Wylie

e-texts based on the ACIP/ALL Input

འདི་ནི་སྔོན་གྱི་ལོཙྪ་བ་ཆེན་པོ་རྣམས་ཀྱིས་བསྒྱུར་བ་སྟེ། འགྱུར་རྙིང་ལགས་སྐད་དོ། །།རྒྱ་གར་སྐད་དུ། ཀཱ་ཡ་པ་རི་ཀ་བྷ་བ་ན་ཀཱ་མ། །བོད་སྐད་དུ། ལུས་ཡོངས་སུ་དཔྱད་པའི་བསྒོམ་པའི་རིམ་པ། སངས ་རྒྱས་ལ་ཕྱག་འཚལ་ལོ། །འདི་ལ་སློབ་དཔོན་ཀླུ་སྒྲུབ་ཀྱི་ཞལ་སྔ་ནས། འཇིག་རྟེན་རྣམ་པར་རྟོག་པས་བྱུང། །རྣམ་པར་རྟོག་པས་སེམས་ལས་བྱུང། །སེམས་ཀྱང་ལུས་ལས་བྱུང་པས་ན། །དེའི་ཕྱིར་ལུས་ལ་དཔྱད་པར་བྱ། །ཞེས་གསུངས ་ཏེ། དེས་ལུས་ལ་བརྟག་པ་ནི་སྙིང་པོ་གསུམ་དང། ལུས་བཟུང་བདུན་དང། སྤུའི་ཚོགས་བརྒྱད་དང། བ་སྤུའི་ཁུང་བུ་བྱེ་བ་ཕྲག་བརྒྱད་ཅུ་དང། སོ་སུམ་ཅུ་རྩ་གཉིས་དང། སེན་མོ་ཉི་ཤུ་དང། པགས་པའི་རིམ་པ་བདུན་དང། བུ་ག་དགུ་དང། ་འབུར་བཅུ་གཉིས་དང། ནང་གི་དངོས་པོ་ཉི་ཤུ་རྩ་གཅིག་དང། ཤ་སྤར་ཚོད་ལྔ་བརྒྱ་དང། རྩ་སྟོང་ཕྲག་བདུན་ཅུ་རྩ་གཉིས་དང། རྒྱུས་པ་བདུན་བརྒྱ་དང། ཆུ་བ་བཅུ་དྲུག་དང། སྲིན་པའི་རིགས་བྱེ་བ་ཕྲག་བརྒྱད་ཅུ་དང། ནད་གཞི་རྣམ་པ ་བཞི་དང། མི་གཙང་བ་ཉི་ཤུ་རྩ་གཉིས་དང། འབྱུང་བ་ཆེན་པོ་བཞི་དང། གང་ནམ་མཁའ་ཨི་ཁམས་དང། རུས་པ་སུམ་བརྒྱ་དྲུག་ཅུ་དང། ཚིགས་སུམ་བརྒྱ་དང། གནད་བརྒྱ་རྩ་བདུན་ཆས་པ་དང། ཡང་ཕུང་པོ་ལྔ་དང། ཁམས་བཅོ་བརྒྱ ་དང། རྟེན་ཅིང་འབྲེལ་པར་འབྱུང་བ་དང། སྐྱེ་མཆེད་རྣམས་ཀྱང་འདིའི་ཆར་ཆོས་ཇི་ལྟ་བར་བརྟག་ཅིང་དཔྱད་དོ། །དེ་ནས་ཡང་ཇི་ལྟར་སློབ་དཔོན་ཕྱོགས་ཀྱི་གླང་པོའི་ཞལ་སྔ་ནས། རྣམ་པར་མི་རྟོག་ཡེ་ཤེས་རྡོ་རྗེ ་ཡིས། ལུས་ཀྱི་འཁྲུལ་འཁོར་ཐམས་ཅད་གཞིག་པར་བྱ། །ཞེས་བཤད་པའི་རིམ་པས་སོར་ཚིག་དང། ནས་དང་ཤིག་དང། སོ་མ?་དང། གླང་དང། ལུག་དང། རི་བོང་དང། ཉི་ཟེར་དང། ལྕགས་དང། ཆུ་ཡི་རྡུལ་དང། རྡུལ་ཕྲ ་མོ་དང། ཕྲ་རབ་དག་གོང་ནས་འོག་ཏུ་བདུན་དུ་སྐྱུངས?་པས་དཔྱད་ནས་ཐ་མར་རྡུལ་ཕྲ་རབ་དེ་ནི་ཇི་ལྟར་འཕགས་པ་ཡང་དག་པར་སྤྱོད་པའི་ཚུལ་ནམ་མཁའ་ཨི་མདོག་གི་འདུལ་བའི་བཟོད་པའི་མདོ་ལས། ཇི་སྐད་དུ་གསུངས་པ་དེ་བཞིན་དུ་བསྒོམ ་སྟེ། ཤིན་ཏུ་ཕྲ་བའི་རྡུལ་གཅིག་པོ་དེ་ལ་ཇི་ལྟར་ལྷག་མཐོང་ཕྲ་མོས་བརྟག་ཙ་ན། རྡུལ་ཕྲ་མོ་གཅིག་པོ་དེ་ལ་ཇི་ལྟར་མཚན་ཉིད་མེད་པ་ཉོན་མོངས་པ་ཐམས་ཅད་དང་བྲལ་བར་གྱུར་པར་རབ་ཏུ་ཤེས། བདག་མེད་པ་དང་རྣམ་པར་བྲལ ་བར་རབ་ཏུ་ཤེས་སོ། །དངོས་མེད་པ་དང་དོན་དམ་པའི་ཚིག་གི་ལམ་དང་བྲལ་བར་རབ་ཏུ་ཤེས། དམིགས་པ་མེད་པ་དང་སྒྲ་དབྱངས་ཐམས་ཅད་དང་བྲལ་བར་རབ་ཏུ་ཤེས། བདག་མེད་པ་དང་བྲལ་བ་དང། བདུད་ཀྱི་མཚན་ཉིད་དུ་རབ་ཏུ་ཤེས། ་ཡི་གེ་མེད་པར་རྒྱུ་རྐྱེན་དང་བྲལ་བར་རབ་ཏུ་ཤེས། དངོས་པོ་མེད་པ་དང། རྒྱུ་རྐྱེན་དང་བྲལ་བར་རབ་ཏུ་ཤེས། མཚན་མ་མེད་པ་ལས་རྡུལ་ཤིན་ཏུ་བྲལ་བར་རབ་ཏུ་ཤེས་ཏེ། ཇི་ལྟར་འདུ་བྱེད་ཐམས་ཅད་རབ་ཏུ་ཞི་བ་ལ་རྣམ་པ་བརྒྱད་པོ ་དེ་དག་གི་ཤིན་ཏུ་ཕྲ་མོ་ཞིག་ཏུ་བརྟག་གོ་།དེ་བཞིན་དུ་གཉིས་པ་དང། དེ་བཞིན་དུ་གསུམ་པ་ནས་ནང་གི་ལུས་ཐམས་ཅད་ཀྱི་བར་དུ་གཅིག་ལ་ཡང་སོ་སོར་རྣམ་པ་བརྒྱད་པོ་འདི་དག་གི་རྡུལ་ཕྲ་མོ་ཞིག་ཏུ་བརྟག་གོ་།ནང་གི་ལུས་ཇི་ལྟ་བ་བཞིན ་དུ་ཕྱི་རོལ་གྱི་ལུས་སའི་ཁམས་ཀྱང་རྣམ་པ་བརྒྱད་བོ་འདི་དག་གིས་སོ་སོར་རྡུལ་ཤིན་ཏུ་ཕྲ་བར་བརྟག་གོ་།ཞེས་བྱ་བ་ལ་སོགས་པ་རྒྱས་པར་སྟོན་ཏེ། དེ་ལྟར་ལུས་ལ་རྣམ་པར་དཔྱད་ན་ནམ་མཁའ་དང་འདྲ་བར་སྒོམ་མོ། །དེ་ནས་དག་ཀྱང་བྱུང་མ་ཐག ་ཏུ་ཞིག་ཅིང་ནམ་མཁར་ཐིམ་པར་བྲག་ཆ་དང་འདྲ་བར་ཡུལ་ན་མི་གནས་ཤིང། སེམས་ཀྱང་ཁ་དོག་དང་དབྱིབས་དང་སྐྱ་གནས་དང། སྣོད་དང་སེམས་ཅན་དུ་མི་དམིགས་པར་གྱུར་གྱི་བར་དུ་ལྟ་སྟེ། དེའི་ཚེ་ཐམས་ཅད་ནམ་མཁའ་ཨི་ངོ་བོར་གནས་སོ།། ་འདི་ཉིད་ལ་གོམས་པས་ཚུལ་བཞིན་མ་ཡིན་པ་ཡིད་ལ་བྱེད་པ་དང། ཡང་དག་པ་མ་ཡིན་པ་རྟོག་པ་ནས་ཇི་སྲིད་རྒ་ཤིའི་བར་དུ་ཇི་ལྟ་བར་ཤེས་པས་བདེ་བར་གནས་སོ། །དེ་ནས་ན་ཇི་ལྟར་དགའ་བའི་གཟུགས་ཀྱི་ལུས་ཀྱི་བདག་དང་གཞན་ལ ་ཕན་པ་དང་བདེ་བ་སྒྱུ་མ་ལྟར་སྤྱད་དོ། །ལུས་ཡོངས་སུ་དཔྱད་པའི་སྒོམ་པའི་རིམ་པ་སློབ་དཔོན་ནག་པོ་ཞབས་ཀྱིས་མཛད་པ་རྫོགས་སོ། །།རྒྱ་གར་གྱི་མཁན་པོ་དེ་ཉིད་དང། ལོ་ཙཱ་བ་དགེ་སློང་ཆོས་ཀྱི་ཤེས་རབ་ཀྱིས་བསྒྱུར་ཅིང་ཞུས་པའོ།། །། ་