བོད་ཡིག

e-texts based on the ACIP/ALL Input

du zung 'jug gnyis med kyi stsol bral de la bya'o/ /rnal 'byor ba g+ha hu la'i rtogs brjod dang 'grel pa rdzogs so// ? //u d+hi li'i do ha 'grel pa dang bcad pa bzhugs so// //gu ru u d+hi li'i zhal nas/ ji ltar rnam rtog rjes 'breng? 'khrul/ /ma 'grengs bag chags ma btang gzung/ /gang la mi gnas 'gro ba zung/ /gzhan las btsal bas de rnyed min/ /ces so/ /'di'i don ni/ u d+hi las ma rtogs pa'i dus na ngang pa dang/ sbrin sna tshogs pa'i rtog pa dang/ phyi gzung bya'i yul/ /nang 'dzin pa'i shes pa'i rtog pa sna tshogs kyis rjes su 'brangs pas 'khrul/ ces pa'o/ /rtog pa'i dus su ma 'brengs bag chags ma btang gzung/ /ces pa slob dpon u d+hi pa la rang gsal gyi rtog pa shar nas chos thams cad mi dmigs ba nam mkha' lta bur rtogs pas/ ma 'brengs ces pa rnam rtog gi rjes su ma 'brengs ba'o/ /rnam rtog gi rjes su ma 'brengs pas de'i bag chags ngan pa ma btang bas bag chags de chos nyid du zang bar byas pas na gzung ces pa'i/ /gang la mi gnas ces pa ni/ rnam rtog gi dra ba chos nyid du bsdus nas chos nyid kyi bde ba de yang gnas pa med pas gang la mi gnas ces pa'o/ /'o na mi gnas pa gnas pa med pa de nyid gzhan nas kyang mi rnyed de/ gzhan las bcol bas de rnyed min/ /ces yul yul can gang nas bcal? ba 'am/ /sgom pas mi rnyed bas na de rnyed min/ /ces pa'o/ /rnal 'byor pa u d+hi la'i rtogs brjod dang 'grel pa rdzogs so// ? //ka pA la'i do ha 'grel pa dang bcas pa bzhugs so// //gu ru ka pA la'i zhal nas/ dngos kun gnyis med rda? rdza 'dzin/ /rgyan sogs thos ba blo dung pa/ /dang 'dzin 'khrul pa de nyid kyang/ /rang gis btsal pas rnyed ma yin/ /ces/ /'di'i don ni/ dngos kun gnyis med rdo rje 'dzin/ /ces pa slob dpon ka pA la la dngos po'i gnas lugs de bla ma bzang? po spyod pas bstan zhing/ rtogs pa'i dus su gnyis su med pa rdo rje lta bu'i ting nge 'dzin thob nas chos thams cad rang gi ngo bo nyid du rtogs tsam na stsol ba dang bral ba ni/ 'gro ba'i la khar dbyi bog pa lta bu 'am/ ltas mo lta khar mig 'khrul blta bur rtogs pa'o/ /de ltar rtogs tsam na/ rgyan sogs thod pa blo dur ba/ /ces so/ /rgyan ni bu tsha'i rus pa'i dum bu la byas pa yin la/ thod pa ni chung ma'i mgo bo la byas pa'i thod pa yin no/ de thams cad kyang? blo bur gyi rkyen las skyes pa yin ces pa'o/ /'o na 'khrul pa spangs pa'i pha rol na de nyid yod dam byas pas/ de med de ngar 'dzin 'khrul pa de nyid kyang/ /ces pa ngar 'dzin dang bcas pa'i ngo bo nyid kyi don ces bya'o/ /de ces shes na/ thams cad rang bzhin btsal bas min/ /ces pa thams cad ma lus pa'i rang bzhin ni ngo bo nyid ma bcos pa de'o/ /de yul la gzung na mi rnyed de/ btsal bas min? ces pa'o/ /rnal 'byor pa ka pA la'i rtogs brjod dang 'grel pa rdzogs so// ? // ki ra la'i do ha 'grel pa dang bcas pa bzhugs so// /gu ru ki ra la'i zhal nas/ ji srid ma rtog par du rang gzhan rtog pas 'ching/ /de tshe rtogs par gyur na rang gzhan gnyis ma grub/ /des na sangs rgyas zhes bya rang gi bla dags yin/ /de nyid spros bral ma bcos rang sar rang sems zung/ /ces so/ /de la/ ji srid ma rtogs par du rang bzhin rtog pas 'ching/ /zhes ba ste/ ji srid ni ki rab rgyal po'i dus su 'khor ba thog ma med pa nas de srid dam/ ji srid du rang gzhan ma gtogs pas 'ching ces pa ste/ gzugs dang tshor ba dang 'du shes dang 'du byed dang rnam par shes pa de dag re re la yang bzhi bzhi ste/ rang bzhin bdag yin bdag la gnas/ /bdag ni rang yin bdag dang ldan/ /don la sbyar na 'jigs tshogs kyi ri bo bdag 'dzin nyi shu ltar gzung ba de la rang gcig pur bzung bas na rang ces pa'o/ /gzhan ces pa yul gzhan du gyur pa pha rol po rang las gzhan pa yin te/ rang gzhan rtog pas 'ching ces pa ni/ rang gzhan gnyis med la gnyis 'dzin gyi rtog pa byung bas na 'ching zhes pa'o/ /gang du 'ching na 'khor bar 'ching zhes pa'i don to/ /ji lta bus 'ching na/ rang gzhan gyi rtags de srin bu'i kha chu ltar rang 'ching zhes pa'o/ /de tshe rtog bar gyur na rang gzhan gnyis ma grub/ /ces pa ni/ de tshe gang gi tshe na byas pa la/ /bdag 'dzin gyi ri bo nyi shu 'am/ gnyis 'dzin gyi 'khrul pa de tshe bdag med nyi shu 'am/ gnyis med rtogs par gyur na rang gzhan gnyis ma grub/ /ces pa'o/ /'o na bdag med nyi shu la sogs pa yin te/ gzugs bdag ma yin/ gzugs bdag la mi gnas/ gzugs bdag gi ma yin/ gzugs bdag dang mi ldan/ de bzhin du tshor ba dang/ 'du shes dang/ 'du byed dang/ rnam par shes pa la sogs pa bzhi bzhis bdag gam/ /rang gzhan ma grub pas na gnyis ma grub ces pa'o/ /de'i phyir gzugs bdag ma yin byas pa la/ bdag ni brtags pa gcig pu'i rang bzhin yin la/ gzugs ni mi rtag pa'i rang bzhin yin pas na gzugs bdag ma yin/ de ltar bzhi po la yang sbyar ro/ /dper na bdag med pas gzhan ma grub pa de la sangs rgyas kyi dgongs pa gnyis 'dzin dang bral ba zhes bya'o/ /des na sangs rgyas zhes bya rang gi bla dags yin ces pa 'das ma thag pa 'am/ thog ma'i dbang du byas pa yin/ gang du bshad pa rtogs pa'i bdag 'dzin gyi rigs gang yang med pas na/ des na sangs rgyas zhes pa rang gi bla dags tsam du btags pa yin pa dngos po la yod pa min ces pa'o/ /de nyid spros bral rang la rang sems zung/ /ces pa ni/ de gang yin na/ sangs rgyas kyi dgongs pa de nyid de/ de bla dags tsam pas brjod du yod pa ma yin pas/ spros bral dang la rang sems zung/ /ces so/ /rnal 'byor ba ki la ba la'i rtogs brjod dang 'grel ba rdzogs so// ? //*/ /sa ka ra'i do ha 'grel pa dang bcas pa bzhugs so// gu ru sa ka ra'i zhal nas/ 'gro rnams sdug bsngal gyis gdungs la/ /'dod yon dag gi tshar phab po/ /de bzhin nyid kyi gnas chen du/ /rig pa'i klu rgyal nyid gzir nas/ /skal ldan rigs 'dzin pho mo la/ /gsang sngags rig pa'i char pha'o/ /ces so/ /'di la dpe don gnyis/ dpe ni klu rgyal gzir ba'i dpe dang sbyar te/ klu rgyal gyis 'dod yon gyi char phab pa dang 'dra ste/ de ni nang gi gnas chen ces pa la sogs pas bstan te/ /de bzhin ces pa gong du bshad pa'i klu rgyal gzir ces pa de bzhin du nang gi gnas chen tsas pa ni/ nang gi ? shes bya kha nang du lta ba yin la/ gnas tshan ni kun gzhi'i gnas yin/ che ba ni 'khor 'das kyi chos thams cad 'byung zhing mi shong ba med pas na de las tsha? ba med pas na tsha? ba'o/ /dus ces gnas chen der ci byed na/ rig pa'i klu rgyal nyid gzir nas ces pa la zer ro/ /'o na gzir lugs ji ltar du gzir na/ rig pa'i rgyal po nor bu rin chen ltar gzir skad/ rin po che de la yon tan ci 'byung zhe na/ 'di tsam du 'byung ba yin te/ de yang dang por thos pa 'am rnyed par dka' ba la gnyis pa de bcad ba dka' skad/ gsum pa mchod pa dka' skad/ bzhi pa mchod pas dgos 'dod thams cad 'byung skad/ dpe de bzhin du rig pa'i klu rgyal de dang por ngo sprod par dka' ba yin skad? gnyis pa ngo sprad? nas nyams su len pa dka' skad/ gsum pa blangs nas ye shes mngon sum du skye ba bka' skad/ bzhi ba ye shes mngon du skyes nas zhi ba mya ngan las 'das pa'i yon tan brjod kyi mi lang ba 'byung ces pa'o/ /de lta bu'i yon tan des su zhig gi don byas ce na/ skal ldan rigs 'dzin pho mo la/ /gsang sngags rig pa'i char phab pa'o/ /ces ba ste/ skal ldan ces pa ni sbyangs ba can las 'phro sad pa/ theg pa chen po'i chos kyi skal ba can/ dad pa can mos gus che ba'i skal ba yong pa/ brtson 'grus can sbyor ram brtsom pa'i skal ba yod pa/ shes rab can rtogs pa skye ba'i skal ba yod pas skal ldan ces bya'o/ /rigs 'dzin ces bya bas bcu'i skye gnas dang byang chub sems dpa' i rigs 'dzin pas ces bya'o/ /pho mo ces pa ni rten gyi khyad par la bzhag go /de rnam la don ji lta bu byas ce na/ gsang sngags rig pa'i khar? phab bo/ /ces pa'o/ /gsang sngags ni shes skyob gnyis dang ldan pa la bya ste/ de la shes ba ni rnal 'byor pa lam pa'i shes pa yin la/ skyob pa ni thogs med nas 'gro kun skyob pa'o/ /rig pa ni yang dag pa'i rig pa khong du chud pa'o/ /char phab pa ni rten gyi gang zag gong ma rnams la klu rgyal gyi dpe lta bur bab pa'o/ /rnal 'byor pa sa ka ra'i rtogs brjod dang 'grel pa rdzogs so// ? //*/ /sarba b+ha k+Sha'i do ha 'grel pa dang bcas pa bzhugs so// gu ru sarba b+ha k+Sha'i zhal nas/ gang gi ma rtogs dus na sna tshogs ro la khyad par che/ /gang gi rtogs pa'i dus su ro rnams ngo bo bye brag med/ de bzhin ma rtogs nyid na 'khor 'das tha dad snang/ /de nyid rtogs na 'khor ba myang 'das bde ba che/ /ces so/ /'di la kha zas kyi dpe dang/ rtogs ba'i don gnyis kyi bstan pa las dang po ni/ bdag gis ces pa sarba b+hak+Sha bdag gis so/ /ma rtogs pa gang ma rtogs na snying po'i don ma rtogs pa'o/ /de ma rtogs pa cig nyes zhe na/ sna tshogs rol khyad par che/ /ces pa ste/ sarba b+ha k+Sha pho ba'i me drod? che bas kha zas la gtsang rme med par ma rtogs pa'i dus su ro la khyad par che ces pa ste/ de ni gong gi kha zas kyi gtsang rme med pa sna tshogs pa de'i ro zhim mi zhim gyi khyad par che bar byung ces pa'i don to/ /gang gi rtogs ba'i dus su ro rnams ngo bo bye brag med/ / ces pa ni/ dpe de bzhin du bla ma'i gdam ngag gis snang srid thams cad zas su byas nas/ sems de bskal pa'i me ru byas ste/ srid gsum zas su byas nas zos bas/ sngar gyi kha zas sna tshogs la de'i ro zhim ma zhim kyi bye brag med par gyur pas na ro thams cad bye brag med pa ces pa'o/ /dpe de bzhin du/ de bzhin ma rtogs nyid na 'khor 'das tha dad snang ces pa ni/ de bzhin ma rtogs dus ces pa dpe drangs pa yin te/ de gang yin byas pa la/ gang gi kha zas kyi ro la khyad par ram bye brag 'byung ba ltar du/ 'dir ma rtogs pa'i dus su 'khor ba dang myang 'das thad du snang ces pa'i don to/ /de nyid rtogs na 'khor 'das bde ba che/ /ces pa de yang/ rtogs pa'i dus su ces pa ni sarba b+hak+Shas? snang stong gnyis med kyi don gcig rtogs pa'i dus su 'khor ba myang 'das bde ba che ste/ ji ltar du bde byas pa la/ 'khor ba snying po med par shes pas mi myang? mthun pa'i phyogs kyi spang bya med/ mun pa'i phyogs kyi gnyen po ye shes med pas na/ mya ngan las 'das pa yang dang bu? blang du med pas 'khor ba myang 'das bde ba che/ zhes so/ /don gyis na 'khor ba nyid chos sku yin pas mi spong la/ mya ngan las 'das pa sgrub rgyu med pas mi sgrub bo/ /rnal 'byor pa sarba b+hak+Sha'i rtogs brjod dang 'grel pa rdzogs so// ? (//nA ga bo d+hi'i do ha 'grel ba dang bcas pa bzhugs so//) /gu ru nA ga bo d+hi'i zhal nas/ sa la gnas na kun kyang skal ba bzang/ /rgya mtsho'i gting du phyin na dbul dang bral/ /ral gri lag tu thogs na longs spyod che/ /phyogs med dag tu phyin na gnyen dang 'phrad/ /ces so/ /'di'i don ni/ dang po dpe bzhi sa don bzhi bstan pa yin te/ de yang dpe dang po thong pa dngos grub can gyis sa dang po thob pa'i dpe/ rnal 'byor pa ka ma ru pas bstan pa ni/ sa la gnas na kun kyang skal ba bzang/ /ces pas bstan te/ da ni sngon rnal 'byor pa ka ma ru pa zhes bya ba de nags khrod na gnas pa'i tshe/ dur khrod du sa 'bor zhig la sngas gtang nas nyal ba'i che/ de'i nub mo srid pa gsum mthong bar gyur nas/ de gar 'dug lta'o snyam pa la/ de phyis ma byung na/ dur khrod de brkos pas thod pa dum bu gcig pa gcig byung nas/ de bcangs pas/ de man chad du sa dang po la gnas pa'i byang chub sems dpa' i rab dga' lta bu'i mngon shes byung bas na de yi skal pa bzang ces pa'o/ /dpe de bzhin du 'dir yang sa la gnas na kun kyang skal pa bzang/ /ces pa ni phyir mi ldog pa'i sa thob pa gcig la bya'o/ /'dir tshogs lam dang sbyor lam gyi dus su/ sbyin pa dang tshul khrims dang bzod pa dang gsum gyis la gnas par bya/ mthong lam gyi dus su shes rab kyi mig gis yang dag mthong ba'i sa la gnas par byas nas/ sgom lam gyi dus su bsam gtan dang ting nge 'dzin las ma yengs par byas nas bzhugs pas/ nyon mongs pa la sogs pa skad cig ma la skye yang/ skad cig ma gnyis pa la gnyen po'i ye shes kyis spangs nas/ skad cig ma gsum pa la ye shes 'ba' zhig tu gnas gyur pa ?/ /mthar phyin pa'i gnas bgrod cing smin pa'i sa la gnas pas na gnas ces bya'o/ /kun kyang skal pa bzang ces pa ni/ de la kun ces pa ni/ de la kun ces pa gong ma'i sgo ru 'jug pa kun yin/ skal pa ni bgrod par bya ba lam gyi bskal pa dang/ thob dang bya ba 'bras bu'i skal pa dang ldan pas na skal pa yin la/ bzang ba ni ngan pa la sogs pa las 'das pas so/ /dpe gnyis pa rgya mtsho'i dpe bstan pa ni/ rgya mtsho'i gting du phyin na dbul dang bral/ ces pa ste/ de dbang pa tsha can gyi rgya mtsho la nor bu rin po ches gang nas yod pa la/ rgya gar tsa ma ri bya ba'i mi rigs yod pas/ de rnams kyis tit+ta ka d+ha hUM ri bya ba la rlung srog stsol gcig bslangs nas bsgoms pas/ lo ldan grub nas zla ba phyed kyi bar du rlung zin dbugs mi rgyu la/ de'i lus la mo'i 'phreng ba lta bu'i drod skye ba gcig yod pas/ nus pa de lta bu des rgya mtsho la de? bzhin du song nas/ gser dang dngul dang mu tig dang nor bu rin po che'i rigs blangs nas/ gnyen 'dun kun longs spyod la sbyar nas gzhog pas dbul ba dor bar byed do/ /dpe de bzhin du mthar phyin pa'i 'bras bu chos sku de rgya mtsho dang 'dra ba yon tan thams cad 'byung bas na/ de'i steng du phyin pas nyon mongs pa kun? bral nas chos nyid nor bu lta bu lon te/ de la brten nas nyon mongs pa'i dbul ba dang bral ba'o/ /dpe gsum pa ral gri lag na thogs na longs spyod che/ ces pa ste/ de'i dpe ni grong khyer gnyan yod kyi rgyal po g+ho pha la bya ba de la/ nub phyogs tit+ti ka'am tu tu ka'i dmag chen po gyur nas yul khams thams cad phung par byed pa la/ de'i lho phyogs na su li bya khyo'i yul phyogs na khyim bdag sa ma sh+ri bya ba gcig la bu bdun/ tsha'o bzhi dang bcu gcig yod pa las/ de rnams kyis o tsa zhes bya ral gri'i 'khor lo bsgyur zhes pa yin pa la/ rgyu chung la shin tu dbul bas lag cha'i ral gri de yang mi 'byor bar yod la/ gnyan yod kyi rgyal po de rnams kyi ral gri bskor ba de la shugs nas/ tit+ti ka'i dmag byung dus su ral gri skor zhing 'thabs pas tshu rol rgyal nas/ rgyal po des ral gri ba de rnams longs spyod dang sbyar nas dbul ba dor bar byed do/ /dpe de bzhin du mthar phyin pa'i 'bras bus chos sku des dngos po mtshan ma'i chos thams cad gcod par byed pas na ral gri lag tu thogs ces pa'o/ /longs spyod che ces pa ni de ltar ye shes kyi ral gri des chos nyid la longs spyod pas che zhes pa'o/ /dpe bzhi pa phyogs med par phyin pa ni/ rgya gar shar phyogs ra d+ha bya ba na khyim bdag lam skyes bya ba gcig yod pa la/ de la bu lo bzhi lon pa gcig yod pa las/ de la pha dang ma yar gnyis ka spang bas des phyogs su ldom bu la phyin pas/ /ba sarba Ni'i lha khang du phyin te/ lha'i mchod pa'i rdzas rnams brkus nas za yin bsdad de/ de nas spyan ras gzigs kyi sgra? yod pa de la mchod pa phul zhing mos gus byas pas/ de'i byin rlabs kyis skye ba dran par gyur nas grong khyer tsam pa ka na sngar gyi pha ma dang gnyen 'dun yod sar phyin nas lo rgyus bshad do/ /thams cad ngo mtshar skyes te bur byam pas gnyen dang phred ces pa'o/ /de bzhin du dang po mthar phyin pa'i 'bras bu phyag rgya chen po chos sku de la phyogs ris rtog pa dang bral bas na phyogs med pa la phyin ces pa'o/ /gnyen dang 'phrad ces pa chos sku kun gyi gnyen gcig de 'phrad ces pa'i don te / rnal 'byor pa nA ga b+ho d+hi'i rtogs brjod dang 'grel pa rdzogs so// ? / */ (/d+ha ri ka'i do ha 'grel pa dang bcas pa bzhugs so//) /gu ru d+ha ri ka'i zhal nas/ bde ba chen po yod kyang ma rtogs 'khrul pas sgribs/ /bde gsal 'dor pas bsod nams ye shes tshogs bsags bya/ /tshogs gnyis ma bsags skye ba brgya ru 'bad byas kyang/ /bla ma dag dang mi ldan bde ba chen po rtogs mi 'gyur/ /ces so/ /'di'i rang la don ni/ bde ba chen po ces pa'i bde ba gang yin na/ /chos sku zag pa med pa'i ye shes ces pa de la bde ba ces pa'o/ /chen po de'i gong na gzhan med pas na chen po'o/ /rang la yod kyang ces pa ni/ chos sku bde ba chen po'i ye shes de gzhan la btsal mi dgos pa rang chas su ye gdod ma nas yod ces pa'o/ /ma rtogs 'khrul pas sgribs ces pa/ /spangs rtogs de byis pa so so skye bo'i dus na sgrib g.yogs kyi rtog 'khrul ngan pas sgribs ces pa'o/ /'o na sgrib g.yogs kyi rtog 'khrul ngan pa de thabs ci 'dra gcig gis bsal bar bya zhe na/ de bsal 'dod pas bsod nams ye shes tshogs bsags bya/ /ces pa ste/ de bsal ces pa chos nyid kyi rol bde gsal ba mi rtog pa'i ngo bor 'dod pas sgrib g.yogs de bsal bar bya ste/ de yang tshogs rnam pa gnyis kyis bsal bar bya'o/ /gnyis gang zhe na/ bsod nams ye shes tshogs bsags bya/ /ces pa'o/ /bsod nams ces pa rgyu bsod nams kyi tshogs yin te/ de yang dang po sgom pa'i lam yan chad du bstan nas bsgoms pas 'bras bu mthar phyin pa'i dus su ye shes kyi tshogs yongs su rdzogs pa gcig thob pas na tshogs bsags bya/ ces pa'o/ /de ltar tshogs rnam pa gnyis kyi ma bsal na 'bras bu bde ba chen po mi thob pas/ tshogs gnyis ma bsags skye ba brgya ru 'bad byas kyang/ /ces pa'o/ /de cis na byas pa la/ tshogs gnyis po de la 'bras bu rang chas su yod pa yin la de min pa 'bras bu gang nas kyang mi rnyed pas skye ba brgya ru 'bad byas kyang/ ces pa'o/ /'o na tshogs gnyis po de gang la brten nas bsog byas pa la/ bla ma mi ldan bde ba chen po rtogs mi 'gyur/ /ces pa'o/ /de yang bla ma mi ldan pa ni tshogs gnyis bsog pa'i don ston pa bla ma yin te/ de dang mi ldan na 'bras bu ye shes kyi tshogs bde ba chen po de rtogs par mi 'gyur ces pa'i don to/ /rnal 'byor pa d+ha ri ka'i rtogs brjod dang 'grel pa rdzogs so// ? (//su ta li'i do ha 'grel pa dang bcas pa bzhugs so//) /gu ru su ta li'i zhal nas/ thams cad bde gshegs rang bzhin ste/ blos bzhag log pa'i lam spangs nas/ /snying po'i lam la brtson byas nas/ /snying po'i 'bras bu gdon mi za/ /gang gi bla ma dam pa las/ /dbang blang lhan cig skyes pa des/ /ro yi kun la khyab byas te/ /skye med rgyas 'debs rdo rje 'dzin// ces so/ /'di yi don ni/ de yang dang po rgyal po la lha la bzang ngan phyogs ris kyi blos ma phye bar sgoms gcig par gdams pa ni/ thams cad bde gshegs rang bzhin te/ /ces phyi ba dang nang pa sangs rgyas pa thams cad bde gshegs gcig gi dang ngam rang bzhin yin pas na/ nga'i lha 'di yin te bzang zhes ba'am/ khyed kyi lha 'di yin te ngan ces pa med ces pa'i don to/ /'o na phyi nang gi lha la nga khyod bzang ngan med pa ci tsug yin byas pa la/ blos bzhag log pa'i lam spangs nas/ /ces pa ste/ lha la nga khyod bzang ngan du byed pa ni rang gi rtog pa'i blos bzhag pa yin la/ rtog pa'i blo ni log pa'i lam yin pas na/ log pa'i lam de spangs nas ma log pa snying po'i lam la brtson par byas na snying po'i 'bras bu gdon mi za bar thob ces pa'i don to// de 'dra ba de thob par byed pa'i thabs gang gis thob byas pa las/ thabs ni gang gi bla ma dam pa las/ /ces pa la sogs pas bstan te/ gang gis ces pa snying po'i lam la 'jug pa'i gang zag go /bla ma las ces pa ni bde stong gi don ngo sprod par byed pa'i dam pa de la bya'o/ /dbang blang? ces pa rgyu dbang la brten nas bgrod par byed pa'i lam bskyed rdzogs gnyis kyis grol zhing smin par byas pas thob par bya ba'i 'bras bu de la lhan cig skyes ces pa ni thob byar 'bras bu de thob pa'o/ /de dus nam thob zhen/ ro yis kun la khyab ces pa'o/ /ro ni bde ba chen po'i ro yin la/ khyab pa ni 'gro drug gi sems can la khyab pa ste/ gzhan nas btsal mi dgos par rang dang lhan skyes su khyab ces pa'o/ /lhan skyes de'i ngo bo ji lta bu gcig yin byas pa la/ skye med rgyas 'debs ces pa'i ngo bo skye med des rgyas 'debs tsam na sa bcu gnyis rdo rje 'dzin pa'i sa thob ces pa'o/ /rnal 'byor pa su ta li'i rtogs brjod dang 'grel pa rdzogs so// ? // */ (/pa na ha'i do ha 'grel pa dang bcas pa bzhugs so//) /gu ru pa na ha'i zhal nas/ snying po gnyug ma'i don bsams pas/ /ji ltar bsams pa de ltar rtogs/ /des na de nyid rang gar min/ /'dod dgu lhug pa thams cad 'byung/ /ces so/ /'di'i don ni/ de yang/ snying po gnyug ma'i don bsams pas/ /ces pa ni/ snying po ces pa bde bar gshegs pa'i thugs byang chub sems kyi snying po de dag gi don ma bcos pas na gnyug ma ces bya ste/ de nas nges? bar rtse gcig tu bsams pas ci 'byung byas pa la/ ji ltar bsams pa de ltar rtogs ces pa ste/ /ji ltar ni sems nyid kyi ngo bo ji lta ba de 'dra ba gcig rtogs ces pa'o/ /ji ltar rtogs pa gang yin byas pa la/ rang gi ngo bo gang du yang 'dod pa med pa rkyen gyis ji ltar snang yang phyogs dang ris med pa gcig rtogs ces pa'o/ /des na 'di nyid rang gar min/ /ces so/ /des na ces pa ste phyogs ris med par rtogs pa des na ces pa'o/ /de nyid rang gar min ces pa ni rtogs pa de nyid la 'di'i phyir na 'di yin bya ba med pas na rang gar min ces pa'o/ /de'i gong nas gsungs pa ni nges par yin ces pa'o/ /gang nges pa yin byas pa la/ gnyug ma'i ngo bo nges par sangs rgyas kyi dgongs pa yin ces pa'o/ / 'o na de yin par de cis shes byas pa la/ sangs rgyas kyi dgongs pa nor bu rin po che la yon tan brjod kyis mi lang pa 'byung bas na/ 'dod dgu thams cad lhug par 'byung/ /ces ba'o rnal 'byor pa pa ha na'i rtogs brjod dang 'grel pa rdzogs so// ? (//ko ka li'i do ha 'grel pa dang bcas pa bzhugs so/) /gu ru ko ka li'i zhal nas/ bya ba gtong ba man ngag yin/ /zhe 'dod med pa rtogs pa yin/ /bde ba dngos med sgom pa yin/ /sgrub bya med na? 'bras bu'i mchog /ces so/ 'di'i don ni/ bya ba gtong ba man ngag yin/ /ces pa bya ba de gang gi bya ba gtong na/ bya ba ni gnyis 'dzin 'jig rten gyi bya ba yin te/ chos brgyad la sogs pa dang po 'jal bar byas pa dang/ /de las gzhan pa'i chos kyi bya ba sde snod kyi bya ba gang dang gang btang ba gnyis so/ /bya ba de gnyis btang ba ni gang yin byas pa la/ ko ka li nyid kyis chos sku'i yon tan ngo bo skye ba med pa/ bya rtsol dang bral ba de la rtog dpyod gang gis kyang rtogs par mi 'gyur bas na/ bya ba gtong ba man ngag yin/ /ces pa'i don to/ /de cis byas pa la/ bya ba thams cad blo yin la/ blo ni zhen pa yin te/ de la chos sku ni zhen pa med cing dpe dang blos ma rig pa yin pas na/ zhe 'dod med na rtogs pa yin/ ces so/ de ltar du zhe 'dod dral bas na gang la yang dngos po grub pa med de/ bde ba dngos med sgom pa yin/ /ces pa'o/ /rnal 'byor pa ko ka li pa'i rtogs brjod dang 'grel pa rdzogs so// 80 // */ (/a naM go'i do ha 'grel pa dang bcas pa bzhugs so/) / gu ru a naM go'i zhal nas/ 'khor ba snying po med pa yi/ /'ja' tshon lta bu'i lus 'di la/ /ma rig mngon zhen dregs pa yi/ /dug gis gzir nas bde bar 'dzin/ /mngon zhen dug nad sangs pa na/ /'khor ba nyid kyang chos kyi sku/ /ces so/ 'di la dpe don gnyis dang po a naM go rang gi lus dregs pa'i mngon zhen gyis bcings par bstan pa ni/ 'khor ba snying po med pa yi/ /ces pa ste/ de la 'khor ba thog ma med pa nas skye zhing 'khor ba de la bya ste/ 'khor ba de ru 'khyams pas srid pa gsum gyi lus blangs nas/ 'dod pa lha mi'i longs spyod ngam?/ /mi 'dod pa ngan song gsum gyi sdug bsngal de lta bu de la bde ba yod dam byas pa la med de snying po med/ ces pa'i don to/ /'o na snying po med pa'i dpe ji lta bu byas pa la/ dpe ni don gyi phyogs mtshon pa srin bu me khyer gyi dpe lta bu'o/ /me khyer ba'i me de mig gi dbang po la dkar ye re 'dug kyang/ dngos po lam de tsam gang nas byung ba'i snying po mi rnyed pa 'am mi 'dug pa lta bu'o/ /don la 'khor ba'i rang bzhin gang la yang snying po med de 'ja' tshon lta bu ces pa'o/ /lus 'di la ces pa ni a naM go'i lus 'di la ces pa'o/ /ma rig mngon zhen dregs pa yis/ /ces pa/ ma rig pa ces pa gang ma rig byas pa la/ snying po med pas ma rig ces pa'o/ /ci nyos byas pa la/ mngon zhen dregs pa'i ces pa ste/ /mngon par zhen pa 'am dregs bas nga 'dra ba'am/ nga las lhag pa gang na yod ces dregs pa'i nga rgyal gyi dug gis zin nas bden par bzung ces pa'i don to/ / gnyis pa mngon zhen dug dangs pas chos sku ngos zin par bstan pa ni/ mngon zhen gyi dregs nas sangs pas 'khor ba nyid chos sku ces pas bstan te/ mngon zhen ces pa phyi nang gi chos la yang mngon par zhen pa yin te/ des na 'ching bar byed ba lang tang gi dug lta bu yin ces pa'o/ /dug de dangs pas na lang tang gi dug de sangs tsam na rkyen gyi dbang po 'khrul pa'i dug las log ste/ rab rib kyi 'khrul pa dangs pa bzhin du 'khor ba la mngon par zhen pa bzlog tsam na 'khor ba nyid kyang chos sku yin te/ 'khor ba spangs pa'i pha logs na/ /sangs rgyas bya ba'i yon tan med/ /ces bstan pa'i don to/ /rnal 'byor pa a naM go'i rtogs brjod dang 'grel pa rdzogs so// ?// (ma lak+ShiM ka ra'i do ha 'grel ba dang bcas pa bzhugs so//) /gu ru ma lak+ShiM ka ra'i zhal nas/ dang por blo ldan rtogs pa bskyed/ /gnyis par gnas lugs ma yengs sgom/ /de nas nyams myong skyes pa na/ /spyod pa bags kyi spyad par bya/ /ces so/ /'di'i don ni/ de la dang po so so skye bo tha mal pas lam bsgrod par byed pa'i lam la/ bla mas dbang rim par bskur ba la brten nas thob par byed pa'i 'bras bu de brda'i sgo nas rig pa khong 'jams su ngo sprad nas/ chos sku rtogs par byed pa la/ dang po mi dmigs pa'i shes rab kyis rtogs dgos pas na/ dang por blo ldan rtogs pa bskyed/ ces pa'o/ /nga nyams myong dang mi 'bral ba gcig dgos pas na/ gnyis par gnas lugs ma yengs sgoms/ /ces pa'o/ /bsgoms nas nyams de mngon du gyur tsam na/ spyod pa bags kyi spyad par bya/ /ces pa ste/ bags kyis ci ltar spyad par bya/ /byas pa la/ rtags kyi sa dang ? ye shes gang dang gang son par rang gi nyams kyis brtags la spyad par bya ba yin te/ 'phags pa klu sgrub kyi dgongs pa lta bus bstan pa'o// lha lcam lak+ShiM ka ra'i rtogs brjod dang 'grel ba rdzogs so// ? // */ (/sa mu dra'i do ha 'grel pa dang bcas pa bzhugs so//) /gu ru sa mu dra'i zhal nas/ skye mched rtogs kyang nyams myong dang bral na/ /dper na srin bu'i lag tu bu khyer 'dra// nyams myong gnas lugs dag dang ma 'brel na/ /de yang glang chen 'dam du zhugs pa 'dra/ /ces so/ /'di la dpe don gnyis kyis bstan te/ de la dang por rtogs kyang nyams su ma myong na mi phan pa'i dpe ni/ srin po lag tu bu khyer ba lta bus bstan te/ de yang srin po'i lag tu bu khyer ba ni za bar byed pa yin la/ lho nub mtshams na srin po'i grang yod pa las/ de yang sha khrag gi dri tshor na dpag tshad stong gi bar du yang rgyugs nas sha dang khrag za ba yin pa la/ sha khrag med na rang gi bu dang bu mo'i sha khrag zos nas 'jog pa'o/ /de'i gnad ka ci yin na/ rang gi bu yin par cha yod kyang bu'i rtse gdungs med par sha khrag gis gdungs nas sha zos pa lta bur/ don skye ba med par rtogs kyang de'i don nyams su ma myong ba'i stobs kyis tshogs brgyad kyi spyod yul so so skye bo'i nyon mongs pa dang khyad bar med par song bas na srin po'i lag tu bu khyer ba 'dra ces pa'o/ /nyams su myong yang gnas lugs ngo ma shes na mi phan pa'i dpe glang po che lta bus bstan pa ni/ de yang glang po che 'dam du byid ba dang 'dra ces pas bstan te/ glang chen 'dam du byid ba ni/ de lus kyi rang bzhin che bas kho rang gis kho rang ma zon na gzhan gyis bsgul yang 'gul mi nus pa lta bur/ gnas lugs skye med kyi don sangs rgyas kyi sa'i ye shes de blo las 'das te/ rang ngo ma shes na nyam myong lus ngag gi bsrung sdoms mang po dang/ rtogs tshogs kyi lam rim pa mang po nyams su myong ba dang/ lha mi'i bde ba tsam las sangs rgyas kyi sa mi non pa glang po che 'dam du byid pa dang 'dra/ ces pa'o/ rnal 'byor bas mu dra'i rtogs brjod dang 'grel ba rdzogs so// 83 (//byA li ba'i do ha 'grel pa dang bcas pa bzhugs so//) /gu ru byA li ba'i zhal nas/ bla ma dam pa mthong na de nyid mthong/ /nam mkha' i mthongs su bsgoms na dben pa'i mchog /chos rnams yongs su rtogs na mi mthun med/ /nam mkha' i 'o ma mthungs na 'tsho bar 'gyur/ /ces so/ /'di'i don ni/ de yang/ bla ma dam pa mthong na de nyid mthong/ /ces pa bla ma gsum yod de/ brda dang don sbyor bar byed pa brgyud pa'i bla ma dang/ yid ches par byed pa bka' i bla ma/ sgro mdog gcod pa dngos kyi bla ma dang gsum yod pa las/ dang po bla ma gnyis kyis don ngo sprad pas yid ches nas sems kyi sgro mdog chod tsam na/ bla ma dam pa mthong ces pa/ /sems sam dngos kyi bla ma de mthong bas na bla ma dam pa mthong ces bya'o 'o na sems kyi bla ma dam pa mthong bas de nyid mthong ba ci'i phyir byas byas pa la/ de nyid ces bya ba de sems kyi ngo bo ma yin pa gcig logs na med pas na/ sems kyi ngo bo de mthong ba la de nyid mthong ces pa'o/ thon ngo bo de rang gi mtshan nyid ci 'dra ba gcig yin byas pa la/ de rang gi mtshan nyid 'dus ma byas kyi nam mkha' lta bu mtshan nyid bzhi dang ldan pa gcig yin te/ nam mkha' de rang gi mtshan nyid tsam du brjod du btub kyang/ 'di kho na yin ces brjod du ma btub pa dang/ nam mkha' rang gi ngo bo stong pa ru 'dug /nam mkha' de rang la mdza' dang dbus su ma grub pas phyogs ma dang bral ba/ nam mkha' de rang la thams cad 'byung bas sna tshogs 'byung ba/ thams cad go 'byed pas mtshan nyid bzhi dang ldan pa gcig la nam mkha' zer ba yin te/ dpe de bzhin du dngos kyi bla ma de mtshan nyid bzhi dang ldan pa/ nam mkha' i mthong lta bur sgoms na/ dben pa'i mchog ces pa nyon mongs pa dang/ rnam par rtog pas dben pas na dben pa'i mchog ces bya'o/ /chos rnams yongs su rtogs na mi mthun med/ /ces pa ni/ chos rnams gang yin na 'khor ba dang mya ngan las 'das pa'i chos rnams su/ yongs su rtogs na ces pa ni/ nam mkha' i mtshan nyid de ltar sems nyid yongs su rtogs na mi mthun med ces bya ste/ nam mkha' stong pa 'di phyir na 'di yin bya ba'am/ 'di phyir na 'di min bya ba med pas na/ mi mthun med/ ces pa'o/ /de lta bu'i nam mkha' stong pa'i rang bzhin de ni chos nyid kyi bdud rtsi yin pas/ nam mkha' i ngo bo yin te/ chos sku'i bdud rtsi yin pas na/ 'o ma de 'thungs pas 'tsho bar 'gyur ces pa ni/ nyon mongs ba'i bdud du gyur pas ma 'tsho bar 'gyur ces pa'o/ /slob dpon byA li pa'o rtogs brjod dang/ de'i don 'grel/ slob dpon a b+ha sh+rI bshad pa rdzogs so// 84 (//des gzhung gi don bstan nas/) 'jug gi don bstan pa ni skal ldan dag gi don phyir bla ma rnams kyis rtogs pa'i snying po kun/ /tshad med blo yis legs bsdus bsod nams rgyu chen gang thob des/ /'gro rnams bla ma dang 'phrad byin rlabs sems la zhugs gyur nas/ /gnas lugs don nyid yang dag sems rtogs rgyal ba'i sa la gnas gyur cig /ces so/ /'di la gnyis te grub thob rnams kyi dgongs pa'i rtogs pa'i don/ /snying po 'o ma las mar byung ba lta bu 'di/ skal ldan rnams kyi lam gcig chad du ston pa rtogs pa'i dpe/ rma bya las btsan dug lta bur bsten pa dang/ blo dman la smos su mi rung ba'i dpe btsan dug dang 'gro ba gzhan dag lta bus bstan pa'o/ /grub thob brgyad cu rtsa bzhi'i rtogs pa'i snying po slob dpon dpa' bo 'od gsal gyis phyogs gcig tu bsdus shing/ de'i don 'grel bla ma a b+hya sh+rIs bshad pa ste/ bla ma mi nyeg lo tsa bas bsgyur ba'o/ (/phyis bskor gling mchog 'dzam bu'i gling/ /nang sgor bod kyi rgyal khams su/ /mar yul 'o ma'i rgya mtsho la/ /sha pe ri rgyal lhun po chags/ /gling bzhi gling phran brgyad kyi dbus/ 'dam pa bkor? legs lhun po'i rtse/ /thad kar lding dang g.yung drung 'khyil/ /khri pang 'dus dang ba lang gnon/ /yon tan brgyad ldan mkhar gyi rtse/ /sku mkhar sgyu drug gnas mchog tu/ /grub thob brgyad cu'i lo thabs 'di/ /legs sbyar mi nyag lo ces sbyar/ /'gro ba mang? po la phan par gyur cig/ //