བོད་ཡིག

e-texts based on the ACIP/ALL Input

'gyur gsar 'ba' zhig pa'o/ /bdun 'di ang+ga lhag/ /rgya gar skad du/ kha dI ra nI twa da sA b+ha naM/ bod skad du/ seng ldeng nags kyi sgrol ma'i sgrub thabs/ 'phags ma sgrol ma la phyag 'tshal lo/ /dang por kha dag pa la sogs pa bya'o// rang gi snying khar aM yig las zla ba'i dkyil 'khor ro/ /de'i dbus su tAM gi yi ge las yang dag bar 'phros pa'i 'od zer rnams kyis 'jig rten gsum po gang zhing de rnams snang bar byas te/ bla ma dang sangs rgyas dang byang chub sems dpa' rnams spyan drang bar byas nas phyag 'tshal ba dang/ mchod ba dang/ bstod pas mnyes par byas shing/ bsod nams la rjes su yi rang ba dang/ sdig pa bshags pa dang/ gsum la skyabs su 'gro bar bya'o/ /tshangs pa'i gnas pa bzhi yang rim pa ji bzhin du bsgom par bya'o/ /sems can thams cad la bu gcig pa lta bu'i gnyen gshin pa ni byams pa'o/ /sdug bsngal can gyi sems can rnams sdug bsngal las 'don par 'dod pa ni snying rje'o/ /sems can mdza' dag la bde ba rgyas pa dang/ rab tu brtan par 'dod pa de dga' ba'o/ /thams cad la snyoms pa'i btang snyoms kyang bsgom par bya'o/ oM swa b+hA wa shud+d+ha sarba d+harma swa b+hA wa shud+d+honyahaM/ oM shU n+ya ta dz+nyA na badzra swa b+hA wa at+ma konyahaM/ baM gyi yi ge yongs su gyur pa las/ pad+ma dang zla ba'i dkyil 'khor ro/ /der tAM gi yi ge las sgrol ma bsgom par bya ste/ sku mdog ljang khu phyag gnyis pa/ skyil krungs phyed pa can no/ /g.yas mchog sbyin/ g.yon na utpa la sngon po 'dzin pa'o/ /rgyan thams cad kyis brgyan pa/ don yod grub pas dbu brgyan pa'o/ /shar du 'phags ma dug sel ma sku mdog dkar ba/ phyag gnyis pa g.yas na sprul dang g.yon na utpa la'o/ /lho na mya ngan med pa'i shing gi 'od zer can ni/ sku mdog ser mo/ phyag gnyis ma/ g.yas na rdo rje/ g.yon na mya ngan med pa'i yal ga'o/ /nub tu rma bya chen mo sku mdog dmar mo/ /phyag gnyis ma/ g.yas na mchog sbyin/ /g.yon na rma bya'i mjug spro'o/ /byang du ral gcig ma/ sku mdog nag mo/ /phyag gnyis ma/ dbu skra dmar ser gyen du brdzes pa/ mi'u thur ma/ stag gi pags pa'i na bza' can/ /g.yas kyi phyag na gri gug /g.yon na ka pA la'o/ /de bzhin gshegs pa bzhis brgyan pa/ spyan ma la sogs pa'i rnal 'byor ma rnams dang ji bzhin sbyor ba'o/ /rnal 'byor pa bsam gtan gyi ngal na/ sngags bzlas par bya'o/ /de la 'di ni sngags kyi rgyal po'o/ /oM tA re tut+ta re tu re swAhA/ seng ldeng nags kyi sgrol ma'i sgrub thabs rdzogs so// //'di yang 'gyur gsar yin no// //