བོད་ཡིག

e-texts based on the ACIP/ALL Input

bslab pa me tog snyem zhes bya ba rnam sga? srung bar mdzad pa bzhugs so// //*/ /rgya gar skad du/ shik+Sha ku su ma many+dza ri nA ma/ /bod skad du/ bslab pa me tog snye ma zhes bya ba/ /dpal 'jam pa'i dbyangs la phyag 'tshal lo/ /shin tu g.yo ba'i kun rtog rlabs kyis mi 'khrugs pa yis zab gyur cing/ /rnam par 'phro ba'i sna tshogs yon tan 'byung gnas nyid dang de bzhin du/ sna tshogs thabs kyi sa ma lus 'gro don phun sum tshogs pas rgya che ba'i/ /mtsho 'dra'i sangs rgyas gang yin de la 'chi med don du skyabs su mchi/ /gal te lus dang long spyod dang ni dge ba gsum/ /btang dang bsrung ba dang ni ngag dang spel ba rnams/ /gzhan don brtson pas nges par byed par 'dod 'gyur na/ /bla med bslab pa kun las btus pa la brten bya/ /mdo sde rin chen sna tshogs kyi/ /rgya mtsho chen po gcig po yis/ /brlab kun bsdus pa 'di mthong na/ /sred pa kun nas gcod par byed/ shin tu rgyas bas 'jigs pas na /bdag 'dra'i sems kyi rgyud dag la/ /de yi gzugs brnyan 'char ba ni/ /bde blag tu ni 'dir mi 'byung/ /de phyir rang gi sems kyi rgyud/ /dag pa tsam gyi don gyi phyir/ /bdag gi dran pa las 'ongs pa/ /cung zad btus te bri bar bya/ /'phags pa zhi pa'i lha gang gis/ /bshad bya thams cad mtshon byed pa'i/ /gang zhig bslab btus 'grel pa ni/ /yod pa'i tshigs bcad gcig gsungs pa/ /'di lta ste/ bdag gis lus dang long spyod dang/ /dge ba dus gsum bsags pa rnams/ /sems can kun la btang ba dang/ /de bsrung dag pa spel ba'o/ /lus ni 'di ni rab grags pa'i/ /'di ltar phung po lnga po'o/ /long spyod nyer mkho thams cad de/ /de'i gnas pa yi rgyur gyur pa'o/ /dge ba legs pa thams cad de/ /'das dang ma 'ongs da ltar ba'o/ /btang ba la sogs rnam pa bzhi/ /de dag so so nas bstan te/ /snying po med pa snying blang phyir/ /gus pas sbyin par bya ba yin/ /lus sogs snying po med pa 'di/ /mngon sum dang ni lung gis grub/ /ji skad du /gang zhig byin de nyams min te/ /gang zhig khyim na gnas de nyams/ /gang de khyim nas mya ngan rgyu/ /gang zhig byin de bde 'byung byed/ /gang zhig byin de bde 'gro ba/ /mtho ris kyi ni skas su gnas/ /gang de khyim nas ngan 'gro der/ /sdug bsngal yang dag 'byung ba'i rgyu/ /gang da khyim nas yun ring du /'khor ba'i lam du ltung bar byed/ /gang byin de ni thar pa yin/ /grong khyer lam na ston par byed/ /khyim gnas gang de 'khor ba yi/ /dug gi sdong bu 'phel bar byed/ /gang zhig byin de nyon mongs pa'i/ /dgra yi phyogs rnams sel bar byed /khyim gnas gang de pha rol gyi/ /khang pa'i sgor ni 'gro ba'i rgyu gang zhig byin de 'dod pa las/ /gang ba'i khang bzang 'byung ba'i rgyu/ /ser snas bcings pa las byung ba'i/ /de ltar skyon rnams mthong nas ni/ /'gro ba'i don ni bsgrub pa'i phyir/ /sbyin pa la ni goms par bya/ /rim gyis goms pa 'phel ba las /byang chub sems dpa' i snying rje'i gter/ gang zhig mgo dang rkang bar gyi/ /lus ni sbyin par byed pas na/ /de la rmi lam rgyu mtshungs pa'i/ /sdug pa'i bu la sogs pa dang/ /de bzhin longs spyod thams cad la// sbyin mi bya ba yod dam ci/ /khyi dang wa dang stag sogs kyi/ /zas su 'di dag gsal par ni/ /yang dag mthong bas/ 'dod rnams la/ lus ni sbyin par cis mi bya/ /gzhan la btang ba'i rang bzhin 'di/ /lam du mkhas pa rnams kyis bsten/ /'gro ba'i don ni rab sgrub ched/ /gzhan dag de yis mngon ma gzigs/ /de bzhin gshegs pa'i yon tan tshogs/ /rin chen rgyan ni dran pa dang/ /ser sna'i nyes pa rnams mthong ba/ / gnyis po sbyin pa la 'jug rgyu/ /de dag ni sbyin pa'i pha rol tu phyin pa'o/ //de ni sbyin par gyur kyang ni/ /bsrung ba dag ni ma byas na/ /lus sogs longs spyod du mi 'gyur/ /des na bsrung ba rnams bya'o/ /'gro ba'i don rnams bsgrub don du/ /longs spyod nyid du bya ba'i phyir/ /lta mdzes shing gi sa bon bzhin/ /snying rje'i bdag nyid can gyis bsrung/ /gzhan du dus mi shes pa yis/ /smin par ma gyur byang chub kyi/ /sems kyi myu gu nyams pa yis/ /ji ltar 'dod pa'i 'bras ster 'gyur/ /lus kyi bsrung ba gang zhe na/ /gzhan la gnod pa spong ba ste/ /de ni bdag cag chags bral pas/ /de ni dam chos yongs bzung dang/ /dge ba'i bshes gnyen dam pa rnams// ji bzhin rtag tu bsten pa dang/ /sems can kun la brtse ba las/ /'byung bar mdor bsdus nas ni brjod/ /gnod par 'gyur ba gzhan rnams kyi/ /bya dang bya min blta ba dang/ /nyes pa med par gnas pa la/ /lus dang sems dang ngag gis ni/ /nyes pa nye bar 'dogs pa dang/ /de bzhin gzhan la gnod sems dang/ /yang dag byang chub seMs bskyed la/ /mi snyan rjod par byed pa dang/ /sdig can 'di ni blta min zhes/ /gang zhig ma dang khro sems kyis/ /byang chub sems dpa' la ni gdong/ /phyir phyogs par ni byed pa dang/ /chags pas 'dod rnams la zhen dang/ /sdig pa'i grogs po'i rjes 'jug dang/ /dge ba'i bshes gnyen spong ba dang/ /'jig rten chos la 'bris byed dang/ /tshul bzhin ma yin rab ldan pa'i/ /sbyin pa la sogs gnod pa nyid/ /sgrib pa thams cad yongs dag pa'i/ /mdo las rab tu rtogs bya ste/ /'di ltar/ sbyin pa gtong na bdag nyid ni/ /gcig pu kho na gtor byed ces bdag nyid nga rgyal ldan pa yis/ /ser sna can la brnyas 'di dang/ /tshul khrims srung bar byed pa na/ /tshul khrims 'chal rnams la bsnyas shing/ /bdag nyid tshul khrims ldan rig phyir/ /de skyon 'jig rten la brjod dang/ /bzod pa goms par byed pa na/ /bzod med rnams la snyas byed cing/ /bdag nyid kho na sangs rgyas nyid/ /thob 'gyur zhes pa'i blo ldan dang/ /de bzhin brtson 'grus bsam gtan dang/ /de bzhin yang dag byang chub kyi/ /rgyur 'gyur dam chos gzhan la yang/ /gang zhig mdo sde gcig nyid la/ /legs zhes rab tu brjod pa dang/ /tshigs bcad gzhan dang tshig gzhan dag /gsal bar gang zhig brjod pa dang/ /shes rab nyid la sbyor byed kyi/ /lhag ma'i pha rol phyin pa min/ /de lta'i shes rab 'chal rigs kyi/ /spyod pa yang ni blta bar bya/ /'dod yon lnga yi rol pa yis/ /byed pa'i chos ni smra ba la/ /spyod pa ldan par gnas min zhes/ /gang zhig yid kyis sems byed pa/ /de lta'i gnod dang yang de yis/ /rnam smin ches ni rtsub pa la/ /sna tshogs thams cad 'dod pa las/ /mkhas pa rnams kyis dang bar bya/ /dam chos dran pa nyer bzhag pa/ /la sogs mdo sde rnams la ni/ /gus dang g.yo ba med pa yi/ /sems kyis nges par blta ba yis/ /gnod pa dang ni spong ba la/ /gus pa yang ni bsgrub phar bya/ /rang ni don 'gros 'jigs skrag nas/ /mthong dang ma mthong don sgrub phyir/ /stas? pa'i dge ba'i bshes gnas pa'i/ /sems can rnams la thams cad du/ /nam yang khong khro ba dag gi /skabs ni rab tu dbye mi bya/ /gang phyir dpa' bar 'gro ba'i mdor/ /gzigs pa nyams med sangs rgyas kyis/ /bla med byang chub chen po ru/ /sems can thams cad lung bstan to/ /byang chub sems dpa' gzhan dag gi /spyod pa la ni smad mi bya/ /sems can rnams kyi spyod pa ni/ /'phags min mig gi spyod yul min/ /gang zag gzhan gyis gang zag gzhan/ /tshad 'dzin par ni byed pa dag /rang gis rang nyid nyams byed par/ /de bzhin gshegs pa nyid kyis gsungs/ /mchod rten skor ba bya ba dang/ /yon gnas rnams dang 'dris pa dang/ /de bzhin phyi ma'i dus su ni/ /dam pa'i chos ni 'dzin pa yis/ /sman pa nad pa sman dang ni/ /mi bzad nad kyi 'du shes kyis/ /dge bshes bdag nyid dam chos dang/ /nyon mongs rnams la rig par bya/ /gnod pa yongs su spang don du/ /bag yod pa ni yongs su bzung/ /rnyed dang bkur sti mi 'dod par/ / brjod cing kun dga' ra sogs yang/ /de la bag ni yod pa ni/ /bag yod pa ni mdor bsdu na/ /gang zhig rang sems 'dul ba dang/ /gzhan sems rjes su 'jug pa ste/ /phun sum tshogs pa kun gyi phyir/ /skye bo ngan pas brten pa yi/ /rnyed dang bkur sti la gzhol yid/ /myur du 'bigs par byed pas na/ /tsher ma dang mtshungs mkhas pas spang/ /'phral du phying bar byed nyid kyis/ /'dam gyi 'du shes kyis zhes bya/ /dran pa'i rin chen nyams byed phyir/ /tshom rkun gyi ni 'du shes bya/ /tshul khrims kyi pha rol tu phyin pa la gnod pa spong ba'o// //gnod pa spong ba tshul khrims te/ /de ni dran pa nyer gnas las/ /zhi gnas mi nyams rgyur 'gyur ba'i/ / dran pa bcu gnyis dag tu gsungs/ /sangs rgyas bka' las 'das byung ba'i/ /rnam smin la grub dran pa dang/ /lus mi g.yo ba gnyis gnas pa'i/ /dran pa yang ni gzhan yin no/ /shin du ma dad pas byas pa'i/ /sbyin sogs dam pa'i dran pa dang/ /spyod lam dang ni thams cad la/ /gus par bya zhes dran pa dang/ /gzhan gyi don la mi mkho ba'i/ /yan lag dag ni 'dir mthong na/ /de che bsdus nas slar yang de/ /gzhan gyi don sbyor dran pa dang/ /sems kyi glang chen myos pa ni/ /zhi gnas kyi ni ka ba la/ /rtag tu gdags pa'i dran pa yang/ /'di ni drug par gsungs pa yin/ /ji tsam dag gi sgra yis ni/ /nyan pas don ni nges 'gyur ba/ /de las lhag ba don med pa'i sgra mi brjod pa'i dran pa yang/ /spyod lam lhag pa gang zhig la/ /bsrung ba'i don gyi dran pa gzhan/ /dran pa lhag ma mdo yi ni/ /rjes su 'brangs nas shes par bya/ /gang zhig sgo bsrungs gyur pas nyon mongs dang/ /bdud rnams dag gis zil gyis mi non cing/ /lam min lam ngan dag tu mi ltung ba'i/ /yang dag dran pa zhi gnas kyi ni rgyu/ /dran pa gang zhig phul byung nyid/ /shes bzhin zhes ni brjod pa ste/ /gang zhig lus dang sems la ni/ /yang dang yang du rtog pa po/ /dran pa dang ni shes bzhin las/ /ting nge 'dzin kyang 'byung bar 'gyur/ /ting 'dzin zhi gnas la gzhan min/ /tshul khrims de med par mi 'byung/ /gang phyir ting 'dzin tshul khrims las/ /'byung bas ting nge 'dzin gyi rgyu/ /sbyor bas gzhan dag gsungs pa rnams/ /thams cad tshul khrims khongs su 'dus/ /de phyir dran dang shes bzhin dag/ ldan pa ting 'dzin don gnyer bya/ /tshul khrims 'dod bas zhi gnas la/ /rtag tu 225a gus pas? 'brad par bya/ /tshul khrims kyi pha rol tu phyin pa las lus bsrung pa'o// //lus bsrung ba yang bya ba'i phyir/ /long spyod kyang ni bsrung bar bya/ /long spyod rnam pa gnyis yin te/ /gos dang kha zas dbye bas so/ /de la zas srung gang zhe na/ /kha na ma tho med pa gang/ /de dang gzhan ni kha gsag dang/ /tshul 'chos dang bral bsod snyoms so/ /gang tshe rgyal ba'i sras 'di ni/ /bsod snyoms la ni rgyu ba na/ /de tshe blo dang ldan ba des/ /blo ni rnam gsum bskyed bya ste/ /lus la chos 'dzin blo dang ni/ /lus kyi srin bu gso ba dang/ /gzhan yang sbyin ba dag rjes su ni/ /gzung ba'i blo ni bskyed bar bya/ /gang zhig gzhan gyi don du ni/ /longs spyad byas na de bsrung yin/ /gang gis rang nyid kho na spyod/ /de las nyon mongs ltung bar 'gyur/ /gzhan yang gzhan la zhen pa yi/ /sems kyi 'dod bas gzhan gyi nor/ /yongs su longs spyod byed pa gang/ /nyon mongs min ba'i ltung bar 'gyur/ /gyi zhes nas ni rang gi nor/ /gang gis longs ni spyad gyur na/ /de ni rang lto 'gengs pa ste/ /brkus pa yi ni ltung bar 'gyur/ /de phyir sems can don la ni/ /brtson pas dam chos 'dzin pa'i lus/ /'di ni gnas par bya ba'i phyir/ /yongs su longs spyod byed pa yin/ /sangs rgyas kyis gnang chos gos las/ /lhag pa blo ldan gyis mi gzung/ /bstan pa'i rgyal mtshan bsrung don du/ /ma gnang blo ldan gyis ming gtang/ /'dir ni sems can mang po yis/ /smad pa yongs su bsrung ba'i phyir/ /slong par byed pa 'ga' la yang/ /chos gos gsum po sbyin mi bya/ /de dag ni longs spyod bsgrub? pa'o// //rnam par smin pa mi bshed? pas/ /dge ba kun du bsrung ba 'gyur/ /'jig rten pa las bsgraD @225b min bar/ /byas te mi dga' i las bzhin no/ /de bzhin du / nga rgyal med kyang rtag par ni/ /rnyed dang bkur sti yongs spong dang/ /sems can kun la dang ba yis/ /dge ba kun tu bsrung bar 'gyur/ /'di ltar yang /khengs pa med par gyur na ni/ /bde gshegs yon tan ngang gis 'byung/ /ri bo yongs su spangs nas ni/ /chu bo rgya mtshor 'bab pa bzhin/ /zhe sdang dbang du gang gyur pa/ /ngan 'gror 'gro dang dman pa yi/ /rigs su skye ba yongs 'dzin dang/ /mi khom ba? rnaMs yongs su 'dzin/ /ma dad pa ni zhe sdang ste/ /khong khro zhes pa ming gzhan na/ /gang zhig bskal pa du ma ru/ /bsags pa'i dge ba 'joms pas so/ /de phyir 'joms par brtson pa yi/ /sems can la yang dang bya ste/ /skye bo'i tshoD chen bsdigs byed pa'i/ /rgyal po'i skyes bu gcig bzhin du/ /shin tu phyi thag lta byed pa/ /de yis 'di gcig la yang mthong/ /gang phyir skye po'i tshogs chen gyi/ /rgyal po che dpung de yi dpung/ /rgyal po khros pas 'dir ni dmyal bar byed nus sam/ /de bzhin gal te gus pas bde gshegs nyid mtshungs 'di ltar ram/ /de bzhin sems can mgu pa las byung sangs rgyas lta zhog gi /de ltar rang nyid snyan dang skal ba bzang ba ma mthod dam/ /gang zhig mgu las srid gsum mtsho yi pha rol son gyur cig /sngon gyi rgyal ba'i yon tan yun mi ring bar rdzogs/ /blo dman rnams kyis gzhan dag mgu mi byas pas dmyal ba thob/ /des na legs 'dod bdag ni sems can rnams la cis ni 'dud/ /de bzhin dug /sems can rnams la phun? sems shing/ /snyan pa chen po smra byed pa/ /rten pa zhes nas 'jug pa dang/ /bden pa smra par dga' ba ni/ /skye ba kun tu skyes tsam gyis/ /ngang gis 'byung ba dag dang ni/ /yang dag rdzogs pa'i byang chub sems/ /'bad pa med par skye bar 'gyur/ /de dag ni dge ba bsrung ba'o// //'dir yang da ni lus kyis yang/ /yongs su dag pa brjod par bya/ /de yang/ mdor na lus kyi sdig pa ni/ /zad dang nyon mongs spyad ba'o/ /bskal pa du mar bsags ba yi/ /sdig pa zad par byed pa'i rgyu/ /chos bzhi'i mdo las brten pa yi/ /chos bzhi yongs su gzung bar bya/ /de la chos bzhi ni /sun 'byin kun tu spyod pa dang/ /gnyen po yongs su 'dzin pa dang/ de nas nyes pa las ldog stobs/ /de nas rten gyi stobs dag go /mi dge'i las ni byas pa na/ /sems ni 'gyod par byed pa nyid/ /sun 'byin kun du spyod pa ste/ /de nyid sdig pa bshags pa'o/ /de la sun 'byin pa kun tu/ /spyod pa 'di ni bsgom par bya/ /lus dang sems dang ngag rnams kyis/ /bdag gis mi shes gang bgyis pa/ /mgon po rnams kyi mdun gnas te/ /sdig pa de dag bshags par bgyi/ /mdo sde rgyal po gser 'od dam pa las/ rab tu gsungs pa'i bshags pa de dag gis/ /bla ma sangs rgyas byang chub sems dpa' la/ /'gyod pas bdag gi 'khrul pa'i sdig gshags bya/ /bral bar bya ba 'dod pa yis ltung ba thams cad bshags par bya/ /dug dang bcas pa'i kha zas ni/ /ma skyugs bde ba'i rgyur mi 'gyur/ /de yang lce dang yang ba dang/ /'dir ni ltung ba gnyis su 'dod/ /de la zhe sdang las byung ba/ /lci zhing chags las byung ba yang/ /rang bzhin kha na mtho lci/ /bcas pa yi ni spang ba'o/ /gang phyir sdong dang chags pa las/ /sems can gtod dang 'dzin pa'i rgyu/ /zhe sdang las skyes rgyal sras kyi/ /thabs su gyur pa ma yin gyi/ /gnod pa chen? po'i rgyu yin par/ /'gyur ba nyid du the tshom med/ /gang phyir kun sdud shes pa ni/ /thabs su mdo rnams las ni mthong/ /shes rab kyis ni de yongs gcod/ /des ni de ltar gnyis ka min/ /gang tshe chags skyes sangs rgyas nyid// myur du mi 'gyur chug na yang/ /gal te thabs la mkhas pa yis/ /sngon gyi sems can bsdus gyur na/ /tshangs pa yi ni 'jig rten du/ /skye bar 'gyur ba gang gis zlog /gal te min na dus ring du/ /ngan song dag tu skye par 'gyur// gal te de tshe gzhan don du/ /longs spyod kyi gzhan bud med dang/ /chos kyi rgyal mtshan can gzhan la/ /'dod pa log par spyod mi 'gyur/ /gal te dmyal ba'i sdug bsngal yang/ /bsran pa rang gis khas blangs pas/ /gzhan gyi srog ni bsrung ba'i phyir/ /de tshe nyes pa 'byung mi 'gyur/ /ji ltar khye'u skar rgyal ni/ /snying rje'i dbang du gyur pa yis/ /chags pa'i skal ldan mchog la ni/ /srog bsrung don du bzhugs pa bzhin/ /tshangs par spyod pa la sogs pa'i// chos kyi rgyal mtshan can rnams la/ /rnam pa gzhan du byas pa yis/ /de las 'jug ba rigs ma yin/ /gzhan la gnod pa bzlog pas na/ /khro ba 'di las thal ba min/ /bag chags sa bon bsags pa dang/ /skabs phye ba las snying rje nyams/ /gzhan yang mi dge ba las bzlog na 'ang gal te na/ /byang chub sems dpa' la ni yid byung na/ /rtag tu ngan 'gro'i sar ni 'gro 'gyur te/ /de yis bdag gzhan gnyi ga'i bya byas min/ /'on te thabs bral rang bzhin gyi/ /chags pa la yang skyon 'di yin/ /gang phyir bdag bde la zhen bas/ /gzhan gyi sdug bsngal btang snyoms 'dor/ /de ni ma yin te/ gang gis rang gi sdug bsngal bzhin du gzhan sdug bsngal/ /snying rje dman pas mdza' gcig tu ni goms ma byas/ /de ni rang gi bde la zhen pas gzhan sdug bsngal/ /dus mdza' yas su btang snyoms 'dor bar byed pa bden/ /de dag ni sun 'byin pa kun du spyod pa'o// // sdig pa'i las ni byas gyur kyang/ /slar yang dge pa'i don brtson pa/ /sangs rgyas dmigs pa la sogs pa/ /gnyen po kun du spyod pa yin/ /'di lta ste /byang chub sems ni bskyed pa dang/ /de bzhin rgyal ba'i gzugs brnyan dang// bcom ldan 'das la phyag 'tshal dang/ /sangs rgyas mya ngan 'das pa yi/ /mchod rten me tog 'bul ba dang/ /khyad par du ni khyim gnas las/ /nges 'byung tshul khrims rdzogs pa dang/ /bde gshegs la ni mchod byas pa'i/ /dman ma sel bar byed pa dang/ /byug pa 'am mar me chu snyim gang/ /dbul ba me tog gcig 'dogs pa/ /yang dag rgyal ba yis gsungs pa/ /rgyu rkyen dag dang ldan pa yi/ /chos rnams gal te shes gyur na/ /ngan song dag tu 'gro mi 'gyur/ /mig gnyis btsums nas yid kyis ni/ /mdun du sangs rgyas dmigs byas te/ /gsang sngags rgyal po yi ge brgya/ /stong phrag brgyad du bzlas par bya/ /gang na rtse gcig yid kyis ni/ /skul byed ma yi gzungs sngags dag /ji srid sdig pa zad pa'i rtags/ /rmi lam ma mthong bar du bzlas/ /'di lta ste /zas ngan dag ni skyugs pa dang/ /zho dang 'o ma za ba dang/ /nam mkha' la ni 'gro ba dang/ /nyi zla dag kyang mthong ba dang/ /rmi lam du ni mi dag las/ /rgyal na sdig pa zad shes byas/ ma he dang ni de bzhin du/ /skyes bu nag po 'ang? mtshon byed yin/ /sman gyi bla ma baiDUrya/ /'od kyi rgyal po de bzhin gshegs/ /ji bzhin yid la byed pa na/ /mi dge rnams ni zad par 'gyur/ /de dag ni gnyan po kun tu spyod pa'o// //slar yang sdom ba 'dzin pa ni/ /mi mthun las ldog stobs brjod do/ /gang zhig mi dge ba yi las/ /slar yang sdom pa'i bdag nyid do/ /de dag ni mi mthun pa'i phyogs las ldog pa'i stobs so/ /de la rten stobs sangs rgyas dang/ /chos dang dge 'dun la brten dang/ /de bzhin mi phyed dad pa yis/ /byang chub sems la brten pa ste/ /dkon mchog gsum la cho ga yis ni skyabs su song gyur pa'i/ /ches mang 'bras bu gang yin phag mo'i rtogs pa brjod pa las shes bya/ /gang zhig byang chub sems la brten pa las byung 'bras bu dag /de ni sna tshogs mdo rnams dag ni bltas pa las shes bya/ /de dag ni sdig pa sbyangs pa ste tshul khrims kyi pha rol tu phyin pa'o// //gang phyir mi bzod thos sogs la/ /brtson 'grus nyams par gyur pa yin/ /de phyir mi skyo brtson pa yis/ /thos pa spel phyir bzod pa bya/ /gang phyir thos pa ma gtogs par/ / bsam gtan spyod yul thabs me gtogs/ /des na skyo ba med yid kyis/ /'bad pas thos pa btsal bar bya/ /gang phyir gong dang 'dres pa na/ /spyod lam shes par gyur kyang ni/ /mnyam gzhag yang dag skye min pa/ /de nas nags su gnas par bya /nags suAng g.yeng bzhi med na/ /sems ni mnyam par 'jog mi 'gyur/ /nges na mkhas pa dag gis ni/ /mnyam par bzhag la sbyar par bya/ /nyon mongs spyang pa las gzhan pa'i/ /mnyam gzhag 'bras bu yod ma yin/ /de phyir nyon mongs rnam sbyang phyir/ /mi sdug la sogs bsgom par bya/ /nyon mongs dag ni sbrang ba'i phyir/ /de ltar mdor bstan tshig rnams gsungs/ /da ni nyon mongs sbyang ba'i phyir/ /rgyas par yang dag brjod par bya/ /gang zhig dngos po bzod pa ste/ /de yang rnam pa gsum du dbye/ /sdug bsngal gzhan gyis gnod byas dang/ /chos la yang ni skye bar 'gyur/ /phal cher mi 'dod byung ba dang/ /sdug dang bral dbyung las sdug bsngal/ gang zhig sdug bsngal las 'jigs pa/ /de bzod mi mthun phyogs su 'dod/ /de la sdug bsngal dang du lan pa'i bzod pa bsgom pa'i rim pa ni 'di yin te/ /sdug bsngal rab sel byed pa yi/ /kun mkhyen rin chen 'dod pa na/ chung du bzod pas rim gyis ni/ /gnod pa drag po bzod 'gyur te/ /re zhig shin tu dman pa'i 'bras bu yi/ /dang po la ni zhen pa'i sems/ /nya pa zhing pa la sogs pa/ /gnod pa bzod par byed mthong na/ /bdud kyi khar chud gyur pa yi/ /'gro ba bcings pa dgrol ba yis/ /yang dag dam bcas byas pa dag / sdug bsngal mthong bas ji ltar ldog /gang zhig gnod ma byas kyang dgrar gyur zag pa yis/ /dgra bo gzhom phyir skad cig kyang ni khro ba ru/ /mi byed pa de dag gi rigs pa'i dngos min zhing/ /gang zhi dgra ma thub pa nga rgyal can dngos min/ /shin tu dus ring dag tu sdug bsngal gyis thob pa'i/ /dge ba'i nor ni 'phrog pa dag tu brtson gyur zhing/ /bsran pas bdag gi sdug bsngal tshor ba'i rgyur gyur la/ /gzhom par 'dod bci'i phyir na 'byung mi 'gyur/ /ji ltar mdza' gcig tu ni rim gyis goms pa phul byung stobs dag las/ /mi rnams la ni sdug bsngal la yang bde bar 'du shes stobs ldan 'byung de bzhin yang dag byang chub gzhol ba'i yid can 'di dag la/ /sdug bsngal la yang mtshungs med bde bar 'du shes 'byung bar 'gyur ba nyid/ /yab sras mjal ba'i mdo las ni/ /de yi rgyu mthun 'bras bu gsungs/ /chos kun bde ba gnas pa zhes/ /bya ba'i ting nge 'dzin yod de/ /ting 'dzin de ni thob tsam gyis/ /dmigs pa'i dngos po thams cad la/ /byang chub sems dpa' bde ba yi/ /tshor pa nyid 'byung gzhan du min/ /'di ltar/ mgo bo gcod par byed pa 'am/ /de bzhin rkang lag la sogs pa/ /sba yis gzhu ba byas kyang ni/ /bde ba'i 'du shes 'ba' zhig 'byung/ /dmyal ba dang ni mi yi 'am/ /sdug bsngal dag ni byed pa na'ang/ /gshed ma rnams la dga' ba ni/ /mngon du byed pa 'byung bar 'gyur/ /bdag la lus can 'di kun gyis/ /gal te 'bigs sam gcod byed pa/ /de lta na 'ang gnod pa'i sems/ /bdag gis bya ba'i rigs min te/ /gang phyir bdag la sems can gyis/ /gnod byas dmyal pa'i sdug bsngal la/ /stong phrag dag tu byas pa yi/ /chad yang phod pa ma yin no/ /gnod sems dag ni 'byung ba'i rgyu/ /bdag nyid la chags bkur ba dang/ /chen por mngon par zhen pa ste/ /de yi gnyen po bzod par 'dod/ /bdag gi dag dang bshes kyi dgra/ dgra bo'i bshes las 'gyur ba yi/ /gnod sems rgyu dgu las byung ste/ /re re dus gsum dbye bas so/ /de dag ni bzod pa'i pha rol tu phyin pa'o// //de ltar bzod pa la gnas pas/ /thos pa la ni brtson 'grus brtsams/ /gang phyir thos las shes rab ste/ /shes rab las ni nyon mongs spong/ /de yang rnam pa brgyad cu yis/ /thos pa gong du 'phel bar 'gyur/ /de la 'dun pa'i rnam pa dang/ /gzhan yang rten gyi rnam pa dang/ /gzhan yang lhag bsam rnaM? ba dang/ /sbyor ba'i rnam pa zhes bya dang/ /sems ni dga' ba'i rnam pa dang/ /chog shes pa yi mtshan nyid dang/ /dran pa skyed pa'i rnam pa dang/ /gtod pa sbel ba'i mtshan nyid dang/ /gzhan yang sangs rgyas chos kun la ? mi 229a ngoms pa yi rnam pa dang/ /ma thos nyan pa'i mtshan nyid dang/ /sngon shes nyan pa'i rnam pa dang/ /de bzhin sdug bsngal stong pa dang/ /mi sdug bdag med zhi rnams dang/ /rang sems bsrung ba'i rnam pa dang/ /brtson 'grus spel ba'i rnam pa ste/ /'di yang rgyas par 'phags pa ni/ /blo gros mi zad mdor shes bya/ /thos pa nyid la chos kyi ni/ /cho ga shes bya ba ming gzhan yin/ /gang tshe yongs su sbyin pa ni/ /de nyid ye shes tshogs yin te/ /chos kyi tshogs kyi sbyar ba yis/ /mthun rgyu dag tu brjod pa ni/ /don nyung bya ba nyung nyid dang/ /smra ba nyung la mngon dga' dang/ /yang dang yang du thos pa'i don/ /sems shing chos la gzhol nyid dang/ /sems dang ba dang yo byad dag /nyung? la mngon par dga' ba dang/ /dgon par mngon par phyogs pa dang/ /gzhan yang cig pur dga' ba dang/ /dran mi nyams dang rtag tu ni/ /gtong dang tshul khrims phyogs dga' dang/ /chad pa lugs kyi bstan bcos sogs/ /gang yang rol mo'i bstan bcos dang/ /'jig rten rgyad pan pa dag gi /bstan bcos kun ni yongs spong ba'o/ /de dag ni brtsan 'grus kyi pha rol tu phyin pa'o// //drag shul tsan gyis zhus pa las/ khyim sogs nyes pa'i phung por ni/ /mthong nas thos pa ldan pa yis/ /de nas na gsu gnas par bya/ /khyim gnas rmongs pa 'di ni bu dang nor dang chud ma la sogs pa/ /dga' ba'i sbyor bas sems g.yengs gyur bas rab tu zhi ba gal 'gyur/ /de bzhin sangs rgyas rnams kyi rga dang 'chi med zhi zhing mtshungs med pa'i/ /go 'phang bdag gzhan phan pa phun tshogs gnas gyur pa yang thob 'gyur ram/ /nor dang chung ma bdag nyid zhes pa 'ching ba dam pa'i gsum po 'di/ /zhen pa @229b med cing lhan cig skyas? pa rtogs pa'i gnas la gnas pa ste/ /'di rnams la ni gang zhig gang tshe gang gis ji ltar skye bar 'gyur/ /min pas snying po med pa nyid du shes pa'i dpyod pa ste stobs ldan/ /thos pa ldan yang rnyed sogs la/ /zhen na sems spyod mi 'gyur te/ /de tshe ltar bcas 'jig rten na/ /de ni gcig tu bslus pa'i mchog /ji ltar rgya mtsho chen por khyer ba yi/ /mi shes skye bo skom pas dus byed ltar/ /de bzhin dal 'byor thob nas skad cig kyang/ /sems ma sbyangs na 'og tu 'gro bar 'gyur/ /mkhas pa rnams kyis byis pa rnams ni 'thab mas bskrad pa ma yin te/ /gang phyir mkhas pa rnams ni snying rjes bkur stir byas nas de dag gtong/ /de bzhin sgug pa rnams la dang po mtshungs par bde ba nyer bstan nas/ slar yang dgra byed gang yin de dang lhan cig dga' bar gal 'gyur/ /de phyir nyon mongs spangs pa'i phyir/ /'jig rten pa dang 'dre pa spag/ /de dag nyid ni sems can gyis/ /dge ba mngon par 'phel ba'i rgyu/ /yang ni gal te skal mi mnyam pa'i sems can gyi/ /tshogs la rjes su chags las 'khor 'dod yid 'byung zhing/ /rnyed dang grags pa'i rgyu phyir 'dud par gyur na ni/ /nags 'di yang ni khyim dang khyad par med min nam/ /bsod snyoms rgyu ba'i yul dag dang/ /shin tu ring ba ma yin zhing/ /nye ba yang ni ma yin pa'i/ /nags de dag tu gnas bya ste/ /yul gang na ni dri ma srog chags las byung ba'i/ /skyon dang bral ba'i chu dag kyang ni yod pa dang/ /gang na 'bras bu'i lcing kyis dud pa'i shing yod cing/ /gdug pa'i sprul dag dang ni bral ba'i phug yod pa/ /de ru 'di ni nyin dang mtshan du yang ni gsung rab 'don pa dang/ /slar sngags gang yin de ni slar yang rigs pa'i tshogs kyis dpyod par byed/ /de nas bsod nams las byung mtshan ma rnams ni 'dzin par byed gyur cing/ bying dang rgong pa'i dug dang bral bas rang gi sems la dga' ba bskyed/ /rgyal po 'am ni rgyal buAm/ /bram ze 'am blon po la sogs pa/ / dge slong dgon pa pa dag gi /drung du 'ongs par gyur na ni/ /nges ni de la gus pa yis/ /legs par byon nam zhes bya dang/ /ji ltar bshams pa'i stan dag la/ /rang gis mkhyen bzhin bzhugs zhes bya/ /rgyal po 'greng na ? bstan las/ /bdag nyid kyang ni 'greng bya la/ /bzhugs na 'dug par byas nas ni/ /dga' bar byed pa'i btam bya ste/ /skal ldan khyod kyi yul du ni/ /thos mang tshul khrims ldan pa yi/ /dge spyong bram ze la sogs pa/ /rtag par bde bar gnas lags zhes/ /gal te bstan zhing dul ba dang/ /dbang po kun ni zhi gyur na/ /las dang rjes su mthun 'byung ba/ /rnam smin bcas pa'i gtam bya'o/ /gal te rgyal po yid byung ldan/ /yid byung rjes mthun pa brjod pa'am/ /zab dang rgya che'i mtshan nyid kyi/ /sangs rgyas kyi ni che ba brjod/ /byang chub sems dpa' nags phyin na/ /yang ni 'di ltar bsam bya ste/ /bdag ni khyim gyi gnas spangs nas/ /ci yi don du nags su 'ong/ /lha la sogs pas mchod bya'i dge slong go 'phang ni/ /gal te nags su gnas pa tsam gyis 'dir 'byung na/ /nags cha rgyu ba'i spre'u dang chom rkun seng ge rnams/ /de dag kyang ni dge sbyong go 'phang yon tan gyis brgyan 'gyur/ /gzhan yang nga rgyal khengs pa'i yongs su gdung ba dang/ /ser sna sdang chags rtag tu 'jigs mang dang/ /reg gzugs ro dang dri yi 'jigs pa dang/ /phung po bdud kyi 'jigs pas 'dar la dang/ /nyon mongs bdud kyi 'jigs pas mes gdungs shing/ lta yi bdud kyis 'jigs pas de bzhin skrag /'chi bdag bdud kyi yang yang bltas pa yis/ /da lta bdag ni nags su 'ongs min nam/ /de phyir na gsu? gnas pa 'di/ /bdag nyid dpon? pa'i phyir bsten nam/ /ji ltar bdag la 'jigs ? rnams yod/ /de ni ji ltar 'byung bar 'gyur/ /'dir ni 'jigs pa rnams kyi rgyu/ /'jig tshogs lta ba gcig pu nyid/ /gang phyir 'jigs pa thams cad ni/ /de las kun tu 'byung ba yin/ /ma rig nye bslang 'khrul pa dang/ /gnyis sbyor bdag tu rig pa rnams/ /phyin ci log las kun 'byung ba/ /'jig tshogs lta ba'i rnam grangs so /gzugs sogs phung po lnga rnaMs la/ /bdag zhes yang dag mi 'dzin pa'i/ /'jig tshogs lta ba rtsa ba ni/ /srid pa'i lcugs ma 'phel pa'i rgyu// de phyir 'jigs pa kun gcad phyir/ /bdag tu zhen pa spangs pa la/ /da ni bdag gis bstan pa ru/ /rab tu 'thad pa dag tu bya/ /dgon pa chen por gnas pa yi/ /ljon shing gel pa lcug ma sogs/ /de dag su la'ang mi 'jigs na/ /bdag ni de las lhag par sngar/ /'di na 'ga' zhig bdag gam ni/ /skyes bu 'am ni gang zag gam/ /shed las skyes sam shed buAng/ /tshad mas dpyad na yod ma yin/ /de ltar 'jigs pa dag gi rgyu/ /yang dag ma yin kun rtog 'di/ /de phyir lung dang tshad ma yi/ /mig gi de nyid gzhom par bya/ /gzhan yang/ dbye ba med pa'i chos rnams la/ /'byed 'di tshul bzhin ma yin pa/ /tshul bzhin ma yin skyon can te/ /de yang skye ba med pa'i dngos /gzhan yang 'dir ni dag na gnas pa/ /chos rnams kun la 'dre med de/ /ma 'dres rab tu mi gnas dang/ /dpyod med rjes su 'dzin byed pa'o/ /gal te yon tan ma thob par/ /gcan gzan khro bo nyer 'ongs nas/ /'jigs pa spang ba bsgrub pa'i phyir/ /des ni 'di ltar sems gdul? bya/ /sngar ni sems can don bsgrub phyir/ /lus 'di bdag gis btang ba yin/ /sbyin pa byin nas mi shes pas/ /de la ji ltar bdag gdung byed/ /gang las kyang 'jigs mi bya ste/ /rang gi nyes byas kyis 'jiD bya/ /gang phyir 'jigs kun 'di la ste thaMs cad de yi sprul par gsal/ /skye ba dang ni 'jig pa dag /ji ltar bdag med gal ba dang/ /lcug ma la sogs skyed dang ni/ /'jigs 'gyur de bzhin bdag gi yang/ /skye ba yang ni 'jig pa yi/ /rgyu dang rkyen ni tshogs pa las/ /rtswa dang 'khri shing skye ba dang/ /'jig pa de bzhin bdag gi yang/ /skye dang 'jig ste don dam min/ /de dag ni dgon pa'i bsngags pa brjod pa'o// //nags chal nyid la brten nas ni/ /ting nge 'dzin la sbyar bya ste/ /gang phyir mi g.yengs med pa ni/ /'jig rten phun tshogs kyang med pas/ /dang por 'dun pa'i ming can gyi/ /sems skyed nye bar bzung nas ni/ /byang chub snying por mchis kyi bar/ /gnod pa spangs phyir 'bad par bya/ /'di ltar spyod yul gzugs ni mthong ba na/ /brnab sems yid mi bde ba 'am/ /gzhan yang mi dge ba yi chos/ /sems la skad cig byung gyur na/ /de tshe bsdams phyir de dag gi /mig gi dbang pos tshar gcad bya/ /tshar gcad pa ni mtshan? ma dag/ gsal bar rjes su gzung las byung/ /de bzhin rna ba sna dang ni/ /lce dang lus kyi dbang po rnams/ /rtag tu sems ni bsrung ba'i phyir/ /so so dag tu bstan par bya/ /sad pa dang ni nyal ba dang/ /'dug dang 'gro dang smra ba dang// mi smra gyur dang kun tu yang/ /mnyam par bzhag pa 'dor mi bya/ /rnyed dang ma rnyed bstod smad dang/ /bde dang sdug dang snyan mi snyan/ /yid bde byed dang gzhan pa rnams/ /sprul pa bzhin du bsam par bya/ /des ni 'di ni mi rgod cing/ /lus zhi sems ni ma 'khrul cing/ /rtag tu dbang po mi g.yod zhing/ /spyod lam dge ba'i spyod yul dang/ /dmigs pa gsal bar rgyu pa ni/ /gang che sems lam mthong zhing/ /byid na gzengs ni bstod pa'i phyir/ /yid la dga' ba bsgom par bya/ /rgod pa 'jig rten chos rnams la/ /gal te bdag med pa skyas na/ /kun mkhyen gyis gsungs ni rtag pa/ /myur du mngon du bya ba dang/ /gnyi ga'i don du gnyen po ni/ /rnyed dka' dal ba phun tshogs pa/ /dran bya de bzhin bskal pa ni/ /bye bar rnyed dka' i rgyal byung ba'o/ /gzhan yang/ sdug dang phrad pa 'di ni nyi ma 'ga' zhig dag tu bde ster te/ /phyis ni dran par gyur nas mtshungs pa med pa'i gdung bskyed byed pa/ /de bzhin skye dang skye bar dran pa'i yul du gyur nas 'jig rten pa/ /ji ltar srid pa'i 'khrul pa spong bar mi nus 'gyur ba de ltar byed/ /rga dang nad dang 'chi bdag rgud pa zhes bya bzhi po 'di dag ni/ /gnod pa chen por skrag pa'i yid kyis nyin mtshan so so dran bya ste/ /gang phyir nad kyis bde dang 'chi bdag gis ni srog ni 'phrog byed cing/ /rgud las phun tshogs nyams byed lang tsho dag ni rga ba dag gis so/ /gnad rnams gcod par byed pa dang/ /grogs med gcig pur gyur pa dang/ /'jig rten 'di ni yongs spangs shing/ /'jig rten gzhan du 'pho 'gyur te/ /'chi bdag khar ni zhugs pa la/ /dge ba'i las la gzhan pa yi/ /chung ma nor dang grogs dang gnyen/ /srung bar byed pa yod ma yin/ /snabs dang kha chu dri ma gcin gos shing/ /dbugs kyi lhag ma 'dzin par byed pa'i lus/ /yang srid pa ni dmigs par byed pa na/ /legs byas ma gtogs skyabs byed dga' yod min/ /grang bas nyen la me dang ni/ /skom pas nyen la chu ji bzhin/ /ji ltar ngal 'grib ste/ /de bzhin chos ni gzhan dag kyang/ /de phyir skyes bu rnams kyi 'khor dang nor dang lang tsho dag /glog dang mtshungs par mthong nas 'jig pa'i chos can du/ /skye dang ldan pas ma lus de ltar brtags nas ni/ /srid ba'i 'ching ba 'jig las grol phyir 'bad bar bya/ /yang ni g.yeng ba chen po'i rgyu/ /'dod chags zhe sdang gti mug gsum/ /byams pa'i rten 'brel bsgom pa ste/ /rtag tu rgyun yang spong byed cing/ /gnyen po yang ni bsgom par bya/ /'dod chags dag ni skye ba'i rgyu/ /bud med gcig bu kho na'o/ /mi sdug bsgom ba gang zhe na/ /mi gtsang la sogs 'du shes kyis/ /mgo bo nas ni rkang pa'i bar/ /gang zhig bsdus nas spyod ba ste/ /'di ltar skra dang ba spu dang/ /sen mo so dang pags pa rtsa/ /sha rus rgyus pa snying dang mchin/ /rgyu ma zhag dang dri ma dang/ /gzhungs pa mchi mchu ser rdul/ /chil dang snabs dang glo ba dang/ /glang pa dang ni glad rgyas dang/ /gcin? dang rnag dang khrag dag gis/ /dang po 'di dag la rmongs pa'i/ /shes rab 'chal pa gzhan dag ni/ /gcig la sogs pa rlom pa las/ /dge ba dga' bar ga la 'gyur/ /'byung ba bzhi las grub ba'i rang gi lus pa 'di la slar yang ni/ /sa dang chu dang me dang rlung zhes so so dag tu rtog byed la/ /de nas ji ltar sna tshogs 'bru yi gang ba'i phur ma bzhin/ /de bzhin lus 'di yang ni brtan pa'i ble yis rnam par blta bya ste/ /byang chub sems dpa' 'di ni dur khrod zhugs nas su/ gang tshe ro yi ngo bo yongs su lta byed pa/ /de tshe des ni nyin zhag 'das las byung ba yi/ /dul dngos dag tu rang gi lus dang mtshungs par rtog /shin tu phongs gdangs kha ni zangs ltar gyur pa yi/ /sa steng ltung bar gyur pa'i ro yi lus po ni/ /srid pa'i bde la zhen pa'i sems ldan mi rnams la /rang gi mi sdug dngos po ston par byed pa 'dra/ /de dag ni 'dod chags la kun du spyod pa'i gnyen po'o// //gzhan la phan dang bde sred dang/ /'dod dang smon dang dga' ba yi/ /rnam pa 'dir skye gang yin pa'i/ /byams de rnam gsum du dbye ste/ /de la sems can la dmigs shing/ /chos la dmigs pa yang na gzhan/ /dang gi 'byung zhi dmigs med pa /byams pa chen po rab tu gsungs/ /dang po'i sems la dang po ste/ /gzhan ni spyod la dga' ba yin/ /dmigs pa med pa mi skye pa'i/ /chos la bzod thob spyod yul lo/ /de dag kun la goms bya'i phyir/ /bsgom bya'i rim pa bshad par bya/ /de la dang po sdug pa bzhin/ /bar ma rnams la bsgom par bya/ /gang phyir sdug bzhin shes pa ni/ /lhag ma rnams la skye bar 'gyur/ /de tshe goms pa phyi nas yang/ /dgra yi phyogs la bsgom par bya/ /gang tshe rnal 'byor pa dag ni/ /phyogs gcig tu ni dgra dag kyang/ /grogs po bzhin du snang gyur na/ /de tshe phyogs kun la bsgom bya/ /ji ltar sems can la dmigs pa/ /bsgoms las nye ba skye 'gyur pa'i/ /ngal ba chos la dmigs pa dag /la sogs pa ni yod ma yin/ /de bzhin du/ gal te rang gi dge ba skye po gzhan rnams kyis/ /bde gshegs nyid thob bya phyir yongs su sngo byed na/ /de yi byams pa 'di ni shin tu mchog 'gyur zhing/ /rang gi byang chub sems pa ni rdo rje ltar rtan byed/ /gzhan yang bde bar gshegs ba rnams kyi dge ba dang/ /de bzhin rgyal sras dang ni sems can gzhan gyi yang// de dag ma lus pa yang 'gro ba srid ba'i btson ra yis/ /gcings pa grol? bar bya phyir yongs su sngo byed pa/ /sna tshogs snying rje'i snying po can/ /yongs su bsngo ba gang dag yin no/ /de kun byams pa nyid kyi ni/ /rjes su 'jug par the tshom med/ /de dag ni 233a zhe sdang la kun tu spyod pa'i gnyen bo'o// //gzhan yod ba la brten nas no/ /me long gi ni gzugs brnyan bzhin/ /gang gi dngos po snang gyur ba/ /de la rang dngos ga la yod/ /de phyir rkyen las byung ba yi// dngos po rnams ni dngos med nyid/ /rang gi mtshan nyid ma skyes ba/ /stong nyid shin tu zab ba nyid/ /dangs po de dag mi spong zhing des kyang dngos po mi spong ste/ /med na mi 'byung nges pI phyir/ /me dang sreg par byed pa bzhin/ rten 'brel yan lag bcu gnyis 'di/ /phyi ma phyi ma 'bras bu dang/ /snga ma snga ma rgyu yin par/ /ma rig la sogs rim shes bya/ /ma rig pa ni gang zhe na/ /yang dag min pas khams lnga la/ /gcig dang bdag dang rtag sogs/ /ma rig skye ba gang yin pa'i/ /'du byed yul ni 'di dag la/ /'dod chags la sogs 'jug ba'o/ /rnam shes 'di las skyes ba yi/ /dngos po brtag ba'i mtshan nyid do/ /gzugs min phung po bzhi dang ni/ /'byung ba chen po bzhi rnams la/ /gcig tu mngon par bsdus pa nyid 'di la ming dang gzugs zhes brjod/ /de skyes mig la sogs pa ni/ /skye mched drug gi ming can no/ /gsum rnams 'dus pa dag la ni/ /reg ba zhes su mngon par brjod/ /reg pa myong ba ma lus ba'i/ /bde sogs rnam pa'i rang bzhin can/ /tshor ba zhen pa sred pa ste/ /de ni 'dod ba'i rnam pa'o/ /sred pa nyid na 'phel ba la/ /len ba zhes ni brjod pa yin/ /len pa las ni srid pa ste/ /de la phung po dngos 'byung skye/ /phung po brnyings pa rga ba ste/ /yang ni nyams pa 'chi ba'o// rang nyid ces las shi 'dod pas/ /nang gi gdung ba mya ngan ste/ /bde ba dran pa las byung ba'i/ /smre ba gang yin smre sngags 'don/ /sdug bsngal rnam shes lnga po yi/ /lus byung mi bde tshor ba'o/ /de ltar mdza' gnyis las grol @233b pa'i/ /rten cing 'bral ba'i mtshan nyid ni/ /sna tshogs mgal ma'i 'khor lo ltar/ /phan tshun rgyu yis 'khor ba yin/ /sa lu ljang sogs mdo las ni/ /phyi dang nang gi dbye ba yis/ /rten cing 'brel bar 'byung ba de/ /rnam pa gnyis blta bya ste// rgyu dang rkyen gyi rgyu las ni/ /de ni slar yang rnam pa gnyis/ /de la dang po nang gi ni/ /rnam pa gnyis su dbye bya ste/ /ma rig la sogs phan tshun du/ /rgyu yis dngos por gnas pa dag /de ni rgyu yi rgyur ni 'dir/ /bdag gis gong du bshad zin to// yang ni rkyen gyi rgyu dag nyid/ /sa dang chu dang me dang ni/ /rlung dang nam mkha' rnam shes rnams/ /gcig tu 'dus par gyur ba ste/ /lus las khams gang zhe na/ /sra ba 'dzin pa gang yin ba'o/ /rlan la sogs brjes 'dzin gang/ /de ni chu yi khams su brjod/ /zos dang 'chos dang 'thungs pa dang/ /thams cad rim gyis 'du byed pa'i/ /lus 'di dro ba'i mtshan nyid can/ /de ni me yi khams su bshad/ /bya ba bdun la rab 'jug pa'i/ /dbugs 'byung rdub ba'i bya ba dang/ /lus 'di la ni byed pa gang/ /de ni rlung gi khams su brtan/ /lus 'di la ni yongs mthong ba'i/ /nang gi stong pa'i rang bzhin gang/ /kun gyi go skabs 'byed ba'i phyir/ /nam mkha' i khams zhes brjod bar byed/ /rnam shes khams ni gang zhe na/ /'dir ni zag bcas yid gang dang/ /de bzhin rnam shes lnga yi ni/ /tshogs gang kun tu sbyong ba'o/ /ming dang gzugs kyi myu gu yi/ /sa bon ngo bor gnas pa yi/ /nang gi bdag nyid rang bzhin la/ /rkyen gyi rgyu zhes brjod pa yin/ /de bzhin du/ rnam shes sa bon rang bzhin te/ /las ni zhing gi rang bzhin no/ /sred bas rnam shes rlan byed de/ /ma rig pa ni sa bon 'debs/ /las ni 'di ltar bdag gis ni/ /'du byed las byung rang bzhin gyi/ /rnam shes sa bon dag bya dang/ /zhing gi bya ba byas mi sems/ /sred pa 'ang 'di ltar bdag gis ni/ /rnam shes rlan zhes shes pa med/ /ma rig pa 'ang 'di ltar bdag/ sa bon de ni gdab mi sems/ /sa bon rnam shes de la yang/ /rkyen 'di dag gis 'bar pa yis/ /bdag ni bskyed pa yin zhes ba'i/ /de lta'i shes pa yod pa ma yin/ /'on kyang rnam shes sa bon ni/ /las kyi zhing gis brten pa dang/ /srid pa'i rlan gyis brlan pa dang/ /sa bon ma rig gis btab pas/ /skye ba de dang de dag dang/ /rim pa de dang de dag gis/ /ma yi dkur ni dus kyis su/ /ming gzugs myu gu bskyed pa ni/ /bdag las ma yin gzhan las min/ /dbang phyug gis kyang sprul man? la/ /ming dang gzugs kyi myu gu 'di/ /rgyu med las kyang skye ba min/ /de ltar bdag med chos rnams ni/ /sgyu ma'i mtshan nyid dag tu 'byung/ /rgyu dang rkyen ni tshogs pa las/ /rgyun mi 'chad par 'byung 'gyur te/ /mig dang gzugs dang snang ba dang/ /de bzhin nam mkha' de skyed yin/ /rgyu lnga dag ni tshogs pa las mig gi rnaM shes 'byung 'gyur la/ /rkyen 'di dag ni med pa na/ /ming gi rnaM shes 'byung min yang/ 'di dag so so dag la ni/ /btsal na rnyed pa ma yin no/ /de ltar dbang bo lhag ma las/ /skyes pa rnam shes rim pa 'di/ /nam mkha' 'ja' tshon dag mtshungs par/ /rkyen ma rig las shes par bya/ /yang ni rkyen las byung ba de/ /mtshan nyid lnga ru shes bya ste/ /rtag dang chad dang bral ba dang/ /de bzhin 'pho ba spangs pa dang/ /yang ni rgyu ni chung ba las/ /'bras bu chen por 'byung ba dang/ /'dra ba dag dang ldan pa yi/ /rgyu mthun 'bras bu 'byung ba'o/ /gang phyir skye ba la phyogs pa'i/ /phung po dag ni 'chi ba la/ /phyogs pa 'byung ba de yi phyir/ /rtag pa min par 'di shes bya/ /chad min gang phyir phung po rnams/ /rgyu rnams yod pa dag dang ni/ /med pa dag las skyed min phyir/ /srang mda'i mtho dman ci bzhin no/ /gang gi phung po rigs? mthun phyir/ /slar yang skye ba gzhan du ni/ /rigs mi mthun par skye 'gyur ba/ /de phyir 'pho bar? las kyang min/ /gang phyir las chung byas pa las/ /'bras bu chen po 'byung 'gyur te/ /de phyir rgyu ni chung du las/ /'bras bu chen por 'gyur ba yin/ /gang phyir ci 'dra'i las byas pa/ /de yi gzugs brnyan mi 'dor ba/ /de 'dra'i rgyu ni 'byung bas na/ /des na rgyu dang 'dra bar brjod/ /chos gang 'jig rten 'di nas ni/ /gzhan du 'phel ba 'ga' med kyang/ /'on kyang las dang 'bras bu dag/ yod pa ru ni brtags pa yin/ /ma rig len pa sred pa zhes/ /bya ba nyon mongs bsdus ba ste/ /'du byed srid pa zhes bya ba/ /las kyi ming du shes par bya/ /rnam bas ming dang gzugs dang ni/ /de bzhin skye dang reg pa dang/ /rga shi dang ni lhag ma dag/ /sdug bsngal ming can 'du shes bya/ /stong pa nyid ni ston pa che/ /'og nas ston par 'gyur bas na/ /zlos ba'i skyon du thal 'gyur phyir/ /phyi yi mtshan nyid ma bstan to/ /gang gis 'gro ba'i rang bzhin rkyen las byung ba ru/ /ji lta ba bzhin 'di dag shes rab kyis rtogs pa/ /phra ba'i blo ldan de yis de bzhin gshegs pa ni/ /kun bzhi dag dang yang dag ldan pa mthong bar 'gyur/ 'di dag ni gti mug la kun tu spyod ba'i gnyen po'o// //de ltar sems ni las rung bas/ /lus dang tshor ba nyid dang ni/ /sems dang de bzhin chos rnams la/ /dran pa nyer gzhag gus par bsgom/ /rkang lag byin pa brang dang sum mdo mgrin ba srag pa lto ba brang/ /'gram pa rgya ba dang nang khrol dang ni mgo bo'i tshogs rnams 'dus pa'i lus 'di ni/ /de bzhin slar yang kun nas nyon mongs so so'i dug can gnas su gyur pa 'di/ /mi rtag pa zhes ku sha'i rtse 'dra'i blo can rnams kyis legs pa'i don du dpyad/ /yang dag min la brtags las gzhan/ /lus po 'di ni sngon gyi mdza' / /gang zhig nas kyang 'ong ba yin/ / phyi ma'i mdza' yang 'gro min pas/ /thog ma tha ma dbus rnams su/ /gang yang gnas pa med par brtag/ des na rtsad nas med pa yi/ /lus po 'di la yongs 'dzin med/ /de ltar cha yi tshogs 'di la/ /lus po don dam du med pas// mkhas pas lus po nam mkha' bzhin/ /rjes su dran pa rtag par bzhag/ de yang 'jig rten pa yi tha snyad du/ /grub pa'i lus po? dang ni phung po dang/ /khog pa dang ni gnas 'di zhes bya ba/ /'di dag ma lus glo bur ba yin no/ /lus la rjes dran bsgoms pa las/ /sems can rnams kyi lus gzhan la/ /rang lus dang mtshungs brtan ba ru/ /byang chub sems dpa' 'du shes skye/ /snying po med ba'i lus po la/ /lus dang long spyod snying po dang/ /de bzhin 'tsho ba'i snying po ste/ /snying po gsum gyis blang bar gyis/ /bdag gi lus 'di mi rtag ces/ /sems can rnams kyis slob ma ru/ /'gyur bar bsgrub pa gang yin pa/ /de la lus kyi snying por brjod/ /lus gsob yin phyir longs spyod la/ /gang zhig dga' bar mi byed pa/ /de ni thams cad gtod dang ldan/ /de yis longs spyod snying po 'thob/ /snying po med ba'i lus dran na/ /la tsho ba'i don du bdag nyid kyis/ /sdig ba'i las rnams byed min pa/ /de yis 'tsho ba'i snying bo 'thob lus 'di rtag tu yongs su ma bskyangs na/ /'phel mi nus pas byis pa rnams dang mtshungs/ /khang pa rnying pa dang mtshungs lus po 'di/ /'bad pas legs par bskyangs nas gzung bar bya/ /bka' stsal mang bas rgyal bo rnams dang mtshungs/ /slu bar byed ba'i rang bzhin grib ma bzhin/ /shin tu 'bad pa'i sgo nas gzem dgos pas/ /lus 'di so ma btang ba'i bum pa mtshungs/ /chu bo chen po tshogs kyi rgyun 'bab bzhin/ /lus kyi tha ma 'chi ba'i mtsho la gtuD// mdung thung bzhin du sdug bsngal bskyed pa'i rgyu/ /rtag tu phan mi byed pas dgra dang mtshungs/ /nam yang yid ches rdul phra tsam gyi yang/ /gnas med pas na rkun ma rnams dang mtshungs/ /reg pa'i sran mi bzod pas rma dang mtshungs/ /sgyu ma bzhin du stong ba'i bdag nyid yin/ /ji ltar 'o ma yis ni bkrus gyur kyang/ /sol ba nams yang dkar por 'gyur ma yin/ /gtsang zhing dag pas byi dor byas gyur kyang/ /de ltar lus kyi rang bzhin mdor mi byed/ /des na bdag po med pa yi/ /'khrul 'khor lta bu'i lus bo 'di/ /bza' btung sogs las byung ba'o zhes/ /rgyas bar yang dang yang du brtag /de dag ni lus dran pa nye bar gzhag pa'o// //de ltar rab tu bsgoms pa'i mthus/ /lus g.yeng rab tu zhi ba des/ /tshor ba dran pa nyer gzhag pa/ /brtan pa yis ni rnam par bsgom/ /de la log bar mngon zhen las/ /tshong ba rnam pa gsum yin te/ /bde dang sdug bsngal dang gzhan ni/ /bde min sdug bsngal min rig bya/ /'di la tshor byed 'ga' med cing/ /tshor bya'i dngos po 'ang yod min pas/ /rten cing 'brel ba las byung ba'i/ /tshor ba 'di ni bdag med pa'o/ /de ltar nam mkha' i dngos gyur pa/ /gang zhig la ni zhen byed pa/ /de ni rmongs pas chu nang gi/ zla ba len bar 'dod pa yin/ /de bzhin sdug bsngal gyis gdungs pa/ /gang zhig phyir zhing 'joms byed pa/ /de ni rmongs pas mig nang gi /gzugs brnyan kha la 'o byed yin/ /rmongs pa gang zhig bde min zhing/ /sdug bsngal yang min rig pa de/ /'gro tshe rtsal reg pa la/ /bzung bar mngon par rlom dang mtshungs/ /gzhan yang tshor ba thams cad la/ /ming gzhan du byas 'khor ba ste/ /chos yang dag bar bsdus pa'i mdor/ /kun mkhyen rang nyid kyis gsungs pa/ /nyer len dang ni phyin ci log /nye bar dmigs dang yongs su 'dzin/ /tshul bzhin ma yin y i byed ba/ /tshor ba yin zhes nges par gsungs/ /'di ltar gang tshe sdug bsngal gyis/ /byang chub sems dpa' la reg pa/ /de tshe sdug bsngal gyis nyen ba'i/ /sems can rnams la brtse bas dmigs/ /gang gi tshe na thugs rje can/ /tshor ba bde ba myong byed ba/ /de tshe chags pas gdungs rnams la/ /de yi brtse ba cher drag skye/ /gang che bde min sdug bsngal min/ /rgyal ba'i sras bos myong byed ba/ /de tshe rmongs par byir rnams la/ /'di yi brtse ba shas cher 'phel/ /'ga' zhig byang chub sems dpa' la/ /mngon du gyur ba skye 'gyur ba/ /de nyid kyi tshe dmigs med pas/ /dmigs pa byas ba lta bur skye/ /mtshan mar 'dzin pa yin pas na/ /tshor ba nyid la sred par brjod/ /gang tshe de nyid mi gnas pa/ /de tshe mya ngan 'das par brjod/ /de dag ni tshor ba dran ba nye bar gzhag ba'o// //de ltar gus par tshor ba la/ /dran ba nyer gzhag bsgom byas te de yi rjes la 'bad ba yis/ /sems rjes dran ba nyer gzhag bsgom/ /mi gtsang gtsang bar 'du shes pas/ /sems ni sbrang ma rnams dang mtshungs/ /sdug bsngal thams cad bskyed bas na/ /sdang ba'i dgra bo dang yang mtshungs/ /'dod pa sngar bag yud tsam la/ /bde ba nyid du 'du shes dang/ /mchil ba'i gzan la chags pa yi/ /nya yi lce dang de yang mtshungs/ /gzhan dag rnams la glags tshol phyir/ /mdangs 'phrog gnod sbyin dang yang tshungs/ /dge ba'i nor rnams 'phrog pa'i phyir/ /de ni chom rkun dang yang mtshungs/ /sems ni skad cig nyid tsam gyis/ /'jig pa'i phyir na glog dang mtshungs/ /rkyen la rag las skye ba'i phyir/ /mar me'i 'od kyi rgyun dang mtshungs/ /sems ni sdod pa ma yin pas/ /chu bo chen po'i rgyun dang mtshungs/ /nyon mongs glo bur ba rnams kyi/ /sgrib pas sems nam mkha' dang mchungs/ /'di ltar/ gzugs la dmigs nas gzugs rnams la/ /dga' ba phye ma leb kyi mig dang mtshungs/ /sgra la dga' bas sems ni mngon pa yi/ /glu la snyan pa'i e Ne ya dang mtshungs/ /sems ni mang nag snod kyis reg pa la/ /dag la bas chags pa'i sbrang ma rnams dang mtshungs/ /rol dga' bas zas kyi lhag ma la// brkam zhing chags ba'i bran mo rnams dang mtshungs/ /dri la dga' bas mi gtsang phung po la/ /shugs drag rgyug ba'i phag phrug rnams dang mtshungs/ /de lta na yang brtags shing dpyad ba na/ /sems de gang nas kyang ni rnyed ma yin/ /'das pa'i sems ni 'gag pa yin pas med/ /ma 'ongs sems ni ma thob pas yod min/ /da ltar gnas pa bcings nas yod min te/ /gang ltar yang de tshad ma'i dpyad byar med/ /sems de shin du 'bad pas btsal gyur kyang/ /'das pa yod min da lta ba yang med/ /ma 'ongs ba yang yod min de ltar na/ /de ni dus gsum dag las 'das bar 'dod/ /gang zhig dus gsum las ni 'das pa de/ /yod pa nyid ma yin zhing med pa 'ang min/ /de ltar mdza' gnyis las ni rnam grol ba/ /de ni gang gi 'ang spyod yul ma yin no/ /sems ni gang na 'ang dga' med cing/ /gang na 'ang mi dga' yod min te/ /nam mkha' bzhin du ma skyes ba/ /skun phyung ma yin rmongs bya min/ /slar yang 'di yi rang bzhin 'bad btsal na/ /phung po khams dang skye 237a mched rnams la naM/ /gang yang gang du 'ang nam yang ma mthong ba'i/ /sems kyi rgyun de 'dod par bya ba'am ci/ /dmigs pa las ni sems skye ba/ /re zhig 'di ltar brtag bya ste/ /dmigs pa las ni tha dang dam tha mi dad ces yongs su brtag/ tha dang mngon bar khas len na/ /khams gsum thams cad sems med 'gyur/ /tha mi dang na bdag nyid la/ /nang gi bya ba zlog par dka' / /mjub mo'i rtse mo de nyid kyis/ /de nyid la reg nus ma yin de bzhin ral gri'i so de yis/ /de nyid gcod par nus ma yin/ /legs par bslabs kyang rang nyid kyis/ /phrag pa la ni 'gong min ltar/ /sems kyi sems ni reg min zhes/ /thams cad mkhyen pa nyid kyis gsungs/ /drag la 'khor zhing 'tshubs pa'i rlung dmar ltar/ /yid kyi rgyu ba shin tu rtogs dka' 'di/ /gang gi de las bde gshegs dpa' 'byung ba'i/ /zhi gnas la ni 'bad pas rnam par bsgrubs/ /rtse gcig rnam par ma 'phros dang/ /ma yengs pa dang rab tu zhi/ /zhi gnas kun tu gnas pa'o zhes/ /sems rjes dran ba rgyas par bsgom/ /sems kyi chos nyid mi spang zhing/ /de bzhin rnam par sbyong ba 'ang min/ /sems 'di sgyu ma lta bu zhes/ /bya ba sems kyi chos nyid do// gang dag dngos kun yongs btad nas/ /sangs rgyas zhing du yongs dag bar/ rab tu bsngo ba de rang gi sems kyi rnam par sbyor bar gsungs/ de dag ni sems dran pa nye bar gzhag pa'o/ /de ltar sems rjes dran pa nyer gzhag pa/ /yang dag gnas nas chos dran nyer gzhag bsgom/ /de ni mdor na chos rnams thams cad la/ /spong len spangs nas 'bad med rtogs pa yin/ /nyon mongs rnams la yang dag tu snang ba/ /'dod chags yod min zhes @237b sdang yod ma yin/ /gti mug yod min zhi ba yod ma yin/ /'dus ba yod min phung po 'ang yod ma yin/ /de ltar rtogs pas don dam du dpyad na/ /kun nyon mongs med rnam byang yod min pa/ /de ltar chos rnams yin zhes nges? pa gang/ /de 'dir chos rjes dran par yang dag brjod/ /de ltar chos rnams sus thos pa/ /de yis chos dang sangs rgyas dang/ /byang chub dang ni lam rnams dang/ /chos kun tha dang mthong ma yin/ /slar yang nyon mongs kun la 'di/ /bcos pa'i 'dud shes skyed byed pa /de bzhin chos gzhan rnams la 'ang/ /sgyu ma'i rnam par rab tu brtag/ nges byed de bzhin nyid kyi bcud kyis ni/ /phug nas chos rnams thams cad yongs su rtog /rab rib sgribs ma? lus rnam spangs pa/ /de ni thugs rje chen pas rgyan du byed /ji ltar me dang 'bru mar sdong bu dang/ /rkod bu rnams las mi yis me mar mthong/ /de ltar rkyen rnams la skyes chos rnams la/ /stong nyid snying po can zhes tha snyad byed/ /chos rnams thams cad mdor bsdu na/ /phung po khas dang skye mched de/ /rkyen la rag las skye bzhin du/ /'pho ba spangs nas yod ma yin/ /ji ltar rgyal brten nas ni/ ? /gang du rgya ye rjes mthong ba/ /rgya de ? yan zhing/ /de med par yang med bzhin no/ /bdag dang gang zag shed pu gsob bo/ /srog dang shes? skyes byed pa tshang ba bo/ /gang yang cung zad mdza' cig tu med pa'i/ /nyon mongs des gang 'chid? byed grol bar khyed/ /ming rnams thams cad ming gis stong ba'i phyir/ /chos rnams thams cad ming des stong ba yin/ /sna tshogs rang bzhin med gis gang brjod pa/ de ni kun rdzob bden pa 'phags pas gsungs/ /rang bzhin gang zhig ming gis brjod pa dang/ /rdzogs sangs rgyas kyis ma gsan gzigs ma yin/ /skye med 'gag pa med pa'i rang bzhin phyir/ /'jig rten 'di ni brda tsam las la min/ /de dag ni dran pa nye bar zhag pa rnams so// // de ltar sems las dung? nas des/ /sdug bsngal rgya mtshor byid ba yi/ /mgron gdon pa yis bsam pa yis/ /stong nyid rab tu gsal byas pa'i/ /yon tan dpag tu med pa ni/ /mdo sde zla ba sgron ma las/ /yon tan rin chen gyis rab brtan/ /stong nyid mthong ba bde bar gshegs pa yi/ /bslab pa'i lam la nges par ldog ma yin/ /rang bzhin gyis ni dbang por gyur pas na/ /nam yang bud med dbang du 'gyur ma yin/ /yun mi ring bar ltar bcas 'jig rten 'dir/ /'di nyid rkang gnyis rnams kyi mchog tu 'gyur/ /yang dag chos rnams des par shes nas ni/ /ngan song du ni ltung bar mi 'gyur zhing/ /mtshan dang dpe byad phun sum chogs pa dang/ /mngon par shes pa lnga pa'ang 'thob par 'gyur/ /chos rnams la bdag med pa dang/ /de bzhin rang bzhin med pa dang/ /las dang 'bras bu ji lta bar/ /'brel ba la yang 'gal ba med/ /byang chub sems kyi spyod pa dang/ /mthong ba'i chos la 'gal med ces/ /de skad yab sras mjal ba las/ /thams cad mkhyen pa nyid kyi gsungs/ /khams drug reg pa'i skye mched drug/ yid kyi nye bar spyod pa ni/ /bco brgyad po rnams 'dus pa las/ /re zhig skyes ba zhes brjod do/ /rnam shes nam mkha' rlung dang me/ /chu dang sa rnams ma lus pa/ /lugs 'byung lugs las bzlog pa yis/ /sna tshogs 'dzin par byed phyir khams/ /rnam par shes las skye zhes brjod/ /de ni rgyun du mchod byed pa'i/ /mig la sogs pa rnam drug po/ /de dag skye mched du brjod do/ /gzugs rnams mthong ba'i mig la ni/ /rag pa'i skye mched du 'dod de/ /rang rang gi don gsal byed phyir/ /skye mched lhag ma 'ang de bzhin no/ /mig la sogs pa rang rang gis/ / rag pa drug 'dir skyed par byed/ /so sor yid bde la sogs pa'i/ /dbye bas de ni rnam pa drug/ de ltar yid kyi nye ba ni/ /spyod pa bco brgyad gsal bar brjod/ /'di rnams kun tu tshogs pa dang/ /'dus pa skyes bu zhes bya'o/ /gang zhig nang gi sra ba nyid/ /lus 'di la ni dmigs pa yi/ /sen mo so sogs dbye ba ni/ /nang gis yi khams yin no/ /gang yang phye yi 'jam pa dang/ /cung zad sra ba nyid mthong ba'i/ /sa 'dzin sogs byed gang yin pa/ /de ni spyi yi khams yin no/ /nang gi bdag nyid skye bzhin pa/ /'di ni gang nas kyang 'ongs min/ /de bzhin 'gag pa'i tshe na yang/ /gang du 'ang nyams par 'gyur ba med/ /de ltar bud med rnams kyi slar/ /nang du bud med nga zhes rtog/ brtags nas slar yang phyi rol tu// skyes pa'o zhes mngon par rlom/ /de nas yang dag chags sems de/ /skyes ba dang ni lhan cig tu/ /phrad par 'dod cing rtse ba dang/ /za bar 'dod na shas cher spre/ /skyes pa 'ang de bzhin nang 'di la/ skyes pa'o zhes rtog byed cing/ /ma rig stobs kyis bskyed pa yi/ /grong pa'i chos kyi 'dod pa 'byung/ /des na de gnyis bde ba ni/ /'dod pas dben par song nas ni/ /gang gis nur nur po skyed pa'i/ /sbyor ba de 'dra byed par 'gyur/ /de la brtags pa gang yin dang/ /rtog pa las byung kun rtog gang/ /yang dag min par brtags las gzhan/ /de dag rang bzhin gyis grub min/ /de bzhin mo la bud med med/ /skyes ba la yang skyes ba med/ /snyoms par 'jug na snyoms pa med/ /nur nur la yang nur nur med/ /nur nur rang bzhin med gyur pa/ /de tshe yang dag ji bzhin rig/ de gnyis yod par ma gyur phyir/ /skye ba med pa yin zhes gnas/ /ma skyes pa yis ji ltar na/ /sra ba nyid ni skye bar 'gyur/ /des na yod min kun rtog las/ /sra nyid 'byung bar shes par bya/ /phyi rol gyi ni sa yi khams/ /lcags ri dang ni ri dbang bo/ /ri bo mchog rab la sogs pa/ /'jig rten khams rnams ma lus pa'o/ /de yi srid pa nyid gang de/ /'ongs ba med cing 'gro ba med/ /khams yin no zhes 'jig rten pa'i/ /tha snyad byed pa tsam du zad/ /gang gi tshe nas chen 'di/ /me yis yongs su bsregs nas ni/ /chu rnams kyis ni rnam par bkrus /rlung gis shin tu gtor gyur pa/ /de tshe mar nag bsreg pa 'am/ /mar gsar bsregs pa ji bzhin du/ /sdong ro yi ni phye ma 'am/ tha la rjes tsam yang med par rung/ /de ltar sa yi khams kyi ni/ /skye ba stong ba nges pa ltar/ /de bzhin gnas dang stong pa yang/ /rang bzhin nyid kyis stong pa yin/ /yang ni chu khams gang zhe na/ /lus kyi rdul dang mchi ma gcin/ /snabs mkhris khrag tshil 'o ma rnag /gzhan yang gsher ba gang yod pa'o/ / de la mya ngan zug rdu dang/ /byams dang brang? las mchi ma 'byung/ /bsod nams ldan pa la la la/ /chos kyi shugs kyis 'byung ba yin/ /de yang gang nas kyang 'ongs min/ /bskams tshe gang du 'ang song ba med/ /byung ngo bskams so zhes pa yang/ /tha snyad 'jug pa tsam du bas /gang che sbrin stug chu rgyun gyis/ /'jig rten 'di ni 'jig byed cing/ /sa chen tshangs pa'i 'jig rten par/ /rgya mtsho gcig tu byas gyur ba/ /de tshe de 'dra'i chu yi tshogs/ /gang zhig nas ni 'ongs par 'gyur/ /nyi ma bcu gnyis me yis ni/ /bskams nas brlag che gang du song/ gzhan la bltos nas byung ba yi/ /khams gzhan rnams kyi skye ba dang/ /gnas pa dang na 'jig pa yang/ /de ltar dngos mar shes par bya sa sogs 'byung ba bzhi po la/ /brten pa'i dang ba gang yin pa /mchod cing 'di gsal byed pa'i phyir/ /mig gi skye mched du brjod do/ /sa yi khams kyi dang ba 'dir/ /mig gi skye mched du mi 'dod/ /de bzhin chu dang me dang ni/ rlung khams dang ba 'dod ma yin/ /de ltar de ni brtag bzod pa'i/ /mig gi skye mched 'ga' yang med/ /tha snyad tsam las ma gtogs pa/ /'di dag bya ba dang bral yin/ /khams rnams so so snang ba la/ /dang ba 'ga' yang yod ma yin/ /chos rnams thams cad stong ba'i phyir/ /dang pa de dngos gang zhig yin/ /des na mig gi skye mched la/ /thog ma med cing tha ma med/ /rang bzhin stong pa nyid kyis na/ /gnas kyang dmigs pha ma yin no/ /gang zhig rang bzhin dang bral te/ /skyes pa ma yin bud med min/ /rlom sems rlom sems min pa 'ang/ /rang bzhin gyis ni 'gag pa nyid/ /mdo rjes 'brangs nas rigs pa 'dis/ /rna ba sogs la 'ang shes bya ste/ /de dag rnams kyi rtogs pa 'ang mthar/ /chos kyi dbyings la thug phyir ro/ /mig ni yul gzugs las yin zhes/ /gsungs pa yin bde yi phyir/ gzugs rnams nyid la dmigs pa'i mig/ gzugs rnams la ni thogs dang bcas/ /de ltar sgra la sogs pa la/ /dmigs pa'i rna ba la sogs pa/ /rang rang yul la thogs bcas zhes/ / yul dngos rim pas shes par bya/ /mthun pa la sogs dbye ba tha dad pa'i/ /gzugs rnams la ni dmigs par byed pa'i mig /mthun pa la ni sdug par 'du shes shing/ /mi mthun pa la mi sdug par 'du shes/ /mthun pa ma yin mi mthun pa yang min/ /gzugs la btang snyoms tshul byas 'du shes te/ /de ltar yid kyi chos rab rim bzhin du/ /rang blo rab tu gsal ba las mtshon? bya/ /de ltar drug la so sor gsum gsum du/ /phye ba las 'dir yid kyis nye ba ru/ /spyod pa rab tu brtags pa'i yid kyis ni/ /nyes bar spyod pa bco brgyad du gsungs so/ /de ltar khams sogs rang bzhin gyis/ /sgyu ma lta bur shes byas nas/ /kun la chags pa las grol ba/ /sprul pa'i glang chen bzhin du sbyang/ /rmi lam gzhon nu ma dang phrad pa yi/ /dga' ba de nyams gnyid log sad pa'i tshe/ /'di na gyis pa'i rigs can las gzhan min/ /de ltar zhe na cing kun tu chags pa des/ /lus dang ngag dang yid kyi dbye ba yis/ /'dod chags las ni rab tu skyes pa'i las/ /rnam pa bcu ni mngon par 'du byed do/ /gang zhig mngon par 'dus byas pa/ /de kun gdong nas rab mi gnas/ /gang phyir phyi rol nang dag las/ /ma brten pas na gnas med/ /gzhan yang ji ltar tha mar 'gag pa yi/ /rnam shas de ltar dang po'i rnam shes skyed/ /las dang dmigs pa'i dbang por gyur ba ni/ /nyin mtshan 'gro ba rnams la so sor sbyar/ /rang bzhin mtshungs pa yin pa'i phyir/ /sems kyi rgyud ni rab tu 'jug na yang/ /gang du bde dang sdug bsngal spyod ba yi/ /rnam par smin pa yang dag myong bar byed/ /shes 'gag tha ma gang yin pa/ /de la 'chi 'phor 'dod pa yin/ /dang po'i rnam shes 'byung ba la/ /'dir ni skye bar 'dod pa 'ang yin/ /de lta bas na shes pa'i dang po ni/ /skye ba'i tshe na gang nas kyang 'ongs min/ /de ni nges par 'gag pa'i tshen yang/ /gang du song ba 'ang spungs nas yod ma yin/ /de ltar dang po'i rnam shes dang/ /las rnams kyis ni skye ba dag/ rang bzhin stong phyir gang nas kyang/ /'ongs pa 'am gang du 'ang song ba med/ /thog ma tha ma gnyis kyi ni/ /shes pa shes pa nyid kyis stong/ /de bzhin du ni 'chi 'pho yang/ /'chi 'pho'i rang bzhin nyid kyis stong/ /de lta 'ang bde ? sogs kyi ni/ /dbye bas bkag pa med pa yis/ /sna tshogs las kun rnam smin dang/ /so sor rig pa shes par byed/ /'jig rten pa yi spyod pa ya/ /ming dang brda tsam nyid las gzhin/ /yang dag brtag byang bzod ba yi/ /byed bo med cing za po med/ /ji ltar rmi lam spyod yul du/ /dgra dang g.yul ngor dgyis nas ni/ /sang tshe zhen bar gyur zhe na/ /de 'di mkhas par brjod dam ci/ /de bzhin shes rab 'chal ba yi/ /rig can mig gi spyod yul ni/ /yid mi bde bar brten pa la/ /bltas nas mngon zhen dang ldan 'gyur/ /nga nas rab tu rlag pa yi/ /ngan pas 'dod chags las byung las/ /rnam pa bcu gnyis sngar bzhin du/ /slar yang mngon par 'dus byed do/ /btang snyoms gnas la bltas nas ni/ /gang zhig gzugs la zhen pa yi/ /rmongs pa de yis sngar bzhin du/ /las ni rnam bcu sogs par byed/ /de bzhin so sor rnam pa gsum/ /sgra la sogs pa'ang shes par bya/ /gang gi rmi lam snang ba bzhin/ /snang ba 'di ni skye ba med/ /kun rdzob dang ni don dam dbye ba yis/ /'dir ni bden pa rnam gnyis rgyal bas gsungs/ /stong nyid legs par mthong ba gang yin pa/ /de la thams cad mkhyen pa nyid ces brjod/ /'jig rten pa yi spyod pa la /mgon boS? 'jig rten kun rdzob gzigs/ /don dam sna tshogs shes pa yis/ /spyod yul las ni shin du 'das/ /rgyu med rnaMs par shes pa med/ /brda yod ma yin rten yod min/ phung po lnga min de las gzhan/ /don dam pa yi mtshan nyid min/ /shin tu 241a zab bar gyur don stong nyid de /rim gyis yang dag sgrol ba'i rgyu mtshan nyid/ /'gro ba dang ba bskyed phyir 'di kun rdzob/ /thugs rje cher grags thub ba'i dbang por gsungs/ /gzhan yang rten med pas na 'jig rten pa'i/ /chos rnams kyis kyang dga' bar ming byed do /skye ba med pa'i rang bzhin brgyad po yis/ /stong nyid gang yin dngos su ston par byed/ /mdor na sems ni sbyang ba'i phyir/ /gzhan la gus par bya ba dang/ /bdag nyid la ni brnyas ba ste/ /gzhan yang 'di gnyis 'bang pas bsgom/ /gzhan bde gzhan ni ma yin na/ /gzhan la dngos su rnyas byed ltar/ /goms pa gnyi ga de lta bur/ /nus par 'gyur ba dka' ba med/ /gal te rtag tu phung po rnaMS// mnyam pa nyid du yod 'dod na/ /de tshe gcig la bdag nyid dang/ /gzhan nyid ji ltar sbyar bar bya/ /yod min ba yi dmigs pa la 'ang/ /de ltar yul can spyod pa ni/ /thog ma med pa nas rtog pa/ /goms pa'i phyir na dga' ba med/ /chags la rag las skyes pa ni /khong khro rjes chags yin pa'i phyir/ /chags pa spangs las myur du ni/ /sems kyi dga' ba rab tu skye/ /gang la khong khro chags yod pa/ /de la gzhan la smod pa dang/ /ser sna bskaM chags nga rgyal sogs/ /thams cad 'bad med 'byung mi khogs/ /de dag ni bdag gi lus dag pa'o// //yang dag 'tsho ba sbyangs pa yis/ /'dir ni long spyod dag par 'dod/ /chos kyi longs spyod chol ba ni/ /yang dag 'tsho ba sbyong ba ni/ /mkhas pas sbyin bdag las legs len pa na/ /rnyed pa'i don du spyod lam 'chos mi byed/ /gnya' shing gang tsa ma las ni mi blta zhing/ /goms ba jom? gyis bdal nas 'dor mi byed/ /byang chub sems dpa @241b dag bkyal gcam? bu dang/ /'jam por bsgyungs? shing nam yang smra mi byed/ /rnyed pa dang ni bkur sti li? don dag tu/ /de ni mthun 'jug nam yang byed ma yin/ /tshig tu 'dod pa chud bar byas nas ni/ /sems la sred pa chen po skyed na ni// nad du gdung bar byed pa 'di las gzhan/ /'dir ni lhag pa yod pa ma yin no/ /rnyed pa dang ni bkur sti'i rgyu mtshan du/ /dbang po sdom pa byod? pa tshul 'chos yin/ /rnyed pa dang ni bkur spri'i? rgyu mtshan du/ /gsod por spyan? par smra byed/ kha gsag yin/ /tshul 'chos kha gsag spangs pa ni/ /'tsho bdag pa nyid yin pas/ /g.yo zol rgyu thabs spangs pa las/ /long spyod dag par shes par bya/ /de dag ni longs spyod dag pa'o/ /gang tshe sbyin pa la sogs lnga/ /stong nyid snying rje'i snying po can /rnam pa kun nas byed gyur pa/ /de tshe bsod nams dag pa yin/ /rgyu dang ldan pa mtshan pa dang/ /yid nyid rnam par dag pa dang/ /bdag dang bdag gir byed pa rnams/ /dag bas sbyin pa dag pa yin/ /gtong ba'i tshe na yang dag rdzogs pa yi/ /kun mkhyen nyid du yongs su sngo byed cing/ /'bras bu la ni phyogs par mi byed na/ /sbyin pa'i dag pa mkha' dang mnyam skyed yin/ /brtse bas gang sbyin sbyin pa dag pa yin/ /rang lag gi sbyin sbyin pa dag pa yin/ /gzhan phan gang sbyin sbyin pa dag pa yin/ /dug mtshon min gang sbyin pa dag pa yin/ /'o na drag shul can zhus las/ /gang gis gang zhig gang gi che/ /mkho ba de la de sbyin zhes/ /gsungs pa dang ni 'gal zhe na/ /de min spyi mdo las gzhan bar/ /de ni bkag pa yin phyir ro/ /thugs rjes can gyi sems can ni/ /bsdu par bya phyir bkag pa gnang/ /thugs rje dang ni ldan pa yis/ /dad pa skyed thabs gzhan med na/ /gang gis bsdu ba'i sems can la/ /mthod nas chang sogs sbyin pa gnad/ /gang zhig gzhan la gnod de sbyin don yin/ /gang zhig dus min byin des sbyin don yin/ /de dag ni sbyin pa dag pa'o// /sems can kun la rlom byed pas/ tshul khrims btul zhugs mchog 'dzin dang/ /lta ba rnam par dag pa yis/ /yang ni tshul khrims dag pa bskyed/ /nyan thos bse ru la sogs rnams spangs te/ /rnam par mnyams sems kyis ni/ /chos rnams rkun la mkha' dang mnyi pa yis/ /tshul khrims rnam par dag pa 'thob par 'gyur/ /khong khro rnam par spangs pa las/ /bzod pa'i dge ba skye par 'gyur/ /rtag tu sems can thams cad la/ /mnyam pa nyid kyi sems dpa' la/ /thang shing gi ni nags bcad kyang/ /khro med mun pa med pa ltar/ /byang chub sems dpa' bcang kyang ni/ /bzod pa dag pas de bzhin no/ /gzugs brnyan dang ni mtshungs pa ru/ /rang gi lus la yang dag lta/ /dag la 'ang brjod du med par lta/ /de bzhin shin du zhi ba yi/ /shes par sems la lta byed na/ /brtson 'grus dag par rab tu 'thob/ /rten cing 'brel 'byung sbyor ba yis/ /brtson 'grus dag pa bla na med/ /de bzhin brtse ba chen po'i sems/ /byin gyis brlab kyi byin brlab pI/ /byamS pa'i go cha'i tshogs kyis ni/ /dgra yi dpung tshogs rnam par 'joms/ /rnam kun med na mi 'byung ba'o/ /de bzhin nyid don mthong pa las/ /bsgrim mi dgos par brtan 'gyur pas/ /bsam gtan dag pa bla na med/ /rnam kun mchog dang ldan pa yi/ /stong nyid gang zhig yin par 'dod/ /zhe na byang chub phyogs kyi chos/ /thams cad ma spangs gang yin dang/ /tshad med rnam pa bzhi dang ni/ /bsdu ba'i dngos po rnam dgu dang/ /pha rol phyin na rnam drug dang/ /mtshan dpe rnams kyang ma spangs pa'o/ /rang bzhin zhi ba nyid yin yang/ /nyon mongs las kyis zhi ma yin/ /chos rnams btang snyoms nyid yin yang/ /rang mtshan de bzhin nyid la rmongs/ /'gro don bya bas 'brel gyur kyang// bya ba snying po yod ma yin/ /rang bzhin bsil ba nyid gyur kyang/ /rab tu 'bar bar sems can 'tshed/ /de ltar phyogs tsam bstan ba yis/ /bsam gtan dag pa yongs su brjod/ /shes rab pha rol sbyin pa yi/ /dag pa de ltar rnam par bsgom/ /de dag ni bsod namS dag pa mdor bsdus pa'o// //len par byed pa rab mang la/ /bsags pa 'ang na nyung gyur na/ /da ni gsum gyi spel pa yang/ nyung zad rnam par bshad pa ni/ /'di ltar sangs rgyas mdzad tshim byar? sangs rgyas nyid 'dir 'dod pa yin/ /gzhan du dag pa tsam gyis ni/ /nyan thos rnams dang mtshungs par 'gyur/ /bdag lus spel pa gang zhe na/ /stobs dang brtson 'grus spel ba'o/ /stabs ni mnus? med pa ste/ /rgyu bcu las na stobs de 'byung/ /gal te byang chub sems dpa' yis/ /lus dang srog la bab gyur kyang/ /dam chos nam yang mi gtong ba/ /de ni stobs kyi rgyu gcig yin/ /rgyal ba 'phel ba med par ni/ /sems can kun la phyag byed dang/ nyam chung rnams la bzod pa yis/ /kha zas rab mchog ster ba dang/ /nang pa rnams ni gso ba dang/ /sems can phongs par gyur rnams la/ /long spyod gtong bar byed pa rnams/ /de bzhin bde gshegs mchod rton la/ /rnga thal 'byug par byed pa dang/ /sems can kun la thams cad nas/ /dga' bas smra bar byed ba dang/ /phongs pas sdug bsngal gyur rnams la/ /longs spyod dgod par byid? pa dang/ /sems can ngal dub can rnams kyi/ /khur bu khur bar byed pa bo/ /phyag na rdo rje stobs mthong bas/ /ngo mtshar skyes nas ma skyes dgras/ /zhus nas thub pas stobs kyi rgyu/ /rnam pa bcu ni gsungs pa yin/ /brtson 'grus spel bar gang brjod de/ /le lo med par spel ba yin/ /'di la yang dag rdzogs pa yi/ /bla med byang chub thob mi dka' / /snyoms las can gyi nyan thos kyi/ /mya ngan 'das pa'ang mi 'grub na/ /'gro ba'i bsam ba rdzogs pa yi/ /sangs rgyas myang 'das smos ci dgos// de dag ni bdag gi lus spel ba'o/ //stong cing snying rje'i snying po can/ /sbyin las longs spyod spel ba ste/ /rdo rje gcod pa la sogs su/ /sbyin pa de ltar rgyas par gsungs/ /byang chub sems dpas gang gi tshe/ /rab tu mi gnas sbyin btang ba/ /bsod nams da yi phung po'i tshad/ /gzung bar nus ba ma yin no/ /yang dag rab tu rtsol ba dang/ /bsam pa brtan par byas nas ni/ /thog mar snying rje bskyed nas su/ /dge ba 'bang bas spel bar bya/ /rtag par rab tu du ba ltar/ /dge ba'i bshes gnyen brten pa ni/ /sangs rgyas nyid kyi chos kyi rgyu/ /rtsol ba 'di ltar shes par bya/ /'phags pa gzhon nu nor bzang gis/ /'jig rten pa yi dam pa'i las/ /sngon bsags bye ba rnyed bzung nas/ /'phags pa byams pa'i drung byin ltar/ /'das pa'i lus ni bye ba rnyed/ /'bras bu med min bsam nas ni/ /da ltar byung ba'i lus po yang/ /rnam par dag ba bla med bsam/ /dga' ba rgya chen dang ba yi/ /shugs kyis rgya mtshor ba 'phel zhing/ /khyad par du ni 'gro ba'i phyir/ /lhag ba'i bsam brtan par byed/ /'gro don rab tu bsgrub pa'i phyir/ /yang dag rdzogs pa'i sangs rgyas gyur/ /grogs med gnyis pa med kyang ni/ /go cha chen po'i sbyor bar ldan/ /gzhan yang/ 'di na bdag nyid cig pu ste/ /gzhan yang stobs bcas bdud kyi tshogs/ /bdag gis byang chub chen po'i lam/ /'thob la gal te gags 'byung srid/ /de lta 'ang de dag sems kyi ni/ /skad cig gcig gis nges bcom nas/ /rdo rje'i rang bzhin sa gzhi la/ /bdag gis slar yang bsdad par bya/ /sangs rgyas chos rnams thams cad kyi/ /rtsa ba bsam pa yin par gsungs/ /bsam po med na bde gshegs kyi/ /yon tan rnams ni thag bsrings nas/ /lag pa dang ni rkang ba dag / med na 'gro 'ong med pa dag / yan lag mchog gi mgo med na/ /'gro ba rnams kyi srog med dang/ /bud shing med par gyur na yang/ /me yi 'bar ba med pa ltar/ /de bzhin bsam pa med na yang/ /sangs rgyas chos dang phrad pa med// bsam pa yang dag dag gyur pa'i/ /chos kyi sgra ni nam mkha' i dkyil nas 'byung/ /bsam pa dag na shing dang ni/ /rtsig pa las kyang gdam dag rjes bstan 'byung/ /'dir ni dge ba spel ba yi/ /yang ni snying rje rab bsgom par/ /sangs rgyas chos rnams ma lus pa'i/ /sngon du 'gro bar deng 'dod do/ /de lta yin pas rgyal ba yi/ /sras po mkhas pa yis ni chos/ /mang po la ni mi bslab ste/ /chos gcig la ni bslab bya zhing/ /chos gcig la ni legs bar brten/ /sangs rgyas chos rnams mdza' yas pa/ /de las kun tu 'byung ngo zhes/ /chos yang dag par sdud pa las/ /gcig pu brtse chen ldan pas gsungs/ /ji ltar 'khor lo sgyur ba de'i/ /dpung tshogs yan lag bzhi pa ni/ /'khor lo rin chen rjes 'brang bzhin/ /sangs rgyas chos ni brtse rjes 'brang/ /yon tan dang ldan bu gcig pa'i/ /rkang la thug par pha brtse ba/ /de bzhin lus can rnams la yang/ /byang chub sems dpa' i brtse bas khyab/ /'khor ba'i rgyun las sems can rnams/ /kun nas gdon par 'dod pa yi/ /dmigs pa'i dbye bas snying rje de/ /slar yang rnam pa gsum du dbye/ /byung nas 'byung dang 'byung bzhin pa'i/ /sdug 'jigs bdag nyid mi 'dod pa/ /bsgoms na dga' ba la sogs pa// snying rje byams pa bzhin du bsgom/ /snying rje la sogs de dag de lta bur/ /phan tshun rjes su 'brel bas bsod nams 'phel/ /phung po gsum ba rtag par bton pas kyang/ /bsod nams rab 'phel spungs phyir phung po yin/ /sdig pa gshags dang sangs rgyas la/ /gsol 'debs bsod nams rnams la ni/ /rjes su yi rang rnams bsod nams kyi/ /phung po yin phyir phung po gsum/ /sangs rgyas la ni phyag 'tshal nas/ /sdig pa bshags zhes 'byung bas na/ /phyag 'tshal sdig pa bshags pa las/ /log par tha snyad mi bya'o/ /nye bar 'khor gyi zhus pa las/ /'thad pa dang bcas rab brtan phyir/ /gsol ba 'debs dang bskul ba yi/ /don ni gcig pa nyid yin no/ /yo byad med pas mchod pa ni/ /nges med phyir na ma bstan no/ /dag yid mchog pa gsungs pa ni/ /mdo sde rnams su rab tu grags/ /rgyal ba gang zag zla med pa'i/ /sangs rgyas rnams ni thams cad dang/ /zhes pa la sogs tshigs bcad bzhis/ /phyag 'tshal ba ni yongs su bsgrags/ /bzang spyod la sogs tshigs bcad dang/ /bstod pa blo la gang yod dang/ /dkon mchog sprin sogs mdo sde ru/ /gsungs pa bzung la mchod par bya/ /'di lta ste/ gang zhig 'di na bdag ger ma byas gzung med pa'i/ /'bras bu lo tog 'bru yi bye brag gang skye pa/ /de dag ma lus rgyal ba byang chub sems dpa' yi/ /tshogs la sogs la bdag gis phyag 'tshal mchod par bgyi/ /bzangs spyod du gsungs tshiD bcad kyis/ /de bzhin rjes su yi rang bya/ /rdo rje rgyal mtshan las gsungs pa'i/ /bsngo ba gus bas yongs su bsngo/ /smon lam ji ltar gdab ba yang mdo sde sa bcur blta bar bya/ /sangs rgyas zhing ni rnam sbyang phyir/ /rtag par yongs su bsngo bar bya/ /bsod nams gang las shes par bya/ /zhe na mdo sde kun na snang/ /phan yon bcas par rab gsungs phyir/ /phyag 'tshal la sogs rnams kyis so/ /bsam pa dag pas yang nas yang/ /sangs rgyas la ni phyag byas las/ /mi khoM brgyad po rnam spangs nas/ /dal zhing khom pa thob par byed/ /de la mi khom pa brgyad ni/ /sa steng du ni rgyal bas dam chos bstan kyang byol song yi dags 'gro ba dang/ /gzhan yang lha ni tshe ring bo yin da du skye dang 'gro gzhan dmyal ba dang?/ /mdza' 'khob yul du skyes pa dang ni lkugs pa nyid dang log par lta ba dang/ /mi yi bzang po yongs su zin kyang thub pa dang bral de dg mi khom brgyad/ /de dag ni phyag btsal ba la sogs pa'i cho ga bsod nams 'phel pa'o// // dad dang gus dang nga rgyal spangs/ /brtson 'grus shes bya 'di rnams kyis/ /yongs su nyam par mi byed cing/ /khyad par du yang 'gro bar byed/ /de la dad pa gang zhig gis/ /'phags pa rnams dang nyer sprod cing/ /de bzhin bya bar mi 'os pa?/ mdza' dag gang gis ma byed pa'o/ /gus par 'di ni khyad par du/ /bsod nams skyed par byed pa dang/ /gang zhig gis ni dam pa'i chos/ /mnyam par bzhag pas nyan pa'o/ /nga rgyal spangs pas yon tan rnams/ /'phel ba'i rgyur gsungs gang yin dang/ /gang gis yon tan lhag pa yis/ /'phags par sems shing phyag byed pa'o/ /brtson 'grus de bzhin khyad par rnams/ /'thob phyir yongs su mi nyams shing/ /lus sems las su rung 'di dag /gang gis myur du thob pa'o/ /de dag ni dang 245a pa la sogs pa bzhi'o// //de bzhin bsod nams 'phel ba'i rgyu/ /dang po rnam pa lnga gsungs pa/ /dad? brtson dran pa ting 'dzin dang/ /shes rab rnams la rims bzhin bshad/ /dad pa'i dbang po gang yin pa'i/ /dad pa de ni chos bzhin byed/ /de la gang gis dkar po dang/ /nag po'i chos rnams kyi 'bras bu/ /bde sdug rang bzhin so so ru/ /'byin par byed pa chos dang po/ /rgyal ba'i sras po rnams kyi ni/ /spyod pa gnyis la yin par gsungs/ /gsum pa 'ang 'dir ni gang zhig gis/ /chos rnams thams cad mi spong zhing/ /lta ba kun la yang dag par/ /de bzhin zhen par mi byed pa'o/ /gang zhig thub pa rnams kyi chos/ /me 'jigs la sogs mdza' yas la/ /dad par byed pa bzhi pa ste/ /de dag dad pa'i dbang por 'dod/ /dad pa'i dbang po'i chos rnams gang/ /ngos pos? dad par byas nas ni/ /gang gis yang dag 'phel byed pa/ /de ni brtson 'grus dbang po yin/ /brtson 'grus dbang pos tshes rnams gang/ /gsal por 'phel bar byas nas ni/ /gang gis nyams par mi byed pa/ /de ni dran ba'i dbang por brjod/ /dran pa'i dbang pos chos rnams gang/ /nyams pa ru ni ma byas la/ /gang gi rtse gcig tu byed pa/ /de ni ting 'dzin dbang por 'dod/ /ting 'dzin dbang pos chos rnams gang/ /slar yang rtse gcig byas nas ni/ /bdag nyid so sor shes byed pa/ /de la shes rab dbang por brjod/ /de dag ni dbang po lnga'o// //dad brtson dbang po lnga po nyid/ /stobs kyi rang bzhin nyid gyur nas/ /gang tshe bdud rnams kyis rgyal bas/ /mi nus de ni stobs 'phel ba'i/ /stobs kyi nyan thos la sogs kyis/ /theg dman 'dod par mi byed cing/ /snga na theg pa chen po la/ /dam bcas mi ldog brtan par 'gyur @245b de dag ni stobs lnga'o// //bsod nams spel phyir dkon mchog gsum/ /slar yang rjes su dran par bya/ /sangs rgyas rjes su dran pa ni/ /yul 'khor skyong gis zhus par gsungs/ /sku gsum ye shes lnga bdag nyid/ /sangs rgyas che ba nges bsams pas/ /sems la gzugs brnyan bzhin shar na/ /dge ba mngon par rab tu 'phel/ /de dag ni sangs rgyas rjes su dran pa bstan pa'o/ /yon tan mdza' yas sgrub byed pa'i/ /chos la rjes su dran par bya/ /rgyal ba'i yon tan mdza' yas gang/ /chos 'ba' zhig las rab tu skye/ /de bzhin 'jig rten pa dag dang/ /'jig rten 'das pa'i bde ba kun/ /chos la rdzogs par 'grub pas na/ /de phyir gus pas spyad par bya/ /ji ltar sems can thams cad la// chos rnams snyoms par rab tu 'jug /de bzhin sems can thams cad la/ /de ni bdag gis mnyam par bsgrub/ /ji ltar nyin dang mtshan mo ru/ /chos ni mtshungs bar rab 'jug pa/ /chos bzhin mtshungs pa'i sems kyis ni//da ni bdag kyang 'jug par bya/ /'phags pa 'phags min mi mtshungs zhes/ /zhing du lta ba rnam spangs te/ /chos ni rab tu 'jug pa bzhin/ /bdag kyang mtshan nyid cig tu 'jug /sems can rnams kyis chos mi bsrung/ /chos kyis sems can srang par byed/ /'gro ba'i skyabs ni chos yin gyis/ /chos kyi skyabs ni 'gro ba min/ /chos ni srid pas mi 'jigs shing/ /mya ngan 'das la rjes mi 'gal/ /de bzhin bdag kyang 'jig pa dag /spong zhing de dag rjes su gzhol/ /de dag na chos rjes su dran pa'o// //dge 'dun chos kyi smra ba po/ /don du chos gnyer chos la sems/ /chos kyi zhing ste chos kyi mchog /des na dge 'dun rjes dran bya/ /de dag ni dge 'dun rjes su dran pa'o// //de ltar bdag gis lus sogs gsum/ /byang sems gzung pa sngon 'gro can/ /kun mkhyen nyid du yongs bsngos pas/ /khyad par du ni rnam par 'phel/ /bdag nyid dran par bya phyir dang/ /dang po'i las can sems can la/ /bdag gis phyogs tsam 'di bstan byas/ /bye brag 'phags pa'i spyod yul yin/ /rgyal ba'i bslab bcu de dag bsdus byas las/ /dri med ston ka'i zla zer ltar 'bar ba'i/ /'dir ni dge ba cung zad ci bsags pa/ /de yis 'gro ba'i bslab pa'i rgyan gyur cig /bslab pa kun bsdus ljon shing las/ /phyogs cha tsam zhig blangs pa yi/ /bslab pa'i me tog snyem 'di/ /mkhas pa rnams kyi rna bar bzung/ /bslab pa'i me tog snye ma zhes bya ba rdzogs so// // bi kram la shI la'i paN+Di ta chen po bai ro tsa na rak+Sha ti'i zhal snga nas sbyar ba'o/ /dbang phyug dam pa'i mnga' bdag bod rje lta btsan po khri bkra shis nam mkha' dbang phyug btsan gyi bka' lung gis rgya gar gyi mkhan po sum ti kI rti dang/ / bod kyi lo tsA ba zha ma dge slong seng rgyal dang/ /glog skya bzhon nu 'o bar gyis bsgyur pa las /slang nas bod kyi lo tsA ba pande mar pa chos kyi dbang phyug gis zhus te gtan la phab pa'o// //