བོད་ཡིག

e-texts based on the ACIP/ALL Input

gsang zhing gsang rab gsang/ /gcig pur skal ldan nyid la 'os/ /bdag byin brlab pa'i rim pa yi/ /man ngag bshad las gang thob pa'i/ /ngag gi 'od zer dge ba yis/ /'gro ba'i rab rib mun sel shog /rang byin gyis brlab pa'i rim pa'i man ngag zhes bya ba/ bcom ldan 'das rdo rje sems dpa' i sgrub thabs/ slob dpon brtul zhugs spyod pa nag po'i zhabs kyi rim pas slob dpon chen po kupA las mdzad pa'o/ /slob dpon chen po sangs rgyas spas pa'i zhal snga nas dang/ rmongs pa kun dga' snying po tA ra nA thas g.yar khral du bsgyur ba'o// (//yon po srong ba'i man ngag bzhugs so//) /oM rdo rje mkha' 'gro la phyag 'tshal lo/ /gsung gi dbang phyug zhi ba la/ phyag 'tshal rdo rje mkha' 'gror 'dud/ /ma ga d+har ni grags thob pa/ /kah+nas yon po srong bshad bya/ /rnam par rtog med 'du byed spangs/ /'khor ba min cing zhi ba min/ /sems te rtsa dang thig le dang/ /gcig pu kun 'char rlung yang ste/ /rlung gis zin la ma Sha'i zas/ /rna ba'i chu ni chus dgug ltar/ /'dod chags la ni 'dod pa dang/ /khong nas 'khrugs pas zhe sdang dang/ /gti mug la ni rmongs pa che/ /rnam rtog rnam rtog gis dag byed/ /phyugs dang ri bong rwa lta bur rnam par rtog med zhes mi brjod/ /ji srid sems ni ma bcings pa/ /de srid rlung yang 'ching mi 'gyur/ /khu khrag ldang 'jug nyid dang yang/ /gdung dang sems byed gzung 'dzin ni/ /yon po nyid du rnam par brjod/ /gnyis spangs gnyis spangs dang bcas pa/ /'jug dang ldog par byed pa can/ /srangs pa'o sbyangs pa gnas pa ste/ /sna tshogs snying stobs bde ba ni/ /g.yo ba med par yang dag brjod/ /lus bcings pas ni sems 'ching ste/ /sems ni lus ces brjod mi bya/ /dzyo ti dang ni brtan g.yo yang/ /de gcig rtag pa bde ba'i rgyu/ /kah+na smras so u tsi Tas/ /bde ba dam pa rab tu thob/ /yon po srong ba'i man ngag nag po pa'i zhabs ma ga d+har grags pa mchog thob pas mdzad pa rdzogs so// 'di kah+ni pa chung bas yin ces paN+Di ta rnams zer gsung/ /grub mchog bud+d+ha gupta nA tha'i zhal snga nas gzhung 'di/ b+ha ba nA tha'i glu dbyangs dang 'grel pa sbyar ba'i bshad pa man ngag bcas gnang ba'i skabs su/ tA ra na thas rje nyid la zhu ti ga byas kyin bsgyur ba lags// // */ (/las sna tshogs spyod pa'i man ngag byon//) /rgya gar skad du/ karmA bi shA tsarya u pa de sha /bod skad du/ las sna tshogs spyod pa'i man ngag /dpal dbang po la phyag 'tshal lo/ /de yang pha rol gyi dmag dpung chen pos rang la bsngo bar gyur na/ ba lang nag po'i/ /rwa dmar po la sna la ral gri'i 'khor lo gdags shing/ /dpral bar rab tu 'jigs pa'i mig dmar po bri/ rwa g.yas pa la me'i 'khor lo la oM badzra dzwa la dzwa la agne ye sarba sha truM dzaM b+ha na mo ha na hUM phaT/ zhes pa bris la gdags shing/ g.yon la chu'i 'khor lo la/ oM mahA dza la na stam+b+ha na mo ha na hUM phaT/ zhes pa bris la gdags/ dpung pa g.yas dang g.yon la nyi ma dang zla ba'i mtshan ma gdab cing/ rgal tshigs la 'khor lo rtsibs brgyad pa gcig la/ oM tsakra wa rti ta hUM phaT/ zhes pa dris la gdags shing/ mtshon cha sna tshogs bri'o/ /mgo'i g.yas su seng+ge'i rgyal mtshan la ras yug dkar po gdags/ g.yon du bya khyung gi rgyal mtshan la ras dmar po ste/ dbus su khyu mchog gi rgyal mtshan ngas yug nag pos mchan pa bzung/ mjug ma la stang gi phyags ma chen po btags/ lha chen po mchod pas mnyes par byas te/ gdong mtshan pa mjug thug rje gsum gsum pha rol