon gyis lan gsungs pa yin no/ /so so'i zhes bya ba ni mig la sogs pa re re'i 'o/ /nus pa zhes
 bya ba ni mig gi rnam par shes pa la sogs pa skyed par byed pa nyid do zhes bya ba tha tshig go/ de ltar rab tu byed pa rgya cher rdzogs pa byas nas bsod nams yod pa gang yin pa de sems can thams cad go 'phang bla na med pa thob par
 bya ba'i phyir slob dpon gyis/ las gsum zhes bya ba la sogs pa'i tshigs su bcad pas bsngo ba gsungs pa yin no/ /las gsum zhes bya ba ni lus la sogs pa'i las gsum mo/ /bcom ldan 'das kyis gsungs gang zhes bya
 ba ni bcom ldan 'das kyis bka' stsal pa'o/ /de ci zhe na/ de'i phyir ma bshad ces bya ba gsungs te/ rnam par ma phye ba'o/ /sus shes na/ phyi rol gyi don yod par smra ba rnams kyis so zhes bya ba tshig lhag ma'o/ /rnam gang gi ma
 bshad ce na/ de'i phyir tshul gang gis zhes bya ba la sogs pa gsungs te/ de dag gis rnal 'byor sbyod pa'i lugs kyi rjes su 'brad bu ji skad bshad pa'i tshul gang gis las gsum rab tu 'grub pa de ltar ma bshad pa zhes bya ba'i tha tshig go/
 rnal 'byor sbyod pa rnams kyi lugs 'di yang rang gi blos dbyad pa yin par go bar mi bya'o zhes kun bka' stsal ba'i zhes bya ba gsungs te/ tshul bshad ma thag pa de thams cad ni bcom ldan 'das kyis 'phags pa dgongs pa nges par 'grel pa
 dang/ lang kar gshegs pa la sogs pa'i mdo sde de dang de dag las rgya cher bka' stsal zhes bya ba'i tha tshig go/ /las grub 'di zhes bya ba la sogs pa ni bdag gis las grub pa 'di bshad par byas pa'i bsod nams gang yin pa des 'gro
 ba 'di sangs rgyas ba'i rnam par dag pa thob par gyur cig ces bya ba yin no/ /rnam par dag pa ni nyon mongs pa dang/ shes bya'i sgrib pa spangs pa'i khyad par las rnam pa gnyis so/ /bdag gis las grub bshad pas deng /gsod nams
 thob pa gang yin des/ /'gro ba blo gros bzang po la/ /yod ye g.yo ba med bar shog/ las grub pa'i rab tu byed pa'i 'grel pa/ slob dpon dpal na len+d+ra'i gtsug lag khang chen po na gnas pa'i dge slong blo bzang dang tshul gyis mdzad pa
 rdzogs so// //rgya gar gyi mkhan po bi shud+hha sd+hi dang/ lotsA ba dge slong rtsangs de ben+d+re rkshi tas bsgyur cing zhu chen gyi lo tsA ba bnde dpal brtsegs kyis zhus te gtan la phab ba// //