བོད་ཡིག

e-texts based on the ACIP/ALL Input

rgya gar skad du/ mahA kA la sh+ri a d+hiSh+Tha wa ti sa ta na ma/ bod skad du/ dpal nag po chen po byin brlabs can gyi sgrub pa'i thabs zhes bya ba/ myur mdzad mgon po spyan ras gzigs la phyag 'tshal lo/ /dam pa'i chos tshul bzhin sgrub pa'i sgrub pa po chen pos mi dang mi ma yin pa gnod pa rab kyis dge ba'i bar du gcod pa byung na/ /dge sbyor nyid kyi bar chad gsal ba'i phyir/ /dpal mgon po nag po'i sgrub thabs 'di ltar bya ste/ /gnas dben pa bzang por mgon po nag po chen po'i rten rdzas dang/ mchod rdzas la sogs pa phyi rten nang rten dgos pa'i yo byad bsags la maN+Dal legs par byas te/ me tog tshom bu dang/ mchod rdzas dang rten rnam dag bkod nas/ tsan dan ber la dar nag gdags/ /rang stan bde ba la shar du phyogs par 'dug ste/ rang yi dam lha'i gzhung bzhin du 'tshams gcad pa dang/ byin gyis brlab bya'i rdzas rnams byin gyis brlab pa dang/ dge sbyor yan lag bdun pa dang/ tshad med pa bzhis bsod nams kyi tshogs bsag /chos thams cad stong pa nyid du bsgoms te/ ye shes kyi tshogs bsags pa'i dang las rang yi dam ye shes lha'i bskyed rim gzhung bzhin bya/ de'i snyen sngags ci rigs par bzlas nas/ rang gi snying kha'i sa bon las 'od 'phros pas/ bgegs kyi rgyal po log 'dren bkug pa'i steng du/ paM yig las pad ma 'dab brgyad bsam/ /de'i lte bar raM dmar po las nyi ma'i gdan bsams te/ /rang gi snying khi'i 'od zer gyis lho phyogs kyi dur khrod tsan dan gyi shing kha nas dpal ye shes kyi mgon po nag po chen po spyan drangs nas nam mkha' na tshur byon te/ gdan thog tu bzhugs par bsams la/ nges par 'byon zhing bzhugs nas bdag la byin gyis brlob par 'gyur ro/ /de la yid ma ches na rang lhag pa'i lhar bsgoms nas snying kha'i sa bon las 'od 'phros pas gdan skyed pa snga ma bzhin byas/ gdan thog tu yi ge hUM mthing nag bsam/ de las 'od 'phros 'dus rdo rje gri gug hUM gis mtshan pa bsam/ de gyur pa las nag po chen po bskyed de/ khro bo'i gzugs brnyan sku mdog mthing nag 'od 'bar ba rgyud nas gsungs pa bzhin zhal gsum par sgom mo/ /dbus zhal sku mdog dang 'thun pa/ zhal g.yas dmar nag /g.yon pa ljang nag tu'o/ / sngon du mthong ba bzhin zhal gcig mthing nag tu sgom/ /gang ltar du sgom yang phyag drug pa kho na ste/ phyag g.yas kyi dang po mi mgo'i phreng ba 'grang ba/ gnyis pa na gri gug /gsum pa na Da ma ru 'khrol ba'o/ /g.yon gyi dang po thod pa khrag gis bkang ba/ gnyis pa na mdung rtse gsum pa/ /tha ma na zhags pa bsnams pa/ / dbu skra gyen du brdzes pa'i steng na sangs rgyas mi skyod pa bzhugs pa/ dpral ba sin d+hu ras byug pa/ mche ba brtsigs pa/ dbu dang sku la/ sbrul dang rin po che'i brgyan gyis blungs pa/ mi mgo khrag 'jig pa lnga bcu'i do shal byas pa/ stag gi lpags pa'i sham thabs kyi steng du/ sprul dang rin po che'i phreng ba'i ske rags bcings pa/ dril bu g.yer khas brgyan pa/ zhabs gnyis bgrad pas bgegs kyi rgyal po mgo g.yas su bstan pa mnan pa/ sku che la yan lag rags pa/ gzi brjid 'bar ba/ lha ma yin sde brgyad bran 'khor du 'dus par sgoms la/ oM A(rgyud 'grel thugs byin gyis brlab/ lha dbang skur ba bya mi dgos te/ byas kyang 'gal ba med do/ /rang dang mgon po gnyis ka'i thugs kha nas 'od 'phros pas lho phyogs dur khrod kyi shing tsan dan gyi sdong po gcig gi steng nas rang bzhin gyi dpal nag po chen po spyan drangs te/ nam mkha' la tshur DA ma ru dang/ dril bu g.yer kha'i sgra dang bcas pa byon nas mdun gyi nam mkha' la bzhugs pa la/ na mo ma hA kA la ya/ po de sad ta ma hA sad ta ya/ zhes phyag btsal la/ sh+rI ma hA kA la dza/ zhes mdun bskyed nag po'i spyi bor dgug /ma hA kA la ya hUM gis dam tshig pa la ye shes pa bzhug/ ma hA kA la ya baM gyis gnyis su med par 'dres par bsam/ mahA kA la ho:zhes pas mnyes par bya'o/ /de nas gzhung gzhan bzhin du mchod pa byas te/ khyad par du nag po chen po'i spos ni/ tsan dan dang/ nyungs kar dang/ sgog skya dang/ sha chen dang/ gu gul cha mnyam par sbyar ba'i spos dbul/ yang na tsan dan dang/ nyungs kar / bu raM / gu gul / mi khrag gis sprus pa'i ril bu dbul lo/ /yang na gu gul mi khrag bsres la dbul lo/ /sngags ni / tsa la na ni pu ra dza li/ dza la ki na ri li ka pa hUM kaM / na ra wa pa/ u ra d+ha ka hUM/ ka phe ka ra// b+hi b+hi na/ sha d+ha pa d+ha pi la/ d+ha ma ru e pa la e ka la/ ha hi lo'i yan/ an d+he/ e pan tsa lu la e san/ si ra ma la / ka hi na ra sa ta pa sha a sa ma thi s+thi/ ma hA kA la hUM hUM hUM phaT phaT swA hA / zhes bya'o/ /de nas stod pa bya ste / hUM dpal ldan mgon po nag po gzi brjid che/ /ye shes rgyas phyir dbu skra gyen du 'bar/ /dbyings na bzhugs phyir mi bskyod rgya yi btab/ /mkha' 'gro bsdud phyir sin d+hu ra yis byugs/ /rigs lnga'i mchog 'dus thod phreng dbu brgyan can// /bams gsum la gzigs spyan rtsa dmar la zlum/ /gdug pa 'dul phyir rno sdug mche ba brtsigs/ /pha rol phyin drug dge phyir phyag drug ldan/ /bdud bzhi rnams cod rdo rje gri gug thogs/ sngags rnams mi brjed gzungs ldan thod phreng bsnams/ /gsang chos sgrog phyir cang te'u drag tu 'khrol/ /nyon mongs ma spangs dag phyir thod khrag bsnams/ /dug gsum sting 'bugs mdud rtse gsum ldan 'dzin/ /gdur? bya mi 'dor rtag tu zhags pa bsnams/ /'jigs pa bskyob phyir stag lpags sku smad bkris/ /bsod nams tshogs rdzogs sku mdog gzi brjid 'bar/ /'khor ba'i skyon gyis ma gos pad ma'i gdan/ /ma rig mun sel nyi ma'i gdan stengs su/ nyon mongs tshad sal zla ba'i gdan la gzhugs/ /gdug pa 'dul rtags bgegs rgyal log 'dren mnan/ /chos sku mi 'gyur thob phyir sku mdog mthing nag 'bar/ /dgos 'dod skong phyir tsan dan steng na bzhugs/ /nag po chen po dpal la phyag 'tshal lo/ /sngon gyi zhal bzhes rjes su dran mdzod la/ /bdag gis btsol ba'i 'phrin las grub par mdzod/ /ces bstod do/ /de rjes/ sku rim gyis gsal bar sgom/ /de'i rjes la dpal nag po chen po'i thugs khar bad ma dang nyi ma'i gdan la hUM yig la snying po'i sngags kyis bskor bar bsams la sngags bzlas te/ /rang gi snying kha nas 'od zer sngags kyi yi ger 'phros pas mchod par gyur/ /mgon po'i thugs kha nas 'od zer sngags kyi 'phreng ba tshur 'dus pas bdag byin gyis brlabs sing/ /dngos grub thob bar bsams la srog gi snying po 'di bzlas/ /oM badzra ma hA kA la k+ShiM k+She tra big nan bi na ya ka hUM hUM phaT phaT/ zhes gtam gyi bar ma chad par bzlas te/ /de yang grangs 'bum phrag gsum mam/ bdun na ma/ bcu bzlas pa'am/ yang na tsan dan gyi shing gi rtsa ru zla ba drug bzlas pa'am/ /yang na mtshan rtags su sngags pa rnams dang/ btsun pa dang/ chu chen po skyes pa dang/ grong khyer me yis tshig pa dang/ /bud med mang po dang/ khyi nag dang/ bya nag la sogS sogs pa rmi ba dang/ gnod byed dang thabs nas rgyal ba la sogs pa rmi ba dang/ yang dang yang du 'byung ba dang/ /nyams dga' zhing ting nge 'dzin gsal ba la sogs pa nyams byung byung gi bar du zhag re la thun bzhi ru byas la bsnyen pa bya'o/ / thun re'i mchod pa dang bstod pa dang/ nyams pa bshags pa dang/ 'dod pa bsgrub par zhu pa byas la/ ye shes kyi mgon po nag po gshegs par bya/ /bskyed pa'i nang po chen po rang la bsdu/ /spyod lam la sogs pa chos spyi dang 'thun pa/ / de dag gis ni bsnyen pa'i bya thabs so/ /sgrub pa ni/ gnas dur khrod dam/ shing gcig gam/ ma mo'i khyim mam/ chu 'gram la sogs par dgos pa'i rdzas bsags la/ dkyil 'khor zla gang gru bzhi pa bya/ thig la sogs pa gzhung bzhin gdab/ /tshon gri ba ni dbus gru gsum mthing nag gtsang gis skor/ de'i mthar zlum po thod pa'i ra ba bya/ de gnyis bar gyi zla gam gsum dmar po/ /thong ra'i phyi'i gru chad bzhi ljang khu/ /sgo la sogs pa gzhung ci dang 'thun pa bri'o/ /dkyil 'khor dbus su dpal mgon po chen po'i gzugs brnyan dgod/ zla gam gsum la phud dang/ gtor ma dang khrag gi snod dgod/ sgo bzhi la shar du 'phags ma nam gru ma/ lho ru nag mo chen po gri gug thod pa can/ nub tu/ / legs ldan nag po chen po/ byang du dpal re ma ti rnams kyi rtsa ka li dgod/ /mgon nag 'khor gyi rten rdzas rnams/ mchod rdzas dang/ las sbyor gyi rdzas rnams kyang bshams la/ rang stan bde pa la 'dug ste/ byang chub mchog tu smon pa'i sems bskyed pas/ rang gi lhag pa'i lha gsal bar byas te/ snying po ci rigs bzlas par bya/ de nas dkyil 'khor mi dmigs pa las yi ge bruM smug nag tu bsam/ de nas lha'i gzhal yas khang gru bzhi sgo bzhi dang ldan pa/ rta babs bzhi yis brgyan pa bsam /nang gi dbus rim gyis mtho ba/ dbus gru gsum mthing nag /de'i phyir zla gam gru gsum dmar po/ de'i phyi ma zlum po mi mgo'i rtsig pas gtsang khang rtsigs pa/ de lcags gzer dang 'dra ba dam po lcags kyis byas pa/ de rnams 'od 'bar ba'i rnam pa can sgom / de'i dbus su gru gsum gyi thog tu pad+ma dang/ bgegs kyi rgyal po tsigs pa'i steng du hUM las dpal mgon po nag po sngon bzhin sgom/ sgo bzhir legs ldan nag po tshan po/ lhor nag po chen po gri gug thod pa can/ de gnyis yi ge hUM dmar nag dang/ mthing nag las bskyed de/ zhal gcig phyag gnyis pa'o/ /bad ni tsan dan gyi bde dang thid khrag bsnams pa/ gri gug ma ni rdo rje gri gug dang/ thod khrag thogs pa'o/ /shar ju ru snug nag nas 'phags ma nam gru ma zhal gcig phyag gnyis ma phyag na ral gri dang thod khrag/ sku mdog smug nag go / byang du nag po chen po zhal gcig phyag gnyis yoM ma tA kA ? rak+Sha? du dzeDNi? dza hUM hUM ja pa/ phyag na ral gri dang phub thogs oM shin hA kA la hUM hUM phaT pa/ nag po chen po gsum dang nag gi ber gsol ba/ rin po che'i phreng ba'i sku rags dang/ lha sbyo ma o nag mo baN+DDha? la ku lu ku lu hUM b+hyo par ro ru dud sol dang wa ba gcig kyang gda' mo'i sku bstod zhing bi lpags pa/ sku smad re lnge ri sham bu can no/ /mgon o oM ? mahA kA la sid+d+hi? yaM du dza dza hUM hUM phaT phaT/ lcam bral kun gshin gyi gdan la bzhugs pa/ mi mgo'i phreng ba'i do shal dang/ sbrul gyis brgyan la sogs pa dang ldan pa/ khro tshul can gzi brjid dang 'od 'bar ba/ drag shu tshal mthu rtsal che ba/ 'khor nag po chen po'i tshogs dang/ ma mo dang / mkha' 'gro ma'i gtso mo la sogs pa/ chos skyong ba'i lha ma yin dpag tu med pas yongs su bskor bar bsgom/ /de dag gi sku gsung thugs kyi byin brlabs dang/ ye shes kyi mgon po nag po chen po 'khor bcas rnams dur khrod chen bo'i gnas nas spyan drangs te /bskyed pa'i dkyil 'khor bzhugs pa dang/ phyag btsal ba dang/ mchod pa dang bstod pa rnams byas la/ de'i rjes la bdag gi thugs kha'i sa bon las 'od zer 'phros pas rdul tshon gtso bo'i thugs dam bskul/ de las 'od zer dang/ sprul pa'i khro bo kho mo bsam gyis mi khyab ba phyogs bcur 'phros pas/ lo ka'i khams kun gyi chos skyong thams cad dbang du bsdus te las la dkol nas/ de dag gi sngags la bdag gi dgra bgegs thams cad drag po mngon spyid kyis bsgral bar bsam/ sha khrag za zhing 'brur bar bsams la/ mgon nag chen po 'khor bcas bod pa'i sngags dang/ rbad pa'i sngags dang/ dgra bgegs bsad pa'i sngags dang/ gsum tshang ba 'di dag gzhan dang ma 'dres par bzlas/ oM ma hA kA la ya/ sha sa na/ a pa ka ri ni/ re sha ma A pats+tshi/ ma hA ka lo yaM i ta na ta rad na tra ya yA/ a pa ka ri nan/ ya ti pra ti ga dz+nyi /smar si d+han du shaM/ sarba dus dang/ sarba ta ka ya/ b+haM liM/ kha kha khA hi/ khA hi/ mA ra ya mA ra ya/ g+h+rih+na g+h+rih+na /b+hand+ha b+hand+ha/ ha na ha na/ da ha da ha/ pa tsa pa tsa/ din me ke ni mA ra ya hUM hUM phaT phaT swAhA/ zhes smra pa gzhan gyis bar ma mchod par bzlas/ thun mtshams su mchod pa dang/ bstod pa dang/ thugs dam bskul ba dang ye shes ba cha ste rang la ?/ dam tshig lha la sogs pa chos thams cad stong pa nyid du shes par bya zhing/ sems can thams cad kyi sdug bsngal la bltas te/ snying rje dang byams pa bsgom/ de la sgrub pa'i mtshan rtags ma byung bar du bsgrub/ mtshan rtags ni skyes pa dang bud med la sogs pas tshur phyag byed pA drang/ skye 'gro mang po bdag gi 'khor du 'dug pa dang/ g.yog byed pa dang/ byol song 'khor ba dang/ sems can ci yang rung ba bsad pa rmi ba la sogs byung byung sgrub par bya/ de yang 'khor lha? rten nas sgrub pa dang/ mnan bsrag sbrag ma la brten te sgrub pa'o/ /'khor lo la rten nas sgrub pa la gnyis/ bsrung pa'i 'khor lo dang/ drag pa'i 'khor lo la rten pa'o/ /bsrung ba'i 'khor lo ni/ nang 'khor lo rtsibs brgyad/ phyi gri gug rtsibs brgyad/ de'i phyi me ri 'bar bas skor ba bri/ 'khor lo'i rtsibs re re la snyen sngags dang/ bsrungs cig sprel te / oM badzra ma hA ka la k+Shi k+She tra big nan rin yag hUM hUM che ge mo la rak+Sha rak+Sha swA hA/ oM ma hA kA la shas na a pa hA ri sha ri ri/ a ba tsa/ ma hA kA lo yaM/ i dan twa khad na tra ya la ma bkar ni na/ ya ti pra ti dz+nya smra ra si tan duSh+TaM che ge mo la rak+Sha rak+Sha swAhA/ 'di lan cig lam shong na skyar gyi bri'o/ /bri/ nang gi mu khyud la sngags rings bri/ lta ba la bsrung bya'i gzugs ming rus gnas bcas pa bris la gur gum maM g+hi waM gyis rtsa ba mnan no/ /rab gnas byed na/ bskyed rims la sogs pa bsgoms pa/ 'khor lo mi dmigs pa las yi ge bruM bsam/ de las 'khor lo bskyed/ de'i steng du baM las pad ma dang/ raM las nyi ma'i steng du sngags kyi yi ge rnams bsams la/ de las 'od zer 'phros pas chos skyong bkug ste/ sngags kyi yi ge la thim pas yi ge rnams dpal nag po chen por bsgom de'i thugs khar pad ma'i lte ba la nyi ma gnas par bsam/ de'i steng du sgrub sngags bsams nas/ bdag lhag pa'i lhar gsal pa'i thugs kha nas 'od zer sngags su 'phros bas/ dpal nag po chen po'i thugs khar phog / de'i thugs kha las sngags 'od byung nas zhal nas 'thon te/ bdag gi zhal nas thugs khar thim pas sdig sgrib dag cing/ sdug bsngal zhi bar byed pa'i mthu skyed par bsam/ sngags brgya rtsa brgyad dam ci nus bzlas la/ mchod stod bya/ ye shes lha gshegs/ dam tshig lha zhu nas/ sngags kyi yi ge'i gzugs su gyur par bsam/ me tog dkar po la rten 'brel sngags te/ gtor bas kyang/ sngags nyid mgon po'i rang bzhin yin la/ mgon nag nyid sngags kyi gzugs su bzhugs pas/ cis kyang gzhom du med pa rdo rje'i yi ger bsams la bsrung bya'i yul la gdags te/ de'i lus rdo rje'i rang bzhin / yi ge btags pas cis kyang mi tshugs par bsam/ cho ga gzhan ci dang 'thun na/ /'khor lo la rten te drag po'i sgrub pa byed na/ 'khor lo gnyis byas te/ gnyis ga la phyi'i ri mo zlum po bzhi rim du skor ba'i mu khyud sum rim bya/ ri mo phyi rol ma'i phyi ma ris skor/ mu khyud phyi rim ma la snyen sngags la mA ra ya phaT btags pa dbu phyi ru bstan pa bri/ pad ma la gri gug rno nang du bstan ba ci mang du bri'o/ /nad ma la sgrub sngags dbu phyi ru bstan pa 'khor bar dgod/ ri mo zlum pa nang ma'i ngos su 'khor lo rtsibs brgyad rtse nang du bstan pa bri/ /rtsibs brgyad la 'khor lo'i sngags brgyad bris la/ kha kha khA hi khA hi che ge mo mA ra ya hUM phaT/ mA ra ya mA ra ya che ge mo mA ra ya hUM phaT/ g+h+rih+na grih+na che ge mo mA ra ya hUM phaT/ b+hand+ha g+hand+ha che ge mo mA ra ya hUM phaT /ha na ha na a mu kaM mA ra ya hUM phaT/ da ha da ha che ge mo mA ra ya hUM phaT / ba tsa pa tsa che ge mo mA ra ma hUM phaT di na me ke ni a mu ka mA ra ya hUM phaT/ zhes pa rnams so/ /dbus su sgrub bya'i gzugs ming dus dang sngags su bcas pa bri'o/ /de yang 'khor lo steng ma'i mdun na g.yas ngos na phar la 'khor bar bri'o/ /'og ma'i yi ge g.yon du 'khor bar bri/ rtsibs brgyad kyi dbu nang du bstan pa bri/ de rnams khrag chen dang dug gis byugs la 'khor lo gnyis kha sbyar te/ bar du ling ga bris la bzhug /de thod par btsug la thod pa 'grub khub du bcug la/ de nas yi dam ltar bskyed/ mdun du dang la nag pa chen po bskyed la dgug gzhug la sogs pa bya ste/ bsnyen sngags brgya tsam bzlas/ de'i rjes su 'khor lo stong par bsgoms la der bruM la/ gnam lcags mchen cha'i 'khor lo me 'bar bar bsgoms la/ 'khor lo'i bar gyi ling ga la Ni 'am/ tri las sgrub bya bsams la/ rang lcags kyu'i phyag rgya bcas te/ dpal nag po chen po las sprul pa'i khro tsogs la lcags kyu dang/ thob thogs pa mang po 'phros te/ bsgral bya rang rgyud kyi gnas nas dgug bar bya/ lcags kyus snying nas bzung/ tho bas rgyab nas phul/ bkug nas sngar gyi sgrub bya la bzhugs/ de nas 'khor lo skor te/ 'khor lo drag tu 'khor ba dang/ dpal nag po chen po'i sprul pa dang/ 'khor du bcas pas/ mtshon cha'i char du phab pas/ bsgral bya lus dum bur gtub khar bsam/ sha rus dum bu dang/ khrag zags pa thod pas bcus te gsol bar mdzad pa dang/ sha rus lhag ma mes bsregs cing chos pa yang thod par blangs nas gsol bar bsgom/ lhag ma thal bar yang song bar bsam/ bsnyen sngags dang las sngags sbrel la ci nus su rang res skabs su bzlas shing thun gyis brab bo/ /de ltar zhags bdun nam bcu bzhi nyi shu rtsa cig tu sgrub par bya'o// //mnan sreg sbrag ma la rten te sgrub na / 'khor lo 'am/ 'khor lo med pa'i ling ga bres pa yang rung te/ rang gi mal 'og 'grub khung bcas par bcug la/ mdun du mchod rdzas dang me thab la sogs pa bshams te/ me thab tu nyin gung dam mtshan gung la ling kha bsro zhing/ yang mal 'og tu mnan par bya/ cho ga gzhan sgrub pa ci dang 'thun no/ /de ltar zhag bdun nam / bcu bzhi 'am/ nyi shu rtsa gcig bya'o/ /gtor ma la rten te sgrub na / maN+Dal steng du gtor snod bzhag te bre gang yan chad kyi che la gtor ma bya/ gtor ma de zur gsum pa rtsab zlum por byas la/ gtor mda' mde'u ni thog lcags sam/ mi bsad pa'i lcags dum bu gzugs / ras kha tshar mnyams pas yol ba bya/ mnga' la dar nag btags la gzugs/ maN+Dal steng du mchod rdzas ci 'byor pa yang bsham / me tog tshom bu lnga dgod/ dpal nag po chen po'i rten yod na steng du gzugs/ gtor ma'i nang du 'khor lo 'am ling ga gzhug/ /de nas cho ga gzhung bzhin byas la maN+Dal steng gi rten nam/ me tog tshom bu lta bu bskyed la/ dza:hUM ba ho(rgyud 'grel byas la/ mchod pa dang bstod pa bya/ de nas gtor ma stong par bsam la /der kaM las gtor snod thod pa chen por bsam/ de'i nang du gtor ma'i dngos po dang/ ling ga yi ge Ni 'am dri las/ dgra 'am bgegs gang 'dod par skyed la/ rang dang dpal nag po chen po'i thugs kha nas 'od zer dpag tu med pa las/ las kyi mgon po thugs kha nas khro bo dang khro mo rnams spros pas / gnod byed kyi lus sems rang dbang med par bkug pa dang/ bskyed pa de la stim pa dang/ mtshon chas btubs pa la sogs pa bya zhing/ thun rdeg cing sngags rings bzlas so/ /yang skul ba'i ma mo dang/ mkha' 'gro lag na thod pa thogs pa mang pos sgral ba'i sha khrag thod pas bcus te/ nag po chen po tshogs la rol/ rang re yang rol par bsam ma/ /thun 'jog tsam na mchod pa/ bsted pa/ nyams grib bshags pa dang/ las la skul bar bya/ ye shes lha rten gshegs su mi gsol/ rten la bzhugs par bya/ rang spyod lam dge ba dang mi 'bral bar bya'o/ /thun gzhan la 'jug rtsan/ dam tshig gi dpal nag po chen po byas la / ye shes pa spyan drangs nas stim pa la sogs pa snga ma bzhin bya'o/ /dgra bgegs tshar gcod pa'i rtags byung na gtong ma btang te/ nang pa'i gdon 'dul ba yin na/ gtor ma'i phung tsam zhig bzhag la/ de nas gtor ma gnod byed phyogs su btang te/ gtor ma skyel mis gos nag bgo /med na dar nag gi 'phan lus la gzugs/ gtor ma la lam phye sgo phye byas la gtor ma zor du 'phang ngo btang ngo/ /de nas 'phangs nas yon tan dpag tu med pa 'byung ba las/ phan yon mdor bsdus pa drug ste/ chos skyong mnyes pa dang/ tshogs stsog pa dang/ dam tshig nyams pa'i dri ma 'dag pa dang/ bar char mi 'byung ba dang/ dngos grub sgrub pa'i grogs su 'gro ba dang/ 'phrin las sgrub pa'i yan lag tu 'gyur ba ste/ don chen por 'gyur ro/ /nag po'i gtor ma'i cho ga'o// byis pa chung du'i gdon bsrung ba dang/ de las sogs pa'i mi smyo 'bog la sogs pa'i nad gso ba dang/ ser ba bsrung ba dang/ gzhan gyi sbyor ngan zlog pa dang/ chang nyes zho nyes bsrung ba dang/ gzhan pa'i bsrung ba la sogs pa pa bya bar 'dod na 'di ltar bya ste/ dang po nad ba dang/ byis pa'i gdon 'dul na / bsrung ba'i 'khor lo sgrub pa sngar ltar byas la/ bsrung bya'i skye gdags / bsrung dga' na gtor chen ltar bzung la/ 'brub khung bcas la/ ling kha mang du bris la bzhug / de nas mtshams bcas pa grub na legs ma grub na bya ba gzhan btus la/ dpal nag po chen po'i skyed rim bsnyen pa bzhin byas la/ bsnyen sngags dang sngags rings la thun bzhir bzlas pa bya zhing / nyungs dkar la sogs pas brab/ gri dang phung? pa la sogs pa brteg /skabs su mchod gtor dang bskul bya 'phral gtor btang ngo/ /g.yas rno pas dgra bgegs thul lo zer ram/ ma thul zer yang de dag la yid brtan du mi rung pas / rang dam bsrung bya'i gza' tshol sems can bsad pa dang/ tshig pa la sogs pa byung gi bar du/ 'phrin las ma bshol bar bya'o/ /de nas bsreg mnan yang bya'o/ /ser pa bsrung na lo cho ga gzhan bzhin byas la / khro bo bcu'i sngags bzlas pa'i rdzas gyis bsrung bskor la/ thal chen dang nyungs kar la sngags rings bzlas la sprin nag la gtor ro/ /sbyor ngan phyir la bzlog la/ rang dpal chen por bsgoms la/ 'khor lo rtsibS bcu pa phyi ru sgom/ 'khor lo nang du phyogs skyong bcu dgyel ba'i steng du khro bo bcu bsgoms la 'khor lo bskor ro/ /zho chang bsrung na/ sngags bzlas nas nyungs kar blugs pas thub/ zho skams na nu ma la dung pas bdug /sngags bzlas pa'i 'dzin pas byug/ de dag la sngon du gtor ma btang pa gal che'o/ /mnan pa byed na/ gtor ma chen po bshams la/ mnan pa'i 'khor lo bri ba ni/ phyi'i mu gsum bsang pa'i 'khor lo ltar byas la/ khyad par du las kyis kha sgyur ba ni/ mA ra ya byung sar de'i tshab ma staM b+ha naM ku ru laM bri/ dbus su mu khyud skor la de'i phyi rol du 'khor lo rtsibs la rtse mo phyi ru bstan pa byas la rtsibs la khro bo gcu'i sngags re bris nas de nas dgra 'am bgegs gang la byas pa de la 'god/ de nas dang po dgug bzhug byas la/ 'brub khung gru gsum rang gi mal 'og tu bru/ kha khyer sor bzhi phyir skyed la/ sor gnyis spangs su rtsig /shog bu la ling ga mang du bris te/ /gzugs byas pa'i snying khar bzhug /gzugs brnyan gyi ske la tha? gzhug? po btags la/ rang gi srin lag gis bzung dang po dang/ skabs skabs su dgug bzhug mang du bya/ skabs su 'am zin zin tha gu shing phur la rtod/ 'brub khung du ling ga bcug la de'i kha g.yam pas bcad/ g.yam bde'i steng du ri rab gling bzhi dang bcas pa bri/ 'og ngos su rdo rje rgya gram bris la kha bcad de nas gtor chen bshams la sha lngar byin gyis brlabs/ de'i steng du dam tshig sems dpa' bskyed la/ ye shes sems dpa' spyan drangs la stim/ sngags rings brgya rtsa bzlas shing/ rang gi thugs kha nas 'od byung nas kha nas 'thon/ mgon po'i thugs khar thim/ lte ba nas khro bo dang khro mo 'thon/ /mnar? bya bkug ste ling ga la stim/ khro mo khro bo rang gi snying khar bsdu ba yang dang yang du bsam/ bzlas pa 'phro dmag grangs pa dang/ chu bo chen po skyes pa dang/ grong khyer mes tshig pa dang/ bdag gam gzhan gdod byed la sogs pa las rgyal ba dang/ sems can bsad pa la sogs pa byung na mnan pa bya ste /gtor chen steng nas dpal mgon po steg ste/ bar snang la bzhugs pa la yang ye shes lha spyan drangs la bzhug /mchod pa bya/ gtor ma la yang byin brlabs byas la bsngo ba bya/ rang gi 'og gi 'khor lo ston/ gtor ma'i khar bzhag gnod byed bkug la bstim/ sngags rings bzlas shing/ mgon po'i sprul pa'i 'khor gyis/ gnod byed bsad de btubs pas gtor ma sha khrag gi dngos por gyur pa chos skyong 'khor bcas la btab par bya'o/ /de nas ye shes pa gshegs/ dam tshig pa rang la bsdu'o/ /de nas mnan pa'i sa ni dge 'dun gnas pa'i them pa'i 'og gam/ mchod rten rab gnas byas pa'i 'og tu bcug la rdo rje rgya gram byas pa'i g.yam pas kha bcad la kha las? dgab/? rkang pa g.yas pas mnan de'i steng du gtor ma blugs/ des gnod byed mi 'tshor ro/ /mnan pa'i las so/ /drag po'i sbyin bsreg giS btub pa'am bsad pa ni/ /maN+Dal gru bzhi rgyar khru gang pa byas la de'i steng logs kyi 'tho dang rgya mnyam pa zlum po 'phangs su khru gang pa/ zhes sor bzhi rtsig /steng du sgyed bu gzugs /phyogs gsum du sgor bya/ de'i nang du bud shing se ba la sogs pa cher ma can gis dga' /de'i steng du bye ma blug la bzhag /de'i rtsa ru yang 'brub khung legs re la khru re yon ba byas la de'i ling ga mang po bzhug /mgon po bskyed/ dgug bzhug bya ba la sogs pa sngar bzhin byas la/ mgon po'i sngags rings kha kha khA hi khA hi/ ston pa mang po bzlas/ gnod byed skyed la dgug bzhug lan mang po bya/ khugs pa'i yid ches pa byung nas/ phur pa dang mtshon cha bsnun/ dum bu mang du ma song bar du bsad par bsam par bya/ de nas ling ga'i rol lag pas mi bzung bar 'dzin byed gzhan gyis bzung la slar bzhin bsgyur ste/ phur pa'am mtshon gyis bye ma bkrug /ling ga tshig pa dang/ rang gi 'og tu dong gru gsum pa byas la/ de'i nang du phye ma blug la/ g.yam pa la 'og tu rdo rje rgya gram / steng du gling bzhi dang bcas pa'i ri rab bris pa can gyi kha bcad/ de'i steng du rang bsdad la rmi lam ston cig par gsol ba gdab/ rmi lam bzang ma drag po'i sbyin bsreg bya/ dnan? bzlas pa mang du byas nas 'og gi bye ma phyug la/ dge 'dun gyi them pa la sogs par mnan/ de nas sbyin sreg bya'o/ /drag po'i sbyin sreg bya bar 'dod na/ maN+Dal gru bzhi byas pa'i steng du/ rgya dang spangs khru re tsam pa gru gsum pa rtsig /de dag nag por bya/ gru gsum gyi mdza' mar me ri dmar po bri/ mdun la nye bar mchod rdzas bsham/ gtor chen yang bshams la bzhag / nas bri dang/ sha chen la sogs pa'i sreg rdzas yang ci mang ci bzang du bshams/ g.yas su mgon po 'khor bcas kyi gtor ma bsham/ g.yon du bgegs kyi gtor ma bsham par bya/ /mgon po'i gtor ma bsham par bya/ mgon po'i rten yod na dgod/ med na mda' bya rgod ma dang/ dar nag po dang/ skyes pa grir shi ba'i snying dang gsum/ dar dang snying mnga' la btags pa gzugs/ sreg rdzas mi khrag dang nyungs kar dang/ btsan dug dang / thal ? rnams sbyar la / ling ga dang sbags la sreg go /'khrul 'khor bcas pa yang dgug bzhug byas la mtshan gyis btub cing / oM mahA kA la g+h+rih+na g+h+rih+na/ oM ma hA kA la b+han d+ha b+han d+ha/ oM mahA kA la sh+re /ha na ha ha/ oM ma hA k+Sha la ya d+ha ra ya d+ha ra ya/ oM mahA kA la sh+ri / g+h+raM karmA ku ru hUM phaT/ zhes sngags rings kyi bsham du btags la mu khyud la bri'o/ /sngags de bzlas par yang bya'o/ /rang gi 'khrul 'khor bsad pa dang/ mthon bskyed pa dang/ dgug bzhug sngar ? bya'o/ /rang lha'i rnal 'byor nas bgegs gtor btang /mtshams gcad /mchod rdzas byin gyis brlab /de nas thab khung du raM las me dpung bsam pa'i dbus su/ hUM las dam tshig mgon po bskyed/ ye shes mgon po spyan drangs/ mdun gyi nam mkha' la byon pa dang/ dza(rgyud 'grel de nas 'khor lo dang/ ling ga dang / bsreg rdzas bsres la lha la dbul/ bsreg rdzas la lag pa mi reg par dgang gzer gyi blugs/ rab brgya rtsa brgyad/ 'bring lnga bcu rtsa bzhi/ sngags rings bzlas la dbul/ sngags kyi bsham la/ oM ag ne ye de wa te dzra la ra/ zhes btags la bzlas so/ /de'i dus su / gsal pa rnams gsum gal che ste/ rang yi dam gsal ba/ bsreg rdzas gnod byed du gsal ba/ me chos skyong du gsal ba'o/ /rdzas ma zad par shing zad na/ shing gzhan gyiS gsol la bya/ rdzas zad pa dang/ ye shes lha phye la rang la bzhug /dam tshig lha rang la btus la sgyed bu gsum gzugs / de'i steng du glang btsugs la mar khu blugs/ de'i 'og tu me sbar la mar khu khol ba dang/ raM las me dpung bskyed la/ reg bya tsha ba dus mdza' me lta bu bsam zhing/ sreg rdzas rnams gnod byed du bsams la/ bsreg cing nyungs kar dang/ lcags cha? dang / dug phye gsum gyis brab /ji srid mar khu ma skams par du gnod bed bkug cing brubs la/ mar khu zad pa dang gla nga'i nad glang? kha sbub pa'i steng du gtor chen bzhag glang? kha sbub pa'i steng du gtor chen bzhag la/ mgon po 'khor dang bcas pa la gtor chen dbul /'dod don zhu ba'i gsal ba gdab/ gtor ma rnga la sogs pa'i sgra dang bcas paS gtang ngo/ /mgon po rang bzhin gyi gnas su gshegs/ 'khor gyi gtor ma btang ngo/ / gtor chen gyi gtor ma btang zin pa dang/ gla ngal sbyar ba dbye/ sol ba de sa yis kha mnan/ nang par chags la chu la gdab/ yang na rlung la phyar btang/ sbyin bsreg lag len no// /ithi/ dpal nag po chen po 'di/ nag po gzhan gang bas kyang byin brlabs myur la che bas/ sgrub pa po bkra shis la bsams pa 'grub/ spyir sngags thams cad nas rdo rje slob dpon la dus rtag tu bsnyen bskur bya ba la sogs pa'i dam tshig bsrung dgos pa rnams/ 'di sgrub pa pos kyang bsrung zhing/ sgrub pa byas na/ thun mongs dang mchog gi dngos grub thob bo/ /dpal nag po chen po'i sgrub thabs/ dpal sha ba ri pa chen pos mdzad ba rdzogs so// // rgya gar gyi paN+Di ta a ta ya badzra dang /bod kyi lots+tsha ba phur bu 'od kyiS bsgyur cing zhus te/ gtan la phab pa'o/ /dpe 'di la shin tu dam pa'i bka' rgyas bde mchog snying pa/ btab bo/ /dpal 'byor lha mdzes lha'i dbang po dang/ /'dra zhing rnam spyod pa gam mi mnyam rdo rje mtho ba yi/ /shangs bdu gu lung pa phyag dpe dgos 'dod rin chen phreng ba 'di/ /ga ru ra b+ha Ta khyung? po bzang po bdag gis bzabs pa lags// //