བོད་ཡིག

e-texts based on the ACIP/ALL Input

la sarba Na lha lnga'i sgrub thabs pad+ma ka ras mdzad pa bzhugs so// //rgya gar skad du/ sh+rI kha sarba Na lo ka nA tha sA d+ha na nA ma/ bod skad du/ dpal 'jig rten mgon po mkha' la spyod pa'i sgrub thabs shes bya ba/ 'jig rten mgon po la phyag 'tshal lo/ /dpal ldan mngon 'dod 'bras bu ster ba'i gzi ldang dpag bsam rkang 'thung ni/ /bde bar gshegs rnams bzhad pa'i don chen bzod mdzad deng dpon chen po ste/ /srid dang zhi ba mnyam pa'i dngos gyur dngos po kun gyi ngo bo nyid/ /phyag na pad+ma de yis 'gro ba'i sdig pa zhi bar mdzad du gsol/ /skye bos dben pa'i gnas dag tu/ /sngar langs kha sogs dag byas nas/ /'jam pa'i stan la yang dag gnas/ /snying gar zla rgyas 'od gsal ba'i/ /steng du rang gi sa bon bsam/ /snying ga'i zla 'od kyis sa bon/ /yongs bskul de yi 'od zer gyis/ /khar sa pa Na mgon dpal ldan/ /bla ma sangs rgyas de sras tshogs/ /mdun gyi nam mkhar spyan drangs la/ /sa bon de dag las byung ba'i/ /sna tshogs mchod pa'i sprin gyis mchod/ /de nas mngon par phyag byas nas/ /sdig pa gshags pa la sogs bya/ /thog med 'khor bar gang zhig rnal 'byor tshe/ /bdag gis mi dge bgyis dang bgyid stsal ba'i// gzhan gyis bgyis la rjes su yi rang ba/ /thams cad bcom ldan rnams kyi spyan sngar bshags/ /rdzogs sangs rgyas dang rgyal sras 'phags rnams dang/ /gzhan dag gis kyang dge ba gang bgyis la/ /rjes su yi rang de dag ma lus pa/ /rdzogs pa'i byang chub tu ni yongs su bsngo/ /snying rje dam pa las 'khrungs pa'i/ /sangs rgyas rnams la skyabs su mchi/ /chos kun ro gcig rang bzhin can/ /gos pa med pa'i gos dag dang/ /rab dga' la sogs par bzhugs pa'i/ /byang sems rnams la'ang de bzhin no/ /sangs rgyas mya ngan 'da' bzhed gyur pa rnams/ /gzhan la phan phyir yun du bzhugs par gsol/ /sgrib pa thams cad dpyis 'byin gyur pa yi/ /rgyur gyur byang chub sems ni bskyed bgyi? zhing/ /bde gshegs rnam dag lam gyi dgongs pa rnams/ /rtag par yang dag kun nas bsten par bgyi/ /de nas rgyu dang mi rgyu'i 'gro ba 'di dag kun/ /gcig dang du ma rnam bral stod pa nyid du rnam bsam bya/ /oM shU n+ya tA dz+nya na badzra swa b+ha wa at+ma konyhaM/ zhes bya bas stong pa nyid lhag par gnas par bya'o/ /chos 'di dag thams cad ni rang bzhin gyis yongs su dag pa'o/ /zhes lhag par gnas pa de ltar bdag nyid la'ang kun tu bltas nas/ oM swa b+hA wa shud+d+ha:sarba d+harmA:swa b+ha wa shud+d+honyahaM/ zhes brjod par bya'o/ /de nas sgom pa pos sngon gyi smon lam gyi yang dag par bskul ba'i rnam par shes pa tsam gyi baM yig yongs su gyur pa las kha dog sna tshogs pa'i pad ma'i/ oM yag? las skyes pa'i dri ma med pa'i zla ba'i dkyil 'khor yongs su rdzogs pa/ de'i steng du h+rI:yig 'phros pa'i 'od zer gyis nam mkha' i khyon yang dag par gsal ba bsam par bya zhing/ de yongs su gyur pa las pad+ma'i snying por rang gi sa bon 'od zer gyi phreng bas brgyan pa blta bar bya'o/ /de nas 'di dag yongs su gyur pa las bdag nyid bcom ldan 'das su bsam par bya ste/ zla ba'i dkyil 'khor gyi 'od ltar dkar ba'i sku can/ ral ba bcings pa las dbu rgyan dang/ spyi gtsug tu 'od dpag med bkod pa/ sna tshogs pad+ma ma dang zla ba la skyil krungs phyed pas bzhugs pa/ sku la mchog gi brgyan dang ldan zhing zhal 'dzum pa/ brgyad gnyis lon pa'i lang tsho can/ /phyag g.yas mchog sbyin dang/ g.yon pa sdong bu dang bcas pa'i pad ma 'dzin pa/ de'i 'og tu mdog lhag par nag pa'i ri dags gdong pa gyen du phyogs shing kha gdangs pa/ gre ba khab kyi mig can bsus pa che gshin tu rid pa rnams/ phyag nas bdud rtsi'i rgyun sim par 'bab par mthong bas tshim par mdzad pa/ snying rjes brlan pa'i dpal dang ldan zhing gru 'dzin gyi ri bo'i spo la bzhugs pa/ lhag par zhi bas rnam par gzigs pa can/ sgegs pa'i nyams dang ldan pa/ sna tshogs pa'i mtshan rnams kyis brgyan pa'o/ /de'i mdun du sgrol ma dang/ g.yas logs su gzhon nu nor bzangs po/ de la sgrol ma ljang khu phyag g.yon pas sdong bu dang bcas pa'i utpal 'dzin cing/ g.yas pas kha 'byed pa'i tshul can/ sna tshogs pa'i rgyan dang ldan pa/ lang tsho gzhon zhing nu 'bur rgyas pa'o/ /gzhon nu nor bzang gser gyi mdog can/ thal mo sbyar ba/ gzhon nu'i gzugs 'chang zhing mchan khung g.yon du glags bam bcug pa/ rgyan thams cad dang ldan pa'o/ /rgyab tu khro gnyer can dang/ g.yon du rta mgrin te/ de la khro gnyer can ser mo/ phyag bzhi ma/ ral pa'i cha shas rdzogs pa/ g.yon pas dbyug gu gsum pa dang spyi blugs/ g.yas pas phyag 'tshal ba'i tshul dang/ bgrang phreng 'dzin pa/ spyan gsum dang ldan pa'o/ /rta mgrin mdog dmar po thung zhing bsus pa 'phyang ba/ skra dmar ser gyen du 'bar ba/ sprul gyi mchod phyir thogs dang ldan pa/ bzhin gyi dkyil 'khor la sma ra dmar ser gyis spras pa/ spyan gsum dmar zhing zlum pa/ khro gnyer dang smin ma 'khyogs pa/ stag gi lpags pa'i sham thabs 'chad ba/ g.yon pas dbyug pa'i mtshon cha dang/ g.yas pas phyag 'tshal ba'i tshul can te/ 'di dag thams cad rang gi gtso bo la ji ltar mdzes pa'i mig dag gis blta zhing 'dug ba/ rnam par bsam par bya'o/ /de nas rang gi snying gar zla ba'i dkyil 'khor gyi steng h+rI(rgyud 'grel bkod nas/ slar yang 'od zer de/ sa bon gyi yi ge de la gzhug par bya'o/ /phyi nas 'od zer de nyid kyis ye shes sems dpa' spyan drangs te/ dam tshig sems dpa' dang chu dang 'o ma 'dres pa ltar gcig tu gyur pa'i skur bsam? par bya'o/ /de nas lus ngag yid gsum rnam par dag par bya ste/ rim pa ji lta bar spyi bor oM yig dkar po dang/ mgrin par A:yig dmar po dang/ thugs kar hUM yig sngon po rnams bsams la/ 'di rnams las mdza' yas pa'i 'od zer gyi dra brtag tu 'phros pas/ sems can gyi phung po thams cad kyi sdig pa'i tshogs gzhom par bya'o zhes nus pa ji lta bas gsal bar bsgoms par bya'o/ /rnal 'byor brtson ldan sgom pa pos/ sgrib pa rab spongs shes rab dang/ skal bzang nad med phun sum tshogs/ mngon du byed pa 'thob par 'gyur/ bsgom pas dub na sems rtse gcig pas bzlas ba bya ste/ de la sngags ni 'di'o/ /oM h+rI:swAhA/ 'di rnams ston ka'i rgyu dkar dri ma med pa'i phreng ba lta bu'i kha dog dang 'od kyi snang ba can las/ 'od zer du ma 'phro bas bzlas par bya'o/ /dub par gyur na bsod nams yongs su bsngo zhing/ langs la ji ltar bde bar lha'i nga rgyal gyis gnas par bya'o/ /dpal ldan 'jig rten dbang phyug gi /yid 'ong bsgrub thabs bgyis pa yis/ /bdag gis bsod nams gang thob des/ 'gro kun de yi go 'phan gyur/ /dpal 'jig rten mgon po kha sarba? Na'i sgrub thabs shes bya ba grub chen pad ma 'byung gnas zhabs kyis mdzad pa rdzogs so/ //rgya gar shar phyogs kyi paN+Di ta chen po sh+rI ba na ratna'i zhal snga nas dang/ chos 'khor lots+tsha bas bsgyur ba las/ slad kyi btsun pa rgya mtshos dag bar bcos shing gtan la phab pa'o// // */ /'jig rten dbang phyug gi bstod pa rin po che'i phreng ba bzhugs so// //rgya gar skad du/ lo ki shwa ra sto tra ratna mA lA/ bod skad du/ 'jig rten dbang