བོད་ཡིག

e-texts based on the ACIP/ALL Input

'chi med grub pa'i dkyil 'khor zhes bya ba/ phyag 'tshal rnal 'byor mtshogs la'o/ /gang zhig smin byed dbang bzhi chu bo'i rgyun/ /mgon po bir was ji ltar gsung bzhin du/ /dbu ma zla bas yang dag 'dir brjod bya/ / de la thog mar 'chi med grub pa'i dbang bskur bar 'dod pas/ dben pa'i gnas su maN+Dal la dri bzang dang chang dang/ bdud rtsi lngas byugs te/ der pad+ma 'dab bzhi/ sngo/ ljang/ dmar/ ser la/ bstan bcos mdzad mkhan gyi mtshan yin me tog gi tshom bu dgod do/ /de la mchod pa dang/ gtor tshogs kyis bskor bar bya'o/ /de nas lha'i bskyed gzhug dang/ bzlas pa bdag 'jug sngon du song bas/ slob ma la skyabs 'gro sems bskyed/ gsol ba gdab pa/ gnang ba sbyin pa la sogs pa/ dza hi ka'i bsrung 'khor gyis sngon 'gro bstan no/ /bdag nyid bcom ldan 'das he ru kar bya ste/ mchod bzhi sngon song dbyer med gtso bo yi/ /bde chen mdzod pu mgrin thugs sprul 'khor nas/ /dkar dmar mthing kha sna tshogs rgyan gyis spras/ /gar bsgyur dpag med slob ma'i gnas bzhir bstim/ /bum sogs dbang bzhis lus sogs sgrib dag nas/ /skad cig bzhi dang dga' bzhi'i ye shes dang/ /bskal pa bzhi ldan sku bzhi yongs rdzogs pa'o/ /yang na mi 'gyur gnas bzhir bstim pa yi/ / 'khor lo bzhi rgyas dbang bzhi yongs rdzogs 'gyur/ /de nas gser dngul rta dang glang po dbul/ /tshogs dang gtor tshogs bkra shis bsngo ba bya/ /nyi shu rtsa bzhi 'khor bcas rjes gnang thob/ /de phyir spros pas ba ak+Shar yi ge'o dbang mchog 'di bkod do/ /rdzogs so// //paN+Di ta chen po i te ba'i zhal mnga' nas/ bod kyi dmar lo ts+tsha te dror bsgyur ba'o/ /dge zhing bkra shis par gyur cig /sangs rgyas rgyal mtshan gyis dpe'o/ / maN+Dal dpe chung ltar bris la/ dbug bzhug mchod bstod/ sku gsung thugs rgyas gdang? de rdzas? 'chi mi rtag pa las 'bras/ 'khor ba'i nyes dmigs bshad/ sangs rgyas chos dang 'phags pa'i tshogs rnams la ces pa'i skyabs 'gro dang/ smon 'jug gi cho ga bya/ nang 'jug/ gnang sbyin sdig bshags/ rjes su yi rang/ skabs dang sbyar ba'o/ /dngos gzhi ni/ maN+Dal gyi lte ba la 'khor lo bden mchog sku mdog sngon po mi mgo dang rus pa'i rgyan can/ spyan dmar ba rdo rje dang dril bu 'dzin pa/ yum dang gnyis su med par bsgoms/ phyogs bzhir bde mchog gi lha mo bzhi bsam/ de nas rang gi lus longs spyod ltos med du phul la/ bla ma rin po che bdag la thun pa'i dbang bskur du gsol/ sku'i byin rlabs ma lus pa gzhug tu gsol/ zhes gsol ba btab pas/ bla ma'i spyi bo'i oM dkar po las/ bde mchog dkar po sku chung la rnam pa 'ong? ba dpag tu med pa 'chad cing/ gar stabs kyi ling ling byung nas/ rang gi spyi bo'i oM la thim pas/ mgrin pa yan chad bde mchog dkar pos gangs/ bum pa'i dbang thob/ lus kyi dri ma grangs can dag par bsam/ bla mas kyang de bzhin du bsam zhing/ gu gul gyi dung pa dang/ rol mo'i sgra dang bcas pas/ rtsa ba dang brgyud bar bcas pa'i bla ma rnams kyi byin gyis brlobs shig /rje btsun chen po bIr wa ngas byin gyis brlob shig /ces brjod la sku'i byin brlabs dbab/ yang rang gi lus longs spyod phul ba gnyis ba gsum pa sngar bzhin blangs/ bzhi pa ni/ mchod pa phul ba nas/ bla ma rin po che bdag la dbang bzhi pa bskur du gsol/ sku gsung thugs kyi byin brlab ma lus pa gzhug tu gsol/ zhes pas spyi bo'i bde mchog dkar po/ mgrin pa'i dmar po la thim/ dmar po snying kha'i mthing ka la thim/ mthing ka lte bar byung/ 'od du yal song ba las/ stong pa'i ngang la sems bcos pa bzhag pa ni bzhi pa'o/ /yang gnyis pa bla ma'i gnas gsum gyi yig 'bru mthing ka yod pa la/ bde mchog mthing ka dpag tu med pa chang nas/ gnas gsum du thim pa dang dbang gsum pa dang/ lte ba nas mthing ka dpag tu med pa chang nas/ lte bar thim pas/ mthar stong sangs kyi 'od du yal song ba la mnyam par bzhag pa ni bzhi pa'o/ /'di zab lam gyi yin gsung ngo/ /grong pas mgos mi gos gnyis/ /dbang gi smin byas dam tshig ldan/ /dka' thub drag po brten byas ste/ /ces pa la sogs pa'i bshad pa zhib rgyas su gsung ngo// / !/ /grub mdza' i man ngag lam bslang bzhugs so/ /