<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4331: rnal 'byor spyod pa'i sa las rnam grangs bsdu ba<br><table><tr><td>
<input type="button" onclick="location.href='tcompletep.php?id=N4331&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4331&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4331&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">par bya'o/ /'dul ba ma mo rdzogs te/ 'dul ba bsdu ba rdzogs //rgya gar gyi mkhan po pradza rma daneg 'dzn mi tra dad/ zhu dang/ zhu chen gyi lo ts+tsha ba bande ye shes sde la sogs pas bsgyur cing zhus te gtan la phab pa// // *//rnam grangs bsdu ba
 rnal 'byor spyod pa'i sa las rnam grangs bsdu ba/ sbyi sdom zhi/ dkar ba'i phyogs dang nag po'i phyogs/ /rnam grangs dag ni yang dag bshad/ /don gyi blo rab rtogs bya'i phyir/ /spyi yi sdom ni bsdus pa yin/ /sdom ni/ ston dang mchog nyid shes rab bzhin
 de bzhin lags par gsungs pa dang/ /gang gzhi yod dang sbyin pa dang/ /tshul khrims lar rab rgyas pa yin/ /de la ston pa'i de bzhin gshegs pa'o/ /rab tu ston pa ni de'i slob ma'i mchog rnams te gnas brtan shA ri'i bu la sogs pa'o/ /rjes su ston ba ni slob
 dpon dang/ mkhan po dang chos mthun par rnams dang/ skul bar byed pa rnams dang/ dran par byed pa rnams so/ /de la ston pa ni ston par byed pa'o/ /rab tu ston pa ni rab tu ston par byed pa'o/ /rjes su ston pa ni rjes su ston par byed pa'o/ /bya ba rjes su gnang ba/
 bya ba ma yin pa 'gog pa dang/ dus dus su gang ma dag dang rjes su bstan pa la rab tu 'jug par byed pa'i phyir/ de dag nyid gsung ba dang/ rab tu gsung ba dang/ rjes su gsung ba yin pa'i rig par bya'o/ /'dren pa ni ma yin pa la brtson pa rnams tshar
 gcod par byed pa'o rnam par 'dren pa ni bya ba la brtson ba rnams yang dag par mgu bar byed pa'o/ /rab tu 'dren pa ni de gnyi ka yang dag par skul bar byed pa'o/ /'dren par byed pa ni the tshom skyes shing byung ba yang dang yang du rnam par sel bar byed pa'o/ /rnam par 'dren par
 byed ba ni 'gyod pa rnams yang dang yod du rnam par sel bar byed pa'o/ /rab tu 'dren par byed pa ni nyon mongs pa dang nye ba'i nyon mongs pa rnams yang dang yang du rnam par sel bar byed pa'o/ /yang the tshom rnams gcod par byed pa dang/ don rnam par phye ba
 rnams rnam par 'byed par byed pa dang/ don rnam par gsal bar byed pa dang/ don dang tshig zab mo shes rab kyi yang dang yang du rtogs par byas te/ rgya cher yang dag par rab tu ston pa'i phyir/ 'dren par byed pa la sogs pa dang go rims bzhin no/ /
 slob dpon ni bla ma'i gnas su khas blang bar bya'o/ /gnyis pa ni grogs byed pa ste/ de dang mthun par rjes su 'jug pa'i phyir ro/ /mdza' bshes ni khyim pa'i tshe'i grogs po rnying pa'o/ /snying du sdug pa ni pha dang ma dang de dang 'brel pa'o/ /snying brtse
 ba ni 'brel pa med par phan 'dogs pa'o/ /don zhes bya ba ni don du gnyer ba dang don dang ldan pa'o/ /de 'dod pa ni ngon 'dod pa'o/ /phan pa zhes bya ba ni dge ba spyod pa'o/ /de 'dod pa ni phan pa 'dod pa'o/ /reg par gnas pa ni lus dang sems la phan
 'dogs pa'i don gyis bde ba zhes bya'o/ /de 'dod pa ni bde ba 'dod pa'o/ /reg par 'dod pa ni mthong ba'i chos kyi bde ba las brtsam pa'o/ /grub pa dang bde bar 'dod pa ni tshe phyi na'i bde ba las brtsams pa'o/ /mngon bar yid chos pa ni thams cad la mngon
 par yid ches pa'o/ /de nyid des yon tan dang mthu dang shes rab mchog tu 'byung ba thos nas/ gang zag gi rten gyi sgo nas dang pa'o/ /de nyid chos kyi gzhi dang rigs pa'i sgo dang mthun pa ni dang pa ste/ gang gi dbang du byas te spu zing zhes byed pa dang/ mtshan? bkrug ces byed
 pa la sogs par ? ba'i ? 'phyung ba yin no/ /nges bar rtogs pas ni yon tan la sogs pa ma thos pas spyod lam dang sbyor pa dang/ gnas pa dag las de la yon tan yod par yid ches pa'o/ /'dun pa ni de phyed 'dod pa dang/ thob par 'dod pa gang yin pa'o/ /
 brtson 'grus ni brtson 'grus brtsams ba'i sems mngon par sbra ba gang yin pa'o/ /rtsol ba ni spro ba byas pa sbyor ba de la rtsol ba'o/ /nges par 'byung ba ni brtsan 'grus brtsams pa mi btong zhing rgyun du byed pa ste phyir mi bzlog pa'o/ /brtul ba ni brtson 'grus gus
 bar? brtsom pa'o/ /mthu ni mtshan mo 'am thun 'das nas brtson 'grus 'di dang 'di lta bu zhig brtsam mo zhes snga nas sems dpa' i go cha gang yin pa'o/ /rtsod pa ni ji ltar go cha bgos pa 'am khyad par du 'phags par brtson 'grus rtsom pa'o/ /sgo ba ni brtson 'grus brtsams pa
 de'i 'bras bu'i phan yon mthong ba'o/ /bzod spro ni de dang ldan pa grang ba la sogs pa'i gnod pa dang du len pa'o/ /mngon par spo ba ni snga phyi'i khyad par shes nas gong ma'i khyad par thob par bya ba la yid ches pa skyes pa'i rtson 'grus gang yin pa'o/ /phyir mi zlog pa
 ni khyad par du cung zad tsam ma ma/ ngan ngon tsam zhig rtogs nas bar mdor sgyid mi lug pa ste dge ba sgom pas chog mi shes pa'o/ /sems yang dag par sdud pa ni brtson 'grus kyi gegs su gyur pa nyon mongs pa dang nye ba'i nyon mongs pa bdud kyi las rnams las blo
 sems yang dag par sdom pa'o/ /rgyun tu byed pa ni sbyor ba de nyid la rgyun du byed pa gang yin pa ste brtson pa mi gtong ba'o/ /dang pa ni 'di lta ste/ nges ston pas chos ston pa'i chos de thos nas dad brnyed pa gang yin pa'o/ /bag yod pa ni dad pa thob pa nges par 'byung ba
 bar 'dod pa'i gags su gyur pa'i chos dag las sems kun tu srung ba gang yin pa dang rgyun du dag ba'i chos sgom par brtson pa'o/ /sbyor ba ni lung dang kha ton dang yongs su 'dri ba dang/ 'brel pa'i gtam rnam par nges pa yang dag par rab tu sbyor ba'i
 sems pa ni ji skad bstan pa dang ma nos pa'i chos dang don la yongs su rtogs pa'o/ /dran pa ni yongs su brtags pa'i don mi brjed pa dang/ yun ring mi zhig na byas pa dang bshad pa yang rjes su dran pa'o/ /rnam par rtog pa ni chos dang don de nyid la brten te/ nges par
 'byung ba la sogs pa rnam par rtog pa'o/ /ye shes ni 'jig rten las 'das pa'i sbyor ba las byung ba'i shes rab gang yin pa'o/ /shes rab 'jig rten las 'das pa'i shes rab po/ /shes rab thob pa ni 'jig rten las 'das pa'i shes rab kyi rjes las thob pa 'jig
 rten pa'i shes pa gang yin pa'o/ /spyod pa ni dpyod pa'i yid las byed pas spangs pa dang ma spangs pa dang/ lhag ma dang bcas pa dang/ lhag ma ma lus pa la so sor rtogs pa gang yin pa'o/ tshangs par spyod pa ni 'phags pa'i lam yan lag brgyad pa dang/ tshangs
 par spyod pa ma yin pa 'khrig pa'i chos spong ba'o/ /lhag ma byang chub kyi phyogs sum cu rtsa bdun ni tshangs par spyod pa kun tu 'dren par byed pa ste/ de dag kyang de'i rang bzhin yin pa'i phyir dang/ de'i phyogs yin pa'i phyir zhi gnas dang lhag mthong dang/ lus su
 gtogs pa'i dran pa dang/ gnas gsum dag gis ci rigs par bsdus so/ /de la dad pa dang dran pa ni gnyi ga'i phyogs yin no/ /de la ston pa de nyid rang gi don sgrub pa'i phyir mchog ces bya'o/ /gzhan gyi don sgrub pa'i phyir gtso bo zhes bya'o/ /de gnyi ga
 sgrub ba'i phyir khyad par du 'phags pa zhes bya'o/ /mu stegs can thams cad zil gyis gnon pa'i phyir bla ma zhes bya'o/ /nyan thos dang rang sangs rgyas zil gyis gnon pa'i phyir bla na med pa zhes bya'o/ /mu stegs can dang thun mong ma yin pa'i chos mngon par
 rdzogs bar byang chub pa'i phyir mi mnyam pa zhes bya'o/ /nyan thos dang rang sangs rgyas dang thun mong ma yin pa'i chos mngon par rdzogs par byang chub pa'i phyir mi mnyam pa dang mnyam pa zhes bya'o/ /rnam grangs gzhan yang 'jig rten pa'i dge ba phun sum tshogs pa
 thams cad dang mthun pa'i phyir mchog go/ nyan thos kyi dge ba phun sum tshogs pa thams cad thun mong pa'i phyir gtso bo'o/ /rang sangs rgyas kyi dge ba phun sum tshogs pa thams cad dang thun mong pa'i phyir khyad par du 'phags pa'o/ /nyon mongs pa'i sgrib pa
 rnam par dag pa'i phyir bla ma'o/ /shes bya'i sgrib pa rnam par dag pa'i phyir bla na med pa'o/ /rnam grangs gzhan yang 'dod pa na spyod pa'i dge ba phun sum tshogs pa'i phyir mchog go /gzugs na spyod pa'i dge ba phun sum tshogs pa'i phyir gtso bo'o/ /gzugS
 med pa na spyod pa'i dge ba phun sum tshogs pa'i phyir khyad par du 'phags pa'o/ /khams gsum pa thams cad las yang dag par 'das pa 'jig rten las 'das pa'i dge ba phun sum tshogs pa'i phyir bla ma'o/ /nyan thos dang rang sangs rgyas thams cad
 las yang dag par 'das pa'i dge ba phun sum tshogs pa'i phyir bla na med pa'o/ /sems can rkang med rnams ni 'di lta sta sprul la sogs pa'o/ /sems can rkang gnyis rnams ni 'di lta ste mi la sogs pa'o/ /sems can rkang bzhi rnam ni 'di lta ste
 glang po che la sogs pa'o/ /sems can rkang mangs rnams ni 'di lta ste srin med la sogs pa'o/ /sems can gzugs can rnams ni 'di lta ste/ 'dod pa'i khams nas gzung ste/ bsam gtan bzhi pa'i bar dag go /sems can 'du shes can rnams ni
 'di lta ste/ 'du shes med pa'i sems can ma gtogs pa 'dod pa'i khams nas gzung ste/ ci yang med pa'i skye mched kyi bar dag go/ 'du shes med pa'i sems can rnams ni 'di lta ste/ 'du shes med pa'i lha rnams so/ /'du shes med min gyi sems
 can rnams ni 'di lta ste/ 'du shes med 'du shes med min du nye bar 'gro ba'i lha rnams so/ /mdor bsdu na rnam pa de dag gis ni de bzhin gshegs ba yongs su g.yo ba dang/ sku dang thugs kyi sgo nas mchog nyid rnam pa gsum yongs su bstan pa yin no//
 shes rab rnyed pa zhes bya ba bye brag med par dge ba dang/ don dang ldan pa'i shes rab gang yin pa'o/ /shes rab rgyas pa dang 'phel ba dang yangs pa zhes bya ba ni chung ngu dang 'bring dang chen por khyad par du 'phags pa'o/ /shes rab rnam par byang ba ni sngon goms par
 byas pa'i shes rab dus gzhan du yongs su smin pa'o/ /shes rab 'byor ba ni nyon mongs pa yongs su shes pa dang/ spong ba'i shes rab gang yin pa'o/ /shes rab yongs su skong ba de nyid mthar thug par 'gro ba'o/ /shes rab yongs su mi nyams pa ni de nyid yongs su mi nyams
 pa'i chos can yin te/ shin tu tshar phyin pa'o/ /shes rab myur ba nyin ni skyen phar rab tu shes pa'o/ /shes rab ma gyogs pa nyid ni shes rab yongs su mi gtugs pa'o/ /shes rab rno ba nyid ni ji snyed pa dang ji lta ba bzhin du rab tu shes pa'o/ /nges par
 'byung ba'i shes rab nyid ni nges par 'byung ba'i chos rnams dang/ 'jig rten pa'i 'dod chags dang bral ba yang rab tu shes pa'o/ /nges par 'byed pa'i shes rab nyid ni 'jig rten las 'das pa'i 'dod chags dang bral ba rab tu shes pa'o/ /shes rab zab pa ni zab
 mo stong pa nyid dang ldan ba rten cing 'brel par 'byung ba dang rjes su mthun pa'o chos rab tu shes pa dang/ don dang tshig zab mo yang dag pa ji lta ba bzhin du rab tu rtog pa ste/ de la de bzhin gshegs pa ni de dag gdags pa la shes rab yin no/ /nyan thos rnams
 kyi ni gdags ba la shes rab chen po yin te/ shes rab de nyid dus yun ring po nas yongs su goms par bya ba'i phyir ro/ /shes rab yangs pa ni de nyid tshad med pa dang mdza' yas pa'i spyod yul lo/ /shes rab mnyam ba med pa ni gzhan dag dang mi
 mtshung? pa'i shes rab bo/ /shes rab rin po che ni shes rab dbang po thams cad kyi gtso bo yin pa ste/ 'khor los sgyur ba'i nor bu rnams kyi nang na bai DUrya ltar 'od kyis sned bar byed pa'i phyir ro/ /de dang ldan pa ni shes rab rin po che dang ldan pa'o/ /shes rab mig ni lhan
 cig skyes pa'i shes rab bo/ /shes rab snang ba ni gzhan las bsgrubs shing gzhan gyis skyed pa sbyor ba las byung ba'i shes rab gang yin pa'o/ /shes rab 'od ni shes rab de nyid sbyor ba las byung ba ste/ thos pa dang bsams pa las byung pa'o/ /shes rab gsal ba ni
 shes rab de nyid bsgom pa las byung ba'o/ /shes rab mar me ni de bzhin gshegs pas gsungs pa'i mdo sde zab mo rnams rnam par 'jog pa gang yin pa ste rab tu gsal bar byed pa'o/ /shes rab skar mnga' ni chos ston pa'i dus tsam gyi rjes su 'jug ba'o/ /shes rab
 sgron ma ni de dang de dag tu shes rab kyis chos rnams la shin tu legs par brtags shing dus phyis kyang rjes su 'jug pa ste/ lus gyi mngon du byas pas ni ma yin pa'o/ /shes rab mun pa med pa ni lus kyis mngon du byas pa'o/ /shes rab dbang po ni gzhan dag gi
 rtogs pa'i dbang du byas nas shes rab gang yin pa'o/ /shes rab stobs ni bdag nyid kyi snga phyi'i khyad par rtogs ba legs par rtogs pa'i dbang du byas te/ rig pa dang chos la rdzib med pa'i shes rab po/ /shes rab nor ni dbang phyug thams cad kyi nang na
 dbang phyug gi mchog gi rab skyer pa dang rang gi sems la dbang bsgyur ba thob par byed pa dang nor thams cad kyi gtso bo dang/ 'jig rten pa'i nor thams cad kyi rtsa ba'i rgyu gang yin pa'o/ /shes rab rin po che ni ji skad du bshad pa'o/ /shes rab ral gri dang shes rab
 mtshon cha ni kun du sbyor ba thams cad gcod par byed ba'o/ /shes rab mtshon cha ni nyon mongs pa dang/ lha'i bu'i ba rung ring du spong ba'o/ /shes rab 'debS pa ni yid kyi dbang po'i rta dge ba spyod par 'debs pa'o/ /shes rab ltung bar byed pa ni lus thams cad dang
 'bral ba dang/ rnam par 'jig par byed pa'o/ /shes rab rab ni nyon mongs pa thams cad kyi sgo dum 'gog par zhugs pa'o/ /shes rab them skas ni ni sbyor ba las byung ba'i lam mo/ /shes rab khang bzangs ni mthar phyin par song ba'o/ /yang rab
 la sogs pa de dag nyid gtan la dbab pa'i phyir 'di gsum brjod par bya ste/ 'di lta ste/ khams shes pa dang khams sna tshogs pa dang/ khams du ma shes pa'o/ /yang dag pa'i lta ba ni de kho nyid rab tu rtogs pa la slob pa'i shes rab gang yin pa'o/ /tshul
 bzhin yid la byed pa ni de skyed par byed pa'o/ /sems rnam par grol ba dang/ shes rab rnam par grol ba ni gong ma ste/ slob ma rnams kyi ni rgyun tu zhugs pa'i 'bras bus bsdus pa dang/ lan cig phyir 'ong ba dang/ phyir mi 'ong ba'i 'bras bus bsdus pa'o/ /mi slob
 pa rnams kyi ni dgra bcom pa nyid kyi 'bras bus bsdus pa'o/ /rang sangs rgyas rnams kyi ni rang sangs rgyas kyi byang chub kyis bsdus pa'o/ /sangs rgyas rnams kyi ni byang chub dam pas bsdus pa'o/ /de la ji ltar na khams shes par bya ba yin zhe na/ smras pa/ khams
 du ma dang khams sna tshogs shas par bya ste/ khams bco brgyad ces bya ba ni khams du ma shes pa'o/ /de dag gi rnam pa sna tshogs shes pa ni khams sna tshogs shes pa'o/ /yang de dag gi rab tu dbye ba ni khams dang 'gro ba dang sa dang gang zag dang/ rnam pa'i
 dbye ba shes pa'o/ /zhib mo de kho na dang/ zab mo'i don la 'jug ba'o/ /brtogs pa ni don mdza' dag la 'jug pa'o/ /mkhas pa ni skyed pa'i shes rab dang ldan pa'o/ /mdzangs pa ni lhan cig skyes pa'i shes rab dang ldan pa'o/ /yang na bzlog pa'o/ /mig ni
 mngon sum gyi dngos po 'dzin pa'o/ /shes pa ni lkog tu gyur pa'i rigs 'dzin pa'o/ /rig pa ni dngos po ji snyed yod pa la 'jug pa'o/ /blo ni ji lta ba bzhin du rjes su rtogs pa'o/ /don spyod pa ni bsams pa las byung ba'i dge bas yang dag par bsdus pa'o//
 chos spyod pa ni thos pa las byung ba'i dge bas yang dag par bsdus pa'o/ /dge ba spyod pa ni sbyin pa dang tshul khrims las byung ba'i dge bas yang dag par bsdus pa'o/ /dge legs spyod pa ni bsgom pa las byung ba'i dge bas yang dag par bsdus pa'o/ /legs bar gsungs pa ni
 tshig dang yi ge phun sum tshogs pa'o/ /legs par bstan pa ni don dang shin tu mngon par 'brel pa'o/ /nges par 'byung ba ni 'jig rten pa'i lam gyi sdug bsngal spong bas nges par 'byung ba'o/ /rdzogs pa'i byang chub tu 'gro bar byed pa ni 'jig rten las 'das pa'i lam gyis
 sdug bsngal las yang dag par 'da' bar bya ba'i phyir de kho na mngon par byang chub pa'o/ /mi mthun pa med pa ni stan pa dang nyan thos rnams kyi bshad pa don dang don du/ tshig dang tshig tu phan tshun mthun pa ste gcig la gcig mi 'gal ba'o/ /'dul ba dang ldan pa ni mu stegs can
 dang bdud? dang 'jig rten ba thams cad kyis mi bskyod pa'o/ /brten pa yong pa ni rton pa bzhi chud mi gson pa'o/ /'di ston pa de bzhin gshegs pa dgra bcom pa yang dag par rdzogs pa'i sangs rgyas zhes bya ba ni lung rnam par dag pa'o/ /de la mdor bsdu na tshig 'di dag gis
 ni bcom ldan 'das kyis legs par gsungs pa'i chos 'dul ba ni legs par bstan pa zhes bya ba phun sum tshogs pa rnam pa bzhir bstan pa yin te/ tshig gnyis kyis yi? dang don phun sum tshogs par bstan to/ /gnyis kyis ni 'bras bu phun sum tshogs par bstan to/ /
 gsum gyis ni sgrub pa phun sum tshogs par bstan to/ /gcig gis ni ston pa phun sum tshogs par bstan pa yin no/ /bcom ldan 'das kyis chos bstan pa ni gleng gzhi yod pa zhes bya ba ni kun nas slong ba dang bcas par bslab pa'i gzhi bcas pa'o/ /des par 'byung ba yod
 paS ni rnam par 'das na chos bzhin du phyir bya ba'i phyir bcas pa'o/ /rton ba yod pa ni rton pa bzhis 'chal ba'i tshul khrims thams cad las yang dag par 'da' bar bya ba'i phyir bcas pa'o/ /rtsol ba yod pa ni 'dod pa'i bsod nyams dang lus dub pa'i mdza' spangs te/ skyes
 bu'i rtsal gyis 'grub pa dang mthun par bya ba'i phyir bcas bya'o/ /cho 'phrul yod pa ni cho 'phrul gsum gyis mngon par shes pa myur bar bya pa'i gdams ngag gang na med pa bcas pa'o/ /lhug par gtong ba ni sbyin pa dang 'bras bur ma 'brel pa ste/ mya ngan
 las 'das par yongs su bsngos pa'i phyir ro/ /lag brkyang ba ni gus pa dang rgya tsho na? rab tu sbyin pa'o/ /rnam par gtong ba la dga' ba ni sbyin pa'i sngon rol dang/ sbyin pa'i tshe dang byin zin nas yid rangs pa dang 'gyod pa med pa'o/ /sbyin pa mi 'chad par byed pa ni gcig tu
 chos dang bab bcol ma yin pas longs spyod bsgrub te dus dus su yang dang yang du sbyin par bya ba'i dngos po yongs su gtong ba'o/ /gtong ba phun sum tshogs pa ni sbyin gnas dag la dbul ba'o/ /sbyin pa la 'ged par dga' ba ni dus dus su pha dang ma dang bu
 dang bran la sogs pa la kun bged pa'o/ /yang de dag thams cad mdor bsdu na sbyin pa rnam pa drug yin te/ mi rten pa'i sbyin pa dang/ rgya chen po'i sbyin pa dang/ dga' ba'i sbyin pa dang/ yang dang yang du sbyin pa dang/ snod du gyur pa la sbyin pa dang/ yongs su sbyin pa
 dang/ 'khor la sbyin pa ste/ ji ltar sbyin pa dang/ gang la sbyin pa'i dbang du byas pa'o/ /tshul khrims rab tu rgyas pa'i bar gyi sdom ni/ tshul khrims dang chos dang srog gcod pa dang/ tshul khrims dang ldan pa zhes rgyas par ro/ /de tshul khrims ni 'chal ba'i tshul khrims
 kyi kha na ma tho bas kun du gdungs pa nye bar zhi bar byed pa dang/ ngang chul du bya ba'i don to/ /sdom pa ni spong ba'i rang bzhin no/ /phun sum tshogs pa ni 'gyod pa med pa yongs su 'dzin pa'o/ /kun du spyod pa yongs su dag pa ni ting nge 'dzin yongs su 'dzin pa'o/ /dge
 ba ni 'bras bu yid du 'ong ba yongs su 'dzin pa'o/ /kha na ma tho ba med pa ni bdag dang gzhan la phan pa yongs su 'dzin pa'o/ /gnod pa med pa ni mtshon cha len pa dang/ dbyug pa len pa dang 'thab mo dang mchod 'bru ba la sogs ba dang mi mthun par gnas pa'o/ /rjes su
 mthun pa ni dge sbyong gi 'bras bu dang yon tan khyad par can 'thob pa'i rjes su mthun pa'o/ /rjes su 'phros pa ni dge ba mi sbyims pa'o/ /thabs ni sdig pa 'chags pa'o/ /'tsham pa ni 'dod pa chung ba la sogs pa dge sbyong rgyan yongs su 'dzin pa'o/ /mthun pa ni lta ba dang kun du spyos pa dang
 'tsho ba phun sum tshogs pa yongs su 'dzin pa'o/ /gdung ba med pa ni lus ngal ba'i mdza' spong ba'o/ /nye bar gdung ba med pa ni 'dod pa'i bsod nyams lhur len pa'i mdza' spong ba'o/ /'gyod pa med ba ni nyon mongs pa can la mngon par mi dga' nas sred par gyur pa spong ba'o/ /
 chos ni rigs par gtogs pa ste legs par byed pa'i phyir ro/ /'dul ba ni nyon mongs pa 'dul ba dang mthun pa'o/ /'phags pa ni kun nas nyon mongs pa'i chos las ring du zhugs pa'o/ /dge ba ni kha na ma tho ba med pa dang 'dod pa'i 'bras bu skyed pa'o/ /bsten par bya ba ninges bar
 bsten par bya bar 'os pa'o/ /legs pa ni mkhas pa rnams kyis rab tu bsngags pa'i dngos po'o/ /srog gcod pa ni 'di na la la zhes bya ba ste/ rgyas par ni dkar po'i phyogs dang nag po'i phyogs dang bcas pa 'di lta ste rtog pa dang bcas pa dang dpyod pa dang bcas pa'i sa
 las 'byung ba bzhin du rig par bya'o/ /tshul khrims dang ldan par gnas pas bsdams pa zhes bya ba rgyas par 'byung ba dang/ dbang po dag gi sgro bsdams te gnas pa dang dran pa kun du bsrungs pa zhes bya ba rgyas par 'byung ba dang/ zas kyi chod rig pa so sor brtags shing
 zas za bar byed kyi rgod pa'i phyir ma yin pa dang/ rgyags pa'i phyir ma yin pa zhes bya ba rgyas par 'byung ba dang/ 'gro ba dang ldog pa ni shes bzhin du gnas pa yin no zhes bya ba rgyas par 'byung ba de dag thams cad rgyas pa ni 'di lta ste/ nyan thos kyi sa las 'byung ba bzhin
 du rig par bya'o/ /lam rab tu rgyas ba'i bar gyi sdom ni/ dran dang spong dang rdzu 'phrul dang/ /dbang po rnams dang stobs rnams dang/ /byang chub yan lag lam yan lag /tshad med pa ni tha ma yin/ /dran pa nye bar gzhag pa bzhi bsgom par bya ba'i phyir 'dun pa dag po
 chen po zhes bya ba ni/ yid la mi byed pa'i nyes pa spong ba'o/ /brtson 'grus ni rtsol ba lhod par gyur pa'i nyes pa spong ba'o/ /rtsol ba ni rgod pa dang bying? ba'i nyon mongs pa'i skyon spong pa'o/ /spro ba ni bdag nyid la brnyas par mi byed pa'o/ /bzod spro ni brnyas?
 pa la bzod pa'o/ /phyir mi ldog pa ni chud zad dang ngan don tsam gyis chog par? mi 'dzin pa'o/ /dran pa ni bsdams ngag mi brjed pa'o/ /shes bzhin ni ltung ba mi byed pa'o/ /bag yod pa ni brtson pa mi gtong pa'o/ /brtun pa dang ldan par gnas pa ni le lo'i
 gnyen po bsgom pa'o/ /dran pa dang ldan pa ni bsgom pa brjed ngas pa'i gnyen po bsgom pa'o/ /'jig rten la brnab sems dang yid mi bde ba rnam par spangs te/ zhes bya ba ni 'jig rten pa'i chos rjes su chags pa dang khong khro ba'i gnyen po bsgom pa'o/ /de bas
 na 'di ni dran pa nye bar gzhag pa bsgom pa la brtson pa'i dge slong gis gnyen po rnam pa bzhi bsgom par bya'o zhes yongs su bstan pa yin no/ /yang dag par spong pa dag dang/ rdzu 'phrul gyi rkang pa dag gi rnam grangs gang yin pa de dag rgyas par ni 'di lta ste/
 nyan thos kyi sa las 'byung ba bzhin du rig par bya'o/ /de bzhin gshegs pa la dad ba zhen pa yin zhes bya ba ni rgyas pa ni 'di lta ste/ rnam par gtan la dbab pa bsdu ba las 'byung ba bzhin no/ /mthu dang ldan par gnas/ brtson 'grus dang ldan/ spro ba dang
 ldan pa zhes bya ba ni rgyas par 'di lta ste/ byang chub sems dpa' i sa las 'byung ba bzhin du rig par bya'o/ /chos rnam par 'byed do/ /rab tu rnam par 'byed do/ /yongs su rtogs par byed do/ /yongs su dbyod par byed do/ /zhes bya ba ni 'di lta ste nyan thos kyis las
 'byung ba bzhin no/ /zag ba med pa'i yid la byed pa thos ba nas bzung ste/ bden pa la dmigs pa zag pa med pa'i yid la byed pa dang ldan pa thams cad ni chos rnam par 'byed pa zhes bya'o/ /chos rab? tu rnam par 'byed pa ni de'i gzhi mdo la sogs pa'i cho ga rab tu
 rnam par 'byed pa ste/ de ltar de la brten nas snga ma gnyis 'byed par byed pa'o/ /de la rnam par 'byed pa nges par 'dzin pa ni rtog pa'o/ /rab tu rnam par 'byed pa nges par 'dzin pa ni yang dag par rtog pa'o/ /chos rab tu rnam par 'byed pa nges par 'dzin pa ni nyes
 par rtog pa'o/ /de la snga ma ni kun tu tshol ba'i lam mo/ /'di ni rnam par nges pa'i lam mo/ /rnam grangs gzhan yang rtog pa ni shes bya'i dngos po la yid la byed pa gtod pa'o/ /yang dag par rtog pa ni gtad ba'i 'og tu yongs su tshol ba'o/ /nye bar rtog pa ni yongs
 su btsal ba'i 'og tu gtan la 'bebs pa'o/ /bsten pa ni rnam par rtog pa'i lus shes pa'o/ /yang dag par rtogS pa ni shes bya'i dngos po shes pa'o/ /rnam grangs gzhan yang rang gi mtshan nyid kyi sgo nas bstan pa'o/ /spyi'i mtshan nyid kyi sgo nas yang dag par rtogs
 pa'o/ /yod 'dzin ni ji snyed yod pa dang ji ltar yod ba bzhin 'dzin pa'o/ /rgyas par 'gyur ba dang/ 'phel ba dang/ /yangs pa ni snga ma dang phyi ma las so/ /yid gzhungs pa ni de'i don snga/ phyi mi brjed pa'o/ /blo ni rnam par 'byed par nus pa'i shes rab lhan cig skyes
 ba gang yin pa'o/ /mkhas pa ni yang dag par blangs pa'i shes rab gang yin pa'o/ /shes rab rgyu ba ni lung dang kha rtan? dang yongs su 'dri ba dang/ 'brel ba'i gtam rnam par nges pa la sogs pas don rnam par shes pa de gong nas gong du rnam par shes par bya ba dang ldan
 ba'i shes rab gang yin pa'o/ /lhag mthong ni sngar rnam par shes zin pa'i don la so sor rtogs pa'o/ /gtong ba ni rtog pa sngon du btang ba'i dmigs pa yid la byed pa gang yin pa dang/ der sems gtod par byed pa'o/ /rnam par gtod pa ni gang gi mjug dul? bar byed pa'o
 rtog pa ni mtshan mar 'dzin pa'o/ /rab tu rtog pa ni mngon rtags su 'dzin pa'o/ /rnam grangs gzhan yang rtog pa ni kun tu tshol ba'i sems kyis rtogs pa'o/ /rab tu rtog pa ni kun du lta bas so sor rtog pa'o/ /mngon bar rtog pa ni yon tan dang skyon la rtog pa'o/ /de
 dag nyid lud la brten nas bye brag tu rtog pa dang bye brag bgrang ba'o/ /mngon sum la brten nas rtog pa dang rnam par rtog pa'o/ /rjes su dpag pa la brten nas yang dag rtog pa dang/ yang dag par rtog pa nyid do/ /kun du spong ba ni lhag pa'i bsam pas spong ba nges par
 skye ba'o/ rnam par spong ba ni gzhan las yang dag par len pa'o/ /nye bar spong ba ni yang dag par blangs pa'i 'og tu tshul khrims rjes su srung pa'o/ /so sor spong ba ni ltung ba 'byung ba chos bzhin du yang phyir byed pa'o/ /de la yang dag par sdom pa dang/ sdom pa gnyis kyis
 tshul khrims rjes su srung ba zhes bya ba de la yang dag par sdom pa ni bzod pa dang/ nges pa dang 'dod pa chud pa dang byams pa'i sems la sogs pa'o/ /sdom pa ni dbang po'i sgo bsdams pa'o/ /mi bya ba ni bdag kyang mi byed la/ gzhan la yang byed du mi gzhug pa'o//
 mi spyad pa ni shes bzhin du mi byed pa'o/ /spyad pa ma yin pa ni dran bzhin du mi spyod pa'o/ /chu lon ni de la brten nas sdig pa'i chos las brgal ba'o/ /dus tshod ni de dang 'gal bar gnas pa dang de'i bar chad byed pa'i chos skyes so cog gnyen po la brten nas deng du
 mi lan cing spong pa'o/ /spong ldan ni spong pa de dag la lhag pa'i bsam pa phun sum tshogs pa'o/ /mi 'da' ba ni bslab pa'i tshogs thams cad rnam par 'byed par mi byed cing mi spong ba'o/ /rnam par mi 'da' ba ni phyogs 'ga' yang 'pham mi 'byin zhing mi spong
 pa'o/ /gnas pa ni sems 'jog par byed pa gang yin pa'o/ /yang dag par 'jog pa ni yang dag par 'jog pa gang yin pa ste/ rgyas bar ni 'di lta ste/ nyan thos kyi sa las sems gnas pa rnam par gu 'byung ba bzhin du rtogs par bya'o/ /sdom ni/
 shes dang ston dang dge ba dang/ 'dun pa dang brtun dang gcig bu dang/ rdul bral nang dang snad ba dang/ /bdag dang sred bcad skye ba zad/ /lhar bcas skye bo mang po dang/ /phung po dang ni ngar 'dzin pa'o/ /shes pa zhes bya ba ni thos pa'i tha snyad sngon du 'gro ba'i shes rab go/
 mthong ba ni mthong ba'i tha snyad sngon du 'gro ba'i shes rab bo/ /rig pa ni bye brag phyed pa'i tha snyad sngon du 'gro ba'i shes rab bo/ /rnam par shes pa ni rnam par shes pa'i tha snyad sngon du 'gro ba'i shes rab bo/ /ye shes ni ldog tu myur pa shes pa'o/ /mthong ba ni mngon du mngon
 sum du gyur pa mthong pa'o/ /rig pa ni ma rig pa las bzlog pa'i bye brag tu rtogs pa'o/ /blo ni yang dag par yod pa'i don shes pa'o/ /rtog pa ni yang dag pa ma yin pa la sgro mi 'dogs pa'o/ /shes rab ni lhan cig skyes pa'i shes rab gang yin pa ste skyes nas thobs
 pa'o/ /snad ba'i sbyor ba las yang dag par bsgrub pa'i shes rab gang yin pa'o/ /mngon par rtogs pa ni chos mngon par rtogs pa dang ldan pa chos rnams la gzhan gyi dring mi 'jog cing/ lkog tu gyur pa ma yin pa nang gi so so'i nang gi shes rab gang yin pa'o/ /ston
 pa ni dris? pa lung ston pa gang yin pa'o/ /'dogs par byed pa ni lung ston par 'dod pa'i ming dang tshig dang yi ge'i tshogs rnams mthar gyis legs bar bsdeb par byed pa'o/ /rab tu 'jog par byed pa ni mthar gyis legs par bsdebs pa rnams ston par byed pa'o/ /bye
 brag tu 'grel pa ni bstan pa rnams bye brag tu ston par byed cing don 'chad pa'o/ /rnam par 'grel ba ni gzhan gyis the tshom skyes so cog sel bar byed pa'o/ /gsal bar byed pa ni don dang tshig zab mo yang dang yan tu rtogs par byas nas rab tu ston par byed pa'o/ /
 ston par byed pa ni snyib brtse bas ma dris ma bcol bar chos 'chad par byed cing kun tu ston pa'o/ /yang dag par rab tu ston pa ni bar chad med par ston pa'o/ /slob dpon gyi dpe mkhyud mi byed pa ni 'chab pa mi byed pa'o/ /thog mar dge ba ni nyan pa rnams rab tu
 dga' ba skyed ba'o/ /bar du dge ba ni rab tu sbyor ba rnams tshogs chung ngus mdza' gnyis rnam par spangs pa dbu ma'i lam la yang dag par brten pa'o/ /tha mar dge ba ni shin tu dri ma med pa dang/ shin tu mthar phyin pa'i phyir dang thams cad la 'dod chags dang bral
 ba dang/ shin tu 'dod chags dang bral ba'i mthar gyur ba'i phyir ro/ /don bzang po ni phan pa dang/ bde ba dang ldan pa'i phyir ro/ /tshig 'bru bzang po ni ming gi tshogs la sogs pa legs par sbyar pa dang/ tshig tu 'don pa zur phyin pa dang
 ldan pa'o/ /ma 'dres pa ni 'di las phyi rol pa rnams dang thun mong ma yin pa'o/ /yongs su rdzogs pa ni tshad med pa'i phyir thams cad kyi mchog tu byung ba'o/ /yongs su dag pa ni rang bzhin rnam par grol ba'o/ /yongs su byang ba ni rgyud rnam par grol ba'o/ /
 tshangs par spyod pa ni 'phags pa'i lam yan lag brgyad de/ de ni ma 'dres pa'i rnam pa la sogs pas mtshan nyid rnam pa bzhir bstan to/ /nyon la zhes bya ba ni mtshan nyid de lta bu'i chos la sna gtong par yang dag par sbyor bar byed pa'o/ /
 shin tu legs par zhes bya ba ni phyin ci ma log pa dang/ rgyun mi 'chad pa dang/ gus par tshul bzhin yid la byed pa dang yang dag par sbyor bar byed pa'o/ /'dun pa drag po ni nam zhig na gnas te zhes bya ba rgyas bar 'byung ba'o/ /dga' ba drag
 po ni yang dag par sbyor ba la dga' ba'o/ /rab tu dga' ba drag po ni ston par byed pa ston pa 'am bla ma'i gnas lta bu la rab tu dga' ba'o/ /dang ba drag po ni chos ston pa dang gdams ngag rjes su ston pa la dang ba'o/ /brtun par bya ba'i phyir zhes bya ba
 ni mngon par shes ba myur bar bya ba'i phyir te/ sang bya sang bya'o zhes mi sdong par brtson 'grus rtsom pa'o/ /rdzes su brtson par bya ba'i phyir zhes bya ba ni/ ji ltar bslab pa dang mnyam pa 'am/ lhag par rab tu sbyor gyi/ chung du ni ma yin no/ /spang ba'i
 phyir zhes bya ba ni nyon mongs pa rnams kyi gnyen po bsgom pa'o/ /nang du yang dag gzhag pa'i phyir zhes bya ba ni bas mdza' i gnas mal dag tu ma 'dres par gnas shing ting nge 'dzin mngon sum du bya ba la ting nge 'dzin gang la brten nas gnyen po bsgom
 pa'o/ /gcig bu ni dben pa'i gnas mal du song ba gnyis lhan cig tu mi gnas pa'o/ /ma 'dres pa ni nyon mongs pa can dang lung du ma bstan pa'i yid la byed pa la kun tu mi spyod pa'o/ /bag yod pa ni 'dod pa'i rnam par rtog pa la sogs pa sdig pa can gyi chos las sems srung
 ba dang/ dge ba la yang dag par sbyor ba'o/ /brtun pa can ni snga ma bzhin no/ /bdag nyid gtong pa ni sgrib pa lnga spangs nas sems can rab tu nang du gnod pa dang 'dis bla na med pa'i grub pa dang bde ba la sems gtong ba yin no/ /rdul dang bral ba zhes bya ba ni mthar ma thug pa'i sheS
 pa skyes pa la mngon par rtogs pa'i bar chad byed pa nga'o snyam pa'i nga rgyal bar chad? dang bcas pa dang bar chad med bar 'byung ba gang yin pa de ni rdul zhes bya'o/ /dri ma ni de'i phyogs dang mthong bas spang bar bya ba'i phyogs kyi gnas ngan len to/ /de dag med pa'i phyir rdul
 dang bral ba dang dri ma dang bral ba'o/ /yang bor? snyam pa'i nga rgyal de dang/ mthong bas spang bar bya ba'i nyon mongs pa ni rdul lo/ /phyogs gnyis ka'i gnas ngan len ni dri ma'o/ /chos rnams la zhes bya ba ni rang dang spyi'i mtshan nyid du gnas ba dag la'o/ chos kyis dmiD?
 ni chos tsam yang dag pa ji lta ba bzhin mngon sum du nyams su myong ba can gyi shes rab bo/ /chos mthong ba ni sdug bsngal la sogs pa la yang dag pa ji lta ba bzhin du mthong ba'o/ /chos thob pa ni dge sbyong gi 'bras bu mthun par thob pa'o/ /chos rtogs pa de
 thob pa na bdag gis thob bo/ /bdag ni rgyun tu zhugs pa ste ltung ba'i chos ma yin zhes bya bar shes pa'o/ /chos kyi gting slebs pa ni bden pa mngon par rtogs pa'i dbang du byas te shes nas dad pa rnyed pa'i phyir ston pa dang chos dang dge 'dun dang bdag nyid kyi 'phaD
 pa dgyes pa'i tshul khrims rnams rnam pa'i sgo nas yang dag pa ji lta ba bzhin du gting rtogs pa'o/ /som nyi las rgal ba ni rang gi rtogs pa la'o/ /the tshom las brgal ba ni gzhan dag gi rtogs pa dag la'o/ /gzhan gyi dring mi 'jog pa ni chos de bdag nyid kyis
 yang dag par rtogs kyi gzhan las mthun pa la sogs pa dag las ni ma yin pa'o/ /gzhan gyis bkrir mi btub pa ni ston pa'i bstan pa la bas kyi rgol ba thams cad kyis mi 'phrogs pa'o/ /chos rnams la mi 'jigs pa thob pa ni rtogs pa de la gzhan
 gyis dri ma kyang spa bkod? pa med pa'o/ /mngon par brgal ba mngon par brgal ba zhes bya ba ni rgyun phyogs las bzlog ba'i lam la yang dag par zhugs pa'o/ /lan gnyis su brjod pa ni shin tu mngon par brgal ba las phyir mi ldog pa'o/ /rnam grangs gzhan yang
 brdar btags pa dang don dam pa'i tshos khas blangs bar rig par bya'o/ /nang du snang ngo zhes rgyas par bshad pa gang yin pa ji ltar na nad la sogs par snang ba yin zhe na/ 'di'i nang ni 'di ma yin mod kyi zhes bya ba rgyas par 'byung ba ste/ 'on kyang de dang po nyid du mi
 rtag la sogs pa'i rnaM pas de ltar rnam par sun phyung ba yin te/ gang zhig yid la byed pa na 'grogs par mi 'dod pas nad la sogs pa bzhin du mi mthun par 'dzin pa yin no/ /de nyid kyi phyir mjug thogs su mi rtag pa la sogs pa'i rnam pa smos te/
 de ltar snang ba de ni der yongs su brtags pa'i 'bras bu yin no/ /mi rtag pa nyid du zhes bya ba ni tshe'i skad cig brgyud pa mthong ba ste/ skad cig brgyud pa ni dper na mngon sum pa dang/ gzhan gyi dring mi 'jog pa'i shes pas reg pa dang de dang de kun tu
 'byung ba dang nub pa'i sgo nas tshor ba de dang kun tu 'byung ba dang nub pa'i rgyun mthong ba lta bu'o/ /sdug bsngal nyid du zhes bya ba ni sdug bsngal rnam pa gnyis te skye ba la sogs pa'i sdug bsngal dang/ gang ci tshor yang rung ba de ni 'dir sdug bsngal lo zhes bya'o/
 cha'i? skad cig brgyud pa mthong ba'i sgo nas ci rigs par de nyid la 'jug ste/ /shi ba'i 'og tu skye'o skyes nas kyang rga ba la sogs pas sdug bsngal te de'i phyir gang mi rtag pa de ni sdug bsngal lo zhes skye ba brgyud pa'i sgo nas sdug bsngal ba nyid la 'jug go /ji
 ltar na gang ci tshor yang dung de ni 'dir sdug bsngal ba'o zhes bya zhe na/ bde ba'i tshor ba ni 'gyur ba'i sdug bsngal nyid kyis sdug bsngal lo/ /sdug bsngal ni sdug bsngal gyi sdug bsngal nyid kyis skye ba dang gnas bas sdug bsngal lo/ /bde ba yang ma yin sdug bsngal ba
 yang ma yin pa ni mi rtag pa dang 'gog pa'i chos can bas sdug bsngal lo/ /de la bde ba ni mi rtag pa'i phyir yongs su 'gyur ro/ /sdug bsngal ni mi rtag pa'i phyir skye'o/ /rgyun tu 'byung ba'i phyir gnas so/ /sdug bsngal ba yang yin bde ba yang ma yin pa
 yang 'gags pa ni mi rtag pa/ skyes pa ni 'gag pa'i chos can te/ de 'gags kyang de gnyis dang ma bral ba na di gnyis dang rjes su 'bral ba yin pas de'i phyir de yang sdug bsngal yin no/ /ji ltar bde ba'i tshor ba sdug bsngal ba nyid du lta zhe na/ de la 'dod chagS
 rgyas par 'gyur la/ de yang tshe phyi ma la sdug bsngal yongs su 'dzin pa dang/ /mthong pa'i chos la yang nges 'gyur ba'i sdug bsngal bskyed par byed de/ de ltar na sdug bsngal nyid du blta bar bya'o/ /ji ltar na sdug bsngal la zug rngu nyid du blta bar bya zhe na/
 mngon du gyur na zug rngu bzhin du gnod pa byed pa'i phyir ro/ /bde ba yang ma yin sdug bsngal ba yang ma yin pa ni mi rtag pa 'gyur ba'i chos can no zhes bya ba na 'gags pa gang yin pa ni mi rtag pa'o/ /ma 'gags pa gang yin pa ni 'gog pa'i chos can te mi rtag pa gang
 yin pa de las ni bde ba 'am sdug bsngal mi skye'o/ /'gog pa'i chos can ni des bde ba dang sdug bsngal bdag las yongs su ma grol ba yin no/ /stong pa nyid ces bya ba ni rtag pa dang brtan pa dang mi 'gyur ba'i chos can gyi bdag dang bral ba'o/ /bdag med
 pa nyid ni rten cing 'brel par 'byung ba dang rang dbang med pa'o/ /snang ba ni rang bzhin gyis so /rab tu snang ba ni de yongs su shes par bya ba dang/ spang bar bya ba'o nga na par snang ba ni de yongs su ma shes shing ma spangs na/ skyon ni 'di lta bu dang mthun par
 gyur zhes bya ba'o/ /kun shes pa ni mtshan nyid so sor yang dag par rtogs pas so/ /rnam par shes pa ni mos pa yid la byed pas so/ /rab tu shes pa ni rab tu dben pa dang ldan pa la sogs pas so/ /yang dag par rtog par byed pa ni rang gi mtshan nyid kyi
 sgo nas so/ /nye bar rtog par byed pa ni spyi'i mtshan nyid kyi sgo nas so/ /sten par byed pa ni ji snyed yod pa las so/ /so sor rtog pa ni ji lta ba bzhin du yod pa las so/ /reg par byed pa ni 'phags pa'i lam yan lags brgyad tshangs par spyod pas yang dag par
 bsdus pa'o/ /mngon sum du byed pa ni 'bras bu mya ngan las 'das pa'o/ /bdag ni nye bar len pa'i phung po lnga rnams la bdag dang bdag gir lta ba kun tu spyod pa'o/ /sems can ni yod pa'i chos de yang dag pa ji lta ba bzhin du ma shes pa dang de dag la
 chags pa'o/ /shed las skyes pa ni yid kyi rnam pa'o/ /shed bu ni nga rgyal la brten nas mtho dman du gyur pa'o/ /gos ba ni yang 'byung ba pa'i srid pa'i lam gyis rgyas par byas pa'o/ /skyes bu ni skyes bu'i rtsal byed pa'o/ /gang zag ni yang dang yang du
 'gro ba la ngoms pa dang mchog mi shes pa'o/ /srog ni tshe dang lhan cig gson zhing gnas pa'o/ /skye ba po ni skye ba la sogs pa'i chos so/ /kun tu sbyor ba rnams rnam par bzlog nas sred pa bcad pa dang ldan zhes bya ba ni 'di lta ste/ bden pa mngon par
 rtogs pa dang bcas pa kun tu sbyor ba gsum spangs pa'i phyir yang srid pa'i sred pa kun tu mi spyod pa'o/ /de dus gzhan na yang dang yang du skye ba dang 'jig pa rjes su mthong nas nga rgyal ma lus par rab tu spong ste de'i phyir nga rgyal yang dag par mngon par rtoD
 pa zhes bya'o/ /de'i sred pa'i bag la nyal 'di thams cad spangs pa yin te de'i phyir phyi ma la sdug bsngal yang mi skye ba'i chos nyid rnyed pa'i phyir sdug bsngal mthar byas pa zhes bya'o/ /bdag gi skye ba zad do zhes bya ba ni yang srid pa brgyad pa phan chad do/ /
 ngas par spyod pa bsten to zhes bya ba ni lam shin tu goms par bya ba'i phyir yongs su mi nyams pa'o/ /bya ba byas pa zhes bya ba ni kun tu sbyor ba thams cad yongs su gtugs pa dang lam mdza' dag thob pa'o/ /'di las srid pa gzhan mi shes so zhes bya ba ni srid
 ba? bdun yang zad pa'o/ /yang bdag gi skye ba zad do zhes bya ba ni skye ba ni gnyis te skye ba'i skye ba dang/ nyon mongs pa'i skye ba ste skye ba'i skye ba ni snga ma bzhin no/ /de gnyis bsrabs pa ni zad pa ste/ 'bras bu dang po gnyis ston to/ /tshangs yang spyod ba bsten zhes bya ba ni
 phyir mi 'ong bas mi tshang bar spyod pa'i 'dod chags spangs pa'o/ /bya ba byas so 'di las srid pa gzhan mi shes so zhes bya ba ni dgra bcom pa nyid do/ /de dag ni kun shes pa brda sprod pa'i rnam pa yin par rig par bya'o/ /lha dang bcas pa'i 'dzin rten zhes bya ba
 ni mdor bstan ba'o/ /de ni rnam pa gnyis te bdud dang bcas pa dang/ changs pa dang bcas pa'o/ /dge sbyong dang bram zer bcas pa'i skye dgu zhes bya ba ni dge sbyong dang bram ze gang dag mi rnams kyi nang du skyes pa tshangs pa 'am bdud gyi phyir zhugs pa'o/ /lha dang mir
 bcas pa'i skye dgu zhes bya ba ni lha ngag gi nang na ni tshangs pa dang bdud dag ma gtogs so/ /mi dag gi nang na ni dge sbyong dang bram ze ma gtogs so/ /grol ba ni 'chid ba gsum gyi dbang du byas pa'o/ /nges par 'byung ba ni 'dun ba'i 'dod chags 'dul ba dang/ spong
 ba dang yang dag par 'da' bar zhes bya ba la 'dul ba ni mtshan nyid so so yang dag par rig pa dang/ mos pa yid la byed pa gnyis kyis so/ /spong ba ni rab tu dben pa la sogs pa dang ldan pas so/ /yang dag par 'da' ba ni sbyor ba mthar phyin pa'i 'bras bus
 so/ /rnam par mi ldan pa ni kun du sbyor ba dgu dang rnam par bral ba'o/ /rab tu rnam par grol ba ni skye ba dang rga ba la sogs pa las so/ /phyin ci log dang bral ba zhes bya ba ni mthong ba'i lam gyis so/ /mang zhes bya ba ni bsgom pa'i lam gyis lan mang du byas
 pa'o/ /skye bo mang po la phan pa dang bde ba'i phyir zhes bya ba la phan pa zhes bya ba ni dge ba spyod pa'o/ /bde ba ni gnod pa med pa'o/ /snying brtse ba ni 'di lta ste/ kha cig dge ba dang gnod pa med pa'i spyod pa'i gzhan la snying brtse ba'o/ /don ni
 don du gnyer ba? dang don dang ldan pa ste/ 'dod pa dang kha na ma tho ba med pa gang yin pa'o/ /phan pa dang bde ba'i phyir zhes bya ba ni rgyal rigs la sogs pa mi gang dag dge ba dang gnod pa med pa'i spyod pa'i 'jug pa mang po phal cher sangs rgyas 'byung ba dang
 legs par gsungs pa'i chos dang/ dge 'dun legs par bsgrub pas phan pa dang bde ba yin pa de dag bdag nyid la phan pa dang bde ba mang po byas nas 'jig rten la snying brtse bar byed de/ de dag 'di snyam du ji ltar na gzhan dag la phan pa dang bde
 bas yang dag par rab tu sbyor bar 'gyur snyam du sems la gzhan dag kyang 'di snyam du ji ltar bdag cag la phan pa byed snyam du sems par 'gyur ba ste de'i phyir don dang phan pa dang bde ba'i phyir zhes bstan to/ /lha dang mi rnams la zhes bya ba ni de
 dag don kun shes pa dang bsgrub par nus pa'o/ /rdzas ni nye bar len pa'i phung po lnga dang/ pha dang ma dang bu la sogs pa yongs su bzung ba'i rdzas bdun no/ /bye brag tu ma bshad na ni 'dun pa'i 'dod chags kyang nye bar len pa yin no/ /bye brag tu bshad na
 ni nye bar len pa bzhi yin no/ /sems kyi rten ni rnam par shes pa gnas bzhi yin no/ /mngon par zhen pa ni nyon mongs pa dang dag gis phung po 'dzin pa de dag gis kun nas bkris pa'o/ /de'i phyogs kyi gnas ngan len ni bag la nyal zhes bya ste/
 de ltar na de dag ni rdzas dang nye bar len pa dang/ sems kyi rten dang mngon par zhen pa dang/ bgal? nyal lo/ /rnam par shes pa dang bcas pa'i lus 'di dang phyi'i rgyu thams cad la zhes bya ba ni ngar 'dzin pa dang/ bdag tu 'dzin pa dang/ nga'o snyam pa'i nga rgyal
 du bdag tu zhen pa'i bag la nyal rnams kyi gzhi dang dmigs pa'i rgyu dag pa ste/ de la ngar 'dzin pa dang bdag tu 'dzin pa ngag na 'jig tshogs la lta ba'o/ /nga'o snyam pa'i nga rgyal ni de dag nyid do/ /de dag gis kun nas bkris pa ni mngon par zhen pa'o/ /gnas ngan len ni
 bag la nyal lo/ /de la rab tu mngon par zhen pa ni phyi pa rnams kyi'o/ /bag la nyal ni gnyi ga'i'o/ /sdom ni/ de bzhin gshegs dang mi rtag pa'i/ /'du shes gsum 'jigs 'dus ma byas/ /bdag tu ma gyur mtshams sbyor med/ /stong pa nyid mi rtag ma lus spong/ /
 de bzhin gshegs pa dgra bcom pa yang dag par rdzogs pa'i sangs rgyas zhes bya ba ni ji ltar mdo laS rnam par phye ba bzhin te/ dgra bcom pa zhes bya ba ni mchod par 'os pa'o/ /rig pa dang zhabs su ldan pa zhes bya ba la rig pa ni gsum mo/ /zhabs ni spyod pa dang
 zlog pa phun sum tshogs pa dang lhag pa'i sems las byung ba bzhi po mthong ba'i chos la bde bar gns pa'o/ /dang po ni rgyu ba'i zhabs so/ /tha ma ni gnas pa'i zhabs te/ de la sku dang gsung dang thugs kyi kun du spyod pa yongs su dag pa dang/ 'tsho ba yongs su dag
 pa ni spyod pa'o/ /dbang po'i sgo bsrungs pa ni bzlog pa'o/ /de gnyis ni de bzhin gshegs pa'i srung ba med pa gsum dang bsnyel ba med pa'i chos yin no/ /bsam gtan dag gis spyod pa drag po bkag pa'i phyir 'jig rten la nyes pa mi spyod pa'o/ /bde bar
 gshegs pa ni yun ring po nas rnam pa thams cad du bdag dang gzhan la phan par dgyes pa'o/ /'jig rten mkhyen pa ni sems can dang snod kyi 'jig rten gyi rnam pa thams cad mkhyen pa ste/ de la sems cin sngon dang phyi ma'i mdza' las brtsams te/ sngon
 gyi gnas dang/ 'chi 'pho dang skye ba mkhyen pa'o/ /dus thams cad las brtsams te spyod pa brgyad khri bzhi stong la 'jug pa'o/ /snod kyi 'jig rten ni shar phyogs la sogs pa phyogs bcu'i 'jig rten 'jig pa dang chags pa mdza' dag mkhyen pa dang 
 'jig pa'i chos rnams kyi rang bzhin dang/ gleng bzhi dang sred pa dang nyes dmigs dang nges par 'byung ba dang/ der 'gro ba'i lam yang mkhyen pa'o/ /bla na med pa ni mnyam pa med pa mkhyen pa dang de las ches mchog tu gyur ba med pa dang mthong ba'i chos la
 mnyam pa med pa'o/ /skyes bu 'dul ba'i kha lo sgyur ba ni 'di skyes bu yang yin la gdul bar bya ba'i skyes bu rnams kyang phal cher 'dul bar byed pa'o/ /kha lo sgyur ba zhes bya ba ni mchog dang gtso bo'o/ /lha dang mi rnams kyi ston pa zhes bya ba ni de dag don rtogs pa
 dang sgrub par nus pa'i phyir ro/ /sangs rgyas ni bag chags dang bcas pa'i nyon mongs pa spangs pa ste bla na med pa yang dag par rdzogs pa'i byang chub mngon par rdzogs par sangs rgyas pa'o/ /bcom ldan 'das ni byang chub kyi snying por sdig pa can gyi chos dang/ bdud kyi g.yul
 gyi stobs thams cad bcom pa'o/ /de bzhin gshegs pa zhes bya ba ni mdor bstan pa'o/ /'di ltar dgra bcom pa yang dag par rdzogs pa'i sangs rgyas zhes bya ba ni nyon mongs pa dang shes bya'i sgrib pa las rnam par grol ba'o/ /de yang thun mongs dang thun mong ma yin pa ste/
 re zhig de bzhin gshegs pa dgra bcom pa yang dag par rdzogs pa'i sangs rgyas zhes bya ba 'dis ni nyon mongs pa dang shes bya'i sgrib pa las rnam par grol pa thun mong ba bstan to/ /rigs pa dang zhabs su ldan pa zhes bya ba la sogs pas ni thun mong ma yin pa bstan to/
 mdo las mi rtag pa'i 'du shes bsgom pa zhes bya ba ni kun du bsten pa dang/ goms par byas pa rgyas par 'byung ba'o/ /bsgoms pa'i 'bras bu ni 'dod pa'i 'dod chags zhes bya ba rgyas par 'byung ba'o/ /bsgom pa'i rnam pa ni dpe'i dbye ba dag gis so /bsgom pa'i
 thabs ni dgon par song ste 'am zhes bya ba rgyas par 'byung ba'o/ /de la kun du bsten pa ni mtshan nyid so so yang dag par rig pa'i yid la byed pas so/ /goms par byas pa ni mos pa yid la byed pas so/ /lan mang du byas pas ni ma lus pa dag gis so/ /yang kun tu
 bsten pa ni shes bya'i dngos po la kun tu gtong pa'o/ /goms par byas pa ni rgyun mi chad pa dang gus par byas te sbyor pa'o/ /lan mang du byas pa ni yun ring bo nas 'dris par byas pa'o/ /theg par byas pa ni rten gyi sgo nas so/ /dngos por byas pa ni dmigs pa'i sgo nas so/ /
 nan tan du byas pa ni yid la byed pa'i sgo nas so/ /yongs su 'dris pa ni ci 'dod pa dang tshegs med par 'thob pa'o/ /legs par mthar phyin pa ni chos mnyan pa'o/ /legs par brtsams pa ni nang du tshul bzhin yid la byed pa'o/ /yang legs par mthar phyin pa ni
 gus par yid la byed pa'o/ /legs par brtsamS pa ni rgyun mi 'chad par yid la byed pa'o/ /yang legs par rdzogs pa ni mthar phyin par 'gro ba'o/ /legs par brtsams pa ni yang dag par sbyor ba'o/ /'dod pa'i 'dod chags kyi rjes su mthun pa'i phyir rgod pa
 bstan to/ /gzugs kyi 'dod chags kyi rjes su mthun pa'i phyir nga rgyal bstan to/ /gzugs med pa'i 'dod chags kyi rjes su mthun pa'i phyir ma rig pa bstan to/ /rtsa ba'i 'chin ba gcod pa ni bag la nyal yang ngag par 'joms pa'o/ /rtse mo yang dag
 par g.yo bar byed pa sa 'og ma'i dge ba'i chos spong ba'o/ /rtswa dag sel ba ni mi rtag par 'du shes pa la dmigs pa la mi rtag pa'i 'du shes su yang dag par ston pa ste/ rang gi yid la byed pa la mi rtag par yongs su rtog pa'i phyir ro/ /brtsegs pa ni rnam
 par grol pa dang lhan cig pa'i mi rtag par 'du shes pa'o/ /phyam? dgu po dag ni de'i rgyur gyur pa rnams so/ /glang po che'i rjes ni sdug pa la sogs pa'i 'du shes rnams kyi nang na dmigs pa rgya chen po'i ngo bos mchog tu gyur pa'o/ /'bab pa ni rnam par
 grol ba'i rgyu dang lhan cig pa'i mi rtag par 'du shes pa rnams mya ngan las 'das pa 'bab pa'o/ /nyi ma shar ba ni ma rig pa'i mun pa'i gnyen po'o/ /'khor los sgyur ba lta bu ni mi bslab pa'i mi rtag par 'du shes so/ /khams kyi rgyal phran lta bu ni de las
 gzhan pa rnams so/ /dgon pa dang shing drung dang khang stong dag gis bla gab med pa dang/ shing drung dang/ sgrib g.yeg smos pa ni gnas mal thams cad bsdus te rab tu dbye ba ni de lta bu'o/ /gzugs mi rtag pa nyid dam zhes bya ba ni gzugs tsam
 gyi bdag ni med do zhes de ltar yang dag bar rab tu sbyor ba'o/ /lam du 'gro ba la bar chad byed pa gzhi lam rnam pa gnyis la sogs pa ste de la the tshom gyis ni 'gro bar mi rtsol ba nyid do/ /rnam par rtog pa dag dang log pa'i yan lag gis ni brtsal kyang
 rnam par rtog pa dang lta ba spyod pa dag gzhan du 'gro bar 'gyur ro/ /da dag med kyang gdams ngag rjes su bstan pa la mi bzod par 'gyur te zho? ba ni gzhan dag smra ba la 'khrug pa'o/ /rab tu 'byung ba la yang rang dbang med pa dang gzhan la rag lus pa
 dang/ mi bzang pa dang ngan pa'i spyod pa dag gis dag pa ma yin pa dag dang 'dres ba ste/ gnod pa'i dngos po yin pa'i phyir ro/ /de gnyis ni g.yengs yin te/ de gnyis kyis kyang 'gro ba la bar chad byed do/ /de dag med kyang rnyed pa dang bkur bsti'i nags
 khrod du zhugs pa'i phyir bar chad byed pa ni mi bzad pa'i thibs po'i nang du zhugs pa'i phyir te/ 'di ltar yongs su bzung ba btang yang spang bar mi nus pa'o/ /'jigs pa dang bcas pa ni chom rkun dang g.yo rgyu can gyi 'jigs pa yod pa'o/ /mi mngon pa'i
 'jigs pa dang bcas pa ni nye 'khor thibs po yin pa dang gcan zan dang mi ma yin pa'i 'jig pa yod pa'o/ /tsher ma dang bcas pa ni thams cad nas tsher mas gang ba'o/ /lam gol ba ni gzhan du 'gro ba'o/ /lam ngan pa ni mi mnyam pa ste/ de
 ltar na lnga po de dag ni lam gyi skyon yin no/ /'gro ba ngan pa sdang ba'i 'gro ba ni 'gro ba'i skyon no/ /lam gol ba dang lam ngan par 'gro ba ni skyes bu dam pa ma yin pa kun du bstan pa'i phyir 'gro ba po'i gang zag gi nyes pa ste/ chom rkun pa la sogs pa skyes
 bu dan pa ma yin pa dag dang kun tu bsten pa'i phyir ro/ /mi g.yo ba ni mtshan ma thams cad bral ba'o/ /mdza' yas pa ni smed pa zad pa dang yul gyi yongs su mi 'gyur ro/ /mthong bar dka' ba ni zab pa'o/ /'chi ba med pa ni skye ba dang rga ba dang na ba dang 'chi ba yang dag par
 zad pa'o/ /bde ba ni mi dang mi ma yin pas gtse ba'i 'jigs pa thams cad las yang dag par 'das pa'o/ /zhi ba ni sdug bsngal thams cad nye bar zhi ba dang mchog tu gsil bar gyur pa'o/ /dngos po bzang po ni mthong ba'i chos la bde bar gnas par bya ba'i phyir dmigs
 pa yin no/ /bde legs su 'gyur ba ni nyon mongs pa thams cad spang bar bya ba'i dmigs pa'o/ /mya ngan med pa ni dga' ba dang mi dga' ba las yang dag par 'das pa dang thob pa chud mi za ba'o/ /'chi 'pho med pa ni rtag pa dang phyir mi ldog pa'o/ /rims nad med
 pa ni rnam par byang ba'o/ /yongs su gdung ba med pa ni 'dod pas phongs pa med pa'o/ /nad med pa ni nang dang 'bras thams cad rnam par zhi ba'o/ /mi g.yo ba ni g.yo ba dang rlom pa thams cad zad pa'o/ /mya ngan las 'das pa ni phung po thams cad bzlog pa'o/ /bdag
 tu ma gyur cig /bdag gir ma gyur cig ces bya ba ni ma 'ongs pa'i dus las brtsams te/ bdag dang bdag gi ngo bor nye bar song ba nang dang phyi'i skye mched kyis bsdus pa bdag gi lus dang yongs su bzung ba'i dngos po mi skye ba don du gnyer ba'o/ /yang lus
 mi skye ba don du gnyer ba dang/ de la brten pa'i tshor ba mi skye ba don du gnyer ba yang yongs su bstan to/ /bdag tu ma gyur cig bdag gir ma gyur cig ces bya ba ni da ltar byung ba'i dus las brtsams te/ 'di ni mi rtag pa'i 'gogs pa la yongs su rtog pa
 sngon du 'gro ba so sor brtags pa'i 'gog pa la yongs su rtog pa sde sngar legs su smon pa byas nas/ phyis da ltar byung ba'i rgyu la mi rtag par yongs su rtog go /nyid mtshams mi sbyor ba ni shi 'phos pa'i rnam par shes pa mi skye ba'o/ /len pa med pa ni mi/
 gnas pa'i rnam par shes pa la ming dang gzugs mi 'jug pa'i phyir lus mi skye ba'o/ /mi skye ba ni ming dang gzugs 'phel ba dang rgyas pa med pa'o/ /'dus byas thams cad zhi ba ni phung po lnga zhog pa'o/ /stong pa nyid ni nyon mongs pa thams cad dang
 bral ba'o/ /mi dmigs pa ni mtshan ma thams cad dang bral pa'o/ /sred pa zad pa ni ma 'ongs pa la don du gnyer ba med pa'o/ /'dod chags dang bral ba ni da ltar byung ba'i longs spyod la dga' ba med pa'o/ /'gog pa ni de las gzhan pa'i nyon mongs pa spangs pa'o/ /
 mya ngan las 'das pa ni phung po'i lhag ma ma lus pa'o/ /mi rtag pa ni zhig pa dang 'jig pa'i chos can no/ /'dus byas ni sngon gyi mdza' las brtsams te rnam par brtags pa gang yin pa'o/ /bsams pa ni phyi ma'i mdza' las brtsams te don du gnyer ba gang yin ba'o
 rten cing 'brel par 'byung ba ni da ltar gyi dus su rgyu dang rkyen gyi dbang gis byung ba gang yin pa'o/ /zad pa'i chos can ni phyogs gcig zad pa'o/ /'jig pa'i chos can ni thams cad 'gag pa'o/ /yang zad pa'i chos can ni thams cad 'gag pa'o/ /'jig pa'i
 chos can ni rgyun rnam par 'gyur ba'o/ /'dod chags dang bral ba'i chos can ni nyes dmigs dang ldan pa'o/ /'gog pa'i chos can ni 'dus byas kyi chos thams cad las nges par 'byung ba'o/ /ma lus par spong ba zhes bya ba ni mdor bstan pa'o/ /phyir
 spangs pa ni kun nas bkris pa spangs pa'o/ /byang bar gyur pa ni bag la nyal spangs pa'o/ /zad pa ni 'das pa las rnam par grol ba'o/ /'dod chags dang bral ba ni da ltar byung ba las rnam par grol ba'o/ /'gog pa ni ma 'ong pa las rnam par grol ba'o/ /rnam
 par zhi ba ni mthong ba'i lam gyis so/ /nub pa ni bsgom pa'i lam gyis te/ /'di ni lam gnyis kyis nyon mongs pa'i dngos po spangs pa'i phyir ma lus par spong bar yongs su bstan to/ /sdom ni/ 'dod pa gnyis dang bod bya dang/ /chos dang dge 'dun 
 bzhi dang ni/ /yid byung bram ze mi rtag nyid/ /dbu ma rngos pa tha ma yin/ /mi rtag pa dang gsog dang gsog dang bslu ba zhes bya ba ni phyin ci log rnam pa bzhi yin pa'i phyir 'dod pa dag gi phyin ci ma log pa bstan pa ste/ de la gsob kyis ni stong ba nyid bstan to/ /gsog gis ni
 mi sbug pa nyid bstan te/ /bslu bas ni bden par na bde ba ma yin no zhes sdug bsngal nyid bstan to/ /de ltar na de dag ni rtag pa la sogs par snang bas phyin ci log ? gzhi yin pa'i phyir bslu ba'i chos so/ /ji ltar na bslu ba'i chos yin pa ni dpes bsgrub par bya ste sgyu ma lta
 bu ni rtag pa la sogs pa ma yin yang de bzhin du snang bas chos mthun pa'o/ /byis pa 'drid pa ni yang dag pa ji lta ba de bzhin du mi shes pa'i phyir byis pa thos pa dang mi ldan pa rnams la yin te/ /de dag gis yun ring po nas slu ba la lhag par chags pa'i sko
 nas rnam par 'gyur ba las skyes ba'i sdug bsngal gyis reg pa'o/ /mkhas pa rnams ni yang dag pa ji lta ba bzhin du shes pa'i phyir de lta ma yin no/ /rus pa'i keng rus lta bu ni ngoms mi shes pa'o/ /sha'i kham tshad lta bu ni mang po dang thun mong pa'o/ /
 rtswa'i sgron ma lta bu ni chos ma yin pa spyod pa dang mi mthun pa spyod pa'i rgyu'o/ /me'i dong lta bu ni 'dod pa'i sred pa'i yongs su gdung ba 'phel bar byed pa'o/ /sprul gdug pa lta bu ni mkhas pa rnams spang bar bya'o/ /rmi lam lta bu ni myur du 'jig par 'gyur ba'o/ /
 brnyan pa'i rgyan lta bu ni rkyen la ? las pa'o/ /shing rtog lta bu ni bag med pa'i sa'o/ /mi gtsang ba rnams zhes bya ba ni mdor bstan pa'o/ /dri mi zhim pa ni zas dang skom dang longs spyod rnam par 'gyur ba ste/ de la bshad ba dang gcing pa la sogs pa mi dang
 gtsang bar yongs su gyur pa ni dri mi zhim pa'o/ /dri nga ba dang sha dang khrag la sogs pa yongs su gyur pa'o/ /mi mthun pa ni 'khrig pa'i longs spyod yongs su gyur na mi mthun pa'o/ /gus par bod? par bya ba ni 'jig rten pa'i zang zing yongs su btang bar bya ba'i phyir
 bod pa'o/ /rab tu bod par bya ba ni sred pa zad par bya ba'i phyir bod pa'o/ /'bras bu 'dod pa dag gis ni gus par bod par bya ba'o/ /thar pa 'dod pa dag gis ni rab tu bod par bya ba'o/ /thal mo sbyor bar bya ba ni don de nyid de dag gis slong ba'i dus
 na'o/ /'dus par bya ba ni phyag la sogs pa bya bar 'os pa dang tshul khrims dang lta ba mthun par khas blangs par 'os pa'o/ /'jig rten gyi bsod nams kyi zhing bla na med pa dang sbyin gnas zhes bya ba ni de la yon phul ba'i 'bras bu gzhan du med pa'o/ /legs par
 gsungs ba zhes bya ba ni don bzang po tshig 'bru bzang po'o/ /yang dag par mthong ba ni mthong ba'i chos la rtogs par bya ba'o/ /rims nad med pa ni nyon mongs pa med pa'o/ /dus chad pa med pa ni dus gsum las rnam par grol ba'o/ /nye bar gtod pa ni rga
 ba dang na ba dang 'chi ba la sogs pas nye bar mi bkri ba'o/ /'di mthong ba la yod pa ni lha la sogs pa'i? 'gro ba dag la yang snang ba'o/ /so so rang gis rig par bya ba ni gzhan la dad pa la sogs pas yang dag par rig par bya ba ma yin pa'o/ /mkhas
 pa dag gis zhes bya ba ni slob pa dang mi slob pa dag gis so/ /gnas dang gling dang mgon dang skyabs dang/ dpung gnyen zhes bya ba ni phyi ma phyi ma bshad pa yin te/ de dag ni nges par 'byung bar bya ba'i phyir yongs su bstan to/ /'phags pa'i bden pa bzhi
 shes na yang dag pa'i lta ba dus thams cad du skye'o zhes skabs 'byed par mdzad pa ni 'das pa dang da ltar byung ba dang ma 'ongs pa'i slob pa rnams kyi skyes pa dang skye ba dang skye bar 'gyur ba'o/ /da ltar skyos? pa ni gang dag gis da ltar gyi dus su thob pa dang/
 bsgom pa yongs su rdzogs par gyur pa'o/ /dus phyis skyed par byed pa ni gang dag gis ma thob pa las rab tu brtson pa rnams so/ /kun tu bsten par bya goms par bya lan mang du bya zhes bya ba ni ci rigs par snga ma bzhin no/ /mthun par bsrung bar bya ba ni yongs
 su nyams par 'gyur ba ni chos rnam par spangs pa'o/ /reg par bya ba ni khyad par can gyi cha dang mthun pa'i chos bsten pa 'am/ lus kyi reg par bya'o/ /'bras bu 'am shes pa phyi ma 'am/ rtogs pa'i sgo nas ni mngon sum du bya ba'o/ /dus su gtam bya zhes bya ba ni pha rol
 po stan dma' ba la 'dug pa la soD pa'i sgo nas nyan pa dang 'dod pa dang nyan par 'os par shes shing 'di ni sngar gtam bya ba'i dus yin no/ /'di ni yang dag par 'phag spa'i dus yin no zhe bya bar shes nas gtam bya ba'o/ /gus par byas te zhes bya ba ni ci nus par
 bdag nyid thams cad kyi chos ston pa ste/ rnam grangs de dang de dag gis mi 'khrug cing don rab tu bstan par 'dod kyi/ ston pa tsam du 'dod pa ni ma yin pa'o/ /mthar gyis zhes bya ba ni don yang dag par rab tu ston pa'i sgo nas so/ /mtshams sbyar ba ni rgol bar
 byed nus so/ /mthun par 'brel pa ni de'i lan yang dag par rab tu ston pa'i sgo nas so/ /rangs par byed pa ni yang dag par blangs te 'dug pa rnams la'o/ /dga' bar byed pa ni bar mar gnas pa rnams la'o/ /mgu bar byed pa ni zhe 'gras pa rnams la'o/ /spro
 bar mi byed pa ni bsten pa dang mgu ba'i sems kyis pha rol po'i yang dag pa'i yon tan rnams la spro bar byed kyi/ rang gi ming gis mi ston pa'o/ /sba bkod par mi byed pa ni zhe sdang gi pha rol po'i yang dag pa'i skyon rang gi ming gis mi ston pa'o/ /rigs pa dang ldan
 pa ni rigs pa bzhi po bltos pa'i rigs pa dang/ gtan tshigs sgrub pa'i rigs pa dang bya ba byed pa'i rigs pa dang chos nyid kyis rigs pa gzhi dang ldan pa'o/ /'brel pa ni skabs mi mdor ba'o/ /ma 'dres pa ni ma 'khrugs pa dang 'brel ba'o/ /chos dang
 mthun pa ni don dang ldan pa ste/ /sdug bsngal la sogs pa dang nges par 'byung ba dang rab tu dben pa las skyes pa'i chos rnam pa du ma las brtsams pa'o/ /'khor ji lta ba bzhin zhes bya ba ni lrgyal rigs la sogs pa 'khor bzhi la rung ba'o/ /byams pa'i sems 
 kyi zhes bya ba ni don de rtog ba dang phan par 'dod pa'o/ /phan pa'i sems kyis shes bya ba ni ci nas kyang de gus par chos nyan par 'gyur ba dang/ kun shes par 'gyur ba dang des na de dag la phan par 'gyur ro snyam du sems pa'o/ /snying
 brtse ba'i sems kyis zhes bya ba ni chos dang mthun pa'i chos sgrub par 'dod pas so/ /rnyed pa dang bkur bsti dang tshigs su bcad pa dag la mi brtan pa zhes bya ba ni chos gos la sogs pa las brtsams te ma yin/ phyag 'tshal ba la sogs pa dag gi phyir
 ma yin gyi/ gzhan dag g.yen sbyo'o snyam pa 'ba' zhig tu sems pa'o zhes bya ba rgyas par 'byung ba'o/ /bdag la bstod par mi byed cing gzhan la smod par mi byed pa ni rnyed pa dang bkur sti 'dod pas bdag ni chos 'dul ba 'di kun shes so/ /khyod ni mi
 shes so zhes bya ba rgya cher bdag gi yon tan mi brjod cing gzhan gyi skyon nas mi brjod pa'o/ /dus su chos mnyan par bya ba ni bdag gi gtam 'di ni phan pa mang po byed do snyam du bdag nyid kyis gtam bya ba gang yin pa'i dus la bab par mthong zhing/
 gzhan gyi yang 'di'i bar chad du mi 'gyur ro zhes ston pa'i 'du shes nas gtam bya ba'o/ /gus bar bya ba ni sems dma' bas bstan dma' ba la 'dug ste/ spyod lam phun sum tshogs par gyur pas ci nus su chos mnyan pa'o/ /gus par nyen pa ni
 don bye brag tu ma rtogs pa bye brag tu rtog par bya ba'i phyir dang po nyid du dri ba dang bye brag tu rtogs pa the tshom can yang the tshom gsal bar bya ba'o/ /spang bar mi bya bas zhes bya ba ni khyad par ches 'phags pa'o/ /rjes su mthun bar bya ba ni mnyam pa
 dang dman pa gnyis so/ /chos bsnyen bkur nye bar bzhag ste zhes bya ba ni de'i 'bras bu chen po dang phan yon chen po rtogs nas de la bkur sti bskyed nas nyan pa'o/ /chos smra ba la zhes bya ba ni de ston pa ni 'di'o zhes bya ba'o/ /chos la mi
 brnyas pas zhes bya ba ni 'di ni yi ge dang tshig dang tshig 'bru bzang po ma yin gyi/ 'di ni tshig dang yi ge yang ba dang mngon pa'o zhes brnyas par mi byed pa'o/ /chos smra ba la zhes bya ba ni 'di ni bdag pas rigs dma' zhing ches ngan pa yin no zhes brnyas bar mi byed pa'o
 bdag nyid la zhes bya ba ni bdag nyid la ni chos 'di kun shes par bya ba'i mthu med do zhes bya rtogs par bya ba la spa ma'i gong pa'o/ /kun shes par 'dod pa'i sems kyis zhes bya ba ni mtho mi 'tsham pa'i bsam pas shes par 'dod pa'o/ /rtse gcig pa'i sems kyis
 zhes bya ba ni yi ge'i bya drag rtogs par bya ba'o/ /rna ba bstad do zhes bya ba ni sgra rtogs par bya ba'o/ /yid yang dag par bstad do/ /zhes bya ba ni don dang mthun par 'jug par bya ba'o/ /sems can thams cad kyis bsams te zhes bya ba ni ci nas kyang 'ga' yang
 dag par mi rtogs par mi 'gyur bar bya ba'i bar chad med par yi ge dang sgra'i bye brag rtogs par bya'o/ /bcom ldan 'das kyis nyan thos kyi dge 'dun ni legs par zhugs pa zhes bya ba ni mdor bstan pa'o/ /riD par zhuD pa zhes bya ba ni slong pa 'bras bu la gnas
 pa rnams so/ /drang por zhugs pa zhes bya ba ni zhugs pa'i lam la gnas pa rnams so/ /mthun par zhugs pa ni mi slob pa rnams te de dag ni ston pa dang chos dang bslab pa la sogs pa la gus par byed pa 'ba' zhig tu zad do/ /mthun ba'i chos spyod pa zhes
 bya ba ni rgyu la gnas pa rnams so/ /chos kyi rjes su mthun pa'i chos sgrub pa ni gang dag pha rol gyi sgra'i sgyu las byung bas nang du tshul bzhin yid la byed pa'o/ /yang legs par zhugs pa ni de'i lam de'i 'bras bu 'gog pa la zhugs pa'o/ /drang por zhugs pa ni
 ji ltar bstan pa bzhin du sgrub pa ste g.yo dang sgyu med par yang dag par ji lta ba bzhin du 'chags ba'o/ /mthun par zhugs pa ni mgu bar 'gyur ba'i chos drug dang ldan pa'o/ /mthun pa'i chos spyod pa ni chos dang mthun pa'i chos spyod pa'o/ /dgra bcom pa
 dang zag pa zad zhes rgyas bar 'byung ba dang/ shin tu mthar thug pa zhes rgyas par 'byung ba dang/ gtan pa med pa dang 'obs bor ba dang 'obs las yang dag par rgal ba zhes rgyas par 'byung ba dang/ yan lag lnga spangs ba dang yan lag
 drug dang ldan pa zhes rgyas par 'byung ba dang rgyun tu zhugs pa dang rnam par mi ltung ba'i chos can dang nges par rdzogs pa'i byang chub tu 'gro ba zhes rgyas par 'byung ba 'di dag thams cad ni gzhi bsdu bar rang gi gnas nas bshad par rig par bya'o/ /ston pa'i
 sras zhes bya ba ni mdor bstan pa'i tshig go /thugs las skyes pa zhes sras kyi nang na dman pas so so'i skye bo bsal ba'i phyir ro/ /gsung las skyes pa ni chos bstan pa'i sgra las skyes ba'o/ /chos las skyes pa ni tshul bzhin yid la byed pa dang chos
 dang mthun ba'i chos sgrub pa las skyes pa'o/ /chos kyi sprul pa ni chos kyi sku yongs su grub pa dang chos mthun pa pa yin no/ /chos kyi bgo skal la spyod pa ni zag pa med pa'i chos kyi longs spyod pa chos mthun pa yin no/ /de dag gis ni skye ba phun sum tshoD
 pa dang/ yab dang chos mthun pa phun sum tshogs pa yongs su bstan pa yin te/ tshig dang pos ni skye ba bzang po phun sum tshogs pa snod kyi skyon dgag pa bstan to/ /gnyis pas ni khu ba dang khrag mi gtsang ba las skye ba dgag par bstan to/ /gsum bas
 ni dam pa'i chos ma yin pa 'dod pa'i 'dod chags las skye ba dgag pa bstan to/ /tshig gsum po de dag gis skye ba bzang po phun sum tshogs pa yongs su bstan to/ /tshig bzhi bas ni bdag nang chos mthun pa bstan to/ /lnga pas ni longs spyod la chos
 mthun pa bstan to/ /tshig 'di gnyis kyi chos mthun pa pa la skye ba phun sum tshogs pa yongs su bstan to/ /gzhi ni rkyen dang kun 'byung ba dang rgyu'o/ /rkyen gyi dbang du byas nas de las skye ba'o/ /rgyu'i dbang du byas nas de las rab tu skyes pa'o/ /rgyu
 las rab tu skye yang rkyen gyi dbang gis ni skye'i gzhan du ni ma yin no zhes bya ba'o/ /yang na tshig phyi ma bshad pa yin par rig par bya'o/ /legs bar mthong ba zhes bya ba ni mdor bstan ba'o/ /legs par rigs pa ni chos dang don so so yang dag par rig pa'o/ /legs par
 yid la byas pa yang dag par tshul bzhin yid la byed pa'o/ /legs par bsten pa ni kun nas so/ /legs par rtogs pa ni yang dag pa ji lta ba bzhin gyi sgo nas te/ de gnyis ni legs par mthong ba yin no/ /lnga ma gnyis ni de'i sbyor ba yin no/ /'phags pa ni zag
 ba med pa dang 'phags pa'i rgyu la yod pa'i phyir ro/ /nges par 'byung ba ni khams gsum pa'i sdug bsngal las nges par 'byung ba'o/ /nges par rtogs pa can ni shin tu nges par 'byung ba dang phyir mi bzlog pa'o/ /bcom ldan 'das ni chos thams cad kyi rtsa ba zhes
 bya ba ni dang por mngon par rdzogs par byang chub pa'o/ /bcom ldan 'das ni 'brel pa byed ba zhes bya ba ni mngon par rdzogs par byang chub nas lha dang mi'i bar la yang dag par rab tu ston pa'o/ /bcom ldan 'das ni rten zhes bya ba ni chos bstan pa la the tshom skyes pa
 thams cad yang dang yang du sel ba'o/ /bcom ldan 'das de mig tu gyur pa zhes bya ba ni lhan cig skyes ba'i shes rab sgrub ba'o/ /ye shes su gyur pa zhes bya ba ni sbyor ba las byung ba'i shes rab sgrub ba'o/ /mngon du gyur ba ni bsam pa las byung ba'i shes rab sgrub ba'o//
 chos su gyur pa ni thos pa las byung ba'i shes rab sgrub pa'o/ /don gsal bar gtan la 'bebs par byed pa ni the tshom thams cad gcod par byed pa'o/ /don thams cad kyi rten ni 'jig rten dang 'jig rten las 'das pa'i phun sum tshogs pa thams cad sgrub pa'o/ /yid byung ba ni
 mthong ba'i lam la'o/ /'dod chags dang bral ba ni sgom pa'i lam yongs su rdzogs pa dag la'o/ /'gog pa ni phung po thams cad 'gog pa'o/ /yid byung ba dang 'dod chags dang bral ba la zhugs pa ni de gnyis kyi sbyor ba la gnas pa rnams yin no/ /'gog pa la
 zhugs pa rnams ni mi slob pa yin no/ /yid 'byung bar 'gyur ba ni bden pa mthong bas 'dus byas thams cad las mi mthun par 'dzin ba'o/ /de nas 'dod chags dang bral bar 'gyur zhes bya ba ni bsgom pa'i lam la 'dod chags spong pa'o/ /rnam par grol
 bar 'gyur zhes bya ba ni de nas 'dod chags dang de dang de grub pa dang bde ba gcig la de las gzhan pa'i nyon mongs pa rnams las sems rnam par grol ba'o/ /yongs su grol ba ni nyon mongs pa spangs pa'i phyir skye ba la sogs pa'i sdug bsngal las grol ba'o/ /
 de ni bram ze zhes bya ba ni pha rol gyi mthar thug par 'gro ba dang sdig pa bsal ba'o/ /de'i mtshan nyid la the tshom med pa zhes bya ba la sogs pa ni rang gi rtogs pa la the tshom med pa'o/ /'gyod pa bcad pa ni bya ba mi byed pa med pa dang bya ba ma yin pa byed pa med pa'o//
 sred pa dang bral ba ni rnyed pa dang bkur sti la sred pa med pa'o/ /'byung ba dang zhig pa la chags pa rgyas par mi 'gyur zhes bya ba ni bag la nyal spangs pa'o/ /de la da ltar dang ma 'ongs pa'i dus ni 'byung ba'o/ /'das pa ni zhig pa ste de dag gis ni bram zed? yongs su brtag
 par? bya'o/ /de la thos pa mang po dang shes bzhin dang dag ba'i phyogs la brtson pa la yang gong ma gsum srid pas de'i phyir lung ston pas na bzhi bas kyang yongs su brtag par bya'o/ /de la chags pa zhes bya ba ni chags pa brgyad de/ zhig pa la mya ngan du gyur pa
 dang/ de ltar gyis yang dag par bsdus pa 'byung ba la lnga ste/ byi dor byas pa dang sbes? pa dang bdag gir byas pa dang gyen du bsgreng ba dang/ chung du bsgreng ba'o/ /ma 'ongs pa la gnyis te/ rnam par spyad pa dang/ rnam par skyod pa'o/ /gsum ka la ni sdug bor
 byas pa dang/ ro bro thar byas pa'o/ /de la mya ngan du gyur pa ni sdug pa yongs su gyur pa'o/ /byi dor byas pa ni gsos pa dang yongs su bskyangs pa'o/ /spras pa ni 'tshe ba'i gnas las skyabs pa'o/ /bdag gir byas pa ni bdag gir bya bas rang gir byas pa'o/ /gyen du
 bsgreng ba ni bdag mchog go snyam pa'i nga rgyal te/ bcom ldan 'das kyis skye dgu ni nga rgyal gyi rgyal mtshan can no zhes gsungs so/ /chung du bsgreng ba ni bdag chung ngo snyam pa'i nga rgyal lo/ /rnam par sbyang ba ni ma 'ongs ba don du gnyer ba'i sred pa'o/ /rnam par skyod? pa ni don du ?
 ba yongs su tshol ba'o/ /stug par byas pa ni gang zhig 'dod la nye bar longs spyad par bya ba ma yin pa ste/ 'di lta ste/ gser ram zong gzhan dag go /ro bro bar byas pa ni nye bar longs spyad par bya ba gang yin pa'o/ /rnam grangs gzhan yang mdor bsdu na/ tshig lngas lan
 rtogs pa dang lam rtogs pa'i 'bras bu mngon du bya ba yongs su bstan te/ de la de ni bram ze zhes bya bas ni lam rtogs pa yongs su bstan to/ /the tshom med pa dang 'gyod pa chad pa dang/ sred pa bral ba dang 'byung ba dang zhig pa la chags pa rgyas par mi 'gyur zhes bya ba'i tshig
 'di dag giS ni lam rtogs pa'i 'bras bu mngon du bya ba yongs su bstan te/ kun shes pa thob pa dang lung ston pa'i the tshom spong ba dang/ rgyu ba na spyod pa brjed pa'i chos nyid spong ba dang/ ma 'ongs pa'i sdug bsngal gyi rgyu spong ba dang/ da ltar gyi sdug bsngal gyi rgyu gnas ngan
 len spong pa'i phyir ro/ /de la don gyi skabs 'dir ni 'byung ba ni khams gsum par gtogs ba'i mtshan ma yin la byed pa yin par blta bar bya'o/ /zhig pa ni mtshan ma med pa yid la byed pa'o/ /chags pa yang don gyi skabs 'dir ni 'dod chags dang zhe sdang dang gti
 mug rnams te/ de dag kyang ji ltar mtshan ma med pa la snyoms par zhugs pa'i slob pa la rgyas par 'gyur ba ltar dgra bcom pa ni de lta ma yin no/ /rnam par rtog pa dang spros pa dang/ chags pa dang/ 'du shes zhes bya ba ni nyon mongs pa rnam pa bzhi ste/ snga ma gnyis ni rab
 tu byung ba'i phyogs kyi yin no/ /gnyis ni khyim pa'i phyi ma'i phyogs kyi yin te/ chags pa rgyas na de skye bar 'gyur ro/ /rab tu byung ba rnams ni yul nyams su myong ba rjes su dran pa las rjes su rtogs pa tsam yin la g.yo ba kun tu spyod pa las ni sbros pa yin gyi/ khyim pa?
 rnams ni yul nye bar gnas pa las chags pa yin no/ /chags pa dang de'i mtshan ma la 'dzin pa las di'i 'du shes pa yin no/ /kun nas nyon mongs pa'i rgyu ni gnyis te/ tshul bzhin ma yin pa yid la byed pa dang/ de'i gnas kyi chos
 rnams te/ rgyu gang las skye ba de ni de'i rgyu yin no/ /mi rtag pa gang yin pa de ni sdug bsngal lo/ /zhes bya ba ni don ci zhe na/ gang gis na mi rtag pa dang ris mthun pa des skye ba dang rga ba la sogs pa'i sdug bsngal skye ba dang/ gang gis na reg pa la rag lus te tshor ba des
 na rnam par 'gyur la/ skye zhing 'jig ste de'i phyir tshor ba gsum po thams cad sdug bsngal lo zhes bshad do/ /gang yang skye ba la sogs pa'i sdug bsngal gyi chos can de dang/ gang yang rnam par 'gyur ba la sogs pa'i sdug bsngal gyi chos can de dag ni bdag nyid kyis
 bdag med pas bdag med ba'am/ de la bdag mi gnas pas na bdag med pa ste/ des na stong pa nyid dang bdag med pa'i rnam pa smos pa yin no/ /kun shes par byed pa ni thos pa las byung ba'i shes rab kyis te/ shes ba gsung ba 'di skad du gsung do zhes bya ba'o
 yang dag par shes par byed pa ni bsams pa las byung ba'o/ /nges par rtog pa ni bsgoms pa las byung ba'i ste/ shes rab rnam pa gsum rgyu ba de nyid la bzod pa gang yin pa de ni mgu ba dang yang dag par mgu ba dang/ yongs su mgu ba'o/ /mi rtog par rjes su blta/
 'dod chags dang bral bar rjes su blta/ 'gog par rjes su blta zhes bya ba ni 'di lta ste/ nyan thos kyi sa las 'byung ba bzhin no/ /mi rtag pa dang/ g.yo ba dang/ 'jigs pa zhes bya ba rgyas bar 'byung ba ni gcig las 'phros ba mthun par sbyor ba las mi rtag pa la soD
 pa'i rnam grangs nas sdig ba'i rnam grangs la thug pa'i bar du ci rigs par rig par bya'o/ /ma thob pa thob par bya ba ni de dang po nas ma thob pa 'am snga ma las nyams pa'o/ /rtogs par bya ba ni gong ma'i khyad par rtogs pa'o/ /mngon sum du bya ba ni spangs pa'o/ /
 lta ba zhes bya ba 'dis ni shes rab bstan to/ /nges par rtog pa zhes bya ba 'dis ni ting nge 'dzin bstan to/ /tshul bzhin yongs su rtog ces bya ba ni chos gnyis po de dag nyid la phyin ci ma log par 'jug par bstan to/ /med kyang snang ngo zhes bya ba ni de la bde ba med
 pa'o/ /gsob ces bya ba ni bdag gis stong ba'o/ /gsog ces bya ba ni mi gtsang ba'o/ /snying po med ces bya ba ni mi rtag pa nyid de/ de ltar na de dag gis ni phyin ci log bzhi med par yongs su bstan to/ /ji ltar na gzugs dbu ba rdos pa lta bu yin zhe na/ bsags pa
 dang 'jig pa myur ba dang/ chu'i khams las 'byung ba ltar zas dang skom gyi ro dang/ rnam par rtog pa'i chu las byung ba'i phyir ro/ /bcang bar mi bzod pa nyid ni bcang bar mi bzod pa dang 'ji ba'i gong bu la sogs pa bzhin du bsgyur bar mi nus pa'o/ /sems can gcig
 tu mos ba'i phyir gong bu ma yin yang god bur snang ba'o/ /tshor ba de ni chu bur lta bu ni gsum 'dus pa las skyes ba dang mi gnas par chos mthun ba'i phyir te/ de las lta bu ni dbang po ste/ de skye ba'i gnas yin pa'i phyir ro/ /yul lta bu ni sprin no/ /chu lta bu ni rnam par
 shes pa'o/ /char bas btags pa lta bu ni reg pa'o/ /chu'i chu bur lta bu ni tshor ba ste/ myur du 'gag pa dang mi gnas pa'o/ /'du shes smig rgyu lta bu ni g.yo ba'i bdag nyid dang rnam pa du ma 'byung ba dang/ dmigs pa la phyin ci log tu byed pa dang/ skyes pa dang bud med
 ba sogs pa yongs su gcad pa'i tshul gyis yul gsal bar byed pa'o/ /ji ltar na 'du byed rnams chu shing lta bu yin zhe na/ 'di lta ste/ skyes bu mig dang ldan pa zhes bya ba ni 'phags pa nyan thos so/ /sta re rnon po zhes bya ba ni shes rab kyi mtshon cha'o tshal du 'jug
 ces bya ba ni 'gro ba lngar gtong ba'o/ /chu shing gi sdong po zhes bya ba ni sdug bsngal sna tshogs kyi lus shing dang chos mthun pa'o/ /sar ba drang po zhes bya ba ni bdag byed pa po dang za ba bor lta ba'o/ /des de drung nas bcad nas zhes bya ba ni bdag tu lta ba spong ba'o/ /
 lo ma'i glegs bu rnam par bshig ste zhes bya ba ni sems la du ma'i 'du byed rnam par smin pa tsam du rab tu rnam par 'byed ba'o/ /des de'i snying po ma yin pa yang mi rnyed na zhes bya ba ni de dang dus gzhan du mi gnas pa'o/ /snying po lta zhig smos
 kyang ci dgos zhes bya ba ni shin tu rtag pa dang brtan pa'i bdag dang byed pa po dang zag pa ga la snang zhes bya ba'o/ /ji ltar na rnam par shes pa sgyu ma lta bu yin zhe na/ sgyu ma byed pa zhes bya ba ni bsod nams dang bsod nams ma yin pa dang mi g.yo bar rnam par
 shes pa'i tshig bla dags so/ /lam po che'i bzhi mdor 'jug ste zhes bya ba ni rnam par shes pa gnas pa bzhi la brten pa'o/ /sgyu ma rnam pa bzhi byed ces bya ba ni ji ltar de dag tu glang po che'i tshogs la sogs pa snad ba'o/ /glang po che la sogs pa'i tshogS
 de dag yongs su grub pa ma yin pa de bzhin du/ bsod nams dang bsod nams ma yin pa dang mi g.yo ba nye bar 'gro ba'i rnam par shes pa gnas pa bzhi la brten cing dmyal ba la sogs pa'i lus ston pa de yang mi snang bar 'gyur ba'i phyir de nyid kyis de'i lus
 yongs su grub pa med de/ sgyu ma'i gzugs bzhin no/ /dkar po'i phyogs kyi rnam grangs rdzogs so// //sdom ni/ skye dang rga dang 'chi ba dang/ /chags dang 'dod dang nyon mongs dang/ /'dod chags rab rgyas zhe sdang dang/ /gti mug chung dang khyad par nyid/ /skye
 ba ni dang po nyid du nyid mtsham sbyor ba'i 'brel pa ste/ ming dang gzugs kyi gnas skabs so/ /kun tu skye ba ni lus yongs su rdzogs pa'o/ /byung ba ni rum nas byung ba'o/ /mngon par grub ba ni lang tsho'i gnas skabs nas bzung ste/ dar la bab pa dang dang yol ba'i gnas
 skabs gang yin pa'o/ /ches 'gras ni rgas pa'i gnas skabs kyi bar gang yin pa'o/ /phung po rnyed pa ni ming dang gzugs kyi gnas skabs so/ /khams rnyed pa ni de nyid du de'i sa bon rnyed pa'o/ /skye mched rnyed pa ni ming dang gzugs 'phel bas skye mched drug yongs su
 rdzogs pa'o/ /phung po mngon par 'grub bar ni 'byung ba nas bzung ste rgas pa'i bar ro/ /srog gi dbang po byung ba ni ris mthun pa snga ma yongs su btang ste ris mthun pa gsar gyi tshe yongs su 'dzin pa'o/ /rga ba ni na tshod yongs su gyur pas 'gro ba ma rdeg? 'cha' zhing bgyel ba'o/ /
 mgo skya ni skra dang ba sbum tshang zhing mdog dkar ba dang ser ba'o/ /gnyer mas gang ba ni pags pa 'khums pa'o/ /brnyings ba ni na tshod yongs su gyur pa gnyis mdangs med cing skya bor gyur pa gang yin pa'o/ /khom pa ni mthu dang brtson 'grus dang stobs dang rtsal med pa'
 sgur po phyam dgu po ltar yo ba zhes bya ba na lus mdun du dgu ba gang yin pa ste/ khar ba la brten pa gang yin pa'o/ /lus sme ba nag pos gang ba ni sme ba nag po dag gis lus bkra bar byas ba'o/ /theg che ba ni 'phral gyi bya ba 'greng ba dang 'chag pa dag mi mang ba'o/ /
 nyam dma' ba ni yul dag la dbang po rnams rgu ba mi mang ba'o/ /nyams pa ni dran pa dang blo mi mang ba'o/ /yongs su nyams pa ni dbang po la sogs pa de dag nyid skad cig de dang de dag nyid 'das shing 'dri ba'o/ /dbang po rnams yongs su smin pa ni de
 dag nyid kyi bye brag go /'dus byas rnams brnyings par gyur pa ni dbang po'i gnas rnams dus gzhan du gnas pa'o/ /brnyings pa ni de dag nyid gzhan du 'gyur ba'o/ /shi 'phos pa ni lus yongs su bor ba'o/ /'chi 'pho ba nyid ni 'chi ka nyid do/ /zhig pa ni gang na
 lus ror 'dug pa'o/ /nub pa ni gang na ni gnas pa'o/ /yang zhig pa ni gzugs kyi lus so/ /nub pa ni ming gi lus so tshe nyams shing drod nyams zhes bya ba ni 'chi kar da'i dus su snying kar gnas pa'o/ /srog gi dbang po 'gags pa ni tshe thams cad yongs su
 gtug pa'o/ /'chi ba ni rnam par shes pa snying gar yongs su 'dor ba'o/ /dus byas pa ni de phyin chad de shi nas zhag gcig gam gnyis sam zhag gsum mam zhag bdun lon pa'o/ /skye mched drug la byis pa so so'i skye bo thams cad bdag tu 'dzin pas ni chaD
 par 'gyur ro/ /bdag gir 'dzin pas ni nye bar chags par 'gyur ro/ /'jig tshogs la lta ba ni rtsa ba can 'jig rten so so'i lta bar gyur pa rnams dang nga'o snyam pa'i nga rgyal gyi dbang can sred pa rnam par spyod pa rnams kyis ni lhag par chags so/ /bde ba'i tshor
 ba'i gnas lta bu'i skye mched drug la ni 'dod chags dang bcas bar ro myang bar byed ba'o/ /sdug bsngal gyi tshor ba'i gnas lta bu la ni zhe sdang dang bcas pas spong? bar byed do/ /sdug bsngal yang ma yin bde ba yang ma yin pa'i tshor ba'i gnas lta bu la ni gti mug
 dang bcas pas khas len par byed do/ /'das pa'i skye mched drug la ni bltas pa dang bcas pas rgyas par byed do/ /ma 'ongs pa la ni mngon par dga' ba dang bcas pas gnas so/ /da ltar byung ba la ni lhag par zhen ba dang bcas bas mngon par zhen to/ /rang
 gi yongs su gzung bar 'gyur ba gzhan gyi rgyud la yod ba'i skye mched drug la ni bdag gir byed do/ /rang gi yongs su gzung bar ma gyur pa gzhan gyi rgyud la yod pa tha ma dang 'bring dang khyad par can la ni nga rgyal gyi rnam pa la brten pas rlom sems su byed do/ /mnyaM
 par bzhag pa yin pa'i sa ba 'dod pa dang mtshungs bar ldan pa la ni gong nas gong du don du gnyer bar byed do/ /mnyam par gzhag ba'i sa pa gzugs dang gzugs med pa dang mtshungs par ldan pa ni ji ltar srid bar rgya che ba dang gya nom pa yin pa'i phyir brten
 par byed do/ /khyim pa'i phyogs la brtan pa gzugs dang sgra dang dri dang ro dang reg bya ni ro'i sgo nas 'khor gyi rjes su song ba yin pa'i phyir ro myang bar byed do/ /rab tu 'byung ba'i phyogs la brten pa'i skye mched drug la ni le lo dang bag med pa dang ldan pa'i phyir thams cad
 kyi thams cad du mi 'dor ro/ /'dod pa dang sdug dga' ba dang yid du 'thad pa zhes bya ba'i tshig bzhi po 'di dag ni mdor bsdu na/ 'dod ba'i dngos po yongs su ston par byed pa yin par rig bar bya'o/ /'dod ba'i dngos po de yang mdor bsdu na rnam pa gsum
 ste/ gtsal bar bya ba dang brtag par bya ba dang lhag bar zhen par bya ba'o/ /de la 'dod pa ma 'ongs pa ni btsal bar bya ba yin pa'i phyir 'dod pa yin no/ /'dod pa 'das pa ni 'dod par byas pa dang dga' bar byas pa 'ba' zhig yin ba'i phyir sdug pa yin no/ /'dod
 ba'i dngos po da ltar byung ba ni rnam pa gnyis te/ yul gyi dngos po dang myong ba'i dngos po'o/ /de la ji snyed du yul gyi dngos po la 'dod pa de ni dga' ba yin no/ /myong zin pa'i dngos po la 'dod pa gang yin pa de ni yid du 'thad pa'o/ /'dod pa'i dngos po 'das pa
 'am ma 'ongs ba 'am da ltar byung ba'am/ yul lam myong ba ni 'di dag tsam du zad de/ 'di'i btsal bar bya ba 'am/ brtag par bya ba 'am lhag par chags par bya ba de dag thams cad ni tshig 'di dag gi bstan pa yin no/ /'dod pa ni ma 'ongs pa'i dus la
 brten nas bcal bar bya ba yin no/ /sdug pa ni da lta'i dus la brten nas ngoms mi myong bas 'dod par bya ba yin pa'i phyir ro/ /yid du 'thad pa ni 'das pa'i dus la brten nas rjes su dran pa'i sgo nas yid du 'ong bas mngon par brjod pa'i phyir ro/ /dga' ba'i ngo
 bo ni sdug pa gang la brten nas dus gsum las 'dod par 'gyur ba dang/ 'dod pa dang yid du 'ong bas mngon par brjod pa'o/ /'dod pa dang ldan pa ni 'dod pa dang mtshungs par ldan pa'i phyir ram/ longs spyod rnam pa sna tshogs 'dod pa'i gnas lta bur gyur ba'i phyir ro/ /
 chags par bya ba ni 'dod chags kyi gnas su gyur ba'i phyir ro/ /dngos po lnga la kun du sbyor bar byed pa yin pa'i phyir kun du sbyor ba rnams so/ /dngos po rnam pa lnga ni kun du sbyar bar bya ba dang/ kun du sbyor ba dang kha na ma tho ba med ba'i dngos po dang rgyu mthun pa'i dngos po
 dang 'gro ba'i dngos po'o/ /de la kun du sbyar bar bya ba ni kun tu sbyor ba rnams kyi dmigs pa yin te/ 'di ltar rjis su chags pa la sogs pas so so'i mtshan ma'i rjes su 'brang bas de la kun tu sbyor bar byed pa'o/ /kun tu sbyor ba rnams nang yang phan tshun 'dren
 par byed pa yin pa'i phyir kun du sbyor bar byed do/ /kun du sbyor ba'i gzhi mthong ba'i chos kyi kha na ma tho bskyed bar 'gyur zhing/ de las skyes pa sems las byung ba'i sdug bsngal dang yid mi bde ba'i bar du yang so so myong bar byed do/ /de'i phyir kha na ma tho ba med pa'i
 phyir dngos po la yang kun tu sbyar bar byed do/ /ma 'ongs pa na 'dod chags drag po la sogs pa'i rgyur gyur pa'i phyir rgyu mthun pa la yang kun du sbyor bar byed do/ /'gro ba lnga yin pa'i phyir 'gro ba rnams su kun tu sbyor bar byed do/ /de'i rgyu las nye bar spyod pa kun tu sbyong
 pa'i phyir bdag la gzhan gyi dbyug pa dang gsar pa dang bcing ba dang brdeg pa dang spyod pa dang sbyug pa la sogs pa'i gnod pa skyed pa'i phyir bdag la gnod par 'gyur ba'o/ /bdag la ma yin yang gzhan la skyed bas gzhan la gnod par 'gyur ba'o/ /gnyis ka la skyed
 pas na gnyis ka la gnod par 'gyur ba'o/ /mthong ba'i chos kyi kha na ma tho ba skyed par byed ces bya ba de ni ji skad du smos pa de nyid yin te/ des gdon mi za bar ngan song du 'gro ba ni ma yin no/ /tshe phyi ma ni gang gzhan dag gis 'di la mi shes kyang de'i rgyu can gyis
 ni ngan song du 'gro ba'o/ /gang gzhan dag gis 'di la shes kyang ngan song du yang 'gro ba ni mthong ba'i chos dang tshe phyi ma gnyis ga yin no/ /de las skyes pa'i sems las byung ba sdug bsngal dang yid mi bde ba ni chags bar gyur pa rnams kyi ji lta ba bzhin du mi 'byor
 ba'i phyir ro/ /gtso cher ni kun tu sbyor ba dgu kho na'o/ /'dod dgur mi byed pa'i don gyis na 'ching ba gsum ste/ 'dod chags dang zhe sdang dang gti mug rnams so/ /tshor ba gsum gyi dbang du byas pa'i phyir te/ de dag gis ni de dag las thar bar 'dod kyang
 mi 'grol lo/ /nyon mongs pa'i/ /phyogs kyi gnas ngan len sa bon dang mthun par gyur pa ni bag la nyal te/ rjes su 'brel ba phra ba'i don gyis so/ /rtsa ba smos ba'i phyir na bdun no/ /nyon mongs pa las skyes pa'i phyir dang/ nyan mongs pa dang nye bar gyur ba'i
 phyir dang/ sems kyi rgyun nye bar nyon mongs par byed ba'i phyir na nye ba'i nyon mongs pa rnams te/ bag la nyal bar ma gtogs pa sems las byung ba nyon mongs pa can rnams so/ /skye ba'i rgyun mi 'chad ba'i don gyis na kun nas dkris pa rnams te ngo tsha ba med pa la sogs
 brgyad do/ /de dag ni shin tu rgyun chags par byed pa yin pa'i phyir ro/ /lus dang sems las su mi rung bar byed pa'i phyir tha ba rnams te/ las su mi rung ba'i zhing rtsub bo bzhin no/ /rten gyi bye brag gis ni the tshom gyi bye brag sems kyi tha ba rnams lnga'o/ /'dod chags la
 sogs pa gsum ni mi gtsang bar byed pa'i phyir na dri ma rnams so/ /skye mched rnams kyi sgo nas rtag tu 'dzag pa'i phyir dang drag tu gnod bar byed ba'i phyir na rtag 'dzag rnams so/ /ma zhi bar byed pa'i phyir na zug rngu rnams te zug rngu ma byung ba bzhin no/ /btang snyoms kyi bar chad
 byed pa'i phyir dang spras pa dang bcas pa yin pa'i phyir na ci yang rnams so/ /chos ma yin pa dang mi mthun pa'i spyod pa nye bar gnas pa'i phyir na nyes par spyod pa rnams so/ /nyon mongs pa dang nyes par spyod pa kun nas slong bar byed pa'i phyir na rtsa ba rnams so/ /phyi ma la skye ba skyed
 pa'i phyir na zag pa rnams so/ /skyes pa la rga ba dang na ba dang 'chi ba la sogs pa gnod pa byed pa'i phyir na gnod pa rnams so/ /mi sdug pa dang phrad pa dang/ sdu pa dang bral ba dang/ 'dod pa ni rnyed pa dge gi yongs su gdungs pa'i phyir na yongs su gdud ba rnams so/ /mya ngan dang
 smre sngags 'don pa dang sdug bsngal dang yid mi bde ba dang 'khrug par byed pa'i phyir na 'khrug pa rnams so/ /rgyun phyogs su khyer bar byed pa'i phyir na chu bo rnams so/ /sngon gyi mdza' nas bzung ste mthong ba'i chos la skye ba dang 'khor ba'i thabs? su gyur pa'i phyir na sbyor
 ba rnams so/ /da ltar byung ba nas bzung ste ma 'ongs pa'i thabs su gyur ba'i phyir na nye bar len pa rnams so/ /dgol?  bar dka' ba'i phyir na mdud pa rnams so/ /shes bya'i dngos po la shes pa'i sgrib par gyur pa'i phyir na sgrib pa rnams so/ /gzugs dang gzugs
 med pa'i khams tshun chad kyi cha ni 'dod pa'i khams so/ /bsgom ba'i lam tshun chad kyi cha ni mthong ba'i lam mo/ /de gnyis ni tha ma yang yin la cha yang yin te/ de'i phyir ci rigs par tshun chad kyi cha dang mthun pa 'am tha ma'i cha dang mthun pa'i sgrib
 pa lnga yin no/ /de las bzlog pa ni gong ma'i cha dang mthun pa rnams so/ /'phags pa'i lam skye ba'i bgegs byed pa'i phyir rnam par 'ching ba rnams te lus la lta ba la sogs pa rnam pa lnga'o/ /chung du'i char gtogs pa rnams la yang rab tu rgya bkyed pa'i phyir
 na mi rnams te/ srid ba'i rtse mor song ba rnams la yang nyon mongs pa'i rnam pa thams cad 'phel bar byed pa'i phyir dang/ dam pa rnams kyis ring du yongs su spang bar bya ba'i phyir ro/ /lus dang sems kun tu gdud bar byed ba'i phyir na rims nad rnams so/ /
 'jig tshogs lan pa'i phyir na kun du len pa rnams so/ /nags zhes bya ba ni sdug bsngal sna tshogs kyi phung po'i lus mngon par sgrub pa'o/ /nags sbyor ni de skyed par byed ba'i chags pa gang yin pa'o/ /'thab mo la sogs pas rnam pa sna tshogs rtsom pa'i phyir
 na 'thabs pa rnams so/ /rig ba'i mi mthun pa'i phyogs su gyur pa'i phyir na nag bo'o/ /sdug bsngal dang ldan pa'i phyir phung po'o/ /'gro? ba med ba'i phyir na dman pa'o/ /nyon mongs pa can yin pa'i phyir na kha na ma tho ba dang bcas pa'o/ /btsal bar bshad pa ma
 yin ba'i phyir na yongs su spang bar bya'o/ /tshul khrims 'chal ba ni mnos nyams par byed ba'i phyir ro/ /sdig pa'i chos ni ngo tsha mi shes pa dang khrel med pa drag pos sangs rgyas la sogs pa lam dad pa dang/ 'phags pa la bskur ba 'debs pa la sogs
 pa log par lta ba dang ldan pa'o/ /yang na sdig ba'i chos sna tshogs pa kun tu spyod ba'i phyir te/ brnab sems dang ldan pa yin/ gnod sems can gyi sems zhes bya ba dang mthun par sbyar ro/ /khong myags pa ni phyi dge sbyong gi rtags 'chad ba'i phyir dang/
 nang na dge sbyong du byed pa'i chos med ba'i phyir te/ dper na shing phyi rol mdog bzang ba yin la/ nang ni srin bu la sogs pas zos shing khong stong du byas ba lta bu'o/ /nyes 'dzag ni ji ltar nyes 'dzag dang nyes 'dzag ma yin pa'i chos kyi rnam grangs las 'byung ba bzhin no/ /shing
 rul gyis brnyogs pa'i chu lta bur gyur pa zhes bya ba ni des thos pa gzung bar gyur ba gang yin pa de ni sred bsil ba'i phyir chu lta bu yin la/ de'i de ni 'chal pa'i tshul khrims la sogs pa'i shing rus gyis brnyogs ba'o/ /de'i phyir shing rul gyis brnyogs pa'i chu bzhin du
 'tsho bar byed pa ma yin ste/ gzhan dag gis yongs su spang bar bye ba ma yin pa'i phyir ro/ /lung bod ltar sbyod pa ni dge sbyong 'dus pa dag tu rnyed pa dang tshul shing nod pa dang/ mal cha dang stan bgod pa dag la lo'i dang po'i dus tsam zhig brjod pa'i phyir ro/ /dge sbyong ma yin par
 dge sbyong du khas 'che ba ni dge sbyong gi ngo bo las nyams la dge slong gi ngo bor khas 'che ba'i phyir ram/ 'dod chen gyis don dam pa'i dge slong du khas 'che ba'i phyir ro/ /tshangs par spyod pa ma yin pa zhes bya ba ni 'khrig pa ma spangs par spangs pa'i khas 'che ba'o/ /yang dge slong
 gi ngo bo las nyams pa dge slong nyid du khas 'chi ba'i phyir na tshangs par spyod par khas che ba'o/ /don dam pa'i dge sbyong du khas 'che ba'i phyir na dge slong du khas 'che ba'o/ /yang dag par blangs pa btang ba'i phyir na tshul khrims 'chal pa'o/ /sdig ba'i chos mngon par
 btang ba la yang len ba'i phyir na sdig pa'i chos rnams so/ /rtags kyi bsam pa bslu ba'i phyir na nang myags pa'o/ /dga' mgur spyod cing gnas pa'i phyir na nyes 'dzag go /thos pa nyams pa'i phyir na shing rul gyis brnyogs pa'i chu lta bur gyur pa'o/ /dang ? byin pa log
 par spyod ba'i phyir na lung bod ltar sbyong pa'o/ /log bar smra ba'i phyir na dge sbyong dang tshangs par sbyod par khas 'che ba'o/ /chags pa dang zhe sdang dang gti mug dang khro ba dang khon du 'dzin pa ni zhes bya ba ni rgyas par gzhi bsdu ba'i nang du bzhi phran tshogs bshad par bya'o/ /
 mi rtag pa dang sdug bsngal ba dang bdag med pa dang skye ba'i chos dang rga ba'i chos dang gdung bar byed pa dang/ me mur zhes bya ba'i bar ni de nyid kyi nang nas ji ltar gnas pa bzhin du bshad par bya'o/ /chags pa ni longs spyod la mngon par dga' bas so/ /chags
 pa ni de nyid la mi lta ba med pas so/ /'chums pa ni ma 'ongs pa na 'thob pa'i longs spyod la mngon par 'dod pa'o/ /mdud pa bor ba ni de las gzhan pa'i nyon mongs pa 'grogs par byed pa mdud pa 'dod pa'o/ /brgyal ba ni 'og nas bshad par bya'o/ /lhag par chags pa
 ni thob pa dag la mi rtsom pa med pa'o/ /lhag par chags par gyur pa ni ma thob pa dag la yongs su tshol bar sbyor ba'o/ /mdun pa ni ma thob pa dang thob pa dag la thob pa dang longs spyad par 'dod pa nyid do/ /'dod chags ni longs spyod la mngon par chags par lhag par
 chags pa'o/ /'dod pa dang dga' ba ni 'dod par 'gyur ba dang dga' bar 'gyur ba bzhin no/ /kun du zhen pa ni nang gi lus su gtogs pa rnams la sred pa'o/ /'chums pa ni gzhan gyi rgyud la yod pa rnams la'o/ /lhag par chags pa ni bdag gi yul dag la
 sred pa'o/ /skoM pa ni yang dang yang du 'dod pa'o/ /chags par 'gyur ba ni 'dod chags kyi gnas yin pa'o/ /rgyags par 'gyur ba ni rgyags pa rnam pa bdun gyi gnas yin pa'o/ /byams par 'gyur ba ni longs spyod la 'dod pa rnam pa sna tshogs kyi gnas lta bur gyur
 pa'o/ /'dod par 'gyur ba ni 'das pa la lta ba'i gnas lta bu la sred pa rjes su 'brel ba'o/ /dga' bar gyur pa ni da lta'i dus la brten nas te dga' ba'i yid bde ba'i gnas lta bur 'gyur pa'o/ /yang mthong ba'i chos la goms pas sred par byas pa ni byams pa'o/ /
 sngon goms par byas pa ni dga' ba'o/ /brgyal bar 'gyur ba ni yon tan dang skyon dpyad pa la rgyab kyis phyogs pa'o/ /chags par 'gyur ba ni sems kun tu 'dzin pa'i gnas su gyur pa'o/ /'ching bar 'gyur ba ni 'dod chags dang zhe sdang dang gti mug gi gnas su
 gyur pa'o/ /don du gnyer bar 'gyur ba ni sred ba skyed par byed pa'o/ /kun du sbyor bar 'gyur ba ni kun tu sbyor ba'i gnas su gyur pa dang sdig pa mi dge ba'i chos la kun tu sbyor bar byed pa'o/ /dga' ba dang mngon par dga' ba ni mngon du bya ba'i phyir don du gnyer ba'o/ /smra
 ba dang mngon par smra ba ni mngon du bya ba'i phyir tshig yongs su tshol ba'o/ /khong du chud par bya ba'i phyir rtsol bas na lhag par chags par 'gyur ba ste lus kyis yongs su tshol ba'i phyir ro/ /lhag par chags par bya ba'i phyir gnas zhes bya ba ni thob pa la mngon par zhen pa'o/ /
 chags pa ni bde ba'i tshor ba la 'dod chags pa ste de nyid kun du chags pa yin no/ /sdug bsngal gyi tshor ba la ni khong khro ba dang ldan par 'gyur ro/ /kun du rmongs pa ni gsum ga la gti mug gis so/ /'das pa la ni lta ba dang ldan no/ /ma 'ongs pa la ni sems 'brel
 to/ /dal ba ni de'i gzhi yongs su tshol ba la zhugs pa'o/ /rims nad ni 'dod pa 'byor pa dag la sems nyon mongs pa can no/ /yongs su gdung ba ni 'dod pa ma 'byor ba dag la'o/ /'khrug pa ni thob pa yongs su 'gyur ba'i phyir ro/ /kun du slong bas zhes bya ba ni
 ltad mo dang bkra shis la sogs pa nye bar len pa'i sred pa ston par byed do/ /dga' bas shes bya bas ni mchog tu 'dzin pa nye bar len pa'i sred pa ston par byed do/ /don du gnyer bas zhes bya ba ni rab tu sbyin pa'i rnyed pa nye bar len pa'i sred pa ston par byed do/ /mngon par
 dga' bas zhes bya ba ni yid du 'thad pa la gcig tu kun tu rtog pa nye bar len pa'i sred pa ston par byed do/ /de dag nyid la sems 'jug go /rab tu 'gying ngo zhes bya ba ni rgyas par 'di lta ste/ mnyam par gzhag pa'i sar nges par 'byung ba'i khams lnga las rig par
 bya'o/ /myos pa ni rgyags pa gsum dang ldan pa'o/ /rab tu myos pa ni rgyags pa la brten nas sdig pa mi dge ba'i chos rnams las sems kun du mi bsrung ba'o/ /rab tu rgyags par gyur pa ni sdig pa kun du rtsom par sbyor ba'o/ /rgyags par 'gyur ba ni rgyags
 ba'i rgyu kun du bslangs nas 'dug pa'o/ /'dod pa dag la kun du rgyags par gyur pa ni nyes dmigs su mi lta bar 'dod pa la yongs su longs spyod pa'o/ /sim? pa ni bde ba tshor ba'i rang gi mtshan nyid la brten nas so/ /myong bar? 'gyur ba ni spyi'i mtshan nyid la
 brten nas so/ /tshor bar? 'gyur ba ni de las gzhan pa'i tshor bar gyur pa rnams kyi rgyu'i mtshan nyid la bton nas so/ /'dod pa dang 'dod chags dang lhag par chags pa dang/ rnam par 'ching ba dang/ yongs su zhen pa dang/ kun du 'dod chags pa rnams ni 'di lta ste/
 thos pa las byung ba'i sa las rtogs par bya'o/ /nang gi dri ma ni kho na du 'dzin pa'i bsam pa 'dzin pa'o/ /nang gi 'gran zla ni 'dod pa la bgegs byed pa'o/ /nang gi phyir rgol ba ni mi 'dod pa la gtod pa'o/ /nang gi dgra bo ni mi mthun pa la gtod pa'o/ /mi sdug pa ni 'dod
 pa dang yid du mi 'thad pa la sogs pa ni 'dod pa la sogs pa las zlog pa'o/ /sdug bsngal pa ni rang bzhin gyis rjes su dran pa na'o/ /gnod pa ni mngon du gyur pa na'o/ /mi mthun pa ni dus gsum pa yid la byed pa na'o/ /yid dang 'gal ba ni sdug bsngal mngon sum
 du gyur pa ste/ gnod pa byed par ni 'gyur ba'i phyir ro/ /sdug bsngal mi bzang brtsub pa drag pa yid du mi 'thad pa zhes bya ba ni 'di lta ste/ gzhi bsdu pa las 'byung ba bzhin rtogs par bya'o/ /gtum pa zhes bya ba ni bstan pa'o/ /kun tu za ba ni rna ba dang gtum por smra
 ba'o/ /gzugs bor smra ba ni yi ger brton nas 'dzem pa med par tshig rtsub por smra ba'o/ /nang pa ni bsam pa khros pa'i 'khrug pa ni dag gi bye brag gis bsam pa khros pa ston pa'o/ /gnod sems su byed pa ni lag pa la sogs pas tshogs pa'o/ /nang ste 'dug
 pa ni 'khrugs pa'i mjug tu gnyer dang bcas par gnas shing tshig tu mi smra ba'o/ /'khrug pa kun tu skyed par byed pa ni gnod par byed pa'i rgyu'i rjes su 'brang bas yang dang yang du kho na du 'dzin pa'o/ /nyon mongs pa byung nas sems kun nas nyon mongs par byed pas
 de'i phyir sdug bsngal bar gnas pa ste/ ji skad du dge slong dag sdig pa dang 'dres pa dag gis ni le lo can sdug bsngal bar gnas so zhes gsungs pa lta bu'o/ /ma 'ongs pa'i sdug bsngal len pas de'i phyir sdug bsngal dang bcas pa'o/ /dge ba'i phyogs las ring du byed
 pas de'i phyir gnod pa dang bcas? pa'o/ /nyon mongs pa gzhan gyi rgyu yin pas de'i phyir 'tshe ba dang bcas pa'o/ /'gyod par byed pa'i phyir yongs su gdung ba dang bcas pa'o/ /yang smras pa/ sdug bsngal zhes bya ba ni bstan pa'o/ /sdug bsngal dang bcas pa zhes bya ba ni
 sdug bsngal dang yid mi bde ba dang ldan pa'o/ /gnod pa dang bcas pa zhes bya ba ni bde ba'i tshor ba rnam par 'gyur ba'o/ /'tsho ba dang bcas pa ni bde ba yang ma yin sdug bsngal yang ma yin pa'i tshor ba la de gnyi ga las mthar ba'o/ /yongs su gdung ba dang bcas pa zheS
 bya ba ni bde ba la sogs pa dag la ci rigs par 'dod chags dang zhe sdang dang gti mug gi mes so/ /yang 'das pa ni sdug bsngal dang bcas pa'o/ /ma 'ongs pa la ni gnod pa dang bcas pa'o/ /gsad par byed pa zhes bya ba ni cher 'khon du yongs su 'dzin pa ston par byed
 pa'o/ /phyir rgol ba dang dgra bo zhes bya ba ni snga ma bzhin no/ /pham pa ni skyes bu'i rtsal? ma skyes pa skye ba dang 'gal bar byed pa'o/ /zhom pa ni skyes pa dang gnas pa dang 'gal bar byed pa'o/ /'jigs pa ni yang dang yang du mngon du phyogs pa'o/ /gzhan rgyal ba ni
 rtsal? ma skyes pa skye ba dang 'gal bar byed pa'o/ /rgyab kyis bstan pa ni rtsal skyes pa gnas pa dang 'gal bar byed pa'o/ /ngan par zhom pa dang rnam par zhom pa dang bye brag tu bcom pa dang gnod pa dang bsgyel ba zhes bya ba'i tshig 'di dag gi don ni tshig 'di dag gis
 rig par bya'o/ /sngon gyi mdza' mi shes pa ni 'das pa'i 'du byed rnams la mi rtag pa nyid du mi shes pa gang yin pa'o/ /phyi ma'i mdza' ni da ltar byung ba rnams la zang pa'i chos nyid du mi shes pa gang yin pa'o/ /sngon gyi mdza' dang phyi ma'i mdza' di ma 'ongs pa rnams skye bo
 chos nyid dang skyes pa rnams zad ba'i chos nyid du mi shes pa gang yin pa'o/ /de de ltar ma shes pas sngon gyi mdza' la sogs pa las rnams nas ci bdag 'das pa'i dus nas byung bar gyur ram zhes bya ba rgyas par tshul bzhin ma yin pa yid la byed de/
 ji ltar 'dug ji lta bur gyur/ sems can bzhi dag ga las 'ongs/ 'di nas shi 'phos nas gang du 'gro bar 'gyur ba zhes bya ba 'di ni sngon gyi mdza' dang phyi ma'i mdza' las brtsams nas tshul bzhin ma yin pa yid la byed pa'o/ /da de ltar mi rtag pa nyid la kun du rmongs
 pas 'du byed rnams la bdag tu lnga ba'i rjes su 'brel cing nang dang phyi dang gnyi ga dag la chos tsam du mi shes te/ ? ni nang gi skye mched rnam la'o/ /phyi ni phyi'i lnga bo dag la pho? phye dang nang ni dbang po'i rten dang de gnyid dang chos kyi skye mched la ste/ chos de dag ni nang gi yin par yang
 dmigs shing phyi'i skye mched dag gis bsdus? pa yin no/ /las mi shes pa las 'du byed tsam du mi shes pa bdag dang byed pa por rtogs par byed pa gang yin pa'o/ /rnam par smin pa mi shes pa ni/ sems can dang snod dag dang yul gzhan las rgyu can rnams la
 dbang phyug dang byed pa po dang 'byin pa por rtogs par byed pa gang yin pa'o/ /las dang rnam par smin pa mi shes pa ni thams cad rmongs pa las dang 'bras bu la skur ba 'debs par byed pa'i log par lta ba thob pa gang yin pa ste/ 'di ni 'di las phyi rol pa rnams
 kyi mi shes pa yin par bshad do/ /chos 'di ba so so'i skye bo rnams sangs rgyas mi shes pa ni chos kyi sku'i rnam pa dag gis sgo nas so/ /chos mi shes pa ni ma? legs par gsungs pa la sogs pa'i dam? pa'i sgo? nas so/ /dge 'dun mi shes ba ni legs
 par zhugs pa la sogs pa'i rnam pa'i sgo nas so/ /sdug bsngal la sogs pa mi shes pa ni mdo sde dag las ji ltar rnam par phye ba 'am?/ rnam pa bcu drug gi sgo nas so/ /rgyu dag mi shes pa ni ma rig pa la sogs pa srid pa'i yan lag rnams 'du byed la sogS?
 ba'i rgyu nyid ni? shes pa'o/ /rgyu las byung ba zhes bya ba ni 'du byed la sogs pa ma rig pa la sogs pa'i rgyu las byung ba nyid du mi shes pa'o/ /kun nas nyon mongs pa rnam par byang ba'i phyogs kyi chos mi dge ba rnams dang dge ba rnams so/ /kha
 na ma tho ba dang bcas pa dang kha nas tho ba med pa ni nyes dmigs dang/ phan yon dang ldan pa'o/ /nag po dang dkar po rnams ni ma rig pa dang rig pa'i cha dang mthun pa'o/ /gnag cing rnam par smin pa gnag pa rnams dang dkar zhing rnam par smin pa dkar ba rnams so
 sor dbye ba dang bcas pa rnams ni dkar ba dang/ gnag po gang dag rnam par smin pa dkar ba dang gnag pa de dag thams cad ni rgyu dang rkyen las byung ba'i phyir na rten cing 'brel par 'byung ba zhes bya bar de dag mi shes pa'o/ /reg pa'i skye mched drug yang dag pa 'dzi?
 lta ba gzhin ma rtags pa 'am zhes bya ba ni skye mched drug gi sgo nas bde ba myong bar 'gyur ba la sogs pa'i reg ba skyes pa rnams ding de 'gag pa dang nye bar zhi ba rnams yang dag pa ji lta ba bzhin mi shes pa'o/ /yang dag pa ji lta ba bzhin ma shes pas zhes bya
 ba'i sbyor ba 'di ni chos yang dag pa ji lta ba bzhin rtogs bar bya zhing ye shes dang mthong ba dang rtogs par bya ba'i phyir ro/ /gang de dang der zhes bya ba ni ji skad du bshad pa'am ma bshad par ro/ /mi shes pa zhes bya ba ni lkog tu gyur pa'o/ /ma mthong ba zhes bya
 ba ni mngon sum du mngon du ma gyur pa la'o/ /mngon pa'am rtogs pa ni yang dag ba ji lta ba bzhin du rtogs bar bya ba gzhan gyi dring mi 'jog pa la'o/ /mun pa ni yang dag pa'i dngos po mi shes pa'o/ /kun tu rmongs pa ni yang dag pa ma yin pa'i dngos bo
 sgre 'dogs pa'o/ /ma rig pa ni shes bya'i dngos po la mi mkhas pa de dang de dag lam byang ba ste/ 'di ltar bshad pa de dang de'i don dang ming dang tshig dang yi ge'i tshogs mi shes pa'o/ /mun pa ni thams cad la skur ba 'debs pa'i log par lta ba dang ldan
 pa rnams kyi'o/ /sgrib pa dang chod pa dang longs bar byed pa zhes bya ba ni rgyas par 'di lta ste/ gzhi bsdu ba las rtogs par byed pa'o/ /kun du bsgribs pa dang chod pa dang mtho ba dang yongs su mtho ba zhes bya ba ni rgyas par 'di lta ste/ sred
 pa can gyi mdo las 'byung ba bzhin rtogs par bya'o zhes mi byed pa ni zhes mi byed par sbyor ba'o/ /bla mar mi byed pa ni yon tan la yid mi ches pas so/ /mnyes par mi byed pa ni 'dod pas phongs par sbyor ba'o/ /mchod par mi byed pa ni thob pa med par sbyor
 ba'o/ /yang zhes mi byed ces bya ba nas mchod par mi byed ces bya ba'i bar ni tshig 'og ma 'og ma bshad pa yin no/ /gus par ma byas pas chos nyan bla mar ma byas yid ches par ma byas par zhes bya ba ni rgyas par 'di lta ste/ rnam par gtan la dbab pa
 bsdu ba las rig par bya'o/ /gus par mi nyan pa ni nyan par mi 'dod pa'o/ /rna mi gtong pa ni sems rnam par g.yengs pa'o/ /kun shes par 'dod pa'i sems nye bar 'jog par mi byed pa ni sgrub par mi 'dod pa nyid do/ /sgrub par mi byed pa ni chos dang mthun
 pa'i chos la bsam pa ji lta ba bzhin yang dag par mi rtog pa'o/ /yang dag par blangs te mi gnas pa ni ston pa'i bstan pa khong du ma chud pa'o/ /gson po rnams kyi nang na gnyid log pa ni don med pa'o/ /zhes bya ba ni bstan pa'i tshig go /'bras bu
 med pa zhes bya ba ni bde 'gror 'gro bar 'gyur ba'i rgyu bslu ba'o/ /'bras bu ma yin pa zhes bya ba ni de'i 'bras bu bslu ba'o/ /don med pa ni mya ngan las 'das pa 'thob pa'i rgyu bslu ba'o/ /phan yon med pa ni de'i 'bras bu 'thob pa bslu ba'o/ /gnod pa chud ?
 zhes dri ba ni khams ma snyoms pa med pa la brten nas so/ /nyam pa ba chung ngam zhes bya ba ni las kyi mdza' sbyor ba mi mnyam pa med pa la brten nas so/ /skyod pa yang ngan zhes bya ba ni zas yi gar 'ong ba dang zos pa bde blag su 'chu ba la brten nas so//
 'tsho ba dang/ stobs dang/ bde ba dang/ kha na ma tho ba med pa rnams 'di ltar nyan thos kyi sa'i nang du kha zas kyi tshed rig pa shes par bya'o/ /rnam par mi 'byed so sor rnam par mi 'byed pa zhes bya ba ni rgyas bar 'di lta ste/ nyan thos gyis las rig par bya'o/ /
 sems par mi byed 'jal bar mi byed ces bya ba ni rgyas par 'di lta ste/ nyan thos kyi sa las rig par bya'o/ /nyung ba ni rab tsam zhig med pa'o/ /chung ngu ni dman pa tsam zhig dang ldan pa'o/ /nyung shas ni tha snyad du bya ba tsam zhig yongs su bzung ba'o/ /
 khyad par ram zhes bya ba ni rang gi mtshan nyid kyi khyad par ro/ /bsam pa'am zhes bya ba ni kun rdzob kyi mtshan nyid kyi bye brag go /tha dad du bya ba 'am zhes bya ba ni rgyu'i mtshan nyid kyi khyad par te/ 'di ni rnam grangs bsdu ba zhes bya'o/ /'di dag ni bdag gi tha snyad
 mang po la dags pa'i rnam grangs che long che long mdo sde las btus nas/ don gyi sgo nas yongs su bstan pa yin gyi/ sangs rgyas bcom ldan 'das rnams kyi rnam grangs ston pa ni tshad med de/ phyogs 'di dang bslab pa 'di dang bstan pa 'dis kyang 'di
 dag dang rnam grangs gzhan rnams dang don gyi rnam grangs gzhan dag la yang brtag cing brtag cing yongs su bstan par bya/ rnam apar bzhag par bya'o/ /rnal 'byor spyod pa'i sa las rnam grangs bsdu brdzogs so// //'di la shlo ka bdun
 brgya nyi shu rtsa lnga yod do// //*/ /rnam bshad bsdu ba thogs med kyis mdzad pa bzhugs so/ /*/ /rnal 'byor spyod pa'i sa las rnam par bshad pa bsdu ba/ dkon mchog gsum la phyag 'tshal lo/ /rnam par bshad pa bsdu ba gang zhe na/