བོད་ཡིག

e-texts based on the ACIP/ALL Input

rgya gar skad du/ trai sa twa samA d+hi sa ma ti nA ma/ bod skad du/ sems dpa' gsum gyi ting nge 'dzin la mnyam par bzhag pa zhes bya ba/ bcom ldan 'das rdo rje sems dpa' la phyag 'tshal lo/ /bskyed pa'i rim la legs gnas nas// rdzogs pa'i rim pa 'dod rnams kyis/ /rim gnyis rnam par gnas nas ni/ /spros pa med pa'i rang bzhin la/ /spros dang spros med ro mnyam blta/ /lam gyi snying por bstan pa ltar/ /gti mug dus dgra'i sku sogs su/ /dkyil 'khor rgyas bsdus rnal 'byor pas/ /gtso bo 'pho ba'i tshul du bsam/ /brtan na ye shes sems dpa' ni/ /nyi 'od 'phros pa'i phyogs bcur khyab/ /dngos sku'i dus dgra'i skur thal nas/ /bsdus te bdag la thim gyur pas/ /bdag nyid yar thim thim ler gyur/ / thig ler ye shes 'khor lo dgod/ /de yi 'od kyi phreng ba yis/ /bdag sogs lha rnams gsal bar blta/ /ting 'dzin sems dpa' i rnal 'byor rim/ /snying ga'i ya yig dbus kyi hUM/ /spro dang bsdu pa'i rnal 'byor gyis/ /ji ltar dbugs rlung me long la/ /thim pa ji bzhin hUM yig bsam/ /chu skyes pad+ma'i lte ba'i hUM/ /yungs kar tshad tsam a la thim/ /snang ba 'od gsal ngang du rdzogs/ /dang ba'i chu las nya ldang bzhin/ /thams cad stong pa'i ting 'dzin las/ /mdza' drug dkyil 'khor rdzogs pa ni/ /brtag chad bdag gzhan ma yin la/ /'khor 'das dus gsum rnam par spangs/ /phyi rol gzugs sogs yul snang rnams/ /bu ga'i lha yi snying gar bsdu/ /nang gi rnam rtog lha sku rnams/ /me shel lta bur snying gar thim/ /'od zer steng 'og ma lus pa/ /skar mda' lta bur rab 'phros pas/ /nam mkha' i bu gar rab 'byam khyab/ /rnal 'byor bzhi yi rim pa las/ /gang skyes ye shes phyag rgya che/ /mkha' ltar rang rig stong pa nyid/ /ro gcig mkha' mnyam ye shes bsgom/ /thog mdza' dbus kyi dbye ba yis/ /'dir yang gcig tu yod min te/ /rdul phran la ni cha med phyir/ /du mar yang ni grub pa min/ /gcig dang du ma'i rang bzhin du/ /gang zhig bral te chos nyid yin/ /'khrul ba gnyis 'dzin yin pa'i phyir/ /sems kyi rang bzhin 'khrul pa med/ /bskyed rim spro bsdus sems rtog don/ /ro gcig gyur pa chos kyi dbyings/ /de la byang chub mngon rtogs med/ /dngos por ma grub bsgom pa min/ /khaMs kyang min zhing rnam shes min/ /nam mkha' i dkyil dang mtshungs pa nyid/ /nam mkha' lta bur bdag med pa'i/ /chos 'di bde ba chen po'o/ /'byung bzhi ma yin nam mkha' min/ /rdo rje sems dpa' i sbyor ba yis/ /bskyed pa 'di la rab tu gnas/ /kun rdzob dngos kun dngos po min/ /de phyir de la dngos med bsgrag /rnal 'byor sems kyis sems rig pa// /rtag chad phyag zhal sku mdog dang/ /gnyis 'dzin dngos kun bden med kyang/ /'gag med nyams la sna tshogs snang/ /de ltar rig byas dkyil 'khor mchog /phung po khams su bdag med pas/ /bde ba dam pa'i gzugs can bsgom/ /sems dpa' gsum gyi rnal 'byor bzhi/ /gnyis 'dzin 'khrul pa bzlog pa'i phyir/ /mkha' 'gro'i man ngag 'dir brjod do/ /spros pa thams cad rab zhi nas/ /spros med ye shes mngon sum du/ /'gro ba kun gyis myos gyur nas/ /dus dgra mngon du byed gyur cig /bcom ldan 'das gshin rje'i gshed kyi bskyed rdzogs zung du 'jug pa'i man ngag sems dpa' gsuM gyi ting nge 'dzin la mnyam par bzhag pa zhes bya ba/ rdo rje phag mos dngos su byin gyis brlabs pas mkhas shing grub pa brnyes pa'i rnal 'byor gyi dbang phyug sangs rgyas ye shes zhabs kyis mdzad pa rdzogs so// //yul dbus kyi paN+Di ta A nanda b+ha dra dang/ bod kyi lo tsa ba se tsha bsod nams rgyal mtshan gyis grong khyer chen po ti ra ha te'i lho phyogs rang byung gi mchod rten rnam par dag pa'i drung du yul dbus kyi dpe dang 'thun par bsgyur zhing bcos te gtan la phab pa'o// // slar yang grub thob kar+Na sh+rI'i zhal snga nas mnyan te/ thar pa pa lo tsa ba nyi ma rgyal mtshan kyis sh+rI nA landa'i gtsug lag khang chen por bsgyur pa'o// //chos thams cad 'phags pa 'jam dpal gshin rje gshed por sgrubs pa'i thabs bzhugs so// //