<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4314: theg pa chen po rgyud bla ma'i bstan bcos<br><table><tr><td>
<input type="button" onclick="location.href='tcompletep.php?id=N4314&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4314&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4314&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">theg pa chen po gyur bla ma'i bstan bcos bzhugs/ /rgya gar skad du/ /ma hA yA nodta ra tan+t+ra shAstra/ /bod skad du/ /theg pa chen po rgyud bla ma'i bstan bcos/ sangs rgyas dang byang chub sems dpa' thams cad la phyag 'tshal lo/ /sangs rgyas
 chos tshogs khams dang byang chub dang/ /yon mgon sangs rgyas phrin las tha ma ste/ /bstan bcos kun gyi lus ni mdor bsdu na/ /rdo rje yi ni gnas bdun 'di dag go /'di dag rang mtshan nyid kyis rjes 'brel bar/ /go rim ji bzhin gzungs kyi rgyal po'i
 mdor/ /gleng bzhi las ni gnas gsum rig bya ste/ /bzhi ni blo ldan rgyal chos dbye ba las/ /sangs rgyas las chos chos las 'phags pa'i tshogs/ /tshogs las snying po ye shes khams 'thob mthar/ /ye shes de 'thob byang chub mchog stobs sogs//
 sems can kun don byed chos rnams dang ldan/ /gang zhig thog ma dbus mdza' med zhi sangs rgyas nyid rang rnam sangs rgyas/ /sangs rgyas nas ni ma rtogs rtogs phyir 'jig med rtag pa'i lam ston pa/ /mkhyen brtse'i ral gri rdo rje mchog bsnams sdug bsngal
 myu gu gcod mdzad cig /sna tshogs lta thabs kyis bskor the tshom rtsigs pa 'jig mdzad de la 'dug /'dus ma byas shing lhun gyis grub/ /gzhan gyis rten gyis rtog min la/ /mkhyen dang brtse dang nus par ldan/ /don gnyis ldan pa'i sangs
 rgyas nyid/ /thog ma dbus mdza' med pa yi/ /rang bzhin yin phyir 'dus ma byas/ /zhi ba chos kyi sku can phyir/ /lhun gyis grub ces bya bar brjod/ /so so rang gi rtogs bya'i phyir/ /gzhan gyi rkyen gyis rtogs min pa/ /de ltar
 rnam gsum rtogs phyir mkhyen/ /lam ston phyir na thugs brtse ba/ /nus pa ye shes thugs rje yis/ /sdug bsngal nyon mongs spong phyir ro/ /dang po gsum gyis rang don te/ /phyi ma gsum gyis gzhan don yin no/ gang zhig med min yod min yod
 med ma yin yod med pas gzhan du 'ang/ /brtag par mi nus des tshigs dang bral so so rang gis rig bzhi pa/ /dri med ye shes 'od zer snang ldan dmigs pa kun la 'chags pa dang/ /sdang dang rab rib rnam par 'joms mdzad dam chos nyi ma de la
 'dud/ /bsam med gnyis med rtogs med pa/ /dag gsal gnyen po'i phyogs nyid kyis/ /gang zhig gang gis chags bral ba/ /bden gnyis mtshan nyid can de chos/ /chags bral nyid ni 'gog pa dang/ /lam gyi bden pa dag gis
 bsdus/ /go rim ji bzhin de dag kyang/ /yon tan gsum gsum gyis rig bya/ /rtag min phyir dang brjod min phyir/ /'phags pas mkhyen phyir bsam med nyid/ /zhi nyid gnyis med rtog med de/ /dag sogs gsum ni nyi bzhin no/ /sems de
 rang bzhin 'od gsal bas na nyon mongs ngo bo med gzigs pas/ /gang dag 'gro kun bdag med mdza' zhi yang dag rtogs nas thams cad la/ /rdzogs pa'i sangs rgyas rjes zhugs gzigs pa sgrib pa med pa'i blo mnga' ba/ /sems can rnam dag
 mdza' yas yul can ye shes gzigs mnga' de la 'dud/ /ji bzhin ji snyed nang gi ni/ /ye shes gzigs pa dag pa'i phyir/ /blo ldan phyir mi ldog pa'i tshogs/ /bla med yon tan dang ldan nyid/ /'gro ba zhi pa'i chos nyid du/ /rtoD phyir ji lta nyid de
 yang/ /rang bzhin gyis ni yongs dag phyir/ /nyon mongs gdong nas zad phyir ro/ /shes bya mthar thug rtogs pa'i blos/ /thams cad mkhyen pa'i chos nyid ni/ /sems can thams cad la yod pa/ /mtheng phyir ji snyed yod pa nyid/ /de ltar rtogs pa gang
 yin de/ /so so rang shes mthong ba nyid/ /dri med dbyings la chags med dang/ /thogS med phyir de dag pa yin/ /ye shes gzigs pa dag pas na/ /sangs rgyas ye shes bla med phyir/ /'phags pa phyir mi ldog pa ni/ /lus can kun gyi skyabs yin no//
 ston pa bstan pa slob dpon gyi/ /theg pa gsum dang byed gsum la/ /mos pa rnams kyis dbang byas nas/ /skyabs gsum rnam par bzhag pa yin/ /spang phyir slu ba'i chos can phyir/ /med phyir 'jigs dang bcas pa'i phyir/ /chos rnams gnyis dang 'phags
 pa'i tshogs/ /gtan gyi skyabs mchog ma yin no/ /dam pa'i don du 'gro ba yi/ /skyabs ni sangs rgyas nyag cig yin/ /thub pa chos kyi sku can phyir/ /tshogs kyang de yi mthar thug phyir/ /'byung ba dkon phyir dri med phyir/ /mthu ldan phyir dang 'jig rten
 phyir dang mchog nyid phyir/ /dam pa'i don du 'gro ba yi/ /skyabs ni sangs rgyas nyag cig yin/ /thub pa chos kyi sku can phyir/ /tshogs kyang de yi mthar thug phyir/ /'byung dkon phyir dri med phyir/ /mthu ldan phyir dang 'jig rten
 gyi/ /rgyur gyur phyir dang mchog nyid phyir/ /'gyur ba med phyir dkon mchog nyid/ /dri bcas de bzhin nyid dang dri ma med/ /dri med sangs rgyas yon tan rgyal ba'i mdzod/ /gang las dkon mchog dge ba gsum 'byung ba/ /don dam gzigs pa rnams kyi
 yul nyid do/ /dkon mchog gsum po 'di yi rigs/ /thams cad gzigs pa rnams kyi yul/ /de yang rnam bzhi go rim bzhin/ /rgyu bzhi yis ni bsam mi khyab/ /dag dang nyon mongs dang ldan phyir/ kun nas nyon mongs med dag phyir/ /rnam
 par dbye ba med chos phyir/ /lhun grub rnam par mi rtogs phyir/ /rtogs bya rtogs pa de yi ni/ /yan lag rtogs par byed phyir te/ /go rim ji bzhin gnas gcig ste/ /dag rgyu gsum ni rkyen yin no/ /rdzogs sangs sku ni 'phro phyir dang/ /de bzhin
 nyid dbyer med phyir dang/ /rigs yod phyir na lus can kun/ /rtag tu sangs rgyas snying po can/ /ngo bo rgyu 'bras las ldan 'jug pa dang/ /gnas skabs de bzhin kun tu 'gro ba'i don te?/ /rtog tu mi 'gyur yon tan dbyer med ni//
 don dam dbyings kyi dgongs don yin shes bya/ /rin chen nam mkha' chu dag bzhin/ /rtag tu rang bzhin nyon mongs med/ /chos mos lhag pa'i shes rab dang/ /ting 'dzin snying rje las byung ba/ /mthu dang gzhan du mi 'gyur dang/ /brlan pa'i ngo
 bo rang bzhin phyir/ /'di dag nor bu rin chen mkha' / /chu yi yon tan chos mthun nyid/ /chos la khong khro bdag lta dang/ /'khor ba'i sdug bsngal gyis 'jigs dang/ /sems can don la ltos med nyid/ /'dod chen mu stegs nyan thos dang//
 rang 'byung rnams kyi sgrib rnam bzhi/ /dag rgyu lhag par smos pa las/ /sogs pa'i chos ni rnam bzhi nyid/ /theg mchog la mos sa bon shes rab ni/ /sangs rgyas chos bskyed ma dang bsam gtan gyi/ /bde ba mngal gnas snying rje'i ma ma can//
 gang yin de dag thub pa'i rjes skyes sras/ /gtsang bdag bde dang rtag nyid kyi/ /yon tan pha rol tu phyin 'bras/ /sdug bsngal yid 'byung zhi thob par/ /'dun dang smon pa'i las can no/ /'di dag 'dras ni mdor bsdu na/ /chos kyi sku la
 phyin ci log /rnam pa bzhi las bzlog pa yi/ /gnyen pos rab tu phye ba nyid/ /de ni rang bzhin dag phyir dang/ /bag chags spangs phyir gtsang ba yin/ /bag dang bdag med spros pa dag /nye bar zhi bas dam pa'i bdag /yid kyi rang
 bzhin phung po dang/ /de rgyu log phyir bde ba nyid/ /'khor ba dang ni mya ngan 'das/ /mnyam pa nyid du rtogs phyir rtag /bdag sred ma lus shes rab kyis bcad de/ /sems can srong phyir brtse ldan zhi thob min/ /de ltar blo brtse byang chub thabs
 bsten nas/ /'phags pa 'khor ba'am mya ngan 'da' mi 'gyur/ /gal te sangs rgyas khams med na/ /sdug la skyo bar mi 'gyur zhing/ /mya ngan 'das la 'dod pa dang/ /don gnyer smon pa 'ang med par 'gyur/ /srid dang mya ngan 'das pa de'i/ /sdug
 bde'i skyon yon mthong ba 'di/ /rigs yod las yin gang phyir de/ /rigs med dag la med phyir ro/ /rgya mtsho che bzhin dpag med pa/ /yon tan rin chen mi zad gnas/ /dbyer med yon tan dang ldan pa'i/ /ngo bo nyid phyir mar me bzhin/ /chos
 sku rgyal ba'i ye shes dang/ /thugs rje'i khams ni bsdus pa'i phyir/ /snod dang rin chen chu yis 'di/ /rgya mtsho dang ni mtshungs par bstan/ /dri med gnas la mngon shes dang/ /ye shes dri med de nyid dang/ /rnam dbye med phyir mar ma yi//
 snang dang dro 'dog chos mtshungs can/ /so so'i skye 'phags rdzogs sangs kyi/ /de bzhin nyid dbye'i 'jug pa las/ /de nyid gzigs pas sems can la/ /rgyal ba'i snying po 'di bstan to/ /so so'i? skye bo phyin ci log /bden pa mthong ba bzlog
 pa ste/ /de bzhin gshegs pa ji lta bzhin/ /phyin ci ma log spros med nyid/ /ma dag ma dag dag pa dang/ /shin tu rnam dag go rim bzhin/ /sems can byang chub sems dpa' dang/ /de bzhin gshegs pa zhes brjod do/ /ngo bo nyid
 la sogs pa'i don/ /'di drug gis ni bsdus pa yi/ /khams ni gnas skabs gsum dag tu/ /ming gsum gyis ni bstan pa nyid/ /ji ltar rtog med bdag nyid can/ /nam mkha' kun tu rjes song ltar/ /sems kyi rang bzhin dri med
 dbyings/ /de bzhin kun tu 'gro ba nyid/ /de spyi'i mtshan nyid nyes pa dang/ /yon tan mthar thug khyab pa ste/ /gzugs kyi rnam pa dman pa dang/ /bar ma mchog la nam mkha' bzhin/ /nyes pa glo bur dang ldan dang/ /yon tan rang bzhin nyid
 ldan phyir/ /ji ltar sngar bzhin phyis de bzhin/ /'gyur ba med pa'i chos nyid do/ /ji ltar nam mkha' kun song ba/ /phra zhing nye bar gos pa med/ /de bzhin sems can thams cad la/ /gnas 'di nye bar gos pa med/ /de
 ltar 'jig rten thams cad du/ /nam mkha' las ni skye zhing 'jig /de bzhin 'dus ma byas dbyings la/ /dbang po rnams ni skye zhing 'jig /ji ltar nam mkha' me rnams kyis/ /sngon chad nam yang tshigs pa med/ /de bzhin 'di ni 'chi ba dang//
 na dang brga ba'i mes ma 'chi ba/ /sa ni chu la chu rlung la/ /rlung ni mkha' la rab tu gnas/ /mkha' ni rlung dang chu dag dang/ /sa yi khams la gnas ma yin/ /de bzhin phung po khams dbang rnams/ las dang nyon mongs dag la gnas//
 las dang nyon mongs tshul bzhin min/ /yid la byed la rtog tu gnas/ /tshul bzhin ma yin yid byed ni/ /sems kyi dag pa la rab gnas/ /sems kyi rang bzhin chos rnams ni/ /thams cad la yang gnas pa med/ /sa dang 'dra bar phung
 po dang/ /skye mched khams rnams shes bar bya/ /chu khams dang 'dra lus can gyi/ /las dang nyon mongs shes bya ste/ /tshul bzhin ma yin yid byed ni/ /rlung gi khams dang 'dra bar blta/ /rang bzhin mkha' i khams bzhin du/ /de bzhin
 can min gnas pa med/ /tshul bzhin ma yin yid byed ni/ /sems kyi rang bzhin la gnas te/ /tshul bzhin ma yin yid byed kyis/ /las dang nyon mongs rab tu phye/ /las dang nyon mongS chu las ni/ /phung po skye mched khams rnams 'byung//
 de 'jigs pa dang chags pa dang/ /skye dang 'jig par 'gyur ba yin/ /sems kyi rang bzhin nam mkha' yi/ /khams ltas? rgyu med rkyen med de/ /tshogs pa med cing skye ba dang/ /'jig pa gnas pa'ang yong ma yin/ /sems kyi rang bzhin 'od
 gsal gang yin pa/ /de ni nam mkha' bzhin du 'gyur med de/ /yang dag ming rtog las byung 'dod chags sogs/ /glo bur dri mas de nyon mongs mi 'gyur/ /las dang nyon mongs chu tshogs kyis/ /'di ni mngon par 'grub min te/ /'chi dang na dang rgal
 med/ /mi bzad pas kyang tshig mi 'gyur/ /dus mdza' dmyal ba tha mal pa'i/ /me gsum mchi dang na ba dang/ /rga ba'i me gsum rim bzhin du/ /de dang 'dra bar shes par bya/ /skye mchi na dang rga ba las grol ba/ /'di yi rang bzhin ji bzhin nyid rtogs
 te/ /skye sogs 'phongs dang bral yang de yis rgyus/ /blo ldan 'gro la snying rje bskyed phyir bsten/ /'phags pa 'chi dang ni ba dang/ /rgya ba'i sdug bsngal rtsa nas spangs/ /las dang nyon mongs dbang gis skye/ /de la de med phyir ngo mong?/ /ji bzhin yang dag
 mthong ba'i phyir/ /skye sogs rnams laS 'das gyur kyang/ /snying rje'i bdag nyid skye ba dang/ /'chi dang rga dang na bar ston/ /rgyal sras 'gyur med chos nyid 'di/ /rtogs na ma rigs ldongs rnam kyi/ /skye ba la sogs dag tu ni/ /mthong ba gang
 yin te smad do/ /'phags pa'i spyod yul thob pa gang/ /byis pa'i spyod yul du ston te/ /de nyid phyir na 'gro ba yi/ /gnyen gyis thabs dang snying rje'i mchog /de ni 'jig rten thams cad las/ /'das kyang 'jig rten las ma g.yos/ /'jig
 rten don du 'jig rten na/ /'jig rten dri mas ma gos spyod/ /ji ltar pad+ma chu nang du/ /skyes pa chu yis gos pa med/ /de bzhin 'di ni 'jig rten du/ /skyes kyang 'jig rten chos mi gos/ /bya ba sgrub la rtag tu blo/ /mi bzhin du ni 'bar
 ba dang/ /zhi ba'i bsam gtan snyoms 'jug la/ /rtag tu snyoms par 'jugs pa yin/ /sngon gyi 'phen pa'i dbang dang ni/ /rnam rtog thams cad bral ba'i phyir/ /de ni lus can smin pa yi/ /don du 'bad pa byed ma yin/ /bstan dang gzugs
 sku dag dang ni/ /spyod dang spyod lam gyis kyang rung/ /gang zhig ji ltar gang gis 'dul/ /des de de ltar nyid du shes/ /de ltar nam mkha' i mdza' klas kyis/ /'gro ba rtag tu lhun grub par/ /thogs med blo ldan de yin ni//
 sems can don ni yang dag 'jug /byang chub sems dpa' i tshul 'di ni/ /rjes thob de bzhin gshegs rnams dang/ /sems can yang dag sgrol ba la/ /'jig rten na ni mnyam pa nyid/ /de lta mos kyi sa rdul dang/ /rgya mtsho ba lang rmig rjes
 kyis /khyad par gang yin sangs rgyas dang/ /byang chub sems dpa' i khyad de nyid/ /gzhan 'gyur min bdag mi zad chos ldan phyir/ /'gro skyabs phyi ma'i mdza' med mur thugs phyir/ /de ni rtag tu gnyis med mi rtog phyir/ /'jig med chos
 kyang ma byas rang bzhin phyir/ /skye ba med cing 'chi ba med/ /gnod med rga ba med pa ste/ /de ni rtag dang brtan phyir dang/ /zhi ba'i phyir dang g.yung drung phyir/ /de ni yid kyi rang bzhin gyis/ /lus kyi skye med rtag pa'i phyir/ /bsam gyis mi
 khyab bsgyur pa yi/ /'chi 'pho brtan phyir de mi 'chi/ /bag chags phra mo'i nad rnams kyis/ /gnod med zhi ba nyid kyi phyir/ /zag med mngon par 'dus byas kyis/ /g.yung drung phyir na rga ba med/ /de la tshig gnyis de bzhin gnyis/ /gnyiS
 dang gnyis kyis go rim bzhin/ /'dus ma byas pa'i dbyings la ni/ /rtag pa la sogs don shes bya/ /mi zad yon tan dang ldan phyir/ /gzhan 'gyur min bdag rtag pa'i don/ /mdza' yi mu dang mtshungs pa'i phyir/ /skyabs kyi bdag nyid
 brtan pa'i don/ /rnam par mi rtog rang bzhin phyir/ /gnyis med chos nyid zhi ba'i don/ /ma bcos yon tan nyid phyir ni/ /'jig med don ni g.yung drung nyid/ /gang phyir de ni chos sku de ni de bzhin gshegs/ /de ni 'phags pa'i
 bden pa don dam mya ngan 'das/ /de phyir nyi dang zer bzhin yon tan dbyer med pas/ /sangs rgyas nyid las ma gtogs mya ngan 'das pa med/ /mdor na zag med dbyings la ni/ /don gyi rab tu dbye ba bzhis /chos kyi sku la sogs pa yi/ /rnam
 grangs bzhir ni rig par bya/ /sangs rgyas chos dbyer med pa dang/ /de rigs de bzhin thob pa dang/ /brdzun med slu med chos nyid dang/ /'dod nas rang bzhin zhi nyid do/ /rnam kun mngon par byang chub dang/ /dri ma bag tshogs bcas spangs pa//
 sangs rgyas mya ngan 'das pa dag /dam pa'i don du gnyis med nyid/ /rnam pa thams cad grangs med pa/ /bsam med dri med yon tan dang/ /dbyer med mtshan nyid thar pa ste/ /thar pa gang de de bzhin gshegs/ /ji ltar ri mo 'dri byed pa/ /
 gzhan dang gzhan la mkhas pa dag /gang zhig yan lag gang shes pa/ /de bzhin nges 'dzin med par 'gyur/ /de nas 'di la khyed kun gyis/ /nga yi gzugs ni gyis shig cas/ /mnga' bdag rgyal pos de dag la/ /dka' yis ras ni byin
 pa na/ /des na de ni thos gyur te/ /ri mo'i las la rab sbyor ro/ /de las mngon par sbyor rnams las/ /gcig cig yul gzhan song gyur na/ /de ni yul gzhan song bas na/ /de ma tshang phyir ri med de/ /yan lag thams cad yongs rdzogs par//
 mi 'gyur bzhin zhes dper byas so/ /de rnams 'dri byed gang yin pa/ /sbyin dang tshul khrims bzod la sogs/ /rnam pa kun gyi mchog ldan pa/ /stong pa nyid ni gzugs su brjod/ /shes rab ye shes rnam grol rnams/ /gsal dang 'phro dang dag
 phyir dang/ /tha dad med phyir 'od dang zer/ /nyi ma'i dkyil 'khor rnams dang mtshungs/ /des na sangs rgyas ma thob par/ /mya ngan 'das pa mi 'thob ste/ /'od dang 'od zer spangs nas ni/ /nyi ma lta bar mi nus bzhin/ /de ltar rgyal ba'i snying po ni/ /rnam
 bzhag rnam pa bcu zhes brjod/ /nyon mongs spubs nang gnas pa ste/ /dpe dag gis ni shes par bya/ /sangs rgyas pad nang sbrang rtsi sbrang ma la/ /sdun la snying po mi gtsang nang na gser/ /pha la gter dang myug sogs
 'bras phyung dang/ /gos h+rul nang na rgyal ba'i sku dang ni/ /bud med ngan pa'i lto na mi bdag dang/ /sa la rin chen gzugs yod ji lta bur/ /blo bur nyon mongs dri mas bsgribs pa yi/ /sems can rnams la de bzhin khams de gnas/ /dri ma pad
 ma sogs chags spun pa mi gtsang sa 'bras gos h+rul dang/ /sdug bsngal 'bar bas mngon par gdungs pa'i bud med sa yi khams dang mtshungs/ /sangs rgyas sbrang rtsi snying po gser dang gter dang mya gro rin chen sku/ /gling bdag mchog dang rin
 chen gzugs dang dri med khams mchog mtshungs pa nyid/ /ji ltar mdog ngan pad ma'i khong gnas pa/ /mtshan stong gis 'bar de bzhin gshegs pa ni/ /dri med lha yi mig ldan mi mthong nas/ /chu skyed 'dab ma'i spubs na 'byin byed par
 de bzhin bde gshegs mnar med gnas rnams la/ /sangs rgyas spyan gyis rang chos nyid gzigs te/ /sgrib med phyi mdza' i mur gnas snying rje yi/ /bdag can sgrib pa las ni sgrol bar byed/ /ji ltar mi sdug pad+ma zum la bde bar gshegs pa ni/
 de yi khong gnas lha mig mthong nas 'dab ma gcod byed ltar/ /chags sdang sogs dri sbrubs bsgribs rdzogs sangs snying po 'gro gzigs te/ /thugs rjes thub pa de bzhin sgrib pa de ni 'joms par mdzad/ ji ltar srog chags tshogs bskor
 sbrang rtsi ni/ /skyes bu mkhas pa de don gnyer ba yis/ /mthong nas de dang thobs kyi srog chags tshogs/ /kun nas 'bral bar rab tu 'byed pa bzhin/ /drang srong chen po'i kun mkhyen spyan gyis ni/ /rigs khams sbrang rtsi dang 'dra 'di
 gzigs nas/ /de yi sgrib pa sbrang ma dang 'dra ba/ /gtan mA rab tu spong bar mdzad pa yin/ /ji ltar sbrang rtsi sbrogs rngags bye ba khrag khrig stong bsgribs sbrang tsi don gnyer mos/ /sbrang ma de dag gsal te ji ltar 'dod pa bzhin du sbrang rtsi'i bya byed pho/ /de
 bzhin lus can la yod zag pa med pa'i shes pa sbrang ma'i rtsi dang 'dra/ /nyon mongs sbrang ma dang 'dra de 'joms pa la mkhas pa'i rgyal ba skyes bu bzhin/ /ji ltar spun ldan 'bru yi snying po ni/ /mi rnams kyi ni sbyar byar mi 'gyur ba/ /zas sogs don du
 gnyer pa gang yin pa/ /de dag gis ni spu nas de 'phyir ltar/ /de bzhin sems can la yod nyon mongs kyi/ /dri ma dang 'dres rgyal ba 'ang ji srid du/ /nyon mongs dri ma 'dres la ma grol ba/ /de srid rgyal mdzad srid gsum du mi byed/ /ji ltar sa lu
 bra 'o nas 'bru'i snying po spun las ma byung gra ma can/ /legs par ma sgrubs snying po mi rnams kyi ni sbyang bya bza' ba zhim por mi 'gyur ltar/ /de bzhin sems can la yod chos kyi dbang phyug nyon mongs spun las ma grol lus/ /nyon mongs
 bru bas nyen ba'i 'gro la chos kyi dga' ba'i ro ster 'gyur ba min/ /ji ltar rab tu rgyu tshe mi yi gser/ /ldan? ljin? rul pa'i gnas su lhung gyur la/ /mi 'jigs chos can de ni de de bzhin/ /lo brgya mang po dag tu gnas pa de/ /lha mig rnam
 dag dang ldan lha yi der/ /mthong nas mi la 'di na yod pa'i gser/ /rin chen mchog 'di sbyangs te rin chen gyis/ /sgrub par bya ba gyis zhes smra ba ltar/ /de bzhin thub pas mi gtsang dang 'dra yi/ /nyon mongs su byang sems can yon tan ni//
 gzigs nas nyon mongs 'dam de dag bya'i phyir/ /skye dgu rnams la dam chos chu char 'bebs/ /ji ltar ljan ljin rul pa'i gnas su lhung ba'i gser ni lha yis mthong gyur nas/ /kun tu dag par bya phyir mchog tu mdzes pas mi
 la nan gyis ston pa ltar/ /de bzhin rgyal ba'i nyon mongs mi gtsang chen por lhung gyur rdzogs sangs rin po che/ /sems can rnams la gzigs nas de dag bya phyir lus can rnams la chos ston to/ /ji ltar mi
 dbul khyim nang sa 'og nas/ /mi zad pa yi gter ni yod gyur la/ /mi des de ma shes shing gter de yang/ /de lang 'dir yod ces mi smri ltar/ /de bzhin yid kyi nang chud rin chen gter/ /dri med bzhag dang bsal med chos nyid/
 kyang/ /ma rtogs pas na dbul ba'i sdug bsngal ni/ /rnam mang rgyun tu skye dgu 'dis myong ngo/ /ji ltar dbul po'i khyim dang du ni rin chen gter chung gyur pa'i mi lan ni/ /rin chen gter bdag yod ces brjod par mi byed de ni mi yis shes min
 ltar/ /de bzhin chos gter yid kyi khyim gnas sems can dag ni dbul po lta bu ste/ /de dag rnams kyis de thob bya phyir 'jig rten du ni drang snod yang dag bltams/ /ji ltar a mra la sogs shing 'bras la/ /yod pa'i sa bon myu
 gu 'jig med chos/ /ma rmos chu sogs ldan las ldog shing gi/ /rgyal po'i dngos po rim gyis 'grub pa ltar/ /sems can rnams kyi ma rigs sogs 'bras kyi/ /bags spubs nang chud chos khams dge ba yang/ /de bzhin dge
 ba de de la brten nas/ /rim gyis thub pa'i rgyal po'i dngos por 'gyur/ /chu dang nyi ma'i 'od dang rlung dang dus nam mkha' i rkyen nams kyi/ /ta la dang ni a mra'i 'bras sdubs gseb nas shed skye ji lta bar/ /sems can nyon mongs 'bras lags
 nang chud rdzogs sangs sa bon myu gu yang/ /de bzhin dge rkyen de dang de las chos 'thon 'phel bar 'gyur ba yin/ /ji ltar rin chen las byas rgyal ba'i gzugs/ /gos h+rul dri ngan rgyas ni btums gyur ba /las gnas lha mis
 mthong nas grol bya'i phyir/ /lam gnas don de de la smra ba ltar/ /de bzhin thob med rnam pa sna tshogs kyi/ /nyon mongs kyis gtums bde gshegs dngos po nyid/ /dud 'gro la yang gzigs nas de bzhin de/ /thar par bya'i don du thabs
 ston mdzad/ /ji ltar rin chen rang bzhin de bzhin gshegs sku dri ngan gos btums pa/ /lam gnas lha yis mig gis mthong nas mthar phyin mi la ston pa ltar de bzhin/ /nyon mongs gos h+rul gyis btums 'khor ba'i lam na gnas
 ba'i khams/ /dud 'gro la yang gzigs nas mthar par bya phyir rgyal bas chos ston to/ /de ltar mi mo gzugs ngan mgon med dga' / /mgon med 'dug gnas su ni 'dug gyur la/ /mngal gyis rgyal po'i dpal ni 'dzin byed pas/ /rang
 lto na yod mi bdag mi shes ltar/ /srid par skye ba mgon med khyim bzhin te/ /mdag sems can mngal ldan bud med bzhin/ /de la gang zhig yod pas mgon bcas pa/ /dri med khams ni de yi mnga' gnas bzhin/ /ji ltar bud
 med lus la dri bcas gos gon mi sdug gzugs ldan pa/ /sa bdag mngal na gnas kyang mgon med khang par sdug bsngal mchog myong ltar/ /de bzhin bdag dang nang gnas mgon yod gyur kyang mgon med blo ldan pa/ /'gro ba nyon
 mongs dbang gis yid ma zhi ba sdug bsngal bzhi la gnas/ /ji ltar nang gi gser zhun gzugs rgyas pa/ /zhi ba phyi rol sa yi rang bzhin can mthong nas/ /de shes pa dag nang gi gser/ /sbyangs phyir phyi rol sgrib bsal byed ltar
 rang bzhin 'od gsal dri ma rnams kyang ni/ /glo bur bar ni rnam par gzigs gyur na/ /rin chen 'byung gnas lta bu'i 'gro ba rnams/ /sgrib pa dag las spyod mdzad byang chub mchog /ji ltar dri med gser 'bar las byas sa yi nang du
 chud gyur gzugs /zhi de rang bzhin mkhas pas rig nas sa dag sel bar byed pa ltar/ /de bzhin kun mkhyen dag pa'i gser 'dra zhi ba'i yid ni mkhyen gyur nas/ /chos 'chad tshul gyi rdegs spyad sgrub pas
 sgrib pa dang ni sel ba mdzad/ /pad+ma srog chags bung ba dang/ /spun pa dang ni mi gtsangs/ /'bras shun gos h+rul bud med kyi/ /mngal dang sa yi spubs na yang/ /sangs rgyas sbrang rtsi snying po bzhin/ /gser bzhin gter bzhin
 ljon pa bzhin/ /rin chen sku dang 'khor lo yi/ /sgyu ba bzhin dang gser gzugs bzhin/ /sems can khams kyi nyon mongs sgrubs/ /ma 'brel thog ma med pa na/ /sems kyi rang bzhin dri med ni/ /thog ma med pa
 yin par brjod/ /chags dang sdang dang rmongs dang de'i/ /kun dang drag dang bag chags dang/ /mthong sgom lam spangs ma dag dang/ /dag pa'i sa la brten pa yi/ /dri ma rnam dgu pad+ma yi/ /sbubs sogs dpes?
 ni rab bstan te/ /nye ba'i nyon mongs sgrubs kyi ni/ /dbye bas bye ba mdza' las 'das/ /chags sogs nyon mongs dgu po 'di/ /'dor bsdus na ni go rim bzhin/ /pad+ma'i sbubs la sogs pa yi/ /dpe dgu dag
 gis yang dag bstan/ /dri 'di dag gis byis rnams dang/ /dgra bcom slob dang blo ldan rnams/ /rim bzhin bzhi dang gcig dang ni/ /gnyis dang gnyis kyi ma dag nyid/ /ji ltar pad ma 'dam skyes de/ /mdun du gyur na
 yid dga' dang/ /phyi nas dga' ba med gyur na/ /'dod chags dga' ba de bzhin no/ /ji ltar srog chags sbrang ma ni/ /shin tu 'khrugs te mdun sdeg ltar/ /de bzhin zhe sdang skye ba na/ /snying la sdug bsngal skyed par
 byed/ /ji ltar 'bras sogs snying po ni/ /phyi rol sbun pas bsgribs pa ltar/ /de bzhin snying po'i don mthong ba/ /ma rig sgo nga'i sgrubs kyi bsgribs/ /ji ltar mi gtsang mi mthun pa/ /de bzhin chags dang bcas rnams kyi/ /'dod
 pa bsten pa'i rgyu yin phyir/ /kun nas sdang ba mi gtsang 'dra/ /ji ltar nor ni bsgribs pas na/ /mi shes gter ni mi 'thong ltar/ /de bzhin skye la rang byung nyid/ /ma rig bag chags sa yis bsgribs/ /ji ltar myu sogs rim
 skyes pas/ /sa bon shun pa gcod pa ltar/ /de bzhin de nyid mthong ba yis/ /mthong spangs rnams ni ldog par 'gyur/ /'phags pa'i lam dang 'brel ba las/ /'jig tshogs snying po bcom rnams kyis/ /sgom lam ye shes
 spangs bya rnams/ /gos h+rul dag dang mtshungs par bstan/ /sa bdun la bsten dri ma ni/ /mngal spubs dri ma dag dang mtshungs/ /mngal spubs bral 'dra mi rtogs pa'i/ /ye shes rnam par smin pa bzhin/ /sa gsum rjes 'brel
 dri ma rnams/ /sa 'dam gyis bzhin shes bya ste/ /bdag nyid chen po rdo rje lta'i/ /ting nge 'dzin gyi gzhom bya yin/ /de ltar chags sogs dri ma dgu/ /pad+ma la sogs dag dang mtshungs/ /rang bzhin gsum gyis bsdus phyir khams
 sangs rgyas sogs dang chos mtshungs so/ /'di yi rang bzhin chos sku dang/ /de bzhin nyid dang rigs kyang ste/ /de ni dpe gsum gcig dang ni/ /lnga rnams kyis ni shes par bya/ /chos sku rnam gnyis shes bya ste/ /chos
 dbyings shin tu dri med dang/ /de yi rgyu mthun zab pa dang/ /sna tshogs tshul ni ston pa'o/ /'jig rten 'das phyir 'jig rten na/ /'di la dpe ni mi dmigs pas/ /de bzhin gshegs pa nyid dang khams/ /'dra ba nyid du bstan pa
 yin/ /phra mo zab mo'i tshul bstan ni/ /sbrang rtsi ro gcig pa bzhin te/ /rnam pa sna tshogs tshul bstan ni/ /sna tshogs spubs snying bzhin shes bya/ /rang bzhin 'gyur ba med pa dang/ /dge dang rnam par dag pa'i phyir/ /de
 bzhin nyid ni 'di gser gyi ni/ /gzugs dang mtshungs par brjod pa yin/ /gter dang 'bras bu'i shing bzhin du/ /rigs de rnam gnyis shes bya ste/ /thog med rang bzhin gnas pa dang/ /yang dag blangs pa mchog nyid do/ /rigs 'di
 gnyis las sangs rgyas kyi/ /sku gsum theb par 'dod pa yin/ /dang pos sku ni dang po ste/ /gnyis pa yos ni phyi ma gnyis/ /ngo bo nyid sku mdzad pa ni/ /rin chen sku 'drang shes bya ste/ /rang bzhin gyis ni byas min dang/ /yon tan
 rin chen gter yin phyir/ /chos chen rgyal srid che ldan phyir/ /rdzogs longs 'khor los sgyur bzhin no/ /gzugs brnyan gyis ni rang bzhin phyir/ /sprul pa gser gyi gzugs lta bu/ /rang byung rnams kyi don dam ste/ /dang pa nyid
 kyis rtogs bya ste/ /nyi ma'i dkyil 'khor 'od 'bar ba/ /mig med pas ni mthong ba med/ /'di la gsal bya ci yang med/ /gzhag par bya ba cung zad med/ /yang dag nyid la yang dag lta/ /yang dag mthong na rnam par grol/ /rnam
 dbye bcas pa'i mtshan nyid can/ /glo bur dag gis khams stong gis/ /rnam dbye med pa'i mtshan nyid can/ /bla med chos kyi stong ma yin/ /sprin dang rmi lam sgyu bzhin de dang der/ /shes bya thams cad rnams kun stong pa zhes /gsungs nas
 yang ba'i rgyal rnams sems can la/ /sangs rgyas snying po yod ces cis te gsungs/ /sems zhum sems can dman la brnyas pa dang/ /yang dag min 'dzin yang dag chos la skur/ /bag chags lhag pa'i skyon lnga gang dga' //
 yod pa de dag de spong don du gsungs/ /yang dag mdza' ni 'dus byas gyi/ /rnam pa thams cad dben pa ste/ /nyon mongs las dang rnam smin don/ /sprin la sogs pa bzhin du brjod/ /nyon mongs sprin 'dra bya ba yin/ /las ni rmi lam
 longs spyod bzhin/ /nyon mongs las kyi rnam par smin/ /phung po sgyu ma sprul pa bzhin/ /sdar ni de ltar rnam bzhag nas/ /slar yang bla ma'i rgyud 'dir ni/ /nyes pa lnga dag spang ba'i phyir/ /khams yod nyid ces bstan pa yin/ /'di
 ltar de ni mthos pas/ /bdag la brnyas pa'i nyes pa yis/ /sems ni zhum pa 'ga' zhig la/ /byang chub sems ni mi skye 'gyur/ /gang la byang chub sems skyes pas/ /bdag ni mchog ces rlom pa na/ /byang chub sems ma
 skyes pa la/ /dman pa'i 'du shes rab tu 'jug /de ltar sems pa de la ni/ /yang dag shes pa mi skye ba/ /des na yang dag mi 'dzin zhing/ /yang dag don ni rigs mi 'gyur/ /bcos ma glo bur ba nyid phyir/ /sems can skyen
 de yang dag min/ /yang dag nyes de bdag med pa/ /yon tan rang bzhin dag pa yin/ /yang dag min pa'i nyes 'dzin zhing/ /yang dag yon tan sku 'debs pas/ /skyon med yon tan ldan pa dang/ /bdag dang sems
 can mtshungs bya ste/ /sangs rgyas nyid ni myur du thob/ /theg pa chen po rgyud bla ma'i bstan bcos/ /dkon mchog gi rigs rnam par dbye ba la/ /de bzhin gshegs pa'i snying po'i skabs te dang po'o// //dag thob
 bral ba rang bzhin don/ /de brten bzab dang rgya che dang/ /bdag nyid chen po de yang ni/ /ji srin dus dang ji lta nyid/ /ngo bo rgyu dang 'bras bu dang/ /las dang ldan dang 'jug pa dang/ /de rtag bsam mi khyab nyid kyis/
 sangs rgyas ni rnam par gnas/ /rang bzhin 'od gsal zhes brjod gang yin nyid dang mkha' bzhin glo bur gyis/ /nyon mongs shes bya'i sprin tshogs sdug po'i sgrib pa yis ni bsgribs gyur pa'i/ /dri med sangs rgyas yon tan kun
 ldan rtag brtan g.yung drung sangs rgyas nyid/ /de ni chos la mi rtog rnam 'byed ye shes dag la brtan nas thob/ /sangs rgyas nyid ni dbyer med pa/ /dag pa'i chos kyis rab phye ba/ /nyi mkha' bzhan te ye shes dang/ /spangs pa
 gnyis kyi mtshan nyid do/ /'od gsal byas min dbyer med par/ /'jug can gang+gA'i klung gi ni/ /rdul las 'das pa'i sangs rgyas kyis/ /chos rnams kun dang ldan pa nyid/ /rang bzhin gyis ni ma grub dang/ /khyab dang blo
 bur ba nyid kyis/ /nyon mongs shes bya'i sgrab? pa der/ /sprin dang 'dra bar brjod pa yin/ /sgrib pa gnyis dang bral ba yi/ /rgyu ni ye shes gnyis yin te/ /mi rtogs pa dang de yin ni/ /rjes thob de ni ye shes 'dod//
 dri med chu ldan rim rgyas par mas khebs pa'i mtsho bzhin dang/ /sgra gcan kha nas thar pa'i zla ba nya ba lta bu dang/ /sprin tshogs nyon mongs dag las grol ba'i nyi ma lta bung ni/ /dri med yon tan ldan phyir 'od zer snang ldan de nyid
 do/ /thub pa khyu mchog sbrang rtsi snying po dang/ /rin chen gser dang gter dang ljon shing bzhin /dri med rin chen bde gshegs sku dang ni/ /sa bdag gser gyi gzugs 'dra rgyal ba nyid/ /chu tsho sogs bzhin 'dod chags sogs// //
 glo bur nyon mongs dag pa ni/ /mdor na mi rtog ye shes kyi/ /'bras bu yin par rab tu brjod/ /rnam pa kun gyi mchog ldan pa/ /sangs rgyas sku ni nges thob pa/ /ye shes 'bras bu yin par bshad/ /'dod chags rdul ni spangs phyir dang
 gdul bya yin ni pad+ma la/ /bsam gtan chu ni 'bab phyir dang/ /chu dag rdzing dang mtshungs pa yin/ /zhe sdang skra gcan las grol bas/ /snying rje byams chen 'od zer gyis/ /'gro ba khyab pa'i phyir na de/ /dri med zla ba lta? ba bzhin gti mug
 sprin las rnam grol bas/ /'gro bar ye shes 'od gzer gyi/ /mun pa sel phyir sangs rgyas nyid/ /de ni dri med nyi ma bzhin/ /mi mnyan mnyan pI chos phyir dang/ /dam chos ro ni sbyin mdzad dang/ /shun pa dang ni bral phyir de/ /bde gshegs
 sbrang rtsi snying po bzhin/ /gang phyir yon tan rdzas kyi ni/ /dbul ba sel bar byed phyir dang/ /rnam grol 'bras bu smin byed phyir/ /gser dang gter dang ljon shing bzhin/ /rin chen chos kyi sku phyir dang/ /rkang gnyis bdag po phyoD
 phyir dang/ rin chen gzugs kyi rnam pa'i phyir/ /de ni rin chen rgyal gser bzhin/ /zag pa med khyab 'jig mang chos can te/ /brtan zhi brtag pa 'pho med gnas yin no/ /de bzhin gshegs pa mkha' bzhin dam pa yi//
 dbang po drug don nyams myong ba'i rgyu/ /'byung mang gzugs don lta dang gtam bzang ni/ /gtsang ma nyan dang bde gshegs tshul khrims kyi/ /dri gtsang snam dang 'phags chen dam chos ro/ /myong dang ting 'dzin reg bde nyis myong dang
 rang gi ngo bo nyid kyi za ba'i tshul/ /rtogs pa'i rgyur gyur zhim mor bsams pas ni/ /don dam bde mdzad de bzhin gshegs pa ni/ /nam mkha' bzhin du rgyu mtshan rnams dang bral/ /mdor na ye shes gnyis po yi/ /las su 'di
 ni shes bya ste/ /grol ba'i sku ni rdzogs pa dang/ /chos kyi sku ni sbyong ba'o/ /rnam grol chos kyi sku dag ni/ /rnam gnyis rnam gcig shes bya ste/ /zag pa med phyir khyab pa'i phyir/ /'dus ma byas kyi gnas nyid
 phyir/ /nyon mongs rnams ni bag chags dang/ /bcas pa 'gags? phyir zag med de/ /chags med thogs ma med pa'i phyir/ /ye shes khyab pa nyid du 'dod/ /gtan du 'jig pa med pa yi/ /rang bzhin yin phyir 'dus ma byas//
 'jig med nyid ni bstan pa ste/ /bstan sogs rnams kyis de bshad do/ /'jigs pa rnam bzhir shes bya ste/ /bstan sogs dag las bzlog phyir ro/ /myags dang rnam 'gyur chad pa dang/ /bsam mi khyab sgyur 'pho ba ste/ /
 de med phyir na brtan zhi dang/ /rtag dang 'pho med shes par bya/ /dri med shes te dkar po yi/ /chos kyi rten yin phyir na gnas/ /ji ltar rgyu min nam mkha' ni/ /gzugs mthong ba dang sgra dang dri/ /ro dang reg dang chos rnams ni/ /thos
 la sogs pa'i rgyu yin ltar/ /de bzhin sku gnyis sgrib med pa'i/ /sbyor bas brtan pa'i dbang don la/ /zag pa med pa'i yon tan dag skye ba yi rgyu yin no/ /bsam med rtag pa brtan zhig yud drung nyid/ /rab tu zhi khyab
 rtog bral nam mkha' bzhin/ /chags med kun tu thegs med rtsub reg spangs/ /blta bzung med dge sangs rgyas dri ma med/ /rnam grol chos kyi sku dag gis/ /rang dang gzhan gyis don bstan te/ /rang bzhin don rten de la
 ni/ /bsam mi khyab sogs yon tan ldan/ /thams cad mkhyen pa'i ye shes yul/ /sangs rgyas shes gsum yul min phyir/ /ye shes lus can rnams kyis ni/ /bsam mi khyad par rtogs par bya/ /phra phyir thos pI?
 yul min te/ /don dam yin phyir bsam bya'i min/ /chos nyid zab phyir 'jig rten pa'i/ /sgom pa la sogs yul ma yin/ /gang phyir gzugs la dmus lang bzhin/ /byis pas de sngon mthong ma myong/ /bcas pa'i khyim gnas
 bu chung gis/ /nyi ma'i gzugs bzhin 'phags pas kyang/ /skye dang bral phyir rtag ba ste/ /'gag pa med phyir brtan pa yin/ /gnyis med phyir re zhi pa ste/ /g.yung drung chos nyid gnas phyir ro/ /ra bzhi 'gog pa'i bden pa'i
 phyir/ /thams cad rtogs phyir khyab pa nyid/ /gnas pa med phyir rtogs med da/ /nyon mongs spangs phyir chags pa med/ /shes bya'i sgrib kun dag pa'i phyir/ /thams cad du ni thogs pa med/ /gnyis med las su rung ba'i phyir/ /rtsub
 pa'i reg dang bral ba yin/ /de gzugs med phyir bltang med de/ /mtshan ma med phyir gzung du med/ /dge ba rang bzhin dag pa'i phyir/ /dri med dri ma spangs phyir ro/ /thog ma dbus mdza' med cing rnam dbyer med/ /gnyis med gsuM
 bral dri med rnam rtog med/ /chos dbyings rang bzhin gang yin de rtogs pa/ /mnyam par bzhag pa'i rnal 'byor pa yis mthong/ /gzhal med gang ga'i bye ma las 'das pa/ /bsam med mnyam mang yon tan rnams dang ldan/
 de bzhin gshegs pa'i dri med dbyings de ni/ /bag chags bcas pa'i nyes pa rnams spangs pa'o/ /sna tshogs dam chos 'od zer mnga' ba'i skus/ /'gro ba'i rnam grol don grub la brtson pa/ /mdzad pa yid bzhin nor bu'i rgyal
 bzhin te/ /sna tshogs dngos dang de yi rang bzhin min/ /'jig rten zhi ba'i lam la 'jug pa dang/ /rab tu smin dang lung bston rgyu ni gzugs/ /gang yin de yang 'dir ni rtag gnas te/ /nam mkha' i khams su gzugs kyi khams
 bzhin no/ /rang 'byung rnams kyi thams cad mkhyen/ /sangs rgyas nyid ces gang brjod pa/ /mchog tu mya ngan 'das bsam med/ /dgra bcom so so'i bdag gyur pa/ /de dbye zab dang rgya che dang/ /bdag nyid ches?
 po'i yon tan gyi/ /chos kyi rab phye rang bzhin la/ /sogs pa'i sku gsum dag gis 'jug /de la sangs rgyas rnams kyi ni/ /ngo bo nyid sku mtshan nyid lnga/ /mdor na yon tan lnga dang ni/ /ldan pa nyid du rig par bya/ /'dus ma
 byas shing rnam dbyer med/ /mdza' gnyis dag ni rnam par spangs/ /nyon mongs shes bya snyoms 'jug gi /sgrib gsum las ni nges grol te/ /dri med rnam par rtog med dang/ /rnal 'byor rnams kyi yul yin phyir/ /chos dbyings
 ngo bo nyid kyis ni/ /dag pa'i phyir na 'od gsal ba/ /gzhal med grangs med bsam med pa/ /mnyam med dag ba'i mthar thug pa/ /yon tan rnams dang yang dag par/ /ngo bo nyid kyi sku ldan te/ /rgya che'i phyir dang grangs med phyir/
 rtog ge'i yul ni min phyir dang/ /'ba' zhig bag chags bcas spangs phyir/ /gzhal med la sogs go rim bzhin/ /sna tshogs chos la rdzogs longs spyod/ /rang bzhin chos ni snang phyir dang/ /thugs rje dag pa'i rgyu 'thun/
 pa /'gro don rgyun mi 'chad phyir dang/ /rnam par rtog med lhun grub par/ /'dod pa ji bzhin yongs bskor phyir/ /yid bzhin nor bu'i rdzu 'phrul gyis/ /rdzogs pa'i longs spyod rnam par gnas/ /brjod ston mdzad rgyun mi
 'chad dang/ /mngon par 'du byed med pa dang/ /de yi ngo bor min sngon pa/ /'dir ni sna tshogs rnam lngar bcod?/ /ji ltar tshon ni sna tshogs gyis/ /nor bu de dngos min snang ltar/ /de bzhin 'gro skyen sna tshogs pas/ /khyab
 bdag de dngos min par snang/ /thugs rje chen pos 'jig rten mkhyen/ /'jig rten kun la gzigs nas ni/ /chos kyi sku las ma g.yos par/ /sprul pa'i rang bzhin sna tshogs kyis/ /skye ba mngon par skye ba dang/ /dga' ldan nas ni 'pho
 ba dang/ /lhums su 'jug dang bltams pa dang/ /gzo yi gnas la mkhas pa dang/ /btsun mo'i 'khor dgyes rol pa dang/ /nges 'byung dkA? ba spyod ba dang/ /byang chub snying por gshegs pa dang/ /bdud sde 'joms dang rdzogs par ni/ /
 byang chub chos kyi 'khor lo dang/ /mya ngan 'das par gshegs mdzad rnams/ /yongs su ma dag zhing rnams su/ /srid pa ji srid gnas par ston/ /mi rtag sdug bsngal bdag med dang/ /zhi ba'i sgra yis thabs mkhyen pa/ /sems can
 srid gsum skyo bskyed nas/ /mya ngan 'das la rab 'jug mdzad/ /zhi ba'i lam la rab zhugs pa/ /mya ngan 'das thob 'du shes can/ /dam chos pad+ma dkar la sogs/ /chos kyi de nyid bstan pa yis/ /de dag sngar 'dzin las
 bzlog ste/ /thabs dang shes rab yongs bzung bas/ /theg pa mchog la smin mdzad de/ /byang chub mchog tu lung ston to/ /zab dang mthu ni phun tshogs dang/ /byis pa'i don mthun rab 'dren phyir/ /'di dag grangs bzhin zab? pa dang//
 rgya che'i bdag nyid shes par bya/ /'dir ni dang po chos sku ste/ /phyi ma dag ni gzugs kyi sku/ /nam mkha' la ni gzugs gnas bzhin/ /dang po la ni tha ma gnas/ /sgyu mdza' yas dang sems can zad med dang/ /brtse dang 'phrul dang mkhyen
 dang phun tshogs ldan/ /chos kyi dbang phyug 'chi ba'i bdud bcom dang/ /ngo bo med phyir 'jig rten mgon bo brtag/ lus dang srog dang longs spyod rnams/ /btang nas dam chos 'dzin? phyir dang/ /sems can kun la phan pa'i phyir/ /dang
 po'i dam bca' mthar 'byin phyir/ /sangs rgyas nyid la gtsang ba dang/ /dag pa'i thug rje rab 'jug phyir/ /rdzu 'phrul rkang pa ston pa ni/ /de yis gnas par spyod pa'i phyir/ /mkhyen pas 'khor dang mya ngan 'das/ /
 gnyis su 'dzin las grol ba'i phyir/ /rtag tu bsam yas ting 'dzin gyis/ /bde ba phun sum tshogs ldan phyir/ /'jig rten na ni spyod pa na/ /'jig rten chos kyis gos med phyir/ /'chi med zhi ba'i gnas thob la/ /'chi bdud rgyur ba
 med pa'i phyir/ /'dus ma byas pa'i rang bzhin gyis/ /thub pa gdod nas rab zhi'i phyir/ /rtag pa skyabs med rnams kyis ni/ /skyabs la sogs par 'thad phyir ro/ /dang po yis ni rgyun 'dun gyis/ /gzugs kyi sku ni rtag nyid de//
 phye ma gsum gyis ston pa ni/ /chos kyi sku yis rtag pa nyid/ /dag yul min phyir don dam gyis bsdus phyir/ /rtogs gnas min phyir dpe las 'das pa'i phyir/ /bla na med phyir srid zhis ma bsdus phyir/ /rgyal yul 'phags rnams
 kyis kyang bsam mi khyab/ /bsam med brjod du med phyir de/ /brjod med don dam yin phyir ro/ /don dam brtag bya min phyir te/ /brtag min rjes dpag bya min phyir/ /dpag med bla na med pa'i phyir/ /bla na med pa ma bsdus
 phyir/ /ma bsdus gnas pa med phyir de/ /yon tan skyon rtog med phyir ro/ /rgyu lnga deg gis phra ba'i phyir/ /chos sku bsam mi khyab pa ste/ /drug pas de yi dngos min phyir/ /gzugs sku bsam mi khyab pa'o/ /bla med ye shes
 thugs rje che sogs yon tan gyi/ /yon tan pha rol byon pa'i rgyal ba bsam mi khyab/ /des na rang byung rnams kyi tha ma'i tshul 'di ni/ /drang srong chen po dbang thob rnams kyis kyang rig min/ /theg pa chen po'i rgyud bla ma'i bstan
 bcos dkon mchog gi rigs rnam par dbye ba las/ /byang chub kyi skabs te gnyis pa'o// //rang don gzhan don don dab sru dang ni/ /de la brten pa'i kun rdzob sku nyid de/ /bral dang rnam par smin ba'i 'bras bu ni/ /yon tan dbye ba
 drug cu bzhi 'di dag /bdag nyid kyis ni sbyor ba'i gnas/ /dam pa'i don gyi sku yin te/ /drang srong rnams kyi brda yi sku/ /pha rol phun sum tshogs pa'i gnas/ /dang po'i sku ni stobs la sogs/ /bral ba'i yon tan rnams dang ldan/
 gnyis pa skyes bu chen po'i mtshan/ /rnam smin yon tan dag dang ldan/ /stobs nyid ma rig sgrib la rdo rje bzhin/ /mi 'jigs nyid ni 'khor du seng ge gzhin/ /de bzhin gshegs pa'i ma 'dres mkha' bzhin te/ /thub pa'i bstan
 pa rnam gnyis chu zla bzhin/ /gnas dang gnas min las rnams kyi/ /rnam smin dang ni dbang po dang/ /khams rnams dang ni mos pa dang/ /kun 'gro'i lam dang bsam gtan sogs/ /nyon mongs dri ma med pa dang/ /gnas ni rjes su dran pa dang/ /lha
 yi mig dang zhi bdag/ mkhyen pa'i stobs ni rnam pa bcu/ /gnas dang gnas min rnam smin khams dang 'gro ba'i mos pa sna tshogs dang/ nyon mongs rnam byang dbang po'i tshigs dang sngon gnas rjes su dran pa dang/ /lha yi mig dang/
 zag pa zad tshul mi shes go cha rtsig brtan dang/ /shing rnams 'bigs dang bzhig dang gcod phyir stobs gang yin pa rdo rje bzhin ni/ /chos kun rdzogs par byang chub dang/ /gegs ni 'gog par bya ba dang/ /lam ston pa dang 'gog ston la/ /mi
 'jigs pa ni rnam pa bzhi/ /bdag gzhan shes bya'i dngos po rnams kun shes dang shes mdzad phyir/ /spang dngos spong dang spong mdzad phyir dang brten bya brten pa'i phyir/ /thob bya bla med shin tu dri med thob dang thob mdzad phyir/ /rang gzhan don bden gsung 
 phyir drang srong gang duAng thogs pa med/ /ri dwags dbang po ji ltar nags mthar rtags 'jigs med/ /ri dwags rnams la skrag pa med par rgyu ba ltar/ /de bzhin tshogs na thub pa'i dbang po sing+ge yang/ /legs
 gnas ltos med brtan pa'i rtsal dang ldan par gnas/ /'khrul dang ca co mi mnga' ste/ /ston la dran pa nyams mi mnga' / /mnyam par ma bzhag thugs mi mnga' / /'du shes sna tshogs kyang mi mnga' / /ma brtags btang snyoms mi mnga' 
 ste/ /'dun pa brtson 'grus dran pa dang/ /shes rab rnam grol rnam grol gyis/ /ye shes gzigs pa nyams mi mnga' / /las rnam ye shes sngon 'gro dang/ /dus la ye shes gzigs pa med/ /de ltar bco brgyad 'di deng gzhan
 ston pa'i mad 'dres yon tan yin/ /'khrul dang ca co bsnyil dang thugs g.yo tha dad kyis ni 'du shes dang/ /dang gis btang snyoms drang srong la med 'dun pa dang ni brtson 'grus dang/ /dran dang rnam dag dri med shes rab rtag tu rnam par grol ba dang/ /shes
 bya'i don kun gzigs pa grol ba'i ye shes las ni nyams mi mnga' / /gang gis las gsum thams cad ye shes sngon 'gro rjes su 'jug pa dang/ /dus gsum rtag tu thog med nges par mkhyen pa rgya chen 'jug pa ste/ /gang rtogs 'gro bar 'jigs
 med dam chos 'khor long chen po rab bskor ba/ /thugs rje chen po dang ldan rgyal ba nyid nges sangs rgyas rnams kyis brnyes/ /sa sogs la yod chos gang yin pa'i chos nyid de ni nam mkha' i min/ /nam mkha' i mtshan nyid sgrib med la sogs mtshan
 nyid gang dag gzugs la med/ /sa chu me rlung nam mkha' mtshungs pa 'jig rten dag ni thun mong ste/ /ma 'dres nyid ni rdul phran tsam yang 'jig rten dag na mthun mong min/ /legs gnas 'khor los mtshan pa dang/ /yang sa dang zhabs longs mi mngon
 dang/ sor mo ring dang phyag zhabs so ni/ /dra ba yis ni 'brel ba dang/ /bags 'jam gzhon sha can legs nyid/ /sku ni bdun dag mtho ba dang/ /byin pa e Ne ya 'dra gsung/ /glang po bzhin du sbubs su nus/ /ro stong seng ge 'dra ba dang/ /thal gong bar
 med rgyas pa dang/ /dpung mgo/ legs zlum phyag 'jam zhing/ /zlum zhing mthon dman med pa dang/ /phyag ring yongs su dag pa'i sku/ /'od kyi dkyil 'khor dang ldan dang/ /mgrin pa dri med dud dang 'dra/ /'gram pa ri dags rgyal po 'ang/ /tshems
 ni bzhi bcu mnyam pa dang/ /rab dag tshams thags bzang ba dang/ /rnam dag tshems mnyam nyid dang ni/ /mche bar ba mchog dkar ba nyid/ /ljags ring mdza' med bsam med pa/ /ro bro ba yi mchog nyid dang/ /rang byung ka la ping ka yi/ /sgra dang
 tshangs pa'i dbyangs nyid dang spyan bzang uta pal khyu mchog rdza 'dra dang/ /zhal mdzes dri med mdzod spu dkar ldan pa/ /gtsug gtor dbur ldan dag cing srab pa dang/ /pags pa gser gyi mdog 'dra sems can mchog/ ba spu legs phra
 'jam zhing re re nas/ /sku yi gyen du g.yas phyogs 'khyil po dang/ /dbu skra dri med rin chen mthon mthing bzhin/ /n+ya gro rdzogs pa'i ljon shing dkyil 'khor 'dra/ /kun tu bzang po dpe med drang srong che/ /sred med bu yi stobs mnga' 
 mkhregs pa'i sku/ /bsam mi khyab 'bar sum cu rtsa gnyis po/ /'di dag ston pas mi dbang mtshan du gsungs/ /ji ltar sprin med nam mkha' i zla ba'i gzugs/ /ston ka'i chu sngon mtshon ni mthong ba ltar/ /de bzhin rgyal sras tshogs kyis
 khyab bdag gzugs/ /rdzogs sangs dkyil 'khor nang du mthong bar 'gyur/ /yon tan drug cu rtsa bzhi po /'di dag so sor rgyur bcas te /go rim ji bzhin rin chen gyis/ /mdo yi rjes 'brangs shes par bya/ /mi phyed pa dang ni/ zhan
 dang/ /mtshungs pa med dang g.yo med phyir/ /rdo rje seng ge mkha' dag pa/ /chu yi zla ba'i ye shes bstan to/ /stobs sogs rnams las stobs drug dang/ /gdam? dad gcig gis rim pa bzhin/ /shes bya snyoms par 'jug pa dang//
 bag chags bcas pa kun bsal bas/ /go cha rtsig pa shing bzhin du/ /phug dang gzhig dang bcad phyir ro/ /brlang dang snying brtan mi byed bus/ /drang srong spro pas rdo rje 'dra/ /gang phyad? ga rling pa snying pa'i phyir/ /gang phyir snying po brtan pa'i phyir/ /gang phyir brtan
 pa mi phyed phyir/ /mi phyed phyir na rdo rje bzhin/ /'jig med phyir dang ltos med phyir/ /brtan phyir rtsal ni phun tshogs pa/ /thub pas seng ge seng ge bzhin/ /'khor gyi tshogs su 'jigs mi mnga' / /kun mngon mkhyen pas gang las kyang/ /'jigs med par ni
 rnam par gnas/ /dag pa'i sems can dang yang bdag/ mi mnyam gzigs phyir ltos pa med/ /thugs ni chos rnams thams cad la/ /rtse gcig phyir na brtan pa nyid/ /mchog tu ma rig bag chags kyi/ /sa las brgal byir rtsal ldan no/ /'jig rten nyan
 thos mdza' gcig tu/ /spong dang blo ldan rang byung rnams/ /gong nas gong du blo dag ni/ /phra phyir dbe ni rnam pa lnga/ /'jig rten kun gyi nyer 'tsho'i phyir/ /sa chu me rlung rnams dang mtshungs/ /'jig rten 'jig rten 'das pa yis/ /mtshan nyid las 'das
 nam mkha' bzhin/ /de dag yon tan sum cu ni/ /gnyis 'di chos skus rab bye ste/ nor bu rin chen 'od mdog dang/ /dbyibs bzhin dbye ba med phyir ro/ /mthong na tshim byed yon tan gang/ /sum cu rtsa gnyis zhes bya ba sprul pa chos la rdzogs par ni//
 longs spyod rdzogs sku gnyis la brten/ /dag las nye dang ring rnams la/ /'jig rten rgyal ba'i dkyil 'khor du/ /chu dang/ naM khar zla gzugs bzhin/ /de mthong ba ni rnam pa gnyis/ /theg pa chen po rgyud bla ma'i bstan bcos/ /dkon mchog gi rigs
 rnam par dbye ba las/ /yon tan gyis skyabs te gsum pa'o// //gdul bya'i khams dang gdul ba'i thabs dang ni/ /gdul bya'i khams kyis gdul ba'i bya ba dang/ /de yi yul dang dus su gshegs pa la/ /khyab bdag rtag tu lhun gyis
 grub par 'jug yon tan rin chen mchog tshogs dang ldan ye shes chu mtsho ba bsod nams ye shes nyi 'od can/ /theg ba ma lus?  nges par bsgrubs te mdza' dang dbud med rgya chen nam mkha' ltar khyab pa/ /sangs rgyas nyid ni yon tan dri ma med gter
 sems can kun la khyad med rnam gzigs nas/ /nyon mongs shes bya'i sprin gyis dra ba sangs rgyas rnams kyi thugs rje'i rlung gis rnam par gter/ /gang gis gang gis gdul ba yis/ /bya gang gang du gang gi tshe/ /de yi rnam rtog skye med phyir/
 thub pa rtag tu lhun gyis grub/ /gdul bya'i khams ni gang zhig gis/ /gdul bya'i thabs mang gang gang gis/ /gdul bya'i bya gang gang du ni/ /gang tshe'i yul dang dus de dag/ nges 'byin de yi ston pa dang/ /ngas 'bras de yi yongs 'dzin dang/ /de'i
 sgrib de gcod rkyen la ni/ /rnam par rtog pa med phyir ro/ /nges par 'byin pas bcu ste/ /tshogs gnyis dag ni de yi rgyu/ /de 'bras byang chub mchog yin te/ /byang chub sems can yongs su 'dzin/ /de'i sgrib mdza' yas nyon mongs dang/ /nye ba'i nyon mongs
 bag chags so/ /dus kun du ni de 'joms pa'i/ /rkyen ni thugs rje chen po yin/ /gnas drug po ni 'di dag rnaMs/ go ra ji bzhin bya mtsho dang/ /tim dang ni nam mkha' gter/ /sbrin dang chung bzhin shes par bya/ /shes chu yon tan rin chen dang/ /ldan phyir sa rnams rgya mtsho bzhin/
 sems can thams cad nyer mtsho'i phyir/ /tshogs gnyis dag ni nyi ma bzhin/ /rgya che mdza' dang de bus med phyir/ /byang chub nam mkha' i khams bzhin no/ /yang dag rdzogs sangs chos nyid phyir/ /sems can khams ni gter dang 'dra/ /glo bur khyab
 dang ma grub phyir/ de yi nyon mongs sprin chogs bzhin/ /de 'thor ba ni nyer gnas phyir/ /thugs rje mi zad rlung dang 'dra/ /gzhan gyi dbang gis nges 'byung dang/ /bdag dang sems can mtshungs gzigs dang/ /mdzad pa yongs su
 ma rdzogs phyir/ /'khor ba sring du mdzad mi 'chad/ /brgya byin lnga sprin tshangs pa dang/ /nyi ma nor bu rin chen bzhin/ /de bzhin gshegs pa sgra snyan bzhin/ /nam mkha' dang ni sa bzhin no/ /ji ltar baiDUr da dag pa yi/ /rang bzhin sa steng 'di gyur te/ /dag
 phyir lta yi dbang po de/ /lta yi bu mo'i tshogs dang bcas/ /rnam par rgyal ba'i khang bzang dang/ /lhag nas de las gzhan dag dang/ /de yi gzhal yas sna tshogs dang/ /lha rdzas rnams mad de mthong ngo/ /de nas skyes pa bud med tshogs/ /sa yi steng
 na gnas pa rnams/ /snang ba de ni mthong gyur te/ /ded kyang ring por mi thogs par/ /lha dbang 'di 'drar gyur cig ces/ /de 'dra'i snon lam 'de pas byed cing/ /de thob don du dge ba ni/ /yang dag blangs te gnas par gyur/ /de dag dge ba'i las nges
 ni/ /'di snang tsam zhes de lta bur/ /shes pa med kyang sa steng nas/ /'phos te lhar ni skye bar 'gyur/ /snang ba de ni shin tu yang/ rtogs pa med cing g.yo ba med/ /de lta mod kyis steng nas/ /don chen gyis ni nye bar gnas/ /de bzhin dang sogs
 dri med can/ /dang sogs yon tan bsgoms pa yi/ /dang sems la snang rdzogs sangs rgyas/ /mtshan dang dpe byad dang ldan pa/ /'chags pa dang ni bzhengs pa dang/ /bzhugs pa dang ni gzims pa dang/ /spyod lam sna tshogs mdzad pa can//
 zhi ba'i chos ni gsung pa dang/ /mi gsung mnyam par bzhag gyur pa/ /cho 'phrul rnam pa sna tshogs dang/ /mdzad pa gzim dangs chen po can/ /sems can rnams kyis mthong bar 'gyur/ /de mthong nas kyang 'dod ldan pa/ /sangs rgyas nyid
 phyir rab sbyor te/ /de rgyu yang dag blangs nas ni/ /'dod pa'i go 'phang thob par byed/ /snang ba de ni shin tu yang/ /rtog med g.yo ba med pa nyid/ /de lta na yang 'jig rten na/ /don chen pos ni nye bar gnas/ /'di ni rang sems snang ba bzhin/ /so so'i skye bor mi shes
 mong /de lta na yang gzugs mthong ste/ /de dag la ni don yod 'gyur/ /rim gyis de mthong la brten nas/ /theg pa 'di la gnas pa rnams/ /nang gi dam pa'i chos sku ni/ /ye shes mig gis mthong bar 'gyur/ /ji ltar sa kun nyams pa'i gnas gzhan dang
 dra la dri med baiDUrya/ /gsal mdzes nor bu'i yon tan dri bral dpal ldan steng ni mnyam gyur te/ /dag phyir der ni lta bdag sna tshogs lha dbang lha yi gzugs shar te/ /rims gyis sa yis yon tan bral phyir de ni slar yang mi snang 'gyur/ /de dngos thob
 phyir bsnyen gnas brtul bzhugs nges par sbyin sogs la phyogs pa/ /bud med skyes tshogs smon pa'i sems kyis me tog la sogs 'thor de ltar/ dag pa'i bai DUrya 'dra'i sems la snang ba'i thub dbang thob bya'i phyir/ /rab dge sems ldan rgyal ba'i
 sras rnams de bzhin sems rab skyed par byed/ ji ltar baiDUras bzhi gtsang ma la/ /lta dbang lus kyis gzugs brnyan snang ba ltar/ /de bzhin 'gro sems bzhi gtsang pa la/ /thub pa'i dbang po sku yi gzugs brnyan 'char/ /'gro bar gzugs
 brnyan 'tshang nu brnyog med dang/ /rnyog pa'i rang sems rab 'jug dbang gis 'jug /ji ltar 'jig rten dag na gzugs snang ltar de bzhin yod dang zhig ces de mi lta/ /ji ltar lta snang lta rnams kyis/ /sngon gyi dkar po'i mthu yis ni/ /'bang dang gnas
 dang yid gzugs dang/ /rnam par rtog pa med bzhin du/ /mi rtag bsdug bsngal bdag med dang/ /zhi ba'i sgra yis bag med pa'i/ /lha rnams thams cad yang nas yang/ /chos kyi sngas ni skul byed ltar/ /de bzhin khyab bdag 'bad sogs dang/ /bral
 yang 'gro ba ma lus pa/ /sangs rgyas gsung gis khyab mdzad de/ /skal ldan rnams la chos ston to/ /ji ltar lha nang lha rnams kyi/ /rnga sgra rang gis las las 'byung/ /de bzhin 'jig rten thub pa'i chos/ /gsung ba rang gis las las
 'byung/ /'bad nas lus dang sems bral ba'i/ /sgra de ji ltar zhi sgrub ltar/ /de bzhin 'bad sogs dang bral ba'i/ /chos de zhi ba sgrub par byed/ /ji ltar lha yi grong na rnga sgra'i rgyus byung mi 'jigs sbyin pa ni/ /nyon mongs g.yul du 'jug tshe lha mi dbung?
 rgyal rtsed mo sel ba bzhin/ /de bzhin 'jig rten dag na gsam gtan gzugs med la sogs rgyus byung ba/ /sems can nyon mongs sdug bsngal rab 'joms zhi ba bla med lam tshul brjod/ /gang phyir skye kun pa nyid dang/ /phan bde cho 'phrul gsum
 ldan pa/ /de phyir thub dbyangs lha rdzas kyis/ /sil snyan rnams las khyad par 'phags/ /lhar ni rnga yi sgra chen po/ /sar gnas rnams kyi rnar mi 'gro/ sangs rgyas rnga sgra 'khor ba yis/ /sa 'gro 'jig rten dag tu 'gro /lhar ni lha yi sil
 snyan bye ba mang/ /'dod mi mngon par 'phel ba'i don du sgrogs/ /mthu rje'i bdag nyid rnams kyi dbyangs gcig kyang/ /sdug bsngal mer gzhi ba'i don du 'jug/ lhar ni mdzes shing yid 'ong sil snyan sgra/ /sems kyi rgod pa 'phel bar
 'gyur ba'i rgyu/ /thugs rje'i bdag nyid de bzhin gshegs pa'i gsung/ /ting 'dzin sems gtong bsam pa sprul byed nyid/ /mdor na ma lus 'jig rten rnams su yang/ /lha dang sa yi bde pa'i rgyu gang yin/ /de ni ma lus 'jig rton kyang
 snang la/ /dbyangs nyid la ni rab tu brten par brjod/ /ji ltar snang ba dang bral bas/ /phra ma'i sgra ni mi myong zhing/ /thams cad lha yi rna bar yang/ /rna? lam du ni mi 'gro zhing/ /de bzhin chos phra mchog tu ni/ /zhib mo'i ye shes spyo yul yong/ /
 nyon mongs med yid 'ga' zhig gi/ rna lam du ni 'gyur ba yin/ /ji ltar dbyar gyi dus na sprin/ /lo tog phun sum tshogs pa'i rgyu/ /chu yi phung po 'bad med par/ /sa la rgyan du 'bebs pa ltar/ /de bzhi ga? thugs rje'i sprin las ni/ /rgyal ba'i da
 chos chu yis char/ /'gro ba'i dge ba'i lo tog rgyu/ /rnam par rtog pa med par 'bebs/ /ji ltar 'jig rten dge ba'i lam 'jug na/ /rlung skyes chu chang sprin gyis 'bebs pa ltar/ /de bzhin brtsa rlung 'gro dge mngon 'phel phyir/ /sangs rgyas sprin
 las dam chos char 'bebs pa/ /srid la mkhyen dang brtse chen 'byung ba dang/ /mi 'gyur ma gos nam mkha' i dkyil gnas pa/ /ting 'dzin gzung chu dri med snying po can/ /thub dbang sprin ni dge ba'i lo tog rgyu/ /ji ltar bsil dang zhim dang 'jam pa
 dang/ /yang ba'i chu ni sbyin de las 'thon pa/ /sa la ba tsha la sogs gnas 'brel bas/ /shin tu mang po'i ror ni 'gyur ba bzhin/ /de bzhin 'phags pa'i yan lag brgyad chu'i char/ /rab yangs brtse sprin snying po las mthon pa/ /'gro ba'i
 rgyud kyi gnas kyi dbye ba las/ /rnam pa mang po'i ro dang ldan par 'gyur/ /theg pa mchog la dang ba dang/ /bar ma dang ni sdang ba yis/ /phung po gsum ni mi dag dang/ /rma bya dang sdug pa ltar/ /snying rje sprin tshogs dag gis chos chu byung rgyu bI
 bya dag dang/ /dbyar tshes la char 'bab pa na yi dags dag ni sdug pa ltar/ /snying rje sprin tshogs dag gis chos chu byur dang ma byung ba las kyang/ /chos 'dod pa dang chos la snang ba'i 'jig rten gzhan ni dpe de nyid/ /thigs pa rags 'babs rdo tshan
 dang ni rngo'i mi ni 'bebs pa na/ /srog chags phra dang ri sul song bdag na ji ltar sprin ltos med/ /phra dang rgya chen rigs thabs tshul gyis mkhyen pa dang ni brtse ba'i sprin/ /nyon mongs dag 'gyur bdag lta'i bgo la nyal dag ? kun ltos pa med/ /'khor 
 bskye 'chi thog mdza' med der 'gro ba'i lam ni rnam pa lnga/ /mi gtsang ba la dri zhim med bzhin med bzhin 'gro lnga dag na bde ba med/ /de yi sdug bsngal rtag tu mtshon rgya tshwa la sogs reg skyes bzhin/ /mthu rje'i sbrin las dam chos char chen
 da rab? zhi byed rab tu 'bebs/ /lha la 'chi 'pho mi la yongs tshol sdug sngal zhes byar rtogs pa'i phyir/ /shes rab ldan pa lha mi'i dbang phyug mchog la'ang mngon par 'dod med do/ /shes rab dang ni de bzhin gshegs pa'i gsung rab
 dang pa'i rjes 'brangs nas/ /'de ni sdug bsngal 'di rgyu 'di rgyu 'di ni 'gog ces shes pas mthong phyir ro/ /nad ni shes bya nang kyi rgyu ni spang bya la/ /bde gnas thob bya sman ni bsten par bya ba ltar/ /sdug bsngal rgyu dang de 'gog ba dang de bzhin lam//
 shes bya reg par bya zhing brten par bya/ /ji ltar tshangs ba tshangs pa yi/ /gnas nas 'pho ba med bzhin du/ /lha yi gnas ni thams cad du/ /snang ba 'bad med ston pa ltar/ /de bzhin thub pa chos sku las/ /bskyod pa med par khams
 kun du/ /bskal ldan rnams la 'bang med par/ /sprul pa dag ni ston par mdzad/ /ji ltar tshangs rtag gzhal yas khang las mi g.yos dang khams zhugs pa de/ /lha rnams kyis mthong de mthong de ni yul la dga' ba spong byed ltar/
 de bzhin gshegs pa chos kyi sku las mi skyong 'jig rten kun du de/ /skal ldan gyis mthong de mthong de yang rtag tu dri ma kun sel byed/ /sngon kyi rang nyid smon lam dang/ /lha rnams kyi ni dge ba'i mthus/ /ji ltar tshangs pa 'bang med snang//
 rang byang sku ba sku de bzhin no/ /'pho dang lhums 'jug bltams dang yab kyi khab gshegs dang/ /dgyes rol dang dben par spyod dang 'dung bcom dang/ /byang chub che bsnyes zhi ba'i grong khyer lam ston dag /bstan gnas thub pa skal med mig gi lam
 mi 'gyur/ /ji ltar nyi mas gdugs pas dus gcig che nyid la/ /pang sogs rgyas dang ku mu da ni rab zum pa/ /chu skyes bye dang zum pa'i yon tan skyon dag la/ /nyi ma rtog med 'di ni 'phags pa'i nyid de bzhin/ /ji ltar nyi ma rtog med par dang 'od cig car spros
 pa yis/ /pad+ma rgyas par byed pa dang/ /gzhan dag smin par byed pa ltar/ /de bzhin de bzhin gshegs pa yi/ /nyi ma dam chos 'od zer dag /gdul bya'i skye bo pad+ma la/ /rnam par rtog par med par 'jug/ chos dang gzugs kyi sku dag ni/ /byang chub snying po'i
 mkhar shar ba /kun mkhyen nyi ma 'gro bar ni/ /ye shes 'od zer spro bar mdzad/ /gang phyir gdul bya dag pa yi/ /chu yi snod ni thams cad la/ /bde gshegs nyi ma'i gzugs brnyan ni/ /dpag tu med pa cig car 'char/ /rtag tu thams cad la
 khyab pa/ /chos dbyings nam mkha' i dkyil du ni/ /sangs rgyas nyi ma gdul bya yi/ /ri la ji ltar 'os par 'babs/ /ji ltar rgya chen 'od zer stong ldan nyi shar 'di/ /'jig rten kun tu snang bar byas nas rims gyis ni/ /mchog dang ma dman
 pa'i ril 'bab de bzhin/ /rgyal ba'i nyi ma sems can tshogs la rim kyis 'bab/ /zhing kun nam mkha' i mthil spro nyi ma la med la/ /mi shes man bkab shes bya'i don ston pa yang min/ /mthu rje'i bdag nyid sna tshogs mdog bkye 'od tshoD
 kyis/ /gsal ba dag ni 'gro la shes bya'i don ston mdzad/ /sangs rgyas grong du gshegs cha mig dang mi ldan pa yi skye bo rnams/ /mthong zhing don med tshogs bral don de mthong ba las ni myong ba dang/ /gti mug gis ldongs srid pa'i
 tshor lhung lta ba'i mun pas bsgribs pa rnams/ /sangs rgyas nyi ma'i 'od kyis blo snang ma mthong ba yi gnas mthong 'gyur/ /ji ltar ming bzhin nor bu ni/ /rtog pa med kyang cig car du/ /spyod yul gnas pa rnams kyi ni/ /bsam kun so sor
 rdzogs byed ltar/ /de bzhin sangs rgyas 'jig brten la/ /brten nas bsam pa tha dang rnams/ /sna tshogs chos ni thos 'gyur yang/ /da ni de la rnam mi rtog/ ji ltar nor bu rin chen rtog med 'dod pa'i nor/ /'bad pa med
 par gzhan pa dag la rab ster ltar/ /de bzhin thub pa bad med ji ltar 'os par ni/ /gzhan gyi don du srid pa ji srid rtag tu bzhugs/ /gang phyir rgya mtsho sa 'og gnas de la 'dod pas/ /ji ltar nor bu bzang bo 'gro 'dir rab rnyed dka' / /de
 bzhin 'gro ba shin tu skal ngan nyon mongs zin/ /yid 'dir bde gshegs mthong ba rnyed dkar shes par bya/ /ji ltar sgra brnyan gyi ni sgra/ /gzhan gyi rnam rig las byung ba/ /rnam rtog med cing bzo med pa/ /phyi dang nang na mi gnas ltar/ /
 de bzhin de bzhin gshegs ba'i gsung/ /gzhan gyi rnam rig las byung ba/ /rnam par rtog med bzo med cing/ /phyi dang nang na gnas ma yin/ /cung zad med cing snang ba med/ /dmigs pa med cing rten med pa/ /mig gi lam la rab 'das
 gzugs med bstan du med pa yi/ /mkha' la ji ltar mtho dang dma'/ /mthong yang de ni de lta min/ /de bzhin thams cad sangs rgyas la/ /mthong yang de ni de ltar min/ /ji ltar sa las skye ba kun/ /rtog me sal brten nas ni/ /'phel dang
 brtan dang yangs 'byur ltar/ /de bzhin rdzogs pa'i sangs rgyas sa/ /rnam rtog med pa la brten nas/ /'gro ba'i dge ba'i rtsa ba ni/ /ma lus pa ni 'phel bar 'gyur/ /'bad rtsol med par bya ba 'ga' / /byed pa mthong med de bas
 na/ /gdul bya'i the tshom bcad pa'i phyir/ /dpe rnams dgu ni brtan pa yin/ /gang du dpe dgu po 'di dag/ /rgyas par rab tu bstan gyur pa/ /mdo sde yi ni ming nyid kyis/ /de yis dgos pa bstan pa nyid/ /thos pa
 las byung shes pa yi/ /snang brgya chen 'dis brgyan ba'i/ /blo ldan myur du sangs rgyas kyis/ /spyod yul kun la 'jug par 'gyur/ /do don bai DUr brgya byin gyis/ /gzugs brnyan la sogs dpe dag ni/ /rnam pa dgu brjod de la ni/ /de yi bsdus
 don nges par bzung/ /ston dang gsung dang khyab pa dang/ /sprul pa ye shes spro ba dang/ /thugs gsung sku yi gsang ba dam thugs rje'i bdag nyid thob pa nyid/ /'bad rtsol rgyun kun rab zhi ba/ /rnam par rtog pa med pa'i thugs/ /dri med bai DUr brgya byin
 gyi/ /gzugs brnyan shar ba la sogs bzhin/ /'bad rtsol zhi ba dam bca' ste/ /rtog med thugs ni gtan tshigs so/ /rang gzhan don ni grub don du/ /dpe ni brgya byin gzugs sogs yin/ /'dir ni skabS don 'di yin te/ /sten pa la sogS rnaMs dgu ni/ /ston pa skye 'chi dang bral
 ba/ /'bad pa med par 'jug pa'o/ /gang zhig brgya byin rnga dang sprin/ bzhin dang/ /tshangs nyid rin chen yid bzhin nor rgyal bzhin/ /sgra brnyan nam mkha' sa bzhin srid ba'i bar/ 'bad med gzhan don byed de rnal 'byor rig/ rin chen lha dbang snang
 bzhin ston pa ste/ /legs par 'doms mdzad lha yi rnga dang 'dra/ /khyab bdag mkhyen dang brtse chen sprin tshogs ni/ /mdza' yas 'gro ba srid rtse'i bar du khyab/ /tshangs bzhin zag med gnas la ma skyod par/ /sprul pa rnam pa du ma rab tu sten/ /nyi bzhin
 ye shes snang bar ba spro gang/ /rnam dag rin chen yid bzhin nor 'dra'i thugs/ /rgyal ba rnams kyi gsung de brag ca bzhin du yi ge med/ /sku ni nam mkha' lta bur khyab dang gzugs med rtog pa nyid/ /sa bzhin 'gro ba'i dkar po'i chos kyi sman rnams
 ma lus pa'i/ /rnam pa kun tu bzhin gyur ba ni sangs rgyas sa yin no/ /dag pa bai DUrya 'dra yi/ /semS la sangs rgyas mthong ba'i rgyu/ /de dag pa ni zlogs ba'i/ /dad pa'i dbang po brtas pa nyid/ /dge ba skye dang 'jig pas na/ /sangs rgyas gzugs ni
 skye dang 'jig/ brgya byin bzhin du thub pa ni/ /chos kyi sku yi skye 'jig med/ /de bzhin du ni 'bad med par/ /skye med 'gag med chos sku las/ /srid pa ji srid gnas par du/ /ston pa la sogs mdzad pa 'jug/ dpe 'di rnams kyi
 bsdus pa yi/ /don ni 'di yin rim pa yang/ /snga ma phyi mas chos mi mthun/ /spangs pa'i sgo nas brjod pa yin/ /sangs rgyas gzugs brnyan lta bu ste/ /dbyangs dang mi ldan de 'dra min/ /lha yi rnga bzhin thams cad du/ /don byed min pa de 'dra min//
 sprin chen dang mtshungs don med pa'i/ /sa bon spong min de 'dra min/ /tshangs chen bzhin te gtan du ni/ /smin par byed min de 'dra min/ /nyi ma'i gzugs bzhin gtan du ni/ /mun pa 'joms min de 'dra min/ /yid bzhin nor 'dra 'byung ba ni/ /rnyed pa
 mi bka' de 'dra min/ /sgra brnyan bzhin te rkyen las ni/ /byang bde dang 'dra ba'ang min/ /nam mkha' dang 'dra dge ba yi/ /bzhi min de dang 'dra ba'ang min/ /'jig rten 'jig rten las 'das pa/ /'gro ba'i phun tshogs ma lus pa/ /de gnas pa yis rten
 yin phyir/ /sa yi dkyil 'khor dag dang 'dra/ /sangs rgyas byang chub la brten nas/ /'jig rten 'das pa'i lam 'byung phyir/ /dge ba'i las lam bsam gtan dang/ /tshad med ba dang gzugs med 'byung/ /theg pa chen po'i rgyud bla ma'i bstan bcom
 dkon mchog gis rigs rnam par dbye ba las/ /de bzhin gshegs ba'i phrin las mdzad ba'i skabs te bzhi pa'o// //sangs rgyas khams dang sangs rgyas byang chub dang/ /sangs rgyas chos dang sangs rgyas phrin las te/ /
 dag pa'i sems can gyis kyang bsam bya min/ /'di ni 'dren pa rnams kyi spyod yul yin/ /blo ldan rgyal bI yul 'di la mos pa/ /sangs rgyas yon tan tshogs kyi snor 'gyur te/ /bsam med yon tan tshogs la mngon dga' bas/ /sems can
 kun gyi bsod nams zil gyis gnon/ /gang zhig byang chub don du gnyer bas gser gzhod nor bus spras pa ni/ /sangs rgyas zhing rdul mnyam pa nyid re chos rgyal rnams la rtag 'bul la/ /gzhan gang 'di las tshig tsam thos shing thos nas kyang zhi mos na 'di/ /
 sbyin pa las byung dge ba de las bsod nams ches mang thob par 'gyur/ /blo ldan gang zhig bla med byang chub 'dod pas bskal ba du mer yang/ /lus ngag yid kyis 'bad pa med par tshul khrims dri med srung byed la/ /gzhan dag 'di las tshig tsam thos shing
 thos nas kyang ni mos na 'di/ /tshul khrims las byung dge ba de las bsod nams ches mang 'thob par 'gyur/ /gang zhig 'di na srid ba gsum gyi nyon mongs med 'jil bsam gtan ni/ /lha dang tshangs gnas mthar son rdzogs ba'i byang chub 'pho med
 thabs bsgoms la/ /gzhan dag 'di las tshig tsam thos shing thos nas kyang ni mos na 'di/ /bsam gtan las byung dge ba de las bsod nams ches mang thob par 'gyur/ /gang phyir sbyin pas longs spyod dag ni sgrub byed cing/ /
 khrims kyi mtho ris bsgoms pas nyon mongs spong byed la/ /shes rab nyon mongs shes bya kun spong de yi phyir/ /'di mchog nyid de de yi rgyu ni 'di thos yin/ /gnas der de yi byed pa dang/ /de yi yon tan don sgrub ste/ /rgyal ba yi ni mkhyen pa'i
 yul/ /rnam bzhi ji skad brjod 'di la/ /blo ldan yod dang nus nyid dang/ /yon tan ldan par mos pa ni/ /myur du de bzhin gshegs pa yi/ /go 'phang 'thob pa'i bskal ldan 'gyur/ /bsam mi khyab pa'i yul 'di ni/ /yod dang bdag 'dras thob nus dang/ /thob
 pa 'di 'dra'i yon tan dang/ /ldan zhes dang bas mos pI phyir/ /'dun brtson dran dang bsam gtan dang/ /shes rab la sogs yon tan snod/ /byang chub sems ni de dag la/ /rtag tu nye bar gnas par 'gyur/ /de ni rtag tu nyer gnas bas/ /rgyal ba'i sras
 po phyir mi ldog /bsod nams pha rol phyin rdzogs dang/ /yongs su dag pa nyid du 'gyur/ /bsod nams pha rol phyin pa lnga/ /de la rnam gsum rtog med pas/ /de rdzogs yongs su dag pa ni/ /de yi mi mthun phyogs spangs
 phyir/ /sbyin byung bsod nams sbyin pa ste/ /tshul khrims las byung tshul khrims yin/ /bzod dang bsam gtan gnyis dag ni/ /sgom byung brtson 'grus kun tu 'gro/ 'khor gsum rnam par rtog pa gang/ /de ni shes bya'i sgrib par 'dod/ /
 ser sna la sogs rnam rtog gang/ /de ni nyon mongs sgrib par 'dod/ /shes rab las gzhan 'di dag ni/ /spong rgyu gzhan med de yi phyir/ /shes rab mchog yin de bzhin ni/ /thos pa de phyir chos pa mchog/ de ltar yid ches lung dang rigs
 pa la/ /brten nas bdag nyid 'ba' zhig dag phyir dang/ /gang dag mos dge phun sum tshogs ldan blo/ /de dag rjes su bzung phyir 'di bshad do/ /ji ltar sgron glog nor bu nyi zla la/ /ston nas mig dang ldan pas lha ba bzhin/ /de bzhin don chen
 chos spobs 'od mdzad pa/ /thub la brten nas 'di ni rab tu bshad/ /gang zhig don ldan chos dang nyer 'brel zhing/ /khams sum kun nas nyon mongs spong byed gsung/ /zhi ba'i phan yon ston par mdzad pa gang/ /de ni drang srong gsung yin
 bzlog pa gzhan/ /gang zhig rgyal ba ston pa 'ba' zhig gi/ dbang byas rnam g.yeng med yid can gyis bshad/ /thar pa thob pa'i lam dang rjes 'thun pa/ /de yang drang srong bka' bzhin spyi bos blang/ /gang phyir rgyal las chos mkhas 'ga' 
 yang 'jig rten de 'di na yod min te/ /ma lus de nyid mchog gi tshul bzhin kun mkhyen gyis mkhyen gzhan min pa/ /de phyir drang srong rang nyid gyis gzhan mdo sde gang yin de mi dkrug/ thub tshul gzhig phyir de yang dam chos la ni gnod pa
 byed par 'gyur/ /nyon mongs rmongs bdag/ rnams kyis 'phags la skur ba dang/ /de gsungS chos la brnyas gang de kun zhen ltas byas/ /des na zhen lta'i dri can de la blo mi sbyar/ /gos gtsang chan gyis rnam sgyur bsnum gyis gos pa min/ /blo dman phyir dang dkar
 mos bral phyir log pa'i nga rgyal la brten phyir/ /dam chos phongs pas bsgribs pa'i bdag phyir drang don de nyid des 'dzin phyir/ /rnyed la brkam phyir lta ba'i dbang phyir chos sun 'byin pa bstan pa'i phyir/ /chos 'dzin bsrings phyir mos pa dman phyir dgra bcom
 rnams kyis chos spong byed/ /ji ltar zab mo'i chos nyams de bzhin mkhas pa rnams kyis me dang ni/ /mi bzad sprul gdug bshad me dang ni thog la shin tu 'jigs mi bya/ /mi sprul dgra dang rdo rje'i mes ni srog dang bral btsam byed de/ /de las mnar med rnams
 kyi 'gro ba shin tu 'dzin pa rnams su 'gro mi 'gyur/ /gang zhig yang yang sdig grogs bsten pas sangs rgyas ngan sems ldan gyur dang/ /pha ma dgra bcom gsod pa bya ba min byed mchog tshogs 'byed pa'i mi/ /.de yang chos nyid des par bsams na
 myur du de las thar 'gyur gyis/ /gang zhig yid ni chos la sdang ba de la thar ba ga la yod/ /dkon mchog rnam par byang khams dri med byang chub yon tan phrin las te/ /don gnas rnam bdun tshul bzhin bshad las bdag gis dge ba gang thob pa/ /deS
 ni 'gro 'di mdza' yas 'od lnga drang srong tshe dpag med mthong zhing/ /mthong nas kyang ni chos mig dri med skyes te byang chub mchog thob shog /gang la rgyu mtshan gang phyir ni/ /ji ltar bur ni gang bshad dang/ /rgyu mthun pa ni gang yin de/ /tshigs su
 bcad pa bzhis bstan to/ /gnyis kyis bdag nyid dag pa yi/ /thabs dang gcig gis nyams pa'o rgyud/ /de nas tshigs su bcad pa ni/ /gnyis kyiS 'bras bu bstan pa yin/ /'khor gyi dkyil 'khor bzod pa dang/ /byang chub thob pa chos
 brjod pa'i/ /mdor na 'bras bu rnam gnyis te/ /tha ma yis ni bstan pa yin/ /theg pa chen po rgyur bla ma'i bstan bcos/ dkon mchog gsum gyis rigs rnam par dbye ba las/ /phan yon gyis skabs te lnga pa'o// //
 theg pa chen po rgyud bla ma'i bstan bcos/ /mgon po byams pas mdzad pa rdzogs so// //dpal grong khyer dpe med kyis mkhas pa chen po/ bram zer rin chen rdo rje'i dpon bo paN+Di ta mkhas pa chen po sadzdza na dang /lo tsA ba shAkya'i
 dge slong blo ldan shes rab kyis/ /grong khyer dpe med de nyid du bsgyur ba'o// //*/ /theg pa chen po rgyud bla ma'i bstan bcos kyi rnam par bshad pa 'phags pa thogs med kyis mdzad pa bzhugs// rgya gar skad du/ ma hA yA na ut+ta ra tan+ta?  shAste bya