<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4354: sum cu pa'i bshad pa<br><table><tr><td>
<input type="button" onclick="location.href='tcompletep.php?id=N4354&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4354&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4354&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">chos kyi rin chen gyis dpal sa skya'i gtsug lag khang du bsgyur zhing legs par gtan la phag pa'o// //sum cu ba'i bshad pa bla brtan gyis mdzad pa'o/ /rgya gar skad du/ tri dwi ka pa ShaM/ bod skad du/ sum
 cu pa'i bshad pa/ /bam po dang po/ /'jam dpal gzhon nur gyur pa la phyag 'tshal lo/ /gang zag dang chos la bdag med pa ma rtogs pa dang log par rtogs pa rnams la gang zag dang chos la bdag med pa ma log par
 bstan pa'i phyir/ rnam bar rig pa'i rab tu byed ba sum cu ba brtsams so/ /de la gang zag dang chos la bdag med par bstan ba'ang nyon mongs ba dang shes bya'i sgrib ba spang ba'i phyir te/ 'di ltar 'dod chags la sogs
 pa nyon mongs ba rnams ni bdag lta ba las 'byung ngo/ /gang zag la bdag med bar khong du chud pa ni 'jig tshogs la lta ba'i gnyen po yin bas na de spangs na nyon mongs ba thams cad spong bar 'gyur ro/ /chos la bdag med ba yang shes
 bya'i sgrib pa'i gnyen po yin pas shes bya'i sgrib pa spong bar 'gyur ro/ /nyon mongs pa dang shes bya'i sgrib pa spang ba yang thar ba dang thams cad mkhyen ba thob bar bya ba'i phyir ro/ /nyon mongs pa rnams ni thar pa 'thob pa la sgrib bas de'i
 phyir de dag spangs na thar pa 'thob bar 'gyur ro/ /shes bya'i sgrib pa ni shes bya thams cad la ye shes 'jug ba'i bar du gcod bar gyur ba nyon mongs ba can ma yin ba'i mi shes ba ste/ de spangs na shes bya'i rnam pa thams cad
 kun la chags pa med ba dang/ thogs ba med ba'i ye shes 'jug ste/ de'i phyir thams cad mkhyen ba thob bar 'gyur ro/ /yang na chos dang gang zag la mngon bar zhen ba dag sems tsam du yang dag pa ji lta ba bzhin du rab tu mi
 shes te /de'i phyir chos dang gang zag bdag med bar bstan bas rnam par rig ba tsam 'bras bu dang bcas pa la mthar gyis 'jug par bya ba'i phyir rab tu byed pa 'di brtsams so/ /yang na rnam par shes ba bzhin du shes bya
 yang rdzas nyid du kha cig sems pa dang/ gzhan dag shes bya bzhin du rnam bar shes ba yang kun rdzob nyid du yod kyi don dam par ni med do snyam du sems pa mdza' gcig tu smra ba 'di rnam gnyis dgag pa'i phyir rab tu byed ba 'di
 rnams so/ /bdag dang chos su nyer 'dogs pa/ /sna tshogs dag ni gang byung ba/ /'jig rten pa dang bstan bcos la'o zhes bya ba ni tshig /gi lhag ma'o/ /de ni rnam par shes par gyur/ /bdag dang chos su nyer 'dogs pa zhes bya ba dang
 sbyar ro/ /bdag dang chos su nye bar 'dogs bas/ bdag dang chos su nye bar 'dogs ba ste/ de yang bdag tu btags pa dang/ chos su btags pa'o/ /sna tshogs zhes bya ba ni rnam ba du ma ste/ bdag dang srog dang/ / skye ba po dang/
 shed las skyes ba dang/ shed bu dang/ de dag la sogs pa dag ni bdag tu nye bar 'dogs pa'o/ /phung po dang/ khams dang/ skye mched rnams dang/ gzugs dang/ tshor ba dang/ 'du shes dang/ 'du byed dang/ rnam bar shes pa dang/
 de dag la sogs pa dag ni chos su nye bar 'dogs pa 'di rnaMs gnyis ni rnaM par sheS ba gyur pa nyid de/ bdag gam chos rnams dngos po la nye bar 'dogs pa ni ma yin no zhes bya ba de ji lta bu zhe na chos rnams dang/ bdag ni rnam
 par shes par gyur pa las phyi rol na med pa'i phyir ro/ /gyur ces bya ba de gang zhe na/ gzhan du gyur pa ste/ rgyu'i skad cig 'gag ba dang/ dus mnyam du rgyu'i skad cig dang mi 'dra ba 'bras bu'i bdag nyid thob pa ni gyur pa'o/ /de la bdag
 la sogs par rnam bar rtog pa'i bag chags yongs su rtas shing gzugs la sogs pa rnam par rtog ba'i bag chags yongs su rnas na kun gzhi rnam par shes pa la sogs par snang ba dang/ gzugs la sogs par snang ba'i rnam par rtog
 pa 'byung ngo/ /de la bdag la sogs pa snang ba dang/ gzugs la sogs par snang ba yang phyi rol gyi bdag dang/ chos rnams med par rtog pa de las phyi rol du gyur pa lta bu rgyur byas nas/ bdag la sogs pa nye bar 'dogs pa dang /gzuD
 la sogs pa chos su nye bar 'dogs pa thog ma med pa'i dus nas 'jug ste/ dper na rab rib can gyis skra bshad 'dzings ba la sogs pa mthong ba bzhin no/ /nye bar 'dogs pa zhes bya ba ni gang la gang med
 pa de la de nye bar 'dogs te/ dper na mi blun po la ba lang zhes bya ba lta bu'o/ /de ltar na rnam par shes pa'i rang gi ngo bo dang/ phyi rol na yang bdag dang chos rnams med bas bdag dang chos rnams kun tu brtags ba nyid de/ don
 dam par yod pa ma yin pas shes bya yang rnam bar shes pa bzhin du rdzas nyid do zhes mdza' gcig tu smrwa? ba 'di khas mi blang ngo/ /nye bar 'dogs ba ni gzhi med bar mi srid bas gang la bdag dang chos su nye bar 'dogs ba 'byung
 ba'i rnam par shes pa gyur ba dngos po yod bar nges par khas blang ngo/ /de bas na rnam par shes pa yang shes bya bzhin du kun rdzob nyid de/ don dam bar med do zhes khaslan pa des rigs pa mi bzod de/ kun rdzob tu yang dngos
 po med par 'gyur ba'i phyir ro/ /rten med na kun rdzob du mi rung ste/ de bas na mdza' gcig tu smra ba rnam pa 'di gnyi ga yang mi rigs ba'i phyir gtang ngo zhes slob dpon gyi tshig go /de ltar na shes bya thams cad kun brtags pa'i
 ngo bo nyid yin bas dngos po med do/ /rnam par shes pa ni rten cing 'brel bar 'byung bar rdzas su yong bar khas blang ngo/ /rnam par shes pa rten cing 'brel bar 'byung ba ni gyur pa'i sgras bstan pa'o/ /phyi rol gyi ngon med par rnam
 bar shes pa nyid don gyi rnam par 'byung ba 'di ji ltar shes pa rung zhe na/ phyi rol gyi don bdag snang ba'i rnam par shes pa bskyed ba'i phyir rnam par shes pa'i dmigs pa'i rgyan du 'dod kyi byed rgyu tsam du 'dod pa ni ma yin te/ de ma thag
 pa'i rkyen la sogs pa dang bye brag med bar 'gyur ba'i phyir ro/ /rnam par shes pa'i tshogs lnga po dag ni bsags pa la dmigs pa ste/ de'i rnam pa dang 'dra ba'i phyir ro/ /bsags pa ni cha shas 'dus pa tsam las gud na med de/ cha
 shas de dge btsal nas bsags pa'i rnam pa'i rnam bar shes pa med pa'i phyir ro/ /de bas na phyi rol gyi don med bar rnaM par shes pa bsags pa'i rnam bar 'byung ngo/ /rdul phra rab bsags pa'i bdag nyid ni rdul phra rab dag ni de'i rnam
 pa ma yin pa'i phyir ro/ /rdul phra rab rnams ma bsags pa'i dus las bsags pa'i dus na yang rang bzhin bye brag 'gyur pa ci yang med de/ de bas na rdul phra rab rnams mi bsags pa bzhin du bsags pa yang dmigs par mi
 rung ngo/ /gzhan dag rdul phra rab re re gzhan la mi bltos ba ni dbang bos mi rtogs kyi dbang po phan tshun bltos pa ni dbang pos bzung ba'o snyam du sems pa de dag gi bltos ba dad ma ltos pa'i dus na rang bzhin bye brag du gur ba med
 bas dbang pos bzung pa'am/ dbang pos mi rtog pa gcig tu 'gyur ro/ /gal te phan tshun bltos pa'i rdul phra rab nyid rnam bar shes pa'i yul du gyur du zin na ni/ de lta ba bum ba dang rtsig ba la sogs pa'i rnam pa tha dad pa gang yin
 pa de rnam par shes ba la 'byung ba mi 'gyur ro/ /rdul phra rab dag de'i rnam pa ma yin pa'i phyir ro/ /rnam bar shes pa la snang ba yang gzhan la yul yang rnam pa gzhan du ni ha cang thal bar 'gyur bas mi rigs so/ /rdul phra rab
 dag kyang tshu rol dang pha rol dang dbus kyi cha yod bas ka ba la sogs ba bzhin du don dam par yod pa ma yin no/ /de ni mi lan ni rdul phra rab la shar dang/ lho dang/ nub dang/ byang la sogs ba'i phyogs tha dad pa med bar 'gyur ro/ /de'i
 phyir rnam par shes pa bzhin du rdul phra rab kyang dbus med pa dang/ yul na mi gnas bar 'gyur ro/ /de lta na 'o na phyi rol gyi don med ba'i phyir rnam par shes pa nyid don gyi rnam bar 'byung ste/ rmi lam gyi
 rnam par shes ba dang mtshungs par khas blang ngo/ /tshor ba la sogs pa dag kyang 'das pa dang ma 'ongs ba ni de'i rnam ba'i rnam par shes pa bskyed ba ma yin te/ 'gag ba dang ma skyed ba'i phyir ro/ /da ltar gyi dag kyang de ltar gyi rna?
 par shes bskyed ba ma yin te/ skye ba'i tshe na ni med pa'i phyir ro/ /skyes ba'i tshe na ni rnam par shes ba yang de'i rnam par skyes ba'i phyir bya ba cung zad kyang med bas yid kyi rnam bar shes ba yang dmigs pa med ba nyid du skye'o/ /
 gzhan dag na re bdag dang chos dmigs su med na nye bar 'dogs par ma rung ste/ nye bar 'dogs bar ni gsum yod na 'gyur gyi/ gang yang rung ba zhig med na mi 'gyur te/ don gyi dngos dang/ de dang 'dra ba'i yul gzhan dang/ de
 gnyig dang 'dra ste/ dper na don gyi dngos med dang/ de dang 'dra ba bram ze'i khye'u dang/ de gnyis ka'i mthun mong gi chos ser ba nyid dang rno ba nyid yod na bram ze'i khye'u la me nye bar 'dogs bar byed pa lta bu'o zhes zer ro/ /'di la
 bram ze'i khye'u la me nye bar 'dogs ba ni ris sam rdzas shi nye bar 'dogs grang na/ nye bar 'dogs ba gnyi ga yang med do/ /de la re zhig mthun mong gi chos ser ba nyid dam rno ba nyid ni me'i rigs kyi ma yin no/ /thun mong
 gi chos med par bram ze'i khye'u la nye bar gdags su mi rung ste/ ha cang thal bar 'gyur ro/ /rigs chos de gnyis dang ldan ba ma yin yang rno ba nyid dang ser ba nyid rigs med bar mi 'byung ba'i phyir bram ze'i khye'u la rigs nye
 bar 'dogs par 'gyur ro zhe na/ rigs med par yang rno ba nyid dang ser ba nyid bram ze'i khye'u la mthong ba'i phyir med par mi 'byung ba yang rigs pa ma yin no/ /med par mi 'byung ba ni nye bar 'dogs pa la med de/ mi bzhin du bram ze'i khye'u la rigs
 yod pa'i phyir ro/ /de las na bram ze'i khye'i la rigs nye bar gdags su mi rung ngo/ /rdzas su nye bar gdags su mi rung ste/ spyi'i chos med ba'i phyir ro/ /me'i yon tan rno ba'am ser ba gang yin ba de nyid bram ze'i khye'u la med do/ /de ci'i phyir zhe na /de de
 las gzhan te/ bye brag ni dang gi gnas dang 'brel ba'i phyir ro/ /me'i yon tan med par bram ze'i khye'u la me nye bar gdags pa ni mi rigs so/ /gal te me'i yin tan nang 'dre bas rigs so zhe na/ de lta na yang 'dra ba'i phyir me'i yon tan rno ba nyid dang ser
 ba nyid bram ze'i khye'u'i yon tan rno ba nyid dang ser ba nyid la nye bar gdags su ni rung ste /yon tan 'dra bas bram ze'i khye'u la me nye bar gdags su ni mi rung ste/ me ni yon tan gyi 'dra ba dang 'bras ba med pa'i phyir ro/ /de lta bas na rdzas nye bar gdags
 su yang mi rung ngo/ /don gyi dngos yang med de/ de'i rang gi ngo bo ni shes pa dang brjod pa thams cad kyi yul las 'dras pa'i phyir ro/ /gtso bo la shes pa dang brjod ba yon tan gyis 'jug bar zad de/ de'i rang gi ngo bo la ni mi rig go /gzhan du ma
 yon tan don med bar 'gyur ro/ /shes pa dang brjod pa ma gtogs par don gyi dngos kyi rang gi ngo bo yongs su gcod ba'i thabs gzhan med bas de'i phyir gtso bo'i rang gi ngo bo'i yul la shes ba dang brjod ba med bas don gyi dngos po med
 bar khong du chud bar bya'o/ /de bzhin du sgra'i bar du 'brel ba med bas shes pa dang brjod pa gang yang med do/ /de ltar na brjod ba dang brjod par bya ba med pas don gyi dngos po med do/ /yang 'di dag
 thams cad ni btags pa nyid de dngos ni med do/ /btags pa zhes bya ba ni gang na gang med ba'i tshul gyis 'jug ba ste/ sgra thams cad kyang gtso bo la med par btags pa'i ngo bos 'jug go /de bas na dngos
 po med ba nyid de/ de la bdag dang chos su med na nye bar 'dogs pa mi rigs so zhes smras pa gang yin pa de mi rigs so/ /rnam par shes pa gyur pa rab tu dbye ba du yod pa mi shes te /de bas na de'i dbye ba rab tu bstan pa'i phyir/
 gyur pa de yang rnam gsum ste/ zhes bya ba smras so/ /gang la bdag nye bar 'dogs pa dang/ chos nye bar 'dogs pa de yang rgyu'i dngos po dang 'bras bu'i dngos po tha dad pa'o/ /de la rgyur gyur pa ni kun gzhi rnam par shes pa la
 rnam bar smin pa pa dang rgyu mthun pa'i bag cags rgyas pa gang yin pa'o/ /'bras bur gyur pa ni sngon gyi las kyi 'phangs pa yongs su rdzogs la/ rnam par smin pa'i bag chags 'byung ba rnyed nas res mthun pa gzhan dag tu kun
 gzhi rnam par shes pa mngon par 'grub pa gang yin pa dang/ rgyu mthun pa'i bag chags 'byung ba rnyed nas 'jug ba'i rnam par shes pa dang nyon mongs pa can gyi yid kun gzhi rnam par shes pa las mngon par 'grub pa gang yin
 pa'o/ /de la 'jug pa'i rnam bar shes pa dge ba dang mi dge ba ni kun gzhi rnam par shes pa la rnam bar smin pa'i bag chags dang rgyu mthun pa'i bag chags skyed do/ /lung du ma bstan pa dang/ nyon mongs ba can gyi yid ni rgyu
 mthun ba'i bag chags nyid skyed do/ gyur ba rnam pa gsum bshad pa gang yin pa de yang mi shes nas/ de bas na de'i rab tu dbye ba bstan ba'i phyir/ rnam par smin dang sems dang/ /yul la rnam par rigs ba'o zhes pa smos pa/
 gyur pa rnam ba gsum po de dag ni rnam par smin pa zhes bya ba dang/ bar sems ba zhes bya ba dang/ yul la rnam bar rig ba zhes bya ba'o/ /de la las dge ba dang mi dge ba'i bag chags yongs su smin pa'i dbang gis ji ltar 'phangs ba'i 'bras bu mngon par 'grub ba ni rnam
 bar smin pa'o/ /nyon mongs ba can gyi yid ni rtag tu ngar sems pa'i bdag nyid yin bas dang sems pa'o/ /gzugs la sogs ba yul so sor snang bas mig la sogs ba'i rnam par shes ba rnam pa drug ni yul la rnam par rig par bya'o/ /de'i rang gi ngo bo
 bshad ba med bar de mi rtogs bas de bas na rang gi ngo bo gang yin ba de rim ba bzhin du rab tu bstan ba'i phyir/ de la kun gzhi rnam shes ni/ /rnam smin sa bon thams cad pa zhes bya ba smos so/ /de la zhes bya ba ni gang gyur ba rnam ba rnam ba gsum bshad ma thag pa la
 bya'o/ /kun gzhi zhes bya ba ni kun gzhi rnam bar shes pa la bya'o/ /rnam par shes pa gang yin pa de rnam bar smin par gyur pa'o/ /de kun nas nyon mongs pa'i chos thams cad kyi sa bon gyi gnas yin bas kun gzhi ste/ kun gzhi dang rten ces bya ba
 ni rnam grangs su gtogs ba'o/ /yang na de la chos thams cad 'bras bu'i dngos por 'jug cing 'brel ba'am de chos thams cad la rgyu'i dngos bor 'jug cing 'brel bas kun gzhi'o/ /rnam bar shes pa byed?
 bas rnam par shes pa'o/ /khams dang/ 'gro ba dang/ skye gnas dang rigs thams cad du las dge ba dang / mi dge ba'i rnam par smin bas ranm bar shes
 pa'o/ / chos thams cad kyi sa bon gyi gnas yin bas sa bon thams cad pa'o/ /gal te 'jug pa'i rnam bar shes ba las gung na kun gzhi rnam par shes pa yod na go ba de'i phyir dmigs pa dang rnam pa yang brjod dgos te/ dmigs ba med pa dang rnaM par?
 med ba'i rnam par shes pa ni mi rung ngo/ /de dmigs pa med pa dang rnam ba med par ni mi 'dod mod kyi/ 'on kyang dmigs pa dang rnam pa yongs su ma chad pa'o/ /ci'i phyir zhe na/ 'di ltar kun gzhi rnam
 par shes ba ni nang gi nye bar len ba'i rnam par rig pa dang/ phyi rol gyi rnam pa yongs su mchad ba snod kyi rnam par rig pa dang rnam gnyis su 'byung ste/ de la nang gi nye bar len pa ni kun btags pa'i ngo bo nyid la mngon par zhe na
 ba'i bag chags dang/ gnas dang bcas pa'i dbang po'i gzugs dang ming ste/ de'i dmigs pa shin du phra ba'i phyir ro/ /de'i len pa dag dang gnas/ /rnam pa rig ba mi rigs te/ gang la len ba mi rigs ba dang/ gnas kyi
 rnam par rig ba mi rigs ba yod ba'i phyir kun gzhi rnam bar shes pa de len pa dang gnas kyi rnam ba rig pa mi rig pa'o/ /de la len ba ni len par byed ba'o/ /de yang bdag la sogs bar rnam par rtog pa'i bag chags dang/
 gzugs la sogs pa'i chos su rnam par rtog pa'i bag chags so/ /de yod ba'i phyir kun gzhi rnam par shes pas bdag la sogs pa rnam bar rtog pa dang/ gzugs la sogs pa rnam par rtog pa 'bras bur len pas bdag la
 sogs par rnam par rtog pa dang/ gzugs la sogs par rnam par rtog pa'i bag chags de ni len pa zhes bya ste/ de ni 'di la 'di'o zhes tshor ba'i rnam bar mi rigs bas de'i phyir de ni len ba mi rig ba zhes bya'o/ /yang na gnas nye
 bar len pas len pa'o/ /gnas ni lus so/ /de yang gnas dang bcas pa'i dbang po'i gzugs dang ming ngo/ /de'i nye bar len ba gang yin pa de ni nye bar 'gro ba ste/ de grub pa dang bde ba gcig pas len pa'o/ /de la 'dod pa dang/
 gzugs kyi khams na ni gnyi ga len to/ /gzugs kyi 'dod chags dang bral bas gzugs med pa'i khams na ni/ gzugs su rnam bar smin ba mngon par mi 'grub bas ming bzhi len pa nyid de/ 'on kyang de ni gzugs bag chags
 kyi dus nyid de/ rnam par smin pa'i dus ni ma yin no/ /len pa de la 'di'o zhes rig bar mi nus pas de'i phyir mi rig ba zhes bya ba'o/ /gnas kyi rnam par rig ba ni snod gyi 'jig rten gnas par rnam par rig pa ste/ de yang
 dmigs pa dang rnam pa yongs su ma chad pa 'byung bas mi rigs pa zhes bya'o/ /ji ltar na rnam par shes pa dmigs pa dang rnam par yongs su ma chad par 'gyur zhe na/ 'di ni rnam par shes bar smra ba gzhan dag gi 'gog pa'i
 snyoms par 'jug pa la sogs ba'i dus dang mtshungs so/ /'gog pa la sogs pa'i dus na rnam par shes pa med bar rtog par yang mi nus te/ rigs pa dang 'gal ba'i phyir ro/ /de la kun gzhi rnam shes ni zhes smos pas rnam
 par shes pa ni nges par sems las byung ba rnams dang mtshungs par ldan par de'i phyir sems las byung ba gang dag yin pa dang/ du zhig dang mtshungs par ldan ba yang bshad dgos la/ de bzhin du ci sems las byung ba de dag dang
 rtag tu mtshung par ldan nam/ 'on te ma yin zhe na/ de'i phyir/ rtag tu reg dang yid byed dang/ /reg dang 'du shes sems par ldan zhes bya ba smos so/ /rtag tu zhes bya ba ni kun gzhi rnam par shes pa ji srid pa de srid du reg ba dang
 yid la byed pa dang/ tshor ba dang/ 'du shes dang/ sems pa zhes bya ba kun du 'go ba'i chos lnga bo 'di dag dang ldan no/ /reg pa ni tshor ba'o/ /de la reg pa ni gsum 'dus nas dbang po'i 'gyur ba yongs su gcod pa ste/ tshor bar
 brten byed pa'i las can no/ /dbang po dang/ yul dang/ rnam par shes ba gsum nyid gsum mo/ /de'i rgyu dang 'bras bu'i dngos bor dus mnyam du gnas pa ni gsum 'dus pa'o/ /de yod na dang dus mnyam
 pa nyid na bde ba la sogs pa'i tshor ba dang 'thun pa dbang po'i 'gyur ba gang yin pa de dang 'dra ba bde ba la sogs pa myong bar 'gyur ba'i yul gyi rnam pa yongs su gcod pa gang yin ba de reg pa'o/ /dbang po yang bye brag gang gis bde
 ba dang sdug bsngal la sogs pa'i rgyu nyid du 'gyur ba de ni de'i 'gyur ba'o/ /reg pa yang dbang bo'i 'gyur ba dang 'dra bas dbang po'i rig pa 'am/ dbang bo'i reg bas reg ba zhes bya'o/ /de'i phyir yul gyi 'gyur ba yongs su gcod
 pa'i bdag nyid yin tu zin kyang dbang po'i 'gyur ba yongs su gcod pa zhes bshad do/ /'di'i las ni tshor ba'i rten te/ de skad du mdo las kyang/ /bde ba myong bar 'gyur ba'i reg pa la brten nas/ bde ba'i tshor ba 'byung ngo zhes rgya
 cher gsungs so/ /yid la byed pa ni sems kyi 'jug pa'o/ /'jug par byed pas 'jug pa ste/ dmigs pa la gang gis sems mngon du phyogs par byed pa'o/ /de ni dmigs pa la sems 'dzin pa'i las can te/ sems 'dzin pa ni
 dmigs ba de nyid la sems yang dang yang du gtong pa'o/ /las de yang sems kyi rgyun gyi dmigs pa nges par yid la byed pa bye brag can gyi dbang du byas nas bshad kyi/ de sems kyi skad cig re re la ni ma yin no/ /de ni skad cig re re nyid
 la las byed ba yin gyi/ skad cig gzhan la ni ma yin no/ /tshor ba ni myong ba'i rang bzhin no/ /de yang yul sim bar byed pa dang gdung bar byed pa dang/ de gnyi ga'i rnam pa las dben ba'i rang gi ngo bo mngon du byed pa'i bye brag gis rnaM pa
 gsum du 'gyur te/ bde ba dang/ sdug bsngal dang/ sdug bsngal ba yang ma yin pa'o/ /'di snyam du sems te/ las dge ba dang/ mi dge ba rnams kyi 'bras bu rnam par smin pa 'dis myong bar byed bas myong ba ste/ de la bde ba myong ba ni las dge
 ba rnams kyi 'bras bu rnam par smin pa'o/ /sdug bsngal myong ba ni las mi dge ba rnams kyi 'bras bu rnam par smin pa'o/ /sdug bsngal yang ma yin bde ba yang ma yin pa myong ba ni las dge mi dge gnyi ga'i 'bras bu rnam par smin pa'o
 snyam du sems so/ /'dir kun gzhi rnam par shes pa nyid las dge ba dag/ mi dge ba'i rnam par smin ba ste/ don dam par na de dang mtshungs par ldan pa'i btang snyoms nyid las dge ba dang/ mi dge ba rnams kyi 'bras bu rnam par smin
 pa'o/ /bde ba dang sdug bsngal ni las dge ba dang/ mi dge ba'i rnaM par smin pa las byung ba'i phyir rnam par smin ba zhes nye bar 'dogs so/ /de la bde ba myong ba ni gang byung na 'bral bar mi 'dod pa dang/ 'gags na slar phrad par 'dod
 pa skye'o/ /sdug bsngal myong pa ni gang byung na bral bar 'dod ba dang/ 'gags na slar phrad par mi 'dod pa'o/ /sdug bsngal gang ma yin bde ba yang ma yin pa myong ba ni gang byung ngam 'gag kyang rung gnyi ga mi skye ba'o/ /'du shes ni yul la mtshan mar
 'dzin pa'o/ /yul ni dmigs pa'o/ /mtshan ma ni de'i bye brag sngon po dang/ ser po la sogs pa dmigs ba rnam bzhag pa'i rgyu'o/ /de la 'dzin pa ni 'di sngon po nyid yin gyi ser po ni ma yin no zhes rtog pa'o/ /sems pa ni sems
 mngon par 'du byed pa yid g.yo bar byed pa ste/ gang yod na khab long gi dbang gis lcags g.yo ba bzhin du dmigs pa la sems g.yo bar byed pa'o/ /tshor ba ni rnam ba gsum ste/ bde ba dang sdug bsngal ba dang/ sdug bsngal yang ma
 yin bde ba yang ma yin pa'o/ /chos kyang rnam pa bzhi ste/ dge ba dang/ mi dge ba dang/ bsgribs pa'i lung du ma bstan pa dang/ ma bsgribs pa'i lung dum bstam pa yin no/ /de la kun gzhi rnam par shes pa
 la tshor ba spyir bshad pas tshor ba rnam pa gsum la tshor ba gang yin pa mi shes la/ de bzhin du de yang ci dag pa 'am/ mi dge ba'am/ bsgribs la lung ma bstan pa'am/ ma bsgribs la lung du ma bstan pa gang yin pa gtol med
 pas de'i phyir/ de la tshor ba btang snyoms te/ de ni ma bsgribs lung ma bstan ces bya bas smos so/ /de la zhes bya ba ni kun gzhi rnam bar shes pa nyid kyi skabs yin pas der bsnyegs so/ /kun gzhi rnam par shes pa la tshor
 ba btang snyoms nyid yin gyis bde ba yang ma yin sdug bsngal ba yang ma yin te/ de gnyis kyi dmigs pa dang rnam pa yongs su chad pa'i phyir ro/ /de ni ma bsgribs lung ma bstan ces bya ba yang kun gzhi rnam par shes pa la bsnyeD
 so/ /de la ma bsgribs pa smos ba ni bsgribs pa'i lung du ma bstan pa rnam par bcad pa'i phyir ro/ /lung du ma bstan pa smos ba ni dge ba dang/ mi dge ba rnam par gcad pa'i phyir ro/ /yid kyis pa'i nye ba'i nyon mongs pa glo bur ba rnams
 kyis ma bsgribs pa'i phyir ma bsgribs pa'o/ /rnam par smin pa yin pas rnam par smin par gyur pa ni dge ba dang ming sge dang lung bstan du med bas lung du ma bstan pa'o/ /reg la sogs pa yang de bzhin no/ /ji ltar kun gzhi rnam bar
 shes pa gcig tu rnam par smin pa dang/ dmigs pa rnam pa yongs su mchad pa dang/ rtag tu reg pa la sogs pa dang/ /ldan pa dang/ de la tshor ba btang bsnyoms nyid dang/ ma bsgrib la lung du ma bstan
 pa de bzhin du reg pa la sogs pa yang gcig tu rnam par smin pa nyid dang/ dmigs pa dang rnam pa yongs su mchad ba dang/ bdag ma gtogs par gzhan bzhi dang/ kun gzhi rnam par shes pa dang rtag tu ldan no/ /de dag las tshor ba btang
 snyoms nyid dang/ ma bsgribs la lung du ma bstan pa yang kun gzhi rnam par shes pa bzhin te/ rnam par smin pa dang mtshungs par ldan pa rnams rnam par smin ba ma yin ba dang/ dmigs pa dang rnam la yongs su mchid pa yang dmigs pa
 dang/ rnam pa yongs su tshad mi srid de?/ gzhan du yang de bzhin du brjod par bya'o/ /ci kun gzhi rnam par shes pa ji srid 'khor gyi ba du tha dad pa med par 'jug pa zhig gam/ 'on te rgyan gyi 'jug ce na/ de gcig du tha dad med par
 'jug pa ma yin te skad cig pa'i phyir ro/ /'on kyang de ni rgyan 'bab chu bo bzhin/ de ni zhes bya ba ni kun gzhi rnam par shes pa nyid dang sbyar ro/ /de la rgyu ni rgyu dang 'bras bu bar chad med par rgyan tu 'byung ba'o/ /chu'i tshogs kyi snga
 phyi'i chu rgyun mi 'chad par 'bab pa ni chu bo zhes bya'o/ /ji ltar chu ba rtsa dang shing lci ba la sogs pa de der cing 'bab pa de bzhin du kun gzhi rnam par shes bsod nams dang bsod nams ma yin ba dang/ mi g.yo ba'i las kyi bag
 chags dang ldan pa yang reg pa dang yid la byed ba la sogs pa bsdus nas ji srid 'khor gyi bar du rgyun mi 'chad par rgyun tu 'byung ngo/ /de ltar rgyun tu 'gyur ba de snang gi tshe na ltog par 'gyur snyam pa la/ dgra bcom pa nyid na de ldog go
 zhes bya ba smos so/ /dgra bcom pa nyid ces bya ba yang reg pa dang yid la byed ba la sogs pa bsdus nas ji srid 'khor gyi bar ci dang ldan na dgra bcom pa la bya zhe na/ zad pa shes pa dang/ mi skye ba shes ba thob pa'i phyir ro/ /de'i tshe
 kun gzhi rnam par shes pa la gnas ngan len ma lus bar spangs pa'i phyir/ kun gzhi rnam par shes pa ldog par 'gyur te/ de nyid kyi dus na dgra bcom pa'o/ /rnam par smin par gyur pa rnam
 par dbye ba dang bcas pa bshad zin to/ /da ni rang sems pa zhes bya bar gyur ba gnyis ba ste/ de la gnas te rang 'byung zhes rgya cher smos pa'o/ /ji ltar mig la sogs pa'i rnam par shes pa rnams kyi gnas mig la sogs
 pa dang/ gzugs la sogs pa ni dmigs par grags pa de bzhin du nyon mongs pa can gyi yid kyi gnas dang dmigs pa ma grags te/ rnam pa gnas dang dmigs pa la mi ltos pa ni mi rung bas de'i phyir nyon
 mongs pa can gyi yid kyi gnas dang dmigs pa bstan pa dang/ nges pa'i tshig bstan pa'i phyir/ de la gnas te rab 'byung zhing/ /de la dmigs pa yid ces bya/ /rnam shes dar sems bdag nyid can zhes bya ba smos so//
 de la gnas te rab tu 'byung zhes bya ba la/ de la zhes bya ba'i sgra ni kun gzhi rnam par shes pa nyid la sbyar ro/ /kun gzhi rnam par shes ba ni de'i bag chags kyi gnas yin te/ de bas na de la gnas bcas nas 'byung
 ste/ rgyun gyis skye zhes bya ba'i tha tshig go /yang na khams sam gang du kun gzhi rnam par sheS par rni? par smin pa thob bar nyon mongs pa can gyi yid de yang khams de dang sa de'i yin te/ de kun ga'i de la rag lus bas
 'jug pa'i phyir de la gnas te 'byung ba'o/ /de la dmigs pa zhes bya ba ni kun gzhi rnam par shes pa nyid la dmigs pa ste/ 'jig tshogs la lta ba la sogs pa dang mtshungs par ldan pas kun gzhi rnam par shes pa
 la nga dang yir dmigs ba'i phyir ro/ /ji ltar na sems gang las byung ba de nyid de'i dmigs par 'gyur zhe na/ ji lta ba rig de mi 'dod kyang dus la lang sems gang las yid kyi rnam par shes pa 'byung ba de nyid dmigs pa yin zhing de
 'byung ba lta bu'o/ /yod ces bya ba'i rnam par shes pa ni yid ces bya ba'i rnam bar shes ba yang kun gzhi rnam par shes ba gang yin pa de la brten te 'byung ba'o/ /de la dmigs pa yid dang ces bya ba zhes bya ba 'dis ni kun gzhi rnam bar
 shes pa dang/ 'jug pa'i rnam par shes ba las 'byed do/ /yang de'i rang bzhin gang yin snyam pa la/ ngar sems bdag nyid can zhes bya ba smos te/ de ltar dang sems pa'i bdag nyid yin pas nges pa'i tshig gi tshul gyis yid ces
 bya'o/ /rnam par shes pa'i rang gi ngo bo yin pas de nges par sems las byung ba rnams dang mtshungs par ldan par 'gyur na de la sems las byung ba ni gang dag dang ji snyed cig dus ji srid du mtshungs par ldan par 'gyur ba de mi shes te/
 de'i phyir bsgribs la lung du ma bstan pa'i nyon mongs bzhi dang rtag tu 'grogs zhes bya ba smos so/ /sems las byung ba dag ni rnams gnyis te/ nyan mongs pa dang de las gzhan pa'o/ /de las gzhan pa dag las rnam par dbye ba'i
 phyir/ nyon mongs ba zhes bya ba smos so/ /nyon mongs pa drug ste/ de dag thams cad dang mtshungs par ldan par ma yin pas de'i phyir bzhi zhes bya ba smos so/ /'grogs zhes bya ba ni mchungs par ldan pa'o/ /nyon mongs pa yang
 rnam pa gnyis te/ mi dge ba dang/ bsgribs la lung du ma bstan pa'o/ /mi dge ba dag las bye brag tu dbye ba'i phyir bsgrib la lung du ma bstan ces bya ba smos so/ /bsgribs pa'i rnam par shes ba ni mi dge ba rnams dang mtshungs bar
 ldan pa mi srid de/ bsgribs pa ni nyon mongs pa can gyi phyir ro/ /lung du ma bstan ba'i ni dge ba dang mi dge ba nyid du lung du bstan du med pa'i phyir ro/ /rtag tu zhes bya ba ni dus thams cad du ste/ ji srid du de
 yod pa de srid du de dag mtshungs par ldan no/ /spyir bstan pas khyad par mi shes nas khyad bar ston to/ /bdag tu lta dang bdag tu rmongs/ /bdag rgyal bdag chags zhes bya ba ste/ nye bar len pa'i phung po rnams la bdag tu
 mthong ba ni bdag tu lta ba ste/ 'jig tshogs la lta ba zhes bya ba'i tha tshig go/ /rmongs ba ni mi shes pa ste/ bdag mir shes pa ni bdag tu rmongs pa'o/ /bdag du nga rgyal ni bdag gi yul la ngar sems pa ste/ nga'o snyam pa'i nga? rgyal zhes bya ba'i tha tshig go/ bdag chaD
 ni bdag la chags pa ste/ bdag la dga' zhes bya ba'i tha tshig go /de la kun gzhi rnam par shes pa'i rang gi ngo bo la rmongs par gyur na/ kun gzhi rnam par shes pa la bdag tu lta ba 'byung ngo/ /bdag tu mthong bas seMs
 khengs pa gang yin pa de ni nga'o snyam pa'i nga rgyal lo/ /de gsum yod na bdag tu bsams pa'i dngos po la mngon par chags pa gang yin pa de ni bdag la chags ba'o/ /yang smas pa/ ma rig pa dang bdag lta dang/ /nga'o nga
 rgyal srad 'di bzhis/ /kun gzhi nyon mongs can 'gyur yid/ /dar sems pa yi mchan nyid de/ /phyin ci log gi rgyu byed ba'ang/ /yid de de rtag nyon mongs can/ /sems dge lung du ma bstan che/ /rtag tu dar 'dzin rgyu yin no/
 bdag tu mongs pa la sogs pa nyon mongs pa de dag kyang yid bzhin du sa dgu pa ste/ 'dir spyir brjod pa ci rang gi sa ba dang nyid dang mtshungs bar ldan nam/ 'on te gzhan gyis pa dag dang mtshungs par ldan pa mi shes nas/ de'i
 phyir gang du skyes ba de'i'o zhes bya ba smos so/ /gang du skyes ba ni gang du byung ba'o/ /de'i'o zhes bya ba ni khams dang sa gang du skyes pa khams da dang sa de nyid kyi dang mtshungs bar ldan te/ khams gzhan dag kyang sa gzhan dag gi dang ni ma
 yin no/ /ci di nyon mongs pa bzhi nyid dang mtshungs par ldan nam/ smras pa ma yin no/ /'on kyang gzhan reg sogs kyang mtshungs par ldan no zhes bya bar sbyar ro/ /kyang zhes bya ba'i sgra ni bsdu ba'i don to/ /reg sogs zhes bya ba ni
 reg pa dang/ yid la byed pa dang/ tshor ba dang/ 'du shes dang/ sems pa ste/ chos lnga po de dag ni kun tu 'gro bas rnam par shes pa thams cad dang mtshungs par ldan te/ de dag kyang gang du skyes pa de'i nyid dang mtshungs par ldan
 gyi khams dang sa gzhan gyi dang ni ma yin no/ /yang na gzhan zhes bya ba ni rtsa ba'i rnam par shes pa dang mtshungs par ldan ba ngag las rnam par dbye ba'i phyir te/ rtsa ba'i rnam par shes pa'i reg pa la sogs pa ni ma bsgribs la lung
 du ma bstan pa'o/ /nyon mongs pa can gyi yid ni yid bzhin du bsgribs la lung du ma bstan pa'o/ /gal te nyon mongs pa can gyi yid de dge ba dang/ nyon mongs pa can dang/ lung du ma bstan pa'i dus na yang bye brag med par 'byung
 na ni de'i ldog pa med par 'gyur ro/ /mi ldog na ni de la thar pa ga la yod de thar pa med par ji ltar mi 'gyur zhe na/ mi 'gyur te 'di ltar de la dgra bcom med/ /'gog pa'i snyoms par 'jug la med/ /'jig rten 'das pa'i lam
 na'ang med/ /dgra bcom pa ni nyon mongs pa ma lus par spangs pas nyon mongs ba can gyi yid med de/ de ni srid ba'i rtse mo nyon mongs pa bsgom pas spang bar bya ba bzhin du dgra bcom pa nyid thob pa na bar chad med pa'i lam
 nyid gyis spong ste/ de ni dgra bcom pa nyid kyi tshe na nyon mongs pa gzhan bzhin du med do/ /phyir mi 'ong ba ci yang med pa'i skye mched kyi 'dod chags dang bral ba 'gog pa'i snyoms par 'jug pa thob pa
 yang lam gyi stobs kyis 'gog pa'i snyoms 'jug pa thob pas 'gog pa'i snyoms par 'jug pa'i dus na yang lam bzhin du 'gag par 'gyur ro/ /'gog pa las langs nas yang kun gzhi rnam par shes pa nyid
 las 'byung ngo/ /'jig rten 'das pa'i lam na'ang med/ 'jig rten las 'das pa smos ba ni 'dzin pa rnam par bcad pa'i phyir ro/ /'jig rten pa'i lam na ni nyon mongs pa can gyi yid 'byung ba nyid do/ /bdag med
 par mthong ba ni bdag la sogs par lta ba'i gnyen po yin pas 'jig rten las 'das pa'i lam de 'byung bar mi nus te/ gnyen po dang mi mthun pa'i phyo? gnyis cig car du med bas 'jig rten las 'das pa'i lam na de
 'gag go /de las langs nas yang kun gzhi rnam par shes pa nyid las 'byung ngo/ /'di ni gyur pa gnyis pa'o zhes bstan pa bshad zin to/ /zhes mjug sdud ba'o/ /gyur ba gnyis pa'i 'og tu gyur ba gsum pa
 brjod dgos pas/ gsum pa yul rnam drug po la/ /dmigs pa gang yin de dag ste zhes bya ba smos so/ /gsum pa ni rnam par shes pa gyur ba zhes bya ba'i tshig ltag ma'o/ /rnam drug ces bya ba ni rnam pa drug ste/ gzuD
 dang/ sgra dang/ dri dang/ ro dang/ reg bya dang/ chos kyi bdag nyid kyi yul lo/ /yul la dmigs pa gang yin pa ni 'dzin pa dang rtog pa zhes bya ba'i tha tshig go /de yang ci dge ba 'am lung du ma bstan pa zhig ca
 na/ de'i phyir dge ba dang mi dge gnyi ga min zhes bya ba smos so/ /dge ba dang mi dge ba dang/ gnyig min zhes bya ba lung du ma bstan pa'ang yin te/ ma chags pa dang zhe sdang med pa dang gti mug med pa dang mtshungs par
 ldan pa ni dge ba'o/ /chags pa dang zhe sdang dang ti mug dang mtshungs bar ldan pa ni ma dag ba'i/ /dge ba dang mi dge ba dang mtshungs par ldan pa ma yin pa ni gnyi ga ma yin pa ste/ dge ba 'ang ma yin mi dge ba 'ang ma
 yin zhes bya ba'i tha tshig go /de yang sems las byung ba ci 'dri ba dag dang mtshungs par ldan pa de dang mtshungs bar ldan pa'i sems las byung ba ni ci snyed cig yod ce na/ de'i phyir kun tu 'gro dang bye brag des/ /sems
 las byung ba dge ba dang/ /de bzhin nyon mongS nye nyon mongs/ /tshor ba gsum dang de mtshungs ldan zhes bya ba smos so/ /kun tu 'gro ba la sogs pa gang bstan pa de dag mi shes te/ de bas na de rab tu bstan pa'i phyir/ dang po'i
 reg pa la sogs pa dang zhes bya ba smos so/ /thog mar bshad pa dang po ste/ 'di ltar kun tu 'gro ba rtag tu reg dang yid byed dang/ reg dang 'du shes sems par ldan zhes bya ba thog ma nyid du bshad pa'o/ /de dag gi dang
 po ni reg pa yin pas reg pa la sogs pa'o/ /reg pa dang yid la byed pa la sogs pa chos lnga po de dag ni sems thams cad kyi rjes su 'gro bas kun tu 'gro ba dag go /'di ltar de dag ni kun gzhi rnam par shes pa dang/ nyon
 mongs pa can gyis yid dang/ 'jug pa'i rnaM par shes pa rnaMs? la bye brag med par 'byung ngo/ /bye brag tu nges pa'i dbang du byas nas/ 'dun mos dran dang bcas pa dang/ /ting nge 'dzin blo bye brag des zhes bya ba smos so/ /bye brag can la
 nges pas bye brag tu nges ba ste/ de dag gi yul ni bye brag can nyid yin gyi thams cad ni ma yin no/ /de la 'dun ba ni bsam ba'i dngos po la 'dod pa ste/ ma bsams pa la 'dun pa med pa'i phyir yul
 so sor nges pa nyid du bstan pa yin no/ /lta ba dang mnyam par bya ba la sogs pa'i yul bsams ba'i dngos po gang yin pa de ni bsams pa'o/ /de la mthong ba dang thos pa la sogs par smon pa ni 'dun pa ste/ da ni brtson
 'grus rtsom pa'i rten byed ba'i las can no/ /mos pa ni nges pa'i dngos po la de bzhin du nges par 'dzin pa'o/ /des par smos pa ni nges pa ma yin pa dgag pa'i phyir te/ /rigs pa'am yid ches pa'i lung gi dngos po the
 tshom med pa gang yin de des pa ste/ mi rtag pa dang sdug bsngal ba la sogs pa'i rnam pa gang gis rnam pa gang gos rnam par nges ba'i rnam pa de nyid kyis dngos po de la sems la 'jog pa ste/ /'di ni de bzhin gyi gzhan du ni
 ma yin no zhes nges par 'dzin pa ni mos pa'o/ /de ni mi 'phrogs pa nyid kyi las can te/ mos bas gces su byed ba ni phas kyi rgol ba rnams kyi rang gi grub pa'i mdza' las 'phrogs par mi nus so/ /dran pa ni 'dris pa'i
 dngos po mi brjed pa ste/ sems kyi mngon par brjod pa nyid do/ /'dris pa'i dngos po ni sngon myong ba'o/ /ma brjed ba ni dmigs pa la 'dzin pa chung mi za bar byed ba'i rgyu'o/ /sngon bzung ba'i dngos po la dmigs pa'i rnam
 pa yang dang yang dran pa ni mngon par brjod pa ste/ mngon par brjod pa kho na mngon par brjod pa nyid do/ /de ni rnam par mi g.yeng ba'i las can te/ dmigs pa mngon par brjod pa yod na dmigs pa gzhan nam/ rnam pa gzhan
 la sems rnam par g.yeng ba med pas rnam par g.yeng ba med pa'i las can no/ /ting nge 'dzin ni rtag pa'i dngos po la sems rtse gcig pa nyid do/ /brtag pa'i dngos po ni yon tan du 'am/ nges par brtag par bya'o/ /rtse
 gcig pa nyid ni dmigs pa gcig pa nyid do/ /sems mnyam par bzhag na yang dag pa ji lta ba bzhin du rab tu shes ba'i phyir shes pa'i rten byed ba'i las can no/ /blo ni shes rab bo/ /de yang brtags pa'i dngos po
 nyid rab tu rnam par 'byed pa ste/ rigs pa dang/ rigs pa ma yin pas bskyed pa dang/ gzhan pa'o/ /rnam par 'byed par byed pas rab tu rnam par byed pa ste/ rang dang spyi'i mtshan nyid 'dres pa lta bu'i chos rnams la
 yang dag pa 'am log par so sor rtog pa'o/ /rigs pa ni bsha' ba ste/ de yang yid ches ba'i lung dang/ rjes su dpag pa dang mngon sum mo/ /rigs pa rnam pa de gsum gyis bskyed pa gang yin pa de ni rigs pas bskyed ba'o//
 de yang thos pa las byung ba dang/ bsam pa las byung ba dang/ bsgoms pa las byung ba ste/ de la? yid ches pa'i gsung rabs tshad ma nyid kyis rtogs pa gang yin pa de ni thos pa las byung ba'o/ /rigs pa nges par sems pa las
 skyes pa ni bsams pa las byung ba'o/ /ting nge 'dzin las skyos pa ni bsgoms pa las byung ba'o/ /rigs pa ma yin pa ni yid ches ma yin pa'i lung dang/ rjes su dpag par snang ba dang/ log par bsams pa'i ting nge 'dzin te/
 rigs pa ma yin pa des bskyed pa ni rigs pa ma yin pas bskyed pa'o/ /skye ba thos pa dang 'jig rten pa'i tha snyad shes pa ni rigs pas bskyed pa'ang ma yin/ ma rig pas bskyed pa'ang ma yin no/ /'di ni som nyi zlog pa'i las can
 te/ som nyi zlog pa ni shes rab kyi chos rnams rab tu rnam par phye nas des pa 'thob pa'i phyir ro/ /chos lnga po de dag ni phan tshun tha dad du gyur nas 'byung ba'o/ /de ltar na gang du mos pa der gzhan
 dag gdon mi za bar mi 'byung ste/ thams cad la yang de bzhin du brjod par bya'o/ /bye brag tu nges pa rnams bshad zin to /da ni de'i 'og tu bstan pa dge ba dag brjod dgos pas de'i phyir/ dad dang ngo tsha khrel yod dang//
 mchags la sogs gsum brtson 'grus/ /shin tu spyangs dang bag yod bcas/ zhes bya ba smos te/ de dag ni chos bcu gcig go zhes bya ba ni tshig gi lhag ma'o/ /de la dad pa ni las dang/ 'bras
 bu dang/ bden pa dang/ dkon mchog yod pa dang/ yon tan can dang nus pa dag la mngon par yid ches pa dang/ sems dang ba dang/ 'dod pa'o/ /dad pa ni rnam pa gsum du 'gyur te/ dngos po yod pa yon tan can nam/
 yon tan can ma yin pa la yid ches pa'i rnam pa dang/ yod pa yon tan can la dang ba'i rnam pa dang/ yod pa yon tan can thob par byed dam bskyed pa nus pa la 'dod pa'i rnam pa'o/ /sems dang ba zhes bya ba la/ dad pa
 ni sems kyi rnyog pa dang mi mthun pas de'i phyir de dang mtshungs par ldan na nyon mongs pa dang/ nye ba'i nyon mongs pa'i dri ma'i rnyog pa med bas/ sems dang ba la brten te dang par 'gyur bas dang ba zhes bya'o/ /de ni 'dun ba'i
 rten byed pa'i las can no/ /ngo tsha shes pa ni bdag gam chos kyi dbang du byas te/ kha na ma tho bas 'dzem pa'o/ /dam pa rnams kyis smad pa dang/ rnam par smin pa mi 'dod pa yin bas sdig pa nyid kha na ma tho ba ste/ byas
 kyang rung ma byas kyang rung/ kha na ma tho ba nges sems bag 'khums pa'i 'jom? pa gang yin pa de ni ngo tsha shes ba'o/ /'di ni nyes bar sbyod pa legs par sdom pa'i rten byed pa'i las can no/ /khrel yod pa ni 'jig rten dbang du
 byas te kha na ma tho pas 'dzem pa'o/ /'jig rten na 'di smad pa ste/ bdag la las 'di lta bu rig na smod par 'gyur ro/ /zhes tshigs su bcad pa ma yin pa la sogs pa'i 'jigs pas kha na ma tho ba la 'dzem pa ste/ 'di yang
 nyes par spyod pa legs par sdom ba'i rten byed ba'i las can no/ /mi chags pa ni chags pa'i gnyen ba'o/ /chags pa zhes bya ba ni srid pa dang srid ba'i yo byad rnams la kun tu chags pa dang smon pa gang yin pa'o/ /de'i
 gnyen bpo na mi tshags pa ste/ srid pa dang srid ba'i yo byad rnams la ma chags pa dang mi phyogs ba'o/ /'di ni nyes bar spyod pa la mi 'jug pa'i rten byed pa'i las can no/ /zhe sdang med ba ni zhe sdang gi gnyen po ste/ zhe sdang ni
 sems can rnams dang/ sdug bsngal dang sdug bsngal gyi gnas kyi chos rnams la kun nas mnar sems pa'o/ /zhe sdang med pa ni zhe sdang gi gnyen po yin pas sems can rnams dang/ sdug bsngal dang sdug bsngal gyi gnas kyi chos
 rnams la kun nas mnar sems med pa'o/ /'di yang nyes par spyod pa la mi 'jug pa'i rten byed pa'i las can no/ /gti mug med pa ni gti mug gi gnyen po ste/ yang dag pa ji lta ba bzhin du yang dag par rtogs pa'o/ /gti mug
 ni las dang 'bras bu dang/ bden pa dang/ /dkon mchog rnams mi shes pa'o/ /gti mug gi gnyen po yin pas gti mug med pa ni las dang 'bras bu dang/ bden pa dang/ dkon mchog de dag yang dag par rtog pa ste/ 'di yang 
 nyes par spyod pa lam mi 'jug pa'i rten byed pa'i las can no/ /brtson 'grus ni le lo'i gnyen po ste/ dge ba la sems mngon par spro ba yin gyi/ nyon mongs pa can la ni ma yin no/ /nyon mongs
 ba can la/ spro ba ni le lo yin pas le lo nyid do/ /'di ni dge ba'i phyogs yongs su rdzogs par byed pa dang/ yongs su sgrub pa'i las can no/ /shin tu sbyangs pa ni gnas ngan len gyi gnyen po ste/ lus dang sems
 la su rung ba nyid do/ /gnas ngan len gyi lus dang sems las su mi rung ba nyid dang/ kun nas nyon mongs ba'i chos kyi sa bon rnams te/ de med na shin tu sbyangs pa yod pa'i phyir ro/ /de la lus las su rung ba ni lus rang
 gi dgos pa rnams la ldad ba yang ba gang las 'byung ba'o/ /sems las su rung ba ni yang dag pa yid la byed pa la zhugs pa'i sems kyi sim pa dang/ yang ba'i rgyu sems las byung ba chos gzhan du gyur pa gang
 yin pa ste/ de dang ldan na dmigs pa la sems thogs pa med bar 'jug pas de'i phyir sems las su rung ba zhes bya'o/ /lus kyi reg bya'i khyad bar dga' bas zin pa la lus shin tu sbyangs par rig par bya ste/ yid dga' 
 na lus shin tu sbyangs par 'gyur ro zhes mdo las 'byung ba'i phyir ro/ /'di ni de'i dbang gis gnas gyur pa nyon mongs ba'i sgrib pa ma lus bar sel ba'i las can no/ /bag yod bcas pa ni bag yod pa dang bcas pas bag
 yod bcas pa ste/ de yang gang zhe na/ btang snyoms so/ /de ci'i phyir zhe na/ gcig tu dge ba dang 'dir dge ba thams cad bshad ba'i skabs yin pa dang/ dang ba la sogS pa bzhin du mngon du ma smos pa dang/ dge ba lhag pa gzhan
 med pa'i phyir/ btang snyoms nyid la bya bar mngon no/ /de la bag yod pa ni bdag med pa'i gnyen po'o/ /ma chags pa nas brtson 'grus kyi bar ni bag yod pa ste/ gang ma chags pa la soD ba la gnas nas mi dge ba'i chos rnams spong zhing de'i
 gnyen po dge ba'i chos rnams kyang sgom pa ma chags pa la sogs pa de dag ni bag yod pa'o/ /de bas na bag med pa'i gnyen po nyid de/ bag med pa ni 'di las bzlog pa'i phyir ro/ /de na 'jig rten pa dang/ 'jig rten las 'das
 pa'i phun sum tshogS pa thams cad yongs su rdzogs par byed pa'i las can no/ /btang snyoms ni sems mnyam pa nyid dang/ sems rnal du 'dug pa nyid dang/ sems ltun gyis grub pa nyid de/ tshig 'di gsum gyis btang
 snyoms kyi thog ma dang/ bar dang/ tha ma'i dus bstan pa'o/ /'di la bying ba dang/ rgod pa sems mnyam pa ste/ de med pas thog mar sems mnyam pa nyid do/ /de'i 'og tu mngon par 'du bya ba med cing bsgrim mi dgos par
 mnyam par bzhag pa'i sems ci rigs par mnyam pa nyid du 'jug pa ni rnal du 'dug pa nyid do/ /de'i dus na bsgoms nas ring por ma lon pa'i phyir bying ba dang rgod pa 'byung bar dogs pa dang ldan no/ /de'i 'og tu bsgom pa
 khyad zhuD par gyur bas de'i mi mthun pa'i phyogs thag ring du gyur pa'i phyir dogs pa med de/ bying ba dang rgod pa ni gnyen po'i rgyu rnams la rtsol ba mi byed pas lhun gyis grub pa nyid do/ /'di ni nyin mongs pa dang/ /nye ba'i nyon mongs pa
 thams cad kyi skabs mi 'byed pa'i rten byed pa'i las can no/ /rnam par mi 'tsho ba ni rnam par 'tshe ba'i gnyen po ste/ gsod pa dang 'ching ba la sogs pas sems can rnams la rnam par tho ma'i tsham pas mi 'tshe ba ste/
 sems can rnams la snying rje ba'o/ /bsod nyams zhes bya ba ni bde ba ste/ bde ba sel ces bya ba'i tha tshig go /snying rje can ni pha rol sdug bsngal na sdug bsngal bar 'gyur ba'i phyir ro/ /'di ni rnam
 par tho mi 'tsham pa'i las can no/ /dge ba bcu gcig bshad zin to/ /de'i 'og tu nyon mongs pa rnams bstan pas de'i phyir de dag gi dbang du byas te/ nyon mongs ni/ 'dod chags khong khro gti mug dang/ /nga rgyal
 lta ba the tshom mo zhes bya ba smos so/ /'dod chags dang khong khro ba dang gti mug ni/ 'dod chags khong khro gti mug go /de la 'dod chags ni srid pa dang longs spyod la ltag par chags pa dang smon pa ste/ de ni sdug bsngal kun
 bskyed pa'i las can no/ /sdug bsngal ni 'dir nye bar len pa'i phung po lnga rnams te/ de dag ni 'dod pa dang/ gzugs dang/ gzugs med pa'i sred pa'i dbang gis mngon par 'grub pas de'i phyir 'dod chags kyi las ni
 sdug bsngal kun bskyed par bshad do/ /khong khro ba ni sems can rnams la kun nas mnar sems pa ste/ sems can rnams la sems rtsub pa'o/ /des non na sems can rnams la bsad pa dang 'ching ba la sogs pa'i
 gnod pa bya bar sems so/ /de ni reg par mi gnas par da nyes par sbyod pa'i rten byed pa'i las can no/ /reg pa ni bde ba ste/ de dang lhan cig gnas pa ni reg par gnas pa'o/ /reg pa dang gnas ma yin pa ni reg
 par mi gnas pa ste/ sdug bsngal dang/ lhan cig ces bya ba'i tha tshig go /kun nas mnar sems kyi sems yod na gdon mi za bar yid mi bde ba kun 'byung ba'i phyir sems la gdung bar 'gyur ro/ /sems kyi rjes su
 'gyur bas lus la yang gdung bar 'gyur ba nyid de/ de'i spyod lam thams cad du sdug bsngal dang bcas shing phongs pa dang bcas par gnas par 'gyur ro zhe 'gras ba'i sems dang ldan pa ni nyes par sbyod pa gang dang yang ring ba
 ma yin bas khong khro ba ni rag par mi gnas ba dang/ nyes par spyod par spyod pa'i rten byed pa'i las can du bshad do/ /gti mug ni ngan song rnams dang bde 'gro dang mya ngan las 'das pa dang/ de thob bar byed pa'i rgyu dang de dag gi rgyu
 dang 'bras bur 'brel pa phyin ci ma log pa la gang mi shes pa'o/ /'di ni kun nas nyon mongs pa 'byung ba'i rten byed ba'i las can no/ /de la nyon mongs pa dang/ las dang/ skye ba'i bdag nyid ni kun nas nyon mongs pa rnam pa
 gsum mo /de 'byung ba ni kun nas nyon mongs snga ma snga ma rgyur gyur ba las kun nas nyon mongs pa phyi ma phyi ma'i bdag nyid rnyed pa'o/ /'byung ba'i rten byed pa ni rmongs par gyur na log par shes pa dang the tshom dang 'dod chags la sogs
 pa nyon mongs pa las yang srid ba'i las dang skye ba rnams 'byung gi rmongs par ma gyur na ni ma yin no/ /nga rgyal ni nga rgyal zhes bya ba thams cad kyang 'jig tshogs la brten nas 'byung ngo/ /de ni sems khengs pa'i mtshan nyid de/ 'di
 ltar phung po rnams la bdag gam bdag gi dngos bor sgro btags nas 'di ni bdag go /'di ni bdag gi'o zhes de dang de'i khyad bar gyis bdag khengs shing gzhan dag las lhag par rlom sems pa'o/ /de ni mi gus pa dang sdug
 bsngal 'byung ba'i rten byed pa'i las can no/ /mi gus pa ni bla ma rnams dang/ gang zag yon tan can rnams la 'gyid zhing lus dang dag gi sri zhu? med pa'o/ /sdug bsngal 'byung ba ni 'dir yang srid pa 'byung ba'o/ /de ni sems
 khengs ba'i rang gi ngo bor bye brag med kyang sems pa'i rgyu'i bye brag gi rnam pa bdun du tha dang de/ nga rgyal dang che ba'i nga rgyal zhes bya ba la sogs pa'o/ /rigs dang shes rgya dang nor la sogs pas
 de ma'ab? bas kyang rigs dang shes rgya dang nor rnams kyi bdag che'o snyam du sems khengs ba dang yin ba 'am/ rigs la sogs pas mchungs pa nyid la bdag dang mtshungs so snyam du sems khengs pa gang yin pa de ni nga rgyal lo//
 che ba'i nga rgyal ni rigs dang shes rgya dang nor la sogs pa mtshungs pa bas gtong ba dang tshul khrims dang nyams rtsa la la sogs pas bdag che'o snyam pa 'am/ rigs dang nor dang rig pa la sogs pas che ba la shes rgya
 dang nor la sogs pas bdag mtshungs so snyam pa ste/ 'di ni che ba'i nga rgyal lo/ /riD dang sheS rgya dang nor rnams kyi che ba bas kyang rigS dang shes rgya dang nor la sogs pas bdag che'o snyam du sems khengs pa gang yin pa de 'di
 ni nga rgyal las kyang nga rgyal lo/ /nga'o snyam ba'i nga rgyal ni nye bar len pa'i bung po lnga po bdag dang bdag gis med pa rnams la bdag dang bdag gir mngon par zhen nas sems khengs pa gang yin pa ste/ 'di ni nga'o snyam pa'i nga
 rgyal lo/ /mngon pa'i nga rgyal ni gong ma gong ma'i khyad par thob par bya ba ma thob par bdag gis thob bo snyam du sems khengs pa gang yin pa ste/ 'di ni mngon pa'i nga rgyal lo/ /cung zad snyam ba'i nga rgyal ni
 rigs dang rig pa la sogs pas khyad cher 'phags pa bas rigs dang rig pa la sogs pas chung zad cig gis bdag chung ngo snyam du sems khengs pa gang yin pa ste/ 'di ni chung zad snyam pa'i nga rgyal lo/ /log pa'i nga rgyal
 ni yon tan ma yin pa dang ldan la bdag yon tan dang ldan no snyam du sems khengs pa gang yin pa ste/ 'di ni log ba'i nga rgyal lo/ /yon tan ma yin pa ni 'chal ba'i tshul khrims la sogs pa ste/ de dag sul yod pa de
 yon tan ma yin pa dang ldan pa'o/ /de bas na bdag yon tan dang ldan no snyam pa des sbyin pa dang tshul khrims la sogs pa med par yon tan de dang ldan pa nyid du khas blangs ba yin no/ /de'i phyir dngos po med pas na log pa'i nga rgyal zhes
 bya'o/ /lta bas zhes bya ba ni sbyir bshad du zin kyang nyon mongs bar gtogs pas nyon mongs pa'i bdag nyid lnga kho na ste/ 'jig tshogs la lta ba la sogs pa'i lta ba dang sbyar gyi/ 'jig rten gyi yang dag par lta ba dang/
 zag pa med pa'i lta ba ni ma yin no/ /de dag ni nyon mongs pa can dang/ rtog pa'i tshul du bye brag med kyang dmigs ba dang rnam par bye brag gis phan tshun thang ngo/ /de la 'jig tshogs la lta ba ni nye bar len pa'i phung
 po lnga po rnams la gang bdag dang bdag gir lta ba'o/ /mthar 'dzin ba lta ba ni nye bar len ba'i phung po lnga po la bdag tu bzung ba de dag nyid la gang chad pa 'am/ rtag par lta ba'o/ /log par lta ba ni lta ba gang gi rgyu 'am 'bras
 bu 'am/ byed pa la skur ba 'debs pa 'am dngos po yod pa 'jig bar byed pa ste/ 'di ni lta ba thams cad kyi nad na sdig pa yin bas log par lta ba zhes bya'o/ /lta ba mchog tu 'dzin pa ni nye bar len pa'i phung po lnga rnams la
 mchog dang khyad par du 'phags pa dang/ gtso bo dang dam par lta ba gang yin pa'o/ /tshul khrims dang brtul zhugs mchog tu 'dzin pa ni nye bar len pa'i phung po lnga po rnams la dge ba dang grol ba dang nges par 'byin pa lta bu'o//
 the tshom ni las dang 'bras bu dang gen? pa dang dkon mchog rnams la yid gnyis za ba ste/ yod dam med snyam du blo sna tshogs byed pa na yid gnyis so/ /'di ni shes rab las rang bzhin gzhan nyid do/ /nyon
 mongs pa drug bshad zin to// //bam po gnyis pa ste tham/ /de'i 'og tu bstan pa nye ba'i nyon mongs pa rnams bshad ba'i phyir/ /thob dang khon du 'dzin pa dang/ /'chab dang 'tshig dang phrag dog dang/
 ser sna dang ni rgyur bcas dang/ /g.yo rgyags rnam 'tshe ngo tsha med/ /khrel med rmugs dang rgod pa dang/ /ma dad pa dang le lo dang/ /bag med pa dang brjed nges dang/ /rnam g.yeng shes bzhin ma yin dang/ /'gyod dang
 gnyid kyang de bzhin te/ /rtog pa dang ni dpyod ba dang/ /nye ba'i nyon mongs gnyis rnam gnyis shes bya ba smos so/ /de la khro ba ni 'phral du gnod pa byed pa gnas te/ sems kun nas mnar sems ba gang yin pa'o/ /
 'di yang kun nas mnar sems kyi rang bzhin yin pas khong khro ba dang tha dad pa ma yin mod kyi 'di ni khong khro ba'i dus skabs kyi bye brag la btags ba'i phyir khong khro ba'i char gtogs pa ste/ 'phral du gnod par byed pa la
 gnas nas sems can dang sems can ma yin ba'i yul la sems kyi kun nas mnar sems pa ste/ chad bas gcod pa la sogs pa'i rten byed pa'i las can gang yin pa de khro ba zhes gdags so/ /khor? du 'dzin pa ni mdud
 par 'dzin pa ste/ khros pa'i 'og tu 'dis bdag la gnod pa byas so zhes mdud bar 'dzin pa'i bdag nyid shar gnyer ba de mi gtong bar rgyun tu 'byung ba ni khon du 'dzin pa'o/ /'di ni mi bzod pa'i rten byed ba'o las can no/ /
 mi bzod pa ni gnod pa byed pa la ji snyam par mi byed kyi lan du gnod pa byed 'dod ces bya ba'i tha tshig ste/ 'di yang khro ba bzhin du zhe sdang gi dus skabs kyi bye brag la gdags pa yin pas de'i phyir btags ba'i yod par rig par bya'o//
 'chab ba ni bdag gi kha na ma tho ba mkhyud pa ste/ 'dun pa dang zhe sdeng dang 'jigs pa la sogs pa bsal te/ de la pham par 'dod pa'i gleng bar byed pas dus su khyod 'di lta bu byed pa'o zhes bstan na gti mug gi char gtogs
 pas kha na ma tho mkhyud pa ni 'chab pa'o/ /'chab pa ni gti mug gi char gtogs pa nyid de/ mkhyud pa'i rnam pa yin pa'i phyir ro/ /'di ni 'gyod pa dang reg par mi gnas pa'i rten ba'i las can no/ /'di ni chos nyid yin te/
 de kha na ma tho pa mkhyud na 'gyod bar 'gyur ro/ /'gyod na gdon mi za bar yid mi bde ba dang mtshungs par ldan bar 'gyur bas reg par mi gnas so/ /'tshig pa ni tshig blang pos zher 'debs pa nyid do/ /tshig brlang po ni
 mtshang 'du ba'i tshul gyis zhes gcod pa dang/ tshig rtsub pa'o/ /zher 'debs bar byed ba'i dang tshul 'di zher 'debs ba ste/ de'i dngos po ni zher 'debs pa nyid do/ /tshig brlang pos za ba dang 'dra bar zher 'debs pas chig
 brlad pos zher 'debs pa nyid do/ /'di yang khro ba dang khon du 'dzin pa sngon du 'gro ba sems kyi kun nas mnar sems pa'i rang bzhin yin pas khong kho ba'i char gtogs pa nyid de/ rdzas su yod pa ma yin no/ /'di ni dag gi nyes par
 spyod pa skyed pa'i las can te/ reg par mi gnas pa'i las can te/ de dag dang ldan pa'i gang zag dang 'grogs par dkar ba'i phyir ro/ /phrag dog ni gzhan gyi phun sum tshogs pa la sems khong nas 'khrug pa ste/ 'thob? pa dang 
 bkur sti la lhag par chags pas gzhan gyi rnyen pa dang/ bkur? sti dang/ rigs dang/ tshul khrims dang/ thos pa la sogs pa yon tan gyi khyad par mthong nas zhe sdang gi char gtogs pa mi bzod
 par byas pa'i sems khong nas 'khrugS pa ni phrag dog go/ rang gi gnas la khyad par 'khrug pas khong nas 'khrug pa ste/ yid mi bde ba dang mtshungs par ldan pa dang/ de sngon du 'gro ba'i phyir rig par mi gnas pa ste/ yid
 mi bde ba dang reg par mi gnas pa'i las can zhes bya'o/ /ser sna ni sbyin pa dang mi mthun pa sems kyis kun tu 'dzin pa'o/ /zin pa'i dngos po chos dang zang zing dang mkhas pa'i bdag nyid rnams gang gis mchod pa dang/
 phan gdags par 'dod baS 'dod pa'i/ mi 'dod pa la'ang rung ste/ sbyin par byed pa de ni sbyin pa'o/ /de yod na sbyin pa med par 'gyur ba'i phyir de dang mi mthun pa zhes bya'o/ /rnyed pa dang bkur sti la lhag par chags par
 'tsho ba'i yo byad rnams la 'dod chags kyi char gtogs pa'i sems kun tu 'dzin pa dang yongs su mi gtong ba'i 'dod pa ni ser sna'o/ /de ni yo byad ma bsnyungs pa'i brten byed ba'i las can te/ yo byad ma
 bsnyungs pa ni ser snas yo byad mi mkho ba rnams kyang sogs pa rig par bya'o/ /sgyu ni gzhan la bslu ba'i yang dag pa ma yin pa'i don ston pa ste/ rnyed pa dang bkur sti la lhag par chags pas gzhan la bslu ba'i /
 bsam pas tshul khrims la sogs pa'i don gzhan du gnas la gzhan du ston pa ste/ 'di ni 'dod chags dang gti mug 'dus pas yang dag pa ma yin pa'i yon tan ston pas na de gnyis 'dus pa la gdags te/
 khro ba la sogs pa bzhin du gdags pa nyid yin gyi rdzas su ni med de/ log paS 'tsho ba'i rten byed pa'i las can no/ /g.yo ni rang gi nyes pa bcab pa'i thabs bzung ba ste/ sems gya gyu ba'o/ /rang gi nyes pa bcab
 pa'i thabs ni gzhan mgo rmongs par byed pa ste/ de yang gzhan nas gzhan du bsgyur ba dang/ gtam rlung skur ba dang/ gsal bar mi byed pa'o/ /de'i phyir g.yo dang 'chab ba gnyis tha dad de/ de ni gsal por mkhyud kyi zur gyi ni
 ma yin no/ /de ni rnyed ba dang bkur ste la lhag bar chags nas 'dod chags dang gti mug de gnyis kyis bdag gis nyes pa bcab pa'i phyir gzhan mgo rmongs par byed pas de gnyis 'dus pa la de gdags so/ /'di ni yang dag
 pa'i gdams ngag rnyed pa'i bar du gcod ba'i las can no/ /yang dag pa'i gang mas ngag ni gang rnyed mtshul bzhin yid la byed pa ste/ de'i bar chad byed pa'o/ /rgyags ba ni bdag gis phun sum tshogs pa la chags pa'i rab
 tu dga' ba ste/ sems yongs su 'dzin pa'o/ /rigs dang nang med pa dang lang 'tsho dang stobs dang gzugs dang phyug pa dang blo dang yid gzhungs pa la sogs pa mchog tu gyur pa ni rang gi phun sum tshogs pa'o/ /rab tu
 dga' ba ni dga' ba'i bye brag ste/ dga' ba'i bye brag gang gi sems rang dbang med par byed pa nges pa de dag gi dbang du byed pas yongs su 'dzin par 'gyur te/ de'i phyir sems yongs su 'dzin ba zhes bshad do/ /'di ni
 nyon mongs pa dang nye ba'i nyon mongs pa thams cad kyi rten byed pa'i las can no/ /rnam par 'tshe ba ni sems can rnams la rnam par mtho 'tsham? pa ste/ bsod pa dang bcing ba dang brdog? pa dang pa sdigs pa la sogs pa sna
 tshogs kyis sems can rnams la 'tshe ba'o/ /'dis bsad pa dang bcings pa la sogs pas sems can rnamS la rnam par mtho 'tshams pas sdug bsngal dang ling mi bde ba bskyed pa'i phyir sems
 can rnams la rnam par mtho 'tsham pa'o/ /'di ni khong khro ba'i char gtogs pa ste/ sems can rnams la snying rje med cing sems rtsub pa'o/ /sems can rnams la rnam par mtho 'tsham pa'i las can ni sems can rnamS
 la 'tsho ba zhes bya'o/ /ngo tsha med pa ni kha na ma tho bas bdag mi 'jem pa'o/ /las de bdag gi cha ma yin par shes bzhin du yang gang kha na ma tho bas mi 'dzem pa de ni ngo tsha med pa ste/ ngo tsha shes pa'i mi mthun pa'i
 phyogs su gyur pa'o/ /khrel med pa ni kha na ma tho bas gzhan la mi 'dzem pa ste/ 'jig rten dang bstan bcos dang mi mthun pa 'di bdag byed par de ltar khong du chud kyang gang sdig pa byed pa des mi 'dzem pa de ni khrel yod
 ba'i mi mthun pa'i phyogs su gyur pa ste/ khrel med pa'o/ /de gnyis ni nyon mongs pa dang nye ba'i nyon mongs pa thams cad kyi grogs byed pa'i las can no/ /'dod chags dang zhe sdang dang gti mug gi rnam pa bya ba ngan pa
 thams cad 'byung ba'i rgyu la ji ltar mthun mthun du gdags te/ 'dod chaD dang zhe sdang ni cig car mi 'byung ba'i phyir ro/ /rang gi rgyu ni med do/ /rmugs pa ni sems las su mi rung ba ste slong ba nyid do/ /slong ba'i dngos po
 ni slong ba nyid de/ de dang ldan na sems blun par gyur nas slong bar gyur te/ dmigs brtogs par mi nus pa'o/ /'di ni nyon mongs pa dang nye ba'i nyon mongs pa thams cad kyi grogs byed pa'i las can te/ gti mug gi
 tshol? btags pas gti mug gi char gtogs pa nyid yin gyi gung na med do/ /rgong pa ni sems rnam par ma zhi ba'o/ /rnam par zhi ba ni zhi gnas ste/ de dang mi mthun pa ni rnam par ma zhi ba'o/ /de ni 'dod chags dang mthun pa
 sngon rgong rgong pa dang dga' dga' ba dang/ rtse rtse ba rjes su dran nas sems rnam par ma zhi ba'i rgyu ste/ zhi gnas kyi bar du gcod pa'i las can no/ /ma dad pa ni las dang 'bras bu dang bden pa dang/ dkon mchog rnams la mngon par
 yid mi ches pa ste/ dang pa'i mi mthun pa'i phyogs so/ /dad pa ni yod pa dang yon tan can dang nus pa rnams la mngon par yid ches pa dang dad ba dang 'dod pa ste/ go rim bzhin no/ /ma dad pa ni de las bzlog pa ste/ yod pa
 dang yon tan can dang nus pa rnams la mngon par yid mi ches pa dang ma dad pa dang mi 'dod pa ste/ le lo'i rten byed pI las can no/ /ma dang ba ni sbyor ba la 'dun pa med pa'i phyir le lo'i rten byed pa'i las can nyid do/ /le
 lo ni dge ba la sems mngon par mi spro ba ste/ brtson 'grus kyi mi mthun pa'i phyogs so/ /nyal ba dang gnyes pa dang 'phres ba'i bde ba la brten nas gti mug gi char gtogs pas lus dang ngag dang yid kyi las dge ba la
 sems mngon par spro ba med pa gang yin pa'o/ /'di ni dge ba'i phyogs la sbyor ba'i bar du bcod pa'i las can no/ /bag med pa ni chags pa dang zhe sdang dang gti mug dang le lo gang yin pa dag gis 'dod chags dang zhe sdang
 dang gti mug la sogs pa la sems mi srung ba dang/ de'i gnyen por gyur pa dge ba la mi sgom pa ste/ chags pa dang zhe sdang dang gti mug dang le lo dag la bag med pa gdags so/ /'di ni mi dge ba 'phel ba dang/ dge ba
 'grib pa'i rten byed pa'i las can no/ /brjed nges pa ni dran pa nyon mongs pa can no/ /nyon mongs pa can zhes bya ba ni nyon mongs pa dang mtshungs par ldan pa'o/ /'di ni rnam par g.yeng
 pa'i rten byed pa'i las can no/ /rnam par g.yeng ba ni 'dod chags dang zhe sdang dang gti mug gi chang gtogs pa sems rnam par 'phro ba'o/ /'dis sems sna tshogs su g.yeng bar byed pas rnam par g.yeng ba'o/ /
 'dod chags dang zhe sdang dang/ gti mug gang dag gis ting nge 'dzin gyi dmigs pa las phyi rol tu g.yeng bar byed ba de dag la ji ltar mthun mthun tu rnam par g.yeng ba gdags so/ /'di ni 'dod chags dang bral ba'i bar
 du gcod pa'i las can no/ /shes bzhin ma yin pa ni nyon mongs pa dang mtshungs par ldan pa'i shes rab ste/ des 'gro ba dang ldog pa la soD ba la lus dang ngag dang sems kyi spyod pa mi shes bzhin du 'jug ste/
 bya ba dang bya ba ma yin pa mi shes pas ltung ba'i rten byed pa'i las can no/ /'gyod pa ni yid la gcags? pa'o/ /smad pa byas pas 'gyod de/ de'i dngos po ni 'gyod pa'o/ /'di ni ngan pa byas pa'i yul las
 sems ni ma dga' ba ste/ sems las byung ba'i skabs yin bas 'gyod pa zhes bya'o/ /'di ni sems gnas pa'i bar du gcod pa'i las can no/ /gnyid ni 'jug pa rang dbang med par sems sdud pa'o/ /
 'jug pa ni dmigs pa la 'jug pa'o/ /de yang sems kyi rang dbang med pa gang las byung ba de nyid do/ /yang na lus 'dzin mi nus pa'i sems kyi 'jug pa rang dbang med pa de gang las byung ba de nyid do/ /sems
 sdud pa ni mig la sogs pa'i dbang po'i sgo nas mi 'jug pa'o/ /de ni gti mug gi cha la gdags pas gti mug gi char gtogs pa ste/ bya ba shol ba'i rten byed pa'i las can no/ /rtog pa ni kun tu tshol ba'i yid
 kyi brjod pa ste/ shes rab dang sems pa'i bye brag go/ /kun tu tshor ba ni ci yin zhes rtog pa'i rnam par zhugs pa'o/ /yid la brjod pa ni yid kyi brjod pa ste/ brjod pa dang 'dra ba'o/ /brjod pa ni ngon? brjod pa'o/ /
 sems pa dang shes rab kyi bye brag ces bya ba la sems pa ni gang sems kun tu g.yo bar byed pa'i bdag nyid yin la/ shes rab ni yon tan dang nyes pa 'byed pa'i rnam pa yin te/ de'i dbang gis sems 'jug pas na
 bar 'ga' ni sems dang sems la rtog pa gdags so/ /bar 'ga' ni shes rab dang sems la gdags te/ mngon par mi rtog pa dang/ mngon par rtog pa'i dus dang go rim bzhin no/ /yang na sems pa dang shes
 rab gnyis kho na la rtog pa gdags te/ de'i dbang gi sems de ltar 'jug pa'i phyir ro/ /de nyid sems rtsid pa'o/ /rtsing ba zhes bya ba ni che long ste/ dngos po tsam kun tu tshol ba'i rnam pa yin pa'i phyir ro/ /tshul 'di ni
 dpyod pa la yang blta bar bya'o/ /dpyod pa yang sems pa dang shes rab kyi bye brag gi bdag nyid do/ /so sor rtog pa'i yid kyis brjod pa nyid de sngar khong du chud pa la 'di'o zhes dpyod pa'i phyir ro/ /de'i phyir sems zhi
 ba zhes bya'o/ /de gnyis ni reg pa dang gnas pa dang rig par mi gnas pa'i rten byed pa'i las can no/ /'di gnyis ni rtsing ba dang zhib par rnam par gnas pas tha dad du dbye'o/ /gnyis rnam gnyis shes bya ba na gnyis
 de gnyis pa gnyis te/ de dag ni spyod pa dang gnyid gnyis dang/ rtog pa dang dpyod pa gnyis so/ /chos de bzhin ni rnam pa gnyis te/ nyon mongs pa dang nyon mongs pa can ma yin pa'o/ /de
 la mi dge ba ma byas te dge ba byas pas sems mi dge ba gang yin pa de ni 'gyod pa nyon mongs pa can no/ /gang dge ba ma byas te mi dge ba byas pas 'gyod pa de ni nyon mongs pa can ma yin pa'o/ /gnyid kyang nyon
 mongs pa can gyi sems kyis 'phangs pa dang/ nyon mongs pa can gyi sems dang mtshungs par ldan pa ni nyon mongs pa can no/ /nyon mongs pa can ma yin pa'i sems kyi 'phangs pa dang/ nyon mongs pa can ma yin pa'i
 sems dang mtshungs par ldan pa ni nyon mongs pa can ma yin pa'o/ /'dod pa dang gnod sems dang rnam par 'tshe ba'i rtog pa'i nyon mongs pa can no/ /mngon par 'byung ba la sogs pa la rtog pa ni nyon mongs ba can
 ma yin pa'o/ /de bzhin du gzhan la gnod pa byed pa'i thabs dpyod pa ni nyon mongs pa can no/ /gzhan la phan gdags pa'i thabs dpyod pa ni nyon mongs pa can ma yin pa'o/ /de la 'gyod pa dang gnyid
 dang rtog pa dang dpyod pa nyon mongs pa can de dag nyid nyon mongs pa ste /cig shos ni ma yin no/ /de la ji ltar gzugs dang sgra la sogs pa la dmigs pa rnam pa drug po dag tu 'gro ba rnams dang/ bye brag
 tu nges ba rnams dang/ dge ba rnams dang/ nyon mongs pa rnams dang/ nye ba'i nyon mongs pa rnams dang sems las byung ba thams cad kyi nang nas ci rigs pa dang mtshungs par ldan par bzhin du/ tshor ba gsum
 ste/ bde ba'i tshor ba dang/ sdug bsngal gyi tshor ba dang/ sdug bsngal yang ma yin bde ba yang ma yin pa'i tshor ba ste/ tshor ba rnams pa gsum dang mtshungs par ldan te/ yid bde ba dang yid mi bde ba dang btang
 snyoms kyi gnas kyi gzugs le sogs pa las de 'byung ba'i phyir ro/ /dge ba dang mi dge ba dang lung du ma bstan pa dang yang ldan no/ /kun gzhi rnam par shes pa ni kun tu 'gro ba lnga kho na dang mtshungs par ldan te/
 gzhan dag dang ni ma yin no/ /de la tshor ba btang snyoms nyid de/ ma bsgribs la lung du ma bstan pa'o/ /nyon mongs ba can gyi yid ni kun tu 'gro ba lnga dang/ bdag tu rmongs pa la sogs pa nyon mongs pa bzhi dang rtag
 tu mtshungs par ldan no/ /de yang tshor ba ni btang snyoms nyid de/ bsgrims la lung du ma bstan pa'o/ /nga ni 'di bsam par bya ste/ ci mig gi rnam par shes pa la sogs pa lnga po dag cig car dmigs pa'i rkyen
 dang phrad kyang kun gzhi rnam par shes pa las gcig 'byung gi gnyis dang mang po mi 'byung ste/ ji ltar kha cig sems ba cig car gnyis dang mang po ma yin te/ de ma thag bar rkyen med pas rnam par shes
 pa gcig kho na 'byung bar 'gyur te/ rnam par shes pa gcig gis mang po'i de ma thag pa'i rkyen byed par mi nus so snyam ba lta bu 'am/ 'on te nges pa med de/ gal te gcig gi rkyen dang phrad na gcig 'byung
 bar 'gyur la/ de bzhin du gnyis dang por rkyen dang phrad na gnyis dang mang po yang 'byung bar 'gyur ram snyam pa la/ de'i phyir lnga rnams rtsa ba'i rnam shes las/ ji lta'i rkyen las byung ba ni/ rnam shes lhan cig 'am ma
 yin/ /chu la rlabs rnams ji bzhin no/ /zhes bya ba smos so/ /lnga rnams zhes bya ba ni mig la sogs pa rnam par shes pa rnams te/ /de'i rjes su rgyu ba yid kyi rnam par shes pa dang
 bcas pa rnams so/ /lnga po rnams kyi sa bon gyi gnas yin pas de 'byung ba dang/ /bkro? ba rnams su skye ba nye bar len ba'i phyir kun gzhi rnam par shes pa ni rtsa ba'i rnam par shes pa zhes bya'o/ /ji lta'i rkyen las
 zhes bya ba ni gang dang gang gi rkyen dang phrad ba de dang de nges par 'byung ste/ 'byung pa ni bdag thob pa'o/ /lhan cig 'am ma yin pa zhes bya ba ni cig car ram rim gyis so/ /chu la rlabs rnams ji bzhin zhes bya ba
 ni kun gzhi rnam par shes pa las su 'jug pa'i rnam par shes pa cig car dam cig car ba yin par 'byung ba'i dpe ste/ ji skad du blo gros yang pa dper na chu bo'i chu rgyun tu 'bab pa la gal te rlabs gcig 'byung pa'i
 rkyen nye bar gnas par gyur na rlabs gcig 'byung ngo/ /gal te gnyis sam gsum mam/ rlabs mang po 'byung ba'i rkyen nye bar gnas par gyur na yang rlabs mang po 'byung ste/ chu bo'i chu rgyun yang chad par mi 'gyur pa/
 yongs su zad par yang mi mngon pa de bzhin du blo gros yangs pa rlabs de'i chu po'i gnas lta bu'i kun gzhi rnam par shes pa la kun tu brten cing rab tu gnas nas gal te mig gi rnaM par sheS ba gcig pu 'byung ba'i rkyen
 nye bar gnas par 'gyur na mig gi rnam par shes pa gcig bu 'byung ngo/ /gal te rnam par shes pa gnyis sam gsum mam lnga 'byung ba'i rkyen nye bar gnas par gyur na yang gnyis sam gsum mam lnga'i bar duAng
 'byung bar 'gyur ro zhes gsungs pa lta bu'o/ /'di la tshigs su bcad pa/ len pa'i rnam par shes pa zab cing phra/ /sa bon thams cad chu bo bzhin du 'bag /bdag tu rtog par gyur na mi rung zhes/ /'di ni byis pa ngas ma bstan
 rtse'o/ /rnam par shes pa'i dmigs pa'i rkyen so sor nges pa bzhin du de ma thag pa'i rkyen ni mi 'dod de/ rnam par shes pa thams cad 'byung bar rnam par shes pa thams cad kyi de ma thag pa'i rkyen du khas len pas dmigs
 pa'i rkyen dang phrang na de ma thag pa'i rkyen gcig pu de las kyang rnam par shes pa gnyis sam mang po 'byung ste/ 'gal bar mi 'gyur ro/ /gang de ma thag pa'i rkyen so sor nges pa med la lnga po rnams cig car dmigs pa'i rkyen dang phrad
 kyang gcig kho na 'byung bar 'gyur gyi/ lnga char ma yin no zhes bya ba 'di la gtan tshigs ci zhig yod/ de lta bas na dmigs pa yod na lnga char 'byung ba 'am/ yang na mi 'byung bar khas blang dgos so// //
 da ni 'di brjod par bya ste/ ci yid kyi rnam par shes pa mig la sogs pa'i rnam par shes pa dag dang lhan cig 'byung ngam/ 'on te de dag med kyang 'byung snyam pa la de'i phyir/ yid kyi rnam shes 'byung ba ni/ /rtag tu'o 'du shes
 med pa dang/ /snyoms par 'jug pa rnams gnyis dang/ /sems med nyid dang brgyal ma gtogs zhes bya ba smos so/ /rtag tu zhes bya ba ni dus thams cad de/ mig la sogs pa'i rnam par shes pa dang/ lhan cig pa dang/ de? ma yin
 pa zhes bya ba'i tha tshig go /sbyir btang ba 'di'i dmigs kyi bsal pa rtsom ste/ 'du shes med pa dang/ snyoms par 'jug pa rnam gnyis dang/ /sems med gnyid dang brgyal ma gtogs/ /de la 'du sheS med pa ni 'du shes
 med pa'i sems can lha rnams kyi nang du skyes pa'i sems dang sems las byung ba'i chos rnams gang 'gog pa'o/ /snyoms par 'jug pa rnam gnyis ni 'du shes med pa'i snyoms par 'jug pa dang/ 'gog
 pa'i snyoms par 'jug pa'o/ /de la 'du shes med pa'i snyoms par 'jug pa ni bsam gtan gsum pa'i 'dod chags dang bral la gong ma'i 'dod chags dang ma bral ba 'byung ba'i 'du shes sngon du btang pa'i yid la byed
 pas yid kyi rnam par shes pa dang de dang mtshungs par ldan pa'i sems las byung ba rnams gang 'gog pa ste/ de ni 'dir 'du shes med pa'i snyoms par 'jug pa zhes bya'o/ /'dis 'gog par 'gyur bas 'gog pa'o/ /de yang
 yid kyi rnam par shes pa mtshungs par ldan pa dang bcas pa mi 'byung bar 'gog pa ste/ gnas kyi gnas skabs kyi bye brag go /snyoms par 'jug pa de yang sems kyi 'og tu sems gzhan 'byung pa dang/ mi mthun pa'i gnas
 thob par byed pa'i snyoms par 'jug pa zhes bya'o/ /'gog pa'i snyoms par 'jug pa ni ci yang? med pa'i skye mched kyi 'dod chaD dang bral ba zhi bar gnas pa'i 'du shes sngon du btang ba'i yid la byed pas yid kyi rnam par shes
 ba dang/ nyon mongs ba can gyi yid mtshungs par ldan pa dang bcas pa gang 'gog pa ste/ 'di yang 'du shes med pa'o snyoms par 'jug pa bzhin du gnaS kyi gnas bas kyi bye brag la gdags so/ /sems med pa'i gnyid ni gnaS
 gnyid stug pos non pa'i phyir dus de srid cig tu yid kyi rnam par shes pa mi 'byung bas sems med ba zhes bya'o/ /sems med pa'i brgyal ba ni glo bur du snang ba dang/ rlung dang mkhris pa dang bad kan dang mnyam pa ste/ gnas ma
 mnyam pas yid kyi rnam par shes pa 'byung ba dang mi mthun pa gang yin pa de la sems med pa'i nga rgyal la zhes nye bar 'dogs so/ /gnas skabs lnga po de dag la ma gtogs pa de ma yin pa'i nas? thams cad du yid kyi rnam par
 shes pa 'byung par rig par bya'o/ /de ltar na shes pa las Da pa rnam par shes pa 'gaD te med par gyur ba de phyis las 'byung na gang ge phyir de dag 'che ba'i dus byed par mi 'gyur zhe na/ de ni kun gzhi rnam par shes pa nyid las 'byung ste/
 de yang rnam par sheS pa thams cad kyi sa bon can no/ /rnam par shes pa gyur ba gang la bdag dang chos nye bar 'dogs pa de rnam pa gsum du bstan pa rgya med rnam pa gsum du bshad zin to// //da ni bdag dang chos su nye bar
 'dogs par byung ba gang yin pa nga rnam par shes par gyur pa nyid de/ rnam par shes pa gyur pa las gung na bdag dang chos med do zhes gang dam bcas pa de rab tu bsgrub pa'i phyir/ rnam par shes pa gyur pa 'di/ rnam rtog
 yin te de yis gang/ /rnam brtags de mang des na 'di/ /thams cad rnam par rig pa tsam zhes bya ba smos so/ /rnam par shes pa gyur pa rnam gsum bshad ma thag pa gang yin pa de ni rnam par rtog pa'o/ /sgro btags
 pa'i don gyi rnam pa khams gsum pa'i sems dang sems las byung ba ni rnam par rtog pa zhes bya ste ji skad du/ yang dag ma yin kun rtog ni/ sems dang sems byung khams gsum pa zhes bshad pa lta bu'o/ /rnam par rtog
 pa rnam pa gsum po kun gzhi rnam par shes pa dang nyon mongs pa can gyi yid dang/ 'jug pa'i rnam par shes pa'i rang bzhin mtshungs par ldan pa dang bcas pa des gang rnam par brtags pa snod dang/ bdag dang/ phung po dang/
 khams dang skye mched dang/ gzugs dang sgra la sogs pa'i dngos po de dag med pas/ de'i phyir rnam par shes pa gyur pa de rnam par rtog pa zhes bya ste/ dmigs pa med pa'i phyir ro/ /de'i
 dmigs pa dmang par ji ltar shes she na/ gang gi n+ya gang yin pa tshogs pa dang 'gal ba yang med na de 'byung bar 'gyur te/ gzhan du ni ma yin no/ /rnam par shes pa ni sgyu ma dang dri za'i grong khyer dang/ rmi
 lam dang rab rib la sogs pa dmigs pa la yang 'byung ngo/ /rnam par shes pa 'byung ba gal te/ dmigs pa'i khar las na ni de lta na go sgyu ma la sogs bdag la don med pas rnam par shes pa 'byung bar mi
 'gyur ro/ /de bas na snga ma 'gag ba de dang rigs gcig pa'i rnam par shes pa las rnam par shes pa 'byung ste/ de med kyang 'byung bas phyi rol gyi don las ni ma yin no/ /don tha dad pa ma yin pa la rtog par
 byed pa rnams phan tshun mi mthun par shes par mthong ste/ gcig ni phan tshun mi mthun du ma'i bdag nyid du mi rung ngo/ /de bas na sgro btags pa'i ngo bo yin pa'i phyir rnam par rtog pa'i dmigs pa med par shes
 par bya'o/ /'dis ni re zhig sgro gtags pa'i mdza' spangs nas/ kar pa'i mdza' spang bar 'dod pas/ des na 'di thams cad rnam par rig tsam pa zhes bya ba smos so/ /des na zhes bya ba ni de bas na'o/ /'di ltar
 gyur pa'i bdag nyid rnam par rtog pas gang rnam par brtags pa de med de/ de bas na yul med pas thams cad rnam par rig pa tsam mo/ /thams cad ces bya ba ni khams gsum pa dang/ 'dus ma byas so/ /tsam gyi
 sgra ni de las lhag pa'i yu ba gcad pa'i tha tshig go /ba ni rtsa ba bskad pa'o/ /gal te thams cad rnam par rig pa tsam kho na te/ de las gzhan byed pa po dang/ byed pa med na rtsa ba'i rnam par shes pa byin gyis ma brlabs pa las
 byed pa med par rnam par? rtogs rnams ji ltar 'byung snyem pa la/ de'i phyir rnam shes pa lon? thams cad pa/ /phan tshun dag gis dbang gis na/ /de lta de ltar 'gyur bar 'gro/ /des na rnam rtog de de skye zhes bya ba smos so/ /de la chos
 thams cad skyed nus pa dang ldan pas sa bon thams cad pa'o/ /rnam par shes pa ni kun gzhi rnam par shes pa'o/ /rnam par shes pa sa bon thams cad pa ma yin pa 'di yang pas sa bon thams cad pa zhes bya ba smos so//
 rnam par shes pa ma yin pa la yang kha cig sa bon thams cad rnam par rtog pas rnam par shes pa zhes bya ba smos so/ /yang na tshig gcig la 'khrul pa yod pa'i phyir bye brag dang/ bye brag gi gzhi bstan te/ da la nyes
 pa med do// //phan tshun dag gi dbang gis na/ /de lta de ltar 'gyur bar 'gro/ zhes bya ba la kun gzhi snga ma'i gnas skabs las bzhan du 'gyur pa ni 'gyur ba'o/ /de lta de ltar zhes bya ba ni rnam par rtog pa de dang
 de'i 'ga ma skyed nus pa'i gnas skabs 'thob ces bya ba'i ba tshig go /phan tshun dbang zhes bya ba la/ /'di ltar mig la sogs pa'i rnam par shes pa rang gi nus pa yongs su gos pa'i phyir 'jug pa'i tshe kun gzhi rnam par
 shes pa nus pa khyad par can 'gyur ba'i rgyu'o/ /kun gzhi rnam par shes pa 'gyur ba de yang mig la sogs pa'i rnam par shes pa'i rgyur 'gyur te/ de ltar phan tshun gyi dbang gis so/ /gang gi phyir gnyi ga 'byung ba de'i
 phyir/ kun gzhi rnam par shes pa gzhan gyis byin gyis ma brlabs pa las rnaM par rtog pa rnaM par du ma de dang de skye'o/ /'di ni da ltar gyi tshe la kun gzhi rnam par shes pa las 'jug pa'i rnam par shes pa ji ltar
 'byung ba de bstan to/ /da ni rnam par rig pa tsam da ltar gyi tshe 'gags nas ma 'ongs pa'i cho ji ltar mtshams sbyar ba de bstan pa'i phyir/ las kyi bag chags 'dzin gnyis kyi/ /bag chags bcas pa snga ma yi/ /rnam
 par smin pa zad nas gzhan/ /rnam smin skyed pa de yin no zhes bya ba smos so/ /bsod nams dang bsod nams ma yin pa dang/ mi g.yo ba'i sems pa ni las te/ las des ma 'ongs pa'i lus mngon par 'grub par
 kun gzhi rnam par shes pa la nus pa bskyed pa gang yin pa de ni las kyi bag chags so/ /'dzin pa gnyis ni gzung bar 'dzin pa dang/ 'dzin par 'dzin pa'o/ /de la rnam par shes pa la gud na rang yod pas
 gnas pa'i gzung ba yod par lhag par chags pa ni gzung ba'i 'dzin pa'o/ /de yang rnam par shes pas rtoD shing rnam par shes te 'dzin par nges pa gang yin pa de 'dzin pa'i 'dzin pa'o/ /sngon byung ba 'dzin pa dang/ gzung
 pa'i 'dzin pas btab pa'i ma 'ongs pa'i des rigs kyi gzung ba dang 'dzin pa'i 'dzin pa 'byung ba'i sa bon ni 'dzin pa gnyis kyi bag chags so/ /de la las kyi bag chags kyi bye brag gis 'gro ba tha dad pas
 lus mi 'dra bar 'gyur ba ni sa bon tha dad pa myu gu tha dad ba bzhin no/ /'dzin pa pa gnyis kyi bag chags ni las kyi bag chags thams cad ji ltar rang gi 'phangs pa lus bskyed pa la zhugs pa rnams kyi lhan cig byed pa
 nyid du 'gyur te/ dper na sa bon gyi myu gu skye ba na chu la sogs pa bzhin no/ /de lta na las kyi bag chags 'ba' zhig ma yin gyi/ 'dzin pa gnyis kyi bag chags kyis zin pas rnam par smin pa skyed do zhes bstan par 'gyur ro/ /
 de'i phyir 'dzin pa gnyis kyi bag chags dang bcas pas zhes bya ba smos so/ /snga ma'i rnam par smin pa zad nas gzhan/ /rnam smin skyed ba de bzhin no/ /zhes bya ba ni tshe snga ma la bsags pa'i las kyi 'dir rnam par smin pa mngon
 par bsgrubs pa gang yin pa da zad ces bya ba 'phangs pa'i dus kyi mdza' la gnas pa la las kyi bag chags kyi stobs ji lta ba bzhin du de 'dzin pa gnyis kyis bag chags dang bcas pas rnam par smin pa spyad zin pa laS
 rnam par smin pa gzhan kun gzhi rnam par shes ba de nyid skyed de/ kun gzhi rnam par shes pa me gtogs par rnam par smin pa gzhan med pa'i phyir ro/ /snga ma'i rnam par smin pa zad nas zhes bya ba 'dis ni rtag pa'i
 mdza' spong ngo/ /rnam par smin pa gzhan skyed do zhes bya bas ni chad pa'i mdza' spong ngo/ /mig la sogs pa'i rnam par shes pa ma gtogs par kun gzhi rnam par shes pa yod de/ de nyid sa bon thams cad pa ste/ mig la
 sogs pa'i rnam par shas pa ma yin no zhes bya ba de ji lta bu zhe na/ /lung dang rigs pas yod par mngon te/ bcom ldan 'das kyis chos mngon pa las/ thog ma med pa'i dus kyi dbyings/ /chos rnams kun gyi gnas
 yin te/ /de yod pas na 'gro kun dang/ /mya ngan las 'das pa'ang thob par 'gyur zhes gsungs so /kun gzhi rnam par shes pa med pa 'khor bar 'jug pa dang ldog pa yang mi rung ngo/ /de la 'khor bar 'jug pa ni rigs
 mthun pa gzhan dag du nyid mtshams sbyor bar byed do/ /ldog pa ni phung po lhag ma dang bcas pa dang/ phung po lhag ma med pa'i mya ngan las 'das pa'i dbyings so/ /de la kun gzhi rnam par shes pa
 las gzhan 'du byed kyi rkyen gyis rnam par shes par mi rung ste/ 'du byed kyi rkyen gyis rnam par shes pa med na 'jug pa'ang med par 'gyur ro/ /kun gzhi rnam par shes pa khas mi len na nyid mtshams sbyor ba'i rnam
 par shes pa'am/ 'du byed kyis yongs su bsgos pa'i rnam par shes pa'i tshogs drug po de dag 'du byed kyi rkyen las 'byung bar brtag grang na/ /de la 'du byed gang yin pa dag ni nyid mtshams sbyor ba'i rnam par
 shes pa'i rkyen du mi 'dod de/ de dag ni 'gags nas ring du lon pa'i phyir ro/ /'gags pa ni med pa'i phyir ro/ /med pa ni rkyen du mi rung bas 'du byed ni nyid mtshams sbyor ba'i rnam par shes pa'i rkyen du mi rung ngo/ /nyid
 mchams sbyor ba'i tshe na ming dang gzugs kyang yod de/ rnam par shes pa 'ba' zhig ni ma yin na de la rnam par shes pa nyid 'du byed kyi rkyen gyis 'byung gi/ ming dang gzugs ni ma yin no zhes bya ba 'di la rigs pa ci
 yod/ /de lta bas na 'du byed kyi rkyen gyis ming dang gzugs yin gyi/ rnam par shes pa ni ma yin no zhes brjod par bya'o/ /rnam par shes pa'i rkyen gyis ming dang gzugs zhes bya ba gang yin/ gal te dus phyi ma pa
 gang yin pa'i rkyen no zhe na/ de nyid mchams sbyor ba'i ming dang gzugs las rang bzhin bya brag tu gyur pa ni ci yod na/ 'di ltar de nyid rnam par shes pa'i rkyen gyis 'byung ba yin la snga ma ni ma yin/ snga ma ni 'du byed
 kyis rkyen gyis byung ba yin la phyi ma ni yin/ de'i phyir 'du byed kyi rkyen gyi ming dang gzugs nyid du 'gyur gyi/ nyid mtshams sbyor ba'i rnam par shes pa yan lag gzhan du brtags pas ci zhig bya/ de lta bas na nyid
 mtshams sbyor ba'i rnam par shes pa ni 'du byed kyi rkyen gyis 'byung bar mi rung ngo/ /rnam par shes pa'i tshogs drug po 'du byed kyis yongs su bsgos pa dag kyang 'du byed kyi rkyen gyis rnam par shes par mi rung ngo//
 de ci'i phyir zhe na/ rnam par shes pa ni rnam par smin pa'i bag chags dang rgyu mthun pa'i bag chags bdag la skyed mi nus te/ bdag nyid la byed pa 'gral ba'i phyir ro/ /mthug thogs su 'byung ba la yang ma yin te/ de'i tshe de ma byung pa'i
 phyir ro/ /ma byung ba ni ming pa'i phyir ro/ /byung ba na yang ma yin te/ de ni de'i tshe sngar 'gag pa'i phyir ro/ /sems med pa'i 'gog pa'i snyoms par 'jug pa la sogs pa'i dus na ni 'du byed
 kyis yongs su bsgos pa'i sems 'byung ba mi srid pa'i phyir/ /rnam par shes pa'i rkyen gyi med dang gugs med par 'gyur ro/ /de med pas skye mched drug kyang med par 'gyur ro/ /de bzhin du skye ba'i rkyen gyi rga shi'i bar du
 yang med par 'gyur te/ de'i phyir 'khor bar 'jug pa med par 'gyur ro/ /de lta bas na ma rig ba'i rkyen gyis 'du byed rnams so/ /des bsgos pa'i kun gzhi rnam par shes pa'i 'du byed kyi rkyen gyis rnam par shes pa'o//
 de'i rkyen gyis nyid mtshams sbyor ba'i tshe ming dang gzugs de tshul 'di la ni nyes pa med do/ /'khor ba ldog pa yang kun gzhi rnam par shes pa med na mi rung ste/ 'khor ba'i rgyu ni las dang nyon mongs pa rnams so/ /de gnyis las
 kyang nyon mongs pa ni gtso bo ste/ 'di ltar nyon mongs pa'i dbang gis na las kyis yang srid pa 'phen nus par 'gyur gyi gzhan du ma yin no/ /de ltar 'phangs pa'i srid pa lang las dang nyon mongs
 pa'i dbang gis yang srid par 'gyur te/ gzhan du ni ma yin no/ /de ltar na gtso bo yin pa'i phyir nyon mongs pa nyid 'khor bar 'jug pa'i rtsa ba ste/ de'i phyir de dag spangs na 'khor ba yang ldog par gyur gyi gzhan du ni ma
 yin no/ /kun gzhi rnam par shes pa med par de dag spang du mi rung ngo/ /ji ltar mi rung zhe na/ nyon mongs pa mngon du gyur pa'am/ sa bon gyi tshe spong grang na/ de la mngon du gyur pa spong ngo zhe na ni 'di mi 'dod pa nyid
 do/ /de spong ba'i lam la gnas pa'i phyir sa bon gyi tshe spang du yang mi rung ste/ gang la nyon mongs pa'i sa bon gnas pa de dag gnyen pos spong na de'i tshe na ni gnyen po las gzhan ci yang rung bsam blangs pa'i phyir/ /ji ste gnyen po'i sems
 nyid nyon mongs pa'i sa bon dang ldan par 'dod na ni de nyon mongs pa'i sa bon dang ldan pa nyid pas de'i gnyen por 'gyur ba ni mi rigs te/ nyon mongs pa'i sa bon ma spangs pa rnams kyi 'khor ba ldog pa mi srid do/ /de
 lta bas na gdon mi za bar kun gzhi rnam par shes pa la/ de las gzhan pa'i rnam par shes pa dang lhan cig 'byung ba'i nyon mongs pa dang nye ba'i nyon mongs pa rnams kyis rang gi sa bon gso bar bya ba'i phyir bag chags
 bsgo bar khas blang ngo/ /bag chags rnams stobs ji lta ba bzhin du 'jug pa rnyed na rgyur gyur ba'i bye brag thob pa'i sems nyid las nyon mongs pa dang/ nye ba'i nyon mongs pa gang dag 'byung ba de dag gi sa bon kun gzhi
 rnam par shes pa la gnas pa ni de dang lhan cig 'byung ba'i nyon mongs pa'i gnyen po lam gyis sel to/ /de bas na gnas de la yang nyon mongs pa rnams mi 'byung bas phung po ji ltag ma dang bcas pa'i mya ngan las 'das pa'i dbyings
 'thob bo/ /sngon gyi las kyis 'phangs pa de'i tshe 'gags la de las gzhan pa'i tshe dang ni nyid mtshams mi sbyor bas phung po lhag ma med pa'i mya ngan las 'das pa'i dbyings thob ste/ las yod du zin kyang nyon mongs pa rnams so
 spangs na lhan cig byed pa'i rgyu med pa'i phyir srid pa mngon par 'brub par byed mi nus so/ /de ltar na kun gzhi rnam par shes pa yod na 'khor bar 'jug pa dang ldog par 'gyur gyi/ gzhan du ni ma yin te/ mig la sogs pa'i rnam
 par shes pa las gung na kun gzhi rnam par shes pa yod la de nyid chos thams cad kyi sa bon dang ldan pa ste/ mig la sogs pa'i rnam par shes pa ni ma yin par gdon mi za bar khas blang bar bya'o/ /rgya cher dbyad pa ni phung po
 lnga po'i bshad sbyar las rig par bya'o/ /gal te 'di dag rnam par rig pa tsam yin na ji ltar mdo dang mi 'gal te/ mdo sde dag las ni kun brtags pa dang/ gzhan gyi dbang dang/ yongs su grub pa dang ngo bo nyid gsum
 gsungs so zhe na/ rnam par rig pa tsam nyid la ngo bo nyid gsung rnam par bzhag par 'gag pa med do/ /ji ltar zhe na de'i phyir/ /rnam par rtog pa gang gang gis/ /dngos po gang gang rnam rtag pa/ de nyid kun tu rtags pa ya/
 ngo bo nyid de de med do zhes bya ba smos so/ /nang dang phyi'i dngos po rnam par brtags pa'i bye brag gis rnam par rtog pa mdza' yas pa bstan pa'i phyir/ /rnam par rtog pa gang gang gis zhes bya ba smos so/ /dngos po gang gang
 rnam brtags pa zhes bya ba ni nang dang phyi'i dngos po ste/ tha na sangs rgyas kyi chos gyi bar du yang de nyid kun tu brtags ba'i ngo bo nyid de 'dir gtan tshigs smos pa na/ de med do zhes bya ba'o/ /rnam
 par brtags ba'i yul gyi dngos po gang yin pa de 'di ltar rang bzhin med pas med pa'o/ /de lta bas na dngos po de ni kun brtags pa'i ngo bo nyid kho na ste/ rgyu dang rkyen la rag las pa'i ngo bo nyid ma yin no/ /'di ltar dngos
 po gcig dang de med pa la phan tshun mi mthun pa'i rnam par rtog pa du ma 'jug pa mthong ste/ dngos po gcig bu de 'am/ de med pa la phan tshun mi mthun pa du ma'i rang bzhin mi rung ngo/ /de bas na 'di dag thams cad
 rnam par rtog pa tsam nyid de/ /don de kun tu brtags pa'i ngo bo nyid yin pa'i phyir ro/ /mdo ste las kyang rab 'byor ji ltar byis pa so so'i skye bo rnams mngon par zhen pa de bzhin du chos rnaMs med do zhe gsungs so/ /kun brtags pa'i 'og
 tu gzhan gyi dbang gi ngo bo nyid bshad par bya ste/ der phyir gzhan gyi dbang gi ngo bo nyid/ rni? rtog yin te rkyen las 'byung zhes bya ba smos so/ /rnam par rtog pa zhes bya ba ni 'dir gzhan gyi dbang gi ngo bo bstan te/ /rkyen las byung zhes bya
 pa des ni bzhan gyi dbang zhes brjod pa'i 'byung ba'i rgyu bstan to/ /de la kun tu rtog pa ni dge ba dang mi dge ba dang/ lung du ma bstan pa'i bye brag tha dad pa khams gsum pa'i sems dang sems las byung ba
 rnams to/ ji skad du/ yang dag ma yin kun rtog ni/ /sems dang sems byung khams gsum pa/ /zhes bshad pa lta bu'o/ /rgyu dang rkyen gzhan gyis dbang byas pas gzhan gyis dbang ste/ skyed ces bya ba'i tha tshig
 ste/ bdag las gzhan pa'i rgyu rkyen rnams la rag las shing skye ba bya bar bstan par 'gyur ro/ /gzhan gyi dbang bshad zin to/ /yongs su grub pa ji lta bu zhe na/ de'i phyir grub ni de la snga ma bo/ /rtag tu med par
 'gyur ba gang/ /zhes bya ba smos so/ /mi 'gyur bas yongs su grub pa'o/ /de la zhes bya ba ni gzhan gyi dbang la'o/ /snga ma po zhes bya ba ni kun brtags pa nyid do/ /rnam par rtog pa de la gzung ba dang/ 'dzin pa'i
 dngos por kun brtags pa ste/ 'di ltar de la gzung ba dang/ 'dzin pa med pa bzhin du kun brtags pas kun brtags pa zhes bya'o// /gzung ba dang 'dzin pa de dang gzhan gyi dbang de rtag tu dus thams
 cad du gtan du bral ba de ni yongs su grub ba'i ngo bo nyid do/ /de ci'i phyir de nyid gzhan dbang las/ /gzhan min gzhan pa min pa min/ /de'i phyir de nyid ces bya ba 'di ltar kun brtags pa'i ngo bo nyid gzhan gyi dbang
 dang rtag tu bral ba ni yongs su grub pa ste/ bral ba nyid ni chos nyid do/ /chos nyid chos las gzhan dang gzhan ma yin par mi rung ngo/ /yongs su grub pa ni gzhan gyi dbang gi chos nyid de de'i phyir gzhan gyi dbang las
 yongs su grub pa gzhan pa yang ma yin la gzhan ma yin pa yang ma yin par khong du chud par bya'o/ /gal te yongs su grub pa gzhan dbang las gzhan yin na ni de lta na go kun brtags pas gzhan gyi dbang stong bar
 'gyur ro/ /ji ste gzhan ma yin na/ de lta na yang yongs su grub pa rnam par dag pa'i dmigs par mi 'gyur te/ gzhan gyi dbang bzhin du kun nas nyon mongs pa'i bdag nyid kyi phyir ro/ /de bzhin du gzhan gyi dbang
 yang kun nas nyon mongs pa'i bdag nyid mi 'gyur te/ yongs su grub pa las gzhan ma yin pa'i phyir yongs su grub pa 'dra'o/ /mi rtag la sogs bzhin du brjod/ /gzhan dang ma yin
 no zhes bya ba ni tshig gi lhag ma'o/ /dper na mi rtag pa nyid dang sdug bsngal ba nyid dang/ bdag med pa nyid mi rtag pa la sogs pa las gzhan pa yang ma yin la gzhan ma yin pa yang ma yin no/ /gal te 'du byed
 rnaMs las mi rtag pa nyid gzhan yin na/ de lta na go 'du byed rnams mi rtag par mi 'gyur ro/ /ji ste gzhan ma yin na/ de lta na yang 'du byed rnams zhig nas med pa nyid du 'gyur te mi rtag pa nyid bzhin no/ /de bzhin du sdug
 bsngal nyid la sogs pa la'ang brjod par bya'o/ /gal te gzhan gyi dbang la gzung ba dang 'dzin pa med na de ji ltar 'dzin mi 'dzin na ni yod par ji ltar shes she na/ de'i phyir/ de ma mthong bar de mi mthong/ /de
 mi mthong zhes bya ba ni longs su grub pa'i ngo bo nyid do/ /de mi mthong zhes bya ba ni gzhan gyi dbang gi ngo bo nyid do/ /'jig rten las 'das pa'i ye shes rnam par mi rtog pas mthong bar bya ba yongs su grub pa'i
 ngo bo nyid ma mthong ba ni ma rtogs pa dang/ mngon sum du ma byas pa'o/ /de'i rjes las thob pa dag pa 'jig rten pa 'jig rten las 'das pa'i ye shes kyi spyod yul yin pas shes pa gzhan gyis gzhan gyi
 dbang mi 'dzin to/ /de'i phyir yongs su grub pa ma mthong bar gzhan gyi dbang mi mthong ste/ 'jig rten las 'das pa'i ye shes kyi rjes la thob pa'i ye shes kyis ni mi mthong ba med yin no/ /rnam par
 mi rtog par 'jug pa'i gzungs las ji skad du/ de'i rjes la thob pa'i ye shes kyis ni chos thams cad sgyu ma dang smig rgyu dang rmi lam dang mig yor dang brag cha dang chu zla dang sprul ba dang mtshungs pa'i mthong ngo zhes gsungs ba
 lta bu'o/ /chos ni 'dir gzhan gyi dbang du bsdus pa rnams su bzhed do/ /yongs su grub pa ni nam mkha' lta bu ste/ /ye shes ro gcig pa'o/ /ji skad du rnam par mi rtog pa'i ye shes kyis ni chos thams cad nam mkha' i dkyil
 dang mtshungs par mthong ngo zhes gsungs pa lta bu ste/ gzhan gyi dbang gi chos rnams kyi de bzhin nyid tsam mthong ba'i phyir ro/ /gal te gzhan gyi dbang rdzas nyid yin na ji ltar mdo sde las chos thams cad ni dpe nyid med pa ma skyes ba ma
 'gag pa zhes bstan ce na 'gal ba med du ltar ngo bo nyid ni rnam gsum gyi/ ngo bo nyid med rnam gsum med/ dgongs nas chos rnams thams cad ni/ /ngo bo nyid med bstan pa yin/ /ngo bo nyid gsum kho na ste/ bzhin med par bstan pa'i phyir
 grangs bstan to/ /rang rang gi mtshan nyid kyi yod pa ltar 'gyur bas ngo bo nyid do/ /ngo bo nyid med pa rnam pa gsum ni mtshan nyid ngo bo nyid med pa dang/ skye ba ngo bo nyid med pa dang/ don dam pa ngo bo nyid med pa'o/ /chos thams cad ni
 kun brtags pa dang/ gzhan gyis dbang dang/ yongs su grub pa'i bdag nyid do/ /da ni ngo bo nyid gsum gyi gang gi ngo bo nyid med pa gang yin pa bstan pa'i phyir/ /dang po pa ni mtshan nyid kyi/ /ngo bo nyid med gzhan pa yang/ /de ni
 rang nyid mi 'byung bas/ /ngo bo nyid med gzhan yin no/ /chos kyi don gyi dam pa 'ang de/ /'di ltar de bzhin nyid kyang de zhes bya ba smos so/ /dang po pa ni kun tu brtags pa'i ngo bo nyid de/ de ni mtshan nyid kyis ngo bo nyid med pa ste/ 
 de'i mtshan nyid ni brtags pa'i phyir ro/ /gzugs kyi mtshan nyid ni gzugs su yod pa'o/ /tshor ba'i mtshan nyid ni myong ba'o zhes bya ba la sogs pa ste/ de dag rang gi ngo bo med pas nam mkha' i
 me tog bzhin du rang gi ngo bo med pa'o/ /gzhan pa yang zhes bya ba ni gzhan gyis dbang gi ngo bo nyid do/ /de na sgyu ma bzhin du rkyen gzhan gyis skye ba'i phyir rang gi dngos po med do/ /'di ltar yang ji ltar snang ba de bzhin du
 nga la skye ba med de/ de'i phyir skye ba ngo bo nyid med pa zhes bya'o/ /chos kyi don gyi dam pa'ang de 'di ltar de bzhin nyid kyang de zhes bya ba la/ dam pa ni 'jig rten las 'das pa'i ye shes te/ bla na med pa'i phyir ro/ /de'i don
 dam pa'o/ /yang na nam mkha' ltar thams cad du ro gcig pa dang/ dri ma med pa dang mi 'gyur ba'i chos yongs su grub pa ste/ don dam pa zhes bya'o/ /'di ltar yongs su grub pa'i ngo bo nyid de ni gzhan gyi dbang gi bdag nyid
 chos thams cad kyi don daM? pa ste/ de'i chos nyid yin pas de'i phyir yongs su grub pa'i ngo bo nyid ni don dam pa ngo bo nyid med pa ste/ yongs su grub pa ni dngos po med pa'i ngo bo nyid kyi phyir ro/ /ci don dam pa 'ba' shig gis
 yongs su grub par brjod dam/ smras pa/ ma yin te/ de bzhin nyid kyang de'o/ /kyang gi sgra ni de bzhin nyid kyi sgrang brjod pa 'ba' zhig ma yin gyi chos kyi dbyings kyi rnam grangs su gtogs pa ji snyed pa de thams cad du brjod par bya'o//
 dus rnams kun na de bzhin yod pas de bzhin nyid de 'di ltar so so'i skye bo dang/ slob ba dang/ mi slob pa'i dus dag na dus thams cad du de bzhin te/ gzhan du ma yin pas de bzhin nyid ces bya'o/ /ci de bzhin nyid de bzhin du
 rnam par rig ba tsam yang yongs su grub pa nyid dam/ 'on? te rnam par rig pa tsam gzhan zhig snyam pa la de'i phyir/ de nyid rnam par rig pa tsam gzhan zhig smos te/ /shin tu rnam pa de dag pa'i mtshan nyid khong du chung ba'i phyir ro/ /ji
 skad du/ de tshe de tsam mthong pa'i phyir/ /ming la sems de/ gnas pa yi na/ /ming la gnas pas rnam pa rig la/ /dmigs pa rab tu spong bar 'gyur/ /bsgoms pa'i rgyu yis de'i tshe/ /dmigs pa med pa'i dbyings
 la rab/ /sgrib pa kun las rnam grol zhing/ /de tshe dbang 'byor thob par 'gyur zhes bshad pa lta bu ste/ de nyid rnam par rig pa tsam zhes bya ba'i tshig 'dis ni mngon par rtogs par bstan te/ /gal te 'di dag rnam par rig pa
 tsam yin na/ mig dang/ rna ba dag? sna dang lce dang/ lus kyis gzugs dang/ sgra dang/ dri dang/ ro dang/ reg bya la gzung ngo snyam du de'i sems pa ci las byung snyam pa la de'i phyir/ /ji srid rnam par rig tsam nyid la/ /rnam
 par shes pa mi gnas pa/ /de srid 'dzin pa rnam gnyis kyi/ bag la nyal ba mi ldog go zhes bya ba smos so/ /yang na gang/ las kyi bag chags 'dzin gnyis kyi/ /bag chags bcas pa snga ma yi/ /rnam par smin pa zang nas
 gzhan/ /rnam smin skyed pa de yin no zhes smos pa de smod pa dang/ yi spong ba ji lta bu zhes bya ba ste/ de'i phyir/ ji srid rnam rig tsam nyid la/ /rnam par shes pa mi gnas pa zhes rgya cher smos so/ /ji srid du sems kyi chos nyid
 rnam par rig pa tsam nyid ces bya ba la/ rnam par shes pa mi gnas pa/ gzung ba dang/ 'dzin par dmigs pa la spyad ba'i bar du'o/ /'dzin pa gnyis ni gzung ba'i 'dzin pa dang/ 'dzin pa'i 'dzin pa ste/ de'i bag la nyal ni ma
 'ongs pa'i 'dzin pa gnyis skye bar bya ba'i phyir de dag gi kun gzhi'i rnam par shes pa la sa bon btab pa'o/ /ji srid du gnyis med pa'i mtshan nyid rnam par rig pa tsam nyid la rnal 'byor pa'i sems gnas
 par ma gyur pa de srid du 'dzin pa gnyis kyi bag la nyal mi ldog ste/ mi spong zhes bya ba'i tha tshig go /'dir ni phyi rol gyi dmigs pha ma spangs na/ nang gi dmigs pa'ang ma spangs par bstan pa/ de'i phyir de 'di snyam du bdag ni
 mig la sogs pas gzugs la sogs pa 'dzin to snyam du sems so/ /da ni 'di brjod par bya ste/ don dang bral ba'i sems tsam dmigs pas/ ci sems kyi chos nyid la gnas pa yin nam/ smras pa/ ma yin te/ 'di dag rnam
 rig tsam nyid ces/ /de 'di snyam du dmigs gnas su/ ci yang rung ste mdun 'jog na/ /de ni tsam la mi gnas so/ /de yang mngon pa'i nga rgyal can gang thos pa tsam gyis bdag rnam par rig par ma rnam par dag pa la gnas so
 snyam du sems pa'i 'dzin pa de bsal ba'i phyir/ 'di dag rnam par rig tsam nyid ces/ /de snyam du ni dmigs nas su zhes bya ba la sogS pa smos so/ /'di dag rnam par rig tsam nyid ces bya ba ni don dam dang bral ba ste/ phyi rol gyi don
 med do zhes de ltar dmigs pa ni 'dzin pa dang mtshan mar byed ces bya ba'i tha tshig go /mdun du zhes bya ba ni mngon sum du'o/ /'jog na zhes bya ba ni ji ltar thos pa bzhin du yid kyis 'jog pa'o/ /rnal 'byor sbyong ba'i dmigs
 pa rnam pa mang bas ci yang rung zhes bya ba smos te/ kang rus sam rnam par sngos? pa 'am rnam par rul ba 'am/ rnam par 'bu zhugs pa 'am/ rnam par bam pa la sogs pa'o/ /de ni tsam la mi gnas pa ni rnam par shes pa'i
 dmigs pa ma spang pa'i phyir ro/ /nam zhig na rnam par shes pa'i 'dzin pa spangs shing sems kyi chos nyid la rab tu gnas par 'gyur zhe na/ de'i phyir/ nam zhig sheS paS dmigs pa rnams/ /mi dmigs de'i che na ni/ /rnam
 par rig pa tsam la gnas/ /gzung ba med pas de 'dzin med ces bya ba smos so/ /gang gi tshe bstan pa la dmigs pa dang/ gdams dag la dmigs pa dang/ gzugs dang sgra la sogs pa tha ma la dmigs pa yang rung ste/ shes
 pas sems las phyi rol tu mi dmigs te/ ma mthong mi 'dzin la mngon par zhen pa med cing don yang dag pa ji lta ba bzhin du mthong la/ dmus long lta bu ni ma yin pa de'i tshe rnam par shes pa'i 'dzin pa yang spangs shing rang gi semS
 kyi chos nyid la yang gnas pa yin te/ 'di nyid du gtan tshigs smos pa/ gzung ba med pas de 'dzin med ces bya'o/ /gzung ba yod na 'dzin par 'gyur te/ gzung ba med na ma yin no/ /gzung ba med na 'dzin pa med par yang rtogs
 par 'gyur gyi/ gzung ba med ba 'ba' zhig ni ma yin no/ /de ltar na dmigs par bya ba dang/ dmigs par byed pa la rnam par mi rtog pas mnyam pa 'jig rten las 'das pa'i ye shes 'byung ste/ gzung ba dang 'dzin par mngon
 par zhen pa'i bag la nyal spong zhing rang gi sems kyi chos nyid la yang seMs gnas par 'gyur ro/ /gal te de ltar rnam par rig pa tsam nyid la sems gnas par gyur pa de'i tshe/ ji skad bya zhe na/ de'i phyir/ de ni sems med mi dmiD
 ba/ /'jig rten 'das pa'i ye shes de/ /gnas kyang gzhan du gyur pa ste/ /gnas ngan len gnyis spangs pas so/ /de nyid zag pa med dang dbyings/ /bsam mi khyab dang dge dang brtan/ /de ni bde ba rnam grol sku/ /
 thub pa chen po chos zhes bya/ /tshigs su bcad pa 'di gnyis kyi rnam par rig pa tsam nyid la zhugs pa'i rnam 'byor pa'i mthong ba'i lam la brten te/ gong nas gong du bye brag tu 'gro bas 'bras bu phun
 sum tshogs pa bstan te/ /de la 'dzin pa'i sems med pa dang/ gzung ba'i don mi dmigs pa'i phyir/ de ni sems med mi dmigs pa zhes bya'o/ /'jig na 'dris par ma byas pa dang/ kun tu 'byung ba med pa dang/ rnam par mi
 rtog pa dang/ 'jig rten las rgal pa'i phyir/ 'jig rten las 'das pa'i ye shes de zhes bya'o/ /ye shes de'i 'og tu gnas gyur pa bstan pa'i phyir/ /gnas kyang gzhan du gyur pa ste zhes bya ba smos so/ /gnas ni
 'dir kun gzhi rnam par shes pa sa bon thams cad do/ /de gyur pa ni gang gnas ngan len dang/ rnam par smin pa dang/ gnyis kyi bag chags kyi dngos po log na las su rung ba dang/ chos kyi sku dang/ mi gnyis pa'i ye
 shes kyi dngoS por gyur pa'o gnas gyur pa de yang gang/ spangs pas thob par 'gyur zhe na/ de'i phyir/ gnas ngan len gnyis spangs pas so zhes bya ba smos so/ /gnyis zhes bya ba ni/ nyon mongs pa'i sgrib pa'i gnas ngan
 len dang/ shes bya'i sgrib pa'i gnas ngan len no/ /gnas ngan len ni gnas las su rung ba nyid de/ de yang nyon mongs pa dang/ shes bya'i sgrib pa'i sa bon no/ /gnas gyur pa de yang nyan thos la sogs pa la yod pa'i
 gnas ngan len spangs bas thob par 'gyur ba ni gang/ rnam grol sku zhes bya ba smos so/ /byang chub sems dpa' la yod pa'i gnas ngan len spangs pas thob par 'gyur ba ni gang/ thub pa chen po'i chos zhes bya/ zhes bya
 pa smos te/ sgrib pa rnam pa gnyis spangs pa'i bye brag gis gnas gyur pa bla na yod pa dang/ bla na med par bstan to/ /'dir tshigs su bcad pa/ len pa'i rnam shes sgrib gnyis kyi/ mtshan nyid yin par shes par bya/ nyon mongs sa bon
 kun? sa bon/ /der ni gnyis la gnyis 'ching ngo/ /gnyis zhes bya ba ni nyan thas dang byang chub sems dpa' o/ /snga ma la ni nyon mongs pa'i sa bon no/ /cig shos la ni sgrib pa gnyis kyi sa bon te/ de dag btsam? pas thams cad
 mkhyen pa nyid thob par 'gyur ro/ /de nyid zag pa med dang dbyings zhes bya ba ni gnas gyur pa'i rang bzhin de nyid zag pa med pa dang/ dbyings zhes bya ste/ gnas ngan len med pa'i phyir ro/ /zag pa thams cad bral bas zag pa med
 pa'o/ /'phags pa'i chos kyi rgya yin pas dbyings so/ /dbyings kyi sgra ni 'dir rgyu'i don to/ /bsam gyis mi khyab pa ni rtog ge'i spyod yul ma yin pa dang/ so so rang gis rig pa dang/ dpe med pa'i phyir ro/ /dag pa ni rnam par dag pa'i
 dmigs pa dang/ bde ba dang/ zag pa med pa'i chos kyi rang bzhin yin pa'i phyir ro/ /brtan pa ni rtag pa dang mi zad pa'i phyir ro/ /bde ba ni rtag pa nyid kyi phyir te/ gang mi rtag pa de ni sdug bsngal ba'o/ /'di ni rtag pa ste/ de'i phyir
 bde pa'o/ /nyon mongs ba'i sgrib pa spangs pas nyan thos rnams kyi rnam par grol pa'i sku'o/ /gnas gyur pa'i mtshan nyid de ni thub pa chen po'i chos kyi sku zhes bya ste/ sa dang pha rol tu phyin pa bsgoms nas nyon mongs pa dang shes
 bya'i sgrib pa spangs pas gnas gyur ba yang dag par grub pa'i phyir thub pa chen po chos kyi sku zhes bya'o/ /'khor ba yongs su mi gtong zhing des nyon mongs pa med pa dang/ chos thams cad la dbang 'byor pa thob pa'i phyir byang chub semS
 pa'i chos kyi sku zhes bya'o/ /thub pa chen po zhes bya ba ni thubs pa'i mchog dang ldan pas sangs rgyas bcom ldan 'das ni thub pa chen po'o/ /sum cu pa'i bshad pa slob dpon blo brtan gyis mdzad pa
 rdzogs so// //rgya gar gyi mkhan po dzi na mi tra dang/ sh+ri len+d+ra po d+hi dang/ zhu chen gyi lo tsA ba bande ye shes sdes zhus te gtan la phab pa// //rab tu byed nyi shu ba'i 'grel bshad slob dpon dul ba'i lhas mdzad pa