བོད་ཡིག

e-texts based on the ACIP/ALL Input

@221b brgyad yin te/ /las dang nyon mongs lta ba ngag las ni/ /'gyur dang gyur pa'i khyad par rnam pa drug/ rang gi rtsa ba tha ma gnyis dang bcas/ /'gyur ba gsum ni dang po'i chos su bzhag /gyur ba gsum ni dang po'i gnyis pa ste/ /rtsa ba gnyiS kyang de dang mthun pa yin/ /gyur pa gsum ni gnyis pa'i gnyis pa ste/ /rten gyi dang po'i chos kyang de yi yin/ /gyur pa dang po stobs? kyi dang po ste/ /gyur pa gnyis pa phung po'i gnyis pa yin/ /gyur pa gsum pa phung po'i gsum pa ste/ /mi mthun gnyen po'i khyad par de yis bstan/ /chogs kyi lam la lnga ni dngos yin te/ /de las gzhan pa rjes su mthun pa yin/ /spyor ba'i lam la bdun ni dngos yin te/ /de las gzhan pa lnga ni rjes? mthun yin/ /mthod pa'i lam la bcu ni dngos yin to/ /de las gzhan pa gnyis ni rjes mthun yin/ /tshogs kyi lam la bsrung pa gtso bo ste/ /chos gzhan gsum po mos ba mchog dang ldan/ sbyor ba'i lam la spel ba gtso bo ste/ /gsum po dag la ji ltar 'tsham par zad/ /mthong ba'i lam la dag la gtso bo ste/ gsum po dag gis bdag dang gzhan gyi don/ /bsgom ba'i lam la pha rol phyin pa ste/ /bsdu ba'i dngos pos 'gro ba tshim par byed/ /bslab pa kun la btus pa'i mngon par rtogs pa zhes bya ba/ rdzogs so// //dpal mar me mdzad ye shes dang/ dge slong tshul khrims rgyal bas bsgyur ba'o/ /gser gling rgyal pa dpal ldan chos skyong gis /bcom ldan 'jam pa'i rdo rje mnyes byas pas/ bslab pa kun las btus pa'i mngon par rtogs/ /ka ma la dang mar me mdzad la gsungs// //