<style>
.hidden {
  display: none;
}
</style>
<a href="javascript:window.close();">CLOSE WINDOW</a>
<br><br>
N3967: rdo rje lam bzang po zhes bya ba<br><table><tr><td>
<input type="button" onclick="location.href='tcompletep.php?id=N3967&coll=TN&volcur=0';" value="show page break" />
<td width=150><td>
<input type="button" onclick="location.href='tcompletel.php?id=N3967&coll=TN&volcur=0';" value="show line break" />

<td width=150><td>
<a href="tcompleteu.php?coll=TN&id=N3967&volcur=0" style=font-size:25px;">བོད་ཡིག</a><td width=150><td>e-texts based on the ACIP/ALL <img src="../data/scanner/ALL.png" width=70> Input <a href="https://asianlegacylibrary.org/library/" target="_blank"><img src="../sub/link.png" width=20></table><hr><p style="font-size:18px;">pa'i skabs kyi sgrub thabs thams cad/ dpal 'dzin sde'i dkar chag la 'khod pa de las kyang mang bzhig yod pa 'dra'o// //ces pa'ang tA ra nA thas smras pa'o//
 (bka' babs gzhu? ? pa'i man ngag gi gzhung rdo rje'i laM bzang po zhes bya ba slob dpon chen po rdo rje sh+rI A? d+he? ru ka zhi ba ? pas mdzad pa bzhugs so//) /oM swasti/ oM badzra d+ha rA ya na mo/ rgya gar skad du/ badzra su ma rgA nA ma/ bod skad du/ rdo rje'i lam bzang po zhes
 bya ba/ /rdo rje 'dzin pa la phyag 'tshal lo/ /mgon po bde ba chen po ni/ bla ma rdo rje can zhabs 'dud/ /ma lus rgyud rnams thams cad kyi/ /da nyid rab tu gsal bshad bya/ /rgyud kyi dang por e waM yig /phung po kun gyi snod yin 'di/ /stong dang
 snying rje'i bde chen po/ /sangs rgyas 'dir brjod 'khor ba'ang 'di/ /'on kyang rang bzhin mngon gyur dang/ /'jig med sems kyi de nyid rig /'gro la snying rje'i sems chen po/ /rgyu shes slob dpon bsten bya ste/ /bla ma la gus drang po'i dngos
 lam dang ston pa gzhan spangs pa/ /zab mo'i don la rtog bral bas/ /'bad na thams cad 'bras bur bcas/ /bde ba mchog gi thar pa'i rgyud/ /gzhi dang lam dang 'bras bu ni/ /thams cad rang bzhin bde ba che/ /bde bas bde ba che grub
 pa'o/ /'di la sems kyi rang bzhin gang/ /sku gnyis por ni rnam par gnas/ /shin tu spros med chos kyi sku/ /gzugs ni lus dang snod bcas pa'o/ /gang la thog ma med pa dang/ /dang po rgyu med sangs rgyas chos/ /sems can
 kun la rtag gnas pa/ /rgyu yi rdo rje 'chang bar brjod phung po mnga' bdag sangs rgyas dang/ /rig ma 'byung ba rnams dkyil 'khor/ /dbang po yul dang bcas gang dag /byang chub sems dpa' lha mor bcas/ /de ltar dri ma rnam
 sbyang ba/ /ye shes chen po bsgom par bya/ /bskyed pa'i rim la legs gnas pas/ /rdzogs pa'i rim pa 'dir sgom byos/ /rten dang brten pa'i rgyu yi phyir/ /lus med pa la bde med pas/ /lus ni dag pa'i dkyil 'khor la/ /
 sems kyang yang dag bde bar 'gyur/ /bsnyen pa nye ba'i bsnyen pa dang/ /bsnyen pa che dang sgrub pa bya/ /bsnyen pa nyer sgrub sgrub pa dang/ /sgrub pa chen po bsgom bya zhing/ /rnal 'byor rjes su rnal 'byor dang/ /shin du yang dang rnal 'byor che/ /
 sbyor dang dkyil 'khor rgyal po mchog /phyi nas las rgyal mchog bsgom bya/ /bdag nyid gong bu ltar snang ba/ /rab bkra dbang po'i gzhu ltar snang/ /phyi nas dngos po kun la spro/ /gcig dang bum dang bral
 ba/ /dkyil 'khor dag gis sgo nas phyung/ /zas sogs bya ba thams cad spyad/ /lha yis gsal dang mngon zhen gyis/ /rang gi mi mthun shin tu 'gag /sna rtser yungs kar rnams brtags pa/ /yi ge de ni mtshan ma dang/ /gzugs brnyan
 la sogs dkyil 'khor gyis/ /spro ba'ang yang na bsdu bar bya/ /rdo rje'i pad+ma'i sna rtser ni/ /yungs kar tshul gyis mtshan ma bsgom/ /dkyil 'khor spro zhing sdud pa dang/ /re re zhing yang rnam par bsgom/ /sku dang bde ba rang bzhin med/ /rnam
 bar rtog las nges byung ba/ /srid pa'i rnam bas de spyod byed/ /'bras bu'i lam gyur skyed pa'o/ /ces pa ni rim pa dang po'o// ` //sems ni rang bzhin 'od gsal te/ /dri ma rnams ni blo bur ba/ /rang
 bzhin skye 'gag med pa dang/ /chos kun mchog tu rgyas btab che/ /'dod chags chags bral kun las 'das/ /stong pa ma yin mi stong min/ /yod dang med dang yod med 'das/ /rnam par rtog pa'i yul kun spangs/ /tshig dang
 ming du brjod pa bral/ /bsam gtan brdzun pas ma slad pa/ /'bad rtsol rgyu dang bral ba yang/ /bla ma'i drin gyis rtogs par 'gyur/ /rang bzhin gdod nas ma skyes pa/ /bden min brdzun min 'di lta bu/ /gang la'ang mi gnas
 chos kyi sku/ /chos rnams kun tu rnam par snang/ /sems can khams la rtag gnas pa'i/ /sangs rgyas rang gis rig bya nyid/ /dpe dang rtog pas mtshon du med/ /bla ma'i byin rlabs 'pho bas so/ /bde dang sdug bsngal kun las grol
 rkyen gyis bsgyur min rkyen byung min/ /sa dang sa la g.yo med ba/ /rang gi rang nyid shes bar bya/ /ji ltar nam mkha' bcos min pa/ /lag sogs mi 'gyur mngon gyur phyir/ /rang gi sems la yongs tshol ba/ /bla ma dam pa'i rim las rnyed//
 rang bzhin dang ni yid 'gyus kun/ /chu dang rlabs bzhin dbyer med pa/ /'di la rang bzhin spros bral bas/ /g.yo ba dag kyang rnam par dag /mi rtog ma yin rnam rtog min/ /bya ba byed las yongs 'das pa/ /dpyad pa las 'das phyag rgya che//
 ye shes zhabs kyi rim las rnyed/ /rnam bar mi rtog mu stegs byed/ /dpyod byed blo ngan sangs rgyas pa/ /rnam pa kun ldan chos gang gi'ang/ /ma gos mchog tu dbyen pa'o/ /ces pa ni phyag rgya chen po'o// ` //
 e waM ma ya yi ge mchog /'khor lo bzhi la rnam par gnas/ /sprul pa chos dang longs spyod dang/ /de bzhin bde chen 'khor lo'o/ /bdun khri nyis stong dang/ brgya phrag la nyi shu lhag pa dang/ sum cu rtsa gnyis dang/ rtse gsum dang a
 wa d+hu tI dang/ 'khor lo brgyad dang/ rtsa'i 'dud pa rnams dang/ sku'i sgo dgu dang/ gsung gi sgo bzhi dang/ thugs kyi sgo gnyis dang/ srog dang/ thur sel dang/ mnyam gnas dang/ gyen rgyu dang/ khyab byed dang/ klu dang rus sbal dang/
 sangs rgyas? pa dang/ lha sbyin dang/ gzhu las rgyal dang/ rlung rnams kyi kha dog dang/ tshad dang/ grangs dang/ rgyu ba dang/ dbyug gu dang/ chu tshod dang/ 'pho ba dang/ thun tshod dang/ rang bzhin dang/ las dang/ khams lnga dang/ drug dang/ nyi shu
 rtsa bzhi dang/ khu ba dang/ rdul tha dad dang/ mnyam par gnas pa dang/ dbyangs bcu drug 'char ba dang/ mun pa dang/ rdul dang/ snying stobs 'bab pa de dag ni/ /e weM las byung ba'o/ /nyi ma zla bar na da gnas/ /bcu gnyis bcu drug de bzhin
 du/ /bcu gnyis las ni yon tan brgyad/ /phrad rags pa'i 'khor lo 'khor/ /spyi bor bde ba chen po ste/ /dga' dang tshim dang gnas thod pa/ /'khrig sogs las kyang gsal gyur te/ /de tshe gtso bo khyim
 der spyod/ /rnam par dag las bde chen skye/ /sangs rgyas ye shes sku yi rgyal/ /rang bzhin dang ni las dang yang/ /rnal 'byor rnams kyi gtum mo'o/ /gang du sems spyod der rlung yang/ /thim 'gyur 'di las mchog gzhan med//
 thig le'am yi ge rtsa la sogs/ /gang sgom des kyang mchog tu 'gag/ gnyis 'gag pa las 'bar ba 'am/ /'bar las dbu ma 'byed par 'gyur/ /rtsa gnyis las 'gro 'ong ba dang/ /'khor lo rnams su 'bar zhing zlog /thig le'i
 ye shes 'byung ba ni/ /phyag rgya chen po mngon du 'gyur/ /bum pa can dang rdul mdza' can/ /bgang ba de bzhin rengs byed pa/ /'khor lo rnams su dgag pa dang/ /sngags dang snying ga de bzhin du/ /rdzas kyang thig le gsum pa ste/ /mi shigs
 pa dang nor bu dang/ /'od kyang thig ler mngon brjod pa/ /a ni gtso bo dam pa ste/ /gsal zhing mar me dag dang mtshungs so/ /mi 'gyur mchog tu phra ba'o/ /a u ma/ srog dang gyen rgyu dang/ thig le'o/ /a a h+ra/ srog dang gyen rgyu dang
 thur sel lo/ /h+ra uA mra/ thur sel dang/ srog dang thig le'o/ /yi ge gsum gyi de nyid kyis/ /rlung rnams mchog tu zhi bar byed/ /rtags ni lnga las ye shes te/ /khams brgyad shin tu rnam dag pa'o/ /ces pa ni gtum mo'i ye shes
 so// ` //gang phyir dga' ba de snang ba/ /snang ba mched po mchog dgar bshad/ /dga' bral las ni nyer thob ste/ /lhan cig skyes pa 'od gsal ba'o/ /reg dang 'jug dang skyed pa dang/ /mdza' las ma nyams gzhan
 yang 'di/ /yi ge bcu drug dang ni ches/ /de bzhin dga' ba bcu drug go /'dod pa dang/ dga' ba dang/ g.yo ba dang/ 'dad pa ni dga' ba bzhi'o/ /gang ba dang mchog dga' dang/ 'chang ba dang nub ban? mchog dga' bzhi'o/ /'bar ba dang/ khyad par gyi dga' ba
 dang/ sems dang/ thig le ni khyad par gyi dga' ba bzhi'o/ /oTTa dang lhan cig skyes pa dang/ gnyis dang na da ni lhan skyes bzhi'o/ /'dod chags ma yin chags bral min/ /dbu mar dmigs par mi 'gyur ro/ /gsum po spangs pa nyid
 kyi phyir/ /lhan cig skyes pa byang chub brjod/ /yang na de nyid thams cad bdag /yang na kun gyis rnam par spangs/ /mchog gi mdza' dang dga' bral dbus/ /stong dang stong min he ru ka /pad+ma can dang tshangs ma dang/ gzhan ni lcug phran
 ma la sogs/ /bzhin bzang rab tu bzung nas ni/ /mi 'gyur bde ba'i rgyur bsgrub bya/ /yang na yid las byung ba 'am/ /mi 'gyur ba ni rdo rje gsor/ /'od kyang mi mo nges par bsgrub/ /gzhan ni mthar thug grub pa med/ /sgron me ldan pas
 mun pa las/ /nor bu len bzhin phyag rgya las/ /rang bzhin mngon gyur dang po yi/ /las can rnams la gzhan gyis min/ /dbang bskur ba dang sems kyi dga' / /d+hu tIr 'jug dang brtan pa dang/ /thim dang ye shes brtan pa dang/ /spel dang
 spyod pa'i brtul zhugs dang/ /skyon sgrol ye shes sgom byed pa/ /mngon bar byang chub skabs bcu gcig /gzhan ni ye shes sku sgrub ba/ /de dag bzungs ma'i byed pa can/ /sna tshogs de bzhin rnam smin dang/ /rnam nyed dang ni mtshan nyid bral//
 'di shes sgrub la rab 'jug ste/ /blo brtan nus dang bcas pas so/ /sbyor bas lus ni dag byas la/ /steng 'og sbyor bas gcig tu bya/ /sgo dbye btsan thabs sbyar ba ni/ /sngags dang 'khrul 'khor rab sbyor ba'o/ /rjes su chags pas sems dpa' 
 ste/ /'di las rang bzhin mtshon bzung nas/ /gyen du skyod dang brtan ldan pas/ /lhan cig skyes pa bsgom par bya/ /ces pa ni las kyi phyag rgya'i ye shes so// //me long gi ni gzugs
 brnyan gyis/ /sgyu ma'i lus ni mtshon bar bya/ /kha dog rnams ni 'ja' lta bu/ /khyab ba chu yi zla bas so/ /chos rnams sgyu ma ltar shes nas/ /'di yi rang bzhin bde bsgom bya/ /snang ba mdza' dag rnam sprul pa/ /rang bzhin sprul pa'i
 sku ru brjod/ /sprul pa'i 'khor lo'o/ /smra dang longs spyod gang gnas pa/ /sems la'ang gzugs brnyan tshul 'char te/ /rmi lam rmi bar yongs ston pa/ /thams cad rlung gi rnam par sprul/ /kun rdzob bden pa sgyu ma nyid/ /longs spyod
 rdzogs pa'i sku yang de/ 1 /de nyid bar do'i sems can gyur/ /rdo rje'i sku yang de nyid yin/ /longs spyod kyi 'khor lo'o/ /sgeg dang nye bar longs spyod dang/ /glu dang rol mo sogs rten dang/ /sgyu rtsal rnams la rab 'jug pa/ /chu zla dag
 dang mtshungs par bya/ /mthong ba dang ni reg pa nyid/ /'gro ba sgyu ma ji bzhin bya/ /gang zhig rdo rje sems sogs kyi/ /gzugs brnyan sna tshogs rab bsgyur te/ /gang gang sems kyis yongs sprul pas/ /mi skye de las len pa 'gag/
 yang na btsan thabs sbyor ba yis/ /tshangs pa'i sgo ni dbye bar bya/ /dpal ldan bde chen mgon po yi/ /zhabs kyi rim pa las 'ongs pa'o/ /sprin bral mkha' la mnyam gzhag ste/ /mngon bar zhen pa'i lta bas so/ /de las sgyu ma
 rab grub ste/ /rnam shes gsum po mtshon par bya/ /snang ba dang ni yongs brtags dang/ /de bzhin rnam par thim pa ni/ /gnyid dang sad dang gnyis gnyis sprod/ /stong pa gsum du rnam par rig /snang dang snang ba mched pa dang/ /nye bar
 thob dang 'od gsal ba/ /stong dang shin tu stong pa dang/ /stong pa che dang thams cad stong/ /sems dang sems byung ma rig pa/ /gsum las 'das pa mngon par mtshon/ /chags bral dang ni bar ma nyid/ /de bzhin du ni tshon pa dag /
 yid la 'gro zhing 'ong ba dang/ /mya ngan la sogs gsum de bzhin/ /zhi dang rnam rtog 'jigs pa dang/ 'jigs pa bar dang shin tu 'jigs/ /sred dang sred pa bar ma dang/ /shin tu sred dang nyer len dang/ /mi dge bkres dang sgom
 nyid dang/ /tshor dang tshor ba bar ma dang/ /shin tu tshor ba'i skad cig dang/ /rig pa po dang rig 'dzin gzhi/ /so sor rtog dang ngo tsha shes/ /snying rje dang ni rtse ba gsum/ /dgos dang bsam ba nyid dang ni/ /phrag dog ces ni bya bar bshad//
 dang po'i rang bzhin rnams so/ /chags dang zhen dang de bzhin dga' / /dga' ba bar ma shin du dga' / /rang sa dang rab tu mgu ba dang/ /ngo mtshar de bzhin rgod pa dang/ /tshim dang de bzhin mkhyud pa dang/ /'o byed de bzhin 'jib pa dang/ /brtan dang
 brtson dang nga rgyal dang/ /bya dang 'phrog dang stobs dang ni/ /spro dang lhan cig skyes nyid dang/ /de bzhin gya tshoms bar ma dang/ /gya tshoms chen po drag po'o/ /rnam par sgeg dang zhe 'gras nyid/ /dge dang tshig gsal bden ba dang/
 mi bden pa dang de bzhin des/ /nye bar mi len sbyin pa po/ /bskul dang de bzhin dga' bo dang/ /ngo tsha med dang sgyu dang gdug /mi srun pa dang gya gyu nyid/ /gnyis pa'i rang bzhin rnams so/ /chags pa bar ma'i skad cig dang/ /rjed ngas pa
 dang 'khrul pa dang/ /mi smrar gyur dang skyo ba dang/ /le lo de bzhin the tshom mo/ /gsum pa'i rang bzhin rnams so/ /rang rig tsam gyi ye shes ni/ /nam mkha' lta bur mtshan nyid med/ 'on kyang 'di la dbyer yod de/ /mtshan mo nyin mo mtshams
 bdag nyid/ /mtshan mo snang ba'i cha ste tsha ba nyi ma'i zer 'gyed snang ba mched ba yin/ /mtshams ni snang ba thob pa rang gi rang bzhin rnams kyis lan gcig min par 'gro /mtshan min nyin bar ma yin mtshams min gang
 zhig rang bzhin rnams dang rnam bral ba/ /de nyid byang chub skad cig yin par bla ma mchog bshad rnal 'byor pa nyid yul/ /ji ltar sprin ni sna tshogs shing/ /mdog dang dbyibs ni tha dad pa/ /nam mkha' i dbyings su byung nas ni/ /de nyid du ni thim bar
 'gyur/ /de bzhin rang bzhin thams cad ni/ /snang ba gsum gyi rgyu can te/ /ma lus yul la zhugs nas ni/ /'od gsal bar ni 'jug par 'gyur/ /snang ba kun dang bud med sbyor ba dang/ /'chi ba'i sems dang gnyid la mngon
 'jug pa/ /ril por 'dzin dang gzhan ni rjes su bzhig /rang bzhin gnyis sbyor lam las rtogs par bya/ /rlung rnams phra ba'i gzugs kyis ni/ /shes dang yang dag 'dres gyur nas/ /dbang po'i lam las byung nas ni/ /yul
 rnams la ni dmigs par byed/ /snying por gyur pa rang srog las/ /khams gsum na ni gzhan med de/ /sgyu ma rlung gi khams gsum mo/ /rmi lam rmi ba bzhin du mthong/ /sa la sogs pa bzhi po dang/ /de bzhin stong pa bzhi po
 dag/ skyed dang 'jig pa'i rgyu nyid du/ /dngos po brgyad po rnams shes bya/ /chos kyi 'khor lo chos kyi sku/ /shi dang brgyal dang gnyid dang rmongs/ /bde ba las ni rang rig pa/ /chos kyi sku ru mngon par brjod/ /chos kyi 'khor lo'o/ /
 ces ba ni 'od gsal ba'i ye shes so// //lha dang bla mar bsnyen bya zhing/ /sgyu ma lta bur rnam bsam mo/ /snying rje'i sems dang ldan pa la/ /bdud kyi 'jug pa yod ma yin/ /nus bral spyod pa ma 'khrul bas/ /bde dang
 'jigs dang yid mi bde/ /gang la'ang sems khral yongs spangs nas/ /ji ltar gdung ba med par spyod/ /lus ni rgyal ba thams cad dang/ /de bzhin sems can don sgrub phyir/ /yang na gnod byed rnams la sbyin/ /sems kyi g.yo ba bcad pa bya'o?/
 yid ni gzhan du ma gyur par/ /sna tshogs spyod pas rang dang gzhan/ /mnyam pa nyid dur ba spyod pa/ /'di la bdud kyi 'jug pa med/ /lte ba la ni rlung gnas shing/ /'khris pa snying dang mgrin pa la/ /dpral ba gtsug tor la bad kan/ /'dus pa gsang
 ba'i 'khor lo ste/ /de der sbyor bas zhi bar 'gyur/ /grang nad thur sel byed pa can/ /gyen rgyu mnyam gnas skyon che ba/ /'khrul 'khor g.yo bas rtsa nad 'dzems/ /rlung bcu'i skyon yang de der bsal/ /phyin ci log tu rnam sbyar zhing/ /nam yang byang
 chub sems 'di srungs/ /kha zas spyod lam sbyor ba'i las/ /de des sems kyi skyon zhi bya/ /bla ma dam pa'i zhal lung ste/ /gzhan las yongs su rtogs pa min/ /'dus pa dang ni sdom pa dang/ /dgyes pa'i rdo rjer yang bshad do/ /ye shes ldan pa'ang
 spyod mi byed/ /de yis tshe 'dir byang chub med/ /de phyir ye shes brtan gnas pas/ /'dod chags gar gyi rol mo bya/ /dang por mtshan dus gsang ste spyad/ /gnyis spangs kun tu spyod pas rgyu/ /gal te dro ba'i bya ba thob/ /rnal 'byor ldan par
 khas blang ngo/ /phyi nas 'phags pa'i gnas thob pa/ /des ni phyogs las rnam rgyal bya/ /sha za bzhin du kun spyod pa 'am/ /yang na khyim du zlos gar bya/ /rim pa dang bor rig 'dzin dang/ /'dod dang gzugs khams ltar sgrub ba/ /ye shes sku
 dang mngon byang chub/ /sa dang sa la mngon sgrod pa/ /de bzhin mngon par byang chub che/ /spyod pa'i dus ni rnam pa lnga/ /bskyed rim bde ba bcas bsgom na/ /dran pa nyer bzhag rnam bzhi'o/ /yang dag spong dang rdzu 'phrul rkang/ /dbang po stobs rnams spyod
 bcas pa/ /bde chen byang chub yan lag bdun/ /sa dang sa la yan lag brgyad/ /'on kyang 'di la dbyer yod de/ /rtsa rnams las ni sa bcu dang/ /rlung gi bgrod bcas de bzhin bcu/ /gzhan ni ye shes sa
 bcu ste/ /rtsa sogs ye shes lus thim pa'o/ /bcu gnyis sa yi dbang phyug ni/ /bde mchog bde chen rdo rje 'dzin/ /rnal 'byor rnal 'byor ma rgyud las/ /man ngag rab tu bsdus pa'o/ /dpal ldan bde chen las 'das pa/ /mi shes
 'jig rten rmongs rnams la/ /sems ni snying rje'i dbang gyur pas/ /bde chen rdo rje bdag gis bshad/ /ces pa ni rdo rje'i lam bzang po gsal bar byed pa slob dpon chen po bde ba chen po'i rdo rje zhes bya ba dpal ldan he ru kar mngon par dbang
 bskur ba brtul zhugs sprad pa zhi ba spas pas mdzad pa'o/ /mchog tu rgya tsho'i gzhung lugs las/ /dI na ka ra sa rnam bsdus pa/ /ye shes mchog gis mchod byas te/ /'gro la phan pa bskyed phyir byas// //
 rgya gar gyi mkhan po bud+d+ha gupta'i zhal snga nas dang/ nirbA ta?? zhabs la rmongs pa tA ra nA thas zhus te gus pa chen pos 'bad pas bsgyur ba'o// //rim lnga dang kyai rdo rje'i lung drangs pa sogs ni 'gyur rnying ji
 lta ba bzhin du bris pa'o/ /slob dpon chen po zhi ba spas pas nang gi khyab pa zhes bya ba'i tshig bcad nyis brgya ba dang/ rtsa ba'i mdo la phyed dang nyis brgya/ rlung gi mdo la phyed dang nyis brgya/ /khams kyi mdo brgya phrag gcig /lam lnga
 bstan pa la lung 'dren mi the ba tshig gsar nyis brgya/ rgyu bstan pa la rgya/ gnas bstan pa la nyis brgya phyag rgya chen po lam rdzogs pa dang/ gtum mo'i gzhung la brgya nyi shu des lam rdzogs pa dang/ lhan skyes gsal ba zhes pa la
 brgya bdun cu phyag rgyas lam rdzogs pa dang/ /ye shes nges bstan la sum brgya rgyu lus dang 'od gsal rnam par bzhag pa dang/ man ngag thor bu la lnga brgya/ gsang ba 'dus pa dang/ kyai rdo rje dang/ bde mchog rnams la bsdus pa'i don gyi tshigs
 su bcad pa dang/ rdo rje'i glu dang sgrub thabs chung ngu dang mang du mdzad pa gda' ba/ rgyas pa la dga' ba'i dbang du byas pa dang/ 'bring du dga' ba la/ de dag las bsdus te/ rdo rje'i lam che ba tshigs bcad de stong tsam yod pa/ slob ma
 mchog mang po spyan sngar bsdus so/ /bsdus pa la dga' ba la lam par pa tshigs bcad sum brgya ba/ slob dpon su mA tis bsdus so/ /shin tu bsdus pa la dga' ba'i don du gzhung chung ba 'di la/ rgya gar skad du tshig bcad brgya dang lnga yod pa yin te/
 bod skad duAng rags rtsis la tshigs bcad de tsam ste/ rnal 'byor ma chen mo/ /dI na ka ras zhus nas bsdus pa/ 'di ni shin tu dar ba yin par gda' o/ /ces pa'ang tA ra nA thas reg zig go/ dge'o// //