བོད་ཡིག

e-texts based on the ACIP/ALL Input

paN+Di ta de nyid/ lo tsa zhe sdang rdo rjes dag par bsgyur ba'o// //*/ /rgya gar skad du/ Arya sh+rI ya ma a yu ka la swa b+ha nA ma /bod skad du/ 'phags pa dpal gshin rje tshe bdag nag po sgrub pa'i thabs zhes bya ba/ 'phags pa 'jam dpal la phyag 'tshal lo/ /thugs rjes sprul sku thabs kyis 'gro don mdzad/ /phrin las rnam bzhi lam la brod pa bskyed/ /bskyed rdzogs lam gyi phra rags rtog pa bzlog/ bcom ldan gshin rje la phyag 'tshal nas/ /sgrub thabs gsal ba nyid du brjod par bya// dad dang snying rjes 'gro pa'i don mos shing/ /dkyil 'khor 'di nyid du ni dbang thob pas/ /shing gcig dur khrod la sogs gnas su ni/ /so phag ro ras la sogs stan la 'dug /drag po'i mchod gtor la sogs gzhung bzhin bsham/ /snying rje la sogs tshad med bzhi bsgoms la/ /kun la sgyu ma'i sems kyis gnas par bya/ /stong pa'i ngang las snod gyur gzhal yas khang/ /thod mkhar dur khrod bcas pa bsgom par bya/ /bcud gyur ya las 'od 'phros gshin rje gshed/ /dbus su tshe bdag yum dang bcas// rtsa ba'i lha lta gshed bzhi dang g.yas su 'chi bdag g.yon du ni/ /srog bdag dmar po bsgom par bya/ /sngags brjod pa las lha rnams bskyed/ /de nas mchod yon byin gyis brlab/ /bdud rtsi lnga yi arg+haM dang/ /tshil chen spos la d+hug me tog/ til chen me mar khrag chen dri/ /sha chen bshos la thod pa'i rnga/ /'dod yon lnga ru rab tu brtag /gtor ma dpa' ba' i ston mo yang/ /ci 'byor cho gas byin brlabs bya/ /de nas ye shes spyan drangs pa/ /ma lus sems can mgon gyur ba/ /tshur gsheg tshur gsheg khyo bdag gtso/ /'khor bcas ma lus gshegs su gsol/ /thugs dam dbang gis brtan par bzhugs/ /oM ya ma badzra kro d+ha e a ra li h+riM riM/ /zhes pas mdun du spyan drangs la/ /yid kyis phyag rgya bstod pa tsam/ /gdug pa 'dul mdzad gshin rje'i lha/ /sprul dang thod rlon sna tshogs sku la brgyan/ /phyag mtshan gdug pa'i mtshon cha sna tshogs 'dzin/ /'jigs byed dpa' po'i sku la phyag mtshal bstod/ /dza(rgyud 'grel bstim/ /'dod yon phyi nang gsang ba'i mchod bas mtshod/ /'phang? dang dpa' bo'i ston mo mnyes par bya/ /mchod pa'i lha mo dpag med nam mkha' la/ /mchod dang bstod pa byad pa bsam par bya/ /sdig bshags smon lam la sogs rgyas par bya/ /de nas bskyed rim par gsal btab ste/ /bstan pa nyid du bsgoms par bya/ /skyon ngag gi bzlas pa btsams/ /bcu gsum brgya dang bzhi la sogs/ /las mthun pa yi bzlas pa bya/ /phrag mo'i don gnad bsgom 'dod na/ /byang chub sems gnas dbus ma'i mgo/ /gdod nas dag pa'i thig le la// a shad na d+ha bcas pa bsgom/ /ri bong can la bcu ma sngags/ /rab tu bskor bar bsgom par bya/ /khams gsum gzugs la rab tu b+hi? pa/ /'gro 'od sngags kyis brjod pas 'gog/ thun bzhi la sogs rim pa yis/ /ji ltar bstan gyi bar du bsgom/ /dud pa la sogs rtags zad nas/ /sbrin med nam mkha' dengs pa na/ /mthar thug 'od gsal zhes brjod do/ /bdag dang gzhan don mos pa yis/ /lam la brod pa bskyed pa'i phyir/ /'phrin las rnam bzhi btsam par bya/ /bsten pa'i 'khor lo bsgom pa na/ /rang nyid 'khor lo rtsibs brgyad la/ /dbus su oM yig dkar po bsgom/ /rtsibs brgyad 'bru brgyad bsam par bya/ /oM las 'od zer dkar byung bas/ /'bru brgyad dag la phog par 'bar/ /'bru brgyad dag la 'od 'phros pas/ /dbus kyi hUM yig gso bskyed bya// bzlas ba tshang nas rtagS byung na/ /drag po'i las la sbyar bar bya/ /oM gur 'od zer dmar nag 'phros/ /'bru brgyad sngags brgya la rab phog/ 'od zer 'phros dang 'khor lo ni/ /dmigs pa drangs nas bsgral bar bsam/ /'tshig dang khro snying 'dod ba dang/ /mngon sum nyid du khugs pa na/ mnan dang bsreg pa'i las bya'o/ /sbyor ba byang chub sems kyis zin/ /dngos bzhi'i ting 'dzin bar chod med/ /rjes la bdag med rnal 'byor bya/ /nam mkha' i dang du gsad pa'o/ /de rnams kun nas btus pa yis/ /rgyud dang 'dra ba'i sgrub thabs 'di/ /bla ma'i zhabs pad brten pas blang/ /gzhan du 'khrul 'khor brtsom pa na/ /'bras bu med cing brlag par 'gyur/ /sgrub thabs sbyor ba 'di rtsams pas/ /'gro kun 'jam rgyal nyid gyur cig/ bcom ldan 'das gshin rje gshed tshe bdag nag po'i sgrub thabs/ rdzogs so// //