བོད་ཡིག

e-texts based on the ACIP/ALL Input

bstan bcos rtsom pa dang gtsang bar byed pa yang/ /las thams cad 'grub par byed pa rdzogs so// //tsarba? Di'i zhabs kyis mdzad pa'o/ /dge slong rgya mtsho'i sdes bsgyur ba'o// // (zha? ?rin po che'i phreng ba bzhugs so//) /rgya gar shar phyogs pa rna ga ri'i mkhas pa chen po/ mchog grub pa'i dbang phyug sh+rI ba na ratna'i zhal gyi lung/ ched du gdams pa kha mthor ba dang bcas pa gnas skabs gang yang rung ba rnams su thos pa la/ srid par skye ba'i nyon mongs rnyog pa rnams/ /rab tu bkrus las mngon sum chags bral ba/ /gnas brtan chen po chags kyi rin chen la/ /srid pa zhi byang skye bos gus bsten kye/ /paN+Di ta chen po li'i nyi mas ched du brjod pa'o// // je? dang por thun mong ma yin pa'i bshes gnyen bsten tshul la gdams pa/ yid ni don la mngon par zhen pa'i rgyu las 'khor ba'i 'khor lo rnam par bkra bar byed pa'i blo/ /gang yin de ni rje bo gang gi drin las spros pa med pa'i rang gis la rab tu 'jug /de yang rtog pa'i dra ba las grol yang dag bde bar 'char ba so so rang gis rig bya ba/ /bla ma dam pa de yi zhabs kyi pad+mar dul bar bcas pa'i mgo bos rtag tu phyag bgyi'o/ /klu grub zhabs la sha bar dbang phyug gis so/ /'di nas mi rtag pa nyid kyis nges par 'byung ba'i gnas la gdams pa'i phyir/ bsad bya'i skyes bu me tog thod can rol mo dang ldan skye bo mang pos yongs bskor ba/ /gsod pa'i gnas su 'gro bzhin pa ni gom par res nyams dar lhung ba ji lta bar/ /longs spyod gnas bcas rnams kye 'di ltar nyin re nyin res 'chi ba la ni nges brtun te/ /mngon par chas pa khyed rnams longs spyod dag gis yid la khengs pa 'byung bar 'gyur ba ci/ /paN+Di ta b+hartha ha ri'i gzhung las so/ /3 ma brtags pa'i bsod nyams kyi chags bdag las khyad par yid 'byung bar bya ba la gdams pa/ mi rnams che tshang lo brgya nyid na'ang mtshan mo rnams kyis de'i phyed sod/ /de'i phyed ni byis pa nyid de gzhan phyed rgan po nyid kyis 'das/ /lhag ma phrad dang 'bral ba'i sdug bsngal nad bcas re ba 'bras bu med/ /srog ni chu yi brlabs ltar g.yon mi rnams ci phyir shin tu bde/ /'phrog byed don 'dzin gyi gzhung las so/ /4 de ltar shes pa las bde bar gshegs pa'i bstan pa bdud rtsi lta bu la brten par gdams pa/ ji ltar su yang rung ba'i skyes bu mar don gnyer ba yis/ /chu ni mngon par bsrubs kyang mar rnyed 'gyur ba ma yin pa/ /de bzhin bde bar gshegs pa'i mi 'di la yang mi brten pa'i/ /mi yis rnam par grol brnyed par 'gyur ba ma yin nyid/ /kho bo na la sgrings pa zhal las so pa thun mong ma yin pa'i phyi nang gi khyad par bstan pa las rnam par grol ba'i bstan pa'i snying po la gdams pa/ sangs rgyas pa dang mu stegs kun nas mtshungs nyam du/ /rnam dbye byed po med las gal te 'dir dbye ba/ /chen po'i blo dang ldan pas zhib mor mthong ba gang/ /mthar thug pa ni stong nyid gcig pur gsungs pa'o/ /la ba pa'i snang ba'i phreng ba las so/ /6 de lta bas na gang zhig rkyen las skyes pa de ma skyes/ /de yi skye ba rang bzhin yod ma yin/ /rkyen la rag las gang de stong par bshad/ /gang zhig stong nyid shes de bag yod pa'o/ /zhes pa mdo las so/ /7 stong ba nyid de yang nam mkha' i me tog dang mo sham gyi bu lta bu gtan med pa'i mtshan nyid can gyi dgag pa ni ma yin no zhes gdams pa/ ngo bo nyid kyis dngos skye med/ /mkha' i me tog bzhin ma skyes min/ /skye ba med pa'i rang bzhin gyis/ /skye ba stong par bzhed pa yin/ /la ba'i na bza' can gyis so/ /8 de'i phyir/ dngos po rnams kyi de kho na nyid kyang/ /nges par med na mo sham khu ji bzhin/ /tha snyad du yang med pa nyid 'gyur te// rang bzhin nyid yod 'di las de rnams yod/ /dpal ldan zla ba'i'o/ /4? yod pa de yang med pa'i zlas drangs par ni ma yin no zhes rten cing 'brel par 'byung ba'i rang bzhin gyi tshul la gdams pa/ skye med nyid phyir rang bzhin med/ /'gag pa med las rten 'byung ba/ /yod dang med pa'i nyam 'di las/ /zung 'jug nyid du skye bar 'gyur/ /a dwa ya badzra gyi'o/ /10 mtshan nyid de dag dang ldan pa'i mtshan bzhi ni sems kyi rang bzhin gyi tshul las gzhan ma yin no zhes gdams pa/ skye ba kun rtog gis stong rten 'byung ba/ /stong pa'i rang bzhin gyis na dngos por med/ /chad man? bkra pa sems kyi ngo bor gcig /gzugs sogs rgyal ba lnga rnams rgyal gyur cig /mai trI'i zhabs kyi'o/ /11 de nyid ni lhan cig skyes pa bde ba chen po brjod pa dang bral ba'i de kho na nyid mthun drug pa ste/ bla mas brjod pa de yang ma yin zhing/ /de ni slob mas go ba'am thob pa med/ /lhan cig skye pa'i bde ba bdud rtsi de/ /su la su zhig gis ni brjod par byed/ /sa ra ta'i zhabs kyi glu'o/ /12 'di nyid brtan g.yo'i khyab bdag rgyu'i rdo rje 'dzin pa'o zhes khyad par gyi gnas la gdams pa/ gang zhig ri dang rgya mtsho chen po brgyad/ /gling dang dmyal sogs dbye ba thams cad dang/ /brtan pa dang ni g.yo ba thams cad gang/ /de de gzhan min rdo rje 'dzin rang nyid/ /klu grub kyi zhal snga nas so/ /13 'o na don gzhan du snang ba ci zhe na/ gsungs pa/ stong nyid bag chags kyis bsgos na/ /stong pa nyid ni dngos por 'gyur/ /rlung gis dkrugs las brtan por ni/ /gyur pas chu nyid chab grom mo/ /nA ga bo d+hi'o/ /14 de lta mod kyi rang bzhin gzhan du 'gyur ba ni ma yin no zhes bya ba'i tshul gyis lam gyi shes pa ye shes kyi phyogs nyid la dpes gdams pa/ ji ltar byis pas 'di la dkar po nyid/ /'od snyam sol ba blangs nas brdar ba yi/ /zad par song mod dkar por mi 'gyur ba/ byis blo brdzun pa'i mngon rlom de bzhin no/ /A rya klu'i zhabs kyi'o/ /15 de'i phyir rang bzhin kho na lam gyi snying por bya ba ste/ /byang chub nyon mongs las gzhan min/ /byang chub nyon mongs las ma byung/ /nyon mongs rang bzhin nyid las ni/ /khyod kyis bdud rtsi brnyes pa lags/ /klu sgrub kyi zhal snga nas so/ /16 rang bzhin las gzhan du nyam 'gyur ni med bzhin du snang ba brdzun pa kho na ste/ e ma'o bden pa'i don ni tshogs rtogs kyang 'khrul pa'i blo dag la/ /mnyam dang mi mnyam mtho sma'i 'gro ba sna tshogs bkra ba rnam bkod pa/ /srid pa gsum gyis bsdus pa'i phyir/ kun du rtog pa brdzun pa yis/ /thog ma med pa'i 'khor bar snying gi nam mkha' i khongs su bris pa bzhin/ /la ba pa'i zhabs kyis so/ /17 de nyid kyis na rang bzhin bde ba chen po so so rang gis rig pa'i ngo bo nyid du mngon du bya ba'i rnam par mi rtog pa'i sgo thun mong ma yin pa la gdams pa/ bdag po nyon mongs pa sa bon gyis mtho dbang po'i stobs dang de rnams nyid kyis stsol ldan par/ /yid ni rab tu 'jug pa lnga po rnams kyis skad cig yul 'di rnams te de nyid ni/ /phyag 'os bla ma dam pa'i zhabs kyi chu skyes rdul la rang nyid reg pa'i dbang gang las bdag gi snying po zhes bya de kho na nyid bdud rtsir son par gyur pa a la la/ /dau DaM sra band+ha las so/ /18 de las ji ltar de kho na nyid kyi bdud rtsi'i gnas la son pa gsal bar 'doms pa/ bden dang kun du brdzun min de dag skye dang 'jig pa 'ang ma yin pa/ /rang bzhin spros med dbu ma'i blo ni kun du thams cad byed po mchog /brtan g.yo'i 'gro ba'i de kho na zhes rgyal ba ston pa nyid kyis te/ /de ni bde ba'i rdo rjer gyur la so so rang rig lha mo rgyal/ /ri khrod zhabs kyi'o/ /19 bde ba de rang gis rig na rang la bya byed srid par thal ches pa nyid du dogs pa la/ /gsungs pa/ bde de gang gis shes snyam na/ /yid kyi rig par byed mod kyang/ /rang bzhin med phyir rig bya dang/ /rig byed gyur ba'i skyon med do/ /'phags pa klu grub zhabs kyis so/ /20 so so rang rig gis rig bya'i lha mo'i nges pa gsungs pa/ bdag nyid med phyir nges par chos kyi dbyings/ /rnam par dag pas ro dag nyal ba'i gnas/ /shin tu rnam dag chos dbyings rang bzhin gyis/ /der ni bzhengs 'di 'gro ba gcig pa'i sku/ /brtson grus dpal bshes gnyen gyis so/ /21 de nyid kyis na rang byin gyis brlab pa'i gnas la gdams pa/ ma 'khrul pa yi de nyid thob/ /longs spyod rdzogs pa'i sku zhes dran/ /hUM phaT yi ge las grol ba/ /sems dpa' i gzugs brnyan zhi ba mchog /dzA land+ha ri ba'i 'o/ /22 de'i nges pa kho nar rgyu 'bras kyi tsaN+Ta lI dang lhan cig skyes pa gnyis kyi nges pa la gdams pa/ gtum mo'i 'od kyi rol pas rang gi gnas las g.yo ba'ang rang 'byung ba de ba cher/ /thim las rgya cher khyab cing gsal bzhin sa la rang nyid rtogs pa shar ba gang/ /chu skyes rtse mor son pa'ang 'phel ba gang gis myang 'das go 'phang thob pa yang/ /ri gnyis dag la shar ba'i lhan cig skyes dga' i skad cig ma ste bdag 'dud do/ /pIrya sh+rI mi tra'i'o/ /23 de'i phyir mngon par gsal ba'i rgyus 'bras bu la ji ltar 'tshams sbyor ba'i nges pa gsungs pa/ kun du phyag rgya gcig sbyor dang/ /phyag rgya bzhi la sbyor ba 'am/ /btsun mo'i grong du 'jug pa'ang rung/ /sgyu ma'i lus ni rjes dran bya/ /Arya de ba'i'o/ /24 de ji ltar rjes su ngan par bya ba'i btsan thabs kyi sbyor ba la gdams pa/ shes rang kyi ni kak+ko lar/ /thabs kyi bol+la rab bzhag nas/ /yang yang bsgrubs gyur sgra sgrogs par/ /der ni snying rje cis mi skye/ /25 skabs der sha ni bza' bya zhing/ /rgyun du chang yang btung bar bya/ /kye/ skal ldan phyi rol mi btang bar/ /de du skal med spang bar bya/ /26 bzhi mnyam gla rtsi si hA/ / e ma'o ga pur dang li shi /ma la ya skyes bud shing gis/ /sA li ji tsam 'dod der bza' / /27 yongs brtags dum bu gcig nyid bya/ /dag dang ma dag yid mi bya/ /mi rus phyag rgya lus la gdags/ /der skyes mnga' ni phyi rol btang/ /28 ma la ya skyes 'khrig sbyor bas/ /'jug bya rig ngan der mi sdad/ /rdo rje glu'i sbyor pa kye'i rdo rje'i rgyud kyi rgyal por ro/ /de nyid kyi rtsa ba'i nges pa mthar thug pa la gdams pa/ chags pa'i mthar ni chags bral dang po 'jug pa'i dus su 'jug pa yi ni yid gang zhig / zla ba'i rang bzhin gnas pa na ni gzhan la rab tu 'jug ste rlung gi rgyu ba 'gag /de'i dus su bde ba gang zhig 'byung ba gzhan min mngon sum pa yi ge 'phang mchog /de ni gang gis rtag par yang yang nyams su myong las phyag rgya chen po'i dngos grub 'gyur/ /da Da pra? band+ha las so/ /29 phyag rgya chen po'i dngos grub kyi rang bzhin gsungs pa/ 'di ltar 'od gsal ba'i sems las/ sems can don du rdzogs longs spyod/ /sprul pa'i sku dag smon lam dang/ /rten cing 'brel pa 'byung las 'jug pa/ de rnams kyang ni de dag gi /rang bzhin las gzhan ma yin no/ /zung 'jug gsal ba las so/ /30 de'i phyir sems can sgrol ba'i khur khyer ba'i lhag pa'i bsams pa can bdag legs su 'dod pa dag gis gnas 'di kho na la yid gcig tu bya bar gdams pa/ gang duAng mchog gi go 'phang la/ /yid gcig pa yis bsam byas na/ /de las dngos grub rnyed 'gyur te/ bya mang brtsom la 'bras bu ci/ /zhal byung ngo/ /31 de lta bas na 'chi ba med pa nyid kyi gnas la yang ngo zhes gdams pa'i phyir/ sems kyang stong pa nyid du gsungs/ /phyag rgya chen po'i bdag nyid gsungs/ /de yang rtag tu sgom pa las/ /'chi ba bslu bar 'gyur ba nyid/ /bi ru pak+Sha'i 'o/ /32 de ltar shes nas sgrub pa kho na snying por bya ba'i phyir nags su gnas pa'i gnas skabs kyi phan yon la gdams pa/ mi rnams kha nas gya gyur smra ba mi thos shing/ /dman pa rnams kyi khengs pa mthong ba min pa dang/ /gnyen gyi skye bo'i mya ngan mthong ba ma yin pas/ /nags su gnas na mi rnams shin du legs pa nyid/ zhal byung nyid do/ /33 chags sdang gi rkyen spangs pa la sogs pas chags bral gyi nges pa la gnas pa nyid kyang chags pa chen po'i nges pa la mi ston na slar zhing sred pa rtes pa'i rgyu'o zhes bya ba'i tshul gyis sred las nges par 'byung ba la khyad par du gdams pa/ bgrod dka' i yul ni mang por 'khyams nas bdag gis cung zad kyang ni ma rnyed par/ /tshul khrims rigs kyi nga rgyal dong nas phyug po bsten par byas kyang 'bras bu med/ /gus pa spangs pa'i gzhan gyi khyim du bya rog lta bur dogs dang bcas shing zos/ /da dung tshim par ma gyur sdig pa'i las la dga' ba'i dgra po sred pa kye/ /b+hartha ta ra'i/ /34 khyad par gyi sred pa las nges par 'byung ba la 'dir nyis dmigs kyi sgo nas bla lhag tu gdams pa/ gcig mthong ba nas brgya mthong zhing/ /brgya phrag lnga dag mthong nas ni/ /shin tu sred pa'i skyes bu yi/ /mgo bo la ni 'khor lo 'khor/ /'dzam mo'i bu'i rtogs pa brjod pa las so/ /35 de lta bu'i bsgrod pa gcig pa'i lam gyi gtso bo'i snod kyi khyad pa la gdams pa/ /gang yang dge slong dngos gnas dang/ /mi gang rtog ge la dga' dang/ /gang zhig rgan po'i dngos gnas pa/ /de la de nyid bstan mi bya/ /sha rA syA yaM/ 36 de ltar theg pa thams cad kyi nges par 'byung ba mthar thug pa'i snying po brnyed nas rgyal ba'i bstan pa'i snying po la ston pa nyid kyis yon tan shes pas de kho na'i tshad du rang dang gzhan gyi phun sum tshogs pa thams cad sbyor ba gcig pa'i lhag pa'i bsam pa bla na med pa la gdams par bzhed pas de yun du gnas pa las brtsams pa'i mchog tu shis pa brjod pa/ /sdug bsngal nad chen ldan pa'i srid pa rnams kyi grub pa'i sman/ /bsod nams kyi ni bdag nyid rnams la rna ba'i bcud len mchog /kun du yid kyi dri ma 'khrud par byed pa'i chu gcig pu/ /zas gtsang sras po'i gsung rab rnams ni yun du rgyal gyur cig /slob dpon chen po dpa' bo'i 'o/ /37 'dzam bu'i gling gi mkhas pa mdza' dag gis thig le mtshan brjod par dka' ba'i grub pa'i dbang phyug shI ba na ratna'i zhal snga nas/ mdo sngags kyi bstan pa'i snying po las do gal du yi dam du bya ba'i gnad che longs la gdams pa'i gzhung zhal las 'byung ba'i shas 'ga' zhig zin pa rnams/ /paN+Di ta chen po de nyid kyi bka' drin gyis 'tsho ba'i dge slong rnal 'byor spyod pa rgya mtsho'i sde zhes bya bas brgyud par 'phangs pa kho na'i lhag pa'i bsam pas bzhed pa ji lta bar bsgyur zhing/ rin po che'i snying po dam pa'i phreng ba lta bur bsgrigs te yi ger spel bar shig go/ // */ (/ /smon lam rin po che'i rgyal po bzhugs so// //)