བོད་ཡིག

e-texts based on the ACIP/ALL Input

lho phyogs bla ma ra hu las mdzad pa'i sgrub thabs thugs kyi gtso bo rdzogs so// //*/ /phyag drug ye shes mgon po'i chos skor las/ nag po chen po phung par sgrub pa'i thabs bzhugs so// //rgya gar skad du/ ma hA ka la ka la ya sarba na ma/ bod skad du/ nag po chen po phur bar sgrub pa zhes bya ba/ dpal he ru ka la phyag 'tshal lo/ /bstan pa gnas par bya ba'i phyir/ /nag po chen po phur par bsgrub/ /lcags sam nag po'i shing la sogs/ /mkhas pas 'jigs pa'i gzugs byas nas/ /sa bon las bskyed 'jigs pa'i gzugs/ /bskyed nas rab gnas cho ga bya/ /rdo rje 'chang gi spyan mnga' ru/ /ji ltar khas blangs dam bcas shing/ /byin gyi brlabs pa'i gnas 'di la/ /rab gnas bya phyir spyan 'dren bzhugs/ /oM ma hA ka la hUM phaT/ /mchod dang bstod pa zin pa'i mthar/ /he ru ka yi cha lugs su/ /gnas pa'i sngags pa blo ldan pas/ /drag po'i dus su mgon bstod la/ /rdo rje gsor zhing phur bu rdeg /hUM las byung ba'i nag po che/ /thung la sbom pa'i bsus po che/ /'od zer bskal pa'i me dpung 'bar/ /dug gsum sreg byed ki la ya/ /he ru ka'i spyan mnga' ru/ /ji ltar khas slangs dam bcas pa/ /dkon mchog bla ma bsnyas byed la/ /'od zer bskal pa'i me dpung 'phro/ /dus la bab po ki la ya/ /sku bstod zhal gsum phyag drug pa/ /gri gug thod khrag las sogs bsnams/ /sku smad zur gsum phur pa'i dpal/ /dam nyams snying la ki la ya/ /zur gsum rgya mdud chu srin kha/ /blo ldan rdo rje'i tho ba yis/ /gnas bcu ru ni gdab bar bya/ /'od zer 'bar ba ki la ya// legs ldan nag po drag shul can/ /gdug pa can gyi dgra bgegs 'di/ /brdul du brlag par ki la ya/ /lha min g.yul rnams bzlog byed pa/ /zhal gdangs che brtsigs khrag 'dzag pas/ /phrin las mdzad par ki la ya// dur khrod bdag po srin po'i gzugs/ /khaM nag ral pa gyen du rdzes/ /ma mo 'bum gyis 'khor gyis bskul/ /bsong byad las mdzad ki la ya/ /lang ka'i grong khyer 'jom mdzad pa/ /'jig byed dka' thub thod phreng can/ 'od zer mang po 'phro 'du bas/ /gdug pa rlag mdzad ki la ya/ /nyi ma lta bur dmar ba'i can/ /'od zer sngon po 'khrug cing 'phro/ /smin ma'i khro gnyer gyen du bzlog /bdud tshogs bsreg mdzad ki la ya/ /rnam? ba ha ha cher sgrags pa/ /ri rab brdul phran bzhin du gtor/ /stobs chen byang chub sems dpa' ste/ /nyon mongs dgra 'joms ki la ya/ /khams gsum dbang du bsdud mdzad pa/ /dug gsum brdul du brlag mdzad cing/ /grong khyer sum brtsegs 'jigs byed pa'i/ /log 'dren bsong byed ki la ya/ /dur khrod mkha' 'gro pho nya'i tshogs/ /dgra bgegs ma lus gsong byed pa'i/ /nag po chen po'i zhal du btab/ /bskrod byed dgra bsod ki la ya/ /oM ma hA ka la ki la ya kha hi kha hi/ ki la ya/ mA ra mA ra ki la ya/ g+h+rih+na g+h+rih+na ki la ya/ b+han d+ha b+han d+ha ki la ya/ ha na ha na ki la ya/ da ha da ha ki la ya/ pha tsa pha tsa ki la ya/ de na mi gi na ki la ki la ya hUM phaT/ che ge'i snying la ki la ya/ de ltar blo ldan phur pa yis/ /gdug pa can gyi gnas bcur gdab/ /nag po chen po'i phur ba gdab pa phreng sngags dang bcas pa rdzogs so// //gal te de la rtags med na/ /nag po chen po'i srog phung tsams/ /phur pa bdag pos dbu mnan la/ /'gril zhing zhe sdang khro thabs su/ /gong bzhin byas la 'di yang brjod/ /dam bcas bzhin du ma byas na/ /bdag gi bsgo ba ma nyan na/ /bdag gi khyed la gtor ma ci byin pa/ / khyed kyi lus kyi bdud yin te/ /lus nyag tshal par 'gro bar 'gyur/ /de ma thag tu dmyal bar 'gro/ /de bas las rnams myur du bgyis/ /khA hi khA hi ki la ya/ /dam bcas bzhin du ma byas na/ /bdag gi khyed la bzlas pa ci byas pa /khyed kyi ngag gi gnad yin te/ /khyed kyi yang du ma gur 'gyur/ /re ma de bas/ ma ra ya ki la ya/ dam bcas? bzhin du ma byas na/ /bdag gi ting 'dzin ci bgyis pa/ /khyod gyi snying gi gnas yin te/ /khyed kyi snying yang lags par 'gyur/ /de ma thag tu dmyal bar 'gro /de pas las rnams myur du mdzod/ /g+h+rih+na g+h+rih+na sa ma ya/ oM mahA ka la ya sa ma ya/ duSh+Ta kha kha sa ma ya/ khA hi khA hi sa ma ya/ de ni mi ge? na sa ma ya/ ces dam skrag cing/ srog phur gyis gdan du bsnun cing brdeg go /de las rnams myur du 'grub par 'gyur ro/ /dpal nag po chen po phur par sgrub pa slob dpon bram ze ? mtshogs ? mdzad pa rdzogs so/ /'di'i brgyud pa ni bram ze mchog sred ? la shar? nas? sangs rgyas bston pa yan? gzhan 'dra/ /phyag drug ye shes mgon po chos skor? las mgon po dbang gi rgyal po'i sgrubs dang? bkang gnyis? bzhugs so// //rgya gar skad du/ sh+ri ma hA kA la sa d+ha na ma/ bod skad du/ dpal nag po chen