<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N3994: shes rab kyi pha rol tu phyin pa 'bum pa rgya cher 'grel pa<br><table><tr><td>
<input type="button" onclick="location.href='tcompletep.php?id=N3994&coll=TN&volcur=1';" value="show page break" />
<td width=150><td>
<input type="button" onclick="location.href='tcompletel.php?id=N3994&coll=TN&volcur=1';" value="show line break" />

<td width=150><td>
<a href="tcompleteu.php?coll=TN&id=N3994&volcur=1" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">text in 2 volumes<br><br><a href="tcomplete.php?id=N3994&coll=TN&volcur=0">volume 1  (mdo 'grel (na）)</a> - <span style="color:red;border: 2px solid red;border-radius: 5px;padding:3px;">volume 2 (mdo 'grel (pa）)</span> - <br><br>de nas bcom ldan 'das kyis lha'i dbang po brgya byin la bka' stsal pa/ kau shi ka rigs kyi buAm rigs
 kyi bu mo la la zhig gis/ gal te 'dzam+bu'i gling gi sems can de dag /dge ba bcu'i las kyi lam la bkod par gyur na zhes
 bya ba nas/ de dag la bslabs shing rigs kyi bu 'am rigs kyi bu mo de dag kyang bla na med pa yang dag par rdzogs pa'i
 byang chub tu mngon par rdzogs par sangs rgyas so/ /mngon par rdzogs par 'tshang rgya bar 'gyur ro zhes bya ba'i bar du ni
 'dzam bu'i gling gi sems can rnams dge ba bcu'i las kyi lam la bkod pa bas kyang/ shes rab kyi pha
 rol tu phyin pa 'di glegs bam klag pa 'am/ dpe 'dri ba 'am kha ton du bya ba'i phyir gzhan la byin pa bsod nams che ba'i
 phan yon bstan pa ste/ de ltar phan yon che yang shes rab kyi pha rol tu phyin pa 'di las dus gsum gyi nyan thos dang rang sangs
 rgyas dang/ byang chub sems dpa' rnams kyis zag pa med pa'i chos dran pa nye bar bzhag pa bzhi la sogs pa sangs rgyas kyi chos
 ma 'dres pa bco brgyad la thug gi bar la bslabs nas so so'i 'bras bu thob par 'gyur ba rnams rgya cher bstan pa'i phyir ro/ /de la yang dag pa'i skyon
 med par zhugs pa zhes bya ba ni nyan thos rgyun du zhugs pa'i 'bras bu thob par bya ba'i phyir zhugs pa la bya'o/ /byang chub sems dpa' i skyon med par
 zhugs pa zhes bya ba'i ni byang chub sems dpa' i sa dang po thob par bya ba'i phyir zhugs pa'o/ /ko'u shi ka sems can gcig cig rgyun tu zhugs pa'i 'bras
 bu la gzhag na/ rigs kyi buAm rigs kyi bu mo de'i bsod nams ches mang du 'phel gyi/ 'dzam bu'i gling gi sems can rnams dge ba bcu'i las kyi lam
 la bkod pa ni ma yin no zhes bya ba nas/ ko'u shi ka rnam grangs des na/ 'di ltar byang chub sems dpa' rnams kyang mchod cing rim gro bya ba yin te/
 'jig rten lha dang bcas pa dang/ bdud dang bcas pa dang/ tshangs pa dang bcas pa dang/ dge sbyong dang bram zer bcas pa'i skye dgus me
 tog dang phreng ba dang/ spos dang byug pa dang/ phye ma dang na bza' dang/ gdugs dang/ rgyal mtshan dang ba dan dang/ sil snyan sna tshogs kyis rim gror
 bya ba dang/ bkur stir bya ba dang/ phu dud du bya ba yin par shes par bya'o/ /zhes bya ba'i bar du ni 'dzam bu'i gling gi sems can rnams dge ba bcu'i las
 kyi lam la bkod pa bas/ sems can gcig rgyun tu zhugs pa'i 'bras bu la bzhag pa dang/ lan cig phyir 'ong ba'i 'bras bu dang/ phyir mi 'ong ba'i
 'bras bu dang/ dgra bcom pa nyid la bkod pa'i bsod nams che ba dang/ 'dzam bu'i gling gi sems can rnams rgyun tu zhugs pa la sogs pa'i 'bras bu
 bzhi la bkod pa bas kyang/ sems can gcig rang byang chub la bzhag pa bsod nams che ba dang/ 'dzam bu'i gling gi seMs can thamS cad rang byang chub la bkod pa bas kyang/ sems can gcig bla na med pa yang dag par rdzogs
 pa'i byang chub la bzhag pa bsod nams che ba gtan tshigs dang bcas par bstan te/ de'i gtan tshigs kyang sems can gcig bla na med pa'i byang chub la bzhag pas ni sangs rgyas kyi chos kyi tshul rgyun mi 'chad par
 'gyur gyis/ nyan thos dang rang sangs rgyas rnams so so'i 'bras bu la bkod pas de ltar mi 'gyur ba dang/ nyan thos dang rang sangs rgyas rnams dang/ de bzhin gshegs pa yang byang chub sems dpa' las
 'byung ba'i phyir ro zhes bstan pa'o/ /ko'u shi ka rigs kyi buAm rigs kyi bu mo la la zhig gis/ 'dzam bu'i gling gi sems can thams cad dge ba bcu'i las kyi lam la bkod par gyur na/ ko'u shi ka de ji
 snyam du sems zhes bya ba nas/ de bzhin gshegs pa dgra bcom pa yang dag par rdzogs pa'i sangs rgyas rnams yod do zhes bya ba'i bar du ni 'dzam bu'i gling gi sems can thams cad dge ba bcu'i las
 kyi lam la bkod pa dang/ gling gzhi pa'i sems can rnams dang/ stong gcig gi 'jig rten gyi khams kyi sems can rnams dang/ stong gnyis kyi 'jig rten gyi khams kyi sems can rnams dang/ stong
 gsum gyi stong chen po'i 'jig rten gyi khams kyi sems can rnams dang/ phyogs bcu'i phyogs re re zhing yang 'jig rten gyi khams gang gA'i klung gi bye ma snyed dag na sems can ji snyed cig yod
 pa de dag thams cad dge ba bcu'i las kyi lam la bkod pa'i bsod nams pas kyang/ shes rab kyi pha rol tu phyin pa 'di glegs bam dpe bri ba'am/ kha ton du bya pa'i phyir gzhan la byin na bsod nams che ba
 gtan tshigs dang bcas par bstan pa ste/ de'i gtan tshigs kyang shes rab kyi pha rol tu phyin pa 'di las zag pa med pa'i chos thams cad rgya cher bstan pa dang/ zag pa med pa'i chos de dag yod pas rgyal
 rigs che zhing mtho ba la sogs pa 'dod pa'i khams kyi mi ya rabs rnams dang/ rgyal chen bzhi'i rigs kyi lha la sogs pa gzugs med pa'i khams kyi lha man chad khams gsum gyi lha rnams 'jig rten na yod par
 'gyur ba dang/ sbyin pa'i pha rol tu phyin pa la sogs pa de bzhin gshegs pa dgra bcom pa yang dag par rdzogs pa'i sangs rgyas la thug gi bar du/ rnam par byang ba'i chos thams cad 'jig rten yod par 'gyur ba'i
 phyir ro zhes bstan pa'o/ /ko'u shi ka gzhan yang 'dzam bu'i gling gi mi ji snyed pa de dag /rigs kyi bu 'am rigs kyi bu mo la las bsam gtan bzhi la bkod de/ tshad med pa bzhi dang/ gzugs med pa'i snyoms
 par 'jug pa bzhi dang/ mngon par shes pa lnga la rab tu bkod na/ ko'u shika de ji snyam du sems/ rigs kyi bu 'am rigs kyi bu mo de'i bsod nams de'i rgyus mang du 'phel lam zhes bya ba nas/ de bzhin gshegs pa dgra bcom pa yang dag par rdzogs pa'i sangs rgyas
 rnams yod do zhes bya ba'i bar du ni 'dzam bu'i gling gi mi thams cad dang/ gling bzhi pa'i sems can rnams dang/ stong gcig gi 'jig rten gyi khams kyi sems can rnams dang/ stong gnyis kyi 'jig rten gyi khams kyi sems can rnams dang/ stong gsum gyi stong
 chen po'i 'jig rten gyi khams kyi sems can rnams dang/ phyogs bcu'i 'jig rten gyi khams gang gA'i klung gi bye ma snyed kyi sems can ji snyed yod pa de dag thams cad bsam gtan bzhi dang/ tshad med pa bzhi dang/ gzugs med pa'i snyoms par 'jug pa
 bzhi dang/ mngon par shes pa lnga la bkod pa'i bsod nams pas kyang/ shes rab kyi pha rol tu phyin pa 'di glegs bam bklag pa dang/ dpe bri ba dang/ kha ton du bya ba'i phyir gzhan la byin pa bsod nams che ba gtan tshigs sngar bshad pa dang bcas par bstan
 pa'o ? ko'u shi ka gzhan yang rigs kyi bu 'am rigs kyi bu mo gang la la/ shes rab kyi pha rol tu phyin pa 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed na de'i bsod nams ches mang du 'phel gyis zhes bya ba
 nas/ stong gsum gyi stong chen po'i 'jig rten gyi khams kyi sems can thams cad dge ba bcu'i las kyi lam la bkod pa dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga
 la bkod pas ni ma yin no zhes bya ba'i bar du ni shes rab kyi pha rol tu phyin pa 'di la tshul bzhin yid la phyed pa gtso bor bya ste 'dzin pa dang/ 'chang ba dang/ klog pa dang/ kun chub par byas na/ 'dzam bu'i gling nas stong gsum gyi stong chen po'i 'jig rten gyi khams 
 la thug gi bar gyi sems can thams cad dge ba bcu la sogs pa la bkod pa'i bsod nams pas kyang bsod nams ches mang du 'phel ba bstan pa'o/ /de la tshul bzhin yid la byed pa ni 'di yin te/ gnyis la spyod pa yang ma yin
 mi gnyis pa la spyod pa ma yin pa'i blos shes rab kyi pha rol tu phyin pa 'dzin pa dang/ kun chub par byed pa dang/ 'chang ba dang/ klog pa dang/ tshul bzhin du yid la byed pa'o zhes bya ba nas/ rnam pa thams cad mkhyen pa nyid tshul bzhin du yid la byed pa'o/
 zhes bya ba'i bar du ni tshul bzhin du yid la byed pa'i don bstan pa ste/ shes rab kyi pha rol tu phyin pa la spyod pa'o tshe don dam par chos thams cad stong pa nyid du rtogs pas yod pa dang med pa la sogs pa'i mdza' gnyis su yang mi 'dzin/ yod med
 gnyis kyi mdza' dang bral bar yang mi 'dzin par/ shes rab kyi pha rol tu phyin pa la sogs rnam pa thams cad mkhyen pa nyid la thug gi bar gyi spyod pa nyid tshul bzhin du yid la byed pa yin no zhes bstan pa'o/ /ko'u shi ka gzhan yang rigs kyi bu 'am/ rigs
 kyi bu mo la la zhig/ shes rab kyi pha rol tu phyin pa 'di gzhan la rnam grangs du mar rgya cher brjod cing ston la zhes bya ba la sogs pa ni shes rab kyi pha rol tu phyin pa 'di bdag nyid kyi gzung zhing bcangs pa la sogs byas pa bas kyang/ shes rab kyi pha rol
 tu phyin pa 'di la gnyis su yang mi blta /gnyis su mang par yang mi blta ba la sogs pa'i don gzhan la rgya cher bstan cing bshad pa bsod nams ches mang du 'phel ba'i yon tan bstan pa de la rnam grangs du mar rgya cher brjod cing ston la 'chang cing 'grel
 ba dang/ rnam par 'byed cing gsal bar byed la/ yang dag par ston cing de'i don gtan la phab par ston pa byed na zhes bya ba ni shes rab kyi pha rol tu phyin pa'i don gnyis su med pa gzhan la zhib tu ston cing 'chad pa'i rnam grangs su rigs par bya'o/ /shes rab
 kyi pha rol tu phyin pa ni gnyis su lta ba ma yin/ gnyis su med par blta ba ma yin/ zhes bya ba ni don dam par shes rab kyi pha rol tu phyin pa'i rang bzhin chos thams cad la rnam par mi rtogs pa yin pa'i phyir gnyis su med pa'i ngo bo nyid do zhes bya bar yang mi rtog na gnyis
 kyi ngo bo nyid du rtog pa lta smos kyang ci dgos te/ de bas na shes rab kyi pha rol tu phyin pa ni gnyis kyi tshul du yang mi lta/ gnyis su med pa'i tshul du yang mi blta'o zhes bya ba'i don to/ /mtshan mar ma yin mtshan ma med par ma yin zhes bya ba ni mig la sogs pa'i yul la
 dmigs pa'i tshe gzugs la sogs pa kun brtags pa'i dngos po rnams la mtshan mar mi 'dzin pa dang/ mtshan ma med pa'o zhes bya bar yang dag par rnam par mi rtog pa'i phyir ro/ /blang bar ma yin dor bar ma yin zhes bya ba ni las legs nyas byed pa'i tshe srid pa'i
 phyi ma blang ba'i rnam par rtogs pa med pa dang/ las kyi rnam par smin pa myong ba'i tshe sdug bsngal la sogs pa dor ba'i rnam par rtog pa med pa'i phyir ro/ /dpri bar ma yin bsnan par ma yin zhes bya ba ni shes par bya ba'i chos rnams rab tu 'byed pa'i tshe yod pa'i dngos po la
 med do zhes skur pa 'debs shing dbri par mi byed pa dang/ med pa'i dngos po la yod do zhes sgro 'dogs shing bsnan pa med pa'i phyir ro/ /kun nas nyon mongs par ma yin rnam par byang bar ma yin zhes bya ba ni sems can thams cad de bzhin gshegs pa'i snying po yin
 te/ rang bzhin gyis yongs su dag pa'i phyir so so'i skye bo'i tshe yang kun nas nyon mongs pa med la/ 'phags par gyur pa'i tshe yang rnam par byang ba med pa'i phyir ro/ /skye bar ma yin 'gag par ma yin zhes bya ba ni shes par bya ba'i de kho na nyid yongs su brtag pa'i
 tshe chos kyi chos nyid la don dam par skye ba dang 'gag pa med par rtogs pa'i phyir ro/ /gzung bar ma yin mi bzung bar ma yin zhes bya ba ni chos kyi de bzhin nyid la sems rtse gcig tu 'jog cing sgom pa'i tshe gzung ba dang 'dzin pa gnyis med pas gzung ba dang
 mi gzung ba gnyis kar rnam par rtog pa med pa'i phyir ro/ /len par ma yin 'dor ba ma yin zhes bya ba ni sa 'og ma nas sa gong mar 'phar ba'i tshe don dam par sa gong ma'i yon tan blang ba dang/ sa 'og ma'i skyon dor bar mi rtog pa'i phyir ro/
 gnas par ma yin mi gnas par ma yin zhes bya ba ni sa gong nas gong du 'phar zhing gnas par bya ba dang/ sa 'og ma la gnas par mi bya ba'i rnam par rtog pa med pa'i phyir ro/ /yang dag par ma yin log par ma yin zhes bya ba ni zhi gnas dang
 lhag mthong zung du 'brel bar sgrub pa'i tshe 'di ni yang dag pa'i sgrub pa'o/ /'di ni yang dag pa ma yin pa'i sgrub pa'o zhes bya bar rnam par rtog pa med pa'i phyir ro/ /ldan par ma yin mi ldan par ma yin zhes bya ba ni zhi gnas dang lhag mthong zung du 'brel
 bar sgrub cing yid la byed pa de nyid kyi tshe yid la byed pa 'di ni rig pa dang ldan pa'o/ /yid la byed pa 'di ni rig pa dang mi ldan pa'o zhes bya bar rnam par rtog pa med pa'i phyir ro/ /'dre bar ma yin mi 'dra bar ma yin zhes bya ba ni nyon mongs pa'i sgrib pa dang/ shes
 bya'i sgrib pa phra mo mthar gyis spong ba na nyon mongs pa dang shes bya'i sgrib pa'i skyon rnams dang 'dres pa dang ma 'dres pa'i rnam par rtog pa med pa'i phyir ro/ /skyon du ma yin mi rkyen med par ma yin zhes bya ba ni de bzhin nyid du rab tu rtogs par byed pa'i tshe don
 dam pa'i rang bzhin de de bzhin nyid de las dang po la sogs pa'i rim pas 'jug kyang rgyu dang rkyen gyi rang bzhin du so sor dbye ba dang/ dbye ba med pa'i rnam par rtog pa mi 'byung ba'i phyir ro/ /chos su ma yin chos su ma yin par ma yin zhes bya ba'i chos kyi chos
 nyid mngon sum du byed pa'i tshe chos dang chos ma yin pa'i dngos por rnam par rtog pa mi 'byung ba'i phyir ro/ /de bzhin nyid du ma yin de bzhin nyid ma yin par ma yin zhes bya ba de bzhin nyid la sogs pa'i tshe 'di ni de bzhin nyid do/ /'di ni de bzhin nyid ma yin no?
 zhes bya bar rnam par rtog pa med pa'i phyir ro/ /yang dag pa'i mdza' ma yin yang dag pa'i mdza' ma yin bar ma yin zhes bya ba ni mya ngan las 'das pa'i tshe yang dag pa'i don gyis mdza' o zhes bya ba 'am/ yang dag pa'i don gyi mdza' ma yin no zhes bya bar rnam par rtog
 pa med pa'i phyir ro/ /rigs kyi bu 'am rigs kyi bu mo gang shes rab kyi pha rol tu phyin pa 'di gzhan la rgya cher brjod cing ston la zhes bya ba la sogs pa ni de ltar gong du smos pa'i rim pas/ shes rab kyi pha rol tu phyin pa'i don zab mo mdza' gnyis dang bral bar de lta
 bu bdag 'ba' zhig gis bzung zhing bcangs pa la sogs pa byas pa bas kyang gzhan la rgya cher bshad cing bstan pa bsod nams mang du 'phel pa'i phan yon 'jug bsdus te bstan pa'o/ /ko'u shi ka gzhan yang rigs kyi bu 'am rigs kyi bu mo gang la la zhig/ bdag
 nyid kyang shes rab kyi pha rol tu phyin pa 'dzin cing kun chub par byed do zhes bya ba nas/ rigs kyi bu 'am rigs kyi bu mo de'i bsod nams ni shin tu mang du 'phel lo zhes bya ba'i bar du ni shes rab kyi pha rol tu phyin pa 'di bdag nyid kyang 'dzin cing 'chang ba la sogs pa'i nan tan byed
 la/ gzhan la yang gnyis su med pa'i don rgya cher bshad na bsod nams snga ma bas kyang chos mang du 'phel ba'i phan yon bstan pa'o/ /brgya byin gyis gsol pa bcom ldan 'das rigs kyi bu 'am rigs kyi bu mo shes rab kyi pha rol tu phyin pa de ltar don dang ldan pa
 la/ yi ge dang ldan par bstan par bgyi ba 'am zhes bya ba ni shes rab kyi pha rol tu phyin pa'i don zab mo gzhan la rgya cher bstan pa bsod nams che ba gzhan dag kyang bstan pa'i gleng bslang ba'i phyir/ ci shes rab kyi pha rol tu phyin pa'i don de lta bu gzhan la nges par
 bstan 'tshal lam zhes zhus pa'o/ /bcom ldan 'das kyis bka' stsal pa/ ko'u shi ka rigs kyi bu 'am rigs kyi bu mo shes rab kyi pha rol tu phyin pa de ltar don dang ldan pa/ yi ge dang ldan par bstan par bya ste/ ko'u shi ka de ltar ston pa'i rigs kyi bu 'am
 rigs kyi bu mo ni bsod nams kyi phung po tshad med grangs med ba dang ldan par 'gyur ro zhes bya ba ni de ltar shes rab kyi pha rol tu phyin pa'i don zab mo gzhan la rgya cher bstan na bsod nams tshad med grangs med pa dang ldan par 'gyur gyis nges par
 bstan dgos so zhes bka' stsal pa ste/ de la don dang ldan pa ni mdza' gnyis dang bral ba'i don zab ma dang ldan pa'o/ /yi ge dang ldan pa ni tshig 'bru gsal ba dang ldan pa'o/ /ko'u shi ka gal te rigs kyi bu 'am rigs kyi bu mo la las/ shar phyogs kyi de bzhin
 gshegs pa dgra bcom pa yang dag par rdzogs pa'i sangs rgyas zhes bya ba nas/ mngon par rdzogs par 'tshang rgya bar 'gyur ro zhes bya ba'i bar du ni phyogs bcu'i de bzhin gshegs pa rnams la mchod pa'i yo byad sna tshogs kyi nam 'tsho'i bar du mchod pa
 dang bkur sti byas pa bas kyang/ shes rab kyi pha rol tu phyin pa 'di don dang tshig 'bru gsal ba dang ldan par gzhan la rgya cher bstan pa bsod nams che ba dus gsum gyi sangs rgyas bcom ldan 'das rnams shes rab kyi pha rol tu phyin pa 'di la bslabs te/
 mngon par rdzogs par sangs rgyas par 'gyur ba'i gtan tshigs dang bcas te bstan pa'o/ /ko'u shi ka gzhan yang rigs kyi bu 'am rigs kyi bu mo gang la las bskal pa tshad med grangs med par dmigs pa'i tshul gyis sbyin pa'i pha rol tu phyin
 pa la spyod pa dang zhes bya ba nas/ yang dag par ston par byed pa de'i bsod nams ches mang du 'phel lo zhes bya ba'i bar du ni mtshan ma dang bcas shing dmigs pa dang bcas par bskal pa tshad med grangs med par pha rol tu phyin pa drug la spyad pa bas?
 kyang/ mi dmigs pa'i tshul gyis 'khor gsum yongs su dag pa shes rab kyi pha rol tu phyin pa 'di don dang tshig tu ldan par gzhan la rgya cher bshad pa bsod nams che ba bstan pa'o/ /de la dmigs pa'i ni 'di yin te zhes bya ba nas/ shes rab
 nyid tu 'gyur gyi/ shes rab kyi pha rol tu phyin pa ma yin no zhes bya ba'i bar du ni sbyin pa la sogs pa'i pha rol tu phyin pa drug la spyod pa'i tshe 'khor gsum yongs su ma dag par spyod pa nyid dmigs pa dang bcas pa yin no zhes bstan pa'o/ /ko'u shi ka rigs kyi bu 'am rigs kyi
 bu mo de bzhin da ltar dmigs pa la spyod pas ni sbyin pa'i pha rol tu phyin pa yongs su rdzogs par mi 'gyur ro zhes bya ba nas/ shes rab kyi pha rol tu phyin pa yongs su rdzogs par mi 'gyur ro zhes bya ba'i bar du ni dmigs pa dang bcas par? pha rol tu phyin pa drug la spyod na pha rol
 tu phyin pa drug la yongs su rdzogs par mi 'gyur ba'i nyes dmigs bstan pa'o/ /brgya byin gyis gsol pa/ bcom ldan 'das byang chub sems dpa' sems dpa' chen pos ji ltar sbyad na/ sbyin pa'i pha rol tu phyin pa yongs su rdzogs par 'gyur zhes bya ba nas/ sheS
 rab kyi pha rol tu phyin pa yongs su rdzogs par 'gyur ro zhes bya ba'i bar du ni mi dmigs pa'i tshul gyi 'khor gsum yongs su dag par pha rol tu phyin pa drug la spyod pa'i rang bzhin gyis bstan pa'o/ /ko'u shi ka rigs kyi buAm rigs kyi bu mo de ltar khong du chud pa med
 pa'i shes rab kyi pha rol tu phyin pa'i don dang lnga ni yi ge? dang ldan par bstan par bya'o zhes bya ba nas/ de ltar khong du chud pa med par sbyin pa'i pha rol tu phyin pa don dang ldan/ yi ge dang ldan par bstan par bya'o zhes bya ba'i bar du ni de ltar mi dmigs pa'i tshul gyis 'khor gsum yongs su
 dag par pha rol tu phyin pa drug yongs su rdzogs par bstan pa'i don mjug bsdus nas bstan pa ste/ khong du chud pa med par zhes bya ba ni gang la yang dngos po dang mtshan mar mi 'dzin cing/ dmigs pa med par pha rol tu phyin pa drug yongs su rdzogs par byas shing/ gzhan la
 yang don dang tshig tu ldan par bstan par bya'o/ /zhes bya ba'i don to/ /de ci'i phyir zhe na/ ko'u shi ka ma 'ongs pa'i dus na rigs kyi bu 'am rigs kyi bu mo la la byang chub sems dpa' i theg pa pa rnams la shes rab kyi pha rol tu phyin pa'i gzugs brnyan ston pa 'byung ste/ der
 rigs kyi bu 'am rigs kyi bu mo gang bla na med pa yang dag par rdzogs pa'i byang chub tu zhugs pa de dag gis kyang gzugs brnyan de thos nas lam ston par 'gyur te/ de dag shes rab kyi pha rol tu phyin pa 'di don dang ldan/ yi ge dang ldan par bstan
 par bya'o zhes bya ba ni gong du bshad pa'i rim pas mi dmigs pa'i tshul gyis shes rab kyi pha rol tu phyin pa bstan par bya ba'i dgos pa bstan pa ste/ de ltar mi dmigs pa'i tshul gyis ma bstan na/ ma 'ongs pa'i dus na theg pa chung du ba kha cig dmigs pa can
 gyi tshul du shes rab kyi pha rol tu phyin pa ston pa 'byung ste/ shes rab kyi pha rol tu phyin pa'i don ltar bcos shing ston pa de dag thos nas byang chub sems dpa' i theg pa la gsar du zhugs pa rnams lta ba log cing byang chub sems dpa' i lam las nyams par
 'gyur te/ de'i phyir shes rab kyi pha rol tu phyin pa'i don dmigs su med pa de lta bu bstan dgos so zhes bya ba'i don te/ shes rab kyi pha rol tu phyin pa'i gzugs brnyan zhes bya ba ni shes rab kyi pha rol tu phyin pa'i don ma yin pas shes rab kyi pha rol tu phyin pI don yin pa ltar bcoS
 te ston pa'o/ /brgya byin gyiS gsol pa/ bcom ldan 'das shes rab kyi pha rol tu phyin pa'i gzugs brnyan gang lags zhes bya ba ni shes rab kyi pha rol tu phyin pa'i gzugs brnyan ji lta bu yin pa 'khor rnams la zhib tu bshad pa skabs dbye ba'i phyir zhus pa'o/ /bcom ldan
 'das kyis bka' stsal pa/ ko'u shi ka 'di la rigs kyi bu 'am rigs kyi bu mo dag shes rab kyi pha rol tu phyin pa bshad do snyam zhing/ de dag gzugs brnyan ston par byed pa'o zhes bya ba ni theg pa chung du ba dag dmigs pa dang bcas pa'i sems kyis shes rab
 kyi pha rol tu phyin pa bstan to snyam du sems shing ston pa nyid shes rab kyi pha rol tu phyin pa'i gzugs brnyan ston pa yin no zhes bstan pa'o/ /brgya byin gyis gsol pa/ ji ltar na rigs kyi bu 'am rigs kyi bu mo de dag shes rab kyi pha rol tu phyin pa'i
 gzugs brnyan ston pa lags zhes bya ba ni shes rab kyi pha rol tu phyin pa'i gzugs brnyan thabs ji ltar ston ces zhus pa'o/ /bcom ldan 'das kyis bka' stsal pa/ ko'u shi ka 'di la rigs kyi bu 'am rigs kyi bu mo dag shes rab kyi pha rol tu phyin pa ston par byed
 pa'i tshe/ shes rab kyi pha rol tu phyin pa'i gzugs brnyan ston te/ de la 'di ni shes rab kyi pha rol tu phyin pa'i gzugs brnyan te zhes bya ba la sogs pa ni shes rab kyi pha rol tu phyin pa'i gzugs brnyan gang yin pa zhi ba tu bshad pa'o/ /'di ltar gzugs mi rtog zhes bya bar
 ston/ gzugs sdug bsngal lo zhes bya bar ston/ gzugs bdag med do zhes bya bar ston/ gzugs mi sdug go zhes bya bar ston cing zhes bya ba la sogs pa ni gzugs la sogs pa rnam pa thams cad mkhyen pa nyid la thug gi bar gyi chos thams cad la dmigs pa dang bcas
 pa'i tshul du/ mi rtag pa dang/ sdug bsngal ba dang/ bdag med pa dang/ mi sdug pa'i rang bzhin du bsgom pa ston pa theg pa chu du'i tshul yin yang/ gang de ltar ston cing spyod pa shes rab kyi pha rol tu phyin pa la spyod pa yin no zhes 'chad pa ni shes rab kyi pha rol tu phyin
 pa'i gzugs brnyan ston pa yin no zhes bshad pa'o/ /ko'u shi ka gzhan yang rigs kyi bu 'am rigs kyi bu mo de dag shes rab kyi pha rol tu phyin pa ston na 'di ltar ston te zhes bya ba nas de yang mtshan ma'i tshul dang/ dmigs pa'i tshul gyis ston te/ de dus gsum
 kyi 'du shes kyis shes rab kyi pha rol tu phyin pa bsgom par t'gyur te/ ko'u shi ka de ni shes rab kyi pha rol tu phyin pa'i gzugs brnyan no zhes bya ba'i bar du ni mtshan ma dang bcas shing dmigs pa dang bcas par pha rol tu phyin pa drug bsgoms nas/ tshe rabs sam
 bskal pa'i dus 'di tsam zhig gis byang chub sems dpa' i sa bcu 'thob par 'gyur ro/ /zhes dus kyi 'du shes dang bcas par pha rol tu phyin pa drug bsgom pa ston na yang mtshan ma dang bcas shing dmigs pa dang bcas par shes rab kyi pha rol tu phyin pa ston pas/ 
 shes rab kyi pha rol tu phyin pa'i don yang dag par ston pa ni ma yin gyis/ shes rab kyi pha rol tu phyin pa'i gzugs brnyan ston pa yin no zhes bshad pa'o/ /ko'u shi ka gzhan yang rigs kyi bu 'am rigs kyi bu mo de dag /byang chub sems dpa' i theg pa pa'i
 rigs kyi buAm rigs kyi bu mo dag la shes rab kyi pha rol tu phyin pa 'di ltar ston te/ tshur rigs kyi bu khyod kyis shes rab kyi pha rol tu phyin pa bsgoms shig /rigs kyi bu khyod kyis shes rab kyi pha rol tu phyin pa bsgom pa dang/ nyan thos kyis las 'da' bar 'gyur ro/ /rang
 sangs rgyas kyis las 'da' bar 'gyur ro/ /zhes ston te/ ko'u shi ka de ni shes rab kyi pha rol tu phyin pa'i gzugs brnyan no zhes bya ba ni mtshan ma dang bcas shing dmigs pa'i tshul gyis shes rab kyi pha rol tu phyin pa bsgoms na/ dus 'di tsam zhig gi nyan thos dang rang sangs rgyas kyi
 sa las 'da' bar 'gyur ro zhe ston na yang/ mtshan ma dang bcas shing dmigs pa dang bcas par ston pas da yang shes rab kyi pha rol tu phyin pa'i gzugs brnyan yin gyis shes rab kyi pha rol tu phyin pa'i don yang dag pa ma yin zhes bstan pa'o/ /ko'u shi ka gzhan yang
 rigs kyi bu 'am rigs kyi bu mo de dag /byang chub sems dpa' i theg pa pa'i rigs kyi buAm rigs kyi bu mo de dag la shes rab kyi pha rol tu phyin pa ston na 'di ltar ston te zhes bya ba nas/ rigs kyi buAm rigs kyi bu mo de dag la ston ma shes rab kyi pha rol tu phyin
 pa'i gzugs brnyan ston to/ /zhes bya ba'i bar du ni mtshan ma dang bcas shing dmigs pa dang bcas par shes rab kyi pha rol tu phyin pa bsgoms na byang chub sems dpa' i skyon med par 'jug pa dang/ mi skye ba'i chos la bzod pa thob par 'gyur ba dang/ byang chub sems
 dpa' i mngon par shes pa la gnas te/ sangs rgyas bcom ldan 'das rnams la mchod cing/ rim gro la sogs pa byed cing sangs rgyas kyi zhing nas sangs rgyas kyi zhing du 'gro bar 'gyur ro zhes kyang ston la/ mtshan ma dang bcas shing dmigs pa dang bcas par shes rab kyi
 pha rol tu phyin pa 'di 'dzin cing 'chang ba la sogs pa byed na bsod nams kyi phung po tshad med grangs med dpag tu med par 'gyur ro zhe ston na yang mtshan ma dang bcas shing dmigs pa dang bcas par ston pas shes rab kyi pha rol tu phyin pa'i don yang dag pa nyid ston pa ma yin gyi/ shes
 rab kyi pha rol tu phyin pa'i gzugs brnyan ston pa yin no zhes bstan pa'o/ /ko'u shi ka gzhan yang rigs kyi buAm/ rigs kyi bu mo de dag byang chub sems dpa' i theg pa pa'i rigs kyi bu 'am/ rigs kyi bu mo de dag la 'di ltar ston te zhes bya ba nas/ de dag de ltar ston cing shes rab
 kyi pha rol tu phyin pa'i gzugs brnyan ston to/ /zhes bya ba'i bar du ni mtshan ma dang bcas shing dmigs pa dang bcas par dus gsum gyi/ sangs rgyas bcom ldan 'daS rnamS kyis dge ba'i rtsa ba la rjes su yi rang bar byas la/ rjes su yi rang ba'i dge ba'i rtsa ba de yang bla na med pa yang dag
 par rdzogs pa'i byang chub tu yongs su bsngos shig ce ston na yang mtshan ma dang bcas shing dmigs pa dang bcas par ston pas shes rab kyi pha rol tu phyin pa'i don yang dag par ston pa ma yin gyis shes rab kyi pha rol tu phyin pa'i gzugs brnyan yin no zhes bstan pa'o/ /brgya byin
 gyis gsol pa/ bcom ldan 'das ji ltar ston na rigs kyi buAm rigs kyi bu mo de dag /byang chub sems dpa' i theg pa pa'i rigs kyi buAm rigs kyi bu mo de dag la shes rab kyi pha rol tu phyin pa'i gzugs brnyan mi ston pa lags zhes bya ba la sogs pa ni shes rab kyi pha rol tu
 phyin pa'i gzugs brnyan ston pa'i gnyen por mtshan mar mi 'dzin cing/ dmigs par ston pa shes rab kyi pha rol tu phyin pa'i don yang dag par ji lta ba nyid du bstan pa bshad pa ste/ gzugs mi rtag ces bya bar yang dag par rjes su ma lta zhig /de ci'i phyir zhe na/ gzugs ni rang bzhin
 gyi stong ste/ gzugs kyi rang bzhin gang yin pa de ni dngos po med pa'o/ /zhes bya ba ni don dam par gzugs rang bzhin gyi stong ste/ dngos po med pa'i phyir gzugs mi rtag pa zhes bya bar mtshan mar mi gzung zhing/ dmigs par bya ba'o zhes pa stan pa'o/ /dngos po med pa gang yin pa/
 de ni shes rab kyi pha rol tu phyin pa ste/ shes rab kyi pha rol tu phyin pa gang yin pa d la ni gzugs rtag /ces bya ba 'am/ mi rtag ces bya ba mi dmigs so/ /zhes bya ba ni de ltar don dam par gzugs ran bzhin gyi stong zhing/ dngos po med par rtogs pa nyid
 shes rab kyi pha rol tu phyin pa yin te/ de ltar rtogs pa'i shes rab kyi pha rol tu phyin pa rnams rnam par mi rtog pa de la ni gzugs rtag ces bya ba'am/ mi rtag ces bya bar rnam par rtog pa med do zhes bya ba'i don to/ /de la gzugs nyid kyang med na rtag pa 'am mi rtag pa lta ga la
 yod zhes bya ba ni gzugs nyid kyang don dam par rang bzhin gyi stong zhing dngos po med na/ gzugs kyi chos nyid rtag pa dang mi rtag zhes bya ba lhag la yod ces bstan pa ste/ de ltar ston cing 'doms pa ni shes rab kyi pha rol tu phyin pa'i don yang dag par nyid ston pa yin gyi/ shes
 rab kyi pha rol tu phyin pa'i gzugs brnyan ston pa ma yin no zhes bstan pa'o/ /gzugs ji ltar bshA pa de bzhin du/ rnam pa thams cad mkhyen pa nyid la thug gi bar du yang sbyar bar bya'o/ /ko'u shi ka gzhan yang rigs kyi bu 'am/ rigs kyi bu mo de dag /byang chub sems dpa' i
 theg pa pa'i rigs kyi bu 'am rigs kyi bu mo de dag la/ shes rab kyi pha rol tu phyin pa 'di ltar ston te zhes bya ba la sogs pa ni chos thams cad blang dor med pa ston pa/ shes rab kyi pha rol tu phyin pa'i don yang dag pa ji lta ba nyid du ston pa yin par bshad pa ste/ de la chos
 gang las kyang yongs su 'da' bar ma byed cig ces bya ba ni/ theg pa chung du ltar 'khor ba'i chos gang las kyang yongs su 'da' bar ma byed cig ces bstan pa'o/ /chos gang la yang gnas par ma byed cig ces bya ba ni theg pa chung du pa ltar mya ngan las 'das pa'i chos gang la yang
 gnas par ma byed cig ces bstan pa'o/ /de ci'i phyir zhe na/ de ni 'di ltar shes rab kyi pha rol tu phyin pa la chos gang las 'da' bar bya ba 'am/ gang la gnas par bya ba'i chos de med do zhes bya ba ni chos gang las kyang 'da' bar mi bya ba dang/ chos gang la yang gnas
 par mi bya ba'i gtan tshigs bstan pa ste/ shes rab kyi pha rol tu phyin pa'i don dang sbyar na/ don dam par 'khor ba dang mya ngan las 'das pa'i chos gnyis ka yang med pas 'da' bar bya ba 'am/ gnas par bya ba med do zhes bstan pa'o/ /de ci'i phyir zhe na/ de ni 'di ltar chos thams
 cad ni rang bzhin gyiS stong ste/ rang bzhin gyiS stong pa'i chos gang yin pa de ni dngos po med pa'o zhes bya ba ni 'da' bar bya ba dang/ gnas par bya ba'i chos gnyis ka dngos po med pa'i gtan tshigs bstan pa ste/ don dam par 'khor ba dang mya ngan las 'das pa'i chos thams cad par
 zhin gyis stong pa'i phyir dngos pa med do zhes bstan pa'o/ /dngos po med pa gang yin pa de ni shes rab kyi pha rol tu phyin pa ste zhes bya ba ni de ltar dngos po med par rtogs pa de ni rnam par mi rtog pa'i shes rab kyi pha rol tu phyin pa yin no zhes bstan pa'o/ /shes rab kyi pha
 rol tu phyin pa gang yin pa de la ni blang par bya ba 'am dor bar bya ba 'am skye bar bya ba'am 'gag par bya ba'i chos gang yang med do zhes bya ba rnam par mi rtog pa'i shes rab kyi pha rol tu phyin pa de la ni mya ngan las 'das pa'i chos blang bar bya ba 'am/ 'khor ba'i chos do
 bar bya bar rnam par rtog pa yang med la/ 'phags pa'i lam bskyed par bya ba 'am/ 'phags pa'i lam gyi mi mthun pa'i phyogs nyon mongs pa'i chos rnams dgag par bya bar rnam par rtog pa yang med do zhas bstan pa'o/ /ko'u shi ka de ltar ston pa'i rigs kyi bu 'am
 rigs kyi bu mo da dag ni shes rab kyi pha rol tu phyin pa'i gzugs brnyan mi ston to zhes bya ba ni de ltar gong du bshad pa'i tshul du chos thams cad la blang dor med par ston pa de ni shes rab kyi pha rol tu phyin pa'i don yang dag pa nyid ston pa yin te/ shes rab kyi pha rol tu
 phyin pa'i gzugs brnyan ston pa ma yin no zhes bstan pa'o/ /ko'u shi ka de bas na rigs kyi bu 'am rigs kyi bu mos de ltar shes rab kyi pha rol tu phyin pa'i don bstan par bya ste/ ko'u shi ka de ltar ston pa'i rigs kyi bu 'am rigs kyi bu mo de dag gi bsod nams kyi phung po ni chos
 mang du 'phel gyi/ rigs kyi bu 'aM rigs kyi bu mo snga ma dag ni ma yin no zhes bya ba ni de ltar mtshan mar mi 'dzin cing mi dmigs pa'i tshul gyis shes rab kyi pha rol tu phyin pa'i don phyin ci ma log par bstan na bsod nams mang ru 'phel gyi mtshan ma dang
 bcas par dmigs pa dang bcas par bya ste/ shes rab kyi pha rol tu phyin pa'i gzugs brnyan gong du smos pa lta bur bstan na bsod nams mang du mi 'phel lo zhes bya ba'i don to/ /ko'u shig gzhan yang 'tsham? bu'i gling gi sems can ji snyed pa de dag rigs kyi bu 'am rigS
 gyi bu mo la la zhig gis rgyun tu zhugs pa'i bras bu la rab tu bkod na zhes bya ba nas/ de ci'i phyir zhe na/ ko'u shi ka shes rab kyi pha rol tu phyin pa 'di las rang byang chub rnams yod par 'gyur ro zhes bya ba'i bar du ni 'dzam bu'i gling gi sems can ji snyed yong pa dang/ gling bzhi
 dang/ stong gi 'jig rten gyi khams dang/ stong gnyis kyi 'jig rten gyi khams dang/ stong gsum gyi stong chen po'i 'jig rten gyi khams dang/ phyogs bcu'i phyogs re re zhing yang 'jig rten gyi khams gang+gA'i klung gi bye ma snyed yong pa de dag thams cad rgyun tu zhugs pa dang ?
 lan cig phyir 'ong ba dang/ phyir mi 'ong ba dang/ dgra bcom pa dang/ rang byang chub la bkod pa'i bsod nams pas kyang/ shes rab kyi pha rol tu phyin pa 'di'i don dang/ tshig tu ldan par gzhan la rgya cher bstan cing nyams su len du bcug pa bsod nams che ba'i phan yon bstan pa'o//
 ko'u shi ka gzhan yang 'dzam bu'i gling gi sems can ji snyed pa de dag /rigs kyi bu 'am rigs kyi bu mo la la zhi gis bla na med pa yang dag par rdzogs pa'i byang chub tu yang dag par bskul ba byas nas zhes bya ba nas/ ko'u shi ka phyogs bcu'i phyogs re re zhing gang+gA'i klung
 gi bye ma snyed kyi 'jig rten gyi khams zhes bya ba dang/ de ci'i phyir zhe na/ ko'u shi ka 'di las byung ba ni sems dang po bskyed pa'i byang chub sems dpa' sems dpa' chen po rnams so zhes bya ba'i bar gyis ni 'dzam bu'i gling gi sems can ji snyed yod pa dang/ gling bzhi pa dang//
 stong gi 'jig rten gyi khams dang/ stong gnyis kyi 'jig rten gyi khams dang/ stong gsum gyi stong chen po'i 'jig rten gyi khams dang/ phyogs bcu'i phyogs re re zhing yang 'jig rten gyi khams gang+gA'i klung gi phye ma snyed kyi sems can ji snyed yod pa de dag thams cad bla na med pa yang
 dag par rdzogs pa'i byang chub tu bskul ba byas pa'i bsod nams pas kyang/ shes rab kyi pha rol tu phyin pa 'di don dang tshig tu ldan par bshad cing gdams ngag dang bcas par bstan te nan tan byed du bcug pa ches bsod nams mang du 'phel ba gtan tshigs dang bcas par
 bstan pa ste/ de'i gtan tshigs kyang de ci'i phyir zhe na/ ko'u shi ka 'di las byung ba na sems dang po bskyed pa'i byang chub sems dpa' sems dpa' chen po rnams so zhes bya ba ste/ byang chub sems dpa' gang bla na med pa yang dag par rdzogs pa'i byang chub tu bskul bar byas nas/ byang chub
 kyi sems dang po bskyed de/ byang chub sems dpa' i sa dang po thob par gyur pa'i byang chub sems dpa' rnams kyang shes rab kyi pha rol tu phyin pa 'di mnyan pa dang bsam pa dang bsgom pa las byung ba'i phyir/ bla na med pa yang dag par rdzogs pa'i byang chub tu bskul ba pas shes
 rab kyi pha rol tu phyin pa 'di gzhan la rgya cher bstan te nyams su len du bcug na bsod nams che'o zhes bstan pa'o/ /ko'u shi ka gzhan yang 'dzam bu'i gling gi sems can ji snyed pa de dag rigs kyi bu 'am rigs kyi bu mo la la zhi gis phyir mi ldog pa'i sa la bkod na zhe
 bya ba nas/ phyogs bcu'i phyogs re re zhing gang+gA'i klung gi bye ma snyed kyi 'jig rten gyi khams kyi zhes bya ba dang/ de ci'i phyir zhe na/ ko'u shi ka shes rab kyi pha rol tu phyin pa las byung ba ni byang chub sems dpa' sems dpa' chen po rnams kyis phyir mi ldog pa'i sa'o zhes bya ba'i
 bar gyis ni 'dzam bu'i gling gi sems can ji snyed yong pa de dag thams cad dang/ gling bzhi pa dang/ stong gcig gi 'jig rten gyis khams dang/ stong gnyis kyi 'jig rten gyi khams dang/ stong gsum gyi stong chen po'i 'jig rten gyi khams dang/ phyogs bcu'i phyogs re re
 zhing yang 'jig rten gyi khams gang+gA'i klung gi bye ma snyed kyi sems can ji snyed yod pa de dag thams cad phyir mi ldog pa'i sa la bkod pa'i bsod nams pas kyang/ shes rab kyi pha rol tu phyin pa 'di'i don dang tshig tu ldan par gzhan la rgya
 cher bstan te/ nyams su len du bcug pa'i bsod nams che ba'i phan yon bstan pa'o/ /ko'u shi ka gzhan yang 'dzam+bu'i gling gi sems can ji snyed pa de dag thams cad bla na med pa yang dag par rdzogs pa'i byang chub tu yang dag par zhugs par gyur te zhes bya ba naS/
 ko'u shi ka phyogs bcu'i phyogs re re zhing gang+gA'i klung gi bye ma snyed kyi 'jig rten gyi khams zhes bya ba dang/ gang gi tshe khyod kyis thams cad mkhyen pa nyid kyi chos rnams thob par gyur pa de'i tshe khyod bla na med pa yang dag par rdzogs pa'i byang chub tu mngon par
 rdzogs par 'tshang rgya par 'gyur ro zhe sgo na/ rigs kyi bu 'am rigs kyi bu 'am rigs kyi bu mo de'i bsod nams chos mang du 'phel lo zhes bya ba'i bar gyis ni 'dzam bu'i gling gi sems can ji snyed yod pa dang/ gling bzhi pa'i 'jig rten gyi khams dang/ stong gi 'jig rten gyi khams
 dang/ stong gnyis kyi 'jig rten gyi khams dang/ stong gsum gyi stong chen po'i 'jig rten gyi khams dang/ phyogs bcu'i phyogs re re zhing yang 'jig rten gyi khams gang+gA'i klung gi bye ma snyed kyi sems can ji snyed yod pa de dag thams cad bla na med pa yang dag par rdzogS
 pa'i byang chub tu yang dag par zhugs pa rnams la shes rab kyi pha rol tu phyin pa 'di rgya cher bshad cing/ gdams ngag dang bcas par bstan te nyams su len du bcug na bla na med pa yang dag par rdzogs pa'i byang chub tu yang dag par zhugs pa'i byang chub sems dpa' 
 dam pa'i chos kyi snod du gyur cing/ skal pa dang ldan pa de dag la shes rab kyi pha rol tu phyin pa 'di rgya cher bshad cing nyams su len du bcug pa'i bsod nams snga ma bas kyang ches mang du 'phel ba bstan pa'o/ /ko'u shi ka gzhan yang 'dzam bu'i gling gi sems can ji snyed du?
 bde dag thams cad bla na med pa yang dag par rdzogs pa'i byang chub las phyir mi ldog par gyur te zhes bya ba nas/ 'di ni 'khor ba las byung bar 'dod la/ snying rje chen pos mnar ba'i phyir ro zhes bya ba'i bar du ni 'dzam bu'i gling gi sems can thams cad bla na med pa yang dag par
 rdzogs pa'i byang chub las phyir mi ldog par gyur pa dang/ gling bzhi pa'i 'jig rten gyi khams dang/ stong gi 'jig rten gyi khams dang/ stong gnyis kyi 'jig rten gyi khams dang/ stong gsum gyi stong chen po'i 'jig rten gyi khams dang/ phyogs bcu'i phyogs re re zhing yang
 'jig rten gyi khams gang gA'i klung gi bye ma snyed kyi sems can ji snyed yod pa de dag thams cad bla na med pa yang dag par rdzogs pa'i byang chub las phyir mi ldog pa'i byang chub sems dpar gyur pa la chos bstan pa'i bsod nams pas/ de dag las la la zhig bdag ni
 bla na med pa yang dag par rdzogs pa'i byang chub tu mngon par rdzogs par 'tshang rgya'o zhes khas 'che ba zhig yod na/ de la shes rab kyi pha rol tu phyin pa 'di don dang tshig tu ldan par rgya cher bshad de nyams su len du bcug na bsod nams snga ma bas kyang ches mang du 'phel
 ba stan pa ste/ de ci'i phyir zhe na/ phyir mi ldog pa'i byang chub sems dpa' de da ni nges pa ste rdzogs pa'i byang chub tu gzhol zhing/ bla na med pa yang dag par rdzogs pa'i byang chub las phyir ldog par mi 'gyur ba nas/ de dag la ni gdod chos bstan kyang mi dgos kyi 'di
 ni 'khor ba las byung bar 'dod la/ snying rje chen pos mnar ba'i phyir ro zhes bya ba ni phyir mi ldog pa'i sa la gnas pa'i byang chub sems dpa' gzhan ni bla na med pa yang dag par rdzogs pa'i byang chub tu blo nges par gyur pa de da la shes rab kyi pha rol tu phyin pa 'di ma
 bshad kyang phyir ldog par mi 'gyur gyi/ byang chub sems dpa' de dag gi nang nas kha cig myur? du bla na med pa yang dag par rdzogs pa'i byang chub tu mngon par rdzogs par sangs rgyas nas 'khor ba las thar bar 'dod cing/ byang chub sems dpa' i snying rje chen po spyod
 mi 'dod pa de dag la shes rab kyi pha rol tu phyin pa 'di rgya cher bstan te nyams su len du bcug na bsod nams snga ma bas ches mang du 'phel lo zhes bstan pa'o/ /de nas lha'i dbang po brgya byin gyis/ bcom ldan 'das la 'di skad ces gsol to/ /bcom
 ldan 'das ji lta ji ltar byang chub sems dpa' sems dpa' chen po bla na med pa yang dag par rdzogs pa'i byang chub tu nye bar gyur pa de lta de ltar byang chub sems dpa' sems dpa' chen po de sbyin pa'i pha rol tu phyin pa la gdams shing rjes su bstan par bgyi'o zhes bya ba nas/
 byang chub sems dpa' sems dpa' chen po de la chos kyis bsdu ba dang/ zang zing gi bsdu bas rjes su 'dzin po'i rigs kyi bu dang rigs kyi bu mo de dag gi bsod nams ni chos mang du 'phel gyis/ rigs kyi buAm rigs kyi bu mo snga ma dag gi ma lags so zhes bya ba'i bar
 du ni byang chub sems dpa' i phyir mi ldog pa'i sa la gnas pa la sogs pa bla na med pa'i byang chub tu nye bar gyur pa rnams la sbyin pa'i pha rol tu phyin pa la sogs pa sangs rgyas kyi chos ma 'dres pa bco brgyad kyi bar du gdams shing rjes su bstan te/ chos kyi sbyin pas
 phan gdags pa dang/ gos dang bsod snyoms la sogs pa zang zing gi sbyin pas phan btags na/ snod khyad par can la chos dang zang zing gi sbyin pa byas pa bsod nams snga ma bas kyang ches mang du 'phel bar bstan pa'o/ /de ci'i slad du zhe na/ bcom ldan 'das
 de ni 'di ltar 'gyur te/ byang chub sems dpa' sems dpa' chen po gang lags pa de ni/ sbyin pa'i pha rol tu phyin pa la gdams shing rjes su bstan pa'o zhes bya ba nas/ sangs rgyas kyi chos ma 'dres pa bco brgyad la gdams shing rjes su bstan pa'o zhes bya ba'i bar
 du ni bla na med pa yang dag par rdzogs pa'i byang chub tu ji tsam du nye bar gyur pa de dag la/ chos dang zang zing gi sbyin pas phan gdags par rigs pa'i gtan tshigs bstan pa'o/ /de nas tshe dang ldan pa rab 'byor gyis/ lha'i dbang po brgya byin la smras pa
 zhes bya ba nas/ nyan thos kyi theg pa'i jig rten du 'byung bar 'gyur/ /rang sangs rgyas kyi theg pa 'jig rten du 'byung bar 'gyur ro/ /theg pa chen po 'jig rten du 'byung bar 'gyur ro zhes bya ba'i bar du ni gong du brgya byin gyis byang chub sems dpa' bla na med pa yang dag par
 rdzogs pa'i byang chub tu nye bar gyur pa gang yin pa de dag la chos dang zang zing gis phan gdags pa'i rigs par bshad pa de la rab 'byor rjes su yi rang ba bstan pa ste/ byang chub sems dpa' de lta bu dag yod na/ 'phags pa nyan thos rnams kyang 'byung bar 'gyur
 la/ byang chub sems dpa' de lta med cing/ bla na med pa yang dag par rdzogs pa'i byang chub tu sems ma bskyed na/ byang chub sems dpa' sems dpa' chen po rnams sbyin pa'i pha rol tu phyin pa la sogs pa sangs rgyas kyi chos ma 'dres pa bco brgyad la zug gi bar du /
 yang slob par mi 'gyur zhing bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ba dang/ de ltar byang chub mngon par rdzogs par sangS ma rgyas na/ nyan thos dang rang sangs rgyas rnams kyang yod par mi 'gyur ba'i nyes dmigs
 smos pa dang/ byang chub sems dpa' rnams sbyin pa'i pha rol tu phyin pa la sogs pa sangs rgyas kyi chos ma 'dres pa bco brgyad kyi bar dag la slob na/ gdong bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/
 de'i yon tan gyis ngan song rnams rgyun chad par 'gyur ba dang/ lha dang mi'i mtho ris rnams 'jig rten du 'byung bar 'gyur ba dang/ sbyin pa'i pha rol tu phyin pa la sogs pa sangs rgyas kyi chos ma 'dres pa bco brgyad dang/ theg pa gsum
 rnams 'jig rten du 'byung ba'i phan yon smos nas rjes su yi rang ba bstan pa'o/ /shes rab kyi pha rol tu phyin pa 'bum pa rgya cher bshad pa las/ /brgya byin gyi le'u ste nyi shu bzhi pa'o// //
 de nas byang chub sems dpa' sems dpa' chen po byams pas rab 'byor la smras pa zhes bya ba nas/ byang chub sems dpa' ni sems can thams cad gdul ba dang zhi bar bya bar dang/ yongs su mya ngan las
 'da' ba' i phyir/ rjes su yi rang ba dang ldan pa'i bsod nams bya ba'i dngos po sems can thams cad dang thun mong du byas shing/ mi dmigs pa'i tshul gyis bla na med pa yang dag par rdzogs pa'i byang chub tu yongs su bsngo'o zhes bya ba'i
 bar du ni so so'i skye bo'i sems can rnams kyi rjes su yi rang ba'i bsod nams dang/ nyan thos dang rang sangs rgyas kyi theg pa pa rnams kyi sbyin pa byas pa'i bsod nams dang/ tshul khrims bsrungs pa'i bsod nams dang/ bsgom pa byas
 pa'i bsod nams pas/ byang chub sems dpa' i rjes su yi rang ba dang ldan pa'i bsod nams sems can dang thun mong du bya ste/ de mi dmigs pa'i tshul gyis bla na med pa yang dag par rdzogs pa'i byang chub tu yongs su bsngos pa bsod nams
 khyad par du 'phags par che ba bstan pa ste/ rab dang dam pa dang/ gtso bo la sogs pa smos pa ni khyad par du 'phags shing bzang ba'i rnam grangs smos pa'o/ /de ltar bsod nams khyad du 'phags pa'i gtan tshigs kyang/ nyan
 thos dang rang sangs rgyas rnams kyis bsod nams ci byas pa ni bdag 'ba' zhig gi don du yongs su bsngo'i/ byang chub sems dpa' i rjes su yi rang ba'i bsod nams ni sems can thams cad kyi phyir yongs su bsngo bas/ de'i phyir bsod
 nams khyad par du 'phags pa che'o zhes bstan pa'o/ /de nas tshe dang ldan pa rab 'byor gyis/ byang chub sems dpa' sems dpa' chen po byams pa la 'di skad ces smras so zhes bya ba nas/ dmigs pa de dag rigs kyi bu de dag gis
 ji ltar mtshan mar byas pa de bzhin du dmigs su yod pa yin nam zhes bya ba'i bar du ni gong du byang chub sems dpa' byams pas rjes su yi rang ba dang ldan pa'i bsod nams sems can thams cad dang thun mong du byas ste/ de mi dmigs pa'i tshul
 gyis bla na med pa yang dag par rdzogs pa'i byang chub tu yongs su bsngos pa bsod nams khyad par du 'phags par che ba bstan pa la/ rab 'byor gyis gal bzung nas dris pa ste/ phyogs bcu'i sangs rgyas bcom ldan 'das tshad med pa grangs
 med pa ngag gis dang po byang chub tu thugs bskyed nas/ mdza' yongs su mya ngan las mya ngan las 'das shing/ dam pa'i chos nub par gyur gyi bar du sangs rgyas bcom ldan 'das de dag gis dge ba'i rtsa ba ci bsags pa de dag la byang chub sems
 dpa' rnams rjes su yi rang ba dang/ nyan thos kyi theg pa pa rnams kyis sbyin pa byas pa dang/ tshul khrims bsrungs pa dang/ bsam gtan bsgom pa'i bsod nams dang/ 'phags pa nyan thos slob pa dang mi slob pa rnams kyi dge ba'i
 rtsa ba zag pa med pa la rjes su yi rang ba dang/ de bzhin gshegs pa'i zag pa med pa'i phung po lnga la rjes su yi rang ba dang/ de bzhin gshegs pa'i thugs rje chen pos sems can la phan par bzhed pa la rjes su yi rang ba dang/ sangs
 rgyas bcom ldan 'das rnams kyi dam pa'i chos tshad med grangs med pa rnams dang/ bcom ldan 'das kyis dam pa'i chos de dag bstan pa la rjes su yi rang ba dang/ dam pa'i chos ji skad bstan pa la bslabs nas nyan thos dang/ rang sangs
 rgyas dang/ byang chub sems dpa' rnams kyi so so'i 'bras bu thob pa la rjes su yi rang ba dang/ sems can gang dag gis de bzhin gshegs pa mngon sum du bzhugs pa dang/ mya ngan las 'das pa rnams la/ dge ba'i rtsa ba gang ji snyed
 bskyed pa de dag thams cad gcig tu bsdus te/ bla na med pa'i rjes su yi rang bas de ltar rjes su yi rang ba'i bsod nams de yang sems can thams cad dang thun mong du byas te/ bla na med pa yang dag par
 rdzogs pa'i byang chub tu yongs su bsdos pa'i bsod nams kyi dngos po de dag dang/ dge ba'i rtsa ba bskyed pa'i 'phags pa de dag dang/ rjes su yi rang zhing bsod nams yongs su bsngo bar byed pa'i byang chub sems dpa' de dag ji ltar grags
 shing tha snyad du btags pa de bzhin du yang dag par yod pa yin nam zhes rab 'byor gyis byang chub sems dpa' byams pa la dris pa ste/ de dag ji ltar dmigs shing mtshan mar bzung ba bzhin du yod par gyur na ni chos thams cad
 dngos po yod cing dmigs pa dang bcas pa'i skyon du 'gyur ro/ /de ste med na ni dge ba'i rtsa ba de dag la rjes su yi rang zhing yongs su bsngor yang med de/ de ltar dngos po med pa la rjes su yi rang zhing yongs su bsngos na/ med pa la yod par sgro
 btags pas phyin ci log tu ltas par 'gyur ro zhes gal bzung ste dris pa'o/ byams pas smras pa byang chub sems dpa' i theg pa pa'i rigs kyi bu de dag gis ji ltar mtshan mar bya ste/ bla na med pa yang dag par rdzogs pa'i byang chub
 tu yongs su bsngos pa de bzhin du/ dngos po de dag dang/ dmigs pa de dag dmigs su yod pa ma yin no zhes bya ba dge ba'i rtsa ba de dag dang/ rjes su yi rang ba la sogs pa gong du smos pa de dag kun rdzob tu dmigs shing/ yongs su bsngo
 bar zad kyis don dam par dngos po yod par ma yin no zhes bstan pa'o/ rab 'byor gyis smras pa gal te/ de ltar dngos po med pa dang dmigs pa med pas zhes bya ba nas/ de ltar de'i 'du shes phyin ci log tu ma gyur tam zhes bya
 pa'i bar du ni de ltar dngos po med pa yin na phyogs bcu'i sangs rgyas bcom ldan 'das de dag dang/ nyan thos dang rang sangs rgyas de dag gi dge ba'i rtsa ba rnams la rjes su yi rang ba'i bsod nams bla na med pa yang dag par rdzogs pa'i byang chub tu
 yongs su bsngo ba de mi dmig na ni bsngor yang med/ dmigs pa'i tshul gyis bsngos na dngos po med pa la yod par rtog pas/ mi rtag pa la rtag par lta ba dang/ sdug bsngal ba la bde bar lta ba dang/ bdag med pa la bdag tu lta ba dang/
 mi gces? pa la gcad par lta ba bzhin du/ 'du shes dang lta ba phyin ci log tu mi 'gyur ram zhes brgal ba'o/ /de ltar yin yang thams cad dngos po ji lta ba dang/ dmigs pa ji lta bar byang chub kyang de bzhin sems kyang de bzhin zhes
 bya ba nas/ sangs rgyas gyi chos ma 'dres pa bco brgyad kyang de bzhin na ni bla na med pa yang dag par rdzogs pa'i byang chub tu yongs su bsngo ba'i dngos po de ni gang zhig yin/ dmigs pa de ni gang zhig yin/ byang chub de ni gang zhig yin
 sems de ni gang zhig yin/ dge ba'i rtsa bde dag ni gang zhig yin/ rjes su yi rang ba dang ldan pa'i bsod nams de ni gang zhig yin zhes bya ba'i bar du ni ji ltar tha snyad du btags shing mtshan mar bzung ba de bzhin du/ bla na med pa'i byang
 chub dang/ yongs su bsngo ba'i sems dang/ spyin pa'i pha rol tu phyin pa la sogs pa sangs rgyas kyi chos ma 'dres pa bco brgyad la thug gi bar du dngos po de dag thams cad ji ltar tha snyad du btags shing mtshan mar bzung ba de bzhin du
 dngos po yod pa zhig yin na/ yongs su bsngos pa'i dngos po dang/ dmigs pa dang byang chub dang/ sems dang/ dge ba'i rtsa ba dang/ rjes su yi rang ba dang ldan pa'i bsod nams bya ba'i dngos po de dag rang bzhin gyis grub cing yong ba
 gang yin zhes dris pa'o/ /byams pas smras pa gal te/ byang chub sems dpa' pha rol tu phyin pa drug pa la spyod spyod pa zhes bya ba nas/ skye ba'i tshul gyis ma yin no zhes bya ba'i bar du ni byang chub sems dpa' 
 pha rol tu phyin pa drug la goms par spyad pa/ sangs rgyas mang po la bsnyen bkur byas pa/ dge ba'i rtsa ba bskyed par gyur pa chos thams cad rang bzhin gyis stong pa la goms bar bslabs pa dag ni chos thams cad mtshan ma med cing gnyis su
 med par rtogs pas/ de ltar mtshan mar byas shing yongs su bsngo bar mi byed pa'i phyir de dag la ni gal bzung du med do zhes bstan pa'o/ /gal te byang chub sems dpa' de dag pha rol tu phyin pa drug spyod spyod pa yang ma yin zhes bya ba nas/ rang
 gi mtshan nyid kyis stong pa'i chos rnams de ltar bstan pa ni theg pa la gsar du zhugs pa'i byang chub sems dpa' i mdun du mi bshad do zhes bya ba'i bar du ni byang chub sems dpa' theg pa la gsar du zhugs pa pha rol tu phyin pa drug la goms
 par spyad pa/ sangs rgyas mang po la bsnyen bkur ma byas pa/ dge ba'i rtsa ba cher ma bskyed pa/ dge ba'i bshes gnyen gyis yongs su ma bzung ba/ chos thams cad rang bzhin gyis stong par rtogs par bya ba la legs par ma bslabs pa zhig
 yin na ni dngos po de dag mtshan ma dang bcas shing dmigs pa bcas par yongs su bsngo yang srid de/ de dag la phyin ci log tu lta ba'i skyon du 'gyur bas/ de ltar byang chub sems dpa' yongs su ma dag pa theg pa la gsar du zhugs pa'i mdun du ni sheS
 rab kyi pha rol tu phyin pa la sogs pa rnam pa thams cad mkhyen pa nyid la thug gi bar du/ sangs rgyas kyi chos ming gis smos pa de dag zab cing dmigs su med pa de lta bur bshad par mi bya'o zhes bstan pa'o/ /de ci'i phyir zhe na/ de ni de la dad?
 ba tsam mam/ dga' ba tsam ma mos ba tsam mam gus pa tsam zhig yod par yang med par gyur pa'i phyir te zhes bya ba ni theg pa la gsar du zhugs pa'i byang chub sems dpa' rnams la chos zab mo bstan na snod du ma gyur pas yid mi ches shing dangS pa 'bre ba
 la sogs pa'i skyon du gyur pa bstan pa'o/ /phyir mi ldog pa'i byang chub sems dpa' sems dpa' chen po'i mdun du bshad cing bstan to zhes bya ba nas/ de'i mdun du rang gi mtshan nyid kyis stong pa'i chos rnams bshad par bya'o bstan par bya'o zhes bya
 ba'i bar du ni phyir mi ldog pa'i byang chub sems dpa' yongs su dag pa/ dge ba'i bshes gnyen gyis yongs su zin pa/ sngon gyi rgyal ba la dge ba'i rtsa ba bskyed pa/ sangs rgyas mang po la bsnyen bkur byas pa/ chos zab mo'i snod du gyur pa de lta bu dag la
 shes rab kyi pha rol tu phyin pa la sogs pa rnam pa thams cad mkhyen pa nyid la thug gi bar gyi chos de dag mtshan ma med cing dmigs su med pa'i tshul du bstan par bya'o zhes bshad pa'o/ /des ni nges thos nas mi 'jigs ming dang skrag par mi 'gyur te zhes bya
 ba ni phyir mi ldog ba'i byang chub sems dpa' skye ba med pa'i chos la bzod pa thob pa/ chos zab mo'i snod du gyur pa de lta bu ngag la dmigs su med cing mtshan ma med pa'i chos rnams bstan na 'jigs shing skrag pa la sogs pa'i skyon du mi 'gyur ro zhes bya
 ba bstan pa'o/ /rab 'byor byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po yang/ bla na med pa yang dag par rdzogs pa'i byang chub tu de ltar yongs su bsngo bar bya'o zhes bya ba ni byang chub sems
 dpa' o rjes su yi rang ba dang ldan pa'i bsod nams sems can thams cad dang thun mong du bya ste/ de mi dmigs pa'i tshul gyis bla na med pa yang dag par rdzogs pa'i byang chub tu yongs su bsngos pa bsod nams khyad par du 'phags pa che ba'i
 don du mjug bsdus nas bstan pa ste/ de ltar gong du smos pa'i tshul gyis don dam par chos thams cad la mtshan mar mi 'dzin cing dmigs su med par rtog par byas la/ kun rdzob tu rjes su yi rang ba dang ldan pa'i dge ba'i rtsa ba de dag sems can
 thams cad dang thun mong du bya ste/ bla na med pa yang dag par rdzogs pa'i byang chub tu yongs su bsngos na bsod nams khyad par du 'phags par che'o zhes bstan pa'o/ /re ba 'byor gyis smras pa/ byams pa sems gang gis rjes su yi rang zhing dge ba'i rtsa ba de dag bla na
 med pa yang dag par rdzogs pa'i byang chub tu yongs su bsngo bar bya ba'i sems de ni zhes bya ba la sogs pas ni mtshan ma dang bcas shing dmigs pa dang bcas par dge ba'i rtsa ba yongs su bsngo ba mi rigs pa'i gtan tshigs rab 'byor gyis bstan pa ste/ yongs su bsngo bar bya
 ba'i sems de ni zad cang 'gags la med de rnam par gyur zhes bya ba ni bla na med pa'i byang chub tu dmigs shing yongs su bsngo bar byed pa'i sems de ni skad cig ma'i rang bzhin te/ zad cing 'gags la dngos po med de/ rang bzhin gcig tu gnas pa ma yin pas bsngo bar
 byed pa'i sems de yang med do zhes bya ba'i don to/ /dngos po de dag dang dmigs pa de dag dang dge ba'i rtsa ba de dag kyang zad cing 'gag pa med de rnam par gyur na zhes bya ba ni bsod nams bya ba'i dngos po sbyin pa la sogs pa dang/ dmigs pa'i yul gang du bsngo bar bya
 ba bla na med pa'i byang chub dang/ sbyin pa la sogs pa byas pa'i dge ba'i rtsa ba de dag kyang skad cig ma ste/ don dam par dngos po yod par ma grub pas zad cing 'gags la de rnam par gyur na/ ci zhig gang du bsngo zhes bya ba'i don te/ zad pa dang/ 'gag pa dang/ med pa
 dang/ rnam par 'gyur ba zhes bya ba ni skad cig ma'i rang bzhin yin pas mi rtag cing dngos po med pa'i rnam grangs so/ /rjes su yi rang ba dang ldan pa'i sems ni gang zhig /dngos po de dag ni gang zhig /dmigs pa de dag ni gang zhig /dge ba'i rtsa ba de dag ni gang zhig /bla na
 med pa yang dag par rdzogs pa'i byang chub tu yongs su bsngo bar bya zhes bya ba ni de ltar rjes su yi rang ba'i sems dang/ sbyin pa la sogs pa'i dngos po dang/ dmigs par bya ba'i yul bla na med pa'i byang chub dang/ yongs su bsngo bar bya ba'i dge ba'i rtsa ba de dag thams cad don dam par
 dngos po med pa yin na ci zhig yongs su bsngor yod ces bya ba'i don to/ /ci sems kyiS sems yongs su bsngo 'am/ de ltar sems kyiS sems yongs su bsngo na ni sems gnyis phrad par 'gyur ba med de zhes bya ba ni rje su yi rang ba'i sems dang/ yongs su bsngo ba'i sems gnyis ka skad
 cig ma'i rang bzhin yin te/ yongs su bsngo ba'i sems byung ba'i tshe rjes su yi rang ba'i sems 'gags te med par gyur pas sems kyiS sems yongs su bsngor yang de ltar mi rung ngo zhes bya ba'i don to/ /sems kyi rang bzhin gang yin pa de yang yongs su bsngo bar mi nus so zhes bya ba ni de
 ltar don dam par sems kyis rang bzhin yong par ma grub ste med pas dngos po med pa la yongs su bsngor mi rung ngo zhes bstan pa'o/ /gal te byang chub sems dpa' sems dpa' chen po shes rab kyi pha rol tu phyin pa la spyad pa'i tsh/ 'di ltar shes rab kyi pha rol tu phyin pa
 ni dngos po med pa'o zhes bya ba nas/ gal te de ltar yongs su bsngos na bla na med pa yang dag par rdzogs pa'i byang chub tu yongs su bsngos par 'gyur ro zhes bya ba'i bar du ni don dam par pha rol tu phyin pa drug la sogs pa rnam pa thams cad mkhyen pa nyid la thug gi bar
 du chos thams cad dngos po med par rtogs par bya ste/ de dag la mtshan mar mi 'dzin par kun rdzob tu rjes su yi rang ba dang ldan pa'i bsod nams bla na med pa'i byang chub tu yongs su bsngos na bsod nams yongs su bsngo ba skyon med cing yongs su dag par yongs su bsngos par
 'gyur ro zhes bstan pa'o/ /de nas lha'i dbang po brgya byin gyis gnas brtan rab 'byor la smras pa zhes bya ba nas/ ji ltar nges rjes su yi rang ba dang ldan pa'i bsod nams bya ba'i dngos po yongs su bzung zhing/ bla na med pa yang dag par rdzogs pa'i byang chub tu yongs su
 bsngos pa yin zhes bya ba'i bar du ni byang chub sems dpa' yongs su dag pa rnams kyis ni gong du bshad pa'i tshul bzhin du shes rab kyis don dam par chos thams cad dngos po med par rtogs par byas nas/ thabs kyis kun rdzob tu dge
 ba'i rtsa ba de dag bla na med pa'i byang chub tu yongs su bsngos na/ bsngo ba la skyon med cing yongs su dag par 'gyur na/ theg pa la gsar du zhugs pa'i byang chub sems dpa' thabs dang shes rab tu mi ldan pa rnams kyis chos thams cad dngos po med par
 bstan pa 'di thos nas/ 'jigs shing skrag par 'gyur ram mi 'gyur/ dge ba'i rtsa ba de dag dang/ rjes su yi rang ba dang ldan pa'i bsod nams bya ba'i dngos po de dag bla na med pa'i byang chub tu thabs ji ltar yongs su bsngo bar bya ba brgya byin gyis rab 'byor la dris
 pa'o/ /de nas tshe dang ldan pa rab 'byor gyis byang chub sems dpa' sems dpa' chen po byams pa la dmigs nas/ lha'i dbang po brgya byin la 'di skad ces smras so/ /zhes bya ba ni theg pa las gsar du zhugs pa'i byang chub sems dpa' rnams la/ dge ba'i rtsa
 ba dmigs su med pa dang/ mtshan ma med pa'i tshul gyis yongs su bsngo ba'i thabs bstan pa 'khor thams cad kyis yid ches par bya ba'i phyir byams pa la dmigs nas smras pa bstan pa ste/ de ltar byams pa la dmigs nas rab 'byor nyid kyi mthu dang spobs pas
 bshad pa ma yin gyis/ 'phags pa byams pa'i byin gyis brlabs kyis bshad par 'gyur ba bstan pa'i phyir ro/ /ko'u shi ka gal te theg pa la gsar du zhugs pa'i byang chub sems dpa' sems dpa' chen po de shes rab kyi pha rol tu phyin pa la spyod cing
 shes rab kyi pha rol tu phyin pa de yang mi dmigs pa'i tshul dang/ mtshan ma med pa'i tshul gyis 'dzin par byed ces bya ba nas/ rnam pa thams cad mkhyen pa nyid la spyod cing/ rnam pa thams cad mkhyen pa nyid de yang mi dmigs pa'i tshul dang/ mtshan ma med
 pa'i tshul gyis 'dzin par byed na zhes bya ba'i bar du ni dge ba'i rtsa ba dang rjes su yi rang ba dang ldan pa'i bsod nams bya ba'i dngos po de di? bla na med pa'i byang chub tu ji ltar bsngo ba'i thabs bstan pa ste/ pha rol tu phyin pa drug la sogs pa rnam pa thams cad mkhyen pa nyid la thug gi
 bar gyi chos de dag thams cad don dam par rang bzhin med pas de dag la mi dmigs shing mtshan mar? mi? 'dzin par byas la/ kun rdob tu de dag la spyod cing yongs su bzung nas de ltar spyod pa'i dge ba'i rts ba de dag bla na med pa'i byang chub tu yongs su bsngos na bsod nams
 bsngo ba skyon med cing yongs su dag par 'gyur ro zhes bstan pa'o/ /des shes rab kyi pha rol tu phyin pa la mos pa med pa dang zhes bya ba nas/ rnam pa thams cad mkhyen pa nyid la mos pa med bar 'gyur ro/ /dge ba'i bshe gnyen gyis yongs su zin par 'gyur ro zhes bya ba'i bar
 du ni de ltar thabs dang shes rab tu ldan pas don dam par mtshan ma dang dmigs pa med par yang rtogs la/ kun? rdzob tu chos de dag la spyod cing dge ba'i rtsa ba yongs su dag par bsngo na chos zab mos 'jigs shing/ skrag pa med pas pha rol tu phyin pa drug la sogs
 pa rnam pa thams cad mkhyen pa nyid la thug gi bar du rnam par byang ba'i chos thams cad la the tshom dang nem nur med pas dad pa dang mos pa che bar 'gyur ba dang/ chos zab mo'i snod du gyur pas dge ba'i bshes gnyen gyis yongs su zin par 'gyur ba'i
 phan yon bstan pa'o/ /dge ba'i bshes gnyen de dag kyang pha rol tu phyin pa drug po 'di dag don dang ldan yi ge dang ldan par ston par 'gyur te zhes bya ba nas/ byang chub sems dpa' i skyon med par chud kyi bar du/ ci nas kyang sangs rgyas kyi chos ma 'dres pa bco
 brgyad dang bral bar mi 'gyur ba de ltar ston to zhes bya ba'i bar du ni de ltar chos zab mo'i snod du gyur pa'i byang chub sems dpa' de la dge ba'i bshes gnyen rnams kyang yid ches pas/ pha rol tu phyin pa drug la sogs pa sangs rgyas kyi chos ma 'dres pa bco brgyad
 la thug gi bar du don dang tshig tu ldan par lung dang man ngag ma nor bar ston par 'gyur ba'i phan yon bstan pa'o/ /de la bdud kyi las rnams kyang ston par 'gyur te/ des bdud kyi las de dag thos nas 'grib pa 'am 'phel ba med par 'gyur ro
 zhes bya ba ni dge ba'i bshes gnyen de dag theg pa la gsang du zhugs pa'i byang chub sems dpa' de dag la dge ba'i bar chad du 'gyur ba'i bdud kyi las rnams ji ltar 'byung ba yang ston par 'gyur la/ thag pa la gsar du zhugs pa'i byang chub sems dpa' de
 dag gis bdud kyi las de dag thos na yang don dam par bdud kyi las de dag nyid kyang dngos po med pa dang/ bdag nyid la yang bdud kyis glags btsal ba'i skyon med pa'i phyir skrag cing zhum par yang mi 'gyur la bdud kyi las dngos po med par rtogs pas
 bsnyems shing nga rgyal yang med par 'gyur ro zhes bstan pa'o/ /de ci'i phyir zhe na/ de ni 'di ltar bdud kyi las de dag la ngo bo nyid med do zhes bya ba ni 'grib pa 'am 'phel ba med pa'i gtan tshigs bstan pa'o/ /de ni byang chub sems dpa' i skyon med par chud kyi bar du
 sangs rgyas bcom ldan 'das rnams dang 'bral bar mi 'gyur te zhes bya ba la sogs pa ni de ltar snod du gyur pa'i byang chub sems dpa' de sangs rgyas bcom ldan 'das rnams dang 'grogs par 'gyur ba dang/ sangs rgyas bcom ldan 'das de d+dg la bsnyen bkur byed
 cing/ dge ba'i rtsa ba bskyed pa dang/ dge ba'i rtsa ba de dag gis nam yang nyan thos dang rang sangs rgyas kyi sar mi ltung zhing/ byang chub sems dpa' i rigs phun sum tshogs pa dang ldan par 'gyur ba'i phan yon bstan pa'o/ /ko'u shi ka gzhan yang byang chub sems dpa' 
 sems dpa' chen po theg pa la gsar du zhugs pas zhes bya ba nas/ sems can thams cad dang thun mong du byas te bla na med pa yang dag par rdzogs pa'i byang chub tu yongs su bsngo bar bya'o zhes bya ba'i bar du ni theg pa la gsar du zhugs pa'i byang chub sems dpas
 phyogs bcu'i sangs rgyas bcom ldan 'das nyan thos kyi dge 'dun dang bcas pa rnams kyis bsod nams ci mdzad pa dang/ sangs rgyas bcom ldan 'das dang nyan thos kyi dge 'dun de dag la rgyal rigs che zhing mtho ba la? sogs pa 'og min gyi lha'i bar du 'dod pa'i khams
 dang/ gzugs kyi khams kyi mi dang lha rnams kyis dge ba'i rtsa ba bsags pa de dag thams cad gcig tu bsdus te/ bla na med pa'i rjes su yi rang bar byas la/ de ltar rjes su yi rang ba'i bsod nams kyang sems can thams cad dang thun mong du bya ste bla na med pa yang dag
 par rdzogs pa'i byang chub tu yongs su bsngo bar bya ba bstan pa ste/ de la ? pa'i tshul chad par gyur pa zhes bya ba ni sangs rgyas bcom ldan 'das de dag rnam par rtog pa'i spros pa dang bral ba zhes bya ba'i don to/ /tshig lam nyam pa mi mnga' ba zhes bya ba ni de ltar rnam par
 rtog pa mi mnga' yang sngon gyi smon lam gyi shugs kyi sems can gyi don du chos 'chad pa'i gsung rnam pa sna tshogs rgyun mi 'chad par 'byung ba la bya'o/ /khur bo dang zhes bya ba ni phung po'i khung dang/ nyon mongs pa'i khur dang/ yi dam bcas pa'i khur dang/ brtson 'grus kyi khur rnaMs
 blangs pa mthar phyin cing bor ba la bya ste/ gleng gzhi'i le'u las khur por ba bstan pa'i skabs su bshad pa bzhin no/ /gro dge tsher? ma rab tu bsa ba zhes bya ba ni so so'i skye bo phal pa grong mi'i chos ngan pa lus dang ngag dang yid kyis nyes par spyod pa bdag dang gzhan la gnod pa'i chos can
 tshed ma dang 'dra ba rnams spangs pa la bya'o/ /srid par kun tu sbyor ba yongs su chad pa zhes bya ba ni log par lta ba la sogs pa'i nyon mongs pa rnams kyis khams gsum du skye zhing sbyor bar 'gyur ba rnams spangs shing rgyun bcad pa la bya ste/ gleng gzhi'i le'u las srid par kun tu spyod pa
 yongs su zad pa bstan pa'i skabs su zhib tu bshad pa bzhi no/ yang dag par yongs su mkhyen pas thugs shin tu rnam par grol ba zhes bya ba ni nyon mongs pa'i sgrib pa dang/ shes bya'i sgirb pa bag chags yan chad ma lus par spangs shing ye shes rnam par dag pa la bya'o/ /rjes su yi rang
 ba'i rab dam pa mchog ces bya ba la sogs pa ni don dam par chos thams cad mi dmigs pa'i tshul du rtogs par byas nas kun rdzob tu de dag la rjes su yi rang ba ni bla na med pa'i rjes su yi rang ba zhes bya ste/ rab dam pa la sogs pa ni bla na med pa'i rnam
 grangs su zad do/ /de nas byang chub sems dpa' sems dpa' chen po byams pas tshe dang ldan pa rab 'byor la 'di skad ces smras so zhes bya ba nas/ lta ba phyin ci log tu mi 'gyur ba yin zhes bya ba'i bar du ni theg pa la gsar du zhugs pa'i byang chub sems dpa' bsod nams kyi
 rjes su yi rang ba dang/ bsod nams yongs su bsngo ba skyon med cing yongs su dag par bya ba zhib tu bshad pa'i gleng bslad pa'i phyir de ltar theg pa la gsar du zhugs pa'i byang chub sems dpa' de rjes su yi rang bzhin yongs su bsngo ba'i che sangs rgyas bcom ldan 'das de dag dang/ nyan
 thos kyi dge 'dun de dag dang/ dge ba'i rtsa ba de dag ma bsams par ni/ yongs su bsngor yang mi rung/ de dag gra? sams te yongs su bsngos na ni dngos por dmigs shing mtshan mar bzung na 'du shes phyin ci log dang/ sems phyin ci log dang/ lta ba phyin ci log tu
 ji ltar mi 'gyur zhes gal bzung ste dris pa'o/ /rab 'byor gyi smras pa/ byams pa gal te zhes bya ba nas/ lta ba phyin ci log tu 'gyur ba med de zhes bya ba'i bar du ni/ theg pa la gsar du zhugs pa'i byang chub sems dpas yongs su bsngo ba skyon med pa bstan pa ste/ kun
 rdzob tu sangs rgyas dang nyan thos dang dge ba'i rtsa ba dang yongs su bsngo ba'i sems rnams la sems shing rtog kyang/ don dam pa de dag thams cad dngos po med par khong du chud pas/ dag ba mdzad pa'i sangs rgyas bcom ldan 'das dang/ 'phags pa nyan thos dang/ de dag gi dg
 ba'i rtsa ba dang yongs su bsngo bar byed pa'i bdag gi sems rnams la dngos po lta zhing mtshan mar 'dzin pa'i 'du shes med par kun rdzob tu thabs mkhas pas yongs su bsngos na/ 'du shes dang sems dang lta ba phyin ci log tu mi 'gyur ru zhes bstan pa'o/ /gal te byang chub
 sems dpa' sems dpa' chen po de sangs rgyas bcom ldan 'das nyan thos dang bcas pa de dag dang/ dge ba'i rtsa ba de dag la sems shing mtshan mar 'dzin la zhes bya ba nas/ lta ba phyin ci log tu 'gyur ro zhes bya ba'i bar du ni/ dge ba mdzad pa'i sangs rgyas bcom ldan 'das
 dang/ 'phags pa nyan thos dang/ de dag gi dge ba'i rtsa ba dang yongs su bsngo bar byed pa'i bdag gi sems rnams don dam par dngos po med par ma rtogs shing/ de dag mtshan mar 'dzin pa'i du shes kyis yongs su bsngos na 'du shes dang sems dang lta ba phyin ci log tu 'gyur ro
 zhes bstan pa'o/ /gal te byang chub sems dpa' sems dpa' chen po'i sems gang gi sangs rgyas bcom ldan 'das nyan thos dang bcas pa dang/ dge ba'i rtsa ba de dag la sems pa'i sems de la yang dag par sems shing zhes bya ba nas/ de ltar byang chub sems dpa' 
 sems dpa' chen pos dge ba'i rtsa ba rnams yongs su bsngo bar bya'o zhes bya ba'i bar du sangs rgyas bcom ldan 'das dang/ 'phags pa nyan thos dang/ dge ba'i rtsa ba rnams la sems pa'i sems gang yin pa dag/ yongs su bsngo ba'i sems gang yin pa dang/ gang du bsngo bar
 bya ba'i bla na med pa'i byang chub kyang/ don dam par zad cing dngos po med par rtogs par bya ste/ kun rdzob tu yongs su bsngo bar bya ba bstan pa ste/ sems de nyid kyi chos nyid kyang de yin la zhes bya ba ni yongs su bsngo ba'i sems de'i rang bzhin zad cing med pa yin no zhes bya ba'i don
 to/ /chos gang la yongs su bsngo ba'i chos de'i chos nyid kyang de yin no zhes bya ba ni bla na med pa'i byang chub tu yongs su bsngo ba'i byang chub tu yang dngos po med pa'i ngo bo nyid do zhes bstan pa'o/ /gal te byang chub sems dpa' sems dpa' chen pos 'das pa dang/ ma byon pa
 dang/ da ltar byung ba'i sangs rgyas bcom ldan 'das rnams kyi thugs dang po bskyed nas zhes bya ba nas/ 'di ni byang chub sems dpa' sems dpa' chen po'i yongs su bsngo ba'i bla na med pa'o zhes bya ba'i bar du ni dus gsum gyi sangs rgyas bcom ldan 'das rnams kyis
 dang po byang chub tu thugs bskyed nas dge ba'i rtsa ba ji snyed cig mdzad pa dang/ nyan thos dang rang sangs rgyas rnams gyis dge ba'i rtsa ba ji snyed cig mdzad pa dang/ so so'i skye bo lha dang mi la sogs pa'i rigs su gtogs pa rnams kyis 'phags pa
 de dag la dge ba'i rtsa ba ji snyed cig bskyed pa'i dge ba'i rtsa ba de dag thams cad gcig tu bsdus te rjes su yi rang ba'i mchog dam pa bla na med pas rjes su yi rang nas de ltar rjes su yi rang ba'i bsod nams de yang bla na med pa yang dag par rdzogs pa'i byang chub tu yongs su bsngos
 la/ don dam par dge ba mdzad pa'i 'phags pa rnams dang/ so so'i skye bo rnams dang/ dge ba'i rtsa ba rnams dang/ rjes su yi rang ba'i sems dang/ yongs su bsngo ba'i sems dang/ gang du yongs su bsngo ba'i byang chub kyi chos de dag thams cad zad cing 'gags la dngos po
 med de rang bzhin gyis stong par shes par bya ste/ kun rdzob tu thabs mkhas pas yongs su bsngos na bla na med pa'i yongs su bsngos par 'gyur ro zhes bstan pa ste/ chos kyi chos yongs su bsngo par mi bya ste zhes bya ba ni yongs su bsngo bar bya ba dang/ yongs su bsngo bar byed pa'i
 chos de dag thams cad rang bzhin gyis stong pa'i phyir stong pas stong pa la bsngor med do zhes bya ba'i don to/ /gal te byang chub sems dpa' sems dpa' chen pos bsod nams bya ba'i dngos po mngon par 'du bya ba de/ phung po dang khams dang/ skye mched rnams
 kyis dben par shes te zhes bya ba nas/ rab 'byor de ltar byang chub sems dpa' sems dpa' chen pos bsod nams bya ba'i dngos po mngon par 'du bya ba de bla na med pa yang dag par rdzogs pa'i byang chub tu yongs su bsngos pa yin no zhes bya ba'i bar du ni bsod nams bya
 ba'i dngos po mngon par 'du bya ba de don dam par phung po dang khams dang skye mched la sogs pa sangs rgyas kyi chos ma 'dres pa bco brgyad la thug gi bar gyi chos rnams kyis dben par shes te/ chos de dag gi rang bzhin dang mi ldan par shes nas kun rdzob tu yongs su bsngos
 na skyon med cing bsngo ba yongs su dag pa yin no zhes bstan pa'o/ /gal te byang chub sems dpa' sems dpa' chen pos rjes su yi rang ba dang ldan pa'i bsod nams bya ba'i dngos po mngon par 'du bya ba de rjes su yi rang ba dang ldan pa'i bsod nams bya ba'i dngos po mngon par 'du bya ba de nyid kyis
 dben par shes te zhes bya ba nas/ 'di ni byang chub sems dpa' sems dpa' chen po'i shes rab kyi pha rol tu phyin pa'o zhes bya ba'i bar du ni don dam par rjes su yi rang ba dang ldan pa'i bsod nams bya ba'i dngos po mngon par 'du bya ba de nyid kyang rang bzhin gyis dben te stong par shes
 la/ /sangs rgyas bcom ldan 'das de dag dang/ bsngo bar bya ba ba'i dge ba'i rtsa ba de dag dang/ bsngo bar byed pa'i sems de dag dang/ gang du bsngo ba'i byang chub de nyid kyang de'i rang bzhin gyis dben zhing stong par shes/ shes rab kyi pha rol tu phyin pa nas/ sangs rgyas kyi chos ma 'dres ba bco
 brgyad kyi bar gyi chos de dag thams cad kyang de dag gi rang bzhin gyis dben zhing stong par shes par byas la/ kun rdzob tu yongs su bsngos na shes rab kyi pha rol tu phyin pa dang mi 'gal bar yongs su bsngos pa yin no zhes bstan pa'o/ /gzhan yang byang chub sems dpa' sems dpa' 
 chen po sangs rgyas bcom ldan 'das nyan thos kyi dge 'dun dang bcas pa yongs su mya ngan las 'das pa de dag gi dge ba'i rtsa ba de dag yongs su bsngon 'di ltar yongs su bsngo bar bya ste zhes bya ba nas/ lta ba phyin ci log tu mi 'gyur ro zhes bya ba'i bar du sangs rgyas bcom ldan 'das
 nyan thos kyi dge 'dun dang bcas pa yongs su mya ngan las 'das pa rnams kyis dge ba'i rtsa ba de dag la rjes su yi rang ba'i bsod nams yongs su bsngo ba'i tshe/ ji ltar sangs rgyas bcom ldan 'das nyan thos kyi dge 'dun dang bcas pa de dag yongs su mya ngan las 'das ste mngon
 du mi bzhugs shing dngos por mi snang ba bzhin du/ dge ba'i rtsa ba de dag dang/ yongs su bsngo ba de dag dang/ yongs su bsngo ba'i sems de dag kyang mya ngan las 'das pa dang 'dra bar don dam par dngos po med par rtog par byas nas/ kun rdzob tu bla na med pa'i byang chub tu yongs su bsngos
 na mtshan mar mi 'dzin pas 'du shes dang sems dang lta ba phyin ci log tu mi 'gyur ro zhes bstan pa'o/ /gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ mtshan ma'i tshul gyiS sangs rgyas
 bcom ldan 'das de dag gi dge ba'i rtsa ba de dag yongs su shes na bla na med par yang dag par rdzogs pa'i byang chub tu yongs su bsngo ba ma yin no zhes bya ba nas/ lta ba phyin ci log tu 'gyur ro zhes bya ba'i bar du ni sangs rgyas bcom ldan 'das dang/ dge ba'i rtsa ba de dag la
 mtshan mar 'du shes na yang yongs su bsngo ba skyon med par mi 'gyur la/ 'das pa'i sangs rgyas bcom ldan 'das de dag la mtshan ma med pa dang/ mtshan ma'i yul ma yin no snyam du sems na/ de ltar sems shing 'du shes skye ba nyid kyang mtshan mar 'dzin
 pas bla na med pa'i byang chub tu yongs su bsngo ba skyon med pa ma yin te/ 'du shes dang sems dang lta ba phyin ci log tu 'gyur ba yin no zhes bstan pa'o/ /gal te byang chub sems dpa' sems dpa' chen po sangs rgyas bcom ldan 'das de dag dang zhes bya ba nas/
 lta ba phyin ci log tu mi 'gyur ro zhes bya ba'i bar du ni gong du smos pa ltar mtshan mar mi 'dzin na bsngo ba yongs su dag pa ste/ phyin ci log tu mi 'gyur ro zhes bstan pa'o/ /byams pas smras pa/ btsun pa rab 'byor ji ltar na byang chub sems dpa' sems dpa' 
 chen po dge ba'i rtsa ba de dag la mtshan mar mi byed cing/ bla na med pa yang dag par rdzogs pa'i byang chub tu yongs su bsngo ba yin zhes bya ba ni rjes su yi rang ba'i bsod nams de dag mtshan mar ma bzung na ni yongs su bsngor yang med/ /yongs su bsngo ba ni mtshan
 mar mi bzung du yang mi rung na/ 'di gnyis ji ltar 'gal bar mi 'gyur zhes dris pa'o/ /rab 'byor gyi smras pa/ byang chub sems dpa' sems dpa' chen pos shes rab kyi pha rol tu phyin pa 'di la thabs mkhas pa de dag bslab par bya ste zhes bya
 pa ni dngos po rnams mtshan mar yang mi 'dzin la/ yongs su bsngo ba skyon med par yang 'gyur ba ni/ thabs la mkhas pa'i byang chub sems dpas nus te/ de lta bu'i thabs la mkhas pa yang shes rab kyi pha rol tu phyin pa 'di la spyod pas bslab dgos so zhes
 bstan pa'o/ /shes rab kyi pha rol tu phyin pa 'di las byang chub sems dpa' sems dpa' chen po'i thabs mkhas par rig par bya'o zhes bya ba ni de lta bu'i thabs mkhas pa bslab pa yang gzhan du mi btsal bar shes rab kyi pha rol tu phyin pa 'di nyid las btsal bar bya
 ba'i gtan tshigs bstan pa'o/ /shes rab kyi pha rol tu phyin pa la ma brten par/ bsod nams bya ba'i dngos po yongs su bsngo bar mi nus so zhes bya ba ni shes rab kyis chos thams cad mtshan ma med par ma rtogs pas/ bsod nams yongs su bsngos kyang/ bsngo ba yongs su
 dag par mi 'gyur ro zhes bstan pa'o/ /byams pa smras pa/ sangs rgyas bcom ldan 'das de dag kyang shes rab kyi pha rol tu phyin pa la med de mi dmigs so zhes bya ba dang zhes bya ba nas/ yongs su bsngo ba'i sems bskyed pa de dag kyang med do mi dmigs so zhes bya ba 'di skyon
 du smos par mi 'gyur ma snyam na zhes bya ba'i bar du ni mtshan ma med cing mi dmigs par yongs su bsngo ba gong du bshad pa la med par lha ba'i skyon du 'gyur br dogs pa skye bar 'phag pa byams pas bstan pa'o/ /de la byang chub sems dpa' sems dpa' chen poS
 shes rab kyi pha rol tu phyin pa la spyod pa'i tshe/ 'di ltar yongs su brtag par bya ste zhes bya ba nas/ mi dmigs shing mtshan ma med par bya ste yongs su bsngo bar bya'o zhes bya ba'i bar du ni med par lta ba'i skyon du mi 'gyur pa'i gtan tshigs bstan pa ste yongs su bsngo bar bya
 ba'i dge ba'i rtsa ba la sogs pa de dag thams cad don dam par 'gags shing med par gyur pa la yod par lta zhing mtshan mar 'dzin pa ni lta ba log pa yin te/ de bzhin gshegs pas kyang smad pa yin gyis/ don dam par med cing mi dmigs pa la
 med cing mi dmigs par rtogs nas mtshan mar mi 'dzin pa/ ni skyon du mi 'gyur ro zhes bstan pa'o/ /de bzhin gshegs pa gra bcom pa yang dag par rdzogs pa'i sangs rgyas rnams kyis ni dmigs pa'i 'du shes can dang/
 mtshan ma'i 'du shes can gyi yongs su bsngo ba don che bar ma gsungs so zhes bya ba ni de ltar dmigs pa dang bcas shing mtshan ma dang bcas par yongs su bsngo ba de bzhin gshegs pas kyang don chung zhing smad pa yin par bstan pa'o/ /de ci'i phyir zhe na/ yongs su
 bsngo ba de ni dug can zug rngu can te zhes bya ba nas/ de bzhin du 'di la leg par rig pa dang/ log par shes pa dang/ log par bslab pa la don ma rtogs par mi shes shing 'di skad du ston te zhes bya ba'i bar du ni da ltar dmigs pa dang bcas shing mtshan ma dang bcas
 par yongs su bsngo ba skyon du 'gyur ba'i des kha zas dug can za ba las blangs te bstan pa'o/ /tshur rigs kyi bu khyod kyis 'das pa dang/ ma byon pa dang/ da ltar byung ba'i sangs rgyas bcom ldan 'das kyi thugs dang po bskyed pa nas nye bar 'gyur ste/ zhes bya ba nas/
 de ltar yongs su bsngon/ de bzhin gshegs pa la skur bar 'gyur/ de bzhin gshegs pas gsungs pa bzhin du smra ba yang ma yin/ chos bzhin du smra ba yang ma yin par 'gyur te zhes bya ba'i bar du ni dus gsum gyi sangs rgyas bcom ldan 'das rnams
 phyi ma shes rab kyi pha rol tu phyin pa la sogs pa rnam pa thams cad mkhyen pa nyid dang/ mi mnyam pa'i chos nyid dang rtag tu btang snyoms su gnas pa la thug gi bar du rnam par byang ba'i chos rnams la spyad cing bsgoms pa'i dge ba'i rts ba la mtshan mar bzung
 zhing dmigs pa dang bcas par dag kyang rjes su yi rang zhing yongs su bsngo ba dang/ gzhan yang de ltar rjes su yi rang zhing yongs su bsngor 'jug pa dang/ sangs rgyas bcom ldan 'das de dag gi nyan thos dang/ rang sangs rgyas rnams kyi dgeba'i rtsa ba zad pa med pa
 dang/ so so'i skye bo rnams kyi dge ba'i rts ba ci bskyed pa rnams la mtshan mar 'dzin cing/ dmigs pa'i tshul gyis yongs su bsngor 'jug na kha zas dug can zab dang 'dra bar bsngo ba skyon can du 'gyur zhing de bzhin gshegs pa'i bka' dang 'gal bar 'gyur ba bstan pa'o/ /de la
 byang chub sems dpa' i theg pa pa'i rigs kyi buAm rigs kyi bu mos ji ltar na 'das pa dang/ ma byon pa dang/ da ltar byung ba'i sangs rgyas rnams kyi dge ba'i rtsa ba rnams la rjes su yi rang ste zhes bya ba nas/ dge ba'i rtsa ba de dag bla na med pa yang dag pa'i byang chub tu yongs su bsngos par
 'gyur snyam du bslab par mi bya'o zhes bya ba'i bar du ni de ltar gong du bshad pa'i tshul gyis dmigs pa dang bcas shing mtshan ma dang bcas par dge ba'i rtsa ba yongs su bsngo ba skyon can du 'gyur bas/ de'i phyir phyogs bcu'i 'jig rten gyi khams na dus gsum du bzhugs pa'i
 sangs rgyas bcom ldan 'das rnams kyis de dge ba'i rtsa ba gang ji snyed cig mngon par 'du mdzad pa la ji ltar rjes su yi rang ste yongs su bsngos na/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngos par 'gyur snyam du dmigs pa dang bcas
 shing mtsh+n ma dang bcas par yongs su bsngo bas bslab par mi bya'o zhes bstan pa'o/ /rab 'byor gyi smras pa/ byams pa 'di la byang chub sems dpa' i thegs pa'i rigs kyi buAm rigs kyi bu mo shes rab kyi pha rol tu phyin pa la spyod pa de dag de bzhin gshegs
 pa la skur bar 'gyur ba med par 'dod pas 'di ltar yongs su bsngo bar bya ste zhes bya ba nas de ltar spyod pa'i byang chub sems dpa' sems dpa' chen po'i yongs su bsngo ba dug med cing bdud rtsi'i mthar phyin par 'gyur ro zhes bya ba'i bar du ni dge ba'i rtsa ba yongs su bsngo ba
 dag par bya ba'i thabs bstan pa ste/ de'i thabs kyang de bzhin gshegs pa rnams kyis bla na med pa'i ye shes kyi dge ba'i rtsa ba de dag don dam par rang bzhin gyis stong par thugs su chud la/ kun rdzob tu thabs mkhas pas de la ma chags par yongs su bsngo ba mdzad pa de
 bzhin du bdag kyang yongs su bsngo'o zhes de bzhin gshegs pa tshad mar bya ste yongs su bsngos na bsngod yongs su dgu par 'gyur ro zhes bstan pa'o/ /de la dge ba'i rts ba de dag gi dang tshul gang yin pa dang/ rang bzhin gang yin pa dang/ mtshan nyid gang yin pa zhes bya
 ba ni rang bzhin gang yin pa zhes bya ba'i rnam grangs te/ don dam par de dag gi rang bzhin med pa yin yang kun rdzob tu ji ltar bsngos pa'i 'bras bu 'thob par 'gyur ba thugs su chud de mkhyen la zhes bya ba dang sbyar ro/ /chos nyid gang gyis yong pa de bzhin du zhes bya ba ni don dam par
 stong pa nyid kyi chos nyid yin la/ kun rdzob tu ji ltar bsngos pa'i ji ltar 'bras bu thob par byed pa de lta bu'i chos nyid du yod pa la rjes su yi rang ngo zhes bya ba dang sbyar ro/ /yongs su bsngo ba de dug med cing bdud rtsi'i mthar phyin par 'gyur ro zhes bya ba la bdud rtsi zhes bya ba ni mya ngan las
 'das pa la bya ste/ /de ltar yongs su bsngos na bsngo ba skyon med pa yin pa mya ngan las 'da pa thob par 'gyur ro bya ba'i don to/ /gzhan yang byang chub sems dpa' i theg pa pa'i rigs kyi bu 'am rigs kyi bu mos shes rab kyi pha rol tu phyin pa la spyod
 pa'i tshe/ dge ba'i rtsa ba rnams 'di ltar yongs su bsngo bar bya ste zhes bya ba nas/ rang sangs rgyas de dag kyang khong du chud pa ma yin no/ /de dag gi dge ba'i rtsa ba de dag kyang khong du chud pa ma yin te/ gang khong du chud pa ma yin pa de ni 'daS pa ma yin/ ma 'ongs pa ma yin/ da
 ltar byung ba ma yin no/ zhes bya ba'i bar du ni gzugs la sogs pa rtag tu btang snyoms su gnas pa la thug gi bar gyis chos thams cad don dam par dngos po med pas khams gsum gang na yang med la/ dus gsum gang du yang ma gtogs pa de bzhin du yongs su bsngo
 ba dang/ gang du bsngo bar bya ba'i bla na med pa'i byang chub dang/ yongs su bsngo bar bya ba'i dge ba'i rtsa ba dang/ dge ba'i rtsa ba mdzad pa'i sangs rgyas bcom ldan 'das dang/ nyan thos dang rang sangs rgyas de dag kyang don dam par khams gsum gang du yang med la dus
 gsum gang du yang ma gtogs par shes par bya ste yongs su bsngo na bsngo ba yongs su dag pa yin no zhes bstan pa'o/ /gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ zhes bya ba nas de ltar shes na byang chub sems dpa' sems
 dpa' chen po'i bsngo ba dug med pa yin te/ bdud rtsi'i mthar phyin par 'gyur ro zhes bya ba'i bar du ni gzugs la sogs pa rtag tu btang snyoms su gnas pa la thug gi bar gyis chos de dag thams cad gong du smos pa'i tshul du don dam par rang bzhin gyis stong pas khams gsum
 gang na yang med la/ dus gsum gang du yang ma gtogs pa de dag mtshan ma'i tshul lam/ dmigs pa'i tshul gyis yongs su bsngor mi rung pa'i gtan tshigs zhib tu bstan pa ste/ de ci'i phyir zhe na/ de la rang bzhin med do zhes bya ba khams gsum gang na yang med cing/
 dus gsum gang du yang ma gtogs pa de la so so'i rang gi mtshan nyid med do zhes bstan pa'o/ /gang la rang bzhin med pa de ni dngos po med pa ste zhes bya ba ni de ltar rang gi mtshan nyid med pa de la don dam par spya'i mtshan nyid kyang med de/ dngos po yong bar ma grub po
 zhes bya ba'i don to/ /dngos po med pa ni dngos po med pas yongs su bsngo bar mi nus so zhes bya ba ni ji ltar bsngo bar bya ba dngos po med pa d bzhin du bsngo bar byed pa yang dngos po med pI phyir med paS med pa yongs su bsngo ba mi rung ngo zhes bstan pa ste/ thams cad la yang de bzhin du sbyar
 bar bya'o/ /byang chub sems dpa' i theg pa pa'i rigs kyi bu 'am rigs kyi bu mo mtshan ma'i tshul ma/ dmigs pa'i tshul gyis dge ba'i rtsa ba de dag yongs su bsngo na de ni log par yongs su bsngo ba yin gyis/ yang dag par yongs su bsngo ba ma yin no zhes bya ba nas/ sangs
 rgyas kyi chos ma 'dres pa bco brgyad yongs su rdzogs par mi 'gyur ro zhes bya ba'i bar du ni de ltar chos thams cad rang bzhin gyis stong zhing dngos po med pa la dngos po yong par dmigs shing/ mtshan ma'i tshul gyis yongs su bsngo na log par yongs su bsngo ba yin
 pas sangs rgyas bcom ldan 'das rnams kyis kyang bsngags pa ma yin la de ltar mi bsngags pa'i yongs su bsngo ba nges ni pha rol tu phyin ba drug la sogs pa sangs rgyas kyi chos ma 'dres pa bco brgyad la thu gi bar du rnam par byang ba'i chos rnamS
 yongs su rdzogs par mi 'gyur te/ bdag gi don phun sum tshogs pa mi 'gyur ba'i phyir kha zas dug can za ba dang 'dra'o zhes bstan pa'o/ /gang gis sbyin pa'i pha rol tu phyin pa yongs su rdzogs par mi 'gyur ba dang zhes bya ba nas/ de ci'i phyir zhe na/ de ltar yongs
 su bsngo bde ni dug dang bcas pa'i phyir ro zhes bya ba'i bar du ni de ltar pha rol tu phyin pa drug la sogs pa sangs rgyas kyi chos ma 'dres pa bco brgyad la thug gi bar du yongs su rdzogs par ma gyur na/ sangs rgyas kyi zhing yongs su dag par bya ba dang/ sems can yongs su
 smin par bya ba yang mi nus te/ gzhan gyi don phun sum tshogs par mi 'gyur pa'i skyon bstan pa'o/ /gzhan yang byang chub sems dpa' sems dpa' chen pos shes rab kyi pha rol tu phyin pa la spyod pa'i tshe zhes bya ba nas/ bdag gis kyang chos nyid des bla na med
 pa yang dag par rdzogs pa'i byang chub tu yongs su bsngo bar bya'o zhes yongs su brtag par bya'o zhes bya ba'i bar du bsngos pa yongs su dag pa sangs rgyas bcom ldan 'das rnams kyis ji ltar mkhyen cing thabs mkhas pa'i chos nyid kyis yongs su bsngos pa de bzhin du/ bdag
 gis kyang don dam par chos thams cad rang bzhin gyi stong zhing/ dmigs pa dang mtshan ma med par rtogs par byas la kun rdzob tu de la ma chags par bya ste/ dge ba'i rtsa ba yongs su bsngos na thabs mkhas pa'i chos nyid dang ldan pa'i yongs su bsngo bar 'gyur ro zhes
 bstan pa'o/ /de nas bcom ldan 'das kyis tshe dang ldan pa rab 'byor la bka' stsal pa zhes bya ba nas/ rab 'byor khyod ston pa'i bya ba byed pa yin no zhes bya ba'i bar du ni de ltar dge ba'i rtsa ba yongs su bsngo ba skyon med cing yongs su dag par bsngo ba rab 'byor gyis gong du
 bshad pa mtshan ma med cing mi dmigs pa'i tshul gyis yongs su bsngo pa bstan pa de legs so zhes ston pa ste/ mtshan ma med pa dang/ dmigs pa med pa dang/ skye ba med pa la sogs pa'i tshig rnams smos pa ni stong pa nyid kyi rnam grangs su zad do/ /rab 'byor gal te stong gsum gyi
 stong chen po'i 'jig rten gyi khams 'di'i sems can de dag thams cad dge ba bcu'i las kyis lam thob par gyur zhes bya ba nas/ bla na med pa zhes bya'o/ /gong na med pa zhes bya'o/ /zhes bya ba'i bar du ni stong gsum gyi stong chen po'i 'jig rten gyi khams kyi sems can
 ji snyed yod pa de dag thams cad kyis dge ba bcu'i las kyi lam dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ mngon par shes pa lnga thob par gyur pa'i bsod nams pas kyang rjes su yi rang ba dang ldan pa'i dge ba'i
 rtsa ba rnams dmigs pa dang/ bcas shing mtshan ma dang bcas pa'i skyon gyis ma chags ma gos par sems can thams cad dang thun mong du bya ste/ bla na med pa yang dag par rdzogs pa'i byang chub tu yongs su bsngos pa bsod nams khyad par 'phags par che ba bstan pa
 ste/ rab dang/ gtso bo dang/ dam ba zhes bya ba la sogs pa ni khyad par du 'phags par che ba'i rnam grangs so/ /rab 'byor gzhan yang stong gsum gyi stong chen po'i 'jig rten gyi khams 'di na/ sems can ji snyed cig yong ba de dag thams cad rgyun du zhugs par gyur zhes bya ba
 nas/ bla na med pa zhes bya'o/ /gong na med pa zhes bya'o zhes bya ba'i bar du ni stong gsum gyi stong chen po'i 'jig rten gyi khams na sems can ji snyed cig yod pa de dag thams cad rgyun tu zhugs pa dang/ lan cig phyir 'ong ba dang/ phyir mi 'ong ba dang/ dgra bcom par
 gyur pa rnams la gos dang/ zas dang/ mal stan? dang/ na ba'i sman gyi yo byad rnams kyis rim gro dang bkur sti la sogs pa byas pa'i bsod nams pas kyang rjes su yi rang ba dang ldan pa'i dge ba'i rtsa ba mtshan mar 'dzin pa'i skyon gyis mchags ma gos par sems
 can thams cad dang thun mong du byas te/ bla na med pa yang dag par rdzogs pa'i byang chub tu yongs su bsngos pa bsod nams khyad par du 'phags par che bar bstan pa'o/ /rab 'byor gzhan yang stong gsum gyi stong chen po'i 'jig rten gyi khamS
 na sems can ji snyed cig yod pa de dag thams cad rang sangs rgyas su gyur te zhes bya ba nas/ bla na med pa zhes bya'o/ gong na med pa zhes bya'o/ /zhes bya ba'i bar du ni stong gsum gyi stong chen po'i 'jig rten gyi khams na/ sems can ji snyed cig yod pa de dag thams
 cad rang sangs rgyas su gyur pa la gos dang/ zas dang/ ma la stan dang/ na ba'i sman gyi yo byang rnams kyi rim gro dang bkur sti la sogs pa byas pa'i bsod nams pas kyang rjes su yi rang ba dang ldan pa'i dge ba'i rtsa ba mtshan mar 'dzin pa'i skyon gyis ma chags mgos
 par sems can thams cad dang thun mong du bya ste/ bla na med pa yang dag par rdzogs pa'i byang chub tu yongs su bsngos pa'i bsod nams khyad par du 'phags par che bar bstan pa'o/ /rab 'byor gzhan yang stong gsum gyi stong chen po'i 'jig rten gyi khams na sems
 can ji snyad cig yod pa de dag thams cad bla na med pa yang dag par rdzogs pa'i byang chub tu yang dag par zhugs par gyur te zhes bya ba nas/ rigs kyi bu 'am rigs ki bu mo de dag kyang dmigs pa'i 'du shes can no zhes bya ba'i bar du ni stong gsum gyi stong chen po'i 'jig
 rten gyi khams na sems can ji snyed cig yong pa de dag thams cad bla na med ba yang dag par rdzogs pa'i byang chub tu yang dag par zhugs pa rnams la/ phyogs bcu'i 'jig rten gyi khams gang gA'i klung gi bye ma snyed dag na sems can ji snyed cig yod pa de dag
 thams cad kyis bskal pa'i grangs gang+gA'i klung gi bye ma snyed du gos dang/ zas dang mal stan dang/ na ba'i sman dang yo byad mang pos rim gro dang bkur sti byas pa'i bsod nams pas kyang/ rjes su yi rang ba dang ldan pa'i dge ba'i rtsa pa mtshan mar 'dzin pa'i skyon gyis
 ma chags ma gos par bya ste/ sems can thams cad dang thun mong du byas nas/ bla na med pa yang dag par rdzogs ba'i byang chub tu yongs su bsngos pa bsod nams snga ma bas kyang khyad par du 'phags par che ba bstan pa ste/ de la bla na med pa yang dag par rdzogs pa'i byang
 chub tu yang dag par zhugs pa zhes bya ba ni byang chub sems dpa' sa dang po thob pa yan chad la bya'o/ /de nas rgyal po chen po bzhi rgyal chen bzhi'i rigs kyi lha'i bu stong phrag nyi shu dang zhes bya ba nas/ bcom ldan 'das de ltar byang chub sems dpa' sems
 dpa' chen po shes rab kyi pha rol tu phyin pa dang/ thabs mkhas pas yongs su bzung ba de dag gis/ rigs kyi bu dang rigs kyi bu mo snga ma thabs mkhas pa dang mi ldan pa/ dmigs pa'i spyod pa can de dag dge ba'i rtsa ba de dag zil gyis mnan pa ngo mtshar che'o sgrar bsgragS
 te dbyangs su brjod do zhes bya ba'i bar du ni 'dod pa'i khams dang/ gzugs kyi khams kyis lha rnams kyis de ltar dmigs su med pa dang/ chags pa med pa dang/ mtshan ma med pa dang/ rtsol ba med pa'i tshul gyis dge ba'i rtsa ba de dag bla na med pa yang dag par
 rdzogs pa'i byang chub tu yongs su bsngo ba thabs mkhas pa dang ldan pas mdza' gnyis dang bral bar bsngos pa de dag yongs su bsngo ba'i mchog yin la/ dmigs pa can gyi dge pa'i rtsa ba thams cad zil gyis mnan pa'i yon tan smos te rjes su yi rang nas mchod pa byas
 pa bstan pa'o/ /de nas bcom ldan 'das kyis rgyal chen bzhi'i rigs kyi lha rnams dang zhes bya ba nas/ mnyam pa med pa zhes bya'o/ /mi mnyam pa dang mnyam pa zhes bya'o zhes bya ba'i bar du ni stod gsum gyi stong chen po'i 'jig rten gyi khams na sems can ji
 snyed cig yod pa de dag thams cad bla na med pa yang dag par rdzogs pa'i byang chub tu sems bskyed do/ /byang chub sems dpar gyur pa rnams kyis phyogs bcu dus gsum du bzhugs pa rnams kyi sangs rgyas bcom ldan 'das nyan thos dang rang sangs rgyas su bcas
 pa rnams kyis dang por sems bskyed pa nas/ dam pa'i chos ma nub kyi bar du pha rol tu phyin pa drug la sogs pa sangs rgyas kyi chos thams cad la spyad?/ dge ba'i rtsa ba ji snyed cig yod pa de dag la rjes su yi rang nas dmigs pa dang bcas pa'i tshul
 gyis bla na med pa yang dag par rdzogs pa'i byang chub tu yongs su bsngos pa'i bsod nams kyang/ rigs kyi bu 'am rigs kyi bu mo la la zhig bla na med pa yang dag par rdzogs pa'i byang chub tu sems bskyed de byang chub sems dpar gyur bas/ phyogs bcu na dus gsum
 du bzhugs pa'i sangs rgyas bcom ldan 'das nyan thos dang rang sangs rgyas su bcas pa rnams kyis dang po sems bskyed pa nas/ dam pa'i chos ma nub kyi bar du pha rol tu phyin pa drug la sogs pa sangs rgyas kyi chos thams cad la spyad de/ dge ba'i rtsa ba ji
 snyed cig bskyed pa de dag la dmigs su med pa dang gnyis su med pa la sogs pa'i tshul gyis rjes su yi rang nas/ rjes su yi ba'i dge ba'i rtsa ba de yang dmigs su med pa dang gnyis su med pa la sogs pa'i tshul gyis bla na med pa yang dag par rdzogs pa'i byang chub tu yongs
 su bsngos na/ de'i bsod nams dmigs pa can gyi bsngo ba snga a'i bsod nams pas khyad par du 'phags par che ba bstan pa ste/ rab dang gtso po la sogs pa ni khyad par du 'phags pa'i rnam grangs su zad de snga ma bzhin no/ /de nas tshe dang ldan pa rab 'byor gyis/ bcom
 ldan 'das la 'di skad ces gsol to zhes bya ba nas/ mi mnyam pa dang/ mnyam pa zhes bya'o zhes bya ba'i bar du ni mtshan ma med pa dang dmigs su med pa'i rjes su yi rang ba der ba dang/ gtso bo dang/ ngal pa dang/ mchog la sogs par ji tsam gyis 'gyur ba bstan
 pa ste/ don dam par dge ba'i rtsa ba de dag rang bzhin gyis stong zhing de bzhin nyid du ro gcig pas blang dor med pa dang/ skye ba dang/ 'gag pa la sogs pa med pa dang/ de bzhin nyid dang/ ma nor ba de bzhin nyid la sogs pa'i rang bzhin du ro gcig par rtogs par
 bya ste kun rdzob tu rjes su yi rang nas/ de ltar rjes su yi rang ba'i dge ba'i rtsa ba de bla na med pa yang dag par rdzogs pa'i byang chub tu yongs su bsngos na rab dang gtso bo la sogs par 'gyur te/ dmigs pa can gyis rjes su yi rang bas de la brgya stong du ma'i char yang mi phod do zhes bstan
 pa'o/ /rab 'byor gzhan yang byang chub sems dpa' i theg pa pa'i rigs kyi bu 'am rigs kyi bu mos zhes bya ba nas/ rab 'byor rjes su yi rang ba de dang ldan pa'i byang chub sems dpa' sems dpa' chen po myur du bla na med pa yang dag par rdzogs pa'i byang chub tu mngon par
 rdzogs par 'tshang rgya'o zhes bya ba'i bar du ni dus gsum gyi de bzhin gshegs pa rnams dang/ nyan thos dang rang sangs rgyas rnams dang sems can thams cad kyi dge ba'i rtsa ba ji snyed yod pa de dag thams cad la rjes su yi rang ba skyon med cing yongs su dag par bya ba'i thabs
 bstan pa ste/ de'i thabs kyang gzugs la sogs pa 'jig rten dang 'jig rten las 'das pa'i chos thams cad don dam par rnam par grol zhing yongs su dag par ro gcig pa dang/ chos thams cad ma chags pa dang/ ma bcings pa dang/ ma grol ba la sogs pa'i
 rang bzhin tu rtogs par bya ste/ kun rdzob tu bla na med pa yang dag par rdzogs pa'i byang chub tu yongs su bsngos na/ de ltar rjes su yi rang nas yongs su bsngo ba de ni rjes su yi rang ba'i rab dang gtso bo la sogs pa yin pas bla na med pa yang dag par rdzogs pa'i byang chub tu mngon par
 rdzogs par 'tshang rgya ba'i rgyur 'gyur zhes bstan pa'o/ /rab 'byor gzhan yang shar phyogs kyi 'jig rten gyi khams gang+gA'i klung gi bye ma snyed dag na zhes bya ba nas/ thabs mkhas pas dge ba'i rtsa ba de dag bla na med pa yang dag par rdzogs pa'i byang chub tu yongs su bsngo bar
 bya'o zhes bya ba'i bar du phyogs bcu'i sangs rgyas bcom ldan 'das nyan thos kyi dge 'dun dang bcas pa rnams la/ nam 'tsho'i bar du bde ba'i yo byad thams cad kyis mchod cing/ bkur sti la sogs pa byas pa dang/ sangs rgyas bcom ldan 'das de dag yongs su
 mya ngan las 'das pa'i ring bsrel la mchod pa sna tshogs byas pa dang/ dmigs pa'i tshul gyis pha rol tu phyin pa drug la spyad pa'i bsod nams pas ni mi dmigs pa'i tshul gyis pha rol tu phyin pa drug la spyad de thabs mkhas pas dge ba'i
 rtsa ba de dag bla na med pa yang dag par rdzogs pa'i byang chub tu yongs su bstos pa bsod nams khyad par du 'phags par che ba bstan pa'o/ /shes rab kyi pha rol tu phyin pa 'bum pa rgya cher bshad pa las bsngo ba'i le'u ste nyi shu lnga pa'o// //
 de nas tshe dang ldan pa shA radwa ti'i bus/ bcom ldan 'das la 'di skad ces gsol to zhes bya ba nas/ bcom ldan 'das shes rab kyi pha rol tu phyin pa ni dngos po ma mchis pa'i ngo bo nyid stong pa nyid kyi slad du chos thams cad kyi ngo bo nyid ston pa'o/ /zhes bya ba'i bar
 du ni de ltar shes rab kyi pha rol tu phyin pa mchod pa dang bklags pa dang/ gzhan la sbyin pa la sogs pa byas pa dang/ bsod nams yongs su bsngo ba'i bsod nams che ba'i phan chen po bsngags pa shA ri'i bus thos nas dad pa chen po skyes te 'khor gzhan rnams
 kyang dad pa bskyed pa'i phyir shes rab kyi pha rol tu phyin pa la bstod pa bstan pa ste/ bcom ldan 'das shes rab kyi pha rol tu phyin pa ni shin tu rnam par dag pa'i slad du snang bar bgyidpa' o zhes bya ba ni chos kyi dbyings shin tu rnam par dag cing rang bzhin gyis
 'od gsal ba/ sems can g yi sems kyi rgyud la snang bar byed pa'i phyir ro/ /bcom ldan 'das shes rab kyi pha rl tu phyin pa na phyag bgyid par 'os pa'o zhes bya ba ni yon tan thams cad kyi 'byung gnas yin pa'i phyir 'phags pa dang so so'i skye bo thams
 cad kyis mchod cing phyag bya bar 'os pa yin no/ /zhes bstan pa'o/ bcom ldan 'das shes rab kyi pha rol tu phyin pa la phyag 'tshal lo zhes bya ba ni da ltar yon tan thams cad kyi 'byung gnas yin la/ skye bo thams cad kyi mchod cing phyag bya bar 'os
 ba'i phyir/ shA ri'i bu bdag nyid kyang phyag 'tshal lo zhes dang pa'i shugs kyi snas pa'o/ /bcom ldan 'das shes rab kyi pha rol tu phyin pa ni khams gsum pa thams cad kyis ma gos pa'o zhes bya ba ni/ khams gsum gang du yang ma gtogs pa khams gsum po de dag gang
 gis kyang ma gos pa'i phyir ro/ /bcom ldan 'das shes rab kyi pha rol tu phyin pa na nyon mongs pa lta ba'i mun pa thams cad bsal ba la rab rib ma mchis par bgyid pa'o zhes bya ba ni sems can thams cad kyi 'dod chags la sogs pa nyon mongs pa'i sgrib pa rnams dang/
 'jig tshogs su lta ba la sogs pa lta ba ngan ba rnams bsal cing/ sems can rnams yang dag pa'i lta ba skyon med pa la 'dzud pa'i phyir ro/ /bcom ldan 'das shes rab kyi pha rol tu phyin pa ni byang chub kyi phyogs kyi chos rnams kyi nang na mchog tu bgyid pa'o zhes bya ba ni bla na med
 pa'i byang chub thob par byed pa'i rgyu'i gtso bo yin no zhes bya ba'i don to/ /bcom ldan 'das shes rab kyi pha rol tu phyin pa ni 'jigs pa dang/ gnod pa dang/ 'tshe ba thams cad rab tu byang ba'i slad du bde bar bgyid pa'o zhes bya ba ni? shes rab kyi pha rol tu phyin pa 'di la bklag pa dang
 mchod pa la sogs pa'i sgo nas brten na/ gnod pa thams cad kyis mi tshugs shing bde ba thams cad dang ldan par 'gyur ba'i phyir ro/ /bcom ldan 'das shes rab kyi pha rol tu phyin pa ni sems can thams cad kyis mig lnga yongs su thob par bgyi ba la snang bar bgyid pa'o
 zhes bya ba ni shes rab kyi pha rol tu phyin pa la boms par byas na sha'i spyan dang/ lta'i? spyan la sogs pa de bzhin gshegs pa'i spyan lnga thob cing/ 'jig rten dang 'jig rten las 'das pa'i chos thams cad phyin ci ma log par gsal bar snang bar byed pa'i phyir ro/ /
 bcom ldan 'das shes rab kyi pha rol tu phyin pa ni sems can shul gol bar zhugs pa rnams mdza' las zlog pa'i slad du shul ston pa'o zhes bya ba ni rtag pa dang mi rtag pa la sogs pa'i mdza' gnyis su ltung zhing bla na med pa'i byang chub thob par 'gyur ba yang dag 
 pa'i lam las nyams nas lam log par gyur pa rnams las zlog ste/ yang dag pa'i lam du 'dzud pa'i chos rnams ston pa'i phyir ro/ /bcom ldan 'das shes rab kyi pha rol tu phyin pa ni bag chags kyis mtshams sbyor ba' nyon mongs
 pa thams cad spang ba la thams cad mkhyen pa nyid du bgyid pa'o zhes bya ba ni nyon mongs pa dang shes bya'i sgrib pas 'khor bar skye zhing sbyor ba'i bag chags thams cad du spangs nas/ thams cad mkhyen pa'i ye shes thob par byed pa'i rgyu yin pa'i phyir ro/ /bcom ldan
 'das shes rab kyi pha rol tu phyin pa ni sangs rgyas kyi chos bskyed pa ste/ byang chub sems dpa' sems dpa' chen po rnams kyi ma'o/ /zhes bya ba ni shes rab kyi pha rol tu phyin pa 'di la bslabs na byang chub kyi phyogs dang/ stobs bcu dang/ mi 'jigs pa bzhi la
 sogs pa sangs rgyas kyi chos rnams byang chub sems dpa' i sems kyi rgyud la 'byung zhing chos de rnams dang ldan na byang chub sems dpar 'gyur te/ de ltar byang chub sems dpar 'gyur ba'i rgyu 'am gzhi yin pas ma dang 'dra ba'i phyir byang chub
 sems dpa' i ma'i zhes bya'o/ /bcom ldan 'das shes rab kyi pha rol tu phyin pa ni rang gi mtshan nyid stong pa nyid kyi slad du ma skyes ma 'gags pa'o zhes bya ba ni don dam par shes rab kyi pha rol tu phyin pa'i ngo bo n yid yod par ma grub ste/ stong pa nyid kyi rang bzhin
 yin pa'i phyir ma skyes pa dang ma 'gags pa'o ngo bo n yid yin no zhes bya ba'i don to/ /bcom ldan 'das shes rab kyi pha rol tu phyin pa ni mi rtags mi 'jigs pa'i slad du 'khor ba'i gnyen po'o zhes bya ba ni 'khor ba'i chos rtag pa dang mi rtag pa'i mdza' gnyis
 las zlog pa'i phyir 'khor ba'i gnyen po zhes bya'o// bcom ldan 'das shes rab kyi pha rol tu phyin pa ni chos rin po che thams cad stobs pa'i slad du/ sems can mgon ma mchis pa rnams kyi mgon bgyid pa'o zhes bya ba ni sems can nyon mongs pa'i dbang
 du gyur cing/ 'khor ba'i brtson ra nas mthar ba rnams la/ rnam par byang pa'i chos rin po che rnams bstan pas sems can rnams 'khor ba'i brtso? nar nas thar bar byed pa'i phyir ro/ /bcom ldan 'das shes rab kyi pha rol tu phyin pa ni thub ba ma mchis pa'i slad du stobs bcu
 bgyid pa'o zhes bya ba ni bdud dang mu stegs can pas kyi rgol ba rnams kyis mi thub pa'i phyir de bzhin gshegs pa'i stobs bcu dang ldan par byed pa'o zhes bya ba'i don to/ /bcom ldan 'das shes rab kyi pha rol tu phyin pa ni 'gro ba dang ldog pa ma mchis pa'i slad du /rnam ba
 bcu gnyis rgyud gsum du 'khor ba'i chos kyi 'khor lo bskor ba'o/ /zhes bya ba ni don dam par chos kyi 'khor lo bskor ba dang/ mi bskor ba zhes bya ba yang med la/ kun rdzob tu chos kyi 'khor lo rnam pa bcu gnyis lan gsum du skor ba'i rang bzhin can no zhes bstod pa ste/
 de la rnam pa bcu gnyis lan gsum du 'khor ba'i chos kyi 'khor lo skor ba ni 'phags pa'i bden pa bzhi po sdug bsngal dang/ kun 'byung ba dang/ 'gog pa dang/ lam rnams kyi rang bzhin ston pa'i tshe/ phung po lnga la 'di ni sdug bsngal ba yin no zhes bya ba dang/ phung po lnga
 'byung ba'i rgyu las dang nyon mongs pa la 'di ni phung po kun 'byung ba yin no zhes bya ba dang/ sdug bsngal gyi phung po 'gags pa'i rang bzhin mya ngan las 'das pa la/ 'di ni sdug bsngal 'gog pa'o zhes bya ba dang/ mya ngan las 'das pa thob par byed pa'i lam 'phags pa'i lM
 yan lag brgyad pa 'di ni mya ngan las 'das pa thob par byed pa'i rgyu 'am/ lam yin no zhes bya ba ni bden pa bzhi po de dag ni rang bzhin nyi tshe bstan pa ni rgyud gcig go /sdug bsngal ni yongs su shes par bya ba'o/ /kun 'byung ba ni spangs bar bya ba'o/ /'gog pa ni mngon sum du bya
 ba'o/ /lam ni bsgom par bya'o zhes ston pa ni rgyud gnyis pa'o/ /sdug bsngal ni bdag gis shes so/ /kun 'byung ba ni bdag gi spangs so/ /'gog pa ni bdag gis mngon sum du byas so/ /lam ni bdag gis bsgoms so zhes bya bar ston pa ni rgyud gsum pa ste /de ltar 'phags
 pa'i bden pa bzhi po de dag la rnam pa gsum du phye ste bstan pa rnam pa bcu gnyis rgyud gsum du 'khor pa'i chos kyi 'khor lo bskor ba zhes bya'o/ /bcom ldan 'das shes rab kyi pha rol to phyin pa ni dngos po ma mchis pa'i ngo bo nyid stong pa nyid kyi
 slad du chos thams cad kyi ngo bo nyid stong pa'o zhes bya ba don dam par chos dngos po med pa'i ngo bo nyid stong pa nyid kyang rang bzhin yin no zhes ston pa'i phyir ro/ /bcom ldan 'das byang chub sems dpa' 'am/ byang chub sems dpa' i theg pa pa'am/ nyan thos ma/ nyan thos kyis
 theg pa pa'am/ rang sangs rgyas ma/ rang sangs rgyas kyi theg pa pas ji ltar shes rab kyi pha rol tu phyin pa la gnas par bgyi zhes bya ba ni shes rab kyi pha rol tu phyin pa la mi gnas pa'i tshul gyis gnas par bya ba'i thabs ni sngar bshad zin pas skyabs 'dir ji ltar
 gnas par bgyi zhes bya ba ni gong du smos pa'i rim pas shes rab kyi pha rol tu phyin pa yon tan du ma dang ldan pa'i sgo nas stong pa de lta bu la bus shing rim gro bya ba'i thabs ji lta bur bgyis zhes bcom ldan 'das la shA ri'i bus zhus pa'o/ /bcom ldan 'das kyis
 bka' stsal pa/ shA radwa ti'i bu ston pa la ji lta ba de bzhin du shes rab kyi pha rol tu phyin pa la gnas par bya'o/ /ston pa la ji ltar phyag bya ba de bzhin du shes rab kyi pha rol tu phyin pa la yang phyag bya'o/ /zhes bya ba ni sangs rgyas bcom ldan 'das lha dang mi rnams kyi
 ston pa la gu spa dang rim gro la sogs pa ji lhar bya ba de bzhin du shes rab kyi pha rol tu phyin pa la yang gus pa dang rim gro la sogs pa bya'o zhes bstan pa'o/ /de ci'i phyir zhe na/ shes rab kyi pha rol tu phyin pa 'di nyid ston pa yin te zhes bya ba la sogs pas ni ston pa
 las ji ltar gus par bya ba de bzhin du shes rab kyi pha rol tu phyin pa la gus par bya ba'i gtan tshigs bstan pa ste/ don dam par yang shes rab kyi pha rol tu phyin pa dang/ stong pa nyid stong pa nyid kyi rang bzhin du tha mi dang pa dang/ kun rdzob tu yang ston pa'i bya ba byed par
 'dra ba'i phyir/ ston pa la mtshar pa dang bkur sti bya ba bzhin du shes rab kyi pha rol tu phyin pa la yang mchod cing bkur sti bya'o zhes bstan pa'o/ /de'i phyir shes rab kyi pha rol tu phyin pa las de bzhin gshegs pa dgra bcom pa yang dag par rdzogs pa'i sangs rgyas rnams
 'byung ngo zhes bya ba nas/ rnam pa thams cad mkhyen pa nyid 'byung ngo zhes bya ba'i bar du ni shes rab kyi pha rol tu phyin pa ston pa'i bya ba byed pa'i gtan tshigs bstan pa ste/ shes rab kyi pha rol tu phyin pa 'di las de bzhin gshegs pa la sogs pa rnam par byang ba'i chos
 thams cad 'byung ba'i phyir ro/ /ston pa dang 'dra bar mchod cing bkur sti bya'o zhes bstan pa'o/ /de nas lha'i dbang po brgya byin 'di snyam du gyur te/ btsun pa shA radwa ti'i bu'i zhu ba 'di gang las skyes? ci'i rgyu snyam pa dang zhes bya ba ni shes rab kyi pha rol tu phyin pa'i yon tan gzhan
 dag kyang bstan pa'i gleng bslang ba'i phyir/ shA ri'i bus gong du shes rab kyi pha rol tu phyin pa la ji ltar gnas par bgyi zhes zhus pa de ci las bsams te zhus snyam du rtog pa bskyed pa'o/ /de nas tshe dang ldan pa shA radwa ti'i bus lha'i dbang po brgya byin la 'di skad ces smras so
 zhes bya ba nas/ rnam pa thams cad mkhyen pa nyid du yongs su bsngo bas na/ bdag gis zhu ba skyes so zhes bya ba'i bar du ni byang chub sems dpa' rnams dus gsum gyi sangs rgyas bcom ldan 'das rnams dang/ nyan thos dang rang sangs rgyas rnams dang/ sems can thams
 cad kyi dge ba'i rtsa ba rnams la rjes su yi rang zhing rnam pa thams cad mkhyen pa nyid du yongs su bsngo ba yang shes rab kyi pha rol tu phyin pas yongs su zin pa'i phyir thabs mkhas pas yongs su bsngo bar gyur te/ de ltar shes rab kyi pha rol tu phyin pa de thams cad kyi gtso bo yin
 pa'i phyir de la ji ltar gnas par bgyi zhes bdag gis zhus so zhes bstan pa'o/ /ko'u shika byang chub sems dpa' sems dpa' chen po rnams kyi shes rab kyi pha rol tu phyin pa 'di ni sbyin pa'i pha rol tu phyin pa zil gyis gnon to zhes bya ba nas/ pha rol tu phyin pa lnga
 po 'di dag ni shes rab kyi pha rol tu phyin pas yongs su bzung na pha rol tu phyin pa'i ming thob bo zhes bya ba'i bar du ni shes rab kyi pha rol tu phyin pa ni pha rol tu phyin pa kun gyi gtso bo yin pa rang mus lod dang dmigs bu'i dpe dang bcas te bstan pa'o/ /de nas
 lha'i dbang po brgya byin gyis tshe dang ldan pa shA radwa? ti'i bu la 'di skad ces smras so/ /zhes bya ba nas/ pha rol tu phyin pa lnga ni bsam gtan gyi pha rol tu phyin pas yongs su bzung yang pha rol tu phyin pa'i ming 'tho bo zhes bya ba'i bar du ni sngar gzhung 'di nyid las pha rol tu phyin pa
 gcig la spyod pa'i tshe yang pha rol tu phyin pa drug car yongs su rdzogs par 'gyur bar bshad la/ skabs 'dir shes rab kyi pha rol tu phyin pa 'di 'ba' zhig tso bo yin par bshad pa la 'khor rnams the tsom za ba bsal ba'i phyir pha rol tu phyin pa drug po 'di rnams gcig
 gi rgyu gcig yin te/ gang yang rung ba gcig gis yongs su bzung na yang gzhan rnams pha rol tu phyin pa'i ming thob par 'gyur na/ ci'i phyir shes rab kyi pha rol tu phyin pa 'ba' zhig gtso bo yin par bshad ces brgya byin gyis shA ri'i bu la brgal ba'o/ sras pa de
 lta ma yin te/ ko'u shi ka de ni de lta ma yin no zhes bya ba nas/ ko'u shi ka de bas na shes rab kyi pha rol tu phyin pa ni pha rol tu phyin pa la lnga po 'di dg gi rab ces bya'o/ /gtso bo dang dam pa dang mchog dang phul dang gya nom pa dang bla na med pa dang/ gong na med pa zhes bya'o
 zhes bya ba'i bar du ni sngar pha rol tu phyin pa gcig yongs su rdzogs par byed pa'i tshe/ drug car yongs su rdzogs par 'gyur bar bshad pani grogs byed pa'i rgyur 'gyur ba tsam du bstan du zad kyi/ shes rab kyi pha rol tu phyin pa ltar rnam pa thams cad du rgyu'i gtso bo yin
 par bstan pa ma yin te/ de bas na shes rab kyi pha rol tu phyin pa ni pha rol tu phyin pa thams cad kyi nang na mchog yin par shes pa rbya'o zhes bstan pa'o/ /de nas tshe dang ldan pa shA radwA te'i bus bcom ldan 'das la 'di skad ces gsol to zhes bya ba nas/ de bzhin du
 chos thams cad mngon par sgrub pa med pa'i phyir shes rab kyi pha rol tu phyin pa mngon par bsgrub par bya'o zhes bya ba'i bar du ni de ltar shes rab kyi pha rol tu phyin pa de/ pha rol tu phyin pa thams cad kyi mchog dam pa yin na/ ji ltar mngon par bsgrub cing thob par bgyi zhes zhus
 pa dang de ji ltar mngon par bsgrub pa'i thabs bstan pa ste/ gzugs la sogs pa thams cad mkhyen pa nyid la thug gi bar gyi chos rnams don dam pa rang ngos po med pas de dag mngon par bsgrub tu med par rtogs pa nyid shes rab kyi pha rol tu phyin pa mngon par bsgrub pa yin no
 zhes bstan pa'o/ /gsol pa bcom ldan 'das ji ltar gzugs mngon par bsgrub pa ma mchis pa'i slad/ shes rab kyi pha rol tu phyin pa mngon par bsgrub par bgyi zhes bya ba nas/ ji ltar rnam pa thams cad mkhyen pa nyid mngon par bsgrub pa ma mchis pa'i slad du/ shes rab
 kyi pha rol tu phyin pa mngon par bsgrub pa bgyi zhes bya ba'i bar du ni gzugs la sogs pa rnam pa thams cad mkhyen pa nyid la thug gi bar gyi chos de dag ji ltar dngos po med cing mngon par bsgrub pa med pa'i gtan tshigs zhus pa'o/ /bcom ldan 'das kyis bka' stsal pa/
 gzugs mngon par 'du bya ba med pas shes rab kyi pha rol tu phyin pa mngon par bsgrub par bya'o zhes bya ba nas/ rnam pa thams cad mkhyen pa nyid 'jigs pa med pas shes rab kyi pha rol tu phyin pa mngon par bsgrub par bya'o zhes bya ba'i bar du ni gzugs la sogs pa rnam
 pa thams cad mkhyen pa nyid la thug gi bar gyi chos rnams dngos po med cing mngon par bsgrub du med pa'i gtan tshigs bstan pa ste/ don dam par chos de dag thams cad dngos po med pas mngon par 'du bya ba dang/ skye ba dang 'gag pa dang/ dmigs pa dang/ 'jig
 pa med pa'i phyir mngon par bsgrub du yang med de/ de ltar rtogs pa nyid shes rab kyi pha rol tu phyin pa mngon par bsgrub pa yin no zhes bstan pa'o/ /gsol pa bcom ldan 'das de ltar mngon par bsgrubs pa'i shes rab kyi pha rol tu phyin pa chos gang thob par bgyid ces bya
 ba ni de ltar chos thams cad skye ba med pa dang/ 'gags pa med pa la sogs pa'i rang bzhin yin te/ ci yang med na shes rab kyi pha rol tu phyin pa la de ltar spyad cing bsgoms pa'i 'bras bu ci zhig yong ces zhus pa'o/ /bcom ldan 'das
 kyis bka' stsal ba/ shA radwa ti'i bu de ltar mngon par bsgrub pa'i shes rab kyi pha rol tu phyin pa'i grangs su 'gro'o/ /zhes bya ni don dam par chos thams cad stong pa nyid kyi rang bzhin du rtogs pas chos gang la yang mchan mar mi 'dzin cing/ ma chags
 la thob par mi byed pa nyid chos thams cad dngos po med par rtogs pa'i shes rab kyi mchog rnam par mi rtogs pa'i lhun gyis grub pa'i shes rab kyi pha rol tu phyin pa yin no/ /zhes bstan pa'o/ gsol pa bcom ldan 'das chos thams cad thob par mi
 bgyid pa gang lags zhes bya ba ni chos gang thob par mi byed do zhes gong du bshad pa chos gang dang gang rnams thob par mi byed pa'i dmigs zhus pa'o/ /bcom ldan 'das kyis bka' stsal pa/ mi dge ba'i chos rnams thob par mi byed do zhes bya ba nas/ 'dus ma
 byas pa'i chos rnams thob par mi byed do zhes bya ba'i bar du ni zag pa dang bcas pa dang/ zag pa med pa'i chos thams cad don dam par dngos po med pas chos de dag gang yang thob par byed pa'i rgyu ma yin no zhs bstan pa'o/ /de ci'i phyir zhe na/ shes rab kyi pha rol
 tu phyin pa ni chos gang gi phyir yang dmigs pa'i tshul gyis nye bar mi gnas te/ de'i phyir chos gang yang thob par byed pa ma yin no zhes bya ba ni chos gang yang thob par mi byed pa'i gtan tshigs bstan pa ste/ chos thams cad dngos po med par rtogs pas
 chos gang yang thob par bya ba'i phyir dmigs pa'i tshul gyis gnas pa ma yin no zhes bya ba'i don to/ /de nas lha'i dbang po brgya byin gyis/ bcom ldan 'das la 'di skad ces gsol to/ /bcom ldan 'das ci lags shes rab kyi pha rol tu phyin pa 'di rnams
 pa thams cad mkhyen pa nyid kyang thob par mi bgyid dam zhes bya ba ni shes rab kyi pha rol tu phyin pa la spyad pa'i 'bras bu ni bla na med pa'i byang chub rnam pa thams cad mkhyen pa nyid thob par mi bya ba yin na/ ci de yang thob par mi byed dam zhes zhus pa'o/ /bcom ldan 'das kyis
 bka' stsal pa/ ko'u shi ka gdong skad du ci lags/ shes rab kyi pha rol tu phyin pa 'di/ rnam pa thams cad mkhyen pa nyid kyang thob par mi bgyid dam zhes zer ba ni ke'u shig de de bzhin no/ /de de bzhin te shes rab kyi pha rol tu phyin pa ni rnam pa thams cad mkhyen pa nyid tho par
 mi byed/ dmigs par mi byed do zhes bya ba ni don dam par shes rab kyi pha rol tu phyin pa dang/ rnam pa thams cad mkhyen pa nyid du ro gcig pas thob par bya pa dang thob par byed pa gnyis tha dang du dbye zhing/ dmigs su med do zhes bstan pa'o/ /brgya byin gyis gsol pa/ bcom
 ldan 'das ji ltar na shes rab kyi pha rol tu phyin pa/ rnam pa thams cad mkhyen pa nyid kyang thob par mi bgyid/ dmigs par mi bgyid pa lags zhes bya ba ni rnam pa thams cad mkhyen pa nyid kyang thob par mi byed pa'i gtan tshigs rnams la zhib tu bshad pa'i
 gleng bslang pa'i phyir zhus pa'o/ /bcom ldan 'das kyis bka' stsal pa/ ko'u shig shes rab kyi pha rol tu phyin pa ni ming ji lta ba dang/ mtshan ma ji lta ba dang/ mngon par 'du byed pa ji lta ba de bzhin du thob par mi byed pa yin no zhes bya ba ni shes rab kyi pha rol tu
 phyin pa rnam par mi rtog pa'i rang bzhin yin pa la?/ rnam pa thams cad mkhyen pa nyid la ming dang mtshan ma la sogs par 'dzin cing thob par byed pa ma yin no zhes bstan pa'o/ /brgya byin gyis gsol pa bcom ldan 'das/ 'o na ji ltar thob bgyis pa lags zhes
 bya ba ni mi dmigs pa dang/ mi len pa la sogs par rnam pa thams cad mkhyen pa nyid thob par byed pa zhib tu bshad pa'i gleng bslang ba'i phyir zhus pa'o/ /bcom ldan 'das kyis bka' stsal pa/ mi dmigs pa dang/ mi len pa dang/ mi gnas pa dang/ mi 'dor 
 pha dang/ mngon par chags pa med pa de ltar thob par byed de zhes bya ba ni shes rab kyi pha rol tu phyin pa rnam par mi rtog pa yin zhing gzung ba dang 'dzin pa rnam par spangs pa dang/ blang dor med cing mnyam pa nyid du gyur pa nyid rnam par?
 thams cad mkhyen pa nyid thob pa yin no zhes bstan pa'o/ /gang yang thob par byed pa med do zhes bya ba ni de ltar rnam par mi rtog pa yin pas/ mtshan ma dang bcas shin gdmigs pa'i tshul gyis thob par byed pa ni gang yang med do zhes bstan pa'o// ko'u shig
 de ltar shes rab kyi pha rol tu phyin pa ni chos thams cad thob par mi byed de gang yang thob par mi byed do zhes bya ba ni gong du chos gang thob par mi byed pa'i gtan tshigs bshad pa'i don mjug bsdus te bstan pa'o/ /brgya byin gyis gsol pa bcom ldan
 'das de ltar shes rab kyi pha rol tu phyin pa 'di/ chos thams cad skye ba ma mchis pa dang/ 'gag pa ma mchis pa dang/ mngon par 'du bgyi ba ma mchis pa dang/ dmig pa ma mchis pa dang/ 'jig pa ma mchis pa'i slang du nye bar gnas pa ngo
 mtshar che'o zhes bya ba ni gong du chos thams cad skye ba dang/ 'gag pa la sogs pa med par rtogs pa nyid shes rab kyi pha rol tu phyin pa mngon par bsgrub pa yin la/ don dam par chos gang yang thob par byed pa med bar bshad pas brgya byin mgu nas 'khor
 rnams kyang mgu ba dang dang pa bskyed pa'i phyir de lta bu ngo mtshar che'o zhes shes rab kyi pha rol tu phyin pa la bstod pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to zhes bya ba nas/ de ni shes rab kyi pha rol tu phyin pa
 ring du bgyid pa la sogs pa la sogs so zhes bya ba'i bar du ni shes rab kyi pha rol tu phyin pa chos thams cad thob par byed pa'i dngos por 'du shes shing rnam par rtog gam/ chos thams cad thob par mi byed pa'i dngos por 'du shes shing rnam par rtog na yang thob par
 phyed pa dang thob par mi byed pa'i mdza' gnyis su 'dzin pas shes rab kyi pha rol tu phyin pa'i don dang 'gal ba'i phyir shes rab kyi pha rol tu phyin pa 'dor zhing ring du byed pa yin no zhes bstan pa'o/ /bcom ldan 'das kyis bka' stsal pa/ rab 'byor rnam grangs gang gis zhes bya
 ba nas/ shes rab kyi pha rol tu phyin pa ring du byed pa'i rnam grangs so/ /zhes bya ba'i bar pa ni thob par byed pa dang thob par mi byed pa'i mdza' gnyis su 'dzin cing rnam par rtog pa 'ba' zhig shes rab kyi pha rol tu phyin pa 'dor zhing ring du byed par ma zad gyi shes rab kyi pha rol tu phyin
 pa las chos thams cad dngos po med pa dang/ stong pa sha stag tu ston pas/ shes rab kyi pha rol tu phyin pa ni gsol gsog ste snying po med pa'o snyam du sems shing de ltar rnam par rtogs na yang shes rab kyi pha rol tu phyin ba 'dor zhing ring du byed pa yin no zhes bstan pa'o//
 gsol pa bcom ldan 'das shes rab kyi pha rol tu phyin pa la yid ches pas/ chos gang la yid ches par 'gyur ba la gags zhes bya ba nas/ gzugs la sogs pa'i chos thams cad don dam par rang bzhin gyi stong pas/ dngos po yod par yid ches par byar mi rung/
 ba'i 'khor rnams la zhib tu bshad pa'i gleng bslang ba'i phyir bcom ldan 'das la rab 'byor gyis zhus pa'o/ /bcom ldan 'das kyis bka' stsal pa/ rab 'byor shes rab kyi pha rol tu phyin pa la yid ches pas gzugs la yid ches par mi 'gyur ro zhes bya ba nas
 rnam pa thams cad mkhyen pa nyid la yid ches par mi 'gyur ro zhes bya ba'i bar du ni/ shes rab kyi pha rol tu phyin pa'i don rtogs te don dam par chos thams cad rang bzhin gyi stong par yid ches na gzugs la sogs pa rnam pa thams cad mkhyen pa nyid la thug gi
 bar du chos thams cad la dngos po yod bar 'dzin par mi 'gyur ro zhes bstan pa'o/ /gsol pa bcom ldan 'das ji ltar shes rab kyi pha rol tu phyin pa la yid ches pas/ gzugs la yid ches par mi 'gyur ba lags zhes bya ba nas/ rnam pa thams
 cad mkhyen pa nyid la yid ches par mi 'gyur ba lags zhes bya ba'i bar du ni gzugs pa rnm pa thams cad mkhyen ba nyid la thug gi bar du/ chos thams cad la mi dmigs pa'i don 'khor rnams la zhib tu bshad pa'i gleng bslang ba'i
 phyir /bcom ldan 'das la rab 'byor gyis zhus pa'o/ /bcom ldan 'das kyis bka' stsal pa/ rab 'byor gzugs su mi digs pas/ shes rab kyi pha rol tu phyin pa la yid ches par 'gyur te/ de ltar na shes rab kyi pha rol tu phyin pa la yid ches pas/ gzugs la yid
 ches par mi 'gyur ro zhes bya ba nas/ de ltar shes rab kyi pha rol tu phyin ba la yid ches pas/ rnam pa thams cad mkhyen pa nyid la yid ches par mi 'gyur zhes bya ba'i bar du ni gzugs la sogs pa'i chos thams cad don dam par rang bzhin gyi stong par rtogs te/ de dag gang la
 yang dngos po yod par mi dmigs shing /mtshan mar mi 'dzin par gyur na/ shes rab kyi pha rol tu phyin pa'i don zab mo rtogs shing yid ches par 'gyur te/ de ltar shes rab kyi pha rol tu phyin pa'i don zab mo rtogs shing yid ches par gyur na/ gzugs la sogs pa rnam pa thams
 cad mkhyen pa nyid la thug gi bar du chos thams cad la dngos po yod pas yid ches par mi 'gyur ro zhes bstan pa'o/ /gsol pa bcom ldan 'das 'di ltar shes rab kyi pha rol tu phyin pa 'di ni pha rol tu phyin pa chen po'o zhes bya ba ni gzugs la sogs pa'i chos thams
 cad yongs su dag pa'i tshe yang bzang zhing cha bar rnam par rtogs ba med la/ yongs su dag pa'i tshe yang ngan zhing chung bar rnam par rtog pa med de /de lhun gyis grub par rnam par rtog cing yon tan che ba'i phyir pha rol tu phyin pa chen mo'o zhes bstong pa'o// bcom ldan 'das
 kyis bka' stsal pa/ rab 'byor 'di ji snyam du sems/ rgyu gang gis na shes rab kyi pha rol tu phyin pa 'di pha rol tu phyin pa chen mo yin zhes bya ba ni ji ltar pha rol tu phyin pa chen mo yin pa'i gtan tshigs dris pa'o// gsol la gzugs che bar mi bgyid chung bar
 mi bgyid ngo zhes bya ba nas/ byang chub dang sangs rgyas dang sangs rgyas kyi chos rnams/ che bar mi bgyid ngo zhes bya ba'i ? pha rol tu phyin pa chen mo yin pa'i gtan tshigs bstan ba ste/ shes rab kyi pha rol tu phyin ba ni rnam bar mi rtog pa'i rang bzhin yin pas/ gzugs la sogs pa'i
 chos thams cad yongs su dag pa'i tshe yang bzang zhing che bar mi rtog la yongs su ma dag pa'i tshe yang ngan zhing chung bar mi rtog ste/ de ltar mtshan mar mi 'dzin cing rnam par mi rtog pa'i yon tan che ba'i phyir shes rab kyi pha rol tu phyin pa 'di pha rol tu phyi nang chen po yin no zhes bstan par/ gzhan yang sheS
 rab kyi pha rol tu phyin pa ni gzugs 'du bar mi bgyid yangs par mi bgyid do zhes bya ba nas/ byang chub dang sangs rgyas dang sangs rgyas kyi chos rnams 'du bar mi bgyid yangs par mi bgyid do zhes bya ba'i bar du yang shes rab kyi pha rol tu phyin pa 'di pha rol tu phyin pa chen po yin pa'i gtan tshigS
 bstan pa ste/ shes rab kyi pha rol tu phyin pa ni rnam bar mi rtog pa'i rang bzhin yin pas gzugs la sogs pa'i chos thams cad yongs su dag pa'i tshe yang chos kyi dbyings nyid du bsdu ba'i rnam par rtog pa yang med la/ yongs su ma dag pa'i tshe yang kun brtags pa'i rang bzhin du sor?
 'phros shing yangs pa'i rnam par rtog pa yang med pa'i phyir pha rol tu phyin pa chen mo yin zhes bstan pa'o/ /gzhan yang shes rab kyi pha rol tu phyin pa ni gzugs tshad mchis par mi bgyid tshad ma mchis bar mi bgyid do zhes bya ba nas/ byang chub dang sangs rgyas dang sangs
 rgyas kyi chos rnams tshad mchis par mi bgyid tshad ma mchis par mi bgyid do zhes bya ba'i bar du yang shes rab kyi pha rol tu phyin pa 'di pha rol tu phyin pa chen mo yin pa'i gtan tshigs bstan pa ste/ shes rab kyi pha rol tu phyin pa ni rnam par mi rtogs pa'i rang bzhin yin bas
 gzugs la sogs pa'i chos thams cad la tshad yod pa dang tshad med ba'i rnam par rtog pa mi 'byung ba'i phyir pha rol tu phyin ba chen mo yin no zhes bstan pa'o/ /gzhan yang shes rab kyi pha rol tu phyin pa ni gzugs rgya chen por mi bgyid rgya chung ngu mi bgyid do zhes bya ba nas/ byang
 chub dang sangs rgyas dang sangs rgyas kyi chos rnams rgya chen por mi bgyid rgya chu ngur mi bgyid pa'o zhes bya ba'i bar du yang shes rab kyi pha rol tu phyin pa 'di pha rol tu phyin pa chen mo yin pa'i gtan tshigs bstan pa ste/ shes rab kyi pha rol tu phyin
 pa rnam bar mi rtog pa'i rang bzhin yin pas/ gzugs la sogs pa'i chos thams cad yongs su dag pa'i tshe yang rgya che bar rnam par mi rtog la/ yongs su ma dag pa'i tshe yang rgyu chung bar rnam par mi rtog pai phyir pha rol tu phyin pa chen po yin zhes bstan pa'o// gzhan
 yang shes rab kyi pha rol tu phyin pa ni gzugs mthu dang ldan par mi bgyid /mthu ma mchis bar mi bgyid do zhes bya ba nas/ byang chub dang sangs rgyas dang sangs rgyas kyi chos rnams mthu dang ldan bar mi bgyid/ mthu ma mchis par mi bgyid do zhes bya ba'i bar du yang shes rab
 kyi pha rol tu phyin pa 'di pha rol tu phyin pa chen mo yin pa'i gtan tshigs bstan pa ste/ shes rab kyi pha rol tu phyin pa rnam par mi rtog pa'i rang bzhin yin pas gzugs la sogs pa'i chos thams cad mthu dang ldan par rnam par rtog pa yan med la/ mthu chung bar rnam
 par rtog pa yang med de/ de ltar rnam par mi rtog pa'i lhun gyis grub pa'i yon tan che ba'i phyir pha rol tu phyin pa chen mo yin no zhes bstan ba'o/ /bcom ldan 'das rnam grangs des na 'di lta ste/ shes rab kyi pa rol tu phyin pa 'di ni byang chub sems dpa' sems dpa' chen po
 rnams kyi pha rol tu phyin pa chen mo'o zhes bya ba ni de ltar gong du bshad pa'i rim pas shes rab kyi pha rol tu phyin pa 'di chos thams cad dngos po med par rtogs bas yongs su dag pa'i tshe yang yon tan du lta ba'i rnam par rtog pa med la/ yongs su mdag pa'i tshe yang skyon du
 lta ba'i rnam par rtog pa med de/ rnam par mi rtog pa'i yon tan che ba'i phyir shes rab kyi pha rol tu phyin pa chen mo yin pa'i mjug bsdus te bstan pa'o/ /bcom ldan 'das gal te yang byang chub sems dpa' sems dpa' chen po theg pa la gsar du zhugs bas
 shes rab kyi pha rol tu phyin pa la bsten zhes bya ba nas byang chub dang sangs rgyas dang sangs rgyas kyi chos rnams mthu dang ldan par mi byed/ mthu med par mi byed do zhes bgyi bar 'du shes gyur na/ bcom ldan 'das de ltar 'du shes su gyur pa'i byan chub sems dpa' sems dpa' chen po ni
 shes rab kyi pha rol tu phyin pa la spyod pa ma lags so zhes bya ba'i bar du ni gal te theg pa la gsar du zhugs pa'i byang chub sems dpa' rnams pha rol tu phyin pa drug la bsten nas shes rab kyi pha rol tu phyin pa 'di gzugs la sogs pa'i chos thams cad che bar mi byed/ chung bar mi byed
 pa dang/ 'du bar mi byed yangs par mi byed pa dang/ tshad yod par mi byed tshad med par mi byed ba dang/ rgya chen por mi byed/ rgya chen por mi byed/ rgyu chung ngu mi byed pa dang /mthu dang ldan bar mi byed/ mthu med par mi byed pa yin no// snyam du sems shing dngos po dang mtshan mar bzung ste/ de ltar 'du shes gyur na
 dmigs pa dang bcas shing mtshan ma dang bcas par spyod pa yin pas shes rab kyi pha rol tu phyin pa la spyod par mi chud do zhes bstan pa'o/ /de ci'i slad du zhe na/ gang gzugs che bar bgyid pa 'am/ chung bar bgyid pa de ni shes rab kyi pha rol tu phyin pa dang mthun pa'i 'bras bu ma
 lags so zhes bya ba nas/ gang byang chub dang sangs rgyas dang sangs rgyas kyi chos rnams mthu dang ldan par bgyid pa 'am/ mthu ma mchis par bgyid pa de ni shes rab kyi pha rol tu phyin pa dang mthun pa'i 'bras bu ma lags te zhes bya ba'i bar du ni de ltar dngos po/ lta zhing mtshan
 mar 'dzin pa shes rab kyi pha rol tu phyin pa la spyod par mi chud pa'i gtan tshigs bstan pa ste/ don dam par chos thams cad rang bzhin gyis stong bas yongs su dag pa'i rang bzhin du gnas pa la shes rab kyi pha rol tu phyin pas che ba dang/ chung ba dang/ 'du ba dang/ yangs
 pa dang/ ched yod pa dang /tshad med pa dang/ rgya chen po dang/ rgya chung ba dang/ mthu dang ldan pa dang /mthu med par bya zhing bsgyud du med pas de ltar che chung la sogs par byed pa shes rab kyi pha rol tu phyin pa'i mthu dang 'bras bu ma yin te/ shes rab kyi pha rol tu phyin pa rnam par
 mi rtog pa'i rang bzhin du gnas pa la che chung la sogs pa byed cing rnam par rtog par 'du shes par gyur na shes rab kyi pha rol tu phyin pa la spyod pa ma yin no zhes bya ba dang sbyor ro/ /bcom ldan 'das gang de ltar shes rab kyi pha rol tu phyin pa la spyod
 pa'i tshe/ gzugs che bar bgyid nga 'am chung bar bgyid pa 'am zhes bya ba nas/ byang chub dang sangs rgyas dang sangs rgyas kyi chos rnams mthu dang ldan par bgyid pa 'am/ mthun mchis par bgyid pa de ni de'i dmigs pa chen por 'gyur ro zhes bya ba'i bar du ni de ltar
 chos thams cad don dam par rang bzhin gyis stong zhing/ shes rab ki pha rol tu phyin pa yang rnam par mi rtog pa'i rang bzhin yin te/ ci yang mi byed pa la chos thams cad che ba dang/ chung ba dang /'du ba dang/ yongs pa dang /tshad yong pa dang/ tshad med pa dang /rgya
 che ba dang/ rgya chung ba dang/ mthu dang ldan pa dang/ mthu med par byed par lta zhing mtshan mar 'dzin na dmigs pa can du gyur pas byang chub sems dpa' de'i skyon chen por 'gyur ro zhes bstan pa'o/ /de ci'i slad du zhe na/ dmigs pa'i du shes can la byang chub ces bgyid
 ba ma mchis te/ zhes bya ba ni de ltar dmigs pa dang bcas shing /mtshan mar 'dzin pa skyon chen por 'gyur ba'i gtan tshigs bstan ba ste/ de ltar dmigs pa'i 'du shes can du gyur na bla na med pa'i byang chub thob par mi 'gyur ro zhes bya ba'i don to/ /de ni 'di
 ltar sems can skye ba ma mchis pa'i slad du shes rab kyi pha rol tu phyin pa skye ba ma mchis par lta'o zhes bya ba nas/ bla na med pa yang dag par rdzogs pa'i byang chub kyi stobs yongs su 'grub pa ma mchis pa'i slad du shes rab kyi pha rol tu phyin ba'i stobs yongs su
 'grub pa ma mchis par lta'o/ /zhes bya ba'i bar du ni shes rab kyi pha rol tu phyin pa do dam par dngos po med pa'i rang bzhin yin pa la/ dngos po dang mtshan mar mi 'dzin cing dmigs pa'i 'du shes can du mi bya ba'i don bstan pa ste/ de ni 'di ltar sems
 can skye ba ma mchis pa'i slad du /shes rab kyi pha rol tu phyin pa skye ba ma mchis par lta'o/ zhes bya ba ni mu stegs can gyis brtags pa'i sems can dngos po med pas skye ba med pa'i phyir shes rab kyi pha rol tu phyin pa yang don dam par skye ba med pa shes par bya'o zhes bstan pa'o/ /de
 ni gang zag la bdag med par rtogs pa'i sgo nas shes rab kyi pha rol tu phyin pa skye ba med par blta ba bstan pa'o/ /gzugs skye ba mi mchis pa'i slad du/ /shes rab kyi pha rol tu phyin pa skye ba ma mchis par blta'o zhes bya ba la sogs pas ni gzugs la sogs pa bla na
 med pa yang dag par rdzogs pa'i byang chub la thug gi bar gyi chos rnams skye ba med pa bstan pas chos la bdag med pa rtogs pa'i sgo nas shes rab kyi pha rol tu phyin pa skye ba med par blta ba bstan pa'o/ /skye ba med pa'i 'bres? la ji ltar bshad pa de bzhin du rang bzhin med
 pa'i 'gres dang/ dngos bo med pa'i 'gres dang/ stong pa nyid kyi 'gres dang /dben pa'i 'gres dang/ med pa'i 'gres dang/ bsam gyis mi khyab pa'i 'gres dang/ rnam par 'jig pa med pa''gres dang/ mngon par rdzogs par 'tshang rgya ba med pa'i 'gres dang/ stobs yongs su
 'grub pa med pa'i 'gres rnams la yang sbyar bar bya ste/ skye ba med pa dang/ rang bzhin med pa la sogs pa'i tshig bcu po 'di dag kyang dngos po med pa'i rnam grangs su rig par bya'o/ /bcom ldan 'das rnam grangs des kyang 'di lta ste/ shes rab kyi pha rol tu phyin pa 'di ni byang
 chub sems dpa' sems dpa' chen po rnams kyi pha rol tu phyin pa chen mo'o zhes bya ba ni de ltar shes rab kyi pha rol tu phyin pa 'di skye ba med cing rang bzhin med pa la sogs pa'i ngo bo nyid yin zhing /rnam par rtog pa med pas chos gang la yang che chung dang bzang ngan la sogS
 par mi byed cing mtshan mar mi 'dzin pa'i phyir pha rol tu phyin pa chen mo yin no/ /zhes bya ba shes rab kyi pha rol tu phyin pa yon tan che ba'i don mjug bsdus te bstan pa'o/ /shes rab kyi pha rol tu phyin pa 'bum pa rgya che ngo? bshad pa las le'u nyi shu drug go / // 
 de nas tshe dang ldan pa shA radwA ti'i bus/ bcom ldan 'das la 'di skad ces gsol to zhes bya ba nas/ shes rab kyi pha rol tu phyin pa ni yun ring po ji srid cig nas sbyang ba lags zhes bya ba'i bar du ni de ltar gong du bshad pa'i rim pas sheS
 rab kyi pha rol tu phyin pa 'di yon tan che zhing rgya che ba shA radwA ti'i bus thos nas/ dang pa skyes te shes rab kyi pha rol tu phyin ba zab mo 'di lta bu la dad cing mos pa'i byan chub sems dpa' de gnas gang nas tshe 'phos te 'dir skyes pa dang/ bla na med pa yang dag par rdzogS
 pa'i byang chub tu sems bskyed nas yun ji srid cig lon pa dang/ sangs rgyas bcom ldan 'das ji snyed cig la bsnyen bkur byas ba dang/ pha rol tu phyin pa drug la spyad nas yun ji srid cig lon pa zhus pa'o/ /bcom ldan 'das kyis bka' stsal pa/ shA radwA
 ti'i bu byang chub sems dpa' sems dpa' chen po deni phyogs bcu'i 'jig rten gyi khams kyi de bzhin gshegs pa dgra bcom pa yang dag par rdzogs pa'i sangs rgyas tshad med grangs med pa bsnyen bkur nas 'dir 'ongs shing 'dir skyes pa ste zhes bya ba nas
 shes rab kyi pha rol tu phyin pa zab mo 'di la mos pa'i byang chub sems dpa' de gang nas cho 'phos te 'dir skyes pa dang/ de bzhin gshegs pa ji snyed cig la bsnyen bkur byas pa bstan pa'o/ /shA radwA ti'i bus byang chub sems dpa' sems dpa' chen po deni
 bskal pa bye ba khrag khrig brgya stong grangs med tshad med dpag tu med par sbyin pa'i pha rol tu phyin pa la spyad pa'o zhes bya ba nas shes rab kyi pha rol tu phyin pa la spyad pa'o zhes bya ba'i bar du ni pha rol tu phyin pa drug la sbyang nas yun ji srid lon ba bstan pa'o/ /de nas
 bskal pa bya ba khrag khrig brgya stong grangs med tshad med dpag tu med pa nas/ bla na med ba yang dag par rdzogs pa'i byang chub tu yang dag par zhugs pa ste zhes bya ba nas bla na med pa yang dag par rdzogs pa'i byang chub tu sems bskyed nas yun ji srid lon pa
 bstan pa'o/ /de sems dang po bskyed phyi ma tshar sbyin pa'i pha rol tu phyin pa la spyod cing 'dir 'ongs pa'o zhes bya ba nas/ shes rab kyi pha rol tu phyin pa la spyod cing 'dir 'ongs pa'o zhes bya ba'i bar du ni phyogs bcu'i 'jig rten gyi khams nas tshe 'phos zhing 'dir skye ba'i tshe yang pha
 rol tu phyin pa drug dang ma bral bar bstan pa'o /des de nas bzung ste de bzhin gshegs pa dgra bcom la yang dag par rdzogs pa'i sangs rgyas grangs med tshad med dpag tu med pa bsam gyis mi khyab pa mtshungs pa med pa bsnyen bkur nas 'dir 'ongs shing 'dir skyes
 pa ste zhes bya bas ni/ phyogs bcu'i 'jig rten gyi khams nas tshe 'phos zhing 'dir skye ba'i tshe/ sangs rgyas mang po la bsnyen bkur byed pa dang ma bral ba bstan pa'o/ /shA radwA ti'i bu byang chub sems dpa' sems dpa' chen po des/ shes rab kyi pha rol tu phyin pa 'di mthong
 dam thos nas zhes bya ba nas/ don dang tshul gyis rjes su 'brang bar 'gyur ro zhes bya ba'i bar du ni de ltar tshe rabs snga ma la shes rab kyi pha rol tu phyin ba la goms par byas pa'i rgyus tshe 'di la yang shes rab kyi pha rol tu phyin pa 'di mthong bcom 'am/ thos pa tsam gyi sangs
 rgyas bcom ldan 'das mthong zhing thos ba dang 'dra ba dang ba skye ba dang/ shes rab kyi pha rol tu phyin pa'i don zab mo ji lta ba dang/ tshul ji lta ba bzhin du phyin ci ma log par rtogs par 'gyur ba'i phan yon bstan pa'o/ /de nas che dang ldan pa rab 'byor gyis bcom ldan 'das
 la 'di skad ces gsol to/ /bcom ldan 'das shes rab kyi pha rol tu phyin pa la mnyan pa 'am/ blta bar nus sam zhes bya ba ni gong du shes rab kyi pha rol tu phyin pa mthong ngam/ thos na ston pa mthong zhing thos par sems dpar 'gyur ro zhes bshad pa la/ 'khor
 kyi nang nas kha cig shes rab kyi pha rol tu phyin pa 'di don dam bar yang dngos bo yod de/ mnyan cing bltar yod pa zhig yin snyam du the tshom zab bsal ba'i phyir zhus pa'o/ /bcom ldan 'das kyis bka' stsal pa/ rab 'byor de ni ma yin no rab 'byor shes rab kyi
 pha rol tu phyin pa la ni nyan pa med do lta ba med do shes rab kyi pha rol tu phyin pa nyid kyang mi nyan mi lta'o zhes bya ba ni don dam par shes rab kyi pha rol tu phyin pa rang bzhin gyi stong pas gzhan gyis blta zhing mnyam par phya ba'i dngos po yang ma yin la/
 shes rab kyi pha rol tu phyin pa nyid gzhan la nyan cing lta ba'i dngos po yang ma yin no zhes bya ba'i don to/ /chos la sems pa med pa'i phyir shes rab kyi pha rol tu phyin pa ni de dag gis mi thos mthong ngo zhes bya ba nas chos la sems pa med pa'i phyir byang chub
 dang sangs rgyas dang sangs rgyas kyi chos ni de dag gis mi thos mi mthong ngo zhes bya ba'i bar du ni shes rab kyi pha rol tu phyin pa la sogs pa thams cad la mnyan cing bltar med pa'i gtan tshigs bstan pa ste/ chos la sems pa med pa'i phyir zhes bya ba ni don dam
 par chos thams cad dngos po med pa'i lta ba dang nyan par sems pa yang mi srid pa'i phyir ro/ /de dag gis mi thos mi mthong ngo zhes bya ba ni shes rab kyi pha rol tu phyin pa thos shing mthong na/ ston pa thos shing mthong bar sems pa'i byang chub sems dpa' de dag gis
 mi thos mi mthong ngo zhes bya ba'i don to/ /gsol pa bcom ldan 'das byang chub sems dpa' chen po gang shes rab kyi pha rol tu phyin pa zab mo 'di la brtson par bgyid pa de yun ring po ji srid cig nas spyod spyod pa lags zhes bya ba ni shes rab kyi pha rol tu
 phyin pa zab mo 'di la mi dmigs pa'i tshul gyis spyod pa'i yon tan bstan pa dang/ dmigs pa dang bcas par spyod pa rnms kyis skyon zhib tu bstan pa'i gleng bslang ba'i phyir zhus pa'o/ /bcom ldan 'das kyis bka' stsal pa/ rab 'byor 'di ni rnam par phye zhing
 bshad gos pa ste zhes bya ba ni tshe rabs snga ma yun ring po nas mi dmigs pa'i tshul gyis pha rol tu phyin pa drug la sogs pa la spyod spyod pa dang/ dmigs pa'i tshul gyis pha rol tu phyin pa drug la sogs pa la spyod pa shes rab kyi pha rol tu phyin pa thab mo 'di thos nas
 skur ba 'debs shing rab tu spong ba dag kyang yod de/ de dag kyang rnam par phye ste bshad dgos so zhes bstan pa'o/ /rab 'byor byang chub sems dpa' sems dpa' chen po la la/ sems dang po bskyed pa nas nye bar bzung ste/ shes rab kyi pha rol tu phyin pa zab mo 'di la de mi
 dmigs pa'i tshul gyis brtson par byed pa dang zhes bya ba nas/ rab 'byor byang chub sems dpa' sems dpa' chen po de lta bu dag ni shes rab kyi pha rol tu phyin pa zab mo 'di la brtson par byed do zhes bya ba'i bar du ni mi dmigs pa'i tshul gyis pha rol tu phyin pa drug la sogs
 pa la yun ring po nas spyod spyod pas don dam par chos thams cad stong pa nyid du rtogs shing/ chos gang la yang 'phel ba dang/ 'grib pa med par mthong bas/ shes rab kyi pha rol tu phyin pa zab mo 'di thos na yang skur pa mi 'debs mi spongs shing sems dang po bskyed
 pa nas pha rol tu phyin pa drug la sogs pa dang mi 'bral ba'i yon tan dang ldan pa de lta bu'i byang chub sems dpa' dag kyang yod do/ /de dag ni tshe rabs snga ma yun ring po nas shes rab kyi pha rol tu phyin pa zab mo 'di la goms par byed byed pas/ tshe rabs 'di la yang
 shes rab kyi pha rol tu phyin pa zab mo 'di la skur pa mi 'debs shing brtson par byed do zhes bstan pa'o/ /rab 'byor gzhan yang byang chub sems dpa' i theg pa pa'i rigs kyi buAm rigs kyi bu mo gang gi sangs rgyas brgya phrag mang po dang zhes bya ba nas/ gang na sangs
 rgyas kyi sgra med pa dang/ chos kyi sgra med pa dang/ dge 'dun gyi sgra med pa de dag tu rtag tu skye bar 'gyur ba yin zhes bya ba'i bar du ni dmigs dang bcas par lta ba shes rab kyi pha rol tu phyin pa'i don zab mo la mos te spong zhing skur pa 'debs pa rnams bstan pa ste/ de
 dag ni sangs rgyas mang po la bsnyen bkur byas shing/ pha rol tu phyin pa drug la sogs pa la spyad du zin kyang/ dmigs pa dang bcas pa'i lta ba can du gyur pas shes rab kyi pha rol tu phyin pa zab mo 'di thos nas 'jigs shing skrag ste/ ma dad? ma mos nas spong?
  zhing skur pa 'debs te/ 'di ni sangs rgyas kyis bstan pa ma yin gyis/ bdud kyis smras pa'o zhe skur pa btab pa'i lan gyis yun ring por ngan song rgyud gsum du skye bar 'gyur ba dang/ ngan song gsum nas thar te mir skyes na yang rigs ngan dang
 yan lag nyams par 'gyur ba dang/ dkon mchog gsum gyi sgra yang mi thos par 'gyur ba dag kyang yod do zhes bstan pa'o/ /de nas tshe dang ldan pa shA radwA ti'i bus bcom ldan 'das la 'di skad ces gsol te/ /bcom ldan 'das mtshams ma mchis pa lngas
 ni chos 'jig par 'gyur ba'i lug las bgyis pa dang bsags pa 'di'i gzugs brnyan tsam du yang ma spyad do zhes bya ba ni gong du bshad pa dang sbyar na shes rab kyi pha rol tu phyin pa zab mo 'di lam dang ma mos nas spong zhing skur pa btab pas ni 'jig rten gyi khamS
 du ma'i ngan song rgyud gsum gyi sdug bsngal myong bar 'gyur zhing mtshams med pa lnga byas pas ni 'jig rten gyi khams gcig gi ngan song rgyud gsum gyis sdug bsngal myong bar 'gyur bas/ shes rab kyi pha rol tu phyin pa zab mo 'di la spong zhing skur pa 'dabs
 pas ni mtshams med pa lnga byas pa pas kyang sdig pa ches che ba bstan pa'o/ /bcom ldan 'das kyis bka' stsal pa/ shA radwA ti'i bu de ni gong shes rab kyi pha rol tu phyin pa zab mo 'di bstan cing bstan cing bshad pa'i tshe/ phyir spangs par sems shing zhes bya ba nas/ sems
 can dmyal ba 'am/ byol song gi skye gnas pa 'am/ gshin rje'i 'jig rten gyi khams par bya'o zhes bya ba'i bar du ni shes rab kyi pa rol tu phyin pa zab mo 'di la ma dang cing/ smod ba'i tshig ji skad zer ba rnams smos nas mtshams med pa lnga byas pa'i sdig pa pas
 shin tu che ste/ brjod kyis kyang mi lang ngo zhes bstan pa'o/ /gsol pa bcom ldan 'das chos la skyon 'dogs pa'i gang zag der skyes pa de'i lus kyi tsha dang dung ma gsungs so zhes bya ba ni shes rab kyi pha rol tu phyin pa zab mo 'di lam dang nas smod cing skyon 'dogS
 pa'i gang zag sems can dmyal bar skyes pa'i sdug bsngal che ba rnam pa gzhan dag kyang bstan pa'i gleng bslang ba'i phyir zhus pa'o/ /bcom ldan 'das kyis bka' stsal pa/ shA radwA ti'i bu chos la skyon 'dogs pa'i gang zag der skyes pa'i lus kyi tshad ma gleng zhig ces bya ba
 nas/ bcom ldan 'das kyi shA radwA ti'i bu la skabs dbye bam mdzad do zhes bya ba'i bar du ni shes rab kyi pha rol tu phyin pa la smod cing skyon 'dogs pa'i gang zag sems can dmyal bar skyes pa'i lus kyi tshad smos su mi rung pa bstan pas/ chos zab mo 'di la smod pa sdug bsngal
 chen po myong bar 'gyur ba'i skyon bstan pa'o/ /gsol pa bcom ldan 'das kyis bstan du gsol zhes bya ba nas/ srog gi don du yang dam pa'i chos mi spong ngo zhes bya ba'i bar du ni chos zab mo la smod pa'i gang zag sems can dmyal bar skyes pa'i lus kyi tshad bshad na/ ma
 'ongs pa'i dus kyi sems can rnams ches skrag nas/ de lta bu'i las mi byed pa la phan gyi bshad du gsol zhes gsol ba btab pa dang/ bcom ldan 'das kyis de'i lus kyi tshad ma bshad kyang/ ngan song rgyud gsum du sdug bsngal rnam pa mang po myong ba bshad pa nyid
 kyis/ ma 'ongs pa'i dus kyi sems can dkar po'i chos la phyogs pa/ byang chub sems dpa' i rigs dang ldan pa rnams skra gnas de lta bu'i sdig pa'i las byed par mi 'gyur/ /zhes bstan pa'o/ /de nas tshe dang ldan pa rab 'byor gyis bcom ldan 'das la 'di skad ces
 gsol to/ /rigs kyi bu 'am rigs kyi bu mo de dag gis /gang zag dam pa'i chos spong ba'i nongs pa brjod pa 'di thos nas zhes bya ba nas/ lus dang ngag dang yid kyi las shin tu bsdams par bgyi'o zhes bya ba'i bar du ni ma 'ongs pa'i dus kyi sems can rnams lus ang
 ngag dang yid gsum gyi sgo nas chos la ngan du mi bya ba'i dmigs bstan pa'o/ /yang tshe dang ldan pa rab 'byor gyis bcom ldan 'das la 'di skad ces gsol to zhes bya ba nas/ sdug bsngal dang yid mi bde ba tshad med grangs med dpag tu med pa myong par 'gyur zhes bya
 ba'i bar du tshig gi las 'ba' zhig chos zab mo la skur ba btab cing skyon btags na yang dkon mchog sum char la skyon btags par 'gyur zhing/ de'i las kyis ngan song rgyud gsum du sdug bsngal chen po myong bar 'gyur na lus dang ngag dang yid
 gsum char gyi sgo nas chos la ngan du byas na lta smos ci dgos kyi/ lus dang ngag dang yid kyi las gsum shin tu bsngams par bya'o zhes bstan pa'o/ /rab 'byor kyis gsol pa bcom ldan 'das skyes bu glen pa dang/ shes rab kyi pha rol tu phyin pa 'di lsar spong ba de
 dag/ rnam pa du zhig gis shes rab kyi pha rol tu phyin pa zab mo 'di slar spong bar 'gyur zhes bya ba nas/ rab 'byor rnam pa bzhi po de dag gis skyes bu glen pa de dag shes rab kyi pha rol tu phyin pa zab mo'i 'di la phyir spong bar 'gyur ro zhes bya ba'i bar du ni shes rab kyi pha
 rol tu phyin pa zab mo 'di lam dang ma mos nas/ skyon 'dogs shing skur pa 'debs pa'i rgyu rnam pa bzhi bstan pa ste/ de dag shes par byas nas bag bya zhing yongs su spang bar bya ba'i phyir bstan pa'o/ gsol pa bcom ldan 'das shes rab kyi pha rol tu phyin pa 'di ni
 brtson 'grus chung ba dang/ dge ba'i rtsa ba dang mi ldan zhing sdig pa'i grogs po'i sug par mchis pa rnams kyis mos par dka' o zhes bya ba la sogs pa sni shes rab kyi pha rol tu phyin pa zab mo 'di sems can bsod nams chung snod dum gyur pa rnams kyi spyod yul ma
 yin pa bstan pa ste/ the pa chen po'i chos la mngon par brtson pa dang/ dge ba'i rtsa ba bskyed cing bsod nams kyi tshogs bsags pa dang/ dge ba'i bshes gnyen la brten pa rnams kyi shes rab kyi pha rol tu phyin pa zab mo 'di la dad cing mos par 'gyur zhes ba'i don to
 gsol pa bcom ldan 'das de ltar mos par dka' ba'i shes rab kyi pa rol tu phyin pa de ji tsam du zab pa lags zhes bya ba ni chos thams cad ma bcings ma grol bar bshad pa dang/ rnam par dag par bshad pa dang/ kun du mdza' yas pa bshad pa dang /chags pa
 dang ma chags pa bshad pa'i sgo nas zab pa bstan pa'i skabs dbye ba'i phyir zhus pa'o/ /bcom ldn 'das kyis bka' rtsal pa/ rab 'byor gzugs ni ma bcings ma grol ba ste zhes bya ba nas/ rab 'byor rnam pa thams cad mkhyen pa nyid la rang bzhin med ba ni rnam
 pa thams cad mkhyen pa nyid do zhes bya ba'i bar du ni chos thams cad ma bcings mgrol ba'i sgo nas shes rab kyi pha rol tu phyin pa zab pa bstan pa ste/ de la gzugs ni ma bcings ma grol ba ste/ de ci'i phyir zhe na/ rab 'byor gzugs la yang rang bzhin med pa ni
 gzugs so zhes bya ba ni don dam par kun brtags pa'i gzugs kyi rang bzhin med pa'i phyir/ yongs su ma dag pa'i tshe yang las dang nyon mongs pa la sogs pas bcings par gyur pa yang med la/ yongs su dag pa'i tshe yang dag las grol bar gyur pa yang med de/ de ltar
 rang bzhin gyis stong zhing yongs su dag par rtogs pa la shes rab kyi pha rol tu phyin pa zhes bya ste/ shes rab kyi pha rol tu phyin pa de lta bu ni dmigs pa dang bcas shing mtshan mar 'dzin pa rnams kyis rtogs par mi nus shing gting dpag dka' pa'i phyir zab bo zhes bstan
 pa'o/ /gzugs la ji ltar bshad pa de bzhin du/ rnam pa thams cad mkhyen pa nyid la thug gi bar du chos thams cad la yang sbyar bar bya'o// rab 'byor gzugs kyi sdob gyi mdza' ma bcings ma grol ba ste zhes bya ba nas/ rab 'byor da ltar byung ba dngos po med pa'i rang
 bzhin ni rnam pa thams cad mkhyen pa nyid do zhes bya ba'i bar du ni chos thams cad ma bcings ma grol bar bstan pa de nyid gsal bar bshad pa'i phyir dus gsum dang sbyar nas bstan pa ste/ dmigs pa can kha cig gzugs la sogs pa'i chos thams cad 'das pa'i dus na ni
 bya ba byas zin pa'i rang bzhin du yod/ da ltar byung ba'i dus na ni bya ba byed pa'i rang bzhin du yod/ ma 'ongs pa'i dus na ni bya ba byed par 'gyur ba'i rang bzhin du yod par lta ba las bzlog pa'i phyir don dam par gzugs nyid kyang dngos bo med pa'i rang bzhin yin la/ 
 'das pa dang ma 'ongs pa dang nga ltar byung ba zhes bya ba'i dus kyang gzugs nyid zhig pa dang/ ma byung ba dang/ gnas pa las gang gdags su zad kyis de las gud na sngon gyi mdza' dang/ phyi ma'i mdza' dang/ de ltar byung ba zhes bya ba'i dngos po med
 dus gsum char yang rang bzhin gyis stong zhing de bzhin nyid du ro gcig ste/ mi 'gyur ba yongs su rdzogs pa'i phyir bcings pa dang grol ba med do zhes bstan pa'o/ /gzugs la ji ltar bshad pa de bzhin du rnam pa thams cad mkhyen pa nyid la thug gi bar du chos
 thams cad la yang sbyar bar bya'o/ /gsol ba bcom ldan 'das shes rab kyi pha rol tu phyin pa ni brtson 'grus chung ba/ dge ba'i rtsa ba ma skyed pa/ sdig pa'i grogs po'i sug par ltung ba/ bdud kyi dbang du gyur ba/ le lo can brtson 'grus btang ba dran pa nyams
 pa shes bzhin dang mi ldan pa rnams kyis mos par dka' o zhes bya ba la sogs pa ni chos thams cad rnam par dag pa bstan pa'i sgo nas shes rab kyi pha rol tu phyin pa 'di mos par dka' zhing zab par bshad pa'i skabs dbye ba'i phyir rab 'byor gyis glengs pa dang/ bcom
 ldan 'das kyis bka' stsal pa'o/ /rab 'byor gzugs rnam par dag pa gang yin pa de ni 'bras bu rnam par dag pa'o zhes bya ba nas rnam pa thams cad mkhyen pa nyid rnam par dag pa dag pa gang yin pa de ni 'bras bu rnam par dag pa'o zhes bya ba'i bar du ni chos thams cad
 rnam par dag pa bstan pa'i sgo nas shes rab kyi pha rol tu phyin pa mos par dka' zhing zab pa bstan pa ste/ de la rab 'byor gzugs rnam par dag pa gang yin pa de ni 'bras bu rnam par dag ba'o zhes bya ba ni don dam par gzugs kyi rang bzhin stong zhing/ rnam par dag pa
 ka/ yin pa de nyid mya ngan las 'das pa zhes bya ba yang dag pa'i mdza' i rang bzhin pha rol tu phyin pa dang/ byang chub kyi phyogs la sogs pa'i 'bras bu yin gyi de las gud na 'bras bu gzhan med de/ de bas na don dam par gzugs la sogs pa'i chos thams cad naM
 par dag pa dang /mya ngan las 'das pa 'bras bu zhes bya ba de dag de bzhin du ro cig ste/ rnam par dag pa'i rang bzhin du tha mi dad do zhes bstan pa'o/ /gzugs la ji ltar bshad pa de bzhin du rnam pa thams cad mkhyen pa nyid la thug gi bar du yang sbyar bar bya'o/ /rab 'byor
 gzhan yang gzugs yongs su dag pa gang yin pa de ni shes rab kyi pha rol tu phyin pa yongs su dag pa/ shes rab kyi pha rol tu phyin pa yongs su dag pa gang yin ba de ni gzugs yongs su dag pa ste/ de ltar gzugs yongs su dag pa dang/ shes rab kyi pha rol tu phyin pa
 yongs su dag pa 'di la gnyis su med de gnyis su byar med so so ma yin tha mi dang do zhes bya ba nas/ de ltar rnam pa thams cad mkhyen pa nyid yongs su dag pa dang/ shes rab kyi pha rol tu phyin pa yongs su dag pa 'di la gnyis su med de gnyis su byar med so so ma yin tha ma dang de
 zhes bya ba'i bar du ni gzugs la sogs pa'i chos thams cad yongs su dag pa dang/ shes rab kyi pha rol tu phyin pa yongs su dag pa gnyis don dam par rang bzhin gyi stong pa nyid du ro gcig ste/ tha mi dad par bstan pa'i sgo nas shes rab kyi pha rol tu phyin pa 'di zab
 cing mos par dka' ba bstan pa ste/ de la gnyis su med pa ni rang bzhin gyis stong pa nyid du ro gcig pa'i phyir rol/ /gnyis su byar med pa ni de ltar stong pa nyid du ro gcig pa la tha dang du dbyer med pa'i phyir ro so so ma yin pa ni de ltar stong pa nyid du ro gcig pa la bye brag dbyer med
 pa'i phyir ro/ /tha mi dad pa ni de ltar stong pa nyid du ro gcig pa la gzhan gyis bar mi chod pa'i phyir ro/ /gzugs la ji ltar bshad pa de bzhin du rnam pa thams cad mkhyen pa nyid la thug gi bar du chos thams cad la yang sbyar bar bya'o/ /rab 'byor gzhan yang bdag rnam
 par dag pa gang yin pa de ni gzugs rnam par dag pa/ gzugs rnam par dag pa gang yin pa de ni bdag rnam par dag pa ste/ de ltar na bdag rnam par dag pa dang/ gzugs rnam par dag pa 'di la gnyis su med de gnyis su byar med so so ma yin tha mi dad do zhes bya ba
 nas/ de ltar na mthong ba bo rnam par dag pa dang/ rnam pa thams cad mkhyen pa nyid rnam par dag pa 'di la gnyis su med de gnyis su byar med so so ma yin tha mi dad do zhes bya ba'i bar du ni mu stegs can gyis brtags pa'i bdag dang/ sems can dang/
 srog dang/ gso ba dang/ skyes bu dang/ gang zag dang/ shed can dang/ shed bdag dang/ byed pa po dang/ tshor ba po dang/ shes pa po dang/ mthong ba po dang/ bdag rnam pa bcu gnyis po de dag rang bzhin gyis stong pa'i phyir rnam par dag pa dang/ gzugs la
 sogs pa'i rnam pa thams cad mkhyen pa nyid la thug gi bar du chos thams cad rnam par dag pa re re dang sbyar te/ rnam par dag pa'i rang bzhin du tha mi dad pa bstan pa'i sgo nas shes rab kyi pha rol tu phyin pa 'di zab cing mos par dka' ba bstan pa'o/ /rab 'byor gzhan yang
 bdag yongs su dag pas gzugs yongs su dag pa/ gzugs yongs su dag pas/ bdag yongs su dag pa ste/ de ltar na bdag yongs su dag pa dang/ gzugs yongs su dag pa 'di la gnyis su med de gnyis su byar med so so ma yin tha ma dang da zhes bya ba nas/ de ltar na mthong
 ba po yongs su dag pa dang/ rnam pa thams cad mkhyen pa nyid yongs su dag pa 'di la gnyis su med de gnyis su byar med so so ma yin ? mi dang ngo zhes bya ba'i bar du ni mu stegs can gyis brtags pa'i bdag rnam pa bcu gnyis po re re dang/ gzugs la sogs pa rnam pa
 thams cad mkhyen pa la thug gi bar du chos thams cad dang sbyar ste/ bdag rnams yongs su dag par rtogs pas gzugs la sogs pa'i chos thams cad yongs su dag par rtogs pa dang/ gzugs la sogs pa'i chos thams cad yongs su dag par rtogs pas
 bdag rnams yongs su dag par rtogs par ngo bo nyid kyi stong zhing yongs su dag pa'i rang bzhin du tha mi dang par bshad ba'i sgo nas shes rab kyi pha rol tu phyin pa zab cing mos par dka' bar bstan pa'o/ /rab 'byor gzhan yang 'dod chags rnam par dag pas/ gzugs
 rnam par dag pa/ gzugs rnam par dag pas 'dod chags rnam par dag pa ste/ de ltar na 'dod chags rnam par dag pa dang/ gzugs rnam par dag pa 'di la gnyis su med de gnyis su byar mdos som yin tha mi dang ? dang po zhes bya ba nas/ /de ltar nag? ti mug rnam par dag pa
 dang/ rnam pa thams cad mkhyen pa nyid rnam par dag pa 'di la gnyis su med de gnyis su byar mad? so so ma yin tha mi dang ngo zhes bya ba'i bar du ni kun brtags pa'i rang bzhin 'dod chags dang/ zhe sdang dang/ gti mug don dam par dngos po med de/ rang bzhin gyis rnam par dag
 pas rtogs na/ kun brtags pa'i gzugs la sogs pa rnam pa thams cad mkhyen pa nyid la thug gi bar du chos thams cad rnam pa rang ga bar rtogs pa dang/ kun brtags pa'i gzugs la sogs pa'i chos thams cad rnam par dag par rtogs na 'dod chags dang zhe sdang dang
 gti mu gsum rnam par dag par rtogs par 'gyur te/ 'dod chags dang zhe sdang dang gti mu gsum rnam par dag pa re re dang/ gzugs la sogs pa chos thams cad rnam par dag pa dang sbyar te/ de ltar rang bzhin gyi stong zhing rnam par dag pa la tha dad du dbyer med pa'i sgo
 nas shes rab kyi pha rol tu phyin pa 'di zab cing mos par dka' ba bstan pa'o/ /rab 'byor gzhan yang 'dod chags yongs su dag pas gzugs yongs su dag pa/ gzugs yongs su dag pas 'dod chags yongs su dag pa ste/ de ltar na 'dod chags yongs su dag pa dang/ gzugs
 yongs su dag pa 'di la gnyis su med de gnyis su byar med so so ma yin tha mi dang do zhes bya ba nas/ de ltar na gti mug yongs su dag pa dang/ rnam pa thams cad mkhyen pa nyid yongs su dag pa 'di la gnyis su med de gnyis su byar med so so ma yin tha mi dang do zhes bya ba'i bar du ni 'dod
 chags dang zhe sdang dang gti mu gsum gyi chos nyid yongs su grub pa'i mtshan nyid yongs su dag par rtogs na gzugs la sogs pa rnam pa thams cad mkhyen pa nyid la thug gi bar gyi chos nyid yongs su grub pa'i mtshan nyid yongs su dag par rtogs pa dang/ gzugs la
 sogs pa'i chos thams cad yongs su dag par rtogs na 'dod chags dang zhe sdang dang gti mu gsum yongs su dag par rtogs par 'gyur te/ /'dod chags dang zhe sdang dang gti mug gsum yongs su dag pa re re dang gzugs la sogs pa chos thams cad
 yongs su dag pa dang sbyar te/ de ltar rang bzhin gyis stong zhing yongs su dag pa la tha dang du dbyer med par bstan pa'i sgo nas shes rab kyi pha rol tu phyin pa 'di zab cing mos par dka' ba bstan pa'o/ /rab 'byor gzhan yang ma rig pa rnam par dag pas 'du byed rnam par dag pa/
 'du byed rnam par dag pas ma rig pa rnam par dag pa ste/ de ltar na ma rig pa rnam par dag pa dang/ 'du byed rnam par dag pa 'di la gnyis med de gnyis su byar med so so ma yin tha ni dang do zhes bya ba nas/ de ltar na lam gyi rnam par shes pa nyid rnam par dag pa dang/ rnam
 pa thams cad mkhyen pa nyid rnam bar dag pa 'di la gnyis su med de gnyis su byar med so so ma yin tha mi dang de zhes bya ba'i bar du ni ma rig pa nas rnam pa thams cad mkhyen pa nyid la thug gi bar gyi chos rnams gcig rnam par dag par rtogs pas de'i 'og ma yang
 rnam par dag par rtogs par 'gyur te/ de ltar chos de dag rnam par dag cing rang bzhin gyi stong pa la tha dad du dbyer med pa bstan pa'i sgo nas shes rab kyi pha rol tu phyin pa 'di zab cing mos par dka' bstan pa'o/ /rab 'byor gzhan yang shes rab kyi pha rol tu phyin pa
 rnam par dag pas gzugs rnam par dag pa/ gzugs rnam par dag pas rnam pa thams cad mkhyen pa nyid rnam par dag pa ste/ de ltar na shes rab kyi pha rol tu phyin pa rnam par dag pa dang/ /zugs rnam par dag pa dang/ rnam pa thams cad mkhyen pa nyid rnam par
 dag pa 'di la gnyis su med de gnyis su byar med so so ma yin tha mi dang ngo zhes bya ba la sogs pas ni shes rab kyi pha rol tu phyin pa la sogs pa byang chub sems dpa' i rnam par byang ba'i chos thams cad las chos re re rnam par dag pa dang/ gzugs la sogs
 pa'i phung po lnga dang/ phyi nang gi skye mched bcu gnyis dang/ rnam par shes pa drug dang/ 'dus te reg pa drug dang/ 'dus te reg pa'i rkyen gyi tshor ba drug rnam par dag pa dang/ rnam pa thams cad mkhyen pa nyid rnam par dag pa la tha dang du dbyer med bar bstan pa'i sgo nas
 shes rab kyi pha rol tu phyin pa 'di la zab cing mos par dka' ba bstan pa ste/ shes rab kyi pha rol tu phyin pa 'ba' zhig la phung po lnga dang/ skye mched bcu gnyis dang/ rnam par shes pa drug dang/ 'dus te reg pa drug dang/ 'dus te reg pa'i rkyen gyis tshor ba drug rnams dang/
 rnam pa thams cad mkhyen pa nyid dang yang spyad te/ chos gsum rnam par dag pa la tha dang du dbyer med pa bshad pa bzhin du rnam pa thams cad mkhyen pa nyid la thug gi bar du sbyar bar bya'o/ /rnam pa thams cad mkhyen pa nyid kyi 'gres rkang tham la ltag 'og gnyis ka las
 rnam pa thams cad mkhyen pa nyid smos pa ga dom ni kun brtags pa'i mtshan nyid kyi rnam pa thams cad mkhyen pa nyid de/ kun rdzob tu chos thams cad kyi mtshan nyid rnam pa thams cad mkhyen pa nyid la bya'o/ /'og ma ni yongs su grub pa'i mtshan nyid kyi rnam pa thams cad
 mkhyen pa nyid la bya ste/ don dam par chos thams cad stod pa nyid kyi rang bzhin dur gcig cing tha mi dad bar thugs su chud pa la bya bar rig par bya'o/ /rab 'byor gzhan yang rnam pa thams cad mkhyen pa nyid rnam par dag pas gzugs rnam par dag pa/ gzugs rnam
 par dag pas shes rab kyi pha rol tu phyin pa rnam par dag pa ste/ de ltar na rnam pa thams cad mkhyen pa nyid rnam par dag pa dang/ gzugs rnam par dag pa dang/ shes rab kyi pha rol tu phyin pa rnam par dag pa 'di la gnyis su med de gnyis su byar med so so ma yin tha mi
 dang ngo zhes bya ba nas/ de ltar na rnam pa thams cad mkhyen pa nyid rnam par dag pa dang/ yid kyi 'dus te reg pa'i rkyen gyi tshor ba rnam par dag pa dang/ sbyin pa'i pha rol tu phyin pa rnam par dag pa 'di la gnyis su med de gnyis su byar med so so ma yin tha mi dang ngo
 zhes bya ba'i bar du ni rnam ba thams cad mkhyen pa nyid rnam par dag pa thog mar smos nas/ gzugs la sogs pa'i phung po lnga dang/ skye mched bcu gnyis dang/ rnam par shes pa drug dang/ 'dus te reg pa drug dang/ 'dus te reg pa'i rkyen
 gyi tshor ba drug la thug gi bar du chos rnams pha rol tu phyin pa drug re re dang sbyar te/ chos de dag rnam par dag pa la tha dad du dbyer med pa'i sgo nas shes rab kyi pha rol tu phyin pa 'di zab cing mos par dka' ba bstan pa'o/ /rab 'byor gzhan yang 'dus byas rnam par
 dag bas 'dus ma byas rnam par dag pa ste zhes bya ba nas/ de ltar na da ltar byung ba rnam par dag pa dang/ 'das pa dang ma 'ongs pa rnam par dag pa 'di la gnyis su med de gnyis su med de gnyis su byar med do zhes bya ba'i bar du ni 'dus byas dang 'dus ma byas rnam par dag pa la tha dang du
 dbyer med pa dang/ dus gsum rnam par dag pa la tha dad du dbyer med pa bstan pa'i sgo nas shes rab kyi pha rol tu phyin pa 'di zab cing mos bar dka' ba bstan ba'o/ /shes rab kyi pha rol tu phyin pa 'bum pa rgya cher bshad pa las le'u nyi shu bdun pa'o// //
 de nas tshe dang ldan pa shA radwA ti'i bus bcom ldan 'das la 'di skad ces gsol to zhes bya ba la sogs pa ni gong du chos thams cad rnam par dag pa la tha dad du dbyer med pa bstan pa'i go nas shes rab kyi pha rol tu phyin pa 'di zab cing mos par dka' ba bshad pa'i
 don shA ri'i bus rtogs nas rnam par dag cing zab pa'i don de nyid 'khor rnams la gsal zhing zhib tu bshad pa'i gleng bslad ba dang/ bcom ldan 'das kyis chos thams cad shin tu rnam par dag ba'i phyir zab pa bstan pa ste/ bcom ldan 'das rnam par dag par
 'di zab bo zhes bya ba ni gong du rnam par dag pa bshad pa de dmigs pa can rnams kyis rtogs par dka' ba'i phyir zab bo zhes gsol ba'o/ /bcom ldan 'das kyis bka' stsal pa/ shin tu rnam par dag pa'i phyir ro zhes bya ba ni shes bya dang nyon mongs pa'i
 sgrib pa thams cad bag chags kyang ma lus par spangs shing cis kyang ma gos te/ shin tu rnam par dag pa de rtogs pa can rnams kyi spyod yul ma yin pa'i phyir zab po zhes bstan pa'o/ /shA radwA ti'i bus gsol ba gang rnam par dag pa'i slad du zhes bya ba ni gzugs
 la sogs pa'i chos thams cad rnam par dag pa bshad pa'i gleng bslad pa'i phyir zhus pa'o/ /bcom ldan 'das kyis bka' stsal pa/ shA radwA ti'i bu gzugs rnam par dag pa'i phyir rnam par dag pa zab bo zhes bya ba nas/ rnam pa thams cad mkhyen pa nyid rnam par dag pa'i
 phyir rnam par dag pa zab bo zhes bya ba'i bar du ni gzugs la sogs pa rnam mpa thams cad mkhyen pa nyid la thug gi bar gyi chos de dag thams cad don dam pa rang bzhin gyi stong zhing rnam par dag pa ste/ cis kyang ma gos pa de mtshan mar 'dzin cing rtog pa can rnams kyis
 rtogs shing yid ches par dka' ba'i phyir zab bo zhes bstan pa'o/ /gsol pa bcom ldan 'das rnam par dag pa ni snang ba'o zhes bya ba nas/ rnam pa thams cad mkhyen pa nyid rnam par dag pa'i phyir/ rnam par dag pa snang ba'o zhes bya ba'i bar du ni pha rol tu phyin pa drug la
 sogs pa rnam pa thams cad mkhyen pa nyid la thug gi bar gyi chos rnams yongs su dag cing cis kyang ma bsgribs te/ rang bzhin gyis 'od gsal ba'i phyir rnam par dag pa ni snang ba'o zhes bshad pa'o/ /gsol ba bcom ldan 'das rnam par dag pa ni nyid gi 'tshams sbyor ba ma
 mchis pa'o zhes bya ba nas/ rnam pa thams cad mkhyen pa nyid la 'pho ba med cing nyid di 'tshams sbyor ba med pa ni rnam par dag pa'o zhes bya ba 'i bar du ni gzugs la sogs pa rnam pa thams cad mkhyen pa nyid la thug gi bar gyi chos rnams rang bzhin gyi stong zhing rnam par dag 
 mas phung po 'di bor te/ pha rol tu 'pho ba yang med la/ phung po phyi ma len pa'i nyid 'tshams sbyor ba yang med pa bstan pa'o/ /gsol ba bcom ldan 'das rnam par dag pa ni kun nas nyon mongs pa ma mchis pa'o zhes bya ba nas/ rnam pa thams cad mkhyen pa nyid rang
 bzhin gyis 'od gsal ba'i phyir rnam par dag pa kun nas nyon mongs pa med ba'o zhes bya ba'i bar du ni gzugs la sogs pa rnam pa thams cad mkhyen pa nyid la thug gi bar gyi chos rnams don dam par yongs su dag cing rang bzhin gyis 'od gsal ba ste/
 'dod chags la sogs pa'i nyon mongs pa rnams kyis ma gos pa'i phyir rnam par dag pa la kun nas nyon mongs pa med pa bstan pa'o/ /gsol ba bcom ldan 'das rnam par dag pa ni thob bar 'gyi ba dang/ mngon par rtogs bar bgyis pa ma mchis pa'o zhes bya ba nas
 rnam pa thams cad mkhyen pa nyid thob par bya ba med pa dang/ mgnon par rtog par bya ba med pa ni rnam par dag pa'o zhes bya ba'i bar du ni gzugs la sogs pa rnam pa thams cad mkhyen pa nyid la thug gi bar gyi chos rnams don dam par rang bzhin gyi stong zhing rnam par
 dag pa yin pas de las 'bras bu thob par bya ba dang/ rtogs par bya ba gang yang med pa nyid rnam par dag pa yin no zhes bstan pa'o/ /gsol ba bcom ldan 'das rnam par dag pa ni mngon par ma grub pa'o zhes bya ba nas/ rnam pa thams cad mkhyen pa nyid mngon
 par ma grub pa ni rnam par dag pa'o zhes bya ba'i bar du ni gzugs la sogs pa rnam pa thams cad mkhyen pa nyid la thug gi bar gyi chos rnams don dam par rang bzhin gyis stong zhing/ dngos po med bas mngon par bsgrub par bya ba dang/ mngon par sgrub par byed pa gnyis ka
 dngos po yod par ma grub pa nyid rnam par dag pa yin no zhes bstan pa'o/ /gsol ba bcom ldan 'das rnam par dag ba ni 'dod pa'i khams su skye ba ma lags so zhes bya ba nas/ shA radwA ti'i bu gzugs med pa'i khams rang bzhin gyis mi dmigs pa'i phyir rnam par
 dag pa ni skye ba ma yin no zhes bya ba'i bar du ni chos thams cad ngo bo nyid gyis stong zhing rnam par dag pa'i rang bzhin de bzhin nyid de ni khams gsum gang duAng skye ba med pa bstan pa ste/ 'dod pa'i khams dang/ gzugs kyi khams dang/ gzugs med pa'i khams
 zhes bya ba yang kun brtags ba tsam du zad de/ don dam par khams gsum nyid kyang rang bzhin gyi stong ste/ dmigs su med na der skye bar 'gyur ba lta ga la yod de/ de ltar gang du skye ba'i gnas dang/ skye bar 'gyur ba gnyis ka mi dmigs pa nyid rnam par dag pa yin no zhes
 bstan pa'o/ /gsol ba bcom ldan 'das rnam par dag pa ni 'tshal ba ma mchis pa'o zhes bya ba nas/ bcom ldan 'das kyis bka' stsal pa/ shA radwA ti'i bu rang gi mtshan nyid stong pa nyid kyi phyir rnam pa thams cad mkhyen pa nyid mi shes so zhes bya ba'i bar du ni rnam par dag
 pa zhes bya ba rang gi mt+tshan nyid gyis stong zhing dngos po med pa yin pas shes par byed pa'i rang bzhin ma yin pa'i phyir gzugs la sogs pa rnam pa thams cad mkhyen pa nyid la thug gi bar gyi chos rnams shes par byed pa ma yin no zhes bstan pa ste/ chos la sems
 med pa'i phyir/ rnam par dag pa la shes pa med do zhes bya ba ni rnam par dag pa'i chos nyid la rnam par rtog pa med pa'i phyir chos rnams la mtshan mar 'dzin pa'i shes pa med do zhes bya ba'i don to/ /gsol ba bcom ldan 'das shes rab kyi pha rol tu phyin pa ni rnam pa
 thams cad mkhyen pa nyid la sman par mi bgyid gnod par mi bgyid do zhes bya ba ni don dam par rnam par mi rtog pa'i shes rab kyi pha rol tu phyin pa dang/ rnam pa thams cad mkhyen pa nyid de bzhin nyid du to gcig cing shin tu rnam par dag pa'i phyir gcig gi rgyu
 gcig ma yin no zhes bstan ba'o/ /bcom ldan 'das kyis bka' stsal pa/ shA radwA ti'i bu shin tu rnam par dag pa'i phyir ro zhes bya ba ni shes rab kyi pha rol tu phyin pa dang/ rnam pa thams cad mkhyen pa gnyis ka ya mtshos kyi dbyings rnam par dag pa'i rang bzhin du
 ro gcig cing/ shin tu rnam par dag ba'i phyir gcig gi rgyu gcig ma yin no zhes gong du bshad pa'i don de nyid ba sman te bstan pa'o/ /gsol ba bcom ldan 'das ji ltar ne shes rab kyi pha rol tu phyin pa rnam pa thams cad mkhyen pa nyid la sman par mi bgyid cing
 gnod par mi bgyid pa lags zhes bya ba ni gong du shI ra'i bus bshad pa'i don de nyid bcom ldan 'das kyis bka' stsal nas/ 'khor rnams bstan par yid ches par 'gyur ba'i phyir shA ri'i bus zhus pa'o/ /bcom ldan 'das kyis bka' stsal pa/
 shA radwA ta'i bu chos kyis dbyings gnas pa nyid kyi phyir shes rab kyi pha rol tu phyin pa rnam pa thams cad mkhyen pa nyid la phan par mi byed do zhes bya ba ni shes rab kyi pha rol tu phyin pa dang/ rnam pa thams cad mkhyen pa gnyis ka yang don dam par chos kyi dbyings kyi rang
 bzhin du ro gcig ste/ tha mi dang la chos kyi dbyings kyi rang bzhin yang mi 'gyur ba yongs su rdzogs pa'i ngo bo nyid yin pas phan pa dang gnod pa'i khar ma las pa'i phyir zhes bstan pa ste/ des kyang rnam par dag pa la phan pa dang/ gnad pa byed pa med pa'i mtshan
 nyid bstan pa'i sgo nas shes rab kyi pha rol tu phyin pa 'di zab cing mos par dka' ba brtan ba'o/ /gsol pa bcom ldan 'das shes rab kyi pha rol tu phyin pa rnam par dag pa ni chos gang yang yongs su lan pa ma mchis so zhes bya ba ni de ni dam par mi rtog pa'i shes rab
 kyi pha rol tu phyin pa dngos po med cin shin tu rnam par dag pa yin pas chos gang la yang rnam par rtog cing mtshan mar 'dzin pa'i rang bzhin ma yin no zhes bstan pa'o/ /bcom ldan 'das kyis bka' stsal ba/ shA radwA ti'i bu shin tu rnam par dag pa'i ? zhes
 bya ba ni rnam par mi rtag pa'i shes rab kyi pha rol tu phyin pa de gzung ba dang 'dzin pa gnyis ka'i skyon gyis mgos shing shin tu rnam par dag pa'i phyir chos gang yongs su len pa med do zhes bstan pa'o/ /gsol pa bcom ldan 'das ji ltar na shes rab kyi pha
 rol tu byin pa rnam par dag pa/ chos gang yang yongs su len pa ma mchis pa lags zhes bya ba ni gong du bshad pa'i don de nyid bcom ldan 'das kyis bka' stsal na/ 'khor rnams bstan par yid ches bar bya ba'i phyir shA ri'i bus zhus pa'o/ /bcom
 ldan 'das kyis bka' stsal pa/ shA radwA ti'i bu chos kyi dbyings mi g.yo ba'i phyir shes rab kyi pha rol tu phyin pa rnam par dag pa chos gang yang yongs su len pa med do zhes bya ba ni rnam par mi rtog pa'i shes rab kyi pha ril tu phyin pa rnam par dag pa ste/ chos kyi dbyings
 mi 'gyur ba yongs su rdzogs pa'i rang bzhin yin pas gzugs la sogs ba'i chos gang la yang rnam par rtog cing mtshan mar mi 'dzin pa'i sgo nas g.yo ba med pa'i phyir ro zhes bstan pa ste/ 'dis kyang yongs su len pa med pa'i sgo nas shes rab kyi pha rol tu phyin pa de'?
 zab cing mos par dka' ba bstan pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das bdag rnam par dag pa'i slad du gzugs rnam par dag pa'o zhes bya ba nas/ gsal ba bcom ldan 'das ci'i slad du bdag
 rnam par dag pas rnam pa thams cad mkhyen pa nyid rnam par dag pa lags/ bcom ldan 'das kyis bka' stsal pa/ rab 'byor rang gi mtshan nyid stong pa nyid kyi phyir ro zhes bya ba'i bar du ni gang zag la bdag med pa dang/ chos la bdag med pa nyid rnam par dag pa yin
 bstan pa'i sgo nas shes rab kyi pha rol tu phyin pa 'di zab cing mos par dka' ba bstan pa ste/ ji ltar mu stegs can gyis btags pa'i bdag rnams kun rdzob tu yang yod par ma grub pa de bzhin du gzugs la sogs pa rnam pa thams cad mkhyen pa nyid la thug gi
 bar du chos thams cad kyang don dam par yod pa ma yin te/ de ltar chos thams cad dngos po med pa nyid shin tu rnam par dag pa yin zhes bstan pa'o/ /skabs 'dir gsugs la sogs pa sangs rgyas kyi chos ma 'dres pa bco brgyad la thug gi bar du ni chig gi
 mjug las shin tu rnam par dag pa'i gtan tshigs su bdag med pa'i phyir sangs rgyas kyi chos ma 'bras pa bco brgyad med pa ni shin tu rnam par dag pa'o/ /zhe smos la/ rgyun tu zhugs pa'i 'bras bu man chad rnam pa thams cad mkhyen pa nyid la thug gi bar du ni shin tu
 rnam par dag pa'i gtan tshigs su rang gi mtshan nyid stong pa nyid kyi phyir ro zhe smos pa ni nyan thos dang rang sangs rgyas la sogs pa kha cig rang gi mtshan nyid la mngon par zhen pa rnams bsal ba'i phyir te/ gang zag dang chos gnyis ka'i rang gi mtshan nyid
 yod par ma grub ste/ stong pa nyid kyi phyir rgyan tu zhugs pa'i 'bras bu la sogs pa bdag rnam par dag pas chos rnams kyang rnam par dag pa yin no zhes bstan pa'o/ /gsol ba bcom ldan 'das gnyis su ma mchis shing rnam par dag pa ni thob par bgyi ba ma lags/
 mngon par rtogs par bgyid pa ma lags so/ /zhes bya ba nas/ bcom ldan 'das kyis bka' stsal pa/ kun nas nyon mongs pa med cing rnam par byang ba med pa'i phyir ro zhes bya ba'i bar du ni chos thams cad don dam par rang bzhin gyis dag cing de bzhin du ro gcig pas sngon
 yang kun nas nyon mongs pa med la phyis kyang rnam par byang bar 'gyur ba med de/ de ltar nyon mongs pa dang/ rnam par byang ba gnyis su med la rgyun tu zhugs pa la sogs pa'i 'bras bu thob par bya ba yang med pa/ byang chub sems dpa' i sa dang po la sogs pa mngon par
 rtogs par bya ba med par bstan pa'i sgo nas/ shes rab kyi pha rol tu phyin pa 'di zab cing mos par dka' ba bstan pa'o/ /gsol ba bcom ldan 'das bdag kun tu mdza' yas pa'i slad du gzugs kun du mdza' yas pa'i zhes bya ba nas/ gsol ba bcom ldan 'das ci'i
 slad du bdag kun tu mdza' yas pas rnam pa thams cad mkhyen pa nyid kun tu mdza' yas pa rnam pa dag pa lags/ bcom ldan 'das kyis bka' stsal pa/ mdza' las 'das pa stong pa nyid dang/ thog mar dang tha ma med pa stong ba nyid kyi phyir ro zhes bya ba'i bar du ni mu stegs
 can gyis brtags pa'i bdag rnams dngos po yod par ma grub pas rtag pa dang tshad pa'i mdza' las 'das pa dang thog ma med pa mdza' las 'das pa de bzhin du gzugs la sogs pa rnam pa thams cad mkhyen pa nyid la thug gi bar gyis chos thams cad kyang don dam par
 mdza' las 'das pa stong pa nyid dang/ thog ma dang thag ma med pa stong pa nyid kyi phyir kun tu mdza' yas pa rnam par dag pa yin no zhes bstan pa'o/ /gsol ba bcom ldan 'das gang de ltar rtogs pa ni byang chub sems dpa' chen po shes rab kyi pha rol tu phyin pa'o
 zhes bya ba ni gong du bshad pa lta bu'i rnam par dag pa zab cing mos par dka' ba de lta bu'i don rtogs shing yid ches pa ni byang chub sems dpa' i shes rab kyi yongs su dag pa yin zhes rab 'byor gyis bcom ldan 'das la mdor gsol pa'o/ /bcom ldan 'das kyis bka' 
 stsal ba/ rab 'byor shin tu rnam par dag pa'i phyir ro zhes bya ba ni de ltar rnam par dag pa'i chos zab mo rtogs pa'i shes bya dang nyon mongs pa'i sgrib pa bag chags yan chad ma lus par spangs shing/ rnam par dag pa'i phyir byang chub sems dpa' i shes rab kyi pha rol tu
 phyin pa yin no zhes mdor bstan pa'o/ /gsol ba bcom ldan 'das ci'i slad du gang de ltar rtogs pa de byang chub sems dpa' sems dpa' chen po'i shes rab kyi pha rol tu phyin pa lags zhes bya ba ni gong du mdor bshad pa'i don de nyid 'khor rnams kyis zhib tu rtogs par
 bya ba'i phyir rab 'byor gyis zhus pa'o/ /bcom ldan 'das kyis bka' stsal pa/ lam gyi rnam pa shes pa nyid kyi phyir ro zhes bya ba ni byang chub sems dpa' rnams kyis lam gyi rnam pa shes pa'i shes rab kyis de lta bu'i chos zab mo rtogs par 'gyur ba'i phyir gang de ltar
 rtogs pa de byang chub sems dpa' i shes rab kyi pha rol tu phyin pa yin no zhes bstan pa ste/ 'dis kyang shes rab kyi pha rol tu phyin pa 'di de ltar byang chub sems dpa' rnams kyi spyod yul yin gyi/ nyan thos dang rang sangs rgyas rnams kyi spyod yul ma yin par bstan
 po'i sgo nas zab cing mos pas dka' ba bstan pa'o/ /gsol ba bcom ldan 'das gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ tshu rol gyi 'gram 'am/ pha rol gyi 'gram 'am/ gnyis kyi dbus na mi gnas na/
 de ni byang chub sems dpa' sems dpa' chen po'i shes rab kyi pha rol tu phyin pa'o zhes bya ba ni shes rab kyi pha rol tu phyin pa 'di tshu rol dang pha rol dang gnyis ka'? dbus na yang mi gnas par stan pa'i sgo nas zab cing mos par dka' ba bstan pa ste/
 tshu rol gyi 'gram zhes bya ba ni 'das byas kyi mdza' o/ /pha rol gyi 'gram zhes bya ba ni 'dus ma byas kyi mdza' la bya ste/ don dam par 'dus byas dang 'dus ma byas pa'i chos thams cad dngos po med pas de gnyis gang gi mdza' la yang mi gnas shing de ltar mdza' 
 gnyis med pas de gnyis kyi dbus kyang med pa'i phyir/ dbus na yang mi gnas pa de ni byang chub sems dpa' i shes rab kyi pha rol tu phyin pa yin no zhes bstan pa'o/ /bcom ldan 'das kyis bka' stsal ba/ rab 'byor shin tu rnam par dag pa'i phyir ro zhes bya ba ni mdza' 
 gnyis la gnas pa'i rnam par rtog pa med pas rnam par dag pa'i phyir ro/ /zhes bya ba'i don to/ /gsol ba bcom ldan 'das ci'i slad du byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ tshu rol gyi 'gram mam/ pha rol gyi
 'gram mam/ gnyis ka'i dbus mi gnas shing shin tu rnam par dag pa lags zhes bya ba ni gong du mdor smos pa'i don de nyid bcom ldan 'das kyis bka' stsal na/ 'khor rnams bstan par yang ches par 'gyur ba'i phyir zhus pa'o/ /bcom ldan 'das kyis bka' 
 stsal ba/ rab 'byor dus gsum nyam pa nyid kyi phyir ro zhes bya ba ni chos thams cad rang bzhin gyi stong zhing skye ba dang/ 'gag pa med pa la 'das pa dang/ ma 'ongs pa dang/ da ltar byung ba'i dus kyang med de/ de ltar dus gsum nyam pa nyid dang/ 'dus byas dang 'dus
 ma byas gnyis ka'i yang stong pa nyid du ro gcig ste mnyam pa nyid kyi phyir byang chub sems dpa' i shes rab kyi pha rol tu phyin pa'i tshu rol dang pha rol dang gnyis ka'i dbus na yang mi gnas so zhes bstan ba'o/ /gsol pa bcom ldan 'das gal te byang chub sems
 dpa' i theg pa pa'i rigs kyi buAm rigs kyi bu mo thabs mi mkhas pas/ shes rab kyi pha rol tu phyin pa 'di la dmigs pa'i tshul du 'du shes su bgyid pa ni shes rab kyi pha rol tu phyin pa gsog tu 'byin pa'o/ /shes rab kyi pha rol tu phyin pa ring du spong bya'o/ /zhes bya ba ni chags pa dang
 ma chags pa bstan pa'i sgo nas shes rab kyi pha rol tu phyin pa 'di ? cing mos par dka' ba bstan pa'i skabs dbye ba'i phyir rab 'byor gyis gsol pa ste/ shes rab kyi pha rol tu phyin pa shin tu rnam par dag cing dmigs pa med pa dang/ mtshan ma med pa la dmigs pa'i
 tshul du rtog cing shes bar byed na de shes rab kyi pha rol tu phyin pa la sun 'byin cing snying po med par byed pa yin la/ shes rab kyi pha rol tu phyin pa'i don dang mi mthun pas shes rab kyi pha rol tu phyin pa ring du spong ba yin no zhes bstan pa'o/ /bcom ldan 'das kyis bka' stsal pa/
 rab 'byor de de bzhin te/ rab 'byor legs legs so/ /rab 'byor de ming du yang chags pa yin/ mtshan mar yang chags pa yin no zhes bya ba ni gong du rab 'byor gyis shes rab kyi pha rol tu phyin pa la dmigs ba'i tshul du 'du shes na shes rab kyi pha rol tu phyin pa gsog tu
 'byin cing/ rang? du spong ba yin par bshad pa de de bzhin te legs so zhes bstod nas/ de ltar dmigs pa'i tshul du 'du shes su byed na chos thams cad la ming dang mtshan mar 'dzin cing chags pa'i skyon du yang 'gyur ro zhes bstan pa'o/ /gsol ba bcom ldan 'das
 ji ltar na/ ming du yang chags shing mtshan mar yang chags pa lags zhes bya ba ni ming dang mtshan mar 'dzin cing chags pa'i don god du mdor bshad pa de zhib tu bshad pa'i phyir zhus ba'o/ /bcom ldan 'das kyis bka' stsal pa/ rab 'byor 'di la rigs kyi
 bu 'am rigs kyi bu mo byang d+hub sems dpa' i theg pa pa/ shes rab kyi pha rol tu phyin pa la ming du 'dzin tam mtshan mar 'dzin na zhes bya ba nas/ de shes rab kyi pha rol tu phyin pas rlom sems su byed cing/ shes rab kyi pha rol tu phyin pa la chags pas shes ra
 kyi pha rol tu phyin pa gsog tu 'phyin to/ /shes rab kyi pha rol tu phyin pa ring du spong ngo zhes bya ba'i bar du ni shes rab kyi pha rol tu phyin pa la dmigs pa'i tshul bu 'du shes su byed na ming dang mtshan mar 'dzin pas shes rab kyi pha rol tu phyin pa'i don rang
 mi mthun pa'i phyir shes rab kyi pha rol tu phyin pa gsog tu 'byin cing ring du spong ba yin par bstan pa dang/ de ltar ming dang mtshan mar 'dzin pa nyid yang dag pa yin gyi gzhan ni log pa yin no zhes don de nyid bsnyems shing rloms sems su byed na yang shes rab kyi pha rol
 tu phyin pa gsog tu 'byin cing ring du spong pa yin no zhes bstan pa'o/ /rab 'byor gyis gsol pa bcom ldan 'das byang chub sems dpa' sems dpa' chen po rnams la shes rab kyi pha rol tu phyin pa 'di yang de ltar legs par bshad cing legs par bstan pa la chags
 pa dang ma chags pa de dag kyang mchis pa ngo mtshar che'o/ /zhes bya ba ni chags pa dang mchags pa'i mtshan nyid 'og nas zhib tu bshad pa'i skabs dbye ba'i phyir ro/ /rab 'byor gyis gsol pa ste/ shes rab kyi pha rol tu phyin pa'i don dang sbyar na don dam pa chags
 pa dang ma chags pa yang brjod du med pa'i rigs pa las/ kun rdzob tu 'di dag ni chags pa'o/ /'di dag ni ma chags pa'o/ /zhes so sor phye ste bshad pa ngo mtshar che ste legs so/ zhes gsol pa'o/ /de nas tshe dang ldan pa shA radwA ti'i bus tshe dang ldan pa rab 'byor
 la 'di skad ces smras so/ zhes bya ba nas/ rnam pa thams cad mkhyen pa nyid stong pa zhes bya bar 'du shes na chags pa'o/ zhes bya ba'i bar du ni shA ri'i bus rab 'byor la chags pa dang ma chags pa'i mtshan ny+d gang yin pa dris pa dang/ gzugs la sogs pa rnam pa
 thams cad mkhyen pa nyid la thug gi bar gyi chos rnams la dmigs pa dang bcas shing mtshan ma dang bcas pa'i tshul gyis stong pa zhes bya bar 'du shes na yang stong pa'i mdza' la chags pa yin no/ zhes bstan pa'o/ /tshe dang ldan pa shA rwA ti'i bu gzhan yang byang chub
 sems dpa' i theg pa pa'i rigs kyi bu 'am rigs kyi bu mo thabs mi mkhas pas 'das pa'i chos rnams la 'das pa'i chos zhes bya bar 'du shes na chags pa'o/ /zhes bya ba nas/ rnam pa thams cad mkhyen pa nyid la spyod na chags pa'o/ zhes bya ba'i bar du ni dus gsum gyi chos
 rnams dmigs pa'i tshul gyis yod par 'dzin pa dang/ pha rol tu phyin pa drug la sogs pa rnam pa thams cad mkhyen pa nyid kyi bar du rnam par byang ba'i chos rnams la dmigs pa dang bcas shing mtshon ma dang bcas pa'i tshul gyis spyod na yang yod pa'i mdza' la chags pa
 yin no /zhes bstan pa'o/ /tshe dang ldan pa shA radwA ti'i bu gang yang 'di skad du/ byang chub sems dpa' sems dpa' chen po shes rab kyi pha rol tu phyin pa la spyod pa rnams kyi chags pa med pa gang zhes zer ba ni zhes bya ba nas/ tshe dang ldan pa shA radwA ti'i bu de dag ni byang chub
 sems dpa' sems dpa' chen po thabs mkhas pa shes rab kyi pha rol tu phyin pa la spyod pa'i tshe chags pa med pa dag go/ zhes bya ba'i bar du ni phung po lnga dang dus gsum la dmigs pa'i tshul gyis mtshan mar mi 'dzin pa dang/ pha rol tu phyin pa drug la sogs pa
 byang chub seMs dpa' i spyod pa rnams stong pa nyid bco brgyad dang sbyar te/ de dag la dmigs pa dang bcas pas mtshan mar mi 'dzin cing 'khor gsum yongs su dag par spyod pa ni chags pa med pa yin no/ zhes bstan pa'o/ /de nas lha'i dbang po brgya byin gyis tshe dang ldan pa
 rab 'byor la 'di skad ces smras so/ zhes bya ba nas chags pa de dag la chags par gyur na/ chags pa med pa'i shes rab kyi pha rol tu phyin pa la spyod par mi nus so/ zhes bya ba'i bar du ni gong du yod pa dang med pa'i mdza' la chags pa'i mtshan nyid bstan pa'i don de nyid
 'khor rnams la rnam pa gzhan gyis zhib tu bstan pa'i phyir chags pa'i mtshan nyid brgya byin gyis rab 'byor la dris pa dang/ rab 'byor gyis byang chub kyi sems dang pha rol tu phyin pa drug la sogs pa rnam par byang ba'i chos thams cad la dmigs pa dang bcas shing
 mtshan ma dang bcas par 'du shes na yang byang chub sems dpa' i chags pa yin te/ de ltar chags par gyur na shes rab kyi pha rol tu phyin pa'i don dang mi mthun pas chags pa med pa'i shes rab kyi pha rol tu phyin pa la spyod par mi nus so/ zhes chagS?
 pa'i nyes dmigs dang bcas par bstan ba'o/ /de ci'i phyir zhe na/ de ni kau shi ka gzugs kyi rang bzhin yongs su bsngo bar mi nus so/ zhes bya ba nas/ rnam pa thams cad mkhyen pa nyid kyi rang bzhin yongs su bsngo bar mi nus so/ zhes bya ba'i bar du ni tshogs pa dang bcas shing
 'du shes dang bcas pa yongs su bsngo pa mi rigs pa'i gtan tshigs bstan pa ste/ gzugs la sogs pa rnam pa thams cad mkhyen pa nyid la thug gi bar gyi chos rnams don dam par rang bzhin gyis stong ste/ stong pa'i rang bzhin la dmigs pa dang bcas
 pa'i 'du shes kyis yongs su bsngo ba med do/ zhes bstan pa'o/ /kau shi ka gzhan yang byang chub sems dpa' sems dpa' chen pos gzhan zhig bla na med pa yang dag par rdzogs pa'i byang chub tu yang dag par bstan tam zhes bya ba nas/ de ltar na rigs kyi bu
 'am rigs kyi bu mo des chags pa'i mdza' thams cad yongs su spangs pa yin no/ zhes bya ba'i bar du ni de ltar shes rab kyi pha rol tu phyin pa zab mo 'di la bdag nyid chags pa med par bya ba bstan nas/ gzhan la chos ston pa'i tshe yang chags pa med par bstan cing
 bskul pa'i thabs bstan pa ste/ pha rol tu phyin pa drug la sogs pa rnam pa thams cad mkhyen pa nyid la thug gi bar du rnam par byang ba'i chos rnams la spyod pa'i tshe ci nas kyang bdag chos de rnams la spyod do snyam du sems pa'i rnam par rtogs pa de lta bu mi
 'byung bar gzhan rnams la yang dag par bstan cing yang dag par bskul ba dang/ yang dag par spro ba bskyed pa dang/ yang dag par dga' ba bskyed par bya'o/ zhes bstan pa ste/ de la yang dag par bstan pa ni bla na med pa yang dag par rdzogs pa'i byang chub tu 'jug
 pa'i lam mi zhes pa la lam phyin ci ma log par bstan pa'o/ /yang dag par bskul ba ni lam log par zhugs pa rnams kyis kha lo sgyur zhing 'chos pa'o/ /yang dag par spro ba bskyed pa ni bla na med pa yang dag par byang chub thob tu mi re zhing sems zhum pa rnams
 la gzeng bstod cing spro ba bskyed pa'o/ /yang dag par dga' bar bya ba ni bla na med pa yang dag par rdzogs pa'i byang chub tu yang dag par zhugs pa rnams bsngags shing bstod nas dga' bar byed pa'o/ /yang dag pa'i rjes su song ba'i yid gyis zhes bya ba ni dmigs pa dang
 mchan mar 'dzin pa'i rnam par rtog pa med pa'i sems kyis gzhan la bstan par bya'o/ zhes bya ba'i don to/ /rma byung bar mi 'gyur zhing sangs rgyas kyis gnang ba'i yang dag par bskul pas yang dag par bskul ba yin te zhes bya ba ni de ltar rnam par byang ba'i
 chos rnams la spyod pa'i tshe/ chos de rnams la spyod pa'i rnam par rtog pa mi 'byung bar gzhan rnams la chos bstan na skyon du mi 'gyur zhing sangs rgyas bcom ldan 'das kyi bstan pa dang mthun par yang dag par ston cing skul ba yin no/ zhes bya ba'i don to/ /de ltar na rigs
 kyi buAm rigs kyi bu mo des chags pa'i mdza' thams cad yongs su spangs pa yin no/ zhes bya ba ni de ltar gong du smos pa'i tshul du yang dag par bstan na/ dmigs pa dang bcas shing mtshon ma dang bcas par lta ba'i skyon dang/ yod pa dang med pa'i mdza' la chags ba'i
 skyon thams cad yongs su spangs pa yin no/ zhes bstan pa'o/ /de nas bcom ldan 'das kyis tshe dang ldan par 'byor la legs so/ zhes bya ba gnang ste/ rab 'byor de ltar khyod byang chub sems dpa' sems dpa' chen po rnams la chags pa'i rnam pa de lta bu dag ston pa
 legs so legs so zhes bya ba ni gong du rab 'byor gyis chags pa med pa'i don bstan pa la/ 'khor rnams bstan par yid ches par bya ba'i phyir bcom ldan 'das kyis rjes su yi rang nas legs so/ zhes bya ba gnang ba bstan pa'o/ /rab 'byor de bas na khyod la chags
 pa'i rnam pa de bas kyang phra ba dag bstan par byas zhes bya ba la sogs pa ni de bzhin gshegs pa la sogs pa la mtshan mar yid la byed pa yang byang chub sems dpa' i chags pa yin te/ chags pa gong du bshad pa bas kyang thab cing phra ba dag bshad par
 byas nyon cig ce skabs bye ba'o/ /rab 'byor 'di la rigs kyi bu 'am rigs kyi bu mo bla na med pa yang dang/ par rdzogs pa'i byang chub tu yang dag par zhugs pa zhes bya ba nas/ gang yang de bzhin gshegs pa'i nyan thos de dag dang/ de ma yin pa'i sems can gzhan rnams kyi
 dge ba'i rtsa ba gang ji snyed pa de dag thams cad kyang mtshan mar bya ste/ bla na med pa yang dag par rdzogs pa'i byang chub tu yongs su bsngon/ rab 'byor ji tsam du mtshan mar yid la byed pa de tsam du chags pa'o/ zhes bya ba'i bar du ni de bzhin gshegs pa'i yon tan dang/ mtshan dang/
 dpe byad la sogs pa la mtshan mar 'dzin cing yid la byed pa dang/ dus gsum gyi sangs rgyas bcom ldan 'das rnams kyi dge ba'i rtsa ba rnams la mtshan mar yid la byed cing bla na med pa'i byang chub tu bsngo ba dang/ 'phags pa nyan thos dang/ so so'i skye po rnams kyi dge
 ba'i rtsa ba rnams la mtshan mar bya ste/ bla na med pa'i byang chub tu yongs su bsngo ba rnams byang chub sems dpa' i chags pa yin no/ zhes bstan pa'o/ /de ci'i phyir zhe na/ de bzhin gshegs pa de dag ni mtshan mar yid la bya ba ma yin te/ de bzhin gshegs pa de dag gi dge pa'i
 rtsa ba yang mtshan mar yid la bya ba ma yin no/ zhes bya ba ni mtshan mar yid la bya ba'i mi rigs pa'i gtan tshigs bstan pa ste/ de bzhin gshegs pa rnams dang/ de bzhin gshegs pa'i dge pa'i rtsa ba rnams don dam par dngos po yod par ma grub pas mtshan
 mar yid la byar med do/ zhes bstan pa'o/ /gsol pa bcom ldan 'das shes rab kyi pha rol tu phyin pa ni zab bo/ zhes bya ba ni gong du bshad pa'i tshul du mtshan mar yid la byed pa thams cad chags pa yin par bshad pa'i don zab mo rab 'byor gyis rtogs nas 'khor
 thams cad gyis kyang shes rab kyi pha rol tu phyin pa zab par yid ches par bya ba'i phyir shes rab kyi pha rol tu phyin pa ni zab bo/ zhes gsol pa'o/ /bcom ldan 'das kyis bka' stsal pa/ rab 'byor chos thams cad rang bzhin gyis rnam par dben pa'i phyir ro zhes bya ba ni
 don dam par chos thams cad rang bzhin gyis stong pas/ mtshan mar 'dzin pa la sogs pa'i skyon gang gis kyang ma chags ma gos te yongs su dag cing dben pa'i phyir zab po/ zhes bya ba'i don to/ /gsol pa bcom ldan 'das shes rab kyi pha rol tu phyin pa la phyag 'tshal lo zhes
 bya ba ni de ltar shes rab kyi pha rol tu phyin pa'i don zab mo bcom ldan 'das kyis bshad pa la rab 'byor dang pa skyes nas/ 'khor gzhan rnams kyang dang pa bskyed pa'i phyir gus shing rim gro bskyed pa bstan pa'o/ /bcom ldan 'das kyis bka' stsal pa/ rab 'byor de ni 'di ltar shes rab
 kyi pha rol tu phyin pa ma byas/ mngon par 'dus ma byas pa ste/ zhes bya ba ni don dam par shes rab kyi pha rol tu phyin pa rang bzhin gyi stong pas rgyu dang rkyen gang gis kyang ma byas shing ma bskyed la/ bsod nams dang bsod nams ma yin pa'i dngos pos yongs su dag par dang ma dag
 par mngon par 'du bya zhing bcos su yang med do/ zhes bya ba'i don to/ /de ni sus kyang mngon par 'tshang rgya bar bya bar mi nus so/ zhes pa ni mngon par sangs rgyas par byed pa'i sangs rgyas dang/ byang chub sems dpa' dang/ mngon par sangs rgyas par bya ba'i shes rab kyi pha rol tu phyin
 pa nyid kyang rang bzhin gyi stong pas shes par bya ba dang/ shes par byed pa gnyis ka med pa'i phyir sus kyang mngon par sangs rgyas par bya mi nus so/ zhes gsungs so/ gsol pa bcom ldan 'das ches thams cad mngon par sangs rgyas pa'o/ zhes bya ba ni shes rab kyi pha rol
 tu phyin pa 'ba' zhig mngon par 'tshang rgya bar bya bar mi nus par ma zad kyi/ chos thams cad kyang don dam par rang bzhin gyis stong pas shes bar byed pa dang/ shes par bya ba gnyis ka med pa'i phyir mngon par sangs ma rgyas pa'i zhes bshad pa'o/ /bcom ldan 'das
 kyis bka' stsal pa/ rab 'byor de ni 'di ltar chos kyi rang bzhi ni gnyis ma yin te/ rab 'byor chos kyi rang bzhi ni gcig du zad do/ zhes bya ba ni chos thams cad de bzhin du ro gcig ste/ don dam par stong pa nyid kyi rang bzhin du zad pas shes par byed pa dang/
 shes par bya ba gnyis su dbyer med do/ zhes bya ba'i don to/ /rab 'byor chos kyi rang bzhin gcig po gang yin pa de ni rang bzhin ma yin no/ zhes bya ba ni gong du chos kyi rang bzhin gcig tu zad do/ zhes bshad pa la kha cig de bzhin nyid dam stong pa nyid kyi rang bzhin gcig bu zhig yod
 par 'dzin pa bsal ba'i phyir de yang don dam par rang bzhin yod pa ma yin no/ zhes bstan pa'o/ /gang rang bzhin ma yin pa de ni ma byas pa'o/ zhes bya ba ni de ltar don dam par rang bzhin yod pa ma yin pa de ni rgyu dang rkyen gyis bskyed pa ma yin no/ zhes bya ba'i don to/ /gad? ma byas pa de ni
 mngon par 'dus ma byas pa'o zhes bya ba ni de ltar rgyu dang rkyen gyis ma bskyed cing dngos po med pa de la ni bsod nams dang bsod nams ma yin pas bzang po dang ngan par bcos shing/ mngon par 'du byar yang med do/ zhes bstan pa'o/ /rab 'byor de ltar byang chub sems
 dpa' sems dpa' chen pos chos kyi rang bzhin gcig po rang bzhin ma yin pa ma byas pa/ mngon par 'dus ma byas pa shes na chags pa'i rnam pa thams cad yongs su spangs pa yin no/ zhes bya ba ni de ltar gong du bshad pa'i tshul du chos thams cad stong pa nyid du ro gcig ste/ ma byas
 shing mngon par 'du ma byas par shes na/ mtshan ma dang dmigs pa dang bcas pa'i skyon thams cad spangs pa yin no/ zhes bstan pa'o/ /gsol pa bcom ldan 'das shes rab kyi pha rol tu phyin pa ni rtogs par dka' pa'o/ zhes bya ba ni shes rab kyi pha rol tu phyin pa'i don zab
 mo dmigs pa can rnams kyi spyod yul ma yin no/ zhes bstan ba'o/ /bcom ldan 'das kyis bka' stsal pa/ rab 'byor de ni 'di ltar shes rab kyi pha rol tu phyin pa ni sus kyang ma mthong/ ma thos ma rtogs/ rnam par ma shes mngon par sangs rgyas ma pa'i phyir ro/ zhes
 bya ba ni shes rab kyi pha rol tu phyin pa don dam par dngos po med pas mig gi rnam par shes pas mthong bar bya ba yang ma yin rna ba'i rnam par shes pas thos par bya ba yang ma yin/ sna dang lce dang lus kyi rnam par shes pas rtogs par bya ba yang ma yin/ yid kyi rnam par
 shes pas rnam par shes par bya ba yang ma yin/ gnyis su med pa'i ye shes kyi mngon par sangs rgyas par bya ba yang ma yin pa'i phyir rtogs par dka' ba yin no/ zhes bstan pa'o/ /gsol pa bcom ldan 'das shes rab kyi pha rol tu phyin pa ni bsam gyis mi khyab pa'o/ zhes
 bya ba ni de ltar shes rab kyi pha rol tu phyin pa don dam par dngos po med pas mthong zhing thos pa la sogs pas mngon sum du byar mi rung yang/ sems kyi rjes su dpag tu rung dam snyam du sems pa'i ? tsam bsal ba'i phyir bsam gyis kyang mi khyab pa'o/ zhes bstan pa'o/
 bcom ldan 'das kyis bka' stsal pa/ rab 'byor de ni 'di ltar sems kyis ma shes so/ zhes bya ba nas/ rnam pa thams cad mkhyen pa nyid kyis ma shes so zhes bya ba'i bar du ni shes rab kyi pha rol tu phyin pa 'di bsam gyis mi khyab pa'i don zhib tu bshad pa ste/ sems
 dang gzugs la sogs pa rnam pa thams cad mkhyen pa nyid la thug gi bar gyis chos thams cad kyis shes par bya ba'i yul ma yin pa'i phyir bsam gyis mi khyab pa'o/ zhes bstan pa'o/ /shes rab kyi pha rol tu phyin pa 'bum pa/ rgya cher bshad pa las le'u
 nyi shu brgyad pa'o// //de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa ni bgyid pa ma mchis pa'o/ zhes bya ba ni shes rab kyi pha rol tu phyin pa rnam par mi rtog cing
 ci yang byed pa ma yin pa bstan pa'i sgo nas/ zab cing mos par dka' ba bstan pa ste/ don dam par shes rab kyi pha rol tu phyin pa nyid kyang rang bzhin gyi stong ste/ dngos po med pas byed pa po'i rang bzhin ma yin la/ chos thams cad kyang rang bzhin gyi stong pas/ byas
 pa'i dngos po ma yin te/ de ltar bya ba dang byed pa gnyis ka don dam par ma grub pas ci yang mi byed pa'o/ zhes bya ba'i don to/ /bcom ldan 'das kyis bka' stsal pa/ rab 'byor byed pa po mi dmigs pa'i phyir ro zhes bya ba ni shes rab kyi pha rol tu phyin pa don
 dam par rang bzhin gyi stong bas/ byed pa po'i dngos po dmigs su med pa'i phyir ci yang mi byed pa yin no/ zhes bstan pa'o/ /rab 'byor de bzhin du gzugs mi dmigs pa dang/ zhes bya ba nas/ rnam pa thams cad mkhyen pa nyid mi dmigs pa'i phyir ro/ zhes bya ba'i bar du ni gzugs
 la sogs pa rnam pa thams cad mkhyen pa nyid la thug gi bar du chos thams cad don dam par rang bzhin gyis stong bas bya ba'i dngos po yod pa ma yin pa'i phyir shes rab kyi pha rol tu phyin pa ci dang byed pa ma yin pa zhes bstan pa'o/ /gsol pa bcom ldan 'das 'di la
 byang chub sems dpa' sems dpa' chen po shes rab kyi pha rol tu phyin pa la spyod pas/ rnam pa ji ltar spyad par bgyi zhes bya ba ni de ltar gong du bshad pa'i tshul du shes rab kyi pha rol tu phyin pa byed pa po'i dngos por yang med pa/ bya ba'i dngos po yang med na byang chub
 sems dpa' shes rab kyi pha rol tu phyin pa la spyod pas thabs ji ltar spyad par bgyi zhes zhus pa'o/ /bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs la
 mi spyod na shes rab kyi pha rol tu phyin pa la sbyong ngo/ zhes bya ba nas/ de ci'i phyir zhe na/ gang rtag pa'am mi rtag pa'am/ bde ba 'am sdug bsngal ba 'am/ bdag gam bdag med pa tha ma/ sdug pa dam mi sdug par 'gyur ba de lta bu'i rnam pa thams cad mkhyen pa nyid med do zhes bya
 ba'i bar du ni shes rab kyi pha rol tu phyin pa la ji ltar spyod pa'i thabs bstan pa ste/ gzugs la sogs pa rnams thams cad mkhyen pa nyid la thug gi bar gyi chos rnams kyis rang bzhin la spyir yang mtshan mar 'dzin cing mi spyod la/ khyad par du yang rtag ces bya ba 'am mi rtag
 ces bya bar yang mi spyod/ bde zhes bya pa'am sdug bsngal zhes bya bar yang mi spyod/ bdag ces bya ba'am bdag med ces bya bar yang mi spyod/ sdug ces bya ba'am mi sdug ces bya bar yang mi spyod na/ gdong shes rab kyi pha rol tu phyin pa la spyod pa yin no/ zhes bstan pa'o/ /rab
 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe zhes bya ba la sogs pas kyang shes rab kyi pha rol tu phyin pa la spyod pa'i thabs bstan pa ste/ gal te gzugs yongs su ma rdzogs zhes bya bar mi spyod na shes rab kyi pha rol
 tu phyin pa la spyod do zhes bya ba ni kun brtags pa'i gzugs dngos po yod par ma grub pas yongs su grub pa ma yin no/ zhes bya bar rnam par rtog pa yang med na/ gdong shes rab kyi pha rol tu phyin pa la spyod pa yin zhes bstan pa'o/ /de ci'i phyir zhe na/ gzugs yongs su ma rdzogs
 pa gang yin pa de gzugs ma yin no/ zhes bya ba de ltar yang mi spyod na shes rab kyi pha rol tu phyin pa la spyod do/ zhes bya ba ni de ltar kun brtags pa'i gzugs yongs su ma grub cing yang dag pa ma yin pa de don dam par gzugs kyi dngos po yod pa ma yin no/ zhes bya bar
 yang rnam par mi rtog na 'dod shes rab kyi pha rol tu phyin pa'i don zab mo rtogs shing shes rab kyi pha rol tu phyin pa la spyod par chud do zhes bstan pa ste/ de bzhin tshor ba la sogs pa rnam pa thams cad mkhyen pa nyid la thug gi bar du chos thams cad la yang sbyar bar
 bya'o/ gsol ba bcom ldan 'das de ltar de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' i theg pa pa'i rigs kyi bu 'am rigs kyi bu mo rnams la chags pa dang ma chags pa legs par bstan pa 'di ngo mtshar
 to/ zhes bya ba ni gong du bcom ldan 'das kyis shes rab kyi pha rol tu phyin pa 'di don zab mo chags pa dang ma chags ba'i rnam par rtog pa'i mdza' gnyis spangs pa bshad pa legs zhes bstod pa'o/ /bcom ldan 'das kyis bka' stsal pa/ rab 'byor de de
 bzhi no/ /rab 'byor de de bzhin te/ de bzhin gshegs pa dgra bcom pa yang dag par rdzogs pa'i sangs rgyas kyis byang chub sems dpa' i theg pa ba'i rigs kyi bu dang rigs kyi bu mo rnams la chags pa dang ma chags pa legs par bstan to/ zhes bya ba ni
 rab 'byor gyis gsol pa'i tshig 'khor thams cad kyis bstan par yid ches par bya ba'i phyir de bde no/ zhes bka' stsal pa'o/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs chags pa'am
 ma chags pa zhes bya bar mi spyod na shes rab kyi pha rol tu phyin pa la spyod do zhes bya ba nas/ gal te rnam pa thams cad mkhyen pa nyid chags pa 'am ma chags ba zhes bya bar mi spyod na shes rab kyi pha rol tu phyin pa la spyod do/ zhes bya ba'i bar du ni gzugs la sogs pa'i chos
 thams cad rang bzhin gyi stong bas chags par bya ba'i gnas kyang ma yin no snyam mam chags pa med pa'i rang bzhin no snyam du yang mi sems shing/ rnam par mi rtog na gdod shes rab kyi pha rol tu phyin pa la spyod pa yin zhes bstan pa'o/ /rab 'byor byang chub sems dpa' 
 sems dpa' chen po de ltar spyod na gzugs chags pa'am ma chags pa zhes bya bar 'du shes pa med do/ zhes bya ba nas/ bla na med pa yang dag par rdzogs pa'i byang chub chags pa 'am ma chags pa zhes bya bar 'du shes pa med do zhes bya ba'i bar du ni de ltar gong du bshad
 pa'i tshul du chos thams cad la chags pa dang ma chags pa zhes bya bar rnam par rtog pa med par shes rab kyi pha rol tu phyin pa'i don zab mo bsgoms na/ de'i yon tan gzugs la sogs pa'i chos thams cad la chags pa dang ma chags pa zhes bya bar mtshan mar
 'dzin pa dang 'du she skye bar mi 'gyur ro zhes bstan pa'o/ /gsol pa bcom ldan 'das de ltar chos zab mo 'di bstan gyang yongs su mi 'grib ma bstan kyang yongs su mi 'grib/ bstan kyang mi 'phel ma bstan kyang mi 'phel ba ngo mtshar che'o/ zhs bya bas ni shes
 rab kyi pha rol tu phyin pa'i don zab mo de bzhin nyid kyi rang bzhin mi 'gyur ba yongs su grub pa yin par bstan pa ste/ de la bstan kyang yongs su mi 'grib ces bya ba ni shes rab kyi pha rol tu phyin pa zab mo de bzhin nyid kyang rang bzhin mi 'gyur ba yongs su grub pa de chos ston pas/
 nyams pa rnams la chos kyi sbyin pa bya ste/ rnam pa du mar bstan pas kyang de bzhin nyid la dri ba'am/ god par gyur pa med do zhes bya ba'i don to/ /ma bstan kyang yongs su mi 'grib zhes bya ba ni gzhan la ma bstan ma spel na sus kyang ma mnyan ma bsams ma bsgoms pas
 nub ste med par yang mi 'gyur ro zhes bstan pa'o/ /bstan kyang mi 'phel zhes bya ba ni de bzhin nyid kyi rang bzhin chos zab mo mi 'gyur ba yongs su grub pa yin pas sems can mang po la bstan ste spel kyang/ sems can rnams kyi so sor rtogs shing go ba
 tsam du zad kyis/ de bzhin nyid kyi rang bzhin la ni 'phel zhing rgyas par 'gyur ba med do/ zhes bya ba'i don to/ /ma bstan kyang mi 'phel zhes bya ba ni de bzhin nyid ni mi 'gyur ba yongs su grub pa yin pas/ gzhan la ma bstan te ma god kyang 'phel zhing rgyas par
 'gyur ba med do/ zhes bstan pa'o/ /bcom ldan 'das kyis bka' stsal pa/ de de bzhin no/ rab 'byor de de bzhin te zhes bya ba la sogs pa ni rab 'byor gyis gsol pa'i tshig dang don 'khor rnams kyis bstan par yid ches par bya ba'i phyir bcom ldan
 'das kyis de bden no zhes bka' stsal pa'o/ /rab 'byor 'di lta ste dper na zhes bya ba nas/ rab 'byor de bzhin du chos rnams kyi chos nyid gang yin pa de bstan kyang de bzhin ma bstan kyang de bzhin zhes bya ba'i bar du ni shes rab kyi pha rol tu phyin pa'i don zab
 mo mi 'gyur ba yongs su grub pa yin pas rkyen gyi khar ma las pa'i dpe bstan pa'o/ /gsol pa bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod cing zhes bya ba nas/ dka' ba bgyid pa'o zhes bya ba'i bar du ni
 de ltar shes rab kyi pha rol tu phyin pa'i don zab mo mi 'gyur ba yongs su grub cing/ rkyen gyi khar ma las pa mos pa dang yid ches par dka' ba de lta bu la spyod cing bstan pa'i tshe/ sems zhum pa dang g.yeng par yang mi 'gyur la/ brtson 'grus mi gtong
 zhing phyir mi ldog par nus pa'i ngo mtshar che ste/ dka' pa spyod pa yin no zhes bstan pa'o/ /de ci'i slad du zhe na/ bcom ldan 'das 'di lta ste/ byang chub sems dpa' sems dpa' chen po rnams kyi shes rab kyi pha rol tu phyin pa bsgom pa 'di ni nam mkha' bsgom pa ste zhes bya ba ni
 shes rab kyi pha rol tu phyin pa'i don zab mo bsgom zhing nyams su len pa dka' ba spyod pa'i gtan tshigs bstan pa ste/ ji ltar nam mkha' dngos po med cing mtshan ma thams cad dang bral ba de bzhin du shes rab ky i pha rol tu phyin pa'i don zab mo 'di yang dngos po med cing
 mtshan ma med pa la sbyong cing sgom yang skyo zhing yid 'byung bar mi 'gyur ba dka' pa spyod do zhes bya ba'i don to/ /nam mkha' la ni gzugs ma mchis so tshor ba ma mchis so/ zhes bya ba nas/ bla na med pa yang dag par rdzogs pa'i byang chub ma mchis so/ zhes bya ba'i bar du ni nam mkha' 
 la dngos po dang mtshan ma med pa'i gtan tshigs bstan pa ste/ nam mkha' ni gzugs la sogs pa bla na med pa yang dag par rdzogs pa'i byang chub la thug gi bar du chos de dag thams cad kyi dngos po ma yin zhing/ rang bzhin gyis stong ste/ de lta bur rang bzhin gyis stong
 pa la bsgom par dka' ba de bzhin du shes rab kyi pha rol tu phyin pa la bsgom pa yang dka' ba spyod pa yin no/ zhes bstan pa'o/ /bcom ldan 'das byang chub sems dpa' sems dpa' chen po gang gis go cha 'di 'tshal ba de dag ni phyag bgyi bar 'os pa'i zhes bya ba
 ni gong du bshad pa'i tshul du shes rab kyi pha rol tu phyin pa'i don zab mo nam mkha' dang 'dra ba la khyod cing sgom yang sems zhub par mi 'gyur zhing/ phyir ldog par mi 'gyur la/ dka' ba spyod pa de lta bu dkon zhing ngo mtshar che ste/ go cha chen po bgos pa yin
 pas/ lha dang mi rnams kyi mchod cing phyag bya bar 'os pa yin no zhes bstan pa'o/ /bcom ldan 'das gang gis go cha 'di 'tshal ba de dag ni nam mkha' i don du brtson par mos 'bad par mos stsol par mos ba dag ste zhes bya ba ni shes rab kyi pha rol tu phyin pa'i don zab mo
 bsgom zhing yid ches par dka' ba la sgom yang sems zhum par mi 'gyur zhing phyir mi ldog pa'i go cha bgos pa de dag dka' ba spyod pa'i dpe nam mkha' la stsol zhing 'bad pa dang 'dra ba dka' ba bstan pa'o/ /bcom ldan 'das gang gis sems can rnams kyi slad du go cha 'tshal pa
 de dag ni nam mkha' yongs su smin par 'tshal zhing/ yongs su grol bar 'tshal ba'o zhes bya ba ni sems can yongs su smin par bya ba dang/ rnam par grol bar bya ba'i phyir brtson 'grus kyi go cha bgos pa de dag kyang don dam par sems can dngos po med de/ nam mkha' dang 'dra ba la
 yongs su smin pa dang/ rnam par grol par byed pa ni nam mkha' yongs su smin pa dang/ rnam par grol bar bya bar 'dod du zad do/ zhes bstan pa'o/ /bcom ldan 'das byang chub sems dpa' sems dpa' chen po nam mkha' lta bu'i chos rnams kyi slad du go cha 'tshal pa de dg ni go cha
 chen po 'tshal ba'o zhes bya ba ni yongs su smin par bya ba dang/ rnam par grol bar bya ba'i sems can rnams dang/ mngon par rtogs par bya ba dang/ thob par bya ba'i rnam par byang ba'i chos rnams dang/ yongs su spangs shing zad par bya ba'i nyon mongs pa'i phyogs su gtogs pa'i chos
 thams cad don dam par dngos po med cing rang bzhin gyi stong ste/ nam mkha' dang 'dra ba la sems can rnams yongs su smin pa dang/ rnam par grol bar bya bar brtson pa dang rnam par byang ba'i chos rnams mngon par rtogs shing thob par bya bar brtson pa dang/ nyon mongs pa'i phyogs su
 gtogs pa'i chos rnams yongs su spang zhing zad par bya bar brtson pa'i byang chub sems dpa' de dag ni dka' ba spyod pa ste/ go cha chen po bgos pa yin no/ zhes bstan pa'o/ /bcom ldan 'das sems can rnams kyi don du go cha 'tshal ba de dag ni nam mkha' bar snang la gdeg par
 'tshal ba'o zhes bya ba yang don dam par sems can dngos po med de/ /nam mkha' dang 'dra ba la sems can gyi don bya bar brtson pa de dag kyang dka' ba spyod pa'o/ zhes bstan pa'o/ /bcom ldan 'das byang chub sems dpa' sems dpa' chen po gang sems can rnams
 kyi slad du bla na med pa yang dag par rdzogs pa'i byang chub tu yang dag par zhugs pa de dag ni brtson 'grus chen po thob pa'o zhes bya ba ni/ byang chub sems dpa' sems can gyi don du bla na med pa yang dag par rdzogs pa'i byang chub thob par byed pa yang don dam par sems can
 dang bla na med pa'i byang chub gnyis ka dngos po med de/ nam mkha' dang 'dra ba la mi skyo zhing slar mi ldog par brtsol zhing 'bad pa ni go cha chen po bgos pa yin no zhes bstan pa'o/ /bcom ldan 'das byang chub sems dpa' sems dpa' chen po gang sems can rnams kyi don
 du bla na med pa yang dag par rdzogs pa'i byang chub tu zhugs pa de dag ni go cha chen po 'tshal ba'o zhes bya ba ni brtson 'grus chen po thob pa'i don gong du bshad pa nyid bstan par bya/ bstan pa'i phyir bstan pa'o/ /bcom ldan 'das byang chub sems dpa' sems dpa' 
 chen po gang nam mkha' lta bu'i chos rnams kyi slad du bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba de dag ni dpa' bo bsam gyis mi bya ba/ mtshungs pa ma mchis pa'i go cha 'tshal ba'o zhes bya ba ni gang du brtson 'grus chen
 po brtsams shing go cha chen po bgos pa bshad pa'i ngon mjug bsdus te bstan pa'o/ /de ci'i slad du zhe na/ bcom ldan 'das gal te stong gsum gyi stong chen po'i 'jig rten gyi khams 'di lta ste/ dper na 'dam bu'i tshal lam zhes bya ba nas/ bcom ldan 'das rnam
 grangs des na bdag 'di skad du sems can rnams kyi slad du bla na med pa yang dag par rdzogs pa'i byang chub tu mngon par rdzogs par 'tshang rgya bar 'tshal ba de dag ni nam mkha' yongs su smin par bgyi bar 'tshal zhing yongs su dgrol par 'tshal bar lags zhes bya ba la
 bar du ni gong du gang sems can gyis don du brtson pa de dag nam mkha' i don du brtson du zad de/ dka' ba spyod pa yin no zhes bshad pa'i gtan tshigs dang dpe bstan pa'o/ /de nas dge slong gcig cig 'di snyam du gyur te zhes bya ba nas/ bcom ldan 'das ma shes rab kyi pha rol tu
 phyin pa la phyag 'tshal lo snyam pa dang zhes bya ba'i bar du ni don dam par chos gang la yang skye ba dang 'gag pa med du zin kyang/ kun rdzob tu zag pa med pa'i phung po lnga la sogs pa rnam par byang ba'i chos rnams med pa yang ma yin te/ sems can rnams gyis 'bad cing rtsol pa'i
 don med par mi 'gyur zhing thabs dang shes rab tu ldan pa'i shes rab kyi pha rol tu phyin pa la bstod pa bstan pa'o/ /de nas lha'i dbang po brgya byin gyis tshe dang ldan pa rab 'byor la 'di skad ces smras so zhes bya ba nas/ gang shes rab kyi pha rol tu phyin pa 'di la bslab par sems
 pa de ni nam mkha' stong pa la brtson pa'o zhes bya ba'i bar du ni gong du kun rdzob zag pa med pa'i phung po lnga la sogs pa yod par bstan pa la chags shing mtshan mar 'dzin pa bsam pa'i phyir don dam par chos thams cad nam mkha' stong pa dang 'dra bar rigs par bya'o
 zhes bstan pa'o/ /de nas lha'i dbang po brgya byin gyis bcom ldan 'das la 'di skad ces gsol to zhes bya ba nas/ de ni bsam pa ltar mi 'grub cing dub pa'i skal ba can du 'gyur ro zhes bya ba'i bar du ni/ shes rab kyi pha rol tu phyin pa'i don zab mo ji kad du bstan pa la
 mos shing yid ches la/ dmigs pa dang bcas shing mtshan me dang bcas pa'i 'du shes can du ma gyur na/ mi dang mi ma yin pa la sogs pas/ glags btsal ba'i dmigs pa med de/ de nyid de'i bsrung ba dang/ bskyab pa yin pas mtshan ma dang bcas pa'i
 bsrung ba bya mi dgos so zhes bstan pa ste/ don dam par gang la bsrung bar bya ba'i dngos po de lta bu yod par ma grub pas/ dngos po med pa la 'bad cing rtsol ba ni don yod par mi 'gyur ro zhes bstan pa'o/ /gshig de ji snyam du sems/ khyod kyis gyu ma dang/ smig rgyu 
 dang/ rmi lam dang/ sgra brnyan dang/ mig yor dang/ sprul pa la bsrung ba dang bskyang ba dang/ bskyab pa nus sam zhes bya ba nas/ kau shi ka ji snyam du sems khyod kyis chos kyi dbyings dang/ yang dag pa'i mdza' dang/ de bzhin nyid dang/ bsam gyis mi
 khyab pa'i dbyings la bsrung ba dang/ bskyang ba dang/ bskyab par nus sam/ brgya byin gyis smras pa/ btsun pa rab 'byor de ni mi nus so/ /smras pa kau shi ka de bzhin du byang chub sems dpa' sems dpa' chen po shes rab kyi pha rol tu phyin pa la spyod pa rnams bsrung ba
 dang/ bskyang ba dang/ bskyab par gang sems pa de ni bsam pa ltar mi 'grub cing dub pa'i skal pa can du 'gyur ro zhes bya ba'i bar du ni/ shes rab kyi pha rol tu phyin pa la spyod pa'i byang chub sems dpa' don dam par dngos po med pas bsrung zhing bskyab par bya mi nus
 ba sgyu ma la sogs pa la dpe blangs te bstan pa'o/ /de nas lha'i dbang po brgya byin gyis tshe dang ldan pa rab 'byor la 'di skad ces smras so/ zhes bya ba nas/ sprul pa la rlom sems su mi byed pa yin zhes bya ba'i bar du ni/ gang du rmi lam dang sgyu ma la sogs pa/ smos pa ji
 tsam gyis chos thams cad sgyu ma la sogs pa dang 'dra ba rtogs par 'gyur ba dang/ de ltar chos thams cad sgyu ma la sogs par rtogs nas kyang/ rmi lam dang sgyu ma la sogs pa'i rlom sems su mi 'gyur ba 'khor rnams la zhib tu bstan pa'i skabs dbye ba'i phyir brgya
 byin gyis rab 'byor la dris pa'o/ /rab 'byor gyi smras pa/ kau shi ka gal te byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs rlom sems su mi byed gzugs kyis rlom sems su mi byed/ gzugs la rlom sems su mi byed na
 zhes bya ba la sogs pas ni gzugs la sogs pa'i chos thams cad don dam par dngos po med par rtogs nas/ de dag la rnam par mi rtog cing mtshan mar mi 'dzin na chos thams cad sgyu ma la sogs pa dang 'dra bar rtogs par yang 'gyur la/ de dag gis rlom
 sems su yang ji ltar mi 'gyur ba bstan pa ste/ de la gzugs rlom sems su mi byed ces bya ba ni don dam par gzugs dngos po med par rtogs pas 'di ni gzugs yin no snyam du gzugs la mtshan mar mi 'dzin cing mi sems pa'o/ /gzugs kyis rlom sems su mi byed ces bya ba ni
 gzugs 'dis dngos po 'di lta bu zhig sgrub bo snyam du mi sems pa la bya'o/ /gzugs la rlom sems su mi byed ces bya ba ni gzugs la phan pa 'am/ gnod pa 'di lta bu zhig bya'o snyam du yang mi sems pa la bya ste/ de ltar gzugs la rlom sems su mi byed na rmi lam la sogs
 pa yang dngos po med par rtogs pas rmi lam dang/ sgyu ma dang/ smig rgyu dang/ sgra brnyan dang/ mig yor dang/ sprul pa rnams la yang rlom sems su mi byed par 'gyur ro zhes bstan pa ste/ gzugs la ji ltar bshad ba de bzhin du rnam pa thams cad mkhyen pa nyid la thug gi bar gyi
 chos re re la yang rmi lam dang/ sgyu ma dang/ smig rgyu dang/ sgra brnyan dang/ mig yor dang/ sprul pa rnams dang sbyar te rlom sems su mi 'gyur ba bstan par rig par bya'o/ /de nas sangs rgyas kyi mthu stong gsum gyi stong chen po'i 'jig rten gyi khams 'di na rgyal chen bzhi'i ris kyi lha
 dang zhes bya ba nas steng gi phyogs kyi sangs rgyas stong yi ge 'di dag nyid kyis cho ston pa mtshan 'di dag nyid mnga' ba dge slong rab 'byor ces bya ba sha stag gis shes rab kyi pha rol tu phyin pa zab mo 'di nyid dang/ shes rab kyi pha rol tu phyin pa'i le'u 'di nyid zhu ba de nas
 lha'i dbang po brgya byin gyis shes rab kyi pha rol tu phyin pa'i le'u 'di nyid zhu zhing yongs su dri ba sems la snang bar gyur to/ zhes bya ba'i bar du ni 'dod pa'i khams kyi lha rnams dang/ gzugs kyi khams kyi lha rnams shes rab kyi pha rol tu phyin pa 'di la lhag par
 dang ba bskyed pa'i phyir phyogs bcu'i 'jig rten gyi khams na yang sangs rgyas bcom ldan 'das mang po mtshan shAkya thub pa zhes bya ba sha stag shes rab kyi pha rol tu phyin pa zab mo 'di nyid kyis chos ston pa dang /the tshom zhu zhing rtogs pa yang dge slong rab 'byor
 ces bya ba sha stag dang/ lha'i dbang po brgya byin gyis zhu zhing yongs su rtogs pa sha stag bzhugs par de bzhin gshegs pa'i byin gyis brlab dang mthus lha mang po de dag gis mthong bar gyur ba bstan pa'o/ /de nas bcom ldan 'das kyis tshe
 dang ldan pa rab 'byor la 'di skad ces bka' stsal to/ zhes bya ba nas shes rab kyi pha rol tu phyin pa 'di nyid ston cing 'chad par 'gyur ro zhes bya ba'i bar du yang 'khor rnams shes rab kyi pha rol tu phyin pa 'di la lhag par dad pa bskyed pa'i phyir bcom ldan 'das
 shAkya thub pa nyag gcig da ltar shes rab kyi pha rol tu phyin pa 'di ston par ma zad kyis/ ma 'ongs pa'i dus na yang byams pa byang chub sems dpa' dang bskal pa bzang po 'di la mngon par rdzogs par sangs rgyas par 'gyur ba'i byang chub sems dpa' rnams kyang shes
 rab kyi pha rol tu phyin pa 'di nyid ston cing 'chad par 'gyur ba bstan pa'o/ /gsol pa bcom ldan 'das rnam pa gang dang/ rtags gang dang mtshan ma gang gis zhes bya ba la sogs pa ni ma 'ongs pa'i dus na byams pa byang chub sems dpa' shes rab kyi pha rol tu
 phyin pa 'di thabs ji ltar ston pa zhus pa'o/ /de skad ces gsol ba dang bcom ldan 'das kyis tshe dang ldan pa rab 'byor la 'di skad ces bka' stsal to zhes bya ba la sogs pa ni ma 'ongs pa'i dus na byams pa byang chub sems dpa' shes rab kyi pha rol tu phyin pa'i
 chos zab mo 'di thabs ji ltar ston pa bshad pa ste/ don dam par gzugs rang bzhin gyis stong zhing dngos po med par rtag pa dang mi rtag pa dang/ bde ba dang sdug bsngal ba dang/ bdag dang bdag med pa dang/ sdug pa dang mi sdug pa dang/ zhi ba dang ma zhi ba dang/
 bcings pa dang grol ba dang/ 'das pa dang ma 'ongs pa dang/ da ltar byung bar zhes bya bar mi dmigs shing mtshan ma dang bcas par chos mi ston to zhes bshad pa ste/ gzugs la ji ltar bshad pa de bzhin du tshor ba la sogs pa rnam pa thams cad mkhyen pa
 nyid la thug gi bar du chos thams cad la yang sbyar bar bya'o/ /gsol ba bcom ldan 'das byang chub sems dpa' sems dpa' chen po byams pa bla na med pa yang dag par rdzogs pa'i byang chub tu mngon par rdzogs par sangs rgyas nas chos ni ji ltar ston par 'gyur/
 ston na ni ci zhig ston par 'gyur zhes bya ba ni de ltar gong du bshad pa'i chul du gzugs la sogs pa'i chos thams cad don dam par rang bzhin gyis stong pas/ de dag la rtag pa dang mi rtag pa la sogs par chos mi ston na thams cad ji ltar ston/ de ltar gzugs la
 sogs pa'ang rang bzhin gyis stong ste/ med na ci zhig ston par 'gyur zhes bcom ldan 'das la rab 'byor gyis zhus pa'o/ /bcom ldan 'das kyis bka' stsal ba/ gzugs shin tu rnam par dag go zhes shin tu rnam par dag pa'i chos ston bar 'gyur ro zhes bya
 pa nas rnam pa thams cad mkhyen pa nyid shin tu rnam par dag go zhes shin tu rnam par dag pa'i chos ston par 'gyur ro zhes bya bI bar du ni gzugs la sogs pa'i chos thams cad don dam par rang bzhin gyis stong ste/ cis kyang ma gos ma chags pas shin tu rnam
 par dag pa'o zhes shes rab kyi pha rol tu phyin ba'i don zab mo ston gyis gzugs la sogs pa la dngos po la dngos por dmigs nas rtag pa dang mi rtag pa la sogs pa'i mtshan mar 'dzin cing chos ston pa ni ma yin zhes bshad pa'o/ /gsol ba bcom ldan
 'das shes rab kyi pha rol tu phyin pa ni yongs su dag pa'o zhes bya ba ni de ltar gzugs la sogs pa'i chos thams cad shin tu rnam par dag pa yin par bshad na/ shes rab kyi pha rol tu phyin pa yang chos de dag shin tu rnam par dag pa las gud na med pas/ shes
 rab kyi pha rol tu phyin pa yang yongs su dag pa yin no zhes gsol ba'o/ /bcom ldan 'das kyis bka' stsal pa/ rab 'byor gzugs yongs su dag pa'i phyir shes rab kyi pha rol tu phyin pa yongs su dag pa'o zhes bya ba nas rnam pa thams cad mkhyen pa nyid yongs su dag
 pa'i phyir shes rab kyi pha rol tu phyin pa yongs su dag pa'o zhes bya ba'i bar du ni rab 'byor gyis shes rab kyi pha rol tu phyin pa yongs dag pa'o zhes gsol ba'i don de nyid zhib tu bstan pa ste/ gzugs la sogs pa'i chos thams cad
 don dam par rang bzhin gyis stong zhing yongs su dag pa dang/ shes rab kyi pha rol tu phyin pa rang bzhin gyis stong zhing yongs su dag pa gnyis yongs su dag par ro gcig cing tha mi dad pas gzugs la sogs pa'i chos thams cad yongs su dag pa'i phyir shes rab kyis pha
 rol tu phyin pa yongs su dag pa'o zhes bstan pa'o/ /gsol pa bcom ldan 'das ji ltar na gzugs yongs su dag pa'i slad du shes rab kyi pha rol tu phyin pa yongs su dag pa lags zhes bya ba nas/ ji ltar na rnam pa thams cad mkhyen pa nyid yongs su dag pa'i slangS?
 shes rab kyi pha rol tu phyin pa yongs su dag pa lags zhes bya ba'i bar du ni chos thams cad skye ba med pa dang/ 'gag pa med pa la sogs pa'i don zhing tu bshad pa'i skabs dbye ba'i phyir ji ltar na gzugs la sogs pa'i chos thams cad yongs su dag pa'i
 phyir/ shes rab kyi pha rol tu phyin pa yongs su dag pa lags zhes bcom ldan 'das la rab 'byor gyis zhus pa'o/ /bcom ldan 'das kyis bka' stsal pa/ rab 'byor gzugs la skye ba med pa dang/ 'gag pa med pa dang/ kun nas nyon mongs pa med pa dang
 rnam par byang ba med pa ni gzugs yongs su dag pa'o/ zhes bya ba nas rnam pa thams cad mkhyen pa nyid la skye ba med pa dang/ 'gag pa med pa dang/ kun nas nyon mongs pa med pa dang/ rnam par byang ba med pa ni rnam pa thams cad mkhyen pa nyid yongs su dag pa'o
 zhes bya ba'i bar du ni gzugs la sogs pa'i chos thams cad don dam par rang bzhin gyis stong pas/ skye ba med pa dang/ 'gag pa med pa dang/ kun nas nyon mongs pa med pa dang/ rnam par byang ba med pa nyid la yongs su dag pa zhes bya ba'i dngos po yod pa
 zhig las skyon nam dri ma dang bral ba'i phyir yongs su dag pa ni ma yin no/ zhes bstan pa'o/ /rab 'byor gzhan yang nam mkha' yongs su dag pa'i phyir shes rab kyi pha rol tu phyin pa yongs su dag pa'o zhes bya ba ni shes rab kyi pha rol tu phyin pa yongs su dag pa nam mkha' 
 las dpe blangs te bstan pa ste/ ji ltar nam mkha' la blo bur gyi sprin dang/ khug rnal sogs pas bsgribs kyang nam mkha' i rang bzhin yongs su dag pa las ma dag par 'gyur ba med pa de bzhin du shes rab kyi pha rol tu phyin pa yang kun brtags pa'i chos rnams kyis
 bsgribs kyang rang bzhin yongs su dag pa las ma dag par 'gyur ba med do zhes bstan pa'o/ /gsol ba bcom ldan 'das kyis ji ltar na nam mkha' yongs su dag pa'i slad du shes rab kyi pha rol tu phyin pa yongs su dag pa lags zhes bya ba ni nam mkha' dang shes rab
 kyi pha rol tu phyin pa la skye ba dang 'gag pa la sogs pa med pa'i don bshad pa'i skabs dbye ba'i phyir rab 'byor gyis zhus pa'o/ /bcom ldan 'das kyis bka' stsal pa/ skye ba med pa dang/ 'gag pa med pa dang/ kun nas nyon mongs pa med pa dang/ rnam
 par byang ba med pa'i phyir nam mkha' yongs su dag pa'o zhes bya ba ni nam mkha' la skye ba dang 'gag pa la sogs pa med de yongs su dag pa de bzhin du shes rab kyi pha rol tu phyin pa la yang skye ba dang 'gag ba la sogs pa med pa'i phyir yongs su dag pa yin no/ zhes bstan
 pa'o/ /rab 'byor nam mkha' la 'gro ba med pa'i phyir shes rab kyi pha rol tu phyin pa yongs su dag pa'o/ zhes bya ba ni nam mkha' rang bzhin gyis dag pas skyon dang dri ma cis kyang ma gos pa de bzhin du shes rab kyi pha rol tu phyin pa yang yongs su dag pa yin no/ zhes
 bstan pa'o/ /gsol pa bcom ldan 'das ji ltar na nam mkha' la 'gro ba ma mchis ba'i slad du shes rab kyi pha rol tu phyin pa yongs su dag pa lags zhes bya ba ni gzung ba dang 'dzin pa med pa'i don bshad pa'i skabs dbye ba'i phyir rab 'byor gyis zhus pa'o/ /
 bcom ldan 'das kyis bka' stsal pa/ rab 'byor nam mkha' gzung du med pa'i phyir shes rab kyi pha rol tu phyin pa yongs su dag pa'o/ zhes bya ba ni nam mkha' la gzung ba dang 'dzin pa gnyis med de yongs su dag pa de bzhin du shes
 rab kyi pha rol tu phyin pa la yang gzung ba dang 'dzin pa rnam par rtog pa med pa'i phyir yongs su dag pa yin no/ zhes bstan pa'o/ /rab 'byor nam mkha' tha snyad med pa'i phyir shes rab kyi pha rol tu phyin pa yongs su dag pa'o zhes bya ba ni nam mkha' nyid smra zhing
 tha snyad 'dogs pa'i rang bzhin yang ma yin la/ nam mkha' la gzhan gyis brjod cing tha snyad du gdags par bya ba'i rang bzhin yang ma yin te yongs su dag pa de bzhin du shes rab kyi pha rol tu phyin pa yang brjod par byed pa dang/ brjod par bya ba'i tha snyad dang
 bral ba'i phyir yongs su dag pa yin no/ zhes bstan pa'o/ /gsol ba/ bcom ldan 'das ji ltar na nam mkha' la tha snyad ma mchis pa'i slad du shes rab kyi pha rol tu phyin pa yongs su dag pa lags zhes bya ba ni nam mkha' la tha snyad med pa'i dpe sgra brnyan las
 blangs te/ bstan pa'i skabs dbye ba'i phyir zhus pa'o/ /bcom ldan 'das kyis bka' stsal pa/ rab 'byor 'di lta ste/ dper nam mkha' sgra bsnyan gnyis kyi sgra ltar nam mkha' la tha snyad med pa'i phyir/ shes rab kyi pha rol tu phyin pa yongs su dag pa'o
 zhes bya ba ni mis sgra brjod pa dang/ brag ca las sgra 'byung ba gnyis ka yang nam mkha' stong pa la grag mong kyis 'on kyang nam mkha' ni smra ba'am/ brjod pa'i rang bzhin yang ma yin sgra'i rang bzhin yang ma yin sgra'i rang bzhin yang ma yin te/ yongs su dag pa de bzhin du shes rab kyi pha
 rol tu phyin pa yang kun rdzob tu smra zhing brjod pa tsam du zad kyis/ don dam par smra bar byed pa dang/ smra bar bya ba gnyis ka'i rang bzhin ma yin pa'i phyir yongs su dag pa yin no/ zhes bstan pa'o/ /rab 'byor nam mkha' brjod du med pa'i phyir shes rab kyi pha rol tu
 phyin pa yongs su dag pa'o zhes bya ba ni nam mkha' rang bzhin stong pas smra ba'am/ brjod ba'i bya ba mi byed pa de bzhin du shes rab kyi pha rol tu phyin pa yang don dam par rang bzhin gyis stong zhing smra ba 'am brjon pa'i bya ba mi byed pa'i phyir yongs su dag pa yin no/ zhes
 bstan pa'o/ /gsol ba/ bcom ldan 'das ji ltar na nam mkha' rjod du ma mchis pa'i slad du shes rab kyi pha rol tu phyin pa yongs su dag pa lags zhes bya ba ni brjod du med pa'i phyir yongs su dag pa'i don mdor smos pa de nyid zhib tu bshad pa'i skabs dbye
 ba'i phyir zhus pa'o/ /bcom ldan 'das kyis bka' stsal pa/ rab 'byor nam mkha' la ni gang yang brjod du med do/ /rab 'byor de bzhin du nam mkha' brjod du med pa'i phyir ro/ shes rab kyi pha rol tu phyin pa yongs su dag pa'o/ zhes bya ba ni nam mkha' dang shes rab kyi pha
 rol tu phyin pa gnyis ka rang bzhin gyis stong zhing brjod par bya ba dang/ rjod par byed ba'i ngo bo nyid ma yin pa'i phyir yongs su dag pa yin no zhes bstan pa'o/ /rab 'byor gzhan yang nam mkha' dmigs su med pa'i phyir shes rab kyi pha rol tu phyin pa yongs su dag pa'o
 zhes bya ba ni nam mkha' dang shes rab kyi pha rol tu phyin pa gnyis ka rang bzhin gyis stong pas dmigs par bya ba dang/ dmigs par byed pa'i dngos po ma yin pa'i phyir/ shes rab kyi pha rol tu phyin pa yongs su dag par yin no/ zhes bstan pa'o/ /gsol ba
 bcom ldan 'das ji ltar na nam mkha' dmigs su ma mchis pa'i slad du shes rab kyi pha rol tu phyin pa yongs su dag pa lags zhes bya ba ni don gong ma nyid gsal bar bshad pa'i phyir rab 'byor gyis zhus pa'o/ /bcom ldan 'das kyis bka' stsal pa/ rab 'byor
 nam mkha' la gang yang dmigs su med do rab 'byor de bzhin du nam mkha' bzhin dmigs su med pa'i phyir shes rab kyi pha rol tu phyin pa yongs su dag ba'o zhes bya ba ni ji ltar nam mkha' la dmigs par bya ba dang/ dmigs par byed pa'i dngos po gang yang med pa de bzhin du
 rnam par mi rtog pa'i shes rab kyi pha rol tu phyin pa la yang dmigs par bya ba dang/ dmigs par byed pa'i dngos po med de/ gzung ba dang 'dzin ba'i skyon gyis mgos pa'i phyir shes rab kyi pha rol tu phyin pa yongs su dag pa yin no zhes
 bstan pa'o/ /rab 'byor gzhan yang chos thams cad skye ba med pa dang/ 'gag pa med pa dang zhes bya ba nas/ rab 'byor chos thams cad shin tu rnam par dag pa'i phyir shes rab kyi pha rol tu phyin pa yongs su dag ba'o zhes bya ba'i bar du ni 'dus byas
 dang 'dus ma byas pa'i chos thams cad don dam pa rang bzhin g yis stong zhing rnam par dag pa'i phyir/ skye ba dang 'gag pa la sogs pa med pa de bzhin du shes rab kyi pha rol tu phyin pa yang don dam par rang bzhin gyis stong zhing/ skye ba dang 'gag pa la sogs
 pa med pa'i phyir yongs su dag pa yin no zhes bstan pa'o/ /rab 'byor gyis gsol pa bcom ldan 'das rigs kyi buAm rigs kyi bu mo gang la la zhig zhes bya ba nas/ bsod nams kyi phung po mang ba tshad med grangs med pa/ bsam gyis mi khyab pa
 mtshungs pa med pa/ gzhal du med pa dpag tu med pa rab tu 'phel bar 'gyur ro zhes bya ba'i bar du ni de ltar shes rab kyi pha rol tu phyin pa shin tu yongs su dag pa bstan nas/ de ltar yongs su dag pa'i shes rab kyi pha rol tu phyin pa 'di la 'khor rnams dad
 pa bskyed pa'i phyir tshe 'di la phan pa dang/ bsod nams su 'gyur ba'i yon tan rnams bstan pa ste gzhan ni rang log tu zad/ mi bde ba ma spangs bar dus byed bar mi 'gyur ro/ zhes bya ba ni dug dang mtshon la sogs pa blo bur gyi sdug bsngal rnams kyis tshe
 'da' bar mi 'gyur ro zhes bya ba'i don to/ /tshes brgyad dang bcu bzhi dang bco lnga dag la lha'i tshogs chen po 'du bar 'gyur ro zhes bya ba ni gang na shes rab kyi pha rol tu phyin pa ston pa'i gnas der dus drug dag la 'jig rten gyi lha mthu chen po rnams 'go
 zhing byin gyis rlob pa'i phyir 'du zhing sdod du 'ong ngo zhes bya ba'i don te/ ches nyi shu gsum la mar gyi do'i tshes brgyad ces bya/ tshes nyi shu dgu la mar gyi tshes bcu bzhi zhes bya/ gnam stong la mar gyi ngo'i tshes bco lnga zhes bya ste/ gzhung las tshes brgyad dang
 bcu bzhi dang bco lnga zhes smos pa zla ba yar gyi ngo dang mar gyi ngo gnyis ka la snyegs pas de ltar dus drug tu rig par bya'o/ /rab 'byor de ci'i phyir zhe na/ 'di lta ste/ shes rab kyi pha rol tu phyin pa 'di ni rin po che'o zhes bya ba nas/ yang dag par rdzogs
 pa'i byang chub 'byin pa'o zhes bya ba'i bar du ni tshe rabs phyi ma la phan par 'gyur ba'i yon tan bstan pa'o/ /de ci'i phyir zhe na/ de ni 'di ltlar shes rab kyi pha rol tu phyin pa 'di las dge ba bcu'i las kyi lam/ rgyas par bstan te zhes bya ba nas/ rnam pa
 thams cad mkhyen pa nyid yod zhes bya ba'i bar du tshe rabs phyi ma la phan par 'gyur ba'i gtan tshigs bstan pa'o/ /de yang 'di ltar shes rab kyi pha rol tu phyin pa 'di las chos thams cad rgya cher bstan te/ de la bslabs na rgyal rigs che zhing mtho ba rnams
 yod do zhes bya ba nas/ de bzhin gshegs pa dgra bcom pa yang dag par rdzogs pa'i sangs rgyas rnams yod do/ /de bas na de la pha rol tu phyin pa rin po che zhes bya'o/ zhes bya ba'i bar du ni gong du shes rab kyi pha rol tu phyin pa 'di rin po che zhes bshad pa/
 ji ltar rin po che yin pa'i gtan tshigs bstan pa ste/ dper na yid bzhin gyi nor bu rin po che gang na yod pa der nor dang dgos ba dang phun sum tshogs pa thams cad 'du zhing yod par 'gyur ba de bzhin du shes rab kyi pha rol tu phyin pa 'di las rnam par byang
 ba'i chos thams cad rgya cher bstan pas/ 'jig rten dang 'jig rten las 'das pa'i phun sum tshogs pa thams cad 'byung ba'i phyir rin po che zhes bya'o/ zhes bstan pa'o/ /pha rol tu phyin pa rin po che de la ni chos gang yang skye ba 'am/ 'gag ba
 pa 'am/ kun nas nyon mongs pa 'am/ rnam par byang ba'am/ yongs su bzung ba 'am/ dor ba med do/ /de ci'i phyir zhe na/ de ni 'di ltar gang skye ba 'am/ 'gag pa 'am/ kun nas nyon mongs pa 'am/ rnam par byang ba 'am/ yongs su
 bzung ba 'am/ dor bar bya ba'i chos de lta bu med do/ zhes bya ba ni de ltar gong du bshad pa'i tshul du shes rab kyi pha rol tu phyin pa 'di phun sum tshogs pa thams cad 'byung ba'i rgyu yin pa'i phyir rin po che yin par bshad pa la/ kha cig dngos po yod par
 'dzin pa bsal ba'i phyir don dam par skye ba dang/ 'gag pa dang/ kun nas nyon mongs pa dang/ rnam par byang ba dang/ gzung ba dang/ dor bar bya ba'i dngos por yod pa ma yin no zhes bstan pa'o/ /rab 'byor pha rol tu phyin pa rin po che 'di la ni dge ba
 'am mi dge ba 'am zhes bya ba nas/ rab 'byor rnam grangs des kyang pha rol tu phyin pa rin po che ni dmigs su med de zhes bya ba'i bar du ni don dam par pha rol tu phyin pa rin po che 'di la dge ba dang mi dge ba la sogs pa'i chos rnams dmigs su yang med do zhes
 dmigs su med pa'i yon tan dang ldan par bstan pa'o/ /rab 'byor pha rol tu phyin pa rin po che la ni chos gang gis kyang 'go ba med do/ /zhes bya ba nas/ 'di ni 'go ba med ba'i pha rol tu phyin pa'o zhes bya ba'i bar gyis ni ces kyang mgos pa'i yon tan bstan
 pa'o/ /rab 'byor gal te byang chub sems dpa' sems dpa' chen po shes rab kyi pha rol tu phyin pa la sbyod pa'i tshe zhes bya ba nas/ sangs rgyas kyi zhing yongs su sbyang ba byed cing sangs rgyas kyi zhing nas sangs rgyas kyi zhing du 'gro'o zhes bya ba'i bar du ni de
 ltar gong du bshad pa'i tshul du shes rab kyi pha rol tu phyin pa'i don zab mo dmigs su med pa rtogs nas shes rab kyi pha rol tu phyin pa rin po che 'di ni 'di ltar zab cing dmigs su med pa'o snyam du 'du shes mi skye zhing rnam par mi rtog na shes rab kyi pha rol tu phyin pa
 la bsgom zhing spyod par chung la/ sangs rgyas bcom ldan 'das rnams mnyes par bya ba dang/ sems can yongs su smin par bya ba dang/ sangs rgyas kyi zhing yongs su dag par bya yang nus par 'gyur ro zhes bstan pa'o/ /rab 'byor shes rab kyi pha rol tu phyin pa
 'di ni chos gang yang ston pa 'am zhes bya ba nas/ gzugs med pa'i khams las 'da' bar byed pa ma yin/ gnas par byed pa ma yin zhes bya ba'i bar du ni shes rab kyi pha rol tu phyin pa rnam par mi rtog pa yin pas chos gang yang ston pa la sogs pa'i bya ba
 mi byed do zhes bstan pa'o/ /sbyin pa'i pha rol tu phyin pa sgrub pa ma yin 'dor ba ma yin zhes bya ba nas/ rnam pa thams cad mkhyen pa nyid sgrub pa ma yin 'dor ba ma yin no zhes bya ba'i bar du ni shes rab kyi pha rol tu phyin pa 'di rnam par rtog pa'i rang bzhin yin
 pas pha rol tu phyin pa drug la sogs pa rnam pa thams cad mkhyen pa nyid la thug gi bar du rnam par byang ba'i chos rnams la yang blang ba dang/ dor ba'i rnam par rtog pa med do zhes bstan pa'o/ /shes rab kyi pha rol tu phyin pa 'di ni 'dus byas kyi khams 'dor
 ba ma yin/ 'dus ma byas kyi khams sgrub pa ma yin zhes bya ba ni shes rab kyi pha rol tu phyin pa 'di ni rnam par mi rtog pa'i rang bzhin yin pas 'dus byas dang 'dus ma byas pa la bzang ngan du 'byed cing blang dor can du mi 'gyur ro/ zhes bstan pa'o/ /de ci'i
 phyir zhe na/ de bzhin gshegs pa rnams byung yang rung de bzhin gshegs pa rnams ma byung yang rung/ chos rnams kyi chos nyid dang/ chos kyi dbyings dang/ chos kyi gnas nyid dang/ chos skyon med pa de ni de bzhin du gnas pa yin te/ zhes bya ba
 ni shes rab kyi pha rol tu phyin pa la blang dor med pa'i gtan tshigs bstan pa ste/ chos kyi chos nyid dang/ chos kyi dbyings dang/ chos kyi gnas nyid dang/ chos skyon med pa zhes bya ba stong pa nyid kyi rnam grangs te/ stong pa nyid la blang dor dang bzang ngan
 du 'byed pa'i rnam par rtog pa med de mi 'gyur ba yongs su sgrub pa'i rang bzhin du gnas pa de bzhin du shes rab kyi pha rol tu phyin pa yang don dam par stong pa nyid kyi rang bzhin te/ stong pa nyid la 'gyur ba med pas/ de bzhin gshegs
 pa rnams 'jig rten du byung yang rung/ ma byung yang rung/ steng pa nyid ni mi 'gyur pa'i rang bzhin du gnas so/ zhes bstan pa'o/ /de ni de bzhin gshegs pas mngon par sangs rgyas so/ /zhes bya ba nas/ gsal bar mdzad do yang dag par ston to//
 zhes bya ba'i bar du ni de lta bu'i chos nyid shes rab kyi pha rol tu phyin pa'i don zab mo de ni de bzhin gshegs pa rnams kyi thugs su chud nas gzhan la rgyas par ston gyis/ nyan thos dang rang sangs rgyas la sogs pa gzhan gyi spyod yul ma yin no zhes bstan pa'o/ /
 de nas lha'i bu stong phrag mang bo steng gi bar snang la 'khor nas zhes bya ba nas tsam+bu'i gling du chos kyi 'khor lo gnyis pa bskor bar mthong ngo zhes bya ba'i bar du ni de ltar shes rab kyi pha rol tu phyin pa don zab mo bshad pas lha'i bu mang po mgu ste/ ngo mtshar du
 gyur pa'i tshig snyan pa'i sgra byung nas shes rab kyi pha rol tu phyin pa dang bcom ldan 'das la bstod pa ste/ lhung lhung ldegs kyi sgra phyung zhes bya ba ni ngo mtshar du gyur ba'i tshig snyan pa mnyen zhing yid du 'ong bas bstod do zhes bya ba'i don to/ /chos kyi 'khor
 lo bskor ba mthong ngo zhes bya ba ni bcom ldan 'das dang po mngon bar sangs rgyas nas/ yul ba ra NA ser 'phags pa'i bden pa bzhil lan gsum du bzlas te chos kyi 'khor lo rnam pa bcu gnyis su bskor ba dang/ da ltar rgyal po'i khab kyi ri bya rgod kyi
 phung po 'di la yang shes rab kyi pha rol tu phyin pa zab mo 'di rgya cher bstan pa dang/ chos kyi 'khor lo lan gnyis su bskor ba mthong ngo/ /zhes bya ba'i don to/ /de nas bcom ldan 'das kyis gnas brtan rab 'byor la bka' stsal ba/ rab 'byor
 dngos po med pa'i ngo bo nyid stong pa nyid kyi phyir 'di ni chos kyi 'khor lo gnyis su bskor ba yod ma yin/ gcig tu bskor ba yang ma yin no zhes bya ba ni lha'i bu rnams kyis chos kyi 'khor lo gnyis bskor ba mthong ngo zhes smras pa/ don dam par chos thams cad
 dngos po med pa'i ngo bo nyid kyi stong pa'i phyir chos kyi 'khor lo bskor ba yang med do zhes bstan pa'o/ /shes rab kyi pha rol tu phyin pa 'di yang chos gang yang 'khor pa 'am mi 'khor bar bya ba'i phyir nye bar gnas pa ma yin no/ zhes bya ba ni chos thams cad
 dngos po med pa'i ngo bo nyid kyi stong pa de bzhin du shes rab kyi pha rol tu phyin pa 'di yang ngo bo nyid kyis stong pas chos kyi 'khor lo bskor ba 'am/ mi bskor ba'i bya ba gnyis ka yang mi byed do/ zhes bstan pa'o/ /gsol ba bcom ldan 'das de ltar shes rab kyi
 pha rol tu phyin pa ni chos gang yang 'khor bar bgyi ba 'am/ mi 'khor bar bgyi ba'i slad du/ nye bar mi gnas pa'i dngos po ma mchis pa'i ngo bo nyid stong pa nyid de gang lags zhes bya ba ni gong du dngos po med pa'i ngo bo nyid stong pa nyid kyi phyir chos kyi 'khor lo
 skor ba 'am mi skor ba med do zhes mdor smos pa chos gang dang gang dngos po med pa'i ngo bo nyid stong pa zhib tu bshad pa'i skabs dbye ba'i phyir zhus pa'o/ /bcom ldan 'das kyis bka' stsal pa/ rab 'byor shes rab kyi pha rol tu phyin pa shes rab kyi pha rol
 tu phyin pas stong do zhes bya ba nas/ rnam pa thams cad mkhyen pa nyid rnam pa thams cad mkhyen pa nyid kyis stong ngo zhes bya ba'i bar du ni chos gang dang gang dngos po med pa'i ngo bo nyid kyis stong pa yin pa bstan pa'o/ /gsol ba bcom ldan 'das byang chub
 sems dpa' i sems dpa' chen po rnams kyi pha rol tu phyin pa 'di ni chen po ste zhes bya ba nas/ de dag gi chos gang yang yongs su mthong pa 'am/ yongs su ma mthong ba ma mchis pa'o zhes bya ba'i bar du ni de ltar shes rab kyi pha rol tu phyin pa 'di ni don dam pa'i
 rang bzhin gyis stong zhing/ chos thams cad kyang don dam par rang bzhin gyis stong yang/ kun rdzob tu byang chub sems dpa' rnams shes rab kyi pha rol tu phyin pa 'di la brtan nas/ bla na med pa yang dag par rdzogs pa'i byang chub tu mngon
 par rdzogs par 'tshang rgya bar yang 'gyur la/ de ltar mngon par rdzogs par sangs rgyas na yang don dam par chos gang yang mngon par rdzogs par sangs rgyas pa yang mod/ kun rdzob tu chos kyi 'khor lo yang bskor la/ don dam bar chos kyi 'khor lo
 bskor ba yang med/ mi skor ba yang med pa dang/ lha'i bu de dag gis chos kyi 'khor lo bskor bar mthong ba dang/ ma mthong ba gnyis ka yang med par ston ba'i shes rab kyi pha rol tu phyin pa 'di ni/ de ltar yon tan tshe ba'i phyir pha rol tu phyin pa chen mo'i
 zhes shes rab kyi pha rol tu phyin pa la rab 'byor gyis bstong pa'o/ /de ci'i slad du zhe na/ de ni 'di ltar gang 'khor bar bgyi ba 'am/ mi 'khor bar bgyi ba 'am/ rab tu 'khor bar bgyi ba'i chos de lta bu dmigs su ma mchis te/ de ni 'di ltar chos thams cad
 kyang shin tu mngon par ma grub ba'o zhes bya ba ni de ltar gong du bshad pa'i tshul du don dam par chos kyi 'khor lo bskor ba la sogs pa med pa'i gtan tshigs bstan pa'o/ /de ci'i slad du zhe na/ stong pa nyid ni 'khor bar bgyid pa 'am/ mi 'khor bar bgyid
 ba ma lags so/ zhes bya ba nas/ smon pa ma mchis pa ni 'khor bar bgyid pa 'am/ mi 'khor bar bgyi ba ma lags so zhes bya ba'i bar du chos kyi 'khor lo bskor ba dang/ mi bskor ba dmigs su med pa dang/ chos thams cad shin tu mngon par ma grub
 pa'i gtan tshigs su rnam par thar pa'i sgo gsum ci yang byed pa ma yin pa bstan pa'o/ /de ltar shes rab kyi pha rol tu phyin pa bstan pa dang/ rab tu bstan pa dang zhes bya ba nas/ chos bstan pa 'di la gang su yang sbyin pa'i gnas su 'gyur ba ma mchis so
 zhes bya ba'i bar du ni/ de ltar gong du bshad pa'i tshul du shes rab kyi pha rol tu phyin pa las kun rdzob tu chos thams cad rgya cher bstan cing chos kyi 'khor lo bskor la/ don dam par chos gang yang bstan pa med pa de ni shes rab kyi pha rol tu phyin pa bstan
 pa yongs su dag pa yin par bshad pa dang/ da ltar yongs su dag par bstan pa de la ni de ni don daM par ston cing 'chad pa yang med/ nyan cing 'dzin pa yang med/ 'bras bu mngon sum du thob par dang mngon sum du ma thob pa dang/ mya ngan las 'das par
 gyur pa dang/ sbyin pa'i gnas su gyur pa yang med do zhes bstan pa ste/ shes rab kyi pha rol tu phyin pa bstan pa dang/ rab tu bstan pa dang/ bsgrub pa dang/ rb tu bkod pa zhes bya ba la sogs pa ni zhib tu bshad pa'i rnam grangs zad do/ /shes
 rab kyi pha rol tu phyin pa 'bum pa rgya cher bshad pa las le'u nyi shu dgu pa'o// //de nas tshe dang ldan pa rab 'byor gyis bcom ldan 'das la 'di skad ces gsol to/ zhes bya ba la sogs pa ni shes rab kyi pha rol tu phyin pa 'di zab pa'i
 rnam grangs bstan pa ste/ bcom ldan 'das 'di lta ste/ shes rab kyi pha rol tu phyin pa 'di ma mchis pa'i pha rol tu phyin pa'o zhes bya ba ni don dam par shes rab kyi pha rol tu phyin pa'i rang bzhin yod par ma grub pa'i phyir ma mchis pa'i zhes gsol
 pa'o/ /bcom ldan 'das kyis bka' stsal pa/ nam mkha' med pa'i phyir zhes bya ba ni rab 'byor gyis bshad pa'i don bcom ldan 'das kyis dpes bkrol te bshad pa ste/ ji ltar nam mkha' la dngos po med pa de bzhin du shes rab kyi pha
 rol tu phyin pa 'di la yang don dam par dngos po med de nam mkha' dang 'dra'o zhes bya ba'i don to/ /mnyam pa nyid kyi pha rol tu phyin pa'o zhes bya ba ni de ltar gong du bshad pa'i tshul du rang bzhin gyis stong zhing nam mkha' dang 'dra bas tshe chung dang mtho
 dman dang bzang ngan la sogs pa med pa'i phyir mnyam pa nyid do zhes bstan pa'o/ /chos thams cad mnyam pa nyid kyi phyir ro zhes bya ba ni 'dus byas dang/ 'dus ma byas pa'i chos thams cad kyang don dam par stong zhing rang bzhin med pas
 de bzhin nyid du ro gcig cing mnyam pa nyid yin pa'i phyir/ shes rab kyi pha rol tu phyin pa yang de dang 'dra bar mnyam pa nyid yin no/ zhes bstan pa'o/ /rnam par dben pa'i pha rol tu phyin pa'i zhes bya ba ni yod pa dang med pa dang rtag pa dang/ chad pa la
 sogs pa'i mdza' gnyis dang bral bas dben pa yin no/ zhes bstan pa'o/ /mdza' las 'das pa stong pa nyid kyi phyir ro zhes bya ba ni rnam par dben pa'i don de nyid 'brel pa ste/ yod med dang rtag chad la sogs pa'i mdza' las 'das shing rang bzhin gyis
 stong ba'i phyir rnam par dben pa yin no/ zhes bstan pa'o/ /thub pa med pa'i pha rol tu phyin pa'o zhes bya ba ni shes rab kyi pha rol tu phyin pa 'di dngos po yod par ma grub pas mu stegs can la sogs pa phas kyi rgol ba rnams kyis glags mi thod cing cis kyang
 mi thub pa yin no/ zhes bya ba'i don to/ /mchos thams cad dmigs su med pa'i phyir ro/ zhes bya ba ni thub pa med pa'i don 'grel pa ste/ don dam par chos thams cad dngos por dmigs su med pa da bzhin du shes rab kyi pha rol tu phyin pa yang dmigs med pa'i
 phyir thub pa med pa yin no/ zhes bstan pa'o/ /gnas ma mchis pa'i pha rol tu phyin pa'i/ zhes bya ba ni phung po lnga'i rang bzhin gyis gnas sam rten med pa'o zhes bstan pa'o/ /ming dang lus med pa'i phyir ro/ zhes bya ba ni gnas med pa nyid kyi don 'grel
 pa ste / ming ni tshor ba dang/ 'du shes dang/ 'du byed dang/ rnam par shes pa'i phung po bzhi la bya/ lus ni gzugs kyi phung po la bya ste/ de ltar ming dang gzugs kyi rang bzhin phung po lnga po med pa la gnas pa med pa'o zhes bya'o zhes bstan pa'o//
 nam mkha' i pha rol tu phyin pa'o/ zhes bya ba ni de ltar ming dang gzugs kyi rang bzhin gnas zhes bya ba phung po lnga med pas nam mkha' dang 'dra'o zhes bya ba'i don to/ /dbugs phyi nang du rgyu ba med pa'i phyir ro/ zhes bya ba ni de ltar phung po lnga'i rang bzhin ma yin pas dbugs
 phyi nang du rgyu ba med pa'i phyir nam mkha' dang 'dra'o/ zhes bya ba'i don to/ /brjod du ma mchis pa'i pha rol tu phyin pa'o zhes bya ba ni ming dang mtshan mar bzung ba'i tha snyad du brjod du med do zhes bya ba'i don to/ /rnam par rtog pa dang/ rnam par dpyod pa dmigs su med pa'i phyir ro
 zhes bya ba ni brjod du med pa'i don 'grel pa ste/ tshig tu brjod do cog ni sems kyi rnam par brtags dpyad nas mtshan mar bzung ste/ ming dang tha snyad du 'dogs shing tshig tu brjod pa la 'byung gi / rnam par rtog pa dang/ rnam par dpyod pa med na tshig tu brjod
 pa yang med do zhes bstan pa'o/ /ming ma mchis pa'i pha rol tu phyin pa'o zhes bya ba ni gzugs med pa'i phung po bzhi med pa'i rang bzhin zhes bstan pa'o/ /tshor ba dang/ 'du shes dang 'du byed dang/ rnam par shes pa dmigs su med pa'i phyir ro zhes bya ba ni med pa'i
 don 'grel pa ste/ ming zhes bya ba ni gzugs med pa'i phung po bzhi tshor ba dang 'du shes dang 'du byed dang/ rnam par shes pa rnams la bya ste/ de dag gi rang bzhin ma yin pa la ming med pa zheS bya'o zheS bya bI don to/ /mchi ba ma mchis pa'i pha rol tu phyin pa'o zhes
 bya ba ni shes rab kyi pha rol tu phyin pa rang bzhin gyis stong zhing mi g.yo bas/ khams gsum dang 'gro ba rgyud lnga gang du yang 'gro ba med do zhes bstan pa'o/ /chos thams cad 'gro ba med pa'i phyir ro zhes bya ba ni 'gro ba med pa'i don 'grel pa ste /don dam par chos
 thams cad dngos po med pas khams gsum dang 'gro ba rgyud lnga gang du yang 'gro zhing rgyu ba med pa de bzhin du shes rab kyi pha rol tu phyin pa yang dngos po med pas gang du yang bzhin gyis stong bas bdud dang mu stegs can la sogs pa lta ba pa'i pha rol tu phyin pa'o zhes bya
 ba ni shes rab kyi pha rol tu phyin pa 'di rang bzhin gyis stong bas bdud dang mu stegs can la sogs pa lta ba ngan pa can rnams kyis dbrog cing bsgyur du mi nus so/ zhes bya ba'i don to/ /chos thams cad gzung du med ba'i phyir ro/ zhes bya ba ni mi 'phrogs
 pa'i don 'grel pa ste/ chos thams cad kyang rang bzhin gyis stong bas ming dang mtshan mar bzung du med pa de bzhin du shes rab kyi pha rol tu phyin pa yang don dam par ming dang mtshan mar bzung du med pas mi 'phrogs pa yin no zhes bstan pa'o/ /skad cig pa ma
 mchis pa'i pha rol tu phyin pa'o zhes bya ba ni shes rab kyi pha rol tu phyin pa rang bzhin gyis stong bas skad cig ma'i rgyun la gnas pa ma yin no zhes bya ba'i don to/ /chos thams cad byang zhing zad pa'i phyir ro zhes bya ba ni skad cig pa med pa'i 'grel pa ste/ chos
 thams cad rang bzhin gyis stong zhing med pa la byang zhing zad pa zhes bya ste / de ltar stong zhing med pa'i phyir skad cig ma'i rgyun la yang mi gnas so/ zhes bya ba'i don to/ /skye ba ma mchis pa'i pha rol tu phyin pa'o zhes bya ba ni don dam par shes rab kyi pha rol tu
 phyin pa la dngos po med pas mi skye ba'i rang bzhin yin no zhes bya ba'i don to/ /chos thams cad skye ba dang 'gag pa med pa'i phyir ro zhes bya ba ni skye ba med pa'i 'grel pa ste/ don dam par dngos po med pa ni skye ba dang 'gag pa gnyis ka yang med pa'i phyir shes
 rab kyi pha rol tu phyin pa yang skye ba med pa yin no zhes bstan pa'o/ /byed pa po ma mchis pa'i pha rol tu phyin pa'o zhes bya ba ni don dam par shes rab kyi pha rol tu phyin pa dngos po med pas ci'ang mi byed pa'i rang bzhin yin no zhes bstan pa'o/ /byed pa po dmigs su
 med pa'i phyir ro zhes bya ba ni byed pa po med pa'i 'grel pa ste/ don dam par dngos po yod par ma grub pas byed pa po'i rang bzhin dmigs su med pa'i phyir/ pha rol tu phyin pa 'di yang byed pa po ma yin no zhes bya ba'i don to/ /shes pa po ma mchis pa'i pha
 rol tu phyin pa'o zhes bya ba ni shes rab kyi pha rol tu phyin pa ni rnam par mi rtog pa'i rang zhin yin no zhes bstan pa'o/ /shes pa po dmigs su med pa'i phyir ro zhes bya ba'i don dam par dngos po med pa'i phyir/ shes pa po rang bzhin ma yin no zhes bya ba'i don te/
 'pho ba ma mchis pa'i pha rol tu phyin pa'o zhes bya ba ni don dam par shes rab kyi pha rol tu phyin pa'i dngos po med pas 'gro ba'i rgyud gzhan du 'pho ba med do zhes bya ba'i don to/ /'chi ba dang skye ba med pa'i phyir ro zhes bya ba ni 'pho ba med pa'i gtan tshigs bstan pa
 ste / don dam par dngos po med pa la tshe 'pho ba dang skye ba mi srid pa'i phyir/ 'pho ba med pa yin no zhes bstan pa'o/ /'jig pa ma mchis pa'i pha rol tu phyin pa'o zhes bya ba ni don dam par shes rab kyi pha rol tu phyin pa dngos po yod par ma grub pas/ mi
 'jig pa'i rang bzhin can no zhes bya ba'i don to/ /chos thams cad 'jig pa med pa'i phyir ro zhes bya ba ni mi 'jig pa'i 'grel pa ste/ chos thams cad kyang don dam par dngos po med pas stong pas nyis kyi rang bzhin de bzhin nyid la 'jig cing gzhan du 'gyur ba
 med pa de bzhin du shes rab kyi pha rol tu phyin pa la yang 'jig pa med do zhes bstan pa'o/ /mri lam gyi pha rol tu phyin pa'o zhes bya ba ni shes rab kyi pha rol tu phyin pa 'di don dam par dngos po med pa las/ kun rdzob tu shes rab kyi pha rol tu phyin pa'o zhes
 ming dang tha snyad du brjod pa ni rmi lam gyi dngos po dang 'dra'o zhes bstan pa'o/ /rmi lam mthong ba dmigs su med pa'i phyir ro zhes bya ba ni rmi lam dang 'dra bar bshad pa'i gtan tshigs bstan pa ste/ rmi lam du mthong ba'i dngos po rnams yang dag par brtags na
 dmigs su med pa bzhin no zhes bya ba'i don to/ /sgra brnyan gyi pha rol tu phyin pa'o zhes bya ba ni don dam par shes rab kyi pha rol tu phyin pa 'di dngos po med pa las shes rab kyi pha rol tu phyin pa'i ming du btags shing sgrar brjod pa ni sgra brnyan nam brag cha dang
 'dra'o zhes bstan pa'o/ /nyan pa dang sgrar brjod pa dmigs su med pa'i phyir ro zhes bya ba ni sgra brnyan lta bur bshad pa'i 'grel pa ste/ brag cha pa sogs pa las brag ca'i sgra byung ba sgra yang dgra ba ma yin yang sgra lta bur grag pa bzhin du/ shes
 rab kyi pha rol tu phyin pa'i ming dang sgrar brjod pa yang dngos po med pa las sgrar brjod pa tsam du zad do zhes bstan pa'o/ /mig yor gyi pha rol tu phyin pa'o zhes bya ba ni don dam par shes rab kyi pha rol tu phyin pa dngos po med pa las / yi ge'i 'bru la sogs
 pa snang ba ni mig yor dang 'dra'o zhes bstan pa'o/ /me long gi bzhin dmigs su med pa'i phyir ro zhes bya ba ni mig yor dang 'dra bar bshad pa'i 'brel pa ste/ me long gi nad na bzhin gyi gzugs brnyan snang ba mi'i bzhin yang dag par ma yin yang bzhin dag
 'phra bar snang ba bzhin du/ shes rab kyi pha rol tu phyin pa yang don dam par yig 'bru'i rang bzhin ma yin pa las kun rdzob tu yi ge'i 'bru lta bur snang ba tsam du zad do zhes bstan pa'o/ /smig rgyu'i pha rol tu phyin pa'o zhes bya ba ni don dam par shes rab
 kyi pha rol tu phyin pa 'di dngos po med pa las / yod pa lta bur snang ba ni 'khrul ba ste /smig rgyu la chu'i rang bzhin med pa las chu 'dra bar snang ba dang 'dra'o zhes bya ba'i don to/ /chu 'bab pa dmigs su med pa'i phyir ro zhes bya ba ni/ smig rgyu bshad pa'i
 dgrel? pa ste/ don dam par chu 'bab pa nyid kyang dngos po me pa yin no/ /smig rgyu la chu 'bab pa'i rang bzhin med pa lta smos kyang ci dgos zhes bya ba'i tha tshig go /sgyu ma'i pha rol tu phyin pa'o zhes bya ba ni shes rab kyi pha rol tu phyin pa 'di don dam par
 dngos po med pa las yong pa lta bur snang ba ni sgyu ma'i rta dang glang po cha la sogs pa rta dang glang po che'i rang bzhin ma yin yang rta dang glang po che lta bur snang ba dang 'dra'o zhes bstan pa'o/ /mtshan ma dmigs su med pa'i phyir ro zhes bya ba ni sgyu ma lta bur bshad
 pa'i 'grel pa ste/ sgyu ma mkhan gyi sgyu ma byas pa'i gzhi dang mtshan ma/ rta dang glang po che'i dngos po dang sgyu ma bya ba'i rgyu rkyen/ sman dang sngags la sogs pa'i mtshan pa dang don dam par dmigs su med na/ de las byung ba'i sgyu ma lta bu dngos po med pa smos kyang ci dgos
 zhes bya ba'i don to/ /rmongs ba ma mchis pa'i pha rol tu phyir pa'?/ /zhes bya ba ni/ shes rab kyi pha rol tu phyin pa 'di rang bzhin gyis yongs su dag cing mi shes pa'i sgrib pa med pa'o zhes bstan pa'o/ /ma rig pa'i mun pa dmigs su med pa'i phyir ro/ zhes bya ba
 ni rmongs pa med pa'i don 'grel pa ste/ shes rab kyi pha rol tu phyin pa rmongs pa med cing yongs su dag pa de sngon ma rig pa'i sgrib pa yod pa las bsal te/ yongs su dag pa ni ma yin g gyis/ ma rig pa'i mun pa nyid don dam par dmigs su med pas thog ma nas yongs su dag pa
 yin no zhes bya ba'i don to/ /kun nas nyon mongs pa ma mchis pa'i pha rol tu phyin pa'o zhes bya ba ni/ shes rab kyi pha rol tu phyin pa 'di nyon mongs pa'i sgrib pa yong su dag pa yin no zhes bstan pa'o/ /kun nas nyon mongs pa dmigs su med pa'i phyir ro zhes bya ba ni shes rab kyi pha rol
 tu phyin pa 'di de ltar nyon mongs pa'i sgrib pa yongs su dag pa yang sngon nyon mongs pa dang bcas pa las nyon mongs pa yang spangs te/ phyis yongs su dag par gyur pa ni ma yin gyis/ nyon mongs pa nyid kyang don dam par dngos po med pas thog ma nas yongs su dag pa yin no zhes
 bstan pa'o/ /rnam par byang ba ma mchos pa'i pha rol tu phyin pa'o/ /zhes bya ba ni shes rab kyi pha rol tu phyin pa 'di rang bzhin gyis stong zhing gzod ma nas yongs su dag pa yin pas/ sngon nyon mongs pa dang bcas pa las phyis rnam par byang bar gyur pa ma yin no zhes
 bya ba'i don to/ /nyon mongs pa med pa'i phyir ro zhes bya ba ni de ltar rnam par byang ba'i gtan tshigs bshad pa ste/ nyon mongs pa zhig sngon yod na ni de spangs par rnam par byang ba zhes bya na/ nyon mongs pa nyid kyang rang bzhin gyis stong ste/ gzod ma nas dag pa'i
 phyir rnam par byang ba med do zhes bya ba'i don to/ /dmigs sum mches pa'i pha rol tu phyin pa'o zhes bya ba ni shes rab kyi pha rol tu phyin pa 'di don dam par dangs po yod par ma grub pas dmigs par bya ba dang/ dmigs par byed pa'i dngos po ma
 yin na zhes bya ba'i don te/ /gnas dmigs su med pa'i phyir ro / zhes bya b ani dmigs par bya ba'i gnas sam yul dngos po med pas dmigs su byed par yang med pa'i phyir dmigs su med pa yin no zhes bstan pa'o /spros pa ma mchis pa'i pha rol tu phyin pa'o zhes bya ba ni
 shes rab kyi pha rol tu phyin pa 'di rnam par rtog pa'i spros pa thams cad dang bral pa'i rang bzhin yin no zhes bstan pa'o/ /spros pa thams cad yang dag par bcom pa'i phyir ro zhes bya ba ni de ltar rnam par rtog pa'i spros
 pa dang bral ba yang rnam par rtog pa'i spros pa thams cad gzod ma nas ma skyes par rtags pa'i phyir ro zhes bstan pa'o/ /rlom sems ma mchis pa'i pha rol tu phyin pa'o/ zhes bya ba ni shes rab kyi pha rol tu phyin pa 'di rnam par mi rtog pa'i rang bzhin yin pas/
 bdag gi yon tan gyis rlom zhing bsnyems pa med pa yin no zhes bstan pa'o/ /rlom sems thams cad yang dag par bcos pa'i phyir ro zhes bya ba ni/ sngon rlom sems dang bcas pa las phyis rlom sems med par gyur pa ni ma yin gyis rlom sems thams cad
 gzod ma nas ma skyes par rtags pa'i phyir ro/ zhes bya pa'i don to/ /mi g.yo ba'i pha rol tu phyin pa'o zhes bya ba ni shes rab kyi pha rol tu phyin pa rnam par mi rtog cing rlom sems med pa'i rang bzhin las nyams shing g.yo bar mi 'gyur ba yin no zhes bstan pa'o/ /
 chos kyi dbyings gnas pa nyid kyi phyir ro zhes bya ba ni shes rab kyi pha rol tu phyin pa chos kyi dbyings kyi rang bzhin dang tha mi dad pas/ ji ltar chos kyi dbyings mi 'gyur bar yongs su grub pas/ g.yo zhing 'gyur ba med par gnas pa de bzhin du shes rab kyi pha rol tu phyin
 pa yang g.yo zhing 'gyur ba med do zhes bya ba'i don to/ /'dod chags dang bral ba'i pha rol tu phyin pa'o zhes bya ba ni shes rab kyi pha rol tu phyin pa yongs su dag pa 'di chos thams cad stong pa'i ngo bo nyid du rtogs pas/ chos gang la yang chags pa med pa'i rang bzhin ban no/ zhes
 bstan pa'o/ /chos thams cad mnor ba yang dag pa nyid du mngon par 'tshang rgya bar byed pa'i phyir ro zhes bya ba ni chos thams cad stong pa'i ngo bo nyid du phyin ci ma log par rtogs par byed pa shes rab kyi pha rol tu phyin pa yin pas/ de'i phyir 'dod chags dang bral ba'i pha
 rol tu phyin pa yin no zhes bya ba'i don to/ /kun nas ldang ba ma mchis pa'i pha rol tu phyin pa'o zhes bya ba ni shes rab kyi pha rol tu phyin pa 'di 'dod chags la sogs pa'i yul la mtshan mar mi 'dzin cing rnam par mi rtogs pas 'dod chags la sogs pa'i nyon mongs pa
 rnams kun nas ldang ba'i rang bzhin can no zhes bstan pa'o/ /chos thams cad rnam par rtog pa med pa'i phyir ro / zhes bya ba ni don dam par chos thams cad rang bzhin gyis stong bas/ rnam par rtog pa med pa de bzhin du/ shes rab kyi pha rol tu phyin pa yang rang
 bzhin gyis stong zhing rnam par rtog pa med pa'i phyir/ kun nas ldang ba med do zhes bya ba'i don to/ /zhi ba'i pha rol tu phyin pa'o zhes bya ba ni de ltar rnam par mi rtog cing nyon mongs pa kun nas ldang ba med pas zhi ba'i rang bzhin can no zhes bstan pa'o/ /chos thams cad
 mtshan ma med cing dmigs su med pa'i phyir ro zhes bya ba ni/ don dam par chos thams cad rang bzhin gyis stong pas/ nyon mongs pa rnams skye ba'i mtshan ma dmigs su med pa'i phyir / shes rab kyi pha rol tu phyin pa zhi pa yin no zhes bya ba'i don to/ /'dod chags
 ma mchis pa'i pha rol tu phyin pa'o zhes bya ba ni/ chags par bya ba'i dngos po med pa'i phyir/ shes rab kyi pha rol tu phyin pa 'dod chags med pa'i rang bzhin can no zhes bstan pa'o/ /'dod chags dmigs su med pa'i phyir ro zhes bya ba ni chags par bya ba'i dngos 
 po med pas chags par byed pa'i 'dod chags kyang dmigs su med pa'i phyir/ shes rab kyi pha rol tu phyin pa 'dod chags med pa yin no zhes bya ba'i don to/ /zhe sdang ma mchis pa'i pha rol tu phyin pa'o/ zhes bya ba ni/ shes rab gyi pha
 rol tu phyin pa yongs su dag cing skyon med pas/ zhe sdang med pa'i rang bzhin can no zhes bstan pa'o/ /zhe sdang yod pa ma yin pa'i phyir ro zhes bya ba ni/ zhe sdang skye bar 'gyur ba'i rgyur gyur pa'i chos rnams dngos po med pas zhe sdang skye bar mi 'gyur ba'i
 phyir/ shes rab kyi pha rol tu phyin pa zhe sdang med pa yin no zhes bya ba'i don to/ /gti mug ma mchis pa'i pha rol tu phyin pa'o zhes bya ba ni shes rab kyi pha rol tu phyin pa zhes bya ba dang nyon mongs pa'i sgrib pa thams cad yongs su dag pa'i rang bzhin
 can yin no zhes bstan pa'o/ /mi shes pa'i mun pa thams cad sel ba'i phyir zhes bya ba ni/ shes rab kyi pha rol tu phyin pa gti mug gi mnyen po yin pa'i phyir/ gti mug med pa yin no zhes bya ba'i don to/ /nyon mongs pa ma mchis pa'i pha rol tu phyin
 pa'o zhes bya ba ni/ shes rab kyi pha rol tu phyin pa rnam par mi rtog pa lhun gyis grub pa'i rang bzhin yin pas rnam par rtog pa'i nyon mongs pa med pa yin no zhes bstan pa'o/ /yongs su rtog pa med pa'i phyir ro zhes bya ba ni byang chub sems dpa' rnams
 kyi nyon mongs pa yongs su rtog pa yin no zhes 'byung bas/ shes rab kyi pha rol tu phyin pa la yongs su rtog pa de med pa'i phyir/ nyon mongs pa med pa'i pha rol tu phyin pa'o zhes bya'o/ /sems can ma mchis pa'i pha rol tu phyin pa'o zhes bya ba ni/ shes rab
 kyi pha rol tu phyin pa 'di rang bzhin gyis stong pas/ mu stegs can gyi brtags pa'i bdag sems can gyi dngos po med pa yin no zhes bstan pa'o/ /sems can med pa'i phyir ro zhes bya ba ci mu stegs can gyi brtags pa'i bdag dad sems can zhes bya ba
 de kun rdzob tu yang yod par ma grub pa de bzhin du shes rab kyi pha rol tu phyin pa 'di yang don dam par dngos po med pa'i phyir sems can med pa yin zhes bya ba'i don to/ /rab tu spangs pa pha rol tu phyin pa'o zhes bya ba ni shes rab kyi pha rol tu phyin pa nyan mongs pa'i
 gnyen po yin pas nyon mongs pa thams cad ma lus par spangs pa'i rang bzhin yin no zhes bstan pa'o/ /chos thams cad kun nas ldang ba med pa'i phyir ro zhes bya ba ni/ nyon mongs pa kun nas ldang ba rnams dngos po yod pa las gnyen po bsgom pas spangs te med
 par gyur pa ni ma yin gyis/ chos thams cad rang bzhin gyis stong ste/ kun nas ldang zhing 'byung ba med par rtogs pa nyid rab tu spangs pa yin no zhes bya ba'i don to/ /mdza' gnyis su mi 'gyur ba'i pha rol tu phyin pa'o zhes bya ba ni shes rab kyi pha rol tu phyin pa rnam
 par mi rtog pa'i rang bzhin yin pas/ yod pa dang/ med pa dang/ rtag pa dang/ chad pa la sogs pa'i mdza' gnyis su rnam par rtog par mi 'gyur ba'o zhes bstan pa'o/ /mdza' rnam par spong ba'i phyir ro zhes bya ba ni rnam par mi rtog pa nyid mdza' gnyis rnam par
 spong ba'i rang bzhin yin pa'i phyir mdza' gnyis su mi 'gyur ba yin no zhes bya ba'i don to/ /tha mi dad pa'i pha rol tu phyin pa'o zhes bya ba ni shes rab kyi pha rol tu phyin pa de bzhin nyid kyi rang bzhin yin pas/ chos kyi dbyings dang tha mi dad pa'o zhes bstan pa'o/ /chos
 thams cad 'dres pa med pa'i phyir ro zhes bya ba ni dngos po zhig yod na/ 'dres pa dang ma 'dres pa tha dang du 'gyur ba zhes byar rung na/ chos thams cad dngos po med pas/ 'dres pa dang ma 'dres pa yang med pa'i phyir tha dad du gyur pa yang med do zhes bya ba'i don to/
 nyams pa ma mchis pa'i pha rol tu phyin pa'o zhes bya ba ni shes rab kyi pha rol tu phyin pa spyod dang dri ma thams cad dang bral ba yin no zhes bstan pa'o/ /nyan thos dang rang sangs rgyas kyis las 'da' bar byed pa'i phyir ro zhes bya ba ni theg pa chen po'i skyon dang
 dri ma ni theg pa dman pa las ma 'das pa yin te/ nyan thos dang rang sangs rgyas kyis dman pa las 'das pa nyid ma nyams shing skyon dang bral ba yin no zhes bya ba'i don to/ /rnam par rtog pa ma mchis pa'i pha rol tu phyin pa'i zhes
 bya ba ni shes rab kyi pha rol tu phyin pa 'di rnam par mi rtog pa lhun gyis grub pa yin no zhes bstan pa'o/ /rnam par rtog pa thams cad dmigs su med pa'i phyir ro zhes bya ba ni don dam par rnam par rtog pa nyid kyang dmigs su med pa'i phyir ro/ /rnam par rtog pa med do zhes
 bya ba'i don te/ tshad ma mchis pa'i pha rol tu phyin pa'o zhes bya ba ni/ shes rab kyi pha rol tu phyin pa 'di don dam par dngos po med pas/ tshad mas brtag cing gzhal du med do zhes bstan pa'o/ /chos thams cad kyi tshad dmigs su med pa'i phyir ro zhes bya ba ni/
 chos thams cad kyang rang bzhin gyis stong bas/ tshad mar gzhal du med ba de bzhin du tshad mas gzhal du med do zhes bya ba'i don to/ /nam mkha' i pha rol tu phyin pa'o zhes bya ba ni shes rab kyi pha rol tu phyin pa 'di don dam par dngos po med de/ nam mkha' dang 'dra bar
 ci la yang ma thogs ma chags pa yin no zhes bstan pa'o/ /chos thams cad la chags pa med pa'i phyir ro/ /zhes bya ba ni chos thams cad kyang don dam par dngos po med pas/ nam mkha' dang 'dra bar ci la yang ma thogs ma chags pa de bzhin du/ shes rab kyi pha
 rol tu phyin pa yang nam mkha' dang 'dra'o zhes bya ba'i don to/ /mi rtag pa'i pha rol tu phyin pa'o zhes bya ba ni/ theg pa chung du ba'i mi rtag pa ltar dngos po skyes pa'am/ yod pa las 'jig pa'i phyir mi rtag pa ni ma yin gyis don dam par rang bzhin gyis stong
 zhing dngos po med de ri bong gi rwa la sogs pa bzhin du rtag tu yod pa ma yin pa la mi rtag pa zhes bya'o/ /chos thams cad 'jig pa med pa'i phyir ro zhes bya ba ni de ltar rang bzhin gyis stong zhing rtag tu yod pa ma yin pa de la 'jig pa yang mi srid pa'i phyir
 zhes bya ba'i don to/ /sdug bsngal gyi pha rol tu phyin pa'o zhes bya ba ni/ shes rab kyi pha rol tu phyin pa 'di dngos po med pa'i rang bzhin yin pas/ de la dpyad na bde ba'i 'du shes med pa'i phyir sdug bsngal zhes bya'o/ mi bde ba dang ldan pa'i phyir sdug
 bsngal ba ni ma yin no/ /chos thams cad 'tshol bar sbyong ba med pa'i phyir ro zhes bya ba ni/ dngos po zhig yod na/ de thob pas bde ba thob par bya ba'i phyir 'tshol zhing sbyor ba yang srid na/ chos thams cad sngos po med de dngos po med pa la bde ba thob
 bar bya ba'i phyir 'tshol ba dang sbyor pa yang med de/ de ltar bde ba med pa la sdug bsngal zhes brdar btags te bshad pa in rang bzhin yod pa ma yin no / zhes bya ba bstan pa'o/ /chos mchis pa'i pha rol tu phyin pa'o zhes bya ba ni shes rab kyi pha rol tu phyin
 pa don dam par ngo bo nyid kyis stong bas / de'i bdag nyid dam rang bzhin yod pa ma yin no / zhes bya ba bstan pa'o/ /chos thams cad la mngon par chags pa med pa'i phyir ro zhes bya ba ni chos thams cad de ltar rang bzhin gyis stong ste/ bdag med pas
 mngon bar chags par bya ba'i yul ma yin pa'i phyir bdag med pa yin no zhes bya ba'i don to/ /stong pa nyid kyis pha rol tu phyin pa'o zhes bya ba ni/ shes rab kyi pha rol tu phyin pa'i rang gi mtshan nyid kun rdzob tu ji skad du btags shing rnam par gzhag pa de
 dang bral ba'i phyir stong pa nyid do zhes bstan pa'o/ /chos thams cad dmigs su med pa'i phyir ro zhes bya ba ni gzugs la sogs pa'i chos thams cad kyi so so'i mtshan nyid ji skad du btags shing rnam par gzhag pa de dag gis stong zhing dmigs su med pa
 de bzhin du shes rab kyi pha rol tu phyin pa yang rang gi mtshan nyid kyis stong ngo zhes bya ba'i don to/ /mtshan nyid ma mchis pa'i pha rol tu phyin pa'o zhes bya ba ni shes rab kyi pha rol tu phyin pa nyid rang bzhin gyis stong bas/ de'i mtshan nyid kyang yod ba ma yin no
 zhes bstan pa'o/ /chos thams cad mngon par grub pa med pa'i phyir ro zhes bya ba ni /gzugs la sogs pa'i chos thams cad ma skyes shing mngon par grub pa med pa'i phyir/ so so'i mtshan nyid kyang yod pa ma yin pa bzhin no zhes bya ba'i don
 to/ /nang stong pa nyid kyi pha rol tu phyin pa'o zhes bya ba nas dngos po med pa'i ngo bo nyid dmigs su med pa'i phyir ro/ zhes bya ba'i bar du ni/ stong pa nyid bco brgyad dang sbyar te/ de dag gi dngos po yang yod pa ma yin pa'i sgo nas/ shes rab kyi pha rol tu phyin pa 'di zab
 pa bstan pa ste/ stong pa nyid bco brgyad kyi mtshan nyid ni sngar bshad zin to/ /dran pa nye bar gzhag pa'i pha rol tu phyin pa'o zhes bya ba ni nyan thos dang/ rang sangs rgyas kyi chos thams cad las yang dag par 'das pa'i phyir ro/ /zhes bya ba'i bar du ni/ byang chub kyi
 phyogs kyi chos sum cu rtsa bdun dang/ rnam par thar pa'i sgo gsum dang/ rnam par thar pa brgyad dang/ mthar gyis gnas pa'i snyoms par 'jug pa dgu dang / pha rol tu phyin pa drug dang/ stobs bcu dang/ mi 'jigs pa bzhi dang/ so so yang dag
 par rig pa bzhi dang/ snying rje chen po dang/ sangs rgyas kyi chos ma 'dres pa bco brgyad rnams don dam par dmigs su med pa'i rang bzhin nyid shes rab kyi pha rol tu phyin pa yin par bstan pa'o sgo nas/ shes rab kyi pha rol tu phyin pa 'di zab pa bstan pa'o/ /de
 bzhin gshegs pa'i pha rol tu phyin pa'o zhes bya ba ni/ de bzhin gshegs pa'i rang bzhin dang tha mi dad do zhes bstan pa'o/ /brjod pa thams cad kyi de bzhin nyid kyi phyir ro zhes bya ba ni de bzhin gshegs pa'i rang bzhin bstan pa ste/ de bzhin gshegs
 pa ni ci gsungs so cog ma nor ba de bzhin nyid gsung gi /gzhan du mi gsung ba de bzhin du shes rab kyi pha rol tu phyin pa 'di las/ chos ci bshad do yog kyang de bzhin nyid du brjod cing bshad kyi/ gzhan du brjod pa dang bshad pa med do zhes bya ba'i don to//
 rang 'byung gi pha rol tu phyin pa'o zhes bya ba ni shes rab kyi pha rol tu phyin pa 'di chos thams cad la dbang sgyur ba yin te gzhan la rag ma lus shing ka gzhan gyi rkyen gyis byung ba ma yin no zhes bstan pa'o/ /chos thams cad la dbang sgyur ba'i phyir ro zhes bya ba ni/ shes
 rab kyi pha rol tu phyin pa 'di'i dbang gis chos thams cad bstan gyi chos gzhan rnams kyi dbang gis/ shes rab kyi pha rol tu phyin pa 'di bshad pa ma yin no zhes bya ba'i don to/ /sangs rgyas kyi pha rol tu phyin pa'o zhes bya ba ni shes rab kyi pha rol tu phyin pa 'di chos
 thams cad thugs su chud pa'i rang bzhin yin no zhes bstan pa'o/ /chos thams cad rnam pa thams cad du mngon par rdzogs par 'tshang rgya ba'i phyir ro zhes bya ba ni/ 'jig rten dang 'jig rten las 'das pa'i chos thams cad rnam pa thams cad du yongs su rdzogs par
 shes par byed pa'i rgyu yin pa'i phyir/ sangs rgyas kyi pha rol tu phyin pa yin no zhes bya ba'i don to/ /shes rab kyi pha rol tu phyin pa 'bum ba rgya cher bshad pa las/ le'u sum cu pa'o// //de nas lha'i dbang po brgya byin 'di snyam du gyur to
 zhes bya ba la sogs pa ni/ de ltar gong du bshad pa'i tshul du shes rab kyi pha rol tu phyin pa 'di shin tu zab pa brgya byin gyis thos nas/ de lta bu'i shes rab kyi pha rol tu phyin pa zab mo 'di thos ba dang /'dzin cing 'chang ba la sogs pa dkon pa bstan pa'i
 sgo nas/ shes rab kyi pha rol tu phyin pa zab mo 'di dkon zhing mos par dka' ba bstan pa ste/ shes rab kyi pha rol tu phyin pa 'di rigs kyi bu dang rigs kyi bu mo gang gi rna lam du grag pa de dag ni sngon gyi rgyal pa la bsnyen bkur byas pa'o zhes bya ba ni bsod
 nams chung dus shes rab kyi pha rol tu phyin pa 'di ming dang tshig tsam yang rna lam du thos par mi 'gyur gyis/ sngon 'das pa'i sangs rgyas bcom ldan 'das rnams la bsnyen bkur byas pa rnams kyis ming dang tshig tsam thos par 'gyur ro zhes bstan pa'o//
 shes rab kyi pha rol tu phyin pa 'di sems can gang gi rna lam du grag pa de dag ni de bzhin gshegs pa la dge ba'i rtsa ba bskyed pa'o zhes bya ba ni/ da ltar byung ba'i de bzhin gshegs pa rnams la bsnyen bkur byas shing dge pa'i rtsa ba
 bskyed pa rnams kyis/ shes rab kyi pha rol tu byin pa zab mo 'di ming dang tshig tsam thos par 'gyur gyis/ gzhan gyis thos par mi 'gyur ro zhes bya ba'i don to/ /shes rab kyi pha rol tu phyin pa 'di sems can gang gi rna lam du grag pa de dag ni dge ba'i
 bshes bsnyen gyis yongs su bzung ba'o zhes bya ba ni theg pa chen po'i don phyin ci ma log par ston pa'i dge ba'i bshes gnyen gyis yongs su zin pa rnams kyis/ shes rab kyi pha rol tu phyin pa zab ma 'di thos par 'gyur gyi/ gzhan gyi rna lam du grag pa yang mi
 'gyur ro zhes bstan pa'o/ /gang 'dzin cing 'chang ba dang zhes bya ba nas/ de bzhin du shes rab kyi pha rol tu phyin pa la nan tan du byed pa lta smos te zhes bya ba'i bar du ni shes rab kyi pha rol tu phyin pa 'di'i ming dang tshig tsam thos pa yang de ltar dkon na/ don
 byin ci ma log par rtogs shing nyams su len pa lta smos zhes bstan pa'o/ /rigs kyi bu 'am rigs kyi bu mo gang shes rab kyi pha rol tu phyin pa 'di thos nas/ mi 'jigs mi dngang? skrag par mi 'gyur ba dag gis/ sngon gyi de bzhin gshegs pa dgra bcom
 pa yang dag par rdzogs pa'i sangs rgyas rnams la yongs su dris so/ /yongs su zhus so zhes bya ba ni sngon gyi sangs rgyas rnams la shes rab kyi pha rol tu phyin pa 'di legs par mnyan cing the tshom med par byas pa rnams kyis thos na 'jigs shing skrag par mi 'gyur te/
 mos shing dad par 'gyur gyi/ gzhan gyis de ltar mi 'gyur ro zhes bstan pa'o/ /rigs kyi bu 'am rigs kyi bu mo gang gis shes rab kyi pha rol tu phyin pa 'di thos nas zhes bya ba nas/ shes rab kyi pha rol tu phyin pa la spyod do zhes bya ba'i bar du ni ?
 rabs snga ma la bskal pa du mar pha rol tu phyin pa drug la spyad cing goms par byed pa rnams shes rab kyi pha rol tu phyin pa'i don zab mo 'di thos nas/ 'jigs shing skrag par mi 'gyur la mos shing dang par 'gyur gyi gzhan gyis de ltar mi nus so zhes bstan pa'o/ /
 de nas tshe dang ldan pa shA radwA ti'i bus bcom ldan 'das la 'di skad ces gsol to zhes bya ba nas/ shes rab kyi pha rol tu phyin pa zab mo 'di thos kyang mos par bgyi bar mi nus so zhes bya ba'i bar du ni shes rab kyi pha rol tu phyin pa 'di nyan pa dang nyams su
 len pa de dag byang chub sems dpa' phal pa ma yin gyi phyir mi ldog pa'i byang chub sems dpa' dang 'dra ste/ tshe rabs snga ma la pha rol tu phyin pa drug ma spyad pas / shes rab kyi pha rol tu phyin pa'i don zab mo 'di la spyod cing mos par mi nus so zhes
 bstan pa'o/ /bcom ldan 'das rigs kyi bu 'am rigs kyi bu mo gang shes rab kyi pha rol tu phyin pa zab mo 'di thos nas/ spangs par sems bdag gis ni sngon gyi mthar yang shes rab kyi pha rol tu phyin pa zab mo 'di spangs par gyur to zhes bya ba nas/
 sangs rgyas kyi chos ma 'dres pa bco brgyad ni ji ltar bsgom par bgyi zhes yongs su ma zhus/ yongs su ma dris so zhes bya ba'i bar du ni shes rab kyi pha rol tu phyin pa zab mo 'di thos na ma dad cing ma mos la skur pa 'debs pa dag ni tshe rabs snga ma la yang shes rab kyi
 pha rol tu phyin pa 'di lam dad ma mos shing skur pa btab pa dang/ sangs rgyas dang byang chub sems dpa' dang/ nyan thos dang rang sangs rgyas rnams la bsnyen bkur ma byas pa dang/ pha rol tu phyin pa drug la sogs pa sangs rgyas kyi chos ma 'dres pa
 bco brgyad la thug gi bar gyi chos rnams ji ltar spyad cing bsgom pa ma mnyan ma dris pa'i lan to zhes bstan pa'o/ /de nas lha'i dbang po brgya byin gyis/ tshe dang ldan pa shA radwA ti'i bu la 'di skad ces smras so zhes bya ba nas/ rnam pa thams cad 
 mkhyen pa nyid la mos par mi 'gyur lta ngo mtshar kyang ci che zhes bya ba'i bar du ni shes rab kyi pha rol tu phyin pa 'di rab tu zab pas sngon byang chub sems dpa' i spyod pa la spyad cing goms par byas pa nyung zad cig dad cing mos bar 'gyur gyi/
 sngon byang chub sems dpa' i spyod pa la ma spyad cing goms par ma byas pa rnams shes rab kyi pha rol tu phyin pa zab mo 'di la mos shing dad par mi 'gyur pa lta ngo mtshar kyang ci che zhes bstan pa ste/ 'dis kyang shes rab kyi pha rol tu phyin pa 'di zab cing mos
 par dka' ba bstan pa'o/ /btsun pa shA radwA ti'i bu shes rab kyi pha rol tu phyin pa la phyag 'tshal lo zhes bya ba ni gong du bshad pa'i tshul du shes rab kyi pha rol tu phyin pa shin tu zab ba'i don brgya byin gyis rtogs nas/ shes rab kyi pha rol tu phyin pa la dad pa
 chen po skyes te phyag 'tshal ba'o/ /gang shes rab kyi pha rol tu phyin pa la phyag 'tshal ba de ni/ thams cad mkhyen pa'i ye shes la phyag 'tshal ba'o zhes bya ba ni/ thams cad mkhyen pa'i ye shes kyang shes rab kyi pha rol tu phyin pa 'di las byung ba'i
 phyir /rgyu la phyag byas na 'bras bu la yang phyag byas par 'gyur ba bstan pa'o/ /de nas bcom ldan 'das kyis lha'i dbang po brgya byin la bka' stsal pa zhes bya ba nas/ rnam pa thams cad mkhyen pa nyid kyi ye shes las kyang shes rab kyi pha
 rol tu phyin pa brjod do zhes bya ba'i bar du ni/ brgya byin gyis smras pa'i don bcom ldan 'das kyis gsal bar bstan pa ste/ shes rab kyi pha rol tu phyin pa las/ rnam pa thams cad mkhyen pa nyid kyi ye shes 'byung la/ rnam pa thams
 cad mkhyen pa nyid kyi ye shes thob nas kyang/ shes rab kyi pha rol tu phyin pa bstan pa 'byung bas/ 'di gnyis gcig gi rgyu gcig yin pa'i phyir/ shes rab kyi pha rol tu phyin pa la phyag 'tshal bas/ rnam pa thams cad mkhyen pa nyid
 kyi ye shes la phyag 'tshal bar 'gyur ba bden no zhes bstan pa'o/ /kau shi ka thams cad mkhyen pa nyid la gnas par 'dod pa'i rigs kyi bu 'am rigs kyi bu mos shes rab kyi pha rol tu phyin pa la gnas par bya'o zhes bya ba nas dge slong gi dge 'dun bsdu
 bar 'dod pa'i rigs kyi bu 'am rigs kyi bu mos shes rab kyi pha rol tu phyin pa la brtson par bya'o zhes bya ba'i bar du ni/ shes rab kyi pha rol tu phyin pa 'di rnam pa thams cad mkhyen pa nyid kyi ye shes dang/ lam gyi rnam par shes pa thob par bya
 ba dang/ bag chags kyi mtshams sbyor ba nyon mongs pa spangs par bya ba dang/ chos kyi 'khor lo bskor ba dang/ sems can rnams nyan thos kyi 'bras bu bzhi dang/ rang byang chub dang/ bla na med pa'i byang chub la dgod pa dang/ khams gsum gyi phul du
 'gyur bar bya ba dang/ bdud pham par bya ba dang/ dge slong gi dge 'dun bsdu bar bya ba'i rgyu yin pas/ dngos po de dag bsgrub par 'dod na yang/ shes rab kyi pha rol tu phyin pa 'di la brtson par bya'o zhes bstan pa'o/ /de skad ces bka' stsal pa dang/ lha'i
 dbang po brgya byin gyis bcom ldan 'das la 'di skad ces gsol to zhes bya ba nas/ ji ltar na shes rab kyi pha rol tu phyin pa la spyod pa'i tshe/ sangs rgyas kyi chos ma 'dres pa bco brgyad la brtson par bgyid pa lags zhes bya ba'i bar du ni/ gong du thams
 cad mkhyen pa nyid la gnas par 'dod pas shes rab kyi pha rol tu phyin pa la gnas par bya'o zhes bcom ldan 'das kyis bka' stsal pa dang/ lam gyi rnam par shes pa nyid kyi ye shes sgrub par 'dod pas/ shes rab kyi pha rol tu phyin pa la brtson
 par bya'o zhes bya ba la sogs pa gnas par bya ba dang/ brtson par bya ba de ji ltar gnas par bya ba dang/ ji ltar brtson par bya ba bcom ldan 'das la brgya byin gyis zhus pa'o/ /bcom ldan 'das kyis bka' stsal pa/ kau shi ka de ltar khyod de/
 bzhin gshegs pa dgra bcom pa yang dag par rdzogs pa'i sangs rgyas la don 'di yongs su dri bar sems pa legs so legs so/ /kau shi ka khyod kyis spobs pa 'di yang sangs rgyas kyi byin gyis brlabs kyis byung ngo/ /zhes bya ba ni brgya byin
 gyis shes rab kyi pha rol tu phyin pa la ji ltar gnas par bya ba dang/ ji ltar brtson par bya ba bcom ldan 'das la zhus pa don mnor bar legs par zhus so zhes bstod pa ste/ de ltar legs par zhus pa bstod pa dang/ de ltar zhu pa'i spobs pa skyes pa bcom
 ldan 'das kyi mthu dang byin gyis brlabs pa yin par bstan pa yang/ 'khor rnams yid ches shing dad pa bskyed pa'i phyir ro/ /kau shi ka 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs la mi
 gnas te/ gang gi tshe gzugs la mi gnas pa de'i tshe/ gzugs la brtson par byed do zhes bya ba nas gang gi tshe rnam pa thams cad mkhyen pa nyid la mi gnas pa de'i tshe/ rnam pa thams cad mkhyen pa nyid la brtson par byed do zhes bya ba'i bar du ni ji ltar
 gnas par bya ba dang/ ji ltar brtson par bya ba zhus pa'i lan bcom ldan 'das kyis bka' stsal pa ste/ gzugs la sogs pa rnam pa thams cad mkhyen pa nyid la thug gi bar gyi chos rnams don dam par dngos po yod par ma grub pas/ de dag la
 mtshan ma rim 'dzin cing dmigs pa'i tshul du mi gnas pa nyid shes rab kyi pha rol tu phyin pa la gnas pa yin zhing/ de nyid shes rab kyi pha rol tu phyin pa la brtson pa yin no zhes bstan pa'o/ /de ci'i phyir zhe na/ kau shi ka de ni 'di ltar gang la gnas par bya
 ba dang/ gang la brtson bar bya ba de lta bu'i gzugs mi dmigs so zhes bya ba nas/ gang la gnas par bya ba dang/ gang la brtson par bya ba de lta bu'i rnam pa thams cad mkhyen pa nyid mi dmigs so zhes bya ba'i bar du ni gzugs la sogs pa'i chos thams cad
 la mi dmigs pa nyid shes rab kyi pha rol tu phyin pa la gnas shing/ brtson pa yin pa'i gtan tshigs bstan pa ste/ gzugs la sogs pa'i chos thams cad don dam par dngos po med cing dmigs su med pas/ gang la yang gnas par bya ba dang/ dmigs
 par bya ba'i dngos po de lta bu yod par mi lta zhing mtshan mar mi 'dzin pa nyid shes rab kyi pha rol tu phyin pa la gnas pa dang/ brtson pa yin no zhes bya ba'i don to/ /kau shi ka gzhan yang byang chub sems dpa' sems dpa' chen po shes rab kyi pha rol tu phyin
 pa la spyod pa'i tshe/ gzugs la mi sbyor mi 'byed de/ gang gi tshe gzugs la mi sbyor mi 'byed pa de'i tshe/ gzugs la brtson par byed do zhes bya ba nas/ gang gi tshe rnam pa thams cad mkhyen pa nyid la mi sbyor mi 'byed pa de'i tshe/ rnam pa thams cad mkhyen
 pa nyid la brtson par byed do zhes bya ba'i bar du gzugs la sogs pa'i chos thams cad don dam par dngos po med pas/ de dag sgrub pa'i phyir brtson par yang mi byed/ mi sgrub ba'i phyir spangs par yang mi byed pa nyid/ shes rab kyi pha rol tu phyin pa la brtson
 par byed pa yin no zhes bstan pa'o/ /de ci'i phyir zhe na/ de ni 'di ltar byang chub sems dpa' sems dpa' chen po de ni shes rab kyi pha rol tu phyin pa la spyod pa'i tshe/ gzugs sngon gyi mthar mi dmigs so/ /gzugs phyi ma'i mthar mi dmigs so/ /gzugs
 dbus su mi dmigs so zhes bya ba nas/ rnam pa thams cad mkhyen pa nyid dbus su mi dmigs so zhes bya ba'i bar du ni gzugs la sogs pa'i chos thams cad don dam par dngos po med pas de dag sgrub pa'i phyir brtson par byar med/ spang bar yang byar med pa'i gtan
 tshigs bstan pa ste/ gzugs la sogs pa'i chos thams cad dngos po zhig yod na dus gsum las sngon gyi mdza' 'am/ phyi ma'i mdza' 'am/ de ltar byung ba'i dus na yod cing dmig pa'i rigs na yang dag pa'i shes rab kyis brtags na dus gsum
 char du yang dngos po yod par mi dmigs pas/ de dag sgrub pa'i phyir brtson par yang mi byed/ mi grub pa'i phyir spang bar yang mi byed do zhes bstan pa'o/ /de nas tshe dang ldan pa shA ra dwA ti'i bus bcom ldan 'das la 'di skad ces
 gsol to zhes bya ba nas/ shA radwA ti'i bu rnam pa thams cad mkhyen pa nyid kyi de bzhin nyid zab pa'i phyir shes rab kyi pha rol tu phyin pa zab bo zhes bya ba'i bar du ni/ de ltar gzugs la sogs pa'i chos thams cad dus gsum du dmigs su med par ston
 pa'i shes rab kyi pha rol tu phyin pa de ni sems can thams cad kyi spyod yul ma yin zhing rtogs pa dang yid ches bar dka' ba'i phyir zab bo zhes gsol pa dang/ bcom ldan 'das kyis gzugs la sogs pa'i chos thams cad dngos po med pa'i rang bzhin
 de bzhin nyid ni mngon sum mi 'gyur ba'i phyir/ de ltar ston pa'i shes rab kyi pha rol tu phyin pa zab mo zhes bstan pa'o/ /gsol pa bcom ldan 'das shes rab kyi pha rol tu phyin pa gting dpag dka' ba'o zhes bya ba nas/ shA radwA ti'i bu rnam par thamS
 cad mkhyen pa nyid gting dpag dka' ba'i phyir shes rab kyi pha rol tu phyin pa gting dpag dka' ba'o zhes bya ba'i bar du ni/ zab pa'i don nyid rnam grangs gzhan gyis bstan pa'i phyir gting dpag dka' ba bshad ba'o/ /gsol pa bcom ldan 'das
 shes rab kyi pha rol tu phyin pa 'di tshang ma mchis so zhes bya ba nas/ shA radwA ti'i bu rnam pa thams cad mkhyen pa nyid tshad med pa'i phyir/ shes rab kyi pha rol tu phyin pa chad med do zhes bya ba'i bar du ni gting dpag dka' ba'i don nyid tshad med pas bstan
 pa ste/ gzugs la sogs pa'i chos thams cad don dam par dngos po med pas/ grangs dang tshad 'di tsam mo zhes rtag tu med pa'i phyir/ gting dpag dka' o zhes bya ba'i don to/ /gsol pa bcom ldan 'das ji ltar na byang chub sems dpa' sems
 dpa' chen po shes rab kyi pha rol tu phyin pa la spyod pa lags zhes bya ba ni/ de ltar gong du bshad pa'i tshul du chos thams cad don dam par dngos po med de zab cing gting dpag dka' ba dang/ tshad med pa yin pas thams cad kyi spyod yul du 'gyur
 ba ma yin te/ shes rab kyi pha rol tu phyin pa yang/ de bzhin du zab cing gting dpag dka' la tshad med pa yin pas thams cad kyi spyod yul du mi 'gyur na byang chub sems dpas shes rab kyi pha rol tu phyin pa la ji ltar spyad par bya zhes shes rab kyi pha rol tu
 phyin pa la spyad pa'i thabs shA ri'i bus zhus pa'o/ /bcom? ldan 'das kyis bka' stsal pa/ shA radwA ti'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs zab ces bya bar mi spyod na/ shes
 rab kyi pha rol tu phyin pa la spyod de/ zhes bya ba nas/ gal te rnam pa thams cad mkhyen pa nyid zab ces bya bar mi spyod na/ shes rab kyi pha rol tu phyin pa la spyod do/ zhes bya ba'i bar du ni/ gzugs la sogs pa'i chos thams cad don dam
 par rang bzhin gyis stong bas zab par 'du shes shing rnam par rtog pa med na/ shes rab kyi pha rol tu phyin pa la mi spyod pa'i tshul gyis spyod pa yin no/ zhes bstan pa'o/ /de ci'i phyir zhe na/ shA radwA ti'i bu gzugs kyi zab pa nyid gang yin pa de ni
 gzugs ma yin no/ zhes bya ba nas rnam pa thams cad mkhyen pa nyid kyi zab pa gang yin pa de ni rnam pa thams cad mkhyen pa nyid ma yin no/ zhes bya ba'i bar du ni/ gzugs la sogs pa'i chos thams cad la zab pa'i 'du shes med cing rnam par mi rtog
 ba'i shes rab kyi pha rol tu phyin pa la spyod pa yin pa'i gtan tshigs bstan pa ste/ gzugs la sogs pa'i chos thams cad zab ces bya ba ni dngos po med pa la bya ste/ dngos po med pa gang yin pa de ni/ gzugs la sogs pa'i rang bzhin du
 yod pa ma yin pas/ rnam par rtog pa'i yul ma yin no/ zhes bstan pa'o/ /shA radwA ti'i bu byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs gting dpag dka' zhes bya bar mi
 spyod na/ shes rab kyi pha rol tu phyin pa la spyod do/ zhes bya ba nas/ gal te rnam pa thams cad mkhyen pa nyid gting dpag dka' zhes bya bar mi spyod na/ shes rab kyi pha rol tu phyin pa la spyod ces bya ba'i bar gyis ni/ gzugs la sogs pa'i chos thams
 cad rang bzhin gyis stong bas gting dpag dka' ba'i 'du shes kyang med cing rnam par mi rtog na shes rab kyi pha rol tu phyin pa la spyod pa yin no/ zhes bstan pa'o/ /de ci'i phyir zhe na/ shA radwA ti'i bu gzugs kyi gting dpag dka' ba gang yin pa de ni
 gzugs ma yin no/ zhes bya ba nas/ rnam pa thams cad mkhyen pa nyid kyi gting dpag dka' ba gang yin pa de ni rnam pa thams cad mkhyen pa nyid ma yin no/ /zhes bya ba'i bar du ni/ gzugs la sogs pa'i chos thams cad la gting dpag dka' 
 pa'i 'du shes med cing rnam par mi rtog pa/ shes rab kyi pha rol tu phyin pa la spyod pa yin pa'i gtan tshigs bstan pa ste/ gzugs la sogs pa'i chos thams cad gting dpag dka' zhes bya ba ni/ dngos po med pa la bya ste/ dngos po med pa gang
 yin pa de ni/ gzugs la sogs pa'i rang bzhin du yod pa ma yin rnam par rtog pa'i yul ma yin te/ de ltar rnam par mi rtog pa nyid shes rab kyi pha rol tu phyin la spyod pa yin no zhes bstan pa'o/ /shA radwA ti'i bu gzhan yang byang chub sems
 dpa' sems dpa' chen po shes rab kyi pha rol tu phyin pa la spyod pa'i tshe/ gal te gzugs tshad med do/ /zhes bya bar mi spyod na/ shes rab kyi pha rol tu phyin pa la spyod do/ zhes bya ba nas/ gal te rnam pa thams cad mkhyen pa nyid tshad med do/
 zhes bya bar mi spyod na shes rab kyi pha rol tu phyin pa la spyod do zhes bya ba'i bar du ni/ gzugs la sogs pa'i chos thams cad rang bzhin gyis stong bas/ tshad med de zhes bya ba'i 'du shes kyang med cing rnam par mi rtog na/ shes rab kyi pha rol tu phyin pa la
 spyod pa yin no/ zhes bstan pa'o/ /de ci'i phyir zhe na/ shA radwA ti'i bu gzugs kyi tshad med pa gang yin pa de ni gzugs ma yin no zhes bya ba nas thams cad mkhyen pa nyid kyi tshad med pa gang yin pa de ni/ rnam pa thams cad mkhyen pa nyid ma yin no zhes bya ba'i
 bar du ni/ gzugs la sogs pa'i chos thams cad la tshad med pa'i 'du shes mi 'byung zhing rnam par mi rtog pa shes rab kyi pha rol tu phyin pa la sprod pa yin pa'i gtan tshigs bstan pa ste/ gzugs la sogs pa'i chos thams cad tshad med pa zhes bya
 ba ni dngos po med pa la bya ste/ dngos po med pa gang yin pa de ni gzugs la sogs pa'i rang bzhin du yod pa ma yin pa rnam par rtog pa'i yul ma yin te/ de ltar rnam par mi rtog pa nyid shes rab kyi pha rol tu phyin pa la spyod pa yin no/ zhes bya ba'i don to/ /
 shA radwA ti'i bus gsol pa/ kye ma bcom ldan 'das shes rab kyi pha rol tu phyin pa 'di ni de ltar zab bo zhes bya ba nas tshul bzhin du yid la bgyid par 'gyur ro/ zhes bya ba'i bar du ni/ shes rab kyi pha rol tu phyin pa zab mo 'di theg? pa chen po la gsar du zhugs pa
 theg pa chen po'i don goms par ma byas pa rnams la bshad na spyod du 'gyur ba dang/ phyir mi ldog pa'i byang chub sems dpa' rnams la bshad na/ yon tan du 'gyur ba bstan pa ste/ des kyang shes rab kyi pha rol tu phyin pa 'di de ltar zab pas thams cad kyi
 spyod yul ma yin pa bstan pa'o/ /de nas lha'i dbang po brgya byin gyis tshe dang ldan pa shA radwA ti'i bu la 'di skad ces smras so zhes bya ba nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar yang dka' ba de lta bu gnas yod do
 zhes bya ba'i bar du ni/ theg pa la gsar du zhugs pa'i byang chub seMs dpa' la sheS rab kyi pha rol tu phyin pa zab mo 'di bshad na snod du ma gyur pa la choS zab mo bshad pI nyeS? pI dmigs zhib tu rnam par phye ste bstan pa'o/ /brgya byin gyis smras pa/ zhes bya ba nas/ bla na med
 pa yang dag par rdzogs pa'i byang chub kyi bar du lung bstan par 'gyur ro/ zhes bya ba'i bar gyis ni gong du byang chub sems dpa' theg pa la gsar du zhugs pa la don zab mo 'di mi bshad par phyir mi ldog pa'i byang chub sems dpa' rnams la shes rab kyi pha
 rol tu phyin pa bshad par bya'o/ zhes bstan pa theg pa la gsar du zhugs pa yang ma yin la/ phyir mi ldog pa yang ma yin pa'i byang chub sems dpa' rnams la shes rab kyi pha rol tu phyin pa'i don zab mo 'di bshad na mi 'jigs mi skrag cing snod du 'gyur ba
 de lta bu yong dam zhes dris pa dang/ de lta bu yod de theg pa la gsar du zhugs pa yang ma yin la/ phyir mi ldog pa'i byang chub sems dpa' yang ma yin pa kha cig shes rab kyi pha rol tu phyin pa'i don zab mo 'di thos na/ mi 'jigs mi skrag cing myur du
 lung bstan pa'i skal ba can dag kyang yod do/ zhes bstan pa'o/ /de nas bcom ldan 'das kyis tshe dang ldan pa shA radwA ti'i bu la bka' stsal pa/ zhes bya ba nas/ sangs rgyas mang po la bsnyen bkur byas pa'o/ zhes bya ba'i bar gyis ni/ theg pa la gsar
 du zhugs pa ma yin la/ phyir mi ldog pa'i byang chub sems dpa' yang ma yin pa'i byang chub sems dpa' dag kyang/ shes rab kyi pha rol tu phyin pa zab mo 'di'i snod du 'gyur ba yod pa'i don gong du bshad ba nyid/ 'khor rnams yid ches par bya ba'i
 phyir/ bcom ldan 'das kyis gtan tshigs dang bcas par zhib tu bshad pa'o/ /shA radwA ti'i bus gsol pa/ bcom ldan 'das de'i dpe gsal bar bdag gis spobs so zhes bya ba nas/ rigs kyi bu dang rigs kyi bu mo de dag ni bla na med pa yang
 dag par rdzogs pa'i byang chub las/ phyir mi ldog pa'i rigs par bgyi bdag go/ zhes bya ba'i bar gyis ni/ shes rab kyi pha rol tu phyin pa la spyod pa de dag sems can tha mal pa ma yin gyis/ phyir mi ldog pa'i byang chub sems dpa' yin par bstan pa'o/ /
 bcom ldan 'das 'di lta ste dper na/ skyes bu la la 'brog dgon par dpag tshad brgya pa zhig nas byung ba'am zhes bya ba nas/ de ci'i slad du zhe na/ 'di lta ste shes rab kyi pha rol tu phyin pa zab bo 'di lta ba dang/ phyag bgyid pa dang/ mnyan du mchis pa de nyid
 bla na med pa yang dag par rdzogs pa'i byang chub kyi snga ltas/ zhes bya ba'i bar gyis ni/ shes rab kyi pha rol tu phyin pa zab mo 'di la yid ches shing nan tan byed pa/ gdon mi za bar bla na med pa yang dag par rdzogs pa'i byang chub tu 'grub par 'gyur ba'i dpe
 bstan pa ste/ 'brog dgon pa ni 'khor ba'i dpe'o/ /grong dang grong khyer la sogs pa ni mya ngan las 'das pa'i dper rig par bya'o/ /bcom ldan 'das kyis bka' stsal pa/ shA radwA ti'i bu de de bzhin no de de bzhin te/ shA radwA ti'i bu khyod kyis da dung yang
 sangs rgyas kyi mthus spobs pa skyed cig ces bya ba ni 'khor rnams yid ches par bya ba'i phyir/ dpe snga ma bstan pa yang sangs rgyas kyi mthus bstan te/ legs so zhes bstod nas dpe phyi ma yang sangs rgyas kyi mthus ston cig ces bka' stsal pa'o/ /gsol
 pa bcom ldan 'das 'di lta ste dper na/ skyes bu la la zhig rgya mtsho mching nam chen po blta bar 'tshal nas zhes bya ba nas/ thos nas kyang gzung du yod/ bcang du yod na bklag tu yod/ kun chub par byar yod/ tshul bzhin du yid la byar yod do zhes bgyi bar rig par
 bgyi'o zhes bya ba'i bar gyis ni/ shes rab kyi pha rol tu phyin pa zab mo 'di la yid ches shing nan tan du byed pa'i byang chub sems dpa' bla na med pa'i byang chub tu mngon sum du lung ma bstan du zin kyang/ lung bstan pa dang nye bar gyur pa'i dpe rgya mtsho chen por? go?
 sum du ma mthong du zin kyang/ rgya mtsho dang nye bar gyur pa'i ltas dang mtshan ma rnams mthong bas/ ring po mi thogs par rgya mtsho mthong bar 'gyur bas bstan pa'o/ /bcom ldan 'das 'di lta ste dper na dpyid kyi dus la bab ste/ rtsi
 shing gi lo ma dang 'dab ma lhags nas/ kha dog 'gyur ba'i tshe zhes bya ba nas sngon gyi dge ba'i rtsa bas bla na med pa yang dag par rdzogs pa'i byang chub tu nye bar gyur te/ zhes bgyi bar 'chal bar bgyi'o/ zhes bya ba'i bar gyis ni/ dbyed kyi dus ni rtsa shing
 gi lo ma rnying pa lhags shing/ lo ma dang me tog dang 'bras bu gsar pa byung ba'i snga ltas rtsi shing gi kha dog 'gyur zhing kha 'bu ba mthang? nas/ ring po mi thogs par lo ma dang me tog dang 'bras bu phun sum tshogs par rig par 'gyur zhing dga' ba dang/
 nyams bde bar 'gyur ba de bzhin du/ byang chub sems dpa' yang shes rab kyi pha rol tu phyin pa zab mo 'di lta zhing mnyan pa la sogs pa'i sgo nas slad du yod ba nyid sngon gyi dge ba'i rtsa ba yongs su smin? cing/ bla na med pa'i byang chub tu nye bar gyur pa'i
 ltas yin pas rig par bya'o/ zhes bstan pa'o/ /de na lha'i bu sngon sangs rgyas mthong ba ji snyed cig yod pa de dag kyang zhes bya ba nas/ dga' zhing spre la yod? de bde zhing nyams bde bar 'gyur ro zhes ba ba'i bar gyis ni/ shes rab kyi pha rol tu phyin pa la spyod
 pa'i byang chub sems dpa' bla na med pa'i byang chub tu nye bar gyur pa'i ltas gong du bshad par 'khor rnams kyi yid ches par bya ba'i phyir lha'i bu rnams dbang du gyur pa bstan pa'o/ /bcom ldan 'das 'di lta ste dper na bud med sbrum? ma ni zhes bya ba
 nas/ bcom ldan 'das byang chub sems dpa' sems dpa' chen po de dag ring po mi thogs par bla na med pa yang dag par rdzogs pa'i byang chub tu lung bstan par 'gyur bar rig par bgyi'o/ zhes bya ba'i bar gyis ni/ byang chub sems dpa' 
 shes rab kyi pha rol tu phyin pa zab mo 'di la dad cing mos nas nyams su len pa ni sngon dge ba'i rtsa ba bskyed pa dang/ sangs rgyas mang po la bsnyen bkur byas pa dang/ legs par spyad pa dang/ dge ba'i bshes gnyen gyis yongs su zin pa dang/ dge ba'i rtsa ba yongs su
 smin pa ste/ de dag ni ring po mi thogs par bla na med pa'i byang chub tu lung bstan nas/ chos kyi sku'i 'bras bu thob par 'gyur ba'i dpe bud med sbrum mas bstan pa'o/ /bcom ldan 'das kyis bka' stsal pa/ shA radwA ti'i bu legs so legs so/ /shA radwA ti'i bu
 khyod kyis spobs pa de ni sangs rgyas kyi mthus skyes so/ zhes bya ba ni/ shA ri'i bus dpe dang don gong du bshad pa de nyid 'khor rnams yid ches par bya ba'i phyir legs so zhes bstod nas/ de ltar dpe dang don du ldan par ston nus pa de yang/ de bzhin
 gshegs pa'i mthu dang byin gyis brlabs pa yin no/ zhes bya ba'i don to/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das de bzhin gshegs pa dgra bcom pa yang dag par rdzogs pa'i sangs
 rgyas rnams kyis/ byang chub sems dpa' sems dpa' chen po de dag de ltar legs par yongs su bstan pa ni ngo mtshar che'o zhes bya ba ni gong du bshad pa'i tshul du shes rab kyi pha rol tu phyin pa la spyod pa'i byang chub sems dpa' myung du bla na med pa'i byang chub
 tu lung bstan par gyur pa'i yon tan thob par 'gyur ba dbe rnam pa sna tshogs kyis bstan te/ spro ba bskyed pa'i byang chub sems dpa' rnams la sman yon chen po btags so zhes bstong pa'o/ /bcom ldan 'das kyis bka' stsal pa/ rab 'byor 'di ltar
 byang chub sems dpa' sems dpa' chen po de dag ni skye bo mar po la phan pa dang zhes bya ba nas/ bdag kyang chos kyi 'khor lo bskor la/ gzhan yang chos kyi 'khor lo bskor ba la yang dag par bsku lo zhes bya ba'i bar gyis ni/ shes rab kyi pha rol tu
 byin pa la spyod pa'i byang chub sems dpa' de dag ni sems can mang po'i don bya ba'i phyir bla na med pa yang dag par rdzogs pa'i byang chub tu zhugs pa dang/ bdag kyang bsam gnyan bzhi la sogs pa chos kyi 'khor
 lo bskor ba la thug gi bar du/ sangs rgyas dang byang chub sems dpa' rnams kyi spyad pa la spyod la/ sems can rnams kyang sangs rgyas dang byang chub sems dpa' i spyad pa de dag la bskul zhing rab tu 'god par byed de/ de ltar bdag dang
 gzhan gyi don phun sum tshogs par byed pa'i phyir/ de bzhin gshegs pa spro ba bskyed cing phan btags so zhes bstan pa'o/ /de skad ces bka' stsal pa dang/ zhes bya ba nas/ bde bar gshegs pa ngo mtshar to/ /zhes bya ba'i bar gyis ni shes rab kyi pha
 rol tu phyin pa la spyod pa'i byang chub sems dpa' de dag bdag gi don phun sum tshogs pa'i yon tan mang po dang ldan par bgyid pa yang sems can thams cad kyi don bya ba'i phyir/ bla na med pa'i byang chub tu yang dag par zhugs pa lags
 te/ de yang ngo mtshar che'o zhes gsol pa'o/ /bcom ldan 'das ji ltar na byang chub sems dpa' sems dpa' chen po rnams kyi shes rab kyi pha rol tu phyin pa sgom pa yongs su rdzogs par 'gyur ba lags zhes bya ba ni/ de ltar gong du bshad pa'i
 rim pas shes rab kyi pha rol tu phyin pa la spyod pa'i byang chub sems dpa' bla na med pa'i byang chub tu myur du lung bstan par 'gyur pa'i yon tan bstan na/ bla na med pa'i byang chub thob par 'gyur ba ni shes rab kyi pha rol tu phyin pa bsgom pa yongs su rdzogs par
 ma byas par bla na med pa'i byang chub thob par mi 'gyur na/ shes rab kyi pha rol tu phyin pa bsgom pa yongs su rdzogs par ji ltar bgyi zhes zhus pa'o/ /bcom ldan 'das kyis bka' stsal ba/ rab 'byor byang chub sems dpa' sems dpa' chen po shes
 rab kyi pha rol tu phyin pa la spyod pa'i tshe/ nam gzugs kyi 'phel ba yang dag par rjes su ma mthong ba de'i tshe byang chub sems dpa' sems dpa' chen po'i shes rab kyi pha rol tu phyin pa bsgom pa yongs su rdzogs par 'gyur ro zhes bya ba la sogs pas ni/ shes
 rab kyi pha rol tu phyin pa bsgom pa yongs su rdzogs par pa 'gyur ba'i thabs bstan pa ste/ gzugs la sogs pa rnam pa thams cad mkhyen pa nyid la thug gi bar gyi chos thams cad don dam par dngos po med pas 'phel ba dang 'grib pa yod par mi blta zhing rnam
 par mi rtog par gyur na/ de'i tshe shes rab kyi pha rol tu phyin pa bsgom pa yongs su rdzogs par 'gyur ro/ /zhes bstan pa'o/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ chos zhes bya bar yang dag
 par rjes su ma mthong ngo zhes bya ba nas/ rnam pa thams cad mkhyen pa nyid ces bya bar yang dag bar rdzes su mi mthong ba de'i tshe/ byang chub sems dpa' sems dpa' chen po shes rab kyi pha rol tu phyin bsgom pa yongs su rdzogs par 'gyur ro zhes bya ba'i bar gyis kyang nam
 chos dang/ chos ma yin pa la sogs pa'i mtshan nyid du dngos po yod par mi lta zhing rnam par mi rtog par gyur pa de'i tshe/ shes rab kyi pha rol tu phyin pa bsgom pa yongs su rdzogs par 'gyur ro/ /zhes bstan pa'o/ /de ce'i phyir zhe na/ rab 'byor de ni 'di ltar chos rnams
 kyi chos nyid kyi mtshan nyid dang/ zhes bya ba la sogs pas ni chos dang chos ma yin pa la sogs par rjes su mi mthong zhing rnam par mi rtogs par bya ba'i gtan tshigs bstan pa ste/ chos rnams kyi chos kyi mtshan nyid dang zhes bya ba ni/ chos rnams kyi spyi'i
 mtshan nyid stong pa nyid kyi mtshan nyid yin pa'i phyir/ rnam par rtog pa'i yul ma yin no/ /zhes bya ba'i don to/ /phyir mi ldog pa dang zhes bya ba ni/ chos rnams kyi mtshan nyid kyi rang bzhin yongs su dag pa de mi 'gyur bar yongs su grub pa'i
 mtshan nyid yin pas nam yang 'gyur zhing ldog pa med do/ zhes bstan pa'o/ /gsob? dang gso ba dang snying po med pa zhes bya ba ni/ stong pa'i rnam grangs te/ de ltar stong zhing dngos po med pas/ rnam par rtog pa'i spyod yul ma yin no/ zhes bya
 ba'i don to/ /dbang du gyur pa dang zhes bya ba ni/ de ltar chos thams cad dngos po med de/ rang bzhin gyis stong pa de ni/ rgyu dang rkyen gzhan gyi dbang du mi 'gyur zhing rang bzhin thob pa yin pa'i phyir/ mtshan mar bzung zhing rnam par rtag tu md do/ zhes bya ba'i
 don to/ /byed pa med pa dang srog med pa'i phyir ro/ zhes bya ba ni chos thams cad dngos po med cing rang bzhin gyis stong bas/ mu stegs can gyis brtags pa'i byed pa po dang srog la sogs pa lta bu'i dngos por yang yod pa ma yin pa'i phyir/ rnam par rtog pa'i
 spyod yul ma yin no/ zhes bstan pa'o/ /gsol pa bcom ldan 'das bsam gyis mi khyab pa bstan to zhes bya ba ni/ de ltar gong du bshad pa'i tshul du don dam par chos thams cad dngos po med pas/ gang la yang dngos por mi lta zhing rnam par mi rtog
 na/ shes rab kyi pha rol tu phyin pa sgom pa yongs su rdzogs par 'gyur ro zhes bstan pa de zab ste/ sems kyi spyod yul ma yin pas bsam gyis mi khyab bo zhes bya ba'i don to/ /bcom ldan 'das kyis bka' stsal pa/ rab 'byor gzugs bsam gyis
 mi khyab pa'i phyir bsam gyis mi khyab pa bstan to zhes bya ba nas/ rnam pa thams cad mkhyen pa nyid bsam gyis mi khyab pa'i phyir bsam gyis mi khyab pa bstan to zhes bya ba'i bar gyis ni/ gzugs la sogs pa'i chos thams cad don dam par dngos po
 med pas/ sems kyi bsam zhing rnam par brtag pa'i yul ma yin no zhes bstan pa ste/ de ltar rtogs shing sgom nas yang/ shes rab kyi pha rol tu phyin pa sgom pa yongs su rdzogs pa yin no zhes bya ba'i don to/ /rab 'byor byang chub sems dpa' semS
 dpa' chen po shes rab kyi pha rol tu phyin pa la spyod pa'i tshe/ gal te gzugs bsam gyis mi khyab ces bya bar 'du shes pa med na shes rab kyi pha rol tu phyin pa yongs su rdzogs par byed pa'o zhes bya ba nas/ gal te rnam pa thams cad mkhyen pa nyid bsam gyis
 mi khyab ces bya bar 'du shes pa med na/ shes rab kyi pha rol tu phyin pa yongs su rdzogs par byed pa'o zhes bya ba'i bar gyis ni gzugs la sogs pa'i chos thams cad don dam par dngos po med pas/ sems kyi spyod yul ma yin te/ bsam gyis mi
 khyab bo snyam du sems pa'i 'du shes tsam zhig byung na yang/ shes rab kyi pha rol tu phyin pa bsgom pa yongs su rdzogs par mi chud kyi/ de lta bu'i 'du shes dang rtog pa phra mo yang med na/ gdod shes rab kyi pha rol tu phyin pa bsgom pa yongs su rdzogs par chud do
 zhes bstan pa'o/ /gsol pa bcom ldan 'das shes rab kyi pha rol tu phyin pa zab mo 'di la su zhig mos par 'gyur zhes bya ba ni/ da ltar gong du bshad pa'i tshul du shes rab kyi pha rol tu phyin pa'i don zab mo brtag pa dang/ bsam pa'i spyod yul ma yin pa
 de lta bu la dad cing yid ches nas/ spyod par 'gyur ba su mchis zhes zhus pa'o/ /bcom ldan 'das kyis bka' stsal pa/ byang chub sems dpa' sems dpa' chen po gang pha rol tu phyin pa drug la spyad pa zhes bya ba la sogs pas ni/ shes rab kyi pha
 rol tu phyin pa zab mo 'di thams cad kyi spyod yul ma yin gyis/ sngon ma pha rol tu phyin pa drug la spyod spyod pa/ dge ba'i rts ba cher bskyed pa/ sangs rgyas mang po la bsnyen bkur byas pa/ dge ba'i bshes gnyen gyis yongs su bzung ba rnams/ sngon gyi dge ba'i
 'phro yod cing snod du gyur pas/ shes rab kyi pha rol tu phyin pa zab mo 'di la dad cing yid ches nas/ spyod par 'gyur ro zhes bstan pa'o/ /gsol pa bcom ldan 'das ji tsam gyis na byang chub sems dpa' sems dpa' chen po pha rol tu phyin drug la
 spyad pa dang/ zhes bya ba la sogs pas/ ji tsam gyis na sngon pha rol tu phyin pa drug la spyad pa dang/ dge ba'i rtsa ba bskyed pa dang/ sangs rgyas mang po la bsnyen bkur byas pa dang/ dge ba'i bshes gnyen gyis yongs su bzung bar chud?
 pa'i tshad zhus pa'o/ /bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ gzugs su mi rtog rnam par mi rtog go zhes bya ba nas/ rnam pa thams
 cad mkhyen pa nyid kyi rang bzhin du mi rtog rnam par mi rtog go zhes bya ba'i bar gyis ni/ sngon pha rol tu phyin pa drug la spyad pa dang/ dge ba'i rtsa ba bskyed pa dang/ sangs rgyas mang po la bsnyen bkur byas pa dang/ dge ba'i bshes gnyen gyis yongs su
 bzung ba'i tshad bstan pa ste/ gzugs la sogs pa'i chos thams cad la rnam par mi rtog par gyur ba nyid/ sngon pha rol tu phyin pa drug la spyod spyod pa dang/ dge ba'i rtsa ba bskyed pa dang/ sangs rgyas mang po la bsnyen bkur byas pa dang/
 dge ba'i bshes gnyen gyis yongs su bzung ba'i rtags dang mtshan ma yin no zhes bstan pa'o/ /gzugs su mi rtog rnam par mi rtog go zhes bya ba ni/ mig gi rnam par shes pa'i yul du gyur pa'i gzugs spyir rnam par mi rtog pa la bya'o/ /gzugs
 kyi mtshan mar mi rtog rnam par mi rtog go zhes bya ba ni/ gzugs kyi mtshan nyid gzugs spyod pa la rnam par mi rtog pa la bya'o/ /gzugs kyi rang bzhin du mi rtog rnam par mi rtog go zhes bya ba ni/ gzugs kyi rang bzhin stong pa nyid du yang rnam par mi
 rtog go zhes bya ba'i don to/ /gzugs la ji ltar bshad pa de bzhin du tshor ba la sogs pa rnam pa thams cad mkhyen pa nyid la thug gi bar du chos thams cad la yang ci rigs su sbyar bar bya'o/ /de ci'i phyir zhe na/ rab 'byor de ni 'di ltar gzugs
 bsam gyis mi khyab bo zhes bya ba nas rnam pa thams cad mkhyen pa nyid bsam gyis mi khyab bo zhes bya ba'i bar gyis ni/ rnam par mi rtog pa'i gtan tshigs bstan pa ste/ gzugs la sogs ba'i chos thams cad don dam par dngos po med de/ rang bzhin
 gyis stong pas rnam par brtag cing bsam pa'i spyod yul ma yin te/ bsam gyis mi khyab pa'i phyir rnam par mi rtog go zhes bya ba'i don to/ /rab 'byor de ltar na byang chub sems dpa' sems dpa' chen po pha rol tu phyin pa drug la spyad pa dang/ dge ba'i rtsa
 ba bskyed pa dang/ sangs rgyas mang po la bsnyen bkur byas pa dang/ dge ba'i bshes gnyen gyis yongs su bzung ba yin no zhes bya ba ni/ gong du ji tsam gyis na pha rol tu phyin pa drug la spyod pa la sogs pa lags zhes zhus pa'i lan mjug bsdus te bstan pa'o//
 rab 'byor gyis gsol pa bcom ldan 'das shes rab kyi pha rol tu phyin pa zab bo zhes bya ba ni/ de ltar gong du bshad pa'i tshul du shes rab kyi pha rol tu phyin pa 'di rnam par rtog pa'i spyod yul ma yin la bsam gyis mi khyab pa yin pas sus kyan rtogs
 par mi nus pa'i phyir zab bo zhes bstan pa'o/ /bcom ldan 'das kyis bka' stsal pa/ rab 'byor gzugs zab ba'i phyir/ shes rab kyi pha rol tu phyin pa zab bo zhes bya ba nas/ rnam pa thams cad mkhyen pa nyid zab pa'i phyir/ shes rab kyi pha rol tu
 phyin pa zab bo? zhes bya ba'i bar gyis ni/ gzugs la sogs pa'i chos thams cad don dam par dngos po med de/ rang bzhin gyis stong bas/ rnam par rtog pa dang bsam pa'i spyod yul ma yin la/ shes rab kyi pha rol tu phyin pa yang de dang tha mi dad
 pa'i phyir zab bo zhes bstan pa'o/ /gsol pa bcom ldan 'das shes rab kyi pha rol tu phyin pa rin po che'i phung po ste/ chos rin po che'i phung po rnams sgrub pa'o zhes bya ba ni/ shes rab kyi pha rol tu phyin pa 'di de ltar gong du bshad pa'i rim pas//
 don dam par dngos po med de/ bsam gyis mi khyab cing zab kyang kun rdzob tu dge ba bcu la sogs pa'i chos rin po che rnams sgrub pa'i phyir/ yid bzhin gyi nor bu rin po che dang 'dra bar sems can thams cad kyi re ba yongs su skong
 ba yin no zhes bstan pa'o/ /'di lta ste/ dge ba bcu'i las kyi lam sgrub pa'o zhes bya ba nas/ rnam pa thams cad mkhyen pa nyid sgrub pa'o zhes bya ba'i bar gyis ni/ chos rin po che zhes bya ba gang dang gang yin pa'i dmigs pa bstan pa ste/ dge ba
 bcu'i las kyi lam la sogs pa rnam pa thams cad mkhyen pa nyid la thug gi bar gyi rnam par byang ba'i chos dkon zhing rnyed par dka' ba rnams bsgrub cing rnyed par byed pa'i rgya yin pa'i phyir/ shes rab kyi pha rol tu phyin pa 'di rin po che dang 'dra bar dkon zhing
 rnyed par dka' ba yin no zhes bya ba'i don to/ /bcom ldan 'das shes rab kyi pha rol tu phyin pa ni chos kyi 'khor lo bskor ba'o zhes bya ba ni/ sangs rgyas dang byang chub sems dpa' rnams chos kyi 'khor lo bskor ba yang/ shes rab kyi pha rol tu phyin pa la
 brten te 'byung bas na/ chos kyi 'khor lo bskor ba yin no zhes bya ba'i don to/ /bcom ldan 'das gzugs dag pa dang/ tshor ba dag pa dang/ zhes bya ba nas/ rnam pa thams cad mkhyen pa nyid dag pa'i slad du/ shes rab kyi pha rol tu phyin pa ni
 dag pa'i phung po'o zhes bya ba'i bar gyis ni/ shes rab kyi pha rol tu phyin pa 'di gzugs la sogs pa'i chos thams cad don dam par dngos po med cing yongs su dag pa'i rang bzhin yin pa'i phyir dag pa'i phung po yin no zhes bstan pa ste/ dag pa'i
 phung po zhes bya ba ni/ gzugs la sogs pa'i chos mang po rnams dag par 'dus pa'i phyir phung po zhes bstan pa'o/ /bcom ldan 'das shes rab kyi pha rol tu phyin pa zab mo de lta bu bstan ba'i tshe bar chad du mi 'gyur ba ni pas? tshar che'o zhes
 bya ba ni/ shes rab kyi pha rol tu phyin pa zab mo 'di la spyod pa'i tshe/ bdud la sogs pas bar chad bya mi nus pa 'khor rnams la zhib tu bstan pa'i skabs dbye ba'i phyir rab 'byor gyi smras pa'o/ /bcom ldan 'das kyis bka' stsal pa/ rab 'byor de de bzhin no/ /
 de de bzhin te/ rab 'byor shes rab kyi pha rol tu phyin pa zab mo 'di la bar chad mang du 'byung ste zhes bya ba nas/ de ci'i phyir zhe na/ rab 'byor de ni nor bu rin po che chen po la bar chad mang du 'byung ngo zhes bya ba'i bar gyis ni/ 'jig rten na yid bzhin gyi
 nor bu rin po che btsal zhing sgrub pa la/ bgegs dang bar chad mang po 'byung ba de bzhin du/ shes rab kyi pha rol tu phyin pa'i chos rin po che spyad pa la yang bdud la sogs pa'i bar chad 'byung yang srid kyis/ bri ba dang bklag pa dang/ bstan pa dang/
 tshul bzhin du yid la bya ba dang/ bsgom pa zla grangs dang lo grangs tsam gyis zin par bya bar yi dam bcas shing/ khas 'ches pa de bzhin du bar chad du mi 'gyur bar bri ba dang bklag pa la sogs pa bya'o zhes bstan pa'o/ /gsol pa bcom ldan 'das shes
 rab kyi pha rol tu phyin pa zab mo 'di ci nas kyang mi bri ba dang/ mi bklag pa dang/ mi bstan pa dang/ kha ton mi byed pa dang/ yid la mi bgyid pa dang/ mi bsgom pa'i slad du bdud sdig to chan dag bar chad mi bgyid pa ngo mtshar che'o zhes bya ba ni/ bdud
 kyis bar chad byi ma nus pa bshad pa'i skabs dbye ba'i phyir rab 'byor gyis smras pa'o/ /bcom ldan 'das kyis bka' stsal pa zhes bya ba nas bar chad bya mi nus so zhes bya ba'i bar gyis ni/ shes rab kyi pha rol tu phyin pa zab mo 'di la spyod cing nan tan
 byed pa la/ bdud sdig can bar chad mi byad pa yang ma yin mod kyi bar chad byed par byas kyang bar chad bya mi nus pa'i mthu dang ldan pa'i yon tan bstan pa'o/ /de nas tshe dang ldan pa shA radwA ti'i bus bcom ldan 'das la 'di skad ces gsol to zhes
 bya ba nas/ bdud sdig to can gyis bar chad bya mi nus so zhes bya ba'i bar gyis ni/ shes rab kyi pha rol tu phyin pa 'di la spyod pa la sangs rgyas bcom ldan 'das byin gyis rlob cing mthu gtong bas/ bdud gyis bar chad bya mi nus pa'i
 yon tan bstan pa'o/ /shA radwA ti'i bu phyogs bcu kun gyis 'jig rten gyi khams dag na/ sangs rgyas bcom ldan 'das gang ji snyed bzhugs shing 'tsho skyong ba dang/ chos ston pa de dag ni mthus kyang zhes bya ba nas/ tshul bzhin du yid la byed do//
 bsgom mo zhes bya bar khong du chud par bya'o zhes bya ba'i bar gyis ni shes rab kyi pha rol tu phyin pa 'di la spyod pa'i byang chub sems dpa' la sangs rgyas bcom ldan 'das/ shA kya thub pa nyag gcig bdud kyi bar chad bya mi nus par byin gyis rlob cing mthu
 gtod bar mdzad par ma zad kyi/ phyogs bcu'i de bzhin gshegs pa thams cad kyang/ bdud kyi bar chad bya mi nus par byin gyis rlob cing mthu gtong ba'i yon tan bstan pa'o/ /gsol pa bcom ldan 'das rigs kyi bu 'am rigs kyi bu mo gang su yang? rung?
 ste zhes bya ba nas/ de thams cad kyang sangs rgyas kyi gzungs yin par rig par bya'o zhes bya ba'i bar gyis ni/ 'khor gyi nang na sems can kha cig shes rab kyi pha rol tu phyin pa la spyod pa'i byang chub sems dpa' rnams la ni sangs rgyas bcom
 ldan 'das rnams byin gyis rlob cing/ de ltar mthu gtong na/ ma 'ongs pa'i dus kyi sems can phal pa'i nang nas gang su yang rung ba dag las/ shes rab kyi pha rol tu phyin pa 'di la spyod na/ de dag la yang sangs rgyas bcom ldan 'das byin gyis
 rlob cing mthu gtod dam/ mi gtong snyam du the? tshom za ba bsal ba'i phyir/ ma 'ongs pa'i dus kyi rigs kyi buAm rigs kyi bu mo su yang rung ste/ shes rab kyi pha rol tu phyin pa zab mo 'di la spyod na/ de dag thams cad la yang sangs rgyas bcom
 ldan 'das rnams byin gyis rlob cing mthu gtong ngo zhes bstan pa'o/ /gsol pa bcom ldan 'das rigs kyi bu 'am rigs kyi bu mo gang shes rab kyi pha rol tu phyin pa zab mo 'di 'dri zhing klog pa dang shes bya ba nas/ 'di ltar bdag cag ni bla na med pa yang
 dag par rdzogs pa'i byang chub tu nye bar gyur to zhes bya bar rig par bya'o zhes bya ba'i bar gyis ni/ ma 'ongs pa'i dus kyi sems can gang su yang rung ste/ shes rab kyi pha rol tu phyin pa zab mo 'di la sbyong ba zhig yod na/ de dag thams cad kyang phyogs
 bcu'i sangs rgyas bcom ldan 'das rnams kyis mngon sum du gzigs shing thugs su chud par 'gyur ba'i yon tan bstan pa'o/ /shA radwA ri'i bu gang yang byang chub sems dpa' theg pa'i rigs kyi bu 'am rigs kyi bu mo shes rab kyi pha rol tu phyin pa zab mo
 'di bris shing glegs bam du byas te 'chang ba de dag kyang zhes bya ba nas/ sangs rgyas kyi chos ma 'dres pa bco brgyad dang/ nam yang bral bar mi 'gyur ro zhes bya ba'i bar gyis ni/ shes rab kyi pha rol tu phyin pa zab mo 'di klog pa dang/ ston pa dang/ kha
 ton du bya ba dang/ tshul bzhin yid la bya ba dang/ sgom mi nus pa dag gis bris shing glegs bam du byas nas bcangs te/ dri dang me tog la sogs pas mchod cing bkur ste byas pa tsam gyi dge ba'i rtsa bas kyang phyir mi ldog pa'i sa non gyi bar du/
 ngan song du mi skye ba dang/ sangs rgyas bcom ldan 'das rnams dang/ nam yan bral bar mi 'gyur ba'i phan yon dang/ bl na med pa yang dag par rdzogs pa'i byang chub tu mngon par rdzogs par sangs rgyas kyi bar du pha rol tu phyin pa drug la sogs pa
 sangs rgyas kyi chos ma 'dres pa bco brgyad kyi bar du rnam par byang ba'i chos rnams dang bral bar mi 'gyur ba'i phan yon bstan pa'o/ /shA radwA ti'i bu shes rab kyi pha rol tu phyin pa 'di de bzhin gshegs pa 'das nas/ lho phyogs kyi rgyud na spyod par
 'gyur te zhes bya ba nas/ theg pa gsum pos rim gyis mya ngan la 'da' bar 'gyur ro zhes bya ba'i bar gyis ni/ bcom ldan 'das shAkya thub pa mya ngan las 'das kyi 'og tu byang chub chen po mngon par rdzogs par sangs rgyas pa'i sa
 phyogs nas/ lho phyogs yul rgyud ot+tra'i yul dang sing ga la'i yul la sogs pa na/ shes rab kyi pha rol tu phyin pa spyod par 'gyur ba 'di ngan song du mi ltung ba dang/ lha dang mi'i phun sum tshogs pa myong ba dang/ pha rol tu phyin pa drug gi
 gong nas gong du 'phar zhing mngon par 'phags par 'gyur ba dang/ theg pa gsum gyis mthar gyis nyon mongs pa spangs nas/ mya ngan las 'da' bar 'gyur ba'i phan yon dang bcas par bstan pa ste/ de ltar bstan pa yang yul de phyogs na/
 sngon dge ba'i rtsa ba bskrun cing shes rab kyi pha rol tu phyin pa zab mo 'di la spyod pa'i skal ba dang ldan pa mang ba bstan pa'i phyir ro/ /shA radwA ti'i bu de ltar na shes rab kyi pha rol tu phyin pa zab mo 'di lho phyogs kyi rgyud nas yul bar ta ni na spyod par
 'gyur te zhes bya ba nas theg pa gsum pos rim gyis mya ngan las 'da' bar 'gyur ro zhes bya ba'i bar gyis ni/ de ltar shes rab kyi pha rol tu phyin pa zab mo 'di lho phyogs su dar ba las nub nas/ lho phyogs dang byang phyogs gnyis kyi bar rgya gar
 yul gyi dbus na spyod par 'gyur ba phan yon dang bcas par bstan pa'o/ /shA radwA ti'i bu de ltar shes rab kyi pha rol tu phyin pa zab mo 'di yul bar ta ni nas byang phyogs kyi rgyud na spyod par 'gyur te zhes bya ba nas/ theg pa gsum por rim gyis
 mya ngan las 'das par 'gyur ro zhes bya ba'i bar gyis ni/ byang chub chen por byang chub kyi shing drung du mngon par sangs rgyas pa'i sa phyogs nas/ byang phyogs logs kyi yul phyogs na spyod cing dar bar 'gyur ba phan yon dang bcas par bstan pa
 ste/ byang phyogs kyi rgyud ces bya ba yang bod yul yan? chad/ aau Di ya na'i yul dang kha che'i yul man chad la bya'o/ /shA radwA ti'i bu de ltar shes rab kyi pha rol tu phyin pa zab mo 'di lho phyogs kyi rgyud na phyi ma'i dus phyi ma'i che lnga brgya tha ma la sangs rgyas kyi byang
 byed par 'gyur ro zhes bya ba ni/ de ltar gong du bshad pa'i tshul gyis/ de bzhin gshegs pa mya ngan las 'das pa'i 'og tu/ dam pa'i chos nub tu nye ba'i tshe lho phyogs dang byang phyogs su shes rab kyi pha rol tu phyin pa zab mo 'di dar bar 'gyur te/ de la
 spyod spyod pa rnams nam yang ngan song du mi ltung ba dang/ lha dang mi'i longs spyod phun sum tshogs pa myong zhing pha rol tu phyin pa drug gis mngon par 'phags nas/ theg pa gsum gyis yongs su mya ngan las 'da' bar 'gyur ba'i phyir/ sangs rgyas
 kyi bya ba byed par 'gyur ro zhes bstan pa ste/ de la phyi ma'i dus lnga brgya tha ma zhes bya ba ni/ de bzhin gshegs pa mya ngan 'das pa'i 'og tu lo lnga stong gi bar du dam pa'i chos gnas par 'gyur te/ lo lnga stong la lo lnga brgya phrag bcu yod de/ de
 la lnga brgya dang po la dam pa'i chos spyod pa rnams phar cher dgra bcom pa'i 'bras bu thob par 'gyur/ lnga brgya gnyis pa la phal cher phyir mi 'ong ba'i 'bras bu thob par 'gyur/ lnga brgya gsum pa la lan cig phyir 'ong ba dang/ rgyun tu zhugs pa'i
 'bras bu thob par 'gyur ba mang ste/ lnga brgya phrag gsum po de dag gi tshe ni chos rtogs shing 'bras bu thob pa mang ba'i tshig zhes bya'o/ /lnga brgya bzhi pa la ni lhag mthong shas che zhing shes rab rno ba mang ngo/ /lnga brgya lnga pa la zhi gnas shas che
 ste/ ting? nge 'dzin sgom pa mang ngo/ /lnga brgya drug pa ma ni tshul khrims dang ldan pa mang ste/ lnga brgya phrag gsum po de dag gi tshe ni/ zhi gnas dang lhag mthong bsgom zhing tshul khrims dang ldan pa mang bas sgrub pa dang ldan pa'i chig zhes bya'o/
 lnga brgya bdun pa la chos mngon pa dar bar 'gyur/ lnga brgya brgyad pa la mdo sde dar bar 'gyur/ lnga brgya dgu pa la 'dul ba dar bar 'gyur te/ lnga brgya phrag? gsum po de dag la bcom ldan 'das kyi zhal nas gsungs pa'i sde snyod?
 gsum la brten cing/ lung la spyod pa mang bas lung gi tshigs zhes bya'o/ /lnga brgya bcu pa la sdi snod gsum yang btsan par mi byed/ chos spyod pa rnams kyang gzhung las 'byung ba bzhin du legs par nyams 'og tu mi chu de/ mtshan ma tsam
 zhig yod pa mad bas/ mtshan mtsam gyis tshigs zhes bya ste/ de la lnga brgya phrag bcu'i tha ma 'di la phyi ma'i dus lnga brgya tha ma zhes bya'o/ /de ci'i phyir zhe na/ shA radwA ri'i bu de ni 'di ltar de bzhin gshegs pa'i dgongs pa gang yin pa de ni
 shes rab kyi pha rol tu phyin pa'o/ /shes rab kyi pha rol tu phyin pa gang yin pa de ni de bzhin gshegs pa'i dgongs pa'o zhes bya ba ni/ phyi ma'i dus lnga brgya tha ma la shes rab kyi pha rol tu phyin pa 'di sangs rgyas kyi bya ba byed par 'gyur ba'i gtan tshigS
 bstan pa ste/ de bzhin gshegs pa rnams kyi dgongs pa ni/ sems can yongs su ma smin pa rnams yongs su smin par mdzad pa dang/ sems can yongs su smin pa rnams rnam par grol bar mdzad par dgongs pa ste/ shes rab kyi pha rol tu phyin pa
 'di bris shing bcangs pa dang/ bklags shing kun chub par byas pa la sogs pa'i dge ba'i rtsa bas kyang/ ngan song du mi ltung zhing/ lha dang mi'i longs spyod phun sum tshogs pa myong bar 'gyur ba dang/ theg pa gsum gyis yongs su mya ngan las
 'da' bar 'gyur te/ de ltar sangs rgyas bcom ldan 'das rnams mdzad cing dgongs pa mthun pa'i phyir/ sangs rgyas kyi bya ba byed par 'gyur ro zhes bstan pa'o/ /shA radwA ti'i bu chos dang bsdul ba rgud par gyur ba'i tshe/ dam bI chos rnub par mi
 'gyur te/ chos de yang gang zhe na/ 'di ltar shes rab kyi pha rol tu phyin pa 'di'o zhes bya bas ni/ phyi ma'i dus lnga brgya tha ma la dam pa'i chos dang 'dul ba 'dri zhing klog pa la sogs pa'i sgo nas/ spyod cing nyams su len pa nyung ste /rgung cing nyams par gyur pa'i me?
 lho phyogs dang byang phyogs nas shes rab kyi pha rol tu phyin pa zab mo 'di 'dri ba dang/ 'chang ba dang/ klog pa la sogs pa'i sgo nas spyod pa mang ste nub par mi 'gyur ro zhes bstan pa'o/ /shA ra dwA ti'i bu rigs kyi bu 'am rigs kyi bu mo gang shes rab kyi pha rol tu
 phyin pa zab mo 'di 'dzin pa dang/ 'chang ba dang/ klog pa dang/ kun chub par byed pa dang/ tshul bzhin du yid la byed pa dang/ de bzhin nyid du nan tan du byed pa de dag la ni ngas dgongs so zhes bya ba nas/ steng gi phyogs gyi de bzhin gshegs pa dgra
 bcom pa yang dag par rdzogs pa'i sangs rgyas bzhugs shing 'tsho skyong ba dang/ chos ston pa'i de bzhin gshegs pa dgra bcom pa yang dag par rdzogs pa'i sangs rgyas de dag gi sangs rgyas gyi spyan gyis gzigs so/ /rigs kyi bu 'am rigs kyi bu mo
 de dag ni de bzhin gshegs pa dgra bcom pa yang dag par rdzogs pa'i sangs rgyas de dag gis brjod do bstod do/ /bsngags so zhes bya ba'i bar gyis ni/ phyi ma'i dus lnga brgya tha ma 'di la rigs kyi bu 'am rigs kyi bu mo gang shes rab kyi pha rol tu phyin
 pa 'di la spyod cing nan tan byed pa dang/ spyod cing nan tan byed mi nus na yang/ bris nas glegs bam du bcangs te mchod cing bkur sti byed na yang/ phyogs bcu'i de bzhin gshegs pa rnams kyis dgongs shing gzigs par 'gyur ba dang/ ngan song
 du mi ltung ba dang/ lha dang mi'i longs spyod phun sum tshogs pa myong bar 'gyur ba dang de bzhin gshegs pa rnams kyis bstod cing bsngags par gyur pa dang/ pha rol tu phyin pa drug gis mngon par 'phags par 'gyur ba dang/ theg pa gsuM gyiS yongs su myar?
 lwa? 'das par gyur ba'i phan yon bstan pa'o/ /gsol pa bcom ldan 'das shes rab kyi pha rol tu phyin pa zab mo 'di slad ma'i dus slad ma'i tshe na/ byang phyogs su rgyas par 'gyur ro zhes bya ba ni/ phyi ma'i dus lnga brgya tha ma'i tshe/ shes rab
 kyi pha rol tu phyin pa zab mo 'di la spyod pa rnams/ sngon theg pa chen po la spyod pa'i 'phro yod pa dang/ sangs rgyas mang po la bsnyen bkur byas shing/ dge ba'i rtsa ba bskyed pa rnams spyod par 'gyur gyi/ gzhan de ltar spyod par mi 'gyur ba bstan
 pa'i skabs dbye ba'i phyir shA radwA ti'i bus gsol pa'o/ /bcom ldan 'das kyis bka' stsal pa/ shA radwA ti'i bu de de bzhin no/ /de de bzhin te zhes bya ba nas/ dge ba'i bshes gnyen gyis yongs su bzung ba dang/ dge ba'i rtsa ba bskyed par rig par bya'o zhes bya
 ba'i bar gyis ni/ phyi ma'i dus lnga brgya tha ma la bab pa'i tshe/ shes rab kyi pha rol tu phyin pa zab mo 'di la spyod pa dkon te/ sngon theg pa chen po la spyod spyod pa'i la kyi 'phro yod pa dang/ sngon sangs rgyas mang po la bsnyen bkur byas shing dge ba'i bshes gnyen gyis yongs su
 bzung ba dang/ dge ba'i rtsa ba bskyed bskyed pa rnams/ shes rab kyi pha rol tu phyin pa 'di la dad cing mos nas/ nyan pa dang 'dri ba dang 'chang ba dang/ klog pa dang/ tshul bzhin du yid la byed cing/ de bzhin nyid du nan tan byed par 'gyur te/ sngon gyi las kyi
 'phro med pa rnams/ de ltar spyod par 'gyur ba dkon no zhes bstan pa'o/ /gsol pa bcom ldan 'das slad ma'i tshe slad ma'i dus na/ byang gi phyogs cha der byang chub sems dpa' i theg pa pa'i rigs kyi bu dang rigs kyi bu mo gang shes rab kyi pha rol tu phyin
 pa zab mo 'di nyan cing thos nas/ mos par bgyid pa dang mos par bgyis nas 'dri zhing 'dzin pa dang/ 'chang zhing klog pa dang/ kun chub par bgyid cing tshul bzhin du yid la bgyid pa dang/ de bzhin nyid du nan tan du bgyid pa de lta bu ji snyed cig
 'byung bar 'gyur zhes bya ba ni/ phyi ma'i dus lng brgya tha ma la shes rab kyi pha rol tu phyim pa zab mo 'di la nyan cing mos par byed pa la sogs pa'i sgo nas spyod pa'i nang na yang/ shes rab kyi pha rol tu phyin pa'i don zab mo 'di bstan pa'i tshe/ sems zhum par mi
 'gyur ba dang/ skrag par mi 'gyur ba dkon zhing nyung ba bshad pa'i skabs dbye ba'i phyir shA radwA ti'i bus zhus pa'o/ /bcom ldan 'das kyis bka' stsal pa/ zhes bya ba nas/ mi 'jum yongs su mi 'jum/ mi 'jigs mi dngang? skrag par mi 'gyur ba de lta bu
 ni mi mang ngo zhes bya ba'i bar gyis ni/ phyi ma'i dus lnga brgya tha ma'i tshe/ byang chub sems dpa' i theg pa la zhugs shing/ shes rab kyi pha rol tu phyin pa 'dri zhing klog pa la sogs pa tsam gyis sgo nas/ spyod cing mos pa ni mang mod kyi/ shes rab kyi pha rol
 tu phyin pa don zab mo chos thams cad skye ba med pa thos nas/ sems zhum par mi 'gyur ba dang/ 'jigs shing skrag par mi 'gyur ba de lta bu nyung ba bstan pa'o/ /de ci'i phyir zhe na/ rigs kyi bu dang rigs kyi bu mo de dag gis de bzhin gshegs pa dgra
 bcom pa yang dag par rdzogs pa'i sangs rgyas mang po'i rjes su 'brangs pa dang/ rigs kyi bu dang rigs kyi bu mo de dag gis/ de bzhin gshegs pa dgra bcom pa yang dag par rdzogs pa'i sangs rgyas mang po la yongs su zhus yongs su dris pa'i phyir ro zhes bya
 ba ni/ shes rab kyi pha rol tu phyin pa'i don zab mo thos na/ sems zhum par mi 'gyur ba dang 'jigs shing skrag par mi 'gyur ba nyung ba'i gtan tshigs bstan pa ste/ de ltar shes rab kyi pha rol tu phyin pa'i don zab mo bstan pa'i tshe/ sems zhum par mi
 'gyur ba dang/ 'jigs shing skrag par mi 'gyur ba dang/ sngon de bzhin gshegs pa mang po'i zhabs 'bring na 'dug cing bsnyen bkur byed byed pa dang/ de bzhin gshegs pa mang po la chos zab mo'i don zhus shing the tshom med par gyur pa rnams/ shes
 rab kyi pha rol tu phyin pa'i don zab mo 'di thos nas/ sems zhum par mi 'gyur ba dang 'jigs shing skrag par mi 'gyur te/ de'i phyir de lta bu dag nyung ngo zhes bya ba'i don to/ /de yang ci'i phyir zhe na/ rigs kyi bu dang rigs kyi bu mo de dag ni/
 shes rab kyi pha rol tu phyin pa yongs su rdzogs par 'gyur ro zhes bya ba nas/ sangs rgyas kyi chos ma 'dres pa bco brgyad yongs su rdzogs par 'gyur ro zhes bya ba'i bar gyis kyang/ shes rab kyi pha rol tu phyin pa'i don zab mo thos na mi 'jigs mi skrag pa nyung
 ba'i gtan tshigs dang/ shes rab kyi pha rol tu phyin pa'i don zab mo thos na/ mi 'jigs mi skrag pa'i phan yon bstan pa ste/ she rab kyi pha rol tu phyin pa don zab mo de lta bu bstan pa'i tshe/ sems zhum par mi 'gyur ba dang/ 'jigs shing skrag
 par mi 'gyur ba'i rigs kyi bu 'am rigs kyi bu mo de dag ni/ phyis kyang pha rol tu phyin pa drug la sogs pa/ sangs rgyas kyi chos ma 'dres pa bco brgyad pa la thug gi bar du/ rnam par byang ba'i chos thams cad yongs su rdzos par 'gyur te/ de lta bu'i phan yon
 chen po can ni/ dkon zhing nyung ngo zhes bya ba'i don to/ /shA ra dwA ti'i bu rigs kyi bu 'am rigs kyi bu mo de dag ni dge ba'i rtsa bas nye bar bstan par 'gyur te/ zhes bya ba la sogs pa yang/ phyi ma'i dus lnga brgya tha ma la shes rab kyi pha rol tu phyin pa zab
 mo 'di la dad cing spyod pa rnams/ tshe 'di la phan yon ci 'byung ba dang/ tshe rabs snga ma la yon tan ci bsags pa dang/ tshe rabs phyi ma la phan yon ci 'byung ba rnams bstan pa ste/ dge ba'i rtsa bas nye bar bstan par 'gyur te/ zhes bya ba ni tshe
 rabs snga ma la dge ba'i rtsa ba bskyed pa'i rgyus tshe 'di la bdag gi don phun sum tshogs par 'gyur ro zhes bstan pa'o/ /bla na med pa yang dag par rdzogs pa'i byang chub kyi don du skye bo mang po'i don byed par 'gyur ro zhes bya bas ni/ tshe 'di dang phyi ma'i gnyis
 ka la/ gzhan gyi don phun sum tshogs pa byed nus pa'i phan yon bstan pa'o/ /de ci'i phyir zhe na/ de ni 'di ltar shA ra dwA ti'i bu/ rigs kyi bu dang rigs kyi bu mo de dag la ni/ ngas rnam pa thams cad mkhyen pa nyid dang ldn pa'i gtam brjod do/ /'das pa'i dus na de
 bzhin gshegs pa dgra bcom pa yang dag par rdzogs pa'i sangs rgyas gang ji snyed cig 'byung ba'i sangs rgys bcom ldan 'das de dag gis kyang rigs kyi bu dang rigs kyi bu mo de dag la rnam pa thams cad mkhyen pa nyid dang ldan pa'i gtum brjod de zhes
 bya ba nas/ tshe rabs snga ma la sangs rgyas mang po la bsnyen bkur byas pa'i yon tan bstan pa'o/ /de dag tshe 'das kyang 'di lta ste/ bla na med pa yang dag par rdzogs pa'i byang chub kyi don du spyod pa nyid du gyur to zhes bya bas ni tshe rabs phyi ma la bdag gi don phun sum
 tshogs pa byed nus par 'gyur ba'i phan yon bstan pa'o/ /de dag gzhan la yang 'di lta ste/ bla na med pa yang dag par rdzogs pa'i byang chub kyi don du rnam pa de lta bu nyid rjod par 'gyur ro zhes bya bas ni tshe rabs phyi ma la gzhan gyi don phun suM tshogs pa byed nus pa'i phan
 yon bstan pa ste/ rnam pa de lta bu nyid rjod par 'gyur ro zhes bya ba ni/ bla na med pa'i byang chub thob par 'gyur ro zhes bya ba'i don to/ /shA radwA ti'i bu rigs kyi bu dang rigs kyi bu mo de dag ni mnyam par bzhag par 'gyur te zhes bya bas ni/ tshe 'di dang phyi ma
 gnyis ka la 'dod chags la sogs pa'i yul gyi dbang du mi 'gyur bar/ bsam gtan dang ting nge 'dzin la snyoms par 'jug nus pa'i phan yon bstan pa'o/ /de dag ni bdud dam bdud kyi rigs kyi lha rnams kyis kyang bla na med pa yang dag par rdzogs
 pa'i byang chub las zlog par mi nus na sdig to la mos pa dang/ sdig to'i spyod pa can shes rab kyi pha rol tu phyin pa zab mo 'di la spong ba gzhan gyi lta ci smos zhes bya bas ni bdud la sogs pas dge ba'i bar chad bya mi nus pa'i phan yon bstan pa'o/ /
 shA radwA ti'i bu byang chub sems dpa' i theg pa pa'i rigs kyi bu dang rigs kyi bu mo de dag ni shes rab kyi pha rol tu phyin pa zab mo 'di thos nas dga' zhing nyams bde ba rgya chen po skye bar 'gyur ro zhes bya bas ni/ chos zab mo rtogs nas
 dad pa chen po skye bar 'gyur ba'i phan yon bstan pa'o/ /'di ltar bla na med pa yang dag par rdzogs pa'i byang chub kyi don du skye bo mang po yang dge ba'i chos la dgod par 'gyur ro zhes bya bas ni/ sems can gzhan yang dam chos la dad pa bskyed nus
 pa'i phan yon bstan pa'o/ /rigs kyi bu dang rigs kyi bu mo de dag gis ni nga'i mdun du 'di skad zhes bya ba nas/ phyir mi ldog par lung bstan par bgyi'o zhes bya ba'i tshig smras so zhes bya ba'i bar gyis ni/ tshe rabs snga ma la de bzhin gshegs pa'i spyan
 sngar gzhan gyi don phun sum tshogs par bya bar yid dam bcas pa'i yon tan bstan pa'o/ /de ci'i phyir zhe na/ shA radwA ti'i bu rigs kyi bu dang rigs kyi bu mo de dag gi tshig? ni sems la sems kyis rnam par bltas te/ ngas rjes su dgyos pa mdzad do
 zhes bya bas ni/ gzhan gyi don phun sum tshogs par bya bar yid dam bcas shing khas 'ches pa ji skad smras pa bzhin du byed nus par de bzhin gshegs pas thugs ches pa'i yon tan bstan pa'o/ /shA ra dwA ti'i bu 'das pa'i de bzhin
 gshegs pa dgra bcom pa yang dag par rdzogs pa'i sangs rgyas rnams kyi spyan sngar yang zhes bya ba nas/ rigs kyi bu dang rigs kyi bu mo de dag gi tshig ni sems la thugs kyis rnam par gzigs te rjes su dgyes pa mdzad do zhes bya ba'i bar
 gyis ni/ tshe rabs snga ma la 'das pa'i sangs rgyas mang po'i spyan sngar gzhan gyi don phun sum tshogs par bya ba'i khas 'ches ba dang/ de ltar khas 'ches pa 'das pa'i de bzhin gshegs pa rnams kyis thugs ches pa'i yon tan bstan pa'o/ /shA
 radwA ti'i bu rigs kyi bu dang rigs kyi bu mo de dag byang chub sems dpa' i spyad pa spyod pa'i tshe zhes bya ba nas/ phyir mi ldog par lung ston par 'gyur ro zhes bya ba'i bar gyis/ tshe rabs snga ma la gzhan gyi don phun sum tshogs par bya bar yid dam bcas pa/ tshe 'di
 dang tshe rabs phyi ma la gdon mi za bar de bzhin du 'gyur ba'i phan yon bstan pa'o/ /shA radwA ti'i bu rigs kyi bu dang rigs kyi bu mo de dag ni gzugs dang sgra dang dri dang ro dang reg la mos pa rlabs po cher 'gyur te zhes bya ba nas/ yang dag par dka' bar byed par 'gyur ro
 zhes bya ba'i bar gyis ni/ 'dod pa'i yon tan lnga la mos pa rlabs po che mchags par spyod cing spyin pa la sogs pa'i bsdu ba rnam pa bzhis sems can rnams yongs su bsdus nas/ bdag dang sems can gnyis ka rnam par smin pa rlabs chen po dang ldan par bya ste
 sangs rgyas kyi zhing gzhan dag na/ sangs rgyas bcom ldan 'das shes rab kyi pha rol tu phyin pa zab mo 'di nyid ston pa las mngon sum du chos mnyan te/ sangs rgyas kyi zhing dang yang sems can gyi don phun sum tshogs pa byed nus par 'gyur ba'i phan yon
 bstan pa'o/ /gsol pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis 'das pa dang ma 'ongs pa dang nga ltar byung ba'i chos rnams las chos gang thugs su ma chud pa de lta bu gang yang ma mchis so zhes bya ba
 nas/ phyogs bcu'i 'jig rten gyi khams na/ de bzhin gshegs pa dgra bcom pa yang dag par rdzogs pa'i sangs rgyas ji snyed cig bzhugs shing 'tsho skyong ba dang/ chos ston pa'i de bzhin gshegs pa dgra bcom pa yang dag par rdzogs pa'i sangs
 rgyas de dag gi byang chub sems dpa' rnams kyang yongs su mkhyen to/ /sangs rgyas kyi zhing dang nyan thos rnams kyang yongs su mkhyen to zhes bya ba'i bar gyis ni/ de ltar gong du bshad pa'i rim pas/ shes rab kyi pha rol tu phyin pa zab mo 'di la spyod pa rnamS
 tshe rabs snga ma la dge ba ci spyad pa'i yon tan dang/ tshe 'di dang che rabs phyi ma la phan yon ci dang cir 'gyur ba rnams/ bcom ldan 'das kyis lung bstan pa shA ri'i bus thos nas 'khor rnams kyang yid ches shing dad pa bskyed pa'i phyir/
 de ltar bcom ldan 'das kyis dus gsum gyi dngos po thams cad cir 'gyur ba dang/ cir 'gyur ba ma lus bar thugs su chud pa ngo mtshar che'o zhes bstod pa bstan pa'o/ /bcom ldan 'das gang yang byang chub sems dpa' sems dpa' chen po pha rol tu phyin
 pa drug po 'di dag gi slad du brtson par bgyid cing pha rol tu phyin pa drug po 'di dag 'tshol ba dang/ yongs su 'tshol ba'i tshe rigs kyi bu dang rigs kyi bu mo pha rol tu phyin pa drug po 'di dag 'tshol ba dang yongs su 'tsho ba las/ la las ni btsal ba las pha
 rol tu phyin pa drug po 'di dag thob par 'gyur la las ni thob par mi 'gyur ro zhes bya ba ni/ de ltar gong du bshad pa'i rim pas/ sngon dge ba spyod spyod pas/ sangs rgyas mang po la bsnyen bkur byas pa rnams kyi shes rab kyi pha rol tu phyin pa 'di nyan pa
 dang/ 'dri ba la sogs pa'i sgo nas spyod nus par 'gyur te/ shes rab kyi pha rol tu phyin pa zab mo 'di la spyod pa dkon pa bstan pa/ shA ri'i bus thos nas/ de ltar dkon na thams cad kyis shes rab kyi pha rol tu phyin pa zab mo 'di btsal kyang rnyed
 bar mi 'gyur gyis sngon dge ba'i rtsa ba bskyed ba nyi tshe zhig gis rnyed ba 'gyur ba lta zhig ces zhus pa'o/ /bcom ldan 'das kyis bka' stsal pa/ shA radwA ti'i bu de ni de ltar ma yin te/ rigs kyi bu dang rigs kyi bu mo brtson 'grus mi gtong ba de
 dag kun gyis kyang/ pha rol tu phyin pa drug po 'di dag thams cad 'grub par 'gyur ro/ /de ci'i phyir zhe na/ shA radwA ti'i bu de ni 'di ltar rigs kyi bu dang rigs kyi bu mo de dag pha rol tu phyin pa drug po 'di dag gi don du brtson par byed pa'i phyir ro zhes
 bya bas ni/ shes rab kyi pha rol tu phyin pa zab mo 'di thos bar bya ba'i phyir/ brtson 'gus? chen po brtsams shing yid bsrings te btsal na tshe 'di la grub par ma gyur na yang che rabs phyi ma tshun chad gyis brtson 'grus ma btang na grub par 'gyur ro zhes bstan
 pa'o/ gsol pa ci lags bcom ldan 'das rigs kyi bu dang rigs kyi bo mo de dag gis mdo sde zab mo zab mo pha rol tu phyin pa drug dang ldan pa 'di dag kun kyang grub par 'gyur ma/ zhes bya ba nas/ ji skad du bstan pa'i pha rol tu phyin pa drug po 'di
 dag las brtson 'grus nyams par mi byed do zhes bya ba'i bar gyis ni/ brtson 'grus chen po ma btad na/ sngon dge ba'i rtsa ba ma bskyed cing/ las kyi 'phro med du zin kyang mdo sde zab mo pha rol tu phyin pa drug dang ldan pa rnams grub par mi 'gyur mi srid
 de/ tshe rabs 'di la ma grub kyang tshe rabs phyi ma tshun chod kyis 'grub par 'gyur gyis/ bla na med pa yang dag par rdzogs pa'i byang chub tu mngon par rdzogs par sangs rgyas par ma gyur gyi bar du mdo sde zab mo 'di'i don btsal ba dang/ sems can
 gyi don phun sum tshogs bar bya ba'i brtson 'grus nyams par mi bya'o zhes bstan pa'o/ /shes rab gyi pha rol tu phyin pa 'bum brgya cher bshad pa las/ le'u? sum cu gcig pa'o// //da nas tshe dang ldan pa rab 'byor gyis bcom ldan
 'das la 'di skad ces gsol to zhes bya ba la sogs pas ni/ de ltar gong du bshad pa'i rim pas/ shes rab kyi pha rol tu phyin pa zab mo 'di la spyod pa'i byang chub sems dpa' rnams kyi phan yon bshad pa 'di bdag cag gis 'jal na/ rigs kyi bu dang
 rigs kyi bu mo shes rab kyi pha rol tu phyin pa la spyod pa de dag la bdud kyis bar chad du 'gyur ba ci dang ci mchis pa bshad du gsol zhes/ bdud kyi las zhib tu bshad pa'i skabs dbye ba'i phyir/ rab 'byor gyis gsol ba ste/ de la bdud kyi las zhes bya
 ba yang kha cig ni bdud nyid kyis bar chad byas pa'o/ /kha cig ni chos 'chad pa dang chos nyan pa'i lus dang ngag dang yid kyi spyod pa'i skyon rnams kyis/ shes rab kyi pha rol tu phyin pa 'di la spyod pa'i bar chad du 'gyur ba de dag kyang bdud
 kyi las dang 'dra ba'i phyir bdud kyi las zhes bya'o/ /kha cig ni chos 'chad pa dang chos nyan pa'i mi'i lus dang ngag dang yid kyi spyod pa'i skyon las bdud glags blta zhing bar chad byed par 'gyur ba'i phyir yang bdud kyi las zhes bya ste/ skabs dang sbyar zhing
 rig par bya'o/ /bcom ldan 'das kyis bka' stsal ba/ rab 'byor spongs pa ha? cang 'phyis te skye na/ rab 'byor de ni byang chub sems dpa' sems dpa' chen pos bdud kyi las su rig par bya'o zhes bya ba'i ni chos 'chad pa'i tshe/ chos kyi mkhan po don dang
 tshig rnams myur du mi dran zhing spobs ba phul ba dang chos nyan bas the tshom dris na yang/ myur du lan mi thebs shing spobs pa 'phyis te skye na/ dam pa'i chos bshad pa'i bar chad du 'gyur ba'i phyir bdud kyi las su rig bar bya'o zhes bstan pa'o/ /bcom
 ldan 'das ci'i slad du spobs pa ha cang 'phyis te skye bar 'gyur ba de ni ci'i slad du byang chub sems dpa' sems dpa' chen pos bdud kyi las su rig par bgyi zhes bya bas ni spobs pa ha cang yang 'byis te skye pa'i rgyu ci las gyur pa dris pa'o/ /bcom
 ldan 'das kyis bka' stsal pa/ rab 'byor 'di la byang chub sems dpa' sems dpa' chen po shes rab ki pha rol tu phyin la spyod pa'i tshe/ shes rab kyi pha rol tu phyin pa dka' bar yongs su rdzogs par byed ces bya ba la sogs pas ni/ pha rol tu phyin
 pa drug la spyod pa'i tshe/ mi mthun pa'i phyogs dang 'dres? shing myur du yongs su rdzogs par ma byas pa'i lan gyis spobs ba bul zhing phyis te skye bar 'gyur ro zhes bstan pa'o/ /rab 'byor gzhan yang kun tu myur bar spobs ba skye na/ byang chub sems dpa' 
 sems dpa' chen pos bdud kyi las su rig par bya' zhes bya ba ni/ chos 'chad pa'i mkhan po chos 'chad pa dang/ dris pa'i lan ldon pa'i tshe zhib tu ma brtags ma bsams par rlom sems sam nga rgyal gyi dbang gi chos bstan pas/ don dang tshig gtan la mi 'bab
 pa'i phyir/ bdud kyis glags rnyed par 'gyur zhes bstan pa'o/ /gsol ba bcom ldan 'das ci'i slad du shin tu myur bar spobs pa skye bar 'gyur zhes bya ba la sogs pa ni shin tu myur bar spobs pa skye bar 'gyur pa'i gtan tshigs rab 'byor gyis zhus
 pa dang/ pha rol tu phyin pa drug la spyod pa'i tshe/ thabs mi mkhas pas zhib tu ma brtags ma bsams par nga rgyal dang rlom sems kyi dbang gis pha rol tu phyin pa drug la spyod spyod pa'i rgyus shin tu myur bar spobs pa skye bar 'gyur te/ de ltar nga rgyal
 dang rlom sems kyi shin tu myur bar spobs ma skye ma yang/ bdud kyi glags rnyed par 'gyur ba'i phyir/ bdud kyi las su rig par bya'o zhes bstan pa'o/ /rab 'byor gzhan yang gla la zhing shes rab kyi pha rol tu phyin pa 'di 'dri na/ rab 'byor de yang byang chub
 sems dpa' sems dpa' chen pos bdud kyi las su rig par bya'o zhes bya ba ni/ snyom zhing gnyid kyi dbang du gyur te lus dang sems las su mi rung na/ glal 'byung ste/ de ltar lus dang sems la su mi rung bzhin du shes rab kyi pha rol tu phyin pa 'di
 'drin yang bdud kyis glags rnyed par 'gyur zhes bstan pa'o/ /rab 'byor gzhan yang rgod cing 'dri na/ rab 'byor de yang byang chub sems dpa' sems dpa' chen pos bdud kyi las su rig par bya'o zhes bya ba ni/ gzhan la 'phyas btsal pa la
 sogs pa'i bsam pas rgod cing/ shes rab kyi pha rol tu phyin pa 'di 'drin yang/ sems g.yer? ba'i phyogs su gtogs pas/ bdud kyis byin gyis brlabs pa 'am/ bdud kyis glags rnyed par 'gyur ro zhes bstan pa'o/ /rab 'byor phan
 tshun steg cing 'drin/ rab 'byor de yang byang chub sems dpa' sems dpa' chen po sa bdud? kyi las su rig par bya'o zhes bya ba ni/ shes rab kyi pha rol tu phyin pa 'di 'di pa'i tshe/ mi gzhan dang lhan cig khas brgya pa'am/ rtse ba
 'am stegs sngags zer zhing 'drin/ bdud kyis byin gyis brlabs pas de ltar byed pa 'am/ de ltar byed na bdung kyis glags rnyed par 'gyur ro zhes bstan pa'o/ /sems g.yeng zhing 'dri na/ rab 'byor de yang byang chub sems dpa' sems dpa' 
 chen pos bdud kyi las su rig par bya'o zhes bya pa ni bud med la rtog pa 'am/ yul la rtog pa dang/ gnyen bshes la rtog pa la sogs pas/ sems gung du g.yengs shing 'di na/ de ltar byed pa yang bdud kyis byin gyis brlabs pas/ de
 ltar byed dam de ltar byed na/ bdud kyis glags rnyed par 'gyur ba'i phyir/ bdud kyi las su rig par bya'o zhes bstan pa'o/ /yi ge gzhan la chags shing tshig gi don mi shes par 'dri na/ rab 'byor de yang byang chub sems dpa' sems dpa' 
 chen pos bdud kyi las su rig par bya'o zhes bya ba ni/ shes rab kyi pha rol tu phyin pa'i don dang mi sbyar bar/ byA ka ra Na la sogs pa'i tshig gi rjes su 'brang zhing 'dri na yang de ltar byed pa nyid bdud kyi byin gyis brlabs pa 'am/ de byed na bdud
 kyis glags rnyed par 'gyur ba'i phyir/ bdud kyi las su rig par bya'o zhes bstan pa'o/ /'di'i ro ma myong nas stan las langs te 'gro na/ rab 'byor de yang byang chub sems dpa' sems dpa' chen pos bdud kyi las su rig par bya'o zhes bya ba
 ni/ shes rab gyi pha rol tu phyin pa zab mo 'di nyan pa'i tshe/ don zab mo go pa'i nyams med nas mnyan pa btang ste gung du 'gro na yang/ de ltar byed pa nyid bdud kyis byin gyis brlabs pa 'am de ltar byed na bdud kyis glags rnyed par 'gyur ba'i
 phyir bdud kyi las su rig par bya'o/ /rab 'byor gzhan yang glal zhing lung 'bogs na zhes bya ba nas/ rab 'byor gzhan yang yi ge gzhan dang gzhan dag la chags shing 'dzin ta ma 'chang ngam klog gam/ kun chub par byed dam/ tshul bzhin du yid la byed
 na/ rab 'byor de yang byang chub sems dpa' sems dpa' chen pos bdud kyi las su rig par bya'o/ /zhes bya ba'i bar gyis ni/ lung 'bogs pa dang/ kha ton byed pa dang/ 'dzin pa dang/ klog pa dang/ ston pa dang/ tshul bzhin du yid la byed
 pa'i tshe/ glal ba dang rgod pa dang/ steg pa dang/ yi ge gzhan la chags par gyur na yang/ bdud kyis byin gyis brlabs pas de ltar byed pa'am/ de ltar byed na bdud kyis glags rnyed par 'gyur ba'i phyir/ bdud kyi las su rig par bya'o zhes bstan
 pa ste/ glal ba dang/ rgod pa dang/ steg pa dang/ yi ge gzhan la chags pa'i don ni gong du bshad pa bzhin no/ /de skad ces bka' stsal pa dang/ tshe dang ldan pa rab 'byor gyis bcom ldan 'das la 'di skad ces gsol to zhes bya ba nas/ shes rab kyi
 pha rol tu phyin pa 'di las bdag cag lung ma bstan to zhes ma dang pa'i yid kyis stan las langs shing 'dod ste/ rab 'byor de yang byang chub sems dpa' sems dpa' chen pos bdud kyi las su rig par bya'o zhes bya ba'i bar gyis ni/ shes rab kyi pha
 rol tu phyin pa'i don zab mo rtogs pa'i rom myod nas/ stan las langs te 'dod pa ci'i phyir de ltar byed pa'i gtan tshigs rab 'byor gyis zhus pa dang/ tshe rabs snga ma la pha rol tu phyin pa drug la ma spyad cing/ goms par ma byas pa'i rgyus tshe 'di la yang
 shes rab kyi pha rol tu phyin pa 'di'i don zab mo rtogs pa'i nyams med pas/ ma dang ma mos nas gung du 'dod pa bstan pa ste/ de ltar byed pa yang bdud kyis byin gyis brlabs ba'am/ de ltar byed na bdud kyis glags rnyed par 'gyur pa'i phyir bdud kyi las su/
 rig par bya'o zhes bstan pa'o/ /gsol pa bcom ldan 'das ci'i slad du shes rab kyi pha rol tu phyin pa las lung ma bstan pa de dag stan las 'das shing mchi bar 'gyur zhes bya ba ni/ byang chub sems dpa' sa gang dang gang la
 gnas pa yan chad kyis lung bstan pa 'thob pa dang/ sa gang man chad kyis lung bstan pa mi 'thob pa bshad pa'i skabs dbye ba'i phyir rab 'byor gyis zhus pa'o/ /bcom ldan 'das kyis bka' stsal pa/ rab 'byor byang chub sems dpa' sems
 dpa' chen po skyon med par ma chad pa ni bla na med pa yang dag par rdzogs pa'i byang chub tu lung mi ston to zhes bya ba ni/ byang chub sems dpa' sa dang po thob pa yan chad ni bla na med pa yang dag par rdzogs pa'i byang chub tu lung bstan par 'gyur gyi/ de man
 chad kyis lung bstan pa mi thob bo zhes bstan pa'o/ /de la bdag ni shes rab kyi pha rol tu phyin pa 'di las mi 'byung ngo/ /bdag gi ming yang yongs su ma brjod do zhes dad par ma gyur na/ rab 'byor de yang byang chub sems dpa' sems dpa' chen
 pos bdud kyi las su rig par bya'o zhes bya ba ni/ byang chub sems dpa' kha cig shes rab kyi pha rol tu phyin pa zab mo 'di la spyod? spyod? pa dag bdag gi ming nas smos te/ lung bstan du re ba las/ lung bstan par ma gyur nas/ dad pa bri ste
 shes rab kyi pha rol tu phyin pa zab mo 'di la spyod pa gtong par gyur na/ de ltar byed pa yang bdud kyis byin gyis brlabS pa'i/ de ltar byed na bdud kyis glags rnyed par 'gyur ba'i phyir bdud kyi las su rig par bya'o zhes bstan pa'o/ /gsol pa
 bcom ldan 'das ci'i slad du shes rab kyi pha rol tu phyin pa zab mo 'di las byang chub sems dpa' sems dpa' chen po dag gis ming yongs su ma brjod pa lags zhes bya ba ni/ shes rab kyi pha rol tu phyin pa zab mo 'di? la spyod spyod pa rnams
 ji ltar tsam gyis ming brjod cing lung bstan par 'gyur pa zhus pa'o/ /bcom ldan 'das kyis bka' stsal pa/ rab 'byor byang chub sems dpa' sems dpa' chen po lung ma bstan pa rnams kyi ming ni yongs su mi brjod de zhes bya ba ni shes rab kyi pha
 rol tu phyin pa 'di la spyod do cog gi ming brjod cing lung bstan pa thob par mi 'gyur gyi/ sa dang po thob pa yan chad kyi ming brjod cing lung bstan pa thob par 'gyur ro zhes bstan pa'o/ /de la bdag gi ming yang 'di las mi 'byung bdag gang du skyes pa'i grong dam
 grong khyer ram/ grong rdal gyi ming 'di yang mi 'byung ngo zhes/ de shes rab kyi pha rol tu phyin pa mi mnyan to snyam byed cing 'khor de nas 'gro bar sems na sems bskyed pa nges ji lta ji ltar 'gro bar sems shing gom pa ji snyed cig bor ba de snyad? kyi bskal pa
 yongs su 'dzin par 'gyur te/ de dag la bzod pa brtson par bya dgos so zhes bya ba ni/ lung ma bstan pa'i byang chub sems dpa' kha cig shes rab kyi pha rol tu phyin pa la spyod spyod pa las/ bdag gi ming la sogs pa ma smos te/ lung ma bstan to snyam
 nas dang pa khri ste/ shes rab kyi pha rol tu phyin pa zab mo 'di mnyan pa btang nas gud du 'gro bar sems shing sod nas/ gom pa ji snyed bor ba de snyed kyi bskal pa 'khor ba ni 'khyam zhing/ grol ba thar par mi 'gyur te/ shes rab kyi pha rol tu phyin pa
 zab mo 'di la/ bzod brtson par bya dgos zhes bstan pa'o/ /de shes rab kyi pha rol tu phyin pa bor zhing mdo sde gang rnam pa thams cad mkhyen pa nyid kyi ye shes yongs su mi sgrub pa de dag kun chub par bya bar sems te/ des na byang chub sems dpa' i theg pa
 pa ni? rigs kyi bu dang rigs kyi bu mo de dag rnam pa thams cad mkhyen pa nyid kyi shing gi rtsa ba spungs te/ de nyid kyi yal ga dang 'dab ma dang lo ma la mju bar sams par 'gyur pa dag ste zhes bya bas ni/ de ltar gong du bshad pa'i tshul du shes rab kyi pha
 rol tu phyin pa zab mo 'di mi mnyan par gung du 'gro bar sems pa'i skyon dang dpe bstan pa ste/ shes rab kyi pha rol tu phyin pa ni rnam pa thams cad mkhyen pa'i ye shes sgrub pa yin te/ shing gi rtsa ba dang 'dra theg pa chung du'i mdo sde
 ni shing gi ya la ga dang 'dab ma dang lo ma dang 'dra ste/ don chen po bor nas don chung du la zhus pa yin pas de ltar byed pa yang bdud kyi byin gyis brlabs pa 'am/ de ltar byed na bdud kyis glags rnyed par 'gyur ba'i phyir bdud kyi las su rig par bya'o zhes
 bstan pa'o/ /gsol pa bcom ldan 'das rnam pa thams cad mkhyen pa nyid kyi ye shes yongs su mi sgrub pa'i mdo sde kun chub par bgyi bar sems par 'gyur ba de dag gang lags zhes bya ba nas/ rab 'byor de dag ni nyan thos dang/ rang sangs rgyas dang ldan pa'i
 mdo sde gang las shes rab kyi pha rol tu phyin pa bor zhing kun chub par bya bar sems pa ste/ rnam pa thams cad mkhyen pa nyid kyi ye shes yongs su mi sgrub pa'o zhes bya ba'i bar gyis ni/ theg pa chud du'i mdo sde shing gi yal ga dang 'dra ba rnam pa thams cad mkhyen
 pa nyid dang ldan pa'i ye shes mi sgrub pa gang yin pa'i dmigs pa bstan pa'o/ /de ci'i phyir zhe na/ zhes bya ba nas/ 'jig rten pa dang 'jig rten las 'das pa'i chos rnams la slob pa yin no zhes bya ba'i bar gyis ni/ shes rab kyi pha rol tu phyin pa la sgrub
 na/ 'jig rten dang 'jig rten las 'das pa'i chos thams cad zhar la spyad par 'gyur ro zhes bstan pa'o/ /rab 'byor 'di lta ste dper na khyi la la zhig ces bya ba la sogs pas ni/ shes rab kyi pha rol tu phyin pa zab mo 'di bor te/ theg pa chung du'i mdo sde
 la spyod pa/ don bzang po bor te ngan pa 'tshol ba khyi zan bzang po bor te/ ngan pa tshol ba las dpe blangs te bstan pa ste/ de ltar byed pa yang bdud kyis byin gyis brlabs pa'am/ de ltar byed pa bdud kyis glags rnyed par 'gyur ba'i phyir/
 bdud kyi las su rig par bya'o zhes bstan ba'o/ /rab 'byor gzhan yang ma 'ongs pa'i dus na/ zhes bya ba la sogs pas ni/ yul dang dus la theg pa chen po la spyod pa ni/ nyung zhing mi btsun par byed/ theg pa chud du la spyod pa ni mang zhing btsun par byed pa yod de/
 de lta bur gyur pa'i tshe/ shes rab kyi pha rol tu phyin pa zab mo 'di por te/ khe dang bkur sti'i phyir/ theg pa chung ngu'i mdo sde la spyod na/ de ltar byed pa yang bdud kyis byin gyis brlabs pa'am/ de ltar byed na bdud kyis glags rnyed par 'gyur ba'i phyir/ bdud
 kyi las su rig par bya'o zhes bstan pa'o/ /rab 'byor 'di lta ste dper na/ mi la la zhig glang po che 'dod la/ zhes bya ba la sogs pas ni/ shes rab kyi pha rol tu phyin pa zab mo 'di bor te/ theg pa chung du'i mdo sde la spyod pa dman pa'i dpe/ mi blun po
 las blangs pa bstan pa ste/ de ltar byed pa yang bdud kyis byin gyis brlabs pa 'am/ de ltar byed na bdud kyis glags rnyed par 'gyur ba'i phyir/ bdud kyi las su rig par bya'o zhes bstan pa'o/ /rab 'byor 'di lta ste dper na/ mi zhig rgya mtsho chen po
 blta bar 'dod la/ zhes bya ba la sogs pas ni/ shes rab kyi pha rol tu phyin pa zab mo 'di bor te/ theg pa chung ngu'i mdo sde 'tshol ba'i dpe/ rgya mtsho dang ba lang gi rjes kyi chu las blangs pa bstan pa ste/ de ltar byed pa yang snga ma bzhin du/ bdud kyi las su
 rig par bya'o zhes bstan pa'o/ /rab 'byor 'di lta ste dper na phya mkhan nam/ phya mkhan gyi slob ma zhes bya ba la sogs pas ni/ shes rab kyi pha rol tu phyin pa zab mo 'di bor te/ theg pa chung ngu las rnam pa thams cad mkhyen pa nyid 'chol bar
 sems pa phya mkhan lha'i dbang po brgya byin gyis khang pa/ rnam par rgyal ba zhes bya ba'i tshad du khang pa dbub par 'dod la nyi ma dang zla ba'i gzhal med khang las tshad blangs te/ khang pa 'bubs pa las dpe blangs pa bstan pa ste/ de ltar byed pa yang bdud
 kyi las su rig par bya ba snga ma bzhin no/ /rab 'byor 'di lta ste dper na/ skyes bu la la zhig 'khor los sgyur ba'i rgyal po mthong bar 'dod la /zhes bya ba la sogs pas ni/ shes rab kyi pha rol tu phyin pa zab mo 'di por nas/ theg
 pa chung du'i mdo sde las/ rnam pa thams cad mkhyen pa nyid btsal bar sems pa/ 'khor los sgyur ba'i rgyal po dang/ khams kyi rgyal phran las dpe blangs nas bstan pa ste/ 'khor los sgyur ba'i rgyal po dang/ khams kyi rgyal phran gnyis rgyal
 po'i cha byad tsam du 'drar zin kyang/ 'khor los sgyur ba'i rgyal po la ni skyes bu chen po'i mtshan sum cu rtsa gnyis dang/ rin po che sna bdun la sogs pa mnga' ba'i yon tan dang ldan gyis/ khams kyi rgyal phran la yon tan de lta bu dang mi ldan te mi 'dra ba
 de bzhin du shes rab kyi pha rol tu phyin pa zab mo la di dang theg pa chung du'i mdo sde gnyis kyang/ mdo sde tsam du 'dra yang yon tan tha dad de mi 'dra ba la theg pa chung du'i mdo ste las rnam pa thams cad mkhyen pa nyid btsal bar sems pa bdud kyi las su
 rig par bya'o zhes bstan pa'o/ /rab 'byor 'di lta ste dper na/ skyes bu shin tu bkres pa la la zhig gis ro brgya dang ldan pa'i kha zas rnyed kyang zhes bya ba la sogs pa ni/ shes rab kyi pha rol tu phyin pa zab mo 'di bor nas/ theg pa chung ngu'i mdo sde
 las rnam pa thams cad mkhyen pa nyid thob par byed pa/ mi la la zhig kha zas zhim po ro brgya dang ldan pa bor te/ 'bras drug cu pa zhes bya ba'i kha zas bza' bar sems pa las/ dpe blangs te bstan pa ste/ drug cu pa'i kha zas zhes bya ba ni/ 'bras
 dmar po ngan pa zhig zhag? drug cus smin par 'gyur ba la bya'o/ /rab 'byor 'di lta ste dper na/ skyes bu la la zhig gis/ nor bu rin po che rin thang med pa rnyed nas/ nor bu mching bu dang/ bskrun par bsams na/ zhes bya ba la sogs pas ni/ shes rab
 kyi pha rol tu phyin pa zab mo 'di bor nas/ theg pa chung du'i mdo sde las/ rnam pa thams cad mkhyen pa nyid btsal bar sems pa/ nor bu rin po che dang mching bu las dpe blangs nas/ bdud kyi las su rig par bya'o zhes bstan pa'o/ rab 'byor gzhan yang
 rigs kyi bu dang rigs kyi bu mo de dag shes rab kyi pha rol tu phyin pa 'di 'dri ba'i tshe/ spobs pa mang po gang gis shes rab kyi pha rol tu phyin pa zab mo 'di 'dri ba'i dkrugs mar 'gyur ba de lta bu skye bar 'gyur ba ste/ zhes bya ba nas rab 'byor gal te byang chub
 sems dpa' i theg pa pa'i rigs kyi bu dang/ rigs kyi bu mo shes rab kyi pha rol tu phyin pa zab mo 'di 'dri ba'i tshe/ chos de dag gi dkrugs mar 'gyur na/ rab 'byor de yang byang chub sems dpa' i theg pa pI rigs kyi bu dang/ rigs kyi bu mo de dag gis
 bdud kyi las su rig par bya'o zhes bya ba'i bar gyis ni/ shes rab kyi pha rol tu phyin pa 'di 'dri ba'i tshe /gzugs la sogs pa'i chos rnam pa sna tshogs la/ mtshan mar 'dzin cing rnam par rtog pa sna tshogs byung na/ shes rab kyi pha rol tu phyin pa rnam
 par mi rtog pa'i rang bzhin la rnam par rtog pa byung na/ de yang bdud kyi las su rig par bya'o zhes bstan pa ste/ spobs pa zhes bya ba ni/ rnam par rtog pa dang /mtshan mar 'dzin pa'i blo skye ba la bya'o/ /de skad ces bka' stsal pa dang/ tshe dang ldan pa
 rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa bri bar nus sam/ zhes bya bas ni/ gong du shes rab kyi pha rol tu phyin pa 'dri ba'i tshe/ spobs pa mang po byung na bdud kyi las su 'gyur ro
 zhes bshad pa la/ 'khor rnams kyi nang nas/ kha cig shes rab kyi pha rol tu phyin pa brir yod pa dang sbyar na/ dngos po yod pa zhig yin nam/ snyam du rtog pa skyes pa bsal ba'i phyir zhus pa'o/ /bcom ldan 'das kyis bka' stsal pa/ rab
 'byor de lta ma yin no zhes bya ba nas/ rnam pa thams cad mkhyen pa nyid kyi ngo bo nyid yod pa ma yin te mi dmigs so/ /ngo bo nyid mi dmigs pa gang yin pa de ni dngos po med pa'o/ /dngos po med pa gang yin pa de ni shes rab kyi pha rol tu phyin pa
 ste/ dngos po med pas dngos po med pa bri bar mi nus so/ zhes bya pa'i bar gyis ni/ don dam par shes rab kyi pha rol tu phyin pa dngos po med pas brir mi rung bstan pa'i zhar la/ chos thams cad dngos po med pa'i mi dmigs pa bstan pa'o/ /rab  'byor gal te byang chub sems dpa' i theg pa pa'i rigs kyi buAm rigs kyi bu mo shes rab kyi pha rol tu phyin pa zab mo 'di dngos po med ces bya bar 'du shes na/ de yang bdud kyi las su rig par bya'o zhes bya bas ni/ dngos po zhig yod na de'i zlas/
 dngos po med pa zhes bya ba yang 'grub na/ shes rab kyi pha rol tu phyin pa 'di don dam par dngos po yod par ma grub pas/ dngos po med pa zhes bya ba'i 'du shes kyang bskyed du med pa las/ dngos po med pa'i 'du shes skyes na/ med pa'i mdza' la
 chags pas bdud kyi las su rig par bya'o zhes bstan pa'o/ /gsol pa/ byang chub sems dpa' i theg pa pa'i rigs kyi buAm/ rigs kyi bu mo la las/ shes rab kyi pha rol tu phyin pa zab mo 'di yi ger bris nas/ shes rab kyi pha rol tu
 phyin pa zab mo 'di bdag gis bris zhes mchin/ de ni shes rab kyi pha rol tu phyin pa zab mo 'di la yi ger mngon par chags pa lags te/ zhes bya ba ni/ yi ge ma mchis pa'i rnam pa thams cad mkhyen pa nyid la mngon par chags par
 bgyid na/ de yang byang chub sems dpa' sems dpa' chen pos/ bdud kyi las su rig par bya'o/ /zhes bya ba'i bar gyis ni/ shes rab kyi pha rol tu phyin pa 'di yi ger 'dri ba'i tshe yang dngos por lta zhing dmigs pa dang bcas pa'i 'du sheS
 can du bya ste/ bdag gis shes rab kyi pha rol tu phyin pa 'di yi ge bris so snyam du sems na/ chos thams cad yi ger dang bral ba la yi ger mngon par chags na/ de yang bdud kyi las su rig par bya'o zhes bstan pa'o/ /rab 'byor gzhan yang byang
 chub sems dpa' i theg pa pa'i rigs kyi bu 'am rigs kyi bu mo shes rab kyi pha rol tu phyin pa zab mo 'di 'dri ba dang/ kha ton byed pa dang/ zhes bya ba nas/ par chang bya ba'i phyir/ bdud sdig to can 'khrug par 'gyur ba nye bar sbyar te/ de dag kyang?
 byang chub sems dpa' sems dpa' chen pos bdud kyi las su rig par bya'o/ zhes bya ba'i bar gyis ni/ shes rab kyi pha rol tu phyin pa 'di 'dri ba dang/ klog pa la sogs pa'i bya ba byed pa'i tshe/ yul dang grong la sogs pa 'du 'dzi'i bsam pa
 rnams byung na yang/ bdud kyi bar chad bya ba'i glags rnyed par 'gyur ro zhes bstan pa'o/ /rab 'byor gzhan yang byang chub sems dpa' i theg pa pa'i rigs kyi bu 'am rigs kyi bu mo shes rab kyi pha rol tu phyin pa 'di 'dri ba'i che zhes bya ba nas/ bar
 chad de lta bu dag 'byung bar 'gyur ro zhes bya ba'i bar gyis ni/ shes rab kyi pha rol tu phyin pa 'di 'dri ba la sogs pa'i bya ba byed pa'i tshe/ rnyed pa dang/ bkur sti la sogs pa byung la/ de la chags par byed pa na yang/ bdud kyi glags rnyed cing
 bar chad du 'gyur ro zhes bstan pa'o/ /rab 'byor gzhan yang byang chub sems dpa' i theg pa pa'i rigs kyi bu 'am rigs kyi bu mo shes rab kyi pha rol tu phyin pa zab mo 'di 'dri ba dang/ lung 'bogs pa dang kha ton byed pa dang tshul bzhin du yid la
 byed pa dang sgom pa'i tshe zhes bya ba nas/ rab 'byor de ltar byang chub sems dpa' i theg pa pa'i rigs kyi bu dang rigs kyi bu mo shes rab kyi pha rol tu phyin pa zab mo 'di bor zhing/ nyan thos dang/ rang sangs rgyas dang ldan pa'i mdo sde dag las
 thabs mkhas pa btsal bar sems pa yod na/ rab 'byor de yang byang chub sems dpa' sems dpa' chen pos bdud kyi las su rig par bya'o zhes bya ba'i bar gyis ni/ shes rab kyi pha rol tu phyin pa zab mo 'di 'dri ba dang/ lung 'bogS?
 pa la sogs pa byed pa'i tshe/ bdud sdig to can dag bar chad bya ba'i phyir/ theg pa chung ngu ba'i mdo sde zab mo dag ston cing/ 'di las rnam pa thams cad mkhyen pa nyid thob par 'gyur ro zhes zer na/ de yang bdud kyi las yin pas de dag mnyan par mi
 bya ba bstan pa'o/ /shes rab kyi pha rol tu phyin pa 'bum pa rgya cher bshad pa las/ le'u sum cu gnyis pa'o// //rab 'byor gzhan yang chos nyan pa ni/ shes rab kyi pha rol tu phyin pa zab mo 'di bri ba dang/ lung 'bogs pa
 dang kha ton bya bar dga' la/ chos smra ba ni phyi bshol byed na/ rab 'byor de yang byang chub sems dpa' sems dpa' chen pos bdud kyi las su rig par bya'o zhes bya ba nas/ chos smra ba ni 'dod pa'i sred pa dang bcas/ gnod sems dang snyom pa dang
 gnyid dang 'gyod pa dang bcas/ the tshom dang bcas par gyur na/ rab 'byor de yang shes rab kyi pha rol tu phyin pa zab mo 'di 'dri ba dang/ lung 'bogs pa dang kha ton byed pa'i byed pa'i rgyu rkyen mi ldan pa ste/ rab 'byor de yang byang chub sems dpa' sems
 dpa' chen pos bdud kyi las su rig par bya'o zhes bya ba'i bar gyis ni /chos nyan pa dang 'chad pa gnyis dpyod pa dang/ bsam pa mi mthun na/ shes rab kyi pha rol tu phyin pa 'di la spyod pa'i rgyu rkyen mi ldan pas bar chad du 'gyur zhing/ mthar phyin
 bar mi 'gyur ba'i phyir/ bdud kyi las su rig par bya ba bstan pa'o/ /rab 'byor gzhan yang shes rab kyi pha rol tu phyin pa zab mo 'di 'dri ba dang/ klog pa dang lung? 'bogs pa dang/ kha ton byed pa dang/ 'chang ba dang/ tshul bzhin du yid la
 byed pa'i che/ la la zhig der 'ongs te sems can dmyal ba'i mi snyan pa brjod zhes bya ba nas/ 'di nyid du rang byang chub thob par gyis shig/ phyin chad? 'khor ba nam 'khor bar gyis shig ces zer na/ rab 'byor de yang shes rab kyi pha rol tu phyin pa zab mo? 'di
 'dri ba dang/ lung 'bogs ba dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyis las su rig par bya'o zhes bya ba'i bar gyis ni/ byang chub sems dpa' shes rab kyi pha rol tu phyin pa la spyod
 pa sems can gyi don byed cing 'khor ba na yun ring du gnas kyi byang chub sems dpa' i spyad pa spyod pa la/ bdud dag dge ba'i bshes gnyen gyi tshul du bsgyur nas 'khor ba'i skon smos ta/ nyan thos dang/ rang sangs rgyas kyi theg pas myur du mya ngan la 'das
 par sprul ma 'di pas pa byung na yang bdud kyi las su rig par bya ba bstan pa'o/ /rab 'byor gzhan yang chos smra ba ni gcig bu ste/ zla med cing bdag gis byed pa yin la/ chos nyan pa ni 'khor gyi nang na gnas na/ zhes bya ba nas/ des chos nyam pa  de dag phyir bzlog pa'i phyir 'dod na/ rab 'byor de yang shes rab kyi pha rol tu phyin pa zab mo 'di 'dri ba dang/ lung 'bogs pa dang/ kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las
 su rig par bya'o/ /zhes bya ba'i bar gyis kyang chos 'chad pa dang nyan pa gnyis spyod pa dang bsam pa mi mthun na/ shes rab kyi pha rol tu phyin pa la spyod pa yongs su rdzogs par mi 'gyur zhing/ bar chad du 'gyur pa'i phyir bdud kyi las su rig par bya ba
 bstan pa'o/ /rab 'byor gzhan yang bdud sdig to can dge slong gi cha byad du byas shing nas bya ba nas de dag the tshom du gyur nas shes rab kyi pha rol tu phyin pa zab mo 'di mi 'dri bar gyur/ mi klog par gyur/ lung mi 'bogs par gyur/ kha ton mi byed 
 par gyur/ mi sgom par gyur tshul bzhin du yid la mi byed par gyur te/ rab 'byor de yang shes rab kyi pha rol tu phyin pa zab mo 'di 'dri ba dang/ lung 'phogs pa dang/ kha ton byed pa'i rgyu rkyen mi ldan pa ste/ rab 'byor de yang byang
 chub sems dpa' sems dpa' chen pos bdud kyi las su rig par bya'o zhes bya ba'i bar gyis ni byang chub sems dpa' shes rab kyi pha rol tu phyin pa brtson par byed pa la bar chad bya ba'i phyir bdud dag dge slong gi tshul du bsgyur te/ theg pa chung du'i
 mdo sde rnams bslabs nas/ ded kyis ji ltar khong du chud pa de ni shes rab kyi pha rol tu phyin pa yin gyis/ khyed ji skad du klog pa de ni shes rab kyi pha rol tu phyin pa ma yin no zhes slu bar byed pa 'byung ste/ de yang bdud kyi las su rig par bya'o zhes
 bstan pa'o/ /rab 'byor gzhan yang bdud sdig to can dag dge slong gi cha byang du byas nas zhes bya ba nas/ de ni rang byang chub thob par 'gyur ro zhes zer na/ des tshig de thos nas shes rab kyi pha rol tu phyin pa la mi spyod nas/ rab 'byor de yang shes rab kyi pha
 rol tu phyin pa zab mo 'di 'dri ba dang/ lung 'bogs pa dang kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o zhes bya ba'i bar gyis ni byang chub sems dpa' i theg pa chung
 ngu'i tshul gyis mya ngan laS 'das par mi 'dod cing shes rab kyi pha rol tu phyin pa la spyod pa la/ shes rab kyi pha rol tu phyin pa 'di la spyod na/ theg pa chung du'i rim pas mya ngan 'das par 'gyur bas bsdigs pas/ shes rab kyi pha rol tu phyin pa 'di
 la spyod ba'i bar chad byed pa ngag byung na/ de yang bdud kyi las su rig par bya ba bstan pa'o/ /rab 'byor gzhan yang shes rab kyi pha rol tu phyin pa zab mo 'di ston pa'i tshe/ bar chad du 'gyur ba'i bdud kyi las mang du 'byung ste/ bdud kyi las de dag
 kyang byang chub sems dpa' sems dpa' chen pos bdud kyi las su rig par bya'o/ zhes bya ba nas/ rab 'byor sbyin pa'i pha rol tu phyin pa'i gzugs brnyan ni bdud kyi las te/ de dag kyang byang chub sems dpa' sems dpa' chen pos rnam par spang bar bya'o//
 zhes bya ba'i bar gyis ni/ pha rol tu phyin pa drug gi gzugs brnyan ston pa dag byung na/ bdud kyi las su rig par bya ba bstan pa ste/ pha rol tu phyin pa drug gi gzugs brnyan zhes bya ba yang/ theg pa chung du'i tshul du dmigs pa dang bcas par ston pa'o//
 rab 'byor gzhan yang nyan thos kyi theg pa dang ldan pa dang/ rang sangs rgyas kyi theg pa dang ldan pa'i mdo sde de dag kyang byang chub sems dpa' sems dpa' chen pos bdud kyi las su rig par bya ste/ rnam par spang bar bya'o/ /zhes bya ba nas/ de yang de la
 dga' pa bskyed na/ rab 'byor de yang shes rab kyi pha rol tu phyin pa zab mo 'di 'dri ba dang/ lung 'bogs pa dang/ kha ton byed pa'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig par bya'o da?
 zhes bya ba'i bar gyis ni/ theg pa chung du'i mdo sde dang/ stong pa nyid bco brgyad la sogs pa rnam par byang ba'i chos rnams bdud sdig to can dag dge slong gi cha byad du byas shing nyan thos dang/ rang sangs rgyas kyi 'bras bu thob par bya ba'i phyir/ byang chub
 sems dpa' la ston pa dag 'byung ste/ byang chub sems dpa' de yang chos ston pa de la yid ches shing dang pa skye bar gyur na/ de yang bdud kyi las yin gyis spang par bya'o zhes bstan pa'o/ /rab 'byor gzhan yang bdud sdig to can ngag sangs rgyas
 kyi cha byang du lus gser gyi kha dog dang/ mi chen po'i mtshan sum cu rtsa gnyis dang/ 'od 'dom gang bar ldan par byas shing/ byang chub sems dpa' sems dpa' chen po'i drung du 'ongs te/ zhes bya ba nas/ shes rab kyi pha rol tu phyin pa la spyod pa de
 lta bu dag nye bar ston te/ de yang byang chub sems dpa' i theg pa ba de dag la 'dod pa skyed bar 'gyur ro/ /des de dag la 'dod pa bskyed nas/ rnam pa thams cad mkhyen pa nyid las yongs su nyams par 'gyur te/ rab 'byor de yang
 shes kyi pha rol tu phyin pa zab mo 'di 'dri ba dang/ klog pa dang lung 'bog pa dang/ kha ton byed pa dang/ sgom pa dang tshul bzhin du yid la byed ba'i rgyu rkyen mi ldan pa ste/ rab 'byor de yang byang chub sems dpa' sems dpa' chen pos bdud kyi las su rig
 bar bya'o zhes bya ba'i bar gyis ni/ bdud sdig to can dag sangs rgyas kyi cha byang du byas shing 'ong ba dang/ sangs rgyas la sogs pa dge slong gi dge 'dun rnams su ston pa dang/ byang chub sems dpa' pha rol tu phyin pa drug la spyod pa mang por bsgyur te/
 byang chub sems dpa' i theg pa pa rnams de la chags shing 'dod pa skye bar byed pa dag byung na/ chags par bya ba'i dngos po med pa las chags par byed pas bdud kyi las su rig par bya ba bstan pa'o/ /rab 'byor de ci'i phyir zhe na/ shes rab kyi pha rol
 tu phyin pa zab mo 'di la gzugs med do/ /tshor ba med do/ /zhes bya ba nas rnam pa thams cad mkhyen pa nyid med do zhes bya ba'i tshul gyis ni/ shes rab kyi pha rol tu phyin pa'i don dang sbyar na gzugs la sogs pa'i chos thams cad dngos po
 med pas/ chags par bya ba'i rgyu med ba'i gtan tshigs bstan pa'o/ /rab 'byor gang la gzugs med pa de la sangs rgyas med do/ /byang chub sems dpa' med do/ rang sangs rgyas med do/ nyan thos med do/ /de ci'i phyir zhe na/ rab 'byor chos
 thams cad ni rang bzhin gyis stong ngo/ zhes bya ba nas gang la bla na med pa yang dag par rdzogs pa'i byang chub mang ba la sangs rgyas med do/ /byang chub sems dpa' med do/ rang sangs rgyas med do/ nyan thos med do/ /de ci'i phyir zhe na/ rab 'byor chos thams cad
 ni rang bzhin gyis stong ngo zhes bya ba'i bar gyis ni/ de ltar gzugs la sogs pa'i chos thams cad dngos po med de/ rang bzhin gyis stong pa la sangs rgyas dang byang chub sems dpa' dang/ rang sangs rgyas dang nyan thos rnams kyang med de/ de ltar med pa la
 yod par lta zhing mngon par chags na/ bdud kyi las su rig par bya'o zhes bstan pa'o/ /rab 'byor gzhan yang shes rab kyi pha rol tu phyin pa 'di ni bar chad du 'gyur ba mang ba ste/ zhes bya ba nas/ bcom ldan 'das de bzhin du rigs kyi bu dang rigs kyi bu
 mo shes rab kyi pha rol tu phyin pa zab mo 'di 'dri ba dang/ klog pa dang/ lung 'bog pa dang/ kha ton byed pa dang/ ston pa dang tshul bzhin du yid la bgyid pa de dag la yang bdud kyi las mang po 'byung bar 'gyur ro/ /bar chad mang po 'byung bar 'gyur ro//
 slar rgol ba mang po 'byung bar 'gyur ro zhes bya ba'i bar gyis ni/ rin po che dkon zhing rin thang chen po rnams bsgrub pa la bgegs rang bar chad mang po 'byung ba'i dpes/ shes rab kyi pha rol tu phyin pa 'di la bar chad dang bdud kyi las mang po 'byung ba
 yang shes rab kyi pha rol tu phyin pa 'di dkon zhing don chen po yin pa bstan pa'o/ /de ci'i slad zhe na/ bcom ldan 'das skyes bu glen pa gang rigs kyi bu dang rigs kyi bu mo shes rab kyi pha rol tu phyin pa zab mo 'di 'dri ba dang/ klog pa
 dang/ lung 'bog pa dang kha ton bgyid pa dang ston pa dang/ tshul bzhin du yid la bgyid pa de dag gi bar chad bgyid pa ni bdud kyis byin gyis brlabs pa ste/ zhes bya ba nas/ sangs rgyas kyi chos rlabs po che dag la de dag gi sems mi 'jug
 zhes bya ba'i bar gyis ni/ shes rab kyi pha rol tu phyin pa 'di la spyad pa'i byang chub sems dpa' la bar chad byed pa'i mi rnams smad par stan pa'o/ /rab 'byor shes rab kyi pha rol tu phyin pa zab mo 'di 'dri ba dang/ klog pa dang/ lung 'bog pa
 dang/ kha ton byed pa dang/ ston pa dang tshul bzhin du yid la byed pa dag la/ bdud kyi las 'di dag kyang 'byung mod kyi zhes bya ba nas/ rnam pa thams cad mkhyen pa nyid yongs su rdzogs par byed na/ rab 'byor de ni sangs rgyas
 kyi mthu yin par shes par bya ba ste/ zhes bya ba'i bar gyis ni/ gong du bshad pa'i tshul du/ shes rab kyi pha rol tu phyin pa 'di la spyod pa la bar chad dang/ bdud kyi las mang du 'byung ba thos nas/ 'khor gyi nang nas kha cig sems zhum par 'gyur bdag
 kyang srid de/ de dag spro ba bskyed ba'i phyir/ shes rab kyi pha rol tu phyin pa la sogs pa yongs su rdzogs par bya ba la 'bang na/ sangs rgyas bcom ldan 'das mthu gtong zhing byin gyis rlob ste/ bdud kyi bar chad bya mi nus pa bstan pa'o/ /des rigs kyi
 bu dang rigs kyi bu mo de dag shes rab kyi pha rol tu phyin pa zab mo 'di 'dri'o/ /klog go zhes bya ba nas/ rnam pa thams cad mkhyen pa nyid yongs su rdzogs par byed do zhes bya ba'i bar gyis ni/ de ltar shes rab kyi pha rol tu phyin pa 'di 'dri ba dang/ klog
 pa la sogs pa la 'bad na/ sangs rgyas bcom ldan 'das mthu gtong zhing byin gyis rlob pa des/ pha rol tu phyin pa drug la sogs pa rnam pa thams cad mkhyen pa nyid la thug gi bar du yongs su rdzogs par byed nus pa'i phan yon bstan pa'o//
 shar phyogs kyi sangs rgyas bcom ldan 'das gang ji snyed cig bzhugs shing 'tshe skyong ba de dag kyang/ rigs kyi bu 'am/ rigs kyi bu mo de dag gis/ shes rab kyi pha rol tu phyin pa 'di 'dri ba dang/ klog pa dang/ lung 'bog pa dang/ kha ton bya
 pa dang/ bstan pa dang/ tshul bzhin du yid la bya ba'i phyir/ dgongs pa mdzad do zhes bya ba nas/ steng gi phyogs kyi byang chub sems dpa' sems dpa' chen po phyir mi ldog pa gang ji snyed pa de dag kyang/ rigs kyi bu 'am/ rigs kyi bu mo shes
 rab kyi pha rol tu phyin pa 'di 'dri zhing klog pa dang/ lung 'bog pa dang/ kha tan byed pa dang/ ston pa dang/ tshul bzhin du yid la byed pa dag gi don du/ brtson par byed cing yongs su 'dzin par byed do/ /zhes bya ba'i bar gyis ni/ rigs kyi bu 'am rigs kyi bu mo
 gang shes rab kyi pha rol tu phyin pa zab mo 'di 'dri ba dang/ klog pa la sogs pa la 'bad cing brtson pa de dag la phyogs bcu'i sangs rgyas bcom ldan 'das rnams dang/ byang chub sems dpa' phyir mi ldog rnams kyang/ dgongs shing mthu gtong ba'i
 phan yon bstan pa'o/ /rab 'byor 'di lta ste/ dper na bud med la la zhig la bu lnga 'am bcu 'am nyi shu 'am sum cu 'am bzhi bcu 'am lnga bcu 'am/ brgya 'am stong zhig yod na/ zhes bya ba nas/ de bas na de bzhin gshegs pa dgra bcom pa yang
 dag par rdzogs pa'i sangs rgyas rnams shes rab kyi pha rol tu phyin pa zab mo 'di la sangs rgyas kyi sbyin gyis rtag tu rgyun mi 'chad par gzigs shing dgongs so zhes bya ba'i bar gyis ni/ 'jig rten na ma la bu rnams drin la lan ldon zhing rim gro dang bkur
 sti byed pa de bzhin du/ phyogs bcu'i sangs rgyas bcom ldan 'das rnams kyang shes rab kyi pha rol tu phyin pa 'di las byung ba'i phyir yul dang 'dra bar dgongs te/ drin la lan ldon zhing rim gro dang bkur sti mdzad pa bstan pa'o/ /de ci'i phyir zhe na/ 'di las
 byung ba ni de bzhin gshegs pa dgra bcom pa yang dag par rdzogs pa'i sangs rgyas rnams kyi bsam gtan gyi pha rol tu phyin pa'o/ /zhes bya ba nas/ de dag thams cad ni shes rab kyi pha rol tu phyin pa zab mo 'di las brten te/ bla na med pa yang dag par
 rdzogs pa'i byang chub tu mngon par rdzogs par sangs rgyas so/ /mngon par rdzogs par 'tshang rgya'o/ /mngon par rdzogs par 'tshang rgya bar 'gyur ro/ /zhes bya ba'i bar gyis ni/ shes rab kyi pha rol tu phyin pa 'di la de bzhin gshegs pa thams cad kyi yum
 dang 'dra par dgongs te rim gro dang/ bkur sti bya ba'i gtan tshigs su rnam par byang ba'i chos thams cad dang/ 'phags pa'i gang zag thams cad shes rab kyi pha rol tu phyin pa 'di las byung ste/ thams cad kyi rgyu dang gzhi yin pa'i
 phyir rim gro dang/ bkur sti bya ba'i gnas yin par bstan pa'o/ /rab 'byor byang chub sems dpa' i theg pa pa'i rigs kyi bu 'am/ rigs kyi bu mo shes rab kyi pha rol tu phyin pa zab mo 'di 'dri zhing klog pa dang/ zhes bya ba nas/ bla na med pa yang dag par
 rdzogs pa'i byang chub las yongs su nyams par mi 'gyur bar rtag tu rgyun mi 'chad bar bsrung ba mdzad do/ /zhes bya ba'i bar gyis ni/ shes rab kyi pha rol tu phyin pa zab mo 'di 'dri zhing klog pa la sogs pa la yang/ sangs rgyas bcom ldan 'das
 rnams spyan ras kyi 'tsho zhing byin gyis rlab pa'i phan yon bstan pa'o/ /rab 'byor gyis gsol ba bcom ldan 'das kyis gang 'di skad du shes rab kyi pha rol tu phyin pa ni de bzhin gshegs pa dgra bcom pa yang dag par rdzogs pa'i sangs rgyas rnams
 bskyed pa'o/ /zhes bya ba la sogs pas ni/ gong du shes rab kyi pha rol tu phyin pa de bzhin gshegs pa rnams bskyed pa yin zhing/ 'jig rten son pa yin pa'i phyir rim gro dang/ bkur sti byas pa'i gnas yin par bshad pa las glengs nas/ shes
 rab kyi pha rol tu phyin pa ji ltar de bzhin gshegs pa rnams bskyed pa yin pa dang ji ltar 'jig rten ston pa yin pa dang/ de bzhin gshegs pa rnams thabs ji lta bur bskyed pa dang/ 'jig rten zhes bya bar yang gang yin pa rnams zhib tu bshad pa'i
 skabs dbye ba'i phyir zhus pa'o/ /bcom ldan 'das kyis dka' stsal pa/ rab 'byor shes rab kyi pha rol tu phyin pa 'dis de bzhin gshegs pa'i stobs bcu bskyed do/ /rab 'byor de bas na shes rab kyi pha rol tu phyin pa zab mo 'dis de bzhin gshegs?
 pa bskyed do/ /zhes bya ba'i bar gyis ni/ shes rab kyi pha rol tu phyin pa 'di ji ltar/ de bzhin gshegs pa yin pa bstan pa ste/ de bzhin gshegs pa'i stobs bcu la sogs pa rnam pa thams cad mkhyen pa nyid la thug gi bar du/ de bzhin gshegs pa'i
 yon tan gyi chos rnams shes rab kyi pha rol tu phyin pa 'di las byung ba'i phyir/ de bzhin gshegs pa bskyed ba yin no zhes bstan pa'o/ /gsol ba bcom ldan 'das de bzhin gshegs pas gsungs pa'i 'jig rten gang lags/ zhes bya ba'i ni gong du
 shes rab kyi pha rol tu phyin pa 'di 'jig rten ston pa yin no zhes bshad pa 'jig rten zhes bya ba gang la bya ba zhib tu bstan pa'i skabs dbye ba'i phyir rab 'byor gyis zhus pa'o/ /bcom ldan 'das kyis bka' stsal pa/ phung po lnga ni de bzhin gshegs pas
 'jig rten du gsungs so/ /zhes bya ba ni 'jig pa'i rang bzhin la rten cing gnas pa'i phyir phung po lnga la 'jig rten zhes bya'o zhes bstan pa'o/ /gsol ba bcom ldan 'das shes rab kyi pha rol tu phyin pa zab mos phung po lnga ni ji ltar bstan pa lags/ zhes
 bya ba ni de ltar phung po lnga 'jig pa'i rang bzhin yin te/ dngos po med pa yin na bstan du yang ji ltar rung zhes rab 'byor gyis zhus pa'o/ /bcom ldan 'das shes rab kyi pha rol tu phyin pa ni ji ltar bur phung po lnga ston pa lags/ zhes bya ba ni phung po lnga
 po dngos po med pa de dag ston na yang thabs ji ltar ston pa lags shes zhus pa'o/ /bcom ldan 'das kyis bka' stsal ba/ shes rab kyi pha rol tu phyin pa ni phung po lnga po 'di dag 'jig par ston pa ma yin/ rab tu 'jig par sto pa ma yin te/ zhes
 bya ba nas/ rab 'byor de ltar de bzhin gshegs pas shes rab kyi pha rol tu phyin pa 'jig rten ston par gsungs te/ zhes bya ba'i bar gyis ni/ don dam par phung po lnga po 'di dag stong pa nyid dang/ mtshan ma med pa dang/ smon pa med pa dang/
 mngon par 'du bya ba med pa dang/ skye ba med pa dang/ dngos po med pa dang/ rang bzhin med pas 'jig pa dang rab tu 'jig pa mi srid pa'i phyir/ phung po lnga po 'di dag 'jig par ston pa ma yin/ rab tu 'jig par ston pa ma yin te/
 skye ba dang/ 'gag pa dang/ kun nas nyon mongs pa dang/ rnam par byang ba dang/ 'phel ba dang/ 'grib pa dang/ blang ba dang/ dor ba dang/ 'das pa dang/ ma 'das pa dang/ da ltar byung ba zhes bya bar mi ston pa nyid phung po lnga'i 'jig rten ston pa ma yin no
 zhes bshad pa'o/ /rab 'byor sems can tshad med grangs med dpag tu med pa'i sems dang/ sbyad pa mkhyen pa de dag gis shes rab kyi pha rol tu phyin pa nyid la brten cing rab tu mkhyen te/ rab 'byor shes rab kyi pha rol tu phyin pa zab mo 'di la ni
 sems can med do/ /sems can du gdags pa mi dmigs so/ /gzugs med do/ /gzugs su gdags pa mi dmigs so/ /zhes bya ba nas/ rnam pa thams cad mkhyen pa nyid ston par byed pa ma yin no/ /zhes bya ba'i bar gyis ni/ sems can dang gzugs
 la sogs pa'i chos thams cad kyi rang bzhin gdags gdags? su med pa bstan pa'i sgo nas/ shes rab kyi pha rol tu phyin pa 'di 'jig rten ston pa yin par bshad pa'o/ /de ci'i phyir zhe na/ rab 'byor shes rab kyi pha rol tu phyin pa nyid kyang/ shes rab kyi pha rol tu
 byin pa zab mo 'di nyid la med cing mi dmigs na/ gzugs yod pa 'am dmigs par ltag la 'gyur/ zhes bya ba nas/ rnam pa thams cad mkhyen pa nyid yod pa 'am dmigs par ltag la 'gyur/ zhes bya ba'i bar gyis ni/ chos thams cad kyi
 rang bzhin gdags su med pas/ shes rab kyi pha rol tu phyin pa zab mo 'di gzugs la sogs pa'i chos thams cad ston par byed pa ma yin pa'i gtan tshigs bstan pa ste/ shes rab kyi pha rol tu phyin pa nyid kyang shes rab kyi pha rol tu phyin pa
 zab mo 'di nyid la med cing mi dmigs na/ zhes bya ba ni rnam par mi rtog pa'i shes rab kyi pha rol tu phyin pa la shes rab kyi pha rol tu phyin pa'i ngo bo nyid du rtog cing dmigs pa yang med na gzugs la sogs pa'i chos rnams la dngos por dmigs shing ston par
 ltag la 'gyur zhes bshad pa'o/ /rab 'byor gzhan yang sems can ji snyed cig gdags pas gdags su yod pa/ zhes bya ba la sogs pa ni sems can thams cad kyi sems bsdus pa dang/ spros pa la sogs pa 'am sems kyi spyod pa rnam pa sna
 tshogs yang dag pa ji lta ba bzhin du mkhyen pa'i sgo nas/ 'jig rten ston pa bshad pa ste/ de la sems can ji snyed cig gdags pas gdags su yod pa zhes bya ba nas/ 'jig rten gyi khams 'di dang phyogs bcu kun gyi 'jig rten gyi khams dag gi yang rung ste/
 zhes bya ba'i bar gyis ni sems can mang po rnam pa sna tshogs kyi sems kyi spyod pa rnam pa sna tshogs mkhyen pa bstan pa'o/ /de dag gi sems bsdus pa dang spros pa de dag kyang de bzhin gshegs pas sems bsdus pa dang spros par yang dag pa ji lta ba bzhin du
 rab tu mkhyen to/ /zhes bya ba nas chos nyid gang la chos nyid kyang mi dmigs na/ sems bsdus pa dang spros pa lta smos kyang mi smos pa'i chos nyid de de bzhin gshegs pas sems can de dag gis sems bsdus pa dang/ spros pa yang dag pa ji lta ba
 bzhin du rab tu mkhyen te/ /zhes bya ba'i bar gyis ni/ sems can rnams kyi sems bsdus pa dang/ spros pa chos nyid du rab tu mkhyen pa bstan pa ste/ chos nyid du rab tu mkhyen pa yang stong pa nyid du thugs su chud pa la bya'o/ /rab 'byor gzhan yang de bzhin
 gshegs pa dgra bcom pa yang dag par rdzogs pa'i sangs rgyas kyis/ sems can de dag gi sems bsdus pa dang/ spros pa yang dag pa ji lta ba bzhin du rab tu mkhyen te/ zhes bya ba nas dben pa'i rnam par yang dag pa ji lta ba bzhin du rab tu mkhyen to/
 zhes bya ba'i bar gyis ni/ sems can thams cad kyi sems bsdus pa dang/ spros pa rnams zad pa'i rnam pa dang/ 'dod chags dang bral ba'i rnam pa dang/ 'gog pa'i rnam pa dang/ spong pa'i rnam pa dang/ zhi pa'i rnam pa dang/ dben
 pa'i rnam par mkhyen pa bstan pa ste/ zad pa dang 'dod chags dang bral ba la sogs pa smos pa yang dngos po med pa'i rnam grangs su rig par bya'o/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis
 sems can de dag gi sems 'dod chags dang bcas pa la/ 'dod chags dang bcas pa'i sems zhes bya bar yang dag pa ji lta ba bzhin du rab tu mkhyen to/ zhes bya ba nas/ gti mug dang bcas pa 'am gti mug dang bral ba'i sems dmigS
 pa lta ci zhig smos/ zhes bya ba'i bar gyis ni/ 'dod chags dang bcas pa la sogs pa'i sems kun brtags pa'i rang bzhin du shes pa ni yang dag pa ji lta ba bzhin du shes pa ma yin gyis/ 'dod chags dang sems dang 'dod chags dang bcas
 pa nyid kyang don dam par med par mkhyen pa la/ 'dod chags dang bral ba'i sems la sogs pa yang dag pa ji lta ba bzhin du mkhyen pa yin no zhes bstan pa'o/ /rab 'byor ji ltar na de bzhin gshegs pas sems can de dag gi sems 'dod
 chags dang bral ba la/ 'dod chags dang bral ba'i sems zhes bya bar yang dag pa ji lta ba bzhin du rab tu mkhyen ce na/ zhes bya ba nas/ rab 'byor ji ltar na de bzhin gshegs pas sems can de dag gi sems gti mug dang bral ba la/ gti
 mug dang bral ba'i sems zhes bya bar yang dag par ji lta ba bzhin du rab tu mkhyen to/ zhes bya ba'i bar gyis ni/ gong du bshad pa'i don nyid rigs pas gtan la phab nas zhib tu bshad pa ste/ don dam par sems 'dod chags dang bcas pa dang/
 'dod chags dang bral ba zhes bya ba/ dngos po med par mkhyen par ma zad kyi kun rdzob tu yang 'dod chags dang bcas pa'i sems dang/ 'dod chags dang bral ba'i sems gnyis sems kyi rgyud gcig la 'grogs shing phrad ba mi srid de/ de ltar mkhyen pa yang 'dod
 chags dang bral ba la sogs pa'i sems yang dag pa ji lta ba bzhin du rab tu mkhyen pa yin no zhes bstan pa'o/ /rab 'byor gzhan yang de bzhin gshegs pas shes rab kyi pha rol tu phyin pa zab mo 'di la bsten to/ sems can pha rol dang/ gang zag pha rol gyi
 sems rgya che ba la/ sems rgya che zheS bya bar yang dag pa ji lta ba bzhin du rab tu mkhyen to/ zhes bya ba nas/ rab 'byor de ltar na/ de bzhin gshegs pa dgra bcom pa yang dag par rdzogs ba'i sangs rgyas kyis/ shes rab kyi pha rol tu phyin pa 'di la bsten te sems
 can pha rol dang/ gang zag pha rol gyi sems rgya che ba la sems rgya che zhes bya bar yang dag pa ji lta ba bzhin du rab tu mkhyen to/ zhes bya ba'i bar gyis ni/ 'dod pa'i khams kyi sems can rnams kyi sems kyi spyod pa yang dag pa ji lta ba bzhin du rab tu mkhyen
 pa bstan pa ste/ 'dod ba'i khams kyi sems can rnams kyi sems kyi spyod pa ni rtsi zhing rags pas rgya che ba zhes bya'o/ /sems de dag kyang don dam par dngos po med pas rgya che ba dang/ rgya chung ba dang/ 'phel ba dang/ 'grib pa dang/ 'ong ba dang/ 'gro ba med
 bar thugs su chud pa la yang dag pa ji lta ba bzhin du rab tu mkhyen pa zhes bya'o/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol tu phyin pa 'di la brten te/ sems can pha rol dang/
 gang zag pha rol gyi sems yangs pa la/ sems yangs zhes bya bar yang dag pa ji lta ba bzhin du rab tu mkhyen to zhes bya ba nas/ rab 'byor ji de ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol tu
 phyin pa la brten te/ sems can pha rol dang/ gang zag pha rol gyis sems yangs pa la sems yangs zhes bya bar yang dag par ji lta ba bzhin du rab tu mkhyen to/ zhes bya ba'i bar gyis ni/ gzugs kyi khams kyi sems
 can rnams kyi sems kyi spyod pa mkhyen pa bstan pa ste/ gzugS kyi khams kyi sems can rnams kyi sems bsam gtan dang ting nge 'dzin sgom zhing 'dod pa'i khams kyi 'dod chags dang bral ba'i phyir yangs pa zhes bya ste/ sems de dag kyang don dam par
 dngos po med pas 'ong ba dang/ 'gro ba dang skye ba dang 'gag pa dang/ gnas pa dang/ gnas pa las gzhan 'gyur ba med par thugs su chud pa la yang dag pa ji lta ba bzhin du rab tu mkhyen pa zhes bya'o/ /rab 'byor gzhan yang de bzhin gshegs pa
 dgra bcom pa yang dag par rdzogs pa'i sangs rgyas kyis/ shes rab kyi pha rol tu phyin pa 'di la brten te/ sems can pha rol dang/ gang zag pha rol gyi sems tshad med pa la sems tshad med ba'o zhes bya bar yang dag pa ji lta ba bzhin du rab tu mkhyen
 to/ zhes bya ba nas/ rab 'byor de ltar na/ de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol tu phyin pa 'di la brten te/ sems can pha rol dang/ gang zag pa rol gyi sems tshad med pa la
 sems tshad med ces bya bar yang dag par ji lta ba bzhin du rab tu mkhyen to/ zhes bya ba'i bar gyis ni/ gzugs med pa'i khams kyi sems can rnams kyi sems kyi spyod pa mkhyen pa bstan ste gzugs med pa'i sems can rnams nam mkha' mdza' 
 yas skye mched la sogs pa'i ting nge 'dzin la snyoms par 'jug pas gzugs la sogs pa'i dngos po la mi brten cing dmigs pa'i yul tshad med pa la spyod ba'i phyir/ tshad med pa zhes bya ba ste/ sems de dag don dam par dngos po med pas/
 nam mkha' yas skye mched la yang mi gnas pa'i phyir/ gnas par yang dag par rjes su mi gzigs so/ /rnam shes mdza' yas skye mched la yang mi gnas pa'i phyir/ rnam par gnas par yang dag bar rjes su mi gzigs so/ /cung zad med pa'i skye mched la yang
 mi gnas ba'i phyir/ rnam par yongs su gnas par yang dag par rjes su mi gzigs so/ /'du shes med 'du shes med min skye mched la yang mi gnas pa'i phyir/ nye bar gnas bar yang dag par rjes su mi gzigs te/ de ltar sems la dngos po med pas sems
 kyi rgyud la rten med cing tshad med par thugs su chud pa la/ yang dag pa ji lta ba bzhin du rab tu mkhyen ces bya'o/ /rab 'byor gzhan yang de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol tu phyin pa 'di la
 brten te/ sems can pha rol dang/ gang zag pha rol gyi sems bstan du med pa la/ sems bstan du med ces bya bar yang dag pa ji lta ba bzhin du rab tu mkhyen te zhes bya ba nas/ rab 'byor de ltar na de bzhin gshegs pa dgra bcom pa yang dag
 par rdzogs pa'i sangs rgyas kyis/ shes rab kyi pha rol tu phyin pa zab mo 'di la brten te/ sems can pha rol dang/ gang zag pha rol gyi sems bstan du med pa la bstan du med pa'i sems zhes bya bar yang dag pa ji lta ba bzhin du rab tu mkhyen to/
 zhes bya ba'i bar gyis ni/ bstan du med pa'i yul la dmigs pa'i sems kyi spyod pa mkhyen pa bstan pa ste/ mig la sogs pa'i dbang po rnams dang/ sems dang sems las byung ba la sogs pa dngos po bstan du med pa'i yul la dmigs pa'i sems la
 sems bstan du med pa zhes bya ste/ sems de yang don dam par dngos po med pas rang gi mtshan nyid kyis stong pa'i phyir/ mtshan nyid med par gzigs pa yang dag par ji lta ba bzhin du rab tu mkhyen pa zhes bya'o/ /rab 'byor gzhan yang de bzhin gshegS
 ba dgra bcom pa yang dag par rdzogs pa'i sangs rgyas kyis/ shes rab kyi pha rol tu phyin pa zab mo 'di la brten to/ /sems can pha rol dang/ gang zag pha rol gyi sems bltar med pa la/ bltar med ba'i sems zhes bya bar yang
 dag par ji lta ba bzhin du rab tu mkhyen to/ /zhes bya ba nas/ rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyi shes rab kyi pha rol tu phyin pa zab mo 'di la brten te/ sems can pha rol pa dang/
 gang zag pha rol gyi sems bltar med pa la bltar med pa'i semS zheS bya bar yang dag pa ji lta ba bzhin du rab tu mkhyen to/ zhes bya ba'i bar gyis ni/ sems can rnams kyi sems gcig gis gcig bltar med pa'i sems kyi spyod pa mkhyen pa bstan pa ste/
 don dam par sems de dag dngos po med par de bzhin gshegs pa'i spyan lngas kyang gzigs par mi 'gyur bar mkhyen pa nyid yang dag pa ji lta ba bzhin du mkhyen pa zhes bya ste/ de bzhin gshegs pa'i spyan lnga ni gang du bshad zin to/ /rab 'byor
 gzhan yang de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol tu phyin pa zab mo 'di la brten te/ sems can pha rol dang/ gang zag pha rol po de dag gi sems 'phro ba dang/ 'du ba dang/
 bkram pa dang/ bcum pa yang dag pa ji lta ba bzhin du rab tu mkhyen to/ zhes bya ba la sogs pas ni mu stegs can lta ba phyin ci log pa rnams phung po lnga la bdag tu bzung nas/ rtag pa dang chad pa dang/ sgro 'dogs pa dang skur ba 'debS
 pa'i sems kyi spyod pa mkhyen pa bstan pa ste/ sems 'phro ba ni bdag dang 'jig rten rtag par 'dzin pa'i sems so/ /sems 'du ba ni chad par 'dzin pa'i sems so/ /sems bkram pa ni skro 'dogs pa'i sems/ /sems bcu ma pa ni skur ba 'debS
 pa'i sems/ /rab 'byor 'di la/ de bzhin gshegs pa dgra bcom pa yang dag par rdzogs pa'i sangs rgyas kyis/ sems can pha rol dang gang zag pha rol po dag ni sems 'phro ba dang 'du ba dang/ bkram pa dang/ bcum pa gang ji snyed cig skye zhing 'byung
 ba de dag thams cad kyang gzugs la brten/ tshor ba la brten/ 'du shes la brten/ 'du byed la brten/ rnam par shes pa la brten pas/ skye zhing 'byung bar 'gyur ro zhes bya bar sems can pha rol dang/ gang zag pha rol po de dag gi
 sems de dag rab tu mkhyen to/ zhes bya ba ni mu stegs can rtag pa dang chad pa dang sgro 'dogs pa dang/ skur pa 'debs pa rnams/ phung po lnga la bdag tu bzung nas/ rtag pa dang chad pa la sogs par lta bar 'gyur te/ yang dag par na phung po lnga
 tsam du zad kyi/ bdag ces bya ba gang yang med pa de bzhin gshegs pa yang dag pa ji lta ba bzhin du rab tu mkhyen to/ zhes bstan pa'o/ de la de bzhin gshegs pa dgra bcom pa yang dag par rdzogs pa'i sangs rgyas kyis/ sems can pha rol
 dang/ gang zag pha rol gyi sems 'phro ba dang 'du ba dang bkram pa dang/ bcum pa rnams 'di ltar rab tu mkhyen pa ste/ zhes bya ba la sogs bas ni mu stegs can rnams rtag pa dang/ chad pa dang sgro 'dogs pa dang/ skur ba 'debs par lta ba
 sems kyi spyod pa 'phro ba dang/ 'du ba dang/ dkram pa dang/ bcum pa mkhyen pa gong du bshad pa'i don so sor phye nas zhib tu bshad pa ste/ bdag dang 'jig rten mi rtag ces bya ba de nyid bden gyi gzhan ni don dam par zhes bya ba de ni gzugs la
 sogs pa'o/ /de ni tshor ba la gnas pa'o/ /de ni 'du shes la gnas pa'o/ /de ni 'du byed la gnas pa'o/ /de ni rnam par shes pa la agnas pa'o zhes bya ba ni mu stegs can rtag par lta ba'i sems kyi spyod pa 'phro ba dag bdag dang 'jig rten gnyi
 g.yang dag par rtag pa yin te/ de skad du smra ba la sogs pa de ni bden gyi mi rtag par smra ba/ gzhan ni ma rtogs par smra bas yang dag pa ma yin te/ don med cing brdzun no zhes smra ba de dag kyang yang dag par na bdag ces bya
 ba med kyi phung po lnga la bdag tu bzung nas smra bar zad do zhes bstan pa ste/ des ni rtag par lta ba'i sems kyi spyod pa 'phro ba mkhyen pa bstan pa'o/ /bdag dang 'jig rten mi rtag ces bya ba de nyid bden gyi gzhan ni don med do zhes bya ba ni gzugs
 la gnas pa'o/ /de ni tshor ba la gnas pa'o/ /de ni 'du shes la gnas pa'o/ /de ni 'du byed la gnas pa'o/ /de ni rnam par shes pa la gnas pa'o zhes bya ba ni mu stegs can chad par lta ba'i sems kyi
 spyod pa 'du ba mkhyen pa bstan pa ste/ mu stegs can kha cig bdag dang 'jig rten gnyi ga mi rtag go zhes chad par lta ba de nyid bden gyi rtag par lta ba la sogs pa gzhan ni brdzun te/ don med do zhes smra ba de dag kyang yang dag par na bdag ces
 bya ba gang yang med do/ /phung po lnga la bdag tu bzung nas de skad smra'o zhes/ de bzhin gshegs pas yang dag pa ji lta ba bzhin du rab tu mkhyen pa bstan pa'o/ /bdag dang 'jig rten rtag kyang rtag la mi rtag kyang mi rtag ces bya ba de nyid bden gyi
 gzhan ni don med pa'o zhes bya ba de ni gzugs la gnas pa'o/ /de ni tshor ba la gnas pa'o/ /de ni 'du shes la gnas pa'o/ /de ni 'du byed la gnas pa'o/ /de ni rnam par shes pa la gnas pa'o/ /zhes bya bas ni mu stegs can rtag pa dang/ tshad pa
 gnyis ka yod par sgro 'dogs pa'i sems kyi spyod pa bkram pa mkhyen pa bstan pa ste/ mu stegs can rtag pa dang chad pa gnyis ka yod par sgro 'dogs pa yang phung po lnga la brten te/ smra ba tsam du zad kyi phung po lnga las lhag pa bdag ces bya
 brtag pa dang/ mi rtag pa gnyis ka'i rang bzhin can gang yang med par thugs su chud pa la yang dag pa ji lta ba bzhin du rab tu mkhyen to zhes bstan pa'o/ /bdag dang 'jig rten ni rtag pa yang ma yin mi rtag pa yang ma yin zhes bya ba de nyid bden gyi gzhan ni
 don med do/ zhes bya ba de ni gzugs la gnas pa'o/ /de ni tshor ba la gnas pa'o/ /de ni 'du shes la gnas pa'o/ /de ni 'du byed la gnas pa'o/ /de ni rnam par shes pa la gzhan pa'o/ /zhes bya bas ni mu stegs can rtag pa dang chad pa gnyis ka med par
 skur pa 'debs pa'i sems kyi spyod pa mkhyen pa bstan pa ste/ rtag chad gnyis ka med ces smra ba yang phung po lnga la bdag tu bzung nas smra ba tsam du zad kyis/ rtag chad gnyis ka med pa'i rang bzhin gyi bdag ces bya ba ni gang yang med do zhes bstan pa'o//
 bdag dang 'jig rten ni mdza' dang ldan pa zhes bya ba de nyid bden gyi/ gzhan ni don med pa'o/ /zhes bya ba de ni gzugs la gnas pa'o/ /de ni tshor pa la gnas pa'o/ /de ni 'du shes la gnas pa'o/ /de ni 'du byed la gnas pa'o/ /de ni rnam par shes
 pa la gnas pa'o/ /zhes bya ba ni mu stegs can 'khor ba la mdza' yod par lta ba'i sems kyi spyod pa mkhyen pa bstan pa ste/ de skad smra ba yang phung po lnga la bdag tu bzung nas smra ba tsam du zad kyi yang dag par na/ mdza' dang ldan pa'i bdag gang yang
 med do zhes bstan pa'o/ /bdag dang 'jig rten ni mdza' dang mi ldan pa zhes bya ba de nyid bden gyis gzhan gyi don med pa'o zhes bya ba de ni gzugs la gnas pa'o/ /de ni tshor ba la gnas pa'o/ /de ni 'du shes la gnas pa'o/ /de ni 'du byed la gnas
 pa'o/ /de ni rnam par shes pa la gnas pa'o/ zhes bya ba ni mu stegS can kha cig 'khor ba mdza' med par lta ba'i sems kyi spyod pa mkhyen pa bstan pa ste/ de skad du smra ba yang phung po lnga la bdag tu bzung? nas/ smra bar zad kyi yang dag par na phung po lnga
 las lhag pa gud na bdag ces bya ba gang yang med do zhes bstan pa'o/ /bdag dang 'jig rten ni mdza' dang ldan pa yang yin la/ mdza' dang mi ldan pa yang yin zhes bya ba de nyid bden gyi/ gzhan ni don med pa'o zhes bya ba de ni gzugs la
 gnas pa'o/ /de ni tshor ba la gnas pa'o/ /de ni 'du shes la gnas pa'o/ /de ni 'du byed la gnas pa'o/ /de ni rnam par shes pa la gnas pa'o/ /zhes bya ba ni mu stegs can kha cig 'khor ba mdza' yod pa dang mdza' med pa gnyis kar sgro 'dogS
 shing smra ba'i sems kyi spyod pa mkhyen pa bstan pa ste/ de skad du smra ba yang phung po lnga la bdag tu bzung nas smra ba tsam du zad kyi yang dag par na bdag ces bya ba gang yang med do zhes bstan pa'o/ /bdag dang 'jig rten ni mdza' dang ldan pa yang ma yin mdza' 
 dang mi ldan pa yang ma yin zhes bya ba de nyid bden gyi/ gzhan ni don med pa'o zhes bya ba ni gzugs la gnas pa'o/ /de ni tshor ba la gnas pa'o/ /de ni 'du shes la gnas pa'o/ /de ni du byed la gnas pa'o/ /de ni rnam par shes pa la gnas pa'o/ /zhes
 bya ba de ni mu stegs can kha cig 'khor ba mdza' yod pa dang/ mdza' med pa gnyis ka ma yin par skur pa 'debs shing ? ba'i sems kyi spyod pa mkhyen pa bstan pa ste/ de skad du smra yang phung po lnga la bdag tu bzung nas smra ba tsam du zad kyi/ yang dag par
 na bdag ces bya ba gang yang med do zhes bstan pa'o/ /lus de srog dang ldan pa zhes bya ba de nyid bden gyi gzhan ni don med pa'i zhes bya ba de ni gzugs la gnas pa'o/ /de ni tshor ba la gnas pa'o/ /de ni 'du shes la gnas pa'o/ /de ni 'du byed la gnas pa'o//
 de ni rnam par shes pa la gnas pa'o/ /zhes bya ba ni mu stegs can kha cig srog ces bya ba'i bdag lus dang tha mi dad par sgra ba'i sems kyi spyod pa mkhyen pa bstan pa ste/ de skad du smra ba yang phung po lnga la bdag tu bzung nas smra ba tsam du zad kyi/ yang dag
 par bdag ces bya ba gang yang med do zhes bstan pa'o/ /srog kyang gzhan la lus kyang gzhan zhes bya ba de nyid bden gyi/ gzhan ni don med pa'o zhes bya ba de ni gzugs la gnas pa'o/ /de ni tshor ba la gnas pa'o/ /de ni 'du shes la gnas pa'o/ /de ni 'du
 byed la gnas pa'o/ /de ni rnam par shes pa la gnas pa'o/ zhes bya ba ni mu stegs can kha cig srog ces bya ba'i bdag dang lus gnyis tha dad par smra ba'i sems kyi spyod pa mkhyen pa bstan pa ste/ de skad du smra ba yang phung po lnga la bdag tu bzung nas smra ba
 tsam du zad kyi yang dag par na srog ces bya ba'i bdag gang yang med do zhes bstan pa'o/ /de bzhin gshegs pa grongs nas yod ces bya ba de nyid ba don gyis/ gzhan ni don med pa'o zhes bya ba de ni gzugs la gnas pa'o/ /de ni tshor ba la gnas pa'o/ /de
 ni 'du shes la gnas pa'o/ /de ni 'du byed la gnas pa'o/ /de ni rnam par shes pa la gnas pa'o zhes bya ba ni mu stegs can chad par lta ba kha cig /de bzhin gshegs pa mya ngan las 'das pa'i tshe/ las dang nyon mongs pa zad de slar 'khor bar mi skye'o
 zhes bya ba de ni brdzun gyi/ de bzhin gshegs pa ni so so'i skye bo dang 'dra bar/ tshe 'das nas kyang 'khor bar slar skye bar 'gyur te/ phung po'i lhag ma ma lus pa'i mya ngan las 'das par mi 'gyur ro/ zhes smra ba'i sems kyi spyod pa 'phro ba mkhyen pa bstan pa ste/ de skad
 du smra ba yang phung po lnga la bdag tu bzung nas/ rtag pa'i mdza' la chags pas smra bar zad kyi/ yang dag par na de lta bu'i rtag pa'i bdag med do zhes bstan pa'o/ /de ltar de bzhin gshegs pa grongs nas med ces bya ba dang/ zhes bya ba ni mu stegs can chad
 par lta ba kha cig de bzhin gshegs pa tshe 'das nas/ phung po lhag ma ma lus par zad de med par 'gyur ro zhes zer ba'i sems kyi spyod pa 'du ba mkhyen pa bstan pa ste/ de skad zer ba yang phung po lnga la bdag tu bzung nas smra ba tsam du zad kyi/ yang dag
 par na de lta bu'i bdag chad pa'i rang bzhin can gang yang med do zhes bstan pa'o/ /de bzhin gshegs pa grongs nas yod kyang yod la/ med kyang med ces bya ba dang/ zhes bya ba ni mu stegs can yod pa dang med pa gnyis ga
 par sgro 'dogs pa rnams kyi spyod pa bkram pa mkhyen pa bstan pa ste/ de bzhin gshegs pa tshe 'das kyang bdag gi rang bzhin phra mo med pa ma yin pa'i phyir yod kyang yod kyi/ de bzhin gshegs pa che 'dis nas phung po rabs par snang ba zig ste/
 med pa'i phyir med kyang med ces zer ba da yang phung pa lnga la bdag tu bzung nas smra bya tsam du zad kyi/ yang dag brdan? yod med gnyis ka'i rang bzhin can gyi bdag ni gang yang med do zhes bstan pa'o/ /de bzhin gshegs pa grongs nas yod par 'gyur ba
 yang ma yin med par 'gyur ba yang ma yin zer pa de nyid bden gyi/ gzhan ni don med pa go zhes bya ba de ni gzugs la gnas pa'o/ /de ni tshor pa la gnas pa'o/ /de ni 'du shes la gnas pa'i/ /de ni 'du byed la gnas so?/ de ni rnam par shes pa la
 gnas pa'o/ zhes bya bar rab tu mkhyen to/ zhes bya ba ni mu stegs can kha cig yod pa dang med pa gnyis ka med par skur pa 'debs pa'i sems kyi spyod pa bcum pa mkhyen pa bstan pa ste/ mu stegs can gcig lta ba las bdag ces bya ba phra
 zhing zab pas/ spyad pa dang med pa gnyis ka'i dngos por brjod du mi rung ngo zhes zer ba de yang phung po lnga la bdag tu bzung na smra ba tsam du zad kyi/ yang dag par na yod med gnyis ka'i mdza' dag bral ba'i rang gzhin can gyis dag gang yang mang ngo zhes
 bstan pa'o/ /rab 'byor de ltar na de bzhin gshegs pa dgra bcom pa yang dag par rdzogs pa'i sangs rgyas kyis/ shes rab kyi pha rol tu phyin pa zab mo 'di la brten te/ sems can pha rol dang/ gang zag pha rol rnams kyi sems 'phro pa dang/
 'du ba dang/ bkram pa dang/ bcum pa yang dag pa ji lta ba bzhin du rab tu mkhyen to/ zhes bya ba ni mu stegs can rdag pa dang/ chad pa dang/ sgra 'debs pa dang/ skur pa 'debs par lta ba'i sems kyi spyad pa mkhyen pa'i don mjug bsdus nas bston?
 pa ste/ 'phor ba ni rtag par lta ba'o/ /'du ba ni chad par lta ba'o/ /bkram pa ni sgro 'dogs pa'o/ /bcum pa ni skur pa 'debs te/ de dag thams cad kyang phung po lnga la bdag tu bzung nas/ rtag chad du lta zhing sgro 'dogs pa dang/ skur pa 'debs par zad kyi
 yang dag par ni de lta bu'i bdag gang yang med par thugs su chud pa la/ yang dag par ji sta ba bzhin du mkhyen pa zhes bya'o/ /rab 'byor gzhan yang de bzhin gshegs pas shes rab kyi pha rol tu phyin pa zab mo 'di la brten te/ gzugs mkhyen to/ zhes bya
 pa la sogs pas ni/ chos thams cad de bzhin nyid ston pa'i sgo nas/ shes rab kyi pha rol tu phyin pa zab mo 'di de bzhin gshegs pa skyed pa dang/ 'jig rten ston pa bstan pa ste/ gzugs ji ltar mkhyen ce na/ de bzhin nyid dang /ma nor ba de bzhin nyid
 'gyur ba med cing rnam par rtog pa med la/ mtshan ma med cing byed pa med de sprod pa med cing dmigs su med pa de ltar mkhyen to/ /zhes bya ba nas/ rnam par shes pa mkhyen to/ /rnam par shes pa ji ltar mkhyen ce na/ de bzhin nyid dang/ ma nor ba de bzhin
 nyid 'gyur ba med cing/ rnam par rtog pa med la/ mtshan ma med cing/ byed pa med de/ spros pa med cing dmigs su med pa de ltar mkhyen to/ zhes bya ba'i bar gyis ni phung po lnga la de bzhin nyid kyi rang bzhin du mkhyen pa bstan pa ste/ de la de bzhin nyid ces bya
 ba dang/ ma nor ba de bzhin te? dang/ 'gyur ba med pa dang/ rnam par rtog pa med pa dang/ mtshan ma med pa dang/ bye dang med pa dang/ spros pa med pa dang/ dmigs su med pa zhes bya ba ni/ chos kyi dbyings kyi rnam grangs te/ don dam par phung po lnga dngos po
 med pas stong pa nyid kyi rang bzhin du mkhyen to/ /zhes bya ba'i don do/ /rab 'byor de bzhin du/ de bzhin gshegs pas shes rab kyi rab pha rol tu phyin pa zab mo 'di la brten te/ sems can pha rol dang/ gang zag pha rol gyi sems kyi ?
 phro ba dang/ 'du ba dang/ bkram pa dang/ bcum pa rnams kyang/ de bzhin nyid ji lta ba bzhin du mkhyen te/ zhes bya ba nas/ dmigs su med pa ji lta ba bzhin du mkhyen to/ zhes bya ba'i bar gyis ni ji ltar phung po lnga don dam par dngos po med de de bzhin
 nyid kyi rang bzhin du mkhyen pa de bzhin du/ sems can rnams kyi sems kyi spyod pa 'phro ba dang/ 'du ba dang/ bgram pa dang/ bcum pa rnams kyang don dam par dngos po med pas/ de bzhin nyid kyi rang bzhin du mkhyen to/ /zhes bstan pa'o/ /de
 ltar na 'phro ba dang/ 'du ba dang/ bkram pa dang/ bcum pa'i de bzhin nyid gang yin pa de ni/ phung po'i de bzhin nyid do/ /zhes bya ba nas/ de bzhin gshegs pa'i de bzhin nyid gang yin pa de ni/ de bzhin nyid gcig pa nyid do/ /tha mi dad pa'i de bzhin nyid
 do// tha mi dad pa'i de bzhin nyid gang yin pa de ni mi zad pa ste/ mi zad pa'i phyir gnyis su med de gnyis su byar med do/ /zhes bya ba'i bar gyis ni zag pa dang bcas pa'i chos dang/ zag pa med pa'i chos dang/ 'jig rten pa dang 'jig rten las 'das pa'i
 chos thams cad dang/ 'phags pa'i gang zag thams cad de bzhin nyid du ro gcig ste tha mi dad pa'i phyir gnyis su med pa bstan pa'o /rab 'byor de ni chos thams cad kyi de bzhin nyid de/ de bzhin gshegs pas shes rab kyi pha rol tu
 phyin pa zab mo 'di la brten te/ mngon par rdzogs par sangs rgyas pa'o/ /zhes bya bas ni gong du bstan pa'i rim pas/ chos thams cad de bzhin nyid du ro gcig par de bzhin gshegs pas thugs su chud pa yang/ shes rab kyi pha rol tu
 phyin pa 'di la brten nas/ thugs su chud de mngon par rdzogs par sangs rgyas pa'i phyir/ 'jig rten ston pa yin no zhes bshad pa'o/ /rab 'byor de lta bas na shes rab kyi pha rol tu phyin pa zab mo 'di ni de bzhin gshegs pa skyed pa'o/ /'jig rten ston pa'o/
 zhes bya bas ni/ shes rab kyi pha rol tu phyin pa zab mo 'di/ de bzhin gshegs pa skyed pa dang/ 'jig rten ston pa'i don gong du smos pa mjug bsdus nas bstan pa'o/ /rab 'byor de ltar na de bzhin gshegs pa dgra bcom pa yang dag par rdzogs
 pa'i sangs rgyas kyis chos thams cad kyi de bzhin nyid thugs su chud do/ /ma nor ba de bzhin dang/ gzhan ma yin pa de bzhin nyid thugs su chud do/ /de bzhin nyid nges na de bzhin gshegs pa dgra bcom pa yang dag par rdzogs pa'i sangs rgyas zhes bya'o
 zhes bya bas ni/ shes rab kyi pha rol tu phyin pa'i don zab mo 'di/ de bzhin gshegs pa skyed pa'i don bstan pa ste/ shes rab kyi pha rol tu phyin pa 'di las chos thams cad kyi de bzhin nyid dang/ ma nor ba de bzhin nyid dang/ gzhan ma yin pa de nyid
 bshad pa de dag rtogs pa las/ bla na med pa yang dag par rdzogs pa'i byang chub 'thob cing/ de bzhin gshegs pa dgra bcom pa yang dag par rdzogs pa'i sangs rgyas zhes brjod par 'gyur ba'i phyir/ shes rab kyi pha rol tu phyin pa zab mo 'di
 de bzhin gshegs pa skyed pa yin no/ zhes bstan pa'o/ /rab 'byor gyis gsol pa/ bcom ldan 'das 'di lta ste/ chos thams cad kyi de bzhin nyid dang/ ma nor ba de bzhin nyid dang/ gzhan ma lags pa de bzhin nyid 'di ni zab pa ste/ zhes bya
 ba nas/ bcom ldan 'das de bzhin gshegs pas chos de dag mngon par rdzogs par sangs rgyas nas/ sems can rnams la gsungs pa ni shin tu zab bo zhes bya ba'i bar gyis ni/ chos thams cad kyi de bzhin nyid bshad pa'i don rab 'byor 
 gyis rtogs nas/ shes rab kyi pha rol tu phyin pa chos thams cad kyi de bzhin nyid ston pa zab pa dang/ de lta bu'i don zab mo la mos shing dud pa'i gang zag dkan pa bstan pa'o/ /bcom ldan 'das kyis bka' stsal pa/ rab 'byor
 de ni 'di ltar de bzhin nyid ni mi zad pa ste/ zhes bya ba nas/ 'di ltar chos thams cad kyi de bzhin nyid do zhes bya ba'i bar gyis ni de bzhin nyid kyis don zab pa de nyid chos thams cad kyi/ de bzhin nyid mi 'gyur ba yongs su grub pa'i sgo nas/ mi zad
 par bstan ste de'i phyir zab bo zhes bshad pa'o/ /shes rab kyi pha rol tu phyin pa 'bum pa rgya cher bshad pa las/ le'u sum cu gsuM pa'o// //de nas stong gsum gyi stong chen po'i 'jig rten gyi khams 'di'i 'dod pa na spyod pa dang/
 gzugs yod pa na spyod pa'i lha'i bu gang ji snyed pa de dag /ces bya ba la sogs pas ni/ chos thams cad mtshan nyid med pa'i mtshan nyid du ston pa'i sgo nas/ shes rab kyi pha rol tu phyin pa zab mo 'di/ de bzhin gshegs pa skyed skyed pa yin pa
 dang/ 'jig rten ston pa yin par bshad pa'i gleng slad pa'i phyir/ stong gsum gyi stong chen po'i 'jig rten gyi khams kyi lha rnams kyis bcom ldan 'das la shes rab kyi pha rol tu phyin pa'i mtshan nyid zhus pa bstan pa ste/ bcom ldan 'das
 shes rab kyi pha rol tu phyin pa zab mo bshad na/ bcom ldan 'das shes rab kyi pha rol tu phyin pa zab mo'i mtshan nyid ji lta bu lags/ zhes bya ba ni gong du chos thams cad de bzhin nyid gcig ste/ tha mi dad par bshad pa'i don ni bdag cag
 gis mjal na/ de lta bu'i don zab mo ston pa'i shes rab kyi pha rol tu phyin pa zab mo 'di'i mtshan nyid ji lta bu lags/ zhes zhus pa ste/ de skad du zhub yang gong du rab 'byor gyis chos thams cad kyi de bzhin nyid ston pa'i shes rab kyi pha rol tu phyin
 ba zab par bstan pa dang/ 'khor gyi nang nas kha cig de lta bu'i zab pa de dngos po zhig yod dam snyam du rtog pa bsam pa'i phyir zhus pa'o/ /bcom ldan 'das kyis bka' stsal pa/ lha'i bu dag shes rab kyi pha rol tu phyin pa zab mo 'di stong pa nyid kyi mtshan
 nyid do/ zhes bya ba nas/ lha'i bu dag shes rab kyi pha rol tu phyin pa zab mo 'di ni nam mkha' i mtshan nyid do/ zhes bya ba'i bar gyis ni/ shes rab kyi pha rol tu phyin pa la dngos po med pas mtshan nyid gang yang med do zhes bstan pa ste/ stong pa nyid dang mtshan ma
 med pa dang/ smon pa med pa dang/ mngon par 'du bya ba med pa dang/ skye ba med pa dang/ 'gag pa med pa dang/ nyon mongs pa med pa dang/ rnam par byang ba med pa dang/ dngos o med pa dang/ ngo bo nyid med pa dang/ dngos pa med pa'i ngo bo nyid dang/ mi gnas pa
 dang/ nam mkha' i mtshan nyid ces bya ba ni dngos po med pa'i rnam grangs te/ shes rab kyi pha rol tu phyin pa zab mo 'di na de lta bu'i rang bzhin yin pas/ 'di ni mtshan nyid gang yang med de zhes bstan pa'o/ /lha'i bu dag shes rab kyi pha rol tu phyin pa zab mo
 'di ni mtshan nyid de lta bu yin yang/ de bzhin gshegs pas 'jig rten gyi brdar bka' stsal te/ don dam par ma yin no/ /zhes bya ba ni de ltar shes rab kyi pha rol tu phyin pa dngos po med de/ mtshan nyid med pa yin na/ bshad du yang ci zhig yod snyam
 du sems shing rtog pa la yi ge dang tshig tu brjod cing bshad pas/ 'du pa ba'i sems can rnams kyi don du/ kun rdzob tu 'jig rten gyi brda dang/ tha snyad tsam du brjod cing bshad pa tsam du zad kyi don dam par ni/ brjod du med pa'i mtshan nyid yin pas
 bshad du med do zhes bstan pa'o/ /lha'i bu dag mtshan nyid de dag ni lha dang mi dang lha ma yin du bcas pa'i 'jig rten g yis gzhan du bya bar mi nus so/ /zhes bya pas ni don dam pa'i shes rab kyi pha rol tu phyin pa zab mo stong pa nyid kyi mtshan nyid de/ mi 'gyur
 par yongs su grub pa dang/ phyin ci ma log par yongs su grub pa'i phyir/ dngos po yod pa 'am gzung ba dang 'dzin pa'i rang bzhin can du sus kyang bya mi nus so zhes bstan pa'o/ /de ci'i phyir zhe na/ lha dang mi dang lha ma yin du
 bcas pa'i 'jig rten yang mtshan nyid der zad de/ zhes bya bas ni stong pa nyid kyi mtshan nyid yod pa'i mtshan nyid du bya mi nus pa'i gtan tshig bstan pa ste/ lha dang mi dang lha ma yin du bcas pa'i 'jig rten yang stong pa nyid kyi mtshan nyid yin pas
 stong pas stong pa gzhan du bsgyur mi nus so zhes bya ba'i don to/ /lta'i bu dag mtshan nyid ni mtshan nyid gzhan du mi byed do/ zhes bya bas ni don de nyid gsal bar bstan pa ste / gzhan du bya ba dang/ gzhan du byed pa gnyis ka yang don dam par/ de
 bzhin nyid kyi mtshan nyid stong pa nyid du ro gcig pa'i phyir gzhan du mi byed do zhes bstan pa'o/ /mtshan nyid ni mtshan nyid shes par mi byed do zhes bya ba ni de bzhin nyid kyi rang bzhin stong pa nyid kyis stong pa nyid shes par mi byed de zhes bstan pa ste/
 dper na nam mkha' mi shes pa bzhin no/ /mtshan nyid mtshan nyid med pa shes par mi byed do zhes bya ba ni/ stong pa nyid kyi rang bzhin de bzhin nyid kyi mtshan nyid kyis kun brtags pa'i mtshan nyid shes par mi byed pa ste/ dper na nam mkhas ri
 bong gi rwa mi shes pa bzhin no/ /mtshan nyid med pa ni mtshan nyid med pa shes par mi byed do/ zhes bya ba ni kun brtags pa dang/ de bzhin nyid kyi mtshan nyid ma yin pas/ de bzhin nyid mi shes pa ste/ dper na ri bong gi rwas nam mkha' mi shes pa
 bzhin no/ /mtshan nyid med pa ni mtshan nyid med pa shes par mi byed do/ zhes bya ba ni kun brtags pas/ kun brtags pa mi shes pa ste/ dper na ri bong gi rwas ri bong gi rwa mi shes pa bzhin no/ /de ltar mtshan nyid dang mtshan nyid pa dang/
 mtshan nyid yod pa dang/ mtshan nyid med pa de gnyis ka la yang gang gis shes par bya ba dang/ gang shes par bya ba dang/ gang shes par byed pa de lta bu mi srid do/ zhes bya ba ni mtshan nyid yod pa dang mtshan nyid med pa gnyis ka yang don dam par dngos
 po med pas shes pa gang gis shes par bya ba dang/ dngos po gang shes par bya ba dang/ shes pa po gang shes par byed pa de lta bu gang yang med de zhes bstan pa'o/ /lha'i bu dag mtshan nyid de dag ni/ gzugs kyis 'du byas pa ma yin no zhes bya ba nas
 rnam pa thams cad mkhyen pa nyid kyis 'du byas pa ma yin no zhes bya ba'i bar gyis ni/ de ltar stong pa nyid kyi mtshan nyid de/ don dam par dngos po med pas/ 'jig rten dang 'jig rten las 'das pa'i chos gang gis kyang yod pa 'am/ med par byar rung pa ma
 yin no zhes bstan pa'o/ /lha'i bu dag /mtshan nyid de dag mi mi 'am/ mi ma yin pa 'am zhes bya ba nas/ 'dus byas sam 'dus ma byas kyi ma yin te/ zhes bya ba'i bar gyis ni/ gong du smos pa'i mtshan nyid de dag don dam par dngos po med pas mi dad
 mi ma yin pa la sogs pa gang gis dngos po yang ma yin no zhes bya ba'i don no/ /lha'i bu dag la la zhig 'di skad du nam mkha' mtshan nyid gang yin zhes zer na zhes bya ba nas/ nam mkha' la mtshan nyid gang yang ma mchis zhes bya ba'i bar gyis ni/ stong pa
 nyid kyi mtshan nyid de dag dngos po gang gis kyang ma byas pa dang/ gang gis dngos po yang ma yin pa'i don nam mkha' las dpe blangs te bstan pa'o/ /bcom ldan 'das kyis bka' stsal pa/ zhes bya ba nas/ de'i phyir de bzhin gshegs pa zhes bya'o zhes
 bya ba'i bar gyis ni/ don dam par chos thams cad dngos po med pa'i mtshan nyid stong pa nyid kyi rang bzhin chos kyi dbyings kyi ngo bo nyid de ni/ ye nas de bzhin te/ sus kyang stong par byas pa 'am/ yod par byas pa ma yin te /de lta bu'i rang bzhin ni/ de
 bzhin gshegs pas phyin ci ma log par thugs su chung de/ de'i phyir de bzhin gshegs pa zhes bya'o/ /de bzhin gshegs pa zhes bya ba yang/ chos thams cad kyi de bzhin nyid ma nor par thugs su chung ba la bya ste /rgya gar gyi
 skad du/ ta thA ga ta/ zhes bya ba de bzhin du mkhyen pa 'am/ de bzhin nyid thugs su chud pa la bya ba'i phyir ro/ /de nas 'dod pa na spyod pa dad/ gzugs yod pa na spyod pa'o/ lha'i bu de dag gis bcom ldan 'das la 'di skad ces gsol to/ zhes bya
 ba la sogs pas ni/ gong du chos thams cad don dam par mtshan nyid med pa'i rang bzhin du bstan pa dang/ kun rdzob tu 'jig rten gyi brdar chos thams cad kyi mtshan nyid so sor phye ste bstan pa ngo mtshar che'o zhes lha'i bu rnamS kyis bcom ldan 'das la 'di skad ces gsol to/ zhes bya
 bstod pa ste/ bcom ldan 'das mtshan nyid de dag mngon par rdzogs par sangs rgyas pas/ de bzhin gshegs pa'i ye shes gzigs la/ chos thams cad la thogs pa ma mchis par 'jug cing/ zhes bya ba ni gong du smos pa'i stod pa'i mtshan nyid de dag thugs su
 chud pas de bzhin gshegs pa'i ye shes kun rdzob tu chos thams cad la chags thogs med par gzigs par 'gyur ro zhes bya ba'i don to/ /mtshon nyid de dag la zhugs pas de bzhin gshegs pa dgra bcom pa yang dag par rdzogs pa'i sangs
 rgyas kyis shes rab kyi pha rol tu phyin pa mtshan nyid thams cad kyis chags pa las 'das pa 'di mngon par rdzogs par sangs rgyas te/ zhes bya ba ni don dam par chos thams cad stong pa nyid kyi mtshan nyid du thugs su chud pa de la brten nas/
 kun rdzob tu shes rab kyi pha rol tu phyin pa mtshan nyid thams cad la ma chags pa 'di thugs su chud pa ngo mtshar che'o zhes bstan pa'o/ /mngon par rdzogs par sangs rgyas par sangs rgyas nas kyang shes rab kyi pha rol tu phyin pa yang dag par bstan
 nas/ mtshan nyid rnams rab tu bstan pa ni/ de bzhin gshegs pas mtshan nyid zab mo mngon par rdzogs par sangs rgyas so/ /zhes bya ba ni de ltar shes rab kyi pha rol tu phyin ba zab mo mtshan nyid thams cad kyi chags pa las 'das pa thugs su chud nas kyang/ de'i
 don stong pa nyid kyi mtshan nyid sems can rnams la rab tu bstan pa ni mtshan nyid zab mo thugs su chud pas bstan pa ngo mtshar che'o zhes bya ba'i don to/ /bcom ldan 'das de ltar shes rab kyi pha rol tu phyin pa zab mo de bzhin gshegs pa dgra bcom pa yang
 dag par rdzogs pa'i sangs rgyas kyi spyod yul du 'gyur te/ zhes bya ba nas/ mtshan nyid thams cad rab tu dbye ba mdzad de zhs bya ba'i bar gyis ni/ shes rab kyi pha rol tu phyin pa'i don zab mo de/ bcom ldan 'das kyi thugs su chud de/ spyod yul
 du gyur cing de la spyod pas/ bla na med pa'i byang chub tu mngon par rdzogs par sangs rgyas nas kyang kun rdzob tu chos thams cad kyi mtshan nyid so sor phye ste bstan pa ni/ thabs dang shes rab mchog dang ldan te ngo mtshar che'o zhes bya ba'i don to/ /'di ltar/
 gzugs kyi mtshan nyid dang/ zhes bya ba nas/ rnam pa thams cad mkhyen pa nyid kyi mtshan nyid rab tu dbye ba mdzad pa ngo mtshar che'o zhes bya pa'i bar gyis ni/ chos gang dang gang gi mtshan nyid rab tu dbye ba mdzad pa'i chos rnams kyi ming tsam bstan pa'o//
 de skad ces gsol pa dang/ bcom ldan 'das kyis 'dod pa na spyod pa dang/ gzugs yod pa na spyod pa'i lha'i bu rnams la bka' stsal pa ste/ lha'i bu dag gzugs ni gzhig tu rung ba'i mtshan nyid/ de ni de bzhin gshegs pa mtshan nyid med par
 mngon par rdzogs par sangs rgyas so/ /zhes bya ba la sogs pa ni/ kun rdzob tu chos rnams so so'i mtshan nyid gang yin pa bstan nas/ don dam par de dag mtshan nyid med par thugs su chud pa bstan pa ste/ de la gzugs ni gzhig tu
 rung ba'i mtshan nyid de zhes bya ba ni/ thogs pa dad bcas pa la gzugs gzhan gyis gzugs gzhig tu rung ba'i phyir ro/ /de ni de bzhin gshegs pas mtshan nyid med pa'i mngon par rdzogs par sangs rgyas so/ /zhes bya ba ni/
 kun rdzob tu gzugs kyi mtshan nyid gzhig tu rung ba yin yang don dam par rang bzhin gyis stong pa'i phyir mtshan nyid med par de bzhin gshegs pas thugs su chung ngo zhes bya ba'i don to/ /mtshan nyid med par mngon par rdzogs par sangs rgyas pa'i don
 'di tshor ba la sogs pa 'og ma thams cad la yang de bzhin du sbyar bar bya'o/ /tshor ba ni myong ba'i mtshan nyid de zhes bya ba ni/ /bde ba dang sdug bsngal ba dang/ bde ba yang ma yin sdug bsngal ba yang ma yin pa rnam pa gsum myong ba'i mtshan nyid
 yin pa'i phy ir ro/ /'du shes ni 'dzin pa'i mtshan nyid de zhes bya ba ni ming dang mtshan ma la sogs par 'dzin pa'i phyir ro/ /'du byed ni mngon par 'du byed pa'i mtshan nyid de zhes bya ba ni dge ba dang mi dge ba dang lung du mi ston pa'i las rnams dbye ba'i
 phyir ro/ /rnam par shes pa ni so so'i bye brag shes pa'i mtshan nyid de zhes bya ba ni/ yul drug so so'i bye brag 'byed pa'i phyir ro/ /phung po rnams ni sdug bsngal gyis mtshan nyid do zhes bya ba ni a ba dang rga ba las gos par 'gyur ba'i phyir ro//
 khams rnams ni gdug pa'i mtshan nyid do zhes bya ba ni yul drug dang/ dbang po drug dang/ rnam par shes pa drug 'dus pa las reg pa dang tshor ba 'byung ba 'khor ba'i rgyu yin pa'i phyir ro/ /skye mched rnams ni 'byung ba'i sgo'i mtshan nyid de/ zhes bya ba ni
 skye mched bcu gnyis la brten nas rnam par shes pa drug 'byung ba'i phyir ro/ /rten cing 'brel par 'byung ba ni 'du 'phrod kyi mtshan nyid de zhes bya ba ni rgyu dang rkyen rnams 'dus shing chogs pa las 'bras bu 'grub pa'i phyir ro/ /sbyin pa'i pha rol tu phyin
 pa ni yongs su gtong ba'i mtshan nyid de zhes bya ba ni/ chos dang zang zing gi sbyin pa rnams/ chos dang zang zing 'dod pa rnams la yongs su gtong pa'i phyir ro/ /tshul khrims kyi pha rol tu phyin pa ni gdung ba med pa'i mtshan nyid de zhes bya ba ni srog gcod pa la sogs pa
 slangs te/ tshul khrims dang ldan na bdag nyid kyang tshe 'di dad phyi ma gnyis ka la/ lus dang sems gdung zhing mi bde ba med pa dang/ sems can pha rol la yang gnod pa dang gdung ba med pa'i phyir ro/ /bzod pa'i pha rol tu phyin pa ni 'khrug pa med pa'i
 mtshan nyid de zhes bya ba ni/ bzod pa dang ldan na bdag dang pha rol gnyis ka'i sems 'khrug pa med pa'i phyir ro/ /brtson 'grus kyi pha rol tu phyin pa ni thub pa med pa'i mtshan nyid de zhes bya ba ni/ brtson 'grus kyi go bgos nas/ bdud dang bar du gtser pa rnamS
 kyis zil gyis mi gnon cing mi thub pa'i phyir ro/ /bsam gtan gyi pha rol tu phyin pa ni/ yang dag par sdud pa'i mtshan nyid de zhes bya ba ni/ sems mnyam par bzhag na yang dag pa'i don rtogs shing sdud pa dang/ bsam gtan gyi 'bras bu rdzu 'phrul
 la sogs pas sems can rnams yid chos shing 'du ba'i phyir ro/ /shes rab kyi pha rol tu phyin pa ni tshogs pa med pa'i mtshan nyid de zhes bya ba ni shes rab kyis chos thams cad dngos po med par rtogs na/ dngos po gang la yang chags bar mi 'gyur
 ba'i phyir ro/ /bsam gtan bzhi dang tshad med pa bzhi dang/ gzugs med pa'i snyoms par 'jug pa bzhi dag ni/ mi 'khrugs pa'i mtshan nyid de zhes bya ba ni bsam gtan dang/ tshad med pa dang/ snyoms par 'jug pa 'di dg sems mnyam par
 bzhag cing phra ba'i phyir 'dod pa dang/ rnam par rtog pa la sogs pas sems mi 'khrugs pa'i phyir ro/ /byang chub kyi phyogs kyi chos sum cu rtsa bdun 'byung ba'i mtshan nyid de zhes bya ba dran pa nye bar gzhag pa bzhi dang/ yang dag par spong? ba bzhi dang 
 rdzu 'phrul gyi rkang pa bzhi dang/ dbang po lnga dang/ stobs lnga dang/ byang chub kyi yan lag bdun dang/ 'phags ba'i lam yan lag brgyad pa rnams ni 'khor ba nas 'byung bar byed pa'i phyir ro/ /rnam par thar pa'i sgo
 stod pa nyid ni dben pa'i mtshan nyid de bzhes bya bani gzung ba dang/ 'dzin pa'i dngos po thams cad dang bral te dben ba'i phyir ro/ /rnam par thar pa'i sgo mtshan ma med pa ni zhi ba'i mtshan nyid de zhes bya ba ni mtshan mar rnam par rtog pa thams cad
 spangs te zhi ba'i phyir ro/ /rnam par thar pa'i sgo smon pa med pa ni sdug bsngl sel ba'i mtshan nyid de zhes bya ba ni chos thams cad stong pa nyid dang mtshan ma med par rtogs na dngos po gang yang btsal zhing yongs su thob bar bya ba'i phyir smon cing
 'bad mi dgos pas 'dod pa mi snyed pa'i sdug bsngal med pa'i phyir ro/ /rnam par thar pa'i sgo rnams ni 'grel pa'i mtshan nyid de zhes bya ba ni rnam par thar pa brgyad rnams bsgom pa ni/ 'dod chags la sogs pa'i nyon mongs pa rnams las
 grol ba'i 'gyur ba'i phyir ro/ /stobs rnams ni shin tu rnam par gdon mi za ba'i mtshan nyid de zhes bya ba ni gnas dang gnas ma yin pa mkhyen pa la sogs pa de bzhin gshegs pa'i stobs bcu rnams ni/ ye shes kyi gtan la bab
 par brtags na/ dge ba spyad pa sni mtho ris su gdon mi z bar 'gro /sdig pa spyad pas ni ngan 'gror gdon mi za bar 'gro bar gtan la bab par mkhyen pa'i mthu dang ldan pa'i phyir ro/ /mi 'jigs pa rnams ni shin tu brtan pa'i mtshan nyid de
 zhes bya ba ni de bzhin gshegs pas mngon par byang chub pa dang/ zag pa zad pa dang/ bang du gcod pa'i chos rnams bstan pa dang/ 'phags pa'i lam rnams bstan pa la/ bdud dang mau stegs can rnams kyis gzhan du bsgyur mi nus
 pa'i phyir? ro/ /so so yang dag par rig pa rnams ni yongs su mi chod pa'i mtshan nyid de zhes bya ba ni chos dang/ don dang/ nges pa'i tshig dang/ spobs pa so sor yang dag bar rig pa rnams ni/ bdud dang phas kyi rgol ba rnams kyis zil gyis mi non cing bar mi chod
 pa'i phyir ro/ /byams pa chen po ni phan bar bsgrub pa'i mtshan nyid de zhes bya ba ni sems can thams cad la/ 'jig rten dang/ 'jig rten las 'das pa'i phan pa dang/ bde ba thob par byed pa'i phyir ro/ /snying rje chen po skyob ba'i mtshan nyid de zhes bya
 ba ni sdug bsngal dang mi bde ba sna tshogs las skyob ba'i phyir ro/ /dga' ba chen po ni rab tu dga' ba'i mtshan nyid de zhes bya ba ni/ sangs rgyas kyi chos rnams la mos shing rab tu dga' ba dang/ sems can pha rol po longs spyod dang 'byor ba phun sum
 tshogs pa mthong na/ bdag nyid rab tu dga' bar 'gyur ba'i phyir ro/ /gtang snyoms chen po ni ma 'dres pa'i mtshan nyid de zhes bya ba ni bde ba dang sdug bsngal ba dang/ dgra dang zun la sogs pa la sems mnyam par gyur te/ phyogs gcig tu ma zhen cing
 ma 'dres pa'i phyir ro/ /sangs rgyas kyi chos ma 'dres pa bco brgyad ni mi 'phrogs pa'i mtshan nyid de zhes bya ba ni/ de bzhin gshegs pa la 'khrul pa mi mnga' ba la sogs pa'i yon tan mnga' ba rnams/ nyan thos dang rang sangs rgyas la sogs pa
 gzhan la med do/ de dag gis bstod cing phrogs par mi nus pa'i phyir ro/ /rnam pa thams cad mkhyen pa nyid kyi ye shes mngon sum gyi mtshan nyid de zhes bya ba ni/ kun rdzob tu don dam bar gnyis kar chos thams cad rnam pa thams cad du gsal
 bar thugs su chud pa'i phyir ro/ /lha'i bu dag de ltar de bzhin gshegs pas chos thams cad mtshan nyid med par mngon par rdzogs par sangs rgyas pas/ de'i phyir de bzhin gshegs pa ni chags pa mi mnga' ba'i ye shes can zhes bya'o zhes bya ba ni/
 chos thams cad mtshan nyid med par bstan pa'i sgo nas/ shes rab kyi pha rol tu phyin pa zab mo 'di 'jig rten ston pa yin pa'i don mjug bsdus nas bstan pa ste/ de bzhin gshegs pas kun rdzob tu chos thams cad kyi
 mtshan nyid kyang de ltar mkhyen pa/ don dam par chos thams cad mtshan nyid med par yang thugs su chud de/ mkhyen pa la chags thogs med pa'i phyir/ chags pa mi mnga' ba'i ye shes can zhes bya ste/ de yang shes rab kyi pha rol tu phyin pa
 zab mo 'di la brten pas mkhyen pa'i phyir/ shes rab kyi pha rol tu phyin pa zab mo 'di 'jig rten ston pa yin no zhes bstan pa'o/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ zhes bya ba la sogs pas
 ni shes rab kyi pha rol tu phyin pa zab mo 'di de bzhin gshegs pa skyed pa dang/ 'jig rten ston pa yin pa la/ de bzhin gshegs pa bstan cing spyod pa dang/ mchod cing rim gro mdzad pa byas pa drin du gzi zhing/ drin lan ldon pa bstan pa
 ste/ rab 'byor shes rab kyi pha rol tu phyin pa ni/ de bzhin gshegs pa skyed pa ste/ zhes bya ba ni/ shes rab kyi pha rol tu phyin pa la brten cing goms par byas pas bsod nams dang ye shes kyi chogs yongs su rdzogs shing/ de bzhin
 gshegs par gyur pa'i phyir/ de bzhin gshegs bskyed pa zhes bya'o/ /shes rab kyi pha rol tu phyin pa ni 'jig rten 'di ston pa'o zhes bya ba ni/ shes rab kyi pha rol tu phyin pa 'di la brten cing goms par byas pa'i mthus/ de bzhin gsheD
 pas sems can rnams la 'jig rten 'di dag kun rdzob dang don dam pa'i tshul du phyin ci ma log par bstan pa'i phyir/ /shes rab kyi pha rol tu phyin pa 'di 'jig rten ston pa yin no zhes bstan pa'o/ /de'i phyir de bzhin gshes pa dgra
 bcom pa yang dag par rdzogs pa'i sangs rgyas 'di lta ste/ shes rab kyi pha rol tu phyin pa'i chos 'di la brten cing rnam par spyod do/ /chos de la rim? grong mdzad cing mchod pa mdzad do/ zhes bya ba ni de ltar shes rab kyi pha rol tu phyin pa 'di de bzhin gsheD
 pa skyed pa dang/ 'jig rten ston pa yin pas byas pa drin du gzo zhing drin la lan glon pa'i phyir/ de bzhin gshegs pa shes rab kyi pha rol tu phyin pa 'di nyid la brten te/ 'di nyid kyi tshul spyod cing 'di nyid la mchod pa dang/ rim gro mdzad do zhes bstan pa'o//
 shes rab kyi pha rol tu phyin pa la de bzhin gshegs pa rim gro mdzad pa dang/ bkur sti mdzad pa dang/ phu dung mdzad pa dang/ mchod pa mdzad pa de ni chos dang ldan pa ste zhes bya ba ni de ltar de bzhin gshegs pa shes rab kyi pha rol tu phyin pa la drin du
 gzo zhing mchod pa dang bkur sti mdzad pa ni/ dam pa'i chos dang mi 'gal te skyes bu dam pa'i chos dang ldan zhing rigs pa dang ldan no zhes bya ba'i don to/ /de ci'i phyir zhe na/ rab 'byor sangs rgyas bcom ldan 'das rnams ni/ shes rab kyi pha rol tu
 byin pa 'di las byung ba ste/ zhes bya ba ni/ shes rab kyi pha rol tu phyin pa la mchod cing rim gro bya bar rigs pa'i gtan tshigs bstan pa ste/ dus gsum gyi de bzhin gshegs pa rnams kyang/ shes rab kyi pha rol tu phyin pa 'di la spyad ci dgoms bar
 byas pa las/ bla na med pa'i byang chub tu mngon par rdzogs par sangs rgyas pa'i phyir mchod pa dang/ rim gro bya bar rigs so zhes bstan pa'o/ /rab 'byor de bzhin gshegs pa dgra bcom pa yang dag par rdzogs pa'i sangs rgyas ni byas pa mkhyen
 pa'o/ /de bzhin gshegs pa dgra bcom pa yang dag par rdzogs pa'i sangs rgyas ni byas pa dgongs pa la bya'o zhes bya ba ni de ltar dus gsum gyi de bzhin gshegs pa rnams shes rab kyi pha rol tu phyin pa 'di las byung la de bzhin gshegs
 pa rnams kyang shes rab kyi pha rol tu phyin pa la drin du gzo zhing/ mchod pa dang bkur sti mdzad pa ni byas pa mkhyen pa dang/ byas pa dgongs pa yin no zhes bstan pa'o/ /rab 'byor gang la la zhig yang dag par smra bas/ byas
 pa shes shing byas pa dran no zhes smra na/ de bzhin gshegs pa byas pa mkhyen cing byas pa 'gongs pa'o zhes yang dag par smra bas yang dag par smra'o zhes bya ba ni/ de bzhin gshegs pa las byas pa drin du gzo zhing byas pa ma bsnyel ba 'jig
 rten na gzhan su yang med pas/ d ebzhin gshegs pa la byas pa mkhyen cing byas pa dgongs pa'o zhes gang su zhig smra ba yod na/ de ni yang dag par smra ba ste/ bden par smr ba yin no zhes bya ba'i don to/ /rab 'byor ji ltar na de bzhin gsheD
 pa byas pa mkhyen cing byas pa dgongs pa yin zhe na/ rab 'byor de ni de bzhin gshegs pa dgra bcom pa yang dag par rdzogs pa'i sangs rgyas theg pa gang gis byon pa dang/ lam gang gis bla na med pa yang dag par rdzogs pa'i byang chub tu
 mngon par rdzogs par sangs rgyas par gyur pa'i theg pa de nyid dang lam de nyid la/ de bzhin gshegs pa rim gro mdzad pa dang/ bkur sti mdzad pa dang/ phu dang mdzad pa dang/ mchod pa mdzad pa dang/ yongs su srung ba mdzad pa'i phyir te/
 zhes bya bas ni/ de bzhin gshegs pa byas pa drin du bzo zhing byas pa dgongs pa'i gtan tshigs zhib tu bstan pa ste/ thabs gang gis byon pa dang/ lam gang gis bla na med pa yang dag par rdzogs pa'i byang chub tu mngon par rdzogs par
 sangs rgyas par gyur pa zhes bya ba ni shes rab kyi pha rol tu phyin pa 'di nyid la brten nas/ de bzhin gshegs pas sangs rgyas kyi go 'phan brnyes pa dang/ bla na med pa'i byang chub tu mngon par rdzogs par sangs rgyas par gyur pa'i
 shes rab kyi pha rol tu phyin pa de nyid la/ theg pa dang lam zhes bya ste/ de la mchod cing rim gro la sogs pa mdzad pa'i phyir/ byas pa mkhyen pa dang/ byas pa dgongs pa yin no zhes bstan pa'o/ /rab 'byor de ni de bzhin gshegs pa'i byas pa mkhyen
 pa dang/ byas pa dgongs pa lta'o zhes bya ba ni rgyu gang gis bla na med pa'i byang chub thob par gyur pa'i rgyu de la mchod cing rim gro la sogs mdzad pa de nyid la byas pa drin du gzo zhing drin la lan ldon pa yin par blta'o zhes bstan pa'o/ /rab 'byor
 gzhan yang de bzhin gshegs pas chos thams cad mtshan ma med pa la brten te/ byed pa po med pa'i phyir chos thams cad ma byas par mngon par rdzogs par sangs rgyas so/ zhes bya ba ni don dam par chos thams cad mtshan ma med cing mu stegs can
 gyis brtags pa'i byed pa po med pa'i phyir/ chos thams cad sus kyang ma byas par thugs su chud pa de yang shes rab kyi pha rol tu phyin pa 'di la brten pas thugs su tshud do zhes bya ba'i don to/ /lus med pa'i phyir ma byas par mngon par rdzogs par sangs
 rgyas so zhes bya ba ni chos thams cad don dam par dngos po med par bstan pa 'di las grags pa'i rgyu dang rkyen rnams kyis ma byas par thugs su chud do zhes bstan pa'o/ /rab 'byor de ltar de bzhin gshegs pas shes rab kyi pha rol tu phyin pa la
 brten te/ chos thams cad bya ba med par mngon par rdzogs par sangs rgyas pa de ni/ de bzhin gshegs pa'i byas pa mkhyen pa dang byas pa dgongs pa'o zhes bya ba ni/ de ltar chos thams cad byed pa po med pa dang/ bya ba med par thugs su chud pa de yang shes
 rab kyi pha rol tu phyin pa 'di la brten te/ thugs su chud la de ltar thugs su chud pa nyid kyang shes rab kyi pha rol tu phyin pa la nan tan gyi mchod pa byas pa yin te/ drin du gzo zhing drin la lan ldon pa yin no zhes bstan pa'o/ /rab 'byor gzhan yang
 shes rab kyi pha rol tu phyin pa la brten te/ de bzhin gshegs pa dgra bcom pa yang dag par rdzogs pa'i sangs rgyas kyi ye shes byas pa med pa/ chos thams cad la 'jug pa med pa'i brdas 'jug ste zhes bya ba ni/ de ltar
 phyed pa po med pa'i phyir chos thams cad sus kyang ma byas par mkhyen pa'i ye shes de yang sus kyang ma byas te/ chos thams cad byed pa po med par mkhyen pa 'jug pa yang don dam par ni/ 'jug pa med kyi kun rdzob kyi brda tsam du 'jug go zhes
 bstan pa'o/ /rab 'byor rnam grangs nges na shes rab kyi pha rol tu phyin pa ni/ de bzhin gshegs pa skyed pa'o/ /'jig rten 'di ston pa'o zhes bya ba ni/ de ltar de bzhin gshegs pas chos thams cad kun rdzob dang/ don dam pa'i tshul du thugs su
 chud de/ de bzhin gshegs par gyur pa dang/ de bzhin gshegs pas 'jig rten gyi chos thams cad bstan pa yang shes rab kyi pha rol tu phyin pa 'di la brten te bstan pa'i phyir/ shes rab kyi pha rol tu phyin pa 'di de bzhin gshegs pa skyed
 pa dang/ 'jig rten 'di ston pa yin no zhes bstan pa'o/ /rab 'byor gyis gsol pa/ bcom ldan 'das de ltar chos thams cad la shes pa po ma mchis shing/ mthong ba po ma mchis na/ ji ltar na shes rab kyi pha rol tu phyin pa de bzhin gsheD
 pa skyed cing 'jig rten 'di ston pa lags/ zhes bya ba ni gong du chos thams cad la byed pa po med par bshad pa'i don rab 'byor gyis rtogs nas/ de ltar byed pa po med na/ shes pa po dang mthong ba po yang med pas shes rab kyi pha rol
 tu phyin pa/ de bzhin gshegs pa skyed cing 'jig rten mkhyen par mdzad pa ma rigs so zhes gal gzung ste/ gsol pa'o/ kha com ldan 'das kyis bka' stsal pa/ rab 'byor de de bzhin no/ /de de bzhin te/ chos thams cad ni shes pa
 po med cing mthong ba po med pa'o zhes bya ba ni/ rab 'byor gyis gsol pa'i don de nyid bden no zhes bka' stsal pa ste/ don dam par chos thams cad rang bzhin gyis stong zhing dngos po med pas/ shes pa po dang mthong ba po med pa ni bden na/ don
 dam lta bu shes na/ 'jig rten na gzhan su yang med de/ de bzhin gshegs pas ni shes rab kyi pha rol tu phyim pa 'di la brten te chos thams cad la shes pa po med cing mthong ba po med par rtogs pas de'i phyir/ shes rab kyi pha rol tu phyin pa
 'dir de bzhin gshegs pa skyed pa dang/ 'jig rten 'di phyin ci ma log par ston pa yin no zhes bstan pa'o/ /rab 'byor chos thams cad ni stong pa/ gsog gsob dbang med pa snying po med pa ste/ rab 'byor rnam grangs nges na chos thams cad ni
 shes pa po med cing mthong ba po med pa'o zhes bya ba ni shes pa po med pa dang/ mthong ba po med pa'i gtan tshigs bstan pa ste/ don dam par chos thams cad rang bzhin gyis stong ste/ dngos po med pas shes par bya ba dang/ mthong bar bya ba yang
 med pa'i phyir/ shes pa po dang mthong ba po med do zhes bstan pa ste/ gsog dang gsob dang dbang med pa dang snying po med pa zhes bya ba ni/ dngos po med pa'i rnam grangs su rig par bya'o/ /rab 'byor gzhan yang chos thams cad ni shes pa po med cing
 mthong ba po med pa ste/ rab 'byor ji ltar na chos thams cad shes pa po med cing mthong ba po med pa yin zhe na/ rab 'byor chos thams cad ni mi gnas shin khong du chud pa ma yin pa ste/ rab 'byor rnam grangs nges na chs thams cad shes pa
 po med cing mthong ba po med pa ste/ zhes bya ba ni/ shes pa po med cing mthong ba po med pa'i gtan tshigs rnam pa gzhan bstan pa ste/ don dam par chos thams cad dngos po med pas ci la yang mi gnas shing khams gsum gang gi nang du gtogs 
 pa yang ma yin pa'i phyir/ shes pa po dang mthong ba po med do zhes bstan pa'o/ /rab 'byor de ltar na/ shes rab kyi pha rol tu phyin pa de bzhin gshegs pa skyed cing 'jig rten ston pa'o zhes bya ba ni de ltar chos thams cad mi
 gnas shing gang du yang ma gtogs pa'i phyir shes pa po med pa dang/ mthong ba po med par de bzhin gshegs pas thugs su chud de/ de bzhin gshegs par gyur nas/ 'jig rten bstan pa yang shes rab kyi pha rol tu phyin pa 'di la brten pa las
 gyur pa'i phyir/ shes rab kyi pha rol tu phyin pa 'di ni/ de bzhin gshegs pa skyed cing 'jig rten ston pa yin zhes bstan pa'o/ /de yang gzugs mthong ba med pa'i phyir ston pa'o zhes bya ba la sogs pa sni/ shes rab kyi pha rol tu phyin pa zab mo
 'di 'jig rten na yang dag pa ji lta ba nyid du ston pa bshad pa ste/ gzugs mthong ba med pa'i phyir ston pa'o zhes bya ba ni/ /shes rab kyi pha rol tu phyin pa zab mo 'di la spyad cing bsgoms na/ kun brtags pa'i gzugs la mtshan mar ma 'dzin cing/
 dngos por mthong ba med par gyur pa nyid/ gzugs kyang yang dag pa ji lta ba bzhin du ston pa yin zhes bshad pa'o/ /de bzhin du tshor ba la sogs pa rnam pa thams cad mkhyen pa nyid la thug gi bar du yang shes par bya'o/ /rab 'byor de ltar na
 shes rab kyi pha rol tu phyin pa de bzhin gshegs pa skyed pa'o zhes bya ba ni/ shes rab kyi pha rol tu phyin pa la brten nas/ de bzhin gshegs pa chos thams cad la mtshan mar mi 'dzin cing/ chos rnams kyi yang dag pa te da ji lta ba bzhin
 du thugs su chud nas/ de bzhin gshegs par gyur pa'i phyir/ shes rab kyi pha rol tu phyin pa zab mo 'di de bzhin gshegs pa skyed pa yin no zhes bstan pa'o/ /gsol pa bcom ldan 'das ji ltar na gzugs mthong ba ma mchis pa'i slad
 du ston pa lags zhes bya ba nas/ ji ltar na rnam pa thams cad mkhyen pa nyid mthong ba ma mchis pa'i slad du ston pa lags zhes bya ba'i bar du ni/ chos thams cad mthong ba med pa'i phyir ston pa'i don 'ong du bshad pa de nyid zhib tu bshad pa'i gleng bslangs
 pa'i phyir rab 'byor gyis zhus pa'o/ /bcom ldan 'das kyis bka' stsal pa/ rab 'byor nam gzugs la dmigs pa'i rnam par shes pa mi 'byung ba'i tshe/ gzugs mthong ba med pa'i phyir ston pa'o zhes bya ba nas/ rnam pa thams cad mkhyen
 pa nyid la dmigs pa'i rnam par shes pa mi 'byung ba'i tshe/ rnam pa thams cad mkhyen pa nyid mthong ba med pa'i phyir ston pa'o zhes bya ba'i bar gyis ni/ chos rnams mthong pa med pa'i phyir ston pa'i don rab 'byor gyis zhib tu bshad pa ste/ de la
 nam gzugs la dmigs? pa'i rnam par shes pa mi 'byung ba'i tshe/ gzugs mthong ba med pa'i phyir ston pa'o zhes bya ba ni/ shes rab phyi pha rol tu phyin pa 'di la spyod cing bsgom pa'i mthus phyin ci log tu mthong zhing shes pa rnams spangs te kun brtaD
 pa'i gzugs la phyin ci log tu dmigs shing mtshan mar 'dzin pa'i rnam par shes pa mi 'byung bar gyur pa de'i tshe/ yang dag pa'i don mthong zhing rtogs pas/ gzugs kyi de bzhin nyid phyin ci ma log par ston nus pa'i phyir/ gzugs mthong ba
 med pa'i phyir ston pa zhes bya ste/ dper na rab rib can gyis skra shad 'dzings pa la sogs pa mthong nas/ de la dmigs pa'i rnam par shes pa 'byung ba ste/ phyis rab rib byang nas 'khrul pa rnam par shes pa mi 'byung ba bzhin du zhes bstan pa'o//
 de bzhin du tshor ba la sogs pa rnam pa thams cad mkhyen pa nyid thug gi bar du yang sbyar bar bya'o/ /rab 'byor de ltar na shes rab kyi pha rol tu phyin pa zab mo 'di de bzhin gshegs pa skyed cing 'jig rten ston pa'o zhes bya ba ni/ de ltar gong du
 bshad pa'i tshul du de bzhin gshegs pa/? sa? shes rab kyi pha rol tu phyin pa zab mo 'di la brten nas/ chos thams cad phyin ci ma log par thugs su chud pa'i phyir/ shes rab kyi pha rol tu phyin pa zab mo 'di/ de bzhin gshegs
 pa skyed cing 'jig rten ston pa yin no zhes bstan pa'o/ rab 'byor gzhan yang ji ltar na/ shes rab kyi pha rol tu phyin pa de bzhin gshegs pa skyed cing 'jig rten ston pa yin zhes bya ba la sogs pas ni/ shes rab gyi pha rol tu phyin pa 'di las
 chos thams cad stong pa nyid du mdor ston pa'i phyir de bzhin gshegs pa skyed cing 'jig rten ston pa/ yin par bshad pa ste/ rab 'byor 'di la shes rab kyi pha rol tu phyin pa ni 'jig rten du ston pa zhes brjod de/ 'jig rten du ci stong pa zhes
 brjod ce na/ gzugs stong ngo zhes bya bar 'jig rten du brjod do zhes bya bas/ rnam pa thams cad mkhyen pa nyid stong ngo zes bya bar 'jig rten du brjod do zhes bya ba'i bar du ni/ gzugs la sogs pa rnam pa thams cad mkhyen pa nyid la thug gi
 bar du chos thams cad don dam par stong pa nyid kyi rang bzhin du rjod cing ston pa yin no zhes bshad pa'o/ /rab 'byor de ltar na shes rab kyi pha rol tu phyin pa de bzhin gshegs pa skyed cing 'jig rten ston pa'o zhes bya ba ni/ shes rab kyi pha
 rol tu phyin pa zab mo 'di las chos thams cad stong pa nyid du brjod cing bstan pa'i don/ bcom ldan 'das kyis thugs su chud pa las/ de bzhin gshegs par gyur pa'i phyir/ shes rab kyi pha rol tu phyin par di de bzhin gshegs pa skyed
 cing 'jig rten ston pa yin no zhes bshad pa'o/ /rab 'byor gzhan yang shes rab kyi pha rol tu phyin pa ni/ de bzhin gshegs pa la 'jig rten stong zhes bya bar ston/ 'jig rten stong zhes bya bar brjod 'jig rten stong zhes bya bar shes par byed do//
 rab 'byor de ltar na shes rab kyi pha rol tu phyis pa ni de bzhin gshegs pa skyed cing 'jig rten ston pa'o zhes bya ba ni/ shes rab kyi pha rol tu phyin pa 'di las 'jig rten gyi chos thams cad stong pa nyid kyi rang bzhin yin par 'chad cing bstan pa
 las de bzhin gshegs par gyur pa'i phyir/ shes rab kyi pha rol tu phyin pa 'di de bzhin gshegs pa skyed cing 'jig rten ston pa yin no zhes bshad pa'o/ /rab 'byor gzhan yang shes rab kyi pha rol tu phyin pa ni de bzhin gshegs pa la
 'jig rten stong zhes bya bar ston te zhes bya ba la sogs pas ni/ shes rab kyi pha rol tu phyin pa 'di las chos thams cad don dam par stong pa nyid gyi rang bzhin du zhib tu 'chang pa'i phyir/ de bzhin gshegs pa skyed cing 'jig rten ston pa yin
 par bstan pa ste/ 'jig rten stong zhes bya bar ji ltar ston ce na/ 'jig rten na gzugs stong zhes bya bar ston to zhes bya ba nas/ 'jig rten na rnam pa thams cad mkhyen pa nyid stong zhes bya bar ston to zhes bya ba'i bar gyis ni/ gzugs la sogs
 pa rnam pa thams cad mkhyen pa nyid la thug gi bar gyi chos rnams don dam par stong pa nyid kyi rang bzhin du zhib tu bstan te/ bcom ldan 'das kyis thugs su chud par byas pa la/ de bzhin gshegs par 'gyur ba'i phyir/ shes rab kyi pha
 rol tu phyin pa 'di de bzhin gshegs pa skyed cing 'jig rten ston pa yin no zhes bstan to/ /rab 'byor gzhan yang shes rab kyi pha rol tu phyin pa ni/ de bzhin gshegs pa la 'jig rten bsam gyi mi khyab ces bya bar ston te zhes bya ba
 nas/ rnam pa thams cad mkhyen pa nyid kyi 'jig rten bsam gyis mi khyab ces par ston to zhes bya ba'i bar du ni/ shes rab kyi pha rol tu phyin pa zab mo 'di las chos thams cad don dam par dngos po med de/ sems dang sems las
 byung ba'i spyod yul du mi 'gyur ba'i phyir/ bsam gyis mi khyab par ston pa'i sgo nas/ de bzhin gshegs pa skyed cing 'jig rten ston pa yin par bsh+d pa ste/ shes rab kyi pha rol tu phyin pa la sogs pa
 pha rol tu phyin pa drug la sogs pa rnam pa thams cad mkhyen pa nyid la thug gi bar gyis 'jig rten las 'das pa'i chos rnams la/ 'jig rten zhes bya ba ni/ kun rtags pa'i rang bzhin du gtogs pa'i chos thams cad las dgongs
 te 'jig rten zhes bshad do/ /rab 'byor gzhan yang shes rab kyi pha ol tu phyin pa zab mo 'di ni de bzhin gshegs pa la 'jig rten dben zhes bya bar ston te/ zhes bya ba nas/ rnam pa thams cad mkhyen pa nyid kyi 'jig rten dben zhes
 bya bar ston to zhes bya ba'i bar du ni/ shes rab kyi pha rol tu phyin pa zab mo 'di las chos thams cad don dam par gzung ba dang 'dzin pa las dben zhing stong par shes pa las de bzhin gshegs par gyur pa'i tshe/ shes rab kyi pha rol tu
 phyin pa 'di de bzhin gshegs pa skyed cing 'jig rten ston pa yin par bshad pa'o/ /rab 'byor gzhan yang shes rab kyi pha rol tu phyin pa 'di de bzhin gshegs pa la 'jig rten mdza' las 'ds pa stong pa zhes bya bar ston te zhes
 bya ba nas/ rnam pa thams cad mkhyen pa nyid kyi 'jig rten mdza' las 'das pa stong pa'o/ /zhes bya bar ston to zhes bya ba'i bar du ni/ shes rab kyi pha rol tu phyin pa 'di las/ chos thams cad don dam par rang bzhin gyis stong
 pas yod pa dang med pa dang/ rtag pa dang mi rtag pa la sogs pa'i mdza' las 'das te stong ngo zhes bshad pa las de bzhin gshegs par gyur pa'i phyir/ shes rab kyi pha rol tu phyin pa 'di de bzhin gshegs pa skyed cing 'jig /
 rten ston pa yin par bstan pa'o/ /rab 'byor gzhan yang shes rab kyi pha rol tu phyin pa ni/ de bzhin gshegs pa la 'jig rten ngo bo nyid kyi stong pa zhes bya bar ston te zhes bya ba nas/ rnam pa thams cad mkhyen pa nyid kyi 'jig rten ngo bo nyid stong pa zhes
 bya bar ston to zhes bya ba'i bar du ni/ shes rab kyi pha rol tu phyin pa 'di las don dam par chos thams cad ngo bo nyid kyis stong par bshad pa bcom ldan 'das kyis thugs su chud pa las/ de bzhin gshegs par gyur pa'i phyir/ shes rab kyi pha rol tu phyin
 pa zab? mo 'di de bzhin gshegs pa skyed cing/ 'jig rten ston pa yin par bshad pa'o/ /rab 'byor gzhan yang shes rab kyi pha rol tu phyin pa ni/ de bzhin gshegs pa la 'jig rten dngos po med pa'i ngo bo nyid stong pa zhes bya bar ston to zhes bya ba
 nas/ rnam pa thams cad mkhyen pa nyid kyi 'jig rten dngos po med pa'i ngo bo nyid stong pa zhes bya bar ston to zhes bya ba'i bar du ni/ shes rab kyi pha rol tu phyin pa 'di las don dam par chos thams cad dngos po med pa'i ngo bo nyid yin par bshad pa/ bcom
 ldan 'das kyis thugs su chung pa las de bzhin gshegs par gyur ba'i phyir/ shes rab kyi pha rol tu phyin pa 'di de bzhin gshegs pa skyed cing 'jig rten ston pa yin par bshad pa'o/ /rab 'byor gzhan par shes rab kyi pha rol tu phyin pa ni de bzhin
 gshegs pa la 'jig rten zhi zhes bya bar ston te zhes bya ba nas/ rnam pa thams cad mkhyen pa nyid kyi 'jig rten zhi zhes bya bar ston te zhes bya ba'i bar du ni/ shes rab kyi pha rol tu phyin pa 'di las don dam par chos thams cad rang bzhin gyis stong ste/
 nyon mongs pa dang nye ba'i nyon mongs pa rnams zhi zhing gzugs la sogs pa/ rnam pa thams cad mkhyen pa nyid la thug gi bar gyis chos rnams la mtshan mar 'dzin cing rnam par rtog pa med de/ zhi bar gyur pa bstan pa ste/ bcom ldan 'das kyis
 thugs su chud pa las/ de bzhin gshegs par gyur pa'i phyir/ shes rab kyi pha rol tu phyin pa zab mo 'di de bzhin gshegs pa skyed cing 'jig rten ston pa yin par bshad pa'o/ /rab 'byor gzhan yang shes rab kyi
 pha rol tu phyin pa ni de bzhin gshegs pa la 'jig rten stong pa nyid ces bya bar ston te zhes bya ba nas/ rnam pa thams cad mkhyen pa nyid ces bya bar ston to zhes bya ba'i bar du ni/ shes rab kyi pha rol tu phyin pa 'di las/ don dam par
 chos thams cad stong pa nyid kyi rang bzhin yin par bstan pa/ bcom ldan 'das kyis thugs su chud pa las/ de bzhin gshegs par gyur pa'i phyir/ shes rab kyi pha rol tu phyin pa 'di de bzhin gshegs pa skyed cing 'jig rten
 ston pa yin par bshad pa'o/ /rab 'byor shes rab kyi pha rol tu phyin pa zab mo 'di 'jig rten ji ltar ston ce na/ ci nas kyan 'jig rten 'di'i 'du shes su yang mi 'gyur la/ 'jig rten pha rol gyi 'du shes su yang mi 'gyur ba ltar ston
 te zhes bya ba ni/ gong du shes rab kyi pha rol tu phyin pa zab mo 'di 'jig rten ston pa'o zhes bshad pa la/ kha cig 'jig rten zhes bya ba dang/ dngos po yod par 'dzin pa bsal ba'i phyir/ don dam par 'jig rten 'di dang 'jig
 rten pha rol gnyis ka yang dngos po med de/ de lta bu'i 'du shes kyang mi 'byung bar 'chad pa nyid 'jig rten gyi don yang dag pa ji lta ba bzhin du ston pa'i phyir/ 'jig rten ston pa yin no zhes bshad pa'o/ /de ci'i phyir zhe na/ de ni 'di
 ltar gan gis 'jig rten 'di'i 'du shes su 'gyur ba 'am/ 'jig rten pha rol gyi 'du shes su 'gyur ba'i chos de lta bu med do zhes bya ba ni/ 'jig rten gyi don yang dag pa ji lta ba bzhin du ston pa'i gtan tshigs bshad pa ste/ 'jig rten
 'di zhes bya ba 'am/ 'jig rten pha rol zhes bya ba'i dngos po 'ga' zhig yod na ni/ de'i 'du shes kyang skye bar 'gyur na/ de lta bu'i dngos po gang yang med pas/ de'i 'du shes skye bar mi 'gyur ro zhes bya ba'i don to/ /gsol pa bcom ldan 'das
 shes rab kyi pha rol tu phyin pa 'di ni don chen po'i slad du nye bar gnas so zhes bya ba la sogs pas na/ shes rab kyi pha rol tu phyin pa zab mo 'di de bzhin gshegs pa'i yon tan thams cad yongs su rdzogs par 'gyur ba'i rgyu chen po yin te/ gzhan gyi don
 phun sum tshogs pa chen po dang ldan pa bstan pa ste/ don chen po'i slad du nye bar gnas so zhes bya ba ni/ bcom ldan 'das kyis mngon par rdzogs par sangs rgyas nas/ mthu rje chen pos sems can thams cad bskyab pa dang/ byams pa chen pos sems
 can thams cad yongs su mi gtang ba'i don chen po mdzad pa yang/ shes rab kyi pha rol tu phyin pa 'di la spyod cing goms par gyur pa'i mthu yin pa'i phyir/ shes rab kyi pha rol tu phyin pa 'di don chen po mdzad pa yin no zhes bstan pa'o/ /don bsam gyis
 mi khyab pa'i slad du nye bar gnas so zhes bya ba ni/ shes rab kyi pha rol tu phyin pa 'di la brten nas/ sangs rgyas zhes bya ba dang/ de bzhin gshegs pa zhes bya ba dang/ rang 'byung ba zhes bya ba dang/ thams cad mkhyen pa zhes bya bar gyur te/ de'i
 yon tan bsam gyis mi khyab pa'i rgyu yin pa'i phyir/ don bsam gyis mi khyab pa mdzad pa yin no zhes bya ba'i don to/ /don dpag tu ma mchis pa'i slad du nye bar gnas so zhes bya ba ni/ shes rab kyi pha rol tu phyin pa 'di la brtan nas/ bcom
 ldan 'das kyis mngon par sangs rgyas pa dang/ de bzhin gshegs pa zhes bya bar gyur pa dang/ rang 'byung ba zhes bya bar gyur pa d+dang/ thams cad mkhyen pa nyid ces bya bar gyur pa'i yon tan de dag sems can gang gis kyang/ 
 tshad bzung zhing dpag par mi nus te/ de lta bu'i yon tan dpag tu med pa'i rgyu yin pa'i phyir ro/ don gzhal du ma mchis pa'i slad du nye bar gnas so zhes bya ba ni/ bcom ldan 'das kyis shes rab kyi pha rol tu
 phyin pa 'di la brten nas/ sangs rgyas zhes bya bar gyur pa dang/ de bzhin gshegs pa zhes bya bar gyur pa dang/ rang byung ba zhes bya bar gyur pa dang/ thams cad mkhyen pa zhes bya bar gyur pa'i yon tan de dag grangs 'di snyed cig gi zhe 'am/
 tshad 'di tsam mo zhes sus kyang gzhal zhing bgrang bar mi nus te/ yon tan de lta bu'i rgyu yin pa'i phyir ro/ /don mi mnyam pa dang mnyam pa'i slang du nye bar gnas so zhes bya ba ni/ shes rab kyi pha rol tu phyin pa 'di la brten nas/ bcom
 ldan 'das kyis bla na med pa'i byang chub brnyes te/ de dang mnyam pa yang su yang med na/ de las lhag pa lta smos kyang ci dgos te/ de lta bu'i bla na med pa'i byang chub su dang yang mi mnyam pa de dang mnyam par byed pa'i rgyu yin pa'i phyir/
 shes rab kyi pha rol tu phyin pa 'di don mi mnyam pa dang mnyam pa'i phyir nye bar gnas pa zhes bya'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te zhes bya ba nas/ rab 'byor de bzhin gshegS
 pa dgra bcom pa yang dag par rdzogs pa'i sangs rgyas rnams la mnyam pas mnyam pa yang su yang med na lhag pa lta ci smos te/ rab 'byor rnam grangs des na/ shes rab kyi pha rol tu phyin pa ni /de bzhin gshegs pa dgra bcom pa yang
 dag par rdzogs pa'i sangs rgyas rnams kyi don mi mnyam pa dang mnyam pa'i phyir nye bar gnas so zhes bya ba'i bar gyis ni/ shes rab kyi pha rol tu phyin pa 'di don chen po dang/ don bsam gyis mi khyab pa dang/ don dpag tu med pa dang
 don gzhal du med pa dang/ don mi mnyam pa dang mnyam pa mdzad pa yin no zhes gong du mdor smos pa'i don de nyid bcom ldan 'das nyid kyi so sor phye ste/ zhib tu bshad pa ste/ so so'i don ni sngar bshad par zad do/ /gsol pa bcom ldan 'das
 sangs rgyas nyid dang/ de bzhin gshegs pa nyid dang/ rang byung nyid dang/ rnam pa thams cad mkhyen pa nyid dang/ bsam gyis mi khyab/ dpag tu ma mchis gzhal du ma mchis shing/ mi mnyam pa dang mnyam pa lags sam zhes bya ba
 ni/ chos thams cad kyang bsam gyis mi khyab pa dang/ dpag tu med pa dang/ gzhal tu med pa dang/ mi mnyam pa dang mnyam pa yin par zhib tu bshad pa'i gling bslang ba'i phyir rab 'byor gyis zhus pa'o/ /bcom ldan 'das kyis bka' 
 stsal pa/ rab 'byor de de bzhin no de de bzhin te/ zhes bya ba nas/ rab 'byor rnam ba thams cad mkhyen pa nyid kyang bsam gyis mi khyab/ dpag tu med pa dang/ gzhal tu med pa ste/ mi mnyam pa dang mnyam pa'o zhes bya ba'i bar du ni/
 sangs rgyas zhes bya ba dang/ de bzhin gshegs pa zhes bya ba dang/ rang byung ba zhes bya ba dang/ thams cad mkhyen pa zhes bya ba 'ba' zhig /bsam gyis mi khyab dpag tu med /gzhal du med/ mi mnyam pa dang mnyam par ma zad kyi/ gzugs
 pa sogs pa rnam pa thams cad mkhyen pa nyid la thug gi bar gyi chos thams cad don dam par dngos po med pas bsam pa dang/ dpag pa dang/ gzhal ba dang/ mnyam pa'i spyod yul ma yin no zhes bstan pa'o/ /rab 'byor chos thams cad
 kyang bsam gyis mi khyab/ dpag tu med pa ste/ mi mnyam pa dang mnyam pa'o zhes bya ba ni/ gong du bshad pa'i don mdor bsdus te bstan pa ste/ mdor na 'jig rten dang/ 'jig rten las 'das pa dang/ 'dus byas dang/ 'dus ma byas dang/
 zag pa dang bcas pa dang/ zag med pa'i chos thams cad kyang don dam par dngos po med pas/ bsam pa dang/ dpag pa dang/ mnyam du med do zhes bstan pa'o/ /rab 'byor chos thams cad kyi chos nyid gang yin pa de
 la ni sems mi dmigs so/ /sems las byung pa'i chos rnams kyang mi dmigs so zhes bya ba ni/ de ltar gong du bshad pa'i tshul du gzugs la sogs pa'i chos thams cad dngos po med de/ bsam pa dang dpag pa la sogs pa'i sems kyi
 spyod yul du mi 'gyur na/ chos de dag thams cad kyi chos nyid stong pa nyid gang yin pa de/ bsam zhing dpag pa'i spyod yul du 'gyur te/ sems dang sems las byung bas/ dmigs su rung ba zhig yin snyam du kha cig rnam par rtog pa 'byung
 yang srid de/ de lta bu'i rnam par rtog pa bsal ba'i phyir chos thams cad kyi chos nyid ces bya ba yang kun rdzob tu tshig tsam du brjod du zad kyis/ don dam par sems dang sems las byung bas/ dmigs pa'i yul ma yin no zhes bstan pa'o//
 rab 'byor gzugs bsam gyis mi khyab/ dpag tu med/ gzhal du med pa ste/ mi mnyam pa dang mnyam pa yang mi dmigs so zhes bya ba nas/ rab 'byor rnam pa thams cad mkhyen pa nyid bsam gyis mi khyab/ dpag tu med/ gzhal du
 med pa ste/ mi mnyam pha dang mnyam pa yang mi dmigs so zhes bya ba'i bar gyis ni/ gzugs la sogs pa'i chos thams cad bsam pa dang dpag pa dang gzhal du med de mi mnyam pa dang mnyam pa'o zhes bshad pa la mi mnyam pa dang
 mnyam pa zhes bya ba'i dngos po 'ga' zhig yod snyam du/ rnam par rtog pa 'byung yang srid de/ de lta bu'i rnam bar rtog pa bsal ba'i phyir mi mnyam pa dang mnyam pa zhes bya ba yang kun rdzob tu bstan pa tsam du zad kyi don dam par
 ni de yang mi dmigs so zhes bstan pa'o/ /gsol pa bcom ldan 'das ci'i slad du gzugs bsam gyis mi khyab/ dpag tu ma mchis gzhal du ma mchis shing /mi mnyam pa dang mnyam pa mi dmigs pa lags zhes bya ba nas/ de ci'i slad du rnam pa
 thams cad mkhyen pa nyid bsam gyis mi khyab dpag tu ma mchis gzhal du ma mchis shing mi mnyam pa dang mnyam pa mi dmigs pa las zhes bya ba'i bar gyis ni/ gzugs la sogs pa'i chos thams cad bsam gyis mi khyab pa dang/ dpag tu
 med pa dang/ gzhal tu med pa dang/ mi mnyam pa dang mnyam pa mi dmigs pa'i don de nyid zhib tu bshad cing/ 'khor rnams kyi brtan par rtogs par bya ba'i phyir rab 'byor gyis zhus pa'o/ /bcom ldan 'das kyis bka' stsal pa/ rab 'byor gzugs
 la yang bsam pa dang/ dpag pa dang tshad dang mnyam pa dang mi mnyam pa mi dmigs so zhes bya ba nas/ rab 'byor rnam pa thams cad mkhyen pa nyid la yang bsam pa dang dpag pa dang tshad dang mnyam pa dang mi mnyam pa mi dmigs so zhes bya ba'i bar gyis ni/ gzugs
 la sogs pa'i chos thams cad la dngos po zhig yod na ni/ sems kyis bsam zhing dpag pa 'am/ tshad kyis bcal zhing mnyam du yang rung na/ don dam par dngos po med pas de lta bu mi dmigs so zhes bstan pa'o/ /gsol pa bcom ldan
 'das ci'i slad du gzugs la bsam pa dang dpag pa dang/ tshad dang mnyam pa dang mi mnyam pa mi dmigs ba lags zhes bya ba nas/ ci'i slad du rnam pa thams cad mkhyen pa nyid bsam pa dang dpag pa dang tshad dang mnyam pa dang/ mi dmiD
 pa lags zhes bya ba'i bar gyis ni/ gzugs la sogs pa'i chos thams cad la bsam pa dang dpag pa dang tshad dang mnyam pa dang mi mnyam pa mi dmigs pa'i don de nyid zhib tu bshad pa'i gleng bslang ba'i phyir/ rab 'byor gyis nus pa'o/ /
 bcom ldan 'das kyis bka' stsal pa/ rab 'byor gzugs gyis ngo bo nyid bsam gyis mi khyab/ dpag tu med/ gzhal du med la/ mi mnyam pa dang mnyam pa ste/ de'i phyir gzugs la bsams pa dang/ dpag pa dang
 tshad dang mnyam pa dang mi mnyam pa mi dmigs so zhes bya ba nas/ de'i phyir rnam pa thams cad mkhyen pa nyid la bsam pa dang/ dpag pa dang/ tshad dang mnyam pa dang mi mnyam pa mi dmigs so zhes bya ba'i bar gyis ni/ gzugs la sogs pa'i
 chos thams cad don dam par rang bzhin gyis stong ste/ dngos po med pas/ bsam pa dang/ dpag pa dang/ gzhal du mi rung ste/ de'i phyir bsam pa dang dpag pa dang tshad dang mnyam pa dang mi mnyam pa mi dmigs so zhes bstan pa'o/ /rab
 'byor de ji snyam du sems/ gzugs gang bsam gyis mi khyab dpag tu med pa ste/ mi mnyam pa dang mnyam pa ste/ de la gzugs dmigs su yod dam zhes bya ba nas/ rnam pa thams cad mkhyen pa nyid gang bsam gyis mi khyab dpag tu med/
 gzhal du med pa ste/ mi mnyam pa dang mnyam pa de la rnam pa thams cad mkhyen pa nyid dmigs su yod dam zhes bya ba'i bar gyis ni/ gong du chos thams cad bsam gyis mi khyab pa dang/ dpag tu med pa dang/ gzhal du med pa dang/ mi
 mnyam pa dang mnyam pa bshad pa'i don de nyid gsal bar bstan pa'i phyir/ bcom ldan 'das kyis rab 'byor la smras pa ste/ 'khor gyi nang na kha cig de ltar chos thams cad bsam gyis mi khyab/ dpag tu med /gzhal du med /mi mnyam pa dang
 mnyam pa zhes bya ba de la dngos po 'ga' zhig yod dam snyam du sems dpa' i rnam par rtog pa bsal ba'i phyir/ gzugs bsam gyis mi khyab pa dang/ dpag tu med pa dang/ gzhal du med pa dang/ mi mnyam pa dang/ mnyam pa
 zhes bya ba gang yin pa de la gzugs kyi dngos po dmigs su yod dam zhes smras pa ste/ bsam gyis mi khyab pa dang/ dpag tu med pa dang/ gzhal du med pa dang/ mi mnyam pa dang mnyam pa zhes bya ba de nyid dngos po med pa'i rnam thabs yin pas/
 de la gzugs kyi dngos po dmigs su med do zhes bya ba'i don to/ /tshor ba la sogs pa rnam pa thams cad mkhyen pa nyid la thug gi bar du yang de bzhin du sbyar bar bya'o/ /gsol pa bcom ldan 'das de ma mchis so zhes bya ba ni/ gzugs la sogs pa rnam
 pa thams cad mkhyen pa nyid la thug gi bar gyis chos rnams/ bsam gyis mi khyab pa dang/ dpag tu med pa dang/ gzhal du med pa dang/ mi mnyam pa dang mnyam pa gang yin pa de la gzugs la sogs pa'i dngos po gang yang dmigs su
 med do zhes bya ba'i don to/ /bcom ldan 'das kyis bka' stsal pa/ rab 'byor de bas na/ rnam grangs 'dis chos thams cad bsam gyis mi khyab/ dpag tu med/ gzhal du med pa ste/ mi mnyam pa dang mnyam pa'o zhes bya ba ni/ gong du
 gzugs la sogs pa'i chos thams cad re re nas so sor phye ste/ bsam gyis mi khyab pa la sogs pa'i don bshad pa de nyid mdor bsdus te bstan pa'o/ /rab 'byor de bzhin gshegs pa'o/ de bzhin gshegs pa'i chos 'di dag ni bsam pa
 dang bral pa'i phyir bsam gyis mi khyab pa'o zhes bya ba la sogs pa ni/ bsam gyis mi khyab pa dang/ dpag tu med pa dang/ gzhal du med pa dang/ mi mnyam pa dang mnyam pa'i don gong du bshad pa zhib tu 'grol pa ste/ de bzhin gsheD
 pa'i de bzhin gshegs pa'i chos 'di dag ni zhes bya ba/ de bzhin gshegs pa'i zhes bya ba'i tshig lan gnyis smos pa gong ma ni de bzhin gshegs pas thugs su chud cing/ bshad pa'i chos rnams la bya'o/ /de bzhin gshegs pa'i
 chos 'di dag ni zhes bya ba'i tshig 'gam? ni de bzhin gshegs pa nyid kyis yon tan brnyes pa'i chos sangs rgyas nyid dang/ de bzhin gshegs pa nyid dang/ rab byung ba nyid dang/ thams cad mkhyen pa nyid ces
 bya ba/ gong du smos ba rnams la bya ste /de bzhin gshegs pa'i chos de dag/ bsam pa dang bral ba'i phyir/ bsam gyis mi khyab pa'o zhes bya ba ni/ sangs rgyas kyi chos de dag la/ sems pa'i bsam pa nyid kyang dngos po med de/ de ltar
 bsam pa dang bral ba'i phyir bsam gyis mi khyab bo zhes bstan pa'o/ /dpag pa dang bral ba'i phyir dpag tu med pa'o zhes bya ba ni/ chos de dag la dpog pa'i rnam par rtog pa nyid kyang dngos po med pa'i phyir dpag tu med do zhes bya ba'i
 don to/ /tshad dang bral ba'i phyir gzhal du med pa'o zhes bya ba ni mngon sum dang/ rjes su dpag pa la sogs ba'i tshang mas 'jal zhing gtan la 'beb ? nyid kyang dngos po med pa'i phyir/ gzhal du med do zhes bstan pa'o/ /mnyam
 pa dang mi mnyam pa dang bral ba'i phyir mi mnyam pa dang mnyam pa ste/ zhes bya ba ni/ don dam par chos thams cad dngos po med pas/ mnyam pa dang mi mnyam pa zhes bya ba'i tha snyad las 'das pa'i phyir/ mi mnyam pa dang mnyam pa
 zhes bya ste skabs 'dir yang mi mnyam pa zhes bya ba ni de bzhin nyid/ stong pa nyid kyi rang bzhin la bya ste/ de dang mnyam pa ni stong pa nyid kyi rang bzhin du 'gyur ces bya ba'i don to/ /rab 'byor rnam grangs des na/ chos thams cad bsam
 gyis mi khyab/ dpag tu med gzhal du med pa ste/ mi mnyam pa dang mnyam pa'o zhes bya ba ni/ de ltar sangs rgyas nyid dang/ de bzhin gshegs pa nyid dang/ rang byung nyid dang/ thams cad mkhyen pa nyid ces bya ba/ de bzhin gsheD
 pa'i chos de dag ni/ bsam gyis mi khyab pa dang/ dpag tu med pa dang/ gzhal du med pa dang/ mi mnyam pa dang mnyam pa de bzhin du gzugs la sogs pa'i chos thams cad kyang/ bsam gyis mi khyab dpag tu med gzhal du med mi mnyam pa dang/
 mnyam pa'o zhes bstan pa'o/ /rab 'byor de bzhin gshegs pa'i/ de bzhin gshegs pa'i chos 'di dag ni/ bsam pa las yongs su 'das pas na/ bsam gyis mi khyab pa'o/ /zhes bya ba nas/ mnyam pa dang mi mnyam pa las yongs su 'das
 pas na/ mi mnyam pa dang mnyam pa'o zhes bya ba'i bar gyis ni/ bsam gyis mi khyab pa la sogs pa'i don gang du bshad pa de nyid/ tshig gi rnam grangs gzhan gyis bshad pa ste/ bsam pa dang bral ba'i phyir/ bsam gyis mi khyab pa'o zhes
 bya ba'i tshig dang don de nyid/ bsam pa las yongs su 'das pas na/ bsam gyis mi khyab pa'o zhes bya ba'i tshig gis bstan na chos nyan pa'i 'khor kha cig la go bar sla ba'i phyir de skad bstan te/ sems pa dang bsam par bya ba gnyis ka yang
 don dam par dngos po med pas/ bsam gyis mi khyab pa zhes bya ste/ de bzhin du dpag tu med pa dang/ gzhal du med pa dang/ mi mnyam pa dang mnyam pa la yang sbyar bar bya'o/ /rab 'byor bsam gyis mi khyab ces bya ba 'di ni bsam du med
 pa'i tshig bla dags so zhes bya ba nas/ mi mnyam pa dang mnyam pas mnyam pa med pa'i tshig bla dags te zhes bya ba'i bar du ni/ de ltar chos thams cad bsam pa la logs pa las yongs su 'das na/ bsam gyis mi khyab pa la sogs pa'i tshig
 tu brjod du yang ci yod snyam du 'khor gyis nang na kha cig sems pa'i the tshom bsal ba'i phyir/ bsam gyis mi khyab ces bya ba la sogs pa brjod pa yang kun rdzob tu/ 'jig rten gyi tha snyad tsam du tshig bla dags su btags par zad kyi/ don
 dam par ni ma yin no zhes bstan pa'o// rab 'byor bsam gyis mi khyab ces bya ba ni/ nam mkha' bsam gyis mi khyab pa'i phyir ro zhes bya ba nas/ nam mkha' mi mnyam pa dang/ mnyam pa med pa'i phyir te zhes bya ba'i bar du ni/
 dngos po med pa las tshig bla dags su btags pa'i dpe bstan pa ste/ dper na nam mkha' la bsam gyis mi khyab pa zhes bya ba la sogs pa'i dngos po med pa/ bsam gyis mi khyab pa la sogs pa'i tshig tu brjod pa bzhin no zhes bstan pa'o/ /
 rab 'byor de bzhin gshegs pa'i/ de bzhin gshegs pa'i chos de dag ni bsam gyis mi khyab pa/ dpag tu med pa/ gzhal du med pa/ mi mnyam pa dang mnyam pa ste/ de dag ni lha dang mi dang lha ma yin du bcas pa'i 'jig rten gyis/ bsam
 pa 'am dpag par mi nus te/ de ltar na sangs rgyas rnams ni gzhal du med do/ /sangs rgyas kyi chos rnams ni/ gzhal du med do zhes bya ba ni/ chos thams cad bsam gyis mi khyab pa dang/ dpag tu med pa dang/ gzhal du med pa dang/ mi
 mnyam pa dang mnyam pa gong du bshad pa'i don mjug bsdus te bstan pa ste/ don dam par chos thams cad rang bzhin gyis stong bas/ bsam zhing dpag bar bya ba'i dngos po yang med/ sems shing dpog par byed pa'i sems sems las
 byung ba yang med pa'i phyir/ sus kyang bsam shing dpag tu mi rung ngo zhes bstan pa'o/ /de ltar na sangs rgyas rnams ni/ gzhal du med do zhes bya ba ni de ltar gong du bshad pa'i tshul gyis na/ sangs rgyas nyid dang/ de bzhin
 gshegs pa nyid dang/ rang byung nyid dang/ de bzhin gshegs pa nyid ces bya ba/ de bzhin gshegs pa'i yon tan gyi chos rnams bsam gyis mi khyab/ dpag tu med/ gzhal du med do zhes bstan pa'o/ /sangs rgyas kyi chos rnams
 ni gzhal du med do zhes bya ba ni / de bzhin gshegs pas thugs chud cing/ bshad pa'i chos rnams bsam gyis mi khyab/ dpag tu med/ gzhal du med do zhes bstan pa'o/ /de ltar bcom ldan 'das kyis de bzhin gshegs pa bsam gyis
 mi khyab pa dang/ dpag tu med pa dang/ gzhal du med pa dang/ mi mnyam pa dang mnyam pa'i le'u 'di bstan pa'i tshe/ zhes bya ba la sogs pas ni/ bsam gyis mi khyab pa'i chos zab mo bshad pa'i don yod pa bstan pa ste/ dge slong lnga brgya nye
 bar len pa med par zag pa rnams las sems rnm par grol lo/ /dge slob ma lnga brgya phrag nyi shus nye bar len pa med par zag pa rnams las sems rnam par grol lo zhes bya ba ni/ dge slong dang dge slong de snyed cig gis phung po phyi ma len pa med
 par/ nyon mongs pa rnams las sems rnam par grol te/ phyir mi 'ong ba dang/ dgra bcom pa'i 'bras bu thob par gyur to zhes bya ba'i don to/ /dge bsnyen pha stong phrag drug cu dang/ dge bsnyen ma stong phrag sum cus ni/ chos rnams la rdul dang
 bral zhing dri ma dang bral ba'i chos kyi mig rnam par dag go zhes bya ba ni/ dge bsnyen dang dge bsnyen ma la rnam pa gsum ste/ khrims brgyad pa dang/ krhims lnga ba dang/ byang chub tu sems bskyed nas dkon mchog gsum la skyabs su song ba ste/
 de dag gis 'jig tshogs la lta ba la sogs pa lta ba don pa'i rdul dang bral zhing 'dod pa'i 'dod chags dang/ khong khro ba la sogs pa'i dri ma dang bral te/ 'phags pa'i bden pa bzhi la sogs pa dam pa'i chos la lta ba yongs su dag par
 gyur to zhes bya ba'i don to/ /byang chub sems dpa' stong phrag nyi shus ni mi skye ba'i chos la bzod pa thob ste zhes bya ba ni/ byang chub sems dpa' mos pa sbyong pa'i sa la gnas pa la sogs pa de snyed cig gis mi skye ba'i chos la bzod pa thob ste/
 byang chub sems dpa' i sa brgyad pa la gnas par gyur to zhes bstan pa'o/ /de dag bcom ldan 'das kyis bskal pa bzang po 'di nyid la sangs rgyas su 'gyur ro zhes lung bstan to zhes bya ba ni/ mi skye ba'i chos la bzod pa thob cings
 brgyad ba la gnas par gyur pa'i byang chub sems dpa' de dag /da lta'i bskal pa bzang po 'di nyid la/ sangs rgyas su 'gyur ba lung bstan to zhes bya ba'i don to/ /shes rab kyi pha rol tu phyin pa 'bum pa rgya cher bshad pa las/ le'u sum cu bzhi
 pa'o// //de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das shes rab kyi pha rol tu phyin pa 'di ni zab ba ste/ bcom ldan 'das shes rab kyi pha rol tu phyin pa 'di ni don
 chen po'i slad du nye bar gnas pa'o zhes bya ba la sogs pa ni/ shes rab kyi pha rol tu phyin pa zab mo 'di gong du bshad pa'i rim pa ltar don chen po byed cing bsam gyis mi khyab pa dang dpag tu med pa dang/ gzhal du med pa dang/ mi mnyam
 pa dang mnyam pa'i don dang ldan pa nyid yang bzlas te/ brjod nas/ shes rab kyi pha rol tu phyin pa zab mo 'di'i nang du/ pha rol tu phyin pa lnga la sogs pa rnam par byang ba'i chos thams cad 'dus pa dang/ rgyal po chen po'i dgos pa thams
 cad blon pos byed pa'i dpes/ sangs rgyas kyi chos thams cad kyis dgos pa thams cad/ shes rab kyi pha rol tu phyin pa zab mo 'di 'ba' zhig byed pa bstan pa'i sgo nas/ don chen po byed par bstan pa ste/ de la bcom ldan 'das shes
 rab kyi pha rol tu phyin pa 'di ni zab pa ste/ bcom ldan 'das shes rab kyi pha rol tu phyin pa 'di ni don chen po'i slad du nye bar gnas pa'o zhes bya ba nas/ shes rab kyi pha rol tu phyin pa 'di ni/ don mi mnyam pa dang/ mnyam pa'i phyir
 nye bar gnas pa'o zhes bya ba'i bar gyis ni/ shes rab kyi pha rol tu phyin pa 'dis/ don chen po mdzad par rab 'byor gyis gsol pa dang/ bcom ldan 'das kyis de bden no zhes bka' stsal pa ste/ don chen po dang don bsam gyis mi khyab pa la sogS
 pa'i don ni sngar bshad pa bzhin no/ /de ci'i phyir zhe na/ rab 'byor shes rab kyi pha rol tu phyin pa zab mo 'dir ni/ pha rol tu phyin pa lnga po 'dus so zhes bya ba nas/ rnam pa thams cad mkhyen pa nid 'dus so zhes bya ba'i bar gyis ni/ shes rab kyi pha rol tu
 phyin pa 'di don chen po mdzad pa'i gtan tshigs bstan pa ste /pha rol tu phyin pa drug la sogs pa rnam par byang ba'i chos thams cad kyi dgos pa/ shes rab kyi pha rol tu phyin pa 'di 'ba' zhig byed pa'i phyir/ shes rab kyi pha rol tu phyin pa zab mo
 'di don chen po byed pa yin no zhes bstan pa'o/ /rab 'byor 'di lta ste dper na/ zhes bya ba nas/ shes rab kyi pha rol tu phyin pa 'di ni bya ba/ mi mnyam pa dang mnyam pa'i phyir nye bar gnas pa'o zhes bya ba'i bar gyis ni/ she rab kyi pha rol
 tu phyin pa 'di don chen po byed pa'i dpe bstan pa ste/ dper na rgyal po chen po'i don thams cad blon pos byed pa de bzhin du/ sangs rgyas kyi bya ba theg pa che chung gsum gyi dgos pa thams cad kyang/ shes rab kyi pha rol tu phyin pa 'dis byed
 pa'i phyir/ don chen po byed pa yin no zhes bstan pa'o/ /de ci'i phyir zhe na/ rab 'byor de ni 'di ltar shes rab kyi pha rol tu phyin pa zab mo 'dis/ gzugs yongs su 'dzin pa med pa dang/ mngon par chags pa medpar nye bar gnas so/ /zhes bya ba la sogs pas
 kyang shes rab kyi pha rol tu phyin pa zab mo 'di/ don chen po byed pa'i gtan tshigs bstan pa ste/ shes rab kyi pha rol tu phyin pa zab mo 'di/ mnyan pa dang sems pa dang bsgom pa'i sgo nas/ don dam par chos thams cad stong par
 rtogs na/ gzugs la sogs pa'i chos rnams la srid pa'i dbang gis yongs su 'dzin par yang mi 'gyur ba/ lta ba log pa'i phyogs la mngon par chags par yang mi 'gyur te/ de'i phyir shes rab kyi pha rol tu phyin
 pa zab mo 'di don chen po byed pa yin no zhes bstan pa ste/ gzugs la ji ltar bshad pa de bzhin du/ lam gyi rnam par shes pa nyid dang/ bla na med pa yang dag par rdzogs pa'i byang chub la thug gi bar du yang sbyor bar bya'o/ /gsol pa
 bcom ldan 'das ji ltar na/ shes rab kyi pha rol tu phyin pa 'di/ gzugs yongs su 'dzin pa ma mchis pa dang/ mngon par chags pa ma mchis par nye bar gnas pa legs/ zhes bya ba nas/ ji ltar na bla na med pa yang dag par rdzogs pa'i
 byang chub la yongs su 'dzin pa ma mchis pa dang/ mngon par chags pa ma mchis pas nye bar gnas pa lags zhes bya ba'i bar gyis ni/ yongs su gzung bar bya ba dang/ mngon par chags par bya ba'i dngos po dang/ yongs su 'dzin par byed pa dang/
 mngon par chags par byed pa'i byed pa po dang/ gang gis yongs su gzung bar bya ba dang/ mngon par chags par bya ba'i sems kyang/ dngos po med par bstan pa'i gleng bslang ba'i phyir/ rab 'byor gyis zhus pa'o/ /bcom ldan 'das
 kyis bka' stsal pa/ rab 'byor de ji snyam du sems khyod kyis gzugs gang yongs su gzung bar bya ba 'am/ mngon par chags par bya ba de lta bu mthong ngam/ zhes bya ba la sogs pas ni/ ji ltar na yongs su gzung ba ma mchis pa dang /mngon
 par chags pa ma mchis pa lags/ zhes rab 'byor gyis zhus pa'i don zhib tu bshad pa ste/ don dam par chos thams cad rang bzhin gyis stong pa la/ gang yongs su gzung bar bya ba'i dngos po dang/ 'dzin par byed pa'i byed pa po dang/
 'dzin pa sems de lta bu'i dngos po yod dam zhes/ rab 'byor la slar dris pa ste/ de lta bu'i dngos po gang yang med do zhes bya ba'i don to/ /de la gzugs gang yongs su gzung bar bya ba 'am/ mngon par chags par bya ba de lta bu mthong 'am/ zhes bya bas
 ni/ gzung ba'i dngos po med pa bstan pa'o/ chos gang yang yongs su 'dzin par byed pa dang/ mngon par chags par byed pa 'am/ zhes bya bas ni 'dzin par byed pa'i byed pa pa med par bstan pa'o/ /yongs su bzung bar bya ba'am/ mngon par chags
 par bya ba de lta bu yang mthong ngam? zhes bya bas ni 'dzin pa med par bstan pa'o/ /gzugs la ji ltar bshad pa de bzhin du lam gyi rnam par shes pa nyid dang/ bla na med pa yang dag par rdzogs pa'i bang chub la thug gi bar du yang sbyar bar bya'o//
 bcom ldan 'das kyis bka' stsal pa/ rab 'byor legs legs so/ /rab 'byor bas kyang gzugs yang dag par rjes su mi mthong ste yang dag par rjes su ma mthong bas yongs su mi 'dzin yongs su mi 'dzin pas nye bar mi len to zhes bya ba la sogs pas
 ni yongs su bzung bar bya ba dang/ mngon par chags par bya ba med pa'i don de nyid gsal bar bstan pa'i phyir/ bcom ldan 'das kyis bka' stsal pa ste/ gzugs la sogs pa'i chos thams cad don dam par rang bzhin gyis stong pas bcom
 ldan 'das nyid kyis kyang yang dag par mi gzigs te/ de ltar yang dag par ma gzigs pas/ sred pa'i dbang gis yongs su 'dzin par yang mi 'gyur/ de ltar yongs su mi 'dzin pa dang /lta bar dbang gis nye bar len bar yang mi 'gyur te /mngon par
 chags par mi 'gyur ro zhes bya ba'i don to/ /gzugs la ji ltar bshad pa de bzhin du rnam pa thams cad mkhyen pa nyid dang/ de bzhin gshegs pa nyid la thug gi bar du yang sbyar bar bya'o /rab 'byor de lta bas na/ byang chub sems dpa' 
 sems dpa' chen pos gzugs la mngon par chags bar mi bya'o/ /yongs su bzung bar mi bya'o zhes bya bas na/ de bzhin gshegs pa nyid la mngon par chags par mi bya'o/ /yongs su bzung bar mi bya'o zhes bya ba'i bar gyis
 ni/ de ltar chos thams cad rang bzhin gyis stong ste/ de bzhin gshegs pas kyang ma gzigs shing yongs su mi 'dzin /nye bar blang du med pas rab 'byor khyod kyis kyang chos thams cad la mngon par chags pa dang/ yongs su gzung bar mi bya'o zhes rjes su
 gdams te bstan ba'o/ /de nas 'dod pa na spyod pa dang/ gzugs yod pa na spyod pa'i lta'i bu dag gis bcom ldan 'das la 'di skad ces gsol to/ zhes bya ba la sogs pas ni mngon par chags pa dang/ yongs su 'dzin pa med pa'i don zab mo lha'i
 bu dag gis thos nas shes rab kyi pha rol tu phyin pa 'di zab cing blta dka' ba la sogs pa'i sgo nas bstod pa ste/ de la zab pa ni mu stegs can dang/ nyan thos dang rang sangs rgyas la sogs pa'i blos rtogs pa'i phyir ro/ /de ltar zab ba'i
 phyir blta dka' ba'o/ /blta dka' ba'i phyir rtogs par dka' ba'o/ /rtogs par dka' ba'i phyir mi brtag pa'o /mi brtag pa'i phyir brtag pa'i spyod yul ma yin pa'o zhes tshig snga mas phyi ma bshad par bya'o/ /zhi zhing phra ba zhes bya ba ni de
 ltar nyan thos dang rang sangs rgyas la sogs pas brtag pa'i spyod yul ma yin te/ rnam par rtog pa'i spros pa thams cad zhi zhing gzung ba ngang? 'dzin pa'i cha dang bral ba'i phyir phra ba'o/ /mkhas ba dang bzang ba dang yid gsal bas 'tshal bar bgyi'o?
 zhes bya bas ni de ltar nyan thos dang rang sangs rgyas la sogs pas shes par mi nus pa ste/ byang chub sems dpa' thabs dang shes rab zung du 'brel ba mkhas pa dag gis shes par mi nus so zhes bstan pa'o//
 bcom ldan 'das pa sems can gang shes rab kyi pha rol tu phyin pa zab mo 'di la mos pa de dag ni sngon gyi rgyal ba la bgyi ba bgyis pa'o zhes bya bas ni shes rab kyi pha rol tu phyin pa zab mo 'di la dang cing spyod pa'i sems can dkon pa bstan pa ste/ sngon gyi
 de bzhin gshegs pa la bsnyen bkur byed byed pa rnams shes rab kyi pha rol tu phyin pa zab mo 'di la dang cing spyod bar 'gyur gyi/ gzhan rnams de ltar dang cing spyod par mi 'gyur ro zhes bstan pa'o/ /bcom ldan 'das sems can gang shes rab kyi pha
 rol tu phyin pa zab mo 'di la mos ba de dag ni dge ba'i bshes gnyen gyis yongs su bzung ba dge ba'i rtsa ba skyed pa'o zhes bya bas kyang shes rab kyi pha rol tu phyin pa zab mo 'di la dang cing spyad pa'i sems can dkon pa bstan pa ste/ tshe'i 'di dang tshe snga ma gnyis
 ka la dag pa'i bshes gnyen la brten brten pa dang/ bsod nams kyis chogs sngags pa dag shes rab kyi pa rol tu phyin pa zab mo 'di la dang cing spyod par 'gyur gyi/ de lta ma yin pa gzhan dag ni dang cing spyod par mi 'gyur ro zhes bstan pa'o/ /bcom
 ldan 'das gal te stong gsum gyi stong chen po'i 'jig rten gyi khams kyi sems can gang ji snyed pa de dag thams cad ces bya ba nas/ gang shes rab kyi pha rol tu phyin pa zab mo 'di la gdugs gcig tu mos pa /de nyid chos legs pa'i mchog tu
 'gyur ro zhes bya ba'i bar gyis mi shes rab kyi pha rol tu phyin pa zab mo 'di la dang cing spyod pa bsod nams che zhing don che ba bstan ba ste /stong gsum gyi stong chen po'i 'jig rten gyi khams kyi sems can ji snyed song pa de snyed kyi nyan thos pa rang sangs
 rgyas rnams so chos rtogs pa'i ye shes ji tsam yod pa dang/ nyan thos pa spangs pa'i yon tan dang/ bsod nams ji tsam yod pa de ndag thams cad pas shes rab kyi pha rol tu phyin pa zab mo 'di la dang cing mos pas/ nyin cig spyad pa'i
 bsod nams dang/ phan yon che'o zhes bstan pa'o/ /dang pa'i rjes su 'brang ba dang/ chos kyi rjes su 'brang ba zhes bya ba ni nyan thos shes rab brtul po dang/ rnon po la bya ste/ dad pa'i rjes su 'brang ba ni nyan thos shes rab brtul
 po chos gyi don dam ma rtogs kyang/ gang zag gzhan chos spyod pa mthong nas dad pa skyes nas de dag gi rjes su 'brang zhing chos spyod pa la bya'o/ /chos kyi rjes su 'brang ba ni nyan thos shes rab rnon po bdag rang gis chos gyi don rtogs nas chos spyod pa'o
 brgyad pa la sogs pa'i nyan thos kyi gang zag gzhan rnams ni sngar bshad zin to/ /de ci'i slad du zhe na/ de ni 'di ltar dang? pa'i rjes su 'brang ba'i ye shes gang ji tsam pa dang/ spong ba gang ji tsam pa de ni byang chub sems dpa' sems dpa' chen po'i
 mi skye ba'i chos la bzod pa thob pa'i bzod par 'dus so zhes bya ba nas/ rang sangs rgyas rnams kyi ye shes gang ji tsam pa dang/ spang pa gang ji tsam pa de ni byang chub sems dpa' sems dpa' chen po'i mi skye ba'i chos la bzod pa thob pa'i bzod
 bar 'dus so zhes bya ba'i bar gyis ni nyan thos dang rang sangs rgyas rnams kyi ye shes dang spyod pa'i phan yon pas byang chub sems dpa' shes rab kyi pha rol tu phyin pa 'di la nyin cig spang pa'i phan yon che ba'i gtan tshigs bstan pa ste/ nyan
 thos dang rang sangs rgyas rnams kyis so so'i 'bras bu thob ste/ ye shes dang ldan zhing nyon mongs pa spangs pa ni dmigs pa dang bcas shing mtshan mar bcas pa yin gyis/ byang chub sems dpa' shes rab kyi pha rol tu phyin pa la spyod pa ni don
 dam par chos thams cad skye ba med par rtogs nas chos zab mo 'di la bzod par gyur cing/ kun rdzob tu shes rab kyi pha rol tu phyin pa la dang pas spyod pa mchen mar mi 'dzin cing dmigs pa la ma chags pa'i phyir phan yon lhag par che'o zhes
 bstan pa'o/ /de nas bcom ldan 'das kyis 'dod pa na spyod pa dang/ gzugs yod pa na spyod pa na lha'i bu de dag la bka' stsal pa zhes bya ba nas/ rang sangs rgyas kyi ye shes gang yin pa ji tsam pa dang/ spong ba gang ji tsam pa de dag ni byang chub
 sems dpa' sems dpa' chen po mi skye ba'i chos la bzod pa thob ba'i bzod par 'dus so zhes bya ba'i bar gyis ni gong du lha'i bu rnams kyis gsol pa'i tshig dang/ don brtson zhing 'khor rnams kyis brtan pa'i yid ches par bya ba'i phyir/ de bden no zhes
 tshig gong ma nyid bzlas te bka' stsal pa'o/ /lha'i bu dag rigs kyi buAm rigs kyi bu mo gang su yang rung ste zhes bya ba nas/ shes rab kyi pha rol tu phyin pa dang bral ba'i mdo sde gzhan la bskal pa'am/ bskal pa'i lhag mar spyad pa ngag
 ni ma yin no zhes bya ba'i bar gyis ni nyan thos dang rang sangs rgyas kyi theg pa'i mdo sde/ shes rab kyi pha rol tu phyin pa'i don dang mi ldan pa la/ bskal pa 'am bskal pa bas kyang lhag par spyod pa'i nyan thos dang/ rang sangs rgyas kyi theg pa
 ba'i rigs kyi buAm rigs kyi bu mo bas/ shes rab kyi pha rol tu phyin pa zab mo 'di la spyod pa phan yon che ba bstan pa ste/ myur du 'byung ba zhes bya ba ni 'khor ba las thar te/ bla na med pa'i byang chub myur du thob par 'gyur ro zhes bya ba'i don to//
 de ci'i phyir zhe na/ de ni 'di ltar shes rab kyi pha rol tu phyin pa 'di phul du bya ba'i chos gang la zhes bya ba nas/ gang la de bzhin gshegs pa dgra bcom pa yang dag par rdzogs pa'i sangs rgyas kyis brlabs te/ bla na med pa yang dag par
 rdzogs pa'i byang chub tu mngon par sangs rgyas pa dang /mngon par rdzogs par 'tshang rgya ba dang/ mngon par rdzoD par 'tshang rgya bar 'gyur ba de dag rgya cher bstan to zhes bya ba'i bar gyis ni shes rab kyi pha rol tu phyin pa zab mo 'di la spyad pa phan yon che ba'i gtan tshigs bstan pa
 ste /nyan thos dang rang sangs rgyas dang byang chub sems rnams kyis brlab par bya ba'i chos bzang po phul du byung ba thams cad shes rab kyi pha rol tu phyin pa 'di las rgya cher bstan te/ nyan thos dang rang sangs rgyas dang/ byang chub sems
 dpa' rnams kyang chos de la brlabs dus gsum gyis de bzhin gshegs pa rnams kyis kyang chos de la brlabs nas bla na med pa yang dag par rdzogs pa'i byang chub tu mngon par sangs rgyas te/ de bas na shes rab kyi pha rol tu phyin pa zab mo
 'di la spyad na myur du bla na med pa yang dag par rdzogs pa'i byang chub tu 'byung bar 'gyur ro zhes bstan to/ /de nas 'dod pa na spyod pa dang gzugs yod pa na spyod pa'i lha'i bu de dag gis ched du brjod pa ched du brjod de zhes bya ba nas/ de la bslabs
 shing byang chub sems dpa' sems dpa' chen po rnams bla na med pa yang dag par rdzogs pa'i byang chub tu byung bar gyur te 'byung zhing 'byung bar 'gyur zhes bya ba'i bar gyis ni lha'i bu de dag gis shes rab kyi pha rol tu phyin pa 'di la spyod
 pa phan yon che bar rtogs nas chos te/ shes rab kyi pha rol tu phyin pa la bstod pa bstan pa ste/ ched du brjod pa zhes bya ba ni shes rab kyi pha rol tu phyin pa 'di pha rol tu phyin pa chen mo yin pa dang/ dpag tu med pa dang/ gzhal du
 med pa dang/ mi mnyam pa dang mnyam pa'i pha rol tu phyin pa yin no zhes bya ba la sogs pas bstod pa'i tshig rnams sus kyang ma bskul bar rang byung ba la ched du brjod pa zhes bya'o/ /bcom ldan 'das shes rab kyi pha rol tu phyin pa zab mo de la
 bslabs shing/ dang? pa'i rjes su 'brang ba rnams byung bar gyur te/ 'byung zhing 'byung bar 'gyur zhes bya ba la sogs pas ni dus gsum gyi nyan thos dang/ rang sangs rgyas dang byang chub sems dpa' rnams kyis so so'i 'bras bu thob pa yang shes
 rab kyi pha rol tu phyin pa zab mo 'di la bslabs te/ so so'i 'bras bu thob bar gyur pa'i phyir shes rab kyi pha rol tu phyin pa ni pha rol tu phyin pa chen mo yin no zhes bstod pa'o/ /shes rab kyi pha rol tu phyin pa 'di ni 'dri ba 'am/ 'phel bar yang mi
 gda' o? zhes bya ba ni de ltar shes rab kyi pha rol tu phyin pa zab mo 'di theg pa gsum char 'bras bu thob pa'i rgyu yin yang rang bzhin gyis rnam par mi rtog cing mi 'gyur ba yongs su rdzogs pa yin pas 'di 'gyur ba med do zhes bstan pa'o/ /'dod pa na
 spyod pa dang/ gzugs yod pa na spyod pa'i lha'i bu de dag gis zhes bya ba nas gzugs yod pa na spyod pa'i lha'i bu dag ni gzugs yod pa'i khams su 'khod de zhes bya ba'i bar gyis ni lha'i bu de dag gis shes rab kyi pha rol tu phyin pa'i don zab? mo
 rtogs nas mgu ste/ bcom ldan 'das la bsnyen bkur byas nas/ so so'i gnas su dang ba bstan pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /zhes bya ba la sogs pas ni shes rab kyi pha ?
 tu phyin pa zab mo 'di la dad cing mos pa phun sum tshogs pa'i mi rnams/ shes rab kyi pha rol tu phyin pa zab mo 'di la lhag par dang cing gus pa bskyed pa'i phyir de dag gang nas tshe 'phos te/ mi mdzad kyi 'jig rten gyi khams 'dir skyes
 pa 'gyur pa zhus pa dang/ bcom ldan 'das kyis bshad pa ste/ bcom ldan 'das kyis bka' stsal pa zhes bya ba nas/ rab 'byor byang chub sems dpa' i theg pa pa'i gang zag de ni mi'i nang nas tshe 'phos nas mi'i nang du skyes pa'o zhes
 bya pa'i bar gyis ni shes rab kyi pha rol tu phyin pa zab mo 'di thos? nas dang? pa dang mos pa skyes te/ sems ma zhum zhing ma rmongs la/ shes rab kyi pha rol tu phyin pa 'ba' zhig spyod lam gzhi char du yid la byed cing yi dam nyams par
 mi byed la/ shes rab kyi pha rol tu phyin pa'i don mthar ma byin gyi bar du de ston pa'i mkhan po yang mi gtod pa de ni/ mi mdzad kyi 'jig rten gyi khams 'di nyid nas mi'i nang nas tshe 'phos te/ 'dzam bu'i gling 'dir yang mi'i nang
 du skyes pa yin no zhes bstan pa'o/ /de ci'i phyir zhe na/ de ni 'di ltar byang chub sems dpa' i theg pa pa'i rigs kyi bu des sngon yang shes rab kyi pha rol tu phyin pa zab mo 'di thos nas zhes bya ba nas shes rab kyi pha rol tu phyin pa zab mo 'di thos ma
 thag tu mos bar 'gyur bar blta'o zhes bya ba'i bar gyis ni shes rab kyi pha rol tu phyin pa thos nas dad cing mos pas sbyor pa'i mi de mi'i nang nas tshe 'phos nas/ mi'i nang du skyes pa'i gtan tshigs bstan pa ste/ des sngon yang shes rab kyi pha rol
 tu phyin pa zab mo 'di la goms par byas pa'i dge ba'i rtsa ba de nyid kyis de yang mi'i nang du skyes nas shes rab kyi pha rol tu phyin pa zab mo 'di thos ma thag tu mos shing dad par gyur te zhes bstan pa'o/ /gsol pa bcom ldan 'das byang chub sems
 dpa' sems dpa' chen po gang shes rab kyi pha rol tu phyin pa zab mo 'di la thos ma thag tu mos shing zhes bya ba nas/ de ni dge ba'i rtsa ba de nyid dang/ yid la bya ba de nyid kyis 'dir skyes pa'o zhes bya ba'i bar gyis ni shes rab kyi pha rol tu phyin
 pa 'di la ngang cing spyod pa'i byang chub sems dpa' la la 'jig rten gyi khams gzhan dag tu sngon sangs rgyas bcom ldan 'das gzhan dag la bsnyen bkur byas te/ shes rab kyi pha rol tu phyin pa la goms par byas pas/ 'jig rten gyi khams
 'dir skyes te/ shes rab kyi pha rol tu phyin pa zab mo 'di yang cing spyod pa dag kyang yod do zhes bstan pa'o/ /rab 'byor gzhan yang byang chub sems dpa' sems dpa' chen po dga' ldan gyi lha rnams dang skal ba mnyam pa las zhes bya ba nas/ de
 mi dge ba'i rtsa ba nges 'dir skyes bar rig par bya'o zhes pa ba'i bar gyis ni shes rab kyi pha rol tu phyin pa zab mo 'di la spyod pa'i byang chub sems dpa' kha cig dga' ldan gyis lha'i ris na byams pa byang chub sems dpa' la shes rab kyi pha rol tu
 phyin pa 'di mnyan pa'i dge ba'i rtsa bas 'dir mi'i nang du skyes te/ shes rab kyi pha rol tu phyin pa 'di la dang cing spyod par gyur pa dag kyang yod do zhes bstan pa'o/ /rab 'byor gzhan yang gang zag byang chub sems dpa' i theg pa pa gang gis sngon gyi mthar
 shes rab/ kyi pha rol tu phyin pa 'di thos kyang yongs su ma dris yongs su brtags par ma byas pa de ni shes rab kyi pha rol tu phyin pa zab mo 'di bstan pa'i tshe/ nem nur du 'gyur/ rmongs par 'gyur/ sems zhum par 'gyur/ sems kyi rnam pa/
 gzhan du 'gyur ro zhes bya ba nas/ rab 'byor gzhan yang gang zag byang chub sems dpa' i theg pa pa gang gis sngon gyi mthar bla na med pa yang dag par rdzogs pa'i byang chub thob kyang yongs su brtags par ma byas pa de ni shes rab kyi pha rol tu phyin pa 'di
 bstan pa'i tshe/ nem nur du 'gyur/ sems zhum par 'gyur/ sems kyi rnam pa gzhan du 'gyur ro zhes bya ba'i bar gyis na tshe rabs snga ma la shes rab kyi pha rol tu phyin pa 'di cung zad cig thos su zin kyang/ dri zhim brtags pas gom par ma byas pa ni
 tshe 'di la yang shes rab kyi pha rol tu phyin pa zab mo 'di thos na the tshom skye zhing dad par mi 'gyur bar bstan pa ste/ shes rab kyi pha rol tu phyin pa la ji ltar bshad pa d bzhin du lam gyi rnam par shes pa nyid dang/ bla na med pa yang dag par
 rdzogs pa'i byang chub la thug gi bar du yang de bzhin du sbyar bar bya'o/ /rab 'byor gzhan yang gang zag byang chub sems dpa' theg pa pa gang gis sngon gyi mthar shes rab kyi pha rol tu phyin pa zab mo 'di thos nas yongs su ma dris yongs su brtaD
 pa ma byas te/ nyi ma gcig gam gnyis sam/ gsum 'am/ bzhi 'am/ lngar rjes su 'brang ba ma byas na zhes bya ba nas/ de ni dang pa tsam dang/ dga' ba tsam dang mos pa tsam dang ldan par zad de/ shes rab kyi pha rol tu
 phyin pa zab mo 'di 'dri ba 'am bklag pa'am/ lung 'bog pa'am/ kha ton bya ba 'am/ tshul bzhin du yid la bya bar mi nus so zhes bya ba'i bar gyis ni rigs kyi bu 'am rigs kyi bu mo la las tshe rabs snga ma la shes rab kyi pha rol tu phyin pa zab mo
 'di cung zad cig thos nas dri ba dang brtags pa la sogs pa'i sgo nas gom par ma byas pa dag /tshe 'di la shes rab kyi pha rol tu phyin pa zab mo 'di thos na yang blo mi brtan zhing mi dge ba'i bshes gnyen gzhan gyis kha phyin par 'gyur te/ shes
 rab kyi pha rol tu phyin pa zab mo 'di 'dri ba dang/ klag pa dang lung 'bog pa dang kha ton bya ba dang/ tshul bzhin du yid la bya ba mi nus par 'gyur pa bstan pa'o/ /rab 'byor byang chub sems dpa' i theg pa pa'i rigs kyi bu 'am rigs kyi bu mo shes
 rab kyi pha rol tu phyin pa zab mo 'di mi 'dri zhing lung mi 'bogs pa dang/ kha ton mi byed cing tshul bzhin du yid la mi byed la/ shes rab kyi pha rol tu phyin pa zab mo 'dis gzhan la phan mi 'dogs pa dang zhes bya ba nas/ byang chub sems dpa' i
 theg pa pa'i rigs kyi bu 'am rigs kyi bu mo de dag gis shes rab kyi pha rol tu phyin pa 'di dang mthun par ma byas pas/ de'i phyir byang chub sems dpa' i theg pa pa'i rigs kyi bu 'am rigs kyi bu mo nges gnas gnyis dang sa gnyis po de las
 gcig la gnas par 'gyur bar rigs par bya'o zhes bya ba'i bar gyis ni byang chub sems dpa' i theg pa pa kha cig /tshe rabs snga ma la bdag nyid kyis kyang shes rab kyi pha rol tu phyin pa zab mo 'di ma bris/ lung ma phog kha ton ma byas
 tshul bzhin du yid la ma byas la/ gzhan la yang shes rab kyi pha rol tu phyin pa la sogs pa/ rnam pa thams cad mkhyen pa nyid la thug gi bar gyis chos rnams kyis phan ma brtags pa dang/ bdag nyid kyang shes rab kyi pha rol tu phyin pa la sogs pa rnam
 par byang ba'i chos rnams kyi don dang mthun par ma byas pas nyan thos dang rang sangs rgyas kyi sar lhung bar gyur pa bstan pa'o/ /shes rab kyi pha rol tu phyin pa 'bum pa rgya cher bshad pa las/ le'u sum cu lnga pa'o// //rab 'byor
 'di lta ste/ dper na/ rgya mtsho'i dbus su gru zhig la mi rnams zhes bya ba nas/ rnam pa thams cad mkhyen pa nyid mi 'dri mi ston/ kha ton tu mi byed/ tshul bzhin du yid la mi byed cing mi bsten pa de dag ni bar ma dong byang chub las nyams par 'gyur te rnam
 pa thams cad mkhyen pa nyid ma thob par nyan thos kyi sa 'am/ rang sangs rgyas kyi sa mngon sum du byed par 'gyur ro zhes bya ba'i bar gyis ni rgya mtsho'i dbus su gru zhig par gyur pa'i mi rnams shing la sogs pa la ma 'jus ma brten par rgya mtsho'i 'gram
 du phyin par mi 'gyur pa de bzhin du byang chub sems dpa' i theg pa pa rigs kyi bu 'am rigs kyi bu mo gang shes rab kyi pha rol tu phyin pa zab mo 'di la dad pa dang/ mos pa tsam ni yod la/ bri ba dang bstan pa la sogs pa'i sgo nas/ nyams su ma blangs ma brten
 na bla na med pa yang dag bar rdzogs pa'i byang chub las nyams te/ nyan thos dang rang sangs rgyas kyi sar lhung bar 'gyur ba bstan pa'o/ /rab 'byor gang zag byang chub sems dpa' i theg pa pa gang bla na med pa yang dag par rdzogs pa'i byang chub tu mngon
 par rdzogs par 'tshang rgya ba'i don du dad pa yod cing zhes bya ba nas/ rnam pa thams cad mkhyen pa nyid kyis yongs su bzung bas bar ma dong nye zho med par nyan thos kyi sa la 'das/ rang sangs rgyas kyi sa la 'das te/ sems can yongs su smin par byas
 nas /sangs rgyas kyi zhing yongs su dag par byas ste/ bla na med pa yang dag par rdzogs pa'i byang chub tu mngon par rdzogs par 'tshang rgya gang 'gyur ro zhes bya ba'i bar gyis ni mi gang dag rgya mtsho chen po'i nang du gru zhig par gyur
 pa'i tshe/ shing la sogs pa la 'ju zhing brten na nye zho med par rgya mtsho'i 'gram du phyin par 'gyur pa de bzhin du/ rigs kyi bu 'am rigs kyi bu mo bad bla na med pa yang dag par rdzogs pa'i byang chub tu dang cing mos pa la sogs pa yang yod la/ shes
 rab kyi pha rol tu phyin pa zab mo 'di 'dri zhing/ klog pa la sogs pa'i sgo nas 'bad cing nyams su len pa dag ni shes rab kyi pha rol tu phyin pa la sogs pas yongs su bzung bas nyan thos dang rang sangs rgyas gyi sa la 'das te/ bar ma dor mi nyams par
 bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba bstan pa'o/ /rab 'byor 'di lta ste dper na/ bud med dam skyes pa la la zhig /bum pa ma bsregs shing so ma btang bar chu bcu par sems na zhes bya ba
 nas rnam pa thams cad mkhyen pa nyid kyis ma bzung na byang chub sems dpa' i theg pa pa'i rigs kyi bu 'am rigs kyi bu mo de dag ni bar ma dor nye zhor 'gyur bar shes par bya'o zhes bya ba'i bar gyis ni byang chub sems dpa' i theg pa la bla na med ba'i
 byang chub tu dad cing mos pa la sogs pa'i yod du zin kyang/ shes rab dang thabs mkhas pas yongs su ma bzung na sems kyi rgyud yongs su ma smin pas bar ma dor nyams par 'gyur te/ bum pa so ma btang bar chu bcus na zhig ste/ nyams par
 'gyur ba bzhin no zhes bstan pa'o/ /rab 'byor byang chub sems dpa' i theg pa pa'i rigs kyi bu 'am rigs kyi bu mo de dag gis bar ma dor nye zho 'byung pa gang zhe na/ 'di lta ste/ nyan thos kyi sa 'am rang sangs rgyas kyi sa'o zhes bya ba ni gong
 du bar ma dor nye zhor 'gyur ro zhes bshad pa byang chub sems dpa' la bar ma dor nye zhor 'gyur ba ni gzhan la mi bya'i nyan thos kyi sa'am rang sangs rgyas kyi sar lhung zhing theg pa chen po las nyams pa la bya'o/ /zhes bstan pa'o/ /rab 'byor 'di lta
 ste dper na/ skyes pa 'am bud med la la zhig bum pa so legs par btang? bas chu klung ngam/ mtsho 'am mtshe'u 'am 'bron? pa nas chu 'chu na zhes bya ba nas/ rnam pa thams cad mkhyen pa nyid kyis yongs su bzung na/ rab 'byor byang chub sems
 dpa' sems dpa' chen po de ni 'di lta ste/ nyin thos kyi sa 'am rang sangs rgyas kyi sar bar ma dor nye zhor mi 'gyur te/ mnyes ma nyams par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ zhes
 bya ba'i bar gyis ni thabs dang shes rab kyis yongs su zin na bar ma dor nyan thos dang rang sangs rgyas kyi sar mi ltung par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba/ bum pa so legs par
 btang bas chu bcus na bde bar khyim du phyin bar 'gyur pa las dpe blangs te bstan pa'o/ /rab 'byor 'di lta ste dper na/ rgya mtsho'i gru ma bsdams shing zag lhan dang bral zhing rin po che chen po ma byas par rdzas bcug te zhes bya ba nas/ rnam pa
 thams cad mkhyen pa nyid kyis yongs su ma bzung na/ rab 'byor byang chub sems dpa' sems dpa' chen po de ni bar ma dor nye zhor 'gyur te/ 'di ltar thams cad mkhyen pa nyid rin po che'i don chen po dang bral zhing rin po che las 'phang bar rig par
 bya'o zhes bya ba'i bar gyis ni chod pa rgya mtsho'i nang du nor bu rin po che len pa thabs mi mkhas par gru sbyar nyes na gnod pa chen po dang ldan zhing nor bu rin po che mi snyed bar 'gyur pa'i dpes byang chub sems dpa' thabs dang shes rab tu mi
 ldan na/ dad pa la sogs pa yod du zin kyang thams cad mkhyen pa nyid mi 'grub cing bar ma dor theg pa chen po las nyams par 'gyur ba bstan pa'o/ /rab 'byor byang chub sems dpa' sems dpa' chen po rnams
 kyis bar ma do'i nye zho gang zhe na/ 'di lta ste/ nyan thos kyis 'am rang sangs rgyas kyi sa'o zhes bya bas ni nyan thos dang rang sangs rgyas kyi sar ltung ba nyid byang chub sems dpa' i nyams pa yin par bstan pa'o/ /rab 'byor 'di lta ste/ /dper na
 skyes bu mkhas pa'i ngang tshul can la la zhig ces bya ba nas/ rnam pa thams cad mkhyen pa nyid kyis yongs su bzung nas rab 'byor byang chub sems dpa' sems dpa' chen po de ni bla na med pa yang dag par rdzogs pa'i byang chub tu bar ma
 dor nye zhor mi 'gyur bar rig par bya'o zhes bya ba'i bar gyis ni rgya mtshor 'jug pa'i gru sbyar legs pa'i dpes/ byang chub sems dpa' thabs dang shes rab tu ldan pa par ma dor mi nyams par bla na med pa yang dag par rdzogs pa'i
 byang chub tu mngon par 'tshang rgya bar 'gyur ba bstan pa'o/ /rab 'byor de ni 'di ltar yang 'gyur te/ zhes bya ba nas/ rnam pa thams cad mkhyen pa nyid kyis yongs su zin par gyur na/ byang chub sems dpa' sems dpa' chen po de ni nyan
 thos dang rang sangs rgyas kyi sar mi ltung ngo zhes bya ba'i bar gyis ni gong du bshad pa'i don de nyid de ltar 'gyur bar rig par bstan pa'o/ /rab 'byor 'di lta ste/ dper na/ mi na tshod la brgya nyi shu lon pa zhes bya ba nas/ rnam pa thams
 cad mkhyen pa nyid kyis yongs su ma bzung na/ rab 'byor de ni byang chub sems dpa' sems dpa' chen po de ni bar ma dor nyan thos kyi sa 'am/ rang sangs rgyas kyi sar ltung bar 'gyur ro zhes bya ba'i bar gyis ni mi rgan po nad pa nyam chung ba
 grogs gzhan la ma brten par ldang zhing 'gro mi nus pa'i dpes/ byang chub sems dpa' i theg pa pa yang shes rab kyi pha rol tu phyin pa dang thabs mkhas pa lam brten na par ma dor nyan thos dang rang sangs rgyas kyi sar ltung ste/ bla na med pa yang
 dag par rdzogs pa'i byang chub tu mngon par 'tshang rgya bar mi nus pa bstan pa'o/ /de ci'i? phyir zhe na/ de ni 'di ltar shes rab kyi pha rol tu phyin pas yongs su ma bzung ba dang zhes bya ba nas/ rnam pa thams cad mkhyen pa nyid kyis yongs su ma bzung ba'i
 phyir ro zhes bya ba'i bar gyis ni don gong du smos pa'i rigs pa dang gtan tshigs bstan pa'o/ /rab 'byor 'di lta ste dper na/ mi na tshong kyi lo brgya nyi shu lon pa/ rgas pa gog tu gyur pa 'khogs pa de nyid rlung dam mkhris pa 'am/ bad kan
 nam 'dus pa'i nang kyis btab par gyur la/ de khri las ldang par 'dod na de la snyes bu stobs dang ldan pa gnyis kyis glo g.yas g.yon gnyis nas bzung ste brten nas zhes bya ba nas/ rnam pa thams cad mkhyen pa nyid kyis yongs su bzung na/
 rab 'byor byang chub sems dpa' sems dpa' chen po de ni bar ma dor nye zhor? mi 'gyur te/ byang chub sems dpa' sems dpa' chen po de ni 'di lta ste/ bla na med pa yang dag par rdzogs pa'i byang chub kyi gnas der phyin par nus so zhes bya ba'i
 par gyis ni mi rgad po nad pa mi gnyis kyis grogs byas te/ brten na bar mdor mi nyams shing gar 'dod pa'i gnas su phyin par 'gyur pa'i dpes/ byang chub sems dpa' i theg pa shes rab kyi pha rol tu phyin pa dang/ thabs mkhas pa
 gnyis la brten na par? mdor? nyan thos dang/ rang sangs rgyas kyi sar mi ltung bar bla na med pa yang dag par rdzogs pa'i byang chub kyi gnas su phyin par nus pa bstan pa'o/ /de ci'i phyir zhe na/ de ltar de shes rab kyi pha rol tu phyin pa dang/
 thabs mkhas pa dang ma bral ba'i phyir ro zhes bya ba ni don gong du bshad pa'i gtan tshigs bstan pa'o/ /gsol pa bcom ldan 'das ji ltar na gang zag byang chub sems dpa' i theg pa pa shes rab kyi pha rol tu phyin pa dang/
 thabs mkhas pa dang bral bas nyan thos kyis 'am rang sangs rgyas kyi sar ltung ba lags zhes bya ba ni de ltar gong du shes rab kyi pha rol tu phyin pa dang/ thabs mkhas par mi ldan na theg pa chung du gnyis su ltung bar 'gyur la/ shes rab kyi pha
 rol tu phyin pa dang/ thabs mkhas par ldan na theg pa chung du gnyis su ltung bar mi 'gyur zhing/ bla na med pa yang dag par rdzogs pa'i byang chub thob par 'gyur ba bstan pa dang/ gnas brtan rab 'byor gyis gang zag byang chub sems dpa' i theg
 pa pa shes rab kyi pha rol tu phyin pa dang thabs mkhas par ji ltar mi ldan pa dang/ nyan thos dang rang sangs rgyas kyi sar ji ltar ltung bar 'gyur ba 'og nas zhib tu bshad pa'i gleng bslang ba'i phyir zhus pa'o/ /bcom ldan 'das kyis bka' 
 stsal pa/ rab 'byor de ltar gang zag byang chub sems dpa' i theg pa ba rnams kyi don du de bzhin gshegs pa la don 'di 'dri bar sems pa ni legs so legs so zhes bya ba ni thabs dang shes rab tu mi ldan zhing 'khor gsum yongs su ma dag par spyod pa
 dang/ thabs dang shes rab tu ldan zhing 'khor gsum yongs su dag pa'i don 'og nas bshad pa 'khor rnams legs par nyan du bzung pa'i phyir/ don 'di lta bu 'dri ba legs so zhes rab 'byor la bstong pa'o/ /rab 'byor 'di la gang zag byang chub
 sems dpa' i theg pa pa thog mar sbyin pa yongs su gtong na zhes bya ba nas/ de? shes rab rlom sems su byed/ shes rab kyis rlom sems su byed/ bdag ni shes rab dang ldan pa'o zhes rlom sems su byed de zhes bya ba'i bar gyis ni thabs dang shes
 rab tu mi ldan pa dang/ bdag dang bdag gi mtshan mar 'dzin par 'khor gsum yongs su ma dag par pha rol tu phyin pa drug la spyod na theg pa chung ngu gnyis s ltung bar 'gyur ba bstan ba'o/ /de ci'i phyir zhe na/ sbyin ba'i pha rol tu phyin pa la rtog pa de dag med de
 ring du song ba ni sbyin pa'i pha rol tu phyin pa'o zhes bya ba nas/ shes rab kyi pha rol tu phyin pa la rnam par mi rtog pa de dag med de ring du song ba ni/ shes rab kyi pha rol tu phyin pa'o/ /zhes bya ba'i bar gyis ni pha rol tu phyin pa zhes bya ba'i don ni bdag dang bdag
 gir 'dzin pa med cing/ rnam par rtog pa thams cad las 'das te ring du song ba la byan/ pha rol tu phyin pa drug la spyod pa'i tshe bdag dang bdag gir 'khor gsum yongs su dag par spyod pa na thabs dang shes rab tu mi ldan pas/ nyan thos dang rang
 sangs rgyas kyi sar ltung bar 'gyur ro zhes bstan pa'o/ /de lta yin yang gang zag byang chub sems dpa' i theg pa pa de ring du song ba 'ang mi shes/ pha rol kyang mi shes te/ sbyin pa'i pha rol tu phyin pa yongs su ma bzung zhes bya ba nas/ rnam pa thams cad
 mkhyen pa nyid kyis yongs su ma bzung bas nyan thos kyi sa 'am rang sangs rgyas kyi sar ltung ste/ rnam pa thams cad mkhyen pa nyid du mi 'byung ngo zhes bya ba'i bar gyis ni pha rol tu phyin pa zhes bya ba la bdag dang bdag gir 'dzin pa'i rnam par rtog
 pa med de rtog pa thams cad las ring du song zhing mtshan ma thams cad kyi mthar phyin pa yin na/ thabs mi mkhas pas mtshan mar bzung bas/ pha rol tu phyin pa drug la sogs pa rnam pa thams cad mkhyen pa nyid la thug gi bar du rnam par byang ba'i
 chos rnams kyi don dang mi ldan pa'i phyir nyan thos dang rang sangs rgyas kyi sar ltung zhing rnam pa thams cad mkhyen pa nyid du mi 'byung ngo zhes bstan pa'o/ /rab 'byor ji ltar gang zag byang chub sems dpa' i theg pa pa thabs mi mkhas pa yin zhe
 na zhes bya ba nas/ de shes rab rlom sems su byed/ shes rab kyis rlom sems su byed/ bdag ni shes rab dang ldan pa'o zhes rlom sems su byed pa ste zhes bya ba'i bar gyis ni/ thabs mi mkhas pas pha rol tu phyin pa drug
 la spyod pa'i tshe/ 'khor gsum yongs su ma dag par spyod cing de rlom sems su byed na nyan thos dang rang sangs rgyas kyi sar ltung zhing/ rnam pa thams cad mkhyen pa nyid du mi 'byung ba bstan pa'o/ /de ci'i phyir zhe na/ ji ltar de rnam par rtog pa'i/
 rnam par rtog pa de dag sbyin pa'i pha rol tu phyin pa la med do zhes bya ba nas/ de ci'i phyir zhe na/ de ni 'di ltar 'di lta ste/ shes rab kyi pha rol tu phyin pa de ni pha rol tu phyin pa med pa'o zhes bya ba'i bar gyis ni don dam par pha rol tu phyin pa zhes
 bya ba'i dngos po med pa la dngos por bzung zhing rlom sems su byed pas thabs mi mkhas pa yin no zhes bstan pa'o/ /de ltar yin yang byang chub sems dpa' i theg pa pa de ni ring du song ba'ang mi shes/ pha rol tu yang mi shes te/ sbyin pa'i pha
 rol tu phyin pas yongs su ma bzung nas bya ba nas rnam pa thams cad mkhyen pa nyid kyis yongs su ma bzung bas nyan thos kyi sa 'am rang sangs rgyas kyi sar ltung ste/ rnam pa thams cad mkhyen pa nyid du mi 'byung ngo zhes bya ba'i bar gyis ni de ltar
 thabs dang mi ldan par pha rol tu phyin pa drug la spyod cing/ 'khor gsum yongs su ma dag la rlom sems su byed na/ pha rol tu phyin pa drug la sogs pa rnam par byang ba'i chos rnams pa mi ldan pas nyan thos dang rang sangs rgyas kyi sar mi ltung zhing rnam
 pa thams cad mkhyen pa nyid du mi 'byung ngo zhes bstan pa'o/ /rab 'byor ji ltar gang zag byang chub sems dpa' i theg pa ba shes rab kyi pha rol tu phyin pa dang/ thabs mkhas pas yongs su bzung ba nyan thos kyi sa 'am rang sangs rgyas kyi
 sar mi ltung zhing/ bla na med pa yang dag par rdzogs pa'i byang chub 'grub par 'gyur ba yin zhe na zhes bya ba nas/ rnam pa thams cad mkhyen pa nyid kyis yongs su bzung bas nyan thos kyi sa 'am/ rang sangs rgyas kyi sar mi ltung ste/ rnam pa thams cad
 mkhyen pa nyid kyang 'grub par 'gyur ro zhes bya ba'i bar gyis ni byang chub sems dpa' shes rab kyi pha rol tu phyin pa dang/ thabs mkhas par ldan pa pha rol tu phyin pa drug la spyod pa rnams bdag dang bdag gi rim 'dzin cing/ don dam par pha rol tu phyin pa
 rnams kyang dngos po med par rtogs la/ kun rdzob tu thabs mkhas pas de dag la mtshan mar mi 'dzin cing rlom sems med par pha rol tu phyin pa drug la sogs pa la spyod ni/ pha rol tu phyin pa drug la sogs pa rnam pa byang ba'i chos rnams kyi
 don dang ldan zhing/ don de rnams kyis yongs su zin pas bar ma dor nyan thos kyi sa 'am rang sangs rgyas kyi sar mi ltung bar rnam pa t hams cad mkhyen pa nyid kyang 'grub par 'gyur ba bstan pa'o/ /rab 'byor de ltar gang zag byang chub sems dpa' i
 theg pa pa shes rab kyi pha rol tu phyin pas yongs su bzung ba thabs mkhas pas yongs su bzung ba zhes bya ba ni rnam pa thams cad mkhyen pa nyid kyis yongs su bzung ba ste/ nyan thos kyi sa 'am rang sangs rgyas kyi sar mi ltung ngo zhes bya ba'i bar gyis mi gong
 du bshad pa'i don de nyid mjug bsdus nas bstan pa ste/ de ltar shes rab kyi pha rol tu phyin pa dang/ thabs mkhas pa la sogs pas yongs su bzung na/ nyan thos dang rang sangs rgyas kyi sar bar mdor mi ltung zhing/ bla na med pa yang dag
 par rdzogs pa'i byang chub tu mngon par rdzogs par 'tshang rgya bar 'gyur ro zhes bstan pa'o/ /rab 'byor ji ltar na gang zag byang chub sems dpa' i theg pa pa thabs mkhas pas yongs su bzung ba yin zhe na zhes bya ba la sogs pas ni/ byang
 chub sems dpa' thabs mkhas pa dang ldan pa pha rol tu phyin pa drug la sogs pa la spyod pa'i tshe/ 'khor gsum yongs su dag par spyod cing rlom sems med pa rnams nyan thos dang rang sangs rgyas kyi sar mi ltung zhing bla na
 med pa yang dag par rdzogs pa'i byang chub tu 'grub par bstan pa'i don gong du bshad pa nyid rnam pa gzhan gyis zhib tu bshad pa ste/ rab 'byor 'di la gang zag byang chub sems dpa' i theg pa pa thog mar thabs dang ldan par sbyin pa yongs su
 gtong zhes bya ba nas/ bdag ni shes rab dang ldan pa'o zhes rlom sems su mi byed do zhes bya ba'i bar gyis ni byang chub sems dpa' thabs dang ldan pa/ pha rol tu phyin pa drug la 'khor gsum yongs su dag par spyod cing de dag gis rlom sems
 mi byed ba bstan to/ /de ci'i phyir zhe na/ de ltar de rnam par mi rtog pas sbyin pa'i pha rol tu phyin pa la rnam par rtog pa de dag med de/ de ci'i phyir zhe na/ de ni 'di lta ste/ sbyin pa'i pha rol tu phyin pa med ba'o zhes bya ba nas/ shes rab kyi pha rol tu
 phyin pa de ni pha rol tu phyin pa med pa'o zhes bya ba'i bar gyis ni ? gsum yongs su dag par spyod cing rlom sems su mi byed pa'i gtan tshigs bstan pa ste/ byang chub sems dpa' i sbyin pa la sogs pa spyod pa la yang de lta bu'i rnam par rtog pa med la/ pha rol tu phyin pa
 drug kyang don dam par dngos po med pas rnam par rtog pa'i yul ma yin te/ de'i phyir 'khor gsum yongs su dag cing rlom sems med do zhes bstan pa'o/ /de lta yang yin la /gang zag byang chub sems dpa' i theg pa de yang ring du song ba
 ba? dgos shing/ pha rol tu shes kyang des rlom sems med do/ zhes bya ba ni de ltar chos thams cad rang bzhin gyis stong pas/ rnam par rtog pa dang brtags par bya ba gnyis ka med de/ rtog pa'i spyod yul las 'das te ring du song ba shes kyang she
 bde mi bsnyems so zhes bstan pa'o/ /de sbyin pa'i pha rol tu phyin pas yongs su bzung ba dang/ zhes bya ba nas/ rnam pa thams cad mkhyen pa nyid kyis yongs su bzung pas nyan thos kyi sa'am rang sangs rgyas kyi sar mi ltung ste/ rnam pa thams cad mkhyen pa
 nyid du 'byung po zhes bya ba'i bar gyis ni de ltar gong du bshad pa ltar 'khor gsum yongs su dag cing rlom sems med na pha rol tu phyin pa drug la sogs pa rnam par byang pa'i chos rnams kyi don dang ldan pas nyan thos dang rang sangs rgyas kyi sang mi ltung
 zhing/ rnam pa thams cad mkhyen pa nyid thob par 'gyur ba'i phan yon bstan pa'o/ /shes rab kyi pha rol tu phyin pa 'bum pa rgya tshor bshad pa las le'u sum cu drug pa'o// //de nas tsha dang ldan pa rab 'byor gyis bcom ldan
 'das la 'di skad ces gsol to zhes bya ba la sogs pas ni de ltar gong du shes rab kyi pha rol tu phyin pa dang/ thabs mkhas par mi ldan na nyan thos dang rang sangs rgyas kyi sang ltung bar 'gyur la/ shes rab kyi pha rol tu phyin pa dang/ thabs mkhas
 par ldan na/ nyan thos dang rang sangs rgyas kyi sar ltung bar mi 'gyur ba bshad pa thos pa dang/ 'o na theg pa la gsar du zhugs pa shes rab dang thabs su mi ldan pa dag gis pha rol tu phyin pa drug pa ji ltar bslab par bya snyam nas zhus pa'o/ /
 bcom ldan 'das kyis bka' stsal pa zhes bya ba nas/ sbyin pa'i pha rol tu phyin pa ston pa de dag bsnyen par bya'o/ /bsten par bya'o/ /bsten bkur bya'o/ /zhes bya ba'i bar gyis ni las dang po pa rnams kyis dge ba'i bshes gnyen pha rol tu phyin
 ba drug stong pa'i mkhas pa la bsnyen cing bsnyen bkur byas te bslabs na thabs mkhas par 'gyur zhing/ nyan thos dang rang sangs rgyas kyi sar mi ltung par bla na med pa yang dag par rdzogs pa'i byang chub 'grub par 'gyur ro zhes bstan pa'o/ /
 de dag de la shes rab kyi pha rol tu phyin pa 'di ltar ston pa te zhes bya ba la sogs pas ni/ dge ba'i bshes gnyen de dag pha rol tu phyin pa drug ji ltar ston cing 'chad pa'i tshul bstan pa'o/ /tshur rigs kyi bu sbyin pa gang
 dang gang sbyin pa de thams cad bla na med pa yang dag par rdzogs pa'i byang chub tu yongs su bsngos shig ces bya ba nas/ tshur rigs kyi bu shes rab gang dang gang bsgom pa de dag thams cad bla na med pa yang dag par rdzogs pa'i byang chub tu yongs su bsngos
 shig ces bya ba'i bar gyis ni pha rol tu phyin pa drug la spyad pa'i 'bras bu 'jig rten gyi phun sum tshogs pa dang/ nyan thos dang rang sangs rgyas kyi sar mi bsngo bar/ bla na med pa'i byang chub tu yongs su bsngo bar bya ba'i thabs bstan pa'o/ /rigs
 kyi bu khyod bla na med pa yang dag par rdzogs pa'i byang chub gzugs su rtog par ma byed cig ces bya ba nas/ rnam pa thams cad mkhyen pa nyid du rtog par ma byed cig ces bya ba'i bar gyis ni/ bla na med pa yang dag par rdzogs pa'i byang chub nyid kyang
 don dam par dngos po med pas gzugs la sogs pa rnam pa thams cad mkhyen pa nyid la thug gi par gyi chos gang gi rang bzhin yang ma yin pa'i phyir/ chos de dag gis rang bzhin du mi rtag cing mtshan mar mi bzung ngo zhes bstan pa'o/ /
 de ci'i phyir zhe na/ yongs su ma brtags pa'i gzugs ni rnam pa thams cad mkhyen pa nyid thob par byed do zhes bya ba nas yongs su ma brtags pa'i lam gyi rnam pa shes pa nyid ni rnam pa thams cad mkhyen pa nyid thob par byed do zhes bya ba'i bar
 gyis ni/ bla ma med pa yang dag par rdzogs pa'i byang chub gzugs la sogs pa'i rang bzhin du mi rtag cing/ mtshan mar mi bzung pa'i rigs pa bstan pa ste/ don dam par bla na med pa yang dag par rdzogs pa'i byang chub nyid dang gzugs
 la sogs pa'i chos thams cad kyang dngos po med de brtags pa'i yul ma yin pas de dag la yongs su ma brtags shing mtshan mar ma bzung na yang dag pa'i don rtogs pa yin pas rnam pa thams cad mkhyen pa nyid thob par 'gyur ro zhes bstan pa'o//
 rigs kyi bu khyod gzugs la 'dod pa ma skyed cig /de ci'i phyir zhe na/ rigs kyi bu 'dod pa med pa ni gzugs so zhes bya ba nas/ bla na med pa yang dag par rdzogs pa'i byang chub la 'dod pa ma skyed cig /de ci'i phyir zhe na/ rigs kyi bu 'dod pa
 med pa ni bla na med pa yang dag par rdzogs pa'i byang chub po zhes bya ba'i bar gyis ni/ de ltar gzugs la sogs pa'i chos gang la yang yongs su ma brtags shing/ mtshan mar ma bzung na/ rnam pa thams cad mkhyen pa nyid thob par 'gyur ro zhes
 bshad na/ rnam pa thams cad mkhyen pa nyid thob par bya ba'i dngos por rtog cing de la 'dod pa skyed pa dgag pa bstan pa ste/ gzugs la sogs pa rnams pa thams cad mkhyen pa nyid la thug gi bar gyi chos rnams don dam par dngos po med de/
 'dod par bya ba'i dngos po ma yin pas de la 'dod pa ma skyed cig ces bstan pa'o/ /de ci'i phyir zhe na/ rigs kyi bu chos thams cad ni ngo bo nyid kyi stong ngo zhes bya bar 'gyur ro zhes bya ba ni gong du bshad pa'i don de nyid mdor bsdus nas bstan pa ste/ mdor
 na chos thams cad don dam par ngo bo nyid kyis stong pas chos gang yang thob par bya ba'i phyir 'dod pa mi skyed do zhes bstan pa'o/ /de skad ces bka' stsal pa dang/ tshe dang ldan pa rab 'byor gyis bcom ldan 'das la 'di skad ces gsol
 to/ zhes bya ba la sogs pas ni de ltar gong du bshad pa'i tshul gyis chos thams cad don dam par rang bzhin gyis stong pas gang la 'dod pa skyed du med pa la/ bla na med pa yang dag par rdzogs pa'i byang chub 'grub par smon lam 'debs
 shing mngon par rdzogs par 'tshang rgya bar 'dod pa de dag de ltar dngos po med na ni smon cing 'dod par bya ba 'ang mi rigs/ de ste dngos po zhig yod na ni mi smon cing 'dod pa mi skyed pa mi rigs pa las/ smon cing 'dod pa skyed pa ni 'gal par byed pa'o/ /
 zhes zhus pa'o/ /rab 'byor 'on kyang byang chub sems dpa' sems dpa' chen po rnams ni chos thams cad sgyu ma lta bu dang rmi lam lta bur rig nas bla na med pa yang dag par rdzogs pa'i byang chub tu yang dag par zhugs pa ste zhes bya ba nas/ 'jig rten
 gyi lam du 'gyur br bya'o zhes bla na med pa yang dag par rdzogs pa'i byang chub tu yang dag par zhugs so zhes bya ba'i bar gyis ni don dam par chos thams cad stong par rtogs kyang/ kun rdzob tu sems can rnams drang zhing phan gang gas pa'i phyir
 chos thams cad sgyu ma dang/ rmi lam lta bur rtogs pa bya ste/ de 'am? chags par sems can gyi don bya'o zhes bstan pa ste/ 'jig rten gyi don dang phan pa dang bde ba dang/ skyabs dang rten dang/ dpung gnyen dang/ gling dang/ snang ba dang sgron ma
 'dzin ba dang/ 'di 'byin pa dang/ ded dpon dang/ yongs su 'dren pa dang/ lam du 'gyur bar bya ba'i tshig rnams ni 'og nas gzhung nyid las zhib tu bshad pa dang sbyar ro/ /rab 'byor ji ltar na byang chub sems dpa' sems dpa' chen po bla
 na med pa yang dag par rdzogs pa'i byang chub tu mngon par rdzogs par 'tshang rgya bar 'dod cing/ 'jig rten gyi don gyi phyir yang dag par zhugs pa yin zhe na zhes bya ba nas/ shes rab ci bsgom pa de thams cad kyang sems can rnams kyi sdug
 bsngal yongs su sgrol ba'i phyir te zhes bya ba'i bar gyis ni 'jig rten gyi don gyi phyir yang dag par zhugs pa bstan pa ste/ byang chub sems dpa' don dam par chos thams cad stong par rtog kyang/ /kun rdzob tu sems can rnams kyis sdug
 bsngal bsal pa'i don du pha rol tu phyin pa drug la spyod do zhes bstan pa'o/ /rab 'byor ji ltar na byang chub sems dpa' sems dpa' chen po 'jig rten la phan pa'i phyir yang dag par zhugs pa yin zhe na/ rab 'byor 'di la byang chub sems dpa' 
 sems dpa' chen po sems can rnams 'gro pa'i rgyud lnga nas yongs su bton cing mi 'jigs pa'i thang pa de ba mya ngan las 'das pa la rab tu 'god de zhes bya bas ni 'jig rten la phan pa'i phyir yang dag par zhugs pa bstan pa ste/ sems can
 rnams 'gro ba rgyud lnga'i 'khor ba nas bton te/ mya ngan las 'das pa'i gnas bde pa la 'god par byed pa ni 'jig rten la phan pa'i phyir zhugs pa yin no zhes bstan pa'o/ /rab 'byor ji ltar na byang chub sems dpa' sems dpa' chen po 'jig rten
 la bde ba'i phyir yang dag par zhugs pa yin zhe na zhes bya ba nas/ 'khrug ba rnams las yongs su bkrol zhing/ mi 'jigs pa'i thang bde ba mya ngan las 'das pa la rab tu 'god de zhes bya ba'i bar gyis ni 'jig rten la bde ba'i phyir zhugs pa
 bstan bste/ sems can rnams 'khor pa'i sdug bsngal dang yid mi bde ba dang/ 'khrug pa las thabs sna tshogs kyis thar par byas te/ mya ngan las 'das pa'i gnas su 'god pa ni 'jig rten la bde ba'i phyir zhugs pa yin no zhes bstan pa'o/ /
 rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod cing/ 'jig rten gyi mgon byed pa yin zhe na zhes bya ba nas/ sems can de dag kyang
 thos te thos nas rim gyis theg pa gsum gyis yongs su mya ngan 'da' bar 'gyur te zhes bya ba'i bar gyis ni 'jig rten gyi mgon byed pa bstan pa ste/ 'khor ba na gnas pa'i sems can rnams kyi phyi nang gi sdug bsngal ci yod pa thams cad
 bskyabs shing bsal te dga' bar byas nas/ dga' bar gyur pa dang/ de dag la dam pa'i chos bshad de yongs su smin par byas nas mthar gyis theg pa gsum la mya ngan las 'da' bar byed ba ni 'jig rten gyi mgon phyed pa yin no
 zhes bstan pa'o/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa 'jig rten gyi skyabs su gyur pa yin zhe na zhes bya ba nas/ phung po
 ma lus pa'i mya ngan las 'das pa'i dbyings su yongs su mya ngan las zla ste/ zhes bya ba'i bar gyis ni skyabs su gyur pa bstan pa ste/ 'khor ba na gnas pa'i sems can skye ba dang rga ba la sogs pa'i chos can rnams skye ba dang zab la sogs pa med par
 byas nas yongs su mya ngan las 'das pa'i bde ba la 'god pa ni 'jig rten gyi skyabs su gyur pa yin no zhes bstan pa'o/ /rab 'byor ji ltar byang chub sems dpa' sems dpa' chen po bla na med pa yang dag par rdzogs pa'i byang chub tu mngon par
 rdzogs par 'tshang rgya par 'dod pa sems can rnams kyi rten du gyur pa yin zhe na/ rab 'byor 'di la byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'chang rgya bar 'dod pa chos
 thams cad 'dre ba med par chos ston pa ste zhes bya ba nas sems can rnams kyi rten du 'gyur ba'i don mdor bshad pa ste/ don dam par chos thams cad dngos po med cing rang bzhin gyis dben pas mtshan nyid ma 'dres shing gang dang yang
 'brel pa med par chos ston pa ni don dam pa'i dbyings la mi brten pa'i tshul gyis brten pa'i phyir sems can rnams kyi rten du gyur pa yin no zhes bstan pa'o/ /gsol pa bcom ldan 'das ji ltar na chos thams cad 'dre ba ma mchis pa lags
 zhes bya ba ni gong du chos thams cad 'dre ba med par chos ston to zhes bshad pa'i gle bslang pa'i phyir zhus pa'o/ /bcom ldan 'das kyis bka' stsal pa/ rab 'byor gzugs kyi 'dre ba med pa gang yin pa de ni gzugs kyi 'grel pa med pa'i zhes bya ba
 la sogs pas ni chos thams cad 'dri ba med pa'i don zhib tu bshad pa ste/ don dam par chos thams cad ngo bo nyid kyis stong zhing rang bzhin gyis dpen? pa ni so so'i mtshan nyid gang dang gang ma 'des pas de dang 'brel pa yang gang yang med do zhus? bya
 ba'i don to/ /gzugs kyi 'brel pa med pa gang yin pa de ni gzugs kyi skye pa med pa'o zhes bya ba ni gzugs rang bzhin gyis stong ste/ gang dang yang ma 'brel pa de nyid skye ba med pa'i rang bzhin yin no zhes bstan pa'o/ /gzugs kyi skye ba med pa
 gang yin pa de ni gzugs kyi 'gag pa med pa'o zhes bya ba ni de ltar skye ba med na 'gag pa yang med do zhes bya ba'i don to/ /gzugs kyi 'gag pa med pa gang yin pa de ni/ gzugs kyi 'dre pa med pa'o zhes bya ba ni/ de ltar skye ba med cing
 'gag pa med pa ni dngos po med pas gang dang yang 'dres par mi 'gyur te/ rang bzhin gyis dben pa yan zhes bstan pa'o/ /gzugs la ji ltar bshad pa de bzhin du tshor ba la sogs pa rnam pa thams cad mkhyen pa nyid la thug gi bar du
 yang sbyar bar bya'o/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa sems can rnams kyi dpung gnyen du gyur pa yin zhe na
 zhes bya ba la sogs pas ni/ 'jig rten gyi dpung gnyen du gyur pa bstan pa ste/ sems can rnams chos rnams kyi chos nyid ma shes shing/ mgon skyabs med pa la byang chub sems dpa' bdag nyid kyis chos rnams kyi chos nyid ji 
 ltar rtogs pa de bzhin du sems can rnams la mngon par chos bstan na/ sems can rnams de dag bdud dang bgegs kyi dbang du mi 'gyur par grogs pas shing bstangs par 'gyur pa'i phyir dpung gnyen du 'gyur pa
 yin no zhes bstan pa ste/ gzugs kyi pha rol gang yin pa de ni gzugs ma yin no zhes bya ba ni gzugs rnams kyi mdza' dngos po med pa'i rang bzhin gang yin de mi gzugs ma yin zhes bya ba'i chos bstan na/ sems can rnams kyis chos kyi
 chos nyid don dam pa'i dbyings rtogs par 'gyur te/ bdud kyi dbang du mi 'gyur ba'i phyir sems can rnams kyi dpung gnyen du 'gyur pa yin no zhes bstan pa'o/ /gzugs la ji ltar bshad pa de bzhin du tshor ba la sogs pa rnam pa thams cad mkhyen
 pa nyid la thug gi bar du yang sbyar bar bya'o/ /rab 'byor gzugs ji lta bar chos thams cad kyang de bzhin no zhes bya ba ni/ don dam par gzugs dang chos thams cad stong pa nyid du ro gcig pas rang bzhin tha mi dad do zhes bstan pa'o/ /gsol pa gang
 bcom ldan 'das kyis gzugs ji ltar chos thams cad kyang de bzhin no zhes bka' stsal na/ bcom ldan 'das de lta lags na ni byang chub sems dpa' sems dpa' chen pos chos thams cad mngon par rdzogs par sangs rgyas par 'gyur ro
 zhes bya ba ni/ gzugs ji lta ba bzhin du chos thams cad kyang de bzhin na/ gzugs 'ba' zhig rtogs pas chos thams cad kyang rtogs par 'gyur te/ de ltar yin na gzugs 'ba' zhig rtogs pas rnam pa thams cad mkhyen pa nyid thob
 par 'gyur ro zhes rab 'byor gyis gal bzung te gsol pa'o/ /de ci'i slad du zhe na/ bcom ldan 'das gzugs kyi pha rol na rnam par rtog pa gang yi dam mchis so zhes bya ba la sogs pas ni/ gzugs 'ba' zhig rtogs pas chos thams cad
 rtogs par 'gyur/ gal bzung ste gsol pa'i gtan tshigs bshad pa ste/ kun rdzob tu ni gzugs 'ba' zhig rtogs pas chos thams cad rtogs par mi 'gyur gyis/ don dam par ni gzugs kyi pha rol zhes bya ba gzugs kyi mdza' stong pa
 nyid kyi rang bzhin la bya ste/ de ni rnam par rtog pa'i spyod yul ma yin te/ de ltar rnam par rtog pa med par shes na chos thams cad mngon par rdzogs par sangs rgyas par 'gyur ro zhes bstan pa'o/ /gzugs la ji ltar bshad pa de bzhin du
 tshor ba la sogs pa rnam pa thams cad mkhyen pa nyid la thug gi bar du yang sbyar par bya'o/ /'di ni gzugs so/ /'di ni tshor ba'o zhes bya ba nas/ 'di ni rnam pa thams cad mkhyen pa nyid do zhes bgyi ba'i rnam par rtog pa gang yang ma mchis so zhes
 bya ba'i bar gyis ni gzugs kyi pha rol na rnam par rtog pa gang yang ma mchis so zhes gsol pa/ gzugs la sogs pa'i mdza' pha rol ces bya ba stong pa nyid la rnam par rtog pa gang dang gang med pa'i dmigs bstan pa'o/ /bcom ldan 'das
 gyis bka' stsal pa/ rab 'byor de de bzhin no/ /de de bzhin te/ gzugs kyi pha rol na rnam par rtog pa gang yang med do zhes bya ba nas/ rnam pa thams cad mkhyen pa nyid kyi pha rol na rnam par rtog pa med do zhes bya ba'i bar gyis ni gong du
 rab 'byor gyis gsol pa'i tshig de nyid bzlas te/ gzugs la sogs pa pha rol ces bya ba stong pa nyid la rnam par rtog pa gang yang med pa bden no zhes bka' stsal pa'o/ /'di ni gzugs so/ /'di ni tshor ba'o zhes bya ba nas/ 'di ni rnam
 pa thams cad mkhyen pa nyid do zhes bya bar rnam par rtog pa gang yang med de zhes bya ba'i bar gyis ni/ gong du gzugs la sogs pa'i pha rol na rnam par rtog pa gang yang med ngo zhes bshad pa rnam par rtog pa'i thabs ji ltar rtog pa rnams
 med pa'i dmigs bstan pa ste/ gzugs la sogs pa la dngos po yod par lta zhing mtshan mar 'dzin pa'i rnam par rtog pa med do zhes bya ba'i don to/ /rab 'byor byang chub sems dpa' sems dpa' chen po rnams
 chos de ltar zhi ba dag la rtog kyang/ de ltar zhum par mi 'gyur zhing bdag gis chos de dag ni 'di ltar mngon par rdzogs par sangs rgyas par bya'o/ /bla na med pa yang dag par rdzogs pa'i byang chub ni ji ltar mngon par rtogs par sangs
 rgyas nas/ chos de ltar zhi ba de ltar gzang ba de ltar bshad par bya'o/ /snyam du sems pa ni dka' ba byed pa ste zhes bya ba ni/ byang chub sems dpa' don dam par chos thams cad rang bzhin gyis stong zhi ba rnam par rtog pa dang tshig gi spyod
 yul ma yin pa de lta bu rtogs kyang nyan thos dang rang sangs rgyas ltar sems zhum zhing zhi ba phyogs gcig pa la mi gnas par thabs mkhas pas kun rdzob tu sems can rnams la phan pa gdags pa'i phyir/ bsod nams dang ye
 shes kyi tshogs yongs su rdzogs par byas te/ bla na med pa yang dag par rdzogs pa'i byang chub tu mngon par rdzogs par sangs rgyas nas kyang chos zab mo zhi ba rtog pa'i spyod yul las 'das pa bzang po de lta bu 'jig rten gyi sgra dang tha snyad
 du sgro 'dogs te/ sems can rnams la bshad par sems pa ni nyan thos dang rang sangs rgyas rnams kyis mi nus pa'i phyir dka' ba spyod pa ste/ ngo mtshar che'o zhes bstan pa'o/ /rab 'byor ji ltar na byang chub sems dpa' sems
 dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas 'jig rten gyi gling du gyur pa yin zhe na zhes bya ba la sogs pas ni/ byang chub sems dpa' 'jig rten gyi gling du ji ltar gyur ba bstan pa ste
 rab 'byor 'di lta ste/ dper na/ chu klung dam chub na nas rgya mtsho chen po'i nang na chus yongs su bcad pa'i gnas gang ji snyed cig yod pa de dag ni/ gling zhes bya ste zhes bya ba ni gling du gyur pa'i dpes bstan pa ste/ dper na chu klung chen po'am/ 'bab chu phra mo 'am/
 rgya mtsho chen po'i nang na sems can gyi gnas su rung pa'i thar?/ tha ma chus 'khor pa la gling zhes bya ste/ sems can chus 'khyer cing gnas pa'i dbang med pa rnams gling de lta bu dang phrag na de la brten cing gnas su yod pa la gling zhes bya ba de bzhin du sems can
 yang dag pa'i don ma rtogs ste/ 'khor ba'i rgya mtshon 'khyams pa rnams mya ngan las 'das pa'i gnas bde brnyed na 'khor par mi 'khyam zhing gling la gnas pa dang 'dra bar bde ba la 'jog pa'i chos zab mo zhib bzang po ston pa la gling du gyur pa zhes
 bya'o/ /rab 'byor de bzhin du gzugs sngon gyi mdza' dang phyi ma'i mdza' yongs su chad pa'o zhes bya ba ni/ don dam par gzungs kyi rang bzhin yod par ma grub pas sngon yang 'di tsam nas byung ngo zhes bya ba'am/ phyi ma'i mdza' yang 'di tsam nas 'byung
 par 'gyur ro zhes bya ba med de/ de ltar mdza' gnyis yongs su chad cing mdza' gnyis ka la mi gnas par mdza' gnyis dang bral ba'i chos kyi dbyings la gnas pa'i tshul gyis gnas par chos ston pa la gling du gyur pa zhes bya'o/ /gzugs la ji ltar
 bshad pa de bzhin du tshor ba la sogs pa rnam pa thams cad mkhyen pa nyid la thug gi bar du sbyar bar bya'o/ /rab 'byor sngon gyi mdza' dang phyi ma'i mdza' yongs su chad pa 'dis chos thams cad yongs su chad pa ste zhes bya ba ni/ de ltar gzugs la sogs
 pa'i chos rnams mdza' gnyis dang bral ba'i don gong du bshad pa nyid mdor bsdus te bstan pa ste/ mdor na chos thams cad kyang don dam par dngos po yod par ma grub pas mdza' gnyis dang bral bar yongs su chad pa yin no zhes bstan pa'o/ /rab
 'byor chos thams cad kyi sngon gyi mdza' dang phyi ma'i mdza' yongs su chad pa gang yin pa de ni zhi ba'o/ /de ni bzang pa'o zhes bya ba la sogs pas ni de ltar mdza' gnyis dang bral pa nyid mya ngan las 'das pa yin no zhes mya ngan
 las 'das pa'i rnam grangs bstan pa ste/ de ni zhi pa'o zhes bya ba ni shes bya dang nyon mongs pa'i sgrib pa thams cad byang ba'i phyir ro/ /de ni bzang pa'o zhes bya ba ni bdud la sogs pa'i gdon thams cad dang bral ba'i phyir ro/ /de ni yang dag pa ste
 zhes bya ba ni don ma nor cing phyin ci ma log pa'i phyir ro/ /'di ltar stong pa nyid dang/ dmigs su med pa dang zhes bya ba theg pa chung du bas mya ngan las 'das pa zhes bya ba ngos po yod par brtags pa lta bur dngos po yong bar ma yin pa'i phyir ro/ /
 lam gyi rgyun chad pa zhes bya ba ni 'khor pa'i lam rgyun lngar mi skye ba'i phyir ro/ /sred pa zad pa zhes bya ba ni phung po phyi ma len srid pa med pa'i phyir ro/ /'dre ba med pa zhes bya ba ni zag pa dang bcas pa'i chos rnams dang ma 'dres pa'i phyir ro/ /
 'dod chags dang bral ba zhes bya ba ni khams gsum gyi dngos po la yab ma chags pa'i phyir ro/ /'gog pa zhes bya ba ni lam dang nyon mongs pa thams cad 'gags te rgyun chad pa'i phyir ro/ /mya ngan las 'das pa zhes bya ba ni phung po'i gnod
 pa thams cad dang bral ba'i phyir ro/ /rab 'byor de ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ de ltar zhi ba de ltar bzang pI chos de dag ston
 te zhes bya pa ni de ltar byang chub sems dpas ches thams cad phyin ci ma log par rtogs nas/ ji ltar rtogs pa'i chos rnams sems can rnams la yang dag pa ji lta ba bzhin du bstan pas sems can rnams mya ngan las
 'das pa'i gnas bde ba la sogs pa la 'god pa'i phyir gling du gyur pa yin no zhes bstan pa'o/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas
 'jig rten gyi snang bar 'gyur ba yin zhe na zhes bya ba nas/ ma rig pa'i mun pa dang mi shes pa'i rab rib sel te zhes bya ba'i bar gyis ni 'jig rten gyi snang bar gyur pa bstan pa ste/ sems can rnams thog ma med pa'i dus na 'khor ba'i mun nag na 'khor
 zhing ma rig pas bsgribs te yang dag pa'i lta ba la ma phyogs pa rnams byang chub sems dpa' thabs mkhas pas yang dag pa'i lta ba la 'dzud pa ni 'jig rten gyi snang par 'gyur pa yin no zhes bstan pa'o/ /rab 'byor ji ltar na byang chub sems dpa' 
 sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas sems can rnams kyi sgron ma 'dzin cing 'od 'byin pa yin zhe na zhes bya ba nas/ sems can rnams kyang de la yang dag par bskul zhing
 sbyor la gzhog cing rab tu 'god de zhes bya ba'i bar gyis ni sems can rnams kyis sgron ma 'dzin cing 'od 'byin pa bstan pa ste/ sems can dam pa'i chos ma thos shing mi shes pa rnams la/ theg pa chen po'i mdo sde pha rol tu phyin pa drug gi don stan
 pa 'phags pa'i bden pa bzhi'i byin gyis brlabs dang ldan pa bsdu ba rnam pa bzhi sems can rnams sdud pa'i thabs ston pa dag sems can rnams la don ma nor bar ston cing/ sems can rnams pha rol tu phyin pa drug dang/ 'phags pa'i bden pa
 bzhi dang/ bsdu ba'i dngos po bzhi la spyod du 'jug pa ni sems can rnams kyi sgron ma 'dzin cing 'od 'byin pa yin no zhes bstan pa'o/ /rab 'byor ji ltar byang chub sems dpa' sems dpa' chen po bla na med pa yang dag par rdzogs pa'i byang chub tu
 mngon par rdzogs par sangs rgyas nas/ sems can rnams kyi ded dpon du gyur pa yin zhe na zhes bya ba nas/ mya ngan las 'das pa mngon sum du bya pa'i phyir cig la brten pa'i lam ston te zhes bya ba'i bar gyis ni byang chub sems
 dpa' sems can rnams kyi de dpon du gyur pa bstan pa ste/ dper na tshor pa mang po lam ngan pa dang lam log par zhugs pa rnams ded dpon gyis bskyangs shing lam bde ba dang/ lam lam log par btsud de/ des na lam na nye zho mid par
 gnas su phyin par 'gyur pa de bzhin du/ byang chub sems dpa' yang sems can mu stegs can gyis lam ngan pa zhugs pa dad/ phyin ci log bzhi la zhen pa rnams la theg pa chen po'i chos bzang po bstan te/ 'phags pa'i lam la btsud
 nas mya ngan las 'das pa'i gnas bzang po la 'god pa de dang po na dang 'dra ba'i phyir sems can rnams ded dpon du gyur pa yin no zhes bstan pa'o/ /sems can lam ngan par zhugs la zhes bya ba ni mu stegs can yi lta ba ngan pa la phyogs
 ba la bya'o/ /tshul ma yin pa bzhi la zhen pa zhes bya ba ni phyin ci log bzhi la zhen pa ste/ mi rtag pa la rtag par lta ba dang/ bdag med pa la bdag yod par lta ba dang/ sdug bsngal pa la bde par 'dzin pa dang/ mi gtsang pa la gtsang bar
 'dzin pa la tshul ma yin pa bzhi la zhen pa zhes bya'o/ /sems can rnam par dag par bya ba'i don du zhes bya ba ni sems can lam ngan par zhugs shing tshul ma yin pa bzhi la zhen pa rnams/ lam ngan pa dang tshul ma yin pa la sogs pa'i
 skyon gyis mi gos par bya ba'i phyir lam ston to zhes bya ba dang sbyar ro/ /mya ngan dang gnod pa las yang dag par bzlab dang/ sdug bsngal dang yid mi bde ba nub par bya ba dang zhes bya ba ni 'khor pa'i sdug bsngal las thar par bya ba'i phyir lam
 ston to zhes bya ba dang sbyar ro/ /rigs pa dang ldan pa'i chos go bar bya ba dang zhes bya ba ni gang zag dang chos la bdag med pa'i don ston cing thabs dang shes rab zung du 'brel bar spyod pa ston pa theg pa chen po'i mdo sde rnams go bar bya ba'i phyir lam ston to zhes
 bya ba dang sbyar ro/ /mya ngan las 'das pa mngon du bya ba'i phyir gcig la brten pa'i lam ston te zhes bya ba ni mi gnas pa'i mya ngan las 'das pa thob par bya ba'i phyir theg pa chen po gcig pu la gzhol ba'i cho ston to zhes bya ba'i don to/ /rab 'byor ji
 ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi yongs su 'dren par 'gyur pa yin zhe na zhes bya ba nas/ bla na med pa yang dag par rdzoD
 pa'i byang chub skye ba med pa dang/ 'gag pa med pa dang/ kun nas nyon mongs pa med pa dang/ rnam par byad pa med pa'i phyir chos ston to zhes bya ba'i bar gyis ni/ byang chub sems dpa' sems can rnams kyi yongs su 'dren par 'gyur ba bstan pa
 ste/ sems can rnams gzugs la sogs pa'i chos thams cad dngos po yod par lta zhing/ skye ba dang/ 'gag pa dang/ kun nas nyon mongs pa dang/ rnam par byang ba la mtshan mar 'dzin pa rnams la gzugs la sogs pa'i chos thams
 cad don dam par rang bzhin gyis stong pas skye ba dang/ 'gag pa dang/ kun nas nyon mongs pa dang/ rnam par byang ba med pa'i chos zab mo bstan te/ sems can rnams don dam pa'i dbyings la 'dzub pa'i phyir sems can rnams kyi yongs su
 'dren pa yin no zhes bstan pa'o/ /rab 'byor ji ltar na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par sangs rgyas nas/ sems can rnams kyi lam du gyur pa yin zhe na zhes 
 bya ba nas/ rnam pa thams cad mkhyen pa nyid ni nam mkha' i ngang tshul can zhes bya bar sems can rnams la chos ston to zhes bya ba'i bar gyis ni byang chub sems dpa' seMs can rnams kyi lang? du gyur pa bstan pa ste/ sems can dngos po
 la chags pa rnams la don dam par chos thams cad rang bzhin gyis stong bas nam mkha' dang 'dra bar dngos po med de/ cis kyang ma gos pa yin no zhes chos bstan na sems can rnams bla na med pa'i byang chub tu lam mgol bar zhugs par
 gyur ba'i phyir/ sems can rnams kyi lam du gyur pa yin no zhes bstan pa'o/ /gzugs kyi stong pa nyid ni 'gro ba med pa ste/ da ni mi 'gro mi 'ong ngo zhes bya bar sems can rnams la chos ston to zhes bya ba nas/ rnam pa thams cad mkhyen pa
 nyid kyi stong pa nyid ni 'gro ba med pa ste/ de ni mi 'gro mi 'od do zhes bya bar sems can rnams la chos ston to zhes bya ba 'i par gyis kyang sems can rnams kyis lam du gyur pa bstan pa ste/ byang chub sems dpa' sems can rnams kyi lam
 du gyur ba yin no zhes bstan pa la/ de ltar lam yod na 'gro ba dang 'ong ba yang yod dam snyam du rnam par rtog pa bsal ba'i phyir don dam par chos thams cad rang bzhin gyis stong pas stong pa la ni lam yang med 'gro ba dang 'ong ba gang yang
 med do zhes chos ston pa la de nyid theg pa chen po'i lam ma nor bar ston pa yin pa'i phyir sems can rnams kyi lam du gyur ba yin no zhes bshad pa'o/ /de ci'i phyir zhe na/ rab 'byor chos thams cad ni stong pa nyid kyi dang tshul can te/ de dag
 ni ngang tshul de las mi 'da' o zhes bya ba la sogs pas ni chos thams cad 'gro ba dang 'ong ba med pa bshad ba'i don gong du smos pa'i gtan tshigs bstan pa ste/ chos thams cad stong pa nyid kyi dang tshul can te zhes bya ba nas/ rab
 'byor de ci'i phyir zhe na/ smon pa med pa la 'gro ba 'am 'ong ba mi dmigs so zhes bya ba'i bar gyis ni chos thams cad rnam par thar pa'i sgo gsum gyis rang bzhin dang tha mi dang de/ rnam par thar pa'i sgo gsum la 'gro ba dang 'ong ba med pa de bzhin du chos
 thams cad la yang 'gro ba dang 'ong ba med de/ de ltar yang dag pa'i don ston pa byang chub sems dpa' de ni sems can rnams kyi don du gyur pa yin no zhes bya ba'i tshig gong du smos pa dang sbyar ro/ /rab 'byor chos thams cad ni mngon par 'du bya ba med
 pa'i ngang tshul can te zhes bya ba nas/ de ci'i phyir zhe na/ sprul pa la 'gro ba dang 'ong ba mi dmigs so zhes bya ba'i bar gyis ni/ chos thams cad gzugs brnyan dang/ smig rgyu dang/ chu zla dang/ sprul pa dang 'dra ba'i phyir/ 'gro ba dang 'ong ba med do zhes
 bstan pa'o/ /rab 'byor chos thams cad ni mdza' yas kun du mdza' yas pa'i ngang tshul can te zhes bya ba ni/ chos thams cad rang bzhin gyis stong ste/ dngos po med pas skye ba dang 'gag pa'i mdza' 'am/ rtag pa dang chad pa la sogs pa'i
 mdza' las 'das pa'i phyir 'gro ba 'am 'ong ba mi dmigs so zhes bya ba dang sbyar ro/ /rab 'byor chos thams cad ni dbyung ba dang dbyung ba med pa'i ngang tshul can te zhes bya bas ni/ chos thams cad don dam par rang bzhin gyis stong pas/ med pa la yod
 par sgro ma btags pa'i phyir/ sgro btags pa'i dngos por byung du yang med la/ yong ba la med par skur ba btang pa'i phyir/ mi dbyung ba yang med pa'i rang bzhin can te/ de lta bu la 'gro ba dang 'ong ba dmigs su med de zhes bstan pa'o/ /rab 'byor
 chos thams cad ni dbri ba dang bsnan pa med pa'i ngang tshul can te zhes bya ba ni don dam par chos thams cad rang bzhin gyis yongs su dag pa yin pas/ nyon mongs pa'i phyogs dbrir yang med la/ rnam par byad ba'i phyogs kyis bsnan du yang
 med pa'i rang bzhin can la 'gro ba dang 'ong ba med do/ /zhes bstan pa'o/ /rab 'byor chos thams cad ni 'ong ba med pa'i ngang tshul can te zhes bya bas ni/ chos thams cad rang bzhin gyis yongs su dag ste/ mi 'gyur ba yin
 bas rnam par byang ba'i chos rnams gang nas kyang 'ong ba med de/ mi 'gyur ba yongs su grub pa la 'gro ba dang 'ong ba med do zhes bya ba'i don to/ /rab 'byor chos thams cad blang ba dang dor ba med pa'i dang tshul can te zhes bya bas ni/ don dam par chos
 thams cad dngos po yod par ma grub pas rnam par byang ba'i phyogs blang du yang med la/ nyon mongs pa'i phyogs snang zhing dor du yang med de/ de ltar dngos po med pa la 'gro ba 'am 'ong ba yang dmigs su med do zhes bstan pa'o/ /rab
 'byor chos thams cad ni phrang pa med pa dang/ 'bral ba med pa'i dang tshul can te zhes bya ba ni/ don dam bar chos thams cad thog ma nas zhi zhing rang bzhin gyis yongs su dag pa yin pas sngar 'dus byas kyi dngos po dang phrad pa yang med
 la/ phyis 'dus byas kyi rang bzhin spangs shing 'bral bar 'gyur ba yang med de/ rang bzhin mi 'gyur ba'i phyir 'gro ba 'am/ 'ong ba mi dmigs zhes bya ba'i don to/ /rab 'byor chos thams cad ni 'dre ba med pa dang mi 'dre ba med pa'i ngang tshul can te zhes
 bya ba ni/ don dam par chos thams cad rang bzhin gyis yongs su dag pas/ nyon mongs pa rnams dang 'dres par 'gyur ba med la/ gnyen po bsgom na 'dres par mi 'gyur ba yang med de/ de ltar yongs su dag pa la 'gro ba dang 'ong ba mi dmigs so
 zhes bstan pa'o/ /rab 'byor chos thams cad ni bdag gi ngang tshul can te zhes bya ba nas/ de ci'i phyir zhe na/ rab 'byor mthong ba po nyid kyang shin tu med na/ de la 'gro ba 'am 'od ba ltag la yod ces bya ba'i bar gyis ni chos thams cad don
 dam par dngos po yod par ma grub ste/ dngos po med pa la yod par sgro btags shing/ 'khrul pa ni/ dper na mu stegs can gyis yongs su brtags pa'i bdag dang/ sems can dang/ srog dang/ 'gro ba dang/ gso ba dang/ skyes bu dang/ gang
 zag dang/ shed can dang/ shed bdag dang/ byed pa po dang/ byed du 'jug pa po dang/ slong ba po dang/ yongs su slong ba po dang/ tshor ba bo dang/ tshor bar byed pa po dang/ shes pa po dang/ mthong ba po rnams kun rdzob tu yang yod pa ma yin te/ de dag
 la 'gro ba dang/ 'ong ba med pa de bzhin du chos thams cad kyang dngos po yod par ma grub pas 'gro ba dang 'ong ba med do zhes bstan pa'o/ /rab 'byor chos thams cad ni rtag pa'i ngang tshul can te zhes bya ba nas/ de ci'i phyir zhe na/ rab 'byor
 sdug pa nyid kyang shin tu med na/ de la 'gro ba'am 'ong ba ltag la yod ces bya ba'i ? gyis ni/ mu stegs can gyis mi rtag pa la rtag par brtags pa dang/ sdug bsngal ba la bde bar brtags pa dang/ bdag med pa la bdag yod par
 brtags pa dang/ mi sdug pa la sdug par phyin ci log tu brtags pa rnams yang dag par yod pa ma yin pa de bzhin du chos thams cad kyang yang dag par spyod par ma grub pas de la 'gro ba 'am 'ong ba med do zhes bstan pa'o/ /rab 'byor
 chos thams cad ni mi rtag ba'i ngang tshul can te zhes bya ba nas/ de ci'i phyir zhe na/ rab 'byor mi sdug pa nyid kyang shin tu med na de la 'gro ba dang/ 'ong ba ltag la yod ces bya ba'i bar gyis ni theg pa chung du pa rnams kyis chos thams cad mi
 rtag pa dang/ sdug bsngal ba dang/ bdag med pa dang/ mi sdug pa'i rang bzhin du brtags pa de dag kyang don dam par de lta bu'i rang bzhin du yod pa yang ma yin te/ de bas 'gro ba dang 'ong ba med do zhes bstan pa'o/ /rab 'byor chos thams cad
 ni 'dod chags kyi ngang tshul can te zhes bya ba nas/ de ci'i phyir zhe na/ rab 'byor lta ba'i rnam pa'i dngos po nyid kyang shin tu med na/ de la 'gro ba 'am 'ong ba lta ga la yod ces bya ba'i bar gyis ni/ 'dod chags dang/ zhe sdang
 dang/ gti mug dang/ 'jig tshogs la lta ba dang/ mthar 'dzin par lta ba la sogs pa yang dag par yod pa ma yin pa de bzhin du chos thams cad kyang yang dag par yod pa ma yin pas 'gro ba 'am 'ong ba med do zhes bstan pa'o/ /rab 'byor
 chos thams cad ni de bzhin nyid kyi ngang tshul can te zhes bya ba nas/ de ci'i phyir zhe na/ rab 'byor chos gang la yang g.yo ba med de/ 'gro ba 'am 'ong ba med do zhes bya ba'i bar gyis ni/ chos thams cad kyi chos dbyings kyi rang bzhin du ro gcig pas
 de la 'gro ba 'am 'ong ba med pa bstan pa ste/ de bzhin nyid dang/ chos kyi dbyings dang/ yang dag pa'i mdza' dang/ mnyam pa nyid dang/ bsam gyis mi khyab pa'i dbyings dang/ mi g.yo ba zhes bya ba ni/ chos kyi dbyings stong pa nyid kyi rnam grangs su
 gtogs so/ /rab 'byor chos thams cad ni gzugs kyi ngang tshul can te zhes bya ba nas/ de ci'i phyir zhe na/ rab 'byor bla na med pa yang dag par rdzogs pa'i byang chub de la 'gro ba 'am 'ong ba mi dmigs so zhes bya ba'i bar gyis gzugs la sogs
 pa 'jig rten dang/ 'jig rten las 'das pa'i chos thams cad don dam par dngos po yod par ma grub pas/ de dag la 'gro ba dang 'ong ba med pa de bzhin du de las gzhan pa 'dus byas dang/ 'dus ma byas pa la sogs pa'i chos thams cad kyang
 dngos po med ba'i rang bzhin du 'du bas/ de dag la yang 'gro ba dang 'ong ba med do zhes bstan pa'o/ /skabs 'dir phung po lnga smos pa'i 'og tu phyi nang gi skye mched bcu gnyis dang/ rnam par shes pa drug dang/ 'dus te reg pa drug dang/ 'dus te
 reg pa las byung ba'i tshor ba drug dang/ sa'i khams la sogs pa khams drug dang/ ma rig pa la sogs pa'i rten cing 'brel bar 'byung ba'i yan lag bcu gnyis/ rnams ma smos pa ni/ 'khor ba'i chos rnams phung po lnga'i nang du 'dus par dgongs
 nas/ ma smos par rig par bya'o/ /rab 'byor gyis gsol ba bcom ldan 'das de ltar zab pa'i shes rab kyi pha rol tu phyin pa la su zhig mos par 'gyur zhes bya ba nas/ dge ba'i pa shes gnyen gyis yongs su bzung ba de dag shes rab kyi pha rol
 tu phyin pa zab mo 'di la mos par 'gyur ro zhes bya ba'i bar gyis ni/ shes rab kyi pha rol tu phyin pa zab mo 'di la mos par dka' zhing/ thams cad kyi spyod yul ma yin pa dang/ shes rab kyi pha rol tu phyin pa zab mo 'di la spyod pa'i byang chub sems
 dpa' dkon pa bstan pa ste/ sngon yang bla na med pa yang dag par rdzogs pa'i byang chub tu smon lam btab cing byang chub sems dpa' i spyad pa spyod pa dang/ sngon gyi sangs rgyas bcom ldan 'das la dge ba'i rtsa ba bskyed pa dang/ theg pa chen po dge ba'i
 bshes gnyen gyis yongs su bzung ba rnams shes rab kyi pha rol tu phyin pa zab mo 'di la dang cing mos nas spyod par 'gyur gyis/ gzhan la de lta bud dang cing spyod pa'i skal ba med do zhes bya ba'i don to/ /shes rab kyi pha rol tu phyin pa 'bum pa rgya
 cher bshad pa las/ le'u sum cu bdun pa'o// //gsol pa bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di la mos par 'gyur ba de dag gi rang bzhin ji lta bu
 zhig tu 'gyur zhes bya ba la sogs pas ni/ gong du chos thams cad 'gro ba dang/ 'ong ba med pa'i don zab mo bshad pa la mos pa'i byang chub sems dpa' de dag sngon yang byang chub sems dpa' i spyad pa spyad pa yin la/ sngon gyi rgyal ba la
 bsnyen bkur byas shing dge ba'i rtsa ba bskyed pa dang/ dge ba'i bshes gnyen gyis yongs su bzung ba yin na/ byang chub sems dpa' de dag gi rang bzhin dang/ dang tshul dang/ mtshan ma dang/ rnam pa ji lta bu zhig tu rig par
 bgyi zhes rab 'byor gyis zhus pa'o/ /bcom ldan 'das kyis bka' stsal pa/ byang chub sems dpa' sems dpa' chen po gang shes rab kyi pha rol tu phyin pa zab mo 'di la mos par gyur ba de dag ni 'dod chags rnam par bsal bas dben
 pa'i rang bzhin du 'gyur ro zhes bya ba ni/ chos thams cad rang bzhin gyis stong par rtogs pas chags par bya ba dang/ chags par byed pa gnyis ka mi dmigs pa'i sgo nas/ 'dod chags bsal te med par gyur pas/ 'dod chags kyi dri mas ma gos
 shing dben pa gyur pa nyid byang chub sems dpa' de dag gi rang bzhin yin no zhes bstan pa'o/ /byang chub sems dpa' sems dpa' chen po de dag ni/ zhe sdang dang/ gti mug rnam par bsal bas dben pa'i rang bzhin du 'gyur ro zhes bya bas ni/
 don dam par chos thams cad rang bzhin gyis stong pas/ zhe sdang bar bya ba dang/ gti mug par 'gyur ba'i dngos po dang/ zhe sdang bar byed pa dang/ gti mug par bya ba'i dngos po thams cad mi dmigs pa'i sgo nas/ zhe sdang dang/ gti
 mug rnam par bsal bas zhe sdang dang/ gti mug gi dri mas ma gos shing/ dpen par gyur pa nyid byang chub sems dpa' de dag gi rang bzhin yin no zhes bstan pa'o/ /byang chub sems dpa' sems dpa' chen po de dag ni/ 'dod chags kyi tshul
 gyis dben pa'i rang bzhin du 'gyur ro/ /byang chub sems dpa' sems dpa' chen po de dag ni/ zhe sdang dang/ gti mug gi tshul gyis dben pa'i rang bzhin du 'gyur zhes bya bas ni/ /byang chub sems dpa' de dag gi tshul ji lta bu yin pas bstan
 pa ste/ gong du bshad pa ltar 'dod chags dang/ zhe sdang dang/ gti mug gsum ni mi dmigs pa'i tshul gyis bsal te/ de dag las dben par gyur na/ 'dod chags dang/ zhe sdang dang/ gti mug gsum gyis g.yengs shing/ de dag la spyod pa'i
 tshul med de/ tshul de dag rang bral zhing chul da dag las dben par gyur ba nyid byang chub sems dpa' de dag gi tshul dang rtags yin no zhes bstan pa'o/ /rab 'byor byang chub sems dpa' sems dpa' chen po de dag mi 'dod chags kyi mtshan mas bden pa'i
 rang bzhin du 'gyur ro/ /rab 'byor byang chub sems dpa' sems dpa' chen po de dag ni/ zhe sdang dang/ gti mug gi mtshan mas dben pa'i rang bzhin du 'gyur ro zhes bya bas ni/ byang chub sems dpa' de dag gi mtshan ma bstan pa ste/ 'dod chags
 dang/ zhe sdang dang/ gti mug gi mtshan ma zhes bya ba ni/ skabs 'dir 'dod chags dang/ zhe sdang dang/ gti mug gi rgyu dang/ dmigs pa'i yul la bya ste/ de la rgyu ni bag chags dang/ pag la nyal ba ma spangs pa dang/ tshul bzhin ma yin pa yid la
 byed ba'o/ /dmigs pa'i yul ni bud med bzang mo la sogs pa 'dod chags ldang ba'i yul dang/ dgra la sogs pa zhi sdang ba'i yul dang/ rten cing 'brel bar 'byung ba'i chos dka' ba shes par mi nus pa'i dmigs pa'i yul rnam la bya ste/
 mtshan ma de dag byang chub sems dpa' la med cing dben par gyur ba nyid byang chub sems dpa' de dag gis mtshan ma yin no zhes bstan pa'o/ /rab 'byor byang chub sems dpa' sems dpa' chen pa de dag ni 'dod chags kyi rnam pas dben
 pa'i rang bzhin du 'gyur ro/ /rab 'byor byang chub sems dpa' sems dpa' chen po de dag ni zhe sdang dang gti mug gi rnam pas dben pa'i rang bzhin du 'gyur ro zhes bya bas ni/ byang chub sems dpa' de dag gi rnam pa ji lta bu yin pa bstan pa?
 ste/ 'dod chags dang/ zhe sdang dang/ gti mug gi rnam pa zhes bya ba ni/ 'dod chags dang zhe sdang dang gti mug gi yul la 'jug pa'i mtshan ma 'am rtags la bya ste/ byang chub sems dpa' sa 'dod chags dang/ zhe sdang
 dang/ gti mug gi rnam pa bsal bas 'dod chags la sogs pa'i yul la 'jug pa'i mngon rtogs med de/ dben par gyur ba nyid de'i rnam pa yin no zhes bstan pa'o/ /gsol ba bcom ldan 'das byang chub sems dpa' sems dpa' chen po
 gang gis shes rab kyi pha rol tu phyin pa zab mo 'di yongs su btsal bar gyur pa de dag gi ngang tshul ji lta bu lags zhes bya ba ni gong du bshad pa lta bu'i rang bzhin dang/ ngang tshul dang/ mtshan ma dang/ rnam pa dang/ ldan pa'i byang chub sems
 dpa' shes rab kyi pha rol tu phyin pa zab mo'i don rtogs pa de dag ci la brten pa'i rang bzhin nam/ ngang tshul lags zhes rab 'byor gyis zhus pa'o/ /bcom ldan 'das kyis bka' stsal pa/ rab 'byor byang chub sems dpa' sems
 dpa' chen po gang shes rab kyi pha rol tu phyin pa zab mo 'di yongs su shes par 'gyur ba de ni rnam pa thams cad mkhyen pa nyid kyi dang tshul can du 'gyur ro zhes bya ba ni/ de ltar shes rab kyi pha rol tu phyin pa'i don zab mo rtogs pa'i
 byang chub sems dpa' de ni/ kun rdzob tu yang rnam pa thams cad mkhyen pa nyid thob par bya ba'i don la rton la/ don dam par yang rnam pa thams cad mkhyen pa nyid dang rang bzhin tha mi dang par gyur ba yin na zhes bya ba'i don to/ /gsol pa
 bcom ldan 'das byang chub sems dpa' sems dpa' chen po rnam pa thams cad mkhyen pa nyid kyi ngang tshul can te/ sems can rnams kyi rten du gyur ba ma lags sam zhes bya ba ni/ de ltar byang chub sems dpa' shes rab kyi pha rol tu
 phyin pa'i don zab mo rtog pa de dag don dam par rnam pa thams cad mkhyen pa nyid dang rang bzhin gcig ste tha mi dad na/ rnam par mi rtog pa'i rang bzhin yin pas/ sems can rnams kyi don mdzad dam zhes zhus pa'o/ /bcom ldan 'das kyis bka' 
 stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po rnam pa thams cad mkhyen pa nyid kyi ngang tshul can ni/ sems can rnams kyi rten du 'gyur ro zhes bya ba'i ni/ don dam par rnam par mi rtog kyang/ kun rdzob
 tu thabs mkhas pas sems can rnams kyi don mi mdzad pa ma yin te/ sems can rnams kyi don mdzad cing rten du 'gyur ro zhes bstan pa'o/ /gsol ba bcom ldan 'das byang chub sems dpa' sems dpa' chen po gang gis sems can tham
 cad yongs su mya ngan las bzla bar bya'o zhes go cha 'di 'tshal kyang/ de la sems can dang sems can du gdags par mi dmigs pa de dag ni dka' ba bgyid ba'o zhes bya ba ni/ byang chub sems dpa' de dag don dam par rnam pa thams cad mkhyen pa
 nyid dang rang bzhin gcig ste rnam par mi rtog la/ sems can thams cad kyang don dam par dngos po med pas sems can du gdags su med par rtogs kyang thabs mkhas pas kun rdzob tu sems can thams cad yongs su mya ngan las bzla bar bya ba'i
 yi dam bcas te/ brtson 'grus kyi go cha chen po bgos pa de lta bu'i thabs dang shes rab tu ldan pa'i spyod pa ni nyan thos dang rang sangs rgyas rnams kyi spyod yul ma yin te/ de dag gis mi nus pa'i bya ba byed pa ni dka' ba spyod pa lags zhes gsol
 ba'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ byang chub sems dpa' sems dpa' chen po gang gis sems can thams cad yongs su mya ngan las bzla bar bya'o zhes go cha 'di bgos ba de dag ni dka' ba
 byed pa'o zhes bya ba ni/ rab 'byor gyis gsol pa'i tshig dang/ don gong du smos pa de btsan zhing 'khor rnams yid ches par bya ba'i phyir de bden no zhes bka' stsal pa'o/ /rab 'byor byang chub sems dpa' sems dpa' 
 chen po'i go cha de ni gzugs dang 'brel ba ma yin te/ de ci'i phyir zhe na/ rab 'byor gzugs kyang shin tu med la/ byang chub sems dpa' i go cha yang med pas de'i phyir go cha de ni gzugs dang 'brel ba ma yin zhes bya'o zhes bya ba nas/ rab 'byor byang
 chub sems dpa' sems dpa' chen po'i go cha de ni rnam pa thams cad mkhyen pa nyid dang 'brel pa ma yin te/ de ci'i phyir zhe na/ rab 'byor rnam pa thams cad mkhyen pa nyid kyang shin tu med la/ byang chub sems dpa' i go cha yang med pas/ de'i
 phyir go cha de ni rnam pa thams cad mkhyen pa nyid dang 'brel ba ma yin zhes bya'o zhes bya ba'i bar gyis ni/ byang chub sems dpa' sems dpa' can thams cad yongs su mya ngan las bzla bar bya'o zhes yid dam bcas shing brtson 'grus kyi go cha chen po
 bgos pa yang gzugs la sogs pa rnam pa thams cad mkhyen pa nyid la thug gi bar gyi chos rnams la dngos por lta zhing mtshan mar bzung ste/ go cha bgos pa ni ma yin gyi/ don dam par chos de dag thams cad stong par rtogs nas/ kun rdzob
 tu thabs mkhas pas go cha de lta bu bgos pa'i phyir/ chos de dag gang yang ma 'brel cing/ chos de dag gang gi dbang du ma gyur bar sems can thams cad yongs su mya ngan las bzla bar yid dam bcas shing go cha chen po bgos pa yin no
 zhes bstan pa'o/ /rab 'byor byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa gang dag gis sems can thams cad bdag gis yongs su mya ngan las bzla bar bya'o go cha bgos pa de dag gis
 go cha ni chos thams cad dang 'brel ba ma yin no zhes bya ba ni/ gong du byang chub sems dpa' i go cha de gzugs la sogs pa'i chos thams cad re re dang 'bral ba ma yin pa bstan nas/ mdor bsdus te bshad pa la dga' ba'i sems can rnams kyi don du
 byang chub sems dpa' i go cha de ni chos thams cad dang 'brel pa ma yin zhes mdor bsdus te bstan pa'o/ /gsol ba bcom ldan 'das byang chub sems dpa' sems dpa' chen po sems can thams cad yongs su mya ngan las bzla bar bya'o zhes go cha 'tshal
 ba des zhes bya ba nas/ de ni gnas ma mchis so zhes bya ba'i bar gyis ni/ byang chub sems dpa' shes rab kyi pha rol tu phyin pa zab mo 'di la spyod cing thabs dang shes rab tu ldan pas sems can thams cad kyi don du go cha ?gs ba de dag nyan thos dang
 rang sangs rgyas kyi sang mi ltung ba'i phan yon bstan pa'o/ /de ci'i phyir zhe na/ byang chub sems dpa' sems dpa' chen pos mtshams bcad de sems can gyis don du go cha 'tshal ba ma lags so zhes bya bas ni/ nyan thos dang rang sangs rgyas kyi sar mi
 ltung ba'i gtan tshigs bstan pa ste/ nyan thos dang rang sangs rgyas ni sems can nyung zad nyi tshe zhig gi don bya bar sems shing/ gang zag la bdag med par rtogs pa'i ye shes tsam zhig thob par bya ba'i don du go cha gyon gyi/ byang chub sems
 dpa' ni sems can mdza' yas mu med pa'i don dang/ rnam pa thams cad mkhyen pa'i ye shes thob par bya ba'i phyir go cha bgos te de ltar sems can dang ye shes cung zad nyi tshe zhig tu mtshams bcad pa'i phyir/ nyan thos dang rang sangs rgyas
 kyi sar mi ltung ngo zhes bstan pa'o/ /bcom ldan 'das kyis bka' stsal pa/ rab 'byor khyod kyis don gyi dbang gang zhig mthong na zhes bya ba nas/ thams cad mkhyen pa'i ye shes kyi don du go cha bgos so zhes bya ba'i bar gyis ni/ byang chub sems dpa' 
 sa mtshams bcad de/ go cha bgos pa ma yin pa'i don de nyid zhib tu bstan pa'i phyir glengs shing bshad pa'o/ /gsol ba bcom ldan 'das shes rab kyi pha rol tu phyin pa ni shin tu zab ba ste zhes bya ba la sogs pa ni
 byang chub sems dpa' i go cha de chos thams cad dang 'brel ba ma yin no zhes bshad pa'i don rab 'byor gyis rtogs nas/ de ltar don dam par chos thams cad rang bzhin gyis stong ste/ chos gang la yang dngos por mi lta zhing mtshan mar mi
 'dzin pa'i don ston pa'i shes rab kyi pha rol tu phyin pa de shin tu zab bas bsgom du yang med pa'i don 'khor rnams la zhib tu bstan pa'i gleng bslang ba'i phyir/ rab 'byor gyis smras pa ste/ de ni sus kyang bsgom par mi bgyi zhes bya ba ni/ sgom par byed
 pa po dngos po med par bstan to/ /ci yang bsgom par mi bgyi zhes bya ba ni/ bsgom par bya ba'i chos dngos po med pa bstan to/ /gang du yang bsgom par mi bgyi'o zhes bya bas ni/ bsgom pa'i gnas dngos po med pa bstan to/ /de ci'i slad du zhe na/
 bcom ldan 'das shes rab kyi pha rol tu phyin pa zab mo 'di la gang bsgom pa 'am/ gang bsgom par bgyi pa 'am/ gang gis bsgom par bgyi ba'i chos gang yang yongs su grub pa dmigs su ma mchis zhes bya ba ni/ shes rab kyi pha rol tu phyin pa 'di
 zab cing bsgom du med pa'i gtan tshigs bstan pa ste/ gang bsgom pa 'am zhes bya ba ni/ sgom pa po dmigs su med pa bstan to/ /gang bsgom par bgyi ba 'am zhes bya ba ni/ bsgom par bya ba'i chos dmigs su med par bstan to/ /gang gis sgom
 par bgyi ba zhes bya ba ni/ bsgom pa'i shes rab dmigs su med pa bstan to/ /chos gang yang yongs su grub pa dmigs su ma mchis te zhes bya bas ni/ sgom pa po dang bsgom par bya ba'i chos dang shes rab gang gis bsgom par bya ba'i chos de dag
 thams cad don dam par dngos po yod par yongs su ma grub ste dmigs su med pa'i phyir bsgom du med do zhes bstan pa'o/ /bcom ldan 'das shes rab kyi pha rol tu phyin pa bsgom pa de ni nam mkha' bsgom pa'o zhes bya ba ni/ shes rab kyi pha rol tu phyin pa
 bsgom du med pa'i dpes nam mkha' las blangs te/ bstan pa ste/ nam mkha' dngos po med pas bsgom du med pa de bzhin du shes rab kyi pha rol tu phyin pa yang don dam par dngos po med pas bsgom du mang do zhes bstan to/ /bcom ldan 'das 'di lta
 ste/ shes rab kyi pha rol tu phyin pa bsgom pa de ni chos thams cad bsgom pa'o zhes bya bas ni/ chos thams cad rang bzhin gyis stong ste/ dngos po med pas bsgom du med pa de bzhin du shes rab kyi pha rol tu phyin pa la yang bsgom du med do
 zhes bstan pa'o/ /bcom ldan 'das 'di lta ste/ shes rab kyi pha rol tu phyin pa bsgom pa de ni ma mchis pa bsgom pa'o zhes bya ba ni/ ri bong rwa dang 'dra bar dngos po ci yang med pa la bsgom du med pa de bzhin du shes rab kyi pha rol tu phyin pa la
 yang don dam bar dngos po ci yang med pas bsgom du med do zhes bya ba'i don to/ /bcom ldan 'das 'di lta ste/ shes rab kyi pha rol tu phyin pa bsgom pa de ni yongs su 'dzin pa ma mchis pa bsgom pa'o zhes bya ba ni gzung ba dang 'dzin pa gnyis su med
 ba la bsgom du med pa de bzhin du/ shes rab kyi pha rol tu phyin pa la yang gzung ba dang 'dzin pa'i dngos po med pas bsgom du med pa'o/ /zhes bstan pa'o/ /bcom? ldan 'das 'di lta ste shes rab kyi pha rol tu phyin pa bsgom pa de ni/ bsgom pa rnam par bsgom
 pa'o zhes bya ba ni/ shes rab kyi pha rol tu phyin pa don dam par dngos po med pas/ de la bsgom pa ni bsgom pa med par byed pa'o zhes bya ba'i don te/ rgya gar skad du bi b+ha ban zhes bya ba ni/ rnam par bsgom pa la yang bya/ sgom pa med pa la
 yang bya ste/ skabs 'dir ni sgom pa med pa la bya bar shes bar bya'o/ /bcom ldan 'das kyis bka' stsal pa/ rab 'byor de ltar shes rab kyi pha rol tu phyin pa bsgom pa de gang bsgom pa rnam par sgom pa yin zhes bya ba ni/
 gzugs la sogs pa'i chos thams cad don dam par dngos po med de bsgom pa med pa bstan pa'i gleng bslad ba'i phyir bka' stsal pa ste/ gang bsgom pa rnam par bsgom pa yin zhes bya ba ni/ gzugs la sogs pa'i dngos po gang bsgom pa bsgom
 du med pa yin zhes rab 'byor la smras pa'o/ /gsol ba bcom ldan 'das 'di lta ste/ shes rab kyi pha rol tu phyin pa bsgom pa de ni gzugs bsgom pa rnam par bsgom ba'o zhes bya ba ni/ shes rab kyi pha rol tu phyin pa bsgom pa de ni don dam
 bar gzugs dngos po med bar rtogs pas/ gzugs bsgom du med pa sgom pa yin no zhes bstan pa ste/ gzugs la ji ltar bshad pa de bzhin du/ tshor ba la sogs pa rnam pa thams cad mkhyen pa nyid la thug gi bar du chos thams cad la
 sbyar bar bya'o/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ rab 'byor 'di lta ste/ shes rab kyi pha rol tu phyin pa bsgom pa 'di ni gzugs bsgom pa rnam par bsgom pa'o zhes bya ba nas/ rab 'byor 'di
 lta ste/ shes rab kyi pha rol tu phyin pa bsgom pa 'di ni rnam pa thams cad mkhyen pa nyid bsgom pa rnam par bsgom ba'o zhes bya ba'i bar du ni/ rab 'byor gyis bshad pa'i don dang/ tshig btsan par bya ba'i phyir tshig de nyid bzlas te/ de bden no
 zhes bcom ldan 'das kyis bka' stsal ba'o/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor 'di la byang chub sems dpa' sems dpa' chen po shes rab kyi pha rol tu phyin pa zab mo
 'di la mngon par chags pa med dam zhes/ rab 'byor shes rab kyi pha rol tu phyin pa zab mo 'di la phyir mi ldog pa'i byang chub sems dpa' sems dpa' chen po yongs su brtag par bya'o zhes bya ba la sogs pa ni/ de ltar shes rab kyi pha rol tu
 phyin ba zab mo 'di'i don rtogs na/ chos thams cad la mtshan mar mi 'dzin cing/ ci yang mi sgom pa'i byang chub sems dpa' de phyir mi ldog ba'i byang chub sems dpa' yin nam ma yin pa brtag par bya ba bshad pa ste/ shes rab kyi pha rol tu phyin pa
 zab mo 'di la dngos por lta la/ mtshan mar 'dzin cing mngon par chags pa/ yod dam med brtags te/ mngon par chags pa yod na ni/ mi ldog pa'i byang chub sems dpa' ma yin/ de ltar mngon bar chags pa med na ni/ phyir mi ldog pa'i
 byang chub sems dpa' yin par shes par bya'o zhes bstan pa ste/ shes rab kyi pha rol tu phyin pas ji ltar bshad pa de bzhin du/ bsam gtan gyi pha rol tu phyin pa la sogs pa rnam pa thams cad mkhyen pa nyid la thug gi bar du/ rnam par byang
 pa'i chos thams cad la yang sbyar bar bya'o/ /phyir mi ldog pa'i byang chub sems dpa' sems dpa' chen po de shes rab kyi pha rol tu phyin pa zab mo 'di la spyod ba'i tshe/ pha rol gyis smras pa dang/ pha rol gyis bstan pa la snying por mi lta
 'am zhes bya ba la sogs pa ni shes rab kyi pha rol tu phyin pa la spyod pa'i byang chub sems dpa' sems dpa' chen po de gzhan gyi rkyen la ltos sam/ mi bltos brtag pa la sogs pa'i sgo nas phyir mi ldog pa'i byang chub sems dpa' yin nam
 ma yin brtag pa'i thabs bstan pa ste/ pha rol gyis smras pa bdang/ pha rol gyis bstan pa la snying por mi lta 'am zhes bya gbas ni/ gzhan gyis bslur tshugs sam mi tshu gs brtag pa'o/ /pha rol gyis dang pas mi 'gro 'am zhes bya bas ni gzhan gyi dring la 'jog cing gang zag
 gi rjes su 'brang ba yin nam ma yin brtag pa'o/ /'dod chags dad bcas pa'i sems bskyed pas 'phrog pa ma yin nam zhes bya bas ni gti mug dang bcas pa'i sems bskyed pas 'phrogs pa ma yin nam zhes bya ba'i
 bar gyis ni 'dod chags la sogs pa'i nyon mongs pa'i dbang du gyur tam ma gyur brtag pa'o// sbyin ba'i pha rol tu phyin ba dang bral bar ma gyur tam zhes bya ba nas/ shes rab kyi pha rol tu phyin pa dang bral bar ma gyur tam zhes yongs su
 brtag par bya ste/ zhes bya ba'i bar gyis ni pha rol tu phyin pa drug la spyod ba'i tshe/ 'khor gsum yongs su dag par spyod dam mi spyod brtag pa'o// gal te phyir mi ldog pa'i byang chub sems dpa' sems dpa' chen po de zhes bya ba nas/ thos
 nas kyang gong du 'dzin cing 'chad la klog cing kun chub par byed de/ tshul bzhin du yid la byed pa'i phyir ro zhes bya ba'i bar gyis ni/ shes rab kyi pha rol tu phyin pa zab mo 'di thos nas mi 'jigs mi skrag la/ sems zhum par mi 'gyur zheng/
 phyi phyir dad pa skyes te/ 'dzin cing 'chang ba la sog pa'i sgo nas rgya cher spyod na/ byang chub sems dpa' de sngon yang yun ring po nas/ shes rab kyi pha rol tu phyin pa zab mo 'di la spyod spyod pa yin pas yon tan de rnams dang ldan na/ phyir mi ldog pa'i khyad
 chub sems dpa' yin par shes par bya'o zhes bstan pa'o/ /gsol pa bcom ldan 'das byang chub sems dpa' sems dpa' chen po gang shes rab kyi pha rol tu phyin pa zab mo 'di bstan pa'i tshe zhes bya ba nas/ shes rab kyi pha rol tu phyin pa
 zab mo 'di ji ltar brtag bar bgyi zhes bya ba'i bar gyis ni de ltar shes rab kyi pha rol tu phyin pa zab mo 'di bshad pa'i tshe/ don zab mo mi ? ste/ phyi phyir rgya cher spyod par gyur pa yin/ dam pa'i dbyings rtog pa'i tshe/ shes rab kyi pha rol
 tu phyin pa 'di la ji ltar bsam zhing brtag par bya zhes zhus pa'o/ /bcom ldan 'das kyis bka' stsal pa/ rab 'byor byang chub sems dpa' sems dpa' chen po nges/ rnam pa thams cad mkhyen pa nyid la gzhal ba'i bsam pas/ shes rab kyi pha rol tu phyin
 pa zab mo 'di la brtag par bya'o zhes bya bas ni/ shes rab kyi pha rol tu phyin pa la dngos po dang mtshan mar mi bzung bar rnam pa thams cad mkhyen pa nyid kyi don dang mthun pas/ shes rab kyi pha rol tu phyin pa'i don mi rtag pa'i tshul gyis brtag par bya'o zhes
 bstan pa'o/ /gsol pa bcom ldan 'das ji ltar na rnam pa thams cad mkhyen pa nyid la gzhol ba'i bsam pas byang chub sems dpa' sems dpa' chen po shes rab kyi pha rol tu phyin ba zab mo 'di la rtogs pa lags zhes bya ba ni/ stong pa nyid dang
 mtshan ma med pa dang/ smon pa med ba la sogs pa'i tshul du brtags par bya ba'i gleng bslad par bya ba'i phyir rab 'byor gyis zhus pa'o/ bcom ldan 'das kyis bka' stsal pa/ rab 'byor stong pa nyid la gzhol ba'i bsam pas zhes bya ba nas/ rab 'byor
 sprul ba la gzhol ba'i bsam pas/ byang chub sems dpa' sems dpa' chen po shes rab kyi pha rol tu phyin pa zab mo 'di la rtogs pa yin no zhes bya ba'i bar gyis ni/ rnam par thar pa'i sgo gsum dang/ nam mkha' dang/ bskye ba med pa dang/ 'gag pa med
 pa dang/ kun nas nyon mongs pa dang/ rnam par byang ba med pa dang/ de bzhin nyid dang/ chos kyi dbyings dang/ yang dag pa'i mdza' dang/ mnyam pa nyid dang/ bsam gyis mi khyab pa'i dbyings dang/ mngon par 'du bya ba med pa dang/ rmi lam dang/
 gzugs brnyan dang/ sgra bsnyan dang/ smig rgyu dang/ sgyu ma dang/ sprul pa la sogs pa dngos po med pa rnams la dngos por lta zhing /mtshan mar gzung du med par rtogs pa de bzhin du/ shes rab kyi pha rol tu phyin bzab?
 mo 'di la yang dngos po dang mtshan mar 'dzin pas brtag par mi bya'o zhes bstan pa'o/ /gsol pa bcom ldan 'das stong pa nyid la gzhal ba'i bsam pas zhes bya ba nas/ rnam pa thams cad mkhyen pa nyid la rtog pa lags sam
 zhes bya ba'i bar gyis ni/ gzugs la sogs pa'i chos thams cad la yang dngos por mi lta zhing mtshan mar mi bzung ba bshad pa'i skabs dbye ba'i phyir/ de ltar rnam par thar pa'i sgo gsum la sogs pa dngos po med pa'i chos rnams la rnam par
 mi rtog pa de bzhin du/ shes rab kyi pha rol tu phyin pa la yang rnam par mi rtog pa yin na ci gzugs la sogs pa rnam pa thams cad mkhyen pa nyid la thug gi bar gyi chos rnams la dngos po dang mtshan mar 'dzin cing rnam par rtog pa lags
 sam zhes zhus pa'o/ /bcom ldan 'das kyis bka' stsal pa/ rab 'byor byang chub sems dpa' sems dpa' chen po de ni gzugs la rtog pa ma yin no zhes bya ba nas/ rnam pa thams cad mkhyen pa nyid la rtog pa ma yin no zhes bya ba'i bar
 gyis ni gzugs la sogs pa'i chos thams cad kyang nam mkha' la sogs pa bzhin du dngos po med pa de brtag pa'i yul ma yin pa'i phyir/ de dag gang la yang rnam par mi rtog go zhes bshad pa'o/ /de ci'i phyir zhe na/ rab 'byor de ni 'di ltar
 rnam pa thams cad mkhyen pa nyid gang yin pa de ni sus kyang ma byas/ rnam par ma byas zhes bya ba la sogs pas ni/ gzugs la sogs pa'i chos thams cad dngos po med de/ rnam par rtog pa'i yul ma yin pa'i gtan tshigs bstan
 pa ste/ sus kyang ma byas zhes bya ba ni rnam ba thams cad mkhyen pa nyid don dam par dngos po med pas sus kyang med ba las yod par byas pa ma yin no zhes bya ba'i don to/ /rnam par ma byas zhes bya ba ni yod pa las med par ma byas zhes bya ba'i
 tha tshig go/ gang nas kyang ma 'ongs/ gang du yang ma song/ phyogs gang na yang mi gnas/ yul gang na yang mi gnas/ gang na yang mi gnas pa ste zhes bya ba ni/ de ltar dngos po med pas 'gro ba dang 'ong ba dang/ gnas pa med do zhes bstan pa'o//
 gang la grangs mi dmigs shing 'gro ba dang 'od ba mi dmigs pa de ni/ gang gis kyang mngon par 'tshang rgya bar mi nus te zhes bya ba ni/ de ltar dngos po med de bgrang du yang med/ 'gro ba dang 'ong ba yang med pa de ni gzugs la sogs pa gang gi
 rang bzhin du yang shes par byar mi rung la/ gzugs la sogs pa gang gis kyang shes par bya mi nus so zhes bstan pa ste/ de bas na don de nyid gsal bar bstan pa'i phyir/ gzugs kyis ma yin no/ /tshor bas ma yin no zhes bya ba la sogs
 pa gsungs te/ gzugs la sogs pa rnam pa thams cad mkhyen pa nyid la thug gi bar gyi chos gang gi rang bzhin du yang shes par byar mi rung la/ chos de dag gang gis kyang shes par mi nus so zhes bya ba'i don to/ /de ci'i phyir zhe na/ gzugs
 nyid kyang rnam pa thams cad mkhyen pa nyid do zhes bya ba la sogs pas ni gzugs la sogs pa'i chos gang gis kyang shes par bya mi nus pa'i gtan tshigs bstan pa ste/ chos thams cad rnam pa thams cad mkhyen pa nyid kyi rang bzhin du
 ro gcig pas/ bdag gis bdag shes par byar mi rung ste/ dper na ral gri de nyid kyi sos/ ral gri de nyid gtsang du mi rung ba bzhin no zhes bstan pa'o// de ci'i phyir zhe na/ rab 'byor 'di ltar gzugs kyi de bzhin nyid gang yin pa dang/ rnam
 pa thams cad mkhyen pa nyid kyi de bzhin nyid gang yin pa de ni de nyid gcig pa'o zhes bya ba la sogs pas ni gzugs la sogs pa'i chos thams cad rnam pa thams cad mkhyen pa nyid dang ro gcig cing/ tha mi dad pa'i gtan tshigs
 bstan ba ste/ dron dam par gzugs dang rnam pa thams cad mkhyen pa nyid gnyis ka yang de bzhin nyid kyi rang bzhin du gcig pas/ gcig gis gcig shes par byed pa dang/ shes par bya ba'i yul ltar shes par bya ba?
 rung ngo zhes bya ba'i don to/ /gzugs la ji ltar bshad pa de bzhin du/ sangs rgyas kyi chos ma 'dres pa rnams la thug bas ru yang sbyar bar bya'o/ /shes rab kyi pha rol tu phyin pa 'bum pa rgya cher bshad pa las/ le'u sum cu brgyad pa'o// //
 de nas 'dod pa na spyod pa dang/gzugs na spyod pa dang/ gzugs yod pa na spyod pa'i lta'i bu rnams/ lha rdzas kyi tsan ngan gyi phye ma dang/ lha rdzas kyi me tog utpal dang/ padmo dang/ ku mud dang/ pu Na Da rI ka mang po khyer te/ bcom ldan 'das
 gan ba der lo gsum don par gtor to/ /zhes bya ba la sogs pas ni/ gong du bcom ldan 'das kyis gzugs la sogs pa'i chos thams cad rnam pa thams cad mkhyen pa nyid dang rang bzhin tha mi dad de/ gcig tu bshad pa dang/ gzugs la
 sogs pa'i chos thams cad kyi de bzhin nyid gang yin pa dang/ rnam pa thams cad mkhyen pa nyid kyi de bzhin nyid gang yin ba de dag de bzhin nyid gcig pa ste/ gnyis su med cing gnyis su byang med do zhes bshad pa'i don lha'i bu rnams kyis
 rtogs nas/ de lta bu'i don zab mo bshad bas mgu ste/ lha rdzas kyi mchod pa rnams kyis bcom ldan 'das la mchod nas/ bcom ldan 'das kyis gong du bshad pa'i tshig de dag nyid bzlas te/ gsol nas shes rab kyi pha rol tu phyin pa
 'di zab cing blta dka' bas mkhas pa rnams kyis rigs par bya ba yin gyi/ 'jig rten thams cad kyis yid ches par dka' ba yin par bstan pa ste/ bcom ldan 'das 'di ltar de bzhin gshegs pa dgra bcom pa yang dag par rdzogs
 pa'i sangs rgyas rnams/ shes rab kyi pha rol tu phyin pa zab mo 'dis/ 'di skad du gzugs nyid rnam pa thams cad mkhyen pa ste/ rnam pa thams cad mkhyen pa nyid kyang gzugs zhes bya ba nas/ sangs rgyas kyi chos ma 'dres pa nyid rnam pa thams
 cad mkhyen pa ste/ rnam pa thams cad mkhyen pa nyid sangs rgyas kyi chos ma 'dres pa rnams so zhes bya ba'i bar gyis ni /gong bu bcom ldan 'das kyis chos thams cad rnam pa thams cad mkhyen pa nyid kyi rang bzhin du ro gcig pas bshad pa/
 lha'i du rnams kyis bzlas te/ gsol nas de lta bu'i don zab mo ston pa'i shes rab kyi pha rol tu phyin pa 'di zab cing blta dka' ste/ mkhas pa rnams kyis rtogs par bya ba yin gyi/ 'jig rten thams cad kyis yid ches par dka' ba'o
 zhes bya ba'i tha tshig 'og nas 'gyur ba dang sbyar ro// gzugs kyi de bzhin nyid gang yin pa dang/ rnam pa thams cad mkhyen pa nyid kyi de bzhin gang yin pa de ni/ de bzhin nyid gcig pa ste/ gnyis su med cing gnyis su byar med do zhes bya ba
 nas /sangs rgyas kyi de bzhin gang yin pa dang/ rnam pa thams cad mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do zhes bston pa ni/ zhes bya ba'i bar gyis ni/ gong
 du gzugs la sogs pa'i chos thams cad kyi de bzhin nyid gang yin pa dang/ rnam pa thams cad mkhyen pa nyid kyi de bzhin nyid gang yin pa de dag/ de bzhin nyid kyi rang bzhin du ro gcig ste/ tha dad du dbyer med do zhes bcom ldan 'das
 kyis bshad pa'i tshig /lta'i bu rnams kyis bzlas te gsol pa'o/ /'di lta ste/ de bzhin gshegs pa rnams kyi byang chub/ shes rab kyi pha rol tu phyin pa 'di zab cing blta dka' la khong du chud par dka' zhing brtag tu ma mchis la rtog go
 spyod yul ma lags pa ste/ zhi zhing phra ba zhib mo mkhas shing rtogs pas rig par bgyi ba ste/ 'jig rten thams cad kyis yid ches par dka' ba'o zhes bya ba ni/ de ltar chos thams cad don dam par de bzhin nyid
 du ro gcig par ston pa'i shes rab kyi pha rol tu phyin pa 'di de bzhin gshegs pa rnams kyi bla na med pa'i byang chub yin te/ zab cing blta dka' bas mkhas pa rnams kyi spyod yul yin gyi/ sems can phal pa rnams kyi spyod yul ma yin
 no zhes bstan pa ste/ zab pa dang blta dka' ba dang/ khong du chub par dka' ba dang/ brtag tu med pa dang /rtog ge'i spyod yul ma yin pa dang/ zhi ba dang/ phra ba dang/ zhib pa'i tshig rnams kyi don ni sngar bshad zin to/ /bcom ldan 'das
 kyis 'dod pa na spyod pa dang/ gzugs yod pa na spyod pa'i lha'i bu de dag la 'di skad ces bka' stsal to/ /lha'i bu dag de de bzhin no/ de de bzhin te/ lha'i bu dag gzugs nyid rnam pa rnams cad mkhyen pa ste/ rnam pa thams cad mkhyen pa nyid
 kyang gzugs zhes bya ba nas/ sangs rgyas kyi chos ma 'dres pa nyid dang/ rnam pa thams cad mkhyen pa ste/ rnam pa thams cad mkhyen pa nyid kyang/ sangs rgyas kyi chos ma 'dres pa rnams so zhes bya ba'i bar gyis ni/ gong du lta'i bu rnams
 kyis gzugs la sogs pa'i chos thams cad dang/ rnam pa thams cad mkhyen pa nyid don dam par rang bzhin gcig par 'chang pa'i shes rab kyi pha rol tu phyin pa 'di zab cing blta dka' la/ mkhas pa rnams kyis rig par bya ba
 yin gyis 'jig rten thams cad kyi spyod yul ma yin no zhes gsol pa'i tshig dang/ don de dag bcom ldan 'das kyis bzlas to/ de bden no zhes bka' stsal pa'o/ /gzugs kyi de bzhin nyid gang yin pa dang/ rnam pa thams cad
 mkhyen pa nyid kyi de bzhin nyid gang yin pa de ni de bzhin nyid gcig pa ste/ gnyis su med cing gnyis su byar med do/ /zhes bya ba nas/ sangs rgyas kyi de bzhin nyid gang yin pa dang/ rnam pa thams cad mkhyen pa nyid kyi de bzhin nyid gang yin
 pa de ni/ de bzhin nyid gcig pa ste/ gnyis su med cing gnyis su byang med do zhes bya ba'i bar gyis kyang gong du lta'i bu rnams kyis gzugs la sogs pa'i de bzhin nyid dang/ rnam pa thams cad mkhyen pa nyid kyi de bzhin nyid gang yin pa
 de dag de bzhin nyid du ro gcig pa ste/ tha mi dad par sten pa'i shes rab kyi pha rol tu phyin pa 'di zab cing blta dka' ste/ mkhas pa rnams kyis rig par bya ba yin gyi sems can thams cad kyi spyod yu ma yin zhes smras pa'i tshig dang/
 don de dag bcom ldan 'das kyis bzlas te/ de bden no zhes bka' stsal pa'o/ /lha'i bu dag don gyis dbang de gzigs pas/ de bzhin gshegs pa 'phrin las chung ba la thugs gzhol te/ chos bstan pa la gzhal ba ma yin no zhes bya
 ba ni/ sngon de bzhin gshegs pa mngon par sangs rgyas nas/ chos kyi 'khor lo mi bskor bar cang mi gsung bar bzhugs pa yang/ don zab mo 'di lta bu de bzhin gshegs pa nyag gcig gi spyod yul yin gyi/ sems
 can thams cad kyi spyod yul ma yin no snyom na/ don de lta bu la dgongs nas/ bcom ldan 'das chos kyi 'khor lo mi bskor bar bzhugs pa'i don no zhes bya ba'i don to/ /de ci'i phyir zhe na/ 'di ltar 'di lta ste/ de bzhin
 gshegs pa rnams kyi chos byang chub 'di ni zab cing blta dka' la khong du chung bar dka' zhing/ brtag tu med la rtog ge'i sbyod yul ma yin te/ zhi zhing phra ba zhib mo mkhas shing rtogs pas rig par bya ba 'jig rten thams cad kyis yid 
 ches par dka' ba ste/ de ni sus kyang mngon par sangs ma rgyas/ nam yang mngon par sangs ma rgyas/ gang du yang mngon par sangs rgyas ma rgyas te/ gang la gnyis su kun nas rgyu ba med pa de ni chos rnams kyi thab pa nyid do zhes bya
 ba ni/ bcom ldan 'das dang po mngon par sangs rgyas pa'i tshe/ chos kyi 'khor lo mi bskor bar bzhugs pa'i gtan tshigs bstan pa ste/ de bzhin gshegs pa bla na med pa byang chub pa'i chos de zab cing blta dka' bas/ sus kyang mngon
 par rtogs par bya mi nus pa'i phyir/ bcom ldan 'das cang mi gsung bar gyur te/ brgya byin la sogs pas chos kyi 'khor lo bskor bar bskul dgos par gyur to/ /zhes bstan pa'o/ /zab cing blta dka' ba la soD pa'i tshig rnams kyi
 don ni sngar bshad pa bzhin no/ /de ni sus kyang mngon par sangs ma rgyas zhes bya ba ni/ bla na med pa'i byang chub de don dam par dngos po med pas gang zag gang gis kyang ma rtogs zhes bya ba'i don to/ /nam yang mngon par sangs ma rgyas zhes
 bya ba ni / de ltar dngos bo med pa de sngon yang rtogs par ma gyur / da ltar yang mi rtogs/ phyis kyang rtogs par mi 'gyur ro zhes bstan pa'o/ /gang du yang mngon par sangs ma rgyas zhes bya ba ni/ de ltar dngos po med pa de khams
 gsum gyi gnas gang du yang rtogs par mi 'gyur ro zhes bya ba'i don to/ /gang la gnyis su kun nas rgyu ba med pa de ni / chos rnams kyi zab pa nyid de zhes bya ba ni/ gong du bla na med pa'i byang chub de zab cing blta dka' bar bshad pa'i
 don de nyid gsal bar bstan pa ste / bla na med pa'i byang chub de la rtogs par byed pa dang/ rtogs par bya ba'i dngos por rnam par rtog pa med pa de nyid de'i zab mo yin no zhes bstan pa'o/ /lha'i bu dag nam mkha' zab pa'i phyir/ /
 chos 'di zab bo zhes bya ba la sogs pas ni/ shes rab kyi pha rol tu phyin pa bla na med pa'i byang chub kyi rang bzhin de zab pa'i gtan tshigs dang dpe bstan pa ste / nam mkha' zab pa'i phyir chos 'di zab bo zhes bya ba nas/ lha'i bu dag mngon
 par 'du bya ba dang/ mngon par rdzogs par byang chub pa med pa zab pa'i phyir/ chos 'di zab po zhes bya ba'i bar gyis ni/ nam mkha' la sogs pa'i 'dus ma byas pa'i chos rnams dngos po med de/ sus kyang mngon sum du rtogs par bya/
 mi nus shing zab pa de bzhin du / bla na med pa'i byang chub kyi rang bzhin shes rab kyi pha rol tu phyin pa'i chos 'di yang zab bo zhes bya ba'i don to/ /lta'i bu dag bdag zab pa'i phyir chos 'di zab bo zhes bya ba nas/ lha'i bu dag mthong
 ba po zab pa'i phyir/ chos 'di zab po zhes bya ba'i bar gyis ni/ mu stegs can gyis phyin ci log tu brtags pa'i bdag rnams yang dag par yod pa ma yin pas/ sus kyang mngon sum du byar mi rung ste/ zab pa te bzhin bla na med pa'i byang chub kyi rang
 bzhin shes rab kyi pha rol tu phyin ba'i chos 'di yang zab bo zhes bstan pa'o/ /lta'i bu dag gzugs zab pa'i phyir chos 'di zab po zhes bya ba nas/ lha'i bu dag rnam pa thams cad mkhyen pa nyid zab pa'i phyir chos 'di zab mo zhes bya ba'i
 par gyis ni/ gzugs la sogs pa'i chos thams cad don dam par rang bzhin gyis stong ste / chos de dag gi rang bzhin 'di kho na'o zhes sus kyang thog tu mi phebs pas/ zab pa de bzhin du bla na med pa'i byang chub kyi rang bzhin shes rab
 kyi pha rol tu phyin pa'i chos 'di yang zab po zhes bya ba'i don to/ /lha'i bu rnams kyi gsol pa/ bcom ldan 'das 'jig rten thams cad kyis yid ches par dka' ba'i chos bstan pa 'di ni de mtshar to zhes bya ba ni/ gong du shes rab kyi
 pha rol tu phyin pa zab par bstan pas lha'i bu rnams mgu nas de lta bu'i chos zab mo bstan pa shin tu dkon te/ ngo mtshar che'o zhes bcom ldan 'das la bstod pa'o/ /de ci'i slad du zhe na/ bcom ldan 'das 'di ni
 gzugs gzung ba'i slad du ma lags/ mi gzung ba'i slad du bstan pa ma lags zhes bya ba nas /rnam par thams cad mkhyen pa nyid gzung ba'i slad du ma lags / mi gzung ba'i slad du bstan pa ma lags so zhes bya ba'i bar gyis
 min shes rab kyi pha rol tu phyin pa'i chos 'di 'jig rten thams cad kyis yid ches par dka' zhing/ zab pa'i gtan tshigs bstan pa ste/ gzugs la sogs pa'i chos thams cad don dam par dngos po yod par ma grub pas/
 'di ni gzugs so zhes dngos po dang mtshan ma gzung du yod par yang bstan la/ kun rdzob tu sgyu ma tsam du yang med do zhes rnam pa thams cad du med par skur pa btab ste /med pa'i mdza' la chags par bya ba'i phyir yang ma
 bstan pas / chos 'di zab po zhes lha'i bu rnams kyis sogs pa'o/ /bcom ldan 'das 'jig rten ni bdag gis gzugs so/ /bdag ni gzugs can no zhes bya ba nas /bdag ni rnam pa thams cad mkhyen pa nyid do/ /bdag ni rnam
 pa thams cad mkhyen pa nyid du 'gyur ro zhes bgyi bar 'dzin pa la spyod do zhes bya ba'i bar gyis ni/ 'jig rten thams cad chos zab mo la yid mi ches pa'i rgyus bstan pa ste /'jig rten pa rnams ni chos thams cad kyi rang bzhin
 stong pa nyid ma rtogs pas / chos rnams la bdag dang bdag gir? 'dzin pa'i phyir/ shes rab kyi pha rol tu phyin pa zab mo 'di la yid mi ches so zhes bstan pa'o/ /bcom ldan 'das kyis bka' stsal pa/ lha'i bu dag de de
 bzhin no/ /de de bzhin te/ lta'i bu dag chos 'di ni gzugs gzung ba'i phyir bstan pa ma yin / mi gzung ba'i phyir yin zhes bya ba nas/ rnam pa thams cad mkhyen pa nyid gzung ba'i phyir bstan pa yin / mi gzung ba'i phyir bstan pa ma yin zhes
 bya ba'i bar gyis ni/ gong du lha'i bu rnams kyis shes rab kyi pha rol tu phyin pa 'di gzugs la sogs pa'i chos thams cad la sgra 'dogs pa dang/ skur pa 'debs pas bstan pa ma yin pa'i phyir/ 'jig rten thams cad kyis yid ches par dka' 
 zhing zab par bstan pa ngo mtshar che ba'i gtan tshig su gzugs la sogs pa'i chos thams cad gzung ba'i slad du bstan pa yang ma lags / mi gzung ba'i slad du bstan pa ma lags so zhes gsol ba'i tshig de dag nyid bcom ldan 'das kis bzlas
 nas de bden no zhes bka' stsal pa'o/ /lha'i bu dag gang yang gzugs gzung ba'i phyir ram mi gzung ba'i phyir spyod pa dang zhes bya ba nas/ rnam pa thams cad mkhyen pa nyid sgom par mi nus so zhes bya ba'i bar gyis ni/ gzugs la sogs pa'i chos
 thams cad la sgro 'dogs shing skur pa 'debs ba'i tshul gyis yod pa dang med pa'i mdza' la chags pas spyod na/ chos rnams kyis chos nyid ma rtogs par pha rol tu phyin pa drug la sogs pa rnam par byang ba'i chos rnams 'khor gsum yongs su
 dag par sgom mi nus so/ /zhes yod pa dang med pa'i mdza' la chags pa'i nyes dmigs bstan pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das chos 'di ni chos thams cad dang
 rjes su mthun ba ste zhes bya ba nas/ 'di ni rnam pa thams cad mkhyen pa nyid dang rjes su mthun pa'o zhes bya ba'i bar gyis ni/ gong du bcom ldan 'das kyis chos thams cad la yod pa dang med pa'i mthar 'dzin pa dag rnam par byang ba'i chos
 rnams bsgom par mi nus kyi /mdza' gnyis dang bral na gdong rnam par byang pa'i chos rnams bsgom nus so zhes bshad pa'i don rab 'byor gyis rtog nas / 'khor thams cad mdza' gnyis dang bral pa'i chos zab mo la
 gzung pa'i phyir/ de ltar mdza' gnyis dang bral ba'i chos zab mo 'di ni/ pha rol tu phyin pa drug la sogs pa rnam par byang ba'i chos thams cad yongs su grub pa'i rgyu yin pa'i phyir/ chos thams cad dang rjes su mthun pa'o zhes rab 'byor gyis
 smras pa'o/ /chos 'di ni gang la yang thogs pa ma mchis te / ci la thogs pa ma mchis zhe na / gzugs la thogs pa ma mchis so zhes bya ba nas /rnam pa thams cad mkhyen pa nyid la thogs pa ma mchis so zhes bya ba'i bar gyis
 ni/ de ltar chos zab mo rnam par byang pa'i chos thams cad rjes su mthun pa yin pas / gzugs la sogs pa'i chos gang la yang dngos por mi lta zhing / chos de dag gis dbang du mi 'gyur ro zhes bstan pa'o/ /chos 'di ni
 nam mkha' dang mnyam pa nyid dang/ de bzhin nyid dang mnyam pa nyid dang zhes bya ba nas/ kun nas nyon mongs pa ma mchis pa dang/ rnam par byang ba ma mchis pa dang/ mnyam pa nyid kyi slad du / thogs pa ma mchis pa'i mtshan
 nyid do zhes bya ba'i bar gyis ni/ chos thams cad thogs pa med pa'i mtshan nyid yin pa gtan tshigs bstan pa ste/ shes rab kyi pha rol tu phyin pa zab mo'i chos 'di nam mkha' la sogs pa 'dus ma byas pa'i chos rnams dang
 'dra pas/ thogs pa med pa'i mtshan nyid yin no zhes bya ba'i don to/ /chos 'di ni gzugs kyi skye ba mi dmigs pa dang/ zhes bya ba nas /rnam pa thams cad mkhyen pa nyid skye ba mi dmigs pa'i slad du skye ba ma mchis pa'o
 zhes bya ba'i bar gyis ni/ gzugs la sogs pa'i chos thams cad don dam par skye ba med pa'i phyir / bla na med pa'i byang chub kyi rang bzhin shes rab kyi pha rol tu phyin pa'i chos 'di yang/ skye ba med pa'i mtshan nyid yin no zhes bstan pa'o/ /chos 'di ni
 gzugs kyi rten mi dmigs pa dang/ zhes bya ba nas/ rnam pa thams cad mkhyen pa nyid kyi rten mi dmigs pa'i slad du rten ma mchis pa'o/ /zhes bya ba'i bar gyis ni gzugs la sogs pa'i chos thams cad don dam par dngos po med pas
 gang na yang mi gnas ci la yang mi brten pa'i phyir/ shes rab kyi pha rol tu phyin pa'i chos 'di yang gang na yang mi gnas/ ci la yang mi brten pas rten med pa yin no zhes rab 'byor gyis gsol pa'o/ /de nas 'dod pa na spyod pa dang/
 gzugs yod pa na sbyor ba'i lta'i bu rnams kyis/ bcom ldan 'das la 'di skad ces gsol to/ /gnas brtan rab 'byor ni bcom ldan 'das kyis rjes su skyes so zhes bya ba ni gan+ng du rab 'byor gyis shes rab kyi pha rol tu phyin pa'i chos zab
 mo 'di rnam par byang pa'i chos thams cad dang/ rjes su mthun par bshad pa dang/ chos thams cad la thogs pa med par bshad pa dang/ 'dus ma byas pa'i chos rnams dang mnyam pa nyid du bshad pa dang/ skye ba med par bshad pa dang/ rten
 med par bshad pas lha'i bu rnams mgu nas /de bzhin gshegs pa dang chos mthun par ston pa'i phyir/ bcom ldan 'das kyi rjes su skyes so zhes rab 'byor la bstod pa ste / bcom ldan 'das dang mthun par gyur to/ /zhes bya ba'i don
 to/ de ci'i slad du zhe na / 'di ltar gnas brtan rab 'byor ni ci dang ci ston pa de thams cad stong pa nyid la brtsams shing ston to/ /mtshan ma ma mchis pa dang/ smon pa ma mchis pa nyid las brtsams shing ston to zhes bya bas ni/ rab 'byor
 bcom ldan 'das kyi rjes su skyes pa'i gtan tshigs bstan pa ste/ bcom ldan 'das kyang rnam par thar pa'i sgo gsum gyi chos zab mo ston/ rab 'byor yang rnam par thar pa'i sgo gsum gyi chos zab mo ston te
 de ltar chos zab mo ston par rjes su mthun pa'i phyir bcom ldan 'das kyi rjes su skyes zhes bya ba'i don to/ /de nas tshe dang ldan pa rab 'byor gyis 'dod pa na spyod pa dang/ gzugs yod pa na spyod pa'i lta'i bu de dag la 'di skad ces smras so zhes bya
 pa la sogs pas ni/ de bzhin gshegs pa dang rab 'byor gnyis don dam par de bzhin nyid kyi rang bzhin du tha mi dad de rjes su mthun pa'i phyir/ de bzhin gshegs pa'i rjes su skyes pa yin par rab 'byor gyis bshad pa ste /gnas
 brtan rab 'byor ni/ de bzhin gshegs pa'i de bzhin nyid kyi rjes su skyes pa ste/ zhes bya bas ni don dam par de bzhin gshegs pa dang/ rab 'byor gnyis de bzhin nyid kyi rang bzhin du ro gcig ste/ tha mi dad cing rjes su
 mthun pa'i phyir/ de bzhin gshegs pa'i rjes su skyes pa yin no zhes bya ba'i don to/ /ji ltar de bzhin gshegs pa'i de bzhin nyid ma 'ongs ma song pa de bzhin du / gnas brtan rab 'byor gyi de bzhin nyid kyang ma 'ongs
 ma song bas na/ thog ma nas gnas brtan rab 'byor de bzhin gshegs pa'i rjes su skyes so zhes bya bas ni/ de bzhin gshegs pa dang rab 'byor gnyis de bzhin nyid du tha mi dang cing rjes su mthun pa'i gtan tshigs bstan pa
 ste/ de bzhin nyid ces bya ba ni yongs su dag cing 'gyur ba med pas / thog ma yang gang nas kyang ma 'ongs / tha ma gar yang mi 'gro ste/ mi 'gyur bas yongs su 'grub pa yin pas/ rab 'byor chos 'di lta bu ton pa'i
 phyir bzod de bzhin gshegs pa'i rjes su skyes pa ma yin gyis / thog ma nas de bzhin nyid kyi rang bzhin yin te/ de bzhin gshegs pa'i de bzhin nyid dang tha mi dad pa'i phyir/ de bzhin gshegs pa'i rjes su skyes pa yin no zhes bstan pa'o/ /de
 bzhin gshegs pa'i de bzhin nyid gang yin pa de ni/ chos thams cad kyi de bzhin nyid kyang de'o/ /chos thams cad kyi de bzhin nyid gang yin pa de ni de bzhin gsheD pa'i de bzhin nyid kyang de ste zhes bya bas ni ji ltar de bzhin gshegs pa dad/ rab 'byor gnyis kyi rang bzhin du tha mi
 dad po de bzhin du/ chos thams cad kyang don dam par de bzhin nyid kyi rang bzhin yin pas / de bzhin gshegs pa'i de bzhin nyid kyi rang bzhin tha mi dang ngo zhes bstan pa'o/ bde bzhin gshegs pa'i de bzhin nyid de yang/ de bzhin nyid ma yin no zhes bya ba ni/
 gong du de bzhin nyid kyi rang bzhin bshad pa la/ kha cig de lta bu'i de bzhin nyid dngos po'i rang bzhin du yod par rtog pa bsal pa'i phyir/ /de yang dngos por yod pa ma yin no zhes bstan pa'o/ /de ltar na gnas brtan rab 'byor ni de bzhin gsheD
 pa'i rjes su skyes so zhes bya ba ni/ kun rdzob tu de bzhin gshegs pa dang/ chos ston par rjes su mthun pa'i phyir/ rjes su skyes pa tsam du ma zad kyi / don dam par de bzhin nyid kyi rang bzhin dngos po med par yang tha mi dad pa'i phyir/ rab 'byor de
 bzhin gshegs pa'i rjes su skyes so zhes bshad pa'o/ /de bzhin gshegs pa'i de bzhin nyid ji lta bu bzhin du / gnas brtan rab 'byor gnas pas de bzhin gshegs pa'i rjes su skyes so zhes bya ba ni/ de bzhin gshegs pa'i
 de bzhin nyid kyi chos kyi sku'i rang bzhin dang/ rab 'byor gyis de na dam pa'i rang bzhin gnyis don dam par tha mi dad de/ rang bzhin gcig tu gnas pa'i phyir/ rab 'byor de bzhin gshegs pa'i rjes su skyes so zhes bstan pa'o 
 de ltar de ba bzhin gshegs pa'ide bzhin nyid 'gyur ba med cing rnam par rtog pa med pa de bzhin du/ gnas brtan rab 'byor gyis de bzhin nyid kyang 'gyur ba med cing rnam par rtog pa med ces bya ba ni/ de bzhin gshegs
 pa'i de bzhin nyid dang/ rab 'byor gyi de bzhin nyid rang bzhin gcig gang de yang chos kyis dbyings mi 'gyur ba yongs su grub pa dang/ rnam par mi rtog pa'i rang bzhin yin no zhes bstan pa'o/ /ji ltar de bzhin gshegs pa'i de bzhin nyid ci
 la yang thogs pa med pa de bzhin du/ chos thams cad kyi de bzhin nyid kyang ci la yang thogs pa med de zhes bya ba ni/ de bzhin gshegs pa'o chos kyi sku stong pa nyid dang/ chos thams cad kyi stong pa nyid la dngos po med pas ci la yang
 thogs pa med pa'i rang bzhin can yin no zhes bstan pa'o/ /de bzhin gshegs pa'i de bzhin nyid gang yin pa dang/ chos thams cad kyi de bzhin nyid gang yin pa de ni/ de bzhin nyid gcig cing gnyis su med de gnyis su byar med
 ces bya ba ni de bzhin gshegs pa'i de bzhin nyid dang/ chos thams cad kyi de bzhin nyid ci la yang thogs pa med pa/ de yang chos kyi dbyings stong pa nyid du ro gcig cing/ so sor dbyer med par bstan pa'o/ /de zhin nyid de yang
 ma byas pa ste zhes bya ba ni stong pa nyid dus 'dus ma byas pa'i rang bzhin yin pas/ rgyu dang rkyen gyis bskyed pa yang ma yin no zhes bya ba'i don to/ /de bzhin nyid de ni gang gis de bzhin nyid du ma gyur ba yang med de zhes bya ba ni stong pa
 nyid kyis mkhyen pa med de/ chos thams cad kyi don dam par dngos po med par stong pa nyid kyi rang bzhin no zhes bstan ba'o/ /de bzhin nyid de gang gi de bzhin nyid du ma gyur pa yang med bas /de'i phyir de bzhin nyid de ni gnyis su
 med cing gnyis su byar med pa ste/ zhes bya ba ni/ stong pa nyid kyi rang bzhin de bzhin nyid ces bya ba de ni/ dngos po med pa'i rang bzhin du tha mi dad do zhes bya ba'i don to/ /de ltar na gnas brtan rab 'byor de ni de bzhin gshegs pa'i rjes su skyes so zhes
 bya ba ni gong du don dam par bcom ldan 'das dang/ rab 'byor gnyis de bzhin nyid du ro gcig ste/ tha mi dad par bshad pa'i don mjug bsdus te bstan pa'o/ /de bzhin gshegs pa'i de bzhin nyid gang yin pa de ni thams cad du 'gyur ba
 med cing rnam par rtog pa med pa ste/ de bzhin du rab 'byor gyi de bzhin nyid kyang/ thams cad du 'gyur pa med cing rnam par mi rtog /rnam par rtog pa med pa zhes bya bas ni/ de bzhin gshegs pa'i de bzhin nyid dang/ rab 'byor gyi de bzhin
 nyid rang bzhin gcig cing tha mi dad pa de yang/ mi 'gyur bar yongs su grub pa dang/ phyin ci ma log pas yongs su grub pa yin par bstan pa ste/ thams cad du gyur ba med cing zhes bya bas ni/ de bzhin nyid de rang bzhin gyis yongs su dag pa yin pas
 sngar ma dag la phyis dag par 'gyur ba yang med/ gnas la lar ma dag la gnas la lar dag par 'gyur ba yang med de/ dus thams cad dang gnas thams cad du yang de bzhin du mi 'gyur bar gnas pa'i phyir/ mi 'gyur bar
 yongs su grub pa yin no zhes bstan pa'o/ /rnam par rtog? pa med pa ste/ zhes bya ba ni/ phyin ci ma log pa yongs su grub pa yin par bstan pa ste/ gzung ba dang 'dzin pa'i mtshan ma la phyin ci log tu rtog pa med zhes bya ba'i don te/ /ji ltar
 de bzhin gshegs ba'i de bzhin nyid tha mi dad pa dbyer med ba 'byed pa ma yin pa dmigs su med pa de bzhin du/ rab 'byor gyi de bzhin nyid kyang tha mi dad pa dbyer med pa 'byed pa ma yin pa/ dmigs su med pa ste zhes bya bas ni don dam
 bar de bzhin nyid dngos po'i rang bzhin ma yin pas/ tha dad du byar med cing gnyis su dbyer yang med la/ byed pa po'i rang bzhin du yang yod pa ma yin pas/ dngos po gzhan byed pa yang ma yin te/ 'di ltar
 bya ba med pa yang gnyis ka'i dngos por yang med pas/ dmigs su med do zhes bstan pa'o/ /de ltar na gnas brtan rab 'byor de bzhin gshegs pa'i rjes su skyes so zhes bya bas ni/ gong du bstan pa'i don mjug bsdus te bstan pa'o/ /ji
 ltar de bzhin gshegs pa'i de bzhin nyid de chos thams cad kyi de bzhin nyid las gud na yod pa ma yin te/ de nam yang de bzhin nyid ma yin pa ma yin te/ rtag tu de bzhin nyid do zhes bya ba ni de bzhin gshegs pa'i chos kyi sku stong pa nyid
 kyi rang bzhin de ni/ chos thams cad kyi stong pa nyid las gud na yod pa ma yin te stong pa nyid kyi rang bzhin du gcig la/ de yang sngon yongs su ma dag pa las phyis yongs su dag par 'gyur ba yang med de/ rtag tu yongs su dag pa'i rang
 bzhin can no zhes bya ba'i don to/ /de bzhin du gnas brtan rab 'byor yang rnam pa gzhan ma yin par de bzhin gshegs pa'i rjes su skyes kyang/ gar yang rjes su skyes ba med pa ste zhes bya ba ni/ de bzhin gshegs pa'i chos
 kyi sku stong pa nyid kyi rang bzhin te/ chos thams cad kyi stong pa nyid dang ro gcig cing dus thams cad du yongs su dag pa de bzhin du/ rab 'byor gyis rang bzhin stong pa nyid kyang dus thams cad du yongs su dag pa ste/ de ltar de
 bzhin gshegs pa'i rang bzhin dang rjes su mthun pa'i phyir/ de bzhin gshegs pa'i rjes su skyes so zhes kun rdzob tu btags kyang/ don dam par ni gang du yang skyes pa med do zhes bstan pa'o/ /de ltar na gnas brtan rab 'byor ni
 de bzhin gshegs pa'i rjes su skyes so/ /de bzhin gshegs pa'i rjes su skyes so zhes bya ba ste zhes bya ba ni/ rab 'byor de bzhin gshegs pa'i rjes su skyes pa'i don gong du bshad pa rnams mjug bsdus te/ bstan pa ste/ kun rdzob tu chos zab
 mo ston par rjes su mthun pa'i phyir/ rab 'byor de bzhin gshegs pa'i rjes su skyes btsam du ma zad kyi/ don dam par yang de bzhin nyid kyi rang bzhin du tha mi dad de/ rjes su mthun ba'i phyir rab 'byor de bzhin gshegs pa'i rjes su skyes so zhes
 bstan pa'o/ /'das pa'i de bzhin nyid kyi mnyam pa nyid kyis/ de bzhin gshegs pa'i de bzhin nyid mnyam pa nyid do zhes bya ba nas/ de ltar 'das pa dang ma 'ongs ba dang/ de ltar byung ba'i de bzhin nyid dang/ de bzhin gshegs
 pa'i de bzhin nyid de la gnyis su med de gnyis su byar med do zhes bya ba'i bar gyis ni/ dus gsum mnyam pa nyid kyi de bzhin nyid dang/ de bzhin gshegs pa'i de bzhin nyid stong pa nyid kyi rang bzhin du ro gcig cing mnyam pas tha dad du dbyer
 med do zhes bstan pa'o/ /gzugs kyi de bzhin nyid kyis/ de bzhin gshegs pa'i de bzhin nyid kyis gzugs kyi de bzhin nyid de/ de ltar na gzugs kyi de bzhin nyid dang de bzhin gshegs pa'i de bzhin nyid de la gnyis su med de gnyis su
 byar med do zhes bya ba nas/ rnam pa thams cad mkhyen pa nyid kyi de bzhin nyid dang/ de bzhin gshegs pa'i de bzhin nyid de la gnyis su med de gnyis su byar med do zhes bya ba'i bar gyis ni gong du de bzhin gshegs pa'i de bzhin nyid dang/ rab
 'byor gyi de bzhin nyid dang chos thams cad kyi de bzhin nyid la/ tha dad du dbyer med par mdor bstan pa'i don de nyid gzugs la sogs pa'i chos re re dang sbyar te/ de bzhin nyid la tha dad du dbyer med pa'i don zhib tu bshad pa'o/ /
 'di ni rab 'byor de bzhin gshegs pa'i de bzhin nyid de/ byang chub sems dpa' i sems dpa' chen pos/ de bzhin nyid mngon par rdzogs par sangs rgyas nas/ de bzhin gshegs pa zhes bya ba'i
 ming 'thob par 'gyur ba'o zhes bya ba ni/ chos kyi chos nyid de bzhin zab mo de lta bu'i khong du chud nas/ de bzhin gshegs bar 'gyur ba'i yon tan bstan pa ste/ de bzhin gshegs pa zhes bya ba yang gzhan la mi bya'o/ /gnyis su med
 pa'i de bzhin nyid de lta bu rtogs pa la bya'o zhes bstan pa'o/ /de bzhin nyid kyi le'u 'di bshad pa'i tshe/ sbyor gsum gyi stong chen po'i 'jig rten gyi khams 'di rnam pa drug tu g.yos te zhes bya ba la sogs pas ni/ chos zab mo de lta
 bu bshad pas/ sa'i 'og na gnas pa'i lha mthu bo che rnams kyis kyang thos nas/ dga' zhing mgu ba'i shugs kyis lus bsgul cing bskyod pa las/ sa chen po g.yos pa'i 'gyur ba bstan pa yang rnam pa gcig tu na dus gsum
 gyi de bzhin gshegs pa rnams kyi/ de bzhin nyid gnyis su med ba'i don zab mo 'di lta bu bshad pa'i mthu dang byin gyis/ snod kyi 'jig rten nyid rnam pa drug tu g.yos par gyur pa'i ngo mtshar dang/ ya mtshan chen po de lta bu
 mthong na/ sems can thams cad dang pa skye bar bya ba'i phyir/ bcom ldan 'das kyi byin gyis brlabs kyis/ sa chen po 'di rnam pa drug tu g.yos pa bstan pa ste /g.yos pa'i rim pa dang/ g.yos pa'i rgyu ni zhib tu gleng gzhi'i
 le'u las bshad zin to/ /de nas 'dod pa na spyod pa dang/ gzugs yod pa na spyod pa'i lha'i bu de dag gis zhes bya ba nas/ de bzhin gshegs pa'i rjes su skyes ba ngo mtshar che'i zhes tshig tu brjod do zhes bya ba'i bar gyis ni/ kun rdzob dang don
 dam pa gnyis ka'i tshul gyis gnas brtan rab 'byor de bzhin gshegs pa'i rjes su skyes par bstan pa'i chos zab mo lha'i bu rnams kyis thos nas mgu ste/ mchod pa byas shing bstod pa bstan pa'o/ /de nas gnas brtan rab 'byor gyis/ lha'i bu dag gi
 gtam de nyid kyi rgyud nas bzung ste/ lha'i bu de dag la 'di skad ces smras so zhes bya ba nas/ rnam pa thams cad mkhyen pa nyid kyi de bzhin nyid las gzhan gyi rjes su ma skyes so zhes bya ba'i bar gyis ni/ gong du gnas brtan rab 'byor de
 bzhin gshegs pa'i de bzhin nyid dang rjes su mthun pa'i phyir /de bzhin gshegs pa'i rjes su skyes so zhes bshad pa la/ 'khor rnams kyi nang nas kha cig bskyod par bya ba dang/ skyed bar byed pa la sogs pa'i dngos po yod par rtog pa bsal
 ba'i phyir/ gzugs la sogs pa nas/ rnam pa thams cad mkhyen pa nyid la thug gi bar gyi chos rnams dang/ chos de dag gi de bzhin nyid kyang don dam par dngos po med la/ gnas brtan rab bzhin nyid kyang don dam par dngos po med la/ gnas brtan rab
 de dag gang gi rjes su skyes par yang med do zhes bstan pa'o/ /'dus ma byas kyi rjes su ma skyes/ 'dus byas las gzhan gyi rjes su ma skyes so zhes bya ba nas/ 'dus ma byas kyi de bzhin nyid las gzhan gyi rjes su ma skyes so zhes bya ba'i bar gyis ni/
 mdor bsdus te bshad na/ don go bar 'gyur ba'i sems can rnams kyi don du/ gong du smos pa'i chos thams cad mdor bsdus nas/ 'dus byas dang 'dus ma byas gnyis su 'dus te/ de dag kyang don dam par dngos po med pas/
 de dag gang gi rjes su skyes pa yang med do zhes bya ba'i don te/ de ci'i phyir zhe na/ de ni 'di gang rjes su skyes pa dang/ zhes bya ba nas gang gi rjes su skye bar 'gyur ba'i chos de dag thams cad med cing mi dmigs so zhes bya ba'i bar kyis ni gnas
 brtan rab 'byor chos thams cad chos thams cad kyi rjes su skyes pa ma yin pa'i gtan tshigs su/ 'das pa dang/ ma 'ongs pa dang/ da ltar gyi dus gsum char du yang skyed par byed pa dang/ bskyed par bya ba'i chos gang yang med
 cing mi dmigs pa bstan te/ gang rjes su skyes pa dang/ gang gi rjes su skyes pa dang/ zhes bya ba ni 'das pa'i dus na bskyed par bya ba dang/ skyed bar byed pa'i chos rnams med cing mi dmigs pa bstan pa'o/ /gang rjes su bskyed ba dang gang gis rjes su
 bskyed pa dang/ zhes bya bas ni da ltar byung ba'i dus na bskyed par bya ba dang/ skyed bar byed ba'i chos rnams med cin mi dmigs pa bstan pa'o/ /gang rjes su skye bar 'gyur ba 'am gang gi rjes su skye bar 'gyur ba zhes bya bas ni/ ma 'ongs pa'i
 dus na yang bskyod par bya ba dang/ skyed par byed pa'i chos rnams med cing mi dmigs pa bstan pa'o/ /de nas tshe dang ldan pa shA radwa ti'i bus /bcom ldan 'das la 'di skad ces gsol to/ /zhes bya ba nas/ yang dag pa'i mdza' ni zab pa
 ste zhes bya ba'i bar gyis ni/ de ltar gong du skye ba med pa'i chos zab mo bstan pas/ shA ri'i bu mgu nas de lta bu'i stong pa nyid kyi chos zab mo bshad pa ni rtog gie ba rnams kyi sbyong yul ma yin no zhes bstan pa ste/ de bzhin nyid dang/ ma nor
 pa de bzhin nyid dang zhes bya ba la sogs pa ni stong pa nyid kyi rnam gangs su rig par bya'o/ /de la gzugs mi dmigs gzugs kyi de bzhin nyid mi dmigs te zhes bya ba nas/ rnam pa thams cad mkhyen pa nyid kyi/ de bzhin nyid dmigs par
 gal 'gyur zhes bya ba'i bar gyis ni chos kyi dbyings kyi rang bzhin stong pa nyid de zab pa/ ? na tshigs bstan pa ste/ stong pa nyid de la gzugs la sogs pa/ rnam pa thams cad mkhyen pa nyid la thug gi bar du/ kun brtags pa'i chos
 thams cad dang/ chos de dag gi de bzhin nyid yongs su grub pa'i mtshan nyid kyang dmigs su med pas zab bo zhes bya ba'i don to/ /bcom ldan 'das kyis bka' stsal ba/ /shA radwa ti'i bu de de bzhin no/ /de de bzhin te/ de bzhin nyid zab pa ste/ de la
 gzugs mi dmigs gzugs kyi de bzhin nyid mi dmigs pa ste zhes bya ba nas/ nam pa thams cad mkhyen pa nyid kyi de bzhin nyid lta ba dmigs par gal 'gyur zhes bya ba'i bar gyis ni/ shA ri'i bus gsol ba'i chig dang/ don de nyid
 slar 'das te stong pa nyid kyi rang bzhin /de bzhin nyid kyi mtshan nyid de ni/ de ltar zab pa bden no zhes bka' stsal ba'o/ /shA radwA ti'i bus de bzhin nyid dang/ ma nor ba de bzhin nyid dang/ gzhan ma yin pa de bzhin nyid kyi le'u 'di bshad
 pa'i tshe/ dge slong nyis brgyas nye bar len pa med par zag pa las sems rnam par grol lo zhes bya ba'i bar zab mo'i le'u 'di bshad pa'i tshe/ dge slong nyis brgyas bsgom pa'i lam gyis spang bar bya ba'i nyon mongs pa rnams spangs nas/
 'khor bar phung po phyi ma nye bar len pa med par sems rnam par grol te/ dgra bcom par gyur te zhes bya ba'i don to/ /dge slong ma lnga brgyas ni/ chos la chos kyi mig rdul med cing dri ma dang bral ba rnam par dag pa skyes so zhes bya bas ni/
 mthong bas spang par bya ba'i nyon mongs pa rnams spangs nas mthong ba'i lam gyis shes rab kyi mig thob ste/ rgyun tu zhugs pa'i 'bras bu la gnas par gyur to zhes bya ba'i don to/ /byang chub sems dpa' lnga stong dang lha dang mi rnams
 kyis mi skye ba'i chos la bzod pa rab tu thob bo zhes bya bas ni/ byang chub sems dpa' lnga stong dang lha dang mi rnams kyi nang na kha cig gis chos thams cad skye ba med par rtogs nas/ byang chub sems dpa' i sa brgyad pa thob bar 'gyur to/ /zhes 
 bstan pa'o/ byang chub sems dpa' yongs su nyams pa'i chos can drug cu ni nye bar len pa med pa zag pa las sems rnam par grol te zhes bya bas ni/ byang chub sems dpa' thabs mi mkhas pa/ pha rol tu phyin pa drug
 la dmigs pa dang bcas par spyod pa/ drug cu ni byang chub sems dpa' i sa ma thob par thams gsum gyi nyon mong sa? las sems rnam par grol te /phung po phyi ma nye bar mi len pa dang dgra bcom pa'i 'bras bu thob par gyur to zhes bya ba'i
 don to/ /shA rarwA ti'i bu byang chub sems dpa' sems dpa' chen po 'di dag gis ni sangs rgyas lnga brgya bsnyen bkur byas te zhes bya ba nas/ de dag byang chub sems dpa' i skyon med par ma zhugs pas/ rgyun tu zhugs pa'i 'bras bu
 'thob/ lan cig phyir 'ong ba'i 'bras bu 'thob/ phyir mi 'od pa'i 'bras bu 'thob/ dgra bcom pa'i 'bras bu 'thob bo zhes bya ba'i bar gyis ni/ byang chub sems dpa' yongs su nyams pa'i chos can rnams nyan thos kyi sar ltung ba'i gtan
 tshigs bstan pa ste/ de dag gis pha rol tu phyin pa drug la spyad kyang/ mtshan ma dang bcas shing dmigs pa dang bcas par spyad ste/ 'khor gsum yongs su ma dag par spyad pa'i phyir/ byang chub sems dpa' i sa dang po skyon med pa zhes
 bya ba ma thob par nyan thos kyi 'bras bu rnams thob par gyur to zhes bstan pa'o/ /shA radwA ti'i bu byang chub sems dpa' sems dpa' chen po rnams kyi lam stong pa nyid dang/ mtshan ma med pa dang/ smon pa med pa yin mod kyi de dag shes
 rab kyi pha rol tu phyin pa dang bral zhing thabs mkhas pas yongs su ma bzung na/ yang dag pa'i mdza' mngon du byas nas/ nyan thos dang rang sangs rgyas su 'gyur ro zhes bya ba ni thabs dang shes rab tu mi ldan na/ byang chub sems dpa' i
 lam rnam par thar pa'i sgo gsum la sbyad kyang mi phan te/ nyan thos dang/ rang sangs rgyas kyi mya ngan las 'das pa thob par 'gyur ro zhes bstan pa'o/ /gsol pa bcom ldan 'das ci'i slad du zhe na zhes bya ba nas/ thabs mkhas pa la brten cing/ bla na med
 pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes bya ba'i bar gyis ni/ byang chub sems dpa' rnams rnam par thar pa'i sgo gsum la spyod du 'dra yang/ thabs dang shes rab tu ldan mi ldan gyi bye brag las/ theg pa che
 chung du 'gyur ba'i gtan tshigs dang/ dper bcas pa zhib tu bshad pa'i gleng bslang pa'i phyir/ bcom ldan 'das la shA ri'i bus zhus pa'o/ /bcom ldan 'das kyis bka' stsal pa/ shA radwA ti'i bu 'di la kha cig rnam pa thams cad mkhyen
 pa'i sems dang bral ba/ stong pa nyid dang/ mtshan ma med pa dang/ smon pa med pa'i chos 'ba' zhig bsgom pa ni/ thabs mkhas pa ma thob pas/ nyon thos dang rang sangs rgyas su 'gyur ro zhes bya ba ni/ chos rnams la dngos po dang
 mtshan mar 'dzin cing thabs mkhas pa dang mi ldan te/ rnam pa thams cad mkhyen pa nyid kyi ye shes thob par bya ba'i sems dang mi ldan na/ rnam par thar pa'i sgo gsum la spyod par 'dra yang/ nyan thos dang rang sangs rgyas kyi sar ltung bar
 'gyur ro zhes bstan pa'o/ /shA radwA ti'i bu 'di la byang chub sems dpa' sems dpa' chen po rnam pa thams cad mkhyen pa nyid kyi sems dang ma bral ba rnams ni/ stong pa nyid dang/ mtshan ma med pa dang/ smon pa med pa'i chos rnams la
 sgom zhing/ /thabs mkhas pa thob pas byang chub sems dpa' i skyon med par 'jug cing/ bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bya ba ni byang chub sems dpa' thabs mkhas shing bsam
 brgya chen po dang ldan pas/ dge ba ci spyad do cog bla na med pa'i byang chub rnam pa thams cad mkhyen pa nyid kyi ye shes thob par bya ba'i phyir bsdos te/ rnam par thar pa'i sgo gsum pa skyed na/ bsam pa'i khyad par gyis
 byang chub sems dpa' i sa dang po skyon med pa la zhugs nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bstan pa'o/ /shA radwA ti'i bu 'di lta ste dper na zhes bya ba nas/ nyan thos kyi sa 'am/
 rang sangs rgyas kyi sar ltung ngo zhes bya ba'i bar gyis ni/ thabs dang shes rab tu mi ldan zhing rnam pa thams cad mkhyen pa'i sems dang mi ldan na/ nyan thos dang rang sangs rgyas kyi sar lhung ba'i dpe bya 'dab ma med pa las blangs te/ bstan
 pa ste/ bya'i lus che ba bstan pa ni/ bla na med pa yang dag par rdzogs pa'i byang chub tu mngon par rdzogs par 'tshad rgya bar bya ba smon pa che ba dang/ byang chub sems dpa' i sbyong ba rlabs chen po yongs su 'dzin pa che ba'i dpa' o/ /bya'i
 'dab ma gnyis pa bstan pa ni/ thabs dang shes rab gnyis mi ldan pa bstan ba'o/ /smas pa dang/ snang pa'i sdug bsngal bar gyur pa bstan pa ni byang chub sems dpa' i sa nas nyams te/ nyan thos dang rang sangs rgyas kyi sar ltung bar
 'gyur ba'i dpe'o/ /de ci'i phyir zhe na/ de ni 'di ltar byang chub sems dpa' des rnam pa thams cad mkhyen pa nyid kyi sems dang mi ldan par sbyin pa byin zhes bya ba nas/ nyan thos dang/ rang sangs rgyas kyi sar ltung ngo zhes bya ba'i bar gyis ni/
 thabs dang shes rab tu mi ldan na nyan thos dang rang sangs rgyas kyi sar lhung ba'i gtan tshigs bstan pa ste/ pha rol tu phyin pa drug la spyod pa'i tshe/ 'khor gsum yongs su ma dag par sbyong na/ mtshan ma dang bcas shing dmigs pa dang bcas
 bar spyod pa yin te/ shes rab kyi pha rol tu phyin pa dang bral zhing thabs mkhas pas yongs su ma bzung ba'i phyir/ nyan thos dang rang sangs rgyas kyi sar ltung bar 'gyur ro zhes bstan pa'o/ /shA radwA ti'i bu byang chub sems dpa' 'das pa dang/ ma 'ongs
 pa dang/ da ltar byung ba'i de bzhin gshegs pa rnams kyi zhes bya ba nas/ nyan thos kyi sa 'am/ rang sangs rgyas kyi sa la gnas par 'gyur ro zhes bya ba'i bar gyis ni/ thabs dang shes rab med cing/ rnam pa thams cad mkhyen pa nyid kyi sems dang mi
 ldan na dus gsum gyi de bzhin gshegs pa rnams kyi zag pa med pa'i phung po lnga la spyad cing bsgoms kyang/ don dam par de dag gi dngos po med par mi shes shing ma rtogs pas/ zag pa med ba'i phung po snga dang/ rnam par thar pa'i sgo gsum la mya ngan
 las 'das bzhi ba'i mtshan mar bzung nas/ bla na med pa yang dag par rdzogs pa'i byang chub tu yongs su bsngos te/ mtshan ma dang dngos por 'dzin pa'i phyir/ nyan thos dang rang sangs rgyas kyi sa la gnas par 'gyur ro zhes bstan pa'o/ /shA
 radwA ti'i bu de ci'i phyir zhe na/ de ltar shes rab kyi pha rol tu phyin pa dang/ thabs mkhas pa dang bral bas/ dge ba'i rtsa ba de dag bla na med pa yang dag par rdzogs pa'i byang chub tu yongs su bsngo ba ni/ de ltar 'gyur du gdon mi za'o zhes bya bas ni/ don
 gong du smos pa nyid de ltar nges par 'gyur ba bsnan te bstan pa'o/ shA radwA ti'i bu 'di la byang chub sems dpa' sems dpa' chen po thog ma sems bskyed pa nas nye bar bzung ste/ rnam pa thams cad mkhyen pa'i sems dang ma bral bar sbyin
 pa gtong zhing zhes bya ba nas/ shA radwA ti'i bu byang chub sems dpa' sems dpa' chen po de ni nyan thos dang rang sangs rgyas kyi sa la gnas par mi 'gyur bar rig par bya'o zhes bya ba'i bar gyis/ byang chub sems dpa' thabs dang shes rab tu
 ldan pa/ rnam pa thams cad mkhyen pa'i sems dang ma bral zhing/ zag pa med pa'i phung po lnga dang/ rnam par thar ba'i sgo gsum dang/ dngos po dang mtshan mar mi 'dzin pa rnams nyan thos dang/ rang sangs rgyas kyi sar ltung
 bar mi 'gyur ba bstan pa'o/ /de ci'i phyir zhe na/ de ni 'di ltar byang chub sems dpa' sems dpa' chen po des thog ma sems bskyed pa nas nye bar bzung ste/ sbyin pa byin yang mtshan mar ma bzung zhes bya ba nas/ stong pa nyid dang mtshan mamed pa dang/
 smon pa med ba'i ting nge 'dzin rnams bsgoms kyang mtshan mar ma bzung ngo zhes bya ba'i bar gyis ni/ byang chub sems dpa' thabs dang shes rab tu ldan pa dang/ 'khor gsum yongs su dag par spyod pa rnams/ nyan thos dang rang sangs rgyas kyi sar mi
 ltung ba'i gtan tshigs bstan pa'o/ /shA radwA ti'i bu de ltar mtshan ma dang bral ba'i sems kyis sbyin pa yongs su gtong ba dang/ zhes bya ba nas/ mtshan ma dang bral ba'i sems kyis rnam pa thams cad mkhyen pa nyid bsgom pa 'di ni/ byang chub
 sems dpa' sems dpa' chen po thabs mkhas pa'o zhes bya ba'i par gyis ni/ byang chub sems dpa' sems dpa' chen po 'khor gsum yongs su dag par spyod cing thabs mkhas pa dang ldan pa'i rang bzhin bstan pa'o/ /gsol ba bcom
 ldan 'das bdag gis bcom ldan 'das kyis gsungs pa'i don 'tshal ba ltar na/ byang chub sems dpa' sems dpa' chen po sems dang po bskyed pa nas nye bar bzung ste/ shes rab kyi pha rol tu phyin pa dang/ thabs mkhas pa dang
 ma bral na de'i bla na med pa yang dag par rdzogs pa'i byang chub ni the tshom ma mchis so zhes bya ba ni/ gong du smos pa'i don de nyid 'khor rnams brtan par yid ches par bya ba'i phyir/ shA ri'i bus gsol pa'o/ /de ci'i slad du zhe na/
 bcom ldan 'das de ni 'di ltar byang chub sems dpa' sems dpa' chen po des/ sems dang po bskyed pa nas nye bar bzung ste/ zhes bya ba nas/ rnam pa thams cad mkhyen pa nyid dang/ chos gang la yang dmigs pa ma mchis so zhes bya ba'i bar gyis ni/ byang chub
 sems dpa' 'khor gsum yongs su dag par spyod pa'i chos gang la yang mi dmigs shing/ mtshan mar mi 'dzin na/ bla na med pa'i byang chub the tshom med par 'grub pa'i gtan tshigs bstan pa ste/ don dam par gzugs la sogs pa rnam pa thams
 cad mkhyen pa nyid la thug gi bar gyi chos thams cad dngos po yod par ma grub pas/ shes par byed pa dang/ shes par bya ba'i rgyu gang dmigs su med do zhes bstan pa'o/ /bcom ldan 'das byang chub sems dpa' i theg pa pa'i rigs kyi bu 'am rigs kyi
 bu mo gang shes rab kyi pha rol tu phyin pa dang/ thabs mkhas pa dang bral ba de dag gi bla na med pa yang dag par rdzogs pa'i byang chub ni the tshom ma mchis par rig par bgyi ba ste zhes bya ba ni thabs dang shes rab tu mi ldan par byang chub sems dpa' i
 spyad pa spyod pa ni/ bla na med pa'i byang chub thob par des pa med kyi/ gdon mi za bar nyan thos dang rang sangs rgyas kyi sar ltung bar 'gyur ro zhes bya ba'i don to/ /de ci'i slad du zhe na/ bcom ldan 'das de ni 'di ltar zhes bya ba nas/ de'i slad du/
 byang chub sems dpa' i theg pa pa'i rigs kyi bu 'am rigs kyi bu mo dag gi bla na med pa yang dag par rdzogs pa'i byang chub ni/ the tshom mchis par rig par bgyi'o zhes bya ba'i bar gyis ni/ byang chub sems dpa' thabs dang shes rab
 tu mi ldan par sbyong ba rnams/ nyan thos dang rang sangs rgyas kyi sar nges par lhung ba'i gtan tshigs bstan pa ste/ pha rol tu phyin pa drug la 'khor gsum yongs su ma dag par spyad na/ bla na med pa yang dag par rdzogs pa'i byang chub
 tu nges par mngon par 'tshang rgya bar mi 'gyur ro zhes bya ba'i don to/ /com ldan 'das de'i slad du byang chub sems dpa' sems dpa' chen po bla na med pa yang dag par rdzogs pa'i byang chub tu mngon par 'tshad
 rgya bar 'tshal bas/ shes rab kyi pha rol tu phyin pa dang/ thabs mkhas dang ma bral bar bgyi'o zhes bya ba nas/ rnam pa thams cad mkhyen pa nyid la spyad bar bgyi'o zhes bya ba'i bar gyis ni/ bla na med pa yang dag par rdzogs pa'i byang chub tu
 mngon par rdzogs bar 'tshang rgya bar bya ba'i thabs bstan pa ste/ thabs dang shes rab dang ma bral bar byas la/ pha rol tu phyin pa drug la sogs pa/ rnam pa thams cad mkhyen pa nyid la thug gi bar du/ rnam par byang ba'i chos
 rnams la mi dmigs pa'i tshul dang/ mtshan ma med pa'i sems kyis spyad par bya'o zhes bstan pa'o/ /de nas 'dod pa na spyad pa dang/ gzugs yod pa na spyod ba'i lta'i bu de dag gis /bcom ldan 'das la 'di skad ces gsol to
 zhes bya ba nas/ bla na med pa yang dag par rdzogs pa'i byang chub ni 'byung bar dka' o zhes bya ba'i bar gyis ni/ chos thams cad dngos po med cing dmigs su med pa la/ bla na med pa'i byang chub thob par 'dod pa ni/ nyan thos dang
 rang sangs rgyas la sogs pa dmigs pa can rnams kys mi nus so zhes bya ba'i don to/ /bcom ldan 'das kyis bka' stsal pa zhes bya ba nas/ de ci'i phyir zhe na/ lta'i bu dag chos thams cad ni/ shin tu rnam par dag pa'i phyir
 ro zhes bya ba'i bar gyis ni/ lha'i bu rnams kyis gsol ba'i/ don 'khor rnams brtan par yid ches par bya ba'i phyir/ bcom ldan 'das kyis gsal bar bshad pa'o/ /de nas tshe dang ldan pa rab 'byor gyis bcom ldan 'das
 la 'di skad ces gsol to zhes bya ba nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyi ba ni/ mi dka' o zhes bya ba'i bar gyis ni chos rnams la dngos po zhig yod na/ de dag med par rtog par bya dka' i/ med pa
 la med par shes par bya ba mi dka' o zhes rab 'byor gyis gsol pa'o/ /de ci'i slad du zhe na/ bcom ldan 'das de ni 'di ltar zhes bya ba nas/ gang mngon par rdzogs par 'tshang rgya dbar bgyi ba'i chos de lta bu ma mchis so zhes bya ba'i bar gyis ni/
 chos thams cad dngos po med pa la/ dngos po med par rtogs par bya ba mi dka' ba'i gtan tshigs bstan pa'o/ /de ci'i slad du zhe na/ bcom ldan 'das de ni 'di ltar chos thams cad stong pa ste/ zhes bya ba nas/ bcom ldan 'das rnam grangs
 des na byang chub sems dpa' sems dpa' chen pos/ bla na med pa yang dag par rdzogs pa'i byang chub tu mngon par rdzogs par 'tshang rgya bar sla'o zhes bya ba'i bar gyis ni rnam par byang ba'i phyogs su rtogs pa dang/ nyon mongs ba'i phyogS
 su rtogs pa'i chos thams cad rang bzhin gyis stong bas/ rnam par byang pa'i chos rnams 'phel bar bya ba dang/ nyon mongs pa'i phyogs rnams 'grib pa bya ba'i phyir/ pha rol tu byin pa drug la sogs pa/ rnam pa thams cad mkhyen
 pa nyid la thug gi bar du/ bsgom zhing spyad par bya ba'i chos rnams kyang rang bzhin gyis stong la shes par byed pa dang/ shes rab bya ba'i rgyu rnams kyang rang bzhin gyis stong ste/ dngos po med pa'i phyir/ med pa la med par shes
 par bya ba mi dka' o zhes bstan pa'o/ /de ci'i slad du zhe na/ bcom ldan 'das de ni 'di ltar gzugs ni gzugs kyi rang bzhin gyis stong ste zhes bya ba nas/ rnam pa thams cad mkhyen pa nyid ni/ /rnam pa thams cad mkhyen pa nyid kyi rang bzhin gyis 
 stong ngo zhes bya ba'i bar gyis ni chos thams cad dngos po med pa'i gtan tshigs bstan pa ste/ chs thams cad dngos po med pa yod pa las bshig ste/ med par byas pa ni ma yin gyi/ gzugs la sogs pa rnam pa thams cad
 mkhyen pa nyid la thug gi bar du/ chos thams cad don dam par dngos po yod par ma grub pas rang bzhin gyis stong ngo zhes bstan pa'o/ /de nas tshe dang ldan pa shA ra dwa ti'i bus/ tshe dang ldan pa rab 'byor la 'di skad ces smras so zhes bya ba nas/ tshe dang lan pa
 rab 'byor rnam grangs pa de na// bla na med pa yang dag par rdzogs pa'i byang chub tu mngon par rdzogs par 'tshang rgya bar ni dka' ste/ mngon par rdzos par 'tshang rgya ba slab ni ma yin no zhes bya ba'i bar gyis ni/ shA ri'i bus bla na med pa yang dag
 par rdzogs pa'i byang chub tu mngon par rdzogs par 'tshang rgya bar dka' ba bstan pa ste/ de ltar chos thams cad rang bzhin gyis stong ste/ nam mkha' bzhin du dngos po med na/ mngon par rdzogs par 'tshang rgya bar bya'o snyam du yang sems ba mi
 rigs na/ de ltar yang ma yin te/ byang chub sems dpa' ni chos thams cad nam mkha' lta bur mos par yang byas nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar byed pas/ dngos po yod pa la yod pa'i
 bya ba byed pa ni/ dka' ba byed pa'o zhes bstan pa'o/ /yang nam pa gcig tu na de ltar bla na med pa'i byang chub tu mngon par rdzogs par 'tshang rgya bar sla na/ dmigs pa dang bcas par spyod pa'i byang chub sems dpa' mang po bla na med pa'i
 byang chub las phyir ldog par yang mi 'gyur ba'i rigs na de dag phyir ldog pa dang sbyar na/ bla n med pa yang dag par rdzogs ba'i byang chub tu mngon par rdzogs par 'tshang rgya bar bya ba sla ba ma yin no zhes shA ri'i bus rab 'byor la brgal ba'o/ /
 rab 'byor gyis smras pa/ tshe dang ldan pa shA ra dwA ti'i bu 'di snyam du sems/ gzugs bla na med pa yang dag par rdzogs pa'i byang chub las ldog gam/ zhes bya ba la sogs pas ni/ shA ri'i bus byang chub sems dpa' gang+gA'i klung gi bye ma snyed bla na
 med pa yang dag par rdzogs bu'i byang chub las phyir ldog par 'gyur ba dang sbyar na/ bla na med pa yang dag par rdzogs pa'i byang chub tu mngon par rdzogs par 'tshangs rgya bar 'gyur ba sla ba ma yin no zhes smra ba la/ rab 'byor gyis phyir ldog par 'gyur
 ba'i dngos po yod pa ma yin par bstan pa ste/ de ltar dngos po med pa la dngos po med par rtogs par bya ba dka' ba ma yin no zhes bstan pa ste/ /zugs bla na med pa yang dag par rdzogs pa'i byang chub las ldog gam zhes bya ba nas/ rnam
 pa thams cad mkhyen pa nyid bla na med pa yang dag par rdzogs pa'i byang chub las ldog gam zhes bya ba'i bar gyis ni/ gzugs la sogs pa rnam pa thams cad mkhyen pa nyid la thug gi bar gyis chos thams cad don dam par rang bzhin gyis
 stong pas phyir ldog par 'gyur ba'i dngos po gang yang med do zhes bstan pa'o/ /smras ba/ tshe dang ldan pa shA radwA ti'i bu de ji snyam du sems/ gzugs las gung na gang bla na med pa yang dag par rdzogs pa'i byang chub las ldog pa'i chos de lta bu
 dmigs sam zhes bya ba nas/ rnam pa thams cad mkhyen pa nyid las gung na yang bla na med pa yang dag par rdzogs pa'i byang chub las ldog pa'i chos de lta bu dmigs sam zhes bya ba'i bar gyis ni/ phyir ldog pa'i byang chub sems dpa' gzugS
 la sogs pa'i rang bzhin du yod pa ma yin yang/ gzugs la sogs pa las ma gtogs pa'i rang bzhin zhig yod do snyam du sems pa gsol ba'i phyir/ gzugs la sogs pa rnam pa thams cad mkhyen pa nyid la thug gi bar gyi chos
 rnams las gung na yang/ phyir ldog par 'gyur pa'i byang chub sems dpa' dmigs su med do zhes bsten pa'o/ /tshe dang ldan pa shA ra dwA ti'i bu de ji snyam du sems/ gzugs kyi de bzhin nyid gang yin pa de bla na med pa yang dag par
 rdzogs pa'i byang chub las ldog gam zhes bya ba nas/ rnam pa thams cad mkhyen pa nyid kyi de bzhin nyid gang bla na med pa yang dag par rdzog pa'i byang chub las ldog gam zhes bya ba'i bar gyis ni/ gzugs la sogs pa rnam pa thams cad mkhyen pa
 nyid la thug gi bar gyis chos rnams kyi de bzhin nyid rang bzhin duyang phyir ldog pa'i byang chub sems dpa' yod pa ma yin no zhes bstan pa'o/ /smras pa/ tshe dang ldan pa shA ra dwA ti'i bu de ji snyam du sems/ gzugs kyi de bzhin nyid las gung na gang
 bla na med pa yang dag par rdzogs pa'i byang chub las ldog pa'i chos de lta bu yod dam zhes bya ba nas/ rnam pa thams cad mkhyen pa nyid kyi de bzhin nyid las gung na gang bla na med pa yang dag par rdzogs pa'i byang chub las ldog ba'i chos de lta bu yod dam
 zhes bya ba'i bar gyis ni/ bla na med pa'i byang chub las phyir ldog pa'i byang chub sems dpa' gzugs la sogs pa'i de bzhin nyid kyi rang bzhin du yod pa ma yin yang/ gzugs la sogs pa'i de bzhin nyid las gzhan pa'i
 rang bzhin du yod do snyam du kha cig sems kyang srid de de las bzlog pa'i phyir/ phyir ldog pa'i byang chub sems dpa' ni/ gzugs la sogs pa'i de bzhin nyid las gzhan pa'i rang bzhin duyang yod pa ma yin no zhes bstan pa'o/ /smras pa
 tshe dang ldan pa shA ra dwA ti'i bu de ji snyam du sems/ de bzhin nyid bla na med pa yang dag par rdzogs pa'i byang chub las ldog gam zhes bya ba'i nas/ smras pa/ tshe dang ldan pa shA ra dwA ti'i bu de ji snyam du sems/ bsam gyis mi khyab pa'i dbyings bla? na?
 med pa yang dag par rdzogs pa'i byang chub las ldog gam zhes bya ba'i bar gyis ni/ de ltar gong du smos pa'i tshul gyis/ phyir ldog pa'i byang chub sems dpa' gzugs la sogs pa'i de bzhin nyid kyi rang bzhin duyod pa ma yin pa/ de las gzhan pa'i rang
 bzhin du yod pa yong ma yin du zin kyang/ de bzhin nyid dang/ chos nyid dang/ chos kyi dbyings la sogs pa du ma byas shing yongs su dag pa'i rang bzhin du yod do snyam du/ kha cig sems pa las bzlog pa'i phyir/ phyir ldog pa'i byang chub sems dpa' ni/ de
 bzhin nyid dang/ chos nyid dang/ chos kyi dbyings la sogs pa'i rang bzhin du yang yod pa ma yin no zhes bstan pa ste/ de bzhin nyid dang/ chos nyid dang/ chos kyi dbyings dang chos kyi gnas nyid dang/ chos skyon med pa nyid dang/ yang dag pa'i
 mdza' dang/ bsam gyis mi khyab pa'i dbyings rnams ni/ stong pa nyid yongs su dag pa'i rnam gangs te/ de la phyir ldog pa'i byang chub sems dpa' mi srid do zhes bya ba'i don to/ /smras pa tshe dang ldan pa shA radwA ti'i bu de ji snyam du sems
 de bzhin nyid las gud? na gang bla na med pa yang dag par rdzogs pa'i byang chub las ldog ba'i chos de lta bu yod dam zhes bya ba nas/ smras pa/ tshe dang ldan pa shA radwA ti'i bu 'di ji snyam du sems/ bsam gyis mi khyab pa'i dbyings las
 gung na gang bla na med pa yang dag par rdzogs pa'i byang chub las ldog pa'i chos de dag lta bu yod dam/ zhes bya ba'i bar gyis ni phyir ldog pa'i byang chub sems dpa' i de bzhin nyid dang/ chos nyid la sogs pa'i rang bzhin du yod pa ma
 yin yang/ de dag las bzhan pa'i rang bzhin du yong? ngo snyam du kha cig sems pa las bzlog pa'i phyir/ phyir ldog pa'i byang chub sems dpa' de bzhin nyid dang/ chos nyid la sogs pa las gzhan pa'i rang bzhin du yang yod pa
 ma yin no zhes bstan pa'o/ /smras pa/ de ltar na bden pa'i tshul bzhin du chos de dag mi dmig na/ gang bla na med pa yang dag par rdzogs pa'i byang chub las ldog pa'i chos de lta bu gang zhig yod ces bya bas
 ni/ de ltar gong du bshad pa'i tshul gyis/ phyir ldog pa'i byang chub sems dpa' chs gang gi dngos po yang yod pa ma yin pas/ don dam pa'i phyir ldog par 'gyur ba'i byang chub sems dpa' gang yang med do zhes bstan pa'o/ /smras ba/
 gnas brtan rab 'byor gyis /chos kyi tshul dang rnam pa nges bstan pa ltar na/ byang chub sems dpa' gang bla na med pa yang dag par rdzogs pa'i byang chub las ldog pa med de zhes bya ba nas/ sangs rgyas kyi the pa gcig pur 'gyur ro zhes bya
 ba'i bar gyis ni/ de ltar phyir ldog par 'gyur ba'i byang chub sems dpa' yang dag par yod pa ma yin na/ de bzhin gshegs pas nyan thos kyi theg pa la gnas par 'gyur ba'i byang chub sems dpa' dang/ rang sangs rgyas
 kyi theg pa la gnas par 'gyur ba'i byang chub sems dpa' yang med de/ thams cad kyang theg pa chen po 'ba' zhig la gnas par 'gyur ro zhes shA ri'i bus gal bzung ste smras pa'o/ /de nas tshe dang ldan pa byams gang gis bus/ tshe dang ldan
 pa shA ra dwA ti'i bu la 'di skad ces smras so/ /tshe dang ldan pa shA ti'i bu/ gnas brtan rab 'byor 'di byang chub sems dpa' gcig tu yang 'dod dam zhes gnas brtan rab 'byor la dri dgos so zhes bya bas ni/ don dam par chos thams cad
 rang bzhin stong pas/ phyir ldog pa'i byang chub sems dpa' 'ba' zhig med par ma zad kyi/ phyir ldog pa dang phyir mi ldog pa thams cad kyi don dam par dngos po med par bshad pa'i gleng bslang ba'i phyir/ byams gang gis bus/
 shA ri'i bu rab 'byor la phyir mi ldog pa'i byang chub sems dpa' gcig tu yod par 'dod dam zhes 'drir bcug pa'o/ /de nas tshe dang ldan pa shA radwA ti'i bus/ tshe dang ldan pa rab 'byor la 'di skad ces smras so/ /tshe dang ldan pa rab 'byor byang chub sems dpa' 
 sangs rgyas kyi theg pa pa 'dod dam zhes bya ba ni/ de ltar phyir ldog pa'i byang chub sems dpa' nyan thos kyi theg pa dang/ rang sangs rgyas kyi theg pa pa gnyis med na/ ci'i phyir phyir mi ldog pa'i byang chub sems dpa' sangs rgyas kyi theg pa
 gcig tu yod par 'dod dam zhes dris pa'o/ /rab 'byor gyis smras pa/ tshe dang ldan pa shA radwA ti'i bu de bzhin nyid la byang chub sems dpa' nyan thos kyi theg pa pa dang zhes bya ba nas/ de bzhin nyid la byang chub sems dpa' gsum du dmigs
 sam zhes bya ba'i bar gyis ni/ don dam par chos thams cad ngo bo nyid kyis stong ste/ de bzhin nyid kyi rang bzhin tsam du zad pa la/ byang chub sems dpa' rnam pa gsum du byer med do zhes bstan pa'o/ /smras pa/ tshe dang ldan pa shA ra dwA ti'i
 bu rgyu gcig gam zhes bya ba nas/ byang chub sems dpa' gcig yang dag par rjes su mthong ngam zhes bya ba'i bar gyis ni/ de bzhin nyid la rnam pa gsum du bye brag dbyer med pas/ don dam bar byang chub sems dpa' phyir mi ldog
 pa gcig pu yang dngos po yod par mi 'grub zhes bstan pa'o/ /smras pa/ de ltar bden pa'i tshul bzhin du chos de dag mi dmigs na zhes bya ba nas/ 'di ni sangs rgyas kyi theg pa pa'o zhes bya bar sems par gyur zhes bya ba'i
 bar gyis ni/ de ltar gong du bshad pa'i tshul du/ bden par brtags shing gtan la phab na/ don dam par chos thams cad de bzhin nyid kyi rang bzhin tsam du zad de/ rnam pa gsum du dmigs su med na/ shA ri'i bu khyod ci las
 bsams te/ byang chub sems dpa' rnam pa gsum yod pas sems zhes rab 'byor gyis dris pa ste/ sngar bshad pa'i tshul dang sbyar na/ byang chub sems dpa' rnam pa gsum du med do zhes bya ba'i don to/ /tshe dang ldan pa
 shA ra dwA ti'i bu de ltar byang chub sems dpa' sems dpa' chen po chs thams cad kyi de bzhin nyid kyi bye brag med pa la/ byang chub sems dpa' sems dpa' chen po'i sems mi 'jum zhing 'god pa med la yid la 'gyod pa med na/ byang chub sems
 dpa' sems dpa' chen po de ni/ bla na med pa yang dag par rdzogs pa'i byang chub tu 'byung bar 'gyur ro zhes bya ba ni/ de ltar du bshad pa'i tshul gyis/ chos thams cad ngo bo nyid kyis stong zhing de bzhin nyid kyi rang bzhin du gcig ste/ bye brag
 med pas bshad pa la yid ches shing sems zhum pa med la/ the tshom med na byang chub sems dpa' de nyan thos dang/ rang sangs rgyas kyi sar mi ltung bar/ bla na med pa yang dag par rdzogs pa'i byang chub thob par 'gyur ro zhes
 bstan pa'o/ /de nas bcom ldan 'das kyis tshe dang ldan pa rab 'byor la bka' stsal pa zhes bya ba nas/ byang chub sems dpa' sems dpa' chen po de ni/ bla na med pa yang dag par rdzogs pa'i byang chub tu 'byung bar 'gyur ro zhes
 bya ba'i bar gyis ni/ rab 'byor gyis bshad pa'i don 'khor rnams legs par yid ches par bya ba'i phyir/ de bzhin nyid la bye brag dbyer med ba'i chos zab mo bshad pa las/ the tshom med cing sems ma zhum pa/ bla na med pa
 yang dag par rdzogs pa'i byang chub tu 'byung bar 'gyur ro zhes rab 'byor gyis bshad pa legs ta?/ spobs ba che'o zhes bcom ldan 'das kyis rab 'byor la bstong pa'o/ /rab 'byor gyis gsol pa/ bcom ldan 'das de lta
 bu'i chos dang ldan pa'i byang chub sems dpa' sems dpa' chen po byang chub gang gis 'byung bar 'gyur zhes bya ba ni/ gong du chos thams cad kyi de bzhin nyid la bye brag med par bstan pa la ming ches shing sems zhum pa med pa/ bla na med pa
 yang dag bar rdzogs pa'i byang chub tu 'byung bar 'gyur ro zhes bshad pa/ nyan thos kyi theg pa pa dang/ rang sangs rgyas kyi theg pa pa dang/ byang chub sems dpa' i theg pa pa gsum tshar? yang/ so so'i byang chub bla na med pa yang dag par rdzogs
 pa'i byang chub ces zer na/ byang chub 'di gsum gang gis 'byung bar 'gyur zhes zhus pa'o/ /bcom ldan 'das kyis bka' stsal pa/ rab 'byor bla na med pa yang dag par rdzogs pa'i byang chub kyis/ byang chub sems dpa' sems dpa' 
 chen po de 'byung bar 'gyur ro zhes bya ba nas/ theg pa chung ngu gnyis byang chub kyis 'byung bar ni/ bla na med pa'i byang chub las phyir ldog pa yin te/ 'byung ba ma yin bas/ bla na med pa yang dag par rdzogs pa'i byang chub kyis
 'byung bar 'gyur ro zhes bstan pa'o/ /rab 'byor gyis gsol pa/ bcom ldan 'das 'byung bar 'tshal ba'i byang chub sems dpa' sems dpa' chen pos bla na med pa yang dag par rdzogs pa'i byang chub la ji ltar gnas par bgyi
 zhes bya ba ni/ de ltar chos zab mo bstan pa la the tshom med cing sems ma zhum pa'i byang chub sems dpa' bla na med pa yang dag par rdzogs pa'i byang chub tu 'byung bar 'gyur ro zhes/ bcom ldan 'das dang rab 'byor gnyis kas bshad
 pa'i skabs su bla na med pa yang dag par rdzogs pa'i byang chub tu 'byung bar bsgrub pa'i mtshan nyid shes par 'dod pa'i 'khor rnams kyi don du 'byung bar 'gyur ba'i thabs zhus pa'o/ /bcom ldan 'das kyis bka' stsal pa/ sems can
 thams cad la sems mnyam pa nyid du gns par bya'o zhes bya ba la sogs pas ni/ bla na med pa yang dag par rdogs pa'i byang chub tu ji ltar gnas par bya ba'i thabs bstan pa ste/ thabs de yang bsam paphun sum tshogs ba dang
 sbyor pa phun sum tshogs par bstn pa'o/ /de la sems can thams cad la sems mnyam pa nyid du gnas bar bya'o zhes bya ba nas/ sems can thams cad la pha dang ma'i sems dang/ phu nu dang srid mo'i sems dang/ grogs po dang gnyen dang/ rus
 gcig ba'i sems kyis dmigs par bya'o zhes bya ba'i bar gyis ni/ bsam pa phun sum tshogs pa la gnas par bya ba bstan pa ste/ /sems can thams cad la sems mnyam pa nyid du gnas par bya'o zhes bya ba ni spyi'i tshig ste/ dang po
 bsam ba'i gzhi nyid sems can thams cad la sems mnyam pa nyid du gzhag pa'o/ /sems can thams cad la mnyam pa'i sems bskyed par bya ste/ ma mnyam pa'i sems skyed par mi bya'o zhes bya ba ni smon lam du btab cing yi dam
 bca' ba'i tshe/ skye ba rnam pa bzhir gtogs pa'i sems can thams cad la/ nye ring dang byams sdang med pa 'di dag thams cad bdag gis/ bla na med pa yang dag par rdzogs pa'i byang chub tu dgong par bya'o zhes sems bskyed de/ brtson 'grus
 kyi go cha bgos pa la bya'o/ /sems can thams cad la mnyam ba'i sems kyis dmigs par bya ste/ mi mnyam pa'i sems kyis dmigs par mi bya'o zhes bya ba ni sems bskye ba'i 'og tu bla na med pa yang dag par rdzogs pa'i byang chub tu
 bsgral bar bya ba'i sems can rnams mthong ste/ mngon sum du gyur pa'i tshe yang/ mnyam pa'i sems kyis dmigs shing/ goms par bsgom par bya ba bstan pa'o/ /de bzhin nyid du sems can thams cad la mnyam pa'i semS
 bskyed par bya ba dang/ sems can thams cad la mnyam pa'i sems kyis dmigs par bya ba'i tshig 'og ma rnams la yang sbyar bar bya'o/ /bdag gis kyang srog gcod pa spangs par bya ba la sogs pas ni sbyor ba phun sum tshogs par bstan pa ste/ de la bdag
 gis kyang srog gcod pa spang par bya zhes bya ba nas/ sems can gzhan gang sangs rgyas kyi chos ma 'dres pa rnams yongs su rdzogs par byed pa de dag gi legs pa brjod cing mthun pas dga' bar bya'o/ /zhes bya ba'i bar gyis ni dge pa bcu dang bsam
 gtan bzhi dang/ tshad med pa bzhi dang/ gzugs med pa'i snyoms par 'jug pa dang/ pha rol tu phyin pa drug la sogs pa sangs rgyas kyi chos ma 'dres pa bco brgyad la thug gi bar gyi chos rnams la bdag kyang spyod cing/ gzhan yang spyod du
 'jug la/ de dag spyad pa'i legs pa yang brjod cing/ de dag la spyod pa'i mi rnams kyi yon tan brjod/ rjes su yi rang bar bya ba'i sgo nas/ sbyor ba phun sum tshogs par gnas par bya ba bstan pa ste/ de ltar gnas pa yang kun rdzob tu
 de ltar gnas par byas la/ don dam par ni de yang mi dmigs pa'i tshul gyis gnas par bya'o zhes bstan pa ste/ bsam gtan bzhi dang/ tshed med pa bzhi dang/ gzugs med pa'i snyoms par 'jug pa bzhi rnams/ lan gnyis su
 zlos pa/ snga ma rnams ni theg pa chung du'i tshul gyis snyoms par 'jug pa'o/ /phyi ma ni theg pa chen po'i tshul gyis snyoms par 'jug pa yin par rig par bya'o/ /bdag gis kyang rten cing 'brel bar 'byung ba lugs dang lugs ma yin par
 mnyam par gzhag par bya'o zhes bya ba nas/ sems can bzhan gang rang byang chub shes pa mngon du byed pa de dag gis legs pa brjod cing mthun pas dga' bar bya'o/ /zhes bya ba'i bar gyis ni nyan thos dang/ rang sangs rgyas kyi theg pa'i
 tshul gyis rten cing 'brel bar 'byung ba bcu gnyis dang/ 'phags pa'i bden pa bzhi goms par bya ba dang/ de dag goms par byas pa'i 'bas bu nyan thos kyi theg pa'i rgyun tu zhu ba la sogs pa'i 'bras bu bzhi dang/
 rang sangs rgyas kyi theg pa'i 'bras bu rang byang chub thob par yang byas la/ nyan thos dang rang sangs rgyas ltar yang dag pa'i mdza' mngon du byas te/ zhi ba phyogs gcig pa'i mya ngan las kyang mi 'da' bar/ byang chub sems
 dpa' i sbyor ba phun sum tshogs pa la gnas par bya ba bstan pa'o/ /bdag kyang byang chub sems dpa' i skyon med pa la 'jug par bya zhes bya ba nas/ sems can gang dam pa'i chos gnas pa yongs su 'dzin pa de dag gis legs
 pa brjod cing/ mthun pas dka' bar byas te/ rab 'byor de ltar byang chub sems dpa' sems dpa' chen po bla na med pa yang dag par rdzogs pa'i byang chub tu 'byung bar 'dod pas/ de mi dmigs pa'i tshul gyis gnas par
 bya'o zhes bya ba'i bar gyis ni/ byang chub sems dpa' i sa dang po la gnas par bya ba dang/ byang chub sems dpa' i sa la gnas nas kyang/ sems can yongs su smin par bya ba dang/ /sangs rgyas kyi zhing yongs su sbyang ba dang/
 rnam pa thams cad mkhyen pa nyid kyi ye shes bskyed pa dang/ bag chags kyi mtshams sbyor ba'i nyon mongs pa thams cad spang bar bya ba dang/ tshe phun sum tshogs par bya ba dang/ dam pa'i chos gnas par bya ba rnams la/
 bdag kyang spyod la gzhan yang spyod du 'jug /gzhan de dag la spyod pa'i/ legs pa brjod cing rjes su yi rang bar byed pa'i sgo nas/ sbyor ba phun sum tshogs pa la gnas par bya ba bstan pa'o/ /de ltar byang chub sems
 dpa' sems dpa' chen pos shes rab kyi pha rol tu phyin pa dang/ thabs mkhas pa la bslab par bya'o zhes bya ba nas/ /de ltar gong du byang chub sems dpa' sbyor ba phun sum tshogs pa la gnas par bya ba bstan pa ste yang/ kun rdzob
 tu ni dge ba bcu la sogs pa dam pa'i chos gnas par bya ba la thug gi bar gyi sbyor ba rnams la /bdag kyang spyod gzhan yang spyod du 'jug /de la spyad pa'i legs pa yang brjod cing rjes su yi rang bar byas la/ don dam par ni de la yang
 rnam par mi rtog /mi dmigs pa'i tshul gyis gnas te/ shes rab dang/ thabs mkhas par ldan pa la bslab par bya'o zhes bstan pa'o/ /de de ltar slob cing de de ltar gnas pas/ de'i gzugs sgrib pa med par 'gyur ro zhes bya ba la sogs
 pas ni/ de ltar sbyor ba phun sum tshogs pa la gnas pa'i 'bras bu chos thams cad la sgrib pa med pa dang/ chos thams cad la yongs su 'dzin pa med par 'gyur ba bstan pa ste /de la de'i gzugs sgrib pa med par 'gyur ro zhes bya ba nas/
 dam pa'i chos gnas pa sgrib pa med par 'gyur ro zhes bya ba'i bar gyis ni de ltar sbyor ba phun sum tshogs pa la gnas na/ chos thams cad la sgrib pa med pa'i ye shes thob par 'gyur ro zhes bstan pa'o/ /de ci'i phyir zhe na/ de ni 'di ltar byang chub
 sems dpa' sems dpa' chen po nges sngon gyi mdza' nas kyang gzugs yongs su ma bzung zhes bya ba nas/ rnam pa thams cad mkhyen pa nyid yongs su ma bzung zhes bya ba'i bar gyis ni/ gzugs la sogs pa'i chos thams cad la sgrib pa med pa'i gtan
 tshigs bstan pa ste/ tshe rabs snga ma la yang gzugs la sogs pa'i chos thams cad dngos po med par rtogs pas /dngos po dang mtshan par ma bzung pa'i phyir/ chos de dag la sgrib pa med par 'gyur ro zhes bya ba'i don te/ /de ci'i phyir zhe na/
 'di ltar gzugs yongs su bzung du med pa gang yin pa de ni/ gzugs ma yin zhes bya ba nas/ rnam pa thams cad mkhyen pa nyid yongs su bzung du med pa gang yin pa de ni/ rnam pa thams cad mkhyen pa nyid ma
 yin no zhes bya ba'i bar gyis ni/ gzugs la sogs pa'i chos thams cad yongs su ma bzung ba de yang/ dngos po zhig yod pa las yongs su ma bzung ba ma yin gyis don dam par chos thams cad rang bzhin gyis stong ste/ gzugs la sogs
 pa'i chos dngos po yod pa ma yin pa'i phyir/ yongs su ma bzung ngo zhes bstan pa'o/ /byang chub sems dpa' i gnas 'di bshad ba'i tshe/ byang chub sems dpa' nyis stong gis mi skye ba'i chos la bzod pa thob par gyur to zhes bya ba ni/
 bsam pa phun sum tshogs par gnas pa dang/ sbyor pa phun sum tshogs par gnas par bya ba'i chos bshad pa 'di phan yon chen po dang ldan pa ste/ byang chub sems dpa' nyis stong gis mi skye ba'i chos la bzod pa thob nas/ byang
 chub sems dpa' i sa brgyad pa phyir mi ldog pa'i sa la gnas par gyur to/ /zhes bstan pa'o/ /shes rab kyi pha rol tu phyin pa 'bum pa rgya cher bshad pa las/ le'u sum cu dgu pa'o// //de skad ces bka' 
 stsal ba dang/ tshe dang ldan pa rab 'byor gyis bcom ldan 'da la 'di skad ces gsol to zhes bya ba la sogs pa ni/ sngar byang chub sems dpa' phyir ldog pa med par bshad pa'i skabs nas glengs te/ de ltar don dam par
 phyir ldog pa med na/ phyir mi ldog pa'i mtshan nyid ji lta bu lags zhes kun rdzob tu byang chub sems dpa' phyir mi ldog pa'i mtshan nyid ji lta bu lags zhes/ byang chub sems dpa' phyir mi ldog pa'i mtshan nyid zhib tu bshad pa'i skabs
 dbye ba'i phyir/ rab 'byor gyis zhus pa dang/ bcom ldan 'das phyir mi ldog pa'i mtshan nyid zhib tu bshad pa ste/ bcom ldan 'das phyir mi ldog? pa'i byang chub sems dpa' sems dpa' chen po'i rnam pa ni gang lags/ tshul ni gang lags/ mtshan ma ni gang
 lags/ ji ltar bdag cag gis byang chub sems dpa' sems dpa' chen po 'di ni phyir mi ldog pa'o zhes bgyi bar 'tshal bar bgyi zhes bya ba la/ rnam pa dang tshul dang mtshan ma zhes bya ba ni/ spyod pa'i mtshan ma gang dag gis 'di ni phyir
 mi ldog ba'i byang chub sems dpa' yin no zhes bya bar mngon par rtags kyi rnam grangs su rig bar bya'o/ /rab 'byor 'di la so so'i skye bo'i sa dang/ nyan thos kyis dang rang sangs rgyas kyi sa dang/ byang chub sems dpa' i sa dang/ de bzhin gshegs
 pa'i sar bshad pa de dag thams cad kyang de bzhin nyid la 'gyur ba med cing/ rnam par rtog pa med la gnyis su med cing gnyis su byar med do/ zhes bya ba ni don dam par chos thams cad de bzhin nyid kyi rang bzhin du ro gcig ste/ de bzhin nyid la
 gzhan du mi 'gyur bas/ so so'i skye bo dang/ nyan thos dang/ rang sangs rgyas dang/ byang chub sems dpa' dang/ de bzhin gshegs pa'i sa zhes bya ba'i rnam pa dang/ tshul dang mtshan mas bye brag tu dbyer med do zhes bstan pa'o/ /de ni
 de bzhin nyid ji lta ba bzhin du 'jug ste/ de bzhin nyid las rnam par mi rtog cing/ de ltar rnam par mi rtog par 'jug ste/ de ltar zhugs pa ni de bzhin nyid ji lta ba bzhin du thos nas/ de las 'das te/ de dag de bzhin nyid la re re dang/
 gnyis ka dang gnyis ka ma yin par the tshom za ba gang yang med do zhes bya ba ni/ byang chub sems dpa' phyir mi ldog pa de yang/ don dam par chos thams cad de bzhin du ro? gcig par thos shid rtogs nas/ de la bye brag med pa tha dad
 bar rnam par rtog cing mtshan mar 'dzin pa 'am the tshom zab gang yang med de/ de ltar mtshan mar mi 'dzin cing/ the tsom mi za ba nyid byang chub sems dpa' phyir mi ldog pa'i rnam pa dang/ tshul dang/ mtshan ma yin no zhes
 bstan pa'o/ /de ni byung rgyal du smras pa ma yin te/ don dang ldan pa smra'o/ daon dang mi ldan par smras pa ma yin/ gzhan gyis byas pa dang/ ma byas pa la mi lta zhing/ legs par brjod pa 'chol ba yin te zhes bya ba ni/ tshig tu smra ba'i sgo
 nas/ phyir mi ldog pa'i byang chub sems dpa' yin par mngon pa'i rnam pa dang tshul dna/ tshan mar bstan pa ste/ don med pa'i tshig cal col byung rgyal du mi sna zhing/ mi gzhan la phyas 'dogs la/ gzhan gyis legs par byas
 pa la phrag dog mi lang par de'i yon tan brjod na/ rnam pa dang/ tshul dang mtshan ma de dag gis phyir mi ldog pa'i byang chub sems dpa' yin par rig par bya'o zhes bstan pa'o/ /gsol pa/ bcom ldan 'das rnam pa gang dang/
 tshul gang dang/ mtshan? ma gang dag dang ldan pa'i byang chub sems dpa' sems dpa' chen po phyir mi ldog par rig par bya'o zhes bya ba ni/ don dam par chos thams cad rnam pa dang/ tshul dang/ mtshan ma med par bshad pa'i skabs dbye
 ba'i phyir rab 'byor gyis zhus pa'o/ /bcom ldan 'das kyis bka' stsal pa/ rab 'byor chos thams cad ni rnam pa med pa/ tshul med pa mtshan ma med pa'o/ /zhes bya ba ni/ phyir mi ldog pa'i byang chub sems dpa' i rnam pa
 dang/ tshul dang mtshan ma bstan pa yang kun rdzob tu bstan pa tsam du zad kyis/ don dam par ni rang bzhin gyis stong ste /dngos po med pas dngos po med pa la rnam pa dang/ tshul dang mtshan ma yang med do zhes bya ba'i don to/ /gsol ba
 bcom ldan 'das gal te chos thams cad rnam pa ma mchis tshul ma mchis/ mtshan ma mchis pa lags na/ chos gang las slar?  ldog pa'i byang chub sems dpa' sems dpa' chen po phyir mi ldog pa bstan pa lags zhes bya ba ni/ phyir mi ldog
 pa zhes bya ba zlas 'grub pa yin te/ phyir ldog pa zhig yod na de'i zlas phyir mi ldog pa zhes gang gsu yang rung na/ de ltar chos thams cad rang bzhin gyis stong ste/ rnam pa dang tshul dang mtshan ma med na/ phyir ldog pa dang/ phyir mi ldog pa zhes
 bya ba gdags su yang med pa'i rigs na /ci las dgongs te phyir mi ldog pa zhes bstan ces rab 'byor gyis zhus pa'o/ /bcom ldan 'das kyis bka' stsal pa/ byang chub sems dpa' sems dpa' chen po gang gzugs las phyir ldog pa zhes
 bya ba nas/ bla na med pa yang dag par rdzogs pa'i byang chub las phyir ldog pa de ni rab 'byor byang chub sems dpa' sems dpa' chen po phyir mi ldog par rig par bya'o zhes bya ba'i bar gyis ni gzugs la sogs pa'i chos thams cad la
 chags shing mtshan mar mi 'dzin te/ de dag la mi gnas te/ de dag la phyir ldog par gyur na/ bla na med pa yang dag par rdzogs pa'i byang chub las phyir mi ldog par rig par bya'o zhes bstan pa'o/ /de ci'i phyir zhe na/ rab 'byor de mi'i
 ltar gang la byang chub sems dpa' sems dpa' chen po gnas par 'gyur ba'i gzugs kyi ngo bo nyid med do bya ba nas/ gang la byang chub sems dpa' sems dpa' chen po gnas par 'gyur ba'i rnam pa thams cad mkhyen pa nyid kyi ngo bo nyid
 med do zhes bya ba'i bar gyis ni/ gzugs la sogs pa'i chos thams cad las phyir bzlog? ba'i gtan tshigs bstan pa ste/ don dam par gzugs la sogs pa'i chos thams cad rang bzhin gyis stong ste/ ngo bo nyid med pas chags
 shing gnas par byar mi rung ba'i phyir / de dag las phyir ldog gro zhes bstan pa'o/ /rab 'byor gzhan yang byang chub sems dpa' sems dpa' chen po de ni /dge sbyong dang bram ze 'di dag ni shes par bya ba shes pa'o zhes
 bya ba nas/ lha gzhan la phyag mi 'tshal zhing?/ me tog gam/ phreng ba 'am/ spos sam/ byug pa'am/ phye ma 'am/ /gos sam/ gdugs sam/ rgyal mtshan nam/ ba dan dag de la sbyin zhing bya bar mi sems te zhes bya ba'i
 bar gyis ni/ mu stegs can gyi lta ba ngan pa la/ phyogs pa'i dge sbyong dang bram ze la mi bstod/ 'jig rten pa'i ltas dang/ mtshan ma la ma chags/ 'jig rten gyi lha rnams la ston par mi 'dzin na/ phyir mi ldog pa'i byang chub sems
 dpa' yin par rig par bya'o zhes bstan pa'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni sems can dmyal bar mi skye zhes bya ba nas/ de ltar mi khom pa brgyad po 'di dag gis nang du mi skye
 zhing/ bud med du 'gyur ba yongs su mi 'dzin te zhes bya ba'i bar gyis ni/ /phyir mi ldog pa'i byang chub sems dpa' mi khom pa brgyad du mi skye zhing bud med kyi lus su mi 'gyur ba bstan pa'o/ /rab 'byor
 gzhan yang phyir mi ldog pa'i byang chub sems dpa' sems dpa' chen po ni/ dge ba bcu'i las kyi lam la yang dag par bzung zhing spyod de zhes bya ba nas /rmi lam na yang mi dge ba bcu'i las gyi lam mi gnas na/ sad ba na
 lta ci smos te zhes bya ba'i bar gyis na/ dge ba bcu la bdag kyang yongs su rdzogs par spyod/ gzhan yang spyod du 'jug /dge ba bcu la spyod pa'i legs pa yang brjod cing/ mi dge ba bcu yongs su spongs pa'i rtags dang ldan na/
 phyir mi ldog pa yin par rig par bya ba bstan pa'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni/ nam sbyin pa'i pha rol tu phyin pa la gnas pa de'i tshe zhes bya ba nas/ nam shes rab kyi pha rol tu phyin pa la
 gnas pa de'i tshe/ sems can thams cad kyi phyir shes rab de sgom par byed de zhes bya ba'i bar gyis ni/ byang chub sems dpa' pha rol tu phyin pa drug la spyod pa'i tshe/ sems can gyi don gtso bor byas te spyod na/ rtags dang mtshan ma de dag gis
 phyir mi ldog par bya ba bstan pa'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni/ mdo dang dbyangs kyi bsnyad? pa dang zhes bya ba nas/ des chos kyi sbyin? pa de sems can thams cad dang thun mong du byas nas/
 bla na med pa lang dag dar rdzogs pa'i byang chub tu bsngos te/ zhes bya ba'i bar gyis ni/ sems can thams cad kyi don du gsung rab yan lag bcu gnyis kun chub par byas nas/ sems can rnams la bshad de/ chos kyi sbyin pa byas pa'i bsod
 nams de yang bdag dang sems can thams cad bla na med pa yang dag par rdzogs pa'i byang chub thob par yongs su bsngo na/ rtags dang mtshan ma de dag gis phyir mi ldog pa'i byang chub sems dpa' yin par rig par bya'o zhes bstan pa'o/ /
 rab 'byor gzhan yang phyir mi ldog pa'i byang chub sems dpa' sems dpa' chen po ni /chos zab mo la nem nur med/ the tshom med/ yid gnyis med do zhes bya ba nas/ bla na med pa yang dag par rdzogs pa'i byang chub kyang yang dag par rjes su
 mi mthong ngo zhes bya ba'i bar gyis ni/ gzugs la sogs pa'i chos thams cad don dam par dngos po med par rtogs pas/ chos zab mo la nem nur dang/ the tshom dang yid gnyis med na/ phyir mi ldog pa yin par shes par bya'o
 zhes bstan pa'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni/ lus kyi las 'jam pa dang ldan pa yin/ ngag gi las 'jam pa dang ldan pa yin/ yid kyi las
 'jam pa dang ldan pa yin te/ zhes bya ba ni/ lus kyi spyod lam bzhi dang/ tshig 'jam por smras pa dang/ yid la gnod sems med na phyir mi ldog pa yin par rig par bya'o zhes bstan pa'o/ /rab 'byor gzhan yang phyir mi ldog pa'i byang
 chub sems dpa' sems dpa' chen po ni/ byams pa'i lus kyi las dang ldan pa yin/ byams pa'i ngag gi las dang ldan pa yin/ byams pa'i yid kyi las dang ldan pa yin te zhes bya ba la byams pa'i mtshan nyid ni/ sems can
 thams cad bde ba la 'god pa yin te/ byang chub sems dpa' lus kyis ci spyod do cog dang/ tshig tu ci smra'o cog dang/ yid la ci sems so cog kyang/ sems can thams cad bde ba la 'god pa dang 'ba' zhig byed na phyir mi ldog
 par rig par bya'o zhes bstan pa'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni/ 'di lta ste/ 'dod pa la mos pa dang/ gnod sems dang/ rmug pa dang/ gnyid dang/ rgod pa dang/ 'gyod
 pa dang/ the tshom gyi sgrib pa lnga po 'di dag dang lhan cig tu mi gnas te zhes bya ba ni/ 'phags pa'i lam sgom pa'i bar chad du 'gyur ba'i sgrib pa lnga po 'di dang mi ldan na/ phyir mi ldog pa yin par bstan pa ste/ rmugs pa dang gnyid
 gnyis sgrib pa gcig tu bgrang / rgod pa dang 'gyod pa gnyis kyang sgrib pa gcig tu bgrang ngo/ /rab 'byor gzhan yang phyir mi ldog pa'i byang chub sems dpa' sems dpa' chen po la bag la nyal ba thams cad med do zhes bya ba ni
 'dod pa'i 'dod chags dang/ srid pa'i 'dod chags dang/ khong khro ba dang/ nga rgyal dang/ ma rig pa dang/ lta ba dang/ the tshom bag la nyal ba rnams/ dus thams cad du rnam pa thams cad med do zhes bya ba'i don to/ /de la 'dod pa'i 'dod chags ni 'dod
 pa'i khams kyi 'dod chags so/ /srid pa'i 'dod chags ni gzugs dang gzugs med pa'i khams kyi 'dod chags so/ /khong khro ba ni 'dod pa'i khams kyi zhe sdang ngo/ /nga rgyal ni nga rgyal rnam pa bdun no/ /ma rig pa ni khams gsum char gyi mi shes
 pa'o/ /lta ba ni rnam pa lnga'o/ /the tshom ni 'phags pa'i lam bsgom pa'i tshe/ yid gnyis za ba ste/ bag la nyal de dag med na/ phyir mi ldog pa'i byang chub sems dpar rig par bya'o zhes bstan pa'o/ /rab 'byor gzhan yang phyir mi
 ldog pa'i byang chub sems dpa' sems dpa' chen po de ni/ 'gro zhing 'ong yang nor ba'i sems kyis mi 'gro zhes bya ba nas /de sa'i phyogs mthong bzhin du 'gro ste zhes bya ba'i bar gyis ni/ spyod lam bzhi 'khrul pa med par spyod cing/ dran pa
 dang shes bzhin du ldan na phyir mi ldog pa yin par bstan pa'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni/ gos chegs? la smad du med pa yin zhes bya ba nas/ rdul dang dri ma dang bral zhing
 nad nyung ba yin te/ zhes bya ba'i bar gyis ni/ gos tshags bzang zhing gtsang sbra che ba dang lus dri zhim pa dang/ lus la rdul dang dri ma med cing lus la nad nyung ba yang phyir mi ldog pa'i byang chub sems dpa' i rtags yin par bstan pa'o
 rab 'byor gzhan yang mir gyur pa rnams kyi lus la srin bus rigs stong phrag brgyad cu zhes bya ba nas/ sems yongs su dag pa yongs su 'dzin to zhes bya ba'i bar gyis ni/ lus la srin bu mang po mi 'byung zhing/ lus dang ngag dang sems yongs su
 dag pa las/ phyir mi ldog pa'i rtags bstan pa ste/ lus la srin bu mang po mi 'byung ba yang/ dge ba'i rtsa ba khyad par can dang ldan pa'i rgyus/ lus dang ngag dang sems yongs su dag ste /'jig rten thams cad las
 khyad par du 'phags par bya ba'i phyir ro zhes bya ba'i don to/ /de skad ces bka' stsal pa dang/ tshe dang ldan pa rab 'byor gyis bcom ldan 'das la 'di skad ces gsol to/ /zhes bya ba nas/ rab 'byor 'di yang byang chub sems dpa' sems/
 dpa' chen po'i lus dang dag dang sems yongs su dag par rig par bya ste /zhes bya ba'i bar gyis ni/ gong du lus dang ngag dang sems yongs su dag pa mdor smos pa de zhib tu bshad pa'i skabs dbye pa'i phyir rab 'byor gyis zhus
 pa dang/ bcom ldan 'das kyis/ dge ba bcu la spyod na/ lus dang ngag dang yid yongs su dag pa yin no zhes bstan pa ste/ lus kyi legs par spyad pa rnam pa gsum ni/ srog mi gcod pa dang/ ma byin par mi lan pa dang/
 'dod pa log par mi spyod pa'o/ /dag gi legs par spyad pa rnam pa bzhi/ brdzun mi smra ba dang/ phra ma mi zer pa dang/ dag rtsub po med pa dang/ tshig khyal pa mi smra'o/ /yid kyi legs par spyad pa rnam pa gsum ni/ chags sems
 dang/ gnod sems dang/ log par lta ba med pa ste/ dge ba'i rtsa ba khyad par can gyis bskyed pa'i lus dang ngag dang yid yongs su dag pa dang ldan na/ nyan thos dang rang sangs rgyas kyis sar mi ltung ba'i phyir byang chub sems dpa' 
 de phyir mi ldog pa yin par rig par bya'o zhes bstan pa'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni/ rnyed pa bkur sti dang/ tshigs su bcad pa lhur len pa ma yin zhes bya ba nas/ de spyangs?
 pa'i yon tan bcu gnyis kyang yang dag pa blangs te spyod do zhes bya ba'i bar gyis ni rnyed pa dang bkur sti dang/ grags pa la ma chags te/ 'dod pa chung zhing chog shes pa dang/ spyangs pa'i yon tan bcu gnyis la gnas kyang/ de dag la ma chags shing
 spyangs pa'i yon tan de dag mi bsnyems na/ phyir mi ldog pa yin par rig par bya'o zhes bstan pa'o/ /rab 'byor gzhan yang phyir mi ldog pa'i byang chub sems dpa' sems dpa' chen po la ser sna'i sems skyed pa med do zhes bya ba nas/
 shes rab 'chal pa'i sems skye ba med do/ /phra dog gi sems skye ba med do zhes bya ba'i bar gyis ni/ pha rol tu phyin pa drug gi mi mthun pa'i phyogs rnams dang/ phrag dog med na rtags de dag gis phyir mi ldog pa'i byang chub sems
 dpa' yin par rig par bya ba bstan pa'o/ /rab 'byor gzhan yang byang chub sems dpa' sems dpa' chen po phyir mi ldog pa ni blo brtan pa yin zhes bya ba nas/ rab 'byor de dag ni phyir mi ldog pa'i byang chub sems dpa' sems dpa' 
 chen po phyir mi ldog pa'i mtshan nyid du rig par bya'o zhes bya ba'i bar gyis ni blo brtan zhing zab pa dang/ gzhan las chos gus par nyan pa dang/ chos thos pa rnams kyang shes rab kyi pha rol tu phyin pa dang/ mthun par bsgrub pa dang/
 'jig rten gyi bya ba ci yod do cog kyang kun rdzob tu 'jig rten dang mthun par spyod kyi /don dam par shes rab kyi pha rol tu phyin pa la brten te/ mi dmigs par spyod cing chos nyid dang chos kyi dbyings dang/ mi mthun pa'i phyogs gang yang
 med par rtogs na/ /rtogs pa de dag gis phyir mi ldog pa'i byang chub sems dpar rig par bya'o zhes bstan pa'o/ /rab 'byor de la gal te phyir mi ldog pa'i byang chub sems dpa' sems dpa' chen po'i mdun du bdud sdig to can
 gyis/ sems can dmyal ba chen po brgyad mngon du sprul nas zhes bya ba la sogs pas ni/ bdud kyi bslur mi tshugs na/ rtags de dag gis phyir mi ldog par rig par bya ba bstan pa'o/ /de la bdud
 sdig to can gyis sems can dmyal ba chen po brgyad mngon par sprul nas zhes bya ba nas/ rab 'byor 'di ni gnas ma yin zhing/ go skabs med pa ste phyir mi ldog pa'i byang chub sems dpa' sems dpa' chen po sems can dmyal ba
 'am byol song gi skye gnas sam/ gshin rje'i 'jig rten du skye bar 'gyur ba de ni gnas med do zhes bya ba'i bar gyis ni/ phyir mi ldog pa'i byang chub sems dpa' de bzhin gshegs pa lung bstan pa mang po sems can
 dmyal ba rnams su bsregs pa bstan nas bsdigs kyang/ byang chub kyi sems mi gtong na rtags de dag gis phyir mi ldog pa yin par rig par bya ba bstan pa'o/ /rab 'byor gzhan yang gal te byang chub sems dpa' sems dpa' 
 chen po'i drung du / bdud sdig to can dge sbyong gi cha byang du 'ongs te zhes bya ba nas/ byang chub sems dpa' de ni ma nges pa yin te / byang chub sems dpa' de ni phyir mi ldog pa'i khams su gnas pa ma yin no zhes bya ba'i
 bar gyis ni/ bdud sdig to can gyis dge sbyong gi cha byang du sprul te byang chub sems dpa' sngon pha rol tu phyin pa drug la sogs pa rnam par byang ba'i chos rnams yongs su sbyang bar yid dam bcas shing mnyan pa rnams la the tshom
 bskyed de/ so sor shog cig thong zhig zer ba la/ the tshom ldang zhing sems 'khrugs te nem nur can du gyur na/ byang chub sems dpa' de ma nges pa yin pas/ phyir mi ldog pa ma yin no zhes bstan pa'o/ /gal te byang chub
 sems dpa' sems dpa' chen po mi 'khrug cing nem nur med the tshom mi za la zhes bya ba nas/ mu stegs can dang kun du rgyu ba gzhan dag la yid ches pas 'gro bar 'gyur ba lta ci smos te/ de ni gnas med do zhes bya ba'i bar gyis ni/
 gong du smos pa ltar bdud sdig te can gyis slur mi tshugs te/ gzhan gyis dbang du mi 'gyur na phyir mi ldog pa yin par rig par bya ba bstan pa'o/ /de ci'i phyir zhe na/ 'di ltar des gang la yid ches pas 'gro ba'i chos gang yang dag par rjes su
 mi mthong ste/ gzugs sam gzugs kyi de bzhin nyid yang dag par rjes su mi mthong ngo zhes bya ba nas/ lam gyi rnam par shes pa nyid dam lam gyi rnam par shes pa nyid kyi de bzhin nyid yang dag par rjes su mi mthong ngo/ /byang chub pa
 'am byang chub kyi de bzhin nyid yang dag par rjes su mi mthong ste /zhes bya ba'i bar gyis ni chos thams cad la gzhan gyi dring mi 'jog pa'i gtan tshigs bstan pa ste/ gzugs la sogs pa'i chos thams cad dang/ chos de dag
 gi de bzhin nyid kyang don dam par dngos po med par rtogs pas /chos de dag gang gi dbang du yang mi 'gyur ro zhes bya ba'i don to/ /rab 'byor gzhan yang byang chub sems dpa' sems dpa' chen po'i drung du bdud sdig to can dge sbyong gi cha byad du 'ongs nas
 zhes bya ba nas/ rnam pa thams cad mkhyen pa nyid kyi bar du de ltar spyod pa ni/ bla na med pa yang dag par rdzogs pa'i byang chub tu mngon par rdzogs par sangs ma rgyas pa'i gnas med skabs med de /de ni gnas ma yin no snyam na zhes bya ba'i
 bar gyis ni /bdud sdig to can dge slong gi cha byang du byas te / byang chub sems dpa' la nyan thos dang rang sangs rgyas kyi lam mi gtsang ba bsgoms pa dang/ bsam gtan bzhi dang/ tshad med pa bzhi dang/ gzugs med pa'i snyoms par 
 'jug pa bzhi ston cing/ lam 'di nyid kyis nyan thos kyi 'bras bu bzhi thob par byas te / yongs su mya ngan las 'das par byos shig ces theg pa chung du'i lam ston cing/ theg pa chen po la smad de
 slu ba dang/ byang chub sems dpa' sangs rgyas bcom ldan 'das gang+gA'i klung gi bye ma steng? la bsnyen bkur byas pa dang/ de bzhin gshegs pa gang+gA'i klung gi bye ma snyed la pha rol tu phyin pa drug yongs su rdzogs par bya ba dang/
 sangs rgyas bcom ldan 'das gang+gA'i klung gi bye ma steng la bsnyen bkur byas nas kyang/ pha rol tu phyin pa drug la sogs pa rnam pa thams cad mkhyen pa nyid la thug gi bar la spyod pa'i tshe/ chos de dag la ji ltar gnas par bgyi zhes
 zhus shing brtags kyang/ khyod kyis bla na med pa yang dag par rdzogs pa'i byang chub thob par mi 'gyur ro zhes snying bsnyan bcug kyang/ sems nur bar mi 'gyur ba dang/ bdud sdig to can gyis dge slong mang por sprul te/ dge
 slong 'di dag kyang bla na med pa yang dag par rdzogs pa'i byang chub tu 'jug pa sha stag ste / 'di dag gis kyang bla na med pa yang dag par rdzogs pa'i byang chub ma grub nas/ dgra bcom pa nyid la gnas par 'gyur na/ khyod ltar bla na med pa'i
 byang chub thob re skan zhes zer yang/ slur mi tshugs na phyir mi ldog pa yin par rig par bya'o zhes bstan pa'o/ /rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol tu phyin pa la spyod
 pa'i tshe/ 'di snyam du gal te zhes de bzhin gsheD pas ji skad du bstan pa de skad du slob la spyod pa de dang ma bral zhing/ pha rol tu phyin pa dang ldan pa'i yid la byed pa 'di dag gis spyod pa de ni/ sbyin pa'i pha rol tu phyin pa las yongs su mi nyams zhes bya
 ni dge ba'i rtsa ba nges 'dir skyes bar rig par bya'o zhes pa ba'i bar gyis ni shes rab kyi pha rol tu phyin pa zab mo 'di la spyod pa'i byang chub sems dpa' kha cig dga' ldan gyis lha'i ris na byams pa byang chub sems dpa' la shes rab kyi pha rol tu
 phyin pa 'di mnyan pa'i dge ba'i rtsa bas 'dir mi'i nang du skyes te/ shes rab kyi pha rol tu phyin pa 'di la dang cing spyod par gyur pa dag kyang yod do zhes bstan pa'o/ /rab 'byor gzhan yang gang zag byang chub sems dpa' i theg pa pa gang gis sngon gyi mthar
 shes rab/ kyi pha rol tu phyin pa 'di thos kyang yongs su ma dris yongs su brtags par ma byas pa de ni shes rab kyi pha rol tu phyin pa zab mo 'di bstan pa'i tshe/ nem nur du 'gyur/ rmongs par 'gyur/ sems zhum par 'gyur/ sems kyi rnam pa/
 gzhan du 'gyur ro zhes bya ba nas/ rab 'byor gzhan yang gang zag byang chub sems dpa' i theg pa pa gang gis sngon gyi mthar bla na med pa yang dag par rdzogs pa'i byang chub thob kyang yongs su brtags par ma byas pa de ni shes rab kyi pha rol tu phyin pa 'di
 bstan pa'i tshe/ nem nur du 'gyur/ sems zhum par 'gyur/ sems kyi rnam pa gzhan du 'gyur ro zhes bya ba'i bar gyis na tshe rabs snga ma la shes rab kyi pha rol tu phyin pa 'di cung zad cig thos su zin kyang/ dri zhim brtags pas gom par ma byas pa ni
 tshe 'di la yang shes rab kyi pha rol tu phyin pa zab mo 'di thos na the tshom skye zhing dad par mi 'gyur par bstan pa ste/ shes rab kyi pha rol tu phyin pa la ji ltar bshad pa de bzhin du lam gyi rnam pa shes pa nyid dang/ bla na med pa yang dag par
 rdzogs pa'i byang chub la thug gi bar du yang de bzhin du sbyar bar bya'o/ /rab 'byor gzhan yang gang zag byang chub sems dpa' i theg pa pa gang gis sngon gyi mthar shes rab kyi pha rol tu phyin pa zab mo 'di thos nas yongs su ma dris yongs su brtaD
 skyon med pa'i sa dang po la 'jug ste/ sa dang po la zhugs nas/ don dam par chos thams cad rdul tsam yang dmigs su med par rtogs pas / ci la yang mngon par 'du mi byed de mngon par 'du mi byed pas chos gang yang
 skyed par mi byed pa'i phyir/ mi skye ba'i chos la bzod pa thob pa zhes bya ste/ de ltar mi skye ba'i chos la bzod pa thob nas/ phyir mi ldog par rig par bya'o zhes bstan pa'o/ shes rab kyi pha rol tu phyin pa 'bum pa rgya cher bshad pa las/
 le'u bzhi bcu pa'o// //rab 'byor gzhan yang byang chub sems dpa' sems dpa' chen po'i drung du / bdud sdig to can nye bar 'ongs te mos pa zlog cing zhes bya ba dang/ byang chub sems dpa' i skyon
 med par 'jug par 'gyur ro zhes bya ba'i bar gyis ni /bdud sdig to can dag chos thams cad stong pa la tha snyad btags nas/ de ltar chos thams cad rang bzhin gyis stong pa la/ mngon par 'tshang rgyar yang ci zhig yod ces/
 byang chub sems dpa' la mos pa dang dad pa zlog cing 'ong ba la bdud kyis mi tshugs par bya ba'i gdams ngag bstan pa ste/ don dam par chos thams cad mkha' dang mtshungs te / rang bzhin gyis stong yang kun rdzob tu legs
 nyes ci spyad pa'i 'bras bu med pa ma yin pas / bdag gis rnam pa thams cad mkhyen pa nyid du / mngon par rdzogs par sangs rgyas par byas la / sems can thams cad kyang rim gyis / bla na med pa yang dag par rdzogs pa'i
 byang chub tu dgod par bya'o snyam du sems bskyed cing/ bdud kyis mi tshugs par sems brtan par bya'o zhes bstan pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to zhes bya ba la sogs
 tshul bzhin du yid la ma byas la/ gzhan la yang shes rab kyi pha rol tu phyin pa la sogs pa/ rnam pa thams cad mkhyen pa nyid la thug gi bar gyis chos rnams kyis phan ma brtags pa dang/ bdag nyid kyang shes rab kyi pha rol tu phyin pa la sogs pa rnam
 par byang ba'i chos rnams kyi don dang mthun par ma byas pas nyan thos dang rang sangs rgyas kyi sar lhung bar gyur pa bstan pa'o/ /shes rab kyi pha rol tu phyin pa 'bum pa rgya cher bshad pa las/ le'u sum cu lnga pa'o// //rab 'byor
 'di lta ste/ dper na/ rgya mtsho'i dbus su gru zhig la mi rnams zhes bya ba nas/ rnam pa thams cad mkhyen pa nyid mi 'dri mi ston/ kha ton du mi byed/ tshul bzhin du yid la mi byed cing mi bsten pa de dag ni bar ma dong byang chub las nyams par 'gyur te rnam
 pa thams cad mkhyen pa nyid ma thob par nyan thos kyi sa 'am/ rang sangs rgyas kyi sa mngon sum du byed par 'gyur ro zhes bya ba'i bar gyis ni rgya mtsho'i dbus su gru zhig par gyur pa'i mi rnams shing la sogs pa la ma 'jus ma brten par rgya mtsho'i 'gram
 du phyin par mi 'gyur ba de bzhin du byang chub sems dpa' i theg pa pa rigs kyi bu 'am rigs kyi bu mo gang shes rab kyi pha rol tu phyin pa zab mo 'di la dad pa dang/ mos pa tsam ni yod la/ gri ba dang bstan pa la sogs pa'i sgo nas/ nyams su ma blangs ma brten
 na bla na med pa yang dag par rdzogs pa'i byang chub las nyams te/ nyan thos dang rang sangs rgyas kyi sar ltung bar 'gyur ba bstan pa'o/ /rab 'byor gang zag byang chub sems dpa' i theg pa pa gang bla na med pa yang dag par rdzogs pa'i byang chub tu mngon
 par rdzogs par 'tshang rgya ba'i don du dad pa yod cing zhes bya ba nas/ rnam pa thams cad mkhyen pa nyid kyis yongs su bzung? bas bar ma dong nye zho med par nyan thos kyi sa la 'das/ rang sangs rgyas kyi sa la 'das te/ sems can yongs su smin par byas
 bgyi zhes bya ba ni/ gong du mdor bshad pa'i don de nyid gsal bar bshad pa'i phyir /rab 'byor gyis zhus pa'o/ /bcom ldan 'das kyis bka' stsal pa/ rab 'byor byang chub sems dpa' gang/ nyan thos kyis 'am/
 rang sangs rgyas kyi sa las phyir log pa de ni/ rab 'byor phyir log pa'i byang chub sems dpa' yin te/ phyir mi ldog pa'i byang chub sems dpa' zhes bya'o/ zhes bya ba ni/ byang chub sems dpa' gang mi skye ba'i chos la bzod pa thob ste/ nyan
 thos dang rang sangs rgyas kyi sa las slar log pa de ni/ nyan thos dang rang sangs rgyas kyi sa las phyir log pas / phyir mi ldog pa'i byang chub sems dpa' zhes kyang bya la/ bla na med pa yang dag par rdzogs pa'i byang chub las phyir mi ldog pas
 na/ phyir mi ldog pa'i byang chub sems dpa' zhes kyang bya'o? zhes bstan pa'o/ /rab 'byor byang chub sems dpa' gang nyan thos kyi sa 'am/ rang sangs rgyas kyi sa las phyir ma log pa de ni/ rab 'byor phyir mi ldog pa'i byang chub sems dpa' 
 yin te / phyir mi ldog pa zhes bya'o zhes bya ba ni/ byang chub sems dpa' gang nyan thos dang rang sangs rgyas kyi sa las phyir ma log pa de la yang/ phyir mi ldog pa zhes gdags pa mod kyi/ /de dag ni bla na med pa yang dag par rdzogs
 pa'i byang chub las phyir log par 'gyur bas na/ phyir mi ldog par mi chung ngo zhes bya ba'i don to/ /rab 'byor rnam pa de dag dang/ tshul de dag dang/ mtshan ma de dag gis zhes bya ba nas/ bdud sdig to can gyis gla na med pa yang dag par
 rdzogs pa'i byang chub las bzlog par mi nus so zhes bya ba'i bar gyis ni/ de ltar gong du bshad pa'i tshul du/ byang chub sems dpa' gang nyan thos dang sangs rgyas kyi sa las log nas/ bla na med pa yang dag par rdzogs pa'i byang
 du bar mdor nye zhor 'gyur ro zhes bshad pa byang chub sems dpa' la bar mdor nye zhor 'gyur ba ni gzhan la mi bya'i nyan thos kyi sa'am rang sangs rgyas kyi sar ltung zhing theg pa chen po las nyams pa la bya'o/ /zhes bstan pa'o/ /rab 'byor 'di lta
 ste dper na/ skyes pa 'am bud med la la zhig bum pa so legs par btang bas chu klung ngam/ mtsho 'am mtshe'u 'am 'bron pa nas chu 'chu na zhes bya ba nas/ rnam pa thams cad mkhyen pa nyid kyis yongs su bzung na /rab 'byor byang chub sems
 dpa' sems dpa' chen po de ni 'di lta ste/ nyan thos kyi sa 'am rang sangs rgyas kyi sar bar mdor nye zhor mi 'gyur te/ ma nyes ma nyams par bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ zhes
 bya ba'i bar gyis ni thabs dang shes rab kyis yongs su zin na bar mdor nyan thos dang rang sangs rgyas kyi sar mi ltung par bla na med pa yang dag par rdzogs pa'i byang chub tu mngon bar rdzogs par 'tshang rgya bar 'gyur ba/ bum pa so legs par
 btang bas chu bcus na 'de bar khyim du phyin bar 'gyur pa las dpe blangs te bstan pa'o/ /rab 'byor 'di lta ste dper na/ rgya mtsho'i gru ma bsdams shing zag lhan dang bral zhing rin po che chen po ma byas par rdzas bcug te zhes bya ba nas/ rnam pa
 thams cad mkhyen pa nyid kyis yongs su ma bzung na/ rab 'byor byang chub sems dpa' sems dpa' chen po de ni bar mdor nye zhor 'gyur te/ 'di ltar thams cad mkhyen pa nyid rin po che'i don chen po dang bral zhing rin po che las 'phang par rig par
 bya'o zhes bya ba'i par gyis ni chod pa rgya mtsho'i nang du nor bu rin po che len pa thabs mi mkhas par gru sbyar nyes na gnod pa chen po dang ldan zhing nor bu rin po che mi snyed bar 'gyur pa'i dpes byang chub sems dpa' thabs dang shes rab tu mi
 ldan bar byas nas/ pha rol tu phyin pa drug la sogs pa/ rnam par byang ba'i chos thams cad la spyod kyang de dag la mtshan mar mi 'dzin cing/ chags par mi spyod na/ rtags dang mtshan ma de dag gis phyir mi ldog pa'i
 byang chub sems dpa' yin par rig par bya ba bstan pa ste/ lhur mi len ces bya ba ni gzugs dang mtshan ma phun sum tshogs pa la sogs pa la spyod kyang/ de dag don dam par dngos po med par rtogs pas /de dag la mtshan mar mi 'dzin cing/ ma
 chags par spyod do zhes bya ba'i don to/ /rab 'byor gzhan yang gal te phyir mi ldog pa'i byang chub sems dpa' sems dpa' chen po ni/ khyim na gnas kyang thabs mkhas pas/ sems can yongs su smin par bya ba'i phyir/ 'dod pa'i
 yon tan lnga nye bar len to zhes bya ba nas/ gzhan gang shes rab kyi pha rol tu phyin pa la spyod pa de dag gis yang legs pa brjod cing mthun pas dga' bar byed do/ /zhes bya ba'i bar gyis ni byang chub sems dpa' kha cig thabs
 dang shes rab tu ldan pas/ sems can yongs su smin par bya ba'i phyir/ khyim na gnas te 'dod pa'i yon tan lnga la spyod cing/ sems can rnams la sbyin pa yid bzhin du gtong ba dang/ bdag dang pha rol gnyi ga pha rol tu
 phyin pa drug la spyod na/ rtags dang mtshan ma de dag gis phyir mi ldog pa'i byang chub sems dpa' yin par rig par bya ba bstan pa'o/ /rab 'byor phyir mi ldog pa'i byang chub sems dpa' sems dpa' chen po ni/ khyim na
 gnas na 'dzam bu'i gling rin po che sna bdun gyis bkang zhing sbyin pa yongs su gtong zhes bya ba nas/ de 'dod pa la yongs su mi spyod de /rtag tu rgyun mi 'chad bar tshangs par spyod pa yin/ gnod pa gang gis gzhan mi dga' bar
 grogs gzhan la ma brten par ldang zhing 'gro mi nus pa'i dpes/ byang chub sems dpa' i theg pa pa yang shes rab kyi pha rol tu phyin pa dang thabs mkhas pa la ma brten na par mdor nyan thos dang rang sangs rgyas kyi sar ltung ste/ bla na med pa yang
 dag par rdzogs pa'i byang chub tu mngon par 'tshang rgya bar mi nus pa bstan pa'o/ /de ci'i phyir zhe na/ de ni 'di ltar shes rab kyi pha rol tu phyin pas yongs su ma bzung ba dang zhes bya ba nas/ rnam pa thams cad mkhyen pa nyid kyis yongs su ma bzung ba'i
 phyir ro zhes bya ba'i bar gyis ni don gong du smos pa'i rigs pa dang gtan tshigs bstan pa'o/ /rab 'byor 'di lta ste dper na/ mi na tshad kyi lo brgya nyi shu lon pa/ rgas pa gog tu gyur ba 'khogs pa de nyid rlung dam mkhris pa 'am/ bad kan
 nam 'dus pa'i nang kyi sa btab par gyur la/ de khri las ldang par 'dod na de la snyes bu stobs dang ldan pa gnyis kyis glo g.yas g.yon gnyis nas bzung ste brten nas zhes bya ba nas/ rnam pa thams cad mkhyen pa nyid kyis yongs su bzung na/
 rab 'byor byang chub sems dpa' sems dpa' chen po de ni bar ma dor nye zhor mi 'gyur te/ byang chub sems dpa' sems dpa' chen po de ni 'di lta ste/ bla na med pa yang dag par rdzogs pa'i byang chub kyi gnas der phyin par nus so zhes bya ba'i
 par gyis ni mi rgad po nad pa mi gnyis kyis grogs byas te/ brten na par mdor mi nyams shing gar 'dod pa'i gnas su phyin par 'gyur pa'i dpes/ byang chub sems dpa' i theg pa pa shes rab kyi pha rol tu phyin pa dang/ thabs mkhas pa
 gnyis la brten na par mdor nyan thos dang/ rab sangs rgyas kyi sar mi ltung par bl ana med pa yang dag par rdzogs pa'i byang chub kyi gnas su phyin par nus pa bstan pa'o/ /be ci'i phyir zhe na/ de ltar de shes rab kyi pha rol tu phyin pa dang/ 
 mtshan ma yang dag par rjes su mi mthong pas/ 'tsho ba yongs su dag pa yin te zhes bya ba'i bar gyis ni/ 'jig rten gyis sngags dang sman dang ltas rnams kyis/ mngon par rtogs pa dang yid ches pa'i mtshan ma
 bstan pas/ rnyed pa dang bkur sti tshol ba ma yin zhing rgyu mi 'chol te/ 'tsho ba yongs su dag na/ mtshan ma dang rtags de dag gis phyir mi ldog pa'i byang chub sems dpa' yin par rig par bya ba bstan pa'o/ /rab 'byor gzhan yang phyir mi ldog
 ba'i byang chub sems dpa' sems dpa' chen po zhes bya ba nas rten cing 'brel par 'byung ba stong pa nyid shin tu yid la byas pa yin te zhes bya ba'i bar gyis ni nyan thos dang rang sangs rgyas ltar phung po dang khams dang skye mched dang/ rten cing
 'brel par 'byung ba rnams la dngos po yod par lta zhing/ de dag las 'das par bya ba'i phyir brtson par mi byed kyis/ phung po dang/ khams dang/ skye mched dang/ rten cing 'brel par 'byung ba rnams stong pa nyid du sgom na/ phyir mi ldog pa'i
 byang chub sems dpa' yin par rig par bya ba bstan pa'o/ /de 'du 'dzi'i sbyor ba la rjes su brtson par mi gnas te/ zhes bya ba la sogs pas phyir mi ldog pa'i byang chub sems dpa' 'du 'dzi la 'jig rten gyi gtam dan pa rnams la
 mi 'jug pa bstan pa ste/ de ci'i phyir zhe na /de ni 'di ltar byang chub sems dpa' sems dpa' chen po nges/ sems can stong pa nyid shin tu yid la byas pa yin zhes bya ba ni/ 'du 'dzi'i spyod pa'i rgyu gnyin bgrod par byas pa la
 sogs pa'i sems can rnams stong pa nyid du goms par byas pa'i phyir 'du 'dzi'i spyod pa la mi gnas so zhes bstan pa'o/ /de rgyal po'i gtam gyi sbyod ba la rjes su brtson par mi gnas te/ de ci'i phyir zhe na/ de ni 'di ltar rang
 bzhin stong pa nyid la gnas pas/ chos gang la yang bzang po 'am ngan par yang dag par rjes su mi mthong ngo zhes bya ba ni/ rgyal po la bstod pa dang/ smad pa'i gtam ngan pa lam zhugs ba bstan pa ste/ bstod pa dang smad pa'i chos bzang po dang ngan pa
 thams cad don dam par rjes su mi mthong ba'i phyir ro zhes bya ba'i don to/ /de rkun bo'i gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar chos thams cad rang gi mtshan nyid kyis stong pas/ chos gang la yang blang ba 'am/
 dbrog par yang dag par rjes su mi mthong ngo zhes bya ba ni/ rkun bos rkur thob pa'i gtam ngan pa la yang g.yeng bar mi gnas pa bstan pa ste/ don dam par chos thams cad rang gi mtshan nyid kyis stong par rtogs pas rkun pos dbrog par bya ba dang/
 ma phrogs te slar blang du yod pa'i chos gang yang yod par mi mthong bas/ rkun po'i gtam mi zer ro zhes bya ba'i don to/ /de g.yul gyi gtam sbyor ba la rjes su brtson par mi gnas te/ de ci'i phyir zhe na/ de ni 'di ltar da rang bzhin
 stong pa nyid la gnas pas/ chos gang yang nyung ngu 'am mang por yang dag par rjes su mi mthong ngo zhes bya bas ni dmag gi g.yul bshams pa'i gtam gyis ma yengs pa bstan pa ste/ don dam par chos thams cad rang bzhin stong nyid du
 rtogs pas/ g.yul bshams pa'i tshogs 'di ni mang ngo/ /'di ni nyung ngo zhes bya ba'i chos gang yang yod par ma mthong ba'i phyir/ g.yul gyi gtam mi zer ro zhes bya ba'i don to/ /dmag gi gtam gyi sbyor ba la rjes su brtson par mi
 gnas te/ de ci'i phyir zhe na/ de ni 'di ltar de chos thams cad kyi de bzhin nyid la gnas pas/ chos gang la yang byams pa 'am/ zhe sdang bar yang dag par rjes su mi mthong ngo zhes bya bas ni/ dgra zun gnyis dmag 'gyad
 pa'i gtam gyis ma yengs par bstan pa ste/ don dam par chos thams cad de bzhin nyid du ro gcig par rtogs pas/ dgra zun dang byams sdang bye brag dbyer med pa'i dmag gi gtam mi zer ro zhes bstan pa'o/ /grong gi gtam
 gyis sbyor ba la rjes su brtson par mi gnas te/ de ci'i phyir zhe na/ de ni 'di ltar de chos thams cad stong pa nyid la gnas pas/ chos gang yang tshogs sam tshogs ma yin par yang dag par rjes su mi mthong ngo zhes bya ba ni grong gi gtam gyis ma yengs
 par bstan pa ste/ don dam par chos thams cad stong pa nyid du rtogs pas/ grong 'di ni tshogs che zhing stug? go /grong 'di ni tshogs chung zhing srab po zhes bya ba'i chos gang yang yod par ma mthong ba'i phyir drang gi gtam mi zer ro zhes bya ba'i
 don to/ /grong khyer gyi gtam gyi sbyor ba la rjes su brtson par mi gnas te /de ci'i phyir zhe na/ de ni 'di ltar de nam mkha' stong pa nyid la gnas pas/ chos gang yang gzung ba 'am/ mi gzung bar yang dag par rjes su mi mthong ngo zhes bya ba
 ni/ grong khyer gyi gtam gyi ma yengs pa bstan pa ste/ don dam par chos thams cad nam mkha' bzhin du stong par rtogs pas/ grong khyer gyi tshong 'dus na tshong byed pa'i tshong rdzes kha yod na /gzung zhing bsags pa dang/ khe med na mi gzung
 zhing mi bsags pa'i chos de lta bu gang yang dngos po yod par ma mthong ba'i phyir grong khyer gyi gtam mi zer ro zhes bya ba'i don to/ /grong rdal gyi gtam gyi sbyor ba la rjes su brtson par mi gnas te/ de ci'i phyir zhe na/ de ni 'di ltar yang dag pa'i
 mdza' la gnas pas/ chos gang yang 'phel ba'am/ 'bri bar yang dag par rjes su mi mthong ngo/ zhes bya bas ni yul gyi ljongs kyi gtam gyis ma yengs par bstan pa ste/ don dam par chos thams cad yang dag pa'i mdza' i rang
 bzhin du stong par rtogs pas/ yul gyi ljongs lo legs te/ 'phel ba 'am/ lo nyes te 'grib bar 'gyur ba'i chos de lta bu gang yang yod par ma mthong ba'i phyir/ grong rdal gyi gtam mi zer ro zhes bstan pa ste/ grong rdal zhes bya ba ni yul gyi ljongs la
 bya'o/ bdag gi gtam gyi sbyor ba la rjes su brtson par mi gnas zhes bya ba nas/ mthong ba bo'i gtam gyi spyod pa la rjes su brtson par mi gnas te zhes bya ba'i bar gyis ni mu stegs can gyis brtags pa'i bdag dang sems can la sogs pa/ yod par
 lta ba'i gtam gyis ma yengs pa bstan pa'o/ /gzhan du na shes rab kyi pha rol tu phyin pa'i gtam gyi sbyor ba la rjes su brtson zhing zhes bya ba la sogs pas ni yang dag pa'i gtam la 'jug cing/ bsam pa dge ba la gnas na phyir mi ldog pa'i
 byang chub sems dpa' yin par rig par bya ba bstan pa ste/ gzhan du na shes rab kyi pha rol tu phyin pa'i gtam gyi sbyor ba la brtson zhing zhes bya bas ni /yang dag pa'i gtam la 'jug pa bstan pa ste/ gtam ci zer kyang rung sems can
 rnams shes rab kyi pha rol tu phyin pa la gzung ba'i gtam 'ba' zhig zer zhes bya ba'i don to/ /rnam pa thams cad mkhyen pa nyid dang ldan pa'i yid la bya ba dang ma bral par gnas te/ zhes bya ba nas/ shes rab kyi pha rol tu phyin
 pa la spyod cing/ shes rab 'chal pa'i sbyor ba la rjes su brtson par mi gnas so zhes bya ba'i bar gyis ni/ bsam pa dge ba la gnas pa bstan pa ste/ rnam pa thams cad mkhyen pa nyid dang ldan pa'i yid la bya ba'i bsam pa dang ma bral
 bar gnas te/ pha rol tu phyin pa drug la spyod cing/ pha rol tu phyin pa drug gi mi mthun pa'i phyogs rnams yongs su spong na phyir mi ldog pa'i byang chub sems dpa' yin par rig par bya'o zhes bstan pa'o/ /chos thams cad stong pha
 nyid la spyod cing chos 'dod pa yin gyis chos mi 'dod pa ma yin zhes bya ba ni phyir mi ldog pa'i byang chub sems dpa' de /don dam par chos thams cad stong pa nyid du rtogs kyang kun rdzob tu dam ba'i chos 'tshol ba la 'bad pa yin no
 zhes bya ba'i don to/ /de chos kyi dbyings la spyod cing/ chos tha dad pa legs par brjod pa ma yin zhes bya ba ni/ phyir mi ldog pa'i byang chub sems dpa' des chos thams cad rang bzhin gyis stong ste/ chos kyi dbyings kyi rang bzhin du ro gcig par rtogS
 pas/ chos rnams la ming dang mtshan ma la sogs pa tha dad du 'byed pa la dga' ba ma yin no zhes bstan pa'o/ /de sangs rgyas bcom ldan 'das rnams dang/ byang chub sems dpa' sems dpa' chen po rnams la/ bshes gnyen du sems pa yin
 zhes bya ba ni/ nyan thos dang rang sangs rgyas lta bu theg pa dman pa la zhugs pa rnams la/ dge ba'i bshes gnyen mi 'chol bar/ sangs rgyas dang byang chub sems dpa' rnams la dge ba'i bshes gnyen 'dzin to zhes bya ba'i don to/ /rigs kyi
 bu dang rigs kyi bu mo nyan thos dang rang sangs rgyas kyi theg pa pa gang ji snyed pa de dag kyang bla na med pa yang dag par rdzogs pa'i byang chub tu yang dag par bskul zhing 'god do/ /'dul lo rab tu 'jog zhes bya ba ni/ theg pa dman pa la zhugs pa
 rnams kyang/ theg pa chen po la thabs sna chegs kyis 'dzud pa bstan pa ste/ yang dag par bskul ba ni dang por gros 'debs pa'o/ /'god pa ni nyan cing sems su 'dzud pa'o/ /'dul ba ni nyes pa byung ba rnams 'chos pa'o/ /rab tu
 gzhog pa ni phyis gzhan du mi 'gyur bar bstan par byed pa'o/ /de de bzhin gshegs pa dgra bcom pa yang dag par rdzogs pa'i sangs rgyas rnams mnyes par byed cing/ /zhes bya ba nas/ gang na de bzhin gshegs pa dgra bcom pa yang
 dag par rdzogs pa'i sangs rgyas mngon du gyur par bzhugs shing/ 'tsho skyong ba dang/ chos ston pa der skye ste/ zhes bya ba'i bar gyis ni/ phyir mi ldog pa'i byang chub sems dpa' sangs rgyas 'byung ba dang mi 'bral ba sangs rgyas mnyes par byed pa
 la brtson pa bstan pa ste/ sems can rnams mig drang ba'i phyir thabs kyi 'dod pa'i khams su skyes nas/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi bsgoms pa'i mthu thob par byas nas/ de'i mthus
 gang na de bzhin gshegs pa mngon sum du bzhugs pa'i gnas der skyes te/ de bzhin gshegs pa rnams mnyes par byed pa'i mtshan ma dang rtags de lta bu dag dang ldan na/ phyir mi ldog pa'i byang chub sems dpa' yin par rig par
 bya'o/ /zhes bstan pa'o/ /rab 'byor gzhan yang phyir mi ldog pa'i byang chub sems dpa' sems dpa' chen po shes rab kyi pha rol tu phyin pa la spyod pas/ nang stong pa nyid la gnas pa dang zhes bya ba nas/ sangs rgyas kyi chos ma 'dres
 pa bco brgyad la gnas pa ni/ 'di snyam du bdag ni phyir ldog pa 'am/ phyir mi ldog pa yin no snyam du yang mi byed de/ the tshom mi skye zhing rang gi sa la yid gnyis med do zhes bya ba'i bar gyis ni/ phyir mi ldog pa'i byang chub sems dpa' rang gi sa
 la the tshom med pa bstan pa ste/ stong pa nyid bco brgyad dang/ byang chub kyi phyogs kyi chos sum cu rtsa? bdun dang/ 'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug
 pa bzhi dang/ rnam par thar pa brgyad dang/ mthar gyis gnas pa'i snyoms par 'jug pa dgu dang/ rnam par thar pa'i sgo gsum dang/ mngon par shes pa drug dang/ ting nge 'dzin rnams dang gzungs kyi sgo rnams dang/ de bzhin
 gshegs pa'i stobs bcu dang/ mi 'jigs pa bzhi dang/ so so yang dag par rig pa bzhi dang/ byams pa chen po dang/ snying rje chen po dang/ sangs rgyas kyi chos ma 'dres pa bco brgyad rnams la sbyor cing gnas pa'i tshe/ chos thaMs cad/
 mi skye ba la bzod pa thob cing phyir mi ldog pa'i/ sa la gnas par nges shing/ rang gi sa la the tshom mi skye bar bstan pa'o/ /de ci'i phyir zhe na/ de ni 'di ltar nges phyir mi ldog pa dang/ phyir ldog pa ma yin pa'i chos rdul tsam yang yang dag par
 rjes su mi mthong ngo zhes bya bas ni/ phyir mi ldog pa'i byang chub sems dpa' mi skye ba'i chos la bzod pa thob pa dang/ rang gi sa la the tshom med pa'i gtan tshigs bstan pa ste/ don dam par chos thams cad rang bzhin gyis stong par nges
 par rtogs pas mi skye ba'i chos la bzod pa thob pa dang/ de ltar chos thams cad rang bzhin gyis ma skyes par rtogs nas phyir ldog pa 'am/ phyir mi ldog pa zhes bya ba'i chos gang yang yod par mthong bas phyir mi ldog pa ma yin du dogs
 pa med pa'i phyir rang gi sa la the tshom dang yid gnyis med do zhes bya ba'i don to/ /rab 'byor 'di lta ste /dper na rgyun du zhugs pa'i skyes bu rgyun tu zhugs pa'i sa la gnas pa ni rang gi sa la nem nur med cing the tshom mi za'o/ /zhes bya ba nas yang
 dag par rdzogs ba'i sangs rgyas kyi sa la gnas pa ni/ rang gi sa la nem nur med cing the tshom mi za'o/ /zhes bya ba'i bar gyis ni/ phyir mi ldog pa'i byang chub sems dpa' rang gi sa la the tshom mi za ba'i dpe bstan pa'o/ /rab 'byor de
 bzhin du byang chub sems dpa' sems dpa' chen po rang gi sa la gnas pa yang nem nur med the tshom mi za zhing/ de phyir mi ldog pa'i sa la gnas te/ sangs rgyas kyi zhing yongs su sbyong ngo zhes bya ba nas/ bdud gyi las de dag kyang
 rnam par 'joms shing srab mor byed do zhes bya ba'i bar gyis ni phyir mi ldog pa'i sa la the tshom med par gnas pa'i yon tan bstan pa ste/ de ltar phyir mi ldog pa'i sa la the tshom med par gnas na sangs rgyas kyi zhing yongs su sbyong ba dang/ sems can yongs su smin
 par byed pa dang/ bdud kyi las kyi dbang du mi 'gyur ba bstan pa'o/ /rab 'byor 'di lta ste/ dper na mtshams med pa byed byed pa'i skyes bu ni zhes bya ba nas/ sems de rnam par brtag tu med cing mi sgul bas/ de ni lha dang/ mi dang lha ma yin du bcas pa'i 'jig
 rten gyis phyir bzlog par mi nus zhes bya ba'i bar gyis ni/ phyir mi ldeg pa'i byang chub sems dpa' i skye ba med pa'i chos la bzod pa thob cing phyir mi ldog pa'i sa la nges par gnas te/ rang gi sa la nem nur dang the tshom med pa dpe dang bcas pa bstan
 pa ste/ dper na mtshams med pa'i las byed byed pa'i mi mtshams med pa'i las dgoms shing sems la zhen par byas pas las de'i 'bras bu ma myong gi bar du sdig pa'i bag chags bsag pa'i sems de dang/ nam yang mi 'bral zhing sems de
 rjes su 'brangs bar 'gyur ba de bzhin du phyir mi ldog pa'i byang chub sems dpa' i sems kyang mi skye ba'i chos la bzod pa goms par byas pas sus kyang slar bzlog par mi nus shing nam yang nyan thos dang rang sangs rgyas kyi sar slar mi ldog bo zhes bya ba'i
 don to/ de ci'i phyir zhe na/ de ni 'di ltar sems nges lha dang mi dang lha ma yin du bcas pa'i 'jig rten las 'das te zhes bya ba nas/ sangs rgyas kyi zhing de dag gi sangs rgyas bcom ldan 'das rnams la dge ba'i rtsa ba mang po bskyed cing/ sangs rgyas
 bcom ldan 'das de dag la kun 'dri zhing yongs su zhu ba byed bsten bkur bar byed do zhes bya ba'i bar gyis ni/ phyir mi ldog pa'i sa la gnas par rang gi sa la the tshom med pa dang/ bdud kyis slur mi tshugs pa'i gtan tshigs bstan pa ste/ phyir mi
 ldog ba'i byang chub sems dpa' de ni sems lha dang mi dang lha ma yin du bcas pa'i 'jig rten las 'das te/ 'phags par gyur la byang chub sems dpa' i sa dang po yang dag pa'i don med pa la zhugs nas/ sa brgyad ba la gnas kyi
 bar du/ mngon par shes pa rnams kyi mchog thob/ sangs rgyas kyi zhing yongs su dag par byed/ sems can yongs su smin par byed/ sangs rgyas bcom ldan 'das rnams la bsnyen bkur bya ba dang/ chos mnyan pa'i phyir sangs rgyas kyi zhing nas
 sangs rgyas kyi zhing du 'gro nus pa'i mthu dang ldan pa'i phyir rang gi sa la the tshom med cing 'dud kyis slur mi tshugs so zhes bya ba'i don to/ /rab 'byor byang chub sems dpa' sems dpa' chen po de de ltar gnas pas bdud kyi las skyes shing byung ba
 rnams khong du chud de/ bdud kyi las skyes shing byung ba dag gi dbang du mi 'gro'o zhes bya ba'i bar gyis ni rang gi sa la the tshom med par gnas shing/ bdud kyi las kyi dbang du mi 'gro ba'i don gong du smos pa nyid mjug bsdus te/ gsal bar
 bstan pa'o/ /bdud kyi las de dag kyang thabs mkhas pas yang dag pa'i mdza' la sbyor bar byed cing/ de rang gi sa la nem nur med/ the tshom mi za'o zhes bya ba ni bdud kyi las kyi dbang du mi 'gyur ba de yang don dam par chos thams cad
 stong pa nyid du rtogs shing/ yang dag pa'i mdza' i rang bzhin du ro gcig par khong du chud par bdud kyis slur mi tshugs shing rang gi sa la the tshom med do zhes bstan pa ste/ yang dag pa'i mdza' la sbyor bar byed ces bya ba chos thams cad
 stong ba nyid kyi rang bzhin du ro gcig par rtogs pas bdud kyi las kyi mtshan ma thams cad spyod do zhes bya ba'i don to/ /de ci'i phyir zhe na/ 'di ltar de yang dag pa'i mdza' la nem nur med bas yang dag ba'i mdza' la gcig gam gnyis su yang
 dag par rjes su mi mthong ste/ de ltar shes pas de tshe 'phos nas kyang nyan thos dang rang sangs rgyas kyi sar sems mi bskyed de zhes bya bas ni/ bdud kyi las rnams yang dag pa'i mdza' la sbyor ba'i gtan tshigs bstan pa ste/ don dam par chos thams cad
 yang dag pa'i mdza' i rang bzhin du rtogs na bdud dam bdud ma yin pa 'am/ phyir mi ldog pa 'am/ byang chub sems dpa' i 'am/ nyan thos dang rang sangs rgyas kyi sa'i mtshan ma yang dag par rjes su mi mthong bas/ nyan thos dang rang sangs rgyas kyi sar nam
 yang ldog par mi 'gyur ro zhes bstan pa'o/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po ni chos thams cad rang gi mtshan nyid kyis stong pa la/ chos gang yang skye ba 'am/ 'gag pa'am/ kun nas nyon mongs
 pa'am/ rnam par byang bar yang dag par rjes su mi mthong ngo zhes bya bas ni/ phyir mi ldog pa'i byang chub sems dpa' tshe 'phos nas kyang/ nyan thos dang rang sangs rgyas kyi sar sems mi skyed ba'i gtan tshigs bstan pa ste/ don dam par
 chos thams cad rang gi mtshan nyid kyi stong par rtog pa'i phyir tshe 'pho zhing skye ba dang/ nyon mongs pa dang rnam par byang ba'i chos gang yang dngos po yod par ma mthong bas/ nyan thos dang rang sangs rgyas kyi sar slar ldog cing lhur? ba med de zhes
 bya ba'i don to/ /rab 'byor byang chub sems dpa' sems dpa' chen po de tshe 'phos nas kyang 'di snyam du bdag ni/ bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ro snyam mi byed de /gdon mi za bar bla
 na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro snyam sems zhes bya bas phyir mi ldog pa'i byang chub sems dpa' tshe snga phyi dran zhing byang chub kyi sems mi nyams pas bla na med pa yang dag par
 rdzogs pa'i byang chub tu nges par mngon par 'tshang rgya bar 'gyur ba bstan pa'o/ /de ci'i phyir zhe na/ rab 'byor de ni 'di ltar bla na med pa yang dag par rdzogs pa'i byang chub ni rang gi mtshan nyid kyis stong ngo zhes bya ba ni byang
 chub sems dpa' de chos thams cad rang gi mtshan nyid kyis stong par rtogs shing/ mi skye ba'i chos la bzod pa thob ste/ bla na med pa yang dag par rdzogs pa'i byang chub kyang rang gi mtshan nyid kyi stong par rtogs pa'i phyir/ bla na med pa
 yang dag par rdzogs pa'i byang chub tu nges par mngon par rdzogs par 'tshang rgya bar 'gyur zhes bya ba'i don to/ /rab 'byor byang chub sems dpa' sems dpa' chen po rang gi sa la de ltar gnas pa ni/ rang gi sa la thug pa med pa yin te/
 zhes bya bas ni de ltar bla na med pa'i byang chub tu nges pa mngon par 'tshang rgya ba ste/ bdud dang mu stegs can la sogs pas gzhan du bsgyur ni nus so zhes bstan pa'o/ /de ci'i phyir zhe na/ rab 'byor de ni 'di ltar phyir mi ldog pa'i byang chub
 sems dpa' sems dpa' chen po de ltar gnas pa ni mi 'phrogs pa'i ye shes dang ldan pa yin te/ zhes bya ba ni rang gi sa la thug pa med pa'i gtan tshigs bstan pa ste/ byang chub sems dpa' de'i ye shes chos thams cad rang gi
 mtshan nyid kyis stong par rtogs pa de/ mi mthun pa'i phyogs kyis zil gyis mi non cing mi 'phrogs pa'i phyir ro zhes bsten pa'o/ /rab 'byor gal te phyir mi ldog pa'i byang chub sems dpa' sems dpa' chen po'i drung du bdud
 sdig to can sangs rgyas kyi cha byang du nye bar 'ongs nas zhes bya ba nas/ bla na med pa yang dag par rdzogs pa'i byang chub tu lung bstan to zhes bya ba'i bar gyis ni phyir mi ldog pa'i byang chub sems dpa' de rang gi sa la thug pa med
 pa dang/ mi 'phrogs pa'i ye shes dang ldan pa'i don de nyid bdud kyis slur mi tshugs pa'i tshig rnams kyis gsal bar bstan pa'o/ /de ci'i phyir zhe na/ de ni 'di ltar chos gang dang ldan pas byang chub sems dpa' sems dpa' chen po bla na med pa yang dag par
 rdzogs pa'i byang chub tu lung bstan par 'gyur ba'i chos de dag bdag la yong? do zhes bya bar rig par bya'o zhes bya ba ni bdud kyis slur mi tshugs pa'i gtan tshigs bstan pa ste/ don dam par chos thams cad rang bzhin gyis stong par rtogs shing/ kun rdzob tu yang
 phyir mi ldog pa'i byang chub sems dpa' yin par mngon pa'i rtags dang mtshan ma gong du bshad pa rnams byang chub sems dpa' de la yod pa'i phyir bla na med pa yang dag par rdzogs pa'i byang chub tu nges par lung bstan to zhes bya ba'i don to/ /rab
 'byor gal te bdud sdig to can nam bdud kyi sa byin gyis brlabs pa'i skyes bu zhig ces bya ba nas byang chub sems dpa' sems dpa' chen po de ni phyir mi ldog pa'i sa la gnas par rig par bya'o zhes bya ba'i bar gyis kyang phyir mi ldog pa'i byang
 chub sems dpa' rang gi sa la thug pa med cing mi 'phrogs pa'i ye shes dang ldan pa'i don de nyid bdud kyis nyan thos dang rang sangs rgyas kyi sar lung bstan pa dang/ theg pa chen po'i mdo sde sun phyung bas/ mi tshugs pa'i tshig rnams kyis
 gsal bar bstan pa'o/ /de ci'i phyir zhe na/ gang phyir mi ldog pa'i byang chub sems dpa' sems dpa' chen po rnams kyi rnam pa de dag dang/ tshul de dag dang/ mtshan ma de dag ni de la yod do zhes bya bas ni de ltar bdud kyi bslur mi tshugs
 pa'i gtan tshigs bstan pa ste/ byang chub sems dpa' de la phyir mi ldog pa'i rtags dang/ mtshan ma gong du bshad pa rnams yod pas/ bdud kyis slur mi tshugs so zhes bya ba'i don to/ /rab 'byor gzhan yang byang chub sems dpa' 
 sems dpa' chen po ni shes rab kyi pha rol tu phyin pa la spyod pa'i tshe/ dam pa'i chos yongs su gzung ba'i phyir bdag kyang yongs su gtong la/ srog yongs su chad par 'gyur yang stod? cing yongs su mi gtong ngo zhes bya ba nas
 de dag gi dam pa'i chos yongs su gzung bar 'gyur ro snyam mo zhes bya ba'i bar gyis ni/ dam pa'i chos yongs su gzung pa'i phyir lus dang srog kyang mi phangs par byed na /phyir mi ldog ba'i byang chub sems dpa' yin par bstan pa'o/ /de la chos gang
 gi don du byang chub sems dpa' sems dpa' chen po bdag yongs su gtong zhing/ srog yongs su chad par 'gyur yang sdod pa'i chos de dag gang zhe na zhes bya ba nas/ rab 'byor chos de'i phyir byang chub sems dpa' sems dpa' chen po bdag
 yongs su gtong zhing/ srog yongs su chad par 'gyur yang mi gtong ngo zhes bya ba'i bar gyis ni srog gi phyir yang dam pa'i chos mi gtong ba de gang yin pa'i dmigs bstan pa ste/ shes rab kyi pha rol tu phyin pa lta bu don zab mo chos
 thams cad stong par ston pa/ 'jig rten thams cad kyis yid ches par dka' ba/ mi blun pa rnams kyis thos na 'di ni chos ma yin 'dul ba ma yin/ sangs rgyas kyi bstan pa ma yin no zhes skur pa 'debs shing/ /ngan du
 zer ba de lta bu'i chos zab mo yongs su gzung ba'i phyir byang chub sems dpa' srog dang yang sngo'o zhes bstan pa'o/ /rab 'byor de ltar byang chub sems dpa' sems dpa' chen pos 'di ltar bslab par bya ste zhes bya ba nas/
 don gyi dbang 'di mthong bas dam ba'i chos yongs su gzung ba'i phyir bdag kyang yongs su gtong la/ srog yongs su chad par 'gyur yang sdod pa yin no zhes bya ba'i bar gyis ni phyir mi ldog pa'i byang chub sems dpa' de nges par bla na
 med pa yang dag par rdzogs pa'i byang chub tu mngon par 'tshang rgya bar 'gyur zhing/ chos de yang bdag gis chos yin par nges par 'gyur ro snyam nas/ srog gi phyir yang dag pa'i chos mi gtong na phyir mi ldog pa'i byang chub sems dpa' yin
 par rig par bya ba bstan pa'o/ /rab 'byor gzhan yang phyir mi ldog pa'i byang chub sems dpa' sems dpa' chen po ni de bzhin gshegs pa dgra bcom pa yang dag par rdzogs pa'i sangs rgyas chos ston pa la nem nur med ces bya ba
 nas/ de ci'i phyir zhe na/ de ni 'di ltar gzungs rab tu thob pa'i phyir ro zhes bya ba'i par gyis ni/ phyir mi ldog pa'i byang chub sems dpa' de bcom ldan 'das kyi chos ci bshad pa rnams kyi don dang/ tshig rnams shes rab kyi
 rtogs shing/ dran pas mi brjed pa'i gzungs thob pa'i phyir ngam pa'i chos ji ltar gzung bar chud za bar mi byed pa'i yon tan bstan pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to zhes bya ba nas
 yongs su 'dzin pa'i gzungs rab tu thob pas byang chub sems dpa' sems dpa' chen po de bzhin gshegs pas gsungs pa'i mdo rnams chung mi za'o zhes bya ba'i bar gyis ni/ gzungs gang dang gang rnams thob pas/ de bzhin gshegs
 bas bshad pa'i mdo rnams chung mi za bar 'gyur ba bstan pa ste/ mi zad pa'i za ma tog gi gzungs zhes bya ba ni/ byang chub sems dpa' i shes rab chos thams cad la thogs pa med par 'jug cing/ the tshom 'dri ba dang rtogs pa
 grangs med pa byung yang/ lan 'debs pa la zad mi shes pa dang/ dran pa rnam pa mang po tshe rabs du mar yang mi brjed pa la mi zad pa'i gzungs zhes bya ste/ shes rab dang dran pa de gnyis kyis chos bshad do cog gi don dang tshig rnams
 gzungs su gzung ste/ snod blugs pa dang 'dra bar mi zad pa'i za ma tog ces bya'o/ /za ma tog ces bya ba ni nor bu rin po che la sogs pa rgyan dang/ nor bu rin po che gces pa rnams gzhug pa'i snod la bya'o/ /zab tog de dang 'dra
 bar byang chub sems dpa' i shes rab dang/ dran pa gnyis kyang dam pa'i chos rin po che rnams kyi snod dang/ gzungs zad mi shes shing chud? mi za ba yin pa'i phyir mi zad pa'i za ma tog gi gzungs zhes bya'o/ /rgya mtsho'i phyag rgya zhes bya ba ni rgya
 mtsho dang 'dra bar rgya mtsho'i phyag rgya zhes bya ste/ byang chub sems dpa' i shes rab dang dran pa'i gzungs kyang rgya mtsho dang/ 'dra bar zab cing gting dpag dka' ba la rgya mtsho'i phyag rgya zhes bya'o/ /padmo rnam par bkod pa zhes bya ba ni/
 byang chub sems dpa' i shes pa dang 'dra ba'i gzungs te/ sems can gyi don du thabs kyi 'khor ba na rnam pa sna tshogs su spyod cing gnas kyang/ 'khor ba'i nyes bsam gos par gnas te/ pad+ma chu'i nang na gnas kyang/ chu'i nyas pa
 'dam gyis mi gos pa dang 'dra ba'i phyir/ padmo rnam par bkod ba zhes bya'o/ /yongs su 'dzin pa'i gzungs zhes bya ba ni/ byang chub sems dpa' i shes rab dang dran pa'i gzungs te/ de bzhin gshegs pas? gsungs
 pa'i mdo sde zab? cing rgya che ba rnam pa mang po yongs su 'dzin pa'i phyir yongs su 'dzin pa'i gzungs zhes bya ba ste/ phyir mi ldog pa'i byang chub sems dpas gzungs de lta bu dag thob pa'i phyir/ de bzhin gshegs pas gsungs pa'i
 mdo rnams chung mi za pa'o zhes bya ba'i don to/ /gsol pa bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis gsungs pa 'ba' zhig chab mi 'tshal du bas kyis nyan thos kyis bshad?
 pa ma ? sam? zhes byang ? la sogs pas ni gong du smos pa'i gzungs de dag dang ldan na/ byang chub sems dpa' deng skad brda dang/ sgra thams cad thags thogs med bar shes pas/ nyan thos dang rang sangs rgyas dang/ 'jig rten gyi lha dang klu la sogS
 pas bshad ba'i chos thams cad kyang chud mi za ste/ rtags dang tshul de dag deng ldan na phyir mi ldog pa'i byang chub sems dpa' yin par rig par bya ba bstan pa'o/ /shes rab kyi pha rol tu phyin pa 'bum brgya cher bshad pa las/ le'u bzhi bcu gcig
 pa'o// //de sang? ces bka' stsal pa dang/ tshe dang ldan pa rab 'byor gyis bcom ldan 'das la 'di skad ces gsol to zhes bya ba nas/ bcom ldan 'das phyir mi ldog pa'i byang chub sems dpa' sems dpa' chen po ni bskyod du ma
 mchis pa'i yon tan dang ldan pa'o/ /zhes bya ba'i par gyis na /gong du phyir mi ldog pa'i byang chub sems dpa' rnams kyi yon tan rnam pa mang po bstan pas rab 'byor mgu ste dang bskyes nas/ phyir mi ldog pa'i byang chub sems
 dpa' rnams kyi yon tan dpag tu med pa dang ldan par ri gnas yon tan chen po dang ldan pa dang/ yon tan tshang med pa dang/ yon tan grangs med pa dang/ yon tan dpag tu med pa dang/ yon tan bskyod du med ba dang ldan pa rnams smos nas/ yon
 pa'i don rab 'byor gyis gsol pa/ 'khor rnams yid ches par bya ldan 'das kyis bka' stsal pa/ rab 'byor de de bzhin no/ /de de bzhin te/ zhes bya ba la sogs ni phyir mi ldog pa'i byang chub sems dpa' rnams kyis yon tan che ba mdor bsdus
 pa'i don rab 'byor gyis gsol pa/ 'khor rnams yid ches par bya ba'i phyir bcom ldan 'das kyis de bden no zhes bkar stsal pa'o/ /de ci'i phyir zhe na/ de ni 'di ltar nges nyan thos dang rang sangs rgyas thams cad dang/ thun mong pa yin
 pa'i ye shes mdza' yas mu med pa rab tu thob ste/ ye shes dag la gnas shing phyir mi ldog pa'i byang chub sems dpa' sems dpa' chen po/ so so yang dag par rig pa mngon par bsgrub pa gang gis/
 lha dang mi dang lha ma yin du bcas pa'i 'jig rten gyis dris kyang lan zad bar mi nus pa'i so so yang dag par rig pa mngon par bsgrub bo zhes bya bas ni/ phyir mi ldog pa'i byang chub sems dpa' yon tan chen po dang ldan pa'i gtan tshigs
 bstan pa ste /phyir mi ldog pa'i byang chub sems dpa' des chos so so yang dag par rig pa dang/ don so so yang dag par rig pa dang/ nges pa'i tshig so so yang dag par rig pa dang/ spobs pa so so yang dag par rig pa'i ye shes/
 nyan thos dang rang sangs rgyas thams cad la med pa de lta bu'i ye shes thob pas/ lha dang mi dang lha ma yin du bcas pa'i 'jig rten thams cad kyi chos dang/ don dang nges pa'i tshig gang dang gang dris pa de dag gi lan gdab pa la/ spobs
 pa zad par mi 'gyur ba thob pa'i phyir yon tan chen po dang ldan no zhes bya ba'i don to/ /rab 'byor gyis gsol pa/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas ni gang+gA'i klung gi bye
 ma snyed kyi bskal par yang rnam pa gang dang tshul gang dang/ mtshan ma gang gis phyir mi ldog pa'i byang chub sems dpa' chen por brjod pa'i phyir mi ldog pa'i byang chub sems dpa' sems dpa' chen po'i rnam pa dang/ tshul
 dang mtshan ma rnams ston pa'i mthu mnga' zhes bya ba nas rnam pa thams cad mkhyen pa nyid yongs su rdzogs par bgyid pa'i gnas zab mo rnams legs par bshad du gsol zhes bya ba'i bar gyis ni/ de ltar phyir mi ldog pa'i byang chub
 sems dpa' rnams kyi yon tan che ba gtan tshigs dang bcas par bstan pa dang/ de lta bu'i yon tan chen po rnam par byang ba'i chos thams cad yongs su rdzogs par 'gyur ba yang/ chos zab mo rnams rtogs par 'gyur na /chos zab mo gang dang gang rnams rtogS
 na/ yon tan de lta bu dag dang ldan par 'gyur ba'i chos zab mo rnams bshad par bcom ldan 'das la / rab 'byor gyis gsol ba btab par bstan pa'o/ /bcom ldan 'das kyi bka' stsal pa/ rab 'byor legs so legs so/ /rab 'byor khyod de ltar phyir
 mi ldog pa'i byang chub sems dpa' sems dpa' chen po rnams kyi don du/ de bzhin gshegs pa la gnas zab mo zab mo rnams dri bar sems pa legs so legs so zhes bya bas ni/ rab 'byor gyis chos zab mor bshad par gsol ba/ don dmigs
 su phebs par 'khor rnams kyis yid ches par bya ba'i phyir bstod pa'o/ /rab 'byor zab mo zhes bya ba 'di ni stong pa nyid kyi tshigs bla dags so zhes bya ba nas/ chos kyi dbyings kyi tshigs bla dags zhes bya ba'i bar gyis ni zab mo'i don bstan pa
 ste/ stong pa nyid dang/ mtshan ma med pa dang / smon pa med pa dang/ mngon par 'du bya ba med pa dang/ 'dod chags dang bral ba dang/ 'gog pa dang/ mya ngan las 'das pa dang/ zhi ba dang/ de bzhin nyid dang/ yang dag pa'i
 mdza' dang/ chos kyi dbyings zhes bya ba rnams ni snying pa nyid kyi rnam grangs te/ de dag nyan thos dang rang sangs rgyas la sogs pa dmigs pa can rnams kyis blos mi rtog pa'i phyir zab pa yin par tshig tu btags so zhes bya ba'i don to/ /rab
 'byor 'di lta ste mya ngan las 'das pa'i tshig bla dags de dag ni gnas zab mo zab mo zhes bya ba de dag go zhes bya bas ni gong du smos pa'i tshig rnams kyi don mdor bsdus nas bstan pa ste / mdor na chos thams cad stong pa nyid kyi rang bzhin
 tu rtogs pa mi gnas pa'i mya ngan las 'das pa'i rang bzhin nyan thos dang rang sangs rgyas la sogs pa'i spyod yul ma yin pa de la zab mo zhes ming du btags te bstan to zhes bya ba'i don to/ /gsol ba de mya ngan
 las 'das ba'i tshig bla dags su bas kyis chos thams cad kyi tshig bla dags ma lags sam zhes bya ba ni gzugs la sogs pa'i chos thams cad kyang/ don dam par dngos po med pa de dag gi chos nyid kyis rang bzhin yang zab bar
 bstan pa'i phyir rab 'byor gyis zhus pa'o/ /bcom ldan 'das kyis bka' stsal pa/ rab 'byor zab mo zhes bya ba ni chos thams cad kyi tshig bla dags kyang yin no zhes bya ba nas rab 'byor rnam pa thams cad mkhyen pa nyid
 kyang zab bo// /byang chub kyang zab bo zhes bya ba'i bar gyis ni gzugs la sogs pa rnam pa thams cad mkhyen pa nyid la thug gi bar gyi chos thams cad kyang/ don dam par ji ltar snang zhing grags pa'i rang bzhin
 du yod pa ma yin zhing/ de bzhin nyid tsam du zad de dmigs pa rnams kyi spyod yul ma yin pa'i phyir mya ngan las 'das pa 'ba' zhig zab par ma zad kyi/ chos de dag thams cad kyang zab bo zhes bstan pa'o/ /rab 'byor ji
 ltar na gzugs zab ces bya ba nas/ ji ltar na rnam pa thams cad mkhyen pa nyid zab ce na zhes bya ba'i bar du ni gzugs la sogs pa'i chos thams cad ji ltar zab pa'i gleng bslang ba'o/ /gzugs kyi de bzhin nyid ji lta
 ba bzhin du gzugs zab? bo zhes bya ba nas/ rnam pa thams cad mkhyen pa nyid kyi ji lta ba de bzhin du rnam pa thams cad mkhyen pa nyid zab bo zhes bya ba'i par gyis ni gzugs la sogs pa'i chos thams cad don dam par de bzhin
 nyid kyi rang bzhin tsam du zad de/ de bzhin nyid de yang mtshan ma'i sgro nas dmigs su med do/ /dmigs pa can rnams kyi spyod yul ma yin pa'i phyir zab po zhes bstan pa'o/ /gsol pa bcom ldan 'das gzugs kyi de bzhin nyid ni ji lta bu lags zhes
 bya ba nas/ bcom ldan 'das rnam pa thams cad mkhyen pa nyid ni ji lta bu lags/ zhes bya ba'i bar gyis ni gzugs la sogs pa'i de bzhin nyid ji lta bu yin pa zhib tu bshad pa'i gleng bslang pa'i phyir rab 'byor gyis zhus pa'o/ /bcom ldan
 'das kyis bka' stsal pa /gzugs kyi de bzhin cing de la gzugs kyang med/ gzugs las gud na yang de bzhin nyid med de/ gzugs kyi de bzhin nyid ni de lta bu'o zhes bya ba nas/ rab 'byor bla na med pa yang dag par rdzogs pa'i byang chub kyi de bzhin nyid de
 la/ bla na med pa med dag par rdzogs pa'i byang chub kyang med/ bla na med pa yang dag par rdzogs pa'i byang chub las gud na yang de bzhin nyid med de/ bla na med pa yang dag par rdzogs pa'i byang chub ni de lta bu'o zhes bya ba'i bar gyis ni chos thams cad
 kyi de bzhin nyid ji lta bu yin pa zhib tu bstan pa ste/ de bzhin nyid ces bya ba ni chos rnams kyi chos nyid stong pa nyid kyi rang bzhin yin pas/ gzugs la sogs pa'i dngos por yod pa ma yin /gzugs la sogs pa las gzhan pa'i dngos por yang
 yod pa ma yin no zhes bstan pa'o/ /gsol pa bcom ldan 'das de ltar thabs mkhas pas phyir mi ldog pa'i byang chub sems dpa' sems dpa' chen po gzugs las byang bzlog /mya ngan las 'das pa yang bstan zhes bya ba nas /sangs rgyas kyi
 chos ma 'dres pa rnams las kyang bzlog /mya ngan las 'das pa yang bstan/ 'jig rten pa dang 'jig rten las 'das pa dang/ thun mong dang thun mong ma lags pa gang/ zag pa dang bcas pa dang/ zag pa ma mchis pa'i 'dzin pa thams cad las
 kyang bzlog /mya ngan las 'das pa yang bstan pa de ni ngo mtshar che'o zhes bya ba'i bar du ni de ltar gong du bshad pa'i rim pas kun brtags pa'i gzugs la sogs pa chos thams cad don dam par dngos po yod par ma grub pas/
 gzugs la sogs pa zab po zhes bstan pa ni gzugs la sogs pa la mngon par chags pa las bzlog pa'i phyir gzugs la sogs pa la bzlog pa yin la de ltar gzugs la sogs pa'i chos thams cad don dam par dngos po yod bar ma grub
 ste/ stong pa nyid kyi rang bzhin zab mo bstan pas ni mya ngan las 'das ba bstan pa yin te/ de ltar gzugs la sogs pa zab bo zhes bstan pa tsam gyis gzugs la sogs pa la mngon par chags pa las kyang bzlog /mya ngan las 'das par
 yang bstan pa'i thabs mkhas pa de ni nyan thos dang rang sangs rgyas la sogs pa dmigs pa can rnams kyi spyod yul ma yin pa bstan pa ngo mtshar che'o zhes bya ba'i don to/ /'jig rten pa dang/ 'jig rten las 'das pa dang/ thun mong dang/
 thun mong ma lags ba dang/ zag ba dang bcas pa dang/ zag ba ma mchis pa'i 'dzin pa thams cad las kyang bzlog ces bya ba ni gzugs la sogs pa sangs rgyas kyi chos ma 'dres pa rnams la thug gi bar gyi chos rnams la ma gtogs
 pa rnams mdor bsdus te bstan pa ste/ gzugs la sogs pa zab mo zhes bstan pas/ 'jig rten dang 'jig rten las 'das pa dang/ thun mong dang thun mong ma yin pa dang/ zag ba dang bcas pa dang zag pa med pa'i chos thams
 cad la mtshan mar 'dzin cing/ mngon par chags pa thams cad las kyang bzlog par 'gyur la/ mya ngan las 'das par yang bstan par 'gyur ba'i thabs mkhas pa de lta bu bshad pa ngo mtshar che'o zhes bstan pa'o/ /bcom
 ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol tu phyin pa las ji skad bstan pa bzhin du bdag gis gnas par bya'o zhes bya ba nas/ shes rab kyi pha rol tu phyin pa la ma 'dres
 par spyod cing byang chub yid la bya ba dang ldan par gnas pa lta ci smos zhes bya ba'i bar gyis ni shes rab kyi pha rol tu phyin pa zab mo 'di la gnas shing bslab par sems pa bsod nams che ba dang/ ?
 / sgrib pa byang bar 'gyur ba'i phan yon che ba bstan pa ste/ shes rab kyi pha rol tu phyin pa la ma 'dres par spyod cing/ byang chub yid la bya ba dang ldan par gnas pa lta ci smos zhes bya ba ni 'du 'dzi'i nang na gnas shing shes
 rab kyi pha rol tu phyin pa las ji skad bshad pa bzhin du spyad par sems shing rtsol ba yang phan yon de ltar che na 'du 'dzi spangs te/ su dang yang ma 'dres bar gcig pu dben par 'dug cing/ bsgoms na lta smos kyang ci dgos zhes
 bstan pa'o/ /rab 'byor de ltar de dper na skyes bu 'dod chags kyi spyod pa can rtogs pa dang ldan pa la la zhig gis zhes bya ba nas/ byang chub sems dpa' sems dpa' chen po 'khor ba spongs zhing rgyab kyis phyogs par 'gyur ro
 zhes bya ba'i bar gyis ni byang chub sems dpa' shes rab kyi pha rol tu phyin pa la spyod pa bskal pa mang por sgrib pa byang zhing 'khor ba las thar bar 'gyur ba'i dpe/ skyes pa bud med la chags pa'i rtog pa mang po 'byung ba las
 blangs te bstan ba ste/ skyes ba bud med la chags pa nub gcig la sems kyis rtogs pa ji snyed cig 'byung ba de snyed kyi bskal bar byang chub sems dpa' shes rab kyi pha rol tu phyin pa la spyod pa'i 'khor ba spangs par 'gyur ba'i
 phan yon bstan pa'o /gang shes rab kyi pha rol tu phyin pa zab mo ji skad du bstan pa 'di ba slob pa dang zhes bya ba nas/ grangs dang cha dang bgrang ba dpe dang rgyur yang nye bar mi 'gro'o zhes bya ba'i bar gyis ni shes rab kyi pha rol tu phyin pa zab mo
 'di las ji skad bstan pa bzhin du slob cing nyams su len pa dang/ bla na med pa'i byang chub la sgrib pa'i skyon rnams spong ba phan yon che bar bstan pa ste/ de ltar spyod pa'i byang chub sems dpa' des nyin zhag gcig la dge ba'i rtsa ba ji snyed cig bsags pa de la
 gzugs shig yod du zin na/ gang+gA'i klung gi bye ma snyed kyi 'jig rten gyi khams kyang yongs su gang bar gyur kyang dge ba'i rtsa ba snga ma de/ dge ba'i rtsa ba de'i lhag ma la 'jig rten gyi khams yongs su gang bar gyur pa'i dge ba'i rtsa ba des/ brgya'i char yang
 mi chog pa nas/ bye ba khrag khrig brgya stong gi char yang mi chog cing/ /grangs dang cha dang bgrang ba dang dpe dang rgyur yang byar mi rung ba tsam du dge ba'i rtsa ba mang du 'phel ba bstan pa'o/ /rab 'byor gzhan yang byang chub sems dpa' sems dpa' 
 chen po shes rab kyi pha rol tu phyin pa la spyod pa'i tshe /bskal pa gang+gA'i gi bye ma snyed du sangs rgyas dkon mchog dang/ chos dkon mchog dang/ dge 'dun dkon mchog dang/ dkon mchog gsum la sbyin pa byin na zhes bya ba nas/ de ci'i phyir zhe na/ tshul
 gang gis bla na med pa yang dag par rdzogs pa'i byang chub tu mngon par rdzogs par 'tshang rgya ba de ni byang chub sems dpa' sems dpa' chen po rnams kyi tshul la zhes bya ba'i bar gyis ni/ shes rab kyi pha rol tu phyin pa zab mo ji skad bstan pa 'di
 la brtson par byed pa bsod nams che ba bstan pa ste/ bskal pa'i grangs gang+gA'i klung gi bye ma snyed du dkon mchog gsum la sbyin pa byin pa ni/ /zang zing gi sbyin pa'i 'bras bu longs spyod chen po thob pa tsam du zad kyi/ shes rab kyi pha rol
 tu phyin pa zab mo ji skad du bstan pa 'di la brtson par byas nas/ bla na med pa yang dag par rdzogs pa'i byang chub thob par 'gyur pa'i phyir de bsod nams ches mang du 'phel lo zhes bstan pa'o/ /rab 'byor de ji snyam du sems/ byang chub sems dpa' 
 sems dpa' chen po gang shes rab kyi pha rol tu phyin pa dang bral ba/ gang+gA'i klung gi bye ma snyed kyi bskal par 'dug cing/ rgyun tu zhugs ba la yon phul zhes bya ba nas/ nyan thos dang rang sangs rgyas kyi sa las 'das na/ byang chub sems dpa' i skyon med par
 'jug cing/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bya ba'i bar gyis ni shes rab kyi pha rol tu phyin pa dang mi ldan par gang+gA'i klung gi bye ma snyed kyi bskal par rgyun tu zhugs pa la sogs pa 'phags
 pa'i gang zag rnams la sbyin pa byin pa bas/ shes rab kyi pha rol tu phyin ba zab mo ji skad bstan pa 'di la rtson par byed pa bsod nams che bar bstan pa ste/ 'phags pa'i gang zag rnams la yon phul ba ni zang zing gi sbyin pa'i 'bras bu 'jig
 rten pa'i longs spyod chen po thob pa tsam du zad kyi/ shes rab kyi pha rol tu phyin pa 'di la brtson par byas na nyan thos dang rang sangs rgyas kyi sa las 'das nas/ byang chub sems dpa' i sa dang po la bzhugs te/ bla na med pa yang dag par
 rdzogs pa'i byang chub tu mngon par rdzogs par 'tshang rgya bar 'gyur ba'i phyir bsod nams ches mang du 'phel lo zhes bstan pa'o/ /rab 'byor de ji snyam du sems /byang chub sems dpa' sems dpa' chen po shes rab kyi pha rol tu phyin pa dang bral ba
 zhig /bskal pa gang+gA'i klung gi bye ma snyed du 'dug cing 'tsho ste sbyin pa byin na zhes bya ba nas/ bla na med pa yang dag par rdzogs pa'i byang chub kyi par mngon par rdzogs par 'tshang rgya'o zhes bya ba'i bar gyis kyang/ shes rab kyi pha rol tu phyin pa
 zab mo 'di dang mi ldan par/ bskal pa mang por sbyin pa la sogs par byas pa bas/ shes rab kyi pha rol tu phyin pa zab mo 'di'i don dang mthun par nyin zhag 'ga' zhig pha rol tu phyin pa drug spyad pa bsod nams che ba bstan pa ste/
 shes rab kyi pha rol tu phyin ba dang mi ldan zhing dmigs pa dang bcas par sbyin pa la sogs pa byas nas / 'khor gsum yongs su ma dag pas bla na med pa'i byang chub kyi rgyur mi 'gyur gyi/ shes rab kyi pha rol tu phyin pa dang/ ma bral bar pha rol tu phyin pa drug
 spyad na shes rab kyi pha rol tu phyin pa ni sangs rgyas kyi chos thams cad 'byung ba dang yongs su rdzogs par 'gyur ba'i rgyus yin te / bla na med pa yang dag par rdzogs ba'i byang chub kyi bar du mngon par rdzogs par 'tshang rgya bar 'gyur ba'i phyir bsod
 nams ches mang du 'phel lo zhes bstan pa'o/ /rab 'byor de ji snyam du sems / byang chub sems dpa' sems dpa' chen po shes rab kyi pha rol tu phyin pa dang bral bas/ skal pa gang+gA'i klung gi bye ma snyed du gnas te/ chos kyi sbyin pa byin na zhes
 bya ba nas /rab 'byor de bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab kyi pha rol tu phyin pa dang ma bral bar bya'o zhes bya ba'i
 bar gyis ni dmigs pa dang bcas par chos kyi sbyin pa bskal pa mang por byas pa bas /dmigs pa med cing 'khor gsum yongs su dag par nyin zhag 'ga' zhig chos kyi sbyin pa byas pa/ rnam pa thams cad mkhyen pa nyid thob pa'i rgyu yin pa'i phyir
 bsod nams ches mang du 'phel lo zhes bstan pa'o/ /rab 'byor de ji snyam du sems / shes rab kyi pha rol tu phyin pa dang bral ba'i byang chub sems dpa' sems dpa' chen pos/ bskal pa gang+gA'i klung gi bye ma snyed du gnas te/ dran pa
 nye bar gzhag pa bzhi dang zhes bya ba nas/ rab 'byor de lta bas na byang chub sems dpa' sems dpa' chen pos/ shes rab kyi pha rol tu phyin pa dang ma bral bar bya'o zhes bya ba'i bar gyis ni shes rab kyi pha rol tu phyin pa'i don dang mi ldan zhing/ dmigs pa dang
 bcas par bskal pa mang por dran pa nye bar gzhag pa bzhi la sogs pa rnam par byang ba'i chos rnams la brtson par byas pa pas/ shes rab kyi pha rol tu phyin pa zab mo 'di'i don dang mthun zhing 'khor gsum yongs su dag par nyin zhag 'ga' zhig dran
 pa nye bar gzhag ba bzhi la sogs pa rnam par byang pa'i chos rnams la rtson par byed pa ches bsod nams mang du 'phel ba bstan pa ste/ shes rab kyi pha rol tu phyin pa'i don dang mi ldan pa rnams la spyod pa ni rnam pa thams cad mkhyen pa nyid las phyir
 mi ldog pa srid kyi/ shes rab kyi pha rol tu phyin pa'i don dang mthun zhing/ 'khor gsum yongs su dag par rnam par byang pa'i chos rnams la spyod pa ni nam yang rnam pa thams cad mkhyen pa nyid las phyir ldog pa mi srid pa'i phyir bsod nams ches mang
 du 'phel zhes bstan pa'o/ /rab 'byor de ji snyam du sems / byang chub sems dpa' sems dpa' chen po shes rab kyi pha rol tu phyin pa dang bral bas bskal pa gang+gA'i klung gi bye ma snyed du gnas te/ zang zing gi sbyin pa de dang chos kyi sbyin pa de dang
 zhes bya ba nas/ rab 'byor de lta bas na byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs pa'i 'tshang rgya bar 'dod pas shes rab kyi pha rol tu phyin pa'i yongs su bsngo ba la mkhas bar
 bya'o zhes bya ba'i bar gyis ni shes rab kyi pha rol tu phyin pa dang mi ldan par zang zing gi sbyin pa dang/ chos kyi sbyin pa byas pa'i bsod nams dang/ bsam gtan bsgom pa'i bsod nams de dag bskal pa mang por bla na med ba yang dag par rdzogs
 pa'i byang chub tu yongs su bsngos ba'i bsod nams pas/ shes rab kyi pha rol tu phyin pa'i don dang mthun zhing 'khor gsum yongs su dag par zang zing gi sbyin pa dang/ chos kyi sbyin pa dang bsam gtan bsgom pa nyin zhag 'ga' 
 zhig byas ba'i bsod nams bla na med pa yang dag par rdzogs pa'i byang chub tu yongs su bsngos pa bsod nams ches mang du 'phel ba bstan pa'o/ /rab 'byor de ji snyam du sems/ rigs kyi bu 'am rigs kyi bu mo shes rab kyi pha rol tu phyin pa dang
 bral ba gang la las zhes bya ba nas/ shes rab kyi pha rol tu phyin pa'i yongs su bsngo ba la mkhas bar bya'o zhes bya ba'i par gyis ni shes rab kyi pha rol tu phyin pa'i don dang mi ldan zhing/ dmigs pa dang bcas par bskal pa mang por dus gsum gyi
 sangs rgyas bcom ldan 'das nyan thos kyi dge 'dun dang bcas pa'i dge ba'i rtsa ba thams cad la rjes su yi rang nas/ de ltar rjes su yi rangs pa'i bsod nams bla na med ba yang dag par rdzogs pa'i byang chub tu yongs su bsngos pa'i bsod nams
 pas shes rab kyi pha rol tu phyin pa zab mo 'di las ji skad bstan pa'i don dang mthun par byas te/ nyin zhag gcig gi dge ba'i rtsa bla na med pa yang dag par rdzogs pa'i byang chub tu yongs su bsngos ba bsod nams ches mang du 'phel pa
 bstan pa ste/ bsngo ba thams cad kyi sngon du 'gro ba zhes bya ba ni/ nyan thos dang rang sangs rgyas la sogs pa dmigs pa can rnams kyis bsod nams yongs su bsngo pa thams cad pas shes rab kyi pha rol tu phyin pa'i don dang ldan zhing/
 'khor gsum yongs su dag pa'i bsngo ba mchog yin no zhes bya ba'i don to/ /gsol pa bcom ldan 'das mngon par 'du bgyis pa ma mchis pa ni/ yongs su brtag pa'o zhes bcom ldan 'das kyis bka' stsal pa/ de la ji ltar rigs kyi
 bu 'am rigs kyi bu mo de'i bsod nams ches mang du 'gyur ba lags zhes bya ba ni gong du bcom ldan 'das kyi shes rab kyi pha rol tu phyin pa dang ma bral bar byang chub sems dpa' i spyod pa spyad pa bsod nams mang du 'phel bar bshad pa shes rab kyi pha
 rol tu phyin pa dang ma bral ba ni/ 'khor gsum yongs su dag pa yin pas ci la yang mi dmigs te /stong pa nyid kyi mtshan nyid yin/ bsod nams mang du 'phel ba'i rgyu dang rkyen gyis 'gyur ba yin pas kun brtags pa
 yin pas /'khor gsum yongs su dag pa'i rang bzhin las/ rgyu dang rkyen gyis bskyed pa'i bsod nams ji ltar 'phel bar 'gyur zhes rab 'byor gyi gal bzung ste zhus pa'o/ /bcom ldan 'das mngon par 'du bgyi ba ma mchis pa ni
 yang dag par lta ba bskyed pa 'am/ skyon ma mchis par yang dag par 'jug par mi nus so zhes bya ba nas bla na med pa yang dag par rdzogs pa'i byang chub tu mngon par rdzogs par 'tshang rgya bar yang mi nus so zhes bya ba'i bar gyis kyang/
 gong du smos pa'i ga la? bzung ba nyid zhib tu bshad de gsol pa'o/ /bcom ldan 'das kyis bka' stsal pa/ rab 'byor de de bzhin no de de bzhin te zhes bya ba nas/ bla na med pa yang dag par rdzogs pa'i byang chub tu mngon par rdzogs par 'tshang rgya bar mi nus te zhes bya ba'i bar gyis ni rab 'byor gyi gal bzung pa de rigs par gal bzung ste zhus pa bstan ba'o/ /rab 'byor de la byang chub sems dpa' sems dpa' chen po shes rab kyi pha rol tu phyin pa la spyod pa'i sbyin pa de yang
 mngon par 'du bya ba med pa ste stong pa nyid du snang ngo zhes bya ba nas / dngos po med pa'i ngo bo nyid stong pa nyid la shin tu bslab pa'o zhes bya ba'i bar gyis ni rab 'byor gyis gal bzung ste zhus pa'i lan btab pa ste/ shes rab kyi pha rol tu
 phyin pa dang ma bral bas/ stong pa nyid bco brgyad kyi don shin tu bslabs par 'gyur ba'i phyir sbyin pa la sogs pa spyad do cog kyang 'khor gsum yongs su dag pas ci yang mi dmigs te/ stong pa nyid dang/ gsog dang/ gso ba? dang
 snying po med par mthong bar 'gyur bas don dam pa bsod nams 'phel bar 'gyur ba 'am/ yang dag par lta ba skyed pa la sogs pa gang gi bya ba yang med do zhes bstan pa'o/ /rab 'byor byang chub sems dpa' sems dpa' chen po de ni stong pa nyid de dag la gnas shing zhes
 bya ba nas/ de lta de ltar grangs med dpag tu med tshad med pa'i bsod nams 'phel bar 'gyur ro zhes bya ba'i bar gyis ni de ltar don dam par 'khor gsum yongs su dag pas ci yang mngon par 'du bya ba med du zin kyang/ shes rab kyi pha rol tu phyin pa dang ma
 bral bas/ chos kyi dbyibs kyi byin gyis brlabs dang/ sngon gyi smon lam gyi shugs kyis rnam par rtog pa dang/ rnam par dpyod pa med par yang lhun gyis grub pa nyid du bsod nams kyi tshogs tshad med grangs med dpag tu med pa/ mi 'phel
 ba yang ma yin no zhes bstan pa'o/ /gsol pa bcom ldan 'das grangs ma mchis pa dang dpag tu ma mchis pa dang /tshad ma mchis pa la bye brag ni ci mchis?/ khyad par ni ci mchis zhes bya ba ni don dam par chos thams cad dngos po med
 par grangs dang dpag pa dang tshad kyi thog tu phebs par byar mi rung ba'i gleng bslang ba'i phyir rab 'byor gyis zhus ba'o/ /bcom ldan 'das kyis bka' stsal pa/ rab 'byor grangs med pa zhes bya ba ni gang 'dus byas kyi khams sam 'dus ma byas kyi khaMs?
 su bgrang bar yang nye bar mi 'gro'o zhes bya ba ni don dam par chos thams cad rang bzhin gyis stong pas/ 'di dag ni 'dus byas kyi grangs su brtsi'o/ /'di dag ni 'dus ma byas kyi grangs su brtsi'o zhes bya bar tshig gis bgrang zhing nges par
 thog tu mi phebs zhes bya ba'i don to/ /rab 'byor dpag tu med pa zhes bya ba ni 'das pa dang ma 'ongs pa dang/ da ltar byung ba'i chos rnams la tshad me dmigs so zhes bya ba ni don dam par chos thams cad rang bzhin gyis stong bas dus gsum gyi chos rnams
 kyi rang bzhin 'dri 'dra ba'o zhes ye shes kyis dpag tu med do zhes bstan pa'o/ /rab 'byor tshad med pa zhes bya ba ni gang la gzhal bar mi nus pa'o/ zhes bya ba ni chos thams cad rang bzhin gyis stong bas srang grangs la sogs pas gzhal bas thog tu
 dbab tu med do zhes bya ba'i don to/ /gsol ba bcom ldan 'das rnam grangs gang gis gzugs kyang grangs ma mchis/ dpag tu ma mchis/ tshad ma mchis par 'gyur ba de lta bu'i rnam grangs ma mchis sam zhes bya ba nas/ rnam par shes
 pa yang grangs ma mchis dpag tu ma mchis tshad ma mchis par 'gyur ba'i rnam grangs de lta bu ma mchis sam zhes bya ba'i bar gyis ni bsod nams 'phel ba la grangs dang/ dpag pa dang/ tshad med pa bzhin du/ phung po lnga yang don dam par
 dngos po yod pa ma yin pas/ grangs dang/ dpag pa dang/ tshad med par bshad pa'i skabs dbye ba'i phyir rab 'byor gyis zhus pa'o/ /bcom ldan 'das kyis bka' stsal pa/ rab 'byor rnam grangs gang gis zhes bya ba nas/ rnam par
 shes pa yang grangs med dpag tu med/ tshad med par 'gyur ba'i rnam grang sa de lta bu yod do zhes bya ba'i bar gyis ni chos thams cad rang bzhin gyis stong pa la dgongs nas/ bung po lnga rnams grangs dang dpag pa dang tshad med pa de lta bu'i rnam grangs
 yod do zhes bka' stsal pa'o/ /gsol pa bcom ldan 'das rnam grangs gang gis na / gzugs kyang grangs ma mchis dpag tu ma mchis tshad ma mchis par 'gyur pa lags zhes bya ba nas/ rnam par shes pa yang grangs ma mchis/
 dpag tu ma mchis tshad ma mchis par 'gyur pa lags zhes bya ba'i bar gyis ni gzugs la sogs pa'i phung po lnga rnams rang bzhin gyis stong pas/ grangs dang dpag pa dang tshad med ba'i don zhing? du bshad pa'i gleng bslang
 pa'i phyir rab 'byor gyis zhus pa'o/ /bcom ldan 'das kyis bka' stsal pa/ rab 'byor gzugs kyang stong pa ste /grangs med dpag tu med tshad med pa'o zhes bya ba nas/ rnam par shes pa yang stong pa ste/ grangs med dpag tu med tshad med
 pa'o zhes bya ba'i bar gyis ni gzugs la sogs pa'i phung po lnga la grangs dang dpag pa dang tshad med pa yang phung po lnga char rang bzhin gyis stong pa'i phyir grangs dang dpag pa dang/ tshad med do zhes bstan pa'o/ /gsol pa bcom ldan
 'das gzugs 'ba' zhig stong zhes bya ba nas/ rnam par shes pa 'ba' zhig stong du bas kyis /ci chos thams cad stong pa ma lags sam zhes bya ba ni chos thams cad stong pa nyid du bshad pa'i gleng bslang ba'i phyir rab 'byor gyis
 zhus pa'o/ /bcom ldan 'das kyis bka' stsal pa/ rab 'byor de ji snyam du sems ngas chos thams cad stong pa'o zhes ma bshad dam zhes bya bas ni ji ltar phung po lnga stong pa bzhin du chos thams cad kyang stong ngo zhes ngas bshad do
 zhes bya pa'i don to/ /gsol pa bcom ldan 'das de bzhin gshegs pas chos thams cad stong pa'o zhes gsungs te zhes bya ba nas/ bcom ldan 'das de bas na chos de dag las don dam par yi ge tha dad du bgyi ba mi dmigs so zhes bya
 ba'i bar gyis ni chos thams cad rang bzhin gyis stong pas/ don dang tshig tu grangs dang tshad gyi bye brag dbye med zhes gsol pa'o/ /bcom ldan 'das kyis bka' stsal ba/ rab 'byor de de bzhin no/ de de bzhin te/ chos de dag la
 don nam yi ge tha dad du mi dmigs so zhes bya bas ni/ rab 'byor gyis gsol ba'i don de dag 'khor thams cad kyis yid ches bar bya ba'i phyir de bden no zhes bka' stsal pa'o/ /rab 'byor mi zad pa zhes bya ba 'am zhes bya ba nas/ mya ngan las 'das pa
 zhes bya ba 'di ni brjod du med pa las de bzhin gshegs pa brjod de zhes bya ba'i bar gyis ni mi zad pa dang tshad med pa la sogs pa stong pa nyid kyi rnam grangs rnams don dam par brjod du med pa yin yang/ de bzhin gshegs pa'i thugs rje chen
 pos sems can rnams bkri zhing drang ba'i phyir mi zad pa dang/ tshad med pa dang/ stong pa dang/ mtshan ma med pa dang/ smon ba med pa dang/ mngon par 'du bya ba med pa dang/ skye ba med pa dang/ 'dod chags dang bral ba zhes bya ba dang/ 'ga' pa med
 ba zhes bya ba// mya ngan las 'das ba zhes par kun rdzob kyi bden pa la gnas te brjod de zhes bstan pa mi zad pa zhes bya ba 'am zhes bya ba nas/ mya ngan las 'das pa zhes bya ba de ni de bzhin gshegs pa'i bstan pa mngon par bsgrub par bshad pa'o
 zhes bya ba'i bar gyis ni gong du bshad ba'i don de nyid zhib tu bstan pa ste/ sems can rnams don dam pa'i dbyings la gzung pa'i phyir de bzhin gshegs pas kun rdzob tu mi zad pa la sogs pa'i ming gis sgro btags te bshad do zhes bya ba'i don
 to/ gsol pa bcom ldan 'das chos rnams kyi chos nyid de bzhin gshegs pas bstan la chos nyid de yang brjod du ma mchis pa ni ngo tshar che'o zhes bya ba ni de ltar don dam par chos thams cad rang bzhin gyis stong ste/ dngos po med kyang kun
 rdzob tu thabs mkhas pas sems can bkri ba'i phyir ming dang mtshan mar sgro btags te bstan pa bcom ldan 'das la rab 'byor gyis bstod pa'o/ /bcom ldan 'das kyis gsungs pa'i don bdag gis 'tshal ba ltar na/ bcom ldan 'das chos
 thams cad ni brjod du ma mchis pa'o/ zhes bya ba ni gong du smos? pa'i don de nyid mdor bsdus nas bstan pa ste /don dam par chos thams cad rang bzhin gyis stong pas /ming dang tshig gis brjod du med do zhes bya ba'i don to/ /bcom
 ldan 'das gyis bka' stsal pa/ rab 'byor de de bzhin no de de bzhin te/ rab 'byor chos thams cad ni brjod du med pa'i zhes bya ba ni rab 'byor gyis gsol pa'i don de 'khor rnams kyis yid ches par bya ba'i phyir de de bzhin no zhes bka' stsal ba'o//
 rab 'byor chos thams cad brjod du med pa gang yin pa de ni stong pa nyid de/ stong pa nyid la ci brjod pa gang yang med do zhes bya ba ni don dam par chos thams cad rang bzhin gyis stong pa la/ ming dang tshig gis bstan du med do zhes bya ba'i don to/ /
 stong pa nyid ni brjod par bya mi nus so zhes bya ba ni stong pa nyid la brjod du med pa'i don de nyid bsnon te bstan pa'o/ /gsol pa bcom ldan 'das brjod du ma mchis pa'i don la 'phel ba dang yongs su 'grib pa ma mchis sam zhes bya ba ni don dam
 par chos thams cad rang bzhin gyis stong pa la 'phel ba'am 'grib pa med pa'i don zhib tu bshad pa'i skabs dbye ba'i phyir rab 'byor gyis zhus pa'o/ /bcom ldan 'das kyis bka' stsal pa/ rab 'byor de ni ma yin te rab 'byor brjod du med pa'i don
 la ni 'phel ba 'am yongs su 'grib pa med do zhes bya bas ni brjod du med pa zhes bya ba stong pa nyid la bya ba ste/ stong pa nyid la ni rnam par byang ba'i phyogs su gtogs pa'i chos rnams kyis 'phel bar 'gyur ba'am/ nyon mongs ba'i phyogs su gtogs
 pa'i chos rnams kyis 'grib par 'gyur ba yang med de zhes mdor bstan pa'o/ /gsol pa bcom ldan 'das gal te brjod du ma mchis pa'i don la 'phel ba dang yongs su 'grib ba ma mchis na/ bcom ldan 'das des sbyin pa'i pha rol tu phyin pa
 yang 'phel ba dang yongs su 'grib pa ma mchis par 'gyur ro zhes bya ba nas/ bcom ldan 'das sangs rgyas kyi chos ma 'dres pa rnams kyang 'phel ba dang yongs su 'grib ba ma mchis par 'gyur ro zhes bya ba'i bar gyis ni de ltar chos thams cad rang bzhin gyis stong
 zhing brjod du med pa la 'phel ba dang 'grib pa med na/ pha rol tu phyin pa drug la sogs pa rnam par byang ba'i chos thams cad la yang 'phel ba dang 'grib? ba med par 'gyur ro zhes rab 'byor gyis gal bzung ste gsol pa'o/ /bcom ldan 'das de ltar gyur na
 sbyin pa'i pha rol tu phyin pa ma mchis par 'gyur ro zhes bya ba nas/ bcom ldan 'das de ltar gyur nas sangs rgyas kyi chos ma 'dres pa rnams ma mchis par 'gyur ro zhes bya ba'i bar gyis ni de ltar chos thams cad rang bzhin gyis stong zhing brjod du yang
 med la/ 'phel pa dang 'grib pa yang med par 'gyur na/ pha rol tu phyin pa drug la sogs pa rnam par byang ba'i chos thams cad kyang med par 'gyur ro zhes rab 'byor gyis gsol pa'o/ /chos de dag ma mchis na rnam pa thams cad mkhyen pa nyid
 kyang ma mchis par 'gyur ro/ /rnam pa thams cad mkhyen pa nyid ma mchis na su zhig bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes bya ba ni de ltar pha rol tu phyin pa drug la sogs pa rnam par byang ba'i
 chos rnams med na/ chos de rnams kyi 'bras bu rnam pa thams cad mkhyen pa nyid kyang med par 'gyur te /de ltar gyur nas su yang bla na med pa yang dag par rdzogs pa'i byang chub tu mngon par rdzogs par 'tshang rgya bar mi 'gyur ba'i skyon du 'gyur ro//
 zhes rab 'byor gyis gsol pa'o/ /rab 'byor gyis de ltar gal bzung ste gsol pa yang khong rnams de lta bu'i the tshom skye ba bsal ba dang/ don dam par chos thams cad rang bzhin gyis stong zhing brjod du med kyang kun rdzob tu thabs mkhas
 bas spyad cing yongs su bsngos na 'bras bu med par mi 'gyur ba'i don zhib tu bshad pa'i skabs dbye ba'i phyir ro/ /bcom ldan 'das kyis bka' stsal pa/ rab 'byor de de bzhin no de de bzhin te/ brjod du med pa'i don la ni 'phel ba 'am/
 yongs su 'grib ba med do zhes bya ba ni rab 'byor gyis gong du gal bzung ste gsol pa de 'khor rnams kyis yid ches par bya ba'i phyir de bden no zhes bka' stsal pa'o/ /rab 'byor gal te thabs mkhas pa'i byang chub sems dpa' sems dpa' chen po shes rab
 kyi pha rol tu phyin pa la spyod pa dang zhes bya ba nas/ de yang bla na med pa yang dag par rdzogs pa'i byang chub tu ji lta ba bzhin du yongs su bsngo'o zhes bya ba'i bar gyis ni de ltar gong du bshad pa'i tshul gyis don dam par chos thams cad rang bzhin gyis
 stong ste/ brjod du med kyang kun rdzob tu thabs mkhas pas shes rab kyi pha rol tu phyin pa la spyod pa'i tshe/ pha rol tu phyin pa drug kyang don dam par dngos po med pas 'di dag ni ming tsam du zad do zhes bya bar khong du chud pas pha rol tu
 phyin pa drug gis rnam par 'phel bar 'gyur ba'i rlom sems kyang mi skye la /kun rdzob tu thabs mkhas pas dge ba'i rtsa ba de dag bla na med pa yang dag par rdzogs pa'i byang chub tu yongs su bsngos na bla na med pa yang dag par rdzogs pa'i byang chub tu mngon
 par rdzog? par 'tshang rgya bar 'gyur ro zhes bstan pa'o/ /de yang bla na med pa yang dag par rdzogs pa'i byang chub ji lta ba de bzhin du yongs su bsngo ba'o zhes bya ba ni bsngo ba yongs su dag par bstan pa ste/ dngos por dmigs shing mngon par chags pa
 med par yongs su bsngo'o zhes bya ba'i don to/ /gsol pa bcom ldan 'das bla na med pa yang dag par rdzogs pa'i byang chub ji lta bu lags zhes bya ba ni chos thams cad de bzhin nyid dang/ bla na med pa'i byang chub gnyis don dam pa'i rang bzhin
 gyis tha mi dad de/ gcig par bstan pa'i skabs dbye ba'i phyir zhus pa'o/ /bcom ldan 'das kyis bka' stsal pa/ rab 'byor chos thams cad kyi de bzhin nyid gang yin pa de bla na med pa yang dag par rdzogs pa'i byang chub bo zhes bya ba ni chos thams cad kyi rang bzhin
 stong pa nyid gang yin pa rtogs pa de nyid bla na med pa yang dag par rdzogs pa'i byang chub yin gyis/ de las gung na bla na med pa yang dag par rdzogs pa'i byang chub med do zhes bstan pa'o/ /gsol pa bcom ldan 'das chos thams cad gang rnams kyi de bzhin
 nyid bla na med pa yang dag par rdzogs pa'i byang chub lags zhes bya ba ni gong du chos thams cad kyi de bzhin nyid gang yin pa de bla na med pa yang dag par rdzogs pa'i byang chub bo zhes mdor bshad pa chos thams cad ces bya ba gang dang gang yin pa 'khor rnams
 la zhib tu bshad pa'i skabs dbye ba'i phyir rab 'byor gyis zhus pa'o/ /bcom ldan 'das kyis bka' stsal pa/ rab 'byor gzugs kyi de bzhin nyid gang yin pa de bla na med pa yang dag par rdzogs pa'i byang chub po zhes bya ba nas/ rnam pa thams cad
 mkhyen pa nyid kyi de bzhin nyid gang yin pa de bla na med pa yang dag par rdzogs pa'i byang chub bo/ /mya ngan las 'das pa'i de bzhin nyid gang yin pa de bla na med pa yang dag par rdzogs pa'i byang chub ste zhes bya ba'i bar gyis ni chos thams cad ces bya ba gang
 dang gang yin ba gzugs la sogs pa rnam pa thams cad mkhyen pa nyid dang/ mya ngan las 'das pa la thug gi bar gyi/ chos rnams re re nas smos te/ chos de dag thams cad kyi rang bzhin stong pa nyid de bzhin nyid gang yin pa de nyid bla na med pa yang dag par
 rdzogs pa'i byang chub yin gyi/ de las gud na bla na med pa yang dag par rdzogs pa'i byang chub ces bya ba'i dngos po gang yang med do zhes bstan pa'o/ /de ni 'phel ba yang med do yongs su 'grib pa yang med do zhes bya ba ni de ltar chos thams cad kyi
 de bzhin nyid dang/ tha mi dad pa'i bla na med pa yang dag par rdzogs pa'i byang chub de ni rang bzhin gyis yongs su dag cing mi 'gyur bar yongs su gyur ba yin pas rnam par byang ba'i phyogs kyis sangs rgyas par 'gyur ba 'am/ nyon mongS
 pa'i phyogs kyis nyams par 'gyur ba med do zhes bya ba'i don to/ /rab 'byor de la ni byang chub sems dpa' sems dpa' chen po shes rab kyi pha rol tu phyin pa dang ma bral ba rgyun mi 'chad par rtag tu rnam par spyod de/ chos gang la yang 'phel ba 'am
 yongs su 'grib par yang dag par rjes su mi mthong ngo zhes bya ba ni byang chub sems dpa' thabs mkhas pa shes rab kyi pha rol tu phyin pa don dang mthun par spyod pa ni chos thams cad kyi de bzhin nyid dang tha mi dad pa'i bla na med pa yang dag par
 rdzogs pa'i byang chub de la rtag tu rgyun mi 'chad par spyod cing gnas pas/ chos gang la yang 'phel ba dang 'grib pa yod par mi lta'o/ zhes bya ba'i don to/ /rab 'byor de ltar na brjod du med pa'i don ni 'phel ba med cing yongs su 'grib ba med pa ste zhes bya ba
 nas/ sangs rgyas kyi chos ma 'dres pa rnams la 'phel ba yang med do/ /yongs su 'grib pa yang med do/ /rab 'byor de ltar byang chub sems dpa' sems dpa' chen pos 'phel ba med pa dang/ yongs su 'grib pa med pa'i tshul gyis shes rab kyi
 pha rol tu phyin pa la spyad par bya'o zhes bya ba'i bar gyis ni brjod du med pa'i don la 'phel ba dang 'grib pa med pa bshad pa'i don mjug bsdus te bstan nas/ de ltar chos thams cad rang bzhin gyis stong ste/ brjod du med pas 'phel ba med pa dang/ yongs su
 'grib pa med pa'i tshul gyis shes rab kyi pha rol tu phyin pa la spyad na bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes rab 'byor la rjes su gdams te bstan pa'o/ /gsol pa bcom ldan 'das ci lags
 sems dang po bskyed pas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya'am zhes bya ba la sogs pas ni gong du shes rab kyi pha rol tu phyin pa dang ma bal zhing thabs mkhas pas yongs
 su bsngos na/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bstan pa'i skabs nas bla na med pa yang dag par rdzogs pa'i byang chub tu thabs ji ltar mngon par rdzogs par 'tshang rgya bar 'gyur ba zhus pa ste/ sems
 bskyed pa gang gis mngon par rdzogs par 'tshang rgya ba zhus pa yang 'khor rnams la rten cing 'brel par 'byung pa'i don zab mo bshad pa'i skabs dbye ba'i phyir ro/ /de la sems dang po bskyed pa zhes bya ba ni so so skye bo'i tshe dang po byang chub tu sems bskyed pa la bya'o/ /sems phyi ma bskyed pa zhes bya ba ni byang chub
 kyi snying por rdo rje lta bu'i ting nge 'dzin gyis sgrib pa thams cad yongs su spangs nas mngon par rdzogs bar 'tshang rgya ba'i sems la bya ste/ sems de gnyis gang gis mngon par rdzogs par 'tshang rgya bar 'gyur zhes zhus pa'o/ /bcom ldan 'das gal
 te sems dang po bskyed pas byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya na ni zhes bya ba nas/ dge ba'i rtsa ba ma bsags par ni bla na med pa yang dag par rdzogs
 pa'i byang chub tu mngon bar rdzogs par 'tshang rgya bar mi nus so zhes bya ba'i bar gyis ni bla na med pa yang dag par rdzogs pa'i byang chub tu mngon par rdzogs par 'tshang rgya bar yang bsod nams dang/ ye shes kyi tshogs bsags pa las 'gyur
 na/ dge ba'i rtsa ba la sogs pa'i sems bskyed pa rnams/ skad cig re re la 'jig pa'i rang bzhin can te/ snga ma dang phyi ma mi 'grogs pas dge ba'i rtsa ba bsag tu med na/ ji ltar bla na med pa yang dag par rdzogs pa'i byang chub tu
 mngon par rdzogs par 'tshang rgya bar 'gyur zhes rab 'byor gyis gal bzung ste zhus pa'o/ /bcom ldan 'das kyis bka' skal pa/ rab 'byor khyod kyis don de nyid shes par bya ba'i phyir dpe bstan te zhes bya ba nas/ gsol pa bcom ldan
 'das de ni tshig go /bde bar gshegs pa de ni tshig go zhes bya ba'i bar gyis ni 'khor thams cad kyis don rtogs par sla ba'i phyir mar me'i dpe bstan pa ste/ mar me'i me lce 'bar bas ras kyi snying po tshig par 'gyur pa mar me'i me lce skad cig re re la 'jig pa'i
 rang bzhin can te/ me lce snga mas tshig ces byar yang mi rung/ phyi mas tshig ces byar yang mi rung/ me lce de dag gis kyang tshig pa yang ma yin te/ de dag gcig la gcig brten pas snying po de tshig par 'gyur ro zhes bstan pa'o/ /bcom ldan 'das kyis
 bka' stsal pa/ rab 'byor de de bzhin te zhes bya ba nas/ bla na med pa yang dag par rdzogs pa'i byang chub tu mngon par rdzog par 'tshang mi rgya bar yang ma yin no zhes bya ba'i bar gyis ni dpe bstan par bya ba'i don nyid bshad pa ste /dge ba'i rtsa ba
 la sogs par byed pa'i sems snga phyir skyed pa rnams skad cig re re la 'jig pa'i rang bzhin can yin du zin kyang/ sems bskyed pa snga ma 'gags pa'i rgyus phyi ma skyes pa bar ma chang cing gcig la gcig brten rte 'byung ba'i tshe/ dge ba'i rtsa ba'i
 bag chags bstsags? pa rnams kyi sgrb pa ma lus par gsa lte bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur zhes bstan pa'o/ /rab 'byor 'di la byang chub sems dpa' sems dpa' chen po
 shes rab kyi pha rol tu phyin pa la spyod pa'i tshe /sems dang po bskyed pa nas nye bar bzung ste/ sa bcu yongs su rdzogs par byas nas /bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bya bas ni gong? du
 bshad? pa'i don 'jug bsdus nas bstan pa ste / de ltar don dam par sems dang sems las byung ba snga phyi bskyed pa rnams skad cig re re la 'jig pa'i rang bzhin can te/ dngos po med du zin kyang kun rdzob tu rten cing 'brel bar 'byung ba'i tshul gyis
 dge ba'i rtsa ba skyed de/ bsod nams dang ye shes kyi tshogs bsags shing/ sa bcu yongs su rdzogs par byas nas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bya ba'i don to/ /gsol pa bcom ldan
 'das sa bcu po gang dang gang yongs su rdzogs par bgyis nas/ byang chub sems dpa' sems dpa' chen po/ bla na med pa yang dag par rdzogs pa'i byang chub tu mngon par rdzogs par 'tshang rgya ba lags zhes bya bas ni theg pa che chung gnyis ka la
 grags pa'i sa bcu rnams bshad ba'i skabs dbye ba'i phyir rab 'byor gyis zhus pa'o/ /bcom ldan 'das kyis bka' stsal pa/ rab 'byor dkar po rnam par mthong ba'i sa yongs su rdzogs par byas nas zhes bya ba nas/ sangs rgyas kyis yongs su rdzogs
 par byas nas/ bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bya ba'i bar gyis ni theg pa che chung gnyis ka las grags pa'i sa bcu gang dang gang yongs su rdzogs par byas nas bla na med pa yang dag par rdzogs
 pa'i byang chub tu mngon par rdzogs par 'tshang rgya bar 'gyur ba zhib tu bstan pa ste/ de la dkar po rnam par mthong ba'i sa zhes bya ba ni mos par spyod pa'i sa la dran pa nye bar gzhag pa bzhi dang/ yang dag par spong ba bzhi dang/ rdzu 'phrul gyi rkang
 pa bzhi dang/ dbang po lnga rnams sgom pa'i tshe/ 'jig rten las 'das pa'i sa thob par 'gyur ba'i snga ltas/ drong dang rtse mo dang bzod pa zhes bya ba'i ting nge 'dzin lhag mthong dang bcas pa 'thob pa la bya'o/ /rigs kyi sa zhes bya ba ni mos pas
 spyod pa'i sa la stobs lnga sgom pa'i tshe/ 'jig rten chos kyi mchog thob pas 'phags pa'i rigs su 'gyur ba'i phyir rigs kyis zhes bya'o/ /brgyad pa'i sa zhes bya ba ni dgra bcom pa nas yas bgrangs na/ rgyun tu zhugs pa'i
 'bras bu la 'jug pa grangs brgyad pa la 'bab pa'i phyir rgyun tu zhugs pa'i 'bras bu la 'jug pa brgyad pa'i sa zhes bya'o/ /mthong ba'i sa zhes bya ba ni rgyun tu zhugs pa'i 'bras bu thob pa/ 'jig rten las 'das pa'i chos mthong ste/ mthong ba'i
 lam la gnas pa'i phyir mthong ba'i sa zhes bya'o/ /bsrabs pa'i sa zhes bya ba ni lan cig phyir 'ong pa'i sa la gnas pas /'dod ba'i 'dod chags dang/ gnod sems srab mor byas pa'i phyir lan cig phyir 'ong ba'i sa la bsrabs pa'i sa zhes bya'o/ /
 'dod chags dang bral ba'i sa zhes bya ba ni phyir mi 'ong ba'i sa la gnas pas 'dod chags dang gnod sems rab tu spangs pas phyir mi 'ong ba'i sa la 'dod chags dang bral ba'i sa zhes bya'o/ /byas pa rtogs pa'i sa zhes bya ba ni dgra bcom par gyur pa'i tshe/
 khams gsum gyi nyon mongs pa thams cad spang ste/ bya ba byas khur bor bas/ de phan chad phung po gzhan mi len par shes pa'i phyir dgra bcom pa'i sa la byas pa rtogs pa'i sa zhes bya'o/ /rang sangs rgyas kyi sa zhes bya ba ni theg pa chung du'i
 gang zag shes rab rnon po rten cing/ 'brel par 'byung ba'i don gzhan gyis ma bstan par bdag rang gis rtogs pa la sangs rgyas kyi sa zhes bya'o/ /byang chub sems dpa' i sa zhes bya ba ni byang chub sems dpa' i sa bcu la bya'o/ /sangs rgyas kyi sa zhes bya
 ba ni sangs rgyas kyis kun tu 'od ces bya ba me long lta bu'i ye shes dang/ mnyam pa nyid kyi ye shes dang/ so sor rtogs pa'i ye shes dang/ bya ba grub pa'i ye shes la sogs pa'i yon tan dang ldan pa la bya'o/ /de la byang chub sems dpa' 
 sems dpa' chen po sa bcu la slob pa ni sems dang po bskyed pas kyang bla na med pa yang dag par rdzogs pa'i byang chub tu mngon par rdzogs par 'tshang rgya ba ma yin zhes bya ba nas /bcom ldan 'das byang chub sems dpa' sems dpa' chen po bla na med pa yang dag par
 rdzogs pa'i byang chub tu mngon par rdzogs par 'tshang rgya ba de ni rten cing 'brel par 'byung ba zab bo zhes bya ba'i bar du ni de ltar gong du bshad pa'i don bcom ldan 'das kyis mjug bsdus nas bstan pa dang/ rab 'byor gyis kyang tshig dang don de dag bzlas te gsol
 nas/ de lta bu'i rten cing 'brel bar 'byung ba de thabs mi mkhas pa dmigs pa can rnams kyis rtogs par mi nus pa'i phyir zab bo zhes gsol ba'o/ /bcom ldan 'das kyis bka' stsal pa rab 'byor de ji snyam du sems/ sems gang 'gags pa de
 phyir skye bar 'gyur ram zhes bya ba la sogs pas ni don dam par chos thams cad rang bzhin gyis mya ngan las 'das pa yin pa'i don bstan pa'i phyir bka' stsal pa ste/ sems gang 'gags pa de phyir skye bar 'gyur ba 'am zhes bya ba ni don dam par sems dngos po
 med cing/ rang bzhin gyis mya ngan las 'das pa de dngos po yod par mi 'gyur ro zhes bya ba'i don to/ /sems gang bskyed pa 'gags pa'i chos can yin nam zhes bya ba ni kun rdzob tu sems bskyed pa de yang don dam par dngos po med do zhes bya ba'i don to//
 gang 'gag pa'i chos can de 'gag par 'gyur ram zhes bya ba'i don dam par dngos po med de rang bzhin gyis mya ngan las 'das pa de la ni/ phyis 'gag par 'gyur ba med do zhes bstan pa'o/ /de bzhin nyid ji lta ba bzhin du gnas par 'gyur ram
 zhes bya ba ni de ltar skye 'gag med pa de ni de bzhin nyid kyi rang bzhin las mi 'gyur bar yongs su grub pa'o zhes bya ba'i don to/ /rab 'byor gal te de bzhin nyid ji lta ba bzhin du gnas par 'gyur na rtag par mi 'gyur ram zhes bya ba ni mu stegs can
 rtag par lta ba rnams dang mi 'dra bar bstan pa'i phyir dris pa'o/ /gsol pa bcom ldan 'das de ni ma lags so zhes bya ba mu stegs can ni dngos po yod pa las rtag par lha'i/ 'dir ni dngos po med pa las gzhan du ni?
 'gyur ba la de bzhin nyid ji lta ba bzhin du gnas pa zhes bya ba nas mu stegs can gyi rtag par lta ba 'dra bar mi 'gyur ro zhes gsol ba'o/ /de bzhin nyid zab bo zhes bya ba ni/ de ltar mi 'gyur bar yongs su grub pa yang ma yin la/ rtag pa yang ma
 yin pa de ni dmigs pa can rnams kyi spyod yul ma yin pa'i phyir zab bo zhes bstan pa'o/ /sems de yang de bzhin nam zhes bya ba ni de bzhin nyid zab pa bzhin du sems de yang zab pa yin nam zhes dris ba'o/ /gsol pa bcom ldan 'das de ni ma lags so
 zhes bya ba ni kun rdzob kyi sems skye zhing 'gag pa can de ni de ltar zab pa ma yin no zhes gsol pa'o/ /de bzhin nyid las sems gud na yod dam zhes bya ba ni don dam pa las dgongs te dris pa'o/ /gsol pa bcom ldan 'das de ni ma lags so zhes bya ba
 ni don dam par de bzhin nyid las sems gud na yod pa yang ma yin no zhes gsol pa'o/ /sems la de bzhin nyid yod dam zhes bya ba dang/ de bzhin nyid la sems yod dam zhes bya ba ni de ltar de bzhin nyid las sems gud na yod pa ma yin na/
 de gnyis gzhi dang rten pa'i tshul du gnas sam zhes dris pa'o/ /gsol pa bcom ldan 'das de ni ma lags zhes bya ba ni de gnyis stong pa nyid kyi rang bzhin du ro gcig pa'i phyir de bzhin nyid las sems gud na yod pa ma yin gyis/ dngos po can
 gnyis gcig la gcig gzhi dang brten pa'i tshul du gnas pa ma yin no zhes bstan pa'o/ /de bzhin nyid kyi de bzhin nyid yang dag par rjes su mthong ngam zhes bya ba ni de ltar sems dang de bzhin nyid gnyis stong pa nyid du ro gcig ste/ de bzhin nyid?
 kyi? rang? bzhin du tha mi dad bas dmigs par bya ba dang/ dmigs par byed pa gnyis su dbyer med pa bstan pa'o/ /bcom ldan 'das kyis bka' stsal pa/ rab 'byor de bsam du sems /gang de ltar spyod de shes rab kyi pha rol tu phyin pa la spyod pa ma yin nas
 zhes bya ba ni de ltar skye ba dang 'gag pa med pa'i chos zab mo rtogs pa de ni shes rab kyi pha rol tu phyin pa la spyod pa yin par bstan pa'o/ /gang de ltar spyod pa de gang la spyod pa yin zhes bya ba ni gang shes rab kyi pha rol tu phyin pa la spyod pa de dngos par
 'dzin pa las bzlog pa'i phyir dris pa'o/ /gang de ltar spyod pa de ni ci la mi spyod do zhes bya ba ni de ltar skye 'gag med par rtogs pa de ni dngos por mngon par chags pe med do zhes bstan pa'o/ /de ci'i slad du zhe na/ bcom ldan 'das de ni 'di ltar byang
 chub sems dpa' sems dpa' chen po shes rab kyi pha rol tu phyin pa la spyod cing/ de bzhin nyid la gnas pa la yongs su rgyu ba de dag mi 'jug mi 'byung ngo zhes bya ba ni ci la yang mi spyod pa'i gtan tshigs bstan pa ste/ shes rab kyi pha rol tu phyin pa la spyod cing
 de bzhin nyid la gnas pa la ni dngos por dmigs shing rnam par rtog pa'i sems rgyu ba mi 'byung ngo zhes bya ba'i don to/ /de ci'i slad du zhi na /bcom ldan 'das de bzhin gang du yang yongs su rgyu ba ma mchis te de nyid la yang gang yang rgyu ba ma mchis so
 zhes bya ba ni sems kyi rgyu ba mi 'byung ba'i gtan tshigs bstan pa ste/ don dam par sems kyang de bzhin nyid kyi rang bzhin bas?/ chos gan la yang rtog cing rgyu ba med la de bzhin nyid kyi rang bzhin gyis de la yang chos gang yang rgyu ba med do
 zhes bstan pa'o/ /bcom ldan 'das kyis bka' stsal pa/ rab 'byor byang chub sems dpa' sems dpa' chen po gang shes rab kyi pha rol tu phyin pa la spyod pa de gang la spyod pa yin zhes bya ba ni ci la yang mi spyod dam zhes dris pa'o/ /gsol pa de ni gang la gnyis kyi rgyu ba
 ma mchis pa'i don dam pa la spyod do zhes bya ba ni ci la yang ma sbyong pa yang ma yin te/ gzung ba dang 'dzin pa gnyis kyi rnam par rtog pa med pa'i don dam pa la spyod do zhes bya ba'i don to/ /bcom ldan 'das kyis bka' stsal pa/ rab 'byor
 de ji snyam du sems/ gang don dam pa la spyod pa de yongs su rgyu ba la spyod pa ma yin nam/ de mtshan ma la spyod pa ma yin nam zhes bya ba ni de ltar don dam pa la spyed na rtogs pa dang mtshan ma la spyod par mi 'gyur ram zhes dris pa'o/ /gsol pa bcom ldan 'das de ni
 ma lags so zhes bya ba ni don dam pa spyod ces bya ba yang tha snyad du brjod pa tsam du zad kyis/ yang dag par na spyod pa'i 'du shes dang/ mtshan mar 'dzin pa med do zhes gsol pa'o/ /bcom ldan 'das kyis bka' stsal pa/ rab 'byor de ji snyam du
 sems/ des mtshan mar 'du shes pa rnam par bshig pa yin nam zhes bya ba ni de ltar yongs su rgyu bar spyod pa dang/ mtshan mar spyod pa ma yin na mtshan mar 'du shes pa sun byung ste bshig pa yin nam zhes dris pa'o/ /gsol pa bcom ldan
 'das de ni ma lags so zhes bya ba ni don dam par chos thams cad rang bzhin gyis stong pas mtshan ma'i 'du shes gzhig tu yang med do zhes bya ba'i don to/ /bcom ldan 'das kyis bka' stsal pa/ rab 'byor 'o na ji ltar na byang chub sems dpa' 
 sems dpa' chen po mtshan ma'i 'du shes rnam par bshig pa yin zhes bya ba ni de ltar mtshan ma'i 'du shes gzhig tu med na gzhung las mtshan ma'i 'du shes rnam par spangs pa zhes bya ba ji ltar spangs pa yin zhes dris pa'o/ /gsol pa/
 bcom ldan 'das byang chub sems dpa' sems dpa' chen po shes rab kyi pha rol tu phyin pa la spyod pa de ni 'di ltar mtshan mar rnam par bshig par bya'o zhe 'am/ mtshan ma med pa rnam par bshig par bya'o snyam du mi sbyor ro zhes bya
 pa ni mtshan mar 'dzin pa dang/ mtshan ma med par 'dzin pa'i rnam par rtog pa rnam par spang do snyam du yang mi sems pa nyid mtshan ma'i 'du shes rnam par gzhig pa yin no zhes bya ba'i don to/ /bcom ldan 'das byang chub sems dpa' sems dpa' chen po shes rab
 kyi pha rol tu phyin pa 'di la spyod pa ni zhes bya ba nas/ chos thams cad kyi rang gi mtshan nyid stong pa nyid du rig pa'i slad du ste zhes bya ba'i bar gyis ni de ltar don dam par chos thams cad rang bzhin gyis stong par rtog pas rnam par rtogs pa dang/ mtshan mar 'dzin pa
 med du zin kyang/ kun rdzob tu thabs mkhas pas de bzhin gshegs pa'i stobs bcu la sogs pa yongs su rdzogs par byas nas bla na med pa yang dag par rdzogs pa'i byang chub tu mngon par 'tshang yang rgya la/ chos gang yang dngos po 'am/ dngos por med pa
 yang mi lta'o zhes bstan pa'o/ /rang gi mtshan nyid stong pa nyid de la gnas nas zhes bya ba nas/ rab 'byor de ltar byang chub sems dpa' sems dpa' chen po shes rab kyi pha rol tu phyin pa la spyod cing ting nge 'dzin gsum la gnas te/ sems can
 rnams yongs su smin par byed do zhes bya ba'i bar gyis ni don dam par chos thams cad rang gi mtshan nyid stong par rtogs par byas nas/ kun rdzob tu thabs mkhas pas rnam par thar pa'i sgo gsum gyis ting nge 'dzin la gnas nas sems can rnams yongs
 su smin par byed pa'i thabs mkhas pa bston pa'o/ /shes rab kyi pha rol tu phyin pa 'bum pa rgya cher bshad pa las/ le'u bzhi bcu gnyis pa'o// //de nas tshe dang ldan pa shA radwA ti'i bus tshe dang ldan pa rab 'byor la 'di
 skad cas smras zhes bya ba la sogs pas ni gong du chos thams cad rang gi mtshan nyid kyis stong pa la gnas te/ stong pa nyid dang/ mtshan ma med pa dang/ smon pa med pa'i ting 'dzin gsum gyis sems can yongs su smin par byed pa'i thabs mkhas pa bstan
 pa'i skabs nas/ chos zab mo bstan pa'i skabs dbye ba'i phyir shA ri'i bus rab 'byor la the tshom dris pa ste /tshe dang ldan pa rab 'byor byang chub sems dpa' sems dpa' chen po gang la la/ rmi lam du stong gnyid dang/ mtshan
 ma med pa dang/ smon pa med pa'i ting nge 'dzin gsum la snyoms par zhugs na shes rab kyi pha rol tu phyin pas rnam par 'phel lam/ zhes bya ba ni chos thams cad rmi lam dang 'dra bar bstan pa'i skabs dbye ba'i phyir rab 'byor la dris pa'o/ /rab
 'byor gyis smras pa/ tshe dang ldan pa shA radwA ti'i bu gal te nyin par bsgoms pas rnam par 'phel na/ rmi lam na bsgoms pas kyang rnam par 'phel lo zhes bya ba ni don dam par chos thams cad rang bzhin gyis stong pas/ gnyid kyi ma log pa'i tshe/
 ting nge 'dzin gsum bsgoms pas kyang byang chub sems dpa' bsod nams dang ye shes kyi tshogs kyis rnam par 'phel par mi 'gyur na rmi lam na bsgoms pas lta ga la 'gyur te /ting nge 'dzin gsum bsgoms pa'i mthus sems can
 yongs su smin par bya ba la sogs pa bstan pa yang kun rdzob tu rmi lam dang 'dra bar bstan pa tsam du zad kyi/ don dam par ni yod pa ma yin no zhes bya ba'i don to/ /de ci'i phyir zhe na /tshe dang ldan pa shA radwA ti'i bu rmi lam dang nyin par ni rnam par rtogs pa
 med pa'o zhes bya ba ni chos thams cad rmi lam dang 'dra ba'i gtan tshigs bstan pa ste/ don dam par gnyid kyis ma log pa nas spyad pa dang/ rmi lam na spyad pa /gnyi ga yang dngos po med par 'dra pas/ rnam par rtog pa'i yul ma yin no zhes bstan
 pa'o/ tshe dang ldan pa shA radwA ti'i bu gal te byang chub sems dpa' sems dpa' chen po nyin par shes rab kyi pha rol tu phyin pa la spyod pa'i de'i shes rab kyi pha rol tu phyin pa sgoms pa yod na ni byang chub sems dpa' sems dpa' chen po
 rmi lam na shes rab kyi pha rol tu phyin pa sgom pa yang yod par 'gyur ro zhes bya ba ni chos thams cad rmi lam dang 'dra ba'i don gong du bshad pa de nyid bsal bar bstan pa ste /rmi lam ni shes rab kyi pha rol tu phyin pa sgoms pas bsod nams dang ye shes kyi tshogs?
 'phel bar mi 'gyur ba de bzhin du/ gnyid kyis ma log pa'i tshe /shes rab kyi pha rol tu phyin pa bsgoms pas kyang don dam par bsod nams dang ye shes kyi tshogs 'phel par 'gyur ba med do zhes bya ba'i don to/ /smros? pa tshe dang ldan pa rab 'byor byang
 chub sems dpa' sems dpa' chen pos rmi lam du las shig byas na las de la sogs pa 'am/ 'bri bar 'gyur ba yod dam zhes bya ba ni de ltar gnyid kyis ma log pa dang/ rmi lam gnyis mtshungs na kun rdzob du yang mtshungs pa'i rigs na/ rmi
 lam du las dge ba 'am/ mi dge ba byas na dge ba byas pas ni bsod nams kyi tshogs bsogs par 'gyur pa dang/ mi dge ba byas pas bsod nams 'bri bar 'gyur ba yod dam zhes shA radwA ti'i bus rab 'byor la dris pa'o/ /gal te bcom ldan
 'das kyi chos thams cad rmi lam lta bur gsungs na/ de la sogs pa 'am 'bri bar 'gyur ba ni rab 'byor gyis don dm pa'i phyogs la brtan nas/ bcom ldan 'das kyis kyang chos thams cad rmi lam dang 'dra bar dngos po med do zhes gsungs pas
 rmi lam na las legs nyes byas pa la/ dge ba bsogs pa 'am 'bri ba med do zhes bstan pa'o/ /de ci'i phyir zhe na/ rmi lam gyi chos gang yang bsogs pa 'am 'bri ba mi dmigs so zhes bya ba ni rmi lam du las legs nyes byas pa la /dge ba
 bsogs? pa dang dge ba 'bri ba med pa'i gtan tshigs bstan pa ste/ rmi lam gyi chos ni dngos po med pa ste/ dngos po med pa la sogs pa 'am 'bri ba mi srid do/ zhes bya ba'i don to/ /gal te sang nas rnam bar rtog na de la bsogs pa 'am 'bri bar
 yang 'gyur ram zhes bya ba ni shA ri'i bus kun rdzob kyi bden pa la brten nas/ rmi lam na las legs nyes byas pa de dag gnyid las sad pa'i tshe dran nas de la rjes su yi rang zhing nam ba brtog nas de la dge bab? sogs
 pa'am 'bri bar 'gyur ram zhes dris pa'o/ /rab 'byor gyis smras p nyin par srog bcad pa dang/ rmi lam na srog bcad pa de la 'di snyam du bdag gis bsad do/ /de bdag gis bsang pa legs so zhes dang rnam par rtog na/ tshe dang ldan pa shA
 radwA ti'i bu las de la khyod ci zer zhes bya ba ni kun rdzob tu rmi lam dang gnyid kyis ma log ba'i tshe/ las byas pa gnyis 'bras bu rnam par smin pa la bye brag yod par bstan pa'i phyir shA ri'i bu la dris pa'o/ /smras pa tshe dang ldan pa rab
 'byor dmigs pa med par las mi skye'o/ /dmigs pa med par sems pa mi 'byung ngo zhes bya ba ni gnyid kyis ma log pa'i tshe las byas pa dang/ rmi lam na las byas pa la gnyid las sang nas rjes su yi rang ba rnam par smin pa bye brag yod par
 bstan pa ste/ gnyid kyis ma log pa'i tshe las byas pa ni dmigs pa'i yul dang bcas pas las legs nyes ci byas pa'i 'bras bu rnam par smin par yang de bzhin du 'byung gi /rmi lam na las byas pa la gnyis las sang pa'i che rjes su yi
 rang pa ni dmigs pa'i yul med pas rjes su yi rang pa'i rnam par smin pa tsam du zad kyi / rmi lam na las kyi dngos po gang byas pa'i rnam par smin pa ni med do zhes bstan pa'o/ /rab 'byor gyis smas pa tshe dang ldan pa shA radwA ti'i bu de de bzhin
 no de de bzhin te zhes bya ba nas /de bas na tshe dang ldan pa shA radwA ti'i bu dmigs pa dang bcas par las skyes te / dmigs pa med par ni ma yin no/ /dmigs pa dang bcas par sems pa 'byung ste /dmigs ba med par ma yin/
 zhes bya ba'i bar gyis ni shA ri'i bus rmi lam dang gnyid kyis ma log pa'i tshe byas pa'i las gnyis bye brag yod par bshad pa'i don de bden no zhes rab 'byor gyis rjes su yi rang nas don de nyid gsal bar bstan pa ste /gnyid kyi ma ? tshe mthong ba dang
 thos pa la sogs pa ni dmigs pa'i yul dang bcas pas rnam par smin pa yang de bzhin du 'gyur gyis/ rmi lam ni mthong ba dang thos pa la sogs de ltar ma yin no zhes bya ba'i don to/ /smras pa tshe dang ldan pa rab 'byor las thams cad dang /dmigs
 pa thams cad dben pa'o zhes bcom ldan 'das kyis gsungs na de ji ltar dmigs pa dang bcas par las skye ste /dmigs pa med par ma yin/ dmigs pa dang bcas par sems pa 'byung ste/ dmigs pa med par ma yin zhes bya ba ni
 rmi lam dang gnyid ma log pa'i tshe las byas pa la bye brag yod par bshad pa yang byis pa so so'i skye bo msan mar 'dzin pa rnams kyi dbang du byas te /kun rdzob tu bshad kyi don dam pr bshad pa ma yin pa bstan pa'i phyir rab 'byor
 la dris pa'o/ /rab 'byor gyis smras pa/ tshe dang ldan pa shA radwA ti'i bu mtshan mar byas nas dmigs pa dang bcas par las skyes te/ dmigs pa med par ma yin no/ /dmigs pa dang bcas par sems pa 'byung ste/ dmigs pa med par ma yin no zhes bya ba ni rmi
 lam dang gnyid kyi ma log pa'i las kyi bye brag bshad pa yang byis pa so so'i skye bo dmigs pa can rnams kyi dbang du byas te /kun rdzob tu bshad kyi don dam par bye brag yod par bshad pa ni ma yin no zhes bstan pa'o/ /smras pa tshe dang ldan pa rab
 'byor gal te byang chub sems dpa' sems dpa' chen bos rmi lam du sbyin pa byin zhes bya ba nas/ des bla na med pa yang dag par rdzogs pa'i byang chub tu yongs su bsngos par 'gyur ram zhes bya ba'i bar gyis ni rmi lam na yang lam gzhan byas pa
 dmigs pa'i yul med pas/ rnam par smin ba'i 'bras bu yod ba ma yin no byang chub sems dpa' sems dpa' chen po'i rgyud yongs su dag pa 'ga' zhig gis rmi lam du pha rol tu phyin pa drug spyad do/ dge ba'i rtsa ba de yang bla na med pa
 yang dag par rdzogs pa'i byang chub tu yongs su bsngos na de la 'bras bu yod par 'gyur ram zhes shA ra'i bus dris pa'o/ /rab 'byor gyis smras pa/ tshe dang ldan pa shA radwA ti'i bu zhes bya ba nas/ 'di la dris shig dang 'di la lan ldog par 'gyur zhes bya
 bya ba'i bar gyis ni 'khor don 'khod pa'i kha cig rab 'byor gyis bshad nas yid mi ches kyi byang chub sems dpa' byams bas lan blan te bshad na yid ches shing phan thogs par 'gyur ba'i phyir byams pa'i yon tan smos nas de 'di na mngon sum
 du 'dug gis/ 'di la dris shig ces bdag gis lan ma btab bar gzhan la bstabs pa bstan pa'o/ /de nas tshe dang ldan ba shA radwA ti'i bus byang chub sems dpa' sems dpa' chen po byams pa la 'di skad ces smras so zhes bya ba nas/ 'di la dris shig
 dang/ 'di lan ldon bar 'gyur ro zhes zer ro zhes bya ba'i bar gyis ni rab 'byor gyis smras pa'i tshig shA ri'i bus byang chub sems dpa' byams ba la bzlas pa bstan pa'o/ /ci byang chub sems dpa' sems dpa' chen po byams pa zhes bya ba'i ming
 'di lan ldan na zhes bya ba nas /rnam par shes pa'i de bzhin nyid gang yin pa de ni lan ldon pa'i mthu med do zhes bya ba'i bar gyis ni byang chub sems dpa' sems dpa' chen po byams pa don dam pa'i bden pa la brten nas/ rmi lam na pha rol tu
 phyin pa drug spyad cing de'i dge ba'i rtsa ba yongs su bsngos pa'i 'bras bu yod dam med dris ba'i lan bstan pa ste / don dam par chos thams cad rang bzhin gyis stong bas gang zag dang chos gnyis ka dngos po med de lan 'don pa'i mthu med na su zhig ?
 'don zhes smras pa ste/ gang zag gi dngos po med bas byams ba zhes bya ba'i ming la yang lan ldon pa'i mthu med do// chos la dngos po med pas gzugs la sogs pa'i phung po lnga dang/ de dag gi stong pa nyid dang /de dag gi de bzhin nyid la yang lan ldon ba'i mthu
 med na/ rmi lam na yang pha rol tu phyin pa drug spyad pa'i 'bras bu med pa lta smos kyang ci dgos zhes bya ba'i don to/ /bdag gis ni gang lan glon pa dang/ gang gis lan glan pa dang/ gang la lan glan pa'i chos de lta bu yang dag par rjes su mi mthong ngo zhes
 bya ba ni gong du smos pa'i don de nyid mdor bsdus te bstan pa ste/ gang lan glon ba zhes bya ba ni lan ldon pa'i mi la bya'o/ /gang gis lan glon pa zhes bya ba ni lan ldon pa'i tshig dang yi ge gang gis lan ldon ba la bya'o/ /gang gis lan glad pa
 zhes bya ba ni/ dngos po 'am don gang gis lan glan pa la bya'o/ /gang la lan glan pa zhes bya ba ni/ klan ka 'tshal zhing 'dri ba'i mi gang yin pa la bya ste/ chos de dag thams cad don dam par rang bzhin gyis stong pas bdag gis yang dag par
 rjes su mthong na 'di la su zhig ci zhig su la lan ldon par 'gyur zhes bya ba'i don to/ /gang bla na med pa yang dag par rdzogs pa'i byang chub tu lung bstan pa dang / gang gis khung bstan pa dang/ gang la lung bstan pa'i chos de yang bdag
 gis yang dag par rjes su ma mthong ste zhes bya ba ni / gong du rab 'byor gyis byang chub sems dpa' byams pa la 'di bla na med pa yang dag par rdzogs pa'i byang chub tu lung bstan pa yin gyis/ 'di la dris shig ces bstod ba de yang don dam par
 dngos po med par bstan pa ste /gang lung bstan ba zhes bya ba ni lung ston pa'i bcom ldan 'das nyid la bya'o/ /gang gis lung bstan pa zhes bya ba ni lung bstan par 'os pa'i rgyu 'am yon tan gang gis/ lung bstan par 'gyur ba la bya'o/ /
 gang la lung bstan pa zhes bya ba ni byang chub sems dpa' bya bas pa nyid la byas te /de dag kyang don dam par dngos po med do zhes bstan pa'o/ /chos de dag thams cad ni gnyis su med cing gnyis su byar med ba'o zhes bya ba ni lan glon pa dang
 lung bstan pa la sogs pa'i chos gang du smos pa de dag thams cad don dam par dngos po med de /stong pa nyid du ro gcig go zhes bstan pa'o/ /shA radwA ti'i bus smras pa /chos de dag ji skad du bshad pa de bzhin du chos de dag khyod kyis mngon sum du byas sam
 zhes bya ba ni nyan thos la sogs pa dmigs can rnams mya ngan las 'das pa gnyis su med pa mngon sum du byed par 'dod pa dag la/ mngon sum du byar med pa la bstan pa'i phyir dris pa'o/ /byams pas smras pa chos de dag ji skad bshad pa de ltar chos
 de dag bdag gis mngon sum du byas pa med do zhes bya ba ni don dam pr chos thams cad rang bzhin gyis stong bas / chos rnams kyi chos nyid gnyis su med pa de yang kun rdzob tu sgro btags te bshad pa tsam du zad kyi /don dam par ni mngon du byed pa dang/
 mngon du bya ba gnyis ka stong pa nyid du ro gcig pas mngon du byas pa med do zhes bstan pa'o/ /de nas tshe dang ldan pa shA radwA ti'i bu 'di snyam du gyur te zhes bya ba nas / 'di ni mi dmigs par spyod pa bsan pa'o zhes bya ba'i bar gyis ni byang chub
 sems dpa' byams pas chos thams cad gnyis su med cing mngon sum du byar med pa'i don zab mo bstan pas shA ri'i bu mgu nas byams pa la bstod pa ste/ 'di lta bu'i chos zab mo bshad pa ni yun ring pa nas pha rol tu phyin pa drug la spyad cing/
 dmigs pa med pa'i don la goms par byas pa'i shes rab zab mo dang ldan par bstan par nus kyi/ dge ba'i rtsa ba chung ngu dang /dmigs pa can gyis shes rab dang ldan pas bstan pa'i spyod yul ma yin no zhes bya ba'i don to/ /de nas bcom ldan 'das kyis
 tshe dang ldan ba shA radwA ti'i bu la 'di skad ces bka' stsal to/ /shA radwA ti'i bu de ji snyam du sems /chos gang gis khyod dag bcom par brjod pa'i chos de khyed kyis yang dag par rjes su mthong ram zhes bya ba ni nyan thos dag bcom pa dag bdag ni zag? bzad do/ /bdag gis
 bya ba byas so/ khung bor ro/ /dgra bcom pa nyid thob pa snyam du sems pa'i rtogs pa dmigs pa dmigs pa can bsal ba'i phyir smras pa'o/ /gsol pa bcom ldan 'das de ni ma lags so/ /zhes bya ba ni khams gsum gyi nyon mongs pa dgra rnams bcom ste/ spangs pa tsam la dgra
 bcom pa zhes tha snyad tsam du gdags par zad kyi/ yang dag par na dgra bcom pa zhes bya ba'i chos gang yang ma mchis so zhes gsol pa'o/ /bcom ldan 'das kyis bka' stsal pa/ shA radwA ti'i bu de bzhin de zhes bya ba nas/ bdag ni gdon mi za bar bla na
 med ba yang dag par rdzogs pa'i byang chub tu mngon bar rdzogs par 'tshang rgya bar 'gyur ro snyam mo zhes bya ba'i bar gyis ni gong du rab 'byor gyis dgra bcom pa zhes bya ba'i dngos po med par bstan pa ste bden te de bzhin du lung bstan pa zhes bya ba yang don
 dam par yod pa ma yin te/ shes rab kyi pha rol tu phyin pa la spyod pa'i byang chub sems dpa' yang de lta bu'i mtshan mar 'dzin pa'i 'du shes kyang don dam par med la/ kun rdzob tu bla na med pa yang dag par rdzogs pa'i byang chub tu mngon par rdzogs par
 'tshang mi rgya bar yang dogs pa med cing /stong pa nyid kyi skrug par yang mi 'gyur ro/ /zhes bstan pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ji ltar na byang chub sems dpa' sems
 dpa' chen po pha rol tu phyin pa drug yong su rdzogs par bgyid cing/ rnam pa thams cad mkhyen pa nyid dang yang nye bar gyur pa lags zhes bya ba ni gong du bcom ldan 'das kyis don dam par chos thams cad rang bzhin gyis stong par lung bstan pa dang/
 bla na med pa yang dag par rdzogs pa'i byang chub tu mngon par rdzogs par 'tshang rgya ba'i chos de ni 'di'o zhes bya bar mi sems shing rnam par mi rtog kyang/ kun rdzob tu bla na med pa yang dag par rdzogs pa'i byang chub tu mngon par rdzogs par
 'cher mi rgya bar dogs pa dang/ the tshom yang med de gdon mi za bar bla na med pa yang dag par rdzogs pa'i byang chub tu mngon par rdzogs bar 'tshang rgya'o zhes bshad pa de ltar mngon par rdzogs par 'tshang rgya yang pha rol tu phyin pa drug yongs su rdzogs par ma byas
 shing/ bsod nams dang ye shes kyi tshogs ma bsags par mi 'gyur na pha rol phyin pa drug ji ltar yongs su rdzogs par bgyi/ bsod nams dang ye shes kyi tshogs ni ji ltar bsags te / rnam pa thams cad mkhyen pa nyid dang nye bar gyur bar bgyi
 zhes kun rdzob tu pha rol tu phyin pa drug ji ltar yongs su rdzogs par bya ba'i thabs zhus pa'o/ /de skad ces gsol ba dang/ bcom ldan 'das kyis tshe dang ldan ba rab 'byor la 'di skad ces bka' stsal to/ /rab 'byor 'di la byang chub sems dpa' sems
 dpa' chen po sbyin ba'i pha rol tu phyin ba la spyod pa'i tshe zhes bya ba nas le'u bzhi bcu rtsa gsum la thug gi bar du kun rdzob tu snying rje chen po la gnas nas pha rol tu phyin pa drug yongs su rdzogs par bya ba dang/ sangs rgyas kyi ? yongs su dag par byang
 dang sems can yongs su smin bar bya ba'i thabs dang /smon lam rgya chen por bstan pa ste /de dag gi don kyang rang log tu zad do/ /de nas 'khor der gang+gA'i lha mo zhes bya ba'i bud med gcig 'dus te 'dug par gyur pa de stan las langs nas zhes bya ba
 nas/ le'u bzhi bcu rtsa bzhi la thug gi bar du lha ma'i ming gang gA zhes bya ba lung bstan pa bshad pa ste/ de ltar lung bstan pa yang bud med kyis smon lam rgya chen po btab pa'i dge ba'i rtsa ba skyed nas skyes pa dang 'dra bar 'phags pa'i sa
 thog par 'gyur ba bstan ba'i phyir te/ tshig gis rnams ni rang 'og tu zad do/ /de nas tshe dang ldan pa rab 'byor gyis bcom ldan 'das la 'di skad ces gsol to zhes bya ba la sogs pa'i gong du rnam par thad pa'i sgo gsum pa gnas nas sems can yongs su
 smin par bya ba dang/ sangs rgyas kyi zhing yongs su dag par bya ba la sogs pa bshad pa /nyan thos dang rang sangs ryas dag ni rnam par thar pa'i sgo gsum la gnas nas mya ngan las 'das pa mngon sum du byed de/ sems can yongs su smin par bya ba dang/
 sangs rgyas kyi zhing yongs su dag par bya ba la sogs pa mi nus pa dag kyang yod na /de ltar mi 'gyur bar thabs mkhas pas rnam par thar pa'i sgo gsum la yang gnas la mya ngan las 'das pa yang mngon du mi byed cing/ sems can gyi
 don phun sum tshogs par 'gyur bar ji ltar bgyi zhus pa ste/ de la ji lar stong pa nyid la yongs su 'dris par bgyi zhes bya ba ni lhag mthong gis ji ltar shes par bya ba zhus pa'o/ /stong pa nyid kyis ting nge 'dzin la snyams bar 'jug par bgyi
 zhes bya ba ni zhi gnas ji ltar goms par bya zhes zhus pa ste / mdor na zhig nas lhag mthong gnyis zung du 'brel par ji ltar bsgom zhes zhus pa'o/ /stong pa nyid bsgom pa ji ltar zhus pa de bzhin du / sangs rgas kyi chos ma 'dus pa bco brgyad
 la thug gi bar du yang sbyar bar bya'o/ /bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po/ shes rab kyi pha rol tu phyin pa la spyod pas gzugs stong zhes bya bar brtag par bya'o zhes bya ba nas/
 gzugs med pa'i khams stong zhes rtags par bya'o zhes bya ba'i bar gyis ni rab 'byor gyis zhus pa'i lan bka' stsal pa ste / nyan thos dang rang sangs rgyas dag ni gang zag la bdag med pa nyi tshe rtogs pas? mu stegs can gyis brtags pa'i sang?
 rnams stong bar rtog gi /chos la bdag med pa ma rtogs pas gzugs la sogs pa'i chos rnams stong par rtogs te/ de bas na gzugs la sogs pa'i sangs rgyas kyi chos ma 'dres pa bco brgyad la thug gi bar gyi chos rnams dang/
 khams gsum yang stong zhes bya bar lhag mthong gis brtags par bya'o zhes bstan pa'o/ /de yang ci nas kyang de ltar brtags pa nas sems g.yeng bar mi 'gyur ba de ltar rtags par bya ste zhes bya ba ni zhi gnas kyi sems ting nge 'dzin du mnyam pa bzhag
 ste bsgom mo zhes bya ba'i don to/ /de sems mi g.yeng ba dang ldan pas chos de yang dag bar rjes su mi mthong ste zhes bya ba ni de ltar zhi gnas dang lhag mthong gnyis zung du 'brel nas gzugs la sogs ba'i chos de dag dngos po yod bar mi mthong ngo zhes bstan ba'o/
 chos de la bdag par rjes su ma mthong bas mngon du mi byed do zhes bya ba ni de ltar 'dus byas dang 'dus ma byas kyi chos thams cad la dngos bor mi ltan zhib phyogs gcig pa'i mya ngan las 'das pa mngon du mi byed do zhes bya ba'i don to/ /de ci'i phyir zhe na /de ni 'di ltar byang
 chub sems dpa' sems dpa' chen po de chos thams cad rang gi mtshan nyid stong pa nyid la bslabs pas/ chos gang la yang rigs chad par mi byed de zhes bya ba ni chos gang yang rjes su mthong bas mngon du mi byed ba'i gtan tshigs bstan pa ste/ byang chub sems
 dpa' des chos thams cad rang gi mtshan nyid kyis stong par snga nas bslabs shing rtogs pas 'di ni mngon du byed do/ /'di ni mngon du byed do/ /'di ni mngon du byed pa'o/ /'di ni mngon du byed pa'i rgya'o zhes mngon du byed ba'o/ /mngon du bya ba dang /mngon du byed pa rnams so sor
 rigs su bcad de yongs par mi lta'o zhes bstan pa'o/ /don de nyid gsal bar bstan pa'i phyir gang mtshan du byed pa dang/ gang mngon du bya ba dang/ gang gis mngon du bya ba'i chos de dag thams cad kyang yang dag par rjes su mi mthong zhes bya ba gsungs te/ gang
 mngon du byed pa zhes bya ba ni byang chub sems dpa' mngon du byed pa po la bya'o/ /gang mngon du bya ba zhes bya ba ni mngon du bya ba'i dngos po mya ngan las 'das pa la bya'o/ /gang gis mngon du bya ba zhes bya ba ni mngon du byed pa'i ye shes la bya ste/ chos de dag thams cad
 rang gi mtshan nyid kyis stong pa'i phyir gang yang rjes su ma mthong ngo zhes bya ba'i don to/ /rab 'byor gyis gsol pa/ bcom ldan 'das kyis kyang 'di skad du byang chub sems dpa' sems dpa' chen po stong pa'i chos rnams mngon du mi bya'o zhes bka' stsal pa de la/
 bcom ldan 'das ji ltar na byang chub sems dpa' sems dpa' chen po stong pa nyid la gnas pa stong pa nyid mngon du mi bgyid pa lags shes bya ba ni byang chub sems dpa' chos thams cad stong pa nyid du yang rtogs la / nyan thos dang rang sangs rgyas ltar
 stong pa nyid mngon sum du yang mi bya ba'i thabs bstan pa'i skabs dbye ba'i phyir zhus pa ste /stong ba nyid la gnas na stong pa nyid mngon du mi bya rung dam zhes bya ba'i don to/ /bcom ldan 'das kyis bka' stsal pa/ rab 'byor byang chub sems dpa' sems
 dpa' chen po rnam pa'i mchog thams cad dang ldan pa'i stong pa nyid la rab tu rtog ste/ mngon du mi byed ngo zhes bya ba la sogs pas ni stong pa nyid la gnas kyang stong pa nyid mngon du byed ba'i thabs bstan pa ste/ rnam pa'i mchog thams cad dang ldan pa'i
 stong pa nyid ces bya ba ni nyan thos dang rang sangs rgyas kyi stong pa ltar nyi tshe ba ni ma yin gyis/ gang zag dang chos gnyis ka rnam pa thams cad du stong par rtogs pas mya ngan las 'das pa yang stong par rtogs pa'i phyir mngon sum du mi byed do zhes bstan pa'o//
 mngon du bya'o snyam du mi rtog go /mngon du bya ba yin no zhes bya bar mi rtog ste zhes bya ba ni ting nge 'dzin la 'jug pa'i sngon rol nas kyang mngon du bya ba don du mi gnyer to zhes bya ba'i don to/ /yongs su 'dris par bya bar rtog cing 'di ni yongs su
 'dris par bya ba'i dus yin gyis/ 'di ni mngon du bya ba'i du ma yin no zhes bya bar rtog go zhes bya ba ni stong ba nyid la gnas pa'i don bstan ba ste/ stong ba nyid la gnas ba yang ? phyogs gcig bar lhung nas stong pa nyid mngon du
 byed cing gnas pa ni ma yin gyis/ lhag mthong gi dbang gis chos thams cad rang bzhin gyis stong par shes shing /'bris pa dang goms par byed la stong pa nyid la gnas pa yin no zhes bstan pa'o/ /byang chub sems dpa' sems dpa' chen po ni mnyam
 par ma bzhag pa nyid du sems dmigs pa la 'dogs te zhes bya ba ni zhi gnas kyi dbang du gyur nas /zhi ba phyogs gcig pa'i ting nge 'dzin gyis stong pa nyid mngon du mi byed bar lhag mthong gi dmigs par bya ba'i chos rnams la mngon par mi
 chags par sems 'jog go zhes bstan pa'o/ /des bar ma dor byang chub sems dpa' sems dpa' chen po byang chub kyi phyogs kyi chos rnams las yongs su nyams par mi 'gyur te / zag ba zad pa yang mngon du mi byed do zhes bya ba ni de ltar
 lhag mthong la gnas pas byang chub kyi phyog kyi chos rnams las nyams par mi 'gyur la/ mya ngan 'das pa yang mngon du mi byed do zhes bya ba'i don to/ /de ci'i phyir zhe na /zhes bya ba nas/ 'di ni mngon du bya ba'i dus ma yin no zhes bya bar rab
 tu shes so zhes bya ba'i bar gyis ni nyan thos ltar mya ngan las 'das pa mngon du mi byed pa'i gtan tshigs bstan pa ste /zhi gnas dang lhag mthong zung du 'brel ba'i ye shes rlabs pa tsha dang ldan pas byang chub kyi phyogs kyi chos rnams la spyod cing
 gnas pa'i tshe chos 'di dag shes par bya ba tsam du zad kyi/ don dam par dngos po med pas /mngon du bya ba ni ma yin no zhes bya ba'i bar shes ba'i phyir ro zhes bya ba'i don to/ /rab 'byor byang chub sems dpa' sems dpa' chen po shes rab kyi pha rol
 tu phyin pa la spyod pa des 'di ltar 'di ni shes pa'i pha rol tu phyin pa'i dus so zhes bya ba nas/ 'di ni rang sangs rgyas kyi ye shes mngon du bya ba'i dus ma yin te zhes bya ba'i bar gyis ni gong du byang chub kyi phyogs kyi chos rnams las yongs su nyams par yang mi 'gyur
 la/ zag pa zad par yang mngon du mi byed par bshad pa byang chub kyi phyogs gang dang gang las mi nyams pa dang/ zag pa zad pa'i chos gang dang gang mngon du mi byed pa zhib tu rnam par phyi ste bstan pa ste /pha rol tu phyin pa drug la sogs pa rnam par byed pa'i chos
 rnams la spyod cing 'dris pa byed ba dang/ goms par byed pa'i chos 'di dag shes bar bya ba yin gyis / nyan thos dang rang sangs rgyas kyi 'bras bu thob par bya ba ma yin bar brtags par bya'o zhes bstan pa'o/ /'di ni rnam pa thams cad mkhyen pa nyid
 thob par bya ba yongs su mi gtong ba'i dus so zhes bya bar brtags par bya ste zhes bya ba ni nyan thos dang rang sangs rgyas kyi 'bras bu mngon du byas na rnam pa thams cad mkhyen pa nyid yongs su gtang bar 'gyur kyis de ltar mi bya'o zhes bya ba'i don to/ /rab
 'byor de ltar na byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ stong pa nyid la yongs su 'dris par byed cing stong pa nyid kyi rnam par spyod pa yin zhes bya ba nas/ dgra bcom pa nyid mngon du mi byed do/ /rang byang
 chub mngon du mi byed do zhes bya ba'i bar gyis ni gong du stong pa nyid la gnas pa ji ltar stong pa nyid mngon du byed par mi 'gyur zhes rab 'byor gyis zhus pa'i lan bcom ldan 'das kyis zhib tu bshad de/ bka' stsal pa'i don mjug bsdus nas
 bstan pa'o/ /rnam par thar ba'i sgo gsum la sogs pa'i chos rnams shes rab kyi 'dris shing goms par byed pa nyid la /de dag la gnas pa zhes bya ba'i nyan thos dang rang sangs rgyas ltar zag ba med pa'i chos mngon du byed pa ni ma yin no zhes bstan
 ba'o/ /rab 'byor 'di lta ste skyes bu zhig dpa' la stsal che la zhes bya ba nas mtshan ma med pa'i ting nge 'dzin gang mngon du byas pas nyan thos kyis 'am/ rang sangs rgyas kyi sa la gnas par 'gyur ba de lta bu yang mngon du mi byed do
 zhes bya ba'i bar gyis ni byang chub sems dpa' shes rab kyi pha rol tu phyin pa la spyod pa thabs mkhas pa dang ldan pa chos thams cad stong ba nyid du yang rtogs par byed la /nyan thos dang rang sangs rgyas kyi mya ngan las 'das pa mngon sum du yang mi byed
 ba'i dpe mi dpa' bo stsal tshe zhing thabs mkhas pa las blangs te bstan pa ste /tshig gzhan ni rang log tu zad sgyu rtsal drug cu rtsa bzhi po ni rtsal gyi thabs sna tshogs dang dgra thabs sna tshogs dang/ bzo'i dbyad sna tshogs dang/ 'tsho cis su bya ba'i sbyad
 rnam pa sna tshogs la mkhas pa las bya ste/ de lta bu'i mi dpa' bo de 'brog dgon pa 'jigs pa chen por phyin pa las/ dgra gyur yang dpa' zhing rtsal che la thabs mkhas pas/ pha ma dang bu smad kyang 'jigs pa nas bton te bde bar bkod/
 bdag nyid la yang dgras mi tshugs shing /dgra la yang gnod par mi 'gyur pa de bzhin du/ byang chub sems dpa' thabs mkhas pa dang ldan pa yang sems can thams cad la tshad med ba sems nye bar 'jog cing/ pha rol tu phyin pa drug yongs su
 rdzogs par byas te /rnam par thar ba'i sgo gsum la gnas nas rnam pa thams cad mkhyen pa nyid thob par bya ba'i don la yang 'dris par byed la/ de dag la mtshan mar yang mi 'dzin /nyan thos dang rang sangs rgyas kyi sar lhung bar 'gyur ba'i
 mtshan ma med pa'i ting nge 'dzin kyang mngon du mi byed do zhes bstan pa ste/ mi dpa' po chen po ni byang chub sems dpa' thabs mkhas pa'i dpe'o/ /pha ma dang bu smad ni sems can thams cad kyi dpe'o/ /phyir rgol ba'i dgra mang po ni theg pa chung ngu'i mi
 dge ba'i bshes gnyen gyi dpe'o/ /grong dang khyer dang grong rdal dang ljongs ni byang chub sems dpa' i lam bde ba nyan thos dang rang sangs rgyas su lhung ba'i nyen med pa'i dpe yin par rig par bya'o /rab 'byor 'di lta ste dper na 'dab chags bya ni bar snang la rgyu zhing
 sa la mi lhung ste zhes bya ba nas/ sangs rgyas kyi chos tshad med pa la spyad nas/ rnam pa thams cad mkhyen pa nyid thob bar byed do zhes bya ba'i bar gyis ni shes rab kyi pha rol tu phyin pa la spyod ba'i byang chub sems dpa' thabs mkhas pa mi gnas pa'i mya
 ngan las 'das pa la gnas pa'i dpe bya bar snang la rgyu las blangs nas bstan pa ste/ bya par snang la rgyu ba nam mkha' i dkyil bar snang la yang gnas mi 'cha' la/ byol song gzhan ltar sa 'ba' zhig la yang mi brten pa de bzhin du byang chub sems dpa' 
 thabs mkhas pa yang rnam par thar pa'i sgo gsum la spyad pas nyan thos dang rang sangs rgyas kyi sa mngon du yang mi byed la/ thabs kyis byang chub sems dpa' i spyad pa sna tshogs spyod kyang sems can phal ltar 'khor ba na yang mi gnas te/ de ltar 'khor
 ba dang mya ngan las 'das pa gnyis ka phyogs gcig tu mi gnas pa ni mi gnas pa'i mya ngan las 'das pa yin no zhes bstan pa'o/ /rab 'byor 'di lta ste dper na skyes bu mthu dang ldan pa 'phongs rtsal gyi slob dpon tu gyur pa zhes bya ba nas /nam dag
 ba'i rtsa ba de dag bla na med par yang dag par rdzogs pa'i byang chub tu yongs su smin par gyur pa de na/ yang dag pa'i mdza' dam pa mngon du byed do zhes bya ba'i bar gyis ni byang chub sems dpa' shes rab kyi pha rol tu phyin pa la spyod pa gzhan gyi don phun sum
 tshogs pa ma grub kyi bar du bdag gis don mi byed pa'i dpe skyes bu mthu dang ldan pa 'phongs rtsal gyi slob dpon du gyur pa las blangs nas bstan ba ste / mda' gnam du 'phangs nas /mda' phyi ma gcig nas ka cig tu brgyud pas sa la mi ltung bar bya
 ba ni byang chub sems dpa' i smon lam dang/ dge ba'i rtsa ba spyad pa'i shugs drag po sems can gyis don mthar ma phyin gyi bar du mi gtong ba'i dpe yin par rig par bya'o/ /rab 'byor de bas na byang chub sems dpa' sems dpa' 
 chen po shes rab kyi pha rol tu phyin pa la spyod pas chos de dag gi chos nyid de ltar yongs su brtag par bya'o/ /zhes bya ba ni gong du bshad ba'i don rnams 'jug bsdus nas bstan pa ste / byang chub sems dpa' i thabs mkhas pa'i chos nyid du bshad pa de
 dag la de ltar slab par bya'o zhes bstan pa'o/ /gsol pa bcom ldan 'das byang chub sems dpa' sems dpa' chen po gang chos nyid 'di la slob pa zhes bya ba nas/ rnam par thar pa'i sgo gsum la slob cing bar mdor bla na med pa yang dag
 bar rdzogs pa'i byang chub las nyams par mi 'gyur ba ni dka' ba bgyid ba ste/ bcom ldan 'das no mtshar che'o/ /bde bar gshegs pa shin tu ngo mtshar che'o zhes bya ba'i bar gyis ni byang chub sems dpa' shes rab kyi pha rol tu
 phyin pa la spyod pa/ shes rab kyi pha rol tu phyin pa'i chos nyid zab mo chos thams cad stong pa nyid du mthong ba la spro ba rnams stong pas skrag ste/ sems zhu man ma bla na med pa'i byang chub ma thob bar bar mdor nyan thos dang rang sangs rgyas kyi sar
 mi ltung bar nus pa ni/ dka' ba bgyi ba ste/ rab tu ngo mtshar che'o zhes gsol pa'o/ /bcom ldan 'das kyis bka' stsal pa/ rab 'byor de ni 'di ltar byang chub sems dpa' sems dpa' chen pos sems can thams cad yongs su ma gtang
 ba'i phyir te /rab 'byor byang chub sems dpa' sems dpa' chen po gang gis sems can thams cad yongs su gtang ba de dag gi smon lam gyi khyad par ni rnam pa de ltar 'gyur ro/ /zhes bya ba ni de ltar byang chub sems dpa' chos thams cad stong par
 rtogs kyang stong pas skrag cing sems zhum ste bar mdor bla na med ba yang dag par rdzogs pa'i byang chub las nyams nas/ nyan thos dang rang sangs rgyas kyi sar yongs su mi ltung bas dka' ba spyod ba de yang snying rje chen pos sems can thams cad yongs su
 ma gtang ste/ sems can thams cad bla na med pa yang dag par rdzogs ba'i byang chub tu ma bkod kyi bar du bdag mngon par rdzogs par 'tshang mi rgya'o zhes smon lam khyad par can rab tu btab pa'i phyir de ltar 'gyur zhes bstan pa ste /sems can thams cad yongs
 sum btang yang dam pa ma yin pa'i chos spyod ba'i sems can dang/ bdag tu lta ba'i sems can dang/ sems phyin ci log tu gyur ba'i sems can dang/ gang zag dang chos su rnam par rtog pa'i sems can dang/ mtshan ma can du spyod pa'i sems can dang
 dang/ 'jig rten dang 'jig rten las 'das pa'i chos rnams la smon pa'i sems can rnams yongs su ma btang ba ste/ de la rab 'byor byang chub sems dpa' sems dpa' chen po gang sems can thams cad ni bdag gis yongs su ma btang ba ste/
 dam pa ma yin pa'i chos la gnas ba'i bdag ni bdag gis yongs su dgrol bar bya'o zhes bya ba nas/ ji srid du rnam pa thams cad mkhyen ba nyid ma thob kyi bar du mdor yang dag pa'i mdza' mngon du mi byed par rig par bya'o zhes bya ba'i bar gyis ni
 dam pa ma yin pa'i chos spyod ba'i sems can rnams yongs su ma btang ba'i phyir rnam par thar pa'i sgo gsum gyi ting nge 'dzin mngon par sgrub cing/ nyan thos dang rang sangs rgyas ltar yang dag pa'i mdza' mngon du mi byed ba bsten pa'o/ /rab
 'byor gzhan yang byang chub sems dpa' sems dpa' chen po gang gi tshe 'di lta ste nang stong pa nyid dang zhes bya bas thabs mkhas pas yongs su bzung ba'i byang chub sems dpa' sems dpa' chen po de ni dge ba'i rtsa ba rnams kyis rnam par
 'phel zhing de'i dbang po rnams kyang ches rno bar 'gyur te /nyan thos rang rang sangs rgyas kyi lta bu ma min par 'gyur ro zhes bya ba'i bar gyis ni bdag tu lta ba'i sems can rnams yongs su ma btang ba'i phyir stong pa nyid kyi chos rnams la
 spyod cing sems can 'di dag yun ring po nas bdag dang sems can dang/ srog dang/ 'gro ba dang/ gso ba dang/ skyes bu dang/ gang zag la sogs pa'i 'du shes pas dmigs pa can du spyod pa yin gyis/ de dag gi dmigs pa spang pa'i phyir chos bstan
 par bya'o snyam du sems shing/ yang dag par mdza' mngon du mi byed na pha rol tu phyin pa drug la sogs pa'i rnam par byang ba'i chos rnams yongs su 'grib par mi 'gyur zhing/ dge ba'i chos rnams kyis rnam par 'phel ba dang/ nyan thos dang rang sangs rgyas
 las khyad par du 'phags par shes rab rno bar 'gyur ro zhes bdag tu lta ba'i sems can rnams yongs su ma btang pa phan yon dang bcas par bstan pa'o/ /rab 'byor gzhan yang byang chub sems dpa' sems dpa' chen po ni 'di lta ste/ sems can
 'di dag ni yun ring po nas phyin ci log bzhi la spyod spyod pa zhes bya ba nas/ bla na med pa yang dag par rdzogs pa'i byang chub tu mngon par rdzogs par sangs rgyas kyi bar du yang dag pa'i mdza' mngon du mi byed do zhes bya ba'i bar gyis ni sems phyin ci
 log? tu gyur pa'i sems can rnams yongs su ma gtang ba'i phyir thabs mkhas pa rnam par byang ba'i chos rnams yongs su rdzogs par ma gyur gyi bar du yang dag pa'i mdza' mngon du mi byed pa bstan pa'o/ /rab 'byor gzhan yang byang chub sems
 dpa' sems dpa' chen po ni 'di snyam du sems can 'di dag ni yun ring po nas dmigs pa la spyod spyod pa ste zhes bya ba nas / snying rje chen po yongs su ma rdzogs par yang dag pa'i mdza' mngon du mi byed de/ de'i tshe byang chub sems dpa' sems dpa' 
 chen po rnam par thar pa'i sgo stong pa nyid dang/ mtshan ma med pa dang/ smon pa med pa'i ting nge 'dzin bsgom pa yongs su rdzogs par 'gyur zhes bya ba'i bar gyis ni gang zag dang chos su rnam par rtog pa'i sems can yongs su ma btang pa'i phyir rnam par byang ba'i chos rnams
 yongs su ma rdzogs par yang dag pa'i mdza' mngon du mi byed pa bstan pa'o/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe /'di snyam du sems can 'di dag ni yun ring po nas mtshan ma la spyod spyod
 pa ste zhes bya ba nas/ snying rje chen po yongs su ma rdzogs par yang dag par mngon du mi byed de/ de'i tshe byang chub sems dpa' sems dpa' chen po'i rnam par thar pa'i sgo stong pa nyid dang/ mtshan ma med pa dang/ smon pa med pa'i ting nge 'dzin bsgom pa yongs su
 rdzogs par 'gyur ro zhes bya ba'i bar gyis ni mtshan ma can du spyod pa'i sems can rnams yongs su ma btang ba'i phyir thabs mkhas pas de bzhin gshegs pa'i stobs bcu la sogs pa yongs su ma rdzogs par yang dag pa'i mdza' mngon du mi byed
 pa bstan pa'o/ /rab 'byor gzhan yang byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ 'di snyam du sems can 'di dag ni yun ring po nas smon laM la spyod spyod pa ste zhes bya ba nas/ bla na med pa yang dag par rdzogs
 pa'i byang chub tu mngon par sangs rgyas kyi bar du yang dag pa'i mdza' yang mngon du mi byed do zhes bya ba'i bar gyis ni 'jig rten dang 'jig rten las 'das pa'i chos rnams la smon pa'i sems can rnams yongs su ma btang ba'i phyir rnam par thar pa'i sgo
 gsum gyis ting nge 'dzin sgom pa yongs su rdzogs par byed cing de bzhin gshegs pa'i stobs bcu la sogs pa yongs su ma rdzogs par yang dag pa'i mdza' mngon du mi byed pa bstan pa'o/ /rab 'byor byang chub sems dpa' sems dpa' chen
 po sbyin pa'i pha rol tu phyin pa la spyod pa dang zhes bya ba nas/ sangs rgyas kyi chos ma 'dres pa rnams la spyod pa dang/ 'dris par byed cing de lta bu'i ye shes mthong ba dang ldan pa'i byang chub sems dpa' sems dpa' chen po ni mngon par
 'du bya ba med par lhung ba 'am khams gsum pa dang lhan cig gnas med skabs med de de ni gnas ma yin no zhes bya ba'i bar gyis ni gong du bshad pa ltar snying rje chen po dang ldan pas/ sems can thams cad yongs su ma btang ba dang/ thabs mkhas pas yang dag
 pa'i mdza' mngon du mi byed pa'i byang chub sems dpa' pha rol tu phyin pa drug la sogs pa spyod pa ni nam yang nyan thos dang rang sangs rgyas kyi mya ngan las 'das pa mngon par 'du byed pa med par ltung bar yang mi 'gyur la/ sems
 can phal ltar 'khor ba na gnas par yang mi 'gyur ro zhes bstan pa'o/ /rab 'byor byang chub sems dpa' sems dpa' chen po de ltar spyod pa'i byang chub kyi phyogs kyi chos 'di dag la yang yongs su 'dris par byed pa de ci ltar na zhes bya ba la
 sogs pas ni/ de ltar spyod pa'i byang chub sems dpa' de dag lung bstan pa yin nam/ ma yin brtag pa'i phyir/ byang chub sems dpa' nang gcig la gcig 'drir gzhug pa bstan pa ste/ de la de ltar spyod cing byang chub kyi phyogs
 kyi chos 'di dag yongs su 'dris par byed pa de la ci ltar na zhes bya ba nas / de ci'i phyir zhe na /de ni 'di ltar phyir mi ldog pa'i byang chub sems dpa' sems dpa' chen po'i yongs su 'dris par bya ba de brjod do/ /de lung bstan to/ /de rab tu
 'byed do zhes bya ba'i bar gyis ni de ltar spyod pa'i byang chub sems dpa' de la pha rol tu phyin pa drug la sogs pa'i chos de dag la spyod cing yongs su 'dris par byed pa na/ nyan thos dang rang sangs rgyas kyi sa thob par 'gyur ba'i stong pa nyid yang dag
 pa'i mdza' i mngon du mi byed pa yin zhes dris na/ gal te rnam par thar pa'i sgo gsum dang/ mngon par 'dus bya ba med pa dang/ skye ba med pa dang/ 'gag pa med pa dang/ dngos po med pa yid pas 'dris par bya ba tsam du zad kyi/ mngon ? du bya ba ma yin no
 zhes lan ldan na/ de phyir mi ldog pa'i byang chub sems dpa' dang mthun par lan ldon pas de bla na med pa yang dag par rdzogs pa'i byang chub tu lung bstan par rig par bya ba bstan pa rab 'byor gal te byang chub sems dpa' sems dpa' chen po la de
 lta bu dris na/ 'di skad lung bston cing des stong pa nyid la yongs su 'dris par mi bya'o zhes bya ba nas/ phyir mi ldog pa'i byang chub sems dpa' sems dpa' chen pos phyir mi ldog pa'i sa gnon pa ltar bsrabs pa'i sa non pa ma yin zhes bya ba
 rigs par bya'o zhes bya ba'i bar gyis ni/ pha rol tu phyin pa drug la sogs pa la spyod pa'i tshe /ji ltar yang dag pa'i mdza' mngon du mi byed pa yin zhes dris pa na rnam par thar pa'i sgo gsum dang/ mngon par 'du bya ba med pa la sogs pa
 yongs su 'dris par mi bya'o zhes zer na/ phyir mi ldog pa'i byang chub sems dpa' dris pa'i lon ldan pa dang mi mthun pas bla na med pa yang dag par rdzogs pa'i byang chub tu lung bstan pa ma yin par rig par bya ba bstan pa ste/ phyir mi
 ldog pa'i byang chub sems dpa' sems dpa' chen pos phyir mi ldog pa'i sa non pa ltar bsrabs pa'i sa non pa ma yin n zhes bya ba la bsrabs pa'i sa zhes bya ba/ nyan thos kyi sa'i rim pa la ni lan cig phyir 'ong ba'i s ala bya/ byang chub
 sems dpa' sa'i rim pa la ni sa gnyis pa yan chad / sa bdun pa man chad la bya ste/ phyir mi ldog pa'i byang chub sems dpa' sa brgyad na na pa ni mtshan ma thams cad spangs shing lhun gyis grub par gyur pa de ltar lung ma bstan pa'i byang
 chub sems dpa' de dag gis bsrabs pa'i sa yang legs par non par ma gyur to zhes bya ba'i don to/ /gsol pa bcom ldan 'das gang gis slar mi ldog par 'gyur pa'i rnam grangs mchis sam zhes bya ba ni byang chub
 sems dpa' i sa'i rim pa ma thob pa las phyir mi ldog par 'gyur ba ci las brtag ces zhus ba'o/ /bcom ldan 'das kyis bka' stsal pa/ rab 'byor de ni yod de/ gal te byang chub sems dpa' sems dpa' chen pos pha rol tu phyin pa drug thos kyang
 rung ma thos kyang rung ste/ phyir mi ldog pa'i byang chub sems dpa' sems dpa' chen po ci lta ba bzhin du lan glan pa'o zhes bya ba ni sa'i rim pa ma thob? pa'i byang chub sems dpas kyang chos zab mo la mos shing/ gzhan gyis dris pa'i lan phyir mi ldog pa'i
 byang chub sems dpa' dang/ mthun par lan ldog pa de dag ni phyis phyir mi ldog par 'gyur zhes bstan pa'o/ /gsol pa bcom ldan 'das de'i slad du byang chub tu spyod pa ni mang ste/ phyir mi ldog pa'i byang chub sems dpa' sems dpa' chen
 po yongs su spyang ba'i sa 'am/ yongs su sbyang ba ma lags pa'i sa la gnas pa bzhin du lan 'debs pa ni nyung ngo zhes bya ba ni phyir mi ldog par 'gyur ba dkon pa ste/ yongs su sbyangs pa'i sa ni mos pas spyod pa'i sa la bya'o/ /yongs su sbyar ba'i sa ma
 yin pa ni mos pas spyod pa'i sa yang ma thob pa la bya'o/ /bcom ldan 'das kyis bka' stsal pa/ rab 'byor de de bzhin no zhes bya ba nas/ de dag ni lha dang mi dang lha ma yin du bcas pa'i 'jig rten gyis mi 'phrogs pa'o/ /'phags pa shes
 rab kyi pha rol tu phyin pa stong phrag brgya pa las/ le'u bzhi bcu lnga pa'o// //zhes bya ba'i bar gyis ni phyir mi ldog par 'gyur ba'i byang chub sems dpa' dkon pa'i gtan tshigs bstan te/ sngon dge
 ba'i rtsa pa chen po bskyed cing/ bsod nams dang ye shes kyi tshogs bsags pa de dag phyir mi ldog pa'i byang chub sems dpa' dang/ mthun par lan ldon zhing/ phyis kyang phyir mi ldog par 'gyur te/ de dag dang/ lha dang mi dang lha ma yin gyis 'jig rten gyis zil gyis mi
 non? cing slur mi tshugs so zhes bya ba'i don to/ /de nas yang bcom ldan 'das kyis tshe dang ldan pa rab 'byor la 'di skad ces bka' stsal to/ /zhes bya ba pa sogs pa nas/ phyir mi ldog pa'i byang chub sems dpa' i mtshan nyid brtag pa bstan pa ste/ rab 'byor gal te byang chub
 sems dpa' sems dpa' chen po rmi lam na yang zhes bya ba nas/ chos thams cad sprul pa dang 'dra ba nyid du lta la/ mngon du mi byed na rab 'byor de ni phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o zhes
 bya ba'i bar gyis ni byang chub sems dpa' gang gi rmi lam na yang nyan thos dang rang sangs rgyas kyi sa dang/ khams gsum la 'dod pa'i sems mi skye zhing yon tan du mi lta la/ chos thams cad rmi lam dang/ sgra brnyan dang/ gzugs dang/ smig sgyu dang/ spral
 ba dang 'dra bar lta zhing/ yang dag pa'i mdza' mngon du mi byed pa rmi lam na de lta bu ni phyir mi ldog pa'i byang chub sems dpar 'gyur ba'i rtags yin no zhes bstan pa'o/ /rab 'byor gzhan yang gal te byang chub sems dpa' sems dpa' chen po rmi lam na yang
 de bzhin gshegs pa dgra bcom pa yang dag par rdzogs pa'i sangs rgyas zhabs 'bring brgya phrag du ma dang zhes bya ba nas/ gnyer ba'i chos la spyod pa mthong na rab 'byor 'di yang phyir mi ldog pa'i byang chub sems dpa' sems dpa' chen po phyir mi ldog pa'i
 mtshan nyid du rig par bya'o zhes bya ba'i bar gyis ni byang chub sems dpa' gang gi rmi lam na sangs rgyas bcom ldan 'das 'khor mang pos bskor cing chos 'chad pa mthong la/ chos de'i don shes par bya'o snyam du sems shing nan tan byed pa mthong
 na de yang phyir mi ldog par 'gyur ba'i rtags yin par bstan pa ste/ chos dang gnyer ba'i chos zhes bya ba la/ chos ni mya ngan las 'das pa la sogs pa thob par bya ba'am/ rtog par bya ba'i chos rnams la bya'o/ /gnyer ba'i chos
 ni thob par bya ba'i chos de rnams bsgrub par 'phags pa'i lam la bya'o/ /rab 'byor gzhan yang byang chub sems dpa' sems dpa' chen po rmi lam na yang de bzhin gshegs pa dgra bcom pa yang dag par rdzogs pa'i sangs rgyas nam mkha' la 'phags shing
 zhes bya ba nas/ sprul pa de dag kyang 'jig rten gyi khams gzhan du sangs rgyas kyi bya ba byed pa mthong na rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog pa'i mtshan nyid du rig par bya'o zhes bya ba'i bar
 gyis ni byang chub sems dpa' la la'i rmi lam na de bzhin gshegs pa skyes bu chen po'i mtshan dang dpe byad phun sum tshogs pa dge slong gi dge 'dun la chos ston pa dang/ rdzu 'phrul dang/ cho 'phrul dang/ sbrul pa mang po ston cing/ sprul pa dag
 kyang 'jig rten gyi khams gzhan du sems can yongs su smin par bya ba la sogs pa sangs rgya skyi bya ba med pa mthong na/ de yang phyir mi ldog par 'gyur pa'i rtags yin no zhes bstan pa'o/ /rab 'byor gzhhan yang gal te byang chub sems dpa' 
 sems dpa' chen po rmi lam na dgra bcom pa'am zhes bya ba nas khams gsum pa'i chos thams cad rmi lam lta bur bstan par bya'o snyam na/ rab 'byor 'di yang phyir mi ldog pa'i byang chub sems dpa' sems dpa' chen po'i phyir mi ldog
 pa'i mtshan nyid du rig par bya'o zhes bya ba'i par gyis ni byang chub sems dpa' kha cig rmi lam na bdag dang gzhan la gnod pa dang/ mi bde ba sna tshogs mthong yang mi 'jig mi sdang la mya ngan mi byed pa dang/ gnyid las sad pa'i tshe yang
 khams gsum pa'i chos thams cad rmi lam dang 'dra bar rtogs shing/ yid ches pa dang/ chos thams cad rmi lam dang 'dra bar gzhan la yang bstan par sems ni de yang phyir mi ldog pa'i mtshan nyid du rig par bya'o/ /zhes bstan pa'o/ /rab 'byor gzhan yang ci ltar
 phyir mi ldog pa'i byang chub sems dpa' sems dpa' chen pos zhes bya ba nas/ rmi lam gang yin pa dang/ rmi lam gyi mdza' gang yang yin pa de gnyis su med de gnyis su phyar med do snyam na rab 'byor 'di yang phyir mi ldog pa'i byang chub sems dpa' sems dpa' 
 chen po phyir mi ldog pa'i mtshan nyid du rig par bya'o zhes bya ba'i bar gyis ni byang chub sems dpa' la la'i rmi lam du ngan song gsum mthong nas/ bdag mngon par rdzogs par sangs rgyas pa'i sangs rgyas kyi zhing na ngan song gsum po de dag rnam pa thams cad du
 med par 'gyur ba de ltar byang chub sems dpa' i spyad pa spyad snyam du yi dam 'cha' na de yang phyir mi ldog par 'gyur ba'i rtags yin pa dang/ byang chub sems dpa' de mngon par rdzogs par sangs rgyas pa'i sangs rgyas kyi zhing na ngan song gsum rnam pa thams cad
 du mi srid par 'gyur ba'i mtshan ma yin par bstan pa'o/ /rab 'byor gzhan yang gal te byang chub sems dpa' sems dpa' chen pos rmi lam 'am sad pa'i tshe /grong khyer tshig par gyur na zhes bya ba nas/ rgyu de dang rkyen de dag gis phyir mi ldog pa'i byang chub
 sems dpa' sems dpa' chen po rig par bya'o zhes bya ba'i bar gyis ni bden ba'i byin gyis rlabs kyis mthu las phyir me ldog par shes par bya ba bstan pa ste/ rmi lam 'am gnyid kyis ma log pa'i tshe yang rung/ grong khyer mas tshig pa mthong nas bdag
 phyir mi ldog ba'i byang chub sems dpa' yin na me 'di zhi bar gyur cig ces/ bden pa'i tshig gis byin gyis brlabs te me de zhi bar gyur na phyir mi ldog par 'gyur bar rig par bya'o/ /de ste me de rnam pa thams cad du ni ma zhi nas la lam tshig ? 
 gyur na yang/ sems can de dag gi las las gyur te/ las de'i rnam par smin pa de pas kyang sdug bsngal che la yun ring du 'gyur ba las/ byang chub sems dpa' i bden pa'i byin gyis brlabs kyis rnam par smin pa de tsam du zad par
 gyur na yang phyir mi ldog par 'gyur bar rig par bya ba bstan pa'o/ /rab 'byor gzhan yang rnam pa gang dang/ tshul gang dang mtshan ma gang gis zhes bya ba nas/ rab 'byor rnam pa de dag dang/ tshul de dag dang/ mtshan ma de dag dang ldan pa'i byang chub sems
 sems dpa' sems dpa' chen po ni phyir mi ldog par rig par bya'o zhes bya ba'i bar gyis kyang/ phyir mi ldog pa yin nam ma yin pa bden pa'i phyin gyi brlabs kyis brtag pa bstan pa'o/ /rab 'byor gzhan yang byang chub sems dpa' sems
 dpa' chen po pha rol tu phyin pa drug la spyod pa thams mkhas pa dang mi ldan pa zhes bya ba nas/ rab 'byor de lta bu yang byang chub sems dpa' sems dpa' chen pos bdud kyi las su rig par bya'o zhes bya ba'i bar gyis ni byang chub sems dpa' thabs
 mi mkhas pa rnam par byang ba'i chos yongs su rdzogs par ma spyad pa dag gis bden pa'i byin gyis brlabs na bdud kyis bslus nas mngon rtags gtan pas nga rgyal skyes te bdag bstod cing gzhan smod pa dag nyan thos dang rang sangs rgyas kyi sar
 ltung ba bstan pa'o/ /rab 'byor ji ltar byang chub sems dpa' sems dpa' chen po sbyin pa'i pha rol tu phyin pa la ma spyad pa zhes bya ba nas rab 'byor 'di yang byang chub sems dpa' sems dpa' chen pos ming gi byin gyis brlabs kyis bdud kyi
 las su rig par bya'o zhes bya ba'i bar gyis ni byang chub sems dpa' thabs mi mkhas pa pha rol tu phyin pa drug la sogs pa yongs su rdzogs par ma byas pa dag la bdud kyi dan rtags rnam pa mang po bstan te/ khyod bla na med pa yang dag par rdzogs
 pa'i byang chub tu lung bstan pa'o zhes sngon gyi dan rtags dang/ da ltar spyod pa'i dan rtags kyis yid ches par byas nas bslus na de bzhin du 'dzin cing yid ches te/ rlom sems su byed de de yang bdud kyi las su rig par bya ba bstan pa'o/ /rab 'byor gzhan yang byang chub sems
 dpa' sems dpa' chen pos ming gi byin gyis brlabs su rig par bya ste zhes bya ba nas/ shes rab kyi pha rol tu phyin pa 'di nyid la brten te/ bla na med pa yang dag par rdzogs pa'i byang chub tu mngon par rdzogs par sangs rgyas par 'gyur zhes bya pa'i bar gyis ni byang chub
 sems dpa' sems dpa' cen po thabs mi mkhas pa dag bla na med pa yang dag par rdzogs pa'i byang chub tu mngon par rdzogs par 'tshang rgya bar re zhing/ bdag mngon par rdzogs par sangs rgyas pa'i tshe ming 'di skad ces bya bar gyur cig ces smon lam btab cing/
 yid la bsams pa de nyid kyi dan rtags kyi bdud kyis bslus nas/ des rlom sems skye/ nyan thos dang rang sangs rgyas kyi sar ltung bar 'gyur pa'am/ yang na yun ring po'i 'khor ba na 'khyams 'khyams nas/ phyis dge ba'i bshes gnyen la brten cing shes rab ki pha rol tu
 phyin pa 'di nyid la brten te/ bla na med pa yang dag par rdzogs pa'i byang chub tu mngon par rdzogs par 'tshang rgya ba bstan pa'o/ /rab 'byor gal te yang byang chub sems dpa' sems dpa' chen po yang dang yang du dge ba'i bshes gnyen lta ba dang/ bsnyen bkur bar ma gyur
 pa zhes bya ba nas/ mchams med pa lnga pas kyang shin tu lci ba ste /sems bskyed pa de ni de bas kyang shin tu ldi bar rig par bya'o zhes bya ba'i bar du ni bdud kyis slus te/ rlom sems skyes nas byang chub sems dpa' gzhan smad cing brnyas pa ma bshags ma mthol
 na dge slong gi khrims kyi rtsa ba bzhi dang/ mtshams med pa lnga byas pa bas kyang sdig che bar bshad pa'o/ /rab 'byor gzhan yang bdud sdig to can dben pa'i yon tan sngon cing zhes bya ba nas/ rab 'byor 'di ni byang chub sems dpa' sems dpa' chen po rnams
 kyi rang gis khong du chud pa'i mngon par shes pa'i mthur rig par bya'o zhes bya ba'i bar gyi ni lus dben pa smad cing sems dben pa bstod pa bstan pa ste/ lus dben pa ni dgon pa na gnas pa'o/ /sems dpon pa ni theg pa chung du'i lta ba dman pa med pa'o//
 rab 'byor gzhan yang byang chub sems dpa' sems dpa' chen po lhag pa'i bsam pas bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ dge ba'i bshes gnyen la bsnyen par bya'o zhes bya ba nas/ de bzhin nyid yang dag pa'i
 mdza' dang/ bsam gyis mi khyab pa'i dbyings ni byang chub sems dpa' sems dpa' chen po rnams kyi dge ba'i bshes gnyen du rig par bya'o zhes bya ba'i bar gyis ni byang chub sems dpa' i dge ba'i bshes gnyen la bstnyen cing/ brten pa dang/ rim gro bya ba dang/ dge
 ba'i bshes gnyen gang dang gang yin pa shes par bya ba bstan pa ste/ pha rol tu phyin pa drug la sogs pa rnam par byang ba'i chos rnams dge ba'i bshes gnyen du rig par bya ba yang chos de rnams la brten cing goms par byas nas/ bla na med pa yang dag par
 rdzogs ba'i byang chub tu mngon par rdzogs par 'tshang rgya bar 'gyur ba'i rgyur 'gyur ba'i phyir ro/ /rab 'byor gzhan yang pha rol tu phyin pa drug ni byang chub sems dpa' sems dpa' chen po rnams kyi ston par rig par bya ste zhes bya ba nas/ de ci'i phyir zhe na/ byang chub
 sems dpa' sems dpa' chen pos gang la brlab par bya ba de dag shes rab kyi pha rol tu phyin pa 'di las rgya cher bstan to zhes bya ba'i bar gyis ni pha rol tu phyin pa drug la sogs pa rnam par byang ba'i chos rnams byang chub sems dpa' i dge ba'i bshes gnyen
 du rig par bya ba'i gtan tshigs bstan pa ste/ ston pa dang/ lam dang/ snying po dang/ sgron ma la sogs pa ni byang chub sems dpa' phan 'dogs pa dang/ bla na med pa yang dag par rdzogs pa'i byang chub thob pa'i rgyur 'gyur ba'i rnam grangs su rig par bya'o/ /
 rab 'byor gyis gsol pa/ bcom ldan 'das shes rab kyi pha rol tu phyin pa'i mtshan nyid ji lta bu lags zhes bya ba ni gong du shes rab kyi pha rol tu phyin pa 'di nyid la bslab par bya'o zhes bstan pa la/ 'khor gyi nang na kha cig shes rab kyi pha rol tu phyin pa
 'di nyid la bslab par bya'o zhes bstan pa las/ shes rab kyi pha rol tu phyin pa 'di dngos po yod par rtog pa bsal ba'i phyir zhus pa'o/ /bcom ldan 'das kyis bka' stsal pa/ rab 'byor nam mkha' ltar chags pa med pa'i mtshon nyid ni shes rab kyi pha
 rol tu phyin pa'o zhes bya ba ni shes rab kyi pha rol tu phyin pa don dam par dngos po med pas nam mkha' dang 'dra'o zhes bstan pa'o/ /rab 'byor shes rab kyi pha rol tu phyin pa'i mtshan nyid med pa ste zhes bya ba ni de ltar nam mkha' dang 'dra ba'i phyir chos gang gi mtshan
 nyid du yang yod pa ma yin no zhes bstan pa'o/ shes rab kyi pha rol tu phyin pa la mtshan nyid gang yang med do zhes bya ba ni shes rab kyi pha rol tu phyin pa rang bzhin gyis stong pas/ de la mtshan nyid ci yang med do zhes bstan pa'o/ /gsol pa bcom ldan
 'das mtshan nyid gang gis shes rab kyi pha rol tu phyin pa mchis pa'i mtshan nyid des chos thams cad mchis par 'gyur ba'i rnam grangs de lta bu mchis sam zhes bya ba ni chos thams cad rang bzhin gyis dben pa dang/ rang bzhin gyis stong par bstan pa'i
 skabs dbye ba'i phyir chos thams cad shes rab kyi pha rol tu phyin pa dang/ 'dra 'am zhes bya ba'i don to/ /bcom ldan 'das kyis bka' stsal pa/ rab 'byor de de bzhin no/ /de de bzhin te/ mtshan nyid gang gis shes rab kyi pha rol tu phyin pa yod pa'i
 mtshan nyid de nyid kyis chos thams cad yod do zhes bya ba ni shes rab kyi pha rol tu phyin pa dang/ chos thams cad kyang mtshan nyid med cing stong pa nyid du 'dra'o zhes bstan pa'o/ /de nyid gsal bar bstan pa'i phyir/ de ci'i phyir zhe na/ rab 'byor chos thams
 cad ni rang bzhin gyis dben pa ste zhes bya ba nas/ 'di ltar stong pa nyid kyi mtshan nyid dang/ dben pa'i mtshan nyid du mtshan nyid gang gis shes rab kyi pha rol tu phyin pa yod pa'i mtshan nyid des chos thams cadyod do zhes
 bya ba gsungs te/ shes rab kyi pha rol tu phyin pa dang/ chos thams cad rang bzhin gyis dben pa dang/ rang bzhin gyis stong par 'dra'o zhes bya ba'i don to/ /rab 'byor gyis gsol pa bcom ldan 'das gal te chos thams cad kyang/ chos thams
 cad kyi dben la zhes bya ba nas / bcom ldan 'das bstan pa de'i don bdag gis ji ltar 'tshal bar bgyi zhes bya ba'i bar gyis ni de ltar chos thams cad rang bzhin gyis stong na/ bcom ldan 'das kyis sems can rnams la nyon mongs pa'i phyogs
 spang ba dang/ rnam par byang ba'i phyogs bsgrubs te/ bla na med pa yang dag par rdzogs pa'i byang chub tu mngon par 'tshang rgya bar bstan pa de dag thams cad kyang/ dngos po med de rang bzhin gyis stong na/ de'i don ci ltar rtogs par bgyi
 zhes zhus pa'o/ /bcom ldan 'das kyis bka' stsal pa/ rab 'byor de ji snyam du sems/ sems can rnams yun ring po nas bdag dang bdag gi zhes bya ba las spyod dam zhes bya ba nas/ de la kun nas nyon mongs pa gang yang med pa ? rab
 'byor de lta na sems can rnams kyis rnam par byang ba yod pa yin no zhes bya ba'i bar gyis ni don dam par chos thams cad rang bzhin gyis dben zhing stong na sems can rnams kyi de ltar ma rtogs te/ mtshan mar 'dzin cing 'khor pa na 'khyams lar
 gyur pa de dag bkri pa'i phyir kun rdzob tu kun nas nyon mongs pa dang/ rnam par byang pa yod par sgro btags te bshad pa tsam du zad kyi/ don dam par ni gang yang med do zhes bya ba'i don to/ /gsol ba bcom ldan 'das byang chub sems dpa' sems dpa' 
 chen po de ltar spyod pa ni gzugs la mi spyod do ces bya ba nas/ rnam pa thams cad mkhyen pa nyid la mi spyod do zhes bya pa'i bar gyis ni de ltar don dam par chos thams cad rang bzhin gyis stong par rtogs kyang/ stong pa nyid mngon du mi byed par thabs mkhas pas kun rdzob tu
 sems can yongs su smin par bya ba'i phyir kun nas nyon mongs pa dang rnam par byang ba yod par lta ba de ltar spyod pa ni kun rdzob gzugs la sogs pa'i chos thams cad la spyod kyang/ don dam par de dag la dngos por lta zhing mi spyod do zhes bya ba'i don to/ /de ci'i slad du zhe
 na/ de ni 'di ltar gang spyod pa dang /gang gis spyod pa dang/ gang la spyod par 'gyur ba'i chos de dag thams cad mi dmigs so zhes bya bas ni don dam par chos thams cad la mi spyod pa'i gtan tshigs bstan pa ste/ don dam par chos thams cad rang bzhin gyis
 stong pas/ spyod pa po dang/ spyad par bya ba dang/ spyod pa'i rgyu gang yang mi dmigs pa'i phyir ro zhes bstan pa'o/ /bcom ldan 'das de ltar spyod pa'i byang chub sems dpa' sems dpa' chen po ni/ lha dang mi dang lha ma yin du bcas pa'i 'jig rten gyis
 mi thub pa ste zhes bya ba nas/ rnam pa thams cad mkhyen pa nyid dang nye bar gyur pa lags so zhes bya ba'i bar gyis ni de ltar thabs mkhas pa dang ldan par spyod pa'i byang chub sems dpa' de ni 'jig rten thams cad kyis gnod par bya mi nus shing/ nyan thos dang rang
 sangs rgyas thams cad kyis zil gyis mi non la rnam pa thams cad mkhyen pa nyid dang nye bar gyur pa'i phan yon bstan pa'o/ /bcom ldan 'das kyis bka' stsal pa/ rab 'byor gal te dzam+bu'i gling gi sems can ji snyed pa de dag thams cad snga phyi med par mi'i lus thob
 par gyur te zhes bya ba la sogs pa ni dzam+bu'i gling dang/ gling bzhi dang/ stong gi 'jig rten gyi khams dang/ stong gnyis kyi 'jig rten gyi khams dang/ stong gsum gyi stong chen po'i 'jig rten gyi khams kyi sems can thams cad dus gcig tu sangs rgyas su gyur pa la rim
 gro dang bkur sti la sogs pa bya ste /dge ba'i rtsa ba de yang bla na med pa yang dag par rdzogs pa'i byang chub tu yongs su bsngos pa bas shes kyi pha rol tu phyin pa 'di gzhan la ston pa dang/ yid la byed pa pos de nams ces bstan pa ste/
 gzhan la ston pa dang/ 'chang ba dang rnam par gzhogs ba dang/ rab tu gzhogs pa dang/ 'grel pa dang/ rnam par 'byed pa dang/ gsal bar byed pa dang/ yang dag par ston pa zhes bya pa ni/ 'chad pa'i rnam grangs su rig par bya'o/ /rab 'byor gal te
 dzam+bu gling gi sems can gang ji snyed pa de dag thams cad snga phyi med par mi'i lus thob par gyur la/ de dag rigs kyi bu 'am rigs kyi bu ma la la zhig gis /dge ba bcu'i las kyi yam la rab tu bkod pa dang zhes bya ba la sogs pas ni dzam+bu'i gling
 dang gling bzhi dang/ stong gi 'jig rten gyi khams dang/ stong gnyis kyi 'jig rten gyi khams dang/ stong gsum gyi stong chen po'i 'jig rten gyi khams kyi sems can thams cad dus gcig tu mi'i lus su gyur la / de dag thams cad dge ba
 bcu'i las kyi las la sogs pa la bkod de/ dge ba'i rtsa ba de bla na med pa yang dag par rdzogs pa'i byang chub tu yongs su bsngos pa'i bsod nams pas kyang shes rab kyi pha rol tu phyin pa 'di gzhan la ston pa dang 'chad pa la sogs pa'i bsod
 nams che ba bstan pa'o/ /rab 'byor de ltar spyod pa'i byang chub sems dpa' sems dpa' chen po rnam pa thams cad mkhyen pa nyid dang ldan pa'i yid la bya bas rnam par spyod pa ni zhes bya ba nas/ bla na med pa'i shes rab kyi mig bskyed par 'dod
 pas/ shes rab kyi pha rol tu phyin pa dang ldan pa'i yid la bya bas rtag tu rgyun mi 'chad par gnas par bya'o zhes bya ba'i bar gyi ni de ltar gong du bshad pa'i tshul du shes rab kyi pha rol tu phyin pa 'di gzhan la ston cing 'chad pa la sogs/
 ba'i sgo nas spyod pa dang/ rnam pa thams cad mkhyen pa nyid dang ldan pa'i yid la bya bas/ rnam par spyod pa'i phan yon bstan pa ste/ de'i phan yon yang sems can thams cad kyi sbyin pa'i gnas su 'gyur ba dang/ tshad med pa bzhi dang ldan par 'gyur ba dang/ pha
 rol tu phyin pa drug gi snang ba chen po dang ldan pa dang/ mngon par rdzogs par sangs mi rgyas kyang/ sems can thams cad kyi sbyin pa'i gnas su 'gyur ba dang/ bla na med pa'i byang chub las phyir mi ldog par 'gyur ba dang/ gos dang bsod snyoms la sor
 pa sbyin pa'i sbyin bdag gi sbyin pa yongs su dag par byed pa dang/ rnam pa thams cad mkhyen pa nyi dang nye bar 'gyur ba dg ste/ de bas na phan yon de dag thob par 'dod pa dang/ yul khams kyi bsod snyoms blangs pa 'bras bu yod par bya par 'dod pa
 dang/ sems can thams cad kyi lam ston pa la sogs pa 'dod pas/ shes rab kyi pha rol tu phyin pa dang ldan pa'i yid la bya bas/ rtag tu rgyun mi 'chad par gnas par bya'o zhes bstan pa'o/ /gal te byang chub sems dpa' sems dpa' chen po
 shes rab kyi pha rol tu phyin pa dang ldan pa'i yid la bya bas/ rnam par mi spyod na yang des yid la bya ba gzhan gyi go skabs mi dbye ba ste zhes bya ba ni brgya la gong du smos pa lta bur shes rab kyi pha rol tu phyin pa dang ldan pa'i yid la bya ba yongs su rdzogs
 par ma nus na yang/ nyan thos dang rang sangs rgyas kyi yid la bya ba go skabs mi dbye'o zhes bstan pa'o/ /des ci nas kyang shes rab kyi pha rol tu phyin pa dang ldan pa'i yid la bya ba nyid kyis nyin mtshan du mi gtong zhing brtson par gnas pa da ltar bya'o zhes
 bya ba ni shes rab kyi pha rol tu phyin pa yid la bya ba yongs su ma rdzogs su mi gtong bar brtson par bya'o zhes bya ba'i don to/ /rab 'byor 'di lta ste dper na zhes bya ba nas/ rnam pa thams cad mkhyen pa nyid kyi rin po che de stong par yang mi bya ste/ de 
 ltar na rtag tu bde ba dang yid bde ba dang/ yid bde ba mang po dang ldan par 'gyur ro zhes bya ba'i bar gyis ni shes rab kyi pha rol tu phyin pa'i yid la bya ba rtag tu mi gtang ba'i dpe bstan pa ste/ de ltar yid la bya ba de ma btang
 na rtag tu yid bde ba mang po dang ldan par 'gyur ro zhes bstan pa'o/ /gsol pa bcom ldan 'das yid la bgyi pa de dag thams cad kyang rang bzhin dang bral ba ste zhes bya ba la sogs pa ni de ltar gong du shes rab kyi pha rol tu phyin pa dang/ rnam pa
 thams cad mkhyen pa nyid dang ldan pa'i yid la bya ba dang ma bral lo zhes bshad pa la 'khor gyi nang nas kha cig yid la bya ba de lta bu dngos po yod par rtog pa bsal ba'i phyir rab 'byor gyis zhus pa'o/ /bcom ldan 'das kyis bka' stsal ba zhes
 bya ba nas/ rab 'byor de ni 'di ltar shes rab kyi pha rol tu phyin pa ni rang bzhin gyis stong pa ste/ de la 'phel ba med do/ /yongs su 'grib pa med do zhes bya ba'i bar gyis ni yid la bya ba dang ma bral ba zhes bya ba yang dngos bo yod par rtog pa'i
 yid la bya ba la ni mi bya'o/ /don dam par chos thams cad rang bzhin gyis stong ste /sus kyang ma byas la de bzhin nyid dang/ chos kyi dbyings la sogs pa'i rang bzhin du gnas par shes pa nyid yid la byed pa de dang ma bral ba yin no zhes bstan pa'o
 gsol pa bcom ldan 'das gal te shes rab kyi pha rol tu phyin pa rang bzhin gyis dben zhing/ rang bzhin gyis stong pa lags zhes bya ba nas / byang chub sems dpa' sems dpa' chen po de ni shes rab kyi pha rol tu phyin pa la spyod do
 zhes bya bar rtog par rig par bya'o zhes bya ba'i bar gyis ni gong du shes rab kyi pha rol tu phyin pa dang ma bral ba yin no zhes bshad pa la/ 'khor gyi nang nas kha cig shes rab kyi pha rol tu phyin pa dngos po yod par rtogs pa bsal
 ba'i phyir rab 'byor gyis zhus pa dang/ bcom ldan 'das kyis de'i lan bka' stsal pa ste/ shes rab kyi pha rol tu phyin pa dang ma bral pa zhes bya ba yang dngos po yod par de yang ma bral ba la ni mi bya'i/ don dam par rang bzhin gyis stong bas/ de bzhin nyid dang chos kyi dbyings
 dang/ yang dag pa'i mdza' i rang bzhin du ro gcig ste/ de la 'phel 'grib dang/ gcig dang gnyis zhes bya bar rnam par rtog pa med na shes rab kyi pha rol tu phyin pa la spyod par chud de/ phyir mi ldog pa'i sa la gnas pa yin no zhes bstan pa'o/ /rab 'byor
 gyis gsol pa bcom ldan 'das shes rab kyi pha rol tu phyin pa'i stong pa nyid dang/ gsog nyid dang/ gsob nyid dang/ rag ma lus pa nyid dang/ snying po ma mchis pa gang lags pa de shes rab kyi pha rol tu phyin pa la spyod dam zhes bya ba ni gong du byang
 chub sems dpa' sems dpa' chen po de ni shes rab kyi pha rol tu phyin pa la spyod do zhes bya par rtog par rig par bya'o zhes gsungs pa la/ 'khor gyi nang nas 'ga' zhig de ltar spyod pa'i byang chub sems dpa' dngos por yod dam snyam du rtog pa
 bsal ba'i phyir zhus pa ste/ stong pa nyid dang/ gsog dang gsob dang/ rag ma lus pa dang/ snying po med pa zhes bya ba ni stong pa nyid kyi rnam grangs te/ de ltar shes rab kyi pha rol tu phyin pa dang/ de la spyod pa gnyis ka rang bzhin stong na / su zhig ci la spyod
 ces bya ba'i don to/ /gsog dang gsob dang rag lus pa dang/ snying po med pa zhes bya ba ni stong pa nyid kyi rnam grangs su rig par bya'o/ /bcom ldan 'das kyis bka' stsal pa /rab 'byor de ni ma yin no zhes bya ba ni shes rab kyi pha rol tu phyin pa la
 spyod do zhes bya ba yang /kun rdzob tu bshad pa tsam du zad kyis/ don dam par ni spyod ba dang/ spyad par bya ba gang yang med do zhes bstan pa'o/ /gsol pa bcom ldan 'das shes rab kyi pha rol tu phyin pa las gung na/ gang shes rab kyi pha rol tu byin pa
 la spyod pa'i chos gang dmigs su mchis sam zhes bya ba ni de ltar shes rab kyi pha rol tu phyin pa'i stong pa nyid shes rab kyi pha rol tu phyin pa la spyod pa ma yin no/ de las gzhan pa'i chos 'ga' zhig shes rab kyi pha rol tu/
 byin pa la spyod pa mchis sam zhes zhus pa'o/ /bcom ldan 'das kyis bka' stsal pa/ rab 'byor de ni ma yin no zhes bya ba ni don dam par chos thams cad rang bzhin gyis stong pas chos gzhan gang yang shes rab kyi pha rol tu phyin pa la spyod pa mdo zhes
 bstan pa'o/ /gsol pa bcom ldan 'das ci lags/ shes rab kyi pha rol tu phyin pa shes rab kyi pha rol tu phyin pa la spyod dam zhes bya ba ni de ltar shes rab kyi pha rol tu phyin ba las gud na chos gzhan 'ga' zhig shes rab kyi pha rol tu phyin pa
 la spyod pa med na /ci shes rab kyi pha rol tu phyin pa nyid shes rab kyi pha rol tu phyin pa la spyod dam zhus pa'o/ /bcom ldan 'das kyis bka' stsal pa de ni ma yin no zhes bya ba ni don dam par shes rab kyi pha rol tu phyin pa nyid kyang rang bzhin
 gyis stong pas de nyid la de nyid mi spyod do zhes bstan pa'o/ /bcom ldan 'das ci lags stong pa nyid stong pa nyid la spyod dam zhes bya ba ni de ltar shes rab kyi pha rol tu phyin pa las gzhan pa yang shes rab kyi pha rol tu phyin pa la mi spyod/ shes rab
 kyi pha rol tu phyin pa nyid kyang shes rab kyi pha rol tu phyin pa la mi spyod de/ spyod pa dang spyad par bya ba gnyi ga stong na stong pa nyid la spyad dam zhes zhus pa'o/ /bcom ldan 'das kyis bka' stsal pa /rab 'byor de ni ma yin no zhes bya ba ni stong pa nyid
 ces bya ba dngos po med pa la bya ste /dngos po med pa dngos po med pa la spyad du med do zhes bya ba'i don to/ /gsol pa bcom ldan 'das stong pa nyid las gung du stong pa nyid spyod dam zhes bya ba ni de ltar spyod pa nyid stong pa nyid la mi spyod na stong pa nyid
 las gzhan pa'i dngos po bza' zhi la stong pa nyid spyod dam zhes zhus pa'o/ /bcom ldan 'das kyis bka' stsal pa/ rab 'byor de ni ma yin no zhes bya ba ni chos thams cad don dam bar stong pa nyid du ro gcig bas/ stong pa nyid ma yin pa'i chos gang yang
 med do zhes bya ba'i don to /gsol pa bcom ldan 'das ci lags /gzugs shes rab kyi pha rol tu phyin pa la spyod dam zhes bya ba nas/ bcom ldan 'das ci lags rnam pa thams cad mkhyen pa nyid shes rab kyi pha rol tu phyin pa la spyod dam/ /bcom
 ldan 'das kyis bka' stsal pa / rab 'byor de ni ma yin no zhes bya ba'i bar gyi ni /de ltar stong pa nyid stong pa nyid la mi spyod na/ gzugs la sogs ba rnam pa thams cad mkhyen pa nyid la thug gi bar gyi chos rnams shes rab kyi pha rol tu phyin pa la spyod
 dam zhes zhus pa dang chos de dag thams cad kyang don dam par stong pa nyid du ro gcig pas / spyod pa dang spyad par bya ba gnyis so sor dbyer med pa'o/ /rab 'byor gyis gsol pa bcom ldan 'das ci lags /gzugs kyi stong pa nyid dang zhes bya ba
 nas/ rnam pa thams cad mkhyen pa nyid kyi stong pa nyid dang /gsog nyid dang /gsog nyid dang/ rag lus pa nyid dang/ snying po ma mchis pa nyid dang /de bzhin nyid dang /ma nor ba de bzhin nyid dang/ gzhan ma yin pa de bzhin nyid dang/ chos kyi dbyings dang
 dang/ chos kyi gnas nyid dang/ chos skyon med pa nyid dang/ yang dag pa'i mdza' dang/ bsam gyis mi khyab pa'i dbyings de shes rab kyi pha rol tu phyin pa la spyod dam /bcom ldan 'das kyis bka' stsal pa/ rab 'byor de ni ma yin no zhes bya ba'i bar gyis
 no?/ de ltar gzugs la sogs pa'i dngos po rnams/ shes rab kyi pha rol tu phyin pa la mi spyod na /gzugs la sogs pa dngos po med pa stong pa nyid kyi rnam grangs su gtogs pa rnams/ shes rab kyi pha rol tu phyin pa la spyod dam zhes zhus pa dang/
 chos thams cad rang bzhin gyis stong pa la ni spyod pa dang/ spyad par bya ba gnyis ka med pas /gzugs la sogs pa stong pa nyid kyi rnam grangs su gtogs ba rnams kyang/ shes rab kyi pha rol tu phyin pa la spyod do zhes ?
 brtan pa'o/ /rab 'byor gyis gsol pa bcom ldan 'das gal te chos de dag shes rab kyi pha rol tu phyin pa mi spyod na /bcom ldan 'das byang chub sems dpa' i sems dpa' chen po ci ltar shes rab kyi pha rol tu phyin pa la spyod ba lags zhes bya ba ni de
 ltar gong du smos pa'i tshul du chos gang shes rab kyi pha rol tu phyin pa la spyod ba med na /de ci'i slad du bcom ldan 'das kyis de ltar spyod pa ni shes rab kyi pha rol tu phyin pa la spyod pa yin no zhes bka' stsal ces gal bzung ste zhus pa'o/ /bcom ldan
 'das kyis bka' stsal pa/ rab 'byor de ji snyam du sems/ chos gang shes rab kyi pha rol tu phyin pa la spyod pa'i chos de khyod kyis mthong dam gsol pa bcom ldan 'das de ni ma lags zhes bya ba ni spyod par byed pa'i byang chub sems dpa' don
 dam par yod pa ma yin pa bstan pa'o/ /bcom ldan 'das kyis bka' stsal pa/ rab 'byor de ji snyam du sems gang la byang chub sems dpa' sems dpa' chen po spyod ba'i shes rab kyi pha rol tu phyin pa de lta bu khyod kyi mthong ngam/ gsol pa bcom
 ldan 'das de ni ma lags so zhes bya bas ni byang chub sems dpa' spyad par bya ba'i shes rab kyi pha rol tu phyin pa don dam par yod pa ma yin pa bstan pa'o/ /bcom ldan 'das kyis bka' stsal pa / rab 'byor de ji snyam du sems chos gang khyod
 kyis mthong ba'i chos de dmigs su yod dam / gsol pa bcomldan 'das de ni ma lags so zhes bya bas mi spyod pa dang spyad par bya ba gnyis ka don dam par dngos po med pas dmigs su med do zhes bstan pa'o/ /bcom ldan 'das kyis bka' stsal pa/ rab 'byor de ji snyam?
 du sems chos gang dmigs su med pa de skye ba 'am 'gag par 'gyur ram /gsol pa bcom ldan 'das de ni ma lags so zhes bya bas ni de ltar don dam par chos thams cad dmigs su med pas skye bar rang 'gag pa yang med do zhes bstan pa'o/ /bcom
 ldan 'das kyis bka' stsal pa/ rab 'byor de ni byang chub sems dpa' sems dpa' chen po rnams kyis mi skye ba'i chos la bzod pa thob na byang chub sems dpa' i yon tan rnams mi 'gro ba'i phan yon bstan pa'o/ /rab 'byor gyis gsol pa bcom ldan 'das ci lags/
 chos thams cad mi skye pa nyid gang lags pa de las byang chub sems dpa' sems dpa' chen po de bla na med pa yang dag par rdzogs pa'i byang chub tu lung bstan par 'gyur ram zhes bya ba ni gong du bcom ldan 'das kyis bzod pa de lta bu dang ldan pa'i byang
 chub sems dpa' sems dpa' chen bo ni sangs rgyas bcom ldan 'das kyis bla na med pa yang dag par rdzogs pa'i byang chub tu lung bstan to zhes gsungs pa/ de ltar chos thams cad skye ba ma mchis na lung bstan du yang ma mchis sam zhes gsol pa'o/
 bcom ldan 'das kyis bka' stsal pa/ rab 'byor de ni ma yin no zhes bya ba ni lung bstan to zhes bya ba yang kun rdzob tu bshad pa tsam du zad kyi/ don dam par ni chos thams cad rang bzhin gyis ma skyes pas lung bstan pa gang yang med do zhes bya ba'i
 don to/ /gsol pa bcom ldan 'das ci lags / skye ba yang ma lags mi skye ba yang ma lags pa las zhes bya ba nas/ byang chub sems dpa' sems dpa' chen po ji ltar bla na med pa yang dag par rdzogs pa'i byang chub tu
 lung bstan par 'gyur zhes bya ba'i bar gyi ni de ltar dngos po yod pa dang/ dngos po med pa dang/ yod med gnyis yang ma yin pa las lung bstan par mi 'gyur na /ci'i slad du bcom ldan 'das kyis de ltar spyod pa'i byang chub
 sems dpa' sems dpa' chen po bla na med pa yang dag par rdzogs pa'i byang chub tu lung bstan to zhes gsungs pa zhes gal bzung ste zhus pa'o/ /bcom ldan 'das kyis bka' stsal pa/ rab 'byor de ci snyam du sems gang bla na med pa yang dag par rdzogs
 pa'i byang chub tu lung bstan bar 'gyur ba'i chos de lta bu khyod kyis yang dag par rjes su mthong ngam zhes bya ba nas/ de ci'i phyir zhe na / rab 'byor shes rab kyi pha rol tu phyin ba ni rnam par mi rtog pa'o zhes bya ba'i bar gyi ni bla na med pa yang dag par rdzogs
 pa'i byang chub tu lung bstan pa zhes bya ba yang/ kun rdzob tu bstan pa tsam du zad kyi/ don dam par ni lung bstan pa'i dngos po gang yang med de/ byang chub sems dpa' gang mngon par rdzogs par 'tshang rgya ba dang/ ye shes gang gis mngon
 par rdzogs par 'tshang rgya bar 'gyur ba dang/ chos gang mngon par rdzogs par sangs rgyas rgya bar bya ba yang med la byang chub sems dpa' yang 'di snyam du bdag ni mngon par rdzogs bar 'tshang rgya'o/ /ye shes ni 'dis mngon par rdzogs par
 'tshang rgya bar bya'o/ /chos 'di dag mngon par rdzogs bar sangs rgyas par bya'o/ /snyam du yang mi sems te/ shes rab kyi pha rol tu phyin pa rnam par mi rtog pa yin pa'i phyir byang chub sems dpa' de ltar rnam par mi rtog go zhes
 bstan pa'o/ /'phags pa shes rab kyi pha rol tu phyin pa 'bum rgya cher bshad pa las / le'u bzhi bcu drug go/ //de nas lha'i dbang po brgya byin gyis bcom ldan 'das la 'di skad ces gsol to/ /bcom
 ldan 'das shes rab kyi pha rol tu phyin pa ni shin tu dben ba'i slad du zab ba'o zhes bya ba nas /bcom ldan 'das shes rab kyi pha rol tu phyin pa ni shin tu dben pa'i slad du mkhas shing rigs pas rtogs par bgyi'o zhes bya ba'i bar gyis ni/
 gang du chos thams cad dmigs su med par bstan ba'i don brgya byin gyis rtogs nas/ shes rab kyi pha rol tu phyin pa zab pa'i sgo nas bstod pa ste / shin tu dben pa'i slad du zab po zhes bya ba ni gang zag dang chos gnyis la rang bzhin med
 par ston cing / dmigs ba can rnams kyi spyod yul ma yin ba'i phyir zab pa'o zhes bya ba'i don to/ /blta dka' ba dang/ rtogs par dka' ba dang/ brtag tu med pa dang/ brtag pa'i spyod yul ma yin pa dang/ zhi ba dang/ phra ba dang/
 zhib ba zhes bya ba'i don sngar yang bshad zin te/ zab pa'i rnam grangs su rig par bya'o/ /mkhas shing rig pas rtogs bar bgyi'o zhes bya ba ni de ltar zab pas dmigs pa can thams cad mi mkhas bas rtogs par bya ba min gyi /thabs
 dang shes rab zung du 'brel pa rnams kyi spyod yul yin no zhes bstan ba'o/ /bcom ldan 'das sems can gang shes rab kyi pha rol tu phyin pa zab mo 'di nyan cing 'dzin pa dang/ zhes bya ba nas/ sems dang sems las byung ba'i chos gzhan
 gyi go mi 'byed pa de dag ni dge ba'i rtsa ba tha ma dang ldan pa ma yin no zhes bya ba'i bar gyis ni de ltar zab pa'i shes rab kyi pha rol tu phyin pa la spyod cing nan tan byed la/ nyan thos dang rang sangs rgyas kyi sems dang sems las byung ba dmigs pa
 can mi skyed pa de dag ni dge ba'i rtsa ba mchog dam pa dang ldan pa yin no zhes bya ba'i don to/ /kau shi ka de ji snyam du sems/ 'dzam bu gling gi sems can gang ji snyed pa de dag thams cad dge ba bcu'i las kyi lam dang ldan par 'gyur zhes bya ba nas? 
 grangs dang bgrang ba dang dpe dang rgyur yang mi bzod do zhes bya ba'i bar gyi ni dzam+bu gling gi sems can thams cad dge ba bcu dang bsam gtan bzhi dang /tshad med pa bzhi dang/ gzugs med ba'i snyoms par 'jug pa bzhi dang/ mngon par
 shes pa lnga dang ldan par 'gyur ba'i bsod nams pas/ shes rab kyi pha rol tu phyin pa 'di la spyad cing nan tan byas pa bsod nams khyad par 'phags pa che ba bstan pa'o/ /de nas dge slong gcig gis lha'i dbang bo brgya byin la 'di skad ces
 smras so zhes bya ba nas /de ltar slob pa'i byang chub sems dpa' sems dpa' chen po de ni byang chub sems dpa' i bslab pa la slob ba ste / nyan thos kyi bslab pa la slob pa ma yin no rang sangs rgyas kyi bslab pa la slob pa ma yin no zhes bya ba'i bar gyis ni
 shes rab kyi pha rol tu byin pa la spyod ba'i byang chub sems dpa' / dzam bu gling gi sems can thams cad dge ba bcu'i las kyi lam la sogs ba dang ldan ba zil gyis gnon to zhes 'khor gyi nang na 'dug 'dug pa'i dge slong gcig cig gis yon tan
 bsngags ba dang/ brgya byin gyis dzam+bu'i gling gi sems can thams cad dge ba bcu la sogs pa dang ldan la /rnam pa thams cad mkhyen pa dang ldan ba'i sems dang po skyed pas kyang zil gyis mi non na /shes rab kyi pha rol tu phyin ba zab mo 'di
 la spyod cing nan tan byed pas zil gyis gnon pa lta smod kyang ci dgos te/ des lha dang mi dang lha ma yin du bcas pa'i 'jig rten thams cad kyang zil gyis gnon par 'gyur te/ der yang ma zad kyi nyan thos kyi 'bras bu bzhi thob pa dang /thabs dang
 shes rab mi ldan ba pha rol tu phyin pa lnga la spyod pa rnams kyang zil gyis gnon par 'gyur la/ lha dang mi dang lha ma yin du 'jig rten gyi de la zil gyis gnon par yang mi nus pa dang/ shes rab kyi pha rol tu phyin pa'i don ji skad bshad pa dang
 mthun bar spyod pa dang/ rnam pa thams cad mkhyen pa nyid kyi rig rgyun mi gcod ba dang/ de bzhin gshegs pa ring du mi byed pa dang/ snying po byang chub las 'phang bar mi 'gyur ba dang/ sems can ngan song gsum du bying ba rnams 'don nus par 'gyur ba dang/ byang chub
 sems dpa' i bslab pa la slob pa dang/ nyan thos dang rang sangs rgyas kyi bslab pa la mi slobpa'i yon tan bsngags pa bstan pa'o//de ltar slob pa'i byang chub sems dpa' sems dpa' chen po'i drung du/ rgyalpo chen po bzhi dag kyang 'gro bar bya bar sems te zhes bya ba nas/
 'di dag kyang byang chub sems dpa' sems dpa' chen po shes rab kyi pha rol tu phyin pa zab mo 'di la spyod pa'i tshe 'di nyid nan tan du rig bar bya'o zhes bya ba'i bar gyis ni/ shes rab kyi pha rol tu phyin pa zab mo 'di la spyod cing nan tan du byed pa'i tshe/ 'di nyidla
 'dod ba'i khams dang/ gzugs kyi khams kyi lha rnams kyis rim grong bya ba dang/ de bzhin gshegs pa rnams kyis rtag tu dgongs pa dang /lus dang sems la gnod pa dang/ sdug bsngal dang nang thams cad mi 'byung ba'i phan yon bstan pa'o/ /de nas tshe dang
 ldan ba dga' bo 'di snyam du gyur te zhes bya ba nas/ shes rab kyi pha rol tu phyin pa'i yon tan dang/ legs pa brjod ba ni sangs rgyas kyi mthur rig par bya'o zhes bya ba'i bar gyis ni brgya byin gyis de ltar shes rab kyi pha rol tu phyin pa zab ba'i rnam
 grangs bstan pa dang/ de la spyod ba'i phan yon bstan pa yang/ brgya byin gyis chos bshad na 'dul ba'i sems can rnams la phan gdags pa'i phyir bcom ldan 'das kyis byin gyis brlabs pa bstan pa'o/ /de nas bcom ldan 'das kyis tshe dang
 ldan ba dga' po la 'di skad ces bka' stsal to zhes bya ba la sogs pa ni brgya byin de skad smra ba 'khor rnams kyis yid ches par bya ba'i phyir bden no zhes bka' stsal ba'o/ /dga' bo gang gi tshe byang chub sems dpa' sems dpa' chen po shes rab kyi pha
 rol tu phyin pa la slob pa dang zhes bya ba nas/ spu g.yo bar 'gyur ba dang/ skar mda' ltung ba gtong zhes 'jigs pa skyed do zhes bya ba'i bar gyis ni de ltar shes rab kyi pha rol tu phyin pa la spyod pa'i byang chub sems dpa' la
 bdud thams cad glags blta bar 'gyur gyis bag yod bar byas shig ces bstan pa'o/ /de nas tshe dang ldan pa dga' bos bcom ldan 'das la 'di skad ces gsol to zhes bya ba nas /de ci'i phyir zhe na/ 'di ltar rigs kyi bu 'di gnyis kyis gang brtsams
 pa de ni rnam ba thams cad mkhyen pa nyid kyi lam ma yin /rigs kyi du 'di gnyis kyi ni sems can dmyal ba dang/ byol song gi skye gnas dang/ gshin rje'i 'jig rten gyi lam brtsam so zhes bya ba nas/ dga' zhing spro ba dang tshim zhing yid bde ba skye
 bar 'gyur ro zhes bya ba'i bar gyi ni bdud kyi glags rnyed par 'gyur ba'i skyon rnams bstan pa ste /sngon shes rab kyi pha rol tu phyin pa la dang cing mos par ma byas pa dang/ the tsom za ba dang/ dge ba'i bshes gnyen dang mi ldan pa dang /dam pa'i
 chos ma yin pa yongs su 'dzin cing/ de'i legs pa brjod pa dang/ shes rab kyi pha rol tu phyin pa 'di shin tu zab pas/ khyod kyi spyad mi nus so zhes gzhan gyi dang ba bzlog pa dang/ bdag pha rol tu phyin pa drug la spyod pa bsnyems shing /gzhan pha
 rol tu phyin pa drug la spyad pa ma yin no zhes brnyas par byed pa dang/ bdag nyid mchog tu sems shing /rlom sems bskyed pa dang/ bdag gis ming dang rus kun gyis brjod pa'i grags pa bsnyems nas/ gzhan khyad du gsod do /bdag bsod cing gzhan
 la smod pa dang/ gang zag byang chub sems dpa' theg pa pa /gang zag nyan thos kyi theg pa pa dang rtsod pa dang/ byang chub sems dpa' i theg pa la spyod pa nang 'thab bar 'gyur na/ bdud kyis glags rnyed par 'gyur zhes bstan pa'o/ /dga' bo gzhan
 yang gal te byang chub sems dpa' lung ma bstan pa zhes bya ba nas /ji srid kyi bskal par go cha bgo bar bya'o zhes bya ba'i bar gyis ni byang chub sems dpa' pa la pas lung bstan ba'i byang chub sems dpa' la brnyas shing
 gnod bar bsams la byang chub sems dpa' phal pa de yang/ rnam pa thams cad mkhyen pa nyid yongs su mi gtong zhing thob par 'dod na gnod sems dang sdig ba'i sems ji snyed pa de snyed kyi bskal par dga' ba spyod cing 'bad dgos so zhes bstan pa'o/ /dga' bos
 gsol pa bcom ldan 'das de dag gi sems skyed pa de dag la 'byung ba gzhan mchis sam / 'o na de ma lags kyi bskal pa de snyed kho nar go cha bgo 'tshal zhes bya ba ni de lta bu'i ngan sems skyes pa bshags shing sbyangs na/ 'byang bar 'gyur ram mi 'gyur
 zhib tu bshad pa'i skabs dbye ba'i phyir zhus pa'o/ /bcom ldan 'das kyis bka' stsal pa/ dga' ba gong zag nyan thos kyi theg pa pa rnams dang zhes bya ba nas/ de la bdud kyi sdig to can glags lta zhing /glags 'tshol bas kyang glags mi rnyed do zhes
 bya ba'i bar gyis ni de ltar 'thab shing rtsod pa la sogs par 'gyur na zhe la mi 'tshang zhing 'khon du mi 'dzin par bya ste/ mthol shing bshags la phyin chad kyang de ltar mi bya bar yi dam bcas te/ tshor bar byas na 'byang bar 'gyur gyi de ltar ma byas
 na 'byang bar mi 'gyur te/ yun ring bor 'khor ba na 'khor zhing/ bskal pa mang por brtsal zhing/ 'bad dgos so zhes bstan pa'o/ /dga' bo gzhan yang byang chub sems dpa' sems dpa' chen pos gang zag nyan thos kyi theg pa dag dang
 'grogs par mi bya'o zhes bya ba nas/ sdug bsngal thams cad las yongs su grol bar bya ba dag go snyam du bya'o zhes bya ba'i bar gyi ni nyan thos kyi theg ba pa dang gnas par mi bya ba dang/ ngan sems mi bya ba bstan pa'o/ /dga' bos gsol pa/
 bcom ldan 'das ji ltar byang chub sems dpa' i sems dpa' chen pos/ gang zag byang chub sems dpa' i theg pa bdag gnas par bgyi zhes bya ba nas/ de ltar slob ba'i byang chub sems dpa' sems dpa' chen po ni bslab pa
 mnyam pa yin no zhes bya ba'i bar gyis ni byang chub sems dpa' i theg pa pa dang mthun bar gnas par bya ba bstan pa'o/ /de nas tshe dang ldan ba rab 'byor gyis /bcom ldan 'das la 'di skad ces gsol to/ /bcom ldan 'das byang chub sems
 dpa' sems dpa' chen pos/ mnyam pa nyid gang la bslab par bgyi ba'i byang chub sems dpa' sems dpa' chen po rnams kyi mnyam pa nyid gang lags zhes bya ba ni gong du de ltar slob pa'i byang chub semsdpa' sms dpa' chen po ni bslab
 pa mnyam pa yin no zhes bstan pa ci ltar bslab pa mnyam pa yin pa'i gtan tshigs zhus pa'o/ /bcom ldan 'das kyis bka' stsal pa/ rab 'byor nang stong pa nyid ni byang chub sems dpa' sems dpa' chen po rnams kyi mnyam pa nyid do zhes bya
 ba nas/ rab 'byor dngos po med ba'i ngo bo nyid stong ba nyid ni byang chub sems dpa' sems dpa' chen po rnams kyi mnyam pa nyid do zhes bya ba'i bar gyis ni chos thams cad don dam par stong pa nyid bco brgyad dang sbyar te/ stong pa nyid du slob
 par mtshungs ba'i phyir bslab pa mnyam pa yin no zhes bka' stsal pa'o/ /gzugs ni gzugs kyis stong zhes bya ba nas / rnam pa thams cad mkhyen pa nyid ni rnam pa thams cad mkhyen pa nyid kyis stong ste /rab 'byor 'di ni byang chub sems
 dpa' sems dpa' chen po rnams kyi mnyan pa nyid de/ de la gnas shing byang chub sems dpa' sems dpa' chen po bla na med pa yang dag par rdzogs pa'i byang chub tu mngon par rdzogs par 'tshang rgya ba'o zhes bya ba'i bar gyis ni chos
 thams stong pa bco brgyad la slob par mnyam na chos gang dang gang stong par bslabs na/ bslabs pa mtshungs shing mnyam ste/ bla na med pa yang dag par rdzogs pa'i byang chub tu mngon par rdzogs par 'tshang rgya bar
 'gyur ba'i dmigs bstan pa'o/ /gsol ba bcom ldan 'das ci lags/ byang chub sems dpa' sems dpa' chen po gzugs bas bar bgyi ba'i slad du slob na rnam pa thams cad mkhyen ba nyid du slob pa lags sam zhes bya ba nas/
 rnam pa thams cad mkhyen pa nyid mi skye bar bgyi ba'i slad du slob na rnam pa thams cad mkhyen pa nyid du slob ba lags sam/ zhes bya ba'i bar gyis ni/ gzugs la sogs pa'i chos thams cad rang bzhin gyis stong bas zad par bya ba dang 'dod
 chags dang bral bar bya ba dang/ 'gog bar bya ba dang /mi skye bar bya ba'i phyir bslabs pa mi srid na ci de ltar slob ba rnam pa thams cad mkhyen pa nyid la slob pa mtshungs pa yin nam zhes zhus pa'o/ /bcom ldan 'das kyis bka' stsal pa/ rab
 'byor de ni ma yin te /gnas brtan rab 'byor gyis gang 'di skad du gzugs zad par bya ba'i phyir slob na /rnam pa thams cad mkhyen ba nyid du slob pa yin nam zhes bya ba nas/ rnam ba thams cad mkhyen ba nyid mi skye bar bya ba'i phyir slob
 na rnam ba thams cad mkhyen pa nyid du slob pa yin nam zhes smras pa de ni ma yin no zhes bya ba'i bar gyis ni/ rab 'byor gyis zhus pa'i tshig de dag thams cad re re nas smos nas de ltar slob ba ma yin no zhes bka' stsal pa ste/ zad pa dang 'dod chags
 dang bral ba dang/ mi skye ba zhes bya ba ni dngos po med ba'i rnam grangs te/ gzugs la sogs pa'i chos thams cad rang bzhin gyis stong zhing/ dngos po med pas zad pa dang 'dod chags dang bral ba dang/ 'gag  ba dang mi skye  bar bya ba'i phyir
 bslab tu med bar rtog pa nyid mnyam ba nyid la bslab par mtshungs pa yin no zhes bstan ba'o/ /rab 'byor de ji snyam du sems gzugs kyi de bzhin nyid gang yin pa de zad pa 'am spong ba 'am/ skye ba 'am 'gag bar 'gyur ram zhes
 bya ba nas/ rnam ba thams cad mkhyen ba nyid kyi de bzhin nyid gang yin pa de zad ba 'am spang ba 'am/ skyes ba 'am 'gag bar 'gyur ram zhes bya ba'i bar gyis ni/ don dam par gzugs la sogs ba'i chos thams cad rang bzhin gyis stong ste /de bzhin
 nyid tsam du zad pa la/ zad pa dang spang ba dang /skye ba dang 'gag bar 'gyur ba yod dam zhes bcom ldan 'das kyis rab 'byor la smras pa'o/ /gsol pa bcomldan 'das de ni ma lags so/ bde bar gshegs pa de ni ma lags so/ /zhes bya ba ni
 don dam bar chos thams cad rang bzhin gyis stong bas/ zad pa 'am spang ba 'am/ skye ba 'am 'gag par 'gyur ba gang yang ma mchis so zhes gsol pa'o/ /bcom ldan 'das kyis bka' stsal pa/ rab 'byor de ltar slob pa'i byang chub sems
 dpa' sems dpa' chen po ni de bzhin nyid la slob ste zhes bya ba nas/ rab 'byor de ltar slob pa'i byang chub sems dpa' sems dpa' chen po ni 'di lta ste/ nyan thos dang rang sangs rgyas kyi yid la bya ba'i dri ma yongs su dge bas sangs rgyas kyi chos
 thams cad kyi stobs yongs su dag ba 'thob par 'gyur ro zhes bya ba'i bar gyis ni /de ltar gong du bshad pa'i tshul du/ chos thams cad rang bzhin gyis stong bas/ zad pa dang spang ba dang skye ba dang/ 'gag ba med par slob pa'i yon tan bstan pa
 ste/ de ltar slob ba rnam pa thams cad mkhyen pa nyid dang/ pha rol tu phyin pa drug la sogs ba rnam pa thams cad mkhyen pa nyid la thug gi bar gyi chos rnams la slob ba la sog pa'i phan yon bstan pa'o/ /gsol ba bcom ldan
 'das chos thams cad rang bzhin gyis yongs su dag ba lags na/ byang chub sems dpa' sems dpa' chen pos chos gang gis yongs su dag pa 'thob bar 'gyur ba lags zhes bya ba'i bar gyis ni /gong du sangs rgyas kyi chos thams cad kyi stobs yongs
 su dag ba 'thob bar 'gyur ro zhes bstan ba la 'khor gyi nang nas kha cig yongs su dag pa thob bar bya ba'i dngos po 'ga' zhig yod dam/ snyam du sems ba'i the tshom bsal pa'i phyir /rab 'byor gyis zhus pa'o/ /bcom ldan 'das kyis bka' stsal pa/ rab 'byor
 de de bzhin no zhes bya ba nas/ rnam pa thams cad mkhyen pa nyid dang nye bar 'gyur ba yin te zhes bya ba nas/ bla na med pa yang dag par rdzogs pa'i byang chub dang nye bar 'gyur ba yin zhes bya ba'i bar gyis kyang/ de ltar gong du bshad pa'i tshul du shes rab
 kyi pha rol tu phyin pa la spyod ba'i phan yon bstan pa'o/ /gal te de yang 'di snyam du 'di ni shes rab kyi pha rol tu phyin pa'o zhes bya ba nas/ rab 'byor de ltar spyod ba'i byang chub sems dpa' sems dpa' chen po ni shes rab kyi pha rol tu phyin pa la spyod pa
 yin no zhes bya ba'i bar gyis ni/ shes rab kyi pha rol tu phyin pa la dngos por mi lta zhing /mi dmigs bar bya ba'i thabs bstan ba'o/ /'phags pa shes rab kyi pha rol tu phyin pa 'bum brgya cher bshad pa las /le'u bzhi bcu bdun ba'o// //
 de nas lha'i dbang bo brgya byin 'di snyam du sems bar gyur te zhes bya ba nas /sangs rgyas kyi chos ma 'dres pa bco brgyad la spyad bzhin du /sems can thams cad zil gyis gnon na / bla na med pa yang dag par rdzogs pa'i byang chub tu mngon
 par rdzogs par sangs rgyas bar gyur na lta ci smos zhes bya ba'i bar gyis ni/ sbyin pa'i pha rol tu phyin ba la sogs pa rnam par byang ba'i chos rnams la spyad ba phan yon che ba bstan ba'o/ /sems can gang gi sems rnam pa thams cad mkhyen 
 pa nyid du 'jug pa de dag kyang thob pa legs par 'thob cing zhes bya ba nas/ shes rab kyi pha rol tu phyin pa la 'di nyan pa de dag ni/ kun gyi yid du 'ong bar bya ba yin no zhes bya ba'i bar gyis ni/ rnam pa thams cad mkhyen pa nyid
 la sems pa tsam dang/ bla na med pa'i byang chub tu sems bskyed pa dang/ shes rab kyi pha rol tu phyin pa la spyod pa phan yon che ba bstan pa'o/ /de nas lha'i dbang po brgya byin gyis me tog man dar ba mang po blangs te zhes bya ba nas /bcom ldan 'das
 bdag ni byang chub sems dpa' sems dpa' chen po slar log ste/ nyan thos dang rang sangs rgyas su 'gyur par sems 'ga' tsam? yang skye ba ma mchis kyi zhes bya ba'i bar gyis ni/ de ltar shes rab kyi pha rol tu phyin pa la spyod pa phan yon
 che ba brgya byin gyis rtogs nas/ dad pa lhag par skyes ste/ bcom ldan 'das la mchod pa dang/ de ltar mchod pa'i dge ba'i rtsa ba yongs su bsngo ba dang/ bla na med pa yang dag par rdzogs pa'i byang chub tu yang dag par zhugs pa /phyir mi
 ldog par gyur du dogs pa med pa bstan pa'o/ /bla na med pa yang dag par rdzogs pa'i byang chub tu mos pa bskyed cing zhes bya ba nas /ci bdag yongs su mya ngan las 'das nas /sems can yongs su mya ngan las 'das pa yongs su mya ngan las
 zlo bar 'gyur ram zhes rtog bar bgyid ces bya ba'i bar gyis ni /de ltar bla na med pa yang dag par rdzogs pa'i byang chub tu sems bskyed pa'i byang chub sems dpa' bdag dang gzhan gyi don phun sum tshogs par bya ba'i bsam pa dang
 ldan pa bstan pa'o/ /bcom ldan 'das de ltar theg pa la gsar du zhugs pa'i byang chub sems dpa' sems dpa' chen po rnams kyi sems skyed pa de dag la rjes su yi rang bar bgyid pa dang zhes bya ba nas/ skra'i rtse mo brgyar gshags pa'i
 cha gcig gis chu'i thigs pa blang ba'i tshad kyi tshad bzung bar rung yang srid kyi/ de dag gi rjes su yi rang ba dang ldan pa'i sems bskyed pa'i bsod nams la ni tshad med do zhes bya ba'i bar gyis ni/ de ltar bdag dang gzhan gyi don phun sum tshogs pa'i bsam pa dang ldan pa de lta
 bu la rjes su yi rang ba bsod nams che ba bstan pa'o/ /de skad ces bka' stsal pa dang/ lha'i dbang po brgya byin gyis bcom ldan 'das la 'di skad ces gsol to/ /bcom ldan 'das gang sems bskyed pa de dag la rjes su yi rang bar mi bgyid pa'i sems can
 de dag ni/ bdud kyis byin gyis brlabs pa lags so zhes 'byung ba nas zhes bya ba nas/ sems can de dag ni bdud kyi gnas nas shi 'phos pa'o/ /zhes bya ba'i bar gyis ni/ de lta bu'i bdag dang gzhan gyi/ don phun sum tshogs pa'i sems bskyed
 pa la rjes su yi rang bar mi byed pa smad pa bstan pa'o/ /de ci'i slad du zhe na/ bcom ldan 'das gang sems zhum pa med cing 'gong pa med pa de ni/ rab 'byor shes rab kyi pha rol tu phyin pa ste zhes bya ba'i bar gyis ni/ chos thams cad rang bzhin gyis yongs su
 dag pas/ de snod yongs su dag pa thob par bya ba med pa bden te/ de lta bu'i don zab mo la sems zhum pa med cing 'god pa med pa nyid yongs su dag pa thob pa yin no zhes bstan pa'o/ /byis pa so so'i skye po thams cad kyi ni/ chos nyid de mi shes mi
 mthong ba zhes bya ba nas/ rnam pa thams cad mkhyen pa nyid la spyod de zhes bya ba'i bar gyis ni/ byang chub sems dpa' pha rol tu phyin pa drug la sogs pa la spyod pa yang/ sems can so so'i skye bo rnams yang dag pa'i don la gzud pa'i phyir kun
 rdzob tu thabs mkhas pas spyod pa yin no zhes bstan pa'o/ /rab 'byor de ltar spyod pa'i byang chub sems dpa' sems dpa' chen po ni zhes bya ba nas/ rnam pa thams cad mkhyen pa nyid dang ldan pa'i sems mi skye'o zhes bya ba'i bar gyis ni/
 de ltar thabs mkhas pa la slob pa'i phan yon dang/ de ltar slob pa nyung ba dpe dang bcas par bstan pa ste/ tshig gnyer rnams ni rang log tu zad to/ /de ci'i phyir zhe na/ rab 'byor 'di ltar byang chub sems dpa' sems
 dpa' chen po shes rab kyi pha rol tu phyin pa zab mo 'di la spyod pa'i tshe/ chos gang yang dmigs pa med de /ma dmigs pas chos gang la yang sems bskyed pa ma yin no zhes bya ba ni/ gzugs la sogs pa'i chos thams cad la dmigs pa dang
 bcas pa'i sems mi skyed pa'i gtan tshigs bstan pa ste/ don dam par chos thams cad rang bzhin gyis stong ste/ gang yang dmigs su med pa'i phyir dmigs pa dang bcas pa'i sems mi skye'o zhes bstan pa'o/ /rab 'byor de ltar shes
 rab kyi pha rol tu phyin pa zab mo 'di la slob pa'i byang chub sems dpa' sems dpa' chen pos pha rol tu phyin pa thams cad yongs su 'dus par 'gyur ro zhes bya ba nas/ rab 'byor shes rab kyi pha rol tu phyin pa zab mo 'di la slob pa'i byang chub sems dpa' 
 sems dpa' chen po sems can thams cad kyi mchog tu gyur pa la slob pa yin no zhes bya ba'i bar gyis ni/ shes rab kyi pha rol tu phyin pa zab mo 'di la spyad na pha rol tu phyin pa thams cad la spyad pa la sogs pa'i phan yon dang/ pha rol tu
 Fphyin ba 'di'i nang du pha rol tu phyin pa thams cad 'dus pa dpe dang bcas par bstan pa ste/ lta ba'i rnam pa drug cu rtsa gnyis ni sngar bshad zin to/ /rab 'byor de ji snyam du sems /stong gsum gyi stong chen po'i 'jig rten gyi khams na/
 sems can gang ji snyed gcig 'khod pa de dag mang ba yin nam zhes bya ba nas/ rab 'byor shes rab kyi pha rol tu phyin pa la slob pa'i byang chub sems dpa' sems dpa' chen po ni phun sum tshogs pa gang thob par bya ba de dag las mi?
 thob pa gang yang med do zhes bya ba'i bar gyis ni/ shes rab kyi pha rol tu phyin pa zab mo 'di 'dzin cing 'chang ba la sogs pa'i bsod nams che ba dang/ de la bslab bar bya ba'i gdams dag bstan pa ste/ de la sangs rgyas kyi yul khong du chud par 'dod pa
 zhes bya ba ni chos kyi dbyings de bzhin nyid rtogs par 'dod pa zhes bya ba'i don to/ /sangs rgyas kyi rnga brdung bar 'dod pa dang/ sangs rgyas kyi gtam bya bar 'dod pa zhes bya ba ni dam pa'i chos kyi rnga brdung ba dang/ dam pa'i chos kyi dung bus pa dang/
 chos kyi gtam bya bar 'dod pas shes rab kyi pha rol tu phyin pa zab mo 'di la bslab par bya'o zhes bya ba'i don to/ /rab 'byor gyis gsol pa bcom ldan 'das nyan thos kyi phun sum tshogs pa yang des thob par bgyi ba lags sam zhes bya ba nas
 byang chub sems dpa' i skyon med par chud par bya'o zhes bya ba'i bar gyis ni/ gong du phun sum tshogs pa gang thob par bya ba de dag las mi thob pa gang yang med do zhes bstan pa la/ 'khor gyi nang na kha cig nyan thos dang rang sangs rgyas kyi
 'bras bu phun sum tshogs pa yang 'thob par bya ba 'am snyam du rtog pa bsal ba'i phyir zhus pa dang/ nyan thos dang rang sangs rgyas kyi phun sum tshogs pa yang thob par ni bya'i/ nyan thos dang rang sangs rgyas ltar de la gnas par mi bya bar
 byang chub sems dpa' i skyon med par chud par bya'o zhes bstan pa'o/ /rab 'byor de ltar slob pa'i byang chub sems dpa' sems dpa' chen po ni rnam pa gang gis sems bskyed pa 'di bsgrubs ste/ bla na med pa yang dag par rdzogs pa'i byang
 chub tu yongs su bsngo ba'i sems can de dag ni bdud kyi gnas 'jig par bgyid pa ste zhes bya ba ni de ltar bdag dang gzhan gyi don phun sum tshogs pa'i bsam pa dang ldan pa de/ gdon mi za bar bdud las rgyal nas/ bla na med pa yang
 dag par rdzogs pa'i byang chub tu mngon par rdzogs par 'tshang rgya bar 'gyur te/ de bas de lta bu la rjes su yi rang ba mi byed pa ni bdud kyi phyogs su gtogs par yin no zhes bstan pa'o/ /gang bla na med pa yang dag par rdzogs pa'i byang
 chub tu sems skyed pa'i sems de dag ni rjes su yi rang bar bgyi bste zhes bya ba nas/ ji ltar gnyis kyi 'du shes su 'gyur ba dang/ gnyis su ma mchis pa'i 'du shes su yang mi 'gyur la /de ltar yongs su bsngo par bgyi'o zhes bya ba'i bar gyis ni/ sems
 bskyed pa de la rjes su yi rang bar mi byar mi rung ba dang/ rjes su yi rang ba byas nas kyang bsngo ba'i thabs bstan pa'o/ /bcom ldan 'das kyis bka' stsal pa zhes bya ba nas /phyir mi ldog pa dang skye ba gcig gis thogs pa rnams kyi dge ba'i rtsa ba
 de dag la yang rjes su yi rang bar byas shing bla na med pa yang dag par rdzogs pa'i byang chub tu yongs su bsngo bar bya'o zhes bya ba'i bar gyis ni/ bdag dang gzhan gyi don phun sum tshogs pa'i sems bskyed pa la rjes su yi rang pa'i phan yon dang/ ji ltar rjes su
 yi rang ba byas pa dang/ rjes su yi rang pa byas nas/ ji ltar bsngo pa'i thabs bstan pa ste/ ci nas kyang sems med pa dang/ sems ma yin pa gzhan yang med par zhes bya ba ni rjes su yi rang bar bya ba'i sems bskyed pa de la dngos po yod pa 'am/
 dngos po med pa'i mtshan mar mi gzung bar rjes su yi rang zhing/ yongs su bsngo bar bya' zhes bstan pa'o/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ji ltar na sgyu ma lta bu'i sems
 bla na med pa yang dag par rdzags pa'i byang chub tu mngon par rdzogs par 'tshang rgya bar 'gyur ba lags zhes bya ba ni gong du ci nas kyang sems med pa dang/ sems ma yin pa gzhan yang med par rjes su yi rang bar byas shing /bla na med pa yang
 dag par rdzogs pa'i byang chub tu yongs su bsngo bar bya'o zhes bshad pa dang sbyar na/ de ltar don dam par ni sems de dngos por med pas rjes su yi rang ba dang/ /yongs su bsngo ba dang bla na med pa yang dag par rdzogs pa'i byang chub tu mngon par
 rdzogs par 'tshang rgya bar 'gyur pa yang med de/ de dag kyang kun rdzob tu yod grang na/ kun rdzob tu yod pa'i sems ni yang dag par yod pa ma yin te/ sgyu ma dang 'dran/ sgyu ma lta bu'i sems de ji ltar bla na med pa yang dag par rdzogs pa'i
 pa'i byang chub tu mngon par rdzogs par 'tshang rgya bar 'gyur zhes gal bzung ste zhus pa'o/ /bcom ldan 'das kyis bka' stsal pa/ rab 'byor de ji snyam du sems sgyu ma lta bu'i sems te/ khyod kyis yang dag par rjes su mthong dam zhes bya ba ni sgyu ma lta bu'i
 sems mngon par rdzogs par 'tshang rgya bar mi 'gyur pa'i don zhib tu bstan pa'i phyir rab 'byor gyis smras pa'o/ /gsol pa bcom ldan 'das de ni ma lags te /bcom ldan 'das bdag gis sgyu ma yang dag par rjes su ma mthong /sgyu ma lta bu'i
 sems de yang dag par rjes su ma mthong ngo/ /zhes bya ba ni sgyu ma nyid dang/ sgyu ma las dpe blangs ba'i sems de gnyi ga yang kun rdzob tu brjod pa tsam du zad kyi/ don dam par yod pa ma yin no zhes gsol pa'o/ /bcom ldan 'das kyis bka' stsal pa/
 rab 'byor de ji snyam du sems/ de ltar sgyu ma yang ma mthong sgyu ma lta bu'i sems kyang ma mthong na/ sems gang bla na med pa yang dag par rdzogs pa'i byang chub tu mngon par 'tshang rgya pa'i sems de khyod kyis yang dag par rjes su mthong ngam zhes bya
 ba ni de ltar sgyu ma dang/ sgyu ma lta bu'i sems gnyis ka med na/ bla na med pa yang dag par rdzogs pa'i byang chub tu mngon par rdzogs par 'tshang rgya pa'i sems de ga la yod snyam du dgongs nas smras pa'o/ /gsol ba bcom ldan 'das de ni
 ma lags so zhes bya ba ni de lta bu ma mthong ngo zhes bya ba'i don to/ /bcom ldan 'das kyis bka' stsal pa/ rab 'byor de ji snyam du sems sgyu ma dang sgyu ma lta bu'i sems las gud na zhes bya ba nas/ bcom ldan 'das sgyu ma dang sgyu
 ma lta bu'i sems las gung na chos gang bla na med pa yang dag par rdzogs pa'i byang chub tu mngon par rdzogs par 'tshang rgya ba de/ bdag gis yang dag par rjes su ma mthong ngo zhes bya ba'i bar gyis ni sgyu ma dang sgyu ma lta bu'i sems la ma gtogs pa'i chos gzhan
 yang bla na med pa yang dag par rdzogs ba'i byang chub tu mngon par rdzogs par 'tshang rgya bar 'gyur ba de lta bu don dam par gang yang med do zhes bstan pa'o/ /bcom ldan 'das de ltar bdag gis chos gzhan yang yang dag par rjes su mthong na/ mchis pa
 'am ma mchis pa'i chos gang zhig bdag gis bstan par bgyi zhes bya ba ni de ltar gong du bshad pa'i tshul gyis/ sgyu ma dang sgyu ma lta bu'i sems las gud na bla na med pa yang dag par rdzogs pa'i byang chub tu mngon par rdzogs par 'tshang rgya ba'i
 chos gang yang med na/ de las bzhan pa yod pa dang/ med pa gnyi gar yang bstan du med do zhes bya ba'i don to/ /chos gang shin tu dben pa de ni mchis pa 'am ma mchis par mi 'gyur ro zhes bya ba ni yod pa dang/ med pa gnyis gar bstan du
 med pa'i gtan tshigs bstan pa ste/ don dam par chos thams cad yod pa dang med pa'i mdza' gnyis dang bral te/ shin tu dben pa'i phyir yod pa dang med par gdags shing bstan du med do zhes bya ba'i don to/ /chos gang dben pa de ni bla na
 med pa yang dag par rdzogs pa'i byang chub tu mngon par rdzogs par 'tshang mi rgya ste zhes bya ba ni de ltar mdza' gnyis dang bral zhing dben pa de mngon par rdzogs par 'tshang mi bya'o zhes bstan pa'o/ /ma mchis pa'i chos kyang bla na med pa yang dag
 par rdzogs pa'i byang chub tu mngon par rdzogs par 'tshang mi rgya'o zhes bya ba ni shin tu dben pa'i don de nyid dngos po med par bstan pa ste/ dngos po med pa ni mngon par rdzogs par 'tshang rgyar yang med do zhes bya ba'i don to/ /de ci'i slad du zhe na/ bcom
 ldan 'das de ni 'di ltar gang nyon mongs par 'gyur ba 'am/ rnam par byed par 'gyur ba'i chos thams cad ni ma mchis shing yongs su ma mchis pa'o zhes bya ba ni dngos po med pa mngon par rdzogs par 'ched mi rgya ba'i gtan tshigs bstan pa ste/ mngon
 par rdzogs par 'tshang rgya ba ni nyon mongs pa'i phyogs su gtogs pa'i chos rnams spangs shing/ rnam par byang ba'i chos rnams bsgoms pa las 'gyur na/ chos de dag thams cad don dam par dngos po med de/ spang bar bya ba dang bsgoms par bya ba
 gnyis ka med bas/ mngon par 'tshang rgyar yang med do zhes bstan pa'o /de ci'i slad du zhe na/ bcom ldan 'das de ni 'di ltar shes rab kyi pha rol tu phyin pa 'di shin tu dben pa'o zhes bya ba nas/ rnam pa thams cad mkhyen nyid ni shin tu dben
 pa'o zhes bya ba'i bar gyis ni/ de ltar gong du chos thams cad shin tu dben zhing dngos po med par mdor bstan nas/ de'i 'og tu shes rab kyi pha rol tu phyin pa nas /rnam pa thams cad mkhyen pa nyid la thug gi bar du rnam par byed pa'i chos thams
 cad re re nas smos te/ shin tu dben zhing dngos po med par bstan pa'o/ /chos gang shin tu dben pa de ni bsgom par bgyi ba yang ma lags /rnam par sgom par bgyi ba yang ma lags te/ zhes bya ba ni de ltar shin tu dben zhing dngos po med
 pa la ni bsgom zhing sgrub par bya ba yang med/ gzhig cing spang bar bya ba yang med do zhes bstan pa ste/ rnam par bsgom pa zhes bya ba ni sun 'byung ba 'am gzhig pa zhes bya ba'i don to/ /de ni shes rab kyi pha rol tu phyin pa shin tu dben pa'i
 slad du/ chos gang yang bsgrub pa ma mchis so zhes bya ba ni gong du bshad pa'i don de nyid gsal bar go bar bya ba'i phyir bstan pa'o/ /shes rab kyi pha rol tu phyin pa shin tu dben pa lags na zhes bya ba nas/ ci ltar dben pas dben pa
 'tshang rgya bar 'gyur zhes bya ba'i bar gyis ni de ltar chos thams cad shin tu dben zhing/ rang bzhin gyis stong pas/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ba'i rgyu shes rab kyi pha rol tu phyin pa
 dang/ bla na med pa'i byang chub nyid kyang don dam par dngos p med de/ shin tu dben pas gang yang mngon par rdzogs par 'chang rgya bar 'gyur pa med do zhes bstan pa'o/ /bcom ldan 'das kyis bka' stsal pa/ rab 'byor legs so legs so zhes
 bya ba nas/ rnam pa thams cad mkhyen pa nyid ni shin tu dben pa'o zhes bya ba'i bar gyis ni rab 'byor gyis bshad pa'i don 'khor rnams kyis bstan par yid ches par bya ba'i phyir legs so zhes bstod nas/ shes rab kyi pha rol tu phyin pa la
 sogs pa rnam par byang ba'i chos thams cad shin tu dben pa dben no zhes bka' stsal pa'o/ /rab 'byor ji ltar shes rab kyi pha rol tu phyin pa dben pa dang zhes bya ba nas/ rnam pa thams cad mkhyen pa nyid shin tu dben pa de bzhin du/ bla na
 med pa yang dag par rdzogs pa'i byang chub tu mngon par rdzogs par 'tshang rgya ba yang shin tu dben pa'o zhes bya ba'i bar gyis ni/ shes rab kyi pha rol tu phyin pa la sogs pa/ rnam par byang ba'i chos thams cad don dam par dngos po yang
 shin tu dben pa de bzhin du bla na med pa yang dag par rdzogs pa'i byang chub tu mngon par rdzogs par 'tshang rgya ba yang dngos po med de/ shin tu dben pas bla na med pa yang dag par rdzogs pa'i byang chub tu mngon par rdzogs par 'tshang rgyab
 gang yang med do zhes bstan pa'o/ /rab 'byor gal te shes rab kyi pha rol tu phyin pa shin tu dben par ma gyur zhes bya ba nas/ de rnam pa thams cad mkhyen pa nyid du mi 'gyur ro zhes bya ba'i par gyis ni/ shin tu dben pa'i don bshad pa ste/ shin tu dben pa zhes
 bya ba ni gzung ba dang 'dzin pa rnam par spangs shing/ 'khor gsum yongs su dag pa la bya ste/ de ltar 'khor gsum yongs su dag par spyad na/ pha rol tu phyin pa drug la sogs pa rnam pa thams cad mkhyen pa nyid la thug gi bar du rnam par byang ba'i
 chos rnams kyi ming thob par 'gyur gyi/ gzung ba dang 'dzin pa ma spangs te/ shin tu dben par ma gyur cing 'khor gsum yongs su ma dag na/ pha rol tu phyin pa drug la sogs pa'i ming thob par mi 'gyur ro zhes bstan pa'o/ rab 'byor de bsam ji ltar
 shes rab kyi pha rol tu phyin pa shin tu dben pa dang zhes bya ba nas/ ji ltar rnam pa thams cad mkhyen pa nyid shin tu dben pa de ltar/ shes rab kyi pha rol tu phyin pa la ma brtan par yang/ bla na med pa yang dag par rdzogs pa'i byang chub tu mngon
 par rdzogs par 'tshang ma rgya zhes bya ba'i bar gyis ni /de ltar don dam par chos thams cad dngos po med/ shin tu dben yang kun rdzob tu shin tu dben pa'i shes rab kyi pha rol tu phyin pa la ma brten par bla na med pa yang dag par rdzogs pa'i byang
 chub tu mngon par rdzogs par 'tshang rgya bar mi 'gyur gyi/ de la brten na rten cing 'brel par 'byung ba'i tshul gyis mngon par rdzogs par 'tshang rgya bar 'gyur ro zhes bstan pa'o/ /dben pas dben pa mngon par rdzogs par 'tshang mi rgya ste? zhes
 bye ba ni don dam par shes rab kyi pha rol tu phyin pa yang dngos po med pas ni dben te/ de bas na dngos po med pas de dngos po med pa mi 'grub po zhes bya ba'i don to/ /bla na med pa yang dag par rdzogs pa'i byang chub tu mngon par rdzogs par
 'tshang yang rgyab nas/ shes rab kyi pha rol tu phyin pa la ma brten par mngon par rdzogs par 'tshang mi rgya'o zhes bya ba ni de ltar don dam par rgyu dang 'bras bu gnyis ka dngos po med de dben pas mngon par rdzogs par 'tshang mi rgya yang kun
 rdzob tu rten cing 'brel par 'gyur pa'i tshul gyis/ mngon par rdzogs par 'tshang mi rgya ba yang ma yin te/ de yang shes rab kyi pha rol tu phyin pa la brten nas/ mngon par rdzogs par 'tshang rgya'o zhes bya ba'i don to/ /gsal pa bcom ldan 'das byang chub
 sems dpa' sems dpa' chen po ni don zab mo la spyod pa'i zhes bya pa ni de ltar gong du bshad pa'i tshul gyis don dam par chos thams cad rang bzhin gyis stong ste/ shin tu dben pas sgrub par byed pa'i? shes rab kyi pha rol tu phyin pa dang/ bsgrub par bya
 pa'i yang dag par rdzogs pa'i byang chub gnyi ga dngos po med pas/ mngon par rdzogs par 'tshang mi rgyal/ kun rdzob tu rten cing 'brel par 'gyur pa'i tshul gyis / shes rab kyi pha rol tu phyin pa la brten pa nas / mngon par rdzogs par 'tshang
 rgya bar yang 'gyur ba'i don zab mo dmigs pa can rnams kyi rtogs par dka' ba de lta bu la spyod pa'i phyir don zab mo la spyod pa'o zhes rab 'byor gyis gsol pa'o/ /bcom ldan 'das kyis bka' stsal pa/ rab 'byor de de bzhin no zhes bya ba la sogs
 pas ni/ rab 'byor gyis smras pa bden no zhes bka' stsal pa'o/ /rab 'byor byang chub sems dpa' sems dpa' chen po de ltar don zab mo la spyod cing/ 'di lta ste nyan thos kyis 'am/ rang sangs rgyas kyi sar 'gyur ba'i don de mngon du
 mi byed pa ni dka' pa byed pa'o zhes bya ba ni de ltar stong pa nyid kyi don zab mo yang bsgom la/ thabs mkhas pas kun rdzob tu bla na med pa yang dag par rdzogs pa'i byang chub thob par byed kyi/ nyan thos dang rang sangs rgyas kyis thob par
 'gyur ba'i stong pa nyid mngon du mi byed pa de lta bu dmigs pa can rnams kyis mi nus pa'i phyir/ dka' ba byed pa'o zhes bstan pa'o/ /gsol pa bcom ldan 'das kyis gsungs pa'i don bdag gis 'tshal ba ltar na/ dka' ba cung zad kyang mi bgyid na/ ci
 ltar byang chub sems dpa' sems dpa' chen po dka' ba bgyid pa lags zhes bya ba ni dngos po yod pa las mngon du mi bya ba ni dka' yang srid kyi/ dngos po med pa las mngon du byar yang med de/ de ltar dngos? po med cing ngon du byar med pa la/ mngon
 du mi byed pa lta dkar yang ci yod ces bya ba'i don to/ /de ci'i slad du zhe na/ bcom ldan 'das de ni 'di ltar gang mngon du bgyi ba'i don de yang mi dmigs/ gang gis mngon du bgyi pa'i shes rab kyi pha rol tu phyin pa de yang mi dmigs/ gang mngon du bgyi
 pa'i chos de yang mi dmigs te zhes bya ba ni mngon du bya pa'i don stong pa nyid dang/ mngon du byed pa'i rgyu shes rab kyi pha rol tu phyin pa dang/ mngon du byed pa'i gang zag kyang don dam par dmigs su med pa'i phyir mngon du mi bya ba mi dka' o zhes bstan pa'o/
 bcom ldan 'das chos thams cad mi dmigs na gang mngon du bgyis pas/ bla na med pa yang dag par rdzogs pa'i byang chub tu mngon par rdzogs par 'tshang mi rgya bar 'gyur ba'i don mngon du bgyid pa de lta bu yang gang zhig mchis/ shes rab kyi pha
 rol tu phyin pa yang gang zhig gis mngon du bgyis chos mngon du bgyi ba de lta bu gang zhig gis zhes bya ba'i nyan thos dang rang sangs rgyas kyi sar ltung par 'gyur ba'i stong pa nyid 'ba' zhig mngon du byar med cing/ mi dmigs par ma zad kyi bla na med pa
 yang dag par rdzogs pa'i byang chub tu mngon par rdzogs par 'tshang rgya bar 'gyur ba'i don de lta bu yang gang yang dmigs su med do zhes bstan pa'o/ /bcom ldan 'das de ni mi dmigs pa'i spyod pa ste/ de la spyad pa'i byang chub sems dpa' sems
 dpa' chen po chos thams cad la mun pa ma mchis pa thob pa'o zhes bya ba ni de ltar chos gang mngon du mi byed cing/ mi dmigs par spyod na/ dmigs pa las gyur pa'i sgrib pa thams cad byang bar 'gyur ro zhes bstan pa'o//
 bcom ldan 'das gal te de skad du bstan pa las byang chub sems dpa' sems dpa' chen po'i sems mi 'jum zhes bya ba nas /bcom ldan 'das de bzhin du shes rab kyi pha rol tu phyin pa yang don gang gi slad du brjod pa'i don de bgyid kyang/
 shes rab kyi pha rol tu phyin pa de rnam par mi rtog go zhes bya ba'i bar gyis ni/ de lta bu'i don zab mo bstan pa la/ nyan thos dang rang sangs rgyas ltar stong pas 'jigs shing skrag par ma gyur na/ shes rab kyi pha rol tu phyin pa la spyod pa'i
 yon tan bstan pa dang/ de ltar spyod pa'i byang chub sems dpa' shes rab kyi pha rol tu phyin pa la spyod pa'i rlom sems mi skye ba dang/ de ltar shes rab kyi pha rol tu phyin pa la spyod na/ bdag gi nyan thos dang rang sangs rgyas kyi sa ni ring du gyur
 par bya/ rnam pa thams cad mkhyen pa nyid ni nye bar gyur par bya'o snyam du sems pa la sogs pa'i rnam par rtog pa med pa dpe dang bcas par bstan pa ste/ tshig gnyer ni rang log tu zad do/ /de nas tshe dang ldan pa shA radwA ti'i bus/ tshe dang
 ldan pa rab 'byor la 'di skad ces smras so zhes bya ba nas/ rab 'byor gyis smras pa tshe dang ldan pa shA radwA ti'i bu chos thams cad ni rnam par mi rtog pa'o zhes bya ba'i bar gyis ni/ ji ltar shes rab kyi pha rol tu phyin pa la spyod pa'i byang chub sems
 dpa' dang/ shes rab kyi pha rol tu phyin pa rnam par mi rtog pa de bzhin du/ pha rol tu phyin pa lnga la sogs pa rnam pa thams cad mkhyen pa nyid dang/ 'dus byas dang 'dus ma byas kyi khams la thug gi bar du /chos thams cad stong pa nyid du ro gcig
 pas/ rnam par mi rtog pa'o zhes bstan pa'o/ /smras pa tshe dang ldan pa rab 'byor gal te de ltar chos thams cad rnam par mi rtogs pa yin na zhes bya ba nas/ sangs rgyas bcom ldan 'das su brjod pa yang ci las gyur zhes bya ba'i bar gyis ni/ de ltar gong du
 chos thams cad rnam par mi rtog par bstan pa las/ 'khor gyi nang na kha cig de ltar chos thams cad stong par ro gcig na/ 'khor ba dang mya ngan las 'das pa yang stong pa nyid du ro gcig pas/ ci yang bya mi dgos so snyam du rtog pa bsal pa'i phyir shA ri'i
 bus rab 'byor la dris pa'o/ /rab 'byor gyis smras pa tshe dang ldan pa shA radwA ti'i bu zhes bya ba nas/ rnam par mi rtog pa las sangs rgyas su brjod do/ /rnam par mi rtog pa las byang chub tu brjod do zhes bya ba'i bar gyis ni/ don dam par chos thams cad
 rang bzhin gyis stong ste/ rnam par mi rtog kyang kun rdzob tu las legs nyes ci byas pa'i 'bras bu skyid sdug med pa ma yin pa bstan pa ste/ sems can so so'i skye bo yang dag par ma mthong zhing/ phyin ci log tu rtog cing dpyod pa rnams ni 'khor ba'i rgyur
 'gyur pa'i las spyad pas /'bras bu yang 'khor ba nyid du rnam par smin te/ 'gro ba lnga'i nang du skye/ sems can gang blo phyin ci log tu ma gyur te/ 'khor pa'i chos rnams la ma chags shing/ rnam par mi rtog pa rnams ni 'khor ba las thar te/
 'phags pa'i sa thob par 'gyur zhes bstan pa'o/ tshe dang ldan pa shA radwA ti'i bu 'das pa'i dus na /de bzhin gshegs pa dgra bcom pa yang dag par rdzogs pa'i sangs rgyas gang ji snyed byung ba zhes bya ba nas/ rnam par mi rtog ba shes rab kyi pha
 rol tu phyin pa la spyad pas/ rnam par mi rtog pa'i chos thams cad mngon par rdzogs par 'tshang rgya'o zhes bya ba'i bar gyis ni/ rnam par mi rtog pa bsgoms pa las 'phags pa'i sa thob par 'gyur pa'i gtan tshigs bstan pa ste/ dus gsum gyi
 sangs rgyas bcom ldan 'das rnams kyang rnam par rtog pa spangs pa las/ mngon par rdzogs par sangs rgyas pa'i phyir chos thams cad kyi de bzhin nyid rnam par mi rtog pa brtson par bya ste/ rnam par mi rtog pa'i shes rab kyi pha rol
 tu phyin pa la rnam par mi rtog par spyad par bya'o zhes bstan pa'o/ /'phags pa shes rab kyi pha rol tu phyin pa 'bum pa rgya cher bshad pa las/ le'u bzhi bcu brgyad do// //de nas tshe dang ldan pa shA radwa ti'i bus/
 che dang ldan pa rab 'byor la 'di skad ces smras so/ /kye ma tshe dang ldan pa rab 'byor byang chub sems dpa' sems dpa' chen po gang shes rab kyi pha rol tu phyin pa la spyod pa ni snying po la spyod pa'o zhes bya ba ni rnam par mi rtog pa'i don gong du bshad pa shA ri'i
 bus rtogs na/ de ltar rnam par mi rtog pa'i don la spyod pa ni spyod pa'i mchog dam pa snying por gyur pa la spyod do zhes bstod pa'o/ /de skad ces smras pa dang/ tshe dang ldan pa rab 'byor gyis tshe dang ldan pa shA radwA ti'i bu la 'di skad ces smras so/ /kye ma tshe
 dang ldan pa shA radwA ti'i bu byang chub sems dpa' sems dpa' chen po gang shes rab kyi pha rol tu phyin pa la spyod pa de ni snying po med pa la spyod pa'o zhes bya ba ni gong du snying po la spyod do zhes bshad pa la 'khor gyi nang na kha cig snying por gyur pa de lta
 bu'i dngos po yod dam snyam du rtog pa bsal pa'i phyir/ snying po med pa la spyod pa'o zhes smras te/ snying po zhes bya ba ni dngos po yod pa'i nang nas mchog la bya/ snying po med pa zhes bya ba ni don dam par chos thams cad rang bzhin gyis stong
 zhing dngospo med pa la bya ste/ de bas na byang chub sems dpa' shes rab kyi pha rol tu phyin pa la spyod pa ni snying po med pa la spyod pa'o zhes bstan pa'o/ /de ci'i phyir zhe na/ tshe dang ldan pa shA radwA ti'i bu/ shes rab kyi pha rol tu phyin
 pa ni snying po med pa'o zhes bya ba nas/ rnam pa thams cad mkhyen pa nyid ni snying po med pa'o zhes bya ba'i bar gyi ni/ snying po med pa la spyod pa'i gtan tshigs bstan pa ste/ pha rol tu phyin pa drug la sogs pa rnam pa thams cad mkhyen pa nyid la thug gi par gyis
 chos rnams don dam par dngos po med pa ste/ byang chub sems dpa' yang de dag la spyod pa'i phyir/ snying po med pa la spyod pa'o zhes bya ba'i don to/ /de ci'i phyir zhe na/ de ni 'di ltar byang chub sems dpa' sems dpa' chen po shes rab kyi pha rol tu phyin pa la spyod
 pa ni snying po med pa nyid kyang mi dmigs shing yang dag par rjes su mi mthong na/ snying po la dmigs pa lta ga la yod ces bya ba ni pha rol tu phyin pa drug la sogs pa don dam par dngos po med pa'i chos byang chub sems dpa' don grub par bya ba de dag la mi
 dmigs shing/ dngos por mi lta na yang dag par ma yin pa'i don snying po can du dmigs pa lta ga la yod de/ de bas na shes rab kyi pha rol tu phyin pa la spyod pa'i byang chub sems dpa' ni snying po med pa la spyod pa yin no zhes bya ba'i don to/ /de nas
 'dod pa na spyod pa dang/ gzugs yod pa na spyod pa'i lha'i bu shin tu mang? po dag 'di snyam du gyur te zhes bya ba nas /chos kyi mnyam pa nyid 'di mngon du mi byed pa de dag ni phyag bya bar 'os pa'o zhes bya ba'i bar gyis ni/ de ltar chos thams cad snying
 po med par rtogs kyang/ bla na med pa yang dag par rdzogs pa'i byang chub tu sems skyed pa mi gtong zhing/ shes rab kyi pha rol tu phyin pa zab mo dmigs su med pa la spyod kyang nyan thos dang rang sangs rgyas kyi yang dag pa'i mdza' dang/ stong pa
 nyid kyi chos nyid mngon du mi byed pa de lta bu dkon pas/ de ltar spyod pa'i byang chub sems dpa' da dag ni phyag bya bar 'os pa'o zhes bstod pa'o/ /de nas tshe dang ldan pa rab 'byor gyis lta'i bu de dag la 'di skad ces smras so zhes bya ba nas/ gang
 yongs su mya ngan las 'da' bar bya ba'i sems can de dag shin tu mi dmigs pa ni de dag la de bas dka' ste zhes bya ba'i bar gyis ni/ dmigs su med pa'i chos la spyod la/ yang dag pa'i mdza' mngon du mi byed pa ni de tsam
 du mi dka' i de bas kyang sems can mang po'i don bya bar yi dam bcas la/ sems can de dag mi dmigs pa ni rab tu dka' ste/ de ltar spyod pa ni phyag bya bar 'os pa'o zhes bstan pa'o/ /de ltar sbyod ba'i byang chub sems dpa' sems dpa' chen po
 ni sems can thams cad gdul bar bya'o zhes bla na med pa yang dag par rdzogs pa'i byang chub tu yang dag par zhugs pa yin te zhes bya ba ni sems can mang po'i don du go cha yang bgos la/ sems can yang mi dmigs pa de ni bdag gi don
 'ba' zhig byed ba ni ma yin gyi/ sems can gyi don gtso bor byed la /de yang mi dmigs pas de ltar spyod pa ni bla na med pa yang dag par rdzogs pa'i byang chub tu yang dag par zhugs pa yin no zhes bstan pa'o/ /gang sems can 'dul bar
 sems pa ni nam mkha' 'dul bar sems pa dang 'dra'o zhes bya ba nas/ nam mkha' gsog pa'i phyir sems can gsog tu lta ba'o zhes bya ba'i bar gyis ni sems can dmigs su med pa'i gtan tshigs bstan pa ste/ don dam pa'i sems can
 dngos po med pas nam mkha' dang 'dra ste /sems can 'dul ba ni nam mkha' 'dul ba dang 'dra'o zhes bstan pa ste/ dben pa dang stong pa nyid dang/ snying po med pa dang/ gsog ces bya ba ni dngos po med pa'i rnam grangs su rig par bya'o/ /lha'i bu dag rnam
 grangs de na/ byang chub sems dpa' sems dpa' chen po gang sems can med pa rnams kyi don du go cha gyon pa de dag ni dka' ba byed pa ste zhes bya ba ni dngos po med pa la dngos po yod pa'i bya ba byed pa ni thabs mi mkhas par bya bar dka' o
 zhes bya ba'i don to/ /gang sems can rnams kyi don du go cha gyon pa de dag ni nam mkha' dang brtsod par 'dod pa ste zhes bya ba ni sems can dngos po med pa'i dpe nam mkha' las blangs te bstan pa ste/ sems can dngos po med pa 'dul ba'i don to go cha
 gyon pa ni nam mkha' 'dul du zad do zhes bstan pa'o/ /byang chub sems dpa' sems dpa' chen pos go cha de yang bgos la sems can gang gis don du byang chub sems dpa' sems dpa' chen pos go cha bgos ba'i sems can de dag kyang mi
 dmigs so zhes bya ba ni gdul bar bya ba'i sems can rnams dngos po med pa'i don mjug bsdus te bstan pa'o/ /de ci'i phyir zhe na/ sems can dben pa'i phyir go cha dben par blta'o zhes bya ba ni/ de ltar sems can dmigs su med pa'i
 gtan tshigs su dben pa'i tshig gi bstan pa ste/ sems can dngos po med cing dben pa'i phyir dmigs su med de de ltar sems can dben pas sems can 'dul bar rtsol ba'i go cha yod dben pas gnyis su med do zhes bya ba'i don to/ /gal te de ltar bstan pa'i tshe/ byang chub
 sems dpa' sems dpa' chen po zhum par mi 'gyur na /byang chub sems dpa' sems dpa' chen po shes rab kyi pha rol tu phyin pa la spyod pa yin no zhes bya ba ni de ltar sems can dang go cha gnyis ka dben te/ go cha med par bstan pa la dngos po med
 cing stong bas skrag nas/ theg pa chung du'i sems su ma gyur na/ shes rab kyi pha rol tu phyin pa la spyod par chud do zhes bstan pa'o/ /de ci'i phyir zhe na/ gzugs dben pa'i phyir sems can dben pa'o zhes bya ba nas/ rnam pa thams cad mkhyen pa nyid dben
 ba'i phyir sems can dben pa'o zhes bya ba'i bar gyis ni gong du sems can dben par bshad pa'i gtan tshigs bstan pa ste/ gzugs la sogs pa rnam thams cad mkhyen pa nyid la thug gi bar gyis chos thams cad don dam par rang bzhin gyis stong ste/ dben
 pa'i phyir/ sems can rang bzhin gyis stong zhing dben no zhes bya ba'i don to/ /gzugs dben pa'i phyir shes rab kyi pha rol tu phyin pa dben ba'o zhes bya ba nas/ rnam pa thams cad mkhyen pa nyid dben pa'i phyir shes rab kyi pha rol tu
 phyin pa dben pa'o zhes bya ba'i bar gyis ni/ gong du de ltar spyod na shes rab kyi pha rol tu phyin pa la spyod pa yin no zhes bshad pa la/ 'khor gyi nang nas kha cig shes rab kyi pha rol tu phyin pa la dngos po yod snyam du rtag pa bsal ba'i phyir/ shes
 rab kyi pha rol tu phyin pa yang dngos po med/ dben pa yin na zhes bstan pa'o/ /lha'i bu dag gal te byang chub sems dpa' sems dpa' chen po chos thams cad dben par bshad pa la sems mi 'dzum/ yongs su zhum par mi 'gyur la de'i yid
 'jigs par mi 'gyur na/ byang chub sems dpa' sems dpa' chen po shes rab kyi pha rol tu phyin pa la spyod pa'o zhes bya ba ni de ltar shes rab kyi pha rol tu phyin pa yang dngos po med de/ dben par bshad pas skrag ste sems zhum par
 ma gyur na kun rdzob tu shes rab kyi pha rol tu phyin pa la spyod par chud do zhes bstan pa'o/ /de nas bcom ldan 'das kyis tshe dang ldan pa rab 'byor la 'di skad ces bka' stsal to/ /rab 'byor de ci'i phyir byang chub sems dpa' sems dpa' chen
 po shes rab kyi pha rol tu phyin pa la zhum par mi 'gyur ba yin na zhes bya ba ni/ zhum par mi 'gyur ba'i gtan tshigs rab 'byor gyis bshad pa/ 'dul bar 'gyur ba'i sems can rnams la phan gdags pa'i phyir bcom ldan 'das kyis
 smras pa'o/ /bcom ldan 'das chos thams cad ma mchis pa'i slad du zhes bya ba nas/ de ci'i slad du zhe na/ bcom ldan 'das de ni 'di ltar gang zhum par 'gyur ba dang/ gang gis zhum par 'gyur ba dang/ gang la zhum par 'gyur ba'i chos de dag
 thams cad ni ma mchis pa ste/ dmigs su ma mchis so zhes bya ba'i bar kyi ni/ rab 'byor gyi zhum par mi 'gyur pa'i gtan tshigs bstan pa ste/ don dam par chos thams cad dben pa dang/ zhi ba dang ma skyes pI phyir gang zag gang zhum par 'gyur ba dag rgyu gang gis zhum par
 'gyur ba dang/ don gang la zhum par 'gyur ba'i chos de dag thams cad med cing mi dmigs pa'i phyir zhum par mi 'gyur zhes bya ba'i don to/ /bcom ldan 'das gal te byang chub sems dpa' sems dpa' chen po de skad du bshad pa mi 'dzum mi 'gong zhing zhes
 bya ba nas/ gang la zhum par 'gyur ba'i chos de dag thams cad ni ma mchis pa ste zhes bya ba'i bar gyis ni/ gong du bshad pa'i don de nyid gsal par go bar bya ba'i phyir bzlas nas mjug bsdus te bstan pa'o/ /bcom ldan 'das de ltar spyod pa'i byang chub sems
 dpa' sems dpa' chen po ni dbang po dang bcas pa tshangs pa dang bcas /skye dgu'i bdag po dang bcas pa'i lha rnams kyis phyag bgyi bar 'gyur ro zhes bya ba nas/ rnam pa thams cad mkhyen pa nyid yongs su rdzogs par byad pa'o zhes dgongs pa mdzad do zhes bya
 ba'i bar gyi ni/ de ltar dmigs su med ba'i chos bstan pa la zhum pa med par shes rab kyi pha rol tu phyin pa la spyod pa'i byang chub sems dpa' la 'dod pa'i khams dang/ gzugs kyi khams kyi lha rnams kyis phyag bya bar 'gyur ba dang/ phyogs bcu'i
 de bzhin gshegs pa rnams kyi dgongs par 'gyur pa'i phan yon bstan pa'o/ /rab 'byor byang chub sems dpa' sems dpa' chen po shes rab kyi pha rol tu phyin pa la spyad pa gang la/ sangs rgyas bcom ldan 'das kyi dgongs pa mdzad pa'i byang
 chub sems dpa' sems dpa' chen po ni sangs rgyas su 'gyur bar zhum par rig par bya'o zhes bya ba ni de ltar shes rab kyi pha rol tu phyin pa la spyod pa'i byang chub sems dpa' i phyogs bcu'i de bzhin gshegs pa rnams kyi dgongs par 'gyur ba de ni
 gdon mi za bar sangs rgyas su 'gyur bar rig par bya'o zhes bya ba'i don to/ /rab 'byor gang+gA'i klung gi bye ma snyed kyi khams dag na/ sems can ji snyed cig yod pa de dag thams cad bdud sdig to can du gyur te zhes bya ba nas/
 ji skad du smras pa de bzhin du byed pa yin sangs rgyas bcom ldan 'das rnams kyis dgongs pa yin te/ rab 'byor shes rab kyi pha rol tu phyin pa la spyod pa'i byang chub sems dpa' sems dpa' chen po chos de gnyis dang ldan pa ni/ bdud sdig to can rnams
 kyis mi thub pa yin no zhes bya ba'i bar gyis ni/ shes rab kyi pha rol tu phyin pa la de ltar spyod pa'i byang chub sems dpa' phyogs bcu'i de bzhin gshegs pas dgongs par 'gyur ba dang/ chos thams cad stong par yang rtogs la/ snying rje chen
 pos sems can thams cad kyang yongs su ma gtang ba dang bden pa'i tshigs srung ste /ji skad du khas ches shing smras pa de bzhin du nyams su blangs te byed pa la bdud kyi bar chad bya mi nus pa'i phan yon bstan pa'o/ /rab 'byor de ltar spyod pa'i byang chub
 sems dpa' sems dpa' chen po'i drung du/ lha'i bu rnams kyang 'ong bar sems so zhes bya ba nas/ sems can mun par gyur pa rnams kyi snang bar 'gyur ro zhes de la spro ba skyed par 'gyur ro zhes bya ba'i bar gyis ni/ shes rab kyi pha rol tu phyin pa
 la de ltar spyod pa'i byang chub sems dpa' de bzhin gshegs pas dgongs pa mdzad pa de drung du 'jig rten gyi lha rnams kyang 'ong ste/ 'doms shing spro ba skyed pa bstan pa'o/ /de ci'i phyir zhe na/ de ni 'di ltar 'jig rten gyi khams tshad med grangs
 med pa dag na zhes bya ba nas/ de'i ming dang rigs yongs su brjod pa'i tshul gyis ston zhing ched du brjod pa ched du brjod pa mdzad de zhes bya ba'i par gyis ni lha'i bu rnams spro ba skyed pa'i rgyu bstan pa ste/ 'jig rten gyi khams tshad med pa na bzhugs
 pa'i sangs rgyas bcom ldan 'das rnams kyis kyang/ shes rab kyi pha rol tu phyin pa la spyod pa'i byang chub sems dpa' dgongs shing ming dang rus nas smos te chos bstan cing bsngags pa'i phyir lha'i bu rnams kyang de'i drung du 'ong zhing spro ba bskyed do zhes bya ba'i don to /rab
 'byor 'di lta ste dper nang da ltar zhes bya ba nas/ chos ston cing ched du brjod pa ched du brjod pa bzhin no zhes bya ba'i par gyis ni/ 'jig rten gyi khams tshad med grangs med pa'i sangs rgyas bcom ldan 'das rnams shes rab kyi pha rol tu phyin pa la spyod
 pa'i byang chub sems dpa' la chos ston cing bsngags pa mdzad pa'i dpe bstan pa ste/ dper na bcom ldan 'das shAkya thub pa byang chub sems dpa' rin chen dpal zhes bya ba dang gtsug phud ces bya ba dag shes rab kyi pha rol tu phyin pa la spyod pa'i
 ming nas smos te chos ston cing/ bsngags pa mdzad pa dang/ de bzhin gshegs pa mi 'khrugs pa'i zha 'bring na 'khod pa'i byang chub sems dpa' shes rab kyi pha rol tu phyin pa la spyod pa rnams kyi ming nas smos te/ chos ston cing bsngags pa mdzad pa bzhin no
 zhes bya ba'i don to/ /shar phyogs kyi sangs rgyas bcom ldan 'das gang ji snyed cig bzhugs shing 'tsho skyong ba dang zhes bya ba nas/ steng gi phyogs kyi sangs rgyas bcom ldan 'das gang ji snyed cig bzhugs shing 'tsho skyong ba dang/ chos ston pa de dag
 thams cad kyang de na byang chub sems dpa' sems dpa' chen po gang ji snyed cig tshangs pa'i spyad pa spyod cing/ shes rab kyi pha rol tu phyin pa dang ma bral ba de dag la spro bar mdzad pa'i tshul gyis chos ston te/ ched du brjod pa yang ched du brjod pa mdzad do
 zhes bya ba'i bar gyis ni/ shes rab kyi pha rol tu phyin pa la spyod pa'i byang chub sems dpa' la dgongs shing/ spro ba mdzad pa'i chos nyid bstan pa ste/ phyogs bcu'i de bzhin gshegs pa rnams kyang/ so so'i sangs rgyas kyi zhing na bzhugs
 pa'i byang chub sems dpa' shes rab kyi pha rol tu byin pa la spyod pa rnams la dgongs shing spro bar mdzad de/ de bas na byang chub sems dpa' shes rab kyi pha rol tu phyin pa de ltar sbyong ba rnams la/ sangs rgyas bcom ldan 'das
 rnams da ltar de dgongs shing spro ba mdzad do zhes bya ba'i don to/ /byang chub sems dpa' sems dpa' chen po sems dang po bskyed pa nas nye bar bzung ste /thams cad mkhyen pa nyid thob kyi bar du/ byang chub kyi lam yongs su spyod pa gang ji snyed yod pa de dag la yang
 sangs rgyas bcom ldan 'das de dag spro bar mdzad pa'i tshul gyis tshos ston te/ ched du brjod pa yang ched du brjod pa mdzad do zhes bya ba ni shes rab kyi pha rol tu phyin pa la spyod pa 'ba' zhig la de bzhin gshegs pa dgongs pa mdzad pa ma yin gyis
 byang chub sems dpa' sems dang po bskyed pa nas/ shes rab kyi pha rol tu phyin pa dang na thun par bsgrub pas byang chub kyi lam sbyong na/ de dag la yang de bzhin gshegs pa dgongs shing spro ba skyed ba mdzad do zhes bstan pa'o/ /de ci'i phyir zhe na /rab
 'byor byang chub sems dpa' sems dpa' chen po gang sangs rgyas kyi tshul rgyun mi 'chad pa'i don du zhugs pa de dag ni dka' ba byed pa'o zhes bya ba ni de ltar byang chub kyi lam sbyong zhing sangs rgyas su 'grub pa'i rgyu dam pa'i chos nyams shing nub par
 mi byed pa de lta bu dmigs pa can gzhan gyis mi nus pas dka' ba byed pa ste/ de'i phyir sangs rgyas bcom ldan 'das de dag byang chub sems dpa' de la dgongs shing spro ba skyed ba mdzad do zhes bya ba'i don to/ /gsol ba bcom ldan 'das
 de dag byang chub sems dpa' sems dpa' chen po slar ldog pa 'am/ slar mi ldog pa 'am gang gis ming yongs su brjod pa'i tshul gyis ston pa mdzad ces bya ba ni de ltar shes rab kyi pha rol tu phyin pa la spyod pa'i byang chub sems dpa' 
 la sangs rgyas bcom ldan 'das dgongs shing sgro ba bskyed pa mdzad pa'i phyir mi ldog pa'i byang chub sems dpa' yongs su dag pa rnams mdzad dam/ 'on te byang chub sems dpa' yongs su ma dag pa gzhan rnams la yang dgongs pa mdzad snyam du 'khor gyi nang nas
 kha cig the tsom skye bar gsal ba'i phyir rab 'byor gyis zhus pa'o/ /bcom ldan 'das kyis bka' stsal pa/ zhes bya ba la sogs pa ni shes rab kyi pha rol tu phyin pa la tshul bzhin du spyod na/ yongs su dag pa dang ma dag pa gnyi ga la yang sangs rgyas
 bcom ldan 'das rnams dgongs shing spro bar mdzad do zhes bstan pa'o/ /gsol ba bcom ldan 'das de dag gang lags zhes bya ba nas/ snying po med pa'o zhes bya bar mos kyang/ mi skye ba'i chos la bzod pa ma thob pa de dag la yang/ sangs rgyas
 bcom ldan 'das de dag spro ba mdzad pa'i tshul gyis chos ston cing ched du brjod pa yang ched du brjod ba mdzad do zhes bya ba'i bar gyis ni/ yongs su ma dag pa'i byang chub sems dpa' de bzhin gshegs pas dgongs pa gang lags zhes zhus pa dang/
 de dag gang dang gang yin pa bsten pa ste/ de bzhin gshegs pa mi 'khrugs pa dang/ byang chub sems dpa' rin chen dpal gyi rjes su slob pa'i tshul gyis spyod pa yang shes rab kyi pha rol tu phyin pa zab mo 'di nyid la spyod pa la bya ste/ de ltar spyod na byang
 chub sems dpa' yongs su ma dag pa la yang de bzhin gshegs pa rnams dgongs pa mdzad pa dang/ byang chub sems dpa' yongs su ma dag pa kha cig chos thams cad skye ba med pa dang/ stong pa dang zhi ba dang/ gsog dang gsob dang/ snying po med par rtogs te 
 de la chos kyang mi skye ba'i chos lam zod pa ma thob pa rnams/ shes rab kyi pha rol tu phyin pa zab mo 'di la spyod na/ de dag la yang de bzhin gshegs pa dgongs pa mdzad do zhes bya ba'i don to/ /rab 'byor byang chub sems dpa' sems dpa' chen po gang la
 zhes bya ba nas/ de dag de bzhin nyid la nan tan du byas nas/ rnam pa thams cad mkhyen pa nyid la gnas par 'gyur ro zhes bya ba'i bar gyis ni/ shes rab kyi pha rol tu phyin pa la spyod pa'i byang chub sems dpa' de bzhin gshegs pas
 dgongs par 'gyur ba'i phan yon bstan pa ste/ de dag gis ni nyan thos dang rang sangs rgyas kyis spangs te/ bla na med pa yang dag par rdzogs pa'i byang chub tu lung bstan par 'gyur ba dang/ phyir mi ldog pa'i sa la gnas shing rnam pa thams cad
 mkhyen pa nyid thob par 'gyur ba dang/ de ltar shes rab kyi pha rol tu phyin pa la yid ches na/ 'phags pa'i sa ma thob kyang/ phyis dge ba'i bshes gnyen la brten te/ go rim bzhin du phyir mi ldog pa'i sa la gnas shing/ de bzhin nyid la
 nan tan du byas nas/ rnam pa thams cad mkhyen pa nyid du 'gyur ba'i phan yon mang po dang ldan par 'gyur ro zhes bya ba'i don to/ /gsol ba bcom ldan 'das de bzhin nyid du gnas nas/ de bzhin nyid du nan tan bgyis te/ chos gang yang ma
 dmigs ma zhes bya ba nas/ de bzhin nyid la gnas shing chos ston par 'gyur ba lta ci smos te/ de ni gnas ma mchis so zhes bya ba'i bar gyis ni/ gong du shes rab kyi pha rol tu phyin pa la spyod pa'i phan yon bstan pa las/ de bzhin
 nyid la gnas de bzhin nyid la nan tan du byas nas/ rnam pa thams cad mkhyen pa nyid la gnas par 'gyur ro zhes bshad pa la/ 'khor gyi nang nas kha cig thob par bya ba'i de bzhin nyid dang/ thob par byed pa'i byang chub sems dpa' 
 dngos po yod dam snyam du rtog pa bsal ba'i phyir de bzhin nyid dang/ de bzhin nyid la ma gtogs pa'i chos gzhan gang yang mi dmigs na/ su zhig de bzhin nyid la gnas nas bla na med pa yang dag par rdzogs pa'i byang chub tu mngon bar
 rdzogs par 'tshad rgya bar 'gyur ba dang/ chos ston pa yang su zhig yod zhes zhus pa'o/ /bcom ldan 'das kyis bka' stsal pa/ rab 'byor gang khyod kyis 'di skad du zhes bya ba nas/ rab 'byor de de bzhin no/ de de bzhin te/ ji skad smras pa de bzhin no zhes bya ba'i bar
 gyis ni/ rab 'byor gyis smras ba'i tshig rnams bcom ldan 'das kyis bzlas te/ khyod kyis zhus pa rnams la? zhes bka' stsal pa'o/ /rab 'byor gang de bzhin nyid la gnas pa dang zhes bya ba nas de bzhin nyid la gnas shing chos ston par 'gyur ba lta ci smos te
 de ni gnas med do zhes bya ba'i bar gyis ni/ rab 'byor gyis gsol ba'i lan btab sta/ don dam par de bzhin nyid dang/ de bzhin nyid la gnas nas/ bla na med pa yang dag par rdzogs pa'i byang chub tu mngon par rdzogs par sangs rgyas te/ chos ston pa de lta bu
 gang yang med do zhes bstan pa'o/ /de ci'i phyir zhe na/ rab 'byor de bzhin gshegs pa rnams byung yang rung/ /de bzhin gshegs pa rnams ma byung yang rung ste zhes bya ba nas/ chos ston bar 'gyur ba lta ci smros te/ de ni gnas med do zhes bya ba'i bar gyis ni/
 de bzhin nyid dang de bzhin nyid la gnas par 'gyur ba dngos po med pa'i gtan tshig bstan pa ste /chos thams cad dngos po med cing rang bzhin gyis stong pa ni bshig ste/ med par byas pas stong pa ni ma yin gyi/ yan sa de bzhin te/ de bas na de bzhin
 nyid 'di la gnas bar 'gyur ba gang yang med do zhes bya ba'i don to/ /'phags pa shes rab kyi pha rol tu phyin pa 'bum pa rgya cher bshad pa las le'u bzhi bcu dgu ba'o// //de nas lta'i dbang po brgya byin gyis bcom ldan 'das la
 'di skad ces gsol to zhes bya ba nas /rmongs par 'gyur ba ma mchis pa ni dka' ba bgyid pa'o zhes bya ba'i bar gyis ni/ de ltar don dam par chos gang yang dmigs su med la/ kun rdzob tu mngon par rdzogs par 'tshang rgya bar yang 'dod pa de lta bu
 ni dmigs pa can sus kyang mi nus pa'i phyir dga' ba spyod pa'o zhes shes rab kyi pha rol tu phyin pa zab mo la spyod pa'i byang chub sems dpa' la bstod pa'o/ /de nas gnas brtan rab 'byor gyis lha'i dbang po brgya byin la 'di sgrad
 ces smras so zhes bya ba nas/ de bzhin du gnas brtan rab 'byor gyis chos bstan pa yang ci la yang chags pa med do zhes bya ba'i bar gyis ni/ brgya byin gyis dka' ba spyod par bshad pa chos thams cad stong par bshad pa lhu? nam nur med par byed pa ni dka' 
 bar rab 'byor gyis bstan pa dang/ brgya byin gyis rab 'byor chos zab mo ston par bstod pa'o/ /de nas lha'i dbang po brgya byin gyis bcom ldan 'das la 'di skad ces gsol to zhes bya ba nas/ chos kyi gnyer ba'i chos nyid yang dag par lung
 bstan pas/ lung bstan par 'gyur ba lags sam zhes bya ba'i bar gyis ni/ gong du brgya byin gyis chos zab mo la spyod pa'i byang chub sems dpa' dka' ba bgyid pa'o zhes smras pa dang/ gnas brtan rab 'byor gang ci ston kyang/ de thams
 cad stong pa nyid brtsams shing ston te/ ci la yang chags pa med do zhes smras pa ste/ bcom ldan 'das kyis gsungs pa dang/ mthun nam mi mthun chos dang mthun par smra ba lags sam ma lags zhes zhus pa ste/ chos kyi gnyer ba'i chos
 nyid ces bya ba la/ chos ni mya ngan las 'das ba'i chos la bya/ gnyer ba'i chos ni mya ngan las 'das pa'i chos de/ sgrub pa 'phags pa'i lam la bya ste/ de mthun par bdag gis smras pa lags sam ma lags zhes zhus ba'o/ /
 bcom ldan 'das kyis bka' stsal pa zhes bya ba nas/ gnyer ba'i chos nyid lung ston par 'gyur ro zhes bya ba'i bar gyis ni/ gong du brgya byin gyis smras pa bcom ldan 'das kyis gsungs pa dang yang mthun la/ chos nyid dang yang mi
 'gal ba yin no zhes bka' stsal ba'o/ /brgya byin gyis gsol ba bcom ldan 'das gnas brtan rb 'byor 'dis ci dang ci spobs pa de dag thams cad stong pa nyid la brtsams shing spobs zhes bya ba nas/ rnam pa thams cad mkhyen pa nyid la brtsams
 spobs pa ngo mtshar che'o zhes bya ba'i bar gyis ni/ rab 'byor nyan thos yin la/ byang chub sems dpa' i spyod pa zab cing rgya tsho ba rnams shes nas/ spobs pa chen po gzhan la yang ston pa ngo mtshar che'o zhes rab 'byor la bstod pa bstan pa'o/ /bcom ldan
 'das kyis bka' stsal pa/ kau shi ka gnas brtan rab 'byor stong pa nyid la rnam par spyod pas zhes bya ba nas/ dpe byang rnams kyang mi dmigs na/ gang gi lus la dpe byad yod par 'gyur ba lta ci smos zhes bya ba'i bar gyis ni/ gnas brtan rab 'byor de ltar
 byang chub sems dpa' i spyod pa zab cing rgya chen po la spyod pas/ spyad par bya ba'i pha rol tu phyin pa drug la sogs pa rnam par byang ba'i chos thams cad dang/ de la spyod pa'i gang zag gnyi ga yang mi dmigs bas/ gnas brtan rab 'byor pha rol tu phyin pa
 drug la sogs pa rnam par byang ba'i chos rnams la de ltar sbobs so zhes bstan pa'o/ /de ci'i phya'i? zhe na/ kau shi ka gnas brtan rab 'byor ni chos thams cad dben pa la rnam par spyod pa ste zhes bya ba nas/ grangs dang cha dang bgrang ba dang/ dpe dang rgyur
 yang mi bzod do zhes bya ba'i bar gyis ni/ gnas brtan rab 'byor de ltar zab cing rgya che ba'i spyod pa dang ldan pa dang/ byang chub sems dpa' shes rab kyi pha rol tu phyin pa la spyod pa brgya'i char yang nye bar mi 'gro bas la sogs pas/ byang chub sems dpa' i spyod
 pa khyad par du 'phags pa bstan pa'o/ /de ci'i phyir zhe na/ de bzhin gshegs pa'i rnam par spyod pa ma rtogs par zhes bya ba nas/ bag chags kyi mtshams sbyor ba'i nyon mongs pa thams cad spangs ba'i de bzhin gshegs pa dgra bcom pa yang
 dag par rdzogs pa'i sangs rgyas su 'gyur ro zhes su bya ba'i bar gyis ni/ byang chub sems dpa' shes rab gyi pha rol tu phyin pa la sbyod pa nyan thos dang rang sangs rgyas kyi sbyor pa las khyad par du 'phags pa'i gtan tshigs bstan pa
 ste/ byang chub sems dpa' ji ltar shes rab kyi pha rol tu phyin pa la spyod pa de ltar rab 'byor gyis phun sum tshogs par mi nus pa dang/ byang chub sems dpa' smon lam khyad par can gyis 'phags pas/ nyan thos dang rang sangs rgyas kyi sbyod pas
 khyad par du mi 'khor ro zhes bya ba'i don to/ /de nas 'khor de'i nang nas sum cu rtsa gsum gyi lha rnams zhes bya ba nas/ bcom ldan 'das dge ba'i rtsa ba 'dis/ nyan thos dang rang sangs rgyas thams cad kyi spyod yul ma lags pa'i rnam par spyad
 pa dam pas/ bdag cag rnam par spyod par gyur cig ces smras pa dang zhes bya ba'i bar gyis ni/ de ltar bcom ldan 'das kyi shes rab kyi pha rol tu phyin pa la spyod pa'i byang chub sems dpa' nyan thos dang rang sangs rgyas kyi spyod pa las
 khyad par du 'phags pa sum cu rtsa gsum gyi lha rnams dang/ dag slong brgya drug cu 'khor de'i nang na 'khor pas thos nas lha rnams kyis ni mchod pa chen po byas/ dge slong rnams kyis kyang mchod pa chen po byas nas/ dge slong rnams
 kyis nyan thos dang rang sangs rgyas kyi spyod pa las khyad par du 'phags pa/ shes rab kyi pha rol tu phyin pa'i spyod pa dam pa la spyod par gyur cig ces smon lam btab pa dang lung bstan pa bshad pa'o/ /de nas bcom ldan 'das kyis bdag
 gi bsam pa thug su chud de zhes bya ba nas/ byang chub sems dpa' sems dpa' chen po de bzhin gshegs pa'i rnam par spyod pas/ rnam par spyod par 'dod pas/ shes rab kyi pha rol tu phyin pa la spyad par bya'o zhes bya ba'i bar gyis
 dge slong brgya drug cu po shes rab kyi pha rol tu phyin pa la spyod pa la dad pa skyes nas/ smon lam btab pa yang 'di ltar lung bstan pa dang sbyar na/ shes rab kyi pha rol tu phyin pa la spyod pa ni de ltar mthu che zhing bsam pa yongs su rdzogs par 'gyur bas/ de la
 spyad par bya'o zhes bstan pa'o/ /dga' bo rigs kyi bu 'am rigs kyi bu mo gang zhes bya ba nas/ dga' bo rigs kyi bu 'am rigs kyi bu mo de ni/ sngon gyi rgyal ba la bya ba byas pa dag pa'i rtsa ba bskyed pa/ dge ba'i bshes gnyen gyis yongs su
 bzung bar rig par bya'o zhes bya ba'i bar gyis ni/ tshe rabs snga ma la shes rab kyi pha rol tu phyin pa la spyad cing dge ba'i rtsa ba rnam pa sna tshogs spyad pa las/ shes rab kyi pha rol tu phyin pa 'di la spyod par 'gyur gyis/ gzhan gyis de ltar mi 'gyur ro
 zhes bstan pa'o/ /dga' bo rigs kyi bu 'am rigs kyi bu mo la las/ de bzhin gshegs pa dgra bcom pa yang dag par rdzogs pa'i sangs rgyas rnams las /dge ba'i rtsa ba bskyed pa lta yang mi slu ste/ nyan thos sam rang sangs rgyas su
 'gyur mod kyi zhes bya ba nas rnam pa thams cad mkhyen pa nyid la spyod pas shin tu rtogs par bya'o zhes bya ba'i bar gyis ni/ dge ba'i rtsa ba gang skyed kyang theg pa gsum gyi 'bras bu thob par lta gdon mi za bar 'gyur mod kyi/ 'on kyang chos rnams
 kyi/ rang bzhin shin tu rtogs par bya ste/ bla na med pa yang dag par rdzogs pa'i byang chub thob par bya ba'i bar mdor nyan thos dang rang sangs rgyas kyi sar ltung bar mi bya'o/ /zhes bstan pa'o/ /don de nyid gsal bar bshad pa'i phyir/ shin tu
 rtogs pa'i byang chub sems dpa' sems dpa' chen po sbyin pa'i pha rol tu phyin pa la spyod pa dang zhes bya ba nas/ rnam pa thams cad mkhyen pa nyid la spyod pa ni nyan thos dang rang sangs rgyas su mi 'gyur ro zhes bya ba'i bar gyis bstan to/ /dga' 
 bo de na shes rab kyi pha rol tu byin pa zab mo 'di khyod la gtad te zhes bya ba nas/ rnam pa thams cad mkhyen pa nyid dang nye bar 'gyur ba yin zhes bya ba'i bar gyis/ shes rab kyi pha rol tu phyin pa mdo sde gzhan thams
 cad pas mchog yin pa dang/ de bzhin gshegs pa nyid dang 'dra ba la sogs pa'i yon tan smos nas/ nyams par mi 'gyur bar bya ba'i phyir gtad cing gtams pa bstan pa'o/ /de ci'i phyir zhe na/ dga' bo shes rab kyi pha rol tu phyin pa las
 byung ba ni sangs rgyas bcom ldan 'das rnams kyi bla na med pa yang dag par rdzogs pa'i byang chub ste zhes bya ba nas/ dga' bo de bas na bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pa dang/ pha rol
 tu phyin pa drug la bslab par 'dod pa'i byang chub sems dpa' sems dpa' chen pos/ shes rab kyi pha rol tu phyin pa zab mo 'di la slab par bya'o zhes bya ba'i bar gyis ni/ shes rab kyi pha rol tu phyin pa la bslab pa dang/ mchod cing
 rim gro bya ba dang/ yongs su mi gtang pa'i gtan tshigs bstan pa ste/ 'das pa dang ma byon pa dang/ da ltar byung ba'i sangs rgyas bcom ldan 'das phyogs bcu na bzhugs pa rnams kyi byang chub kyang/ shes rab kyi pha rol tu phyin pa
 'di las byung ba'i phyir shes rab kyi pha rol tu phyin pa 'di la bslab cing yongs su gtong par mi bya'o zhes bstan pa'o/ /de ci'i phyir zhe na/ dga' bo 'di lta ste shes rab kyi pha rol tu phyin pa ni byang chub sems dpa' sems dpa' 
 chen po rnams kyi ma ste bskyed par byed pa'i zhes bya ba ni shes rab kyi pha rol tu phyin pa zab mo 'di la bslab par bya ba'i gtan tshigs bstan pa ste/ sangs rgyas dang byang chub sems dpa' rnams kyi so so'i sa brnyes pa yang/ shes
 rab kyi pha rol tu phyin pa 'di la brten te/ brnyes shing 'di'i rgyus bla na med pa'i byang chub brnyes pa'i phyir 'di la bslab par bya'o zhes bstan pa'o/ /dga' bo byang chub sems dpa' sems dpa' chen po gang pha rol tu phyin drug la slob pa de dag thams
 ni bla na med pa yang dag par rdzogs pa'i byang chub tu 'byung bar 'gyur te/ dga' bo de bas na khyod la pha rol tu phyin pa drug po 'di dag yang dang yang du yongs su gtad do/ /rjes su gtang do zhes bya ba'i bar gyis ni/ gong du bshad pa'i don de nyid gsal
 bar bya ba'i phyir bstan pa ste/ de ltar shes rab kyi pha rol tu phyin pa 'di byang chub sems dpa' rnams bskyed par byed pa yin pas/ mi bslab du mi rung gi nyams par mi 'gyur bar yun ring du gnas shing/ rgya cher spe? la ba'i phyir khyod la gtad
 zhes bstan pa'o/ /de ci'i phyir zhe na/ dga' bo de bzhin gshegs pa dgra bcom pa yang dag par rdzogs pa'i sangs rgyas rnams kyi chos kyi mdzod do zhes bya ba nas/ yongs su mya ngan las 'da' o/ /yongs su mya ngan las 'da' bar 'gyur zhes
 bya ba'i bar gyis ni/ shes rab kyi pha rol tu phyir pa 'di la brten nas/ dus gsum gyi sangs rgyas bcom ldan 'das rnams dang/ de dag gi 'khor nyan thos rnams dang shes rab kyi pha rol tu phyin pa'i ra'i rgyus so so'i go 'phang 'thob cing/ 'di laS
 brten te chos ston to/ /zhes bshad pa'o/ /dga' bo gal te khyod kyi gang zag nyan thos kyi theg pa pha rnams la/ nyan thos kyi sa la brtsams te zhes bya ba nas/ nyan thos kyi bya ba byas par 'gyur ro zhes bya ba'i bar gyis ni/ theg pa chung du'i chos bstan
 pas stod gsum gyi stong chen po'i 'jig rten gyi khams kyi sems can thams cad dgra bcom par gyur par byas pa bas/ byang chub sems dpa' la shes rab kyi pha rol tu phyin pa zab ma 'di tshig 'ga' tsam zhig bstan pa phan yon che ba
 bstan pa'o /dga' bo de ji snyam du sems chos bstan bsnga ma nges zhes bya ba nas/ de nyan thos dang rang sangs rgyas kyi ? pa pI rigs kyi bu dang rigs kyi bu mo thams cad kyi dge ba'i rtsa ba zil gyis nor pa na 'gyur te zhes bya
 ba'i bar gyis ni/ stong gsum gyi stong chen po'i 'jig rten gyi khams kyi sems can thams cad dus gcig tu dgra bcom par gyur te/ sbyin pa byin pa dang/ tshul khrims bsrung pa dang/ bsgom pa byas pa'i bsod nams pas/ shes rab kyi pha rol
 tu phyin pa 'di chung du nyi ma 'ga' ma nyi ma phyed dam/ snga dro 'ga' 'am/ chu tshod 'ga' 'am/ skad cig gam yud tsam 'am/ thar cig rtsam bshad pa bsod nams che ba bstan pa'o/ /de ci'i phyir zhe na/ 'di ltar de ni bdag kyang bla na med
 pa yang dag par rdzogs pa'i byang chub mngon par rdzogs par 'tshang rgya par 'dod la zhes bya ba nas/ bla na med pa yang dag par rdzogs pa'i byang chub las yongs su nyams pa'i la? nas med de/ de ni gnas ma yin no zhes bya ba'i bar gyis ni/ shes
 rab kyi pha rol tu phyin pa 'di bshad pa bsod nams che ba'i gtan tshigs bstan pa ste/ shes rab kyi pha rol tu phyin pa 'chad pa ni bdag dang/ gzhan gyi don phun sum tshogs pa byed la/ bla na med pa yang dag par rdzogs pa'i byang chub
 las nyams par 'gyur ba mi srid do zhes bstan pa'o/ /shes rab kyi pha rol tu phyin pa 'di bshad pa'i tshe zhes bya ba nas/ dga' bo chos thams cad ni shes pa med pa/ mthong ba med pa/ bya ba la mthu med pa sha stag ste zhes bya ba'i
 bar gyis ni/ chos thams cad la dngos po yod par mi lta ba bstan pa'i phyir/ rdzu 'phrul mdzad pa phyir ltar med pa'i dnges chs thams cad kyang dngos por bltar med do zhes bstan pa'o/ /de ci'i phyir zhe na/ dga' bo chos thams cad ni
 nam mkha' ltar byed ba med pa/ byed ba med pas 'dzin pa med pa'o/ /zhes bya ba nas/ snying po med pa'i phyir tshor ba med pa'o zhes bya ba'i bar gyis ni/ dngos po med cing byed pa med pa dpe dang bcas par bstan pa'o/ /dper na nam mkha' dang sgyu ma'i skyes bu dngos
 po med cing sems med pas/ ci yang mi byed pa bzhin no zhes bstan pa'o/ /rnam par sgrub pas so sor gnas pa'i mtshan nyid zhes bya ba ni/ don dam par de ltar dngos po med pas byed pa po med kyi/ kun rdzob tu snang ba ni rgyu dang skyen gyis bsgrub pa
 la brten pa tsam du zad do zhes bya ba'i don to/ /de ltar spyod pa'i byang chub sems dpa' sems dpa' chen po ni shes rab kyi pha rol tu phyin pa la spyod pa ste zhes bya ba nas/ sangs rgyas kyi gang ba sangs rgyas kyi bsngags pa ste zhes bya ba'i
 bar gyis ni/ de ltar chos thams cad dngos po med par rtogs na/ shes rab kyi pha rol tu phyin pa la spyod cing slob pa ni dmigs pa can gyis spyod pa thams cad pas khyad par du 'phags pa yan? no zhes bstan pa'o/ /da la gnas shing de bzhin
 gshegs pa dgra bcom pa yang dag par rdzogs pa'i sangs rgyas rnams stong gsum gyi stong chen po'i 'jig rten gyis khams 'di phyag g.yas pas gyen du bteg cing zhes bya ba nas/ mnyam pa med pa zhes bya'o/ /mi mnyam pa dang mnyam
 pa zhes bya'o zhes bya ba'i bar gyi ni/ de ltar shes rab kyi pha rol tu phyin pa la spyod pa'i mthu dang yon tan che ba bstan pa'o/ /dga' bo gang shes rab kyi pha rol tu phyin pa'i tshad gzung ba 'am/ mdza' btsal bar 'dod pa ni nam mkha' i tshad gzung ba
 dang mdza' btsal bar 'dod du zang ngo zhes bya ba nas/ de ci'i phyir zhe na/ dga' bo shes rab kyi pha rol tu phyin pa zad par bya bar sems de ni nam mkha' zad par bya bar sems su zad do zhes bya ba'i bar gyis ni/ she rab kyi pha rol tu phyin pa de ltar yon tan chen po dang ldan pas/
 kun rdzob tu yon tan tshad med cing zad mi shes pa dang/ zad par mi 'gyur ba bstan pa'o/ /shes rab kyi pha rol tu phyin pa ma zad mi zad zad par mi 'gyur ro zhes bya ba nas/ rnam pa thams cad mkhyen pa nyid ni ma zad mi zad zad
 par mi 'gyur ro/ /chos de dag la ni skye ba yang med na/ de dag zad bar 'gyur ba ltag la yod zhes bya ba'i bar gyis ni/ shes rab kyi pha rol tu phyin pa 'ba' zhig dngos po med de tshad bzung du med cing mi zad par ma zad kyi/ bsam gtan gyi pha rol
 tu phyin pa la sogs pa rnam pa thams cad mkhyen pa nyid la thug gi bar gyi chos thams cad kyang rang bzhin de dang 'dra'o zhes bstan pa'o/ /de nas bcom ldan 'das kyis ljags kyi dbang po bkram ste zhes bya ba nas/ dga' po khyod kyis shes rab kyi
 pha rol tu phyin pa'i gzungs gang bzung bas/ chos thams cad bzung bar 'gyur ba'i shes rab kyi pha rol tu phyin pa'i gzungs bstan pa 'di yin no zhes bya ba'i bar gyis ni/ shes rab kyi pha rol tu phyin pa 'di yon tan mang po bshad pa/
 'khor rnams kyis yid ches par bya ba'i phyir bcom ldan 'das sho be mi gsung ba'i rtags su ljags kyi dbang po bkram ste bstan nas /ngas bstan pa bzhin du yid ches par gyis la/ shes rab kyi pha rol tu phyin pa zab mo 'di dge slong
 dang/ dge slong ma dang/ dge bsnyen dang/ dge bsnyen ma'i 'khor bzhi po rnams la rgya cher ston cig ces bka' stsal pa'o/ /'phags pa shes rab kyi pha rol tu phyin pa 'bum pa rgya cher bshad pa las/ le'u lnga bcu
 pa'o// //de nas tshe dang ldan pa rab 'byor 'di snyam du gyur te zhes bya ba nas/ bcom ldan 'das shes rab kyi pha rol tu phyin pa mi bas pa'o zhes bya ba'i bar gyis ni/ gong du bshad pa ltar na/
 bsgrub bar bya ba'i bla na med pa'i byang chub kyang zab la/ sgrub par byed ba'i shes rab kyi pha rol tu phyin pa yang de ltar zab na/ de dag ji ltar bsgrub par bya ba zhus pa ste/ bcom ldan 'das shes rab kyi pha rol tu phyin pa ni mi bas pa'o zhes bya ba ni shes
 rab kyi pha rol tu phyin pa zab mo dngos po med pa ji ltar bsgrub par bya ba'i thabs zhu ba'i gleng bslang ba'i phyir smras pa'o/ /bcom ldan 'das kyis bka' stsal pa/ rab 'byor nam mkha' mi zad pa'i phyir/ shes rab kyi pha rol tu phyin pa mi zad pa'o zhes bya
 ba ni shes rab kyi pha rol tu phyin pa don dam par dngos po med do /nam mkha' dang 'dra ba'i phyir mi zad pa yin no zhes bstan pa'o/ /gsol pa bcom ldan 'das shes rab kyi pha rol tu phyin pa mngon par bsgrub par bya'o zhes bya ba nas shes rab kyi pha rol
 tu phyin pa nam mkha' dang 'dra ste /dngos po med na ji ltar yongs su rdzogs par bya zhes zhus pa'o/ /bcom ldan 'das kyis bka' stsal pa/ rab 'byor gzugs mi zad pas/ shes rab kyi pha rol tu phyin pa mngon par bsgrub par bya'o zhes bya ba nas /rab
 'byor rnam pa thams cad mkhyen pa nyid mi zad pas/ shes rab kyi pha rol tu phyin pa mngon par bsgrub par bya'o/ zhes bya ba'i bar gyis ni/ gzugs la sogs pa'i chos thams cad don dam par dngos po med de/ mi zad par shes pa nyid shes
 rab kyi pha rol tu phyin pa rnam par mi rtog pa mngon par bsgrubs pa yin no/ zhes bstan pa'o/ /rab 'byor gzhan yang gzugs nam mkha' ltar zad mi shes pas/ byang chub sems dpa' sems dpa' chen po shes rab kyi pha rol tu phyin pa
 mngon par bsgrub par bya'o zhes bya ba nas/ rab 'byor rnam pa thams cad mkhyen pa nyid nam mkha' ltar zad mi shes pas/ byang chub sems dpa' sems dpa' chen pos shes rab kyi pha rol tu phyin pa mngon par bsgrub par bya'o/ /zhes bya ba'i
 bar gyis ni/ gzugs la sogs pa mi zad pa nam mkha' i dpes bstan ba ste/ ji ltar nam mkha' dngos po med pas /zad par mi 'gyur ba de bzhin du/ gzugs la sogs ba'i chos thams cad kyang don dam par nam mkha' dang 'dra bar
 dngos po med pas zad mi shes par rtogs par byas na/ rnam par mi rtog pa'i shes rab kyi pa rol tu phyin pa yongs su rdzogs par 'gyur ro zhes bstan pa'o/ /rab 'byor gzhan yang ma rig pa nam mkha' zad mi shes pas/ byang chub sems dpa' sems dpa' 
 chen pos shes rab kyi pha rol tu phyin pa mngon par bsgrub par bya'o zhes bya ba nas /rab 'byor rga shi dang/ mya ngan dang smre sngags 'don pa dang/ sdug bsngal ba dang/ yid mi bde ba dang/ 'khrug pa nam mkha' ltar zad mi shes pas/ byang chub sems dpa' 
 sems dpa' chen pos/ shes rab kyi pha rol tu phyin pa mngon par bsgrub par bya ste zhes bya ba'i bar gyis ni/ rten cing 'brel par 'byung ba yan lag bcu gnyis rnam par brtag pa'i sko nas/ shes rab kyi pha rol tu phyin pa mngon par bsgrub
 pa bstan pa ste/ de yang kun rdzob tu rten cing 'brel par 'byung ba'i yan lag bcu gnyis lugs dang lugs ma yin par rnam par bltas nas/ don dam par de dag kyang nam mkha' ltar dngos po med de zad mi shes par rtog par byas na/ rnam par
 ni rtog pa'i shes rab kyi pha rol tu phyin pa yongs su rdzogs par 'gyur ro zhes bstan pa'o/ /rab 'byor de ltar byang chub sems dpa' sems dpa' chen pos/ shes rab kyi pha rol tu phyin pa mngon par bsgrub par bya'o/ /zhes bya ba ni/ gong du
 gzugs la sogs pa mi zad pas shes rab kyi pha rol tu phyin pa mngon par bsgrub par bya ba dang/ gzugs la sogs pa nam mkha' las dpe blangs te zad mi shes pas/ shes rab kyi pha rol tu phyin pa mngon par bsgrub pa dang/ rten cing 'brel
 par 'byung ba rnam par brtags pa'i sgo nas/ shes rab kyi pha rol tu phyin pa mngon par bsgrub pa'i don mjug bsdus te bstan pa'o/ /rab 'byor byang chub sems dpa' sems dpa' chen po/ rten cing 'bral par 'byung ba rnam par blta ba dang/ shin tu rnam
 par spangs pa rnam par lta ba ste zhes bya ba nas/ rten cing 'brel par 'byung ba'i yan lag bcu gnyis lugs dang lugs ma yin par brtag pa/ nam mkha' ltar zad mi shes par rtogs pa shes rab kyi pha rol tu phyin pa yongs su rdzogs par bya ba'i
 mjug bsdus te bstan pa ste/ shin tu rnam par spang ba rnam par blta ba ste zhes bya ba ni/ nam mkha' ltar zang mi shes par rtog par nyid dngos por lta ba rnam par spangs pa yin no zhes bya ba'i don to/ /gang de ltar rten cing 'brel par 'byung ba la rnam par lta ba de
 ni byang chub sems dpa' sems dpa' chen po byang chub la 'dug pa'i ma 'dres ba'i chos te zhes bya ba ni de ltar gong du smos ba'i tshul du rten cing 'brel par 'byung ba nam mkha' ltar zad mi shes bar rtog ba de ni byang chub sems dpa' sems dpa' i snying po
 byang chub la 'dug par nus kyi/ nyan thos dang rang sangs rgyas la sogs pa dmigs pa can rnams kyis mi nus te/ de dag dang thun mong ba yin no zhes bya ba'i don to/ /de ltar rten cing 'brel bar 'byung ba la rnam par lta ba ni rnam pa thams cad mkhyen pa nyid kyi ye
 shes thob par 'gyur ro zhes bya ba ni de ltar nyan thos dang rang sangs rgyas thams cad dang/ thun mong ma yin pa'i rten cing 'brel par 'byung ba de lta bu rtog na/ rnam pa thams cad mkhyen pa nyid kyi ye shes thob par 'gyur ba'i phan yon bstan pa'o/ /rab
 'byor gang la nam mkha' ltar zad mi shes pas zhes bya ba nas/ de ni bla na med pa yang dag par rdzogs ba'i byang chub la gnas par 'gyur ro zhes bya ba'i bar gyis ni/ chos thams cad nam mkha' ltar zad mi shes par rtog par byas shing/ shes rab
 kyi pha rol tu phyin pa mngon par bsgrub pa dang/ rten cing 'brel par 'byung ba la rnam par lta ba de dag gnyi gnyan thos dang rang sangs rgyas kyi sar mi ltung zhing/ bla na med pa yang dag par rdzogs pa'i byang chub la gnas par 'gyur
 ba'i phan yon bstan pa'o/ /rab 'byor gang byang chub sems dpa' i theg pa pa gang phyir ldog ba de dag thams cad ni zhes bya ba nas/ thabs mkhas pa 'di la ma brten pas/ bla na med pa yang dag par rdzogs pa'i byang chub las phyir ldog go zhes bya ba'i bar gyis
 ni/ shes rab kyi pha rol tu phyin pa la mi brten pa dang/ chos thams cad nam mkha' ltar mi zad par mi shes pa dang/ rten cing 'brel par 'byung ba nam mkha' ltar zad mi shes pa rnam par lta ba mi shes pa las bla na med pa yang dag par rdzogs
 pa'i byang chub las phyir ldog par 'gyur ba'i nyes pa'i dmigs bstan pa'o/ /rab 'byor byang chub sems dpa' sems dpa' chen po bla na med pa yang dag par rdzogs pa'i byang chub las phyir mi ldog pa de dag thams cad kyang zhes bya ba nas/ shes
 rab kyi pha rol tu phyin pa rnam par blta bar bya/ mngon par bsgrub par bya'o zhes bya ba'i bar gyis ni/ shes rab kyi pha rol tu phyin pa zab mo 'di las brten te/ thabs mkhas pa las spyad cing/ rten cing 'brel par 'byung ba nam mkha' ltar zad mi shes
 par rtog pas/ shes rab kyi pha rol tu phyin pa mngon par bsgrubs na phyir mi ldog par 'gyur ro zhes bstan pa'o/ /rab 'byor de ltar byang chub sems dpa' sems dpa' chen po rten cing 'brel par 'byung ba la rnam par blta bas ni chos gang
 yang rgyu med pa las byung ba yang dag par rjes su mi mthong ngo zhes bya ba ni de ltar gong du smos pa'i tshul du don dam par rten cing 'brel par 'byung ba rang bzhin gyis stong ste/ nam mkha' ltar zad mi shes par rtogs kyang kun rdzob tu chos thams cad
 rgyud rkyen las byung bar lta'i mu stegs can kha cig ltar rgyu med pa las 'byung bar mi lta'o zhes bya ba'i don to/ /chos gang yang rtag par yang dag par rjes su mi mthong zhes bya ba nas /zhi bar yang dag par rjes su mi mthong na zhi bar?  yang dag par rjes su mi mthong ste zhes bya ba'i bar gyis ni
 de ltar rten cing 'brel par 'byung ba'i don kun rdzob dang don dam pa'i tshul du shes par bya ba la mkhas pa ni chos gang la yang rtag pa'am/ 'gag pa'i dngos por yong par yang mi lta la/ mu stgs can gyis brtags pa'i bdag rnams la sogs
 pa'i dngos po yod par mi lta'o zhes bstan pa'o/ /rab 'byor bltar shes rab kyi pha rol tu phyin pa la spyod ba'i tshe/ byang chub sems dpa' sems dpa' chen pos rten cing 'brel bar 'byung ba rnam par lta bar bya'o zhes bya ba ni de ltar gong du smos pa'i tshul du
 rten cing 'brel par 'byung ba la mkhas pa'i blos/ chos gang la yang rtag pa dang/ 'gag pa la sogs pa'i dngos por yod par yang mi lta la/ kun rdzob tu rten cing 'brel par 'byung ba'i tshul la yang mkhas par bya'o zhes bstan pa'o/ /rab 'byor gang
 gi tshe byang chub sems dpa' sems dpa' chen po shes rab kyi pha rol tu phyin pa la sbyong pa de'i tshe/ gzugs rtag pa'am mi rtag pa'am/ bde ba'am sdug bsngal pa'am/ bdag yod pa'am bdag med pa'am /zhi ba 'am ma zhi bar yang dag par
 rjes su mi mthong ngo zhes bya ba nas/ rnam pa thams cad mkhyen pa nyid rtag pa'am/ mi rtag pa'am/ bde ba'am/ sdug bsngal ba 'am/ zhi ba 'am ma zhi bar yang dag par rjes su mi mthong ngo zhes bya ba'i bar gyis ni /de ltar rten cing 'brel bar
 'byung ba la mkhas pa'i tshul gyis shes rab kyi pha rol tu phyin pa la spyod na/ gzugs la sogs pa rnam pa thams cad mkhyen pa nyid la thug gi bar gyis chos thams cad la phyin ci log bzhi dang/ zhi ba dang ma zhi ba'i dngos bor lta ba'i phan
 yon bstan pa'o/ /de ci'i phyir zhe na/ rab 'byor de ni 'di ltar byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ shes rab kyi pha rol tu phyin pa yang dag par rjes su mi mthong ste/ chos gang gis
 shes rab kyi pha rol tu phyin pa yang dag par rjes su mthong bar 'gyur ba'i chos de yang yang dag par rjes su mi mthong ngo zhes bya ba nas/ rab 'byor de ltar byang chub sems dpa' sems dpa' chen pos chos thams cad mi dmigs pa'i tshul gyis shes rab kyi pha rol
 tu phyin pa la spyad par bya'o zhes bya ba'i par gyis ni/ chos thams cad la phyin ci log tu lta bar mi 'gyur ba'i gtan tshigs bstan pa ste/ shes rab kyi pha rol tu phyin pa la sogs pa'i rnam pa thams cad mkhyen pa nyid dang/ bag chags kyi mtshams
 sbyor ba thams cad spang bar bya ba la thug gi bar gyis chos thams cad don dam par rang bzhin gyis stong bas/ blta bar bya ba'i dngos por yang med la/ chos de dag la lta bar 'gyur ba'i dngos po gang yang med pas/ chos de dag thams cad la phyin
 ci log tu mthong bar mi 'gyur ro zhes bya ba'i don to/ /rab 'byor gang gi tshe byang chub sems dpa' sems dpa' chen po chos thams cad mi dmigs par shes rab kyi pha rol tu phyin pa la spyod pa de'i tshe/ bdud sdig to can mya ngan gyi zug rngus zug?
 par gyur to zhes bya ba nas/ stong gsum gyi stong chen po'i 'jig rten gyi khams na/ bdud sdig to can gang ji snyed cig yod pa de dag thams cad mya ngan gyis zug rngus mi bzad pas zug par gyur te/ rang rang gi stan la 'dug mi 'dod do zhes bya ba'i bar
 kyis ni/ de ltar chos thams cad dmigs su med pa'i tshul gyis shes rab kyi pha rol tu phyin pa la spyod pa bdud kyi mi tshugs shing bdud thams cad zil gyis gnon pa'i mthu dang ldan par 'gyur ba bstan pa'o/ /de ltar rnam par spyod pa'i byang chub
 sems dpa' sems dpa' chen po ni lha dang mi dang lha ma yin du bcas pa'i 'jig rten gyis/ gang gi phyir de gzung zhing phyir bzlog pa'i glags mi rnyed gting mi rnyed do zhes bya ba ni de ltar chos thams cad nam mkha' dang 'dra par zad mi shes par rtogs shing/ shes
 rab kyi pha rol tu phyin pa la spyod pa ni bla na med pa yang dag par rdzogs pa'i byang chub las phyir mi ldog pa yin par nges par bstan pa ste /bdud 'ba' zhig gis mi tshugs shing bar chad bya mi nus par ma zad kyi/ lha dang mi dang lha ma yin du bcas pa'i 'jig rten
 thams cad kyis kyang phyir bzlog cing bar chad bya mi nus so zhes bya ba'i don to/ /rab 'byor de bas na byang chub sems dpa' sems dpa' chen po myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/
 shes rab kyi pha rol tu phyin pa la rnam par spyod pas/ rnam par spyad par bya ste zhes bya ba ni/ de ltar gong du bshad pa'i tshul gyis shes rab kyi pha rol tu phyin pa la sogs pa bdud la sogs pas bar chad bya mi nus pa'i mthu dang ldan te/ bla na med
 pa yang dag par rdzogs pa'i byang chub las mi ldog par 'gyur ba'i phyir/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ shes rab kyi pha rol tu phyin pa 'di la gnas shing spyad par bya'o zhes
 gdams ngag tu bstan pa'o/ /shes rab kyi pha rol tu phyin pa la rnam par spyod pas/ rnam par spyod pa'i byang chub sems dpa' sems dpa' chen po ni/ sbyin pa'i pha rol tu phyin pa bsgom pa yongs su rdzogs par 'gyur ro zhes bya ba nas/ pha rol tu
 phyin pa thams cad bsgom pa yongs su rdzogs par 'gyur zhes bya ba'i bar gyis ni /de ltar shes rab kyi pha rol tu phyin pa la spyod pa/ pha rol tu phyin pa thams cad bsgom pa yongs su rdzogs par 'gyur ba'i phan yon bstan pa ste/ pha rol tu phyin pa drug ming?
 gis kyang smos la/ pha rol tu phyin ba thams cad bsgom pa yongs su rdzogs par 'gyur ro zhes kyang 'byung ba ni/ pha rol tu phyin pa bcu car bsgom pa yongs su rdzogs par 'gyur ro zhes bstan pa'o/ /de nas tshe dang ldan pa rab 'byor
 gyis bcom ldan 'das la 'di skad ces gsol to zhes bya ba nas/ shes rab kyi pha rol tu phyin pa bsgom pa yongs su rdzogs par 'gyur ba lags zhes bya ba'i bar gyis ni/ pha rol tu phyin pa drug ji ltar bsgom pa yongs su rdzogs par 'gyur bar bya ba'i
 thabs zhus pa'o/ /bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po sbyin pa yongs su gtong ba'i tshe/ rnam pa thams cad mkhyen pa nyid du yongs su bsngo zhing
 sbyin pa de dag yongs su gtong ste zhes bya ba nas/ rab 'byor de ltar na byang chub sems dpa' sems dpa' chen po'i shes rab kyi pha rol tu phyin pa'i bsgom pa yongs su rdzogs par 'gyur ro zhes bya ba'i bar gyis ni/ pha rol tu phyin pa drug yongs
 su rdzogs par bya ba'i thabs bstan pa ste/ pha rol tu phyin pa drug bsgom pa'i tshe/ bdag dang sems can thams cad rnam pa thams cad mkhyen pa nyid thob par bya ba'i phyir bsgom la/ de ltar sgom pa'i bsod nams kyang bdag dang sems
 can thams cad rnam pa thams cad mkhyen pa nyid thob par gyur cig ces yongs su bsngos na/ pha rol tu phyin pa drug bsgom pa yongs su rdzogs par 'gyur ro zhes bstan pa'o/ /de nas tshe dang ldan pa rab 'byor gyis bcom ldan 'das la 'di skad
 ces gsol to zhes bya ba nas/ rab 'byor de ltar na byang chub sems dpa' sems dpa' chen po thabs mkhas bas sbyin pa'i pha rol tu phyin pa la gnas shing/ shes rab kyi pha rol tu phyin pa yongs su 'dzin te zhes bya ba'i bar gyis ni/
 sbyin pa'i pha rol tu phyin pa gcig pu spyod pa'i tshe/ pha rol tu phyin pa drug car yongs su rdzogs par bya ba'i thabs bstan pa'o/ /'phags pa shes rab kyi pha rol tu phyin pa 'bum pa rgya cher bshad pa las/ le'u lnga bcu gcig pa'o// //de nas
 tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das ci ltar na/ byang chub sems dpa' sems dpa' chen po tshul khrims kyi pha rol tu phyin pa la gnas shing/ sbyin pa'i pha rol tu phyin pa yongs su 'dzin pa lags zhes bya
 ba nas/ rab 'byor de ltar na byang chub sems dpa' sems dpa' chen po tshul khrims kyi pha rol tu phyin pa la gnas shing/ shes rab kyi pha rol tu phyin pa yongs su 'dzin to zhes bya ba'i bar gyis ni/ tshul khrims kyi pha rol tu phyin pa gcig pu la gnas
 pa'i tshe/ pha rol tu phyin pa drug car yongs su rdzogs par bya ba'i thabs bstan pa'o/ /gsol pa bcom ldan 'das ji ltar na byang chub sems dpa' sems dpa' chen po bzod pa'i pha rol tu phyin pa la gnas shing/ sbyin pa'i pha rol tu phyin pa yongs su brtan pa
 lags zhes bya ba nas/ rab 'byor de ltar na byang chub sems dpa' sems dpa' chen po/ bzod ba'i pha rol tu phyin pa la gnas shing/ shes rab kyi pha rol tu phyin pa yongs su 'dzin te/ ci nas kyang mi spong mi 'dzin pa de ltar yongs su 'dzin to zhes
 bya ba'i bar gyis ni/ bzod pa'i pha rol tu phyin pa la gnas pa'i tshe/ pha rol tu phyin pa drug car yongs su rdzogs bar bya ba'i thabs bstan pa ste /ci nas kyang mi spong mi 'dzin pa de ltar yongs su 'dzin to zhes bya ba ni shes rab kyi don dam par chos thams cad
 dngos po med par rtogs pas spang bar bya ba dang gzung bar bya ba gnyis gar yang mi rtog la/ kun rdzob tu yongs su mi 'dzin pa yang ma yin no zhes bya ba'i don to/ /gsol pa bcom ldan 'das ji ltar na/ byang chub sems dpa' sems dpa' 
 chen po brtson 'grus kyi pha rol tu phyin pa la gnas shing/ sbyin pa'i pha rol tu phyin pa yongs su 'dzin pa lags zhes bya ba nas/ rab 'byor de ltar na byang chub sems dpa' sems dpa' chen po brtson 'grus kyi pha rol tu phyin pa
 la gnas shing/ shes rab kyi pha rol tu phyin pa yongs su 'dzin to zhes bya ba'i bar gyis ni/ brtson 'grus kyi pha rol tu phyin pa la gnas pa'i tshe/ pha rol tu phyin pa drug car yongs su rdzogs par bya ba'i thabs bstan pa'o/ /gsol pa bcom ldan
 'das ji ltar na byang chub sems dpa' sems dpa' chen po bsam gtan gyi pha rol tu phyin pa la gnas shing/ sbyin pa'i pha rol tu phyin pa yongs su 'dzin pa lags zhes bya ba nas/ rab 'byor de ltar na byang chub sems dpa' sems dpa' chen
 po/ bsam gtan gyi pha rol tu phyin pa la gnas shing/ shes rab kyi pha rol tu phyin pa yongs su 'dzin to zhes bya ba'i bar gyis ni/ bsam gtan gyi pha rol tu phyin pa la gnas pa'i tshe/ pha rol tu phyin pa drug car yongs su rdzogs par bya ba'i
 thabs bstan pa ste/ bsam gtan rnams kyi mtshan nyid dang/ bsam gtan rnams kyi 'bras bu mngon par shes pa rnams kyi mtshan nyid ni sngar bshad zin to/ /gsol pa bcom ldan 'das ji ltar na byang chub sems dpa' sems dpa' chen po
 shes rab kyi pha rol tu phyin pa la gnas shing/ bsam gtan gyi pha rol tu phyin pa yongs su 'dzin to zhes bya ba'i bar gyis ni/ shes rab kyi pha rol tu phyin pa la gnas pa'i tshe/ pha rol tu phyin ba drug yongs su rdzogs par bya ba'i thabs
 bstan pa ste/ rnam par thar pa brgyad dang/ mthar gyis gnas pa'i snyoms par 'jug pa dgu'i mtshan nyid ni sngar bshad zin to/ /seng ge rnam par bsgyings pa'i ting nge 'dzin ces bya ba ni bsam gtan dang snyoms par 'jug pa
 rnams la/ goms shing dbang du gyur pas mi mthun pa'i phyogs kyis mi 'jigs shing/ bag mi tsha bar lugs dang mthun pa dang/ lugs dang mi 'thun pa dang/ thod rgal du snyoms par 'jug pa la bya'o/ /de nas tshe dang ldan pa rab 'byor gyis/ bcom ldan 'das
 la 'di skad ces gsol to/ /bcom ldan 'das byang chub sems dpa' sems dpa' chen po gang thabs mkhas pa de lta bu dang ldan pa ste/ yun ring po ji srid cig nas/ yang dag par zhugs pa lags zhes bya ba nas/ yongs su rdzogs bar ma byas pa'i shes
 rab kyi pha rol tu phyin pa bya ba de lta bu gang yang mdo zhes bya ba'i bar gyis ni/ de ltar gong du bshad ba'i tshul du pha rol tu phyin pa gcig spyad pa'i zhar la/ pha rol tu phyin pa drug car yongs su rdzogs bar byed nus pa'i byang chub sems dpa' dkon pa bstan
 pa ste/ yun ring po nas byang chub tu sems bskyed/ bskal pa grangs mang por byang chub sems dpa' i spyod ba spyad pa dang/ sangs rgyas mang po la bsnyen bkur byas pa dang/ pha rol tu phyin pa drug gi bya ba thams cad yongs su rdzogs par byas pas
 thabs mkhas pas de lta bu dang ldan par 'gyur ro zhes bya ba'i don to/ /gsol pa bcom ldan 'das byang chub sems dpa' sems dpa' chen po thabs mkhas pa de lta bu dag dang ldan pa de dag ni ngo mtshar che'o zhes bya ba nas/ bsam
 gtan gyi pha rol tu phyin pa yang 'di snyam du/ bdag ni shes rab kyi pha rol tu phyin pa'i rjes su 'brong snyam du mi sems zhes bya ba'i bar gyis ni/ de ltar thabs mkhas pa dang ldan pa yang shes rab kyi pha rol tu phyin pa'i mthu
 yin pa dpe dang bcas par bstan pa'o/ /de ci'i phyir zhe na/ de dag gi rang bzhin ni de yin te/ ci yang nus pa med pa'i ngo bo nyid kyis stong zhing gsog ste/ smig rgyu lta bu'o zhes bya ba ni de ltar shes rab kyi pha rol tu phyin
 pha rol tu phyin pa lnga car gyis gtso bo yin yang gcig la gcig phan 'dogs par rnam par rtog pa med pa'i gtan tshigs bstan pa ste/ don dam par pha rol tu phyin pa de dag thams cad kyang ngo bo nyid kyis stong pa'i phyir de snyam du mi
 sems shing rnam par mi rtog go zhes bya ba'i don to/ /de nas tshe dang ldan pa rab 'byor gyis bcom ldan 'das la 'di skad ces gsol to/ /bcom ldan 'das gal te chos thams cad rang bzhin gyis stong pa lags na zhes bya ba la sogs pas ni 'khor
 gyi nang nas kha cig de ltar chos thams cad rang bzhin gyis stong na/ pha rol tu phyin pa drug kyang yongs su rdzogs par byar med la/ de dag yongs su rdzogs par byas pa'i 'bras bu bla na med pa yang dag par rdzogs pa'i byang chub tu mngon par rdzogs
 par 'tshang rgya ba yang med do snyam du sems pa'i rnam par rtog pa bsal ba'i phyir zhus pa'o/ /bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen po pha rol tu phyin pa drug la spyod pa'i tshe/ 'di snyam
 du kye ma 'jig rten gnas pa 'di dag ni/ sems phyin ci log tu gyur ba ste zhes bya ba nas/ rab 'byor de ltar yongs su rtog pa'i byang chub sems dpa' sems dpa' chen po ni /sems can rnams kyi don du shes rab kyi pha rol tu
 phyin pa la spyod pa yin no zhes bya ba'i bar gyis ni/ de ltar don dam par chos thams cad rang bzhin gyis stong yang/ kun rdzob tu sems can sems phyin ci log tu gyur ba rnams kyi don du pha rol tu phyin pa drug yongs su rdzogs par mi
 byar mi rung ba dang/ de dag yongs su rdzogs par bya ba'i thabs bstan pa'o/ /gsol pa bcom ldan 'das gal te/ pha rol tu phyin pa rnams la tha dad pa ma mchis na zhes bya ba nas/ mi mnyam pa dang mnyam pa zhes bgyi zhes bya ba'i bar gyis ni
 gong du pha rol tu phyin pa rnams stong pa nyid du ro gcig ste/ rnam par mi rtog par bshad la/ shes rab kyi pha rol tu phyin pa gtso bo yin par yang bshad pa 'gal ba'i gal zung ste/ rab 'byor gyis zhus pa'o/ /bcom ldan 'das kyis bka' stsal pa/
 rab 'byor de de bzhin no/ /de de bzhin te/ zhes bya ba nas /de ci'i phyir zhe na/ 'di ltar de dag la ngo bo nyid med pas/ de'i phyir khyad par med do zhes bya ba'i bar gyis ni/ don dam par stong pa nyid du ro gcig ste/ tha dad pa med du zin kyang kun rdzob tu shes
 rab kyi pha rol tu phyin pa gtso bo yin no zhes tha dad du dbyer yod pa bstan pa dang/ pha rol tu phyin pa rnams kyi 'bras bu rnam pa thams cad mkhyen pa nyid thob par 'gyur ba'i tshe/ rnam pa thams cad mkhyen pa nyid kyi rang bzhin du gcig tu gyur ba'i dpe
 sems can lus kyi kha dog tha dad pa rnams /ri rab dang nye bar gyur na/ ngos gang dang nye bar de'i kha dog tu 'gyur ba las blangs te bstan pa ste/ rnam pa thams cad mkhyen pa nyid kyi kha dog du kha dog gcig par gyur zhes bya ba rgya gar skad du/ pa? na
 zhes bya ba rigs sam rang bzhin la yang bya ste/ rnam pa thams cad mkhyen pa nyid kyi rigs sam rang bzhin du gcig tu 'gyur ro zhes bya ba'i don to/ /gsol pa bcom ldan 'das de ltar chos gang la yang khyad par ma mchis la/ bye brag ma
 mchis na zhes bya ba nas/ mnyam pa med pa zhes bya ba nas/ mi mnyam pa dang mnyam pa zhes bya ba bzhin no zhes bya ba'i bar gyis ni/ de ltar chos thams cad stong pa nyid du ro gcig ste/ chos gang la yang tha dad pa med pa/ bla na med pa yang
 dag par rdzogs pa'i byang chub thob par bya ba'i don yang ci zhig yod/ shes rab kyi pha rol tu phyin pa yang ci'i phyir gtso bo yin zhes zhus pa dang/ de ltar chos thams cad don dam par stong pa'i rang bzhin du cig kyang/ kun rdzob tu 'jig rten
 gyi tha snyad dang brdar bya na/ don rjes su 'thob pa med pa yang ma yin la /pha rol tu phyin pa rnams la tha dad pa yang med pa yang pa yin zhing/ shes rab kyi pha rol tu phyin pa gtso po yin par dpe dang bcas te bstan pa'o/ /gsol
 pa bcom ldan 'das de ltar shes rab kyi pha rol tu phyin pa rab ces bgyi ba dang/ gtso bo zhes bgyi ba dang zhes bya ba nas/ mi mnyam pa dang mnyam pa zhes bgyi ba ci las dgongs zhes bya ba'i bar gyis ni/ shes rab kyi pha rol tu phyin pa ci'i
 phyir gtso bo yin pa'i gtan tshigs zhus pa'o/ /bcom ldan 'das kyis bka' stsal pa/ rab 'byor de ni 'di ltar shes rab kyi pha rol tu phyin pa ni dag ba'i chos thams cad yongs su gzung zhing mi gnas pa'i tshul gyis ni/ rnam pa thams
 cad mkhyen pa nyid gang na ba der gnas par 'gyur ba'i phyir ro zhes bya ba ni shes rab kyi pha rol tu phyin pa dang ldan na/ dge ba'i chos spyod do cog thams cad 'khor gsum yongs su dag par spyad pas rnam pa thams cad mkhyen pa nyid thob
 par 'gyur ba'i phyir ro/ gtso bo dang rab la sogs par 'gyur ro zhes bya ba'i don to/ /gsol pa bcom ldan 'das shes rab kyi pha rol tu phyin pa chos gang yang yongs su 'dzin pa'am/ mthong ba ma mchis sam zhes bya ba ni byang chub
 sems dpa' i shes rab de gal te chos 'ga' zhig yongs su 'dzin na/ de nyid mngon par chags pa'i skyon du 'gyur te ci yang yongs su mi 'dzin par gtong na /rnam pa thams cad mkhyen pa nyid kyang thobpar mi 'gyur ro snyam du rtog pa
 bsal ba'i phyir rab 'byor gyis zhus pa'o/ /bcom ldan 'das kyis bka' stsal pa rab 'byor de ni ma yin te/ shes rab kyi pha rol tu phyin pa ni chos gang yang yongs su 'dzin pa'am gtong ba med do/ /de ci'i phyir zhe na/ rab 'byor de ni 'di ltar
 chos thams cad yongs su gzung ba med pa dang/ gtang ba med pa'i phyir ro zhes bya ba ni/ don dam par chos thams cad rang bzhin gyis stong pas/ yongs su gzung bar bya ba 'am btang par bya pa'i dngos po med pa'i phyir 'dzin pa 'am gtong pa med do zhes bstan
 pa'o/ /gsol ba bcom ldan 'das ji ltar na shes rab kyi pha rol tu phyin pa chos thams cad mi 'dzin mi gtong ba lags zhes bya ba ni gzugs la sogs pa'i chos thams cad gzung du med pa dang gtang du med pa zhib tu bstan pa'i skabs
 dbye ba'i phyir zhus ba'o/ /bcom ldan 'das kyis bka' stsal pa /rab 'byor shes rab kyi pha rol tu phyin pa ni gzugs yongs su mi 'dzin mi gtong ngo zhes bya ba nas/ rab 'byor shes rab kyi pha rol tu phyin pa ni bla na med pa yang dag par rdzogs
 pa'i byang chub yongs su mi 'dzin mi gtong ngo zhes bya ba'i bar gyis ni /gzungs la sogs pa'i chos thams cad don dam par dngos po med pa sgzung du yang med gtang du yang med pa'i phyir shes rab kyi pha rol tu phyin pa chos gang yang yongs su mi
 'dzin mi gtong ngo zhes bstan pa'o/ /gsol pa bcom ldan 'das ji ltar na/ gzugs yongs su ma bzung ma btang ba lags zhes bya ba nas /ji ltar rnam pa thams cad mkhyen pa nyid yongs su ma bzung ma btang ba lags zhes bya ba'i bar
 gyis ni /gzugs la sogs pa'i chos thams cad la/ shes rab kyi pha rol tu phyin pa yongs su mi gtong bar bya ba'i thabs zhus pa'o/ /bcom ldan 'das kyis bka' stsal pa/ rab 'byor gzugs yid la mi byed bas/ gzugs yongs su ma bzung ma btang ba yin no
 zhes bya ba nas/ rnam pa thams cad mkhyen pa nyid yid la mi byed bas /rnam pa thams cad mkhyen pa nyid yongs su ma bzung ma btang ba yin no zhes bya ba'i bar gyis ni/ gzugs la sogs pa'i chos thams cad gzod ma nas ma skyes te/ dmigs pa'i yul ma
 yin pa'i phyir yid la mi byed pa nyid yongs su ma bzung ma btang ba yin no zhes bstan pa'o/ /rab 'byor de ltar na gzugs yongs su ma bzung ma btang ba yin no zhes bya ba nas/ bla na med pa yang dag par rdzogs pa'i byang chub yongs su la bzung ma gtang
 ba yin no zhes bya ba'i bar gyis ni/ gong du smos ba'i tshig nyid bzlas nas/ de ltar yid la mi byed pa nyid yongs su mi 'dzin mi gtong ba yin gyis/ dngos po yod pa mi 'dzin mi gtong ba ni ma yin no zhes bstan pa'o/ /gsol pa bcom ldan 'das gal te
 gzugs yid la mi bgyi /tshor ba yid la mi bgyi zhes bya ba nas/ rnam pa thams cad mkhyen pa nyid yid la ma bgyis par dge pa'i rtsa ba rnams ji ltar rnam par 'phel bar 'gyur/ dge ba'i rtsa ba rnams rnam par ma 'phel na yang ji ltar pha
 rol tu phyin pa drug yongs su rdzogs par 'gyur/ pha rol tu phyin pa drug yongs su ma rdzogs na yang ji ltar rnam pa thams cad mkhyen pa nyid 'thob par 'gyur zhes bya ba'i bar gyis ni/ de ltar chos thams cad yid la mi bya na/ bsod nams dang
 ye shes kyi tshogs kyang mi 'phel bar ji ltar rnam pa thams cad mkhyen pa nyid thob par 'gyur nas gal gzung sta zhus pa'o/ /bcom ldan 'das kyis bka' stsal pa/ rab 'byor na ma gzugs yid la mi bya zhes bya ba nas/ bla na med pa yang
 dag bar rdzogs pa'i byang chub yid la mi byed pa de'i tshe / byang chub sems dpa' sems dpa' chen po byed pa'i rtsa ba rnams rnam par 'phel bar 'gyur te / dge pa'i rtsa ba rnam par 'phel bas pha rol tu phyin pa drug yongs su rdzogs
 par 'gyur ro/ /pha rol tu phyin pa drug yongs su rdzogs pas rnam pa thams cad mkhyen pa nyid thob par 'gyur zhes bya ba'i bar gyis ni/ gzugs la sogs pa'i chos thams cad don dam par stong par rtogs te/ de dag la mngon par ma
 chags shing yid lam byas na/ 'khor gsum yongs su dag par dge ba'i rtsa ba rnams spel zhing/ pha rol tu phyin pa drug yongs su rdzogs par byas nas/ rnam pa thams cad ma byen pa nyid thob par 'gyur ro zhes bstan pa'o/ /de ci'i phyir zhe na/ gzugs yid la ma
 byas pas/ bla na med pa yang dag par rdzogs pa'i byang chub tu mngon par rdzogs par 'tshang rgya'o zhes bya ba'i bar gyis ni/ gong du smos pa'i don de nyid bzlas te/ de ltar chos thams cad yid la ma byas na /bla na med pa yang dag par rdzogs pa'i byang chub tu
 mngon par rdzogs par 'tshang rgya bar 'gyur ro zhes bstan pa'o/ /gsol ba ci'i slad du de ltar gzugs yid lam bgyis zhes bya ba nas/ de ltar bla na med pa yang dag par rdzogs pa'i byang chub yid la ma bgyis par rnam pa thams cad mkhyen pa nyid thob
 par 'gyur zhes bya ba'i bar gyis ni/ chos thams cad yid la byas na/ skyon du 'gyur pa bstan pa'i skabs dbye ba'i phyir zhus pa'i/ /bcom ldan 'das kyis bka' stsal pa zhes bya ba nas/ chos gang yang 'dres par mi bya'o zhes bya ba'i bar gyis ni/
 chos rnams la dngos por lta zhing mngon par chags pas yid la byas na /khams gsum las grol thar par mi 'gyur te/ de bas na chos gang la yang mngon par chags pas yid la mi bya zhing/ khams gsum gyi chos gang dang yang ma 'dres par
 bya'o zhes bstan pa'o/ /gsol pa bcom ldan 'das byang chub sems dpa' sems dpa' chen po shes rab kyi pha rol tu phyin pa la de ltar spyod pa de dag gang la gnas par 'gyur zhes bya ba ni de ltar chos thams cad yid la mi byed cing/ khams
 gsum gang dang yang 'dres par mi bya na/ gang la brtan cing gnas par bya zhes zhus pa'o/ /bcom ldan 'das kyis bka' stsal pa/ rab 'byor de star? spyod pa'i byang chub sems dpa' sems dpa' chen po ni gzugs la gnas par mi 'gyur ro
 zhes bya ba nas/ rnam pa thams cad mkhyen pa nyid la gnas par mi 'gyur ro zhes bya ba'i bar gyis ni dngos por lta zhing mngon par chags pa'i dbang gis ni chos gang la yang gnas pa ma yin no zhes bstan pa'o/ /gsol pa bcom ldan
 'das ci'i slad du/ rnam pa thams cad mkhyen pa nyid la yang gnas par mi 'gyur ba lags zhes bya ba ni/ rnam pa thams cad mkhyen pa nyid bsgrub cing thob par bya ba yin na/ de la ci'i phyir gnas par mi 'gyur zhes zhus pa dang/ bcom ldan 'das
 kyis bka' stsal pa/ mngon par chags pa med pa'i phyir gang la yang gnas par mi 'gyur ro zhes bya ba ni don dam par chos thams cad rang bzhin gyis stong pas/ chags shing gnas par bya ba med do zhes bya ba'i don to/ /de ci'i phyir zhe na /'di ltar des gang la
 mngon par chags par bya ba 'am/ gnas par bya ba'i chos de lta bu gang yang yang dag par rjes su mi mthong ste zhes bya ba ni / don de nyid gtan tshigs dang bcas pas gsal bar bstan pa ste/ dngos po 'ga' zhig yod na ni de la mngon par chags
 pa 'am/ gnas par byar yang rung na don dam par chos thams cad rang bzhin gyis stong pas/ mngon par chags par bya ba 'am/ gnas par bya ba de lta bu gang yang med pa'i phyir/ gang la yang gnas par mi 'gyur ro zhes bya ba'i don to/ /rab
 'byor de ltar na byang chub sems dpa' sems dpa' chen po mngon par chags pa med pa dang/ gnas pa med pa'i tshul gyis shes rab kyi pha rol tu phyin pa la spyod do zhes bya ba ni de ltar gong du bshad pa'i tshul du chos gdal yang/ mngon par ma chags
 shing mi gnas par spyod na/ shes rab kyi pha rol tu phyin pa la spyod pa yin no zhes bstan pa'o/ /gal te yang byang chub sems dpa' sems dpa' chen po 'di snyam du sems shing/ gang de ltar spyod pa dang/ /de ltar bsgoms pa de ni shes rab
 kyi pha rol tu phyin pa la spyod pa zhes bya ba nas/ rnam pa thams cad mkhyen pa nyid las ring du gyur pa yin zhes bya ba'i bar gyis ni/ de ltar gang la yang mngon par ma chags /gang yang mi gnas par spyod pa de'i tshe/ bdag de ltar spyod cing bsgom snyam pa'i 'du
 shes tsam zhig skyes na yang/ shes rab kyi pha rol tu phyin pa'i don dang mi mthun pas/ shes rab kyi pha rol tu phyin pa la sogs pa nam par byed ba'i chos thams cad dang bral zhing ring du gyur pa yin no zhes bstan pa yin no/ /de ci'i phyir zhe na/
 shes rab kyis pha rol tu phyin pa ni gang la yang mngon par chags par mi byed de/ shes rab kyi pha rol tu phyin pa la mngon par chags pa gang yang mdo zhes bya ba ni/ don dam par chos thams cad rang bzhin gyis stong pas/ shes rab kyi pha rol tu phyin pa
 yang stod pa'i phyir gzhan la mngon par chags par byed ba yang ma yin/ gzhan gyis mngon par chags par bya ba yang ma yin no zhes bya ba'i don to/ /de cI phyir zhe na/ de ni 'di ltar gang la mngon par chags par 'gyur ba de lta bu'i rang bzhin
 de la med de zhes bya ba ni/ shes rab kyi pha rol tu phyin pa chags par byed pa dang/ chags par bya ba gnyi ka'i rang bzhin du yod ba ma yin pa'i gtan tshigs bstan pa'o/ rab 'byor byang chub sems dpa' sems dpa' chen po shes rab kyi pha rol tu phyin
 par 'du shes na yang/ byang chub sems dpa' sems dpa' chen po shes rab kyi pha rol tu phyin pa las nyams par 'gyur te/ gang shes rab kyi pha rol tu phyin pa las nyams ba de ni/ chos thams cad las nyams par 'gyur ro zhes bya ba nas/
 rab 'byor de yang 'dir de bzhin gshegs pa ni chos gang yang 'dogs pa med dang chos la la zhig mngon par rdzogs par 'tshang rgya bar 'gyur ba lta ga la yod de /de ni gnas ma yin no zhes bya ba'i bar gyis ni/ shes rab kyi pha rol tu phyin pa
 sogs pa la/ 'du shes skye zhing mtshan mar 'dzin na/ shes rab kyi pha rol tu phyin pa las nyams par 'gyur zhing bla na med pa yang dag par rdzogs pa'i byang chub mi 'thob pa'i skyon du 'gyur ba bstan pa'o/ /de nas tshe dang ldan pa rab
 'byor gyis bcom ldan 'das la 'di skad ces gsol to zhes bya ba nas/ de ci'i phyir zhe na/ shes rab kyi pha rol tu phyin pa ni mngon par ma chags pas brjod pa yin no zhes bya ba'i bar gyis ni /chos thams cad la 'du shes dang mtshan mar 'dzin ba'i
 skyon du mi 'gyur ba'i thabs bstan pa'o/ /gsol pa bcom ldan 'das ci lags/ shes rab kyi pha rol tu phyin pa shes rab kyi pha rol tu phyin pa dang ma bral ba lags sam zhes bya ba nas/ rnam ba thams cad mkhyen pa nyid kyang ji ltar mngon
 par bsgrub par bgyi zhes bya ba'i bar gyis ni/ shes rab kyi pha rol tu phyin pa la sogs pa rnam par byang ba'i chos thams cad/ chos de dag gi rang bzhin dang bral te/ rang bzhin gcig na/ bdag gis bdag mngon par bsgrub tu mi rung
 ste/ dper na ral gri de nyid kyi sos ral gri de nyid bcud du mi rung ba bzhin no/ /ji ltar de dag mngon par bsgrub bar bgyi zhes gal gzung ste zhus pa'o/ /bcom ldan 'das kyis bka' stsal pa/ rab 'byor 'di la byang chub sems dpa' sems dpa' i chen po shes
 rab kyi pha rol tu phyin pa las spyod pa'i tshe /gzugs she'am 'di ni gzugs so/ /'di'i gzugs so zhes bya bar mngon par chags pa med do zhes bya ba nas/ rnam pa thams cad mkhyen pa nyid ce 'am/ 'di ni rnam pa thams cad mkhyen pa nyid do//
 'di'i rnam pa thams cad mkhyen pa nyid do zhes bya bar mngon par chags pa med do zhes bya ba'i bar gyis ni/ gzugs la sogs pa'i chos thams cad don dam phar dngos po med par rtogs pas bdag dang bdag gir mi rtog cing//
 mngon par chags pa med pa nyid pha rol tu phyin pa drug la sogs pa mngon par bsgrub pa yin gyis/ dngos po yod par lta zhing chags bas ni mngon par bsgrub par mi nus so zhes bstan pa'o/ /gzugs rtag pa 'am mi rtag par mngon par chags pa med do zhes bya ba nas/ rnam pa
 thams cad mkhyen pa nyid dben pa lam /mi dben par mngon par chags pa med do zhes bya ba'i bar gyis ni /gzugs la sogs pa'i chos thams cad la rtag pa 'am mi rtag pa'am/ bde ba 'am sdug bsngal pa 'am/ bdag gam bdag med pa 'am/ zhi pa
 'am ma zhi ba 'am/ stong pa 'am mi stong pa 'am/ mtshan ma yod pa 'am mtshan ma med pa 'am/ smon pa yod pa 'am smon pa med pa 'am/ dben pa 'am mi dben par 'du shes shing/ mngon par chags pa med pa nyid yang dag par ji lta ba bzhin du rtogs
 pa yin pas/ pha rol tu phyin pa drug la sogs pa rnam par byang ba'i chos rnams mngon par bsgrub pa yin no zhes bstan pa'o/ /da ci'i phyir zhe na/ rang bzhin med pa'i chos la ni/ rtag ces bya ba'am mi rtag ces bya ba 'am zhes bya ba nas/ dben zhes bya ba 'am
 mi dben zhes bya bar mngon par bsgrub par mi nus so zhes bya ba'i bar gyis ni /rtag pa 'am mi rtag pa la sogs par mngon par sgrub par byed pa dang/ mngon par bsgrub par bya ba'i chos rnams don dam par dngos po med pas/ mngon par chags par
 bya zhing bsgrub tu med do zhes bstan pa'o/ /ngo bo nyid ni ngo bo nyid kyis mngon par bsgrub par mi nus so zhes bya ba ni de ltar chos thams cad don dam par rang bzhin gyis stong ste/ dngos po med pas dngos po med pa'i ngo bo nyid kyis mngon par bsgrub
 tu med do zhes bya ba'i don to/ /rab 'byor byang chub sems dpa' sems dpa' chen po shes rab kyi pha rol tu phyin pa la spyod pa zhes bya ba nas/ sbyin pa'i pha rol tu phyin pa la spyod pa de ni/ rnam pa thams cad mkhyen pa nyid la gnas par 'gyur ro zhes bya ba'i bar 
 gyis ni /de ltar gong du bshad pa'i tshul du don dam bar chos thams cad stong pa'i ngo bo nyid du rtogs la/ de la mngon par ma chags par pha rol tu phyin pa drug la spyod pa de ni rnam pa thams cad mkhyen pa nyid kyi rang bzhin
 dang ma bral pa'i phyir rnam pa thams cad mkhyen pa nyid la gnas pa yin no zhes bstan pa'o/ /rab 'byor 'di lta ste dper na 'khor los sgyur ba'i rgyal po dpung gi tshogs yan lag bzhi ni/ 'khor los sgyur ba'i rgyal po gang dang gang du 'gro ba de dang der 'gro'o
 zhes bya ba la sogs pas ni/ /shes rab kyi pha rol tu phyin pa zab mo 'di pha rol tu phyin pa gzhan rnams kyi gtso bo yin pa'i dpe 'khor los sgyur ba'i rgyal po dang/ kha lo sgyur ba las blangs te bstan pa ste /lam mnyam pa ni nyan thos dang rang sangs rgyas kyi lam
 dmigs pa can med pa'i dpe'o/ /gsol ba bcom ldan 'das byang chub sems dpa' sems dpa' chen po rnams kyi lam ni gang lags/ lam ma lags ba ni gang lags zhes bya ba ni gong du rnam pa thams cad mkhyen pa nyid gdan ba der/ lam mnyam
 pa nas 'gro zhes gsungs pas/ lam dang lam ma yin pa nang yin pa rab 'byor gyis zhus pa'o/ /bcom ldan 'das kyis bka' stsal ba/ rnam pa thams cad mkhyen pa nyid thob par bya ba la nyan thos kyi lam ni byang chub sems dpa' sems dpa' chen po rnams
 kyi lam ma yin no/ /rang sangs rgyas kyi lam ni byang chub sems dpa' sems dpa' chen po rnams kyi lam ma yin no zhes bya ba ni nyan thos dang rang sangs rgyas kyi lam dmigs pa can ni rnam pa thams cad mkhyen pa nyid thob par byed pa'i rgyuAm
 lam ma min no zhes bya ba'i don to/ /rnam pa thams cad mkhyen pa nyid thob par bya ba la/ shes rab kyi pha rol tu phyin pa sngon du 'gro ba'i pha rol tu phyin pa drug ni/ byang chub sems dpa' sems dpa' chen po rnams kyi lam ste/ 'di ni byang chub
 sems dpa' sems dpa' chen po rnams kyi lam mo zhes bya ba ni/ shes rab kyi pha rol tu phyin pa dang ldan par pha rol tu phyin pa drug la spyad na/ rnam pa thams cad mkhyen pa nyid thob par 'gyur pa'i rgyu yin no zhes bstan pa'o/ /'di ni lam ma yin pa'i ?
 bya ba ni/ nyan thos dang rang sangs rgyas kyi lta ba dmigs pa can la sbyang na/ rnam pa thams cad mkhyen pa nyid thob par bya ba'i rgyu ma yin zhes bya ba'i don to/ /gsol pa bcom ldan 'das de ltar shes rab kyi pha rol tu phyin pa la lam dang lam ma lags pa ston
 pa ni byang chub sems dpa' sems dpa' chen po rnams la don chen po'i slad du nye bar gnas so zhes bya ba ni/ grong du lam dang lam pa yin pa bstan pas rab 'byor mgu nas/ /shes rab kyi pha rol tu phyin pa la bstod pa ste/ chos dang gang zag la bdag med
 pa'i don ston pa dang/ bdag dang gzhan gyi don phun sum tshogs par ston pa dang/ rnam pa thams cad mkhyen pa nyid kyi 'bras bu chen po thob ba'i rgyu yin pa'i phyir /don chen po sgrub pa'i bya ba byed do zhes bya ba'i don to/ /bcom ldan 'das kyis bka' stsal pa
 rab 'byor de de bzhin no de de bzhin te zhes bya ba la sogs pa ni?/ rab 'byor gyis gsol pa'i don de nyid 'khor rnams yid ches par bya ba'i phyir de bden no zhes bstan pa ste/ don chad med pa dang/ don grangs med pa yang don chen po'i 'brel ba ste rnam
 pa thams cad mkhyen pa nyid yon tan tshad med pa grangs me pa thob pa'i rgyu yin pa dang/ sems can tshad med grangs med pa'i don byed pa'i phyir zhes bya ba'i don to/ /shes rab kyi pha rol tu phyin pa ni don de yang rjod mod kyi/ gzugs yongs su 'dzin to zhes
 bya ba la sogs pas ni/ kun rdzob tu don de lta bu dag ston kyang/ don dam par ni gzugs la sogs pa'i 'jig rten dang 'jig rten las 'das pa'i chos thams cad la dngos por lta zhing mtshan mar 'dzin pa ma yin no zhes bstan pa'o/ /shes rab
 kyi pha rol tu phyin pa 'di ni byang chub sems dpa' sems dpa' chen po bla na med pa yang dag par rdzogs pa'i byang chub thob par byed pa ma yin no zhes bya ba la sogs pa ni/ shes rab kyi pha rol tu phyin pa 'di ni chos gang la yang blang dor
 med pa bstan pa ste/ de ltar chos kyi gnas nyid tshad mar byas na /shes rab kyi pha rol tu phyin pa 'di ni chos gang yang skyed pas ma yin 'gog pa ma yin no zhes bya ba ni /gong du blang dor med pa bstan pa'i gtan tshigs bstan pa ste/ de bzhin nyid btsan
 par byas na /chos thams cad stong pa nyid du ro gcig pas/ rnam par byang ba'i phyogs su gtogs pa'i chos rnams bskyed du yang med/ kun nas nyon mongs pa'i phyogs su gtogs pa'i chos rnams dgag tu yang med pa'i phyir/ chos gang yang bskyed
 ba ma yin/ 'gog pa ma yin no zhes bstan pa ste/ chos kyi gnas nyid tshad mar byas na zhes bya ba ni de bzhin btsan par byas na zhes bya ba'i don to/ /gsol pa bcom ldan 'das de ltar shes rab kyi pha rol tu phyin pa 'di/ chos gang yang skye pa ma
 lags 'gog pa ma lags na zhes bya ba la sogs pas ni de ltar shes rab kyi pha rol tu phyin pa 'di chos gang yang dngos po med pas gang la yang mi rtog ste/ mi 'gog mi skyed na byang chub pa'i shes rab kyi pha rol tu phyin pa sbyin pa la sogs pa pha rol
 tu phyin pa drug ji ltar spyad par bya zhes don dam pa'i bden pa la brten nas zhus pa'o/ /bcom ldan 'das kyis bka' stsal pa/ rnam pa thams cad mkhyen pa nyid du dmigs te/ sbyin pa byin par bya'o zhes bya ba la sogs pas ni don dam par chos
 gang yang skyed par bya ba 'am/ dgag par bya ba med du zin kyang/ kun rdzob tu rnam pa thams cad mkhyen pa nyid thob par bya ba'i phyir bsngos te/ pha rol tu phy in pa drug la dge ba'i rtsa ba de dag sems can thams cad dang thun mong du bya ste/ bla na med pa
 yang dag par rdzogs pa'i byang chub tu yongs su bsngos na/ shes rab kyis don dam par stong par rtogs la/ thabs kyi kun rdzob tu dge ba'i rtsa ba rnams sems can thams cad dang thun mong du bya ste/ bla na med pa yang dag par rdzogs pa'i byang chub tu yongs su bsngos na/
 thabs dang shes rab bzung du 'brel cing 'khor gsum dag pas pha rol tu phyin pa drug bsgom pa yongs su rdzogs par 'gyur ro zhes bstan pa'o/ /yang chub sems dpa' sems dpa' chen po byams pa bsgom pa gang yin pa de ni/ rnam pa thams cad mkhyen pa nyid do zhes
 bya ba la sogs pas ni /rnam pa thams cad mkhyen pa nyid kyi mtshan nyid bstan pa ste/ byang chub sems dpa' i byams pa bsgom pa sngar bshad pa'i mtshan nyid gang yin pa de rnam pa thams cad mkhyen pa nyid thob pa'i rgyu yin pa'i phyir/ rgyu la 'bras bu brtags
 te byams pa bsgoms pa de nyid rnam pa thams cad mkhyen pa nyid yin no zhes bstan pa'o/ /de bzhin du pha rol tu phyin pa drug dang ma bral pa yang rnam pa thams cad mkhyen pa nyid thob pa'i rgyu yin pas/ rgyu la 'bras bu brtags te/ pha rol tu phyin pa drug dang ma
 bral ba nyid rnam pa thams cad mkhyen pa nyid dang ma bral pa yin pas/ bla na med pa yang dag par rdzogs pa'i byang chub tu mngon par rdzogs par 'tshang rgya bar 'dod pas/ pha rol tu phyin pa drug la brtson par bya'o zhes bstan pa'o/ /gsol pa bcom ldan
 'das byang chub sems dpa' sems dpa' chen pos/ ji ltar pha rol tu phyin pa drug la brtson par bgyi zhes bya ba ni /gong du pha rol tu phyin pa drug la brtson par bya'o zhes bshad pa las gleng bslang nas/ don dam par pha rol tu phyin pa drug la ji ltar
 bsgom zhing brtson par bya ba zhus pa'o/ /bcom ldan 'das kyis bka' stsal pa/ rab 'byor 'di la byang chub sems dpa' sems dpa' chen pos/ ji ltar gzugs ldan pa yang ma yin/ mi ldan pa yang ma yin zhes bya ba nas/ rnam pa thams
 cad mkhyen pa nyid dang ldan pa yang ma yin/ mi ldan pa yang ma yin no zhes bya bar rab tu brtags par bya ste zhes bya ba'i bar gyis ni/ gzugs la sogs pa'i chos thams cad don dam par rang bzhin gyis yongs su dag pa'i phyir nyon mongs
 pa la sogs pa'i dri ma dang ldan pa yang ma yin/ dri ma spangs ste mi ldan pa yang ma yin par bsgom zhing brtag par bya'o zhes bstan pa'o/ /rab 'byor gzhan yang byang chub sems dpa' sems dpa' chen po gzugs la gnas par bya'o zhes brtson par
 bya'o zhes bya ba la sogs pas ni/ de ltar gzugs la sogs pa'i chos thams cad rang bzhin gyis yongs su dag par ci la yang mi gnas pa'i phyir gnas shing brten par bya ba'i dngos po gang yang med par rnam pa thams cad mkhyen pa nyid la thug gi
 bar du rnam par smin pa'i phung po bde ba la sogs pa thob par bya ba'i bsam pa la gnas pa 'am/ rnam pa thams cad mkhyen pa nyid kyi 'bras bu thob par bya ba'i bsam pa la gnas te/ pha rol tu phyin pa drug la rnal 'byor du mi bya'o zhes bya ba'i tha
 tshig go /de ci'i phyir zhe na/ gzugs ni gang la yang mi gnas so zhes bya ba la sogs pas ni gnas par mi bya ba'i gtan tshigs bstan pa ste / don dam par gzugs la sogs pa'i chos rnams kyi de bzhin nyid gang yang mi gnas pa yin pa'i
 phyir byang chub sems dpas kyang ci la yang mi gnas par bya na/ de bzhin nyid dang mi 'gal bas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro zhes bstan pa'o/ /rab 'byor 'di lta ste dper na skyes bu zhig
 shing thog a mra 'am/ pa nas za bar 'dod na zhes bya la sogs pa ni 'bras bu rjes su mthun pa'i rgyu spyad pa'i dpe kun rdzob tu bstan pa ste/ kun rdzob kyi dpe don dam par yang de bzhin nyid dang mthun pa'i rgyu chos gang la yang mi gnas par rnal
 'byor du byas na/ bla na med pa'i byang chub 'thob par 'gyur la/ kun rdzob tu yang pha rol tu phyin pa drug la bslabs te/ pha rol tu phyin pa drug gis sems can rnams la phan gdags par bya ste/ de ltar byas na gzhan la mi bltos pa byang chub kyi tshogs rdzogs
 tha dad du dbyer med na/ shes rab kyi pha rol tu phyin pa la byang chub kyi snying por 'dug par bya ba dang/ chos kyi 'khor lo bskor nus par 'gyur ro zhes bstan pa'o/ /gsol pa bcom ldan 'das shes rab kyi pha rol tu phyin pas/ shes rab kyi pha rol tu phyin
 pa las bslab par bya'o zhes gsung dam zhes bya ba ni gong du bshad pa ltar na /chos thams cad de bzhin nyid du ro gcig pas tha dad du dbyer med na/ shes rab kyi pha rol tu phyin pa la bslab tu ni bdag nyid kyis bdag nyid la bslab du mi rung ste/
 dper na ral gri de nyid kyi sos ral gri de nyid bcad bcad du mi rung ba dad 'dra'o zhes gal bzung ste zhus pa'o/ /rab 'byor shes rab kyi pha rol tu phyin pas bslab par bya'o zhes smra'o zhes bya ba ni/ shes rab dang thabs su ldan pas/ da ltar bslab tu rung bar
 bshad do zhes mdor bstan pa'o/ /chos thams cad la dbang du 'gyur pa thos par 'dod pas / shes rab kyi pha rol tu phyin pa la bslab par bya'o zhes smra'o zhes bya ba ni/ gong du mdor bstan pa'i don de nyid 'brel pa ste/ shes rab kyis chos thams cad
 don dam par stong pa nyid du ro gcig par rtogs par byas la/ thabs kyis kun rdzob tu dngos po la ma chags pa'i tshul gyis shes rab kyi pha rol tu phyin pa la bslabs na/ chos thams cad la dbang du 'gyur ro zhes bstan pa ste/ chos thams cad la dbang du
 'gyur ro zhes bya ba yang/ thabs dang shes rab zung du 'brel pas dngos po gang la yang ma chags par mi dmigs pa'i tshul gyis slob pa la bya'o/ /de ci'i phyir zhe na/ gang gis chos thams rol tu phyin pa la bslabs na chos thams cad de bzhin nyid du kyi
 pha rol tu phyin pa'o zhes bya ba ni shes rab kyi pha rol tu phyin pa la bslabs na/ chos thams cad la dbang du 'gyur ba'i shes rab 'thob par 'gyur ro zhes bstan pa ste/ dbang du 'gyur ba'i sa zhes bya ba ni de bzhin nyid rtogs pa'i
 shes rab la bya'o/ /shes rab kyi pha rol tu phyin pa 'di ni chos thams cad kyi sgo ste zhes bya ba ni/ shes rab kyi pha rol tu phyin pa la bslabs na chos thams cad de bzhin nyid du ro gcig par rtogs par 'gyur ro zhes bstan pa'o/ /'di ltar dper na rgya
 mtsho chen po ni chu klung thams cad kyi sgo'o zhes bya ba la sogs pas/ chu klung thams cad kyang rgya mtsho chen por 'du zhing lan tshwa'i ro ra ro gcig par 'gyur pa de bzhin du/ chos thams cad shes rab kyi pha rol tu phyin pa'i nang du 'du zhing de bzhin nyid du ro
 gcig par 'gyur pas /theg pa gsum char la slob pas kyang shes rab kyi pha rol tu phyin pa 'di nyid la bslab par bya'o zhes bstan pa'o/ /rab 'byor de lta bas na byang chub sems dpa' sems dpa' chen pos sbyin pa'i pha rol tu phyin pa la bslab
 par bya'o zhes bya ba la sogs pas de ltar shes rab kyi pha rol tu phyin pa chos thams cad kyi sgo yin pas/ shes rab kyi pha rol tu phyin pas yongs su zin par byas te/ rnam pa thams cad mkhyen pa nyid la thug gi bar du rnam par byang ba'i chos thams cad
 la slab par bya'o zhes bstan pa'o/ /rab 'byor 'di lta ste dper na 'phongs kyi slob dpon lag tshod dang 'byor pa'i gzhu thogs pa ni dgra dang phyir rgol ba rnams kyis thub par dka' o zhes bya ba la sogs pas/ thabs dang shes rab zung du 'brel
 par spyod pas/ chos thams cad la dbang du gyur nas/ nyon mongs pa la sogs pa'i dgras mi tshugs pa'i dpes bstan pa ste/ mi dpa' o la yongs skyen la ag gi lag tshod la bab pa'i gzhu thogs pa na/ nyam 'og tu chud cing dbang du 'gyur bas ?/
 la sogs pas thub par dka' ba de bzhin du thabs dang shes rab zung du 'brel cing chos thams cad la dbang du gyur pa'i byang chub sems dpa' shes rab kyi pha rol tu phyin pa la spyod pa yang bdud la sogs pas thub par dka' o zhes bstan pa'o/ /de ltar shes rab kyi pha rol
 tu phyin pa la spyod pa de la 'das pa dang/ ma byon pa dang/ da ltar byung ba'i sangs rgyas bcom ldan 'das rnams dgongs pa mdzad do zhes bya ba ni da ltar chos thams cad la dbang du gyur pa'i byang chub sems dpa' shes rab kyi pha rol tu phyin pa la slob pa la/ chos gang la yang
 ma chags shing mi dmigs par spyad par byin gyis rlob cing mthu gtong zhes bstan pa'o/ /gsol pa sangs rgyas bcom ldan 'das rnams ji ltar byang chub sems dpa' sems dpa' chen po sbyin pa'i pha rol tu phyin pa la spyod pa la/ dgongs pa mdzad ces bya ba la
 sogs pas ni sangs rgyas bcom ldan 'das rnams ji ltar dgongs pa mdzad pa zhib tu bstan pa'i skabs dbye ba'i phyir zhus pa'o/ /bcom ldan 'das kyis bka' stal pa/ rab 'byor 'di la sangs rgyas bcom ldan 'das rnams ni/ byang chub sems
 dpa' sems dpa' chen po sbyin pa'i pha rol tu phyin pa la spyod pa la dgongs pa mdzad de/ ci nas kyang sbyin pa'i pha rol tu phyin pa la mi dmigs pa de ltar dgongs pa mdzad do zhes bya ba la sogs pas ni/ byang chub sems dpa' thabs dang shes rab
 zung du 'brel cing chos thams cad la dbang du gyur pa la/ don dam par chos gang yang mi dmigs la/ kun rdzob tu pha rol tu phyin pa la sogs pa mi spyod pa yang ma yin te/ de dag la yang spyod la ci la yang ma chags shing mi dmigs pa dang/ nyon
 mongs pa dang bdud la sogs pa'i dbang du mi 'gyur bar byin gyis rlob cing dgongs pa mdzad do zhes bstan pa'o/ /rab 'byor gzhan yang sangs rgyas bcom ldan 'das rnams ni/ byang chub sems dpa' sems dpa' chen po la gzugs su dgongs pa mi 
 mdzad do zhes bya ba la sogs pas ni/ byang chub sems dpa' nyid kyang gzugs la sogs pa rnam pa thams cad mkhyen pa nyid la thug gi bar du /don dam par chos gang gi dngos por yang dmigs te dgongs pa mi mdzad kyi kun rdzob tu 'jig rten gyi ?
 dgangs pa mdzad zhes bstan? pa'o/ /gsol ba bcom ldan 'das byan chub sems dpa' sems dpa' chen po gnas med po la yang bslab par bgyi la/ /gang la yang bslab par mi bgyi'o zhes bya ba la sogs pas na/ kun rdzob tu pha rol tu phyin pa drug la sogs
 pa rnam par byang ba 'i chos rnam pa mang po la bslab la/ don dam bar de ltar bslab par bya ba'i chos gang yang dmigs su med do zhes bstan pa'o/ /gsol pa bcom ldan 'das de ltar de bzhin gshegs pas/ chos 'di dag mdo dang rgyas
 par bstan na zhes bya ba la sogs pa ni/ don dam par chos thams cad de bzhin nyid du ngo gcig par rtogs par bya ba bstan pa ni mdor bstan pa'o/ /kun rdzob tu chos rnams kyi mtshan nyid so sor phye ste bstan pa ni rgyas par bstan pa'o/
 gsol ba bcom ldan 'das ji ltar na byang chub sems dpa' sems dpa' chen po chos thams cad kyi mdo dang rgyas par 'tshal par 'gyur ba lags zhes bya ba ni/ chos thams cad kyi mdo dang rgyas par shes par bya ba'i don zhib tu bshad pa'i skabs
 dbye ba'i phyir zhus pa'o/ /bcom ldan 'das kyis bka' stsal pa/ gzugs kyi de bzhin nyid shes na chos thams cad kyi mdo dang rgyas pa shes par 'gyur ro zhes bya ba la sogs pa ni/ gzugs la sogs pa rnam pa thams cad mkhyen pa
 nyid la thug gi bar gyis chos thams cad de bzhin nyid du ri gcig par shes pa ni mdor shes pa'o/ /chos de dag gi so sor mtshan nyid shes pa ni rgyas par shes pa yin no zhes bstan pa'o/ /gsol ba bcom ldan 'das gzugs kyi de?
 bzhin nyid dril bu lags zhes bya ba ni /gong du gzugs la sogs pa'i chos thams cad kyi de bzhin nyid shes na/ chos thams cad kyi mdor ba rgyas pa shes par 'gyur ro zhes bshad pa/ chos de dag gi de bzhin nyid gang yin pa zhib tu bshad pa'i skabs dbye ba'i phyir/ rab
 'byor gyis zhus pa'o/ bcom ldan 'das kyis bka' stsal pa/ de bzhin 'di gang la skye ba mi dmigs 'jig pa mi dmigs gnas pa las gzhan du 'gyur ba mi dmigs pa 'di ni gzugs kyi de bzhin nyid de/ de la byang chub sems dpa' sems dpa' chen pos
 bslab bar bya'o zhes bya ba la sogs pas ni/ gzugs la sogs pa'i chos thams cad kyi de bzhin nyid gang yin pa bstan pa ste/ gzugs la sogs pa'i chos rnams don dam par rang bzhin gyis stong zhing yongs su dag pas skye ba dang 'jig pa dang
 gnas pa las gzhin du 'gyur ba de med pa nyid/ gzugs la sogs pa'i de bzhin nyid yin te/ byang chub sems dpa' sems dpa' chen po bslab par bya ba yang de nyid yin no zhes bstan pa'o/ /yang dag par mdza' shes na /chos thams cad
 kyi mdo dang rgyas pa shes par 'gyur ro zhes bya ba ni /'dus ma byas pa'i rang bzhin yang dag pa'i mdza' zhes bya ba de/ kun rdzob dang don dam pa'i tshul du shes na/ chos thams cad kyi mdo dang rgyas pa shes par 'gyur ro zhes bstan pa'o/ /gsol pa
 bcom ldan 'das yang dag pa'i mdza' gang lags zhes bya ba ni/ nyan thos la sogs pa kha cig yang dag pa'i mdza' dngos por lta zhing mngon sum du bya bar 'dod pa yang yod de ci de lnga yin nam/ 'on te gzhan zhig yin zhes zhes pa'o/ /bcom
 ldan 'das kyis bka' stsal pa/ mdza' med pa ni yang dag pa'i mdza' ste zhes bya ba ni/ nyan thos la sogs pa'i yang dag pa'i mdza' lta bu dngos po can ni ma yin gyis /chos thams cad rang bzhin gyis dag pa skye ba dang 'gag pa'i mdza' 
 gnyis med pa de ni/ yang dag par ste yang dag pa'i don de lta ba shes na chos thams cad kyi mdo dang rgyas pa shes par 'gyur ro zhes bstan pa'o/ /chos kyi dbyings shes ma byang chub sems dpa' sems dpa' chen po chos thams
 cad kyi mdo dang rgyas pa shes par 'gyur zhes bya ba ni chos kyi dbyings don dam pa dang kun rdzob kyi tshul du shes na chos thams cad chos kyi dbyings kyi nang du 'dus pas don dam pa'i tshul du shes pas ni mdor shes/ /kun rdzob kyi tshul shes par 'gyur
 zhes bstan pa'o/ /gsol ba bcom ldan 'das chos kyi dbyings gang lags zhes bya ba ni theg pa chung ngu'i gzhung ltar na rdzas bdun pa yang chos kyi dbyings zhes bya/ chos rnams skye zhing 'byung pa'i rgyu 'am gnas la yang dbyings shes bya/ rang gi mtshan
 nyid 'dzin pa la yang dbyings shes bya/ skabs 'dir chos kyi dbyings shes bya ba gang la bya zhes zhus pa'o/ /bcom ldan 'das kyis bka' stsal ba/ dbyings med pa ni chos kyi dbyings te zhes bya ba ni theg pa chung du'i gzhung las byung ba'i chos kyi dbyings
 gong du smos pa rnam pa gsum la sogs pa'i dngos po med pa la chos kyi dbyings shes bya'o zhes bstan ba'o/ /chos kyi dbyings de la chad pa dang yongs su chad ba mi dmigs so zhes bya ba ni chos kyi dbyings de mi 'gyur ba yongs su grub pa'i phyir chad pa dang gzhan
 du 'gyur ba med do zhes bstan ba'o/ /chos kyi dbyings de ltar shes pa'i byang chub sems dpa' sems dpa' chen po ni chos thams cad kyi mdo dang rgyas pa shes par 'gyur ro zhes bya ba ni gong du bstan pa'i don mjug bsdus nas bstan pa ste/
 de ltar gong du smos pa'i tshul du don dam par chos thams cad chos kyi dbyings su ngo gcig par shes na chos thams cad kyi mdo shes/ kun rdzob tu chos de lam chags par bya ste/ chos thams cad kyi so sor mtshan nyid shes pa ni rgyas par
 zhes ba'o? zhes bstan pa'o/ /gsol ba bcom ldan 'das ji ltar chas thams cad kyi mdo dang rgyas pa 'tshal bar bgyi zhes bya ba ni chos thams cad kyi mdo dang rgyas par shes pa gong du/ mdor bshad pas chi? ma pa ma gyur pa'i sems can rnams la phan
 bdags pa'i phyir zhus pa'o/ /bcom ldan 'das kyis bka' stsal ba/ ci nas kyang chos thams cad ldan pa yang ma yin /mi ldan pa yang ma yin par shes par bya'o zhes bya ba ni chos thams cad dngos po zhig yod na ni phan tshun ldan par 'gyur na/ chos thams cad
 rang bzhin gyis stong zhing dngos po med pas gang dang yang ldan par 'gyur ba de lta bu med/ de bas na chos thams cad ldan pa yang ma yin mi ldan pa yang? ma yin par shes par bya'o zhes bstan pa'o/ /gsol ba bcom ldan 'das ldan pa yang ma lags/ mi ldan
 pa yang ma lags pa'i chos de dag kyang gang lags zhes bya ba ni /gong du chos thams cad ces phyir smos pa med gis re re? nas smos te zhib tu bshad pa'i phyir zhus pa'o/ /bcom ldan 'das kyis bka' stsal ba /gzugs ldan pa yang ma yin mi ldan pa
 yang ma yin no zhes bya ba la sogs pas/ gzugs la sogs pa rnam pa thams cad mkhyen pa nyid la thug gi bar gyi chos thams cad dngos po med pas /gang dang yang ldan pa 'am mi ldan pa ma yin na zhes bstan pa'o/ /'dus byas kyi khams ldan pa yang
 ma yin/ mi ldan pa yang ma yin/ /'dus ma byas kyi khams ldan pa yang ma yin/ mi ldan pa yang ma yin no zhes bya ba ni/ gong du gzugs la sogs pa rnam pa thams cad mkhyen pa nyid la thug gi par egyi chos rnams thams cad re re nas smos
 te/ rgyas par bshad pa'i dan de nyid mdor bsdus pa la dga' ba'i sems can rnams la phan gdags pa'i phyir/ 'dus byas dang 'dus ma byas kyi khams su mdor bsdus te bstan pa'o/ /de ci'i phyir zhe na/ gang ldan pa 'am mi ldan par 'gyur
 ba de lta bu'i ngo bo nyid med de zhes bya ba la sogs pa ni gong du bshad pa'i gtan tshigs bstan pa ste/ dngos po 'ga' zhig yong na ldan pa 'am mi ldan pa zhes bya bar rung na/ don dam par chos thams cad rang bzhin gyis stong ste/
 dngos po med pas ldan pa 'am mi ldan bpar 'gyur ba gang yang med do zhes bya ba 'i tha tshig go /rab 'byor 'di na byang chub sems dpa' sems dpa' chen bpo rnams kyi shes rab kyi pha rol tu phyin pa mdor bsdus pa ste zhes bya ba ni/ gong du bshad pa'i tshul du chos
 thams cad rang bzhin gyis stong ste/ dngos po med pas ldan pa ma yin/ mi ldan pa yang ma yin bar bshad pa de nyid chos thams cad stong pa nyid du ro gcig par mdor bsdus te bstan pa ste/ 'di nyid shes bya dang nyon mongs pa'i sgrib pa thams
 cad bsal ba'i mthar phyin cing /don thams cad kyi pha rol tu phyin te yongs su rdzogs pas na/ pha rol tu phyin pa zhes bya'o/ /mdor bsdus pa'i pha rol tu phyin pa 'di li las dang po pa'i byang chub sems dpa' sems dpa' chen pos bslab
 par bya'o zhes bya ba ni/ stong pa nyid du mdor bsdus te bstan bpa'i don 'di la mos pa spyod pa'i sal gnas pa'i byang chub sems dpa' rnams kyis kyang mos pa yid la byed pas bslab par bya'o zhes bya ba'i don to/ /las dang po ba zhes bya ba ni/ mos pas spyod
 pa'i sa la gnas pa'i byang chub dpa' la bya'o/ /byang chub sems dpa' i sa bcu la gnas te/ mdor bsdus pa la bslab par bya'o zhes bya ba ni byang chub sems dpa' i sa dang po nas sa bcu pa'i bar du gnas pas kyang mdor bsdus ba'i don
 'di nyid la dekho na nyid du rtogs pa'i tshul gyis bslab par bya'o zhes stan pa'o/ /mdor bsdus ba'i don 'di la slob pa'i byang chub sems dpa' sems dpa' chen po ni/ chos thams cad kyi mdo dang rgyas pa shes par 'gyur ro zhes bya ba ni/ gong du
 bstan pa'i don de lta bu la slob ba'i phan yon bstan pa'o/ /gsol pa bcom ldan 'das 'di ni byang chub sems dpa' sems dpa' chen po dbang po rnon pos rtogs pa'o zhes bya ba ni/ 'khor gyi nang na sems can dbang po rno brtul du ma zhig yod pas/ de dag gi nang na dbang
 po rtul po kha cig 'di lta bu'i don zab mo bdag cag gi spyod yul du mi 'gyur snyam nas sgyid lug ba'i sems skye ba dag bsal ba'i phyir de skad zhus/ /bcom ldan 'das kyis bka' stsal pa/ rab 'byor 'di ni byang chub sems dpa' sems dpa' chen po dbang po ?
 bas kyang rtoD par 'gyur ba'o zhes bya ba la sogs pas ni mdor bsdus pa'i don zab mo 'di dbang po rno rtul kun gyi spyod yul du 'gyur te/ dad pa che zhing brtson 'grus spyad de/ slob par 'dod pa kun gyis kyang lebs? shing rtogs par 'gyur te/ gang gis kyang
 rtogs par mi 'gyur ba de med kyi/ le lo can dang brtson 'grus zhen pa dang/ dran pa nyams pa dang/ sems 'khrugs pa 'ba' zhig gis rtogs par mi 'gyur ro zhes bstan pa ste/ de la la can ni dge ba ma yin pa'i chos gzhan la zhen pa'o/ /btsun
 'grus zhan pa ni dge ba la sems mi spro pa'o/ /phyir mi ldog ba'i sa la slob par 'dod pa rnam pa thams cad mkhyen pa nyid thob par 'dod pas rtog par 'gyur te zhes bya ba ni gong du slob par 'dod bas rtogs par 'gyur ro zhes spyir bshad pa gang la slob par 'dod
 ba'i dmigs phye ste bstan ba'o/ /gal te ji skad du bstan pa'i shes rab kyi pha rol tu phyin pa la slob cing zhes bya ba la sogs pas ni gong du ji skad bstan pa'i shes rab kyi pha rol tu phyin pa la slob cing/ pha rol tu phyin pa drug yongs su rdzogs par
 byas nas/ rnam pa thams cad mkhyen pa nyid thob par byed na/ bdud kyis mi tshugs pa dang/ sangs rgyas bcom ldan 'das rnams kyi dgongs shing byin gyis brlabs par 'gyur ba'i phan yon bstan ba'o/ /de ci'i phyir zhe na/ 'di lta ste/
 tol tu phyin pa drug po 'di dag las byung ba ni 'das pa dang ma byon pa dang da ltar byung ba'i sangs rgyas bcom ldan 'das rnams te zhes bya bas ni sangs rgyas bcom ldan 'das rnams dgongs shing byin gyis rlob par 'gyur ba'i
 gtan tshigs bstan pa ste/ dus gsum gyi sangs rgyas rnams kyang/ shes rab kyi pha rol tu phyin pa 'di slob slob pa las sangs rgyas su gyur pas na/ byang chub sems dpa' shes rab kyi pha rol tu phyin pa la slob pa la de ltar dgangs shing byin gyis rlob
 par mdzad do zhes bstan pa'o/ /de bas na byang chub sems dpa' sems dpa' chen po shes rab kyi pha rol tu byin pa la spyod pas zhes bya ba la sogs pas ni de bzhin gshegs pa'i yon tan stobs bcu dang mi 'jigs pa bzhi la sogs pa'i chos rnams
 dus gsum gyi sangs rgyas rnams kyis sngar brnyes zin pa dang/ da ltar brnyes pa dang phyis brnyes par 'gyur ba de dag thams cad kyang shes rab kyi pha rol tu phyin pa 'di la bslabs pa las gyur pas /bdag gis kyang shes rab kyi pha rol tu phyin pa
 'di la bslabs nas chos de d+dg 'thob par 'gyur ro snyam pa'i sems bskyed de brtson par byas na myur du bla na med pa yang dag par rdzogs pa'i byang chub tu mngon par 'tshang rgya bar 'gyur gyis rnam pa thams cad mkhyen pa nyid yid la bya ba dang ma bral bar bya ste/
 shes rab kyi pha rol tu phyin pa 'di la brtson par bya'o zhes bstan pa'o/ /gal te byang chub sems dpa' sems dpa' chen po rnam pa thams cad mkhyen pa nyid don du de ltar spyod na chung du na se gol gtogs pa tsam du shes rab kyi pha rol tu phyin pa bsgom
 yang/ byang chub sems dpa' sems dpa' chen po de'i bsod nams ni chos mang du 'phel gyi zhes bya ba la sogs pas ni/ stong gsum gyi stong chen po'i 'jig rten gyi khams na/ sems can 'khor do cog thams cad zag pa med pa'i phung po la
 dkod ba dang/ rgyun tu zhugs pa la sogs pa'i 'bras bu la bkod pa bas kyang/ shes rab kyi pha rol tu phyin pa 'di las gol gtogs pa tsam goms bar byas pa bsod nams che ba'i phan yon gtan tshigs dang bcas pa bstan ba'o/ /rab 'byor gzhan yang skad 'ga' 'am
 nyi ma 'ga' 'am zhes bya ba la sogs pa ni/ 'jig rten gyi khams gang+gA'i klung gi bye ma snyed na 'khod ba'i sems can thams cad zag pa med pa'i phung po lnga la bkod pa dang/ rgyun tu zhugs pa la sogs pa'i 'bras bu la bkod pa bas kyang/ shes rab kyi pha rol
 tu phyin pa 'di la spyang? cing bsgoms pa ches bsod nams mang du 'phel ba'i phan yon gtan tshigs dang bcas par bstan pa ste /de'i gtan tshigs kyang bsod nams bya ba'i dngos po rnams dang/ zag pa med pa'i phung po lnga dang rgyun tu zhugs ba'i 'bras bu la
 sogs pa ston pa'i sangs rgyas bcom ldan 'das rnams kyang/ shes rab kyi pha rol tu phyin pa 'di las byung na /zag pa med pa'i phung po lnga la sogs pa ltar smos kyang ci dgos zhes bstan pa'o/ /byang chub sems dpa' sems dpa' chen po gang de ltar
 bstan ba'i shes rab kyi pha rol tu phyin pa la gnas pa de ni phyir mi ldog par rig par bya ba ste zhes bya ba la sogs pas ni/ de ltar gong du bshad pa'i tshul ltar shes rab kyi pha rol tu phyin pa la spyod na/ phyir mi ldog pa'i byang chub sems dpar 'gyur ba
 la sogs pa'i phan yon 'jig rten dang 'jig rten las 'das pa yon tan rnams dang ldan par 'gyur ba bstan pa ste/ gzhan ni rang log tu zad do de la gzugs yongs su rdzogs pa ni mtshan dang dpe byad kyis brgyan pa la sogs pa'i gzugs su 'gyur ba'o/ /lung
 bstan pa phun sum tshogs pa ni de bzhin gshegs pas lung bstan pa dang ldan par 'gyur ba'o/ /ched du bsams shing srid pa 'dod ba ni smon lam gyi dbang gis sems can thams cad kyi don ched du bsams shing 'khor bar skye'i nyon mongs pa'i dbang gis mi skye 
 ba'o/ rnam par rtogs par bya ba la mkhas pa ni mi rtag pa dang sdug bsngal ba la sogs pa'i rnam pa bcu drug shes pa la mkhas pa'o/ /lung bstan pa la mkhas pa ni gzhan gyis the tshom dris pa'i lan ldan pa la mkhas pa'o/ /yi ge dang
 yi ge med pa rtogs par bya ba la mkhas pa ni kun rdzob tu tshig brjod pa dang/ don dam par brjod du med pa'i don la mkhas pa'o/ /byang chub sems dpa' i rnam par spyod pa la mkhas pa ni byang chub sems dpa' i bsam gtan dang ting nge 'dzin de bzhin nyid la gnas
 pa la mkhas pa'o/ /brjod pa la mkhas pa ni des pa'i tshig dang sgra skad sna tshogs su brjod cing chos ston pa la mkhas pa'o/ /brjod pa med pa ni don dam pa'i dbyings brjod du med pa la mkhas la'o/ /gcig gis lhag pa'i tshig la mkhas pa d+dang/ gnyis dang
 mang po dang/ bud med dang skyes pa dang/ ma nin gis lhag pa'i tshig la mkhas pa ni 'jig rten gyi gtsug lag bya ka ra Na la sogs pa'i gzhung las gcig gi tshig dang gnyis kyi tshig dang/ mang po'i chig dang/ bud med kyi mtshan dang/ skyes ba'i mtshan
 dang/ ma ning gi mtshan la sogs pa'i tshig bla dags la mkhas pa'o/ /byang chub sems dpa' sems dpa' chen po de ni 'das pa dang ma 'ongs pa dang/ da ltar byung ba la mkhas par rig par bya'o zhes bya ba ni 'das pa dang/ ma 'ongs pa dang/ da
 ltar gyi dngos po rnams sngon ji ltar gyur ba dang/ da ltar ji yin pa dang/ phyis cir 'gyur ba la mkhas pa'o/ /byang chubs sems dpa' sems dpa' chen po de ni gzugs la mkhas par rig par bya'o zhes bya ba la sogs pas ni phung po lnga dang/
 skye mched bcu gnyis dang/ khams bco brgyad dang/ 'dus te reg pa drug dang/ 'dus te reg pa'i rkyen gyis tshor ba drug dang/ sa'i khams la sogs pa khams drug dang/ ma rig pa la sogs pa rten cing 'brel bar 'byung ba bcu gnyis dang
 pha rol tu phyin pa drug dang/ stong pa nyid bco brgyad dang/ byang chub kyi phyogs kyi chos sum cu rtsa bdun dang/ 'phags pa'i bden pa bzhi dang/ bsam gtan bzhi dang/ tshad med pa bzhi dang/ gzugs med pa'i snyoms par 'jug pa bzhi dang/ rnam par thar pa brgyad dang/
 mthar gyis gnas ba'i snyoms par 'jug pa dgu dang/ rnam par thar ba'i sgo gsum dang/ mngon par shes pa drug dang/ ting nge 'dzin rnams dang/ gzungs kyi sgo rnams dang/ de bzhin gshegs pa'i stobs bcu dang/ mi 'jigs pa bzhi dang/ so so yang dag
 par rig ba bzhi dang/ byams pa chen po dang/ snying? rje chen po dang/ sangs rgyas kyi chos ma 'dres pa bco brgyad dang/ rgyun tu zhugs pa'i 'bras bu la sogs pa bzhi dang/ rang byang chub dang/ lam gyi rnam pa shes pa nyid dang/ rnam pa thams cad mkhyen pa nyid
 dang/ mya ngan las 'das pa dang/ chos kyi dbyings kyi mtshan nyid dang/ 'dus byas dang 'dus ma byas kyi mtshan nyid dang/ dngos po dang dngos po med pa dang/ bdag gi dngos po dang/ gzhan gyi dngos po la mkhas par 'gyur ba la sogs pa'i phan yon bstan pa ste/ de la dud?
 ba la mkhas pa ni nyon mongs pa'i phyogs dang ldan pa la mkhas ba'o/ /'bral ba la mkhas pa ni gnyen po la bsten nas/ nyon mongs pa dang bral bar byed pa la mkhas pa'o/ /ldan pa la mkhas pa ni 'du byer sems dang ldan pa la mkhas pa'o/ /mi ldan pa la mkhas
 pa ni 'du byed sems dang mi ldan pa la mkhas pa'o/ /ldan pa dang mi ldan pa la mkhas pa ni de gnyi ga'i dngos po la mkhas pa'o/ /ldan pa yang ma yin mi ldan pa ma yin pa la mkhas pa ni de gnyi ga med pa la mkhas pa'o/ /de bzhin nyid la mkhas pa la sogs pa ni
 pa bdag pa'i mdza' dang/ bsam gyis mi khyab pa la thug gi bar du chos kyi dbyings kyi rnam grangs la mkhas par bstan pa'o/ /rgyu dang rkyen la mkhas pa ni dbang phyug la sogs pa su stegs can gyi byed pa rnams rgyu rkyen ma yin gyi/ las dang nyon mongs pa la
 sogs pa'i rgyu rkyen la mkhas ba'o/ /rkyen med pa la mkhas pa ni mu stegs can gyis brtags pa'i rkyen rnams rkyen ma yin par mkhas pa'o/ /'dus byas kyi khams la mkhas pa ni kun rdzob kyi chos 'jig rten dang/ 'jig rten las 'das
 pa'i dngos po rgyu dang rkyen 'dus pa las byung ba rnams la mkhas pa'o/ /'dus ma byas la mkhas pa ni/ de bzhin nyid la sogs pa rgyu rkyen tshogs pas byas pa ma yin pa la mkhas pa'o/ /khams la mkhas pa ni/ khams gsum la mkhas pa'o/ /khams med
 pa la mkhas pa ni/ don dam par khams gsum dngos po med par mkhas pa'o/ /byang chub sems dpa' sems dpa' chen po ni gzugs yid la mi byad pa la mkhas par rig par bya'o zhes bya ba la sogs pas ni gzugs la sogs pa rnam pa thams cad
 mkhyen pa nyid la thug gi bar du chos thams cad don dam par dngos po med pas gang yang yid la bya ba'i yul ma yin par rtogs nas/ chos de dag gang yang yid la mi byed pa la mkhas par 'gyur ro zhes bstan pa'o/ /byang chub sems dpa' sems
 chen po de ni gzugs gzugs kyis stong ngo zhesbya ba la mkhas par rig par bya'o zhes bya ba la sogs pas ni/ gzugs la sogs pa rnam pa thams cad mkhyen pa nyid la thug gi bar gyi chos de rnams don dam par dngos po med pas so so'i
 rang bzhin gyis stong par shes par 'gyur zhes bstan pa'o/ /rab tu sbyangs pa'i lam la mkhas pa zhes bya ba ni 'jig rten pa'i lam gyis lus dang sems las su rung ba'i mtshan nyid rab tu sbyangs pa zhes bya ba bde ba can la mkhas pa'o/ /rab
 tu ma sbyangs ba la mkhas pa zhes bya ba ni 'jig rten las 'das pa'i lam gyis lus dang sems las su rung bar bya ste rab tu sbyangs kyang rab tu sbyangs pa'i bde ba la ma chags pa la mkhas pa'o/ /skye ba dang 'gag pa la mkhas pa zhes bya ba
 la sogs pa ni skyeba dang 'gagpa dang/ gnas pa las gzhan du gyur ba'i rang bzhin la mkhas shing/ 'dod chags dang zhe sdang dang gti mug dang/ de rnams med pa'i rang bzhin la mkhas pa dang/ mu stegs can gyis lta ba rnams kyi rgyu dang/ lta ba de dag med pa la mkhas pa dang
 ming dang gzugs la sogs pa'i chos rnams kyi rang bzhin dang/ rgyu dang 'bras bu la mkhas par 'gyur ba la sogs pa'i phan yon bstan pa'o/ /gsol ba bcom ldan 'das ji ltar shes rab kyi pha rol tu phyin pa la spyad bar bgyi zhes bya ba la sogs pa ni gong du shes rab kyi
 pha rol tu phyin pa la spyod pa dang/ /shes rab kyi pha rol tu phyin pa mngon par bsgrubs pa dang/ shes rab kyi pha rol tu phyin pa bsgom pa de la legs par 'di dag yong par rig par bya'o zhes gsungs pa la/ spyad ba dang mngon par bsgrub pa dang bsgom pa gsum
 gyi bye brag zhus pa'o/ /bcom ldan 'das kyis bka' stsal pa/ gzugs zhi ba dang zhes bya ba la sogs pas de dag gis bye brag bstan pa ste/ gzugs la sogs pa'i phung po lnga rnaMs zhi ba dang/ rag las ba dang/ gsob dang snying po med par rtogs par bya ste
 shes rab kyi pha rol tu phyin pa la spyad par bya'o zhes bstan pa ste/ de la zhi ba ni don dam pa'i rang bzhin gyis stong pas skye ba dang 'jig pa la sogs pa med pa'o/ /rag las ba ni dngos po yod bar gzhung mi tshugs pa'o/ /gsob dang snying po med pa ni dngos po
 med pa'i rnam grangs so/ /nam mkha' stong pa nyid mngon par bsgrub pas shes rab kyi pha rol tu phyin pa mngon par bsgrub par bya'o zhes bya ba ni/ mngon bar bsgrub pa bstan pa ste/ chos thams cad nam mkha' ltar stong pa nyid du rtogs par byas nas/ shes rab kyi pha
 rol tu phyin pa rtogs par bya'o zhes bstan pa'o/ /bsgom pa rnam par bsgom pas shes rab kyi pha rol tu phyin pa bsgom par bya'o zhes bya ba ni/ bsgom pa nyid kyang stong pa nyid du bshig ste/ med par bsgom pas shes rab kyi pha rol tu phyin pa bsgom pa
 bya'o zhes bya ba'i don to/ /dang po'i spyod pa ni mos pa sbyong ba'i sanas/ sa dang po'i bar du rtsol ba dang bcas shing/ mtshan ma d+dng bcas pa'i gnas skabs la bya'o/ /de'i 'og tu mngon par bsgrub pa ni sa dang po yan bcad ma bdun gyi bar du
 rtsol ba dang bcas la mtshan ma med pa'i gnas skabs la bya'o/ /de'i yang 'og tu bsgom pa ni sa brgyad pa yan chad lhun gyis grub cing mtshan ma med pa la gnas ba'i gnas skabs la bya'o/ /gsol pa bcom ldan 'das byang chub sems dpa' sems dpa' chen po
 rab kyi pha rol tu phyin pa la yun ring po ji srid du spyad na shes rab kyi pha rol tu phyin pa la spyad par 'gyur zhes bya ba ni don de nyid gsal bar bshad pa'i phyir zhus pa'o/ /sems dang po bskyed pa nas nye bar bzung ste/ snying po byang chub la 'dug gi bar du shes rab
 kyi pha rol tu phyin pa la spyad par bya ba yin te zhes bya ba ni dang po mos pa spyod pa'i sa la sems dang po bskyed pa nas bzung ste/ sa dang po'i bar du rdzol ba dang bcas shing mtshan ma dang bcas bar spyad/ de'i 'og tu sa dang po nas sa bdun pa la thug gi bar du
 rtsol ba dang bcas shing mtshan ma med bar mngon par bsgrub/ de'i yang 'og tu sa brgyad ba nas sangs rgyas kyi sa'i bar du rtsol ba yang med/ mtshan ma yang med par lhun gyis grub pa nyid du bsgom dgos so zhes bstan pa'o/ /gsol ba bcom ldan 'das ji
 ltar sems kyi rgyun mchad pa dang bral bar spyad par bgyi zhes bya ba ni/ de ltar sems dang po bskyed pa nas snying po byang chub la 'dug gi bar du spyad pa dang/ mngon par bsgrub pa dang/ bsgom par bgyi na sems la bar chad ma mchis par ji ltar bgyi zhes
 zhus pa'o/ yid la bya ba gzhan go skabs mi byed pas zhes bya ba ni rnam pa thams cad mkhyen pa nyid ma yin pa'i yid la bya ba gzhan rnams kyi go skabs mi dbye bas spyad par bya'o zhes bstan pa ste/ don de nyid gsal bar bstan pa'i phyir/
 rnam pa thams cad mkhyen pa nyid yid la bya ba mi dor bas/ shes rab kyi pha rol tu phyin pa la spyod par bya ba gsungs so/ /ci nas kyang sems dang sems las byung ba'i chos mi rgyu ba de ltar spyad par bya'o zhes bya ba ni de ltar yid la bya ba gzhan gyi skabs mi dbye bas
 spyad bar bya ba'i thabs bstan pa sto/ sems dang sems las byung ba'i rnam par rtog pa rnams mi 'byung ba shes rab kyi pha rol tu phyin pa la spyang pa dang/ mngon par bsgrub pa dang bsgom par bya'o zhes bstan ba'o/ /gsol ba/ bcom ldan 'das ci lags zhes
 bya ba la sogs pa ni shes rab kyi pha rol tu phyin pa la spyad pa dang/ mngon par bsgrub pa dang/ bsgom pa rtsol ba dang bcas shing mtshan ma dang bcas pas byas na/ rnam pa thams cad mkhyen pa nyid thob par 'gyur ram zhes zhus pa'o/ /de ni ma yin
 zhes bya ba ni rtsol ba dang bcas shing/ mtshan ma dang bcas pas shes rab kyi pha rol tu phyin pa la spyad pa dang/ mngon par bsgrub pa dang/ bsgom pa byas na rnam pa thams cad mkhyen pa nyid thob bar mi 'gyur zhes bya ba'i don to/ /'o na ci lags ma
 bsgoms pas sam zhes bya bas ni 'o na spyad pa dang mngon par bsgrub pa dang/ bsgom pas ma byas bas rnam pa thams cad mkhyen pa nyid thob par 'gyur ram zhes zhus pa'o/ /de ni ma yin no zhes bya ba ni ma spyad cing ma bsgoms pas/ rnam pa thams
 cad mkhyen pa nyid thob par mi 'gyur ro zhes bya ba'i don to/ /'on ci lags bsgoms kyang bsgoms la ma sgoms kyang ma sgoms sam zhes bya ba ni de ltar bsgoms par mi 'thob /ma bsgoms par kyang mi 'thob na/ ci bsgom pa dang mi
 bsgom pa gnyis ka byas pas 'thob pa ma zhes zhus pa'o/ /de ni ma yin no zhes bya ba ni gong du smos pa'i skyon gnyis ka ltar 'gyur ba'i phyir de ltar yang ma yin no zhes bstan ba'o/ /'o na ci legs zhes sgoms pa yang ma lags/ ma bsgoms
 pa yang ma lags pas sam zhes bya ba ni gcer bu ba'i gzhung las 'byung ba lta bu gnyis ka yang ma yin pa'i dngos bo zhig yod de/ de lta bus thob bam zhes zhus pa'o/ /de ni ma yin no zhes bya ba ni de lta yang ma yin no zhes bya ba'i don to/ /
 'o na rnam pa thams cad mkhyen pa nyid ji ltar thob par bgyi zhes bya ba ni de bzhin nyid la sogs pa brjod du med cing bsam gyis mi khyab pa de bzhin du rnam pa thams cad mkhyen pa nyid kyang bsgom par bya ba bstan pa'i skabs dbye ba'i phyir zhus pa'o/ /bcom ldan
 'das kyis bka' stsal pa/ de bzhin nyid ji lta ba bzhin no zhes bya ba la sogs pas ni rnam pa thams cad mkhyen pa nyid ji ltar thob paQr 'gyur ba'i thabs bstan pa ste/ de bzhin nyid dang yang dag pa'i mdza' dang/ chos kyi dbyings brjod du med cing/
 bsam gyis mi khyab pa dang/ mu stegs can gyis brtags pa'i bdag dang sems can dang srog dang/ gang zag la sogs pa kun rdzob tu yang dmigs su med cing gdags su med pa de bzhin du/ shes rab kyi pha rol tu phyin pa la sogs pa chos thams
 cad dmigs su med cing gdags su med par rtogs shing bsgoms na/ gdod rnam pa thams cad mkhyen pa nyid thob par 'gyur ro zhes bstan pa'o/ /gsol ba bcom ldan 'das ci lags/ /shes rab kyi pha rol tu phyin pa gdags su mchis pa lags
 sam zhes bya ba la sogs pa ni gong du bshad pa ltar de bzhin nyid la sogs pa chos kyi dbyings kyi rnam grangs su gtogs pa dang/ mu stegs cn gyis brtags pa'i bdag la sogs pa gdags su med cir yang ma brtags na/ gdod rnam pa thams cad
 mkhyen pa nyid thob par 'gyur na/ ci shes rab kyi pha rol tu phyin pa la sogs pa rnam pa thams cad mkhyen pa nyid la thug gi bar gyi chos thams cad kyang gdags su med pa yin nam zhes zhus pa'o/ /bcom ldan 'das kyis bka' stsal pa/ rab 'byor shes rab
 kyi pha rol tu phyin pa ni gdags su med pa'o zhes bya ba la sogs pas shes rab kyi pha rol tu phyin pa la sogs pa rnam par byang ba'i chos rnams dang/ 'dus byas dang 'dus ma byas la sogs pa'i chos thams cad kyang gngag? du med de/ de ltar rtogs na gdod rnam pa thams
 cad mkhyen pa nyid thob par 'gyur ro zhes bstan pa'o/ /gsol pa/ bcom ldan 'das gal te de ltar chos thams cad gdags su ma mchis pa lags na/ bcom ldan 'das ci'i slad du/ sems can dmyal ba mchis par 'gyur zhes bya ba la sogs pa ni de ltar
 chos thams cad rang bzhin gyis stong ste/ gdags su med pa las nyes bar byas pa'i 'bras bu ngan song gsum dang/ las legs pa byas pa'i 'bras bu mtho ris dang 'phags pa'i sa yang med par 'gyur ba'i rigs na/ /ci'i phyir de dag gzhung las bshad ces zhus
 pa'o/ bcom ldan 'das kyis bka' stsal pa/ rab 'byor ji snyam du sems /sems can du gdags pa dmigs su yod dam zhes bya ba la sogs pa/ ngan song dang mthor si la sogs pa bshad pa ni sems can rnams la phan gdags pa'i phyir las legs
 nyes kyi 'bras bu skyid sdug yod par kun rdzob tu btags pa tsam du zad kyi/ don dam par ni gang la yang dmigs su med pas/ chos thams cad gdags su med pa la bslab par bya'o/ /gsol ba bcom ldan 'das 'o na byang chub sems dpa' sems dpa' chen po
 shes rab kyi pha rol tu phyin pa la spyod pas /gzugs la bslab pa dang/ zhes bya ba la sogs bas/ de ltar chos thams cad gdags su med na/ /gzugs la sogs pa rnam pa thams cad mkhyen pa nyid la thug gi bar du dmigs shing gdags su med do/ /bslab
 tu yang med pas de dag la bslab par yang mi bgyi 'am zhes zhus pa'o/ /bcom ldan 'das kyis bka' stsal pa/ gzugs dbri ba dang bsnan ba med par bslab par bya'o zhes bya ba la sogs bas ni/ skur ba 'debs pa dang sgro 'dogs pa med par bslab par 
 bya'o zhes bstan pa ste/ dbri ba med pa ni kun rdzob tu yang med par mi lta ba'o/ /bsnan pa med pa ni don dam par yod par mi lta ba'o/ /gsol pa bcom ldan 'das ji ltar gzugs la dbri ba dang bstan pa ma mchis par bslab par bgyi zhes bya ba la soD pa ni chos thaMs cad skye ba dang 'gag
 pa med par bslab par bya ba bstan pa'i skabs dbye ba'i phyir bstan pa'o/ /bcom ldan 'das kyis bka' stsal pa/ skye ba med pa dang 'gag pa med par bslab par bya'o zhes bya ba ni skye ba med par bslabs pas sgro 'dogs pa med par bstan pa'o/ /'gag pa med par
 bslabs pas skur ba 'debs pa med par bstan pa'o/ /gsol pa bcom ldan 'das skye ba ma mchis pa dang/ 'gag pa ma mchis pa la ji ltar bslab bar bgyi zhes bya ba ni skye ba dang 'gag pa med pa ji ltar bslab par bya ba'i thabs 'og nas
 bshad pa skabs dbye ba'i phyir zhus pa'o/ /bcom ldan 'das kyis bka' stsal pa/ 'du byed rnams mngon par 'du bya ba med pa la bsgom pa 'am/ rnam par bsgom pa la bslab par bya'o/ zhes bya ba ni 'du byed rnams bskyed par bya ba'i
 phyir bsgom zhing mngon par 'du bya ba med pa dang/ 'du byed rnams gzhig cing med par bya ba'i phyir/ mngon par 'du bya ba med par bslab par bya ba bstan pa ste/ rnam par bdgom pa zhe sbya ba ni gzhig cing sun dbyung ba la bya'o//
 gsol pa bcom ldan 'das ji ltar mngon par 'du bgyi ba ma mchis pa la bslb par bgyi zhe bya ba ni gong du 'du byed rnams bskyed pa 'am/ gzhig par bya ba'i phyir mngon par 'du byed pa med par bslab par bya'o zhes mngon bshad
 pa'i don zhib tu bshad pa'i phyir zhus pa'o/ /bcom ldan 'das kyis bka' stsal pa/ chos rnams rang bzhin mtshan nyid kyis stong par mthong bas mngon par 'du bya ba med pa la bslab par bya'o zhes bya ba ni don dam par chos
 thams cad rang gi mtshan nyid kyis stong baS bskyed par bya ba 'am gzhig bar bya ba'i dngos po gang yang med par rtog par bya ste/ mngon par 'du bya ba med pa la bslab par bya'o zhes bstan pa'o/ /gsol pa bcom ldan 'das chos rnams rang gi mtshan nyid kyis
 stong par ji ltar lta bar bgyi zhes bya ba ni chos rnams don dam par rang gi mtshan nyid kyis stong par ji ltar rtogs par bya ba'i thabs zhus pa'o/ /bcom ldan 'das kyis bka' stsal pa /gzugs gzugs kyis stong par lta'o zhes bya ba la sogs pa ni
 gzugs la sogs pa'i chos thams cad so sor rang bzhin kun brtags pa'i mtshan nyid ji ltar snang zhing grags pa lta bur don dam par yod pa ma yin par mthong bas/ chos thams cad rang gi mtshan nyid kyis stong pa la bslab par bya'o zhes bstan
 pa'o/ gsol pa bcom ldan 'das gal te de ltar gzugs ni gzugs kyis stong zhes bya ba la sogs pa ni de ltar chos thams cad rang gi mtshan nyid kyis stong ste ci yang med na /byang chub sems dpa' spyad duyang ci zhig yod ces gal gzung ste
 zhus pa'o/ /rab 'byor spyod pa med pa ni byang chub sems dpa' sems dpa' chen po'i shes rab kyi pha rol tu phyin pa la spyod pa'o zhes bya ba ni don dam par chos thams cad dmigs su med pas/ ci la yang mi spyod pa nyid shes rab kyi pha rol tu phyin
 pa la spyod ba yin gyis/ dmigs pa dang/ bcas shing mtshan ma dang bcas par spyod pa ni/ shes rab kyi pha rol tu phyin pa la spyod par mi chud do zhes bya ba'i don to/ /gsol pa bcom ldan 'das ci'i slad du spyod pa ma mchis pa shes rab kyi pha rol
 tu phyin pa la spyod pa lags zhes bya ba ni dmigs su med ba'i don bstan pa'i phyir zhus pa'o/ /bcom ldan 'das kyis bka' stsal pa/ rab 'byor de ni 'di ltar shes rab kyi pha rol tu phyin pa yang mi dmigs zhes bya ba la sogs pas ni spyad
 par bya ba'i shes rab kyi pha rol tu phyin pa dang/ spyod par byed pa'i byang chub sems dpa' thabs mkhas pa'i spyod ba de yang mi dmigs te/ de ltar rtogs pa nyid shes rab kyi pha rol tu phyin pa la spyod pa yin no zhes bstan pa ste/ gang
 spyod pa zhes bya ba ni byang chub sems dpa' la bya'o/ /gang gi spyod pa zhes bya ba ni thabs gang thabs gang gis spyod pa'o/ /gang la spyod pa zhes bya ba ni shes rab kyi pha rol tu phyin pa la bya'o/ /rab 'byor gang la spros pa de dag thams cad mi dmigs pa de ni
 byang chub sems dpa' sems dpa' chen po'i spyod pa med pa/ shes rab kyi pha rol tu phyin pa la spyod pa'o zhes bya ba ni/ gang spyod pa gang la spyod par rtogs pa'i spros pa de dag thams cad mi 'byung bar mi 'gyur ba de ni shes rab kyi pha rol tu phyin pa
 la spyod par zhes bya ba'i don to/ /gsol pa bcom ldan 'das gal te de ltar spyod pa ma mchis pa shes rab kyi pha rol tu phyin pa la spyod pa lags na/ las dang po'i byang chub sems dpa' sems dpa' i chen pos shes rab kyi pha rol
 tu phyin pa la ji ltar spyad par dgyi zhes bya ba ni de ltar ci la yang mi dmigs shing ci la yang mi spyod pa/ shes rab kyi pha rol tu phyin pa la spyod pa yin na/ las dang po pa'i byang chub sems dpas ni de ltar mi dmigs par mi nus
 na/ ji ltar shes rab kyi pha rol tu phyin pa la spyad par bya zhes zhus pa'o/ /bcom ldan 'das kyis bka' stsal pa/ rab 'byor 'di la las dang po pa'i byang chub sems dpa' sems dpa' chen pos sems dang po bskyed ba nyid nas brtsams
 te/ chos thams cad dmigs su med pa la bslab par bya'o zhes bya ba ni/ las dang po pa'i byang chub sems dpa' chos thams cad mi dmigs pa don dam pa'i spyod pa yongs su rdzoD par mi nus su zin kyang de ltar ci nus su bslab par bya'o zhes bstan pa'o//
 des sbyin pa gtong ba'i tshe mi dmigs pa'i tshul gyis sbyin pa gtang bar bya'o zhes bya ba la sogs pas ni/ mi dmigs par bslab pa'i thabs bstan pa ste/ pha rol tu phyin pa drug la sogs pa la spyod na de dag la spyod kyang spyod la dang/os por lta zhing chags par yang mi
 bya'o zhes bya ba'i don to/ /gsol pa bcom ldan 'das ci tsam gyis dmigs par 'gyur zhes bya ba ni /gong du pha rol tu phyin pa drug la soD pa la mi dmigs ba'i tshul gyis spyad par bya'o zhes bshad pa dmigs pa dang/ mi dmigs pa'i bye brag zhus pa'o/ /
 bcom ldan 'das kyis bka' stsal pa/ /ci tsam du gnyis pa de tsam du dmigs te/ gnyis su med pa ni mi dmigs pa'o zhes bya ba ni ji tsam du bzung ba dang 'dzin pa gnyis yod pa de tsam du dmigs par 'gyur te/ bzung ba dang 'dzin pa gnyis rnam par
 spangs pa ni dmigs su med pa'o zhes mdor bstan pa'o/ /gsol pa bcom ldan 'das gnyis zhes bgyi ba ji lta bu lags zhes bya ba ni /gong du mdor bstan pa'i don de nyid zhib tu bshad pa'i skabs dbye ba'i phyir zhus pa'o/ /bcom ldan 'das kyis
 bka' stsal pa/ ji tsam du mig dang/ gzugs dang zhes bya ba la sogs bas ni/ ji tsam du dmigs par bya ba dang/ dmigs par byed pa gnyis yod par gyur ba de tsam du gnyis su yod pa ni yin no zhes bstan pa'o/ /gsol pa bcom ldan 'das ci lags
 dmigs su mchis ba mi dmigs sam/ ma lags te dmigs su ma mchis pa mi dmigs zhes bya ba ni /gong du mi dmigs ba'i tshul gyis chos thams cad la spyad par bya'o zhes gsungs pa la /'khor gyi nang na kha cig mi dmigs zhes bya ba
 'phags pa gcig gi spyod yul du 'gyur ba'i dngos po gcig yod dam snyam du rtog ba bsal pa'i phyir/ mi dmigs pa zhes bgyi bde dngos por dmigs su mchis pa zhig lags sam/ 'on te dngos por dmigs su ma mchis pa zhig lags
 zhes zhus pa'o/ /bcom ldan 'das kyis bka' stsal pa/ rab 'byor dmigs su yod pa mi dmigs pa yang ma yin zhes bya ba la sogs pa ni/ mi dmigs zhes bya ba dngos por dmigs su yod pa yang ma yin/ dang/os por dmigs su med par yang
 ma yin gyi/ dmigs pa dang mi dmigs pa gnyi gar mi 'byed cing mnyam pa nyid du gyur pa ni mi dmigs pa yin te/ de ltar dmigs pa dang mi dmigs pa mnyam pa nyid la bslab par bya'o /zhes bstan pa'o/ /gsol pa bcom ldan 'das gal te de ltar byang
 chub sems dpa' sems dpa' chen po shes rab kyi pha rol tu phyin pa la spyod pa'i tshe/ dmigs pa la yang mi chags mi dmigs pa la yang mi chags pa lags na/ 'o na ji ltar byang chub sems dpa' sems dpa' chen po shes rab kyi pha rol tu phyin pa la spyod
 pas sa nas sa yongs su rdzogs par bgyis nas sa yongs su rdzogs nas ni rnam pa thams cad mkhyen pa nyid ji ltar thob par bgyi zhes bya ba ni de ltar dmigs pa dang mi dmigs pa mnyam pa nyid la bslabs na/ ci la yang ma chags ci la yang mi spyod par bya dgos te/ de ltar ci la yang ma spyad
 na byang chub sems dpas sa gong nas gong du 'phar pa dang// sa de dag la spyod pa'i 'bras bu rnam pa thams cad mkhyen pa nyid kyang thob par ji ltar bya zhes zhus pa'o/ /dmigs pa la gnas shing sa nas sa yongs su rdzogs par mi byed de zhes bya ba la
 sogs pa ni/ dmigs pa dang bcas pas shes rab kyi pha rol tu phyin pa la spyad na/ byang chub sems dpa' i sa yongs su rdzogs par mi 'gyur la/ rnam pa thams cad mkhyen pa nyid thob par mi 'gyur ro zhes bstan pa'o/ /de ci'i phyir zhe na/ shes rab
 kyi pha rol tu phyin pa yang dmigs su med de zhes bya ba la sogs pas/ de'i gtan tshigs bstan pa ste/ shes rab kyi pha rol tu phyin pa dang/ bla na med pa'i byang chub dang/ shes rab kyi pha rol tu phyin pa la spyod pa'i byang chub sems dpa' yang don dam par?
 dmigs su med pa'i phyir zhes bya ba'i don to/ /gsol pa bcom ldan 'das gal te de ltar shes rab kyi pha rol tu phyin pa dmigs su ma mchis te/ zhes bya ba la sogs pa ni/ de ltar/ shes rab kyi pha rol tu phyin pa la sogs pa ni dmigs su med? na/ byang chub sems
 dpa' sems dpa' chen pos chos thams cad rab tu rtogs par bya dgos na/ gzugs la sogs pa bla na med pa yang dag par rdzogs pa'i byang chub la thug gi bar du 'jig rten dang/ 'jig rten las 'da' ba' i chos thams cad ji ltar rab tu rtogs par
 bgyi zhes zhus pa'o/ /bcom ldan 'das kyis bka' stsal pa/ rab 'byor byang chub sems dpa' sems dpa' chen po shes rab kyi pha rol tu phyin pa la spyod pa'i tshe/ ji ltar byas pas gzugs dmigs par 'gyur ba dang/ zhes bya ba la sogs pas/ byang chub sems dpa' 
 ni shes rab kyi pha rol tu phyin pa la spyod pa'i tshe /ci nas kyang chos rnams rtag tu med cing mi dmigs par spyod kyi /dmigs su yod pa dang rtogs par bya bar mi spyod do zhes bstan pa'o/ /gsol pa bcom ldan 'das gal te de ltar byang chub sems dpa' sems dpa' 
 chen po shes rab kyi pha rol tu phyin pa la spyod pa'i tshe/ gzugs kyang chos mi dmigs shes bya ba la sogs pas ni/ chos thams cad dmigs su med na/ pha rol tu phyin pa drug yongs su rdzogs par byas nas/ byang chub sems dpa' i sa la 'jag pa dang/ sangs
 rgyas kyi zhing yongs su dag par bya ba dang/ sems can rnams yongs su smin par bya ba dang/ rnam pa thams cad mkhyen pa nyid thob par bya ba dang/ chos kyi 'khor lo skor ba la sogs pa sangs rgyas kyi mdzad pa rnams/ ji ltar grub par 'gyur zhes zhus
 pa'o/ /bcom ldan 'das kyis bka' stsal pa/ rab 'byor byang chub sems dpa' sems dpa' chen po ni/ gzugs kyi don du shes rab kyi pha rol tu phyin pa la mi spyod do zhes bya ba la sogs pas ni/ pha rol tu phyin pa drug yongs su rdzogs par bya ba
 la sogs pa ni/ kun rdzob tu 'jig rten gyi tha snyad tsam du zad kyi/ don dam par ni bsgrub par bya ba'i chos gang yang med do zhes bstan pa'o/ /gsol pa bcom ldan 'das gang gi slad du/ byang chub sems dpa' sems dpa' 
 chen po shes rab kyi pha rol tu phyin pa spyod pa lags zhes bya ba ni/ chos thams cad ma byas pa dang/ mngon par 'dus ma byas pa'i don bshad pa'i skabs dbye ba'i phyir zhus pa'o/ /bcom ldan 'das kyis bka' stsal pa/ gang gi phyir yang byang chub
 sems dpa' sems dpa' chen po shes rab kyi pha rol tu phyin pa la mi spyod zhes bya ba ni chos thams cad rang bzhin gyis stong bas spyad cing/ spyad du med ba'i phyir gang gi don du yang shes rab kyi pha rol tu phyin pa la mi spyod do zhes bstan pa'o/ /de
 ci'i phyir zhe na/ 'di ltar chos thams cad ni ma gyis pa ste zhes bya ba la sogs pas de'i gtan tshigs bstan pa ste /ma byas pa ni byed pa pos ma byas pa la bya'o/ /mngon par 'du ma byas pa ni/ rgyu rkyan tshogs pas ma skyes pa la bya'o/ /
 gsol pa bcom ldan 'das gal te de ltar chos thams cad ma bgyis pa ste/ mngon par 'du ma bgyis pa lags na/ 'o na ji ltar nyan thos kyi theg pa dang/ rang sangs rgyas kyi theg pa dang/ theg pa chen po dang/ theg pa gsum po 'di dag
 rnam par dgongs par 'gyur zhes bya ba ni/ don dam par theg pa gsum du dbye zhing rnam par dgod du yang med pa'i don bshad pa'i skabs dbye ba'i phyir zhus pa'o/ /bcom ldan 'das kyis bka' stsal pa/ rab 'byor ma byas mngon par
 'du ma byas ba'i chos rnams la ni rnam par dgod pa yang dmigs su med do zhes bya ba la sogs pas ni/ don dam par chos thams cad rang bzhin gyis stong ste/ mngon par 'dus ma byas pa la theg pa gsum du dbye zhing rnam par dgod du med kyi
 kun rdzob tu byis pa so so'i skye bo thos pa dang mi ldan pa rnams chos rnams la mngon par 'du byed pa rnam par rtog par yod pa rnams la/ theg pa gsuM du dbye zhing rnam par dgong pa yod zhes bstan pa'o/ /de ci'i phyir zhe na/ de ni dI ltar byis pa thos pa dang mi ldan pa so so'i skye po
 rnams phung po la mngon par zhen cing zhes bya ba la sogs pas/ de'i gtan tshigs bstan pa ste/ byis pa so so'i skye bo rnams yang dag pa ma yin par rnam par rtogs pas/ gzugs la sogs pa'i chos rnams la mngon par zhen cing rlom sems su byas nas
 bdag gi byang chub mngon par rdzogs par sangs rgyas nas/ sems can rnams 'khor ba las dgrol lo snyam du sems can rnams bkri ba'i phyir/ kun rdzob tu theg pa gsum rnam par phye ste bkod pa tsam du zad kyi/ don dam par ni de bzhin gshegs pa'i spyan
 ltas kyang chos gang yang ma gzigs te/ dmigs su med do zhes bstan pa'o/ /de la long ba zhes bya ba ni gti mug gi ldongs pa'o/ /mig med pa zhes bya ba ni/ spyan lnga dang mi ldan pa la bya'o/ /gsol pa bcom ldan 'das gal ta/ de ltar de bzhin gsheD
 pa dgra bcom pa yang dag par rdzogs pa'i sangs rgyas kyi spyan lngas kyang sems can gang 'khor ba las yongs su dgrol bar bgyi ba de lta bu ma gzigs na zhes bya ba la sogs pas ni/ don dam par sems can dmigs su med kyang/
 /kun rdzob tu sems can phyin ci log tu gyur pa rnams de las bzlog pa'i phyir/ phung po gsum du bshad pa bstan pa ste /de la yang dag par nges pa ni/ bla na med pa yang dag par rdzogs pa'i byang chub 'grub pa'i skal pa nges par spyod pa
 la bya'o/ /me ngas pa ni dge ba'i bshes gnyen gyi khar lus pa la bya'o/ /log par nges pa ni lta ba log pa can dge ba'i rts ba chad pa rnams la bya'o/ /gsol pa bcom ldan 'das kyi don dam pa la zhugs te/ bla na med pa yang dag par rdzogs pa'i byang chub tu
 mngon par rdzogs par sangs rgyas sam zhes bya ba la sogs pas ni/ don dam par ni gnas pa yang med/ mngon par rdzogs par sangs rgyas par bya ba yang med pas/ don dam par sangs rgyas pa yang ma yin la/ kun rdzob ni phyin ci log
 yin pas kun rdzob la gnas te/ mngon par rdzogs par sangs rgyas pa yang ma yin te/ mdza' de gnyi ga spangs pa brjod du med pa'i bdag nyid so so rang gi rig pa'i rnam pas chos thams cad rtogs pa ni/ mngon par rdzogs par sangs rgyas pa yin no zhes bstan
 pa'o/ don de nyid dpes go bar bya ba'i phyir rab 'byor 'di lta ste dper na/ de bzhin gshegs pa'i sprul pa ni zhes bya ba la sogs pa bstan te/ de bzhin gshegs pa'i sprul las pha rol tu phyin pa drug la soD pa rnam par byang ba'i chos rnams yongs su rdzogs par bya ste/ chos kyi 'khor lo bskor ba dang/ sems can mang po sprul te/ phung
 po gsum du phye ste bstan pa bzhin du/ de bzhin gshegs pas tshogs yongs su rdzogs par mdzad cing/ bla na med pa yang dag par rdzogs pa'i byang chub tu mngon par rdzogs par sangs rgyas nas/ chos kyi 'khor lo bskor ba dang/ sems can rnams phung po gsum
 du phye ste /bstan pa yang don dam par dngos po yod pa las bstan pa ni ma yin gyis /kun rdzob tu sgyu ma sprul pa tsam du bstan par zad do zhes bstan pa'o/ /gsol ba bcom ldan 'das gal te chos thams cad sprul pa lta bu lags na/ de bzhin gshegs pa pa
 sprul ba la khyad par dang bye brag ci zhig mchis/ ci las dgongs pa lags zhes bya ba ni/ de bzhin gshegs pa dang sprul pa gnyis kun rdzob tu sems can gyi don bya ba la sogs pa/ sangs rgyas kyi mdzad pa rnams mdzad pa la bye brag med pa'i don zhib tu bshad
 pa'i skabs dbye ba'i phyir zhus ba'o/ /de ci'i phyir zhe na/ rab 'byor de ni 'di ltar de bzhin gshegs pa phrin las gang mdzad pa'i las de ni sprul pa yang byed do zhes bya ba ni/ pha rol tu phyin pa drug la sogs pa yongs su rdzogs par byas nas/ bla na med pa yang dag par rdzogs ba'i
 byang chub tu mngon par rdzogs par sangs rgyas te/ chos kyi 'khor lo bskor ba dang/ sems can gyi don rnam pa sna tshogs mdzad pa la de gnyis bye brag med do zhes bstan pa'o/ /gsol ba/ bcom ldan 'das ci lags de bzhin gshegs pa mi bzhugs na/ sprul pa las bgyid par
 'gyur ram zhes bya ba ni/ de bzhin gshegs pa mya ngan las 'das pa'i phyir/ sprul pa sems can gyi don byed pa bstan pa'i skabs dbye ba'i phyir zhus pa'o/ /de bzhin gshegs pa dgra bcom pa yang dag par rdzogs pa'i sangs rgyas zhi ba'i blo gros kyis zhes bya ba la sogs pas
 de bzhin gshegs pa'i sprul pa sems can gyi don byed pa'i dpe sngon byung ba bstan pa ste/ byang chub sems dpa' ma gzigs nas zhes bya ba ni/ sngon de bzhin gshegs pa zhi ba'i blo gros mya ngan las 'das pa'i dus la bab pa'i tshe/ phyin dam pa'i chos gtang cing sems can
 gyi don byed du gzhug tu rung ba'i byang chub sems dpa' lung bstan du 'os ba ma gzigs nas zhes bya ba'i don to/ /de bzhin gshegs pa'i sku sprul te/ yongs su mya ngan las 'das so zhes bya ba ni/ de ltar dam pa'i chos gtad du rung ba'i byang chub sems dpa' ma gzigs na/ de
 bzhin gshegs pa gcig sprul te bzhag nas/ de bzhin gshegs pa zhi ba'i blo gros nyid ni mya ngan las 'das te gshegs so zhes bstan pa ste/ de ltar mdzad pa yang sems can tshe ring ba bsnyems shing/ le lo can rnams skul ma btab pa dang/ sprul bas
 'dul ba'i sems can rnams la phan gdags pa'i phyir ro/ /sprul pa des de'i phyir na bskal pa gcig tu sangs rgyas kyi bya ba byas te zhes bya ba ni/ de bzhin gshegs pa zhi ba'i blo gros mya ngan las 'das pa'i phyi na/ sprul pa des kyang bskal pa gcig gi bar du de
 bzhin gshegs bzhi pa'i blo gros dang 'dra bar sems can gyi don mdzad do zhes bstan pa'o/ /de'i rjes su byang chub sems dpa' sems dpa' chen po lung bstan nas zhes bya ba ni/ sprul pa des bskal pa gcig gi bar du sems can gyi don byas pa'i rjes la/ byang
 chub sems dpa' dam pa'i chos gtad du rung ba lung bstan du 'os pa byung nas/ de la dam pa'i chos gtad de sprul pa de yang yongs su mya ngan las 'das par 'gyur ro zhes bya ba'i tha tshig go /yongs su mya ngan las 'das bar grags kyang/ sprul ba la
 skye ba'am/ yongs su mya ngan las 'das pa med do zhes bya ba ni/ de lta bu dag sngon byung mod kyi/ 'on kyang yang dag par na/ sprul pa de skyes pa yang med/ yongs su mya ngan las 'das pa yang med zhes bstan pa'o/ /gsol ba bcom ldan 'das gal te de ltar sprul pa dang/ de bzhin
 gshegs pa la khyad par ma mchis na/ yon yongs su dag par ji ltar 'gyur zhes bya ba la sogs pas / de bzhin gshegs pas yon phrul na bsod nams che ba bzhin du/ de bzhin gshegs pa'i sprul pa la yon phul pa yang bsod nams che bar bshad pa skabs
 dbye ba'i phyir zhus pa ste/ yon yongs su dag par ji ltar 'gyur zhes bya ba ni /de bzhin gshegs pa'i sprul pa la yon phul na bsod nams chen por 'gyur ram zhes bya ba'i don to/ /bcom ldan 'das sems can bsod nams 'tshal ba dang/ zhes bya ba la sogs pas/ gong du
 mdor dus? pa'i don de nyid zhib tu bshad de zhus pa ste/ de bzhin gshegs pa la yon phul ba'i bsod nams zad mi shes par 'gyur ba de bzhin du /de bzhin gshegs pa'i sprul pa la yon phul ba'i bsod nams kyang de bzhin du zad mi shes par 'gyur rab zhes zhus pa'o//
 bcom ldan 'das kyis bka' stsal pa/ rab 'byor chos nyid gang gis zhes bya ba la sogs pas/ de bzhin gshegs pa la yon phul? na/ bsod nams tshe ching zad mi zhes pa de bzhin du/ de bzhin gshegs pa sprul pa la yon phul na yang de bzhin du bsod nams
 che zho'? zad mi shes par 'gyur ro zhes bstan pa ste/ chos nyid gang gis zhes bya ba ni/ de bzhin gshegs pa dang/ de bzhin gshegs pa'i sprul pa gnyis don dam par dngos po med pa'i ngo bo nyid kyi chos nyid du mtshungs pa dang/ kun rdzob tu sems can gyis don gyi phyir
 'byung pa dang/ sangs rgyas kyi bya ba byed par mtshungs pa'i phyir/ yon gyi gnas su yang mtshungs te/ de dag gnyis ka la yon phul ba dang/ sems dang bas yid la byas bas dang/ 'og phyog su yid la byas shing/ me rtog gsol pa dang/ sangs rgyas la phyag 'tshal lo zhes tshig
 tsam brjod pa'i bsod nams kyang zad mi shes shing/ che bar mtshungs zhes bstan pa ste/ chos rnams kyi chos nyid khong du chud par byas nas zhes bya ba ni don dam par gnyi ga dngos po med pa'i ngo bo nyid kyi chos nyid yin pa dang/ kun rdzob tu sems can gyi don gyi phyir 'byung ba dang
 sangs rgyas kyi bya ba byed par mtshungs pa'i chos nyid btsan par byas nas de bzhin gshegs pa dang/ de bzhin gshegs pa'i sprul pa la bye brag gang yang med do zhes bya ba'i tha tshig go /chos rnams kyi chos nyid do yang rnam par dkrug par mi bya ste zhes bya ba la sogs pas/
 chos nyid dang mi mthun par mi bya ba bstan pa ste /pha rol tu phyin pa drug la sogs pa rnam pa thams cad mkhyen pa nyid la thug gi par gyiS chos rnams la/ chos de dag gi so so'i mtshan nyid dang/ chos de dag gi chos nyid stong pa nyid de bzhin nyid gang yin pa de dag so sor 'byed
 cing rnam par rtog na/ chos nyid rnam par dkrug par 'gyur gyis /de ltar mi bya'o zhes bstan pa'o/ /gsol pa bcom ldan 'das gal te da ltar chos rnams kyi chos nyid rnam par dkrugs par mi bgyi ba lags na zhes bya ba la sogs pas ni/ de ltar chos rnams kyi mtshan
 nyid dang/ chos rnams kyi chos nyid la rnam par rtog cing so sor 'byed na/ chos nyid rnam par dkrug par 'gyur te/ chos nyid dang mi mthun no/ bcom ldan 'das kyi gzugs la sogs pa rnam pa thams cad mkhyen pa nyid la thug gi bar gyis chos rnams kyi
 mtshan nyid so sor phyr ste bstan pa ste/ chos rnams kyi chos nyid dkrugs par ma gyur tam zhes gal gzung ste gsol pa'o/ /bcom ldan 'das kyis bka' stsal pa/ rab 'byor de ni ma yin te zhes bya ba la sogs pas /bcom ldan 'das kis de ltar
 chos rnams so sor phye ste bstan pa ni/ sems can rnams kyi khong du chud par bya ba'i phyir/ ming dang mtshan ma tsam smos te bstan par zad kyi/ de nyid la rtog cing chags pa med pas /chos nyid dkrugs par ma gyur to zhes bstan pa'o/ /gsol ba/
 bcom ldan 'das gal te gzhan rnams khong du chud par bgyi ba'i slad du zhes bya ba la sogs pas chos thams cad don dam par rang bzhin gyis stong ste/ ming dang mtshan ma med pa la ming dang mtshan mas bstan du yang ci yod ces gsol pa'o/ /bcom ldan
 'das kyis bka' stsal pa/ rab 'byor brjod pa ni ming yang ma yin/ mtshan ma yang ma yin/ mngon par chags pa yang ma yin zhes bya ba ni/ sems can rnams khong du chud par bya ba'i phyir/ sems can rnams la ji lta rgrags pa'i ming dang/ mtshan
 mas bstan pa tsam du zad kyi / ming dang mtshan ma la dngos por 'dzin cing mngon par zhen pa med pas nyes pa med do zhes bya ba'i don to/ /rab 'byor gzhan du na/ sdug bsngal nyid brjod du zad kyi ming dang mtshan ma la mngon par chags pa med de zhes bya ba
 ni/ de ltar sems can rnams la ming dang mtshan mas chos rnams bstan pa yang 'khor ba'i sdug bsngal shes par bya ba'i phyir bstan du zad kyi/ de la dngos por 'dzin cing chags pa med do zhes bstan pa'o/ /rab 'byor de bzhin gshegs pa'am/ de bzhin
 gshegs pa'i nyan thos ni/ ming dang mtshan ma la mngon par chags par mi 'gyur te zhes bya ba la sogs pas ni / mngon par chags pa'i gnas med cing mi srid pa bstan pa ste / stong pa nyid kyang stong pa nyid la mngon par chags par 'gyur ro zhes bya ba
 la sogs pas ni /mngon par chags pa mi srid pa'i dpe bstan pa ste/ chags par bya ba dang/ chags par byed pa gnyi ga don dam par dngos po med pa'i phyir ro zhes bya ba'i tha tshig go /gsol pa bcom ldan 'das gal te 'dus byas 'di dag thams cad
 ming dang mtshad pa tsam du bas pa lags na zhes bya ba la sogs pas/ de ltar chos thams cad don dam par rang bzhin gyis stong ste/ dngos po med na bsgrub par bya ba dang/ sgrub med byed pa gnyi ga yang rang bzhin med na/ byang chub sems dpa' ci zhig bsgrub pa'i
 phyir byang chub tu sems skyes nas/ byang chub sems dpa' i spyad pa spyod ces bya bar gal bzung ste zhus pa'o/ /bcom ldan 'das kyis bka' stsal ba/ rab 'byor gang de skad du/ gal te 'dus byas thams cad ming dang mtshan ma tsam du zad na zhes bya ba la sogs pa ni/
 rab 'byor gyis zhus pa'i tshig de dag /bcom ldan 'das kyis bzlas te/ lan bka' stsal pa ste/ don dam par chos thams cad rang bzhin gyis stong ste / dngos po med pa la sems can rnams dngos por chags shing/ rnam par
 spyod pa de dag drang ba'i phyir/ kun rdzob tu byang chub sems dpa' i spyod pa yang spyad de/ rnam pa thams cad mkhyen pa nyid kyang thob par byas nas/ chos kyi 'khor lo bskor ba la sogs pa sems can gyi don rnams byed do zhes bstan pa'o/ /gsol pa
 bcom ldan 'das rnam pa thams cad mkhyen pa nyid ces gsung dam zhes bya ba ni/ de ltar chos thams cad rang bzhin gyis stong ste/ ming dang mtshan ma med na rnam pa thams cad mkhyen pa nyid ces brjod cing /gdags su yang ci mchis zhes zhus
 pa'o/ /bcom ldan 'das kyis bka' stsal pa/ rab 'byor rnam pa thams cad mkhyen pa nyid/ rnam pa thams cad mkhyen pa nyid ces smra'o zhes bya ba ni/ de ltar don dam par chos thams cad kyang rang bzhin gyis stong ste/ /ming dang mtshan mar
 gdags shing brjod du med kyang/ kun rdzob tu sems can rnams drang ba'i phyir brjod do zhes bstan pa'o/ /gsol pa bcom ldan 'das de bzhin gshegs pas thams cad shes pa nyid du gsungs pa dang zhes bya ba la sogs pa ni/ thams cad shes pa nyid
 dang/ lam gyi rnam pa shes pa nyid dang/ rnam pa thams cad mkhyen pa nyid la khyad par ci yod pa zhib tu bshad pa'i skabs dbye ba'i phyir zhus pa'o/ /bcom ldan 'das kyis bka' stsal pa/ rab 'byor thams cad shes pa nyid ces bya bas ni
 nyan thos dang rang sangs rgyas rnams la bya'o/ /zhes bya ba la sogs pas/ thams cad shes pa gsum mdo tsam du phye ste bstan pa'o/ /gsol pa bcom ldan 'das ci'i slad du/ nyan thos dang rang sangs rgyas rnams la ni/ thams cad shes pa nyid
 ces bgyi zhes bya ba la sogs pa ni/ gong du mdo rnam pa gsum du phye ste bshad pa de nyid gtan tshigs dang bcas pa de bzhin tu bshad pa'i skabs dbye ba'i phyir zhus pa'o/ /bcom ldan 'das kyis bka' stsal pa/ phyi dang nang gi chos ji snyed pa tsam ni/ thams
 cad nyan thos dang rang sangs rgyas rnams kyis shes te zhes bya ba ni/ phung po dang khams la sogs pa phyi nang gi chos thams cad nyan thos dang rang sangs rgyas rnams bden pa bzhi'i sgo nas zhugs te/ 'dus byas thams cad ni mi rtag pa'o/ /zag pa dang
 bcas pa thams cad ni sdug bsngal pa'o/ /chos thams cad ni bdag med pa'o/ zhes bya ba rnam 'di gsum ltar chos thams cad shes pa la / thams cad shes pa nyid ces bya'o/ /lam thams cad ni ma yin no zhes bya ba ni/ byang chub sems dpa' byang
 chub sems dpa' i lam sa bcu la gnas te chos thams cad shes pa lta bu ni ma yin no zhes bya ba'i don to/ /rab 'byor lam thams cad byang chub sems dpa' sems dpa' chen pos bsgrub par bya zhes bya ba la sogs pas/ byang chub sems dpa' rnams
 kyi lam gyi rnam pa shes pa nyid gang yin pa bstan pa ste/ byang chub sems dpa' sems dang po skyed de/ mos pas spyod pa'i sa nas/ sa bcu yongs su rdzogs kyi bar du/ mthong ba'i lam dang/ bsgom pa'i lam gyis de bzhin nyid rnam par spyod
 pa'i rim pas/ bla na med pa yang dag par rdzogs pa'i byang chub 'thob pa'i rgyur gyur pa/ rnam pa thams cad mkhyen pa nyid kyi gnas su phyin par byad ba'i ye shes nyan thos dang rang sangs rgyas kyi lam thams cad kyang shes la/ de dag yang dag pa'i mdza' mngon du yang mi
 byed ba de la/ lam gyi rnam pa shes pa nyid ces bya'o zhes bya ba'i tha tshig go /gsol pa/ bcom ldan 'das byang chub sems dpa' sems dpa' chen pos/ sangs rgyas kyi lam yongs su rdzogs par bgyi 'tshal na/ 'on ni nges yang dag ba'i mdza' yang
 mngon du bgyi bar 'gyur ro zhes bya ba ni/ de ltar lam gyi rnam pa shes pa nyid kyi ye shes de yang dag pa'i mdza' mngon du mi byung? na/ sangs rgyas su 'grub par yang mi 'gyur/ sangs rgyas su 'grub na ni/ yang dag pa'i mdza' yas mngon du byas par
 'gyur te/ gong du bshad pa dang 'gol zhes zhus pa'o/ /bcom ldan 'das kyis bka' stsal pa/ rab 'byor sangs rgyas kyi zhing yongs su dag par ma byas la zhes bya ba la sogs pa sangs rgyas kyi zhing yongs su dag par bya ba dang/ sems can yongs su smin
 par bya ba la sogs pa/ byang chub sems dpa' i spyod pa mdza' dag yongs su rdzogs par byas nas/ yang dag pa'i mdza' mngon du byas pa la nyes pa med kyi/ de ltar ma byas par nyan thos dang rang sangs rgyas ltar/ bar ma dor yang dag pa'i mdza' 
 mngon du mi bya'o zhes bstan pa'o/ /gsol pa bcom ldan 'das ci lags/ byang chub sems dpa' sems dpa' chen pos lam la gnas te/ yang dag pa'i mdza' mngon du bgyi lam zhes bya ba la sogs pas/ don dam par yang dag pa'i
 mdza' mngon du byar med pa'i phyir zhus pa ste/ lam la gnas te zhes bya ba ni/ nyan thos dang byang chub sems dpa' i mthong ba'i lam dang/ bsnom ba'i lam la brten te/ yang dag pa'i mdza' mngon du bgyi 'am zhes zhus pa'o/ /bcom 
 ldan 'das kyis bka' stsal pa/ ma yin no zhes bya ba ni/ don dam par lam de gnyi ga dngos po med pas/ brten cing gnas su med pa'i phyir de ltar ma yin no zhes gsungs pa'o/ /'o na lam ma lags pa la gnas te
 'am zhes bya ba ni gong du smos pa'i lam gnyis las bzlog pa la gnas te 'am zhes zhus pa'o/ /ma yin no zhes bya ba ni lam dngos po yod na lam ma yin pa yang zlas 'grub ste/ lam dngos po med na lam ma yin pa zlas 'grub pa yang dngos po
 med pas/ des kyang yang dag pa'i mdza' mngon du bya ba ma yin no zhes gsungs pa'o/ /'o na lam yang lags la/ lam ma lags pa yang lags pa la gnas te 'am zhes bya ba ni/ lam dang lam ma yin pa gnyis ka la gnas te/ yang dag ba'i mdza' 
 mngon? du bya 'am zhes zhus pa'o/ /ma yin no zhes bya ba ni lam dang lam ma yin pa gnyis don dam par ma grub pas/ gnyi ga'i rang bzhin la gnas pas kyang yang dag pa'i mdza' mngon du byar med do zhes bya ba'i tha tshig go /gsol pa 'o na lam yang
 ma lags la/ lam ma lags pa yang ma lags pa la gnas te lam zhes bya ba ni/ /gnyi ga ma yin pa la gnas te yang dag pa'i mdza' mngon du bgyi 'am zhes zhus pa'o/ /ma yin no zhes bya ba ni lam dang lam ma yin pa gnyis ma grub pas/
 gnyi ga ma yin pa yang mi 'grub ba'i phyir/ de ltar yang ma yin no zhes bshad pa'o/ /gsol pa bcom ldan 'das 'o na ji ltar byang chub sems dpa' sems dpa' chen pos / yang dag pa'i mdza' mngon du bgyi zhes bya ba ni /ci la yang mi
 gnas par yang dag pa'i mdza' mngon du bya ba bshad pa'i skabs dbye ba'i phyir zhus pa'o/ /rab 'byor de ji snyam du sems zhes bya ba la sogs pa ni/ rab 'byor nyid ci la yang mi gnas par sems rnam par grol ba khas len du bcug
 pas/ nyan thos la sogs pa dmigs pa can rnams gdul ba'i phyir/ bcom ldan 'das kyis dris ba ste/ lam dang lam ma yin pa rnam pa bzhir phye ba ni snga ma bzhin no/ /rab 'byor gang yang rnam pa thams cad mkhyen pa nyid ces bya ba la sogs pas
 ni/ rnam pa thams cad mkhyen pa nyid bstan pa ste/ zhi ba'i rnam pa zhes bya ba ni/ de bzhin gshegs pa'i ye shes rnam par rtog pa dang yongs su rtog pa thams ca spangs pa/ chos kyi dbyings rnam par ga pa'i rang bzhin du 'gyur ba de la zhi ba'i rnam pa zhes
 bya ste/ chos thams cad kyi yang dag pa'i rnam pa yang de yin pa'i phyir/ rnam pa thams cad mkhyen ba nyid ces bya'o/ /rab 'byor 'di ltar yang rnam pa gang dang/ tshul gang dang zhes bya ba la sogs pas/ kun rdzob tu rnam pa thams cad mkhyen pa nyid bstan pa ste/
 'jig rten dang 'jig rten las 'das pa'i chos thams cad kyi rang dang spyi'i mtshan nyid thams cad ma nor par rnam pa thams cad du thugs su chud pa la rnam pa thams cad mkhyen pa nyid ces bya'o zhes bstan pa'o/ /gsol pa bcom ldan 'das thams cad mkhyen pa
 nyid dang zhes bya ba la sogs pa ni/ thams cad shes pa nyid dang lam gyi rnam pa shes pa nyid dang/ rnam pa thams cad mkhyen pa nyid dang/ rnam pa gsum po 'di la/ rnam par grol pa'i bye brag med pa dang/ bag chags pa spangs pa'i bye brag
 yod pa bstan pa'i skabs dbye ba'i phyir zhus pa'o/ /rab 'byor nyon mongs pa spangs pa la ni/ bye brag med de zhes bya ba la sogs pas ni /nyon mongs pa spangs te/ rnam par grol bar ni mtshungs mod kyi/ bag chags yan chad ma lus pa
 spangs pa dang/ ma spangs pa la bye brag yod de /de bzhin gshegs pa ni nyon mongs pa thams cad /bag chags phra mo yan chad spangs kyi/ nyan thos dang rang sangs rgyas rnams ni nyon mongs pa thams cad spangs kyang/ bag chags
 ma spangs so zhes bstan pa'o/ /byang chub sems dpa' rnams kyang/ /bag chags phra mo ma spangs mod kyi/ las dang nyon mongs pa la dbang thob pas/ nyan thos dang mi 'dra'o/ /gsol pa/ bcom ldan 'das ci phags? nyan
 thos dang rang sangs rgyas de dag thams cad kyis/ 'dus ma byas bgyis ma thob par nyon mongs pa spangs pa bgyis sam zhes bya ba ni/ mya ngan las 'das ba 'dus ma byas pa zhes bya ba des ma mthong bar nyon mongs pa spang du yang mi rung/
 thob na ni nyon mongs ba spang du yang med na/ ji ltar nyon mongs pa spang snyam nas zhus pa'o/ /bcom ldan 'das kyis bka' stsal pa/ de ni ma yin no zhes bya ba ni don dam par thob par bya ba dang/ spang bar bya ba gnyis ka dmigs su med pa'i phyir/ de ni ma
 yin no zhes gsungs so/ /yang rnam pa cig tu na/ kun rdzob tu yang 'dus ma byas sngar thob ste/ nyon mongs pa phyir spangs pa yang ma yin/ nyon mongs pa sngar spangs te/ 'dus ma byas phyis thog par yang ma yin kyis/ nyon mongs pa'i
 gnyen po zag ba med pa'i ye shes thob pa nyid kyi tshe/ nyon mongs pa rnams kyang 'gags te/ gnyen bo bskyes pa dang/ nyon mongs pa 'gags pa gnyis su gcig pa'i phyir 'dus ma byas ma thob par nyon mongs pa spangs pa ma yin /nyon
 mongs pa spangs nas/ 'dus ma byas thob ba yang ma yin no zhes bshad pa'o/ /gsol pa/ bcom ldan 'das ci lags/ 'dus ma byas la bye brag dmigs su mchis sam zhes bya ba ni/ rnam par grol ba'i rang bzhin mya ngan las
 'das pa 'dus ma byas pa zhes bya ba de /nyan thos dang/ rang sangs rgyas dang/ de bzhin gshegs pa rnams kyi 'dus ma byas pa rnam par grol pa la/ bye brag mchis sam zhes zhus pa'o/ /bcom ldan 'das kyis bka' stsal pa/ de ni ma
 yin no zhes bya ba ni/ nyon mongs ba mtshan nyid rnam par grol ba 'dus ma byas ba zhes bya ba de la/ bye brag med do zhes bshad pa'o/ /gsol pa/ bcom ldan 'das gal te de ltar dmigs su ma mchis na/ zhes bya ba lnga sogs pa ni/ de ltar 'dus ma byas pa
 la bye brag dbyer ma mchis na/ de bzhin gshegs pa la ni/ bag chags kyi mtshams sbyor ba mi mnga' ba/ nyan thos dang rang sangs rgyas rnams la ni/ bag chagS kyi mtshams sbyor ba yod do/ /zhes ci'i slad du / bye brag ma mchis par
 bshad ces zhus pa'o/ /bcom ldan 'das kyis bka' stsal pa/ rab 'byor bag chags kyi mtshams sbyor ba ni/ nyon mongs pa ma yin mod kyi/ zhes bya ba la sogs pas ni/ nyon mongs pa spangs pa'i mtshan nyid rnam par grol ba la ni/
 bye brag med kyi / bag chags spangs ma spangs la ni /bye brag yod pa bstan pa ste/ nyan thos dad rang sangs rgyas rnams/ bag chags rnam pa thams cad du ma spangs pas / 'dod chags dang / zhe sdang dang/ gti mug gi bag chags
 bya? de pad gis / lus dang/ ngag gi spyod pa 'gyur pa yod do/ /dper na 'phags pa dgra bcom pa dag nyon mongs pa spangs kyang/ kha cig sngon gyi bag chags kyis dbang gis / me long la lta ba dang / mchod zhing 'gro ba dang /
 pi lin d+ha bad sa lta bu / gang gA'i lha mo la dmangs mo'i tshig brjod pa lta bu ste/ bag chags de dag las gyur pa'i lus dang/ dag gi spyod pa de lta bu ni/ byis pa so so'i skye bo thams cad la yod de/ kun
 dang thun mong ba 'dras kyang 'phags pa rnams nyon mongs pa thams cad spangs pas / bag chags las gyur pa'i lus dang/ dag gi spyod pa de dag ni/ su la yang gnod pa med pa'i phyir / 'dus ma byas
 pa la bye brag med do zhes bstan pa'o/ /de ni de bzhin gshegs pa dgra bcom pa yang dag par rdzogs pa'i sangs rgyas rnams zhes bya ba la
 sogs pa ni / bag chags de lta bu / de bzhin gshegs pa la ni / yong ye mi mnga' o / zhes bya ba'i don to/ /'phags pa shes rab kyi pha rol tu phyin pa 'bum
 brgya cher bshad pa / dus gsum bskyed mdzad yum la phyag 'tshal lo/ /bla ma'i lung gis nyid la phan mdzad phyir / rlom pa mi mnga' zhal bskyungs mdzad mod kyis
 skye bo yongs la brtse phyir mdo gzhung bkrol / gnas brtan che la gus pas phyag 'tshal lo/ /rdzogs so// mang+gA laM/