བོད་ཡིག

e-texts based on the ACIP/ALL Input

te gtan la phab ba// //mdo sde'i don kun las btus pa'i man ngag bzhugs// //*/ /rgya gar skad du /sU trA mras? mu ts+tshA ya u pa de sha/ bod skad du /mdo'i sde'i don kun las btus pa'i man ngag /dkon mchog gsum la phyag 'tshal lo/ /rgya mtsho nam mkha' ltar zab rgya che ba/ /mdo sde'i sde snod ma mo kun bltas shing/ /dpal ldan bla ma'i zhal nas byung ba yi/ /rnyed par dka' ba'i don rnams bri bar bya/ /'dir byang chub sems dpa' rnams kyi/ nor lta bu'i chos ni lnga bcu ste /srog lta bu la sogs pa'o/ /de rnams cung zad bshad par bya ste /ji skad du /srog ni tshe yin drong dang ni/ /rnam shes rten nyid yin ba'o zhes so/ /de ltar sems can la srog gces shing srog la brten pa de bzhin du byang chub sems dpa' la yang srog lta bu'i byang chub kyi sems gces shing de la brten pa'o/ /pha? ma lta bu'i chos ni/ /stod pa nyid dang/ snying rje yin? te/ des ma skyes pa'i byang chub sems dpa' 'byung bar mi 'gyur ro/ /bya mo lta bu ni/ 'chi ba dang/ bslab pa dang/ las kyi bsabs pa bgrang ba rnams te /nyon mtshan lan gsum du 'grogs dgos pa'o/ /khang pa lta bu ni/ dge ba bcu po yin te/ 'di ni khang pa nyid de ngan 'gro dag gi sga gcod pa'i phyir/ /nor lta bu ni 'phags pa'i nor bdun dang/ 'dod pa chung ba dang/ chog shes pa'o/ /grogs po lta bu ni /sbyor ba khams gsum na byed kyang bsam ba mya ngan las 'das pa dang/ sbyin ba rgya chen po gtong yang rnam par smin pa la re ba med pa dang/ /chos thams cad skye ba med par shes kyang las kyi rnam par smin pa mi 'dor ba dang/ chos thams cad bdag med par shes kyang sems can la snying rje bskyed pa'o/ /rtsa ba lta bu ni/ dad ba dang/ thos ba dang/ gtong ba dang/ bzod pa'o/ /zhing lta bu ni/ tshul khrims so/ /nye du lta bu ni /pha rol tu byin pa bcu'o/ /slob dpon lta bu ni/ rjes su dran ba drug go /mkhan po lta bu ni/ 'phags pa 'od srungs kyis zhus pa'i mdo'i byang chub kyi sems mi brjed bar 'gyur ba'i chos bzhi'o/ /tshong dpon lta bu ni/ /bslab pa kun las btus kyis gnod pa bcu bzhi'i gnyen po rnams so/ /sring mo lta bu ni/ /tshad med pa bzhi'o/ /bran lta bu ni/ bsdu ba'i dngos po bzhi'o/ /'bangs lta bu ni/ khyi dang bran dang gdol pa lta bur nga rgyal bcag pa'o/ /mig lta bu ni/ bsam pa dang/ lhag pa'i bsam pa rnam par dag pa'o/ /ma ma lta bu ni/ dge ba'i bshes gnyen yin no/ /rgyal po lta bu ni/ /dkon mchog gsum yin no/ /chu lung lta bu ni /'khor gsum yongs su dag pa yin na/ /lam mkhan lta bu ni/ dran pa dang shes bzhin dang /tshul bzhin sems pa dang/ bag yod pa dang/ phyin ci log bzhi'i gnyen po bsten pa'o/ /'phags pa lta bu ni/ /sems can mi gtong zhing rjes su 'dzin pa'o/ /rgyan lta bu ni /dad pa dang/ tshul khrims dang/ gtong ba rang thos pa dang/ shes rab po/ /nang dang zug rdu lta bu ni/ phyi nang gi dngos po la zhen pa'i sems so// skyes bu mnar sems can lta bu ni/ khyim pa'i byang chub sems dpa' 'di snyam du bdag rnam zhig na tshangs par spyod par 'gyur zhig gu zhes pa dang/ rab tu byung ba'i snyam du nam zhig na bdag gi 'gro ba rnams sdug bsngal las thar par nus zhes pa'o/ /le lo can lta bu na /khyim pas zhing la sogs pa ma spangs pa'o/ /rab tu byang bas tshul 'chos la sogs pa ma spangs pa'o/ /tshul khrims kyis phung po'i mdo las/ dge slong dag rab tu byung bas glang po che 'thab pa la bltas na yang log pa'i 'tsho ba yin no zhes gsungs so/ /shes bzang po lta bu ni/ tshul bzhin sems pa dang ldan pa'o/ /dig pa lta bu ni/ gzhan gyis nyes pa dang 'khrul pa mi brjod pa dang/ rang gi yon tan mi brjod pa dang/ /gzhan la mi smod pa'o/ /long ba lta bu ni /gzhan gyi 'khrul ba la mi blta ba'o/ /rkun ma zin pa lta bu ni/ dam pa'i chos 'jig pa na dam pa'i chos 'dzin pa'o/ /byis pa lta bu ni/ bka' blo bde ba dang/ nga lo yang ba dang /'grogs na bde ba dang/ mgu sla ba dang/ gso sla ba dang/ dgang sla ba dang/ chog shes pa'o/ /pho nya lta bu ni/ byang chub sems dpa' don mang ba dang/ bya ba mang ba dang/ snying las cha ba'o/ /blon po lta bu ni/ dam bca' brtan pa'o/ /'dzangs ba lta bu ni/ sems can dang zhes 'gras pa med pa dang/ bcos su btub pa'o/ /slob ma lta bu ni/ nyin lan gsum mtshan lan gsum du bla ma la bsnyen bkur bya ba dang/ bsod nams kyi tshogs bsags pa dang/ sdom ba gso? pa'o/ /bsu? skyel ba lta bu ni /sems can thams cad sangs rgyas par byas nas gdod bdag nyid 'tshang rgya bar 'dod pa'o/ /long khrid pa lta bu ni/ bdag sangs rgyas bar byas nas gdod gzhan gyi don byed pa'o/ /bskal pa dang po'i mi lta bu ni/ spyod lam dang/ tshul khrims dang/ 'tsho ba dang/ cho ga dang/ lta ba phun sum tshogs pa'o/ /skyes bu 'dod ba can lta bu ni/ spyod lam thams cad gzhan la bsngo ba ste/ 'phags pa dkon mchog sprin las 'byung ba lta bu'o// mun pa lta bu ni /dbu ma chen po'i don la rtag tu gnas pa'o/ /gshed ma lta bu ni/ log par lta ba skyes pa ste spang bar bya'o/ /chom rkun lta bu ni/ bag med pa dang/ ma gus pa ste spang bar bya'o/ /dgra lta bu ni/ do tsha med pa dang/ bag med pa'o/ /glen pa lta bu ni/ dran pa dang shes bzhin med pa'o/ /ra ro ba lta bu ni/ nag por gyur pa bzhi'o/ /byol song lta bu ni/ /bslab pa'i tshul rnams mi shes pa'o/ /shan pa lta bu ni/ snying rje dang bral ba'i spyod lam can no/ /byas pa la drin du mi gzo ba lta bu ni /so sor thar pa'i sdom pa bzhag ba'o/ /dwa phrug lta bu ni /thabs mkhas pa dang bral ba'o/ /smyon pa lta bu ni/ bya ba dang bya ba ma yin pa mi shes pa'o/ /bdud kyis brlams ba lta bu ni/ bar du gcod pa'i chos lnga bcu rtsa lnga dang/ sum cu rtsa gnyis mi shes pa'o/ /lnga bcu rtsa lnga po yang gang zhe na /'phags pa byang chub sems dpa' i sde snod pas 'byung ba lta bu ste /'di ltar bar du gcod pa'i chos ni gcig ste/ bag med ba'o/ /bar du gcod pa'i chos ni gnyis te/ ngo tsha med pa dang/ khrel med ba'o/ /gsum ste /'dod chags dang/ zhe sdang dang/ gti mug go/ bzhi ste /dam pa ma yin pa'i 'gro ba bzhi'o/ /lnga ste /srog gcod pa dang/ ma byin par len pa dang/ 'dod pas logs par g.yem pa dang/ /brdzun du smra ba dang chang 'thung ba'o/ /drug ste/ sangs rgyas dang/ chos dang/ dge 'dun dang/ tshul khrims dang/ slob dpon dang/ rgan pa rnams la ma gus pa'o/ /bdun te/ nga rgyal rnam pa bdun no/ /brgyad de/ /log pa brgyad do/ /dgu ste/ kun nas mnar sems kyis dngos po rnam pa dgu'o/ /bcu ste/ mi dge ba bcu'o/ /zhes 'byung/ bar du gcod pa'i chos sum cu rtsa gnyis kyang/ 'phags pa theg pa chen po'i man ngag gi mdo las 'byung ba lta bu ste ji skad du /bu mo theg pa chen po'i par du gcod pa'i chos ni sum cu rtsa gnyis te/ bar du gcod pa de dag gis thams cad mkhyen bar myur du nges par mi 'byung ngo/ /sum cu rtsa gnyis gang zhe na/ 'di lta ste /nyan thos dang rang sangs rgyas kyi theg pa 'dod pa dang/ brgya byin dang/ tshangs pa 'dod pa dang/ skye ba la gnas te tshangs par spyod ba dang/ dge ba'i rtsa ba gcig la chags pa dang/ longs spyod bdog pa rnams las ser sna byed pa dang/ sems can rnams la mnyam par mi sbyin pa dang/ tshul khrims la lhod pa dang/ gzhan gyis sems mi srung ba dang/ gnod sems dang/ khong khro ba'i bag la nyal byed pa dang/ nges sems zhum pa dang/ brjed ngas pa dang /thos pa don du mi gnyer ba dang/ dpyod pa med pa dang/ 'phags pa ma yin pa'i spyod pa dang /nga rgyal las kyang nga rgyal 'phel pa dang/ lus dang ngag dang sems kyi las yongs su ma dag pa dang/ dam pa'i chos yongs su mi bsrung ba dang/ slob dpon chos 'chab pa dang/ bsdu ba'i dngos po rnams 'dor ba dang/ yang dag par dga' bar 'gyur ba'i chos gtong ba dang/ sdig pa'i grogs po bsten pa dang/ byang chub tu yongs su mi bsngo ba ste phung po gsum dang me mthun pa dang /dge ba'i rtsa ba chung du rlom sems su byed pa dang/ thabs med par ltung ba'i blo dang/ phyir zhing dkon mchog gi bsngags pa mi smra ba dang/ byang chub sems dpa' la gnod par seMs pa dang/ ma thos pa'i chos spong ba dang/ bdud kyi las khong du mi chud pa dang /'jig rten rgyang phan pa'i gsang tshig 'dzin pa dang/ sems can yongs su smin par mi byed ba dang/ 'khor ba yongs su mi skyo ba ste/ bu mo sum cu rtsa gnyis po 'di dag ni theg pa chen po'i bar du gcod pa'i yang dag pa'i phul yin te /bar du gcod pa de dag gi thams cad mkhyen par nges par mi 'byung ngo/ /de lta mod kyi 'on kyang bu mo theg pa chen mo'i yon tan ji tsam pa de tsam du bar du gcang ba yang de tsam mo zhes gsungs so/ /gzhan yang bar du gcod pa'i chos dpag tu med pa dag mdo sde du mar mthong mod kyi/ 'dir gzhung mangs par 'gyur bsam bkod de/ /lam 'di la cher cher byed pa'i byang chub sems dpa' las dang po pas mdo de dang dang lta bar bya zhing nyams su blangs pa la brtson par bya'o/ /gtam du bya ba gzhan yang mang du yod de /rtsub cing drag la yun rings sdug bsngal bzod dka' bzod par byed par ngo mtshar che/ chu bo bzhi g.yengs yang dang yang du kang rus bzhon ba zhon pa de yang ngo mtshar che/ /chung ma khyim spangs brtul zhugs bzang blangs rtag tu lus dag yid g.yengs 'di yang ngo mtshar che/ /dge ba'i rtsa ba chung du tsam yang med par be? nyid don gyis sangs rgyas ye shes rtsad gcod tshol ba 'di yang ngo mtshar che/ /so sor thar pa'i bslab pa med par theg chen byang chub mchog gnyis rtsad gcod tshol ba 'di yang ngo mtshar che/ /de la sogs pa ngo mtshar che ba mang du yod mod kyi/ /'dzam gling skye bo'i rtog dang dpyod pa smra bar ga la nus/ /de bas thar 'dod mkhas pa khyed cag smyon pa de dag dang/ /lhan cig 'dre bar ma byed bag yod gnas par gyis/ /'di ltar de dag snying rje'i yul du bya ba ma gtogs par/ / lam mchog bshad kyang de la 'jug par mi 'gyur bdag gi ji ltar bya/ /ji srid mngon par shes pa ma thob bar du gzhan dag smin par mi nus bse rung gnas par bya/ /bla ma bzang po btsal bya rtag tu mdo sde dag la blta bar bya/ /mdo sde'i don kun las btus pa'i man ngag /slob dpon mkhas pa chen po dpal mar me mdzad ye shes kyi mdzad pa rdzogs so// //rgya gar gyi mkhan po chen po de nyid dang/ zhu chen gyi lo tsA ba dge slong tshul khrims rgyal bas 353a bsgyur cing zhus te gtan la phab pa'o// //mi dge ba bcu'i las kyi lam bstan pa bzhugs// //*/ /rgya gar skad du /da shA ku shA la karma pa tha/ bod skad du/ mi dge ba bcu'i las kyi lam bstan pa/ dkon mchog gsum la phyag 'tshal lo/ /gang zhig bde 'gro thob par 'dod pas spangs par bya ba'i mi dge ba bcu'i las kyi lam rang bzhin gyi kha na ma tho ba dang bcas pa 'di lta ste /lus kyi las ni rnam gsum dang/ /ngag gi rnam pa bzhi dag dang/ /yid kyi rnam pa gsum po dang/ 'di bcu mi dge ba ru gsungs/ 'di rnams rab tu phye nas bshad par bya ste /de la re zhig lus kyis ni srog gcod pa dang/ ma byin pa len pa dang/ 'dod pas log par spyod pa'o/ /dag gi ni rdzun du smra ba dang/ phra ma dang/ dag rtsub po dang/ chig 'khyal pa'o/ /yid kyi ni brnab sems dang/ gnod sems dang/ log par lta ba'o/ /de la srog gcod pa ni /srog chags su gyur pa dang/ srog chags su 'du shes par gyur pa dang/ bsod pa'i sems nye bar gnas par gyur pa dang/ de'i thabs kyang byed pa dang/ srog 'gag par gyur pa ste yan lag lnga po de dag dang ldan na srog gcod pa yin no/ /de lam byin par len ba gang zhe na/ gzhan gyir gyur pa dang/ pha rol gyis yongs su bzung bar yang 'du shes pa dang/ rku ba'i sems kyang nye bar gnas par gyur pa dang/ de'i thabs kyang byed pa dang/ gnas nas bskyod pa ste yan lag lnga po de dag dang ldan na ma byin par len par 'gyur ro/ /'dod pas log par g.yem pa'i rnam pa bzhi ste /yul ma yin