བོད་ཡིག

e-texts based on the ACIP/ALL Input

mthing/ nang rdo rje bzlas pa'i/ spyi bo 'grin pa snying khar/ thig le dkar po dmar po mthing kha'o/ /dngos gzhi drug cu rtsa brgyad kyi dmigs pa rdzogs so// // !/ /dpal rdo rje rnal 'byor ma la phyag 'tshal lo/ /dngos gzhi dang po'i sngon 'gro'i lan bdun bar du mnan bya cing zhes pa sa'i 'khrul 'khor gyis/ tshigs pa'i skyon dang mkhal ma'i skyon sel lo/ /lan bdun bar du mdun du dbul/ zhes pa'i 'khrul 'khor gyis/ /sgal tshigs bar pa'i skyon sel lo/ /lan bdun brgyad la sprug par bya/ /zhes pas lus byid ba'i skyon sel lo/ /lus po 'byar zhing sdig par bya/ /zhes pas rlung gnas su mi tshud pa'i skyon sel lo/ /mdun dang g.yas g.yon bsdig par bya/ /zhes pas rtsib ma la rlung zhen pa'i skyon sel lo/ /spyi gtsug phyar zhing 'jig par bya/ / zhes pas gzer byung ba'i skyon sel lo/ /rkang g.yas mdun du lan bdun sprug /zhes pas rtsa chu rengs pa'i skyon sel lo/ /'phul ba'i tshul gyis ldang bar bya/ /zhes pas rtsa chu 'khums pa'i skyon sel lo// iti // !/ /dngos gzhi gnyis so/ / lan bdun bar du de bzhin no/ /zhes pas gzer gyi skyon sel lo/ /g.yon pa dag kyang de bzhin no/ /zhes pas khong bar rlung zhen pa'i skyon sel lo/ /lan bdun bar du bskor bar bya/ /zhes pas spros pa'i skyon sel lo/ /g.yon pa dag kyang de bzhin no/ /zhes pas rlung rengs pa'i skyon sel lo/ /bsgregs pa dag kyang rab gdon no/ /zhes pas tshigs pa gsum pa la rlung zhen pa'i skyon sel lo/ /lan bdun bar du sprug par bya/ /zhes pas rtsa bran rnams rengs pa'i skyon sel lo// iti //gsum pa'o/ / stobs rnams skyed cing stod du brgyad/ /zhes pas rlung ro ma snyoms pa'i skyon sel lo/ /g.yas pa la yang de bzhin no/ /zhes pas rlung 'gags pa'i skyon sel lo/ /dbugs bar bdun du gnas par bya/ /zhes pas mgon ba'i skyon sel lo/ /lan bdun bar du bsdig par bya/ / zhes pas don snying lnga'i blangs pa dang rtsib ma'i bar du rlung zhen pa'i skyon sel lo/ /lan bdun bar du gseng bar bya/ /zhes pas bsgregs pa 'don lus spyi la rlung zhen pa'i skyon sel lo/ /lan bdun bar du ldang bar bya/ /zhes pas lus 'khums pa'i skyon sel lo// iti // bzhi pa'o/ /lan bdun bar du mchod bar bya/ /zhes pas rlung mi brtan pa'i skyon sel lo/ /gzhungs pa lan bdun bsrang bar bya/ /zhes pas sogs dbrag rgal tshigs rnams la rlung rengs pa'i skyon sel lo/ /g.yas pa la yang de bzhin no/ /zhes pas mar 'tshams kyi tshigs pa la rlung zhen pa'i skyon sel lo/ /rkang g.yon dag kyang de bzhin no/ /zhes pas tshigs pa la rlung zhen pa'i skyon sel lo/ /lan bdun bar du sprug par bya zhes pas stod kyi tshigs pa la rlung rengs pa dang rkang lag kun gyi sha 'chus pa de gnyis kyi skyon sel lo/ spud mgo gnyis la sdeg par bya/ /zhes pa ni rlung log pa'i skyon sel lo// iti //lnga pa'o/ /lan bdun bar du sprug par bya/ /zhes pas sha kyi bar du rlung shor ba'i skyon sel lo/ /gyen la lan bdun dgug par bya zhes pas/ rlung rgyal ba dang 'bog pa'i skyon sel lo/ /stobs rnams rab tu skyed par bya/ /zhes pas lus spyi la khrag rgyas pa'i skyon sel lo/ /g.yon pa dag kyang de bzhin no/ /zhes pas rlung tshigs pa la zhen pa'i skyon sel lo// iti //drug pa'o/ /lan bdun gyen la bsgreng bar bya zhes pas mgrin pa longs spyod kyi rlung 'gags pa dang/ snyid chungs pa la sogs pa'i skyon sel lo/ /g.yon pa la yang de bzhin no/ /zhes pas rkang pa man chad kyi rtsa 'khril pas rlung rgyu sa med pa'i skyon sel lo/ /stobs bskyed mdun du skyang bar bya zhes pas/ rtsa khug par song ba'i skyon sel lo/ /khong pa rab tu bskor bar bya zhes pas/ rgyu zhabs 'khril ba'i skyon sel lo// iti //bdun pa'o/ /g.yon pa la yang de bzhin no/ /zhes pas sgal tshigs la rlung zhen pas bzhogs g.yas g.yon gnyis 'khril ba'i skyon sel lo/ /yan lag dang po rgug par bya/ /zhes pas brang rlung khong du brgyas pa'i skyon sel lo/ /nam mkha' dag la sgreng bar zhes pas/ rlung yas pa'i skyon sel lo/ /g.yon pa dag kyang de bzhin no zhes pas/ khrig mgul gyi gseng la rlung shor ba'i skyon sel lo/ /sku stod dag ni skor bar bya zhes pas pho ba kha'i grang rlung gi skyon sel lo/ /zhabs gnyis stobs bskyed 'phul bar bya/ /zhes pas snying khar gzer ba'i rlung skyon sel lo// iti //brgyad pa'o/ /gla sha gnyis la rdeg par bya zhes pas sa chu bsgags pa'i skyon sel lo/ /phyir bzlog stobs rnams skyed par bya zhes pas/ rkang pa'i tshigs rnams kyi gseng la rlung shor ba'i skyon sel lo/ /g.yon pa dag kyang de bzhin no zhes pas/ srog shing gi ce'i phyed la rlung shor bas lji ba'i skyon sel lo/ /lan bdun bar du bsrang bar bya zhes pas lte ba yan chad kyi rtsa khug pa'i skyon sel lo/ /g.yon pa dag kyang de bzhin no zhes pas/ lus spyi la rlung rengs pa'i skyon sel lo/ /g.yas pa dag kyang de bzhin no/ /zhes pas snying gi rtsa lus spyi khyab tu sgyu ba'i skyon sel lo/ /lan bdun bar du ldang bar bya/ zhes pas rlung spyi rengs pa'i skyon sel lo// iti //dgu pa'o/ /skyil krung gyen la sdegs par bya/ /zhes pas gsang gnas su rlung zhen pa'i skyon sel lo/ /g.yon pa dag kyang de bzhin no/ /zhes pas/ spung 'go ngad sogs sprag gi rlung skyon sel lo/ /stobs rnams bskyed cing skyang bar bya/ /zhes pas mdun brgyab gnyis gzer ba'i rlung skyon sel lo/ /g.yon pa yang ni de bzhin no/ /zhes pas snying rlung gi rlung skyon sel lo/ /stobs rnams rab tu ldang bar bya/ /zhes pas grang rlung gis long sbos pa'i rlung skyon sel lo/ /gyen la rab tu dgyug par bya/ /zhes pas chu 'gags pa'i rlung skyon sel lo// iti //bcu pa'o/ /bstan pa'i tshul gyis gnas par bya zhes pas don snying gi blangs pa nang du 'khyims pa'i rlung skyon sel lo/ /stobs skyed rab tu lding bar bya/ zhes pas byang sems dkar dmar gnyis po 'phar ba'i rlung skyon sel lo/ /g.yon pa dag kyang de bzhin no/ /zhes pas srog tsol gnyis phyogs gcig tu shor ba'i rlung skyon sel lo/ /nam mkha' rab tu sgreng par bya// zhes pas yar gyi tshigs pa bdun par tshad pa'i rlung zhen pa'i skyon sel lo/ /bsigs pa'i tshul gyis bsgom par bya/ /zhes pas khong pa tsha bas rgyas pa'i rlung skyon sel lo/ /srod ba'i tshul gyis gnas par bya zhes pas rtsa po che nas khros pa'i rtsa bran rengs pa'i skyon sel lo// iti //bcu gcig pa'o/ /srod pa'i tshul gyis bsgom par bya/ zhes pas longs spyod kyi sor gnyis kyi 'og tu gzer ba'i rlung skyon sel lo/ /brang bskog dag kyang bsrang bar bya/ /zhes pas gyen rgyu'i rlung rmad du zhen pa'i skyon sel lo/ /g.yon pa dag kyang de bzhin no/ /zhes pas srog 'dzin gyi rlung mkhal ma la zhen pa'i skyon sel lo/ /stobs bskyed rab tu ldang bar bya zhes pas srog 'dzin gyi rlung yan lag mar gyi tshigs gsum pa la zhen pa'i rlung skyon sel lo// iti // bcu gnyis pa'o/ /stobs bskyed rab tu 'ging bar bya/ /zhes pas/ mnyam gnas kyi yan lag rkang lag gi gseng la rgyu ba'i rlung skyon sel lo/ /g.yon pa dag kyang de bzhin no/ /zhes pas 'thur du sel ba'i rlung skyon sel lo/ /pho za dag ni ? par bya/ /zhes pas mnyam gnas dang srog 'dzin 'thab pa'i skyon sel lo/ /'gying pa'i tshul gyis bsig par bya/ /zhes pas 'thur sel gyi yan lag rtsa bran la zhen pa'i skyon sel lo/ /srong ba'i tshul gyis ldang bar bya/ /zhes pas rkang na ba'i skyon sel lo/ /nam mkhar rab tu lding bar bya/ /zhes pas steng rlung smad du zhen pa'i skyon sel lo/ /stod rnams gser zhing bsgom par bya/ /zhes pas gsang gnas kyi pad mar thig le zhen pa'i skyon sel lo/ /g.yon ngos dag kyang de bzhin no zhes pas/ snying rtsa bzhi bcu zhe gnyis log men du shor ba'i skyon sel lo/ /lan bdun bar du sprug par bya zhes pas don snying gi blangs pa ba spu la zhen pa'i skyon sel lo/ iti //bcu gsum pa'o/ /skyil krung nam mkhar phyar bar bya/ /zhes pas thig le 'dzag pa'i skyon sel lo/ /lus rnams bkug cing bsgom par bya/ /zhes pas sa'i rlung rgyas pa'i skyon sel lo/ /bol gong mgul pa sdam par bya/ zhes pas spyi dmigs g.yas g.yon dang rkang pa'i 'gul pa dang sbrel nas yod pa'i tsi'i skyon sel lo/ /lan bdun bar du mchod bar bya/ zhes pas me rlung gi yan lag rkang gnyis la zhen pa'i skyon sel lo// iti //bcu bzhi pa'o/ /mdun rgyab dag tu lding bar bya/ zhes pas bad kan gyi skyon sel lo/ /longs spyod 'khor lo bskor bar bya/ zhes pas gyen rgyu'i yan lag dra mig la zhen pa'i skyon sel lo/ /lus kyi stobs rnams skyed par bya zhes pas/ mgo la gzer byung ba'i skyon sel lo/ /stobs bskyed lan bdun 'phra bar bya zhes pas rlung yas pa'i skyon sel lo/ /g.yon ngos dag kyang de bzhin no/ /zhes pas rlung 'khyims pa'i skyon sel lo/ /stobs skyed khong pa skor bar bya/ /zhes pas tshe grang ma snyoms pa'i skom pa'i skyon sel lo// iti //bco lnga pa'o/ /g.yon pa dag kyang de bzhin no zhes pas/ tshigs rnams la snying tsha zhen pa'i skyon sel lo/ /g.yon pa dag kyang de bzhin no zhes pas nang gi rlung sems la rengs pa'i skyon sel lo/ /g.yas pa dag kyang de bzhin no zhes pas/ tsa'o che'i skyon sel lo/ /lus kyi stobs rnams bskyed par bya zhes pas/ bying ba'i skyon sel lo/ /lag gnyis gru mo bsnye bar bya/ /zhes pas/ rgya rbab kyi skyon sel lo/ /g.yas pa dag kyang de bzhin no/ zhes pas/ gram pa'i thig le rlung ngan par zhugs pa'i skyon sel lo// iti //bcu drug pa'o/ /g.yas g.yon bsrang zhing bsgom par bya zhes pas rtsa dgu'i rlung dra mig la zhugs pa'i skyon sel lo/ /rims kyis g.yas g.yon skyang bar bya zhes pas phyi rlung lus la rengs pa'i skyon sel lo/ /rked pa dag ni rten par bya zhes pas/ thig le khong du 'dzag pa'i skyon sel lo/ /lan bdun bar du mchod bar bya zhes pas gsang gnas kyi 'khor lo'i rtsa bdun zhar ba'i skyon sel lo// iti //bcu bdun pa'o/ /nam mkhar rab tu lding bar bya zhes pas/ snying kha chos kyi 'khor lo la thig le zhen pa'i skyon sel lo/ /stobs rnams rab tu bskyed cing bsgom par bya/ /zhes pas yan lag gnyis kyi tshigs skyon sel lo/ /stobs bskyed lan bdun mchod bar bya zhes pas bad kan gyi skyon sel lo/ /stobs rnams skyed cing bsgom par bya zhes pas krangs pa'i skyon sel lo/ /yan lag dang po gzhug par bya zhes pas spung pa gnyis 'gul pa'i skyon sel lo/ /stobs bskyed mdun du brkyang bar bya zhes pas thig le ma khrems pa'i skyon sel lo/ /stobs bskyed rab tu bsdam par bya zhes pas mtshan zur na ci bran ta la'i lo ma ltar gnas pa la rlung shor ba'i skyon sel lo/ /stobs bskyed rab tu bsgom par bya zhes pas rkang pa gnyis kyi tsa rnams 'khums pa'i skyon sel bar 'gyur ro/ /slob dpon chen po 'bir wa pas mdzad pa'i rlung skyon sel ba'i go rims yi ger bkod pa'o/ /bod yul du rnal 'byor gyi dbang phyug chen po a mo ka badzras rang 'gyur du mdzad cing gsungs so// iti (//'chi med grub pa'i dbang bskur bzhugs so/ /dpal ldan shangs pa bka' rgyud kyi chos bskor yin//) !/ /rgya gar skad du/ a rmri ta sid+d+hi mand+ha la b+hi ti na ma/ bod skad du/