བོད་ཡིག

e-texts based on the ACIP/ALL Input

bzhin thig le sgra spangs la/ /brtan gyur stobs bskyed ting 'dzin sbyangs/ /man ngag rim pas sgra nang du/ /chu skyes 'dab bzhi 'dab brgyad nas/ /'dab ma stong gi bar du dmigs/ /slar bsdus sgra yi ngo bo las// 'das pa mi phyed ye shes 'dod/ /de nyid gsal bar bya ba'i phyir/ /mkhas pa rab tu bsten gyis ces/ /sems can rnams la bdag gsol 'debs/ /shes rab kyi pha rol tu phyin pa'i man ngag rdo rje lta bu zhes bya ba/ dpal kam+ba la pas mdzad pa rdzogs so// //rdog 'gyur gcod ma yin no// //rgya gar skad du/ pradz+nyA pA ra mi ta u pa de sha /bod skad du/ shes rab kyi pha rol tu phyin pa'i man ngag /sangs rgyas la phyag 'tshal lo// rtog pa kun las nges grol gang/ /mtshan med stong pa'i ngo bo can/ /dge ma de la phyag 'tshal nas/ /de nyid gsal bar bri bar bya/ /shes rab kyi pha rol tu phyin pa'i mdo sde 'di la/ kun nas nyon mongs pa dang rnam par byang ba'i rab tu dbye ba dag shes pa'i sgo nas/ khong du chud dgos pa yin no/ de yang phal che ba'i spyod yul ma yin pas/ sgra las 'das pa'i rim pa 'di bstan no/ /dang por sems mi g.yo bar 'dug pa slob par 'dod pas/ lus sems ngal dub med par byas nas/ gnas bde? bar gnas par bya'o/ /de nas rang gi snying dbus su/ /chu skyes dkar po 'dab bzhi'i dbus/ /praM ni dkar po bsam bar bya/ /brtan 'gyur rim pas sgra la dmigs/ /de nas pad+ma 'dab brgyad dang/ /brgya yi bar du spro bandu bya/ /de nas mi g.yo brtan gyur na/ /dam pa rnams la rnyed bkur gyis/ /shes rab kyi pha rol tu phyin pa'i man ngag rdzogs so// //rgya dpe ma rnyed rdog 'gyur gtsang ma yin// // */ (/zhi bar byed pa sna tshogs yum gyi sgrub thabs bzhugs so//) /rgya gar skad du/ shAn ta krita pi shA mA ta sA d+ha naM/ bod skad du/ zhi bar byed pa sna tshogs yum gyi sgrub thabs/ rdo rje sems dpa' la phyag 'tshal lo/ /phra rab rdul gyis chos nyid 'das/ /phra phab pa yi rang bzhin can/ /rnam? pa kun gyi mchog ldan ma/ /phyag rgya chen mo de la 'dud/ /'dir snying gar gnas pa'i pad+ma dkar po dang zla ba la/ /pa sde'i gnyis pa chu'i khams te pha yig dang/ 'og tu me'i khams ra yig dang/ steng du rlung gi khams e yig dang/ rjes su ro? thams cad la khyab pa nyid kyi phyir/ de rnams gcig pa nyid ni phreM phreM mo/ /de las dri med ri bong can gyi 'od dang mtshungs pa'i/ /bcom ldan 'das ma sna tshogs yum ji skad bshad pa ltar bsgom par bya ste/ de'i thugs kar yang zla ba la phreM phreM yig bsam par bya'o/ /de yang zhal bzhi pa phyag brgyad ma/ ji skad bshad pa lta bu 'am/ phyag gnyis na gri? gug dang thod pa 'dzin par yang bsgom mo/ /yang na ji skad bshad pa'i zhi ba'i lha mo nyid de/ las dang rjes su mthun par sgrub pa'i phyir/ thams cad kyang mi 'gal ba kho na'o/ de'i phyir bla ma dam pa la man ngag ji lta ba bzhin nos te bsgom par bya'o/ /oM phreM phreM bi shwa mA ta badzra kaN+Da kA na nA sha ya nA sha ya/ ma mA shAn taM ku ru ku ru swAhA/ ces pa ni bdag nyid kyi don du sngags so/ /sran chung la sogs pa lan bdun du mngon par bsngags pa/ ji lta ba de bzhin nyid du de nyid kyi srung ba ste/ spyi gtsug dang/ mgo bo dang/ mgrin pa dang/ snying ga dang/ lte ba dang/ gsang ba ste gnas drug po 'di rnams su/ thun gsum du bsrung ba bya'o/ /gzhan srung ba'i don du/ lha sbyin la/ shAn+tiM ku ru ku ru swAhA/ zhes pa ni nges pa'o/ /sdig pa'i nad zhi bar byed pa'i sran chung dag dang btags te 'thung ba dang/ ru trAk+Sha dang btags te 'thung ba dang/ rims nad kyis mthar gyur pa'i thod pa brdar? ba mi skyod pa dang bsres nas/ sngags kyis mngon par bsngags te byin pa