Wylie

e-texts based on the ACIP/ALL Input

པའི་སྐབས་ཀྱི་སྒྲུབ་ཐབས་ཐམས་ཅད། དཔལ་འཛིན་སྡེའི་དཀར་ཆག་ལ་འཁོད་པ་དེ་ལས་ཀྱང་མང་བཞིག་ཡོད་པ་འདྲའོ།། །།ཅེས་པའང་ཏཱ་ར་ནཱ་ཐས་སྨྲས་པའོ།། ་(བཀའ་བབས་གཞུ?་?་པའི་མན་ངག་གི་གཞུང་རྡོ་རྗེའི་ལཾ་བཟང་པོ་ཞེས་བྱ་བ་སློབ་དཔོན་ཆེན་པོ་རྡོ་རྗེ་ཤྲཱི་ཨཱ?་དྷེ?་རུ་ཀ་ཞི་བ་?་པས་མཛད་པ་བཞུགས་སོ།།)་།ོཾ་སྭསྟི། ཨོཾ་བཛྲ་དྷ་རཱ་ཡ་ན་མོ། རྒྱ་གར་སྐད་དུ། བཛྲ་སུ་མ་རྒཱ་ནཱ་མ། བོད་སྐད་དུ། རྡོ་རྗེའི་ལམ་བཟང་པོ་ཞེས ་བྱ་བ། །རྡོ་རྗེ་འཛིན་པ་ལ་ཕྱག་འཚལ་ལོ། །མགོན་པོ་བདེ་བ་ཆེན་པོ་ནི། བླ་མ་རྡོ་རྗེ་ཅན་ཞབས་འདུད། །མ་ལུས་རྒྱུད་རྣམས་ཐམས་ཅད་ཀྱི། །ད་ཉིད་རབ་ཏུ་གསལ་བཤད་བྱ། །རྒྱུད་ཀྱི་དང་པོར་ཨེ་ཝཾ་ཡིག་།ཕུང་པོ་ཀུན་གྱི་སྣོད་ཡིན་འདི། །སྟོང་དང ་སྙིང་རྗེའི་བདེ་ཆེན་པོ། །སངས་རྒྱས་འདིར་བརྗོད་འཁོར་བའང་འདི། །འོན་ཀྱང་རང་བཞིན་མངོན་གྱུར་དང། །འཇིག་མེད་སེམས་ཀྱི་དེ་ཉིད་རིག་།འགྲོ་ལ་སྙིང་རྗེའི་སེམས་ཆེན་པོ། །རྒྱུ་ཤེས་སློབ་དཔོན་བསྟེན་བྱ་སྟེ། །བླ་མ་ལ་གུས་དྲང་པོའི་དངོས ་ལམ་དང་སྟོན་པ་གཞན་སྤངས་པ། །ཟབ་མོའི་དོན་ལ་རྟོག་བྲལ་བས། །འབད་ན་ཐམས་ཅད་འབྲས་བུར་བཅས། །བདེ་བ་མཆོག་གི་ཐར་པའི་རྒྱུད། །གཞི་དང་ལམ་དང་འབྲས་བུ་ནི། །ཐམས་ཅད་རང་བཞིན་བདེ་བ་ཆེ། །བདེ་བས་བདེ་བ་ཆེ་གྲུབ ་པའོ། །འདི་ལ་སེམས་ཀྱི་རང་བཞིན་གང། །སྐུ་གཉིས་པོར་ནི་རྣམ་པར་གནས། །ཤིན་ཏུ་སྤྲོས་མེད་ཆོས་ཀྱི་སྐུ། །གཟུགས་ནི་ལུས་དང་སྣོད་བཅས་པའོ། །གང་ལ་ཐོག་མ་མེད་པ་དང། །དང་པོ་རྒྱུ་མེད་སངས་རྒྱས་ཆོས། །སེམས་ཅན ་ཀུན་ལ་རྟག་གནས་པ། །རྒྱུ་ཡི་རྡོ་རྗེ་འཆང་བར་བརྗོད་ཕུང་པོ་མངའ་བདག་སངས་རྒྱས་དང། །རིག་མ་འབྱུང་བ་རྣམས་དཀྱིལ་འཁོར། །དབང་པོ་ཡུལ་དང་བཅས་གང་དག་།བྱང་ཆུབ་སེམས་དཔའ་ལྷ་མོར་བཅས། །དེ་ལྟར་དྲི་མ་རྣམ ་སྦྱང་བ། །ཡེ་ཤེས་ཆེན་པོ་བསྒོམ་པར་བྱ། །བསྐྱེད་པའི་རིམ་ལ་ལེགས་གནས་པས། །རྫོགས་པའི་རིམ་པ་འདིར་སྒོམ་བྱོས། །རྟེན་དང་བརྟེན་པའི་རྒྱུ་ཡི་ཕྱིར། །ལུས་མེད་པ་ལ་བདེ་མེད་པས། །ལུས་ནི་དག་པའི་དཀྱིལ་འཁོར་ལ། ། ་སེམས་ཀྱང་ཡང་དག་བདེ་བར་འགྱུར། །བསྙེན་པ་ཉེ་བའི་བསྙེན་པ་དང། །བསྙེན་པ་ཆེ་དང་སྒྲུབ་པ་བྱ། །བསྙེན་པ་ཉེར་སྒྲུབ་སྒྲུབ་པ་དང། །སྒྲུབ་པ་ཆེན་པོ་བསྒོམ་བྱ་ཞིང། །རྣལ་འབྱོར་རྗེས་སུ་རྣལ་འབྱོར་དང། །ཤིན་དུ་ཡང་དང་རྣལ་འབྱོར་ཆེ། ། ་སྦྱོར་དང་དཀྱིལ་འཁོར་རྒྱལ་པོ་མཆོག་།ཕྱི་ནས་ལས་རྒྱལ་མཆོག་བསྒོམ་བྱ། །བདག་ཉིད་གོང་བུ་ལྟར་སྣང་བ། །རབ་བཀྲ་དབང་པོའི་གཞུ་ལྟར་སྣང། །ཕྱི་ནས་དངོས་པོ་ཀུན་ལ་སྤྲོ། །གཅིག་དང་བུམ་དང་བྲལ ་བ། །དཀྱིལ་འཁོར་དག་གིས་སྒོ་ནས་ཕྱུང། །ཟས་སོགས་བྱ་བ་ཐམས་ཅད་སྤྱད། །ལྷ་ཡིས་གསལ་དང་མངོན་ཞེན་གྱིས། །རང་གི་མི་མཐུན་ཤིན་ཏུ་འགག་།སྣ་རྩེར་ཡུངས་ཀར་རྣམས་བརྟགས་པ། །ཡི་གེ་དེ་ནི་མཚན་མ་དང། །གཟུགས་བརྙན ་ལ་སོགས་དཀྱིལ་འཁོར་གྱིས། །སྤྲོ་བའང་ཡང་ན་བསྡུ་བར་བྱ། །རྡོ་རྗེའི་པདྨའི་སྣ་རྩེར་ནི། །ཡུངས་ཀར་ཚུལ་གྱིས་མཚན་མ་བསྒོམ། །དཀྱིལ་འཁོར་སྤྲོ་ཞིང་སྡུད་པ་དང། །རེ་རེ་ཞིང་ཡང་རྣམ་པར་བསྒོམ། །སྐུ་དང་བདེ་བ་རང་བཞིན་མེད། །རྣམ ་བར་རྟོག་ལས་ངེས་བྱུང་བ། །སྲིད་པའི་རྣམ་བས་དེ་སྤྱོད་བྱེད། །འབྲས་བུའི་ལམ་གྱུར་སྐྱེད་པའོ། །ཅེས་པ་ནི་རིམ་པ་དང་པོའོ།། `་།།སེམས་ནི་རང་བཞིན་འོད་གསལ་ཏེ། །དྲི་མ་རྣམས་ནི་བློ་བུར་བ། །རང ་བཞིན་སྐྱེ་འགག་མེད་པ་དང། །ཆོས་ཀུན་མཆོག་ཏུ་རྒྱས་བཏབ་ཆེ། །འདོད་ཆགས་ཆགས་བྲལ་ཀུན་ལས་འདས། །སྟོང་པ་མ་ཡིན་མི་སྟོང་མིན། །ཡོད་དང་མེད་དང་ཡོད་མེད་འདས། །རྣམ་པར་རྟོག་པའི་ཡུལ་ཀུན་སྤངས། །ཚིག་དང ་མིང་དུ་བརྗོད་པ་བྲལ། །བསམ་གཏན་བརྫུན་པས་མ་སླད་པ། །འབད་རྩོལ་རྒྱུ་དང་བྲལ་བ་ཡང། །བླ་མའི་དྲིན་གྱིས་རྟོགས་པར་འགྱུར། །རང་བཞིན་གདོད་ནས་མ་སྐྱེས་པ། །བདེན་མིན་བརྫུན་མིན་འདི་ལྟ་བུ། །གང་ལའང་མི་གནས ་ཆོས་ཀྱི་སྐུ། །ཆོས་རྣམས་ཀུན་ཏུ་རྣམ་པར་སྣང། །སེམས་ཅན་ཁམས་ལ་རྟག་གནས་པའི། །སངས་རྒྱས་རང་གིས་རིག་བྱ་ཉིད། །དཔེ་དང་རྟོག་པས་མཚོན་དུ་མེད། །བླ་མའི་བྱིན་རླབས་འཕོ་བས་སོ། །བདེ་དང་སྡུག་བསྔལ་ཀུན་ལས་གྲོལ ་རྐྱེན་གྱིས་བསྒྱུར་མིན་རྐྱེན་བྱུང་མིན། །ས་དང་ས་ལ་གཡོ་མེད་བ། །རང་གི་རང་ཉིད་ཤེས་བར་བྱ། །ཇི་ལྟར་ནམ་མཁའ་བཅོས་མིན་པ། །ལག་སོགས་མི་འགྱུར་མངོན་གྱུར་ཕྱིར། །རང་གི་སེམས་ལ་ཡོངས་ཚོལ་བ། །བླ་མ་དམ་པའི་རིམ་ལས་རྙེད།། ་རང་བཞིན་དང་ནི་ཡིད་འགྱུས་ཀུན། །ཆུ་དང་རླབས་བཞིན་དབྱེར་མེད་པ། །འདི་ལ་རང་བཞིན་སྤྲོས་བྲལ་བས། །གཡོ་བ་དག་ཀྱང་རྣམ་པར་དག་།མི་རྟོག་མ་ཡིན་རྣམ་རྟོག་མིན། །བྱ་བ་བྱེད་ལས་ཡོངས་འདས་པ། །དཔྱད་པ་ལས་འདས་ཕྱག་རྒྱ་ཆེ།། ་ཡེ་ཤེས་ཞབས་ཀྱི་རིམ་ལས་རྙེད། །རྣམ་བར་མི་རྟོག་མུ་སྟེགས་བྱེད། །དཔྱོད་བྱེད་བློ་ངན་སངས་རྒྱས་པ། །རྣམ་པ་ཀུན་ལྡན་ཆོས་གང་གིའང། །མ་གོས་མཆོག་ཏུ་དབྱེན་པའོ། །ཅེས་པ་ནི་ཕྱག་རྒྱ་ཆེན་པོའོ།། `་།། ་ཨེ་ཝཾ་མ་ཡ་ཡི་གེ་མཆོག་།འཁོར་ལོ་བཞི་ལ་རྣམ་པར་གནས། །སྤྲུལ་པ་ཆོས་དང་ལོངས་སྤྱོད་དང། །དེ་བཞིན་བདེ་ཆེན་འཁོར་ལོའོ། །བདུན་ཁྲི་ཉིས་སྟོང་དང། བརྒྱ་ཕྲག་ལ་ཉི་ཤུ་ལྷག་པ་དང། སུམ་ཅུ་རྩ་གཉིས་དང། རྩེ་གསུམ་དང་ཨ ་ཝ་དྷུ་ཏཱི་དང། འཁོར་ལོ་བརྒྱད་དང། རྩའི་འདུད་པ་རྣམས་དང། སྐུའི་སྒོ་དགུ་དང། གསུང་གི་སྒོ་བཞི་དང། ཐུགས་ཀྱི་སྒོ་གཉིས་དང། སྲོག་དང། ཐུར་སེལ་དང། མཉམ་གནས་དང། གྱེན་རྒྱུ་དང། ཁྱབ་བྱེད་དང། ཀླུ་དང་རུས་སྦལ་དང། ་སངས་རྒྱས?་པ་དང། ལྷ་སྦྱིན་དང། གཞུ་ལས་རྒྱལ་དང། རླུང་རྣམས་ཀྱི་ཁ་དོག་དང། ཚད་དང། གྲངས་དང། རྒྱུ་བ་དང། དབྱུག་གུ་དང། ཆུ་ཚོད་དང། འཕོ་བ་དང། ཐུན་ཚོད་དང། རང་བཞིན་དང། ལས་དང། ཁམས་ལྔ་དང། དྲུག་དང། ཉི་ཤུ ་རྩ་བཞི་དང། ཁུ་བ་དང། རྡུལ་ཐ་དད་དང། མཉམ་པར་གནས་པ་དང། དབྱངས་བཅུ་དྲུག་འཆར་བ་དང། མུན་པ་དང། རྡུལ་དང། སྙིང་སྟོབས་འབབ་པ་དེ་དག་ནི། །ེ་ཝེཾ་ལས་བྱུང་བའོ། །ཉི་མ་ཟླ་བར་ན་ད་གནས། །བཅུ་གཉིས་བཅུ་དྲུག་དེ་བཞིན ་དུ། །བཅུ་གཉིས་ལས་ནི་ཡོན་ཏན་བརྒྱད། །ཕྲད་རགས་པའི་འཁོར་ལོ་འཁོར། །སྤྱི་བོར་བདེ་བ་ཆེན་པོ་སྟེ། །དགའ་དང་ཚིམ་དང་གནས་ཐོད་པ། །འཁྲིག་སོགས་ལས་ཀྱང་གསལ་གྱུར་ཏེ། །དེ་ཚེ་གཙོ་བོ་ཁྱིམ ་དེར་སྤྱོད། །རྣམ་པར་དག་ལས་བདེ་ཆེན་སྐྱེ། །སངས་རྒྱས་ཡེ་ཤེས་སྐུ་ཡི་རྒྱལ། །རང་བཞིན་དང་ནི་ལས་དང་ཡང། །རྣལ་འབྱོར་རྣམས་ཀྱི་གཏུམ་མོའོ། །གང་དུ་སེམས་སྤྱོད་དེར་རླུང་ཡང། །ཐིམ་འགྱུར་འདི་ལས་མཆོག་གཞན་མེད།། ་ཐིག་ལེའམ་ཡི་གེ་རྩ་ལ་སོགས། །གང་སྒོམ་དེས་ཀྱང་མཆོག་ཏུ་འགག། གཉིས་འགག་པ་ལས་འབར་བ་འམ། །འབར་ལས་དབུ་མ་འབྱེད་པར་འགྱུར། །རྩ་གཉིས་ལས་འགྲོ་འོང་བ་དང། །འཁོར་ལོ་རྣམས་སུ་འབར་ཞིང་ཟློག་།ཐིག་ལེའི ་ཡེ་ཤེས་འབྱུང་བ་ནི། །ཕྱག་རྒྱ་ཆེན་པོ་མངོན་དུ་འགྱུར། །བུམ་པ་ཅན་དང་རྡུལ་མཛའ་ཅན། །བགང་བ་དེ་བཞིན་རེངས་བྱེད་པ། །འཁོར་ལོ་རྣམས་སུ་དགག་པ་དང། །སྔགས་དང་སྙིང་ག་དེ་བཞིན་དུ། །རྫས་ཀྱང་ཐིག་ལེ་གསུམ་པ་སྟེ། །མི་ཤིགས ་པ་དང་ནོར་བུ་དང། །འོད་ཀྱང་ཐིག་ལེར་མངོན་བརྗོད་པ། ། ནི་གཙོ་བོ་དམ་པ་སྟེ། །གསལ་ཞིང་མར་མེ་དག་དང་མཚུངས་སོ། །མི་འགྱུར་མཆོག་ཏུ་ཕྲ་བའོ། ། ཨུ་མ། སྲོག་དང་གྱེན་རྒྱུ་དང། ཐིག་ལེའོ། ། ཨ་ཧྲ། སྲོག་དང་གྱེན་རྒྱུ་དང ་ཐུར་སེལ་ལོ། །ཧྲ་ཨཱུ་མྲ། ཐུར་སེལ་དང། སྲོག་དང་ཐིག་ལེའོ། །ཡི་གེ་གསུམ་གྱི་དེ་ཉིད་ཀྱིས། །རླུང་རྣམས་མཆོག་ཏུ་ཞི་བར་བྱེད། །རྟགས་ནི་ལྔ་ལས་ཡེ་ཤེས་ཏེ། །ཁམས་བརྒྱད་ཤིན་ཏུ་རྣམ་དག་པའོ། །ཅེས་པ་ནི་གཏུམ་མོའི་ཡེ་ཤེས ་སོ།། `་།།གང་ཕྱིར་དགའ་བ་དེ་སྣང་བ། །སྣང་བ་མཆེད་པོ་མཆོག་དགར་བཤད། །དགའ་བྲལ་ལས་ནི་ཉེར་ཐོབ་སྟེ། །ལྷན་ཅིག་སྐྱེས་པ་འོད་གསལ་བའོ། །རེག་དང་འཇུག་དང་སྐྱེད་པ་དང། །མཛའ་ལས་མ་ཉམས་གཞན ་ཡང་འདི། །ཡི་གེ་བཅུ་དྲུག་དང་ནི་ཆེས། །དེ་བཞིན་དགའ་བ་བཅུ་དྲུག་གོ་།འདོད་པ་དང། དགའ་བ་དང། གཡོ་བ་དང། འདད་པ་ནི་དགའ་བ་བཞིའོ། །གང་བ་དང་མཆོག་དགའ་དང། འཆང་བ་དང་ནུབ་བན?་མཆོག་དགའ་བཞིའོ། །འབར་བ་དང། ཁྱད་པར་གྱི་དགའ་བ ་དང། སེམས་དང། ཐིག་ལེ་ནི་ཁྱད་པར་གྱི་དགའ་བ་བཞིའོ། །ོཊཊ་དང་ལྷན་ཅིག་སྐྱེས་པ་དང། གཉིས་དང་ན་ད་ནི་ལྷན་སྐྱེས་བཞིའོ། །འདོད་ཆགས་མ་ཡིན་ཆགས་བྲལ་མིན། །དབུ་མར་དམིགས་པར་མི་འགྱུར་རོ། །གསུམ་པོ་སྤངས་པ་ཉིད ་ཀྱི་ཕྱིར། །ལྷན་ཅིག་སྐྱེས་པ་བྱང་ཆུབ་བརྗོད། །ཡང་ན་དེ་ཉིད་ཐམས་ཅད་བདག་།ཡང་ན་ཀུན་གྱིས་རྣམ་པར་སྤངས། །མཆོག་གི་མཛའ་དང་དགའ་བྲལ་དབུས། །སྟོང་དང་སྟོང་མིན་ཧེ་རུ་ཀ་།པདྨ་ཅན་དང་ཚངས་མ་དང། གཞན་ནི་ལྕུག་ཕྲན ་མ་ལ་སོགས། །བཞིན་བཟང་རབ་ཏུ་བཟུང་ནས་ནི། །མི་འགྱུར་བདེ་བའི་རྒྱུར་བསྒྲུབ་བྱ། །ཡང་ན་ཡིད་ལས་བྱུང་བ་འམ། །མི་འགྱུར་བ་ནི་རྡོ་རྗེ་གསོར། །འོད་ཀྱང་མི་མོ་ངེས་པར་བསྒྲུབ། །གཞན་ནི་མཐར་ཐུག་གྲུབ་པ་མེད། །སྒྲོན་མེ་ལྡན་པས ་མུན་པ་ལས། །ནོར་བུ་ལེན་བཞིན་ཕྱག་རྒྱ་ལས། །རང་བཞིན་མངོན་གྱུར་དང་པོ་ཡི། །ལས་ཅན་རྣམས་ལ་གཞན་གྱིས་མིན། །དབང་བསྐུར་བ་དང་སེམས་ཀྱི་དགའ་། །དྷུ་ཏཱིར་འཇུག་དང་བརྟན་པ་དང། །ཐིམ་དང་ཡེ་ཤེས་བརྟན་པ་དང། །སྤེལ་དང ་སྤྱོད་པའི་བརྟུལ་ཞུགས་དང། །སྐྱོན་སྒྲོལ་ཡེ་ཤེས་སྒོམ་བྱེད་པ། །མངོན་བར་བྱང་ཆུབ་སྐབས་བཅུ་གཅིག་།གཞན་ནི་ཡེ་ཤེས་སྐུ་སྒྲུབ་བ། །དེ་དག་བཟུངས་མའི་བྱེད་པ་ཅན། །སྣ་ཚོགས་དེ་བཞིན་རྣམ་སྨིན་དང། །རྣམ་ཉེད་དང་ནི་མཚན་ཉིད་བྲལ།། ་འདི་ཤེས་སྒྲུབ་ལ་རབ་འཇུག་སྟེ། །བློ་བརྟན་ནུས་དང་བཅས་པས་སོ། །སྦྱོར་བས་ལུས་ནི་དག་བྱས་ལ། །སྟེང་འོག་སྦྱོར་བས་གཅིག་ཏུ་བྱ། །སྒོ་དབྱེ་བཙན་ཐབས་སྦྱར་བ་ནི། །སྔགས་དང་འཁྲུལ་འཁོར་རབ་སྦྱོར་བའོ། །རྗེས་སུ་ཆགས་པས་སེམས་དཔའ་ ་སྟེ། །འདི་ལས་རང་བཞིན་མཚོན་བཟུང་ནས། །གྱེན་དུ་སྐྱོད་དང་བརྟན་ལྡན་པས། །ལྷན་ཅིག་སྐྱེས་པ་བསྒོམ་པར་བྱ། །ཅེས་པ་ནི་ལས་ཀྱི་ཕྱག་རྒྱའི་ཡེ་ཤེས་སོ།། །།མེ་ལོང་གི་ནི་གཟུགས ་བརྙན་གྱིས། །སྒྱུ་མའི་ལུས་ནི་མཚོན་བར་བྱ། །ཁ་དོག་རྣམས་ནི་འཇའ་ལྟ་བུ། །ཁྱབ་བ་ཆུ་ཡི་ཟླ་བས་སོ། །ཆོས་རྣམས་སྒྱུ་མ་ལྟར་ཤེས་ནས། །འདི་ཡི་རང་བཞིན་བདེ་བསྒོམ་བྱ། །སྣང་བ་མཛའ་དག་རྣམ་སྤྲུལ་པ། །རང་བཞིན་སྤྲུལ་པའི ་སྐུ་རུ་བརྗོད། །སྤྲུལ་པའི་འཁོར་ལོའོ། །སྨྲ་དང་ལོངས་སྤྱོད་གང་གནས་པ། །སེམས་ལའང་གཟུགས་བརྙན་ཚུལ་འཆར་ཏེ། །རྨི་ལམ་རྨི་བར་ཡོངས་སྟོན་པ། །ཐམས་ཅད་རླུང་གི་རྣམ་པར་སྤྲུལ། །ཀུན་རྫོབ་བདེན་པ་སྒྱུ་མ་ཉིད། །ལོངས་སྤྱོད ་རྫོགས་པའི་སྐུ་ཡང་དེ། 1་།དེ་ཉིད་བར་དོའི་སེམས་ཅན་གྱུར། །རྡོ་རྗེའི་སྐུ་ཡང་དེ་ཉིད་ཡིན། །ལོངས་སྤྱོད་ཀྱི་འཁོར་ལོའོ། །སྒེག་དང་ཉེ་བར་ལོངས་སྤྱོད་དང། །གླུ་དང་རོལ་མོ་སོགས་རྟེན་དང། །སྒྱུ་རྩལ་རྣམས་ལ་རབ་འཇུག་པ། །ཆུ་ཟླ་དག ་དང་མཚུངས་པར་བྱ། །མཐོང་བ་དང་ནི་རེག་པ་ཉིད། །འགྲོ་བ་སྒྱུ་མ་ཇི་བཞིན་བྱ། །གང་ཞིག་རྡོ་རྗེ་སེམས་སོགས་ཀྱི། །གཟུགས་བརྙན་སྣ་ཚོགས་རབ་བསྒྱུར་ཏེ། །གང་གང་སེམས་ཀྱིས་ཡོངས་སྤྲུལ་པས། །མི་སྐྱེ་དེ་ལས་ལེན་པ་འགག། ་ཡང་ན་བཙན་ཐབས་སྦྱོར་བ་ཡིས། །ཚངས་པའི་སྒོ་ནི་དབྱེ་བར་བྱ། །དཔལ་ལྡན་བདེ་ཆེན་མགོན་པོ་ཡི། །ཞབས་ཀྱི་རིམ་པ་ལས་འོངས་པའོ། །སྤྲིན་བྲལ་མཁའ་ལ་མཉམ་གཞག་སྟེ། །མངོན་བར་ཞེན་པའི་ལྟ་བས་སོ། །དེ་ལས་སྒྱུ་མ ་རབ་གྲུབ་སྟེ། །རྣམ་ཤེས་གསུམ་པོ་མཚོན་པར་བྱ། །སྣང་བ་དང་ནི་ཡོངས་བརྟགས་དང། །དེ་བཞིན་རྣམ་པར་ཐིམ་པ་ནི། །གཉིད་དང་སད་དང་གཉིས་གཉིས་སྤྲོད། །སྟོང་པ་གསུམ་དུ་རྣམ་པར་རིག་།སྣང་དང་སྣང་བ་མཆེད་པ་དང། །ཉེ་བར ་ཐོབ་དང་འོད་གསལ་བ། །སྟོང་དང་ཤིན་ཏུ་སྟོང་པ་དང། །སྟོང་པ་ཆེ་དང་ཐམས་ཅད་སྟོང། །སེམས་དང་སེམས་བྱུང་མ་རིག་པ། །གསུམ་ལས་འདས་པ་མངོན་པར་མཚོན། །ཆགས་བྲལ་དང་ནི་བར་མ་ཉིད། །དེ་བཞིན་དུ་ནི་ཚོན་པ་དག་། ་ཡིད་ལ་འགྲོ་ཞིང་འོང་བ་དང། །མྱ་ངན་ལ་སོགས་གསུམ་དེ་བཞིན། །ཞི་དང་རྣམ་རྟོག་འཇིགས་པ་དང། འཇིགས་པ་བར་དང་ཤིན་ཏུ་འཇིགས། །སྲེད་དང་སྲེད་པ་བར་མ་དང། །ཤིན་ཏུ་སྲེད་དང་ཉེར་ལེན་དང། །མི་དགེ་བཀྲེས་དང་སྒོམ ་ཉིད་དང། །ཚོར་དང་ཚོར་བ་བར་མ་དང། །ཤིན་ཏུ་ཚོར་བའི་སྐད་ཅིག་དང། །རིག་པ་པོ་དང་རིག་འཛིན་གཞི། །སོ་སོར་རྟོག་དང་ངོ་ཚ་ཤེས། །སྙིང་རྗེ་དང་ནི་རྩེ་བ་གསུམ། །དགོས་དང་བསམ་བ་ཉིད་དང་ནི། །ཕྲག་དོག་ཅེས་ནི་བྱ་བར་བཤད།། ་དང་པོའི་རང་བཞིན་རྣམས་སོ། །ཆགས་དང་ཞེན་དང་དེ་བཞིན་དགའ་། །དགའ་བ་བར་མ་ཤིན་དུ་དགའ་། །རང་ས་དང་རབ་ཏུ་མགུ་བ་དང། །ངོ་མཚར་དེ་བཞིན་རྒོད་པ་དང། །ཚིམ་དང་དེ་བཞིན་མཁྱུད་པ་དང། །འོ་བྱེད་དེ་བཞིན་འཇིབ་པ་དང། །བརྟན་དང ་བརྩོན་དང་ང་རྒྱལ་དང། །བྱ་དང་འཕྲོག་དང་སྟོབས་དང་ནི། །སྤྲོ་དང་ལྷན་ཅིག་སྐྱེས་ཉིད་དང། །དེ་བཞིན་གྱ་ཚོམས་བར་མ་དང། །གྱ་ཚོམས་ཆེན་པོ་དྲག་པོའོ། །རྣམ་པར་སྒེག་དང་ཞེ་འགྲས་ཉིད། །དགེ་དང་ཚིག་གསལ་བདེན་བ་དང། ་མི་བདེན་པ་དང་དེ་བཞིན་དེས། །ཉེ་བར་མི་ལེན་སྦྱིན་པ་པོ། །བསྐུལ་དང་དེ་བཞིན་དགའ་བོ་དང། །ངོ་ཚ་མེད་དང་སྒྱུ་དང་གདུག་།མི་སྲུན་པ་དང་གྱ་གྱུ་ཉིད། །གཉིས་པའི་རང་བཞིན་རྣམས་སོ། །ཆགས་པ་བར་མའི་སྐད་ཅིག་དང། །རྗེད་ངས་པ ་དང་འཁྲུལ་པ་དང། །མི་སྨྲར་གྱུར་དང་སྐྱོ་བ་དང། །ལེ་ལོ་དེ་བཞིན་ཐེ་ཚོམ་མོ། །གསུམ་པའི་རང་བཞིན་རྣམས་སོ། །རང་རིག་ཙམ་གྱི་ཡེ་ཤེས་ནི། །ནམ་མཁའ་ལྟ་བུར་མཚན་ཉིད་མེད། འོན་ཀྱང་འདི་ལ་དབྱེར་ཡོད་དེ། །མཚན་མོ་ཉིན་མོ་མཚམས ་བདག་ཉིད། །མཚན་མོ་སྣང་བའི་ཆ་སྟེ་ཚ་བ་ཉི་མའི་ཟེར་འགྱེད་སྣང་བ་མཆེད་བ་ཡིན། །མཚམས་ནི་སྣང་བ་ཐོབ་པ་རང་གི་རང་བཞིན་རྣམས་ཀྱིས་ལན་གཅིག་མིན་པར་འགྲོ་།མཚན་མིན་ཉིན་བར་མ་ཡིན་མཚམས་མིན་གང ་ཞིག་རང་བཞིན་རྣམས་དང་རྣམ་བྲལ་བ། །དེ་ཉིད་བྱང་ཆུབ་སྐད་ཅིག་ཡིན་པར་བླ་མ་མཆོག་བཤད་རྣལ་འབྱོར་པ་ཉིད་ཡུལ། །ཇི་ལྟར་སྤྲིན་ནི་སྣ་ཚོགས་ཤིང། །མདོག་དང་དབྱིབས་ནི་ཐ་དད་པ། །ནམ་མཁའ་ཨི་དབྱིངས་སུ་བྱུང་ནས་ནི། །དེ་ཉིད་དུ་ནི་ཐིམ་བར ་འགྱུར། །དེ་བཞིན་རང་བཞིན་ཐམས་ཅད་ནི། །སྣང་བ་གསུམ་གྱི་རྒྱུ་ཅན་ཏེ། །མ་ལུས་ཡུལ་ལ་ཞུགས་ནས་ནི། །འོད་གསལ་བར་ནི་འཇུག་པར་འགྱུར། །སྣང་བ་ཀུན་དང་བུད་མེད་སྦྱོར་བ་དང། །འཆི་བའི་སེམས་དང་གཉིད་ལ་མངོན ་འཇུག་པ། །རིལ་པོར་འཛིན་དང་གཞན་ནི་རྗེས་སུ་བཞིག་།རང་བཞིན་གཉིས་སྦྱོར་ལམ་ལས་རྟོགས་པར་བྱ། །རླུང་རྣམས་ཕྲ་བའི་གཟུགས་ཀྱིས་ནི། །ཤེས་དང་ཡང་དག་འདྲེས་གྱུར་ནས། །དབང་པོའི་ལམ་ལས་བྱུང་ནས་ནི། །ཡུལ ་རྣམས་ལ་ནི་དམིགས་པར་བྱེད། །སྙིང་པོར་གྱུར་པ་རང་སྲོག་ལས། །ཁམས་གསུམ་ན་ནི་གཞན་མེད་དེ། །སྒྱུ་མ་རླུང་གི་ཁམས་གསུམ་མོ། །རྨི་ལམ་རྨི་བ་བཞིན་དུ་མཐོང། །ས་ལ་སོགས་པ་བཞི་པོ་དང། །དེ་བཞིན་སྟོང་པ་བཞི་པོ ་དག། སྐྱེད་དང་འཇིག་པའི་རྒྱུ་ཉིད་དུ། །དངོས་པོ་བརྒྱད་པོ་རྣམས་ཤེས་བྱ། །ཆོས་ཀྱི་འཁོར་ལོ་ཆོས་ཀྱི་སྐུ། །ཤི་དང་བརྒྱལ་དང་གཉིད་དང་རྨོངས། །བདེ་བ་ལས་ནི་རང་རིག་པ། །ཆོས་ཀྱི་སྐུ་རུ་མངོན་པར་བརྗོད། །ཆོས་ཀྱི་འཁོར་ལོའོ། ། ་ཅེས་བ་ནི་འོད་གསལ་བའི་ཡེ་ཤེས་སོ།། །།ལྷ་དང་བླ་མར་བསྙེན་བྱ་ཞིང། །སྒྱུ་མ་ལྟ་བུར་རྣམ་བསམ་མོ། །སྙིང་རྗེའི་སེམས་དང་ལྡན་པ་ལ། །བདུད་ཀྱི་འཇུག་པ་ཡོད་མ་ཡིན། །ནུས་བྲལ་སྤྱོད་པ་མ་འཁྲུལ་བས། །བདེ་དང ་འཇིགས་དང་ཡིད་མི་བདེ། །གང་ལའང་སེམས་ཁྲལ་ཡོངས་སྤངས་ནས། །ཇི་ལྟར་གདུང་བ་མེད་པར་སྤྱོད། །ལུས་ནི་རྒྱལ་བ་ཐམས་ཅད་དང། །དེ་བཞིན་སེམས་ཅན་དོན་སྒྲུབ་ཕྱིར། །ཡང་ན་གནོད་བྱེད་རྣམས་ལ་སྦྱིན། །སེམས་ཀྱི་གཡོ་བ་བཅད་པ་བྱའོ?། ་ཡིད་ནི་གཞན་དུ་མ་གྱུར་པར། །སྣ་ཚོགས་སྤྱོད་པས་རང་དང་གཞན། །མཉམ་པ་ཉིད་དུར་བ་སྤྱོད་པ། །འདི་ལ་བདུད་ཀྱི་འཇུག་པ་མེད། །ལྟེ་བ་ལ་ནི་རླུང་གནས་ཤིང། །འཁྲིས་པ་སྙིང་དང་མགྲིན་པ་ལ། །དཔྲལ་བ་གཙུག་ཏོར་ལ་བད་ཀན། །འདུས་པ་གསང ་བའི་འཁོར་ལོ་སྟེ། །དེ་དེར་སྦྱོར་བས་ཞི་བར་འགྱུར། །གྲང་ནད་ཐུར་སེལ་བྱེད་པ་ཅན། །གྱེན་རྒྱུ་མཉམ་གནས་སྐྱོན་ཆེ་བ། །འཁྲུལ་འཁོར་གཡོ་བས་རྩ་ནད་འཛེམས། །རླུང་བཅུའི་སྐྱོན་ཡང་དེ་དེར་བསལ། །ཕྱིན་ཅི་ལོག་ཏུ་རྣམ་སྦྱར་ཞིང། །ནམ་ཡང་བྱང ་ཆུབ་སེམས་འདི་སྲུངས། །ཁ་ཟས་སྤྱོད་ལམ་སྦྱོར་བའི་ལས། །དེ་དེས་སེམས་ཀྱི་སྐྱོན་ཞི་བྱ། །བླ་མ་དམ་པའི་ཞལ་ལུང་སྟེ། །གཞན་ལས་ཡོངས་སུ་རྟོགས་པ་མིན། །འདུས་པ་དང་ནི་སྡོམ་པ་དང། །དགྱེས་པའི་རྡོ་རྗེར་ཡང་བཤད་དོ། །ཡེ་ཤེས་ལྡན་པའང ་སྤྱོད་མི་བྱེད། །དེ་ཡིས་ཚེ་འདིར་བྱང་ཆུབ་མེད། །དེ་ཕྱིར་ཡེ་ཤེས་བརྟན་གནས་པས། །འདོད་ཆགས་གར་གྱི་རོལ་མོ་བྱ། །དང་པོར་མཚན་དུས་གསང་སྟེ་སྤྱད། །གཉིས་སྤངས་ཀུན་ཏུ་སྤྱོད་པས་རྒྱུ། །གལ་ཏེ་དྲོ་བའི་བྱ་བ་ཐོབ། །རྣལ་འབྱོར་ལྡན་པར ་ཁས་བླང་ངོ། །ཕྱི་ནས་འཕགས་པའི་གནས་ཐོབ་པ། །དེས་ནི་ཕྱོགས་ལས་རྣམ་རྒྱལ་བྱ། །ཤ་ཟ་བཞིན་དུ་ཀུན་སྤྱོད་པ་འམ། །ཡང་ན་ཁྱིམ་དུ་ཟློས་གར་བྱ། །རིམ་པ་དང་བོར་རིག་འཛིན་དང། །འདོད་དང་གཟུགས་ཁམས་ལྟར་སྒྲུབ་བ། །ཡེ་ཤེས་སྐུ ་དང་མངོན་བྱང་ཆུབ། །ས་དང་ས་ལ་མངོན་སྒྲོད་པ། །དེ་བཞིན་མངོན་པར་བྱང་ཆུབ་ཆེ། །སྤྱོད་པའི་དུས་ནི་རྣམ་པ་ལྔ། །བསྐྱེད་རིམ་བདེ་བ་བཅས་བསྒོམ་ན། །དྲན་པ་ཉེར་བཞག་རྣམ་བཞིའོ། །ཡང་དག་སྤོང་དང་རྫུ་འཕྲུལ་རྐང། །དབང་པོ་སྟོབས་རྣམས་སྤྱོད ་བཅས་པ། །བདེ་ཆེན་བྱང་ཆུབ་ཡན་ལག་བདུན། །ས་དང་ས་ལ་ཡན་ལག་བརྒྱད། །འོན་ཀྱང་འདི་ལ་དབྱེར་ཡོད་དེ། །རྩ་རྣམས་ལས་ནི་ས་བཅུ་དང། །རླུང་གི་བགྲོད་བཅས་དེ་བཞིན་བཅུ། །གཞན་ནི་ཡེ་ཤེས་ས ་བཅུ་སྟེ། །རྩ་སོགས་ཡེ་ཤེས་ལུས་ཐིམ་པའོ། །བཅུ་གཉིས་ས་ཡི་དབང་ཕྱུག་ནི། །བདེ་མཆོག་བདེ་ཆེན་རྡོ་རྗེ་འཛིན། །རྣལ་འབྱོར་རྣལ་འབྱོར་མ་རྒྱུད་ལས། །མན་ངག་རབ་ཏུ་བསྡུས་པའོ། །དཔལ་ལྡན་བདེ་ཆེན་ལས་འདས་པ། །མི་ཤེས ་འཇིག་རྟེན་རྨོངས་རྣམས་ལ། །སེམས་ནི་སྙིང་རྗེའི་དབང་གྱུར་པས། །བདེ་ཆེན་རྡོ་རྗེ་བདག་གིས་བཤད། །ཅེས་པ་ནི་རྡོ་རྗེའི་ལམ་བཟང་པོ་གསལ་བར་བྱེད་པ་སློབ་དཔོན་ཆེན་པོ་བདེ་བ་ཆེན་པོའི་རྡོ་རྗེ་ཞེས་བྱ་བ་དཔལ་ལྡན་ཧེ་རུ་ཀར་མངོན་པར་དབང ་བསྐུར་བ་བརྟུལ་ཞུགས་སྤྲད་པ་ཞི་བ་སྤས་པས་མཛད་པའོ། །མཆོག་ཏུ་རྒྱ་ཚོའི་གཞུང་ལུགས་ལས། །དཱི་ན་ཀ་ར་ས་རྣམ་བསྡུས་པ། །ཡེ་ཤེས་མཆོག་གིས་མཆོད་བྱས་ཏེ། །འགྲོ་ལ་ཕན་པ་བསྐྱེད་ཕྱིར་བྱས།། །། ་རྒྱ་གར་གྱི་མཁན་པོ་བུདྡྷ་གུཔཏའི་ཞལ་སྔ་ནས་དང། ནིརྦཱ་ཏ??་ཞབས་ལ་རྨོངས་པ་ཏཱ་ར་ནཱ་ཐས་ཞུས་ཏེ་གུས་པ་ཆེན་པོས་འབད་པས་བསྒྱུར་བའོ།། །།རིམ་ལྔ་དང་ཀྱཻ་རྡོ་རྗེའི་ལུང་དྲངས་པ་སོགས་ནི་འགྱུར་རྙིང་ཇི ་ལྟ་བ་བཞིན་དུ་བྲིས་པའོ། །སློབ་དཔོན་ཆེན་པོ་ཞི་བ་སྤས་པས་ནང་གི་ཁྱབ་པ་ཞེས་བྱ་བའི་ཚིག་བཅད་ཉིས་བརྒྱ་བ་དང། རྩ་བའི་མདོ་ལ་ཕྱེད་དང་ཉིས་བརྒྱ། རླུང་གི་མདོ་ལ་ཕྱེད་དང་ཉིས་བརྒྱ། །ཁམས་ཀྱི་མདོ་བརྒྱ་ཕྲག་གཅིག་།ལམ་ལྔ ་བསྟན་པ་ལ་ལུང་འདྲེན་མི་ཐེ་བ་ཚིག་གསར་ཉིས་བརྒྱ། རྒྱུ་བསྟན་པ་ལ་རྒྱ། གནས་བསྟན་པ་ལ་ཉིས་བརྒྱ་ཕྱག་རྒྱ་ཆེན་པོ་ལམ་རྫོགས་པ་དང། གཏུམ་མོའི་གཞུང་ལ་བརྒྱ་ཉི་ཤུ་དེས་ལམ་རྫོགས་པ་དང། ལྷན་སྐྱེས་གསལ་བ་ཞེས་པ་ལ ་བརྒྱ་བདུན་ཅུ་ཕྱག་རྒྱས་ལམ་རྫོགས་པ་དང། །ཡེ་ཤེས་ངེས་བསྟན་ལ་སུམ་བརྒྱ་རྒྱུ་ལུས་དང་འོད་གསལ་རྣམ་པར་བཞག་པ་དང། མན་ངག་ཐོར་བུ་ལ་ལྔ་བརྒྱ། གསང་བ་འདུས་པ་དང། ཀྱཻ་རྡོ་རྗེ་དང། བདེ་མཆོག་རྣམས་ལ་བསྡུས་པའི་དོན་གྱི་ཚིགས ་སུ་བཅད་པ་དང། རྡོ་རྗེའི་གླུ་དང་སྒྲུབ་ཐབས་ཆུང་ངུ་དང་མང་དུ་མཛད་པ་གདའ་བ། རྒྱས་པ་ལ་དགའ་བའི་དབང་དུ་བྱས་པ་དང། འབྲིང་དུ་དགའ་བ་ལ། དེ་དག་ལས་བསྡུས་ཏེ། རྡོ་རྗེའི་ལམ་ཆེ་བ་ཚིགས་བཅད་དེ་སྟོང་ཙམ་ཡོད་པ། སློབ་མ ་མཆོག་མང་པོ་སྤྱན་སྔར་བསྡུས་སོ། །བསྡུས་པ་ལ་དགའ་བ་ལ་ལམ་པར་པ་ཚིགས་བཅད་སུམ་བརྒྱ་བ། སློབ་དཔོན་སུ་མཱ་ཏིས་བསྡུས་སོ། །ཤིན་ཏུ་བསྡུས་པ་ལ་དགའ་བའི་དོན་དུ་གཞུང་ཆུང་བ་འདི་ལ། རྒྱ་གར་སྐད་དུ་ཚིག་བཅད་བརྒྱ་དང་ལྔ་ཡོད་པ་ཡིན་ཏེ། ་བོད་སྐད་དཱུང་རགས་རྩིས་ལ་ཚིགས་བཅད་དེ་ཙམ་སྟེ། རྣལ་འབྱོར་མ་ཆེན་མོ། །དཱི་ན་ཀ་རས་ཞུས་ནས་བསྡུས་པ། འདི་ནི་ཤིན་ཏུ་དར་བ་ཡིན་པར་གདའ་ཨོ། །ཅེས་པའང་ཏཱ་ར་ནཱ་ཐས་རེག་ཟིག་གོ། དགེའོ།། །། ་