བོད་ཡིག

e-texts based on the ACIP/ALL Input

rdzogs so// //paN+Di ta s+tha bi ra'i? zhal snga nas dang/ shAkya'i dge slong ba ri lo tsa bas bsgyur ba'o// shu b+haM/ //chogs? bdag dkar po'i sgrub thabs man ngag cha lag dang bcas pa bzhugs so// rgya gar skad du/ sh+ri ga na pa ti shan ta nas d+ha na ma/ bod skad du/ dpal tshogs kyi bdag po zhi ba'i sgrub thabs/ 'jig rten dbang phyug spyan ras gzigs la phyag 'tshal lo/ /dang por gnas dben zhing yid du 'ong bar/ maN+Dal gru bzhi pa ba yi rnam lngas byug go /sman dang dri zhim po'i chus chag chag? bdag tsandan dkar po'i dri'i thig le? mi bya stog? dkar po'i tshom bu gcig dgod/ mar me dang dri dang spos dang lha bshos dgram/ /gtor ma chan nam bag bye la sprus pa'i zan dkar gsum mngar gsum/ la phug re re/ la du'i di lu de de bzhug /lugs sku 'am bris sku yod na bzhugs su gsol/ /de ltar bsham de nas dang po dkon mchog gsum la mchod pa phul la/ bdag nyid yi dam lhar bskyed/ da nas mdun du a las zla ba'i steng du yi ge hUM dkar po gcig bsam/ de las dpal tshogs kyi bdag po sku mdog dkar po glang po che'i mgo can phyag g.yas gnyis na/ la phug dang dgra sta bsnams pa/ g.yon gnyis na thod pa nor bus bkang ba dang/ kha twaM kha snams pa/ rin po che dang lha'i me tog gis brgyan pa/ byi ba sngon po'i khril bzhugs pa gcig gsal bar sgom/ de nas bdag nyid kyi thugs kha nas/ 'od zer 'phros pas/ rang bzhin gyi gnas nas dpal tshogs bdag spyan drangs la/ mdun gyi de la bstims la/ dam tshig gi phyag rgya bstan/ /sku khrus gsol/ /mchod pa sngags kyis dbul/ de nas zlas pa bya ba ni/ oM ba ra ta ka swAhA/ oM ba ga ba te e ka daM ShDa? sin? d+ha sid+hi hUM/ oM bruM ga na pa ti ye swAhA/ zhi ba'i yi ge 'bru bdun pa/ 'bum phrag gcig zlas pa byas na ji ltar 'dod pa'i dngos grub kyang gter/ bsams pa yang 'grub/ longs spyod che/ /yo byad kyang 'phel bar 'gyur zhi ro/ /khams gsum gyi nor thams cad rgyas pa 'ong ste phyug por nges 'gyur ro/ /nye ba'i snying po zla ba drug mch+d pa dang zlas pa byas na mi tha mal pa yang stong 'khor lo bsgyur ba'i rgyal po dang bsod nams mnyam par 'gyur ro/ /ming gi snying po zla ba drug du zlas pa dang mchod pa byas na/ rgyal po dang blon po dang/ skyes pa dang/ bud med la b+ha ga ba te sogs pa thams cad bdag gi dbang du 'gyur ro/ /zlas pa thon nas/ dkar gtor la sngags btab ste dbul bar bya'o/ /dam tshig gan pa ti ni chos la gnas par bya dgos so/ /gtor ma ni khams las kha zas ro brgya pa/ nam mkha' khengs par sgom mo/ /de la gsol bar bsam mo/ phyag 'tshal dpal ldan chogs bdag dgyes phyag 'tshal dpal ldan zhi ba che/ /phyag 'tshal dpal ldan khro bo che/ /tshe 'di nyid la dngos grub ni/ /ci 'dod pa ni bstsol bar mdzod// lha'i rgyal po'i mnga' thang ni/ /bsgrub pa po la bstsol bar mdzod/ /shin tu thugs rje'i bdag nyid las/ / tshogs bdag chen po thugs rje che/ /thugs rje chen pos dbul pa bskyob/ /nor lha chen po khyod nyid la/ /bdag nyid dang bas phyag 'tshal bstod/ /dpal ldan tshogs bdag chen po ni/ /sku mdog dkar po glang chen dbu/ /g.yas kyi phyag na la phub bsnams/ /g.yon na yid bzhin nor bu bsnams/ /'og ma dgra sta kha traM ka /gsus chen rgyan rnams kun gyi brgyan/ /zla ba byi ba'i khri la bzhugs/ /phyag 'tshal dpal ldan chogs bdag ba'o/ /la phug gtor ma 'di la zhes la/ /tshe dang longs spyod 'phel ba dang/ /nad dang 'byung po zhi bar mdzod/ /mi dang lha klu gnod sbyin rnams/ /bdag gi bran du 'gyur bar shog /lha'i longs spyod mang po las/ /'dod pa'i yon tan 'byung bar shog /dngos grub sgrub pa'i dbang phyug can/ /gdul bya'i dbang gi sku sprul pa// lha chen tshogs bdag chen po yis/ /'jig rten 'dir yang bsrung zhing dngos grub stsol/ /phyi ma byang chub thob pa'i grogs mdzod cig /zlas pa thon khar gtor ma sngags kyis btab te dbul bar bya'o de nas ye shes sems dpa' gshegs/ /dam tshig pa sdus la spyod lam bya'o/ /bsdus pa la dga' ba'i gang zag la bstan pa'o/ /'di rdo bos dngos grub 'byung ba'i rgyud la rten nas mdzad pa'o/ /des 'brom/ des spyan snga ba la gnang ba'o// //nag po pa'i gdams ngag tshogs bdag gi sgrub thabs jo bo rje nas rgyud pa