བོད་ཡིག

e-texts based on the ACIP/ALL Input

paN+Di ta de nyid dang/ lo tsA ba dge slong tshul khrims 'byung gnas de ba rtses bsgyur cing zhus te gtan la phab pa// //snying po nges par bsdu ba zhes bya ba bzhugs// //*/ /rgya gar skad du/ /h+rid ya ni krib ta nA ma/ bod skad du /snying po nges par bsdu ba zhes bya ba /dkon mchog gsum la phyag 'tshal lo/ /mngon mtho des par 'byung ster ba/ /dkon mchog gsum la gus btud nas/ /'khor ba'i 'jigs pa sel ba yi/ /snying po bsdu ba bshad par bya/ /'khor ba'i mtshan nyid sdug bsngal dang/ /las dang nyon mongs rnam rtogs ste/ /de dag rgyu 'bras go rim can/ /'khor ba bsdus nas bstan pa yin/ /thar? pa'i mtshan nyid byang chub ste/ /shes rab thabs dang skyod pa dang/ lam lnga dang ni tshogs gnyis las/ /mya ngan 'das pa'i sku gsum 'byung/ /de yang rgyu 'bras go rim can/ /thar pa bsdus nas bstan pa'o/ /khams gsum sdug bsngal rgya mtsho che/ /dpa' brlabs shin tu 'khrugs ba ni/ /dge dang mi dge la sogs pa'i/ /zag bcas las las nges par 'byung/ /de dag gti mug chags sdang sogs/ /nyon mongs rgyu yis bskyed pa ste/ /yid 'ong mi 'od la sogs pa/ /gnyis su 'dzin pa nyid las byung/ /thams cad 'byung ba'i rgyu nyid ni/ /ba dang bdag tu 'dzin las byung/ /gzhan yang 'byung ba'i rgyu nyid ni/ /rtag dang gcig pu khyab la sogs/ /dngos por 'dzin pa'i gdon yin te/ shes rab ldan pas spang bar bya/ /de bas skal ldan skyes bu ni/ /bdag gzhan ma lus grol bya'i phyir/ /mi slu ba yi lung dag dang/ /rten cing 'brel 'byung la sogs pa'i/ /rigs pa gang la goms pa yis/ /dngos por 'dzin pa'i gdon chen po/ /ma lus par ni bzlog par bya/ /'di ltar phyi nad tshes rnams ni/ /mtshan ma kun bral rang bzhin ni/ /nam mkha' lta bur shes byas la/ /rtag tu gom par bsgrub par bya/ /'khor ba thogs ma med pa nas/ /dngos 'dzin gdon gyis bar ma gyur ba'i/ /'gro kun yul du byas nas? ni/ /thams cad rjes su 'dzin pa yis/ /byams chen tshad med sngon 'gro bas/ /sdug bsngal rgya mtsho ske mas byed pa'i/ /snying rje chen po tshad med pas/ /bdag la gzhan don 'grub pa yi// byang chub sems ni rin po che/ /yang dag brtan pa bskyed par bya/ /bdag gzhan 'byor pa bcud ldan pas/ /'khor ba'i chos la yid 'byung bya/ /'jigs pa kun las skyab pa yi/ /skyabs gsum po dang ldan pa des/ /so sor thar la legs gnas bya/ /tshul khrims bzang po dang ldan zhing/ /theg chen rigs yod skyes bu des/ /'gro ba skyabs med skyabs pa'i phyir/ /skyabs su 'gro ba sngon 'gro ba/ /smon pa'i sems ni bskyed par bya/ /lhag pa'i bsam pa dang ldan pas/ /'jug pa'i sems ni bskyed byas pas/ /sngar gyi smon pa'i sems de nyid/ /rgya cher rab tu 'phel bar 'gyur/ /byang chub sems dpa' i spyod pa ni/ /rlabs chen pha rol phyin drug sogs/ /mnyam gzhag yangs pa'i rnal 'byor gyis/ /tshogs kyi lam 'di brtan par bsgrub/ /lam lnga rim gyi bgrod byas te/ /sgrib pa gnyis ni bsal byas nas/ /'di ltar tshogs gnyis rdzogs byas te/ /'bras bu sku gsum 'grub par bya/ /sku gsum sgrub pa'i mtshan nyid kyang/ /chos sku nam mkha' lta bu las/ /brtsal med thugs rje'i sprin byung bas/ /sku gnyis bdud rtsi'i chu rgyun gyis/ /khams gsum tha ba'i rgyud brlan te/ /byang chub snying po'i sa bon las /dge ba'i lo tog smin par 'gyur/ /dus gsum sangs rgyas kyi gsungs pa'i/ /snying po 'dir ni bsdus pa yin/ /'khor ba'i sdug bsngal spod 'dod na/ /de la brtson 'grus 'bad par bya/ /rtsod pa'i dus kyi tha ma la/ tshe thung nad mang longs spyod dman// rkyen ngan bar chad mang po yis/ /yun ring gnas pa'i mthu med pas/ /tshig rjes gcad bar mi nus kyis/ /rigs la gnas pa'i gang zag des/ /bshes gnyen dam pa bsten byas la/ /shin tu brtson pa'i sems kyis ni/ /'khor ba'i sdug bsngal dran byas la/ /bdag gzhan grol bar bya ba'i phyir/ /snying po myur du bsdu bar bya/ /brtse bas 'di byas dge ba yis/ /skal ldan sems can ma lus kun/ /byang chub sems kyi rgyud brlan te/ /snying po myur du sdud par 337a shog /snying po nges par bsdu ba zhes bya ba / slob dpon mkhas pa chen po dpal mar ma mdzad ye shes kyis/ /zhal gnas de bas gi snye thang gtsug lag khang du mdzad pa rdzogs so// rgya gar gyi mkhan po chen po de nyid dang / zhu chen gyi lo tsA ba dge slong tshul khrims rgyal bas bsgyur cing zhus te rtan las pha ba'o// //byang chub sems dpa' i nor bu'i phreng ba bzhugs// rgya gar skad du bo d+hi satwa ma Ni a ba li/ /bod skad du / byang chub sems dpa' nor bu'i phreng ba thugs rje chen po la phyag 'tshal lo/ /dang pa'i lha la phyag 'tshal lo/ /bla ma rnams la phyag 'tshal lo/ /the tshom thams cad rnam spangs shing/ sgrub la nan tan ces su bya/ /gnyid rmugs le lo spang bya zhing/ /rtag par rtson 'grus 'bad bar bya/ /dran dang shes bzhin bag yod pas/ /dbang po'i sgo rnams rtag tu bsrung/ /nyin mtshan dus gsum yang dang yang/ /sems kyis rgyud la brtag par bya/ /bdag gi nyes pa bsgrags bya zhing/ /gzhan gyi 'khrul pa btsal mi bya/ /gzhan gyi yon tan bsgrag bya zhing/ /bdag gi yon tan sba bar bya/ /rnyed dang bkur sti spang bya zhing/ khengs grags rtag tu spang bar bya/ /byams dang snying rje bsgom bya zhing/ /byang chub sems mi brtag par bya/ /mi dge bcu po spang bya zhing/ /rtag tu dad pa brtan par bya/ /'dod pa chung zhib chog shes dang/ /byas pa drin du gzo ba dang/ /khro dang nga rgyal gzhom bya zhing/ /dman pa'i sems dang ldan par bya/ /logpa'i 'tsho ba rnam spangs shing/ /chos kyi 'tshe bas 'tsho bar bya/ /zang zing thams cad rnam spang zhing/ /'phags pa'i nor gyi