བོད་ཡིག

e-texts based on the ACIP/ALL Input

rgya gar skad du/ arya de bi ta ra stong tra/ bod skad du/ 'phags ma lha mo lha mo sgrol ma'i bstod pa/ /lha mo sgrol ma la phyag 'tshal lo/ /bzlog dga' srid pa'i mun pa ni/ /'joms mdzad nyi ma'i 'ong dang mtshungs/ /thugs rjes brlan pa'i thugs mnga' ba/ /sgrol ma la ni rtag tu 'dud/ /shin tu rno ba'i sems can gyi/ /glang po che rnams gsod byed pa'i/ /lha mos seng ge 'khros pa rnams/ /mthong ba la ni 'jigs shing 'bros/ /mche ba mdud rtse rtse mo yis/ /brag 'joms shing drung rtsa ba 'don/ /khyod kyi sngags 'di bzlas pa las/ /'jigs shing glang po 'bros par 'gyur/ /phyogs dang nam mkha' ma lus pa/ /'dul pas khyab cing bzod par dka' / /'bar ba yis ni khyi tshig la/ /khyod bstod char pa me zhi 'gyur/ /ma lus gdengs ka las byung ba/ /phung sgra sgrogs shing dug ma can/ /sprul ni lha mo khyod bstod pas/ /nam mkha' lding gi byin du 'jigs/ /ral gris gcod pa grol la rnams/ /khrag gi yan lag bskas pa ste/ /khyod kyi mtshan tsam thos pa yis/ /tshom rkun nus pa med par 'gyur/ /rgyal po 'khros pa'i bran rnams kyis/ /skra nas bzung zhing zhags pas bcings/ /brtson ra spangs te lha mo kye/ /khyod la bstod byed 'jigs med 'gyur/ /dpa' rlabs tshogs kyis phyogs bcu dang/ /nam mkha' yang ni khyab byed pa/ /gru log nas ni rgya mtsho nas/ /khyod kyi 'phangs ni pha rol phyin/ /khrag dang glang pa 'dam gyis byugs/ /de dag bza' ba la chags pa/ /lha mo khyod kyi sngags bzlas pas/ /sha za de dag 'jigs par 'gyur/ /yan lag chang cing phreng ba'i/ /khrag dang snag ni sna nas 'dzag /khyod la 'dus pa tsam gyis ni/ /mdze go 'dod khams lnga 'drar 'gyur/ /bkres skom g yis gdung gcer bu dang/ /slong ba yi dag dang 'dra ba/ /khyod la btud pa tsam gyis ni/ /'khor lo bsgyur ba'i rgyal por 'gyur/ /'jigs pa chen po 'jigs byed pa/ / de ltar dag pa khyod bstong pas /dge ba gang bsags de yis ni/ /'jig rten bde ba thob par shog /lha mo sgrol ma la bstod pa slob dpon tsan+d+ra go mis mdzad ba rdzogs so// //slob dpon gyis sgrol ma'i shing sku de la bstod pas phyag 'jug ke re mdzad skad/ /de ltar mdzad pa ci lags zhus pas/ /khyod kyi bstod pa de snyan gsungs te sgrol ma 'dzub ker du grags so// //rgya gar skad du/ Arya ta ra stong tra pra ni d+ha na na ma/