བོད་ཡིག

e-texts based on the ACIP/ALL Input

grags kyis bsgyur ba'o// //dpal rdo rje 'jigs byed chen po'i rgyud rtog pa bdun pa'i 'grel pa slob dpon rol pa'i rdo rjes mdzad pa bzhugs// */ /rgya gar skad du/ sh+ri badzra b+hai ra ba tan tra bri ti a laM ka ra u pa d+he sha na ma/ bod skad du/ dpal rdo rje 'jigs byed kyi rgyud kyi 'grel pa man ngag dang ldan pa'i rgyan zhes bya ba/ sangs rgyas dang byang chub sems dpa' thams cad la phyag 'tshal lo/ /stang zil lta bu'i sku 'chang zhing/ /nyi ma 'bum dang 'dra ba'i 'od/ /sna tshogsmtshon thogs sems can mnan/ zhal dgu ma he'i gdong la 'dung/ /rtog pa'i tshig don man ngag la/ /rgyud chen dam pa'i rgyan gsal ba/ /dman pa rnams la phan pa'i phyir/ /dam pa'i drin gyis bshad par bya/ /de nas zhes bya ba la sogs pa la/ 'dir 'di skad ces bya ba la sogs pa'i gleng gzhi ci'i phyir ma gsungs zhes na/ mi gnas pa'i mya ngan las 'das pa'i phyir de rgyun tu gnas pa'o/ /yongs su mya ngan las 'das pa yin na ni/ de ltar na ma 'ongs pa'i dus na 'di skad bdag gis thos zhes bya ba la sogs pa'i gleng gzhi rigs te/ de bas na gzhan du bsdud pa'o/ /zhes bya ba ni/ ston pas sems can rnams gzhug pa'i don du 'di skad ces bya ba la sogs bsdus nas bstan pa yin te/ de yang gzhung las/ sdud pa po nga chos kyang nga/ /'khor gyi tshogs ldan nyan pa'ang nga/ / zhes gsungs pa'i phyir ro zhes pa la 'dod do/ /'di ni gzhan las drangs pa dang/ le'u gzhan gyi rjes su bstan pas/ 'dir gleng gzhi ni/ 'jigs byed kyi 'khor lo'i rgyud 'bum par gsungs pa la ltos la/ 'di ni bar med pa dang/ de'i phyi ma yin pas ma smos so/ /de bas na rgyud 'bum par ni brjod bya mang la/ 'dir ni cho ga zhib mo phye bas phyi ma'o/ /de skad du yang/ mang por gyur pa'i don rnams las/ /bye brag phyed tshig phyi ma yin/ /zhes gsungs pa'i phyir ro/ /zhes 'dod pa yin no// de ltar rgyud ma yin pa'i rtog pa bsal nas/ chos kyi rjes su 'brang brtog pa sngon du gtong ba rnams dgos pa la sogs pa ma mthong na 'jug par mi 'gyur bas/ de bas na/ de nas zhes bya ba la sogs pa la re shig brjod pa la sogs pa bstan te/ brjod par byed pa ni rgyud do/ /rgyud kyi don ni brjod par bya'o/ /de thabs dang de las byung ba'i tshul ni 'brel pa'o/ /dgos pa ni lha'i rnal 'byor mngon du gyur pa'o/ /gzhan gyi don phun tshogs par spyod pa ni dgos pa'i yang dgos pa'o/ /de ltar dgos pa la sogs pa yod par bstan pas na/ de nas zhes bya ba ni tshig gi phrad de/ rim pa dang rgyu'i don te/ de'i 'og tu zhes pa'i don to/ /de bas na snga ma la ltos bas bkra shis pa 'am dbang du byed pa'i don to/ /rdo rje 'jigs byed ni brag bo chen po'i gzugs 'dzin pas 'jigs pa'o tshangs pa dang khyab 'jug la sogs pa'i lha rnams dang/ ma hA de ba la sogs pa drag po 'jigs par byed pas 'jigs byed de ma he lwi? zhal lo/ /de'i tshig gi rgyud las/ las sna tshogs sgrub pa la sogs pa bshad zhes pa'i don te/ /de gang du zhe na/ gang yid du 'ong ba'i gnas su'o/ /ci bsgrub na dbang la sogs pa'i las sna tshogs 'grub par bya zhes lus mdor bstan nas/ de nas zhes bya ba ni rim gyi don to/ /bshad par bya zhes pa ni lan lag gi don de nas bshad ba'o/ /dur khrod ni phyi'i dur khrod de shi ba'i tshal lo/ /chu 'gram ni chu bo chen po'i'o/ /mtshan ma gcig pa ni mahA de ba'i ling ga'o/ /shing gcig ni a mra la sogs pa'i shing nags chen po'o/ /ma mo ni ma mo bdun gyi khyim mo/ /stong ba ni khang stong ngo/ /lha ni lha'i khang ba ste mahA de? ba la sogs pa yang bsdu'o/ /mang po phung ba ni g.yul 'gyed pa'i gnas so/ /nags tshal ni bgrod par dka' ba'i shing gi khrod do/ /grong khyer ni grong chen po ste mang po 'dus pa'i gnas phyogs gcig go /grong ni rgyal bo'i pho brang ngo/ /stsogs kyis bas mdza' la sogs pa bsdu'o/ /rdo rje 'jigs byed kyi rgyud kyi dkyil 'khor du legs par dbang thob pa ste/ bla ma mchan nyid dang ldan pa mnyes pas bum pa'i dbang la sogs pa gsuM gyis dri ma gsuM dag par dbyes? pas dbang thob pa ste de lta bu'i gang zag shes rab dang thabs su ldan pas na rnal 'byor ba ste/ thabs dang shes rab snyoms 'jug pa/ /rnal 'byor zhes ni bshad pa yin/ /zhes gsungs pa'o/ /pas zhes pa byed pa'i tshig gis ni 'di ltar stan te/ /dur khrod la sogs pa'i gnas su gong gi mtshan nyid dang ldan pa'i rnal 'byor pas 'dug ste/ snying khar zla ba la sa bon bkod do/ /de'i 'od kyis bla ma dang bcas pa'i bcom ldan 'das bltas te/ phyag 'tshal ba nas btang snyoms kyi bsgom pa'i bar du byas la/ stong pa nyid kyi dang las zhal bzhi pa'i sngags kyis rdo rjer ba la sogs pa bsams la/ ra ba'i nang du nam mkha' i dbus su 'byung ba'i dkyil 'khor ri rab dang bcas pa'o/ /de'i steng du sku rgyu dang bcas pa yongs su gyur ba las gru bzhi la sogs pa'i yon tan dang ldan pa/ dur khrod brgyad dang bcas pa bsams la/ de'i dbus su chu skyes la ri bong can bsams la/ de'i dbus su ral gri sa bon las byung ba bsams la/ de yang ldan pa gyur pa las 'jam dpal dmar ser ral gri dang ud pal dang ldan pa rnam pa lngas bskyed la/ de'i snying khar lnga ba'i lnga pa las byung ba las rnon po'i 'od kyis sras dang bcas pa'i rgyal ba bkug ste/ rnon po la thim ngas de bzhi dang bcas pa gar? ba las 'bar ba dang bcas pa'i gong bu'o/ /de las hUM de spro ba dang bsdu ba'i sbyor bas khro bo'i rdo rje nag po bsam/ de'i 'od kyis bde gshegs sras bcas nyi ma la gnas pa bsams la/ des sems can sbyangs nas slar rdo rje la zhugs bas rdo rje chen por ro/ /de las ma he'i gdong can bskal pa bzhi ba'i mtshan nyid bskyed la/ snying khar sku mdog ser po zhal gcig phyag gnyis pa'i ye shes sems dpa' nyi ma'i steng na hUM du bcas pa bsams la/ de'i 'od dang/ oM e hya hi b+ha ga ban ya man ta ka/ a gats+tsha ya a gats+tsha ya/ oM sa man dza hUM zhes pa dang/ rdo rje bsdu ba'i phyag rgyas spyan drangs pa/ mdun na bzhugs pa la mchod yon sngon du 'gro ba'i mchod pas mchod la/ dgug pa la sogs pa byas pas bsres la/ de nas gshin rje gshed po'i nga rgyal byas la/ mig la sogs pa'i skye mched drug du sa'i snying po la sogs pa drug ming gi yi ge dang pos bskyed la/ gnas gsum du yi ge gsum bsams la/ de nas rang gi sa bon gyi 'od kyis sangs rgyas spyan drangs te mchod pas/ bdud rtsi lnga'i bum pas spyi bor blugs pas dbang bskur bas/ rtsa bar snang mdzad phyag rgya bsam/ oM sarba ta thA ga ta a b+hi She ka ta swa b+ha ba ad ma ko haM/ de nas dkyil 'khor gnyis kyi steng du a las pad+ma'i nang du mar me lnga bsams la/ yi ge gsum go rims ma yin pas dag pa dang rtogs pa dang 'bar bar byas la/ lce rdo rje dang ldan pas lus kyi dkyil 'khor tshim par byas la/ lha'i 'khor lo la sgra brnyan gyi tshul du bstod pa byas la/ de nas snying khar nyi ma la rtsa ba 'am nye ba'i snying po bsams la/ dus bzhir bsam gtan thun 'tshams dang bcas pa'i bsnyen pa mthar phyin pa'i rnal 'byor pas so/ /de ltar byed pa'i tshig gis bsnyen pa bya ba bstan nas/ dbang dang zhes bya ba la sogs pas gzhan dang bdag gi don du las bsgrub pa bstan te/ las de dbang gi phyir byed pa ni dbang ngo/ /dgug pa zhes bya ba ni/ rkang pa dgug pa dang/ lus dgug pa'o/ /de yang sa dang nam mkha' la dgug pa'o/ /gsang pa ni dkon mchog gsum la sogs pa la gnod pa byed pa la ste/ bla ma smod stsogs dam tshig med/ /theg pa chen po smod pa dang/ /sngags kyi rgyud la dbya' pa la/ /gsang ba la sogs las bya'o/ /zhes gsungs pa'o/ /rang gi gnas las dbyung ba ni bskrad pa'o/ /dbye ba ni mdza' bo dag phan tshun zhe sdang ba'o/ /ral gri ni ral gri la sogs pa'i rig pa 'dzin pa'o/ /mig sman ni 'jig rten mthong ba'i thabs so/ /ri lu ni lcags gsum dang bcas pa ste mi snang ba bsgrub pa'o/ /bdud rtsi ni bcud kyi len te rgas pa la sogs pa med cing gnas pa'o/ /'byung po ni sems can gyi tshogs te rkang gnyis la sogs pa ste de dag dbang du byed pa'o/ /sa 'og ni sa 'og tu 'jug pa'o/ /ro ni ro langs bsgrub ba'o/ /mkha' 'gro ni mkha' 'gro ma'i tshogs so/ /'dre ni yi dags phra mo'o/ /gnod sbyin ni gang ba bzang po la sogs pa'o/ /gnod sbyin mo ni rdzu 'phrul dang ldan pa'i yi dags so/ /stsogs kyis bsdus pa dri za dang lha ma yin dang mi 'am ci la sogs pa'o/ /klu rnams ni rigs kyi khyad par gyi klu'o/ /stsogs kyis srin po 'jigs pa la sogs bsdu'o/ /bsgrub par byed ces bya ba ni bsnyen pa mthar phyin pas gsungs pa'i las sna tshogs bsgrub par bstan pa ste/ de yang/ sngags pas sngon du bsnyen pa ni/ bye ba bzlas nas las rnams brtsam/ /yang na mtshan ma thob pas bya/ /gzhan du byas na skye bos dbya'?/ /zhes gsungs so/ /de ltar sngon du bsnyen pa mthar phyin pas gsungs pa'i las 'grub par bstan pas/ ji ltar bsgrub pa'i thabs bstan pa'i phyir/ de'i thabs ni 'di yin te zhes bya ba la sogs pa gsungs te/ dang por zhes bya ba ni bsgrub pa la 'jug pa'i dang por sngags pas dur khrod la sogs par song ste/ nam phyed na gcer bur byung skra grol ba ste/ thor cog bshig la/ de nas ma he zhal gyi rnal 'byor ji skad gsungs pa gnas dur khrod la sogs pa gang yang rung bar ro/ /bris zhes pa ni rdul tshon bri ba ste gsum ba'i don gyis dang po'o/ /des na rdul tshon sa dang 'brel pa'i sa'i cho ga la sogs pa rgyas par byas pa la rdul mtshon dgye zhes pa'i tha tshig go /des ni 'di ltar ston te/ dur khrod la sogs pa brtags pa'i gnas su rnal 'byor ba skra bshig pa la sogs pa dang ldan pas/ maN+Dal dri dang ldan pa mdun du bshams nas/ skad cig gis ma he zhal can du bsams nas/ sa blang ba la sogs pa sa'i cho ga nas thig gi cho ga ji lta ba bzhin du bya zhes pa'o/ /der gru bzhi pa la sogs pa'i yon tan gyis brgyan pa'i phyi'i dkyil 'khor gyi mtshan nyid dang/ nang gi 'khor lo'i mtshan nyid ni gsal bar gsungs pas rnam par ma phye'o/ /gal te dngos grub mchog 'dod na zhes bya ba la sogs pas rdul tshon rdzogs nas mchod pa dang rnal 'byor pa'i zas bstan pa'i phyir ro/ /gal te dngos grub mchog 'dod na zhes bya ba ni khyad par gyi dngos grub 'dod na zhes pa'o/ /sbrang chen ni zhig mar me'o/ /gtang bar bya zhes pas me tog dang bdug pa dang dri chab kyang bstan no/ /mi'i sha nas bya rgod sha'i bar gyis dkyil 'khor gyi bdag po ste/ bdag las tha dad pa la lha bshos su dbul lo/ /shin tu mi g.yo ba ste bdag lha'i rnal 'byor las mi g.yo ba yis kyang bza' sten gtor ma bya zhing/ sbyin bsreg ste nang gi sbyin bsreg gi chogs rnal 'byor pas kyang bza' zhes pa'i don to/ /dkyil 'khor thams cad nang zhes pa ni dkyil 'khor gyi grar khrag gi chag chag gdab par bya'o zer/ gzhan dag ni khrag gi dri chab nang gi la 'dod do/ /de lta bas na bdag rdo rje 'jigs byed kyi rnal 'byor du gnas bas/ dkyil 'khor sgrubs la/ thams cad ma lus dbul zhes pa ni/ sbrang chen gyi mar me dang/ khrag gi dri chab dang/ sha thams cad kyi lha bshos la sogs pa dbul bar bya zhes pa'i don to/ /gzhan dag gal te dngos grub mchog 'dod bya ba la/ dpa' bo g.yul du shi ba 'am/ 'gags te shi ba'i thod par de'i skra dang arga'i ras bal la sdom bu byas la/ de'i zhag gi mar me btang ste snga ma'i thod pa mi'i skra'i skud pas btags bas kha bcad pas dur khred du gnas la bdag nyid rnal 'byor dang ldan pas de nyid yab yum du bsams la/ de la mi'i sha la sogs pas mchod la/ de nas snyoms par 'jug pas mchog gi dngos grub bsgrub par bya'o/ /zhes zer ro/ /de ltar mchod pa la sogs pa'i rdzas bstan/ rnal 'byor pa slob ma dang bcas pas dkyil 'khor bsgrub cing 'jug par bstan pa'i phyir/ de nas rnal 'byor pa yis ni zhes bya ba la sogs pa dag /byas zhes pa ste phyi dang nang gi skyon dag ba'i slob ma phyi nang gi yon tan dang ldan pas bzang ba ste de lta bu'i slob ma gsum dang ldan pas bsgrub bo/ gal te zhes bya ba la yang na rogs med par gcig bu'o/ /rnam par snang mdzad kyis lus byug bya ba ni sa? bai ro tsa na'i sgras lus byug pa'o/ /gcer bu bya ba la sogs pa bde bar 'gro'o/ /mi g.yo bar zhes bya ba ni/ bdag nyid lha'i rnal 'byor las mi g.ye bar gnas pas zhes bya ba'i don to/ /rdo rje 'jigs byed chen po'i dkyil 'khor zhes bya ba ni ji lta ba bzhin du dkyil 'khor bsgrubs te mchod nas 'jugs par bya'o zhes bya ba'i don to/ /'jug pa'i sgras slob ma 'jug pa la sogs pa yang rgyas par shes par bya'o/ /dngos grub 'dod pas bya ba ni las sna tshogs bsgrub par 'dod pas so/ /ro zhim chad ni gnyis ste/ ras ya na ni mar me lnga'o/ /stsogs kyi lbags kyu lnga bsdus te/ des mchod cing spyad par bya'o/ /de nas bsgrub bya bsams nas zhes bya ba ni/ gong ltar dkyil 'khor bsgrub pa de mchod nas ste/ rdo rje 'jigs byed bya ba ni/ de'i dbus su ma he'i zhal can bsam par bya zhes ba'o/ /de ste/ brkyang bskum gnas zhes pa ni/ lho'i sgor de'i mdun du'o/ /nga rgyal chen po rtse gcig zhes pa ni ma he'i zhal gyi nga rgyal gyis so/ /shin tu mi g.yo ba ste/ lha'i ting nge 'dzin las ma yengs pa'o/ /bzlas pa ni/ oM h+rI(rgyud 'grel bstan pa'i phyir ro/ /de la 'jigs pa che 'byung bya ba la sogs pas bstan to/ /rtog pa'i bgegs bsal ba'i 'bras bu ni/ de la rdo rje 'jigs byed dgyes zhes bya ba ni/ mchod cing rtog pa dang bral bas bzlas brjod kyi bsnyen pa la bya'o/ /de la dgyes nas 'di skad du gsungs bya ba la/ bris sku la sogs pas dngos su dngos grub ci 'dod zhes gsung bar 'gyur ro/ /de la riD 'dzin gyis smras pa zhes bya ba ni gang 'dod pa'i don zhu ba'o/ /zhu ba'i don ni ral gri la sogs pa ci 'dod pa 'grub par 'gyur zhes bya ba'i tha tshig go /'di skad du ston te/ bsnyen pa mthar phyin bar byas pa'i sngags pas/ dur khrod la sogs bar dkyil 'khor ji lta ba bzhin bris la/ me tog dang bdug pa la sogs pa'i mchod pa bshams la/ bdag ji ltar gsungs pa'i lha'i gnas la gnas pas/ dkyil 'khor lha'i 'khor lor bsgrubs la/ ye shes kyi kyo ba'i las rdzogs pa la/ me tog dang sbos dang/ sbrang chen gyi mar me dang/ khrag gi dri dang/ lha bshos rnams mchod yon sngon du 'gro bas mchod par dang/ bstod pa byas te zhugs la/ mdun na sku gnas pa'i mdun du dri chen gyis lus byug pa dang/ bdud rtsi lnga dang/ sha lnga dang chang rnam gnyis bza' zhing btung ba dang/ gcer bur byung ste/ skra bshig nas lha'i nga rgyal du gnas pas/ Da ma ru dang ha ha'i sgra sgrogs shing ma yengs pas gsang sngags bzlas shing 'jigs par mi bya'o/ /de nas dngos grub gang 'dod zhes gsungs na gang 'dod pa gsol ba btab la brtsam par bya'o/ /la la na re ro langs bsgrub pa'i dkyil 'khor yin zer ro/ /gzhan dag ni dbang bskur ba'i dkyil 'khor du 'dod do/ /dpal rdo rje 'jigs byed chen po snyoms par 'jug pa'i tshig gi rgyud las rdul tshon gyi dkyil 'khor bshad pa la li ta ba ? kalba ste dang po'o// //de ltar lha'i gnang ba 'am/ mtshan ma thob pas las sna tshogs bya bar bstan pa'i phyir/ de nas bshad par bya zhes bya bar 'brel te/ las rgyas pa 'dis dngos grub thams cad bsgrub cing bster ba'i don to/ /las thams cad kyi dang po sbyor ba'i gtso bo yin pas dang por bya'o zhes bya bar 'brel te/ gsang ba dang bskrad pa la sogs pa'i las bya'o zhes bya ba'i don to/ /ma rungs pa tshar gcad pa'i phyir/ ji srid gsod par 'dod ba yis bya ba la sogs pa smos te/ de srid dur khrod ras zhes bya ba la/ dur khrod kyi ras ni skyes bu'i ro shun no/ /de mar gyi ngo la khru phyed kyi tshar la dug la sogs pa gsungs pa'i rdzas dkar rtsi dang bag phye la bsgres te/ ras de legs par byugs te brgyang ngo/ /rdo rje 'jigs byed chen po'i bya ba ni de'i rgyud kyi 'khor lo bcu drug pa bri zhes bya bar 'brel to/ /bcu drug cha bgo ba'i phyir/ ro'i skud pas dang por thig gnyis so/ /yang gnyis 'tshams su'o/ /yang bzhi ni phyogs su'o/ /de bzhin du phyi'i cha ni de bzhin du bgos pas bcu drug tu 'gyur ro/ /de nas phyed las nang du bskor bas cha dgu'i ling che'o/ /phyi'i phyed las bskor bas cha bcu gnyis pa'o/ /de nas phyi bskor bas cha bcu drug pa ste/ la zhes bya ba ni de ltar thig btab la zhes pa'i don to/ /cis bri zhe na/ dug dang ma du lung ga dang ni ma pa dang ro bsregs pa'i sol ba la ? che bsres te bya'o/ /sma gu ni sgo rtsa 'am rus ba las so/ /rnal 'byor lhor bltas pas gcer bu skra grol zhes pa ni lus la dri chen byug pas so/ /ma he zhal gyi rnal 'byor gyis zhes pa ni/ rang lha'i rnal 'byor las ma yengs pas rdzas la reg bzhin du bzlas pas 'bum du bya'o zhes pa'i don to/ /de nas nyi ma phyed na dam tshig gi sngags dang phyag rgyar ldan pas bri bar bstan pa'i phyir/ me gnyis bar du bsgrub bya'i ming/ zhes bya ba la/ dbus su rlung gi sa bon gyi dbus su chud pa'i ming dang/ 'tshams kyi leng tshe la me ster? gnyis kyi bar du chung pa dang/ phyogs kyi bzhi dang bcu gnyis pa la yi ge bcu pa'i sngags kyis bskor zhes pa ste/ yi ge bcu pa sgrub bya'i ming dang bcas pas so/ /hUM yig brgyad pas mnan zhes pa ni led tshe brgyad la hUM brgyad bris la/ re re bzhag pa'i stong pa la snga ma bzhin bri'o/ /gzhan dag ni nang gi brgyad pa dang/ bcu gnyis pa la raM gyi dbus su ming bris la/ de'i mdza' i yi ge bcu pas bskor bar bris la/ bcu drug pa la brgyad la hUM brgyad bris la stong pa la bskul tshig ming dang bcas pa bri'o zhes zer/ steng dang 'og ni g.yas bskor g.yon bskor ro/ /byug zhes pa ni ske tshe'i mar gyis so/ /'khor lo can dang gnyis su gzhug ces bya ba/ ting nge 'dzin gyis don bcu lha de nas rabs chad kyi thod pa kha sbyar du gzhug ste mi'i skra'i skud pas bcing zhes bya ba'i don to/ /sgyed po zhes bya ba la/ mi rkang gi sgyed po gsum gyi thog tu bzhag pa'o/ /gzhan dag thod pa'i skyed po byed zhes kyang zer/ dur khrod shing ni ro bsregs pa'i shing ngo/ /me phu zhing zhes bya ba ni ba skro ba'o/ /rkang pa g.yon pas mnan zhes pa ni bdag nyid ma yengs pas rol pa'i stangs kyis mnan pa'o/ /yi ge bcu pa'i sngags bskul tshig dang bcas pa bzlas na gsungs pa ltar 'gyur ro// gal te 'dod na 'gyur ro zhes bya bar 'brel te/ gong gi thod pa thab khung 'og ste dur khrod kyi thab kyi 'og tu bcug nas bskul tshig dang bcas pa'i sngags bzlas na ji skad gsungs pa bzhin du 'gyur ro/ /'khor lo gong dang mi 'dra ba'i thabs gzhan bstan pa'i phyir de nyid la bshad de zhes bya bar 'brel te/ sngar bstan pa de nyid las bya ba'i khyad par bstan pa/ yi ge sum cu rtsa gnyis kyi bskor bya ba la/ re mig dgu pa dang/ bar ma sum cu rtsa gnyis pa bris la/ yi ge bcu pas bsnan zhing bskor zhes bya ba ni bcu drug pa thams cad la ming dang dpel ba'i yi ge bcu pa'o/ /sngon bshad pa'i rdzas kyis bri zhes pa dug la sogs pas so/ /bya rog gis zos pa'i lhag ma dang/ dri chen gyis byug pa'i khyad par ni 'di'i khyad par ro/ /sngon kyi thabs zhes pa ni thams cad snga ma bzhin no/ /bskul tshig dang bcas te sngags zlos shing dur khrod du sbas na de 'chi bar 'gyur ro/ /so so'i bskul tshig dang bcas pas sngags bzlas na gsungs pa ltar 'gyur ro/ /gzhan dag ni 'khor lo snga ma ltar sbas te sbyin bsreg so sor byas pas 'gyur zer ro/ /grol ba'i rgyu ni/ 'khor lo phyung ste 'o ma dang tsan dan gyi chus bkrus na grol bar 'gyur ro/ /gsang ba'i thabs gzhan yang bshad par bya ste/ zhes pa la/ sngon gyi las te thams cad gshin rje'i sngags sum cu rtsa gnyis pa bzhin te/ khyad par ni dri chen bya ba la sogs pa ste/ rdzas rnams las sgrub bya'i gzugs sor brgyad pa byas la/ snying kha ste de'i snying khar sngags te sum cu rtsa gnyis pa'i 'khor lo gzhug pa'o/ /yan lag lnga la phur bus gdab bya ba ni lkog ma dang snying kha dang lte ba dang gsang ba dang smin 'tshams lngar mchog gi phur bus gdab pa'o/ /tshig rnams rnon pos dgang bar bya zhes pa ni/ tshig thams cad tsher mas dgang ba'o/ /thod par gzhag pa ni rabs chad kyi thod pa kha sar gi nang ba bcag se mi shi ba'i ? ? pas bki'o/ /dur khrod sa zhes bya pa la sogs pa nas gnas bdun gyi lha zhes bya bar 'brel te/ de ltar gnas bdun gyi sa las gshin rje'i gzugs ji skad gsungs pa ltar byas la/ snying khar bcug bya ba la/ dgug pa sngon du song ba'i sngar gyi de gzhug bar bya'o/ /nyi ma phyed dam zhes pa ni/ mar ngo'i brgyad dam bcu bzhi'i nyi ma phyed dam mtshan phyed na'o/ /dur khrod khung bu ni ro bsregs pa'i sar ro/ /ring por bru ba nis der ro/ /der gong gi gshin rje'i gzugs de gzhug pa'o/ /ma he'i zhal ni bdag nyid rtse gcig pa'o/ /khyim du 'ongs bya ba ni sngar gyi de sbas te/ rang gi khyim du phyis lha'i nga rgyal gyis yi ge bcu pa sgrub bya'i ming bskul tshig dang bcas pa bzlas pa'i don to/ /de'i 'bras bu zhag gsuM kyiS nges par gsod par byed do/ /tsan dan dang 'o mas bkrus na sos par 'gyur ro/ /rengs pa'i thabs ni/ de nas bshad zhes bya ba la kha na ma tho ba med pa'i byi ba'i lbags pa zhes pa ni slud pu bshus pa la/ dug la sogs pa zhes bya ba ni/ dug dang ma du lung ka dang ni ma pa'i 'bras bu dang/ ro bsregs pa'i sol ba dang bsres pas so/ /des ni yi ge bcu pa'i sngags ming dang bskul bar ldan par bri'o/ /de nas sgrub bya'i rkang rjes dang gci ba'i sas bkang ste/ de'i skra'i skud pas kha bcings la/ gsungs pa'i rdzas kyi skong bur gong ma bcug cing dur khrod me la bsro zhing sngags bzlas nas/ bdag lha'i rnal 'byor dang ldan ba'i rkang bas mnan te sngags bzlas na gsungs pa ltar 'gyur ro/ /dbye ba'i 'khor lo bstan pa'i phyir/ yang na zhes bya ba la sogs pa gsungs te/ sngon gyi thabs ni sum cu rtsa gnyis pa'i 'khor lo'o/ /'khor lo de gnas bdun gyi sa las rta dang ma nye byas la/ gnyis ba'i snying khar 'khor lo bcug ste shing nim pa'i drung du bzhag ste/ ting nge 'dzin dang ldan pas mi g.yo bar bzlas na snga ma bzhin no/ /de nas bskrad par 'dod pas zhes pa la/ gong gi 'khor lo gnas bdun gyis las byas pa'i rnga mong gi snying khar bcug ste/ sgrub bya rlung gi steng du gnas par bsam zhing/ bdag nyid kyi sa bon las 'od kyis bskrad par bsams pa'o/ /yang gzhan bshad de/ gtum pa'i nyi ma ste mar ngo'i skar ma gtum po la tsha ba'i mar khus byugs te ni ma pa'i shing kar gnas nas/ nya phyis kyis snga ma'i mar bzhar la/ mahA de ba'i ras dang slang nga gnyis kha sbyar bar du du ba med par bsregs pa'i thal ba nya phyis kyis bzhar ba'i mar dang bsres te/ man ngag dang ldan pas gsungs pa ltar byugs na sdod par 'gyur ro/ /yang bshad par bya ba ni bskrad pa'i thabs so/ / rlung gi dkyil 'khor bya ba la sogs pa/ sngags ni bcu pa'o/ /bskor ba ni spel ba'o/ /ma he'i zhal ni bdag nyid lha'i sbyor ba dang ldan pas bkug ste 'od kyis bskrad par bsam mo/ /'dzam gling gar 'dod par ro/ /yang lus la tsha ba'i mar bugs te bya rog gi tshang gi shing blangs te/ dur khrod kyi me la bsregs te thal ba de ma yengs pa'i sngags bzlas te gtor na'o/ /yang thabs bya rog 'ug pa'i gung ru la ming bris te gsungs pa ltar 'gyur ro/ /yang dug la sogs pa ste sngon du gsungs pa'i snag tshad? du khrod? kyi ras la sgrub bya'i ming dbus su yang spel ba gzhan sngon ltar bris pa de ni ne'u le dang sbrul gyi lpags pa ras bal dang ldan par dril te sdong bu byas te mar me btang la sngags bzlas pa'o/ /gzhan yang ma hA de ba'i ras la 'khor lo sngon ltar bris te man ngag ji lta bas byas na'o/ /yang rams bya ba ni gzhi dang snag tsha'i khyad par ro/ /gzhan sngon bzhin no/ /yang dbang gi las bshad pa/ gnas bdun gyis la sogs pa la gzugs brnyan byas pa la 'khor lo ji lta ba bzhin bris te/ 'khor lo de mchod nas gong gi snying khar bcug nas sngags bzlas pas so/ /zas su bcug ste sngags las byung bar bzlas te khong du sbyin pas so/ /yang dug la sogs pa ste/ sngon ltar 'khor lo bris te dri chen dang sha chen las gzugs brnyan byas pa'i snying khar gong ma bcug nas byas na de ltar 'gyur ro/ /yang gro ga la sum cu rtsa gnyis pa'i 'khor lo bris te/ sbal ba nag po'i gsus par bcug ste man ngag dang ldan pas rnam par snang mdzad dam/ rang gi them pa'i 'og tu bcug na gsungs pa ltar 'gyur ro/ /de nas bshad pa bya ba la/ dur khrod ras la sngon gyi rdzas kyis 'khor lo bris la/ 'tshams la lam dang ming spel ba dang bskul tshig dang ldan pa'i 'khor lo bris la/ dur khrod kyi sol bas gzugs byas pa'i snying khar bcug ste/ ting nge 'dzin dang ldan pas bskul tshig dang ldan pas sngags bzlas na de bzhin du 'gyur ro/ /thabs ni su la bstan mi bya bya ba la sogs pa go sla ste ma phye'o/ /rdo rje 'jigs byed kyi tshig gi rgyud las gsad pa la sogs pa bsgrub pa'i kal pa ste gnyis pa'i bshad pa'o// //da ni bshad de zhes bya ba la sogs pa la/ las sna tshogs bsgrub pa la sngags dang 'brel bas/ da ni zhes bya ba gsum pa sngags ba tu ba'i skabs la bab pas de bshad de zhes pa'i don to/ /sngon du brtags pa'i gnas su 'dug nas bya ba la/ dur khrod la sogs pa sngon du gsungs pa'i gnas su rnal 'byor pas bsnyen pa'i sngags btu bar bya ba dang sngon du brtags ba ste gnas gsum po la dgod pa'i sngags btu bar bya zhes ba'i tha tshig go/ de la sum bcu rtsa gnyis pa bstan pa'i phyir/ drug pI dang po zhes bya ba la sogs pa gsungs te/ drug pa'i dang po ni ya ste dang po'o/ /lnga pa'i lnga pa ni ma'o/ /drug pa'i gnyis pa ni ra'o/ dbyangs yig gnyis pa ni a ring po'o/ /de dang ldan pas rar 'gyur ro/ /gnyis pa'i gsum pa ni dza'o/ de la yang as brgyan pas dzA'o/ bdun ba'i gsum pa ni sa'o/ bzhi pa'i gsum pa da'o/ de bcu gsum pa os brgyan pas dor 'gyur ro/ /lnga pa'i lnga ba ni yang ma'o/ /bcu gcig pa es brgyan pas me'o/ drug pa'i dang po ya'o/ des nyi ma dang po'i sngags so/ yang ni drug pa'i dang po ya'o/ /lnga pa'i lnga pa ma ste de la bcu gcig pas mer ro/ /bzhi ba'i gsum pa da ste/ bcu gsum pas de'o/ /drug pa'i gnyis pa ra la/ dbyangs yig lnga pa u sa brgyan pas rur 'gyur ro/ /gsum pa'i lnga pa Na'o/ /rlung gi sa bon ya de'i 'og tu bzhag pa la/ bcu gsum pa os brgyan pas ya'o/ /bzhi pa'i gsum pa ni da'o/ /rlung gi sa bon la sogs pa snga ma bzhin de go sla'o/ /des na nyi ma gnyis pa gsum pa dang bzhi pa'i bzlas pa'i sngags su 'gyur te/ de dag la sngon du rnam par snang mdzad de oM bzhag pa la/ dbang chog yan lag dang ldan pa'o/ /lnga pa'i gnyis pa pha dang/ gsum pa'i dang po Tar ldan pas phaT tu 'gyur la/ de gnyis 'gyur du mjug tu btags te bzlas par bya'o/ /drug pa'i dang po ni nyi ma bzhi pa'i dang po dang tha ma ste rigs gcig pas dbus su'o/ /gsum pa'i bdun pa dang bzhi pa'i gnyis pa ni dang po'i lhor ro/ /dang po'i gnyis pa dang bzhi pa'i bdun pa ni de nyid kyi nub du'o/ /dang po'i bdun pa dang gnyis pa'i gnyis pa ni de'i byang du'o/ /gnyis pa'i bdun pa dang gsum pa'i gnyis pa ni de'i shar du'o/ /bzhi ba'i gsum pa dang gnyis pa'i lnga pa ni rim pa gnyis pa'i lhor ro/ /de nas bzung ste go rims ltar/ bzhi ba'i bzhi pa rtseg ma ni gnyis pa la'o/ bzhi ba'i lnga pa ni gsum pa la'o/ /dang po'i gsum pa dang bzhi pa'i drug pa ni bzhi pa la'o/ /dang po'i bzhi pa ni lnga pa la'o/ dang po'i lnga pa ni drug pa la'o/ /dang po'i drug pa dang gnyis pa'i gsum pa ni bdun pa la'o/ /gnyis pa'i bzhi pa ni brgyad pa la'o/ /gnyis pa'i lnga pa ni dgu pa la'o/ /gnyis ba'i drug pa dang gsum ba'i gsum pa ni bcu pa la'o/ gsum pa'i bzhi pa ni bcu gcig pa la'o/ gsum pa'i lnga pa ni bcu gnyis pa la'o/ /'di ni 'jam dpal zhes bya ba ni 'phags pa 'jam dpal gyi rtsa ba'i rgyud de/ rdo rje 'jigs byed chen po'i rgyud las zhes pa'i don to/ /ma he zhal gyi las thams cad zhes bya ba ni/ ma he zhal gyi ting nge 'dzin gyis las thams cad bsgrub pa sngon du bsnyen pa'i sngags te sku'i 'o/ /gzhan du las thams cad kyi 'khor lo'i sngags su yang gsungs so/ /bsdus pas/ oM zhes bya ba la sogs pa ste/ 'bum phrag gcig zhes bya ba ni bzlas pa'i grangs te/ 'dir 'bum phrag gsum gyis las thams cad byed pa'o/ /'dir de mi 'byung bar bya ba'i bar sngags dang 'khor lo'i che ba bstan pa'o/ /nye ba'i snying po bstan pa'i phyir bdun pa'i bzhi pa zhes bya ba la sogs pa la/ bdun pa'i bzhi pa ni ha'o/ /dbyangs yig bzhi pa ldan pa ni i'o/ /me'i sa bon ni ra ste/ ha'i 'og tu ra ldan pa'o/ /tsheg drag ni drag par gcad pa'i tsheg gnyis ste h+ri(rgyud 'grel gsum pa'i dang po Ta ste Sha'i 'og tu'o/ me'i sa bon ra te de der bcug bas Sh+Tri(rgyud 'grel ni ra te 'og tu ldan pas krir 'gyur ro/ /bzhi pa'i dang po ni ta'o/ /dbyangs yig gnyis pa ni A ste de dang ldan pas tA ring por 'gyur ro/ /bzhi pa'i lnga pa ni na'o/ de kho na zhes pa yang na ste gnyis so/ /de rnams la dang po ste/ glad du rnam par snang mdzad de oM bzhag go /ya la sogs pa'i brgyad pa ha'o/ drug pa u ste der brgyan pas hu'o/ /steng du thig les brgyan pa'o/ /lnga pa'i gnyis pa pha dang gsum pa'i dang po Ta ste des phaT do/ /'di de sngags kyi rgyal po zhes pa des pa'o/ /ma he zhal gyi bzlas pa dang 'khor lo gsum pa la bkod pas las thams cad byed pa'o/ /oM zhes bya ba la sogs pa ste/ 'bum phrag gsum sngon du bsnyen pa byas nas/ phyis las thams cad 'grub par byed pa'i sngags zhes bya ba'i don to/ /snying po bstan pa'i phyir/ drug pa'i dang po zhes bya ba la sogs pa ni go sla'o/ /'di de de zhes bya ba ma he zhal can gyi snying po bskul bar byed pas snying por gsungs te/ oM zhes bya ba la sogs pa ste/ 'di 'bum phrag gsum bzlas pas khams gsum ste 'khor lo gsum pa'am/ khams gsum gnas pa'i las thams cad ces bya ba'i tha tshig go/ shin tu mi g.yos sngags btu bya/ zhes bya ba ni sems ma 'khrul bas btul ba'o/ /des na mi g.yo bas sngags bzlas pa'o/ /des mi g.yo par las 'grub par byed pa'i sngags ba tu ba'o/ /dpal rdo rje 'jigs byed rnal 'byor gyi rgyud las sngags btu ba'i la li ta badzras kal pa gsum pa'i bshad pa'o// //de nas bshad de bya ba la/ sgrub thabs ni 'jigs byed kyi'o/ /sngags btu ba'i sngon du 'gro bas ni de nas bar med pa ste bkra shis pa 'am yang na de nas ni sgrub thabs ston pa ste/ de nas zhes bya ba ni dur khrod la sogs pa sngon du gsungs pa'i gnas su rnal 'byor pa bde ba'i stan la 'dug ste/ rang gi snying kha zla ba la rang gi sa bon bkod de/ de'i snang bas bla ma dang bcas pa gsal ba la phyag 'tshal ba nas/ btang snyoms kyi bar bsgoms nas/ de'i rjes su stong pa nyid bsgom pa'i phyir/ dngos po thams cad de phung po la sogs pa rang bzhin med par mos pa la sogs pa bsal wa? bsred ces ba ba'i don to/ /des na dang po swa b+ha wa zhes pa la/ dang por zhes bya ba ni/ oM shu n+ya ta dz+nya na badzra ste/ de nas swa b+ha ba ad ma ko haM/ zhes bya ba'i sngags pas de'i don bsgom zhes pa'o/ /de nas bar snang gi nam mkha' ste stong pa nyid bsgoms pa de nyid la/ yaM las byung ba bsam par bya zhes pa'i don to/ /de'i steng du hUM las byung ba'i sna tshogs rdo rje'i lte ba la de nyid kyis mtshan pa bsams la hUM bzhi pa'i sngags brjod pas/ de'i 'od kyis ra ba dang bla re bsgoms la/ de'i nang du nam mkha' i dbus su yaM la sogs pa bzhi las 'byung ba'i dkyil 'khor ro/ /de'i steng du ri rab tu grub pa'o/ /de'i steng du ri rab tu grub pa'o/ /de'i steng du b+h+ruM las byung ba de las sku'i rdo rje de gyur pa las gzhal yas khang bur khrod brgyad dang bcas pa bsams la/ zhes bya ba'i don to/ /de steng dbyangs yig dab pos bskyed zhes bya ba la/ de steng gzhal yas khang gi dbus su'o/ /dang po ni a las byung ba'i zla ba'o/ /de'i steng ni zla ba'i steng du d+hi:O/ /de las bskyed pa'i ral gri la de nyid kyis mtshan pa'o/ /de nas 'jam dpal gyi skur bskyed pa'i don to/ /de'i snying khar bya ba ni 'jam dpal gyi snying khar nyi ma'o/ /'od 'bar zhes pa ni nyi ma las 'od 'phros pas gsungs pa bsdus pa thams cad zhu ba las nyi ma'i dkyil 'khor ro/ /'od rgyad grags dang ldan pa'o/ /de steng hUM las 'od 'phros bya ba la/ nyi ma'i steng gi hUM las 'phros pas so/ /sngon du gsungs pa'i sangs rgyas la sogs pa bkug ste bstim pas/ de las 'jigs pa'i rdo rje ste gdengs por ro/ /de las 'od zer gyi ste 'od snga ma dang 'dra bar 'phros te/ don te byas te 'dus pa las/ rdo rjer gyur pa las bcom ldan zhal dgu zhes bya ba la sogs pa gsungs pa'i gzugs su gyur zhes pa'i don to/ /de ltar dam tshig sems dpa' bskyed nas ye shes sems dpa' bsam zhing/ rang bzhin gyi dkyil 'khor spyan dang ba la sogs pa bstan par bya ba'i phyir/ 'di lta bu ru zhes bya ba la sogs pa gsungs te/ 'di lta bu ru ste/ 'jam dpal ye shes sems dpa' zhal gcig phyag gnyis sku mdog ser por ru'o/ /rang nyid ste rang gi snying khar ro/ /rtag tu nyi ma la'o/ / mi g.yo ba ni hUM gi dmigs pa bsgoms pa'o/ /'dis ni rang gi snying khang 'jam dpal de'i snying khang nyi ma la hUM padmor par bstan no//'di gang zhes bya ba ni nyi ma'i steng gi hUM gang yin pa las 'od 'phros pa'i don to/ /de'i 'od kyis rang bzhin gyi rdo rje 'jigs byed ci 'dra zhe na/ de rang ste dam tshig gi dkyil 'khor gyi ma he zhal ci 'dra bar bar bsams pa'o/ /'di skad ston te/ hUM gi 'od dang rdo rje bsdu pa'i phyag rgya sngags dang cas pa sna spyan drangs te/ mdun du bzhugs pa la mchod yon sngon du 'gro ba'i mchod pa lnga sngags dang bcas pas phul la/ de nas phyag rgya bzhi sa dgug pa la sogs pa byas nas gnas pas de rang bsam zhes pa'i don to/ 'jigs byed kyi gnas 'dug zhes bya ba ni/ lha'i nga rgyal la gnas pas/ mig dang/ rna ba dang/ sna dang/ lce dang/ lus dang/ yid drug la sa'i snying po dang/ phyag na rdo rje dang/ nam mkha' i snying po dang/ spyan ras gzigs dang/ sgri pa kun sel dang/ kun tu bzang po rnams ming gi yi ge las go rims ltar bskyed de/ yang gnas gsum du yi ge gsum yang bkod la/ snying kha'i hUM gi 'od zer gyis mdun du sangs rgyas spyan drangs te/ de la mchod de gsol ba btab pas/ rigs lngas bdud rtsi'i bum pa thogs pas dbang bskur par bsams la/ 'og gi bdud rtsi lnga'i bza' bya ba'i don gyis/ yaM raM a las rlung dang me dang thod pa bsamS te de'i nang du bdud kyi lnga bsams te/ hUM gis ngag pa dang/ a yis rtog pa dang/ oM gyis 'bar bar byas nas lce rdo rje'i sbyor bas lus kyi dkyil 'khor tshim par byas nas/ 'khor 'khor lo la 'dus bas bstod pas mnyes par byas la zhes bya pa'i par na 'jigs byed kyi gnas 'dug nas zhes bya ba'i sgra'i don to/ /rang gi snying po'i sngags bzlas so bya ba la/ ji ltar bzla zhe na/ bzlas pa'i dus su rang gi snying la ste ye shes sems dpa' i thugs kha'i nyi ma la rang sngags zhes bya ba rtsa ba'i sngags sam nye ba'i snying po bsams te dgod pa'o/ /'bar ba ste 'od dang bcas par bzlas pa'am/ sems gnas te ma yengs pas bzlas pa'o/ /de'i tshe sngags pa 'jigs byed kyi rnal 'byor pas 'jigs med de rtog pa dang bral bas/ dur khrod la sogs pa'i gnas sngon du gsungs par ro/ /bdud rtsi lnga la spyod cing bsgrubs nas the tshom med par 'grub ces bya ba'i tha tshig go /gzhan yang zhes pa yang gi sgras sha chen la sogs te sha lnga yang ngo/ /de za zhing sngags bzlas na zin na te them na sngod las thams cad bsgrubs pas 'grub ces pa'i don to/ /dur khrod la sogs pa'i rtag gnas zhes bya ba la sogs pas bdud rtsi bza' ba'i thabs bstan te/ yar ngo'i chos gcig gi nub mo bu mo sngo bsangs ma bsten te/ skya rengs 'char tshe sbyor ba byas pa'i rang gi khu ba pad+ma la ma babs par lcags kyi snod kyis blangs te/ drod ma yal bar nyi ma'i sbu gus btung pa'am/ yang khong du 'thungs na tshe ring zhing rgas pa med pa ste rdo rje'i tshe dang 'dra bar 'gyur ro/ /yang mar ngo'i tshes gcig la bud med sngo bsangs ma me tog can btsal la/ 'dod pa'i bstan bcos kyis chags pa bskyed de zhag gsum lon pa'i nub mo skya rengs shar ba'i tshe sbyor ba byas pa'i 'bras bu gnyis 'dres pa de drod ma yal bar btung ba'am/ yang na nyi ma'i sku gus 'thungs na yon tan snga ma bzhin no/ /zas dkar gsum dang dngar gsum mchod rig par zos la zhag re la 'pho ba phyed kyi tshad kyis dri chen tor ba byas la/ zhag gsum du gnas pa'i dri chen blags te grib skams byas te/ byi la'i sbar tshad kyi phye ma ba'i 'o ma dang sbyar te 'thungs na de bzhin du 'gyur ro/ /mi dpa' bo g.yul du ma log par shi ba'i byin pa'i sha gcad des bzang po'i 'dam par dril te/ kham phor kha sbyar du bcug nas/ yang de 'dam pa bzang por byugs nas/ de'i steng du me btang ste bsros pas khu ba byung ba de blangs te 'thungs na gong bzhin no/ /sngar gyi zas za ba'i tsha spangs pas snga ma bzhin du zhag gsum pa nam gyi gung la blangs pa'i dri chu cha gsum pa'i snod du bcug ste/ zhag gsum lon pa'i rtse mo'i cha byug pa bya zhing/ bar ma btung/ tha ma dor na snga ma bzhin no/ /yang na snga ma'i bdud rtsi lnga 'bras bu gsum gyi phye dang sbyar te bza' ba 'am/ yang na dngos su ri lu re re zos na 'grub par the tshom med zhes pa'i don to/ /'jam dpal gyi rgyud las bsgom pa'i thabs kyi kal pa ste bzhi pa'i bshad pa'o// //de nas bshad de zhes pa yang/ dngos kyi rtags blta ba dang dmigs pa'i rten bstan pI? bying? bris sku bri ba'i cho ga bshad zhes pa'i don to/ /nyid gsungs pa ni nges par bzung ba'o/ /gzhi bstan pa'i phyir dpa' bo zhes bya ba la/ dpa' bo'i shun pa sto g.yul du shi ba'o/ /dril ba ni ro'i gos so/ /me tog ras ni bu mo'i gos so/ /bu btsas pa ni bud med kyi gos so/ /de las gzhan pa'i ras gang yang rung ba la/ ri mo mkhan gyi mtshan nyid bstan pa'i phyir/ sangs rgyas pa zhes pa nas 'dri mkhan gyi bar du gsungs te go bsla bsam phye'o/ /'di lta bu zhes pa gong gi mtshan nyid dang/ dbang dang ldan pa'i ri mo mkhan la/ dngs grub lhur len pa'i dpa' bo ste sgrub pa pos so/ /yon zhes pa phab pa la mi rtsag pa'o/ / de'i thabs ni 'di ltar ro bya ba la sogs pas 'dri mkhan gyi bya ba ston te/ gsang ba'i gnas ni dur khrod la sogs pa dben pa'i gnas su 'dug nas bri zhes pa'i don to/ /ci'i phyir zhe na/ sems can gzhan te skal pa med cing dbang bskur ba med pa la mi bstan pa'i phyir zhes pa'i don to/ /'dri mkhan zhes bya ba la sogs pa la dbang dang ldan pa'i 'dri mkhan dang bsgrub pa pos blta zhes pa'i don to/ /'jigs byed chen po'i gzugs zhes bya ba la sogs pa bri ba bstan te/ ga'u gcig par tshon bdud rtsi lnga dang sbyar te/ mi'i skra'i spir? gyis tshon gyi skyon shes par byas la tshad dang ldan par ji skad gsungs pa'i rdo rje 'jigs byed dur khrod brgyad kyi dbus su chud pa/ dur khrod brgyad na bsgrub pa po la sogs pa gnas pa bri zhes pa'i don to/ /de de ltar bris nas de'i bya ba bstan pa'i phyir/ 'di nas bya ba la sogs pa gsungs te/ dman pa la mi bstan pas gsang ba'o/ /gnas gcig tu gzhag ces pa ni/ dur khrod la sogs pa gang yang rung ba dben pa'i phyogs gcig tu'o/ /der zhes pa der de/ ting nge 'dzin gyis bskyed pa la rang bzhin gyis bkug pa gzhag ste/ sha chen la sogs pas rab tu mchod de/ rus chen te de'i phreng ba dang ldan pas bzlas te/ rab gnas kyi cho ga rgyas par bya zhes pa'i don to/ /de ltar rab gnas dang ldan pa de dang pa dang ldan pa'i sngags pas dngos grub bsgrub pa'i phyir gzhan la mi bstan par mchod pa la sogs pa bya ba ni gsal lo/ /'jam dpal 'jigs byed kyi rgyud las bris sku bri ba'i thabs kyi kal pa ste lnga pa'i bshad pa'o// // de nas zhes bya ba la sogs pa la/ 'di bya'o zhes bya bar 'brel te/ sngon du lha'i rnal 'byor zhes pa bsnyen pa dang ldan pas so/ /las ni sbyin bsregs gi las bshad pa de'o/ /'di mtshan phyed na ste/ gsang pa la sogs pa drag po'i las rnams so/ /gzhan ni dus gzhan du yang bya'o zhes bya ba'i don to/ /gal te zhes pa ni las rnams la bsad par 'dod na ste sbyin bsreg gis bsod par 'dod na zhes pa ni lhag ma'o/ /der ni dri chen zhes bya ba la sogs pa ni bsreg rdzas te go sla'o/ /bsres nas zhes pa ni gcig tu bsres te bsreg pa 'am/ yang na so sor bsreg pa'o/ /gang du zhe na dur khrod me ste thab mi bca' zhes pa'i don to/ /shin tu mi g.yo zhes pa ni lha'i rnal 'byor las mi g.yo pa'o/ /lho phyogs su blta ba ni gsod pa'i phyir ro/ /me'i nang du ma he'i zhal bsams la gshin rje'i sngags te rtsa ba'i sngags sam nye ba'i snying pos chod pa'i sbyin bsreg byas la/ brgya rtsa brgyad zhes pa sngags la bsgrub bya'i ming bskul tshig dang bcas pas brgya rtsa brgyad bsregs na gsod pa ste/ zhag gsum zhes pa ni las su rung na te thal ches pa'i tshog go /yang na zhes pa ni phyogs gzhan ston pa'i tshig gi phrad do/ /thab khung bca' ba'i phyogs so/ /dben pa'i gnas ni thab bya ba'i gnas so/ /me thabs sor nyi shu pa'i thab zabs su sor bcu pa byas la zhes pa'i don to/ /sngon du gsungs pa'i rdzas zhes pa ni bsreg rdzas te dri chen la sogs pa'o/ /gong gi rnal 'byor gyis bya ba ni ma he'i zhal gyi rnal 'byor gyis so/ /gtum pa'i me ni mi rdol ba'am smre sha can gyi khyim gyi me la'o/ /bsreg pa ni gong ma'i rdzas so/ /'di skad ston te/ bsnyen pa mthar phyin pas gsod par 'dod na/ dben pa'i gnas su thab khung du/ /gru gsum sor ma nyi shu la/ /zabs su de'i phyed brkos la/ /sor gsum dor te de bzhin brtsig /dur khrod sol ba stsogs kyis byug /dbus su rdo rje gdengs pos mtshan/ /rdo rje rtse gsum kha khyer la/ /bris te thab khung bshams nas ni/ /ko pi dar la sogs pa'i/ /gnag pa tsher ma can gyi shing/ /bud shing du ni bsreg pa'o/ /me tog nag po'i mchod rdzas dang/ /dri nga ba'i gdug pa dang// sbrang chen mar me de bzhin te/ /sha rna tshogs pa'i lha bshos dang/ /khrag dang dug gi dri chab bsag /bsreg rdzas dri chen dri chu dang/ /bod bu rnga mo rtog pa dang/ /tsha ba'i mar dang sgrub bya'i skra/ /sen mo rkang rjes dag dang ni/ /mi rus yaM shing dag dang ni/ /tsher ma can gyi shing las ni/ /sor mo bcu'i tshad bya'o/ /de nas lha'i rnal 'byor ni/ /dgang bzar la sogs ldan pa yis/ /skad gcig lha'i ting 'dzin rnams/ /cho ga tshang bas lhar bskyed la/ /oM dang hUM phaT gnyis ldan pas/ /gsang gtor byin brlabs rdzas rnams dgod/ /mchod rdzas g.yas la bsreg rdzas g.yon/ /dgang gzar thugs gzar mar ldan dang/ /rdo rje dril bu bdun du'o/ de nas rdzas rnams byin brlab pa/ /dang po oM ldan sngags dag gis/ /mchod pa byin brlabs phyag rgyas so/ /de nas bud shing sngags dang ni/ /bcas pa'i chu yis me bsang ste/ /rdol pa la sogs khyim gyi me/ /blangs te thab khung bcug pa la/ /dzwa la dzwa las me spar te/ /ting 'dzin mar dang ldan pas so/ /de ni rang gi yi ge laS// thabs bskyed nyi ma'i dkyil steng du/ /ra las me dkyil gru gsum pa/ /yi ge 'bru gsum mtshan mar gyur/ /de dag gyur pas drag po'i me/ /khro bo'i gzugs can du byed pa/ /'gor skyer gyen 'greng kham pa la/ /'od zer du mas lus brgyan pa/ /zhal gsum gnag dang dkar g.yon ljang/ /phyag drug rdo rje spyi blugs dang/ /skyabs sbyin g.yas kyi gsum na'o/ /dril bu dbyug pa bgrang phreng g.yon/ /brgyan ldan bsgoms nas rang bzhin gyi/ /sngags kyis lha de spyan drangs te/ /e hya hi ma hA b+hu ta de ba? ri shi sad na ma hA a hU ti as smin sa ni hi to b+ha ba ti ag ne ma ma sha truM mar ya phaT/ sngags dang ting 'dzin ldan pa yis/ /thab dang nye bar bkug pa la/ /dza la sogs pa'i las kyis bstim/ /gnyis med 'gyur ba'i lha de la/ /mchod yon sngon du 'gro ba yis/ /rang sngags ldan pa'i mchod pa dbul/ /de nas nyungs mar dgu bcas pa'i/ /dgang blugs sngags kyis zhal du dbul/ /de nas yams shing? la sogs pa/ /bsreg blugs thams cad rims bzhin dbul/ /rdzogs nas mjug du dgang blugs dbul/ /las bsgrub pa yang sngon du bya/ /de rjes de'i snying khang ru/ /dmar po'i steng du hUM las ni/ /'jigs byed chen po bsam par bya/ /de nas ye shes 'khor lo yang/ /sngags 'dis mdun du spyan drangs te/ /oM h+ri ha b+ho mahA gro d+ha a gats+tsha ya a sma ha pu tsa pra ti grih+na n+tu pra sa d+ha me di man ku ru sha truM ma ra ya phaT/ de nas bsang gtor sngon 'gro bas/ /dgug la sogs pa'i las byas la/ /gnyis med gyur la sngon bzhin du/ /mchod yon sngon du 'gro bas mchod/ /de rjes mar gyi dgang blugs dbul/ /de nas yams shing la sogs pa/ /bsreg blugs rims bzhin dbul bar bya/ /de nas dgang blugs bdun phul la/ /de nas mchod pa dbul bar bya/ /me tog nag pos las bsgrub ste/ /oM h+ri(rgyud 'grel sha truM mar ya phaT/ las bsgrub sbyin bsreg rjes su yang/ /mchod pa mchod yon btags pas so/ /de nas lha de gshegs par bya/ /sngon bzhin lhag mas me mchod la/ /rang bzhin me de gshegs par bsam/ /dam tshig me de rang la bsdu/ /mjug bsdu'i cho ga rdzogs byas pa/ /sbyin bsreg rgyas pa'i cho ga'o/ /deS na mtshan phyed na de ltar byas pas/ /nges par sngon ltar bya ba ni zhag gsum gyis nges par bya ba'i don to/ /yang na zhes pa ni gzhan ston pa'i phrad do/ /dbye bar 'dod zhes pas ni sbyin bsreg gis so/ /bya rog 'ug pa zhes bya ba ni bsreg rdzas so/ /sgrub bya'i ming bcug zhes pa ni sngags kyi mjug la che ge mo dang che ge mo bi de sha ya bcug pa'o/ /dur khrod mes bsreg ces bya ba ni thab mi bca' bar dur khrod kyi me la cho ga sngon gyi ltar/ byas pas gsungs pa ltar 'gyur ro/ /gzhan dag ni thab ni gnyis ga la gong dang 'thun par byas la gnas mi cig pa dang/ me mi cig pa yin no zer/ yang na dur khrod shing bya ba ni thab mi bca' ba'i khyad par gzhan te sngon bzhin no/ /yang 'dod pas zhes bya ba ni srin bsreg gis bskad par 'dod pas so/ /bya rog sha zhes bya ba la sogs pa ni bsreg rdzas so/ /rlung gi dkyil 'khor thog tu lha bskyed ces pa'o/ /dur khrod shing ni bud shing ngo/ /ma he zhal gyis lhor bltas te ming bcug pa ni sngags la che ge mo u tsa ta ya bcug pas so/ /sngon gyi cho gas byas na gsungs pa ltar 'gyur ro/ /yang na 'dod pas zhes bya bar 'brel te sbyin bsreg gis so/ /ldong ros zhes bya ba la sogs pa ni bsreg rdzas so/ /dkyil 'khor gru bzhi pa thab kyi khyad par te rgyas pa'i thab ji lta ba bzhin te/ mchod rdzas la sogs pa ser po'o/ /byang gi phyogs te der kha bltas la/ las kyi khyad par ni bzang po'i 'dug stangs kyis 'dug pa'o/ /de'i ming dang staM b+ha ya zhes pa btags te/ me lha ser po la thabs rgyas pas bsregs na rengs pa'o/ /yang na 'dod pas zhes bya ba la sogs pa la/ ni ma pa zhes bya ba la sogs pa ni bud shing la sogs pa'i khyad par tsam ste/ thabs rgyas par gsungs pa ltar byas na gsungs pa ltar 'gyur ro yang 'dod pas zhes bya ba sbyin bsreg gis bu mo rengs par 'dod pas so/ /tsher ma zhes bya ba la sogs pa ni khyad par te/ gzhan sngon bzhin byas zhes pa'o/ /de nas ni bar med pa'i don to/ /zhi bar 'dod pas ni 'jigs pa brgyad las skyob par 'dod pas so/ /dkyil 'khor zhes pa khyu gang gi tshad la zlum po thur du khru phyed pa sor bzhi pa'i kha khyer can/ dri dang sa dkar pos byugs te/ mar dang zhes pa la sogs pa'i bsreg rdzas dang ldan pas/ me lha sku mdog dkar po la rnal 'byor pa shar du bltas mchod rdzas yang dkar po la sogs pa dang ldan shar du bltas mchod rdzas yang dkar po la sogs pa dang ldan kyis gzhan sngon byas na gsungs pa ltar 'gyur ro/ /yang rgyas par 'dod pas zhes bya ba la/ gzhan ni bsngon bzhin te/ 'dir khyad par ni go sla'o/ /dgug pa'i sbyin bsreg ni gzhan sngon te khyad par go sla'o/ /yang 'dod pa ni sbyin bsreg gis smyo bar 'dod pa'o/ /gzhan ni sngon bzhin te khyad par ni sha bsres nas zhes bya ba bya rgod sha chen no/ /bsreg pa zhes pa che ge mo un man da zhes bsregs na'o/ /'bras phub bsregs te las kyi bskul ba dang bral bas bya bas sos so/ /nor med pa'i thabs rgyas pa sngon bzhin te khyad par gsal lo/ /bris sku'i mdun du bya zhes pa yang go sla'o/ /ba lang sha dang zhes bya ba la sogs pa'i dbang gi las lnga'i khyad par ni so sor go sla ste ma phye/ cho ga rgyas pa gong du bstan te khyad par ni thab khung dang/ me lha dang/ 'dug phyogs dang/ rdzas kyi khyad par dbang gi sbyin bsreg du gsungs pa bzhin no/ /de nas bskrad par 'dod pas zhes bya ba la sogs pa'i las rnams gong du gsungs pa ltar kun la shes par bya ste go sla'o/ /las rnams rnal 'byor zhes bya ba la sogs pas ni sngon du bsnyen pa mthar phyin pas bya'i/ gzhan du 'jig rten pas dbyas par 'gyur bas de'i phyir mi bstan pa ste/ thal ches pa'i tshig rdo rje sems dpas kyang zhes pa'o/ /'jam dpal rdo rje 'jigs byed kyi rgyud las sbyin bsreg gi cho ga'i kal pa ste drug pa'i bshad pa'o// //de nas yang dag rab bshad de zhes bya ba la/ yang dag par bshad de zhes pa ni ting nge 'dzin gyi rim pas las sna tshogs bsgrub pa'i thabs phyin ci ma log par bshad ces pa'i don to/ /de ni 'di lta ste zhes dam 'cha' ba' o/ /dang po kho na zhes pa ni ma he'i zhal du gnas pa'i bsnyen pa mthar phyin cing mtshan ma thob pas zhes pa'i don to/ /thams cad las ni gsal bar bya zhes bya ba ni/ 'khor lo dang sbyin bsreg dang/ ting nge 'dzin gyis gsal por las bsgrub pa'o/ /raM yig las bskyed zhes bya ba la sogs pa la/ so sor las bsgrub pa'am/ 'khor lo dang sbyin bsreg gi ting nge 'dzin du yang 'dod do/ /'khrul 'khor gyi cho ni bdag dang gzhan dang ldan pas gsungs pa ltar bsgrub bya gsang pa la sogs pa bya'o/ /sbyin bsreg gis dus su las bsgrub pa'i tshe bla mi man ngag gong ma gsas bar bya ste/ gsungs pa go sla'o/ /yang na so sor byed pa ni ting nge 'dzin nus pa thob na gcig pu bya bar 'dod do/ /de nas bshad de bya ba la/ sbrul gyis bya ba ni sbrul la sogs pa ste/ dug gis bsod pa las gsol pa'i thabs med kyi ting nge 'dzin bshad ces pa'i don to/ /rang snying zhes pa rang gshin rje de dkar pos bsams pa'i snying khar 'dab brgyad bsam zhes pa paM las byung ba'i chu skyes dkar bo/ 'dab ma brgyad pa bsam pa'o/ /dbyangs yig gsum pa ni i ste dkar po bsam zhes pa dang 'brel te/ de las te i brgyad las nor rgyas la sogs pa brgyad dkar po ste/ rang gi lag mthil du yang paM las chu skyes dkar po i dang ldan pa bsam mo/ /bsgrub bya'i zhes pa dug gis zin pa ste/ mdun du dug dang ldan pas bsams la/ rang gi lag pas byabs pas i'i 'od kyis dug byung bar bsams la/ spyi bo'i i'i 'od las bdud rtsis bkrus par bsam zhing mig las bdud rtsi 'bab zhes pa/ snying kha'i klu'i mig las bdud rtsi dkar pos so/ /bsgrub bya de dug can gyi lus la'o/ /zhugs pa na thim pa'o/ /des dug thams cad sel te de'i che ba ni 'di lta bus za bar nas zhes pas bstan to/ /de nas yang bshad de bya ba la/ de nas zhes pa ni nus pa thob nas so/ /byang chub sems zhes pa ni rgyu'i sems te sog le ltar gcod pas so/ /de dbab pa ni ting nge 'dzin gyi stobs kyis dbab pa'i thabs bshad de zhes pa'i don to/ /bsgrub bya zhes bya ba ni dgug par bya ba'o/ /mdun du ni bgrod pa'i mdun du ste bsal bani man ngag gis so/ /de'i rkang mthil ni kun yang ste 'og zhes pa de'i 'og tu'o/ /der yaM yig bskyed pa nas baM gis mtshan pa'i bar bsam la/ stobs kyis 'dzag pa bsaMs la /rnal 'byor ting nge 'dzin gyis bya ba gong ma'i stobs kyis 'dzag pa des bud med de bsten par bya ba thob par 'gyur ro/ /'o ma can gyi shing ni nges pa la nges pa'o zhes pa'i don to/ /yang na bsgrub par bya zhes bya ba la sogs pa ni yon tan dang ldan pa'i bsgrub bya bsten pa'i bya thabs te go sla'o/ /yang na rgyal po dang zhes bya ba la sogs pa ni/ dbang gi 'khor lo dang/ sbyin bsreg dang/ ting nge 'dzin rgyas pa'i don sngon du bshad pa bzhin te/ 'dir tshig rgyas par ma phye ste gzhung mangs pa'i dgos pa'o/ /rgyud 'dis su la'ang sbyin mi bya zhes bya ba la sogs pas ni/ rgyud nan tan gtad pa'i sgo nas che ba bstan nas/ gal te zhes bya ba la sogs pas thams cad la ma yin te/ yon tan dang ldan pa la sbyin par bstan pa dang/ de lta min zhes bya ba la sogs pas yon tan med pa la bstan na skyon chen po dang ldan par bstan pa'i don to/ /go sla bas rgyas par ma bshad do/ /dpal rdo rje 'jigs byed kyi rgyud las ting nge 'dzin gyis las thams cad bsgrub pa'i thabs la li ta badzraS ka la pa ste bdun pa'i bshad pa'o// //rgyud chen 'khor lo 'bum pa las/ /ur rgyan gnas mchog dam pa nas/ /dam pa'i stobs kyis rgyud rgyal bsnyes/ /rgyud rgyal mtsho chen lta bul/ /zab mo rgal bar mi nus kyang/ /blun pa'i blo yis phyogs rgal bshad/ /'gal ba'i don rnams mkha' 'gro dang/ /dam pa rnams la bzod par gsol/ /man ngag ldan pa'i rgyud kyis brgyan/ /bdag gis sman la phan bshad byas/ /de'i bsod nams gang thob pa/ /'gro pa kun gyis thob gyur cig/ //rgya gar gyi mkhan po las kyi rdo rje dang/ dge slong ku mar shi las bsgyur pa'o// //shu b+haM// //sgrub thabs pad ma rgyas ba bzhugs/ /*/ /rgya gar skad du/ sh+ri badzra b+hai ra