བོད་ཡིག

e-texts based on the ACIP/ALL Input

ni gsang sngags so/ /khro bo chen po dbyug pa sngon po'i sgrub thabs rdzogs so// //gsar 'gyur ro// //rgya gar skad du/ ya mA ri sA d+ha ni/ bod skad du/ gshin rje gshed kyi sgrub pa'i thabs/ 'phags pa 'jam dpal gzhon nur gyur ba la phyag 'tshal lo/ /dpal ldan mthar mdzad thugs rje'i rang bzhin can/ /'gro ba'i don du phyi rol gtum po'i sku/ /mgon po gshin rje gshed la mgos btud de/ /de yi sgrub thabs 'dod pa'i don du ni/ /sngags pa dang po sems yongs mgu ba dang/ /bde ba'i stan gnas 'og tu dam bca' byas/ /snying gar hUM bkod pa las mchod pa'i tshogs/ sna tshogs pa yi mgon la mngon par mchod/ /de yi spyan sngar sdig pa bshags pa sogs/ /byas te stong nyid yongs su bsgoms nas ni/ /dang por rlung gi dkyil 'khor yaM las byung/ /du ba'i mdog 'dra gzhu yi dbyibs can la/ /raM gyi sa bon las byung me yi ni?/ /dkyil 'khor gru gsum mdog kyang dmar ba yin/ /paM las byung ba'i chu yi dkyil 'khor ni/ /bum pa 'dra zhing dkar la 'thur ltas pa/ /laM las byung ba'i dbang chen dkyil 'khor ni/ /zur bzhi pa la kun nas rab tu ser/ /hUM suM hUM las byung ba'i ri rab ni/ /ri rgyal rtse mo brgyad pa go rim bzhin/ /sngar bshad rlung la sogs pa'i dkyil 'khor rnams/ /gong nas gong ma'i rim pa bsams nas ni/ /de 'og hUM las byung ba'i rdo rje'i sa/ /ra ba dra ba dam pa dbus kyi char/ a las byung ba'i zla ba'i dkyil 'khor gyi/ /dbus na b+hI(rgyud 'grel bsams las slar yang de'i thugs zla bar gnas/ /d+hI(rgyud 'grel rnams/ /yang dag bskul te bkug nas nyi gzugs la/ /bcug cing deng ni gcig tu gyur pa ni/ /slar yang nyi ma nyid du gyur pa las/ /'od zer dmar po rab tu rgya che ba/ /shin tu 'bar ba spros nas de ru ni/ /hUM las byung ba'i rdo rje kha gyes nag/ lte bar hUM bcas sna tshogs 'od 'phro ba/ /de las rgyal dang byang chub sems dpa' spros/ /slar yang de yis 'gro ba drug la gnas/ /sems can btul te byang chub mchog bkod nas/ /bkug ste thams cad rdo rje la rab bzhag /de 'og rdo rje sngon po yongs gyur nas/ /gshin rje gshed po zhal gcig phyag gnyis bsam/ /phyag g.yas rdo rje'i dbyig pa 'phyar ba dang/ /phyag g.yon sdigs 'dzub rdo rje zhags pa can/ /gshin rje'i ma he'i steng na gan rgyal gnas/ /g.yas brkyang gnon pa yis ni gnon par mdzad/ /mi'u thung zhal ni rnam 'gyur mche ba gtsigs/ /gsus khyim che la ljags ni rnam par bskyod/ /dbu skra smin ma sma ra dmar ser ni/ /gyen du brdzes shing spyan gnyis rnam par dmar/ /gnag cing khre bcas gnyer ma dpral bar bsdus/ /phus 'debs klu brgyad kyis ni yan lag brgyan/ /stag pags bsnams shing thod pa'i rtse bran can/ /mgo bo'i 'phreng ba'i ngo shal 'phyang mdzad cing/ /dus mdza' i me ltar 'jig 'od rnam par 'bar/ /'jigs par byed pa'ang 'jigs pa skyed par mdzad/ /gtum zhing gshin rje gshed tshogs sangs rgyas 'phrog? /'jig rten lha mchog tshogs kyis phyag byas shing/ /ha har bzhad pas lha dang lha min tshogs/ /kun nas yongs su skrag par mdzad pa'o/ /sa gsum dag na yod pa'i bdud kyi tshogs/ /ma lus pa yang rnam par 'byer bar mdzad/ /de ltar bsam gtan la brtson gnas pa ste/ /dogs pa med par nyin mtshan sngags bzlos shing/ /de nyid sbyor bas dur khrod sogs par gnas/ /dam tshig rnam dag nges par 'grub par 'gyur/ /oM h+rI(rgyud 'grel bsod nams gang thob des 'jig rten/ /gshin rje gshed mnyam 'gro kun sdug bsngal ni/ /mi bzad tshogs thar bdud tshogs myur zad shog /gshin rje gshed kyi sgrub thabs slob dpon 'gro bzang snying pos mdzad pa rdzogs so// // rgya gar gyi mkhan po dI baM ka ra sh+rI dz+nyA na dang/ zhu chen gyi lo tsa ba dge slong rin chen bzang pos bsgyur cing gtan la phab pa'o// // */ /gshin rje mthar byed kyi sgrub thabs bzhugs so// /rgya gar skad du/ ya mAn ta ka sA d+ha na/