བོད་ཡིག

e-texts based on the ACIP/ALL Input

'di ni sngon gyi lots+tsha ba chen po rnams kyis bsgyur ba ste/ 'gyur rnying lags skad do/ //rgya gar skad du/ kA ya pa ri ka b+ha ba na kA ma/ /bod skad du/ lus yongs su dpyad pa'i bsgom pa'i rim pa/ sangs rgyas la phyag 'tshal lo/ /'di la slob dpon klu sgrub kyi zhal snga nas/ 'jig rten rnam par rtog pas byung/ /rnam par rtog pas sems las byung/ /sems kyang lus las byung pas na/ /de'i phyir lus la dpyad par bya/ /zhes gsungs te/ des lus la brtag pa ni snying po gsum dang/ lus bzung bdun dang/ spu'i tshogs brgyad dang/ ba spu'i khung bu bye ba phrag brgyad cu dang/ so sum cu rtsa gnyis dang/ sen mo nyi shu dang/ pags pa'i rim pa bdun dang/ bu ga dgu dang/ 'bur bcu gnyis dang/ nang gi dngos po nyi shu rtsa gcig dang/ sha spar tshod lnga brgya dang/ rtsa stong phrag bdun cu rtsa gnyis dang/ rgyus pa bdun brgya dang/ chu ba bcu drug dang/ srin pa'i rigs bye ba phrag brgyad cu dang/ nad gzhi rnam pa bzhi dang/ mi gtsang ba nyi shu rtsa gnyis dang/ 'byung ba chen po bzhi dang/ gang nam mkha' i khams dang/ rus pa sum brgya drug cu dang/ tshigs sum brgya dang/ gnad brgya rtsa bdun chas pa dang/ yang phung po lnga dang/ khams bco brgya dang/ rten cing 'brel par 'byung ba dang/ skye mched rnams kyang 'di'i char chos ji lta bar brtag cing dpyad do/ /de nas yang ji ltar slob dpon phyogs kyi glang po'i zhal snga nas/ rnam par mi rtog ye shes rdo rje yis/ lus kyi 'khrul 'khor thams cad gzhig par bya/ /zhes bshad pa'i rim pas sor tshig dang/ nas dang shig dang/ so ma? dang/ glang dang/ lug dang/ ri bong dang/ nyi zer dang/ lcags dang/ chu yi rdul dang/ rdul phra mo dang/ phra rab dag gong nas 'og tu bdun du skyungs? pas dpyad nas tha mar rdul phra rab de ni ji ltar 'phags pa yang dag par spyod pa'i tshul nam mkha' i mdog gi 'dul ba'i bzod pa'i mdo las/ ji skad du gsungs pa de bzhin du bsgom ste/ shin tu phra ba'i rdul gcig po de la ji ltar lhag mthong phra mos brtag tsa na/ rdul phra mo gcig po de la ji ltar mtshan nyid med pa nyon mongs pa thams cad dang bral bar gyur par rab tu shes/ bdag med pa dang rnam par bral bar rab tu shes so/ /dngos med pa dang don dam pa'i tshig gi lam dang bral bar rab tu shes/ dmigs pa med pa dang sgra dbyangs thams cad dang bral bar rab tu shes/ bdag med pa dang bral ba dang/ bdud kyi mtshan nyid du rab tu shes/ yi ge med par rgyu rkyen dang bral bar rab tu shes/ dngos po med pa dang/ rgyu rkyen dang bral bar rab tu shes/ mtshan ma med pa las rdul shin tu bral bar rab tu shes te/ ji ltar 'du byed thams cad rab tu zhi ba la rnam pa brgyad po de dag gi shin tu phra mo zhig tu brtag go /de bzhin du gnyis pa dang/ de bzhin du gsum pa nas nang gi lus thams cad kyi bar du gcig la yang so sor rnam pa brgyad po 'di dag gi rdul phra mo zhig tu brtag go /nang gi lus ji lta ba bzhin du phyi rol gyi lus sa'i khams kyang rnam pa brgyad bo 'di dag gis so sor rdul shin tu phra bar brtag go /zhes bya ba la sogs pa rgyas par ston te/ de ltar lus la rnam par dpyad na nam mkha' dang 'dra bar sgom mo/ /de nas dag kyang byung ma thag tu zhig cing nam mkhar thim par brag cha dang 'dra bar yul na mi gnas shing/ sems kyang kha dog dang dbyibs dang skya gnas dang/ snod dang sems can du mi dmigs par gyur gyi bar du lta ste/ de'i tshe thams cad nam mkha' i ngo bor gnas so// 'di nyid la goms pas tshul bzhin ma yin pa yid la byed pa dang/ yang dag pa ma yin pa rtog pa nas ji srid rga shi'i bar du ji lta bar shes pas bde bar gnas so/ /de nas na ji ltar dga' ba'i gzugs kyi lus kyi bdag dang gzhan la phan pa dang bde ba sgyu ma ltar spyad do/ /lus yongs su dpyad pa'i sgom pa'i rim pa slob dpon nag po zhabs kyis mdzad pa rdzogs so/ //rgya gar gyi mkhan po de nyid dang/ lo tsA ba dge slong chos kyi shes rab kyis bsgyur cing zhus pa'o// //