བོད་ཡིག

e-texts based on the ACIP/ALL Input

so// //pa tshab? dge slong tshul khrims rgyal mtshan gyis bsgyur ba'o// //rgya gar skad du/ saM k+Shi pa taM badzra wa dA hi sA d+ha ni/ bod skad du/ mdor bsdus pa'i rdo rje phag mo'i sgrub thabs/ bcom ldan 'das ma rdo rje phag mo la phyag 'tshal lo/ /dang por re shig rnal 'byor pas/ dur khrod la sogs pa 'di dga' ba'i gnas su/ /rang gi snying gar zla ba la yi ge om gyi 'od zer spros pas bla ma dang/ sangs rgyas dang/ byang chub sems dpa' rnams spyan drangs la mdun du dmigs te/ mchong pa dang/ sdig pa bshags pa la sogs pa rnams byas la/ nam mkha' dang mtshungs par khams gsum rnam par bsam ste/ hUM las rdo rje'i rnam par gyur pa'i sa gzhir/ dur khrod brgyad kyi dbus su chos 'byung gi nang du chud pa'i pad+ma'i lta ba la zla ba la gnas pa'i nyi zla kha sbyar ba'o/ /de la gnas pa'i yi ge paM las rdo rje'o/ /de'i sa bon las legs par byung ba'i bcom ldan 'das ma rdo rje phag mo ste/ bsreg pa'i bskal pa'i me dang kha dog mtshungs pa/ zhal gcig phyag gnyis ma/ g.yas pas ni phyogs thams cad du 'gro ba ma rung sa rnams la sdigs 'dzub mdzad cing rdo rje bsnams pa/ yang na ni cang te'u 'dzim pa'o/ /g.yon pas thod pa dang/ kha nAM ga bsnams pa/ 'jigs byed dus mtshan brkyang bskum gyis mnan pa/ zhal phyogs rnams su gzigs pa/ sgra lhug par gyur cing/ thod pa'i dum bu'i 'og dpag dang ldan pa/ zhal mche ba rnam par gtsigs ma/ spyan gsum ma/ zhal rnam par 'gyur ma/ spyi 'o na sna tshogs rdo rje dang ldan zhing/ thod pa'i 'phreng bas mdzes pa ma/ mgo bo brgyus pa'i 'phreng bas 'jigs shing sku mdzes pa/ rgyan thams cad yis sku brgyan pa'o/ /sangs rgyas thams cad dbang bskur gnas/ /rnam par sna ba mdzad rigs byung ba'i/ /dngos grub thams cad rab sbyin ma/ / sku ni ? dang bsdu bar te/ /mchod bstod bdud rtsi myang ba yang/ /rnal 'byor mnyam par bzhag par bya/ /gus dang bcas pas rtag bsgoms na/ /sangs rgyas nyid ni bla mar thog /sdom pa byas la dgod bya zhing/ /rnal 'byor rig pas gtor ma btang/ oM baM rdo rje phag mo ni lte bar ro/ /ha yaM ya mi nI ni snying gar ro/ /h+ri moM rmugs byed mo ni kha la'o/ /h+ro h+ri kun du skyong ma ni mgo la la'o/ /hUM hUM kun du skrag byed ma ni spyi bo la'o/ /phaT phaT gtum mo ni yan lag thams cad la mtshon cha ro/ /lte ba snying ga de bzhin kha dang ni/ ma gau spyi bo mtshon cha nyid kya'o/ /rtse mo mdud byas gung mo nges par rtse sbrang cing/ /mthe bong rdo rje dag ni brtan par legs btsir te/ /dpral ba'i dbus su legs pa nyid du bzhag byas la/ /kun nas skor ba'i skor bar byed pas bskor bar bya// rkang pa mnan cing gyen du lta byed pas/ /spyi nas phreM gi sgra ni brjod bya zhing/ /phyogs bcu 'jig rten khams na gnas pa yi/ /dpa' bo rnal 'byor ma rnams bod par bya/ /oM yi ge shud+d+ha(rgyud 'grel sa ma ya stwaM dri sh+ya ho(rgyud 'grel ya thai baM yaM ? b+huM dza tha/ pi ba tha/ dzi g+ha tha/ ma ti kra ma tha ma ma sarba ka ha ya sad sad su kha bi shud+d+ha ye sa hA yi kA b+ha wan+tu hUM hUM phaT swAhA/ gtor ma'i sngags so/ /oM badzra bai ro tsa nI ye swAhA/ snying po'i sngags yi ge bcu pa'o/ /oM sarba bud+d+ha DA ki nI ye/ badzra bar+Na? nI ye hUM hUM phaT swAhA/ nye ba'i snying po yi ge nyi shu rtsa gcig pa'o/ /oM sarba ga mi ni sarba b+ha k+ShaM sho d+ha ya/ gu hyaM badzri Ni hUM swAhA/ zas thams cad sbyong bar byed pa'i sdugs so/ /yang na gdam ngag gis rang gi sems ? par byed 'dod? pas/ rang gi lte ba'i pad+ma'i steng du zla ba kha sbyor gyi nang na gnas pa'i yi ge baM yungs kar phra mo'i chad tsam las nges par byung ba'i pad+ma'i de kho na nyid kyi rnam pa'i 'od zer bsgom par bya'o/ /khams gsum 'od gsal zhing bde ba chen po'i rnam par mthong bar 'gyur/ /'di ni mdor bsdus pa'i rdo rje phag mo'i sgrub thabs rdzogs pa yin no// //slob dpon a Dha ya'i zhal snga nas dang/ dge slong tshul khrims rgyal mtshan gyis bskur ba'o// //