བོད་ཡིག

e-texts based on the ACIP/ALL Input

*/ (//dpal sha ba ra'i bstod pa rin po che zhes bya ba//) /rgya gar skad du/ sh+rI sha ba ra ste tra ratnaM/ bod skad du/ dpal sha ba ra'i bstod pa rin po che/ dpal ldan bla ma rnams la phyag 'tshal lo/ /rdo rje sems dpa' mchog gi rdo rje'i rang bzhin ni/ nam mkha' i ngo bo rnam pa kun tu yod rang bzhin/ /'dod pa spangs pa de ni sha yig gis brjod ba/ /rnal 'byor dbang phyug dpal ldan ri khrod pa la 'dud/ /rtag tu shar zhing yod kyang ru yi stong pa yi/ /rdo rje'i lta bu'i ro la mnyam par gzhag gyur pa/ /'di ni nga yi yi ges yang dag brjod des na/ /mgon bo ri khrod brtul zhugs dbang po la phyag 'tshal/ /rtag tu rgyal ba skyes mchog rnams kyi gsang chen la/ /dgyes shing yang na chos rnams dga' ba nyid du ni/ /'di ltar ra yi yi ges yis ni brjod gyur pa/ /rnal 'byor dbang po mchog tu grags la phyag bgyi'o/ /yig gsum zhes bya sha pa ra la ra pa btung nas/ /yon tan chu gter su zhig gis ni bstod par nus/ /'on kyang bdag ni bla ma khyod la dad dbang gis// bstod par 'dod pa de slad bstod par bgyi ba lags/ /'gro bar gtogs pa rnams kyi thog ma med dus nas/ /nye bar bsags ba'i sdig rnams yongs su sbyang pa'i phyir/ /rab tu sra zhing mi phyed thabs kyi rgyud dang bcas/ /shes rab gzhu ni mngon sum dag tu legs bsnams shing/ /lhan cig skyes pa bdag med mngon sum rang nyid kyi/ /nyams su myong ba'i mnga' ni rna ba'i bar bkang nas/ /nyon mongs shes bya'i sgrib sogs 'ben la bsnun pa na/ /phugs pa lags te kyai brtan po khyod ni a la la'o/ /bdag med nyid kyi rdo rje can te yang dag mdza' i/ /'khor lo'i khyod kyi dpral ba'i mthar ni mdzes byas shing/ /e ma'o gzhan don bdud rtsi dag la cher sred pa/ /khyod ni dgra med dpa' bo'i dbang phyug ma lags sam/ /'dod chags dang ni gzhan ba sdang byed gti mug ste/ /gsum po 'di dag 'jig rten dug tu rab tu grags/ /de dag ma lus kun nas bsal bar gyur pa las/ /dgra bo drungs phyung dpa' bo'i dar dpyangs bcings sam snyam/ /gang zhig 'dod la chags bral gtam gyis dman gyur cing/ /sra ba'i dregs pas cher mtho tshig las rnam grol ba/ /gsung gi rdo rje rnam dag rna ba'i rgyan gyi mchog /snyan zung la ni 'chang ba de la phyag bgyi'o/ /nam mkha' i rang bzhin rdo rje mi rus phreng ba dang/ /'gro ba rgyas byed rin chen mchog gi mgul? rgyan dag /thugs rje'i bdag nyid gang gi mgul ba'i rgyan nyid de/ /rnal 'byor dbang phyug bla ma de la phyag bgyi'o/ /srog gcod pa dang bral bas khyod kyi phyag ngag la/ /dpal ldan de bzhin gshegs pa'i gdu bu nges bcings shing/ /sbyin pa la sogs pha rol phyin drug rnam dag pas/ /ma ru'i phreng ba drug kyang dkris par gyur pa nyid/ /btsan thabs las ni ma dag 'dod chags nges bsal zhing/ /reg pa rnam par dag pa'i skra yi srang bu ni/ /'khor dang mya ngan 'das pa rnam dag zung nyid kyis/ /rang gi lte ba'i 'khor lo dkris shing bcings pa lags/ /skye bo skrag pas nyams thag pa dang mi rnams kyi/ /rang la gnod byed khros pa'i rnam pas rab zhi'i slad/ /khyod zhabs chu skyes rtsa bar zhabs gdub de nyid las/ /g.yer kha'i gdu bu zung ngag bcings par 'dod pa lags/ /'gyur med sems kyi thal bas sku yi ba spu ni/ /ma lus nges par khyab cing gang bar mdzad pa nyid/ /de slad khyod sku me long gzugs brnyan lta bu ste/ /rdo rje sku can dpal ldan bla ma khyod la 'dud/ /phung por gzung ba'i lus la dga' bar gyur pa yi/ /chags pa la sogs rnams kyang sbyar bar bya ba'i phyir/ /thal ba dag gis sku la yang dag byugs pa nyid/ /dpal ldan khyod la bdag ni skyabs su song bar gyur/ /ral pa ring gnyis khyo shugs zung ste bde chen gyi 'khor lor gnas pa'i rol pa ring po 'di dag ni/ /gsal por rab tu phye ste bstan pa gang yin pa/ /'od gsal rang byin brlab pa zung du 'jug ba nyid/ /ji ltar seng+ges 'jigs par byed pa'i sgra bsgrags pas/ /glang po rnams ni cher skrag 'jigs shing nyams thag ga gzhom med bdag nyid sgra yis rang bzhin rwa yi ni/ /skad kyis bgegs rnams dag la mgon khyod de 'dra'o/ /khyod kyi ma bu'i phreng ba'i rgyan ni rmad byung ba/ /kun rdzob bden pa nyid kyis 'di yi phyed dmar zhing/ /phyed nag ba yang don dam bden pa'i ngo bo nyid/ /de dag gcig tu bstar ba gang lags rab tu shis/ /de bzhin gshegs pa kun gyi bcos ma min de nyid/ /lhan cig skyes pa'i rang bzhin bde ba rgyas gyur pa/ /de slad khyod kyi sku la rnam par bkra ba yi/ /rma bya'i sgro mdong 'chang ba rmad byung chen po lags/ /sum cu rtsa gnyis rtsa 'di dag dang grangs mtshungs ba'i/ /chun po'i dbang phyug mchod phyir thogs pa rnams 'chang ba/ /zhi bde'i sa bon rang gi snying ga'i phyogs su ste/ /sha bar dpal khyod la rtag tu phyag 'tshal lo/ / rdzogs pa'i byang chub phun sum tshogs pa'i gter gyi mchog /dam pa'i sku yi rdo rje yang dag ldan na yang/ /de las khyod kyi gcig tu sems can phan grub phyir/ /sna tshogs byed ba 'di rnams nges bar gzung ba lags/ /kha yig gis ni a yi bdud sde dum bur mdzad/ /de nas kha yig sems yongs shes bas mkha' la gshegs/ /gti mug tshogs sogs sel slad kha dang ga dag gis/ /nam mkha' i sku ste mkha' 'gro yang ni khyod nyid do/ /mu stegs ngan pa kun gyis bsgros pa'i 'dod pa bcom/ /mi rnams bde bar bsgrod pa'i gnas la gnas par mdzad/ /dam chos sbyar rab tu bstan pas phan pa ni/ /mya ngan 'das gtad bde gshegs dam pa'i lam gyis so/ /rdzu 'phrul rnam 'phrul brgya phrag gnas la rtse gcig pas/ /kun gyis bsam pa'i bum pa gang ba'i skal bzang byas/ /e ma'o phul du byung ba'i gzhan gyi don bsags pa/ /rgyal ba ri khrod khyod zhabs la ni bdag 'dud ba/ /de ltar bla ma dam ? bar bstod pa ni/ /rin chen brtul zhugs dam pa nags kyi rin gyis byas 'dir/ /dge ba gang thob de yis srid pa'i chu gter bying ba dag /byung nas kun gyi lhan skyes bde 'byor myur dus thob shog /'di ni dpal sha ba ra'i zhabs kyi bstod pa rin po che zhes bya ba/ dpal nags kyi rin chen zhabs kyis mdzad pa rdzogs so// // paN+Di ta chen po de nyid dang/ 'gos lo tsa ba dge slong gzhon nu dpal gyis bsgyur ba las/ slar du rje btsun gyi zhal snga nyid la legs par mnyan zhing don khong du chud par bgyis nas/ dge slong bsod nams rgya mtsho'i sde zhes bya bas cung zad bcos te gtan la phab pa'o// // */ (/dpal raksha bdag nyid chen po'i bstan bcos bzhugs lags so//) /rgya gar skad du/ sh+rI ru d+h+ra k+Sha mahA tan+ta? shAstra/ bod skad du/ dpal raksha bdag nyid chen po'i stan bcos/ dpal tshogs kyi bdag po la