<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N4045: dbu ma'i snying po'i 'grel pa rtog ge 'bar ba<br><table><tr><td>
<input type="button" onclick="location.href='tcompletep.php?id=N4045&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N4045&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N4045&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">dge slong tshul khrims rgyal byas bsgyur cing? zhus te gtan la phab pa'o// //*/ /dbu? ma'i 'grel pa rtog gi? 'bar ba slob dpon b+ha ? brjod? pa bzhugs so// //rgya gar skad du/ ma d+hya ma ka h+ri da ya brat+ti ti ra kA dzwA la?/ bod skad du/ dbu ma'i snying
 po'i 'grel pa rtog ge 'bar ba bam po dang po/ /thams cad mkhyen pa la phyag 'tshal lo/ /bden rang gi lha yid du 'ong ba la dang por phyag 'tshal ba nye bar bstan pa'i bstan bcos ngag ni skyes bu dpa' bo'i rkyen dang/ /bar chad med pa dang/ 'bras bu dang ldan par 'gyur bas/ de'i
 phyir bstan bcos byed pas bstan bcos kyi dang por/ /gang gis de nyid rab brtag min/ /rnam shes bya min gzhi ma yin/ /mtshon min brtag min rig bya min/ /skye 'jig med cing bde ba dang/ /rnam brtag ma yin snang ba med/ /mtshan ma med cing gsal byed med/ /gnyis min gnyis med
 ma yin dang/ /zhi dang blo 'jug rnam spangs pa/ /yi ge med pa yi ge yis/ /thugs rje nyid kyis bstan mdzad pa/ /ston pa ma nor nyid gsung pa/ /de la gus par phyag 'tshal lo/ /zhes ston pa la/ de nyid khyad bar thun mong ma yin pa/ bdag gis khyad par can ston par mdzad pa nyid
 kyis mngon par bstod do/ /de la gang gis zhes bya ba'i sgra ni spyi yin yang/ /de nyid phyin ci ma log bar ston par mdzad pa nyid kyis na 'dis ni bcom ldan 'das/ po na dang sbyar bar bya'o/ /de nyid ces bya ba ni khyad par dag bstan du zin kyang/ khyad par gyi gzhi'i ming ma bstan na/
 de mi rtogs pas de'i phyir de nyid ces smos te/ 'jig rten pa dang/ 'jig rten las 'das pa'i dngos po de dag gi de nyid de/ de bzhin nyid dang/ /chos kyi dbyings dang/ stong pa nyid ces bya ba dag gi rnam grangs so/ /rab brtag min zhes bya ba ni spyi dang ldan pa lkog tu gyur pa'i
 don snang ba la rjes su dpog pa'i shes pas rab tu brtag par bya ba ma yin pa 'am/ rtog pa dang dpyod pa rtsing ba dang/ zhib pa'i rnam pas rjes su 'jug pa yang rung ba'i spyod yul ma yin pa'i phyir ro/ /rnam shes bya min zhes bya ba ni shes bya rnam pa lnga la 'jug pa'i rnam par shes pa lngas
 rnam par shes par bya ba ma yin pa'i phyir ram/ byis pa dang mu stegs byed dang/ slob pa dang/ mi slob pa dang/ rang sangs rgyas thams cad kyis rtogs par mi nus pa'i phyir ro/ /gzhi ma yin zhes bya ba ni ji ltar kun gzhi rnam bar shes pa la rtog pa'i sa bon thams cad kyi gzhi
 yod ba dang/ skyes bu la bdag grol nga? rnams kyi gzhi yod pa ltar/ /'di la gang gi gzhi dang kun tu sbyar ba yang yod pa ma yin pa'am sa yul gang na yang 'di'i gzhi dang kun tu sbyar ba 'ga' yang yod pa ma yin pa'o/ /mtshon min zhes bya ba 'di rang dang spyi'i mtshan nyid kyis
 mtshon par bya ba ma yin pa 'am/ 'dis dngos po gang yang mtshon par byed pa ma yin pa'o/ /brtag min zhes bya ba ni chos thams cad rang gi ngo bor yongs su ma grub pa'i phyir 'di dang de'o zhes brtag par mi nus pa'i phyir ro/ /rig bya min zhes bya ba ni rang byung gi
 ye shes skad cig gcig gis chos thams cad phyin ci ma log par rnam pa thams cad mngon par rtog pas rig pa med pa'i tshul gyis rig par bya ba'o/ /skye 'jig med cing zhes bya ba ni skye ba ni 'byung ba yin la/ 'jig pa ni rgyun chad pa'am zhig pa ste/ 'di la de gnyis
 yod pa ma yin pa'o/ /bde ba zhes bya ba ni skye ba la sogs pa'i gnod pa ma lus pa dang bral ba'i phyir ro/ /rnam brtag ma yin zhes bya ba ni gzung ba dang/ 'dzin pa dang/ bdag gi dngos po dang/ gzhan gyi dngos po dang/ dngos po dang dngos po med par rnam pa brtag pa
 ma yin pa'i phyir ro/ /snang ba med ces bya ba ni rang dang gzhan du snang ba'i tshul du snang ba med pa'i phyir ro/ /mtshan ma med cing zhes bya ba ni gzugs dang gzugs med pa'i mtshan ma dang bral ba'i phyir ro/ /gsal byed med ces bya ba ni skye ba dang/ gnas pa dang/ 'jig
 pa dang/ gzhan du 'gyur ba nyid ces bya ba'i gsal byed dag dang/ bral ba'i phyir ro gnyis min gnyis med ma yin zhes bya ba ni dmigs pa gnyis dang/ dmigs su med pa gnyis dang/ dmigs pa dang dmigs pa med pa mnyam pa nyid kyi phyir ro/ /zhi zhes bya
 ba ni ye shes zhi bas rtogs par bya ba yin pa'i phyir ram/ rab tu zhi ba bla na med pa'i rgyu yin pa'i phyir ro/ /blo 'jug rnam spangs pa zhes bya ba ni don dam pa rtogs pa dang rjes su mthun pa'i shes rab 'jug pa med pa'i tshul du 'jug pa'i yul yin pa'i phyir/ /mtshan
 ma dang bcas pa dang dmigs pa dang bcas pa'i blo'i 'jug pa rnam par spangs pa'o/ /yi ge med pa zhes bya ba ni blo'i yul ma yin pa'i phyir/ /tshig gi yul yan ma yin pas de'i phyir yi ge med pa ni brjod du med pa'o/ /yi ge yis zhes bya ba ni yi ge dag gis
 sgro btags de'o/ /thugs rje nyid kyis zhes bya ba ni rtsad pa'i phyir ma yin par ro/ /bstan mdzad pa zhes bya ba ni rab tu bstan par gyur pa'o/ /ston pa zhes bya ba ni lha dang mi rnams la phyin ci ma log par ston pa'o/ /ma nor nyid gsung ba zhes bya ba ni don yang dag pa ji lta ba nyid
 gsung ba'o/ /de la zhes bya ba ni ston pa la'o/ /gus par zhes bya ba ni bsam pa thag pa nas so/ /phyag 'tshal lo zhes bya ba ni phyag 'tshal bar gyur cig ces bya ba'o/ /de ltar na des ni bcom ldan 'das kyi rang dang gzhan gyi don phun sum tshogs pa bstan te/ rang gi
 de nyid thugs su chud nas gzhan dag la ston par mdzad pa'i phyir ro/ /'o na gang gi phyir dang 'brel pa gang gis bstan bcos 'di rtsom par byed ce na de'i phyir/ gzhan don bsgrub phyir brtul zhugs kyis/ /byang chub chen por blos byas rnams/ /de nyid bdud rtsir bzung ba'i
 phyir/ /nus pa cung zhig brjod par bya/ zhes smras te/ gzhan don bsgrub phyir zhes bya ba ni gzhan dag gi don bya ba'i phyir ro/ /brtul zhugs kyis zhes bya ba ni/ gang dag gi brtul zhugs drag po blangs pas so/ /byang chub chen po zhes bya ba ni de byang chub kyang yin la /chen
 po yang yin pas byang chub chen po ste/ theg pa thams cad theg pa gcig gi rjes su 'jug pa'i phyir dang rtogs par bya ba mdza' yas pa'i phyir ro/ /der blo byas rnams zhes bya ba ni mi phyed pa'i bsam pa yang dag par bskyed pa rnams so/ /de rnams de nyid bdud rtsi la gzung pa'i
 phyir bstan bcos 'di rtsom par byed de/ de ltar na de ni dgos pa yin no/ /nus pa cung zhig brjod par bya zhes bya ba ni 'brel pa yin te/ ji ltar zhe na/ gang gi phyir bcom ldan 'das kyi theg pa chen po'i phyir de nyid bdud rtsi'i yi ge dpag tu med pa dang/ don shin tu rgya chen po
 bka' stsal pa de'i rjes su slob dpon gyis kyang de dbu ma'i bstan bcos rgya cher bstan gyi/ bdag gis ni blo zhen pa rnams drang ba'i phyir ci nus pas cung zad tsam zhig brjod pa'i phyir ro/ /bstan bcos mdza' dag gi don gyi sgo nas yongs su rdzogs pa dang 'dra bar blos yang dag
 mthong da na/ spyi sdom byed pa ni/ byang chub sems ni mi gtong dang/ /thub pa'i brtul zhugs yang dag brten/ /de nyid shes pa 'tshol ba ni/ /don kun sgrub pa'i spyod pa yin/ zhes bya ba ste/ byang chub chen por smon lam btab pa rnamS kyis dang por byang chub yid la byed pa
 dang mi 'bral bar bya'o/ /de nas phyi rol pa'i thub pa'i chos dang mthun par theg pa chen po las gsungs pa'i thub pa'i brtul zhugs la yang dag par brten par bya'o/ /de'i 'og tu phyogs su ltung ba'i blo med pas gzhung lugs thams cad rnam par brtags nas rigs pa dang lung
 dang mi 'gal ba'i de nyid shes par bya ba'i phyir ro/ 'bar par bya ste/ de ltar sbyor pa gsum po de dag ni rang dang gzhan gyi don thams cad bsgrub pa'i spyod pa yin te/ bstan bcos 'di la mdor bstan pa ni de yin no/ /de la re zhig byang chub kyi sems mi gtong ba je brjod par bya ste/ byang
 chub kyi sems zhes bya ba de ji lta bu zhe na/ byams pa dang ni snying rje dang/ shes pa chen pos brgyan pa yi/ /sangs rgyas sa bon byang chub sems/ /de phyir mkhas pa de mi btang zhes bya ba ste/ /byams pa chen po zhes bya ba ni sems can thams cad bsgral ba dang sgrol ba dang/
 mngon par byang chub par bya ba dang/ yongs su mya ngan las 'da' ba' i sems bskyed pa bzhi dang ldan pa'o/ /snying rje chen po zhes bya ba ni sems can thams cad kyi don bya ba dang/ ngan 'gro las yongs su bskyab pa dang/ theg pa dman pa las bslang ba dang/ yang dag pa'i lam du
 dgod pa'i sems bskyed pa bzhi dang ldan pa'o/ /shes pa chen po zhes bya ba ni rnam pa gnyis te/ thabs kyi shes pa dang/ shes rab kyi shes pa'o/ /de la thabs kyi shes pa ni 'khor gsum yongs su dag pa dang ldan pa'i dge ba'i rtsa ba thams cad bskyed cing/ sems can
 thams cad dang thun mong du byas shing/ bla na med pa yang dag par rdzogs pa'i byang chub tu yongs su bsngo ba dang/ sdig pa 'chags? pa dang/ bsod nams kyi rjes su yi rang ba la sogs ba dang/ tshogs gsum yongs su rdzogs par byed pa'o/ /shes rab kyi shes pa ni
 chos thams cad dmigs su med pa dang/ mtshan ma med pa dang/ mngon par 'du bya ba med pa dang/ skye ba med pa dang/ dngos po med pa dang/ yongs su ma grub pas so sor rtogs pa'i ngo bo nyid kyi shes pa skad cig gcig dang ldan pa bskyed pa'o/ /de dag gis brgyan pa'i sangs rgyas kyi
 sa bon ni byang chub kyi sems yin te/ byang chub ni chos thams cad rnam pa thams cad du yongs su mkhyen pa'o/ /byang chub kyi sems ni byang chub kyi phyir sems dpa' 'o/ /gang gi phyir de sangs rgyas kyi sa bon yin pa de'i phyir mkhas pa sems can la blta bas bsam pa dang/
 lhag pa'i bsam pa dang mos pa dang mos pa rgya chen po de mi btang bar bya ba'i rigs so/ /byang chub tu sems bskyed pas ci zhig bya bar rigs zhe na/ de'i phyir blo ldan snying stobs che ba dang/ /gzhan gyi sdug bsngal mi bzod cing/ /yang dag brtson 'grus brtsams pa dang/ /mthu dang ldan
 zhing mkhas pas ni/ /shes rab snang ba med pa yi/ /'jig rten kun la blta byas nas/ /'khor ba mi gtsang sa 'og nas/ /bdag nyid rgal bas bsgral bar rigs/ zhes bya ba smras te blo dang ldan pa chos thams cad rab tu rnam par 'byed pa'i mtshan nyid kyi shes rab dri ma med pa dang ldan pa
 dang/ snying stobs che ba bdud dang nyon mongs pa thams cad kyi mi byed cing brtan pa'i sems dang ldan pa dang/ gzhan gyi sdug bsngal mi brjod pa sems can thams cad bdag nyid dang 'dra bar las blangs nas de dag sdug bsngal bas bdag nyid sdug bsngal ba dang/ yang dag par
 brtson 'grus brtsams pa dge ba'i chos kyi spyod pa dag la brtson 'grus brtan pa brtsams pa dang/ mthu dang ldan pa bdag dang gzhan gyi don byed par nus pa dang/ mkhas pa bshes gnyen can gyi ni shes rab kyi snang ba med pa blo'i gsal ba dang bral ba'i 'jig rten ma lus
 pa kun la blta ba yang dang yang du brtag pa byas nas 'khor ba mi gtsang ba'i sa 'og nas/ bdag nyid brgal bas 'jig rten yang bsgral bar rigs so/ /zhes bya bar sbyar ro/ /byams pa chen po'i bshad pa sems can thams cad bsgral ba'i sems bskyed pa zhes bya ba dang
 po bshad zin to/ /sems can dgrol ba'i sems bskyed pa zhes bya ba gnyis pa'i dbang du byas nas/ gang zhig shes rab mtshon rnon gyis/ /'chad ba kun bcad grol gyur pa/ /snying rje'i bdag nyid ldan pa yis/ /gang phyir mgon med sdug bsngal ba/ /'khor ba'i btson
 ra? mi bzad par/ /'dod chags la sogs sgrog gis bcings/ /bag med pa yi chad 'thungs nas/ /gti mug gnyid kyis log pa dang/ /rnam par rtog pa'i chom rkun gyis/ /deg tshogs ma lus rkus pa dag/ gal te grol bar mi byed na/ /mthu ldan mthu ni ci? la phan/ zhes bya ba
 smras te/ gang zhig shes rab kyi mtshon nyon mongs bam lus pa gcod pa'i bdag nyid kyi ral gri shin tu rnam bos? phreng? pa'i kun tu sbyor ba'? 'ching ba kun ma lus par bcad cing bdag nyid grol bar gyur ba snying rje'i bdag nyid dang ldan pa yis gzhan dag kyang grol bar byed pa
 de ni mthu dang ldan pa'i mthu yin no zhes bya bar sbyar ro/ /byams pa'i skabs su snying rje'i bdag nyid dang ldan pa zhes bya ba'i tshig smos pa ni byams pa dang snying rje gnyis zung du 'brel par 'byung ba'i phyir mi rung ba med do/ /mgon med ces bya ba ni dad la sogs pa mgon med pa'i
 chos bcu dang bral ba'i phyir ro/ /sdug bsngal ba zhes bya ba ni 'tshe 'pho dang/ yongs su 'tshol ba la sogs pa'i sdug bsngal gdung bdag dang ldan pa'i phyir ro/ /'khor ba'i btson ra mi bzang ba zhes bya ba ni srid pa'i 'ching ba'i gnas 'jig? pa mang ba skye ba dang/ rga ba
 la sogs pa'i rgyun gyis dpyad thag ma chad pa'i mtshan nyid sems kun nas nyon mongs par byed par ro/ /'dod chags la sogs sgrog gis bcings zhes bya ba ni 'dod chags la sogs pa kun tu sbyor ba dgu po lcags sgrogs dang 'dra bdag gis bcings pa'i phyir ro//
 bag med pa'i chang 'thungs nas zhes bya ba ni 'dod chags dang/ zhe sdang dang gti mug dang/ le lo zhes bya ba bag med pa chang dang 'dra ba bsten cing myos par gyur ba'o/ /gti mug gnyid kyi log pa zhes bya ba ni ma shes pa'i gnyid kyis shin tu smyo bar gyur pa'o/ /rnam
 bar rtog pa'i chom rkun gyi zhes bya ba ni 'dod pa dang/ gnod sems dang rnam par 'tshe ba la sogs pa'i rnam par rtog pa chom rkun dang 'dra ba dag gis so/ /dge tshogs ma lus brkus pa dag ces bya ba ni 'phags pa'i nor bdun gyi nor thams cad phrogs pa dag go/ byams pa chen
 po'i bshad pa sems can thams cad dgrol ba'i sems bskyed pa zhes bya ba gnyis pa bshad zin to/ /sems can thams cad mngon bar byang chub par bya ba'i sems bskyed pa zhes bya ba gsum pa'i dbang du byas nas/ gang zhig lag pa'i mthus bsgrubs pa 'dod
 bas bskyed pa'i bde chung yang/ /gcig pu gdu bar za byed pa/ /de yang mkhas pas dmar gyur na/ 'khor los sgyur dang dbang po dang/ /tshangs pa la yang rab dkon pa/ /sred pa rnam par gcod pa dang/ /thabs kyi sgo nas thun mong ba/ /len dang zad dang mthar thug dang//
 sdug la sogs pas mi 'gyur zhing/ /sdug bsngal ma lus zhi byed pa'i/ /de nyid don rtogs bdud rtsi ci/ zhes bya ba smras te/ re zhig 'jig rten na gang zhig rang gi lag pa'i mthus bsgrubs pa 'dod pas bskyed pa'i bde ba cha shas chung du yang bdag gcig pus
 grogs po dang/ mdza' bshes dang/ 'gron la bcugs pa dang/ stabs pa med? par gdu zhing 'dod pas kun na bkris pa'i sems kyis za bar byed pa de yang mkhas pas dmang? par 'gyur te/ ser snas kun nas dkris pa'i sems dang ldan pa'i phyir ro/ /de yang de
 ltar 'gyur na gang zhig rang gis de nyid kyi don rtog bas bdud rtsi rnyed nas/ sems can la mi bltos par bdag rang gcig pus rtog par byed na de ji ltar dmar bar mi 'gyur zhes bya ba tshig gi lhag ma'o/ /de la 'khor los sgyur ba'i bde ba ni lha'i pho brang na lha mo lha'i rin
 po che dri ma med pa'i 'khor lo dang/ nor bu dang glang po che dang/ rta dang blon po dang/ btsun mo dang/ dmag dpon zhes bya ba rin po che sna bdun dang ldan pa dang/ gling bzhi'i dbang phyug dang/ yul la longs spyod pa'i mi'i bde ba thams cad las ltag pa'o/ /dbang
 po'i? byed pa ni lha'i pho brang na lha mo lha'i rin po che dri ma med pa'i 'od kyis snang bar byas pa dang/ dga' ba'i chil la sogs pa'i longs spyod shin tu che ba'o/ /tshangs pa'i bde ba ni stong la dbang sgyur pa'i tshangs pa changs ba'i gnas pa bzhi bsgom pa dang/ bsam gtan
 gyi ? myang ba yul gyi bde ba thams cad las lhag pa'o/ /de dag la yang de nyid kyi don brtags pas bdud rtsi rab tu dkon te/ gang gi phyir sred pa rnam par gcod pa zhes bya ba ni 'dod pa dang/ srid ba dang/ thar pa la mngon par zhen ba spangs bzhes bya ba'i tha tshig do/ /thabs kyi sgo nas
 thun mong pa zhes bya ba'i bsod nams dang/ bsod nams ma yin pa dag ni gzhan la rgyud la 'pho ba med kyi 'bras bu la longs spyod pa ni sems can thams cad dang thun mong du byar rung ste/ mchod sbyin chen po'i don du nor dang 'bru'i tshogs bsags pa bzhin pas ji
 ltar zang zing gi sbyin pa chung yang tshe rabs gzhan dag tu rnam par smin pa 'bum 'gyur 'grub pa de ltar dge ba'i rtsa ba chung du sems can rnams la stobs shing smon lam yongs su rdzogs par byed pa la yang bla na med pa yang dag par rdzogs pa'i byang chub kyi dus na rnam par
 smin pa'i 'bras bu grangs med pa dang tshad med par 'gyur te/ 'dir thabs ni sems can thams cad kyang bde bar gyur cig ces bya ba yin no/ /len dang zad dang mthar thug dang/ /sdug la sogs pas mi 'gyur zhing/ zhes bya ba la len pa ni skye ba'o/ /zad pa ni dga' pa'o
 mthar thug pa ni 'chi pa'o/ /sdug la sogs paS zhes bya ba ni 'du byed dang/ 'gyur ba dang/ sdug bsngal gyi sdug bsngal gsum dang/ de dag las byung ba mya ngan dang/ smre sngags 'don pa dang/ sdug bsngal ba dang/ yid mi bde ba la sogs pas so/ /de dag thams cad
 kyis mi 'gyur ba na sun ma phyin pa'o/ /sdug bsngal ma lus zhi byed pa'i/ zhes bya ba ni skye ba la sogs pa'i sdug bsngal lo/ /de nyid don rtogs bdud rtsi zhes bya ba ni de nyid kyi don rtogs pa nyid bdud rtsi ste/ 'chi 'pho med pa'i go 'phang thob par byed pa'i phyir ro/ /byams pa chen?
 po'i bshad pa sems can thams cad mngon par byang chub par bya ba'i sems bskyed pa zhes bya ba gsum pa bshad zin to/ /sems can thams cad yongs su mya ngan las 'da' ba' i sems bskyed ba zhes bya ba bzhi pa'i dbang du byas nas/ gzhan yang sngon chad nyon mongs
 pa'i/ /gdan gyis brlams pa bdag gis ni/ /smas la 'gyur byed 'dabs pa bzhin/ /sdug bsngal nad pa gang sdug byas/ /skye ba gzhan du gang dag gis/ /byams dang bsnyen bkur phan ba byas/ /de la lan du phan gdags pa/ /mya ngan bzla bas gzhan ci yod ces bya ba smras te/
 gzhan yang sngon chad 'das pa'i dus dag tu/ nyon mongs pa sems kyi rgyud la gnod pa byed pa 'dod chags la sogs pa nyes pa'i gdon gyis brlams par gyur pa bdag gis mtshon la sogs pas smas pa'i lus la 'gyur byed 'debs pa bzhin du sdug bsngal nad
 pa gang dag skye ba la sogs pa'i sdug bsngal gyi nad kyis lus dang yid mi bde bar gyur pa dag la bsad pa dang/ bcing ba dang/ btson du bzung ba la sogs pa gnod pa'i bdag nyid kyi sdug bsngal dag byas shing bskyed pa dang/ tsha rabs rjes pa'i skye ba gzhan du pha
 dang ma dang/ bu dang grogs po dang/ nye dur gyur pa khong dge ba shin tu phan pa dang/ bde ba 'dod pa gang dag gis bdag la byams pa dang bsnyen bkur dang phan pa byas pa de dag la lan du phan gdags pa ni nyid mtshams sbyor ba'i 'chad ba ma lus par bcad
 par phung po'i lhag ma med pa'i mya ngan las 'das pa'i dbyings su yongs su mya ngan las bzla ba las gzhan ci yod ces bya bar sbyar ro/ /byams pa chen po'i bshad pas sems can thams cad yongs su mya ngan las bzla ba'i sems bskyed pa zhes bya ba
 bzhi pa bshad zin to/ /sems bskyed pa de dag ni don che ste/ /'phags pa shes rab kyi pha rol tu phyin pa las byang chub sems dpa' gang sems can rnams kyi don dang/ phan pa dang/ bde ba dang/ grub pa dang/ bde ba 'dod pa de ni 'di snyam du sems te/ ji
 ltar bdag rgal nas sems can ma rgal ba rnams bsgral bar bya'o/ /ji ltar bdag grol nas sems can ma grol ba rnams 'grol par bya'o/ /ji ltar bdag dbugs phyin nas sems can dbugs ma phyin pa rnams dbugs dbyung bar bya'o/ /ji ltar bdag
 yongs su mya ngan las 'das nas sems can yongs su mya ngan las ma 'das pa rnams yongs su mya ngan las bzla bar bya'o snyam ste stong gsum gyi stong chen po'i 'jig rten gyi khams ni skra'i rtse mo'i khyon tsam gyi tshad bzung ba dang/ rgya mtsho chen po ni skra'i rtse mo brgyar gshaD
 pas bcu zhing tshad bzung ba kho nar rung gi sems bskyed pa de dag gi bsod nams kyi tshad ni gzung bar mi rung ste/ de ci'i phyir zhe na/ gang gi sems bskyed pa de dag mngon par bsgrubs nas byang chub sems dpa' thams cad kyi rjes su yi rang bar byas te/ ci nas kyang
 gnyis kyi 'du shes med pa dang/ gnyis ma yin pa'i 'du shes med pa dang/ sems ma yin pa dang/ sems las gzhan ma yin pas bla na med pa yang dag par rdzogs pa'i byang chub tu yongs su sngo bar byed ba'i sems can de dag ni bdud kyi gnas rnam par
 'jig par byed pa yin pa'i phyir ro/ /zhes bya ba la sogs pa ji skad gsungs pa lta bu'o/ /'dir smras pa/ rang gi don phun sum tshogs pa thob pa nyon mongs pa'i cha shas ma lus par spangs pa rnams ni ji skad smras pa de dag rung gi /gang dag gi stobs bskyed
 pa ma lus pa de dag ni rang nyid srid pa dag dang/ srid pa la brten pa'i nyon mongs pa rnams kyis gnod bzhin pa na ji ltar gzhan dag bsgral ba dang/ dgrol pa dang/ mngon par byang chub par bya ba dang/ yongs su mya ngan las 'da' ba bzod par 'gyur zhe na/ de'i
 phyir de'i lan du snying rje chen po sngon du btang nas/ gzhan don byed las byung ba yi/ /dga' bas sems dga' mkhas pa dag/ ral gri rab tu 'bar 'dra ba'i/ /srid bdag gis gnod mi 'gyur/ zhes bya ba smras te/ sbyin pa dang/ snyan par smra ba dang/ don spyod pa
 dang/ 'don mthun pa nyid la sogs bar 'jig rten la phan 'dogs pas mkhas pa dag ni ral gri rab tu 'bar ba dang 'dra ba'i srid pa 'dod pa dang gzugs dang gzugs med pa zhes bya ba dag gi gnod par mi 'gyur ro/ /de ci'i phyir zhe na/ 'di ltar de dag ni gzhan gyi don
 byed pa las byung ba'i dga' bas lus dang sems kyi rgyud dga' bar gyur cing byang chub kyang gzhan gyi don kho na'i phyir 'dod pa dang/ srid pa nye bar blad ba'i phyir las mngon par 'du mi byed pa dang/ srid pa'i sred pa dang/ bral ba'i phyir de dag gis gnod par mi 'gyur
 ba'i phyir ro/ /snying rje chen po'i bshad pa sems can thams cad kyi don bya ba'i sems bskyed pa zhes bya ba dang po bshad zin to/ /yang na/? 'di ltar gnod par mi 'gyur te/ /tshul khrims 'chal ba mi byed pas/ /ngan 'gro'i sgo kun bcad pa'i phyir/ /de dag ni bdag nyid
 dge ba bcu'i las kyi lam lhag par dpyod pas gnod pa med pa na gzhan dag kyang de dag nyid la sbyor bar byed pas ngan 'gro 'gro ba ngan pa'i sgo thams cad bcad pa'i phyir bde 'gro'i sgo glegs 'byed par byed cing/ sems can rnams lha dang mi'i 'gro ba dag la 'god par
 byed ba'i phyir ro/ /des ni snying rje chen po'i bshad pa ngan 'gro lam yongs su bskyab pa'i sems bskyed pa zhes bya ba gnyis pa bstan te/ 'di skad du gang gi phyir bdag nyid lam log bar zhugs pas gzhan dag yang dag pa'i lam la dgod ba ni gnas ma yin zhing skabs ma
 yin gyis/ kye ma bdag kyang dge ba bcu po 'di dag la lhag par spyod cing gzhan dag kyang de dag nyid la dgos par bya'o/ /zhes ji skad gsungs pa lta bu'o/ /ji ltar srid pa la brtan pa'i nyon mongs pa dag gis gnod par mi 'gyur zhe na/ de'i phyir stong nyid lta ba goms
 byas pas/ /nyon mongs 'jug pa bcom phyir ro/ /zhes bya ba smras te/ rgyu dang rkyen tshogs pa dang/ tha dad pa'i dngos po dang zhig pa dag la dngos po mi dmigs pa'i phyir ro/ /gang la 'dod chags dang khod? khro ba dang/ gti mug 'byung bar 'gyur te/ de ltar nyon mongs pa
 rnams kyiS mthu bcom pa'i srid pa la brten pa'i nyon mongs pa rnams kyis kyang gnod par mi 'gyur ro/ /'o na 'di ltar byang chub sems dpa' rnams phal cher 'gro ba thams cad na rnam par rgyu ba dang/ de dag tu skyes pa yang snang na/ ji ltar de'i? cha dang
 mthun pa'i sdug bsngal dag gis gnod par mi 'gyur zhe na/ de'i phyir mkhas pa bsod nams byas pa yis/ /'gro drug bskyed tshal dus ston ltar/ /mthong ba srid pa'i btson ra yis/ /skrag par 'gyur ba yong ma yin/ zhes bya ba smras te/ mkhas pa gzhan gyi don du
 smon lam btab pa bsod nams kyi tshogs dpag tu med pa yang dag par bsags pa dag gis sems can dmyal ba dang/ yi dags dang/ dud 'gro dang/ lha dang/ lha ma yin dang/ mi'i 'gro ba drug po dag me tog ku mu nga'i dus ston lta bur mthong ngan? 'chi 'pho? ba
 dang/ yongs su tshol ba dang/ nga rgyal dang/ sdug bsngal dang gcig la gcig za ba dang/ bkres pa la sogs pa'i sdug bsngal dag gis gnod pa'i tshe yang srid pa'i btson ra'i gnas kyi yid 'byung bar 'gyur ba med do/ /'on gal te de dag de ltar srid pa dag dang/ de
 dag la brten pa'i skyon dag gis mi dgos na/ ji srid pa na gnas shing ci'i phyir mya ngan las 'das par mi 'gro zhe na/ de'i phyir/ skyon mthong phyir ni srid pa min/ /brtse phyir mya ngan 'das mi gnas/ /gzhan don bsgrub phyir brtul zhugs can/ /srid pa na yang
 gnas par byed/ ces bya ba smras te/ skyon dang nyes? dmigs mang po mthong ba'i phyir srid par gnas 'cha' bar mi byed la/ sems can gyi khams mdza' dag yongs su bskyab pa la brtson pa'i phyir mya ngan las 'das pa'i dbyings su yang 'gro bar mi byed de/
 gzhan gyi don sgrub pa'i phyir brtul zhugs blangs pa dag ni snying rje'i dbang du gyur pa'i sems kyi pad+ma bzhin du 'jig rten gyi dri ma dag gis mi gos srid pa na yang gnas par byed de /ji skad du gang la 'gro ba'i rang bzhin ma lus mngon mdzad pa /de bzhin
 gshegs nyid zhar la rnyes pa nyid lags shing/ /gzhan don lhur mdzad khyod kyi yon tan dag bzhi/ /bsto'i? mkhan zhig bstong pas ji tsam bstod par 'gyur /zhes bya ba 'byung ba lta bu'o/ /'khor ba dang na mya ngan 'das/ /gnyis dang gnyis min me dmigs pa'i/ /
 mkhas pa gang yang mi gnas shing/ /srid pa na yang gnas par byed/ /'khor ba dang mya ngan las 'das pa gnyis ngo bo nyid mtshungs pa'i phyir/ /srid pa dang thar pa gnyis dang gnyis ma yin par mi dmigs pa'i mkhas pa dag ni gang yang mi gnas shing/ srid pa
 gsum na yang gnas par snang ste/ des ni slob dpon gyi byang chub sems dpa' rnams kyi mi gnas pa'i mya ngan las 'das pa bstan par 'gyur te/ ji skad du gang gi phyir byang chub sems dpa' chos thams cad la yongs su 'dris par shes pas dbang bsgyur ba khams gsum
 dang lhan cig gnas pa dang mya ngan las 'das par ltung ba ni gnas ma yin zhing skabs ma yin no/ /zhes bya ba la sogs pa gsungs pa lta bu'o/ /bdag dang gzhan gyi don phun sum tshogs pa yongs su rdzogs pa'i mya ngan las 'das pa zhar la 'ongs pa brjod
 par bya ste/ byang lag rin chen bdun phyug cing/ /yon tan dpag med 'byung ba'i gnas/ /lha dang lha min phyag byas pa/ /dam chos 'khor lo bskor brnyes shing/ /mu tig 'phro 'dra'i grags pa dang/ /ston zla nya ba'i dri med pa'i/ /'od zer lta bu'i gsung
 dag gis/ /phyogs bcu dag ni rgyas mdzad la/ /dkon mchog gsum gdung gnas bya'i phyir/ /yon tan 'byung gnas dam pa'i smras/ /lha klu la sogs spyi gtsug gis/ /bstan pa mchod pa bzhag mdzad de/ /rang dang gzhan don mdzad pa'i phyir/ /de dag mya ngan 'das
 legs 'das/ /de las gzhan gang lus can chang/ /de yang mya ngan 'das pa yin/ zhes bya ba dag ni dran pa dang chos rnam par 'byed pa dang/ brtson 'grus dang/ dga' ba dang/ shin tu sbyangs pa dang/ ting nge 'dzin dang/ btang snyoms zhes bya ba byang chub kyi yan
 lag rin po che bdun gyis phyug cing ldan pa dang/ yon tan dpag tu med pa dag 'byung ba'i sgor gyur pa'i 'byung gnas dang/ lha sum cu pa dang/ lha min sbyin byed ma'i bus phyag byas shing mchod pa dang/ dam pa'i chos kyi 'khor lo bden pa bzhi la lan
 gsum du bzlas te /rnam pa bcu gnyis su bskor ba nyid brnyes shing/ mu tig gi 'bru bcag pa'i 'phro 'dra bar 'od zer dkar ba'i grags pa dag ston ka'i zla ba nya ba dri ma med pa'i 'od zer lta bu'i gsung rab bcu gsum po dag gis phyogs bcu ngag kyang rgyas par mdzad pa/
 sangs rgyas dang chos dang 'phags pa'i dge 'dun dkon pa'i don dang dga' bar byed pa'i don gyi dkon mchog ces bya ba de gsum gyi gdung rgyun mi 'chad cing gnas par bya ba'i phyir snying rje dang shes rab la sogs pa'i yon tan 'byung ba'i sgor gyur pa'i gnas rgyal ba
 dam pa'i sras/ /lha dang klu dang mi dang mi'am ci la sogs pa'i spyi gtsug gis bka' i bstan pa rab tu gnas par byas shing mchod pa dag dam pa'i chos kyi rgyal tshab tu bzhag pa mdzad de/ rang gi don tshogs gsum yongs su rdzogs shing bla na med pa'i go 'phang brnyes
 pa dang/ gzhan gyi don sems can gyi khams mdza' dag phung po lhag ma med pa'i mya ngan las 'das pa'i dbyings su dgod pa dang gzhan yang mngon par rdzogs par byang chub pa'i nges par bya ba bzhi po chos kyi 'khor lo bskor ba dang/ tshe 'phrul chen po yang dag par bstan pa
 dang/ byang chub sems dpa' lung bstan pa dang/ yab dang yum 'bras bu la dgod pa dag mdzad pa'i phyir de dag mya ngan las 'das pa ni de ltar don ma lus pa mdzad pas mdzad pa gzhan med pa'i phyir dang/ nyon mongs pa dang/ shes bya'i sgrib pa bag chags dang
 bcas pa mdza' dag drungs nas phyung ba'i phyir legs bar mya ngan las 'das pa yin no/ /de dag las gzhan pa nyan thos dang/ rang sangs rgyas gang dag phung po'i lus rgyun bcad pa tsam gyis yang 'byung pa'i srid pa zad cing chang pa de dag kyang mya ngan las 'das
 ba yin te /nyon mongs pa'i sgrib pa tsam spangs pa'i phyir ro/ /de dag la ni nyon mongs pa'i bag chags dang/ shes bya'i sgrib pa bag chags kyi ngo bo nyid yod pa'i phyir yang byang chub kyi tshogs dag bsags shing bag chags dang mtshams sbyor ba spangs te/ bla na med pa'i byang
 chub mngon par rdzogs par byang chub par bya dgos so/ /zhar la 'ongs pa yongs su rdzogs par byas nas/ da ni snying rje chen po'i bshad pa/ theg pa dman pa las bslang ba'i sems bskyed pa zhes bya ba gsum pa'i dbang du byas nas/ wa ni glang chen dregs pa yis/ /glad pa
 bgam zhing dbye mi sems/ /gdol? ba rgya mtsho'i mtha bklas pa'i/ /sa yi dkyil 'khor bskyang mi sems/ /de bzhin sems can dman pa yang/ /zab cing bla med rgya che ba/ /yon tan bgrang 'das 'byung ba'i gnas/ /sangs rgyas nyid la re ba'ang med/ /gzhal yas rmad
 byung bsam mi khyab/ /snang ba thams cad zil gnon pa/ /rdzogs sangs yon tan rin chen la/ /su zhig yid kyis sems mi bskyed ces bya ba smras te/ dper na wa ni seng ge'i sder mo rnon po'i lag stangs kyis 'gengs ba la mkhas pa ltar/ glang po che dregs pa
 'dod chags kyi rdul chags ba'i dri mas 'gram glang gi ngos yogs pa'i glad pa dag ma zhing dbye bar bya ba'i sems kyang mi skye la/ gdol pa'i rigs ngan yang rgyal po'i gdung rigs mthon por skye ba ltar rgya mtsho chen po bzhi'i chus sked gdung bzhin/ /bskor ba'i
 mdza' klas pa'i sa'i dkyil 'khor bskyang zhing bsrung bar 'dod pa'i semS kyang mi skye ba de bzhin du nyan thos dang/ rang sangs rgyas kyi theg pa pa'i sems can dman pa rang nyid zhi ba dang dul ba lhur len pa yang rgya mtsho ltar zab cing/ zla med par bla na med
 pa yangs shing rgya che ba yon tan bgrang ba las 'das ba 'byung ba'i gnas su gyur pa sangs rgyas nyid la 'dun pa'i re ba tsam yang bskyed par mi byed do/ /de'i phyir bla na med pa'i go 'phang 'dod pa ni gzhal yas shing dpag tu med pa rmad du byung ba shin
 tu ya mtshan che ba bsam gyis mi khyab pa bsam pa las yang dag par 'das pa snang ba thams cad zil gyis gnon/ /yon tan gyi snang ba gzhan ma lus par zil gyis gnon par mdzad pa rdzogs pa'i sangs rgyas kyi yon tan rin po che bde bar
 gshegs pa'i yon tan gyi nor bu dag la shes rab dang ldan pa su zhig yid kyis sems mi bskyed ces sbyar bar bya'o/ /gzhan yang gzhan don byed pa dpa' bo dang/ skyes bu chen po'i tshul ldan pa/ su zhig 'khor mdza' med pa yang/ /nyin gcig lta bur gnas
 mi byed/ /gzhan gyi don byed pa sems can thams cad kyi sdug bsngal ma lus par gcod pa dpa' ba nyon mongs pa'i dgra las rnam par rgyal ba'i rtsal dang ldan pa skyes bu chen po'i tshul dang ldan ba su zhig 'khor ba'i srid pa sngon dang phyi ma'i mdza' med par
 yang nyin cig lta bur gnas par mi byed de/ ji skad du mkhas pa gang zhig 'gro ba nyam ngar zhugs mthong nas/ /dka' 'am mi dka' snyam pa'i rnam rtog rnam spangs te/ gzhan don nyi tshe sgrub ces bskal pa'i mthar yang ni/ /'khor ba'i sdug bsngal dang du
 len cing sgrub bar byed/ /ces bya ba la sogs pa gsungs pa lta bu yin no/ /snying rje chen po'i bshad pa/ theg pa dman pa las bslang ba'i sems bskyed pa zhes bya ba gsum pa bshad zin to/ /snying rje chen po'i bshad pa yang dag pa'i lam du dgod pa'i
 sems bskyed pa zhes bya ba bzhi pa'i dbang du byas nas mkhas pa gang zhig 'das gyur kyang/ /gang gis gtam gzhi 'phel 'gyur ba/ /'phags pa gzhan don mdzad rnams kyi/ /lam kyi rjes su 'jug mi byed/ /ces bya ba smras te/ /mkhas pa bshes
 gnyen can gang zhig dus yun ring por 'das par gyur kyang yon tan gang gis na bde bar gshegs pa bzhin du gtam bzhi'i rgyud dag las mkhas pa rnams kyis snyan pa rnam pa mang po bsngags pa 'phel bar 'gyur ba/ /'phags pa 'khor ba yun
 ring po nas gshegs pa gzhan gyi bsam pa yongs su rdzogs par mdzad pa 'ba' zhig gis gzhan gyis don mdzad pa rnams kyi lam gyi rjes su 'jug par mi byed de /de ltar bdag nyid yang dag pa'i lam du zhugs paS ni mu stegs can la sogs pa gzhan dag kyang yang dag
 pa'i lam du dgod par byed de/ de ni snying rje chen po'i bshad pa yang dag pa'i lam du dgod pa'i sems bskyed pa zhes bya ba bzhi pa yin no/ /byams pa dang snying rjes lus dang srog don du mi gnyer ba nyid bstan pa'i phyir/ /su zhig chu shing dbub ltar/ snying po med pa'i lus
 'di dag /gzhan phan rkyen du sgrub byed pas/ /lhun po snying por sgrub mi byed/ /ces bya ba smras te /mkhas pa byams pa dang snying rje can su zhig chu shing gi lam dang dbu ba dang zil? pa'i thigs pa dang/ ston ka'i sbyin dang/ bye me'i khung bu la sogs pa ltar snying
 po med pa'i lus 'di dag gzhan dag la phan pa sgrub pa'i rkyen lag pa dang/ rkang ba dang mig dang/ mgo dang/ rang gi sha dang/ khrag la sogs pa gtong bsgrub par byed par byed bas ri rab lhun po ltar rab tu mi rgul ba nyid kyi snying po dang ldan pa skyes bu chen po'i mtshan dri
 ma med pa sum bcu rtsa gnyis dang/ dpe byad bzang po brgyad cus legs par brgyan pa'i sku rdo rje'i rang bzhin lta bu mngon par sgrub par mi byed/ de ltar shes nas ya rabs snying rje ldan pas ni/ /skad cig re rer rga shi dang/ /nad kyi gzhir gyur lus ngag ni/
 gzhan la bde bskyed gzhir byed do/ /ya rabs bston par 'os pa dag ni snying rje dang ldan zhing snying rje'i dbang du gyur pa'i sems kyi skad cig re re la rga zhing 'gyur ba dang/ 'chi 'pho dang nad kyi bzhir gyur pa'i lus 'di dag gzhan la bde ba bskyed pa'i gzhir gyur
 par byed do/ /rnal 'byor rnyed dka' ba nyid bstan pa'i phyir/ dam chos sgron dang bcas pa la/ /mi khom brgyad spangs khom pa 'di/ /skyes bu chen po'i spyod pa yis/ /'bras bu yod par bya ba'i rigs/ /zhes bya ba smras te/ dam chos bya ba ni dam pa
 rnams kyi chos ni dam chos so/ /de nyid sgron ma yin te gti mug gi mun pa sel bar byed pa'i phyir ro/ /dam chos kyi sgron ma dang lhan cig byung ba ni dam chos sgron dang bcas pa ste/ de'i dus la'o/ /mi khom pa brgyad ces bya ba ni/ /sems
 can dmyal ba dang dud 'gro dang/ gshin rje'i 'jig rten dang/ dbang bo ma tshangs pa dang/ kla klo dang/ lta ba log pa dang/ lha tshe ring bo dang/ sangs rgyas med pa'i 'jig rten zhes bya ba dag go/ de dag spangs shing gang gi tshe khom pa dgu dang ldan pa'i mtshan nyid
 kyi khom pa 'di rnyed pa skyes bu chen po'i spyod pa'i rjes su 'jug pa nyid kyi 'bras bu yod par bya ba'i rigs so/ /khom pa dgu dang ldan pa gang zhe na /mi nyid thob pa dang /dbang po rnams tshang ba nyid dang/ las kyi mdza' ma log pa nyid dang/ rigs btsun par skyes pa nyid
 dang/ sangs rgyas byung ba nyid dang/ gnas la dad pa nyid dang /dam pa'i chos bstan pa dang /chos bstan pa la rnam par bzhag pa dang /rnam par bzhag pa rnams rjes su 'jug par byed pa'o/ /yang na khom pa ni mi'i skye ba yon tan bcu yongs su rdzogs pa ste//
 yon tan bcu gang zhe na /rigs dman pa rnam par spangs pa dang/ glen pa nyid ma yin pa dang /rmongs pa nyid ma yin pa dang/ /dbang bo zhan pa nyid ma yin pa dang/ skyes pa nyid thob pa dang/ gzugs bzang ba nyid dang /dbul po nyid ma yin pa dang /zil
 gyis mi non pa nyid dang/ tshig btsun pa nyid dang/ skye bo mang pos blta bar 'os pa nyid do/ /dbu ma'i snying po'i 'grel pa rtog gi 'bar ba las/ byang chub kyi sems mi gtong pa'i le'u ste dang po'o// //dbu ma'i snying po'i 'grel ba rtog ge 'bar be/ /bam po gnyis
 pa/ /da ni byang chub kyi sems shin tu yongs su ma btang ba'i grub pa'i brtul zhugs bla na med pa la yang dag par brten pa rab tu bstan pa'i phyir le'u gnyis pa nye bar bzhag pa'i dbang du byas nas /de ltar 'gro la phan pa'i phyir/ /byang chub chen por brtan blangs pa//
 tshul dang mthun ba'i lam nyid du/ /rab tu zhugs pa rnam par mdzes/ /zhes bya ba la sogs pa smras te/ de ltar ji skad bstan pa'i tshul gyis srid pa gsum gyi 'gro ba nyid la phan pa'i phyir/ bla na med pa yang dag par rdzogs pa'i byang chub chen por brtul zhugs mi
 phyed pa brtan pa yang dag pa blangs pa/ rigs pa'i tshul dang mthun pa/ bde bar gshegs pa'i lam nyid kyi rjes su rab tu zhugs pa ni rnam par mdzes so/ /lam de yang gang zhe na /de'i phyir de ni byams pa gnod med dang /snying rje phan pa sgrub pa yis/ /dam chos rtogs
 pas doms med dang /chos sbyin pa la ser sna med /ces bya ba smras te /byang chub kyi sems ma btang ba de ni byams pa chen po'i sems can gyi khams mdza' dag yongs su bsgrub par 'dod pa'i ngo bo nyid gnod sems med ba'i mtshan nyid dang /snying rje chen po gzhan sdug bsngal
 bas bdag nyid sdug bsngal ba'i ngo bo 'di? phan pa sgrub pa'i mtshan nyid dang ldan pas theg pa chen po'i tshul mnyam pa dang/ bzung ba dang/ bcang ba dang/ don kun chub par bya ba dang/ bstan pa dag la brtson pa mi 'dor bas dam pa'i chos rtogs par bya ba domS?
 pa med pa yin te/ ji skad du de nyid nyin par dang/ mtshan mo chos 'dod pa dang /chos la dga' ba dang /chos la gzhol ba dang /chos kyi rjes su mthun pa'i chos spyod de /nang dang phyi rol gyi dngos po yang yongs su mi gtong ba de ? med cing bla ma la bkur
 sti dang/ /bsnyen bkur bya ba gal? nye bar mi len pa de yang cung zad kyang med la nga rgyal las kyang nga rgyal spangs shing nga rgyal med pa'i nye bar spyod pa nyid nye bar mi len pa de yang cung zad kyang med do/ /zhes bya ba la sogs pa gsungs pa lta bu'o/ /skye ba dang/ na tshod
 dang/ rigs dang /yul dang/ dus la 'da' ba med cing /sems can thams cad la snyoms par chos rnam par 'byed cing /chos sbyin pa la ser sna med pa yang yin no/ /drang dang nga rgyal bcom pa dang/ /yid kyis de nyid blta ba dang/ /gzhan
 skyon rtog la 'ong ba dang/ rang skyon 'byung bas 'jigs pa yin/ g.yo rgyu dang bra ba bas drang ba dang/ /khengs pa dang rang rang dang gal bas nga rgyal bcom pa dang/ rten cing 'brel par 'byung ba'i don yang dag pa ji lta ba bzhin mthong bas yid kyis de nyid
 blte ba dang/ gzhan gyi skyon chen po dag la yang blun zhing long ba ltar byed pas gzhan gyi skyen la rtog pa la 'ong? ba dang/ bdag nyid kha na ma tho ba rdul tsam gyis kyang 'jigs par lta bas rang gi skyon 'byung bas 'jigs pa ste/ /de dag lta bu de dag yid dang ldan bas
 rnam bar mdzes pa yin no/ /rtsong dang 'jig rten 'du 'dzi dang/ /'jig rten rgyad pan rgyab kyi phyogs/ /yon tan med pa la'ang yon tan gyi/ /rgyu rnams skye bar rtag tu gus/ /rtsod pa na gzhan gyi phyogs sun dbyung ba dang /rang gi phyogs bzhag pa'i sgo nas phyogs gnyis la
 brten pa'i tshig ngan par smra ba dang/ 'jig rten pa'i thab mo dang/ /tshang 'bru ba dang /'gyod ba'i phyir rtsod pa'o/ /'jig rten gyi 'du 'dzin chos ma yin pa dang/ /don ma yin pa dang/ bya ba ma yin pa dang/ 'khor ba 'dod pa'i 'jig rten dang / lhan cig grags
 shing kun tu smra ba'o/ /'jig rten rgyad pan ni yang dag pa nyid kyi lung dang bral ba'i gsang tshig sna tshogs la spobs pa'o/ /de dag la rgyab kyis phyogs pa ni mi phyogs pa'o/ /yon tan med la'ang yon tan gyi/ rgyun rnams skye bar rtag tu gus pa ni skye bo yon tan
 ma lus pa mong pa la yang sems can thams cad de bzhin gshegs pa'i snying po dang ldan par mos shing 'di yang dus gzhan na yon tan dang ldan bar 'gyur ro/ /zhes yon tan gyi rgyun rnams skye bar rtag tu gus pa me lhong pa ste /bcom ldan 'das kyis
 kyang dge slong dag gang zag gis gang zag la tshong mi 'dzin cing/ /dge slong dag pa'am nga 'dra bas gang zag la char gzung bar bya'o/ /zhes gsungs pa lta bu'o/ /gzhan yang snying rjes bskyed pa'i sbyin pa dag /skye ngo'i tshogs rnams thams cad kyi/ sdug
 bsngal chu bo kun gzhi'i phyir/ thams cad mkhyen nyid 'dod pa bskyed/ /ces bya ba la/ snying rjes bskyed pa'i sbyin ba dag ces bya ba ni lan dang 'bras bu la re ba med par snying rje nyid 'ba' zhig gis yang dag par bskyed pas gtong ba'i sems dpa' des chos dang/ zang
 zing dang dbang dang don dang rig pa dang /gnas dang/ mi 'jigs pa zhes bya ba'i dngos po rnam pa bdun sbyin par byed pa'o/ /skye bo'i tshogs rnams thams cad kyi/ sdug bsngal chu bo kun zhi'i phyir/ zhes bya ba ni gang gi don du yongs su sngo bar byed ce na /'jig rten
 sgo nga las skyes pa dang/ mar ngan skyes pa dang /drod gsher ba skyes pa dang/ rdzu ste skyes pa dang/ gzugs can dang/ gzugs can ma yin pa ma lus pa dag gi skye ba la sogs bai sdug bsngal gyi chu rgyun thams cad nye bar zhi ba'i phyir ro/ /de phyir gang du yongs su snga? bar byed
 ce na/ thams cad mkhyen pa nyid 'dod ba skyes ces bya ba ste/ sangs rgyas nyid la 'dod pa yang dag bar bskyed pas de nyid du yongs su sngo bar byed do/ /'dir 'di skad ces rgol te /gal te de thams cad mkhyen ba nyid 'dod pas sbyin par sbyin par byed na ji ltar nges
 'bras bu ba re tha med bar 'gyur te/ zang zing dang chos kyi sbyin ba dag gi 'bras bu gzugs dang chos kyi sku dag kyang snang ba/ /rang gi rgyud kho na la 'bras bu snang bas ji ltar skye ba mdza' dag gi sdug bsngal nye bar zhi ba yin te /snying rjes sdug bsngal pa rnams
 la gtong bar byed pa /zhing 'dam par mi byed pa la de ltar pha rol tu phyin pa yongs su rdzogs par 'gyur zhe na/ bshad pa de thams cad mkhyen pa nyid 'dod pa'i thabs kyis nyan thos dang rang sangs rgyas nyid spad bar byed do/ /zang zing dang chos kyi 'bras bu
 gzugs dang chos kyi sku dag kyang gzhan don kho na yin te /gang gi phyir chos kyi de nyid mngon par rdzogs par byang ma chub pa dang /chos kyi 'khor lo rab tu ma bskor bar sems can thams cad mya ngan las 'das pa rnams gsum la dgod par mi nus pa'i
 phyir ro/ /de la chos kyi sku ni mngon par rdzogs bar byang chub par mdzad pa yin la/ gzugs kyi sku ni ston par mdzad pa yin te /yi ge dang tshig dang rtsa ba'i go rims kyi mtshan nyid kyi sgra ni gnas dang byed pa dang /rtsol bdag las 'byung ba'i phyir
 dang/ de'i dus na long ba dang/ 'on pa dang/ smyon pa la sogs pa ni mig la sogs pa 'thob la /rgyun yongs su smin ba dag ni rgyun tu zhugs pa la sogs pa'i 'bras bu dag gi snod du 'gyur bas de'i phyir de ltar 'bras bu de dag gzhan gyi rgyud la yang snang do/ /'bras
 bu la re ba'i zhags pas bcings pa'i blo gros can dag zhing 'tshol bar yang byed pa/ /gang gzhan dag gi bkres pa la sogs pa'i sdug bsngal nye bar zhi bar bya ba tsam kho na la dmigs nas snod la mi rtag par snyoms par sbyin pa sbyin par byed pa des chos nyid
 mnyam bar yang rtogs par 'gyur te/ ji skad du gzhon nu chos gcig gis byang chub sems dpa' myur du bla na med pa yang dag par rdzogs pa'i byang chub mngon par rdzogs par 'tshar rgya ste/ 'di lta ste sems can thams cad la sems mnyam pa nyid do
 zhes bya ba dang /de bzhin du gal te byang chub sems dpa' 'di snyam du de bzhin gshegs pa ni bdag gi yon gnas yin gyi dud 'gro ni ma yin no snyam du sems na byang chub sems dpa' chos su mi 'gyur ro zhes bya ba la sogs pa gsungs pa lta bu'o/ /de la
 phyi rol pa'i thub bya dag ni chu ngos kyi khrus dang /se ral phred dang /ral pa dang/ shing shun dang pags pa dang /ril ba dang rtsa stan la sogs pa rnal 'byor pa'i rtags 'chang zhing /'bras bu dang /rtsa ba za ba dang /rang gi lha nyid mgu bar byed ba
 dang/ me la nye bar brten pa dang /dka' thub kyi nags tshal na gnas par byed do/ /'di'i thub pa dag ni/ tshul khrims dri med chu khrus dang/ /bzod pa'i se ral phreng dkar dang/ /brtson 'grus ral pa'i khung bcings dang/ /bsam gtan shes pa lhur
 len te/ /zhes bya ba la sogs pa la yang dag par bsten to/ /tshul khrims dri med chu khrus zhes bya ba ni dbang po drug yang dag par sdom pa'i ngo bo nyid kyi dag ba bcu lhag par spyod pa'i mtshan nyid kyi tshul khrims dri ma med pa'i chus lus dang /dag dang sems kyi rgyun rnam
 par dag pa'o/ /bzod pa'i se ral phreng dkar zhes bya ba ni sdug bsngal dang du len pa dang/ gnod pa byed pa la ji mi snyam pa dang/ chos la nges par rtog pa zhes bya ba'i bzod pa se ral phreng dkar po lta bu thogs pa'o/ /brtson 'grus ral pa'i khur bcings zhes bya ba ni dge
 ba'i chos la mngon par spro ba'i mtshan nyid kyi brtson 'grus kyi ral pa'i tshogs kyis brgyan pa'o/ /bsam gtan shes pa lhur len ces bya ba ni lus dang sems 'dzin pa'i ngo bo nyid kyi bsam gtan dang/ shes rab dang thabs kyi shes pas byang chub kyi lam shin
 tu rnam par sbyangs pa'o/ /blo mig legs par bye pa dang/ /bstan bcos 'jig rten shes la mkhas/ /ngo tsha khrel yod gos dang ni/ /des ni ska rags 'ching ba yin/ /zhes bya ba blo mig legs par bye ba zhes bya ba ni kun rdzob dang don dam pa la dmigs
 pa'i shes rab rnam pa gnyis kyi mig rnam par bye ba'o/ /bstan bcos 'jig rten shes la mkhas zhes bya ba ni ngan song pa'i 'jigs pa las skyob ba dang/ nyon mongs pa'i dgra 'dul nus pa'i bstan bcos shes pa la mkhas pa dang/ bla ma dag la gus
 par smra ba dang /phyag 'tshal ba dang /ldang ba dang /thal mo sbyar ba dang /gus pa'i las la brtson ba dang /grogs po dang /mdza' ba shes dang /'gron dag la bcug pa la sogs pa 'jig rten shes pa nyid la mkhas pa'o/ /ngo tsha khrel yod gos bya ba
 ni chos dang 'jig rten gyi dbang du byas nas kha nam thob bas 'dzem ba'i ngo tsha shes pa dang /khrel yod pa'i gos shing shun ltar byon pa'o/ /des ba'i ska rags 'ching ba zhes bya ba ni 'grogs na bde ba nyid kyi ska rags dam po 'ching ba'o/ /snying rje'i pags pa gnag
 'chang zhig /dad pa dri med ril pa dang/ /dran pas dbang po'i sgo bsrungs shing/ /brtan pa'i sba stegs stan la 'dug ces bya ba la/ snying rje'i lpags pa gnas 'chang zhes bya ba ni sems can thams cad la phan par 'dod pa'i snying rje'i g.yang gzhi
 nag po lta bu ste/ de 'chang ba'o/ /dad pa dri med ril pa zhes bya ba ni sangs rgyas kyi ches bla na med pa la mos pa dri ma med pa'i ril ba spyi blugs dang ldan pa'o/ /dran pas dbang po'i sgo bsrungs zhes bya ba ni dge ba'i chos mi brjed pa zhes bya ba'i dran pas mig la sogs pa
 dbang po rnams kyi sgo glegs legs bam bcad pa'o/ /brtan pa'i sba stegs stan la 'dug ces bya ba ni bdud la sogs pas mi phyed pa brten pa'i sgra? stegs kyi stan la 'dug pa'o/ /theg pa chen po dga' chen gyi/ /dka' thub nags tshal yang dag brtan/ /bsam gtan
 dga' ba'i 'bras bu za/ /dran pa nyer bzhag spong yul can/ /zhes bya ba la theg pa chen po zhes bya ba la ni de las gzhan pa'i theg pa dag bltos na go skabs yangs pa'i phyir dang /theg pa gcig pa'i phyir pha rol tu phyin pa drug gi lam 'bras bu bar bcas pa ni
 theg pa chen pa'o/ /dga' chen zhes bya ba ni de nyid lha dang mi'i phun sum tshogs pa bskyed pa'i phyir dang/ bsam gtan dang /rnam par thar pa dang/ ting nge 'dzin dang /snyoms par 'jug pa dang /mngon par shes pas rnam par brtse ba'i phyir dga' ba chen po yin no//
 dka' thub nags tshal zhes bya ba ni bskal pa grangs med par dka' grub sbyar ba'i phyir dang/ /byang chub kyi yan lag gis me tog rgyas pa dang/ mnyam pa med pa'i byang chub kyi 'bras bus brgyan pa dang/ nyon mongs pa'i gcan gzan dang/ srin po'i tshogs dang
 Fbral ba dang/ /dge ba dpag tu med pa'i rtsa ba'i tshogs rnam par mdzes pa'i phyir te /don yang dag par brten to/ /bsam gtan dga' ba'i 'bras bu za zhes bya ba ni 'dod pa dang /rtag pa dang/ spyod pa dang /dga' ba dang/ bde ba dang /sdug bsngal
 dang bral ba'i bsam gtan bzhi po shin tu sbyangs ba bskyed bas dga' ba bsgom pa'i 'bras bu la longs spyod pa'o/ /dran pa nyer gzhag spyod yul can zhes bya ba ni lus dang/ tshong ba dang/ sems dang /chos zhes bya ba'i dran pa nye bar bzhag pa'i yul gyi
 spyod yul dang ldan pa'o/ /zab cing rgya che mdo sde'i mdza' / /'don cing sdig pa tsam pa dang/ /bden pa gnyis la brten pa yi/ /rten cing 'brel 'byung nyi bshad zlos/ /zhes bya ba la/ zab cing rgya che ba'i mdo sde'i mdza' 'don ces bya ba ni/ shes rab
 kyi pha rol tu phyin pa la sogs pa gting dpag dka' ba'i mdo sde'i mdza' des pa'i don ston pa dag kha ton du 'don pa'o/ /sdig pa bcom pa zhes bya ba ni des sdig pa ma lus pa spangs pa ste/ ji skad du gang gi shes rab kyi pha rol tu phyin pa 'di las
 tha na tshig bzhi pa'i tshigs su bcad pa gcig blangs te 'chad dam klog gam tshul bzhin yod la byed na de'i tshe rabs snga ma'i mi dge ba de dag tshe ba'i nyid la yongs su zad par 'gyur ro/ /zhes gsungs pa lta bu'o/ /bden pa gnyis la brten pa yi zhes bya ba
 la kun rdzob la brten pa'i rten cing 'brel bar 'byung ba ci lta bu zhe na/ ma brtags na grags pa yod pa dang med pa la sogs brtags na med pa/ rgyu dang rkyen tshogs pa las byung pa'i mtshan nyid de ji skad du gang du tshogs las snar 'gyur pa/ /'dren pas rab tu bstan?
 mdzad pa/ /de ni blo can 'jig rten chos/ /nye bar gdags pa'i sar ston to/ /zhes gsungs pa lta bu'o/ /don dam pa la brten pa'i rten cing 'brel bar byung ba ni skye ba med pa ste/ ji skad du /gang zhig rkyen las skye ba de ma skyes zhes gsungs pa lta bu'o/ /rten
 cing 'brel par 'byung ba zhes bya ba ni rgyu dang rkyen tha dad ba 'dus pa las 'bras bu 'byung ba dang/ 'jig pa'i dus na bar du mchod par 'byung ba'o/ /de nyid nyi bshad yin te /rdzogs pa'i sangs rgyas nyi mas bshad pa'i phyir ro/ /de zlos zhes bya ba ni rgyun mi 'chad
 par 'das brjod du zlos pa'o/ /ji ltar zhe na /sa bcu ba'i mdo las/ 'di la byang chub sems dpa' i rten cing 'brel par 'byung ba yan lag bcu gnyis lugs su 'byung ba dang/ lugs su mi 'byung ba la 'di ltar rnam par blta ste /ma rig
 pa'i ngo bo nyid ni don dam pa mi rtog pa'o/ /ma rig pa'i mtshan nyid ni 'du byed la kun du rmongs pa'o/ /de la ma rig pa ni bya ba rnam pa gnyis su nye bar gnas te/ sems can rnams dmigs pa la kun tu rmongs par byed pa dang/ 'du byed mngon par sgrub pa'i rgyu
 yang 'byin par byed pa'o zhes bya ba la sogs pa rgya cher gsungs pa dag las rig par bya'o/ /bsgrub pa'i me tog sngags ldan pa/ /phyogs rnams kun tu dris khyab pas/ /rdzogs pa'i sangs rgyas nyi ma la/ /nyin gcig bzhin du bsnyen bkur byed/ /ces
 bya ba la ni bsgrub pa'i me tog yon tan mdza' yas pa'i sdugs pa dang ldan pa phyogs bcu thams cad du grags pa'i dri 'byung bdag gis yang dag par rdzogs pa'i sangs rgyas nyi ma la/ nyin gcig mi 'chad par bsnyen bkur byed pa yin no/ /so sor
 rtog pa'i me thab tu/ /mi dge'i kun tu rtog pa bsreg/ bla med go? 'phang thob bya'i phyir/ /de ltar thub pa'i brtul zhugs spyod/ /ces bya ba ni yul sna tshogs 'dod pa phyir zlog pa'i so sor rtog pa'i zhugs thab tu tshul bzhin ma yin pa yid la byed pa'i
 bud shing gi du ma grugs ma lus pa sreg pa ste/ chos 'di'i thub pa dag ni skad cig gcig gis chos thams cad mngon par rtog pa'i ye shes thob par bya ba'i phyir de ltar ji skad bstan pa dag ltar thub pa'i brtul zhugs
 la yang dag par rten par byed do/ /dbu ma'i snying po las 'grel pa rtog go 'bar ba las thub pa'i brtul zhugs la yang dag par brten pa'i le'u ste gnyis pa'o// //da ni nyid shes pa 'tshol ba'i skabs su bab pas de bstan ba'i?
 phyir le'u gsum pa brtsam pa'i dbang du byas nas/ gang la shes pa'i mig yod pa/ /de la mig yod gzhan ma yin/ /des na gang phyir blo ldan dag/ de nyid shes pa 'tshol ? brtson/ /zhes bya ba la sogs pa smras te/ shes pa'i ngo bo nyid ni mig yin te/ 'das pa? dang/?
 ma 'ongs pa dang/ da ltar dang/ thag ring ba dang /nye ba dang /sngags? pa dang/ phra ba'i dngos po dag la thogs pa med par 'jug pa'i phyir/ /? shes pa'i ming de yod pa de la ni mig yod pa yin no/ /gzhan ma yin zhes bya ba ni sha'i mig ni ha cang nye ba dang ring? pa?
 dang dbang po las 'das pa la sogs pa'i dngos po dga' long ba dang 'dra bas de yod du zin kyang ci la yang mi phan pas de yod kyang mig dang ldan pa ma yin no/ /des na grang? gi phyir blo dang ldan pa dag ni sha'i mig ngan pa de 'tshal ba spangs te/ de nyid shes par tshol
 ba la brtson par byed de/ /don de nyid bstan pa'i phyir blo ldan 'jig rten gsum po dag /thogs med mthong ba ? bas kyang/ /blta 'dod thag ring chag dang/ /bsgribs pa'i don yang mthong?  bar 'gyur/ /zhes bya ba smras te/ shes pa'i mig gi blo dang ldan pa
 'jig rten gsum po dag thog pa med par mthong ba ni sha'i mig nyams shing long bas kyang blta bar 'dod pa/ thag ring pa dpag tshad stong dag dang/ tshar brdul phran? lta bu dang bsgribs pa'i don gyi dngos po yang ? thig rab ldan pa bzhin du yang dag par ? 'gyur ro//
 gzhan yang /mig stong pa yang blo med na/ /mig dang ldan pa ma yin te/ mtho ris dang ni byed grol gyi/ /lam dang lam min mi mthong phyir/ /nag stong pa ni lha'i dbang po yin zhes grags te /de ni yul la re ba'i zhags pas blo gros yongs su dkris bsags?
 te shes pa'i mig gi blo med na mig dang ldan pa ma yin te /de ci'i phyir zhe na /mtho ris dang byed bral? gyi lam dang lam ma yin pa yang dag pa ji lta ba bzhin du ma mthong ba'i phyir ro/ /? ris kyi lam ni dge ba bcu'o/ /byang grol gyi lam ni 'phags
 pa'i lam yan lag brgyad pa'o/ /gang gis na mig dang ldan par 'gyur ba'i shes pa de gang zhe na /de'i phyir shes rab mig phye mthong ba dang/ /ma mthong khyad bar 'dod pa yi/ /'bras bu re ba dug tsher gyi/ /sbyin pa sogs la 'jug mi byed/ ces bya ba ?
 te/ shes rab kyi mig bye ba ni mthong ba'i 'bras bu zhes bya ba 'bras bu thog pa dag dang lan byed bdag la byin na 'di nyid la 'bras bu thob pa dang ma mthong ba'i 'bras bu zhes bya b 'jig rten pha rol dang byed par gyi 'bras bu zhes bya ba 'khor los sgyur ba dang brgya byin
 nyid la sogs pa 'dod pa'i 'bras bu zhes bya ba/ skye gnas ngan pa na yang yul la longs spyod pa'i bdag nyid du 'ong ba ste/ /de dag lta bu'i 'bras bu la re ba nyid dug yin te/ gral ba'i lus kyi bar chad byed ba'i phyir ro/ /de nyid cher ma yin te /'khor ba'i sdug bsngal
 gyis gnod par 'gyur ba'i phyir ro/ /de lta bu'i sbyin pa dang tshul khrims la sogs pa la 'jug par mi byed do/ /'o na ji lta bu zhig la brtson par byed ce na /snying rje thams cad mkhyen pa'i phyir ro/ /'khor gsum yongs su dag pa yi/ sbyin la sogs la brtson
 byed cing/ /de la'ang yid ni gnas mi byed/ /ces bya ba ste /snying rjes grags pa dang bde ba dang 'gran pa la sogs pa'i phyir ma yin bar thams cad mkhyen pa nyid kho na la gcig tu dmigs nas de thob par bya ba'i phyir 'khor gsum yongs su dag pa'i//
 sbyin pa la sogs pa brtson par byed do/ /'khor gsum ni 'khor ni gsum po dag go /yongs su dag pa ni dri ma med pa ste/ lus kyi me dge ba rnam par gsum dang /dag gi rnam pa bzhi dang/ yid kyi rnam pa gsum po de dag dang bral zhing dri ma med pa'i sbyin ?
 sogs pa brtson par byed pa'o/ /yang na sbyin pa dang spyan pa po dang/ len pa la sogs pa mi dmigs pas stong pa nyid kyis rjes su song ba'i 'khor gsum yongs su dag pa dang /'jigs tshogs pa lta ba dang/ 'og par lta ba dang /mthar 'dzin bar lta ba dang bral
 bas mtshan ma med pa'i rjes su brang ba'i 'khor gsum yongs su dag pa dang 'dod pa dang/ gzugs dang gzugs med pa'i khams mngon par mi 'dod pas smon ba med pa'i sngon du 'gro ba'i 'khor gsum yongs? su dag pa'o/ /de la yang yid ni gnas mi byed ces bya ba ni
 thams cad mkhyen pa nyid de la yang chags pa med ba ste/ de ltar yang ji skad du/ de la byang chub sems dpa' i 'dod pa chung ba nyid gang zhe na/ gang byang chub kyang mi 'dod pa nyid do zhes gsungs pa lta bu'o/ /shes rab med na sbyin ba la sogs pa bskal ba stong
 snyed du nye bar bsags pas kyang pha rol tu phyin pa yongs su rdzogs pa'i rgyur mi 'gyur ro/ /zhes gsungs bas de'i phyir shes rab kyi mthu ston pa ni/ /shes rab bdud rtsi ngoms byed dang/ /sgron ma snang ba thogs med dang/ /thar pa'i khang bzang tham skas dang
 nyon mongs pud shing sreg pa'i me/ zhes bya ba la sogs pa smras te/ shes rab ni shes pa rab bo/ /de nyid bdud rtsi ste/ rga shi med pa'i gnas 'thob pa'i rgyu yin pa'i phyir ro/ /de nyid ngoms byed kyang yin te/ yul la mngon par 'dod pa ldog bas shin tu
 sbyangs pa bskyed pa'i phyir te/ gang dag 'phags pa'i shes rab kyis ngoms pa de dag ni ngoms pa yin no/ /zhes gsungs pa'i phyir ro/ /shes rab de nyid sgron ma ste/ /mi shes pa'i mun pa 'dzom pa'i phyir ro/ /de nyid snang ba thogs med yin te/ phas
 kyi rgol ba dang bdud kyi phye ma leb dang nyes pa'i rlung dag gi snang ba mi choms pa'i phyir ro/ /de nyid thar pa'i khang bzangs kyi tham skas yin te / mya ngan las 'das pa'i? 'grang khyer 'jig rten thams cad la mngon par 'phags pa dang /byang chub kyi yan lag gi
 zhabs? brgyan pa bzang pa'i? gnas su 'dzeg ba'i ? gang lta bur gyur pa yin no/ /de nyid nyon mongs pa'i bud shing sreg pa'i ma yin te/ nags mes sreg pa bzhin du nyon mongs pa'i tshar tshing ma lus pa srg pa'i bdag nyid yin pa'i phyir/ blo gros de yang
 bden gnyis la/ /bltos nas rnams la gnyis su 'dod/ /yang dag don rtogs rjes mthun phyir/ /yang dag kun rdzob shes pa yin/ /shes rab blo gros de yang kun rdzob dang don dam pa'i bden pa gnyis la bltos nas rnam pa gnyis su 'dod
 do/ /de la re zhig yang dag pa'i kun rdzob shes pa ni dag pa 'jig rten pa'i ye shes zhes bya ba yin te/ yang dag pa'i don rtogs pa'i rjes su mthun pa'i phyir yang dag pa'i kun rdzob shes pa yin no/ /de nyid rnam par dbye ba'i sgo nas ston pa ni sbyin dang
 bsod nams ye shes kyi/ /tshogs rnams yongs su rdzogs byed dang/ /rgyu de dag gi 'bras bu dang /'brel dang mtshan nyid la sogs shes/ /byams dang snying rje che bsgom dang/ /sems can sdud dang smin byed dang/ /skye mched bcu gnyis brten
 pa yi/ /shes rab brdar btags shes par bya/ /zhes bya ba dag ste /sbyin pa'i chogs ni gtong ba dang gtong ba chen po dang shin tu gtong ba'o/ /bsod nams kyi tshogs ni dang pa dang bag yod pa dang yang dag pa'i lta ba la sogs pa'o//
 ye shes kyi cho gas ni thos pa dang bsam pa dang bsgom pa goms pa'i shes pa'i/ /de rnams yongs su rdzogs par byed pa ni/ /shes rab brdar btags pa yin par shes par bya ste/ yang dag pa'i kun rdzob shes pa yin/ /zhes bya bar sbyar ro/ /
 rgyud dag gi 'bras bu zhes bya ba ni cho gos zhes bya ba rgyu gsum po de dag 'bras bu dang ji ltar 'brel ba shes pa yang yang dag pa'i kun rdzob shes pa yin te/ de la sbyin pa'i cho gas kyi 'bras bu ni skyes bu chen po'i mtshan sum bcu rtsa gnyis dang dpe byang
 bzang po brgyad cus legs par brgyan pa'i gzugs kyi sku'o/ /bsod nams kyi cho gas kyi 'bras bu ni chos kyi sku'o/ /ye shes kyi cho gas kyi 'bras bu skad cig gcig dang ldan pa'i shes rab po/ /'brel ces bya ba ni rgyu dang 'bras bur 'brel pa
 ste/ de la sems kyi skad cig ma mang pos rgya nye bar bsags pa'i rgyun gyis ma du? lung ga'i me tog gi ? dmar ba lta bu 'am/ /sa bon dang myu gu'i rgyun ltar sems kyi skad cig ma gzhan la 'bras bu bskyed pa'i nus pa yod pas de ltar rgyu dang 'bras bur 'brel
 ba zhes pa yang dag pa'i kun rdzob shes pa yin no/ /mchin nyid ces bya ba ni chos rnams kyi mtshan nyid ni rang spyi'i bye brag las rnam pa gnyis te/ de la rang gi mtshan nyid ni dngos bo rang gi ngo bo spyod yul dang ldan pa rnam par rtog pa med pa'i shes pas
 nges par gzung par bya'o/ /spyi'i mtshan nyid ni ? su dpog pa'i shes pa rnam par rtog pa can gyis rtogs par bya'o/ /sogs pa zhes bya ba ni byams pa dang snying rje dang dga' ba dang btang snyoms chen po goms par byed pa'o/ /sems can sdud
 zhes bya ba ni rab tu rnam par dbye ba de dag shes pa'i blo gros te/ de yang yang dag pa'i kun rdzob shes pa yin no/ /byams dang snying rje bsgom zhes bya ba ni byams pa dang snying rje dang dga' ba dang btang snyoms chen po goms par byed pa'o/ /sems can sdud
 ces bya ba ni bzhi po de dag dang/ bsdu pa'i dngos po bzhis sems can sdud pa'o/ /smin byed ces bya ba ni sems can de dag gi rgyud la dge ba'i chos 'jog pas gang dag yongs su smin par byed pa'o/ /de dag shes pa'i shes rab gang yin pa de yang
 yang dag pa'i kun rdzob shes pa yin no/ /skye mched bcu gnyis brten pa'i zhes bya ba ni mig la sogs pa skye mched bcu gnyis po dag rab tu rnam par 'byed nus pa'i shes rab gang yin pa'o/ /ji skad smos pa de dag shes pa'i shes rab ni brdar btab ba yin
 ba? sheS bar bya ste /yang dag pa'i kun rdzob shes pa yin no/ /don dam pa'i shes rab bstan pa'i phyir/ /rtog pa'i dra ba ma lus pa/ /dgag pa sgrub par byed pa dang/ /zhi dang so so rang rig dang/ /rnam rtog med cing yi ge med/ /gcig gi nyid tha dad nyid bral
 dang/ /mkha' ltar dri med de nyid la/ /'jug pa med pas 'jug pa yi/ /shes rab don dam shes pa yin/ /zhes bya ba smras te/ rtog pa'i dra ba ma lus pa/ /dgag pa sgrub par byed pa ni chos kyi de bzhin nyid yin te /rtag pa dang mi rtag
 ba dang/ yod pa dang /med pa dang /ther zug dang /chad pa la sogs pa rtog pa'i dra ba ma lus pa sel bar byed pa'i ngang tshul can yin pa'i phyir ro/ /zhi ba ni spros pa thams cad pas yang dag bar 'das pa'o/ /so so rang rig pa ni gzhan las shes pa ma yin pa'o/ /
 rnam rtog med pa ni rtog pa la sogs pa'i rnam par rtog ba med pa'o/ /yi ge med pa ni brjod pa'i yul ma yin pa'o/ /gcig pa nyid dang tha dad pa nyid bral ba ni de nyid dang gzhan nyid dang gnyi ga nyid dang/ gnyi ga ma yin pa nyid du brjod par bya ba ma yin pa'o/ /
 mkha' ltar dri ma med pa ni nam mkha' sprin gyi rim pa dang bral ba ltar dri ma med pa'o/ /ji skad smos pa'i rnam pa de dag lta bu'i chos kyi de nyid la 'jug pa med pas 'jug pa ni snang ba med cing 'jug pa med pa de'i 'jug pa yin pa'i phyir te/ de lta bu'i shes rab
 ni don dam ba shes ba yin bar shes par bya ste/ ji skad du mthong ba med pa ni de nyid mthong ba'o/ /zhes gsungs pa lta bu'o/ /de gnyis las dang po kho nar gang la brtson par bya zhe na/ de dag gi rim bstan ba'i phyir/ yang dag kun rdzob rnams
 kyi skas/ /med par yang dag khang pa yi/ /steng du 'gro bar bya ba ni/ /mkhas la rung ba ma yin no/ /de bstan pa'i phyir/ de nyid khang bzang thog 'dzeg la/ /yang dag kun rdzob them ba'i skas/ /med par rung ba ma yin pa/ /gang gi phyir pa de phyir
 ro/ /zhes bya ba smras te /de nyid khang bzang zhes bya ba ni thar pa'i khang bzangs sa gsum gyi gnas las mngon par 'phags pa dge ba'i bzo bo dpag tu med pas btsisg? pa /byang chub kyi yan lag gi ka ba shin tu mthon pos legs par brgyan pa/ /
 dge ba'i chos mdza' yas ba'i dkar rtsis byugs pa/ bde bar gsheD pa'i zla ba'i zhal gyi 'od zer gyis snang bar byas pa rab rib kyi rim pa ma lus pa rnaM par bsal ba thams cad mkhyen pa'i gnas so/ /de'i thog du 'dzeg pa ni yang dag pa'i kun rdzob kyi bden pa'i them skas bskal
 pa grangs med pa bdun po dag tu spyad pa med par pha rol tu phyin pa dang/ dbang dang mngon par shes pa yongs su ma rdzogs pas bya tshoms kho nar nus par rung ba ma yin te/ bcom ldan 'das kyis kyang kun rdzob kyi chos rnams med bar don dam par rtogs par mi
 nus zhes gsungs so/ /gang gi phyir de lta yin pa de'i phyir dang por kun rdzob kyi bden pa blo gros kyi rab tu rnam par dbye bar bya'o/ /kun rdzob ces bya ba ni gzugs la sogs pa'i dngos po kun rnam bar 'byed pa'i don gyis te/ 'jig rten gyi tha snyad phyin ci ma
 log pa'o/ /de nyid bden pa ste/ rnam par bzhag pa thams cad la 'gro ba'i tshad ma yin pa'i phyir ro/ /de la dang por gzugs ni rnam pa gnyis dang rnam nyi shu zhes bya ba la sogs pa dang/ de bzhin du yig 'bru dang bstan bcos dang lag rtsis dang shod
 thabs dang/ nor brgyud pa'i rgyud dang/ sman spyad dang rtsis dang/ /gsang sngags dang rig sngags la sogs pa gang dag 'jig rten na grags pa dag rab tu rnam par dbye ba byas nas de'i 'og tu chos rnams kyi rang dang spyi'i mtshan nyid la shin tu rnam par nges pa
 'gyur te/ de'i phyir des ni mtshan nyid med pa don dam pa'i rjes la thob pa dag pa 'dzin pa'i shes pa'i sprod yul yang dag pa'o kun rdzob kyi rab tu rnam par dbye ba bstan to/ /de la chos rnams kyi rang gi mtshan nyid ni gzugs su rung ba dang /myong ba dang/ mtshan ma
 'dzin pa dang/ mngon par 'du byed pa dang/ rnam par shes par byed ba la sogs pa'o/ /spyi'i mtshan nyid ni mi rtag pa dang sdug bsngal ba dang stong pa dang/ bdag med pa la sogs pa'o/ /yang rang gi mtshan nyid ni sngon po dang ser po dang ring po dang//
 thung du la sogs pa ngang /gzugs dang sgra la sogs pa'o/ /spyi'i mtshan nyid ni rig min mthun pas stong pa nyid do/ /de la shin tu rnam par nges par gyur nas/ mkhas pa sems ni mnyam gzhag phyir/ /mngon par brtson pa nyi du bya/ /
 de bzhin thos byung shes pa la/ /de las gzhan shes rgyu phyir ro/ /zhes bya ba la ji ltar sems mnyam par bzhag par bya zhe na/ dbugs dbyung ba dang rdub pa dran pas so/ /de la dbur 'byung ba dang rdub pa ni dbuD phyir 'byung ba dang dgu nang du rdzub pa'o/ /de gnyis sna'i rtses
 mor dran pa nye bar gzhag nas bgrang bar bya ste/ /dang po 'byung ba nas bcu la sogs pa dang brgya'i bar du rjes su mthun pa dang rjes su mi mthun par bgrang ngo/ /yang 'byung ba dang 'jug pa la dran pa btang bar bya ste/ 'byung pa ni dri dab dang ring ba dang/ /dro bar dbuD
 dbyung ba'o/ /'jug pa ni dre zhim pa dang thung ba dang grang bar dbugs 'jug pa'o/ /lte ba'i phyogs nas 'byung zhing sna'i rtse mor thug pa de lta bur rkang pa'i the bo nas lus thams cad la dran ba 'jug par bya'o/ /gang be tshe des lcags ma gar gye sdud pa bzhin du lus
 gang bar mthong ba de'i che na lus thams cad so so yang dag par rig pa zhes pa'i chos kyi sgo thob cing lus dang sems las su rung bar yang 'gyur ro/ /kha gcig ni dbugs dbyung ba dang rdub pa 'gag pa na chos kyi sgo skye bar yang 'dod de/ /de ltar de dag
 la sogs bas sems mnyam par bzhag pa'i phyir mngon par brtson pa nyid du bya'o/ /de bzhin du sgra dang /gtan tshigs dang gso ba dang/ nang zhes bya ba'i rig pa'i gnas bzhi po dag la yongs su 'dris pa'i mtshan nyid kyis thos pa las byung ba'i shes
 ba la yang mngon par brtsam pa nyid du bya ste /de ni de las gzhan pa bsams pa dang /bsgoms pa las byung ba bla na med pa'i shes pa dag 'thob pa'i rgyu yin pa'i phyir ro/ /sems mnyam par gzhag pas de nyid rtags par 'gyur gyi gzhan gyis ma yin
 par bstan pa'i phyir ro/ /ji ltar chu rtog g.yo ba la/ /bzhi ni mthong bar mi 'gyur ba/ /de ltar sems mnyam ma bzhag dang /sgrib pas bsgribs la de nyid do/ /zhes bya ba smras te/ ji ltar chu rdul mang pos rnyog pa can dang/ rlung gis bskyod cing g.yo ba la bzhin
 gyi gzugs brnyan mthong bar 'dod pa mi 'gyur ba de ltar sems yul mang po la 'phro zhing mnyam bar ma bzhag ba dang /'dod pa la bdun pa dang gnod sems dad /rmugs pa dang gnyid dang/ rgod ba dang/ 'gyod ba dang/ the tshom zhes bya ba'i sgrib pa
 lnga po dag gis bsgribs pa la chos kyi de nyid mthong bar 'dod bI mi mthong ba yang de bzhin no/ /de lta bas na/ yid kyi glang po log 'phro ba/ /dmigs pa'i ka ba brtan po la/ /dran pa'i thag bas nges bcings nas/ /shes rab lcags kyus rim dbang bya/ /
 zhes bya ba ni sngar bstan ba bzhin du sems mnyam bar bzhag pa dag gi yid gyi glang po che thar pa dang mi mthun pa'i spyod pa la log par 'gro ba ni dge ba'i chos tshad med pa bzhi la sogs pa dmigs pa'i ka ba brtan po la dran pa'i zhags thag gis nges
 par bcings nas/ shes rab kyi blo gros kyi lcags kyus btsags pas rims kyi khang kyi dbang du bya'o/ /de bzhin du rgod pa mi rtag la sogs pa /yid la byed pas zhi bar bya/ /zhum pa dmigs ba rgya chen dag /bsgoms bas yangs pa nyid du
 bya/ /zhes bya ba ni rigs dang gzugs dang lang tsha brgyags pas rgod pa nyid du gyur na mi rtag ba dang/ sdug bsngal ba dang /stong pa dang /bdag med pa la sogs pa yid la byed bas zhi bar bya'o/ /ha cang zhum pa nyid du gyur na yang mdo sde la sogs pa'i
 dmigs pa rgya chen po dag bsgoms pas yangs pa nyid du bya'o/ /de ltar de dag gis ni rnal 'byor pa'i sems bzhag pa bstan to/ /sems bsdu dang gzengs bstong pa dag bstan pa'i phyir/ g.yengs pas g.yeng pa'i mtshan ma la/ /nyes dmigs
 blta bas bsdu bar bya/ /zhum pa yang ni brtson 'grus smras te/ sems dmigs pa mang po la 'phro zhing spre'u bzhin du smras te /sems dmigs pa mang po la 'phro zhing spre'u bzhin du nges par mi gnas pas tshe skyi de nyid kyi don las
 nyams pa'o/ /mi ma yin la sogs pas sun phyung ste/ g.yengs pa nyid du gyur na de'i tshe g.yeng ba'i mtshan ma 'di lta ste / mig dag me ltar 'bar ba dang / chus g.yeng ba dang / g.yangs nas lhung ba la sogs pa mang po 'byung ba la nyes
 dmigs su blta bas sems nang du bsdu bar bya'o/ /ha cang brtson 'grus zhum zhing le lo skye bar gyur na de yongs su spang pa'i phyir / brtson 'grus kyi phan yon mthong bas zhum pa gzengs stong par bya'o/ /sems bkru ba dag bstan pa'i phyir/
 'dod chags zhe sdang gti mug gi /rdzab dris spang zhing ma bsdams pa/ /mi sdug byams pa rten 'byung ba'i/ /chu dag gis ni bkru bar bya/ /zhes bya ba smras te/ 'dod chags yul la lhag par chags pa ngang/ zhe sdang dang / khong khro ba dang/
 gti mug mun pa dag gi 'dam rdzab kyi dri mas sbags shing spros pa nye bar ma zhi bsam bsdams pa dag go rim bzhin du mi sdug pa dang/ byams pa dang/ rten cing 'brel par 'byung ba'i chu dag gis bkru zhing rnam par sbyad bar bya'o/ /rim
 pa de dag gis dben zhing mi g.yo zhi ba dang/ /dmigs pa dag la gzhol ba dang/ /las su rung zhing mnyen shes nas/ /de la legs par btang snyoms bya/ /zhes bya ba la dben pa ni bkru bas so/ /mi g.yo ba ni mi g.yeng bas so/ /zhi ba
 ni nang du bsdu pas so/ /dmigs pa dag la gzhol ba ni dmigs pa mdza' dag la 'jug pas so/ /las su rung ba ni dga' mgur 'jug pas so/ /mnyen pa ni nga rgyal dang khengs ba med pas so/ /sems de ltar bsgrims pa med kyang lam log pa de dag tu
 'gro bar mi 'gyur bar shes na/ de la legs par btang snyoms su bzhag par bya'o/ /blo gros mnyam gzhag 'og tu ni/ /tha snyad sgo nas gzung bya yi/ /tshos rnams dngos po 'di dag la/ /shes rab kyis ni 'di ltar brtag /ces bya ba ni
 gang gi tshe de'i sems kyis blo gros mnyam par bzhag pa'i ting nge 'dzin skyes par gyur pa de'i 'og tu tha snyad kyi sgo nas gzung bar bya ba kun rdzob kyi bden pa'i tshul gyis rnam par bzhag pa'i chos sa dang chu dang me dang rlung la sogs pa rnams kyi dngos
 po sra ba dang gsher ba dang tshal ngang g.yo ba la sogs pa 'di dag la shes rab kyis 'di ltar brtag par bya'o/ /blo yis rnam par spyad pa na /'di dag don dam yod dam ci/ /zhes bya ba ni de blos yongs su rtogs pa na dngos po 'di dag don dam par
 yang 'thad dam 'on te ji ltar snyam ba'i/ /gal te yin na 'di de nyid/ /gal te gzhan na de btsal bya/ /zhes bya ba ni gal te re zhig don dam par yang chos rnams kyi ngo bo nyid 'di dag yod par rigs pa nyid yin na ni de lta na ni dngos po 'di dag nyid don
 dam pa'i de nyid yin no/ /gal te 'di dag brtag mi bzod pa'i phyir/ /'di dag las don dam pa'i de nyid gzhan yin na ni/ /phyogs su ltung ba med pa'i blos de btsal bar bya'o/ /gang gi phyir zhe na /phyogs su lhung bas sems gdungs pas/ /
 zhi ba nam yang rtogs mi 'gyur/ /zhes bya ba ste / gang gi phyir 'jig rten ni phal cher phyogs su lhung bas sems kyi rgyud gdungs bas log par gzung pa la dam du nye bar 'dzin pas de dag gis ni nam yang zhi ba rtogs par mi 'gyur ba'i phyir ro// //
 dbu ma'i snying po'i 'grel pa rtog ge 'bar ba/ /bam po gsum pa/ /de la mdor bsdu na 'dus byas 'dus ma byas chos ni/ /phung po skye mched khams rnams so/ /zhes bya ba la 'dus byas kyi chos ni rgyu dang rkyen gyis bskyed pa rnams so/ /'dus
 ma byas kyi chos ni skye ba dang gnas pa dang 'jig pa dang bral ba rnams so/ /de dag kyang gang zhe na/ de dag ni phung po lnga dang skye mched bcu gnyis dang khams bco brgyad po rnams so/ /de dag kyang bcom ldan 'das kyis nyan thos kyi theg par ni/
 kye ma 'du byed mi rtag ste/ /skye zhing 'jig pa'i chos can yin/ /skyes nas 'gag par 'gyur ba ste/ /de dag nye bar zhi bar bde/ /zhes de ltar nyon mongs bsgrib pa spang pa'i phyir/ /nyan thos rnams la rab tu bshad/ /ces bya bar sbyar ro/ /
 ji ltar zhe na / 'jig rten sna tshogs gang yin /de dag 'dod pa min/ /kun tu rtog pa'i 'dod chags skyes bu'i 'dod pa yin/ /'jig rten sna tshogs dag ni de ltar gnas bzhin du/ /brtan pa dag ni de la 'thun par 'dul bar byed/ /
 ces gsungs pa ltar ro/ /theg pa chen po ni byung ba med pa dang/ dngos po med pa dang / skye ba med pa dang / 'gag pa med pa dang / mngon par 'du bya ba med pa dang / gnyis su med pa'i tshul gyis shes bya yod pa ma yin na/ /nyon
 mongs pa rnams ga la 'byung ste /de ltar bag chags dang bcas pa'i/ /nyon mongs shes bya'i sgrib dri ma/ /spang phyir snying rje ldan rnams la/ /rab tu bstan to zhes bya bar sbyar ro/ /dngos po la mngon par zhen pa rags pa spabs na dngos
 por 'dzin pa phra mo dang dbral bar sla bas de'i phyir/ rags phyir dang po kho nar ni/ /gzugs kyi phung po brtag par bya/ /de'ang dang por 'byung ba rnams/ /ji skad bstan pa'i gtan tshigs kyis/ /zhes bya ba smras te / gnas pa khyon che
 ba dang blo rtsing ge ma'i gzung ba yin pas rags pa'i phyir / dang po kho nar gzugs kyi phung po brtag par bya'o/ /gzugs kyi phung po de la'ang dang por 'byung ba rnams brtag par bya ste/ de ci'i phyir zhe na/ ji skad bstan pa'i gtan tshigs kyis
 te/ 'byung ba rnams pas 'byung ba'i rgyu las byung ba'i gzugs rnams cha phra bas de'i phyir rags phyir dang po kho nar ni/ /'byung ba'i gzugs rnams brtag par bya/ /zhes bya bar sbyar te/ 'dir ni sa la sogs pa dag /don dam par na 'byung ba yi/ /ngo bo nyid min
 byas phyir dang/ /rgyu ldan sogs phyir shes pa bzhin/ /zhes bya ba la 'dir ni zhes bya ba la ni de nyid shes pa tshol pa'i skabs 'dir ro/ /'dir ci zhig zhe na/ sa la sogs pa dag ces bya ba smras te/ sa zhes bya ba ni gtes che ba'i phyir ro/ /sogs
 pa zhes bya ba ni sa de chu la sogs pa 'og ma dag gi dang por smos pa'i yan lag gis bsdus pa sbyir bsdu pa'i don te /sogs pa'i sgras chu dang me dang rlung rnams kyang bsdu'o/ /don dam pa zhes bya ba la don zhes bya ba ni shes par bya ba yin pa'i
 phyir / don de brtag par bya ba dang go bar bya ba'i tha tshig go /dam pa zhes bya ba ni mchog ces bya ba'i tshig gi sgra yin te / don dam pa zhes bsdu ba ni de don yang yin la dam pa yang yin pas don dam pa'o/ /yang na dam pa'i don de rnam par mi
 rtog pa'i ye shes dam pa'i don yin pas dam pa'i don to/ /yang na don dam pa dang mthun pa ste don dam pa rtog pa dang rjes su mthun pa'i shes rab la don dam pa yod pas don dam pa dang mthun pa'o/ /don dam par na zhes bya ba ni don dam pa de nyid du
 'am don dam par ro/ /'byung ba zhes bya ba ni rang nyid du 'byung ba 'am gzhan 'byung bar byed pas 'byung ba dag go /ngo bo nyid ces bya ba ni 'byung ba de dag nyid sa la sogs pa'i ngo bo nyid yin pas 'byung ba'i ngo bo nyid do/ /min zhes bya ba ni dgag pa
 ston pa'i sgra ste /ma yin zhes bya bar sbyar ro/ /gang zhig ci zhig ma yin zhe na/ sa la sogs pa dag don dam par na 'byung ba'i ngo bo nyid ni ma yin no/ /zhes bya bar sbyar ro/ /'dir min zhes bya ba'i dgag pa 'di ni med par dgag pa'i don du
 gzung gi ma yin par dgag pa'i don du ni mi gzung ngo/ /med par dgag pa dang ma yin par dgag pa zhes bya ba de grangs kyi bye brag ji lta bu zhe na/ ma yin par dgag pa ni dngos po'i ngo bo nyid dgag pas de dang 'dra ba de las gzhan
 pa'i dngos po'i ngo bo nyid sgrub bar byed pa ste/ dper na 'di bram ze ma yin no/ /zhes dgag pas bram ze de 'dra ba de las gzhan pa bram ze ma yin pa dka' thub dang thos pa la sogs pas dman pa'i rigs yin par sgrub pa lta bu'o/ /med par dgang
 pa ni dngos po'i ngo bo nyid tsam zhig 'gog par zad kyi de dang 'dra ba de ma yin pa gzhan gyi dngos po sgrub par mi byed pa ste/ dper na bram ze chang btung bar mi bya'o/ /zhes bya ba de tsam zhig 'gog par zad kyis de las gzhan pa'i btung ba btung ngo//
 zhe 'am mi btung do zhes mi brjod pa lta bu'o/ /des 'dir ni 'jig rten pas yongs su btags pa'i sa la sogs pa don dam par na 'byung ba'i ngo bo nyid ma yin par dgag pa tsam zhig byed par zad kyi ngo bo nyid yin pa 'am/ dngos po med pa'i ngo
 bo nyid yin par mi sgrub pa yin no/ /'dir sa la sogs pa dag ces bya ba ni chos can yin la / don dam pa 'byung ba'i ngo bo nyid ma yin zhes bya ba ni de'i chos yin no/ /chos can dang chos bsdus pa ni phyogs yin te/ rig pas mkhas pa dag na re
 gzhan la gsal par byed pa'i phyir phyogs zhes bya'o/ /zhes zer ro 'dir gzhan dag gis brgal ba khyed cag gi ston pa'i tshig las 'di skad ces kye bram ze thamS cad thar? ces bya ba ni phung po lnga dang skye mched bcu gnyis dang khams bco brgyad po dang?
 go zhes bya ba dang/ de bzhin du gzugs kyi mtshan nyid ni gzugs su rung ba'o/ /zhes bya ba la sogs pa 'byung pa/ khyed kyis kyang de khas blangs nas /de nyid 'gog par byed na khas blangs gzhan kyi pas gnod do/ /de bzhin du yul so sor nges pha
 la 'jug pa nyid ni dbang po rnams kyi mngon sum yin par grags te /mthong ba las lhag pa'i tshang ma gzhan med la/ khyed rang nyid kyi mig gis kyang 'byung ba'i dbyibs dang/ gzugs dag mthong zhing de'i ngo bo nyid kyi reg pa brtsub pa dag kyang
 tshol la 'dzin pa la sogs pa'i bya ba byed pa 'jig rten pa thams cad kyis kyang nye bar gzung ba yod bzhin du de dag 'gog pa la mngon sum gyis kyang gnod do/ /de bzhin du gzugs la sogs pa gang yin pa 'di dag dang / de dag gi sra ba
 dang gsher ba dang tsha ba dang g.yo ba la sogs pa'i ngo bo nyid gang yin pa dag ni ri khrod pa dang gdol ba yan chad la yang grags te /je ltar 'jig rten thams cad la grags pa'i dngos po'i ngo bo nyid gsal bar byed pas grags pas
 kyang gnod do zhe na/ bshad pa don dam par zhes sam bcas pa'i khyad par yod pa'i phyir khas blangs pa dang mngon sum dang grags pa'i gnod pa med de/ gang gi phyir bcom ldan 'das kyis bden pa gnyis bas? stsal pa/ de la kun rdzob
 tu ni ched rnams kyi ngo bo ny id dang/ mtshan nyid rnam par gzhag pa yang mdzad la/ don dam par ni ngo bo nyid med par gsungs te /de ltar yang kau shi ka chos thams cad ni ngo bo nyid kyis stong ste/ chos thams cad ngo bo nyid kyis stong pa
 gang yin pa de ni dngos po med pa'o/ /dngos po med pa gang yin pa de ni shes rab kyi pha rol tu phyin pa'o/ /zhes gsungs pa la sogs pas dngos po nyid kyang med na de'i ngo bo nyid lta ga la yod de /de'i phyir khas blangs pas gnod pa yang med do//
 mngon yum gyis gnod pa yang med de/ yul rnams log pa yin pa'i phyir dang /dbang po rnams blun pa yin pa'i phyir mthong ba la sogs pa'i nus pa med bzhin du yang rab rib can la skra dang sbrang ma dang sbrang bu la sogs pa snang ba lta bu dang/ /bra
 ca la sogs pa ltar mngon sum du yang mngon pa'i nga rgyal yin pas de'i phyir gang la ci zhig mngon sum du gyur na /des gnod par 'gyur grags pa'i gnod pa yang med de/ gang gi phyir 'jig rten ni mi shes pa'i ling tog gi mdongs pa yin
 pas don dam par dpyad pa'i skabs su de ni nor bu rin po che brtag pa dag la dmus long ma brtags pa bzhin du mi rtogs pas grags pa'i gnod pa med do 'o na don dam pa ni gang dag blo thams cad las 'das ba yin la/ dngos po'i ngo bo nyid dgag pa mi
 yi ge'i yul yin pas de'i phyir dgag pa med par mi 'gyur ram/ zhe na don dam pa ni rnam pa gnyis te/ de la gcig ni mngon par 'du byed pa med par 'jug pa 'jig rten las 'das pa zag pa med pa spros pa med pa'o/ /gnyis pa ni mngon
 par 'du byed pa dang bcas par 'jug pa bsod nams dang ye shes kyi tshogs kyi rjes su mthun pa dag pa 'jig rten pa'i ye shes zhes bya ba spros pa dang bcas pa ste/ 'dir de dam bcas pa'i khyad par nyid bzung bas nyes pa med do/ /gal te rang gi
 phyogs bzhag pa med pa'i phyir dang /gzhan gyi phyogs sun 'byin pa'i co 'dri ba nyid ma yin nam zhe na /kho bo cag gi phyogs la ni ngo bo nyid stong pa nyid yin te/ chos rnams kyi ngo bo nyid ni de yin pa'i phyir des na co 'dri ba nyid ma yin te /re zhig
 de ltar phyogs kyi skyon med par rnam par bzhag go /rigs pa can dag gtan tshigs med pa ni tshad ma ma yin no/ /zhes bya ba de ltar kun tu zhugs pa yin pas de'i phyir dam bcas pa'i 'jug thogs su bsgrub par bya ba 'khrul pa med pa'i shes par
 byed pa bstan pa'i phyir gtan tshigs nye bar 'jog pa ni byas phyir zhes bya ba yin te/ byas pa zhes bya ba ni rgyu dang rkyen rnams kyis mngon par bsgrubs pa'o/ /de'i dngos po ni byas pa nyid de/ de'i phyir byas pa nyid kyi phyir zhes bya ba ni
 gtan tshigs kyi don du phyir zhes smos so/ /'o na gtan tshig 'di ma grub pa yin te mngon par gsal ba smra ba la 'di ma grub pa'i phyir ro zhe na/ skabs 'di nyid du 'og nas mngon par gsal ba 'gog par 'gyur ba'i phyir skyon med do/ /mthun pa'i phyogs su rjes su
 'gro ba bstan pa ni gang dang gang byas pa nyid yin pa de dang de 'byung ba'i ngo bo nyid ma yin te/ dper na shes pa bzhin no/ /shes pa ji ltar byas pa nyid yin zhe na/ mtho ris dang byang grol la sogs pa'i rtog gis yongs su bsgrubs pa'i phyir ro/ /'dir shes
 pa yang byas pa nyid kyi phyir 'byung ba'i ngo bo nyid ma yin no/ /zhes pa yang med par dgag pa'i don nyid dang sbyar ro tshul gsum pa'i rtag las 'dir mi mthun pa'i phyogs las ldog pa nyid kyi tshul ma bstan pa ni 'dir smra bar 'dod pa'i tshul gnyis kho
 na'i gtan tshigs kyi tha snyad byed do/ /phyogs kyi chos nyid mthun pa'i phyogs kho na la yod par zad kyi/ de dang mi mthun pa'i dngos po gang la ngo bo nyid yod pa gzhan rdul phran tsam yang med pas mi mthun pa'i phyogs nyid med pa'i phyir des na
 'dir mi mthun pa'i phyogs las ldog pa'i dpe dang gtan tshigs bstan pa ma byas so/ /gtan tshigs kyi rnam grangs gzhan bstan pa'i phyir rgyu ldan sogs phyir zhes bya ba smras te/ rgyu ldan zhes bya ba ni 'di la rgyu yod pa'i phyir rgyu dang ldan pa'o/ /rgyu dang ldan ba'i
 dngos po ni rgyu dang ldan pa nyid do/ /sogs pa zhes bya ba'i sgras ni dngos po nyid dang/ shes bya nyid dang /brjod par bya ba nyid la sogs pa'i gtan tshig gzhan dag kyang gzung ngo/ /'dir yang rgyu dang ldan pa la sogs pa nyid kyi phyir zhes bya ba ni gtan
 tshigs kyi don tu phyir zhes smos te/ gang dang gang rgyu dang ldan pa nyid dang/ dngos po nyid dang/ shes bya nyid dang/ brjod par bya ba nyid la sogs pa gang yin pa de dang de ni 'byung pa'i ngo bo nyid ma yin te/ dper na shes pa bzhin no/ /de bzhin
 du sa la sogs pa dag kyang don dam par na 'byung ba'i ngo bo nyid ma yin no zhes bya bar sbyar ro/ /de ltar phyogs 'dis tshang ma thams cad kyang rnam par bshad par bya'o/ /'dir gang dag go sla ba dang rnam par bshad zin pa'i don de dag ni
 'og nas kyang yi ge mangs kyis dogs nas rnam par mi 'chad do/ /spyir dgag pa bstan nas de dag bye brag tu dgag pa bstan pa'i phyir/ sa ni sra ba'i ngo bo min/ /'byung ba nyid phyir rlung bzhin no/ /sa yi las ni 'dzin ma yin/ /byas pa nyid phyir chu bzhin no//
 zhes bya ba la sogs pa smras te /'jig rten dang chos mngon pa la sogs pa'i bstan bcos las sa'i mtshan nyid ni sra ba nyid yin pa las ni brten par byed par bstan pas de dag dgag phyir tshad ma rnam pa gnyis nye bar bkod de/ gang gi phyir chu
 dang me dang rlung las logs shig nas zhes bya ba 'ga' byang yod pa ma yin te/ 'dus pa'i ngo bo nyid dag las sa'i mtshan nyid logs shig tu bkar te bstan par ni ji ltar yang mi nus pa/ las kyi bye brag kyang de bzhin pas de'i phyir ngo bo nyid yod pa
 ma yin no/ /de ltar dpyad ba na med kyang gal te de nyid du/ /sa yi dngos nyid sra snyam na/ /rnal 'byor ba dag de la ni/ /'byung dang 'bying ba mi rigs so/ /zhes bya ba ni ngo bo nyid med pa nyid yin na yang de'i mtshan nyid de lta bu yod par sems na rnal
 'byor ba dag sa la chu la bya ba bzhin? du steng du 'byung bo dang 'og tu 'byid ba dag mi rigs so/ /gal te bsam gtan gyis mthus sra ba nyid kyang gsher ba nyid du bsgyur bar byed do zhe na/ bsam gtan pa yi bsam gtan mthus/ /sa ni gsher ba nyid mi
 rigs/ /de ci'i phyir zhe na/ ngo bo nyid la 'gyur med phyir/ /yang na de nyid sra ma yin/ /ngo bo nyid ces bya ba ni byas ba ma yin pa dang/ 'byung ba med pa yin pas sus kyang nam yang gzhan du bsgyur bar mi nus pa'i phyir ro/ /yang na gal te rnal
 'byor pa dag gi sa'i sra ba nyid gzhan du bsgyur du rung na ni de'i ngo bo nyid sra ba yin no zhes bya ba de ji ltar bur rung bar 'gyur/ de bzhin chu dang me rlung dag /gsher la sogs pa'i dngos nyid min/ /de dag las kyang sdud pa dang/ /smin dang g.yo bar byed mi rigs//
 Fzhes bya ba ni chu la sogs pa dag kyang thams cad 'byung ba chen po bzhi'i rgyu las byung ba yin te/ de dag thams cad la sra ba dang gsher ba dang tsha ba dang yang ba nyid yod pas de dag gi rang gi mtshan nyid 'ba' zhig pa rnam par bzhag pa ni bstan
 par dka' o/ /las kyang thams cad la cha mnyam par yod de kha cig la lhag par snang ba ni rnam par rmongs pa bskyed pa yin no/ /gang gi phyir de dag gi rdul phra rab kyang 'dus pa'i ngo bo nyid de/ sa dang chu dang me dang rlung dang gzugs dang dri dang ro dang reg
 pa zhes bya ba rdzas brgyad 'dus pa yin pas de'i phyir gang gis so so la ngo bo nyid dang las rnam par gzhag par bya ba'i mtshan nyid 'ba' zhig pa ni gang la ci yang med la/ las 'ba' zhig pa yang gang la ci yang med do/ /de ltar yang dag par
 na de dag 'byung ba'i ngo bo nyid ma yin bzhin du yang gal te ngo bo nyid yod par sems na /rnal 'byor pa dag gting dang pha rol gyi mu med pa'i chu la sa'i steng bzhin du rgyu ba dang/ dags mes mched pa yang ba mo dang mu tig ltar bsil ba nyid du
 byed pa dang/ brag gi rtse mo rnam par 'joms pa'i rnam par mthor rlung dag kyang sor mo'i rtse mos mi g.yo bar byed pa dag ji ltar rung ste/ de'i phyir ngo bo nyid kyang yod pa ma yin la/ las kyang yod pa ma yin no/ /sdud pa ni gzungs byed pa'o//
 smin ba ni dro ba'o/ /g.yo ba ni mgul ba zhes bya ba'i tha tshig go /'dir kha cig gis smras pa /rdzu 'phrul dang ldan pa rnams kyi sems mnyam par bzhag pa'i mthu'i bye brag gis/ /dngos po thogs pa dang bcas pa'i rdzas rnams la gang du 'gro bar
 'dod pa dag tu 'gro ba 'grub par zad kyi/ dngos po rnams rnam pa thams cad du med pa'i phyir ni ma yin no/ /gal te dngos po rnams med pa'i phyir thogs par mi 'gyur ba yin na ni rdza 'phrul dang ldan pa mnyam par bzhag
 pa las langs pa dang /srog chags gzhan dag kyang rang gi gnas la sogs pa gnas par mi 'gyur ba zhig na thogs par yang mthong bas de'i phyir dngos po rnams rnam pa thams cad du med pa ma yin no/ /gal te 'di ltar yongs su rtogs
 te/ rnal 'byor pa mnyam par bzhag pa las langs pa dag gis mos pa'i dbang gis na dngos po yod pa ma yin yang lus la thogs pa kho nar 'gyur ro zhe na /de ni mi rung ste gang gi phyir zhe na/ mos pa'i mtshan ma yin te /nam mkha' 
 'du shes pa mun pa la sogs pa'i nang du ka ba la sogs pa dag la thogs pa yod pa'i phyir dang/ shes la sogs pa'i skyang nus dag la chur 'du shes pa yang log par yin pa bzhin no zhe na/ 'dir bshad pa mos pa yang gzhan
 la 'dod pa'i khyad par yang gzhan kho na yin te/ ji ltar zhe na/ gang gi phyir rnal 'byor pa'i mos pas zad par nam mkha' la sogs pa dag la sa dang chu dang me dang rlung la sogs pa thams cad nam mkha' kho nar mos par byed pa'i rnal 'byor ba
 'ba' zhig la de ltar snang bar zad kyi gzhan su la yang mi snang ba'i phyir dang/ dngos po gzhan dag nam mkha' nyid du yang mi 'gyur ba'i phyir ro/ /'dod pa'i khyad par gyis ni rnal 'byor ba'i rdzu 'phrul gyi mthun sa yang gsher ba nyid du byed pa kho
 na yin gyi mos pa tsam du ma zad de /rtsig pa dang ra ba dang ril sogs pa dag thal byung du thogs pa med par 'gro ba'i phyir dang/ chu yang sra ba nyid du byed de chu la yang sa la bya ba bzhin du /mi 'gyur bar 'gro ba'i phyir dang me yang bsil ba nyid du
 byed de sems can dmyal ba'i bsreg bya 'bar ba dag zhi bar byed pa'i phyir dang /rlung gi g.yo ba yang thogs par byed de/ rnam par 'thor rlung chen po la sogs pa'i rlung gi dkyil 'khor dag kyang sor mo gcig gis gnod par byed pa'i phyir ro/ /'dod
 pa'i khyad bar gyis kha cig tu ni bdag nyid kho na la thogs pa med par ston par yang byed de/ ril sogs pa dag la bdag nyid ltung bzed dang/ chos gos dang/ yo byad dag dang bcas bzhin du thogs pa med par 'gro ba'i phyir ro/ /kha cig tu ni gzhan dag kho
 na ston te/ dper na yi dags la sogs pa la chu la sogs pa sbyin pa lta bu'o/ /kha cig ni rang dang gzhan gnyi ga ston te /dper na sems can dmyal ba'i me 'bar ba la sogs pa zhi bar byed pa lta bu'o/ /de la gal te mos pa tsam kho nar zad na ni dngos po gzhan du
 mi 'gyur bas me'i gdung pa yang zhi bar mi 'gyur la/ skom pa yang ngoms par mi 'gyur ba'i rigs na de lta ma yin no/ /shes la sogs pa'i rkyang nul dag la chur 'du shes pa ni log pa yin pas dper mi rung ngo/ /zad par nam mkha' la sogs pa dag
 don dam pa nyid yin par gyur na yang sa la sogs pa ngo bo nyid yod pa nyid du mi 'grub bo/ /kha cig 'byung ba mkha' rlung me chu sa/ /yon tan dag ni lhag pa yin/ /sgra dang reg pa gzugs dang ro/ /dri dang de yi yon tan yin/ /zhes bya bar 'dod pas
 de bkag pa'i phyir /rlung la sogs pa kun rdzob tu/ /yon tan mnyam par mi 'dod min/ /lus kyi dbang bos dmigs phyir dang/ /'byung ba yin phyir sa bzhin no/ /zhes bya ba smras te /rlung la sogs pa de dag ni kun rdzob tu yang thams cad
 yon tan cha mnyam pa yin te/ lus kyi dbang pos dmigs pa'i phyir dang/ 'byung ba nyid yin pa'i phyir dper na sa bzhin no/ /nam mkha' nyid ma yin te/ 'byung ba nyid yin par mi rigs pa'i phyir ro/ /la la yon tan kha cig shas che ba
 yod do/ /la la yon tan kha cig bag la zha ste / ha cang cha phra ba'i phyir nges par gzung par mi nus so/ /kha cig ni sa la sogs pa 'dus pa'i bdag nyid kyang yin la / rdzas su yong pa kho nar 'dod de / 'dir ltar gang rdul phra rab
 tu bshig kyang de'i blo yod pa nyid yin pa de'i rdzas su yod pa nyid yin no/ /zhen de ni rigs pa ma yin te/ gang gi phyir sa la sogs pa rdzas yod min/ /tshogs pa'i yan lag min med phyir/ /gang dag ji skang bstan pa de/ /rdzas yod
 ma mthong nags tshal bzhin/ /zhes bya ba la sa la sogs pa ni rdzas su yod pa ma yin te / chu la sogs pa'i tshogs pa'i yan lag ma gtogs par sa zhes bya ba dmigs su med pa'i phyir ro/ /gang tshogs pa'i yan lag ma bzung du med pa
 de ni rdzas su yod pa ma yin te/ dper na nags tshal bzhin no/ /shing tu ba dang seng ldeng dang pa la sha la sogs pa ma gtogs par nags tshal zhes bya ba gzung du med pa bzhin no/ /'dus pa la ni nags tshal zhes tha snyad gdags su rung ngo/ /gang
 gi phyir sa la sogs pa rdzas su yod pa ma yin pa de'i phyir de'i yul can gyi blo gros kyang rdzas su yod pa ma yin te/ rgyu yod pa'i phyir dang/ 'jig pa'i phyir nags tshal gyi blo bzhin pas de'i phyir/ sa la sogs pa yul gyi blo/ /de yang rdzas yod
 ma yin 'dod/ /rgyu dang bcas phyir 'jig pa'i phyir/ /nags tshal la sogs blo bzhin no/ /zhes bya ba smras so/ /sgra ni gnas dang byed pa dang/ /rtsol ba dag las mngon par 'grub pa'i phyir gang gi sa la sogs pa brjod pa'i sgra da yang/ sa
 la sogs pa ston pa'i sgra/ /brjod pa rdzas su mi 'dod do/ /mnyan pa yin phyir dmag la sogs/ /ston pa'i sgra dag mi 'dod bzhin/ /'dir bye brag bdag phyir zlog par byed de/ gang dag la nags tshal dang dmag la sogs pa rdzas su yod pa ma
 yin bde dag skyon 'di lta bur 'gyur te/ kho bo cag gi tshig las phrad pa rnams kyi rdzas zhes 'byung bas nags tshal la sogs pa dang rdzas su yod pa kho na yin no/ /ji ltar zhe na 'di na shing pa la sha nags tshal rtsom pa ni phrad pa dang bcas pas shing pan da dang
 lhan cig sbyor bar 'gyur ro/ /shid pa la sha dang pan da na gnyis kyang phrad pa dang bcas pas shing d+ha ba la sogs pa dang lhan cig sbyor bar 'gyur ro/ /de bzhin du glang po che dmag rtsom pa na yang phrad pa dang bcas pas rta dang lhan cig sbyor bar 'gyur
 ba glang po che dang rta gcis kyang phrad pa dang bcas pas shing rta la sogs pa dang lhan cig sbyor bar 'gyur bas de'i phyir nags tshal dang dmag la sogs pa dag rdzas su yod pa'i phyir khyed kyi dpe la bsgrub par bya bas stong pas dpe med do zhes zer ro/ /grangs
 can dag kyang 'di skad ces zer te / grangs ni rnam pa 'dra ste / nges pa'i grangs ni gcig pu ba'o/ /ma nges pa'i grangs ni nyi shu pa la sogs pa'o/ /de la gang gi tshe ma nges pa rdzas du ma dag la ma nges pa'i grangs su 'jug pa de'i tshe na nags tshal
 la sogs pa'i tha snyad yod pas /nags tshal la sogs pa de dag kyang rdzas su yod pa yin te /grangs dang ldan pa'i phyir ro/ /de'i yul can gyi blo dang sgra yang rdzas su yod pa kho na yin pas de'i phyir/ nags tshal gyi blo dang sgra'i dpe dag sa la sogs
 pa rdzas su yod pa ma yin pa'i dper mi rung ngo zhes zer ro/ /de la re zhig bya brag bdag la skyon 'dogs ba ltar snang ba nyid yin par bstan pa'i phyir/ pal sha ba na dtal la sogs pa/ /nags tshol rtsom pa yin mi 'dod/ /rgyu ldan la sogs gtan
 tshigs kyis/ /dper na rtsa ba la sogs bzhin/ /zhes bya ba smras te/ shing pa la sha dang pen d+ha la sogs pa dag ni nags tshal rtsom pa yin par mi 'dod de/ ji ltar pa la sha la sogs pa ni nags tshal gyi yan lag tu gyur pa yin la/ de dag
 gi yan lag ni rtsa ba la sogs pa yin la/ /yang lag nyid yin par 'dra zhin pa las pa la sha la sogs pa ni nags tshal rtse ma par byed pa yin la/ rtsa ba la sogs pa dag ni ma yin no/ /zhes bya ba 'di la gtan tshigs
 gyi khyad bur ci yod/ /de'i phyir pa la sha dang pa na de la sogs pa de dag ni nags tshal rtsom par byed pa ma yin no/ /de ci'i phyir zhe na/ rgyu dang ldan pa'i phyir zhes bya ba la sogs pa'i gtan tshigs kyis te/ /dper na ? rang sdong bu dang ? mi
 dang 'dab mi la sogs pa bzhin no/ /'dir smras pa/ shing d+ha ba dang/ ba la sha la sogs pa yin lag tu gyur pa thams cad la nags tshal yan lag can so so'i rjes su zhugs bltar nges par gzung du rung ste/ yan lag de dag med par
 yan lag can nags tshal dmigs su med pa'i phyir te/ de'i phyir pa la sha la sogs pa ni nags tshal rtsom par byed pa yin la tsa ba la sogs pa ni ma yin no/ /bshad pa yan lag can gyi nags tshal ni/ pa la sha la sogs brtsams
 min/ /de dag re re ma rdzogs phyir/ /yal ga la sogs gang yin bzhin/ /zhes bya ba la yan lag can zhes bya ba ni 'di la yan lag yod pa'i phyir/ /yan lag can no yan lag can gyi nags tshal zhes bya ba de ni pa la sha la sogs pas
 brtsams pa ma yin no/ /zhes dam bca' o ?/ /ci'i phyir zhe na/ ba la sha la sogs pa de dag re re la nags tshal des rdzogs pa'i phyir te/ dper na yal ga dang yal ga phra mo la sog pa gang dag yin pa de dag la nags tshal zhes bya ba
 ma rdzogs pa'i phyir/ /nags tshal de yal ga la sogs pa de dag gis brtsams pa ma yin pa de bzhin du pa la sha la sogs pa de dag re re la yang nags tshal zhes bya ba de ma rdzogs pa'i phyir/ de dag gis brtsams pa ma yin par
 grub bas nags tshal la sogs pa dag rdzas su yod pa ma yin no/ /de'i phyir bye brag pa dag gi phyogs la dpe'i skyon yang mi 'thad do/ /gnyis pa grangs can gyi phyogs la ji ltar dpe'i skyon med pa de ltar 'di brjod da/ nags tshal sgran ma nges pa/ ? ma'i
 rdzas grangs 'jug pa yin/ khyad par can gyis blos brtag phyir/ bum bzang la sogs sgra bzhin no/ /zhes bya ba la nags tshal gyi sgra ni pa la sha la sogs pa ma nges pa du ma'i rdzas kyi grangs brjod pa la 'jug pa ma yin no/ /zhes dam bca' o/ /de
 ci'i phyir zhe na/ khyad par can gyi blos brtag pa'i phyir zhes bya ba'i gtan tshigs nyid kyis rtogs pa'i phyir te/ dper na bum pa dang/ brangs dang/ phru rtogs la sogs pa gcig la sogs par nges par grangs la 'jug pa'i sgra bzhin no/ /de ltar de zhig
 rigs pa'i sgo nas sa la sogs pa dag mtshan nyid yod pa ma yin pa dang/ /rdzas su yod pa ma yin par gnas so/ /lung gi sgo nas kyang bcom ldan 'das kyis nad gi sa'i khams gang yin pa dang/ pha rol gyi sa'i khams gang yin pa de ni de bzhin gshegs
 pas gnyis su med pa'i don dang/ gnyis su med pa dang/ gnyis su byar med pa dang/ /'di lta ste/ mtshan nyid med par mtshan nyid gcig par mngon par rdzogs par sangs rgyas so zhes bka' stsal cing/ de bzhin du/ blo yis rnam par spyad pa na gang
 phyir dngos nyid gzud med pa/ de phyir 'byung ba med pa dang/ /dngos nyid med par da smra'o/ /zhes gsungs so/ /'dir chos mngon pa dag gis smras pa/ 'byung ba'i bye brag rnams ni ngo bo nyid yod pa kho na yin no/ /de dag rgyur byas nas kha dog
 dang dbyibs kyi bdag nyid kyi gzugs rnam pa nyi shu 'byung ba'i phyir te/ 'di na gang ngo bo nyid med pa ni de rgyur byas nas ci yang mi 'byung ste/ dper na ri bong gi rwa dag bzhin no/ /'byung ba rnams rgyur byas pa las ni kha dog dang/ /dbyibs kyi bdag nyid kyi
 gzugs gang mig gis gzung bar bya ba dag 'byung ste/ de'i phyir 'byung ba rnams ni ngo bo nyid yod pa kho na yin no zhe na/ 'dir bshad pa/ kun rdzob tu gzugs kyi skye mched ces bya ba yang dag pa ma yin pa kun rtog pas kun nas bslang ba de
 yod pa kho na yin te /de la yang byis pa rnams ni sgyu ma dang smig sgyu dang/ dri za'i grong khyer la sogs pa la blta ba bzhin du blta ba rnam par rmongs la/ 'phags pa rnams ni de lta ma yin te/ gang gi phyir 'jig rten pa'i rnal 'byor pa nam
 mkha' mdza' yas skye mched dang/ rnam shes mdza' yas skye mched dang/ ci yang med pa'i skye mched kyi snyoms par 'jug pa bsgom pa la gnas pa dag kyang re zhig gzugs kyi 'du shes dang/ thogs pa med pa'i 'du shes rnam pa
 thams cad du nub cing de bzhin du rnam par thar pa brgyad dang/ zil gyis gnon pa'i skye mched dang /zad par gyi skye mched dag sgom pa goms pa 'jug tu yang gzugs kyi 'du shes spong bar 'gyur na /theg pa chen po bla na med pa'i rnal
 'byor ba bskal ba dpag tu med pa dngos po'i rang gi ngo bo nyid du bsgoms pa stong pa nyid dang/ mtshan ma med pa dang/ smon pa med pa bsgom pa mthar phyin pa la gnas pa rnams gzugs su 'dzin par 'gyur ba lta smos kyang ci dgos te/ de rigs
 pa ma yin pas de nyid kyi phyir bshad pa/ gang phyir gzugs ni don dam du/ /mig gi dbang po'i gzung ba min/ /bsags phyir dper na sgra bzhin dang/ /'byung las gyur phyir de nyid bzhin/ /zhes bya ba la mig gi yul gyi gzugs ni don
 dam par na mig gi dbang po'i gzung ba ma yin no zhes dam bca' o/ /mig ces bya ba ni lta ba'i phyir mig ste/ don rnams gsal bar 'dzin pa zhes bya ba'i tha tshig go /dbang po zhes bya ba ni bsdus pa 'di la rang gi yul bye brag tu 'byed pa'i sgo nas dbang
 byed pas dbang po'o/ /gzugs ni nges gzung zhing brtag par bya ba ma yin te/ de ci'i phyir zhe na/ bsags pa'i phyir te/ rdzas brgyad bsags pa'i phyir/ dper na sgra bzhin no zhes bya bar sbyar ro/ /yang na 'byung ba las gyur pa'i phyir dper na sgra de nyid bzhin
 te/ gzugs dang sgra dang sgra gnyis ga bsags pa dang 'byung ba las gyur pa nyid yin par 'dra bzhin du gzugs ni mig gi yul yin la/ sgra ni ma yin no zhes bya ba'i gtan tshigs kyi khyad par med pa'i phyir ro/ /zhes bya ba'i tha tshig so /yang rnam grangs gzhan du ma/
 gzugs ni mig gis gzung min te/ /'byung las gyur phyir rang gzugs bzhin/ /bde la sogs 'byung rgyu phyir dang/ /brjod bya yin phyir re sogs bzhin/ /zhes bya ba la/ gzugs ni mig gis gzung ba ma yin te /'byung bas gyur pa'i phyir
 rang gi gzugs bzhin no zhes bya ba sbyar te/ khyod kyi lung las gzugs gang yin pa ci yang rung ste/ de thams cad mig gi yul yin no zhes bya ba de yang rang gi gzugs dang gzhan gyi gzugs kyi bye brag las rnam pa gnyis su dbye ste/ de
 la 'dir ni gzhan gyi gzugs chos can nyid du gzung ngo/ /de migs gzung ba ma yin no/ /zhes bya ba ni de'i chos so/ /'byung ba las gyur pa'i phyir zhes bya ba la sogs pa ni gtan tshigs so/ /rang gi gzugs bzhin no zhes bya ba ni
 dpe ste/ 'di ltar mig gi rang gi gzugs ni utpa la'i 'dab ma ltar sngo ba 'bras bu cung zad bkra ba/ rdzim bud ba'i tshogs ltar gnag ci mdzes pas bka' pa mig sman gyi sdug mdzes bu mdog bsgyur ba ste/ de lta bu'i mig gi gzugs kyang mi gnyid kyis gzung ba ma yin
 pa de bzhin du gzhan gyi gzugs kyang mig des gzung ba ma yin no/ /gzhan yang bde ba la sogs pa 'byung ba'i rgyu yin pa'i phyir dang/ brjod par bya ba yin pa'i phyir dper na/ ro la sogs pa bzhin no/ /de ltar gzugs yul gyi dngos por yod pa?
 ma yin pas de yod pa ma yin pa'i phyir mig kyang yul can nyid du yod pa ma yin la/ de dag gi sgra yang dag brjod pa nyid ma yin no/ /de dag rgyur byas nis gzugs 'byung ba'i phyir te/ zhes bya ba'i gtan tshigs
 te don ma grub pa nyid du bstan pa'i phyir/ de bzhin gzugs ni 'byung 'gyur min/ /'byung phyir me la sogs pa bzhin/ /rgyu ldan la sogs gtan tshigs kyis/ /yang na sems bzhin shes par bya/ /zhes bya ba smras te /gzugs ni 'gyur
 ba las gyur pa ma yin te/ 'byung ba dang ldan pa'i phyir me la sogs pa bzhin te /'byung ba las gyur pa ni 'byung ba rnams las mngon par grub pa'o/ /de yang 'byung ba dang ldan pa'i phyir dang/ rgyu dang ldan pa la sogs pa'i gtan tshigs kyis 'byung
 ba'i rang gi gzugs bzhin nam/ yang na sems bzhin du 'byung ba las gyur pa'i ngo bo nyid ma yin te/ gang gi phyir 'byung ba rnams ma gtogs par 'byung ba las gyur pa'i gzugs dmigs su med de/ 'dus pa'i bdag nyid yin pa'i
 phyir ro/ /de'i phyir 'byung ba dag kho ba bzhin du 'byung ba las gyur pa 'di'i ngo bo nyid kyang rdzas su yod pa nyid ma yin no/ /zhes bya bar bsams so/ /des ni kha dog dbyibs dang ni/ /bsags dang phra dang rags sogs kyis/ /dbye bas
 gzugs kyi mtshan nyid dag /ji snyed rnam par brtags pa rnams/ /zhes bya ba la /kha dog gi gzugs ni rnam pa bzhi ste/ sngon po dang ser po dang dmar po dang dkar po'i dbyibs kyi gzugs ni rnam pa brgyad de/ thung du dang ring po
 dang ldan pa dang/ gru bzhi dang mnyam pa dang mi mnyam pa dang/ mthon po dang dma' ba' i bye brag gis so/ /bsags pa ni rdul phra rab la sogs pa dag gis bsags ba'o/ /phra ba ni so mo dang yungs kar la sogs pa'o/ /rags pa
 ni ri la sogs pa'o/ /de bzhin du thag ring ba dang nye ba dang/ lha dang mi dang dan pa dang/ bzang po la sogs pa'i bye brag gi dbye bas rdul phran gyi gzugs kyi mtshan nyid ji snyed gzhan dag gis rnam par btags pa rnams/ ji ltar rigs pa'i sbyor
 ba yis/ /bkag par khong du chud par bya/ /zhes bya bar sbyar te/ /ji ltar zhe na/ de bzhin gzugs ni kha dog min/ /'byung phyir me la sogs pa bzhin/ /rgyu ldan la sogs gtan tshigs kyis/ /yang na sems bzhin shes par bya/ /zhes
 ji ltar rigs pa'i sbyor bas bkag pa khong du chud par bya'o/ /sgra dang dri dang ro dang reg /dgag pa'i tshul yid de yin no/ /zhes bya ba la sgra ni rnam pa gsum ste/ /zin pa dang ma zin pa dang gnyi ga'i 'byung ba chen po'i rgyu las byung ba'o/ /dri yang rnam pa
 gsum ste/ dri zhim pa dang dri ma zhim pa dang/ dri mi mnyam ba'i bye brag las so/ /ro ni rnam pa drug ste/ mngar ba dang sgyur ba dang/ kha ba dang/ lan tshwa dang/ tsha ba dang ska ba zhes bya ba'o/ /reg pa ni rnam pa bcu gcig ste/ lci ba dang yang ba dang/ grang
 ba dang 'jam pa dang/ rtsub pa dang/ bkres pa dang/ skom pa dang/ 'byung ba chen po bzhi po dag gi bye brag las so/ /de dag dgag pa'i tshul mang de yin te/ gang phyir sgra ni don dam du/ /rnam ba'i dbang po'i gzung ba min/ /bsags phyir dper na
 gzugs bzhin dang/ /'byung las gyur phyir de nyid bzhin/ /zhes ji ltar rigs pa'i sbyor ba des bkag par khong du chud par bya'o// //dbu ma'i snying po'i 'grel pa rtog ge 'bar ba/ /bam po bzhi pa/ /'dir smras pa/
 gzugs ni mig gi yul kho na yin te/ /byed pa po dang las kyi tha snyad yang ba'i phyir/ dper na ral gris bcad pa gcod pa bzhin no/ /mig la yang byed pa po'i tha snyad yod de/ mig gi gzugs rnams mthong ngo zhes zer ba'i phyir ro/ /de'i lta
 bar bya ba gzugs ni las yin no/ /de'i phyir gzugs ni mig gis blta bar bya ba kho na yin pas de yang yod pa yin no zhe na/ 'dir bshad pa/ gal te mig byed pa po nyid yin par 'thad na ni gzugs kyang las yin par'gyur grang na/ de
 ni mi 'thang ngo ji ltar mi 'thad ce na/ mig gi dbang po don dam du/ /gzugs la blta ba ma yin te/ /sems dang sems byung las gzhan phyir/ /dper na re yi dbang po bzhin/ /zhes bya ba smras te/ don ji lta bu zhe na/ gal te
 mig de la blta ba'i mthu yod par gyur na ni gnyid log pa dang myos pa dang shi ba la sogs pa'i gnas skabs dag dang/ mun khung dang dus thams cad tu yang thams cad mthong bar 'gyur ro/ /gal te mi mthong na ni de la blta ba yod pa ma yin no/ /
 zhes bya bar tshad ma rnam par bzhag go /gal te rnam par shes pas mthong do zhe na ni/ dmus long gis kyang gzugs mthong bar thal bar 'gyur ro/ /gal te mig ma nyams pas yid kyis mthong ngo zhe na ni de lta na mig byed pa po nyid ma yin par 'gyur ro//
 gal te rnam par shes pa dang bcas pa'i mig gis mthong ngo zhe na/ de ni kun rdzob tu kun kyang 'dod pa kho na yin te/ de la yang mig 'ba' zhig byed pa po ma yin gyi/ mthong ba ni gzugs dang snang ba dang/ nam mkha' dang yid la byed pa tshogs pa
 rag lus pa'i phyir/ des na mig 'ba' zhig byed pa po nyid yin par bstan dka' o/ /de ltar byed pa po med pa'i phyir las kyang ga la yod pas gtan tshigs kyi don ma grub pa nyid do/ /gang dag tshogs pa las blta ba'i bya ba skye bas de dag thams
 cad la lta ba'i nus pa yod pa nyid ma yin te/ de'i phyir blta ba'i bya ba skyes ba'i mig gis mthong ngo zhes bya ba de ltar 'dod pa de dag gis phyir rab tu bshad pa/ yang na mig ni don dam du/ /gzugs la blta ba ma yin te/ /rnam shes
 dngos med mi skye'i phyir/ /pags pa dag la sogs pa bzhin/ /zhes bya ba'i tshig gi don ni gang gi phyir rnam par shes pa med par blta ba'i bya ba mi skye ba'i phyir mig gis kyang mi mthong do zhes bya ba'i tha tshig go/ chos mngon pa las mig gis dpa' bo ni go snyod
 kyi me tog lta bu 'am zhog chu lta bu yul kha dog gzugs dang ba'o/ /zhes de'i mtshan nyid bstan pa de ni kho bo cag kyang kun rdzob tu 'dod do/ /don dam par ni mig gi dbang po yul gyi kha dog gzugs dang ba ma yin te/ byas pa nyid kyi phyir ro/ /
 zhes bya ba la sogs pa'i gtan tshig dag gis dpe yang pags pa dag la sogs pa bzhin no/ /de'i yul kha dog dgag pa byed pa ni/ mig ni gzugs kyi yul can yin/ /rang gi gzugs la mi 'dzin phyir/ /nyam la sogs pa'i dbang po
 dang/ /gzugs can yin phyir ro sogs bzhin/ /zhes bya ba yin te/ mig ni gzugs kyi yul can min zhes bya ba ni gang la yul gzugs yod pa de ni gzugs kyi yul can zhes bya ste/ mig ni gzugs kyi yul can ma yin te/ rang gi gzugs
 la mi 'dzin pa'i phyir/ rna ba'i dbang po la sogs pa bzhin nam/ gzugs can yin pa'i phyir ro/ /zhes bya ba la sogs pa bzhin no/ /gzugs ni re zhig rang gi gzugs dang gzhan gyi gzugs zhes bya ba de tsam du zad de/ de la re zhig
 mig des rang gi gzugs mi mthong ba ni grags pa nyid yin no/ /gzhan gyi gzugs kyang ri dang ra ba la sogs pas bsgribs pa tshu rol lam dbus sam pha rol gyi chas bcad pa'i p hyr gcig grong khyer la sogs pa mthong ba bzhin du
 mthong ba ni 'dis mthong ngo zhes nye bar 'jigs pa tsam du zad de/ nye bar 'dogs pa tsam gyi mthong ba ni don dam par spyad pa la tshad mar mi rung ngo/ /de'i phyir bcom ldan 'das kyis kyang/ mig ni gzugs la mi blta zhing/ /yid kyi chos nyid mi rtogs
 te/ /gang la 'jig rten mi 'jug pa/ /de ni dam pa'i bden pa'o/ /zhes gsungs so/ /'dir grangs can dang bye brag pa dag gis smras pa/ 'dis mthong ngo zhes blta ba'i byed pa la 'dis zhes bya bar brjod pas lta ba'i byed pa
 mig gis blta ba pos mthong ste/ dper na sta res gcod do zhes bya ba yang sta re 'ba' zhig gis gcod bar mi byed do/ /'o na ji ltar bu zhe na/ byed pa sta res bcad pa po mi gcod pa shing gcod pa de bzhin du mig 'ba' zhig gis mthong ba
 ma yin te/ 'o na ji lta bu zhe na/ byed pa mig gis blta ba po mis blta bar bya ba gzugs la lta bar byed do zhe na /de dag gi phyir bshad ba/ de bzhin blta bo mig med pa/ /dpe yang med pas mthong ma yin/ /zhes bya ba ni mig gis mthong
 ba bkag pa de bzhin du blta ba pos mthong ba yang dgag par bya ba ste/ /ji ltar zhe na/ 'di ni gzugs mthong ba las rjes su dpags nas lta ba po zhes bya na/ gzugs mthong ba de yang dmig dang/ gzugs dang/ nam mkha' dang/ snad
 ba dang/ yid la byed pa dag tshogs na yod par 'gyur ba yin pas/ /de'i phyir lhas byin zhes bya ba lta bu tshogs pa nyid la lta ba po zhes bya bar rigs kyi gzhan mig med pa la bum pa la sogs pa lta bu/ dper na mig kyang mthong ngo zhes
 bya ba'i dpe yang med pas mthong bar mi rigs so/ /blta ba po mig med pa de yang blta ba pa'i ngo bo nyid gcig yin te/ dper na grangs can dag na re/ shes pa yod pa nyid ni skyes bu'i ngo bo nyid de/ yongs su lta bar byed pa'o/ /zhes zer ba
 la sogs pa lta bu zhig gam/ 'on te lta ba po'i ngo bo nyid ma yin pa zhig yin te/ dper na bye brag pa dag na re /shes pa yod pa nyid ni yid tsam du zad la/ skyes bu ni nam mkha' dang 'dra bar thams cad du song ba sems pa med pa yin te/
 deyid dang phrad pas lta bar byed do zhes zer ba lta bu zhig yin grang na/ de la gal te blta ba po'i ngo bo nyid yin na ni ngo bo nyid ni gzhan la bltos pa med pa'i phyir/ mig med par yang des blta nus par 'gyur ba'i rigs so/ /ci ste sta re med pa'i gcod pa
 pos gcod pa po nyid du mi 'grub kyi/ /sta re dang ma bral bar gcod pas gcod pa po nyid du 'grub pa bzhin du blta ba dang ma bral bar blta ba'i blta ba pos mthong bar 'gyur ro zhe na/ /de'i phyir bshad pa byed pa dang ma phrad pa'i snga rol dang/ byed pa
 rang bral ba'i 'og rol na blta ba med pas /blta ba'i ngo bo nyid yin pas /ji ltar gzugs la blta bar rigs /blta ba po'i ngo bo nyid ma yin pa la ni blta ba'i nus pa med pa'i phyir/ dmus lod la blta ba med pa lta bu yin pas /blta ba'i
 ngo bo nyid yin pas/ ji ltar gzugs la blta bar rigs/ gzhan yang ji ltar blta ba po gang yin pa de nyid nyan pa po dang/ snom pa po dang/ myang ba po dang/ reg pa po dang/ shes pa po yang yin nam 'on te tha dad pa yin/
 de la gal te tha dad pa yin na ni bdag mang po nyid du 'gyur te /de ni gcig tu zad do/ /'on te de nyid gal te blta bo nyan po nas/ ci phyir de ni nyan par 'gyur/ gal te ba blta ba po'i ngo bo nyid yin na ji ltar de rang gi ngo bo nyid bral nas ngo bo nyid
 gzhan 'byung bar 'gyur te/ des na ngo bo nyid dang bral bar 'gyur ro/ /skyon 'di yang yod do/ /de shes nyid dang rtag mi 'dod/ /bsgyur rung khyad par yin pa'i phyir/ /gcig nyid ma yin tshul gnyis phyir/ /lus gzhan dag gi gzugs
 bzhin no/ /zhes bya ba ni bdag blta ba bor nyan pa por yang 'gyur ba de blta ba po'i shes pa de nyid kyang ma yin la/ rtag pa nyid kyang yin pa mi 'dod de/ bsgyur du rud ba'i khyad par yin pa'i phyir ro/ /zhes bya bar sbyar ro/ /bsgyur du rung ba'i khyad par zhes
 bya ba ni de blta ba dang nyan pa la sogs pa dag gi khyad par du bsgyur bar nus pa'o/ /gang rang bzhin gzhan du bsgyur bar nus pa de ni shes pa nyid kyi ngo bo nyid kyang ma yin la brtag pa nyid kyang ma yin te/ 'dis ltar rtag pa ni mi 'gyur
 ba'i rang bzhin dang ngo bo nyid dang mi 'bral ba yin pa'i rigs na/ de sngar blta ba por gyur nas gang gi tshe nyan pa por 'gyur ba de 'tshe/ /rang bzhin 'gyur ba dang ngo bo nyid dang bral bar snad do/ /bdag gi ngo bo nyid ni gcig pa nyid du tha snyad gad Da?
 ba yin na de ni gcig pa nyid ma yin te/ tshul gnyis su gyur pa'i phyir lus gzhan dag gi gzugs bzhin no/ /de'i phyir de mi shes po de nyid kyi ngo bo nyid kyang ma yin la/ /rtag pa yang ma yin gcig pa nyid kyang ma yin pas ngo bo nyid med pa
 kho nar 'gyur ro/ /de bzhin mig gi dbang po ni/ /gzugs la dmigs pa'i byed mi 'dod/ /yid bral nyid na lta ba las/ /gzhan phyir nyan la sogs pa bzhin/ /zhes bya ba ni gal te re zhig de dbang po'i tshogs rnams las gzhan
 ma yin na ni rang gi mtshan nyid la byed pa nyid mi srid do/ /'on te gzhan yin na ni gzhan nyid du 'dra bas ji ltar rna ba gzugs la dmigs pa'i skyed pa ma yin pa de bzhin du mig kyang byed pa nyid ma yin no/ /yid dang ma bral ba'i dbang
 po ni blta ba yin par grub pa'i mdza' thams cad la yang grags pas/ de'i phyir yid dan bral ba nyid yin na mig de blta ba bo las gzhan yin pa'i phyir zhes gtan tshigs kyis khyad par smos so/ /grangs can dag gis smras pa/
 kho bo cag gi grub pa'i mdza' ni 'di yin te/ dbang po ni yul dang phrad par byed do/ /dbang dang phrad ba'i yul la yid kyi rjes su gcod bar byed do/ /yid kyis bcad pa la nga rgyal gyis rlom par byed do/ /nga rgyal gyis rlom pa la blos sems
 bar byed do/ /blos bsams pa'i yul de skyes bu la snad bar 'gyur te/ dper na chu rnyog pa med pa nye bar gnas pa tsam gyis phan 'dogs par gnas pa'i nang du zla ba'i gzugs kyi gzugs brnyan shir ba la blta ba la sogs pa'i tha snyad du
 brjod pa yod pa de bzhin du skyes bu'i rjes nges par gnas pa nyid la chos gzhan 'byung ba dang/ chos gzhan 'gag pa na skyes bu'i ngo bo nyid nyams par yang mi 'gyur la rang bzhin dang bral bar yang mi 'gyur bas de'i phyir skyes bu ni mi rtag pa
 yang ma yin la/ ngo bo nyid med pa yang ma yin du ma yang ma yin zhing byed pa ma yin pa yang ma yin no/ /zhe na 'dir bshad pa de ni blta ba bo nyid mi rigs/ /mig la sogs pa bltos pa'i phyir/ /yid bzhin yongs su 'gyur phyir dang/
 de bzhin gzugs brnyan 'char phyir ro/ /zhes bya ba ni gal te de lta ba po'i ngo bo nyid yin par gyur na/ byed bo'i tshogs dag la mi bltos pa kho nar rigs so/ /de mi rtag pa yang yin te yongs su 'gyur ba'i phyir 'o ma la sogs pa bzhin no/ /
 de lta bo nyid yin par mi rigs te/ gzugs brnyan 'char ba'i phyir bzhin gyi gzugs brnyan 'char ba'i chu bzhin no/ /yid ji lta ba bzhin du lta ba yang 'dod na/ /de yang mi rigs te/ gang gi phyir mig la sogs pas ma mthong
 ba'i yul la yid kyis kyang mi 'dzin pas de'i phyir re zhig yid nyid kyang blta ba po'i ngo bo nyid ma yin na de dang 'dra bar bdag blta ba por 'gyur ba lta ga la yod de de'i phyir bshad pa/ blta bo ji ltar yid dang 'dra/ /dbang po gzhan
 gyis mi mthong phyir/ /zhes bya ba la dbang po ni dbang po rnams so/ /gzhan zhes bya ba ni dbang po gzhan las gzhan ba'i dbang po gzhan gyis so/ /don lhag ma ni smras par zad do gzhan yang/ yid ni yang dag nyid du na/ /lta bar mi 'dod ?
 bzhin no/ /zhes bya ba ni bdag lta ba ma yin par bkag pa bzhin du yid kyang blta ba ma yin par dgag pa ste/ ji ltar zhe na/ 'di la yid kyang blta ba po'i ngo bo nyid dam blta ba po'i ngo bo nyid ma yin pa zhi tu 'gyur grer na/ gal te
 blta ba bo'i ngo bo nyid yin na ni mig med pa la yang blta ba yod bar 'gyur ro/ /gal te blta ba po'i ngo bo nyid ma yin na ni de lan ma yang blta ba yod par mi 'gyur ro/ /ji ste mig dang gzugs dang/ snang ba dang nam mkha' dang yid la byed pa tshogs
 pa'i dbang gis yid lta bar byed do/ /zhen bshad pa de ni lta min tshogs pa dag/ rdzas su med phyir de nyid bzhin/ /zhes bya ba ni yid de ni blta ba ma yin te/ tshogs pa dag rdzas su med pa'i phyir nags tshal la sogs pa tshogs pa de nyid
 bzhin no zhes ston te/ gal te yid mig la sogs pa la mi bltos pa 'ba' zhig pa blta ba yin par gyur na ni don dam pa pa yin pa zhig ma gang gi phyir tshogs pa dag med par yid la blta ba med pa de'i phyir nye bar gdags pa ma
 gtogs par gang yang rung ba zhig la blta ba yod par tha snyad gdags par mi nus so/ /tshogs pa dag kyang rjes su yod pa ma yin pa'i phyir nags tshal la sogs pa bzhin pas de'i phyir yid dang 'dra bar bdag blta ba yin par mi
 rigs so/ /gal te bdag med na gang gi mthong zhe na/ kho bo cag ni tha snyad du na sems nyid kyis mthong bar 'dod do/ /gal te sems ni skad cig ma yin pa'i phyir byed pa po nyid ma yin no zhe na/ bshad pa byed po nyid rung chos
 gzhan dag/ mngon par 'grub phyir dril bu bzhin/ zhes bya bani gzhan mu stegs can gyis yongs su btags pa'i bdag med du zin kyang/ sems skad cig ma nyid tha snyad du byed pa po nyid du rung ste/ nang dang phyi rol gyi 'du byed bdag med par ga
 la rgyu dang rkyen so sor nges par tshogs pa'i dbang gis chos gzhan dag mngon par 'grub pa'i phyir dper na dril bu sgra 'byin pa dang/ mar me snang bar byed pa dang/ chu 'bab par byed pa de bzhin du ste/ de'i phyir kho bo cag ni tshogs pa las tha snyad du blta ba khas
 len gyi don dam par ni de dag la yang mi gnas te/ ji skad du/ de ni mig dang gzugs l med/ /de gnyis bar na'ang mi gnas te/ /gang du de ni gnas 'gyur ba/ /de yod ma yin de med min/ /zhes bya ba la sogs pa gsungs pa lta bu'o/ /kha
 cig mig gi 'od zer yul gyi phyogs su song nas 'dzin par byed do snyam du sems pa de dgag pa'i phyir bshad pa /mig ni 'od zer ldan mi rigs/ /dbang po yin phyir dbang gzhan bzhin/ zhes bya ba ni mig ni 'od zer dang ldan par mi rigs te/ dbang po
 yin pa'i phyir dbang po gzhan bzhin te/ ji ltar rna bas kyang sgra thag ring bon 'dug pa thos la/ yid kyis kyang yul dpag tshad? stong gis bskal pa dag kyang shes mod kyi/ de dag 'od zer dang ldan pa ma yin pa de bzhin du mig kyang de dang 'dra bas
 de 'od zer dang ldan par mi rigs so/ /gal te de ltar mig gi dbang po 'od zer dang ldan pa ma yin na/ 'o na ji ltar byi la dang 'ug pa dag mun khrod na mig dag las sgron ma ltar 'bar ba 'byung bar snang zhe na/ de'i phyir bshad pa/ mtshan mo rgyu ba'i mig 'bras
 snang/ /dbang po snang ba ma yin no/ zhes bya ba ni mun khrod na mtshan mo rgyu ba rnams kyi mig gi 'bras bu snang bar zad kyi dbang po ni mi snang ste/ de ni bstan du med pa yin pa'i phyir ro/ /de'i phyir rnam par rtog pa de yang bzang po ma yin no/ /de
 bzhin du mig ni bde sogs bdag nyid min/ /dngos po yin phyir skyes bu bzhin/ /zhes bya ba ni grangs can dag mig ni bde ba rang sdug bsngal dang gti mug gi bdag nyid ma yin te/ 'di ltar yul yid du 'ong ba mthong na bde ba skye la/ de las
 bzlog ba dag la sdug bsngal dang gti mug skye'o zhes zer bas de dgag pa'i phyir 'di bshad de/ mig ni bde ba dang sdug bsngal dang gti mug gi bdag nyid ma yin te/ dngos po yin pa'i phyir dper na skyes bu bzhin te/ ji ltar
 zhe na mig de yod pa 'am med pa 'am/ rtag pa 'am mi rtag pa 'am/ gang yin yang rung ste/ yon tan gsum gyi bdag nyid ma yin no/ /de ci'i phyir zhe na/ dngos po dang rdzas yin pa'i phyir ro/ /ji lta bu zhe na/ skyes bu bzhin te/ 'di ltar de
 dag skyes bu ni yon tan med bar 'dod pa'i phyir ro/ /kha cig mig ni thams cad du song ba yin te/ blta bar bya ba thams cad la thogs pa med pa'i phyir ro snyam du sems pa de dag la 'di brjod par bya ste/ mig ni kun tu song min te/ /
 yod phyir de 'bras la sogs bzhin/ zhes bya ba ni mig ni kun tu song ba ma yin te/ yod pa'i phyir mig de'i 'bras bu la sogs pa bzhin te rang gi gnas bzhin no/ /dbang po yang de'i khongs na 'dug pas thams cad du song ba ma
 yin no zhes bya bar bsams so yang na mig ni kun 'gro min/ /gzhan don nyid phyir bum pa bzhin/ zhes bya ba ni yang na mig ni kun tu 'gro ba ma yin te/ gzhan gyi don nyid yin pa'i phyir dper na bum pa bzhin te/ grangs can dag
 gzhan zhes bya ba ni shes pa'i skyes bu ste /mig la sogs pa ni de'i don gyi phyir 'dod do/ /gzhan gyi don gyi dngos po ni gzhan gyi don nyid do/ /dper na bum pa ni gzhan dag la phan pa'i don gyi phyir mngon par sgrub par byed kyang de thams
 cad du 'gro ba ma yin pa de bzhin du mig kyang skyes bu'i don du mngon par sgrub par byed pa thams cad du 'gro ba ma yin no zhes bya bar slob dpon gyis bsams so/ /yang na mig ni kun 'gro min/ /gzugs dmigs 'gyur ba'i rgyu yin phyir/ /dper
 na gzugs bzhin de bzhin no/ zhes bya ba ni yang na mig ni kun tu 'gro ba ma yin te/ gzugs dmigs par 'gyur ba'i rgyu yin pa'i phyir/ dper na gzugs bzhin no/ /ji ltar mig ni gzugs dmigs par 'gyur ba'i rgyu yin pa de bzhin du gzugs
 dmigs par 'gyur ba'i rgyu yin pas/ dper na gzugs ni gzugs dmigs par 'gyur ba'i rgyu yin pa'i phyir kun tu 'gro ba ma yin pa de bzhin du mig kyang gzugs dmigs par 'gyur ba'i rgyu yin pa'i phyir kun tu 'gro ba ma yin no zhes bya
 ba'i tha tshig go /kha cig na re mig ni me'i rang bzhin yin te/ gsal ba ches chen po dag gis zil gyis gnon pa'i phyir mar me bzhin no/ zhes zer ba de yang bzang bo ma yin te/ gang gi phyir zhe na/ mig ni me dang ldan ma yin/ /dbang
 po yin phyir pags sogs bzhin/ zhes bya ba smras so/ /kha cig mig ni 'byung ba chen po bzhi'i rgyu las byung ba yin yang me shas che ba yin no snyam du sems dpa' de dag la yang/ 'byung chen dang sogs bdag nyid ni/ /me shas che ba ma
 yin no/ zhes bya ba smras te/ mig 'byung ba chen po'i rgyu las byung ba gzugs dang ba la sogs pa'i bdag nyid can ni me shas che ba ma yin te/ dbang po yin pa'i phyir lus kyi dbang po la sogs pa bzhi no zhes bya bar bsam so/ /grangs can
 dag yid ma gtogs pa'i dbang po lnga po dag ni yul dang phrad nas 'dzin par 'dod de/ 'di ltar mig la sogs pa'i 'jugpa ni gnas nas phyi rol tu 'phos nas yul 'dzin par byed do zhes zer ba dgag pa'i phyir/ mig ni yul dang phrad ma yin//
 dbang po yin phyir yid bzhin dang/ /rgyun phyir rgyu dang ldan pa'i phyir/ /yang na gzugs la sogs pa bzhin/ zhes bya ba smras so/ /chos mngon pa bdag na re /mig dang rna ba dang yid ni yul ma phrad pa 'dzin pa yin te 'di ltar mig dang rna ba ni thag ring
 pos bskal pa'i gzugs dang sgra yang 'dzin la yid kyang 'das pa dang ma 'ongs pa dang thag ring ba dang nye ba'i don rnams la thogs pa med par 'dzin pa'i phyir ro/ /sna dang lce dang lus ni de lta ma yin te/ gang gi phyir de
 dag ni yul phrad pa kho na 'dzin par byed do zhes zer ba de dag gi 'dod pa bsal ba'i phyir/ sna tshogs yul phrad 'dzin mi 'dod/ /phyi don mngon sum 'dzin phyir dang/ /'das dang ma 'ongs mi 'dzin phyir/ /dper na mig gi dbang po bzhin//
 zhes bya ba smras te/ sna dang lce dang lus kyi dbang po dag ni yul phrad ba 'dzin par mi 'dod de/ phyi rol gyi don mngon sum du 'dzin pa'i phyir dang/ 'das pa dang ma 'ongs pa ming 'dzin pa'i phyir dper na mig gi dbang po bzhin te/ ji ltar sna dang
 lce dang lus kyi dbang po dag ni phyi rol gyi don mngon sum du gyur pa dag 'dzin pa dang/ 'das pa dang ma 'ongs pa dag mi 'dzin pa bzhin du mig gi dbang po yang de bzhin te/ mig gi dbang po ji lta ba bzhin du /de dag kyang yul phrad pa
 'dzin pa ma yin no/ /lus kyi dbang po la sogs pas ma nges pa'i skyon bsal ba'i phyir/ bsgrub dang 'dra bar bkag pa'i phyir/ /lus la sogs pa ma nges min/ zhes bya ba smras so/ /de bzhin du mig rna yid kyi mtshan nyid gsum/ /yul
 dang ma phrad 'dzin ma yin/ zhes bya ba ni dbang po yin pa'i phyir dang/ /sems skye ba'i rgyu yin pa'i phyir/ dper na sna la sogs pa bzhin no/ /lta ba ji ltar rgyas bshad pas/ /nyan dang snom dang myang ba dang/ /lus kyi dbang po gsal ba
 dag/ nges par khong du chud par bya/ zhes bya ba ni ji ltar blta ba dang blta ba'i blo dang blta ba'i sgyang? mi? dag dang blta ba po dang yid la yod par mi rigs pa de bzhin du nyan pa la sogs pa dang/ de dag gi blo dang de dag gi sgra yang de dag gi
 dbang po dang/ bdag dang? yid la yod par mi rigs par dgag pa mtshungs par khong du chud par bya'o/ /sgra dang dri dang ro dang reg /dgag pa'i tshul yang de yin te/ /mkhas pas gzu bo'i blo dag gis/ /ci rigs par ni shes par bya/ zhes bya ba ni ji ltar gzugs mig dang
 blta ba po dang yid kyi yul yin par mi rigs pa dang/ gzugs kyi blo dang sgra yang de dag la yod par mi rigs pa de bzhin du sgra la sogs pa yad rna ba la sogs pa'i dbang po dang/ bdag dang yid kyi yul yin par mi rigs pa dang/ sgra la sogs pa'i blo dang
 sgra yang de dag la yod bar mi rigs par dgag pa mtshungs par mkhas pas phyogs su lhud pa med pa'i blo dag gis ci rigs par shes par bya'o/ /de ltar re zhig gzugs kyi phung po brtags nas tshor ba'i phung po yang brtag par bya ste/ tshor ba don dam
 nyid du na/ /myong ba'i bdag nyid yin mi rigs/ rnam shes mtshungs par ldan pa'i phyir/ /de las gzhan pa'i sems byung bzhin/ zhes bya ba ni pha rol po dag tshor ba'i mtshan nyid ni dbang po dang yul dang/ rnam par shes pa gsum 'dus pa'i reg
 pa myong ba yin la/ de yang myong ba'i bye drag las rnam pa gsum du 'dod do/ /tshor ba de don dam pa nyid du na myong ba'i bdag nyid yin par mi rigs te/ rnam par shes pa dang mtshungs par ldan ba'i phyir de las gzhan pa'i sems las byung ba bzhin no/ /
 zhes bya bar tshad ma nye bar sbyar ro/ /de ni rig pa dang mi ldan pa ma yin te/ gang gi phyir bsam gtan bzhi la snyoms par zhugs pa'i gnas skabs na yang re zhig bde ba dang sdug bsngal dag spangs pa yin na/ tshar? ba thams cad 'gags pa'i mya ngan
 las 'das pa'i gnas skabs na lta smos kyang ci dgos te/ ji skad du ting nge 'dzin de ni tshor ba med pa dang/ rnam par rig pa'i sa bon med pa yin no zhes gsungs pa lta bu'o/ /tshor ba'i khyad par dag kyang dgag pa'i phyir/ bde ba phan 'dogs mi 'dod de/ /
 reg las byung phyir de gzhan bzhin/ /sdug bsngal gnod pa'i bdag nyid min/ /gtan tshigs bstan pas shes par bya/ /zhes bya ba smras te bde ba ni phan 'dogs pa'i mtshan nyid yin la sdug bsngal ni gnod pa'i mtshan nyid yin/ sdug
 bsngal snga ma yin bde ba yang ma yin pa nyid ni gnyi ga'i bdag nyid yin no zhes bya ba ni de dag gi ngo bo nyid ma yin te/ reg pa las byung ba'i phyir de las gzhan pa'i tshor ba bzhin te/ gang gi phyir /gcig tu bde ba nyid ni 'ga' yang med la
 gcig tu sdug bsngal ba nyid kyang 'ga' yang med cing gnyi ga'i bdag nyid kyang gang na yang mi snang ba'i phyir ro/ /'o na sred pa zad pa gtan du bde ba ma yin nam zhe na/ gnas skabs de ni rnam par rtog pa med pa myong ba thams cad dang bral ba ngo ba
 nyid gang gis kyang tha snyad gdags par bya ba ma yin no/ /de la bde ba nye bar gdags pa ni 'khor ba pa'i sdug bsngal thams cad dang bral ba'i phyir nyes pa med do/ /sdug min bde min mi 'dod de/ /'bras bu sred phyir gzhan bzhin no/ zhes bya
 ba'i sdug bsngal yang ma yin bde ba yang ma yin ba'i tshor ba yang de'i ngo bo nyid yin par mi 'dod de/ de'i 'bras bu sred pa yin pa'i phyir de'i las gzhan bzhin no zhes dpe nye bar bzhag go /gang gi 'bras bu sred pa yin pa de ni 'bras bu sred pa yong
 pa yin te/ tshor ba thams cad kyi 'bras bu ni sred pa yin pa'i phyir ro/ /sems dang sems las byung ba'i tshul gyis sems yod pas tshor ba dag kyang yod pa kho na yin no zhe na/ de'i phyir rnam shes ngo bo nyid kyang ni/ /dgag pa smra bar 'dod
 phyir ro/ /zhes bya ba smras te/ rnam par shes pa'i ngo bo nyid dgag par yang 'og las smra bar 'dod pa'i phyir tshor ba rnam gsum ni don dam pa ma yin te/ sems bkag pa na sems las byung ba dag dgag pa byas pa yang khong du chud par 'gyur
 te/ pha rol gyi rgyal po ? de'i dmag kyang pham par mngon pa bzhin no/ /'du shes 'du byed rnam gnyis dag /des ni rnam par bshad gyur te/ mkhas pas gzu bo'i blo dag gis/ /ci rigs par ni shes par bya/ zhes bya ba ni 'du shes dang 'du byed kyi
 phung po dag dgag pa yang tshor ba bkag pa des de dang 'dra bar rnam par bshad par shes par bya ste/ ji lta zhe na/ 'du shes kyang ngo bo nyid med pa yin te/ yongs su gcod pa'i rnam par 'jug pa'i smig rgyu dang grong khyer dang/ skyed mos tshal gyi 'du shes
 bzhin no/ /de bzhin du mtshungs par ldan pa ma yin pa'i 'du byed rnam pa gnyis dag kyang don dam pa ma yin te/ 'dus pa'i bdag nyid yin pa'i phyir chu shing gi phung po bzhin no/ /rnam shes don dam nyid du na/ /dngos po rnam rig dngos nyid min//
 dmigs dang bcas phyir 'du shes bzhin/ /yang na 'jig phyir mar me bzhin/ zhes bya ba ni rnam par shes pa don dam nyid du na dngos po so sor rnam par rig pa'i dngos po nyid ma yin te/ dmigs pa dang bcas pa'i phyir dper na 'du shes bzhin
 nam/ yang na 'jig ba'i phyir mar me bzhin no/ /dngos po zhes bya ba ni de dngos su 'dug pa'i phyir dngos po'i yang na 'di la sems dang sems las byung ba'i chos rnams gnas pa'i phyir dngos po ste/ gzugs la sogs pa dag go/ de so sor rnam par
 rig pa ni rnam par rtog pa med pa'i sgo nas rang gi ngo bo yongs su shes pa ste/ rnam par shes pa ni de'i ngo bo nyid ma yin no/ /phung po bkag pa dang 'dra bar khams dang skye mched dag kyang bstan pa'i phyir/ phung po lnga po rnam dpyad pa'i/ /sgrub pa ji skad
 bstan pa des/ /phung po rnams kyi khams shes bya/ /skye mched rnams kyang shes par bya/ zhes bya ba la khams ni bco brgyad de/ dbang po drug dang yul drug dang rnam par shes pa drug bo dag go /skye mched ni bcu gnyis te/ mig la sogs pa
 drug dang/ gzugs la sogs pa drug gi bye brag las so/ /de dag kyang 'dus pa'i bdag nyid yin pa'i phyir ro/ /tshogs pa la ma gtogs par ji ltar dmigs su med pa de ltar sngar bstan pa bzhin no/ /kun rdzob tu gdags pa'i dngos
 po tsam du ni yod de/ bde bar gshegs pas ji skad du/ srid gsum btags pa nyid tsam ste/ /dngos po'i ngo bor yid ma yin/ /btags la dngos po'i dngos nyid du/ /ngan rtog rnams ni rtog par byed/ ces gsungs pa dang de bzhin du/ gzuD
 ni dbu ba rngos pa 'dra/ /tshor ba chu bur dag dang mtshungs/ /'du shes smig rgyu 'dra pa ste/ /'du byed rnams ni chu shing bzhin/ /rnam shes sgyu ma lta bu zhes/ /de nyid gzigs pas bka' stsal to/ zhes gsungs pa lta bu'o/ /'dir smras pa/ phung po
 dang skye mched dang khams rnams ni don dam par ngo bo nyid yod pa kho na yin te/ skye ba la sogs pa 'dus byas kyi mtshan nyid ldan pa'i phyir ro/ /'di na gang yod pa ma yin pa de ni 'dus byas kyi mtshan nyid dang ldan pa ma yin te/ dper na nam mkha' i
 me tog bzhin no/ /phung po dang skye mched dang khams rnams la ni 'dus byas kyi mtshan nyid dang ldan pa yod de/ dge slong dag gsum po 'di dag ni 'dus byas kyi mtshan nyid yin te/ 'di lta ste/ skye ba dang gnas pa dang 'jig pa'o zhes gsungs
 pa'i phyir ro/ /de'i phyir 'dus byas phung po dang/ skye mched dang khams rnams ni ngo bo nyid yod pa kho na yin no zhe na/ 'dir bshad pa/ ji ltar skye ba la sogs pa de dag 'dus byas yin nam 'on te 'dus ma byas yin/ de la gal te 'dus
 byas yin na ni phung po dang khams dang skye mched las gzhan pa'i skye bar byed pa dang/ gnas par byed pa dang/ 'jig par byed pa yod pa'i dpe med do/ /skye ba'i skye ba dang/ gnas pa'i gnas pa dang/ 'jig pa'i 'jig pa zhes bya ba'i don
 la yang skur pa 'debs pa yin la/ skye ba ni 'dus byas thams cad kyi mtshan nyid ma yin te/ skyed par byed pa yin pa'i phyir dper na pha bu'i mtshan nyid ma yin pa bzhin no/ /gnas par byed pa yang gnas pa'i mtshan nyid ma yin te/ dper na
 bum pa gnas par byed pa'i bran mo bum pa'i mtshan nyid ma yin pa bzhin no/ /'jig pa yang 'dus byas kyi mtshan nyid ma yin te/ 'jig par byed pa yin pa'i phyir dper na bum pa 'jig par byed pa'i tho ba bum pa'i mtshan nyid ma
 yin pa bzhin no/ zhes smra bar nus so/ /gal te skye ba la sogs pa de dag 'dus ma byas yin na ni/ de dag ji ltar 'dus byas kyi mtshan nyid du 'gyur te/ 'di ltar nam mkha' ni 'dus byas gang gi mtshan nyid yin par yang ma mthong ngo/ gzhan
 yang skye ba la sogs pa 'dus pa 'dus byas kyi mtshan nyid du 'gyur ba zhig yin te/ dpar na mdo sde pa dag na re rgyu dang rkyen so sor nges pa'i mthu bskyed pa las byung ba'i rgyun la dus cig kho nar gang ma byung ba laS byung bde ni skye ba yin la/ skad cig ma nyid
 kyi rgyun gyis gnas pa ni gnas pa yin la/ skad cig ma snga ma dang mi 'dra bar rgas shing bral ba ni 'jig pa yin no/ zhes zer pa lta bu zhig yin nam/ 'on te skye ba la sogs pa so so ba dag 'dus byas kyi mtshan nyid yin par 'gyur te/ dper
 na bye brag tu smra ba dag na re sngon ma byung ba las byung ba ni skye ba yin la/ skyes pa'i gnas pa ni gnas pa yin/ gnas pa las gzhan du 'gyur ba rga ba dang rnyings pa dang 'gag pa ni 'jig pa yin no/ zhes zer ba lta bu zhig yin grang na/ de la re
 zhig 'dus pa rnams ni dus gcig tu skye ba la sogs pa dag mi srid de/ rim gyis 'byung ba'i phyir dang mtshan nyid mi 'dra ba'i phyir dang/ mi mthun pa'i phyir ro/ /so so bdag kyang mi srid de/ ji ltar zhe na/ 'di ltar dngos po ma skyes pa las ni
 gnas pa dang 'jig pa gnyis med pa'i phyir 'dus byas kyi mtshan nyid med la/ dngos po gnas pa la ni skye ba dang 'jig pa gnyis med pa'i phyir 'dus byas kyi mtshan nyid med do/ /dngos po zhig pa ni skye ba dang gnas pa gnyis med pa'i phyir 'dus
 byas kyi mtshan nyid med do/ /skye ba la yang skye ba med pa dang gnas pa la yang gnas pa med pa dang/ 'jig pa la yang 'jig pa med pa'i phyir/ de dag la 'dus byas kyi mtshan nyid med pas skye ba la sogs pa so so ba dag gis kyang 'dus byas kyi mtshan
 nyid bya bar mi nus so/ /de ltar de dag sems kyi mdun du bzhag nas bshad pa/ skye sogs 'dus byas nyid kyis ni/ /mtshan nyid mtshan gzhi'i nyid mi rigs/ /'dus byas yin phyir rtog bya'i phyir/ /de las gzhan pa nyid bzhin no/ zhes bya ba ni
 skye ba la sogs pa de dag ni 'dus byas nyid kyi mtshan nyid du gyur pas phung po la sogs pa mtshan gzhi'i mtshan nyid yin par mi rigs te/ 'dus byas yin pa'i phyir dang rtog par bya ba yin pa'i phyir skye ba la sogs pa mtshan nyid de las gzhan
 pa'i mtshan gzhi nyid bzhin no/ zhes bya bar bsams so/ de'i phyir/ skar ma rab rib mar me dang/ /sgyu ma zil pa chu bur dang/ /rmi lam glog dang sprin lta bur/ /'dus byas de ltar blta bar bya/ zhes gsungs pa de dag grub pa yin
 no/ /gang dag dngos po rnams ni ngo bo yod pa kho na yin te/ mtshan nyid yod pa'i phyir ro/ /mo gsham gyi bu la sogs pa yod pa ma yin pa dag la ni mtshan nyid kyang med do zhes zer ba de dag kyang ma grub ste/ dngos rnams mtshan nyid yod
 pa'i phyir/ /ngo bo nyid yod nyid mi 'dod/ ces smras te/ ngo bo nyid yod nyid ces bya ba ni ngo bo nyid dang bcas pa nyid ces bya ba'i tha tshig go/ de'i phyir gtan tshigs don ma grub/ /don 'gal nyid duAng gyur pa yin/ zhes bya ba ni gang gi phyir
 dngos po rnams ngo bo nyid med pa nyid du sngar bstan pa de'i phyir pha rol po dag gi gtan tshigs mtshan nyid dang ldan pa'i phyir zhes bya ba de'i don dbu ma pa la ma grub ste/ chos thams cad mtshan nyid med pa'i phyir ro/ /gtan tshigs de'i don 'gal ba nyi duAng
 gyur pa yin te sa la sogs pa ngo bo nyid med pa dag sgrub pa la mtshan nyid yod par mthong ba'i phyir ro/ zhes bya ba'i gtan tshigs kyi don 'gal ba nyid yin pa'i phyir ro/ /ji ltar mtshan nyid med pa de ltar 'di bshad de/ sa yi mtshan nyid sa nyid
 kyis/ /sra ba nyid du mtshon mi rigs/ /lus kyi rnam shes rgyu yin phyir/ /me nyid kyis ni mi rigs bzhin/ zhes bya ba ni gcig pa nyid 'gog ste/ sa'i mtshan nyid ni sa nyid kyi sra ba nyid du mtshon par mi rigs te/ lus kyi rnam par shes pa skye ba'i
 rgyu yin pa'i phyir dper na me'i mtshan nyid mo nyid kyis sa pha nyid du mtshon par mi rigs pa bzhin no/ /sa nyid kyi zhes bya ba ni 'di ltar gyur pa'i mtshan nyid kyi ste/ dper na ji ltar khyod kyis ril pa las slob mar ram/ slob ma las mkhan per
 mthong ngam zhes ril ba thogs pa'i sgo nas slob ma yin par mtshon pa'am/ slob ma khrid pa'i sgo nas mkhan po yin par mtshon pa lta bu'o/ /'dir ni sa nyid kyis sa'i mtshan nyid de de ltar mtshon par mi rigs te/ gal te gcig pa nyid yin
 na sa nyid las logs shig na gang gis mtshon par byed pa'i sra ba nyid ces bya ba ci yang med pa'i phyir ro/ /de bzhin du blang gi mtshan nyid glang nyid kyis/ /nog dang lkog shal sogs mi 'dod/ /khyad par can gyis blos brtag phyir/ /
 dper na bong bu'i mtshan nyid bzhin/ zhes bya bas ni tha dad pa nyid 'gog ste/ glang gi mtshan nyid ni glang nyid kyi nog dang lkog shel la sogs pa yin par mtshon par mi 'dod de khyad par can gyis blos brtag par bya ba yin pa'i phyir dper na bod? 
 bu'i mtshan nyid bzhin no/ /glang nyid kyis bya ba ni glang gi dngos po ste/ rta la sogs pa riD mi mthun pa dag gis stong pa nyid do/ /glang nyid ces bya ba de glang gi rdzas kyis 'thun pa nyid nog dang lkog shal dang mjug ma dang/ rmig pa dang
 rwa la sogs pa yin par mtshon par mi 'dod de/ gal te glang nyid ces bya ba dang glang gi rdzas gnyis tha dad pa yin na khyad par can gyis blos brtag par bya ba yin pa'i phyir/ dper na glang nyid kyis bong bu'i mtshan nyid mtshon par mi nus pa bzhin no/ /de la rang
 gi sde pa dag na re/ /mtshan gzhi las mtshan nyid tha dad pa ma yin te/ de mtshon par bya ba yin pa'i phyir na/ skyes bu chen po las skyes bu chen po'i mtshan rnams tha dad pa ma yin pa bzhin no/ zhes zer ba de dag gi phyir bshad pa/ gcig
 na ji ltar mtshan nyid yin/ des ni de nyid mi mtshon phyir/ zhes bya ba ni mtshan gzhi dang mtshan nyid gcig pa nyid yin na/ mtshan gzhi ni gang mtshan nyid gang zhes tha snyad gdags pa yang med do/ /yang na mtshan gzhi gcig kho nas
 sam rtswa? tshan nyid gcig kho nas 'grub pas gnyis su smos pa zlos pa'i skyon du 'gyur ro/ /bye brag pa dag ni mtshan gzhi dang mtshan nyid tha dad pa nyid du 'dod de/ 'dis mtshon par byed pa'i phyir mtshan nyid do zhes zer ba de dag gi
 phyir 'di brjod par bya ste/ gzhan na ji ltar mtshan nyid yin/ /gzhan gyi gzhan nyid mi mtshan phyir/ zhes bya ba ni mtshan gzhi dang mtshan nyid tha dad pa nyid yin la/ gal te gzhan gyis gzhan mtshon par gyur na lkog
 shal la sogs pa dag gis kyang rta mtshon par 'gyur ba dang/ mtshan gzhi ma skyes pa 'am zhig pa na yang mtshan nyid dmigs par 'gyur pas de'i phyir de ltar mtshan gzhi las mtshan nyid cig pa nyid kyang ma yin la tha dad pa nyid kyang
 ma yin no/ /gzhan yang 'di la mtshan nyid 'di mtshan nyid dang bcas pa zhig gam mtshan nyid med pa zhig yin grang na/ gal te mtshan nyid dang bcas pa yin na ni de la yang mtshan nyid gzhan yod par 'gyur la/ yang de la yang mtshan
 nyid gzhan yod par 'gyur bas thug pa med pa'i skyon du 'gyur ro/ /ci ste mtshan nyid med pa yin na ni/ de lta na yang mtshan nyid gtan med pa kho nar 'gyur te/ nam mkha' i me tog la sogs pa med pa'i phyir ro/ /de'i phyir mtshan nyid
 yod pa ma yin pa nyid grub ste/ de la 'dir khungs ni shA ra dwA ti'i bu chos thams cad ni mtshan nyid med pa ste/ gang chos gang gi mtshan nyid yin pa de ni de'i mtshan nyid ma yin zhing mtshan nyid mngon par 'grub pa'i phyir chos 'ga' yang nye bar
 gnas pa ma yin no/ /zhes bya ba la sogs pa dang/ de bzhin du 'jig rten nam mkha' i mtshan nyid de/ nam mkha' la yang mtshan nyid med ces bya ba la sogs pa ji skad gsungs pa dag yin no// //dbu ma'i snying po'i 'grel
 pa rtog ge 'bar ba/ bam po lnga pa/ /'dir smras pa/ phung po dang khams dang skye mched dag ni don dam par mtshan nyid yod pa kho na yin te/ de'i yul la tha snyad khyad par can gyi bya ba yod pa'i phyir ro/ /'di na gang mtshan nyid med pa
 la ni de'i yul la tha snyad khyad par can gyi bya ba mi skye ste/ dper na mo gsham gyi bu la 'gro ba med pa bzhin no/ /lhas byin la ni de'i yul la 'gro po zhes bya ba la sogs pa'i tha snyad khyad par can gyi bya ba yod pas de'i phyir dngos po rnams la mtshan
 nyid yod pa kho na'o zhe na/ 'dir bshad pa/ gal te ma brtags na grags pas 'jig rten gyi dbang du 'gro ba la sogs pa'i tha snyad yod par 'dod na ni grub pa la sgrub pa yin no/ /'on te rnal 'byor pa mnyam par bzhag pa shes rab kyi dngos
 po'i ngo bo nyid ji lta ba bzhin du rnam par dpyod pa dag la don dam par 'gro ba la soD par yod par 'dod na ni gtan tshigs kyi don ma grub pa nyid de/ 'di ltar don dam par de'i yul la gtan tshigs khyad par can gyi tha snyad yod par mi 'thad pa'i?
 phyir ro/ /ji ltar zha na/ gal te 'gro ba don dam par yod par gyur na nge song ba 'am ma song ba'am bsgom pa'i lam la yod par 'gyur grang ste/ de la re zhig bye brag tu smra ba dang/ bye brag pa dag ma song ba la 'gro pa yod par 'dod pa de dag dgag pa'i
 phyir bshed pa/ ma song ba la don dam du/ /'gro ba yod par mi 'dod de/ /lam yin phyir dang 'gro med phyir/ /dper na ma 'ongs lam bzhin no/ zhes bya ba ni 'gro ba'i bya ba mngon par ma grub bo/ zhes bya ba'i tshig gi lhag ma'o/ /grangs
 can dag kyang rdul gyi chas che ba'i bya ba byed pa'i tshogs kyi 'jug pa mngon par gsal ba'i tshe na ma song ba la 'gro ba yong par 'dod de/ de dag gi mngon par gsal ba bkag pas 'gro ba yang mi 'grub pa'i phyir rtog pa tsam du zad do/ /'dir smras
 pa/ ma song ba la ni 'gro ba med de nger 'gro ba'i bya ba ma zhugs pa'i phyir ro/ /song ba la yang 'gro ba med de/ 'gro ba'i bya ba zhig pa'i phyir ro/ /'gom pa la ni rkang pa gnyis 'jog pa dang/ 'degs pa'i mtshan nyid kyi bya ba 'jug pa'i phyir
 de la ni 'gro ba yod pa kho na yin no zhe na/ 'dir bshad pa/ bgom la don dam nyid du na/ /'gro ba yod pa ma yin te/ /song dang ma song ma gtogs pa bgom pa rtag tu med phyir ro/ zhes bya ba 'di la bgom pa zhes bya ba de ni song ba 'am
 ma song ba 'am/ gang cung zad ni ma song bzhig yin grang na/ gnyi ga'i don yang bstan zin to /'on te gnyi ga'i bdag nyid kyi bgom pa zhig yod par 'dod na/ de la yang gang nas rkang pa btegs pa de ni song ba yin la/ gang du rkang pa 'jog
 pa de ni ma song ba yin pas de gnyis las ma gtogs pa'i gsum pa gang bgom pa zhes bya bar gyur pa de ni ci yang med pas de'i phyir bgom pa la yang 'gro ba yod pa mi 'thad do/ /ci ste bgom pa zhes bya ba ni brjod par bya ba ma yin pa ste/ de
 ni song ba nyid dam ma song ba nyid du tha snyad gdags par mi nus pa nyid yin no zhe na/ de'i phyir bshad pa/ bgom pa song dang ma song bar/ /brjod pa min la'ang 'gro med de/ /lam yin phyir na 'das pa bzhin/ /yang na ma 'ongs lam bzhin
 no/ zhes bya ba ni gal te brjod par bya ba yang ma yin la blo'i spyod yul du yang yod pa ma yin na ni nges de na med pa kho na yin no/ /gal te yong na yang de la 'gro ba yod par mi rigs te/ lam yin pa'i phyir dang 'das pa dang ma 'ongs pa'i
 lam dag bzhin no/ /'dir smras pa/ 'gro ba ni yod pa kho na yin te/ nges de dang ldan pa'i tha snyad yod pa'i phyir ro/ /'di na gang yod pa ma yin pa de la ni nges de dang ldan pa'i tha snyad med de/ ri bong gi rwa can zhes bya ba'i tha snyad med pa bzhin no/ /
 'gro ba yod pa la ni nges de dang ldan pa'i tha snyad yod de/ dper na tsai tra 'gro'o zhes bya ba lta bu'o/ /de'i phyir 'gro ba yod pa kho na yin no zhe na/ 'dir bshad pa/ tsai tra 'gro'o zhes bya ba'i tha snyad gang yin pa de yang dag par na 'gro ba po'am/
 'gro ba po ma yin pa zhig la brtag grang na/ de la re zhig/ 'gro ba grub phyir 'gro po med/ /de phyir de ni 'gro mi 'dod/ ces bya ba ni gang gi tshe song ba dang ma song ba dang/ bgom pa'i lam dag la 'gro ba rnam pa thams cad du ma grub pa'i
 phyir/ 'gro pa yod pa ma yin pa de'i tshe 'gro ba po yang med bzhin du/ ji ltar 'gro ba yod pa zhig gang du 'gro na tsai tra 'gro ba po zhes bya ba'i tha snyad du 'gyur gal te de 'gro ba po'i ngo bo nyid yin par gyur na ni de nam yang 'gro ba'i bya ba dang bral
 bar ma 'gyur ro/ /de'i phyir 'gro ba po de ni 'gro bar mi 'dod do/ /kha cig 'gro ba po ma yin par bya ba'i shugs kyis 'gro bar 'dod pa de dag la yang/ 'gro po min par 'gro mi rigs/ /'gro dang bral phyir sngon bzhin no/ zhes bya ba smras
 te/ ngo bo nyid kyi 'gro ba po ma yin pa yang 'gro bar mi rigs te/ 'gro ba dang bral ba'i phyir dper na sngon dang phyi ma dag la de'i ngo bo nyid med pa'i phyir 'gro bar mi rigs pa bzhin no/ /gzhan yang gal te 'gro ba po ma yin na ni ji ltar 'gro ba po yin/
 'on te 'gro ba po yin na ni 'o na de ltar na 'gro ba po ma yin zhes bya bar 'gal lo/ /rnam grangs las 'gro ba po yin pa dang/ 'gro ba po ma yin pa zhig 'gro ba po nyid du khas len pa la ni 'gro ba po yin pa dang 'gro ba po ma yin pa las gzhan pa'i
 gsum pa ni med pas de la 'gro ba yang yod pa ma yin pa'i phyir de ni gyi na'o/ /gal te 'gro ba ni yod pa kho na yin te/ 'gro ba po'i mi mthun pa'i phyogs 'dug pa po yod pa'i phyir ro zhe na/ 'dug pa po dpyad pa yang de nyid yin te/ ci 'gro ba
 po 'dug gam 'on te 'gro ba po ma yin pa 'dug grang na de la re zhig 'gro ba po na mi 'dug ste/ 'gro ba'i bya ba dang bral ba'i phyir ro/ /'gro ba po ma yin pa yang mi 'dug ste/ 'gro ba dang bral ba la ni tha snyad du yang 'gro ba las ldog pa'i 'dug pa
 mi 'thad pa'i phyir ro/ /de gnyis las gzhan pa'i gsum pa ni med pas de'i phyir 'gro ba po'i mi mthun pa'i phyogs 'dug pa po yod pa'i phyir ro zhes bya ba'i gtan tshigs kyi don ma grub pa nyid do bye brag ba dag gis smras pa/ gang 'gro ba'i bya ba ma
 skyes pas mi 'gro bar ni rigs so/ /'gro ba'i bya ba skyes pa ni 'gro bar 'gyur te/ gang gi phyir rdzas las gzhan pa'i 'gro ba yod pas de dang ldan pa'i phyir 'gro ba po'i ngo bo nyid ma yin yang 'gro ba kho nar 'gyur te rang gi bdag nyid las gzhan pa'i
 'gro ba'i dngos po dang 'brel pa'i yul las lhas byin 'gro ba dang ldan no zhes bya ba'i blo 'byung ste/ blo dang sgra rjes su 'jug pa'i phyir dper na lhas byin dbyug pa dang ldan no zhes bya ba'i blo 'byung ba lta bu'o zhes smra bar nus so zhe na/ 'dir bshad pa/ /rang las gzhan pa'i
 don 'brel ba/ /'gro po snyam pa'i blo 'di 'dod/ /blo dang sgra rjes 'jug pa'i phyir/ /dbyug can bzhin min rjes 'gro med/ ces bya ba ni pha rol po dag gis rang gi bdag nyid las gzhan pa'i 'gro ba'i dngos po dang 'brel pa'i yul la lhas byin 'gro
 pa dang ldan no zhes bya ba'i blo 'byung ste/ blo dang sgra rjes su 'jug pa'i phyir/ dper na lha sbyin dbyug pa dang ldan no zhes bya ba'i blo 'byung ba lta bu'o/ zhes smras par nus so zhe na/ 'dir bshad pa/ rang las gzhan pa'i don 'brel na/ /'gro'o snyam
 pa'i blo 'di 'dod/ /blo dang sgra rjes 'jug pa'i phyir/ /dbyug can bzhin min rjes 'gro med/ /ces bya ba ni pha rol po dag gis rang gi bdag nyid las gzhan pa'i 'gro ba'i dngos po dang 'brel pa'i yul la lhas byin 'gro ba dang ldan no zhes bya ba'i
 blo 'byung ste/ blo dang sgra rjes su 'jug pa'i phyir dper na lhas byin dbyug pa dang ldan no zhes bya ba'i blo 'byung ba lta bu'o/ /zhes smras pa'i tshig des/ rang las gzhan pa'i don dang 'brel pa la 'gro ba po snyam pa'i blo 'di 'byung bar 'dod de blo dang
 sgra rjes su 'jug pa'i phyir dper na dbyug pa can bzhin no zhes bya ba'i tshad ma nye bar bzhag pa de ni de ltar min te/ ci'i phyir zhe na/ rjes su 'gro ba med pa'i phyir ro zhes bya bar sbyar ro/ /ji ltar rjes su 'gro ba med ce na/ dbyug pa dang dbyug
 pa can dag ni don dam par na ngo bo nyid med pa'i phyir dang ldan pa shin tu med pa'i phyir rjes su 'gro ba med do kun rdzob tu ni 'du byed kyi tshogs yul gzhan du 'byung ba'i khyad par gyi mtshan nyid la 'di 'gro ba dang ldan no zhes bya ba'i tha snyad tsam yod mod
 kyi 'du byed kyi tshegs de las gzhan pa'i 'gro ba ni ci yang yod pa ma yin pas de'i phyir de yang bzang po ma yin no/ /rang ging? se pa kha cig na re 'byung ba dang 'byung ba las gyur pa'i tshogs 'dun pa'i rgyu dang 'bad pa bskyed pas
 rlung gi khams kyis brdas pas yul gzhan du rgyun chags su 'byung ba la 'gro zhes bya bar zad kyi 'gro ba zhes bya ba 'gro ba po las ngon tha dad bar gyur pa ni med de/ skye ba'i phyogs nyid? du skye ba po zhig pa'i phyir me la sogs pa'i rgyun bzhin ngos 'gro ba
 ni 'khrul pa yin no zhes zer ba de dag la yang kho bo cag ni don dam par 'gro ba zhes bya ba med pa dang/ kun rdzob tu ni de 'dod pa kho na yin par bstan pa'i phyir/ rgyun chags yul gzhan 'byung ba yi/ /'du byed rgyun la rten nas ni/ /ma la
 sogs bzhin 'khrul pa'i 'gro/ /de yang kun rdzob de nyid min/ /zhes bya ba smras te/ gcig pa nyid dang tha dad pa nyid bkag pa'i phyir dang/ 'dus pa'i bdag nyid yin pa'i phyir dang/ shes pa nyid 'khrul pa'i phyir ro/ zhes bya bar bsams
 so/ /grangs can dag ni rdul gyi shas che ba'i bya ba byed pa'i tshogs kyi 'jug pa mngon par gsal ba'i tshe na/ 'gro ba po yod par 'dod pas de dag gi phyir/ ser skya ba yis rnam brtags pa'i/ /'gro po don dam nyid mi rigs/ /tshogs pa rdzas su
 med phyir dang/ /yang na g.yo ba med phyir/ zhes bya ba smras so/ /gal te ser skya pa dag na re/ gang dag la tshogs pa rdzas su yod pa ma yin pa de dag la ni skyon der 'gyur gyi/ kho bo cag ni tshogs pa can rdzas su yong pa kho nar 'dod de byed
 ba tshogs pa'i yan lag rnams ma bzung na bya ba tshogs pa can yang gzung du med pa'i phyir tshogs pa'i yan lag gi bdag nyid bzhin no/ zhes zer ba de dag gi 'di ltar gsal bar bya ste/ gal te tshogs pa rdzas yod de/ /tshogs byed ma
 bzung bzung med phyir/ /de yi bdag bzhin de mi rigs/ /de dag rdzas su med phyir ro/ /zhes bya ba ni bya ba la sogs pa 'byung ba chen po bzhi dang/ byed pa mig la sogs pa de dag ni rigs pa ma yin te bya ba byed pa tshogs pa'i yan lag de dag rdzas su
 yod pa ma yin pa'i phyir ro/ /de dag ji ltar rdzas su yod pa nyid ma yin pa de ltar ni sngar bstan zin no/ /de'i phyir 'gro ba dang 'ong pa'i rnam par bzhag pa ni 'jig rten pa'i tha snyad yin pas don dam par dpyad pa mi bzod do/ /bya ba lhag ma dgag pa
 yang/ /phyogs nges rab tu bstan pa yin/ /ji ltar zhe na/ 'di na ltas byin smra'o zhes bya ba de yang smras pa smra'am/ 'on te ma smras pa smra grang na/ re zhig smras pa la ni smra pa med de/ tshig gi bya ba 'das pa'i phyir ro/ /ma smras pa la yang smra ba med de
 tshig gi bya ba ma zhugs pa'i phyir ro/ /smra bzhin pa yang smras pa med de/ smras pa dang ma smras pa ma gtogs par smra bzhin pa med pa'i phyir ro/ /de bzhin du ji ltar smra ba po smra'am smra ba po ma yin pa smra grang na/ de la smra ba po gang smra par 'gyur pa
 ni med de/ rnam pa thams cad du smra ba med pa'i phyir ro/ /smra pa po ma yin pa la yang smra pa med smra ba dang mi ldan pa'i phyir ro/ /de gnyis las gzhan pa'i smra ba pa ni mi 'thad de/ sngon dang phyi ma dag la de'i ngo bo nyid med pa bzhin pas de'i phyir su zhig
 smra bar 'gyur/ de bzhin du smra ba po dang smra ba gcig gam tha dad pa gcig yin grang na/ gnyi ga yang skyon du 'gyur ro/ /de bzhin du zab po za bar byed pa dang/ byed pa po las byed pa dang/ gcod pa po gcod pa dang blta ba po blta ba la
 sogs pa dag kyang 'gro ba rang 'gro ba po bkag pa bzhin du dpyad pa dang dgag pa 'dra bar bya'o/ /de'i phyir lung las/ rab 'byor chos thams cad ni 'ong ba dang 'gro ba med pa ste/ de dag ni gnas de las mi 'da' o zhes gsungs pa dang/ de bzhin
 du 'di la 'ong med 'go ba 'ga' yang med/ /chos rnams thams cad nam mkha' ji bzhin no/ zhes gsungs pa dang/ de bzhin du chos thams cad ni blun pa dang/ sems med pa dang/ bya ba med pa dang rtswa dang shing dang rtsig? pa lta bu'o/ zhes gsungS
 pa la sogs pa de dag grub pa yin no/ /'dir smras pa/ nang gi dngos po rnams ni don dam par ngo bo nyid yod pa kho na yin te/ de dag la bcings pa dang thar pa yod pa'i phyir ro/ /yod pa ma yin pa la ni de dag med de mo gsham gyi bu las bcingS
 pa dang thar pa dag med pa bzhin no/ /nang gi dngos po rnams la ni bcings pa dang thar pa dag yod de/ gang gi phyir zhe na/ bcom ldan 'das kyis / dam chos rnam par mi shes pa'i/ /byis pa la ni 'khor ba ring/ zhes gsungs pa dang/
 de bzhin du 'khor ba'i btson ra? nas yang dag par bzla ba'i phyir 'phags pa'i lam yan lag brgyad pa bstan te/ zhes gsungs pa'i phyir ro zhe na/ 'dir bshad pa/ gal te dngos nyid yod 'dod de/ /'khor dang thar pa yod phyir na/ /gang tshe
 ji ltar rnam brtags pa/ /de dag rang bzhin rnams dpyad na/ /nges gzung med pa de'i tshe/ /ji ltar bcings shing gang nas thar/ /gang gi tshe mtshan nyid byed bdag gis ji ltar rnam par brtags ba'i nang gi dngos po de dag gi rang bzhin rnam par
 bzhag ba ji skad bstan pa'i rim pas rnam par dpyad ba na/ nges par gzung du med pa de'i tshe na gang zhig de ltar bcings shing gang nas thar par 'gyur te/ de'i phyir gtan tshigs kyi don ma grub pa nyid do/ /ci bcings pa dang thar pa ngag mi 'thad
 pa kho na yin nam zhe na/ de'i phyir/ 'du byed ngo bo yod ma yin/ /sgyu ma rmi lam lta bu dang/ /rang gi rgyu dang rkyen dbang las/ /bdag nyid khyad par 'thob la 'thad/ ces bya ba smras te/ gang dag la 'du byed rnams ngo bo nyid yod pa de dag ni sngar
 dpyad pa'i gtan tshigs dag gis phyir bcings pa dang thar pa dag mi 'thad do/ /'du byed rnams ngo bo nyid yod ba ma yin pa sgyu ma dang smig rgyu lta bu rang gi rgyu dang rkyen gyis dbang las skad cig ma snga ma dang mtshan nyid mi 'dra ba'i rang gi bdag ny+d kyi khyad par
 thob pa ngag la ni bcings pa dan thar pa dag 'thad do/ /ji ltar zhe na/ 'di na 'du byed kyi tshogs thog ma med pa'i dus na zhugs pa bdag dang bdag gir 'dzin pa'i 'dzin khris zin pa 'dod chags la sogs pa nyon mongs pa'i lcags sgrog gis
 bcings ba las yang dag pa'i shes pa bskyed pas bcing ba mdza' dag bkrol shing 'kho ba'i btson ra nas yang dag par 'das pa'i thar pa zhes bya ba tha snyad du gtogs pa'i shes rab kyi tha snyad gdags pa 'thad do/ /don dam par ni ma yin te/ /de ltar
 yang ji skad du/ de bzhin gshegs pas 'kho ba ldog par mdzad kyang der 'ga' yang 'khor ba med la/ de bzhin gshegs pas mya ngan las 'das pa ston par mdzad kyang der 'ga' yang mya ngan las 'das pa med do/ /zhes gsungs pa
 lta bu'o/ /rang gi sde pa kha cig na re/ rgyu dang rkyan gcig nas gcig tu brgyud pa'i rgyun 'brel pa'i ming dang gzugs 'dod chags la sogs pa dang lhan cig skyes pa thar pa'i mi mthun pa'i phyogs dang ldan pa ni bcings pa zhes bya la/ bcingS
 pa la dam pa'i chos mnyam pa dang tshul bzhin yid la byed pa las byung ba'i yang dag pa'i shes pa'i sgron ma mi shes pa'i mun pa dang bral ba skys pas 'dod chags la sogs pa'i 'ching ba las grol ba ni thar ba zhes bya ba'o/ zhes zed
 ba de dag gi phyir bshad pa/ ming dang gzugs ni don dam du/ 'khor bar rig pa ma yin te/ /'dus byas yin phyir phyi rol gyi/ /sa la sogs pa mi 'dod bzhin/ zhes bya ba la ming ni phung po gzugs can ma yin ba bzhi po dag go /gzugs
 ni lus dang dbang po zhes bya ba'i tshogs so/ /de ni don dper? na 'khor ba 'byung zhing 'gro ba dang kun tu 'gro bar mi rigs te/ rgyu dang rkyen dag gis mngon par 'dus byas pa'i phyir/ dper na phyi rol gyi sa la sogs pa dgra 'dus byas yin pa'i
 phyir 'khor bar mi 'dod ba bzhin no/ /de thar pa yang mi 'thad de/ ji ltar zhe na/ ming gzugs don dam nyid du na/ /ji ltar yang ni thar mi 'gyur/ /skye dang ldan phyir 'jig pa'i phyir/ /phyi rol chu la sogs pa bzhin/ zhes bya ba ni 'di la de'i
 rgyun thar par brtag gam skad cig ma thar par brtag grang na/ de la re zhig rgyun ni rja? su yod pa ma yin pa nyid kyis chu'i rlabs 'byung ba dang 'gag pa bzhin la skad cig ma yang bcings pa ni bcings pI dus nyid du zhig pa'i phyir dang/ dus phyi mar 'byung ba
 yang bcings bzhin kho nar 'byung ba'i phyir thar par ga la 'gyur ste/ de ltar re zhig ming dang gzugs la bcings pa dang thar pa dag mi 'thad do/ /gnas ma pu'i sde pa dag ni phung po dang? skye mched dang khams rnams las gzhan pa'i gang zag 'khor
 ba dang thar par 'dod pas de dgag pa'i phyir bshad pa/ gang zag yang dag nyid du ni/ /'khor dang thar par mi 'gyur te/ /gdags bya yin phyir khang pa bzhin/ /brjod bya yin phyir dri dang 'dra/ zhes bya ba ni dper na rtswa dang shing dang sa dang
 smig ma dang rngo ba dang so phag la sogs pa dag gis khang par gdags pa de bzhin du/ phung po dang khams dang/ skye mched dag la brten nas gang zag tu gdags par zad pas de dag med par de bstan dka' o/ /de'i phyir gang zag ni khang ba
 la sogs pa bzhin du gdags par bya ba yin pa'i phyir dang/ dri bzhin du brjod par bya ba yin pa'i phyir bcings pa dang thar pa med do/ /yang na gang zag de ni yod pa nyid ma yin te/ gzugs su rung ba dang myong ba dang mtshan mar 'dzin
 ba dang mngon par 'du byed pa dang/ rnam par shes par byed pa dag pas gzhan pa'i mtshan nyid dmigs su med pa'i phyir/ nam mkha' i me tog bzhin bas/ de'i phyir bshad pa/ yang na gang zag gang zag min/ /rgyu dang ldan phyir bum pa bzhin
 skye dang ldan phyir 'jig pa'i phyir/ /shes bya yin phyir 'ong ba bzhin/ zhes bya ba ni 'di la gan zag de phung po la sogs pa las gzhan zhig yin nam gzhan ma yin pa zhig yin grang na/ gal te gzhan yin grang na ni mtshan nyid med par 'gyur ro/ /
 gzhan ma yin na ni phung po la sogs pa zhig pa na gang zag kyang 'jig pa'i skyon du 'gyur ro/ /ci ste gang zag de gcig pa nyid dang tha dad pa nyid du brjod par bya ba nyid kyang ma yin la/ rdzas su yang yod par 'dod do zhe na/ de lta yang mi rigs te/ gang
 zag brjod du med phyir bas/ /rdzas su yong pa ma grub ste/ /dri dang dkar sngor brjod med pa'i/ /mo gsham bus ni ma nges 'gyur/ zhes bya ba la brjod du med pa'i phyir zhes bya ba 'dis ni pha rol po'i gtan tshigs kyi don? ma nges pa nyid du
 ston te/ brjod du med pa'i phyir zhes bya ba'i gtan tshigs kyis gang zag de rdzas su yod par mi 'grub ste/ ci re zhig de brjod du med kyang rdzas su yod pa bzhin du gang zag kyang brjod du med pa'i phyir rdzas su yod par 'gyur ram/ 'on te mi
 gsham gyi bu dkar po dang sngon por brjod du med pa'i phyir rdzas su med ba bzhin du gang zag kyang brjod du med pa'i phyir rdzas su med par 'gyur ba ma nges pas de rdzas su yod pa nyid nyams so/ /de ltar phung po bdag med cing/ /srog med sems
 can yod min pa/ /mkhas pas gzu? bo'i blo dag gis/ /ci rigs par ni shas par bya/ /zhes bya ba ni gang zag dgag pa dang 'dra ba'i phyir ro/ /zhes bya bar bsams/ /de la bdag ces bya ba ni grangs can dang bye brag pa dag gi gzhung las rgyun du
 'gro ba 'am/ 'byung po thams cad kyis brtag bar bya ba yin pa'i phyir bdag ces bya'o/ /srog ces bya ba ni gcer bu pa dag gis gzhung las 'tsho ba'i don gyis srog ce'o/ /sems can zhes bya ba ni rgol ba thams cad kyi gzhung las yod
 ba'i dngos po ni sems can no zhe 'am/ 'gro ba rnams su sbor ba ni sems can no zhe'o/ /gang zag ces bya ba ni gnas ma bu'i sde pa dag gi gzhung las yang 'gro ba len ba'i phyir gang zag ce'o/ /bdag bkag pa bzhin du srog dang gang zag dgag pa yang
 'dra bar mthong nas lus dang dbang po'i tshogs rnams la/ de nyid du na bdag med 'dod/ /rgyu dang ldan phyir kab? bzhin/ /yang na bsags phyir grogs mkhar bzhin/ zhes bya ba smras te/ bdag med ces bya ba ni de dag las bdag dral ba'i phyir bdag med do//
 grog mkhar bzhin zhes bya ba ni grog ma'i brun bzhin no/ zhes bya ba'i tha tshig go /mu stegs can dag na re bdag ni yod pa kho na yin te/ dran ba dang ngo shes ba dang/ shes pa skye ba la sogs ba'i gtan tshigs dag gis lus dang dbang po'i
 tshogs dag ni bdag dang bcas pa yin no/ /bum pa dang snam bu la sogs bdag med pa dag la ni dran pa dang ngo shes ba skye ba ma mthong ba de'i phyir dran pa la sogs pa dag ni bdag gi chos yin pa'i phyir/ des na bdag yod pa kho nar rjes su dpag?
 go zhes zer ro/ /'dir bshad pa/ dran pa dang ni ngo? shes dang/ /shes skye la sogs gtan tshigs kyis/ /bdag yod nyid du dam bca' ba/ /gtan tshigs rnams ni ma grub nyid/ ces bya ba la/ ji ltar nyams su myong ba'i yul dran pa ni dran pa'i tshas so/ /
 ngo shes pa ni 'du byed kyi chos so/ /rtog ge'i yul la shes pa skye ba de dag ni bdag med kyang rgyu dang rkyen so sor nges ba tshogs pa'i dbang las sems dang sems las byung ba'i rnam grangs kyi gnas skabs kyi khyad par de dag 'byung bar 'gyur bas/ de'i phyir
 pha rol po'i gtan tshigs rnams ni sangs rgyas ba dag la gzhan duma grub pa nyid dang/ phung po las gzhan pa'i bdag med ba'i phyir gzhi ma grub pa nyid kyang yin no/ /gzhan yang gal te dbang bcas lus la ni/ /bdag yod nyid du sgrub bde na/ /gtan tshigs
 thun mong nyid mi 'gyur/ /rjes su 'gro ba med phyir ro/ /zhes bya ba ni dbang po dang cas pa'i lus la dran pa la sogs pa dmigs pa'i phyir bdag yod pa nyid du sgrub pa ni ci dang 'dra zhes bya ba'i chos mthun pa'i dpe med pa'i phyir gtan tshigs thun
 mong ma yin pa nyid du 'gyur ro/ /dran pa la sogs pa bdag med pa yang dran pa dang ngo shes pa dang/ shes ba skye ba dag mthong ba'i phyir dran pa la sogs pa'i gtan tshig dag gi don 'gal ba nyid kyang yin no/ /gal te 'di snyam du bdag ces bya ba'i sgra ni
 kha cig la nye bar gdags su rung ba'i phyir don ji lta ba bzhin nyid yin te/ dper na bram ze'i khye'u de la gser pag ngang gtum bag dang/ mthu rtsal la sogs pa dag snang baS nga la seng ge zhe bya ba'i tha snyad nye bar gdags su yod pa las na/ logs shig
 na sang ge zhes bya ba ral pa spungs pa la sogs pa'i khyad par dang ldan pa'i ri dags kyi rgyal po dngos yod par shes pa de bzhin du lus dang dbang po dang blo'i tshogs skad cig ma la dran pa dang ngo shes pa dang/ shes pa skye ba la sogs pa nye bar gdaD
 pa snang ba laS na bdag cesbya ba dngos gang la de dag yod pa'i bdag de yod pa kho na yin no snyam du pha rol po dag dran pa la sogs pa'i nye bar gdags pa yod ba'i sgo nas/ lus dang dbang po dang blo'i tshogs de las gzhan pa'i bdag yod do snyam du sems
 pa'i dogs pa bsus nas 'dir slob dpon gyis bshad pa/ gal te bdag sgra don bzhin te/ /'ga' la nye bar gdags pa'i phyir/ seng ge'i sgra dang 'dra zhe na/ /bdag ni grub pa nyid mi 'gyur/ zhes bya ba ni gang gi phyir dpe? med pa dang/ grub pa la sgrub pa nyid
 yin pa'i phyir te/ 'di ltar sgra gang kha cig la nye bar gdags pa de ni 'dus pa'i tshogs la mthong ste/ seng ge la sogs pa'i sgra bzhin no/ /bdag ni 'dus pa'i bdag nyid ma yin pas de'i phyir 'dus pa'i bdag nyid ma yin pa gang la
 yang nye bar gdags pa mi snang ba'i phyir dpe med do/ /grub pa la sgrub pa nyid kyang yin te/ 'di ltar kho bo cag kyang tha snyad du rnam par she pa la bdag gi sgra dngos su 'dogs te/ 'di tar rnam par shes pa ni yang srid pa lan ba'i phyir bdag yin no zhes
 lus dang dbang po'i tshogs dag la nye bar 'dogs pa'i phyir te/ ji skad du/ dper na yan lag tshogs? pa la/ /shing rta zhes ni dran pa ltar/ /de bzhin phung po rnams brten nas/ /kun rdzob tu ni sems can brjod/ ces gsungs pa'i phyir ro/ /ci ste
 rnam shes yul la ni/ /don bzhin gzhan la sgrub ce na/ /rtag dang kun 'gro sogs bral phyir/ /'gal ba nyid du 'gyur ba yin/ zhes bya ba ni ci ste pha rol po dag sangs rgyas pa la rnam par shes pa la don ji lta ba bzhin gyi bdag dngos yin par
 tha snyad gdags par grub po de kho bo cag bdag dam pa gzhan la don ji lta ba bzhin gyi bdag dngos yin par tha snyad gdags su rung bar sgrub po zhe na/ de ltar na bdag dam pa de rnam par shes pa kho na bzhin du rtag pa dang kun tu 'gro ba la sogs
 ba dang bral bas de'i phyir rnam par shes pa bzhin du rjes su dpog bas mi rtag pa dang/ kun tu 'gro ba ma yin pa nyid kyis bdag dam pa chos can da'i rang gi ngo bo bsal ba'i phyir 'gal ba nyid du 'gyur ro/ /de'i phyir gang la'ang don dam du/ /bcings
 dang thar ba yod mi 'dod do/ ces bya ba ni ming dang gzugs sam/ gang zag gam/ bdag gang la yang brtag mi bzod pa'i phyir ro/ zhes bya ba'i tha tshig go /song dang ma song bgom ba yi/ /de bzhin sems la lhag ma bshad/ ces bya ba ni ji ltar
 song ba ma song ba dang bgoM pa la 'gro ba mi 'thad ba de bzhin du sems kyang bcings pa 'am ma bcings pa 'am/ 'ching bzhin pa zhig 'ching grang/ grol ba yang grol ba'am ma grol ba'am grol bzhin pa zhig 'grol grang na/ de la re zhig bcings pa la ni yang 'ching ba don
 med do/ /ma bcings pa la yang 'ching pa med pa'i phyir grol ba bzhin du 'ching ba med do/ /'ching bzhin pa la yang gnyi ga'i skyon du 'gyur ro/ /grol ba la yang 'grol ba med/ bcings pa med pa'i phyir ro/ /ma grol ba la yang 'grol ba med de/ dper na nyon
 mongs pa mdza' dag gis bcings pa bzhin no/ /ci ste grol bzhin pa la 'grol ba yod de/ mtshan nyid las mi slob sems ni skye bzhin a/ /sgrib pa las ni rnam par 'grol/ zhes 'byung ba'i phyir ro zhe na/ 'grol bzhin pa de yang gang yin/ gal te bcings
 pa yin na ni/ bcings pa dang 'grol ba gnyis dus gcig pa'i skyon du 'gyur ro/ /gal te ma bcings pa yin na ni de gang las grol bar 'gyur/ /gal te gnyi ga'i bdag nyid gcig na ni mi mthun te/ gal te bcings pa yin na ni/ /grol ba ma yin la/
 'on te grol ba yin na ni bcings ba ma yin no/ /gal te brjod par bya ba ma yin pa zhig na ni ngo bo nyid nyams so/ /slob pa'i sems snga ma'i skad cig ma la bltos nas rnam par grol bar rtog pa la ni tha snyad yin pa'i phyir/ 'dod pa nyams so/ /de'i phyir
 sems la yang don dam par ni bcings pa dang thar pa dag mi 'thad do/ /de'i phyir lung las rigs kyi bu de bzhin gshegs pa ni 'kho ba sel bar mi mdzad la/ mya ngan las 'das pa sgrub par yang mi mdzad de/ de ci'i phyir zhe na/ 'di ltar mnyam pa
 nyid pa 'khor bar 'gyur ba yang med/ mya ngan las 'da' bar 'gyur ba yang med/ kun nas nyon mongs par 'gyur ba yang med/ rnam par byang bar 'gyur ba yang med pa'i phyir ro/ zhes gsungs pa la sogs pa de dag grub pa yin no/ 'gal te de ltar kun nas
 nyon mongs pa dang rnam par byad ba dag yod pa ma yin na/ 'o na ci'i phyir bcom ldan 'das kyis/ chags pas chos rnams mi shes shing/ /chags pas chos rnams mi mthod ste/ /mi gang 'dod chags sten byed pa/ /de tshe mun pas mun nag 'gyur/
 zhes bya ba la sogs pas kun nas nyon mongs pa'i nyes dmigs bstan pa mdzad cing/ gang dga' phags pa'i shes rab kyis ngoms pa de dag ni doms pa'o zhes bya ba la sogs pa ci'i phyir rnam par byang ba'i yon tan bsngags par mdzad ce na bshad pa/
 chags pa sgyu ma lta bu'i 'du byed kyi tshogs 'dod chags la sogs pa'i 'jug pa shas che ba dri za'i grong khyer gyi bud med bzang mo la chags pa lta bu dang/ de'i nyis dmigs mthong ba la brten nas kun rdzob pa'i 'dod chags la sogs pa de dag ni yod
 pa kho na yin no don dam par ni/ gang tshe sems ni 'gag pa la /mngon du phyogs shing skyes pa'i tshe/ /gang la gang gis chags par 'dod/ /chags pa 'ga' la'ang mi 'dod do/ zhes bya ba ni 'di la 'dod chags dang lhan cig skyes pa'i sems la chags
 pa zhes tha snyad gdags pa yin na de yang gang gi tshe 'gag pa la mngon du phyogs bzhin kho nar skyes pa de'i tshe na sems 'gag pa'i chos can de la/ gang la 'dod chags gang gis chags par 'gyur/ gzhan yang chags pa gang yin pa de yang 'gags
 shing nyams phan? chags pa la yang 'dod chags skye bar mi 'dod de/ 'dod chags skye ba don med par 'gyur pa'i phyir ro/ /chags pa ma yin pa'i sems kyi skad cig ma la yang 'dod chags yod par mi 'dod de/ 'dod chags dang bral ba bzhin no/ /gal
 te skye bzhin chags zhe na/ /de ci gal te skye sngon phyogs/ zhes bya ba ni gal te sems skye bzhin pa chags par 'gyur ro zhe na/ skye bzhin ba de ci skyes pa'am ma skyes pa zhig yin/ gal te skye ba la mngon du phyogs pa yin te/ de ni skye pa ma yin te/
 yongs su ma grub pa'i phyir/ ma skyes pa yang ma yin te/ bya ba 'jug pa'i phyir ro zhe na/ gal te de lta na/ ma skyes pa la de mi 'dod/ /gzhi med bya ba mi ldan phyir zhes bya bar 'gyur ro/ /'di ltar bya ba ni byed pa po laM brten pa yin te/ dper na lhas byin za bar byed do/ zhes bya ba
 de lta bu yin na/ skye bzhin pa ni rang gi ngo bo yongs su ma grub pas ma skyes pa yin pas de ci ltar skye ba'i bya ba dang ldan par 'gyur/ /gal te skye bzhin pa ni brjod par bya ba ma yin pa'o zhe na/ de lta na de skyes pa nyid dang ma skyes pa nyid du brjod par mi nus pas/ skye ba zhin
 skyes dang ma skyes par/ /brjod pa min la'ang chags pa med/ /brjod med sems kyang chags min te/ /brjod du med phyir 'dod chags bzhin/ zhe bya bar 'gyur te/ gang gi phyir 'dod chags kyan chags pa nyid dam/ chags pa ma yin pa nyid du brjod par bya
 ba ma yin pas ji ltar 'dod chags las chags pa med pa bzhin du sems kyang de bzhin no zhes bya ba'i tha tshig go /gal te sems ni chags pa yi/ /rnam par skyes pa chags 'dod de/ /shel la tshon chags blo bzhin na/ /de'i blo ji ltar chags nyid yin
 zhes bya ba ni chags pa dang lhag par chags pa dang 'dod chags bya ba dag ni rnam grangs te/ sems de dag gi rnam par yongs su gyur pa chags par 'dod de/ shel la tshon gyi chags pa'i blo bzhin no/ zhes pha rol po'i bsam pa nye bar bzhag pa'i dpe de
 la bsgrub par bya bas stong pa nyid du ston te/ ji ltar 'jig rten na nor bu shel la kha bsgyur pa'i rkyen te bar gyur pa na/ de'i bdag nyid du yongs su gyur pa la chags pa zhes nye bar 'dogs pas de'i blo yang chags pa nyid du nye bar btags pa kho nar zad do/ /rigs pa'i sgo nas
 ni re zhig no bu shel de nyid kyang chags pa ma yin na de'i blo lta chags pa nyid du ga la 'gyur/ /de bzhin du sems kyi skad cig ma yang dang po yul dang prad pa na chags pa'i rnam par yongs su gyur pa la chags pa zhes nye bar gdags par zad kyi de chags pa
 nyid ni ma yin te/ rtog pa dang rjes su dran pa'i rnam par rtogs pa dang bral ba'i phyir ro/ /des mngon par bsgrubs pa'i skad cig ma gnyis pa'i blo skye ba de la ni re zhig yul nye bar gnas pa med do/ /sems kyi skad cig ma dang po'i rjes su myong ba yang tha snyad gang?
 su rung? ba ma yin pa'i phyir de la yang yul yod pa ma yin no/ /de ltar chags pa med pa'i phyir/ /'dod chags rtogs pa kun rdzob yin/ /'dod chags bzhin du chos rnams kun/ /ci rigs par ni shes par bya/ /dngos po rdzas la brten rigs na/ /de yang de las dbyar
 yod min/ zhes bya ba ni 'di na chags par byed pa'i dngos po ni 'dod chags so/ /dngos po de yang rdzas la brten te dper na snam bu'i tshon dang/ 'bras chan gyis chos pa zhes bya ba lta bur rigs grang na/ dngos po de yang rdzas de las tha dad par dbye zhing bstan par
 mi nus te/ dper na snam bu las logs shig na tshon yod pa ma yin pa dang/ 'bras chan las logs shig na tshos pa yod pa ma yin pa lta bu'o/ /de'i phyir 'dod chags 'das? sams 'di chags so zhes bya ba'i tha snyad 'di bsgrub par dka' ba'i phyir 'dod
 chags kyi rtog pa ni kun rdzob pa yin no/ /de phyir 'dod chags ji bzhin du/ /sems zla 'ang? chags pa 'thad mi 'gyur/ zhes bya ba ni 'dod chags dang chags pa gnyis dbyer med pas rang gi bdag nyid la byed ba 'gal ba'i phyir ro/ zhes bya bar
 bsam so/ /de gnyis dbyer med pa ni tshang ma 'dis/ sgrub par byed de 'dod chags chags las gzhan mi rigs/ /chags pa ma bzung bzung med phyir/ /chags pa nyid bzhin zhes bya ba ni 'dod chags ni chags pa las logs shig na yod pa ma yin la/ chags pa
 yang 'dod chags las logs shig na yod pa ma yin pas dper na chags pa nyid bzhin te/ 'dod chags dang chags pa gnyis tha dad pa ma yin pa'i phyir ro/ /tha dad na'ang nges ni mi chags bzhan? bzhin no zhes bya ba ni gang dag 'dod chags ni chags pa las? tha
 dad pa yin te/ dper na le brgan rtsi dang gur gum la sogs pa gos la chags pa bzhin du kha dog yid 'phrog pa dang/ sgra snyan pa dang/ dri zhim pa dang/ ro mngar ba dang/ reg bya 'jam pa la sogs pa dag la 'dun pa'i 'dod chags kyi sems chags par 'gyur?
 bar 'dod pa de la yang tha dad pa nyid yin par 'dra bzhin du gzugs la sogs pas ni sems chags par 'gyur la/ gzugs la sogs pa dag nyid ni gcig la gcig chags par mi 'gyur ba dang/ yul yid du mi 'ong ba dag gis kyang chags bar mi
 'gyur pa 'di la gtan tshigs kyi khyad par yang dag par brjod dgos so/ /gzhan yang gal te sems las logs shig na 'dod chags zhes bya ba dmigs su yod cing nges chags pa nyid du 'gyur ro zhe na/ de'i phyir dngos po rnam par rig pa'i sems/ /'dod chaD
 las gzhan yod min te/ /dmigs pa la sogs mtshungs phyir dang/ /tha dad rgyu gzhan med phyir ro/ /zhes bya ba smras te/ rnam par shes pa'i mtshan nyid ni gzugs la sogs pa'i dngos po so sor rnam par rig pa yin no/ /dngos po so sor rnam par rig
 pa'i rnam par shes pa las logs shig na 'dod chags kyi myong ba 'ga' yang yod pa ma yin te/ gzugs la sogs pa las logs shig na yul gzhan 'ga' yang yod pa ma yin pa'i phyir dnag/ gang gis tha dad par 'gyur ba'i rgyu gzhan med
 pa'i phyir ro/ /de phyir 'dus pa gcig rang nyid/ /skyes la bltos nas 'dus pa can/ /tha snyad bstan pa nyid 'dod de/ /me tog rgyas pas shing bzhin no/ zhes bya ba ni kho bo cag gi lugs ni yang dag pa'i kun rdzob gyi bden pa'i tshul gyis 'dod chags
 la soD pa 'dus pa'i yan lag gcig rang gi bdag nyid thob pa la thos nas sems dang sems las byung ba 'dus pa can dag la 'dod chags la sogs pa zhes bya bar tha snyad du bstan pa nyid du 'dod de/ dper na rtsa ba dang myu gu dang lcug ma dang/ sgral?
 mig dang/ lo ma dang me tog dang 'bras bu la sogs 'dus pa yan lag can gyi shing la me tog gam 'bras bu la sogs pa'i 'dus pa yan lag can gyi shing la me tog gam 'bras bu'i yan lag gang yang rung ba gcig shas cher gyur pa
 mthong ba la bltos nas shing me tog rgyas so zhe 'am/ ljon pa 'bras bu chags so zhes tha snyad gdags pa bzhin no/ /de'i phyir rnam par shes pa de nyid la gnas skabs gzhan gyi bye brag gis 'dod chags la sogs pa'i tha snyad du gdags par zad de/ de
 yang 'dus pa'i bdag nyid yin pa'i phyir don dam pa ma yin pas 'dod chags yod pa ma yin ba'i phyir/ chags pa yang ga la yod la kun nas nyon mongs pa yang yod pa ma yin no/ /de'i phyir lung las rab kyi rtsal gyis rnam par gnon pa gzugs ni 'dod 
 chags kyi chos can ma yin/ 'dod chags dang bral ba'i chos can ma yin/ kun nas nyon mongs pa'i chos can ma yin/ rnam par byang ba'i chos can ma yin no/ zhes gsungs pa la sogs pa de dag nye bar bzhag pa yin no// //
 dbu ma'i snying bo'i 'grel pa rtog ge 'bar ba/ /bam po drug pa/ /'dir smras pa/ 'dod chags ni yod pa kho na yin te/ de spang ba'i bstan pa'i phyir ro/ /'di ltar bcom ldan 'das kyis dga' ba'i 'dod chags lhan cig skyes pa'i sred ba zad pa dang/
 'dod chags dang bral ba dang/ 'gog pa gang yin pa de ni mya ngan las 'das pa'o/ /zhes gsungs pa'i phyir ro zhe na/ bshad pa ji skad bstan pa'o tshul gyi 'dod chags yod pa ma yin pa'i phyir/ de spangs phyir ni mya ngan 'das/ /mi rigs de nyid mi
 'thad phyir/ /dngos dang dngos med mtshan nyid min zhes bya ba ni mya ngan las 'das pas don dam par dpyad pa mi bzod pa'i phyir de nyid mi rigs so/ /ji ltar zhe na/ 'di la bye brag tu smra ba dag ni mya ngan las 'das pa rdzas su yod pa dang/ rtag pa dang rtag pa'i dngos po
 bdag nyid du 'dod do/ /mdo sde pa dang gos dmar sde pa dag ni phung po med pa tsam? ste/ mar me shi bar gyur pa ltar/ /de'i sems ni rnam par thar/ /ces brjod do/ /gnas ma bu'i sde pa dag ni dngos po dang dngos po med pa gnyi ga'i bdag nyid de/ gang gi phyir mya ngan las 'das
 pa ni lus dang dbang po dang blo med pa'i phyir dngos po med pa'i yin la/ gtan gyi bde ba bla na med pa dang ldan pa'i phyir dngos po yin no/ zhes zer ro de'i dngos po dang dngos po med pa bkag pas gnyi ga'i bdag nyid kyang bkag pa byas par 'gyur bas de'i phyir re zhig
 dngos po dang dngos po med pa'i bda gnyid dgag par bya ste/ gal te mya ngan 'das dngos na/ /dngos po yin phyir de 'dus byas/ zhes bya ba la dngos po zhes bya ba 'byung ba'i phyir dngos po ste/ rgyu dang rkyen rnams kyis 'dus byas pa zhes bya ba'i tha tshig go /de'i phyir mya ngan
 las 'das pa dngos por rjes su dpog pas 'dus byas nyid kyis 'dus ma byas nyid bsal ba'i phyir chos can gyi ngo bo nyid nyams so/ /gzhan yang mya ngan las 'das pa ni 'dus byas kyi gnyan po yin bar 'dod na/ gal te 'dus byas yin na/ gnyen po ma yin 'dus
 byas phyir/ /dper na 'dus byas 'gag gas pa bzhin/ zhes bya ba ltar 'gyur ro/ /gal te dngos med gzhan rten 'gyur/ /dngos po med phyir zhig pa bzhin/ /de ni gnyen por mi 'dod de/ /gzhan la rten phyir zhig bzhin no/ zhes bya ba la dngos po mang pa dang/
 rdzas? su yod pa ma yin pa dag ni rnam grangs te/ gal te mya ngan 'das pa dngos po med ba nyid yin na thad pa nyid la sogs par mi 'thad pa'i phyir/ nam mkha' i me tog bzhin bas ngo bo nyid nyams so/ /de gzhan la brten pa yin par yang 'gyur te/ dngos po med pa'i
 phyir zhig pa bzhin te/ dper na kong bu dang 'bru mar dang snying po la sogs pa 'dus pa las mar me zhes bya bar 'jig rten la grags pa phys dngos po med par gyur pa ni dngos po gzhan la brten pa bzhin du mya ngan las 'das pa phung po'i rgyun gyi sred pa zad pa
 las len pa med pa dang/ dngos po med pa zhes bya ba yang mar me zhig pa bzhin du dngos po la brten pa nyid du 'gyur/ khyed cag mya ngan 'das pa ni mi 'jig pa dang rtag par khas len na de gzhan la brten pa dang zhig pa lta
 bu yin na 'khor ba'i gten po nyid yin par yang mi 'thad do/ /'o na lung las dge slong dag /mya ngan las 'das pa de ni ma skyes pa dang/ ma byung ba dang/ 'dus ma byas nyid du yod do zhes gsungs pas 'dus ma byas pa'i bdag nyid kyi mya ngan las 'das pa
 ma yin nam zhe na/ bshad pa de ni 'dus ma byas mi rigs/ /dgag ba gong du bstan pa'i phyir/ zhes bya ba ni gal te rdzas su yod pa yin na dngos po yin pa'i phyir/ de 'dus byas yin pa'i phyir de 'dus byas nyid du 'gyur gyi/ 'dus ma byas ma yin te/ skyon
 gong du bstan pa'i phyir ro/ /gal te mya ngan las 'das pa rdzas su yod pa dang tha snyad gdags su rung pa nyid dang ma skyes pa dang rtag tu gnas ba nyid du brtag grang na/ grangs can dag gis rab brtag pa'i/ /grol ba'i sems las khyad ci yod/ ces bya ba ni grangs
 can dag kyang shes pa yod pa nyid ces bya ba ma skyes pa mi 'jig pa bya ba dang/ byed pa mthar thug pa ni skyes bu'i ngo bo nyid yin no zhes grol ba'i bdag nyid yod par 'dod pas gang dag gis gzung ba dang/ 'dzin pa'i rnam par rtog pa gnyis dang bral ba'i
 phyir/ don thamS cad nang du bsdu ba dang/ phyi rol tu spyod pa med par nges par brtags pa de dag kyang grangs can gyi grub pa'i mdza' dang mtshungs so/ /mya ngan las 'das pa ni zad pa nyid yin par yang mi rigs te/ ji ltar zhe na/ nyon mongs rnam rtog gtsub?
 shing las/ /byung ba rang gi dang zad pa/ /de la bsags pa yod min pas/ /gang zag khyod mthar mi zad 'gyur/ zhes bya ba yin te/ nyon mongs pa yang dag pa ma yin pa'i kun tu rteg pas kun nas bslad ba chu'i khams kyi rnyog pa dang nam mkha' i khams kyi sprin
 la sogs pa lta bu'i sgrib pa khong khro ba la sogs pa dag gis sems kun nas nyon mongs par byed cing de dag kyang yang dag pa'i shes pa skyes pas rnam par rtog pa dang bral ba'i phyir bsags pa med pas rang gi dang nyid kyi zad par 'gyur pas de dag la dang po nyid nas
 kun tu sbyor ba med na zad pa ga la yod/ zad pa med pa'i phyir gan las thar par 'gyur/ de'i phyir gang gi zad pa la bltos nas khyod kyi thar pa zad pa med pa zhes bya ba de yod par 'dod yan na nyon mongs pa rnams ni ma skyes pa kho na yin te/ ngo bo nyid kyis ma byung ba'i
 phyir ro/ /de dag yod pa ma yin pa'i phyir bsags pa med do/ /bsags pa med na gang gis bcings shing gang las thar par 'gyur te/ de'i phyir skye ba med la rtog pa yang/ de bzhin med phyir tshul gnyis mtshungs/ zhes bya ba smras so/ /zad pa can nam zad
 med na/ /gang gis zad pas thar pa smros/ zhes bya ba ni re zhig rang gi dang gis zad pa can mar me bzhin du zad pa la ni thar pa mi 'thad do/ /zad pa can ma yin pa la yang zad pa med pa'i phyir nam mkha' lta bu la thar pa med do/ /ci thar pa med pa kho na
 yin nam zhe na/ kun rdzob tu yod de/ don dam par ni yod ma yin te/ /gang gi phyir zhe na/ rang bzhin stong nyid rtog pa'i phyir/ de yi blo yang ldog gyur pas/ /zad med mi zad chos nyid 'thob/ /thob pa med pa'i tshul gyis so zhes bya ba'i phyir te/ /gang gi tshe des
 nyon mongs pa rnams dang sems rang bzhin stong pa nyid du legs par rtog par gyur pa de'i tshe na/ des chos thams cad kyi ngo bo nyid mi dmigs pa'i phyir thar pa'i blo yang ldog pas/ nyon mongs pa bsags pa med pa'i phyir mi zad pas zad pa med pa'i chos nyid
 'thob ste/ thob pa med pa nyid thob pa yin pa'i phyir ro/ /ji skad du bcom ldan 'das kyis da ni thob pa med pa kho nar byang chub kyi snying po las langs so zhes gsungs pa dang/ de bzhin du tshe dang ldan pa shar dwA ti'i bu thob pa yang yod/ mngon par rtog ba yang
 yod de/ /de ni 'jig rten gyi tha snyad kyi gnyis su brjod par zad kyi don dam par ni yod pa ma yin no/ zhes bya ba la sogs pa gsungs pa lta bu'o/ /de'i phyir kho bo cag ni pha rol po dag 'dod pa la mi brten pas/ yang dag ji bzhin yongs
 rtogs pa/ /bdag la phan par 'dod pa dag /lta ngan nad dri ngan bgos pa'i/ /bsgregs pa'i tshigs la brten mi byed/ ces bya ba smras te/ khyed cag gi rang dags nye bar sbyar ba'i tshig gang dag yin pa de dag la ni mkhas pa yang dag pa ji lta ba bzhin du yongs su rtag
 pa bdag la phan par 'dod pa dag rten bar mi byed do/ /gang gi phyir zhe na/ 'di ltar khyod kyi tshig de dag ni lta ba ngan pa'i nang dri nga? bas bsgros pa'i sgregs pa'i tshig yin pa'i phyir ro/ /lta ba ngan pa nyid nad yin la de nyid dri ngan pa yin te/ des bsgos pa'i sgregs
 pa'i tshigs gang dag la khyad par ji skad bstan pa de lta bu yod pa dag ni lta ba ngan pa de'i nang dring bas bsgos pa'i sgregs pa'i tshig dag yin te/ de la brten par mi byed do/ zhes bya bar sbyar ro/ /de dag la brten na ci nyes zhe na/ lta pa log pa'i
 rnam bar smin pa gang dag yin pa dag 'thob par 'gyur to/ de ni sems can dmyal ba 'am dud 'gro'i skye gnas sam gshin rje'i 'jig rten dag yin te/ ji skad du/ dad pa can ni nyes bzung bas/ /khros pa gzhan ni zhe sdang gis/ /dad pa can yang
 bsregs bstan na/ /zhe sdang can dag bsam ci dgos/ zhes gsungs pa'i phyir ro/ /'di smras pa/ 'dod chags ni yang dag bar yod pa kho na yin te/ phyir ci log yod pa'i phyir ro/ /'di ltar mi rtag pa dang sdug bsngal ba dang/ stong pa dang bdag
 med pa dang/ mi sdug pa dag la rtag pa dang bde ba dang/ dngos po dang/ bdag la sdug par phyin ci log par dag ni yod do/ /de dag la brten nas 'dod chags la sogs pa ngag 'byung bar 'gyur te/ ji skad du ma rig pa ni nyon mongs pa rnams kyi rtsa ba yin
 la/ ma rig pa'i rtsa ba ni tshul bzhin ma yin pa yid la byed pa yin/ tshul bzhin ma yin pa yid la byed pa'i rtsa ba ni 'du shes phyin ci log tu gyur pa yin no zhes gsungs pa'i phyir ro zhe na/ bshad pa phyin ci log dag yod pa'i phyir/ /'dod chags yod pa mi
 rigs te/ /'dod chags bzhin du brtag pa'i phyir/ /rtog pa de yang kun rdzob pa/ zhes bya ba ni phyin ci leg kyang 'dod chags bzhin du chags bzhin du brtag par bya ste/ phyin ci log de phyin ci log tu gyur pa 'am/ phyin ci log tu ma gyur pa 'am/ phyin ci log tu 'gyur
 bzhin pa 'am/ phyin ci log las phyin ci log tu gyur pa tha dad dam/ 'on te tha mi dad ce na/ phyin ci log rnam pa thams cad yang dag par na 'dod chags kho na bzhin du mi 'thad pas/ de'i phyir phyin ci log pa yang kun rdzob pa yin no/ /gzhan yang sems dang
 sems las byung ba yi/ /ngo bo nyid phyir sngar bkag phyir/ /gang gis des ni chags 'gyur ba'i/ /'dod chags chags pa'i dngos nyid med/ ces bya ba ni gang tshe sdar rab tu byed pa 'di nyid kyi skabs su sems dang sems las byung ba rnams kyi ngo bo nyid spyir dgag pa
 byas pa de'i tshe 'dod chags zhes bya ba ngo bo nyid las yod pa de gang yin/ gang 'dod chags des chags par 'gyur ba'i sems de yang gang zhig yin/ des ni sdang dang rmongs la sogs/ /so sor bshad pa byas par 'gyur/ zhes bya ba ni 'dod chags dang chags
 ba bkag pa'i tshul nges zhe sdang ba dang gti mug dang rmongs pa la sogs pa dag kyang 'dra bar bkag par shes par bya'o/ /ji ltar zhe na/ gang tshe sems ni 'gag pa la/ /mngon du phyogs shing skyes pa'i tshe/ /gang la gang gis sdang bar 'dod/ /sdang ba 'gags la
 'ang mi 'dod do/ /gal te skye bzhin sdang zhe na/ /de ci gal te skye mngon phyogs/ /ma skyes pa la de mi 'dod/ /gzhi med bya ba mi ldan phyir/ zhes bya ba la sogs pa'i tshul bzhin du thams cad la yang sbyar bar bya'o/ /de ltar bcings thar ma grub phyir/ ngo bo nyid med g.yo?
 ba med ces bya ba ni pha rol po dag gis sngar dngos po rnams ni don dam par ngo bo nyid yod pa kho na yin te/ bcings pa dang thar pa yod pa'i phyir ro zhes gang smras pa de'i gtan tshigs kyi don ma grub pa nyid dang/ don 'gal ba nyid yin pa'i
 phyir te/ bcings pa dang thar pa dag kun rdzob pa yin pa'i phyir ro/ /grangs can dag na re sra ba nyid la sogs pa'i khyad par dang bral ba'i sa la sogs pa ni rdzas yin te/ de ni chu la sogs pa rnam par bcad pa'i dngos por snang ba'i blo'i rgyu yin pas rdzas laS
 don gzhan ma yin no/ /sra ba nyid la sogs pas mtshon pa'i sa la sogs pa de dag ni rdzas las don gzhan yin no zhes zer ro/ /gzegs zan? pa dag na re/ dngos po la ma gtogs pa'i yon tan gzhan nyid dang/ gzhan ma yin pa nyid ces bya ba
 dang ldan pa'i phyir dngos po la yang gzhan nyid dang gzhan ma yin pa nyid ces bya ba'i tha snyad gdags te/ de las la ni rang gi bdag nyid las gzhan ma yin pa nyid yod la/ chu la sogs pa la ni sa'i gzhan nyid do zhes zer ro/ /de gnyi ga'i gzhan ma
 yin pa nyid dgag pa'i phyir bshad pa/ sa ni don dam nyid du na/ /sa las gzhan min nyid mi 'dod/ /rgyu dang ldan phyir rlung bzhin dang/ /dngos po yin phyir shes pa bzhin/ zhes bya ba ni sra ba nyid ma gtogs par sa zhes bya ba ni yang med la/ sa
 ma gtogs par yang gang gis gzhan ma yin pa nyid du 'gyur ba'i gzhan nyid med do zhes bya bar tshad ma rnam par bzhag ste/ dngos po rnams stong pa nyid du ro gcig pa'i phyir ro/ /shes pa bzhin zhes bya ba ni skyes bu bzhin ni zhes bya ba'i tha
 tshig go /sa las don dam nyid du na/ /chu ni gzhan par mi gzung ste/ skye dang ldan pa'i rdzas las ni/ /sa gzhan min pa ji bzhin no/ /zhes bya ba'i tshigs su bcad pa'i don ni dper na rdzas kyi ngo bo nyid las sa'i tha snyad gzhan yin yang dngos po
 gzhan nyid du mi 'dod pa de bzhin du chu yang gang gis gzhan nyid du 'gyur zhes bya ba'i tha tshig go /ce ste 'di snyam du rdzas kyi bdag nyid dang sa'i bdag nyid gzhan ma yin pa nyid ni rung ba ste/ 'di ltar de la sgra dang blo yang tha dad pa med pa'i phyir ro/ /sa dang chu la sogs pa
 ni gzhan nyid yin te sgra dang blo tha dad pa yang yod la/ las dang mtshan nyid kyang tha dad pas de'i phyir sa la sogs pa dag ni gzhan nyid yin no snyam na bshad pa/ sa la sogs pas sgra blo dang/ /las dang mtshan nyid tha dad pas/ /de dag gzhan nyid mi 'dod de/ /bsgrub
 bya'i chos dang mi ldan phyir/ zhes bya ba la 'dir bsgrub par bya ba ni gzhan nyid de de nyid chos yin pas bsgrub par bya ba'i chos so/ /de dang mi ldan pa ni ldan pa ma yin te 'di ltar chu la sogs pa ni sa? la sogs pa dag las logs shig na yod pa ma yin no/ /zhes sngar
 bstan zin pas/ de'i phyir gzhan nyid ma grub pa'i phyir dpe sgrub bar bya ba dang mi ldan no/ /tha dad pa'i phyir ro zhes bya ba'i gtan tshig de ni ma nges pa yang yin te/ ji ltar zhe na/ gzugs kyi bdag nyid min gzhan yang/ tha snyad yod phyir ma nges 'gyur/ zhes bya ba
 ste gzugs kyi bdag nyid ces bya ba dang/ mchi gu'i lus zhes bya ba dag gzhan nyid ma yin yang gzugs kyi bdag nyid ce bya ba'i sgra tha dad pa'i tha snyad yod pa'i phyir/ des na re zhig ji ltar gzugs kyi bdag nyid ces pa la sgra tha dad pa'i tha snyad yod kyang
 gzugs dang gzugs kyi bdag nyid gzhan nyid ma yin pa bzhin du sa dang tshul sogs pa dag la yang sgra tha dad pa yod kyang dngos gzhan nyid ma yin par 'gyur ram/ 'on te ji ltar lha sbyin gyi la ba zhes bya ba la sgra tha dad pa yod pa'i phyir/ dngos kyang
 gzhan nyid yin pa bzhin du sa dang chu la sogs pa dag la yang sgra tha dad pa yod pa'i phyir dngos kyang tha dad par 'gyur pa la the tshom yod ci ma nges pa'i phyir ro/ /yongs su brtags pa ma grub phyir/ /de don ma grub nyid du 'gyur/ zhes bya ba ni sgra dang blo ba dang
 pa'i phyir ro/ /zhes yongs su brtags pa de'i don ma grub pa'i phyir gtan tshigs de'i don ma grub pa nyid du 'gyur bas pha rol pos yongs su brtags pa'i don ni don dam pa pa ma yin no/ /sgra sogs bye brag tha dad kyang/ /de phyir de dag 'khrul par 'gyur
 zhes bya ba ni khyad par gzhan nyid ston pa'i gtan tshig dag go /khyad par brjod par gyur kyang ni 'gal bas nges par bzlog par 'gyur/ zhes bya ba ni gzhan dang gzhan ma yin pa nyid dgag pa sgrub pa'i tshig gis so/ /gcer grub dag ni dngos po thams cad gnyis
 ga'i bdag nyid yin par 'dod de/ sa las chu la sogs pa dag gzhan nyid de mtshan nyid dang las tha dad pa'i phyir ro/ /gzhan nyid kyang ma yin te/ sra ba nyid la sogs pa yod pas 'dus pa'i bdag nyid yin pa'i phyir ro zhe na/ de dag la 'di skad ces brjod
 par bya ste/ gnyi gnyid kyang mi rung ste/ 'ga' phyir me la grang dro bzhin/ zhes bya ba ni gal te sa las chu la sogs pa dag gzhan yin na ni ji ltar gzhan ma yin par 'gyur/ ci ste gzhan ma yin na ni 'on de lta na gah+na? zhes bya ba dang 'gal te/ dper na gal te
 me tsha ba yin na ji ltar grang ba yin/ ci ste grang ba yin na ni 'on de ltar na ji ltar tsha bar 'gyur zhes bya ba bzhin no/ /gzhan yang gzhan dang gzhan min phyogs dgag pa bstan phyir de yang bzang po min/ zhes bya ba ni 'di la gzhan nyid rang gzhan ma
 yin pa nyid kyi phyogs dgag pa bstan zin pa'i phyir/ de gnyis las ma gtogs pa gang gnyi ga'i bdag nyid 'gyur ba gzhan gang yod de de'i phyir gnyi ga'i bdag nyid de yang bzang po ma yin no/ /ci ste gnyi gar smra ba dag 'di skad ces/ ma yang
 gnyi ga'i bdag nyid yin te btso ba la sogs pa dag la ni cha ba yin la bden pa'i gsang sngags la sogs pas byin gyis brlabs pa dag la ni grang ba yin pas/ de'i phyir me yang gnyi ga'i bdag nyid yin pa'i phyir khyed kyi dpe med do zhe na/ de dag
 gi phyir bshad pa/ gnyi ga'i bdag nyid nyid yin yang/ /kun la grags pa'i cha dper bstan/ de na gzhan la dpe med pa/ /rab tu skye bar mi 'gyur ro zhes bya ba ni me la gnyi ga'i bdag nyid 'ga' zhig yod du zin kyang de la gang 'jig rten kun la grags pa'i cha de dpe nyid
 du bstan pas de'i phyir gnyi gang smra ba dag la kho bo cag gis dpe med par mi 'gyur ro/ /gnyi ga'i de yang don dam pa nyid ma yin no/ /gang gi phyir zhe na/ de ni bltos nas 'grub pa ste/ gnyis las gang yang rung ba zhig /sngar ma grub na mi 'grub phyir/ /yid kyis rnam
 par brtags par zad/ ces bya ba'i phyir te/ 'di na kha ba la sogs pa grang pa dag la ltos nas me la sogs pa tsha ba nyid du 'grub la/ me la sogs pa tsha ba nyid la bltos nas kha ba la sogs pa dag grang ba nyid du brtag ste/ de ltar rnam par dpyad na grang ba
 dang tsha ba de gnyis las gang yang rung ba zhig snga na ma grub pa'i chen phyi ma yang mi 'grub pa'i phyir gang la bltos na cig shes 'grub par bya ba gang yin pa ma grub pa'i tshe na/ de la bltos nas 'grub par 'gyur ba gang yin pa yang mi 'grub pas/ de dag ni
 yid la bsams pa tsam du zad pa'i phyir gnyi ga'i bdag nyid ces bya ba de yang kun rdzob pa yin no/ /de dag ni ring po dang thung ngur rtog pa bzhin te/ dper na ring po yod na thung ngu yod par 'gyur la/ thung du yang na ring po yod par 'gyur ba de gnyis las gang yang rung
 pa zhig med na/ mi 'grub pa bzhin no/ /bdag yod pa yang yin la bdag med pa yang yin pa dang/ rtag pa yang yin la mi rtag pa yang yin pa dang/ dngos po yang yin la dngos po med pa yang yin no/ /zhes bya ba la sogs pa/ gnyi gar smras
 ba thams cad la/ /dgag pa'i tshul yang de nyid do/ zhes bya bar grub/ ces bya ba ni/ dngos po thams cad kyi zhes bya ba'i tshig grub/ ces bya ba ni/ dngos po thams cad kyi zhes bya ba'i tshig gi lhag ma'o/ /yongs su brtags pa'i tshig gi don gyi mjug
 sdu ba byed pa ni/ de ltar 'dus byas chos de dag/ bsdu bas rnam par brtags pa yin/ zhes bya ba yin no/ /'dir smras pa/ 'dus byas kyi dngos po ni yod pa kho na yin te/ de'i gnyen po 'dus ma byas yin no zhe na/ de'i phyir 'dus ma byas kyi
 dngos po'i dbang du byas nas/ dper na sgyu ma mkhan gyis sprul pa'i gzugs bzhin no/ /'dus byas la ni gnyen po 'dus ma byas yod pas de'i phyir na 'dus byas ni yod pa kho na yin no zhe na/ de'i phyir 'dir 'dus ma byas kyi dngos po'i dbang du byas nas bye
 brag tu smra ba'i gzhung gis bshad pa/ 'dus ma byas ni 'gog gnyis dang/ /nam mkha' dang ni de bzhin nyid ces bya ba la 'dus ma byas ni so sor brtags te 'gog pa dang/ so sor ma brtags par 'gog pa dang/ nam mkha' dang de bzhin nyid do/ /de la so sor
 rtog pa ni shes rab ste/ des nyon mongs pa mngon du gyur pa rnams brtags te/ 'gog pa gang yin pa de ni so sor brtags te 'gog pa ste/ mya ngan las 'das pa zhes bya ba yin no/ /so sor ma brtags par 'gog pa ni 'gag zhig gis dngos po rnams
 'gog pa la mi 'bral ba gang yin pa'o/ /nam mkha' ni sgo skabs 'byed par byed pa dang mi sgrib pa'i mtshan nyid do/ /de bzhin nyid ni sngon med pa dang zhig nas med pa dang/ gcig la gcig med pa dang/ gtan med pa dag gis mtshon pa dngos po
 rnams kyi ngo bo nyid med pa nyid do/ /de dag ni rtag pa yin te/ mi 'gyur ba'i ngo bo nyid yin pa'i phyir ro zhe'o/ /de la re zhig so sor brtags te/ 'gog pa ni/ don dam du na dngos po min/ /rtag dang rang bzhin mi 'gyur phyir/ /mo gsham bu'i gzugs
 bzhin no/ /zhes bya ba ni 'byung ba'i phyir dngos po zhes bya ba de ni rtag pa dang rang bzhin mi 'gyur ba yin pa'i phyir dngos po nyid du mi thad de/ mo gsham bu'i gzugs bzhin no/ /de nyid kyi gtan tshigs kyi khyad par gzhan bstan pa'i phyir ma skyes phyir dang
 rgyu med phyir/ /de bzhin las kyang med phyir dang/ /'dus byas ma bsdus phyir dang ni/ /'gag pa med pa'i phyir yang ngo/ /zhes bya ba smras te/ so sor brtags te 'gog pa ni don dam par dngos po ma yin te/ zhes bya ba'i tshig gi lhag ma'o/ /dngos po'i bdag nyid ni skye ba dang
 rgyu dang/ las dang 'dus byas dang/ 'gag pa dag gis mtshon par bya ba yin na de ni ma skyes pa dang/ rgyu med pa dang/ las med pa dang/ 'dus byas ma yin pa dang/ 'gag pa med pa'i phyir ji ltar dngos po nyid yin par 'gyur/ /skye ba la sogs pa med pa'i
 phyir 'gag pa yang med de/ 'di ltar skyes pa la 'gag pa 'thad kyi/ ma skyes pa la mi 'thad pa'i phyir ro/ /gang gi 'bras bu gang 'dod pa/ /de ni de'i rgyu ma yin te/ /ma skyes la sogs gtan tshigs kyis/ /glang chen blang kyi ra? bzhin no/ zhes bya bas? na de rgyu ma
 yin par 'gog par byed de/ 'dus ma byas gang gis 'bras bu gang zhig yin par 'ga' zhig gis ji ltar brtag pa de la 'dus ma byas de ni 'bras bu de'i rgyu yin par mi rigs te/ skye ba med pa la sogs pa'i gtan tshigs gong du bstan pa de dag
 gi phyir/ dper na glang po che'i glang la rwa nyid med pa de de las gzhan pa'i seng ge'i khri la sogs pa dag gi rgyur mi 'gyur ba bzhin no/ /yang na gzhan du brtag pa ste/ /ma skyes rgyu dang ldan pa yi/ /'bras bu mi 'dod shes par bya/ /'bras bu yin phyir
 sbrang rtsi ni/ /mkha' min sogs rgyu ldan min bzhin/ zhes bya bas ni de rgyu ma skyes pa'i 'bras bu ma yin par 'gog par byed de/ 'bras bu gang la rgyu ma skyes pa yod pa de ni ma skyes pa'i rgyu dang ldan pa'i 'bras bu zhes bya ste/ so sor brtags te 'gog pa de
 rgyu? ma skyes pa dang ldan pa'i 'bras bu yin par pha rol po ngag gis brtags pa de ltar mi 'dod par shes par bya'o/ /ci'i phyir zhe na/ de ni mi rigs te/ 'bras bu yin pa'i phyir dper na sbrang rtsi ni 'bras bu yin pa'i phyir/ nam mkha' i me tog la sogs pa'i rgyu ma
 skyes pa dang ldan pa'i rgyur mi 'dod pa bzhin te/ dper na sbras bu'i sbrang rtsi ni 'bras bu yin pa'i phyir/ rgyu me tog ma la ti dang/ pad+ma dang/ ut pa la la sogs pa skyes bu dag gis rgyu dang ldan pa yin te/ me tog de dag skyes pas sbrang rtsi de rgyu de
 dag dang ldan pa'i 'bras bu yin par 'dod kyi/ nam mkha' i me tog la sogs pa dag ni ma skyes pa yin pas sbrang bu'i sbrang rtsi de nam mkha' i me tog la sogs pa de dag gi rgyu dang ldan par mi 'dod bzhin du/ so sor brtags te 'gog pa de yang 'bras bu yin ba'i phyir rgyu ma
 skyes pa dang ldan pa'i 'bras bu yin par mi 'dod do/ /des ni nam mkha' de bzhin nyid/ /phyogs dang dus dang bdag la sogs/ /dus ma byas pa ji snyed pa/ /bkag par mkhas pas shes par bya/ zhes bya ba ni dgag pa dang 'dra bar ston pa ste/ so sor brtags te
 'gog pa bkag pa dang 'dra bar 'dus ma byas ji snyed pa thams cad kyang rig pa de nyid kyis bkag par blo dang ldan pa rnams kyis shes par bya'o zhes mdor bsdu'o/ /gzhan yang rdzas dang gtso bo srog la sogs/ /mu stegs btags pa'i shes bya dag
 rig dang lung la mkhas rnams kyis/ /ci rigs par ni shes par bya/ zhes bya ba ni gzhan mu stegs can gzhan dag gis btags pa'i shes bya rdzas la sogs pa dang/ gtso bo la sogs pa dang/ srog la sogs pa ji snyed pa thams cad mkhas pa
 rig pa dang/ lung la mi 'jigs pa thob pa rnams kyis ci rigs par dgag par bya'o/ /de la rdzas la sogs pa zhes bya ba ni bye brag pa'i tshig gi don drug po dag ste/ rdzas dang yon tan dang las dang/ spyi dang/ bye brag dang/ 'du ba zhes bya ba dgo? /
 de la rdzas ni dgu ste/ sa dang/ chu dang/ me dang/ rlung dang/ nam mkha' dang/ dus dang/ phyogs dang/ bdag dang/ yid ces bya ba dag go/ yon tan nyi shu rtsa lnga ste/ gzugs dang/ sgra dang/ ro dang/ reg pa dang/ grangs dang/ bod tshid dang/ so so pa dang/ phrad pa dang/
 byed pa dang/ gzhan dang gzhan ma yin pa dang /blo lnga dang/ bde ba dang/ sdug bsngal ba dang/ 'dod pa dang/ sdang pa dang/ 'bad pa dang/ chos dang chos ma yin pa dang/ shes pa dang/ byas pa'i shugs zhes bya ba dag go /las ni lnga ste 'deg pa dang/ 'jog pa dang/ bskum
 pa dang/ brkyang ba dang/ 'gro ba zhes bya ba dag go/ spyi ni gnyis te/ spyi chen po dang/ nyi tshe ba'i spyi'o/ /de la spyi chen po ni gang gi phyir rdzas dang/ yon tan dang/ las dag la yod pa zhes tha snyad gdags pa ste/ de ni yod pa nyid de spyi chen po'o/ /nyi cho ba'i spyi ni ba lang
 nyid ces bya ba lta bu ste/ de nyid rta la sogs pa dag las ldog pa nyi tshe ba'i spyi yin no/ /bye brag ni nyi tshe ba'i spyi de nyid pa lang nyid cis bya ba de lta la sogs pa dag las ldog pa na bye brag yin no/ /'du ba ni rgyu dang 'bras bu dag phrad pa ste/ de ltar de dag ni rdzras pa
 sogs pa'o/ /gtso bo la sogs pa zhes bya ba ni grangs can dag gis btags pa'i de nyid nyi shu rtsa lnga ste/ gtso bo dang/ chen po dang/ dar 'dzin pa dang/ blo'i dbang po lnga dang/ las kyi dbang po lnga dang/ bdag dang/ de tsam lnga dang/ 'byung ba chen po lnga dang/
 skyes bu zhes bya ba dag go/ de la gtso bo ni rang bzhin te/ snying stobs dang/ rdul dang/ mun pa cha mnyam pa mi gsal ba'o/ /chen po ni blo'i rnam grangs so/ /ngar 'dzin pa ni gang gis nga dang nga yi zhes mngon par rlom pa'o/ /blo'i dbang po lnga ni mig dang/ rna ba
 dang/ sna dang lce dang/ lus zhes bya ba dag go /las kyi dbang po lnga ni dag dang/ lag pa dang/ rkang pa dang/ rkub dang/ mdoms zhes bya ba dag go /yid ni blo dang las gyi dbang po zhes bya ba'i gnyi ga'i bdag nyid do/ /de tsam lnga ni khyad par lnga zhes
 kyang bya ste/ gzugs dang sgra dang dri dang ro dang reg pa zhes bya ba dag go/ 'byung ba chen po lnga ni sa dang chu dang/ me dang/ rlung dang/ nam mkha' zhes bya ba dag go /skyes bu ni shes pa yod pa nyid ces bya ste/ nyi shu rtsa lnga ba'o/ /de ltar de dag ni gtso bo la sogs
 pa'o/ /srog la sogs pa zhes bya ba ni gcer pu bdag gis yongs su btags pa'i tshig gi don dgu ste/ srog dang/ zag pa dang/ sdom pa dang/ nges par rga tha? dang/ 'ching ba dang/ las dang sdig pa dang/ bsod nams dang/ thar pa zhes bya ba dag
 go/ de la srog ni srog can gyi sde tshan dgu ste/ sa dang chu dang/ shing dang/ me dang rlung dang/ srin bu dang/ grog ma dang/ bung ba dang/ mi zhes bya ba dag go/ de dag las sa dang/ chu dang shing dang me dang/ rlung rnams ni dbang po gcig pa ste/ reg pa'i dbang po dang ldan pa'i
 phyir ro/ /srin bu dang/ dung dang nya phyis dang/ srin bu pang pa la sogs pa ni dbang po gnyis pa ste/ reg pa dang/ ro'i dbang po gnyis dang ldan pa'i phyir ro/ /grog ma dang/ srin gyi me la sogs pa ni dbang po gsum pa ste/ reg pa dang/ ro dang/ sna'i
 dbang po dang ldan pa'i phyir ro/ /bud ba dang sbrang bu dang/ sbrang bu mchu rings la sogs pa ni dbang po bzhi pa ste/ reg pa dang ro dang sna dang/ mig gi dbang po dang ldan pa'i phyir ro/ /mi dang rkang bzhi pa dang/ bya la sogs pa ni dbang po lnga pa ste/ reg
 pa dang ro dang /sna dang mig dang rna ba'i dbang po dang ldan pa'i phyir te/ de ltar de dag ni srog gi tshig gi don rnam pa dgu'o/ /zag pa ni dge ba dang mi dge ba'i las rnams te grag? par byed pa'i phyir ro/ /sdom pa ni zag pa 'gog pa nyid de las sar pa mi sog
 pa'i phyir ro/ /nges par dga' ba ni sdom pa de nyid dang zas mi za ba dang skom mi 'thung ba dang/ bsam gtan dang sbyor ba la sogs pa dka' thub dang bcas pas sngon nye bar bsags pa'i las nges par rgas par byed pa ste/ zad pa'i rgyu yin pa'i phyir
 ro/ /'ching pa ni des par sma ba sum brgya drug cu rtsa gsum po dag gis btags pa'i log par lta ba'o/ /las ni rnam pa bzhi ste/ phyis myong bar 'gyur ba dang/ ming dang dus dang tshe zhes bya ba dag go/ sdig pa ni chos ma yin pa'o/ /bsod rnams ni
 chos so/ /thar ba ni chos thams cad zad pas 'jig rten thams cad kyi steng na 'dug pa'i gnas 'jig rten 'dus pa zhes bya bar 'gro ba ste/ ji skad du rgyal ba dam pas/ kha ba rgyas spos me tog mdog/ bzho pa mo mu tig mdog/ gdugs dkar bzung ba'i dbyibs
 'dra ba/ /thar? pa yin par rgyal bas bshad/ ces brjod pa lta bu ste/ de ltar de dag ni srog la sogs pa'o/ /de dag las gzhan pa gang dag mu stegs byed gzhan dag gis yongs su btags pa'i shes bya 'dus byas sam/ 'dus ma byas gang ci yang rung ba dag
 kyang rig pa dang lung las yongs su goms pa the tshom dang bral pa 'jigs pa med pa'i mkhas pa rnams kyis ci rigs par dgag par bya ste/ de la 'dus byas gang yin pa de ni 'dus byas btags pas mtshungs par dgag par bya'o/ 'dus ma byas gang yin pa de ni
 'dus ma byas btags pas mtshungs pa dgag par bya'o/ /de ltar rang dang gzhan gyis grub pa'i phyir/ /dngos po rnams la bdag btags pa/ /mkhas pas bdag med rtogs bya zhing/ /de nyid shes pa'i bdud rtsi btung/ zhes bya ba ni gzhan dag gis rang dang
 gzhan gyi grub ba'i mdza' dag tu dngos po rnams la bdag dang/ ngo bo nyid yod par yongs su btags pa dag rnal 'byor pa mkhas pas ji skad bstan pa'i tshul gyis bdag dang dngos po med pa nyid du rtogs par byas shing don dam pa rnam par mi rtog pa'i ye
 shes ngo bo nyid med pas shes pa med pa'i tshul du shes par bya ba de nyid shes pa'i bdud rtsi'i ro myang bar bya ba la 'bang bar bya'o/ zhes bya ba'i tha tshig go/ yang na rnam rtog dra ba yi/ /rgyun 'bral de dag la sogs pa/ /dngos po skye bar 'dzin brten pas
 nan gyis byis ba 'khrug par byed/ /gang tshe mkhas pa rig sgron gyis/ /yang dag ji bzhin yongs rtog pa/ /de tshe skye bkag de zhi bas/ /sbros pa nye bar zhi bar 'gyur/ zhes bya ba ni yang na dngos po rnams ngo bo nyid med pa nyid du bstan pa'i phyir 'bad bar byed
 pa de ni gnas ma yin pa kho na ste/ gang gi phyir zhe na/ rang dang gzhan dag gis yongs su btags pa rnam par rtog pa'i dra ba'i rgyun 'brel ba de? dag? la sogs pa ma lus pa ni dngos po rnams la skye ba yod par 'dzin pa la brten te/ byung
 ba yin pas de dag gis nan gyis byis pa ma rig pas blo gros kyi mig zum pa mi mkhas pa dag 'khrul par byed pa yin pa'i phyir gang gi tshe rnal 'byor pa mkhas pa rigs pa dri ma med pa'i sgron mas blo gros kyi mig legs par bye ba dag phyogs su lhung?
 ba'i blon med pas dngos po rnams la skye ba med pa nyid du yang dag pa ji lta ba bzhin yongs su rtog pa de'i tshe/ dngos po thams cad sgyu ma bzhin du ngo bo nyid kyis skye ba med par mthong zhing skye ba bkag pa'i phyir/ /skye bar rnam par rtog pa'i dri ma de? zhi bas
 tshig gi brjod pa'i spros pa thams cad nye bar zhi bar 'gyur bas cig car thabs de nyid la brtul bar bya ba'i rigs so/ /dngos po de dag ma skyes par ji ltar khong du chud par bya zhe na/ 'di la kha cig ni dngos po rnams bdag las skye bar 'dod/ kha
 cig ni gzhan las kha cig ni gnyi ga las/ kha cig ni rgyu med pa las/ kha cig ni dbang phyug dang/ skyes bu dang gtso bo dang/ dus dang sred med kyi bu dag las skye bar 'dod do/ /de la grangs can dag ni bdag las skye bar smras pa /de dag
 gi phyir bshad pa/ de la re zhig bdag skye ba/ /kun rdzob tu yang mi rigs te/ /bdag nyid yod phyir dper byas na/ /zho ni bdag las mi skye bzhin/ zhes bya ba bdag las zhes bya ba ni rang las zhes bya ba'i tha tshig go/ 'di ltar gal te dngos po rnams
 bdag la skye bar 'gyur na/ rgyu dang rkyen rnams med par yang skye ba'i rigs na/ de lta bu ni 'jig rten na yang ma mthong na/ don dam par lta smos kyang ci dgos/ bdag nyid yod pa'i phyir zhes bya ba la bdag ces bya ba ni rang gi ngo bo nyid dang bcas pa ste/
 bdag nyid yod pa'i don ni bdag go /de'i dngos po ni bdag nyid do de'i phyir bdag nyid yod pa'i phyir zhes bya ba ni rang gi ngo bo nyid du yod pa'i phyir zhes bya ba'i tha tshig go /gal te de skye ba na yod pa nyid yin na de la yang skye bas ci zhig bya/ dper na 'jig rten ni 'o ma
 las zho skye bar 'dod kyi/ zho nyid zho'i rang gi bdag nyid las skye bar mi 'dod pa bzhin du dngos po bdag nyid yod pa yang bdag las mi skye ste/ rang gi bdag nyid la byed pa 'gal ba'i skyon du 'gyur ba'i phyir ro/ /yang na tshad ma'i lam gzhan yang yod de/
 dngos rnams bdag las ma skyes te/ /dngos po yin phyir skyes bu bzhin/ zhes bya ba la skyes bu ni de dag gi gzhung las ma skyes par 'dod pas/ de bzhin zhes bya ba ni ma skyes pa tsam zhig khas blangs nas dngos po rnams kyi skye ba dgag pa'i dper bya'o/ /ma
 skyes pa la bdag med de/ ma skyes phyir nam mkha' min bzhin/ zhes bya ba la bdag ni ngo bo nyid yin na de ni skyes bu la sogs pa dag la ma skyes pa dag la med de/ ma skyes pa'i phyir nam mkha' i me tog bzhin no// //dbu ma'i snying
 po'i 'grel pa rtog ge 'bar ba/ /bam po bdun pa/ /'dir grangs can dag /nam mkha' i me tog gi don rnam pa du mar rnam par brtags na dpe med pa nyid du rgol bar byed de/ ci nam mkha' i me tog ces bya ba de'i don gal te nam mkha' la 'dug pa'i me tog
 yin pas/ nam mkha' i me tog ces bya ba ni me tog ti la ka dang/ ut pa la la sogs pa dag yin par thal bar 'gyur te/ de dag kyang nam mkha' la 'dug pa yin te/ nam mkha' ni go skabs 'byed pa'i bdag nyid yin pa'i phyir ro/ /'on te nam mkha' las
 byung bas me tog yin pas nam mkha' i me tog ces bya na ni 'di la yang nam mkha' las zhes bya ba'i don rnam par brtags nas/ ci nam mkha' las gzhan pa'i me tog yin nam/ 'on te nam mkha' las 'ongs pa'i me tog yin grang/ gal te nam mkha' dang me
 tog la nam mkha' i me tog ces bya na ni de lta na/ de gnyi ga yang yod pa yin pa'i phyir nam mkha' i me tog ces bya ba'i dpe de dngos po med par sgrub par mi nus so/ /gal te khyed 'di skad ces nam mkha' dang 'brel bI me tog med pas nam mkha' i me tog ceS bya ba ni nam mkha' 
 la ni me tog yod pa ma yin pa la bya ste/ de'i phyir nam mkha' i me tog ces bya'o zhe na/ de lta na yang 'jig rten gsum po thams cad nam mkha' i me tog ma yin pa'i don dang mthun par mi 'gyur te/ gang gi phyir zhe na/ nam mkha' i me tog kyang bdag nyid dga' ?
 zhig gis yod pa'i phyir khyed kyi dpe med pa kho na yin no/ zhes zer ro 'dir bshad pa/ nam mkha' me tog med pa'i don/ /mkha' la sogs par khyod 'dod pa/ /de dag nam mkha' i me tog min/ de'i phyir kho bo'i phyogs med min/ zhes bya ba ni kho bcag
 gi dpe nam mkha' i me tog ces bya ba de'i med pa'i don la nam mkha' la sogs pa zhes bya ba nam mkha' la dang/ nam mkha' las dang/ nam mkha' dang/ me tog dang/ nam mkha' i me tog ces rnam par dbye ba dag gis 'jig rten gsum po thams cad kyang
 yod par khyed 'dod pa de dag ni/ kho bo cag gi dpe nam mkha' i me tog ces bya ba'i don ma yin te/ 'o na ji lta bu zhe na/ kho bo cag ni dpe nam mkha' i me tog ces bya ba de'i don ni khyod kyis mkha' la sogs par btags pa de dag las gzhan
 yin la/ nam mkha' i me tog kho bo cag gi dper bzhag pa de bdag nyid 'ga' zhig gis yod par yang khyed kyis bsgrub par mi nus pas/ de'i phyir kho bo'i phyogs 'di la yang chos mthun pa'i dpe med pa ma yin no/ /'dir smras pa/ gang dag gi phyogs la 'bras
 bu'i rang gi bdag nyid kyi bdag las skye bar 'dod pa de dag gi phyogs la ni skyon da dag tu yang 'gyur gyi kho bo ni rgyu'i rang gi mtshan nyid las skye bar 'dod pas kho bo'i phyogs la skyon de dag med de skye ba can thams cad ni rgyu'i bdag nyid du yod
 pa nyid las skye ba'i phyir ro zhe na/ pha rol po de dag gis dogs pa bsu nas bstan bcos byed pas/ gal te rgyu las 'bras bdag yod/ /de las de ni skye mnyam zhing/ /bdag las skye ba nyid 'dod na zhes bya ba smos so/ /de la skyon 'di yod/ de las gzhan min bdag bzhin na/ rgyu ni rgyu min
 nyid du 'gyur/ zhes bya ba ni gal te rgyu dang 'bras bu dag gzhan nyid yin na ni 'di ni rgyu'o/ /'di ni 'bras bu'o zhes bya ba'i tha snyad rnam par bzhag tu rung gi gzhan nyid ma yin pa la mi rung ste/ sa bon yang myu gu'i rgyu nyid ma yin bar 'gyur ro/ /ji ltar zhe na/
 de las gzhan ma yin pa'i phyir 'bras bu'i rang gi bdag nyid bzhin yin pa'i phyir ro/ /des na myu gu yang yang dag par na sa bon gyis 'bras bu ma yin te/ de las gzhan nyid ma yin pa'i phyir rgyu'i rang gi bdag nyid bzhin pas/ de lta na rgyu dang 'bras bu'i
 dngos po nyid med pa'i skyon du 'gyur ro/ /gzhan yang ma skyes phyir ni rgyu min pa/ /ci zhig yin zhing gang gis rgyu/ zhes bya ba ni gtso bo dang skyes bu la sogs pa rang nyid ma skyes pa'i phyi'i khyad par med par ni rgyu ma yin pas/ ci yang ma yin zhing gang gi rgyur yang mi
 'gyur bas/ ji ltar gzhan gyi rgyur 'gyur/ de bzhin du sa bon la sogs pa ma skyes pa dag gi ni myu gu la sogs pa mngon par sgrub par mi nus so zhes bya ba'i tha tshig go /ci ste 'di snyam du rgyu gang kho na yin pa de nyid 'bras bu ma yin te/ 'o na ji lta bu zhe na/
 rgyu la 'bras bu nus pa'i bdag nyid du yod pas/ de rgyu dang rkyen rnams kyis gsal bar byed de/ nus pa dang gsal ba de gnyis kyang bdag nyid tha mi dad pa'i phyir de las skye ba ni bdag las skye ba yin par sems na de'i phyir bshad pa/ 'bras bu bdag
 nyid nyid yod na/ /rgyur brtag pa ni don med 'gyur/ zhes bya ba ni rgyu ni 'bras bu bskyed pa yin par 'dod na/ gal te 'bras bu nyid yod pa nyid yin na rgyur brtag pas ci zhig bya/ skyon chen po gzhan 'di yang yod de/ de nyid las ni de skye na/ /skyed dang bskyed bya gcig
 tu 'gyur/ zhes bya ba ni rgyu dang 'bras bu gnyis zhes bya ba'i tha tshig go /gal te 'di snyam du bdag las skye ba kho na yang yin la/ skyed ba dang bskyed bar byang? gnyis gcig pa nyid du yang mi 'gyur ba kho bos? ston par nus te/ dper na 'om zhes bya ba'i rdzas
 ji ltar gnas pa'i chos gzhan 'gag pa na zhe? zhes bya ba'i chos gzhan skye zhang? de la rgyu dang 'bras bu'i tha snyad rnam par bzhag pa yang yod pa bzhin no snyam du sems so na bshad pa/ gal te 'o ma zho nyid du/ /gnas pas gnod pa med snyam na/ /pha ni bu nyid mi 'gyur
 bas/ ? gnod ba med pa ma yin no/ /zhes bya ba ni 'di ltar phas pha'i dngos po nyid yongs su btang nas bu'i ngo bo ? du yongs su 'gyur ba ni sus kyang gang du ji ltar yang ma mthong bas/ de'i phyir khyod kyis bskyed pa dang bskyed par bya ba gnyis gcig pa nyid du
 'gyur pa'i skyon bzlog par dka' o/ /'dir pha rol po dag dbu ma pa'i gtan tshigs bdag nyid yod pa'i phyir zhes bya ba dang/ dngos po yin pa'i phyir zhes bya ba dag skye ba med pa'i gtan tshigs su bzhag pa dag ni skye ba med ba'i mi mthun pa'i phyogs skye ba can dag
 sgrub pa'i gtan tshigs yin gyi/ skye ba med pa sgrub pa'i gtan tshigs su mi rung ngo zhes phyir zlog par byed de/ 'di ltar bdag nyid yod pa nyid dang/ dngos po nyid ces bya ba ni bum pa la sogs pa'i dngos po skyes pa dag la yod kyi/ ri bong ga rwa la sogs
 ba ma skyes ba dag la ni med pas de'i phyir bdag nyid yod pa nyid dang/ dngos? po nyid ces bya ba dngos po'i bdag nyid kyi gtan chigs de dag dngos po med ba'i bdag nyid kyi mthun pa'i phyogs gang la yang med la/ mi mthun pa'i phyogs kho na la yod pa'i phyir
 don 'gol ba nyid kyis skye ba med pa zhes bya ba'i chos can gyi ngo bo nyid las bzlog pa skyed yod pa nyid sgrub par byed pa'i phyir don 'gal ba nyid yin no zhe na/ bshad pa bdag nyid yod pa nyid dang dngos po nyid ces bya ba de dag ni kun rdzob pa yin te/ de dag la brten
 nas byung ba ni don dam par ngo bo nyid med pa nyid yin te/ bdag dang gzhan dang gnyi ga dang rgyu med pa las rnam pa thams cad du skye ba med pa'i phyir/ skye ba med pa'i mi mthun pa'i phyogs skye ba med pas/ mi mthun phyogs ni med pa'i phyir/ /gtan tshigs 'gal ba nyid
 mi 'dod/ ces bya ba smras so/ /de ltar re zhig dngos po rnams/ /bdag la skye bar mi rigs so/ /zhes bya ba'i tshig gi don ni ji skad bstan pa'i tshul gyis zhes bya ba'i tha tshig go /mdo sde ba ngang bye brag tu smra ba dag gis sa bon dang sa dang/ chu dang me dang rlung la sogs pa
 gzhan du gyur pa dag las myu gu la sogs pa phyi rol gyi dngos po rnam skye ba dang/ ma rig pa dang/ sred pa dang/ las zhes bya pa gzhan du gyur pa ngag las nang gi skye mched kyi dngos po skye bar 'dod do/ de bzhin du bye brag pa dag kyang sa la sogs pa'i rdul phra rab
 ngag? dang rdul phra rab gnyis pa dang/ gsum pa la sogs pa'i rim pa gzhan du gyur pa dag la sogs pa'i rdzas mngon par 'grub par 'dod do/ /de dag la 'di skad ces brjod par bya ste/ ngo bo nyid ni med ba'i phyir/ /gang zhig gang las gzhan du 'dod/ /glang ru dang ni ri rtse las
 rta ru? gzhan du mi 'dod bzhin/ zhes bya ba la/ ngo bo nyid ces bya ba ni bdag nyid kyi dngos po ste/ de yang ji skad bstan pa'i tshul gyis na dngos po rnams la yod ba ma yin no/ /de med pa'i phyir rgyu'i bdag nyid kyi dngos po gang zhig 'bras bu'i bdag nyid kyi dngos po gang
 las gzhan du 'dod de/ /dper na glang ru dang ri rtse ma skyes pa dag las rta'i rwa bzhin du tha snyad gdags par mi 'dod pa bzhin no/ /yang na mig la sogs pa rkyen gzhan rnams/ /don dam du ni mig sogs kyi/ /rnam shes bskyed par byed ma yin/ /gzhan phyir rtsa
 rkyang la sogs bzhin/ zhes bya ba ni gal te gzhan yin no tseg la bskyed pa'i mthu yod pa yin na gzhan yin pa 'dra ba bzhin pas/ mig la sogs pas ni mig gi rnam par shes pa la sogs pa dag nyi tshe skyed par byed la/ sam? dang bum pa dang snam bu 
 la sogs pa mngon par sgrub par mi byed pa dang/ rtsi rkyang dang rgyu spun dang 'jim pa la sogs pas ni 'kham? dang snam bu dang/ bum pa la sogs pa nyi tshe dag mngon par bsgrub par byed kyi/ /mig pa'i rnam par shes pa la sogs pa dag /
 bskyed par mi byed par rgyu dang rkyen so sor nges par de dag ci las gyur pa'i gtan tshigs kyi khyad par brjod par bya dgos so/ /sbyor ba gzhan yang/ gzugs kyi blo la sogs pa dag /brjod 'dod mig sogs rgyu can min/ /gzhan phyir snga na med pa'i phyir//
 dper na bum rnams la sogs bzhin/ zhes bya ba ni gzugs kyi blo la sogs pa dag ces bya ba rnam par shes pa'i tshogs drug po dag ni brjod par 'dod pa'i mig la sogs pa'i rgyu can ma yin te/ gzhan yin pa'i phyir dang/ snga na med pa'i phyir
 dper na bum pa dang snam bu la sogs pa bzhin no zhes bya bar sbyar ro/ /brjod 'dod ces bya ba ni brjod par 'dod pa ste/ mig la sogs pa dag go /mig la sogs pa zhes bya ba ni mig dang/ gzugs dang/ snang ba dang/ nam mkha' dang/ yid la byed
 pa dag dang/ rna ba la sogs pa gzhan dag kyang bsdu'o/ /rgyu can min zhes bya ba ni gzugs kyi blo la sogs pa gang dag la rgyu brjod par 'dod pa mig la sogs pa dag yod par btags pa de dag de'i rgyu can ma yin par bkag pa'o/ /gzhan
 yang dngos po skyes pa nyid yin na/ gzhan zhes bya ba'i tha snyad gdags su rung na 'bras bu de ni ma skyes pas 'bras bu de las rgyu gzhan nyid du rtog pa ni nye bar btags pa yin pas/ de'i phyir ma skyes pa yi gzhan nyid ni/ /kun rdzob yin pas don daM
 min/ /gzhan yang skye ba nyid kyang ni/ /rigs pa ma yin gzung par bya/ zhes bya ba smras so/ /gzhan yang skye bar smra bdag las/ kha cig ni rgyu las 'bras bu yod pa nyid yin la/ de skyes pa nyid dam ma skyes pa nyid du ni tha snyad gdags par bya ba ma
 yin par sems so/ /kha cig ni ma skyes pa rgyu dang rkyen rnams kyi mngon par bsgrub par 'dod do/ /kha cig ni skyes bzhin pa gnyi ga'i bdag nyid can du 'dod do/ /kha cig ni brjod par bya ba ma yin pa nyid du 'dod de/ 'di ltar de ni skyes pa ma yin te/ bdag nyid kyi dngos
 po ma thob pa'i phyir ro/ /ma skyes pa yang ma yin te/ bya ba 'jug pa'i phyir ro zhes zer ro/ /de la bshad pa re? zhig /skyes pa brjod du med pa la/ /skye ba don med nyid du 'gyur/ zhes bya ba ni gal te rgyu la 'bras bu yod pa nyid yin zhing tha snyad bdags par bya ba ma yin
 pas/ de ni skyes pa yin pas skyes pa de la yang skye ba don med pa nyid du yang 'gyur la/ ma skyes pa na tha snyad gdags par bya ba ma yin pa ni skyes na yang de 'bras bu'i ngo bo nyid du tha snyad gdags su mi rung bar 'gyur ro/ /gang dag 'bras bu ma skyes pa de dag la
 yang/ ma skyes pa la skye med de/ /ma skyes phyir ni mkha' min bzhin/ zhes bya ba smras so/ /skye bzhin skye bar 'dod pa la/ /brgal zhing brtags pa mtshungs par 'gyur/ zhes bya ba ni skye bzhin pa la yang gang skyes pa'i cha de la ni yang skye ba don med la/
 gang ma skyes pa'i cha de ni med pa'i phyir/ nam mkha' i me tog la sogs pa bzhin du skye ba med do/ /brjod du med pa'ang de med de/ /brjod du med phyir gzhan bzhin no/ zhes bya ba la 'dir gzhan bzhin no zhes bya ba'i sgras ni sngo bsangs dang dkar sham la sogs pa nyid du
 brjod du med pa'i mo gsham gyi bu la sogs pa dag yongs su gzung ngo/ /'dir smras pa/ dngos po rnams ni skye ba kho na yin te/ btags pa'i bdag nyid du dmigs pa'i phyir ro/ /de'i phyir de dag la rnam par shes pas rnam par btags pa'i ngo bo nyid yod do zhe na/
 de dag gis phyir bshad ba/ yang na mig la sogs pa dag? /btags pa'i bdag nyid nyid kyis stong/ /byas pa'i phyir dang 'jig pa'i phyir/ /dper na sgyu ma'i 'o ma bzhin/ /zhes bya ba ni mig la sogs pa dag ni don dam par na gzugs la sogs pa'i dngos po rnamS
 la sngon po dang ser por btags pa'i dngos por 'dod pa gang dang gang yin pa de dang de'i dngos po'i ngo bo nyid kyis stong ste/ byas pa'i phyir dang 'jig pa'i phyir/ /dper na tshig dag gis dper na/ ma'i bdag nyid kyi 'o ma bzhin no/ /gal te 'di snyam du ma brtaD
 pa'i dngos po rnams kyi bdag nyid kyang yod de/ rnam par shes pa'i tshogs lnga po dag ni bsags pa'i gnas la dmigs pa yin pas/ gal te de dag gcig tu rnam par rtog par mi byed kyang de dag gi dmigs pa'i dngos po yod pas /des na byas pa'i phyir
 dang 'jig pa'i phyir sgyu ma'i 'o ma bzhin du rnam par btags pa'i dngos po rnams stong par 'gyur ram/ rnam par ma brtags pa'i dngos po rnams yod par 'gyur ba ma nges par sems na/ de'i phyir bshad pa/ bsgrub dang mchungs par bkag pa'i phyir/
 cig shos kyis ni the tshom med/ ces bya ba la cig shos ni btags pa'i bdag nyid kyi dngos po las gzhan pa ma btags pa'i dngos po ste/ des na ma nges pa nyid du mi 'gyur ro ci'i phyir zhe na/ btags pa'i bdag nyid dgag par bsgrub pa dang
 mtshungs par ma btags pa'i dngos po yang bkag pa'i phyir mig la sogs pa ni ma btags pa'i bdag nyid kyis kyang stong ste/ byas pa'i phyir dang 'jig pa'i phyir sgyu ma kho na bzhin te/ gang gi phyir sgyu ma la yang btags pa ma yin pa'i cha yod
 pa'i phyir ro/ /'o na de ltar sgyu ma'i cha rnam par btags pa ma yin pa cig shos gang yin pa de bzhin du stong pa nyid ma yin par 'gyur ro zhe na/ de dgag pa'i phyir bshad pa/ sgyu ma'i bdag nyid ma brtags pa'ang/ /yang dag tu na log par 'dod/ /la
 la'i 'dod chags rgyu yin phyir/ /dper na btags pa de nyid bzhin/ zhes bya ba ni sgyu ma mkhan gyis sprul pa'i gzugs la sogs pa yang mi mkhas pa la la'i 'dod chags la sogs pa'i rgyu yin te/ ji ltar sgyu ma'i btags pa'i bdag nyid log pa yin pa
 de bzhin du btags pa ma yin pa'i bdag nyid kyang yang dag par na log pa nyid yin no/ /gal te de ltar na sgyu ma la btags pa ma yin pa'i bdag nyid kyang med pas khyod kyis dpe mdo zhe na/ de'i phyir bshad pa/ grags pa'i chas ni de grub phyir/ kho bo'i dpe ni med
 ma yin/ zhes bya ba ni de la yang gang pha rol la yod pa nyid du grags pa'i cha de dpe nyid du byas pas de grub pa'i phyir kho bo'i dpe med pa ma yin no yang na brtags pa dang brtags pa ma yin pa'i bdag nyid dpyad pa des ci bya ste/ dngos po 'di dag ni rnam
 pa thams cad du ngo bo nyid yod pa ma yin pa kho nar tshad ma nye bar sbyar bar bya ste/ yang na mig la sogs pa ni/ /yang dag tu na dngos nyid stong/ /byis pa nyid phyir 'jig nyid phyir/ /bdud kyis sprul pa'i sangs rgyas bzhin/ /zhes bya ba ni dper na bdud kyi khyim
 bdag dpa' bo'i khang par dgra bcom pa nye bar spas pa kha drang pa'i phyir/ sangs rgyas bcom ldan 'das kyi sku 'od zer gyi kha dog shin tu 'bar ba lta bu spyan me tog ud pa la'i 'dab ma ltar yangs shing sngo ba/ /dbu gtsug tor shin tu legs pas rnam par
 mdzes pa/ gsung dbyangs ka la bing ka ltar snyan pa/ yan lag dang nyid lag shin tu rnam par 'byes pa zhig mngon par sprul pa'i sku des yid dang/ mig 'phrog pa dang/ lha yul pa rmad du byung ba ltar kun tu snang du zin kyang byas pa nyid yin pa'i phyir dang/
 'jig pa'i chos can yin pa'i phyir ngo bo nyid dmigs su med pa de bzhin du mig la sogs pa yang rgyu dang rkyen las snang ba'i bdag nyid yin pa'i phyir snang yang ngo bo nyid med pas skye bo mi mkhas pa dag bslu bar byed pa yin no/ /'o na dngos po
 rnams kyi ngo bo nyid sra ba dang gshar ba dang/ tsha ba dang g.yo ba nyid pa sogs pa dag snang bzhin pa nyid ma yin nam zhe na/ bshad pa de dag kun rdzob kyi bden pa'i tshul gyis gzhan sel ba'i ngo bo nyid tsam la brten nas yod par zad de/ don dam pa ni ma yin no
 gang gi phyir zhe na/ dngos po rnams kyi dngos nyid gang/ /yang dag tu na dngos de med/ /byas phyir dper na chu yin ni/ /tsha ba nyid dang brtan nyid bzhin/ /zhes bya ba ni gzhan dag gis dngos po gang gis ngo bo nyid gang rnam par btags pa de ni yang dag
 bar na de'i ngo bo nyid yod pa ma yin te/ byas pa nyid yin pa'i phyir dper na/ chu la lan 'ga' tsha ba nyid dang/ bstan pa nyid du tha snyad gdags pa yod kyang de rtag tu de'i ngo bo nyid yin par shes par mi nus pa bzhin no/ /de'i phyir de ltar/ sgrub pa ji
 skad bstan pa'i mthus/ dngos rnams rang gi bdag nyid du/ skye bar 'thad pa ma yin pas/ /gzhan gyi dngos por mi skye ste/ ba lang bong phur ma mthong bzhin/ /zhes bya ba ni dper ni lkeg? shal dang mjug ma dang nog ma dang/ rmig pa dang rwa la sogs
 pa'i mtshan nyid dang ldan pa'i ba lang thal khung na 'gre pa dang/ du ba'i kha dog dang/ sgra bo che dang/ rmig pa gcig pa dang/ rna ba ring ba la sogs pa'i mtshan nyid dang ldan pa'i bong bu'i bdag nyid du 'gyur bar ma mthong ba bzhin no/ /'dir rang gi sde pa dag
 gis smras pa/ khyod kyi dngos po rnams gzhan las skye ba 'gog par byed pa ni khas blangs pa nyams te/ bcom ldan 'das kyis mdo sde las /rgyu'i rkyen dang/ dmigs pa'i rkyen dang/ de ma thag pa'i rkyen dang/ bdag po'i rkyen ces bya ba rkyen bzhi
 po dag bka' stsal te/ de la rgyu'i rkyen ni lhan cig 'byung ba'i rgyu dang skal pa mnyam pa'i rgyu dang mtshungs par ldan pa'i rgyu dang/ kun tu 'gro ba'i rgyu dang/ rnam par smin pa'i rgyu zhes bya ba rgyu lnga po dag go /dmigs pa'i rkyen ni chos thams cad
 do/ /de ma thag? pa'i rkyen sems dang sems las byung ba 'gags ma thag pa rnams las dgra bcom pa'i sems tha ma ma gtogs pa'o/ /bdag po'i rkyen ni byed pa'i rgyu ste/ de ltar rkyen bzhi po gzhan du gyur pa de dag las dngos po rnams skye bar
 'gyur ro zhes gsungs pa'i phyir ro/ /zhe na bshad pa rgyu la sogs pa rkyen gzhan las/ /skye ba kun rdzob tha snyad yin/ /de phyir khas blangs gnod pa med/ /de dag yang dag nyid ma yin/ /ji ltar na rgyu la sogs pa'i rkyen de dag ni don dam pa yin no zhe na/ de'i phyir
 bshad pa/ yod la rkyen rnams mi rigs te/ med la'ang mi rigs yod med phyir/ /de las gzhan bzhin rkyen ma skyes/ /rkyen rnams su ni ji ltar 'gyur/ /zhes bya ba ni 'di la rkyen de dag 'bras bu yod pa 'am med pa'i rkyen du 'gyur grang na/ de la re zhig 'bras
 bu yod pa la ni rkyen rnams mi rigs te/ yod pa'i phyir de las gzhan pa bum pa la sogs pa yongs su grub pa la 'jim pa'i gong bu la sogs pa'i rkyen rnams mi rigs pa bzhin no/ /'bras bu med pa la'ang rkyen rnams mi rigs te/ med pa'i phyir de las gzhan pa
 nam mkha' i me tog la sogs pa med pa la chu la sogs pa'i rkyen rnams mi rigs pa bzhin no/ /yang na bdag dang gzhan dang gnyi ga dang rgyu med pa las skye ba med par brtags zin pa'i phyir/ rkyen ma skyes pa rnams dngos po gzhan ma skyes pa gang gi rkyen rnams
 su ji ltar 'gyur/ gzhan yang rgyu ni sgrub par byed na rgyu yin par 'dod na de ni sgrub par byed pa nyid du mi 'thad do/ /ji ltar zhe na/ rgyu ni 'bras bu bskyed ma yin/ /de yis stong phyir de gzhan bzhin/ /skye bar 'dod pa'ang nges bskyed min/ /snga na med phyir
 de gzhan bzhin/ /zhes bya ba ni gang zhig gang gis stong ba de ni de bskyed pa ma yin te/ dper na bum pa la sogs pa myu gu bskyed pa ma yin pa bzhin no/ /gang zhig gang na med pa de ni de las skye bar 'dod pa yin par mi rigs te/ dper na 'jim
 pa'i gong bu las snam bu skye par ma rigs pa bzhin no/ /yang na ji skad bstan pa'i tshul gyis/ /des ni skyes dang ma skyes dang/ /skye bzhin skyed par mi byed de/ /nyes pa bstan phyir ma skyes pa'i/ /rgyu ni yang dag nyid ma yin/ /de ltar re zhig rgyu'i 
 rkyen mi 'thad do/ /dmigs pa'i rkyen dgag pa'i phyir bshad pa/ skye pa dmigs pa mi 'thad de/ /skyes la'ang skye ba don med phyir/ /ma skyes pa'ang ma skyes phyir/ /dper na mi skye chos bzhin no/ /zhes bya ba la dmigs pa zhes bya ba ni de
 dmigs par bya ba yin pas dmigs pa ste/ gzung ba zhes bya ba'i tha tshig go /de la mig la sogs pa'i rnam par shes pa dmigs par byed pa skyes pa 'am ma skyes pa 'am/ skye bzhin pa zhig gzugs la sogs pa'i dmigs pa dang phrad grang na/
 de la re zhig skyes pa ni dmigs pa dang mi phrad de/ /skyes pa la'ang skye ba de ni med pa'i phyir ro/ /ma skyes pa yang dmigs pa dang mi phrad de/ ma skyes ba'i phyir dper na mo gsham bu'i mig la sogs pa'i rnam par shes pa mi skye ba'i chos dag dmigs pa
 dang mi phrad pa bzhin no/ /skye bzhin pa yang skye bzhin phrad par 'gyur snyam na/ /de yang dmigs pa med par med/ /ces bya ba la ni skye ba bzhin pa zhes bya ba ni skyes pa dang/ ma skyes pa'i rang bzhin gnyi ga'i bdag nyid de/ de yang dmigs pa dang phrad
 pa med de/ gang gi phyir zhe na/ de la dmigs pa nye bar gyur pa med de/ rang gi bdag nyid ma thob pa'i phyir ro/ /gal te skye bzhin pa de la skye ba'i bya ba zhugs nas bdag nyid thob pa'i tshen de dmigs pa dang phrad par 'gyur ro zhe na/ bshad pa
 yan lag ma tshang ba la ni/ /skye ba'i bya ba 'jug mi 'dod/ /ces bya ba la bya ba ni rtags yod pa tsam du gzung nas dngos po thams cad la brten te/ gnas pa yin na gal te skye bzhin pa ni cung zhig skyes ba dang cung? zhig ma skyes pa yin paS de?  skye ba'i bya ba ji ltar 'jug ste/ yod
 ba dang med pa'i bdag nyid yin pa'i phyir ro/ /ci ste 'di snyam du lung las dmigs pa dang bcas pa'i chos rnams gang zhe na/ sems dang sems las byung ba rnams so/ /dmigs pa med pa'i chos rnams gang zhe na/ gzugs dang mya ngan las 'das pa'o/ /zhes
 gsungs pas sems dang sems las byung ba rnams la dmigs pa yod pa kho na yin par sems na bshad pa/ yang na sems dang sems byung rnams/ /yang dag dmigs pa yod mi 'dod/ /skye bzhin phyir dang gzung ba'i phyir/ /dper na gzugs la sogs pa
 bzhin/ /zhes bya ba la skye bzhin pa dmigs dang phrad par sems na de'i dus na dmigs par byed pa sems dang sems las byun ba rnams kyang skye bzhin pa yin la dmigs pa gzugs la sogs pa dag kyang skye bzhin pa bzhin te/ skye bzhin par 'dra ba de la sems rang semS
 las byung ba rnaMs la ni dmiD pa'i rkyen yod par 'dod la/ gzuD la soD pa dgal ni dmiD pa'i rkyen yod par mi 'dod pa 'di la gang na? tshiD kyi kyi khyad par ci yod de/ de'i phyir dmiD pa'i rkyen du brtag pa ni kun rdzob pa yin gyi don dam pa la ma yin no/ /yang na de dag dmigs bcas pa/ /dus gcig phyir na de mi
 rung/ /zhes bya ba ni sems dang sems las byung ba'i tshogs dmigs pa dang bcas pa de dag gzugs la sogs pa dmigs pa dang phrad par sem na de la dus tha dad ba med de/ ba lang gi rwa g.yas g.yon bzhin pas dmigs par byed pa dang
 dmigs par brtag pa de mi rung ngo/ /de ltar dmigs pa yod min pas/ gang zhig gang gis dmigs par 'gyur/ /zhes bya ba ni gang yang gang gi dmigs par mi 'thad pa nyid do zhes bya ba'i tshig gi don to/ /de ltar dmigs pa'i rkyen yang mi 'thad do/ /de
 ma thag pa'i rkyen yang 'gag pa med pa'i phyir mi 'thad de/ ji ltar zhe na/ ma skyes pa la 'gag med de/ /ma skyes nyid phyir mkha' min bzhin/ /zhes bya ba ni 'gag pa ni skye ba la bltos pa yin na/ skye ba med pa'i phyir 'gag pa yang med do/ /'gag
 pa la yang 'gag med de/ /'gags phyir dper na shi ba bzhin/ /zhes bya ba ni shi ba la yang 'chi ba med pa bzhin no/ /ma 'gag pa la'ang ma 'gags phyir/ /da ltar 'jug pa'i mar me bzhin/ /zhes bya ba ni 'gags pa med do zhes bya ba'i tshig gi
 ma ste/ gal te ma 'gags pa la 'gag pa yod par gyur na ni mar me 'bar bzhin pa gsal bar bya ba gsal bar byed nus pa yang 'gags pa bzhin du 'gyur ro/ /'gag bzhin pa la'ang mi 'dod de/ 'gag pa gong du bstan phyir ro/ /
 zhes bya ba la 'gag pa bzhin pa ni gang gi cung zad ni 'gags/ /cung zad ni ma 'gags pa yin na 'gags pa dang/ ma 'gags pa gnyis la ni 'gag pa mi 'thad de/ skyon ji skad bstan pa nyid kyi phyir ro/ /ci ste 'di snyam du rgyu dang rkyen so sor nges pa'i
 dbang gis dngos po skye bzhin pa la ni 'gag bzhin ba phan 'dogs pa yin ba'i phyir de las gzhan pa 'das pa'i skad cig mas bar du mchod pa'i 'gag bzhin pa ni de ma thag pa'i rkyen yin par sems na bshad pa/ de yang dus mnyam nyid gcig gam/
 yang na dus gzhan 'gyur grang na/ /mi rigs 'gag bzhin yin pa'i phyir/ /dgra bcom sems kyi tha ma bzhin/ /zhes bya ba ni de lta na yang de ma thag pa'i rkyen 'gag bzhin pa ni des bskyed pa'i dngos po skye bzhin pa'i de ma thag pa'i rkyen du mi rigs te/ dus
 mnyam pa'i phyir skyon sngar bstan pa'i phyir ro/ /yang na dus tha dad par gyur na yang de de ma thag pa'i rkyen yang mi 'thad de/ /'gag bzhin pa yin pa'i phyir dgra bcom pa yang 'byung ba'i srid pa zad pa nyid mtshams sbyor ba mi bzod pa mya ngan las
 'das pa'i sems kyi skad cig ma tha ma bzhin no/ /de ltar de ma thag pa'i rkyen yang mi 'thad do/ /da ni bdag po'i rkyen bdag po'i go rim la bab pas/ de'i phyir bshad pa/ dngos po yod pa don dam du/ /mi rigs skye ba med pa'i phyir/ /mo gsham bu'i
 yod pa bzhin/ /de'i phyir bdag po med par 'dod/ /ces bya ba la bdag po'i rkyen zhes bya ba ni gang yod na gang 'byung ba de yin par 'dod na/ 'di la gang yod na zhes bya ba'i dngos po de don dam par skye ba med par bstan pa'i phyir bdag nyid kyi dngos
 po ma thob ste/ mo gsham gyi bu dang 'dra ba yin na de gang 'byung ba zhes bya ba gzhan gyi rkyen du ji ltar 'gyur te/ de'i phyir bdag po yang mi 'thad do/ /gzhan yang 'bras bu stong ngam mi stong pa'i/ /rkyen zhig bdag por 'gyur grang na/ /zhes bya ba de la re zhig/
 stong pa ma yin des stong phyir/ /dper na mig gi sgra blo'i bzhin/ /zhes bya ba ni dper na mig sgra'i rnam par shes pas stong pa ni sgra'i rnam par shes pas stong pa'i rkyen ma yin te/ sgra'i rnam par shes pa'i 'bras bu des stong pa'i phyir ro/ /zhes bya ba de bzhin du
 mig mig gis rnam par shes pas stong pa yang mig gi rnam par shes pa'i bdag po'i rkyen ma yin te/ des stong pa'i phyir ro mig stong pa zhes bya ba la kun rdzob tu yang grags pa'i gnod par 'gyur te/ gang gi phyir zhe na/ sbyang la sogs na gnas pa yi/ /rgyu
 tsam yod pa nyi tshe la/ /gnas la sogs pa'i myu gu la sogs pa 'bras bu skye bar ma mthong ba'i phyir ro/ /zhes bya bar bsams so/ /skyon gzhan 'di yang yod de/ 'bras bu 'bras bur mi 'gyur zhing/ /med pa khyod la 'bra bur 'gyur/ /zhes bya ba la
 'bras bu zhes bya ba ni bya bI phyir 'bras bu yin na gal te rgyu la 'bras bu des mi stong na de la yang bya ba med pa'i phyir snga na yod pa 'bras bu yin par 'dod pa de yang 'bras bur mi 'gyur zhing gzhan zhig phyis byed pa des na med pa gzhan cung zad cig khyod kyi phyoD
 la 'bras bu yin par 'gyur ro/ /'di snyam du rgyu la 'bras bu nus par yod pa de ny+d la 'bras bu zhes nye bar gdags te/ nges rgyu mi stong pa kho na yin no/ /gang gi phyir zhe na/ bum pa'i don du 'jim pa kho na len par byed kyi bye ma dag ni mi len te/ nus
 pas stong pa'i phyir ro/ /zhes bya bar sems ni bshad pa/ gal te 'bras bu'i nus 'bras nas/ /de las gzhan pa'i rgyu ci yod/ /de la gzhan pa ma yin la/ gzhi dang bzhag pa'i dngos mi 'dod/ /ces bya ba ni gal te 'bras bu'i nus pa gang kho na yin pa de
 nyid 'bras bu yin na 'bra sbu'i nus pa las gzhan pa'i rgyu zhes bya ba ci zhig yod de/ gang gi phyir de las gzhan ma yin na gzhi dang bzhag pa'i dngos por rtag tu yang mi rung ste/ dper na dug dang chad dag las dgu dang chang gi
 nus pa tha mi dad pa bzhin du gzhi dang bzhag pa'i dngos po med par 'gyur ro/ /ci ste gzhan ma yin yang sla ste/ 'bras bu'i ming tsam nyid la ni/ /dper na nam mkha' la mkha' gnas bzhin/ /zhes bya ba ni dper na gzhan ma yin yang nam mkha' la nam mkha' 
 gnas so zhes bya ba la gzhi dang bzhag pa'i dngos po nye bar gdags su rung ba de bzhin du/ gal te rgyu la 'bras bu'i nus pa gzhan ma yin yang rgyu la 'bras bu'i nus pa yod do zhes nye bar gdags su rung ngo zhe na/ de ni kho bo cag kun rdzob par 'dod
 ba yin no/ /gal te de nyid rgyu yin na/ /gang gis mi stong de cir yod/ /gang zhig gang gis zhes bya ba ni/ /gal te 'bras bu'i bdag nyid de rgyu yin na ni de lta na/ khyed cag 'bras bu gang gis mi stong pa de rgyu yin par 'dod pa'i 'bras bu zhes
 bya ba te las gzhan pa ci zhig yin par 'dod gzhan yang/ yod la skye ba med pa'i phyir/ /gang zhig gang gi bdag por 'dod/ /med la rkyen yang med pa'i phyir/ /gang zhig gang gi bdag phor? 'dod/ /ces bya ba ni gal te 'bras bu yod pa nyid
 yin pa'i phyir bum pa la sogs pa yongs su grub pa dag la skye ba med pa bzhin du skye ba med pa'i phyir rgyu gang zhig 'bras bu gang gi bdag po yin par 'dod gal te 'bras bu med pa nyid yin na ni de med pa nyid yin pa'i phyir nam mkha' i me tog
 la sogs pa med pa dag la rkyen rnams med pa bzhin du rkyen med pa'i phyir/ rgyu gang zhig 'bras bu gang gi bdag po'i rkyen du 'dod/ /'dir pha rol po'i rgol pa'i skabs snang nas slob dpon gyis bshad pa/ gal te bum sogs skyes mthong bas/ /mthong
 la gtan tshigs don med de/ /mngon sum dang ni grags pa yis/ /gnod ps gnod par 'gyur zhe na/ zhes bya ba ni gal te kha cig 'di skad ces/ bum pa la sogs pa dag 'jim pa dang dbyug gu dang 'khor lo dang srang bu dang chu dan/ rdza mkhan gyi 'dod pa la sogs
 pa'i rkyen rnams kyi mngon par bsgrubS pa skyes pa yin par mig la sogs pas mthong bas dbang po rnams kyis mthong ba d la ni khyod kyis smras pa gtan tshigs don med de/ gang gi phyir zhe na/ mthong bas lhag pa'i tshad ma gzhan med pa'i phyir te/ gang zhig
 pa lang rwa med de/ srog chags yin pa'i phyir rta bzhin no zhes zer ba de la mngon sum gyi gnod par 'gyur ba bzhin du khyod la re zhig de bzhin du 'gyur ro/ /de bzhin du ri khrod pa yang chad dang gdol pa yan chad dang ba lang rdzi yang chad la yang 'di lta ste/ bum pa
 la sogs pa dag skyes par grags pas de'i phyir khyod la grags pa'i gnod par yang 'gyur ro zhe na/ 'dir bshad pa/ bum pa la sogs skye ba dag /byis pa'i blo dang mthun mthong ba/ /gang phyir de ni mi 'gog pas/ /de phyir ji skad smras skyon med/ /ces bya ba
 ni bum pa la sogs pa'i skye ba bdag dang gzhan dang gnyi ga dang rgyu med pa dang/ yod pa dang med pa la sogs pa dpyad pa dang bral ba sgyu ma dang smig rgyu dang/ dri za'i gron khyer la sogs pa'i skye ba snang ba lta bu byis pa'i skye bo'i blo dang mthun par mthong ba d ni
 kun rdzob gyi tshul du yod pas byis pa'i blo dang mthun par mthong ba de ni ma bkag ste/ 'di ltar don dam pa pa'i blo rtog pa'i skyon gyis dri ma ma lus pa spong bar bzod pas brtags na mi rigs par bstan pas de'i phyir mngon sum dang grags pa'i gnod pa ji
 skad smras pa'i skyon med do/ /de ltar spyir lan btab nas/ da ni khyad par brjod par bya ste/ 'di la mngon sum du smras paS ni re zhig mngon sum nyid mngon sum gyi sgo na nges par gzung nas de'i gnod pas brgal bar bya ba yin na mngon sum yang kun rdzob pa yin paS
 don dam ba pa ma yin no/ /ji ltar zhe na/ gzugs la dmigs pa'i blo la ni/ /yang dag tu na rang rig med/ /de ma skyes phyir kho bo la/ /de'i gnod pa med phyir ro/ /zhes bya ba ni shes bya dang de la 'jug pa skye ba med par bstan pa'i phyir dang
 'du byed kyi tshogs g.yo ba med pa'i phyir dang/ dbang po rnams blun pa nyid kyi phyir gcig gis yul 'dzin par yang mi nus la/ tshogs pa las byun ba'i blo yang kun rdzob pa yin pa'i phyir gang zhig gang gi mngon sum du 'gyur na des kho bo la gnod
 par 'gyur/ /zhes don bsdu ba ni de yin no/ /yang na de'i mngon sum 'di ltar mi rung ste/ mngon sum blo ni don dam du/ don bzhin nyid du mi rigs te/ /byis pa'i blo dang khyad med phyir/ /mgal me'i 'khor lo'i blo bzhin no/ /zhes bya ba la byis pa'i
 blo dang khyad med phyir/ /zhes bya ba ni rang rig pa nyid dang bstan du med ba nyid ga? rnaM par rtog pa med pa nyid ni byis pa dang/ 'phags pa'i blo la khyad par med pa'i phyir ro/ /dngos po rang gi ngo bo snang ba tsam gyis spyod yul dang ldan pa'i phyir mgal me la 'khor lor snang
 bar gyur ba'i blo rtog pa med pa bzhin no/ /de yi spyod yul dngos med de/ /'dus byas yin phyir bdag blo bzhin/ /zhes bya ba ni mngon sum gyi blo'i spyod yul gyi gzugs bstan du med pa yang dngos po ma yin te/ 'dus byas yin pa'i phyir bdag
 gi blo bzhin no/ /gzhan yang/ gzugs la sogs pa rdzas min phyir/ /nged la mngon sum gnod pa med/ /ces bya ba ni gzugs la sogs pa rdzas brgyad 'dus pa dang/ de la dmigs pa'i blo dag ni dmag dang naD? tshal la sogs pa'i blo
 bzhin du rdzas su yod pa ma yin pas de ltar mngon sum med pa'i phyir/ kho bo cag la de'i gnod pa med do/ /kho bo cag la grags pa'i gnod pa yang med de/ gang gi phyir zhe na/ /mkhas pa'i tshul la dpyad pa la/ grags pa'i gnong pa yod
 ma yin/ /de nyid la ni ma rig pa'i/ /ling tog? mdongs ba'i tshig skabs min/ /zhes bya ba ni dper na mig thogs pa med cing dri ma med pas yongs su brtags pa'i don rin po che mrgad dang/ baiDUrya la sogs pa rin po che brtag pa dag la dmus long rnams dang/ rab rib kyi
 mig nyams pa rnams kyi skabs ma yin gyi /de la blo gsal ba dang/ mig dang ldan pa rnams kyi skabs yin pa de bzhin du/ stong pa nyid kyi lta ba'i mig sman gyis yongs su spyangs pa'i rigs pa dri ma med pa'i mig yangs pa dang ldan pa'i mkhas pa rnams kyi skabS
 yin gyi/ ma rig pa'i ling tog gis rmongs pa dang/ dngos po'i rang gi ngo bo mthong bar mi nus pa rab rib can 'dra ba khams gsum pa'i dngos po sna tshogs la rtog pa yang dag pa ma yin pa'i kun tu rtog pas kun nas bslang ba'i dri mas blo gros kyi mig dkugs pa
 mi mkhas pa rnams kyi tshig gi skabs med pas grags pa'i gnod par 'gyur re skan/ /de ltar gzhan las skye ba bkag pa'i zhar las 'ongs pa dag yongs su rdzogs par byas nas/ yang grang can 'bra bu sng ma yod par smra ba dag gi phyir bshad pa/ /yod la'ang skye bar
 mi 'dod de/ yod pa ci phyir skye bar 'gyur/ zhes bya ba ni 'byung ba'i mtshan nyid dang ldan pa ni skye pa yin na yod pa la ni 'byung ba med do zhes bya ba'i tha tshig go /ci ste 'di snyam du rgyu la 'bras bu nus pa'i bdag nyid du yod pa de rkyen rnams kyis rags pa nyid du
 sgrub par sems na bshad pa/ /yod pa rags par mi byed de/ /snga na med dang phyis 'byung phyir/ /zhes bya ba ni do lta na yang 'bras bu snga na med par gyur pa yin te/ rags pa nyid snga na med pa'i phyir ro/ /dper na shing n+ya gro da yi sa bon chung ngu la shing n+ya gro da zhes
 bya pa'i sdong po yal ga dang yal ga phra mo du mas rgyas pa'i rang gi ngo bo yod pa ma yin pas de'i phyir de snga ma yod pa ma yin pa'i phyir dang/ phyis 'byung ba'i phyir de yod do zhes bya bar mi rigs so/ /gzhan yang mig gi rags pa nyid gang yin/ /de ni 
 rkyen gyis ma byas te/ /snga na med phyir rdza ma bzhin/ /shes bya yin phyir za po bzhin/ /zhes bya ba ni gal te rkyen rnams la 'bras bu rags pa nyid ces bya ba snga na med pa skyed pa'i mthu yod na ni mig gi rkyen gyi 'byung ba chen po rnams kyis kyang
 mig la sogs pa las gzhan pa rdza ma la sogs pa dag ci'i phyir mi byed/ yang na dper na skyes bu shes bya yang yin la nus pa'i bdag nyid du yang yod mod kyi/ des gang yang rags pa nyid du mi byed pa de bzhin du mig la sogs pa la yang thal bar
 'gyur ro/ /'di snyam du khyod ni bdag med par smra ba yin la khyod kyis za ba po'i dpe nyid du byas pa ni rang la dpe ma grub par sems na bshad pa/ za po la sogs kun rdzob tu/ /thun mong yin par 'dod pa'i phyir/ /de phyir ded la gang du yang/ /dpe ni
 skyon du 'gyur du med/ /ces bya ba ni 'di ltar kho bo cag kyang lus dang dbang po dang blo'i tshogs kyi yan lag gang yang rung ba shas che bar 'jug pa la bltos nas/ /za ba po zhes bya ba la sogs pa'i tha snyad kun rdzob tu phung po dang/ khams dang/ skye mched
 kyi yul dag la tha snyad gdags pa thun mong du grub pas de'i phyir kho bo cag la tshad ma gang du yang rang la dpe ma grub pa skyon du 'gyur ba med de kho bos kun rdzob kho nar tshad ma rnam par bzhag par byas kyi don dam par ni ma yin te/ de ni brjod du
 med pa yin pa'i phyir ro// //dbu ma'i snying po'i 'grel pa rtog 'bar ba/ bam po brgyad pa/ /'dir grangs can dag nyid las mngon bar gsal bar smra ba kha cig phyir zlog par byed de/ gang dag gi dngos po rnams skye
 bar btags pa de dag nyid la skyon der 'gyur gyi/ kho bo cag ni bum pa la sogs pa dngos po rnams 'dzim pa la sogs pa dag la yod pa nyid rkyen rnams kyi mngon par gsal bar byed par smra bas kho bo cag la skyon de lta bur mi 'gyur ro zhe na/
 de la phyir 'di skad ces brjod par bya ste/ gal te gsal ba skyon med na/ gang gis ci gsal ji lta bu/ /gal te de dag 'di skad ces/ dper na mar me'i bum pa bzhin/ /zhes zer na de la bshad pa yod na mngon gsal byed phyir ro/ /zhes bya ba ni 'di ltar dngos po skyes shing
 yod pa nyid la yod pa gzhan gyis mngon par gsal bar byed pa ni rigs grangs na/ 'di la ni ma skyes par bstan pas ji ltar na bum pa ma skyes pa mar me ma skyes pas mngon par gsal bar byed de/ gang gi phyir sgyu ma'i skyes bum skyes shing med pa ni nam mkha' i
 me tog la sogs pa ma skyes shing med pa dag gis mngon par gsal bar byed par mi rigs pa'i phyir ro/ /de yod pa nyid du khas blangs su zin kyang tha snyad kyi bden pa'i tshul gyis bshad pa/ kun rdzob tu 'ang mar mes ni/ /bum pa snang dang bcas pa dang/ /
 de yi blo'am gnyen po dag/ skye bar byed pa nyid yin no/ /zhes bya ba ni kho bo cag gi phyogs la bum pa zhes bya ba ni 'byung ba dang/ 'byung ba las gyur pa'i tshogs yin pas kun rdzob tu yang mar me nye bar gyur pas ni bum pa snang ba dang bcas pa sngon ma skyes
 pa gdong ma skye bar byed pa nyid yin gyi/ skyes pa mngon par gsal bar byed pa ni ma yin no/ /gal te bum pa de sngon blo'i gzung ba nyid du ma gyur pa yin la/ phyis mar mes de blo'i gzung ba nyid du gyur par byed na ni/ de lta na mar mes de'i blo de nyid
 sngon med bskyod par byed pa yin gyi/ de'i blo snga na yod pa mngon par gsal bar byed pa ma yin no/ /ci ste mun pa'i nang na bum pa mig gi rnam par shes pa'i gzung ba nyid du med par gyur pa mar mes mig gi rnam par shes pa'i gzung ba nyid du yod par byed na
 yang de nyid snga na med pa yod par byed pa yin gyi/ yod pa mngon par gsal bar byed pa ni ma yin no/ /ci ste bum pa bzung ba'i mi mthun pa'i phyogs kyi mun pa yod pa mar mes sel bar byed do zhe na de lta na yang mun pa'i gnyen po snang ba dag snga na med pa
 nyid mar mes skye bar byed pa nyid yin gyis/ gnyen po snga na med pa dag phyis mngon par gsal bar byed pa ma yin te/ ci ste bum pa gzung bar snang ba nyid snga na yod na mar mes ci bya/ gzhan yang chen po la sogs pa mngon
 par mi gsal ba dag gsal bar byed do zhe na/ de yang mi 'thad de ji ltar zhe na/ mngon par mi gsal gsal mi byed/ /mi gsal phyir na mkha' mi na bzhin/ /rang tshul gyis kyang dper bya na/ /gtso bo za po bzhin du bstan/ /zhes bya ba ni grangs can
 dag nyid kyi rang gi tshul gyis kyang dper na byan snying stobs dang rdul dang mun pa cha mnyam pa mi gsal ba ni gtso bo ste/ rang bzhin yin la de bzhin du za ba po skyes bu zhes bya ba yang ma skyes pa'i phyir/ mngon par mi gsal ba yin pas
 gsal bar mi byed pa de bzhin du chen po la sogs pa mngon par mi gsal ba la yang gsal bar mi byed de/ mi gsal ba'i phyir ro zhes bstan to/ /ci ste rnam pa 'ga' zhig gis za ba po yang gsal bar bya ba yin par rtog na de lta
 na/ gal te de yang mngon gsal na za po kun 'gro ma zhing/ rgyu med ma yin shes yod min/ /mi gsal ba yang nyams par 'gyur/ /zhes bya ba ni gal te za ba po de yang mngon par gsal bar bya ba yin na/ za ba po da yang bum pa la sogs pa bzhin
 du/ kun tu 'gro ba ma yin pa dang/ rgyu med pa ma yin pa dang/ shes pa yod pa nyid ma yin pa dang/ za pa po'i ngo bo nyid mi gsal ba zhes bya ba bar? nyis par 'gyur ro/ /gtso bo yang mngon par gsal bar bya ba nyid du rtog na de lta na/ gal te gtso
 po mngon gsal na/ /khyod kyi gtso bo bya ba dang/ /dpag yod gsal bar thal 'gyur te/ /de ni de dag min par gregs/ /zhes bya ba ni gal te gtso bo yang mngon par gsal bar bya ba yin na khyod kyi gtso bo bya ba nyid dang/ dpag tu yod pa nyi dang/
 gsal ba nyid yin par thar bar 'gyur te/ gtso bo de ni ma byas pa dang thams cad du song ba dang/ mi gsal ba yin pas byang ba dang dpag tu yod pa dang gsal bar de dag ma yin par khyed nyid la grags pa dang 'gal lo/ /gsal bar byed pa yang mi 'thad de /ji ltar
 zhe na/ gang gis gsal byed gang dag 'dod/ /de dag de gsal byed mi 'dod/ /rgyu nyid la sogs gtan tshigs kyis/ /rgyu spun la sogs zho'i min bzhin/ /zhes bya ba ni myu gu la sogs pa gang gis gsal byed sa la sogs pa rkyen gang dag yin par 'dod pa
 de dag ni gsal bar byed pa yin par mi 'dod de/ ci'i phyir zhe na/ rgyu nyid la sogs pa yin pa'i gtan tshigs kyis te/ rgyu nyid yin pa'i phyir dang dngos po nyid yin pa'i phyir dang/ shes bya nyid yin pa'i phyir ro/ /dpe ji lta bu zhe na/ rgyu spun la sogs pa
 zho'i gsal bar byed pa ma yin pa bzhin te/ dper na 'o ma las zhor 'gyur ba'i gsal bar byed pa snam bu la sogs pa mngon par sgrub pa'i rgyu spun dang/ tshig pa dang thag zangs dang 'ul bu la sogs pa dag ma yin pa bzhin no/ /gal te 'di snyam du
 rgyu spun la sogs pa dag la yang rnam grangs gzhan gyis na zho la sogs pa dngos po dag mngon par gsal bar byed pa'i nus pa nyid yod de/ gang gi phyir zhe na/ rgyu spun la sogs pa gang dag yin pa de dag 'jig pa'i bskal pas zhig nas yang phyir
 chags pa'i bskal pas phyir chags pa'i tshe na rkyen gzhan dag gis mngon par gsal bar byed pas zho la sogs pa'i dngos po gzhan dag mngon par gsal bar byed par 'gyur ba'i dus de lta bu yang yod pas dbu ma pa'i dpe med par sems na de'i
 phyir bshad pa/ gal te rgyu spun la sogs pa'ang/ de nus yod phyir dper med na/ de min rgyu spun la sogs dngos/ /de dag de gsal byed min phyir/ /zhes bya ba ni gal te rgyu spun la sogs pa dag rnams grangs gzhan gyis zho la sogs pa'i gsal bar
 byed pa nyid du 'gyur pa yod du zin na yang rgyu spun la sogs pas rgyu spun la sogs pa dngos kyi ngo bo nyid de dag gis zho zhes bya ba la sogs pa'i 'bras bu de gsal bar byed pa ma yin te/ ji ltar yang mi srid pa'i phyir dang gang
 du yang ma mthong bas de'i phyir kho bo'i dpe med pa ma yin no/ /grangs can dag las kha cig sa la sogs pa rnam par phye ba dang/ sa bon gyi mtshan nyid rnam par ma phye ba'i byed rgyu dag las 'bras bu skye bar sems pa de dag ni bdag dang gzhan las skye bar
 smra ba la gcer bu pa dag kyang gser dang me la sogs pa las gser gyi sor gdub bdag dang gzhan las skye bar sems pa de dag nyid kyang 'bras bu snga na yod pa dang med par smra ste/ 'di ltar sor gdub ces bya ba'i 'bras bu de ma thog tu 'byung
 pa'i phyir ni snga na yod pa yin la rang gi bdag nyid ma thob pa'i phyir ni snga na med pa yin par smra'o/ /de dag gi phyir bshad pa/ bdag dang gzhan las skye ba dang/ bdag nyid yod dang med mi 'dod/ /gnyi gar smra ba yod min te/ /rigs pas gong du
 bstan phyir ro/ /zhes bya ba ni gnyi gar smra ba dag kyang 'gal pa'i skyon yod pa'i phyir mi 'thad de/ gal te bdag las na ni ji ltar na gzhan las yin 'on te gzhan las na ni de lta na bdag las zhes bya ba 'di dang 'gal lo/ /so sor yang bdag
 las gzhan las bya ba'i ji ltar sngar bkag pa de kho na bzhin du brjod par bya'o/ /yang gzhan yang kun rdzob tu yang 'bras phu ni/ /rkyen rnams kyis ni gsal mi 'dod/ /de zhig bar du rjes sgrub phyir/ /sa la sogs pas bum pa bzhin/ /zhes
 bya ba ni 'di la tshad ma thams cad don dam pa pa yin pa las tshad ma 'di ni kun rdzob tu yang gzhan gyis yongs su btags pa'i mngon par gsal ba 'gog par byed pa yin te/ 'jim pa la sogs? pa ni bum pa zhig pa'i mthar thug gi bar du rjes su
 'brel bar sgrub pa nyid yin pas/ /de'i phyir de de bzhin du 'bras bu gzhan dag gi mngon par gsal bar byed pa yin pa mi rigs te/ gang gi phyir zhe na/ mngon par gsal ba zhes bya ba ni dngos po'i rjes su gtan du 'brel par sgrub pa ma yin te/ mar me bum pa'i
 rjes su gtan du sgrub pa ma yin pa bzhin la 'bras bu ni zhig pa'i mthar thug gi bar du yang yan lag dang yan lag can gyi dngos pos rtag par dngos po'i rjes su 'brel par sgrub pa yin pa'i phyir mngon par gsal ba dang/ 'bras bu la khyad par de yod do//
 de ltar na dngos po rnams bdag dang gzhan gnyi ga las kyang skye ba med do/ /'dir 'jig rten rgyad pan pa dag gis smras pa/ dngos po rnams bdag dang gzhan dang gnyi ga las skye ba med pa ni bden mod kyi/ 'on kyang nang gi skye mched kyi dngos po rnams ni
 rgyu dang rkyen la mi bltos par ngo bo nyid kho na las skye bar dam 'cha' ste /bsal ba med pas byas pa'i dngos po sna tshogs mngon par 'grub pa snang ba'i phyir dper na/ pad+ma ze ba kha dog gsar pa yid tsam ser zhing dmar pa/ dri zhim po dang/ ze'u 'bru
 mdzes pa dang lo ma 'jam pa dang/ sdong bu rtsub pa dang ldan pa dag dang/ rma bya mjug sgro'i tshogs zla gam sna tshogs gsal pa mang po dang/ lus kyi sgro gshog sdo zhing 'tshor ba bag can dang ldan pa dag dang/ tsher ma rtse mo ma gzhogs pa rno zhing
 rtsub pa dang ldan pa dag bzhin no zhe na/ de dag gi phyir 'di skad bshad par bya ste/ mig ni kun rdzob nyid du yang/ /glo bur skye bar mi 'dod de/ /spyi dang khyad par ldan pa'i phyir/ /de ni dper ni bum pa bzhin/ /zhes bya pa ni 'di ltar 'jig rten na nang dang
 phyi rol gyi dngos po gang la rgyu mi snang pa de ni 'ga' yang med de/ re zhig pad+ma la sogs pa ying chu dang rdzab dang sa bon la sogs pa'i rgyu dag dang ldan no/ /de bzhin du 'jig rten ni sems kyis bris so zhes brjod pas rma bya la sogs pa yang sems pas
 mngon par 'dus byas pas sna tshogs su bkra'o/ /tsher ma la sogs pa rtsub pa dang me tog la sogs pa 'jam pa yang sems can rnams kyi las kyi dbang nyid las 'gyur ro/ /de bzhin du mig kyang khu chu dang khrag dang mer mer po
 la sogs pa dang/ 'byung ba chen po dag gi rgyu las byung ba nyid yin pas kun rdzob kyi bden pa'i tshul nyid du yang glo bur du skye bar mi 'dod de/ mi rtag pa la sogs pa spyi'i mtshan nyid dang ldan pa'i phyir dang/ mig la sogs pa ni 'byung ba las
 gyur pa'i gzugs dang ldan pa'i bdag nyid de zhes bya ba'i khyad par gyi mtshan nyid dang ldan pa'i phyir de ni dper na bum pa bzhin te/ bum pa yang mi rtag pa la sogs spyi'i mtshan nyid dang ldan pa dang/ gsus pa che ba dang kha yangs pa dang/ dbyibS?
 zlum pa la sogs pa'i khyad par gyi mtshan nyid dang ldan pa'i phyir kun rdzob nyid du yang glo bur du skye bar mi 'dod pa bzhin no/ /gzhan yang 'bras bu yin phyir rim skye'i phyir/ /'jig pa'i phyir dang yongs 'gyur phyir/ /rgyu rkyen nges pa'i phyir
 dang ni/ /skye ba'i phyir yang shes par bya/ /zhes bya ba ni bum pa bzhin no/ /zhes bya ba'i tshig gi lhag ma'o/ /de la 'bras bu zhes bya ba'i phyir 'bras bu'o/ /rim skye zhes bya ba ni rgyu dang rkyen tshogs pa'i dus su skye ba'o/ /'jig pa zhes bya ba ni chud
 za ba'o/ /yongs 'gyur zhes bya ba ni gzhan du 'gyur pa'o/ /rgyu rkyen nges pa zhes bya ba ni rgyu dang rkyen so sor nges par snang ba las 'bras bu nges par 'byung ba'o/ /skye ba zhes bya ba ni mngon par grub pa'o/ /dngos po de dag ni 'bras bu yin pa'i
 phyir zhes bya ba la sogs pa'i gtan tshigs dag gis bum pa bzhin du kun rdzob kyi bden pa'i tshul nyid du yang rgyu med pa las glo bur du skye ba ma yin par nges so/ /'dir med par smra ba dag dbu ma pa la dpe'i skyon 'dogs pa'i rgyu thabS kyis
 'jig rten snga ma dgag par yang sems na phyir ldog par byed de/ khyed dbu ma pa ni 'jim gong dang glebs pa dang/ bskor ba la sogs pa'i rim gyis bum pa mngon par 'grub par ces grags pas de dpe nyid du ston par byed de/ kho bo cag ni 'jim gong ni
 'jim gong gi rang bzhin nyid du 'gags pas yang skye ba med la de bzhin du glebs pa dang/ bskor ba la sogs pa yang de dag gi rang bzhin nyid du 'gags pas yang skye ba med pa'i phyir bum pa la sogs pa ni rgyu med pa kho na las 'byung bar 'dod pas
 de'i phyir khyed kyi dpe med do/ /yang na 'jim gong zhes bya ba de tse tra 'am/ me tra zhig yin na yang tshe rabs gzhan du 'gags pas yang skye ba med de/ zhig pa'i phyir ro/ /yang na 'bras bu yin pa'i phyir bum pa bzhin no/ /zhes med par smra ba dag gis 'jig rten
 snga na 'gagS pa'i phyir smras pa/ de la 'dir slob dpon gyis bshad pa/ /gal te 'jim gong tshe gzhan la/ /'gags pa mi skye zhig pa'i phyir/ /'bras bu yin phyir dper na ni/ /bum pa bzhin du 'dod ce na/ /zhes bya ba ni phyogs snga ma nye bar bzhag pa nyid yin no/
 de'i lan ni ji ltar bum pa bum pa yi/ /ngo bo nyid 'gags mi skye ba/ /de ltar 'jim gong 'dod na ni/ /'dod ba nyid du bsgrub pa yin/ /zhes bya la ba yin te /ji ltar kho bo bum pa bum pa'i ngo bo nyid gang gis 'gags par gyur pa'i ngo bo nyid de nyid kyis mi skye par
 'dod med kyi 'on kyang de las gyo mo dang gyo dum la sogs pa'i pa'i ngo bo nyid kyi rgyun gzhan skye ba yod pa kho nar 'dod pa de ltar khyod kyang 'jim pa'i gong zhes bya ba 'jim pa'i gong bu nyid la bya yang rung tsai tra 'am? me tra la yang rung ste/ gal te ngo bo nyid gang gis
 'gags par gyur pa'i ngo bo nyid kyis kyang mi skye bar 'dod mod kyis/ 'on kyang de las bum pa la sogs pa'i ngo bo nyid kyi rgyun gzhan skye ba yod pa kho nar 'dod na ni kun rdzob tu yang grub pa la sgrub pa yin la/ don dam par yang rnam pa thams cad du skye ba med pa'i
 phyir kho bo'i 'dod pa nyid bsgrub pa yin no/ /'on te 'gags pa rgyu min na/ /des na gtan tshigs 'gal pa nyid/ /ces bya ba ni 'on te khyod 'di snyam du 'jim gong la sogs pa dgag par gyur pa de dag ni phyis gzhan dag gis rgyud mi 'gyur
 te 'di ltar gang 'gags pa de ni rgyun chad pa nyid de/ 'gags pa ni rab tu zhig pa'i mtshan nyid yin pa'i phyir ro/ /zhes bya ba dang/ gang skye ba de ni/ ngo bo nyid kho na las skye ste/ 'gags pa gang la yang mi bltos pa yin par sems na des na zhig pa'i phyir
 ro/ /zhes bya ba khyod kyi gtan tshigs de'i don 'gal ba nyid de/ sa bon 'gags pa las myu gu la sogs pa skye bar 'gyur ba snang ba'i phyir ro/ /gal te sa bon ma 'gags par yang myu gu skye bar 'gyur na ni sbyangs la sogs pa na 'dug pa yang skye bar thal bar
 'gyur ro/ /de'i phyir zhig pa nyid du rjes su dpog pas 'bras bu skye ba'i phyir 'jim gong la sogs pa 'gags par gyur pa dag kyang gnas skabs phyi ma gzhan dag gis rgyu'i dngos por 'gyur bas/ de las skye ba kho nar bstan par gyur pas chos can gyi
 ngo bo nyid log par bsgrub pa'i phyir gtan tshigs kyi don 'gal ba nyid do/ /gal te rgyun nyid ma nyams na/ /das na 'khrul pa nyid du 'gyur/ /zhes bya ba ni gal te sa bon la sogs pa rgyun nyid kyi nges par gnas pa ma nyams pa myu gu dang sdong
 pu dang/ sbu gu dang yal ga dang 'dab ma dang/ lo ma la sogs pa'i bdag nyid du skye ba de ltar 'dod na/ des na khyod kyi gtan tshigs zhig pa'i phyir ro zhes bya ba de 'khrul pa nyid du 'gyur te/ gang gi phyir zhe na/ rgyu dang 'bras bu'i dngos pos 'brel
 pa'i rgyun ni rgyun cas bya'i/ rgyu chad pa la yang rgyun mi 'byung la rgyun ma nyams pa yang rgyun mi 'byung bas 'bras bu mi srid pa ni 'khrul pa nyid yin pa'i phyir ro/ /'jig rten snga ma sgrub pa'i tshad ma ni 'di yin te/ mngal gnas sngon rol blo la ni/ /mdun
 rol kho nar 'gags blo yod/ /shes bya gzhan gyi de gzhan phyir/ /yang na blo phyir de'i 'og bzhin/ /zhes bya ba ni mngal na gnas pa'i sngon rol gyi blo gang yin pa de la ni mdun rol kho nar 'gagS pa'i blo sngon du song ba yod de/ ci'i phyir zhe na/ shes bya gzhan gyis de gzhan/
 yin pa'i phyir te/ gang gi phyir blo de ni shes bya rtogs pa yin na mngal na gnas pa'i sngon rol gyi blo de las ni shes bya med de/ shes bya ni mig dang/ rna ba dang/ sna dang/ lce dang/ lus kyi dbang po dag las mngon par 'grub pa yin na de la de'i tshe dbang po de dag med pa'i
 phyir de la shes bya med do/ /blo de ni 'jig rten snga ma gzhan gyi shes bya tha dad pa gzhan la dmigs pas blo tha dad pa gzhan zhes tha snyad gdags par rigs pa'i phyir te/ de ltar shes bya gzhan gyi blo de gzhan yin pa'i phyir ro/ /yang na blo yin pa'i phyir te/ gang dang
 gang blo yin pa de dang de la ni mdun rol kho nar 'gags pa'i blo snga ma yang yod pa'i phyir ro/ /dper na ji lta bu zhe na/ de'i 'og bzhin te/ btsas pa'i 'og rol gyi dus kyi blo la yul du ma la 'jug pa dang/ mdun rol kho nar 'gags pa'i blo snga ma gzhan yang
 pa bzhin te/ slob dpon dpa' bos blo ni shes bya rtogs pa yin par gsungs/ /des na mngal nas sngon rol blo yul yod/ /de 'di ma yin mig la sogs med phyir/ /gang gi yin te 'jig rten snga mar grub/ /ces ji skad bshad pa lta bu'o/ /gal te 'di
 snyam du blo ni gcig kho nar zad de /blo yin pa'i phyir ma shi ba'i bar du nges par gnas pa yin pas de'i phyir dpe med par sems na bshad pa/ tsai tra la ni sgra blo dang/ gzugs blo skye ba gang yin pa/ /de gnyis mi gcig yul gzhan phyir/ /dper na
 rgyud gzhan dag gi bzhin/ /zhes bya ba ni tsai tra'i? rgyud la sgra'i blo dang/ gzugs kyi blo skye ba gang yin pa de dag ni gcig pa ma yin te/ shes bya'i yul tha dad pa'i phyir mai tra zhes bya ba'i rgyud gzhan gyi blo bzhin no/ /de'i phyir pha rol phyir yang ni/ dpe med par de ni mi
 'gyur te/ /blo phyir de yang gcig nyid min/ /gzhan blos 'khrul par 'gyur phyir ro/ /zhes bya ba ni pha rol po'i gtan tshigs blo yin pa'i phyir zhes bya ba des blo de yang gcig pa nyid du mi 'grub ste/ gzhan gyi blos gtan tshiD
 'khrul par 'gyur ba'i phyir te/ ji ltar zhe na/ blo yin pa'i phyir/ des na ci rgyud gzhan gyi blo bzhin du tha dad pa nyid du 'gyur ram/ 'on te rgyud gcig tu gtogs ba'i gzugs la sogs pa'i blo bzhin du gcig pa nyid du 'gyur ba de ma nges pa'i
 phyir ro/ /de ltar re shig 'jig rten snga ma gzhan yod pa nyid du bsgubs nas/ de ni 'jig rten phyi ma gzhan yod pa nyid du bsgrubs pa'i phyir pha rol po dag gi bsam pas phyogs snga ma nye bar bzhag pa byas nas sun dbyung bar bya ste/ de la
 gal te med smra byis pa yi/ /'chi 'pho'i sems la mtshams sbyor med/ /'chi 'pho'i sems phyir dgra bcom gyi/ /tha ma'i sems bzhin sgrub byed na/ zhes bya ba ni phyogs snga ma nye bar bzhag pa nyid yin no/ /de'i lan ni/ gtan tshigs
 ma nges nyid 'gyur te/ /'das pa'i 'chi 'pho'i sems kyis so/ /zhes bya ba la sogs pa smos te/ pha rol po'i gtan tshigs 'chi 'pho'i sems ni sems yin pa'i phyir/ zhes bya ba de ma nges pa nyid du 'gyur te/ ci re zhig 'chi 'pho'i sems yin pa'i phyir dgra bcom pa'i sems tha ma bzhin du nyid mtshams sbyor ba med par 'gyur ram/ 'on te 'das pa'i 'chi 'pho'i sems bzhin du nyid mtshams sbyor ba yod par 'gyur ba ma nges pa nyid do/ /'das pa'i 'chi 'pho'i sems yod par ji
 ltar she she na/ tshe rabs dran la sogs yod dang/ /tshul smras phyir na de yang yod/ /ces bya ba smras te/ 'jig rten 'di na tshe rabs dran pa gang dag gis tshe rabs snga ma rnam pa du ma dran par byed pa dag dang/ kha cig pha ma'i spyod yul
 tha dad pa dag dang mi mthun pa'i tshul khrims la sogs pa'i dbye bas tha dad pa dag snang ba la sogs pa dag kyang yod pas de'i phyir de dag gi spyod pa de lta bu dag ni sngon goms pa nyid las gyur ba yin par khong du chud par bya'o/ /yang na 'jig rten snga ma yong ba'i
 tshul /mngal nas sngon rol blo la ni/ /mdun rol kho nar 'gags pa yod/ /shes bya gzhan gyis de gzhan phyir/ /yang na blo phyir de'i 'og? bzhin/ /zhes sngar ji skad smras pa'i phyir na/ 'das pa'i 'chi 'pho'i sems de yang yod pa kho nar des so/ /zhes bya bI
 tha tshig go /gzhan yang 'phags pa min pa'i 'chi 'pho'i sems /sems gzhan bskyed pa nyid yin te/ /ma rig pa dang bcas pa'i phyir/ /sems de bskyed par byed pa bzhin/ zhes bya ba ni byis pa 'phags pa ma yin pa'i 'chi 'pho'i sems ni sems
 gzhan bskyed pa nyid yin te/ zhes dam bca' o/ /ci'i phyir zhe na/ ma rig pa dang bcas pa'i phyir zhes bya ba'i gtan tshigs kyi phyir ro/ /dper ji lta bu zhe na/ 'das pa'i 'chi 'pho nyid kyi sems de skyed par byed pa bzhin no/ /yang rnam pa gzhan du 'jig rten
 rgyad phan pa'i bsam pas phyogs snga ma nye bar bzhag nas de dgag ba'i phyir/ gal te lus dang dbang blo dag /rang gi las kyi skye mi 'dod/ zhig byir dper na bum pa bzhin/ /de phyir 'jig rten pha rol med/ /ces bya ba ni phyogs snga ma nye bar bzhag pa yin te/ gal te
 khyed sangs rgyas bdag 'jig rten ni las bdag gir bya ba dang/ las kyi skye gnas pa dang/ las kyi rjes su 'brang ba dang/ las kyi brgo bskal pa'o zhes bya ba la sogs pa/ gang dag gis lus dang/ dbang po dang/ blo dag rang gi las kyis bskyed par 'dod pa
 gang yin pa de ltar kho bo cag mi 'dod de/ zhig pa'i phyir dper na bum pa bzhin no zhe na/ de'i lan ni/ de nyid kyis ni de ma byas/ /de gzhan gyis kyang ma bya pa phyir/ /'jig rten rang gi las skyed min/ /gzhan 'di ded? la ci zhig gnod/ /ces bya ba yin te/
 kho bo cag gi las brtag pa'i skyabs su don dam par las bdag gis byas pa dang/ gzhan gyis byas pa dang/ gnyi gas byas pa bkag zin pa'i phyir/ khyod kyis smras pa'i tshad ma gzhan 'di de la ci zhig gnod/ ci ste
 khyod dngos po rnams las mi bltos par skyes par smra na ni de la/ las kyis skyed nyid ma yin la/ /dpe ni yod pa ma yin no/ /zhes bya ba ni 'ga' zhig 'di ltar las lam bltos par skye'o/ /zhes bya ba'i dpe brjod par bya dgos so/ /gal
 te phyi rol gyi rtswa dang lo ma dang/ 'dab ma la sogs pa dag lta bu'o zhe na /de'i phyir shing la sogs pa dus skye ba/ /sems can las kyi dbang gis te/ /sems dmyal gnas dang mtho ris na/ /mtshon dang dpag bsam shing skye bzhin/ /zhes
 bya ba bshad de/ las kyis ma bskyed pa'i dpe 'ga' yang med pa'i phyir/ 'jig rten las kyi ma bskyed do zhes bya ba de mi rung ngo/ /re zhig de la 'di skad ces dri bar yang bya ste/ 'byung ba rnams las blo gros ni/ /mtshan nyid mi mthun ji ltar 'byung/ /zheS
 bya ba ni 'di ltar dngos po rnams kyi rgyu dang 'dra ba'i bdag nyid du 'byung ba ma yin na 'byung ba chen po sems med pa rnams las blo gros mtshan nyid shin tu mi mthun pa ji ltar 'byung ste/ ji skad du sa dang chu dang me dang rlung/ /nam mkha' lhan
 cig tshogs pa la /til la til mar yod pa ltar/ /shes pa yod pa ma yin no/ /zhes bshad pa lta bu'o/ /'dir pha rol po dag gis smras pa/ /'byung ba sems med rnams las ni/ /shes pa yod pa nyid skye ste/ /skye can yin phyir myos
 mthu dang/ /me shel las ni me bzhin no/ /zhes bya ba ni 'byung ba chen po sems med pa rnams las blo shes pa nyid skye ste/ ci'i phyir zhe na/ skye ba can yin pa'i phyir ro/ /dpe ji lta bu zhe na/ chang las myos pa'i mthu 'byung ba dang/ mi shil laS
 me 'byung ba dang/ chu shel las chu 'byung ba dang/ ba lang gi spu dang/ lug gi bal las rtswa dur pa 'byung ba dang/ rwa las rmig pa 'byung ba dang/ shing las thal ba 'byung ba dang/ 'o ma las zho 'byung ba la sogs pa rgyu las 'bras bu mtshan nyid shin tu mi
 mthun pa dag 'byung ba bzhin no/ /de la bshad pa de ni mi rigs te/ gang gi phyir zhe na/ myos mthu shes yod ma yin pas/ /khyod kyi dpe ni med pa nyid/ /ces bya ba ni gang dag khyod kyi dper bstan pa de dag thams cad la ni shes pa nyid med pas de'i phyir 'byung
 ba shes pa med pa nyid la/ shes pa yod pa nyid skye ba'i dpe snga ma dang mi 'dra ba 'ga' yang med pas khyod kyis dpe med pa nyid do/ /gzhan yang rgyu rnams rigs mthun yin pa'i phyir/ /gtan tshigs kyang ni 'gal ba nyid/ /ces bya ba ni rgyu
 da dag thams cad ni rigs mthun pa nyid yin te/ de'i nus pa yin pa'i phyir ro/ /gal te nus pas stong pa'i dngos po thams cad las kyang 'bras bu mi mthun ba 'byung bar gyur na ni/ me shel las kyang chu 'byung ba dang/ chu shel las kyang mi 'byung bar
 'gyur ba'i rigs so/ /'di ltar chang gi 'bras bu myos pa ni so sor nges pa yin pas de las de nyid 'byung gi gzhan mi 'byung bas rigs mthun pa'i mi mthun pa'i phyogs kyi dngos po las rigs mi mthun pa'i 'bras bu mi 'byung ba'i phyir khyod kyi
 gtan tshigs skye ba can yin pa'i phyir ro/ /zhes bya ba de'i don rigs mi mthun pa las mi 'byung bas 'gal ba nyid do/ /gzhan yang nang gi 'byung ba rnams kyang ni/ /shes pa yod pa ma yin te/ /sa la sogs pa'i dngos phyir dang/ /'byung ba
 yin phyir de gzhan bzhin/ /zhes bya ba ni nang dang phyi rol gyi 'byung ba rnams ni ngo bo nyid mtshungs pa'i phyir nang gi 'byung ba rnams ni shes pa yong ba'i ngo bo nyid min la/ phyi rol gyi 'byung ba rnams ni shes pa yod pa'i ngo bo nyid
 ma yin no zhes bya ba 'di la rgyu'i khyad par ci yod pa yang brjod dgos so/ /des na ji ltar 'byung ba rnams las shes pa yod pa nyid mi 'byung ba bzhin du shes pa yod pa nyid las kyang 'byung ba rnams mi 'byung ngo/ /de phyir mngal gnas
 sngon rol sems/ /sems gzhan sngon du song yin par/ /mkhas pa rnams kyi shes bya ste/ /'dzin pa yin phyir de'i 'og bzhin/ /zhes bya ba ni mngal na gnas pa'i sngon rol gyi rnam par shes pa gang yin pa de yang rnam par shes pa gzhan sngon du
 song ba las byung ba yin par mkhas pa rnams kyis shes par bya ste/ 'dzin pa yin pa'i phyir btsas pa'i 'og rol gyi rnam par shes pa'i rgyun bzhin no/ /gang gi phyir be'u yang sngon chad goms byas pas/ /byung ma thag tu zas tshol byed/ /zas kyis don du
 bskyod pa'i phyir/ /dper na dbang po smin pa bzhin/ /zhes bya ba ni de'i phyir yang mngal na gnas pa'i sngon rol gyi rnam par shes pa gang yin pa de yang rnaM par shes pa gzhan sngon du sod pa las byung ba yin par khong du chud par bya ste/ gal te de sngon gyi srid pa
 gzhan dag tu kha zas la sogs pa goms par ma byas na/ ji ltar be'u byung ma thag kho nar sus kyang ma bskul bar sems gsal bas zas kyi don du skyod par byed de/ de ltar zas kyi don du skyod par byed pa'i phyir dper na dbang po yongs su smin pa
 gzhon nu dang bar ma dang/ rgan po'i gnas skabs na gnas pa dag bzhin du be'u dag gis kyang sngon gyi tshe rabs gzhan dag tu goms par byas par mngon no/ /gal te 'di snyam du bskyed pa'i phyir zhes bya ba'i gtan tshigs de ma nges pa de/ bskyod pa'i phyir des
 na ci re shig khab long gi rdo la sogs pa bskyod pa bzhin du/ /be'us kyang sngon goms par ma byas pa kho nar skyod par byed pa yin?/ 'on te dbang po yongs su smin pa bzhin du sngon goms?  par byas pas bskyod pa yin pa ma nges pa'i phyir ro zhes bya bar sems
 na de'i phyir bshad pa/ /khab long gis ni rdo bskyod pas/ /gtan tshigs ma nges nyid ma yin/ /de ni zas za mthong ba'i phyir/ /ma grub nyid kyang ma yin no/ /zhes bya ba ni khab long gi rdo la sogs pa bskyod pa yod pa bden mod kyi de ni zas kyi don du ma yin no/ /de'i phyir
 zas kyi don du bskyod pa'i phyir zhes gtan tshigs khyad pa can byas pa'i phyir/ ji skad smras pa'i skyon med do/ /'jig rten pha rol la skur pa 'debs pa la mngon par zhen pa'i lta ba can dag gis de bsgrub pa gang yin pa smras pa/ 'jig rten pha rol ni yod pa ma yin
 te/ mi dmigs pa'i phyir na nam mkha' i me tog rgyas pa bzhin no/ /zhen bshad pa/ 'di la mi dmigs pa'i phyir zhes bya ba'i gtan tshigs de mngon sum gyis grub par 'gyur ram/ 'on te rjes su dpag pas 'grub par 'gyur bar rtog grang na/ de la gal te mngon suM
 gyiS 'grub po zhe na ni/ yi dags dang sha za la sogs pa dag gis ma nges so/ /'byung po dag med pa yang ma yin te/ phyir btang pa'i gsos byed pa dag snang ba'i phyir ro/ /khyed kyis de dag ma mthong na bar ma do'i srid pa lha'i mig shin tu rnam par dag pa'i yul dag mthong
 ba lta smos kyang ci dgos/ drang srong lha'i? mig shin tu rnam par dag pa dag ldan pa dang ni med pa ma yin te/ shes pa'i mthu khyad par dang ldan pa'i phyir 'jig rten rgyang pan pa'i bstan bcos kyi byed po bzhin no/ /gtan tshigs ma grub pa yang ma yin te/ de dag giS
 byas ba'i sman dpyad las bshad pa'i bya ba dag grub pa'i phyir dang/ dug dang gnam lcags dang rig sngags dag kyang grub pa'i phyir ro/ /'jig rten rgyad pan pa'i bstan bcos kyi byed pa po ni lha'i mig dang ldan pa nyid du ma grub po zhe na/ 'on de lta na des shes pa gang
 gis 'jig rten pha rol med do zhes bya ba'i don 'di dmigs par 'gyur/ gal te mngon sum gyis so zhe na/ 'jig rten ba pha rol med pa ni mngon sum gyi tshad mas rtogs par bya ba ma yin te/ med pa'i ngo bo nyid yin pa'i phyir dngos po med pa bzhin no gal te rjes?
 dpag pas 'grub po zhe na/ rjes su dpag pas kyang mi 'grub ste/ med pa po mngon sum tsam tshad mar smra pa dag la khas blangs pas gnod pa'i skyon du 'gyur ba'i phyir ro/ /de'i phyir khyed kyis 'jig rten pha rol med par shes par mi bya ste/ mngon
 sum dang rjes su dpag pa dag gis rtogs par bya ba ma yin pa'i phyir mo gsham gyi bu'i? yod pa nyid bzhin no/ /'jig rten rgyad pa na pa'i bstan bcos ni tshad ma las khas blang bar mi bya ste/ lha'i mig dang mi ldan pas byas pa'i phyir smyon pa'i tshig bzhin no/ /rjes su dpag
 pa las kyang bzlog par bya ste/ mngal na gnas pa'i sngon rol gyi blo ni rgyu tha dad pa ma yin pa'i blo rigs mthun pa sngon du song ba las byung ba yin te/ blo yin pa'i phyir lang tsho la sogs pa'i gnas skabs gzhan gyi blo bzhin no/ /ldog pa ni bum pa lta
 bu'o/ /gal te 'di skad ces de ni grub pa la sgrub pa yin te /pha ma dag gi blo yang so sor rgyu tha dad pa ma yin zhing rigs mthun pa yang yin la/ mer mer po la sogs pa'i blo de dag gi sngon du song ba yang yin pa'i phyir ro zhe na/ de ni mi rung ste/ 'dir
 sgrub par bya ba'i don ni mer mer po la sogs pa dag rgyud tha dad pa ma yin pa'i blo rigs mthun pas bskyed pa bsgrub pa yin pas/ rgyud tha dad pa ma yin pa'i blo rigs mthun pa snga ma gzhan gang yin pa de nyid 'jig rten pha rol snga ma yin pa'i phyir grub pa la sgrub
 pa ma yin pa nyid do/ /gzhan yang dgra bcom pa ma yin pa'i 'chi ba'i blo yang rgyud tha dad pa ma yin pa'i blo rigs mthun pa gzhan gyi rgyu yin te/ 'dod chags la sogs pa'i bag la nyal gyi kun tu sbyor ba dang ldan pa'i phyir/ dgra bcom pa ma yin
 pa gzhon nu'i gnas skabs kyi blo bzhin no/ /chos mi mthun pa'i dpe ni dgra bcom pa'i blo tha ma bzhin no/ /de'i phyir 'jig rten pha rol na yang yod do/ /ci ste 'di snyam du mngal na gnas pa'i sngon rol gyi blo ni rgyud tha dad pa ma yin pa'i blo rigs mthun pa sngon du song
 ba las byung ba ma yin te/ blo dang po yin pa'i phyir zag pa med pa'i blo'i skad cig ma dang po bzhin no/ /zhes bya bar sems na 'dir mar len gnas pa'i sngon rol gyi blo la blo dang po yin pa'i phyir zhes bya ba de mig la sogs pa'i dbang po'i blo dang por 'gyur ram/ 'on te yid kyi
 blo dang por 'gyur grang na/ de la re zhig mig la sogs pa'i dbang po'i blo ni dbang po nyid yin par mi rigs te/ de'i tshe na mig la sogs pa'i dbang po dag med pa'i phyir dang/ dmigs pa yang nye bar ma gyur pa'i phyir ro/ /yid kyi blo yang dang po ma yin te/ drug paM?
 'das ma thag pa yi/ /rnam shes gang yin de yid do/ /zhes 'byung ba'i phyir dang/ 'jig rten snga ma khas mi lan pa'i phyir snga ma 'das pa'i rnam par shes pa nyid med na 'das ma thag pa nyid yod par ga la 'gyur/ 'jig rten pha rol yod pa nyid du smra pa dag la
 ni gnyi ga yang rung ste/ 'jig rten snga ma pa'i mig la sogs pa'i dbang po dag 'gags pa na de ma thag pa'i rkyen du 'gyur ba'i phyir dang dmiD pa nye bar ma gyur kyang snga ma'i dmiD pa la bltos pas blo zhes tha snyad gdags su rung bI phyir ro snga ma'i rnam par shes pa 'das pa nyid las
 yid kyi blo de'i dang po yang 'byung bar rigs pa'i phyir ro/ /de'i phyir 'di skad smra bar nus te/ mer mer po'i gnas skabs kyi blo gang yin pa de ni 'das pa de ma thag pa'i blo'i khyad par la/ bltos pa yin te/ blo yin pa'i phyir gnyid log pa'i 'og tu sad pa'i blo bzhin no//
 chos mi thun pa'i dpe ni dge slong 'gog pa la snyoms par zhugs pa lta bu'o/ /de'i phyir med ba pa dag mngal na gnas pa'i sngon rol la glo nyid yod par rtog pa la yang 'jig rten pha rol grub pa nyid do/ /ji ltar zhe na/ mngal na gnas pa'i sngon rol gyi blo ni 'das pa de ma thag
 pa'i blo'i yul la bltos pa yin te/ dbang po blo yin pa'i phyir bsam gtan gyi dbang po'i blo bzhin no/ /gang dag 'di skad ces mngal na gnas pa'i sa dang yan lag thams cad yongs su rdzogs pa mngal nas 'byung ba'i blo ni dang po yin par smra ba de dag la yang skye
 ba'i sngon rol gyi blo gang yin pa de ni 'das pa de ma thag pa'i blo'i yul la bltos pa yin te/ dbang po'i glo yin pa'i phyir/ gnas brtan gyi dbang po'i blo bzhin no/ /zhes brjod par bya'o/ /zag pa med pa'i blo'i skad cig ma dang po la yang
 pha rol pos bsgrub par bya ba'i don med de/ de ni thos pa dang/ bsam pa dang/ bsgom pa las byung ba'i shes pa'i bag chags sngon du song ba las byung ba'i phyir ro/ /ci ste blo gzhan gyis bskyed pa'i blo yang dang po yin pas dang ngo'o zhes brjod na mngal na gnas pI
 sngon rol gyi blo grub pa'i phyir dang po nyid ces bya ba de kho bo la yang 'gal ba med do/ /tshe rabs gzhan gyi las thun mong ma yin pa yod pa'i phyir yang 'jig rten pha rol yod pa nyid du nges par gzung ngo/ /gal te las med par gyur na pha ma mtshungs pa'i
 rkyen rigs mthun pas bskyed pa'i bu spun dag /tshul khrims dang bzod pa dang bden pa la sogs pa'i dbye bas tha dad pa dag tu 'gyur ba'i mi rigs pas de'i phyir/ gang du de dag gis bden pa dang/ gtong ba la sogs pa goms par byas pa de nyid
 'jig rten pha rol snga ma yin no/ /skye ba dag ni rkyen thun mong pa nyid nyi tshe dang 'brel pa ma yin te/ spun lus dang dbang po dang blo la sogs pa'i dbye bas tha dad pa dag tha dad pa'i phyir 'bras sa lu dang nas la sogs pa' myu gu bzhin no/ /zhar la bshad
 pas cho ga ste/ de ltar dngos po rnams rgyu med pa las kyang skye ba med do// //dbu ma'i snying po'i 'grel pa rtog ge 'bad/ /bam po dgu ba/ dbang phyug rgyur 'dod pa dag ni/ /skye ba po 'di shes pa yod min te/ /bdag gi bde
 sdug dag la rang dbang med/ /dbang phyug gis btang yang na g.yang sa 'am/ /mtho ris dag tu 'gro ba kho nar 'byung/ /zhes bya ba'i lung gis 'gro ba thams cad skye ba'i rgyu ni dbang phyug yin par khas len pas de dag gi phyir bshad pa/ dbang phyug
 'jig rten byed po min/ /la la'i dga' ba'i rgyu yin phyir/ /dper na dbang phyug dga' byed pa'i byed po dbang phyug ma yin bzhin/ /zhes bya ba ni/ dbang phyug ni kun rdzob tu yang 'gro ba mdza' dag gi skye ba'i rgyu yin par mi rigs te/ la la de la dang pa'i dga' ba'i rgyu
 yi'i phyir dper na dbang phyug de nyid kyi byed pa po dbang phyug ma yin pa bzhin no/ /yang na dbang phyug kun gyi rgyur mi 'dod/ /ma skyes phyir dang rgyu med phyir/ /dper na nam mkha' i me tog ni/ /kun gyi rgyur ni mi 'dod bzhin/ /zhes bya ba ni de ni skye ba med pa'i phyir dang/ rgyu med pa'i
 phyir nam mkha' i me tog bzhin du yod pa nyid du yang mi rigs na 'gro ba'i rgyu nyid du lta smos kyang ci dgos zhes bya ba'i tha tshig go/ yang na 'gro ba ma lus 'di dag gi/ rgyu ni dbang phyug rab tu min/ /sems dang ldan phyir dper na ni /glang rdzi 'gro rgyur bamin bzhin/ /zhes bya
 ba ni 'gro ba rnams rgyu dbang phyug dang ldan pa ma yin pa dgag pa'o/ /gal te 'di snyam du sems dang ldan pa'i phyir ro/ /zhes bya ba'i gtan tshig de ma grub ste/ gang gi phyir zhe na/ dbang phyug ni gcig bu yin la/ glang rdzi la sogs pa ni mang po yin pas
 de'i phyir glang rdzi dag ni sems dang ldan tu zin kyang 'gro ba ma lus pa'i byed pa po ma yin gyi dbang phyug de ni rgyal po bzhin du 'jig rten thams cad rnam par gnas pa'i byed pa po yin par sems na bshad pa/ dbang phyug gcig pu 'ga' yang
 med/ /dngos rnams chogs las 'grub pa'i phyir/ /byed po gcig pu 'ga' yang med/ /de phyir ma nges nyid ma yin/ /zhes bya ba ni dngos po thams cad ni rgyu dang rkyen tshogs pa las 'byung ba'i phyir byed pa po gcig pu zhes bya ba mi 'thad de/ gal
 te gcig pu nyid la byed pa po nyid kyi mthu yod par gyun rgyu dang rkyen mang por btags pa dag gis ci bya/ 'jig rten na dngos po rnams kyi gyu byed pa po gcig bu ni 'ga' yang ma snang pas kho bo'i gtan tshigs ma nges pa nyid du ga la 'gyur /ci ste 'di cam du
 mig la sogs pa dag ni dbang phyug dang ldan pa kho na yin te/ mang ba'i phyir ji ltar 'jig rten na bran g.yog mang po la/ bdag po gcig yod pa bzhin no/ /zhes bya bar sems na bshad pa/ /gal te mig sogs dbang phyug bcas/ /mang phyir bran
 bzhin 'dod ce na/ /ma skyes dbang phyug gcig mi 'grub/ /dbang phyug de las bzlog par 'gyur/ /zhes bya ba ni 'di ltar rgyal po la sogs pa 'ga' zhig skyes pa ni dbang phyug gcig ru zheS bya bar yang 'gyur grang na/ dbang phyug de ni ma skyes pa'i phyir gcig
 pu nyid du yang mi 'gyur te/ mo gsham bu bzhin pas dbang phyug de las bzlog pa dbang phyug ma yin pa nyid du rigS par 'gyur ro/ /ci ste byed por bcas 'dod de/ /bkod phyir bum sogs bzhin zhe na/ /gal te khyad par ma bstan pa'i/ /byed po yin na grub
 pa sgrub/ /ces bya ba ni ci ste/ yang mig la sogs pa dag ni rgyu dang rkyen rnams kyis nye bar bkod pa yin gyi/ bdag ni sus kyang nye bar bkod pa ma yin pas de'i phyir mig la sogs pa dag ni byed pa po dang bcas pa nyid yin te/ nye bar bkod pa'i phyir buM
 pa la sogs pa bzhin no zhe na/ de'i lan du bshad pa/ gal te mig la sogs pa byed pa po 'byung ba dang/ 'byung ba las gyur pa la sogs pa 'dus pa'i ngo bo nyid dam pha ma la sogs pa gang yang rung ba khyad par du ma bstan ? dang ldan pas byed pa po dang
 bcas pa nyid du 'dod na ni grub pa la bsgrub pa yin te/ kho bo cag la yang de ltar grub pa'i phyir ro/ /ci ste rtag gcig phra sogs kyi/ /khyad par gyis na khyod dpe med/ ces bya ba ni dbang phyug ni mig la sogs pa'i byed pa po yin te/ rtag pa'i phyir dang/
 gcig pa'i phyir dang/ ma skyes pa'i phyir ci dang 'dra zhes bya ba'i dpe khyod la med pas mig la sogs pa'i byed pa po dbang phyug yin no zhes khyad par du ston na dpe med pas ma grub po/ /gal te dbang phyug yin pa'i phyir bum pa la sogs pa'i byed pa po
 rdza mkhan la sogs pa yin pa bzhin no/ /zhen bshad pa/ khyod kyi de ni mi rtag dang/ gzugs can skyes nyid skyon du 'gyur/ /zhes bya ba ni dbang phyug ces bya ba'i tshig gi lhag ma'o/ /gal te sems can snod bgrang pa'i/ /'jig rten sna tshogs rgyu yi las/ /dbang phyug yin na
 kun rdzob tu 'ang/ /grub pa nyid la rab tu bsgrub/ /ces bya ba ni gal te yang sems can du bgrang pa lha dang mi la sogs pa skye ba dang/ gnas pa dang/ 'jig pa dang snod du bgrang ba de dag nas snod kyi 'jig rten sna tshogs kyi rgyu'i las dge ba dang mi dge ba dang/ mi g.yo ba
 dag dbang phyug yin par sgrub na ni kun rdzob kyi bden pa'i tshul du yang sgrub pa nyid la rab tu sgrub pa yin te/ ji ltar zhe na/ 'di ltar ma rig pa'i rkyen gyis 'du byed rnams zhes bya ba de la 'du byed de dag ni rnam pa gsum ste/ bsod nams dang bsod nams ma yin pa dang mi
 g.yo ba'o/ /khams gsum pa 'di dag ni de las byung bas de'i phyir kho bo yang ma rig pa nyid 'du byed kyi las byed pa'i dbang phyug dang/ 'du byed nyid 'jig rten 'grub pa'i dbang phyug yin par 'dod pa'i phyir ro/ /des na khyod 'dod pa'i dbang phyug ces bya ba de ni med pa'i
 phyir mi rigs pa'i skyon du 'gyur ro/ /des ni dus dang skyes bu dang/ /gtso bo rdul phran khyab 'jug dag/ /'gro ba 'di'i rgyu min par/ /'gag pa khong du chud par bya/ /zhes bya ba ni de la dus rgyur 'dod pa kha cig ni sa bon la sogs pa dang de dg gi rkyen sa dang chu dang
 me dang rlung la sogs pa dag yod du zin kyang myu gu la sogs pa lan 'ga' 'byung bar snang ba'i phyir dus 'di 'jig rten ma lus pa skye ba'i rgyu yin no/ /zhes bya bar zhugs so de bzhin du skyes bu rgyur 'dod pa dag kyang skyes bu nyid 'jig rten gsum po ma lus pa dag
 gi khong na rgyu ba yin te/ pa ni ba sgra rnams kyi yin/ /chu shel chu rnams kyi bzhin dang/ /pAk+Sha ya ga la rnams kyi bzhin/ /de ni lus can kun gyi rgyu/ /zhes bya ba mngon par zhen no/ /gtso bo rgyur smra ba dag kyang tshangs pa la sogs pa myu gu'i mthar thug pa bde
 ba dang sdug bsngal dang gti mug gi bdag nyid can gyi 'gro ba mdza' dag skye ba'i rgyu ni gtso bo zhes bya ba rang bzhin yin par sems so/ /de bzhin du rdul phran rgyur 'dod pa dag kyang sa la sogs pa rdul phra rab kyis brtsams pa dag ni rdzas su
 yod pa yin te/ rdul phra rab gnyis pa la sogs pa'i rim gyis mngon par bsgrubs pa'i 'byung ba chen po sa la sogs pa dag gi rgyu ni rdul phra rab rtag pa dag yin par dam 'cha'o/ /yang kha cig ni khyab 'jug ces bya ba ri dang shing dang/ chu dang sa dang
 me dang rlung la sogs pa'i dngos po thams cad kyi khongs su gtogs pa skye ba med pa dang /'jig pa med pa ni 'gro ba ma lus pa'i rgyu yin no zhes zer ro/ /de dag thams cad kyang dbang phyug bzhin du dpyad cing 'gags par yang bya ste/ dus ni 'jig rten
 byed po min/ /la la dga' ba'i rgyu yin phyir/ /dper na dus la dga' byed pa'i/ /byed po dus ni ma yin bzin/ /zhes bya ba la sogs pa'i tshul gyis ci rigs par khong du chud par bya'o/ /de'i phyir de ltar don dam par rnam pa thams cad du skye ba med pa'i phyir
 lung las rten cing 'brel bar 'byung ba ni skye ba med pa'o/ /zhes gsungs pa dang/ de bzhin du chos kyi 'khor lo bskor ba na/ /bzod nas zhi dang ma skyes dang/ /rang bzhin mya ngan 'das pa yi/ /chos rnams mgon po khyed kyis bstan/ /ces gsungs
 pa dang/ de bzhin du ji ltar byis pa rnams btags ltar/ /rgyu dang rkyen rnams kho na las/ 'jig rten yod pa mi skye zhing/ /med dang yod med gang yang med/ /ces gsungs pa la sogs pa de dag grub pa yin no/ /mdo sde pa dag rgyud pa'i sgo nas tshad
 ma nye bar sbyor bar byed bdag la bshad pa/ gal te lta ba'i mun sel ba/ /gang phyir sangs rgyas 'byung de'i phyir/ /de bzhin skye mched skye 'dod na/ /lan du rung ba ma yin no/ /zhes bya ba la lta ba dang/ /mngon par zhen pa dang/ /'dzin pa zhes
 bya bdag ni rnam grangs te/ /drug cu rtsa gnyis po dag gi bye brag dag go/ lta ba dag ni mun pa yin pas lta ba'i mun pa ste/ de nyid mthong ba la gegs byed pa'i phyir ro/ /lta ba'i mun pa de sel ba'i 'dor ba'o/ /lta ba'i mun bsel ba 'bras bur gyur pa de ni gang gi
 phyir sangs rgyas 'byung ba de'i phyir yod pas/ sangs rgyas 'byung ba ni lta ba'i mun pa sel ba de'i rgyu yin no/ /gang gi phyir de lta yin pa de'i phyir/ 'bras bu lta ba'i mun pa sel ba yod pa'i sgo nas de'i rgyu sangs rgyas 'byung ba yang yod pas rjes su dpag pa de bzhin du 'bras
 bu yul nges par 'dzin pa nye bar dmigs pa'i sgo nas/ de'i rgyu skye mched rnams skye ba yang yod pa kho na yin te/ de'i 'bras bu yul nges par 'dzin pa yod pa'i phyir ro/ /'di ltar nam mkha' i me tog la sogs pa yod pa ma yin pa dag la ni 'brs bu yang
 med kyi/ sangs rgyas 'byung ba yod pa la ni 'bras bu lta ba'i mun pa sel ba de yang yod pa de bzhin du /skye mched rnams yod pa'i 'bras bu yang yul nye bar dmigs pa yin pas de'i phyir/ skye mched rnams skye ba yod par 'dod do zhes sgrub par byed
 na /de la slob dpon gyis bshad pa/ pha rol pos smras pa de ni lan du rung ba ma yin no/ /zhes bya ba yin no ji ltar zhe na/ dus med skye pa yod min na/ /gang la lta ba gang zhig 'dod/ /ces bya ba ni lta ba drug cu rtsa gnyis po rnams las bcu drug ni
 sngon gyi mdza' la brten pa yin la/ bzhi bcu rtsa bzhi ni phyi ma'i mdza' la brten pa yin/ lta ba gnyis ni da ltar ba la brten pa yin na/ de yang dus gsum po dag gi skye ba bkag pas dus med cing dus kyi skye ba yod pa ma yin na/ mu stegs can ma skyes pa
 gang la 'jig rten rtag pa zhes pa la sogs pa'i lta ba ma skyes ba gang zhig bsal bas sangs rgyas byung ba byed pa po nyid yin par 'gyur ba yod par 'dod/ /gal te de lta na lta ba nyid kyang med pas de sel ba yang med na/ sangs rgyas 'byung ba ni byed pa po nyid ma
 yin par thal bar 'gyur bas byed pa po nyid ni med pa ma yin no zhe na/ bshad pa de yong ma yin rtog bya'i phyir/ /sangs rgyas 'byung ba byed po nyid/ /ces bya ba ni bcom ldan 'das kyis lta bar gyur pa de dag btags pa tsam nyid
 du rang gi thugs su chud nas gzhan dag la yang go bar mdzad nas de'i phyir lta ba de yod pa ma yin pa nyid du rtogs par bya ba'i phyir/ sangs rgyas 'byung ba ni kun rdzob tu byed pa po nyid du ston te/ sangs rgyas 'byung ba yang bsod nams dang ye shes kyi
 tshogs la sogs pa rgya dang rkyen du ma chogs pa 'byung ba'i phyir kun rdzob yin gyi/ don dam pa pa ma yin pas khyod kyis dpe yang med la/ de'i 'bras bu yod pa'i phyir zhes bya ba'i gtan tshigs kyang kun rjol yin pa'i phyir 'gal ba nyid do/ gzhan
 yang bcom ldan 'das kyis lta ba'i mun pa bsal ba mdzad du zin kyang/ sde pa gzhan dag don dam par rtag pa dang chang pa'i mdza' nyid las grol ba med do/ /gang gi phyir zhe na/ gcig dang tha dad pa gnyi ga nyid kyis brtag mi bzod pa'i phyir ro/ /ji ltar
 zhe na/ gal te lha dang lha min gcig /des na ji ltar rtag mi 'gyur/ /gal te lha dang lha min gzhan/ /ji ltar chad par mi rigs 'gyur/ /zhes bya ba ni lha las lha ma yin sbyin byed ma'i bu 'am mi la sogs pa gzhan yin pa de gang gi tshe lha ma
 yin gyi phung po dag yongs su btang ste/ lha'i 'gro bar skye ba'i tshe na ci de sngon gyi phung po rnams dang gcig pa nyid yin nam 'on te tha dad pa nyid yin grang na/ gal te gcig pa nyid yin na ni nges na ji ltar rtag pa nyid du mi 'gyur te/ phung po
 snga ma dang phyi ma gcig pa nyid yin pas khyad par yod par mi 'thad pa'i phyir ro/ /gal te lha dang lha ma yin tha dad pha nyid yin na ni ji ltar chad par mi 'gyur te /phung po snga ma mar me la sogs pa bzhin du 'gags pa'i phyir ro/ /gal te
 'di snyam du re zhig lha ma yin dang lha tha dad pa nyid kyang ma yin te/ gang gi phyir zhe na/ lha ma yin gyi phung po'i rgyu las lha'i phung po mngon par grub pa'i phyir ro/ /gcig pa nyid kyang ma yin te/ gzugs las tha dad pa'i phyir ro/ /'on kyang bum pa bzhin
 du gcig dang tha dad pa nyid du brjod par bya ba ma yin te /dper na bum pa dang 'jim pa'i gzugs la sogs gcig pa nyid dang tha dad pa nyid du brjod par bya ba ma yin pa bzhin no/ /zhes bya bar sems na bshad pa/ brjod min bum pa bzhin na yang/ /chad
 pa ji ltar spong bar 'gyur/ /zhes bya ba ni gcig pa nyid dang tha dad pa nyid du brjod par bya ba ma yin te/ bum pa dang 'jim pa dang gzugs la sogs pa bzhin na yang gang gi tshe bum pa rab tu zhig par gyur pa de'i tshe na chang pa ji ltar spong bar 'gyur te/ ngo
 po nyid de nyid kyis yang skye ba med pa'i phyir ro/ /ci ste yang 'di snyam du lha ma yin gyi phung po snga ma'i rgyu las byung ba'i phyir dang/ lhas lha'i phung po yongs su 'dzin pa'i phyir gnyi ga'i bdag nyid yin par sems na/ bshad pa yin dang ma yin nyid yin yang//
 mya ngan 'das tshe gcig 'da' med/ /ces bya ba ni rnam pa gnyis su smrar zin kyang mya ngan las 'das pa'i dus na phung po'i rgyun chad pas chad pa'i mdza' gcig las 'da' ba med de chad pa kho nar 'gyur ro/ /gzhan yang gal te 'gags pa skye 'gyur na/ /des na
 ji ltar rtag ma yin/ /'gags pa skye ba med gyur na/ /ji ltar chad smra nyid ma yin/ /zhes bya ba ni lha ma yin 'gags pa gang yin pa de lta'i phung po dag tu skye ba ci ste skye ba 'on te mi skye/ gal te skye bar gyur na ni des na ji ltar rtag pa ma yin te/ 'gags par gyur
 kyang yang skye ba'i phyir ro/ /ci ste skye ba med par gyur na ni/ /ji ltar chad par smra ba nyid ma yin te/ /lha ma yin gyi phung po 'gags pa gtan du skye ba med pa'i phyir ro/ /gal te 'di snyam du rgyun ngos par gnas pa la gang gi phyir phung po snga ma 'gags pa'i phyir/
 rtag pa nyid ma yin la gang gi phyir phung po phyi ma skye ba'i phyir ni chad pa nyid ma yin par sems na bshad pa/ rgyun ni rdzas su med pa'i phyir/ /rtag chad de dgag la yod ces bya ba ni/ /skad cig ma snga ma dang phyi ma 'gags pa dang/ skye bas
 mtshon pa'i rgyun ni rdzas su yod pa ma yin pa'i phyir/ kun rdzob tu yang rtag pa med pa dang/ chad pa med par tha snyad gdags su rung ngo/ /don dam par ni 'du byed kyi tshogs gang 'gags pa de ni skye ba dang mtshams sbyor ba med la/ 'du byed kyi tshogs gang
 skye ba de ni mtshams sbyor ba med pas/ de la de gnyis ma gtogs par gang la rtag pa dang/ chad pa gnyis med pas rtag pa ma yin pa dang/ chad pa ma yin par tha snyad gdags su rung ba'i dngos po rdzas su gyur par yod pa de lta bu gang yod/ de med
 phyir na ma skyes la/ /rtag med chang med rigs pa yin/ /zhes bya ba ni dngos po skyes pa yun ring du nges par gnas ba'i tshul can nyid ni rtag pa nyid yin la /skyes pa nyid rab tu zhig pa ni chang pa yin la/ gdam skyes pa de ni rtag pa nyid du yang mi
 'gyur la/ chad pa nyid du yang mi 'gyur bas/ /de'i phyir kho bo cag 'dod pa ltar don dam par skye ba med pa nyid du grub pa la ni rtag pa med pa dang chad pa med pa nyid du riD kyi khyed 'ded? pa'i rgyun la ni mi rigs so/ /yang rang gi sde pa dag rnam pa gzhan gyis phyir
 zlog par byed pa la brgal zhing brtag par bya ste/ gal te sdug bsngal mi bskyed phyir/ /sangs rgyas rnams ni chos ston pas/ /de phyir de'i 'gras yong phyir/ /skye ba yod par 'dod can/ /zhes bya ba ni pha rol po dag gi bsam pa la brtags nas phyoD
 snga ma nye bar bzhag pa yin te sdug bsngal zhes bya ba'i phung po lnga ni skye ba yod pa kho na yin te/ de mi bskyed pa'i phyir/ bcom ldan 'das kyis chos bstan pa yod pa'i phyir ro/ /'di na gang yod pa ma yin pa de la ni de mi bskyed par? phyir/ bcom
 ldan 'das kyis chos bstan pa ma mdzad de/ dper na mo gsham gyi bu bzhin no/ /gang sdug bsngal de yod pa lan? di mi bskyed pa'i phyir bcom ldan 'das kyis lam zhes bya ba'i chos bstan par yang mdzad de/ de yang thos pa dang/ bsam pa dang/ bsgom pa
 dang/ goms par byas pa'i dgra bcom pa la sogs pa dag gi phung po skye ba med pa'i 'bras bu dang ldan par mthod bas de'i phyir chos bstan pa de'i 'bras bu yod pa'i phyir/ sdug bsngal skye ba ni yod pa kho na yin no zhe na/ de'i lan du bshad pa/ gal
 te khyed de ltar sdug bsngal skye ba yod par 'do na/ gal te de ni skye 'dod na/ /de ni sngar bzhin skye med phyir/ /skye pa med pa de'i 'bras min/ /de yongs shes pa de 'bras yin/ /zhes bya ba ni bstan bcos nyid du kho bos sngar sdug bsngal de bdag dang
 gzhan dang gnyi ga dang rgyu med pa las skye ba med par bstan zin pas skye ba med pa ni chos bstan pa de'i 'bras bu ma yin no/ /'o na ci zhe na/ sdug bsngal yongs su shes pa zhes bya ba ni sdug bsngal de skye ba med par yongs su shes pa gang yin pa ste/
 de nyid chos bstan pa'i 'bras bu yin pas skye bar btags pas ci zhig bya/ sdug bsngal de ji ltar skye ba med par yongs su shes par bya zhe na /des ni bdag gis byas mi rigs/ /de nyid kyis de ma byas phyir/ /gzhan gyis byas ? 'dod de/ /gzhan gyis gzhan byed 'gal
 ba'i phyir/ /zhes bya ba ni re zhig sdug bsngal de ni sdug bsngal de nyid kyi mi byed de/ rang gi bdag nyid la byed pa 'gal ba'i phyir/ /dper na lam de nyid du lam de nyid mi 'gro ba dang/ sor mo'i rtse mo de nyid la/ sor mo'i rtse mo de nyid kyis reg par mi byed pa bzhin no/ /
 dug bsngal de yang dag bar na sdug bsngal gyi rgyu gzhan gyis kyang mi byed de/ gzhan gyis gzhan byed pa 'gal ba'i phyir/ /dper na 'bras sa lu'i sa bon gyis nas kyi myu gu mi byed pa dang/ nas kyi sa bon gyis kyang 'thas? sa lu'i myu gu mi byed pa bzhin no/ /gzhan
 yang sdug bsngal rang rgyud skye mi 'dod/ /sems can la sogs med phyir dang/ /rdzas med phyir dang dbyer med phyir/ /sdug bsngal de la rgyud kyang med/ /ces bya ba ni ci ste/ sdug bsngal de sus kyang ma byas pa nyid yin du zin kyang/ rang gi rgyud las
 skyes pas sdug bsngal ni rang gi rgyud las skyes par sems na/ rgyud de la sems can la sogs pas stong pa'i phyir sdug bsngal de sku'i? yin par 'gyur/ sems dang sems las byung ba dag kyang rgyu dang 'bras bu'i dngos por 'brel pa'i rgyud la rgyud ces bya na gyur?
 de la yang skad cig ma snga ma 'gag pa na skad cig phyi ma phyis skye pa'i phyir mar me'i 'od skye ba dang 'gag pa bzhin nam/ chu las rlabs 'byung ba dang/ 'jig pa bzhin bas rdzas su nges par gnas pa med pa'i phyir dang/ dbyer med pa'i yang phyir te/ sdug bsngal dang
 sdug? bsngal can la 'di'i rgyud las sdug bsngal 'di yod do/ zhes tha dad pa dbyer med pa'i phyir don dam par na rgyud la yang sdug bsngal de yod pa ma yin te/ de ltar sdug bsngal skye ba med par yongs su shes pa ni/ chos bstan pa'i 'bras bu yin gyi skye pa med
 par ni 'bras bu ma yin no/ /ci ste yang sde pa gzhan dag phyir bzlog par byed de/ mig la sogs pa 'du byed rnams ni skye ba dang ldan pa nyid yin te/ sems can gyi ming du brjod pa'i phyir sangs rgyas bzhin no zhe na/ de dag la 'di skad ces brjod par bya ste/ gal te mig
 sogs 'du byed rnams/ /de nyid du na skye can de/ /sems can ming du brjod pa'i phyir/ /sangs rgyas bzhin du sgrub? byed na/ /zhes bya ba ni phyogs snga ma nye bar bzhag pa nyid yin no/ /de'i lan ni 'di yin te/ /de snga la sangs rgyas skye chos min/ /de phyir de yod
 ma yin la/ /de bzhin de skye yod min te/ bdag bzhin sgyu ma bzhin 'byung yod/ /ces bya ba ni chos thams cad skye ba med par bstan pa'i phyir de bzhin gshegs pa yang ma skyes bas khyod kyi dpe med do/ /de'i phyir 'di skad ces smra bar nus te /de bzhin gsheD
 pa yang don dam par yod pa ma yin te/ sku dang gcig gam/ tha dad par dmigs su med pa'i phyir bdag dang sems can dang gang zag la sogs pa bzhin no/ /'o na gang zag gcig skye ba na skye'o/ /zhes ma gsungs sam zhe na/ rgyu dang rkyen tshogs pa las 'byung ba'i phyir
 yang dag pa ma yin pa'i bdag nyid du snang ste/ sangs rgyas kyang mtshan gyi bdag nyid kyis sgyu ma bzhin du 'byung ba ni yod par 'dod de/ kun rdzob pa yin pas 'jig rten gyi tha snyad du rgyun tu zhugs pa dang lan cig phyir 'ong ba dang/ phyir mi 'ong ba dang/ dgra bcom
 pa dang/ rang sangs rgyas dang/ byang chub sems dpa' dang/ sangs rgyas rnams zhes gdags par zad kyi/ don dam par ni ma yin no/ /de nyid lud dang rigs pas bsgrub par bya ste/ gzugs ni yang dag nyid du na/ /sangs rgyas ma yin rtog bya'i phyir/ /
 'khor los sgyur bzhin rnam shes min/ /dang gzhan snang phyir mig 'phrul bzhin/ /zhes bya ba ni 'di la mtshan dang dpe byad bzang pos legs par brgyan pa'i gzugs sangs rgyas yin nam/ 'on te rnam par shes pa rang dang yul gyi ngo bo nyid gnyis su snang
 bar grags pa sangs rgyas yin par 'dod grang na/ /gnyi ga yang yang dag pa nyid du na yod pa ma yin te/ mtshan dang dpe byad bzang po rnams ni 'khor los sgyur pa la yang yod pa'i phyir dang/ mig 'phrul gyi shes pa ni rnam par rtog pa med pa'i cha dag la yang
 yod pa'i phyir ro/ /de bzhin du phung po gzugs can sangs rgyas min/ /phung pos bsdus pa yin 'dod phyir/ /skye 'jig chos can yin phyir dang/ /shes bya yin phyir gzugs bzhin no/ zhes bya ba ni 'di ltar bcom ldan 'das la yang 'khrungs pa'i cho? na
 skye ba yod la/ mya ngan las 'das pa'i che na 'jig pa yang yod cing/ skad cig pa'i rgyun la yang 'byung ba dang 'jig pa'i skad cig ma dag yod pa'i phyir dang/ mig la sogs pa'i yul yin pas shes bya nyid yin pa'i phyir dang/ rnal 'byor pa dag gis
 bsgoms bas mthong ba'i yang phyir ro/ /sku ni sangs rgyas yin mi rigs/ /de zhig 'jig pa'i skyon phyir dang/ /gzhan gyi mtshan nyid med pa'i phyir/ /bdag bzhin de ni ga la yod/ ces bya ba ni phung po dag nyid ni sangs rgyas ma yin te/ phung po zhig
 ba na sangs rgyas kyang 'jig par thal bar 'gyur ba'i phyir/ mar me zhig pa na 'od kyang 'jig bar 'gyur ba bzhin no/ /phung po rnams las gzhan la yang/ /sangs rgyas yod pa ma yin te/ /phung po'i mtshan nyid las logs shig na dmigs su med pa'i phyir bdag la sogs
 pa bzhin no/ /brjod min rdzas med mi 'dod de/ /snga ma bzhin du gsal ba'i phyir/ /bum pa ngan du brjod min na/ /de ni ji ltar sangs rgyas 'dod/ /ces bya ba ni phung po rnams nyid kyang sangs rgyas ma yin la/ phung po rnams nyid las gzhan gnyid kyang sangs
 rgyas ma yin te/ gcig pa nyid dang tha dad pa nyid du brjod par bya ba ma yin no zhe na/ yang de ni dngos po ma yin pa'i phyir rdzas su yod pa ma yin pa nyid dang/ brjod par bya ba ma yin pa'i phyir bum pa bzhin du sangs rgyas chad par 'gyur te/ snga ma bzhin
 du bsal ba'i phyir brjod par bya ba ma yin pa nyid kyang rigs pa dang ldan pa ma yin te /de'i phyir sangs rgyas kyang skye ba med pa nyid du bstan to/ /de'i phyir lung las de bzhin gshegs pa rtag tu skye med chos/ /chos rnams thams cad bde bar gsheD
 dang 'dra/ /byis pa'i blo can mtshan mar 'dzin pa rnams/ /'jig rten dag na chos rnams med la spyod/ /de bzhin gshegs pa zag? med dge ba yi/ /chos kyi gzugs brnyan yin te 'di la ni/ /de bzhin nyid med de bzhin gshegs med kyang/ /'jig
 rten kun na gzugs brnyan kun tu snang/ zhes gsungs pa dang/ de bzhin du 'jam dpal skye ba med pa dang 'gag pa med pa zhes bya ba de ni de bzhin gshegs pa'i tshig bla dags so zhes gsungs ba la sogs pa de dag kyang grub pa yin no/ /ci ste
 yang 'di snyam du skye mched rnams ni skye ba yod pa kho na yin te/ rten cing 'brel bar 'byung mthong bas/ /chos dang sangs rgyas mthong ba'i phyir/ /rmi lam gyi glang po che yod pa ma yin pa mthong bas ni chos dang sangs rgyas mthong bar ma gsungs so/ /'di skad ces sus rten
 cing 'brel bar 'byung ba mthong ba des chos mthong ngo/ /sus chos mthong ba de sangs rgyas mthong ngo zhes gsungs pas de'i phyir rten cing 'brel par 'byung ba'i ngo bo nyid kyi skye mched rnams ni skye ba yod pa kho nar sems na/ 'dir bshad pa/ rten cing 'brel par 'byung
 mthong bas/ /chos dang sangs rgyas mthong ba'i phyir/ /skye mched skye yed mi 'dod de/ /snga ma bzhin du bsal ba'i phyir ro/ /zhes bya ba ni bstan bcos 'di nyid kyis dang por bdag dang gzhan dang gnyis dang/ rgyu med pa las skye ba med par bstan pas skye ba
 yod pa dang med pa dang gnyi ga dang/ gzhan la sogs par brtag mi bzod par bsal zin pa'i phyir ji ltar de mthong bas chos dang sang rgyas mthong ba yod par 'gyur/ don de nyid kyang brtag par byas te/ bdag dang gzhan gnyis rgyu med min/ /yod med
 rtag dang mi rtag min/ /gzhan dang gzhan min skye med pas/ /rtag dang chad pa rnam par spangs/ /skye ba yod min med pa min/ /yod med ma yin de gang na/ /de mthong stong pa mthong 'gyur ba/ /ji ltar bu ni shes par bya/ /zhes bya ba ni don dam par skye ba grub
 na ni de mthong bas chos dang sangs rgyas mthong bar yang 'gyur grang na/ /ji skad bstan pa'i tshul gyis skye pa de nyid bstan par dka' na de nyid du de mthong? bag? la yod de mthong ba yod pa ma yin na chos dang sangs rgyas mthong bar yod re skan/ nga'i? phyir
 ngo bo nyid smra'i tshig /'dod pa rnam par nyams pa yin /zhes bya ba ni ngo bo nyid yod pa ma yin pa'i phyir dngos po rnams mthong ba yang ma grub pa'i phyir ro/ zhes bya bar bsams so/ /smras pa/ ci rten cing 'brel par 'byung ba med pa kho na yin zhing de na
 mthong bas chos dang sangs rgyas mthong ba yang med pa kho na yin nam zhe na bshad pa/ gang la skye ba sgyu ma yi/ /skye ba yod pa de la rung/ /ci zhig rung zhe na /smras pa'i nyes pa'i dri bsal bas/ /dam chos sgron ma rab bstan phyir/ /mdzad pas
 phan thogs chul? gyis ni/ /kun rdzob tu ni sangs rgyas mthong/ zhes bya ba ni yod pa dang med pa la sogs par smra ba'i skyon rnams nyid dri ma ste/ de bas la cing bral bar byas pas rten cing 'brel par 'byung ba zhes bya ba'i dam pa'i chos kyi sgron ma gti
 mug gi mun pa 'joms pa ji skad bstan pa gang yin pa de rab tu bstan pa'i phyir mdzad pas phan 'dogs pa'i tshul gyis kun rdzob tu sangs rgyas mthong bar rung ngo/ /gang gi phyir zhe na/ rten cing 'brel par 'byung ba 'dus pa'i bdag nyid ngo bo nyid med pa
 kun rdzob pa'i shes pas mthong na de dang tha mi dad pa'i chos mtshan dang dpe byad bzang po dang stobs dang/ mi 'jigs pa dang/ sangs rgyas kyi chos ma 'dres pa la sogs pa 'dus pa'i ngo bo nyid med pa'i sangs rgyas kyang mthong bar 'gyur ba'i phyir ro//
 'o na de nyid don dam pa mthong ba ma yin nam zhe na/ ma yin te ji ltar zhe na/ bshad pa de ni de nyid mthong min te/ /rgyu 'dra yang dag ma yin phyir/ /zhes bya ba ni rten cing 'brel par 'byung ba de nyid yang dag par rnam par dpyad na rgyu rkyen cho gas pa tha
 dad pa dag la dngos por dmigs su med pa'i phyir/ sgyu ma byas pa dang 'dra bas mthong ba med pa nyid mthong ba zhes tha snyad gdags pa de yang kun rdzob yin de yang rab tu brtags min rnam shes min/ /brtag bya ma yin dpe med pa/ /mtshan ma med
 cing snang ba med/ /rnam rtogs med cing yi ge med/ /lta pa'i blo yis rtogs bya ba/ /mthong ba med bas de mthong yin/ zhes bya ba la rab tu brtag min zhes bya ba la sogs pa'i tshigs rnams kyi don ni sngar phyag 'tshal ba'i tshig le'ur byas pa dag gi
 skad su bshad pa bzhin du khong du chud par bya'o/ /lta ba'i blo yis rtogs bya ba /zhes bya ba ni rab tu dbyed pa med pa'i tshul gyis rab tu spyod pa'i mtshan nyid kyis blos rtogs par bya ba chos kyi de nyid so sor rang gis rig par bya ba thub pa'i yul gyi dngos por yang mi 'gyur ba ste/
 chos thams cad kyi ngo bo nyid yongs su ma grub pa'i phyir/ de'i phyir mthong ba med pa de mthong ba yin no zhes mthong ba med pa nyid mthong ba'o zhes nye bar gdags te/ ji skad du mthong ba med pa de nyid mthong ba'o/ zhes gsungs pa lta bu'o/ /skye ba dgag pa ji skad bstan pa
 dag gi mjug sdud par byed pa ni 'di yin te/ de ni don dam nyid du na/ /bdag las ma yin gzhan las min/ /gnyis las ma yin rgyu med min/ /yod med ma yin gzhan ma yin/ /sred med dbang phyug skyes bu dang/ /gtso bo rdul phran la sogs pa'i//
 rgyu las skyes dang gsal bya yi/ /dngos po 'ga' yang yod ma yin/ zhes bya ba'i tshig le'ur byas pa de gnyis ni dngos po thams cad la skye ba'i rnam pa gzhan med pa dang /skyed pa dang mngon par gsal bar byed ba'i rgyu med pas khyab par gyur pa nyid du
 bstan to/ /gzhan yang de la ngo bo nyid las/ mtshan gzhi mtshan nyid brten pa dang/ /gcig nyid gzhan nyid kun nyon mongs/ /rnam par byang ba bya brten pa/ /dper na mkha' la lcag 'debs dang/ /tshon gyi ri mo'i las dang ni/ /sa bon dag ni skye
 med ltar/ /rtog pa thams cad skye ba med/ ces bya ba ni skye ba med pa de la sra ba nyid dang /gsher ba nyid dang /tsha ba nyid dang/ yang zhing g.yo ba nyid ces bya ba'i ngo bo nyid la rten dang/ brten pa dang/ sdud pa dang/ smin pa dang /'gyur bar byed pa zhes bya
 ba'i las la brten pa dang /ba lang la sogs pa'i lkog shal dang /mjug ma la sogs pa'i mtshan nyid 'dus pa zhes bya ba'i mtshan gzhi dang mtshan nyid la brten pa dang/ bum pa la sogs pa gzugs la sogs pa ngag dang gcig pa nyid dang
 gzhan nyid la brten pa dang /bcings pa dang thar pa'i kun nas nyon mongs pa dang /rnam par byang bar bya ba la brten pa'i rtog pa thams cad dper na nam mkha' la lhag 'debs pa dang/ tshon? gyi ri mo'i las sna tshogs dang sa bon dag skye?
 ba med pa ltar rtog pa de dag thams cad skye ba med do/ /skye ba med pa de la rtog pa de dag thams cad mi srid de ltar des ni de nyid shes pa'i rnam bar mi rtog pa nyid ston par byed do/ /da ni mthong ba med pa ni de nyid mthong ba'o/ zhes bya ba de rigs pas sgrub par
 byed de/ rab rib phral bar gyur pa'i mig /rnam dag dri ma med pa la/ /skra dang sbrang bu zla gnyis dang/ /rma bya'i mdongs dag mi snang ltar/ /mkhas pa nyon mongs shes bya yi/ /sgrib mun rab rib bral gyur cing/ /yang dag mkhyen can dri med la'ang//
 de bzhin ci yang snang ba med/ ces bya ba ni dper na rlung dang bad kan dang mkhris pa dang/ 'dus pa la sogs pa'i skyon mi snyam pa shas chen pos rab rib stug por gyur pa la skra shad dang/ sbrang ma dang/ sbrang bu la sogs pa yang dag pa ma
 yin pa dag rgyun tu snang ngo/ /de sman pa mkhas pa rab rib sel ba'i mig sman reng bu legs par sbyar ba yang dag par bsten pas skyon gyis mthu nyams shing rab rib dang bral te/ mig rnam par dag cing dri ma med pa la sngar mthong ba'i skra shad
 la sogs pa dag mi snang ba de bzhin du rnal 'byor pa mkhas pa la yang sngon thog ma med pa'i dus nas bsags pa'i skyon nyon mongs pa dang/ shes bya'i sgrib pas blo gros kyi mig bsgribs pa'i tshan rang gi rnam par rtog pas sgro btags pa
 gzugs la sogs pa'i dngos po'i ngo bo nyid dang/ mtshan nyid dang/ mtshan nyid kyi gzhi dang/ rgyu dang 'bras bu dang/ gcig pa nyid tha dad pa nyid dang/ gnyi ga nyid dang /yod pa dang med pa dang /rtag pa dang chad pa dang/ kun nas nyon mongs
 pa dang/ rnam par byang ba la sogs pa rtog pa'i rnam pa dpag med pa'i bye brag tha dad pas tha dad par gyur pa'i dngos po rnams rnam pa du mar snang ngo/ /des chos thams cad kyi ngo bo nyid dmigs su med pa'i bdag nyid stong pa nyid mthong ba'i mig sman yongs su bsten pas 'dod
 chags la sogs pa'i skyon shas chen po'i rab rib kyi ling tog zhi bar gyur cing /rnam pa thams cad mkhyen pa nyid kyi ye shes rnam par mi rtog pa skad cig gcig gis chos thams cad mkhyen pa skyes pa'i dus na ci yang mi gzigs te/ sangs rgyas kyi spyan sgrib pa med
 cing thogs pa med pas shes bya thams cad lag mthil du skyu ru ra'i 'bras bu bzhag pa bzhin mngon sum du gzigs pa/ rnam par rtog pa dang phyin ci log mi mnga' ba brnyes pa'i phyir ro/ /gzhan yang /dper na gnyid log gnyid dbang gis/ /bu dang bud med gzhal
 med khang/ /gnas la sogs pa mthong gyur pa/ /sad na de la mi mthong ltar/ /de bzhin kun rdzob shes pa dag/ blo gros mig ni bye gyur cing/ /mi shes gnyid dang bral gyur nas/ /sad pa'i tshe na mi mthong ngo/ zhes bya ba ni dper na gnyid log pa'i rmi lam na med bzhin
 du yang gnyid kyi dbang gis bu mchog tu yid du 'ong ba zung phung mdzes pas mgo brgyan pa/ gzhon nu skad snyan pa smra ba dag dang/ bud med skra mdog sngo zhing snum bag can gyis mgo brgyan pa /mig ud pa la'i 'dab ma lta bu yid 'phrog pa dang ldan pa /so'i
 'od zer gsal bas bzhin mdangs dri ma med pa bzang pos gsal bar snang ba/ /nu ma zlum bag mthon po zung gis brang gi nu 'jing? legs par brgyan pa/ lus dang yan lag 'jam zhing mdzes la gzhon sha chags pa dag dang /gzhal med khang pu shu nyaMs
 dga' ba yang thogs mdzes pa/ khang bzhag khyer sdug pa /gdung phyam snol mar btang ba/ ka pa'i phreng bas khyams la sogs pa mdzes par byas pa dang/ gnas khang bzang rgyud mo dang phyir sdug por 'brel ba/ yang thogs dang grong khyer du ldan pa dag dang/ de
 lta bu la sogs pa skyed mos tshal 'bras bu dang me tog gi shing ljon pa'i tshoms sbrengs pa dag dang/ ri bo ri dags kyi rigs sna tshogs rnam bar? rgyu ba bya'i tshogs mdza' yas pa sgra skad snyan ba 'byin pa/ nags tshal gyi phreng ba mdzes pa stug po sprongs?
 pa/ spo mthon po dang ldan pa dang /rgyal po la sogs ba dpung gi chogs shing rta mang po dang/ glang po che dregs pa dang/ rta bzang po dang/ dmag mi rung ba bkrabs pa rgyal mtshan can mang po dkrigs pa dang ldan pa dag dang/ de lta bu la sogs pa'i dngos po
 dag mthong bar gyur ba na thams cad la yang dag pa'i 'du shes 'byung bar 'gyur ro/ /de gnyid sad na yang de la ci yang mi mthong ste/ rmi lam na mthong ba'i dngos po rnams ni yang dag pa ma yin pa'i phyir ro/ /de bzhin du rnal 'byor ba yang sngon mi shes pa'i gnyid kyi
 blo gros rnam par rmongs pa'i tshon kun rdzob kyi dngos po kha dog dang/ dbyibs dang kha gdong dang/ rkang pa dang lag pa dang/ spyod tshul dang/ cha lugs dpag tu med pa dang/ khams dang/ 'gro ba dang skye gnas rnam pa sna tshogs tha dad pas tha dad par gyur pa'i
 sems can dang/ yul dang lha dang /mi la sogs pa dag mthong pa dang thos pa dang /bsnams pa dang myang ba dang/ reg pa dang/ bsams pa rgyun mi 'chad pa nye bar bsten cing shes par byas pa dag gang gi tshe blo gros kyi mig bye bar gyur cing mi shes ba'i
 bag chags kyi gnyid dang bral bar gyur nas sad pa dang 'dra bar bde bar gshegs pa'i ye shes dri ma med pa shar bar gyur pa de'i tshe na ci yang mi mthong ste/ dngos po'i ngo bo nyid mi dmigs pa'i phyir ro/ /yang dper na 'ga' zhig mtshan mo'i sprin stug pos
 skar ma'i tshogs kyi snang ba'i cha yang bsgribs pa'i mun khrod na 'jigs pas kun nas bslang zhing mi bden pa'i rnam par rtog pa'i blos bsgrubs pa'i 'byung po? yang dag pa ma yin pa ral pa can mig dmar ser bgrad ba lta bu dang ldan pa/ lag sor gyis na mo rid?/
 zhing rtsub? pa'i lag pa brgyad zhing brdeg par bzo ba 'jigs su rung ba dag mthong ba las des nyi ma'i dkyil 'khor shar ba na mun ba ma lus par bsal te/ phyogs dang phyogs mtshams gsal bar snang ba'i tshe na 'jigs shing skrag pa dang bral te/ yang dag pa ma yin pa'i 'byung po ci yang
 mi mthong ba de bzhin du 'dir yang sems can srid pa'i mtshan mo ma rig pa'i mun pas shes pa'i snang ba bsgribs pa'i mun khrod na yang dag pa ma yin pa'i rnam par rtog pas blo gros dkrugs pa dag gis nang dang phyi rol gyi dngos po don dam pa ma yin pa yul dang yul
 can gyi ngo bo nyid du nges par gnas pa 'jigs su rung ba dag mthong ngo/ /de nyid kyi stong pa nyid dang mtshan ma med pa dang/ smon pa med pa'i shes pa'i yang dag pa'i ye shes kyi nyi ma shar nas mi shes pa'i bag chags dang/ mtshams sbyor ba'i nyon mongs pa mdza' 
 dag bsal ba'i tshe na/ sems dang sems las byung ba'i spyod yul dang bcas pa rnams dngos po dang ngo bo nyid du mi mthong zhing mi dmigs te/ bla na med pa'i ye shes shar ba na dbugs phyin ba chen po thob ba'i phyir ro/ /don de nyid tshig le'ur byas pa gnyis
 kyis ston par byed de/ dper na mtshan mo mun khrod na/ /'byung ba yang dag min mthong ba/ /nyi ma shar cing mig bye'i tshe/ /snang bar 'gyur ba ma yin ltar/ /de bzhin mkhas pa yang dag gi/ shes pa'i nyi mas mi shes pa'i/ /bag chags ma lus bcom pa'i tshe/ /sems
 dang sems byung yul mi mthong/ /zhes bya ba gnyis kyis bstan to// //dbu ma'i snying po'i 'grel pa rtog 'bar ba/ /bem po bcu ba/ /gal te 'di snyam du rab rib can mig dag pa dang/ gnyid log pa sad pa dang/ mun khrod na
 'dug pa snang ba phrad nas 'khrul pa dang bral bar gyur pa dag gis ni gzuD la soD pa'i dngos po'i ngo bo nyid mthong bar 'gyur gyi/ rnal 'byor pa de nyid shes pa'i shes pa skyes pa'i chen ni ci yang mi mthong bas dpe dang don mi thun pa'i phyir dpes don mi
 'grub par sems na de la bshad pa 'di la rnam pa thams cad du mthong bar mi 'grub pa'i phyir mthong ba med pa mthong ba'o zhes nye bar gdags so zhes bstan zin mod kyi/ yang bshad par bya ste/ dngos rnams ngo bo nyid yod par/ /mi thong
 dngos nyid ma grub phyir/ /yang na dngos nyid skye med phyir/ /sgyu ma'i glang chen ji bzhin no/ zhes bya ba ni mkhas pa rnams ni kun rdzob tu gzugs la sogs pa ji ltar yid kyis rnam par brtags pa'i ngo bo nyid la sgro 'dogs par yang mi byed/ skur pa 'debs
 par yang mi byed par 'jig rten dang mthun pa'i shes pas lta bar byed pas dngos po ci yang mi mthong ba yang ma yin la/ ngo bo nyid med par yang mthong ngo/ /don dam par ni dngos po rnams ngo bo nyid yod par mi mthong ste/ dngos po'i ngo bo nyid ma
 grub pa'i phyir sgyu ma'i glang po che bzhin no/ zhes ston to/ /de la re zhig sems dang sems las byung ba dag ni skad cig tsam las mi sdod de/ skad cig de yang dang po dang bar dang tha ma'i dbye bas ches phra ba nyid du zhugs pas rang gi ngo bo spong ba'i
 phyir nges par mi 'grub pas re zhig de ltar sems dang sems las byung ba dag ngo bo nyid du ma grub ste/ lag bzang gis zhus pa'i mdo las ji skad du/ 'jig rten 'di ni skad cig las lhag par mi gnas te/ skad cig gang yin pa de la yang skye ba'i
 dus kyang gzhan gnas pa'i dus kyang gzhan 'gag pa'i dus kyang gzhan no/ zhes bya ba la sogs pa gsungs pa lta bu'o/ /gzugs can yang na dang nga phyi rol gyi dngos po lus dang myu gu la sogs pa thams cad kyang/ sa dang chu dang me
 dang rlung dang gzugs dang dri dang ro dang reg pa zhes bya ba'i rdzas brgyad 'dus pa sha stag ste/ de la lus dang myu gu dag ni sa ma yin la sa las gzhan pa yang ma yin te/ de gnyis la yang sa med sa la yang de gnyis med do/ /de bzhin du bdun po
 gzhan dag la yang sbyar ro/ /sa dang chu la sogs pa dag nyid kyang rdzas brgyad 'dus pa'i bdag nyid de de la gzugs ni sa nyid ma yin la gzugs las sa gzhan pa yang ma yin/ gzugs la yang sa med sa la yang gzugs med de /gzhi dang bzhag pa'i ngo bo
 nyid du gnas pa yang med pa'i phyir ro/ /de bzhin du lhag ma re re la yang re re'i ngo bo nyid med do/ /de bzhin du 'byung ba gsum yang sam yin te/ ngo bo nyid dang las tha dad pa'i phyir ro/ /'byung ba gsum las sa gzhan pa yang ma yin te/ de dag
 ma gtogs par sa dmigs su med pa'i phyir ro/ /gal te 'byung ba gsum ma gtogs par sa grub par gyur na de'i phyir 'byung pa gsum las gnas pa 'am sa la 'byung ba gnas par 'gyur ba zhig na/ 'byung ba gsum ma gtogs par sa'i ngo bo nyid
 med de /me las logs shig na bud shing med pa bzhin no/ /me yang 'byung ba gsum 'dus pa sbyir gnas pa nyid la dmigs par zad kyi me 'ba' zhig gi ngo bo nyid ni rdul phran tsam yang med do/ /gal te 'byung ba gsum ma gtogs par ma 'ba' 
 zhig yod par gyur na/ bud shing med par yang me dmigs par 'gyur ba'i rigs so/ /de bzhin du chu dang rlung gnyis kyi ngo bo nyid 'ba' zhig pa med do/ /gzugs kyi ngo bo nyid kyang dri dang ro dang reg pa ma gtogs par med la de dag gi ngo bo nyid kyang phan tshun
 gcig pa gcig ma gtogs par med do/ /de dag gcig pa nyid dang gzhan nyid kyang ma yin te /gzugs nyid dri dang ro dang reg pa nyid ma yin te /mtshan nyid tha dad pa'i phyir ro/ /gzugs da dag las gzhan pa nyid kyang ma yin la /gzugs la yang de dag med de
 dag la yang gzugs med de/ tha dad pa ma yin pa'i phyir ro/ /tha dad pa'i dngos po las kyang sa la sogs pa dag la gzugs la sogs pa tha dad du kar te de nyid dang gzhan nyid dang /de la de dag yod pa dang de dag la de yod pa ma yin par dgag par bya'o/ / 
 gzugs la sogs pa dag kyang phan tshun blos rnam par phye ste/ de nyid dang gzhan nyid dang de la de dag yod pa dang/ de dag la de yod pa ma yin par dgag par bya'o/ /'ba' zhig pa'i dngos pos kyang gzugs la rdul phra rab bkar te/ de nyid
 dang gzhan nyid dang/ de la de dag yod pa dang de dag la de yod pa ma yin par dgag par bya'o/ /rdul phra rab bdag kyang phyogs kyi bye brag gis cha drug tu dbye bas tha dad la/ cha yang phyogs kyi bye brag gis cha drug tu dbye bas tha dad pa dag kyang de nyid dang gzhan nyid
 de la de dag yod pa dang de dag la de yod pa ma yin par dgag bar bya ste/ de ltar dngos po rnams ngo bo nyid yongs su ma grub par khong du chud par bya'o/ /yang na dngos nyid skye med phyir /zhes bya ba'i gtan tshigs kyis ni rgyu ni 'bras bu logs shig par
 bskyed bar mi byed de/ rgyu 'ba' zhig yod du zin kyang 'bras bu skye ba med pa'i phyir ro/ /rkyen rnams kyang skyed par byed pa dag ma yin te/ rgyu med na 'bras bu bskyed par mi nus pa'i phyir ro/ /rgyu dang rkyen tshogs pa dag kyang skyed par byed pa ma yin te/ de dag
 la 'bras bu myu gu 'am mi zhes bya ba dag med pa'i phyir ro/ /de'i phyir kun rdzob tu rgyu dang rkyen du snang ba'i bdag nyid las skye bar mthong zhing ngo bo nyid bdag nyid las skye bar mthong zhing ngo bo nyid ni med de sgyu ma'i glang po che bzhin no/ /dper na sgyu ma'i glang po
 che ni sgyu ? gyi bsams pa dang/ rtswa dang me tog dang/ sman dang/ rma bya'i mjug sgro dag gis mngon par bsgrubs pa rgyu rkyen dang/ glang po che lta bur snang ba ni yod la de la glang po che yang dag ba'i ngo bo nyid ni med do/ /glang bo che yang dag pa'i ngo bo nyid
 kyis stong yang glang bo che'i gzugs ni snang ste/ de la sgyu ma shes pa dag gis ngo bo nyid mi dmigs pa ? shin du phyi dang nang gi dngos po thams cad kyang rgyu dang rkyen tshogs pas bskyed pa bcos ma'i ngo bo nyid du ni dmigs su yod la /de dag la rgyu dang rkyen du snang ba
 ma gtogs pa'i dngos po ni rdul phra rab tsam gyi cha shas kyang yod pa ma yin te/ 'di skad du rab 'byor gang la gnas su? sems can rnams las sna tshogs mngon par 'du bya ba byed pa'i dngos po ni skra'i rtse mo'i cha shas tsam yod pa ma yin no/ zhes bya ba la sogs
 pa gsungs pa dang/ de bzhin du dngos po 'ga' yang med mi skye/ /yod pa mi skye yod med min/ /rkyen rnams nyi tshe 'ba' zhig dag/ skye ba dang ni 'gag par snang/ zhes gsungs pa lta bu'o/ /don de nyid bstan pa'i phyir tshig le'ur byas pa gzhan gyi tshad ma gnyis
 nye bar sbyor bar byed de/ dngos rnams ngo bo nyid yod pa/ /mi mthong kun rdzob skye yod phyir/ /yang na rgyu dang ldan pa'i phyir/ /sgyu ma'i glang chen ji bzhin no zhes bya ba ni dngos po rnams ni ngo bo nyid med pa yin te/ kun rdzob du rgyu dang rkyen 'dra ba'i bdag nyid las
 skye ba yod pa'i phyir/ sgyu ma'i glang po che bzhin no/ /yang na so sor nges pa'i 'bras bu bskyed nus pa'i rgyu dang ldan pa'i phyir sgyu ma'i glang po che bzhin no/ /'dir smras pa/ khyod skye ba med pa bsgrub pa'i sgo nas yod pa nyid 'gog par byed pas med pa nyid khas
 blangs shing chad par smra ba yang bsgrubs bar byung to zhe na/ bshad pa/ gal te kho bos bsgrubs pa'i tshul gyis dngos po rnams kyi yod pa nyid bkag pas med pa'i ngo bo nyid bsgrubs par gyur na ni de ltar yang 'gyur ba zhig na gang gi phyir kho bo mdza' 
 gnyis spang ba'i tshul gyis dbu ma'i lam ston pa'i shes pa rtog par 'dod pa de'i phyir med pa nyid kyang 'gog par byed de dngos rnams med ces bya ba'i blo/ /don bzhin yin par mi 'dod de/ /rtog pa'i sgo nas grub pa'i phyir/ /mtho yor la ni mi blo bzhin/ zhes
 bya ba ni dngos po rnams med do zhes bya ba'i blo gang yin pa de yang don dam par ni log pa yin te/ ci'i phyir zhe na/ de yang rtog pa'i sgo nas grub pa'i phyir dper na mun khrod dam thag ring po na 'dug pa'i shing sdong la sogs pa la ming shes pa'i blo bzhin no/ /
 yang na yang dag ma yin blos/ /dmigs bya'i dngos bdag log par 'dod/ /rtog pa'i shes pa'i yun yin phyir/ /smig rgyu la ni chu blo bzhin/ zhes bya ba ni yang dag pa ma yin pa blos dmigs par bya ba'i don gyi ngo bo nyid gang yin pa de ni log ba
 yin gyi yang dag pa ma yin te/ don ji lta ba bzhin ma yin pa'i rtog pa'i shes pa'i yul yin pa'i phyir/ dper na smig rgyu la chur 'du shes ba yod du zin kyang chu nyid ma yin pa bzhin no/ /gang dag 'di skad ces dngos po rnams ni gcig tu yod pa nyid kyang ma
 yin te/ rgyu'i skad cig ma 'gag pa'i phyir ro/ /gcig tu med pa nyid kyang ma yin te/ 'bras bu'i skad cig ma skye ba'i phyir ro/ /de'i bla yang yod med kyi ngo bo nyid kho na'o zhes zer ba de dag gi phyir bshad pa/ yod med blo ni rtogs bya ba/ /bkag phyir de bzhin mkhaS
 rnams kyis/ /rnam par mi rtogs blo gros ni/ /skye ba med pa'i tshul gyis skye/ zhes bya ba ni dngos po rnams yod med gcig yin no snyam pa'i blo gang yin pa de yang de nyid du na log pa yin te/ /de yang rtog pa'i sgo nyid nas sgrub pa'i phyir dpong? na mthe yod la 'di mi
 'am mtho yong? snyam du the chom? zar zin kyang mi nyid yin no snyam pa'i blo log pa bzhin no/ /de bzhin du yod med kyi blos dmigs par bya ba'i dngos po'i bdag nyid gang yin pa de yang de nyid du na log pa yin te /de yang rtog pa'i shes pa'i yul yin pa'i
 phyir smig rgyu la chu nyid bzhin te/ de yang dang po chu'i blo skye zhing chur mi dmigs pa na de'i blo yang med pa'i phyir ro/ /de'i phyir de ltar yod pa dang med ba gnyi ga'i bdag nyid kyi shes bya ba med pa'i phyir dmigs pa med pa'i blo yang skye ba med la blo de'i
 skye ba med gang yin pa de nyid skye ba zhes nye bar gdags te/ dmigs su med brtogs pa'i phyir ro/ /skye ba med pa nyid ni de'i rnam par mi rtog pa nyid yin par shes par bya'o/ /gal te pha rol dag 'di snyam du stong pa nyid ni dngos po rnams kyi ngo bo nyid med
 par byed bas dper na tho bas bum pa la sogs pa 'jig par byed pa dang/ mi ngas kyis skye bo zad par byed pa lta bu yin la stong pa nyid de rang gi stong pa nyid ma yin pas stong pa nyid du rnam par rtog pa dang ma bral ba'i phyir /ji ltar rnam bar mi rtog pa'i blo gros srid par
 'gyur snyam sems pa gsal ba'i phyir bshad pa/ chos rnams thams cad stong pa'i phyir/ /de mi stong pa'i sgo nas kyang/ /mi rtog blo gros mi 'dod min/ /de ni sngar bzhin bkag phyir ro zhes bya ba ni chos rnams stong ngo snyam pa'i blo gang yin pa de yang don dam par na
 log ba yin te /rtog pa'i sgo nas grub pa'i phyir dper na mtho yor? la mi'i blo bzhin no/ /de bzhin du stong pa nyid kyis blos dmigs par bya ba'i dngos po'i bdag nyid gang yin pa de ni log pa yin te/ rtog pa'i shes pa'i yul yin pa'i phyir dper na smig rgyu la chur
 shes ba bzhin no/ zhes snga ma bzhin du de yang bkag pa'i phyir rnam par mi rtog ba'i blo gros mi srid ba ma yin te/ 'o na ji ltar zhe na/ srid pa kho na yin no/ /mdo sde las stong pa nyid stong pa nyid ces gsungs pa'i rjes su 'jug pa'i phyir bshad pa/ gang phyir stong nyid
 stong sogs kyi/ /ngo bo nyid kyis stong de'i phyir/ /mkhas bas stong pa nyid la yang/ /stong pa nyid du lta mi 'gyur/ zhes bya ba ni dngos po'i ngo bo nyid mi dmigs pa'i phyir stong pa nyid yin la de yang ngo bo nyid kyi dmigs su med pa dang dngos po med pa yin bas mkhas pa
 rnams de la stong pa nyid yin no zhes stong pa nyid kyi dngos por gyur par mi lta bas stong pa nyid du yang rnam par rtog par mi byed do/ /gang yang yod pa ma yin pa de la dngos por 'dzin par byed pa de dag ni smad par 'gyur te /ji skad du gang stong pa nyid du lta ba de ni gsor mi
 ? smra'o/ zhes gsungs pa lta bu'o/ /ci ste 'di snyam du stong pa nyid gang yin pa de ni de bzhin nyid yin te de ni snang ba med ba dang/ dngos por med pa'i ngo bo nyid yin na de la dmigs pa bde bar gshegs pa'i ye shes de yang don ji lta ba bzhin nyid ma yin bar
 'gyur ram ci zhes bya bar sems pa dag gi phyir bshad pa /dngos po'i bdag nyid snang med na/ mi rtog blo'i spyod yul yang/ /don bzhin ma yin dmigs bya'i phyir/ /chu zla la ni zla blo bzhin/ /zhes bya ba ni chu zla la yang mngon sum gyi blo rnam par
 rtog pa skye ba med pa'i phyir dmigs par bya ba nyid du mthun pas log pa yin pa de bzhin du snang ba med pa'i ye shes kyi spyod yul yang log pa nyid yin te/ 'dir khung? ni mdo sde las/ byang chub kyang rmi lam lta bu dang sgyu ma lta bu'o zhes gsungs pa lta bu yin no/ /gzhan
 yang rnam par mi rtog don yul gyi/ /blo rnams rtog pa med pa'ang rdzun/ /bdag med la sogs ngo bo'i phyir/ /dper na rnam rtog bcas blo bzhin zhes bya ba ni rnam par mi rtogs pa'i blo'i don gyi yul snang ba med pa zhes bya ba gang la yod pa'i blo rnam par rtog pa med
 pa de yang log pa yin te/ bdag dang bde ba la sogs par rnam par rtog pa spangs su zin kyang/ bdag med pa dang sdug bsngal ba la sogs par rnam par rtog pa'i ngo bo nyid yin pa'i phyir /dper na rnam par rtog pa dang bcas pa'i blo gzhan bzhin no/ /gal
 te med pa yang log pa yin te/ bdag dang bde ba 'di skad ces gzhan gyi phyogs su 'byin pa'i phyir dang /rang gi phyogs mi 'dzin pa'i phyir co 'dri ba nyid du ma gyur tam zhe na /de'i phyir rang gi grub pa'i mdza' las grags pa'i de nyid dang /de
 thugs su chud pa'i ston pa phyogs nyid du bzhag par bya ste/ shes bya rnams kun ma grub phyir/ /gang la rnam par mi rtog pa'i/ /blo yang skye bar mi 'gyur ba/ /de nyid mnyam med de mkhyen gsung /zhes bya ba ni 'das pa dang ma 'ongs pa dang da ltar byung ba
 brjod par bya ba ma yin pa dang/ 'dus ma byas zhes bya ba rnam pa lnga po bstan pa de dag rnam pa thams cad du ngo bo nyid yongs su ma grub pa'i phyir yul gang la rnam par mi rtog pa'i blo dmigs pa med pa yang skye bar mi 'gyur ba'i don dam pa de nyid gzhan
 gyi dring mi 'jog pa rnam par mi rtog pa /zhi ba mtshan nyid med pa tha dad pa nyid ma yin ba skye ba med pa 'gag pa med pa dngos po med pa mngon par 'du bya ba med pa brjod du med pa/ mnyam pa med pa nyid yin par de mkhyen pa'i? thaMs cad mkhyen pa gsung ngo/ de rtog phyir na gang zhig la /blo skye med
 pa sangs rgyas dngos/ /rnam rtog gnyid ni sangs phyir dang/ /rtogs pa med pas rgyas phyir dang/ zhes bya ba ni de nyid rnam pa de lta bu de rtogs pa'i phyir gang la blo skye ba med pa de ni sangs rgyas dngos zhes bya ste/ rnam par rtog pa'i gnyid sangs pa'i phyir dang/
 shes dmigs su med pas rtogs pa med pa nyid kyis blo rgyas pa'i phyir te/ rtogs pa med pa nyid rtogs pa'o zhes nye bar gdags pa byas pa'i phyir ro/ /'o na rtogs pa de nye bar btags par 'gyur te/ chu la me nyid du nye bar btags pa lta bur mi 'gyur ram
 zhe na/ nye bar btags pa ma yin te/ de las gzhan pa'i dngos po med pa'i phyir rnam par shes pa la bdag nyid du brjod pa bzhin no/ /'o na ji ltar de nyid rtogs pas mdzad pa nyid yin zhe na /gnyid log pa lta bu'i rnam par rtogs pa yang dag pa ma
 yin pa dang/ bral na gnyid sangs pa lta bu dang/ dmigs su med pa yang dag pa'i don ji lta ba bzhin rtog pas blo rgyas pa'i phyir ro/ /yongs shes bya sogs mthar thug dang/ /mnyam nyid rtogs par gyur pa dang/ /sbrul pa dag gis skal ldan
 gyi/ /blo'i pad+ma kha? 'byed phyir/ /sangs rgyas zhes bya bar sbyar ro/ /de la gtsug lag khang gsum gyi tshul gyis kun rdzob tu yongs su shes par bya ba la sogs pa mthar thug pa'i phyir sangs rgyas zhes bya ste /yongs su shes par bya ba dang spang bar bya ba dang
 mngon sum du bya ba dang/ bsgom par bya ba'i rnam pas sdug bsngal dang/ kun 'byung ba dang 'gog pa dang/ lam mthar thug pa brnyes pa'i blo gang gis 'phags pa'i bden pa bzhi po dag yongs su shes pa dang spangs pa dang mngon sum du mdzad pa dang
 bsgom pa thugs su chud pa des 'phags pa'i bden pa bzhi rtogs pa'i phyir sangs rgyas zhes bya ste/ ji skad du/ yongs su shes bya yongs shes shing/ /spang bya spangs shing mngon sum byas/ /bsgom bya dag ni bsgoms pas na/ /de phyir bzod ldan pa?
 sangs rgyas/ zhes gsungs pa lta bu'o/ /theg pa chen po'i tshul gyis ni mnyam pa nyid rtogs par 'gyur ba'i phyir sangs rgyas zhes bya ste/ ji skad du shes rab kyi pha rol tu phyin pa chen mo las/ sdug bsngal shes pas yongs su mya ngan las mi 'da' zhing sdug bsngal
 gyis kyang mi 'da' o/ /kun 'byung ba shes pas yongs su mya ngan las mi 'da' zhing kun 'byung bas kyang mi 'da' o/ /'gog pa shes pas yongs su mya ngan las mi 'da' zhing 'gog pas kyang mi 'da' o/ /lam shes pas yongs su mya ngan las mi 'da' zhing lam gyis
 kyang mi 'da' ste /'di ltar 'phags pa'i bden pa bzhi po 'di dag gi mnyam pa nyid gang yin pa de ni ngas? rnam par byang ba yin par bstan te/ mnyam pa nyid ni de bzhin nyid ces bya ba la sogs pa gsungs pa dag gis nges par gzung ngo/ /yang stong
 gsum gyi stong chen po'i 'jig rten gyi khams kyi steng na 'og min zhes bya ba'i gzhal med khang 'jig rten las 'das pa'i dge ba'i rtsa ba mchog khyad par du 'phags pa bla na med pa las nges par 'byung ba'i dkyil 'khor na byang chub sems dpa' 
 'dod pa tsam gyis mngon par rdzogs bar 'tshang rgya ba'i mthu yod pa dkrigs pa dag gis mchod cing bde bar gshegs pa phyogs bcu na bzhugs pa mdza' yas pa dag gi phyag gis bla na med pa'i dam pa'i chos kyi rgyal srid la mnga' gsol
 ba'i cod pan dbu la gsol ba/ legs par spyod pa bskal pa grangs med pa gsum du yang dag par bsags pa dpag tu med pa dag gis nyon mongs pa can gyis mun nag rab 'byams mdza' yas ba rab tu bcom ste/ yid bzhin gyi nor bu
 dang dpag bsam gyi shing mthu sna tshogs dang ldan pa ltar rang 'byung gi ye shes skad cig gcig gis chos thams cad mnyam pa nyid du mkhyen pa rnam par mi rtog pa sgrib pa med pa phyin ci ma log pas rang gi de nyid gnyis su med pa gzhan gyi dring mi
 'jog pa rnam par mi rtog pa zhi ba tha dad pa nyid ma yin pa/ dmigs su med pa'i bdag nyid thugs su chud pa ni sangs rgyas zhes bya'o/ /de nyid na bzhugs bzhin du 'dzam bu'i gling bye ba phrag brgya dag tu dga' ldan gyi pho brang na bzhugs pa theg mar
 mdzad de/ 'pho ba dang/ lhums su 'jug pa dang/ lhums na zhugs pa dang/ bltams pa dang/ gzhon nu rol ba dang/ btsun mo'i 'khor gyi nang na bzhugs pa dang/ mngon par 'byung ba dang/ dka' ba spyod pa dang/ byang chub kyi snying por gshegs
 ba dang bdud 'dul ba dang/ mngon bar rdzogs par byang chub pa dang/ chos kyi 'khor lo bskor bar bskul ba dang/ yongs su mya ngan las 'das pa chen po ston pa la sogs pa'i sprul pa dag gis sems can gzhan dag tu dad pa la sogs pa'i dge
 ba'i rtsa ba rgya chen po nye bar bsags pas nye bar bstan pa / rgyu yongs su smin pa skal pa dang ldan pa rnams kyi blo'i pad+ma kha 'byed par mdzad pa'i phyir yang sangs rgyas zhes bya ste/ /ji skad du rdzogs sangs rgyas rnams bog min gyi/ /pho dang dgyes pa
 srig ba kun/ /rnam spangs der ni 'tshang rgya zhing/ /sprul ba dag gis 'dir 'tshang rgya/ zhes gsungs pa dang /de bzhin du shes rab kyi pha rol tu phyin pa 'bum pa las byang chub sems dpa' i shes rab kyi stobs ni dbang phyug chen po'i lha'i 'jig
 rten du skyes shing gnas ba mngon par rdzogs par 'tshang rgya'o/ /shes rab kyi khyad par ni byang chub kyi snying por 'gro ba nyid do zhes gsungs pa dag gzung bar bya'o/ /sangs rgyas de nyid don gyi khyad par gang gi rdzogs pa'i sangs rgyas zhes bya ba la sogs 
 pa'i sgrar brjod par bya ba de dag kyang bstan par bya ste/ chos rnams mtshan nyid tha dad pas/ /bskyed dang 'gag pa ma mdzad par/ /mnyam pa nyid kyis mnyam nyid dang/ /bdag gzhan bdag nyid mnyam pa nyid/ /dmigs med nyid du rdzoD
 rgyas shing/ /rdzogs sangs rgyas med sangs rgyas pas/ /lta mir bcas pa'i 'jig rten na/ /de ni rdzogs sangs rgyas zhes brjod/ ces bya ba ni chos rnams kyi mtshan nyid sra ba nyid dang/ gsher ba nyid dang/ tsha ba nyid dang/ yang zhing g.yo ba nyid la
 sogs pa'i dbye bas tha dad pa du ma dag mtshan nyid med par mtshan nyid gcig pa mnyam pa nyid du thugs su chud cing bskyed pa dang/ dgag bam mdzad par bdag dang/ gzhan dang/ gnyi ga dang/ rgyu med pa dang/ yod pa dang/ med pa las
 skye ba med pa'i phyir skye ba med pa dang/ 'gag pa med par mnyam pa nyid dang/ bdag dang gzhan gyi bdag nyid mnyam pa nyid kyang gzung ba dang 'dzin par rnam par rtog pa med pas shes bya ba dang/ shes pa dbyer med pa'i tshul gyis dmigs pa
 med pa nyid du rdzogs par sangs rgyas shing rdzogs par sangs rgyas pa med pa'i tshul du rdzogs par sangs rgyas pas/ de'i phyir lha dang mir bcas pa'i 'jig rten na de ni rdzogs pa'i zhes brjod do/ /chos rnams bsal gzhag med
 pa'i phyir/ /chos nyid ji lta de bzhin du/ /gang phyir de ni gshegs gyur pa/ /de phyir de ni de bzhin gshegs/ zhes bya ba ni chos rnams kyi rang bzhin gang yin pa de ni 'jig pa'i bdag nyid ma yin pas bsal ba med pa'i phyir dang/ ther
 zug tu gnas pa'i bdag nyid ma yin pas bzhag pa med pa'i phyir de bzhin gshegs pa rnams byung yang rung/ ma byung yang rung/ chos rnams kyi chos nyid de ni gnas pa nyid yin pas de la cung zad kyang sel ba dang/ gzhag par mi
 mdzad bar chos nyid ji lta ba de bzhin du mkhyen pa'i phyir de bzhin mkhyen pa zhes bya'o/ /yang na de bzhin bzhud pa'i phyir de bzhin gshegs pa ste/ gang gi phyir de ni chos nyid de las ma gol bar ngo bo nyid med par mnyam nyid du rtogs par gshegs par gyur
 ba de'i phyir de ni de bzhin gshegs pa zhes brjod do/ /de nyid kyi rnam grangs gzhan brjod par bya ba nyid bstan pa'i phyir/ rtogs bya gtan dang ma lus dang/ /mthar lhung rnam par spangs pa dag /rtogs med tshul gyis rtogs pa yis/ /bde gshegs
 phyir ni bde bar gshegs/ zhes bya ba smras te/ 'dir gtan du zhes bya ba'i sgra 'dis ni yang bzlas mi dgos ba'i don bstan te/ rims nad legs bar byang ba bzhin no/ /ma lus bar zhes bya ba'i sgra 'dis ni mdza' dag gi don bstan te bum pa gang
 ba bzhin no/ /mthar lhung ba rnam par spangs pa zhes bya ba'i sgra 'dis ni legs pa'i don bstan te/ gzugs bzang ba bzhin no/ /gshegs zhes bya ba'i sgra ni rtogs pa dang song ba'i don rnam pa gnyis su 'dren te/ de la rtogs pa ni phung po dang/ khams
 dang skye mched kyi mtshan nyid kyi shes bya gtan du dang ma lus par dang/ mthar lhung ba rnam par spangs pa dag rtogs pa med pa'i tshul gyis rtogs par gshegs shing rtogs pa'i phyir na bde bar gshegs pa zhes bya'o/ /song ba ni lam gtan du legs par
 bsgoms pa'i phyir las dang nyon mongs pa chud ngu'i chung ngu nyid la sogs pa'i rnam pa dag ma lus par yongs su zad bas srid par 'gro ba dag tu mthar lhung ba med par yang dag par drungs phyung ba'i phyir gshegs pa med pa'i tshul gyi bra na med pa'i chos
 kyi chu'i gnas su gshegs pa'i phyir bde bar gshegs pa zhes bya'o/ /gzhal med gzhal yas rtogs pa'i phyir/ /grangs med gzung du med pa'i phyir/ bsam yas sems yul ma yin phyir/ /bstan min bstan du med pa'i phyir zhes bya ba la
 'dir skad cig gcig gi chos thams cad mnyam pa nyid du mkhyen ba'i ye shes bya ba'i sangs rgyas sngar bstan pa de ni chos can no/ /de ni gzhal du med pa yin no/ /zhes bya ba ni de'i chos so/ /gzhal yas rtogs pa'i phyir zhes bya ba ni
 gtan tshigs te/ de la rtogs par bya ba'i chos kyi dbyings su med pa'i mtshan nyid gzhal yas pa mnga' ba'i phyir ro/ /nam mkha' bzhin no zhes 'og nas 'byung ba ni dpe yin no/ /de nyid grangs med pa yin te/ gzung du med pa'i phyir ro/ /'di ltar de ni dmigs su
 med pa'i phyir/ gzung du med do/ /dmigs su yod pa'i rdzas la ni gcig la sogs pa'i grangs su brjod pas gzung du yod par 'gyur gyi/ de ni chos thams cad rab tu rnam par 'byed pa'i mtshan nyid kyi shes rab kyi spyod yul yang ma yin te/ de bzhin nyid kyi
 ngo bo nyid yin pa'i phyir ro/ /de nyid bsam yas pa yin te/ rnam par shes pa'i tshogs drug po dag sems kyi yul ma yin pa'i phyir ro/ /de ni chos kyi skye mched kyang ma yin zhing de chos kyang ma yin chos ma yin pa yang ma yin la/ gnyi gar?
 yang tha snyad gang gsu med pa'i phyir ro/ /de nyid bstan par bya ba yang ma yin te/ bstan du med pa'i phyir ro/ /de la rigs mthun pa'i don gzhan med pas dper na 'di lta bu zhes dpe bstan par mi nus pa'i phyir ro/ zhes bya ba'i tha tshig go /brta bar?
 med de ni 'di'o zhes/ rnam kun brtag tu med pa'i phyir/ zhes bya ba yang de ni brtag par bya ba ma yin te/ de ni 'di'o zhes rnaM bkun tu rtag tu med pa'i phyir ro/ /'di ltar kha dog dang dbyibs dag la ni de ni 'di'o/ /zhes rtag tu rung gi de ni kha dog dang dbyibs
 kyi bdag nyid ma yin pa'i phyir sngon po dang ser po dang/ dmar po dang dkar po dang ring po dang th+ng du dang mthon po dang/ dma' ba la sogs pa'i rnam pa thams cad kyis brtag par mi nus pa'i phyir ro/ /gsal min gsal byed med pa'i phyir/ /zhi
 pa gnod pa med pa'i phyir/ zhes bya ba yang de ni gsal bar bya ba ma yin te/ gsal byed med pa'i phyir ro/ /gsal byed ces bya ba ni skye ba dang gnas pa dang/ 'jig pa dag dang/ skyes pa dang bud med dang/ ma ning zhes bya ba dngos po gzhan/ gsal bar byed pa dag
 ste/ de dag med pas de'i phyir gsal bar bya ba ma yin no/ /de ni zhi ba yin te/ gnod pa med pa'i phyir ro/ /'di ltar de ni skye ba dang rgas pa dang/ 'chi ba la sogs pa'i gnod pa ma lus pa dang bral ba'i phyir ro/ /rtag par brjod de snad med pa'i/ /bdag nyid kyi rnam
 kun tu/ /rnam rtog med pas rtag phyir dang/ /rtag tu don ni rab bsgrub phyir/ zhes bya ba yang de ni rtag par brjod pa yin te/ snad ba med pa'i bdag nyid nyid kyi rnam pa kun tu rnam par rtog pa med pas rtag pa'i phyir ro/ /'di ltar gzugs kyi mdza' ni rdul phra rab kyi
 cha shas su snang ba med par 'gyur la/ rdul phra rab kyi mdza' yi phyogs tha dad pa'i phyir ni mthar snang ba med par 'gyur ro/ /sems dang sems las byung ba dag gis gnas pa'i mdza' ni skad cig mar 'jug pa yin la/ de yang sngon dang bar dang tha ma'i dus kyi bye brag
 gis shin tu cha phra ba'i phyir snang ba med pa nyid du 'gyur la/ chos kyi dbyings de la de'i dngos po med pa'i phyir ci zhig rtog na rnam par rtog pa'i shes pa skye bar 'gyur/ rnam par rtog pa skye ba med na ngo bo nyid kyis 'jig pa med pa'i phyir de ni rtog pa yin par brjod
 do/ /yang na de ni gang gi phyir rtag tu sems can gyi don rab tu bsgrub pa'i phyir yang rtag par brjod de/ 'di ltar mdo sde dag las nam mkha' i mdza' ci tsam pa sems can gyi mdza' dang/ las dang nyon mongs pa'i mdza' yang de tsam par 'khor ba'i mdza' ji srid
 kyi bar du rgyun mi 'chad par smon lam chen po mngon par sgrub pa dag gis sems can gyis don mdzad pa'i phyir rtag par gsungs pa lta bu'o/ /zhi ba ngo bo nyid stong phyir/ /mtshan ma med pa dngos med phyir/ /mtshan ma nyid du mi 'gro dang/ /mtshan ma med phyir de
 yang yin/ zhes bya ba ni mtshan nyid ji skad bstan pa'i sangs rgyas zhes bya ba'i tshig gi lhag ma'o/ /de ni zhi ba yang yin te/ /ngo bo nyid stong pa'i phyir ro/ /'di ltar ngo bo nyid du rtog pa yod na 'byung ba dang 'jig pa dang/ 'gro ba dang 'ong ba dang/ tshig 'jug pa
 la sogs pa'i bya brgyun mi 'chad pa'i phyir dngos po rnams bya ba dang bcas pa lta bur des par bzung du rung gi/ ngo bo nyid stong pa nyid la ni bya ba thams cad dang bral ba'i phyir bya ba cung zad kyang med pas de'i phyir de ni ngo bo nyid stong pa'i phyir zhi ba yin no/ /de ni mtshan
 ma med pa yang yin te/ dngos po'i ngo bo nyid med pa'i phyir ro/ /'di ltar ngo bo nyid med pa kho na'i phyir yod pa dang/ med pa la sogs pa'i mtshan mar rtog par mi 'jug pa'i phyir ro/ /yang na de ni mtshan ma med de yang do yang yin te/ mtshan ma med pa nyid du
 mi 'gro ba'i phyir dang/ mtshan ma med pa'i phyir te/ de ni gzhan gang la yang mtshan ma'i ngo bo nyid du mi 'gro ba'i phyir dang/ rang yang mtshan mar rtog par mi byed pa'i phyir ro/ /mtshan ma med phyir snang ba med/ /snang med phyir yang mtshan ma med/ /mtshan
 ma med cing snang med pa/ /lta 'dod bdag nyid grol bas mthong/ zhes bya ba ni gang kho na'i phyir mtshan ma med pa de kho na'i phyir snang ba med pa yin te/ rtag pa dang mi rtag pa dang yod pa dang med pa la sogs pa'i mtshan ma'i ngo bo nyid du snang ba med ba'i
 phyir ro/ /gang gi phyir snang ba med pa de'i phyir yang mtshan ma med pa nyid yin no/ /gang dag de mthong bar 'dod pa'i rnal 'byor pa grol pa'i bdag nyid can de dag gis kyang sangs rgyas de mtshan ma med pa dang snang ba med pa nyid du mthang? ste. /ji skad du?
 byang chub sems dpa' i skye ba gcig gis thogs pas ni de bzhin gshegs pa gzugs las mi mthong ste/ mtshan ma las mi mthong/ yon tan las mi mthong/ chos las mi mthong /chos ma yin pa las mi mthong ngo zhes bya ba la sogs pa gsung?
 ba lta bu'i/ /mi gnas mtshan ma med pa'i phyir/ /rnam par mi rtogs mi gnas phyir/ /spros med rnam par mi rtog phyir/ /dmigs med der 'dzin med pa'i phyir/ zhes bya ba yang sangs rgyas de ni mi gnas pa yin te/ mtshan ma med pa'i phyir ro/ /'di ltar
 sangs rgyas la ni gzugs su rung ba dang myong ba dang mtshan mar 'dzin pa dang/ mngon par 'du byed pa dang/ rnam par shes par byed pa la sogs pa'i mtshan ma 'ga' yang dmigs su med pa'i phyir ro/ /de ni rnam par mi rtog ba yin te/ mi gnas pa'i
 phyir ro/ /mi gnas na ci zhig la rnam par rtog par 'gyur te/ de'i phyir de nyid rnam par mi rtag pa yin no/ /de ni spros pa med pa yin te/ rnam par mi rtog pa'i phyir ro/ /'di ltar rnam par rtog na ji ltar rnam par rtog pa'i dngos po la tshig 'jug pa ni spros
 pa yin na rnam par rtog pa med pa la ni/ spros pa med pa'i phyir ro/ /de ni dmigs pa med pa yin te/ dmigs pa de ni 'dzin pa med pa'i phyir ro/ /rnam par rtog pa med pa kho na'i phyir dmigs par 'dzin par mi byed do/ /ji skad bstan pa'i skabs kyis sangs rgyas
 de nyid kyang ji skad bstan pa'i tshul gyis na/ skye ba med pa rnam pa med/ /'gyur ba mang po 'od gsal ba/ /mnyam pa mi mnyam mu med pa/ rnam par mi rtog mtshan nyid med/ ces bya ba dag yin te/ skye ba med pa zhes bya ba ni shes bya'i ngo bo nyid yongs su ma
 grub pas blo skye ba med pa'i phyir ro/ /rnam pa med pa zhes bya ba ni kha dog dang dbyibs kyi bdag nyid ma yin pa'i phyir ro/ /'gyur ba med pa zhes bya ba ni bya ba thams cad nye bar zhi ba'i phyir ro/ /'od gsal ba zhes bya ba ni nyon mongs pa dang shes bya'i mun pa
 dang bral ba'i phyir ro/ /mnyam pa zhes bya ba ni stong pa nyid kyi ngo bo nyid yin pas chos thams cad dang mnyam pa nyid kyi phyir ro/ /mi mnyam pa zhes bya ba ni nyan thos dang rang sangs rgyas la sogs pa gzhan dag dang mi mnyam pa'i phyir ro/ /mu med pa zhes bya ba ni
 chos kyi dbyings la dmigs pa'i phyir ro/ /rnam par mi rtog pa zhes bya ba ni mngon sum gyi mtshan nyid yin pas rtog pa dang/ rjes su dran pa'i rnam par rtog pa dag mi 'jug pa'i phyir ro/ /mtshan nyid med pa zhes bya ba ni 'byung ba dang 'byung ba las gyur
 pa'i mtshan nyid dag gis mtshon par bya ba ma yin pa'i phyir ro/ /de dag phyogs su byas nas sngar gtan pa'i gtan tshigs rnams dang sbyar nas/ mkha' bzhin de la lta med par/ /bdag nyid chen po de dag blta/ /zhes bya bas phyogs dang phyogs kyi chos
 sdar bstan pa thams cad kyi chos mthun pa'i dpe nam mkha' bzhin zhes bya ba 'di dang sbyar te/ sangs rgyas de lta bu de la byang chub sems dpa' sa bcu pa'i dbang phyug bsod nams dang ye shes kyi tshogs dpag tu med pa yang dag par nye bar bsags
 pa bdag nyid chen po de dag lta ba med pa'i tshul gyis lta bar byed do zhes ston to/ /byang chub sems dpa' de dag nyid kyi bsngags pa brjod par bya ste/ gang dag rnam par mi rtog pa'i/ /gnas pas lhun grub dri ma med/ /'dud par byed dang yid byang
 dang/ /brjod la sogs pa bsal ba dag /mgon po la ni phyag 'tshal ba/ /de dag la yang gus phyag 'tshal/ zhes bya ba ni gang dag la lha'i gnas pa bsam gtan bzhi dang/ tshangs pa'i gnas pa tshad med pa bzhi sngar goms par byas nas
 'phags pa'i gnas stong pa nyid dang/ mtshan ma med pa dang/ smon pa med pa'i bdag nyid rnam par mi rtog pa'i gnas pas rtsol ba med par lhun gyis grub pa las skyes pa'i dri ma med pa'i mig yod pa de dag ni ji skad bstan pa dag yin no/ /'dud
 par byed pa zhes bya ba ni lus kyi thal mo sbyor ba la sogs pa'o/ /yid la byed pa zhes bya ba ni de dang 'brel ba'i yid nyid do/ /brjod ces bya ba ni bstod ra la sogs pa'i tshig brjod pa'o/ /thabs la mkhas pas kun rdzob tu las rnam pa gsum pa
 de dag la sogs pa byed du zin kyang don dam par na byed pa po med pa'i phyir/ /sus kyang las de byas pa med pa'i phyir las su rtog pa bsal ba dag /ji skad bstan pa'i ston pa mgon po la rnam pa de lta bus phyag 'tshal ba de dag la yang kho bos gus par
 phyag 'tshal lo zhes bya bar sbyar ro/ /yang zhes bya ba'i sgras ni byang chub sems dpa' rnam par mi rtog pa'i ye shes shin tu goms par byas pa 'dod pa tsam gyis rtog par bya ba yang dag par rdzogs par byang chub par 'gyur pa de dag la yang gus par
 phyag 'tshal bana rnam pa thams cad mkhyen pa nyid kyi ye shes mngon par rdzogs par sangs rgyas pa 'jig rten gyi mgon po gcig bu de la gus par phyag 'tshal ba lta smos kyang ci dgos zhes bya ba'i don to// //dbu ma'i snying po'i 'grel
 pa rtog ge 'bar ge /bam po bcu gcig pa/ gal te rnam pa de lta bu yin na ji ltar de sangs rgyas dang bde bar gshegs pa la sogs pa'i tshig tu brjod pa nyid du rung zhe na bshad pa/ sangs rgyas la sogs sgo btags pas/ /sgrub dang rjes su 'thun
 par bstan/ /de nyid du na rnam kun tu/ /rnam brtag min phyir brjod mi 'dod/ ces bya ba ni rtog pa med pa'i tshul gyis rtog pa nyid ces bya ba la sogs pa ji skad bstan pa dag gis sangs rgyas la sogs pa'i tshig tu brjod par bya ba ma yin du
 zin kyang kun rdzob tu chos thams cad rtogs pa'i phyir sangs rgyas dang bgrod par bya bar legs par gshegs pa'i phyir bde bar gshegs pa dang/ de bzhin du gshegs pa'i phyir de bzhin gshegs pa dang/ bsod nams kyi phung po dpag tu
 med pa yang dag par nye bar bsags pa skal pa dang ldan pa'i phyir bcom ldan 'das dang/ mchod par 'os pa'i phyir dgra bcom pa dang/ gzhan gyis dring mi 'jog par mkhyen pa'i phyir rang byung dang/ bdud bzhi las rnam par rgyal ba'i phyir rgyal
 ba dang/ sku dang gsung dang thugs thub pa'i phyir thub pa zhes bya ba la sogs pa dag tu sgro btags pas tshul khrims dang/ ting 'dzin dang/ shes rab dang/ ye shes zhes bya ba dag gi sgrub pa dang rjes su mthun par bstan par zad
 kyi/ don dam par de nyid du rnam pa kun tu rnam par brtag par bya ba ma yin pa'i phyir/ brjod par bya ba ma yin pa nyid du 'dod do /ji ltar rnam par brtag pa'i dngos po la ni rnam pa'i khyad par dag sgro btags nas brjod par bya ba dag tu sbyar du rung
 gi 'di ni yul nyid du rnam par brtag par bya ba ma yin pa kho na'i phyir/ 'di la tshig dag ldog 'gyur zhing/ 'di yi sems ni spyod yul min/ zhes bya ba ni dngos po so sor rnam par rig pa'i mtshan nyid kyi rnam par shes pa'i mtshan nyid drug po
 dag gi yul ma yin pa'i phyir ro/ /'di ni zhes bya ba'i sgra ni de nyid dang ye shes gnyi ga la bsnyegs te/ dmigs pa dang dmigs par byed pa mnyam pa nyid kyi de nyid dang ye shes gnyis tha mi dad pa'i phyir ro/ /'di la kun ldog ldog 'gyur zhing/ /shes
 pa 'jug par mi 'gyur ro/ /zhes bya ba ni yid kyi rnam par shes pas brtag par bya ba ma yin pa'i phyir dang/ rtog ge'i yul ma yin pa'i phyir ro/ zhes bya bar bsams so/ /grangs med bsod nams tshogs ldan zhing/ /shes bya mdza' yas mkhyen
 gyur ba'i/ /sangs rgyas rnams kyi chos sku 'di/ /spros pa nyer zhi zhi ba yin/ zhes bya ba ni bskal pa brangs med pa gsum du bsod nams kyi tshogs yang dag par bsags pa dang ldan zhing shes bya dus gsum dang brjod par bya ba ma yin pa
 dang/ 'dus ma byas pa mdza' yas pa dag legs par mkhyen par gyur pa'i sangs rgyas chos thams cad kyi ngo bo nyid yongs su ma grub ba'i phyir/ ye shes kyi skad cig ma skye ba med pa'i ngo bo nyid gang yin pa sangs rgyas su bstan pa de nyid stobs
 dang/ mi 'jig pa dang/ ma 'dres pa la sogs pa sangs rgyas kyi chos rnams kyi gzhir gyur pa'i phyir sangs rgyas rnams kyi chos kyi sku yin te/ 'di ni tshig tu brjod pa thams cad nye bar zhi ba'i phyir spros pa nye bar zhi ba yin la rang nyid snyengs pa dang bral ba'i phyir
 dang? gzhan dag gi 'jig pa sel ba'i phyir zhi ba yin te/ de bzhin gshegs pa'i ye shes kyi phyag rgya'i mdo las/ yang dag pa gang yin pa de ni de bzhin gshegs pa'i sku ste/ de ni mig gi lam thams cad las yang dag par 'das pa'o/ /de ni
 sku med pa dang /ma byas pa dang/ ma byung ba dang /ma 'gags pa dang/ 'dus pa las ma byung ba dang/ ma skyes pa dang/ ma zhugs pa dang mngon par ma grub pa dang/ mdza' yas pa dang/ mu med pa dang zhi ba dang/ rab tu zhi ba'o zhes bya ba la sogs pa
 ji skad gsungs pa lta bu'o/ /de nyid rigs pas sgrub par bya ste/ sha'i mig gi de lta min/ /lha'i mig gis blta ma yin/ /rtog bcas rnam rtog med pa yi/ /shes pas kyang ni mthong bar dka' / zhes bya ba ni gang dag de bzhin gshegs pa ni thag ring ba
 dang bsgribs pa'i phyir mi mthong ngo snyam du rtog pa dang/ gang dag de bzhin gshegs pa de thag nyen mthong ngo snyam du rtog pa de dag gi phyir sha'i mig gis de blta ba ma yin pa nyid kyis yul na mi gnas pa nyid du ston te/ sha'i mig dri ma med pa ni bsgribs pa
 dang/ skal pa dag la yang 'jug pa'i phyir ro/ /lha'i mig gis blta ba ma yin pa nyid ni de la gzugs cha phre ba yang med pa'i phyir te/ lha'i mig gis ni srid ba bar ma'i phung po shin tu cha phra ba yang mthong ba'i phyir ro/ /rtog pa dang bcas pa ni rjes su dpag pa'i
 shes pa ste/ rtog pa dang rjes su dran pa'i rnam pa'i rnam par rtog pa yod pa'i phyir ro/ /rnam par rtog pa med pa ni mngon sum gyi shes pa ste/ dngos po tsam la dmigs pa'i phyir ro/ /shes pa de nyid kyis kyang mthong bar dka' ba'i phyir rnam pa thams cad du
 shes pa thams cad kyi yul ma yin pa nyid du bstan to/ /de nyid kyi phyir/ mtho ris sdig can yul min dang/ /nyon mongs med pa de bcas min/ /nyi ma dmus long yul min ltar/ /de yang rtog ge'i spyod yul min/ zhes bya ba la mtho ris zhes bya ba'i
 tshig gis phrad ni bdag gir 'dzin pa'i tshig yin te/ de dang bral ba'i phyir mtho ris te lha'i gnas so/ /de ni dge ba'i las kyi 'bras bu yin pa'i phyir sdig can rnams kyis bsgrub par bya ba nyid kyang ma yin na de dag gi spyod du mi 'gyur ba lta smos kyang ci dgos nyon mongs
 pa zhes bya ba ni 'khor ba'i nyes rtsom thams cad kyi rgyu yin te /nyon mongs pa rnams so/ /nyon mongs pa med pa ni de dag skye bar bya ba'i bsam gtan no/ /de ni nyon mongs ba de dang bcas pa rnams kyis bskyed par mi nus so/ /nyi ma ni dmus long rnams kyis mi mthong
 mi mthong mthong bar mi 'gyur te/ de dag gi yul ma yin ba de bzhin du chos kyi sku de yang rang dang gzhan gyi sde pa'i rtog ge pa 'bad pa'i blo gros can rnams kyi rjes su dpag pas kyang mthong par mi nus te/ de dag gi spyod yul ma yin no/ /ci'i phyir de dag
 gi mi mthong zhe na/ gang gi phyir /de ni yod min med min yod med min/ /de las gzhan min gzhan ma yin/ zhes bya ba la de ni gzugs la sogs pa bzhin du yod pa ma yin te/ yod pa'i blo'i spyod yul ma yin pa'i phyir ro/ /ri bong gi rwa la sogs pa bzhin du
 med pa yang ma yin te /med pa'i blo'i yul ma yin pa'i phyir ro/ /yod med kyang ma yin te/ gnyi ga'i blos des par ? du med pa'i phyir ro/ /de dag las gzhan pa yang ma yin te/ yod pa la sogs pa dag las gzhan pa'i mtshan nyid med pa'i phyir
 ro/ /gzhan pa yang ma yin te /kun rdzob tu rnams grangs las de nyid yod pa la sogs pa dag tu brjod par bya ba yin pa'i phyir ro/ /ji ltar yod pa nyid yin zhe na /stobs dang mi 'jigs pa dang/ sangs rgyas kyi chos ma 'dres pa 'dus pa'i bdag nyid
 yin pa'i phyir ro/ /ji ltar med pa nyid yin te/ gyu dang rkyen gyis tshogs pa tha dad pa dag la ngo bo nyid med pa'i phyir ro/ /ji ltar yod med nyid yin zhe na/ gnyi ga dang 'brel ba las nye bar gdags pa'i phyir ro/ /mu stegs can dag gi yongs su btags pa'i
 bdag dam pa yang rnam par rtog pa med pa dang rtag pa dang 'gyur ba med pa de lta bu'i rnam pa nyid du 'dod na de la chos kyi sku 'di khyad par ci yod ce na/ de ni de dag ni phra ba nyid kyi yon tan dang ldan pa'i phyir phra bar bstan cing chen po nyid kyi yon tan dang
 ldan pa'i phyir ni chen por bstan gcig pa nyid kyi yon tan dang ldan pa'i phyir ni gcig tu bstan/ thams cad du song ba'i phyir ni ring ba dang nye ba la khyab par bstan gyi/ chos kyi sku ni/ phra ba ma yin chen po min/ gcig min ring min nye ba 'ang min/ /zhes
 bya ba ni de yon tan can ma yin ba'i phyir dang yul na mi gnas pa'i phyir ro/ /de bzhin du rnam par mi rtog pa'ang skyes bur smra ba dag ni skyes bu 'gro ba skye ba'i rgyu yin par 'dod la/ /gtso bor smra ba dag ni gtso bo 'gro ba mdza' dag gsal bar byed pa'i
 rgyu yin par 'dod pas chos kyi sku ni de dag dang mtshan nyid mi 'dra ba nyid du bstan pa'i phyir bshad pa/ de la cung zad ji ltar yang/ /skye ba med cing gsal ba med /ces bya ba ni dngos po med pa nyid la rgyu nyid dang gsal byed nyid med pa'i phyir ro zhes bya
 ba'i tha tshig go /de bzhin du grol ba'i bdag kyang 'jig rten gyi mthar song nas 'jig rten 'dus pa zhes bya ba'i thar pa? na gnas la/ skyes bu mun ba'i mdza' gyur pa mthong na der bag la zhar bar 'dod kyi 'di ni blta bar bya ba ma yin zhing mthong ba med de/
 'di la 'ga' yang gnas pa med/ 'ga' yang bag la zhar mi 'gyur/ zhes bya ba ni grol ba'i lam yang dag par bskyed pa de yang de kho na bzhin du snang ba med pa na rang dang gzhan dmigs su med pa'i phyir gang yang gnas pa dang bag la zhar bar 'gyur ba
 med do/ /tshangs par smra ba dgra tshangs ba ni 'jig rten thams cad kyi dam pa dang/ 'gro ba rnams kyi mes po yin par 'dod bas de las 'dir khyad par du 'phags pa nyid yin par bstan pa'i phyir bshad pa/ tshangs pa la sogs pa gang mi
 rtogs/ /de ni tshangs pa dam pa yin/ zhes bya ba ni tshangs pa dang/ /khyab 'jug dang dbang phyug chen po la sogs pa de nyid mthong ba'i mngon par nga rgyal dang ldan pa dmigs pa'i lta ba can dag gas gang mi rtogs pa de ni tshangs ba dam pa yin te/ tshang ba zhes
 bya ba'i sgra 'di skye dgu'i bdag po dang/ mya ngan las 'das pa gnyi ga la yang bsnyegs med kyi 'dir ni mya ngan las 'das pa nyid yin par gzung ngo/ /de ni de dag gis rtogs par mi rigs te/ dmigs pa can gyi shes pas blta bar bya ba ma yin pa'i phyir ro//
 gang dag gis mi bslu ba'i tshig gi dbang du byas nas/ bden pa las lhag pa'i chos med do zhes zer ba de dag kyang 'dus byas yin pa'i phyir dang/ sbros pa dang bcas pa yin pa'i phyir gcig tu bden pa nyid ma yin par bstan ba'i phyir bshad
 pa/ de ni bden pa dam pa zhes /thub pa bden pa gsung pas gsungs/ zhes bya ba ni mngon par 'du byed pa med pa de ni ma log pa nyid yin pa'i phyir gcig tu bden pa dam pa'o/ zhes thub pa yang dag pa ji lta ba bzhin gyi bden ba gsung ba nyid kyis
 rdo rje gcod pa la sogs pa'i mdo las /ji tsam du 'dus byas pa de tsam du brdzun la/ ci tsam du 'dus ma byas pa de tsam du mi 'dzun no zhes gsungs so/ /tshangs pa chen po ni stong la dbang sgyur ba'i phyir gnas pa chen po nyid yin la /dbang phyug la
 sogs pa dag ni rang gi 'khor gyis bsnyen bkur byed pa'i phyir gnas pa chen po nyid yin gyi 'di la ni/ 'phags pa spyan ras gzigs dbang dang/ 'phags pa byams pa la sogs pa/ /mkhas pa thub pa mang po dag/ bsnyen med tshul gyis de snyen
 byed/ ces bya ba ni 'phags pa spyan ras gzigs dbang phyug dang/ 'phags pa byams pa dang/ kun tu bzang po dang/ 'jam dpal gzhon nur gyur ba la sogs pa pha rol tu phyin pa thams cad yongs su rdzogs pas sa bcu pa'i dbang phyug brnyes pa dmigs su med pa goms
 bar bsgoms pas dri ma med pa/ ngo bo nyid kyi dmigs pa med pa la mkhas pa/ thub pa mang po dag kyang lus dang ngag dang yid ngo bo nyid med pa sgyu ma lta bu'i phyag 'tshal ba dang/ /bsto ra dang bsam pa dag gi de la bsnyen bkur bya ba med pa'i tshul gyis bsnyen bkur
 byed de/ bsnyen bkur bya ba med pa nyid bsnyen bkur yin ba'i phyir ro/ /gal te sgros ba med pa dang rnam par mi rtog pa thams cad du song ba yin na/ 'o na ji ltar de bzhin gshegs pa kho na'i sku yin la gzhan dag gi ma yin par shes par bya zhe na /bshad pa/
 de las dngos nyid min gzhan dang/ /des ni thugs su chud pa'i phyir/ /de bzhin gshegs pa'i skur 'dog de/ /gzhan gyi ma yin pa'i mi rtogs /zhes bya ba ni don dam par de tshig dang blo'i yul ma yin du zin kyang/ de bzhin gshegs pa'i ngo bo nyid
 mtshan dang dpe byad bzang po mnga' ba gang yin pa de nyid de'i yin pas de bzhin gshegs pa de las sku de'i dngos po nyid mi gzhan pa'i phyir de ni de bzhin gshegs pa'i sku yin par 'dod de/ /de'i dngos po nyid gang zhe na/ stong ba nyid de ji skad du/
 stong pa nyid la tha dang nyid/ /cung zad med par rab tu bstan/ /stong nyid de ni gcig nyid de/ /gang gis stong nyid de mthong ba/ /des ni sangs rgyas mthong bar 'gyur/ /stong pa nyid las de gzhan min/ /zhes gsungs ba lta bu'o/ /yang na ye shes
 kyi skad cig ma zhes bya ba'i de bzhin gshegs pa des gzugs la sogs pa dang stobs dang/ mi 'jigs pa dang/ sangs rgyas kyi chos ma 'dres pa la sogs pa'i chos 'dus pa dag dmigs su med pa'i sgo nas dmigs par bya ba dang/ dmigs pa mnyam pas mnyam pa'i ngo bo
 nyid du thugs su chud pa'i phyir/ de bzhin gshegs pa kho na'i sku yin par 'dod kyi gzhan su'i yang ma yin no/ /ci'i phyir zhe na/ nyan thos la sogs pa gzhan dag gis de yang dag pa ji lta ba de bzhin du ma rtogs pa'i phyir sku gsum rnam
 par bzhag pa nyid kyang slob dpon gyis rang gi bstan bcos kyis skabs su 'di skad bshad de/ 'og min gyi pho brang du mngon par rdzogs par byang chub pa'i sems kyi mod la de bzhin gshegs pa'i sku ye shes kyi bdag nyid bskal pa bye ba khrag khrig 'bum
 phrag grangs med par bsod nams dang ye shes kyi tshogs dpag tu med pa nye bar bsags pa las nges par 'khrungs pa yid bzhin gyi nor bu'i rgyal po gzugs sna tshogs can ltar rtog pa mi mnga' ba/ /spros pa thams cad dang bral ba sgrib pa rnam pa
 gnyis spangs pas thams cad la phan gdags pa'i phyir gnas par gyur pa'i mtshan nyid kyi gzugs kyi sku dang lhan cig nyid du mngon par 'grub bo/ /de bzhin gshegs pa'i sku rnam par mi rtog pa'i de las gzhan la phan pa sgrub pa'i tshul khrims
 kyi yongs su bgos pa'i sngon gyi smon lam gyi shugs kyi dbang gis sprul pa'i skus thams cad la phan 'dogs par bzod pa/ 'dzam bu'i gling bye ba phrag brgya dag tu dga' ldan gyi pho brang na bzhugs pa thogs mar mdzad do 'pho ba dang/ lhums su
 mjug pa dang lhums na bzhugs pa dang bltam pa dang gzhon nu rol pa dang/ btsun mo'i 'khor gyi nang na bzhugs pa dang/ mngon par 'byung ba dang/ dka' ba spyod pa dang/ byang chub kyi snying por gshegs pa dang/ bdud 'dul ba dang/
 mngon par rdzogs par byang chub pa dang/ chos kyi 'khor lo bskor bar bskul ba dang/ yongs su mya ngan las 'das pa chen po la sogs pa sangs rgyas kyi mdzad pa kun tu ston pa nyid 'byung ngo/ /de la brten nas yi ge dang rtsa ba dang tshig gi
 go rim gyi mtshan nyid kyi gsung yan lag drug cu dang ldan pa/ /sems can thams cad kyi bsam pa rangs par mdzad pa gang la theg pa mchog gis 'gro ba rnams kyi theg pa chen po zhes bya bar brjod pa 'byung ste /ye shes dang gzugs dang gsung gi sku
 gsum po de dag ni sdom pa gsum las nges par 'khrungs pa/ lus dang ngag dang sems gnas byung ba'i ngo bo nyid yin no zhes bshad do/ /mang sde las /gang dag ngal gzugs su mthong/ /gang dag nga la sgrar shes pa/ /log par spong bas zhugs
 pa ste/ skye bo de dag nga mi mthong/ /sangs rgyas rnams ni chos nyid blta/ /'dren pa rnams ni chos kyi sku/ /chos nyid shes par bya min pas/ /de ni rnam par shes mi nus/ /zhes gsungs pa des kyang sku gsum po de dag kun rdzob pa dang/ /don dam par
 rnam par bzhag pa nyid du ston te/ 'dir ye shes ni chos kyi skur bzhed de/ /shes rab kyi pha rol tu phyin pa chen po las kyang de bzhin gshegs pa de la chos kyi sku dang ye shes kyi skur blta bar 'dod bas zhes gsungs te/ der chos kyi sku zhes gsungs
 pa ni gsung rab tu gtogs pa yan lag bcu gnyis po dag yin par 'dod do/ /'o na skyabs gnyis pa med par 'gyur ram zhe na/ med par mi 'gyur te /sgrub pa dang 'bras bu'i chos yod pa'i phyir ro/ /'phags pa rdo rje sdes ni gzugs kyi sku 'og min
 gyi spyod yul can chos kyi sku'i gzhi la brten pa ni rnam par smin pa'i sku zhes bshad do/ /'phags pa thogs med kyis ni de ni longs spyod rdzogs pa'i sku zhes bstan la /stobs dang mi 'jigs pa dang/ sangs rgyas kyi chos ma 'dres pa la sogs pa'i/
 chos kyi gzhir gyur pa ni chos kyi skur bstan/ 'dzam bu'i gling du mngon par rdzogs par byang chub pa ni sprul pa'i skur bstan to/ /de ltar chos dang gzugs dang sprul pa'i sku gsum po de dag ni bde bar gshegs pa nyid kyi yin gyi gzhan gyi ni ma yin no/ /rnaM par
 grol ba'i sku ni nyan thos la sogs pa dag la yang 'dra bar yod pa de dag las khyad par du chos kyi sku zhes gsungs so/ /chos kyi sku de rnal 'byor pa tshangs pa bsgom pa goms gar byed pas mthong bar bstan pa'i phyir bshad pa /de nyid bsgom pa goms
 byed pa/ /dmigs med gnas pa de la yang/ /gang la yid ni chags 'gyur zhing/ /sngar 'gyur rmongs 'gyur ga la yod/ /ces bya ba ni rnal 'byor pa de nyid shes pa chol bar sems dpa' dang/ /bsgom pa dag gis dmigs su med pa'i rnam pa goms pa
 byed pa de nyid mi rtog ba dmigs pa med par gnas pa de la yang gnas pa'i gzhi med pa'i phyir yul gang la yid chags pa dang lding? ba dang rmongs par 'gyur de gzhi med pa'i 'dod chags dang zhe sdang dang gti mug dag 'byung bar mi 'gyur ro/ /'o na ji
 ltar de bsgom pa goms par bya zhe na/ sangs rgyas rjes su dran pas de bsgom pa goms par bya'o/ /sangs rgyas rjes su dran pa med pa dang/ yid la byed pa med pa'i bdag nyid yin te/ shes rab kyi pha rol tu phyin pa las sangs rgyas rjes su dran pa ni
 dran pa med pa dang yid la byed pa med pa'o zhes ji skad gsungs pa dang/ de bzhin du sgo mdza' yas pa sgrub pa'i gsungs las/ de sangs rgyas rjes su dran pa 'ba' zhig bsgom ste/ gzugs las ma yin/ mtshan dang dpe byad las ma yin/
 yon tan las ma yin /chos las ma yin /chos ma yin pa las ma yin no zhes bya ba la sogs pa ji skad gsungs pa dang/ de bzhin du de bzhin gshegs pa'i le'u las/ de bzhin gshegs pa la lta ba ni stong pa nyid dang mtshan ma med
 pa dang/ smon pa med pa dang/ skye ba med pa dang 'gags pa med pa dang/ 'byung ba med pa dang/ dngos po med pa dang/ mngon par 'du byed pa med par blta ba yin no zhes ji skad gsungs pa dang/ de bzhin du blo gros mi zad pas bstan pa'i mdo
 las/ de las sangs rgyas rjes su dran pa gang zhe na/ gzugs dang mtshan gyi rab tu phye ba ma yin pa dang/ skye ba dang rigs dang dus kyis rab tu phye ba ma yin pa dang/ sngon gyi mdza' i spyod pa dkar pos rab tu phye ba ma yin pa dang/ phyi ma'i mdza' i shes pa rlom pas rab
 tu phye ba ma yin pa dang/ da ltar byung ba'i gnas pas rab tu phye ba ma yin pa gang yin pa ste/ sgrib pa thams cad kyi gzhi ma yin pa dang/ mchan ma thams cad kun nas slong pa ma yin pa dang/ rtog pa dang rnam par rtogs pa dang yongs su rtog pa thams cad nye bar
 zhi ba gang yin pa'o zhes ji skad gsungs pa lta bu'o/ /de nyid goms par byed pa la ni/ sdug bral mi sdug phrad pa las/ /sdug bsngal ga las 'byung/ /'jig rten chos kyis mi gos te/ pad+ma las ni chu bzhin no/ zhes bya ba ni sdug pa dang mi sdug pa de dag dmigs
 su med pa'i phyir sdug ba dang bral ba dang/ mi sdug pa dang phrad pa las sdug bsngal gyi tshor ba gang dag 'byung ba de dag kyang de la 'byung bar mi 'gyur ro/ /'jig rten na gnas su zin kyang 'jig rten gyi chos brgyad po rnyed pa dang/ ma rnyed pa dang/ snyan pa dang mi snyan pa
 dang/ bde ba dang sdug bsngal ba dang/ bstod pa dang/ smad pa zhes bya ba dag gis mi gos te/ de la chags pa med pa'i phyir pad+ma chu na skyes kyang chu'i nyes pas mi gos ba bzhin no/ /mi gnas pa'i mya ngan las 'das pa ni sngar bstan mod kyi yang skabs su bab
 pa sa bstan par bya ste/ 'khor ba las ni 'byung ma yin/ zhes bya ba ni nyon mongs pa rnams spangs pa ma yin pa'i phyir ro/ /'khor ba las gnod bral ba yin/ zhes bya ba ni mi dge ba'i chos mngon par 'du mi byed pa'i phyir dang/ nyon mongs pa rnam par mnan pa'i
 phyir ro/ /mya ngan 'das pa thob ma yin/ zhes bya ba ni sems can la lta ba'i phyir ro/ /mya ngan 'das la gnas ngang 'dra /zhes bya ba ni rang dang gzhan gyi don byed nus pa'i phyir ro/ /nyon mongs me yi gdung ba med/ ces bya ba ni nyon mongs pa kun tu spyod pa spangs
 pa'i phyir ro/ /nyon mongs ldan pa yang nam mkha' bzhin /zhes bya ba ni 'khor ba bskyed pa'i sa bon gyi nyon mongs pa chung ngu yod kyang des mi gos pa'i phyir ro/ /sems med sems med ma yin te/ zhes bya ba ni 'jug pa'i rnam par shes pa 'gags
 pa'i phyir dang/ rnam par smin pa'i rnam par shes pa yod pa'i phyir ro/ /ji ltar zhe na/ gang gi phyir de ni snyoms par 'jug pa la gnas pa'i phyir ro/ zhes bya ba ni bsam gtan shin tu goms par byas pas lus dang sems las su rung pas 'gog pa'i snyoms par 'jug
 pa thob pa'i phyir ro/ /'jig rten las 'das pa'i snyoms par 'jug pa thob kyang byang chub ma rtogs pa'i mi gnas pa'i mya ngan las 'das pa la gnas pa na yang/ de ni shes rab lhun po'i rtser/ /'dzegs shing mya ngan med gyur kyang/ /snying rje'i dbang gis 'jig
 rten pa/ /mya ngan gdungs dang sdug bsngal lta /zhes bya ba ni 'jig rten las 'das pa'i shes rab ni che ba'i phyir dang/ mngon par 'tho ba'i phyir lhun po'i rtse dang 'dra'o/ /der 'jogs pa ni thos pa dang bsam pa dang bsgom pa dag gis shin tu rab tu gnas par gyur
 pa'o/ /mya ngan med par gyur kyang zhes bya ba ni ngas sgyu ma lta bu'i chos nyid rtog pa'i phyir bdag nyid mya ngan med par gyur kyang ngo/ /snying rje'i dbang gis zhes bya ba ni de'i sems kyi rgyud snying rje la gnas pa'i phyir ro/ /'jig rten pa mya ngan gyis gdungs pa dang/ sdug
 bsngal ba la blta'o zhes bya ba ni 'jig rten pa pha ma dang bral ba la sogs pa'i mya ngan mi lta bus sems gdungs pa dang/ rgyun tu mi rtag pa nyid kyis rjes su 'brel pa'i sdug bsngal dang ldan pa la rnam par lta bar byed pa'o/ /de ni de tshe snying rje yi/ /brlan pa'i mig
 gis 'jig rten pa/ /rnam rtog gzo las byung ba yi/ /rtog pa'i dra bas dkris pa dang/ /skye rga na 'chi'i zug rngu yi/ /rma btod na bar gyur pa dang/ /zhan dang bkren dang mdza' ngan dang/ /mgon med dpung gnyen med pa dang/ sdug bsngal nye bar zhi 'dod pas/ /sdug
 bsngal chu'o cher ltung dang/ /sdug bsngal rgyu dag spel pa'i phyir/ /rmongs pa'i yid kyis zhugs pa dang/ /de nyid bdud rtsi zhi ba dang/ /spros pa nyer zhi ston ka yis/ /dri med mkha' blo spyod pa yi/ /snang med mig med kun bltas nas/ zhes bya ba dag gis ni byang chub sems
 dpa' de mi gnas pa'i mya ngan las 'das pa de la gnas pa de'i tshe na snying rjes brlan pa'i shes rab kyi mig gis 'jig rten pa la kun tu bltas nas snying rjes shin tu gdungs pa la sogs pa'i yon tan dang ldan pas pha rol tu phyin pa'i chu bo 'bebs shing
 gzhan gyi sdug bsngal sel ba dang/ bdag nyid dpag bsam gyi shing lta bur byed cing bde 'gro la sogs pa gang du gzhan la phan pa dang bde bar 'gyur ba'i gnas su skye ba dang/ de dag tu skyes pa'i tshen 'khor bcugs shing sran thub pa dag dang ldan zhing rgya mcho
 bzhin du sgo mang po nas bsod nams kyi chu bo dag gis yongs su gang bar 'gyur ro zhes 'og nas 'byung ba'i don dang tshig gi mjug sdud 'byung ba dag spyir blo la bzhag ste ston to/ /de de'i che? snying rjes brlan pa'i shes rab kyi mig gis 'jig rten pa la kun tu
 blta ba na 'jig rten pa gnas skabs ji lta bur gyur pa dag la kun tu lta zhe na/ rnam rtog bzo? las byung ba yi /rtog pa'i 'dra bas dkris pa dang/ zhes bya ba la sogs pa lta bu'i gnas skabs su gyur pa la kun tu blta'o zhes bya bar sgyar ro/ /yid kyi rnam
 par shes pas kun nas bslang ba'i rnam par rtog pa nyid bzo yin te /de las byun ba'i rtog pa'i dra ba yod pa dang med pa la sogs par blta ba phung po dang/ khams dang skye mched kyi gzhi la dmigs pa mang po dag gis kun nas dkris shing g.yogs
 pa la'o/ /rtog sa'i dra bas dkris pa 'ba' zhig tu yang ma zad de 'o na ji lta bur gyur pa zhe na/ skye rga na 'chi'i ? zug rngu yi/ /rma btong na par gyur pa dang/ zhes bya ba ni phung po 'byung ba'i skye ba dang/ yongs su 'gyur ba'i rga ba dang/ nad kyis na ba dang/ rnam
 par 'jig pa'i 'chi ba de dag nyid yid mi bde ba'i bdag nyid kyi zug rngu yin te/ des rma gtong pas rtag tu na bar gyur cing mi bde bar gyur pa la zhes bya ba'i tha tshig go /gzhan yang zhen dang bkren dang mdza' ngan dang/ /mgon med dpung gnyen med pa
 dang/ zhes bya ba ni srid pa'i khyim nas nges par 'byung ba'i bya ba la mong brtul bas zhan pa dang/ dge ba'i chos kyis dbul bas bkren pa dang/ 'jug mi bzad bas mdza' ngan pa dang/ dad pa dang tshul khrims la sogs pa'i mgon byed pa'i chos bcu dang bral
 bas mgon med pa dang nges par 'byung ba'i lam la mi mkhas pas dpung gnyen med pa la'o/ /gzhan yang sdug bsngal nye bar zhi 'dod pas/ /sdug bsngal chu bo cher ltung dang/ /sdug bsngal rgyu dag spel ba'i phyir/ /rmongs pa'i yid kyis zhugs pa dang/
 zhes bya ba ni dper na 'ga' zhig 'bab chus khyer ba na da las bskyab pa'i phyir chu bor mchongs pa na des de shin tu snga ma bas cher khyer bar gyur pa de bzhin du 'jig rten 'di yang sngon nye bar blangs nga'i las dag gis sdug bsngal gyi chu bor bying ba na/ sdug
 bsngal de nye bar zhi bar 'dod pas sgrib pa shas shin tu chen pos bsgribs par byas nas /las gang dag gis yun ring por 'khor ba'i chu bo chen por 'khor bar 'gyur ba'i las nye bar len pa de dag nye bar len pas sdug bsngal gyi chu bor ltung ba dang/
 'dod pa dang srid pa dang/ bdag tu smra ba dang/ tshul khrims dang brtul zhugs mchog tu 'dzin pas 'di bden snyam du mngon par zhen pa'i lta ba nye bar len pa la sogs pa sdug bsngal gyi rgyu ngag spel ba'i phyir ma rig pas rmongs pa'i yid
 kyis 'khor ba'i rgyun du zhugs pa yin te/ de lta bur gyur pa la kun tu blta'o/ /de ltar de dag gis ni 'khor ba'i rgyun tu zhugs pa nyid bstan te/ thar pa'i thabs rab tu nyams par bstan pa'i phyir/ de nyid bdud rtsi zhi ba dang/ spros pa nyer zhi ston
 ka yi/ /dri med mkha' la blo spyod pa'i/ /snang med mig med ces smras te/ /don dam pa'i de nyid bdud rtsi ltar ngoms par byed pa skye ba la sogs pa'i gnod pa thams cad zhi ba mngon par brjod pa thams cad kyis spros pa nye bar zhi ba ston ka'i dus kyi nam mkha' i dkyil
 dri ma med pa lta bu la gang go blo'i spyod pa'i snang ba med pa de nyid shes rab kyi mig dangbral ba'i phyir mig med pa yin te/ de ltar sdug bsngal dang nyon mongs pa mang pos gces pa'i 'jig rten la kun tu bltas nas zhes bya bar sbyar ro/ /de lta bu'i 'jig rten
 la kun tu bltas nas/ pha rol tu phyin pa'i chu bo 'bebs pa la sogs par byed pa'i byang chub sems dpa' de yon tan ji lta bu dang ldan pa zhig ce na /snying rjes shin tu yid gdungs pa/ /de la phan phyir brtul zhugs can/ /rdo rje rin chen sra pa'i sems/ /sems
 can gtso bo legs bslabs pa/ /sbyin pa tshul khrims bzod pa dang/ /brtson 'grus bsam gtan shes rab brtson/ /dus bzhin dang ni mthu bzhin du/ /shes rab dran pa sngon 'gro ba zhes bya ba ste/ snying rjes shin tu yid gdungs pa /zhes bya ba ni snying
 rje'i shugs kyis shin tu sems gdungs pa'o/ /de la phan phyir brtul zhugs can/ zhes bya ba ni 'jig rten de la phan gdags pa'i phyir brtul zhugs drag po blangs pa'o/ /rdo rje rin chen sra pa'i sems zhes bya ba ni rdo rje'i ri bos kyang mi phyed pa'i byang chub kyi
 sems dang ldan pa'o/ /sems can gtso bo zhes bya ba ni sems bskyed pa tsam kho nas nyan thos la sogs pa thil gyis gnon pa'i phyir ro/ /legs bslabs pa zhes bya ba ni lhag pa'i tshul khrims la sogs pa byang chub sems dpa' i bslabs pa dag
 la shin tu legs par bslabs pa'o/ /sbyin pa tshul khrims bzod pa dang/ /brtson 'grus bsam gtan shes rab brtson /zhes bya ba ni pha rol tu phyin pa rnams dang /snying rjes theg pa chen po'i don mdza' dag bsdus te/ slob dpon chen po 'phags pa na
 gdzu? nas ji skad du/ sbyin pa tshul khrims bzod dang brtson /bsam gtan shes rab snying rje yi/ /bdag nyid theg pa chen po 'di/ /sangs rgyas byang chub sems dpas bsngags/ /sbyin pa rang gi gdogs pa gtong/ /tshul khrims gzhan la
 phan pa byed/ /bzod pa khro ba'i gnyen por gsungs/ /brtson 'grus dge la brtson pa ste/ /bsam gtan nyon mongs med rtse gcig/ shes rab bden dam nges 'byed yin/ sbyin pas longs spyod khrims kyi bde/ /bzod pas mdangs dang brtson pas 'od/ /bsaM
 gtan zhi dang blo gros grol/ /snying rjes thams cad sgrub par byed/ /gcig car pha rol phyin gyur pa'i/ /dge ba bdun pe 'di dag gis/ /shes bya dpag med yul gyur pa'i/ 'jig rten mgon po nyid thob 'gyur /zhes gsungs pa lta bu'o/ /dus bzhin dang ni
 mthu bzhin du/ shes rab dran pa sngon 'gro ba/ /zhes bya ba ni gdul ba'i dus ji lta ba bzhin dang rang gi nus pa'i mthu ji lta ba bzhin du kun rdzob dang don dam pa pa'i shes rab rnam pa gnyis dang rjes su dran pa drug bsgom pa sngon du 'gro bas sbyin pa
 la sogs pa goms par byed pa ste/ lag bzangs kyis zhus pa'i mdo las ji skad du /gal te sbyin pa dang gtong ba dang /rnam par spong ba la slob par mi nus par gyur na 'di ltar so sor yang dag par slob par byed de/ dus dus su cung zad cung zad 'dod pa
 dang /ser sna dang sbyin pas 'jigs pa nyid gdul ba dang/ spang ba dang/ rnam par spang ba dang/ sbyin pa dang/ gtong ba dang /rnam par spong ba la bslab pa dang/ spyad pa dang mngon par spel bar rtsal ba dang/ 'bad pa dang/ brtson par bya'o snyam du so
 sor yang dag par slob par byed do/ /de bzhin du pha rol tu phyin pa lnga po dag la yang rgya cher sbyar ro/ zhes gsungs pa las khong du chud par bya'o/ /de la pha rol tu phyin pa drug po de dag yang dag par blang bar 'dod pa dang/ lhag par spyod par 'dod pas
 sgang? nag sems can thams cad bsgral ba dang/ dgrol ba'i phyir ltag par spyang pa yang dag par len par byedpa bstan pa'i phyir bshad pa/ sems can kun la phan pa'i phyir/ /sbyin la sogs pa'i ri bo las/ /byung ba'i chu klung bsod nams dang/ /dri med dge ba'i
 chu ldan 'bebs/ zhes bya ba ni sems can kun la phan gdags pa'i phyir sbyin pa dang /tshul khrims la sogs pa drug po ri bo lta bur gyur pa las byung ba'i pha rol tu phyin pa drug po chu klung lta bur 'dod pa med pa dang/ zhe sdang med pa dang gti mug med pa'i
 bdag nyid kyi bsod nams nyid dri ma med pa yin la/ sdig pa spong bas dge ba'i chu de lta bu dang ldan pa 'babs par byed do/ /de'i 'og tu sbyin 'dod pa'i bsam pa ches shas chen po mngon par 'phel bar gyur pa na/ slong ba kun la dus kun tu/ /phyi nang dngos po
 thams cad kyis/ /dbul dang slong ba'i sdug bsngal kun/ /rnam pa kun tu sel bar byed/ ces bya ba ni slong ba kun la sogs pa'i sems kyis dus kun tu gus par rang gi lag nas gzhan la mi gnad cing 'gyod pa med par phyi dang nang gi dngos po gos dang   zas dang/ rin po che dang bu dang bu mo dang/ mgo dang lag pa dang rkang pa la sogs pa rnam pa thams cad kyis bkren zhing dbul ba dang/ re zhing sleng ba las byung ba'i sdug bsngal mi dga' ba kun ma lus par rnam pa kun tu sel bar byed de/ 'dis ni
 gtong ba dang gtong ba chen po dang shin tu gtong ba goms par byed pas pha rol tu phyin pa yongs su rdzogs par bstan to/ /de yongs su rdzogs par byas pas/ /slong ba rnams kyi bsam pa dag /skad cig skad cig dga' rdzogs shing/ /dus kun mi zad
 'bras bu yis/ /'byor cing dpag bsam shing ltar byed /ces bya ba ni slongs mo dag gis bsam pa dag skad cig gcig la dga' bas yongs su rdzogs par byed cing/ bdag nyid dus thams cad du pha rol tu phyin pa rnams kyi rnam par smin pa'i 'bras bu
 zad mi shes pa dag gis 'byor cing dpag bsam gyi shing ltar 'gro ba'i don byed pa yin no/ /de la slong ba rnams kyi zhes bya ba ni slongs mo pa 'byor pa dang bral ba rnams kyi'o/ /bsam pa dag ces bya ba ni bsam pa dang/ re ba dang yid
 la bsams pa zhes bya ba dag gi rnam grangs so/ /skad cig skad cig dga' rdzogs shing/ zhes bya ba ni skad cig skad cig la dga' ba dag gis yongs su rdzogs par byed cing/ de'i phyir de dus kun tu pha rol tu phyin pa de dag gi rnam par smin pa'i 'bras
 bu mi zad pa dag gi 'bras bu can du gyur pas? de nyid 'byor cing bsngags par 'os la/ dpag pas ma gyi shing ltar 'gro ba rnams kyi don byed do/ /de ltar gtong phod pa'i dang tshul can du gyur pa na/ tshul khrims skyon med pa yang dag par blangs bas/
 de ni gzhan phan bde skyed pa'i/ /bde 'gro kho nar skye bar 'gyur/ /yang na 'dod pas gzhan dag tu/ /gzhan phan bde ba skyed par skye/ /zhes bya ba ni tshul khrims yongs su dag pas bde 'gro 'ba' zhig tu skye'i ngan song rnams su mi ltun ngo/ /yang na bsaM
 bzhin du ngan 'gro gzhan dag tu skye ba lan cing gzhan dag la phan pa dang bde ba skyed pa'i gnas su skye'i bdag nyid la phan pa dang bde ba'i don du ni ma yin no/ /de de dag tu skyes pa na yang 'gro ba de dang de dag tu/ 'khor gcugs? brtag bzod 
 mdza' yas dang/ /rgya mtsho bzhin du sgo kun nas/ /bsod nams chu bos yongs rgyas 'gyur/ zhes bya ba ni de 'gro ba'i gnas de dag tu yang 'khor yid gcig? gtsugs? pa dang/ brtag bzod pa dang/ mdza' yas pa dang ldan par 'gyur zhing rgya mtsho
 chen po sgo kun nas chu bo'i rgyun rnams kyis yongs su rgyas bar 'gyur pa bzhin du/ spyin pa dang tshul khrims dang/ bzod pa dang/ brtson 'grus dang/ bsam gtan dang/ shes rab kyi bdag nyid kyi pha rol tu phyin pa drug gi dge ba'i rgyun gyi sgo
 kun nas? bsod nams dang ye shes kyi tshogs kyis yongs su rgyas par 'gyur ro/ /pha rol tu phyin pa rnams bshad zin to/ /dbang po rnams bshad par bya ste/ sems gnyen rnam par mi g.yeng dang/ shes bya rtogs dang mkhas pa'i blo/ /ldan cig skyes dang
 ldan gyur cing/ /ji skad 'dod pa'i skal par gnas/ zhes bya ba ni gang la sems las su rung ba dang/ kun tu mi 'phro ba yod pa de ni sems gnyen pa dang rnam par mi g.yeng ba ste/ zhi nas kyi yan lag la gnas pa yin no/ /de nyid phung po dang khams dang skye
 mched? rab tu rnam par 'byed pa dang so sor rtog pa'i nus pa'i blo tshe rabs bye ba brgya stong du ma nas goms par byas pa dang ldan pa ni shes bya rtogs pa dang mkhas pa'i blo lhan cig skyes pa dang ldan par gyur pa ste/ zhi gnas kyi yan lag dang ldan pa yin
 no/ /de ltar gyur cing bsam gtan dang/ ting nge 'dzin dang/ snyoms par 'jug pa'i stobs can du gyur pa ji srid 'dod pa'i bskal par gnas te/ 'dis ni de'i tshe'i tshad bskal pa grangs med par byin gyis brlab ba nyid kyi tshe la dbang ba bstan to/ /grangs
 med pa dpag tu med pa yi/ /ting 'dzin nges rtogs blo dang ldan/ zhes bya ba ni 'di ni brjod du med pa'i yang brjod du med pa'i ting nge 'dzin la nges par rtog pa la 'jug pas sems la dbang ba nyid yin no/ /'jig rten khams ni mdza' yas dag rgyan
 rnams kyis ni brgyan par byed /ces bya ba 'di ni 'jig rten gyi khams thams cad bkod pa du ma'i rgyan gyis brgyan pa byin gyis rlob pa ngag kun tu ston pa'i tshul gyis yo byad la dbang ba yin no/ /bzo dang las sngon 'du byed dang/ /las kyi rnam
 smin rab tu ston /tsas bya ba 'di ni bzo dang rgyu rtsal dang las ngag ci 'dod par kun tu ston pa dang/ las kyi rnam par smin pa dus ji lta ba bzhin du byin gyis rlob pa kun du ston pa nyid kyis las la dbang ba yin no/ /'gro la phan pa sgub? 'dod pas
 ji ltar 'dod pa rab tu skye/ zhes bya ba la 'gro ba la phan pa sgrub par 'dod pa ni 'gro ba la phan pa byed par 'dod pa ste/ 'di ni 'jig rten gyi khams thams cad du skye ba kun tu ston pa nyid kyis skye ba la dbang po yin no/ /sangs rgyas kun ni
 gang ba yi/ /'jig rten khams rnams ston par byed/ ces bya ba 'di ni 'jig rten gyi khams thams cad sangs rgyas kyi yongs su gang ba kun tu ston pa nyid kyis mos pa la dbang ba yin no/ /ji ltar 'dod pa'i dus dang ni/ /zhing du rdzogs par byang chub ston/ /ces bya ba
 'di ni ji ltar 'dod pa'i dus dang zhing du sangs rgyas kyi sprul pa mngon par rdzogs par byang chub par kun tu ston pa nyid kyi smon lam la dbang ba yin no/ /ye shes mig? gis shes bya ba'i/ /de nyid thams cad ston par byed /ces bya ba 'di ni chos thams cad
 Frnam pa thams cad du mngon par rdzogs par byang chub pa kun tu ston pa nyid kyis ye shes la dbang ba yin no/ /rdzu 'phrul mnga' bas 'jig rten kun tu rnam par 'phrul/ /ji ltar zla ba'i dkyil 'khor las gzugs brnyan dus gcig tu mdza' yas pa 'byung ba ltar
 sems can mdza' yas pa so so cis 'dul ba bzhin sprul pa mdza' yas pas cig car ston pas rdzu 'phrul la dbang ba yin no/ /chos rnams bzhag pa nyid rtogs shing/ /ming la sogs pa thob pa nyid /ces bya ba 'dis ni mdza' dang dbus med pa'i
 chos kyi sgo? snang ba kun tu ston pa nyid kyi chos la dbang ba bstan to// //dbu ma'i snying po'i 'grel pa rtog ge 'bar ba/ /bam po bcu gnyis pa/ de nas gzhan yang 'jig rten gyi khams thams cad du sprul pa mdza' yas pa cig car du
 ston pa ni rdzu 'phrul la dbang ba zhes brjod de/ rdzu 'phrul rnam par 'phrul pa yi/ /mdza' yas zhing dag gso? bar byed/ /g.yor zhi rab tu 'phul ba ste/ glong? la sogs pa bye ba phrag brgya dpag tu med pa'i stong gsum gyi stong chen po grangs med pa rnams
 kyi sangs rgyas kyi zhing rnams g.yo ba'o/ /rdzu 'phrul rnam par 'phrul pa ste/ rnam par rtse ba dang/ rnam par rol pa ni rdzu 'phrul gyi rkang pa legs par bsgom pa'i phyir ro/ /'di ni tshigs su bcad pa phyed kyi don yin no/ /dus gcig gam ni ring yang rung/ /lus la 'bar dang
 'bebs par byed/ /dus mnyam du stod nas 'bar ba dang/ smang nas 'bebs par byed pa dang/ smad nas 'bar bar byed pa dang/ stong? nas 'bebs pa byed la'am 'dus tha dad du me'i phung po ltar 'bar ba dang/ sprin gyi phung po chen po ltar char 'bebs pa yang tha
 dad du byed pa'o/ /phyogs ni mdza' yas kun tu yang rang gi 'od kyis spro bar byed/ shar la sogs pa phyogs kun tu yang rang gi lus las byung ba'i 'od zer nyi ma dang zla ba'i bas lhag pa kun tu khyab par byed de /gzhen pa tsam gyis lha la sogs pa thams
 cad 'gyod pa bskyed pa'i phyir dmyal ba la sogs pa rab tu ston par byed de/ ji lta bur zhe na lha dang mi gang dag 'dod pa la shin tu chags shing zhen la brgyal ba rnams 'gyod pa bskyed pa'i phyir sgra dang bcas pa'i me 'bar ba'i phreng ba kun tu rgya chen po
 dang/ gsod 'dod pa khros pa'i bzhin gyis sgra chen po 'jigs pa dang bcas pas ral gri dang/ 'khor lo dang/ sog le la sogs pa thogs shing /snying rje med pa'i gshin rje'i skyes bu rnams kyis bsrungs pa dang khu lcags kyi mchu can rnams kyi
 tshogs rnams dang/ 'jigs pa'i sgra sgrogs pa'i 'jigs su rung ba'i khyi'i tshogs dang/ dpag tshad du ma tsam gyi shin tu 'bar zhing bskol ba'i zangs chen po dag tu btsos par gyur pa na dud mo dang bcas pa'i skye bo mang pos bskyed pa'i ku co chen po
 dang/ ral gri'i nags tshal dang/ me mar mur gyi 'obs dang /shal ma ri'i sdong po dang/ ro myags dang/ chu bo rab med du bcug pa drag cing rtsub pa'i dmyal ba dang/ gshin rje'i 'jig rten la sogs pa yang ston par byed do/ /de bzhin du tshad med
 rmad byung bsam mi khyab/ /yon tan rin chen 'od 'bar ba/ /'jig rten rtsa lag sangs rgyas rnams/ /'khor dang bcas pa'ang ston par byed/ /stobs dang mi 'jigs pa dang/ so so yang dag par rig pa la sogs pa rmad du byung ba
 bsam gyis mi khyab pa'i yon tan rin po che 'od kyi gzi brjid can rnams dang/ mchan dang dpe byad kyis brgyan pa'i 'gro ba'i rtsa lag tu gyur pa rnams dang/ dge slong dang dge slong ma dang/ dge bsnyen dang/ dge bsnyen ma'i 'khor rnams kyi rdzu 'phrul gyis
 mthus ston par byed do/ /gser dang nor bu bai rUrya/ /mu teg rdo rje mthon ka cher/ /ri bo'i dbang po che rnams dang/ /me nyid bgrang bar bzhed? pas byed/ gser la sogs pa'i ngo bo nyid du ri chen po rnams kyang bzhed ba tsam nyid kyis byed do/ /bzhed pa
 tsam nyid kyis sreg par byed pa'i bdag nyid kyis me yang kha ba ltar bsil bar byed do/ /chen por gyur pa'i lus kyis su/ /rdo rje sogs la mi chags par/ /ngo mtshar byed cing skad cig gis/ /phyogs kun du ni 'gro zhing 'ong/ /lus chen por
 gyur pa nyid kyis ro 'bigs byed la sogs pa la yang mi thogs par myur ba nyid du ngo mtshar dang bcas par phyogs bcu dag tu 'gro zhing 'ong ba yang ston par byed do/ /rang gi lus sa mdul phran la/ /dpag tu med pa'i 'jig rten khams/ /yang dag 'dzung
 kyang sems can la/ /gnod pa med pa'ang ston par byed/ /bdag nyid kyis lus kyi nang nyid du dpag tu med pa'i 'jig rten gyi khams rnams 'dzud par byed pa'am /rdul phra rab kyi nang du 'jig rten gyi khams de dg 'dzud par byed la/ gang dag 'jig rten gyi
 khams de dag la brten pa'i lha dang mi dang/ dud 'gro la sogs pa de dag rnams la nyam nga ba dang /gnod pa med par yang ston par byed do/ /'jig rten khams rnams phra rab tu/ /phra rab de'i mtshan nyid du/ /bsdus pa'am ni rgyas par yang/ /bzhed pa tsam
 byed 'og steng kyang/ /bzhed btsam gyis 'jig rten gyi khams rnams sdud par byed de rdul phra rab dang mnyam bar byed do/ /de nyid rgya chen por mos na yang rdul phra rab de 'jig rten gyi khams dpag tu med pa'i chad du yang byed do/ /'jig rten gyi khams de dag
 nyid steng gi cha gang yin pa de yongs su bsgyur nas 'og gi char byed do/ /'og gi cha yongs su bsgyur nas steng gi cha nyid du byed do/ /de'i tshad 'od dang kha dog dang/ /dbyangs dang spyod lam phun tshogs kyis/ /gdul bya 'dul bar 'dod pa'i phyir/ /tshangs pa la
 sogs 'khor du 'gro/ tshangs pa la sogs pa de rnams kyi tshad dang 'od dang kha dog dang dbyangs dang spyod lam rnams phun sum tshogs pa nyid kyi tshangs pa'i dbang po la sogs pa'i 'khor du mngon par 'gro bar byed de/ ci'i phyir zhe na/ skal pa dang ldan pa rnamS
 gdul bar 'dod pa'i phyir ro/ /snang bar 'gyur zhing mi snang 'gyur/ /de dag 'gas kyang mi shes dang/ /gzhan gyi bril gyis gnon par yang/ /byed de snying rjes bskul ba'i phyir/ /snang bar gyur ba ni rang gi lus gsal bar ston pa'o/ /mi snang bar 'gyur
 ba ni bsgribs pa 'am/ mi mthong bar gyur pa ste/ /de dag gnyi ga yang byed la/ tshangs pa la sogs pa 'gas kyang gang nas 'ongs pa dang gang du song bar gyur pa mi shes pa'o/ /gzhan dag gi rdzu 'phrul zil gyis gnon par yang byed/ snying rje
 bskul nas nga rgyal gcig par bya ba'i phyir yin gyi/ 'gran pa la sogs pa'i phyir ni ma yin no/ /'gro ba'i gnas ni brjod rnams su/ /'gro ba dbang byas dgos 'dod pas/ /spobs sogs kyi ni dmon pa la/ /spobs pa'i bde ba rab tu ster/ /
 'gro ba'i gnas na gling la sogs pa ste/ de dag gi dbagn dubyas pa'i tshig gi bye brag gis tha dad pa ni grong khyer la sogs pa ste/ 'go ba'i gnas zhes bya ba'i tha tshig go /de dag tu skye bo bsam pa ji lta ji lta bur yod pa rnams dbang du byas
 nas 'god par byed do/ /gang dag de na spobS pa dang 'dzin pa dang/ blos 'phongs pa de rnams la spobs pa la sogs pa dang/ lus kyi bde ba la sogs pa sgrub par byed do/ /dmyal sogs sdug bsngal gyis gdungs pa/ /'od zer btang bar sogs
 kyis/ /zhi bar byed cing lha dbang sogs/ /skal pa mnyam par 'gro bar byed/ /cha ba'i dmyal ba stir med pa/ /yang sos dang /thig nags dang tsha ba dang/ rab tu tsha ba dang/ bsdus 'joms dang/ du 'khor dang/ du 'bong? chen po zhes bya ba brgyad dang/ gang ga'i?
 dmyal ba gas pa dang/ ud pa la ltar gas pa dang/ ku mu ta ltar gas pa dang/ pad+ma ltar gas pa dang/ pad+ma chen po ltar gas pa la sogs pa tsha ba dang/ grang ba'i sdug bsngal gyis nyen pa'i sems can rnams kyi sdug bsngal ma lus bar zhi bar byad pa'i phyir/
 bsil ba dang dro ba'i 'od zer 'byin par byed de/ 'od zer de dag giS rag pa tsam gyis dmyal bde dag de dag nas sha'i phos nas lha'i dbang po dang 'thab bral dang/ dga' ldan la sogs pa rnams dang skal pa mnyam par skye bar byed par 'gyur ro/ /gdul bya ji
 bzhin sprul pa yi/ /sprul pa yis ni phyogs bkang nas/ /bstan pa rin chen char bab pas/ /'jig rten 'das pa'i bde ba bskyed/ /gdul bya gang dang gang la sprul pa gang gis yongs su smin par 'gyur ba'i nyan thos dang/ rang sangs rgyas dang/ brgya byin dang/
 tshangs pa dang /'jig rten skyong ba dang/ dbang phyug chen po dang/ sred med kyi bu la sogs pa'i sprul pa de dag gi phyogs thams cad khyab par byas nas sprul pa de dag las byung ba'i bstan pa rin po che'i char gyis 'jig rten las shin tu 'das pa'i dga' ba
 bskyed do/ /dus gsum tshad med lus nyid dang/ /sangs rgyas zhing ni phun tshogs dang/ /'jig rten khams rnams dpag med rnams/ /'jigs pa dang ni chags pa dang/ /'das pa dang ma 'ongs pa dang da ltar byung ba'i dus rnams su dpag tu med pa'i lus
 byed gyis rlob bar byed/ yongs su ma dag pa'i zhing rnams yongs su dag par byin gyis rlob par byed do/ /sangs rgyas kyi zhing tshad med pa rnams dus su ma phyin par 'jig pa dang chags par byin gyis rlob par byed de/ 'jig pa rnams ni chags par byin gyis rlob
 par byed do/ /chags pa rnams ni 'jig par byin gyis rlob par byed do/ /rang lus bde bar gshegs zhing du/ /de yang rang lus bdag nyid du/ /rang gi zhing ni bde gshegs skur/ /bzhed pa tsam gyis byin gyis rlob/ /rang gi lus sangs rgyas kyi zhing du byin
 gyis rlob par byed do/ /sangs rgyas kyi zhing de yang rang gi lus su byin gyis rlob bar byed do/ /sangs rgyas kyi zhing de bzhin gshegs pa'i skur byin gyis rlob par byed do/ /ba spu'i khung dang 'od zer las/ /nam mkha' la ni rol mo'i sgra/ /sprul pa yis nar ba
 bton nas/ /thos nas dga' bar 'gyur bas ni/ /mthar thug par ni khyab par 'gengs/ /ka la bing+ka'i sgra dbyang ni/ /zab cing rgya che sgrogs pa yis/ /'jig rten rnams ni gsung gis 'gengs/ /rang gi lus kyi ba spu'i khung bu dang 'od zer las byung ba'i
 rnga dag las brdungs pa 'am/ ma brdungs par nam mkha' las byung ba'am/ sprul pa sngar bstan pa dag las nges par byung ba ni thos nas yid dga' ba dang khyab par byed cing 'gangs pa dang/ mthar thug par byed pas na/ mthar thug pa dang gsal bas
 na drang ba dang/ ka la bing ka'i dbyangs snyan pa dang/ skye bo thams cad kyis don 'byung bar mi nus pa dang/ dbyangs chen pos gsung ba dang khyab par gsung ba'i gsung dag gis/ /ci zhig byed ce na/ 'jig rten rnams la/ mos pa'i dbang dang dbang po bzhin
 zhi ba ro gcig zhi ba dang/ /gdul bya rnams ni gdul ba'i phyir/ /chos 'di rnams ni gsung bar mdzad/ /mos pa'i stobs dang dad pa la sogs pa'i dbang po'i nus pa dang zhi ba nyid ro gcig pa 'di la yod pas zhi bar ro gcig pa'o/ /'jig ba thams cad sel?
 ba dang/ skal pa dang ldan pa'i skye bo yongs su smin par bya ba'i phyir chos rnam pa du mar ston par mdzad pa'o/ /'di dag ni rdzu 'phrul la dbang ba ste/ rab tu byed pa bcu bdun gyis yang dag par bstan pa yin no/ /de ltar bstan pa'i dbang
 bcu'i bye brag shes par 'dod pa rnams kyis/ mdo sde dkon mchog sprin las bye brag rgyas pa nges par shes par bya'o/ /de nas gzhan yang mngon par shes pa brjod par bya ste/ dman dang bag la nyal bcas dag /bde dang sdug bsngal sogs dang
 bcas/ /dman dang 'bring dang mchog rnams dang/ /yang dag gya nom sogs de rnams/ /gang la ji ltar ji srid du/ /lus can rnams kyi sems 'byung ba/ /de rnams de la de bzhin dang/ /de snyed mang rnams rig par byed/ /dman pa ni nyon mongs pa dang
 nye ba'i nyon mongs pa nyams par byas pa'o/ /bag la nyal bcas ni 'dod chags dang/ zhe sdang dang/ gti mug dang/ nga rgyal dang /lta ba zhes bya ba'i bag la nyal gyi bag la nyal dang bcas pa'o/ /dag pa ni nyon mongs pa'i bag la nyal spangs pa'o//
 sdug bsngal gsum dang bral ba ni bde ba dang bcas pa 'am/ dus de srid pa'i tshor ba bde ba dang ldan pa'o/ /de las bzlog pa ni sdug bsngal dang bcas pa'o/ /gnyi ga'i ngo bo nyid ni sdug bsngal dang bde ba ma yin pa dang bcas pa'o/ /dman pa ni shin
 tu dmad pa dang gzhan dag kyang ngo/ /'bring ni de bas mtho bar gyur pa'o/ /mchog ni dam pa dang mchog dang bya nom pa'o/ /theg pa gsum la zhugs par gyur pa ni yang dag pa'i gya nom pa'o/ /srid pa la mngon par dga' ba ni phyin ci log gi gya nom
 pa'o/ /sems can de rnams yul gang la ji ltar dus ji srid du zhugs pa'i sems chung du dang yangs pa dang chen por gtogs pa dang/ tshad med pa'i dbye bas sems ji lta bar skye bar gyur pa de thams cad rten dang brten pa'i bye brag dang zhugs
 par gyur pa'i bye brag mang po dag skad cig la shes par 'gyur ro/ /'dis ni gzhan gyi sems shes pa'i mngon par shes pa bstan to/ /lha'i mig ni rnam pa gnyis te/ 'chi 'pho ba dang skye bar yul can dang/ gzugs kyi yul can no/ /de la sha'i mig dag pa ni phra mo dang
 bsgribs pa dang/ ring ba dag la thogs pa med par 'jug cing 'byung ba'i phyir gzugs kyi yul can zhes bya ste/ des rig pa de bstan pa'i phyir/ lha dang sbrul pa phra mo dang/ de las bzlog par gyur pa dag /kun tu gzugs ni thams cad kyang lha'i mig gis de
 dag mthong/ /byang chub sems dpa' i lha'i mig gang yin pa de ni lha rnams kyis mi shes so/ /gang yang lha rnams kyi lha'i mig de ni byang chub sems dpas rab tu shes te/ lha'i gnas kyi gzugs rnams kyang mthong ngo/ /sprul pa ni de bzhin gshegs pa dang
 dgra bcom pa rnams kyi'o/ /phra mo ni rdul phra rab la sogs pa'o/ /de las bzlog pa ni lha la sogs pa las bzlog pa ste/ mi dang lha ma yin dang/ dmyal ba dang/ yi dgar?/ la sogs pa 'jig rten gyi gnas so/ /ma sprul po ni rgyu dang rkyen las yang dag par
 byung ba'o/ /rags pa ni lhun po la sogs pa ste/ thams cad kyi 'gro ba thams cad dang lhag ma ma lus pa'i gzugs de dag rnams lha'i mig gis mthong ste/ gzugs kyi yul can ni lha'i mig ces bstan to/ /lha dang 'phags pa bshod? dang sprul/ /
 gsal po'i sgra dang ming bcas pa/ /ring na gnas dang bzlog pa dag/ lha'i rna ba 'di yis thos/ /lha rnams kyi sgra ni lha'i'o/ /nyan thos la sogs pas brjod pa ni 'phags pa'i 'o/ /'og ma ni gyi pho brang na bzhugs pa'i rgyal ba rnam par snang mdzad kyi sku
 las rab tu byung ba'i bkod pa'i sgra ni bkod pa ste/ sdong po bkod pa las bstan to/ /'dzam bu'i gling la sogs par mngon par rdzogs par sangs rgyas pa'i sangs rgyas kyi gsung ni sprul pa'i sgra'o/ /gsal ba ni yi ge gsal ba la sogs pa des pa'i
 tshig gis gsal ba'o/ /gling bzhi par byung ba ni mi rnams kyi'o/ /tha mal pa'i rna ba'i dbang po'i lam las 'das pa ni ring ba'o/ /mi gsal ba dang nye ba ni bzlog ba'o/ /de dag thams cad lha'i rna ba'i khams kyis 'dis
 thos par 'gyur ro/ /lha'i rna ba'i mngon par shes pa bstan zin to/ /sngon gyi gnas rnams thams cad de/ /sems can rnams dang bdag nyid kyi/ /ming dang rigs kyi bye brag rnams/ /dran zhing gzhan dag gi yang dran/ /des skye pa gcig byang rjes su dran pa nas skye ba
 stong phrag du ma'i bar yang rjes su dran te/ bdag gi ming ni 'di zhes bya/ bdag 'di dag tu ni skyes/ bdag gi rigs ni 'di zhes bya/ bdag gi tshe'i tshad ni 'di snyed du gnas/ kha zas ni 'di lta bu zhig zos/ bde ba dang sdug bsngal ni 'di lta bu zhig nyams su myong
 zhes bya ba la sogs pa ste/ de bzhin du gzhan dag gi yang dran par byed de/ 'di ni sngon gyi gnas rjes su dran pa'i mngon par shes pa zhes bya'o/ /tha dad 'gro ba'i 'dod pa dang/ /mi 'dod las 'bras sna tshogs gnas/ /'chi dang 'pho dang skye ba
 rnams/ /lus can kun gyi rig par 'gyur/ /lha dang lha ma yin dang mi dang dmyal ba dang/ byol song dang/ yi dags rnams nyes par spyad pa dang/ lags par spyad pa rnam pa du ma'i las kyi 'bras bu la spyod pa dang/ 'chi ba ste gnad gcod pa'i srid pa la
 gnas pa dang/ 'pho ba ste srid pa bar ma na gnas pa dang/ skye ba ste nyid 'tshams sbyor ba'i srid pa la gnas pa dang/ sa bla sa steng gi lus can ma lus pa'i 'chi 'pho dang skye ba mthong ba 'di ni sgo de nas lha'i mig gis mngon par shes pa bstan pa yin no//
 srid pa bar ma yod par smra pa rnams par ma don yang gzugs phra ba yod bar 'dod pas/ sngar bstan pa'i gzugs mthong ba'i mngon par shes pa bstan pas grub la/ gang dag srid ba bar ma do mi 'dod pa de rnams la ni snga ma bzhin du gzugs
 mthong ba'i sha'i mig dag pa bstan to/ /da ltar ni yid kyis 'chi 'pho dang skye ba mthong ste/ pha rol gyi sems shes pa bzhin no/ /de dag gnyi ga yang nye bar bsdus nas lha'i mig gis mngon par shes pa yin no zhes mdo las bstan to/ /mig lnga yongs su bstan pa las
 gzugs kyi yul can ni sha'i mig go /'chi 'pho ba dang skye ba'i yul can ni lha'i mig yin no zhes dbye ba byas so/ /de nas gzhan yang rdzu 'phrul gyi mngon par shes pa bstan par bya ba'i phyir/ 'jig rten khams ni dpag med du/ /'di yi gdul bya gdul pa'i phyir/ /dga' 
 ldan gnas 'phos 'jug pa dang/ /yang dag byang chub mngon par ston/ /sems dang brtson 'grus dang 'dun dang spyod pa'i ting nge 'dzin zhes bya ba rdzu 'phrul gyi rkang pa goms par byas pa mthar phyin par gyur pas sa bcu'i dbang phyug dpa' bar 'gro ba'i ting nge 'dzin gyi spyod
 yul la gnas pas gang+gA'i klung gi bye ma snyed dang mnyam pa'i 'jig rten gyi khams rnams su sangs rgyas mthong bas gdul ba'i sems can rnams gdul ba'i phyir sprul pa sprul te/ gang dga' ldan gyi gnas na gnas pa dang/ 'pho ba dang/ bltams pa dang/
 bzo'i gnas yang dag par bstan pa dang/ btsun mo'i 'khor na bzhugs pa dang/ mngon par 'byung ba dang/ dka' ba spyod pa dang bdud 'dul ba dang/ mngon par byang chub pa dang/ chos kyi 'khor lo bskor ba dang yongs su mya ngan las 'das pa chen
 po dang/ dam pa'i chos gnas pa la sogs pa skal pa dang ldan pa'i gdul bya rnams la ston par mdzad do/ /yang gang dag de bzhin gshegs pa rnams la mched par 'dod pa de dag la ni/ /rang gi 'dod pas dpag med ba'i/ /'jig rten khams kyi rdul
 mnyam pa/ /sangs rgyas zhing yang de snyed du/ /sems can rnams kyang de snyed kyi/ /gdul bya thabs kyis sprul pa ni/ /rang gi zhing nas ma g.yos par/ /rang gi 'dod par lus sprul pa/ /re re las kyang de snyed lag /da snyed ba yi mgo las lce/ /so so kun nas de snyed sbro/ /
 rang gi zhing nas ma g.yos bzhin du dpag tu med pa'i 'jig rten gyi khams na rdul phra rab ji snyed yod pa da snyed kyi sangs rgyas kyi zhing rnams/ sems can de snyed yod pa rnams gdul bya thabs kyi sprul pa'i lus/ rang gi 'dod par sprul
 pa re re las kyang grangs de snyed kyi lag pa ? de snyed kyi mgo dang mgo so so re re la yang de snyad kyi lce sprul to/ /lag pa de dag gis bzung ba'i/ /me tog dri bkang sna tshogs pa/ /gang+gA'i klung gi bye ma snyed/ /lhun po'i chad tsam dri spro zhing/ /rgyas pa mchog bzang dri dag dang/ dri
 gang dag phyogs kun tu khyab pa de dag ni dri spro ba'o/ /mang ba dang mchog dang bzang ba dri gang la yod pa de ni rgyas pa mchog bzang dri ste/ tshad ni ri rab kyi tshad tsam mo/ /grangs ni gang+gA'i klung gi bye ma snyed de/ dri yis bkang ba dang/ me tog gis bkang pa
 dag go /rdzogs sangs rnam par sangs rgyas dag/ 'gro la phan pa byed pa'i mchog/ shin tu gus pas mchod par byed/ /lan cig min par bstod pas bstod/ /yang dag pa'i de kho na nyid rtogs pas rdzogs sangs dag dang/ /mi shes pa'i gnyid
 sangs pas na rnam sangs rgyas dag la 'gro ba la phan pa byed pa'i thabs kyi smon lam bya bar 'dod pas de'i phyir mchod pa byed de/ gus pa chen po dang ldan pas nges sprul pa'i lus kyis phyag 'tshal ba la sogs pa dang/ de dag gi lte rnams kyis
 kyang rgyun mi 'chad par bla na med pa'i yon tan brjod pas bstong par byed do/ /gzhan yang rin chen gdugs dang bla re sogs/ /mu tig dra bas yongs brgyan pa/ /tshad med rin chen myu gu las/ /mche ba lta bu'i 'od zer 'phro/ /mthon ka la sogs
 pa rin po che'i rang bzhin gdugs dang/ bla re dang/ rgyal mtshan la sogs pa dag la mu tig gi dra bas brgyan pa/ tha mal ba'i tshad las shin tu 'das pa 'od dang bcas pa 'phro ba lta bur gnas pa'i rin po che rnams las/ 'od zer nyid myu gu ?
 gyur pa ste/ de nyid mche ba ltar gyur pa'o/ /gzhal yas khang gi bsngags pa brjod pa/ steng g.yogs ka ba 'bar bas dga' / /mu tig phreng ba 'phyang ba dang/ /rin chen sna tshogs du ma las/ /sna tshogs las kyis bzo sbyar ba/ /steng g.yogs dang ga ba 'bar ba gang la nyams
 dga' ba yod pa de ni steng g.yogs ka ba 'bar bas dga' ba'o/ /gang la mu tig phreng ba 'phyang ba'i dang tshul yod pa de ni mu tig phreng ba 'phyang ba'o/ /de yang rnam pa du ma'i rin po che'i tshogs las mngon par 'dus byas pa gang la las sna tshogs kyi bzo sbyar ba yod pa de ni
 sna tshogs las kyis bzo sbyar ba ste/ de la gser las byas pa'i ya gad mdzes pa dang/ 'dug stegs la sogs pas mdzes par brgyan pa'o/ /rin chen 'bar ba'i gzhal yas khang/ /'od zer sgron ma brgya snyed 'bar/ /shin tu mthong ba mkha' mnyam pa//
 rin chen 'od kyis phyogs khyab byed/ /gzhal yas khang ni gnas kyi khyad par ro/ /rin po che 'bar ba rnams kyi 'od nyid ni sgron ma ste/ dag brgyad snyed rtag tu 'bar bas mdangs dang ldan pa ni 'bar ba'o/ /mtho khyad nam mkha' la reg pa ni shin tu mtho ba
 mkha' mnyam mo/ /nor bu rin po che sna tshogs kyi 'od kha dog du mas phyogs khyab par byed pa'i gzhal yas khang gis mchod pas mchod par byed do/ /gang la zhe na rdzogs pa'i sangs rgyas la zhes bya bar 'brel to/ /de yi rnam grangs du ma yis/ /bstan pa
 rtag tu mkhas pa des/ /thos nas gus pas gzhan dag la/ /lhag chad med pa'i yi ges ston/ /mkhas pa legs par bslabs pa des/ de bzhin gshegs pa de dag thams cad kyis rnam pa du mas bstan pa rnams/ /yang dang yang du mnyan nas thos pa rnams
 ji ltar thos pa bzhin du yi ge lhag chad med pas gzhan dag la ston par byed do/ /bskal pa grangs med dpag med par/ /bsod nams ye shes stobs kyis 'phags pha rol byin rnams pha rol phyin/ /'di ni 'di ltar skyes bu mchog/ dpag tu med pa'i
 bskal pa grangs med bar bsod nams dang ye shes kyi stobs kyis 'phags shing ji srid bstan ba'i pha rol tu phyin pa bcu po rnams kyi pha rol tu phyin pa de ni mi'i mchog yin no/ /ci zhig byed ce na smras ba/ rdzogs sangs nyi mar gyur
 nas ni/ /gdul bya'i sems can pad+ma'i na tsho/ /bstan ba'i 'od kyis rgyas par byed/ /dri ma med pas dri ma sbyong/ /pha rol tu phyin pa rnams kyi pha rol tu song nas 'dod pa dam gyis byang chub rtogs par mdzad de/ de nas nam 'dod pa na rnam pa thams cad mkhyen
 pa nyid kyi ri'i rtse mo'i spyod yul na bde bar gshegs pa nyi mar gyur nas gdul bya'i skye bo padme'i 'byung gnas la mdo sde la sogs pa gsung gi 'od zer rang bzhin gyis dri ma med pa stong gis gdul bya'i yid kyi gti mug sel bar nus pas/ smon lam
 ji lta ba bzhin du mngon bar sad par byed do/ /de bzhin du /gang phreng bsil ba'i 'od zer dang/ /tsan dan pas ltag gsung gi chus/ /lus can yid kyis nyon mongs mes/ /rab tu gdungs pa zhi bar byed/ /gang la sogs pas zhi bar byas pa'i cha
 ba ni rkyen rnyed nas/ slar yang 'byung bar 'gyur ro/ /bde bar gshegs pa'i gsung gi chus shin tu zhi bar byas pa'i nyon mongs pa'i me'i gdud pa ni gtan mi 'byung ba'i chos can du 'gyur to/ /'di ni khyad par du 'phags pa'i bye brag yin no/ /gang
 yang de dag gis dang po sems bskyed ba nas bzung nas ji ltar bdag rgal nas sems can ma rgal ba rnams bsgral bar bya ba la sogs ba'i smon lam de 'di yis smon lam yongs su rdzogs par byas pa yin no/ /'khor ba'i rgya mtsho las
 bdag nyid brgal te/ skye bo'i 'khor ba'i rba klod can/ /'chi ba'i chu srin bcas mtsho las/ /theg pa gsum gyi gru chen gyis/ /'di yis skye bo myur du sgtol/ /'gro ba 'di dag thams cad ni yang dang yang du skye zhing 'khor ba'i sdug bsngal sna tshogs kyi
 rlabs dang/ 'chi ba'i chu srin gyis kun nas bskor ba'i 'khor ba'i rgya mtshor nub pa las/ myur du nyan thos dang rang sangs rgyas dang theg ba chen? po'i gru bo che dag gis bsgal nas bcings pa med pa'i rnam par grol ba'i gling du 'god bar byed do/ /bdag
 gi legs bshad chu rgyun gyis/ /thogs med dus kyi 'gro ba rnams/ /shin tu sgom pa sel bar byed/ /yon tan gyis 'phangs kyang sel byed/ /shin tu yon tan gyis dbul ba'i skye bo sred pa'i dbang du gyur pa la/ nges sangs rgyas kyi ye shes dang mthun
 pa'i legs par bshad pa rin po che rnam pa du ma dag gis srid pa'i sred pa dag rnam bar gcod par byed cing dang ba la sogs pa'i yon tan gyi nor rnams bsdud du bcug nas shin tu dbul ba sel bar byed do/ /'dis ni lam mkhan chen po ltar ston pa
 yin te/ srid par dgon par lam stor bas/ /ma rig pas bsgribs lam ston byed/ /'gro rnams shes rab mig phye nas/ /mya ngan 'das par phyin par byed/ /rang gi las kyi bdag nyid kyis 'khor ba'i dgon pa tha dad du yongs su 'khor bar gyur cing mi shes pas
 bsgribs pas lam la mi mkhas pa'i 'gro ba rnams la lam nye bar bstan te/ shes rab kyi mig rnam par phye nas/ /mya ngan las 'das pa'i grong khyer du khrid par byed do/ /'di ni dug gis zin pa la'ang sel ba la mkhas pa'i sman pa bzhin du ston to/ /nyon
 mongs sprul gdug mche bas btab/ /rang la phan pa'i thabs la rgyal/ /ye shes sman ni yang dag pa/ /rig ba bstan bas 'gro rnams gso/ /'dod chags la sogs pa kun nas nyon mongs ba nyid kyi sprul gdug pa'i mche bas btab par gyur pa? rang la
 phan par bya bas rgyal zhing ma shes pa'i 'gro ba rnams la stong pa nyid dang/ mtshan ma med pa nyid dang/ smon ba med pa nyid kyi ye shes nyid ni rig pa yang yin la sman yang yin rtse?/ de dag gi? bdag so ? phyir ro/ /'dis ni de sad? bar byed pa'i rol mo brdungs ? 
 dang 'dra bar bstan te/ srid par mgon med srog chags rnams/ /yun ring gnyid kyi log pa la/ /bstan pa rnga yi sgra dag gis/ /snying rje yis ni sad par byed/ /sad par byed pa'i bdag po med par 'gro ba rnams 'khor ba'i khyim rnams
 na thog ma med pa nas ma rig pa'i gnyid kyis non par gyur pa la snying rje skyes bar gyur pas dam pa'i chos bstan pa'i rnga brdungs pa'i sgras sad par byed do/ /de de ltar bdag nyid grol bar byas nas/ yun ring 'khor ba'i btson phan?/ /srid pa'i lcags
 sgrog gis bsdams pa/ /bdud bzhi las ni rgyal byas nas/ /bcings pa las ni grol bar byed/ /sred pa rnam pa drug gi lcags sgrog gis yun ring du 'khor bar sems bcings pa'i sems can rnams sred pa'i bcings pa las grol par bye'o/ /ji
 ltar zhe na/ rdo rje lta bu'i ting nge 'dzin gyis ni phung po'i bdud las rgyal bar byed do/ /stong pa nyid kyis ni nyon mongs pa dang 'chi bdag las rnam par rgyal lo/ /byams pas ni lha'i bu'i bdud las rgyal bar byed do/ /shes rab gcig bu bdud rtsi
 dang 'dra bar tshim par byed pa yin pas des na/ byin za doms pa med pa bzhin/ /lha dang mi yi yul dag gis/ /shes rab bdud rtsi'i dri bzang pos/ /yul can rnams ni tshim par byed /ces bya ste/ shin tu 'bar bar gyur pa'i ma ni ji
 lta ji ltar shing bsnan par gyur pa de lta de ltar shin tu cher 'bar bar 'gyur gyi zhi bar mi 'gyur ro/ /de bzhin du sems can rnams kyang lha dang mi'i gzugs la sogs pa yul rnams la ji lta ji ltar zhugs pa de lta de ltar sred pa 'phel bar
 'gyur te/ de dag rnams la 'di'i shes rab kyi bdud rtsi'i ros tshim par byed do/ /'dis ni seng ge dang 'dra bar ston te/ 'khor du stong nyid seng ge yi/ /sgra chen sgra ni bsgrags ba yis/ /gdul ka mu stegs myos pa ni/ /shes pas myos pa'i da
 rgyal la/ /phyin ci log gi mngon pa'i nga rgyal gyi che bar sems pa gzhan sus kyang gdul bar mi nus pa'i mu stegs nyid ni glang chen myos pa ste/ mi shes pa yin na yang shes par nga rgyal bas myos pa yin la de bsal ba'i phyir skye bo mang po 'dus pa'i ?
 du stod pa nyid ni seng ge'i sgra chen po yin la/ der de sgrogs pa ni gang gis mu stegs byed kyi glang po shes pa myos pa sangs par byed pa'i phyir te/ yang dag par rdzogs pa'i sangs rgyas nyid kyi ye shes kyi rang bzhin gyis chos kyi sku bstan pa yin no/ /de ni
 longs spyod rdzogs pa dang sprul pa'i mtshan nyid can gyi sku brjod par bya ste/ dbang po chen po'i gzhu 'dra ba/ /'dom gang 'od kyis kun tu bskor/ /gzugs nas 'bar ba yongs rdzogs pa'i//mtshan dang dpe byad rnams kyi dpal/ /dpal nyid rgyun du gyur pa yi/ /
 yid dang mig ni 'phrog byed pa'i//gzugs ni mnyam pa'i gzugs med pa/ /mdzes pa thams cad zil gyis gnon/ /legs par spyad pa'i dpag tu med pa'i bzo rgyas bsgrubs pa'i bcom ldan 'das kyis gzugs kyi sku ni tshon rnam pa sna tshogs kyis phreng bas
 bris ba'i lca'i bdag pa'i gzhu dang 'dra ba'i 'od mdom gang gis bskor ba dang/ rjes su mthun pa'i yul las ma g.yos pa'i nyams pa med cing mdangs 'bar ba'i mtshan dang dpe byad kyi dpal rnam par 'dzin pa/ rang gi dpal nyid kyis brgyan par gyur pa/ yid
 dang mig 'phrog pa/ dpe med pa'i sku gzhan gyi gzugs thams cad kyis mdzes pa/ zil gyis gnon pa'i dang tshul can chos kyi sku'i dban dang sngon gyi smon lam nyid las byung ba'i/ /'dis ni gzugs kyi sku de dag las yang dag par byung ba de ston te/ de yis
 rnam pa drug cu dang/ /ldan pa'i gsung dang tshe 'phrul dang/ /bcas pas lha dang lha min mi/ /la sogs yid ni dga' bar byed/ /rdzu 'phrul dang kun brjod pa dang/ rjes su bstan pa dang ldan pa ni cho 'phrul dang bcas pa ste/ 'di'i rdzu 'phrul ni khyab pa dang snyan pa
 dang/ zab ba la zhogs? pa'o/ /kun brjod ni bu dang/ /bu mo la sogs pa tshe ring ba la sogs pa ston pa dang/ dge ba dang mi dge ba las 'di dag las 'gro ba thug gis sems can rnams byung bar gyur te/ /'byung bar 'gyur do/ /dus 'di
 srid du 'khong bar gnas nas thar pa sgrub par 'gyur ro zhes bya ba'o/ /rjes su bstan pa ni yang 'di ni chos so 'di ni chos ma yin pa'o/ /'di la ni bslab par bya'o/ /'di la ni bslab? par mi bya'o/ /chos 'di dag ni srid pa sgrub par byed ba ste/ 'dod chags la sogs
 pa'o/ /chos 'di dag ni byang chub kyi phyogs dang mthun pa ste/ dran pa nye bar gzhag pa la sogs ba'o zhes bya ba la sogs pa dpag tu med ba'i tshe 'phrul bstan pa rgyas par rig par bya'o/ gsung dbyangs rnam pa drug cu dang bcas pa ni gsung dbyangs rnam pa
 drug cu dang ldan pa ste/ rnam pa drug cu dang ldan pa gang dag zhe na/ 'di lta ste/ mnyen pa dang/ 'jam pa dang/ yid du 'ong ba dang/ yid du 'thad pa dang/ dag pa dang/ dri ma med pa dang/ 'od gsal ba dang/ snyan cing 'jigs pa dang/ mnyan par
 'os ba dang/ mi tshugs pa dang/ snyan pa dang dul ba dang/ mi rtsub pa dang/ mi ? ba dang/ rab tu dul ba dang/ rnar snyan pa dang/ lus tshim par byed pa dang/ sems tshim par byed pa dang/ snying dga' bar byed pa dang/ dga' ba dang/ bde ba bskyed pa dang/
 yongs su gdud pa med pa dang/ kun tu shes par bya ba dang/ rnam par shes par bya ba dang/ rnam par gsal tha dang/ dga' bar byed pa dang/ kun tu dga' bar byed pa dang/ kun tu shes par byed pa dang/ rnam par shes par byed pa dang/ rig pa dang
 ldan pa dang/ 'brel ba dang ldan pa dang /zlos pa'i skyon spangs pa dang/ seng ge'i sgra'i shugs dang/ glang po che'i da ro'i sgra dang/ 'brug gi dbyangs dang/ klu'i dbang po'i dbyangs dang/ mi 'am ci'i dbyangs dang/ rgya mtsho 'khrugs ba'i sgra dang/ ka
 la ping ka'i sgra dbyangs dang/ tshang pa'i sgra dbyangs dang/ shad shar de'u'i sgra dbyangs su sgrogs pa dang/ lha'i dbang po'i sgra dbyangs ltar snyan pa dang/ rda'i sgra dang/ ma khongs? pa dang/ mi dma' ba dang/ sgra thams cad kyi rjes su zhugs pa dang/ tshig zung che gang med
 pa dang/ mchod pa med pa dang ma zhum pa dang/ mi zhan pa dang/ rab tu dga' ba dang/ khyab pa dang/ /phan pa dang/ bcas pa dang/ rol pa dang bcas pa dang/ sgra thams cad rdzogs pa dang ldan pa rang/ dbang po thams cad tshim? par byed pa dang/ ma smad
 pa dang/ mi 'gyur pa dang/ ma rtabs pa dang/ 'khor kun la mthun par zhugs pa dang/ rnam pa thams cad kyi mchog dang ldan pa zhes bya ba ste/ rnam pa drug cu po 'di dag ni gsang ba blo gros kyi mdo las gsungs so/ /de dag nyid kyis/ de yis sku
 dang gsung rnams kyis so/ /yid bzhin nor bu dpag bsam ltar/ /gdul ba'i dbang gis phyogs kun tu/ sna tshogs bdag po'i gzugs su bsgyur/ /de ni ji ltar bstan pa'i 'gro ba mos pa'i mngon par 'dod pa'i bsam pa yongs su rdzogs par mdzad ba'i yang
 bzhin nor bu dang 'dra ba'i sku dang/ ji ltr bstan pa'i gsung dag gis/ sems can khams kyi mthas gtugs pa la phan pa mngon par sgrub ba'i smon lam gyis/ gdul bya gang dang gang la gzugs gang dang gang gis yongs su smin par 'gyur ba de dag
 gi ched du 'gro ba ma lus pa la ston ba'i dbang ? tu gyur pa'i gzugs du ma ston par mdzad do/ /de dag de ltar sogs grangs med/ /dpag med rmad du byung ba'i gnas/ /che ba'i bdag nyid mkhas pas lam te?/ 'di la brtan nas thob par 'gyur/ /de
 dag ces bya ba'i sgras ni rab tu byed pa yongs su sngags pa yin par ston to/ /de ltar zhes bya ba'i sgras ni ji ltar bstan pa'i yon tan gyi rnam pa ston te/ /sogs zhes bya ba'i sgras ni 'di ltar bstan pa 'di ni nyu ? cig yin gyi brjod par bya ba ni
 mang du yod do zhes ton te/ /brgya dang stong la sogs pa grangs las 'das pa ni grangs med pa'o/ /mthu chen po nyid kyis na dpag tu med pa'o/ /yid la ngo mtshar skyed par byed ba ni rmad du byung ba'o/ /'di'i 'byung gnas ni de'i gnas so/ /ci zhig
 zhe na/ chen po gyur pa'i ngo bo ni che ba'i bdag nyid de/ sa la sogs pa rtogs pa'i rim gyi sangs rgyas nyid thob par 'gyur ro/ /su zhig gis zhe na kun rdzob dang don dam pa gnyis shes rab kyis rab tu 'byed pa dang ldan pa'i mkhas pas so/ /ji lta bu
 zhe na/ byang chub sems ni mi gtong dang/ /thub pa'i brtul zhugs yang dag bsten/ /de nyid shes pa'i 'tshal ba ni/ /zhes bya ba'i tshig ji skad bstan pa'i theg pa chen po'i lam chen po la brten cing gnas naS 'thob bo/ /grangs med pa dang/ dpag tu med pa
 dang/ rmad du byung ba'i yon tan gyi bdag nyid chen po ni mdo sde du ma las snang ste/ 'di lta ste/ sangs rgyas bcom ldan rnams kyi gzugs kyi sku mdza' dang dbus med pa yongs su dag pa dang/ rnyog pa med pa 'gro ba thams cad la gzigs pa mdza' 
 dang dbung lam chags pa'i spyan dang ldan pas chos thams cad mngon par byang chub pa nyid dang/ mdza' dang dbung med pa'i snyan rnam par dag pa 'gro ba thams cad kyi sgra rnams bsgribs pa med par rnam par mkhyen pa dang/ shangs kyi skye mched? mdza' 
 dang dbung med pa sangs rgyas kyi dbang rnams kyi pha rol tu phyin pa bsnyos pa dang/ ljags kyi mchog mdza' dang dbung med pa ni sems can gyi khams thams cad kyi rjes su zhugs pa'i dbyangs dang ldan pa dang sku'i 'phrin las kyang mdza' dang dbung med
 pa nyid de/ sems can gyi khams ma lus pa'i sems dang mthun par de bzhin gshegs pa'i sku ston bar mdzad pa nyid dang thugs kyi 'phrin las kyang mdza' dang dbung med pa nyid de/ chos kyi sku dang tha ma dang par dus gsum la ma chags pa'i rjes
 su zhugs shing rnam par dag pa nyid dang/ sangs rgyas 'byung ba ston pa la sogs pa rnam par 'phrul ba'i tshe 'phrul ston ba'i sangs rgyas kyi rnam par thar pa'i gnas pa bsgribs pa med pa yang mdza' dang dbud med pa dang/ bsam pa rnam par dag pa ji lta
 pa bzhin du mdza' dang dbud med pa 'jig rten gyi khams thams cad rnam par dag pa rnyog pa med pa'i bkod pa dang ldan pa/ snyigs ma dang brel ba'i sangs rgyas kyi zhing du byin gyis brlabs nas ston par mdzad pa dang/ byang chub sems dpa' i spyod pa'i bye
 brag dang smon lam gyi yongs su 'phrul pa dang ye shes kyi chos yongs su rdzogs pa dang/ mngon par byang chub pa dang/ sangs rgyas kyi chos thams cad yongs su rdzogs pa dang mdza' dang dbud med pa ste/ de dag ni sangs rgyas kyi chos mdza' dang dbud med pa
 bcu yin no/ /de bzhin du skad cig ma gcig la sangs rgyas rnams kyi ye shes bcu mngon par bsgrub pa ste/ sangs rgyas rnams kyi dus la mi 'da' ba bcu dang /sangs rgyas rnams kyi yul bsam gyis mi khyab ba bcu dang/ sangs rgyas rnams kyi
 byin gyi brlabs mngon par sgrub pa'i ye shes bcu dang /gzhal du med pa'i khongs su grogs pa nyid bcu dang/ shes rab 'chal ba pas snyen par dka' ba che zhing rgyas pa'i chos bcu dang/ bdag nyid ? ba nyid bcu dang/ shin tu rnam par dag pa
 bcu dang/ sangs rgyas rnams kyi mdzad pa bcu dang/ ye shes rgya mtsho'i rig pa bcu dang/ sangs rgyas kyi 'dren pa bcu dang/ /sangs rgyas kyi chos bstan pa'i sgro mdza' yas pa bcu dang/ sems can gyi snying po'i chos bcu dang/ sangs rgyas rnams
 kyi ma chags par gnas pa bcu dang/ sangs rgyas rnams kyi rgyan bcu dang/ sangs rgyas rnams kyi dbang phyug la dbang bcu dang/ sangs rgyas rnams kyi yongs su rdzogs par mdzad pa bcu dang/ sangs rgyas rnams kyi thabs la mkhas pa bcu dang/ sangs
 rgyas rnams kyi dgongs pa bcu dang/ sangs rgyas rnams kyi stobs bcu dang/ chos kyi phyug pa'i chos bcu dang/ de bzhin gshegs pa'i gnas pa bcu dang/ chos thams cad ma lus par mkhyen pa nyid bcu dang/ thams
 cad mkhyen pa'i gnas pa bcu dang/ de bzhin gshegs pa rjes su dran pa rnam par dag pa bcu dang/ de bzhin gshegs pa myur du mthong ba'i chos bcu dang/ sangs rgyas kyi ting nge 'dzin bcu dang/ de bzhin gshegs pa rnam par bzhag pa
 bcu dang/ sangs rgyas kyi rnam par thar pa bcu ste/ sangs rgyas kyi chos ma 'dres pa sum brgya po 'di dag ni de bzhin gshegs pa'i sa bcu pa'i mdo las bstan to/ nyan thos dang rang sangs rgyas la sogs pa dang thun mong ma yin pa
 nyid yin no/ /gang yang gzungs kyi dbang phyug rgyal po dang/ dkon mchog sprin dang/ sa bcu pa la sogs pa'i mdo sde las/ de bzhin gshegs pa'i che ba'i bdag nyid nye bar bstan pa rnams khyad par du shes par 'dod na mdo sde de dag
 nyid kun tu blta bar bya'o zhes bstan to/ /dbu ma'i snying po'i 'grel pa rtog 'bar ba las de kho na nyid shes pa tshol ba'i le'u ste gsum pa'o// //de nas? da ni nyan thos kyi de kho na nyid rnam par gtan la dbab
 pa'i skabs kyis/ theg pa chen po sangs rgyas kyi gsung nyid du bsgrub pa'i phyir rab tu byed pa bzhi pa rtsom par byed de de ltar rnam par bzhag pa'i bla na med pa'i chos ye shes zab mos nyams su myong ba'i de kho na nyid ni /rtogs par
 dka' ba'i lugs 'di la/ /rtogs pa'i nus pa chung gyur ba/ /gnas min skrag pa'i dman mos dag/ yang dang yang du rtsod par rtsom/ /zhes bya ba'i sgrib pa spang ba'i thabs yongs su shes pa med pas 'di la 'jug par gyur pa'i nus pa chung
 ba nyid kyis ji ltar bstan pa'i de khon nyid kyi shes pa tshol ba'i lugs 'di rtogs par dka' i ste/ 'dis phyin par byed pa 'am/ thob par byed bas theg pa ste/ theg pa chen po'i lam ni lugs zhes bya ba la de rtogs pa'i nus pa med pa'o/ /ci'i phyir zhe na/ dad pa dad brtson
 'grus dang/ dran pa dang/ ting nge 'dzin dang/ shes rab kyi stobs rnams nyams par gyur pa'i phyir ro/ /dmigs pa med pa'i lta ba 'jig par bya ba'i gnas ma yin la/ chad lta 'di ni 'jigs par bya ba'i gnas yin no zhes nam mkha' 'jigs shing skrag pa
 bzhin du gyur pa na /'jigs pa med pa gang la yang ma mthong zhing dngos por 'dzin pa'i gdon gyis zin pa'i dbang gis sems 'khrug par gyur pa rnams/ me khyed gyi 'od kyis nyi ma rjes su dpog pa dang/ ba yang gi rmig rjes kyi rjes su zhugs nas rgya mod chen po
 rjes su dpog par byed pa ltar nyan thos kyi theg pa pa rnams zab cing rgya che ba la mos pa dang/ bral bas theg pa chen po 'di ni sangs rgyas kyi gsungs pa ma yin no snyam sems shing dpog par byed pas 'di la rig pa yod pa ma yin par bsgrub pa'i
 phyir smras pa/ ston pa'i rnam par mi rtog blo/ /sku la brtan pa ma yin te/ /lus can yin phyir ba rdzi yi/ /lus la ji lta ba bzhin zer/ /rdo rje lta bu'i ting nge 'dzin gyis rjes thogs la sems kyi skad cig bcu drug gis rnam par grol ba'i laM thob pa'i ye shes kyi
 skad cig ni sangs rgyas zhes bya ba'i sgras bstan te/ sde ba thams cad kyi 'dod pa kun dang yang mi 'gal lo/ /yang rnam par mi rtog pa nyid ni sangs rgyas nyid ni rigs par 'jug pa yin te/ 'phags pa'i bden pa bzhi la dmigs pa'i phyir/ rang
 sangs rgyas la sogs pa'i blo bzhin no/ /rnam par mi rtog pa'i blo ni rnam par mi rtog pa yin na yang/ rten gyi sku mtshan dang dpe byad dang ldan pa yang sangs rgyas nyid yin par brjod pa de ni rig pa ma yin pa'o zhes zer ba'i phyogs la ci'i phyir lus can yin 
 pa'i phyir te/ gang dang gang lus can yin pa de dang de ni rnam par mi rtogs pa'i sangs rgyas kyi rten ma yin no/ /dpe ci yod/ ji ltar ba lang rdzi la sogs pa'i lus bzhin no/ /'dis ni sangs rgyas ye shes kyi skad cig ma nyid yin/
 par sems shing /theg pa chen po las rab tu grags pa'i sku gsum du rnam par bzhag pa ni mi 'grub par ston te/ de ltar gzhan dag 'dod cing sgrogs pa'i gzhan gyi las dang smra ba'i tshig tsam yang bdag la sdig pa sogs par na gyur cig ces
 bsams nas slob dpon bdag nyid kyis 'dod pa ma yin pas zer zhes bya ba'i sgra bstan pa yin no/ /gal te theg chen po ba 'di skad du/ rtag pa'i sku dang de bzhin chos tsam dang/ rkyen rtogs pa dang skye med rtog pa dang/ thams cad rtog pa
 bde gshegs byang chub ste/ /rnam pa sngar ni theg pa mchog las bstan/ /ces brjod na de dag ni lam gzhan dang gzhan gyis rtog pa yin pas de na des dag ni gsung rab kyi lugs la mkhas pa ma yin pa de'i phyir 'di ltar yang dag lta ba
 sogs lam gyis ni/ /rdzogs pa'i sangs rgyas byang chub cher/ /'dren byed yang dag rab rtogs byed/ /byang chub yin phyir slob ma'i bzhin/ /yang dag pa'i lta ba dang/ yang dag pa'i rtog pa dang/ yang dag ba'i ngag dang/ yang dag pa'i las kyi
 mdza' dang /yang dag pa'i 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin gyi mtshan nyid kyi 'phags pa'i lam yan lag brgyad ni rdzogs pa'i sangs rgyas thob par byed pa yin no/ /zhes bya ba
 ni lung gi rig pa yin te/ nges na sangs rgyas bcom ldan 'das rnams kyi byang chub kyang lam 'dis rab tu rtogs shing nyams su myong ba 'thob bo/ /chos thams cad la rab tu 'byed pas rtogs pa ni byang chub yin te/ de'i ngo bo ni byang chub
 nyid yin no/ /byang chub nyid yin pa de'i phyir gang dang gang byang chub yin pa de dang de ni lam 'di dag nyid kyi mngon par rtogs par 'gyur gyi/ gzhan gyis ma yin te/ nyan thos kyi byang chub bzhin no/ /ji ltar nyan thos kyi byang chub yang dag pa'i lta ba la sogs pa'i yi
 gyis rtog par ltar sangs rgyas kyi byang chub kyang de bzhin no/ /gal te yang lam thun mong ma yin na/ nyan thos rnams kyi phyogs gcig pa dang/ gzhan gyi rkyen gyi sa shes par 'gyur la/ bcom ldan 'das rnams kyi ni bzhin la 'gram? las shing rnam pa thams
 cad mkhyen pa nyi la yin pa ji ltar sred zhe na/ ston pa'i dbang po khyad 'phags pas/ /kun mkhyen ye shes srid pa yin/ /lam gcig na yang 'dod pa bzhin/ /'ga' yis so so yang dag rig/
 bcom ldan 'das kyi dad pa la sogs pa'i dbang po ni shin tu ngo bo yin la/ nyan thos rnams kyi ni brtul ba yin/ rang sangs rgyas rnams kyi ni 'bring po yin te/ nges na bcom ldan 'das ni rang byung thams cad mkhyen pa nyid kyis yin gyi/ nyan thos la sogs pa rnams kyi ni ma yin no/ /ji ltar lam gcig pa nyid
 yin na yang nyan thos rnams la dbang po'i bye brag mthong ste/ shA ri'i bu shes rab la/ de bzhin gshegs pa'i ma gtogs pa/ sems can kun gyi shes rab kyis/ /bcu drug char yang mi phong? ngo/ /zhes bya ba dang rdzu 'phrul dang ldan pa'i mchos ni
 maung+gal gyi bu chen? po'o/ /lha'i mig dang ldan pa rnams kyi mchog ni ma 'gags pa'o/ /thos pas 'dzin pa rnams kyi mchog ni kun dga' bo'o/ /chos sna ba rnams kyi mchog ni gang po'o zhes bya ba la sogs pa dang/ rang sangs rgyas kyi rnam pa lnga ste/ ji
 ltar zhe na smras pa /rang sangs rgyas kyi sa dag ni/ /rnam pa lnga ste rigs dang lam/ /gzhan yang kun nas 'byung ba dang/ /gnas dang de bzhin spyod pa'o/ /rigs kyi mtshan nyid gsum nyid de/ /rang bzhin gyis ni 'byung ba nyid/ /dang po nyid nas 'dod chags
 chung/ /snying rje chung ba'i rigs can pa/ /khyad 'phags nga rgyal la spyod pa/ /des na de ni 'du 'dzi dang/ /sems can don dang bya ba la/ /yod mi 'jug ste de phyir 'di/ /slob dpon med par 'dod pa yin/ /gnyis pa gzhan med kho na yis/ /byang chub
 pa yin lam dag kyang/ /de yis gsum du rig par bya/ /'ga' zhig bskal pa brgyar sangs rgyas/ /'byung ba rnams la legs mchod cing/ /rang rgyal byang chub phyir brtsams nas/ /smin? par byed do gzhan dag ni/ /sangs rgyas mnyes byas de 'byed kyi//
 cha mthun bskyed ba rdzogs byed do/ /gzhan ni sangs rgyas 'byung la 'bras/ /'thob byed dgra bcom mngon mi byed/ /kun nas 'byung ba rgyu ngag ni/ /gsum pa de dag nyid dag gis/ /sangs rgyas med par dgra bcom nyid/ /slob dpon med par thob dang ldan/ /dang
 po kun 'byung rang sangs rgyas/ /bse ru lta bur 'dod pa yin/ /lhag ma dag ni kun 'byung ba/ /rkyen gyi rang rgyal nyid yin no/ /dang po gcig pur gnas pa ste/ /zab mo la ni rtog pa yi/ /mos pa dang ldan lhag ma gnyis/ /tshogs dang lhan cig gnas ba yin/ /
 lus la sogs pa legs bsdams nas/ /de na bsod snyoms dag la 'jug /dman pa rjes su bzung ba'i phyir/ /de ni gcig tu rab zhi ldan/ /de ltar shes pa la khyad par yod kyang lam la tha dad pa med ba de bzhin du bcom ldan 'das kyi yang blta
 bar bya'o/ /'on te yang theg pa chen po pa dag na re sgrib pa ni gnyis te/ 'dod chags la sogs pa nyon mongs pa'i sgrib pa dang/ gzugs la sogs pa shes bya'i sgrib pa dag go /de la lam 'dis ni nyon mongs pa'i sgrb pa tsam spong gi shes
 bya'i sgrib ba spong pa ni ma yin te/ /ji skad du 'jig rten sna tshogs gang de 'dod min gyi/ skyes bu'i kun rtog 'dod chags 'dod pa yin/ /'jig rten sna tshogs de bzhin gnas kyang ni/ /'on kyang bstan rnams 'di la 'dun pa 'dul /zhes bya ba dang/
 de bzhin du kun rtog las ni 'dod skyes pas/ /'dod pa'i rtsa bar shes kyis te/ khyod ni kun rtog ma byed dang/ /des na khyod la 'byung mi 'gyur/ /zhes bya bas brtags btsam dang bral ba ni nyon mongs pa dang bral ba yin no/ /nyon mongs pa'i sgrib pa thog ma med pa'i
 dus nas/ goms par byas pa'i nyon mongs pa'i bag chags ni nyan thos la sogs pa la ni 'jug cing yod pa nyid yin la/ stong nyid kyi lta ba yun ring du goms par byas pas nyon mongs pa'i dra ba'i dri ma ma lus pa bag chags dang bcas brtsa ba nas spangs
 ba ni bcom ldan 'das yin te/ des ni 'di ni shes bya'i sgrib pa spong ba'i thabs gyis khyad par du bstan pa yin no/ zhes zer na de ni ma yin te/ gang gi phyir/ shes bya'i sgrib pa zad byed pa/ /de yang lam 'di nyid kyis yin/ /sems las byung ba'i sgrib
 yin phyir/ /nyon mongs sgrib ba ji bzhin 'dod/ /shes bya'i sgrib pa zad byed pa zhes bya ba ni chos can no/ /de yang lam 'di nyid kyi yin zhes bya ba ni de'i chos rab tu sgrub pa'o/ /chos dang chos can bsdoms pa ni phyogs so/ /sgrib pa ni bkag pa dang g.yogs pa
 zhes bya ba'i tha tshig ste/ phyi rol gyi sgrib ba dang chos mtshung spas ma nges pa nyid spang pa'i phyir gtan tshigs khyad par can dgod pa ni/ /sems las byun ba'i sgrib yin phyir/ /zhes bya ba'i sgrib pa bzhin zhes bya ba ni dpe'o/ /sgrib pa nyid du mtshungs
 pa'i phyir lam gyi nyon mongs spong par nus pa bzhin du shes bya'i sgrib pa yang spong bar nus so snyam du bsams pa yin no/ /gal te nyan thos kyi theg pa'i gzhung gis lam/ 'di nyid kyis thams cad mkhyen pa nyid thob par 'dod kyi/ theg pa chen po'i
 gzhung gis ni ma yin no zhe na/ de ni rig pa ma yin te/ 'di ltar/ theg chen du yod? lam 'di yis/ /kun rig thub pa 'thob byed/ /theg pa gzhan nyid yin pa'i phyir/ /rang rgyal theg pa bzhin du 'dod/ /theg pa gsum po thams cad du yang lam 'di nyid kho
 na byang chub gsum 'thob pa'i rgyu yin gyi gzhan 'ga' zhig 'di bas lhag pa'i byang chub kyi lam ni yod pa ma yin no /zhes bya ba ni tshig gi lhag ma'o/ /yang na mang du smras pas ci dgos te/ theg pa chen po sangs rgyas kyi gsung nyid
 dang mi 'gal bar gyur na lta de la dmigs pa'i phyogs dang lhan cig tu lam ma yin zhes dpyad par rig par gyur na de ni sangs rgyas kyi gsung nyid du rig pa ma yin te/ rig pa dang 'gal ba'i phyir ro/ /ji ltar zhe na/ mdo sde sogs su ma bsdus dang//
 lam gzhan nye bar ston phyir yang/ /theg chen sangs rgyas gsungs ma yin/ /rig byed mdza' yi lta ba bzhin/ /theg pa chen po ni sangs rgyas kyi gsungs pa ma yin te/ ci'i phyir zhe na/ mdo ste dnag/ mngon pa dang/ 'dul ba rnams su
 ma bsdus pa nyid kyi phyir ro/ /gang cung zhig sangs rgyas kyis gsungs pa de thams cad ni mdo sde dang/ mngon pa dang/ 'dul ba rnams la snang na/ theg pa chen po ni ming tsam yang mdo sde dang/ mngon pa dang/ 'dul ba rnams la mi dmigs
 te/ de'i phyir na sangs rgyas kyi bka' ma yin te/ rig byed kyi mdza' i lta ba bzhin no/ /rig byed kyi mdza' la nges par ni rig byed mdza' pa ste/ de yang 'di ltar gang gA la sogs pa'i 'bab stegs su bkrus pa dang/ smyung bar gnas pa dang/ khams
 gsum pa'i gsang sngags la sogs pa bzlas pas sdig pa dag cing grol ba thob par smra ba'o// //dbu ma'i snying po 'grel pa rtog go 'bar ba/ /bam po bcu gsum pa/ /theg pa chen po pa? yang gang gA dang/ sin d+hu
 dang/ pak+Shu dang/ sA ta zhes bya ba'i chu klung bzhi'i chu la bkrus pa dang/ 'thungs pa dang der gnas ba'i rim gyis gzungs sngags dang/ gsang sngags klags pa dang/ bzlas brjod la sogs pa byas pas sdig pa zad cing bsod nams nye bar 'phel
 ba la sogs pa'i lam gzhan nye bar bstan pa'i phyir rig byed kyi mdza' pa'i lta ba dang 'dra ba nyid de/ /de'i phyir ni theg pa chen po ni sangs rgyas kyi bka' ma yin no zhes bya'o/ /chad par lta ba de bzhin du/ rgyu dang 'bras bu skur 'debs pas/ /de'i phyir yang ste/ bdag nyid
 thams cad thams cad du stong pa nyid du khas len pa'i phyir las dang 'bras bu dang/ bden pa dang/ dkon mchog rnams kyang med pas las kyang med/ /bya ba yang 'bra sbu yang med do zhes 'bras bu dang bcas pa'i rgyu la skur ba btab par gyur pas
 'jig rten 'di tsam pa'i lta ba dang/ theg pa chen po pa'i grub pa'i mdza' mtshungs par 'gyur te/ chad par lta ba bo yang med 'di ltar 'jig rten 'di yang med/ 'jig rten pha rol yang med/ legs par spyang pa dang nyes par spyang pa'i las rnams
 kyi 'bras bu rnam par smin pa yang med do/ zhes bya ba la sogs par mngon par zhen to/ /gal te 'di kun stong pa na/ /skye ba med cing 'gag med pas/ /'phags pa'i bden pa bzhi po rnams/ /dngos po med par thal bar 'gyur/ /zhes bya ba la
 sogs pa dbu ma'i rab tu byed ba'i don yang 'dir sbyar bar bya'o/ /gzhan yang sde pa bco brgyad khongs su yang/ /gtogs pa med pas ma yin nges/ /theg pa chen po ni sangs rgyas kyis gsungs pa ma yin te/ sde pa bco brgyad kyi khongs su ma gtogs
 pa'i phyir rig byed mdza' ba'i lta ba bzhin no/ zhes bya ba ni tshad ma nye bar dgod pa yin no/ /yang sde pa bco brgyad po de dag ni gang yin pa de dag gi bye brag ni ji ltar byung zhe na/ bdag gi bla ma gcig nas gcig tu brgyud ba las 'di ltar rjes su thos te/
 sangs rgyas bcom ldan 'das yongs su mya ngan las 'das nas le? brgya drug cu lon pa na grong khyer me tog gis rgyas pa zhes bya bar/ rgyal po d+harma a sha ka? zhes bya ba rgyal srid byed pa'i tshe/ rtsod pa'i chos 'ga' zhig byung ba'i dbang gis dge 'dun
 gyi dbyen chen por gyur to/ /des re zhig dang por sde pa gnyis su chad nas gnas te/ dge 'dun phal chen pa dang gnas brtan pa'o/ /de la dge 'dun phal chen pa'i sde yang rim gyis bye bar gyur ba nan/ rnam pa brgyad du gnas te/ 'di lta ste/
 dge 'dun phal chen sde pa dang/ tha snyad gcig pa dang/ 'jig rten las 'das par smra ba dang/ mang du thos pa pa dang/ btags par smra ba dang/ mchod rten pa dang/ shar gyi ri bo pa dang/ nub kyi ri bo pa'o/ /gnas brten pa yang rim gyis bye bar gyur pa na
 rnam pa bcur gyur te/ 'di lta ste/ gnas brtan pa nyid la gangs ri pa zhes kyang brjod pa dang/ thams cad yod par smra ba nyid la rnam par phye ste smra ba dang/ rgyur smra ba dang/ kha cig mu run ta ka pa zhes kyang zer ba dang/ gnas ma'i bu dang/ chos
 mchog pa dang/ bzang po'i lam pa dang/ kun gyi bkur pa la kha cig a pa na ta ka pa yang zer/ /kha cig ni ku ru ku la pa zhes kyang zer ba dang/ mang ston pa dang/ chos spas pa dang/ char bzang 'beb pa zhes bya ba la kha cig ni 'od srungs pa
 zhes zer ba dang/ bla ma pa la kha cig ni 'pho bar smra ba zhes zer ba ste/ sde pa bco brgyad kyi dbye ba de dag go /de la dge 'dun yang yin la phal che ba yin pas dge 'dun phal chen te/ de nye bar ston par byed pa ni dge 'dun phal chen pa'o/ /kha cig ni
 sangs rgyas bcom ldan 'das rnams kyis chos thams cad thugs gcig gis rnam par mkhyen cing skad cig gcig dang ldan pa'i shes rab kyiyongs su mkhyen to zhes tha snyad 'dogs te/ nges na tha snyad gcig pa zhes bya'o/ /'jig rten thams
 cad kyis 'jig rten pa las sangs rgyas bcom ldan 'das rnams 'das par gyur par de bzhin gshegs pa la 'jig rten pa'i chos mi mnga' o zhes smras pas ni 'jig rten las 'das par smra ba'o/ mang du thos pa'i slob dpon gyi rjes su ston par
 byed pas na mang du thos par smra ba'o/ /'dus byas rnams phan tshun btags pa nyid kyi sdug bsngal ba yin no/ /zhe smra ba'i phyir btags par smra ba'o/ /mchod rten can gyi ri la gnas bcas pa nyid ni mchod rten pa'o/ /shar gyi ri dang nub kyi ri la gnas pa nyid ni
 shar gyi ri bo dang/ nub kyi ri po pa'o/ /gnas brtan 'phags pa'i rigs yin par ston pa ni gnas brtan pa'o/ /de nyid la gangs kyi ri po zhes kyang zer te/ gangs kyi ri la brten nas gnas pa'i phyir ro/ /gang cung zhig 'das pa dang/ ma 'ongs pa dang/ de
 ltar byung ba thams cad yod do zhes smra ba'i phyir thams cad yod par smra ba'o/ /de dag nyid las 'ga' zhig ni yod do/ /'das pa'i las 'bras bu ma phyung ba gang yin pa'o/ /la la ni med de/ gang 'bras bu myong zin pa dang/ ma 'ongs pa dag go /zhes
 rnam par phye nas smra bar byed pa'i phyir de nyid la rnam par phye ste /smra ba zhes bya'o de dag nyid las gang cung zhig byung ba dang 'byung ba dang 'byung bar 'gyur pa de thams cad ni rgyu dang bcas pa'o/ /zhes smra bas rgyur smra ba'o/ /de rnams nyid las kha cig mu
 run ta'i ri la gnas pa'i phyir mu run ta ka zhes bya'o/ /gnas pa'i rigs nyid kyi bud med ni gnas ma yin la de la skyes pa'i bu ni gnas ma'i bu ste/ de'i rigs yin par ston pa ni gnas ma'i bu'o/ /slob dpon chos mchog gi rjes su ston par byed
 pa ni chos mchog pa'o/ /bzang po'i lam pa'i slob ma ni bzang po'i lam pa'o/ /kun gyi bkur ba'i slob dpon gyi lugs ston par byed pa ni kun gyis bskur ba'o/ /de nyid las a pan ta'i gron khyer duyang dag par bsdu ba byas pa'i phyir a pan ta ka pa'o
 kha cig ku ru ku la'i ri la gnas pa'i phyir ku ru ku la pa'o/ /sa su'i skad kyi dbyings las rjes su ston du bsgyur te/ skye bo'i tshogs chen po la yang sting par mi 'byung bar rjes su ston pa'o/ /slob dpon chos sbas kyi yin par smra ba ni chos sbas pa'o/ /rab tu bsngags
 pa'i dam pa'i chos kyi char 'bebs par byed pas na char bzangs 'bebs pa'o/ /de nyid slob dpon 'od srung gi yin par smra ba ni 'od srungs pa'o/ /de bzhin du bla ma pa'i yin par smra ba ni bla ma pa'o/ /de nyid las kha cig na re 'jig rten
 'di nas 'jig rten pha rol tu gang zag 'pho bar 'gyur ro/ /zhes smra ba ni 'pho bar smra ba'o/ /de rnams las sngar bstan pa'i dge 'dun phal chen la sogs pa brgyad pa dang/ phyis bstan pa'i gnas brtan pa dang/ thams cad yod par smra ba dang/ mang ston pa dang/ chos
 mchog pa dang/ 'od srungs pa rnams ni bdag med par smra ba yin te/ mu stegs pa'i 'dod pas btags pa'i dang bdag dang bdag gi dag ni stong pa yin pa dang/ chos thams cad ni bdag med pa yin par smra ba yin no/ /lhag ma gnas ma'i bu la sogs
 pa sde pa lnga ni gang zag tu smra ba yin te/ gang zag ni phung po dag las de nyid dang gzhan du brjod du med pa dang rnam par shes pa drug gis shes par bya ba 'khor bar gyur pa yongs su gsal bar gyur pa yin no zhes zer ro/ /de dag ni sde pa bco brgyad kyi dbye
 ba yin no/ /gzhan nyid kyis smra ba ni gzhi ni snga ma bzhin du brjod par bya'o/ /rtsa ba'i dbye ba ni gsum ste/ 'di ltar gnas brtan pa dang dge 'dun phal chen pa dang/ rnam par phye ste smra ba'o/ /de la gnas brtan pa yang rnam pa gnyis te/ thams cad yod
 par smra ba dang/ gnas ma bu'i sde pa zhes bya'o/ /yang thams cad yod par smra ba yang rnam pa gnyis te/ thams cad yod par smra ba dang/ mdo sde smra ba zhes bya'o/ /gnas ma thu yang rnam pa bzhi ste/ mang pos bkur ba dang/ chos mchog pa dang/ bzang po'i lam
 pa dang/ grong khyer drug pa zhes bya ste/ de ltar na gnas brtan pa ni rnam pa drug tu gnas so/ /yang dag 'dun phal chen sde ni rnam pa brgya de/ dge 'dun phal chen pa dang?/ shar gyi ri bo pa dang/ nub kyi ngo bo pa dang/ rgyal pho'i ri pa dang/ gangs ri pa dang/
 mchod rten pa dang/ don grub pa dang/ ba lang gnas pa zhes bya ba ste/ de ltar de dag ni dge 'dun phal chen gyi dbye ba yin no/ /rnam par phye ste smra ba yang rnam pa bzhi ste/ sa ston pa dang/ 'od srungs pa dang/ chos sbas pa dang/ gos dmar po zhes bya ba'o/ /de ltar 'di
 dag ni 'phags pa'i sde pa rnams rnam par bye nas rnam pa bco brgyad du gyur pa'o/ /yang gzhan dag ni 'di skad smra ste/ bcom ldan 'das yongs su mya ngan las 'das pa nas bzung nas lo brgya sum cu rtsa bdun lon pa na /rgyal po dga' bo dang pad+ma chen po
 zhes bya bas grong khyer pa? Ta la Ta'i nang du sdud pa la sogs pa'i 'phags pa phal ni yang len pa med par bsil ba'i dngos po thob par gyur pa na/ 'phags pa 'od srungs chen po dang/ 'phags pa spu chen po dang/ gtong ba chen po dang bla ma dang/ re ba ta la
 sogs pa so so yang dag par rig pa thob pa'i dgra bcom pa'i dge 'dun de ltar bzhugs pa ni bdud sdig can bzang po thams cad kyi mi mthun pa'i phyogs su gyur pa dge slong gi cha byad 'dzin pas rdzu 'phrul sna tshogs bstan nas/ /gzhi ltas dge 'dun
 gyi dbyen chen po bskyed de gnas brtan klu zhes bya ba dang/ yid brtan pa zhes bya ba mang du thos pa ngag gis gzhi lnga sngags par byed/ rjes su ston par byed cing de gzhan la lan gdab pa dang/ mi shes pa dang/ yid gnyis dang/ yongs su brtag pa dang/
 bdag nyid gso bar byed pa ni lam yin te/ 'di ni sangs rgyas kyi bstan pa yin zhes zer ro/ /de na sde pa gnyis su chad nas gnas te/ gnas brtan pa dang/ dge 'dun phal chen sde zhes bya'o/ /de ltar lo drug cu rtsa gsum gyi bar du dge 'dun bye nas 'khrug
 long gi gnas so/ /de nas lo brgya phrag gnyis pa 'das pa'i rjes la gnas brtan gnas ma'i bus bstan pa yang dag par bsdus so/ /des yang dag par bsdus pa ni dge 'dun phal chen yang rnam pa gnyis su byung bar gyur te/ tha snyad pa dang ba lang gnas
 pa zhes bya ba'o/ /de la tha snyad pa rnams kyi dam tshig gi rtsa ba ni/ sangs rgyas bcom ldan 'das rnams ni 'jig rten las 'das pa ste/ de bzhin gshegs pa la 'jig rten gyi chos ni mi mnga' o/ /de bzhin gshegs pa thams cad kyi chos kyi
 'khor lo bskor ba'i rjes su gsung ni mi 'jug go /de bzhin gshegs pa thams cad kyi gsung ni snying po la mngon par mos pa'o/ /de bzhin gshegs pa la gnas der gzugs nye bar len pa ni mi mnga' o/ /byang chub sems dpa' i dus na nur nur po dang mer mer pa dang ltar ltar
 boS? 'jug pa ma yin te/ glang po cher gyur nas yum gyi dgu nas zhugs nas rang nyid nges par 'byung ba yin gyi byang chub sems dpa' rnams la 'dod pa'i 'du shes ni mi 'byung ngo/ /ngan 'gro rnams su bdag nyid kyi 'dod pas skye ba blangs te sems can yongs su
 smin par byed do/ /ye shes gcig gis bden pa bzhi rnams yongs su shes so rnam par shes pa drug po rnams ni 'dod chags dang bcas pa dang/ 'dod chags dang bral ba yang yin no/ /mig gis ni gzugs rnams mthong ngo/ /dgra bcom pa
 rnams kyang gzhan dag gis bstan pa sgrub par byed do/ /mi shes pa dang/ yid gnyis dang yongs su rtag pa dang sdug bsngal spong ba'i lam yang yod do/ /mnyam par bzhag pa'i tshe dag 'jug par byed pa yang yod do/ /mi gtsang ba spang ba yang
 yod do/ /yang dag par sdom pa sngon du byas pa nyid kyis kun tu sbyor ba thams cad rab tu spangs par brjod par bya'o/ /de bzhin gshegs pa rnams la 'jig rten pa'i yang dag pa'i lta ba ni mi nga'o/ /sems ni rang bzhin gyis 'od gsal ba yin
 bas bag la nyal ba rnams sems dang mtshungs par ldan zhe 'am mi ldan zhe brjod par mi bya'o/ /bag la nyal yang gzhan la kun nas ldan ba yang gzhan yin no/ /'das pa dang ma 'ongs pa ni med do/ /rgyun tu zhugs pa ni bsam gtan thob
 pa yin na zhes bya ba de lta bu rnams ni tha snyad gcig pa rnams kyi dam tshig yin no/ /yang ba lang gnas pa rnams kyi dbye ba ni mang du thos pa dang btags par smra ba pa zhes bya ba'o/ /de la mang du thos pa rnams kyi rtsa ba'i dam tshig ni nges par 'byung ba'i lam
 la ni rnam par dpyod pa med do/ /sdug bsngal gyi bden pa dang/ kun rdzob kyi bden pa dang/ 'phags pa'i bden pa ni bden pa'o/ /'du byed kyi sdug bsngal rnams mthong bas yang dag par skyon med pa la 'jug gi sdug bsngal gyi sdug bsngal dang/ 'gyur
 ba'i sdug bsngal mthong bas ni ma yin no/ /dge 'dun ni 'jig rten las 'das pa'o/ /dgra bcom pa rnams la yang gzhan gyi nye bar bstan pa sgrub pa yod do/ /yang dag par bsgrags pa'i lam yang yod do/ /mnyam par bzhag pa la yang dag 'jug
 pa yang yod do/ /zhes bya ba rnams ni mang du thod pa rnams kyi dam tshig go /yang btags par smra ba rnams ni phung po med pa'i sdug bsngal yang yod do/ /yongs su ma rdzogs pa'i skye mched kyan yod do/ /'du byed rnams ni phan tshun btags pa yin no//
 yang sdug bsngal ni don dam par ro/ /sems las byung ba ni lam ma yin no/ dus ma yin par 'chi ba ni med do/ /skyes bu byed pa yang med do/ /sdug bsngal thams cad ni las las byung ba yin no/ /zhes bya ba de lta bu ni btags par smra ba rnams
 kyi rtsa ba'i dam tshig yin no/ /yang ba lang gnas pa rnams kyi bye brag las gnas brtan mchod rten pa zhes bya ste/ de ni lha chen po zhes bya ba'i kun tu rgyu zhig rab tu byung nas mchod rten can gyi ri la gnas pa yin te/ yang de ni dge 'dun phal chen pa'i
 gzhi 'dod par gyur pa ni mchod rten pa zhes bya ba'i sde par rnam par bzhag ste/ de dag ni dge 'dun phal chen pa rnams kyi sde pa drug tu bzhag pa yin no/ /yang gnas brtan pa yang rnam pa gnyis te/ sngar gyi gnas brtan pa dang gangs ri pa zhes
 bya'o/ /sngar gyi gnas brtan pa'i rtsa ba'i dam tshig ni dgra bcom pa rnams la gzhan gyis ston cing sgrub pa ni med do/ /de bzhin du gzhi lnga po yang med do/ /gang zag ni yod do/ /srid pa bar ma ni yod do/ /dgra bcom pa yongs su mya ngan
 las 'das pa ni yod do/ /'das pa dang ma 'ongs pa yang yod do/ /mya ngan las 'das pa'i don ni yod do/ /zhes bya ba dag ni gnas brtan pa'i rtsa ba'i dam tshig go /de la gangs ri ba'i rtsa ba'i dam tshig ni byang chub sems dpa' rnams ni so so'i skye bo ma
 yin zhes bya'o/ /phyi rol pa la yang mngon par shes pa lnga ni yod do/ /phung po las gang zag ni gzhan yin par brjod par bya ste/ mya ngan las 'das par 'gyur ba na/ gang du phung po 'gags pa na gang zag ni gnas pa'i phyir ro/ /mnyam par bzhag
 pa la ngag 'jug pa ni yod do/ /lam gyi sdug bsngal ni spong ngo/ zhes bya ba de dag ni gangs ri pa'i dam tshig yin no/ /yang dang po'i gnas brtan pa yang rnam pa gnyis su 'gyur te/ thams cad yod par smra ba dang/ gnas ma'i bu zhes bya ba'o//
 de la thams cad yod par smra ba'i rtsa ba'i dam tshig ni gnyis kyis thams cad bsdus te/ 'dus byas dang/ 'dus ma byas so/ /de skad smras pas cir 'gyur/ gang zag ni med ces bya ba ste/ ji skad du bdag med pa'i lus 'di 'byung ba na/ byed pa
 med cing rig pa po yang med/ /ji ltar 'khor ba'i chu klung 'jug gyur pa/ /nyan pa'i mchog khyod de ni bstan gyis nyon/ /ces gsungs pa lta bu'o/ /de dag ni thams cad yod par smra ba'i rtsa ba'i dam tshig go /yang de dag gi rtsa ba'i dam tshig ni mi
 dang gzugs kyi thams cad bsdus 'das pa dang ma 'ongs pa ni yod do/ /rgyun tu zhugs pa ni mi nyams pa'i chos can yin par brjod par bya'o/ /'dus byas rnams kyi 'dus byas kyi mtshan nyid ni gsum yin no/ /'phags pa'i bden pa bzhi
 ni rim gyis rtog par 'gyur ro/ /stong pa nyid dang smon pa med pa dang/ mtshan ma med pa dag gis skyon med pa la 'jug par 'gyur ro/ /skad cig ma bco lngas ni rgyun tu zhugs pa'i 'bras bu la zhugs pa yin no/ /rgyun tu zhugs pa'i bsam gtan thob pa
 yin no/ /dgra bcom pa yang nyams pa srid do/ /so so skye bo la yang 'dod pa'i 'dod chags sam gnod sems spong ba yod do/ /phyi rol pa la yang mngon par shes pa lnga yod do/ /lha rnams la yang tshangs par spyod pa la gnas pa yod do/ /mdo sde thams
 cad ni drang pa'i don yin no/ /skyon med pa la 'jug par 'gyur ba ni 'dod pa'i khams nas so/ /'jig rten pa'i yang dag pa'i lta ba ni yod do/ /rnam par shes pa'i tshogs lnga ni 'dod chags dang bcas pa yang ma yin 'dod chags dang bral ba yang ma yin
 no/ /zhes bya ba 'di dag ni thams cad yod par smra ba'i dam tshig go /yang thams cad yod par smra ba'i bye brag ni rnam par phye ste smra ba yin no yang rnaM par phyes ste smra ba'i bye brag pa ni mang ston pa dang chos sbas pa dang gos dmar ba dang/ 'od srungs pa zhes bya ba'o/ /de la mang ston pa rnams
 kyi rtsa ba'i dam tshig ni 'das pa dang ma 'ongs pa ni med do/ /da ltar byung ba'i 'dus byas nyid ni yod do/ /sdug bsngal mthong bas bden pa bzhi char mthong bar 'gyur ro/ /bag la nyal yang gzhan yin la mngon du rgyu yang gzhan yin no//
 srid pa bar ma ni med do/ /lha'i gnas na yang tshangs par spyod pa ni yod do/ /dgra bcom pa yang bsod nams gsog go /rnam par shes pa'i tshogs lnga la yang 'dod chags dang bcas pa dan 'dod chags dang bral ba yod do/ /gang zag ni mgo
 la sogs pa lus dang mnyam po yin no/ /rgyun tu zhugs pa ni bsam gtan thob pa'o/ /so so skye bos kyang 'dod pa'i 'dod chags sam/ gnod sems spong ngo/ /sangs rgyas ni dge 'dun gyi khongs su gtogs pa'o/ /dge 'dun ni 'bras bu chen po
 'byung bar byed kyi sangs rgyas ni de lta ma yin no/ /sangs rgyas dang nyan thos kyi rnam par grol ba ni gcig go /gang zag ni mi mthong ngo/ /sems dang sems las byun ba 'ba' zhig ni skye'i chos cung zad tsam yang 'jig rten 'di na 'jig rten
 pha rol tu 'pho ba ni med pa nyid do/ /'dus byas thams cad ni skad cig ma'o/ /'du byed rgyas par gyur pa las ni skye ba yin no/ /'du byed rnams gnas pa ni med do/ /sems ji lta ba de ltar las yin gyi/ lus dang ngag gi las ni med do/ /nyams par mi
 'gyur ba'i chos med do/ /mchod rten mchod pa la ni 'bras bu med do/ /da ltar byung ba rtag tu pa ni bag la nyal ba yin no/ /'dus byas mthong bas skyon med par 'jug par 'gyur ro/ /zhes bya ba 'di dag ni mang ston pa rnams kyi rtsa ba'i dam tshig yin no//
 yang chos sbas pa rnams kyi rtsa ba'i dam tshig ni sangs rgyas ni dge 'dun gyi khams su gtogs pa ma yin no/ /sangs rgyas las 'bras bu chen po 'byung pa de ltar dge 'dun las ni ma yin no/ /lha'i gnas na yang tshangs par spyod pa ni yod do//
 'jig rten pa'i chos ni yod do/ /zhes bya ba de dag ni chos sbas pa rnams kyi dam tshig yin no/ /de la 'od srungs pa rnams kyi dam tshig ni rnam par smin pa rnam par smin pa'i chos rnams yang 'byung bar 'gyur ba'i chos ni yod do/ /spangs la yongs su
 ma shes pa yang yod do zhes bya ba dang/ chos sbas pa'i thams cad kyang 'dod de de dag ni 'od srungs pa'i dam tshig yin no/ /gos dmar po rnams kyi dam tshig ni gang zag ni med do zhes bya ba'o/ /yang thams cad yod par smra ba rnams kyi bye brag
 slob dpon bla ma'i gzhung ston par byed pa'i 'pho ba rnams kyi rtsa ba'i dam tshig ni phung po lnga ni 'jig rten 'di nas 'jig rten pha rol tu 'pho ba'o/ /lam ma gtogs par phung po 'gag pa med do/ /rtsa ba'i ltung ba dang bcas pa'i phung po ni yod do/
 gang zag ni don dam par mi dmigs so/ /kun kyang mi rtag go /zhes bya ba de dag ni 'pho ba pa'i dam tshig yin te/ rnam pa bdun po de lta bu dag tu thams cad yod par smra ba'i dam tshig dag gnas so/ /yang gnas ma'i bu'i dam tshig ni nye bar blang ba'i nye bar len pa dang
 ldan pa ni btags pa'o/ /chos gang yang 'jig rten 'di nas 'jig rten pha rol tu 'pho ba med do/ /gang zag ni phung po lnga nye bar blangs nas 'pho bar 'gyur ro/ /'dus byas ni skad cig ma dang skad cig ma ma yin pa yang yod do/ /gang zag ni nye bar blangs pa'i
 phung po nyid dang gcig pa 'am/ gcig pa ma yin par brjod par mi bya'o/ /mya ngan las 'das pa ni chos thams cad dang gcig pa nyid dam tha dad pa nyid du mi brjod do/ /mya ngan las 'das pa ni yod pa nyid dam med pa nyid du mi brjod do/ /rnam par shes
 pa'i tshogs lnga ni 'dod chags dang bcas pa yang ma yin 'dod chags dang bral ba yang ma yin no/ /zhes bya ba ni gnas ma bu pa rnams kyi dam tshig go /yang gnas ma bu yang rnam pa gnyis te /rin chen po bba dang/ mang pos bkur ba ba'o/ /de yang mang blo bkur ba pa rnaMs kyi
 rtsa ba'i dam tshig ni 'byung bar 'gyur ba dang/ 'byung ba dang 'gag par 'gyur ba dang/ 'gag pa dang skye bar 'gyur pa dang skye ba dang/ 'chi bar 'gyur ba dang/ 'chi ba dang/ byed par 'gyur ba dang byed pa dang/ chad par 'gyur ba dang/ 'gro bar 'gyur
 ba dang/ 'gro ba dang/ rnam par shes pa ni yod do zhes bya ba de lta bu ni mang pos bkur ba pa rnams kyi rtsa ba'i dam tshig yin no/ /yang ri chen po pa yang rnam pa gnyis te/ chos mchog pa dang/ lam bzangs pa zhes bya'o/ /chos mchog pa rnams kyi
 rtsa ba'i dam tshig ni skye la/ ma rig pa dang skye ba dang 'gag pa la ma rig pa dang 'gag pa'o/ /lam bzangs pa'i yang de bzhin no/ /grod khyer drug pa la kha cig na re ni ri chen po pa'i bye brag yin zer/ gzhan dag gis smra ba ni mang pos bkur ba pa dag gis
 bye brag yin par 'dod de/ de ltar de rnams ni gnas ma'i bu'i sde pa rnam pa bzhir gnas pa yin no/ /gang de dag ni slob dpon dag gi rjes su 'brangs ba'i rim gyis rnam pa bco brgyad du gyur pa yin te/ de dag ni rtsa ba'i rtog
 pa dag yin no/ /gzhan nang gses kyi dbye ba ni med du yod pas brjod par bya'o/ /ji ltar zhe na/ thams cad yod par smra ba rnams kyi 'dod gzhung gi bye brag kyang dbye ba rnam pa bzhi ste dngos po dang mtshan nyid dang/ gnas skabs dang/ gzhan gzhan du gyur
 pa nyid kyi bye brag gis so/ /de la dang po dngos po gzhan nyid du gyur pa ni btsun pa chos skyob kyi ste/ de ni chos rnams dus kyi 'jig par gyur pa na dngos po gzhan du gyur ba nyid ni yin gyi rdzas gzhan du gyur pa nyid ni ma yin te/ gser gyi snod bcom nas
 gzhan du byas pa ni dbyibs gzhan du gyur pa yin gyi/ rdzas gzhan du gyur pa ni ma yin pa bzhin no/ /ji ltar 'o ma las zhor gyur pa na ro dang nus pa dang/ smin pa gzhan du gyur pa las kha dog ni ma yin pa de bzhin du chos rnams kyang 'das
 ba'i dus nas de ltar gyi dus su byung ba na 'das pa'i dus kyi dngos po nyams pa yin gyis rdzas ni ma yin no/ /de bzhin du da ltar gyi dus nas ma 'ongs par 'byung ba na yang da ltar gyi dngos po nyams pa yin gyi rdzas kyi dngos po ni ma yin zhes zer ro//
 mtshan nyid gzhan du gyur pa ni btsun pa dbyangs sgrog gis te/ de na re chos rnams dus kyi 'jug par gyur pa na 'das pa'i mtshan nyid dang ldan pa ni ma 'ongs pa dang da ltar gyi mtshan nyid dag dang mi ldan pa yang ma yin la ma 'ongs pa yang ma yin gi? mtshan
 nyid dang ldan pa na 'das pa dang da ltar dag gi dang mi ldan pa ni ma yin te/ dper na skyes bu bud med cig la chags par gyur pa na lhag ma rnams la yang chags pa dang bral ba ni ma yin pa bzhin no zhes zer ro/ /gnas skabs gzhan du gyur pa ni btsun
 pa dbyig ba shes kyis te/ de ni chos rnams dus kyis 'jug par gyur pa na gzhan dang gzhan du rjod par byed pa ni gnas skabs gzhan du gyur pa yin gyis rdzas gzhan du gyur pa ni ma yin te/ dper na sdong po gcig pu bgrang ba'i tshe na gcig ces brjod par bya la/ grangS
 brgyar gtogs pa'i tshe na brgya zhes bya/ grangs stong du bgrang ba'i tshe ni stong zhes bya ba dang 'dra'o zhes zer ro/ /gzhan gzhan du gyur pa ni btsun pa sangs rgyas lha'i ste/ de ni chos rnams dus kyis 'jug par gyur pa na sngon dang phyi ma la ltos nas gzhan dang gzhan du brjod
 par bya ste/ dper na bud med gcig lam zhes kyang brjod bu mo zhes kyang brjod pa bzhin no/ /bzhi po de dag ji lta ba bzhin du thams cad yod do zhes bya ba'i phyir thams cad yod par smra ba'o/ /de bzhin du kha cig ni rkyen bdun te/ rgyu dang dmigs pa dang de ma
 thag dang/ bdag po dang las dang zas dang rten zhes bya ba'o/ /de bzhin du la la ni rtogs pa'i sems bzhi ste/ bden pa so so ba'o/ /gzhan rnams ni chos shes pa dang/ rjes su shes pa brgyad yin te/ so sor rtogs pa'i ye shes ni ma yin no/ /zhes zer
 gzhan rnams ni bcu gnyis su 'dod do/ /de las kyang gzhan pa rnams ni bcu drug tu 'dod do/ /de bzhin du sems med ba'i gnyid la na sems ma yin no/ /mtshungs par ldan pa lhag ma rnams la ni yod do/ /'du shes dang tshor ba 'gog pa la 'du shes
 dang chor ba bkag pa ni yod do/ /lhag ma rnams la ni mtshungs par ldan pa yod do/ /ji ltar yid gnyis kyi skyo bar gyur pa ni sbyod pa med pa'i bsam gtan la snyoms par 'jug la/ dga' bas skyo bar gyur ba ni dga' ba med pa'i bsam gtan la snyoms
 bar 'jug /de bzhin du 'du shes dang tshor bas skyo bar gyur pa ni 'du shes dang tshor ba 'gog pa la snyoms par 'jug la/ de bzhin du kha cig na re sems kyis yul gyi khyad par thob pa ni mya ngan las 'das ba yin no zhes zer ro/ /la la na re phung po med par gyur ba
 mya ngan las 'das pa yin gyi dngos po'i don ni ma yin no/ /zhes zer kha cig na re rang bzhin gyis lung du bstan du med pa ni mya ngan las 'das pa yin no zhes brjod do/ /de bzhin du la la na re tshad med pa rnams ni byang chub kyi yan lag
 yin no yang zer/ kha cig na re 'bras bu che ba ni gsum ste/ gzhan gyi sems ni 'bras bu dang 'bras bu che ba dang tshad med pa'i 'bras bu zhes bya'o/ /de bzhin du nyon mongs pa'i dbang gis 'gro bar 'gro ba ni grogs su gyur pa ni las yin no/ de? bzhin du de spangs
 par gyur pa ni 'gro ba de dag tu 'gro bar mi 'gyur ro/ /yang la la na re sngar byas pa'i las rnams kyi dbang gis dang por 'gro bar 'dod do/ /kha cig ni ji ltar goms pa'i las rnams kyi yin par 'dod do/ /la la na re ni rnam pa lnga goms pa ste snga ma bzhi dang
 rkyen gyis khyad par goms pas so/ /kha cig na re 'das pa'i nye bar len pa las me 'bar ro zhes zer/ kha cig na re da ltar gyi las zhes zer/ /kha cig na re sgrib pa lnga po rnams las gang yang rung ba la mi mthun par sems pa las so zhes zer/ kha cig ni
 gzugs kyi khams ni kha dog bzhi bar 'dod do/ /gzhan dag ni kha dog gcig par 'dod do/ /de bzhin du gzhan dag ni gang zag yod de de yang phung po las gzhan yin no zhes zer/ phung po tsam yang ma yin te/ phung po nye bar len pa'i nye bar blangs
 pa dang ldan bar btags pa'o/ /nye bar len pa med pa ni mya ngan las 'das pa yin pas so/ /'di ltar 'phags pa'i bden pa bzhi la rim gyis btags nas mngon par rtogs par 'gyur te/ bar ma dor mi mthun pa'i sems 'byung ba ni med do/ /sdug bsngal
 la dmigs pa'i byang chub kyi yan lag gis skyon med par 'jug go /'dod par gtogs pa'i 'du byed mi rtag par yid la byed pa la brten pa'i sems bcu gsum gyis rgyun tu zhugs pa'i 'bras bu thob bar 'gyur te chos de la gnas pa las nyams pa ni
 med do/ /de bzhin du zhugs pa yang ngo/ /dgra bcom pa la yang nyams pa'i chos yod do/ /srid pa bar ma do yang yod do/ /'das pa dang ma 'ongs pa yang yod do/ /gcig tu dge ba'i chos kyi don mya ngan las 'das pa ni yod do/ /phung po 'gags pa ni dus las rnam
 par grol ba yin no/ /lha la yang tshangs par spyod pa la gnas pa yod do/ /'dod pa'i khams nas skyon med ba la 'jug par 'gyur ro/ /so so'i skye bos kyang 'dod pa'i 'dod chags dang gnod sems spong ngo/ /rnam par shes pa'i tshogs lnga ni 'dod chags dang bcas
 pa 'am bral ba ma yin te/ rnam par rtog pa med pa'i phyir ro/ /drug pa ni 'dod chags dang bcas pa dang 'dod chags dang bral ba yang yin no/ /dgra bcom pa ni zag pa dang bcas pa'i gzugs dang/ sems kyi zag pa dang bcas pa dang/ zag pa med pa la
 dmigs pa yin no/ /sems kyi yul gzhan du byin pa ni ma yin gyi/ 'di na gnas bzhin du thag ring po na gnas pa la dmigs par byed do/ /gzugs med pa'i khams la gzugs med do/ /dgra bcom pa yang nyams pa'i chos yod do/ /dus ma
 yin par 'chi ba yod do/ /skyes bus byed pa yod do/ /'jig rten pa'i yang dag pa'i lta ba yod do/ /phyi rol bal yang mngon par shes pa lnga yod do/ /dgra bcom pa la gzhan gyis bstan cing sgrub par med do/ /mi shes pa med do/ /yid gnyis med do//
 gzhan gyi la brtags pa med do/ /dag 'jug pa'i smra ba med do/ dbang po dang stobs dang byang chub kyi yan lag bskyed pa'i phyir ro/ /bcom ldan 'das kyi nyan thos rnams byang gi sgra mi snyan dang/ bdud ris? dang du shes med pa'i sems can du skye ba ni med
 do/ /rgyun du zhugs pas bsam gtan rnams thob pa ma yin no/ /mdo sde thams cad ni nges pa'i don yin no/ /mtshungs par mi ldan pa'i bag la nyal dang sems las byung ba'i bag la nyal yang yod do/ /'dus byas ni skad cig ma dang skad cig ma
 ma yin pa yang yod do/ /'gag par 'gyur ba'i nye bar len pa las me 'bar bar 'gyur ro/ /sems gcig gcig 'chi zhing skye ba mi shes pa'i gzhi las 'chi ba'i mthar thug pa'i bar du'o/ /'chi ba'i rkyen byed pa'i sems gcig po de nyid yang dag
 par zhi bar bya'o/ /tshad med pa rnams ni byang chub kyi yan lag ma yin no/ /snyoms par 'jug pa drug cu rtsa bdun grub par byas nas snyoms par 'jug pa bcu dgu dang/ dbang po dang stobs dang/ byang chub kyi yan lag rnams byang chub sems dpas yang dag par
 sbyong bar byed do/ /kun tu sbyod ba rnams ma gtogs pa nyid ni bar chad med pa'i lam gyi spang bar bya ba rnams so/ /'gro ba dang bcas pa'i lam ni nges par gnyis yin no/ /dge sbyong gi 'bras bu ni rim gyis thob pa ma yin no/ /'jig rten pa'i lam gyis kyang lan
 cig phyir 'ong ba'i 'bras bu dang phyir mi 'ong ba'i 'bras bu mngon du byed do/ /'khor ba gzhan du 'gyur ba yang yod do/ /chos cung zhig kyang 'jig rten 'di nas 'jig rten pha rol tu 'gro ba med do/ /phung po nye bar blangs nas sems can ni 'pho bar 'gyur ro/ /
 gzugs kyi khams ni kha dog bzhi yin no/ /de bzhin du srid pa bar ma ni kha dog bcu 'am nya lcibs kyi mdog 'dra ba'o/ /de bzhin du srid pa bar ma ni zhag lnga 'am bdun du gnas pa'o/ /yun ring por yang ngo/ /de bzhin du las ni nam yang med par
 mi 'gyur ro/ /nyams par mi 'gyur ro/ /phrog par mi 'gyur ro/ / las kyi rnam par smin pa nyams par 'gyur ba ni med do/ /srid pa ji srid kyi bar du rigs kyi ngo bo dang lhan cig tu gnas so/ /sngar nye bar bsags pa dang phyis nye bar bsags pa'i laS
 kyi rkyen rnyed par gyur nas 'gro ba rnams su 'gro bar byed do/ /nges pa'i las ni bzlog par mi nus so/ /byang chub sems dpa' ni skyes bu'i gzugs kyis lhums su zhugs pa yin no/ /yum gyi sku nas glang po cher gyur nas zhugs pa ni ma
 yin te/ de ni de'i rmi lam gyi rnam rtog yin no/ /nur nur po dang/ mer mer po dang ltar ltar po ngo bor yang 'gyur ro/ /skye gnas nas skyes na yang sgrib pa med pa'i rnam par grol ba'i nus pa can du 'gyur ro/ /sangs rgyas bcom ldan 'das rnams kyi ye shes ni longs
 spyod la 'jug par 'gyur ro/ /so so'i skye bo nyid kyang semS gcig gis 'gog go/ semS gcig gis sgrib pa thams cad spong ngo/ /sems gcig gis thing mkhyen pa'i sgrib pa med pa'i rnam par thar pa yang rab tu 'thob bo/ /sems gcig gis zhugs pa'i chos rnams 'gag par byed cig 'bras bu
 la gnas pa rnams skyed par byed do/ /rkyen gzhi nyid kyis rkyen thams cad bsdus so/ /sdug bsngal gyi spang bar bya ba'i kun nas ldang ba la gnas pa ni mchams med pa dag byed pa yin gyi/ gzhan gyis ni ma yin no/ /mthong bar spang bar bya ba'i bag la
 nyal bzhis sdus pas thams cad bsdus bdes/ dge ba'i rtsa ba thams cad gcod par byed kyi bsgoms pas spang bar bya ba ni ma yin no/ /bsgom pa'i rang bzhin thams cad la ji srid gnas kyi bar du gzhan gyis gnod par byed pa'i 'bad pas
 gnod par mi 'gyur gyi/ bdag nyid kyi tshe zad pas dus byed par 'gyur ro/ /dgra bcom pa thams cad ni 'bral bas 'chi bar 'gyur gyi/ 'pho bas ni 'chi ba med de ji skad du lus dang bral bas dus byed par 'gyur te/ dgra bcom pa ni lus tha ma dang bral
 bas 'bral ba'i phyir ro zhes gsungs pa lta bu ste/ lus ni 'dir dbang po'i lus la bya bar bzhed do/ /'byung bar 'gyur ba dang 'byung ba dang/ 'gag par 'gyur ba dang/ 'gag pa dang/ skye bar 'gyur ba dang skyes pa dang/ 'chi bar 'gyur ba dang 'chi pa dang
 byed par 'gyur ba dang byed pa dang/ chad par 'gyur ba dang chad pa dang/ 'gro bar 'gyur ba dang 'gro ba dang/ rnam par shes par 'gyur ba dang rnam par shes pa'o/ /phung po gsum gyi sems can thams cad bsdus kyi chos thams cad ni ma yin no/ /tshor ba
 thams cad ni las las byung ba yin no/ /sngar byas ba'i bsgom pas spang bar bya ba'i las thams cad ni las kyi rnam par smin par 'gyur ro zhes bya ba'i bar te/ de lta bu'i sde pa'i dbye ba dag la sde pa gcig gi khongs su theg pa chen
 po 'di gtogs bar gyur na yang sangs rgyas kyi gsung yin par tog ? theg pa chen po ni sde ba gcig gcig gi gsung rab kyi nang du yang ma bstan pas theg pa chen po 'di sangs rgyas kyis gsungs pa ma yin no/ /'di'i phyir yang 'di ni sde ba
 bco brgyad kyi khongs su gtogs pa ma yin te/ bcom ldan 'das yongs su mya ngan las 'das pa'i dus nyid ni rtsa ba'i yang dag par sdus par byed pas ma bsdus pa'i phyir dang/ phyis bye bar byung ba na yang sdud par byed pa rnams kyis ma bsdus pa'i phyir ro/ /de
 bzhin gshegs pa rtag pa nyid du ston par byed pas 'dus byas thams cad mi rtag pa zhes bya ba dang 'gal ba'i yang phyir ro/ /de bzhin gshegs pa'i snying pos khyab pa nyid dang len pa'i rnam par shes pa ston par byed pas bdag tu 'dzin pa ma
 spangs pa'i yang phyir ro/ /sangs rgyas mya ngan yongs mi 'da' zhes ston par byed pas de la zhi ba nyid med par bstan pas chos kyi phyag rgya gsum dang 'gal ba'i phyir dang/ nyan thos chen po rnams lung bstan pa dang dgra bcom pa rnams la
 shin tu mong ba dang/ khyim pa la phyag bya ba ston pa dang/ de bzhin gshegs pa las khyad par du byang chub sems dpa' la bsngags par byed pa'i phyir dang/ nam mkha' mdzod la sogs pa'i byang chub sems dpa' i smon lam rnams kyang tshig tsam
 yin pa'i phyir dang/ shAkya thub pa sprul pa yin par smra bas bstan pa thams cad kyang log pa yin pa'i phyir dang/ rtag tu mnyam par bzhag pa yin zhes bya bar yang mi rigs ba'i phyir dang/ mdo sde dang po las 'bras bu med pa'i bsdags?
 pa ston pa'i phyir te/ shin tu sdig pa chen po yang rtsa ba nas 'byin par smra bas las la 'bras bu med par ston pa'i phyir dang/ shin tu rgyas pa yang gzhan nyid ston pa dang kri ki'i rmi lam gyi dbye ba yang ma bstan pas de'i phyir theg pa chen po 'di sangs rgyas kyis gsungs pa ma
 yin te/ 'di ni nges par bdud kyi skye bo blo gros dan pa dang/ rmongs pa rnams bslu bar bya ba'i phyir sna tshogs pa mang po brtsams pa ma yin no/ /theg pa chen po'i lta ba 'di mngon sum la sogs pa dang shin tu 'gal bar ston pa/ gzugs la sogs la dmigs
 pa'i blo/ /rang rig nyid du yod pas kyang/ mngon sum gnod pa gang yin des/ /skye med smra ba de la gnod/ /gzugs la sogs pa'i yul rnams la dmigs pa 'di la yod pas de ni gzugs la sogs pa la dmigs pa'i blo'o/ /yul la rnam par shes pa
 rnams te/ de ni dngos po'i ngo bo ji lta ba bzhin du rab tu rnam par shes pa'i mtshan nyid can yin pa'i phyir ro/ /rang gi rgyud kyis nyams su myong bar bya ba yin pas rang rig go/ kyang zhes bya ba'i sgra ni 'gro ba ma lus pa yang yang dag par rig pas so/ /bla de? na
 yul dang bcas pa yin pa'i phyir la ma skyes pa nyid du btags pa la ni rigs pa med pa'i phyir mngon sum gyis kyang gnod la/ 'jig rten gyi yang dag par rig pa bkag pas na/ grags pas gnod pa yang skye ba med par smra ba la yod do/ /srid pa rnams ni de nyid
 du/ /skye med ces bya'i khyad par gyis/ /mngon sum dang ni grags pa dang/ gnod pa 'di la med ce na/ /gal te dbu ma ba dang/ smra ba/ mig med gzuD la yod ma yin/ /bar dang gnyi ga la mi gnas/ /gang du de ni gnas gyur pa/ /yod pa ma yin med pa'i gzhes pa la sor la shes pa dmigs su mang ba'i phyir
 mngon sum yang 'gyur ba yod pa ma yin la/ 'jig rten ni mi shes pa'i rab rib gyis bsgribs pa'i phyir 'jig rten gyi grags pa dang/ mngon sum gyi gnod pa yang bdag gi don dam pa nyid la mi 'byung ngo zhe na/ de nyid bzhad gang yin par lan gdab par bya ba'i phyir/ bgros
 min la yang yang dag tu/ /bgrod bar bya ste bud med phyir/ /bud med gzhan bzhin zer ba yi/ /skyon bcas tshig kyang skyon med 'gyur/ /bud med gang bgrod par bya ba ma yin par 'dod pa de yang don dam bar bgrod par bya ba yin te zhes bya
 ba ni bsgrub par bya ba'o/ /gtan tshigs ci yod bud med yin pa'i phyir ro/ /gang dang gang bud med yin pa de ni bgrod par bya ba yin te /ji ltar zhe na/ bud med gzhan bzhin te/ rang gi chung ma bzhin zhes bya ba'i tha tshig go /'jig rten pa'i dang lud ngag dang
 'gal ba'i phyir ro zhe na/ don dam par zhes khyad par du byas pa'i phyir skyon med do/ /'di ni rig pa dang 'gal ba yang yin te /ji ltar gdung ba'i dbang gis bud med la 'jug par gyur pa na bgrod par bya ba dang bgrod par bya ba ma yin pa dag gis gdung
 bzhi bar byed par mnyam pa nyid do zhes de skad du smra ba de dag ni blo gros ngan pas smra ba ste /de la yang skyon med par 'gyur la de bzhin du dngos po thams cad la skur pa 'debs pa khyed kyi tshig kyang de dang 'dra'o/ /skyon chen po gzhan yang yod de/
 bden pa mthong ba de nyid min/ /de nyid med par thal bar 'gyur/ /nam mkha' i lha yi bstan pa ltar/ /de nyid yin par mi 'dod do/ /theg pa chen po la yang sdug bsngal dang/ kun 'byung ba dang/ 'gog pa dang/ lam ma yin la /sdug bsngal la sogs
 pa shes pas kyang yongs su mya ngan las mi 'da' o/ /zhes ston pa'i tshig yod par grags te/ bden pa mthong ba de kho na nyid ma yin na de ma yin pa'i de kho na nyid gzhan gang yin zhes brjod do/ /theg pa chen po las bstan pa'i de kho na nyid yod do zhe na/ de
 ni rigs ba ma yin te bden pa mthong ba las gzhan yin pa'i phyir nam mkha' i lhas bstan pa bzhin no/ /de dag ni 'di lta bu'i de kho na nyid ston te/ gser gyi snod du gser gyi khab kyi grog ma phug nas bsad na 'khor ba las grol bar 'gyur la/ de gsod pa
 bo yang thar pa'i sa bon bsags bar 'dod pa dang/ pa lang la sogs pa bsang ba dang bskyed bar byed pa la nyal po byas pas mtho ris la sogs pa'i rgyu yin no zhes bya ba la sogs pa'o/ /gzhan yang khams gsum pa 'di ni sems tsam mo zhes bya ba'i mdo'i don yang
 gzhan du btags nas phyi rol gyi skye mchad la sogs pa dgag pa'i phyir ston par byed pa yang rigs pa 'dis na mi rigs te/ phyi rol skye mched yod pa las/ /der snang ba ye blo 'byung bas/ /yod par rigs te sems nyid ni/ /yod la dga' bas ji bzhin gyis/ /phyi'i skye mched
 ni chos can no/ /de rnams kyi chos yod par gyur pa ni de'i chos su gtogs pa'o/ /phyi'i skye mched de rnams kyi snang ba ni dmigs pa'i rnam pa'i rang gi ngo bo'i khyad par ro/ /de snang ba 'byung ba ni der snang bas 'byung ba'o/ /snang ba 'byung ba de gang la zhe na/ blo la ste dbang
 po drug gi rnam par shes pa'o/ /yul med par rnam par shes pa 'byung ba mi 'grub pas/ /khyod rang gi gzhung la rab tu grags pa'i sems yod par 'dod pa la dga' ba ji ltar skye ba de dper byas nas de bzhin du phyi'i skye mched yod par 'dod pa la yang dga' ?
 ba nyid du gyis shig ces bya ba'i don to/ /gal te sems yod mi 'dod na/ /khyod kyis 'gro ba sems tsam min/ /'gro ba phyogs su bya ba dang/ /gtan tshigs sgrub pa khyod la med/ /yang sems tsam du nye bar dmigs na ni phyi'i skye mched la sogs pa nye bar
 dmigs pas mi 'gyur la/ phyi'i skye mched la sogs pa ma dmigs na yang sems tsam du yang dmigs par mi 'gyur bar 'dod na ni khams gsum pa 'di dag ni sems tsam mo zhes bya ba'i lud yang nyams par 'gyur ro/ /gzhan yang 'gro ba sems
 tsam mo/ /zhes bya ba 'di la gtan tshigs ni gang yin/ 'di la dpe ni gang yod gtan tshigs dang dpe skyon med pa 'di la yod pa ma yin pas 'di dam bca' ba tsam du zad de/ dam bca' ba tsam gyis ni 'dod ba'i don gang yang grub pa yod pa ma yin no
 zhes bya ba ni nyan thos kyi theg pa bas nye bar sbyang ba'i phyogs snga ma yin no/ /de la sngar smras rigs pa ni/ /rang gi phyogs nyams dogs pas gzhan/ /mi 'dod gyur pa gang smra ba/ /de ni rigs pa ma yin no/ /de la zhes bya ba ni phyogS
 phyi ma nye bar dgod pa'i tha tshig go /sa la sogs pa ni 'byung ba rang gi ngo bor mi 'gyur te/ zhes bya ba la sogs pa'i sngar gyi rig pa dang /rang gi snga snang gsum gyi lugs nyams par 'dogs pas gzhan te nyan thos kyi theg pa pa'o/ /mi 'dod
 gyur pa ni mi bzod par gyur pa'o/ /gang smra ba ste/ skyon nye bar ston par gyur pa'o/ /de ni rigs pa ma yin zhes bya ba ni 'chad par 'gyur ba'i lan dag gis skyon dang bcas par ston pa yin no zhes bya ba'i bsam pas so/ /phyogs snga mas don gyis tshad mas/
 'di smras so/ /ston pa ni rnam par mi rtogs pa'i blo mnga' ba ste/ 'phags pa'i bden pa bzhi la dmigs pa'i phyir/ rang sangs rgyas la sogs pa'i blo bzhin no/ /zhes bya ba 'di'i lan ston pa rnam par mi rtog blo/ /bdag med pa la dmigs par 'dod/ /
 yul can gyi ni blo yin phyir/ /gang zag bdag med pa bzhin no/ /zhes smras so/ /bcom ldan 'das kyis gang zag la bdag med pa yongs su mkhyen pas gang zag gi rnam par rtog pa mi 'jug ba de bzhin du chos la bdag med pa yongs su mkhyen pas
 kyang chos la yang rnam par rtog pa 'jug par mi 'gyur ro/ /chos dang gang zag las ma gtogs pa gzhan ni cung zhig kyang med na gang la rnam par rtog par byed pas rnam par mi rtog pa nyams par 'gyur/ /de lta na sgrub par byed pa'i tshig 'dis ni
 sngar smras pa'i sgrub par byed ba la gnod pa yin te/ de dang 'gal ba ni yang zhugs pa'i phyir ro/ /sbyor las byung sogs blo dag ni/ /'byung ba gal te 'gog byed na/ /'jig rten las 'das pa'i rnam par mi rtog pa'i rjes las thob par sbyor pa
 las byung ba'i blo rnams la/ /dag pa'i 'jig rten pa'i ye shes brjod pa ni dbu ma pa yis kyang 'byung bar 'dod pa nyid yin te/ gang bcom ldan 'das kyi lo bzhi bcur chos bstan pa la sogs pa'i bya ba la sogs pa sangs rgyas kyi mdzad pa gang yin pa de/ /bdag
 cag gi lta ba las med par rnam par brtags nas sbyor ba las byung ba la sogs pa'i blo de rnams 'byung ba la gzhan dag gis 'gog par byed pa ni mi rigs te /skyon ma yin pa la sgro 'dogs pa'i phyir ro/ /'on te 'jig rten las 'das pa'i blo'i dbang du byas
 nas rnam par rtog pa dang bcas pa nyid du bsgrub pa de ni mi rigs par rigs pa nyid kyis bdag gis bsgrub par bya ba nyid de/ 'dir rigs pa ni 'di yin no/ /shes bya kun tu ma grub pas/ /blo gang gang gi rjes 'byung ba/ /de ni rtog med sngon byang chub/ /sheS
 bya de nyid ma log phyir/ /phung po dang khams dang skye mched kyi mchan nyid can gyi shes bya rnams ngo bo med pa nyid du bdag gi sngar bsgrubs so/ /thams cad du rang rang gi ngo bo grub pa med bar shes bya med pa'i shes pa yang ji ltar 'byung bar 'gyur/ /gang
 nyid la de'i rjes su blo 'byung bar 'gyur ba de yang rtog pa med pa nyid ni mngon par byang chub pa'o/ /zhes byas nas mngon par byang chub pa nyid du 'dod de /yongs su ma sgrub pa'i ngo bo nyid kyi shes bya'i de kho na nyid phyin ci ma log par rtog pa'i phyir ro/ /de'i
 yongs su grub pa ni skad cig ma dang sgyu ma dang rmi lam dang 'dra ba'i phyir phyin ci ma log pa ga la yod/ /de yi ngo bo rnam rtog sogs/ /bral ba'i blos ni mngon 'dod pas/ /de yi rten ni 'gog byed na/ /grub pa nyid ni rab sgrub byed/ /gang yang rtog pa med par
 mngon par byang chub pa gang yin pa de nyid ni rang gi dngos po dang gzhan gyi dngos po nges par rtogs par byed pa na de'i rjes su dran pa'i rnam par rtogs pa dang gal? ba mngon sum gyi mtshan nyid can ni ston pa nyid yin par 'dod do/ /gal te de la shAkya thub
 ba zhes bya ba'i mtshan nyid can gyi sprul pa'i sku rten nyi ma yin no? nas rab tu sgrub par byed na sgrub pa la sgrub pa yin te/ 'og min na bzhugs pa'i longs spyod rdzogs pa'i sku la rten pa yin pa'i phyir ro/ /gal te de lta bu yin na zhi ba dang
 stong pa dang/ gnyis su med pa la sogs par ston par byed pa ji ltar yin zhe na/ brjod par bya ste /de ni zhi nyid sogs bstan pa/ /rtog pa rnams kyi sgro btags pa'o/ /dag pa dang rang bzhin gyis 'od gsal ba dang/ dbul ba dang/ nad nye bar zhi bar 
 byed pa la sogs par bstan pa ni yid bzhin nor bu bzhin du rang gi rnam par rtog pas sbyar ba yin no/ /yang gal te gsung rab las rab tu grags pa'i yang dag pa'i lta ba la sogs pa'i las rnams kyi/ yang dag par rdzogs pa'i byang chub
 thob par bstan to zhe na /bden te lam 'di nyid mi dmigs pa'i tshul gyis goms par byas pas yang dag par rdzogs pa'i byang chub 'thob kyi /dngos po la mngon par zhen pas ni ma yin no/ /mi dmigs par bsgom pa de gang yin zhe na/ mthong ba
 med pa rtog med pa/ /brjod pa med pa byed med pa/ /'tsho ba med pa rtsom med pa/ /de bzhin dga' med gnas med pa/ /chos thams cad rang gi ngo bo yongs su grub pa med pas mthong ba med pa nyid ni yang dag pa'i lta ba'o/ /'das pa dang ma
 'ongs pa dag gi sems dag ni nyams shing ma skyes pa'i phyir dang/ da ltar byung ba la yang gnas pa med pas rtog pa med pa nyid ni yang dag pa'i rtog pa'o/ /gnas dang byed pa dang rtsol ba rnams re re la 'am/ 'dus par gyur pa la 'am/
 yi ge so so yang dag nye bar mi dmigs pas dag brjod pa med pa ni yang dag pa'i dag go/ lus dang dbang po dang blo'i tshogs dag bdag med pa yin pa'i phyir dang de'i dge ba'i las byed par sems dpa' ni byung ma thag tu 'jig pa'i phyir las
 nye bar len pa ni don dam par 'byung bar mi 'gyur bas bya ba med pa ni yang dag pa'i las kyi mdza' o/ /thog ma med pa'i dus nas goms par byas pa'i zang zing la mngon par zhen pa 'phel bar byas pa'i lus kyi bza' ba dang bgo ba la sogs pa lus 'phel bar byed
 pa la dbu ba'i gong bu dang/ chu bur dang/ smig rgyu dang/ chu shing gi sdong po dang/ sgyu ma dang 'dra bar gang gis gang zhig la phan 'dogs par byed ces phung po dag la yongs su btags pa nyid na 'cho ba med pa nyid ni yang dag pa'i 'tsho ba'o/ /lus ni rtsa dang shing
 dang 'dra bar bem po sems pa med pa byed pa med pa yin la/ sems kyang sgyu ma dang 'dra bas de dag gis yang dag par brtsams pa yang skad cig ma yin no zhes de kho na nyid du na yang dag pa'i brtsom pa med na yang tha snyad du dge ba'i chos la mngon par
 sbyor ba ni yang dag pa'i rtsol ba'o zhes tha snyad du byed do/ /don dam par na dbang po rnams kyi rnam par shes pa rnams kyi nyams su myang ba ci yang med pas de'i rjes las skyes pa'i yid kyi rnam par shes pas kyang ci zhig la rjes su brtag par bya ste/ brtag
 par bya ba'i nyams su myong ba ni med pas ci zhig dran nas dran pa zhes bya/ 'on kyang mi brjod pa nyid la kun rdzob tu yang dag pa'i dran pa zhes gdags so/ /sems 'das pa ni nyams par gyur pa yin/ ma 'ongs pa ni ma skyes pa yin/ /da ltar byung ba yang
 'gag pa nyid la mngon du phyogs pa'i phyir/ /sems skad cig tsam yang mnyam par gnas pa ni yod pa ma yin no/ /dmigs pa yang rim pa 'di nyid kyis dmigs par mi 'gyur bas sems gnas pa med par nyid la tha snyad du yang dag pa'i ting nge 'dzin zhes
 'dogs so/ /gang gi che byang chub sems dpas 'di nyid shin tu goms par byas na/ de tsha lam ni de nyid kyis sangs rgyas byang chub 'dod phyir bdag/ grub pa sgrub pa'i sgyon yang yin/ /bsgom nyid la yang brtag par bya/ /yang dag pa'i lta ba la sogs
 pa'i lam gyis byang chub 'thob bo zhes bya ba ni grub pa sgrub pa yin te/ gzhan dag khas mi len pa nyid la yang dag pa'i lta ba la sogs pa lam 'di dag nges par bzung nas bdag gis brjod pa bya ba yin gang lam goms par byed pa de dag
 la ni 'di rig pas brtag par bya ba ni ma yin no/ /ci lam de dang ldan na rig pa dang ldan pa'i bsgom pa yin nam 'on te ma yin ji ltar na 'di rigs pa dang ldan par 'gyur zhe na /gang gi che rjes su dpag pa'i rjes su 'brangs nas lung dang mi 'gal bar gyur
 bas de kho na nyid gang la dmigs par na'o/ /gal te khyod kyis rjes su dpag pa'i rjes su 'brangs na ni lung dang 'gal bar 'gyur ro zhe na/ smras pa /ji ltar lud dang mi 'gal bar/ /rjes su dpag pa'i rjes 'brangs pa/ /'di ltar de nyid bsgom pa
 ste/ /de ni de bzhin mkhas pas 'dod/ /de nyid shes pa 'tshol ba la 'jug pa zhi ba dang/ stong pa dang/ gnyis su med pa dang gzhan la rag ma las pa dang/ mi dmigs pa la sogs pa'i mtshan nyid can lung dang/ rig pa dang mi 'gal
 par bstan pa ni de kho na nyid do/ /zhes bdag gis bsgrubs pa zin pa ni de nyid do/ /bsgom pa'i rigs pa yang brjod ma thag pa nyid do/ /'di'i lung ni 'jam dpal gang yang chos thams cad mi mnyam pa med pa dang/ gnyis su med pa dang/ gnyis su
 byar med par mthong ba 'di ni yang dag pa'i lta ba'o/ /'jam dpal gang gis chos thams cad rtogs pa med pa dang rnam par rtog pa dang/ kun tu rtog pa med par mthong ba med pa'i sbyor bas mthong ba de ni yang dag pa'i rtog pa'o/ /gang gis chos thams cad brjod pa med
 par mthong bas brjod pa med pa mnyam pa nyid du shin tu rigs pa nyid ni yang dag pa'i dag go/ gang gi chos thams cad bya ba dang byed pa med par mthong ba 'di ni byed pa po mi dmigs pa'i phyir yang dag pa'i las kyi mdza' o/ /gang gis chos thams cad 'phel
 pa yang ma yin/ 'grib pa yang ma yin pa de ni 'tsho ba med pa mnyam pa nyid la rab tu gnas pa'i phyir yang dag pa'i 'tsho ba'o/ /gang gi chos thams cad slong bar mi byed/ /brtsom pa mi byed/ pha rol gnon pa'i sbyor ba yang mi byed pa 'di ni yang dag pa'i rtsol
 ba'o/ /gang gis chos thams cad la dran par bya ba'i lam gyis dben pa'i phyir dran pa byung ba med pa ni yang dag pa'i dran pa'o// //dbu ma'i snying po'i 'brel pa rtog ge 'bar ba/ /bam po bcu bzhi pa/ /'jam dpal gang gis chos
 thams cad rang bzhin gyis mnyam par bzhag pa mthong ba de ni rtsom pa'i rnam par g.yeng? ba mi dmigs pa'i phyir yang dag pa'i ting nge 'dzin te/ 'phags pa'i lam yan lag brgyad ni de lta bur blta bar bya'o/ /de ltar lam yang dag par rjes su mthong ba de ni rgal
 ba dang/ pha rol tu phyin pa dang/ thang la phyin pa dang/ zhi ba thob pa dang/ 'jigs pa med pa thob pa dang/ nyon mongs pa med pa dang/ dag bcom pa dang dge sbyong dang tshangs pa yin no zhes smra'o/ /zhes bya ba la sogs pa chos thams cad la 'jug par bstan pa'i
 mod las 'byung ngo/ /de bzhin du shes rab kyi pha rol tu phyin pa las kyang dben pa dang 'dod chags dang bral ba dang/ 'gog pa la brten pa'i yang dag pa'i lto ba mi dmigs pa'i tshul gyis sgom par byed do zhes 'byung ngo/ /de ltar na mthong ba med pa'i rnam par bsgom pa 'di ni lam
 gzhan yin par brjod par mi bya'o/ /lam 'di nyid kyis 'grub par brjod par bya ste/ ji ltar zhe na smras pa thar pa'i mi mthun par gyur pa mi dge ba'i chos lta ba log pa la sogs pa spong bar byed pa'i gnyen por? yang dag pa'i lta ba la sogs pa dngos po ji lta ba
 bzhin du sgom par byed de/ /'phags pa blo gros mi zad pa'i mdo las ji skad du yang dag pa'i lta ba gang zhe na/ 'phags pa 'jig rten las 'das pa'i 'phags pa'i bdag dang/ sems can dang srog dang/ gso ba dang/ skyes bu dan/ gang zag dang
 chad pa dang/ rtag pa dang/ srid pa dang/ srid pa ma yin pa'i dang/ dge ba dang /mi dge ba dang/ lung du ma bstan pa dang /'khor ba dang /mya ngan las 'das par blta bas kun nas ma bslang ba gang yin pa de ni yang dag pa'i lta ba'o/ /de
 la yang dag pa'i rtog pa gang zhe na/ gang 'dod chags dang/ zhe sdang dang/ gti mug gi kun tu rtog pa mngon du 'byung ba ngag gis kun tu rtog par mi byed cing/ gang tshul khrims dang/ ting nge 'dzin dang/ shes rab dang/ rnam par grol ba dang/ rnam par grol
 ba'i ye shes mthong ba'i phung pos kun nas bslang ba'i kun tu rtog pa dag gis kun tu rtog pa ni yang dag pa'i rtog pa'o/ /zhes bya ba la sogs pa gsungs te/ de'i phyir na dngos po 'dzin pa la mngon par zhen pa rab tu spang pa'i phyir mthong ba med pa la sogs
 pa'i bsgom pa goms par bya'o/ /de ltar byas na chos thams cad kyi de kho na nyid mngon par rtog pa'i rang byung gi phyin ci ma log pa skad cig gcig gis bag chags dang bcas pa'i rgyun rab tu spong ngo/ /shes bya'i dngos po dang rab tu 'brel pa ni
 bag chags yin nam/ shes bya mi dmigs par gyur na gang la brten nas bag chags 'byung bar 'gyur zhes bya ba 'di ni theg pa chen po la go rim yin no/ /ji ltar bstan pa'i lam 'di nyid mthar gyis bsgoms pa las de kho na nyid thob par 'gyur bar
 bstan pa/ gang gis de rtogs de sangs rgyas/ /gzhan ni ma yi la du mtshungs/ /ji skad bstan pa nyid kyi lung dang rig pa dang ldan pa'i bsgom pa gang gis de kho na nyid rtogs par gyur pa de ni sangs rgyas zhes brjod par rigs te/ ye shes phyin ci
 ma log pa dang ldan pa'i phyir ro/ /rig pa dang 'gral ba'i lung tsam gyis rjes su 'brang ba'i de kho na nyid du bsgrub pa ni rtag mi bzod pa'i phyir bem bo'i blo dang ldan pa rnams la mas byin pa'i la du bzhin te/ bud med 'ga' zhig zhi gis bu byis pa chu ngu la
 sman zhu ba'i dus 'das kyi bar du bring pa'i phyir bu ram gyis bskus pa'i rde'u dag 'di la du yin gyi zo zhig ces byas nas byin la /de yang ma 'di ni bdag lan ma yang log par byed pa ma yin no snyam nas drag tu so btab cing bca' bar brtsams pa dang so dag kyang chag
 par 'gyur ro/ /de bzhin du la la dag sman pa'i rgyal pos nye bar bstan pa'i sman phyin ci ma log pa nye bar spyod pa ltar/ bde bar gshegs pa'i bstan pa brnga dang bcas pa dang/ dgongs pa dang bcas pa dag ji lta ba bzhin du ma rtogS nas/ thub pas ni 'di ltar
 bstan pa yin no/ /zhes sgra ji lta ba bzhin du bzung nas mngon par zhen pa bstan par byed pa de dag ni mas byin pa'i la du za ba'i khye'u bzhin du mkhas pa rnams kyi bzhad gang du bya ba yin no/ /des na lung gi rjes su 'brang ba tsam du mi bya'i/ rig pas rjes su
 dpag par bya'o/ /de la rigs pa ni 'di yin te/ 'phags pa nyan thos rnams ni chos tsam mthong ba'i mngon par rtog pa can yin la/ rten cing 'brel par 'byung ba yongs su shes pa ni rang sangs rgyas rnams so/ /de dag ni ji ltar bstan pa'i lam gyi dngos po dag
 bsgom pas yin la/ bcom ldan 'das kyis ni mi dmigs pa la snyoms par zhugs pas byang chub rtogS pa yin no/ /de yang dngos por 'dzin pa rtsa ba nas ma spangs kyi bar du ma yin pas de lta bas ni mi dmigs par bsgom pas ni yang dag bar rdzogs pa'i
 byang chub kyi rgyur gyur ba khyad par du 'phags ba'i lam yin gyi /nyi tshe ba ni ma yin no/ /theg chen sangs rgyas gsung min zhes zer ba 'di yang gtan la dbab/ nges pa bskyed pas khrid nas don rtogs par byed pa ni gtan la dbab pa'o/ /de gang yin zhe na/ rigs
 pa'i rjes su 'brang pa'i lung dang mi 'gal ba'i phyir theg pa chen po ni sangs rgyas kyis gsungs pa yin no/ /rjes su dpag pa dang 'gal ba de ni sangs rgyas kyi gsungs pa ma yin te/ dper na chad par lta ba bzhin no/ /theg pa chen po ni rig pas gnod pa ma yin te/ rigs ba
 ni 'og nas bstan par bya'o/ /de lta bas na theg pa chen po sangs rgyas kyis gsungs ba kho na yin te/ rang sangs rgyas kyi theg pa bzhin no/ /gzhan yang/ sngar bstan pa yi lam 'di yis /sangs rgyas byang chub thob mi nus bsdug bsngal rnam pa
 rtogs byed phyir/ /rang sangs rgyas kyi theg pa bzhin/ /mthong ba med par bsgom par byed pa la sogs pa ma gtogs pa zhes bya ba ni tshig gi lhag ma'o/ /sdug bsngal la sogs pa'i rnam pa ni sdug bsngal gyi rnam pa ste/ mi rtag pa sdug bsngal ba stong pa bdag med
 pa zhes bya ba sdug bsngal gyi rnam pa bzhi'o/ /de bzin du kun 'byung ba dang 'gog pa dang/ lam rnams kyi rnam pa rnams kyang mdo las bstan pa bzhin du so sor rtoD par bya'o/ /yang na sdug bsngal dang/ kun 'byung ba dang/ 'gog ba dang/ lam rnams dang/
 yongs su shes par bya ba dang/ rab tu spangs pa dang/ mngon du bya ba dang/ bsgom par bya ba rnams dang/ yongs su shes pa dang/ rab tu spangs pa dang/ mngon du byas pa dang/ bsgom pa zhes bya ba rnam pa bcu gnyis rtogs pa yin te /rang sangs
 rgyas kyi lam bzhin te/ bcom ldan 'das kyis ni sdug bsngal la sogs pa'i rnam pa rnams mi dmigs par mnyam pa nyid du rtogs so zhes bsams pa'o/ /rjes su dpag pas gnod pa yang/ /gzhan gyi phyogs la 'byung par 'gyur/ /dpe ni ma
 grub pa nyid kyang/ /de la zhugs pa bzlog par dka' / /gang dag gis de dag tu lam 'di dag nyid kyis shes bya'i sgrib pa zad par byed do/ /zhes zer pa 'di yang bsgom pa khyad par can med par shes bya'i sgrib pa spong ba mi srid do/ /bcom ldan
 'das kyang la ma 'dis shes bya'i sgrib pa zad par mdzad pa ma yin te/ bsgom pa'i khyad pa'i khyad par gzhan gyis sprangs ba'i phyir ro/ /gal te yod laM 'di la shes bya'i sgrib pa spong ba'i nus pa yod par gyur na ni nyan thos dang rang sangs rgyas rnams kyis kyang
 sgrib pa gnyis zad par byas nas bag chags kyi mtshams sbyor ba dang bcas par spong bar 'gyur zhig na de lta bu ni mi srid do/ /de lta bas na theg pa chen po las bstan pa'i lam bsgom pa'i khyad par kho nas shes bya'i sgrib pa rab tu spong ba yin no/ /gzhan yang mi skye
 srad par shes pa ni/ /ji bzhin don gyi don dam min/ /'khrul bzhin rnam rtog bcas pa'i phyir/ /de rtog ji ltar de nyid yin/ /sdug bsngal la chos shes pa'i bzod pa dang/ sdug bsngal pa chos shes pa dang/ /sdug bsngal la rjes su shes pa'i bzod pa dang/
 ldug? bsngal rjes su shes pa dang// de bzhin du kun 'byung ba dang/ 'gog pa dang/ lam rnams la chos dang/ rjes su shes pa'i bzod pa dang/ shes pa zhes bya ba sems kyi skad cig ma bcu drug gi mthar phyin pas phung po mi skye bar shes pa dang/ nyon mongS
 pa zad par shes pa 'byung bar bcom ldan 'das kyis bstan pa ni zad pa dang /mi skye ba shes pa'i byang chub po zhes gzhan gyi 'dod pa de rjes su mthun pa ma yin pas dgag par bya ba'i phyir/ smras pa/ de dag ni don dam par ji lta ba bzhin du ma yin no/ /
 gtan tshigs ci yod ce na/ rnam par rtog pa dang bcas pa'i phyir 'khrul pa dang bcas pa'i shes pa bzhin no/ /'dis ni zad pa dang mi skye bshes pa da dag 'khrul pa'i shes pa dang 'dra ba'i phyir dang/ /phyin ci log la dmigs pa'i phyir yongs su shes pa
 gang zhig rig pa dang ldan pa yin zhes bstan to/ /theg pa gzhan nyid rgyu yin zhes/ /zer ba de'i lan yang btab/ /nyan thos kyi theg par bstan pa'i lam ni yang dag par rdzogs pa'i byang chub kyi rgyu ma yin te/ bsgom pa dang/ bral pas nges
 ni shes bya'i sgrib pa spong par mi nus pa'i phyir rang sangs rgyas kyi thog par bstan pa'i las bzhin/ /zhes ba bar 'grel to/ /ji ltar sgrib pa yod bzhin du/ /dgra bcom mya ngan 'da' bar rigs/ /sgrib pa yang gnyis te/ nyon mongs pa'i sgrib pa dang/ shes
 bya'i sgrib pa zhes bya'o/ /nyon mongs pa'i sgrib pa yang rnam pa gnyis te/ 'ching bar byed pa dang bag chags kyi ngo bo'o/ /yang shes bya'i sgrib pa ni 'ching bar byed pa'i bdag nyid kho na'o/ /de la nyan thos dang rang sangs rgyas dag gis
 ni nyon mongs pa'i 'ching ba tsam spangs kyi nyon mongs pa'i bag chags kyang ma yin la/ shes bya'i sgrib pa gnyi ga'i ngo bo nyid kyang ma yin pas de'i phyir dgra bcom pa ni mya ngan las 'das pa zhes bya ba ma yin te /sgrib pa yod pa'i phyir rgyun tu zhugs
 pa la sogs pa bzhin no/ /des na nyan thos dang rang sangs rgyas dag kyang bag chags kyi dri ma dag par byas te/ byang chub kyi tshogs yongs su rdzogs par byas nas sangs rgyas su 'gyur ro zhes bya ba 'di grub pa yin no/ /de lta na yang mi shes pa yang rnam pa
 gnyis te/ nyon mongs pa dang/ nyon mongs pa can ma yin pa'o/ /de la nyon mongs pa can ni bdag tu nga rgyal ba dang/ rtag tu rmongs pa dang/ bdag la chags pa la sogs pa'o/ /nyon mongs pa can ma yin pa de ni bag chags kyi ngo bo ste/ ji skad
 du mchog 'dod kyis sangs rgyas kyi mdzad pa bstan pa las/ ma rig 'di ni rnam gnyis te/ /'jig rten pa yi 'phags par shes/ /'jig rten pas ni 'du byed bskyed/ /ring du gyur pa 'phags pa yi/ /slob ma 'gog la gnas pa la/ /gang tshe
 yid ni bzhag gyur pa/ /de tshe 'di'i nyer len med/ /srid par 'jug pa yang mi 'gyur/ /de ni 'gog bral la gnas pa/ /ma rig pa yi 'phags de rmongs/ /rnam shes nyer len dang bral na/ /grol ba yin zhes brjod par byed/ /rmongs 'di grol ba ga la
 yin/ /yang dag tu na kun la rmongs/ /chos kyi skye mched phug dag tu/ /'di yi rnam shes rab tu sbas/ /yang srid 'jug pa 'ang ma yin sa?/ /mthar thug sangs pa'ang 'di ma yin/ /sangs rgyas chos kyi sku nyid du/ /gyur na 'di bzod mya ngan 'das/ /sangs
 rgyas chos kyi sku 'di ni/ /mya ngan 'das yin de nyid ni/ /sangs rgyas kho nas mngon par mkhyen/ /de phyir byin gyis brlabs nas bzhugs/ /zhes bstan pa lta bu'o/ /de la nyon mongs pa can gyi mi shes pa ni 'phags pa nyan thos rnams kyi lhag ma ma lus par
 rab tu spangs te/ gang zag la bdag med pa rtogs pa'i phyir ro/ /nyon mongs pa can ma yin pa ni grol ba la sgrib par byed pa ma yin pas yod bzhin du yang 'dir zad pa dang/ mi skye ba shes pa thob par 'gyur zhes bya'o/ /ma rig nyon mongs can spangs
 pas/ /de ni grol 'gyur sangs rgyas bzhin/ /de ni mi bden med pa'i phyir/ /dngos dang sprul pa'i sangs rgyas la/ /byang chub sems dpar gyur pa nyid nas sangs rgyas bcom ldan 'das des sgra'i rjes su 'jug pa'i lugs su 'byung ba skye pa med pa'i chos la
 bzod pa rtogs pas nyon mongs pa can gyi mi shes pa spangs par gyur pa yin gyi/ gtso bo chos kyi sku dang/ sprul pa'i sku dag gis ni yang nyon mongs pa can gyi mi shes pa spong bar mi srid pas sangs rgyas kyi dang/ de'i thar pa ni 'dra bar rigs pa ma
 yin no/ /gzhan yang theg pa chen po'i lugs 'di la ni kun rdzob tu bcom ldan 'das kyis lam bsgom pa dang/ mngon par rtogs pa bstan pa yin gyi/ /don dam par ni ma yin no/ /zhes bstan par yang dag tu na theg chen gyi/ /lam gyis sangs rgyas
 byang chub dag /sgrub min rtag bcas mtshan bcas min/ /'jig rten pa yi lam bzhin no/ /'jig rten 'di dang 'jig rten pha rol ni yod do/ /zhes bya ba la sogs pa'i rnam par rtog pa dang mtshan ma dang ldan pa'i phyir lam ni byang chub kyi rgyu yin te/ lha
 dang mi'i 'gro bar 'jug par byed pa'i dge ba'i las byed pa'i lam bzhin no/ /gal te yang lam goms par byed pa ni nyon mongs pa zad par bya ba'i don du yin na gang gi tshe de nyid mi bden par gyur nas gang gis nyon mongs pa zad par byed sdong du ma la
 ma yin par nyams su myong bar gyur pas the tshom med par byed pa ni ma yin no zhes bya ba ni gzhan gyis bsam pa smras pa yin no/ /de ltar na ji lta ba bzhin ma yin pa'i lam gyis nyon mongs pa zad par byed pa yang med do/ /yang dag pa
 ma yin pa'i phyir sdong du ma la ming shes par de dang mi 'bral bas rang gi bsam pa smras pa/ ji srid 'ga' zhig skrag pa yis/ /theg pa la ni sbrul zhes 'khrul 'khri shing bsdogs bar shes pa ni/ /gnyen po'i? phyogs kyi shes par 'byung/ /'khrul par
 gyur pas dang por ni thag pa la sbrul yin gyi/ thag pa yin par ma shes par 'gyur la/ yang de nyid la 'di 'khri shing bsgril ba yin gyi/ thag pa yang ma yin pa la yang ma yin no/ /zhes yang dag pa ma yin pa'i 'khri shing bsdogs par shes
 pas kyang sbrul du 'khrul pa'i gnyen por gyur ba de bzhin du gzugs la sogs pa la dang po ni 'khrul pas lta ba ngan pa rtog pa ngan pas zhen pa 'byung la/ yang dag de dag la 'khrulpa nyid shes pas yang dag pa'i lta ba la sogs pa'i gnyen po'i
 lta bskyes pa na de dag gnyi ga yang dngos por 'dzin pas yang dag pa ma yin par shes kyi/ mthong pa med pa ni yang dag pa nyid yin te/ dngos po med pa'i ngo bo nyid las gzhan med pa'i phyir ro/ /de yang ji skad du de bzhin gshegs pa'i
 mdzad kyi mde? las 'od srungs 'di lta ste/ skyes bu 'ga' zhig ma bden pa'i the tshom gyi dag gis gdungs par gyur cing bdag gis dug zos so/ /bdag gis dug zos so zhes zer zhing du bar byed brang rdung bar byed pa de la sman pa thabs la mkhas pas yang
 dag pa ma yin pa'i dug 'byin pa ltar byas pas nges de'i the tshom gyi dug gis 'du shes de ldog par 'gyur te/ nges de yongs su gdung pa las grol bar 'gyur ro/ /'od srungs de ji snyam du soms?/ de la sman pa gang gis yang dag pa ma yin pa'i dug
 gzhan 'byin pa ltar na byas na skyes bu de 'tsho bar 'gyur ram gsol pa/ bcom ldan 'das ma lags so/ /ji ltar yang dag pa ma lags pa'i dug gis som nyis gdungs par gyur pa la de bzhin du yang dag pa ma lags pa'i dug gzhan gsal par bgyi'o/ /bcom ldan
 'das kyis bka' stsal pa/ 'od srungs de bzhin du byis pa so so skye bo rnams nyon mongs pas nyon mongs par gyur pa rnams la yang dag pa ma yin pa'i tshul gyis chos ston par mdzad do/ /gsol pa bcom ldan 'das ni bden pa gsungs pa ma lags sam
 de bzhin gshegs pa ji ltar na bden pa ma lags pa gsung ba mdzad/ bcom ldan 'das kyis bka' stsal pa/ 'od srungs de ji snyam du sems khyod bden pas rnam par grol lam/ bden pa ma yin bas yin/ gsol pa bdag ni bden pa ma lags pas
 grol gyi/ bden pas ni ma lags so/ /de ci'i slad du zhe na/ bcom ldan 'das mi bden ba zheS bya ba ni 'dod chags dang/ zhe sdang dang/ gti mug dag go/ bcom ldan 'das gal te 'dod chags bden pa zhig tu 'gyur na ni mi sdug bas kyang 'dod chags dang bral
 bar mi 'gyur ro/ /bcom ldan 'das gal te zhe sdang yang dag pa zhig tu gyur na ni byams pas kyang zhe sdang dang bral bar mi 'gyur ro/ /bcom ldan 'das gal te gti mug yang dag pa zhig tu gyur na ni rten cing 'brel par 'byung bas kyang gti mug dang bral bar
 mi 'gyur ro/ /bcom ldan 'das gang gi slad du 'dod chaD dang zhe sdang dang/ gti mug yang dag pa ma lags pa de'i slad du mi sdug pa dang/ byams pa dang/ rten cing 'brel bar 'byung ba bsgoms pas 'bral bar 'gyur pa lags so /bcom ldan 'das nyon mongs
 pa thams cad kyang yang dag pa ma lags pas na yang dag pa ma lags pa'i yongs su shes pas yongs su spong bar 'gyur ro/ /bcom ldan 'das de la nyon mongs pa gang gang gis yang dag par spod? bar 'gyur ba de gnyi ga yang yang dag pa ma lags pa bden 
 bam lags pa'i slang du yang dag pa ma lags pa'i nyon mongs pa yang dag pa ma lags pa'i yongs su shes pas 'bral bar 'gyur ro/ /zhes bya ba la sogs pa gsungs pa yin no/ /des na gtan tshig ma nges bcas/ /rgol pa'i smra ba spangS
 pa yin/ /gang dag yang dag pa ma yin pa'i phyir sdong dum? la mir shes pa bzhin no/ /zhes zer ba'i yang dag pa ma yin pas yang dag pa ma yin pa'i 'khrul pa spong bar 'gyur ro/ /zhes bya ba la yang dag pa ma yin pa nyid kyis ci thag pa la 'khro shing
 bsdogs par shes pa sbrul du 'khrul ba spong bar 'gyur ba nyid yin nam/ 'on te yang dag pa ma yin pa nyid kyis sdong dum la mir 'khrul pa bral bar mi 'gyur ba zhes bya ba ni gtan tshigs ma nges pa yin no/ /gang yang gzhan gyi khas blangs pa'i
 yang dag pa'i lam gyis yang dag pa'i nyon mongs pa bsags pa zad par 'gyur ro/ /zhes bya ba de yang dpe 'dis yang dag pa ma yin pa'i 'di gnyis bral ba byed pas nyan thos kyi theg par smras pa de spong pa yin no/ /gzhan yang kun nas nyon mongs
 gnyen po'i phyir/ /'dis ni lan yang btab par byas/ /yang gal te gzhan dag na re lam ni yang dag pa yin te/ kun nas nyon mongs pa'i gnyen po yin pa'i phyir mun pa'i gnyen po'i snang ba bzhin no zer na/ de la yang yang dag pa ma yin pa'i kun nas
 nyon mongs pa yang dag pa ma yin pa'i gnyen po'i spong bar byed do zhes bya ba thag pa dang sbrul dang 'khri shing bsdogs pa'i dpe 'di dag nyid kyis lan btab pa yin par rig par bya'o/ /gtan tshigs nges pa nyid du rgol ba yang spangs pa yin no/ /'dir
 theg pa chen po ni sangs rgyas kyi gsung ma yin no zhes sngar bdag cag gis bsgrub zin pas de'i phyir na lung med pa'i theg pa chen por bstan pa ni rigs pa ma yin te/ tshad ma'i rtog ge skam po yin pa'i phyir ro zhes zer ba'i lan gdab par bya ba'i
 phyir phyogs snga ma dang gnyen po'i phyogs kyi dbye ba brjod pa/ theg chen sangs rgyas gsung yin te/ /bdag med la sogs ston pa dang/ /dkon mchog gsum gyi bdag nyid cha/ /ston phyir slob ma'i theg pa bzhin/ /'bras bu dang bcas pa'i pha rol tu phyin pa
 drug ces bya ba'i lam dang/ de ston par byed pa'i gtsug lag kyang theg pa chen po zhes bya ste/ 'di ni chos can no/ /de sangs rgyas kyi gsungs pa'i gsung yin pas sangs rgyas kyi zhes bya ba ni chos yin par bsgrub par bya'o/ /chos can dang chos bsdoms pa ni
 phyogs so/ /mu stegs byed gzhan dag gis bdag la sogs par btags pa dag las 'das pas bdag med pa ste/ bdag med pa'i ngo bo ni bdag med pa nyid do/ /gang dag la bdag med pa la sogs pa ste/ stong pa dang mi rtag pa la sogs pa yod pa de ni bdag
 med pa la sogs so/ /de rnams ston par byed pa ni bdag med pa la sogs pa ston pa'o/ /rnyed par dka' ba'i don dang dga' bar byed pa'i don gyis na dkon mchog ste/ sangs rgyas chos dang dge 'dun no/ /dkon mchog rnams ni gsum yin pas dkon mchog
 gsum mo/ /de che ba'i bdag nyid kyis ngo bo nyid ni che ba'i bdag nyid de dkon mchog gsum gyi bdag nyid che'o/ /de ston par byed pa ni dkon mchog gsuM gyi che ba'i bdag nyid sgrogs pa'o/ gang dang gang bdag med pa la sogs pa rnams ston pa dang/ dkon mchog
 gsum gyi che ba'i bdag nyid sgrogs pa de ni sangs rgyas kyi gsung yin te/ dper na slob ma'i theg pa bzhin no/ /slob mir? theg pa dang 'dra pas slob ma'i theg pa bzhin te/ nges na theg pa chen po ni sangs rgyas kyis gsungs pa yin no/ /ma yin te sde
 snod gsum po nyid thob pa'i rgyu yin gyi/ theg pa chen po yang bdag cag la ma grags la/ de sangs rgyas kyi gsung yin par yang ma grub pas phyogs gnyis ka lam grub pa'i skyon yod pa'i phyir ro zhe na/ nyon mongs pa can ma yin pa'i
 mi shes pa rang byung phyin ci ma log par skad cig ma gcig gas chos thams cad mngon par rtogs pa'i ye shes kyis rab tu spangs shing mi dmigs pa la goms par byams pas shin tu bral bar gyur pa ni theg pa gzhan
 nyid du 'di sangs rgyas kyi gsungs pa yin pas gnyi ga la ma grub pa ma yin no/ /phyir rtol tshad ma gnod pa'i phyir/ /de'i gtan tshigs ma grub nyid/ /gang dag gi phyogs snga mar/ theg chen sangs rgyas gsungs ma yin/ /mdo sde sogs
 su ma bsdus phyir/ /rigs byed mdza' pa'i lta ba bzhin/ zhes gang smras pa'i tshad ma de la yang lan btab pa'i phyir gang gis 'di la gnod par 'gyur ba bsgrub cing brjod par bya'o/ /gang gis mdo sde la sogs par ma bsdus pa'i phyir zhes bya ba'i
 gtan tshigs de ni ma grub pa nyid de/ ji ltar zhe na/ theg pa chen por bstan pa'i bden pa la sogs pa ni 'dul ba la sogs pa'i nang du bsdus pa'i phyir te/ gang 'di ltar sdug bsngal dang kun 'byung ba dang 'gog pa dang/ lam gyi bden pa
 dang/ dbang po dang stobs dang/ byang chub kyi yan lag dang/ lam dang stobs bcu dang mi 'jigs pa dang/ so so yang dag par rig pa dang/ sangs rgyas kyi chos ma 'dres pa la sogs pa theg pa chen por bstan pa de dag nyid 'dul ba dang/ mdo sde dang
 chos mngon pa rnams su yi ge de dang tshig de dag dang /gsal byed de dag nyid kyis bstan te/ de rnams bsgom pas nyon mongs pa spong bar kun kyang mtshungs so/ /khyad bar ni theg pa chen po mi dmigs pa'i tshul gyis shes bya'i sgrib pa spangs pa
 ni bcom ldan 'das 'ba' zhig yin no/ /'dis ni 'dul ma la sogs par bstan pa'i bden pa la sogs par ni theg pa chen po thams cad du bstan pa yin pas mdo sde la sogs pa dang/ theg pa chen po phan tshun bsdus ba yin te/ don
 gyis na mdo sde la sogs pa'i nang du theg pa chen po bsdus pa yin pas gzhan gyis gtan tshigs ma grub par ston to/ /yang 'dir 'phags pa'i bden pa la sogs pa kha cig dang theg pa chen po ldan du zin kyang sde pa tha dad kyi gtsug lag mang pos
 phyogs snga mang bdag cag gi bkod ba gang yin pa de dag dang 'gal lo zhe na/ brjod par bya ste phyin ci log la mngon par zhen pa'i bag chags kyi blo sgos pa khyod kyis theg pa chen po'i gtsug lag gi don nges par ma bzung bar smra bar byed pa de la
 bdag gis brjod par bya'o/ /theg pa chen po ni sangs rgyas kyi gsung pa nyid yin te/ chos kyi phyag rgya dang mi 'gal pa'i phyir dang gang 'phags pa'i bden pa'i mdo sde la yang 'jug /nyon mongs pa 'dul ba la yang yang dag par mthong/ rten cing
 'brel bar 'byung ba'i chos nyid dang yang mi 'gal ba nyid ni sangs rgyas kyi gsung yin no/ /zhes bya ba de thams cad theg pa chen po la 'grub pa'i phyir ro/ /yang na sde pa bco brgyad po rnams kun gyi yang rang rang gi mdo sde la sogs pa la 'jug
 pa yin gyi/ phan tshun ni 'gal ba cher yod pa yin no/ /theg pa chen po yang gzhan la phan pa'i dbang du byas pa'i zab pa dang rgya che ba'i tshul gyis nyan thos kyi mdo sde la sogs pa'i sde snod la 'ga' zhig mi 'jug tu zin kyang/ theg pa chen
 po'i mdo sde la yang 'jug/ byang chub sems dpa' i bslab pa'i gnas bdun brgya la yang snang/ stong pa nyid du bstan pa'i chos nyid dang yang mi 'gal ba'i phyir ro/ /de ltar na chos kyi phyag rgya dang 'gal ba med do/ /'di'i phyir yang theg pa chen
 po sangs rgyas kyi gsungs pa yin te/ rtsa ba'i sdud par byed pa po kun tu bzang po dang /'jam dpal dang gsang ba'i bdag po dang/ byams pa la sogs pa rnams kyis bsdus pa'i phyir ro/ /bdag cag gi rtsa ba'i bsdus par byed pa nyan thos ni ma yin
 te/ theg pa chen po'i gsung rab ni de dag gi yul ma yin pa'i phyir ro/ /ji skad du shing sha pa'i tshal gyi mdo las kun dga' po shing shi pa'i tshul 'di la 'dab ma ji snyed yod pa bas lhag par mang ba'i chos ngas rtogs par
 gyur na yang khyed la ni ngas ma bstan te/ de snyed nyid kyis ngan bya ba byas pa'i phyir de dag nyid kyis ni khyed skyo bar yang mi 'gyur/ 'dod chags dang bral bar yang mi 'gyur ro/ /zhes bya ba dang /de bzhin du bla ma kun dga' pa ta li/ /sdug bsngal
 phung po sa po dang/ 'char byed stong pa 'char pa dang/ /gang po spangs pa raM pa dang/ /mya ngan 'das dad yul 'khor skyong/ /zhes bya gzhan yang 'gro ba'i mdo/ /rtsa pa'i sdud par ma tshangs bas/ /rgyas pa min par rtogs par bya/ /'di ltar bla ma'i
 mdo sder lha'i dbang po brgya byin gyis smras pa/ btsun pa bla ma bcom ldan 'das kyi nyan thos ji snyed cig 'dzam bu'i gling na rab tu gnas pa thams cad kyi sems la bltas na chos kyi rnam grangs 'di'i 'dzin par byed pa ni btsun pa bla ma khyod
 ma gtogs pa dge slong gcig kyang med kyis/ btsun pa bla ma chos kyi rnam grangs 'di ni bcom ldan 'das kyis gsungs pa'i chos kyi rnam grangs yin gyis/ /khyod kyis gzung zhig ces bya ba ste/ 'di'i rjes su dpags nas gzhan dag
 kyang de'i dus na med par shes par bya'o/ /gang yang bcom ldan 'das mya ngan las 'das nas ring po ma lon pa dang/ 'phags pa kun dga' po yang yod bzhin du sangs rgyas kyi gsung rab rab tu shes pa dang shes par gyur pa med na da ltar
 lta ga la yod/ gzhan kun dga' bo'i mdo las/ bcom ldan 'das bsgres par gyur pa'i gnas skabs na 'phags pa kun dga' bo la bsnyen bkur bar bka' stsal te/ das bstan pa'i chos rnams kyang 'dzin par nus zhes bya ba nas des gsol
 ba/ bdag lo nyi shu lhag tsam zhig bcom ldan 'das kyi thad du gnas par bgyi lags so/ /zhes bya ba dang de nyid las chos kyi phung po stong phrag brgyad cu zhig bcom ldan 'das kyi thad nas bdag gis gzung ngo/ /gnyis ni dge slong dag las so zhes bya ba ste /'dis ni 'di
 ltar rtogs bar bya ste/ gang bcom ldan 'das kyis sngar bstan pa de dag de ma gzung ba nyid yin la/ de nyid de la yang bstan to zhes bya ba yang mi rigs te/ gang dge slong dag la gzung bas so/ /lo bzhi bcu'i bar gyi dus de srid cig chos nyung zad cig bstan
 bar yang mi rigs so/ /gal te 'phags pa kun dga' bos thams cad rtogs par 'gyur ro zhe na/ de lta na ni bla ma'i mdo las lha'i dbang po brgya byin gyis chos kyi rnam grangs 'di 'dzin par byed pa'i dge slong ni gcig kyang med do zhes smra bar mi 'gyur ro/ /de lta
 bas na kun dga' pos thams cad gzung ba ma yin no/ /de'i phyir nges bstan cing yang dag par sdud pas yang dag par bsdus pa der ni sangs rgyas kyi bka' rgyas par mthong ba ma yin no/ /pa da li'i mdo las bcom ldan 'das kyis bka' stsal pa /pa da
 li gang gis tsho 'khor nyung zad dang lhags par gyur pa de'i tshe gang nas dge slong gi dge 'dun la rta cang shes bzang po'i rte'u zhes bya ba'i chos kyi rnam grangs bstan te zhes bya ba la sogs pa 'byung ste /mod de yang mthongngo/ /gzhan yang sdug bsngal
 gyi phung po'i mdo las bcom ldan 'das kyis shAkya ming chen las brtsams nas/ da dus gcig gi tshe na rgyal po'i khab na gnas pa las/ ri'i lam nas da ri ngos bzang la gshegs pa na der das gcer bu ba mgo 'thur du bstan pa ngas mthong
 ste/ de la ngas 'di skad ces smras so/ /zhes bya ba la sogs pa rgyas par 'byung ba'i mdo sde de lta bu yang ma mthong ngo/ /sa pa'i mdo las bcom ldan 'das kyis bka' stsal pa/ dus gcig na nga rgyal po'i khab na bzhugs pa'i tshe ril 'gro ba'i lam
 du gzhan mu stegs byed kun tu rgyu mang po zhig da'i thad du lhags so/ /lhags nas da la don 'di dag 'dri bar sems so zhes bya ba la sogs pa rgyas par 'byung ba'i mdo sde de yang ma mthong ngo/ /yang 'char byed kyi mdo las/
 rnam grangs kyang yod de/ gang ngas tsher ba bzhi bstan pa'o/ /zhes bya ba'i mdo de yang ma mthong ngo/ /stong pa nyid kyi mdo las kyang /'phags pa kun dga' bo la bka' stsal pa/ bcom ldan 'das shAkya rnams kyi chong 'dus na bzhugs so/ /der bcom
 ldan 'das kyis bka' stsal pa'i don kun shes te/ zhes bya ba nas kun dga' bo da ni stong pa nyid la mang du gnas so zhes bya ba la sogs pa 'byung ste/ mdo de yang ma mthong ngo 'char ba'i mdo las bcom ldan 'das kyis bka' stsal pa/ rgyal po
 chen po nges dran te dus gcig tu thams cad shes pa dang thams cad mthong ba'i dge spyod ngam/ bram ze 'ga' yang ma byung 'byung bar mi 'gyur/ da ltar mi 'byung ste/ de ni gnas ma yin no zhes bya ba ste/ mdo de yang ma mthong ngo/ /gang po'i mdo
 las gnas brtan kun dga' bos smras pa/ tshe dang ldan pa gang po zhes bya ba dge slong gnas brtan byams ma zhes bya ba'i bu sngon gsar bur gyur pa na 'di lta bur zab pa zab pa'i ngo bo'i chos kyi gtam brjod pa dang ldan pa ni zhes bya ba rgyas
 par 'byung ba'i mdo sde de yang ma mthong ngo/ /sbas pa'i las/ lo byed kyi smras pa/ dge sbyong gau ta ma ni ta ka na bzhugs pa'i dus gcig na gu 'dzi ka'i bsti gnas su zhes bya ba rgyas par 'byung ba na der ji skad du/ bcom ldan 'das gau ta mas
 thams cad la bsam gtan bsngags par mdzad do zhes bya ba la sogs pa'i mdo de yang ma mthong ngo/ /ram pa ka'i med pas der bcom ldan 'das kyis dge slong lnga ste las brtams te bka' stsal pa/ nga sngon rab tu ma byung zhing khyim par gyur
 phan 'di ltar bsams shing bslabs te/ khyim na gnas pa ni gnod pa dang bcas par gyur pa'o/ /zhes rgyas par 'byung pa'i mdo de yang ma mthong ngo/ /yongs su mya ngan las 'das pa chen po'i mdo las/ gnas brtan kun dga' bos tshe dang ldan pa ma 'gags pa la
 smras pa/ ngas bcom ldan 'das kyi thad nas mngon sum du thos shing mngon sum du gzung ba yin te/ sangs rgyas bcom ldan 'das rnams ni bsam gtan bzhi pa la snyoms par zhugs shing g.yo ba med pa'i zhi ba? rtogs nas mig dang ldan pa/ yongs su
 mya ngan las 'da' o zhes 'byung ba mdo de yang ma mthong ngo/ /'phags pa yul 'khor skyong gis smras pa/ rgyal po chen po bcom ldan 'das kyis yang dag bar mkhyen cing gzigs nas de bzhin gshegs pa dgra bcom pa yang dag par rdzogs pa'i sangs
 rgyas kyis skyo bar 'gyur ba'i lam bzhi bo 'di gsungs te/ ji srid smra bar gyur ba ste/ rgyal po chen po 'jig rten 'di ni doms pa med pa sred pa'i khol po'o zhes bya ba'i bar du ste/ mdo de yang ma mthong ngo/ /'gro pa'i mdo las kyang/ mgon med zas sbyin
 gyis smras pa/ bdag gis bcom ldan 'das kyi thad nas mngon sum du thos shing mngon sum du bzung ste/ kun dga' ra ba byas nas sngo bar byed pa'i sems can yang yod do/ lus zhig nas shi ba'i 'og tu bde 'gro? mtho ris kyi 'jig rten du lha rnamS
 kyi nang du skye bar 'gyur ro/ /zhes bya ba rgyas par 'byung nas sa phan yon ston cing sbyin rabs brjod pa'i rgyus skye pa yang yod do zhes bya ba'i bar du 'byung ba'i mdo de yang ma mthong ngo/ /de bzhin du mdo gzhan dag kyang shes par bya ste/ mi smra pa'i dngos
 po'i mdo las/ maung+gal gyi bu la sangs rgyas kyi gsung gis sngar bka' stsal ba bzhin du maung+gal gyi bu khyod kyis 'phags pa'i mi smra ba sgoms shig /bag med par ma byed cig ces bya ba dang/ gnas par bya ba'i mdo las/ 'phags pa'i gnas pa 'di la 
 bag med par ma byed cig/ ces bya ba 'byung ba'i mdo de dag kyang ma mthong ngo/ /yongs su mya ngan las 'das pa chen po la sogs pa'i mdo de ltar yod pa'i mdo mang po rnams kyang mod tha dad kyi nang nas tshig so sor 'byung ngo/ /de
 lta bas na de dag dang bzhan yang mdo mang po dag nyan thos kyi theg pa la da ltar sangs rgyas kyis gsungs pa rgyas par mi snang ba yin pas shes par bya'o/ /gang yang rtsa ba'i sdud par byed pa po 'od srungs chen po la sogs pa dgra bcom pas
 byas pa de ni da ltar nyams te/ sde pa tha dad kyi lung las tshig gi mdo rnams rnam par bzhag pa tha dad pa'i phyir ro/ /lung gi tshig de dag gi khyad par bsdus pa'i mdo de dag gi tshig gi don bsdus pa rnams kyang yang tha dad du 'don pa'i phyir dang/ /
 ? gzhan yang ma gtogs shing mi 'gal ba mngal du 'jug pa dang/ dga' ba can dang tsha'i mthar thug pa zhes bya ba'i ming can rnams nye bar mthong ste/ de ltar na sdud par byed pa yang 'chol bar gyur pas de lta bu dag la sangs rgyas kyi
 bka' rgyas par bzhugs par ji ltar yid ches par nus/ /gcig nas gcig tu brgyud pa las thos pa gcig las 'gos pa yang brgya'i bar bu yang yod do zhes thos so/ /gzhan yang theg pa chen po la yang gsung rab gzhan nyid
 yin na tha dad kyi sdud par byed bas ga la sdang par 'gyur te/ phan tshun 'gal ba na sdud par byed pa tha dad pa yin pa'i phyir ro/ /gang gi phyir 'di ltar don dam par stong pa nyid la sogs pa bdag med pa dang ldan pa'i mdo ni 'phags pa mang pos bkur
 pa nam mkhas mi len to/ bar ma de'i srid pa srid pa bdun pa dang ldan pa la sogs pa ni sa ston sde pa la sogs pa khas ma len to/ /de bzhin du 'dul ba las kyang gnas ma bu pa rnams kyi las ni dus ma yin par bu ram bza' ba la sogs pa
 dkag go /thams cad yod par smra ba rnams kyi las ni bza' zhing longs spyod par snang ngo/ /de dag gi mdo las ni bdag yod pa nyid du rjes su bsngags so/ /thams cad yod par sma ba rnams kyis ni spong ngo/ /de bzhin du kha cig ni bdag med par smra ba'o/ /kha cig
 ni gang zag tu smra ba'o/ /kha cig ni 'dus byas thams cad skad cig mar 'dod do/ /la la ni skad cig ma gnyis su 'dod do/ /la la ni sa 'di bskal pa'i mthar gnas par 'dod do/ /la la ni mya ngan las 'das pa rdzas su yod par 'dod do/ /kha cig ni ming tsam bu'o//
 kha cig ni srid pa bar ma 'dod do/ /gzhan dag ni mi 'dod do/ /kha cig ni bcom ldan 'das kyis mngon par rtogs pa skad cig ma gcig tu 'dod do/ /gzhan dag ni skad cig ma bcu drus nyid du 'dod de/ /de ltar na snga ma bzhin du 'gal bar gyur pas sde pa
 tha dad kyi gsung rab rnams sna tshogs su gyur pas na gtsug lag nyid kyang re zhig bsgrub par bka' bas sdud par byed pa tha dad kyis ma bsdus pas theg pa chen po sangs rgyas kyis bka' ma yin/ /gzhan yang gang dag de bzhin gshegs pa ni
 mngon par rtogs pa ji lta ba bzhin yin gyi de las gzhan du ma yin pas mngon par rtogs pa rtag pa yin pa'i phyir de bzhin gshegs pa rtag pa zhes bstan gyi mi 'gyur ba ni ma yin no/ /khyad par du shes par 'dod na lang kar gshegs
 ba'i mdo las blta bar bya'o/ /rgyun gyi rjes su 'jug pa skad cig gis 'jig pa'i ngo bo la yang rtag pa zhes bya pa'i sgra yod de/ ji ltar chu klung ni rtag tu 'bab po/ /me ni rtag tu 'bar ro zhes bya ba ste /de ltar na 'dus byas thams cad mi rtag go zhes bya ba
 dang mi 'gal lo/ /de bzhin gshegs pa ni khyab pa'o/ /zhes bya ba ni ye shes kyi shes bya ma lus pa la khyab pas yin gyi/ khyab 'jug dang 'dra bar thams cad du gnas pa nyid ni ma yin no/ /de bzhin gshegs pa'i snying po can zhes bya ba yang stong pa nyid
 dang/ mtshan ma med pa dang smon pa med pa la sogs pa rnams sems can thams cad kyi rgyud la yod pa'i phyir yin gyi/ nang gi byed pa'i skyes bu rtag pa thams cad du khyab pa lta bu ni ma yin te/ ji skad du chos thams cad ni stong
 ba nyid dang mtshan ma med pa dang smon pa med pa'i ngo bo gang stong pa nyid dang/ mtshan ma med pa dang/ smon ba med pa de ni de bzhin gshegs pa'o zhes bya ba la sogs pa 'byung bas so/ /len pa'i rnam par shes pa yang 'khor bar 'jug pa dang ldog
 ba'i gyur gyur pa/ chu bo chen po'i rgyun bzhin du 'bab pas 'jug tu zin kyang/ skad cig ma nyid kyi rgyun gyi 'jug pa yin gyi/ bdag dang 'dra bar ni ma yin pa'i phyir/ bdag med pa'i chos kyi phyag rgya dang mi 'gal lo/ /sangs rgyas mya ngan yongs mi
 'da' zhes bya ba dang/ nyon mongs pa'i sgrib pa dang/ shes bya'i sgrib pa spangs su zin kyang gdul ba'i skye bo la bltos nas chos nyid kyis thob pa'i skye ba kha cig tu ni 'bar bar mdzad la/ yang gang dag tu gdul ba'i skye bo'i zhing med par gyur pa
 de dag tu ni mya ngan las 'das par yang ston te/ 'gro ba gzhan dag tu shing med pa'i me bzhin no/ /yang gzhan dag tu ji ltar bzhed pas sangs rgyas kyi mdzad pa dang/ mya ngan las 'das pa yang ston pa yin gyi/ gtan du yongs su mya ngan las 'da' 
 ba ni ma yin te/ sems can gyi khams ma lus pa mthar thug par bsgrub par bya'o/ /zhes smon lam btab pa yod pa'i phyir ro/ /mya ngan las 'das pa yang mya ngan las 'da' ba bstan pas 'dul ba
 rnams skyo ba bskyed pa'i phyir ro/ /rnam grangs kyi mya ngan las 'das pa yang yod pa'i phyir ram/ 'khor ba dang zhi ba la mi gnas pa'i mya ngan las 'das pa yang yod pa'i phyir te/ dngos pos mya ngan nga mi 'da' / mdzad pa nyid dang mtshan gyis
 min bshes dang shes bya'i rnam rtog las/ /'das bas nga ni mya ngan 'da' / /zhes bya bas rnam par rtog pa spangs pa'i mya ngan las 'das pa khas blangs pa'i phyir mya ngan las 'das pa zhi ba dang 'gal ba yang ma yin no/ /nyan thos chen po rnams lung bstan pa yang
 sangs rgyas kyi bka' ma yin te/ nyan thos gang dag gi rig la dgongs nas lung bstan pa yin te /sems can gyi rigs gang dbang po rno ba gang yin pa de lta bus gzhan gyis don rab tu sgrub pa'i thabs la mkhas pa bla na med pa'i 'bras bu khyad par can
 thob par 'dod pas 'bras bu'i mchog 'dod pa nyid kyis mchog nyid du gyur pa yang yod de/ byang chub sems dpa' bzhin no/ /sems can gyi rigs gang dbang po brtul ba bdag gi don sgrub par byed pas gang zag la bdag med pa tsam goms par
 byas pas 'bras bu dman pa nyid kyis dman pa'i khyad par nyid thob par gyur pa yang yod de nyan thos dang /rang sangs rgyas bzhin no/ /sems can gyi rigs gang dag khyad par can la 'dod pa bskyed pa na yang 'bras bu dman pa thob pa yang yod de/ ji ltar
 rang sangs rgyas bse ru ltar spyod pa dag gis byang chub kyi tshogs bskal pa brgya'i bar du bsags nas rkyen 'ga' zhig gis byang chub chen po las phyir log par 'gyur ba lta bu'o/ /sems can gyi rigs gang dag dbang po rnon po dang ldan du zin na
 yang dman pa'i khyad par 'dod cing thabs la mi mkhas par gyur pas dang por nyon mongs pa spong par byed pa la gang gis tshe byang chub chen po'i bskal pa yod par mthong ba na de bzhin gshegs pas lung nod par mdzad do/ /de de'i rjes la las dang
 nyon mongs pa spangs pa nas yin pa yang chos nyid kyis thob pa'i skye bas byang chub chen po'i tshogs khyad par can nyid bsags nas khyad par can gyi rtogs pa thob par 'gyur te/ nyan thos chen po shA ri'i bu la sogs pa bzhin te/ de dag ni chos bcu pa'i mdo
 las bstan to/ /yang na sngar nyon mongs pa'i sgrib pa spang bar byas nas phyis shes bya'i sgrib pa spong bas yongs su sbyang ba byas nas thams cad mkhyen pa nyid du 'gro bar 'gyur ro/ /gang yang sa bon mes tshig pa la myu gu 'byung bar mi 'gyur pa
 bzhin no zhes zer ba yang mi rigs te/ bdag cag kyang yang de nyon mongs pa'i skye ba'i myu gus yang 'byung bar mi 'dod do/ /de ltar na yang nyon mongs pa med pa'i shes bya'i sgrib pa spang pa'i phyir sangs rgyas bcom ldan 'das rnams kyis bskul pa na
 rab tu sbyor bar byed de/ des dang por ni lhag pa'i bsam pa dag pa'i sa nas nye bar bzung nas byang chub sems dpa' i spyod pa nyon mongs pa can ltar spyod na yang kun nas nyon mongs pa med pa'i byang chub sems dpa' i spyod pa yin par blta bar bya'o/
 gang 'di skad du sa bdun pa ni nyon mongs pa dang bcas pa yang ma yin/ /nyon mongs pa med pa yang ma yin zhes zer ba ni nyon mongs pa'i kun tu rgyu ba med pas nyon mongs pa dangbcas pa dang ma yin la de bzhin gshegs pa'i ye shes 'dod pa'i bsam
 pa rdzogs par ma gyur pas nyon mongs pa med pa yang ma yin zhes brjod par bya'o/ /bskal pa grangs med pa gnyis pas yongs su rdzogs pa'i sa brgyad pa la ni sbyor ba las byung ba'i spyod pa thams cad nas thams cad du yongs su rdzogs par 'gyur ro//
 nyon mongs pa dang bcas pa'i spyod pa yongs su rdzogs ma thag nyid du byang chub sems dpa' nges byang chub sems dpa' i gnas pa zab mo dben pa la gnas pa thob par 'gyur ro/ /de ni 'gog pa la snyoms par zhugs pa'i dgra bcom pa bzhin du
 gang gi che skye ba med pa'i chos la bzod pa la gnas pa de'i tshe de la sangs rgyas bcoM ldan 'das rnaMs kyi bslang bar ma mdzad na de nyid du mya ngan las 'da' bar 'gyur ro/ /zhes bya ba ni mdo'i tshig yin no/ /skye ba med pa'i chos la bzod pa de'i nyon mongs
 pa'i sgrib pa spangs pa ni dgra bcom pa dang 'dra bas bsil bar gyur cing/ 'khor bar 'jug pa dang bral ba'i tshe la dbang ba la sogs pa dbang bcu rab tu thob ba de la dbang bar gyur cing/ rdzu 'phrul gyi rkang pa bzhi shin tu goms pas bdud bzhi las rnam grang
 rgyal zhing sems can gyi don la ro gcig par gyur pa la sgrib pa med pa'i byams pa la gnas pa yid bzhin gyi nor bu dang/ sman gyi sdong bu dang dpag bsam gyi ljon pa dang 'dra ba'i lus kyis gang dang gang sems can la mngon par bsgrub pa da dang de
 sems can gyi rgyu la bsams pa bzhin du 'bras bu stsol bar 'gyur te mig dug can bzhin no/ /shes rab kyi pha rol tu phyin pa las kyang don 'di nyid bstan te/ lha'i bu gang dag bla na med pa yang dag par rdzogs pa'i byang chub tu sems ma bskyed pa dbang
 po rnon po la sogs pa de dag ni bla na med pa yang dag par rdzogs pa'i byang chub tu sems bskyed par bya'o/ /gang dag yang dag pa'i skyon med pa la zhugs par gyur pa de dag ni bla na med pa yang dag par rdzogs pa'i byang chub tu sems bskyed pa'i nus pa yod pa
 ma yin no/ /de ci'i phyir zhe na/ des 'khor bar 'jug pa'i mtshams bcad pa'i phyir ro/ /gang yang bse ru dang dman pa'i rigs kyi 'bras bu can dag kyang bla na med pa yang dag par rdzogs pa'i byang chub tu sems skyed par byed na/ de dag la yang
 rjes su yi rang ngo/ /gang yang khyad par can gyi rigs dag thabs la mi mkhas pa nyid kyis nyon mongs pa spangs par gyur na/ yang dman pa las khyad par can gyis rtogs par 'gyur te/ de ci'i phyir zhe na/ nyan thos la sogs pa'i chos las khyad par
 du 'phags shing 'jig rten las shin tu 'das shing khyad par 'phags pa'i mchog /rnam pa thams cad mkhyen pa'i chos la dmigs par byed pas so/ /de ltar na nyan thos la sogs pa lung bstan pa mi rigs pa ma yin no/ /yang na gzugs ni gang dang yang?
 rnams kyis lus can rnams ni 'dul gyur pa/ snying rje'i dbang gis de dang der/ /de bzhin gshegs pa ston par mdzad/ /gang gi phyir sa brgyad pa'i byang chub sems dpa' kho na nyon mongs pa dang bral ba dgra bcom pa dang 'dran yang thabs
 kyis 'dod pa'i yon tan lnga mngon par sprul nas byang chub sems dpa' rnams dang gros su mdzad de/ rgya che zhing rnam par mang ba'i nyon mongs pa can lta bu'i spyod pa yang ston par mdzad de/ sems can rnams skyo ba bskyed pa'i phyir gling bzhi pa dag
 kyang gtong ste /ci skad du 'bar ra ru tses sangs rgyas kyi mdzad pa las /bdag nyid gcig las mang po nyid/ /mchog tu legs par mdzad pas sprul/ /tha dad ma gyur bden dngos las/ /bdag dang lhan cig dga' bo zhes/ /myos pa rnams dang lhan
 cig de/ /rgyags shing myos pas myos ma dang/ /'dod pa'i rgyags pa las brgal kyang/ /'dod pas myos ma rnams dang brtse/ /rnal 'byor ye shes me yis ni/ /'dod pa'i 'dod chags bsregs gyur kyang/ /de yi sems la 'dod pa ni/ /'byung ba lta bu
 nyid du ston/ /de ltar da ni spyod pa dang bcas rmi lam sgyu ma ltar/ /myos pa'i dbang gyur de dag 'dun phyir brtse ba nyid du byed/ /mi g.yo brtan pa'i sems can sems can kun gyi sems can cig /legs par spyang bas gnyid spangs gnyid ces
 bya ba'i gnyid kyis log ces 'byung bas/ de lta bas na 'dod chags dang bral bar gyur na yang snying rje'i dbang gis nyon mongs pa'i spyod pa sprul pa'i gar stabs ston par mdzad do/ /gang dag byang chub sems dpa' srid pa tha ma ba la gnas pa
 ni 'dod pa la dga' ba bstan par gyur nas sras kyang bltam par gyur to/ /zhes zer ba de dag gis ltar na ni sangs rgyas nyid kyang med de/ tshul khrims 'chal par gyur pas so/ /tshul khrims kyi pha rol tu phyin pa med par gyur na ni tshul khrims
 kyi pha rol tu phyin pa med pas pha rol tu phyin pa thams cad kyang med de/ gang gi phyir tshul khrims 'chal pa ni sbyin pa med do/ /bzod pa yang med do/ /brtson 'grus kyang med do/ /bsam gtan yang med do/ /shes rab kyang med do zhes gsungs pa ste/ de ltar na
 pha rol tu phyin pa med pas sangs rgyas kyang med par thal bar 'gyur ro/ /gzhan yang mi rigs pa mang du yod de/ thams cad mkhyen pa nyid dang nye bar gyur cing mthu phun sum tshogs par gyur pa gang gis yum gyi lhums su 'jug cing 'byung ba de dag gi
 tshe 'jig rten thams cad du snang ba rgya chen pos gsal par gyur na yang thos pa dang ting nge 'dzin dang/ snyoms par 'jug pa la dbang thob pa ma yin zhing nyon mongs pa'i kun tu rgyu thams cad ma spangs pa yang mi rigs so/ /de ltar gyur na yang nyon
 mongs pa'i dbang gis 'dod pa'i khams su skye ba bzhes shing lhums su 'jug pa dang de nas gnas pa yang rigs pa ma yin no/ /bltams nas ring po ma lon pa na byang chub sems dpa' sus kyang ma brten par goms pa bdun du gshegs pa dang/ phyogs
 bzhir gzigs nas bdag gi skye ba tha ma 'di yin no/ /zhes gsungs pa yang brjod par mdzad pa de phyis sku rgyas par gyur cing dbang po yang yongs su smin pa na 'dod pa'i dga' ba la longs spyod cing bag med par gyur to/ /zhes bya ba yang mi rigs so//
 rang bzhin gyis skye ba du ma rjes su dran pas/ bcom ldan 'das 'od srungs las tshangs par spyad par byas shing byang chub kyi lam goms par byas nas dga' ldan du lha'i rigs drug la bos nas 'dir byon pa dang bdag dang/ gzhan gyi rga ba dang/ na ba
 dang/ 'chi ba'i chos kyi de nyid mi mkhyen pa dang/ mu stegs byed gzhan las byang chub kyi lam btsal ba byas pa dang/ bdag nyid gdung ba la rjes su sbyor bas gnas pa la lam gyi 'du shes byas nas dka' thub kyi sdug bsngal gyis gdung bar byed pa
 yang mi rigs so //dbu ma'i snying po'i 'grel ba rtog ge 'bar ba/ /bam po bco lnga pa/ /yang skye ba dran pa yang ma yin te/ bskal pa mi nyung bar bsod nams kyi tshogs bsags
 pa dang ldan zhing/ dran pa dang blo dang stobs chen po yang thob nas/ lhums su zhugs pa dran pa bsnyel cing 'khrungs pa tsam gyis de lta bu'i gsung brjod pa yang mi rigs so/ /byang chub sems dpa' srid pa tha ma pa ni bsam gtan dang gzugs med
 pa'i snyoms par 'jug pa bskyed nas nyams par gyur pa'o/ /zhes bya ba yang mi rigs ba 'am/ nyams par ma gyur na yang dka' thub spyad pas dag par 'gyur bar 'dod cing/ 'dod pa na spyod cing tshul khrims dang brtul zhugs mchog
 tu 'dzin pa'i lta ba mchog tu 'dzin pa yang mi rigs/ /gal te yang byang chub sems dpa' ni blo sngon du btang nas sems can gdul ba'i thabs kyi bye brag bzung ba'i don gyis ji skad smras pa de dag thams cad bstan pa yin no zhe na/ de lta bu
 thams cad ni sprul pa nyid kyis kyang mdzad par sbyod do/ /de lta bas na glo bur du skye ba yongs su 'dzin yang mi rigs la 'dod pa'i bsod nams kyi mdza' la sbyor ba dang/ bdag nyid dub pa'i mdza' la sbyor ba yang mi rigs pas brjod par mi bya'o/ /gal
 te 'di dag thams cad sprul pa yin na dka' ba'i spyad pa'i dus na las kyi 'bras bu yin te/ da sngon bram ze bla ma zhes bya bar gyur ba'i dus su yang dag par rdzogs ba'i sangs rgyas 'od srungs la dge sbyong mgo reg? la byang chub ga
 la yod/ byang chub ni shin tu dka' bas sgrub par bya ba yin no/ /zhes ngag tu brjod ba'i las de'i rnam par smin pas ngas lo drug tu dka' ba spyad pa yin no zhes ci'i phyir gsung bar gyur ce na/ da ni de ltar shin tu mun par gyur ba'i rigs
 dag bsal bar bya'o/ /ji ltar na de lta bu'i dgongs pa can dag la drang thad du dad par gyur nas spro bar byed/ gang khyim bdag mgon med zas sbyin gyis sangs rgyas zhes bya ba'i sgra sngan ma thas pa thos pa na ba sbu thams cad langs par gyur cing mchog tu
 dga' ba dang bde ba skyes te/ shin tu mthong bar 'dod bar gyur to/ /zhes bya ba dang/ yang bram ze bla ma sangs rgyas la skur ba btab pa yang gzhan du ma yin la skye ba gsum pa la sangs rgyas su gyur te zhes bya ba dang mya ngan las 'da' ba' i sgra yang
 kun tu sgrogs shing/ /bdud kyi sgra'i rgyal po de bzhin gshegs pas dril chen gyi sgras bdud bzhi las rgyal bar gyur cing/ 'chi bdag kyang shin tu pham par byas na/ ci zhig byed na mthar byed pa'i sgra bo'i gnod pa dang 'brel bar gyur yang bcom
 ldan 'das be sku tshe thung dun du 'jug pa'i phrin las ci zhig mdzad nas mi rnams kyi che? ched tsam du yang 'di ma gyur cing 'chi bdag gi dbang du gyur pa dang/ so so skye bo bzhin du gsung bar mdzad de/ kun dga' bo 'dzam bu'i gling 'di ni dga' 
 bar bya ba'o/ ri'i lam gyi ri 'di ni dga' bar bya ba'o/ /'dod pa thams cad dang yid du 'ong ba dang/ mjes? pa dang/ yid dang 'thad pa'i dngos po sna tshogs kyang byung bar gyur pa de dag thams cad kyang thar du 'gyur pa'o/ /zhes gsung bsgrags pa dang
 dge slong dag nga'i mdun du ma 'dug cig ces snyung ba na tshor bas nyin pa'i thugs skyo ba'i tshig gsung ba dang/ kun dga' bo la chu blangs pa la ni ring du 'gor ro/ /zhes ma dgyes par byung par gsung ba dang mya ngan dang smre sngags 'don pa dag
 gis nyams par gyur cing non nas/ /ba rlangs kyi du bas mun bar gyur cing gdong g.yogs par gyur pa'i dgra bcom pa stong snyed kyi bu dag smre sngags sna tshogs 'don cing du ba dang/ so so skye bo'i dge slong gi chags? brgya stong snyed du du ba dang/
 bcas pa dang/ kun nas mdza' yas pa'i dge slong gi dge 'dun las lung 'bor ba dang/ dge bsnyen dang dge bsnyen ma'i tshogs stong phrag snyed kyi stod g.yogs dang rgyan rnams 'bor bar byed cing mdo? dang lus rdul gyi g.yog par
 gyur cing mchi mas? gdong gi pad ma bangs par gyur pa dang/ sgra 'bal? ba dang/ spyi gtsug tu brdebs shing snying rje rje ltar du bar byed cing bzhin mi sdug pas smre ba dang/ lha'i bu brgya stong rgyan dang phreng ba dang/ lus kyi rgyan dang/ cod pan dang/
 gdub 'khor dang gos dang/ mgo rgyan dag skyur bar byed cing lag pa dbyug pa ltar bsgreng ba kun du g.yob par byed pas/ bdag nyid la mgon skyabs med par sems shing mya ngan byed pa dang/ shin tu g.yo ba'i mar me'i rtse mo la rlung gi
 shugs kyis rgyab pa ltar mi rtag pa'i rlung gi shugs kyis rgyab pa'i tshe'i mdza' mi rtag pa nyid kyi chu srin gyi ltor zhugs pa ni gang 'di skad bstan pa dang 'gal ba yin te/ skyes bu gang zag 'ga' zhig srog gcod pa rab tu spangs nas/ gang
 gi tshe sbyin pa sbyin par byed pa de'i tshe phun sum tshogs pa gnyis 'dzin pa yin te/ longs spyod chen po phun sum tshogs pa bsgrub pa dang/ tshe ring ba phun sum tshoD pa bsgrub pa'o/ /'dir bcom ldan 'das ni thams cad du srog gcod pa las
 shin tu log cing spangs par gyur pas dag par byas nas phyi dang nang gi bdag nyid kyi dngos po grangs med pa yongs su btang bas mchod sbyin chen po rtsom pa mdzad pa'i sku tshe ring po'i las bsags pa'i rnam par smin par cung zhig kyang mthong
 bar ma gyur pa de gang du zad par gyur/ grangs med pa gsum du bsags pa las lo bzhi bcu rtsa lngas 'bras bu byung bar ma gyur pa yang mi rigs so/ /bcom ldan 'das kyis phrin las kyi dbang gis yin no zhe na/ bcom ldan 'das ni 'jig
 pa thams cad las brol bar gyur pa yin na 'phrin las kyi dbang gis 'jigs pa mnga' ba'o zhes bya ba 'di mi rigs so/ /rgyun mi 'chad par yangs shing rgya che ba tshad med pa'i sku tshe ring bar 'jug pa'i las rnams mi dge ba'i las 'ga' zhig gis zil gyis
 mnan nas sku tshe thung ba'i las kyi rjes su rnam par smin par 'gyur ro/ /zhes bya ba ni gzhan dag zil gyis mnan nas de gcig pu smin par 'gyur zhes bya ba 'di lta bu ni shin tu rmongs par gyur pa rnams kyis gzung bar bya ba yin no/ /rdo rje ltar mi phyed par
 gyur ba'i bcom ldan 'das kyi sku/ mi dge ba'i chos thams cad spangs par gyur pa la snyun mnga' bar gyur nas mo'u 'gal gyi bu 'tsho byed la rmed du btang ba na/ des gnas brtan zhun mar ro/ /zhes bya ba'i bar gyis thams cad mkhyen pas 'tsho byed
 la rmed par byed pa yang rigs pa ma yin no/ /'di ltar yang grags te gnas brtan ku las tshangs pa mtshungs pa spyod pa rnams la smras pa/ tshe dang ldan pa dag bdag gis bsnyen bar rdzogs nas lo brgyad cu lhag gcig lon na mgon ba tsam
 yang nam yang byung bar ma dran te/ zhes smras pa dang/ de ni sman a ru ra gcig nad pa la sbyin pa byas pas rnam pa de lta bur gyur to zhes seng ge'i sgra bsgrags bar gyur to/ /nad pa la a ru ra gcig tsam byin pa'i rnam par smin pa yang de dang
 'dran/ bcom ldan 'das sbyin pa'i pha rol tu phyin pa yongs su rdzogs par gyur lta smos kyang ci dgos te 'gal lo/ /de lta bas na 'di dag thams cad ni sems can gyi don gyi ched du bcom ldan 'das kyi sprul pa yin te/ de ltar na bdag nyid nyan
 thos su sprul pa lung bstan pa yin pa 'am/ nyan thos kyi cha byad 'dzin pa shA ri'i bu la sogs pa'i ming gis brjod pa'i byang chub sems dpa' rnams lung bstan pa yin te/ ji skad du gcig ni nges par bzhugs pa dang/ gzhan dag nges par
 gzung ba'i phyir/ /rdzogs pa'i sangs rgyas rnams kyis ni/ /ma nges rnams la theg gcig bstan/ /ces 'byung ba bzhin no/ /yang gzhan dag ni bag chags kyi mtshams sbyor ba dang bcas par spangs pas grol ba ni de bzhin gshegs pa gcig
 pu yin gyi/ nyan thos dang rang sangs rgyas rnams ni ma yin te/ de dag la nyon mongs pa can ma yin pa'i mi shes pa yod pa'i phyir ro/ /de la nyan thos dang rang sangs rgyas rnams kyis kyang shes bya'i sgrib pa spangs pas bag chags dang bral bar gyur
 nas/ de bzhin gshegs pa'i mi rtog pa'i ye shes thob par 'gyur te/ de dag gis ye shes rnam par mi rtog pa nges 'bad ba med na yang sngon mngon par bsgrubs pa'i smon lam gyi mthus 'khor ba'i mdza' i bar du sems can la phan pa bsgrub cing gnas so
 zhes zer to/ /rtag pa nyid dang de bzhin gshegs pa'i snying po can nyid dang/ yongs su mya ngan las mi 'da' pa'i phyir nyan thos la sogs pa lung bstan pa nyid ni yang 'tsham zhing rigs pa yin zhes rjod par byed do/ /theg pa gcig ste gnyis dang gsum du med do zhes
 bya ba la sogs pa ma lus pa'i lung du dam pa'i chos pad+ma dkar po'i mdo ston par byed do/ /'di lta ste yi ge zhes bya ba ni gang ji ltar theg pa rnam par bzhag pa ston par byed pa yin no/ /don zhes bya ba ni gang chos kyi dbyings dbyer med pa la 'jug pa'i ye shes
 kyi tshul gcig pu'o/ zhes blo gros mi bzang bas bstan pa'i mdo laS 'byung ngo/ /de bzhin du theg pa thams cad theg pa gcig tu 'du bar 'gyur ro/ /zhes blo gros rgya mtsho'i mdo la sogs pa rnams las kyang 'don par byed do/ /yang theg pa chen po 'ga' las
 kyang dgra bcom pa rnams la dmod pa'i byed pa ni med de/ gang yang bu mo blo gros bzang mo'i mdo las yungs kar dang ri rab dang/ me? khyer dang/ nyi ma dang/ wa dang seng ge dang/ e ran? da dang/ tsan dan bzhin du nyan thos dang/ byang chub sems dpa' i khyad par bstan pa
 de yang rang gi ngo bo ji lta ba bzhin du gnas pa tsam smras pa byas pa yin gyi/ gang la yang dmad par 'am bstod par byas pa med de/ gang yang nor bu mching bu'i 'od pas ni yid bzhin gyi nor bu rin po che 'od shin tu chen por 'byung ba yin no zhes zer na
 ci des nor bu mching bu la dmad pa'am/ yid bzhin gyi nor bu la bstod pa yin nam/ yang rmongs pa gang dag rgya mtsho chen po dang ba lan gi rmig rjes kyi chu snyoms par byed cing/ ba lang gi rmig rjes kyi chu la 'di ni rgya mtsho chen po yin no zhes smra bar
 byed na ce de bzhad gang du bya ba ma yin nam/ de la nyan thos dang/ rang sangs rgyas kyi theg pa pa dag ni don nyung ba dang/ bya ba nyung ba dang/ gzhan la phan pa la rgyab kyis phyogs pa bdag nyid dul ba dang/ zhi ba la mngon par sbyor ba dang/ thar pa'i sa bon cung
 zhig la brten nas yungs kar gyi nang srin bus zos pa'i nam mkha' i tshad tsam gyis zag pa med pa'i ye shes thob pa de rnams su zhig gis dmad pa yin/ byang chub sems dpa' rnams ni bskal pa bye ba brgya stong dpag tu med pa rnams su dge ba'i rtsa ba nye bar
 bsags pa/ gzhan sdug bsngal bas sdug bsngal bar gyur pa sems can ma lus pa grol bar bya ba'i phyir dad pa dang ldan pa'i blo can nam mkha' i khams ma lus pa dang mnyam pa'i zag pa med pa'i ye shes kun nas sgrub pa'i phyir brtson pa dang ldan pa rnams
 ni bdag nyid mthu chen po mdza' med pa dang ldan par gyur pa de rnams ni su zhig gis bstod pa yin te/ ji skad du kun kyang sa bon chung ngu las/ /'bras bu shin tu yangs pa 'byung/ /sangs rgyas rgyu ni dpag med las/ /'bras bu dpag med bsam ci dgos/ /zhes kyang
 'byung ngo/ /khyim pa la phyag byed pa 'byung bas theg pa chen po ni sangs rgyas kyis gsungs pa ma yin na zhes bya ba yang 'jig rten dbang phyug la sogs pa'i byang chub sems dpa' rnams ni khyim pa ma yin de/ chags pa thams cad yongs su spangs pa rung?
 so so thar pa'i sdom pa yang dag par blangs pa dang/ byang chub sems dpa' i sdom pas byang chub kyi snying po la gnas kyi bar du bsdams pa'i phyir ro/ /gang yang de dag khyim pa la sogs pa'i gzugs su gnas pa ni sprul pa ston pa yin te/ de dag
 gis sems can yongs su smin par bya ba'i phyir yin pas de dag ni khyim pa yang ma yin la phyag mi bya bar gyur pa yang ma yin te/ ji ltar rgyal po ka pa ni gdul bar bya ba'i phyir thub pas 'khor los sgyur bar sprul na yang khyim pa yang ma yin zhing phyag
 mi bya ba yang ma yin par yang 'dod pa bzhin te/ gang gi phyir der 'khor los sgyur ba'i gzugs su bcom ldan 'das rgyan rnams kyang bzung zhing/ de na re khyod kyi mda''phongs dang zhes zer ba na mda' dang bcas pa'i gzhu blangs nas bkang ba dang/ 'khor der
 nyan thos chen po thams cad kyang blon po'i gzugs 'dzin par gyur cing rgyan rnam pa sna tshogs rab tu byung ba la ma gnang ba thogs par gyur pa nyid dang/ mnyan yod de nyid du bram ze rgyu can zhes bya ba 'dul ba'i dus su bcom ldan 'das tshangs pa'i
 gzugs zhal bzhi pa ral pa'i cod pan 'chang ba zhig tu gyur te zhes kyang 'byung ba dang ba shi ta'i rigs kyi bram ze mo gdul ba'i phyir mnyan yod de nyid du/ bcom ldan 'das kyis bram ze'i gzugs su mdzad nas bud med shi ba'i ro gcig
 bzung ste/ 'di ni bdag gi chung ma'o/ /zhes gsungs pa dang/ ke sa lar gar mkhan gdul ba'i don du bcom ldan 'das gar mkhan gyi gzugs su mdzad nas rdza rnga brdungs so zhes 'byung ba dang rtse lnga'i dri za gdul ba'i phyir bcom ldan 'das kyis dri za'i gzugs tha
 mal pa bzung nas pi wang blangs shing brdungs pa dang/ de bzhin du rab tu byung ba dang/ 'gal ba 'dul ba las bkag pa/ gzhan dang gzhan rdza mkhan gyi gzugs dang/ lcags mgar gyi gzugs dang/ stobs 'gyed pa'i gzugs dang/ rngon pa gzugs
 mi sdug pa la sogs pa khyim pa tha mal pa'i gzugs dang spyod pa dang/ smra ba ltar mdzad na yang bcom ldan 'das dang nyan thos de dag ni phyag mi bya bar 'os pa ma yin te/ ji skad du/ rgyan gyis brgyan par gyur kyang chos spyod de/ /zhi dang dul dang yang dag sdom tshangs spyod/ /sems
 can kun la chad pa spangs pa ni/ /de de bram ze dge sbyong de dag slong/ zhes gsungs pa lta bu'o/ /gal te khyim pa'i gzugs la ni khyim pa kho nas phyag bya ba yin gyis/ rab tu byung ba ni ma yin no zhe na/ yon tan gtso bor gyur pa'i phyir phyag bya bar 'os pa yin pas
 rab tu byung ba rnams kyis kyang phyag bya ba kho na ste /yon tan gtso bor gyur pa la phyag bya'i rtags la ni ma yin te/ yon tan dang bral bar gyur pa'i rtags ni shin tu dmang pa yin te/ ji skad du/ gang dag rab tu byung yang dngos po kun las nges ma byung/ /gang
 dag ngur smig bgos kyang sems kyi skyon ma spangs/ /gang dag lhung bzed thogs kyang yon tan snod ma gyur/ /rtags 'dzin byed kyang khyim ba ma yin dge slong min/ /chad ba med pa med pa'i sprin bzhin chu med khron pa bzhin du dang/ /lo rtog nyams pa bzhin dang myu gu mi
 'byung sa bon bzhin/ dge slong nyams pa'i dge slong de 'dra bde gshegs gsung/ /ri mo'i mar me bzhin du de ni yod min med ma yin/ zhes bya bas gang dag rtags blangs pa tsam gyis dregs par ci'i phyir bya ste/ rab tu byung ba'i rtags blangs pa'i don tshul
 khrims kyi phung po yongs su rdzogs par gyur pa'i nyan thos dang ? sangs rgyas rnams kyang byang chub sems dpa' rnams dang/ shin tu dbul por gyur pa dang/ nor chen po dang ldan pa bzhin du khyad par shin tu che ba ste/ de dag ni byang chub kyi sems bskyed pa
 nas bzung nas pha rol tu phyin pa drug gi dge ba'i rtsa ba bsags pas legs par gdams pa dang/ theg pa chen po'i gzhir gyur pa'i bzhon pa chen po can gyi deng dpon? chen po bzhin du skye bo'i tshogs mang po dang thun mong du gyur pa'i nor? can ni skyes bu dbul po
 le lo can lta bu'i nyan thos rnams dang yang mchungs pa ma yin na rtags tsam dang ldan pa'i rmongs pa gzhan dag dang lta smos kyang ci dgos/ de lta bas na yon tan dang ldan pa'i khyim pa rnams ni yon tan gyis dbul bar gyur pa'i rab?
 tu byung ba dag gi phyag bya ba kho na yin te/ sde pa bco brgyad phal chen gyi gzhung las kyang/ byang chub sems dpa' la phyag bya bar rab tu grags te/ ci ltar dge slong phal chen sde'i nang tshan don grub pa rnams rig pa 'dzin pa'i sde snod 'don ba na dge slong dag
 nga'i bla na med pa yang dag par rdzogs ba'i byang chub ni byams pa 'di la dad bas gang byams pa la mngon par phyag byed pa des ni bla na med pa yang dag par rdzogs pa'i sangs rgyas nga la phyag byas pa dang mchod pa byas bar 'gyur ro/ /nga gang dag gi
 ston pa yin pa dang/ gang dag gi mchod gnas bla na med pa yin ba de dag gis ni byang chub sems dpa' byams pa 'di la yang phyag bya ba dang mchod pa bya ba yang yin no/ /dge slong dang/ dge slong ma dang/ dge bsnyen dang/ dge bsnyen ma dang/
 'khor bzhi po thams cad kyis kyang rgyal tshab byams pa 'di la yang phyag bya'o/ /zhes bya ba'i bcom ldan 'das kyis bka' thos nas dgra bcom pa stong nyis brgya lnga bcus dus gcig dang dbyangs gcig gis 'di skad ces rgyal tshab du
 dbang bskur ba'i byang chub sems dpa' thams cad la bdag cag so so nas phyag bgyi'o/ /lha sbas dang lam sbas na gnas pa de dag la yang phyag bgyi'o zhes bya ba dang/ de nas 'jam dpal gzhon nur gyur pas gnas brtan rab 'byor la 'di
 skad ces smras so/ /gnas brtan rab 'byor gang de bzhin gshegs pas sems can gyi spyod pa brgyad khri bzhi stong zhig mkhyen ba de khyod kyis shes sam rtogs sam/ mthong dam de dag dang mthun par gtam brjod par byed nus sam smras pa/
 'jam dpal de ni ma yin no/ /gnas brtan ting nge 'dzin gang la snyoms par zhugs shing gnas na sems can thams cad lta ba dang/ sems can gi spyod pa brgyad khri bzhi stong lta bar byed pa dang/ shes par gyur nas ji ltar 'os pa bzhin du chos ston par 'gyur ba'i ting nge
 'dzin de la khyod mnyam bar 'jog nus sam smras pa/ 'jam dpal de ni ma yin no/ /de nas yang gnas brtan rab 'byor gyis 'jam dpal gzhon nur gyur pa la 'di skad ces smras so/ /'jam dpal yang byang chub sems dpa' 'ga' zhig sems can gyi spyod pa
 brgyad khri bzhi stong shes pa dang/ sems can gyi spyod pa brgyad khri bzhi stong dang rjes su mthun par chos ston par byed pa 'ga' zhig yod dam/ 'jam dpal gyis smras pa/ gnas brtan rab 'byor bcom ldan 'das la zhus shig /bcom ldan 'das kyis ston
 bar 'gyur ro/ /de nas gnas brtan rab 'byor gyis bcom ldan 'das la 'di skad ces gsol to/ /bcom ldan 'das sems can gyi spyod pa brgyad khri bzhi stong yang dag par 'tshal zhing/ sems can gyi spyod pa brgyad khri bzhi stong dang mthun par chos
 ston bar bgyid pa 'ga' zhig mchis lags sam/ bcom ldan 'das kyis bka' stsal ba/ rab 'byor chos thams cad ngo bo nyid kyis mnyam par rgyas pa zhes bya ba'i ting nge 'dzin yod de/ byang chub sems dpa' gang dag gis ting nge 'dzin de thob par gyur
 pa'i byang chub sems dpa' de thams cad ni sems can gyi spyod pa brgyad khri bzhi stong yang dag par shes shing sems can gyi spyod pa brgyad khri bzhi stong dang mthun par chos ston par yang byed/ nyan thos dang rang sangs rgyas kyi sa ma yin pa thams cad kyang
 shes par gyur ba yang yod do/ /de nas gnas brtan rab 'byor gyis bcom ldan 'das la 'di skad ces gsol to/ /bcom ldan 'das byang chub sems dpa' rnams ni ngo mtshar du bgyi ba lags so/ /bcom ldan 'das byang chub sems dpa' rnams ni rmad du
 byung ba'o/ /nyan thos dang rang sangs rgyas rnams kyi yul ma lags pa gang lags pa de ni byang chub sems dpa' rnams kyi yul lags so/ /nyan thos dang rang sangs rgyas rnams la ma mchis pa'i rdzu 'phrul byang chub sems dpa' 
 rnams la mchis te/ bcom ldan 'das de'i slad du byang chub sems dpa' rnams la phyag bgyi'o/ /zhes 'phags pa dge 'dun phal?  chen sde'i shar gyi ri bo la gnas pa gang dag la las kyi yul 'khor na gnas pa zhes kyang bya ba rnams kyi byang chub semS
 dpa' i sde snod las 'byung ngo/ /de nas bcom ldan 'das la gnas brtan 'od srung sa chen pos 'di skad ces gsol to/ /bcom ldan 'das 'di lta bu ci'i snga ltas lags/ bcom ldan 'das kyis bka' stsal pa/ 'od srungs chen po 'di ni byang chub sems dpa' 
 dra ba can gyi 'og kha dog gcig pa ste/ de'i 'khor yang 'di ltar gser gyi kha dog tu 'gyur ro/ /de'i 'khor rnams kyi mos pa dang gcig tu 'gyur te/ 'di ltar thams cad mkhyen pa nyid la mos par 'gyur ro/ /der nyan thos dang rang sangs rgyas ni ming yang med par
 'gyur gyi/ byang chub sems dpa' i dge 'dun chen po dang ldan pa'i sangs rgyas su 'gyur ro/ /de nas bcom ldan 'das la gnas brtan 'od srungs chen pos 'di skad ces gsol to/ /bcom ldan 'das byang chub sems dpa' rnams ni ngo mtshar du bgyi
 ba'o/ /bcom ldan 'das byang chub sems dpa' rnams ni rmad du byung ba'o/ /bcom ldan 'das nyan thos dang rang sangs rgyas rnams kyi yul ma lags pa gang lags pa de ni byang chub sems dpa' rnams kyi yul lags so/ /nyan thos dang rang sangs
 rgyas la ma mchis pa'i rdzu 'phrul gang lags pa de ni byang chub sems dpa' rnams la mchis te/ bcom ldan 'das de'i slad du byang chub sems dpa' rnams la phyag bgyi'o/ /zhes bya ba 'phags pa dge 'dun phal chen sde'i nub kyi ri bo la gnas
 pa rnams kyi byang chub sems dpa' i sde snod las 'don to/ /stobs dang mngon shes dbang thob pa/ /thub ba nyid ma rnal 'byor ba/ /kun tu bzang la sogs pa ni/ /sa bcu po la gnas bcas nas/ /khams gsum smra ba'i rtag gyur pa/ /smra ba thams cad pham mdzad ba/ /gang dag
 nyan thos rang sangs rgyas/ /rnams kyi spyod yul ma yin pa/ /chos de sems can rnams la ni/ /chos gsung ldan pa ston par mdzad/ /ces bcom ldan 'das la gsol ba dang/ tshe dang ldan pa maung+gal gyi bu chen pos bcom ldan 'das la 'di skad ces gsol to/ /
 sangs rgyas skyob pa gang rnams kyi/ /chos lta bcom ldan shin tu ring/ /byang chub sems dpa' rnams kyi yang/ /bdag gir gyur pa ma lags so/ /bcom ldan de slad bdag cag ni/ /byang chub sems dpa' rdzu 'phrul che/ /kun la thal sbyor dngos kun gyis/ /legs
 bar btud nas phyag bgyi'o/ /zhes dge 'dun phal chen sde pa'i bzang po'i lam pa pho brang dpal yon can ni gnas pa rnams kyis shin tu rgyas pa'i sde snod las 'don to/ /byang chub sems dpa' rnams kyi sku'i gsang ba gang dag yin pa dang/ gsung gi
 gsang ba gang dag yin pa dang/ thugs kyi gsang ba gang dag yin pa de dag la/ nyan thos dang rang sangs rgyas rnams kyi ye shes drug pa ma yin no/ /kun dga' bo byang chub sems dpa' rnams kyi skye ba lnga brgya tsam yang nyan thos dang rang sangs rgyas
 rnams kyi yongs su shes par mi nus so/ /gang yang spyan ras gzigs dbang phyug gi spyod pa bsam gyis mi khyab pa dag kyang nyan thos dang rang sangs rgyas rnams la med de/ kun dga' bo dang ming 'dzin pa tsam zhig byed pa'i sems can de thams cad kyang 'jiD
 pa de thams cad dang bral bar 'gyur ro/ /de skad ces bka' stsal pa dang/ tshe dang ldan pa kun dga' bos bcom ldan 'das la 'di skad ces gsol to/ /bcom ldan 'das 'di dpa' bo ni/ /mi 'dzigs snying rje'i bdag nyid can/ /spyan ras gzigs kyi dbang
 phyug ni/ /thub pa che la rab tu 'dud/ ces dge 'dun phal chen sde'i gangs kyi ril gnas pa rnams kyis skyes pa rab kyi sde snod las 'don to/ /'od srungs chen pos gsol ba/ 'gro ba'i mgon khyod gang gi tshe/ /sems can kun la sman
 bzhed nas/ /spyan ni phyung nas sbyin mdzad pa/ /de tshe'i phyag 'os de phyag bgyid/ /gang gi 'phrin las rtogs brjod pa/ /sku tshe snga ma'i thos gyur gang/ /mgon po thub pa chen po yi/ /skyes pa'i rabs la phyag bgyi'o/ /gang tshe dga' ldan gtsor gyur dang/ /shAkya'i
 rigs su 'khrungs pa dang/ /gang tshe khyod ni rdzogs sangs rgyas/ /thub pa khyod kyi de dag 'dud/ /ces 'phags pa dge 'dun phal chen gyi mdo sde'i sde snod las 'don to/ /'jig rten 'das ba zhi ba dang/ /don grub pa dang ri gnyis gnas/ /bzang po'i lam pa'i gangS?
 ri? pa/ /dge 'dun phal chen rtsa ba'i drug /de rnams kyi yin no/ /sangs rgyas sras po byang chub sems /'jig rten kun gyis phyag bgyi'o/ /shes rab dpag tu med pa dang/ /tshul khrims shes rab rnam grol ba dag /go cha chen pa'i go bgos nas/ /bsam gyis
 mi khyab dbang thob cing/ /pha rol phyin bcu rdzogs gyur nas/ /sangs rgyas chos rnams mngon gyur pa/ /'jig rten kun gyi mchod rten la/ /'jig rten kun gyi phyag bgyi'o/ /shes rab tshul khrims ting 'dzin gyis/ /de dang mnyam pa'i dge 'dun med/ /'jig
 rten kun gyis phyag bgyis pa/ /sangs rgyas kun mkhyen ma rtogs pa'i/ /lha dang bcas pa'i 'jig rten ni/ /'gas kyang phyag mi bya ba min/ /zhes 'phags pa gnas brtan pa 'jigs med ri la gnas pa rnams kyi sangs rgyas kyi rigs khri nyis stong
 las 'don to/ /de nas tshe dang ldan pa shA ri'i bus mnyan yod du cho 'phrul chen po bstan pa mthong bas/ /bcom ldan 'das la sems shin tu dang bar gyur nas/ /bcom ldan 'das de ga la ba de logs su thal mo sbyar bas phyag 'tshal te/ tshigs su
 bcad pas mngon par bstod pa/ /bag chags bcas pa'i skyon las rgyal/ /mu stegs ma lus kun las rgyal/ /cho 'phrul bstan pas lha rnams kyi/ /'jig rten 'og min mthar thugs mdzes/ /'jig rten phra rab rdul snyed kyis/ /dpa' bo che la phyag 'tshal lo/ /byang chub
 sems bskyed las brtsams nas/ /drang srong che la bdag phyag 'tshal/ /byang chub kyi sems bskyed par mdzad pa de la yang phyag 'tshal lo/ /mngon par rdzogs par sangs rgyas de la yang phyag 'tshal lo/ /chos kyi 'khor la bskor bar mdzad pa de la yang phyag bgyid do/
 bsil bar gyur ba la yang phyag 'tshal lo/ /zhes rtag par smra ba'i mang du thos pa pa rnams kyi cho 'phrul chen po'i mdo las 'don to/ /de nas tshe dang ldan pa gang pos mnyan yod du cho 'phrul chen po bstan pa de mthong bas bcom ldan 'das la sems shin tu dad pa
 gyur nas 'di skad ces gsol te/ /mgon po khyod ni byang chub sems dpar gyur pas cho 'phrul brgya stong mdzad pa de la yang phyag 'tshal lo/ /byang chub sems dpar gyur pa'i skye ba rnams cho 'phrul brgya stong gi 'byung gnas su gyur pa la yang phyag 'tshal lo/ /mgon po
 khyod gshegs pa na yang phyag 'tshal lo/ /mgon po khyod bzhugs pa na yang phyag 'tshal lo/ /mgon po khyod sku g.yo ba na yang phyag 'tshal lo/ /spyod lam dag ni thams cad du/ /sangs rgyas mdzad pa thams cad kyis/ /sems can kun la sman mdzad pa/ /phyag 'os
 phyag bgyi khyod phyag 'tshal/ zhes 'phags pa mchod rten pa'i cho 'phrul chen po'i mdo las 'don to/ /de nas tshe dang ldan pa 'od srungs gzhon nus mnyan yod du cho 'phrul chen po bstan pa mthong nas/ sems shin tu dang bar gyur pas/ bcom ldan 'das la thal mo
 sbyar bas phyag 'tshal nas /tshigs su bcad pas bcom ldan 'das la bstod pa/ dga' ldan gnas nas 'pho ba dang/ /lhums su 'jug par mdzad pa dang/ /bltams dang bltams par gyur pa na/ /cho 'phrul dag ni ston mdzad pa/ /phyag 'os kun gyis phyag
 bgyis pa/ /dpa' chen khyod la phyag 'tshal lo/ /zag med drang srong gyur pa yi/ /lam mkhan ded dpon mchog gyur dang/ /skye ba spangs pa yang srid med/ /rgal nas dgon pa las sgrol ba/ /cho 'phrul bcas pa'i ston mdzad pa/ /byang chub
 sems dpa' la phyag 'tshal/ /'od srungs chen pos gsol pa/ /dpa' bo zhabs ni brkyang mdzad cing/ /da ltar 'jig med phyag 'tshal lo/ /mgon khyod bltams pa la phyag 'tshal/ /bla med rdzogs par byang chub dang/ /chos kyi 'khor lo la phyag 'tshal/ /thub
 pa mya ngan 'das pa dang/ /skyes ba'i rabs ni thams cad dang/ /sku gdud bzhugs pa thams cad de/ /mgon po kun la phyag 'tshal lo/ /zhes 'phags pa ba lang gnas chen po mchod rten pa rnams kyi cho 'phrul chen po'i mdo las 'don to/ /'phags
 pa shA ri'i bus gsol pa/ gang nas bzung ste thub pa khyod/ /byang chub tu ni sems bskyed pa/ /de nas bzung ste spyi bos bdag/ mi mchog khyod la phyag 'tshal lo/ /sems can bde don kun 'dren pa/ /byang chub brnyes pa'i mun mkhyen la/ /lag gnyis spyi
 bor thal sbyar nas/ /brgya phrag mang por bdag phyag 'tshal/ /gang tshe don 'dod pa la don/ /nyid kyi sha yang stsal bar mdzad pa/ /de tshe nyid du phyag 'os ni/ /kun gco mchod nas mda' bdag gyur/ /mngon shes drug pa mngon shes che/ /rkyen rgyal gtso bo rnamS
 kyis kyang/ /de tshe gtso bor gyur ba khyod/ /phyag dang mchod pa byas pa yin/ zhes 'phags pa 'od srungs pa'i pha rol tu phyin pa'i lam las 'don par byed do/ /tshe dang ldan pa re ba tis gsol ba/ dpa' chen khyod kyi sbyod pa ni thams cad la yang bdag phyag 'tshal
 khams gsum phyag 'os phyag bgyis pa'i/ /skyes ba'i rabs la bdag phyag 'tshal/ zhes 'phags pa gos dmar po'i sangs rgyas kyis gsungs pa la 'don par byed do/ /se dang ldan pa kun dga' bos gsol ba/ 'od zer mdzes ba'i kha dog gis
 dga' ldan gnas ni snang mdzad nas/ /byang chub sems dpa' 'dir gshegs pa/ /shAkya thub la bdag phyag 'tshal/ /shAka rigs gzhon nur 'khrungs pa la/ /gang 'di rgyan gyis brgyan pa'i gtso/ /dran dang shes bzhin gyis bsdams pa'i// shAkya thub
 la phyag 'tshal lo/ /gang zhig dzam+bu'i grib ma la/ /bzhugs tshe nyi ma yo la gyur kyang/ /mnyam med grib mas ma btang ba/ /shAkya thub la phyag 'tshal lo/ /zhes 'phags pa mang bos bkur ba ku ru ku la'i gnas pa rnams kyis 'don bar byad do/ /tshe dang ldan
 ba rab 'byor gyis gsol ba/ tshogs ni yongs su rdzogs pa las/ /shAkya'i rgyal rigs 'khrungs pa la/ /lha mi'i tshogs kyi mtshod gyur pa/ phyag 'os de la'ang phyag bgyi'o/ /byang chub shing gi rtsar bzhugs nas/ /sder bcas bdud las rgyal bcas te/
 gang cho kun mkhyen nyid gyur ba/ /de'i che phyag 'os des phyag bgye/ /bA ra ni se'i drang srong tshal/ /bdud rtsi'i go 'phang mkhyen gyur nas/ /bdud rtsi'i 'khor lo bskor mdzad pa/ /de'i tshe phyag 'os de phyag bgyi/ /zhes 'phags pa sa ston pa rnams kyi tshams brgyad
 ba las 'don par byed do/ /tshe dang ldan pa nag po 'char kas gsol ba/ /sems can kun la sman slad du/ /spyi gtsug nor ldan pa yi dbu/ /gang che khyod kyi sngon btang ba/ /de tshe'i gtso bo de phyag bgyi/ zhes 'phags pa rnam par phye ste smra ba rnams kyi sangs
 rgyas kyis gsungs pa las 'don bar byed do/ /gang che mar me mdzad kyis ni/ /nga ni lung bstan gyur da tshi/ /sa brgyad pa ni ngas thob cing/ /dbang bcu dag kyang thob gyur la/ /'ji rten mgon gyis mngon sum du/ /nga lud bstan par gyur thos nas/ /lha dang bcas
 pa'i 'jig rten gyis/ /gus bcas de la phyag kyang bgyis/ /nga yi ral pa'i phung po las/ /sangs rgyas zhabs kyi mnan mdzad de/ /lha dang bcas pa'i 'jig rten gyis/ /phyag 'os 'di la phyag gyis shig /spun zla sa gnyis gnas pa dang/ /sangs rgyas kun
 mkhyen ma gtogs pa/ /'di la phyag byed rigs min pa/ /'jig rten 'di na 'ga' med gsung zhe 'phaD pa chos bas? pa rnaMs kyi chos kyi rkang pa las 'don? par byed do/ /tshe dang ldan pa kun dga' pos gsol pa/ gang bcom ldan 'das byang chub sems dpa' 
 gyur pas dga' ldan gyi gnas nas 'phos nas dran pa dang shes bzhin dang ldan pa bzhin du yuM gyi lhums su zhugs pa de yang bcom ldan 'das bdag gis ngo mtshar med? du byung ba'i chos su 'dzin lags so/ /de la 'di skad ces bya ste/ gang zhig dga' ldan gnas 'phos nas/
 dran ldan shes bzhin ldan par na/ /yum gyi lhum su gshegs pa dang/ /lhums gnas de la bdag phyag 'tshal /gang gi tshe bcom ldan 'das byang chub sems dpa' bltams par gyur pa na stong gsum gyi stong chen po'i 'jig rten 'od kyis gsal bar
 mdzad pa dang ldan pa de yang bcom ldan 'das bdag gis byang chub sems dpa' i ngo mtshar rmad du byung ba'i chos su 'dzin lags so/ /de la 'di skad ces bya ste/ gang yang bltams tshe stong gsum 'di/ /'od kyis gsal bar mdzad dang ldan/ /nyi ma bye ba mtshungs
 pa yi/ /bcom ldan 'das la phyag 'tshal lo/ /gang yang bcom ldan 'das byang chub sems dpa' bltams ma thug tu gom pa bdun du gshegs pa 'di yang bdag gis byang chub sems dpa' i ngo mtshar rmad du byung ba'i chos su 'dzin to/ /de la 'di skad
 ces bya ste/ bltams ma thag tu gom pa bdun/ /pad+ma la ni gnas pa dang/ /ba lang rol pa ltar gshegs pa/ /gtam la phyag 'tshal/ zhes 'phags pa thams cad yod par smra ba'i chos rmad du byung ba las 'don to/ /de ltar na sde pa bco brgyad kyi gzhung
 las dang po sems bskyed pa la sogs pa'i byang chub sems dpa' rnams la phyag bya bar grub pas theg pa chen po snga pas co brgyad kyi khongs su gtogs pa yin par rig par bya'o/ /ci yang byang chub tu sems bskyed pa tsam gyi khyim pa kun la rab
 tu byung bas phyag bya ba yan nam zhe na yin par brjod par bya ste/ gang dag sa la zhugs pa dang/ lung bstan pa thob pa yin par thos pa de dag ni gang dag ri bong dang ngang ba'i rgyal po la sogs pa dud 'gror gyur pa la yang phyag bya ba yin na mi la sogs par
 gyur ba la lta smos kyang ci dgos/ /gang yang dag slong gis phyag bya ba ni gnyis te/ sangs rgyas dang dge slong rgan pa'o/ /zhes bya ba de la yang sangs rgyas kyi ni gnyis la phyag bya ba yin te/ bsod nams kye tshogs kyi bdag nyid kyi yon tan dang ye shes kyi tshoD
 kyis bdag nyid kyis rtogs pa'o/ /gang de dag gnyi ga'i rtsa ba ni byang chub kyi sems yin te/ 'phags ba blo gros mi zad pas bstan ba'i mdo las/ de bzhin gshegs ba'i tshul khrims dang/ ting nge 'dzin dang/ shes rab dang/ rnam par grol ba dang/ rnam
 par grol ba'i ye shes mthong ba la sogs pa dang/ sbyin pa la sogs pa de rnams ni byang chub kyi sems kyi rtsa ba las byung ba yin te/ de'i phyir de dag ni mi zad pa yin no/ /zhes gsungs so/ /de bzhin du/ byang chub kyi sems bsod nams gang/ /gal te de ni
 gzugs can gyur/ /nam mkha' i khams ni kun gang ste/ /de ni de bas lhag par 'gyur/ zhes bya ba la sogs pa yang 'byung ngo/ /de kho na nyid rtog pa med du zin kyang de'i rten byang chub kyi sems brtan par yod na phyag bya ba kho na yin no/ /mngon par rtog pa yang sa dang
 po la ni sgra'i rjes su 'gro ba'i bzod pa'o/ /drug pa la ni rjes su mthun pa'o/ /brgyad pa la ni skye ba med pa'i chos la bzod pa zhes bya ba'o/ /mngon par rtog pa'i mthun 'jig rten gyi khams brgya snyed? rdzu 'phrul gyis g.yo ba dang/ snang ba dang/ gshegs pa dang/
 bskal pa brgyar gnas pa dang/ sngon gyi mdza' dang/ phyi ma'i mdza' la 'jug pa la sogs pa bsam gyis mi khyab pa thams cad du nyan thos la sogs pa dang/ thun mong ma yin pa yin pas dang po sems bskyed pa la sogs pa'i byang chub sems
 dpa' gang yang phyag mi bya ba ma yin no zhes bya ba dang 'gal bci yod /sangs rgyas la phyag byed ba de bzhin du byang chub sems dpa' la yang phyag bya ste/ rgyud tha dad? pa ma yin pa'i phyir n+ya gro'i myu gu dang /chen por gyur pa lta bu 'am/ 'khor
 los sgyur ba'i bu la phyag byed pa bzhin no/ /byang chub sems dpa' las sangs rgyas/ /rdzogs sangs rgyas las chos yin te/ chos las 'phags pa'i tshogs 'byung ngo/ /de las dkon mchog gsum 'byung phyir/ /byang chub sems dpa' la gang sdad//
 de ni dkon mchog gsum la sdang/ /dkon mchog gsum po gang spong ba/ /dge slong med cing sdom pa med/ /ma gol la sogs ba bstod ba byed 'phal? cher gyis kyang/ bcom ldan 'das kyi sku che snga ma rnams kyi mdzad spyod la mngon par bstod ba/ yang
 dag/ rdzogs pa'i byang chub rgyu/ /sems ni rin chen de nyid kyang/ /dpa' bo khyod kyis snying por mkhyen/ /de las gzhan pas ring bar gyur/ /dang por khyod la phyag bgyi 'am/ /'on te gang gi 'khor bar khyod/ /skyon mkhyen yun ring de lta bur/ /bzhugs
 mdzad thugs rje che la bgyi/ zhes bya ba la sogs pa 'byung ba dang/ sangs rgyas rjes su dran pa bsgom ba las kyang de bzhin gshegs pa'i sngon gyi sbyor ba'i yon tan rjes su dran pa las gsungs te/ sngon gyi sbyar g.yang sems dang po bskyed ba
 nas bzung ste/ byang chub sems dpa' i sbyod pa'o/ /gal te yang sngon gyi sbyor ba rjes su dran pas de bzhin gshegs pa rjes su dran par 'gyur ba yin na/ sangs rgyas la phyag bya ba yin zhing byang chub sems dpa' la phyag bya ba ma yin par ji
 ltar 'gyur/ gang yang theg pa chen po sde kha cig las byang chub sems dpa' rnams kyi nyan thos rnams la btsun pa zhes bya ba gus pa'i tshig gis sbyod par byed cing phyag byas pa dang/ nyan thos rnams kyis kyang de dag la rigs kyi bu zhes bya
 ba'i tshig gis gtam rjod par byed pa ni 'jig rten gyi kun rdzob nye bar bzung ba yin no/ /'di ltar bzod pa rtogs par gyur cing/ dpa' bar 'gro ba'i ting nge 'dzin la sogs pa thob pa sangs rgyas kyi sbya? bar ston par mdzad pa de dag ni dgra bcom pa la sogs
 ba rnams kyis kyang phyag bya ba yin no/ /gal te de dag nyan thos la sogs pa'i phyag bya ba'i gnas ma yin na ni/ de dag gis sangs rgyas kyi sprul pa yang ston par mi 'gyur la/ de dag gi phyag bya ba yang bdag gir byed par mi 'gyur te/ 'phags pa nye spas
 kyis bdung? la smras nas sangs rgyas kyi sbrul pa byas pa lta bu'o/ /khyad par rtogs par 'dod pas ni theg pa chen po'i gsung rab zab mo rnams blta par bya ba'i phyir rab tu sdang ba tsam dang 'brel ba'i ngan 'gror 'gro ba'i rgyu tshig dan pa mang po smra bar bya ba ma
 yin no/ /gang yang gang gA? klung bdun cu rtsa gnyis kyi bye ma snyed kyi de bzhin gshegs pa rnams kyi mtshan bzung ba'i bsod nams dang/ 'phags pa spyan ras gzigs dbang phyug gi mtshan bzung ba'i bsod nams mnyam par gsungs pa dang/ gang yang
 dkon mchog brtsegs pa'i mdo las/ zla ba chos? pa dang nya ba'i dpes byang chub sems dpa' la khyad par du bsngags par 'byung ba yang de las 'phags pa 'byung zhing steng ba yin pa'i phyir dang/ phar gyur ba'i phyir dang/ byang chub tu sems bskyed pa
 la sogs pas dang po'i dge ba'i bshes gnyen du gyur pa'i phyir dang/ byang chub kyi sa bon rab tu 'byung ba yin pa'i dbang du byas nas bstan pa yin no/ /nam mkha' mdzod kyi smon lam la sogs pa yang tshig tsam ma yin te/ 'bras bu mthong ba'i
 phyir ro da ltar ci'i phyir/ mthong bar ma gyur ce na/ dge ba'i rtsa ba dbul bar gyur pa'i rgyud la/ 'bras bu yod bzhin du yang bar du nyams par 'gyur pa'am /phyin ci log tu mthong ba yin te /gang+gA'i chu glung skams ba 'am/ rnag gam me mar
 mur du mthong ba bzhin te/ ji ltar chu bo gang gA'i 'gram na yi dags brgya stong mang po gnas pa rnams bdag nyid la skal ba med par gyur pa'i dbang gis gang gA'i chu klung yongs su skams pa 'am/ rnag gam me mar mur du 'bar ba mthong
 ba bzhin no/ /de bzhin du byang chub sems dpa' i smon lam las yongs su byung ba'i nor gyi char phab bar gyur kyang dge ba'i rtsa ba ma bsags pa'i sems can gyi khams rnams la 'bab par mi 'gyur te/ nam mkha' nyid du med par 'gyur ba 'am /thog la
 sogs ba'i ngo bor gyur nas 'bab par 'gyur te/ ji ltar chu 'dzin dang bral bar gyur ba'i nam mkha' i dkyil du 'od zer stong 'gyed pa'i nyi ma shar bar gyur kyang dmus long gis sngon gyis las kyi dbang gis 'od zer gcig tsam yang mthong bar mi 'gyur
 ba bzhin no/ de bzhin du nam mkha' i dkyil nas rin po che'i phung po 'bab par gyur kyang skye bo bsod nams chung ba dag gi sngon gyi las kyi nyes bas cung zad cig kyang de'i nye bar long spyod bar 'gyur ba ma yin no/ /gal te rang gi las kyi mthu nyid kyis
 'byor pa dang rgud ba dag tu 'gyur ba yin na ni de lta na ni byang chub sems dpa' i smon lam dag la nus pa med par gyur pa yin no zhe na/ gzhan la phan pa 'byung ba ni/ /tshogs pa las 'byung ba yin pa'i phyir nus pa med pa ma yin te/ ji ltar
 sa dang chu dang me dang rlung dang nam mkha' rnams tshogs pa las myu gu 'byung gi rten cig ma tshang na yang 'byung bar mi 'gyur ro/ /de bzhin du gtong ba dang/ ser sna spangs pa dang/ 'dod pa med pa mang du goms pa dang/ mnyam pa'i sems dang/ 'dod ba la sbyin
 pa rdzogs par byed pa dang/ lan du phan 'dogs ba la re ba med pa dang/ 'bras bu la 'dod pa mi bskyed pa dang/ sems can thams cad dang thun mong du byas pa'i sbyin bas ni nor gyi char pa 'bab pa la sogs pa thob par 'gyur ba'i 'bras bu rnam par
 smin par yongs su 'dzin cing gsal bar byed pa yin gyis/ de las rkyen gang yang rung gzhig? ma tshad na 'byung bar mi 'gyur ro/ /de lta bas na nam mkha' mdzod la sogs pa'i smon lam ni 'bras bu dang bcas pa kho na yin no/ /shAkya thub pa yang sprul pa kho na yin par rigs
 te/ 'og min gyi spyod yul can chos kyi sku la brten pa'i longs spyod rdzogs pa'i sku las rab tu byung ba yin pa'i phyir ro/ /gal te chos dang long spyod rdzogs pa'i sku dag ni rnam par rtog pa mi mnga' ba yin la/ de dag la rnam par rtog pa mi mnga' na yang sprul ba'i
 sku ga las 'byung bar 'gyur te/ ma yin no zhe na/ brjod par bya ste/ 'di ni bcom ldan 'das byang chub sems dpar gyur pa na smon lam btab pa yin te/ bdag gis rnam par mi rtog pa'i chos nyid thob nas spyod pa gang dag dang skad kyi rnam pa gang dag gis seMs can
 rnams 'dul bar 'gyur ba'i sbyong ba de dag dang/ cha byas de lta bu dang/ skad kyi rnam pa de dag gis rnam par rtog pa'i rtsol ba med bzhin du yang 'jug par gyur cig ces bya ba'i sngon gyi smon laM gyi shug kyis/ rtsa ba'i de bzhin gshegs pa'i sku las dga' ldan gyi gnas
 na bzhugs pa la sogs pa nas mya ngan las 'das pa'i bar gyi sems can la phan pa'i thabs su gyur pa rnam 'jig bar 'gyur ba yin te/ sprul pa'i sku med par ni dzam+bu'i gling bye ba phrag brgya rnams su 'pho ba dang/ 'jug pa dang bltams pa dang/ bzo'i gnas
 bslab pa bstan pa dang/ btsun mo'i 'khor na gnas ba dang/ mngon par 'byung ba dang/ bdud 'dul ba dang/ mngon par byang chub pa dang /chos kyi 'khor lo bskor ba dang/ yongs su mya ngan las 'das bar ston bas 'dul ba'i seMs can rnams 'dul bar nus pa ma
 yin no/ /sde pa tha dad kyi gzhung las kyang/ sangs rgyas kyi sprul pa ston ba yod de/ ji ltar phyin ci log tu mngon par zhen pa'i rngon? pa gdul ba'i phyir rngon pa'i gzugs su sprul pa dang/ mi dbang pad+ma skyes bu gdul ba'i phyir rgan po'i gzugs su sprul pa dang/ lha'i
 mig gis ci zhig mthong zhes dris pa na 'phags pa ma 'gags bas smras pa de bzhin gshegs pa'i sprul pa dang /srid ba bar ma'i sems can grangs med pa dag mthong ngo zhes bya ba ni ji ltar sprul pa de dag gis sems can rnams 'dul bar
 'gyur ba de ltar sprul nas 'jug pa yin no/ /de bzhin du shAkya thub pa'i sprul pa yang 'jug ba yin la/ yang dag ba ji lta ba bzhin ma yin pa'i sgyu ma dang 'dra ba yang ma yin zhing/ gnas gtsang ma na gnas pa'i de bzhin gshegs pa rnam par snang mdzad kyis
 byin gyis brlabs kyis bstan pa yang ma yin la/ sprul pa'i sangs rgyas de rnams tha dad pa'i sangs rgyas kyang ma yin te/ rten gcig ba'i phyir nyi ma'i dkyil 'khor las rab tu bkye ba'i 'od zer lta bu 'am/ mi'i bdag po la brten pa'i bya ba byed pa'i skyes
 bu mang po bzhin du sprul pa rnams mang po nyid yin na yang mdzad pa gcig pa'i phyir de bzhin gshegs pa ne mang po nyid ma yin par 'dod de/ nges na 'jig rten gyi khams gcig tu sangs rgyas mang po 'byung ba ni gnas med cing skabs med do zhes bya ba
 ngang yang mi 'gal te/ stong gsum gyi stong chen po'i 'jig rten gyi khams kyi dbang du byas nas bstan pa yin gyi/ 'jig rten gyi khams thams cad du ni ma yin pas so/ /ji ltar chos sbas pa rnams kyang/ /sangs rgyas rnams la phyag 'tshal lo/ /sangs
 rgyas rnams kyi nyan thos dang/ /rdzogs ba'i sangs rgyas grags ldan pa'i/ /sku kun la yang de bzhin te/ /rdzogs sangs gang du bltams ba dang/ /gang du byang chub la reg dang/ chos kyi 'khor lo bskor ba dang /gang du zag med mya ngan 'das//
 gang du gnas dang 'chag pa dang/ /de bzhin gshegs ba bzhugs pa dang/ /seng ge lta bur gzims bshams ba'i/ /gnas de la ni bdag phyag 'tshal/ /rkang gnyis dam pa shar dang ni/ /byang gi phyogs na bzhugs pa yi/ /rgyal pa brten dka' 
 zhes bya ba/ /des ni tshigs bcad 'di gsungs te/ gang gis tshigs bcad 'di bzhi yis/ /de bzhin gshegs la bstong byed pa/ /bskal pa bye ba stong rnams su/ /ngan 'gror 'gro bar mi 'gyur ro/ /zhes 'don par byed do/ /yang gnas brtan shA ri'i bus gzhag pa'i ska raD
 gnas brtan maung+gal gyi bus rdzu 'phrul gyis bteg par ma nus pa na bcom ldan 'das kyis bka' stsal ba/ maung+gal gyi bu khyod ni rdzu 'phrul las nyams pa ma yin gyi/ 'on kyang dge slong shA ri'i bus rang gi shes rab kyi stobs bskyed bas de bzhin gshegs ba rten
 bar dka' ba'i seng ge'i khri la ska rags kyi sna btags shing brten ba yin no zhes gsungs ba dang/ gser mgar dang shing mkhan gyi gtam rgyud kyis sangs rgyas dang bcas pa dang/ sangs rgyas med pa'i 'jig rten gyi khams rnams nye bar bstan par shes par
 bya'o/ /yang gsungs pa/ gang dag 'das pa'i rdzogs sangs rgyas/ /gang dag ma byon sangs rgyas dang/ /gang yang da ltar rdzogs sangs rgyas/ /mya ngan sel mdzad mang po rnams/ /kun kyang chos la rim gro yis/ /gnas par gyur cing gnas mdzad la//
 da dung du yang gnas mdzad de/ /'di ni rdzogs sangs chos nyid do/ /zhes kyang 'byung bas/ gang dag 'jig rten gyi khams thams cad na de bzhin gshegs pa gcig cig bzhugs so snyam sems pa de dag gis ni gsung rab kyi don mi shes pa yin te/ ji
 skad du mar me mdzad dang /rin chen gtsug tor can la sogs pa sangs rgyas mang po zhig ni 'das bar gyur/ seng ge dang /rgyal la sogs pa mang bo zhig ni 'byung bar 'gyur/ zhes kyang 'don pa dang lung gi mdo las kyang 'don bar byed de/ ji ltar
 zhe na/ 'das pa'i de bzhin gshegs pa ji snyed cig ce na /gang+gA'i klung gi bye ma snying/ /ma byon pa ji snyed cig ce na/ gang+gA'i klung gi bye ma snyed do? zhes bya ba la sogs pa 'byung bas 'jig rten gyi khaMs mang bo dag tu mang po 'byung bar rigs ba nyid yin gyis gcig
 ni ma yin no/ /de bzhin gshegs pa ni rtag tu mnyam par bzhag pa nyid yin na yang/ dus gsum du gzigs pas gzigs par mdzad pa nyid do/ /zhes gsungs pa ni 'jig rten gyi rjes su mthun par zhugs pa yin te/ mnyam par bzhag pa nyid
 na sngon gyi smon lam gyi shugs kyis mdzad pa 'di dag thams cad 'jug par 'gyur ba yin gyis/ /rnam par rtog pa mdzad pa ni ma yin te/ chu'i yur ba rka sna tshogs su dang bo bkye zhing/ 'dod pa'i phyogs su btang ba byas nas phyis bya ba med par sdod par byed pa'i chun
 pa'i skyes bu bzhin no/ zhes bya ba sangs rgyas kyi bka' ma yin pa ma yin no/ /gang yang theg pa chen po'i mdo sde las phan yon mang du 'byung bar bsngags par yang phal cher ni phyi ma'i 'bras bu yin la/ gang dag mthong ba'i chos kyi phan yon kha cig 'byung ba
 de yang dad pa dang lhag pa'i bsam pa nyams bas deg ba sdangs shing mi dge ba spyod par gyur pa dang/ mthong ba'i chos nyid la sdig ba bun du sbyod ba shin tu stobs dang ldan par gyur bas gnod par gyur cing zil gyis mnan pas gang dag gi ngang pa yang chung bar gyur la/
 lhag pa'i bsam pa yang spangs par gyur pas de dag gi phan yon yang nyid ma 'od zer brgya stong 'gyed pa shar bar gyur pa na skar ma rnams mthong bar mi 'gyur ba bzhin no/ /yang kha cig dam pa'i chos spangs pa dang/ 'phags pa bskur ba btab pa dngang
 dkon mchog gsum la gnod pa byas pa rnams kyis dge ba'i rtsa ba bzang po yang mang du bsags na yang thal bas bkab pa ltar gyur pas de rnams ni ngan song gsum gyi lam la gnas par gyur pa la phan yon yang ji ltar ga la 'byung bar 'gyur/ gang
 dag sdig pa shin tu chung ba la yang 'jigs par blta zhing gcig tu dge ba'i phyor la spyod par gyur pas theg pa chen po'i yi ge bri ba dang/ 'dzin pa dang klog pa dang/ /ba ton byed pa dang/ sems pa dang/ sgom pa dang/ nyan pa dang/ sbyin pa dang/ rab
 tu ston pa ngang/ mchod bzhes bya ba rnam pa bcu rab tu sgrub pas nan tan byed pa de ni gnyen po'i phyogs zil gyis non par mi 'gyur bas ji skad bstan pa'i phan yon rnams ci'i phyir 'byung bar mi 'gyur te/ ji ltar gtsug lag rnam pa gsum la brten nas gomS
 par byas pas/ skye ba dang/ rga ba dang/ na ba dang/ 'chi ba'i gnod pa dang bral ba'i bdud rtsi'i go 'phang thob pa nges pa bzhin no/ /gal te de ni bden na 'dra ba nyid ma yin te/ gang gi phyir sde snod gsum du byang chub kyi phyogs gyi chos sum cu rtsa bdun bstan pa
 brten du gyur ba de goms par byas pa las ni byang chub kyang rtogs par 'gyur zhing/ nyon mongs pa zad pa yang rnyed par dka' ba ma yin no/ /theg pa chen po las yi ge dang don shes par mi rung ba'i gzungs sngags dang/ gsang sngags dang/ rig sngags
 la sogs pa phan yon mang po can byas pa'i skye bo slu bar byed pa bstan pa de rnams ni gzhan gyi rigs byed dang 'dra'o/ /bsgom pa med pa ni skyon phra rab cam yang zad par byang nus pa ma yin te/ nyon mongs pa bsags ba dang de'i rtsa ba yod na sdig
 pa zad pa ga la 'byung bar 'gyur/ gzungs sngags kyis kyang sdig ba zhi bar byed pa ma yin te/ de'i rgyad dang mi 'gal ba nyid kyi phyir ba che ba la sogs pa bzhin no/ /de bzhin du gsang sngags kyis kyang sdig pa zad par byed ba ma yin te/ skad gzhan gyis
 brjod pa'i phyir kla klo la sogs pa'i skad bzhin no zhes kyang smra bar nus so zhe na/ gang yang theg pa chen po nyi'i gzungs sngags la sogs pa yi ge sbyar ba tsam du 'dod pa 'di la brjod par bya'o/ /re zhig gzungs sngags ni bsgom pa'i rnam pa nyid yin te/
 ji skad du sgo mdza' yas pa sgrub pa'i gzungs las/ gzungs 'di sgom par byed pa'i byang chub sems dpa' ni 'dus byas dang 'dus ma byas kyi chos rtogs par yang mi byed/ len par yang mi byed/ gnas par mi byed/ mngon par zhen par mi
 byed/ tha snyad 'dogs par yang mi byed /sangs rgyas rjes su dran pa 'ba' zhig sgom par byed do/ /zhes bya ba la sogs pa gsungs pa dang// //dbu mi'i snying po'i 'grel pa rtog ge 'bar pa/ /bam
 bo bcu drug po/ /de bzhin du klu'i rgyal po rgya mthos zhus pa'i mdo las kyang/ klu'i rgyal po gang yang bstan pa thams cad ni mi zad pa ste/ 'di ni ma zad pa'i za ma tog ces bya ba'i gzungs yin no/ /so so yang dag par rigs pa dang/ ye shes dang/
 shes rab dang/ sbobs pa bzhi yang mi zad par rjes su 'byung ba dang/ de bzhin du shin tu rtog par dka' ba dang/ ngoms pa med pa'i brtson 'grus 'bar ba dang mthar thug pa med pa dang/ mthong ba med pa dang/ rton pa med pa dang/ dmod pa med pa dang/
 'jigs ba med pa bzhi po rnams dang/ snying po dang/ nges par 'byed pa dang/ snang ba dang/ stobs kyi gter bzhi 'byung ba dang/ de bzhin du gang yi ge'i lugs dang/ ming dang/ brda dang/ chos kyi brda'i rjes su 'jug pa de dag thams cad kyang mi zad
 pa'i za ma tog gi gzungs 'di'i rjes su zhugs pa'i byang chub sems dpas shes te 'di lta ste/ chos thams cad ni gdod ma nas dag pa'o zhes bya ba la sogs pa dang/ de bzhin du gzungs sngags 'di la gnas pa'i byang chub sems dpa' ni yi ge kho na las byang chub
 'tshol bar byed/ rjes su 'jug par byed de/ yi ge ni stobs so/ /dgod pa ni lus so/ /chos kyi sgo la 'dzud pa'i mgo po blta ba ni dpral pa'o/ /shes rab ni mig go zhes bya ba la sogs sgom pa'i rtsa ba ni shes rab yin la/ shes rab yod pa'i phyir
 gti mug med par 'gyur ro/ /rtsa ba med na 'dod chags dang zhe sdang 'byung bar mi 'gyur te/ rtsa ba dang 'gal ba yod pa'i phyir ro/ /des na rtsa ba dang 'gal ba med pa'i phyir zhes bya ba'i don ma grub pa yin no/ /phyir rgol ba'i rtog ges kyang sgrub par bya ba la?
 gnod pa nyid de/ gzungs sngags kyis ni sdig pa zhi bar 'gyur ba nyid yin te/ bsgom pa'i rnam pa yod pa nyid kyi phyir de'i rtsa ba dang 'gal bar gyur pa nyid kyi mi sdug pa la sogs pa bsgom pa bzhin no/ /de bzhin du gsang sngags kyang de bzhin gshegs pa'i
 ye shes kyi gsang ba ston par byed pa'i sbras pa'i yi ge sbyar ba gno bos bsgom pa la rab tu 'jug pa rgyud la gnas pas ji ltar 'dod pa'i bsam pa yang dag par sgrub par nus pa yin te/ mthu chen po'i bdag nyid yin pa'i phyir dpag bsam gyi shing bzhin
 no/ /rigs sngags kyang phal char pha rol tu phyin pa drug dang/ 'phags pa'i bden pa dang/ byang chub kyi phyogs kyi chos ston par byed pa'i yi ge dang don gyis nyon mongs pa zad par byed pa ston par byed pa nyid yin te/ ji ltar sha ma ya sham ya/ /d+ha na te
 shin te dar ma rA dza/ /b+ha Shi te ma te ma d+ha bing tya/ /sarba ngtha? spa da ni na/ zhes bya ba lta bu dang/ de bzhin du chos kyi mchog las byung ba ni tA re/ dang po'i chos las byung ba ni tu da tA re/ brjod du med pa'i chos las byung ba ni tu re zhes bya ba lta bu ni mngon par
 rtogs pa gsal bar byed pa ste/ bdag ma rigs pa dang bral bar gyur pas gzhan dag gi rig pa yang bskyed par nus pa yin na de sten bar gyur na ci'i phyir sdig pa gzhi dang b cas pa zhi bar mi 'gyur te/ de'i nus pa dang ldan pa'i phyir byams pa la sogs pa
 bzhin no/ /rig ba'i tshig gang dag gi don rtogs par ma gyur pa ni de dag 'jig rten las 'das pa'i skad kyis bstan pa'i phyir dang/ lha dang/ klu dang/ gnod sbyin la sogs pa'i skad kyis bstan pa'i phyir ro/ /chos nyid ston par mi byed pa yang ma yin
 pas dam tshig rig pa dang gzungs thob par gyur pa rnams kyi sbyong yul yang yin te/ ji skad du/ gsang ba blo gros kyi mdo las/ gang 'di ni sdug bsngal dang/ kun 'byung ba dang/ 'gog pa dang/ lam zhes bya ba rnams la rgyal chen bzhi'i ris kyi lha rnaMs
 kyi ni e ne dang/ me ne dang/ dam po dang/ da dam po zhes bya ba la sogs par brjod do zhes 'byung bas 'jig rten pa'i don ston par byed pa bzod par dka' ba'i nyon mongs pa bdo bas 'khrigs pa tsa mun da la sogs pa'i rigs pa dag
 dang/ sgrol pa med la sogs pa'i don dam pa'i rig pa rnams 'dra ba lta ga la yin/ des na dpe ma grub pa yin te/ sgrub par bya ba'i chos dang mi ldan pa'i phyir ro/ /'di skad brjod par yang nus te/ gzungs sngags dang gsang sngags dang/ rig sngags rnams
 de bzhin gshegs pa'i man ngag bzhin du ngag tu brjod ba dang/ bsams pa dang bsgoms pas sdig pa rgyu dang bcas pa zhi bar byed pa yin te/ lam dang rjes su mthun pa yin pa'i phyir mdo snge la sogs pa'i gsung rab bzhin no/ /sdig pa shin tu chen po
 yang rtsa ba nas 'byin pa zhes bya ba yang mi rigs pa ma yin te/ 'di ltar/ las rnams bskal pa brgyar yang ni/ /chud mi za ba'ang zhes bya ba yi/ bskal pa brgyar yang zhes bya ba dang/ 'ang gi sgra gnyis pas ni nyams par 'gyur ba yang
 ston pa yin te/ gang gis zhe na sngom par byed pa dang/ gnyen po'i phyogs rnyed ba dang/ sdig pa bshags pa dang/ rten gyi stobs kyis rab tu 'thob pa yin te/ ji skad du/ byams pa chos bzhi dang ldan pa'i byang chub sems dpa' sems dpa' 
 chen pos ni sdig pa byas shing bsags pa yang zil gyis gnon par 'gyur te/ bzhi gang zhe na/ 'di ltar ste rnam par sun 'byin pa kun tu spyod pa ni mi dge ba'i las gad byas pa de la 'gyod pa rab tu mang ba yin no/ /gnyen po kun tu spyod pa ni mi dge
 ba'i las gad byas pa de dag ches shin tu mang ba'i dge ba'i las la sbyor pa'o/ /phyir mi ldog pa'i stobs ni sngom ba blangs pas mi byed pa'i sngom pa thob pa'o/ /rten gyis stobs ni sangs rgyas dang/ chos dang/ dge 'dun la skyabs su 'gro zhing byang chub
 kyi sems mi 'dor ba ste/ chos bzhi po di rnams dang ldan pa'i byang chub sems dpas ni sdig pa lhag ma ma lus par bral bar 'gyur zhing 'bras bu 'byung par mi 'gyur ro/ /zhes gsungs so/ /las kyi sgrib pa rnam par dag pa'i mdo las/ tshogs dang du ni rnyed
 gyur nas/ zhes bya ba ni ji ltar sa bon mthu mnyams pa dang ldan pa la sa dang chu dang/ /me dang rlung dang/ nam mkha' i rkyen rnams tshogs na dus ji lta ba bzhin du myu gu mngon par sgrub par byed do/ /rkyen nye bar gnas su zin kyang sa bon tshig gam rul lam gnang
 gyur nas/ zhes bya ba ni ji ltar sa bon mthu ma nyams pa dang ldan pa la sa dang chu dang /me dang rlung dang/ nam mkha' i rkyen rnams tshogs na dus ji lta ba bzhin du myu gu mngon par sgrub par byed do/ /rkyen nye bar gnas su zin kyang sa bon tshig gam rul lam gnang
 gyur nas/ zhes bya ba ni ji ltar sa bon mthu ma nyams pa dang ldan pa la sa dang chu dang/ me dang rlung dang/ nam mkha' i rkyen rnams tshogs na dus ji lta ba bzhin du myu gu mngon par sgrub par byed do/ /rkyen nye bar gnas su zin kyang sa bon tshig gam rul lam gnang
 pa las kyang ma yin la/ rkyen gang yang rung ba zhig ma tshang ba na yang myu gu mngon par 'gyur bar 'gyur ba ma yin no/ /de bzhin du dge ba dang/ mi dge ba'i las mthu mnyams pa dang phan pa byed pa dang/ gnod ba byed pa'i sems can gyi 'gro ba dang/ yul dang/
 lus kyi rkyen rnyed nas mthong ba'i chos dang/ rnam grangs gzhan dang/ skyes nas myong bar nges pa'i dus thob par gyur na gang yang rung ba zhig gis 'bras bu mngon par sgrub par byed kyi/ gang gi tshe dge ba yang lta ba log par dang/ gnod sems kyi nyams bar
 gyur ba'am mi dge ba yang dmod pa dang sdom pa dang 'chags pa la sogs pa'i gnyen pos stonbs nyams bar gyur ba de dag ni rkyen tshogs pa yod du zin kyang dge ba dang/ mi dge ba'i sa bon gyi nus pa nyams pa gang las 'bras bu gang zhig 'byung bar 'gyur/
 rkyen tshogs pa med pas dus gang gzhan du gyur na/ ji ltar na rtsa ba nas shin tu 'byin pa yang ma yin te/ ji skad du dam pa'i chos 'dzin par byed pa de'i myong bar nges pa'i sdig pa yang mthong ba'i chos la myong bar 'gyur ro zhes bya ba dang/ gzhan yang gang
 yang ngan 'gror 'gro ba'i las rnams de/ 'dir ni mgo bo tsha ba can du 'gyur zhes kyang 'byung ngo/ /gal te mgo bo tsham? tsam du 'gyur pa'i 'bras bu yod na rtsa ba nas phyung ba ji ltar yin zhe na/ sdig pa'i las rnams kyi 'bras bu ma lus par rdzogs pa dm al
 ba'i sdug bsngal nyams su myong bar 'gyur pa las gang dag gis dmyal ba'i sdug bsngal phra mo ces yang nyams su myong bar ma gyur pa de nyid shin tu rtsa ba nas phyung ba ji ltar ma yin/ mgo po tsha ba la sogs pa 'di la
 'byung bas 'bras bu ye med par 'byung ba yang ji ltar yin/ gal te sdig pa shin tu zad par 'gyur ba yin na ci'i phyir sngon gyi las kyi rnam par smin par ni ma gtogs so zhes bstan ce na/ dmus lod dang mig gcig pa dang/ zha bo dang/ 'theng
 po dang lkug pa dang/ 'on pa la sogs pa'i ngo bo nyid du gyur pa'i rgyud 'bras bu nye bar longs spyod pa las dgongs nas bstan pa yin te/ gang gi phyir rnam par smin pa'i gnas skabs kyi ngo bor gyur pa'i las rnams kyi 'bras bu ni yongs su zad par
 nus pa yod pa ma yin no/ /rgyur gyur pa'i sems pas mngon par 'dus byas pa ni sems pa'i khyad par gzhan thob pa ni yongs su zad par 'gyur pa yin te/ ji ltar sor mo'i phreng ba dang/ ma skyes dgra dang/ swa ka dang/ phag gsong pa dang/ mya ngan med
 pa la sogs pa dag la brten pa bzhin no/ /gal te ma skyes dgra dang/ ma gsod pa dag la dge pa'i sems pa gzhan skyes pa yod bzhin du ci'i phyir las zad par ma gyur nas mnar med pa dag tu skyes she na de'i las dang/ 'bras bu yid ches pa
 bskyed pa'i phyir mnar med pa la sogs par skye ba yin gyi/ las rnams lhag ma ma lus par ma zad pa ni ma yin te/ dar gyi pho long brdabs pa las 'phar pa bzhin du der skyes shing thar pa yin la/ dmyal ba'i me'i phreng ba la sogs
 pas kyang reg pa ma yin te/ de ltar sdig pa shin tu rtsa ba nas 'byin par yang grub la/ las la 'bras bu med pa yang ma yin no/ /theg pa chen po rig pa rnams 'di snyam du sems te/ gnyen po thob par gyur na ni las rnams shin tu rtsa ba nas
 'byin te/ gnyen pos zil gyis ma mnan pa ni nyams par mi 'gyur ro snyam ste/ ji ltar thabs la mkhas pa dang mi ldan pa la ni sdig pa tshungs du yang rnam par smin par 'gyur bar mthong ste maung+gal gyi bu chen po la sogs pa bzhin no/ /dge ba'i rtsa ba chen po bsaD
 su zin na yang yid kyi nye bas thal ba bzhin du byed de/ ji ltar de bzhin gshegs pa thams cad zil gyis gnon pa'i bstan pa la zhal lta byed pa'i dge slong bzhin no/ /des ni sngon dgra bcom pa chen po rnams kyi bsnyen bkur dang po byas pa las phyis
 'dod pa mi bzad pas zil gyis mnan te/ chos kyi dkor btus shing sdang bar gyur pa'i yid kyis khros pa'i t+tshig dag gis kyang shes te/ de las de mi gtsang ba za ba'i srin bu shin tu gdon par dka' ba'i gnas su skyes shing dge ba'i rtsa ba yang cung zad
 tsam yang ma lus par gyur to/ /rtogs pa brjod pa las kyang byang chub sems dpa' la sogs pa la thabs la mkhas pa'i stobs dang ldan pa rnams kyis ni mi dge ba'i phung po chen po yang shin tu zad par byed cing/ dge ba'i rtsa ba chu du thob pa yang nyamS
 par mi 'gyur ro zhes gsungs pa dang/ mdo sde las kyang ji skad du dge slong dag 'di lta ste/ skyes bu zhig gis chu nyung du zhig tu lan tshwa srang? gcig blugs na de ni btung du mi rung bar 'gyur ro/ /de nas skyes bu gzhan zhig gis chu shin tu chen po'i nang
 du lan chwa srang gcig blugs na de ni shes par yang mi 'gyur na yang de btung du mi rung bar ga la 'gyur/ /de ci'i phyir zhe na/ dge slong dag chu shin tu mar po'i phyir ro/ /dge slong dag de bzhin du gang 'di ltar skyes bu gang zag 'ga' zhig sdig pa'i las byed pa
 de nyid? phyogs gnyis po 'di la gnas pa yod pa yin no/ /de bzhin du rdzing chen nang du tshwa ni srad gcig blugs/ /ji ltar chu de btung du mi 'dod min/ /khyor gang chul tshwa ni srad gcig blugs/ /khyod gang chu de btung tu 'dod mi 'gyur/ /de bzhin gang gis
 bsod nams rgya chen bsags/ /mi de sdig pa'i dug ni chung gyur pas/ /gang phyir ngan 'gro dag tu 'khrid mi nus/ /sgo de nas ni 'bras bu 'ga' zhig yin/ /gang dag bsod nams chu dum bsags shing/ /mi dge mang du yang yang
 bsags pa'i mi/ /the tshom med par shin tu chung bas kyang/ /nyon mongs de ni 'og tu 'khrid par byed/ ces gsungs te/ mi 'phrod pa'i zas nyung zad cig zos pa bzhin du zhes bya ba'o/ /gal te de ltar sems dang po bskyed pa nyid kyis kyang las thams cad
 zad par 'gyur ba yin na/ mngon par rdzogs par byang chub pa'i bcom ldan 'das la seng ldeng gi tshal pas zug pa dang /mdzes ma bsad pa dang dreg mes skur ba btab pa dang/ lhung bzed ji ltar bkrus pa bzhin du phyir gshegs pa dang/ ?
 ba gsum du nas kyi chos ston mdzad pa dang/ par dwa tsa khros pas ngan du smra ba dang/ snyung bar gyur pa dang/ lhas byin gyis rdo'i sgyogs 'phangs pa la sogs pa'i las kyi rnam par smin pa'i cha mda' bar gyur pa ji lta bu zhe na/ 'di dag thams cad ni thabs
 la mkhas pas sems can gdul par mdzad pa'i phyir bstan pa yin gyi/ bcom ldan 'das la ni 'phrin las kyi cha shin tu phra ba yang mi mnga' ste/ ji ltar thabs la mkhas pa'i mdo dang 'jig rten las 'das pa'i le'u las/ rigs kyi bu de
 bzhin gshegs pas las kyi rnam par smin pa bcu bstan pa 'di dag ni thabs la mkhas pa dang ldem dgongs kyi bka' yin par rtogs par bya'o/ /'di ni gnas ma yin zhing skabs med de ji srid skra'i rtse mos gzugs pa'i tshad kyis bstan pa
 tsam gyi mi dge ba'i rtsa ba dang ldan par gyur pa'i byang chub sems dpa' yang byang chub kyi shing drung du 'dug pa ni gnas ma yin par shes te/ dge ba'i chos thams cad dang ldan par gyur pa'i de bzhin gshegs pa mi dge pa thams cad
 spangs bar gyur pa/ /bag chags kyi mtshams sbyor ba dang bcas ba yang spangs ba'i de bzhin gshegs pa la las kyi sgrib pa'i skyon lta 'byung bar gal 'gyur/ 'on kyang sems can phal cher las kyi rnam par smin pa chung son pa dang/ las kyi rnam par smin
 ba la yid mi ches pa de rnams la las kyi rnam par smin pa bstan par bya ba'i phyir de bzhin gshegs pas phrin las kyi rnam par smin pa bstan te/ chos kyi rgyal po ngal yang re zhig las kyi rnam par smin pa 'byung na/ khyed rnams la lta las kyi rnam par smin
 ba ci'i phyir mi 'byung zhes bstan pa yin gyis/ de bzhin gshegs pa la las kyi sgrib pa ni cung zhig kyang mi mnga' ste/ 'di ltar legs par bslabs pa'i sman pa bdag nyid la nad med bzhin du yang na ba? ltar bstan nas sman kha ba dang tsha ba dag bsten par
 byas pas de'i rjes su slob pa'i nad pa dag yongs su sos par byed pa de bzhin du bzhin gshegs pa sman pa'i rgyal po gnod pa thams cad zhi bar mdzad pas kyang sgrib pa mi mnga' na yang nga'i? las 'di'i rnam par smin pa ni 'di'o zhes phrin las ston par mdzad de/
 ji ltar na sems can rnams las kyis 'jigs shing skrag par gyur na/ lus dang ngag dang yid rnams yongs su dag par 'gyur zhes kyang gsungs so/ /thabs la mkhas pa'i mdo la sogs pa 'khor ba grol par byed pa dang 'dra ba yang ma yin te/
 sems gti mug med pas la sogs pas kun nas bslang ba'i phyir ro/ /gang gzhan dag mtshams med pa byed pa la mngon par phyogs pa mthong nas de ni las des yun ring du sdug bsngal par 'gyur ro snyom nas snying rje'i dbang gis de gsod
 par byed pa ni bdag nyid dmyal par skye bar nges par shes kyang de skyab pa'i phyir dge ba 'am/ lung du ma bstan pa'i sems la gnas par byas nas gsod par byed de/ bdag nyid dmyal bar skye ba ni 'dod kyi/ 'di sdug bsngal chen po dang yun ring du ldan
 bar ma gyur cig ces bya ba de lta bu dge ba'i sems kyi kun nas bslang ba nyid ni dge ba yin te/ gang gi phyir ma chags pa la sogs pa'i sems dang mtshungs par ldan pa'i phyir ro/ /gal te ma chags pa la sogs pas kun nas
 bslang pa'i srog gcod pa yang smadpa zhig yin na ni gshe ba dang/ mdza' ba dbye ba la sogs pa yang bkag par 'gyur ba zhig na 'di lta ste/ bcom ldan 'das kyis 'char ka dang kim pa la sogs pa'i mdo las gshe ba ma bkag ste/ ji skad du
 rmongs ba lhas byin zhes bya ba dang/ bdung sdig can de zhes gsungs pas so/ /yang snying rje'i dbang gis byang chub sems dpas srog gcod ba ni dmad par bya ba ma yin te/ zhe sdang gi bsam pas bskyed pa ma yin pa'i phyir/ de bzhin gshegD
 bas gsungs ba'i tshig bzhin no/ zhes kyang smra bar nus so/ /rin chen tog dang zla ba'i sgron ma la sogs pa theg pa chen po'i mdo sde mang po las kyang sdig ba shin tu chen po yang rtsa ba nas 'byin bar bstan la/ mdo las sde ba gzhan dag gis
 mdo las kyang phyi ma'i dus na dge slong rnams bsam pa ji lta bus 'dir ni de bzhin gshegs pa bltams par gyur pa'o/ /'di ni de bzhin gshegs pa mngon par byang chub pa'o/ /'dir ni de bzhin gshegs pas chos kyi 'khor lo bskor bar
 gyur ba'o/ /'dir ni de bzhin gshegs pas yongs su mya ngan las 'das par gyur to/ /zhes mchod rten rnams la phyag byed cing rgyu bar 'gyur ba de dag ni bar ma dor dus byas bar gyur na yang khur lce ba bor ba bzhin du bde 'gro mtho ris
 kyi 'jig rten lha rnams kyi nang du skye bar 'gyur te/ srid pa tha ma pa ma rtogs pa gzhan mchoms med pa byas pa yang bsal cing bor ba med do/ /gzhan yang khyod nyid kyi lta ba'i 'dul ba las ltung ba las ldang bar bstan pa ngag dang
 yang 'gal te/ de las ni gang zag rnam pa gnyis ni ltung ba med par dus byas par 'gyur te/ gang ltung ba ya mi 'byin pa dang ltung ba byung ba rnam pa chos ji lta bu bzhin du 'chags par byed pa'o/ zhes gsungs pas so/ /rig pa yang yod de/ gang dang gang cung zad zad bar
 'gyur ba de dang de ni rim gyis shin tu zad bar 'gyur ba mthong ste/ stobs dang ldan pa'i thabs rnyed par gyur pa'i phyir/ dper na chu'i nang du bzhag pa'i lan tsha bzhin duAm/ me'i nang du bzhag pa'i mar sar bzhin no/ /gzhan yang de lta bas na gang
 thabs shes bar gyur pa des ni bskal pa dpag tu med pa stong du bsags par gyur pa'i sdig pa yang lhag ma ma lus par zad par byed de/ gnyen po'i phyogs stobs dang ldan pa'i phyir/ legs par rab tu 'bar ba'i mar me byung ma thag tu shin tu mun
 nag du gyur pa'i gnas kyi mun pa'i sgrib pa med par 'gyur ba bzhin no/ /thabs dang bral bar gyur pa'i dge ba yang shin tu zad par 'gyur te/ mtshan mo nyi ma'i snang ba med pa bzhin no/ /yang gang dang gang nyin re zhing sogs pa yod pa de dang de ni 'phel
 bar 'gyur ba nyid yin gyis nyams bar mi 'gyur te/ ji ltar sbrang rtsi byed pa'i sbreng mo'i sbrang rtsi bzhin duAm /yar gyi de'i zla ba'i gzugs bzhin te/ las kyi nyams par 'byung ba dang/ nyams bar mi 'gyur ba yang rgyu la ltos pa yin gyi/ ngo bo nyid
 kyi grub pa ni ma yin no/ /de lta bas na sdig ba shin tu mi bzad pa byas pa yang bdag nyid kyis 'gyod cing dmad ba dang/ bshags shing bsgrags pa dang/ phyin bcad bsdam pa byas pas bsrabs par 'gyur zhing rtsa ba nas 'byin par 'gyur ba 'di
 ni grub pa yin no/ /gang yang shin tu rgyas pa yang gzhan nyid ston pa'i phyir zhes zer ba yang don gyi rjes su zhugs pa'i ming gis shin tu rgyas pa'i ngo bo nyid ni shin tu rgyas bzhes bya ba yin pas theg pa chen po lhag par shin tu rgyas pa zhes bya ba yin
 bas theg pa chen po ltag bar shin tu rgyas pa yin pa de bzhin du nyan thos kyis theg pa la ni yod pa ma yin no/ /gal te khyod shin tu rgyas pa gzhan zhig 'dod na ni ming tsam du 'dod la rag go/ bdag cag ni theg pa
 chen po'i gsung rab ma lus pa rnams ni gzhung dang don shin tu rgyas pa'i phyir shin tu rgyas ba zhes bya ba 'dod de/ bcom ldan 'das kyis kyang 'di ni shin tu rgyas pa'o/ /'di ni ma yin no zhes nges par dbye ba mdzad pa ni mi mnga' bas
 theg ba chen po ni sangs rgyas kyis gsungs pa yin no zhes brjod pa yin rab tu sngar bar gyur pa khyed kyi gang smra ba de ni kho bo cag la tshad mar gyur pa ma yin ps nges na theg pa chen po 'di ni shin tu rgyas ba nyid yin par grub bo/ /gal te bcom
 ldan 'das 'od srungs la rgyal bo ki kis rmi lam gsol ba na/ bka' stsal pa skye dgu'i che lo brgya thub ba na de bzhin gshegs pa shAkya thub pa zhes bya ba 'byung ba de'i bstan pa la sde ba bco brgyad du gyes par 'gyur ro/ /zhes bstan pa'i dbye bar
 theg ba chen po ma bstan to zhe na/ theg pa chen po ni nges bar zab cing rgya che ba la mos pa'i sems can gyi bsam ba dang lhag pa'i bsam pa'i dbang du byas nas sde ba bco brgyad la thun mongs du bstan pa yin te/ gtsug lag gi gsung rab
 rnams las skye ba dang/ na tshod dang/ mdog dang yul dang/ dus tha dad pa med bar bstan pa bzhin no/ /yang na sangs rgyas thams cad kyi bstan pa la nyan thas kyi theg pa dang/ rang sangs rgyas kyi theg pa dang/ theg ba chen po'i dbye ba ni yod pa kho
 na yin la/ bstan pa tha dang kyi dbye ba ni shAkya thub ba kho na la yod kyi gzhan la ni ma yin zhing/ log bar dad sel la sogs pa'i de bzhin gshegs pa rnams kyis kyang theg pa tha dang du dbye ba mdzad pa ni yod pa yin pas yang 'od srungs kyis
 ma bstan pa yin no/ /de'i phyir na theg pa chen po ni sangs rgyas kyi gsung ma yin pa ma yin no/ /bcom ldan 'das yongs su mya ngan las 'das nas ring po ma lon par nyan thos la sogs pa rang rang la gsungs ba la yongs su zhen cing /de ched du phyed ba'i
 sdud pa po yis ji ltar dbang ba bzhin du yang dag par bsdus bana theg pa chen po'i gsung rab ni gnod du gyur ba su yang med pas gang gis kyang ma bsdus te/ bde bar gshegs pa la mngon bar 'ga' ba' i klu la sogs pa rnams kyis yongs su
 bsdus nas klu'i 'jig rten la sogs par bzhugs su gsol pa las de'i snod du gyur pas sangs rgyas kyi lung bstan pa 'phags pa klu sgrub kyis de dag nas bsdus nas mi'i 'jig rten du rab tu rgyas bar mdzad pa yin no/ /rnam pa thams cad mkhyen
 pa nyid thob par 'gyur ba dang rjes su mthun pa'i theg pa chen po'i bstan pa ni bdung kyi spyod yul ma yin pas de'i phyir theg pa chen po ring du spong bar byed cing sun 'byin pa ni rigs ba ma yin no/ /blos dpyod par nus pa yod na rigs pa dang rigs pas de brtag
 par gyis shig shin tu spros pas chog go/ skabs su bab pa nyid kyi dbang du byas te/ thams cad mkhyen pa nyid thob pa'i lam/ yang dag lta ba sngon 'gro ba/ /gang phyir theg chen las gsungs pa/ /de phyir gtan tshigs ma grub nyid/ /shes rab kyi pha rol
 tu phyin pa dang/ byang chub sems dpa' i sde snod dang/ blo gros mi bzang pa dang/ blo gros rgya mtsho dang/ nam mkha' mdzod dang/ gzungs kyi dbang phyag rgyal po dang/ gtsug na rin chen dang/ rgya mchos zhas pa la sogs pa theg pa chen po'i mdo sde phal
 che ba las yang dag pa'i lta ba la sogs pa lam 'di dag nyid yang dag par rdzags pa'i byang chub kyi rgyur bstan gyi/ lam gzhan nyid bstan pa ni med pas de'i phyir lam gzhan nyid nye bar ston pa'i phyir zhes bya ba'i gtan tshigs kyi don ma grub ba nyid
 yin no/ /'dir gang gA la sogs pa'i 'bab stegs su khrus byas pa dang/ snyud bar gnas pa la sogs pa'am/ gzhan bstan pa ma yin nam zhe na bden te/ gang gA dang/ sin d+hu dang bak+Shu dang sI ta zhes bya ba chu po bzhi rnams kyi tshul
 bkrus pa dang/ 'thungs pa dang/ de'i nang du zhugs pa dang/ de'i nang du gnas pa la sogs pa ni byang chub sems dpa' i smon lam gi dbang gis gsungs pa yin gyi/ chul sdig pa la sogs pa zad par byed pa'i nus pa yod pa ma yin te/ 'di ltar ma
 dros pa'i mdo las/ klu'i rgyal po ma dros pas las dang skye ba la dbang thob pa yongs su bzung nas/ pa nas zhes bya ba'i mtshe'u chen po'i nang du skye ba blangs bar gyur te/ de'i smon lam ni gang srog chags gang gang dag gyis bdag gis mtshe'u? 'di
 las 'bab par gyur pa'i chu klung rnams la bkrus pa dang/'thungs pa dang/ zhugs nas gnas par byed pa de rnams la de dag nyid de rnams kyi byang chub kyi rgyur gyur la/ de dag thams cad kyang rim gyis bdag gis sangs rgyas nyid la 'god par
 gyur cig /ces gsungs pa yin pas/ de dag nyid dge ba'i bshes gnyen gyis yongs su bzung nas sangs rgyas su 'gyur ba la 'gal ba yod pa ma yin no/ /snyung ba la sogs pa yang rig sngags spyod pa'i lus la sogs pa yongs su sbyangs nas/ rig
 sngags bsgrub par bya ba'i phyir gsungs ba yin gyis gral par 'dod pa'i phyir ni ma yin no/ /ci ltar de lam gzhan yin/ des na gtan sigs kyi don ma grub pa nyid kyi skyon bzlog par dka' ba yin no/ /de ltar ni bdan na yang theg pa chen por lam
 de dag nyid bstan kyang 'bras bu med pa yin te/ sdug bsngal shes pas mya ngan las mi 'da' bas sdug la sogs pa'i bden ba mthong ba dang 'gal ba la sogs pa yod pa'i phyir zhe na/ de lta na ni dang por khyod kyis ston pa'i bka' 'di blta bar bya
 bzhin te/ de yang gang 'phags pa'i bden pa bzhi'i mnyam pa nyid gang yin pa de rnam par byang ba yin no/ zhes gsungs pa'o/ /yang mnyam pa nyid gang zhe na/ chos thams cad stong pa nyid yin te/ dngos po med pa'i ngo bo nyid du ro gcig pa'i phyir ro/ /sdug bsngal
 la sogs pa rnams kyi stong ba nyid dpyad pa ni 'di yin te/ sdug bsngal skye ba bkag bstan pas/ /ma skyes sdug bsngal yin mi 'dod/ /skyes pa sdug bsngal ngo bo na/ /de stong ci'i phyir khas mi len/ /bdag dang gzhan dang gnyi ga dang/ /rgyu med pa las
 skye ba bkag pas ma skyes pa la sdug bsngal gyi bden pa ji ltar bzung bar bya/ rgyu dang rkyen las kun tu byung zhin skyes par mthong ba'i phung po lnga po'i rnams ba 'di dag ngo bo nyid kyis stong pa yin no zhes ci'i phyir nges par gzung bar mi bya zhes bya ba 'di lta bu ni
 phyogs yin no/ /yang gtan tshigs dang be? ni/ 'dus byas yin phyir sgyu ma'am/ zag med phung po ji bzhin no/ /skye ba la sogs pa'i sdug bsngal ni ngo bo nyid kyis stong pa'o zhes bya ba ni tshig lhag ma'o?/ /de lta bas na 'di dag ni ngo bo nyid kyis /khyod kyi
 sdug bsngal bden 'dod pa/ /yang dag lta ba'i blos 'dod pa/ /bslu ba med pa ni bden pa yin par rigs kyi sdug bsngal gyi ngo bo cung zhig yod pa ni ma yin no/ /'di ni ngo bo nyid kyis bslu ba med pa yin pas/ 'di ni sdug bsngal gyi bden pa nyid do/ zhes yang
 dag par blta bar bya'o zhes bya ba ni blo gang la yod pa de ni yang dag lta ba'i blo yin/ de gang gi phyir bslu ba med pa yin par 'dod gzhan yang/ tshor ba sdug bsngal sdug bsngal yin/ /skye sogs sdug bsngal nyid ci ltar/ /gang skyes pa na bral bar
 'dun pa 'byung ba'i nyams su myong ba'i sdug bsngal 'di ma yin pa nyams su myong ba gzhan skye ba dang/ rga ba dang/ na pa dang /'chi ba dang/ mya ngan la sogs pa rnams ci'i phyir sdug bsngal yin /mi rtag phyir na sdug bsngal na/ /rgyu dang lam yang sdug bsngal nyid//
 gang dang gang mi rtag pa de dang de sdug bsngal yin na kun 'byung ba dang lam yang sdug bsngal nyid yin par thal bar 'gyur ro/ /de ltar na ni sdug bsngal dang 'gog pa zhes bya ba bden pa gnyis su 'gyur ro/ /sdug bsngal rgyu yin phyir zhe na/ /kun 'byung
 sdug bsngal nyid du 'gyur/ /gang gi phyir skye ba la sogs pa rnams sdug bsngal nyams su myong pa'i rgyu gyur pa rnams kyang sdug bsngal nyid yin par rgyu la 'bras bu nye bar btags nas skye ba la sogs pa yang sdug bsngal nyid du 'dod do zhe na /gang dang gang
 sdug bsngal nyams su myong ba'i rgyur gyur ba de dang de sdug bsngal zhes bya ba ni ma rig pa dang sred pa dang las rnams la kun 'byung zhes bya ba'i sdug bsngal nyams su myong ba'i rgyur gyur pa rnams kyang sdug bsngal nyid du thal bar 'gyur ro/ /de ltar gyur na ni
 sdug bsngal nyid dang /'gog pa dang/ lam zhes bya ba bden pa gsum du 'gyur/ /gzhan yang sdug bsngal nyid ni tshig tsam phyir ro/ /de shes ji ltar sdug bsngal shes/ /btags pa dang tshigs tsam dang kun rdzob dang nye bar btags pa zhes bya ste/
 tshig tsam du nye bar btags pa nyid ni tshig tsam zhes bya ba'i tha tshig go /skye ba la sogs ba rnams ngo bo nyid kyi sdug bsngal ma yin yang tshig tsam du tha snyad kyis nye bar btags nas sdug bsngal zhes brjod par byed na ni gang dang gang skye 
 ba la sogs pa sdug bsngal shes de dang de yang nye bar btags pa pa yin gyi/ yang dag pa pa ma yin pas de bden pa nyid du ji ltar 'gyur/ de lta bu'i sdug bsngal la sogs ba shes pa ni don ji lta ba bzhin ma yin par tshad mas kyang
 bsgrub par bya ste/ sdug bsngal yul can shes pa de/ /de nyid du na bden pa min/ /sdug bsngal nyid du de shes phyir/ /phug sogs sdug bsngal blo bzhin no/ /'di ni sdug bsngal lo zhes gang shes pa skye bar 'gyur ba de ni yang dag pa nyid du bden
 pa ma yin te/ des sdug bsngal gyi rnam par yongs su shes pa'i phyir dper na dmyal ba'am/ gang g.yul du zhugs pa rnams mda' dang/ mdung dang/ ral gri rnon pos phug cing bcad pa dang/ sgyogs la sogs pas gnod par byas pa la sogs pa'i bde
 ba'i mi mthun par gyur pa'i sdug bsngal de lta bu dang ldan pa'i blo bzhin no/ /de ltar sdug bsngal gyi bden pa bkag nas kun 'byung gi bden pa dgag par brtsams par bya ste /rgyu ni sdug bsngal rgyu nyid du/ /mi rigs kun 'byung bdag nyid phyir/ /ral gris
 bshags sogs bzhin du 'am/ /sems 'byung yin phyir lam bzhin no/ /ma rig pa dang sred pa dang/ lus zhes bya ba gang rnams sdug bsngal gyi rgyur 'dod pa de rnams ni 'di dag kun tu 'byung ba'i phyir kun 'byung yin no zhes bya bar mi rigs te/ sdug bsngal
 gyi rgyur gyur pa yin pa'i phyir/ /ral gris bshegs pa la sogs pa sdug bsngal gyi rgyur gyur pa bzhin no/ /yang na kun 'byung yang sems las byung ba yin pa'i phyir/ 'phags pa'i lam yan lag brgyad pa sdug bsngal 'byung ba'i rgyu ma yin pa
 bzhin no/ /de bzhin du sdug bsngal rgyu yi yul can gyi/ /blo de rdzun pa nyid du 'dod/ /rgyu sogs rnam par rtogs pa'i phyir/ /sdug bsngal rgyu yi blo can bzhin/ /gang dang gang sdug bsngal gyi rgyu'i yul can gyi blo yin pa de dang de ni yang dag par bden pa
 ma yin te/ sdug bsngal gyi rgyas sdug bsngal rab tu 'byung ba yin no zhes des rtogs pa'i phyir dper? na ral gris bshags pa la sogs pa la 'di ni sdug bsngal gyi rgyu yin no zhes rtog pa'i blo bzhin no/ /kun 'byung ba rab tu bkag nas 'gog pa'i bden pa
 dgag bar bya ba'i phyir/ /skye med 'gag pa yod min te/ /sngar smras pa yi dgag pa nyid/ /ces bya ba smras te/ sngar bstan bcos 'di nyid du skye ba thams cad re zhig bkag pas de'i phyir ma skyes pa la 'gag pa yang med par rab tu bsgrub pa yin
 te/ de med na yang dag bar ni 'gog ba nyid kyang yod pa ma yin na de ba den pa'i don yin ba blta ga la 'gyur/ /de lta bas na/ skyes pa 'gag na ma skyes la/ /nam mkha' i me tog bzhin mi rigs/ /skyes pa nyid ni kun rdzob tu 'gag pa'i rgyur
 gyur ba yin te/ kong bu dang snum dang sdong bu la sogs pa tshogs pa las mar me 'byung la/ rkyen dang bral bar gyur ba las 'gog par mthong ba bzhin no/ /yang na nam mkha' i me tog la sogs pa rnams ni skye ba med bas 'gag ba yang med pa nyid du bstan pa yin
 te/ de'i phyir nam skyes ba la 'gag pa yod par ga la 'gyur/ gzhan yang gang tshe skye bas de ma skyes/ /'gog ba nyid kyis 'gog yin bar/ /mi 'dod de tshe mkhas pa khyod/ /ci zhig bden bar yod ba smros/ /skyes par gyur ba'i dngos po'i 'gag par
 'gyur ba la 'gag pa zhes bya ba yin pas dngos po nyams par 'gyur ba 'gag pa zhes bya ba'i tshig tu brjod par 'gyur na/ gang de skye ba nyid du ma skyes par bdag gis bsgrub zin pa de /kye mkhas par nga rgyal byed pa khyod de la ci zhig yang dag par
 bden ba nyid du yod pa de smra dgos so/ /yang na skye ba med kyang de kho na nyid du 'gog pa khyod 'dod na de lta bu de 'gegs par byed pa'i rjes su dpag par byed ba bya ba nyid de/ ma skyes pa yi 'gog ba yang/ /yang dag tu na 'gog pa min/ /ma skyes ba yi
 'gog yin phyir/ /so sor rtags min 'gog ba bzhin/ /gang 'gog la mi 'bral ba de ni so sor brtags pa ma yin pa'i 'gog pa yin la de ni bden pa ma yin te/ shes rab kyi sngon du ma byas na yang ngo bo nyid kyis skad cig ma'i 'jig pas
 'jig ba'i 'dus byas thams cad kyi 'gog pa yod pas so/ /gang shes rab kyi so sor brtags nas 'gog pa thob ba thob ba de ni so sor brtags pa'i 'gog pa ste/ des ni 'bral bar byed pa yin pas yang dag pa yin te/ shes rab sngon du
 song ba'i phyir ro/ /de dag gnyi ga yang skye ba med ba'i ngo bo nyid la 'gog pa yin par brtags ba yin de la ni so sor brtags pa ma yin pa'i 'gog pa bzhin du so sor brtags pa'i 'gog pa yang don dam pa pa ma yin no zhes rig par bya ba yin no/ /de ltar 'gog pa'i
 bden ba bkag nas lam gyi bden ba yang dgag bar bya ba'i phyir/ /'gog pa ngo bo nyid med na/ /khyod kyis lam gyis ci zhig len/ /ma skyes lam yang ji ltar yin/ /gang gis ci zhig thob bar byed/ /'gog pa thob bar byed ba'i rgyu ni lam yin par 'dod na gang
 gi tshe de ltar brtags par byas pa na 'gog pa'i ngo bo nyid kyang yod pa ma yin pa de'i tshe /ci zhig 'tshol zhing thob par byed na lam zhes bya ba'i sgra brjod par byed/ /lam 'di yang rang gi ngo bor ma skyes bas ma skyes pa'i rnal 'byor gang gis ma skyes pa'i
 'gog pa'i bden pa gang zhig 'thob par 'gyur tshad mas kyang 'di ltar bsgrubs te/ lam gyi ngan grol thob min te/ /'dus byas yin phyir gzhan bzhin nam/ 'gog pa la ni dmigs ba'i phyir/ /de las gzhan pa'i 'gog pa bzhin/ /ngan pa zhes
 bya ba ni dmad pa ste/ /'dod pa dang gzugs dang/ gzugs med pa'i khams la brten pa'i sems so/ /spangs pa'i phyir ngan grol te thar ba'o/ /de thob bar 'gyur ba'i rgyu ni lam ma yin te/ /'dus byas yin pa'i phyir dge ba bcu zhes bya ba mtho ris kyi lam
 bzhin nam/ 'gog ba mngon du bya ba'i phyir goms par byed pa'i lam 'di ni 'gog pa la dmigs bar byed pa nyid yin pas 'gog pa la dmigs pa yin pa'i phyir so sor brtags ba ma yin pa'i 'gog pa'i blo bzhin no/ /yang dag pa'i lta ba la
 sogs pa'i lam rnams so sor dga' bar bya ba'i phyir/ spyi la dmigs pa yin phyir ram/ /'dus byas yin phyir de bzhin du/ /sdug bsngal la sogs mthong ba brdzun/ /brdzun pa'i shes ba bzhin du 'dod/ ces bya ba smras te /gang sdug
 bsngal yang sdug bsngal nyid du/ /kun 'byung yang kun 'byung nyid du/ 'gog pa yang 'gog ba nyid du shes pa ni yang dag ba'i lta ba yin no/ /de la sdug bsngal la sogs pa mthong ba zhes bya ba ni chos can no/ /de'i chos brdzun pa nyid ni
 bsgrub bar bya ba'o/ /mi rtag pa dang bdag med pa dang/ stong ba la sogs pa spyi la dmigs pa'i phyir ram rgyu dang rkyen gyis mngon par 'dus byas pa'i phyir zhes bya ba ni gtan tshigs so/ /brdzun pa'i shes pa bzhin no zhes bya ba ni dpe yin no/ /'dis ni
 gang dag rtog pa dang/ /rtsol ba sogs kyang brdzun nyid phyir/ /lam gyi bden pa don dam du/ /mi bden par ni grub pa yin/ /yang dag pa yi rtog pa dang/ yang dag pa yi rtsol ba dang/ yang dag pa'i 'tsho ba dang/ yang dag pa'i las kyi mdza' dang
 yang dag pa'i dran pa dang/ yang dag pa'i ting nge 'dzin la sogs pa ni kun rdzob yin gyi don dam par ni brdzun pa yin te/ spyi la dmigs pa yin pa'i phyir ram /'dus byas yin pa'i phyir phyin ci log gi rtog pa bzhin no/ /de ltar byas na lam gyi
 bden pa ni don dam par bden pa ma yin no/ zhes bya bar grub po/ /de ltar ji ltar byas na lam bden pa nyid du rig pa yin/ des na bsgom de mi rigs la/ /sdug bsngal la sogs ma mthong rigs/ /mthong ba rnams kyi ma mthong gzugs/ /thams
 cad du yang de bzhin gnas/ /dngos po la mngon par zhen pa khyed kyi nyan thos kyi thag par lam bsgom pa ji ltar bstan pa de bdag gis brtag pa'i rim ba 'dis de dag yang dag pa'i lta ba la sogs pa'i rnam pa des theg pa chen por rigs pa ma yin no//
 sdug bsngal la sogs pa rnams mthong ba med pa'i bsgom pa ni rig pa yin pa'i phyir/ /ci ltar zhe na/ mthong ba ste/ sdug bsngal la sogs pa'i rang gi ngo bo yongs su ma rdzogs pa rnams kyi'o/ /ma mthong gzugs zhes bya ba ni dngos po med pa'i
 ngo bo nyid do/ /de ni thams cad du ste /dus kun du de'i rnams ba de bzhin du rab tu gnas pa yin te/ gzhan gyi bsam pa blangs nas phyogs snga ma nye bar 'god par byed pa ni/ gal te blo ngan 'ga' zhig ni/ /bden pa mthong ba mi 'dod phyir/ /khyod ni thar bar riD
 min te/ /byis pa'i skye bo bzhin zhe na/ zhes bya ba smras te /sdug bsngal la sogs pa'i bden ba mthong ba la sdang ba'i theg pa chen po pa rnams ni thar bar rigs pa ma yin te/ bden ba mthong ba med pa'i phyir byis pa so so'i skye po bzhin no/ /nyan thos kyi theg
 pa pa gang dag ? gtod ba'i bsam pas de skad du smra bar byed pa de dag la len brjod par bya ba'i phyir/ sdug bsngal des sdug ma skyes phyir/ /su zhig thar pa gang la 'dod/ /grol ba 'ang sgyu ma byas pa bzhin/ /'khrul pa'i dbang gis bstan pa yin/ /sngar
 bstan pa'i rigs pas sdug bsngal skye ba med pa yin pa'i phyir/ sdug bsngal des sdug bsngal bar gyur pa yin skye ba med pa yin la su zhig skye ba med pa'i 'khor ba na bsdams pa yod nas skye ba med pa'i nges par 'byung ba gang zhig yod pa la 'dod pa
 skyes par byed/ 'on kyang rgyu dang rkyen gzhan gyi dbang la brdzun pa'i bdag nyid mi bden pa'i kun tu rtog pa'i 'ching bas bcings ba dag sgyu ma byas pa bzhin du 'khrul pa'i dbang gis gol bar brjod par bya'i/ /don dam pa ni su yang bcings ba 'am thar ba yod ba ma
 yin no/ /de bzhin du yang /sdug bsngal la sogs gang dag rnams/ /gtan du ma mthong grol bar 'dod/ /de phyir dpe yang yod min la/ /de bzhin gtan tshigs ma grub nyid/ /sdug bsngal la sogs pa rnams rnam pa gang gis kyang gtan du ma mthong ba ni
 grol ba yin no/ /zhes bya ba theg pa chen po'i phyogs 'di la bstan pa yin te/ de'i mthong ba med pa de ni chos tsam mthong ba'i nyan thos la sogs pa'i yul ma yin pa'i phyir gang phyogs snga mar slob ma'i byang chub bzhin zhes bya ba'i dpe nye bar bstan
 pa'i dpe yang yod pa ma yin la/ de bzhin du lam bsgom pa phul du byung bas ston pa'i rnam pa thams cad mkhyen pa nyid kyi ye shes byung ba yin gyi/ dbang po khyad par du 'phags pas ni ma yin te/ des na dbang po khyad par du 'phaT
 pa zhes bya ba'i gtan tshigs bdag cag la smras pa 'di ma grub pa yin no/ /lam gyi khyad par gzhan bstan pa yin no zhes bya ba'i gtan tshigs kyang 'di ltar ma grub pa yin te/ ji ltar zhe na/ yang dag lta ba sngon 'gro ba'i/ /ji ltar 'byung
 ba'i lam 'di nyid/ /theg chen du yang nye bar bstan pas/ /de phyir gtan tshigs ma grub nyid/ /yang dag pa'i lta ba la sogs pa'i rnam pa'i mtshan nyid ji lta ba nyid kyi kun rdzob tu bsgom par bya ba yin la/ de kho na nyid rtogS pa'i dus su ni mthong
 ba med ba la sogs pa'i rnam par bsgom par bya ba yin pas des na theg pa chen po 'dir bsgom ba bye brag tu bstan pa yin gyi/ yang lam gzhan ni ma yin bas de'i phyir lam gzhan nye bar bstan pas zhes bya ba la sogs pa'i gtan tshigs
 ma grub pa yin no/ /de lta bas na bden pa gnyis la nyer brten nas/ /sangs rgyas rnams kyi chos bstan te/ /'jig rten kun rdzob bden pa dang/ /don dam nyid kyi bden pa'o/ /bcom ldan 'das kyi rtsom pa ni 'jig rten la phan pa'i phyir
 yin pas de kho na nyid mchog tu 'dzin par mi mdzad kyi mi mthun pa'i phyogs nyon mongs pa dang bral ba dang rjes su mthun ba nyid dang/ sems can g.yeng ba'i bsam ba can la bltos nas don kha cig yang dag par ma yin du zin kyang don dam pa
 nyid du rnam par byang ba dang rjes su mthun par rjes su ston par mdzad de/ de lta bu zhe na/ gsungs ba dge slong rnams khyed rnams kyi 'di ltar bud med ma dang 'dra bar mthong na ni ma'i 'du shes bskyed bar bya'o/ /de bzhin du sring mo dang 'dra ba'i bud med dam bu mo
 dang 'dra ba'i bud med mthong ba na bu mo'i 'du shes nye bar bzhag bar bya'o/ /zhes bya ba dang de bzhin du sems can brdzus te/ skye ba yod do zhes bya ba dang/ gang zag gcig 'jig rten du byung bar gyur cing byung na zhes bya ba dang/ sems can thams cad ni zas
 kyi gnas so zhes bya ba dang /da ni rgas shing 'khogs so zhes bya ba lta bu dag go /ji ltar dri ma kha cig ni sa dang thal ba dang lci ba la sogs pa'i dri mas dag par byed par nus la/ du ba dang snum dang 'dam la sogs pa'i dri ma kha cig ni nye bar sogs par byed
 pa yin pa de bzhin du rnam par rtog pa yang phan pa dang mi phan pa'i rgyu nyid du 'gyur ba yin te/ 'di ltar bla ma'i chung ma la ma dang sring mo ltar rnam par rtog pa ni phan pa'i rgyu yin la /de nyid la chung mar mi bden par btags pa ni mi 'dod pa dang rjes su
 'brel pa yin no/ /'dir gsungs pa/ mkhas pas dri ma dang bral na/ /gos ni shin tu dag par 'gyur/ /de bzhin dngos po kun rdzob tu/ /kun rdzob mchog tu dbral ba yin/ /zhes kyang gsungs so/ /gzhan yang de bzhin gshegs pa nyid rnam pa sna tshoD
 sprul pa'i sbyor bas legs par gsungs pa 'jig rten du grags par mdzad pa yin no/ /zhes bya bar rigs byed mdza' yang legs bstan gang/ /de kun sangs rgyas gsungs pa yin/ /de phyir dpe ni ma grub ste/ /the tshom zan brtag par gyis/ /
 zhes bya ba smras te/ theg pa chen po ni sangs rgyas kyis gsungs pa ma yin te/ rig byed mdza' ba'i lta ba bzhin no zhes sngar gang smras pa de la rig byed kyi mdza' dber brjod pa ni bsgrub bya'i nang du 'dus pas bsgrub bya dpe ma grub pa'i skyon yod do/ /
 ma yin te/ srog gcod pa dang/ ma byin par len pa la sogs pa ngan par smras pa mang po smra bar byed ba'i rigs byed kyi yan lag de dag dper 'gyur ro zhe na /theg pa chen por de lta bu ma bstan pas skyon yod pa ma yin no/ /theg pa chen po ni gtsug lag
 gsum gyi gsung rab dang yang 'gal ba yang ma yin la chos nyid dang 'gal bar bstan pa yang med de/ ji ltar sngar bsgrub pa bzhin no/ /gang sangs rgyas kyi bka' dang mi 'gal ba'i legs par smras pa'i rig byed ni gzung bar
 bya ba yin la nye bar smras pa ni gzung bar bya ba ma yin te/ the tshom zan yongs su dpyod cing de lta bas na rigs pa ni gzung bar bya la /mi rigs pa ni gzung bar bya ba ma yin no/ /gang yang rgyu dang 'bras bu la skur ba 'debs pas theg pa chen po ba ni
 med par lta ba dang 'dra'o zhes zer ba de la lan gdab par bya/ yod dang med pa'i rtog bral zhing/ /shes rab spyod pas gnas pa la/ /rgyu dang 'bras bu skur 'debs pa'i/ /lta ba gang yod 'dod pa gang/ /zhes bya ba gsungs te/ gal te bdag cag yod
 pa'i phyogs spangs te med pa'i phyogs len par byed na ni med pa ba nyid yin na 'di ltar bdag cag yod pa dang med pa'i mdza' gnyi ga btang nas dbu mar bsgrub par bzung ba la dngos po yod pa ma yin te/ de ni so so rang gis rig par bya ba yin
 na de la ji ltar na bdag cag med par lta ba pa yin no zhes sgro 'dogs par byed/ gang gi phyir sheS rab la spyod pas yod pa dang med pa'i rtog pa dang bral bar byed pa de ni yod dang med pa'i rtog pa dang bral zhing shes rab spyod pa ste/ gang dag la ngang tshul 'di rnams yod
 pa de ni yod pa'i rtog pa dang bral zhing shes rab spyod pas gnas pa la'o/ /de dag ni yod pa dang med pa dang gnyi ga'i mdza' spangs pas lta ba la mngon par zhen cing dngos po ci zhig mngon par 'dzin pa skye bar 'gyur te /sgro 'dogs pa dang skur
 ba 'debs pa'i mdza' mngon par spangs pa la don dam ba nyid du rgyu dang 'bras bu la skur ba 'debs pa'i lta ba 'di lta bu yod ba ma yin no/ /kun rdzob tu ni/ rgyu dang 'bras bu 'brel ba dag /'jig rten grags pa ji lta bar/ /de bzhin de ni 'gog pa min/ /de phyir
 gtan tshigs ma grub nyid/ /'jig rten 'di yang med/ /'jig rten pha rol yang med/ legs bar byas pa dang nyeS par byas pa'i las rnams kyi 'bras bu rnam par smin pa yang med ces bya ba'i log par lta ba spangs nas 'jig rten 'di yang yod /legs par byas
 pa dang nyes par byas pa'i las rnams kyi 'bras bu rnam bar smin pa yang yod do zhes bya ba rang gis nye bar bsags pa'i las rnams yongs su smin par gyur ba thob nas dus gzhan 'bras bu nyams su myong ngo zhes 'jig rten la ji ltar grags pa de ni bdag cag gis
 kyang mi 'gog pas de'i phyir na bdag cag la rgyu dang 'bras bu la skur pa 'debs pa'i gtan tshigs smras ba de ma grub pa nyid do/ /med bar lta ba mdor bsdus na 'bras bu med de de bzhin las/ /bsod nams med pa ngan 'gro ba/ /log par lta ba zhes brjod do//
 yod bar lta ba mdor bsdu na/ /'bras bu yod do las rnams kyi/ /bsod nams bde 'gro'i rgyu mthun pa/ /yang dag lta bas 'di dran bya/ /med pa pa ni ngan 'gror 'gro/ /med las gzhan pa bzang 'gro ste/ /gnyi ga yongs su spangs pa yi/ /gnyis med brten
 ba thar bar 'gyur/ /zhes kyang gsungs pas des na gnyis su med par smra ba bdag cag ni med ba pa ma yin no/ /'di dag nyid sgrub par byed pa dbu ma'i rtsa pa las kyang bstan te/ dbu mar smra bar rnams med pa pa dang 'dra'o/ /zhes bya ba de tha snyad kyi dus
 sam de kho na nyid mthong ba'i gang la brtag par bya /de la re zhig med pa po ni tha snyad kyis dus kyi rgyu dang 'bras bu la skur ba 'debs pa la mngon bar zhen zhing dkar po'i phyogs ma lus ba drungs nas phyung zhing mi dge ba'i lam thams cad la zhugs nas yang
 dag pa'i tha snyad kyi bden pa la gnod pa yin na bdag cag ni sgyu ma dang smig rgyu tsam du btags pa'i rgyu dang 'bras bu 'brel pa la skur ba yang mi 'debs pas mi dge ba'i lam la zhugs pa yang ma yin cing/ zag pa dang bcas pa'i phung po 'di las yang
 srid ba'i phung po 'byung bar mi 'dod pa yang ma yin pas phung po rnamS ni phung po gzhan 'gag ba sngon du song ba las nga ltar gyi dang ma 'ongs ba'i 'byung bar mi sgrub pa yang ma yin te/ de lta bas na sgyu ma dang rmi lam bzhin du 'dod
 bas tha snyad kyi dus na med pa dang bdag cag 'dra ba ma yin no de kho na nyid mthong ba'i dus na yang ma yin te/ 'di ltar yang med ba pa rnams kyi med pa ni med pa'i yul tsam gyi rnam par shes pa skyed bar byed cing dngos po'i don thams cad la skur ba 'debs bar
 byed pa'i phyir phyin ci log gi shes bas de tshul khrims 'chal pa'i dri mas bgos par gyur bas sdug bsngal zhi bar mi 'gyur ro/ /bdag cag gi de kho na nyid mthong ba'i dus na ni gang gis phyir gzugs la sogs pa'i dngos po'i yul la sngar bden pa'i
 blo? skyes bar gyur ba de gzugs la sogs pa'i dngos po de dag stong pa nyid du rtogs pa'i phyir 'di ni gzugs la sogs pa'i dngos po bden pa'o snyam pa de ldog par 'gyur ro/ /don gyi shugs kyis byung ba'i blo med ba'i blo yang 'jug par mi 'gyur te/
 gzugs la sogs pa'i yul 'di ni med ba yin no zhes bya ba'i bla de yang don dam pa ji lta ba bzhin gyi don dam pa ma yin te /blo yin pa'i phyir yod pa'i glo bzhin no/ /zhes bya ba ni sun dbyung ba yin yang na srid par snang ba gang la blo skye bar 'gyur ba dgag
 bar bya/ de la med ba'i blo 'byung ba'i skabs yod par 'gyur ba 'di ltar dgag par bya ba'i ngo bo med pa'i phyir mi bden par rtogs pa'i sgo nas med pa'i blo yang ldog par 'gyur ro/ /'phrog pa med pa'i shes rab kyi spyod pa la gnas pa dang/ rab tu
 dben bar gyur pa la med do/ /zhes bya ba blo yang skye bar mi 'gyur pas med pa zhes bya ba'i sgra tsam yang mthun pa yang med pa pa dang/ dbu mar smra ba la yod pa ma yin no/ /ston pa'i dus na yang yod pa nyid dgag pa tsam byed gyi med pa nyid sgrub ba
 ni ma yin bas yungs kar dang ri rab bzhin du khyad par shin tu che bar yod pa yin te/ ji skad du 'di ni yod nyid 'gog pa ste/ med nyid yongs su 'dzin pa min/ /sngon po min zhes brjod ba yis/ /dkar po yin zhes brjod dam ci/ /zhes gsungs pas de'i
 phyir na lta ba rnam pa gnyi ga yang sbros pa ma lus pa spangs pas zhi ba'i bde ba 'dod pa'i mkhas pa rnams la sdug bsngal du 'gyur ba yin no/ /ci ltar zhe na/ gzugs dang gzugs med pa na spyod pa dang/ 'jig rten las 'das par dge ba dang mi dge ba dang
 lung du ma bstan ba rab tu thob pa'i bdag nyid kyi dngos po gang dag gis tha snyad du bya bar 'os pa de dag gal te 'dir rang rang gi ngo bo don dam par yod par gyur na ni dge ba dang mi dge ba'i choS bskyed ba dang ma bskyed pa'i phyir 'bad ba don med par 'gyur te/ bden
 par yod pa'i phyir yod par gyur ba'i bum pa dang /ras yug bzhin te bde ba can yang bde ba'i khyad par las nyams par mi 'gyur la/ sdug bsngal can yang sdug bsngal las nyams bar mi 'gyur te/ rtsig ngos la bris ba'i ri mo bzhin du skye
 ba dang na tshod dang tshad dang spyod lam gyi khyad par ji lta ba bzhin du srog chags rnams la rjes su 'brel bar 'gyur ro/ /'on te med ba'i ngo bo nyid yin na yang khams gsum pa dang/ 'jig rten las 'das pa'i dge ba dang /mi dge ba'i chos rnams
 bskyed pa dang mi bskyed pa'i phyir 'bad pa don med pa yang de bzhin te /sems can med pa'i phyir ji ltar ri bong gir rno bar sgrub pa bzhin te nges ni tha snyad chad par thal bar 'gyur ro// //dbu ma'i snying po'i 'grel pa rtog 'bar ba//
 bam be bcu bdun pa/ /gang gi phyir lta ba dzin? pa'i rab rib kyi blo gros kyi mig nyams par gyur ba la 'di skad ces /gang gis srid rnams yod nyid dang/ /med pa nyid mthong blo dman pa/ /des ni mthong ba'i nyer zhi dang/ /zhi ba mthong ba ma yin
 no/ /zhes brjod pa dang/ mdo sde las kyang 'di skad du gsungs te/ gang gis yod nyid bsgrub pa yi/ /rkyen nyid gang phyir med ba la/ /lta ngan yod par smra ba yis/ /med dang yod par rab tu bstan/ /de bzhin yod med yod med min/ /gang tshe'i?
 'di mthong ba/ /de tshe sems ni ldog gyur nas/ /bdag med par ni rtog par 'gyur/ /zhes gsungs pa dang/ de bzhin du 'ong srungs yod ces bya ba 'di ni mdza' gcig ste med ces bya ba 'di ni mdza' gcig ste med ces bya ba 'di ni mdza' gnyis pa'o/ /gang mdza' 'di gnyis kyi dbus de ni gzugs
 med pa/ bltar med pa/ phrad pa med pa /snang ba med pa/ dam pas shes par bya ba ma yin pa /gnas ba med pa rten med pa 'di ni dbu mar sgrub pa chos rnams kyi yang dag pa la so sor rtog pa zhes bya'o/ /zhes bya ba dang /de bzhin du ka ta yan gang
 'jig rten 'di ni khyad par las kyang khyad par can du 'byung bar 'dod pa nye bar gzung bas 'di lta ste/ yod ba dang med pa la rten par byed pa chos 'di ni yod pa yang ma yin/ med pa yang ma yin zhes gsungs pa dang/ de bzhin du kun dga' bo
 yod ces zer ba ni rtag pa nyid du ltang bar 'gyur ro/ /med pa ni chad par ro/ /gang mdza' 'di gnyis spangs nas dbu ma'i bsgrub pas de bzhin gshegs pa chos ston par mdzad de /'di lta ste 'di yod na 'di 'byung zhes bya ba la sogs pa
 gsungs pas/ dbu mar sgrub pa la rten pa'i theg pa chen po pa dbu mar smra ba rnams ni med pa pa ma yin no/ /de ltar na dpe ma grub pas bsgrub par bya ba rjes su 'jug ba ma yin no gang yang theg pa chen po ni sangs rgyas kyi bka' ma yin te /mngon sum
 la sogs pa dang 'gal ba'i phyir ro zhes zer ba de yang rigs ba ma yin te/ gang gi phyir dngos po mngon sum spyod yul gyi/ /kun rdzob byis pas bzung ba 'di/ /'dir ni lan yang snga ma bzhin/ /de yi gnod pas mi gnod do/ /mngon sum
 gyi gnod pa bskyed par 'dod pa gang gis kyang mngon sum mngon sum zhes bya ba nyid nye bar btags nas gdong brtsad par rigs pa yin no/ /don dam pa nyid du na dbang po ni sems pa med pa yin pa dang/ 'du byed rnams kyang bem po yin pa'i phyir dang/ skad
 cig ma yin pa'i phyir dbang po rnams kyi rnams kyi rnam par shes pa rnams la yul la nye bar dmigs pa'i nus pa yod pa ma yin no/ /'on kyang kun rdzob du mig dang gzugs la brten nas mig gi rnam par shes pa zhes bya ba 'byung ba dang/ yul yang kun rdzob kho
 na ste byis ba'i blos bzung ba la mngon sum zhes nye bar gdags so/ /don dam par ni mthong ba med pa nyid de kho na nyid mthong ba yin te/ ji ltar sngar mig gi dbang po'i gzung ba ni/ /don dam nyid du gzugs min te/ /bsags pa'i phyir na sgra bzhin
 nam/ /yang na 'byung las gyur pa bzhin/ /zhes bya ba la sogs pas bsgrubs pa yin no/ /ji ltar 'jig rten dang 'gal ba yang med pa de ltar brjod par bya ste/ mkhas pa'i lugs kyi brtags pa la/ /grags pas gnod pa ma yin te/ /ji ltar
 chos bdag med pa dang/ /skad cig ma zhes brjod pa bzhin/ /gal te bdag cig gis chos thams cad don dam par skye ba med pa la sogs par smras pa la grags pas gnod par gyur na ni/ de lta na sde ba gzhan gyis smras pa'i chos thams cad
 bdag med pa dang /skad cig ma'o zhes bya ba la yang grags pas gnod par 'gyur ro/ /gal te de la grags pa dang 'gal bas gnod par mi 'gyur ro/ zhe na ni bdag cag gis chos rnams skye ba med pa'o zhes smra ba la yang 'jig rten gyi grags pa
 dang 'gal ba ci zhig yod/ rjes su dpag pas kyang 'jig rten gyi grags pa dang 'gal ba yod par ma yin par bstan te /gang gi phyir /gzugs kyi de nyid byis rnams kyis/ /yul nyid 'gyur ba ma yin te/ /nang la rig pa ma sbyangs phyir/ /bdag sogs
 stong pa ji bzhin no/ /gang gzugs la sogs pa'i don dam pa de ni byis pa rnams kyi yul du 'gyur ba ma yin te/ lus kyi dbang po dang blo ni bdag go /bdag gis dbang du byas pas nang ste/ /nang gi bdag nyid la rig pa gang
 yin pa'o/ /de goms par ma byas pas na ma sbyangs pa ste /nang la rig pa ma sbyangs pa de'i phyir na nang la rig pa ma spyangs pa zhes bya ste /gang dang gang nang la rig pa sbyangs pa med pa'i byis pa de dang de dag gi yul du 'gyur ba ma yin te/ dper de bdag
 la sogs pa'i stong pa bzhin no/ /byis pa rnams bdag tu nga rgyal ba dang/ bdag tu rmongs pa dang/ bdag la chags pa'i dbang du gyur pa rnams 'jig tshogs kyi lta ba la mngon par zhen bas bdag tu 'dzin pa dam du 'jug par gyur pa de dag la kha
 bdag la sogs pa'i stong pa nyid yul du byas pa'i blo lta ga la 'byung bar 'gyur/ de bzhin du gyis rnams blo la yang dag tu/ /gzugs kyi de nyid ldan pa min/ /ma rig rab rib kyis bsgribs phyir/ /mya ngan 'das pa'i spyod yul bzhin/ /gzugs kyi de kho
 na nyid don dam par byis pa rnams kyi blo'i yul du ldan pa ma yin te zhes bya ba ni phyogs yin no/ /las dang 'bras bu dang/ bden pa dang /dkon mchog rnams mi shes ba ni ma rig pa'o/ /de nyid ni rab rib ste /mi mthang bar byed ba'i phyir ro/ /nges bsgribs
 pa ni ma rig rab rib kyis bsgribs pa ste/ de'i ngo bo ni ma rig pa'i rab rib kyis bsgribs pa nyid do/ /de'i phyir ma rig pa rab rib kyis bsgribs phyir/ /zhes bya ba ni gtan tshigs yin no/ /mya ngan las 'das pa'i spyod yul bzhin zhes bya ba ni dad yin
 te/ ji ltar mya ngan las 'das pa'i spyod yul can gyi blo byis pa rnams la mi ldan pa de bzhin du gzugs kyi de kho na nyid kyi spyod yul can gyi blo dang yang de rnams ldan pa ma yin te/ gang gi phyir ma rig pa'i rab rib kyis bsgribs pa'i phyir zhes bya
 bas 'jig rten gyi grags pa dang 'gal ba yang med do/ /des na 'di ltar /srid pa rnams ni yang dag tu/ /skye med ces bya'i khyad par gyis/ /mngon sum dang ni grags pa dag /gnod par bstan pas gnod pa med/ /'di dag ni sngar yang lan btab pa
 nyid yin te/ yang dag par zhes bya ba'i dam bca' ba khyad par can la mngon sum du grags pas gnod pa 'byung ba med bzhin du mi bden pa'i skyon gyis sgro 'dogs pa la mngon par zhen pa dag yang dang yang du brtags nas gnod par smra ba des ni bdag
 cag la gnod ba ma yin te /sngar sun 'byin pa bstan pa'i shugs kyis so/ /zhes bya ba'i bsams pas so/ /gang yang sgrod min la yang yang dag tu/ /bgrod par bya ste zhes bya ba la sogs pa smra pa'i lan/ /yang dag par na chos rnams ni/ /zhi zhing mkha' 
 dang mnyam pa la/ /bud med nyid kyang ma grub na/ /dpe yis gnod pa ji ltar 'dod/ /'di'i mngal du 'dzin par byed pas bud med de/ /de ni don dam par byed pa po? dang las dang dbang du bya bar ma grub pas bya ba thams cad ldog par gyur pa'i nam mkha' dang
 mnyam par gyur pa'i chos rnams la mi 'grub po/ /de ma 'grub na don dam par dpe gang gis gang zhig ji ltar rjes su dpag pa da 'dod de lta na yang/ bgrod bya bgrod pa bgrod po dang/ /gsum po ji ltar yod bzhin du/ /bgrod min bgrod bar sgrub
 byed pa/ /de bzhin skyon zhig 'dogs par 'dod/ /bgrod bya ni yang dag par mthun par bya ba'i bud med do/ /re la 'jug pa ni de la bgrod pa ste/ /gnyis gnyis sprod pa'o/ /bgrod po ni 'dod pa ste/ de ltar gsum po 'di dag yod pa cing du 'jig
 rten du grags so/ /da lta na yang bgrod par bya ba ma yin pa skyed byed la sogs pa la yang bgrod par bya bar 'gyur ro/ /zhes bya ba'i tshig gis khyod kyis bdag la skyon sbyin par 'dod cing grub pa ji lta bu yin/ grags pas gnod pa
 nyid ni bden/ /khyad par can la ma grub phyir/ /des na mi mthun phyogs 'di la/ /bdag gis phyogs gnod nus pa med/ /gang bgrod par bya ba ma yin pa'i bud med la yang bgrod par bya ste/ phung med yin pa'i phyir bud med
 gzhan bzhin no/ /zhes smras pa ni bden te/ 'di lta bu ni grags pas gnod pa yin no/ /gang dag don dam par zhes khyad par can du byas pa la ni de ma grub ste/ don dam par bud med nyid kyang ma grub pa'i phyir ro/ /de lta bas na gang khyod kyis rjes su
 dpag pa ltar snang ba bstan pa de la/ bdag la gtang nas grags pa dang 'gal ba sgrub par 'dod pa'i nus pa med cing mthu med do/ /gang yang 'di skad du /bden pa mthong ba de nyid min/ /de nyid med par thal bar 'gyur/ /zhes bya ba la sogs pa
 de la yang/ /spros pa med cing rang rig pa/ /rnam rtog dri ma dang bral ba/ /du ma nyid dang gcig nyid bya la/ /zhi ba de nyid mkhas rig pa/ /dag gi brjod pa thams cad kyi/ /spro par mi nus pas spros pa med pa'o/ /mngon sum gyi shes pas rtog
 par bya ba'i phyir/ rang rig pa'o/ /de nyid kyi phyir nges par rtog par byed pa dang/ rjes su dran pa'i rnam par rtog pa'i dri ma dang bral pa'o/ /chos thams cad dngos po med pa'i ngo bo nyid du ro gcig pa'i phyir du ma nyid dang bral pa'o/ /dngos po med
 pa'i ngo bo nyid kyang ci yang ma yin pa'i phyir gcig nyid dang bral pa'o/ /skye ba dang 'gag pa dang/ 'gro ba dang 'od ba la sogs pa'i bya ba dang mngon par bral bas zhi pa'o/ /de lta bu'i rnam pa ni de kho na nyid de don dam pa'o/ /mkhas pas khyad par
 du shes pa dang ldan pa'o/ /rig pa ni de bzhin gshegs pa 'am/ de'i man ngag bstan pa las skyes pa yang yin no/ /mtshan nyid ji lta ba bzhin du rnam par bzhag pa mdzad pa'i 'phags pa'i bden pa las ma gtogs pa'i bden pa gzhan zhig
 ni bdag cag la med do/ /'o na kyang nyan thos dang rang sangs rgyas dag gis ni sdug bsngal la sogs pa'i bden pa'i rang gi ngo bo tsam yongs su shes pa yin la/ de bzhin gshegs pas ni sdug bsngal la sogs pa'i mnyam pa nyid rtog so/ /zhes bya ba ni khyad
 par yin te/ shes rab kyi pha rol tu phyin pa las sdug bsngal dang/ kun 'byung dang/ 'gog pa dang/ lam gyi mya ngan las 'da' ba ma yin gyi/ 'on kyang 'phags pa'i bden pa bzhi po 'di dag nyid kyi mnyam pa nyid gang yin pa de mi ngas mya ngan las
 'das pa'o/ zhes bstan to zhes ji skad gsungs pa lta bu'o/ /nam mkha' i lha'i bstan pa nyid/ /de nyid yin par mi rigs kyang/ /tshangs pa dang po'i lha las byung/ /lha de la gus de skad smra/ nam mkha' i lha la gus pas de dag 'di skad smra ste /tshangs pa zhes
 bya ba'i lha ni dang po'i lha yin la tshangs pa de'i mthus bskyed pa ni nam mkha' i lha yin te/ des ni pa lang gsod pa la sogs pa de kho na nyid du bstan to/ /tshangs pa yang mchog tu 'dzin pa'i lta ba la mngon par zhen pas 'gro ba rnams bdag gis bskyed do snyam du
 sems kyang rang nyid kyiS kyang de kho na nyid rtogs pa med na de'i lta ba'i rjes su 'brang ba nam mkha' i lha de kho na nyid ji ltar rig par 'gyur/ de lta bas na ji skad bstan pa'i mtshan nyid can gyi de kho na nyid theg pa chen po las bstan pa dang /nam mkha' i lha'i bstan pa
 'dra ba ma yin no/ /kun rdzob tu ni gzugs sogs skye mched snang ba nyid/ /blo yi yul du 'dod pa yin/ /de yi yod pa thun mong nyid/ /bsgrub bya zhe na da yang 'dod/ /gzugs la sogs pa rnams kyi skye mched rnams kyi snang ba ni gzugs la sogs
 pa'i skye mched kyi snang pa'o/ /de'i ngo bo ni gzugs la sogs skye mched snang ba nyid do/ /de ni mig la sogs pa'i rnam par shes pa'i yul yin par bdag cag kyang 'dod de/ de ltar na rdzas su bden par 'dod pa la sogs pa'i khyad par dang bral ba'i/
 gzugs la sogs pa'i skye mched thun mong pa nyid ni bsgrub par bya ba yin no zhes khyod 'dod na bdag cag kyang 'dod pa kho na yin te/ grub pa sgrub pa yin no zhes bya ba'i tha tshig go /gal te yang khyad par can du 'dod na ni/ 'byung las gyur
 sogs ngo bo yis/ /gzugs sogs skye mched yod nyid ni/ /bsgrub bya'o zhe na dpe yang med/ /phyir rgol rtog gis gnod pa'ang yod/ /'byung ba las 'gyur pa la sogs pa'i ngo bo gzugs la sogs pa'i skye mched ni yod de/ rdzas yin pa'i phyir dang/
 shes bya yin pa'i phyir dang/ brjod bya yin pa'i phyir zhes bya ba la sogs pa ni gtan tshigs so/ /dpe ni med de thams cad bsgrub par bya ba'i khongs su 'dus pa'i phyir ro/ /gal te gzhan dag na re gzhan du bstan pa'i las kyang dpe rnyed pa srid
 pas chos mi mthun pa nyid can gyis bsgrub par 'gyur pa nyid min te/ gang dang gang 'byung ba las gyur pa'i ngo bo ma yin pa de dang de ni yod pa ma yin te/ dper na ri bong gi ? nam mkha' i me tog la sogs pa bzhin no//zhes bya bas bsgrub bya grub pa
 yin no zhes smra na/ de lta na yang bdag cag gis lan gyi rtog ge bstan pas gnod par 'gyur pa ni/ gzugs sogs skye mched 'byung ba dang/ /'byung ba las gyur mtshan nyid min/ /rang bdag rnam par snang ba'i blo/ /bskyed pa'i rgyu phyir
 yid bzhin no/ /gzugs kyi skye mched ces bya ba ni chos can no/ /de 'byung ba dang 'byung ba las gyur pa'i mtshan nyid ma yin zhes bya ba ni chos te bsgrub par bya pa'o/ /cha? gi bdag nyid ni rang gi bdag nyid de kha dog dang dbyibs la sogs pa gzugs kyi ring gi
 ngo bo'o/ /zin pa dang ma zin pa la sogs pa ni sgra'i'o/ /rang gi bdag nyid kye dri zhim pa dang mi zhim pa la sogs pa ni dri'i ste/ de lta bu la sogs pa rang gi bdag nyid kyi rnam pa'i byed par mngon par 'jug pa'i blo ni rang bdag rnam par
 snang ba'i blo'o/ /rang gi bdag nyid kyi rnam par snang ba'i blo gang bskyed pa de ci rang bdag rnam par snang ba'i blo bskyed pa'o/ /rang gi bdag nyid kyi rnam par snang ba'i blo bskyed pa'i rgyu gzugs kyi skye mched rnams ni rang gi bdag nyid kyi rnam par snang ba'i
 blo bskyed pa'i rgyu'o/ /de'i ngo bo ni rang gi bdag nyid kyi rnam par snang ba'i blo bskyed pa'i rgyu nyid de de'i phyir na ngang? bdag rnam par snang ba'i blo bskyed pa'i rgyu phyir zhes bya ste gang dang gang rang gi bdag nyid kyi rnam par snang ba'i blo bskyed pa'i rgyu yin pa de ni 'byung
 ba dang 'byung ba las gyur pa'i mtshan nyid ma yin te/ dper na yid kyi skye mched bzhin te/ don dam pa nyid du skyon dang bral pa'i phyogs dang/ gtan tshigs dang dpe yod par gyur pa'i rtog ges gnod pa yin no/ /gang yang khams gsum pa 'di dag
 ni sems tsam mo zhes bya ba 'gro ba phyogs su bya ba 'di la gtan tshigs dang dpe yod pa ma yin pas zhes gang smra ba de la re zig kun rdzob tu yin par sems dang sems byung ngo bo nyid/ sems dang sems byung rab tu grags/ /yang don dam par ni/
 gtan tshigs dang ni dpe yang med/ /phyogs kyang rnal 'byor pa la med/ /bdag cag gi don dam par ni dag thams cad kyi spyod yul las 'das par gyur pa yin pas yod pa dang/ med pa dang/ gnyi ga'i phyogs la dmigs pa med pa'i phyir de
 kho na nyid du phyogs kyang med pa yin no/ /phyogs med na don dam pa rig pa'i rnal 'byor pa la gtan tshigs dang dpe lta yod par gal 'gyur/ gal te de ni ma yin te / kun rdzob ni 'jig rten pa dang thun mong ba'i shes pas rtogs par bya ba yin
 pa'i phyir tshad ma ma yin la/ rnal 'byor pas rtogs par bya ba'i don dam pa ni dag gis brjod par bya ba las 'das pa yin pas des na gang khyod kyis gzhan gyis kun tu btags pa'i dngos po'i don dgag pa'i phyir rjes su dpag pa bstan pa de
 la/ bsgrub bya sgrub pa'i nus pa yod par ji ltar 'gyur zhe na/ brjod par bya ste/ bdag gi don dam pa ni rnam pa gnyis yod de/ de la gcig ni mngon par 'du byed pa med par 'jug pa/ 'jig rten las 'das pa zab pa med pa spros pa dang
 bral ba'o/ /gnyis pa ni mngon par 'du byed pa dang bcas par 'jug pa/ dag pa 'jig rten pa'i ye shes zhes bya ba/ zag pa dang bcas pa spros pa dang bcas pa'o/ /de nyid ni thams cad du dam bca' khyad par can nyid du nye bar bzung bas bsgrub bya
 grub pa yin no/ /gzhan yang rnam shes tsam zhes bya ba 'dir/ /pha rol don ni bzlog pa'i phyir/ /tshig don 'di ni de spong zer/ /bdag gi phyogs nyams ji ltar 'dod/ /kye rgyal ba'i sras khams gsum pa 'di dag thams cad ni seMs
 tsam yin no zhes gsungs pa de la kha cig na re 'dir tshig gi don phyi rol gyi don bzlog pa'i phyir ro zhes sgrub par byed do/ /bdag cag ni byed pa po dang rtog pa po la sogs pa 'gegs par byed pa ni tshig gi don yin par 'dod do/ /de la phyi'i
 don spong ba ni tshig gi don yin no zhes zer ba ni bdag gis kyang spangs bas phyogs ma grub par gal 'gyur te/ bdag gis kyang phyi rol gyi skye mched yod par khas len pa nyid kyi phyir ro/ /des na phyogs snga ma dang po dag gi nye bar
 bkod pa ni ji lta ba bzhin ma yin pas de bzhin du/ /'ga' yi tshig gi smrar med par/ /bya bar mi nus zhi ba'i blo zhes bya ba smras te/ lung dang bcas pa'i rigs pa'i rjes su 'brang bas mchog tu rtsod pa med pa yin na yang yang dag pa ji
 lta ba bzhin gyi rigs pa smra ba yin no/ /gang bdag gis lan de skad du smras pa na yang khyod kyi sems dga' bar ma gyur na gang dag phyogs su ma lhung pa'i sems dang ldan pas/ snying po yod dam snying po med/ /mkhas pas de la dpyad par gyis/
 dus ring por goms par byas pas rang gi phyogs su zhen cing lhung bar sdang ba'i bsam pa can bden pa dang phan pa brjod du zin kyang gzhan dag la yid mi ches pa de dag ni yid gted kyang rung mi gtod kyang rung la gzu por gnas pa/ rgol pa dang phyir rgol bI
 phyogs kyi don rigs pa'i mkhas pa rnams kyi blos gal te rtog na ni tshig 'di ni snying po dang bcas pa'o/ /'di ni snying po med pa'o zhes dpyod par byed pas de'i dan du tshig tu brjod par byas pa yin no/ /de ni mi smra bar 'os pa yin pas bdag cag gi dag srung
 bar byed pa 'di bzhag par bya'o/ /rig pa 'dis mkhas pa rnams kyis ni rtsed mo'i phyir yang khyed kyi tshig dang kho bo'i tshig la 'di ni snying po dang bcas pa'o/ /'di ni snying po med pa'o zhes dbyed par 'gyur ro/ /snying rje'i bsam pa dang ldan pa'i theg
 chen pa ni tshul khrims nyams kyang mchog yin gyi/ snga ma nyan thos theg pa pa ni tshul khrims ldan yang bsam pa dman pas de lta min/ /phyi sa'i nang na 'dug kyang mdangs chen 'bad pa'i yid bzhin nor bu mchog 'gyur gser gyi gnod na 'dug
 pa'i nor bu 'ching bu dman pa'i 'od can de lta min/ /las dang nyon mongs dri mar bcas kyang theg pa bzang po zhon pa'i yon tan can/ /theg pa gzhan la brten pa'i dri ma sangs pas kyang de ni las rgyal ni nus/ /nyi ma'i 'od zer bla na med pa chu 'dzin
 bkod pas bkab gyur gang yin ltar/ /chu 'dzin de nyams pa yi mkha' la me khyer rgyu bas nus par ga la 'gyud/ /dbu ma'i snying po'i 'grel pa rtog ge 'bar ba laS/ nyan thos kyi de kho na nyid la 'jug pa'i le'u ste bzhi pa'o/ //de nas
 da ni rnal 'byor spyod pa'i de kho na nyid gtan la dbab pa la 'jug pas le'u lnga pa brtsam par bya ste/ rang gi lugs kyi nga rgyal gyis/ /mkhas par rlom gzhan 'di skad smra/ /de nyid bdud rtsir 'jug pa yang/ /rnal 'byor spyod par legs par bstan/ /theg
 pa chen po pa nyid kyi slob dpon thog med dang/ dbyigs ba nyen la sogs pa gzhan dag ni de bzhin gshegs pas lung bstan cing/ sa rab tu brnyes pa'i 'phags pa klu sgrub kyis yang dag par rtogs pa'i theg pa chen po'i don gyi
 lugs gzhan du 'dren par byed cing ngo tsha dang khrel med pa don rnam par mi shes pa de bzhin du rnam pa shes shing mkhas par nga rgyal byed bdag 'di skad smra ste /de kho na nyid kyi bdud rtsir 'jug pa ste/ rab tu 'jug pa de ni bdag cag
 kho nas legs par bstan pa yin gyi/ dbu mar smra ba pa rnams kyis ni ma yin zhes zer ro/ /de'i mtshan nyid ni 'di yin te dngos po gnyis po med pa'i phyir/ /gnyis dngos med pa'i yod pa ni/ /yod la sogs pa blo yi yul/ /dam pa'i don
 du 'dod do lo/ /gnyis ni gzugs la sogs pa gzung ba dang/ /mig gi rnam par shes pa la sogs pa 'dzin pa'o/ /de gnyis kyi med pa'i ngo bo nyid med pa'o/ /med pa'i dngos po de'i ngo bo nyid du rtag tu yod pa nyid kyi phyir dang/ gzung ba dang
 'dzin pa zhes bya ba gnyis su ni med pa nyid kyi phyir na /ji ltar gnyis kyi dngos por med pa'i ngo bo yin pa de'i phyir ni yod pa'i blo yul yin la/ gang gi phyir dngos por med pa yin pa de'i phyir ni med pa'i blo'i yul yin te/ rnam pa de lta bu don
 dam pa ni bdag cag rnal 'byor spyod pa ba rnams 'dod do zhes bya ba ni de'i bsam pa bstan pa yin no/ /lo zhes bya ba'i sgra ni bstan bcos byed pa bdag nyid kyis mi 'dod pa bstan pa yin te/ de lta bu'i don dam pa ni phyis 'byung ba'i
 dpyad pa dag gis bsgrub par dka' ba yin pa'i phyir ro/ /de dag gi don dam pa de'i grangs kyi tshig ni 'di yin te/ med pa'i dngos po bdag med pa/ /de bzhin nyid dang chos gnas dang/ /rnam par ma rtog blo gzung de/ /de shes par
 mi bya ba yang/ /zhes bya ba la med pa'i dngos po zhes bya ba ni gzung ba dang 'dzin par btags pa gnyis kyi dngos po'o/ bdag med par zhes bya ba ni chos dang gang zag bdag med pa nyid do/ /de bzhin nyid ces bya ba ni phyin ci ma log pa nyid do/ /rnam
 par mi rtog pa'i blo'i gzung ba ste/ zhes bya ba ni gnyis med pa ni rnam par rtog pa thams cad dang bral ba'i phyir rnam par mi rtog pa'i blo gros kyis gzungs ba yin te/ de nyid don dam pa'o/ /de shes par mi bya ba yang zhes bya ba ni/ dmigs
 pa la ni brten byas nas/ /mi dmigs pa ni rab tu skye/ /mi dmigs pa la brten byas nas/ /mi dmigs pa ni rab tu skye/ /zhes bya ba ste/ 'di la kun gzhi rnam par shes pa zhes bya ba de ni thog ma med pa'i dus nas zhugs pa/ thog ma med
 pa'i dus kyi spros pa'i bag chags kyi gzhir gyur pa/ dmigs pa dang rnam pa yongs su ma chad pa yongs su 'dzin pa/ rgyun ma chad pa dang rdzas dpag tu med pa/ rigs du ma dang lhan cig skye zhing 'gag pa dang ldan pa/ nus pa'i bye brag
 mthar thug pa med pa thob ba/ sngon po la sogs pa'i yul dpag tu med pa snang ba'i cha dang 'brel pa'i rnam par shes pa'i cho gas drug bskyed nus pa'i mthu dang ldan pa /nyon mongs pa can gyi yid kyi skye ba dang 'jig pa dang bral ba'i gnas pa'i
 rnam pas bdag tu yongs su btags pa/ bsod nams dang bsod nams ma yin pa dang/ mi g.yo ba'i sa bon yod pa'i phyir khams dang 'gro ba dang/ skye gnas thams cad kyi sa bon dang ldan pa/ rnam par smin pa dang/ der? sems pa
 dang/? rnam par rig pa gsum yongs su 'gyur pa'i rjes su 'gro ba de la dngos po skye ba dang ldan pa rnams 'bras bu'i dngos por kun tu sbyor bar byed pa ste/ len pa'i rnam par shes pa zhes bya ba yang de nyid yin te/ reg pa dang yid la byed pa dang/ 
 tshor ba dang/ sems pa dang/ 'du shes btang snyoms kyi rnam pa dang ldan pa 'di'i zha'am?/ 'di na'o zhes 'jig rten pa'i mkhas pa rnams kyi yul yang ma yin pas rnam pa yang dag par mi rig pa'o/ /de yang rnam pa gnyis te/ 'phen
 pa dang 'bras bur gyur pa'o/ /da la 'phen pa ni rnam par shes pa'i dbang gi 'phen pa'o/ /'bras bur gyur pa ni rnam par smin pa'i 'bras bur mngon par grub pa ste/ dper na chu'i yan lag gzhan dang gzhan gyi rgyun las chu po'i klung 'bab pa de
 bzhin du bsod nams dang/ bsod nams ma yin pa dang /mi g.yo ba'i bag chags kyis bgos pa'i kun gzhi rnam par shes pa'i rgyun kyang 'khor ba ji srid pa'i bar du 'jug par 'gyur ro/ /de la gnas pa'i las kyi bag chags dang /gzung ba
 dang 'dzin pa'i bag chags dang/ lha dang gcig tu lha dang mi'i lus la sogs pa'i rnam par smin pa ci rigs pa dag skyes par byed pa'o/ /len pa'i rnam par shes pa'i zhes bya ste bdag dang bdag gi zhes bya bar dmigs pa'i phyir ro/ /rtag tu bdag
 tu rmongs pa dang/ bdag tu lta ba dang/ bdag tu nga rgyal ba dang/ bdag la chags pa'i rgyun de yang dgra bcom pa nyid thob pa na nyon mongs pa'i sa bon thams cad spangs pas ldog par 'gyur te/ de ltar de ni re zhig rnam par smin pa zhes bya ba
 dang/ de'i phyogs su 'gyur ba ste gcig go /gzhan yang sems can rnams de la bdag tu sbyor bar byed pas kun gzhi rnam par shes pa zhes bya ste/ bdag dang bdag gi zhes bya bar dmigs pa'i phyir ro/ /rtag tu bdag tu rmongs pa dang/ bdag tu
 lta ba dang/ bdag tu nga rgyal ba dang/ bdag la chags pa zhes bya ba nyon mongs pa bzhi po dag dang/ rang gis nas skyes pa'i reg pa dang yid ? byed pa la sogs pa dag dang ldan pa yin no/ /nyon mongs pa can gyi yid de de yang dgra bcom pa la med de/
 nyon mongs pa thams cad spangs pa'i phyir ro/ /de ltar de ni ngar sems dang zhes bya ba dang/ de yongs su 'gyur ba ste/ gnyis pa'o/ /gzhan yang de ni 'jug pa'i rnam par shes pa thams cad kyi nus pa 'dun pa dang mos pa la sogs pa sems las byung ba thams
 cad dang bcas pa kun gzhi yin pas kun gzhi rnam par shes pa zhes bya ste /rtsa ba'i rnam par shes pa zhes bya ba yang de nyid yin no/ /de las mig dang/ gzugs dang snang ba dang/ nam mkha' dang/ yid la byed pa la sogs pa'i rkyen ji ltar nye bar gyur
 pa na/ 'jug pa'i rnam par shes pa'i tshogs drug po dag 'byung ste/ dper na rgya mtsho las chu'i rlabs dag rlung dang chu srin gyis bskyod pa la sogs pa'i rkyen gyis 'byung ba bzhin no/ /kun gzhi rnam par shes pa do? yang 'jug pa'i rnam par shes pa de
 dag dang gcig pa nyid kyang ma yin la/ tha dad pa nyid kyang ma yin te/ rgya mtsho dang chu rlabs bzhin no/ /yul la nye bar dmigs pa de dag kyang 'du shes med pa dang/ 'du shes med pa pa dang/ 'gog pa'i snyoms par 'jug pa dang/ gnyid log pa
 dang/ myos ba dang/ brgyal bdag gi gnas skabs na ni med do/ /de ltar de ni rnam par rig pa zhes bya ba dang/ de'i yongs su 'gyur ba ste/ gsum pa'o/ /sems de nyid rnal 'byor pa de la rab tu snang ba 'dzin pa'i rnam pa dang/ yul du snang ba gzung
 pa'i rnam par yongs su gyur cing snang ba ste/ phyi rol gyi don med pas sems tsam du dmigs pa la brten nas yul mi dmigs pa rab tu skye la/ gzung ba med na 'dzin pa dag kyang med pas gzung ba mi dmigs? pa la brten nas/ 'dzin pa'i rnam par sheS
 pa rnam pa drug po dag mi dmigs pa rab tu skye ste /ji srid du kun gzhi rnam par shes pa rang gi sems kyi chos nyid rnam par rig pa zhes bya ba nyid la mi gnas shing dmigs pa la gnas pa de srid du gzung ba'i sa bon mi ldog cing/ mchan
 mar lta ba'i sa bon ma spangs pa'i phyir gnyis kyi bag chags mi spong ngo/ /gang gi tshe gzugs la sogs pa dmigs pa dag sems las phyi rol tu mi dmigs pa de'i tshe na/ rang gi chos nyid la nges par gnas pa yin te/ gnas gyur pas
 sgrib pa thams cad bsal ba'i phyir dang/ chos thams cad ? dbang sgyur ba nyid kyi rnam par mi rtog pa'i chos nyid 'thob bo/ /rnam par rig pa tsam nyid ces bya ba de bzhin gshegs pa'i ye shes bon thams cad la rnam par mi rtog pa da ni ngo bo nyid gsum
 yongs su mi shes na mi rtog pa de'i phyir brtags pa nye bar mi dmigs shing/ /gzhan gyi dbang yang gzu med pas/ /de nyid mthong ba yongs grub pa'i/ /ngo bo nyid la la ba yin zhes bya ba smras te/ 'di la kun btags pa dang gzhan gyi dbang dang/
 yongs su grub pa'i ngo bo nyid gsum po dag ni kun gzhi rnam par shes pa nyid kyi khongs su 'dus te/ de la nang phyi rol gyi dbye bas tha dad pa'i rnam par rtog pa gang dad gang gis gzugs dang byang chub kyi bar gyi dngos po gang dang gang rnam par brtag par
 bya ba de ni de bzhin du yod pa ma yin te/ yod pa ma yin par sgro 'dogs pas btags pa yin pa'i phyir te/ de ni kun btags pa'i ngo bo nyid do/ /khams gsum nas skyes sems dang sems las byung ba yang dag pa ma yin pa kun rtog pa dge ba
 la sogs pa'i dbye bas tha dad pa ni gzhan gyis bskyed cing dbang bya ba yin pa'i phyir gzhan gyi dbang ngo/ /yang na gzhan skyes pa la dbang byed pas gzhan gyis dbang ste/ kun btags pa dang /yongs su grub pa gnyis de'i gzhi las kun btags pa dang/
 yongs su grub par 'gyur pa'i phyir te/ de ni gzhan gyi dbang gi ngo bo nyid do/ /gzhan gyi bang de nyid gzung ba dang 'dzin pa'i ngo bo nyid du kun btags pa dang/ bral ba nyid gang yin pa de ni yongs su grub ba'i ngo bo nyid do/ /de yang gzhan gyi dbang gcig
 pa nyid kyang ma yin la tha dad pa nyid kyang ma yin te /gal te tha dad par gyur na ni chos nyid tha dad par 'gyur ro/ /ci ste gcig pa nyid yin par gyur na ni des na kun nas nyon mongs pa'i bdag nyid du gyur pas rnam par byang ba'i rgyur mi 'gyur ro/ /gal te ngo
 bo nyid gsum po dag yod na ji ltar dngos po thams cad ngo bo nyid med pa zhe na/ kun btags pa ni rang gi mtshan nyid stong pa nyid kyi mtshan nyid ngo bo nyid med pa yin pas nye bar mi dmigs shing gzhan gyi dbang yang de la rang gi bdag nyid kyis skye ba med pa'i
 phyir skye ba ngo bo nyid med pa yin pas gzung du med do/ /yongs su grub pa'i ngo bo nyid ni kun btags pa'i chos rnams kyi don dam pa yang yin la ngo bo nyid med pa nyid kyang yin te/ 'phags pa ye shes dam pa'i spyod yul gyi don yin pas don dam pa ngo bo
 nyid med pa nyid kyis ngo bo nyid med pa yin te/ de nyid mthong ba don dam par shes pa dag yongs su grub ba'i ngo bo nyid de la dmigs par bya ba dang/ dmigs pa'i dngos po mnyam pa nyid kyi lta ba yin te/ 'jig rten las 'das pa'i ye shes
 rnam par mi rtog pa skyes pa'i phyir ro zhes bya bar sbyar ro/ /gnas gyur pa'i mtshan nyid de yang nyan thos rnams kyi ni rnam par grol ba'i lus yin te/ zag pa thams cad dang bral zhing nyon mongs pa'i sgrib pa spangs pa'i phyir ro/ /de nyid de bzhin gsheD
 pa'i ni chos kyi sku yin te/ las dang gzung ba dang 'dzin pa'i bag chags thams cad dang bral zhing shes bya'i sgrib pa spangs pa'i phyir ro/ /gal te kha cig 'di skad ces kun btags pa'i ngo bo nyid ni 'jig rten dang thun mong pa'i shes pa'i yul yin
 la yongs su grub pa'i ngo bo nyid ni so so rang rig pa ste/ thub pa 'jig rten las 'das pa'i ye shes kyi yul yin na gzhan gyi dbang gi ngo bo nyid de shes pa gang gi yul yin zhing yod par ji ltar shes zhes zer na de'i phyir/ btags pa rgyu mtshan bcas phyir
 dang/ gzhan du gnyis po med phyir dang/ /kun nas nyon mongs dmigs pa'i phyir/ /gzhan dbang yod pa nyid du 'dod/ /ces bya ba smras te/ 'di ltar sems dang sems las byung ba dag yod pa nyid du btags pa gang yin
 de ni phyin ci log gi rgyu mtshan dang bcas pa snang ba'i phyir te/ mtshan nyid des gzhan gyi dbang yod pa nyid du rjes su dpag go/ gzhan du gal te gzhan gyi dbang med par gyur na btags pa dang rgyu mtshan nam kun btags dang yongs su grub pa gnyis bo
 med par thal bar 'gyur ba'i phyir te/ de gnyis ni gzhan gyi dbang la rag lus pa'i phyir ro/ /gzhan yang gal te gzhan gyi dbang gi ngo bo nyid med par gyur na kun nas nyon mongs pa dmigs par mi 'gyur ba zhig na de dmigs pa'i phyir te/ kun
 nas nyon mongs pa ni sems dang sems las byung ba dag la brten pa yin la/ de dang bral ba nyid ni thar pa yin pa'i phyir ro/ /de'i phyir gzhan gyi dbang yod pa nyid du 'dod do/ /de yang 'jig rten las 'das pa'i shes pa rnam par mi rtog pa'i yul
 yin pas yongs su grub pa'i ngo bo nyid mngon sum bu byas nos mthong ste /gzhan gyi dbang ni de'i rjes la thob pa dag pa 'jig rten pa'i ye shes kyis rtog par bya ba yin pa'i phyir ro/ /shes rab pha rol phyin tshul 'di/ /thams cad mkhyen
 nyid thob pa yin/ /skye dang 'gag la sogs pa dag/ dgag pa lhur len ma yin no/ /zhes bya ba ni chos 'di dag nyid kyis chos rnams mngon par rlan par byed/ yongs su rdzogs par byed/ yongs su gsal bar byed/ yongs su dpyod par byed
 kyis 'di la bdag gam bdag gir bya ba med do zhes gsungs pa des ni bdag dang bdag gi rnam par 'dzin pa dang/ de la mngon par zhen pa med pa'i sgo nas kun gshi rnam par shes pa'i yongs su 'gyur ba bstan to/ /sems de ni sems ma yin no zhes
 gsungs pa des ni gzung ba dang 'dzin pa med par bstan to/ /sems med pa nyid gang yin pa de ni bsam gyis mi khyab bo zhes gsungs pa des ni rnam par rig pa tsam nyid bstan to/ /de bzhin du gzugs ni mtshan ma'o/ /byang chub kyi bar du yang mtshan
 ma'o/ ? zhes gsungs ba nges ni ming dang brdar btags pas kun btags pa'i ngo bo nyid bstan to/ /skur ba gdab pa dang/ nye bar blang ba dang/ gdags pa'i chos dang/ byang chub kyi phyogs kyi chos bstan pas ni gzhan gyi dbang bstan to/ /de bzhin
 nyid dang/ yang dag pa'i mdza' dang/ dben pa dang/ 'bras bu dang/ rnam pa thams cad mkhyen pa nyid la sogs pa brjod pas ni yongs su grub pa'i ngo bo nyid bstan to/ /de ltar kho bo cag gi bstan pa'i shes rab kyi pha rol tu phyin pa'i tshul 'di ni
 thams cad mkhyen pa nyid thob pa'i thabs yin gyi/ dbu ma smra ba rnams kyi skye ba dang 'gag pa la sogs pa dag dgag pa lhur len pa ni med pa nyid du lta ba dang mthun pa nyid du 'gyur bas thams cad mkhyen pa nyid 'thob pa'i thabs ma yin no
 zhes zer te/ de ni rnal 'byor spyod pa pa dag gis sbyor ba'i phyogs snga ma yin no/ /'dir bshad de bzhin gshegs bka' kun/ /kho bo cag gi tshad ma yin/ /tshad ma yid ches lung yin phyir/ /bzang po dag ni sgrub par byed/ /ces bya ba
 ni bde bar gshegs pa'i bka' thams cad ni kho bo cag gi tshad ma yin te /de dag ni de nyid gzigs pa rnams kyis gsungs pa yin pa'i phyir ro/ /dge legs kyi bsam pa can nyid dag ni de sgrub par byed cing mi mthun par mi byed do/ /lung gzhan dag
 gi the tshom dang log pa'i blo can gzhan mi byed /de phyir de dag sgrub gzhug phyir/ /rigs pa ldan pa'i tshul btsal bya/ /zhes bya ba la lung las gzhan pa'i lung ni lung gzhan dag go/ de dag gi the tshom du gyur pa ni de yin nam/ 'on te ma yin snyam du the
 tshom za bar gyur pa'o/ /log pa zhes pa ni grub pa'i mdza' 'di las gzhan pa dag la rnam par g.yengs shing 'di la mi bltos pas de ni 'di lta bu nyid ma yin no zhes log par zhugs pa'o/ /gang dag la de lta bu'i blo yod
 pa de dag ni lung gzhan dag gis the tshom dang log pa'i blo can dag ste/ sun 'byin par byed ba byung rgyal du smra ba gzhan dag go /de dag gis tshad ma de grub par mi byed pas de'i phyir de dag sgrub tu gzhug pa'i phyir/ smra ba po rig pa dang ldan pa'i tshul
 phyogs dang/ gtan tshigs dang/ dpe'i skyon med pa gzhan gyis smras pa'i nyes pa'i gnas su ma gyur pa'i mdza' i riD pa'i laM btsal bar bya'o/ /khyed kyis btags pa'i gsung rab dang/ skur ba 'debs pa ji skad smras pa dag gis ni rigs pa mi bzod pas
 de'i phyir/ gnyis med pa yi dngos po ni/ /rigs pa ma yin 'gal ba'i phyir/ /nam mkha' i me tog med dngos sam/ /de dngos yin par brtag mi bya/ /zhes bya ba smras te/ gal te re zhig gnyis med pa dngos po yin na ni ji ltar med pa yin/ ci
 ste med pa yin na ni dngos po ma yin no/ /de'i phyir gnyis med pa'i dngos po ni rigs pa ma yin te /rang gi tshig dang 'gal ba'i phyir ro/ /gal te gnyis med pa'i tshul kho nar rtag tu nges par gnas pa'i phyir med pa nyid dngos po yin no zhe na/ de
 lta na nam mkha' i me tog med pa yang dngos po yin par thal bar 'gyur ro/ /gal te nam mkha' i me tog med pa dngos po yin par mi 'dod na ni gnyis med pa de yang dngos po yin par brtag par mi bya'o/ /ci ste 'di snyam du kho bo cag gi tshul ni/
 rnam par rtog pa gang gang gis/ /dngos po gang gang rnam btags pa/ /de ni kun btags kho na ste/ /ngo bo nyid ni yod ma yin/ /gzhan gyi dbang po dngos nyid ni/ /rnam rtog rkyen las byung ba yin/ /de la rtag tu snga ma shos/ /bral ba nyid
 gang yongs grub yin/ /zhes bya ba ste/ gzhan gyi dbang gi ngo bo nyid de la rtag tu snga ma shos zhes bya ba kun btags pa'i ngo bo nyid kyi gzung ba dang 'dzin par rnam par btags pa'i dngos po dang bral ba nyid gang yin pa de ni yongs su grub pa'i ngo bo nyid yin
 kun btags pa dang gzhan gyi dbang la bltos nas med pa gang yin pa de nyid yongs su grub pa la bltos nas dngos po yin pas de ltar na med pa dang dngos po zhes bya ba gnyis dbyer med pa'i phyir tha dad pa nyid ma yin pas de'i phyir 'gal ba med do
 snyam du pha rol dag sems pa la brtags nas de dgag pa'i lan yang gdab pa'i phyir te/ gal te yang dag brtag med phyir/ /de la dbye ba med snyam na/ /mtshan gzhi mtshan nyid rnam bzhag la/ /de ni mtshungs phyir lan ma yin/ /zhes
 bya ba smras te/ kun btags pa dang gzhan gyi dbang dag med pa nyid kyis yongs su grub pa la dbyer med du zin kyang gang gi tshe mtshan nyid kyi gzhi dang mtshan nyid rnam par bzhag pa byed pa na mtshan nyid kyi gzhi de nyid ces bya ba de'i mtshan
 nyid ni gnyis med pa'i dngos po yin no zhes bya ba ni de'i tshe na/ gal te re zhig gnyis med pa'i dngos po yin na ni ji ltar med pa yin /ci ste med pa yin na ni 'o na de lta na dngos po ma yin no zhes 'gal bar sngar bstan pa de mtshungs pa'i phyir
 pha rol po dag gis smras pa'i lan de ni bzang po ma yin no/ /gzhan yang/ gal te de'i dngos ma btang gang/ /de ni de dngos yin 'dod na/ /de ltar dngos nyid mi gtong ba/ /de phyir de ni dngos ma yin/ /zhes bya ba ni gal te pha rol po
 dag 'di skad ces gnyis med pa'i dngos po nyid yongs su mi gtong ba gang yin pa de nyid dngos po zhes bya'i ngo bo nyid gnyis pa ni med do zhes zer na de la 'di skad ces de ltar ngo bo nyid mi gtong na de'i phyir dngos po de ni med pa kho na 
 yin pas de la dngos por brtag par mi bya'o zhes brjod par bya'o/ /de'i phyir/ des na de nyid gzigs rnams kyi/ /mkhyen pa dngos med dmigs par 'gyur/ /de yang chos bdag med min te/ /med pa'i blo yi rgyu phyir ro/ /zhes
 bya ba ni theg pa chen po'i grub pa'i tshul gyis na sangs rgyas kyi ye she sni dngos po yod pa dang med pa'i mdza' gnyis las rnam par grol ba yin par bzhed na/ khyed 'dod pa ltar na de dngos po med pa la dmigs pa yin par 'gyur bas lung dang 'gal lo//
 gal te mi 'gal te gang gi phyir zhe na/ kun btags pa'i chos rnams kyi bdag med pa'i dngos po ni bdag med pa nyid yin la/ de yang dmigs pa nyid yin par khyed kyang 'dod pa'i phyir ro zhe na/ chos bdag med pa ni mtshan ma thams cad dang bral
 ba yin par 'dod na de yang med pa nyid kho nas med pa'i blo'i yul yin pa'i phyir chos bdag med pa nyid du mi rung ngo/ /bdag gi sgra ni ngo bo nyid du smra ba'i phyir dang/ bdag med pa ni dngos po'i ngo bo nyid dang/ dngos po med pa'i ngo bo nyid gnyi ga'i ngo bo nyid
 med pa nyid yin pa'i phyir ro/ /'dir pha rol po dag rnam par rtogs pa ni 'ching ba yin par gsungs pas de dang bral na grol bar sems shing/ gal te dngos med dmigs pa'i blo/ /rnam par mi rtog yin 'dod na/ /zhes bya ba ni 'di skad
 ces chos thams cad ni dngos po med pa'i ngo bo nyid du ro gcig pa'i phyir dngos po med pa la dmigs pa'i blos ci zhig la rtog par byed na rnam par rtog pa dang bcas par 'gyur/ rnam par rtog pa med pa'i phyir de ni don ji lta ba bzhin yin no zhes
 zer na'o/ /slob dpon gyis bshad pa/ des na gzung blo mi rtog pa'ang/ /dam pa yin pa nyid du 'gyur/ /zhes bya ba ni gal te rnam par mi rtog pa nyid kyi blo don ji lta ba nyid yin par 'gyur na ni/ de lta na 'jig rten pa'i blo gzugs la sogs
 pa rkyen las byung ba rtog pa dang rjes su dran pa'i rnam par rtog pa dang bral ba yang don ji lta ba bzhin nyid 'thob par 'gyur ro/ /'dir smras pa/ gzung ba dang 'dzin pa'i rnam par rtog pa dang bral ba'i blo gang yin pa ni yang dag par na don ji lta ba bzhin yin par 'dod kyi
 gzugs la sogs pa'i blo ni rnam par mi rtog pa yin du zin kyang yang dag pa ma yin te/ gzung bar snang ba'i phyir zla ba gnyis la sogs pa mthong ba'i blo bzhin no zhe na/ 'dir bshad pa/ gal te gzung bar snang 'dod pas/ /gzugs blo yang dag ma/
 yin na/ /des na gtan tshig 'khrul 'gyur zhing/ /dam bcas pa yang nyams par 'gyur/ /zhes bya ba la 'khrul zhes bya ba ni 'gal zhes bya ba'i tha tshig ste / 'di ltar gzugs kyi blo ni gzung bar snang ba nyid ma gtogs par logs shig na ngo bo
 nyid med pas gzung bar snang ba nyid du rjes su dpag pa yang dag pa ma yin pa nyid kyis yang dag pa bsal ba'i phyir chos can gyi ngo bo nyid log par bsgrub pas 'gal lo/ /'dir dam bcas pa ni gzugs kyi blo yang dag par ma yin pa'o/ /'di la
 gzugs kyi blo gang yin pa de ji ltar na yang dag pa ma yin par 'gyur te/ mngon sum dang/ lung dang/ 'jig rten la grags pas gzugs kyi blo yang dag pa nyid ma yin pa bsal ba'i phyir rjes su dpag pa dang 'gal lo/ /de nyid mthong ba yongs grub
 pa'i/ /ngo bo nyid la lta ba yin/ /zhes ji skad smras pa de la yang skyon 'di yod de/ ngo bo nyid la dmigs yin na/ /ston pa'i byang chub rtog can dang/ /dmigs pa can du 'gyur pa dang/ /rnam par mi rtog blor mi 'gyur/ /zhes bya ba ni de bzhin gsheD
 pas so so rang rig par bya ba yongs su grub pa'i ngo bo nyid ces bya ba'i dmigs pa sgra ji bzhin ma yin pa'i ngo bo nyid gang yin pa de lta bu cung zhig yod cing/ ngo bo nyid de la dmigs pa yin na ston pa de bzhin gshegs pa'i byang chub kyi ye shes
 rtog ba can du 'gyur te/ byang chub ni rtog pa mi mnga' bar bzhed do/ /dmigs pa de la dmigs par byed pa yin na dmigs pa can du yang 'gyur bas dmigs pa med pa nyid du yang mi 'grub ste/ byang chub ni dmigs pa med pa nyid
 du bzhed do/ /de nyid la ngo bo nyid med pa nyid du rnam par rtog par byed na rnam par mi rtog pa'i blor yang mi 'gyur ro/ /zhes bya ba'i tshig sbyar ro/ /'di lta ste/ khams gsum pa 'di ni sems tsam ste/ phyi rol gyi don med do zhes dam bcas pa gang
 yin pa de la yang/ sems tsam du ni dmigs pa dang/ /gzugs la sogs pa mi 'dzin na/ /khas blangs pa dang grags pa yis/ /dam bcas pa la gnod par 'gyur/ /zhes bya ba la khas blangs pas gnod par 'gyur ba ni mig dang gzugs rnams
 la brten nas mi gi rnam par shes pa 'byung ngo zhes gsungs pa'i lung dang 'gal ba'o/ /grags pas gnod par 'gyur ba ni 'jig rten na gzugs la sogs pa'i don dam par mig la sogs pa'i rnam par shes pa mi skye bar grags pas gnod par
 'gyur ba'o/ /'dir smras pa/ gzugs la sogs pa'i don med par yang rnam par shes pa skye bar mthong ste/ de lta bur snang ba 'byung ba'i phyir dper na rmi lam na gzugs la sogs pa'i blo skye ba bzhin no zhe na/ de dgag pa'i phyir bshad pa/ de
 ltar snang ba skye ba'i phyir/ /rmi lam gzugs sogs blo bzhin du/ /gzugs la sogs pa don med par/ /rnam par shes zhes byar mi rung/ /zhes bya ba ni de'i phyir pha rol po dag gis smras pa'i rjes su dpag pa de bzang po ma yin no/ /ci'i
 phyir zhe na/ gang phyir rmi lam la sogs pa'i/ /rnam shes chos la dmigs pa'i phyir/ /de phyir dpe yang med pa dang/ /yul la skur ba 'debs par 'gyur zhes bya ba ni thog ma med pa'i dus nas gzung ba dang 'dzin ba'i bag chags kyis
 bgos pa'i shes pa dang ldan pa'i mig gis rmi lam na mthong ba nyid kyi gzugs la sogs pa dag mthong pa yin gyi ma mthong ba ma yin te/ rmi lam la sogs pa'i rnam par shes pa dag ni dmigs pa dang bcas pa nyid yin te /sngon mthong ba la sogs pa'i
 mngon? par brjod pa'i phyir dran pa la sogs pa bzhin no/ /dmus long gi mig gi mthu gtan nyams pa la yang tshe rabs gzhan na mthong ba'i bag chags kyi shugs kyi rmi lam na kha dog dang dbyibs tha dad pa'i gzugs du ma dag snang bar 'gyur bas /de'i
 shes pa de la yang dmigs pa med pa ma yin te/ 'di ltar bzang skyod dmus long nges rmi lam na shes ba dang ldan pa'i mig gis gzugs de dag mthong ste/ sha'i mig gis ni ma yin no/ /zhes gsungs pa lta bu'o/ /shes pa'i mig gis ni chos la
 dmigs pa'i phyir rmi lam la sogs pa'i rnam par shes pa yang dmigs pa dang bcas pa nyid yin pas khyed cag gis sgrub pa la dpe med pa'i skyon nyid du 'gyur ro/ /gzugs la sogs pa'i don gyi dngos po sel bar byed pa'i phyir yul la
 skur pa 'debs pa nyid kyang yin no/ /khyed 'di skad ces rnam par shes pa nyid gnyis su snang bar skye ste/ rang du snang ba dang rnam par shas pa yul du snang ba'i phyi rol gyi yul gyi rnam par yongs su gyur pa de rnam par shes pa rang du snang ba'i yul nyid
 yin no zhes zer na de'i phyir bshad pa/ gal te yul du snang ba nyid/ /sems kyi dmigs pa yin 'dod na/ /yul du snang ba ma gtogs par/ /sems kyi bdag nyid gzhan ci yod/ /ces bya ba ni 'di ltar kho bo cag gis ni gzugs la sogs
 pa'i yul du snang bar skyes pa nyid rnam par shes pa'i ngo bo nyid yin par mthong gi yul du snang ba ma gtogs par rang du snang ba gzhan ma mthong ngo/ /gal te yul du snang ba nyid las gzhan pa rnam par shes pa'i ngo bo nyid gnyis pa zhig yod na
 de gang yin ston cig gal te de bstan pa'i phyir 'di skad ces rnam par shes pa la rang du snang ba dang/ yul du snang ba zhes bya ba'i ngo bo nyid gnyis yod de/ rang gi ngo bor gnas pa'i phyir dang/ gzhan lta pur skyes pa'i phyir shel
 gyi nor bu bzhin te/ dper na shel gyi nor bu'i ngo bo nyid las ni rang gsal la/ sngon po la sogs pa'i nye bar bzhag pa'i khyad par las ni sngon po la sogs pa snang ba mtshon du rung ngo/ /de bzhin du sems rang du snang ba'i yul gyi rnam par
 yongs su gyur pa las yul du snang ba nyid du 'gyur ro zhe na/ de lta na bsgrub par bya ba dang dpe nye bar bzhag pa mi mthun te/ gang gi phyir zhe na/ gzhan ltar skyes phyir de gnyis snang/ /shel dang 'dra bar mi 'dod de/ /nye bar bzhag las
 der skye ba/ /shel gyi skad cig min phyir ro/ /zhes bya ba ni shel gyi nor bu sngon po la sogs pa nye bar bzhag pa'i khyad par gyi rang gi ngo bor gsal pa nyid yongs su btang bas sngon po la sogs pa'i ngo bo nyid du yongs su 'gyur ba ni bden
 mod kyi shel gsal ba'i skad cig ma snga ma gang yin pa de ni 'gags par gyur pas sngon po la sogs par gyur pa ma yin no/ /de 'gags gzhan ni skyes pa la/ /de yi blo ni 'khrul par 'dod/ /ces bya ba ni shel gsal ba'i skad cig ma de
 'gags pas na nye bar bzhag pa'i khyad par gyis sngon po la sogs pa'i ngo bo nyid skyes pa la shel yin par dmigs pa'i blo ni 'khrul pa nyid yin no/ /ngo bo nyid gnyis ni med de/ gang gi phyir zhe na/ shel nye bar bzhag pa dang bral ba na snga ma'i
 ngo bo nyid kho nar snang ba ltar shes pa'i rnam par shes bya'i rnam pa dang bral pa shel gyi rnam pa nye bar bzhag pa dang bral ba lta bu ni nam yang gzung du med pa'i phyir ro/ /rnam par shes pa rang du snang ba'i bdag nyid nyams su myong ba med kyang de yul
 gyi rnam bas kha bsgyur ba'i dmigs bar snang ba'i yul du snang ba nyid yin par rig pa dang ldan pa ma yin no/ /dper na shel gyi nor bu nye bar bzhag pa'i tshe na dang phrad pa na de lta bur snyed? bar mtshon? du rung yang shel gyi nor bu yang nye bar bzhag ba'i ngo
 bo nyid du mi 'gyur la nye bar bzhag ba'i ngo bo nyid kyang shel gyi nor bu'i ngo bo nyid du mi 'gyur te/ shel gyi nor bu tshon yin pa 'am/ chon kyang shel gyi nor bu nyid yin bar thal bar 'gyur ba'i phyir ro/ /de bzhin du rnam par shes pa yang rkyen ji
 lta nye bar gyur pa'i yul du snang bar skye yang/ rnam par shes pa yang rnam pa thams cad du gzugs la sogs pa'i ngo bo nyid du mi 'gyur la/ gzugs la sogs pa'i ngo bo nyid kyang rnam par shes pa'i ngo bo nyid du mi 'gyur te/ sa? la sogs pa'i sems
 dang bcas pa nyid dam/ sems kyi sa la sogs pa bzhin du sems med pa nyid du thal bar 'gyur pa'i phyir/ rnam par shes pa nyid gzung ba dang 'dzin pa nyid yin no zhes bya bar rang la byed pa 'gal ba'i phyir de shel bzhin du gnyis su snang ba nyid du
 mi rigs so/ /'dir smras pa/ yul du snang ba des rang dang rjes su mthun pa'i 'bras bu bskyed par bya ba'i phyir rim gyis rnam par shes pa'i rgyun nus pa dang ldan par byed cing lan 'ga' ni de'i rnam pa'i nus par gnas so/ /lan 'ga' ni nus
 pa yongs su smin pa las rnam par shes pa yul du snang ba'i rnam par skye'o/ /rnam par shes pa ni nus pa dang yul du snang ba de gnyis las gcig pa nyid dang tha dad pa nyid brjod par mi 'dod de/ rnam par shes pa nyid nus pa dang yul gyi ngo bo nyid
 gnyis su snang ba yin no zhe na 'dir bshad pa/ gnyis su snang ba med nus pa ni/ /tha dad min phyir yul snang bzhin/ /zhes bya ba la rnam par shes pa nyid gnyis su snang ba ma yin zhes bya ba ni phyogs yin la/ nus pa tha dad pa ma yin pa'i phyir zhes bya ba
 ni gtan tshigs yin/ yul du snang ba'i rnam par shes pa'i bdag nyid bzhin no zhes bya ba ni dpe yin te/ rang du snang ba'i rnam par shes pa gzhan yin zhes byar yang de skye ban yul du snang ba kho na'i rnam par shes pa
 skye ste/ yul gyi rnam pa tha dad par snang ba'i phyir dang/ yul du snang ba 'khrul pa med pa'i phyir ro/ /de 'gag pa na yang rnam par shes pa'i rgyun dang ldan pa'i nus pa yul du snang ba nyid kyi rnam par shes pa bskyed pa'i mthu dang ldan pa bzhag
 nas 'gag cing de yongs su smin par gyur pa las yang yul du snang ba'i rnam par shes pa nyid skye bar zad kyi/ rang du snang ba'i rnam par shes pa'i nus pa gang gis de bskyed par 'gyur ba bzhag pa ni 'ga' yang med pas yul du snang ba
 nyid kyi rnam par shes pa la rang du snang ba nyid btags pas ci bya /ci ste yang 'di snyam du rnam par shes pa nyid gnyis su snang ba yin to/ lhan cig tu 'dra bar 'byung ba'i phyir gzugs dang gzugs brnyan bzhin te /gang la lhan cig 'byung bI
 ngang tshul yod pa de ni lhan cig tu 'byung ba ste/ cig car 'byung ba zhes bya ba'i tha tshig go /gang lhan cig 'byung ba dang 'dra ba'i dang tshul yod pa de ni 'dra bar 'byung ba ste/ lhan cig tu 'dra bar 'byung ba'o/ /dper na gzugs dang lhan cig tu gzuD
 brnyan 'dra bar 'byung ba bzhin no te/ de la gzugs lta bu ni rang du snang ba nyid yin la gzuD brnyan lta bu ni yul du snang ba nyid yin par seMs? can 'dir bshad pa seMs can ni?  rang dang gzhan snang ba lhan cig 'dra bar 'byung ba'i phyir/ /gzugs brnyan bzhin du mi 'dod de/
 de phyir gnyis su snang ba ma yin/ /zhes bya ba ni lhan cig tu 'dra bar 'byung ba nyid yin du zin kyang gnyis su snang ba nyid du mi 'grub pa kho na yin te gzugs brnyan ni dngos po med pa'i phyir dang de'i blo yang 'khrul pa yin pa'i phyir ro/ /'dir
 smras pa/ rnam par shes pa ni gnyis su snang ba kho na yin te tshad ma dang 'bras bu yin pa'i phyir ro/ /de la tshad ma ni 'dis rjes su dpog pa'i phyir tshad ma ste/ rang du snang ba'i rnam par shes pa'o/ /'bras bu ni de'i yul so sor rtog pa ste /yul du snang ba
 nyid do/ /yul du snang ba'i rnam par shes pa 'ba' zhig la ni tshad ma dang 'bras bu dag 'thad par dka' o zhe na/ 'dir bshad pa/ gal te tshad ma 'bras yod phyir/ /gnyis su snang bar 'dod ce na/ /gzhan du de dag 'grub ba'i phyir/ /brtag pa de yang
 mi 'dod do/ /zhes bya ba ni gnyis su snang ba nyid ma yin par gzhan du yang tshad ma dang 'bras bu de dag 'grub pa'i phyir brtag pa de yang mi 'dod do/ /de ji ltar na gzhan du tshad ma dang 'bras bu dag 'grub par 'gyur zhe na/ de'i phyir/ yul du snang ba 'dzin
 pa yi/ /rnam par shes pa skye bzhin pas/ gzhal bya gang yin 'jal byed pa/ /des na de ni tshad mar 'dod/ /ces bya ba smras te/ 'di la yul du snang ba'i rnam par shes pa zhes bya ba'i rnam par 'dzin par skye bzhin pa nyid kyis yul rnam par rtogs
 par byed pa'i phyir/ shes pa skye bzhin pa nyid gang yin pa de tshad ma yin par 'dod do/ /de skyes pa na mthong ba'i phyir/ /de grub pa ni 'bras bur 'dod/ /ces bya ba ni rnam par shes pa de skyes pa na yul mthong ba'i phyir shes pa des mngon par grub
 pa ni 'bras bu yin pas yul du snang ba'i rnam par shes pa nyid la tshad ma dang 'bras bu gnyis yod par 'dod de/ dper na shing la sta ris gzas pa dang/ btab pa'i rkyen gyi gnyis su gcod par byed pa nyid dang/ de dum bu gnyis su chad par gyur pa
 nyid bzhin no/ /bstan bu med pa'i ngo bo nyid/ /de bzhin rtog pa gang thob pa/ /zhes bya ba ni mngon sum gyi shes pa dngos po'i rang gi mtshan nyid tsam la dmigs pa rtogs pa dang rjes su dran pa'i rnam par rtog pa dang bral bas/ gzugs la sogs pa
 sngon bo la sogs ba'i bdag nyid du bstan du med pa'i ngo bo nyid la/ de bzhin du med pa'i ngo bo nyid kho na bzhin du rang rig pa'i rnam pas rtogs par byed pa gang gi phyir de'i phyir yul nyid du snang ba'i rnam par shes pa gcig bu kho na la
 tshad ma dang 'bras bu gnyi ga yod pa'i phyir gtan tshigs kyi don ma grub pas rnam par shes pa nyid gnyis su snang bar rtog pa ni dgos pa med do/ /yang pha rol po dag gi bsam pa gzhan bsal ba'i phyir bshad pa/ gal te smra 'dod bsgrub bya ba/ phyi don
 sems kyi dngos nyid de/ /rnam par shes pa'i yul yin phyir/ /dper na de ma thag bzhin no/ /zhes bya ba 'di la phyi rol gyi don ni chos can no/ /de sems kyi ngo bo nyid yin par bsgrub pa ni de'i chos so/ /rnam par shes pa'i yul yin phyir zhes bya ba
 ni gtan tshigs kyi don du phyir zhes smos so/ /dper na de ma thag pa'i rkyen bzhin no zhes bya ba ni dpe ste sems dang sems las byung ba mtshungs pa de ma thag tu 'gags pa rnams ni de las gzhan pa'i sems dang sems las byung ba rnams skye ba'i
 rkyen gyis dngos por 'gyur bas de ma thag pa'i rkyen zhes bya'o/ /gal te de yang rnam par shes pa'i yul yin pa'i phyir sems kyi ngo bo nyid yin pa de bzhin du phyi rol gyi don yang rnam par shes pa'i yul yin pa'i phyir sems kyi ngo bo nyid yin
 no zhe na/ des na sems byung so so yi/ /gtan tshigs 'khrul pa nyid du 'gyur/ /zhes bya ba ni des re zhig rnam par shes pa'i yul yin pa'i phyir de ma thag pa'i rkyen bzhin du phyi rol gyi yul yang sems kyi ngo bo nyid yin par 'gyur ram/ 'on
 te rnam par shes pa'i yul yin pa'i phyir chor ba la sogs pa sems las byung ba so so dag sems kyi ngo bo nyid ma yin pa bzhin du phyi rol gyi yul yang sems kyi ngo bo nyid ma yin par 'gyur ba'i gtan tshigs ma nges pa nyid do/ /ci ste yang 'di
 snyam du de ni lung gis 'grub ste/ 'di lta ste/ khams gsum po ni sems tsam mo zhes gsungs par sems na/ 'dir bshad pa de ni rigs pa ma yin te/ lung gi don yongs su ma shes pa'i phyir ro/ /gang gi phyir zhe na/ mdo las sems tsam gsungs pa ni/ /
 byed po gla? po dgag phyir ro zhes bya ba ni gzhan mu stegs can dag gis rnam par shes pa las gzhan gyi byed pa po dang za ba po yod par btags pa sel bar mdzad pa'i phyir sangs rgyas dang/ byang chub sems dpa' rnams kyi sems tsam zhes bstan pa mdzad
 pa yin gyi/ phyi rol gyi yul bsal ba'i phyir ni ma yin no/ /gang gi phyir zhe na/ sa bcu pa'i mdo sde las/ byang chub sems dpa' sa drug pa la byang chub sems dpa' rten cing 'brel par 'byung ba lugs su 'byung ba dang/ lugs su 'byung ba ma yin pa la rnam
 par blta ba 'di snyam du sems te/ ma rig pa la sogs pa yan lag bcu gnyis pas sdug bsngal gyi phung po 'ba' zhig pa byed pa po dang/ tshor ba po dang bral ba 'di 'byung zhing sdug bsngal gyi shing ljon pa mngon par 'grub par 'gyur ro snyam du de ltar nges
 pas /kye? rgyal ba'i sras dag 'di lta ste/ khams gsum pa 'di ni sems tsam ste/ sems kyi mngon par 'dus byas pa dang/ sems kyis bris pa yin gyis /sems las gzhan pa'i byed pa po dang/ za ba po ni 'ga' yang med do/ /zhes gsungs pas
 phyi rol gyi yul med pa nyid du mi 'grub bo/ /'dir smras pa/ de ni shes rab kyi pha rol tu phyin pa las kyang gsungs te/ byams pa byang chub sems dpa' gzugs kyi bye brag gdags pa ni rnam pa gsum gyi khong du chud par bya ste /'di lta ste/ 'di
 ni kun btags pa'i gzugs so/ /'di ni rnam par btags pa'i gzugs so /'di ni chos nyid kyi gzugs so zhes bya bas so/ /da la kun btags pa'i gzugs gang zhe na /gzugs zhes bya ba ni ming dang 'du shes dang/ gdags pa dang/ tha snyad la brten nas
 gzugs kyi ngo bo nyid du rtog pa gang yin pa de /de ni rdzas su med do de la rnam par btags pa'i gzugs gang zhe na/ rnam par rtog pa la brten nas gang la ming dang/ 'du shes dang/ gdags pa dang/ tha snyad kyi gzugs zhes bya ba la sogs par
 mngon par brjod pa nyid de/ 'di ni rnam par rtog pa rdzas su yod pa nyid la brten nas rdzas su yod pa yin gyi /rang dbang du 'jug pa las ni ma yin no/ /de la chos nyid kyi gzugs gang zhe na/ kun btags pa'i gzugs des rnam par btags pa'i gzugs
 de la rtag tu ngo bo nyid med pa nyid dang/ chos bdag med pa nyid dang/ yang dag pa'i mdza' la sogs pa gang yin pa ste/ de la rdzas su yod pa yong ma yin la/ rdzas su med pa yang ma yin te/ rnam par btags pa'i don gyis stong pa nyid dang/ rnam
 par shes pa yod pa'i phyir ro/ /zhes gsungs so zhes na bshad pa/ gal te rnam btags don stong pas/ /rnam par shes pa sgrub byed na/ /btags pa ma yin don yod phyir/ /yul med par ni mi 'gyur ro/ /zhes bya ba ni rnam par shes pa la rnam
 par btags pa'i don gyis stong pa nyid yin yang de bzhin gshegs pas so so rang rig par bya ba'i chos nyid kyi gzugs kyi don yod pa'i phyir/ sgra ji bzhin gyi ngo bo nyid ma yin pa'i dngos po gang yin pa de yod pas btaD? pa ma yin pa'i don yod pa'i phyir yul
 yod pa kho na yin par rnam par shes pa thams cad du yul gyis stong pa yin par mi rigs so// //bam po? bco brgyad pa/ /gzhan yang rmi lam la yang brtags min ba'i/ /ngo bo nyid glos ma nges 'gyur/
 zhes bya ba ni khams gsum pa ni sems tsam ste/ gzugs la sogs pa'i don gyis stong pa'i phyir/ rmi lam la sogs pa'i rnam par shes pa bzhin no/ /zhes bya ba de la 'di ltar rmi lam la yang btags pa ma yin pa'i ngo bo nyid kyi blo'i cha
 yod pa'i phyir nges na ci re zhig rmi lam la sogs pa'i rnam par shes pa bzhin no zhes bya ba de rmi lam gyi rnam par shes pa btags pa'i ngo bo nyid kyi skyes bu la sogs pa'i don gyis stong par 'phyur? ram/ 'on te gang gi cha la dmigs pa btags pa ma yin
 pa'i don gyis mi stong par 'gyur ba'i gtan tshigs ma nges pa nyid du 'gyur ro/ /dmigs pa med par mi 'dod de/ /dpe ni rab tu ma grub phyir/ /zhes bya ba ni btags pa'i don gyis stong pa'i phyir ro/ /zhes bya ba'i dpe rmi lam blangs pa der yang btags
 pa'i don sel bar byed kyi btags pa ma yin pa'i don gyi cha sel bar mi byed pas des kyang sems tsam nyid du mi 'grub pa'i phyir/ dmigs pa med par mi 'dod de/ dpe bsgrub par bya ba'i phyogs gcig dang mi ldan par rab tu ma grub pa'i phyir ro/ /rmi lam
 gyi shes pa'i chos nyid kyi gzugs kyi don la dmigs pa'i phyir dmigs pa med pa nyid ma yin no/ /'di ltar rmi lam ni yang dag pa ma yin pa'i phyir gtan la dbab par na de dpe nyid du mi rung ngo zhes bya bar bsams so/ /'dir smras pa/ ci ste blo yul
 rnam pa gnyis/ /gcig dang 'dus pa yin snyam na/ /rigs pas yongs su brtags pa na/ /de ni gnyi gar mi rigs so/ /zhes bya ba ni pha rol po dag na re ci ste phyi rol gyi don yod par smra ba dag blo'i yul rdam pa gnyis su 'dod de/ rdul phra rab gcig pu
 'ba' zhig yul du 'dod dam/ 'on te rdul phra rab 'dus pa yul du 'dod do snyams?/ /gnyi ga yang rigs pas yongs su brtags pa na 'gal ba'i phyir de ni gnyi gar mi rigs te/ bzang po ma yin no zhes zer ro/ /rigs pa de yang gang zhe na/ de'i phyir
 smras pa/ de la gzugs rdul gcig pu ni/ /gzugs blo'i spyod yul ma yin te/ de snang nyid du mi 'gyur phyir/ /dbang gzugs spyod yul ma yin bzhin/ /zhes bya ba la gzugs kyi phra ba nyid kyi mthar thug pa ni rdul phra rab po/ /gcig pu zhes bya ba ni 'ba' zhig
 zhes bya ba'i tha tshig go /gzugs kyi rdul gcig bu ni zheS bya ba ni chos can yin la/ de gzugs kyi blo'i spyod yul ma yin te/ zhes bya ba ni de'i chos te/ chos can dang chos bsdus? pa ni phyogs yin no/ /de snang? nyid du mi 'gyur phyir zhes
 bya ba ni gtan tshigs te/ de snang nyid du zhes bya ba ni yul gyi dngos po nyid du snang ba zhes bya ba'i tha tshig go /de snang ba nyid du mi 'gyur zhes bya ba ni de blo la snang ba nyid du mi 'gyur zhing/ yul gyi dngos po nyid du mi 'gyur ba ste/ gtan tshigs kyi don gyi
 phyir zhes bya ba smos so/ /dbang gzugs spyod yul ma yin zhes bya ba ni dpe ste/ dbang po zhes bya ba ni dbang po lnga rnams te/ de rnams kyi ngo bo nyid yul kha dog gzugs dang ba nyid du yod pa yin yang de snang ba nyid du mi 'gyur ba'i phyir/ dper
 na de gzugs kyi blo'i yul ma yin pa de bzhin du rdul phra rab kyang gzugs kyi blo'i spyod yul ma yin no/ /phra rab gzugs ni du ma ste/ /sems kyi spyod yul yin mi 'dod/ /rdzas su yod pa ma yin phyir/ /dper na zla ba gnyis bzhin no/ /zhes
 bya ba ni rdul? phra rab kyi gzugs du ma de dag 'dus pa de yang sems kyi spyod yul yin par mi 'dod de/ ci'i phyir zhe na/ rdzas su yod pa ma yin pa'i phyir ro/ /'di ltar rdul phra rab kyi gzugs 'ba' zhig ni rdzas su 'dod la/ de dag 'dus
 da ni dmag? dang nags tshal la sogs pa bzhin du rdzas su yod pa ma yin pas de snang bar 'gyur du zin kyang sems kyi spyod yul yin par mi rigs te/ dper na rab rib can gyi mig skyon gyis sems kyi spyod yul yin par mi rigs te dper
 na rab rib can gyi mig skyon gyis nyams pas zla ba gnyis pa la sogs pa yang dag pa ma yin par mthong ba bzhin no zhe na/ 'dir bshad pa/ de la gal te pha rol po/ /bsags pa min pa'i gzugs sems kyi/ /spyod yul min par sgrub byed
 na/ /der ni grub pa nyid grub 'gyur/ /zhes bya ba ni gal te pha rol po dag bsags la ma yin pa'i gzugs rdul phra rab gcig pu sems kyi spyod yul nyid ma yin par sgrub par byed na phyogs snga ma der grub pa nyid la sgrub par 'gyur te/ kho bo cag kyang
 de ltar 'dod pa'i phyir ro/ /ci ste bsags pa'i gzugs la ni/ /gtan tshigs ma grub nyid 'gyur te/ /gzugs gzhan dag gi bsams pa ni/ der snang blo ni? skye phyir ro/ /zhes bya ba ni ci ste rdul phra rab kyi rigs mthun pa bsags pa'i gzugs phyoD
 su byas nas de la rdzas su yod pa ma yin pa nyid gtan tshigs su brjod na ni/ de lta na gtan tshigs gang yang rung ba la ma grub pa nyid du 'gyur te /ci'i phyir zhe na/ 'di ltar rdul phra rab rigs mthun pa'i gzugs gzhan dag gis de la bsags
 shing kun nas sbyar ba na de yul gyi dngos por khas blangs shing der snang ba'i blo rdul phra rab 'dus pa'i rnam par skye ba'i phyir ro/ /kho bo cag ni rdul phra rab rigs mthun pa'i bsags pa bum pa la sogs pa nyid dang phra rab kyang kun rdzob pa'i rdzas su
 'dod de/ 'di ltar rdul phra rab ni rdzas brgyad 'dus pa'i bdag nyid yin pas/ de yang rdzas nyid yin par 'dod la/ de bzhin du bum pa la sogs pa 'dus pa'i bdag nyid kyang rdzas nyid yin te/ 'ba' zhig pa ni rdzas su mi 'grub pa'i phyir ro/ /de ni
 dmigs nyid yin 'dod de/ /der snang blo yi rgyu 'gyur phyir/ /'dod chags bzhin te de yi phyir/ /khyod dam bcas la rjes dpag gnod/ /ces bya ba ni rdul phra rab rigs mthun pa bsags pa'i gzugs de ni dmigs ba nyid yin bar 'dod de/
 ci'i phyir zhe na/ 'di ltar rdul phra rab bsags pa de ni bsags pa'i gzugs der snang ba'i blo'i rgyu'i dngos po nyid du 'gyur ba'i phyir te /gang dang gang der snang ba'i blo'i rgyur 'gyur ba de dang de ni bsags pa la dmigs pa yin te/ dper na 'dod chags
 yul la chags pa'i mtshan nyid ni bud med kyi gzuD la soD pa bsaD pa nyid la dmigs par 'dod pa bzhin te/ de'i phyir khyod kyis bsags pa'i gzugs ni dmigs pa ma yin no zhes dam bcas pa de la rjes su dpag pa 'dis gnod
 par 'gyur ro/ /rnam par shes pa'i tshogs lnga'i gnas dang/ dmigs pa ni bsags pa yin no zhes gsungs pa'i lung dang yang 'gal lo/ /'dir smras pa/ blo ni dmigs pa med pa kho nar skye ste/ rang du snang ba'i rnam par shes pa'i sa bon las
 skyes pa'i phyir yid kyi blo bzhin no/ /zhe na 'dir bshad pa/ gal te rang blo dmigs med de/ /rang gi sa bon las skye'i phyir/ /yid blo bzhin 'dod btags min phyir/ /khyod kyis dmigs bcas nyid du 'gyur/ /zhes bya ba ni yid kyi
 rnam par shes pa la'ang btags pa ma yin pa'i rang gi don du snang ba'i cha yod pa'i phyir khyod kyi blo dmigs pa dang bcas pa nyid du 'gyur ro gzhan yang dmigs pa med pa rjes dpag pas/ /de ni blo nyid ma yin 'gyur/ /'dus pa dam
 ni ma bcas pas/ /de 'gog pa ni gnod pa med/ /ces bya ba ni dmigs pa rtogs par byed pas blo zhes bya ba yin na dmigs pa med pa nyid rjes su dpog pas blor 'dod pa de blo ma yin pa nyid du gyur pas blo de ni blo nyid ma yin par
 bsal ba'i phyir chos can gyi rang gi ngo bo log par bsgrubs bas dam bcas pa nyams par 'gyur ro/ /khyod kyis 'dus pa ni dmigs pa ma yin no/ /zhes smras pa gang yin pa de la yang kho bos kyang 'dus pa dmigs pa yin par dam
 ma bcas te/ 'o na ji ltar dam bcas shen/ rdul phra rab? bsags pa ni dmigs pa yin par dam bcas pas khyod kyis 'dus pa dmigs pa ma yin par de 'gog pa ni kho bo la gnod pa med do/ /bsags pa dang 'dus pa zhes bya ba gnyis
 la khyad par ci yod ce na/ rdul phra rab rigs mthun pa dag gzhi gcig la brten pa ni tshogs pa zhes bya'o/ /glang po che dang/ rta la sogs pa dang/ skyer ba dang/ seng ldeng la sogs pa'i rdzas rigs mi mthun pa gzhi tha dad pa 'dus pa la dmag
 dang nags tshal la sogs par gdags pa ni 'dus pa zhes bya'o/ /'dir smras pa/ 'o na kho bo cig dmigs pa brtags pa'i skabs su/ phyi rol don ni med par yang/ /nus pa dang ni yul gyi dngos/ /gnyis po phan tshun rgyur 'gyur pas/ /thog
 ma med pa'i dus nas 'jug/ ces bya bas phyogs 'di bstan por bzhag zin to zhe na bshad pa/ tshig le'ur byas pa de'i rtsa ba bzhi pa ji ltar de ni ldog par 'dod/ ces bya ba 'dis rjes nas brgal zhing brtag par bya ste/ phyi rol gyi don yod pa la ni
 yul du snang ba'i rnam par shes pa skye ba de'i dag pa 'tshol ba'i rnal 'byor pas yul ngo bo nyid med pa nyid du rtog par bzung ba dang/ 'dzin pa ldog pa'i phyir 'jig rten las 'das pa'i ye shes rnam par mi rtog pa skye ba rig pa kho nar 'gyur gyi/
 khyed yul med pa la ni dang po nas kyang phyi rol gyi don med la/ phyis kyang med pa bzhin du gzung ba dang 'dzin pa'i ngo bo nyid du 'jug par 'gyur ba de'i phyis rgyu gang gis ldog cing 'jig rten las 'das pa'i ye shes rnam par mi rtog ba skye bar
 'gyur ba'i thabs ci yang med do/ /yul med par smra ba la ni 'jig rten las 'das pa'i lam skye ba'i thabs med pas nus pa dang yul gyis ngo bo nyid kyi rnam par shes pa thog ma med pa'i dus nas 'jug pa de ji ltar ldog pa'i rigs pa
 brjod par bya dgos so/ /gal te khyod 'di snyam du/ mi rtog blo ni spang min te/ /'phags phyir rnam par mi rtog phyir/ /zhes bya bar sems na zhes bya ba ni gal te 'khor bar 'jug pa'i rgyu gzung ba dang 'dzin pa'i rnam par rtog pa gnyis spangs su
 zin kyang rnam par mi rtog pa'i blo ni spang pa ma yin te/ 'phags pa'i phyir dang rnam par mi rtog pa'i phyir skye bar 'gyur ba nyid yin te/ ldog par mi 'gyur bar sems na'o/ /de lta na de skye thar pa gal yod/ /de yi sa bon ma bcom
 phyir/ /zhes bya ba ni 'di ltar rnam par shes nga'i sa bon 'drug pas ni 'khor bar 'dod la /de bcom pas ni thar par 'dod pa yin na ji srid du rnam par rtog pa dang bcas pa 'am rnam par mi rtog pa'i shes pa de skye ba yod pa de srid du thar pa gal yong
 de'i phyir sems tsam du smra ba khyod la thar pa yang mi 'thad bar 'gyur ro/ /ci ste 'di snyam du rnam par rtog pa dang bcas pa'i shes pa skye ba ni 'ching ba yin la/ rnam par mi rtog pa'i shes pa skye ba ni thar pa yin par sems te/ ci'i phyir zhe na/
 'di ltar /gnyis kyi 'du shes 'jug pa na/ /sna tshogs snang ba rab tu skye/ /de yi sna tshogs snang gang dang/ /de rang sa bon las skye'i phyir zhes bya ba ste/ gzung ba dang 'dzin pa gnyis kyi rnam par shes pa 'jug pa na/ gzugs la sogs pa
 yul sna tshogs kyi rnam par snang ba rab tu skye ste /de'i rnam pa sna tshogs snang ba de yang gang zhe na/ rnam par shes pa yul gyi rnam par yongs su 'gyur ba gang yin pa'o/ /de dang rang du snang ba'i rnam par shes pa de yang rang gi sa bon yul du
 snang ba'i rnam pa de las skye ba'i phyir ro/ /zha ba de la nus phul dang/ /rang bdag nyid dang gzhan las so/ /zhes bya ba ni 'jug pa'i rnam par shes pa de dag 'gag cing bag la zha ba na yang rtsa ba'i rnam par shes pa de la 'jug par 'gyur
 te/ gang gi nus pa phul ba'i ngo bo nyid du gnas pa yin no/ /rang gi cha la dmigs pa rang gi bdag nyid dang/ yul du snang pa'i rnam par shes pa gzhan 'gag pa las kyang de la zha bar 'gyur ro/ /zhes bya bar sbyar bar sems na /'dir bshad pa/
 de ni 'jig rten yid ches par bya ba tsam la bden mod kyi /skyon 'di yod de rnam par shes pa'i ming giS ni/ /de la bdag tu btags par 'gyur/ /ces bya ba ni bdag tu smra ba dag kyang yul sna tshogs 'byin pa'i bdag gcig pu la thams cad kyi nus pa rang/
 tu bsags par sems dpas khyod kyis kyang rnam par shes pa zhes bya ba'i ming tsam gyi rgyu thabs kyis de nyid la bdag tu btags par 'gyur te/ des na bdag med pa nyid du smra ba yang nyams so/ /khyed kyi rnam par grol bar btags pa yang 'khor
 ba las khyad par med pa nyid du 'gyur te/ ji ltar zhe na/ 'di la sems tsam du smra ba'i rnal 'byor pa 'khor ba dang thar pa'i sems tshul la sems pa na/ gnyis yod sgyu ma lta bu dang/ /zad can ma zhi lta bu dang/ /gnyis med mi zad yang yang dang/
 'chi med go 'phang mchog rtogs nas/ /de la 'dra bar med pa'i phyir/ /rnam par rtog pa rnam ldog pas/ /mi rtog blos ni dmigs byed ba'i/ /grol ba khyad par med par 'gyur/ /zhes bya ba ste/ gnyis yod ces bya ba ni gzung ba dang/
 'dzin pa rnam pa gnyis kyi dngos por gnas pa ste /de ni sgyu ma lta bu dang/ zad pa can dang/ ma zhi ba dang /bdag med par rtogs so zhes bya bar sbyar ro/ /sgyur? ma lta bu zhes bya ba ni yang dag ba ma yin pa'i rnam par rtog pas bskyed pa'i phyir ro/ /zad
 can zhes bya ba ni de la zad pa yod pas zad can no/ /ma zhi zhes bya ba ni skye ba dang 'chi ba la sogs pa'i bya bas 'phangs pa'i phyir ro/ /bdag med cas bya ba ni gzhan mu stegs byed pa dag gis yongs su btags pa'i bdag med pa'i phyir dang/
 nang? yang ngo bo nyid med pa'i phyir ro/ /gnyis med ces bya ba ni gang gi cha? gzugs la sogs pa dmigs pa rnams sems las phyi rol las mi snang ba de'i tshe na/ rang gi sems kyi chos nyid la nges par gnas pa'i sems ni gnyis med ces
 bya ste/ de ni mi zad pa dang/ yang dag pa dang/ 'chi ba med pa dang/ go 'phang mchog yin par rtogs nas zhes bya bar sbyar ro/ /mi zad ces bya ba ni de la zad pa yod pa la yin pa'o/ /yang dag ces bya ba ni mi bslu? ba'o/ /'chi med
 ces bya ba ni skye ba dang 'chi ba la sogs pa dang bral ba'o/ /go 'phangs mchog ces bya ba ni mthar thug pa'i gnas so/ /rtogs nas zhes bya ba ni gnyis yod pa dang/ gnyis med pa dag tshul de ltar rtogs nas so/ /de la 'dra bar med pa'i phyir zhes bya ba ni
 gnyis med pa de la gzung ba dang 'dzin pa dag ji ltar 'khor ba'i gnas skabs na med pa bzhin du thar pa'i gnas skabs na yang de dang 'dra bar ngo bo nyid med pa'i phyir ro/ /rnam par rtog pa rnam ldog pas zhes bya ba ni de la gnyis po 'dra bar med par
 rtog pa'i phyir rnam par rtog pa rnam par ldog pas so/ /mi ldog blos ni dmigs bcas pa'i/ /zhes bya ba mngon sum gyi shes pas sgra ji bzhin gyi ngo bo nyid ma yin pa dang/ rnam par mi rtog pa'i blos kyang yongs su grub pa'i ngo bo nyid dmiD
 par byas pa'i rnal 'byor pa la'o/ /de la grol ba khyad par med par 'gyur zhes bya ba'i skyon 'dir 'gyur te /de la skye ba dang dmigs pa dang bcas pa nyid sngon dang 'dra bar yod pa'i phyir sngon gyi shes pa rnam par rtog pa dang bcas pa las
 thar par khyad par med pas bcings pa dang/ /thar pa gnyis khyad par med par 'gyur ro/ /gzhan yang/ yang na sems tsam bsgrub pa'i phyir/ /sems las byung rnams sems las ni/ /tha dad med par khas blang bya/ /yang na rnaM riD
 tsam mi 'grub/ /ces bya ba ni yang na khyed sems tsam nyid du 'dod pas sems tsam nyid sgrub pa'i phyir sems las byung ba dmiD pa rnaM pa sna tshoD tha dad rnaMs kyang sems laS tha dad pa med par khas blangs par bya'o/ /yang na sems las byung ba rnams sems las tha
 dad par rtog na ni sems las byung ba rnams mang ba'i phyir rnam par rig pa tsam nyid du mi 'grub bo/ /yang na tshor sogs 'dus pa la/ /sems su gdags par 'dod par gyis/ /des na gzhan gyi smra dang/ /rang gi gzhung yang btang bar 'gyur/ /
 zhes bya ba ni yang na khyed kyis tshor ba dang/ sems pa dang reg pa dang/ yid la byed pa la sogs pa 'dus pa mdung khyim lta bu dang/ sa dang chu dang me dang rlung dang 'dus pa la sogs pa lta bu dang/ gzugs dang dri dang ro dang reg pa dang ldan
 pa'i bum pa la sogs pa lta bu la sems su gdags par khas blang bar bya'o/ /gal te de lta bu yin no zhe na/ des na khyed gzhan dbu mar smra ba'i rjes su smra ba dang/ rang gi gzhung yang btang bar 'gyur te/ kun gzhi rnam par shes pa gcig pu
 kho na las rkyen ji lta ba las rnam par shes pa'i tshogs lnga 'byung ba dang/ sems las byung ba rnams kyi yongs su 'gyur ba yang khas blangs pa'i phyir ro/ /gal te 'di snyam du 'di la tshor ba la sogs pa 'dus pa nyid la sems su brtags na
 sems rdzas su yod pa nyid rdzas su yod pa nyid ma yin par 'gyur zhing des na kun nas nyon mongs pa dang/ rnam par byang ba dag gi gzhi ci yang med par 'gyur bas tshor ba la sogs pa tha dad pa dag la ni re re las de rdzas su yod pa nyid yin pas kun nas
 nyon mongs pa dang rnam par byang ba dag gi gnas nyid du rigs te/ ji skad du thog ma med pa'i dus ldan khams/ /sa bon kun gyi gnas gyur pa/ /de yod pas na 'gro kun dang/ /mya ngan 'das pa thob par 'gyur/ /zhes gsungs pa lta bu'o/ /
 zhe na 'dir bshad pa /kun nas nyon mongs rnams byed las/ /gal te sems ni rdzas 'dod na/ /tshor sogs de bzhin skye bI phyir/ /de grub pas na gnod pa med/ /ces bya ba ni 'di ltar nyon mongs pa dang/ nye ba'i nyon mongs pa'i yid la
 byed pa dang bcas pa dag sems dang lhan cig 'byung ba nyid na bcings pa yin par 'dod la/ nyon mongs pa dang bral ba na shes rab mtshungs par ldan pa dang bcas pa sems dang lhan cig nyid du grol bar 'dod pas sems nyid
 kyi gnas skabs gzhan dang/ gzhan dag la sems las byung ba dag tu rab gdags pa yin gyi/ gang gi sems 'ba' zhig pa yin na rdzas su yod pa nyid du 'gyur ba'i sems dang sems las byung ba phan tshun tha dad par gnas pa ni
 med do/ /de'i phyir tshor ba la sogs pa dag nyid bcings pa'i rnam pa dang/ thar pa'i rnam par de bzhin skye ba'i phyir tshogs pa las 'byung bas sems dang sems byung bdag 'dus pa'i ngo bo nyid du yod pa de rab tu grub pas na khyed semS
 rdzas su yod pa nyid du rtog pa des kho po cag la gnod pa med do/ /gal te de ltar sems 'dus pa'i bdag nyid yin pas rdzas su yod pha nyid ma yin na/ ji ltar de las srid pa'i rgyun dang thar pa thob par 'gyur zhe na/ de'i phyir bshad pa/
 utpal rtsa ba nus mang las/ /lo ma la sogs rgyun 'byung ltar/ /de bzhin sems rdzas med pa las/ /rgyun rnams sna tshogs 'byung par 'gyur/ /zhes bya ba la utpal rtsa ba zhes bya ba ni/ ud pa la'i rtsa ba la ste/ de la rtsa ba'i
 'brel pa gzhan med par yang nus pa mang po dang ldan pa las mtsho ji tsam du rgya che ba dag lo ma dang me tog la sogs pa'i rgyun gyis kun tu khyab pa 'byung bar 'gyur ba ltar de bzhin du sems rjes su med pa las kyang sems can rnams kyi 'khor
 ba'i rgyun gyi bye brag khams dang/ 'gro ba sna tshogs kyi rnam pa tha dad pas tha dad pa dag 'byung bar 'gyur ro/ /rgyun gyi bye brag de dag kyang/ /gnyen pos skye bar mi 'gyur zhing/ /byed rgyu yod na skye bar 'gyur/ /zhes bya ba la gnyen po zhes bya
 ba ni 'phags pa'i lam yan lag brgyad pa ste/ de skyes pa na rgyun rnams skye bar mi 'gyur zhing/ byed rgyu zag pa zhes bya ba dag yod na skye bar 'gyur ro/ /yang na lnga po'i rtsa ba'i rnam shes las/ /rgyun bzhin du ni 'byung bar 'gyur/ /zhes khyod kyis
 gang smras pa de la rtsa ba'i rnam par shes pa med par yang sems 'dus pa'i bdag nyid kyi rkyen gyis mi mthun pa'i phyogs kyi gnyen po yod pas ni skye bar mi 'gyur la/ byed rgyu gzugs dang /snang ba dang/ nam mkha' dang/ yed? la byed pa la sogs
 pa'i rkyen yod na ni skye bar 'gyur ro/ /'di la sna tshogs skyes la sogs/ /btags pa mi 'dod rdzas med phyir/ /zhes bya ba ni khyed kyi rnam par shes pa yongs su gyur pa 'di las rnam par smin pa dang/ ngar sems pa dang/ rnam par rig pa zhes
 bya ba gsum po dag gi sna tshogs skye ba la sogs par btags pa ltar ni kho bo cag mi 'dod de/ /gang gi phyir zhe na/ sems rdzas su med pa'i phyir ro/ /'di ltar sems kyi gnas skabs kyi bye brag las de dag tu gdags pa ni mi 'dod do/ /gzhan
 yang de la dmigs pas mi 'grol te/ blo 'ga' med pa 'ang ma yin pas/ /de phyir kun rdzob don dam duAng/ /bdag du smra dang 'dra mi 'gyur/ /zhes pa la de la dmigs pa zhes bya ba ni rang gi sems snang ba tsam nyid du rtog pas so/ /mi 'grol
 te zhes bya ba ni srid pa'i rgyun las so/ /blo 'gag pa med pa'ang ma yin pas zhes bya ba la/ 'o na ci zhe na/ blo 'gag par 'gyur ba 'ang yod pa kho na yin te/ dngos po'i rang gi ngo bo yongs su ma grub pa nyid du rtogs pa'i phyir dang/ kun gzhi rnam
 par shes pa la mi rtog pa'i phyir ro/ /de'i phyir kho bo cag sems rdzas su yod pa ma yin zhing 'dus pa'i bdag nyid yin par smra ba ni kun rdzob dang/ don dam par yang bdag tu smra ba dang 'dra ba nyid du mi 'gyur gyi/ de las bzlog pas khyed cam du smra pa dag
 la ni skyon de dag 'byung ba nyid du 'gyur ro/ /khyed kyi dmigs pa la ni brten byas nas/ /mi dmigs pa ni rab tu skye/ /mi dmigs pa la brten byas nas/ /mi dmigs pa ni rab tu skye/ /zhes gang smras pa de la yang kho po
 cag mi dmigs pa goms par phye ba nyid gzhan du mi 'dod do/ /ji ltar zhe na/ gzugs la sogs pa stong pa ste/ /ngo bo nyid kyi ma skyes phyir/ /rdzas su ming phyir 'jig pa'i phyir/ /sgyu ma bzhin goms chags med 'gyur/ /zhes bya ba ste/
 gzugs la sogs pa phyi rol gyi yul rgyu dang rkyen du snang ba las byung ba yod pa kho na yin pa rnams ni stong pa ste/ rgyu dang rkyen gyi tshogs tha dad pa dag la yod pa ma yin pas ngo bo nyid kyis ma skyes pa'i phyir 'dus pa'i bdag nyid yin pas
 rdzas su med pa'i phyir dang yun ring du mi gnas pas 'jig pa'i phyir dang/ dper na sgyu ma bzhin du dmigs su med par goms par byas pas chags pa med pa nyid du mi 'gyur ba yin gyi /phyi rol gyi yul rnam pa thams cad du med pa ni ma
 yin no/ /gzhan yang gzugs la sogs pa yod kyang ni/ /yang dag ji bzhin rtogs gyur pa/ /de yod ma yin de yi tshe/ /log 'dzin ci phyir mi ldog 'gyur/ /zhes bya ba ni dper na sngar sgyu ma byung ba la skyes bu'i ngo bo nyid yod par btags
 pa la phyis 'di ni sgyu ma byas pa yin te/ 'di la ngo bo nyid ci yang med do zhes bya bar rtogs pa'i tshe na/ skyes bu'i blo ldog par rigs kyi ri bong gi rwa sngon dang phyis kyang gtan med pa la ni de lta bur 'gyur ba ni mi rigs so/ /de bzhin du
 gzugs la sogs pa yod kyang kun rdzob kyi shes pas gzugs la sogs pa 'di dag ni ngo bo nyid yod pa yin no snyam du btags pa la/ phyis yang dag pa'i ngo bo nyid med par yang dag pa ji lta ba bzhin rtogs par gyur pas ngo bo nyid de yod pa ma
 yin par shes pa de'i tshe log par 'dzin pa ci'i phyir ldog par mi 'gyur te/ ldog pa kho nar 'gyur ba yin pas khyed kyi so so skye bo de nyid shes pa ma skyes pa dag la dang po kho nar gzugs la sogs pa phyi rol gyi yul med par btags pas don ci
 zhig 'grub par 'gyur de bzhin du gnyis su rnam par rtog pa dag /sems dang sems byung spyod yul ni/ /gzugs la sogs pa dgag byas kyang/ /'jug par mi 'gyur mi rigs so/ /zhes bya ba ni gzung ba dang 'dzin pa gnyis su rnam par rtog pa gang
 dag yin pa de dag khyed sems dang sems las byung ba'i spyod yul yin par 'dod cing gzugs la sogs pa'i phyi rol gyi yul rnams dang 'brel pa yin par mi 'dod na/ de la khyed kyi gzugs la sogs pa phyi rol gyi yul rnams rnam pa thams cad
 du dgag pa byas kyang gnyis su rnam par rtog pa de dag 'jug par mi 'gyur bar mi rigs so/ /'o na ji ltar zhe na/ 'jug par 'gyur ba kho nar rigs te/ sngon dang phyis kyang gzugs la sogs pa phyi rol gyi yul rnams la mi bltos par khyad par med pa'i
 phyir ro/ /gal te 'di skad ces gzugs la sogs pa phyi rol gyi yul rnams dang ma 'brel ba'i rnam par rtog pa gnyis po dag spang ba kho na'i phyir kho bo cag gis rnam grangs gzhan gyis phyi rol gyi yul rnams rnam par shes pa'i cha nyid yin par rnam par bzhag
 ste/ /de'i 'og tu rnam par mi rtog pa'i ye shes skyes pa na rang dang gzhan du snang ba'i cha bsal bas yul de dang de la 'dzin pa dag 'gag par 'gyur ro zhe na 'dir bshad pa/ gal te de ni dgag pa'i phyir/ /sgrub gzhan yongs su 'dzin 'dod na/ /
 'dam rdzab 'khru bar byed pa bas/ /ma reg par ni bsrings na bzang/ /zhes bya ba ni gal te khyed snying nas phyi rol gyi yul med par 'dod na ni/ /de rnam par shes pa'i cha nyid yin par btags pas kyang ci bya ste /gal te rnam par shes pa'i cha nyid
 yin par rnam par bzhag nas phyis de dgag pa'i phyir rnam par shes pa'i cha nyid yin par bsgrub pa gzhan yongs su 'dzin par 'dod na ni des na 'dam rdzab 'khru bar byed pa bas/ ma reg? par ni bsrings pa bzang/ /zhes bya ba'i der?
 'de don mthun pa nyid du 'gyur te/ mi smyon pa blun po 'ga' zhig gis lam gtsang ma bor te/ mi gtsang ba'i 'dam rdzab kyi klung du zhugs pa na gzhan dag gis de la dris pa/ ci'i phyir khyod lam bor te 'dam rdzab tu zhugs pa des smras pa yang
 bkru bar bya'o/ /gzhan gyis smras pa/ glen pa gal te gdon mi za bar bkru bar bya dgos na snga nas 'dam rdzab kyis ma reg par thag bsrings nas ches bzang ngo zhes bya ba lta bur 'gyur ro/ /gzhan yang khyed kun btags pa'i ngo bo nyid ni mtshan
 nyid ngo bo nyid du smra zhing 'di skad ces kun btags pa'i ngo bo nyid ni mtshan nyid ngo bo nyid med pa nyid yin te/ kun btags pa yin pa'i phyir thag pa la sprul gyi ngo bo nyid du btags pa bzhin zhes gang smras pa de la yang/ kun btags yod pa ma
 yin te/ /btags phyir sbrul dang 'drar mi 'dong/ /thag pa'i dngos por ma nges phyir/ /yang na grags pas gnod par 'gyur/ /zhes bya ba ni btags pa yin pa'i phyir zhes bya bas ci re zhig sprul? bzhin du kun btags pa'i ngo bo nyid mtshan
 nyid ngo bo nyid med pa nyid du 'gyur ram /'on te rnam par rtog pa dang bcas pa'i shes pa'i yul yin pa'i phyir thag pI dngos po bzhin du kun btags pa'i ngo bo nyid mtshan nyid yod par 'gyur ba ma nges pa'i phyir ro/ /gal te thag par yang
 rang gi nga? bo nyid du yod pa ma yin no zhe na/ de lta na grags pas gnod par 'gyur te/ 'di ltar 'jig rten na chu dang theg pa dang rgyu dang lag pa dang/ mi'i rtsol bas bkal pa'i thag pa yod pa nyid du grags pa'i phyir ro/ /don de nyid bsnan te sgrub pa'i phyir/ /de ni
 'khrul min gang gis phyir/ /du ma'i cha de mthong phyir ro/ /zhes bya ba ni kun btags pa'i ngo bo nyid de ni pha rol po dag gis btags pa ltar gcig tu 'khrul pa nyid ma yin te/ gang gi phyir zhe na/ thag pa la sprul du mthong ba bzhin no/ /zhes bya ba'i dpe de la
 du ma'i cha yod pa de mthong ba'i phyir te/ sngon 'khrul pas thag pa la 'di ni sprul yin no snyam du nges pa la legs bar brtags na 'di ni thag pa yin gyis sbrul? ma yin snyam du thag pa'i rang gi ngo bo yang dag pa nyid la dmigs pa'i blo skyes pa na des sprul gyi cha
 btang ste/ thag pa'i rang gi ngo bo'i che mthong ba'i phyir dpe la 'khrul pa dang yang dag pa ji lta ba bzhin nyid kyi cha gnyi ga yod pas gcig tu 'khrul pa nyid ma yin pa'i phyir/ des mtshon pa'i don kun btags pa'i ngo bo nyid kyang gcig tu 'khrul pa nyid yin
 par mi 'gyur la/ khyed ni kun btags pa'i don rnam pa thams cad du 'khrul pa nyid yin par 'dod pa'i phyir ro/ /skyon chen po 'dir yang 'gyur te/ khyod ni dngos la skur 'debs 'gyur/ /rnam pa kun tu yul 'gog phyir/ /gal te sgra ji bzhin
 gyi ngo bo nyid ma yin pa'i dngos po so so rang rig par bya ba de lta bu cung zhig yod do zhe na /de lta na yang kun rdzob kyi bden pa rnam par bzhag pa dang 'gal te/ mdo sde las kun rdzob kyi chos med par don dam pa rtogs par mi nus so zhes gsungs pa'i phyir
 ro/ /ci ste 'di snyam du phyi rol gyi yul med pa yin yang ming dang brda las don gyi mtshan ma la rtog pa las kun nas nyon mongs pa skye bar sems na /'dir bshad pa/ ming med par yang kun nyon mongs/ /ming la don 'jug las byung min/ /ci'i
 phyir zhe na/ smra mi shes pa'i dud 'gro yang/ /nyon mongs skye ba mthong phyir ro/ /zhes bya ba ni yi ge dang nges pa'i tshig dang/ ming dang brda' smra? mi shes pa'i dud 'gro ri dags dang bya la sogs pa dag la yang 'dod chags dang/ zhe sdang dang/ gti mug la soD
 pa'i nyon mongs pa shas chen po skye ba mthong ba'i phyir/ gang dag la brten nas nyon mongs pa skye bar 'gyur ba'i gzugs la sogs pa phyi rol gyi yul dag yod pa kho nar shes par bya'o/ /'dir smras pa/ gzugs la dmigs pa'i blo
 skye ba gang yin pa de ni yul yang dag par yod do snyam du rnam par brtag nas/ gzugs zhes mngon par brjod pa la bltos pa dang bcas par skye'i/ mngon par brjod pa med par mi skye bas/ de'i phyir gzugs la sogs pa'i ngo bo nyid ni stong la
 mngon par brjod pa tsam la ni gzugs la sogs pa zhes bya'o zhe na/ 'dir bshad pa/ gzugs ni gzugs kyis ngo bos stong/ /gzugs zhes brjod la bltos bcas par/ /gzugs blo skye bar 'gyur phyir zhes/ /brtag par bzod par mi
 'gyur ro/ /ci'i phyir zhe na smra mi shes pa'i dung 'gro dag la yang zas la sogs pa'i blo skye bar mthong ba'i phyir ro/ /gzhan yang/ gzugs ni stod nyid mi rigs te/ /gzugs min bdag nyid rnam bcas pa'i/ /dngos por snang blo spyod yul gyi//
 gzugs kyi bdag nyid de yong phyir/ /zhes bya ba ni mngon par brjod pa tsam la gzugs zhes bya zhing/ /gzugs ni rnam pa thams cad du stong pa nyid ces bya bar mi rigs te/ ci'i phyir zhe na/ gzugs ma yin pa'i bda nyid rnam par
 bcad pa'i dngos por snang ba'i blo'i spyod yul gyi gzugs kyi bdag nyid de yod pa'i phyir ro/ /de la gzugs ma yin zhes bya ba ni gzugs las gzhan pa ste/ sgra dang dri dang/ ro dang/ reg pa dag go /gzugs ma yin pa'i bdag nyid
 ces bya ba ni gzugs ma yin pa de dag gi bdag nyid de /rna ba la sogs pa'i yul zin pa dang zin pa ma yin pa la sogs pa dag go /rnam par bcas pa'i zhes bya ba ni gzugs ma yin pa'i bdag nyid de dag las rnam par bcad pa ste/
 mtshan 'di tha dad pa'o?/ /de'i dngos po zhes bya ba ni mig gi yul te/ kha dog dang dbyibs kyi bdag nyid do/ /der snang ba zhes bya ba ni de'i rnam par snang ba'o/ /blo'i zhes bya ba ni der snang ba'i blo de'i'o/ /spyod yul zhes bya ba ni gzugs te/ spyod pa zheS
 bya ba dbang po de yul zhes bya ba gzugs de la spyod cing 'jug pas spyod yul lo/ /de lta bu'i gzugs kyi bdag nyid mngon sum gyi blo la snang ba brjod du med pa de kun rdzob tu yod de/ de yod pa'i phyir ji ltar mngon par brjod pa tsam du zad de/
 rnam pa thams cad du gzugs stong ngo zhes bya bar rigs par 'gyur/ gal te dngos po'i spyi ni mngon par brjod pa'i yul yin la/ de la yang mngon par brjod pa de nyid kyis stong ngo zhe na/ 'dir bshad pa/ mngon par brjod bya spyi yin na
 spyi ni ci yang yod min pas/ /des na mngon brjod bdag nyid kyis/ /stong pa 'thad par mi 'gyur ro/ /zhes bya ba la khyed cag mngon par brjod par bya ba ni spyi yin la/ spyi ni dper na ba lang ma yin pa rta la sogs pa gzhan dag gis ba lang sel
 ba ni ba lang gi spyi yin no zhes bya ba lta bur 'dod na/ gzhan sel ba'i spyi ni ci yang yod pa ma yin pas de ni dngos por gyur pa ma yin no/ /dngos po med na ci zhig mngon par brjod par bya ba med na mngon par brjod par byar med brjod par byar med
 phas des na mngon par brjod pa'i bdag nyid kyi stong pa nyid ces bya ba de 'thad par mi 'gyur ro/ /'o na spyi gang zhig mngon par brjod par bya ba nyid yin par rigs she na/ de'i phyir/ brjod bya spyi ldan dngos po ste/ /der snang blo yi rgyu yin phyir/ /de
 ni de'i bdag nyid yod pas brjod med de nyid du mi rigs so/ /zhes bya ba smos te/ mngon par brjod par bya ba'i spyi dang ldan pa'i dngos po ste/ gang la sngon po la sogs pa'i khyad par la ma bltos par gzugs nyid kyi spyi yod pa de ni spyi dang ldan pa'i dngos
 bo ste/ sngon po la sogs pa dang/ ring po la sogs pa'o/ /ji ltar zhe na ber snang ba'i blo'i rgyu yin pa'i phyir ro/ /de ni spyi dang ldan pa'i gzugs de'i bdag nyid du yod pas mngon par brjod pa'i yul yin pa'i phyir ji ltar brjod du med
 pa nyid du rigs te/ brjod du med pa nyid du mi rigs so/ /gal te spyi zhes bya ba de gzhan sel ba ma yin na/ 'o na spyi zhes bya ba gang yin zhe na/ de'i phyir/ rigs mi mthun pas stong nyid de/ /blo mthun 'jug pa'i rgyu yin phyir/ /rigs mthun ba
 la mthun pas na spyi zhes bya bar nges pa yin/ zhes bya ba smras te/ spyi zhes bya ba ni dper na rta la sogs pa rigs mi mthun pas stong pa nyid ni ba lang gi spyi yin pa lta bu'o/ /ci'i phyir zhe na/ de ni ba lang du blo mthun par 'jug pa'i rgyu yin
 pa'i phyir /de yang dngos po'i ngo bo nyid yin pa'i phyir/ rigs mthun pa lkog shal dang /mjug ma dang/ nog dang/ rmig pa dang/ rwa dang ldan pa 'dus pa la tha dad pa 'am/ sngon po dang/ ser po la sogs par bcad pas tha
 dad pa la yang spyi mthun pa'i rnam pa mthun pas na /dbu ma smra ba dag gis spyi zhes bya ba yin par nges par bzung ba yin no/ /gal te ba lang ma yin pa rta la sogs pa'i ngo bo nyid kyis stong pa nyid la /lkog shal la sogs pa 'dus
 pa'i chos su btags na ni/ des ni lkog shal la sogs pa ma bzung bar yang ba lang du gzung ba yod par 'gyur te/ dper na gzugs la sogs pa ma bzung bar bum par bzung ba yod par 'gyur ba lta bur thal bar 'gyur ro//
 dbu ma pa la rta la sogs pa rigs mi mthun pa stong pa nyid kyi ba lang gi ngo bo nyid la spyir 'dod ba la ni/ gzhi ma bzung na bzung med de/ /de gzung bzung du yod pa'i phyir/ /grangs bzhin brten na dngos de ni/ /brtag bya brjod par 'dod
 gzhan min/ /zhes bya bar 'gyur te/ rigs mi mthun pas stong pa nyid ces bya ba'i don ni rta la sogs pa rigs mi mthun pas stong pa nyid kyi ba lang gi ngo bo nyid lkog shal la sogs pa dang ldan pa yod ba nyid do/ /de ni lkog shal la sogs pa
 'dus pa'i gzhi ma bzung na gzung du med de/ /'o na ji lta bu zhe na/ gzhi gzung na yo gzung du yod pa kho na yin no/ /zhes bya ba'i tha tshig go /ci'i phyir zhe na/ gzhi de gzung na ba lang nyid la sogs pa'i spyi de yang gzung? du yod pa'i phyir ro/ /dper na
 ji lta bu bzhin te/ grangs bzhin te/ dper na grangs gcig nyid dar/ gnyis nyid dang/ mang po nyid ces bya ba dag bum pa la sogs pa'i dngos po de gzung na/ bum pa gcig dang/ bum pa gnyis dang/ bum pa mang po zhes gzung du yod pa
 nyid yin te/ gcig la sogs pa'i grangs dag dngos po las tha dad pa yang ma yin la dngos po ma bzung bar yang bzung du med pa de bzhin du 'dir yang lkog shal la sogs pa 'dus pa dang 'dus pa bzung na ba lang nyid kyang gzung du yod pa kho
 nar 'gyur ro/ /des na spyi zhes bya ba'i dngos po de ni blo'i yul yin pa'i phyir brtag par bya ba yang yin la/ blos nges par bzung ba'i dngos po la tshig 'jug pa'i phyir de nyid brjod par bya ba yang yin par 'dod kyi/ ba lang nyid ces bya ba de
 lkog shal la sogs pa dag las gzhan pa ni ma yin te /'on ji lta bu zhe na/ dngos po'i rang gi ngo bo nyid las tha mi? dad pa yin no/ /yang gzhan yang /dbyer med phyir na gcig pa dang/ /rdzas med phyir na du mar 'jug/ de nyams na yang
 mi nyams phyir/ /gzhan la'ang de 'dod ma yin min/ /zhes bya ba ni rigs mi mthun pas stong pa nyid de ni rnam pa rnams kyi spyi yin pas dbyer med pa'i phyir na gcig pa yin no/ /rdzas thams cad kyi khongs su gtogs pas rdzas su med pa'i phyir
 na du mar 'jug pa yin no/ /dus gsum du 'jug pa'i rdzas thams cad la rnam par gnas pas rdzas de nyams de mi nyams pa'i phyir des na rdzas gcig nyams pa na rdzas gzhan la yang de'i blo de 'jug par 'dod pa ma yin
 pa min te/ 'o na ji lta bu zhe na/ gzhan la yang de'i blo de 'jug par 'dod pa kho na yin no zhes bya bar sbyar ro/ /de gcig pu nyid min na ji ltar gzhi du ma dag la spyi nyid yin par 'gyur zhe na/ de'i phyir/ sngon min ud pal ma yin par/
 med pa'i dngos pos ma bsal bas/ /gzhi mthun ldan pa nyid yin te/ /gnyi ga don cig 'jug phyir ro/ /zhes bya ba smras te /sngon min zhes bya ba ni dkar po la sogs pa'o/ /ud pa la ma yin pa zhes bya ba ni pad+ma la sogs pa'o/ /sngon po
 ma yin pa dkar po la sogs pa med pa'i dngos pos sngon pos nyid yod pa yin la/ ud pa la ma yin pa pad+ma la sogs pa med pa'i dngos pos ni ud pa la nyid yod par gzung ngo/ /de bzhin du 'dir yang gzugs ma yin pa sgra la
 sogs pa mad pa'i dngos pos ni gzugs nyid yod pa ma yin la/ pa lang ma yin pa rta la sogs pa med pa'i dngos pos ni ba lang nyid yin par bzung ste/ dper na sngon pos kyang ud pa la ma gsal la ud pa las kyang sngon
 po ma gsal te/ de gnyis yon tan dang/ yon tan gyi ngo bo nyid du rdzas gcig la gcig gis ma gsal bar brten pas gzhi mthun pa dang ldan pa nyid yin te/ gang la gzhi mthun pa dang tha mi dad pa dang/ thun mong pa yod pa de ni
 gzhi mthun pa dang ldan pa'o/ /de'i dngos po ni gzhi mthun pa dang ldan pa nyid do/ /'di ltar sngon po ni sprin dang mig sman la sogs pa yang yod la/ ud pa la ni dmar po la sogs pa yang yod pas de gnyis ni gzhi mthun pa dang ldan
 pa nyid ma yin gyi/ 'di la ni sngon po dang ud pa la zhes bya ba gnyis rdzas kyi don cig la 'jug pa'i phyir nges na gzhi mthun pa dang ldan pa nyid yin no/ /de bzhin du gzugs ma yin pa'i bdag nyid rnam par bcad pa ni gzugs la sogs pa'i spyi yin no
 zhes bya bar bsams te/ dngos po snang ba'i blo'i rgyu yin pa'i phyir ro/ /de'i phyir de ltar rigs mi mthun pas stong pa nyid ni spyi yin par bsgrub bo/ /gzhan sel ba ni spyi nyid yin par mi 'thad pa kho na ste/ ji ltar zhe na/ gzhan sel gzhan
 gyi spyi ma yin/ /chos gzhan yin phyir khyad par bzhin/ /lkog shal la sogs blo dbye med/ /med la khyad par med phyir ro/ /zhes bya ba la gzhan sel ba zhes bya ba ni gzhan dag gis sel bar byed cad tha dad pa byed pa ste /rta la sogs pa
 gzhan dag gi ba lang nyid sel ba bzhin no/ /de ni gzhan gyi spyi ma yin no/ /ci'i phyir zhe na/ chos gzhan yin pa'i phyir ro/ /dper na ji lta bu zhe na/ /byad par bzhin te/ dper na ba lang gi rwa la sogs ba'i khyad par gzhan gyis
 rta'i rdog? ma la sogs pa'i khyad par sel bar byed kyang de dag de'i spyi ma yin pa de bzhin du ba lang ma yin pa rta la sogs pa gzhan dag gis ba lang nyid sel par byed kyang de dag ba lang gi spyi ma yin no/ /gzhan sel ba de lkog shal
 dang/ mjug ma dang/ nog dang/ rmig pa la sogs pa dag la blo tha dad par dbye ba med par yang 'gyur te /ci'i phyir zhe na /gzhan sel ba ni ngo bo nyid med pa yin pas med pa la ni khyad par med pa'i med pa kho na'i phyir/ dngos ma bzung
 bar dang 'dzin phyir/ /brtag bya brjod min yin mi 'dod/ /ces bya ba ni 'di ltar gal te gzhan sel ba'i bdag nyid spyi gang yin pa de dngos po'i rang gi ngo bo nyid yin par brjod cing dngos po med par mi brjod na ni des na blo nges brtag par bya ba nyid dang/ tshig
 gis brjod par bya ba nyid yin par rigs par 'gyur ba zhig na/ khyed cag dngos bo ma bzung bar yang gzhan sel ba'i de 'dzin pa'i phyir gzhan sel ba de dngos po las gzhan sel bar rtogs pas/ brtag par bya ba dang
 brjed par bya ba yin par mi 'dod de/ de dag yin par bsgrub par dka' o/ /'dir kha cig 'di skad ces gzhan sel ba de'i sgo nas dngos po brtag par bya ba dang/ brjod par bya ba nyid yin par 'gyur ro zhe na/ de la bshad pa/ de yi sgo nas
 gzhan brjod na/ /de ni brjod bya nyid sogs nyams/ /zhes bya ba ni gzhan sel ba de'i sgo nas spyi dang ldan pa'i dngos po cig car 'dzin na dngos po nyid brtag par bya ba dang/ brjod par bya ba nyid yin par 'gyur gyi/ gzhan sel ba'i spyi de
 ni brjod par bya ba nyid dang/ rtag par bya pa nyid yin pa nyams pas khyed kyi rjes su dpag pa'i dam bcas pa ma grub po/ /gzhan yang/ de ni gzhan gyi ngo bo ni/ /des na brjod med nyid mi rigs/ /de phyir rnal 'byor spyod pa yi/ /tshul
 gyis smra ba mi rigs so/ /zhes bya ba ni gzhan sel ba de dngos po las gzhan pa'i ngo bo nyid yin na gang dngos po las gzhan pa de la ni de bzhin du blo yang tha dad pa la mngon par brjod pa yang tha dad par 'gyur bas nges na gzhan sol ba de brjod
 du med pa nyid yin par mi rigs so/ /de ltar ji skad bstan pa'i rigs pa dag gis yongs su btags pa de'i phyir rnal 'byor spyod pa'i tshul gyis smras pa'i gzhan sel ba spyi yin par 'dod pa la sogs pa dag ma grub pa'i mthas btags
 pa de dag ni rigs pa dang ldan pa ma yin pas mi rigs so// //bam po bcu dgu pa/ /'dir smras pa kho bo cag gi tshul ni mi rigs pa ma yin te/ rigs pa dang mi 'gal ba'i phyir ro/ /ji ltar zhe na/ kho bo cag ni
 dngos po rnams ngo bo nyid med de/ ming du mngon par brjod pa'i bdag nyid kyis stong pa'i phyir ro zhes bya bar 'dod na/ mngon par brjod ba'i bdag nyid de nyid ma skyes pa yin la/ skye ba med pa kho na'i phyir ma 'gags pa yang yin no/ /mngon par brjod ba dang ldan
 pa'i dngos po gang yin pa de yang rnams gang gis mngon par brjod pa'i rnam pa de ltar yod pa ma yin te/ brda tsam du zad pa'i phyir ro/ /'di ltar gal te dngos po de mngon par brjod pa'i spyod du 'gyur du zin na mes zhes brjod pa kha tshig pa'i skyon du 'gyur ro/ de
 bzhin du kun brtags dngos po yod ma yin/ /gzhan gyi dbang ni yod pa yin/ /zhes bya bas gzhan gyi dbang yod pa nyid du khas blangs ba'i phyir ro/ /'dir bshad pa/ dngos rnams ngo bo nyid med de/ /mngon brjod bdag nyid stong phyir ro/ /de nyid
 kyis de skye med phyir/ /ma skyes pa dang ma 'gags nyid/ /gang phyir mngon brjod ldan dngos ni/ /ji ltar brjod pa de ltar med/ /de phyir chos rnams dngos med nyid/ /ces bya la sogs mang smras dang/ /gzhan dbang yod pa nyid smras
 pa/ /kun rdzob tu ni grub pa sgrub/ /gal te don dam dpe med cing/ /gtan tshigs 'gal ba nyid du 'gyur/ /zhes bya ba ni de dag thams cad kun rdzob tu bsgrub na ni grub pa la sgrub pa yin te/ kho bo cag kyang de dag
 thams cad kun rdzob kyi bden pa'i tshul du 'dod pa'i phyir ro/ /gal te de don dam par bsgrub na ni don dam par gzhan gyi dbang yod pa nyid du bsgrub pa la dbe med de/ de yang ngo bo nyid stong pa'i phyir ro/ /de bzhin du mngon par brjod pa'i bdag nyid
 kyi stong ba'i phyir zhes bya pa'i gtan tshigs 'gal ba nyid du yang 'gyur te /mngon par brjod pa'i bdag nyid kyi stong pa nyid du rjes su dpog pas brjod du med pa'i dngos po yod pa nyid kyis dngos bo rnams ngo bo nyid med pa nyid bsal ba'i phyir chos can gyi rang
 gi ngo bo log par bsgrubs pa'i phyir ro/ /ci ste yang 'di snyam du kho bo cag gi gzhan gyi dbang gi ngo bo nyid ni skye ba ngo bo nyid med pa yin te/ yod par gyur pa las ma skyes pa'i phyir sgyu ma bzhin te/ de yang ngo bo nyid kyi stong pa'i phyir gtan
 tshigs kyi don 'gal ba nyid du mi 'gyur bar sems na/ 'dir bshad pa/ gal te gzhan dbang ngo bo nyid/ /skye ba ngo bo nyid med? de/ /yod par gyur las ma skyes na/ /skye 'gag la sogs 'gal sgrub yin/ /zhes bya ba ni de lta na kho bo cag gi 'dod pa
 nyid bsgrubs pa yin te kho bo cag kyang rgyu dang rkyen rigs mthun pa'i bdag nyid las skyes pa rnams ni rang gi bdag nyid las ma skyes pas ngo bo nyid kyis stong pa dang/ skye ba dang 'gag pa la sogs pa med par 'dod pa'i phyir ro/ /tshul 'di ni
 lung dang yang mi 'gal te/ ji ltar zhe na/ rkyen rnams las ni gang skyes pa/ de skye med par thub pas gsungs/ /zhes bya ba'i phyir ro/ /rigs pa gang gis zhe na/ don dam du na dngos nyid las/ /de yi skye ba dgag phyir ro/ /zhes bya
 ba ste/ gang rkyen rnams las skyes pa de ni don dam par na skye ba med pa nyid yin par thub pas gsungs te/ rgyu dang rkyen gyis tshogs tha dad pa'i dngos po dag la de'i ngo bo nyid dmigs su med pa'i phyir ro/ /de ltar yang 'di skad
 du/ gang zhig rkyen las skyes pa de ma skyes/ /de la skye ba'i ngo bo nyid med de/ gang zhig rkyen las bltos pa des stong gsungs/ /gang gis stong nyid shes de bag yod yin/ /zhes gsungs pa lta bu gzhan yang/ chos
 rnams yang dag nyid min phyir/ /de dag kun rdzob blo dang 'dra/ /sna tshogs rang spyi'i spyod yul du/ /'gyur ba la ni 'gal ba med/ /ces bya ba ni gang kho na'i phyir chos rnams yang dag pa nyid ma yin pa de kho na'i phyir/ de dag
 kun rdzob tu blo dang sgra sna tshogs kyi rang gi mtshan nyid kyi spyod yul dang/ spyi'i mtshan nyid kyi spyod yul sngon po la sogs pa dang/ gzugs la sogs pa dang/ bum pa dang/ snam bu zhes bya ba la sogs pa dag tu 'gyur ba la 'gal ba med do/ /
 gal te dngos po rnams yang dag pa nyid yin par gyur na ni nges na nam mkha' la sogs pa bzhin du ngo bo nyid gcig pa kho nar gyur pas blo sna tshogs dang/ sgra sna tshogs kyi yul du mi 'gyur pa zhig na de lta ma yin no/ /de la gzhung lugs gnyi ga la
 grags pa'i lung yang yod de/ gang zhe na /ming ni gang dang gang dag gi /chos rnams gang dang gang brjod pa/ /de la de ni yod min pa/ /de ni chos rnams chos nyid do/ /zhes bya ba yin te/ ming ni gang dang gang dag gis/ /zhes bya ba ni rang
 dang spyi'i brjod pa'i ming dang/ yi ge sna tshogs kyi ngo bo nyid dag gis so/ /chos rnams gang dang gang brjod pa /zhes bya ba gzugs la sogs pa mngon par brjod par bya ba dag gis tshig gi brjod pa'o/ /de la de ni yod min pa zhes bya ba ni
 chos de la ming du mngon par brjod pa de yid pa ma yin pa ste/ chos rnams ni yi ge med pa'i ngo bo nyid yin pa'i phyir ro/ /'di ltar yul gyi skad dang/ nges pa'i tshig sna tshogs dag gis dngos po gcig kho na la rnam pa du mar mngon par brjod
 pa dper na chu la pa ni ya dang/ a pa dang/ sa ni la dang/ nir zhes bya ba la sogs pa dag tu brjod pa de la gal te de sgra gcig gis mngon par brjod pa'i ngo bo nyid yin par gyur na ni de la sgra gzhan dag 'jug par mi 'gyur zhing/ sgra de dag gis
 mngon par brjod par yang mi nus pa zhig na de lta ma yin no/ /de ni chos rnams chos nyid do zhes bya ba ni mngon par brjod du med pa de ni chos rnams kyi don dam pa nyid yin pa'o/ /kun rdzob tu ni ngo shes par bya ba'i phyir ming du 'dogs pa dang/ brda dag byed de
 de dag gis kyang dngos po de'i khyad par las 'di ni ba lang yin gyis/ rta dang mi ma yin no/ /zhes bya ba la sogs par yongs su shes par byed do/ /ngo bo nyid de ni blo'i yul yin te/ gang gi phyir zhe na/ lkug pa dang/ 'on pa la
 sogs ba yi ge dang brda mi shes ba de dag gis kyang bum pa la sogs pa'i dngos po ngo shes pa dang ba lang la sogs pas kyang dri dang mig gis rang dang gzhan gyi be'u la sogs pa ngo shes pa'i phyir ro/ /de lta bas na don ni rnam pa thams cad du ming gi
 stong pa nyid yin pas nges dngos po'i ngo bo nyid mngon par brjod par mi byed pa'i yu bu cag gnyis ga la yang 'dra'o/ /ci ste rkyen byung ngo bo yi/ /gzhan gyi dbang las skye 'dod na/ /sgyu bzhin yang dag nyid min pas/ /'dod pa sgrub par byed
 pa yin/ /zhes bya ba ni ci ste gzhan gyi dbang gi rkyen 'dus ba las byung ba'i ngo bos ngo bo nyid yod pa kho na yin te/ de ni gzhan gyi dbang las skye ba yin pas don dam pa ni ma yin par 'dod na/ 'dir bshad pa/ 'o na de ltar de gzhan gyi
 dbang las skye bar 'dod na sgyu ma bzhin yang dag ba nyid ma yin pas de la ngo bo nyid ga la yod de /de ltar na/ khyed kho bo cag gi 'dod pa sgrub par byed pa yin no/ /de ltar sgrub pa ji skad bstan pa des na/ gzhan gyi dbang yang gzung?
 med pa/ /ngo bo nyid kyi ma skyes 'dod/ /ji ltar zhe na/ 'di ltar don dam du ni skyes pa la/ /log par snang ba mi rigs phyir/ /zhes bya ba ni khyod kyis gzhan gyi dbang ni gzung ba dang 'dzin pa'i ngo bo nyid dang bral ba nyid kyi phyir gzung du med
 par smras pa de yang gal te ngo bo nyid kyis skyes bar gyur na ni log par snang bar 'gyur ba mi rigs pa'i phyir te/ /gang gi phyir de'i ngo bo nyid kyi ma skyes pa de kho na'i phyir te/ de log par snang bar 'gyur ro/ /gzhan yang gal te ji ltar snang
 ba ltar/ /der snang bdag nyid yod gyur na/ /ji ltar snang ba de yod sbyod/ /chos rnams ji ltar sgyu ma bzhin/ /zhes bya ba ni gal te dngos po 'di dag rgyu dang rkyen gzhan gyi dbang gi bdag nyid las ji ltar dbang po'i yul nyid du snang ba ltar der snang
 ba'i bdag nyid yod par gyur na ji ltar snang ba der yod pa'i phyir chos rnams ji ltar sgyu ma lta bu nyid yin par 'gyur te/ 'di ltar sgyu ma ni skyes bu la sogs pa'i bdag nyid du snang yang de'i ngo bo nyid dmigs su med de/ sgyu ma ni skyes bu la sogs ba'i ngo bo
 nyid kyi stong pa'i phyir ro/ /de ltar gzhan gyi dbang gi ngo bo nyid yod par rtog pa yang rig pa dang ldan pa ma yin no/ /de nyid kyis de skye med phyir/ /ma skyes pa dang ma 'gags nyid/ /ces gang smras pa de yang 'di ltar chos rigs par snang ste/ ma
 skyes pa dang ma 'gags dang/ /dngos med ngo bo nyid med pa'ang/ /yod ba nyid las ma skyes dang/ /rdzas su yod pa ma yin phyir/ /zhes bya ba ni dngos po 'di dag ni rgyu dang rkyen rigs mthun pa'i bdag nyid las skye ba yin gyi/ yod pa nyid las skye
 ba ni ma yin te/ rgyu dang rkyen kyi cho gas tha dad pa'i dngos po gnas pa'i dus na ngo bo nyid rdul phran tsam yang dmigs su med pa'i phyir ro/ /de'i phyir ma skyes pa dang/ ma 'gags pa nyid dang/ dngos po med ba nyid dang/ ngo bo nyid med pa nyid kyang yod pa
 nyid las ma skyes pa'i phyir ro/ /dngos po 'di dag gi ngo bo nyid dang/ rgyu dang rkyen rigs mthun pa'i bdag nyid las snang bar dmigs par snang ba gang yin pa de yang sa dang chu dang/ me dang/ rlung dang/ gzugs dang/ dri dang/ ro dang/ reg pa zhes
 bya ba'i rdzas brgyad 'dus pa yin te/ de yang dmag dang/ nags tshal la sogs pa bzhin du rdzas su yod pa ma yin pa'i phyir ma skyes pa dang/ ma 'gags pa nyid dang/ dngos po med pa nyid dang/ ngo bo nyid med pa nyid kyang yin par khong du chud par
 bya'o/ /zhes bya ba'i tshig gi don to/ /'dir gal te 'di snyam du khyed la dngos po med pa'i phyir choS gdags ba dang 'gal bar 'gyur ro/ /zhes bya par sems na 'dir bshad pa/ gdags la skyon chags? nyid med de/ /rnam rig tsam du mtshungs
 phyir ro/ /zhes bya ba ni bdag dang bdag gi rtog ba dang bral ba'i rnam par rig pa tsam du yang kho bo cag dang khyed du mtshungs pa yin la/ phyi rol gyi don rnam par shes pas bskyed pa'i las kyi mngon par 'dus byas pa rdzas su med pa la yang phyi nang gi chos
 'dogs ba'i phyir kho bo cag gis phyogs la nyes ba med do/ /khyod kyi phyogs la ni spang ba dang spong byad yod pa'i phyir/ yongs shes sogs yod gang gir 'dod/ /ces bya ba ni gal te sdug bsngal la sogs pa spang ba dang/ spong bar byed
 pa lam skyes pa bsgom ba goms par byed ba'i 'du byed kyi chogs dag rnam par shes pa'i cha nyid gzhan gyi dbang gi cha nyid du yod pa nyid yin na/ ngo bo nyid la ni gzhan du 'gyur pa med pa'i phyir dang/ gnas 'gyur ba med pa'i phyir sdug
 bsngal yongs su shes pa la sogs pa 'jig rten las 'das pa'i rkyen gzhan gyi dbang gi ngo bo nyid yod par 'dod ba de gang gi yin par 'dod de/ 'jig rten ba dang 'jig rten las 'das pa'i gnas skabs la 'gyur ba med pa'i phyir gang la ji ltar 'byung
 bar 'gyur zhes bya bar tshig khong nas drang ngo/ /gal te 'di skad ces 'o na khyed la yang rdzas su med ba'i phyir thar pa med par mi 'gyur ram zhe na/ de'i phyir bshad pa/ de ni gang phyir rdzas med kyang/ /rnam rtog bral bas thar bar 'gyur/ /rdzas
 yod nyid na'ang skye med phyir/ /'di las gzhan du rtag mi 'dod/ /ces bya ba ni dngos po rnams rdzas su yod pa ma yin pa kho na yin pas 'jig rten pa'i shes pa rnam par rtog pa dang bcas ba'i mjug thogs su 'jig rten las 'das pa'i
 ye shes rnam par mi rtog ba 'phags pa skye bas thar bar rigs kyi/ rdzas su yod pa ngo bo nyid mi 'gyur ba rnams la mi rigs bas thar pa de ni gang gi phyir dngos po rnams rdzas su med kyang/ rnam bar rtog pa dang bral pas thar par 'gyur ba nyid do/ /gal
 te rnam pa 'ga' zhig gis de dag rdzas su yod pa nyid du yang 'gyur yang/ de lta na'ang ngo bo nyid kyi skye ba med pa'i phyir rnam par rtog pa dang bral ba kho nas thar par rigs so/ /de'i phyir tshul 'di las gzhan du yongs su grub pa'i ngo bo nyid la dmiD
 pa'i ye shes yod par rtag pas ci bya ste/ sngar yang ngo bo nyid la dmigs yin na/ /ston pa'i byang chub rtog can dang/ /dmigs pa can du 'gyur pa dang/ /rnam par mi rtog blor mi 'gyur/ /zhes bstan zin pas de ni mi 'dod do/ /'dir?
 pha rol pos rang gi tshul nyes bar smras ba'i gnad du bsnun bas shin tu khams nas gtum tshig rtsub mo smras ba/ dngos rnams ngo bo nyid med na/ /gdags pa'ang yod par mi 'gyur bas/ /de ni med par blta ba dag /mi gleng brtan par
 bya min dang/ /rang yang ngan song gzhol ba dang/ /gzhan yang phung bar byed pa yin/ /zhes bya ba ni re dag na re kho bo cag rnal 'byor spyod pa ba la ni phyi rol gyi yul med du zin kyang/ rnam par shes pa tsam ni re zhig yod pas rnam
 par shes pa yongs su gyur pa'i rnam par phyi rol gyi yul yang dmigs su yod la/ yongs su grub pa'i ngo bo nyid de de bzhin gshegs pas so so rang rig par bya ba yang yod kyi/ dbu ma smra ba la ni re zhig kun rdzob tu yang sgyu ma lta bu
 nyid du 'dogs pas 'jig rten pa'i chos rnams la skur ba 'debs pa dang/ don dam par yang rnam par shes pa yang med la/ rnam par shes pa bya ba yang med pas ci yang med de/ dngos po rnams ngo bo nyid med par skur pa 'debs ba'i phyir
 chos gdags pa yang yod par mi 'gyur bas de med pa'i phyir de med par lta ba nyid dang mthun pa dang/ sus kyang mi gleng mi brjod pa dang/ lhan cig 'grogs pa'i dngos pos brten par mi bya ba yin te/ de'i phyir/ bcom
 ldan 'das kyis kyang dge slong dag khyed kyis deng phyin chad 'jig rten rgyad pan ba gsang tshig sna tshogs kyi spobs pa can dang bsten par mi bya bsnyan bar mi bya/ bsnyen bkur mi bya'o/ /zhes gsungs pas khyed ni dam pa ma yin pa yongs su
 spang bar bya ba de'i gnas su shin tu gyur pa dang/ dam pa'i chos spong ba'i phyir rang yang ngan song la gzhol ba dang/ lta ba 'dzin pa'i chu srin 'dzin khri la mngon par zhen pa la mes par byed pa'i phyir gzhan yang 'phung bar byed pa yin no/ /
 zhes zer ro de la slob dpon gyi bshad pa/ zhe sdang sha rul sgrags pa de/ /nga rgyal ma zhu ston pa yin/ /zhes bya ba ni khyod kyi khro tshig de ni dper na sha rul gyi sgregs pas ma zhu ba nyid ston par byed pa de bzhin du zhe sdang gi tshig gis mngon
 pa'i nga rgyal can nyid du ston par byed pa yin no zhes bya ba'i tha tshig go /de la zhe sdang nyid sha rul yin te/ de'i sgrogs pa lta bu ni khyed kyi tshig de yin no/ /mngon pa'i nga rgyal can nyid ma zhu ba lta bu yin te/ sha rul gyis sgregs pas ma zhu ba
 nyid du ston par byed pa de bzhin du zhe sdang gi chig kyang khyod nyid mngon pa'i nga rgyal can nyid du ston pa yin gyi kho bo'i lta ba ni skyon ci yang med pa kho na yin no/ /zhe sdang gi sha rul gyi sgregs pa des bdag nyid mngon pa'i nga rgyal ma zhu ba nyid du ston
 par zad kyi/ dbu ma pa la de lta bu'i skyon yang dag pa med pa ji ltar nges par bya zhen de'i phyir/ chos rnams sgyu ma bzhin 'dod de/ ngo bo nyid ni med phyir dang/ /byis pa rmongs pa'i rgyu phyir dang/ /ma byung ba las 'byung phyir ro/ /zhes bya ba ni? kho? bos
 dngos po rnams rnam pa thams cad du med pa nyid yin no zhes ma smras te/ 'di ltar kho bo cag ni kun rdzob tu chos rnams rgyu dang rkyen rigs mthun pa las byung ba sgyu ma bzhin du yod pa nyid du 'dod de ngo bo nyid med pa'i phyir dang/ skye bo byis ma lta bur rmongs
 pa'i rgyu yin pa'i phyir dang/ sngon ma byung ba las byung ba'i phyir ro zhes smras pa de'i tshe ji ltar gdags pa yod par mi 'gyur te/ gdags pa yod pa kho na'i phyir kho bo la khyod kyis smras ba'i skyon gyis gnas ma thod do/ /chos rnams ngo bo nyid med pa gang
 yin pa de nyid don dam pa yin par 'dod pa dang/ med pa'i mdza' gnyis spangs pa'i phyir kho bo cag med par lta ba nyid dang mthun par ga la 'gyur te/ de'i phyir khyod kyis tshig de ni zhe sdang gi sha rul gyi sgregs pa nyid yin no/ /khyed chos kyi de nyid ni nam
 mkha' dang mtshungs pa nyid kyi rnam par mi rtog pa nyid du 'dod pa de yang mi rigs te/ ji ltar zhe na/ rnam pa mi rtog dngos po ni/ /mkha' dang mtshungs pa nyid mi rigs/ /rnam rtog 'du shes sna tshogs kyi/ /go skabs rab tu 'byod? phyir ro/ /zhes bya ba
 ni nam mkha' ni rnam par mi rtogs pa dang ldan pa yin du zin kyang sngon po dang yangs pa dang / dag pa dang ma dag pa la sogs par rnam par rtog pa'i 'du shes sna tshogs kyi go skabs rab tu 'byed par byed do/ /gal te chos rnams kyi de nyid kyang de dang
 'dra bar gyur na ni de yang dag pa dang ma dag ba la sogs par rnam par rtog pa'i 'du shes sna tshogs kyi spyod yul yin pa'i phyir rnam par mi rtog pa nyid nyams par 'gyur ro/ /gzhan yang khyed cag yongs su grub pa'i ngo bo nyid brjod du med pa nyid yin bar
 'dod ces grag pa de la yang /skyes pa brjod med nyid mi rigs/ /dgag pa gong du bstan phyir ro/ /brjod du med nyid yin gyur na'ang/ /kun rdzob la ni de nyid nor/ /ces bya ba ni yongs su grub pa'i ngo bo nyid skyes pa la ni brjod du med pa nyid mi rig? te
 de'i dgag pa ni brjod bya spyi ldan dngos po ste/ der snang blo yi rgyu yin phyir/ /de ni de'i bdag nyid yod pas/ /brjod med nyid du mi rigs so/ /zhes bya ba la sogs pa gong du bstan pa'i phyir ro/ /ci ste yang rnam pa 'ga' zhig
 gis brjod du med pa nyid yin par gyur na yang de lta na yang de kun rdzob pa yin pas kun rdzob pa de la de nyid yin par nor bu mi bya'o/ /gzhan yang/ de la de nyid gzhan med phyir/ gal te de nyid mthong 'dod na/ /bum la'ang bum pa gzhan med pas/ /ci phyir de nyid
 mthong mi 'dod/ ces bya ba ni gal te don daM pa de la don dam pa'i de nyid gnyis pa gzhan med pa'i phyir gal te don dam pa stong pa nyid des de nyid mthong bar 'dod na de lta na bum pa la'ang bum pa gnyis pa gzhan med pas de mthong bas kyang ci'i phyir
 don dam pa'i de nyid mthong bar brtag par mi 'dod de ci ste/ yang 'di snyam du rnam par mi rtog pa ni brjod du med pa nyid yin yang chos kyi dbyings ni chu'i khams dang/ gser dang nam mkha' dag ba bzhin du dag par 'dod bas
 de dag pas sems la yang dag ba yod pa kho nar sems na de la kho bos dgag pa bshad par bya ste/ khyod kyis tshul skyen sba phyir te/ de ni nyon mongs byang mi 'gyur/ /gser la sogs pa rkyen rnams kyi/ /rjes su 'gyur ba yin
 phyir ro/ /zhes bya ba ni chu'i khams dang/ gser dang nam mkha' dag las rdul dang g.yang dang sprin la sogs pa rkyen dag yod na dri ma dang bcas pa dag tu snang la/ rkyen de dag med na dag pa dag tu snang zhing yang dri ma can du
 'gyur ba dang/ de nas yang dag pa dag tu 'gyur ba bzhin du gal te chos kyi dbyings kyang de kho na bzhin na lan 'ga' rnam par dag pa dang/ lan 'ga' dri ma dang bcas par 'gyur pas de ni khyod kyis tshul gyi skyon de sba ba tsam de
 kho ba'i phyir smras par zad kyi chos kyi dbyings de ni kun nas nyon mongs pa dang/ rnam par byang ba mi 'gyur la/ gser la sogs pa ni rkyen rnams kyi rjes su 'gyur ba yin pa'i phyir/ gser la sogs pa'i dpe de dag gis chos kyi dbyings mtshon pa'i
 don mi 'grub po/ /'di ltar na ni rigs pa dang ldan pa nyid du 'gyur te/ nam mkha' rtag tu rnam dag ste/ /mig ni dag dang ma dag pas/ /dri bcas dri med mkha' 'dod dang/ /chos rnams chos nyid de bzhin no/ /zhes bya ba ni ji ltar rab rib can
 dbang po nyams pas nam mkha' kun tu skra bshad dang/ sbrang ma dang/ sbrang bu yang dag pa ma yin pa'i dra ba dag gis dkrigs pa mthong zhing/ de nyid kyis kyang rab rib sel ba'i mig sman bsten pas mig dag pa na nam mkha' skra bshad dang/ sbrang
 ma dang/ sbrang bu dang bral bas kun tu mthong yang dbang po nyams pa dang ma nyams pas nam mkha' de ma dag pa dang dag par mthong ba'i tshe nam mkha' la ni 'gyur ba med pa de bzhin du chos nyid rang bzhin gyis rnam par dag pa la yang byis ba blo gros kyi
 mig yongs su ma dag pa rnams kyi dri ma dang bcas par mthong zhing/ 'phags pa stong pa nyid la blta ba'i mig sman bsten pa blo gros kyi mig rnam par dag pa rnams kyis ni dri ma med pa nyid du rtogs kyang blo dri ma dang bcas pa dang/ dri ma med pas chos
 nyid ma dag pa dang dag par mthong ba'i che na chos nyid la ni 'gyur ba 'ga' yang med do zhe na/ de'i phyir bshad pa/ ma dag la sogs blo 'khrul te/ /byed pa'i chos yin las kyi min/ /zhes bya ba ni dper na nam mkha' ma dag pa dang/ dag par snang bas glo
 'khrul pa de ni byed pa po lus dang dbang po rnam par shes pa dang bcas pa'i blo'i tshogs kyi chos yin gyi/ nam mkha' la sogs pa rnam par shes par bya ba'i las kyi chos ma yin pa de bzhin du chos kyi dbyings ma dag pa dang dag pa zhes bya ba ni yang byed
 pa po log ba'i shes pa dang/ yang dag pa'i shes pa dang ldan pa'i chos yin gyi/ chos kyi dbyings rnam par shes par bya pa'i chos ma yin pas khyed kyis de ni dri bcas dri ma med ces smras pa de ni mi rigs so/ /gzhan
 yang/ de la dmigs pa dag ma yin/ /de nyid dmigs byar mi 'dod do/ /zhes bya ba de ni chos kyi dbyings de la dmigs pa'i ye shes ni dag pa yin par mi rigs te/ de la dmigs na ye shes de rnam par mi rtog pa nyid du mi 'grub pa'i phyir ro/
 chos kyi dbyings de nyid kyang dmigs par bya ba yin par mi 'dod de/ don dam par chos kyi dbying zhes bya ba de nyid dmigs su med pa'i phyir ro/ /gzhan yang/ de nyid rdzas su yod yin na/ /skyon ni snga ma bzhin du 'gyur/ /'jig rten 'das pa rnam
 mi rtog /de blor mi 'dod 'jig phyir ro/ /zhs bya ba ni chos kyi dbyings de nyid rdzas su yod pa nyid du rtog na de la skyon/ kun nas nyon mongs rnam byang las/ /gal te sems ni rdzas 'dod na/ /tshor sogs de bzhin skye bya'i phyir/ /de grub
 pas na gnod ba med/ /ces bya ba dag 'dir yang snga ma bzhin du 'byung bar 'gyur ro/ /'jig rten las 'das pa'i ye shes kyi che na yang gang chos nyid la dmigs pa rnam par mi rtog pa de skye'o zhe na/ de lta bu'i blo skye bo yod par mi 'dod
 de/ de skyes ma thag tu 'jig pa'i phyir ro/ /des na 'jig rten las 'das pa'i blo de ji ltar 'jig par mi 'gyur zhes bya bar shes par bya'o/ /gzhan yang/ ji srid shes bya'i rjes 'jug pa/ /de srid blo ni rab rib can/ /gal te des
 skyon cir 'gyur zhe na/ ji srid shes pa dmigs yod pa/ /de srid shes bya'i rjes 'jug nyid/ /ces bya bar 'gyur te/ des na yongs su grub pa'i ngo bo nyid la dmigs pa 'jig rten las 'das pa'i blo yang rab rib ce na nyid du yin par 'gyur
 te/ shes bya'i rnam par shes pa'i rjes su 'jug pa'i phyir ro/ /'o na ji ltar rigs par 'gyur zhe na/ blo rab rib dang bcas pa de nyid shes bya'i rnam pa'i rjes su 'jug pas ni 'khor ba 'byung bar 'gyur la/ des gang gi che shes bya'i ngo bo nyid yongs su
 ma grub par shes bas dmigs pa med pa de'i che na ni/ 'khor bar mi 'gyur bas de ni chos rnams kyi de nyid yin par sems so/ /khyed rang byung gi ye shes skad cig gcig dang ldan pa nyid du 'dod pa gang yin pa de yang 'ji ltar mi 'thad de/
 thams cad mkhyen nyid gcig car min/ /shes pa rang la 'jug pa ni/ /med phyir ral gri so bzhin dang//rang rig 'gog par byad phyir ro/ /zhes bya ba ni 'di ltar shes bya rnam pa tha dad pa du mas tha dad pa yin yang chos nyid ngo bo nyid gcig pa'i
 phyir thams cad mkhyen pa des skad cig gcig gis dbyer med pa'i sgo nas mkhyen par rung gi /gang la ye shes skad cig ma yin pa de la ni thams cad mkhyen pa nyid des shes bya rnam pa tha dad pa dag gcig car yongs su mkhyen par mi rung ste /
 shes pa rang la 'jug pa 'gal ba'i skyon du 'gyur bas de lta bu med pa'i phyir te/ dper na ral gri rang gi so gang yin pa de nyid kyis de nyid la gcod par mi byed pa la sogs pa bzhin no/ /de'i phyir gal te de ye shes skad cig ma don dam par
 yod pa nyid yin na shes pa'i skad cig ma snga ma yongs su shes par bya ba'i phyir shes pa'i skad cig ma gnyis pa la bltos dgos so/ /gzhan yang chos nyid ni ci yang ma yin pa'i phyir dngos po'i rang gi ngo bo nges par mi 'dzin pas rang rig pa yang
 'gog par byed pa'i phyir thams cad mkhyen pa nyid skad cig gcig dang ldan pa nyid du mi 'grub po zhe na/ /bo bo cag 'dod pa ltar na de yang 'grub ste/ ji ltar zhe na/ rnam par mi rtog 'phags blo'i gzung/ /rnam pa kun tu brjod med nyid/ /sngar
 bzhin skye ba bkag pa'i phyir/ /skye med rdzas su yod min phyir/ /zhes bya ba ni rnam par mi rtog pa 'phags pa'i blo'i gzung ba ni 'dzin pa med pa'i tshul gyis gzung ba yin te/ sngar de nyid shes pa 'tsho ba pa'i rab tu byed par bstan pa
 bzhin skye bkag pa'i phyir skye ba med pa'i phyir dang/ kun rdzob tu rgyu dang rkyen riD mthun pa las 'byung ba'i phyir bdag nyid rdzas su yod pa ma yin pa'i phyir ro/ /de ni rnam pa kun tu brjod du med pa nyid kyang yin te/ ngo bo nyid stong pa'i phyir ro/ /de lta
 bu'i ngo bo nyid ni don dam pa pa yin par sbyar ro/ /gzhan yang khyad? 'dod pa ltar/ /yod dang med pa'i dngos nyid kyi/ /ngo bo don dam nyid yin na/ /sgro 'dogs pa dang skur mdza' las/ /grol ba khyod la ji ltar yod/ /ces bya ba ni 'di ltar sgro
 'dogs pa dang/ skur pa 'debs pa'i mdza' gnyis las / grol bar 'dod pas ni yod pa dang med pa'i mdza' gnyis yongs su spang bar bya ba yin na khyod ni yod pa dang med pa'i dngos po nyid kyi ngo bo ni yongs su grub pa'i ngo bo nyid kyi don dam pa nyid yin
 par 'dod pas de la yod pa nyid yin na sgro 'dogs pa'i mdza' las mi grol la/ med pa nyid yin na skur pa 'debs pa'i mdza' las mi 'grol bas mdza' 'dra spangs pa'i phyir/ grol ba khyod la ji ltar yod/ /kho bo 'dod pa ltar/ yod min
 de nyid skye med phyir/ /med min de yong ma yin phyir/ /yod dang med pa gnyis spangs pas/ /der 'dod de phyir gnyis su med/ /ces bya ba ni yod pa ma yin te/ don dam pa'i de nyid du dngos po thams cad skye ba med pa'i phyir ro/ /med pa ma yin
 te/ yod pa de yod pa ma yin pa'i phyir te/ yod pa yod na de las bzlod pas med par 'gyur ba yin na yod pa de yod ma yin pa'i phyir med par yang mi 'gyur ba'i phyir ro/ /de ltar yod pa dang med pa gnyis spangs pas gnyis pas gnyis su med pa
 ni de nyid yin par 'dod pas de'i phyir gnyis su med pa de ni rigs pa dang mi 'gal ba yin no/ /khyod 'dod pa ltar na skyon chen po gzhan 'dir yang 'gyur te/ ston pa dmigs med mi 'gyur te/ /de bzhin nyid la dmigs pa'i phyir/ byang chub mnyam nyid mi
 'gyur te/ /de nyid rang snang tha dad phyir/ /zhes bya ba ni yongs su grub pa'i ngo bo nyid kyi de bzhin nyid ces bya ba la dmigs pa yod na ston pa sangs rgyas bcom ldan 'das dmigs pa med pa nyid du mi 'gyur te/ de bzhin nyid la dmigs pa'i phyir ro/ /
 des na lung las sangs rgyas nam mkha' i mtshan nyid de/ /nam mkha' la yang mtshan nyid med/ /mtshan gzhi mtshan nyid nges grol ba/ /dmigs med khyod la phyag 'tshal lo/ /zhes gsungs pa la sogs pa dang 'gal lo/ /ston pa de'i byang chub kyang mnyam
 pa nyid du mi 'gyur te/ gang gi phyir zhe na/ yongs su grub pa'i ngo bo nyid ces bya ba'i de nyid gcig dang/ rab snang ba'i ye shes gnyis tha dad pa'i phyir te/ de ltar gnyis yod na ngo bo nyid gnyis mngon par rtoD pa de ji ltar mnyam pa nyid du 'gyur//
 gzhan yang/ de bzhin nyid la dmigs pa'i blo/ /nus pa ma bzhag ga las 'byung/ /nam mkha' i me tog snang ba'i blo/ /nus pa ma bzhag mi rags bzhin/ /zhes bya ba ni khyed cag kun gzhi rnam par shes pa ni thog ma med pa'i dus dang ldan
 pa yin pa'i mig la sogs pa 'jug pa'i rnam par shes pa thams cad skye ba dang 'gag pa na kun gzhi rnam par shes pa la yang nas yang du rang rang gi nus pa 'jog par byed cing/ nus pa de dag yul dar dbang po dang rnam par shes pa sna tshoD
 pas yongs su smin par gyur pa ni 'khor ba ji srid pa'i bar du kun gzhi rnam par shes pa las mngon par grub par 'dod ces grags pas des na so so'i skye bo de nyid mthong pa la de bzhin nyid la dmigs pa'i blo nam yang ma skyes pa la da yang skye
 ba med pa'i phyir/ ma skyes pa la 'gag pa yang med na/ mi 'gag pa gang gis kun gzhi rnam par shes pa la nus pa gang bzhag pa yongs su smin par gyur pas de bzhin nyid mthong ba'i blor 'gyur ba'i nus pa gzhog pa yang med do/ /dai
 ltar nus pa ma bzhag par de bzhin nyid la dmigs pa'i blo rgyu med pa de dag ga las 'byung par 'gyur te / dper na nam mkha' i me tog bzhin du snang ba'i blo la nus pa skyes pa med pa'i phyir sngon nam yang kun gzhi rnam par shes pa la nus pa ma bzhag pa des
 phyis kyang nam mkha' i me tog mthong ba'i blo skye bar mi rigs pa bzhin no/ /gzhan yang rang tshul sbed pas khyod kyis ni/ de nyid gcig nyid gzhan mi 'grol/ /zhes bya ba ni khyod yongs su grub pa'i ngo bo nyid dang/ gzhan gyi dbang gi ngo bo nyid yod
 par 'dod cing / de gnyis gcig pa nyid kyang ma yin la/ tha dad pa nyid kyang ma yin par brjod pa yang rang gi tshul sbed pa tsam du zad pas des kyang yongs su grub pa'i ngo bo nyid kyi de nyid ces bya ba de gcig pa nyid dang gzhan nyid las mi 'gro lo//
 dbu ma shes pa'i tshul gyi rjes su 'breng ba la ni / rdzas med dmigs su med pa'i phyir/ /ded la ji skad smras de rigs/ /zhes bya ba ni rdzas su med pa kho nas ngo bo nyid las dmigs su med pa'i phyir nged la ni sngar ji skad smras pa'i gcig pa
 nyid kyang ma yin la / tha dad pa nyid kyang ma yin par de rigs pa kho na'o/ /kho bo cag 'dod pa ltar nam mkha' la sogs pa'i dpe yang 'thad de/ ji ltar zhe na/ nam mkha' 'dra ba'ang skye med pas/ /khyad par med phyir ma gos phyir/ /shin tu brjod
 du med nyid kyang/ /blos ni rnam kun gzung med phyir/ /zhes bya ba'i don dam pa'i de nyid ni nam mkha' dang 'dra ste/ de'ang 'di ltar dngos po skyes pa la ni rnam pa'i khyad par las sna tshogs nyid du dmigs par 'gyur gyi/ dngos po ma skyes pa la ni skye
 ba med pas khyad par med pa'i phyir dang/ /spros pa'i rtog pa thams cad kyis gos pa med pas ma gos pa'i phyir nam mkha' dang 'dra'o/ /de ni shin tu brjod du med pa nyid kyang yin te / 'di ltar blos gzung ba'i dngos po la ni mngon par brjod pa 'jug
 par 'gyur gyis / de ni blos rnam pa kun tu gzung du med pa'i phyir shin tu brjod du med pa nyid du rigs so/ /gal te de shin tu gcig tu ma skyes pa nyid yin na de ji ltar 'jig rten las 'das pa zhes bya ba la sogs pa'i tha snyad du 'gyur zhe na/ de'i phyir
 bshad pa / skye ba rab rib bral pa'i blo/ /'jig rten 'das pa yin par 'dod/ /'jig rten las sgrol don phyir dang/ /'jig rten las shin tu 'da' phyir ro/ /zhes bya ba ni skye ba nyid rab rib ste/ de dang bral blo gang la yod pa de ni skye ba rab rib dang
 bral ba'i blo 'jig rten las 'das pa yin par 'dod de/ ci'i phyir zhe na/ 'jig rten las sgrol ba'i don gyi phyir dang/ 'jig rten las shin tu 'da' ba' i phyir dang /ji skad du de ni 'jig rten la g.yo ba dang bskyod pa dang 'da' ba' i phyir 'jig
 rten las 'das pa zhes bya'o/ /zhes gsungs pa lta bu'o/ /gzhan yang de ni mi rtog dmigs med dang/ /mtshan ma med cing de yis ni/ /rang gzhan chos nyid cig car du/ /rtog med tshul gyi mnyam nyid rtogs/ /zhes bya ba la blo de ni rnam par mi
 rtogs pa yin te / ma skyes pa kho nas rnam par rtog pa thams cad dang bral ba'i phyir ro/ /dmigs pa med pa yang yin te / dngos po thams cad mi dmigs pa'i phyir ro/ /mtshan ma med pa yang yin te/ /yul la mtshan mar mi 'dzin pa'i
 phyir ro/ /blo de'i shes pa rang gi chos nyid dang shes bya gzhan gyi chos nyid gcig car du rtogs pa med pa'i tshul gyis mnyam pa nyid du rtogs pa yang yin te/ kho bo cag ni skad cig gcig gis mngon par rdzogs par byang chub par rnam par
 'jog pa'i phyir ro/ /'jig rten las 'das pa'i ye shes kyi shes bya brtag pa'i phyir/ /chos rnams skye ba med pa ni/ /chos bdag med pa nyid ces bya/ /de la rtog dri'i mtshan ma dag /'byung ba med pa snga ma bzhin/ /
 zhes bya ba smras te / chos rnams skye ba med pa nyid gang yin pa de nyid chos bdag med pa nyid ces bya ste / de la rtog pa'i dri ma'i mtshan ma dag 'byung ba med pa ni de nyid shes pa 'tshol ba'i le'ur bstan pa snga ma bzhin te/ rtog pa nyid de ma
 yin te snang ba'o/ /de nyid mtshan ma ste mngon rtags so/ /de la de dag rnam pa thams cad du 'byung ba med do/ /'dir smras pa/ mdo sde las don dam pa ni rtag tu med pa dang/ rtog ge'i spyod yul ma yin no zhes gsungs pas mngon sum gyi
 yul yin par gsungs pa yin na khyod kyis ni don dam par rtogs par bya ba ma yin par bsten pas rtog ge'i spyod yul yin te/ mtho ris la sogs pa bzhin no zhes smras pas lung dang 'gal lo zhe na/ pha rol po de dag gi bsam pa de
 bzlog pa'i phyir bshad pa/ gal te de nyid rtog ge yi/ /spyod yul min phyir rjes dpag pas/ /de mi rtog pa de yi phyir/ /chos rnams chos nyid brtag min na/ /zhes bya ba ni gal te pha rol po dag de ltar sems na'o/ /'di la rjes
 dpag skyon med pa'o/ /lung gi rjes su sgrub byed pas/ /brtag pa'i rnam rtog chu bo dag/ sna tshogs ma lus bsal mdzad nas/ /zhes bya ba ni 'di la bcom ldan 'das kyis dang por rjes su dpag pa'i shes pa skyon med pa lung gi rjes su sgrub par
 byed pas rang dang gzhan gyi gzhung lugs kyis yongs su brtag pa'i rnam par rtog pa'i chu bo sna tshogs ma lus pa ngag bsal ba mdzad nas de'i 'og tu /sangs rgyas rnam rtog mi mnga' ba/ /dgongs pa mkha' mnyam ye shes kyis/ /shes bya
 mdza' dag ji bzhin du/ /chos rnams bzhag pa nyid rtogs shing/ /ming la sogs pa thob pa nyid/ /'das pa dang ma 'ongs pa dang/ da ltar byung ba dang/ brjod par bya ba ma yin pa dang /'dus ma byas zhes bya ba shes bya rnam pa lnga po mi dmigs pa ni nam
 mkha' mnyam pa'i sems so/ /rnam par mi rtog pa'i mngon sum gyi ye shes kyi skad cig ma'o/ /nye bar brtags nas gzigs pa zhes bya ste / gzigs pa med pa'i tshul gyis so/ /des na rjes su dpag pa'i yul/ /de nyid yin par sgrub mi nus/ /de nyid shes
 pa'i mi mthun phyogs/ /gang yin de ni nges bzlog byed/ /rnam par mi rtog pa'i de kho na nyid kyi shes pa'i mi mthun pa'i phyogs btags pa zhes bya ba de ni rjes su dpag pa'i shes pa 'dis bzlog par byed pa yin gyi/ rjes su dpag pa'i spyod yul du de kho
 na nyid sgrub par byed pa ni ma yin no zhes sbyar bar bya'o/ /yang gal te rjes su dpag pas mi mthun pa'i phyogs ji ltar bzlog par bya zhe na/ smras pa/ lung gi khyad par tha dad pas / tha dad gyur pa'i blo la ci/ /lung gi dbye ba med pa la/ /rtogs par
 gyur pas gzhan ci yod/ /lung las gzhan pa'i lung ni lung gi khyad par ste / de ni rgol ba sum brgya drug cu rtsa gsum gyi dbye bas shes pa'i bye brag skye bar 'gyur pa'o/ /gang dag tha mi dad par 'dod pa de dag la ni thabs gzhan gyis
 brtag par rig pa ma yin gyi/ gzhan du phyogs dang gtan chigs dang dpe dang ldan pa'i rjes su dpag pas yin no/ /ci'i phyir zhe na/ gang gi phyir/ mi mthun phyogs ni spang bya ba/ /dam bcas tsam gyis ji ltar 'dod/ /rnam par rtog pa
 ma spangs par/ /rnam par mi rtog blo ji ltar/ /rnam par rtog pa thams cad 'gegs par byed pa na dam bca' ba 'ba' zhig gis byed par nus pa ma yin te/ mi mthun pa'i phyogs btags pa zhes bya ba ma spangs kyi bar du rnam par mi rtog pa'i blo
 'byung bar 'gyur ba ma yin pas dam bca' ba smras nas/ gtan tshigs brjod par bya'o/ /dpe yang brjod par bya'o/ /mngon par 'dod pa'i don sgrub pa ni sgrub par byed pa'i rjes su dpag pa tshang ba yin pas so/ /thub
 pa bden pa gzigs pa yis/ /'di ltar bden pa gnyis su gsungs/ /tha snyad la ni brten nas su/ /de nyid don ni rtogs 'gyur phyir/ /rjes su dpag pa gang gis rnam par btags pa 'gog par byed pa de ni yang dag pa'i kun rdzob tu tha
 snyad kyi bden pa de la brten ces ni rim gyis rnam par mi rtog pa brjod du med pa'i don dam pa rtogs par 'gyur te/ ji ltar kun rdzob kyi chos la ma brten par don dam pa rtogs par mi nus so/ /zhes gsungs pa lta bu'o/ /dbu ma pa'i lugs
 la rab tu grags pa'i de kho na nyid rnam par bzhag cing rnal 'byor spyod pa pa'i de kho na nyid la skyon dang bcas pa nyid du smras pa/ de bzhin nyid la dmigs pa'i blo/ /dmigs dang bcas phyir brdzun yin te/ /rmi lam sogs yin de shes
 bya ? des na de nyid yin mi riD/ de kho na nyid la dmiD pa'i blo zhes bya ba ni chos can no/ /de ni brdzun pa yin te zhes bya ba ni de'i chos te bsgrub par bya ba'o/ /chos dang chos can bsdoms pa ni phyogs so/ /dmigs pa dang bcas pa'i phyir zhes bya ba ni gtan
 tshigs te/ gang dang gang dmigs pa dang bcas pa yin pa de dang de ni brdzun pa yin te/ dper na rmi lam gyi shes pa bzhin zhes bya ba ni dpe'o/ /gang gi phyir de brdzun yin pa de'i phyir des bzung ba de ni de kho na nyid do zhes bya bar rigs
 pa ma yin te/ de yang brdzun nyid du thal bar 'gyur ba'i phyir ro/ /gzhan yang gzung du med pa brjod med pa/ /shes pa'i spyod pa rnam spangs pa/ /thub pa'i dbang pos gsungs pa'i chos/ /de yis 'di ltar 'di la gnod/ /blo yi yul nyid
 yin pa'i phyir gzung du med pa nyid dang/ brjod du med pa nyid yin par mi rigs te / 'di ltar chos de ni gzung du med pa dang brjod du med pa'o/ zhes bya ba dang/ de bzhin du don dam pa'i bden pa ni gang la shes pa 'jug pa med pa'o/ zhes bya ba
 la sogs pa gsungs pa dang 'gal ba'i phyir ro/ /rab tu byed pa yongs su rdzogs nas shin tu spangs pa'i don dang reg par bya ba'i phyir/ /de ltar lung rigs ldan pa yi/ /de nyid gang zhig sngar bstan pa/ /rigs pas yongs su brtag na yang/ /
 de las nyams pa med par gnas/ /gang rnal 'byor spyed pa pas yongs su brtags pa'i de kho na nyid ni rnam par brtags pa na dpyad bzod pa ma yin no/ /kha cig phung po'i ljon shing chags/ /kha cig rnams shes rgyal thogs/ /yang dag
 mdza' yi ge yang sar yang/ /ma lhung rgyal ba'i thugs sras rol/ /de ltar na/ de kho na nyid gang de nyid shes pa 'tshol ba'i rab tu byed par lung rigs pa dang ldan par bdag gis 'di skad du/ shes bya rnam kun ma grub phyir/ /gang la rnam
 par mi rtogs pa'i/ /blo yang skye bar mi 'gyur la/ /da nyid mnyam med mkhyen gsung/ /zhes bya ba la sogs pa'i gzhung gis/ bdag dang gzhan gyi rtog ge pa rnams kyis rjes su dpag pas kyang bskyed par nus pa ma yin par yang dag
 par rab tu gnas pa yin no// //dbu ma'i snying po'i 'grel pa rtog ge 'bar ba las/ rnal 'byor dpyod pa pa'i de kho na nyid gtan la dbab pa la 'jug pa ste le'u lnga pa'o// //de nas da ni grangs can
 pa'i de kho na nyid gtan la dbab pa la 'jug pas rab tu byed pa drug pa brtsam par bya'o/ /de la thub pa ser skyas bstan pa'i don dam pa'i dbang du byas nas/ rang bzhin gang zhig rtogs pa med/ /yon tan gsum dang bskyed bdag nyid/ /de las
 bzlog pas skyes bu nyid/ /'di dag rtag tu goms par bya/ /rang bzhin ni yod de sems dang ldan pa ma yin pa'o/ /de yang ma skyes pa rtag pa byed pa pos longs spyad par bya ba gcig pu khyab pa yon tan gsum la sogs pa dang
 ldan pa'o/ /de nyid ni mi gsal ba ste/ kha dog dang tshad dang/ dbyibs la sogs pa'i bye brag gis lha dang/ lha ma yin dang / mi la sogs pa 'ga' zhig gi yang mngon sum du ma gyur pa'i phyir ro/ /de yang rtsa ba'i rang gzhin mi
 'gyur ba /chen po la sogs rnam pa bdun/ /rang bzhin 'gyur ba bdun nyid do/ /'gyur ba rnam pa bcu drug kyang/ /rang bzhin 'gyur ba min skyes bu/ /'di ni grub pa'i mdza' yin te/ /rtsa ba'i rang bzhin ni 'gyur ba med pa'i chos
 can yin pa'i phyir mi 'gyur ba'o/ /gang gi phyir blo rab tu bskyed pa de'i phyir na rang bzhin no/ /blo nyid ni chen po'o/ /blo yid na yang gang gi phyir ngar 'dzin pa rab tu skyes par byed pa'i rang bzhin no/ /gang gi phyir rtsa ba'i rang bzhin las
 yang dag par byung ba yin pa'i phyir yongs su 'gyur pa'o/ /de bzhin du ngar 'dzin pa yang de tsam lnga rab tu skyed pa'i phyir rang bzhin yin la/ blos byas pa yin pa'i phyir yongs su 'gyur pa yin no/ /de tsam rnams kyang chen por gyur
 pa dbang po rnams bskyed pa'i phyir rang bzhin yin no/ /ngar 'dzin pa las byung ba'i phyir yongs su 'gyur ba yin no/ /de ltar de dag gi chen po dang/ nga rgyal dang /de tsam lnga zhes bye bas rang bzhin yongs su 'gyur ba nyid ces bya ba rnam pa
 'dun dang/ rtsa ba'i rang bzhin ni brgyad pa'o/ /de tsam gyis bskyed pa ni 'gyur ba bcu drug ste /'di lta ste sa dang/ chu dang/ me dang/ rlung dang/ nam mkha' dang/ rna ba dang/ pags pa dang/ mig dang/ lce dang/ sna dang/ lag pa dang/ rkang pa dang
 'phongs dang / 'doms dang/ ngag dang /bcu drug po 'di dag ni rnam par nyams par 'gyur ba yang sred pas 'gyur pa'o/ /skyes bu ni rang bzhin ma yin te/ mi bskyed pa'i phyir ro/ /'gyur pa yang ma yin te/ ma skyes pa'i phyir ro/ /yang na 'di rnams kyi mtshan nyid
 la yon tan cha mnyam pa'i mtshan nyid ni mi gsal ba'o/ /chen po ni rtog pa'i mtshan nyid dang/ don thams cad la khyad par thams cad kyi mtshan nyid do/ /ngar 'dzin pa'i mtshan nyid ni shin tu nga rgyal gyi mtshan nyid do/ /blo dang yid dang ngar 'dzin pa zhes bya ba
 rnam pa gsum ni nang gi byed pa po'o/ /zhi ba dang drag po dang rmongs pa la sogs pa'i sgra'i khyad par las grol ba ni sgra'i spyi ste sgra'i de tsam nyid do/ /'jam pa dang rtsub pa la sogs pa dang/ dkar ba dang nag pa la sogs pa dang/ mngar ba dang sgyur ba la sogs
 ba dang /dri zhim pa dang/ dri mi zhim pa la sogs pa'i khyad par 'dus pa ni/ sgra dang reg bya dang ro dang gzugs dang dri'i de tsam mo/ /sgra'i mtshan nyid ni nam mkha' o/ /reg pa'i mtshan nyid mi rlung gno//gzugs kyi mtshan nyid ni me'o/ /ro'i mtshon nyid ni chu'o//
 dri'i mtshan nyid ni sa'o/ /rna ba dang/ pags pa dang/ mig dang/ lce dang/ sna zhes bya ba lnga ni blo'i dbang po ste /rang dbang gi don rtogs pa'i phyir ram/ blo sngon du btang nas 'jug pa'i phyir ram/ sgor gyur pa de nas skyes bus don rtogs par 'gyur
 ba'i phyir blo'i dbang po zhes bya'o/ /ngag dang lag pa dang rkang pa dang 'phongs dang/ 'doms zhes bya ba ni bya ba sngon du seng nas 'jug pa yin te/ skyes bu'i bya ba la nye bar gnas pa'i phyir las kyi dbang po zhes bya'o/ /yid ni gnyi ga'i bdag nyid
 can te/ sems dang mtshungs par ldan pa'i phyir/ blo'i dbang po yin la/ bya ba dang mtshungs par ldan pa'i phyir las kyi dbang po'o/ /sa la sogs pa ni zhi ba dang drag po la sogs pa'i ngo bos de tsam dag las khyad par du gyur pa'i phyir
 khyad par ro/ /de bzhin du rang bzhin 'gyur ba las byung ba'i mtshan nyid ni lnga bcu ste/ 'di lta ste mgu ba ni dgu'o/ /grub pa ni brgyad do/ /nus pa ni nyi shu rtsa brgyad do/ /phyin ci log pa ni lnga ste/ de ltar na lnga bcu'o/ /de la chu dang/ chu
 rgyun dang/ chu bo dang/ char 'bab pa dang/ legs par rgal ba dang/ gzhan ma yin pa dang/ mig bzang ba dang/ 'od can dang/ lus mchog ces bya ba ni mgu ba dgu yin te/ yongs su mnyes pa zhes bya ba'i tha tshig go /de la rang bzhin las 'bras
 bu thob pa yin gyi/ skyes bus byas pa ni ma yin no zhes de ltar gang gis mthong ba de ni yongs su dga' ba thar pa la sogs pa'i yul la skye bar 'gyur ba ni chu zhes bya'o/ /nye bar len pa las 'bras bu 'thob kyi/ skyes bus byas pa ni ma yin no
 zhes bya ba ni chu rgyun no dus kyi 'bras bu 'thob kyi skyes bus byas pa ma yin no zhes bya ba ni chu bo'o/ /skal pas 'bras bu 'thob pa yin zhes bya ba ni char 'bab pa'o/ /yul la sogs pa nye bar sgrub pa'i skyon mthong nas gang thar pa la sogs pa
 la yongs su dga' ba de ni legs par rgal ba'o/ /kun tu bsrung ba'i skyon mthong ba ni gzhan ma yin pa'o/ /thar pa mthong ba ni mig bzang ba'o/ /dbang po mthong ba ni mig can no/ /rnam par 'tshe ba mthong ba ni 'od can no/ /rnam par
 'che ba mthong na thar pa la sogs pa yongs su dga' ba de ni lus mchog ces bya ste/ de dag ni mgu ba rnam pa dgu yin no/ /de bzhin du ye shes las skye pa'i grub pa ni brgyad de/ 'di lta ste/ sgrol ba po dang legs par sgrol ba po dang/
 sgrol ba'i mthar phyin pa dang/ dga' ba dang/ rab tu dga' ba dang/ mgu bar gyur pa dang/ nyams dga' ba dang/ mchog tu dga' ba zhes bya ba ste /grub pa'i phyir dang sgrub pa'i phyir na grub pa'o/ /de la shes pa gang dpyad pa
 byas nas skye ba de ni sgrol ba po zhes bya'o/ /thos pa la sogs pa dag gi shes pa ni legs par sgrol ba po zhes bya'o/ /brjod bya dang rjod byed sngon du song ba'i bla mas bstan pa las skyes pa'i shes pa de ni sgrol ba'i mthar phyin pa zhes bya'o/ /grang ba dang
 tsha ba bzlog pa'i thabs shes pa ni dga' ba'o/ /ri dags dang/ sbrul la sogs pa'i rgyu mtshan las byung zhing skyes pas 'jigs pa dang/ /nang gi bdag nyid ni rlung dang khris pa dang/ bad kan la sogs pa'i nang gang bdag nyid dam bla ma las skyes
 ba'i bzlog pa'i thabs shes pa grub pa de ni rab tu dga' ba zhes bya'o/ /de bzhin du gang dang po 'byung ba las gyur pa mi dang / byol song dang/ ri dags dang/ sbrul la sogs pa'i rgyu mtshan las byung zhing skyes pas 'jigs pa dang/
 'thab rtsod dang/ rdeg pa la sogs sdug bsngal rnams bla ma 'am/ bdag nyid la skyes pa na /bcos pa'i thabs byas pa las shes pa grub pa de ni mgu bar gyur pa zhes bya'o/ /de bzhin g.yas phyogs su 'jug pa'i rgyus sam /skal pa
 dang ldan pa'i rgyu can gyi bde ba la dmigs pa la sogs pas tshangs par spyod pa de ni nyams dga' ba zhes bya'o/ /de bzhin du gang ldang ba dang/ phyag 'tshal ba dang/ skra dang/ kha spu bregs pa la sogs pa sgrub par byed pa'i shes pa de ni
 rtag tu dga' ba zhes bya ba ste / 'di dag ni grub pa brgyad yin no/ /yang dbang po la gnod pas 'on pa dang/ mdze nad dang/ dmus long gi ngo bo dang/ bem po nyid dang /dri mi zhim pa nyid dang / grum pa nyid dang/ rtug skam can nyid dang
 ma ning dang / lag pa nyams pa dang/ lkug pa dang/ shes pa nyams ba zhes bya ba 'di dag gis grangs ji lta ba bzhin du pags pa dang/ mig dang lce dang/ sna la sogs pa dang/ ngag dang/ lag pa dang /rkang pa dang/ pongs dang/ 'doms zhes
 bya ba'i dbang po la gnod pa 'di dag ni nus pa bcu gcig go /de bzhin du 'di dag ni chu ma yin pa dang/ chu rgyun ma yin pa dang/ chu bo ma yin pa dang/ char pa 'bab pa ma yin pa dang/ legs par rgal ba ma yin pa dang/
 gzhan ma yin pa ma yin pa dang/ bzang po ma yin pa dang / 'od can ma yin pa dang/ lus mchog ma yin pa zhes bya ba'o/ /de la rang bzhin rtag tu yod du zin kyang thar pa la sogs pa la dga' ba mi skye ba ni chu ma yin pa zhes bya ba
 nas 'tshe ba mthong yang thar pa la sogs pa dga' ba mi skye ba ni lus mchog ma yin pa zhes bya ba'i bar du'o /de bzhin du sgrol ba po ma yin pa dang/ legs par sgrol ba po ma yin pa zhes bya ba la sogs pa grub pa brgyad la gnad pa
 ste/ shes pa gang dpyad pa byas nas / skye ba ma yin pa de ni sgrol pa po ma yin pa zhes bya ba la sogs pa nas/ ji srid g.yo rgyu dang las su rung ba dang / ser sna la sogs pa'i don mi dmigs pa na rtag tu dga' ba ma yin la zhes
 bya'o/ zhes bya ba'i bar du ste/ 'di dag ni nus pa ma yin pa zhes bya'o/ /phyin ci log rnam pa lnga ni 'di lta ste/ mun pa dang/ rmongs pa dang/ rmongs pa chen po dang / shin tu mun par gyur pa dang/
 shin tu smag tu gyur pa zhes bya ba ni phyin ci log ces bya ba ste /phyin ci log gi don ston par byed pa 'di lta ste/ gzhan ma yin pa la gzhan gyi blo dang/ legs pa ma yin pa la legs par yang dag par sgrub pa dang
 bde ba ma yin pa la bde bar mngon par nga rgyal ba dang/ mi nus pa la nus par mngon par nga rgyal ba dang /mi bzod pa la bzod par yid ches pa zhes bya'o/ /'di dag ni phyin ci log lnga yin par mtshan nyid lnga bcu pa las
 bstan te/ rang bzhin 'gyur ba las byung ba 'di dag thams cad kyang 'gyur ba yin pas zhing zhes bya ba la zhing de shes pa'i phyir skyes bu ni zhing shes pa zhes bya ste/ rang bzhin dang 'gyur ba'i mtshan nyid dang bral ba'o/ /de ni bdag ste shes pa yod
 pa las tha dad du ma gyur pa /ma skyes pa/ rtag pa ma byas pa/ za ba po/ gtso bo khyab pa byed pa med pa/ yon tan gsum las bzlog pa mi bskyed pa'i chos can rkyen nye bar rnyed nas shes pa bskyed pa snying stobs la sogs pa'i mtshan nyid
 can ma yin pa'i phyir/ yon tan ma yin pa brtsom pa med pa yin pa'i phyir mi skye ba'i chos can spyod pa'i phyir na yul can no/ /skye ba dang nyams pa med pa'i phyir rtag pa'o/ /rang bzhin dang/ 'gyur ba las gzhan yin pa'i phyir rtags
 med pa/ gcig yin pa'i phyir cha shas dang bral ba dang po dang tha ma med pa'i phyir mdza' med pa ste/ 'di dag ni skyes bu'i mtshan nyid yin no/ /yang sgrub pa'i mdza' i mtshan nyid rna ba la sogs pa 'jug pa ni mngon sum mo/ /thob par byed pa ni dbang
 ba'o/ /mthong ba ni yul can no/ /blta ba po ni skyes bu'o/ /gzugs la sogs pa ni rdzas las gzhan ma yin no/ /cha shas dang/ cha shas can dang/ rgyu dang 'bras bu ngag dang/ mtshan nyid dang/ mtshan nyid can dag ni gcig go /byed pa
 la ni bya ba yang yod de/ zhes bya ba la sogs pa ji skad smras pa'i de kho na nyid 'di dag rim gyis goms par byas pa las/ yid la snying stobs skyes pa can/ /skyes bu'i gzugs brnyan 'byung pa'am/ /de bzhin yongs su gyur nas ni/ /blo
 'jug pa yi rjes su byed/ /snying stobs ni gsal ba'i bdag nyid can du bstan pa'o/ /skyes pa ni lhag par 'jug pa ste/ gang la snying stobs de skyes pa yod pa de ni yid las snying stobs skyes pa can no/ /yid kyi don rtogs par 'jug par rtags
 pa'i gzugs brnyan skyes bu la 'byung bar 'gyur ba ni ji ltar chu mig yo ba la zla ba'i gzugs brnyan mthong bar gyur kyang/ 'gyur ba ni nam yang yod pa ma yin no/ /de bzhin du skyes bu las 'gyur pa med kyang blos yongs su
 shes pa'i don gyi gzugs brnyan yang 'byung bar 'gyur la/ gyur pa nam yang yod pa ma yin no/ /yang na blos don rtogs pa'i rjes su yang byed pas me long gi gzugs brnyan bzhin du yongs su 'gyur ba yin gyi 'gyur ba ni ma yin /blo nges
 ci zhig rtags nas skyes bu gang zhig zla ba'i gzugs brnyan gyi rjes su mthun pa 'byung bar 'gyur ba'am/ gang gis rjes su byed par skyes bu yongs su 'gyur ba yin zhe na/ smras pa/ bdag kyang gzhan zhing rang bzhin gzhan/ /'di ltar de nyid
 mthang ba yis/ /byed dang bya ba ldog pa yi/ /skyes bu grol ba yin zhes brjod/ /skyes bu bcing pa gsum gyis bcings pa las thar pa rnam pa gsum 'byung ba ni thar pa zhes bya ste/ mdor
 bsdus pa'i tshig gi don no/ /'ching ba rnam pa gsum ni/ /rang bzhin gyi 'ching ba dang/ 'gyur ba'i 'ching ba dang/ nor gyi 'ching ba'o/ /de la re zhig nor gyi 'ching ba zhes bya ba ni khyim pa 'am/ tshangs bar spyod pa 'am/ nags la
 gnas pa la sogs pa rnams nor rnyed pas 'ching ba yin te/ nor brgya rnyed dam stong rnyed ces bya ba la sogs pas so/ /'gyur ba'i 'ching ba zhes bya ba ni rab tu byung ba rnams blta bar 'dod pas sgra dang/ reg bya dang/ ro dang/ gzugs
 dang/ dris rnams kyis dpang po'i 'gyur bar byed pa'i phyir 'ching ba zhes bya'o/ /rang bzhin gyi 'chid ba zhes bya ba ni lha dang / lha ma yin ngang/ mi dang/ dud 'gro la sogs pa rnams kyi lus gang dag gzhan dang gzhan rnam pa sna tshogs
 kyi rang bzhin du 'gyur ba'i bdag nyid du 'byung ba ste/ bde ba dang/ sdug bsngal ba dang/ rmongs pa'i bdag nyid kyi phyir dang/ ngar 'dzin pa dang/ de tsam dang/ dbang po'i khyad par gyi mtshan nyid can yin pa'i phyir ro/ /'khor ba na yul lo
 sred pa nyid kyis skyes bu dang rang bzhin la gcig pa nyid du rmongs pa yod la/ shes pa lhag par skyes par gyur pa na don thams cad la yongs su ngoms par gyur pa'i phyir rang bzhin yang gzhan la bdag kyang gzhan no zhes de kho na nyid mthong ba na sa la sogs
 pa'i bya ba dang/ mig la sogs pa'i byed pa rnams ldog par 'gyur bas rang bzhin la sogs pa'i 'ching ba las thar pa yin no zhes bya ba ni grangs can pa kha cig gi yin no/ /yang kha cig ni rang gi grub pa'i mdza' i dbya bas/ bdag dang
 bdag gi med rtogs pa 'am/ don byas pa na rjes bzung pa/ /rang bzhin gyis ni grol yin phyir/ /de nyid yin par grangs can smra/ /'di las dang po sred pa na/ rang bzhin gcig las skyes bus spyad par bya ba'i don rnam pa sna tshogs pa
 gzhan ma yin pa nyid du 'jug par 'gyur ro/ /grol ba'i dus na ni bdag kyang skyes bu 'di'i ma yin la / /skyes bu 'di yang bdag gi ma yin no zhes 'di'i de kho na nyid mthong ba skyes pa na yul gyi longs spyod ji snyed skyes
 bu la sbyin par bya ba da bdag gis byin pas des na bdag gi don byas pa yin zhing/ skyes bu la thams cad kyis rjes su bzung ba'i phyir skyes bu las rang bzhin grol ba yin no/ /grangs kyi 'jug pa 'am/ grangs yongs su shes pas grol
 bar 'dod pas grangs can te/ 'di lta bu'i rnam pa dag don dam pa yin no zhes bya ba smras te/ 'di lta bu ni 'dir de dag gis nye bar sbyar ba'i phyogs snga ma yin no/ /de nas gzhan gyis lan 'debs pa'i phyogs brjod par bya ste/ de la gtso bo
 skyes bu ni ci ltar me rigs las sngar bstan/ /de yang yang 'dir brtags bya ste/ /bdag ni rtogs pa ma yin no/ /de nyid shes pa 'tshol ba'i rab tu byed par dbang phyug dgag pa'i dbang du byas pa dang/ mngon par
 brtag pa'i dbang du byas nas/ gtso po dang skyes bu dag mdor bsdus nas mi rigs par rab tu bsgrubs pa yin la/ rab tu byed pa 'dir ni de dag mi rigs par rgyas par dpyad pa'o/ /grangs can gyi grub pa'i mdza' ni 'di yin te /rtogs
 pa ni skyes bu'i rang gi ngo bo yin te/ ci ltar ma'i tsha ba bzhin no/ /rtogs pa zhes bya ba ci zhig yin zhe na/ shes bya rtogs pa rtogs pa yin/ gang de ltar yin na skyes bu ni rtogs pa zhes bya par mi rigs so/ /rigs pa gang gis she
 na/ brjod par bya ste/ shes bya rtogs pas rtogs yin na/ /shes bya med pas de yang med/ /rtogs pa can nam rtogs med pa/ /'dir ni bdag tu gang gis 'gyur/ /gal te bya ba dang byed pa la brten pa'i blo 'jug par 'gyur
 ba la bltos nas yul gyi rang gi ngo bo mngon par rtags pa yin pas de'i bya ba dang/ byed pa ldog pa yod par 'gyur na/ blo'i 'jug pa med pas ci zhig rtogs na rtogs pa zhes bya/ nges na thar pa'i dus na rtogs pa dang bcas pa zhig
 gam/ rtogs pa med pa'i skyes bu zhig yin gal te de rtogs pa can zhig yin na ni ci'i phyir shes bya mi rtogs / 'on te rtogs pa med pa zhig yin na ni grub pa'i mdza' yang gzhan du 'gyur la/ rang gi ngo bo yang nyams par 'gyur ro//
 gal te yang ci lngar mes shing bsregs nas/ 'bar ba zad cing sol bar gyur pa'i gnas skabs na yang me'i rang bzhin mi 'dor ba ltar/ de bzhin du skyes bu yang bya ba dang byed pa log tu zin kyang rtogs pa'i rang gi ngo bo mi 'dor ro zhe na/ mi
 'dra ba nye bar bkod pa yin te/ ma bsregs sreg par mi rigs te/ /bsregs pa med phyir de sngon bzhin/ /des na sreg byed dpe yis ni/ /rtogs pa'i bdag nyid grub ma yin/ /ci ltar du ba dang 'bar ba dang bral du zin kyang mes shing gi cha nyid kyi sol?
 pa la sreg par byed kyi phyis thal bar gyur pa'i dus na ni sreg pa zhes bya ba'i ming yang mi 'thob pa ltar/ de bzhin du skyes bu yang ji srid du shes pa yod pa de srid du rtogs pa can du rigs kyi 'dir bya ba dang byed pa gtan log par gyur pa na me nam thal bar
 gyur pa'i gnas skabs bzhin du rtogs pa nyid ma yin pas/ des na dpe yi sgo nas dpes bstan pa'i don bsgrub par nus pa ma yin no/ /de'i phyir re zhig grol ba'i dus na ni skyes bu rtogs pa pas/ /shes la rtogs pa zhes 'dod de/ /dngos po byed pa la no/ /'khor
 ba'i dus na ni/ /shes bya'i rnam par 'dzin byed pas/ /shes la rtogs pa zhes 'dod de/ /dngos po byed pa la brten phyir/ /de yang skyes bu 'di la brten/ /grangs can gyi bsgrub pa'i mdza' ni 'di yin te/ dbang po yul dang
 lhan cig mchungs par ldan pa las dbang pos don rtogs pa'i rjes su yid kyis kyang rtogs la/ yid kyis rtogs pa'i don ni blos kyang nges par rtogs pa yin te/ de shes bya'i rnam par rjes su 'brang ba la rtogs pa zhes brjod par byed
 pa yin no/ /rtags pa'i dngos po ni blo zhes bya ba'i rdzas la brten pa yin te/ ji ltar gos la tshon bzhin no/ /des na de ni nye bar gnas pa tsam las phan pa byed pa'i skyes bu la bsten pa yin par btags pa yin no/ /btags pa byas pa yin
 na ni/ /skyes bu 'gyur med rang gi yul/ /de dang de ni lugs 'dis 'gal/ /shes las rtogs pa gzhan min pas/ /ci zhig gzhan du brtags par bya/ /yongs su gyur pa'i chos can gzhan gyi gzugs kyi rjes su byed pa la 'dir shes pa zhes bya bar rig
 kyi/ skyes bu ni rtag pa yongs su 'gyur ba med pa yin pas gzhan gyi gzugs su 'byung ba ma yin te/ shes pa'i mtshan nyid can yin pa'i tshul 'di 'grub pa ma yin no/ /des na shes pa zhes bya ba'i ming can las gzhan pa'i rtoD
 pa zhes bya ba med pas shes pa las ma gtogs pa'i gzhan pa skyes bu'i rtogs pa zhes bya pa btags pas ci zhig bya/ gzhan gyi bsam pa nye bar bkod cing dgag par bya ba'i phyir/ rtogs pa blo gros ma yin te/ /rgyu dang ldan phyir bum pa bzhin/ /
 nges na rtog pa shes pa min/ /gal te blo la de snyam na/ zhes bya ba smras te/ skyes bu ni ma skyes pa yin pa'i phyir rtogs pa ni thun mong ma yin par rigs so/ /shes pa ni rgyu dang ldan pa'i phyir byas pa nyid la sogs pa'i chos thun mong pa
 yin pas shes pas ni rtog pa ma yin te/ bum pa la sogs pa yang rtogs par thal bar 'gyur bas so zhes bya zhes gal te gzhan de snyam du sems par gyur na de la 'di skad du/ rtogs las shes pa gzhan yin par/ /sgrub byed ce na dpe
 yang med/ /shes pa'ang de dngos med ce na/ /khas blangs pa yis gnod pa yin/ zhes bya ba smras te/ skyes bu'i rang gi ngo bo zhes bya ba'i rtogs pa shes pa las gzhan yin te/ rgyu med pa'i phyir zhe na /dpe ci lta bu zhig yong/
 dbe med pa'i phyir gzhan yin par mi 'grub po/ /gal te shes pa la rtogs pa yod pa ma yin no/ /zhe na rang gi grub pa'i mdza' dang 'gal pa yin te/ skyes bu ni rtogs pa med par thal bar 'gyur te/ skyes bu'i rtogs pa shes pa la
 ma bltos pa'i phyir ro/ /gzhan yang ma skyes ba ni rtogs min te/ /ma skyes phyir na rigs ldan min/ /skyes bu ni rtogs pa ma yin te/ ma skyes pa nyid kyi phyir ri bong gi rwa bzhin no/ /skyes bu la ni re zhig rtogs pa yod pa ma yin la/
 rtogs ba ni 'di ltar yod par snang ngo/ /de'i phyir yul gyi rjes su mthun par skyes pa'i shes pa nyid ni de yin par rigs kyi ma skyes pa'i skyes bu'i ni ma yin no// //dbu ma'i snying po'i 'grel pa rtog ge 'bar ba/ /bam po nyi shu
 pa/ /gal te 'di snyam du 'jug par bya ba'i rnam pa'i rjes su byed par yongs su 'gyur pa'i shes pa 'jug pa'i dbye ba med par spyod pa la nye bar brtags nas rtogs pa yod do zhes brjod par bya'o zhe na/ blo'i 'jug pa'i khyad par ni/ /gang
 phyir shes pa 'jug 'dod na'ang/ /tha dang? khyad can nyid 'gyur gyi/ /de med pas na de yang med/ /rang gi mtshan nyid kyi dbye bas tha dad pa'i rdzas dag la ni 'di ci 'dra ba de yang 'di 'dra'o/ /zhes khyad par med pa nyid du sgrub tu rung gi yang
 shes pa gcig cig la blo de ni dngos yin la/ skyes bu ni nye bar btags pa yin no/ zhes bya ba shes pa gcig la khyad par yod par gang las ji ltar 'gyur/ gal te bdag gi blo gang yang/ /la lar ji bzhin don du 'dod/ /la lar de
 las bzlog nyid de/ /mtho la mtho yi glo bzhin no/ /ji ltar mtho yor rdo dang shing la sogs pa las 'khrul pas phyin ci log tu skyes bu'i blo 'byung bar 'gyur la/ 'khrul pa dang bral bar gyur pa na mtho yod nyid yin gyi 'di ni skyes bu ma
 yin no zhes yang dag pa ji lta ba bzhin du rtogs par 'gyur ro/ /de bzhin du blo la sogs pa la 'khrul pas shes pa la sogs pa nyid du rtog par byed la/ de kho na nyid mthong na ni skyes bu ji lta ba bzhin gyi don ni rtogs pa la sogs
 pa yin no zhe na/ de la brjod par bya ste/ la lar ji ltar ji bzhin no/ /zhe na kun rdzob grub pa sgrub/ /ji bzhin don gyi sems kyi yul/ /bdag ces bya bar bdag cag 'dod/ /sems kyi yul gyi blo la bdag ces bya ba'i sgrar tha snyad kyi bden
 pa'i tshul du kho bo cag gis kyang 'dod pa yin te/ khyad par med pa'i blos don ji lta ba bzhin du rab tu sgrub na ni grub pa sgrub pa yin no/ /ci ste kun la khyab sogs kyi/ /mtshan nyid can blo don bzhin no?/ /de nyid tu 'am kun rdzob
 tuAng/ /dpe ne yod pa ma yin no/ /blo gang la rtag pa khyab pa byad pa dang bral ba'i bdag nyid ces bya ba de don dam pa'i don ji lta ba bzhin te/ blo yin pa'i phyir zhes bya ba ni/ dper na ji lta bu zhig ces byas na/ dpe med pa'i phyir de/ du?
 na nyid dam kun rdzob tu yang sems las ma rtogs pa'i bdag sgrub tu med pas blo de'i sgrub par byed pa'i dpe ni yod pa ma yin te/ nges na rnam pa gnyi ga ltar yang bdag gi blo grub pa med pas rang gi ngo bo nyams pa yin no/ /gang yang rang bzhin
 dang skyes bu tha dad du mthong na thar pa med pa yin no zhes 'dod pa de la yang/ rtog pa med pas rtogs pa ni/ /rang bzhin rtog pa med pa'am/ /gang gis de nyid shes skye bas/ /gang zhig grol bar 'gyur ba yin/ /re zhig rang bzhin ni
 rtogs pa med pa yin pa'i phyir gzhan mthong ba med pa yin no/ /skyes bu yang mi 'gyur ba'i chos can yin pa la sngar gcig nyid du mngon par zhen pa las tha dad nyid du mthed? bar gyur na/ 'gyur ba 'byung ba yin pas blo gzhan yang
 'byung ba ma yin pa'i phyir /skyes bu las ma gtogs pa'i gzhan du brjod pa'i de kho na nyid 'ga' zhig la shes pa skye bar 'gyur ba gang la thar pa zhes bya ba ni yod pa ma yin no zhes bya ba ni tshig gi don yin no/ /'di ltar skyes
 bu ni rtog pa'i ngo bo yin pa'i phyir blo gzhan dag ji lta ba de ltar 'byung ba yod pa yin no/ /rang bzhin ni rtags pa med pa'i phyir gzhan pa'i blo ye med pa yin no zhes bya bar smras pa/ rtogs pas 'dzin par byed pa na/ bdag ni 'di
 ltar zhes sogs nges/ /rtogs pa med phyir gzhan mi rigs/ /de med gyur na yang ci zhig /gang yang re zhig rang bzhin dang/ /skyes bu dag longs spyod dang spyod pa po'i ngo bor gcig pa nyid du yod pa de'i tshe yang rang bzhin ni bdag go zhes bya ba'i shes
 par skye bar mi rigs te/ shin tu rtogs pa med pa'i phyir ro/ /yang tha dad du mthong ba ni skyes bus 'dzin pa ldog pa yin te/ bdag kyang skyes bu'i ma yin la skyes bu yang bdag gi ma yin no/ zhes bya ba'i shes pa ci zhig 'byung bar 'gyur /des
 na 'di ni shin tu mi rigs pa yin no/ /'di'i ldog pa'ang rigs min te/ /mang po dag dang thun mong phyir/ /ji ltar rje gcig shi gyur kyang/ /cho gas ba dag gi bran bzhin 'dod/ /longs spyod nyid yin no zhes zer pa'i rang bzhin ni dang po
 srid pa'i tshu rol du skyes bus nye bar spyad pas bdag gis don byas zin to/ zhes ldog par 'gyur pa na rang bzhin ni gcig cig yin la/ skyes bu ni mang po yin pas nges na 'dir skyes bu gcig las grol du zin kyang thams cad du grol ba ma
 yin te/ skyes bu mang pos thun mong du bcings pa yin pa'i phyir ro/ /skyes bu gcig shi bas de la brtse ba dang bral du zin kyang de las gzhan pa 'tsho ba'i skyes bu dag las grol ba med do/ /skyes bu grol ba la yang skyon 'di yod de/ tha dad yul la
 ma bsgribs phyir/ /ji ltar bdag gi dbye ba las/ /skyes bu'i yid la snying stobs dag/ lhag pas de nyid mthong bar 'dod/ /grangs can pa'i grub pa'i mdza' 'di yin te/ lha dang lha ma yin dang/ mi dang dud 'gro'i 'gro ba rnams kyi so so'i lus
 re re la yang skyes bu gnas shing skyes bu de thams cad kyang thams cad la khyab pa yin na zhes zer la/ skyes bu de dag grol bar 'gyur ba na phyogs gcig tsam las ji ltar yin te/ gang gi phyir snying stobs lhag par gyur pa'i yid sgrib pa dang bral bar gyur
 nas de dag las skyes bu gcig grol bar gyur pa na skyes bu thams cad grol bar thal bar 'gyur te/ skyes bu gzhan thams cad ni bcings nas gnas la/ gcig cig grol bar ji ltar 'gyur te/ yul tha mi dad
 par gyur pa'i phyir ro/ /skyes bu grol bar mi rigs pa 'ba' zhig tu ma zad kyi/ gzhan yang /sgra la sags pa rtogs? pa dang/ /de bzhin chos dang chos min ngag /skyon ni rjes su mtshungs pa'i phyir/ /ma mthong ngas pa med pa'ang yin//
 sgra la sogs pa la rna ba la sogs pa 'jug pa de dag kyang skyes bu thams cad kyi gcig pa nyid thob par 'gyur la/ gcig gis chos spyad par gyur pa na skyes bu thams cad kyang chos la gnas par 'gyur zhing /gcig chos ma yin
 pa la zhugs pa na thams cad kyang chos ma yin pa dang ldan par 'gyur ro/ /des na mthong pa'i thar pa la yang nges pa med pa yin te /ci'i phyir zhe na/ yul la dbye ba med pa'i phyir ro/ /nam mkha' i phyogs gcig la mun pa dang snang ba
 gnyis sam/ char? 'bab pa dang tsha ba gnyis mi rigs pa bzhin no/ /skyes bus thams cad du khyab pa yin na/ skyon 'di yang 'byung bar 'gyur te/ thams cad du khyab pa nyid kyi phyir thams cad kyang 'gro ba thams cad kyi ngo bor
 gnas par 'gyur la/ bdag rnams kyang 'dres par 'gyur ro/ /lus dang dbang po dang/ blo rnams kyi thun mong du 'gyur ro/ /gcig gis bya ba byas pa de gzhan gyis kyang byas bar 'gyur ro/ /gcig gis bya ba thams cad spangs pa na thams cad
 kyis kyang bya ba spangs par 'gyur ro/ /bram ze rnams kyi las ni 'di'o/ /dmangs rigs kyi las ni 'di'o zhes bya ba yang med par 'gyur ro/ /rigs bzhi rnam par bzhag pa yang med par 'gyur ro/ /pha dang bu dang/ dgra dang/ pha mar gnas pa nyid? kyang
 med par 'gyur ro/ /zhes bya ba la sogs pa'i skyon yod do/ /gang yang skyes bu ni blo 'jug pa'i rjes su byed pa yin no zhes bya bar 'dod pa de yang mi 'grub ste/ gang gi phyir gal te skyes bu 'gyur zhe na/ skyes bu rtog pa med pa dang/ /rgyu med khyab pa ma yin te/ /
 skyes bu 'gyur phyir 'o ma bzhin/ /skyes bu ni rtog pa can ma yin te/ yongs su 'gyur ba'i phyir 'o ma bzhin no/ /skyes bu ni rgyu med ma yin te/ 'o ma bzhin no/ /skyes bu ni thams cad la khyab pa ma yin te/ 'o ma bzhin zhes bya ba'o/ /gang rnams skyes bu'i
 gzugs brnyan 'byung bar grol bar 'dod pa de la yang sems ni 'gyur ba med na yang/ gzugs brnyan gyi ni rgyu yin phyir/ /ji skad smras pa'i skyon ldan par/ /'byung ste gdong gi gzugs brnyan bzhin/ /ji ltar gdong gi gzugs chu la sogs pa la
 gzugs brnyan 'byung ba'i rgyur nye bar gnas kyang yongs su 'gyur ba med pa de bzhin du/ sems kyi rtogs pa yang shes pas bltas pa'i don gyi gzugs brnyan nye bar gnas pa tsam phan pa byed pa nyid kyi rgyu'i ngo bor nye bar gnas pa tsam phan pa byed
 pa nyid kyi rgyu'i ngo bor nye bar gnas na yang yongs su 'gyur ba med pa yin no/ zhes bya ba 'di ni pha rol po'i 'dod pa yin no/ /'dir yang gzugs brnyan bzhin du rgyu'i ngo bor gyur pa nyid kyi skyes bu ni gdong gi gzugs brnyan bzhin du rtogs
 pa med pa nyid dang/ rgyu med pa nyid dang/ khyab pa ma yin pas chos can gyi rang gi ngo bo las bzlog pa yin pa'i phyir gzugs brnyan 'byung ba'i rgyu dang 'gal ba'i don du gnas pa nyid yin no/ /'di ltar yang/ skyes bu rtog pa med pa'i
 phyir/ ? bdag dang gzhan zhes mi rigs so/ /brtags na skyon med ce na yang/ /grol ba btags pa nyid du 'gyur/ /bya ba dang byed pa log pa yin pas 'di'i yul nye bar gnas pa ma yin na/ ci zhig la rtog par byed par 'gyur/ rtog pa med
 ba'i skyes bu yang ji ltar na bdag dang gzhan zhes rtog pa 'jug pa nyid yin/ gal te rnam par rtog ba med du zin na yang blo la rnam par rtog pas bdag tu btags pa nyid kyi nye bar btags pa dang/ btags pa yin no zhe na/
 grol ba yang nye bar btags pa nyid du 'gyur na/ grol ba ni dngos nyid du 'dod kyi nye bar btags pa ni ma yin no/ /de ltar na rang bzhin yang ma yin la skyes bu yang ma yin pas grol bar btags pa ni legs pa ma yin no/ /kho bo ni rang bzhin yod
 pa? nyid du yang mi 'dod pas re zhig de brtags bar bya ba yin na bcings pa dang thar ba ltag la yod ces brjod pa na gzhan gyi de yod pa nyid du sgrub par byed pa'i tshad ma nye bar bkod pa ni/ /gtso bo yod de sna tshogs kyi/ /rjes su 'gro phyir yongs
 gyur phyir/ /bya dang byed ba'i ngo bo'i phyir/ /nus phyir sna tshogs ngo bo'i phyir/ /ji skad smras pa de bzhin te/ /snod chags pa yi du ma sogs ltar/ /de bzhin dbye ba de dang ldan/ /des na dbye ba rgyu dang bcas/ /snying stobs dang/ rdul dang/ mun pa
 rnams cha mnyam pa mi gsal ba ni gtso bo ste chos can no/ /de yod pa zhes bya ba ni de'i chos ste bsgrub bar bya ba'o/ /chos dang chos can bsdoms ba ni phyogs so/ /sna tshogs kyi rjes su 'gro ba la sogs pa lnga ni gtan tshigs te/ a pa ti zhes bya
 ba'i ming can no/ /de la sna tshogs thams cad la rang bzhin gyis rjes su khyab pa ni rjes su 'gro ba ste/ sna tshogs kun kyang bde ba dang/ sdug bsngal dang gti mug gi bdag nyid yin pa'i phyir ro/ /yang yongs su 'gyur ba ni mi 'gyur ba'i chos
 can yin na yang rang bzhin las 'byung bar 'gyur la/ chen po las ngar 'dzin pa'i ngo bor 'gyur ro/ /ngar? 'dzin pa las de tsam? gyi rnam par ro/ /de tsom las dbang po'i rnam par ro/ /dbang po las 'byung ba chen po'i bdag nyid du
 'gyur ro/ /gtso bo ni rtsa ba'i byed pa'o/ /chen po dang ngar 'dzin pa la soD pa ni bya ba yang yin byed pa yang yin te/ yongs su 'gyur ba'i rang bzhin yin pa'i phyir ro/ /yang nus pa ni rang bzhin ni skyes pa'i chos can yin pa'i phyir sna tshogs thams cad bskyed par nus pa yin
 la/ chen po la sogs pa rnams la mi so so'i bya ba bskyed par byed pa'i nus pa yod pas yin no/ /sna tshogs kyi ngo bo nyid ni chen po dang/ ngar 'dzin pa dang/ de tsam dang dbang po dang/ 'byung ba chen po'i khyad par rnam pa du ma nyid do/ /ji ltar sa bon las myu
 gu dang sdong bu dang/ yal ga dang/ yal ga phre'u dang/ lo ma dang/ /me tog la sogs pa du ma zhig kun tu 'byung la/ de rnams kyi byed pa po ni sa bon gcig yin no/ /de bzhin du gtso bo mi gsal ba gcig la dbye ba du ma yin bas des na byed pa po gcig?
 yod bar shes par bya'o/ /ji skad smras pa zhes pa la sogs pa ni khyab pa nges pa ston pa'i tshig yin te gang dang gang rjes su 'gro ba dang/ yongs su 'gyur ba dang/ bya ba dang byed pa'i ngo bo dang/ nus pa dang/ sna tshogs kyi ngo bo yod pa de dang
 de ni rgyu dang bcas pa yin te/ dper na snod chag ba'i dum bu bzhin no/ /bum pa chag ba'i dum bu thams cad kyi rjes su sa nyid 'gro ba yod la/ tsan dan gyi dum bu la'ang dri nyid rjes su 'gro blta bu ni rjes su 'gro ba nges pa'o/ /yongs su 'gyur ba ni bum pa
 gyo dum gyi bdag nyid du gyur pa nyid dang/ tsan dan dum bur gyur pa lta bu'o/ /bya ba dang byed pa'i ngo bo ni bum pa ni gyo dum gyi byed pa po yin la tsan dan yang dum bu'i yin no/ /nus pa yang bum pas gyo dum skyed pa dang/ tsan dan gyi dum bu
 mngon par sgrub par nus pa'o/ /yang sna tshogs kyi ngo bo ni bum pa'am/ tsan dan gyi sdong po gcig las dum dang du ma'i rnam pa can gyi gyo dum dang/ tsan dang gyi dum bu la sogs bar 'byung bar 'gyur ba zhes bya ba bzhin du bsgrub bya rjes su 'gro ba nges
 ba yin no/ /de bzhin du dbye ba de dang ldan zhes bya ba la sogs pa ni rjes su 'gro ba la sogs te/ 'di ni nye bar sbyor nga'i tshig yin no/ /de lta bsan dbye ba ni rgyu dang bcas pa yin te/ 'di ni mjug bsdu ba yin te/ 'di lta bu'i sgrub
 par byed pa'i tshig gi cha lnga po 'di ni grangs can gyis nye bar bkod pa yin la/ 'di dag sun dbyung ba smras ? ni/ dbye rnams rgyu dang bcas nyid du/ /sgrub byed cen grub ba bsgrub/ /'di yi gtan tshigs ma grub phyir/ /gal te khyod kyis bsam pa
 chen po la sogs pa dbye pa ni rgyu dang bcas pa yin te/ gang rgyu 'ga' zhig las yin no zhen grub pa sgrub pa yin te/ kho bo cag kyang dngos po thams cad rgyu rkyen las yang dag par 'byung ba yin gyi dngos po rgyu med par ni ma yin no/ /rjes su
 'gro ba la sogs pa'i gtan tshigs ni yang sangs rgyas pa la grub pa ma yin te/ rang bzhin gcig grub par gyur na ni de dang ldan pa yang 'grub par gyur na/ kho bo cag la ni rang bzhin de ma grub par shes te/ mi gsal ba'i phyir ri
 bong gi rwa la sogs pa bzhin te/ gang zhig gang dang ji ltar ldan par 'gyur zhes gzhan la ma grub pa nyid yin no/ /yongs su 'gyur ba la sogs pa'i gtan tshigs la yang skyon 'di nyid kyis gnod pa yin no/ /de nas yang gal te spyi? sngon du song
 ba yod pa la rjes su 'jug pa'i dbye ba yod ba yin te/ spyi dang ldan pa yin pa'i phyir ram /spyi la khyad par med pa'i phyir sngar gyi gtso bo'i gnas skabs bzhin no/ zhes bya ba'i don gang yin pa'o zhe na/ de la brjod par bya ste/ sbyin sngon du song
 'dod de/ /spyi dang ldan pa'i phyir zhe na/ /spyi nyid dam ni khyad par la/ /snga ma bzhin du dpe yang med/ /'dir khyod kyi sgrub pa 'di ba dpe med de/ gtso bo bo de bal sogs pa thams cad kyi bdag nyid du rnam par gnas pa gzhan pa nyid kyi
 rjes su 'gro ba sgrub ba la dpe bstan par me nus pa nyid dam/ gzhan ma grub pa nyid kyi phyir rab tu byed pa'i phyed phyogs snga mar byas nas/ phyed phyi mas lan rjod par byed pa yin no/ /thun mong la thun mong zhes bya ba'i khyad par gyi dbye ba med pas snga ma bzhin
 te/ gtso bo bzhin du rjes su 'gro ba la sogs pa med pa yin te/ gang khyod ci sngon du song ba'i sgrub par nus pa'i dpe yang cung zhig kyang med do/ /snod chag ba'i dum bu la sogs pa rnams kyang bde ba la sogs pa'i bdag nyid can yin pas na khyad
 par med pa'i phyir 'dir smras pa/ khyod dpe med do zhes bya ba'i 'di lta bu tshig ma smra zhig /bdag cag gi phyogs la gnyi ga la grub pa'i dpe yod de/ /ji lta bu zhig cen bde ba dang/ sdug bsngal ba dang /gti mug gi ngo bo'i phung po ste/ phung po yin
 pa'i phyir tshor ba'i phung pa bzhin no zhe na/ 'di la yang brjod par bya ba'i phyir/ bde la sogs pa'i ngo bo'i phyir/ tshor ba'i phung po bzhin mi 'dod/ /phung po yin phyir bde sdug sogs/ /so sor ma nges ba nyid yin/ /bde ba'i phung po ni
 phung po yin pa'i phyir char ba'i phung po bzhin no zhes bya ba'i 'di la yang brjod par bya ba'i phyir/ bde ba la sogs pa'i gtan tshigs 'di mo nges pa yin no/ /ci'i phyir zhe na/ tshor ba ni gsum ste /de la phung po yin pa'i phyir ci char ba
 bde ba bzhin du phung po bde ba'i ngo bo zhig yin par 'gyur ram/ 'on te yang phung po yin pa'i phyir tshor ba sdug bsngal bzhin du sdug bsngal gyi ngo bo zhig tu 'gyur ram/ sdug bsngal yang ma yin/ bde ba yang ma yin pa nyid gcig tu
 'gyur zhes bya ba ni ma nges pa nyid yin no/ /sdug bsngal gyi ngo bo nyid du sgrub na yang thal bar 'gyur ba 'di nyid yin te/ phung po ni gti mug gi rang bzhin yin te/ phung po yin pa'i phyir tshor ba'i phung po bzhin no zhes bya bso?/ /tshor ba ni gtig?
 mug ma yin pa'i ngo bo yin pa'i phyir bsgrub byas stong pa nyid yin pas na dpe'i skyon yin no/ /gal te yang 'di skad du/ gti mug kyang tshor ba'i ngo bo nyid yin te/ rgyu dang ldan pa'i phyir tshor ba bde ba dang sdug bsngal bzhin no
 zhe na/ ma nges pa yi spangs pas na/ /de ltar de na byod bdag nyid yin/ /rgyu dang ldan pa yin pa'i phyir/ /ci gti mug chod ba'i ngo bo nyid cig tu 'gyur ngam/ 'on te rgyu dang ldan pa yin ba'i phyir bum pa la sogs pa bzhin du bde ba la sogs pa'i
 ngo bo ma yin ba zhig tu 'gyur/ des 'di ltar ma nges pa nyid kyis yongs su spangs pa nyid min paS na yang ji ltar mngon par 'dod pa'i don ma grub pa nyid yin no/ /gzhan yang rjes 'gro sogs kyi rjes dpag gi/ dam bcas skyon gyis gnod pa yin//
 gtso bo ni yod do zhes bya ba ni dam bca' ba yin la/ rjes su dpog par byed pas rjes su 'gro ba la sogs pa dang 'gal ba yin te/ ji ltar zhe na/ rjes su 'gro ba la sogs pas ni rtag pa ma yin pa dang/ khyab pa ma yin pa la sogs
 par rjes su dpog pas rtag pa dad kun la khyab pa la sogs pa spangs pa yin pa'i phyir chos can gyi rang gi ngo bo yang spangs pa yin no/ /gzhan yang/ skye med mdza' med nyid sogs kyi/ /de yi khyad par gnas pa na/ /gtso bo'i yon tan 'dod pa yi/ /
 gtan tshigs ma nges pa nyid yin/ /rjes su 'gro ba la sogs pa'i gtan tshigs kyis kyang ji ltar rjes su 'gro ba dang yongs su 'gyur ba la sogs ba yod pa'i snod chag pa'i dum bu la sogs pa yod pa bzhin gtso bo yang sgrub par byed pa yin la/
 de bzhin du skyes pa nyid dang/ mdza' dang ldan pa nyid du yang sgrub par byed pas gtso bo ni ma skyes pa dang/ mdza' med pa yin no/ zhes zer ba des na de'i khyad par spangs pas chos can gyi khyad par yang spangs pa yin pa'i phyir don dang 'ga' 
 ba nyid yin no/ /gtso bo'i ngo bo ni gtso bo'o/ /yon tan ni snying stobs dang rdul dang mun ba rnams te/ gtso bo'i yon tan de rnams ni byed pa rgyu med pa'i phyir byed pa med pa yin no/ /rjes su 'gro ba dang yongs su 'gyur ba la sogs pa 'di rnams kyang
 dbye ba la yod pa yin no zhes bya ba de yang 'dir brtag dgos pa yin te/ ci rjes su 'gro ba 'di snod chag pa'i dum bu la sogs ba bzhin du dbye ba rgyu dang bcas pa zhig yin nam/ 'on te yang rjes su 'gro ba 'di gtso bo'i yon tan bzhin du byed pa med pa
 zhig yin zhes bya ba ni ma nges pa nyid yin no/ /yongs su 'gyur ba la sogs pa'i gtan tshigs rnams la yang tshul 'di nyid sbyar bar bya'o/ /gzhan yang gtso bo ni yod do zhes bya bar dam bca' ba'i don ci zhig yin/ ci chen po la sogs
 ba thams cad kyi rgyu gtso bo gcig bu yin nam 'on te tso? bo ni chen ba'i rgyu yin la chen po ni ngang 'dzin pa'i rgyu yin ngar 'dzin pa med tsam gyi'o/ zhes bya ba la sogs bas so so'i rgyu nyid yin/ de la re zhig rgyu gcig sngon du song ba las yin na ni rgyu rnams dang 'ga' 
 ba yin te/ ji ltar ro zhe na/ 'di la gang yod pa de dag ni rgyu tha dad par mthong ste/ ji ltar sa ni bum pa'i rgyu yin la/ bum pa ni gyo dum la sogs pa rnams kyi yin no/ /de bzhin du tsan dan gyi ljon pa ni sdong bo'i rgyu yin la sdong po ni dum bu'i rgyu yin
 rgyu gcig sngon du song ba las grub pa'i ngo bo ni med do/ /des na rgyu gcig sngon du song ba las yod pa nyid mi 'byung bar rjes su dpag pas na med pa nyid rab tu bsgrubs pa yin pas chos can gyi rang gi ngo bo las bzlog pa bsgrubs pa yin no/ /de bzhin tha dad
 rgyu las kyang 'byung bar 'dod pa'i dpe yod min/ gtso bo ni chen po'i rgyu yin te /rjes su 'gro ba'i phyir dper na ji lta bu zhig/ ces bya ba'i rigs gcig pa ni dngos bo'i don rtog par gnas pa'i ngo bo ni med pas dpe ma grub pa nyid yin no/ /gal te
 yang 'dir bdag gi snod chag pa'i dum bu la sogs pa'i dpe smras pa nyid ma yin nam/ snod chag pa'i dum bu la sogs pa ni mi rtag pa yin la/ gtso bo nyid ni rtag pa'i chos can yin na ji ltar de dag 'dra ba yin zhe na /de ci ltar rtag pa
 yin par sgrub pa'i phyir gzhan dag gis tshad ma smras pa/ tsan dan dum bur gyur pa na/ /nyams pa min par rtogs bya ste/ /stobs dang gzugs dang tshad la sogs/ /nye bar gnas te bdag nyid bzhin/ /tsan dan zhes bya ba'i rdzas bstan par
 gnas bzhin du/ dum bu zhes bya ba'i chos kyi khyad par so sor 'byung bar gyur pa na sdong po zhes bya ba'i chos kyi khyad par mi mngon par gyur la/ dum bu mngon par gyur pa de'i dus na yang tsan dan la ni nyams pa med do zhes bya ba ni phyogs yin no/ /
 stobs nye bar gnas pa dang/ gzugs nye bar gnas pa dang tshad nye bar gnas pa'i phyir zhes bya ba rnams ni gtan tshigs te/ nye bar gnas pa nyid de rigs gcig pa'i rgyu'i rang gi ngo bo nyid yongs su ma spangs pa'o/ /de la stobs nye bar gnas
 ba ni tsan dan dum bu la sogs par byas su zin kyang/ sman la sogs pa'i dgos pa la dri dang ro tha mi dad pas de ltar phan par 'gyur ba'i nus pa gang yin pa'o/ /gzugs nye bar gnas pa ni dkar po la sogs par mthun pa'i gzugs nyid do/
 tshad nye bar gnas pa ni tsan dan gyi sdong po chen po la dum bu mang po nyid yod pa yin la/ chung du la ni dum bu yang nyung ngu 'byung bar 'gyur te/ gang dang gang nye bar gnas pa yod pa de dang de ni med par 'gyur ba ma yin te/ dper na dum bur ma byas
 ba'i tsan dan de'i rang gi ngo bo bzhin no/ /des na rgyu tha dad pa nyid la yang bdag la dpe yod pa bzhin no zhe na/ de la brjod par bya ste /nus pa'i bdag nyid nyid du de/ /yod na sngar bzhin dpe mi 'grub/ /gtso bo'i nus pa chen po la soD
 pa'i dbye ba la yang yod na rjes su 'gro ba la sogs pa'i gtan tshigs yod par gyur kyang dngos po'i don mi gsal ba gzhan med pa bsgrub bya rjes su 'gro ba ma yin te/ dpe med pa'i phyir ro/ /gsal ba'i ngo bor de yod na'ang/ grub pa'i mdza' ni spangs bar
 'gyur/ ci ste yang gsal ba'i ngo bos gtso bo de bye brag rjes su 'gro bar yod do zhe na/ grub pa'i mdza' dang 'gal ba yin te /lung las gtso bo ni mi gsal ba'o zhes 'byung ba'i phyir ro/ /gal te tsan dan dang dum bu gcig pa nyid yin na de bzhin du bya ba dang byed
 pa dag nyid kyang bya ba dang byed pa gcig pa nyid du sgrub par byed do zhe na /de la yang bya dang byed pa gcig nyid du/ /bsgrub na'ang smras pa'i tshul nyid yin/ /rigs mthun nyid dang gcig nyid du/ /bsgrub na'ang grub pa bsgrub pa yin/ /gal te rigs mthun pa
 nyid bya ba dang byed pa gcig pa nyid du sgrub par byed na ni grub pa bsgrub pa yin te/ de yang 'di ltar nas kyi sa bon las byung ba'i myu gu dang sdong bu dang/ sbubs dang/ 'dab ma dang/ snye ma dang /'bras bu la sogs pa ni tha mi dad pa'i phyir gcig
 nyid yin pa bzhin no/ /de las don gzhan rtogs na yang/ /snga ma bzhin du skyon kun 'byung/ /'di ni sngar nyid du de kho na nyid kyi shes pa 'tshol ba'i rab tu byed par bya ba dang/ byed pa dag gcig nyid du gyur na pha dang bu'i rnam par bzhag pa
 yang nyams par 'gyur la/ rgyu dang 'bras bu dang/ byed pa po dang/ las bstan pa yang med par 'gyur ro zhes smras pa yin no/ /gang yang grangs can gang dag blo snga ma dag ni 'gag pa ma yin pa nyid yin te/ /de ltar yod do zhes zer ba de la yang
 rim pa 'di nyid kyis dpyad par bya ba yin te/ gang rigs gcig pa nyid du rgyud rnam par gnas pas blo snga ma rnams da ltar yod ba nyid du bsgrub na ni grub pa bsgrub pa nyid yin no/ /gal te mi 'gal ba nyid yin la yongs su gyur nas gcig/
 pa nyid du 'dod do zhen ni yul gzhan la 'byung bar 'gyur ro/ /ci ste 'byung na ni 'gag pa yin pas gcig nyid ma yin no/ /gal te yang gzhan dag na re 'dir khyad par smras pas ci zhig bya/ dngos po thams cad gcig
 nyid yin te/ bde ba dang sdug bsngal dang/ gti mug gi bdag nyid du rjes su 'gro ba la sogs pa'i gtan tshigs rnams kyis bdag gis rab tu bsgrubs pa yin no zhe na de la yang/ bde dang sdug bsngal la sogs kun/ /gtan tshigs ma nges
 pa nyid yin/ zhes bya ba smras te/ sngar bstan pa'i rjes su 'gro ba la sogs pa de dag la re zhig so sor tshor ba bde ba'i ngo bo'i rjes su 'gro ba ni tshor ba bde ba bzhin zhes smras pa de la ci rjes su 'gro pa 'di tshor ba bde ba bzhin du bde ba'i ngo bo zhig tu
 'gyur ram/ /'on te 'dir rjes su 'gro ba 'di tshor ba sdug bsngal bzhin du sdug bsngal gyi ngo bo zhig tu 'gyur ba yin zhes the tshom skye ba nyid yin te/ sdug bsngal gyi ngo bo nyid du sgrub pa na ni tshor ba bde ba nyid kyis ma nges pa nyid yin la /kun la
 yang sgrub par byed pa na bde ba dang/ sdug bsngal ba dang/ gti mug gi bdag nyid kyi ngo bo'i rjes su 'gro bas dpe ji lta bu zhig yod/ phyogs gnyi ga la grags pa'i rigs mthun pa'i dngos po'i don gyi ngo bo med pas de la 'jug pa yang ma yin la/
 gtan tshigs thams cad kyang thun mong ma yin pa nyid yin no/ /bya ba dang byed pa gzhan ma yin pa nyid do zhes zer ba de la yang gal te gang byed pa po yin pa de las bya ba gzhan ma yin no zhe na/ grub pa sgrub pa yin te/ de yang 'di ltar zho ni
 srub ma la sogs pa'i rkyen rnams kyi ni byed pa po'i ngo bo yin la/ 'o ma yi ni bya ba ma yin yang rang gi ngo bo gzhan ma yin pa nyid yin no/ /ci ste rang gi byed pa ma spangs pa'i rang gi ngo bo yin bar bya ba gzhan ma yin pa nyid yin na ni dpe yong
 pa ma yin te/ 'o ma ni rang gi byed pa po'i dngos po las gzhan ma yin pa ma yin no/ /dus dbyer med pas gzhan min na'ang/ /grags dang lung dang 'gal ba nyid/ /byed pa po dang bya ba ni gzhan ma yin te/ dus nye bar gnas pa'i phyir byed pa po dang dus mnyam pa nyid du
 bya ba 'byung ba nyid yin no zhe na/ 'dir re zhig 'jig rten gyi grags pa dang 'gal ba yin te/ 'jig rten pa la ni sa bon gyi dus kyang gzhan yin la/ myu gu'i dus kyang gzhan yin zhing /de bzhin du mngal na gnas pa'i dus kyang gzhan yin la/ skye 
 ba'i dus kyang gzhan yin no zhes bya ba nyid du grags pa nyid yin no/ /'dir smras pa/ tsan dan mi mngon pas med par gyur pa ma yin te/ tsan dan gyi ngo bo zhes drug ba'i dbye ba bstan pa yod la/ 'das pa la sogs pa'i dus ston par byed pa yin na yang/
 da ltar skad cig ma la sogs pa bzhin no zhe na/ 'di la yang brjod par bya ste/ tsan dan ngo bo mi mngon pas/ /med par grub pa ma yin te/ /dus dang drug pas bstan pa'i phyir/ da ltar skad cig bzhin zhe na/ /de ltar na yang spro gyur nas/ /rang gi lugs
 kyi skyon spang kyang/ /smras pa'i skyon rnams med min te/ /gyen du skra 'greng bum 'dra bzhin/ /'di ltar grags te dbang pos karna la dgra bo gsod par byed pa'i mtshon cha 'phang mdung byin pa dang/ des de srid sgrub gsod pa'i phyir sbas nas bzung ngo/ /yang karnas?
 'jigs byed sde'i bu nags kyi srin mo las skyes pa skra gyen du 'greng ba bum pa lta bu zhes bya ba dang/ lan gsum gyi bar du 'thabs pa na ji srid du nges karna pham par byas pa las/ karnas 'phang ma dung de skra gyen du 'greng pa bum pa lta bu de gsang pa'i phyir
 'phangs pa dang/ skra gyen du 'greng ba bum pa lta bu sbrul gyi gzugs su bsgyur nas gnas pa na 'phang mdung de yang nam mkha' lding gi gzugs su bsgyur nas gnas so/ /yang skra gyen du 'grod ba bum pa lta bu byi la'i gzugs su bsgyur nas gnas pa na 'phang mdud de?
 'ug ba'i gzugs su gyur nas nye bar gnas so/ /skra gyen du 'greng ba buM? ba lta bu mer bsgyur na 'phang mdung yang chu'i bdag nyid du gyur nas rjes su 'breng ste/ de bzhin du des gang dang gang gi gzugs su bsgyur nas nye bar gnas pa na/ 'phang
 mdud de yang de'i gshed po gang yin pa de dang de'i gzugs su bsgyur nas rjes su 'brel te /chung ma'i gzugs su gyur nas nges skra gyen du 'greng ba bum pa lta bu bsad par gyur pa'i bar du 'byung ba bzhin du de bzhin du khyod kyang rnam grangs gzhan nye bar bzung
 nas nye bar gnas ba na de dag la yang/ sngar smras pa'i skyon dag bzlog par dka' ba yin gyi med pa ma yin te/ 'di ltar skra gyen du 'greng ba bum pa lta bu la 'phang mdud rjes su 'brel par 'byung ba bzhin du /ji srid khyod gzhan rnam bar mnan
 pa'i phyir spro ba yod ba de srid du/ /yang skyon de dang bcas pa yin te/ skyon ci zhig ce na/ gal te nus pa'i ngo bor de yod pa nyid yin na ni dpe med pa yin la/ /gsal ba'i ngo bor yod pa de nyid yin na ni grub pa'i mdza' dang 'gal lo/ /zhes bya ba
 la sogs pa yod do nye bar gnas pa zhes bya ba'i gtan tshigs kyi don yang 'dir ci zhig yin/ ci de'i gzugs nyid du nye bar gnas ba zhig yin nam/ 'on te 'dir de dang tha mi dad pa'i gzugs gcig yin/ /des gzugs zhe na gtan tshiD
 don/ /rnam par rtog pa ma nges nyid/ /dbyer med ngo bo nyid yin na yang/ /gtan tshigs ma nges pa nyid yin/ /de'i gzugs zhes bya ba ci nags tshal gyi rang gi ngo bo bzhin du gcig par gyur ba zhig yin nam/ 'on te dum bu bzhin du gzhan
 nyid du gyur pa ? yin zhes bya ba ni ma nges pa nyid yin no/ /tha mi dad pa zhig yin na yang gang zhig gang dang 'dra bar gyur pa yin/ mi de nyid dang mi de nyid 'dra zhes bya bar mi rung ba ste/ bdag dang gzhan la gtan tshigs ma grub pa nyid
 yin no/ /gzhan yang/ rna sogs spyad bya ma yin te/ /rtogs pa med phyir gal te 'dod/ /khyad par dag ni ma bstan bar/ /spyad bya'o zhe na grub pa sgrub/ /gal te pha rol po na re rna ba la sogs pa 'di dag ni rtogs pa med pa'i phyir spyad bar bya ba yin la/ gang
 rtogs pa dang bcas ba de ni spyod pa po yin no zhe na/ gal te rtog pa thams cad du khyab pa la sogs pa'i khyad par khas len par mi byed par spyad pa po bcas pa nyid du sgrub na ni grub ba sgrub pa yin te/ /bdag kyang de bzhin du rna ba la sogs pa'i dbang
 po dang yul tshogs pa las rab tu byung ba'i sems spyod pa po nyid du mngon par 'dod pa yin no/ /ci ste g.yo ba med sogs kyi/ /khyad par can na rjes 'gro gang/ /rtogs bar bden yang rtsol med phyir/ /spyod pa por ni mi 'dod de/ /kun la khyab pa rtag pa
 btang snyoms su gnas pa'i spyod pa po'i skyes bu ni yod de/ spyod ba po yin pa'i phyir ji ltar bu zhig ce na /rigs mthun pa'i dngos po'i don gzhan med par rjes su 'gro ba ma grub pa yin no/ /gzhan yang rtogs pa yin pa bden du zin kyang spyod pa po nyid
 yin bar mi rigs te/ bya ba la 'jug ba med pa'i phyir yan lag thams cad bcings pa'i skyes bu bzhin nam/ gnyid log pa 'am/ myos pa bzhin no/ /gal te yang 'dir bdag cag ni rdul ni skyod bar byed pa'i bdag nyid yin par 'dod la/ de
 lhag par 'jug par gyur pa na/ dngos po thams cad bya ba dang bcas par 'gyur ro/ /des na de nye bar gnas ba tsam gyi phan btags pas skyes bu dang bya ba dang bcas ba nyid du nye bar spyod pa yin no zhe na/ smras pa/ dngos rnams bya ba med nyid du//
 rab tu rtogs te gzhal bya'i phyir/ /smras pa ci ltar de de ltar/ /rtogs te blang? dang gti mug bzhin/ /dngos po nyid ni bya ba dang bral ba yin te/ gzhal bya yin pa'i phyir ro/ /gang dang gang gzhal bya yin pa de ni bya ba med pa yin te/ dper na bde ba
 dang/ gti mug bzhin no/ /gal te sdug bsngal zhes bya ba yang rdul gyis yin pas ma nges pa nyid yin no zhe na/ bya ba med par sdug bsngal yang shes bar bya ste/ /rtogS pa med phyir brjod bya'i phyir/ /gzhal bya yin phyir gti mug
 bzhin/ /rdul gyi rang bzhin gyi sdug bsngal ni 'dir chos can no/ /bya ba dang bral ba zhes bya ba ni de'i chos te/ bsgrub par bya ba'i gang dang gang rgyud dang ldan pa dang rtogs pa med pa dang/ brjod bya yin pa/ gzhal bya yin pa de ni bya ba med pa yin te/ dper na gti mug
 bzhin no zhes bya ba ni sgrub bya'i rjes su 'gro ba yin no/ /gal te yang 'dir gang khyod kyis sngar 'di skad du rjes su 'gro ba la sogs pa'i gtan tshigs rnams kyis gtso ba la sogs pa'i gtan tshigs rnams kyi gtso bo la sogs pa'i yon tan ma nges pa
 bzhin no zhes pa de mi rigs te /rjes su 'gro ba la sogs pa'i gtan tshigs rnams kyi tha dad pa nyid du khyad par can du brjod pa yin pa'i phyir gtso bo'i yon tan rnams kyang tha mi dad pa nyid du gyur pa med par gtso bo la gnas pa yin no zhe na/ 'di la
 rjes 'gro la sogs gtan tshigs rnams/ /tha dad nyid du 'dod pas na/ /gtso bo'i yon tan la de rnams/ /ma nges ma yin pa de bden/ /'on kyang skyon chen po 'di 'byung bar 'gyur te/ bya dang byed pa bsgrub byas phyir/ /rgyu dang ldan par rjes
 dpag nyid/ /gtan tshigs rnams kyang khyad bcas pas/ /de ltar 'gal ba nyid du 'gyur/ /gtso bo ni yod de/ rjes su 'gro ba la sogs pa'i dbye ba yod pa'i phyir ro/ /gang la dbye ba med pa de la rjes su 'gro ba la sogs pa med yang pa nyid du bsgrubs?
 pa na gtso bo med pa nyid de zhes bsgrubs par 'gyur te/ de la dbye ba med pa'i phyir ro/ /ci ste yang gtso bo la yang dbye ba yod pas rjes su 'gro ba la sogs pa yin no zhe na/ de lta na yang ji ltar dbye ba bsal ba nyid du yod pa dang /byed ba?
 po yin pa dang bya ba yin pa dang /rgyu dang ldan pa yin pa ltar de bzhin du gtso bo yang gsal ba nyid dang yang byed pa po nyid dang/ bya ba nyid dang/ rgyu dang ldan pa nyid du 'gyur la des na chos can gyi rang gi ngo bo las bzlog pa bsgrub pa'i phyir 'gal ba'i don
 nyid yin no/ /gang tsan dan mi mngon par gyur pas med par gyur pa ni ma yin no zhes smras pa de yang 'di ltar tsan dan las dum bu la sogs pa gzhan yang ma yin la/ tsan dan de nyid 'di yin no zhes kyang brjod par mi nus te/ ji ltar zhe na/ de ma gzung
 bar mi 'dzin pas/ gzugs sogs gzhan min de dngos bzhin/ /tha dad dngos phyir gzhan min min/ /gang de rtogs bya rtogs byed phyir/ /gang dum bu la sogs pa la gzugs la sogs pa yod pa ni tsan dan la ma bltos par ma yin pa'i phyir
 gzugs la sogs pa de rnams ma bzung ba nyid kyi dum bu la sogs pa gzung ba ni yod pa ma yin te/ tsan dan gyi sdod pa'i rang gi ngo bo bzhin no/ /mi mngon par gyur pa'i tsan dan las tsan dan gzhan ma yin pa yang ma yin te/ ji ltar zhe na/
 gang tsan dan ni gcig yin la dum bu ni mang po nyid du 'di ltar bgrang ba bzhin du rtogs par bya ba ni rnam pa nyi shu rtsa bzhi yin la/ rtogs pa lo ni gcig yin te/ des na de dag gzhan ma yin pa ma yin no/ /des na mi mngon ma yin la/ /bya ba yod
 pa'ang mi 'dod do/ /gang gi phyir dum bu skyed par byed pa yin pas des na mi mngon pa yang ma yin la/ gang gi phyir tsan dan gyi sdong po'i rang gi ngo bo dang bral ba des na byed ba nyid yin gyi bya ba ma yin no/ /dpe med pa'i phyir na yang da ltar gyi ni skad
 cig kyang/ /rdzas su yod par ma grags nyid/ /ces bya ba smras te/ /de ltar gyi skad cig rdzas su yod par 'ga' zhig gis 'dod du zin kyang dbu mar smra ba rnams la ni de rjes su yod par ma grags to/ /gang gi phyir skad cig de nyid kyi thog ma'i dus
 kyang gzhan/ bar gyi dus kyang gzhan/ /tha ma'i dus kyang gzhan nyid yin no/ /des na 'dus pa'i ngo bo yin pa'i phyir rdzas su med pa nyid yin no/ /gal te 'dir smras pa/ spyod dang bcas pa'i spyad bya 'di/ /spyad bya yin phyir ma la soD
 bzhin/ /rtogs pa po ni spyod pa nyid/ /ces de ltar gzhan gyis smras pa la/ rab tu byed ba bzhi ches lan smras pa/ de'i sgrub par byed pa min/ /zhes bya ba ste/ ji ltar zhe na/ /'dus pa'i bdag nyid kyi spyod pa po? mal cha dang stan la sogs pa la
 ltos pa bzhin du rtogs pa yang 'dus pa'i ngo bo nyid du grub pas chos can gyi khyad par las bzlog pa sgrub pa'i phyir 'gal ba'i don nyid yin no/ /de nas yang rtag pa zhes bya ba 'di ci zhig yin zhes dris pa na/ gal te pha rol po gang shes
 bya nges par rtogs pa de ni rtogs pa yin no/ /zhes smra na de la 'di skad brjod par bya ste/ rtogs pa nges par rtogs yin na/ /de ni gang gis yin pa smros/ /dngos po byed ba la brten te/ /gos sogs chon du btsos pa bzhin/ /rtogs
 pa zhes bya ba ni blo yin te/ 'di ltar dngos po'i rkyen yin la dngos po ni nges par rdzas la brten par bya ba yin te/ ji ltar tshon du gos btsos ba bzhin no/ /bsgyur ba ni btsos pa ste/ 'bras chan la sogs ba bzhin no/ /? yang rtoD pa lam rtoD?
 pa'i rdzas ni mi dmigs na 'di gang giS rtoD pa yin pa smros shig /gzhan yang sgra sogs shes par mi 'gyur pa/ /yin yang shes pa ji ltar yin/ /sgra sogs shes par 'gyur ba ni/ /yin na'ang shes pa ji ltar yin/ /re zhig gal te
 blos nges bar bya ba'i rjes su byed par yongs su 'gyur ba yang 'di la med pas ji ltar na 'di shes pa por 'gyur ba yin/ /mi 'gyur ba'i bdag nyid yin pa'i phyir ri mo la bris pa'am shin tu gnyid kyis log pa'i gnas skabs bzhin no//
 yang gal te sgra la sogs pa shes par gyur ba 'di 'ga' zhig yongs su 'gyur ba 'byung ba yin na ni nges na yongs su 'gyur ba'i chos can yin pa'i phyir ro/ /gdong la sogs pa'i gzugs brnyan bzhin du rtag pa la sogs pa'i skyon dang ldan bar thal bar ?
 bas rang gi ngo bo nyams pa yin na 'di ji ltar shes pa yin par 'gyur/ /'di ni byed pa med pa yin na ji ltar na byed pa po nyid du 'gyur/ gal lte blos nges par byas pa'i rjes su byed cing rjes su spyod pa'i phyir 'di la byed pa po zhes bya'o zhe na/ byed ba med pa ma skyes phyir/ /byed po
 nyid du ji ltar 'dod/ /ma skyes pa la 'dogs na yang/ /skyes bu btags pa pa ru 'gyur/ /nye bar 'dogs par byed na yang byed pa po nyid ma skyes pa'i phyir ri bong gi rwa bzhin du rigs ba ma yin te /ma skyes pa'i phyir/ 'di'i nye bar gdags pa yang
 ji ltar 'grub par 'gyur te /skyes pa zhig yin na nye bar gdags par 'gyur gyi/ /ji ltar na shes pa 'di nye bar gdags par 'gyur zhes bya ba'i bsam pa'o/ /gal te yang me'i sreg pa nye bar gdags pa bzhin du 'dir yang nye bar gdags bar
 bya ste/ ji ltar rkun mos grong bsregs zhes me la yod pa'i sreg pa rkun mo la nye bar 'dogs par byed pa bzhin du blo la yod pa'i shes pa yang skyes bu la nye bar 'dogs par byed do/ /zhes 'dir smrar nus te /skyes bu ni bya ba dang bral ba yin
 na yang byed pa po nyid nye bar 'dogs te/ lugs yod pa'i mo'i sreg pa nye bar 'dogs par byed pa bzhin no zhe na/ de la yang/ byed po'i sgra yi brjod bya'i phyir/ /me bzhin khyod kyi skyes bu yang/ /rgyu bcas bya bcas spyad bya dang/ bya bar rab tu
 bskyed pa'ang yin/ /me dang chos 'dra bar byed pa po zhes tha snyad du 'di la nye bar 'dogs par byed na rgyu dang bcas pa nyid dang /bya ba dang bcas pa nyid dang/ spyad par bya ba yin pa nyid dang/ /bya ba yin pa nyid dang/ skyes par byed pa'i chos can
 yin pa nyid do/ /zhes bya ba me ji lta ba bzhin du 'byung bar yang 'gyur na de lta bur mi khyod? mi 'dod do/ /gzhan yang/ kun khyab ma yin rang bzhin las/ /gzhan ba ma yin skyes bu min/ /de yi rang dngos khyad par ni/ /de
 yis 'di ltar spong bar 'gyur/ /'di ni kun la khyab pa ma yin te/ phyogs gcig gi spyod yul can yin pa'i phyir me'i bzhin no/ /rang bzhin las gzhan ba yang ma yin te/ rang bzhin gyi 'gyur ba yin pa'i phyir me bzhin no/ /skyes bu yin
 par yang mi 'gyur te/ rtogs pa las gzhan pa'i mtshan nyid can yin pa'i phyir me bzhin no/ /de lta bas na khyod rang nyid kyis skyes bu chos can rang gi ngo bo spangs pa dang/ chos kyi khyad par spangs par sgrub pa yin no/ /nges na khas blangs pa de
 la/ gnod phyir dam bcas skyon med phyir/ zhes bya ba ste/ nges na 'dir skyon dang bcas pa yin te/ ji lta bur zhe na/ ji ltar dbang phyug rgyur smra bzhin/ /rtogs pa la sogs spangs pa yin/ /khyod kyis kyang bsgrub pa yin no/ /zhes bya
 ba ni tshig gi lhag ma'o/ /ji ltar dbang phyug rgyur smra ba dag dbang phyug gcig pu rtag pa/ ma skyes pa ni 'gro ba thams cad kyi rgyu yin par smras nyid yin la/ ma skyes pa nyid kyi rjes su dpag pas mo gsham gyi bu la sogs pa bzhin du
 yod pa ma yin pas de'i rang gi ngo bo'i khyad par spangs pa bsgrub pa yin pa'i phyir/ /rang gi tshigs dang 'ga' ba zlog ? dga' bo yin no/ /de bzhin du khyod kyis rtogs pa gsal ba yin pa'i phyir dam bcas pa la rang gi tshig gis
 gnod pa bzlog par dka' ba yin no/ /gzhan yang cung zhig /bdag dang bdag gi min rtogs pa/ /blo yi rjes su rtogs pa yi/ /lta ba log pas grol bar ni/ /khyod kyi skyes bur 'gyur mi rigs/ /blos btags pa'i rjes su byed pa'i skyes bus bdag kyang
 'di'i ma yin la/ /'di la yang dag gi ma yin na zhes bya ba ni de kho na nyid na thor ba skyes bar gyur pa yin no zhes grags la /bdag cag gi lugs ni 'di la re zhig mi bden ba'i de kho na nyid mthong ba de las gzhan yin bas rigs pa ma yin no/ /skyes
 bu tha dad? mthong ba yis/ /thar pa 'thob ba ma yin te/ /blo bzhan? yin phyir sbyar byang ba?/ /skyes bu gzhan nyid mthong ba bzhin/ /spyad par bya ba gtso bo dang spyod pa po skyes bu dag gang gi tshe/ tha dad nyid du mthong ba nges thar ba 'thob bar 'gyur ba ma yin
 te/ gtan tshigs ci yod ci na/ blo gzhan yin pa'i phyir ji ltar spyad par bya ba'i bud med dang bdag po gnyis gzhan nyid du mthong ba bzhin no/ /dbu ma'i snying po'i 'grel ba rtog ge 'bang ba// //bam bo nyi shu gcig pa/ /
 gzhan yang ji ltar bcas pa'i phyir/ /mi ni tha dad mthong ba ltar/ /skyes bu tha dad mthong ba yis/ /de bzhin grol bar mi 'dod do/ /ji ltar na 'jig rten na bud med dang/ skyes bu tha dad mthong ba yang thar pa ma yin par grags te /ci'i phyir zhe na/
 rnam par rtog pa'i rgyu mtshan dang bcas pa'i phyir/ de bzhin du rang bzhin dang skyes bu yang tha dad par mthong du zin kyang thar pa ma yin te/ /rnam par rtog ba dang bcas pa'i phyir ro/ /zhes ba ba'i bsam pas so/ /ma lus zad bar gyur pa
 ni thar ba'i zhes bstan pa'i phyir bya ba dang bral ba'i 'di'i tha dad du mthong ba ji ltar rigs pa yin/ des na rab tu byed pa yongs su rdzogs bar sngar bstan pa'i skyon rnams bsdus pa nyid kyi shin tu mi rigs ba yin pas sa gzhan gyi gzhan
 yongs su spang pa'i phyir smras pa/ de ltar grangs can de nyid ni/ sngon dang phyi mar 'gal ba dang/ /rigs pa dang ni mi ldan la/ /mkhas ba rnams kyi bla mi 'jug /gang gi phyir skyon med pa'i sgrub pa ni rigs ba yin la/ grangs can gyis mngon par 'dod 
 pa'i don dam pa de ni shin tu rigs pa dang bral zhing sngon dang phyi mar 'gal ba yin no/ /ji skad smras pa'i lugs de la mkhas pa rnams gzhol bar mi 'gyur ro/ /zhes bya bar smras pa/ n+ya gro da'i sa bon gyi/ /nang na yod pa'i n+ya
 gro dang/ /bud med skyes pa 'grogs la bu/ /rnga yi nang na sgra gnas dang/ /zas kyi nang na phyi sa sogs/ /shing la 'bar yod mi mthong zhes/ /gang zhig mngon sum spong byed pa/ /de ni bden smra ji ltar yin no/ /de ni yod kyang mi gsal bas/ /des na bya ba
 mngon ma mthong/ /zhen mi gsal med min pas/ /e ma'o bstan bcos shin tu legs/ /de lta bas na kho bos sngar smras pa'i kho bo cag gi de kho na nyid ni rigs pa dang bcas pa yin no// //dbu ma'i snying po'i 'grel pa rtog 'bar
 ba las/ /grangs can gyi de kho na nyid la 'jug pa ste/ le'u drug pa'o// //de nas da ni bye brag pa'i de kho na nyid gtan la dbab pa la 'jug pas rab tu byed pa bdun pa brtsam par bya'o/ /de la bye brag pas rang gi grub?
 pa'i mdza' nyid 'di ltar mang du 'god bar byed de/ gzhan dag la brten nas goms pa las thar pa ni gcig nyid yin pas bdag cag gis skyes bu ni byed pa med pa ma yin te /ci zhig yin zhe na/ byed pa po dang za ba po yin te /gang gi
 phyir rtogs pa la sogs pa yon tan las gzhan po'i? bdag ni yod de/ de ni ma skyes pa rtag pa byed pa po zab po khyab pa bya ba med pa'o/ /de bzhin du sa dang /chu dang me dang/ rlung rnams kyi rdul phra rab de dag kyang rtag pa ste/ grang sa ji lta ba
 bzhin du yon tan bzhi dang/ yon tan gsum dang/ yon tan gnyis dang/ yon tan gcig dang ldan pa ni reg bya dang/ ro dang gzugs dang /dri dang mtshungs bar ldan no/ /de dag ni mi reg par rigs mthun pa la bltos nas rang dang mthun
 ba dang/ mthun pa ma yin pa'i bya ba rtsom par byed do/ /phyogs dang nam mkha' dang /dus kyang ma skyes pa khyab pa rtag pa bya ba med pa yin no/ /yid ni rtag pa bya ba dang bcas pa yongs su chad pa'o/ /spyi dang khyad par dang 'du ba yang ma skyes pa/ khyab pa/ rtag pa cha
 med pa/ bya ba med pa /rdzas dang yon tan dang/ las la brten pa yin no/ /yon tan yang kha cig ni rtag/ kha cig ni mi rtag pa'o/ /las ni mi rtag pa nyid yin no/ /de bzhin du cha dang cha can dang/ yon tan dang yon tan can dang/ bya ba dang byed pa dang/
 mtshan nyid dang/ mtshan nyid can dag ni gzhan dang gzhan yin no/ /de bzhin du dbang po dang don dang yid 'dus pa'i shes pa ni mngon sum gyi tshad ma'o/ /gzhan dag na re byed pa po ni yod bya ba ni med ces zer ro/ /de bzhin du tshig gi don drug gis thams cad
 bsdus bar rig par bya ste/ 'di lta ste/ rdzas dang yon tan dang/ las dang/ spyi dang/ khyad par dang /'du ba zhes bya ba'o/ /de la rdzas zhes bya ba'i tshig gi don rnam pa dgu ni 'di lta ste/ sa dang chu dang/ me dang /rlung dang /nam mkha' dang/ dus dang/
 phyogs dang/ bdag dang/ yid ces bya ba'i rdzas rnams so/ /'di lta ste/ yon tan nyi shu rtsa bzhi ni yon tan gyi tshig gi don yin la de ni 'di lta ste/ gzugs dang/ ro dang /dri dang /reg bya dang /grangs dang/ bong tshod dang /so so dang/ 'du ba dang/
 gzhan nyid dang/ gzhan ma yin ba nyid dang/ blo rnams dang/ bde ba dang /sdug bsngal dang/ 'dod pa dang/ zhe sdang dang/ 'bad pa zhes? bya ba rnams ni yon tan no/ /de bzhin du las ni rnam pa lnga ste/ steng du 'byin pa dang/ 'og tu gnon pa dang/ bskum pa
 dang/ brkyad ba dang/ 'gro ba zhes bya ba'i las rnams so/ /de bzhin du gang gi phyir rdzas dang/ yon tan dang/ las rnams la yod pa yin no/ /zhes 'byung ba'i rjes dang yon tan dang /las rnams kyi don las gzhan zhig yod pa de ni spyi zhes bya
 bar brjod do/ /khyad zhugs pa yod ba ni khyad par ste/ ji ltar dkar po dang/ nag po zhes bya ba'i khyad par ltar de bzhin du rdzas dang yon tan zhes bya ba'i khyad par yang yin no/ /yang 'du ba ni ji ltar 'di la yod do zhes yang
 dag par slos rtog par 'gyur ba'i don te/ 'di dag ni tshig gi don drug yin no de bzhin du khyad par med pa dang/ ldan pa'i rtag pa ni yod de rdzas dang ldan pa bya ba dang byed pa dang spyi dang khyad par dang ldan pa zhes bya ba ni rdzas dang yon tan dang las rnams
 kyi khyad par med pa'o/ /de bzhin du rdzas kyis ni rdzas gzhan rtsom bar byed la yon tan gyis kyang yon tan gzhan rtsom par byed do/ /yang las la ni spyi med do/ /yang rdzas ni byed pa por yang mi 'gal la bya bar yang mi 'gal lo/ /yon tan ni gnyi ga'i
 rdzas kyi mtshan nyid spyi ni bya ba dang ldan pa yon tan dang ldan pa 'du ba'i rgyur gyur pa te rdzas kyi mtshan nyid do/ /rdzas la rten ba yon tan gzhan dang mi ldan pa 'du ba dang bral ba na yang rgyu med pa bltos ba med pa ni yon tan gyi mtshan nyid do/ /
 yang las kyi mtshan nyid ni rdzas gcig bu yon tan med pa 'du ba dang 'bral ba na yang bltos pa med pa'i byed pa po ni las kyi mtshan nyid do/ /de bzhin du rdzas ni spyi'i? byed pa pa'o/ /de bzhin du yon tan ni 'du ba dang 'bral ba'i byed pa
 por 'jug pa'o/ /rdzas rnams ni rdzas kyi bya ba ste/ ji ltar sor mo gnyis bzhin no/ /yon tan las yon tan 'byung ste/ ji ltar gzugs las gzugs bzhin no/ /de bzhin du rdzas so so'i mtshan nyid brjod par bya ste/ gzugs dang/
 ro dang/ dri dang/ reg bya dang ldan pa ni sa'i rdzas so/ /gzugs dang/ ro dang /reg bya dang ldan pa'i chu ste/ gsher ba dang ldan pa nyid do/ /me ni gzugs dang /reg bya dang ldan pa'o/ /rlung ni reg pa dang ldan pa ste rtags mi mthong ba'o/ /nam mkha' 
 ni yon tan sgra dang ldan pa'o/ /gzhan dang gzhan ma yin pa dang/ lhan gcig dang lhan cig ma yin pa dang/ dus ring ba dang thung ba zhes bya ba ni dus kyi rtags so/ /gang 'di dang 'di zhes bya ba de ni phyogs kyi rtags te/ sngar nyi ma dang ldan par gyur pa dang/ phyis
 ldan par 'gyur pa las shar dang/ /de bzhin du lho dang /nub dang /byang zhes bya bas phyogs kyi khyad par bstan pa yin no/ /dbang po dang don dang/ lhan cig gnas pa ni bdag yin/ /shes pa'i ngo bo nyid med pa dang ngo bo yod pa ni yid kyi rtags so/ /
 gzhan yang 'dir thar pa 'dod pa dag bla ma dang nye bar song nas phyi dang nang dag la phun sum tshogs par bya ste/ khrus dang dbang bskur ba dang/ bsnyung bar gnas pa dang /tshangs par spyod pas bla ma'i khyim du gnas pa dang /nags su gnas pa dang/
 mchod sbyin dang/ sbyin pa la phyogs pa dang/ rgyu skar dang/ dus nges pa la mthong bar spyod par byed pa'i mi mthong ba ni chos zhes brjod la/ de'i don du sten bar byed pa la yang chos zhes bya'o/ /de las bzlog pa ni chos ma yin pa zhes bya ste/
 de lta bu'i chos dang chos ma yin pa'i mtshan nyid la 'jug pa las bde ba dang sdug bsngal yin la/ de dag la chags pa dang sdang ba'o/ /des byas pas 'di ltar yang skye zhing 'khor bar 'gyur te/ 'di ltar chos dang chos ma yin pa la 'jug pa'i
 mtshan nyid kyis thog ma med pa'i dus nas bcings zhes brjod do/ /ji ltar 'khor ba thog ma med pa de bzhin du ci tha ma yang med pa'i bdag nyid gcig yin nam zhe na/ de ni ma yin te/ thar pa yod pa ste de kho na nyid shes pa las tha ma thar par 'gyur ro/ /
 yang de ni gang chos dang chos ma yin pa dag spyad pas yang dang yang 'khor zhing bzo chun rgyud mo'i 'khrul 'khor gyi gnas lta bu'i 'khor bar 'jug par 'gyur la/ de med pas yang 'byung pa nyid mtshams sbyor ba yang med pa'i phyir thar pa yin
 te/ med me shi bar gyur pa'i snang ba bzhin no/ /lus dang bcas pa'i bdag yid dang ldan bar gyur pa ni 'tsho ba yin la/ de'i ma mthong ba mi 'byung bas med par gyur pa ni kun tu sbyor ba med pa ste/ yang 'byung par mi 'gyur ba'i
 phyir dang po'i lus la sogs pa gtan mi 'byung bar 'gyur ro/ /gal te chos dang chos ma yin pa med par ji ltar 'gyur zhe na/ ma 'ongs pa mi 'byung zhing bsags pa 'gog pa ste/ de la lus dang/ dbang po dang/ yid las tha dad pa'i bdag
 mthong ba na dge ba skye bar mi 'gyur la/ de sgrub par byed pa yongs su spangs pas ma 'ongs pa yang mi skye ba'o/ /bsags pa 'gog pa yang lus kyi de kho na nyid la rtog bar byed ba na chags par mi rtsom pa'o/ /don dam pa'i bdag nges bar rtogs
 shing tshig gi don drug gi de kho na nyid nges par shes pa na chos kyang med par 'gyur ba yin te/ 'dir lus dang yid gyi rnam rtog ni/ /thams cad spangs nas dri med pa'i/ /yongs su 'da' bar de 'gro ste/ /shing zad pa yi me bzhin no/ /zhes dam la bstan
 pa yin no/ /ji ltar khyab pa'i bdag ni byed pa med pa yin du zin kyang/ 'on kyang yid kyi bdag ces 'dzin bar byed pas yid dang kun tu sbyor ba med pa ni yang 'byung bar mi 'gyur ro/ /zhes nye bar 'dogs so/ /zhes bya ba 'di lta bu ni bye dag pa'i
 grub pa'i mdza' yin no/ /de la slob dpon gyis mdor bsdus nas nges 'dod pa'i de kho na nyid kyi dbang du byas bla sogs bdag gi yon tan bcad/ /drung nas phyung ba'i rnal 'byor la/ /yid la bdag ces gnas pa ni/ /bye brag pa yis thar par
 shes zhes gsungs te/ blo dang/ bde ba dang/ sdug bsngal ba dang/ 'dod pa dang/ zhe sdang dang/ 'bad pa dang/ chos dang/ chos ma yin ba dang/ shes pa dang /'dus byas zhes bya ba ni bdag gi yon tan dgu'o/ /de dag gi bcad pa ni?
 'ongs ba ni mi 'byung ba dang/ bsags pa 'gog pa'o/ /drungs nas phyung ba na chos dang /chos ma yin ba de dag gtan spangs ba ni drungs nas phyung ba ste/ thams cad du logs pa'o/ /de ltar gyur pa na yid la byed pa la 'jug pa las ldog pa
 gang gi phyir btags pa yin pas rab nyid la bdag ces bya ba'i yul du rnam par mi rtog pa'i gnas skabs su gyur pa na thar pa yin no zhes 'ug pa bas shes pa yin no zhe na 'od la brjod par bya ste/ rgyas par sngar bstan rim pa yis/ /mi bden skye
 ba bkag pa 'am/ /dngos po yongs su bkag pas na/ /'dod dang sdang sogs yon tan med/ /sngar bstan pa'i rim pa gang yin zhe na/ 'di lta ste/ ma skyes byed por mi rung ste/ bya ba nges par bya ba la/ byed pa yin phir sbrang rtsi'i rgyu/ /nam mkha' i me tog
 min pa bzhin/ /zhes bstan pa dang/ ma skyes skyes pa ma yin te/ nam mkha' i me tog ma skyes bzhin/ /zhes bya ba la sogs pas bya ba med pa'i 'dug pa pas yongs su btags pa'i skye ba bkag pas 'dod pa dang/ zhe sdang la sogs pa'i rang gi ngo bo yongS
 su ma grub na bdag gi yon tan ji ltar 'byung bar 'gyur yang na de la/ 'byung ba'i ngo bo la sogs kyi/ /don dam bar na yod min te/ zhes bya ba la sogs pas chos thams cad kyi rang gi ngo bo rab tu bkag pas de kho na nyid du yon tan zhes bya ba'i
 tshig gi don gyi dngos po med pa yin pas bdag dang der sbyor ba nyid kyang med na chad pa lta ga la yod par 'gyur/ yang rgyu dang rkyen la bltos nas brten te 'byung ba'i spyi nyid la de yod par khas blangs pa yang dpyad par bya ba yin pas/ rtag pa'i bdag
 la shes? mi sten/ /rgyu dang ldan phyir bum pa bzhin/ /gang re zhig dbang po dang/ don dang yid phrad pa las skyes pa'i mngon sum gyi shes pa de yang don dam bar bdag rtag ba la brtan bar mi rigs te/ rgyu dang ldan pa la sogs pa spyi yod pa'i
 phyir bum pa la sogs pa bzhin no/ /yang na blo ni bdag gi yon tan du/ /mi rigs skyes dang ldan pa'i phyir/ /ji ltar de yi yon tan du/ /gzugs la sogs pa mi 'dod bzhin/ /blo ni bdag gi yon tan nyid yin par mi rigs
 te/ ci'i phyir zhe na /gang dang gang skye ba dang ldan pa de ni bdag gi yon tan yin par ma mthong ste/ dper na gzugs bzhin no/ /yang na 'du ba yin phyir bdag med pas/ /rigs de mi rtag pa yi phyir/ /ji ltar gzugs sngar yod pa ma yin
 pa de lta na yang/ bdag dang nye bar gnas pa las blo la bdag yon tan nyid do zhes zer ba thos te de bdag dang/ rtag tu 'du bar yod pa ma yin te zhes bya ba ni phyogs so/ /gang gi phyir zhe na/ mi rtag pa'i phyir ram/ sngar dbang po dang /yul
 phrad nas gnas pa'i dus na med pa'i phyir te/ dper na gzugs ni bdag dang 'du ba ma yin pa bzhin no/ /de bzhin du blo ni 'di'i yon tan yang ma yin pa nyid yin no/ /de ltar ba de ba dang sdug bsngal sogs/ /dgag pa mthar thug shes par
 bya/ /bde ba 'byung ba nyid kyang bdag gi yon tan ma yin te/ skye ba dang ldan pa'i phyir dper na gzugs bzhin no/ /bde ba ni bdag dang 'du ba ma yin te/ mi rtag ba'i phyir ram /snga na med pa'i phyir dper na gzugs bzhin no/ /de bzhin du
 sdug bsngal dang/ 'dod pa dang/ zhe sdang la sogs pa rnams kyang dgag par bya'o/ /zhes bya ba'i tha tshig go /gzhan yang yid ni brtag pa min par 'dod/ /brjod bya yin phyir bum pa bzhin/ /gal te gang blo la sogs pa ni mi
 rtag pa yan ba'i phyir bdag dang? 'du ba ma yin gyi/ yid ni 'dir rtag pa yin pas de dang 'du ba yin no zhe na/ yid kyang rtag pa ma yin te/ tshig gis brjod par bya ba yin pa'i phyir bum pa la sogs pa bzhin no/ /rtag pa nyid ma yin na ji ltar
 de dang 'du bar gyur ba yin zhes bya bar bsam pa'o/ /gzhan yang 'di ni bdag gi byed pa min/ /dngos po yin phyir bde ba bzhin/ /gang dang gang dngos bo nyid yin na de ni bdag gi byed pa ma yin te/ dper na bde ba bzhin no/ /yid ni byed ba nyid du ma
 skyes pas 'du ba yin par bden du zin kyang don mthong bar grub pa ma yin no/ /yang na rten med par brten pa yang mi 'grub bas des na rten nyid bzlog bar bya ba'i phyir/ bdag yod pa na bkag zin kyang/ /'di yang brtag par bya ba ste/ brten nas byung ba
 ma yin phyir/ bdag med nam mkha' me tog bzhin/ /dbang phyug bkag pa dang 'dra ba bdag kyang bkag pa yin yang/ yang tshul gzhan gyi dgag par bya ste/ bdag ni med do zhes bya ba ni dam bca' ba'o/ /gtan tshigs ci yong so so 'am bsdus
 pas kyang skye bar 'gyur ba'i rkyen yongs su ma bzung bas rten cing 'brel par 'byung ba ma yin pa'i phyir ro/ /'dir gang med pa de ni so so 'am bsdus pa'i rkyen bzung nas 'byung bar 'gyur ba ma yin te/ nam mkha' i me tog bzhin no/ /gang yod pa de ni
 so so 'am bsdus pas rgyu dang rkyen yongs su bzung nas 'byung bar 'gyur te /dper na gzugs dang/ snang ba dang /nam mkha' dang/ yid la byed pa dang/ dbang po la sogs pa'i rkyen yongs su bzung nas sems skye bar 'gyur ba bzhin no/ /yang na
 bdag ni med de/ gzugs su rung ba dang/ nyams su myong ba dang/ mtshan mar 'dzin pa dang/ mngon par 'du byed ba dang/ so sor rnam par shes pa'i mtshan nyid dang bral ba'i phyir mo gsham gyi bu bzhin no/ /gzhan yang spyi yi spyi ni yod par yang/ /
 khas len pa yang brtag par bya/ /phung po 'dus pa'i rgyun bzhir !byas nas kun rdzob tu bdag yod pas bdag gi spyi yod pa mkhas len pa de yang kho bos 'dir dpyad par bya'o/ /'di ni khyab min rtag pa min/ /rtogs bya yin phyir bum pa bzhin/ /rnal 
 'byor pa dag gi bsam gtan gyi mig gis 'di rtogs par bya ba yin pas/ rtog bya yin pa'i phyir bum pa'i spyi bzhin no/ /des na 'di ni khyab pa yang ma yin la/ rtag pa nyid kyang ma yin no/ /bdag ni khyab pa nyid du yod pa yin te/
 kun la khyab pa'i phyir nam mkha' bzhin no zhe na/ de ni ma rigs te/ dpe nyid bsgrub bya dang mtshungs pa'i phyir dngos po'i don gang rang nyid kyang bsgrub par bya dgos pa des gzhan ji ltar sgrub par byed nus zhes bya'o/ /gal te nam mkha' thams cad la
 khyab pa yin na rdul phra rab kyi nang na nam mkha' yod dam med/ phyogs de gnyi ga yang 'ching ba'i zhags pa dang bcas pa ste /gal te nam mkha' phra rab gnyis gcig na ni phra rab kyi cha dang nam mkha' i cha'o/ /zhes phan tshun tha dad pas gnyi ga yang cha
 shas dang bcas pa yin pa'i phyir mi rtag pa nyed du 'gyur te/ dbye bar nus pa'i phyir bum pa bzhin no/ /'on te phra rab kyi nang na nam mkha' med do zhe na ni phra rab kyang mi rtag pa nyid du 'gyur la/ nam mkha' yang kun la khyab pa yin par 'gyur te/ de lta bas na
 nam mkha' kun la khyab pa ma yin pa'am/ phra rab la dbye ba yod par khas blangs dgos bas /des na phyogs gnyi ga yang skyon dang bcas pa yin no/ /gzhan yang gal te kun la khyab pa'i phyir nam mkha' dang 'dra ba yin la/ 'dis lus la sbyor
 bar byed pa na ci phyogs gcig gis sbyor bar byed dam/ 'on te thams cad kyis yin te/ de la gal te phyogs gcig gis sbyor ro zhe na ni/ phyogs cha dang ldan pa'i phyir bdag mi rtag pa nyid dang cha shas dang bcas pa nyid du 'gyur te/ bum
 pa bzhin no 'on te bdag nyid thams cad kyi sbyor ba yin na yang de lta na lus gcig dang sbyor cing phrad pa na lus gzhan thob par 'gyur ba med la/ kun la khyab pa yin pa'i phyir 'gro ba thams cad kyis dus gcig tu bde ba dang/ sdug bsngal
 nyams su myong bar thal bar 'gyur te/ de yang 'di ltar dmyal ba'i 'gro ba rnams kyis kyang mtho ris kyi bde ba myong bar 'gyur la/ mtho ris kyi 'gro ba rnams kyis kyang dmyal ba'i sdug bsngal myong bar 'gyur zhing/ gcig bcings pa na yang kun bcings bar
 'gyur la/ gcig grol ba na yang 'gro ba thams cad grol bar thar bar 'gyur ro zhes bya ba'o/ /skyon gzhan yang/ blo skye 'gyur dang bcas she na/ /khyod kyi bdag nyid nyams par 'gyur/ /'on te 'gyur ba med shes pa min/ /shes dang shes min ji ltar rung/ /
 gang yang bdag dang blo 'du bar gyur pa na/ ci de'i tshe yongs su 'gyur pa 'byung bzhig yin nam/ 'on te ma yin gal te ra zhig blo 'di 'byung bar gyur pa na yongs su 'gyur ba yin na ni/ yongs su 'gyur ba'i chos can yin pa'i phyir 'bar ba la sogs pa
 bzhin du mi rtag pa nyid yin no/ /'on te 'gyur ba bsten pa ma yin no zhe na/ yang 'di ji ltar rtogs pa yin par 'gyur te/ 'gyur ba med pa'i phyir nam mkha' bzhin no/ /sngar rtog pa med pa'i ngo bo yin la /phyis rtog pa'i ngo bor 'byung bar 'gyur na ni/
 sngar gyi rang gi ngo bo yongs su btang ba'i phyir mi rtag pa nyid du yongs su 'gyur ba yin no/ /rtag tu rtag pa zhig yin na yang rtog pa yang yin/ mi rtog pa yang yin zhes bya ba ji ltar 'gyur/ 'di blo dang 'du bar 'gyur ba zhig yin na yang ci blo'i ngo bo zhig tu 'gyur
 ba yin nam/ 'on te ma yin /de la gal te rtag pa nyid yin pa'i phyir 'di blo'i ngo bor gyur pa ma yin no zhe na/ blo dang 'dus pa zhes bya ba'i shes pa skye bar 'gyur ba na yang bdag ni mi shes pa nyid yin te/ sngar gyi ngo bo las gzhan du mi 'gyur ba'i
 phyir ro/ /gal te blo dang 'dus par gyur pa na/ ngo bo nyid du 'di yang 'gyur na ni/ bde ba dang sdug bsngal gyi ngo bo la tha dad pa'i phyir yon tan bzhin du 'di la yang mi rtag pa la sogs pa'i skyon 'byung bar 'gyur/ /gal te bdag dang bla? 'dus pa ni yod de/
 blo dang bcas pa yin pa'i phyir/ dper na dbyug pa dang dbyug pa can bzhin no zhe na/ de la brjod par bya ste/ 'du ba dgag pa byas pas na /de dang 'brel pa'ang rigs pa min/ /bdag gis rab tu byed pa 'dir 'du ba dgag pa byas pas 'du ba
 med par gyur na/ de dag gi 'brel pa yang yod par mi 'gyur ro/ /ji ltar zhe na/ bdag ni rtag pa yin la blo ni mi rtag pa yon pas rtag pa dang mi rtag pa dag mi 'dra ba nyid yin pa'i phyir me dang grang ba bzhin du 'brel pa med pa yin no/ /blo dang 'du ba ji ltar bkag
 pa bzhin du yon tan gyi tshig gi don rnams kyang dgag par 'dod nas smras pa/ bde dang sdug bsngal 'bad dang 'dod/ /ldang la sogs kyang tshul 'di yin/ /ji ltar zhe na/ rtag pa'i bdag la bde mi brten/ /rgyu dang ldan phyir bum pa bzhin/ /yang na bdag gi
 yon tan ni/ /bde ba yin par mi rtogs te/ /skye dang ldan phyir gzugs la sogs/ /de yi yon tan mi 'dod bzhin/ /yang na 'di dag 'du ba ni/ /bdag la yod par ma rtogs nyid/ /ces bya ba la sogs pas sdug bsngal la sogs pa la sbyar
 bar bya'o/ /de bzhin du bdag yod de zhes bya ba'i blo gang dag yod par grags pa de/ spyi? chen po dang 'brel te/ 'byung bar 'gyur ro zhes grag na /spyi chen po dang 'brel pa de ci bdag rang gi ngo bo yod pa zhig yin nam/ rang gi ngo bo med pa zhig
 yin/ de la lhan cig yod chen dang 'brel par/ /yod dang med pa mi rigs so/ /ci'i phyir zhe na/ yod na'ang de sbyor don med la/ /med na de yang med par 'gyur/ /yod pa zhes bya ba'i blo med pa zhig yin na ni spyi yod pa chen po dang 'brel pa
 yod par gyur na/ rang gi ngo bo yod par gyur na/ rang gi ngo bo yod par gyur pa'i phyir bdag la ni yod pa chen po dang 'brel pa med de/ ji ltar grub zin pa'i bum pa la yang bsgrub mi dgos pa bzhin no/ /med na yang yod pa chen po dang 'brel
 pa yod pa ma yin te/ yod pa ma yin pa'i phyir ji ltar mo gsham gyi bu bzhin no/ /gal te bdag yod pa nyid la yod pa chen pos gsal bar byed pa nyid yin gyi yod ba'i ngo bo zhig skyed par byed pa ni ma yin no zhe na/ gsa bar byed pas chos gzhan
 phyir/ de ni gsal byed ji ltar yin/ /khyod kyi bdag ni mi gsal ba nyid yin te/ byas pa ma yin pa nyid yin na de ji ltar yod pa chen pos gsal bar byed pa yin/ /'dir 'di skad du smra bar yang nus te/ gsal pa ma yin pa ni gsal bar bya bar mi
 nus te/ me gsal ba nyid yin pa'i phyir/ dper na nam mkha' i ma tog bzhin no/ /mngon par gsal ba nyid ni rkyen rnyed nas gsal bar 'gyur te/ dper na 'jim pa'i gong bu dang/ dbyug pa dang 'khor lo dang/ rdza mkhan gyi 'dod pa la sog pa la
 rkyen tshogs pa las mngon par grub pa'i bum pa ni/ mar mas gsal bar byed pa bzhin te/ byas pa nyid la mngon par gsal ba mthong bas chos mi mthun pa nyid la mngon par gsal ba grub pa'i phyir/ yod pa chen po ni bdag gsal bas
 byed pa ma yin no /grangs la sogs dang 'brel pa yang/ /'di nyid kyis ni lan btab go /ji skad smras pa'i dpyang pa'i rim pa 'di nyid kyis gcig la sogs pa'i grangs la sogs pa dang skyes bu sbyor bar sgrub par dka' o/ /ji ltar zhe na /yod pa'i
 gcig nyid dang sbyor ram/ 'on te med pa zhig yin /de la gal te yod pa'i gcig nyid grangs nyid kyis gcig nyid dang sbyor ba yin na ni/ yang sbyor ba don med par 'gyur te/ /'on te med pa zhig yin na ni med pa nyid yin te/ mngon
 par gsl bar byed pa dang sbyor ba ma yin te/ rtag pa yin pa'i phyir ro yod pa chen po dang grangs dag sbyor ba med bas? ba'? zhig ma yin gyi /gzhan chig gi don gyi tshogs lhag ma rnams la yang ji ltar rigs par so so tshul 'di nyid kyis lan bar?
 pa yin no/ /zhes bya ba'i tshig gi lhag ma'o?/ /tshig gi don gang yin zhe na/ 'di lta ste rdzas dang yon tan dang/ las dang/ spyi dang 'du ba dang/ khyad par la sogs pa thams cad la yod par gyur pa zhig yod pa chen po dang
 'brel bar 'gyur ram/ med pa zhig 'gyur/ yod pa zhig yin no zhe na yang sbyor ba don med par 'gyur ro/ /med pa zhig go zhe na ni med pa yin pa'i phyir/ lan smras ma thag pa yin no/ /gzhan gyi bsam pa blangs nas smras pa ni/ gal te spyi
 sogs dang 'brel pas /skyes bu spyi dang gcig rtogs par/ de sogs rkyen dang phrad tsam gyis/ /skyes bu 'byung bar 'dod na ni/ skyes bu spyi dang 'brol pa tsam gyis spyi yin par rtogs la/ grangs dang 'brel pas gcig nyid dang/ blo dang
 'brel pas rtog pa yin no/ /zhes bya ba de lta bu la sogs pa'i blo skye ba'i rgyu tsam skyes bu yin no zhes bya ba ni khyod kyis yang dag pa'i tha snyad kyi don du mngon par 'dod pa yin la/ grol ba'i dus na ni/ yod min med min dus ma yin/
 gcig min phra min chen po min/ /'di ni rtag min mi rtag min/ /gzhan min g+han min min de nyid/ /ji ltar bdag bzhin tshig gi don/ /gzhan yang 'di ltar song ba ste/ /'bad nas gsangs su zin kyang ni/ /gzegs zan pa yis
 gsal bar byas/ /blo la sogs pa bdag gi yon tan bden pa'i ngo bo zhig yin na ni/ /yod pa la sogs pa rtag par 'gyur na bdag yon tan dang mi ldan par gyur pa de la ni yod pa dang med pa dang/ gcig dang du ma dang/ phra rab
 dang chen po dang/ rtag pa dang/ mi rtag pa la sogs par don dam par zhi ba yin no/ /bdag 'ba' zhig tu ma zad kyi gzhan yang rdzas dang/ yon tan dang/ las la sogs pa'i tshigi don rnams kyang de bzhin te/ yod pa yang ma yin la/
 med pa yang ma yin/ rtag pa yang ma yin /mi rtag pa yang ma yin no/ /zhes bya ba la sogs pa yin no/ /ji ltar zhe na/ 'di dag bdag dang ldan pa zhig yin na ni rang gi mtshan nyid du grub par 'gyur na/ bdag dang bral bar gyur pas rang gi ngo bo gsung?
 du med par gyur pa la/ yod pa dang/ med pa dang/ gcig dang/ du ma dang/ rtag pa dang/ mi rtag pa la sogs pa lta yod par ga la 'gyur zhes bya ba 'bad nas gsangs shing spas kyang/ gzegs zan pa'i 'dod pa la lugs 'di ltar smras pa
 'dis bdag cag gi lugs kyi rjes su 'brangs nas/ stong pa nyid du shin tu bstan par byas pa yin no/ /bdag cag gi lung las ni 'di ltar 'byung ste/ gzugs ni rtag pa yang ma yin mi rtag pa yang ma yin/ bde ba yang ma yin sdug bsngal ba
 yang ma yin/ bdag kyang ma yin/ bdag med pa yang ma yin no/ /ci'i phyir zhe na/ gzugs nyid kyang med na/ yang rtag pa dang mi rtag par lta ga la 'gyur/ des na rang gi mtshan nyid stod pa nyid kyi phyir/ khyod kyi sna tshogs mang po zhig brjod du
 zin kyang stong pa nyid de nyid rab tu ston par byad pa yin pas kho bo cig 'dod pa kho na/ bsgrubs pa yin no/ /gal te grub pa'i mdza' gcig pa nyid yin pa'i phyir bye brag pa la rab tu grub pa ste/ de kho na nyid mthong ba yin par grub po zhe
 na/ 'di dag mtshan mar 'dzin pa'i phyir/ /de nyid mthong bar mi rigs so/ /mtshan ma mi bden par skyes pa'i/ /ngo bo rtag par mi bden 'dod/ /blo la sigs? pa de rnams mi bden par skyes pa ni mi rtag pa yin pa'i phyir chad pa yin la/ sa la
 sogs pa ni rtag pa'i rdul phra rab dang ldan pas 'byung bas rtag par 'dzin pa yin te/ des na rnam pa 'di gnyi ga yang mtshan mar lta bas legs pa ma yin te/ mthar lta ba yin no zhes bya bar bsams pa'o/ /gal te 'di'i don ni brjod par bya ba ma yin
 na yang spyi zhes bya ba'i dngos po ngon dang 'brel par gyur pa la spyi zhes brjod par bya ba yin gyi de yod pa la sogs pa'i ngo bor gyur pa ni ma yin no zhe na/ de la brjod par bya ste/ bdag las tha dad gyur pa'i don/ /de dang 'brel bar mi
 'dod de/ /yod pa'i blo phyir blo spyi la /spyi zhes bya bar 'dod pa bzhin/ /bdag las tha dad pa'i spyi zhes bya ba dang 'brel bas bdag yod do zhes bya ba'i blo mi 'byung ngo zhes bya ba ni phyogs so/ /bden pa'i blo yin pa'i phyir zhes bya ba ni gtan tshigs te/
 gang dang gang bden pa'i blo 'byung ba de la/ de las gzhan pa'i don dang 'brel pa ma mthong ste/ ji ltar yod pa chen po de nyid la spyi zhes bya ba'i blo 'byung ba de bzhin no/ /de bzhin grangs sogs 'brel pa yang/ /bdag gam gzhan pa la la la/ /mkhas
 pas ji ltar rigs pa bzhin/ /blo de min par rtogs par bya/ /gang yang grangs gcig dang ldan pa las bdag kyang gcig ces rjod par byed kyi yang de nyid ni gcig kyang ma yin du ma yang ma yin no/ /de bzhin du blo dang yang dag bar ldan pa las
 rtogs pa zhes bya ba la sogs pa yin no/ /yang gzhan sa la sogs pa yang grangs dang mchungs par ldan pa las gcig la sogs pa'i sgras brjod pa yin gyi de rang nyid kyis ni gcig gi ngo bo yang ma yin la/ du ma'i ngo bo yang ma yin na/ /thaMs cad
 du yang tshul 'di nyid kyis mkhas pas dgag par bya ba yin no/ /ji ltar zhe na/ grangs dang mtshungs par ldan pa las/ /bdag dang sa la sogs pa las gcig la sogs pa'i blo 'byung bar mi rigs te/ blo yin pa'i phyir/ dper na
 grangs de nyid la grangs dang mtshungs par ldan pas gcig la sogs pa'i blo 'byung ba yin pa bzhi mo/ /gzhan yang bdag ni blo dang sdug bsngal dang/ bde sogs yon tan dang mi 'bral/ /yon tan yin phyir grangs bzhin no/ /de phyir yon tan/
 med bdag min/ /blo ngang bde ba dang/ sdug bsngal dang/ 'dod pa dang /zhe sdang dang/ 'bad pa dang/ chos ma yin pa dang/ chos dang shes pa dang byas pa'i shugs zhes bya ba bdag gi yon tan kun ni chos can no/ /de don dam par bdag dang mi 'bral te zhes bya ba
 ni chos so/ /yan? tan yin pa'i phyir zhes bya ba ni gtan tshigs so/ /gang dang gang yon tan yin pa de ni de kho na nyid du bdag dang mi 'bral te/ dper na grangs bzhin no/ /grol bar gyur pa na yang bdag nyid yin pas grangs kyi gcig las grol bar mi 'gyur ba bzhin
 du/ /blo la sogs pa las kyang thams cad du gral bar mi 'gyur ba bzhin du /blo la sogs pa las kyang thams cad du grol bar 'gyur ba ma yin te/ bdag yon tan dang bral ba nyid du ma grub pa'i phyir ro/ /gang yang yid rang gi bdag la gnas pa na thar pa
 yin no zhes zer ba de la yang/ yul dang ngo bo dbyer med kyang/ /gang zhig rang gi bdag nyid 'gyur/ /bdag dang sbyor bar 'dod pa las/ /dran nas shes pa kun tu 'byung/ /bdag gzugs dang ldan par gyur na mi phyogs dang yang ldan par 'gyur la/ /phyogs
 dang ldan pa'i bdag rang nyid yid rang nyid gnas par gyur na/ phyogs dang mi ldan pa'i bdag la ci ltar yid rang nyid la gnas par 'gyur /gang gi tshe bdag nyid phyogs kyi rang gi gnas la yid sbyor bar gyur na ni 'khor ba'i dus na ni dran pa dang/
 shes pa 'byung bar 'dod la/ thar pa'i dus na ni rnam par mi rtogs pa'i ye shes 'byung bar 'gyur ro/ /zhes bya ba'i 'dod pa nyams pa yin no/ /phyogs cha dbyer med pa yin pa'i phyir na yang/ ma mthong nges pa'ang sngar bzhin du/ /thal 'gyur lan
 yang 'di la yin/ /med pa'i skye ba bkag pas na/ /nga yi sbyor ba'ang mi 'dod do/ /ma mthong ba'i ngas pa ni chos la mngon bar sbyor ba na chos ma yin pa spangs pa'o /de ni phyogs cha med pa'i bdag la mi rigs/ /chos dang bdag gnyis sbyor ba
 'gyur na yang/ ci phyogs gcig gis sbyor ram/ 'on te bdag nyid thams cad kyis yin /de la phyogs gcig gis sbyor ro zhe na ni/ phyogs gcig pa yin pa'i phyir bum pa la sogs pa bzhin du mi rtag pa nyid yin no/ /bdag
 nyid thams cad kyis sbyor ba yin na ni gcig chos dang ldan par gyur pa na kun kyang chos dang ldan par 'gyur la/ gcig chos ma yin pa dang ldan par gyur pa na thams cad kyang chos dang mi ldan par 'gyur ba la sogs pa ji ltar grangs can gyi de kho na
 nyid la 'jug par smras pa de bzhin du 'dir yang sbyar bar bya'o/ /med pa la ni skye ba yang med par bdag gis sngar bsgrubs zin pas skye ba med pa'i phyir yid dam ma mthong ba'i skyon med pa ji ltar bdag dang sbyor bar 'gyur/ gzhan yang/ yid
 dang bdag gi med pa la rten dang brten par mi 'dod do/ /bdag dang yid ni yod na'ang/ /rten dang brten par mi 'dod do/ /re zhig bdag med ni med de/ /dmigs par ma gyur pa'i phyir ro/ /yid kyang med de/ ma skyes pa'i phyir ro/ /yod pa ma
 yin pa'i bdag dang yid dag rten dang brten par ji ltar 'gyur/ yang gal te bdag dang yid ni yod do zhe na /de lta na yang 'di dag rtag par mi 'gyur ba'i chos can yin pas/ rten dang brten pa'i ngo por ji ltar 'gyur/ des na thar pa rgyu
 med par bstan pa yin te/ rnam rtog rgyu mtshan bcas pa'i phyir/ /rdzas sogs mthong bas grol bar ni/ /ji ltar 'ug pa mi 'dod pa/ /rnam rtog thams cad dang bral ba shing zad pa'i me bzhin du yongs su 'da' bar 'dod pa ni khyod
 kyis 'dod pa yin no /rnam par mi rtog pa de yang rdzas la sogs pa tshig gi don 'dzin par byed pas yod pa ma yin no/ /des na gang thams cad mthong bar 'dod pa'i thug pa 'ug pa yang re zhig grol bar gyur pa ma yin te/ rdzas la sogs pa
 rtogs pas rnam par rtog ba'i rgyu mtshan dang bcas pa'i phyir na/ yang de'i gzhung gi rjes su 'brang ba 'ug pa rnams rdzas la sogs pa'i tshig gi don de kho na nyid du goms par byas pas thar pa grub par 'gyur ro zhes bya ba ni srid pa ma yin no zhes bya bar bsems pa
 yin no/ /gzhan yang /sa sogs de nyid 'byung ba'i blo/ /thar pa min par gzegs zan 'dod/ /khyad par ngag ni mi 'dzin phyir/ /'tsho ba'i de nyid blo bzhin no/ /sa la sogs pa'i de kho na nyid ni sa la sogs pa'i de nyid de/ rdzas dang/ yon tan dang las
 dang ? 'du pa dang/ spyi dang /khyad par zhes bya ba'o/ /sa la sogs pa'i de kho na nyid la 'jug pa'i blo ni sa la sogs pa'i de nyid 'byung ba'i blo zhes bya ba ste /chos can no/ /de ni grol ba'i yul ma yin pas gzegs zan la sogs pa'i de kho na nyid ni blo nyid du
 mi rigs pa de ni de'i chos so/ /kun tu 'dzin pa ni nye bar len pa'i khyad par gang la yod pa de ni kun tu 'dzin pa'i khyad par te/ de'i ngo bo ni kun tu 'dzin pa'i khyad par nyid de/ /de'i phyir kun tu 'dzin pa'i khyad par nyid ces bya'o/ /gang dang gang kun tu 'dzin pa'i
 khyad par yin pa de ni gzegs zan la sogs pa'i grol bI ste/ de ni rigs pa ma yin te/ 'di lta ste /dper na 'tsho ba dang /zag pa dang /sdom pa dang/ rgas pa med pa dang /'chi ba dang/ las dang/ sdig pa dang/ bsod nams dang/ thar pa zhes bya
 ba'i tshig gi don dgu la dmigs pa gcir pur spyod pa rnams kyis de kho na nyid kyi blo bzhin no/ /rab tu byed pa yongs su rdzogs pa'i mdor bsdus pas gzegs zan la sogs pa'i mdza' spang ba'i phyir/ smras pa/ bye brag pa yi de nyid la'ang/ /lta ngan rab rib
 skyes pas na/ /des na rigs pa dang bral phyir/ /blo ni dga' bar mi bya'o/ /lta ba ngan pa nyid rab rib yin pas lta ngan rab rib ste /mun pa'i bdag nyid yin pa'i phyir ro/ /gang la 'dir lta ba ngan pa'i rab rib kyi ngang tshul yod pa de ni bya brag pa'i mngon par 'dod
 pa'i de kho na nyid de/ ji skad smras pa'i dbyad pa'i rim pas rigs pa dang bral ba yin pa'i phyir/ kho bo cag bde bar gshegs pa'i bstan pa la dmigs pa rnams kyi blo ni de la dga' bar mi 'gyur ro/ /des na ji skad du /sa las/
 gzhan pa'i gzugs la sogs/ /gang dag ma mthong ba deg ces/ /mngon sum la yang slu byed na/ /lkog tu gyur la de ci ltar/ /ji ltar dkar po nges pa la/ /ci yin zhes ni rtog byed cing/ /lkog tu gyur pa'i rdzas gzhan cig /yod ces rtog par
 byed pa grag /rmongs pa 'di ni mi shes pas/ /ji srid gzugs kyi bsags pa la/ /bsags zhes 'du shes rgyas 'byung ba/ /mthong la de dag the tshom za/ /sor mo gnyis las gzhan gyur pa'i/ /sor gnyis zhes bya gzhan yod na/ /ngos na gnas
 pa gcig nyid las/ /gzhan pa'i sor mo gnyis mi dmigs/ /de yi phyed? ni deng? yod pa/ /ma yin yin na phyed gnyis 'gyur/ /sor mo de nyid kyi phyed pas/ /des na phyed por 'jug ma yin/ /brten ni bzung ba med pas na/ /rdzas bzung bar mi 'do?
 ce na/ /rdul gcig rdul gnyis kyis brtsams pas/ /'dzin pa med pa ma yin nam/ gzugs dang rigs kyi khyad 'phags pa'i/ /rked pa las ni gos byas pas/ /de las gzhan pa'i sna tshogs can/ /gzugs dang rigs su rtogs par
 byed/ /de bzhin mud dga' chu dang tsha/ /sogs las gzhan pa'i chong ma yed/ /mtshon cha las gzhan mdung yang min/ /gseng dang shing las gzhan khyi med/ /steng 'og 'byung dang gnas ba dag /phyags gcig gos la gnas pa yin/ /lus
 las gzhan pa'i 'gro ba dang/ /gnas pa zhes bya ba 'ga' yang med/ /gang phyir yul kun bsten pa yi/ /yul can nyams pa'ang mi 'dod do/ /yul rnams 'gro las bzlog pa'i phyir/ /brgyang bskum sogs kyang ma yin no/ /bya ba byed pa'i rtsom pa dang
 srad las gzhan pa'i smra ba ni/ /mig 'khrul mkhan las gzhan pa yi/ /rab tu grags pa mi 'grub po/ /mi rtsom zhen gang ji ltar/ /'du ba'i bya ba dag dang rgyur/ /byed par gnas par mi rigs te/ /de ltar yon tan las yang ngo/ /rtsom pa'i rgyu phyir ma nyams
 la/ /cha shas kyis ni gnas na yang/ /bya ba dang ni mi 'gal nyid/ /gos kyi phyed dang nye bar gnas/ /de bzhin mar me dang sbyor bas /gzugs gzhan nyid du 'gyur 'dod ltar/ /rdzas gzhan ngag gi khyad par gyis/ /gsal bar byed pa yod min no/ /de ltar mig gis
 mthong don la'ang/ /rtog ge ngan pas nyams pa'i sems/ /ji bzhin don du mi mthong na/ /rang la ji ltar sems par byad ces bya ba lta bu ste/ de lta bas na sngar bstan pa'i de kho na nyid ni /rigs pa dang mi 'gal ba yin pa'i phyir dga' ba skyed par byed pa yin no// //
 dbu ma'i snying po'i 'grel ba rtog ge 'bar ba las/ /bye brag pa'i de kho na nyid la 'jug pa ste le'u bdun pa'o/ //de nas da ni rig byed kyi mdza' smra ba'i de kho na nyid gtan la dbab pa la 'jug pas le'u brgyad pa brtsam
 par bya'o/ /de la rig byed mthar smras smras pa ni/ /'dus byas stong par smra ba yi/ /phyi rol pa la bdag rig dkon/ /bdag sdang thar pa ga la yod/ /rig pa'i mthar phyin pa ni rig byed mdza' pa ste /chags pa med par nges par rig pa'o/ /de smras pa'i dang
 tshul ga la yod pa 'am /tshig de gang la yod pa ni rig byed kyi mthar smra ba'o/ /de dag ni 'di skad smrad ste/ rig byed kyi mthar lta ba las gzhan pa phyi rol gyi bstan bcos la bdag rig pa yang shin tu dkon/ /bdag la snang ba'i sangs rgyas pa rnams
 gang la brten nas thar pa thob par 'gyur/ /gang gi phyir de dag ni 'dus byas thams cad stong pa'o snyam du sems shing 'dus byas stong pa ngo bo nyid dang/ bral ba ni skad cig skad cig la 'jig pa yin pas su zhig bcings shing grol bar 'gyur/ /bdag rtag
 rtag pa'i ngo bo ni de'i rten yin pa'i phyir bcings pa dang grol bar rig pa'i ngo bo yin pas des na rig byed las grags ba'i skyes bu ni nye bar bsngags par bya ba yin pas/ /mun ba las gzhan skyes bu na/ /rgyan? par gyur pa nyi ma'i
 'od/ /dbang phyug chen po bdag de nyid/ /mkhas bas shes na 'chi med 'gyur/ /mi bde bar gyur cing mi bde bar byed pas na mun pa st/ /rgyu dang 'bras bu'i cha bsags pa nyid kyi khams gsum du srid pa'o/ /khams gsum zhes bya bar grags pa'i
 mun pa de las gzhan ba ni khams gsum las 'das pa zhes bya ba'i tha tshig go /sa'i dkyil 'khor las shin tu 'das pa na mun pa'i dkyil 'khor ro/ /mun pa'i dkyil 'khor las shin tu 'das pa na/ skyes bu gnas pa yin te/
 /skyes bu drang srong chen bo nyi ma'i mdog /mun ba las gzhan gyur pa de rig na/ /'chi ba med bar 'gyur te bdag gis rtogs/ /skye med gnas 'gro ba la lam gzhan med zhes bya ba'o/ /'jig pa'i sngon rol nas yod pa 'am/
 gnyid log ba las gzhan yin ba'i phyir skyes bu 'am/ skyong bar byed pa 'am/ 'gengs par byed bas na skyes bu'o/ /chen por gyur pa ni thams cad las lhag pa yin pa'i phyir ro/ /kha dog sna tshogs can yin pa'i phyir nyi ma'i 'od
 do/ /nyi ma ni 'od sna tshogs can yin te/ 'di ltar dkar po dang/ sngon po dang/ dmar po dang/ ba bla dang/ yung ba dang/ phug ron? dang/ btsong dang/ ga bi tsa la'i kha dog 'dzin pa'o/ /ci'i phyir nyi ma'i 'od zer 'di dang/ dang ldan
 ce na/ lha thams cad kyi bdag nyid yin pa 'am/ dbang phyug chen po'i ngo bo yang 'di yin pa'i phyir ro/ /gang 'dir nyi ma'i dkar po'i ngo bor 'dug pa'i ni zla ba'i bdag nyid yin no/ /gang me lha dang zla ba gnyis las ni chu'i mdog go /gang nor?
 lha dag gis brten ba las ni de dmar bo'o/ /gang ru tra bde byed dag gi bdag nyid yin bas ni dkar la dmar ba'o/ /gang dbang po yin pa las ni du ba lta bu'o/ /gang bshes gnyen yin pa las ni yung gi mdog go /gang bshes gnyen dang chu lha yin pa'i bdag
 nyid las ni rdul dang yud gi mdog go /gang dgar ka nyid kyi ni smug por ro/ /gang sna tshogs kyi lha yin pas ni myur ba'o/ /gang dbang phyug yin pa de las ni tshangs pa'i mdog go /a ta zhes bya ba rtag tu 'gro ba ste/ 'byung po thams cad rtag tu 'dir 'gro
 ba 'am/ 'byung po thams cad la rtag tu 'dir 'gro bas bdag go /de nyid ni kun la khyab pa yin pa'i phyir chen po'o/ /dbang phyug ni 'jig rten thams cad las 'das pa'o/ /de lta bu'i rnam pa can nyid kyi skyes bu/ rnal 'byor pa gang gis lha'i mig
 gis mthod ba de ni 'ching ba las shin tu 'das nas rga ba dang/ 'chi ba med pa thob par 'gyur ro/ /skyes bu ni kha dog sna tshogs can yin na yang de lta na yang grol bar gyur pa'i dus na rnal 'byor pa'i mtshan ma 'di yin te/ byed po dbang phyug
 gser mdog tu/ /gang zhig mthong zhing lta ba de/ /sdig dang bsod nams las 'das nas/ /mchog tu zhi ba thob par 'gyur/ /gser ni sa le sbram ste/ de dang 'dra ba'i mdog can gyi bdag gang yin pa de yang dag par brtags nas bsam gtan gyi
 mig gis mthong bar gyur ba na bdag gis dbang phyug chen po mthong ngo zhes 'di ltar nges bar bya'o/ /de lta bur mthong ba na sdig ba dang bsod nams kyi bdag nyid dang/ gnyi ga'i ngo bo'i 'ching ba rnams bcang naS mchog ste/ khyad par can ni zhi ba
 ste zhi ba'i ngo bo nyid bya ba thams cad las log pa rnam par mi rtog ba nyid thob par 'gyur ro/ /'di 'jig rten gsum las shin tu 'das pa yin na byed pa po ji ltar yin/ ring nas gnas pa yin na gang gi dbang phyug yin zhe nas rid na gnas su
 zin kyang kun la khyab pa nyid du smras pa/ byung gyur byung dang byung ba dag /thams cad skyes bu yin 'dod de/ /de ni phyi nang ring ba dang/ /de ni nye dang de las byed/ /gang mi la sogs pa 'das par gyur pa dang/ da ltar byung ba mthong bar gyur
 ba'i gzugs dang/ gang phyis 'byung bar 'gyur ba de thams cad skyes bus byin gyis brlabs nas gnas pa 'am/ khams gsum thams cad la 'dis khyab pa yin te/ gang gi phyir steng gi phyogs ni 'di'i mgo bo'o/ /'og gi phyogs ni rkang pa'o/ /
 nam mkha' ni lto'o/ /phyogs rnams ni lag pa'o/ /gza' dang rgyu skar rnams skra'o/ /ri bo rnams ni brang ngo/ /ri'i phreng ba ni rus pa'o/ /chu klung rnams ni rtsa'i dra ba'o/ /nags tshal rnams ni spu dang sen mo'o/ /rgyab ni mtho ris kyi 'jig rten no/ /dpral
 ba ni tshangs ba'o/ /chos dang chos ma yin pa ni smin ma gnyis so/ /khro gnyer ni 'chi bdag go /nyi zla ni mig gnyis so/ /dbugs dbyung ba dang rdub ba ni rlung ngo/ /ri bran rnams ni so'o/ /lce ni dbyangs can ma'o/ /oM zhes bya ba'i yi ge dang/
 ba sha tha zhes bya ba'i yi ge ni chu gnyis so/ /mig phye ba dang btsums pa ni dus so/ /g.yon pa'i phyogs ni bud med do/ /g.yas pa'i phyogs ni skyes pa'o/ /'jig rten dang 'jig rten ma yin ba ni nu ma'i bar ro/ /sor mo rnams ni ri'i bar ro/ /
 pus mo gnyis ni gser 'dab gnyis so/ /rje ngar gnyis ni tha skar gyi bu gnyis so/ /rked smad ni nyin zhag go /mje rlig ni dbang po'o/ /dga' ba'i rang bzhin ni skye dgu'i bdag po'o/ /rkang pa gnyis ni khyab 'jug go/ /kha dog rnams ni khrag go /de ni phyi
 dang nang dang ring ba dang nye ba na gnas pa yin pas dus thams cad du 'gro ba dang/ 'ong ba dang smin par bya ba la sogs pa rnams la 'jug ba nyid yin no/ /gal te gcig nyid yin na bya ba du ma rnams la 'jug pa dang/ mi zad par 'gyur ba nyid
 ji lta bu yin zhe na/ dpe'i sgo nas sgrub par byed de/ srid pa sna tshogs de las skyes/ /dar gyi srin bu'i skud pa bzhin/ /ji ltar srin bal byed pa'i srin bu srin bal gyi snal ma mang po skyed par byed kyang 'gyur ba yang med la/ zad ba yang med pa de bzhin du skyes bus
 khams gsum du skyed par byed du zin kyang 'gyur ba yang med la /zad pa yang med pa yin no/ /'di ni srid pa 'ba' zhig gi rgyur ma zad kyi/ srid pa dang bral ba'i yang byed pa po yin no zhes smras pa/ mkhas pa de'i char thim pa/ /yang srid len par mi
 'gyur ro/ /gang gi tshe mkhas pa bsam gtan la rnal 'byor pas blo gros kyi mig gis de mthong bar gyur pa na/ de nyid du thim par 'gyur gyi/ de ni sdig pa thams cad spangs pa yin pas yang srid kyi 'gro bar skye zhing sdug bsngal gyi snod du 'gyur ba ma
 yin no/ /yang gang gi phyir rnal 'byor pas skyes bu ma mthong na bdud rtsi 'thob pa ma yin pas /'di'i rgyu smras pa/ 'chi bcas rnams la bdud rtsi med/ /me la grangs pa ji bzhin no/ /des ni 'dud rtsi skyes bu nyid/ /ma rtogs bdud rtsi yod mi rigs
 'chi bar 'os pa 'am/ 'chi ba yin pas na 'chi bcas te 'jig rten thams cad do/ /de ni ngo bo nyid kyis rtag tu 'chi ba yin bas bdud rtsi nyid yin par mi rigs te/ de'i ngo bo nyid ma yin pa'i phyir me'i rang bzhin tsha ba nyid grang ba'i ngo bo ma yin
 pa bzhin no/ /de'i phyir na 'chi bdag gi yul las 'das pa'i skyes bu rtog par ma gyur pa 'chi ba dang bcas pa rnams kyi bdud rtsi 'thob par mi rigs so/ /'di ni mthu che ba nyid bsngags bar bya ba'i phyir/ gang las mchog gyur gzhan med phyir/
 gang las dam pa gzhan med la/ /'di las phra gyur gzhan med pas/ /sna tshogs 'di dag rgyu gcig nyid/ /gang gi phyir mchog tu gyur pa nyid dang/ dam par gyur pa nyid dang gtso bor gyur pa nyid dang/ phra bar gyur pa nyid 'di las gzhan med do
 de lta bu'i yon tan brgyad dang ldan pas phyug par gyur pa'i rnal 'byor pa nyid bstan pa/ de ni phra dang rags dang ldan/ /yang ldan gtso bo dbang sgyur ba/ /rab phye 'dod pa'i mthar thug gang/ /rnal 'byor ji ltar 'dod
 par 'gro/ de ni gcig nyid yin yang khams gsum sna tshogs bsdus pa'i bdag nyid yin no/ /der ni 'byung ba thams cad kyang/ /bdag nyid du ni 'dus par ma thong/ /g.yol dang mi g.yo ba'i 'byung ba thams cad kyang bdag de nyid
 kyi khongs su 'dus par gyur pa yin no/ /gzhan yang bdag de nyid mthong ba na/ /byis dang mkhas pa dang gdol pa dang/ /bram ze sogs rnams mnyam ba nyid/ /sdig dang bsod nams khyad par med par gyur pas mnyam pa yin no zhes bya
 bar sbyar ro/ /gal te 'ba' zhig 'di skad du/ gang skyes bu ni thams cad du khyab pa/ /gcig nyid yin la de las lha dang mi la sogs pa 'gro ba rnam pa sna tshogs kyi lus rnams 'byung bar 'gyur ba yin na/ ji ltar lus can
 bzhin du mi rtag pa dang/ thams cad du ma khyab pa'i ngo bor mi 'gyur zhe na/ de la lan gdab bar bya ba'i phyir smras pa/ bum pa 'byung zhing 'jig pa ltar/ /nam mkha' de yi bdag nyid min/ /lus can 'byung zhing 'jig pa ltar/ /de
 bdag yin pas bdag mi 'dod/ /ji ltar bum pa dang rdza bo la sogs pa 'byung zhing 'jig par 'gyur ba na nam mkha' ni bum ba'i rang bzhin du 'gyur ba ma yin pa ltar de bzhin du skyes bu yang lus can rnam ba sna tshogs kyi dbye ba skye zhing 'jigS
 pa nyams su myong du zin kyang lus can gyi ngo bo nyid du ni gyur pa ma yin no/ /gzhan the tshom za ba bzlog par bya ba'i phyir nam mkha' i dpe grub par ston pa/ buM pa'i nam mkha' i bzhin du gcig/ du ma'o/ zhen buM pa dag/ chag na dbyer med gcig nyid du/ thaM cad mnyam par
 'gyur bar 'dod/ /gang khyod kyi nam mkha' gcig nyid yin yang bum pa che chung la sogs pa'i dbye bas tha dad pa nyid du 'gyur ba ltar bdag kyang de dang 'dra'o zhe na/ de ni mi rigs te/ bum pa thams cad kyi nam mkha' la khyad par med pa nyid yin te/ bum pa
 gcig chag par gyur pa'i nam mkha' dang bum pa gzhan chag pa'i nam mkha' khyad par med pa de bzhin du bum pa thams cad kyi nam mkha' yang yin la/ de bzhin du bdag kyang lus can thams cad la khyad par med pa yin pas lus tha dang na yang bdag ni
 thams cad la mnyam par yod pa'i phyir bum pa'i nam mkha' i dpe ma grub ba ma yin no/ /yang tshul gzhan gyis bdag gcig pa nyid du sgrub pa'i phyir/ /ji ltar bum sogs tha dad kyang/ /sa la tha dad 'ga' yang med/ /de bzhin lus ni tha dad kyang
 bdag la tha dang 'ga' yang med/ /ji ltar bum pa dang kham phor la sogs pa rdzas tha dad du yod du zin kyang/ de'i rgyur gyur pas yin pa la dbye ba 'ga' yang med pa de bzhin du lha la sogs pa'i lus kyi dbye ba yod du zin kyang bdag la ni dbye ba
 'ga' yang med do/ gzhan yang/ ji ltar bum pa'i nam mkha' gcig/ rdul dang du bas bsgribs pan/ /thams cad de bzhin ma yin ltar/ /bde sogs de bzhin bdag la min/ /gang sangs rgyas las bdag tu smra ba rnams la sngar smras pa'i skyon bdag
 thams cad du khyab pa yin na/ gcig bde bar gyur pa na thams cad kyang bde par 'gyur ro/ /zhes bya ba la sogs pa 'dir spang bar bya ba'i phyir smras pa/ nam mkha' ni kun la khyab pa yin yang bum pa gcig gi nang gi nam mkha' rdul dang du ba
 la sogs pas bsgribs pa na bum pa thams cad kyi nam mkha' bsgribs bar gyur pa ma yin zhing/ gcig bsgribs pa dang bral bar gyur pas thams cad bsgribs pa dang bral ba ma yin pa de bzhin du/ 'dir skyes bu gcig bde ba dang ldan par gyur
 pa na thams cad bde ba dang ldan par gyur pa ma yin zhing/ /gcig sdug bsngal bar gyur pa na thams cad kyang sdug bsngal par gyur pa ma yin pa bzhin no/ /yang ji ltar 'di dag so so'i rgyud la bde ba dang/ sdug bsngal 'byung
 bar 'gyur ba yin zhe na/ smras pa/ bdag ma shes shing ma rtogs pas/ /rmi lam longs spyod nga rgyal bzhin/ /las rnams sogs shing dge ba dang/ /mi dge'i 'bras bu spyod pa yin/ /ji srid du 'dis bdag mthong bar ma gyur cing bdag ma shes
 pa de srid du/ rmi lam gyi nang du mi bden ba'i gzugs la sogs pa la nye bar longs spyod par nga rgyal byed pa de bzhin du/ bdag kun nas mi shes pa nyid kyang dge ba dang mi dge ba'i las bsags nas/ dge ba dang mi dge ba de'i 'bras bu nye
 bar longs spyod bar byed pa yin no// //dbu ma'i snying po'i 'brel pa rtog ge 'bar ba/ /bam po nyi shu gnyis pa/ /skye sbu ni byed pa bo dang spyod ba po nyid yin te/ sdig pa dang bsod nams nye bar sogs par byed pa dang/
 nye bar spyod par byed pa yin pa'i phyir/ sdig pa la sogs pa'i byed ba po yod pa'i skyon yod par 'gyur ro zhe na/ lus la gnas kyang ma chags dang /spyod par byed kyang mi dgos te/ 'dod bzhin spyod kyang rgyal po bzhin/ /sdig pas
 gnod par mi 'gyur ro/ /ji ltar 'dis lus thams cad la gnas pa yin du zin kyang de lta na yang ma chags pa nyid yin pa dang/ yul rnams la spyod du zin kyang yul gyis kyang gos pa med de/ ji ltar rgyal po 'dod pa bzhin
 du spyod du zin kyang phyir gnod pa byed ba med pa de bzhin no/ /'di yang thams cad kyi dbang phyug yin pa'i phyir sdig pa spyod du zin kyang sdig pa'i 'bras bu'i snod du ni mi 'gyur ro/ /de bzhin du ji skad bstan ba'i rim bas/ gcig bu
 kun khyab rtags ste/ /tshangs mchog 'chi ba med pa'i gnas/ /rnal 'byor pa yi goms byas nas/ /de ni yang srid len mi 'gyur/ /lus thams cad kyi dbang phyug yin pa'i phyir gcig pa'o/ /'gro ba thams cad la khyab pa yin pa'i phyir kun khyab po/ /
 nyams pa med pa'i phyir rtag pa'o/ /mya ngan las 'das pa'i bdag nyid yin pa'i phyir tshangs pa'o/ /phul du byung ba yin pas mchog go /thog ma dang tha ma med pa'i phyir 'chi ba med pa'o/ /dmigs pa'i gnas yin pa'i phyir gnas so/ /rnal 'byor ba ni bsam
 gtan gyi sbyor bas dmigs par byed pa ste/ 'di ltar nges par goms par byas pa na 'di lta bu'i tshangs pa kun tu rtogs pa yin te/ des na de'i yang srid ldog par 'gyur ro/ /dge ba dang mi dge ba sogs pa dang nye bar spyod pa log par gyur pa'i
 bdag de'i mtshan nyid nye bar bsdags pa ni/ de ni rtag par rtog med pa/ /gang gi spyod yul gang ma gyur/ /blo ni dbye bas phrog rnams kyis/ /de la tshig tu sbyor bar byed/ /tshangs pa de ni dus thams cad du rnal 'byor pa rnams kyis dmigs par
 bya ba yin pa'i phyir rtag pa'o/ /dbang po dang rnam par shes pa las gzhan nyid yin pa'i phyir rtog pa med pa'o/ /blo dag gi spyod yul du gyur pa ni tshig brjod pa rnams kyi yang yul yin par 'gyur la/ blo'i spyod yul du ma gyur ba nga nyid de ni
 tshig gi sbyor yul yang ma yin no/ /'on kyang dbye bas phrogs pa ni dbye ba la nye bar song ba'i blo ste /de gang la yod pa ni blo ni dbye bas phrogs pa'o/ /des de la tshangs pa'o/ /zhes tshug sbyor bar byed de/ 'di lta ste/ bdag dang/ skyes bu
 dang/ dbang phyug dang/ kun la khyab pa dang/ rtag pa zhes bya ba la sogs pa'i bar ro/ /ci'i phyir zhe na /kun tu tha snyad du bya ba'i phyir te/ gzhan dag gi don ji lta ba bzhin du rtogs par 'gyur zhes bya bar ro/ /'di'i ngo bo ni brjod par
 bya ba ma yin pa nyid yin te/ rig byed las rang byung byed pa med pa bong tshad med pa ste/ mun pa las gzhan pa'i skyes bu ni /skyes bu drang srong chen po nyi ma'i mdog /mun pa las gzhan gyur pa de rigs na/ /'chi ba
 med par 'gyur te bdag gis rtogs/ /skye med gnas 'gro ba la lam gzhan med/ ces bya ba dang de bzhin du/ de ni phra gyur skye gnas rnams na gcig pu gnas/ /de ni rgyas pa 'di dag yang dag bsags pa yin/ /de ni gtso bo mchog dang
 lha dang bstod bya ste/ /bdag nges bzung nas shin tu zhi bar 'gro bar 'gyur/ /gang las mchog tu gyur ba gzhan pa 'ga' yang med/ /gang las phra dang gtso bor gyur pa gzhan pa 'ga' yang med/ /ma bkag bsgribs pa med par
 rgyas/ /phra ba las kyang phra zhing che bas che/ /'gro rnams rgyas/ /phra ba las kyang phra zhing che bas che/ /'gro rnams bdag gis yon tan khyab nas gnas/ /mya ngan bral bas mchod sbyin med par mthong/ /khams rnams dang ba
 gtso bo'i che ba nyid/ /de bzhin du/ lus med pa yi lus la ni/ /kun tu gnas med gnas pa ni/ /chen po gtso bo'i bdag nyid de/ /shes nas mkhas pa mya ngan med/ /de bzhin du/ g.yo ba de yin mi g.yo de/ /ring ba
 de yin nye ba de/ /nang yang de yin thams cad kyis/ /gnyi ga de yin phyi rol nyid/ /de bzhin du/ dar gyi srin bu'i snal ma bzhin/ /chu shel nor bu'i chu bzhin du/ /n+ya gro yan lag drug rgyu bzhin/ /de ni lus can kun gyi rgyu//
 zhes bya ba la sogs pa rigs byed kyi lung las mthong ba'i tshad mas skyes bu mthong ba zhes bya ba ni de kho na nyid yin te/ gzhan gyis nyams par bya bar mi nus so zhes bya ba ni rig byed kyi mdza' smra ba rnams kyi bkod pa'i phyogs snga ma yin no//
 de la lan brjod par bya ba'i phyir bstan bcos byed pas smras pa/ phyogs su lhung ba ma yin pas/ /'dir ni 'di yang 'di ltar dpyad/ /phyogs la chags pas bsgribs pa'i blos/ /ji ltar bden pa'ang rtogs mi 'gyur/ /'dir ni zhes bya ba ni rig byed kyi mdza' 
 smra ba rnams kyi bkod pa'i phyogs snga mar ro/ /'di yang zhes bya ba'i sgra ni sngar bstan pa'i rab tu byed par dpyad par byas pa yang nye bar bsdu pa'i don to/ /'di ltar zhes bya ba 'di ltar brtags par bya/ 'di ltar brtags par bya/
 'di ltar dpyad par bya zhes bya ba'i tha tshig go/ su zhig dpyod par byed ce na/ gang dag rang dang gzhan gyi phyogs la rigs sam mi rigs pa dpyad pa byas nas rjes su chags pa dang khong khro ba mi 'byung ba'o/ /de ci'i phyir zhe na/ gang gi phyir phyogs su
 lhung bas dri ma can du byas pa'i sems kyis ni skyon med pa'i tshig dag la yang yid ches par mi 'gyur te/ rang gi phyogs la chags pa dang bcas pa'i phyir ro/ /de kho na nyid kyi shes pa 'tsho la ba'i rab tu byed pa dang/ grangs can dang bye
 brag pa'i de kho na nyid brtag pa'i dbang du byas nas/ bdag yod pa ni bkag pas ni/ /'gro ba'i rgyu yang de bzhin to/ /des na de mthong grol ba ni/ /mi bden par ni rab brtags nyid/ /bdag yod pa nyid du yang bsgrub par shin tu dka' ste/
 ji skad du sdang bstan pa'i rig pas yod par yang ma grub na/ bden pa ma yin pa de mthong baS yang dag par grol bar lta ji ltar 'gyur/ yod pa ma yin pa'i ri bong gi rwa ni dmigs par 'gyur ba ma yin pa bzhin du de mthong bas kyang grol bar 'gyur
 ba ma yin no/ /skyes bur blta ba la skyon chen po 'di yang yod de/ byol song rnams la 'jigs tshogs lta/ lhan cig skyes yod zhi ma gyur/ /kun nyon mongs kun rtsa ba'i phyir/ /de nyid khyod kyis shin tu sbel/ /sdug bsngal bar 'gyur bas na
 'jigs pa yin la bsags pa na tshogs te/ de ni 'jigs pa yang yin la /tshogs pa yang yin pas 'jigs tshogs so/ /de la gang mngon par zhes pa ni 'jig tshogs la lta ba ste/ nye bar len pa'i phung po lnga
 po la bdag dang bdag gir 'dzin pa'o/ /de ni thog ma med pa'i dus nas bdag tu 'dzin pa'i bag chags kyis bgos ba'i ba lang la sogs pa dud 'gro rnams kyi sems ngag gi spyod pa dang bral ba der rtog par mi byed pa rnams la yang
 zhi ba sgrub par mi byed pa ma yin na/ yang blo'i brjod pa dang ldan pa'i mi rnams bdag tu lta ba du ma'i rnam par rtog pa yod pa chig tu brjod pa dang bcas pas gzhan dag kyang 'dzin du 'jug pa rnams la ji lta ji ltar zhi ba sgrub
 par 'gyur te/ des na 'di ni rig pa'i tshul ma yin pa yin no/ /ci'i phyir zhe na/ kun nas nyon mongs pa thams cad kyi rtsa ba yin pa'i phyir te/ bdag tu nga rgyal ba dang/ bdag tu rmongs pa dang/ bdag tu lta ba dang/ bdag la chags pa la sogs pas
 nyon mongs pa can du byas pa yod pa las 'jig tshogs la lta ba yin pa'i phyir ro/ /de ni khyod kyis shin tu 'phel bar byas pa yin na de la ji ltar thar pa yod par 'gyur/ /'jig tshogs lta ba zhen pa yi/ /bdag 'dzin bdag gir
 'dzin pa de/ /gang las 'khor ba 'byung bar 'gyur/ /de nyid grol ba yin par smra/ /bdag gzugs yin bdag gzugs dang ldan/ /gzugs bdag gi yin /gzugs la bdag gnas/ bdag tshor ba yin/ bdag tshor ba dang ldan/ tshor ba
 bdag gi yin/ tshor ba la bdag gnas zhes bya ba la sogs pa 'jig tshogs la lta ba'i ri'i rtse mo nyi shu ma thob rnam par bcom nas de kho na nyid mthong bar 'gyur ro zhes thams cad rig pa nyid kyis gsungs pa phyin ci log gi lta ba
 can bdag dang bdag gir 'dzin pa'i gdon gyis zin pas sems brlams par gyur ba khyod kyis ni/ gang las 'khor ba mngon par 'phel bar 'gyur ba de nyid grol ba'i rgyu yin no/ /zhes zer te/ de ni 'di ltar rab tu 'bar bar gyur pa'i me la zhi bar bya ba'i phyir bud
 shing shin tu mang ba bsnan par gyur pa bzhin no/ /'dir gzhan gyi sras pa/ gang gang gi zhi ba'i rgyur gyur pa ma yin pa de yang tshul 'ga' zhig gis zhi ba'i rgyur yang 'gyur te/ ji ltar chang shin tu bsten pas myos par gyur pa la yang myos par 'gyur ba nyid
 bsten na/ phan par 'gyur ba de bzhin du/ thabs la mi mkhas pas bdag tu lta ba bsten pas kun nas nyon mongs pa skye bar 'gyur la/ rnal 'byor gyi lugs 'ba' zhig gis bdag tu lta ba de nyid goms par byas pa las/ nyon mongs bzhi par 'gyur
 ro/ zhe na de la brjod par bya ste/ myos par gyur pa myos 'gyur bzhin/ /de lta ba yis zhi 'gyur na/ /shin tu ma zhu'i nad ldan la/ /kha zas zos pas phan par 'gyur/ /gang la gang gis gnod par gyur pa des/ de nyid zhi bar gyur ro/ /zhes bya
 ba ni gcig tu ma nges pa yin no/ /gal te nges par gyur na ni shin tu ma zhu ba'i skyon dang bcas par gyur pa de la yang kha nges pa yin pa bzhin du lam goms par byas na legs pa yin gyi par gyur pa ma yin nam zhe na/ dug gis dug zhi bar
 'gyur ro/ /zhes bya ba de yang ma nges pa nyid yin na nor bu dang /sngags dang sman la sogs pa'i sbyor ba dang ldan na / nges pa yin pa bzhin du lam goms par byas na legs pa yin gyi bdag tu lta bas ni ma yin no/ /gzhan yang rig byed
 smra bas bdag de ni/ /rnam pa gnyis su 'dod byed de/ /lus zhes bya ba bcings bdag dang/ /mchog na gnas pa grol ba'i bdag/ mchog tu 'dzin pa bdag gi yul/ /bdag blo ji bzhin don ma yin/ /bdag ni 'di zhes mchog 'dzin phyir/ /lus
 la bdag gi blo bzhin no/ /mchog gi gnas na gnas pas mchog na gnas pa'o/ /gang zhe na bdag go /yul de gang la yod pa de ni de'i yul can te gang zhe na blo'o /de ni don ji lta ba bzhin ma yin no/ /zhes sgrub par bya'o/ /ci'i
 phyir zhe na/ bdag ni 'di lta bu'o zhes de la rgyu ba 'byung ba'i phyir ro/ /ci lta bu zhe na/ lus dang dbang po dang yul la bdag gi blo byung ba bzhin no/ /lus dang yul gyi blo nyid ni kun rdzob tu don ji lta ba bzhin du yang dag par 'byung bar
 'gyur te/ mngon sum nyid kyis nye bar dmigs pa yin pa'i phyir ro/ /mchog na gnas pa ni ma yin te/ nye bar ma dmigs pa'i phyir ro/ /gal te yang dus ring por bdag tu mngon par zhen pa'i bag chags kyi stobs kyi 'di la bdag ces
 yongs su rtog go zhe na/ yongs su brtags pa zhes bya ba ni don ci yang sgrub pa ma yin pas des na smras pa/ yongs su brtags pas yod na yang/ /khyod kyis bdag gis ci zhig byed/ /gzugs dang sgra sogs yul rnams la/ /blo'o zhe na?
 de mi rigs/ /rgyu ci'i phyir zhe na/ lus thams cad kyi dbang phyug gi skyes bu yongs su brtags pa de med du zin kyang /gzugs sogs yul la blo dag ni/ /byed po bdag ni med kyang skye/ /rkyen la bltos pa'i skye yin phyir/ /me shel
 gyis ni me bzhin no/ /gzugs la sogs pa yul la blo ste /gang mig la sogs pa'i rnam par shes pa'o/ /de ni byed pa po bdag gis bskyed pa ma yin te/ zhes bya ba ni bsgrub par bye ba'o/ /rkyen la bltos pa ni rkyen la bltos
 pa'i blo ste /'di'i skye ba ni rkyen la bltos pa'i skye ba yin no/ /de'i ngo bo ni rkyen la brtos pa'i skye ba nyid do/ /des na rkyan la bltos pa'i skye ba yin pa'i phyir te/ dper na nor bu me shel ni nyin mor byed pa'i 'od kyis reg pa dang/ ba
 lang gi lci ba skam po'i phye ma'i rkyen nye bar gnas pa la brten nas byed pa po bdag gis ma byas kyang bzod par dka' ba'i me'i phung po bskyed nas rtswa dang shing dang 'khri shing mang po rab tu rgyas pa sreg pa dang/ gsal bar byed pa la sogs pa'i bya ba
 rnams byed do/ /de bzhin du yul dang/ dbang po dang /rnam par shes pa dang/ yid la byed pa'i tshoD pa la brten nas mig la sogs pa'i rnam par shes pa ni byed pa po bdag gis ma bskyed kyang/ lta ba dang/ mnyan pa dang/ bsnam pa
 dang/ myang ba dang/ rag pa dang/ yid la byed pala sogs pa'i bya ba rnams byed na yul dang/ dbang po dang/ /rnam par shes pa la ma gtogs pa'i bdag btags pas ci zig bya/ gzhan yang gang yang ye ge'i bdag nyid sgra/ /de yi byed po bdag
 mi 'dod/ /mnyan bya'i phyir dang sgra yin phyir/ /dper na brag cha ji bzhin no/ /gang yang gnas dang byed pa dang/ /rtsol ba las kun tu byung ba'i yi ge'i bdag nyid can gyi sgra kha'i sgo nas brjod pa de yang bdag gis byas pa ma yin te/ ci'i phyir zhe na/
 rna ba'i dbang pos bzung bya yin pa'am/ sgra yin pa'i phyir dper na nags bsreD pa'i me'i sgra dang/ rlung chen pos bskyong ba'i nags tshal gyi sgra'am/ rgya mtsho 'khrugs pa'am/ re'i 'bab chu drag pos rngo chen po bskyod pa'i sgra la sogs pa ri ngos
 sam/ brag skyibs dang nye ba la brten nas kun tu byung ba'i sgra brnyan ni bdag gis byas pa ma yin pa bzhin no/ /'dis ni lus kyi bya ba gzhan/ /'ong ba dang ni 'gro ba dang/ /lag pa rkang pa g.yo ba ni/ /mtshan nyid lhag ma rnams kyang bkag/ gang cung zhig
 lus las yang dag par 'byung ba'i 'ong ba dang/ 'gro ba dang lag pa dang/ rkang pa'i g.yo ba dang/ btso lag dang/ 'dug pa dang/ nyal ba la sogs pa'i bya ba de dag thams cad rim pa 'di nyid kyis brtag pa byas pa yin no/ /ji ltar zhe na/ ji ltar ri dang
 brag gi gseb nas chu bo'i rgyun byung nas yul du ma khyab par byed cing rgyas par 'byung ba na/ bdag med du zin kyang chu 'ong po zhes tshig tu rjod par byed pa dang/ rtswa khyon chen por gnas pa'i phyogs gcig nas me mched pa ?//
 me byung ngo zhes tshig tu brjod par nyams su myong ba ltar de bzhin du 'dun pa'i rgyu can gyis 'bad pas bskyed pa'i rkang pa 'debs pa dang 'jog pa'i mtshan nyid can gyi bya ba dang ldan pa'i 'byung ba dang/ 'byung ba las gyur pa'i 'dus pa la sna tshoD
 kyi bu dang/ byam ma'i bu la sogs pa 'gro zhing 'ong ngo/ /zhes bya ba'i brjod pa 'thob bo/ /yang bdag med du zin kyang shing gi 'khrul 'khor gyi gzugs lag pa gnyis la mda' dang gzhu thogs na 'phen ba dang/ chu'i rgyu mtshan phan brdabs
 pa'i dbang gis bal ba dza thag ba ltar bsgril bar gyur pa dang/ rdza bo'i nang du chu dang 'bras blugs shing me btang nas skyabs dkrugs pa las 'bras chan chos par 'gyur ro/ /zhes bya ba yang brag ca la sogs pa bzhin no/ /des na lus
 dang dbang po las ma gtogs pa'i bdag ni yod pa ma yin te/ rnam par bcad nas kun shes las/ /kun shes dran pa nyid las dran/ /so sor rnam par rab shes las/ /shes rab nyams su myong las tshor/ /yul dang dbang po dang
 Frnam par shes pa dang/ yid la byed pa'i rkyen chogs pa las rab tu byung ba nyid kyi ljon shing dang/ grong khyer dang/ ri dang/ skyes bu dang/ ri dags la sogs pa'i rnam par yongs su gcod pa'i 'du shes las 'du shes 'byung la rnam par shes
 pa'i tshogs drug gis nyams su myong ba'i yul dran pa las ni dran pa'o/ /chos rnams kyi rang dang spyi'i mtshan nyid so so'i char rab tu 'byed pa'i rnam pa rab kyi mthar phyin pa nyid kyis shes rab las shes rab po/ /bde ba dang/ sdug
 bsngal dang/ sdug bsngal yang ma yin/ bde ba yang ma yin yul nyams su myong ba las ni tshor ba ste/ 'du shes dang dran pa dang/ shes rab dang/ tshor ba la sogs pa las ma gtogs pa'i bdag gi bya ba gzhan zhig ngo bo nyid ngas par gzung
 bar mi nus te/ nam mkha' i me tog bzhin du de ni yod pa ma yin par gzung bar bya'o /dngos po'i ngo bo rnam par shes pa'i mtshan nyid can gyi sems dang/ dngos po'i khyad par so sor rnam par shes pa'i mtshan nyid can gyi sems las byung ba
 tshor ba dang/ 'dunpa dang/ reg pa dang/ ting nge 'dzin la sogs pa dang/ mos pa la sogs pa sems dang sems las byung ba bstan par ma gtogs pa'i skyes bu'i bya ba ni phra mo tsam yang dmigs par mi 'gyur la/ 'di dag las ma gtoD
 pa'i rang gi ngo bo yang 'ga' yang nye bar mi dmigs pas des na gang gi phyir 'di dag gi yod par sgrub pa nyid ni 'grub pa ma yin no/ /'di skad smra par yang nus te/ bdag ni bden par yodpa ma yin te/ bya ba'i mtshan nyid med pa'i phyir nam
 mkha' i me tog bzhin no/ /gal te 'dir smras pa/ skyes bu kho nas mthong ba dang/ thos pa dang/ snom pa dang/ myang ba dang/ snyam sems pa dang/ kun tu shes pa dang/ dran pa dang/ kun nas tshor ba yin te/ ci'i phyir zhe na/ shes pa la sog
 pa rnams ni byed par bstan pa yin pa'i phyir ro/ /gang gi phyir sgra'i bstan bcos kyi mtshan nyid ni 'di yin te /byed pa po dang/ las dang/ byed pa dang/ yang dag par sbyin pa dang/ gang las 'ongs pa dang/ dbang du bya pa'i ngo bo zhes bya ba'i byed
 ba ma lus pa'i sngon du 'gro ba ni rang dbang can gyi byed pa po ste/ byed pa po de yod pa las de las gzhan pa'i byed pa'i khyad par rnams yin to des na skyes bu ni byed pa po yin la/ de'i mig la sogs pa ni byed par gyur pa yin te /de ni de dag
 nas dkar khung mang po btod pa'i khang pa na gnas pa'i skyes bu bzhin du sgo khang dang/ nye bar gnas pa'i yul la rjes su mtshon par byed pa yin no/ /ji ltar zor bas gcod par byed do zhes bya ba yang zor ba kho nas gcod
 pa ni ma yin gyi/ 'on kyang byed pa zor bas lhas byin gyis gcod par byed do/ /zhes bya ba bzhin du/ /mig gis mthong ngo zhes bya ba yang mig kho nas mthong ba ni ma yin te/ 'on kyang byed pa des skyes bus mthong ba yin no/ /de bzhin du rna
 ba thos pa'i sgor gyur pas na skyes bus thos pa yin gyi/ rna ba kho na ni ma yin zhes bya ba la sogs pa yin no/ /de ltar na tshul 'di ltar bya ba 'grub pa yin te/ 'dis mthong bas na mig go /'dis thos pas na rna ba'o/ /zhes bya ba nas
 ji srid du 'dis myong bas na/ tshor ba'o zhes bya ba'i bar du'o/ /zhe na de la brjod par bya ste/ shes sogs byed par smra zhe na/ /byed pa nyid du sgrub pa 'am/ /de las gzhan pa'i byed po nyid/ /gcod byed bzhin du rigs ldan min/ /ci ltar riD
 pa dang mi ldan zhe na/ byed pa bo ni rkyen ldan gyi/ /gang phyir byed pa la min pas/ /des na gtan tshigs ma grub pa 'am/ /ma nges pa nyid yin par 'gyur/ /mig ni rang nyid kyis blta ba yin gyi/ yang gzhan gyis byed pa ni ma yin no/ /
 nyan bas na rna ba/ snom pas na sna/ myang bas na lce/ reg par byed pas na reg pa/ snyam du sems pas na yid kun shes pas na 'du shes /dran par byed pas na dran pa/ so sor shes pas shes rab yin te/ de'i phyir na shes
 pa la sogs pa byed par bstan pa la sogs pa'i gtan tshigs 'di dag gi don ma grub pa nyid yin no/ /yang na mi mthun pa la yang zhugs pa'i phyir ma nges pa nyid yin no/ /mig kho nas mthong ba yin gyi/ 'on kyang byed pa des bdag gis mthong
 pa yin te/ shes pa la sogs pa byed par bstan pa'i phyir ji ltar zor bas gcod ces bya ba lta bu'o/ /zhes gzhan gyi smras pa de la kho bos lan brjod par bya ste/ mig kho nas mthong ba yin gyi bdag gis ni ma yin te/ byed pa por bstan pa yin
 pa'i phyir ji ltar lhas byin gyis gcod ces bya ba lta bu'o/ /des na smras pa/ shes la sogs pa byed po nyid/ /byed po'i sgra yis brjod pa'i phyir/ /lhas byin gyis ni gcod do zhes/ /ji ltar byed por mthong ba bzhin/ /gal te lhas byin gyis gcod pa
 ma yin gyi ral gris gcod pa yin te/ des na 'di ni rigs pa ma yin no zhes na/ mi rigs pa ma yin te/ bdag gi phyir byed pa po dang las dang cho gas pa las 'dir bya ba 'grub par 'gyur ba'i phyir ro/ /de la res 'ga' ni byed pa por gtso bor
 ston par byed de/ lhas byin gyis bcad do zhes bya ba lta bu'o/ /res 'ga' ni byed pa gtso bor ston par byed de/ ral gris bcad do zhes bya ba lta bu ste/ gcod pa'i bya ba ni gnyi ga la bltos pa yin te/ byed ba po med par byed pas
 kyang ma yin la/ byed pa med pa'i byed pa pos kyang ma yin pas/ 'di dag gnyi ga yang lam bltos par byed pa po dang/ byed pa zhes bya bar bstan pa 'thob pa ma yin no/ /de lta bas na rkyen tshogs pa las dngos po mngon par 'grub pa yod pa
 yin gyis/ 'di la gtso bo ni 'ga' yang yod pa ma yin te/ gzhan du na nye bar btags pa nyid yin no/ /skyes bu ni nye bar mi dmigs pa nyid yin pa'i phyir tshogs par gtogs pa ma yin par byed pa por bstan du yod pa ma yin no/ /zhes
 bya bar smras pa/ 'dus byas phung po bye bral nyid/ /'di la byed por brjod bya ste/ /byed pa yin phyir mar me yis/ /gsal bar byed pa yin pa bzhin/ /'dus byas kyi cha'i tshogs pa ni bya ba dang bral ba yin du zin kyang byed pa po nyid du
 yang ngo/ /bya ba yin pa'i phyir dper na mar me byed pa por mthong ba bzhin no/ /ji ltar snum dang/ sdong bu dang/ snod dng/ me'i rkyen las mngon par grub pa'i mar me ni bya ba dang bral du zin kyang gsal bar byed pas na byed
 pa po zhas bya bar brtan pa yang 'thob bo/ /de bzhin du lus dang/ dag dang/ yid 'dus pa'i cha 'di dg kyang bya ba dang bral du zin kyang yul dang dbang po dang rnam par shes pa'i rkyen tshogs pa'i dbang gis byed po zhes bstan pa nyams su myong
 pa yin no/ /'dir gzhan gyis smras pa/ bdag nyid ni mchog yin te/ gtso bo'i byed pa po da la bltos pa nyid kyis bya ba thams cad la 'jug pa nyid yin gyi/ mar me la sogs pa ni nye bar btags pa nyid yin te/ ji ltar rdza mkhan gyi sa la
 sogs ba rkyen mang po nye bar gnas kyang rdza mkhan nyid byed pa por gyur pa yin no zhe na/ brjod par bya ste/ yang dag gtso gcig byed po min/ /gang phyir gcig gis bum mi byed/ /des na mar me sogs byed po/ /gdags pa bar ni mi 'dod do//
 kun rdzob nyid du ni rkyen rnams chogs par byed pa po yin par ston pa/ dpyad pas kyang rtogs shing de ltar smras pa yang yin no/ /don dam par ni gtso bo'i byed pa po nyid yin par 'ga' yang mi 'grub ste/ gang gi phyir rgyu gcig gis
 bum pa mngon par sgrub par nus pa ma yin gyi /'jim pa'i gong bu dang/ dbyug pa dang/ 'khor lo dang/ skud pa dang/ chu dang/ rdza mkhan gyi 'dod pa la sogs pa'i rkyen mang po tshogs pa las bum pa rab tu 'grub pa nyid yin no//
 de bzhin du bdag gcig pu bya ba dang/ brtsom pa thams cad mngon par 'grub pa'i rgyu ma yin te/ rgyu tshogs pa du ma la bltos pa dang bcas pa yin pa'i phyir te/ dngos po thams cad ces bya bar sbyar ro/ /mar me la sogs pa dang/
 mig la sogs pa ni brtags pa? ba'i byed po nyid ma yin gyi/ 'on ci zhe na/ gtso bo nyid yin te/ de las gzhan pa'i gtso bo'i byed pa po ma grub pa'i phyir ro/ /gal te yang 'di skad du /'di ni de kho na nyid kyi dbang du byas pa yin pas /skad
 cig ma nyid kyis 'jig pa ni byed pa med pa yin pa'i phyir byas pa'i shugs kyis rgyun la bcings pa dang grol ba mi 'thang pas bdag kho na bcings pa dang/ grol ba dang gnas pa'i rten yin par shes par bya'o zhe na/ de la brjod par bya ste/ skad cig na/
 re re so sor 'jig cing dang dbang med pa yin na yang rang gi ngo bo dang bral ba thog ma med pa'i dus nas chu po'i rgyun bzhin du gnas pa'o/ 'dod chags sogs kyi dbang phyug sems/ /gzugs sogs yul la mngon par zhen pa'i/ /thar pa mi mthun phyogs kyis
 phrogs/ /'khor ba'i btsan rar bcings pa yin/ /khyod kyis btags pa'i bdag ni med du zin kyang/ sems nyid yul yid du 'ong ba dang/ yul yid du mi 'ong ba la phrad pa dang/ 'bral bar 'dun pa'i yongs su gdung ba'i nyon mongs pa'i lcags sgrog gis
 srid pa gsum gyi btson rar yang dag par bsdams pas rang dbang med par gyur pa/ shes rab kyi snang ba med pas thar pa'i lam mi shes pa ni bcings pa zhes brjod par bya'o/ /kun rdzob tu ni sems las byung bas bslang ba la/ /lag pa la soD
 tshogs ba ci/ /sems bcas sems can zhes bya ste/ /gtong ba la sogs sems 'byung ba/ /yod pa gtong por la sogs brjod/ /mgo dang mig dang/ kha dang/ lag pa dang/ rkang pa la sogs pa 'dus pa nyid mngon sum du mthong bar gyur pa nyid 'dod
 pa dang/ ser sna dang/ phrag dog gi 'ching ba las grol bar gyur ba phyi dang nang gi bdag nyid kyis dngos po gtong ba'i sems pa 'byung bar gyur pa la sbyin bdag ces brjod par byed la/ chags pa'i sems kyis bcings pa'i blo can 'byung ba dang
 'byung ba las gyur pa 'dus pa la ni 'dzin chags zhes zer ro/ /de bzhin du gzhan dag gis srog gcod pa dang/ ma byin par len pa la sogs pa las ldog pa la sogs pas legs par bsdams pa'i lus dang/ ngag dang/
 yid? kyi tshogs kyi phung po'i rgyun ni tshul khrims dang ldan pa zhes bya'o/ /sems las byung ba thams cad la yang de bzhin du sbyar bar bya'o/ /de bzhin du gtong ba la sogs pa'i sbyor ba dang/ gtong ba dang/ mngon par ldan pa la yang ngo/ /rigs
 pa skyes pas ma rig sogs/ /kun sbyor ldog par gyur pa'i phyir/ /chags sogs 'ching ba las grol ba/ /grol ba zhes ni brjod pa yin/ /phung po'i rgyun nyid thos pa dang bsams pa dang/ bsgoms pa las byung ba'i shes rab kyi snang bas grol ba'i
 lam bsgrubs nas 'dod chags dang/ khong khro dang/ nga rgyal dang/ ma rig pa dang/ lta ba zhes bya ba kun tu sbyor ba rnams bcad pa ni grol ba zhes bya ba'i sgras bstan par rigs pa yin la/ gang skye ba dang 'gag pa'i chos can nyid kyi
 sems dang sems las byung ba'i tshogs skad cig ma snga ma las khyad par can du gyur pa'i sems kyi skad cig ma phyi ma 'byung bar 'gyur ba ni thar pa zhes bya bar brjod par rigs so/ /yang mu stegs can gzhan gyis yongs su btags pa'i/
 nam mkha' 'dra ba'i bdag la ni/ /'di dag thams cad brjod par dka' / /gal te bdag la lhag chags na/ /nam mkha' i me tog bdag 'dong? kyis/ /kha ba dang/ ba me 'bab pa dang/ rlung shin tu drag po langs pa dang/ me chen po 'bar bar gyur pa dang/
 nyi ma'i 'od zer tsha ba shin tu tsha ba 'bab pa dang/ phyogs bzhin sa langs pa'i rlung chen pos dkrugs pa'i sprin gyis phung po chen po khebs par gyur cing 'jigs su rung ba'i 'brug gi sgra chen po sgrogs pa dang/ glog gi tshogs kyi phreng ba
 'byung bar gyur yang nam mkha' la gnod pa dang/ kun nas nyon mongs pa bskyed pa ma yin la /ji skad bstan pa'i gnod pa de dag dang bral bar gyur pa yang sngar gyi mtshan nyid las mtshan nyid gzhan du gyur pa yang med do/ /de bzhin du bdag kyang sngon dang phyi
 ma'i dus su khyad par yod par mi skyes bas /'dod chags dang/ khong khro dang/ nga rgyal skye bar gyur pan? yang 'gyur pa yod pa ma yin la/ nyon mongs pa zhi bar gyur pa na yang skad cig ma snga ma las rang bzhin gzhan du gyur pa med pas bcings pa dang/
 grol ba la sogs pa shin tu sdug bsngal dang bcas pas kyang brjod par mi nus pa yin no/ /des na bcings pa dang/ thar pa la sogs pa'i rten du yang 'di ni dmigs pa ma yin no/ /gal te thog ma med pa'i dus nas bdag tu 'dzin pa'i bag chags
 kyi mngon par zhen pa'i dbang gis khyod bdag la shin tu chags par byed na nam mkha' i me tog kyang 'di lta bu'i mtshan nyid can yin pas de yang bdag yin par 'gyur te/ bsgrub par bya ba'i tshas? dang/ dpe'i chos mtshungs pa'i mtshan nyid can yin
 pa'i phyir ro/ /zhes bya bar bsams pa'o/ /gzhan yang gang phyir bdag ni rang bzhin gyis/ /shes pa'i ngo bor 'dod na ni/ /byed pa la sogs bltos pa'i phyir/ /de ni gcig tu mi rigs so/ /gal te bdag 'di snga nas shes pa'i ngo bo zhig yin na/
 ci'i phyir mig la sogs pa byed pa rnams la bltos pa yin/ /yang gal te mig la sogs pa med par 'di shes pa nyid mi dmigs so/ /zhen byed pa la sogs pa las gzhan pa nyid mi dmigs pa'i phyir gcig nyams par 'gyur te/ grub pa'i
 mdza' dang 'gal ba yin no/ /'di ltar gzhan yang/ bdag sogs shes bya yod pas na/ /shes pa ldog par mi 'gyur te/ /don byas zin pa'i mar me yang/ /rang gi rgyu las skye bar mthong/ /gal te don bya ba byas zin nas rnam par shes pa
 yul la 'jug par mi 'gyur te/ ji ltar mthong bar 'dod pa'i don gsal bar bya ba'i phyir bzung ba'i mar mes dngos po mthong bar gyur zin nas phyis 'jug pa med pa bzhin no zhes na /'di ni mi 'dr ba nye bar bkod pa yin te /ji
 ltar mar me ni don bya ba byas zin nas/ snam dang/ snying po la sogs pa rang gi rgyu rgyun ma chad par 'byung ba nyid yod na ldog par mi 'gyur ro/ /de bzhin du don bya ba byas su zin kyang bdag rnam par shes pa'i 'gro ba thams cad la khyab par mthong bas
 ldog? par mi 'gyur te/ 'di ni mar me bzhin du grol ba'i dus na yang 'jug pa med par rig pa ma yin no/ /des na shes pa'i mig gis skyes bu mthong bar gyur na yang grol ba bskyed ba ma yin te gang gi phyir/ ci srid yid la shes 'byung ba/ /
 de srid sa bon sogs 'gyur te/ /ci srid sgra ni yod gyur pa/ /de srid sgra brnyan 'byung ba bzhin/ /byed pa med par shes pa ni/ /'khor ba ji ltar shes pa yin/ /kun tu khyab med yin pa'i phyir/ /gang las ji ltar bcings dang grol/ /ji ltar ji
 srid du sgra 'jug par yong bde srid du sgra brnyan yang 'byung bar 'gyur la /sgra 'jug par gyur pa med na ni/ /sgra brnyan yang 'byung bar mi 'gyur ro/ /de bzhin du shes bya med par gyur na shes pa yang 'byung bar mi 'gyur te/ dus ji srid du
 sems dang sems las byung ba bdag la dmigs nas 'jug par gyur pa de srid du sa bon yang sogs par 'gyur te/ gang gi phyir zhe na/ 'khor ba'i zhes bya bar 'brel to/ /gzhan yang skyes bu grol? pa'i dus na ni byed pa la bltos pa
 dang bral ba'i phyir/ ci ltar shes pa skye bar 'gyur/ /gzhan yang skyes bu 'di ni dus thams cad du rtag pa/ gcig pu nyid yin pa'i phyir nam mkha' dang 'dra ba 'di la ji ltar bcings pa dang grol bar rigs par 'gyur/ gzhan yang skyes bu
 ni dngos po'i don thams cad las tha mi dad pa yin pa'i phyir/ sdug bsngal las kyang thar min te/ /thar dang gcig tu smra ba'i phyir/ /bdag las de ni gzhan min phyir/ /ji ltar me dang tsha ba bzhin/ /ji ltar me dang lhan cig spyod? pa'i tsha ba ni/ /mi?
 med par nam yang yod ma myong ba de bzhin du sdug bsngal dang/ lhan cig spyod pa'i skyes bu yang thar pa'i dus na yang thar par rigs pa ma yin no/ /gzhan yang nyams dang ma skyes pa yi blo/ /byed pa med pa ji ltar yin no/ /gang pos gcod
 par byed pa yang/ /sta re med par ji ltar rigs/ /gang gi phyir 'di'i mig la sogs pa'i blo dngos po ma mthong bas ma skyes par gyur pa dang/ skyes pa yang nyams par gyur pa de'i tshe 'di shes pa nyid du mi rigs te/ ji ltar gang po zhes bya bas
 shing gcod pa na/ byed pa sta re la ma bltos par gcod pa po zhes bstan par mi rigs pa bzhin no/ /yang gal te ji ltar mes sreg pa yin na yang skyes bus mes sreg ces ston par byed pa de bzhin du shes pas shes pa yin na yang skyes
 bus shes so zhes zer gyi shes pas ni ma yin no zhe na/ de ni mi rigs te gang gi phyir/ me yis sreg byed smras pa na/ /me yis bsregs kyi byed pas min/ /de bzhin blo yi rig smras pas/ /shes pas rig gi skyes bus min/ /'di ltar
 nges par dpyad par bya ste/ mes bsregs zhes bya ba 'dir me nyid kyis yin nam/ 'on te lha byin gyis yin/ de la sreg pa zhes bya ba 'di ni me la yod pa yin gyi sreg ba bo la ni ma yin no/ /de bzhin du blos rig ces smras pas blo nyid kyis
 rig ba yin gyis/ skyes bus ni ma yin no/ /nges na dpe me yis dpes bstan pa'i don sgrub pa ma yin no/ /gal te 'dir smras pa/ ji ltar rdza mkhan la rdza ma mi byed ba'i dus na yang rdza mkhan zhes brjod par byed la/ ji ltar me'i shing mi sreg pa'i
 dus na yang sreg ces rjod par byed pa de bzhin du skyes bu yang byed pa la mi bltos kyang/ shes pa'i ngo bo yin no zhe brjod par bya'o zhe na/ 'di la brjod par bya ste/ rdza mkhan bzhin du de mi 'grub /de yi ngo bo med pa'i
 phyir ? sreg byed bzhin duAng 'grub mi 'dod/ /bsreg bya med pas me med phyir/ /dus gang gi tshe 'dis rdza ma'i bya ba la zhugs bar gyur pa de'i tshe rdza mkhan zhes bya bar rigs kyi/ 'dis rdzam byed par 'gyur gyi/ /'dis rdza ma byas pa'i
 gyir rdza mkhan zhes bya ba nyid ni nye bar btags pa yin kyi/ rdza mkhan gyi rang gi ngo bo ni ma yin no/ /de bzhin du gang gi tshe mes shing sreg par byed pa yod pa de'i tshe? sreg par byed ces btags pa legs pa yin gyi /sreg par bya ba thal
 ba'i gnas skabs su gyur pa na/ me'i rang gi ngo bo yang med pas sreg byed yin par mi 'grub pa ltar /de bzhin du skyes bu yang gang gi tshe byed pa'i sgo nas 'drug pa yod pa de tshe shes pa'i rang gi ngo bo yin par rigs kyis/ de las gzhan
 pa ni mi shes pa'i ngo bo nyid la shes pa nyid du btags pa tsam yin no/ /shes pa ma yin pa la bstan pa tsam gyis shes par 'grub pa ma yin pas /gal te mi shes byed po dang/ /za po khyod kyis shes ci ltar/ /mkha' 'dra rtog pa
 med ba yang/ /lung 'ba' zhig gis btags ci bya/ /gal te yang mi shes ba'i ngo bo nyid yin na yang 'di'i byed pa nye bar gnas pa na shes pa'i ngo bo nyid du 'gyur ro zhe na/ de lta na yang dang po srid pa'i sngon rol na byed ba skyes pa med pas mi shes
 ba'i ngo bo nyid yin te/ rdo las brkos pa'i gzugs sam/ ri mor bris pa bzhin du sems pa med pa yin pas srid pa rnam ba du ma'i ngo bo'i bye brag tha dang brnams? skyed ba'i byed pa po ji ltar yin/ sems pa med pa yin pa'i phyir
 za ba po nyid yin par yang mi rigs te/ yul thams cad ni rnam par shes pas spyad par bya ba yin pa'i phyir ro/ /gzhan yang nam mkha' dang mnyam pa yin pa dang/ rnam par rtog pa med pa yin par khyod kyis smras pas phyed pa po dang za ba po
 nyid bsal ba yin no/ /gal te bdag gi lung las grags pa yin no zhe na/ rigs pa dang bral ba'i lung 'ba' zhig tsam ni tshad ma ma yin te/ lung tsam gyis mngon par 'dod pa'i don 'grub pa ma yin no mi shes pa 'am shes dngos min//
 'di ni dngos po med par 'gyur/ /dngos med bdag du mi 'gyur te/ /'di ni mo gsham bu bzhin no/ /gal te 'di mi shes pa yang ma yin/ shes pa'i ngo bo yang ma yin no/ zhe na 'o na 'di dngos po med pa nyid du 'gyur ro/ /des na gang dngos po med de
 bdag tu 'gyur ba ma yin te/ mo gsham gyi bu bzhin te /dper na mo gsham gyi bu ni mi shes pa'i ngo bo 'am/ shes pa'i ngo bor yang dmigs par mi 'gyur ba nyid do/ /gzhan yang lus thams cad la khyab pa yin pa'i phyir de ni thams cad kyi
 bdag gcig pu yin no zhes gang 'dod pa yang/ gang la gnod pa phan pa las/ gang la gnod pa bde mi 'byung/ /de de'i bdag tu mi rigs te/ /nam mkha' de ba shar ma bzhin/ /gal te dmyal ba la sogs par sdug bsngal gyis lus la gnod
 par gyur ba na bdag la yang gnod pa skye bar 'gyur la/ mtho ris la sogs par bde ba nyams su myong ba na yang 'di la phan par 'gyur ba zhig yin na ni/ 'di thams cad kyi bdag yin no zhes bya bar rigs na /gang gi phyir 'di ni rtag pa mi
 'gyur ba'i ngo bo nyid yin pa'i phyir bde ba dang/ sdug bsngal gyis gnod pa ma yin na/ 'di ji ltar na bdag gis bdag yin zhes brjod par rung/ ji ltar nam mkha' ni de ba shar ma'i bdag yin bar mi rigs pa bzhin no/ /nyi tshe'i bdag gang
 grol bar ni/ /bsam gtan shes sogs kyis 'dod na/ /bdag med don la 'bad pa yis/ /shi ba mi? 'chi ji ltar 'gyur/ /sngar nas nyi tshe'i bdag 'di 'chi ba'i ngo bo nyid yin na des na 'chi ba med par thob par bya ba'i phyir bsam
 gtan gyi shes pa la mngon par sbyor bar byed cing/ /bdag mchog gi don du nyang dab byas kyang mi 'grub ste/ 'chi ba'i ngo bo las 'gyur ba med pa yin pa'i phyir ji ltar 'chi ba med pa nyid du 'gyur te/ rang gi ngo bo las nyams pa med pa'i phyir ro/ /
 gal te 'chi ba'i ngo bo nyid btang nas 'chi ba med pa nyid du 'gro bar 'gyur ro zhe na /de lta na ni mi rtag pa sogs pa'i skyon rnams 'byung bar 'gyur ro/ /gal te 'di ltar nyi tshe ba'i bdag dang/ bdag dam pa gnyis gzhan dang gzhan ma yin pa
 yin no zhe na/ 'dir 'di ltar dpyad par bya ste/ nyi tshe'i bdag ni bdag las gzhan/ /zhe na thams cad skyes bu yin/ /de ni nyi tshe gnyis bdag dang/ /phyi zhes dam bcas nyams pa yin bdag las nyi tshe'i bdag de ni/ /gzhan min zhe na'ang dam
 bcas nyams /gang yang bdag gis bde sdug sogs/ /'gro bas mi shes gtso bo min/ /zhes bya ba la sogs pas gzhan ma yin pa nyid yin na de nyid kyis ji ltar skul bar byed/ /pha rol po la 'di ltar yang brjod par bya ste /gal te phra yin 'di che
 min/ /chen po yin na phra ba min/ /gcig kyang m yin gzugs kyi chos/ /ji ltar gzugs med bdag gi yin/ /gzugs dang ldan pa zhig yin na 'dir phra ba dang/ chen po dang/ gcig dang du ma la sogs pa'i rnam par rtog pa rnams 'byung ba
 yin na yang ngo bo med pa'i skyes bu la ni/ 'di ltar gal te phra ba yin na ni chen po ji ltar yin 'on te chen po yin na yang phra ba ji ltar yin/ gal te gcig yin na ni du mar ji ltar 'gyur/ 'on te du ma yin na yang gcig tu ji ltar 'gyur/
 des na rang gi tshig dang 'gal ba yin no/ /'dir pha rol pos glang po che dper zhe? bar 'god par byed de /dmus khong mang po zhig glang po che rang gi ngo bos shes par 'dod nas 'dus pa las gang sna la reg pa de dag gis ni glang po che'i gshol mda''dra ba
 zhig go zhes bya bar shes so/ /gang rkang pa la reg pa do dag gis na gtun shing 'dra bzhig tu'o/ /gang rna ba la reg pa de dag gis ni zhib ma dang 'dra bar ro/ /gang dang gang gis phyogs gang la reg par gyur pa nges de lta bu'i rnam pa zhig tu glang po che rtogs so/ /de
 bzhin du bdag la yang de kho na nyid ma mthong ba rnams kyi rnam pa du ma zhig tu lta bar byed de/ kha gcig gis ni kun la khyab par ro/ /gzhan dag gis ni lus kyi tshad tsam du'o/ /yang gzhan dag gis phra rab kyi ngo bo tsam yin no snyam du sems te/ glang po'i rang
 gi ngo bo bzhin du gcig nyid kyang yin la yan lag dang nyid lag bzhin du du ma nyid kyang yin no zhe na/ de la brjod par bya ste/ gcig nyid du ma'i ngo bo ru/ /glang po'i dpe 'di mi rigs te/ /sna ni glang du mi 'dod phyir/ /sna tshogs rnams kyang
 gcig nyid min/ /gang glang po de'i sna ni sna nyid yin/ rkang pa ni rkang pa nyid yin/ rna ba ni rna ba nyid yin pas glang po nyid med pa yin pa'i phyir/ gcig gi ngo bo nyid med de sna la sogs pa du ma nyid la gcig gi ngo bo nyid med pa yin no/ /gzhan yang
 gang yang bdag ni nyi sogs mdog /yin na mdog bral ji ltar yin/ /bdag de du ma'i ngo bo yis/ /dper na pa la sha mi 'dod/ /gzugs med pa yin pa'i phyir 'di kha dog med pa zhig yin na nyi ma bzhin du kha dog du ma can du ji ltar 'gyur
 gal te yang shing pa la sha bzhin du gcig nyid kyis thams cad la khyab pa yin te/ ji ltar pa la sha rtsa ba dang/ sdong po dang/ yal ga dang/ yal ga phra mo dang/ de'i yal ga la sogs pa yod pa bzhin du de yang du ma'i ngo bo nyid yin te
 rgyu mang po yod pa'i phyir ro zhe na/ de ni mi bden te /gang gi phyir gcig pu pa la sha med de/ kun tu 'gyur pa'i bdag nyid dang/ /ji ltar rtsa ba soD su mar/ /rkyen la sogs pas 'byed pa'i phyir/ pa la sha'i ljon shing
 ni gzhon nu dang/ bar ma dang/ tha ma'i gnas skabs su 'gyur ba'i bdag nyid can yin pa dang/ me dang rlung dang sta re la sogs pa'i rkyen rnams kyis kyang tha dad du byed par nus pa yin la/ bdag ni mi 'gyur ba'i chos can yin pa dang/
 rkyen rnams kyis kyang dbye bar mi nus pa yin pas des na pa la sha'i dpes /dpe bstan pa'i don 'grub par 'gyur ba ma yin no/ /skyon mang po gzhan 'di yang yod de/ gtso bo nyid dang dam pa nyid/ de las gzhan la bltos nas 'dod/ /gcig
 nyid yin na tshul 'di nyid/ /yod par ji ltar 'dod par bya/ /'di ni gtso bo yin/ 'di yang gtso bo yin la/ 'di dag gam/ 'di rnams gtso bor ma gyur pa dag las shin tu gtso bor gyur pa yin no zhes brjod par rigs pa yin la de
 bzhin du dman par gyur pa mang po dag las mchog tu gyur pa la dam pa zhes bya ste / gzhan dag gtso bo ma yin pa dang/ dam pa ma yin pa la bltos nas/ bdag de gtso bo 'am/ dam par 'grub par 'gyur ba dngos po thams cad dang tha
 mi dad par gyur pa nyid kyi phyir/ 'di gzhan gang la bltos nas gtso bo nyid dang dam pa nyid yin par 'gyur/ yang 'di rdzas nyid dang thams cad la khyab pa nyid yin par yang ji ltar rigs te/ gal te bdag de rdzas yin na/ /rdzas yin phyir
 na kun khyab min/ /bum pa bzhin du rtag mi 'gyur/ /des na 'gro ba rgyas ci ltar/ /bgred par bya bas na rdzas yin te/ ci srid phyin bar bya bar ro/ /rdzas kyi mtshan nyid ni 'di yin la/ de ni bum pa la sogs pa mi rtag pa nyid dang/ kun la khyab pa
 la yang mthong la/ des na gal te bdag rdzas yin na mi rtag pa nyid dang/ kun la khyab pa ma yin pa nyid yin te/ rdzas yin pa'i phyir bum pa la sogs pa bzhin no/ /gang yang byung bar gyur pa dang byung ba dang/ 'byung bar 'gyur pa thams cad skyes bu yin no
 zhes bya ba la sogs pa smras pa de la yang/ rdzas ni rten du rigs 'gyur na/ /bdag ni rdzas su mi rigs te/ /nam mkha' i me tog ji lta bar/ /de bzhin ma skyes phyir rdzas med/ /rdzas nyid yod na rten dang brten pa'i ngo bor gnas pa yin te/ ji ltar chung
 steng la shing thog la shing la bya tshang zhes bya ba bzhin no/ /bdag ni rdzas su yod par mi 'grub ste/ ma skyes pa'i phyir nam mkha' i me tog bzhin no/ /gang gi phyir bdag rdzas nyid du ma grub pas des na 'dir / thams cad byung gyur byung ba dang/ /'byung 'gyur
 bdag med ji ltar mthong/ /rten ma grub na brtan pa gang la sbyor bar 'gyur zhes bya bar bsams pa'o/ /rdzas su med pa nyid yin pa'i phyir/ bdag med bdag tu mi rigs te/ /ji ltar dngos med ngo bo bzhin/ /bdag med pa'i rdzas bdag gi bdag nyid du rigs
 pa ma yin te/ ji ltar nam mkha' i me tog la sogs pa'i dngos po med pa'i ngo bo nyid bzhin no/ /byis sogs khyad par med ma yin/ /rten med pa dang dpe med phyir/ /bdag gcig yin na du ma yi/ /skyon rnams 'byung bar 'gyur ma yin/ /gang smras pa
 byis pa dang/ mkhas pa dang/ gdol pa dang/ bram ze la sogs pa rnams mnyam pa nyid do zhes zer ba de yang dam pa'i bdag nyid ma grub na gang phyis pa la sogs pa rnams khyad par med pa de'i rten gang zhig yin/ rtag pa kun la khyab pa gcig pu
 las rigs mthun pa'i dngos po'i don gzhan med pas/ 'di la dpe med pa yin pa'i phyir byis pa la sogs pa khyad par med pa nyid mi 'grub po zhes bya bar bsams pa'o/ /bdag gcig bu nyid du yod pa yin na skyon mang po dang ldan par 'gyur
 te/ skyon de dag kyang gang zhi na/ tsai tra'i bdag de mai tra'i byed/ /mai tra'i bdag gi'ang de bzhin te/ /tsai tra tha dad min dngos phyir/ /yang na yul la dbye med phyir/ /tsai twa'i? lus kyi nang na yod pa'i bdag de ni de nyid kyi lung la yod pa'i
 mig la sogs pa de nyid nas lta bar byed pa yin gyi gzhan gyi lus la yod pa nas ni ma yin no/ /zhes pha rol po'i 'dod pa yin la/ bdag ni gcig nyid yin pa'i phyir ji ltar tsai tra'i rang gi byed pa rnams nas mthong ba de bzhin du/ mai tra'i byed pa rnaMs
 nas kyang mthong bar 'gyur te/ ci'i phyir zhe na/ ngo bo tha ma dad pa yin pa'i phyir te/ gzugs la dbye ba med pa'i phyir zhes bya ba'i tha tshig go /bdag gi yul la dbye ba med pa yin pas mai tra'i bdag gi yul gyi phyogs na yang ci tra'i bdag kyang gnas
 pa yin la/ ji ltar de rang gi byed pa nas mthong ba de bzhin du/ gzhan gyi byed pa nas kyang mthong bar 'gyur bar rigs na da ltar mthong ba ni med pas nges na 'di dag gcig pa nyid ma yin no/ /gzhan yang bde ba dang sdug bsngal spyod
 pa dang/ /de grol bas kyang grol ba dang/ /de bcings pas kyang bcings pa dang/ /de sdug pas kyang sdug nyid 'gyur/ /bdag gcig pa nyid yin pa'i phyir tsai tra'i bdag bde bar gyur pa na mai tra'i bdag kyang bde bar 'gyur zhing/ tsai tra'i bdag
 grol ba na mai tra'i bdag kyang grel bar 'gyur/ mai tra'i bdag bcings par gyur pa na tsai tra'i bdag kyang bcings pa thob par 'gyur zhing/ tsai tra'i bdag sdug bsngal bar gyur pa na mai tra'i bdag kyang sdug bsngal ba nyid du 'gyur ro/ /gal te 'byung
 ba la sogs pa'i rten nyid dang/ byis pa la sogs pa'i khyad par med pa gcig pa nyid du bdag gis btags su zin kyang gnod pa ni ci yang med de/ ji ltar bdag gis phyogs gnyi ga la graD pa'i bum pa'i nam mkha' dper bstan pa bzhin no zhe na/
 de la brjod par bya ste/ bum pa'i nam mkha' dper bstan pa/ /kun la de ni 'byung ba ma yin/ /bde ba dang sdug bsngal la 'byung ba ma yin no zhes bya ba'i tha tshig ste/ ji ltar zhe na/ gang phyir nam mkha' gcig nyid du/ /khyod kyis de ni ma grub ste/ /nam mkha' i dpe bstan
 pa de ni shin tu ma sgrub pa yin no/ /gang gi phyir/ /rdzas kyis ngo bos gang stong pa/ /de ni kun rdzob nam mkha' yin/ /de la 'gro ldan 'gro ba dang/ /de ni skabs 'dod skabs can no/ /mdo sde pa'i lta ba'i rjes su 'brangs nas thogs ba dang bcas pa'i rdzas kyi
 dngos po med pa tsam nam mkha' o zhes bdag gcig kun rdzob tu khas blangs pa yin pas gang gi phyir de ni rdzas kyang ma yin/ rtag pa yang ma yin pas de'i phyir 'gro ba dang ldan pa rnams de la 'gro ba dang 'od ba la sogs pa'i bya ba yang 'jug par byed
 la/ de nyid la skabs 'dod pa rnams kyis kyang skabs thob par 'gyur bas des na nam mkha' zhes brjod pa yin te/ yang 'di'i mdo'i don ni 'di yin te/ thogs pa dang bcas pa pa'i rdzas kyi dngos po ri dang shing la sogs par gnas pa de
 la ni nam mkha' zhes 'dogs par mi byed la/ gnas gang thogs pa dang bcas pa'i rdzas med par gyur pa de ni nam mkha' zhes bya ba rdzas med pa tsam yin gyi/ de la dngos po ni phra mo tsam yang yod pa ma yin te/ gang gi phyir de ni rdzas med par
 gyur pa la bltos pa dang bcas pa yin pas bltos pa dang bcas pa nyid yin pa'i phyir na yang thung du dang ring po bzhin du 'di la nges pa med pa yin pa'i phyir mi rtag pa nyid yin no/ /de'i phyir btags par yod pa yin pas nam mkha' ni med
 pa'i bdag nyid yin pa'i phyir rang gi ngo bo yod pa zhig rdzas su yod cing gnas pa ni rten du gyur pa yin la/ de las gzhan pa'i ngo bo ni brten par gyur pa'o/ /zhes bya ba ni med do/ /gal te 'di ltar nam mkha' shin tu med pa zhig yin na/ ci'i
 phyir khyod kyi ston pa sangs rgyas kyis de rlung gi brten yin par bstan/ ci ltar zhe na/ gau ta mas ci la brten te/ gnas zhes gsol pa dang/ bram ze sa ni chu la brten te gnas so/ /chu ci la brten chu ni rlung la rten to/ /rlung ci la brten rlung ni nam
 mkha' la brten to/ /zhes 'byung ba ma yin nam zhe na/ mdo de nyid las nges par byas nas bstan pa yin te/ gau ta ma nam mkha' ci la brten zhes gsol pa dang/ bram ze shin tu 'da' bar byed de dris pa'i mdza' rtoD par nus par dka' o/ /nam mkha' i ni gzugs
 med pa/ bstan du med pa/ thogs pa med pa yin na de ci zhig la brten par 'gyur/ 'on kyang snang ba la brten nas nam mkha' zhes 'dogs par byed de/ de'i phyir gzugs med pa/ bstan du med pa/ thogs pa med pa nyid dang/ rten med pa nyid yin
 pa'i phyir nam mkha' ni rdzas med pa nyid du bstan pa yin te/ snang ba la brten nas btags pa nyid yin pas btags pa tsam nyid ni kun rdzos kyi bden pa yin no/ /des na nam mkha' zhes bya ba'i rdzas ni cung zhig kyang yod pa ma yin no gang gi phyir 'di
 ni rtag pa dang thams cad la khyab pa dang/ gcig pu nyid do zhes bya ba'i bdag gi dper bstan pa dang chos mthun pa nyid du 'gyur ba ma yin pas 'di ltar gzhan pa ma grub pa nyid yin no/ /ngas na nam mkha' sgrib med yin/ /skabs sbyin pa yang ma yin
 te/ /de yod gtan tshigs smras pa yis/ /gtan tshigs 'di yang ma grub nyid/ /nam mkha' ni sgrib pa med pa'i mtshan nyid can yin la/ skabs sbyin par byed pa zhes bya ba ni de'i 'bras bu can yin no zhes bye brag tu smra bas 'dod/ nga la de yang
 yod pa ma yin te/ nam mkha' ni rdzas yod pa dang ldan pa ma yin pa'i phyir ro/ /gal te yang nam mkha' ni yod de/ sgrib pa med pa'i mtshan nyid can yin pa'i phyir ram/ skabs sbyin par byed pa'i 'bras bu can yin pa'i phyir ro/ /yod pa ma yin pa'i
 ri bong gi rwa la sogs pa la ni sgrib pa med pa'i mtshan nyid dang/ skabs sbyin par byed pa med do/ /nam mkha' la ni sbyin par byed pa med pa'i mtshan nyid dang/ skabs sbyin par byed pa'i 'bras bu yod pa'i phyir yod pa yin no/ /de skad smras pa'i gtan tshigs 'di dag
 ni gzhan lam grub pa nyid yin te/ nam mkha' ni rdzas kyi dngos po dang bral ba tsam nyid yin par kho bos khas blangs pa'i phyir ro/ /gzhan yang dngos po rtag pa thams cad la khyab pa'i bdag dngos po thams cad kyi rten du gyur pa nam mkha' 'dra ba yin no zhes
 smras pa de la/ de las gzhan du rtog ga'i gnod pa nye bar dgos pa'i sgo nas slob dpon gyis smras pa/ rgyu las nye bar ma byung ba/ /nam mkha' dngos por mi 'dod do/ /de ni gcig kyang ma yin te/ /mo gsham gyi ni bu bzhin no/ /nam mkha' zhes bya ba ni chos can no/
 de ni dngos po ma yin te zhes bya ba ni de'i chos so/ /rgyu las nye bar ma byung ba'i phyir zhes bya ba ni gtan tshigs so/ /'byung bar 'gyur bas na dngos po ste/ /rgyu dang rkyen las bskyed nas 'byung ba zhes bya ba'i tha tshig go/ nam mkha' ni skyed par byed pa'i rgyu 'ga' las kyang
 byung ba ma yin pas / rgyu dang ldan pa ma yin pa 'di dngos por lta ga la 'gyur te/ mo gsham gyi bu bzhin no/ /de ni pha dang ma'i khu ba dang khrag la sogs pa'i rgyu las byung ba ma yin pas ji ltar med pa nyid yin pa ltar nam mkha' yang de bzhin te/ de ni
 kun la khyab pa'o zhes bya ba la sogs pa thams cad kyang rigs pa ma yin no/ /gang yang ji ltar bum pa la sogs pa la dbye ba yong du zin kyang sa nyid yin pa'i ? dbye ba 'ga' yang med do/ /zhes bya ba la sogs pa brjod pa de la lan 'di yin te/ bum
 sogs gzugs kyis rnams ni/ /sa yi rigs su gcig na yang/ /sa sog gzhan dang gzhan yin ltar/ /nges na bdag ni gcig ma yin/ /sa'i rigs su gcig pa nyid yin na yang/ /de lta na yang bum pa dang rdza po la sogs pa'i bya ba byas pa'i bye
 brag gi dbye ba yod pa yin yang sar gcig pa bzhin du 'di yang gcig nyid yin na yang 'gyur pa'i chos can yin pa dang/ gzugs du ma can du 'gyur ba yin te/ de ltar na bdag ni gcig pa nyid du ma grub po gang yang/ bdag ?
 shes shing ma gtogs pas/ rmi lam longs spyod nga rgyal bzhin zhes bya ba la sogs pa smras pa de yang shes pa'i ngo bo zhig yin pas mngon pa'o nga rgyal byed par 'gyur ram/ mi shes ba'i de bo zhig yin pas 'gyur zhes de la yang/ shes nyid phyin ci
 ma logs pas/ /shes 'di nga rgyal mi rigs so/ /mi shes nyid na'ang log med pas/ /mi shes nga rgyal mi 'dod do/ /zhes bya ba smras te/ re zhig shes pa'i ngo bo nyid yin na ni ming gang skyes bu bzhin du/ don ji lta ba bzhin du rigs pa yin pas
 phyin ci log med pa yin no/ /mi shes pa gcig yin na yang dmus long bzhin du ci yang shes pa yin pa'i phyir ro/ /phyin ci log ming pa yin na ci ltar longs spyod par mngon pa'i nga rgyal byed par 'gyur/ gang yang 'di skad du /lus la gnas
 kyang ma chags dang/ spyod pa byed kyang mi gos te/ zhes bya ba la sogs pa smra bar byed pa de la yang/ nam mkha' bzhin du 'gyur med phyir/ /de bzhin chags pa med pa'i phyir/ /bdag ni byed par mi rigs la/ /za pa po yang mi rigs so/ /'gyur ba'i
 chos can zhig yin na ni byed pa po dang zab por rigs te/ tshun pa la sogs pa rtag tu bya ba de la zhugs shing byed pa po nyid yin pas 'bras bu smin pa'i? dus na yang / zas la sogs pa la chags pas za pa po nyid yin pa bzhin no/ /yang
 dag sngon dang phyi ma'i dus na ngo bo gcig tu gyur cing rang gi bya ba la 'jug par yang mi? byed la/ yul rnams la chags pa med pa de ni byed pa po dang/ za ba po yin no zhes bya ba'i tshig de la blo yid ches pa skye bar mi 'gyur ro// //
 dbu ma'i snying po'i 'grel pa rtog ge 'bar ba/ bam po nyi shu gsum pa/ /gzhan yang/ byed po bdag yin mi gos ba/ /byed po'i 'bras bu 'dod ji ltar/ /mi dbang sdig dang bcas pa'i phyir/ /rgyal po'i dbe ni mi rigs so/ /skyed pa po'i byed pa po yin pa'i mtshan
 ma ni 'di yin no/ /gang 'di dge ba dang mi dge ba'i las kyi 'bras bus gos par 'gyur ba'o/ /'bras bu rjes su spyod par 'gyur ba med na/ byed pa po'i bya ba thams cad don med par 'gyur te/ nges na za ba po nyid dang yang ldan par mi 'gyur bas byed pa po nyid
 sgrub par shin tu dka' o/ /'di'i dpe rgyal bos bstan pa yang rigs pa ma yin te/ sdig pa rjes su gos pa nyid yin pa'i phyir bsgrub par bya ba dang/ chos mi mthun pa yin te/ srog gcod pa dang/ ma byin par len pa dang/ brdzun du smra ba la sogs
 pa mi dge ba byas pas rgyal po par sdig pa'i skal pa dang ldan par 'gyur ba bzhin no/ /gang gi phyir dmyal ba la sogs par ltung bas 'jigs pa yod pas 'di ni chos la mthun par spyad pa la sogs pa yang bstan pa yin gyi yar? gal te 'di la sdig pa
 la sogs pas mi gos pa gcig yin na ni ji ltar 'dod pa bzhin du spyod kyang 'gal bar 'gyur ba ma yin ba zhig yin na de ltar na ni mi 'gyur te/ des ni ma'i bdag po yang sdig dang bcas par 'gyur ba bzhin du skyes bu yang dge ba dang mi dge ba'i 'bras
 bu mi myong bar mi rigs te/ dge ba dang/ mi dge ba'i 'bras bu rnams bdag gis myong bar 'gyur ro/ /nges na mi rtag pa dang kun la khyab pa ma yin pa'i skyon yod par 'gyur te/ zhing pa la? rkun mo la sogs pa 'byung pa bzhi no/ /gang yang khyod kyis
 'di skad du /gcig pu kun khyab rtag pa ste/ zhes bya ba la sogs pa smras pa de yang mi bden te/ gang gi phyir/ phyi rol la ni ma bltos par/ /gcig nyid ngo bo nyid mi rigs/ /gcig nyid dang ldan pas shen/ de ni de dang ldan ma yin/ /gnyis me
 pa'i gcig pu zhes bya ba ni ji ltar skye bo dbul po mang po'i nang na mi'i bdag po ni gcig bu'o zhes phyi rol gyi skye bo mang po la bltos nas /mi'i bdag po gcig pu yin par rjod par byed la/ yang bdag ni nang dang phyi rol thamS
 cad du de nyid gnas pa yin pas gang la bltos nas gcig nyid du 'gyur/ gal te yang grangs gcig nyid dang ldan pas gcig nyid yin no zhe na/ bdag las gzhan pa'i gcig ces bya ba ni yod pa ma yin na/ nges na ji ltar de de dang ldan par
 'gyur te/ sor mo de nyid kyis sor mo de nyid kyi rtse mo la reg par mi nus pa bzhin no/ /'on te yang yul dang yul can gyi ngo bo du ma nyid du btags pa yin la de gsal ba'i sgo nas bdag gcig pu nyid du brjod par bya'o zhe na /de yang 'di ltar
 mi rigs te/ du ma nyid du btags pa dag/ gsal ba gcig nyid yin zhe na/ /ji ltar btags pa kun rdzob phyir/ /des na gcig de don dam min/ /gcig nyid kyi rang bzhin ni med pas gcig ces bya ba de btags pa yin par 'gyur la/
 gang btags pa yin pa de ni don dam par gcig ma yin te/ btags pa ni kun rdzob nyid yin pa'i phyir ro/ /gal te yang/ rtag dang gcig sogs ngo bo yis/ /don dam de yod yin zhe na/ /gcig sogs sgra dang blo 'jug pa/ /don yod
 na ni skyon med 'gyur/ /sgra gang dag gis rtag pa nyid dang/ /gcig pa nyid la sogs par rjod par byed pa la blo gang dang gang gis rtag pa nyid dang/ gcig pa nyid du rtogs par 'gyur ba'i sgra de dag dang blo de dag 'jug pa ni de dag med par 'gyur na/
 de las gzhan pa'i dngos po ni med pas ma nges pa ma yin pa ma yin te/ blo dang rtogs par bya ba gnyis gcig nyid yin pa'i phyir/ lugs 'di ni skyon dang bcas pa yin no/ /gcig la sogs par rnam par rtog pa/ /'di ni ci ltar mi rtog
 nyid/ /rnam par rtog pa'i yul don la/ /tshig 'jug pa ni ma bkag go /gal te blos 'di rtag pa zhes bya ba la sogs pa'i ngo bor rnam par rtog par byed kyi/ /yang 'di nyid zhi gang la yang rnam par rtog pa med do/ /des na 'di rnam par rtog pa med pa nyid
 yin no zhes na/ da ni mi bden te blo dang bdag la tha dad ba yod ma yin pa'i phyir ro/ /gang la rnam par rtog pa 'jug pa yod pa de la dag kyang 'jug pa yod pas des na/ 'di ltar blo'i yul min dang/ /dag gi spyod yul min ji ltar/ /brjod med rtogs pa
 med pa yang/ /sngar bstan rigs pas brdzun pa nyid/ /blos nye bar mtshon pa nyid kyi sha'i gong bu la lhas byin zhes ngag brjod pa yang 'jug par 'gyur ba ltar de bzhin du gcig la sogs pa'i blo'i yul du gyur pa nyid ni gcig la sogs pa'i
 dag 'jug pa'i yul yang yin no/ /des na brjod pa med pa dang rnam par rtog pa med pa zhes bya bar 'grub pa ma yin te/ 'di ni sngar smras pa'i rigs pas mi bden pa nyid yin bas ri bong gi rwa bzhin yod pa ma yin no/ /gal te sangs rgyas pa rnams
 kyang ngag dang blo'i spyod yul las 'das pa ni don dam pa'o zhes 'dod pa ma yin nam zhe na/ de ni bden na 'on kyang rigs pa ni 'di yin te/ shes bya ye nas ma grub pas/ /blo yi yul du mi rigs so/ /blo yi yul las log pas na/ /ngag gi yul las
 log pa'ang yin/ /kun rdzob tu rnam par shes pa drug gi yul gyi shes bya yongs su btags pa yin la/ de kho na nyid du ni yongs su btags pa ni rnam pa thams cad du grub par gyur pa med pas yul de la blo yang skye bar mi 'gyur ba'i phyir blo'i
 spyod yul du gyur ba yang ma yin la/ blo'i spyod yul las log par gyur pas rten med pa'i phyir dag kyang 'jug par mi 'gyur te/ des 'di ltar don dam pa nyid du dag gi spyod yul du gyur ba yang ma yin no/ /de bzhin gshegs pa'i mi brdzun
 pa'i/ /lugs 'di dge bar shes nas ni/ /de phyir mu stegs 'dod skyes te/ /de la bdag gir byas pa yin/ /brgya la res 'ga' de bzhin gshegs pa 'jig rten du byung bar gyur cing/ des brdzun pa ma yin pa'i gsung rab
 kyi lugs kyang rab tu bstan nas yongs su mya ngan las 'das pa yang bstan pa na de'i lugs de la mu stegs pa rnams 'dod pa skyes par gyur nas rang gi grub pa'i mdza' i nang du bsres shing lugs 'di ni kho bo cag gi yin no zhes bdag gir yang byed
 do/ /de ni ston dang phyi mar yang 'gal ba'i skyon dang bcas pa'i grub pa'i mthas 'dres pas rnam par rtog pa yin par mtshon par bya ba yin te/ des ni sngon dang phyi ma'i 'gal ba yi/ /de yi lugs la su zhag dang/ /shin tu rigs mi gcig pa'i
 phyir/ /lcags las nor bu rin chen bzhin/ /ji ltar 'ga' zhig lcags kyis rang bzhin gyi nor bu la rin po che dang 'dra bar bya'o/ /zhes shin tu phyi ba dang byas kyang de ni bsregs pa dang phyi ba dang bdar ba la sogs pa bzod pa ma yin pa'i phyir/ shin
 tu mi 'dra bar gyur pa yin pas nor bu rin po che rtog pa la mkhas pa su zhig de la rin po che'i 'du shes bskyed par 'gyur/ de bzhin du/ bdag dang rtag pa dang/ kun la khyab pa dang/ gcig pu las bzlog pa bdag med pa mi rtag pa kun lam
 khyab pa du ma'i ngo bo nyid 'gal ba yin pa'i phyir shin tu mi 'dra ba'i rnam par gyur pa yin pas de kho na nyid rtog pa la mkhas pa su zhig de la de kho na nyid kyis 'du shes skyed par byed/ des na 'di ni ri dags kyi rnga ma bstan nas rta'i sha
 'tshong bar byed pa dang 'dra'o/ /gal te yang dbu mar smra ba rnams la yang bcas pa nyid dang/ bdag med pa nyid dang/ stong pa nyid dang/ phyi stong pa nyid dang/ skye ba dang/ skye ba med pa dang/ dngos po dang/ dngos po med par smras pas 'gal ba chen
 po 'byung bar 'gyur ba ma yin nam zhe na/ 'di la lan brjod pa/ 'di ltar 'di ni lugs 'di la/ kha cig dag ni drang phyir dang/ /lhag ma 'dzin la bzlog pa'i phyir/ /sna tshogs dag tu bstan pa yin/ /rgyu dang 'bras bu la skur pa 'debs pa'i lta bas sems
 nyams par byas pa med par smra ba/ yod pa ma yin par 'dzin ba rnams bzlog par bya ba'i phyir/ bdag yod pa nyid du bcom ldan 'das kyis bstan te/ de dag 'dren par mdzad pa dang/ bdag tu smra ba rnams bdag tu 'dzin pa la mngon par zhen cing 'jig
 pa rnams bzlog par bya ba'i phyir bdag med do zhes ston par mdzad pa yin te /kun rdzob tu de dag tu 'dzin pa spang bar bstan pa yin no/ /don dam par ni bdag kyang ma yin bdag med pa yang ma yin no zhes zab cing rgya che ba'i chos la bzod pa dang ldan pa
 rnams la bstan pa yin te/ de ltar na bcom ldan 'das kyis gsung rab rnams du mar bstan pa nyid ni kun rdzob dang don dam pa'i rjes su 'brangs nas bstan pa yin te/ 'gal ba med do/ /de ji lta bu zhe na/ dngos po rnams ni ma skyes nyid/ /rang bzhin bcos
 ma med pa'i phyir/ /'di la nyams ba med pas na/ /bdag ces kyang ni brjod pa yin/ /bdag dang gzhan dang gnyi ga dang/ /rgyu med pa las yod pa dang med pa skyes pa ma yin pas dngos po rnams ma skyes pa nyid du bdag gis sngar bsgrubs zin pa de nyid
 dngos po rnams kyi rang bzhin bcos ma ma yin pa nyams pa med pa yin pas de nyid dngos po thams cad kyi bdag yin par 'gyur ro/ /tha dad dngos kyang dbyer med phyir/ /ngo bo gcig phyir gcig nyid yin/ /kun khyab chos rnams thams cad phyir/ /rtag
 pa de yin mi nyams phyir/ /de ni ma skyes pa'i ngo bo nyid yin pas bdag yin no/ /phung po dang/ khams dang/ skye mched tha dad du zin kyang dbye ba med pa'i phyir gcig nyid yin no/ /dngos po thams cad mtshan nyid med pa'i rang gi mtshan nyid 'dzin
 pa'i chos can yin pas kun la khyab pa'o/ /'di ni ma skyes pas nyams pa med pa yin pa'i phyir rtag pa'o/ /ma skyes phyir na skye med nyid/ /de nyid phyir na rga shi med/ /'pho ba med phyir 'di 'pho med/ /rab mthar
 thug phyir mchog nyid yin/ /ma skyes pa nyid kyi phyir na skye ba med pa'o/ /skye ba med pa nyid kyi ngo bo la rga ba dang 'chi ba med pas rga shi med pa'o/ /ma skyes pa ni 'pho ba med pa yin pas nges na 'pho ba med pa'o/ /de las gzhan pa'i ngo bo nyid mchog tu
 gyur pa'i ngo bo yod pa ma yin pas mchog ces bya bar 'dod do/ /gzugs dang sgra dang dri sogs min/ /sa dang me dang chu rlung min/ /nam mkha' zla ba nyi ma min/ /yid dang shes pa'i mtshan nyid min/ /dngos po thams cad kyi yul du ma gyur pa'i phyir
 de ni dngos po med pa'i ngo bo nyid yin pas yul gyi bdag nyid du gyur pa yang ma yin no/ /sra ba dang gsher ba dang che ba dang g.yo ba zhes bya ba 'byung ba'i mtshan nyid du gyur pa yang ma yin pas da'i ngo bo nyid ma yin no/ /rdzas su med pa nyid yin pa'i
 phyir 'gal la yang go 'byed pa med pa dang/ snang ba'i rang bzhin yang ma yin pas nam mkha' dang ri bong can dang nyi ma la sogs pa yang ma yin no/ /sems par byed pas na yid dang dngos po rab tu shes pa'i mtshan nyid can yin pas na shes
 pa ste/ 'das pa dang ma 'ongs pa'i mtho ris dang/ byang grol la sogs pa'i yul can no/ /yang de ni de kho na nyid kyi ngo bor yod par gyur pa ma yin no/ /thams cad 'di yin rang bzhin phyir/ /nyams pa med phyir thams cad min/ /de la nyon mongs pa
 skye med phyir/ /dag pa 'di yin zhi nyid 'di/ /dngos po thams cad kyi rang bzhin gcig nyid yin pa'i phyir 'di ni thams cad yin no/ /kun kyang nyams par 'gyur ba'i bdag nyid can yin la/ yang de ni nyams par 'gyur ba ma yin pas thams cad ma yin
 no/ /rdzas skyes pa med pas rten med pa'i phyir nyon mongs pas yang skye bar 'gyur ba ma yin pas 'di ni dag pa ste dri ma med pa'o/ /de nyid ni zhi ba ste bya ba thams cad las shin tu 'das pa'i phyir ro/ /de ni btags pas sgro btags nas/ /brjod bya yang dag
 brjod bya min/ /ye nas brjod bya ma yin phyir/ /'di ni dri ma med ces bstan/ /yang de ni de kho na nyid du brjod par bya ba ma yin na yang btags pas sgro btags nas de la skye ba med pa dang/ dngos po med pa dang 'gag pa med pa zhes bya ba la sogs pa'i yi
 ge kun rdzob tu gzhan dag gis rtogs par bya ba'i don tu chig tu rjod par byed do/ /gsal por gyur pa med pa'i phyir rnam pa kun gyis brjod par bya ba ma yin pas dri ma med pa zhes brjod do/ /gang zhig 'di ltar mngon 'dod pa/ /khyod kyis bdag kyang yin na
 ni/ /ming sogs chos mang 'dra ba la/ /skyon med rigs pa dang bcas yin/ /gang skye ba med par spyi'i mtshan nyid ji skad bstan pa'i rigs pa dang bcas pa yin pa bzhin du skyon dang bral ba nyid du khyod kyi bdag kyang 'dod na ni ming tsam la brtsod par zad de/
 khyod ni bdag mchog ces zer la kho bo cag ni skye ba med pa zhes zer bas 'di la 'gal ba ci zhig yod/ /des na bdag med nyid kyis 'jigs pa rnams/ /'jigs kyang de nyid la gnas te/ nam mkhas 'jigs par gyur pa dag/ gzhan pa'i gnas
 'ga' med pa bzhin/ /ji ltar blun po 'ga' zhig nam mkhas 'jigs shing sgrag na yang/ de las gzhan pa'i gnas ma mthong bas nam mkha' de nyid la gnas par byed do/ /de bzhin du khyod kyang bdag med pas 'jigs shing sgrag na yang bdag med pa de nyid la
 brten cing gnas te/ de las gzhan pa'i rten med pa'i phyir ro/ /sangs rgyas 'jig rten gnyen rnams kyis/ /de nyid bdud rtsi mchog 'di la/ /'di ni 'ga' yang bkag med pas/ /legs par 'ongs so ngoms par gyis/ /de bzhin gshegs pa'i
 gsung rab kyi ro myang ba'i phyir 'dir 'ongs pa legs kyis /chos bdud rtsi'i ros tshim par gyis shig/ skye gnas dang/ na tshong? dang/ rigs dang/ yul dang/ dus kyi skyon thugs rje chen pos spangs par mdzad pa'i thugs
 can yang dag pa'i lta ba bzhin gyi don rigs pa'i sangs rgyas rnams kyi gsung rab 'di la bkag pa med do/ /de kho na nyid ni bdud rtsi ste/ ngoms par byed pa'i phyir ro/ /de dang 'dra ba'i de kho na nyid gzhan med pas mchog /ste dam pa'o/ /yang dag
 lta la sgrib med pa'i/ /bdag ni byed po za bo sogs/ /rten med brdzun pa'i 'dzin pa ni/ /des na spang pa kho nar gyis/ /gal te khyod de kho na nyid kyi bdud rtsi 'di la dga' bar byed na de lta na yod pa ma yin pa'i bdag byed pa po dang/ za ba po nyid du rten
 med par brdzun pa'i 'dzin pa yang dag pa'i lta ba'i bar du gcod par byed pa 'di nges par mthong zhig /gal te kho bo cag gi bdag dang khyed kyi bdag med pa gnyis 'dra bar gyur na des khyed dang bdag cag gi grub pa'i mdza' mtshungs par 'gyur ro zhe na
 de ni ma yin te/ gang gi phyir/ dngos rnams rang bzhin skye med phyir/ /de nyid du na skye med 'dod/ /ngo bo nyid kyis skyes med nyid/ /'di yi ngo bo nyid du bstan/ /dngos med nyid ni bdag med pa/ /de ni bdag min dgal ba nyid/ /bdag med bdag
 tu 'gyur zhe na/ /ba lang min pa'ang ba lang 'gyur/ /rgyu dang rkyen dang mthun par skyes pa yin na yang/ dngos po rnams rang bzhin gyis ma skyes par khas blangs nas ma skyes pa'o zhes brjod par bya'o/ /de nyid ni rang bzhin med pa yin pas
 rang bzhin gyis ma skyes pa nyid do/ /bdag ni rang bzhin dang don tha dad pa ma yin pa'o/ /gang gi phyir de dang bral bar gyur pa de ni bdag med pa'o/ /bdag med pa'i ngo bo ni bdag med pa nyid do/ /de ni bdag med pa yin pas bdag ma yin te/ de ci'i
 phyir zhe na/ 'gal ba'i phyir te gang bdag yin na ni bdag med pa ji ltar yin 'on te bdag med pa yin na yang bdag ji ltar yin te/ ji ltar rta'i ngo bo ba lang gi ngo bo ma yin pa ltar/ de bzhin du bdag med pa 'di bdag tu 'gyur ba ma yin no/ /gang gi
 phyir/ dngos po'i ngo bo med 'di ni/ /ji ltar byed po za bor rigs/ /gang phyir mo gsham dag gi bu/ /byed po za por ma yin bzhin/ /byed pa po dang/ za ba po yang de mi rigs te/ rang bzhin ngo bo nyid med pa yin pa'i phyir/ dper na mo gsham gyi bu
 bzhin no/ /de ltar gyur la skye ji ltar/ /de la nyams par 'gyur ji ltar/ /mkha' la me tog med pa la/ /ji ltar skye 'jig btags pa bzhin/ /rnam pa de lta bur bdag med pa'i bdag la 'gro pa ma lus pa skye zhing 'gag pa ji ltar 'gyur/ /dngos po
 med pa'i ngo bo nyid ni ji ltar nam mkha' i me tog bzhin/ skye ba dang/ 'gag par rigs pa ma yin no/ /dngos po med pa'i yul dag la/ /ji srid blo ni 'jug gyur pa/ /blo yis btags pas sgro btags phyir/ /de srid gcig la sogs par 'dod/ /dngos po
 nyid med par gyur pa ni dngos po med pa ste/ yul de la dus ji srid du blo 'jug par gyur pa de srid du gcig la sogs pa'i rtog pa 'byung bar 'gyur te/ ci'i phyir zhe na/ gcig nyid med du zin kyang blos btags pas sgro btags nas gcig ces
 bya ba la sogs par brjod pa'i phyir ro/ /rtog bcas rtog pa med pa las/ /gang tshe blo ni log gyur pa/ /de tshe blo ni yul med phyir/ /spros pa nyer zhi zhi ba nyid/ /ngo bo dang bcas pa'i ngo bo med par rnam par btags pa'i rnam par rtog pa de dag gnyi ga yang
 med pa'i bdag med pa la dmigs pa'i rnam par mi rtog pa las gang gi tshe blo log par gyur cing/ /blo'i yul thams cad med par gyur pa de'i tshe dngos po thams cad yongs su ma grub pa'i ngo bo don de kho na nyid de/ thams cad du gang gis brjod par bya ba
 ma yin pas nye bar zhi bar gyur pa yin no/ /de bzhin du ngag dang blo las shin tu 'das pa'i de kho na nyid ni de kho na yin par rigs kyis/ khyod kyis kun tu btags pa'i bdag tu lta ba ni ma yin te/ sngar bstan pa'i skyon rnams yod
 par 'gyur ba dang/ gzhan yang rngan pa byin nas nyal ba'i bud med bzhin nam/ blun po tha mar gyur pa zhig/ ba lang gi shen pas dbang po bcol ba bzhin no/ /de lta bas na/ ji skad bstan pa'i de kho na nyid ni gnod pa med par gnas pa yin no/ /dbu ma'i snying
 po'i 'grel pa rtog ge 'bar ba las/ /rig byed kyi mdza' rgyur smra ba'i de kho na nyid la 'jug ba ste le'u brgyad pa'o// //de nas/ da ni dpyod pa can gyi de kho na nyid gtan la dbab pa la 'jug pas le'u dgu pa'i rab tu
 byed pa brtsam par bya ste/ ngo tsha med pa kha cig ni/ /byang grol legs lam bsam gtan dang/ /zhes la skur 'debs bya ba tsam/ /bdag gis de ni thob par sems/ rigs byed kyi mdza' smra ba nyid las gzhan par dpyod pa can zhes bya bas rig byed
 la gang snang ba ni rang byung yin te/ de ni de kho na nyid yin no zhes btags nas thar pa thob pa'i lam bzang po gang yin pa dang/ bsam gtan dang/ shes pa dang/ grub pa'i mdza' thams cad la 'gal bas skur ba 'debs shing mchod sbyin la
 sogs pa bya ba 'ba' zhig gis byang grol 'thob par 'gyur ro snyam du sems shing slus byed pa dang 'dra bas mkhas pa rnams la ngo tsha dang bral bar byas nas byas pa'i shugs bzhi bcu rtsa brgyad kyis bram zer byed pa yin no/ /zhes rgyas par brjod do//
 de la dang po mngal nye bar blangs pa'i dus su mngal gyi zla ba dang po la oM khyab 'jug mngal yin no/ /twa stas gzugs sbyangs so/ /tshangs pas sa gcod par byed do/ /skye dgu'i bdag bos ni mngal sbengs bar byed do/ /de rnams kun gyis mngal du 'god par
 byed cing/ de rnams nyid kyis skyong zhing 'tsho bar byed do/ /de rnams dang lha tha skar gyis mngal rdzogs par ster bar byed do/ /zla ba gnyis pa dang gsum pa la ni skyes bu'i cha byad du byas pas so/ /zla ba drug pa la ni gtsug tor bye ba bya'o/ /skye pa'i dus na chog bzhin du bsrungs pa dang/ skyes ma thad
 tu mang? dang sbrang rtsi myangs pa dang/ nyi ma bcu pa la ming btags pa dang/ zla ba bzhi pa la nyi ma bstan pa dang/ drug pa la zas byin pa dang/ lo gcig gam zla ba gsum nas gtsug phud bcings pa dang/ mngal du zhugs pa nas bzung ste/ lo brgyad na ste gon
 du gnas shing brtul zhugs lnga dang nye bar brtul zhugs lnga blangs pa dang/ /de las gzhan pa'i brtul zhugs lnga ma nyan pa dang/ /a po hi s+tha dang/ ma la bya ba rnams dang/ bza' ba rnams dang/ bla ma rnams la bsnyen bkur byas pa dang/ dus gsum du
 'thor 'thung bya ba dang/ bzlas pa dang/ mchod sbyin dang/ nyer reg dang/ rlung 'byung ba dang/ gzhug pa dang/ rig byed rdzogs par bklags pa dang/ bag ma blangs pa dang/ bzhi pa byas pa dang/ sbyin sreg dang/ me bsrungs pa dang/ me la sbyin
 sreg byed pa bstan pa dang/ zla ba gcig lon nas mchod sbyin byas pa dang/ byol song bcings pa dang/ zla ba bzhi pa'i nga nyi ma ldog pa'i dang po la nyer gnas kyis las dang/ brgyad pa gsum pa byas pa ste/ lo ma dang/ 'o ma dang/ sha dang/
 'khur bas mchod sbyin byas pa zhes bya ba de lta bu bram ze'i dbang du byas pa'i shugs bzhi bcu rtsa brgyad po 'di dag dang/ bstan bcos las 'byung ba bzhin du 'bru dang/ byol song dang/ mar dang/ chung ma dang 'brel pa'i las rnams byas
 pa'i yon tan gyi lam las gzhan gyis grol bar 'thob par rigs pa ma yin no/ zhes lung las 'byung ngo/ /rig byed las bstan pa'i so ba dang/ byol song dang/ mar la sogs pas mchod sbyin bya ba dang/ stegs bu'i dkyil du chung ma blad zhing?
 'brel pa'i bya ba las gzhan pa'i thar pa 'thob pa'i thabs ni med do/ /ji ltar shes zhe na/ rig byed kyi lung gi lugs tshad mar byed pa yin te/ rig byed las ni dkar mo dang 'bu rnams kyis mchod sbyin byas par 'gyur ro/ /de bzhin
 du gang la lo gsum thub pa'i so ba khyim na sbas nas yod pa'am/ de bas lhag par yod pa ni las byed rnams kyi 'tsho ba dang bcas pa yin pas de ni nyi ma'i mchod sbyin byed pas 'os pa yin no zhes 'don to/ /byol song bcings pa yang bstan te/
 bar gyi chus la bab pa na/ byol song drug gam bdun sbyar bya/ /rta yis gtsad ma'i chig yin no/ /nyung la byol song gsum gyis so/ /re re la yang grong gi mi/ byol song bcu drug bcu drug sbyin/ /cho ga bzhin du mchod sdod gzugs/ /bar du bcu
 dang bdun sbyin bya/ zhes bstan to/ /de bzhin du dpyid ni ka pi 'dza la gsad par bya zhing/ so ga kar gsad par bya/ /dbyar ni ti ti ri zhes bya ba la sogs pa dang/ skyes bu yang byol song nyid yin no snyam du sems shing smras pa/ bram ze la ni bram
 ze bsad/ /rgyal rigs kyi la rgyal rigs bsad/ /ma ru dag la rje rigs te/ /dka' thub dag la dmangs rigs so/ /zhes bya ba la sogs pa dang/ lo gsum lon pa'i mar dag ni/ /mchod sbyin bya bar 'os pa yin/ /zhes bya ba dang/ de ni rnyed par ma
 gyur na/ /ba dkar mar kyi don du bzho/ /zhes bya ba la sogs pa dang/ chung ma blangs pa'i 'brel smras pa/ gau ta ma bud med me nyid yin/ /de yi nyer gnas thab khung yin/ /der skyes sbu na du ba yin/ /de'i nang zhugs pa sol ba'o/ /de yi khu ba me
 stag yin/ /de lta bu yi me 'di la/ /skyes bu lha yi sa bon bsreg /sbyin sreg de las skyes bu 'byung/ /de skyes 'tsho bar 'gyur ba yin/ zhes bya ba la sogs pa dang/ de bzhin du bkra shis byed pa'i dus su/ khyos chung ma la 'di skad smra bar
 bya ste/ khyod kyi nyer gnas sbrang rtsis byug par bya/ /'di ni skye dgu'i bdag po kha gnyis pa/ /gang phyir skyes bu rnams ni 'byung 'gyur phyir/ /kun gyis mthong bya min no lha mo khyod swA hA/ de bzhin du bu mo'i nyer gnas sbrang rtsis byugs nas/ de ni lce yis blangs
 bar bya ste/ skye dgu'i bdag po'i zhal gnyis pa yin pa'i phyir ro/ /rang gi pho mtshan dbang phyug chen pos de'i nang du bsrubs pa las bdud rtsis 'byung bar bya ste/ de ni mtho ris kyi lam yin pas skye dgu'i bdag po'i bya ba yin no/ /gang gi phyir 'di ni bdud
 rtsi'i chu yin te/ 'di lta bu las skyes pa de bram ze yin na/ /de bram ze yin no/ /de bram ze yin no/ /gang de ltar ma yin par skyes pa de ni dmangs rigs so/ /de ni dmangs rigs so/ /de ni dmang rigs so zhes bya ba dang/ de bzhin du dung gi me tog ces bya ba'i sman
 rna'i rtse mo'i bla na zhing/ rus spal gyi mkhris pas mo mtshan gyi sgo bkus la/ de nas 'khreg pa spyod pa'i mal du khrid la gan rkyal du bsnyal te/ bsad pa la? sogs pa'i bya ba bya'o/ /de na phan tshun 'khrig pa'i dus su 'di skad smra ste/ me ni bsreg bya
 ste 'jigs pas skyabs su 'gro zhing gsol ba 'debs so/ /sreg par byed pas sna tshogs rig par byed pa'i mchod sbyin 'di ni mdzes par byas so zhes bya ba ste/ rtse mo khyer bar byed pas ma 'am /phung la spyod pa yin pas me'o/ /skyabs su 'gro zhing gsol
 ba 'debs pa ni legs pa'i don du lha'i drang srong la'o/ /mi rnams ni rigs par byed pa me la mchod par byed pa yin la me ni sreg par bya ba yin te/ lo stong gi bar du kwa du'i mchod sbyin byas pa yang bsdus pa yin no/ /sreg par byed pas na sreg par
 byed pa'o/ /sna tshogs de ni dge ba'o/ /rnam par rig cing shes pa'i phyir thams cad kun tu rig pa 'byung bar 'gyur bas sna tshogs rig par byed do/ /de ni sna tshogs reg par byed pa ste /sreg par byed pa'i me yin la de la skyabs su 'gro bar bya ba'o/ /ci'i phyir
 zhe na/ mchod sbyin 'di ni mchod sbyin rnam pa nyi shu rtsa gcig gi don du'o/ /de la smin pa'i ming can ni bdun te/ de yang phyi dro tha ma dang/ snga dro dang po la sbyin bsreg bya ba dang/ phyi dro tha ma dang snga gro dang po la gtor ma btang ba dang/
 snod kyi nang du bco ba dang/ brgyad pa la gnod pa dang sreg rdzas bdun mchod sbyin gyi dus su bzhag pa dang/ me la sogs pa gang mer bsreg par bya ba rnams dang/ nyi shu'i dus su mchod sbyin dang/ zla ba bzhi pa 'das pa'i dus kyi nyi ma ldog pa'i dus kyi
 bya ba dang/ byol song bcing ba'i bar dang/ skud pa la brgyas pa'i nor bu dang/ zla ba la gnas pa bdun dang/ me la bsreg par bya ba dang/ me la bsregs pa las ldang ba dang/ 'ba' tsa dpe la dgos pa bcu drug dang/ nub mo'i thun gsuM kyi bya?
 bzheS bya ba mchod sbyin rnam pa nyi shu rtsa gcig pa 'di'i don du'o/ /mdzes par byed pa zhes bya ba la mdzes pa ni bsngags par bya ba ste/ mdzes par byed pa'o/ /kra dung gi byed pa po ni me'i lha yin pas de'i bdag po la skyabs su 'gro bar bya ba yin pas
 mchod sbyin 'di ni legs bya'i phyir zhes bya ba'o/ /yang de bzhin du smras par ni bzhi'o/ /'di'i rkang pa ni gsum mo/ /mgo bo ni gnyis so/ /lag pa ni bdun no/ /de 'dir gsum nas bcings la khyu mchog 'di ni da ro 'don to zhes bya ba ste/ rwa
 bzhi'i ni rig byed bzhi ste/ snyan dngags dang/ mchod sbyin dang/ srid bsrung dang/ nges brjod ces bya'o/ /de la rwa dang po la zhugs pa ni 'di ltar snyan dngags mang pos me la bstod pa dang por mchod sbyin la phan no/ /lha'i nang na mchog tu
 gyur pa bsreg sbyin gyi gnas rin po che'i sbyin par byed pa'o/ zhes bya ba la sogs pa ste/ gsung rab 'di dag gi byed pa po ni lo ma can dang shing shun can la sogs pa yin no/ /de bzhin du mchod sbyin gyi rig byed rnams la mngon par
 zhugs pa ni gtso bo nyid du 'gyur ba'i las te/ de ni 'di skad du mchod sbyin la khyod 'dod do/ /khyod 'phel bar bya'o/ /'byung ba la gnas shing 'jug pa po la gnas pa'i rig byed kyis khyod kyi nyi ma 'thob par byed do zhes bya ba la sogs pa ste/ dzam+b+hi la
 dang kan na dang/ nyi ma phyed pa dang/ ka Tha dang ka la pa dang ti ti ri la sogs pa gsung rab 'di'i byed pa po yin no/ /mchod sbyin 'dus byas pa'i rgyu mtshan gyi rwa gsum pa la mngon par 'jug par byed pa ni sdeb sbyor glur len pa ste/ rims la sogs
 pa med bya'i phyir me tshur spyon sreg rdzas rnams byin pa gsol cig/ sreg par byed pa'i 'dod pa rnams sgrub pa'i phyir ro/ zhes bya ba la sogs pa ste/ de dag kyang las la dang sad+dya ya ni dang ko thu ma dang/ na ra ya ni la sogs pa gsung rab 'di'i
 byed pa po yin no/ /las bsgrub par bya ba'i phyir ro bzhi pa la mngon par 'jug par byed do/ /nges brjod kyi mkhan po na re lha mo mdzes ma bdag la mngon par brtse bar gyis/ chu'i lha yis 'jigs pa med par gyis/ /bdag gi phun sum tshogs pa rab
 tu sgrubs? zhes bya ba la sogs pa'o/ /de rnams kyi me'i las zhi bar byed pa dang/ rgyas par byed pa dang/ mngon spyod la sogs pa'i las rnams ni gcig yin no/ /'di'i rkang pa gsum ni dus gsum yin te/ de la nor lha ni brgyad de yi ge brgyad de yi ge brgyad
 glur len par byed pa'i dbyangs kyis tho rangs dus su thod pa brgyad du khur ba brgyad brgyad bzhag pa dang/ mchod pa byed ces bya ba'i tha tshig go/ drag po ni bcu gcig ste yi ge bcu gcig pa'i gsum sngags kyi sdeb sbyor dang/ gsum sngags kyi dbyangs dang/
 thod pa bcu gcig gis nyin phyed kyi dus su mchod do/ /nyi ma bcu gnyis te dza? ga ti zhes bya ba'i sdeb sbyor yi ge bcu gnyis pa'i dza ga ta'i dbyangs dang/ thod pa bcu gnyis dang bcas pas thun gsum pa'i dus su mchod do/ /yang na sbyin bsreg byas pa'i
 me'am/ grong ba'i me 'am/ lho phyogs kyi me ni rkang pa gsum zhes bya'o/ /mgo bo gnyis ni mchod sbyin byed pa dang de'i chung ma'o/ /mchod sbyin med pa ni gang chung ma med pa'o/ /rdza'u rigs kyi bya ba bcu drug ni me dang zla ba la yin la/
 de'i chung mas kyang de'i rjes la sbyin par bya'o/ /yang na mgo bo gnyis ni yi ge oM dang dbyangs gyi sdeb sbyor zhes bya'o/ /lag pa bdun gyi sdeb sbyor bdun te/ de la yi ge drug pa'i dbyangs kyi sdeb sbyor ni dus drug go/ /u snig? zhes bya ba'i sdeb sbyor yi ge bdun
 ba ni drang srong bdun yin no/ /yi ge brgyad pa ni rjes su sngags pa zhes bya ba'i sdeb sbyor te nor lha brgyad yin no/ /yi ge dgu pa'i sdeb sbyor bri ha ti zhes bya ba'i ni gza' dgu yin no/ /yi ge bcu pa'i sdeb sbyor phreng ba zhes bya ba ni phyogs bcu yin no/ /yi
 ge bcu gcig pa'i sdeb sbyor gsum sngags zhes bya ba ni drag po bcu gcig yin no/ /yi ge bcu gnyis pa'i sdeb sbyor dza ga ti zhes bya ba ni nyi ma bcu gnyis yin te/ de dag ni rig byed kyi lag pa'o/ /gsum nas bcings zhes bya ba ni/ snying ga
 dang /mgrin pa dang/ mgo bo nas te/ gang khyu mchog yi ge oM 'di'o/ /'jig rten pa rnams kyi mchog yin pas khyu mchog go /nga ro 'don zhes bya ba ni nang du sgra byed do zhes bya ba'i tha tshig go /chen po zhes bya ba ni khyab 'jug dang bde byed dang/
 tshangs pa la sogs pa rnams ni dbang phyug yin la/ de dag pas kyang lhag par gyur pas mchog? po'o/ /gtso bor gyur pa dang mnga' bdag tu gyur pas lha chen po'o/ /'jig rten 'di'i 'chi bar 'gyur ro zhes bya ba ni tshangs pa la sogs pa nas
 gnas pa'i mthar thug pa ste/ de ni thams cad la khyab na gnas zhes bya ba'i tha tshig go/ de lta bu'i rig byed las bstan pa'i 'bru dang byol song dang/ mar dang chung ma dang 'brel ba'i bya ba dag gis 'bras bu ni 'chi ba las thar pa dang/ sdig pa
 las thar pa dang/ bram ze bsad pa las thar pa ste/ gang rta yi dag pa'i mchod sbyin byas pa'o/ /de las gzhan pa byol song bcings pa la sogs pas ni 'jig rten mngon par rgyal bar 'gyur ba'o/ /de las mtho ris 'dod pas me la sbyin sreg gi mchod spyi?
 bya'o zhes 'byung ste /me la sbyin sreg ces smos pas ni 'bru dang mar gyis mchod pa dang/ chung ma dang 'brel ba'i bya ba bstan pa yin no/ /byol song bcings pas ni skyes bus dag pa dang/ rta yis dag pa dang/ ba lang gi cha byad dang/ me la mchod pa dang/
 rgyal pos 'os pa dang/ rlung za ba dang/ pad+ma dkar po la sogs pa'i mchod sbyin bya bar bstan pa yin no/ /gzhan yang dir smras pa/ me khyod kyi zas ni bdun no/ /lce ni bdun no/ /drang srong ni bdun no/ /khyim ni bdun no/ /nyin zhag bdun du lan bdun du khyod mchod do//
 skye gnas bdun du khyod mar gyis tshim par bya'o swAhA/ zhes bya ba ste/ me khyod kyi zas ni bdun no zhes bya ba ni bil ba dang/ ba la sha dang/ a shwad tha dang/ u dum wa ra dang/ arka dang/ sha mi dang/ seng ldeng zhes bya ba sreg rdzas bdun bstan
 pa'o/ /lce bdun zhes bya ba ni sdeb sbyor bdun te/ ga ya tri dang/ a shig na dang/ a nu shthu dang/ bri hi ta dang/ sang+ga ti dang/ tri shU ba dang/ ja ga ti zhes bya ba'o/ /drang srong bdun ni dbang po dang/ gsal ba dang/ sde can dang/ bden ldan ma dang/ gser can
 dang /phyogs can dang/ ka shu na dang/ sa la ga zhes bya ba'o/ /yang na bri ku dang /aM gi sa ra dang/ pu la stya? dang pu la ha zhes bya ba la sogs pa'o/ /nyin zhag bdun zhes bya ba ni ang d+ha rdzu dang/ sbyin sreg dang/ me bstan pa dang/ byams
 pa rlung lha dang/ mnyam sgrol dang/ tshangs ba dang/ mthong ston zhes bya ba'o/ /lan bdun du khyod mchod par bya'o/ zhes bya ba'i phyi dre dang snga dro sbyin bsreg bya ba dang/ snod kyi nang du bco ba dang/ 'dod pa brgyad dang/ dbang du byed pa zhes bya bas
 lan bdun du mchod pa'o/ /skyes gnas bdun ni/ sa dang/ rdo dang/ shing dang/ lcags dang/ blugs gzar dang/ chu dang pad+ma'i 'dab ma zhes bya ba'o/ /khyod mar gyis tshim par bya'o/ /zhes bya ba la mar zhes bya ba'i chu ste/ mchod sbyin gyi me
 la chu dang reg par byed pa ste/ bden pas khyod la dbang bskur ba'o/ /ro rnams kyis khyod la blugs so zhes bya ba ni skye gnas bdun du khyod mar gyis tshim par bya'o zhes rig byed kyi lung las rab tu grags so/ /de yang ji ltar bsangs sogs byas nas dur khrod
 par/ /sngags las bstan pa'i cho ga can/ /da ni bstan bcos 'dir dbang bar/ /shes par bya yi gzhan 'ga' ang min/ zhes bstan pas gang grangs can pa dang/ bye brag pa dang /gcer pu pa dang/ med par smra ba pa dang/ sangs rgyas pa la sogs
 pa rnams kyi ser skya dang/ gzegs zan dang/ gcer pu dang/ 'jig rten 'di pa dang/ sangs rgyas la sogs pa rnams ni tshang mar gyur pa'i skyes bu nyid yin no zhes bstan pa de ni mi rigs te/ gang gi phyir/ chags sogs skyon gyis nyams
 pa'i phyir/ /skyes bu'i tshig ni brdzun nyid yin/ /rig byed skyes bus ma byas phyir/ /des na tshad mar bzung bar bya/ /skyes bu rnams ni 'dod chags la sogs pa dag dang/ ma rig pa'i rjes su 'gro ba yin pa'i phyir/ don gzhan du rnam par gnaS
 la gzhan du sgrub par byed pa yin te/ dper na chu klung 'di'i 'gram na 'bras bu gnas so zhes bya ba ni brgya la mi bden par yang 'gyur la brgya la ni mi bden par yang 'gyur ro zhes bya ba'i lung bzhin no/ /gal te skyes bu'i tshig tshad ma ma yin
 na/ tshad mar gyur pa gang zhig yin zhe na/ rang byung ba'i rig byed tshad mar gyur pa yin te /skyes bus ma byas pa'i phyir ro/ /'di skyes bus ma byas pa nyid ji lta bu yin zhe na /byed pa po mi dran par 'dod phyir/ /rig byed skyes bus ma byas la/ /
 brgyud nas 'ongs pa ma chad phyir/ /des na lung yin de med na/ /ma nu dang dza ga nya pa la ka la dad bya sa dang/ a shtha la sogs pa'i thub pa rnams kyis kyang rig byed rjes su bstan pa yin gyi byas pa ni ma yin te/ rig byed kyi yi ge dang lugs mthar gyis thub pa phyi
 ma'i rgyud la/ rjes su bsgrubs shing /brgyud nas 'ongs pa rgyun ma chad par byung ba yin pa'i phyir lung zhes bya bar bstan pa yin no/ /de 'das shing med par gyur pa ni med pa ste/ rig byed ces bya ba'i lung de lkog tu gyur pa yin na yang mtho ris ni yod do/ /
 thar pa ni yod do zhes lung las rnam par shes so/ /sngon med pa'i chos kyang rtags dang 'brel pa med pa'i phyir dang/ dbang po'i yul las 'das pa yin pa'i phyir mthong bar gyur pa ma yin na yang/ rig byed kyi lung nyid kyis chos ni yod do zhes rnam par
 shes par bya ba yin gyi/ rig byed las gzhan du ni dmigs par mi 'gyur ro/ /de'i phyir rig byed kho na tshad ma yin no/ /gang sangs rgyas pa dang bye brag pa la sogs pa rnams kyis sgra ni mi rtag pa nyid do zhes bstan pa de ni yongs su mi shes pa nyid yin te/
 gang gi phyir sgra rtag dbyangs kyis gsal bar byed/ /don dang 'brel pa rtag pa nyid/ /don la rtogs pa dang ldan la/ /rtogs pa rab tu skye bar 'gyur/ /sgra ni rab tu skye bar 'gyur/ /sga? ni rtag tu gnas yin la/ /de yang gnas dang byed pa dang/ /'bad pa
 las yang dag par 'byung ba'i dbyangs kyi gsal bar byed pa yin gyi byas pa ni ma yin te/ ji ltar sgra ni brjod ma thag tu nyams par 'gyur ba yin na yang/ /de lta na yang gang don dang ni dus thams cad du mngon par 'byor pa yin pas de rtag pa nyid
 chin? te/ ji ltar ba lang zhes bya ba'i sgra ni nog dang/ lkog shal la sogs pa dang ldan pa'i don dang rtag tu 'bral pa yin te/ gang la don du nges par gzung bar bya ba de ni sgra nyid las don du nges par 'dzin pa 'byung bar 'gyur gyi sgra med par ni ma yin no//
 de'i phyir na sgra ni rtag pa yin no/ /de'i phyir na rigs pa nyid dang tshad mas kyang yin te/ lan cig 'jug phyir goms pa'i phyir/ /phyis kyang shes phyir de bzhin du/ /mnyan bya yin phyir sgra nyid bzhin/ /sgra ni rtag par shes par bya/ /lkog
 shal dang rnga ma dang nog dang rmig pa dang/ rwa dang ldan pa'i ril po la lan cig pa lang zhes brjod pa na yid ches pa skye bar 'gyur ba yin gyi brjod pa gnyis pa la bltos pa ma yin pa'i phyir dang/ gang gi phyir rig byed la sogs pa yang dang yang du
 goms par byas shing/ 'dris par byas pa las brjed pa med pa 'byor pas don dang bcas par rtag tu sems la gnas pa'i phyir dang/ sngon ming dang 'brel par yongs su shes pa de yang phrad cing mthong bar gyur pa na/ lhas byin de nyid 'di
 yin no zhes shes pa 'byung ba'i phyir dang/ rtag tu rna ba'i dbang pos gzung bar bya ba yin gyi/ dbang po gzhan gyis gzung bar bya ba ma yin pa'i phyir te/ de la sgra ni chos can no/ /rtag pa nyid ni de'i chos so/ /chos dang chos can bsdoms
 pa ni phyogs so/ /lan cig gis 'jug pa dang goms pa dang/ yang shes pa 'byung ba dang/ mnyan par bya ba nyid ces bya ba bzhi ni gtan tshigs so/ /sgra nyid bzhin no zhes bya ba ni dpe ste/ ji ltar tha dad du chad cing gnas pa'i ba lang sngon
 po dang/ so sor la sogs par dbye ba yid kyang ba lang nyid ces bya ba ni rdzas thams cad la thun mong du zhugs par gyur pa yin la/ ba lang gi rdzas ni tha dad du yod pa de bzhin du sgra nyid ces bya ba yang rtog pa nyid yin la/ rtag
 tu sgra dang 'brel pa yin pas de bzhin du sgra yang rtag pa yin no zhes brjod par bya'o zhes bya ba 'di lta bu rig byed kyi lung nyid las shes par bya'o/ /gang yang sangs rgyas pas lung gis rjes su dpag pa'i khongs su gtogs so zhes btags pa de
 de ni bden pa ma yin te/ gang gi phyir/ /mngon sum rjes su dpag pa dang/ /sgra las byung dang nyer 'jal bcas/ /don gyis go dang dngos med pa'i/ /gtan tshigs sgrub bya sgrub par byed/ /ces bya ba dang/ 'di skad kyang smra bar nus te/ 'di ni rjes dpag las tha
 dang/ /tshad ma yin phyir gzhan de bzhin/ /yang na gcig dang du ma'i yul/ /rtogs par gyur pa ji bzhin no/ /lung ni rjes su dpag pa las gzhan yin te/ tshad ma yin pa'i phyir mngon sum gyi tshad ma bzhin no/ /yang na mngon sum ni dngos po'i rang gi mtshan
 nyid la dmigs pa'i phyir yul gcig gi don rtogs pa yin la/ rjes su dpag pa ni spyi'i mtshan nyid kyi yul can yin pa'i phyir yul du ma'i don rtogs pa yin pa de bzhin du lung yang thar pa zhes bya ba gcig gi don dang /mtho ris la sogs pa du ma'i
 don yang rtogs par 'gyur ba yin pas de'i phyir/ lung ni rjes su dpag pa las don gzhan du gyur pa yin te/ mngon sum bzhin du yul gcig gi don rtogs pa yang yin la /rjes su dpag pa bzhin du yul du ma'i don rtogs pa yang yin no//
 gzhan yang/ rtags pa dang 'brel pa ma mthong ba'i/ /dngos don blo yi rgyu phyir ram/ yang na tha dad blo bskyed pa'i/ /rgyur gyur pa nyid yin phyir ro/ /ma mthong ba yang de yin la/ /rtags kyang de yin rtags ma mthong ba'o/ /de dang 'brel pa gang la mthong ba de
 ni rtags dang 'brel pa ma mthong ba ste/ gang gi zhe na /mtho ris la sogs pa'i dngos po'i don gyi'o/ /gang la rtags dang 'brel ba'i dngos po'i don ma mthong ba'i blo yod pa de ni rtags dang 'brel pa'i dngos po'i don ma mthong ba'i blo can no/ /de'i rgyu'i
 ngo bor gyur pa yin pa'i phyir/ rtags dang 'brel pa ma mthong ba'i/ /dngos don blo'i rgyu phyir ro zhes bya ba'o/ /blo gang la tha dad pa'i spyod yul yod pa de ni tha dad pa'i spyod yul can gyi blo yin no/ /tha dad pa'i spyod yul can gyi blo dag skye ba'i rgyur gyur pa
 ni tha dad pa'i spyod yul can gyi blo dag skye ba'i rgyur gyur pa yin te/ de lta bas na tha dad pa'i spyod yul can gyi blo skye ba'i rgyur gyur pa yin pa'i phyir lung ni rjes su dpog pa las gzhan yin par shes par bya'o/ /sngon med pa yang bya bas
 gsal/ /thar pa 'ang bya bas sgrub par byed/ /mkhas gang zla ba'i btung? sogs kyis/ /mthar byed pa las nges par rgyal/ /sngon med pa zhes bya ba ni chos zhes bya ba'i tha tshig go/ /de yang mchod sbyin la sogs pa'i bya bas gsal bar byed do/ /mngon
 med pa gsal bar byed pa'i bya ba de ni thar pa sgrub par gyur pa yang yin no/ /gang gi phyir zla ba btung ba la sogs pas nye bar mtshon pa'i bya ba de dag nyid kyis rnal 'byor pa de mthar byad pa las rnam par rgyal zhing 'chi ba med par 'gyur te/
 ji ltar zla ba 'thungs so 'chi ba med par gyur to/ /skye ba med pa'i ye shes su gyur to/ /de lta bu ni rig byed shes ba yin no zhes bya ba la sogs pa gang smras pa lta bu'o/ /yang de lta bur rig byed la smras pa rnams mi 'di yin te/ drang srong
 lha rten dam pas 'dod/ /lam snying bzang po rigs don 'di/ /phyi rol dmangs rigs bud med gzugs/ /'dzin par rigs ldan gsum 'di spangs/ /lha tshangs pa la sogs pa rnams dang/ garga dang/ ba shi s+thi la sogs pa thub pa
 rnams kyis bsten pa dang/ dam pa ste mkhas pa rnams kyis 'dod par gyur pa 'di ni/ dus ring po nas 'jug pa yin pas snying po'o/ /bgrod par bya bas na lam mo/ /dga' ba bskyed pas na bzang po'o/ /rigs pas 'thad pas na rigs
 pa dang ldan pa'i rig byed kyi don ni phyi rol tu gyur pa bud med kyi gzugs 'dzin pa dmangs rigs sangs rgyas pa zhes bya bas lam gsum po de spong bar byed do/ /snyan dngags? dang/ mchod sbyin dang/ srid bsrung zhes bya ba gsum po
 de nyid gsum yin la/ de rnams kyis ni sems can gyi don yang bsdus shing grub pa'i mdza' thams cad kyi yang rtsa ba yin no/ /ji ltar zhe na/ 'di la gang yod gzhan la yod/ /'di la gang med 'ga' la'ang med/ /chos la sogs pa bzhi po yang//
 de nyid gzhan na'ang mthong ba min/ /gang cung zhig chos dang 'dod pa dang/ don dang thar pa zhes bya ba bzhi por brjod par rig byed 'di la yod pa de dag nyid grub pa'i mdza' thams cad la yang yod pa yin gyi/ gang yang rig byed la med pa de ni mu stegs
 gzhan gang la yang yod pa ma yin no/ /de pas na chos dang/ 'dod pa dang/ don dang /thar pa zhes bya ba bzhi po'i rten du gyur pa ni rig byed 'ba' zhig kho na yin no/ /gzhan yang/ gtan tshigs smras pas gtan tshigs kyis/ /lam gsum
 po ni sun 'byin te/ /rjes su dpag pa gtso gyur phyir/ /rang gi lugs ni gsal byed gang/ /lam gsum zhes bya bar grags pa ste /gtan tshigs kyis sun dbyung bar mi bya ste/ ji ltar zhe na/ snying dang shes pa can gyi chos/ /yan lag dang bcas riD
 gso ba/ /gnang bas grub pa bzhi po ni/ /gtan tshigs dag gis gzhig mi bya/ zhes bstan pa'i phyir te/ gzhan dag lugs 'di las shin tu 'das nas lam gsum po de sun 'don par byed pa nyid kyis rang gi grub pa'i mdza' gsal
 bar byed pa gang yin pa de dag gis ni mngon sum du mthong ba ma yin no/ /long ba rkang pa'i tshod dpags kyis/ /nyam nga'i lam du rgyugs pa ltar/ /rjes su dpag pa gtsor 'dzin rnams/ /ltung bar dka' ba ma yin no/ /mig dang bral bar gyur pa
 rnams rkang pa nyid kyis non zhing g.yang sa'i lam nas 'gro bar byed pa ltar gtan tshigs sma ba rnams rjes su dpag pa kho na yin no snyam du sems te/ de dag ni ngan 'gror ltung ba las bzlog par dka' ba yin no/ /de'i phyir na kho bo cag ni gtan tshiD
 smra bar tshad mar mi byed do/ /gal te thams cad mkhyen pa nyid kyis gtan tshigs smra ba tshad mar bstan ba yin no zhe na/ 'di na 'ga' yang kun mkhyen med/ /gang phyir 'di ni ma mthong phyir/ /thams cad mkhyen par
 sangs rgyas la/ /btags pa 'jig rten gus bya'i phyir/ /dang sang 'di na thams cad mkhyen pa med de/ dmigs bar ma gyur pa'i phyir/ mo gsham gyi bu bzhin no/ /gang yang sangs rgyas la thams cad mkhyen pa yin no/ zhes btags pa ni
 drang por bstan pa ma yin te/ de ni 'jig rten pa rnams yid ches pa bskyed pa'i don du yin no/ /'jig rten pa rnams kyis sangs rgyas ni thams cad mkhyen pa yin no zhes bya par shes na bdag la dad par gyur nas bsnyen bkur byed par
 'gyur ro snyam nas bstan pa yin no/ /de bzhin du/ sangs rgyas gsung yang tshad ma yin/ /byas pa'i phyir na gzhan bzhin no/ /rdzogs pa'i sangs rgyas kun mkhyen min/ /skyes bu yin phyir gzhan bzhin no/ /byas pa nyid yin par
 mtshungs pa'i phyir tshang par smra ba la sogs pa'i tshig bzhin du sangs rgyas kyis gsung yang tshad ma ma yin pa nyid do/ /skyes bu nyid yin par mtshungs pa'i phyir rgyal po'i bu gzhan dag bzhin du sangs rgyas ni thams cad mkhyen pa
 nyid ma yin no zhes bya ba ni tshig gi don to/ /gzhan yang/ sangs rgyas gsung ni tshad ma min/ /lta ba gsum po sun 'byin phyir/ /ji ltar gang smras de de ltar/ gcer bur gyur pa'i lta ba bzhin/ /sangs rgyas kyi gsung zhes bya ba ni chos
 can no/ /de tshad ma ma yin zhes bya ba ni de'i chos so/ /chos dang chos can bsdoms pa ni phyogs so/ /lta ba gsum sun 'byin pa'i phyir zhes bya ba ni gtan tshigs te/ gsum la lta ba ni lta ba gsum ste/ grub pa'i mdza' gsum mo/ /de sun 'byin
 bar byed pa ni lta ba gsum sun 'byin pa'o/ /gang dang gang la lta ba rnam pa gsum sun 'byin pa yod pa de dang de ni tshad ma ma yin te/ dper na gcer bur rgyu ba'i lta ba bzhin no zhes bya ba ni dpe yin te/ rmongs pa 'dzin pa med pa yang mi mthun par zhugs
 pa yin te/ de yang 'di skad grag go /mchod 'os kyis rang gi 'khor 'dus shing tshogs pa na grangs can la sogs pa mu stegs byed rnams la rang gi blos btags pa'i grub pa'i mdza' thams cad byin zin pa dang/ de nas phyir tshangs par yang
 byin par 'gyur ba na des de la smras pa tshangs pa chen po bde bar byon/ /shin tu 'chi bar 'dir 'ongs so/ /bstan bcos thams cad byin zin pas/ /khyod ni rig byed 'di long zhig /ces bya ba dang/ phyin ci log gi lta bas nyams par gyur ba'i
 blo can gang dag sbyin bdag rnams kyang 'di ltar phyin ci log la dgod par byed de/ bram ze la ni sbyin mi bya/ /ra gsod mi bzad las byed cing/ /khrus byas byugs nas khyim bzhin du/ /de yis zas kyis rgyags gyur nas/ /sdig pa mang po dag byas
 pas/ /sbyin bdag sdig des gos par byed/ /ji ltar rkun ma zin byin pas/ /des ma brkus kyang 'ching ba ltar/ /de bzhin sbyin bdag 'ching ba ste/ /sdig pa byed pa zan byin phyir/ /zhes bya ba la sogs pa 'brel pa med pa smra bar byed cing/ lta ba gsuM
 la 'jug par mi byed de/ /de lta bu ni phyogs gnyi ga la grags pa'i bstan pa yin no/ /zhes bya ba ni 'di lta bu ni dpyod pa can gyis nye bar bkod pa'i phyogs snga ma bzhin no/ /'di'i lan brjod par bya ba'i phyir smras pa/ /sgra don rig pa shes pa yis//
 phyogs su lhur ba'i dug spangs nas/ /yang dag ci bzhin 'chol byed na/ /'di la 'di ltar dpyad par bya/ /gang gi phyir rang gi lta ba la mngon par zhen pas ni yang dag pa ji lta ba bzhin gyi don nges par 'dzin par mi nus pas des na phyogs su lhung ba'o
 dug med par byas la sgra'i don shes pa dang/ rigs pa shes pas yang dag pa ji lta ba bzhin gyi don dpyad par bya'o/ /zhes bya ba ni bstan bcos byed pas bdag nyid la nye bar bstan pa yin no/ /'di'i dpyad par bya ba ji lta bu
 zhe na/ brgyud nas 'ongs pa ma chad pa/ /lung nyid yin pas lung zhe na/ kun gyi lung yang 'grub 'gyur bas/ /nges par gang gi de nyid bzung/ /phrad nas rab tu byin pa yin pas na brgyus nas 'ongs pa ste/ rang gi ston pa'i tshig rnams snga ma'i rgyud las phyi
 ma'i brgyud la spel ba'o/ /de ma chud pa ni bar du med par ma gyur pa ste/ lung zhes bya ba ni de lta bu'i yin par 'dod do/ /de yang rtsa ba'i rtsa ba brgyad cur 'gyur la/ /de'i tha dad kyi dbye ba ni sangs rgyas pa dang/ 'dzin pa med pa dang/ 'tsho ba pa dang/ lo
 ma can dang/ gtsang sbrang can dang/ khyab 'jug pa dang/ khyad 'jug sems pa pa dang/ dbyi gu gsum pa dang/ ko lpags dum bu can dang/ mnyam par dpyod pa dang/ lha mchog pa dang/ chos kyi mchog sbyin can dang/ gdung ba can dang/ lag
 pa gdung ba can dang/ rgyal por smra ba dang/ rgan por smra ba dang/ me yo a ti ri dang/ rigs dang rjes su mthun pa dang/ bcings nas 'dug pa dang/ 'khor lo sbyong ba dang/ ril gnas pa dang/ rgyal po'i bsod snyoms can dang/ glang po'i rgyal
 mtshan can dang/ klog can dang/ nang can dang/ rta 'dul ba dang/ ka lan ta ka pa dang/ snod gtsang ma can dang/ slobs mos rgyu ba dang/ yan lag thams cad ral ka'i nang du btum pa dang/ sgron ma lhag pa can dang/ gser can dang/ grub par
 smra ba dang/ dbang po chen po dang/ zha nyi can dang/ nam mkha' 'byung ba dang/ shing rta mang po can dang/ don thams cad pa dang/ bsam gtan la dga' ba dang/ chos can pa dang/ zas grang mo can dang/ phrag? pa'i gos can dang/ phru ba gcig
 pa dang/ byang phyogs kyi 'gram na gnas pa dang/ lho phyogs kyi 'gram na gnas pa dang /dung gi sgra can dang/ lha rten sbyin ma'i bu dang/ lus la gnod pa med pa dang/ kun tu gnod pa med pa dang/ sna tshogs lta ba dang/ ka kan 'da' ba dang/ gcod pa la
 dang/ lha'i grong pa dang/ gos med pa dang/ sa khung na gnas pa pa dang/ zla ba phyed pa pa dang/ chos sems pa dang/ ma la gus pa pa dang/ pha la gus pa pa dang/ zla ba shar ba pa dang/ nyi ma shar ba pa dang/ lag par za ba pa dang/ snying gis 'tsho ba dang/ 'das
 par gyur pa pa dang/ phung po gsum pa dang/ gnyis pa dang/ gsum gyis 'tsho ba dang/ 'jug pa pa dang/ grangs can gyi rnal 'byor can dang/ 'ug pa pa dang/ nags na gnas pa dang/ be'i kha nas pa dang/ ba lang khyi lya dang/ tshangs par spyod pa dang/ spyod
 pa po dang/ phyugs bdag pa dang/ gau ta ma pa dang/ zhib ma can dang/ shin tu khrus byas pa dang/ 'tshe'u yi 'gram na gnas pa dang/ 'tsho ba pa dang/ 'khor ba las grol ba dang/ thog ma pa dang/ 'thor byed pa dang/ bar dwa tsa pa dang/ ba
 sha'i grangs can pa dang/ ba dan 'ja' ba pa dang/ lha mchod pa pa dang/ gzhan la mi 'dud pa dang/ gos kyi dum bu can dang/ 'ug pa'i gshog pa can dang/ lan gsum du chur 'jug pa dang/ 'gal bar mi byed pa dang/ mes po can dang
 mkha' lding ba dang/ khyim gyir ban gnas pa pa dang/ mchog gis mchog pa dang/ gcer bu gnyen gyi bu pa dang/ 'gengs byed pa dang /dge sbyong ba dang/ ka ta ya'i bu dang/ lhag spyod kyi bu dang/ ba lang gi brtul zhugs can dang/ ri
 dags kyi brtul zhugs can dang/ rta'i brtul zhugs can dang/ khyi'i brtul zhugs can dang/ gsol ba mi 'debs pa'i brtul zhugs can dang/ zhib po'i brtul zhugs can dang/ mo'i brtul zhugs can dang/ gzhon nu'i brtul zhugs can/
 dang/ mthong ba'i chos la mya ngan las 'das par smra ba dang/ chu las skyes pa'i phreng ba can dang/ so'i rtun brdungs can dang/ rdo 'thag pa pa dang/ yang dag par khrus byed pa dang/ chus yang dag par lta ba dang /skyed gnas dag
 ba pa dang/ las kyis dag pa pa dang/ chu la byi 'dzul byed pa dang/ dgon pa pa dang/ sa dang chu dang/ me dang rlung dang/ nam mkha' la sems yod par lta ba la sogs pa lta ba sum brgya drug cu rtsa gsum po thams cad kyang brgyud na 'ongs pa rgyun chad
 pa med pas thams cad kyang rang gi dam tshig las grags pa'i lung gi bsngags pa brjod pa la shin tu dpa' bas rgol bar byed do/ /de ltar gyur na lung thams cad kyang grub par thal bar 'gyur ro/ /gal te 'di dag thams cad grub tu zad mod/
 ser snas ci zhig bya zhe na/ de ni 'gal ba yang med do/ /'on kyang gang thams cad grub par gyur na de 'grub par mi 'gyur ro/ /de lung gzhan thos par gyur pas blo gzhan bskyed par gyur pa'i rgol ba rnams 'di ni rigs pa'o/ /'di ni mi rigs
 pa'o zhes rtsod pa 'byung bar 'gyur bas/ gal te rigs pas brtag bzod pa'i/ /tshig gang yin pa de lung yin/ /re zhig de nyid dpyad par bya/ /phyi nang de yis gang bstan pa'o/ /brgyud nas 'ongs pa rgyun chad med pa bden du zin
 kyang ston pa rang gi tshigs rigs pas brtag bzod pa yin par 'dod pa'i tshig de nyid re zhig 'di ltar ston pa ji lta bu zhig gis rigs pa gang gis 'di lta bu bstan pa yin zhes brtag par bya ba yin la/ phyi nas ni de'i tshig don cung zhig
 dang bcas par bstan pa de rnams kyang /ci rtag bzod pa zhig yin nam ma yin zhes dbyad par bya ba yin no/ /ji ltar mi mkhas pa 'ga' zhig nor bu 'ching bu la/ yang dag pa'i rin po che yin no snyam? du sems pa la /de ni rin po che ltar
 snang ba yin te /bsreg pa dang bdar ba la sogs pa mi bzod pa'i phyir /'ching bu yin no zhes bstan pa bzhin zhes bsgrubs pa na de nyid yang yin no zhes sgrub par byed cing rtog pa ni rigs pa ma yin gyi/ yang gang zhig bsreg pa dang bdar ba bzod
 pa'i gser bzang po bzhin du rnam par 'gyur ba med pa de ni lung yin no/ /zhes bya pa'o/ /'dir rigs pa gang yin zhe na/ de la de yi gnyen po'i phyir/ /ye shes grol ba zhes 'dod de/ /nad kyi gnyen po yin pa'i phyir/ /sman gyis nad las grol
 ba nyid/ /ye shes ni grol ba yin no zhes bya ba ni grub pa'i mdza' kun la rab tu grags pa'i phyogs yin no/ /de ni mi shes pa'i mi mthun par gyur pa gnyen po yin pa'i phyir/ zhes bya ba ni gtan tshigs so/ /ji lta bur zhe na/ nad kyi gnyen po nyid kyi
 sman gyis nad las grol bar byed pa bzhin no/ zhes bya ba lta bu'o/ /gzhan yang/ bya bas grol ba 'thob pa min/ /bya ba yin phyir zhing las bzhin/ /blo ma yin phyir brjod bya'i phyir/ /cung zad dus can yin phyir yang/ /'bru dang/ byol song dang/
 mar dang/ chung ma'i 'brel ba'i bye ba rnams kyis grol ba 'thob par 'gyur ba ma yin te /bya ba yin pa'i phyir thong gshol gyi las kyi bya ba la sogs pa bzhin no/ /gzhan yang/ /skyes bu'i tshig gi skyon bcas phyir/ /tshad ma min par 'dod ce na/
 gser rtog shes sogs tshig rnams kyis/ /gtan tshigs nyid ni ma nges 'gyur/ /'jig rten na skyes bu gang dag gi tshig la the tshom za bar 'gyur ba yang yod de/ ji ltar chu degs 'di na 'bras bu yod do zhes zer la/ brgya la ni yod kyang
 srid/ brgya la ni med kyang srid pa lta bu'o/ /yang gang dag gi tshig la the tshom za bar mi 'gyur ba yang yod de/ 'jig rten thams cad la tshad mar gyur pa yin pa'i phyir ji ltar gser la sogs pa rtog shes pa la sogs pa bzhin no/ /des
 na gtan tshigs ma nges pa nyid yin par nges par gzung bar bya ste/ skyes bu yin pa'i phyir/ /ci chu klung gi 'gram na 'bras bu yod do/ zhes smra bar byed pa'i skyes bu'i tshig tshad ma ma yin pa lta bu zhig yin nam/ 'on te
 gser rtog shes pa'i skyes bu la sogs pa'i tshig bzhin du 'di'i tshig tshad mar gyur pa nyid gcig yin zhes bya ba de lta bu ni ma nges pa nyid yin no/ /gal te skyes bu skyon gyis nyams par gyur pa yin pa'i phyir/ skyes bu'i tshig brdzun pa
 yin no zhes ni bdag mi smra'i/ 'on kyang byas pa nyid kyi phyir na'o/ /rig byed ni 'dir byas pa ma yin pa'i phyir tshad ma yin no zhe na/ 'di la brjod par bya ste /'on te byas pa min pa'i phyir/ rig byed tshad mar sgrub byed na/ /gtan tshigs thun mong min
 nyid dang/ ma grub pa yi don yang yin/ /rig byed ni byas pa ma yin te/ byed pa po med pa'i phyir ro/ /ji ltar zhes dris na dpe yod pa ma yin pas gtan tshigs thun mong ma yin pa nyid yin no/ /sangs rgyas pa la ni byas pa ma yin pa
 cung zhig kyang yod pa ma yin par grags pas de gzhan la ma grub pa nyid kyang yin no/ /gzhan yang khyod nyid kyi lung las kyang/ snyan dngags ril snyan rig byas/ /srid srung ri la srid rig byas/ /skal ldan gyis ni phug ron can/ /
 nges brjod yang gi ra pa byas/ zhes 'byung ba ma yin nam/ gal te rjes su bstan yin skyon med do/ zhes na sangs rgyas kyi 'ang ma byas/ /sngon gyi sangs rgyas rdzogs sangs rgyas/ /ji ltar rtogs de gsal byas yin/ /gal te rjes su bstan
 pas rig byed byas pa ma yin pa nyid yin no zhes byed 'dod sangs rgyas kyi gsung 'di yang byas pa ma yin pa nyid yin te/ sngon gyi sangs rgyas kyis rdzogs par sangs rgyas nas/ bstan pa de dag nyid yi ge mang nyung med pas bcom ldan 'das
 gyis bstan pa yin no/ /de'i phyir sangs rgyas kyi gsungs yang rjes su bstan pa yin gyi/ byas pa ni ma yin pas tshad ma nyid yin no// //dbu ma'i snying po'i 'grel pa rtog ge 'bar ba/ bam po nyi shu bzhi pa/ /byas pa nyid du
 rjes dpag pas/ /phyogs la rjes su dpag pas gnod/ /byed po mi dran ma grub pas/ /gtan tshigs 'di ni ma grub nyid/ /rig byed byas pa ma yin pa nyid du bsgrub par ni mi nus pa ma yin no/ /'di skad smra bar yang mi nus te/ rig byed ni tshad ma ma
 yin te /byas pa ma yin pa'i phyir /grangs can la sogs pa'i tshig bzhin no/ /gang yang rig byed ma byas pa yin te/ byed pa po mi dran pa'i phyir /zhes zer ba de la yang dgon pa stong pa ni yod pa'i khron pa bzhin du/ byed pa po mi dran du zin kyang
 byed pa po yod pa nyid yin pas bdag dang gzhan la don ma grub pa nyid yin no zhes brjod par bya'o/ /gzhan yang/ gal te sngags kyi byed po sngon/ /sngags dang bcas par 'byung gyur pas/ /byed pos byas kyang ma byas par/ /khyod kyi bstan bcoS
 sngon 'dod pa/ /gal te kho bo can gi sngags kyi byed pa po ni skye dgu'i bdag po yin la de ni sngags dang lhan cig tu byung ba yin pas de'i phyir des byas su zin kyang ma byas pa yin no zhe na de dang lhan cig byung bcas phyir/ /skye ba dran pas smras pa
 bzhin/ /bstan bcos byed po dang bcas na/ /'di ltar ci phyir smra mi byed/ /sngags bzlog pa dang bcas bzhin du skye dgu'i bdag po skyes pa yin no/ /ci'i phyir 'di 'di'i byed pa por mi 'gyur/ ji ltar skye ba dran pa cung zhig smra ba dang bcas
 bzhin du skye bar gyur pa na de la skye ba dran pas byas pa zhes rjod par byed do/ /de bzhin du gal te skye dgu'i bdag po sngags brjod pa dang bcas par skye bar gyur pas de byas pa yin bzhin du ma byas pa zhes ji ltar brjod pa de bzhin du /rtogs
 dang rjes su mthun phyir ram/ de bzhin yi ge'i lugs ldan phyir/ /rig byed tshig rnams gzung bya ba'i/ /byed po skyes bu min nam ci/ /rig byed khyi tshig ni skyes bus byas pa nyid yin te/ yi ges rtogs par bya
 ba yin pa'i phyir dang/ yi ges rjes su phan 'dogs pa'i phyir dang/ yi ge'i lugs dang ldan pa'i phyir grangs can la sogs pa bzhin te/ ji ltar 'dir/ lte ba'i phyogs na gnas pa'i srog gi rlung steng du 'byung bar byed pa na snying
 ga dang/ mgrin pa dang/ mgo bo dang/ mchog ma dang/ sna'i rtse mo dang/ so dang/ mchu la sogs pa'i gnas rnams la thug par gyur pa dang/ byed pa dang/ 'bad pa'i rkyen tshogs par gyur pas ka la sogs pa'i yi ge rnams bskyed
 nas/ bdag dang gzhan rnams kyis yi ge'i cha rtogs pa skye bar 'gyur ba de bzhin du rig kyi tshig kyang 'bad pas bskyed nas yi ge'i cha rtogs pa skye bar 'gyur ba yin no/ /ji ltar skyes bu'i tshig yi ge bsgrub pa la rjes su mthun pa
 yin pa de bzhin du rigs byed kyi tshig kyang yi ge mngon par bsgrub pa la rjes su mthun pa yin no/ /yang ji ltar grangs can la sogs pa'i tshig rnams yi ge brjod pa'i rim gyis 'don par byed pa de bzhin du rig byed kyi tshig kyang
 yin no/ /des na 'di skyes bus byas ma yin pa yin zhes bya ba ji ltar bu yin/ gnas dang byed pa dang/ 'bad pa la sogs pa gang dag gis yi ge mngon par bsgrubs pa las rjes su dpags nas ma bskyed pa'i yi ge ni yod pa ma
 yin pas/ rig byed ni skyes bus byas pa ma yin no/ zhes bya ba ma grub la/ rjes su dpag pa dang 'gal ba dang/ grags pas kyang gnod pa yang yin te/ 'jig rten na ni skyes bu'i 'bad pa la bltos nas yi ge mngon par 'grub pa mthong
 gi/ glo bur du nam mkha' 'am ri la sogs pa las ni ma yin no/ /de'i phyir na/ rig byed skyes bus byas pa ma yin no zhes bya ba ni rtag pa tsam kho na yin no/ /'dis kyang rig byed tshig rnams ni/ /skyes bus byas pa yin par 'dod/ /brjod 'dod don gyi blo
 skye ba'i/ /rgyu phyir 'dod pa spyod pa bzhin/ /brjod par 'dod pa ni brjod par 'dod pa'i don to/ /de la brjod par 'dod pa'i don gyi blo skye ba'i rgyu ni brjod 'dod don gyi blo skye ba'i rgyu'o/ /de'i phyir dngos po ni brjod par 'dod pa'i don gyi blo skye ba'i rgyu nyid do//
 de'i phyir na brjod 'dod don gyi blo skye ba'i rgyu phyir zhes bya ba ste /dper na 'dod pa dang/ brjod pa dang/ 'gro ba dang/ 'ong ba la sogs pa bsams shing 'dod pa ni don zhes bya ste/ de lta bu'i gtan tshigs yod pa yin no zhes bya ba lta bu'o/ /de bzhin
 du/ chu sa mkha' zhes bya ba ni chu dang/ sa dang/ nam mkha' i don mngon par brjod pa can gyi tshig yin la/ de lta bu la sogs pa'i rig byed kyang brjod pa'i don gyi blo skye ba'i rgyu yin pas ji ltar na 'di skyes bus byas pa ma yin/ yang bstan bcos
 phal cher ni skyes bu dam pas byas ba yin te/ dge ba'i chos kun tu sdud pa'i phyir khyad par du/ skyes bu mi bzang bas byas pa/ /rig byed 'di ni gzhal bya ste/ /'byung po 'tshe dang chang 'thung brdzun/ /smra phyir ma ga'i bstan bcos bzhin/ /ma ga la
 sogs pa phyin ci log gi brtul zhugs can/ bar sig la sogs pa kla klo'i gnas na gnas pa de dag gi grub pa'i mdza' ni 'di ltar grag ste/ sa la gnod pa byed pa yin pa'i phyir/ grogs ma la sogs pa bsad la ni chos ma yin pa ma yin
 no/ /ba lang bsad na rwa brtsegs pa la brten nas mtho ris su 'gro bar 'gyur ro/ /de bzhin du phyugs kyi snying bsregs pas bdugs? na gnas mthon po gong ma'i nam mkhar skye bar 'gyur ro/ zhes bya ba lta bu dang/ de bzhin du bud med thams cad
 ni gtun dang/ me tog dang 'bras bu dang g.yos zin pa'i zas dang/ khrus bya ba'i 'bab stegs dang/ lam zhes bya ba la sogs pa dang 'dra ba yin pas ma dang/ sring mo dang/ bu mo la sogs pa la bgred par bya ba ma yin no/ /zhes zer ba ni legs pa ma yin no
 zhes smra bar byed pa'i ma ga'i grub pa'i mdza' de dang /rig byed la khyad par ci zhig yod de/ gang gi phyir rig byed pas smras pa/ rig byed 'tsho ba gang bstan pa/ /bstan bcos gzhan du smad gyur kyang/ /des ni sdig byas mi 'gyur bar/ /gzhan
 du skye bdag gis bstan to/ zhes bya ba la sogs pa dang/ sbrang rtsir/ bsdus par bya'o zhes bya ba dang/ ba lang yang gsad par bya'o zhes bya ba dang/ de bzhin du me la skyes bu dang/ rta dang/ ba lang dang/ ra rnams bsreg cing bsad par bya'o/ /yang
 'di dag dbugs bsrubs la bsad par bya ste/ sems pa med par bya'o/ /yang na mes bskor ba'i dkyil du tsha ba gdung bar bya'i zhes bya ba dang/ yang na rtas dag gi mchod sbyin la rta re re khab lnga brgya lnga brgya btsugs la shin tu zug zer
 dang ldan par byas nas sbyin bsreg bya'o zhes rjes su gnang ba yod pa dang/ bgrod par bya ba ma yin pa la bgrod par bya ba yang rjes su gnang? ngo/ /zhes ba lang gi brtul zhugs can gyi mchod sbyin las bstan te/ bram zes ba lang gi mchod
 sbyin byas nas lo gcig gi bar du ba lang gi brtul zhugs la gnas par bya ste/ ba lang bzhin du chu btung zhing rtswa ya bcas par bya la/ ma la yang gzhan par byad ma'i spun zla yang gzhon par bya/ /rang gi rigs la yang gzhon par bya ste
 gar dang gang du zhugs shing 'dug pa dar rnyed pa de dang de la spyad cing ba lang bzhin du spyod na 'jig rten thams cad las rgyal bar 'gyur ro/ zhes bya ba dang/ de bzhin du rtags pa la phan pa'i yal ga las kyang ba lang gi chos
 bzhin du rkang lag bzhi bcugs shing gdeng thur du bltar bcugs la /de'i me mtshan la bsnams la/ bram ze'i gdong gi nam mkha' la blta bar bya'o/ /ci'i phyir 'di skad du bstan ce na/ lam yangs pa 'di ni lhar 'gro ba'i lam ste/ gang bu dang ldan pa de 'de?
 nas song nas mya ngan med par 'gro ba'i phyir ro/ /byal song ni lo rgan gzhon mi blta'o/ /de? bzhin dum la yang 'khrig pa spyad par bya'o zhes bstan pas 'dod pa dang mtshungs par ldan pa la ni bden pa'i tshig kyang yod pa ma yin la/ ngo tsha dang yang shin tu
 bral bar gyur pa nyid yin no/ /de la yang mched sbyin byed pas 'khrig pa mngon par 'dod na gzhon nu ma dang bsrub par bya ste/ myur du shugs kyis spyad cing mnyam du bsrubs la de nyid du bzhag go /drag tu khyu mchog bzhin du bya'o/ /gang bud med
 rgan pa la spyad na ni de nas gzhon nu ma la mchod sbyin byed pas 'khrig par bya ste/ ji ltar sa ku ni la gnod pa byas na ku co 'don cing rgol bar byed pa ltar de yang ku co 'don par byed brdag par byed kyang de nyid kyi nang du sngar ji ltar bstan pa ltar sa
 bon blug par bya'o/ /de la bdag pos yang smras pa/ gang las skyes bu'i sa bon 'byung ba 'di la khyod dga' bar gyis shig /'di ni khyod kyi yin no/ /gang brla gnyis kyi bar na gnas pa'i khyod kyi nyer gnas zhes bya ba'i 'di'i nang du nga'i pho mtshan
 'dis ? par bya'o/ /zhes bya ba bstan pa dang/ chang btung bar yang bstan te/ nor bu skud pa la bskus pa'i mchod sbyin par ta ka'i dum bu las 'chang 'di 'thungs kyang nyams par mi 'gyur te/ 'di ni skye dgu'i bdag pos stobs bskyed pa yin no/ /
 zhes 'di lta bur rig nas chang 'thung ba ni skye dgu'i bdag pos stobs bskyed par byas pa nyid yin no/ /zhes bstan pa dang bskur bar yang 'byung ste /dran par byed pa'i brlab pa'i 'khor lo las/ nyi ma bdun du ltogs na dmangs rigs kyi/ nyi ma bcu gnyis
 pa la rje'u rigs kyi/ zla phy+d yin na rgyal rigs dag gi'o/ /srog la thug na lan gnyis skyes pa'o/ /gang dag srog ni gzung ba'i phyir/ /sdig pa'i las dag byed pa de/ /de ni chos 'dod min zhes bya/ /rgu dus chos 'di shes par bya/
 zhes bya ba dang/ de bzhin du 'di dag thams cad ni tshangs pas bram ze'i don du bskyed pa yin par 'dod la/ bla ma ze'i stobs dang bral bar gyur pas dmang rigs kyis kyang yongs su spyod pa yin no/ /de lta bas na bram ze rang gi rdzas rang gis
 spyod cing 'dzin pa yin no/ /zhes bya ba la sogs pa dang/ brdzun du smra ba yang 'di ltar 'byung ste/ khyod kyi mas kyang rjes su gnang/ mas kyang rjes su gnang/ spun zlas kyang rjes su gnang/ mngal gcig pas kyang rjes su gnang/ rigs gcig
 pas kyang rjes su gnang zhing/ de dag gis 'di ltar 'dod pa yin pas khyod ni mtho ris su 'gro bar 'gyur ro zhes smra bar byed kyang/ byol song rnams ni sems kun tu smongs pa yin pas gnang ba ster ba yang rigs pa ma yin la/ rang gis dge
 ba'i las byas pa med par mtho ris su 'gro pa yang med do/ /mchod sbyin de nyid du byol song la 'di skad kyang rjod par byed de/ khyod kyis srog ni rlung du 'gyur pa yin/ khrag chur yin/ rus pa ni sar yin/ yid ni zla bar yin/ mig
 ni nyi mar yin/ lha gang yin pa de ni nam mkhar yin no/ /nam mkhar yin no zhes smra bar byed pa dang/ de bzhin du sbyin sreg mkhan pos rta gsod par byed pa na 'di lta bu'i sngags brjod cing smra bar byed do/ /khyod 'dir god cing 'ching ba
 ma yin gyi/ 'di lta bur spyod pa dang bral ba lha'i gns su sden byas pa'i las bzang pos snying du sdug pa dang grogs rnams dang lhan cig tu mchod sbyin la sogspa'i gnas nyi mas sbyin par byed do/ /zhes rnam par 'tshe bar byed
 bzhin du yang khyod 'chi bar mi 'gyur ro zhes brdzun du smra bar byed do/ /byol song nyon mongs des de'i don yang go bar mi 'gyur ro/ /de bzhin du mchod sbyin gyi cho ga las 'di skad smras te/ 'dir? bdag gis me la mchod spyin byas so/ /srog gi mthar thug pa rnam
 'dod 'jo'i ba 'am lha'i bu mor 'gyur ro/ /bcings pa mthar thug pa rnams gcig gam/ bcuAm/ brgya 'am/ stong nga/ khri 'am/ 'bum 'am/ bye ba 'am/ dung phyur ram/ sa 'di 'am/ mtho ris la dbang bar 'gyur ro zhes smra yang sreg sbyin byas
 pa'i srog mthar thug pa de rnams 'dod 'jo'i bar 'gyur ba 'am/ lha'i bu mor 'gyur ba ma yin te/ sems pa dang bral ba'i phyir ro/ /yang de las 'khri shing nyi ma zhes bya ba rdos brdung ba ni rig byed bklags na de nyan par byed do zhes smra bar byed la/ /rdo la ni
 rna ba'i dbang po yod pa ma yin no/ /de bzhin du sprang rtsi myang bar byed pa dang/ bag sna byed pa dang/ mngal nye bar len pa dang/ bu btsas pa dang/ mchod spyin gyi dus su brjod pa de dag thams cad ji lta ba bzhin gyi 'bras bu yod pa ma yin gyi/
 de lta bu la sogs pa thams cad ni rdzun du smras pa yin no/ /rig byed ls smras pa bal cher ni 'brel pa med pa'i dag bkyal pa mang du brjod pa yang yin te/ 'di ltar lha tshangs pas ni khyod bskyed do/ /tha skar gyi ? ni dpung pa yin no/ /rgyal ni
 lag pa dag go /e lha mchod pa'i khas ni khyod blangs so/ zhes bya ba la sogs pa ste/ 'di lta bu'i sbyin bdag bslu ba 'ba' zhig gi phyir bcos ma byas pa yin te/ lha tshangs pas ci ltar de'i phyir gsol ba 'debs pa'i bya ba byed cing/ ci ltar de dang nye
 bar 'ong bar 'gyur/ /de bzhin du bdag dang gzhan gnyis kyis mnyam du glur len par byed de/ 'di ltar tshangs pa de ni rgya cher gtsang bar byed/ swa te/ he he he/ ho ho ho/ hA hA hA/ i hi a'i/ gtso bo min pa lus kun tu sna tshogs lha de/ hO hO hO/
 A hA /A hA/ A hA/ hA hA hA/ A A/ hA hA hA/ zhes bya ba la sogs pa don med pa'i tshig nyi tshe 'byung ba yin no/ /de bzhin du rta dag gi mchod sbyin las/ mchod sbyin byed pas chung ma la 'di skad du/ skyes bu
 gzhan le par zhon zhing 'gro ba khyod ces gshe bar byed cing khros nas rta'i pho mtshan de'i mtshan mar 'dzugs shing sun 'byin par byed do/ /gzhan yang bdag gis 'di ltar thos te/ mched sbyin shing shun zhes bya ba su la yang rig byed smra bar byed pa'i
 bram ze mo dang rtsod pa las de rgyal bar gyur to/ /de nas des de dang 'khrig pa spyad pa las/ a shwad tha'i 'bras bu za ba skyes te/ de rig byed kyi slob dpon yin zhes grag go /de bzhin du ya mu na'i chu bo'i gling gi bar du drang sreng pa
 ra sha de tshul khrims nyams nas nya pa'i bu mo ltobs kyis blang nas 'dod pa spyad pa las drang srong byas skyes so/ /de rim gyis kau shi? zhes bya ba'i tshogs can ma dang 'dod pa spyad pa la drang srong ne tso zhes bya bar skyes so/ /de'i rkang pa'i rting
 pas de'i mgo la rgyab pa dang/ des smras pa/ mdzes khyod phrag dog gis bsngams nas/ ro smad lcid khur rkang pa yis/ /bdag gi mgo bor brgyab pa ni/ /e ma'o bdag ni rjes su gzung/ /gang bdag 'dod pas skem gyur nas/ /smad mdzes
 mdangs ldan ma khyod la/ /gzhol nas rkang pas brgya ba gyur pas/ /bdag gi ci zhig thob ma gyur/ zhes bya ba la sogs pa grag par thos te /de ltar tshangs par spyod pa ma yin pa 'dod pa la zhe na cing chags pa 'chums pas/ rig
 byed gcig dum bu bzhir byas pa yin no zhes grag go /de'i phyir na ji ltar na rig byed skyes bu dam pa ma yin pas byas pa ma yin/ 'di ltar brjod par yang bya ste/ rig byed ni chos rtogs pa la tshad mar gyur pa ma yin te/ 'tshe ba dang
 tshangs par spyod pa ma yin pa dang/ chang 'thung ba la sogs pa gsal bar byed pa dang/ rjes su mthun pa'i tshig brjod pa'i phyir rngon? pa dang/ par sig pa la sogs pa 'tshe ba chos su smra ba'i tshig bzhin no/ /dbus kyi mchod sbyin gyis la sogs
 par byol song bsang pas chos sgrub pa ma yin te/ gnod sems sngon du song ba yin pa'i phyir bskyed nas gsod par byed pa'i sems bzhin no/ /rig byed ni chos rtogs pa la tshad mar gyur pa ma yin te/ gang gi phyir bgrod par bya ba ma yin pa la yang
 bgrod par bya bar nye bar ston pa'i phyir med pa pa dang/ par sig gi bstan bcos bzhin no/ /yang na 'dod pa dang gnod sems kyi bdag nyid can yin pa'i phyir slus byed pa'i bstan bcos bzhin no/ /gal te yang rig byed las bstan pa'i 'tshe
 pa ni mi 'dod pa'i 'bras bu 'byung ba ma yin te/ sngags kyis yongs su bzung ba'i phyir/ dug nye bar longs spyod par byed pa bzhin nam/ bstan bcos las 'byung ba yin pa'i phyir sbyin pa bzhin no zhes/ tshad ma gnyis nye bar dgod par
 byas pa de la slob dpon gyis lan smras pa/ gal te gnod sems mi 'dod pa'i/ /'bras bu mi 'byin 'dod pa'i 'byin/ /sngags kyis gzung phyin dug spyod bzhin/ /bstan bcos las 'byung ba yin 'byung phyir sbyin pa bzhin/ zhes bya ba ste/ gal te sdig
 pa'i bdag nyid can yin na yang sngags kyis yongs su bzung ba'i dug thos pa na nad la phan par 'gyur ba bzhin no/ /de bzhin du gang dang gang bstan bcos las 'byung ba de ni 'dod pa'i 'bras bu ster ba yin te/ dper na sbyin pa dang tshul khrims la sogs
 pa bzhin te/ longs spyod dang mtho ris la sogs pa 'thob par byed ba yin no zhe na/ de la 'di yang skyon dang bcas pa yin te/ sngags sogs phye mas bkug pa yis/ /bgrod min la yang bgrod bya gang/ /sngags bstan chang btung phyi ma yang/ /de
 nas ma nges pa nyid yin/ tshad ma'i sbyor ba zhes bya ba ni tshig gi lhag ma'o/ /sngags kyis yongs su bzung ba yin pa'i phyir drug la nye bar longs spyod pa bzhin du ci 'tshe ba 'di 'dod pa'i 'bras bu 'byung ba zhig yin nam
 'on te 'dir sngags dang phye ma la sogs pas bkug pa'i ma dang sring mo la sogs pa bkug pa la 'khrig pa spyad pa bzhin du/ 'tshe ba 'di mi 'dod pa'i 'bras bu 'byin pa cig yin zhes bya ba dang/ de bzhin du bstan bcos las 'byung ba
 yin pa'i phyir 'tshe ba 'di sbyin pa bzhin du 'dod pa'i 'bras bu ster ba zhig yin nam/ 'on te 'dir chang 'thung pa bzhin du mi 'dod pa'i 'bras bu ster ba zhig yin zhes bya ba ni ma nges pa nyid yin te /mchod sbyin gyi dus su ni chang btung
 bar rjes su gnang la/ yang de nyid shin tu dgag pa byas pa yang yin no/ /de lta bas na/ blo sngon ma song bya ba yis/ /dug zos na yang 'chi byed la/ /las ni blo sngon ma song la/ /'bras bu 'byin par ma bstan to/ /dug ni zos pa tsam nyid kyis//
 bya ba med kyang 'chi ba byed pa yin gyi sbyor ba dang bcas pa 'ba' zhig gis ni ma yin no/ /las ni de lta bu nyid yin par mi 'gyur ro/ /de nyid phyir na dug gi dpe /mthun pa min pas rigs ldan min/ /des na sngags kyis phyugs gsod pa/ /rigs pa
 min par rtogs par bya/ gzhan yang/ tshe yi bar du gcod byed phyir/ /sngags kyis bzung bar 'dod pa yi/ /'bras bu 'byin par mi 'dod do/ /dug mtshon? bstan bcos sbyor ba bzhin/ /sngags kyis yongs su bzung ba yang mi 'dod pa'i
 'bras bu 'byin par kho bo cag 'dod de/ tshe'i bar du gtsad pa yin pa'i phyir ro/ /gang dang gang tshe'i bar du gcod par byed pa de dang de ni mi 'dod pa'i 'bras bu 'byin pa yin te/ dper ni dug dang mtshon gyi spyod? pas 'tsho ba byas pa bzhin no/ /gzhan
 yang rang rang gi lugs las bstan ce na/ 'khor ba sgrol byed pa'i yang 'grub/ /thun mong gtan tshigs smra zhe na/ /gzhan la ma grub pa nyid yin/ /bstan bcos las 'byung zhes bya ba yang 'dir dpyad par bya ba yin te/ ci rang gi bstan bcos las bstan
 pa la bya 'am/ 'on te 'dir bstan bcos spyi la 'byung ba yin/ de la rang gi bstan bcos tshad mar byas nas yin na ni 'khor ba grol bar grol bar byed pa pa'i grub pa'i mdza' dang rig mtshungs par 'gyur te/ 'khor ba grol bar byed pa pa yang
 mdza' 'khob dben par song nas 'bu dang/ grog sbur dang/ phye ma leb? la sogs pa mang po gsod cing/ 'di ltar cho ga 'dis 'khor ba las grol bar 'gyur ro zhes smra bar grag go /bstan bcos thun mongs du byas nas 'byung ba yin par rtogs
 bar byed na ni sangs rgyas pa la gtan tshigs kyi don 'di ma grub ste/ kho bo cag gi bstan bcos las ni rnam pa 'ga' zhig gis kyang 'tsh ba dang mtshungspar ldan pa las ni rnam pa 'ga' zhig gis kyan 'dod pa'i 'bras bu 'byin par byed pa
 bston pa med do/ /ji ltar gzhan dag gis smras pa/ gang yan sngags kyis ma bzung ba'i/ /bsod nams cung zhig ci byas pa/ /de kun 'bras bu med 'gyur ba 'am/ /mi 'dod pa yi 'bras zhe na/ /sngags kyis gzhan ni gsod pa gang/ /de yang
 skyon med thal bar 'gyur/ /dbang du byed pa'i sngags gang gis/ /gzhan gyi bud med bsten pa dang/ /sngags kyi stobs kyis 'tshe 'gyur gang/ /gal te gsod par mi 'dod na/ /gzhan gyi nor ni rku byed pa/ /de yang skyon bcas ma yin 'gyur//
 gal te sngags sngon song ba'i las/ /der ni dger 'drod gzhan ma yin/ /zhe na lung ni 'dra ba la/ /gtan tshigs khyad par smra dgos so/ /gal te srog chags sngags btab pas/ /gang yang bcing ba ma byas la/ /g.yo ba med par bya zhe na/ /de 
 lta na yang khyad par med/ /gang phyir sgo kun bsrubs nas ni/ /bzung nas nus med byol song dag /mtshon cha rngon pos gsod pa la/ /de la sngags kyis ci zhig bya/ /gal te yang 'di skad du /rang nyid rang byung gyur pa yis/ /mchod
 spyin don du byol song bskyed/ /des na de las dgos pa'i phyir/ /mchod spyin chos yin 'di ltar dper/ /bram ze'i don du 'tshe byed pa/ /'di ltar chos min min pa bzhin zhe na/ 'di ltar brjod par bya ste /mchod sbyin byol song rnam bcos kyang/ /'bras
 bu mi 'dod min de yi/ /don phyir zhe na bram ze'i phyir/ /ci ltar 'dod pas 'tshe byed bzhin/ /mchod sbyin de'i don gang yin pa de ni de'i don te/ de'i don gyi ngo bo ni de'i don nyid do/ /de lta bas na de'i don du zhes bya ba ni rgyu'i don du'o/ /de ltar pha
 rol pos smras pa'i tshad ma la rgol ba'i rtog ges gnod pa bstan pa'i phyir smras pa/ byol song spyad pa'i phyir bskyed de /sbyang bya yin phyir bud med bzhin/ /de phyir mchod sbyin phyin ma grub/ /byol song gtan tshigs ma grub phyir/ /byol song
 rnams ni mchod sbyin gyi phyir bskyed pa ma yin gyi/ 'on kyang 'dir dge ba'i las byas pa'i spyod pa po rnams kyi las nye bar bsags pa'i dbang gi'o ma dang/ mar dang/ bal la sogs pa nye bar spyod pa'i don du 'byung ba yin no/ /de ci'i phyir zhe na
 spyad par bya ba yin pas na spyad bya ste/ de'i ngo bo ni spyad bya nyid do/ /de'i phyir na spyad par bya ba'i phyir zhes bya ste/ dper na bud med la 'byung pa dag/ rtse ba dang/ reg pa la sogs pa ni nye bar longs spyad par bya ba'i phyir yin gyi/ gsang pa'i phyir
 ni? ma yin pa de bzhin du byol song rnams kyang yin no/ /de'i phyir na mchod sbyin gyi don du yin par ma grub pas de'i don du zhes bya ba'i gtan tshigs gzhan la ma grub pa nyid yin no /dbus kyi mchod sbyin gyi gnas su bsad na mi 'dod
 pa'i 'bras bu mi 'byung ngo zhes bya ba dang/ sngags kyis yongs su bzung nas bstan bcos las 'byung ba'i cho ga bzhin du byas na yang zhes bya ba 'di la yang lan/ dbus kyi mchod sbyin gnas bsad na 'ang/ /ma 'khrul bsam bzhin bsad pa'i phyir/ /
 phyi mar byed pa mi 'dod pa'i/ /'bras bur 'gyur te gzhan bzhin no/ /dbus kyi mchod sbyin gyi gnas su gang bsad pa de ma bsad pa yin no/ zhes 'dod pa de la yang byed pa po la mi 'dod pa'i 'bras bu 'byung bar 'gyur ro zhes bya ba ni phyogs so//
 bsams bzhin du ma 'khrul par zhes bya ba ni gtan tshigs te/ ma bsams par yengs pas bsang kyang srog bcad par mi 'gyur la/ byol song bsad par 'dod pa las mi bsad par gyur na 'khrul pa yin pa'i phyir mi bsad par mi 'gyur ro te/ don de'i phyir khyad par
 gnyis brjod pa yin no/ /dbus kyi mchod sbyin gyi gnas su yang spang bar bya ba'i phyir bya gsod pa dang/ lug gsod pa la sogs pa byas pa'i mi 'dod pa'i 'bras bu ni dpe ste/ skye ba gzhan la mi 'dod pa'i 'bras bu 'byin par byed pa bzhin no/ /de
 yang ji ltar nges rjod byed pa dgon pa na 'di ltar 'don par byed de/ /ma mthong pa'i mchod sbyin bco brgyad bstan pa ni nyams pa yin no zhes bya ba dang/ /gzhan yang gang las 'di la rten cing mngon par dga' ba de ni rga ba dang 'chi ba yang 'byung zhing ltung
 bar 'gyur ro/ /gzhan yang gsum ldan gyi dus na sna tshogs bzang zhes bya ba'i mchod sbyin la drang srong rnams rtsod par gyur pa na/ der a shwad tha'i 'bras bu za ba la sogs pas smras pa/ byol song rnams kyi mchod sbyin bya'o zhes zer ro//
 skra yogs la sogs pas smras pa/ byol song bsad par mi bya'o zhes zar te/ 'dir smras pa/ go ba'i mchod sbyin shing shun can/ /'de? sham pa na zhes bye dag /sngon 'dir byol song bsad bya bar/ /'di dag gis ni nye bar btags/ /der ni gnyis
 skyes mang thos kyis/ /'di skad zer ba chos min zhes/ /de yi gzhung de rab tu bkag /de ltar shin tu rtsod par gyur/ /de na e? lha dang srong rgyal/ /gcig de nyid kyis dbang po byas/ /de yis bden par smras pa dang/ /sha za 'dod
 rnams khros gyur te/ /gnyis skyes pa de bsad nas zos/ /da dung sa ke ta'i yul na/ /e lha gtums pa zhos byar sgrogs/ /gnyis skyes gang gis e lha'i sha /ma zos pa de spangs gyur na/ /grul du bsnyen par ma gyur te/ /da dung gral med pa
 zhes brjod/ /de las gzhan yang dbang po ni/ /rgyal po'i drang srong 'ba' su dris/ /e lha bsad pas 'jigs skrag nas/ /de yi rdzun gyi tshig gcig smras/ /de ni lus des gas par/ /mjug tu chos smra ba dag gis/ /smras pa 'dir ni bden par
 smros/ /ngan 'gror 'gro bar gyur ta re/ /chos kyi phyogs ni nyams byed cing/ /chos min phyogs dag rgyal byed pa'i/ /rdzun gyi tshig des smras pas na/ /rgyal des gas nang du song/ /rdzun gyi dbang po'i bram ze la/ /phan gdags par ni bya ba'i
 phyir/ /kun gyis nges par mchod sbyin dus/ /sa la rgyun dag sgred bar byed/ /ces bya ba 'byung ste/ /de'i phyir na/ mchod sbyin la ni bsor pa yang/ /mi 'dod pa yi 'bras bu 'byung/ /bsams bzhin bu ni srog 'chad pa'i/ /sdug bsngal
 bskyed phyir gzhan bzhin no/ /bsad par bya'o zhes nges par bsam pa byas nas/ srog 'chad pa'i sdug bsngal 'di la yod pas srog 'chad pa'i sdug bsngal lo/ /de bskyed pa ni rgyu ste srog 'chad pa'i sdug bsngal bskyed pa'i 'o/ /dper
 na 'thab mo dang/ g.yul ngor mtshon gyis brgyab nas bsad pa mi 'dod pa'i 'bras bu bskyed pa yin pa ltar mchod sbyin la bsad pa yang de bzhin no/ /yang ci'i phyir mi 'dod pa'i 'bras bu can yin par 'dod ce na/ smras pa/ bya ba
 ji ltar byas pa las/ /de 'dra'i 'bras bu lus la mthong/ /byed po de 'dra'i ma mthong yang/ /bsang ba yin phyir gzhan bzhin no/ /gang la srog dang bral ba'i sdug bsngal lus 'di nyid la sdug bsngal du gyur pa mthong ba de bzhin du ji ltar mchod sbyin
 la byas pa yin yang mi dge ba'i las nye bar bsags pa yongs su smin par thob par gyur pa las de dang 'dra ba'i srog dang bral ba'i sdug bsngal gyi bdag nyid kyi 'bras bu skye ba gzhan brgya stong mang por mngon par 'grub par 'gyur te/ dper na bram
 ze'i srog bcad cing bsad pa la sogs pa bzhin no/ /'dir bram ze skyed byed kyi yal ga las smras pa /sngon dus gnyis ldan 'jig rten 'di/ /thams cad 'tshe ba med par gnas/ /des na don la bsdu gyur bas/ /byol song dag ni bsad pa nyid//
 chos ldan e lha bsad byas shing/ /sngon gyi rig byed por nas ni/ /rdzas kyi don du rig byed kyang/ /rigs las gzhan du sgrub par byed/ /'jig rten 'jug par bya ba'i phyir/ /ma khyab rigs pa mi ldan pa/ /khyim pa'i dngos po la dga' bas//
 chags dang 'dod pa'i dbang du gyur/ /bsam gtan byed pa mi nus phyir/ /dgon par gnas pa'i cho ga spangs/ /de las 'ga' zhig dka' thub ste/ /de bzhin 'ga' zhig me la brten/ /gzhan pa dag ni mtshon sbyin brtsom/ /bdag
 kyang mchod cing gzhan la bskul/ /sdig can rmongs pa 'bras bu 'dod/ /thos mang dag la smos byed cing/ /chags pas rmongs pa dag la brten/ /las ngan chos su 'du shes shing/ /de dag rnams kyi bya ba brtsom/ /rgyal po de ni bdag
 mi 'dod/ /tshangs pa nas brtsam dmyal pa'i bar/ /srog chags kun la srog 'phangs na/ /gzhan gyi de ni bcad byas pas/ /ji lta bur na bde bar gyur/ /'byung po rnams ni bde 'dod la/ /'jig rten kun ni sdug bsngal ldan/ /gang
 la mang du gnod byas na/ /de bde'i snod du ji ltar 'gyur/ /zhes pa smras ba 'byung ba dang/ myos 'gyur brdung sogs kyang bshad pa/ /ji ltar bstan bzhin spang bya ste/ /nges na myos 'gyur bsten mi bya/ /myos par 'gyur
 phyir myos sogs bzhin/ /mchod sbyin la chang 'thung ba yang mi 'dod ba'i 'bras bu 'byung ba yin te/ myos par 'gyur ba'i rgyu yin pa'i phyir rmongs pa myos chad la dga' ba bzhin no/ /de'i phyir mchod sbyin nam/ gzhan du yang rung thams
 cad du myos par 'gyur ba bsten par bya ba ma yin te/ myos par 'gyur ba bskyed pa yin pa'i phyir/ /da ru ra'i a ga ta'i me tog la sogs pa bzhin no/ /gal te sngags kyis yongs su bzung ba'i myos par 'gyur ba ni mchod spyin gyi
 dus su skyon med pa yin zhe na/ mchod sbyin sngags kyis longs bzung ba'i/ /myos 'gyur skyon med ma yin te/ /myos phyir dper na gzhan bzhin te/ /sngags kyis btab pas mthong ba bzhin/ /mchod sbyin gyi dus kyi sngags
 kyis yongs su bzung ba'i yang myos par 'gyur ba yang skyon med pa ma yin pa nyid yin te /myos par 'gyur ba'i nus pa dang ma bral ba'i phyir ro/ /gal te de la de'i dri dang ro dang myos par 'gyur ba med par gyur na ni 'thung bar yong
 su yang 'dod par mi 'gyur ba zhig na/ dri dang rol mngon par chags ba nyid kyis der de dag 'thung bar byed pa yin no/ /de'i phyir na chang la dga' ba la sogs pa rnams sngags bzlas nas myos par 'gyur ba 'thung ba bzhin du skyon dang
 bcas pa nyid yin te/ /myos par byed pa dang ma bral ba'i phyir ro/ /gang yang 'di skad du/ rig byed kyi lung med na sngon med ba la sogs pa rtags ma mthong ba rnams rtags par mi 'gyur ro/ zhes zer ba de la yang 'dod? nad?
 ni mthong ba med ces te/ /gal te mtho ris sogs mi nges/ /zhe na rtags las rjes dpag de/ /nges bas nges ba min nam ci/ /'di na la la ni rtags dang 'brel ba nges par mthong ba gzung bar bya ba yin te/ ji ltar gzugs dang/ sgra dang/ di dang/
 ro dang/ reg ba la sogs pa'o/ /la la ni rjes su dpag pas yin te/ ji ltar du ba las me yod pa nyid lta bu'o/ /de bzhin du zla ba dang/ nyi ma dang/ skar ma la sogs pa mthong ba las de las gzhan pa'i mtho ris kyang yod par shes la/ bde ba nyid
 dang/ sdug bsngal nyid dang/ rigs dman pa dang/ rigs mchog dang/ phyug po dang/ dbul po la sogs pa'i skye bo mthong ba las sngon med ba yod pa nyid du shes te/ yul la chags pa spangs pa las 'di nyid du yang yon tan dang ldan pa
 mthong la yul la chags pa dang bcas par gyur pa'i phye ma leb dang/ sprang ma dang/ glang po dang/ 'dod pa dang ldan nga'i? skyes bu rnams kyis skyon mthong ba las ngan 'gro yang yod pa nyid du rjes su dpag cing nges par gzung bar bya'o//
 de bzhin du bcom ldan 'das kyis 'dus byas thams cad mi rtag pa'o zhes gsungs pa bden par mthong ba nyid kyis de las rjes su dpags na mtho ris dang thar pa yang yod pa nyid do zhes bstan pa yang bden par 'gyur bas rjes su dpag pa
 dang bral ba'i lung 'ba' zhig gis ni mtho ris dang sngon med pa la sogs pa'i dngos po gtan la dbab par mi nus so/ /nges na 'di ltar rjes su dpag pa nyid kyis mtho ris la sogs pa gtan la phebs par ci'i phyir mi 'gyur nas/ /rig byed
 btags pas ci zhig bya/ /gang yang sngar sgra rtag pa nyid du bsgrub? par bya ba'i phyir ro bsgrub pa bya ba de sun de byung ba'i phyir smras pa/ lan cig 'jug phyir shes bya 'dir/ /mar me'ang lan cig nyid 'jug pas/ /gtan tshigs ma nges nyid yin
 phyir/ /sgra yi rtag pa nyid kyang brdzun/ /mar me yang rab tu 'bar ba dang po nyid kyis mthong bar 'dod pa'i don mthong bar 'gyur gyi// //de la 'bar ba gnyis ga la bltos pa'am yin no/ /de la lan cig 'jug pa yin pas
 ci mar me bzhin du sgra 'di mi rtag pa nyid du 'gyur ba zhig yin nam/ 'on te lan cig 'jug pa yin pa'i phyir sgra nyid bzhin du rtag pa zhig yin par 'gyur zhes bya ba ni ma nges pa nyid yin te/ des na sgra ni rtag pa nyid yin no zhes bya ba ni ma
 nges pa nyid yin te/ des na sgra ni rtag ba 'di yin no zhes bya ba nyams pa yin no/ /gzhan gyis nye bar bkod pa'i rjes su dpag pa sun dgyung? ba byas nas rang gi tshad ma nye bar 'god par byed pa ni/ yod phyir sgra ni mi rtag ste/ ci phyir bya ba bzhin
 mi bzung/ /yang na lus kyi g.yo ba bzhin/ /blo yi rgyu phyir nyams par 'gyur/ /sgra ni chos can no/ /mi rtag pa nyid ni chos so/ /yod pa'i phyir zhes bya ba ni gtan tshigs te/ gang dang gang yod pa de ni mi rtag ste /dper na 'gro ba dang bco
 blag la sogs pa'i bya ba bzhin no/ /yang na sgra ni nyams par 'gyur ba yin te/ blo'i rgyu yin pa'i phyir ro/ /gang dang gang blo'i rgyur gyur pa de dang de ni nyams par 'gyur ba yin te/ ji ltar steng du 'byin pa dang/ 'og tu gnon pa dang/
 brkyang ba dang bskums ba la sogs pa'i lus kyi g.yo ba bzhin no/ /gzhan yang sngar bstan pa dag gi /goms phyir phyis shes phyir zhes pa'ang/ /gtan tshigs rjes 'gro med pa nyid/ /goms dang phyis kyang shes pa ni/ /rtag min
 min nam yang ma mthong phyir/ /yang dang yang goms par byas kyang sgra ni brjod pa nyid na nyams par 'gyur ba yin no/ /de la yi ge dang po brjod pa'i blo 'gag par 'gyur ba na skye mched drug la nus pa bzhag nas 'gag par 'gyur ro// //
 nus pa de yongs su smin pa thos nas yi ge gnyis pa brjod pa'i blo mngon par bsgrub par byed do/ /de bzhin du ji srid don rdzogs kyi bar du yin no/ /de'i phyir yi ge rnams la phan tshun gyi 'brel ba med? pa dang/ skad cig ma yin nyid ba'i phyir rtag
 pa nyid du ga la 'gyur yi ge re re la yang thog ma dang/ bar dang/ tha ma la sogs pa'i dus mang po nyid yod pa yin la/ rna ba'i dbang po ni skad cig ma nyid yin pas/ sgra ma lus pa nges par 'dzin pa yod pa ma yin no/ /des na sgra nyid kyang re
 zhig bsgrub par dka' na sgra de la goms pa lta ga la yod par 'gyur/ /phyis shes pa'i shes pa yang blo snga ma 'gags par gyur pa dang /blo phyi ma skyes bar 'gyur ba de la 'brel ba med pa'i phyir phyis shas pa yang rtag pa ma yin no/ /gzhan yang
 sgra nyid rtag pa nyid ma grub/ /sgra nyid dpe yang ma yin la/ /mngon par gsal byed pa yang bkag /'di ni ngag gi gsal byed min/ /sgra'i rtag pa nyid grub na ni sgra nyid rtag par 'gyur na gang gi phyir sgra mi rtag pa nyid du bsgrubs pa nyid kyis de
 bzhin du sgra nyid kyang mi rtag pa yin na/ ji ltar na dpe nyid du nye bar dgod par bya/ rkan dang/ mchu sbyar ba la sogs pa dang/ gnas dang/ byed pa dang/ 'bad pa la sogs pa'i tshogs pas sgra byas pa yin par nges par gzung bar
 bya ba yin pas sgra ni mngon par gsal bar bya ba yin no/ /zhes bya bar yang rigs pa ma yin no/ /gzhan yang/ gal te sgra de snyan bya na/ /ngag gis gsal bar ji ltar 'dod/ /rtogs pa zhes bya 'ang brda nyid pas/ /'di nyid sgra ru thal bar
 'gyur/ /gal te sgra'i rang gi ngo bo rna ba'i dbang pos gzung bar bya ba nyid yin na sgra ngo yang dbyangs yin pas des na dbyangs gzhan gyis yang ji ltar gsal bar byed par 'gyur/ /sgra rang don dag tu 'brel pa yod pas sgras don rtog 
 par 'gyur pa yin no/ /zhes bya ba de yang mi bden te/ bskal pa dang po la shes pa dang ldan pa rnams tshogs nas 'di la ni ba lang zhes brjod par bya'o/ /'di la ni mi zhes bya ba yin no/ /zhes brda byas pa yin gyi/ ba lang
 zhes bya ba'i sgra la lkog shal dang dri ma la sogs pas nye bar mtshon pa'i ril po yod pa ma yin la/ mi zhes bya ba'i sgra la yang mgo dang rkang pa dang lag pas nye bar dmigs pa ma yin no/ /des na 'di ltar sgra de'i don 'brel pa yod nas rtogs pa ni ma
 yin no/ /gzhan du na brda las yin pas gang las don rtogs par 'gyur ba de la sgra zhes bya ba yin na brda nyid sgra yin no zhes bya bar thal bar 'gyur ro/ /gal te 'di ltar brda las don rtogs par 'gyur gyi sgra las ma yin te/ dang po brda ni med
 pa na/ /rtog pa yod par mi rigs so/ /bskal pa dang po pa'i sems can gang dag skyes par gyur pa na brda zhes pa ni med na de rnams kyis pa lang zhes brjod pa'i sgra'i don rtogs par ji ltar 'gyur zhe na/ 'khor ba thog ma med pa ltar/ /brda yang
 rjes su 'jug pa nyid/ /de lta bur rtogs pa yod par 'gyur ro zhes bya ba ni tshig gi lhag ma'o/ /ji ltar 'khor ba la thog ma yod pa ma yin pa ltar brda yang de bzhin te/ bsreg pa'i bskal pa'i dus na mi rnams 'di nas shing 'phos nas thams cad
 'od gsal gyi lha'i nang du skyes par gyur to/ /yang sa 'di chags par gyur pa na lha de dag 'dir babs nas ro la chags te gnas so/ /de dag 'phags pa'i skad kyis smra bar byed cing/ bskal pa dang po la ba lang zhes bya ba la sogs pa'i ming du
 grags pa yang brdar byas pa yin pa ma nges na dang po brda med pa ma yin no/ /gang yang 'di skad du/ 'di ni rjes dpag las tha dad/ /ces bya pa la soD pa smras pa de la yang brjod par bya ste/ rjes su dpag pa'i tshad ma nyid/ /de bdag nyid las tha
 dang min/ /des na tshad ma yin phyir zhes/ /bya ba'i gtan tshigs 'di ma nges/ /rjes su dpag pa med par lung tsam gyis bsgrub bya bsgrub pa ni med de /rang gi ngo bo las tha mi dad pa'i phyir dang/ du ma nyid yin pa'i phyir ro/ /tshad ma nyid ces bya ba 'di ci mngon sum gyi tshad
 ma bzhin du rjes su dpag pa lung las tha dad par gyur pa zhig yin nam/ 'on te tshad ma nyid yin pa'i phyir rjes su dpag pa'i tshad ma'i rang gi ngo bo bzhin du tha mi dad par 'gyur pa zhig yin zhes bya ba'o/ /gzhan yang/ tha dad spyod yul can gyi blo'i//
 rgyud nyid du ni khyod kyi de/ /ma grub tha dad yul yin phyir/ /gtan tshigs ma grub nyid du gyur/ /rjes su dpag pa ni lung las tha dad pa'i spyod yul can gyi blo skye ba'i rgyur gyur pa yod pa ma yin te/ lung las rjes su dpag pa dang bcas na bsgrub bya sgrub par
 nus par 'gyur gyi rjes su dpag pa dang bral ba'i lung gis yin par ni mkhas pa rnams kyis 'dod pa ni ma yin te/ mgon por smra ba dang/ 'dod bzhin 'jug pa dang/ thabs kyis rgyal bar bsgrub pa'i bstan bcos bzhin no/ /des na lung ni rjes su dpag
 pa'i khongs su gtogs pa yin no zhes kho bo cag la grags pas tha dad pa'i yul gyi blo skye ba'i rgyu yin pa'i phyir zhes bya ba'i gtan tshigs kyi don ma grub pa nyid yin no/ /gang yang 'di skad du gcig dang du ma'i don gyi yul rtogs pa yin
 pa'i phyir rjes su dpag pa ni yul las gzhan yin te/ sgra las byung ba'i tshad ma bzhin no zhes bya ba de la yang/ du ma'i don dngos tha dad phyir/ /don gcig min pa rtogs pa'i rgyu/ /rjes su dpags par yang 'dod pas/ /de phyir sgra byung las gzhan
 min/ /sgra gang gis byang grol zhes bya ba'i sgra mngon par brjod par ni don gcig yang dag par rtogs par 'gyur la/ mtho ris zhes bya ba'i sgra mngon par brjod pa na ni don du ma rtogs par 'gyur ro/ /de yang rjes su dpag pa med par ma yin pas sgra
 las byung bzhes bya ba yang rjes su dpag ba'i khong su gtogs pa nyid yin no/ /gzhan yang/ rtags dang 'brol ba ma mthong bas/ /mthong ba'i don las rjes dpag nyid/ /gang phyir rtogs bya rtogs par byed/ /de phyir de
 ma thag tu min/ /mtho ris la sogs pa'i rtags mthong ba med na yang mthong ba'i don la rjes su dpag pa nyid kyis rtogs bya rtogs par 'gyur ro/ /gang la zhe na/ mtho ris ni yod do/ /thar pa ni yod do zhes de bzhin gshegs pas bstan pa'i
 lung gang yin pa la'o/ /de las 'di skad du 'dus byas thams cad ni mi rtag go zhes brjod cing gsungs pa lta bu ste/ des na rjes su dpag pa nyid kyis mtho ris dang thar pa yang yod par rtogs par bya ba yin gyi lung tsam gyis ni ma yin no/ /de
 ltar na yang lung ni rjes su dpag pa'i khongs su gtogs pa nyid yin no/ /gzhan yang/ rjes dpag sgra byung tha dad min/ /lkog gyur shes pa'i rgyu nyid yin/ /'brel pa dran pa bltos bcas phyir/ /ji ltar rjes dpog rang nyid bzhin/ /sgra las
 byung bas na sgra byung ste/ lung nyid do/ /de la de yang me tog dang 'bras bu dang yal ga dang bcas pa'i shing la sogs pa'i don sgra thos pa nyid na rdzogs par 'gyur ba ni gang shing la me tog la sogs pa dang bcas pa'i 'brel pa sngar mthong ba las
 dran pa skye bar 'gyur ba yin pas de ni sngar gyi 'brel pa la bltos pa zhes bya ste/ 'brel pa dran pa la bltos pa'i phyir ro/ /de ltar rjes su dpag pa dang nyid me dang nye bar gnas su zin kyang du ba dang me 'brel ba mthong ba dran pa la bltos pa
 bzhin no/ /sngon med bya bas gsal mi byed/ /sgra yi gsal byed bkag pa bzhin/ /gsal bar byas pa'i bum pa ltar/ /sngon med pa yang mi rtag 'dod/ /chos kyang mchod sbyin la sogs pa'i bya bas bsgrubS pa nyid yin gyi gsal bar
 byas pa ni ma yin te/ byas pa yin pa'i phyir sgra dang mes gsal bar byas pa yin no/ /gal te rtag pa nyid yin pa'i phyir chos ni bya bas gsal bar byed pa nyid yin gyi byas pa ni ma yin te/ ji ltar mun pa'i nang na gnas pa'i bum pa mar mes gsal bar
 byed pa bzhin no zhe na/ mngon par gsal bar byed pa yin du lta gzhug na de lta na yang sngon med pa de bum pa bzhin du mi rtag pa nyid du 'gyur ro/ /de'i phyir 'dod pa nyams pa yin no/ /gzhan yang zla ba'i bdung? sogs bya ba'i 'bras/ /rtag pa min pa
 nyid du 'dod/ /bya ba'i 'bras bu yin phyir dper/ /'dod pa'i rgyu byung 'bras bu bzhin/ /zla ba'i btung ba la sogs pa'i bya ba gang dag yin pa'i 'bras bu de ni bdud rtsi nyid dang/ rtag pa nyid yin par mngon par 'dod du zin kyang mi rtag pa nyid
 yin te/ bya ba'i 'bras bu yin phyir ro/ /gang dang gang bya ba'i 'bras bu yin pa de ni mi rtag ste/ dper na 'dod pa'i sems pa'i rjes thogs la skyes pa'i yul gyi bde ba'i 'bras bu zhes bya ba lta bu'o/ /de bzhin du/ zla ba'i btung sogs bya ba yiS//
 thar pa 'thob par mi rigs te/ /bya ba yin phyir 'dod pa yi/ /rgyu mtshan bya ba mi 'dod ltar/ /zla ba'i btung ba dang byol song gi mchod sbyin la sogs pa'i bya ba ni 'jig rten las mi 'da' ba nyid yin pa'i phyir thar pa 'thob par byed pa rigs
 pa ma yin te/ bya ba yin par mtshungs pa'i phyir ji ltar 'dod pa spyod pa'i rgyu phebs par smra pa dang/ gnyis kyi gnyis sprod pa la sogs pa'i mtshan nyid can gyi bya ba bzhin no/ /de phyir lam 'di la brten nas/ /mthar byed las rgyal
 'gyur ma yin/ /blo yis spyod pa'i nus med pa/ /gzhan rjes 'brang bas 'di la brten/ /rang nyid kyis dngos po'i de kho na nyid kyi non rtogs pa'i bsam gtan gyi shes pa'i lam gang mthong ba'i lam de la brten nas nges par mthar byed
 las rgyal bar 'gyur gyi/ gang dag gzhan gyi rjes su 'brang zhig blos spyod pa'i nus pa med pa yongs su btags pa'i yang dag pa ma yin pa'i lam des ji ltar mthar byed pa las rgyal bar 'gyur ba yin/ de'i phyir na gang zla ba'i
 btung ba la sogs pa'i bya bas mthar byed pa las rgyal bar 'gyur ro zhes bya ba gang smras pa de bden pa ma yin no/ /gal te yang/ 'chi med nyid ni yod pa'i phyir/ /nyer zhi rig byed yod ce na/ /med de 'di ni phyin ci log /mi rtag pa la rtag par
 btags/ /rigs las 'byung ba'i don gsum po/ /shin brjod bstong dang cho ga dag/ gang phyir don ni gsum po 'dis/ /thar pa nam yang 'thob ma yin/ /gal te snying po nyid yin pas/ /rig byed tshad mar 'dod ce na/ /mi shes phyin ci log
 lta sogs/ /ci'i phyir na tshad ma min/ /zhes bya ba yin no/ /drang srong lhas bsten dam pas 'dod/ /ces bya ba la sogs pa'i phyogs snga ma'i lan brjod par bya ba'i phyir smras pa/ lha'i bla ma phur bus bstan pa'i rgyud las rig byed sun dbyung ba
 nyid yin te /ci ltar zhe na/ smras pa/ rdzas kyi don du lha gsol mchod byed pas sta gon la gnas pa dang/ gtor ma btab pa la sogs pa kun tu btags pa yin gyi/ de ltar lha ston du nye bar gnas pa la sogs pa ni 'grub pa ma yin
 te/ ci mtho ris su mu ge chen po byung par gyur nas gang gis phyir 'dir gtor ma'i cha shas dang/ khur ba'i phye dum dang/ bsang gtor gyi chu dang/ ra sha dang/ 'bras ma chags pa la sogs pa la khyi'i tshul bzung nas lha rnams 'dir babs
 shing za bar 'gyur ba yin nam zhes bya ba dang/ de bzhin du yang smras pa/ skyon can gtsang sbra can mang 'dus nas 'tsho ba'i phyir/ /lha'i sta gon la sogs 'ga' zhig brtsams gyur nas/ /phyugs bsang snying por gyur rnams bskus pa rnams kyis
 zos/ /ma? dang rmig pa bags pa can 'di ga la ster/ /khyim med ma dang mchod sbyin shing shun can/ /mgrin par skud pas bcings dang 'dreg mkhan dang/ /rje'u rigs gnyis dang mchil lham mkhan po dang/ /drug gi rig byed 'di ni btags pa yin/ /gnas
 skabs chos can gang dag dang/ /gzhan yang rigs kyi chos can dag/ nor can rnams ni nor tshogs la/ /bya rgod bzhin du drungs nas 'byin/ /me la sbyin sreg la sogs las/ /byis pa'i rtsed mo bzhin mtshon bya/ /me yi sbyin sreg gsum
 rig 'don/ /dbyug gu gsum can thal bas bsku/ /blo dang rtsol bas dman rnams kyis/ /mtsho phyir byas zhes phur bu smra/ /de bzhin du grong khyer gyi nang na tshul bcos pa'i rkun po rnams kyis de dag gtan tshigs kyi tho bas mgo nas
 sleb par bya'o zhes kyang 'byung bas de lta bas na lha'i drang srong gis bsten ces bya ba yang rigs pa ma yin no/ /lam gsum po ni ston byed pa/ /tshangs pa khyab 'jug bde byed rnams/ /nyon mongs bdag nyid spyod mthong bas/ /gang
 phyir gsum 'di sdangs pa'i rigs/ /nyon mongs pa dang bral nyid kyis / /sgrib la med pa'i ye shes dang ldan pa'i gsung ni don ji ltar bzhin yin par 'gyur gyi/ gang yang gdon gyis zin pa bzhin du nyon mongs pa dang
 bcas pa'i 'dod pa'i rjes su zhugs pa rnams kyi tshig gi don ji lta ba bzhin ma yin te/ nyon mongs dang bcas pas byas pa yin pa'i phyir lta ba gsum po nyid ni spang bar rigs pa kho na yin gyi mi rigs pa ma yin no/ /de la re zhig tshangs
 bo'i nyon mongs pa dang bcas pa'i rang bzhin ni 'di yin te/ rig byed las 'di ltar 'byung ngo/ /ji ltar srid pa gsum po ni/ /mes pos bskyed pa yin zhes grag/ legs pa thams cad rnam spangs te/ /'phags pa rnams kyis mnyan bya min//
 lha mo 'dod dga' dang 'dus nas/ /'dod pa'i bde ba nyams myong ste/ /gzhon nus nad 'dod dga' las/ /'jig rten byed pa des bskyed do/ /mes po des ni dga' byed ma/ /de la byin nas 'di skad smras/ /skyes bu?
 rnams kyis bud med spyod/ /bud med rnams kyang skyes bu la/ /zhes bstan pa yod pas de'i phyir/ /'dod pa med na ji ltar 'di/ /'dod dga' ma la spyod par byed/ /de bzhin 'dod bral lha mo la/ /'gro gtso stobs kyis ci phyir spyod/ /'di ni skye dgu'i
 bdag las skyes/ /de ni rang byung bu yin na/ /rang byung tsha mo 'dod ldan la/ /spyad par gyur pa min nam ci/ /de bzhin du 'di ltar grag ste/ /skye dgu'i bdag po gsal ba zhes bya ba tshangs pa'i kha nas skyes so/ /des mtshed sbrin gcig
 byed pa'i dus su tshangs pa spyan drangs pa dang de ma 'ongs so/ /de nas skye dgu'i bdag pos rang gi bu mo gzhon nu rnams pho nyar btang ngo/ /de rnams kyis la las ni lag pa nas drangs/ /la las ni co to naS drangs te tshangs pa mchod sbyin gyi gnas su
 khyer ro/ /de gzhon nu ma rnams kyi lus dang reg par gyur pa na 'dod pas sems myos par gyur nas khu ba byung ngo/ /de mchod sbyin byed pa'i sreg gzar gyis blangs nas sreg bya bzhin du me'i nar du blugs so/ /de nas 'bar ba'i phreng bas kun
 nas 'khor bzhin du thub pa ngan spong dang ang gir sa skyes par gyur te/ /de'i lhag ma du pa'i nang du lus pa las a ti byung ngo zhes zer te/ des na 'dir yang skye dgu'i bdag po las skyes pa rang gi tsha mo la 'dod pa'i sems skyes
 nas byung ba'i khu ba lha thams cad kyi kha yin par 'dod pa'i me'i nang du tshogs kyi nang du sdugs par byed pas smyon pa'i spyod pa dang 'dra ba tshangs pa la yang yod pa yin no/ /gang gi phyir smras pa/ rigs las drang srong skye bstan pa/ /
 'di ltar byung 'di brtag mi bya/ /gnyis skyes rnams kyis gsang ba gang/ /kun la brjod par bya ba min/ /rang byung gi ni spyod pa 'di/ /'khrul bar gyur pa 'di la ltos/ /tsha mo mthong dang reg pa las/ /byol song bzhin du gang chags nas/ /lus ni
 'byung bar gyur pa las/ /mi gtsang shor bar gyur pa 'di/ /mi ni sems dang ldan pa 'ga' / /ma skyes yin na 'di byed dam/ /khyi dang bung bu dag gi ni/ /spyod pa 'phags pas smad pa la/ /rang byung spyod pas des na de/ /de dag dang ni khyad ci yod/ /de
 bzhin du ta la'i rkang pa dang ha ha zhes zer ba bsad par bya ba'i phyir skye bo brgya stong du ma'i tshogs gsod par byed pa'i gshin rje bskyed pa dang/ 'phel byed dang/ ma nu ci dang/ sdom pa dang/ mgrin bcu bsad pa'i thabs kyi man ngag kyang rig byed
 las bstan pas tshangs pa ni nyon mongs pa drag po dang ldan pa yin no/ /khyab 'jug dang dbang phyug chen po dag ni nyon mongs pa'i bdag nyid can yin par phyis ston par 'gyur pas 'dir ma bstan to/ /pha rol gyi bsam pa khas blangs nas
 smras pa/ shes ldan shes pas sdig pa dag/ sreg ste me yis shing bzhin no/ /des na mthu yi khyad par gyis/ /ngan 'gro de i 'gro zhe na/ zhes bya ba la/ gal te rmongs pa long ba dang 'dra ba dag ni sdig pa chung du yis kyang ngan 'gror 'gro bar
 'gyur ba yin gyi/ ye shes kyi snang ba skyes shing shes rab kyi mig rnam par dag pa dang ldan pas ni sdig pa ma lus pa sreg pa yin pas des sdig pas gos pa ma yin no zhe na/ 'di la gang gis nyon mongs sreg nus pa'i/ /mkhas pa shes de she
 ldan na/ /de ni sdig pa byed mi 'gyur/ /de'i rgyu shes ldan la med phyir/ /zhes brjod par bya ste/ shes pa dang ldan pa rnams kyi shes pa dang ldan pa nyid ni 'di yin te/ gang nyon mongs pa rnams gsog par mi byed cing/ nyon mongs pa bsags 
 pa rnams kyang zhi bar byed pa yin pas de'i phyir shes pa dang ldan pa rnams ni srog gcod pa la sogs pa sdig pa'i las mi byed de/ 'dod chags dang/ zhe sdang dang/ gti mug zhes bya ba'i sdig pa'i rgyu rnams med pa'i phyir
 ro/ /'dod chags sam/ zhe sdang dam/ gti mug gis ni sdig pa'i las byed par 'gyur te/ ji skad du/ 'dod chags kyis ni chos mi mthong/ zhes bya ba dang/ de bzhin du /zhe sdang dang/ gti mug la yang bstan pa yin no/ /yang khyed ni gcig
 tu mi dge ba'i lam la zhugs pa yin te/ ltung bar byed pa'i las rnams kyis/ /rnal 'byor grub la mi gos zhes/ smra zhing yang dag lam nyams la/ /gzhan dag gi yang nyams par byed/ /grub pa'i rnal 'byor bsam gtan la sogs pa gang yin
 pa de ni rnal 'byor grub pa'o/ /de la ni mi dge ba'i las bram ze bsad pa la sogs pa ltung bar byed kyang gos par mi 'gyur ro/ /zhes zer ba grag ste/ de skad zer ba de dag ni las kyi 'bras bu nyams par mi 'gyur ba dang/ grol ba'i lam yang mi
 shes par gyur ba yin la/ gzhan sems can mang po de'i gzhung gi rjes su 'brang ba rnams kyang 'khor ba'i dgon pa la mngon du phyogs par byed pa yin no// //dbu ma'i snying po'i 'grel pa rtog ge 'bar ba/
 bam po nyi shu lnga pa/ /gal te de rnams la sdig pa bsreg pa'i nus pa yod na ci'i phyir dbang phyug gis tshangs pa bsad pa'i sdig pa zla ba dang/ nyi ma dang bud med dang shing la sogs pa rnams la cha dgod par byed pa yin nyi ma dang/
 zla ba yang ci'i phyir/ nad kyi rgyal pa zad byed len par byed/ des na tshangs pa dang/ khyab 'jug dang/ dbang phyug chen po rnams ni shes pa dang ldan pa ma yin no/ /ci ltr zhe na/ tshangs pa la sogs pas de nyid don/ /blo yis
 mthong bar mi 'dod de/ /tshangs pa dang ni rtse gsum can/ /thig le mchog mar kun chags phyir/ /thig le mchog ma zhes bya ba'i lha'i bu mo la/ dbang phyug chen po kun tu chags nas gdong bzhi mngon par sprul pa dang/ tshangs pa yang kun tu chags par
 gyur pa nyid kyis gdong lnga bskyed de/ gdong de dag gis bltas kyang ngoms par ma gyur to/ /zhes grag go/ gzhan yang ba ga ma tha na'i gzhung las/ lha chen pos lo brgya tshang bar u ma dang lhan cig tu 'khrig pa'i sbyor ba la gnas par gyur to//
 de bzhin du lha shing gi nags tshal du zhugs pa na/ thub pa'i bu mo mthong ba na 'dod pas myos pa nyid du gyur nas mtshan ma 'greng bar gyur to/ /drang srong de khros par gyur pas ltung par byas so/ /'di skad kyang smras te/ dur khrod na ni gang
 gnas shing/ /'byung po'i tshogs dang lhan cig dga' / /'di 'dra ba yang lha yin na/ /sha za ci 'dra ba zhig yod/ /tshangs par spyod dang 'gal ba yin/ /gzugs su 'di ni mthong bzhin du/ /smongs pa mi shes pa dag la/ /tshangs par spyod
 pa yin zhes smra/ /'jig rten kun gyi mngon sum du/ /dka' thub mtshan ma 'greng gyur pa/ /mkhas pa gnyen dang bcas rnams kyis/ /'di 'dra mthong ba min 'dod do/ /nyid na tshangs par spyod min pa'i/ /khyim pa'i cha lugs nyid rung
 gi/ tshangs par spyod par khas 'chi ba'i/ /bde byed mthong bar mi 'dod do/ /mtshan ma ltung ba de la ni/ /dri dang phreng sogs longs spyod mchog/ de bzhin pa de byed lam yin/ /'gal ba nyid du mthong ba yin/ /gang gis ming thos skye bo'i
 tshogs/ /shin tu ngo mtshar 'gyur ba yin/ /gang las mi gtsang tshogs 'byung ba/ /de ni lha yin ji ltar 'dod/ /shin tu ngo tsho? med gyur pas/ /mtshan ma'i rtso nas dbang bskur bas/ /gang gis bdag nyid co 'dri ba/ /de la lhag pa ci zhig
 bya/ /zhes bya ba'o/ /'dod chags drag po can yin par smras nas zhe sdang drag po dang ldan pa yin pa nyid du smras pa/ dang por khros mes ma bsregs na/ /grong khyer sum brtsegs ci ltar bsregs/ /nyi rgyal so phyung
 ci lta bu/ /nyi skal mig phyung ci lta bu/ /khro ba'i mes ni dang por re zhig khro ba can nyid sreg par byed de/ /'di ltar dbang phyug chen po thig le mchog ma shor ba las byung ba'i khro ba'i mes bsregs shing bsnyen par dka' par gyur nas lha
 ma yin du 'bar ba'i phreng ba can drug gis bskor nas gnas pa'i grong khyer sum rtseg gi steng du me'i mtshon 'phangs nas bsregs par gyur to/ /yang skye dgu'i bdag po gsal ba mchod sbyin byed pa'i dus su lha thams cad tshogs pa na
 de thod pa'i phreng bas mgo brgyan cing/ thal bas lus bskus/ log pa na thod pa thogs te smyon pa'i brtul zhugs 'dzin bzhin du shin tu 'chi ba na 'ongs so/ /de mthong nas rgyal zhes bya ba'i nyi mas gad mo byas so/ /bzang po zhes
 bya ba'i nyi mas mig tsum byas so/ /des na bde byed khro ba'i mes tshig nas rgyal gyi ni so rnams lhung bar byas so/ /bzang po'i ni mig lhung bar byas so zhes 'byung ngo/ /gti mug drag po can yang yin te/ /tshangs bsad chang 'thungs 'dod pa
 can/ /dbang phyug de ni mthong zhes na/ /de yis lam gyi rjes 'brang ba/ /ji ltar de nyid mi mthong 'gyur/ /rmongs pa ma yin pa la ni 'dod chags dang/ zhe sdang dang gti mug 'byung bar mi 'gyur ro/ /dbang phyug chen po ni de kho na
 nyid mthong ba ma yin te/ tshangs pa bsad pa dang/ chang 'thungs pa dang/ 'dod pa bsten pa yin pa'i phyir rdon pa dang/ chang 'tshong ba la brtan pa pa dang/ smad 'chong ma la chags pa'i skyes bu bzhin no/ /de'i phyir na re zhig de nyid
 la yang de kho na nyid mthong ba yod pa ma yin na yang de'i nye bar bstan pa'i lam nas/ 'jug pa la lta grol ba yod par ji ltar 'gyur te mi 'gyur ro/ /khyab 'jug yin na sgra can dang/ tsa ru ra dang dmyal la sogs/ /snying rje med par gyur pa yis/ /nor
 srog phral ba ji lta bu/ /gal te de kho na nyid kyi ngo bo nyid yin na zhes bya ba ni tshig gi lhag ma'o/ /lugs 'dis don dam pa rtogs par 'gyur ba yang ma yin la don dam par mthong na ni 'di lta bu'i spyod pa dang ldan par yang rigs pa ma yin no//
 gzhan yang/ gzhan nor chung ma ma byin len/ /chang sred srog ni gcod pa dag /'di nyid mthong bar 'os gyur na/ /ri brag rkun mo shin tuAng yin/ /gal te srog gcod par byed pa dang/ gzhan gyi nor 'phrog par byed pa dang/ chang la sred
 pa dang/ gzhan la slu bar byed pa'i tshig smra ba dang/ gzhan gyi chung ma la nyal bar byed pa la sogs pa dag gis de kho na nyid rtogs par 'gyur ba ni ri brags pa dang/ rkun mo la sogs pa gcig tu sdig pa la zhugs pa rnams shin tu
 grol bar yang 'gyur la/ gzhan gyis kyang mchod par 'gyur ba zhig na de ltar ni mi 'dod do/ /gzhan gyis bsam pa smras pa/ skye dgu bskyang la gsal ba'i phyir/ /lha min lha yi cher ma dag /bsad kyang skyon ni yod min te/ /de ni chos bsrung phyir zhe
 nang zhes bya ba ste/ mi yang lha'i dbung yin la lhas kyang mi rnams dpal dang skal ba bzang po dang/ tshe'i mthar thug pa thob par byed cing rjes su 'dzin par byed pa yin no/ /lha ma yin ni lha'i phyogs kyi mi mthun par gyur pa yin pas bsad kyang chos
 ma yin par 'gyur ba ma yin te/ chos bsrung ba'i phyir ro zhe na/ 'di la/ gal te de ni chos bsrung par/ /'dod pa yin na ci yi phyir/ /gzhan nor bur med ba rku ba dang/ g.yo sgyu la 'jug spong mi byed/ /gang 'di ltar lha ma yin bsad pa lta lha'i?
 ngan 'gror bor gyur cing skye dgu la gnod pa byed pa yin pas chos bsrung ba'i phyir yin na rgyal po dmyal ba pa'i bud med stong phrag bcu drug 'phrog par byed pa dang/ rgyal po byis pa bskyod gi? gser mdog ma 'phrog par
 byed pa dang/ sde pham byed kyi nor bu sa man ta ka 'phrog par byed pa dang/ g.yo dang sgyu yis phan pa byed byed pa'i lha ma yin gyi rgyal po gtor ma bslus pa la sogs pa phyin ci log tu zhugs pa 'di lta bu ci'i phyir yongs su spong bar mi
 byed /de'i phyir na 'di ni chos 'dod pa ma yin pa nyid yin no/ /de la gzhan gyi bud med dang nor phrog par byed pa'i phyir chags pas zil gyis mnan pa nyid kyang yin par 'gyur ro/ /rta mgrin dang sun 'da' dang/ nye ba'i sun 'da' dang/ hi
 ra Nu ka shi bu dang/ kang sa la sogs pa'i lha ma yin bsad pa'i phyir zhe sdang gis zil gyis mnan pa yang yin no/ /gtor ma bslus pa dang/ gos ngan gyi 'gron du bos pa dang/ bsil byed ma 'phrogs pa la sogs pa rig byed pa
 nyid kyi phyir kun tu rmongs pa nyid kyang yin no/ /'di skad smra bar yang nus pa yin te/ sred med kyi bu ni 'dod chags dang bcas pa yin te/ bud med stong phrag bcu drug 'phrog par byed pa'i phyir rgyal po ngan pa bzhin zhes bya ba 'am/
 phyugs rdzi mo dang lhan cig kun tu chags shing 'dod pas rtse ba nyams su myong bar byed pa'i phyir ba lang rdzi gzhan bzhin no/ /sred med kyi bu ni zhe sdang dang bcas pa yang yin te/ rtag tu srog gcod pa la zhugs pa yin pa'i phyir/
 rngon? pa dang/ bya ba la sogs pa bzhin no/ /sred med kyi bu ni gti mug dang bcas pa yin te/ zla ba bzhi'i bar du gnyid log pa'i phyir sbal ba dang sbrul la sogs pa bzhin no/ /'gro ba'i de nyid de rang bzhin /rang bzhin yin phyir dong che bzhin
 'gro ba mi rtag par mthong na/ /de ni ji ltar rtag par 'dod/ /gal te 'gro las de bzhin te/ /sa dang rdza mkhan bzhin zhe na/ /rdza mkhan dang ni sa bzhin du/ /mi rtag par ni mtshon par bya/ /sred med kyi bu ni chos 'dod pa ma yin par nges par
 gzung bar bya ba yin na ji ltar na chos srung bar byed par 'gyur /ci'i phyir zhe na/ chos min 'dod pa ma yin na/ /de byed par ni ji ltar 'gyur/ /gang la lkog tu gyur pa'i skyon/ /mi shes phyir na byas pa yin/ /gal te 'di chos 'ga' zhig kho na
 la dga' bar gyur pa zhig yin na ni/ chos ma yin pa byed du 'jug par mi 'gyur la/ rang yang chos ma yin pa byed bar mi 'gyur ro/ /yang na chos ma yin pa'i 'bras bu rnam par ma zhes pas me 'gal
 pa'i skyon ma mthong ba'i phyir chos ma yin pa de bskyed par byas pa yin te/ tha mal pa'i skyes bu bzhin du 'di rmongs pa nyid du 'gyur ro/ /gzhan yang/ ci 'di yi 'jig rten skyong ba yang pha dang/ ma dang/ bu dang/ grogs la sogs pa la
 brtse bas bskyed pa yin nam/ 'on te snying rjes yin/ /nges cir 'gyur/ /sred pas 'jig rten skyong zhe na/ /sred pa'i bran du ji ltar 'os/ /snying rjes zhe na 'jig rten rnams/ /sgyu mas rmongs par ci phyir byed/ /'jig rten 'di dag thams
 cad ni sred pa'i dbang du song ba yin la/ de ltar sred pa'i dbang du song ba ni sred pa'i dbang du song ba nyid yin pa'i phyir bran du gyur pa des/ 'jig rten thams cad bskyod cing byas zhes bya bar rigs pa ma yin no/ /snying rjes 'jig rten skyong
 pa yin na yang skye ba dang/ rga ba dang/ na ba dang/ 'chi ba la sogs pa'i sgyu mas rmongs par byed par rigs pa ma yin no/ /gzhan yang/ skye dang 'chi sogs sdug bsngal can/ /lha ma yin la'ang cis mi brtse/ /thams cad mnyam yang
 mthong ba'i phyir/ /dgra yi 'du shes mi rigs so/ /gzhan gyi sdug bsngal gyi sdug bsngal bar gyur pa ni snying rje ste/ mnyam pa'i ngo bo nyid yin pa'i phyir ro/ /gal te 'di skye ba dang/ rga ba dang/ na ba dang/ 'chi ba la
 sogs pa'i sdug bsngal can du 'dra bar gyur la/ la la ni bshes kyi 'du shes/ la la ni dgra'i 'du shes ma nyams par spyod pa nyid mthong bas snying rje can nyid ma yin no/ /des na khyab 'jug ni chags pa dang/ zhe sdang 'ba' zhig can yin par shes
 par bya'o brtse ba can yang ma yin la/ snying brtse ba can yang ma yin no/ /de bzhin du/ rang nyid 'gro ba'i byed po yin/ /skye 'jig dag gi gtso bo ni/ /phan par byed la brtse ba ltar/ /phan byed la brtse de ci ltar/ /gal te 'gro? gce? 'di yin
 pas/ /'di las lhag pa'i mchog med na/ /ci phyir mdangs ldan ma bcas pas /thub pa gos ngan khur bar byed/ /yang na de yi spyod mthong nas/ skye dgu byed po zhes bya'i blo/ /rang gis byas sam slob yin na'ang/ /khur bar byed pa'i blo ci
 yin/ /mchod 'os dka' thub lhag ce na/ /dka' thub gtso yin de ma yin/ /dmong pas 'jigs pa yin zhe na/ /byed po yin pa'i yon tan ci/ /'dod chags zhe sdang sogs 'dres pa'i/ /'phrog byed spyod pa 'di ci yin/ /'phags
 min spyod pa 'di ldan pa/ /de ni ci ltar skyes mchog yin/ /ji ltar bstan pa'i rim pas gang ma 'dod chags dang/ zhe sdang dang/ gti mug gis dre ma can du byas pa'i spyod pa yod pa de ji ltar na de kho na nyid rig pa yin/ skye bo bzang po ma
 yin pa'i rjes su 'jug par byed cing dman pa'i las byed pa de rgyu gang gis na skyes bu'i mchog yin par 'dod par byed/ 'gro ba mnyam med 'phrog byed la/ /gal te de la stobs yod na/ /ci phyir shugs can nag po yis/ /'jiD
 nas phug tu zhugs zhes grag/ shugs can nag pos 'jigs skrad nas/ /rgyal pao'i drang srong ma tsu ku'i/ /khri yi 'og tu zhugs gyur par/ /nag por gyur pa min nam ci/ /grong khyer mang por gnas pa na/ /khung nas rkun mo bzhin 'bros pa/ /gal te
 srid gsum de bskyed na/ /lha ma yin la ci phyir 'jigs/ /gang tshe rgas phyir mangs phog nas/ /'di ni 'chi bar 'gyur ba'i tshe/ /de nyid mthong ba'i shes pa dang/ /de yi stobs kyang gang du song/ /sgyu dang g.yo yis rmongs byas te/ /ngan pa'i las la sbyar
 byas nas/ /bla ma gnyen bsang 'jigs pa yis/ /srid sgrub tu gyur ji lta bu/ /dag tshogs zad par bya ba la/ /nges par rang la nus med pas/ /gang phyir snying rje med pas gzhan/ /bskul ba'i don du song bar gyur/ /ces bya ba dang gzhan
 yang 'dis thams cad bskyed pa yin na bsil byed ma 'phrog par byed pa'i mar na ci'i phyir skyed par byed/ kun la khyab pa nyid yin na yang ci'i phyir khyab 'jug bdag nyid kyis khyab 'jug gsod par byed/ thams cad mkhyen pa yin na yang bsil
 byed ma sa'i nang du zhugs par gyur pa 'dis ci'i phyir shes par ma gyur/ yang na 'di dag thams cad rtsod ma'i don du bskyed pa yin na yon tan gyi khyad par med pa'i phyir byis pa chung du'i rtse mo dang 'dra bar rtsed mo 'di mtshon par bya'o/ /lha
 lha ma yin gtor ma yang khyab 'jug nyid yin/ khyab 'jug nyid slu bar byad pa yang ji lta bu/ de ni gzhan yin no zhe na skye dgu 'di kun yang 'di yin no/ /mchod gnas ma yin pa nyid kyang yin te/ gang 'di dang phrad nas gtor mas
 mchon? po sbyin pa byas las bcings pa thob par gyur pas so/ /gang gi tshe sa 'di chu'i nang du nub par gyur pa na phag gi gzugs su gyur nas btag pa'i tshe gang du gnas nas bteg pa yang smros shig/ sa la brten nas zhe na/ de lta na 
 ni sa gting du nub ba ma yin no/ /gting du nub po zhe na ni de la brten par ji ltar 'gyur/ /des na tshul 'di ni rigs ba ma yin no/ /de'i phyir sgra gcan yang 'dis ma bskyed pa nyid yin par rigs kyi/ bskyed nas mgo bcad
 pa la yon tan ci yod/ 'dis bdag cag gi bdud rtsi phrogs par 'gyur ro/ /zhes kyang shes par ci'i phyir ma gyur/ dgras 'jigs nas mtshon cha 'dzin par byed pa gnod par byed pa de lta bu yang bskyed nas ci zhig bya/ gang gi tshe 'jiD?
 ba med do zhe na yang mtshon cha bzung nas ci zhig bya/ gzhan bsad pa'i phyir mtshon cha 'dzin pa yin pas rngon pa dang gdol pa la sogs pa bzhin du shin tu chos dang mi ldan par gyur pa nyid yin no/ /gal te rang gis bskyed pas bsad
 kyang chos ma yin par mi 'gyur ro zhe na /bu la sogs pa bsad pa ltar ma nges pa nyid yin na/ /de la gus par gyur pa ni nyams par 'gyur ba ma yin no/ /zhes gang 'dod pa de yang de'i chud ma dgras khyer bar gyur pa dang/ de'i
 rgyud rgyun chad par gyur pa yang ji lta bu yin/ rang yang ma yin rgas byed kyis mdas rgyab nas shi bar gyur pa yang ji lta bu yin/ des na/ gang yang cung zhig dbang phyug ldan/ /gal te de la gnas yin na/ de ni kun la khyab
 nyid min/ /des na gzhung 'di dor bar gyis/ /'og tu zhugs nas sa bteg pa/ /khyab ba yin na ji ltar rung/ /'o na te 'di der ma gnas na'ang/ /khyab par smra bar mi mdzes so/ /'og tu zhugs nas sa 'dzin par/ /nus na drang srong
 dmong? pa yis/ /rang rigs sa 'og 'gro gyur pa/ /'dzin par mi byed ji lta bu/ /de la gus pa mi nyams zhes/ /gang la de lta'i blo yong na/ /de la gus pa'i bud med dag /tse gzung dgras khyer ji lta bu/ /de 'ba' zhig kyang ma?
 yin gyi/ /bshes dang gnyen dang bu rnams dang/ /de la gus par mthong ba gzhan/ /kun kyang nyams par gyur pa nyid/ /ces bya ba yin no/ /'dir smras pa/ 'di lta bu dag ni rigs pa ma yin gyi grub pa'i mdza' mi shes pa yin no/ /khyab 'jug gi
 ngo bo nyid ni gnyis yin te/ lha rdzas kyi ngo bo dang/ sa steng gi ngo bo can no/ /de la lha rdzas ni zhi ba gcig pu'o/ /sa steng gi ni zhi ba ma yin ba rnam pa bcu yin la/ de 'dir 'des? nas gdug pa can 'dul ba'i bya ba bstan pa nyid yin te/
 gang yang nya dang rus sbal phag pa dang/ /seng mgo can mi mi'u thung dang/ /rang mo ra ma khyab 'jug dang/ /sangs rgyas kal ki can 'di bcu/ /zhes bya ba smras pa yin no/ /rab tu byed pa gnyis kyis gzhan gyi bsam pa bstan pa/ 'phrog
 byed 'di yi dngos gzhan zhig /zhi bar gal te rtog byed la/ /gang mthong dus gang yang srid du/ /'byung bar mi 'gyur gang yin pa/ /'di yi yod min med ma yin/ /yod min med pa min?  pa'ang min /des na med phyir yod pa'i phyir/ /yod
 med min phyir de ni mchog /ces bya ba ste /lha rdzas kyi ngo bo ni bsam gtan gyi mig gis mthong bar bya ba yin no/ /rnal 'byor ba rnams kyis de mthong na yang 'khor bar lus mngon par 'grub par mi 'gyur gyis 'on kyang 'chi ba med pa
 la zim par 'gyur ro/ /'di ni yod pa nyid dam med pa nyid dam yod pa dang med pa nyid du yang bstan par mi nus so/ /de'i phyir na de ni mchog bla na med pa dam pa gtso bo zhes bya'o/ /zhe na/ 'di la 'di ni thal par 'gyur ba sgrub par bya
 ste/ ci nya la sogs pa'i ngo bo dang lha rdzas kyi ngo bo de gzhan zhig yin nam/ 'on te ma yin/ de la gzhan yin pa nyid du ni mi 'grub po/ /ji ltar zhe na/ nya sogs ngo bo yod pa'i phyir/ /gzhan yin na yang 'chi med min/ /gzhan
 min nyid na gzhan min phyir/ /de ni zhi min gzhan bzhin no/ /lha rdzas kyi ngo bo ni yod pa la sogs pa brjod par bya ba ma yin la/ nya la sogs pa'i ngo bo ni yod pa'i gzugs yin pas de'i phyir na 'di las
 gzhan nyid yin par 'dod du zin kyang/ /de lta na yang 'chi ba med par bstan par bya ba ma yin te/ mtshan nyid tha dad pa yin pa'i phyir dbang phyug la sogs bar bstan pa med pa bzhin no/ /gzhan ma yin pa nyid du rtog par byed na yang ji
 ltar nya la sogs pa'i ngo bo zhi ba ma yin pa dang/ nyams par 'gyur ba ma yin pa bzhin du lha rdzas kyang ma zhi ba nyid dang/ mi rtag pa la sogs pa skyon dang bcas pa nyid du 'gyur ro/ /gal te gcig ni zhi bdag nyid/ /yin na'ang gcig
 ni ma zhi na/ /bud med 'byon ma'ang bsngags par 'os/ /lus kyi phyed ni 'dod pa'i phyir/ /gal te 'di lha rdzas kyi ngo bo ni zhi pa yin la/ nya la sogs pa'i ngo bo ni ma zhi ba yin no zhes smras na/ 'di dag gang zhe na/ med pa nyid yin pas
 des na bdag gi lus byed ni gzhan la mi 'gro ba nyid yin la/ phyed ni gzhan la 'gro ba yin no/ /zhes bya ba la sogs pa smra ba'i bud med 'byon? ma yang bsngags par bya pa nyid du 'gyur la/ 'di lta bu'i lugs ni mi srid pa yang yin no/ /
 seng ge'i mgo can byi mi la sogs pa'i rjes su dpags na/ lha rdzas kyi ngo bo yang ma zhi ba nyid yin par 'gyur ro/ /de bzhin du/ yod sogs sgra yis brjod min phyir/ /mchog ces bya ba'ang rigs pa min/ /yod na mchog tu rigs
 'gyur la/ rgyu nyed du yang rigs pa yin/ /dngos po yod pa la ni rgyal po bzhin du gtso bo nyid du yang riD la/ de nyid ni sa bon la sogs pa bzhin du rgyu nyid yin par yang rigs kyi/ med par ri bong gi rwa la sogs pa ni mchog nyid dang rgyu nyid
 yin par rigs pa ma yin no/ /yod pa la sogs pa'i sgras lha rdzas kyi ngo bo brjod par bya ba ma yin no/ /zhes bya ba dang/ mchog nyid ces kyang brjod pa 'di ltar 'gal ba nyid kyang ma yin no/ /gzhan yang/ rgyu nyid yin pa spangs pa yin/ /gzhan nyid
 yin pa'ang snga ma bzhin/ /rgyu yang ma yin gzhan yang min/ /'chi med ma yin skye ba'ang min/ /dbang phyug rgyu yin pa sngar rab tu bkag pa bzhin du khyab 'jug rgyu yin par 'dod pa yang dgag par byas pa yin no/ /de'i phyir na gang gi yang
 rgyu ma yin no/ /tha dad du gyur pa yang ma yin te/ dngos po la dbye ba med pas tha dad du gyur pa ci yang yod pa ma yin no/ /'chi ba med pa yang ma yin te/ skyes par gyur ba nyams par 'gyur ba las 'chi ba zhes bya bar 'gyur gyi/ 'chi ba med
 pa ni nyams par 'gyur ba ma yin te/ skyes pa yod pa ma yin pa 'chi ba yang yod par mi 'gyur ro/ /des na 'di ni 'chi ba med par 'gyur ba yang ma yin pas 'chi ba med pa ma yin pa'o/ /gzhan yang ci 'di dngos po zhig yin nam/
 dngos po med pa zhig yin/ de la gal te 'chi med dngos yin na/ /'di ni nyams 'gyur ro sogs bzhin/ /gal te 'chi med dngos min na/ /de med nam mkha' i me tog bzhin/ /'byung bar 'gyur bas dngos po ste/ /skye bar 'gyur ba zhes bya ba'i tha
 tshig go /gang skye bar gyur pa de ni nges par nyams par gyur pa yin te/ ro dang /gzugs dang/ dri la sogs pa bzhin 'di yang nyams par 'gyur ba nyid yin no/ /dngos po ma yin te /dngos po med pa yin na yang 'di ltar dngos po med pa
 yin pa'i phyir nam mkha' i me tog gam/ mo gsham gyi bu la sogs pa bzhin du shin tu med par gyur pa nyid yin no/ /gal te 'di ni gcig tu yod pa yang ma yin te/ ma skyes pa'i phyir ro/ /gcig tu med pa yang yin te/ rnal 'byor pa'i
 mig gis mthong ba nyid yin pa'i phyir ro/ /de'i phyir yod pa dang med pa'i ngo bo yang yin no zhe na/ yod min med min mi rigs te/ /mel grangs dang dro bzhin no/ /gal te yod na ji ltar med pa yin/ /gal te med na'ang ji
 ltar yod pa yin/ /ji ltar me ni grang ba dang dro ba gnyi ga'i ngo bo yin par 'gal ba bzhin no/ /de bzhin 'chi ba med pa de/ /brjod med yin par ji ltar rigs/ /yod na yod pa dang med pa la sogs pa'i brjod pa dang bral ba nyid yin pa'i
 phyir ro/ /'di ni brjod du med pa yin no zhes bya ba dang/ de ltar na yang 'chi ba med pa zhes bya ba la sogs pa'i brjod pa 'jug par rigs pa ma yin no/ /gal te yang 'chi ba med pa la sogs pa'i chos 'di brjod par bya ba yin na 'di
 brjod par bya ba ma yin pa nyid ma yin no/ /rgyur smra ba dag gis smras pa'i bdag tu smra ba'i brjod du med pa dang 'di 'dra ba yin no zhe na/ brjod du med nyid bdag dang ni/ /'dran med yin bkag pa nyid/ /rig byed smra ba'i de kho na nyid
 gtan la dbab par gang ba dag gi brjod du med pa nyid dgag par byas pas de 'dir yang rtogs par bya'o/ /de'i phyir na 'di'i brjod du med pa nyid kyang ma grub pa nyid yin no/ /gzhan yang 'chi ba med phyir 'chi med ces/ /'chi med med phyir
 'chi med min/ /gal te 'di skad du 'chi ba med pa yin pa'i phyir 'di ni 'chi ba med pa yin no zhe na/ bum pa 'am mi yang rung 'chi ba dang bral bar gyur pa ni 'ga' yang med bas ngo bo med par bsgrub bya 'grub pa ma yin no/ /gal te
 yang 'di skad du /nya la sogs pa'i ngo bo 'chi ba mthong bas 'chi bar 'gyur ba yod pa'i phyir des na dpe med pa ma yin no/ /de ltar na yang 'chi ba nyid yod pa ma yin pas mi 'chi ba med par 'gyur ro/ /de lta bas na 'chi ba med par bstan
 ba yod pa ma yin no/ /skyon rnams sba phyir btags pa yi/ /de'i dngos po gzhan zhig ste/ /de la dmigs da? ji ltar bu/ /grol dod grol bar 'gyur ba yin/ /gang khyod kyi ngag gi grub pa'i mdza' nyams par 'gyur ba sngar bar bya ba'i phyir lha rdzas
 kyis ngo bor btags par gyur pa de yang bshad ma thag pa'i rigs pas yod pa nyid du sgrub par dka' na/ ci ltar na de la dmigs na grol bar 'dod pa rnams grol bar 'gyur ba yin/ de la rnal 'byor gyi cho ga nye bar bstan pa yod pas grol
 ba 'grub par 'gyur ro /zhes pha rol pos smras pa/ tshangs pa dang ni nor lha yis/ /glur blangs gsang ba oM zhes bya/ /tshangs pa'i yi ge de nyid ni/ /yod de kun la khyab pa yin/ /de ni tshang gsum gsal ba yin/ /de bzhin shin tu phra bar
 bstan/ /ngang po'i rgyu ni yi ge a/ /dag dang snying stobs sa me bsdus/ /las dang nam mkha' nyid dag kyang/ /yid brtul snying stobs u dang ldan/ /byed po'i yi ge ma'i ming can/ srog dang mun ba gsum yin no/ /'gro ba thams cad sdud
 par byed/ /gnyid chen shin tu log ba'i rgyu'o/ /'pho dang bsam gtan rlung 'byung 'jug /gzung bar bya ba dang brtag pa dang/ /ting 'dzin zhes bya rnal 'byor gyi/ /yan lag drug tu brjod pa yin/ /dbang po kun gyi shes pa ni/ /yul la
 g.yo bar byed pa rnams/ /yang dag bsrung la sogs ldan ni/ /yid la bsam gtan bya ba ste/ /gnas dag tu ni spong zhing bya/ /zhes bya ba'o/ /gzhan gyi bsam pa phyogs snga ma 'di lta bu yang nye bar dgong par bya ste /dbang po dag dang dbang don
 dag/ rus sbal yan lag bzhin bsdus la/ /dran pas yi ge oM brjod na/ /de gus skyes pu grol par 'gyur/ /zhes bya ba ste/ mig la soD pa'i dbang po rnam dbang po'i don gzugs la sogs pa la rus sbal gyi yin lag rnams sbed par byed pa ltar/
 rab tu bzlog cing bsdus nas ji ltar bstan pa'i yi ge oM tshad gsum dang ldan pa yid la bsas na khyab 'jug la gus pa de grol bar 'gyur ro/ /zhes de la 'di skad du/ /phrog byed gus pas grol bar ni/ /'phrog byed mthong bas
 ma rig nyid/ /rnam rtog mtshan ma dang bcas phyir/ /dper na 'phrog byed mthong ba bzhin/ /rnam par rtog pa med cing mtshan ma med pa'i bsam gtan ni sems zhi bar byed pa yin par rigs kyi/ gang yang rnam par rtog pa dang bcas shing
 mtshan ma dang bcas pa 'jig rten pa'i shes pa las khyad med pa de goms par byas su zin kyang thar pa 'thob par 'gyur ba ma yin te/ des na yang dag pa'i shes pa ma yin pa'i rnal 'byor ba 'phrog byed la gus pa rnams 'phrog par
 mthong bas grol bar rigs pa ma yin te/ rnam par rtog pa'i mtshan ma dang bcas pa'i phyir/ dper na 'phrog byed de ral pa gzings shing bshig pa dang ldan pa'i seng ge mthong ba bzhin no/ /rnam par rtog pa dang bcas pa'i blo dag ni
 brdzun pa nyid yin no zhes/ /'dir smras pa /grol phyir rnal 'byor ldan pa yi/ /mi rtog blo yang mi 'dod de/ /mtshan mar 'dzin phyir rdzun yin na/ /yongs su btags pa smos ci dgos/ /gal te rnal 'byor pa'i rnam par rtog
 pa'i blo yang ci zhig la dmigs pa yin par rtog na ni de yang re zhig dmigs pa'i mtshan ma la rtog pa yin pa'i phyir/ /grol bar mi 'gyur na gang yang blo gang zhig dngos po'i mtshan mar 'dzin pa'i rtog pa'i ngo bo/ nyid yin
 pa de ni/ rdzun ba nyid yin/ bden pa ni ma yin te/ mtshan mar 'dzin pa yin pa'i phyir gzugs la sogs pa'i shas pa bzhin no/ /gzhan yang chags sogs kun tu spyod pa'i phyir tshangs sogs rnams ni phyug rdzu bzhin/ /de nyid
 rig pa spangs pa'i phyir/ /rgyu la mkhas pa ma yin no/ /don dam pa'i ye shes la sgrib par byed pa 'dod chags dang zhe sdang dang/ gti mug rnams yod par gyur pa grol bar lta ga la 'gyur/ des na 'dod chags la sogs pa ni 'khor ba'i
 rgyu yin la/ /'dod chags zad pa la sogs pa ni thar pa'i rgyu yin no zhes bya ba'i rgyu la rmongs pa ni khyed kho na yin gyi kho bo cag ni ma yin no/ /de'i phyir 'di dag nyid de kho na nyid rig pa yin no zhes zer ba de dgag par bya ba yin te/ tshangs
 pa dang/ khyab 'jug dang/ dbang phyug chen po ni don dam pa rig pa ma yin te/ 'dod chags la sogs pa kun tu spyod pa mthong ba'i phyir/ ri brag pa dang rngon pa la sogs pa'i tshogs bzhin no/ /gzhan yang bden pa'i chos ni bstan pa 'am/
 rang nyid sgrub par byed pa yis/ /chos ni bsrung bar 'gyur yin na/ /de la 'di ni gnyi ga med/ /chos srung ba ni rang nyid yang dag par sgrub par gyur pa 'am/ phyin ci ma log pa'i lam nye bar bstan pas yin no/ /de dag ni bdag nyid kyang phyin ci
 log tu sgrub pa la gnas pa yin na/ ji ltar gzhan dag yang dag pa'i sgrub pa la dgod par nus par 'gyur/ de'i phyir na tshangs pa la sogs pa 'di dag la ni chos bsrung pa rnams pa gnyi ga yang yod pa ma yin pas 'di dag ni rang nyid kyang chos bden
 pa la zhugs pa ma yin la/ chos bden pa nye bar ston par byed pa yang ma yin no/ /kun kyang bskyed pa'i rgyu nyid du/ /smra la rang bdag tha dad pa/ /gang gi tshig la bden pa 'am/ /mi bden par ni brtag par bya/ /'di la re zhig tshangs pa ni 'di snyam
 du sems te/ 'jig rten rgyu ba dang mi rgyu ba 'di dag ni bdag gis bskyed do snyam du sems so/ /de'i gzhung gi rjes su 'brang ba dag 'di skad kyang smra ste/ 'di bskal pa gzhan la ni /skal ldan zhes bya/ dang po la ni rang byung zhes bya/ gnyis pa la ni tshangs pa
 zhes bya/ gsum pa la ni skye dgu'i bdag po zhes bya/ bzhi pa la ni pad+ma'i skye gnas can zhes bya/ lnga pa la ni gdong bzhi pa zhes bya/ drug pa la ni mes po zhes bya/ bdun pa la ni gser gyi snying po can zhes bya'o/ /skye dgu'i bdag
 po byung nas ni/ /'jig rten gyi ma brgyad bskyed do/ /de nas nyi ma'i mas ni lha thams cad bskyed do/ /sbyin byed ma'i mas ni lha ma yin bskyed do/ /mi'i mas ni mi rnams so/ /klu'i mas ni klu rnams so/ /nam mkha' lding gi mas ni nam mkha' lding rnams so/ /tshangs
 pa'i kha nas ni bram ze rnams bskyed do/ /dpung pa las ni rgyal rigs so/ /brla dag las ni rje'u rigs so/ /rkang pa'i mthil dag las ni dmangs rigs zhes bya ba la sogs brjod par byed do/ /khyab 'jug pa dag ni 'di skad du rjod par byed de/
 skal ldan nor lha 'di ni thams cad mkhyen pa thams cad gzigs pa/ 'gro ba thams cad kyi byed pa po thar pa sbyin par byed pa 'dod pa'i lha dang/ yang dag pa 'dren par byed pa dang/ mi 'gag pa dang/ nor gyi lha dang stobs bzang dang/ 'chi med la
 sogs pa'i ngo bor ni gtsor gnas par byed la/ kun gyi bdag nyid dang/ kun la zhugs pa dang/ kun la khyab pa la sogs pa yang yin par smra la/ de rang nyid kyang 'di skad du/ nga ni me chu klung yang yin/ /bza' btung skye dgu'i bdag
 po'ang nga/ /nga ni bram ze'i lus su gnas/ /spyod pa po yin sbyin po yang yin/ /zhes bya ba la sogs pa smra'o/ /dbang phyug chen po byed pa po yin zhes kyang kha cig smra ste/ sa dang/ /chu dang/ rlung dang/ me dang/ mchod sbyin dang/
 nam mkha' dang/ zla ba dang/ nyi ma zhes bya ba brgyad po 'di dag gi gzugs kyi 'jig rten thams cad la khyab par byas nas gnas so zhes 'dod par byed do de'i man ngag nyid las 'di skad kyang smra te/ phra zhing rtag la lus bral byed/ med kun
 khyab byed pa'o goms byed bsam gtan rnal 'byor goms rnams dri med blo yi yul/ /zla nyi me dang sa chu rlung dang mchod sbyin bdag po'i dngos/ /dbang phyug grub pa'i zhi ba'i bde ba 'dod pa bsgom par bya/ zhes bya ba la sogs pa yin no/ /'di dag gsum
 char yang rang rang gi nus pa dang skyed par byed pa yin no/ /zhes mang du smra bar byed pa de dag la gang gis ni bden pa yin zhing gang gi ni ma yin/ /gang gi ni skyed pa po yin zhing gang gi ni ma yin/ zhes the tshom za bar 'gyur ro/ /de cig phyir skyon med
 ce na/ /tshangs pa tshangs bsad ji lta bu/ /gcig nyid rab tu bkag pa'i phyir/ /gcig nyid yin par mi rigs so/ /'di dag gi dngos po ni gcig yin la/ tshangs pa dang/ khyab 'jug dang/ dbang phyug chen po zhes bya ba dbye ba ni gsum yin
 no zhe na/ gal te 'di'i ngo bo tha dad pa med na gsal bas mchod sbyin grub pa'i dus su dbang phyug chen pos rgyal gyi so phyung ba dang/ skal pa can gyi mig lhung bar byas pa na lha'i tshogs thams cad khros par gyur nas smras pa/ rang bzhin ngan pa
 'di gang las skyes pa zhig yin zhes smras pa dang/ tshangs pas gdong gcig sprul nas 'di'i skye ba ngas brjod par bya'o/ /zhes smras pa dang/ dbang phyug chen po khros par gyur nas tshangs pa'i mgo de sen mos bcad do/ /zhes grag pa ji ltar
 na tshangs bas tshangs pa gsod par byed pa yin/ rang gi bdag nyid bsad pa yin no zhe na yang ci'i phyir sdig pa dag pa'i phyir dus ring por brtul zhugs spyod par byed/ de na de kho na nyid kyi shes pa 'tshol ba'i rab tu byed par dngos po thams cad
 gcig pa nyid dang tha dad pa nyid du bkag pa yin pas tshangs pa dang/ khyab 'jug dang/ dbang phyug chen po la sogs pa de rnams gcig pa nyid du yang rigs pa ma yin no/ /gzhan yang/ bdag las dbye ba mi rig pas/ /gsum nyid du yang ji ltar
 'gyur/ /gal te 'di rnams kyis skyed pa la cha gsum gyi dbye bas dbye ba yod de/ 'di ni tshangs pas skyed pa'o/ /'di ni khyab 'jug gis bskyed pa'o/ /'di ni dbang phyug chen bos bskyed pa'o/ zhes bya ba yod par gyur na ni de rnamS
 kyi bdag gi ngo bo la yang dbye ba yod par 'dod pa yin na de lta na yang bdag la dbye ba med par rigs par mi 'gyur ro/ /gang yang gsum po 'di rnams nyid kun la zhugs pa dang/ 'gro ba thams cad kyi bskyed pa po yin na de lta na yang
 dbye ba yod par rig pa ma yin te/ gcig gi bdag nyid yin pa'i phyir nam mkha' bzhin no/ /gzhan yang sdug bsngal rgyu la rmongs rnams la/ /de zhi'i gtam yang ga la yod/ /gang yang 'di ltar re zhig rang nyid kyi sdug bsngal lo//
 'di ni sdug bsngal 'byung ba'i rgyu'o/ /'di ni sdug bsngal nye bar zhi ba'o/ /'di ni sdug bsngal nye par zhi ba'i lam mo/ /zhes bya bar shes par gyur na des gzhan dag la yang zhi ba'i rgyu ston par byed pa nus kyi/ gang dag 'di ltar
 rang nyid kyang 'khor bar 'jug pa dang ldog pa'i rgyu mi shes par gyur pa des ji ltar gzhan dag la grol ba'i lam nye bar ston par 'byung/ rang gi lam mngon par shes pa yin pas gzhan rnams la yang lam nye bar ston par nus pa ma
 yin no/ /yang ji ltar de rnams rgyu la rmongs pa yin par nges par gzung bar bya zhe na/ rig las rnal 'byor bstan pa ni/ /de bstan pa las nyams pa'i phyir/ /chos bsrung bar ni nus pa yi/ /re zhig chos ben smra mi nus/ /gang
 rig byed las nye bar bstan pa'i rnal 'byor de ni thar pa'i rgyu nye bar bstan pa las nyams pa yin te/ phyin ci log yin pa'i phyir ro/ /des na 'di dag ni yang dag pa ji lta ba bzhin gyi chos smra bar byed pa ma yin pas srung bar byed
 nus pa ma yin te/ sgrub pa las ni nyams pa'i phyir/ /gzhan dag zhi bar 'khrid mi nus/ /ji ltar g.yang sar rang ltung ba/ /gzhan dag 'dren par mi nus so/ /sgrub pa las nyams pa'i phyir zhes bya/ bdag nyid kyi lam mngon par mi shes pa'i phyir te/ ji
 ltar 'ga' zhig rang nyid g.yang sar lhung bar gyur na/ gzhan dag gdon par mi nus pa ltar de bzhin du rang nyid 'khor ba'i g.yang sar lhung bar gyur pa nyid kyis gzhan dag gdon par nus pa ma yin no/ /ji skad bshad pa'i rim pa de nyid kyis
 rtog pa'i dra ba btags pa yi/ /log pa'i gtan tshigs gsum po la/ /rigs sam mi rigs dpyad nas ni/ /gsum po 'di ni btang ba'i rigs/ /grub pa'i mdza' kun dang 'gal ba'i rtog pa'i dra bas nye bar bsags pa'i 'bru dang/ byel song
 dang/ mar dang/ chung ma'i 'brel pa'i las sogs pa can gsum po ni thar pa'i rgyu la phyin ci log dang ldan pa yin pas/ ji skad bstan pa'irim pas rigs ba dang 'gal ba yin no/ zes rab tu sgrub pa'i phyir lam gsum po gang yin pa de ni
 btang bar rigs so zhes smras so/ /gzhan yan/ sna tshogs byed pa bde byed sogs/ /rigs pa min bar sngar smras so/ /byed po yin par bden nyid na/ /'di dag gis ni ci zhig byas/ /de kho na nyid kyi shes pa 'tshol ba'i rab tu byed bar dbang
 phyug la sogs pa'i rgyu rnams thams cad dgag par byas par de la brnyas nas yang gal te khyed 'gro ba rnams kyi byed pa po dbang phyug la sogs pa yin no snyam du sems na/ dngos po ci zhig de dag gis byas par smra dgos te/ /de la re zhig
 bdag ni ma skyes phyir/ /de'i byas par mi 'dod do/ /chos dang chos min das ma skyed/ /de'i yon tan phyir de ltar bzhin/ /re zhig bdag ni ma skyes pa yin pa'i phyir skyed par mi nus pas de ni dbang phyug gis byas pa ma yin no/ /chos dang
 chos ma yin pa yang de'i yon tan yin par 'dod pas dbang phyug gis bskyed pa ma yin te/ ji ltar na da ltar gyi chos dang chos ma yin pa'i rgyus mi la sogs pa nyid byas pa yin gyi/ ma byas pa'i chos dang chos ma yin ba mi dmiD
 pa ltar sngon yang de bzhin no/ /ji ltar yang/ gal te 'di dag byed pos yin/ /las kyi bya ba'i ma yin na/ /las dang bya ba de dag gis/ /rgya dang 'bras bu ji ltar 'gyur/ /bde dang sdug bsngal nyer dmigs pa'i/ /lus kyang de dag la 'jug paS/
 des na lus can rnams kyi lus/ /dbang phyug sogs kyis byas mi rigs/ /lus can rnams kyi lus kyi 'jug pa yang chos dang chos ma yin pa de dag gis byas pa yin te/ ci'i phyir na bde ba dang sdug bsngal nyams su myong bar bya ba'i phyir ro/ /des
 na lus kyang dbang phyug gis byas pa ma yin no/ /gal te yang dang po srid pa'i dus na ni chos dang chos ma yin pa dbang phyug gis byas pa nyid yin la/ de phyin chad kyi 'jug pa ni chos dang chos ma yin pas byas pa yin no zhe na/ de la bskal
 ba dang po'i lus can lus/ /sngon bcas ma mthong rgyu can te/ /bde sogs 'byung ba'i rgyu yin phyir/ /dper na da ltar lus bzhin no/ /bskal pa dang po pa'i lus can rnams kyi lus byung bar gyur pa yang 'khor ba thog ma med pa nyid
 nas de dag gis sngon byas pa'i chos dang chos ma yin pa'i rgyu can nyid yin te/ bde ba la sogs pa 'byung ba'i rgyu yin pa'i phyir/ dper na de ltar gyi lus kyi rgyu chos dang chos ma yin pa ltar bskal pa dang po pa'i lus kyang de bzhin
 yin pas dbang phyug gis byas pa ni ma yin no/ /gzhan yang/ gal te dbang phyug gi dbang phyug /de yang bsod nams byas zhe na/ /de yang bsod nams gzhan dbang phyir/ /dbang phyug dbang phyug min par 'gyur/ /'jig rten gyi phun sum
 tshogs pa gang cung zhig ci yod pa de thams cad ni bsod nams kyi byas pa yin te/ lung las sbyin pa dang/ tshul khrims dang/ bsam gtan gyi longs spyod dang/ mtho ris dang/ byang grol thob par 'gyur ro zhes 'byung ba'i phyir ro/ /de lag te dbang
 phyug /gi dbang phyug kyang bsod nams kyis byas pa yin par 'dod na/ bsod naMs? kyis gzhan dbang du gyur pa yin pa'i phyir dbang phyug nyid nyams pa yin no/ /gal te yang/ gal te dbang phyug gi dbang phyug /blo bur gyur par 'dod na ni/ /des na gzhan dang mtshungS
 pa'i phyir/ /dbang phyug dbang phyug min par 'gyur/ /'di'i dbang phyug nyid ni rang byung ba yin gyi /bsod nams gyi byas pa ma yin no zhe na/ 'jig rten thams cad kyang dbang phyug nyid du 'gyur te/ bsod nams la bltos mi dgos pa'i phyir ro/ /
 gzhan yang/ dbang phyug shes dngos yin zhe na/ /des na nges byas 'gro ba rnams/ /rgyu yi rjes su byed pa'i phyir/ /kun kyang sems dang ldan par gyur/ /'jig rten na ni 'bras bu rgyu dang rjes su mthun par 'byung ba mthong ste/ sems med pa'i nas la/
 sogs pa dag las ni sems med pa'i myu gu la sogs pa 'byung la/ sems dang bcas pa'i mi la sogs pa dag las ni sems dang bcas pa'i lus can 'byung ngo /de la gal te dbang phyug shes pa'i ngo bo zhig yin na rgyu dang 'bras bu mthun
 pa 'byung ba yin pa'i phyir nges na 'gro ba thams cad sems dang bcas pa yin par thob par 'gyur ro/ /gzhan yan/ gal te dbang phyug rgyu yin na/ /'gro ba phra sogs ldan par 'gyur/ /gal te 'gro ba thams cad kyi rgyu dbang phyug yin na/ ji ltar
 dbang phyug phra ba dang/ mchod par bya ba dang/ bdag blor gyur pa dang/ dbang du gyur pa dang/ gang yang phyin pa dang/ 'dod gur ldan pa dang/ dga' gur shes pa dang/ ldan pa ltar de bzhin du 'go pa rnams kyang dbang phyug
 gi yon tan brgyad dang ldan pa rigs na 'gro ba rnams ni dbang phyug gi yon tan brgyad dang ldan pa ma yin no/ /des na 'di ltar 'gor ba rnams kyi byed pa po ni dbang phyug ma yin no zhes shes par bya'o/ /gzhan yang 'di ltar/
 las byed dbang phyug yin zhe na/ /de yang dmyal ba dag tu 'ched/ /de min gzhan dag 'chod? na ni/ /byas nyams ma bya phrad par 'gyur/ /gang 'di ltar dge ba dang mi dge ba'i las skye bo dag gis byed pa de'i byed pa po dbang phyug yin nam/ 'on te ma
 yin/ gal te byed pa po yin na ni sdig pa byed pa yin pa'i phyir/ dmyal ba'i me 'bar ba'i phreng ba la sogs pa dag tu sreg par gyur pa ni ji ltar dbang phyug las nyams par gyur pa ma yin/ 'on te sdig pa byas su zin kyang 'bras bu mi 'byung
 ngo zhe na/ las byas pa rnams chung zos par gyur pa yin no/ /dbang phyug gis byas pa'i las rnams kyi de rnams dmyal ba'i sdug bsngal nyams su myong bar gyur pa yin no zhe na/ ma byas pa'i las kyi 'bras bu la spyod pa yin pas ma byas pa dang
 phrad pa'i skyon du 'gyur ro/ /thar pa med pa yang yin te/ rtag tu sdug bsngal rgyu ldan phyir/ /rtag tu sdug bsngal gal zhi/ /me ni 'bar bar gyur pa yi/ /tshe ba ma zhi mthong ba bzhin/ /sdug bsngal gyi byed pa po dbang phyug yin la de yang rtag pa
 yin pas rtag tu sdug bsngal nyams su myong bar 'gyur ro/ /sdug bsngal med pa ni thar pa yin na/ de ni rtag pas nam yang gzhan du bya par mi nus pa yin pa'i phyir sdug bsngal gyi rgyu byed pa po dbang phyug rtag tu yod na de zhi bar ga la 'gyur te/
 dper na 'bar ba'i 'phreng bas kun nas bskor ba'i me yod na de'i tsha ba zhi bar 'gyur ba rigs pa m yin pa bzhin no/ /gcig pu sna tshogs min zhe na/ /'bras bu sna tshogs ji lta bu/ /'dod pas sna tshogs yin zhe na'ang/ /gcig bu sna tshogs mi
 rigs so/ /gal te dbang phyug ni gcig nyid yin gyi sna tshogs ma yin no/ /zhe na/ 'bras bu rnams kyang dngos po gcig yin par 'gyur gyi sna tshogs su mi 'gyur ro/ /gal te 'dod pa'i dbang gi sna tshogs nyid yin par 'dod na yang sngar ni gzhan 'dod par
 byed la/ phyis kyang gzhan 'dod par byed pas dbang phyug 'di'i ngo bo gcig nyid du mi 'grub po/ /gzhan yang/ rtag pa cha med phra ba dang/ /'gro ba'i byed po gcig po nyid/ /kun la khyab pa yin no lo/ /'di las mtshar ba gzhan ci yod/ /rgyu 'gyur
 ba med pa'i 'bras bu gang gi yang rgyu gyur pa ma yin pas des na 'gro ba'i rgyu yin pa'i phyir 'di'i rtag pa nyid nyams so/ /cha shas med pa yin pa'i phyir dang phra ba nyid yin pa'i phyir yod pa nyid kyang ma yin no/ /gcig yin pa'i phyir kun la khyab pa yang
 ma yin to/ des na rig pa dang mi ldan pa'i tshig 'di lta bu ni ngo mchor? 'ba' zhig tu bya ba yin no/ /mi 'gyur ba'i ngo bo nyid yin yang rtsed mo'i don du sna tshogs 'di skyed par byed pa yin gyi/ yang 'gyur ba yod pa ni ma yin te /de bskyed pa'i 'bras
 bu ni dga' ba yin no zhes/ /gang 'di lta bu'i dga' ba'i gzhan dbang du gyur pa nyid yin pa'i phyir 'di'i dbang phyug nyid nyams pa yin no/ /snying rje dang bral ba nyid kyis skye bo gdug pa can dang khyad par med par gzung bar bya'o zhes bya ba smras pa/ phan tshun
 za bas 'jigs pa yis/ /bde ba rnyed dka' i dud 'gro dang/ /zhib tu 'thag cing gcod 'bigs pa'i/ /sdug bsngal gyis gzir dmyal ba dang/ /mi rnams skye rgas nad dag dang/ /sdug bsngal gzugs rngu'i rma btong nas/ /dga' 'gyur gang yin
 drag po zhes/ /ming don ldan par phyag 'tshal/ /rtsed mo yin yang bdag dang gzhan bde bar byed pa de ni bya bar rigs na/ rtsed mo gang zhig bdag 'ba' zhig /bde yi? gzhan rnams la shin tu gnod par gyur pa skye bo sdig pa can gyi spyod pa dang
 mthun par zhugs pa gang yin pa ci zhig bya/ dud 'gro rnams gcig la gcig za ba la sogs pa byed pas srog gi ngor shin tu 'jigs shing skrag par gyur pa dang /dmyal ba rnams kyang zhib tu 'thag pa dang/ bcad pa dang dbug
 ba dang/ btso ba dang/ bsreg pa dang/ bsad pa la sogs pa dang/ mi rnams kyang skye ba dang /rga ba dang/ na ba dang /'chi ba dang/ mya ngan dang/ smre sngags 'don pa dang/ sdug bsngal ba dang/ yid mi bde ba la sogs pas sdug bsngal ba mthong
 ba na dga' ba skye bar 'gyur ba'i phyir des na sdug bsngal bskyed pa'i don gyi drag po zhes bya ba ste/ de ni don dang rjes su mthun pa nyid kyi ming don dang ldan pa drag po zhes bya ba ste/ snying rje med pa 'gro ba rnams kyi sdug bsngal skyed par byed pa la phyag
 'tshal lo/ /zhes bting ba'o/ /gal te ci khyod ci 'dod pa smros shig/ 'dzin pa can gang nor ldan dang/ /gzhan gyi 'tsho byas dge ba can/ /chos ming can 'ga' mthong gnas ldan/ /dbang phyug spyod par gsal ba yin/ /yon tan nor
 ldan tshe thung dang/ /ngan par spyod rnams tshe ring dang/ /gtong lden dbul po mthong bas na/ /dbang phyug gis byas gsal ba yin/ /gtong ba la goms pa'i dge ba can ni nor 'thob par 'gyur zhing nor dang ldan par gyur nas kyang gtong ba'i
 dang tshul can du 'gyur ba yin na/ gzhan du 'dzin pa can la nor dang ldan par mthong ngo/ /de bzhin du dge ba dang ldan pa ni gzhan gyi gdong la blta bar mi 'gyur par rigs la /dge ba can ma yin pa ni go 'phang mthon po
 'thob par mi rigs na/ chos dang ldan pa ni gzhan gyi slongs mo la sogs pas 'tsho ba mthong la/ chos dang mi ldan pa ni go 'phang mthon po la gnas pa mthong ngo/ /yon tan dang ldan pa ni tshe ring la/ ngan par spyod pa la zhugs pa
 ni tshe thung ba dang/ gtong pa dang ldan pa ni 'byor pa dang ldan par rigs na/ 'di dag thams cad phyin ci log tu mthong ste /de'i phyir 'di ltar nges pa kho nar 'di dag ni dbang phyug gis byas pa yin no zhes shes par bya'o/ zhe na 'di dag thams cad
 rigs pa dang ldan pa ma yin no /snyam du sems te gang gi phyir/ kha cig sangs rgyas pa yang bde/ /de la gus pa kha cig sdug/ dbang phyug bkas ni bsod nams can/ /dag kyang ci phyir sdig mi bya/ /gal te thams cad kyi byed pa po dbang
 phyug yin na/ ci'i phyir sangs rgyas ba la yang bde ba dang ldan pa mthong la de la gus pa yang sdug bsngal dang ldan par 'gyur ba yin/ 'jig rten na kha cig sdig pa'i las kyi 'bras bu la spyod pa long ba dang/ 'on ba dang/ nang pa la soD
 ba yang mthong na de dag ci'i phyir bsod nams kyi gnod du ma gyur/ gang yang gzugs bzang ba dang/ stobs dang ldan pa bsod naMs kyi lwa? kyi 'bras bu la spyod pa yang snang na de dag ci'i phyir dbang phyug gi bka' bzhin du sdig pa spyod par mi 'gyur
 des na 'di ltar rigs pa yin no/ /sna tshogs las las mi shes pas/ /de rgyu nyid du smra ba yin/ /'gro ba sna tshogs 'di dag gi rgyu ni dge ba dang/ mi dge ba'i las nyid yin pas des na sna tshogs 'di dag ni las kyi byas pa yin la 'gro
 pa rnams kyi rgyu ni dbang phyug yin no zhes mi shes pa dag gis sgro 'dogs shing rjod par byed kyang ji skad bstan pa'i rim pas bsgrub par ni dka' o/ /'di'i skye? pa po 'dod byed pa po nyid dgag pa byas par tshangs pa dang/ nag po yang 'dra par dpyad
 par bya pa nyid yin no/ /ci ltar zhe na/ sna tshogs byed por tshangs pa ni/ /mi rigs sngon du bstan pa bzhin/ /tshangs ba byed por bden na yang/ /de yi ci zhig byas par 'gyur/ /de bzhin du sna tshogs byed po khyab 'jug min zhes bya ba la sogs
 pa yin no/ /shi ba'i rgyu las bstan pa'i bsam gtan gyi rnal 'byor yang mi rigs pa nyid du bsgrub pa'i phyir smras pa/ dang por sems ni mnyam gzhag pas/ /blo mi sgo rnams legs bsdams pa?/ /yid la shi ba bzhag
 par bya/ /'di ltar yi ge oM bsgoms te/ snying la gzugs kyi gzung byas pa/ /sa sogs gzugs la goms par bya/ /bde byed mnyes na sdug bsngal las/ /grol 'gyur zer ba 'di mi bden/ /'di la rnal 'byor pas dang por mnyam par
 bzhag pa'i sems su byas la/ blo'i sgo dbang po thams cad bsdams te/ phra ba rtag pa cha shas med pa zhi ba la dmiD par bya ste /tshad gsum dang ldan pa'i yi ge oM brjod cing/ /sa la sogs pa bstan bcos las brtan pa bzhin du gzung
 par bya zhing sems la gzung na/ bsam gtan gyi mig gi dbang phyug chen po mthong bar 'gyur zhing grol ba thob par 'gyur ro/ /zhes bya ba gang 'dod pa de yang rig pa ma yin no/ /gang gi phyir ci srid yid kyi shes 'byung ba/ /
 de srid grol bar mi rigs te/ /yid shes 'byung phyir ji ltar sngar/ /grol par ma gyur pa bzhin no/ /ji srid yid kyi shes pa 'byung ba yod pa de ji srid du dbang phyug mthong du zin kyang grol bar mi 'gyur ro/ zhes bya ba ni phyogs so/ /yid kyi?
 shes pa 'byung ba'i phyir zhes bya ba ni gtan tshigs so/ /ji ltar sngar bsam gtan gyi rnal 'byor ma skyes pa bzhin no/ zhes bya ba ni dpe'o/ /ji ltar zhe na/ dbang phyug la gus grol 'gyur bar/ /mi rigs bde byed mthong ba yang//
 dmigs la gnas pa yin pa'i phyir/ /dper na mtho yor? mthong ba bzhin/ /rtag pa nyid yin pa'i phyir dbang phyug la bsten pa zhes bya'o/ /de mthong pas grol bar 'gyur ro/ zhes bya ba ni mi rigs te/ rnam par rtog pa'i mtshan ma
 dang bcas pa yin pa'i phyir ji ltar shing dang rje'i rang bzhin gyi mtho yor mthong ba bzhin no/ /gzhan yang/ sdug bsngal rgyu ni dbang phyug na/ /de ni rtag phyir bcos su ?/ /des na sdus bsngal mthar 'gro bar/ /dbang phyug nam yang 'gyur ma yin/ /gal?
 ta skye ba la sogs pa'i sdug bsngal gyi rgyu dang/ dbang phyug yin na de rtag pa yin pa'i phyir 'gyur ba med pa yin pas rgyu yod kyi bar du sdug bsngal bkag par rig pa ma yin no/ /des na dbang phyug mthong du zin kyang sdug bsngal gyi rgyu spangs pa
 med pas dbang phyug rgyur smra ba'i gzhung la nam yang sdug bsngal gyi mthar 'gro ba yod pa ma yin no/ /'dis ni lhag ma'ang dgag byas phyir/ /tshangs pa khyab 'jug bdag smra la/ /mi rigs phyir na dbang phyug sogs/ /btags pa blo ni dga' mi
 byed/ /tshangs pa rgyur smra bas tshangs pa mthong bas grol bar 'dod la/ khyab 'jug pas ni khyab 'jug mthong bas so /bdag tu smra bas skyes bu mthong ba ste/ thams cad dbang phyug rab tu bkag pa dang 'dra bar bkag pa yin no/ /des na grub ba'i
 mdza' skyon can yin pa'i phyir kho bo cig ni tshangs pa dang/ khyab 'jug dang/ dbang phyug chen po dag gis nye bar bsten cing bstan pa'i rig byed kyi grub pa'i mdza' la yang dga' bar mi byed pa yin no/ /rigs bzhi'i dbye ba la sogs pa yang mi rigs la/ rgyal byed kyi snying po
 la sogs pa las de'i dbye ba'i chig 'byung ba yang mi rigs te/ gang gi phyir rigs gcig nyid yin te/ skye dgu'i bdag po las gzhan ma yin pa'i phyir/ kha dang dpung pa dang brla dang/ rkang pa las skyes pa yin pa'i phyir/ dper na pa nas pa'i
 shing gi sdong po dang/ yal ga dang rtsa pa dang yal ga bre'u? la sogs pa las byung ba'i pa na sa'i 'bras bu ni gzhan ma yin te/ gcig pa nyid yin pa bzhin no// //dbu ma'i snying po'i 'grel pa rtog ge 'bar ba/ bam?
 po nyi shu drug pa/ /gzhan yang 'di ltar bram ze zhes bya ba'i mi'i skye ba las gzhan zhig yin nam 'on te gzhan ma yin/ mi'i skye ba las gzhan zhig yin na ni khyi dang phag bzhin du 'gyur ro/ /gzhan ma yin na ni dmangs riD
 kyang bram ze'i mi rigs las gzhan ma yin pa nyid yin te/ bram ze bzhin no/ /bram ze yang dmangs rigs kyi mi'i rigs las gzhan ma yin pas dmangs rigs so zhe na/ gzhan yang kha ni rtag tu mi gtsang ba 'dzag pa yin la/ lag pa dang brla dang rkang
 pa ni gtsang ba yin no/ /des na bram ze ni kha las skyes pa nyid kyi phyir na yang mi gtsang ba dang lhan cig 'jug pa yin pa'i phyir/ bram ze'i rigs ni gtso bo ma yin no/ /yang bram ze mo yang kha na skyes pa yang yin na ni sring mo dang 'khrig pa spyod
 par mi rigs so/ /gal te kha nas skyes so zhe na/ mngal gzhan las skyes pa'i phyir/ da ltar 'di rag gi bram ze nyams pa yin no/ /mngal nas skyes pa ni mthong ba'i phyir la kha nas skyes pa ni ma mthong ba'i phyir bram ze ni 'ga' yang
 kha nas skyes pa nyid du mi rigs so/ /gzhan yang 'tsho pa bram ze yin nam/ 'on te lus yin/ de la 'tsho ba bram ze nyid yin na ni srog chags kun yang bram ze yin par thal bar 'gyur la/ srid pa gzhan du 'phro bar gyur pa na yang bram ze la
 gzhan du mi 'gyur bar thal bar 'gyur na/ 'di skad du/ dmangs rigs kyis ni yon blangs na/ /bram ze bung bur skye bar 'gyur/ /bor bu'i skye ba bcu gnyis len/ /skye ba drug cur phag tu 'gyur/ /khyi'i skye ba bdun cu len/ zhes bya ba la soD
 ba drang srong shed kyi bstan pa dang/ de bzhin du grong khyer bcu pa'i bran bcu dang/ mya ngan gyi ni ri dags bcu/ /mngar brgyu btsal gyi ngur ba dag/ bram zes de ma bsams? sam ci/ zhes bya ba la sogs pa dang/ dud 'gro la yang rigs bzhi
 yod pa nyid de/ gang yang khyi dkar po ni bram ze'o/ /nag po ni dmangs rigs so/ zhes bya ba la sogs pa 'byung ba 'di dag ni mkhas pa rnams kyi bzhad gad du bya ba yin no/ /'on te rigs bram ze yin no zhes na/ las rnams kyis kyang ltung par mi 'gyud? ba
 zhig na gang yang 'di skad du/ gang gi bram ze nyid thob nas/ /rgyal po'i bka' bzhin sgrub byed pa/ /de ni bram ze nyid por nas/ /dmangs rigs nyid du gyur pa yin/ zhes bya ba la sogs pa dang/ de bzhin du bram ze shi ba'i ro bsreg pa yang
 bram ze gsod pa nyid yin par thal bar 'gyur ro/ /las ngan byas pas bram ze dmangs rigs su 'gyur ba nyid yin na las bzang po byas pa'i dmangs rigs kyang ci'i phyir bram zer mi 'gyur/ gal te pha dang ma dag pa nyid kyang bram ze'i las la gnas pa
 nyid ni dram ze yin par 'gyur gyi/ dmangs rigs ni skye gnas ngan pa las skyes pa yin pa'i phyir/ bram ze'i las la gnas su zin kyang bram ze yin par mi 'gyur ro zhe na/ dus chen shin tu mang po 'das/ /bud med sems ni shin tu g.yo//
 de phyir bram ze zhes bya'i rigs/ /'ga' yang gang la'ang yod ma yin /zhes bya bas rigs pa dag pa nyid du yang bsgrub par shin tu dka' ste/ 'dir bud med rnams ni skyes bu gzhan dang nyal na yang skyon du rtsi ba ma yin pas dmangs rigs
 dang/ rje'u rigs dang/ rgyal rigs rnams kyang skyes pa dang/ gzhan yang bram ze'i rigs yin yang yul 'khor 'dzin pa sogs pa rgyal rigs nyid du gyur pa dang/ rgyas pa dang/ sna tshogs bshes gnyen la sogs pa rnams bram
 ze mo ma yin pa las skyes kyang bram ze'i gtso bo nyid yin pa'i phyir rigs ni bram ze'i rgyu nyid ma yin no/ /gang yang smras pa rtsal dang rtsal gyi sde dag dang/ /de bzhin thos pa'i rtso can dag/ drang srong chen po go'u ta ma/ /drang song nyil ba'i mngal nas
 skyes/ /gzhung ni rtsom par byed pa yi/ /kun da bram ze'i drang srong dang/ /thub pa chen po kun 'da' yis/ /gdol pa mo dang nyal las skyes/ /nya ba yi ni bu mo la/ /pha ni mchog 'gro zhes bya bas/ / nya las drang srong gling
 lam skyes/ /de yang bram ze zhes brjod do/ /bram ze'i drang srong 'jig rten grags/ /thos mang rigs byed 'don byed pa/ /drang srong ra zhes bya ba'i ma/ /dud 'gror skyes pa'i ri dags yin/ /sbom dang de bzhin ras bal can/ /dmangs rigs bu
 yin bram zer grags/ /zla ba'i btung ba mang 'thungs nas/ /'jig rten drang srong chen po grags/ /'jig rten du ni grags gyur pa/ /bram ze lum bu zhes bya ba/ /thos mang de yang gdol pa'i rigs/ /lung ma zhes bya ba las skyes/ /bur shing bu mo
 las skyes pa'i/ /drang srong drang srong ka na ya/ /ka na ya'i rigs bcas pa/ /skyes pa yin zhes rjod par byed/ /drang srong ka pa'i 'dza' la yang/ /drang srong dbang byed chen po yi/ /gdol pa phreng ba mo la ni/ /nyal las skyes pa yin zhes thos/ /a ga ta dang
 dbang byed ni/ /bum pa'i nad nas skyes zhes thos/ /bum pa'ang bum pa'i nang nas skyes/ /de bzhin gtsang skyes chu las skyes/ /pad+ma'i 'dab mas shes rab myur/ /ka pad tya ni thal ba las/ /mgo la thod pa can
 nyid ni/ /thod pa las ni skyes zhes zer/ /zhes bya ba ste/ gal te yang dka' thub dang/ thos pa dang/ skye gnas nyid kyis bram ze yin no zhe na/ dka' thub dang/ thos pa nyams pa rnams bram ze ma yin pa nyid du thal bar 'gyur ro/ /ci'i
 phyir /dmangs rigs rnams kyi dka' thub dang/ /thos pa byed pa dgag par bya/ /bram ze dang/ dmangs rigs kyi lus dang/ dbang po dang/ blo la khyad par ni cung zhig kyang mthong ste/ ji ltar gang gi phyir/ /rlung dang bad kan mkhris pa dag ni zhi
 byed pa'i/ /sman ni rigs kyi khyad par nges pas mi byed ltar/ /'dod chags la sogs nges par zhi bar byed pa'i chos/ /rig nges pa las khyad par med pa'ang de bzhin no/ /rigs bzhi po dag dug gis min? pas sman ni bsten pa las/ /kun la dug ni
 zhi 'gyur 'dra ste thams cad mnyam pa yin/ /de bzhin nyon mongs dug zin rigs bzhis chos kyi sman bsten na/ /bzhi char dug bral 'gyur te chos sman kun la mnyam pa yin/ zhes bya ba la sogs pa bstan pas rigs bzhi brtag pa ni rigs pa
 ma yin no/ /gang yang 'di skad du /phyi rol dmangs rigs bud med gzugs/ /'dzin pas rigs ldan gsum 'di spangs/ /zhes bya ba la sogs pa smras pa de yang skyon dang bcas pa nyid yin pas spong ba nyid yin gyi ma rtags pa ni ma yin no/ zhes
 bstan pa'i phyir/ chu'i sdig pa dag pa 'khrul/ /dge sogs nyo tshong byed pa dag/ nyes bstan gsum la mthong bas na/ /gang phyir gsum 'di btang ba'i rigs/ /'bab stegs su khrus byas pas sdig pa dag par 'dod pa dang/ bsod nams dang bsod nams
 ma yin pa nyo zhing 'tshong ba la sogs pa nyes par bstan pa gsum po 'di la mthong bas kho bo cag gis spong ba yin gyis ma brtags par ni ma yin no/ /gang de la smras pa/ sa steng na mi shi 'bab ste/ /'od kyi snang dang pad+ma'i snying/ /khams gsum
 dag ni thams cad ni/ /ku ru'i zhing ni rab tu bsngags/ /ku ru'i zhing gi drul dag ni/ /rlung gis khyer bas reg gyur na'ang/ /nyes par byas pa'i las can yang/ /'gro ba mchog tu khyer bar byed/ /gang 'ga' zla ba'i skal can dang/ /de bzhin du ni dbyangs
 can dang/ /phag can dang ni 'dab ma can/ /sind+hi? rgya mtshor 'dre ba dag /khrus sa 'di rnams gang gi phyir/ /dag par 'dod nas khrus byed pa/ /sdig pa dag pa'i bdag nyid de/ /nges par mtho ris 'gro bar 'gyur/ /rig pa gang dag gis she na/ 'dag
 'chal dag gis bgos pa'i gos/ /dri ma med par 'gyur ba bzhin/ /lus can mchod sbyin gyis bgos nas/ /'bab stegs bkrus pa'ang de bzhin dag /ces bya ba la sogs pa 'byung ba'i phyir ro/ /zhes zer ba de dag ni
 rigs pa ma yin te/ /'di ni sdig pa dag mi 'gyur/ /ma reg phyir dang ma mthong phyir/ /ma thos phyir dang bag chags phyir/ /dran pa'i shes dang dge ba bzhin/ /sdig pa zhes bya ba ni chos can no/ /de chu yis dag par mi 'gyur zhes bya ba ni de'i
 chus so/ /mi reg pa dang mi mthong ba dang/ bsgor med pa dang/ bag chags su gnas pa'i phyir zhes bya ba bzhi ni gtan tshigs te/ gang reg par bya bar nus pa dang/ gang 'di ni 'di na'o/ /zhes bya ba la sogs par mthong ba dang/ gang la
 bsgo bar bya ba nus pa de ni gos la sogs pa bzhin du dag par bya bar rung na sdig pa ni gzung du med pa bltar med par bsgor med pa yin na ji ltar na dag par 'gyur 'on kyang mi dge ba'i sems kyi bag chags bzhag pa las sdig pa
 yod par shes par bya ste/ ji ltar lus can gyi rgyud du gtogs pa'i dran pa'i shes pa dang/ bsod nams chus bkrur med pa ltar sdig pa yang de bzhin no/ /yang na pad snying rkang byung rlung sogs kyi chus ni sdig pa dag mi 'gyur/ /reg
 bya'i phyir ram bsgom bya'i phyir/ /khyim gyi ngan skyugs chu bzhin no/ /pad+ma'i snying po'i 'bab stegs kyi ngo bo ni pad+ma'i snying po nyid do/ /rkang pa las byung ba'i ngo bo ni rkang pa las byung ba nyid de chu klung ngo/ /des sdig pa dag bar mi 'gyur te/
 reg tu yod pa'i phyir ram/ rlan par byed pa'i phyir ro/ /gang reg tu yod pa dang rlan par byed pa des sdig pa yang dag par byed nus pa ma yin te/ ji ltar khyim ngan skyugs chu bzhin no/ /gzhan yang/ rang bzhin bsod nams ma yin
 las/ /chur? zhugs sogs kyis zad gyur na/ /'bab stegs sogs su khrus byas rnams/ /sdug bsngal mi 'gyur rgyu med phyir/ /sngon mi dge ba la sogs pa'i 'bras bu la spyod pa'i long ba dang/ 'on pa dang zha bo dang/ grum bo la sogs pa rnams gal te
 'bab stegs kyi chul khrus byas shing dbang bskur bas sdig pa ma lus bar yongs su zad par gyur na ni chu'i nang du zhugs pa la sogs pa nyid kyi long ba dang/ 'on pa dang/ zha be dang/ grum po la sogs pa rnams khrus byas pa la sogs pa de phyin bcad rgyu med
 pa'i phyir sdug bsngal 'byung bar mi 'gyur ro/ /las rnams zad pa'ang ma yin bas/ /sdig pa zad par 'ga' yang med/ /nang gi bdag nyid mi 'dag ces/ /bstan pa yod pas de yang brdzun/ /gang yang 'ga' zhig nyin re sdig pa'i las byed cing/ sdig
 pha la sogs pa byed pa de rnams 'bab stegs la sogs pa de rnams su khrus byas shing dbang bskur bas yongs su zad par 'gyur na ni sdig pa byas pa 'ga' yang yod par mi 'gyur la/ nges na 'ga' yang ngan song du lhung bar mi 'gyur ba zhig na
 gang yang 'di ltar drang srong rgyas pas/ bdag ni chu bo dam pa sbyin 'bab stegs/ /bden chu'i sbyin pa chu dogs dka' thub brlabs/ /de bzhin byed dang bcas pas der khrus bya/ /nang gi bdag nyid cha yis dag ma yin/ lus dang ngag dang las
 rnams ni/ /gang gis gsum po ma dag pa/ /rgya mtsho gsum du khrus byas kyang/ /de ni dri ma med nyid yin/ /dbang po'i sgo ni rab bsdams na/ /mnyam par bzhag pas gang gnas pa/ /de'i ku ru'i zhing dag dang/ /ne mi sha dang pad snying ste/ /'dod
 ngar? khro dang rmongs pa las/ /gang zhig rgyal ba de dag dpa' / /'bab stegs gang stegs gang du khrus byed pa/ /skyong mdzad de yis ci zhig bgyi/ /chu yis bangs par gyur pa la/ /khrus byas pa zhes mi bya yi/ /phyi nang byas pas dag pa yi/ /dga' 
 thub can gang de khrus byas/ /rdul dang 'dam dang dri ma sogs/ /zag pa rnams ni chu nyid kyis/ /dag par bgyid kyi rgyal po lags/ /chos bya'i 'bras bu chu yis min/ /gang gAr bkrus nas dag pa yi/ /lus dang ngag dang yid
 'jug pa/ /khyad par phra mo tsam yang ni/ /'byung po rnams la ma mthong ngo/ /'dod pa mchod sbyin chen po mchod byas nas/ /mi dbang 'bab stegs rtag tu khrus byas kyang/ /khro dang 'dod dag de bzhin mang 'phel nas/ /gang phyir mi gsod la
 sogs sdig dag byed/ /de phyir dri ma'i rgyu ni yongs gyur pa/ /de phyir mchod sbyin 'bab stegs chus mi 'dag/ mar me snying po 'bar pa yod pa na/ /'od rnams chu yis blugs kyang mi nyams bzhin/ /zhes bya ba la sogs pa bstan pa
 yod pas khyed rang gi dam tshig las 'bab stegs su khrus byas pas/ /sdig pa yongs su zad pa yin par ma sgrub pa'i phyir/ chus khrus byas pas sdig pa zad par 'gyur ro/ /zhes smra ba 'di ni mdzes pa ma yin no/ /gang yang 'di skad
 dung? bram ze dag gi sdig pa byas pa dag gi sdig pa blangs nas bsod nams kyi cha 'ged par byed de zhes zer ba de yang rigs pa 'dis rigs pa ma yin te/ rgyud gzhan las ni rgyud gzhan du/ /sdig pa 'pho ba min par gzung/ /lus
 can min phyir 'dod chags dang/ /zhe sdang gti mug mi 'pho bzhin /dngos dang lhan pa'i rdzas la ni/ /rgyud gzhan las rgyud gzhan la 'pho pa mthong ste/ ji lta bu bzhin no/ /sdig pa ni gzugs can ma yin pas/ /ji ltar gzhan gyi
 'dod chags kyi gzhan 'dod chags cang du mi 'gyur ba dang/ gzhan gyi zhe sdang gi gzhan zhe sdang can du mi 'gyur ba dang/ gzhan gyi gti mug gis gzhan gti mug can du mi 'gyur pa dang/ gzhan bkres shing skom pa gzhan la mi
 gnod pa dang/ gzhan tshim pas gzhan tshim par mi 'gyur ba ltar de bzhin du gzhan gyis byas pa'i sdig pa'i 'bras bu gzhan gyis bgod par mi 'gyur ro/ /gzhan yang/ de tshe bsod naMs blangs pa ni/ /mi rigs zhes ni nges par bya/ /sems dang mtshungs
 bar ldan pa yi/ /dper na bde dang sdug bsngal bzhin/ /gser dang gos la sogs pa'i gzugs can nyid kyi dngos po ni sbyin pa dang/ blang par rigs kyi bsod nam ma dang sdig ba ngag ni ma yin te sems dang mtshungs bar ldan pa ma yin pa'i phyir dper
 na bde ba dang sdug bsngal dag sbyin pa dang blang bar mi rigs pa bzhin no/ /gal te bde ba dang sdug bsngal dag sbyin pa dang/ /blang bar nus pa zhig yin na ni bdag po thams cad sdug bsngal bar gyur pa na rang gi bran la sdug bsngal lhag ma ma lus par
 byin nas/ de dag gi bde ba len bar 'gyur la/ snying rje can dag kyang skye dgu sdug bsngal can dag la rang gi bde ba byin nas/ de dag gi sdug bsngal len par 'gyur ba zhig na de lta bu ni med do/ /de bzhin du bsod nams dang bsod nams ma yin pa
 dag len pa dang sbyin pa yod pa ma yin no/ /lung rgyas byed las 'di skad du/ 'dir ni dge dang mi dge ba'i/ /rang gi byas pa'i las rnams ni/ /chung za bar ni mi 'gyur te/ /de phyir sdig spongs mdung gi bu/ /zhes 'byung ba yin no gzhan yang/ 'bar sogs
 nang du mchongs pa nyid/ /tshangs pa'i 'jig rten sogs 'gro bar/ /bstan pa'i lugs ngan gsum las mthong/ /de phyir sngar bar rigs pa yin/ /mer 'jug ba dang/ g.yang sar 'phyong ba dang/ snyung bar gnas pa la sogs pa'i bya bas ?
 tshangs pa'i 'jig rten dang/ dbang phyug chen po dang/ tshogs bdag dang/ khyab 'jug la sogs pa'i 'jig rten du 'gro bar 'gyur ro/ /zhes zer ba mi bden par bstan pa mthong ba'i phyir/ gsum po 'di ni btang bar rig pa kho na'o/ /ji ltar zhe na//
 rigs pa dang mi ldan pa'i phyir te/ mer 'chod la sogs tshangs pa yi/ /'jig rten sogs thob rgyu ma yin/ /srog la gnod par byed pa'i phyir/ /phye ma leb sogs mthong ba bzhin/ /gang dge ba'i sems dang bral ba'i
 mer 'jug pa dang/ g.yang sar 'phyong ba la sogs pa rnams ni changs ba'i 'jig rten la sogs pa 'thob pa'i rgyu ma yin te/ srog la gnod par byed pa yin pa'i phyir/ /ji ltar phye ma leb dang byi byi dang/ /sbrang ma la sogs pa mer 'chong ba dang/
 e ne ya dang spre'u la sogs pa g.yang sar 'phyong ba dang/ rgya mtsho'i nang du gru bo che zhig nas skye bo shi bar gyur pa dang/ lam du lam rgyags ma lus par zad nas mgron po bkres pas nyen pas srog dang bral bar gyur ba rnams mtho ris
 su 'gro ba'i rgyu ma yin pa bzhin no/ /gzhan yang bza' dang btung ba spangs pa yis/ /mtho ris 'thob par mi 'dod de/ /bkres dang skom pa'i rgyu yin phyir/ zas ma zos pas gdung pa bzhin/ /zas dang skom ma zos pas mtho
 ris thob pa ma yin te/ bkres pa dang skom pas gdung ba'i rgyu yin pa'i phyir/ khros pa 'am nad dam/ ma rnyed pa'i dbang gis zas ma thos pa bzhin no/ /gzhan yang zas ma zos sogs bsod nams 'gyur/ /spangs phyir sdig spangs ?
 bzhin zhe na/ /bden srog spangs pas gtan tshigs 'di/ /ma nges pa nyid yin par 'gyur/ /zas ma zos pas bsod nams 'thob par 'gyur te /spangs pa yin pa'i phyir sdig pa las log pa bzhin no/ zhes smra ba de yang the tshom
 du 'gyur ba yin te/ ci spangs pa yin pa'i phyir bden pa dang tshangs par spyod pa spangs pa bzhin du bsod nams ma yin ba nyid du 'gyur bzhig yin nam/ 'on te spangs pa yin pa'i phyir/ 'chi pa la sogs pa spangs pa bzhin du za? spangs
 pa yang bsod nams su 'gyur ba zhig yin zhes spangs pa zhes bya ba'i gtan tshigs 'di ma des pa nyid yin no/ /gzhan yang zas spangs bsod nams mi 'gyur te/ bya ba de la sdig med phyir/ /dge ba yid la byed pa yi/ /yid la byed pa spangs pa bzhin/ /bya ba gang
 zhig spyad pa las sdig pa 'byung bar 'gyur ba de lta bu spangs pa ni bsod nams su 'gyur bar rigs na zas la sbyod ba'i bya ba ni 'jig rten pa thams cad kyi srog 'dzin cing bsod nams skye ba'i skor gyur ba yin la/ gal te de spyad pas chos ma yin par
 'gyur na ni/ /'jig rten thams cad kyang chos ma yin pa kho na dang ldan par 'gyur na de ltar ni ma grags so/ /de'i phyir zas la spyod pa'i bya ba la yang sdig pa yod par ma mthong la/ zas la mi spyod pa'i bya ba la sogs pa la yang bsod nams yod par ma mthong
 ngo/ /'dis ni gdung ba lnga pa la sogs pa'i brtul zhugs kyang lus gdung bar byed ba 'ba' zhig tu zad pa'i phyir mtho ris dang byang grol la sogs pa 'thob pa'i rgyu ma yin no/ /zhes kyang bstan pa yin no/ rgyas byed la sogs pa'i lung la 'di ltar snga phyi 'gal
 ba yang yod pas rig pa ma yin te /gang gi phyir/ nub gcig gam ni nub gsum mam /bdun du 'am ni nyid gcig nyid/ /gang zhig smyung bar gnas pa yi/ /skye bo ne ni mtho ris 'gro/ zhas bya ba la sogs pa smras nas yang/ /zla phyed dam ni zla gcig
 tu/ /smyung ber spyad par mi bya ste/ /lus la gnod pa byed pa'i phyir /dka' thub ma yin chos ldan min/ /'ga' zhig brtul zhugs smyung bar gnas/ /lus la gnod pa byed pa ste/ /nang gi bdag nyid sdug bsngal phyir/ /des na mtho ris rtog mi 'gyur?/
 rtag tu? lus ni rgyas pa dang/ /sems dang dbang po gsal ba yis/ /phra ba'i chos rnams rtogs 'gyur gyi/ /rgod ngang? zhum pas ma yin no/ /zhes bstan pa dang/ de bzhin du rgun gyi dus su chu'i nang du gnas/ /tsha ba'i dus su gdung ba lnga bsten bya/ /dbyar
 gyis dus su bla gab med par gnas/ /bram ze de ni dka' thub drag po spyod/ /ces bya ba smras nas/ yang bram ze me bzhi'i dkyol? nas gnas/ /lnga pa nyams gdung ba yi/ /gdung ba de ni gdung gi bya/ /lnga pa'i dka' thub ma yin gyi/
 bkres? dang tshigs pa'i me dag dang/ /khro dang 'dod pa'i mya ngan dag/ lnga po 'di las gang rgyal ba/ /de ni gdung ba lA? can 'dod/ /rtag tu 'dod dang khro las rgyal/ /bde ldan dbang po bsdams pa dag/ 'di ni mkhas pa'i dka' thub yin/ /lus
 kyi gdung ba ma yin no/ /'tshe med bden pa'i tshig dang ldan/ /khro med dul la drang ba dag /'di ni dka' thub mchog yin gyi/ /lus skam? byed pa ma yin no/ /sdug bsngal rang bzhin dka' thub gang/ /sdug bsngal sdug bsngal brgyud mar 'jug/
 shes pa'i rang bzhin dka' thub gang/ /bde bas bde ba brgyud mar 'jug/ ces bya ba la sogs pa 'byung bas de lta bu'i rang gi grub pa'i mdza' dang yang 'gal bar snyung bar gnas pa la sogs pas/ lus gdung bar byed pa'i bden pa
 btags bas ci zhig bya/ /gzhan yang rgyas byed la sogs pa'i lung las snga phyi 'gal ba mang du mthong ste/ bud med pa la 'jig rten ni/ /bzang po ya med rgyas byed kyi/ /ci ltar gling lam can gyis ni/ rgas kar gsus nas smras pa bzhin
 zhes bya ba la sogs pa smras nas yang/ /gzhon nu tshangs par spyod byed pa/ /dka' thub spyod pa spangs pa ste/ /drang srong de ni mtho ris gnon/ /tshangs spyod 'bras bu dam pa yin/ /de bzhin du/ nges par rtse med dpa' bo yi/ /g.yul
 ngor 'bros pa med par ni/ /g.yul la mngon par phyogs gyur na/ /shi na mtho ris 'gro bar 'gyur/ /zhes bya ba smras nas yang smras pa/ gang yang? rang sems gdug pa yi/ /gzhan la 'tshe de rgyas byed kyi/ /drag po drag po'i las can te/
 shin tu smad pa'i dmyal bar 'gro/ /rang la rdzas su mi mthun pa/ /de ni gzhan la mi bya ste/ /'dir ni chos rnams bsdus pa yin/ /gzhan ni 'dod pas 'jug par bya/ /zhes bya ba la sogs pa 'byung ba ma yin nam/ zhes smras pa na/ 'dir smras pa/ sangs
 rgyas pa 'di ltar bdag nyid chos la gnas pa yin no/ snyam du sems shing gzhan la kha zer zhi bar mod par byed kyang rang nyid sha za ba la 'bad pa cher byed par grags pa/ sems can srog ma bcad pas ni sha rnyed par mi 'gyur pas/ des na snying rje
 dang bral ba yin ba'i phyir/ ri dags kyi rngon? pa la sogs pa bzhin du sdig pa byed pa nyid yin no/ zhe na 'di la brjod par bya ste/ thugs rje chen po dang ldan pa'i bcom ldan 'das sems can thams cad la bu gcig pa ltar dgongs pa/ rus pa
 pa dang rkang pa'i gting nas rtse ba mnga' ba nges/ ji ltar na sha za bar rjes su gnang ba yin/ theg pa chen po'i gzhung las/ bcom ldan 'das kyis ma gnang ba kho na yin te/ glang po'i rtsal dang/ sprin chen po dang/ lang kar gshegs pa dang/
 sor mo'i phreng ba la sogs pa'i mdo las/ sha za ba rnam pa thams cad du bkag pa nyid yin no/ /nyan thos kyi theg pa'i gzhung las ni mdza' gsum dag pa'i sha gang dag/ zos kyang sdig du mi 'gyur te/ /dabs? ma sogs su 'gyur ba'i phyir/ /slong
 mo'i zas la sdig med phyir/ /ces 'byung ste/ 'di ltar bdag gi ched du srog chags bsad par rang gis mthong ba yang med thos pa yang? med/ dgos pa yang med pa mi sdig pa'i sems dang bral ba yin pas nad la sogs bzhi bar bya ba'i don du
 de lta bu'i sha zos kyang sdig tu 'gyur bar brtag par mi bya ste/ dangs ma dang/ gcen dang/ ngan skyugs la sogs par 'gyur pa'i phyir/ ji ltar slongs mos rnyed pa'i zas ni slongs mo'i zas te/ de zos pas sdig tu mi 'gyur ba bzhin no/ /
 gzhan yang gang yang sha ni zos pa yis/ /sdig pa'i rgyur ni mi 'gyur te/ /bkres pa bzlog pa'i sgyu yin phyir/ /ma blangs byin pa'i thas bzhin no/ /sha zhes bya ba ni chos can no/ /de zos ba sdig pa'i rgyur mi 'gyur zhes
 bya ba ni chos so/ /bkres ba bzlog par byed pa ste/ /zhi bar byed pa'i rgyu yin pa'i phyir/ /zas kyi dus sum blangs par rnyed pa'i bas skom bzhin no/ /sha ni mi bza' ba yin phyir/ /mi za zhe na lus la rtogs/ /sa bon dang ni bstan byed pa/ /mi gtsang mi
 gtsang srin bu bzhin/ /sha mi bza' bar mi bya ba nyid de/ phyis la sogs pa bzhin no/ /zhen rang gi lus 'di yang brtag par bya ba nyid yin te/ skra dang/ sen mo dang/ ba spu dang/ pags pa dang/ phyi shun dang/ sha dang rgyus pa dang/ khrag
 dang/ rus pa dang/ rkang dang/ mkhal ma dang/ snying dang/ glo sral dang/ mchin pa dang/ mcher pa dang/ glo ba dang/ rgyu ma dang/ bzhag dang/ long ka dang/ gcin dang/ phyis dang/ mchi ma dang/ rdul dang/ chil dang /lung
 ba dang/ mchil ma dang/ rnag dang/ mkhris pa dang/ mchil snabs dang/ zhag dang/ chu ser dang/ dri ma dang/ glang pa dang/ glang rgyas dang/ mig rnag dang/ rna lpags zhes bya ba la sogs pa mi gtsang ba'i rdzas sum cu rtsa ba drug gis gang
 ba'i rma'i sgo dgu nas rtag tu mi gtsang ba'i rjes sum cu rtsa drug zag pa khrag dang khu ba mi gtsang ba'i sa bon las byung ba/ mi gtsang ba'i khu bas nye bar bstan cing/ phyis dang ngan skyags kyid sa mas g.yogs nas/ mngal gyi nang nas
 byung ba'i lus 'di ni mi gtsang ba'i nad na gnas pa'i srin bu dang 'dra bor shin tu mi gtsang ba yin na sha zos pas mi gtsang ba lhag pa ci zhig tu 'gyur/ /nges na 'di ni ci yang ma yin no/ /gal te yang skye bo bzang po rnams kyis 'dod pa yin
 du zin kyang nya la sogs pa'i sha ni za bar mi bya ste/ khu ba dang khrag las byung ba yin pa'i phyir/ ba lang dang bung bu'i sha bzhin no zhe na/ 'di la brjod par bya ba ni/ /khu ba sogs las byung ba'i phyir/ /nye sha sogs ni dmang zhi na/ /mar dang 'o sogs
 rgyu yin pas/ /'di ni ma nges pa nyid yin/ /khu ba dang khrag las byung ba nyid yin pa'i phyir mar dang 'o ma la sogs pa bzhin du bza' bar bya ba nyid yin zhes the tshom du 'gyur bas gtan tshig gi ma nges pa nyid yin no/ /gal te yang za ba po med
 na gsod pa po yang med par 'gyur bas nges na srog gcod pa ni za ba po nyid yin te/ 'tshe bar byed pa'i rgyu mtshan yin pa'i phyir sha'i phyir gsod du 'jug pa lta bu'o/ /zhe na de la sha za srog gcod nyid yin te/ /de'i rgyu mtshan phyir zhe na/ /phags
 sogs thogs pas gtan tshig ni/ /ma nges pa nyid yin par 'gyur/ /gang pags pa la sogs pa thogs pa'i dka' thub med na sha rab la sogs pa bsod par yang mi 'gyur/ /des na de ni rgyu mtshan yin pa'i phyir sha'i phyir gsod par 'jug
 pa po bzhin du sha za ba srog gcod pa nyid yin par 'gyur ram/ 'on te de'i rgyu yin pa'i phyir bags pa la sogs pa 'chang ba bzhin du srog gcod pa ma yin pa nyid du 'gyur zhes bya bas gtan tshigs ma nges pa nyid yin no/ /sgyu mtshan tsam
 gyis rtog par byed na/ skyon med po gzhan yang yod par thal bar 'gyur te/ ji ltar 'jal dang srong la g.yo byed dang/ /nye bar 'dod pa mi dge mnyam/ /'tsho byed nor ni rnyed pa de'i/ /gang yang pa dag las dang ni/ /skyon ni gnyis
 kyis lhag pa ru/ /nyo pa po las 'byung par 'dod/ /de bzhin bud med bdag po yin no/ /'dod pa'i kha? zas sbyin byed dang/ /skal pa lden pa'i bud med dang/ /gang dag chos de ston pa dang/ /tshul khrims med la dmod pa dag/ skyon tshogs 'dzoMs
 phyir ti ti ri/ /dgra gsos las kyang nges par ni/ /chos ma yin pa thob par 'gyur/ /kun dga' ra ba khron pa rdzing/ /de ni lus can shi gyur na/ /byed pa'i skye mched yin pa'i phyir/ /de la skyon 'di yod par 'gyur/ /
 bsad bya yod pas gsod yod kyi/ /gang phyir med na ma yin no/ /des na bsad bya gsod pa gnyis/ /sdig pa mnyam par 'thob par 'gyur/ /mthong dang thos dang bsdams pa dang/ /reg dang dran pa nyid dang ni/ /sha la byas na'ang chos
 min 'brel/ /'di lta bur ni 'gyur ba yin/ /gsal bar byed pa'i nyi ma dang/ /skye ba'i rgyu'i pha dag dang/ /skyong bar byed pa'i mi bdag dang/ /de rnams sdig pa'i byed po nyid/ /gos byed pa'i ltar byas nas/ /zas kyi bya ba'ang mi rigs te/ /gang
 phyir skyon ni gnyis 'byung ba/ /ma zos pa la ma yin te/ /zos las srog chags skye 'gyur zhing/ /de dag thur du 'byung bar 'gyur/ /skyes pa nyams 'gyur ma zos na/ /ma skyes skye bar mi 'gyur ro/ /gal te gzhan gyi rgyu mtshan gyis/ /
 skyon de khyod ni mi bskyod na/ /gzhan gyi bsad par gyur pa yang/ /sdig de spyod la gang la 'ong/ /gang phyir mi sdig gnas mi sbyin/ /des na sdig de yod ma yin/ /de phyir sha sogs rdzas gnang ba/ /skyon med pa ni gzung bar bya/ /gzhan
 yang sha za ba ni skyon bcas min/ /de tshe srog chags gnod min phyir/ /mu gtig rma bya'i sgra sogs dang/ /'bras dang chu'i dgos pa bzhin/ /srog chags kyi lus la sdug bsngal bskyed nas/ sha zos na skyon dang bcas par 'gyur gyi/ sha
 za ba'i dus na srog chags kyi lus kyi sha la sems med pas sdug bsngal skye bar mi 'gyur na/ sdig par lta ga la 'gyur te/ ji ltar nya phyis dang/ nya dang /glang po che'i mu tig ge 'bras bu rnams dang/ rma bya'i sgro dang/ g.yag rnga dang/ so dang/
 dus pa dang /pags pa la sogs pa rnams nye bar longs spyod par byed pa'i dus na/ srog chags la sdug bsngal cung zhig kyang med pa dang/ 'bras dang chu la sogs pa longs spyod pa'i dus na gang la yang gnod pa med pa ltar de bzhin du sha za bar byed kyang
 de'i tshe gnod pa med pas skyon med de/ skyon yod na ni shi ba'i sreg ba yang sdig pa yod par 'gyur ro/ /gal te yang 'dir de lta na yang sha ni bza' bar bya ba ma yin te/ 'dod chags la sogs pa skye bar byed pa yin te/ sha zos na ni stobs skye bar 'gyur/
 pa/ stobs las ni 'dod chags la sogs pa skye bar 'gyur ba'i phyir ro zhe na/ de la 'dod chags kun rtogs las byung phyir/ /sha zos de yi rgyu ma yin/ /de ma zos la'ang de 'byung ste/ /rtswa zan ba lang la sogs bzhin/ /zhes brjod par bya ste/ 'dod
 chags dang/ zhe sdang dang/ gti mug rnams rtsa bar gyur pa las 'byung gis sha zol pa las ma yin te/ ji ltar kun rtog las ni' dod skyes pas/ /'dod pa'i rtsa bar shes gyis te/ /khyed ni kun rtog ma byed dang/ /des na khyod la 'byung mi 'gyur//
 zhes bya ba la sogs ba 'byung ba lta bu ste/ ci ba lang dang/ bong bu la sogs pa rtswa za ba de dag dus thams cad du 'dod chags kyi sems kyis gnod bar gyur pa gang yin pa de dag ci/ sha za ba yin nam/ des na mdza' gsum dag ba'i sha zos nas
 skyon dang ldan par 'gyur pa ma yin pa nyid de/ ji ltar mthong dang thos dang dogs pa yis/ /gang gi ched du byas shes pa'i/ /sha de de yis bza' mi bya/ /de las gzhan gang yin des bza' / /ro chags 'tshol dang gsod pa dang/
 snying rje med pa'i bsam spangs nas/ /sha ni zos par gyur na yang/ /skyon bcas ma yin zas chog bzhin/ /zhes bya ba la sogs pa 'byung ba lta bu'o/ /lam gsum de? spangs pa'i rgyu gzhan yang smras pa/ sems med pa yi brtan pa/
 la'ang/ /sems ni yod par rtogs byed pa'i/ /nyes bstan gsum la mthong bas na/ /gsum po 'di ni spangs ba'i rigs/ /zhes bya ba ste/ ljon shing rnams ni sems dang bcas pa yin te /dbang po yod pa'i phyir mi la sogs pa
 bzhin no/ /zhes bya ba ni gsum po de las 'dod pa yin no/ /de yang 'di ltar rgun 'bru dang tra pu sha la sogs pa'i khri shing rnams ni gzhan la brten cing rgyas par 'gyur? ba mthong ba dang/ sman sbral mgo dang nyi ma'i rjes su 'brang ba la sogs pa rnams
 nyi ma ji ltar 'gro ba'i rjes su yongs su 'gyur bas na/ mig gi dbang po yod pa nyid du rjes su dpag pa yin la/ ljon shing rnams kyang sprin 'thug po las sgra 'byung bar gyur pa na chu shing la sogs pa rnams kyi 'bras bu 'byung bar rtsom pas na/
 rna ba'i dbang po yod pa nyid yin la/ ma tu lung ka'i shing gi rtsa bar khyi ro rul pa bzhag pa na 'bras bu mang du 'byung bar 'gyur bas sna'i dbang po yod pa nyid yin no/ /skya ru ra'i shing la 'o ma blugs pa na 'bras bu ma dang por 'gyur bar 
 'gyur bas lce'i dbang po yod pa yin no/ /reg na 'khum pa'i 'o ma can la gang gi tshe reg par gyur pa na 'di ltar 'khum pas lus kyi dbang po dang ldan pa yin no/ /gang gi phyir 'dod pas smyos shing sgeg par gyur pa'i lang tshe la bab pa
 bud med kyi rkang pa rgya skyegs kyi khu bas bskus shing rkang gdub dang ldan pas ched du brtsams te/ shing mya ngan med me tog dang 'bras bu mi 'byung ba la rgyab nas 'dod pa dang ldan pa'i bud med rigs las nyams pa dang spyod pa bde ba dang ngo tsha
 ba dus gcig skye ba ltar mya ngan med kyi shing yang de'i rkang pas reg pa na bde ba dang ngo tsha ba dang ldan pa bzhin du me tog dur 'bras bu rgyas par 'byung ba dang/ de bzhin du lang cha? la bab pa'i bud med kyi kha bur chang gi bkang nas me tog mi 'byung
 nga'i ba ku la'i shing la gtor nas 'gad? na me tog rnams gang mo byed cing 'byung ste/ shing rnams kyang dus ji lta ba bzhin du me tog dang 'bras bu la sogs pa 'byin par byed pas yid kyi dpa' po yod pa yin no zhes/ /zer te/ de lta bu sems med pa'i shing la
 sogs pa la yang sems yod par rtog cing nges par 'dzin pa'i rig byed gsum po 'di sbangs pa'i rigs so/ /ji ltar zhe na/ dbang po yod pa'i phyir zhes bya ba 'di ma nges pa nyid yin te/ dbang po med pa rnams la yang sems med bzhin du yang yul la
 nye bar dmigs pa lta bu'i 'khrul pa 'byung ste/ ji ltar mig med kyang rdo khab len dang/ lcags nye bar gyur pa las lcags 'byang bar 'gyur ba dang/ khar ba'i snod la rna ba med bzhin du yang sgra chen po gzhan grag pa na de las sgra brnyan 'byung ba dang/ dug la
 rna dang/ lce med kyang khrag dri'i rjes su rab tu rgyas par 'gyur zhing tsha dang phrad pa las lbu ba 'byung ba dang dri bu la sogs pa la lus kyi dbang po med kyang sgra'i rgyun 'byung ba dang/ byi ba'i dug gis dus chod shes pa med kyang nam zhong byung ba'i cha rgyas shing ldang ba
 ltar/ de bzhin du rgun 'bru dang tra pu sha la sogs pa rnams la mig gi dbang po med kyang rlung gi khams rgyas par gyur pa las 'khri shing steng du 'byung bar 'gyur ba me 'bar ba bzhin no/ /sman sbrul go dang su gar rtsa la sogs pa yang chu'i khams kyis
 rgyas bar gyur pa la nyi ma'i 'od zer gyis phog par gyur pa na nang gi chu skams pa na lus dang 'dab ma rgyas pa de nyid ma la mngon du phyogs par 'gyur ba ma yin te/ pags pa rlon pa skams pa bzhin no/ /chu shing dang ma du lung ga la sogs pa'i
 'bras bu 'byung ba dang/ mya ngan med pa la sogs pa'i me tog ni rkyen du ma nyid las grub pa'i 'bras bu yin pas mkhyud dpyad kyi sbyor ba in par shes par bya ste/ ji ltar? rims nyin gsum pas btab pa la thun 'chams rnams su pag chags pa'i
 dum bu re byin pa nyin gsum du byas na zhi bar 'gyur ba bzhin no/ /de bzhin du reg pas 'bum pa'i lo ma can dang/ nyi mar gyur pa'i rjes su 'brang ba la sogs pa'i gtan tshigs kyang me la sogs par reg pa'i pags pa rang/
 spu dang/ mgos pa shung pa'i ba la gos dang/ rtswa'i pir la ba lang gi lci ba skam po'i phye ma btab pas tshon rtsis bsku bar bde ba dang/ 'khrul 'khor dang/ rgyu skar dang/ 'khor lo la sogs pa rnams kyis ma nges pa nyid yin la dus gcig
 du 'byung ba'i chu bur gyi phreng ba la sogs pas kyang ma nges pa nyid yin te/ me tog 'phrog gi lha bskyod par gyur pa lta bu'o/ /skyu ru ra'i shing gis ro myang ba med kyang/ rtan la 'o mas rgyas par gyur na 'bras bu mngar bor 'byung ba yin no/ /
 sna'i dbang po med kyang dri zhim po 'byung ba yin te/ che dang la la ti sbyar ba las 'byung ba bzhin no/ /de bzhin yid kyi shes pa med kyang dus su skye ba nyid ni sems can rnams kyi las dge pa bdag por gyur pas yin no gzhan yang ljon
 shing sems dang bcas pa min/ skyo gnas bzhin ni ma bsdus phyir/ /dkyil du bcad kyang bzod pa'i phyir/ /phag dum bzhin du bems po yin/ ljon shing ni chos can no/ /de la sems yod pa ma yin zhes bya ba ni chos so/ /chos
 dang chos can bsdoms pa ni phyogs so/ /skye gnas bzhis ma bsdus pa'i phyir zhes bya ba dang/ dkyil du bcad kyang mi bzod pa med ba'i phyir zhes bya ba gnyis ni gtan tshigs te/ srog chags rnams ni skor las skye ba dang/ mngal nas
 skye ba dang/ brdzus te skye ba dang/ drong gsher las skye ba zhes bya ba'i skye gnas bzhi las skye zhing 'byung bar mthong na ljon shing ni skye gnas 'di dag las skye ba ma yin no/ /yang gal te brtol nas steng du skye zhes bya ba skye gnas lnga pa yin no/
 zhe na ljon shing la sogs pa sems dang bcas pa yin no/ /zhes zer ba btags pa nyid yin te/ /bo bo cag gi phyogs la ma grub bo/ /brtol nas steng du 'byung ba'i skye gnas can yin du zin kyang/ ljon shing la sogs pa dag sems dang bcas pa nyid
 ni ma yin no//zhes sgrub par byed pa nyid ni gang srog dang bcas pa de ni tshor ba yod pa'i phyir shin tu g.yo zhing mi bzod pa yin na ljon shing de dag ni dkyil du bcang kyang g.yo ba med de/ tshor ba med pa'i phyir ro/ /gang dag gang skye gnas pa zhis bsdus
 shing/ gang dang dkyil du bcang kyang g.yo ba med de/ tshor ba med pa'i phyir ro/ /gang dang gang skye gnas bzhin bsdus shing/ /gang dang dkyil du bcad pa na g.yo 'gul yod pa de ni sems dang bcas pa yin te/ bems po nyid du mtshungs ?
 par rjes su dpag pa yin pas dper na phag du tsha bzhin zhs bya'o/ /dkyil zhes smos pa rte'u sbrul dang lung ging jug ma dang/ lha dang lha ma yin gyi lus bcad pa spang ba'i phyir ro/ /yang tshul gzhan gyis gzhan gyi bsam pa nye bar dgod pa/
 ni/ /gal te srog chags rkang brgya ltar/ /reg na 'khums par 'gyur bas na/ /sa ma ga dang thal sbyar ni/ /sems dang bcas par 'dod ce na/ /zhes bya ba ni sman sa ma ga ngang? thal sbyar ni sems dang bcas pa yin te/ reg na 'khum par
 'gyur ba yin pa'i phyir/ srog chags rkang brgya bzhin no/ /dang brgya zhes bya ba'i srog chags yod de/ /de la reg ma thag tu 'khyil bar 'gyur ba ltar/ de bzhin du sman sa ma ga dang/ thal sbyar la yang nyi ma'i 'od kyis phog na rgyas la
 cheg na 'khums par 'gyur pa yin par de'i phyir/ sems dang bcas pa yin no zhe na/ me yi reg pa' skra sogs dang/ /skra la tsha la byes blugs pa yi/ /khyad par de dag nyid kyis kyang/ /'di ni ma nges pa nyid yin/ /skra ni sems dang bcas pa'i lus
 la skyes pa yin na yang de lta na yang sems dang bcas pa ma yin te/ des bde ba dang sdug bsngal gyi tshor ba mi myong ba'i phyir ro/ /de la mes reg par gyur pa na yang 'khums par 'gyur la/ tshal gyi phye mas khyab par byas pa
 na yang 'khum par 'gyur du zin kyang/ 'khum? pa rtsam gyi skra rnams sems dang bcas pa nyid yin par ni nges par bya bar mi nus pa ltar/ /de bzhin du sman thal sbyar la sogs ba rnams kyang rlung gi khams lhag bang yod pa las 'khum
 ba dang rgyas par 'gyur te/ nyi ma'i 'od zer gyis reg bas pad+ma la sogs pa'i me tog rgyas par 'byung ba bzhin no/ zhes dpyad par bya ba yin te/ ci 'khum par 'gyur ba'i phyir srog chags rkang brgya la sogs pa bzhin du ljon shing
 rnams sems dang bcas pa nyid gcig yin nam/ 'on te mes reg ba na skra 'khum ba bzhin du shing rnams sems med pa nyid gcig yin zhes bya bas gtan tshigs ma nges pa nyid yin no/ /gal te ljon shing rnams ni sems dang bcas
 pa nyid yin te/ tshe'i dbye ba dang nad gso ba la sogs pa'i bya ba'i man ngag nye bar bstan ba'i phyir ro/ /sems med pas rdo la sogs ba rnams la ni gso ba'i thabs gang du yang ma mthong la/ ljon shing rnams ba ni gtsa ba gcad pa la sogs ba
 bstan pa yod pas de'i phyir/ sems dang bcas pa yin te/ me bzhin no zhe na/ 'di skad brjod bar bya ste/ nad gso ba zhes bya ba ni sems dang bcas pa'i lus kyi chos yin pa'i phyir/ sems med pa rnams la de ma grub bas gtan
 tshigs gyi don ma gab pa nyid yin te/ 'byung ba'i 'gyur ba ldog pa nyid tsam 'dir mngon sum du gyur ba la/ de dag kyang sems dang bcas pa lta bur mthong ba'i chad dang/ blo rtsi dang/ mtshon cha la sogs pa rnams ma des pa
 nyid kyis ma nges pa nyid yin no/ /de bzhin du g.yo ba yod pas shing rnams ni/ /sems dang bcas par mi 'grub ste/ /chang la sogs pa nyams pa dag/ ldog ba yod pas the tshom 'gyur/ /zhes bya ba smas to/ chang dag nus pa nyams par gyur pa las
 yang 'dus byas pa'i khyad par gyi nus pa dang ldan par 'gyur ba 'am/ gser la sogs pa rnams kyang dri ma dang lhan cig 'byung bas dri ma can du gyur pa la yang/ 'dus byas pa las dag par gyur cing lci ba nyid la sogs par 'gyur bas gso pa yod
 pa'i phyir/ zhes bya ba 'dis the tshom du 'gyur ba yin te/ ci gso ba yod pa'i phyir/ mi la sogs pa bzhin bu sems dang bcas pa yin nam/ 'on te gso ba yod pa'i phyir nyams par gyur pa'i chang ldog par 'gyur ba bzhin du sems med pa
 nyid yin zhes bya bas 'di ltar sems dang bcas pa nyid du ma grub pa nyid yin no/ /yang phyogs snga ma pas nye bar bzlog pa'i phyir gzhan smras pa/ mthun pa las skye 'phel 'gur ang/ /sdang sems dus lhan skye ba'i phyir/ /de bzhin gnyid
 log smyo ba'i phyir/ /sems yod lta sogs bzhin du 'dod/ /ji ltar rta las rta skye'i ba lang ni ma yin no/ /de bzhin du nas kyi sa bon las nas kyi myu gu 'byung ga /'bras khar ba'i myu gu ni ma yin te/ 'di lta bu na mthun pa las skye pa'o/ /
 ji ltar rte'u dang/ gzhon nu dang/ rban po'i gnas skabs kyi dbye bas rtag dag 'phel bar 'gyur ba bzhin du/ ljon shing yang myu gu dang /sdong bu dang/ sdong bo dang/ yal go dang/ lo ma dang/ me tog dang/ 'bras bu rim gyi 'phel
 bar? 'gyur te/ 'di lta bu ni 'phel ba'o/ /gnod par bya ba'i bsam pa gang la yod pa ni sdang sems nyid dang/ dug gi shing la sogs pa rnams kyi srog 'joms par byed pa'i phyir 'di la/ sna ba'i sems yod do/ /zhes shes par bya ba
 yin no/ /ji ltar ba lang dang rta la sogs pa ni dkyid kyis dus la sogs pa dag las skye bar 'gyur la/ khyi ni ston gyi dus su skye ba lta re de bzhin du ljon? shing yang dpyid dang dpyad gyi dus dang ldan pa las skye ba'o/ /ljon shing
 gi tshe'i dbye ba las 'di ltar/ gnyid log pa'am myos pa'i dus su bskyed do zhes 'byung ste/ ? rgun gyi dus su ni gnyid log go /dbyar gyi dus su ni smyo ba yin te/ ji ltar rkyang la sogs pa gnyid log pa bzhin no zhe na/ 'di'i lan ni ldog pa byu ru
 baiDUryA/ /rin chen gser gyi myug sogs kyi/ /shing rnams sems dang bcas par ni/ /'di ltar ma nges pa nyid yin/ /'dir mthun pa las byung ba zhes bya ba'i dper skra nye bar dgod de/ skra brags pa na skra nyid las yang skye bar yang 'gyur yang
 de sems dad bcas ba ni ma yin pa bzhin no/ /'phel bar 'gyur ba yang 'di ltar skra dang sems mo dang/ sen 'dab pa'i tshad dang/ kun de'i 'bras bu bcad pa dang baiDUrya dang/ gser gyi myu gu dang/ grog mkhar gyi sa dang /lhog pa dang/ byu ru
 la sogs pa 'di dag thams cad ni dpe ste/ 'di dag thams cad kyang 'phel bar 'gyur ba yin na yang sems dang bcas pa ni ma yin pa bzhin no/ /gal te lhog pa yang sems dang bcas pa yin te/ sems dad bcas pa'i lus
 las byung ba'i phyir ro/ /da la tha dad pa'i sems ni yod pa ma yin no/ /rin po che dang gser gyi myu gu la sogs pa rnams chu 'dzin gyi sgra sgrogs pa'i dus su skye bar 'gyur ba ni 'dus su skye ba'i dpe nyid yin no/ /ljon shing rnams
 dbun gyi dus su gnyed log pa ni ma yin te/ 'on kyang me'i khams nyams shing yongs su smin par gyur pa las lo ma dang 'bras bu bsags pa lhag par gyur pa yin la/ /de'i tshe de'i nang gi bu ba rnams rim gyis skams shing med pa 'gyur
 yin no/ /rang gi gnas dang sa gzhan dag kyang nyi ma'i 'od zer gyis skams shing gdungs pa las rim gyis 'phel zhing rgyas par 'gyur ro/ /dpyad gyi dus su ni chu shin tu mang bar gyur pas skam par mi 'gyur zhing rang dang gzhan gyis 'phel ba nyid do/
 kyi smyo pa yin no/ /gang yang 'bras bu khar ma'i sa bon dang/ bur shing gi myu gu la sogs pa yang sos ka'i dus su chu dang bcas pa la bskrun na 'phel bar 'gyur ba yin yang de dag gnyid log pa 'am/ smyo bar gyur pa ni ma yin no/ /gzhan yang 'khuM
 shing mi bskyed pa gnyid log par 'dod pa de yang nas la sogs pa'i yi tog smin pa dang/ sman yi de dang/ 'ba' san ti dang/ 'bri ta ka ra la sogs pa ni dpyid kyi dus su me tog rgyas par 'gyur la/ bil ba'i 'bras bu 'phel ba dang/ sgyur rtsi
 chen po dang sa bon gyi snod la sogs pa'i 'bras bu rnams dgun gyi dus su yongs su smin par 'gyur ro/ /de bzhin du nags dang 'gal ba zhes bya ba'i shing gi myu gu dang/ yal ga dang lo ma dang/ me tog dang/ 'bras bu yang dus der smin par
 'gyur bas gcig ni gnyid log pa yin nam zhes bya ba dang/ yang de la mthun pa las skye ba yin pas ni skra la sogs pa bzhin du sems med pa pa nyid gcig yin nam/ 'on te rta la sogs ba bzhin du sems dang ldan par 'gyur zhes bya ba
 dang bde? bzhin du 'phel bar 'gyur ba yin pas lheg pa dang/ byu rul soD pa bzhin du seMs dang mi ldan pa zhig yin naM/ 'on te 'phel bar 'gyur bas pa lang la sogs pa bzhin du sems dang bcas pa nyid gcig yin zhes bya ba de ltar ma nges pa nyid yin pa'i
 phyir/ sems dang bcas pa nyid du ma grub po/ /gzhan yang/ 'di dag la ni sems med phyir/ /sdang sems zhes bya ba grub nyid/ /gtan tshigs don yang mi 'grub ste/ /lhogs? pa sogs kyi ma nges nyid/ /sems dang ldan na ni gnyid log
 pa dang/ ldang pa'i sems kyang 'byung bar rigs kyi sems med pa la ni ma yin pas des na sdang ba'i sems dad gnyid log pa zhes bya ba'i gtan tshigs gnyis ni gzhan kho bo cag la ye ma grub pa yin no/ /lo ma 'khum
 pa dang/ me tog dang 'bras bu 'byung ba zhes bya ba de yang sems med pa'i 'byung ba gzhan dag la yang mthong ba yin te/ dper na kha ba dang/ zla ba dang/ nyi ma dang/ rin po che dang/ rdo khab len dang/ nye bar grub pa las rtso dang/ lo ma dang/
 chu shel dang/ me shel dang/ chu las 'khum pa dang/ rgyas pa dang/ chu dang me 'byung ba dang/ lcags g.yo bar 'gyur ba la sogs pa 'byung ngo/ /mthun pa las skye ba la sogs pa'i gtan tshigs gzhan gsum ni mdze nad la sogs
 ba dag gis ma nges pa nyid yin te/ ji ltar lus kyi phyogs gcig tu byung pa'i mdze nad nyid lus kyi phyogs thams cad du rim gyis skye bar 'gyur ba dang/ za 'phrug za 'phrug nyid 'byung ba mthun pa las skye ba de dag nyid kyis gtan
 tshigs ma nges pa nyid yin te/ ci mthun pa las skye pa yin pa'i phyir/ rta la sogs pa bzhin du shing rnams sems dang bcas pa zhig yin nam/ 'on te mdze nad la sogs pa bzhin du sems med pa nyid gcig yin zhes bya ba la
 sogs pa yin no/ /de bzhin du lhog rgal la sogs pa dang po ni chung dun du skrang la/ phyis de bas cher 'gyur zhing nyi ma gzhan dag la de bas kyang shin tu che par 'gyur bas de bas na/ 'phel bar 'gyur ba zhes bya ba'i gtan tshigs 'di
 ni ma nges pa nyid yin te/ 'phel par 'gyur ba nyid yin pa'i phyir/ ci ba lang la sogs pa bzhin du sems dang bcas pa zhig yin nam/ 'on te lhog pa la sogs ma/ bzhin du sems med pa zhig yin zhes bya ba la sogs pa yin no//
 de bzhin du ston zhes bya ba dang/ dbyar dang/ dpyid kyi dus rnams la mkhris pa dang/ rlung dang/ bad kan rnams skye bar 'gyur zhes bya bas ci dus su skye pa yin pa'i phyir mkhris pa dang/ rlung dang/ bad kan bzhin du sems med pa zhig yin nam/ 'on te rta
 la sogs pa bzhin du sems dang bcas pa zhig yin zhes bya bas ma nges pa nyid yin no/ /gal te sangs rgyas pa shing rnams la sems med par 'dod na 'di rnams gang las ni 'byung bar 'gyur/ 'gyur ba nyid yin zhe na/ de la sems can rnams kyi las dbang
 ni phan pa byed par 'gyur ba yin /ji ltar na dus su skye bar 'gyur ba nyid yin zhe na/ de la sems can rnams kyi las dbang gis/ /rtsa bas 'byung ba dus su skye/ /dmyal ba dang ni mtho ris kyi/ /mtshon dang dpag bsam shing bzhin no/ /zhes bya ba smras te/ snod kyi
 'jig rten ma lus pa ni sems can gyi las bdag por gyur pa nyid las kun tu 'byung ba yin no/ /khyad par du dmyal ba rnams kyi las ngan pa byas pa bdag por gyur pa las ral gri lo ma'i nags tshal dang/ shal ma ri'i sdong po la sogs pas
 gcod pa dang/ 'bigs pa dang/ gsheg par byed pa la sogs pa 'byung ba yin no/ /mtho ris kyi 'jig rten gyi las bzang po byas pa'i rgyu las ni dpag bsam gi shing las gos dang/ zas dang nye bar spyad pa dang/ bde ba'i 'byor pa sbyin par byed
 pa 'byung ba yin no/ /de bzhin du mi'i 'jig rten la yang tsher ma dang dug gi shing la sogs pa 'tsho ba la gnod par byed pa dag kyang sdig pa'i las bdag por gyur pa las byung ba yin la/ tsam pa ka dang/ a sho ka dang/ pad+ma dang/ ud pa la dang/
 asmra dang/ pa na sa dang/ na li ker la sogs pa rnams sems med kyang dge pa'i las kyi rgyu las phan pa dng/ bde ba sbyin par byed pa yin te/ gser dang/ dngul dang/ shes dang/ baiDUrya la sogs pa'i rin po che bzhin no/ /'di dg gi dus su
 skye ba nyid kyang las nyid kyis bskyed pa yin te/ dus ji lta bzhin du nye bar longs spyod pa'i phyir ro/ /des na 'di dag la sems med pas nye bar spyad par bya ba yin pa la skyon med do/ /yang sems dang bcas pa nyid gcig yin no
 ni 'bras can dang/ phye dang me tog dang/ 'bras bu dang/ lo ma la sogs pa zos na yang sems can gyi sha zos pa 'gyur ba yin la/ til gyi til mar dang/ bur shing gi khu ba la sogs pa 'thung na yang srog chags kyi lus las byung ba'i khrag
 'thungs pa yin pas des na 'jig rten thams cad kyis kyang sdig pa chen po byas par 'gyur ro/ /gzhan yang 'tshe ba med pa chos kyi mchog ces bstan pa 'byung bas des na kha zas kyi bya ba la rtag tu spyod pa na 'tshe ba la 'jug pa nyid du 'gyur pa'i
 phyir chos kyang ga la yod de/ 'khor ba las ji ltar grol bar 'gyur te/ thar pa 'dod pa rnams zad ma zos na ni 'chi bar 'gyur la/ zos na ni srog chags la gnod par 'gyur bas chos nyams par 'gyur ro/ /des na ljon shing la sems
 yod par rtog pa 'dis ni bdag nyid la gnod pa byed pa yin no/ /de yang sngon gyi slob dpon dag gis 'di skad du/ tshe dang drong dang rnam shes dang/ /g.yo ba zhes bya so so'i zhing/ /chos 'di gang la dmigs gyur pa/ /de la 'tsho ba zhes bya'o/ /
 dro'o? med g.yo ba med nyid dang/ /thos la sogs par mi 'gyur dang/ /sgra la sogs pa rtog med ni/ /sems can ma yin bstan pa nyid/ /dge ba dang ni mi dge'i lam/ /sems yod rnams la 'byung 'gyur gyi/ /bstan pa rnams la de med par/ /des
 ni shing rnams sems med yin/ /'dod dang zhe sdang dang bral zhing/ /lus la ngal ba med pa dang/ /rigs dang mi rigs las grol pas/ /des na shing la sems pa med/ /srog ni 'byung 'jug byed btsums sogs/ /lus kyi phyi rol bya ba rnamS/
 bstan pa rnams lam mthong bas/ /des na shing la sems pa med/ /ces bya ba la sogs pa 'byung pa yin no// //dbu ma'i snying po'i 'grel pa rtog ge 'bar ba/ bam po nyi shu bdun pa ste tha ma'o /yang spyod pa pa'i rgol ba gzhan bstan
 pa'i phyir smras pa/ lam gsum ji bzhin don ldan yin/ /tshangs pas bstan phyir sman dpyad bzhin/ /'das dang ma 'ongs mkhyen pa'o/ /des bstan bsgrub bya yin zhe na/ lam gsum ni chos can no/ /don ji lta ba bzhin yin te/ zhes bya ba ni de'i chos so/ /tshangs
 pas bstan pa yin pa'i phyir/ 'das pa dang ma 'dos pa mkhyen pa'i thub pas bstan pa'i phyir zhes bya ba gnyis ni gtan tshigs te/ gang dang gang tshangs pas bstan pa'am/ 'das pa dang ma 'dos pa mkhyen pas bstan pa gang yin pa de dang de ni don
 ji lta ba bzhin te/ dper na sman dpyad bzhin no/ /zhes bya ba ni dpe yin no/ /zhen de la 'di ltar / tshangs smras zhes bya'i gtan tshigs dag/ skyed byed sogs kyi smras pa ni/ /nyes par btags par bsgrub pa'i phyir/ /des na khyod kyis 'di ma nges//
 bskyed par byed pas na skye byed de/ /'jig rten gsum gyi bskyed pa po'o/ /gang dag la bskyed pa po dang po na yod pa ni pa ni ji skad bstan pa'i rigs pas bdag gis bsgrubs pa'o/ /des dge ba la sogs pa nyo zhing btsong ba rnams so/ /nyes par btags
 pa ni mi shes pas so/ /bskyed byed la sogs pa rnams kyis smras pa ni ji skad bstan pa'i rigs pas bdag gis bsgrubs pa'o/ /des na bskyed byed sogs kyi smras pa ni nyes par btags par bsgrubs pa'i phyir/ zhes bya ba ste/ des na tshangs
 pas bstan pa'i phyir/ zhes bya ba'i gtan tshigs ni ma des pa nyid yin te/ ji ltar tshangs pas bstan pa yin pa'i phyir/ sman dpyad la sogs pa bzhin du ci lam gsum po 'di bden pa nyid gcig yin nam/ 'on te skyed byed la sogs
 pas smras pa/ nyes par btags pa ma bsgrubs pa bzhin du don ji lta ba bzhin ma yin pa zhes bya bas ma nges pa nyid yin/ gal te yang sman dpyad bstan pa bzhin du bskyed kyis ji lta ba bzhin du don ji lta ba bzhin du ?
 yin no/ /zhes smra bar byed na de la 'di skad ces brjod bar bya ste/ 'ga' zhig don bzhin mthong ba yi/ /kun tu don bzhin ma yin te/ /gnag rdzi smyon pa'i tshigs rnams ni/ /kun tu ji bzhin don min bzhin/ /de kho na nyid mthong ba rnams la
 ni ji lta ba bzhin gyi don dang ldan pa yin no zhes tshul 'di rigs kyi/ tshangs pa ni de kho na nyid mthong ba ma yin par sngar rab tu bsgrubs pas de'i tshig ni la la ni don ji lta ba bzhin du 'byung la/ la la don ji lta ba bzhin ma yin par shes par
 bya ste/ ji ltar ba lang rdzi'i tshig rnams sam/ smyon pa la sogs pa'i tshig la la ni don ji lta ba bzhin yin pa la /la la ni ma yin pa bzhin no/ /gang yang 'das pa dang ma 'ongs pa shes pa bstan pa yin pa'i phyir/ zhes bya ba 'di
 yang 'das dang ma 'ongs shes pa nyid/ /yi dags la sogs la yang yod/ /de yis smras pa thams cad min/ /de phyir gtan tshigs dpyad bya yin/ /yi dags dang/ srin bo dang/ gnod sbyin la sogs pa rnams kyis kyang
 'das pa dang/ ma 'ongs pa cung zhig shes pa yin gyi/ thams cad ni ma yin te bya rgod kyi sa shi ba'i ro shes pa dang/ /tha dad/ grog ma la sogs pas char 'bab pa shes pa ltar/ de bzhin du a tre dang/ rgyas pa la sogs pa'i
 thub pa rnams kyis kyang gang 'ga' zhig shes pa yin gyi/ thad ni ma yin no/ /de'i phyir de dag gi smras pa/ thaMs cad rigs pa dang ldan pa ma yin pas dpyad par bya ba yin te /ci 'das ba dang /ma 'ongs pa shes pa'i thub pa rnams kyi chig bzhin du/ lam gsum po
 'di don ji lta ba bzhin yin nam/ 'o na te 'das pa dang/ ma 'ongs pa shes pa'i yi dags la sogs pa'i tshig bzhin du ji lta ba bzhin ma yin pa zhig yin zhes bya ba'o/ /gzhan yang/ chos sogs 'di la gang yod pa/ /de nyid gzhan ?
 yin te/ /ras 'ga' srin po'i yi ge'i tshul/ /legs bshad 'ga' zhig mthong ba yin/ /gsum po 'di la ni yongs su dag pa'i chos 'ba' zhig yod par ma mthong ngo/ /'ga' zhig la res 'ga' chos kyi cha mthong ba ni srin bu'i yi ge'i ? 'di yin
 te/ yon tan zhes bya ba'i srin bus shing la zos pa dang/ la lar yi ge 'dra ba'i ri mo 'byung yang re zhig de la yi ge shes pa'i rigs pa ni ma yin no/ /gzhan yang ji ltar mi gtsang phung po'i nang/ /rin chen 'ga' zhig mthong gyur pa/ /rab tu skye dang
 de yi mthu/ /shes dang ldan pas de shes 'gyur/ /ji ltar mi gtsang ba'i phung po 'ga' zhig gi dkyil du rin po che yod pa mthong ba na rin po che brtag pa la mkhas pas de mthong na ni rgya mtsho chen po'i rin po che'i de ni? las
 'di byung ba yin gyi/ mi gtsang ba'i phung po 'di las byung ba ni ma yin no/ snyam du shes la mthu yang shes te /'di'i mthus nad la sogs bzhi ba dang/ dug nyams par byed pa'i mthu yang 'di la yod do/ /snyam du shes pa yin no/ /legs bshad?
 'ga' zhig gsum pa la/ /rab tu mthong ba'ang de dang 'dra/ /khyim srang mi gtsang phung po las/ /rin chen 'byung ba ma yin ltar/ /srog chags la 'tshe ba dang/ chang 'thung ba dang/ rdzun du smra ba la sogs pa skyon du ma dang ldan pa'i mi gtsang
 ba'i phung po dang 'dra ba lta ba gsum po'i nang na/ /rin po che gser dang 'dra ba chos rin po che 'ga' zhig mthong du zin kyang/ rin po che brtag pa la mkhas pa 'dra ba rnams la 'di lta bu'i shes ba 'byung ste /'di las ni chos rin po che 'di lta bu
 'byung ba ma yin gyi/ gzhan du na sangs rgyas pa la sogs pa'i gzhung las btus nas de'i nang du bsres pa yin te/ skye bo tha mal pa rnams kyi nye par spyad pa'i grong par gyi srang na mi gtsang ba'i phung po yod pa las bai?
 DU rya la sogs ba'i rin po che 'byung ba ma yin pa bzhin no/ /de ltar bong bu'i 'o ma bsrubs pa las mi gtsang ba'i dri 'byung pa ltar mu stegs pa rnams kyis smras pa yang de bzhin no/ /gang yang rjes su dpag pa gtsor bzung nas /lam gsum po
 sun 'byin par byed pa rnams ni dmus long g.yang sar lhung bar dka' ba ma yin pa dang 'dra'o/ /zhes zer ba de yang rigs pa ma yin te/ gang gi phyir/ skyon med rjes su dpag pa yi/ /rigs sam mi rigs ma dpyad par/ /blo ni gzhan
 gyis bskyed pa'i phyir/ /lung gzhan dag la the tshom za/ /slob ma ni rnams pa gsum yod de/ /lung gzhan mthong na 'di ltar yin nam /ma yin zhes the tshom za ba'i blo can dang/ lung gcig pa rab tu zhugs shing zhen par gyur nas gzhan
 la sems kyi ldang bar gyur cing phyin ci log tu zhugs pa'i blo can dang lung thams cad la rigs pa yin nam/ rigs pa ma yin zhes spyod par mi nus pa'i rtog pa dang bral ba'i blo can no/ /de la lung gzhan gyi the tshom bskyed pa 'am/
 phyin ci log tu zhen par gyur pa'i blo gang la yod pa de dag ni rjes su dpag pa med par rigs sam /mi rigs zhes spyod par nus pa ma yin no/ /ji ltar klung chen rgal 'dod pa/ /gzings dag yongs su 'dzin pa ltar/ /de bzhin btang bya
 yin na yang/ rjes su dpag par gzung bar rigs/ /ji ltar chu klung chen po rgal bar 'dod pa rnams gzings dang/ gru la sogs pa la brten nas pha rol tu 'gro zhing der phyin pa dang bor nas 'gro bar byed pa ltar/ /de bzhin du shes
 bya'i chu bo rgal bar 'dod pas kyang rjes su dpag pa'i gzings 'di yongs su gzung la shes bya rtogs par gyur pa dang/ de yang gtang bar bya ba yin no/ /de bas na btang bar bya ba de spang par bya ba yin na yang 'di ni re zhig gzung bar bya ba nyid yin te /de med par de kho na
 nyid mthong ba yod pa ma yin pa'i phyir ro/ /de ltar slob ma gnyis bsngags pas bstan nas /dpyod pa med pa'i blo can gyi slob ma rab tu bstan pa'i phyir smras pa/ sgra tsam rjes su 'brang byed cing/ /song ba'i dus su 'gro byed pa'i/ /dmus long
 bzhin du dkyil 'khor 'dir/ /byis pa 'khor bar 'khor ba yin/ /ji ltar dmus long rang gi mthong ba med par gyur pa de gzhan gyis sgra byas pa tsam gyi rjes su 'breng ba de dag ni/ g.yang sa'i gnas dag las rgal bar 'gyur ba ma yin pa ltar
 de bzhin du byis pa mi shes pa dag gis byas pa/ lung zhes bya pa'i sgra tsam gyi rjes su 'brang bar byed pa dag kyang srid pa gsum gyi 'gro ba'i 'khor ba las thar par 'gyur ba ma yin no/ /des na sgra tsam gyis rjes su 'brang ba ni ltung bar 'gyur bar
 sla ba nyid yin pa'i phyir smras pa/ brten pa med pa'i dmus long dag /nyam nga'i gnas su 'gro byed ltar/ /sgra tsam gtso bor byed pa rnams/ /ltung bar dka' ba ma yin no/ /ji ltar dmus long dbyug pa la sogs pa'i rten med cing/ /mig dang
 ldan pas nye bar bstan pa med bzhin du sgra thos pa tsam gyis rjes su 'brangs nas nyam nga ba'i lam du 'gro bar byed pa ni ltung bar 'gyur ba nyid yin la/ rten dang bcas pa legs par bstan pa'i lam bde ba nas 'gor ba ni ltung pa'i skal ba can
 du mi 'gyur ro/ /de bzhin du rtog ge'i shes pa rjes su dpag pa'i mig gis gang dngos po'i don gyi de kho na nyid ces bya ba nges par bzung ba de ni dmigs pa yin no/ /de kho na nyid la dmigs par mi byed par 'khor ba las nges par 'byung bar
 'dod pas mi shes pa btags pa'i lung zhes bya ba'i rjes su 'brang ba'i dmus long dang 'dra ba ni 'khor bar ltung bar 'gyur ba yin no/ /de kho na nyid mthong ba gang dag nges par brtags pa'i lam bde pa nyid 'phags pa'i
 yan lag brgyad nas/ rnam par thar pa'i sgo gsum la brten nas 'gro ba de ni 'khor ba'i g.yang sar lhung bar mi 'gyur ro/ /des na sgra tsam gyis rjes su 'brang ba nyid ni ltung bar sla ba nyid yin pa'i phyir /rjes su dpag pas gtsor 'dzin rnams//
 ltung bar dka' ba ma yin no/ /zhes gang smras pa de ni legs par smras pa ma yin no/ /gang yang rig byed thams cad mkhyen pa nyid yin gyi/ /thams cad mkhyen pa'i skyes bu nyid ni spong bar byed cing sdang ba'i sems kyis 'di skad du 'di na gang
 yang kun mkhyen med/ /gang phyir 'di ni ma mthong phyir/ zhes bya ba la sogs pa smra ba de'i lan ni 'di yin te/ kun mkhyen zhes bya'i sgra 'di yang/ /yul 'ga' zhig la ji bzhin yin/ /seng ge'i sgra yang la la bden/ /kha cig nye bar btags
 pa nyid/ /gang yang mdzo'i mi dang ser skya dang/ gzegs zan la sogs pa thub pa rnams ni nyon mongs pa dang bcas pa'i sems can la phan pa'i thabs la mkhas pa dang/ /de bzhin du 'das pa la sog pa'i shes bya'i phyogs
 gcig shes pa'i dbang du byas nas de rnams thams cad mkhyen pa nyid ces bya ba'i sgra nye bar 'dogs pa btags pa pa yin te/ thub pa ser skya kun mkhyen nyid ces bya ba la sogs pa'o/ /de dag ni nye bar btags nas thams cad mkhyen pa
 zhes bya ba'i sgras brjod pa yin par nges par bzung bar bya ba yin la/ 'dir ma mthong du zin kyang chos thams cad rnam pa thams cad du mkhyen pa nyon mongs pa thams cad dang bral ba /sems can thams cad la phan pa mdzad pa ni thamS
 cad mkhyen pa nyid yin zhes nges par gzung bar bya ste /ji ltar sen mo dang/ mche ba rno pa dang/ ral pa la sogs pa med kyang dpa' ba dang/ brtul phod pa la sogs pa'i bya ba dang ldan pa'i skyes bu la seng ge zhes nye bar 'dogs te/ bram ze la yang seng ge zhes
 zer ro/ /ma mthong du zin kyang seng ge zhes nye bar btags pa'i sgra las rjes su dpags nas nges par ral pa brgya bshig cing g.yengs pa sder mo rnon po dang ldan pa/ mche ba rnon po gcigs pa/ ri dags la sogs pa gzhan skrag par byed pa'i nga ro
 can seng ge zhes bya ba'i sgra dngos su bstan par bya ba gzhan zhig yod do/ /snyam du sems so/ /de bzhin du da ltar ma mthong bas thams cad mkhyen pa med pa ma yin no/ /gang yang 'di skad du/ sangs rgyas ni thams cad mkhyen pa nyid ma yin te/ skyes
 bu yin par mtshungs pa'i phyir skyes bu gzhan bzhin no zhes zer ba dang/ sangs rgyas kyi ye shes kyang thams cad mkhyen pa nyid ma yin te/ byas pa yin pa'i phyir skyes bu gzhan gyi shes pa bzhin no/ /zhes zer ba de la yang chos dang sprul ba'i sku dag ming?
 la mi nyid du ma grub /de bzhin gshegs pa'ang ma grub ste/ nges na ma nges pa nyid yin/ skyes bu'i mtshan ma dang ldan pa la skyes bu zhes bya ba'i sgra 'jug pa bzhin no/ /de khams dang/ 'gro pa dang/ skye gnas kyi rnams pa gang du yang ma gtogs pa'i phyir
 dang/ gzugs med pa yin pa'i phyir bud med dang/ skyes pa la sogs pa'i rnam par rtog pa 'jug pa ma yin pas re zhig chos kyi sku la ni skyes bu zhes bya ba med do/ /longs spyod rdzogs pa'i skul yang rten gnas gyur pa 'jig rten pas 'das pa zag pa
 med pa'i phung po dang ldan pa'i phyir/ khams dang/ 'gro ba dang/ skye gnas rnams las shin tu 'das pa'i phyir dang/ 'og min gyi spyod yul can yin pa'i phyir/ skyes pa dang bud med kyi dbang po mi mda' ba' i phyir skyes bu med do/ /de'i byin brlabs
 kyi 'jug ba 'dir 'khrungs pa'i sprul pa'i sku yang gzugs dang/ sgra dang/ ro dang/ reg bya zhes bya ba skye mched bzhi'i bdag nyid can sgyu ma mkhan gyis sprul pa'i skyes bu bzhin du sems can ma yin par grags pas de yang skyes bu nyid
 yin par ma grub pa'i phyir skyes bu? yin pa'i phyir/ zhes bya ba'i gtan tshigs ma grub pa nyid yin la skyes bu'i dpe yang bsgrub byas stong pa yin no/ /de bzhin du bcom ldan 'das bskal pa grangs med pa gsum du tshogs bsags pa bsam yis mi khyab pa thogs pa med pa lhun gyi
 grub par 'jug pa/ rnam par rtog pa med pa nam mkha' bzhin du thog mdza' med pa /nyon mong pa'i dra ba rnams bag chags dang bcas par drungs nas phyung ba/ kun nas nyon mongs pa med pa'i ye shes gang yin pa yang gang dag phyi rol gyi 'dod chags
 dang bral ba dang/ slob pa dang/ mi slob pa dang/ rang sangs rgyas kyi ye shes pa rnams kyang nyin par byed pa'i 'od zer gyis zil gyi mnan pa'i srin bu me khyer gyi 'ong bzhin du mdzes pa ma yin na de dang tha mal pa'i
 skyes bu ngan pa'i shes pa 'dra ba lta ga la yin/ des na skyes bu'i shes pa bzhin zhes bya ba'i dpe yang ma grub pa yin no/ /gzhan yang/ gal te ji ltar khyed bcom ldan/ /thams cad mkhyen pa min par 'dod/ /bde byed khyab 'jug sogs
 bdag gis/ /shes pa de ltar min zhe na/ /gal te khyod kyi /blo la 'di snyam du tshangs pa dang/ dbang phyug chen po dang/ sred med kyi bu rnams ni 'jig rten skyed par byed cing sdud par yang byed la/ de rnams nyid kyis ji lta ba bzhin du 'chags pa dang/
 gnas pa dang/ 'jigs pa yang shes la grol ba'i lam yang shes pa yin no/ /yang sangs rgyas ni de dag la sdang zhing de dag gis byas pa'i bskyed pa dang/ bsrung ba dang/ mi mthun pa'i skye ba la sogs pa'i rgyu rigs pa ma yin par brjod
 par yang byed la/ mngon sum du mthong bzhin du yang dngos po rnams ni mthong ba stong pa nyid do zhes smra bar byed pa med pa pa'i phyogs gsal bar byed pa nyid yin la/ de thams cad mkhyen pa nyid yin par lta ji ltar 'gyur zhe na/ 'di skad brjod par bya ste/ ji ltar de dag
 gis shes ltar/ /thams cad mkhyen pa de bden na/ /rab rib can gyis mthong ba ltar/ /dri med mig gis mi mthong bzhin/ /ji ltar dge ba dang mi dge ba'i las yang dag par bsags pa las 'jig rten sna tshogs 'di rab tu 'byung ba yin la/ 'dzin pa thams cad yongs su
 spangs pa las ni thar par 'gyur pa yin no/ zhes bya bar mkhyen nas kho bo cag gis bcom ldan 'das kyis zhi ba dang/ khyab 'jug dang/ tshangs pas bskyed pa dang/ sdud pa yin par btags pa ni phyin ci log tu mthong ba yin no/ /zhes mdzad nas de'i
 rjes su 'brang bar mi mdzad de/ rab rib can gyi btags pa'i skra shang 'dzings pa dang/ sbrang ma dang/ bung ba dang/ zla ba gnyis pa la sogs pa'i dngos po mthong ba rnams rnam par dag pa'i mig can gyis ni mthong ba ma yin no/ /'on kyang snying rje'i dbang
 kho nas rab rib can de dag la ji ltar na/ 'di dag gi skra shad la sogs pa bden pa ma yin pa mthong zhing 'dzin pa 'di dag dang bral nas rnam par dag pa'i mthong ba dang ldan par 'gyur snyaM? du dgongs so/ /yang na 'di ltar thams cad mkhyen/ /mchog shes
 nyid du 'dod na ni/ /gang phyir mdze mi ni sogs kyi/ /gtan tshigs 'di ni ma nges nyid/ /gal te tshangs pa la sogs pa las byin ci log tu shes pa'i rnam pa 'dis sangs rgyas ni rdzun par shes pa yin te/ skyes bu yin pa'i phyir tha mal pa'i
 skyes bu bzhin no/ /zhes smran yang/ mdze'i mi ni la sogs pa khyod kyis thams cad mkhyen pa nyid du 'dod pas ma nges pa nyid yin te /skyes bu yin pa'i phyir/ tha mal pa'i skyes bu bzhin du phyin ci log tu shes pa zhig yin nam/ 'on te ? 
 mi ni bzhin du skyes bu yin pa'i phyir/ phyin ci ma log par shes pa zhig yin zhes bya ba yin no/ /gzhan yang cung zhig shes kyi kun mi shes/ /zhe na thub pas gang ma mkhyen/ /mtho ris byang grol lam zhe na/ /bstan pa 'di chos
 bstan pa nyid/ /gal te don cung zad cig shes pa la mi shes pa'o/ /zhes btags pa yin pa cung zhig shes kyang thams cad ni ma yin no zhe na/ des ci zhig ma mkhyen gal te mtho ris dang byang grol gyi lam ma shes so zhe na/ de ni 'di ltar mkhyen pa
 kho na ste/ sdig pa las ldog par byed cing dge ba la 'jug par byed pa'i chos 'di lha dang mi nyid kyi lam yin no/ /yang dag pa'i lta ba dang/ yang dag pa'i rtog pa dang/ yang dag pa'i ngag dang /yang dag pa'i las kyi mdza' dang/ yang dag pa'i
 'tsho ba dang/ yang dag pa'i rtsol ba dang/ yang dag pa'i dran pa dang/ yang dag pa'i ting nge 'dzin zhes bya ba'i 'phags pa'i lam yan lag brgyad pa ni byang grol 'thob pa'i rgyu yin par mkhyen nas bstan pa yin no/ /bstan du zin kyang mi rigs
 zhes/ /gal te khyod kyi blos 'byung na/ /mi shes pa nyid yin pas na/ /de yi lan yang smras zin no/ /lam bstan du zin kyang yang dag pa ma yin zhe na/ de lta ba yang log par shes pa nyid du 'gyur grang na/ de'i lan mdzo'i mi ni la sogs
 pa dag gis ma nges pa nyid yin par bstan zin pa yin te/ dbu ma'i bstan bcos ma lus pa las rigs pa dang/ mi rigs pa dpyad pa byas pa min pas khyod kyi gzhung kho na nyes par smras pa yin gyi/ kho bo cag gi gzhung ni ma yin
 par rab tu grags pa yin no/ /bstan bcos blo sgra'i phyogs byas kyang/ /gtan la dbab par 'dra ba yin/ /dpyod pa can sogs ma nges nyid/ khyab pa'i phyir na skyon dang ldan/ /sangs rgyas pa'i bstan bcos ni thams cad mkhyen pa ma yin la/
 sangs rgyas pa'i shes pa yang thams cad mkhyen pa ma yin/ sangs rgyas pa'i gsung rab kyang thams cad mkhyen pa ma yin te/ byas pa'i phyir 'jig rten pa'i bstan bcos dang/ blo dang sgra la sogs pa bzhin no/ /zhe na 'di la yang dpyad par bya ste/
 byas pa yin pa'i phyir ci 'jig rten pa'i bstan bcos bzhin du thams cad mkhyen pa ma yin zhig yin naM 'on te spyod pa la sogs pa bzhin du thams cad mkhyen pa yin pa nyid du 'gyur/ de bzhin du byas pa'i phyir dpyod pa la sogs pa'i blo bzhin du
 don ji ltar bu nyid gcig yin nam/ 'on te 'jig rten 'di pa la sogs pa'i blo bzhin du ji ltar ba bzhin ma yin pa nyid yin zhes bya ba mthun pa'i phyogs dang mi mthun pa'i phyogs gnyi ga yang khyab pa'i phyir byas pa'i phyir/ zhes bya ba'i gtan tshigs
 skyon dang bcas pa yin no/ /gang yang lta ba gsum sun 'byin pa'i phyir/ gcer bu sgyu ba'i lta ba bzhin du sangs rgyas kyi gsung yang tshang ma ma yin no/ /zhes zer ba de la yang lan gsum po sun 'byin par 'dra bas/ gcer bur sgyu ltar bdag 'dod pas
 bsgrub bya'i rjes su 'gro med phyir/ /dpe ni med pa nyid yin no/ /gsum po sun 'byin par 'dra ba'i ngo bo ni 'dra ba nyid de/ gcer bu rgyu ba dang/ kho bo cag ge ji ltar kho bo cag ni lta ba gsum po sun 'byin par byed pa de bzhin du/ gcer bur rgyu ba'i
 lta ba sun 'byin par byed pa yin pas lta ba gsum po sun 'byin par byed pa'i phyir /zhes bya ba'i bsgrub par gcer bu rgyu ba'i lta ba kho bo cig gis tshad mar mi byed pa ma yin/ 'on kyang skra 'bral ba dang/ lus gdung ba la sogs pa lta ba
 bar pa yod pas yin no /de la kho bo cag la ni lta ba gsum po sun 'byin par byed pa'i phyir/ zhes bya ba'i sgrub par byed pa 'dis gcer bu rgyu ba'i lta ba yang 'dra ba yin no/ /zhes bya ba'i dpe yod par ma grub pa yin pas dpe med pa nyid kyi phyir
 sngar bstan pa'i tshad ma rnams ma grub pa yin no/ /dbyed pa pa'i de kho na nyid gtan la dbab pa la 'jug pa ste/ /le'u dgu pa'o// //gal te 'dir gcer bur rgyu ba rnams nye bar lhags nas 'di skad du/ gang
 thams cad mkhyen pa nyid nges/ kho bo cag gi gzhung sun 'byin par nus kyi/ 'di ni thams cad mkhyen pa ma yin te/ lung du ma bstan pa'i dngos po bcu bzhi lung ma bstan pa dang/ 'khor ba'i thog ma'i mdza' ma shes pa dang/ shin tu mdzes
 ma bsad pa ma rig pa dang/ bram ze'i bu mo mdzes mas skur pa btab pa dang/ grong khyer pa tra la pu tra nyams par 'gyur ba lung ma bstan pa dang/ zla ba gsum du nas zos pa dang/ lhung bzed bkrus pa bzhin du log pa dang/ rdo'i khrul 'khor 'phangs ba dang/
 nor skyong drungs du 'ongs pa dang/ lhas byin rab tu 'byin par byed pa dang/ rgyu skar bzang po bsnyen bkur bar 'jog pa dang/ lhag spyod dang/ la ba can dang/ lnga sde bsnyen bkur byed pa mi shes pa dang/ shing gi phung po'i mdo sde ston par byed pa
 dang/ seng ldeng gi tshal pa zug pa'i las kyi rnam par smin pa myong ba dang/ thams cad mkhyen pa la sun 'byin pa la sogs pa thams cad ma bstan pa'i phyir thams cad mkhyen pa ma yin te/ tha mal pa'i skyes bu bzhin no zhe na/ gcer bur
 rgyu bas thub pa la/ /kun ma bsten pas kun mkhyen min/ /zhes smras khyu mchog sogs ma nges/ /brjod du med par brjod pa'i phyir/ /thams cad mkhyen pa ma yin no/ zhes bya ba med par dgag pa'i don du rtog na ni de med pa yin te/ thams
 cad ma yin pa ni thams cad med pa'o/ /de shes pa ni thams cad mkhyen pa ma yin pa'o/ /zhes zer ba yin pas grub pa bsgrub pa nyid yin no/ /bsgrub bya'i rjes su 'gro ba med pa yang yin te/ tha mal pa'i skyes bu rnams ni dngos po thams cad yongs
 su shes pa ma yin no/ /thams cad ma bstan pa'i phyir/ zhes bya ba yang thams cad med par bstan pa zhes bya bar 'gyur bas dam bcas pa'i phyogs gcig gtan tshigs yin par 'gyur ro/ /sgrub par byed pa dpe dang ldan pa yang ma yin no/ /gzhan
 yang ma yin par dgag pa yin na ni thams cad ma yin pa ni dngos po med pa zhes bya ba yin la/ gang gis de shes pa la thams cad mkhyen pa zhes bya zhing/ gang thams cad mkhyen pa de bzhin gshegs pa'o/ /gang de bzhin gshegs pa yin pa
 de la thams cad mkhyen pa zhes bya ba'i ming gi don 'jug ste/ de yang 'di ltar de bzhin du gsungs pas na de bzhin gshegs pa zhes bya'o/ /de bzhin zhes bya ba ni ci zhig ce na/ dngos po thams cad med pa'i ngo bo ste/ de 'dis mkhyen cing gsungs
 pa yin no/ /de bzhin du gang mi shes pa'i gnyid ring du spangs pa ni sangs rgyas so/ /gang sangs rgyas yin pa de ni mi shes pa'i gnyid ring du spangs pa yin par 'bras bu mthong nas ming du 'jug pa yin te/ skyes bu dang po la sogs ba ltar yin
 na khyu mchog la sogs pa la ni /'di yod pa ma yin no/ /yang na dman pa'i don nyid du dgag pa yin na ni thams cad mi shes zhes bya ba cung zhig shes zhes bya ba yin pas/ gang khyod kyis lung ma bstan pa'i dngos po la sogs pa rnams
 phyags snga mar byas pa de yang 'dis thams cad mkhyen pa kho na yin no/ /de la re zhig bcom ldan 'das des lung du ma bstan pa'i dngos po bcu bzhi mkhyen pa yin na/ /de ltar na yang nyad pa po'i skye ba'i blo dman ba rnams la bstan par mi rigs
 bsam bstan pa ma yin te/ ji ltar bstan par mi rigs she na/ gal te de bzhin gshegs pa nongs pa phan chad 'byung ngo zhes brjod na ni las dang nyon mongs pa'i dbang du gyur pa'i phyir so so skye bo dang 'dra ba nyid du 'gyur ro/ /gal te mi 'byung
 ngo zhes brjod na ni mar me she bar gyur pa bzhin du rgyun chad pa nyid yin pas smon lam btab pa 'bras bu med par 'gyur ro/ /'on te 'byung ba yang yin mi 'byung ba yang yin/ zhes brjod na ni me la gang ba dang dro ba gnyis
 'gal ba ltar skyon yod par 'gyur ro/ /'byung bar 'gyur ro zhes bya bar grub na de bkag pa'i mi 'byung ngo/ zhes bya bar yang 'grub par 'gyur la/ 'byung bar mi 'gyur ro/ zhes bya ba grub na yang de bkag pa'i mi 'byung ba ma yin no/ zhes bya ba yang 'grub
 pa nyid yin na gnyi ga yang ma grub pas gnyi ga yang ma bstan te/ sems can thams cad kyi don gyi dbang du mdzad nas de bzhin gshegs pa ni gang du sems can gyi don mdzad zin pa der ni mya ngan las 'da' bar ston te/ gang shing
 zad pa'i me shi bar 'gyur ba bzhin no/ /yang gang du gdul bya'i bya ba dang rjes su mthun par gzigs pa der ni chos nyid las thob pa'i sku bskrun nas 'bar bar 'gyur te/ bud shing mang po spungs pa las me 'bar bar 'gyur ba bzhi no//
 des na bcom ldan 'das kyis de bzhin gshegs pa nongs phan chad 'byung bar 'gyur ro/ /zhes bya ba la sogs pa gnyi ga yang ma gsungs la/ 'byung ba dang mi 'byung ba gcig la dus gcig tu ma yin pas 'byung ba dang /mi 'byung
 ba gnyi ga ma gsungs la/ gnyi ga ma grub pas dgag par bya ba med pa'i phyir gnyi ga ma yin pa yang ma gsungs so/ /dngos po rnams kyi skye ba dang 'gag pa dag gis 'jig rten rtag pa la sogs mkhyen kyang ma gsungs pa nyid yin
 te/ gang gi phyir phung po'i rgyun snga ma 'gags par 'gyur ba yin pa'i phyir 'jig rten rtag pa yang ma yin la /gang gi phyir de'i rgyu las/ phung po'i rgyun gzhan 'byung bas 'jig rten mi rtag pa yang ma yin no/ /rtag pa yang yin
 mi rtag pa yang yin zhes bya bar mi 'gyur te/ 'gal ba'i phyir ro gal te 'ga' zhig rtag pa yong na ni de dgag pa'i phyir/ mi rtag ces bya ba yang 'grub pa yin/ gang zhig mi rtag pa nyid du grub na yang de rab tu dgag pa'i phyir mi rtag pa ma yin zhes bya bar
 'grub par 'gyur na/ rtag pa dang/ mi rtag pa dag ma grub pas rtag pa yang ma yin te/ mi rtag pa yang ma yin zhes bya bar yang mi 'gyur ro/ /'jig rten zhes bya ba ni phung po lnga'i rgyun gnas pa la bya la/ gal te 'jig rten mdza' dang ldan pa yin na
 ni phung po snga ma ni 'gags/ phung po phyi ma ni mi 'byung bas rgyun 'chad pa yin pa'i phyir /'jig rten pha rol med par 'gyur ro/ /gal te 'jig rten mdza' dang mi ldan na ni phung po 'di ma nyams bzhin du phung po gzhan len par 'gyur ro/ /de lta na yang
 rtag pa yin pa'i phyir/ 'jig rten pha rol yod par mi 'gyur ro/ /mdza' dang ldan pa yang ma yin mdza' dang mi ldan pa yang yin zhes bya ba yang 'gal ba nyid yin no/ /mdza' yod pa yang ma yin mdza' med pa yang ma yin zhe ni rab tu ma grags pas
 de dag dgag pa yang med pa'i phyir /'jig rten mdza' dang ldan pa yang ma yin mdza' med pa yang ma yin no/ /mnyam pa nyid yin pa'i phyir srog de lus de'i zhes kyang ma gsungs te/ gal te srog gang yin pa de lus kyang yin par gyur na ni lus nyams
 par gyur na srog kyang nyams par 'gyur ro/ /gal te srog kyang gzhan la lus kyang gzhan zhag yin na ni lus la ma bltos par yang srog dmigs par 'gyur ro/ /lus dang srog 'dus par gyur pa las phung po lnga po 'di las sems can zhes brjod
 pa la bltos nas bcom ldan 'das mkhyen bzhin du mi gsung bar bzhugs pa yin no/ /gzhan yang gtsor? bur rgyu ba rnams kyis bstan bcos byed pa khyu mchog la sogs pa rnams kyis kyang smra bar mi nus pa rnams ma smras pa nyid yin te/ gser
 dang sor gdub ni gzhan yang ma yin gzhan ma yin pa yang ma yin no/ /de bzhin du gang zag ni yod pa yang ma yin med pa yang ma yin no/ /zhes gcig tu brjod pa ma byas pas de na ma nges pa nyid yin te /ci thams cad ma
 bstan pa'i phyir khyu mchog la sogs pa bzhin du thams cad mkhyen pa nyid gcig yin nam/ 'on te skyes bu tha mal pa bzhin du thams cad mkhyen pa ma yin pa gcig yin zhes bya ba'o/ /'jig rten na yang dpyod pa dang ldan pa'i blo can
 zhig la 'ga' zhig gis ci rtsig pa nyid khyim yin nam/ 'on te rtsig pa las gzhan zhig khyim yin/ /rtsig pa la khyim yod dam /khyim la rtsig pa yod ces dris pa las/ de blos dpyod pa na gal te rtsig pa nyid khyim yin na ni smyig ma dang sba
 la sogs pa rnams don med par 'gyur ro/ /'on te rtsig pa las khyim gzhan yin na ni rtsig pa las ma bltos par khyim dmigs par yang 'gyur ro/ /khyim dang rtsig pa tha dad pa yin na ni rtsig pa la khyim yod cing/ khyim la yang rtsig pa
 yod par 'gyur na/ tha dad pa ni yod pa ma yin no/ /nges na des bstan par mi nus pas /re zhig mi smra bar 'dug kyang shes pa med pa ma yin no/ /zhes 'dod do de bzhin du bcom ldan 'das kyis kyang/ ji skad bstan pa'i rim pas/ nyan pa
 po blo dman pa rnams la/ bstan par rig pa ma yin pas lung du ma bstan pa'i dngos po rnams mkhyen bzhin du ma gsungs pa yin no/ /de'i phyir thams cad mkhyen pa ma yin par ma grub po gzhan yang/ 'khor ba'i thog ma ma rig cing//
 rgyu yang rab tu ma shes la/ /de phyir ma rig rig med phyir/ /de ni nam mkha' i rang bzhin no/ /'khor ba thog ma med do/ /zhes gsungs pas/ bcom ldan 'das thams cad mkhyen pa ma yin par mi 'gyur te/ gang gi phyir 'khor ba de la thog ma med
 pa ni de'i ngo bo nyid yin pa'i phyir nam mkha' i dri dang/ ro dang reg pa bzhin no/ /gang yang ser skya dang/ gzigs zan dang/ mdze'i mi ni la sogs pa thams cad mkhyen pa yin par rlom pa dag la 'ga' zhig gis ci nam mkha' 'di dri zhim pa 'am dri mi
 zhim pa 'am/ mngar ba 'am/ skyur ba 'am/ 'jam pa 'am/ rtsub pa zhig yin nam/ de bzhin du bong bu dang/ rnga mo dang/ rta'i rwa rnams kyi kha dog dang dbyibs ji lta bu yin/ n+ya gro ta dang/ u dum bar dang/ nam mkha' rnams kyi me tog gi dri ni
 gang yin/ mda' rgyu pa dang/ ku sha dang/ ka sha dang/ 'bi'u la rnams kyi 'bras bu'i ro ni ji lta bu/ /rus sbal dang/ sbrul gyi spu dang/ dri za'i grong khyer gyi bung med rnams kyi reg pa ni ji ltar bu yin zhes dris pa na de dag gal te 'di dag gi dngos
 po ni med pa pa yin no/ zhes zer na yang nges de dag shas pa med par ni mi 'gyur ro/ /de bzhin du 'khor ba la thog ma yod pa ma yin pas des na 'di ltar de ni med do zhes thub pas bstan pa yin no/ /'di'i thams cad mkhyen pa nyid ni 'di yin te/ gang
 dngos po yod pa yang yod pa nyid du ston/ /gang med pa yang med pa nyid du ston pa'o/ /ci sgo nga snga la bya ni 'phyi'am/? bya ni snga la sgong ni 'phyi'am/ ci sa bo ni sngas la myu gu 'phyi'aM/ myu gu snga la sa bon 'phyi 'am/ 'on te dus gcig tu yin zhes bya ba dang/ de bzhin du zo
 chu na gyi rgyud la snga ma dang phyi ma med par 'jig rten la rab tu grags shing dngos po rnams la yang thog ma med par grags pa yin no/ /de bzhin du 'khor ba yang blte bar bya ste /de'i phyir 'khor ba'i thog ma ma shes pa'i phyir zhes bya ba'i
 gtan tshigs 'di ma grub pa nyid yin no/ /gzhan yang shin tu mdzes ma bsad pa ma shes pas skyabs ma byas pa yin zhe na/ gal te thub pa'i mthus nus na/ /sems can thams cad mya ngan 'da' / /mu stegs rnams kyi zhag bdun na/ /nor dang phrag 
 dog dag gi phyir/ /mdzes ma bdag gi bsang ngo zhes/ /rang nyid kyis ni bstan pa yin/ /bcom ldan 'das la zhus pa ni nyi ma bdun pa la brjod par bya'o/ /zhes gsungs nas ma bstan pa yin te/ de'i phyir bcom ldan
 'das kyis sems can btang snyoms su mdzad pa yin gyi ma mkhyen pa ni ma yin no/ /de lta bas na shin tu mdzes ma bsad pa mkhyen pas thams cad mkhyen pa ma yin pa ma yin no/ /ji ltar thag pa chad gyur na/ /shing gshong sa la lhung ba ni/ /rgyal
 bcas skye bo'i 'khor mthong nas/ /de dag ngo mtshar che bar gyur/ /mngon du bstan par bya ba'i phyir/ /skyob pas gzhan du de ma sgyur/ /sa la can grong bzhugs pa ni/ /sems can don gyi bya ba mdzad/ /gang phyir bdud las rgyal zin pas/ /bdud kyis paS?
 de de na med/ /nyan thos tshogs bcas dpa' bo ni/ /der ni bsod snyoms chad gyur pas/ /sems ni zhum par ma mthong che/ /mang po byang chub tu nges 'gyur/ /de bas na gang lhung bzod bkrus pa bzhin du phyir log ba ni ma 'ongs pa'i dus rjes su bsrung
 ba'i phyir yin par blta bar bya ste/ bsod snyoms pa gang dag grong du bsod snyoms la zhugs pa na bsod snyoms ma thob par gyur pa'i tshe de 'di snyam du sems par byed de/ bsod nams kyi chogs legs par bsags pa'i de bzhin gash+ye?
 pa de nyid kyang ji ltar lhung bzed bkrus pa bzhin du phyir log na yang bdag lta bu dge ba'i rtsa ba shin tu chung ba lta ci zhig yin snyam du sems so/ /bdud la yang bcom ldan 'das kyi bsod snyoms kyi bar chad bya ba'i nus pa yod pa ma yin no//
 'on kyang sems can yongs su smin par mdzad pa nyid du blta bar bya ste/ deng? de bzhin gshegs pa nyan thos kyi dge 'dun dang bcas pas chos ston chad par gyur pa na bdud dang bdud kyi ris kyi lha dang lha'i bu gzhan dag gis kyang/ 'di dag giS
 sems zhum pa 'am /nyams pa 'am/ yid mi bde bar ma gyur tam/ zhes sems kyi sems la bltas pas na bcom ldan 'das dang/ nyon thos kyi dge 'dun de rnams kyis sems yid mi bde? ba 'am/ dman bar ma gyur bas lha'i bu stong phrag bdun
 cus sems rab tu dang bas phyag 'tshal te/ chos bstan pa thos nas de rnams kyi chos kyi mig dag par gyur pa yin no/ /zla ba gsum du nas gsol ba yang de bzhin gshegs pas khyim bdag dang/ bram ze rnams kyi ngan gron du bos nas phyis blta
 bar mi 'gyur ro zhes mkhyen pa yin te/ de bzhin gshegs pas mkhyen bzhin du der gshegs pa yin no/ /gang rta lnga brgya pa de dag gis de bzhin gshegs pa dge slong gi dge 'dun chen po dang bcas pa de dag la zla ba gsum du rta chas gsol ba
 de dag ni thams cad byang chub sems dpa' i theg pa pa sdig pa'i grogs po'i dbang du gyur pas sdig pa'i las byas shing/ des dus 'gro'i skye gnas su skyes pa yin no/ /gang yang rta lnga brgya po de dag gi nang na rta cang shes su gyur pa de ni byang chub sems
 dpa' nyi ma'i snying po? zhes bya ba smon laM? gyi dbang gis bsaMs bzhin du rta de dag rnams yongs su smin par bya ba'i phyir der skyed pa yin te/ rta cang shes de'i mthus rta lnga brgya po de dag thams cad kyang sngon gyi skye ba dran par gyur cing/ byang chub kyi
 sems mngon du gyur to/ /de bzhin gshegs pa yang de dag yongs su gzung ba'i phyir der gshegs pa yin la/ rta lnga brgya po de dag kyang rim gyis dus byas par gyur pa na/ dga' ldan gyi lha rnams dang sgal pa mnyam par skyes par gyur cing/
 lhar? gyur nas yang de bzhin gshegs pa la mchod pa byas shing/ chos thos nas/ bla na med pa yang dag par rdzogs pa'i byang chub tu nges par gyur to/ /rta de dag gi rta rdzi yang rang sangs rgyas su lung bstan to/ /glang chen dul bar bya phyir
 dang/ 'gro ba rnams ni gdul ba'i phyir/ /bcom ldan grong khyer gshegs pa yin/ /thub pa bcom ldan mi mkhyen min/ /lhas byin gyis ni sgyogs 'phangs ba/ /de yang 'gro la phan phyir te/ /gzhan gyis gnod las grol
 pa yi/ /che ba'i bdag nyid bstan pa yin/ /skyes bu lnga brgya bsten pa'i rdo/ /chen po 'phangs par gyur pa ni/ /gnod sbyin ki ma pas de mthong nas/ /rang gi lus la bzed pa yin/ /lha dang lha min rnams dang ni/ /stong phrag dag ni brgya snyed kyi//
 dang pa'i dbang po sogs thob nas/ /srid ba las ni grol bar gyur/ /lhas byin khyim na gnas na ni/ /'khor los sgyur ba'i stobs ldan zhing/ /'khor dang stobs ni thob gyur nas/ /bstan pa 'di ni nyams par byed/ /blo ngan 'di ni rab byung na/ /de?
 la ci yang byed mi nus/ /de ltar ston pas gzigs nas ni/ /rab tu byung ba ma bzlog go/ cho 'phrul dag ni mthong 'gyur zhing/ /chos ni thos par gyur nas 'di/ /bsod nams sogs par gzigs gyur nas/ /rgyu skar bzang po bzhag pa yin//
 lhag spyod shi bar gyur pa yang/ /bcom ldan 'das kyis mkhyen pa kho na yin no/ /'on kyang de ni 'jig rten phal cher gyi ston pa yin par 'dod la/ yang dag pa'i ston pa ni ma yin te/ gang gi phyir rangs byed kyi bu 'du shes med 'du shes med
 min skye mched skye mched kyi bar du bskal pa stong phrag brgyad cu rtsa bzhir gnas nas de nas 'phos nas 'dir gnas shing bsam gtan byed phe? na byi ba'i sgras gnod par gyur pas/ zhe sdang skyes par gyur cing 'dod pas byi lar skyes
 nas srog chags mang po gsod par byed cing byi lar skyes pa yin no/ /de la bdag nyid bla na med pa'i ston pa yin par bstan par bya ba'i phyir dang/ rang nyid kyi nyams su myong ba'i chos bdud rtsi ni mkhas pa shes pa dang ldan pas rig
 par bya ba yin par bstan pa'i phyir dang/ bdag nyid kyi sngon gyi slob dpon yin pas ji ltar rnyed pa'i chos bdud rtsi bgo bsha' mdzad cing byas ba mkhyen pa yin no/ zhes ji ltar der 'dus shing 'tshogs pa'i lta dang/ klu la sogs pas shes par
 bya ba'i phyir lhag spyod dang/ ring phur rjes su dran pa mdzad pa yin no/ /lha dag gis kyang bcom ldan 'das kyi skabs gnang bas thugs la bltas nas/ de dag ni shi nas zhag bdun dang nyi ma gsum lon no zhes gsol ba yin gyi/ gzhan du na bcom
 ldan 'das kyi thugs ni sus kyang shes par mi nus so/ /lnga sde dang/ bzang po'i de gang na yod ces smed pa 'di yang 'di dag las ma gtogs pa gzhan ni chos zab mo 'di'i snod? ma yin no/ snyam nas chos kyi snod yin pa'i dbang du mdzad nas yin la/
 lha rnams kyis kyang thuD shes nas lha dag gis smras pa na/ lha dag dang seMs can gzhan mang po dag gis kyang nges par da ltar 'dzin par byed pas de lta bu'i thabs la mkhas pas yin gyis/ bcom ldan 'das kyis mi mkhyen pa ni ma yin no/ /shing gi phung po lta
 bu'i mdo sde bstan pa yang bsam pa ngan ba can gyi dge slong drug cu dang tshe zad pa'i dge slong drug cu dang/ 'dod chags shin tu drag pa'i dge slong drug cu ngan song du skye bar gzigs nas// bcom ldan 'das kyis chos bstan pa mdzad de/ de rnams kyi
 chos bstan pa thos nas shi 'phos nas khyad par can gyi 'gro bar skyes par gyur pa yin no/ /las kyi rnam par smin pa bstan pa yang? thabs la mkhas pa yin gyi/ mi mkhyen pa ni ma yin te/ ji ltar zhe na/ mnyan yod 'di nyid du skyes bu srid pa/
 tha ma nyi shu zhig dgrar gyur pa nyi shus gsod par 'dod par gyur la/ de dag thams cad kyang sangs rgyas kyi mthus bcom ldan 'das kyi spyan sngar ltags par gyur to/ /de nas bcom ldan 'das kyis mi bzhi bcu po de dag gdul ba'i dus la bab
 pa dang/ de'i dus su skye bo'i tshogs chen po 'dus pa la phan par yang gzigs nas/ seng ldeng gi tshal pa de yang bstan nas bka' stsal pa/ seng ldeng gi tshal pa 'di nga'i zhabs la 'jug par 'gyur ro/ /de nas mong+gal gyi bu chen pos
 gsol pa/ bdag gi 'jig rten gyi khams gzhan du bsgyur par bgyi'o/ /zhes seng ldeng gi tshal pa la 'jus pa dang/ stong gsum gyi stong chen po'i 'jig rten gyi khams 'dir rab tu g.yos par gyur cing steng du 'byung bar gyur kyang/ de'i skra'i rtse mo
 brgyar bshags pa tsam yang bskyod par ma nus so/ /des na de bzhin gshegs pa nyid gdan la bzhugs bzhin du phyag g.yas pas zhabs bzung nas seng ldeng gi tshal pa de'i steng du bzhag go/ des rdo rje'i snying po lta bur phug par gyur to/ /de nas
 bcom ldan 'das kyis kun dga' bo la bka' stsal pa/ kun dga' po ngas sngon rgya mtsho'i nang du chod ba zhig mdung gis rgyab nas bas de/ las de'i lhag ma 'di yin no/ /de skad ces bka' stsal pa dang /de nas gsod 'dod pa'i skyes bu nyi shu
 po de rnams 'di snyam du sems te/ chos kyi rje nyid la yang re zhig 'di ltar las rnams smin par 'gyur na/ ci'i phyir na bdag cag la 'byung bar mi 'gyur snyam nas de rnams kyis/ de bzhin gshegs pa'i mdun du nyes pa bshags pa
 byas te/ bcom ldan 'das kyis bdag cag nges par srog gcod pa'i las las thar bar mdzad do zhes gsol te/ de rnams la bcom ldan 'das kyis de lta bu'i chos bstan pa mdzad pas skyes bu bzhi bcu po gang yin pa rnams kyis ni
 ye shes mngon par rtogs par gyur to/ /srog chags stong phrag sum cu rtsa gnyis ni chos kyi mig rnam par drag pa thob bo/ /ming dang rigs la sogs pas ma bstan kyang bsam pa ngan pa sems pa/ smra ba ngan pa smra ba/ bya ba ngan pa byed
 pa'i byis pa ni thams cad mkhyen pa sun 'byin pa yin zhes bstan pa yin pas de ltar na thams cad mkhyen pa nyid yin no/ /de bzhin du nad pa la nad dri ba la sogs pa yang rgyas par thabs la mkhas pa'i mdo las shes par bya'o/ /thams cad mkhyen
 pa nyid du grub par bstan pa ste/ /le'u bcu pa'o// //bstan bcos byed pas don bya ba byas zin na bstan bcos yongs su rdzogs par ston pa mngon par stod pa tha snyad la yang rmongs gyur pa/ /lta pa'i phreng 'khrug 'gro rnams
 las/ /gnyis med de nyid nam mkha' 'dra/ /skal ldan sems can bkri phyir dang/ /'jig rten gnyis la phan gdags phyir/ /gang gi 'jig rten kun rdzob ni/ /'jig rten 'das kyang ston mdzad pa/ /'jig rten rig pa de la 'dud/ /tha snyad ni tha snyad
 du byed pa ste/ 'jig rten gyi kun rdzob po/ /de la yang rmongs pa ni 'gro ba rnams te/ ji ltar zhe na/ lta ba ngan pa drug cu rtsa gnyis kyi phreng ba'i dra bas kun nas 'phrugs pa'i phyir ro/ /lta ba ngan pa drug cu rtsa gnyis po de dag gang yin zhe na/ mdo sde tshangs
 pa'i dra ba las gsungs pa ste /'di ltar sngon gyi mdza' la rtogs pa'i mu stegs ni bco brgyad de/ de rnams las bzhi ni rtag par smra ba'o/ /bzhi ni gzhan 'ga' zhig rtag par smra ba'o/ /bzhi ni mdza' dang ldan pa dang mi ldan par smra ba'o/ /gzhi
 ni dag gi rnam par g.yeng ba can no/ /gnyis ni rgyu med par 'byung bar smra ba ste de ltar bco brgyad do/ /phyi ma'i mdza' la rtog pa ni bzhi bcu rtsa bzhi ste/ de rnams las bcu drug ni 'du shes dang ldan par smra pa'o/ /brgyad ni 'du shes med par smra
 pa'o/ /brgyad ni 'du shes yod pa yang ma yin 'du shes med pa yang ma yin par smra ba'o/ /lnga ni mthong ba'i chos la mya ngan las 'da' bar smra ba'o/ /bdun ni tshad par smra ba ste lta ba bzhi bcu rtsa bzhi yin no/ /de la rtag par smra ba bzhi ni 'di las
 phyi rol tu gyur pa'i dge sbyong dang bram ze 'ga' zhig 'jig rten pa'i yang dag pa'i tshul bzhin du yid la byed pa goms par byas pa las blo dman pa dang/ 'jig pa dang/ chags pa'i bskal pa sum cu rjes su dran par 'gyur
 la/ de'i phyi rol la shes pa mi 'jug pa yang yod do/ /blo 'bring po 'ga' zhig ni 'jig pa dang chags pa'i bskal pa drug cu rjes su dran pa yod do/ /de las gzhan pa blo rnon po dag gis ni bskal pa dgu bcu rjes su dran pa yang yod la/ /de'i pha
 rol na ni 'jig rten pa med do/ /yang gzhan dag lha'i mig gis sems can 'chi 'pho ba dang/ skye ba mthong ba yang yod de/ de rnams ni rgyu bzhi po 'dis snyam du sems te/ sems can 'di dag kho na 'khor bar rgyug cing 'khor gyi/ sems can
 gzhan ni med pas nyung ba yang ma yin mang ba yang ma yin te/ des na bdag dang 'jig rten ni rtag pa yang ma yin no snyam du shes so zhes smra ba dag go /'ga' zhig rtag par smra ba bzhi ni 'di ltar 'jig rten chags par gyur pa na/ tshe zad pa dang/
 las zad pa dang/ bsod nams zad pa'i sems can 'ga' zhig 'od gsal gyi lha las shi 'phogs nas tshangs pa'i gzhal yas khang stong par skyes pa na de bong tshed dang/ gzugs dang/ stobs dang ldan par 'gyur zhing tshe ring ring du
 gnas pas de dus ring por gnas shing 'das pa na/ e ma'o 'dir sems can gzhan zhig skyes par gyur na ci ma rung snyam pa'i dga' ba skye bar 'gyur ro/ /de nas tshe dang las dang/ bsod nams zad pa'i sems can gzhan 'ga' zhig 'od
 gsal nas shi 'phos nas tshangs pa'i gzhal yas khang stong par skye bar 'gyur ro/ /de dag 'di snyam du sems te/ bdag cag ni tshangs pa 'dis sprul lo/ snyam tshangs pa yang 'di snyam du bdag gis 'di dag bskyed do snyam du sems so/ /de nas
 'ga' zhig shi 'phos nas 'dir skyes par gyur la khyim spangs nas rab tu byung zhing sems kyi ting nge 'dzin gyi stobs kyi sngon gyi skye ba rjes su dran no/ /de dag 'di snyam du gang sprul par byed pa'i tshangs pa de ni rtag pa nyid yin la/ yang bdag cag ni des sprul pa mi rtag
 pa nyid yin no/ snyam du sems la tshangs pa de la yang sdig pa can gyi lta ba 'di lta bu 'byung bar 'gyur te/ gang sa dang chu dang/ me dang/ rlung gi khams rnams dang/ gang yang mig dang rna ba dang/ sna dang/ lce dang/ 'du shes bya ba'i chos 'di rnams ni
 mi rtag pa me brtan pa ther zug pa ma yin pa'o/ /gang sems dang yid rnam par shes pa zhes bya ba'i chos 'di rnams ni rtag pa brtan pa/ ther zug pa'o/ zhes ston par byed la/ de nas 'ga' zhig shi 'phos nas 'dir skyes la/ rab tu byung zhing sems
 kyi ting nge 'dzin kyi stobs kis sngon gyi skye gnas rjes su dran par 'gyur la/ de nyid kyi tshangs pa'i sdig pa can gyi lta ba des la sogs pa ni ther zug pa ma yin la/ sems dang/ yid dang/ rnam par shes pa ni ther zug yin no zhes ston par byed do/ /rtsed
 mos shes bzhin ma yin pa can zhes bya ba'i lha yod de/ de dag gzhan dang/ rtsed mo'i dga' ba la shin tu gnas par gyur pa na de dag gi dran pa dang/ shes bzhin med par gyur nas lus shi 'phos par gyur te/ 'dir skyes pa dang/ sems kyi ting nge 'dzin 
 gyi stobs kyis sngon gyi gnas rjes su dran par gyur nas 'di ltar gang dag ga zha dang/ rtsed mo'i? dga' ba la shin tu mi dga' ba de dag ni rtag pa yin no/ /yang kho bo cag ni dus ring por ga zha dang/ rtsod mo'i dga' ba la gnas pas de nas shi 'phos pa yin pas mi rtag pa yin no
 zhes ston par byed do/ /yang yid kyi sdang ba can zhes bya ba'i lha yod de/ de dag dus ring por gcig la gcig phan tshun lta zhing yid kyi snang bas sdang ba byed do/ /de nas lus shi 'phos par 'gyur zhing/ 'dir skyes par gyur nas rab tu byung zhing sems kyi ting nge
 'dzin gyi stobs kyi sngon gyi gnas rjes su dran par gyur pa dang/ 'di skad du gang phan tshun yid sdang bar mi byed pa de ni rtag pa'o/ /yang kho bo cag ni phan tshun yid sdang bar byas pas de nas shi 'phos pa yin pas mi rtag pa
 yin no/ /zhes zer ro/ /mdza' dang ldan pa dang mdza' dang mi ldan par smra ba bzhin ni/ 'di na dge sbyong ngam bram ze 'ga' zhig bdag dang 'jig rten gyi mdza' la lta bar byed pa na shes pa chung ba yin pa'i phyir/ gang phan chad shes pa mi 'jug pa de la
 mdza' yin no/ /zhes rab tu smra bar byed do/ /yang kha cig ni sems kyi ting nge 'dzin gyis steng dang/ 'og dang/ thad kar yang 'jig rten gyi mdza' mthong bar ma gyur pa na/ 'jig rten na ni mdza' dang mi ldan pa'o/ /zhes smra bar byed do/ /kha cig ni mi'i
 'jig rten ni mdza' dang ldan pa yin la/ tshangs pa'i 'jig rten ni mdza' dang mi ldan pa yin pas de nas 'jig rten ni mdza' dang ldan pa yang yin/ mdza' dang mi ldan pa yang yin no zhes 'dod de/ /yang dge sbyong dang bram ze rtog ge dang
 ldan ba/ dpyod pa dang ldan par gyur pa 'ga' zhig ni des rtog ge dang rab tu ldan pa'i blos 'di ltar dpyod de/ gang re zhig 'jig rten mdza' dang ldan zhes zer ba de rnams kyi shes pa yang mi bden pa yin la /da lta gang yang 'jig rten mdza' 
 dang/ mi ldan zhes zer ba yang mi bden pa yin te /gang gi phyir 'jig rten ni mdza' dang ldan pa yang ma yin mdza' dang mi ldan pa yang ma yin te/ 'di ltar 'jig rten 'di yi ched gzhal par mi nus pa de'i phyir na mdza' dang ldan pa yang
 ma yin la/ 'di ltar tshangs pa la soD pa na ljang ba'i bar la mdza' yod pas des na mdza' med pa yang ma yin no/ zhes bya ba'o/ /ngag gi rnam par g.yeng ba can bzhi ni 'dir 'ga' zhig la dge ba dang mi dge ba'i 'bras bu ci yod pa zhig
 yin nam/ med pa zhig yin zhes dri ba dris pa ni/ de rdugs kyi dogs pa'i 'jigs pas/ rdugs na mi rung ngo snyam nas tshig gis g.yengs par byed de/ de lta bu yang ma yin/ de bzhin du yang ma yin gzhan yang ma yin/ 'di yang ma yin/ de yang ma yin/ 'di ma
 yin pa yang ma yin no/ zhes smra bar byed de/ de bzhin du ci 'jig rten pha rol yod dam med/ ces dris pa na/ gal te re zhig 'jig rten pha rol yod do zhes smra na ni bdag gi mngon sum du ma gyur la /'on te 'jig rten pha rol med do zhes smra na yang/
 lha'i mig dang ldan pa 'jig rten pha rol rig pa dag yod pas/ des bdag rdugs pa dag byas par 'ong ngo/ /zhes rdzun smras na 'jigs pa de ltar yang ma yin/ zhes bya ba la sogs pa'i tshig gis g.yeng par byed do/ /de bzhin du 'ga' zhog la 'di ltar
 dag 'am/ zhes dris pa nas bdag gis nges par dge ba ni 'di lta bu'i zhes yang dag pa ji lta ba bzhin du rab tu shes la/ bdag gis nges par shes shing mthong yang dge ba ni 'di lta bu'o/ /zhes lung bstan na yang bdag de la phan 'dogs par/
 'gyur la/ shes shing mthong la lung du ma bstan na yang bdag nges tshar gcod par 'gyur bas de ltar na phan 'dogs pa/ tshar gcod pa'i 'jigs pas de lta yang ma yin zhes bya ba'i tshig gis gang zag g.yeng bar byed do/ /de bzhin du 'ga' zhig
 shin tu zhum zhing rmongs par gyur pa de la dris pa na mthun pas lan 'debs par mi nus pa yin pa'i phyir/ de ltar yang ma yin de bzhin du yang ma yin /gzhan du yang ma yin/ gzhan ma yin pa yang ma yin /zhes bya ba'i tshig gi rnam par
 g.yeng bar byed pa'o/ /rgyu med pa las 'byung bar smra ba gnyis ni 'du shes med pa'i sems can zhes bya ba'i lha yod de/ de dag la ni 'du shes 'byung bar gyur pa tsam gyi lus 'chi 'phe bar 'gyur ro/ /de dag la kha cig 'dir skyes par gyur pa la
 rab tu byung zhing sems kyi ting nge 'dzin gyi stobs kyi sngon gnas rjes su dran par gyur la/ 'di skad du bdag sngon med pa las byung ba yin pa'i phyir/ des na bdag ni med pa las byung ba yin te/ rgyu med pa las skyes pa yin no
 zhes zer ro/ /gang rtog ge par gyur pa kha cig ni rtog ge dang bcas pa'i rim gyis rang gi mthong ba dang/ rang gi spobs pa bdag dang 'jig rten ni rgyu med pa las byung ba yin no/ /zhes smras te/ de ltar na sngon gyi mdza' las rtog pa bco brgyad pa
 yin no/ /phyi ma'i mdza' la rten pa 'du shes su smra ba bcu drug ni bdag dang 'jig rten ni gzugs can 'du shes dang ldan pa'o/ zhes bya ba dang/ bdag ni gzugs med pa 'du shes dang ldan pa'o/ /zhes bya ba dang bdag dang 'du shes ni gzugs
 can yang yin /gzugs med pa yang yin zhes bya ba dang/ bdag dang 'du shes ni gzugs can yang ma yin te/ gzugs med pa yang ma yin zhes bya ba 'di nyid bden gyi/ gzhan ni gti mug rmongs pa'o zhes bya ba dang/ bdag 'du
 shes can ni mdza' dang ldan pa'o/ zhes bya ba dang/ bdag 'du shes can ni mdza' dang mi ldan ba'o zhes bya ba dang/ bdag 'du shes can ni mdza' dang ldan pa yang ma yin/ mdza' dang mi ldan pa yang ma yin zhes bya ba 'di nyid bden gyi gzhan ni
 brdzun pa'o/ zhes bya ba dang/ de bzhin du bdag 'du shes can ni gcig tu bde ba zhes bya ba dang/ gcig tu sdug bsngal zhes bya ba dang/ bde ba yang ma yin/ sdug bsngal ba yang ma yin zhes bya ba dang/ bde ba yang ma yin/ sdug bsngal ba yang
 ma yin zhes bya ba 'di nyid bden gyi gzhan ni gti mug go zhes bya ba dang/ bdag 'du shes can gcig pu'i zhes bya ba dang/ bdag 'du shes can du ma'o zhes bya ba dang/ bdag 'du shes can mdza' med pa'o/ zhes bya ba dang bdag 'du shes can ni
 tshad med pa'o zhes bya ba 'di rnams nyid ni bden gyi gzhan ni gti mug go zhes bya ba'o/ /'du shes med par smra ba brgyad ni bdag dang 'jig rten 'du shes med pa gzugs can no zhes bya ba dang/ de bzhin du gzugs med pa'o zhes bya ba dang/ gzugs can yang yin
 gzugs med pa yang yin zhes bya ba dang/ bdag 'du shes med pa ni gzugs can yang ma yin/ gzugs med pa yang ma yin zhes bya ba dang/ bdag mdza' dang ldan pa dang bdag mdza' dang mi ldan pa dang/ mdza' dang ldan pa yang yin mdza' dang mi ldan pa yang
 yin pa dang/ bdag 'du shes med pa ni mdza' dang ldan pa yang ma yin/ mdza' dang mi ldan pa yang ma yin/ zhes bya ba 'di nyid bden gyi gzhan ni gti mug go zhes bya pa dag go /'du shes med 'du shes med min smra ba brgyad ni bdag gzugs can ni 'du shes
 med 'du shes med min pa yang ma yin zhes bya ba dang/ de bzhin du gzugs can ma yin pa dang/ gzugs can yang yin gzugs can ma yin pa yang yin zhes bya ba dang/ mdza' dang ldan pa yang yin/ mdza' dang mi ldan pa yang yin par nga/ bdag 'du
 shes med 'du shes med min ni mdza' dang ldan pa yang ma yin/ mdza' dang mi ldan pa yang ma yin zhes bya ba 'di dag nyid bden gyi gzhan ni gti mug go zhes bya ba'o/ /mthong ba'i chos la mya ngan las 'da' bar smra ba lnga ni/ 'di na dge sbyong ngam bram ze
 'ga' zhig 'di skad du gang gi tshe bdag 'dod pa'i yon tan lnga mtshungs par thob cing mtshungs par spyod la mtshungs par ldan par gyur cing /yongs su spyod par gyur ba de'i tshe bdag mthong ba'i chos la mya ngan las 'da' bar gyur pa yin no/ zhes zer ro gzhan dag ni 'di skad smra ste/
 'di yang mthong ba'i chos la/ mya ngan las 'da' ba yin la/ 'on kyang 'di bas mchog tu gya nom pa 'ga' zhig yod de/ gang yin zhe na/ 'di la bdag 'dod pa dag las dben pa sdig pa mi dge ba'i chos rnams las dben pa/ rtog pa dang bcas shing dpyod pa dang
 cas pa/ dben pa las skyes pa'i dga' ba dang bde ba can bsam gtan dang po mngon bar bsgrubs nas gnas te/ de lta bu ni re zhig bdag mthong ba'i chos la mya ngan las 'da' ba yin no zhes zer ro/ /de bzhin du bsam gtan gnyis pa dang/ gsum
 pa dang/ bzhi pa mngon par bslabs? nas gnas pa ni re zhig bdag mthong ba'i chos la mya ngan las 'da' ba thob par gyur pa yin no zhes zer ro/ /chad par smra ba bdun ni 'di na 'ga' zhig bdag ci 'byung ba chen po bzhi las gyur pa'i gzugs can te pha dang ma las
 byung bcang cing nyams par 'gyur ba tsam nyid ma yin pas bdag ni yang dag par chad par 'gyur ba yin no/ zhes zer ro/ /yang gzhan dag ni gang gi tshe bdag 'dod pa na spyod pa'i lha'i lus kham gyi zas kyi 'tsho bar gyur cing /rnam par 'jig par
 'gyur ba'i phyir bdag ni yang dag par chad par gyur pa yin no zhes zer ro/ /yang gzhan dag ni yid kyi rang bzhin gyi lha'i lus yan lag dang/ nyid lag thams cad yongs su rdzogs pa dbang po ma tshang ba med pa rnam par 'jig par 'gyur ba de
 lta bu ni bdag yang dag par chad par 'gyur ba yin no zhes zer ro/ /de las gzhan pa dag ni gang gi tshe bdag gzugs med/ 'du shes kyi rang bzhin nam mkha' mdza' yas skye mched thob par gyur pa dang/ 'du shes kyi rang bzhin rnam shes
 mdza' yas skye mched thob par gyur pa dang/ 'du shes kyi rang bzhin ci yang med pa'i skye mched thob par gyur cing/ rnam par 'jig par gyur pa ni bdag yang dag par 'gyur ba yin no zhes zer ro/ /yang gzhan gyis smras pa/ 'di yang yang dag par
 chad ba ma yin gyi/ 'o na ji lta bu zhe na/ gang yang bdag gzugs med pa 'du shes med 'du shes med min skye mched thob par gyur cing/ rnam par 'jig par gyur pa de lta bu ni bdag yang dag par chad par gyur ba yin no zhes zer to/ 'di dag
 ni lta ba ngan ba'i phreng ba drug cu rtsa gnyis yin no/ /de bzhin gshegs pa ni de dag bden pa ma yin no/ zhes bya bar mkhyen nas de dag las rnam par grol ba yin no/ /'jig rten ni de dag la 'dzin pa nyid yin pa'i phyir rmongs par gyur pa'o/ /shin tu rmongs par
 gyur pa de dag nyid dngos po dang dngos po med pa gnyis las grol ba/ nam mkha' dang 'dra pa gos pa med pa'i don dam pa'i snod du gyur pa'i sems can rnams bkri bar bzhed pas 'jig rten 'di lta ba rnam par dag par bya ba dang/ 'jig rten pha rol tu 
 phyin pa dang bde ba bskyed pas 'jig rten gnyis la phan gdags pa'i phyir te/ de'i don du ste gang gi lta ba ngan par ltung ba'i 'jig rten dang thun mong pa yin pa/ 'jig rten gyi yang dag pa'i kun rdzob rten cing 'brel par 'byung ba zhes bya ba dngos po med pa nyid
 du yongs su mkhyen pas khams gsum las shin tu 'das kyang ston par mdzad do/ /'jigs par 'gyur ba'i don gyis na gang gis de ltar mkhyen pa de la 'dud do/ zhes bya ba phyag 'tshal ba'o/ /de ltar bstan pa'i bstan bcos kyi mtshan brjod pa'i sgo
 nas yongs su rdzogs par bstan pa de ltar 'di ni dbu ma yi/ /snying po mdor bsdus byas pa yin/ /blo ldan mdo sde du ma yi/ /gzugs brnyan blta ba'i me long yin/ /de ltar zhes bya ba ni bshad ma thag pa'i rim pa yis so/ /mdza' gnyis rnam par spangs pas
 dbus dang 'dra bas na dbu ma ste/ dbus nyid dbu ma'o/ /zhes rang gi don de la phan pa brjod pa'o/ /dbu ma'i lam de ston par byed cing/ sgrog par byed pas bka' zhes bya ste/ skad kyi dbyings kyi sgra la dbu ma'i bstan bcos zhes bya ba 'am/ dbu ma zhes
 bya ba'i ming gang la yod pa de ni dbu ma'o/ /yang na ka zhes bya ba'i ming gis brjod pa yin pas/ dbu ma zhes bya ste/ dbu ma'i grub pa'i mdza' o/ 'di ni zhes bya ba ni bshad ma thag pa'i yongs su rdzogs pa'i bstan bcos so/ /mdor bsdus zhes
 bya ba ni tshig gi rim pa rgyas pa spangs pa'o/ /snying po zhes bya ba ni snying po'i don sgrub par byed pa'o/ /byas pa zhes bya ba ni rnam par bkod pa ste/ bdag shes rab kyis dpyod par byed pas so/ /des na bstan bcos byed pa'i slob dpon
 bdag nyid bstan pa yin no/ /blo ldan zhes bya ba la blo ni rigs pa dang mi rigs pa dpyod par byed pa'i shes rab ste/ gang dag la de yod pa ni blo ldan no/ /mdo sde du ma'i gzugs brnyan lta ba'i me long zhes bya ba ni/ bcom ldan 'das kyis gsungs pa'i
 theg pa chen po'i mdo sde ma lus pa'i yang dag pa'i don gyi lus kyi rang gi ngo bo sgrub par byed pas/ dri ma med pa'i me long lta bu ste/ 'di ltar dbu ma'i snying po'i bstan bcos 'di'i sgo nas shes rab kyi pha rol tu phyin pa la sogs pa'i theg pa
 chen po'i mdo sde ma lus pa'i don yongs su gsal bar byad? pa'o/ /dbu ma'i snying po'i bstan bcos 'di/ /yang dag bkrol nas dge ba ni/ /cung zhig bdag gis gang thob nges/ /'gro rnams byang chub snod gyur cig /dbu ma'i snying po'i 'grel pa rtog ge
 'bar ba las/ bstod pa dang mtshan bstan pa'i le'u ste bcu gcig pa'o// //dbu ma'i snying po'i 'grel pa rtog ge 'bar ba/ /slob dpon b+ha byas mdzad pa rdzogs so// //dbu ma'i snying po'i rtog ge 'bar ba 'di/ /mkhas btsun shes
 rab 'od gsal gnyis kyis bsgyur/ /de yi bsod nams cung zhig gang thob des/ /ston pa blo gsal yon bdag 'khor bcas dang/ /'gro ba mdza' yas ma lus thams cad kyis/ /log rtog lta ba'i dri ma kun spangs nas/ /'gro kun byang
 chub 'tshang rgya myur thob shog/ gzigs pa rnams kyis mi bca' mi bsting zhu/ /ras 'phrul snang gtsug lag khang gi gzhir/ /rgya gar gyi mkhan po dI baM kar sh+rI dz+nyA na'i zhal snga nas dang/ lots+tsha ba dge slong tshul khrims rgyal bas bsgyur cing zhu
 te gtan la phab pa'o// //*/ /dbu ma rten cing 'brel par 'byung ba slob dpon nag po pas mdzad pa bzhugs so// //rgya gar skad du/ ma d+hya ma pra tI dya sa mung pA da nA ma/ bod skad du/ dbu ma rtan cing 'brel par 'byung ba zhes bya ba/ dkon mchog gsum la phyag 'tshal lo?/