བོད་ཡིག

e-texts based on the ACIP/ALL Input

rgya gar skad du/ de ba se ka bi d+hi/ bod skad du/ lha dbang bskur ba'i cho ga /sangs rgyas la phyag 'tshal lo/ /de la rab tu gnas pa'i sa gzhi gdugs/ rgyal mtshan dang/ ba dang rnams pa sna tshogs dang/ rol mo'i sgra sna tshogs la sogs pa yid du 'ong par/ slob dpon ji ltar 'byor ba'i rgyan thams cad kyis brgyan pa'i sku gzugs sam/ ras bris sam/ glegs bam mdun du rnam par bzhag la/ bsangs gtor dang/ mchod yon dang/ zhabs bsil dang/ zhal bsil phul nas/ g.yon pa dang cig shos kyi khu tshur dag gis yungs kar bzung la/ sku gzugs la sogs pa'i mdun du g.yon skor dang/ g.yas skor gyis bskor nas mi la blugs te/ oM sarba pA baM da ha na badzra ya/ che ge mo'i sarba pA baM da ha na swAhA/ zhes pa'i sngags 'dis khaM phor gsum yang sgor phyogs kyis bskor bar bya'o/ /de nas snyim pas chu bzung ste/ de kho na bzhin du me la blugs so/ /slad nas nam mkhar gnas pa'i de bzhin gshegs pa rnams nye bar spyod pa lnga lngas yang dag par mchod la/ kun tu rtog pa thams cad spangs pas spos phor bzung ste/ de bzhin gshegs pa de rnams lhag par gnas par bya ste/ sa ma ya stwaM/ /sa ma yonyahaM/ zhes pa lan gsum brjod nas/ ji ltar rdzogs pa'i sangs rgyas kun/ /dga' ldan yang dag bzhugs pa rnams/ /lha mo sgyu 'phrul lhum zhugs ltar/ /de bzhin gzugs brnyan 'dir bzhugs shing/ /mgon po 'dir ni rtag bzhugs nas/ /me tog la sogs 'di dag ni/ /byang chub sems rab 'phel bya'i phyir/ /che ge mo yi don du bzhes/ /de nas mi skyod rdo rje ye shes che/ /zhes pa la sogs pas bstod bar bya'o/ /lha lhag par gnas pa'o/ /sngo dro sku gzugs na bza' ser po g.yogs pa kha shar du phyogs pa la khrus bya'o/ /de la rim pa 'di yin te/ ba'i rnam lnga la/ oM hUM h+rAM h+rIM(rgyud 'grel bir? gyis byug par bya'o/ /de nas mkhar ba'i snod du bzhag pa'i shun pa lngas mar khu phyi bar bya'o/ /de'i 'jug thogs su rnam par rgyal ba'i bum pa nas brtsams te/ bum pa so so'i chus khrus gsol bar bya ste/ ji ltar bltams pa tsam nyid nas// de bzhin gshegs kun khrus gsol ltar/ /lha yi chu ni dag pa yis/ /de bzhin bdag gis khrus gsol bgyi/ /oM sarba ta thA ga ta a b+hi She ka ta sa ma ya sh+rI hUM/ zhes bya ba'i sngags kyis so/ /de'i 'jug thogs su nam mkhar bzhugs pa'i/ /spyan ma la sogs pa rig ma'i tshogs spyan drangs la/ ye shes kyi bdud rtsis gang ba'i bum pa bsnams pa/ /de rnams kyis dbang sbyin par bsam bar bya'o/ /de nas ras kyi chu med bar byas la/ sngar gyi rang gi gnas su bzhag par bya'o/ /ras bris saM/ glegs bam/ mchod rten nam/ po ti rnams ni me long la snga ma'i rim pas khrus gsol bar bya'o/ /khrus kyi cho ga'o/ /de nas spyan la sogs pa dang/ sku la sogs pa byin gyis brlabs pa dang/ dbang bskur ba dang/ rang gi rigs kyi bdag po dbu rgyan la bzhugs par bsgoms la/ nam mkhar bzhugs pa'i de bzhin gshegs pa dkyil 'khor gyi 'khor lo'i rnam par dmigs nas/ mchod yon la sogs pa phul te dam tshig pa la bcug pa dang/ glegs bam la ni yi ge'i gzugs su gyur pa la na bza' g.yog par bya ste/ oM badzra bA ma se swAhA/ zhes pa'i sngags kyis so/ /de nas me tog la sogs pa la/ oM A(rgyud 'grel dag ni/ /mchog tu gus pas bdag 'bul na/ /ci bde bar ni khyod kyis bzhes/ /lhan cig skyes dang sbyor las byung/ /de bzhin bdug spos mchog 'di dag /mchog tu gus pas bdag 'bul na/ /ci bde bar ni khyed kyis bzhes/ / zhun mar 'brur mar me 'di/ /lha rdzas 'bar bas mun pa 'jom/ /mi shes thams cad zhes bya'i phyir/ /bdag nyid dang bas dbul bar bgyi/ /lhan cig skyes dang sbyar ba yi/ /dri mchog dam pa 'di dag ni/ /mchog tu gus bas bdag 'bul bgyi/ /ci bde bar ni khyed kyis bzhes/ /bza' dang bca' dang yang dag ldan/ ? dri dang ldan cing/ /thams cad sbyar ba'i zhal drangs 'di/ /'bul gyis yang dag bzhes su gsol/ /zhes pa mngon par bsngags cing/ /me tog la sogs pa dbul bar bya'o/ /de nas sku gzugs kyi spyan dbye bar bya ste/ dngul gyi snod du bzhag pa'i mar dang/ sbrang? rtsi glangs? pa'i gser gyi thur mas/ oM tsak+Shu(rgyud 'grel zhes pa'i sngags kyis so/ /de nas lag pa g.yas pas rdo rje gsor zhing g.yon pas dril bu dkrol bas/ mnyam nyid mi g.yo mnyam nyid mchog gi chos nyid can/ /zhes pa la sogs pas bstod par bya'o/ /rab gnas kyi cho ga'o/ / 'gyur rnying la zhus dag cung zad byas so// // */ (/sbyin sreg gi cho ga bzhugs so//) /rgya gar skad du/ nyi? ma bi d+hi/ bod skad du/ sbyin sreg gi cho ga /rdo rje 'dzin pa la phyag 'tshal/ /'dir